CLOSE WINDOW

Gpb025.006
བོད་ཡིག

/ phyis ska ba dpal rtsegs la sogs pas yongs su gtan la phab pa'o//// rgya gar skad du/ ma hA amr-i ta tsakra dz+wa la tan+t+ra nA ma/ bod skad du/ bdud rtsi chen po 'khor lo 'bar ba'i rgyud ces bya ba/bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po chen po/ dus gsum gyi sangs rgyas thams cad kyi mnga' bdag chen po de ni/chos kyi dbyings rnam par dag pa'i klong chen po 'og min gyi gnas ma bkod par snang ba zhes bya bar/ 'di ltar sa bcu pa'i dus gsum gyi rnal 'byor gyi dbang phyug chen po rnams dang/lus kyi khams dgu 'dus pa'i dngas ma bdud rtsi chen po ye nas sangs rgyas pa'i don la so so ma yin tha mi dad cing dbyer med par bzhugs so// de nas rdo rje snying po rang gi gdan las bzhengs nas/seng ge'i 'gro stangs kyis bcom ldan 'das dpal kunatu bzang po'i spyan sngar mchis nas/ glang po che'i lta stangs kyis sangs rgyas thams cad kyi spyi mes chen po'i zhal du bltas te// chos thams cad nam mkha'i rang bzhin can las dran pa sna tshogs nam mkha'i sprin bzhin du snang bar yang mkhyen nas chos nyid skye ba med cing 'gag pa med par shar ba'i phyir/ bdud rtsi chen po rnam par rtog pa'i blo las rab tu 'das pa'i don 'di zhu bar mdzad pa'i phyir/'di skad ces gsol ba 'debs so// kye ma ho chos sku nam mkha'i rang bzhin la// 'khor ba sprin gyis rab bsgribs pas// rlung sems dran pa'i rnam rtog langs// bla ma'i thugs kyi dpal be'u nas// man ngag sgron me dran med shar// chos nyid skye ba med pa'i don// bdud rtsi chen po chos kyi sku// rnam rtog blo las rab 'das pa// skal ngan sems can 'dul ba'i phyir// 'og min rnal 'byor dbang phyug dang// rnam dag sa thob drang srong dang// rjes su 'jug 'gyur ma 'ongs pa'i// don du bdud rtsi sgrub pa yi// dam chos 'khor lo bskor du gsol// zhes gsol ba rab tu btab bo// de nas bcom ldan 'das dpal kun tu bzang po chen po chos kyi sku dri ma med pa'i dgongs pa las skabs phye nas/ sku yid bzhin du 'byung ba'i nor bu rin po che 'bar ba lta bus// 'khor gyi tshogs thams cad la rab tu gzigs nas/ 'di skad ces gsungs so// khams gsum 'khor bar sdug bsngal dug chen la// mya ngan 'das pa bdud rtsi'i sman sbyar bas// don dam kun bzang dbyer med lhun grub chos// rigs drug sems can kun la rang gnas pa// lus khams bdud rtsi chen po mchog gi chos// gsang ba bas kyang tshes gsang rab tu gsang// yang gsang rmad byung chos kyi sgrub pa 'di// dran pa rnam rtog sems nyid tshogs brgyad la// dran med lus khams bdud rtsi sman sbyar nas// yi dam lha sku'i bdud rtsi skye ba med// zhen snang 'khor ba'i blo las rab 'das nas// mchog dang thun mong sgrub pa kun gyi gzhi// rmad byung bdud rtsi chos kyi 'khor lo 'di// khyed rnams tshogs la rab tu bskor bya yi// dad pa'i theg pas rdo rje bla ma zung// brtson 'grus la gor skyen pos sman rnams btsal// shes rab mig rnon man ngag mthong bar bya// las dang skal bar ldan pa'i rnal 'byor pas// dpa' bo dpa' mo mched dang lcam dral la// phyi rabs don du bshad kyis legs par nyon// ces gsungs so// bdud rtsi chen po 'khor lo 'bar ba'i rgyud las/gling gzhi dang gleng bslang pa'i le'u ste dang po'o//// de nas bcom ldan 'das kyis bsgrub pa'i gzhi phun sum tshogs pa 'di gsungs so// phyi dang nang dang gsang ba dang// gsang chen rab gsang de kho na// sgrub pa kun gyi gzhi yin pas// ston 'khor gnas dus sgrub pa'i rdzas// ston pa chos kyi mdzod 'dzin pa// rgyud lung man ngag rab shes bya// rgyu 'bras theg pa kun la mkhas// mngon du byung dang rna bar brgyud// thugs la brnag pa kho 'dug pa// zab dang rgya che'i dgongs pa rnams// ma lus lus pa med pa'i chos// theg pa rab rgyas yongs shes bya// thun mong khyad par 'khor ldan pa'i// nyan thos rang rgyal byang chub sems// 'dod yon lnga spang ma yin dang// kri ya u pa yo ga dang// bdud rtsi dka' thub spang ba yin// rgyal thebs ging dang las mkhan dang// pad+ma tsan+dan lta bu yi// bung ba dug sbrul ltar gnas pa// rab tu dad pas bsgrub pa nyid// ma ltar byams shing sring ltar gdung// jo mos skyong la bran ltar las// gzungs ma rab tu ldan pa yang// 'khor gyi dam par rab gsungs pas// rdo rje 'chang gi gral du 'khod// dang por bsgrub pa'i gnas btsal ba// bdud rtsi dam pa bsgrub pa'i gnas// gtsang zhing gzhol ba drang srong gnas// dur khrod ma mo mkha' 'gro'i gnas// rtsi sman nags tshal sman gyis gsungs// khro bo srin po rab gnas yul// chu bo'i ngogs sam brag phug gam// rab tu dben par gnas pa yang// brtag dang bslang dang gzung ba dang// rin bcal ba dang bskrad pa dang// sbyang dang bskor zhing byin gyis brlab// dgon par brtsigs sam dkyil 'khor bya// ston nam dpyid sos sman btsal bya// yang na dus ni bzhi po la// rtsa ba lo ma me tog gsum// 'bras bu bzhi yang btsal bar bya// bsgrub pa bya ba'i dus shis pa// tshes brgyad dag la 'du bar bya// nang du dkyil 'khor bri ba yang// gang yin snga dro'i dus na shis// bsgrub pa gdon par bya ba yang// bco lnga dag la rab tu tshar// dngos grub blang bar bya ba yang// tho rangs sam ni nyi ma byed// dus 'di rab tu shes 'gyur nas// de las 'gal bar mi bya'o// 'tsho ba zas kyi yo byad kyang// nyis ldab sum ldab dag tu bya// cha gsum dag tu rab gnas pa// dang po dkon mchog 'phags pa mchod// bar du tshogs kyi 'khor lo bya// tha ma gtang rag sbyin par dgye// bar chad rkyen yang rab bzlog phyir// go mtshon mda' gzhur rab bsags te// yungs kar dang ni gu gul gyis// bgegs rnams 'bros par byed pa dang// nad khams gang la yod 'gyur ba// sman dang dpyad kyang rab ldan pa// mchod rdzas mchod pa rnam lnga dang// rdzas brgyad rin chen sna bdun nyid// gtor ma rak+ta bdud rtsi dang// rol mo rnga gling dung dang bcas// me long mda' dang tshon skud dang// rgyal mtshan bla bre gdugs dang bcas// a 'bras rgun 'bru pa na se// na li ke ra a ga ru// ga pur cu gang a ru ra// dza ti tsan+dan dmar po dang// gur gum la stsogs tshang bar byed// yid kyi rnam par shes pa ni// chos dang sems su 'dres 'gyur shes// kun bzang yab yum rang bzhin pas// ston pa'i dam par rab rtogs bya// nyon mongs lnga ni rigs lnga nyid// che bas rab tu khengs pas na// nga rgyal chen po bdun dang ldan// rten 'brel bcu gnyis snang ba yang// thabs mkhas rgyal sras sems dpar bshad// 'byung ba lnga nyid gzungs ma yum// rang lus dag pa'i zhing khams na// kun gzhi'i gnas chen chos kyi dbyings// lta bas chos rnam rtogs pa'i dus// ting 'dzin bsgom bsgrub rdzas la spyod// rig 'dzin sangs rgyas 'grub pa'i dus// dus chen 'di dang rab ldan bya// shes rab dang ni ting 'dzin nam// rnal 'byor pa yi sgrub rdzas yin// thabs kyi rdo rje chen po ni// gsang ba'i ston par rab tu shar// shes rab pad+ma yum gyi 'khor// yab yum brda sprod thun mong 'khor// rdo rje pad+ma bzhugs pa'i gnas// gsang ba chen por rab gnas pa// sgron mar rab tu 'byongs pa'i dus// mtshan ldan gzungs ma rnyed dus nyid// kun rdzob byang sems dkar dmar rdzas// don dam bde ba bzhi dang ldan// gsang chen bstan pas lta ba rtogs// rang gnas ting nge 'dzin gyis 'joms// sgrol ging dag gis sgrol bar nus// spor ging dag gis spor bar nus// gsang ba'i dkyil 'khor chen po ru// drag po gru gsum 'bar ba'o// nang du gnas sbyang 'byongs pa dang// zhing bcu gnas su khugs pa'i dus// mi dang glang po rta dang ni// bya khyi 'byong pa'i rdzas lnga ldan// rab gsang ston pa zhes bya ba// blta bas rab tu rtogs par byas// ting nge 'dzin gyi 'khor dang ldan// bying rgod gnyis las rab tu grol// spyod pa'i gnas la 'dug byas nas// mnyam gzhag rjes spyod 'brel bar shog/ mchog dang thun mong 'bras bu ni// thob pa dus zhes bya ba yin// bla ma'i gdams ngag rdzas la spyod// rdzas 'di gzhan las khyad par 'phags// de kho na nyid rab bshad bya// kun bzang bla ma tha dad med// yum dang kun tu bzang mo mnyam// rigs lnga bla ma'i 'khor du gcig/ chos kyi dbyings dang 'og min gnas// bsgrub pa'i yul khams dbye ba med// 'di ltar gang shes dus kyi mchog/ dus rnams nang nas khyad par che// 'khor ba 'das par grub pa'i rdzas// kun bzang 'khor bar snang ba kun// don dam mya ngan 'das par sgrub// ces gsungs so// bdud rtsi chen po 'khor lo 'bar ba'i rgyud las bsgrub pa'i gzhi phun sum tshogs pa bstan pa'i le'u ste gnyis pa'o//// de nas bcom ldan 'das kyis sngon du bya ba'i rim pa 'di dag gsungs so// phyi nang bshags bskang mtshams bcad nas// dkyil 'khor byas la byin gyis brlab// chos kyi sbyin pa gtang ba'i phyir// shar du shes rab pha rol phyin// lho ru rgyas pa bkra shis byed// 'phags pa snang brgyad gdon par bya// bdud kyi bar chad zhi ba'i phyir// nub tu tog kyang bklag par bya// 'gyod tshangs bar gcod spa bkong zhing// byang gi phyogs su gdon par bya// shes rab pha rol phyin ma'i sku// zhal gcig gser mdog seng ge'i khri// dang po chos 'chad mnyam par gzhag/ tha ma rdo rje gleg bam 'dzin// phyogs bcu'i sangs rgyas sras dang bcas// nang du yang dag mchod par bya// rnam par snang mdzad snang mtha' yas// rdo rje sems dpa' gtso bo gsum// sangs rgyas spyan dad mA ma kI// gos dkar mo ni yum du gnas// 'jam dbyangs spyan gzigs rdo rje can// bdag po gsum ni sras su 'khrungs// gshin rje gshed dang rta mgrin dpal// bdud rtsi 'khyil pa khro bo yis// rnon po rtse mo kI la ya// pho nya gsum dang rab ldan pas// dkon mchog gsum dang dpal mgon rnams// bgegs rigs 'gro drug la sogs pa// gtor ma mchod pas bskang bar bya'o// gnas dang nye ba'i gnas dang ni// zhing dang nye ba'i zhing gnas pa// tshan+do nye ba'i tshan+do dang// dur khrod nye ba'i dur khrod sogs// ma mo mkha' 'gro lha srin rnams// rab tu bskang bar byas nas ni// tsha tsha gdab dang 'gyod tshangs dang// srog chags tshe yang bskyab par bya// sku bzhi dpal brgyad tshang ba yi// shar phyogs su ni yul 'khor srung// lhor ni rgyal po 'phags skyes po// nub phyogs su ni spyan mi bzang// byang ni rnas thos bu bkod nas// phyi mtshams tho yis gcad par bya// mi g.yo mgon pos dam sri gnan// phyi yi bar chad gshin rjes bsrung// nang gi dngos grub 'phrog pa rnams// bdud rtsi 'khyil pas bsrung byas na// bar gyi mtshams yang gcad par bya// mi dge bcu po bsrung ba'i phyir// phyogs skyong bcu la phur pa gdab// dug lnga'i mtshon chas kun 'joms phyir// mtshon cha 'bar ba'i dra ba dang// ra ba gur gyis bsrung ba bya// lus ngag yid la bdag 'dzin pa'i// rU tra rnam pa gsum po yang// blta spyod gnyis kyi mnan byas nas// sgo srung dur khrod bdag pos bya// de nas byin gyis rlobs pa yang// dbang bskur chen po'i ting 'dzin gyis// gnas khang byin gyis rlabs pa yang// snod kyi 'jig rten khang pa na// bcud kyi sems can sna tshogs bzhugs// srid gsum bdud rtsi rnam lngar bsal// phyag rgya chen po'i ting 'dzin gyis// rnal 'byor byin gyis rlabs par bya// lus ngag yid gsum sku gsung thugs// spyod lam rnam bzhi lha skur gsal// 'byung ba bcud len ting 'dzin gyis// chad rlabs dza gad byin gyis brlab par bya// bsreg sbyang stong pa gzhal yas khang// mi bskyod dbyings phyug 'od du zhu// mA ma kI yis bcud bsdus nas// cha gzhi dag tu 'go bar bya// yid bzhin nor bu'i ting 'dzin gyis// rdzas dang yo byad byin gyis brlab// yid bzhin nor bu rin po che// dpag bsam 'das pa'i shing chen dang// bum pa bzang po 'dod 'jo'i ba// ji ltar dmigs par 'byung bar snang// sa yi lha mo brtan ma nyid// ser mo phyogs gnyis bum pa bsnams// phag gi khri la yang dag gnas// klu gnyan sa bdag 'khor dang bcas// de la sa ni rab bslang nas// bsgrub pa'i dkyil 'khor chag chag gdab// ye shes dam tshig thig gdab la// ka ba brgyad dang 'khor lo brgyad// pad+ma brgyad dang rin chen brgyad// sgo bzhi rta babs brgyad ldan pa// rdul tshon byin gyis brlabs nas bri// de la lha yi sku yang dgod// ces gsungs so// bdud rtsi chen po 'khor lo 'bar ba'i rgyud las// bsgrub pa'i sngon du 'gro ba'i las rim bstan pa'i le'u ste gsum pa'o//// de nas bcom ldan 'das kyis bsgrub par bya ba lha'i sku phyag rgya chen po 'di gsungs so// phyag rgya chen po lha yi sku// las kyi phyag rgya yum dang 'khril// dam tshig phyag rgya sbyor bar bya// chos kyi phyag rgya lha rnams bskyed// rang sems yi ge gsung du gsol// pha ma'i cha shas thugs mtshan nyid// 'byung chen lnga las sku rdzogs pas// cho ga rnam pa gsum las bskyed// rnam shes phung po rdo rje sems// g.yas mthing g.yon dmar dbus ma dkar// rdo rje 'khor lo rin po che// pad+ma ral gri dril bu bcas// gzugs ni snang mdzad gser gyi mdog/ mthing ga dmar po'i dbu gsum pa// 'khor lo rdo rje rin chen dang// dril bu pad+ma ral gri 'dzin// tshor ba dkon mchog dpal ni mthing// dkar dang dmar ba phyag drug pa// rin chen rdo rje 'khor lo dang// dril bu pad+ma ral gri 'dzin// 'du shes 'od dpag med pa'i sku// dkar dang sngo dang bye ru'i mdog/ pad+ma rdo rje 'khor lo dang// dril bu rin chen ral gri bsnams// 'du byed don yon grub pa'i sku// dkar dmar ljang gu zhal gsum pa// ral gri rdo rje 'khor lo dang// dril bu rin chen pad+ma g.yon// dbyings phyug ma dang sangs rgyas spyan// mA ma kI dang gos dkar sgrol// rigs lnga bdud rtsi lngar gnas shing// yum lngas sha lnga sbyong mdzad pa// khams dgu 'dus pa'i dngas ma nyid// phung po lnga dang 'byung ba lnga// sangs rgyas rigs ma yum dang 'khril// sa yi snying po sgeg mo dkar// rin chen smyu gu me long 'dzin// nam mkha'i snying po mA le mthing// ral gri rin chen 'phreng ba 'dren// spyan ras gzigs dang klu ma dmar// pad+ma dkar po pi wang 'dren// phyag na rdo rje gar mkhan ljang// rdo rje rtse lnga gar mdzad bsgyur// rnam shes bzhi dang yum bzhi yis// blo dang dngos po bsreg nas ni// byang chub sems dpa'i lha mo gnas// nang du yang dag spro ba'o// byams pa spos ma dkar mo la// klu shing 'dug spos ga pur bsnams// sgrib pa sel dang me tog mthing// chos kyi 'khor lo me tog phreng// kun bzang mar me dmar mo gsal// rin chen snye ma snang gsal 'bar// 'jam dpal dri chab ma ni ljang// ut+pal dung phor dri chab mthing// dbang po bzhi dang de yul bzhi// phyi yi snang ba dag dang 'brel// byang chub sems dpa'i rigs ma rnams// yul sems gnyis su med par byed// kun bzang yab yum mnyam bzhag mthing// lha dbang brtson 'grus pi wang bsnams// lha min bsam gtan go cha dang// mi dbang tshul khrims gseg par nyid// byol song shes rab po ti 'dzin// yi dwags sbyin pa rin chen sgrom// dmyal ba bzod pa me dang chu// gshin rje mi g.yo lcags kyu dkar// rnam rgyal rdo rje zhags pa ser// rta mgrin sbrul zhags lcags sgrog dmar// bdud rtsi rgya gram dril bu ljang// bla ma rdo rje 'dzin pa la// rgyu yi dus nas dbang thob pas// bum pa mi bskyod chu yi dbang// cod pan bdud rgyal rin 'byung la// rdo rje bdud 'joms snang mtha' yas// dril bu chos sgra don yon grub// ming ni rnam par snang mdzad do// lam dus rigs lngar dbang bskur bya// zab mo'i dbang gsum thob pa'i phyir// sku gsung thugs su byin gyis brlab// rdo rje dbyings kyi dkyil 'khor du// bdud rtsi khrol bu bsgrub par bya// thun mong dam pa rigs brgya yis// rang gi rtog tshogs lha ru sbyang// rtsa yi dbyibs ni lha skur gsal// sngags kyi yi ge gsung du sgrogs// khams kyi bdud rtsi zas su za// snying po rlung ni thugs la spro// bsgrub pa'i dam pa rigs brgya yis// sman gyi rtog pa bzlog byas nas// thams cad lha yi sku ru gsal// sprul pa'i sku ru sangs rgyas so// gsung gi bsgrub pa byas pa yang// de nyid rigs lngar yan lag gnas// lhar 'dzin tha dad so so dang// sman gyi dngos po rang rgyud par// 'dzin pa'i rtog pa bzlog byas nas// rigs lnga ye shais lnga ru sgrub// longs spyod rdzogs skur sangs rgyas pa'o// dran pa sna tshogs snang ba yang// snod bcud dam pa rigs brgyar sbyang// de nyid dran med rigs lngar 'dus// snod bcud rigs su dbye ba med// de phyir gsang chen rigs gcig bsgom// rigs lnga ye shes tha dad du/ 'dzin pa'i rtogs pa bzlog byas nas// gnyis med chos skur sangs rgyas pas// dran med ngang du rigs gcig gnas// gnyis med chos kyi dbyings su thim// btag tsag mi rtog bdud rtsi che// gzung 'dzin skye ba med par bsgral// phye ma gong bu gcig pa yis// thams cad 'khor 'das dbyer med cing// bdud rtsi chen por ro gcig pas// blo snang snang ba las 'das so// a mra skyong ba'i bu mo ste// shing gi lha mo 'od ljang ma// dug 'joms sman gyi bsgrub pa bya// rgya spos ni lo pa la dang// ldod ros ba glang mkhris pa dang// tsan+dan dkar po spang spos dang// sha mo sa dang sha sing ra// ka ra ka ta ba la ka/ ru rta rnams ni cha mnyam ste// zhib btags dar tshags dag la btsag/ dkyil 'khor zlum po maN+Dal ste// ga'u kha sbyar nang du blug/gzungs thag btags nas dar khang dbub// shing gi lha mo 'od 'chang ma'i// sngags 'dis rab tu gdab par bya'o// oM AHhUM sarba pany+tsa a mr-i ta badzra lA s+ye hUM/ kalpa br-ik+Sha de bI pra b+hA/ na mo b+ha ga ba te tu da tra yA/ha ra bi ShA na ha ra/ bi Sha ni mu swA hA/ shing gi lha mo 'od 'chang ma// rdo rje lA s+ye'i sprul pa ste// sku mdog dkar la 'od zer 'bar// phyag na shing gi bum pa bsnams// shing tog kun gyi srung ma ste// shing gi lha mor phyag 'tshal lo// sman 'di chu yis phul byas nas// khong du btung bar bya ba dang// yang na snar yang blug par bya// lus la bskus par byas pa na// sbyar ba'i dug ni sna tshogs pa// gang yang rung bar 'gyur ba ste// dug go cog rnams med par byed// sems can mche ba dug can rnams// so yi gdug pas zin pa yang// de dag med par byed pa dang// phol mig dang ni 'bras nad dang// me dbal la stsogs sel byed cing// gzhan gyi ngan du byas pa yi// dug gis mi tshugs zhi bar byed// nyes sdig byang bar byed pa ste// bram ze'i sngags gyis gnon byas pa// de dag las kyang thar par 'gyur// mgon po gnod gnas bu mo ste// sman gyi lha mo nor gyi rgyun// yo byad nor gyi bsgrub pa ni// dben pa'i gnas su rab gnas nas// srog chags med pa'i sa gtsang ma// bzang zhing snum pa rab btsal nas// maN+Dal zlum po legs byas nas// gur gum gi wang dzA ti dang// spos dang sbyar nas byug pa ni// ba yi sna lnga dag gis bya// tsan+dan dkar po'i chu sbyar la// sngags ring brgya rtsa brgyad bzlas nas// lag pa g.yon pas maN+Dal dbul// srin lag g.yon pas chos 'byung bri// de steng lha mo bsam pa ni// sman gyi lha mo nor rgyun ma// zhal gcig phyag ni gnyis pa la// sku mdog btso ma gser gyi mdog/ dzam bu nA da'i gser 'od 'dra// g.yas pa'i phyag na bsnams pa ni// shing thog bI dza pU ra bsnams// g.yon na 'bru yi snye ma bsnams// rin po che yi rgyan gyis brgyan// bzhengs nas bzhugs pa'i zhabs gnyis 'og/ rin po che yi bum pa ni// cung zhig yo bar rnam par mnan// gsang ba'i sngags 'dis sku yang bskyed// oM sdud du sdud du/ ma ma ku ne ku ne na swA hA/ sman gyi lha mo nor gyi dbyibs// rdo rje mA le'i sprul pa ste// sku mdog sngo sangs 'od zer 'bar// phyag na gter gyi bum pa bsnams// sman dang gter gyi srung ma ste// sman gyi lha mor phyag 'tshal lo// rtsa ba'i gsang sngags 'di la ni// bsnyen pa 'bum tsho sum 'bum bzlas// oM shri ba su ni d+ha na k+She tre swA hA// maN+Dal 'bul zhing bsgrub pa yis// sngags ring phreng ba dpal dang ldan// 'dod pa thams cad rab sgrub pa// gsang sngags rgyal po 'di dag bzlas// oM na mo rat+na tra yA ya/tad+ya thA/ g+ha ta ma dzi ba sa ra k+Sha ni/ pha la ha ti b+ha sun d+he/ dz+hi wang ka ri shAn+ti ka ri/ b+ha ya nA sa ni sarba duSh+tAn/ b+han dza b+han dza/ dzaM b+ha dzaM b+ha/ a mr-i ta ut+b+ha be/ ku ru ku ru/ ma ma kar+ya swA hA// mi snying rab tu sprul pa'i sngags so// rab tu gsang ba'i dam pa 'di// oM badzra mA le baiDUr+ya de bI ba su d+ha ra/ 'gul 'gul/ ma ma hring hring/ ma kha shi mi snying 'gul/ mi 'gram chog/ hring hring sdus sdus/ ma ma ni baM swA hA/pho mo dbang du bya ba ni/ gsang sngags rig pa dam pa'o// A kar+Sha ya hUM hrIH/ srid pa'i mo chags thams cad kun// dbang du byed pa'i gsang sngags so// A kar+Sha ya hUM dza dza/ srid pa pho ru gyur pa kun// dbang du bya ba'i gsang sngags so// lha mo nyid kyi rig pa ni// bcom ldan 'das la rab phul lo// rtsi yi lha mo blo gros ma// rigs rgyud srid kyi bsgrub pa ni// sngags pa blo ldan dben dga' bas// gnas su btsal bar bya ba yang// rtsi sman 'khrungs pa'i yul khams te// nub tu kha bltas rtsi rnams skyes// der ni bsgrub pa'i maN+Dal yang// rab tu zlum por bya ba'o// yang na rigs rgyud gang spel ba'i// gnas su bsgrub pa rab tu bya// ba bla ba yi chu nang du// zhag gsum bar du spangs byas la// sngags de zhal gsum bar du gdag/ de nas ba chu 'thungs pa nas// mngal chags pa yi gdams pa yin// yang ni lan tshwa rnams lnga dang// ka ra dkar dang sbrang rtsi dang// mar dang ldan pas bud med la// zla mtshan byung nas sngags khrus byas// gang la blud par byas pa de// mo gsham yin yang bu skye 'gyur// yang ni rab tu bshad par bya// pa to la yi rtsa ba dang// ka ra gnyis la re re la// zho ni gnyis gnyis zho bzhi po// chu grang sbyar la sngags btab blud// mo gsham bu yang skye bar 'gyur// yang ni yungs kar ldong ros dang// pi pi ling ni rtsa ba dang// shing mngar dang ni pi pi ling// g+hi hang rnams ni lhan cig btags// byin na srid kyang 'phel bar 'gyur// yang ni nA' ga ge sar dang// kha lung dang ni ba la dang// sbrang rtsi rnams ni cha mnyam par// kun la zho ni gnyis gnyis te// phye ma dag tu legs btags nas// 'o ma dang ni lhan cig tu// zla mtshan byung nas zhag gsum du// gsang sngags btab nas de 'thungs te// de dag zhu ba'i tshod tsam nas// 'o ma dang bcas zan phyin na// nges par mo gsham bu yang skye// yang ni a sho kan+d+ha yis// rtsa ba ma rul ma sums pa// 'o ma srang ni nyi shu brgyad// bskol te mar dang lhan cig blud// bud med mngal yang 'dzin par 'gyur// yang ni ka tsa ma ti dang// pu shel tse dang pil ba dang// yungs kar dang ni ru rta dang// gla sgang dang ni bu ram rnams// lhan cig bsres nas sbyar ba yang// zhun mar dang ni lhan cig tu// zla mtshan rgyu ba'i dus su ni// zhag bdun sngags bzlas btung ba dang// zla ba dag kyang re re la// zhag grangs gsum gsum btung bar bya// de nas zhag gsum bsdad pa dang// de nas yang ni zhag bdun 'thungs// gang 'thung bud med de yi ni// mngal gyis bu ni myur du len// 'di la the tshom med pa'o// yang ni gla gor zho sha dang// nA ga ge sar sa bon gnyis// phye ma sbrang rtsis sbrus byas la// 'o ma dang ni sbyar la blud// zas su 'bras kyi zan dang ni// 'o ma lhan cig zos pa na// bud med mo gsham yin gyur kyang// de la bu ni skye bar 'gyur// de dag la ni gdab pa'i sngags// srid spel mas ni 'di gsungs nas// bcom ldan 'das las 'gro don du// rang gi rig pa phul ba'o// oM badzra girtI na mo a d+h+yid shu ka ra/ ta ri d+ha ba ki bi ti swA hA// na sa sha tsha 'di zhes bya ba las skye bar gyur cig swA hA/sngags 'di lan 'bum bzlas pa na// des ni rab tu 'grub par 'gyur// dmu bya phug ron snying dang mig/ go ro tsa na lce dang khrag/ dngul rdo rnams su sbyang byas la// sngags 'di zhag grangs nyi shu gcig/btab na bud med dbang du 'gyur/ oM na ya na ma no ha ri/ ni ni mo de pa swA hA/ lang tang tse dang bye rug pa// a pa marga til dang ni// yungs kar btags nas til mar sbyar// bud med b+ha gar rab bskus nas// rab tu dam 'gyur sngags 'di gdab// oM na mo sha tsa ya/ tsi ri bi si bi si ni ni/ che ge mo zhes bya ba bdag gi dbang du gyur cig swA hA// mon sran gre'u dang gzi ma dang// 'bu srin gsum po cha mnyam ste// bskol ba gang gis 'thung ba yis// mi de'i rdo rje rtag tu 'greng// gti ni gnyid par mi 'gyur ro// b+hi ha ti yi 'bras bu dang// bal po se'u gi shun pa dang// go phye rnams ni nyungs mar bskol// rdo rje bskus shing mnyes pa na// ji ltar 'dod pa bzhin du ni// sbom zhing che bar 'gyur ba'o// ba dang ra yi 'o ma dang// rdo rje'i 'o ma rnams sbyar ba// rkang pa gnyis la bskus pa na// 'dod pa bsten par byas kyang ni// sa bon 'byung bar mi 'gyur ro// byi ba'i gzhang dang til mar dang// bye'u sa rta ka yi ni// sha khu de rnams sbyar byas pa// mo mtshan bskus par gyur pa ni// b+ha ga kha che chung bar 'gyur// de dag rig sngags bshad pa ni// lha mo dag gis rig pa phul// oM gi ri hi ri tsi ri// A A shu ma sha ni swA hA/ sngags 'di lan bdun bzlas byas nas// b+ha ga la ni bsku bar bya'o// rtsi yi lha mo blo gros ma// lha mo gIr ti'i sprul pa ste// sku mdog dmar gsal 'od zer 'bar// phyag na bdud rtsi'i bum pa bsnams// rtsi dang sman gyi srung ma ste// rtsi yi lha mor phyag 'tshal lo// nags kyi lha mo rma bya'i mdongs// gnod pa srung ba'i bsgrub pa ni// sngags pa gzhan la phan 'dod dam// yang na rang nyid bsrung bar bya// mi yi rus pa skra dang ni// lha la phul pa'i me tog dang// shin kun dang ni tsan+dan dang// 'bu sug haM dang shu dag dang// skyu ru ra dang tsa rod dang// a ru ra dang mu ra dang// aM k+Sha yang/ yang k+Sha mu ra spang spos dang// g+hi ha ti dang rnam gnyis dang// dzA ti pha la yungs kar dang// rma bya'i mkhris pa ras bal dang// sre mo'i klad pa khyi rus dang// byi la'i brun dang glang po'i brun// ba glang lci ba thang shing dang// a pa marga sgog skya dang// shra ba Na dang 'bras gang dang// bud ta go shing go lo min// pha la ta ka po so 'cha'// de rnams lhan cig sbyar ba yis// rdzas de ga'u blugs nas ni// sngags 'di brjod par bya'o// oM badzra nir ti de ba na na mo b+ha ga ba te/ ru tra ya tad+ya thA/ ha ra ha ra/ tu ru tu ru/ ta la ta la/ ni mi le sarba gra ha nA sha ni/badzra pA Ni ha ra ha ra/ mu tra be ta ni swA hA/ sngags 'di lan bdun bzlas pa yi// rdzas kyi dud pas bdug pa na// grib gnos smyo byed brjed byed gdon// gnod sbyin gdon la sogs pa yis// rnam pa sna tshogs gdod zin pa// gdon rnams med par byed pa ste// lkugs pa rmi lam ngan pa dang// gang dag bkra ni mi shis pa// thams cad rab tu zhi bar byed// nags kyi lha mo rma bya'i mdongs// rdo rje nIr ti'i sprul pa ste// sku mdog ljang ser 'od zer 'bar// phyag na dri spos rma bya bsnams// dri spos kun gyi srung ma ste// nags kyi lha mor phyag 'tshal lo// gsad pa dur khrod mkha' 'gro ma// bsgrub par bya ba'i las dag ni// gang dag sangs rgyas bstan pa 'jig/ dkon mchog dbu 'phang smod par byed// rnal 'byor dbang phyug chen po rnams// dam chos 'khor lo rmad byung la// bar du gcod pa bsgral ba'i phyir// dur khrod gnas sam chu gling ngam// ma mo'i gnas sam lha chen gnas// lam gyi bzhi mdo gtsug lag khang// de la sogs pa'i gnas phyin nas// 'brub khung khru gang gru gsum ste// dur sol khrag bsres dmar nag bya// de yi kha la gtor ma gzhag/ 'og tu ling+ga bcas te gzhug/ gri lag g.yas pa'i mchog phu gdab// tshon skur btags te 'od zer spro// dus gnyan rnams la gtor ma btang// mtshan ma byung nas phyogs su 'phang// 'gro 'dug byed tshe gtor ma bzung// zas phud sngags kyis dang po dbul// gtor ma'i gong du phur pa gdab// bsnyen pa'i dus su snying pos gdab// bsgrub pa'i dus su bsad pas gdab// ling ro gtubs te gtor mar gtang// phyi ma brje zhing bskyar ba bya// bdag nyid bsam par bya ba ni// shing gi lha mo 'od 'chang ma'i// sprul pa mkha' 'gro rgyas 'debs ma// sman gyi lha mo nor rgyun ma'i// sprul pa'i mkha' 'gro rmongs byed ma// rtse yi lha mo blo gros ma'i// sprul pa mkha' 'gro za byed ma// nags kyi lha mo rma bya'i mgrin// sprul pa'i mkha' 'gro tshe 'phel ma// gsang ba'i mkha' 'gro bzhi yi ni// las mkhan bdag nyid bsgom pa ni// sku mdog nag mo ral pa can// g.yas na gri gug bsnams pa la// g.yon na b+han+d+ha 'dzin pa'o// sku stod dar ras khra bos brgyan// dpung pa gnyis kyang de bzhin no// lha mo sku mdog de bzhin du// bdag nyid kyang ni bsgom par bya// mon pa mon mo bud med dang// rab byung la sogs cho 'phrul mang// 'od dang dri la sogs pa 'ong// 'od long ltag nyan smra ba 'byung// mkha' 'gro g.yon bskor sngags kyi dgod// bdag nyid gos nag re ba gon// stod g.yogs dar ras khra bos brgyan// dmod gzug shags kyang gdab par bya// gtor bskul bcol ba drag tu bya// nyams pa bshags na bu mo ni// bdun bsags zas byin me tog gtor// tshig mthol mgo la bshags pa bya// bdag gi mgo la 'jog tu gzhug/ mthun pa'i dngos grub stsol zhes brjod// smra bcad dkyil 'khor gzhan mi bstan// rtsa ba yan lag dam tshig ni// nyi shu rtsa brgyad tshul bzhin bsrung// bdud rtsi sman gyi mchod pa bya// oM na ni na ni ma hA kA li/ g+ha reM g+ha reM/ bu la mi dzi ma ra li/ sa da na sa da na/ pho d+hi ka d+hi/ ke ra ke ra ka pa d+ha/ pho d+hi che ge mo ke ra ma gaM b+ha/ pi pi du gi kha daM da pra/ bsnyen pa 'bum dang bye ba bzlas// rtag tu mchod par bya ba yin// d+ha ki ni d+ha d+huM d+he d+huM d+hA/ rak+Shi ni raM raM ruM raM ruM rA/ la ki ni laM laM luM loM luM laM/ka ki ni kiM kuM keM kuM kA pa ka ni saM siM suM seM su swA hA/ ha ki ni haM hiM hUM he hu haM/ gong ma'i rtsa sngags re re la/ sngags 'di re re gdags par bya// sri mo badzra no ti sta kI la ya kI la ya// sa ma ya b+he sa/gtso mo sman gyi srung ma bzhi// sprul pa gsang ba'i yum yang bzhi// las mkhan mkha' 'gro rnam pa drug/ 'byung lnga dbang bsgyur tshe bdag mo// sngags brjod phur pa gtsugs pa yis// phur bu sku ni re rer gyur// krong krong 'byin zhing bzhugs par bsam mo// sa yi mkha' 'gros gzugs phung 'jig/ chu yi mkha' 'gro tshor ba 'joms// me yi mkha' 'gros 'du shes bsreg/ rlung gi mkha' 'gros 'du byed sdud// nam mkha'i mkha' 'gros srog rlung spor// tshe bdag mos ni gnas nas 'byin// nyams pa gang dag zhing du bsgral// skye ba med pa'i sa la gnas// maN+Dal brgyad pa'i dkyil 'khor du// bcu drug 'khor los mtha' bskor nas// sku gsung thugs ldan ka pA lar// sha rI ram dang nya rI ram// cu gang dang ni ga pur dang// thal kar rdo rje la sogs pa'o// yon tan rdzogs ldan ga pA lar// chang gi rnam pa mang po blug/yid bzhin gter ldan ka pA lar// snying zho sha dang mkhal zho sha/ gla gor zho sha tsi tra ka/ ka ko la sogs sbyar ba'i sman// bkra shis mtshan ldan ka pA lar// rin chen sna tshogs bdar ba gzhag/khams gsum yongs bsgral ka pA lar// pad+ma rak+ta sbyar ba'i sman// tsan+dan smug po li shi dang// skyu ru ra dang star bu dang// rgun 'bru la sogs sbyar ba'o// mi 'gyur sa mkhregs ka pA lar// 'o ma sna tshogs sbyar ba blug/cho 'phrul rtags 'byin ka pA lar// bdud rtsi dri chu brag zhun dang// cong zhi dang ni gur gum dang// lce pog dkar po la sogs so// mtshan ma spros bral ka pA' lar// sna tshogs chu rnams blug par bya// ye shes rnam lnga'i ka pA lar// dri chen dag dang sbyar ba'i sman// dzA ti pha la a ru ra// a ga ru dang du ru ka/ gla rtsi dag dang sbyar ba'i sman// dri chen dbus la byang sems shar// mAM sa lho la rak+ta nub// dri chu byang ste rtsa ba lnga// shar lho chang la lho nub tu// rin chen nub byang 'o ma yin// byang shar chu ni sna tshogs gzhag/ de bzhin dar gyi mthil yol gyis// dkyil 'khor phyogs bzhi 'khor bar bri// mda' bzhi dang ni dar sna bzhi// tshon skud sna lnga phur pa brgyad// maN+Dal de yi rgyan du dgong// rnal 'byor mched dang lcam dral la// dza gad phyag tu bzhag nas kyang// las dang bya ba bskos la gdab// rang re'i phrin las ci nus bya'o// snod rnams sems ma bcu drug bsgom// sgeg mo dang ni spos me ma// lcags kyu ma dang rdo rje sgrol// shar gyi rtsibs la yang dag gnas// phreng ba ma dang me tog ma// zhags pa ma dang rin chen spyan// lho yi rtsibs la yang dag gnas// pi wang ma dang mar me ma// lcags sgrog ma dang gsal bkra ma// nub gyi rtsibs la yang dag gnas// gar mkhan ma dang dri chab ma// dril 'khrol ma dang rdo rje'i 'bebs// byang gi rtsibs la yang dag gnas// bcud rnams sems dpa' bcu drug bsgom// der ni tsa ka li yang dgod// rdo rje sems dpa' rdo rje bsnams// rdo rje rgyal po lcags kyu 'dzin// rdo rje chags pa mda' gzhu 'gengs// rdo rje legs pa se gol sgrol// shar gyi rdo rje'i rigs su grags// rdo rje rin chen rin po che// rdo rje gzi brjid nyi ma bsnams// rdo rje rgyal mtshan rin chen tog/ rdo rje bzhad pa so phreng 'dren// lho yi rin chen rigs su grags// rdo rje chos ni pad+ma bsnams// rdo rje rnon po ral gri 'dzin// rdo rje 'khor lo 'khor lo nyid// rdo rje smra ba lce yang 'dzin/ nub phyogs pad+ma rigs su grags// rdo rje las ni rgya gram bsnams// rdo rje srung ba go cha 'dzin// rdo rje gnod sbyin mche ba 'chang// rdo rje khu tshur khu tshur nyid// byang gi sems dpa' las kyi rigs// so so'i sku rnams gdod par bya// snod bcud dbyings su sangs rgyas yin// dbus na rnam par snang mdzad che// sangs rgyas spyan dang gnyis su med// shar na rdo rje mi bskyod pa// shar lhor dbyings phyug ma nyid de// lho na rin 'byung dkon mchog dpal// lho nub mA ma kI zhes bya// nub na snang ba mtha' yas la// nub byang na bza' dkar mo nyid// byang na don yod grub pa la// byang shar dam tshig sgrol ma nyid// dbus kyi ling tshe dgu po la// rigs lnga yab yum sku rnams dgod// chos sku dri ma med pa las// de bzhin nyid du rnam par gnas// longs sku ye shes sgyu ma las// kun tu snang ba'i ting nge 'dzin// sprul sku sems can don mdzad phyir// rgyu las sangs rgyas sku yang bskyed// snod kyi 'jig rten 'byung ba lnga// yul lnga b+ha ga bde ba'i dbyings// ma bsgribs yongs su 'od gsal bas// gzhal yas khang pa gdan dang bcas// bdag 'dzin phung po lnga sogs pa// lha sku phyag rgya chen por bsgom// 'og min gnas nas spyan drangs nas// bzhugs su gsol nas phyag 'tshal te// phyi dang nang dang gsang ba dang// de kho na yi mchod pa dbul// bstod cing thugs dam bskul byas nas// snod kyi 'jig rten gzhal yas khang// bcud kyi 'gro ba lha yi sku// 'byung bzhi las skyes rtsi shing dang// nags tshal ma lus snang ba rnams// thams cad sman chen ra sA yan// dgun gyi dus na rtsa ba'i sman// dpyid ni lo ma 'dab mar skyes// dbyar ni me tog mdangs dang ldan// ston ni 'bras bu smin pa ste// snang ba'i dus na stong nyid pas// gnyis med chos kyi dbyings su thim// zhes gsungs so// bdud rtsi chen po 'khor lo 'bar ba'i rgyud las/sman khrol bur bsgrub pa'i le'u ste bzhi pa'o//// de nas bcom ldan 'das kyis sman btag btsag phye ma sgrub pa 'di gsungs so// sbyor sgrol ma mo bcu drug gis// btag btsag sbal la sbyar te gzhug/ gang zhig sbyor bas sbyang ba ni// mar me gso dang tshangs pa'i thog/ rtsa dang srub shing thig le dang// gcig gnyis bzhi dang man ngag dgu// srin po rU tra k+Sha gnas la// me rlung drag pos bskyod byas na// lte ba'i AM yig bdud rtsi 'bab// mar me gso bar bya ba'o// me rlung rab tu g.yos pa yis// spyi bo'i haM yig bdud rtsi 'bebs// tshangs pa'i thog ces bya ba nyid// dbugs nyid phyir la ldang pa na// g.yas kyi ro ma nyi ma me// dbugs ni nang du 'jug la ni// g.yon gyi rkyang ma zla ba chu// rlung nyid khong du gnas pa na// dbus kyi kun 'dar ma nyid ni// pad+ma chu shing til mar dang// rgya skyegs sdong chen la gnas pa'i// phra zhing drang la gsal zhing dmar// rtsa yi rnal 'byor bsgom par bya'o// dbus ma kun 'dar srog shing la// ro rkyang srub thag bsrubs byas pas// lte lkog khrag gi thig le 'bar// srub shing 'khor lo zhes bya'o// snying gar nyi zla kha sbyor nas// lte ba'i dpa' bo 'ba' zhig la// gsang gnas bde ba'i thig le dang// mdzod spu skra dkar sa bon bzhi// rlung dang bstun la nyams su blang// thig le'i rnal 'byor bsgom pa'o// bshang sgor rlung la sum mdor me// lte ba sprul pa'i dkyil 'khor du// phyi skor drug cu rtsa bzhi ste// nang skor 'dab ma brgyad pa la// sde tshan bco brgyad g.yas su bskor// lte ba phra ba'i a yig dmar// rlung gis me bus a las me// rab tu 'bar bar bsgom par bya// 'khor lo gcig la brten pa'o// lte ba dang ni snying ga gnyis// snying ga'i dkyil 'khor 'dab brgyad la// thur bstan sngon po hUM ni dbus// a haM shin tu cha phra bas// kun 'dar ma la zung du 'brel// byang sems dkar dmar rab tu 'dzag/ rlung yang rim gyis kha sbyar ba// 'khor lo gnyis la brten pa'o// lte ba sprul pa'i dkyil 'khor du// 'dab ma drug cu rtsa bzhi la// A li g.yon bskor kA li g.yas// ha dang Sha yig rnam par spang// nang bskor sde tshan brgyad kyang dmar// snying ga chos kyi dkyil 'khor du// 'dab brgyad yig 'bru gnag cing 'tsher// phyogs bzhi yab la mtshams bzhi yum// dbus na hUM yig gnas pa'o// mgrin pa longs spyod dkyil 'khor du// 'dab ma bcu drug lte ba aM// yi ge dmar po gyin du lta// spyi bo bde chen dkyil 'khor du// 'dab ma sum cu rtsa gnyis la// A li bcu drug g.yon du bskor// ka nas ta sogs bcu drug g.yas// haM yig thur bstan yi ge dmar// g.yas kyi ro ma'i nang song bas// yig 'bru ma lus rnam par bsreg/ haM zhu g.yon pa rkyang mar babs// rim pas gsal btab lte bar la 'babs// 'khor lo bzhi la brten nas bsgom// rkang mthil raM las long bu me// brla yi rtsa chen gsang gnas 'dzom// rno myur drag cing rtsub la tsha// thig le 'thab mo 'thab pa dang// 'khor lo nang du 'grim pa dang// me 'bar che ru 'bar ba dang// thams cad me ru 'bar ba nyid// man ngag gnad kyis zin par bya// lam sbyangs blta ba rkyang pa dang// drod ni byung rgyal dag tu btang// thun grangs tshad med yod par sbyar// yid kyi 'jug yul rab brtags la// khams kyi tshad kyang rab tu gzung// yum la sbyor ba byas nas ni// rang byung ye shes rnam pa bzhi// nyon mongs rnam par rtog pa dang// snel zhi gsal zhing yang ba yis// gsang ba'i dbang bskur bya ba dang// sbyar ba'i byang sems sman du blug/sgrol bas sbyang ba bya ba ni// ri rab rtse na lha gnas ni// yi ge a dkar longs spyod ldan// lha min su ni ser po ste// 'thab rtsod ri rab khong seng gnas// gling bzhi mi rnams gnas gyur pas// nr-i yig sngon por gnas pa'o// phyi yi rgya mtsho dud 'gro gnas// du ni dud khar gnas pa'o// grong khyer ser skyar yi dwags gnas// pri yig dmar po gnas pa nyid// rdo rje gdan gyi gdan 'og na// dmyal ba tri yig nag por gnas// raM yaM khaM las byung ba yis// bkres skom sdug bsngal raM gyis bsreg/ glen lkugs yaM gyis mtshan nyid med// tsha grang khaM gyis rnam par bkrus// 'bru lnga rigs lnga'i skur gyur nas// bsgral nas chos nyid ngang du spar// phung po bdud rtsir rab sbyar bya// dkar mo dang ni rkun mo dang// rmongs mo dang ni thal byed ma// sbos mo dang ni gtum byed dang// sme sha can dang ma tshogs dang// seng stag spyang ki wa mo'i gdong// bzhad dang ka ka bya rog dang// 'ug gdong ma mo bcu drug sbyang// shar du lta ba yangs pas btul// lho ru bsgom pa gsal bas btsag/ nub tu spyod pa zhib bas sbal// byang du 'bras bu mthar phyin sbyar// pho mo thod pa kha sbyar nas// dar gyis bcings nas bzhugs su gsol// zhes gsungs so// bdud rtsi chen po 'khor lo 'bar ba'i rgyud las sman phye ma btag btsag gi le'u ste lnga pa'o//// de nas bcom ldan 'das kyi bdud rtsi gong bu gcig pa'i sman sbyar bar bya ba 'di dag yongs su gsungs so// sku dang gsung dang thugs dang ni// yon tan phrin las rnam pa lnga// stong gsum khro bo sku gdung 'bar// rta mgrin dbang dang mkha' mnyam klong// 'chi med rdo rje'i dkyil 'khor rnams// sku yi dkyil 'khor lhun gyis grub// chos nyid yongs su rgya chad med// de phyir lte ba zlum por gnas// tshogs brgyad yul las ma rmongs gcod// de rtag ka ba mchog brgyad ldan// nyon mongs g.yul gcod 'khor lo brgyad// yon tan zad med rin po che// ye shes bzhi ldan sgo bzhir shar// nyan thos rang rgyal byang chub sems// mu tig a sma gar+b+ha dang// rin po che yi gdan khri 'bar// rigs gsum rigs bzhi rigs lnga nyid// rtse gcig rtse lnga rtse dgu grag/ nyi zla dbang phyug pho mo dang// byol song gtso bo brgyad steng na// rnam par rgyal ba dbyug sngon can// gshin rje gshed dang mi g.yo mgon// rta mgrin 'dod pa'i rgyal po dang// bdud rtsi 'khyil pa rnam rgyal khams// stong gsum khro bo'i dkyil 'khor gyis// phyogs bcu'i bdud btul mtshamasabacad pa// phye ma btags btsag khrol bu dang// gong bu gcig pa kun la khyab// shar na bud+d+ha he ru ka/ lho na rin chen khrag mthung nyid// nub na pad+ma khros pa'i sku// byang na las kyi khro rgyal che// dbus steng badzra he ru ka/ sku gdung 'bar ba'i dkyil 'khor rnams// 'byung lnga'i skal pa rnam sbyang zhing// dug lnga ye shes rnam lnga 'bar// sa yirlung ni thad kar gnas// me ni gyen 'bar thur du chu// rlung ni gsegs la 'gro ba dang// nam mkha' rgyu ba med pas na// srog dang rtsol ba'i rang bzhin can// rlung lnga la ni yang dag gnas// mkha' mnyam klong gi dkyil 'khor ni/khro mo gnam zhal dbu dgu ma// bco brgyad phyag dang yang dag ldan// zhabs kyang rnam pa brgyad du gnas// lha rnams bskyed dang sbyor ba dang// dbang bskur sbyin sreg la sogs pa// yum 'dir rab tu sgrub par byed// de phyir mkha' klong rnam par dag/ rta mgrin dbang gi dkyil 'khor du// rta mgrin gsang ba'i yum dang bcas// hUM chen stobs chen steng 'og gnas// bcom ldan rta yi rgyal po ni// mtshams kyi dus na nub na gnas// nyu le bzlog na bdag gi sku// nam mkha' bar snang gnas la bzhugs// 'gro 'dul sman gyi pho brang bzhugs// bzlas pa dgu yi phyag rgya nyid// phye ma gnam zhal b+ha ga na// dngos grub zla gam dkyil 'khor steng// dbang bskur las kyi slob dpon nyid// khrol bu rus sbal khog pa la// mdzad pa'i las yang de bzhin mdzad// 'chi med rdo rje'i dkyil 'khos du// che mchog ma mo dgongs pa ni// dbu dgu phyag kyang bco brgyad gnas// che mchog bdud rtsi sman la dgongs// phyag na phra men mkha' 'gro dang// shugs 'gro ma mo 'bar ma rnams// che mchog chosanyid dgongs pa ni// sangs rgyas bzhi bcu rtsa gnyis bsnams// dbu ni nyi shu rtsa gcig la// sangs rgyas bdun gsum nyi shu gcig/ phyag kyang bzhi bcu rtsa gnyis so// zhabs brgyad rab tu rnam par bzhugs// ljags las sa nu he ru ka/dkyil 'khor bdun brtsegs rnam par gsal// sbyor ba brgyad ni 'ju 'dul gyis// lus dang ngag dang yid dang gsum// sku gsung thugs su rnam par sbyang// 'byung ba lnga yi thugs rje las// maN+Dal brgyad pa'i gzhung bzhin du// dpal dang ldan pa'i snod bzhag ste// stong las sbyar ba ye nas dag/ nyi zla gsal ba'i dkyil 'khor du// 'bru dgu ye shes 'phro 'du las// stong khams khyab pa'i don byas nas// dus gsum rgyal ba mchod pa'i phyir// mu tig dkar po dri med ltar// sgrub pa pos ni nan tan bya'o// bdag nyid che mchog skur gnas pas// tsit+ta 'bar ba'i gzhal yas khang// ye shes sems dpa' tshon gang ba// thugs kar rin chen zur brgyad las// yig 'bru thugs mtshan 'od du 'phros// 'gro ba 'dul ba'i thugs kar thim// thugs nyid 'gro ba'i don la bskul// zhe sdang rgyu 'bras rtsad nas bcad// slar 'dus bdud rtsi sman la thim// mu tig dkar po dri med ltar// sgrub pa pos kyang nan tan bya'o// bdag nyid che mchog skur 'gyur te// ljags kyi pad+ma'i gdan steng du// pad+ma sems dpa' tshon gang ba// pad+ma'i yig 'bru gsung la thim// khro bo gsung gi dbyig tu gyur// gsung nyid 'gro ba'i don la bskul// 'dod chags sgyu 'bras rtsad na bcad// slar nyid bdud rtsi sman la thim// sman nyid bdud rtsi 'od du zhu// pad+ma rak+ta dri med ltar// sgrub pa pos ni nan tan bya// bdag nyid che mchog he ru ka/ dung khang zla ba'i gdan steng du// bde gshegs sems dpa'i tshon gang la// 'khor lo'i yig 'bru sku la thim// sku nyid 'gro ba'i don la bskul// gti mug rgyu 'bras rtsad nas bcad// slar 'dus bdud rtsi sman la thim// sman nyid byang chub sems su zhu// btso ma zhi gar brub pa ltar// sgrub pa pos ni nan tan bya'o// oM AHhUM badzra a mr-i ta hUM hrIHtha/'gro 'dul sku dang sku gdung zhabs su sbyor// sku gdung dbu dang mkha' mnyam zhabs su sbyor// badzra he ru'i dbu dang b+ha gar sbyor// mkha' mnyam dbu dang tshe mchog zhabs su sbyar// mkha' mnyam dbus zhal che mchog gsang bar sbyor// che mchog phyag dang phyag mtshan zhe gnyis sbyor// sa nu ye shes thabs dang shes rab sbyor// rta mgrin gsang ba'i yum bzhi gnyis med sbyor// sbyor mtshams brgyad na bdud rtsi'i pho brang brgyad// sbyor ba brgyad brtsegs nges pa de la rdzogs// oM AHhUM badzra a mr-i ta hUM hrIHtha/ rang byung rtsa ba che mchog gsal ba yi// thugs kar nyi dkyil rdo rje 'bru dgu bskor// 'phro 'du rang bzhin med la bzlas brjod rlung// gu h+ya phyag rgyas bar chad dbang mi gtang// oM AHhUM badzra a mr-i ta hUM hrIHtha/ bzlas bskul gsung yig bdud rtsi mkha' las bab// mkha' nas shangs bra gsang ba'i gsung dang 'dres// gsung nyid byang sems dkar dmar gnyis su 'phros// rta mgrin sbyor mtshams thams cad dbang du sdud// oM AHhUM badzra a mr-i ta hUM hrIHtha// mtheb srin rta mgrin yab yum sbyor mtshams nas// 'od 'phros pho brang rta mgrin yab yum gyi// thugs kar phog pas sgal tshigs rta brgyud de// byang sems dkar dmar bdud rtsi nyid du gyur// oM AHhUM badzra a mr-i ta hUM hrIHtha// de las 'od 'phros rta mgrin thugs kar thim// thugs kyi dbyings su byang sems dkar dmar 'khyil// oM AHhUM badzra a mr-i ta hUM hrI:tha// de las 'od zer kha dog lnga ru 'phros// sku gdung 'bar ba'i thugs kyi dbyig tu 'khyil// oM AHhUM badzra a mr-i ta hUM hrIHtha// de nas 'od 'dus me long has btab tshul// badzra he ru'i thugs kyi dbyig tu 'khyil// oM AHhUM badzra a mr-i ta hUM hrIHtha// de nas 'od dkar srog thag lam mas 'phros// dbu yi gtsug tu mkha' mnyam b+ha gar 'khyil// oM AHhUM badzra a mr-ita hUM hrIHtha// de nas 'od zer gyen du thugs nas ljags// gsang ba'i lam zhugs thugs kar 'od dmar 'khyil// oM AHhUM badzra a mr-i ta hUM hrIHtha// de nas phyag brgyud phyag mtshan thugs nas 'phros// gtsug gi rta mgrin yab yum thugs kar 'khyil// oM AHhUM badzra a mr-i ta hUM hrIHtha// de nas mar spros pho brang steng du bab// rta mgrin sgal brgyud yum mkhar bdud rtsi 'khyil// oM AHhUM badzra a mr-i ta hUM hrIHtha// de 'od gzungs thag rdo rje lu gu rgyud// khong seng nas brgyud rnal 'byor thugs bdun rgyas// oM AHhUM badzra a mr-i ta hUM hrIHtha// rang byung brgyud nas gzungs thag brgyud yig 'phros// rta mgrin yab yum sbyor ba'i mkha' la 'khyil// oM AHhUM badzra a mr-i ta hUM hrIHtha// de las 'od 'phros sa nu'i mkha' gsang thim// sa nu yab yum sbyor mtshams mkha' la 'khyil// oM AHhUM badzra a mr-i ta hUM hrIHtha// de las 'od 'phros thugs las phyag mtshan 'phros// phyag dang phyag mtshan sbyor byas slar la 'khyil// oM AHhUM badzra a mr-i ta hUM hrIHtha// de nas mar babs zhabs brgyad dag nas brgyud// dbu zhabs sbyor byas byang chub sems su 'khyil// oM AHhUM badzra a mr-i ta hUM hrIHtha// zhabs brgyad byang sems gsang lam zhugs nas ni// gsang ba zhabs kyi sbyor byas ljags la 'khyil// oM AHhUM badzra a mr-i ta hUM hrIHtha// de nas mar babs pad+ma'i b+ha gar 'dus// smin mtshams b+ha gar sbyor byas dbu la 'khyil// oM AHhUM badzra a mr-i ta hUM hrIHtha// de nas mkha' mnyam zhabs brgyud sku gdung dbu// dbu dang zhabs kyi spyod byas dbu la 'khyil// oM AHhUM badzra a mr-i ta hUM hrIHtha// sku gdung so so'i sgal brgyud zhabs la bab// ta kr-ita dbu dang sbyor byas thugs kar 'khyil// oM AHhUM badzra a mr-i ta hUM hrIHtha// khro bcu'i 'od 'dus rta mgrin gsang bar zhugs// yum gyi mkhar 'phros pho brang bdud rtsir 'khyil// oM AHhUM badzra a mr-i ta hUM hrIHtha// de nas bdag nyid rang byung lha las 'phros// sbyor ba brgyad kyis sgrib dag chos skur gsal// oM AHhUM badzra a mr-i ta hUM hrIHtha// bdag nyid bdun brtsegs gsal ba'i che mchog gi/ thugs kar 'bru gsum brtsegs par dgu pas bskor// lce steng du yang de bzhin gsal ba ni// lhums su zhugs pa zhes ni de la bya// bzlas pas bskul te ljags steng yig 'bru rnams// mgur lam byung nas thugs ka'i 'bru la thim// bzlas pas bskul te yi ge phreng ba nyid// gzungs thag bskyon pa lhums nas bltams pa'i tshul// rtsa ba'i bdun brtsegs che mchog spyi gtsug gi// rta mgrin thugs phog dgu pas bskor ba las// sbyor mtshams mkha' la 'bru gsal byang sems bstim// brgya byin gyis blangs sku khrus gsol ba'i tshul// rta mgrin nyid kyi thugs las yig 'bru 'phros// che mchog thugs kar rdo rje dgu pas bskor// de nas rim rgyud rnam rgyal rigs lnga ste// bdun thugs yid gsal gom bdun bor ba'i tshul// rigs lnga'i thugs nas dgu pa phyogs bcur 'phros// 'khor 'das kun tu til gong bzhin du khyab// bzlas pas bskul te 'phags mchod 'gro don byas// 'khor 'das yig 'brur gyur pa rol rtsed tshul// yig 'bru slar 'dus thugs kar thim gyur te// sgal tshig rta brgyud gsang ba'i lam nas byung// rang byung sbyor mtshams byang sems yig 'bru gnyis// bdud rtsi byang sems zhu ba khab bzhes tshul// de nas gyen du sgal tshigs rta brgyud de// thugs kar thim nas yig 'bru 'od du zhu// gzungs thag nas brgyud rta mgrin thugs kar zhu// rim par che mchog dgyes bstar longs spyod tshul// de nas sku gsum yab yum mkha' la 'phros// char gyi rgyun bzhin babs pa rab byung tshul// snod kyi 'jig rten yum gyi mkha' nang du// dug rnams bdud rtsi gyur pas dka' thub tshul// de nas slar 'dus phyogs bcu'i khro bo nas// bdun brtsegs 'khor bcas bdun brtsegs ngang du zhu// 'phro 'dus rang byung rtsa ba gnyi ga la// mgal me lta bur bskor ba chos 'khor tshul// snod bcud bdud rtsir gyur pas skye shi med// dug lnga bdud rtsi gyur pas bdud btul tshul// de ltar bdag gzhan don rdzogs bzhi mthar phyin// spang blang zhen rtog med pas sangs rgyas tshul// sku gsung thugs dang yon tan phrin las lnga// sku lnga ye shes sku gdung bgos pa'i tshul// oM AHhUM badzra a mr-i ta hUM hrIHtha// bdud rtsi byang chub sems ni gnyis med chos kyi sku yi tshul// byin rlabs bde gshegs longs spyod rdzogs pa'i sku// sprul sku'i mdzad pa bcu gnyis mthar phyin nas// slar 'dus bdud rtsi bum pa'i lung la thim// gnyis med bde chen byang chub sems su 'khyil// dus gsum bde gshegs gnyis med byang chub sems// bdag nyid rang bzhin dkyil 'khor mkha' la thim// thabs dang shes rab byang chub sems su 'phros// thig le byang chub sems kyi ngang du 'khyil// mdzad pa bcu gnyis thig le 'gro don mdzad// thugs ni bdud rtsi chen po'i ngang du zhu// byang chub sems ni rdo rje sems dpa'i sku// me long lta bu'i ye shes dkar la 'khyil// dri chen bdud rtsi gser mdog rnam snang mdzad// chos kyi dbyings su mngon par sangs rgyas nas// sha chen in+d+ra nI la rin chen 'byung// mnyam pa nyid kyi ye shes chen por gsal// pad+ma rak+ta snang ba mtha' yas nyid// so sor kun tu rtog pa'i ye shes shar// dri chu don yod grub pa ljang gu'i mdog/ bya ba grub pa'i ye shes chen po gsal// bdud rtsi ye shes chen por rang shar bas// snod bcud thams cad dbyings su ye shes shar// de las ma gtogs snod bcud gud nas med// rtogs pa'i klong na sangs rgyas dgongs pa gsal// so so'i mkha' la bdud rtsi dbab par bya// rus sbal 'gros kyis dbab par bya ba yang// rtsa yi dkyil 'khor nang du dbab par bya// lus khams bdud rtsi chen po'i bcud gnas pa// sngags kyi yi ges byin gyis rab brlabs nas// snying po rlung gis bskul la dbab par bya// oM AHhUM sarba pany+tsa a mr-i ta me pra be sha ya pheM pheM pheM/ dkyil 'khor rnams su bdud rtsi bskyil ba yang// rtsa nas dkyil 'khor bzhi yi rdzing chen du// srog shing gsum gyis bcud la bor byas nas// lus khams bdud rtsi chen po gnas su bskyel// gsang ba'i sngags kyi byin gyis rab brlabs nas// snying po rlung gi gnas su bskyil bar bya// srog gi rlung gis nang du rab bskyil te// rtsol ba'i rlung gis phyi nas nang du bsdus// sa yi rlung gis mig g.yo brtan par 'dzin// chu ni zhi gnas bdud rtsi rdzing du 'khyil// me yi rlung ni lhag mthong gnas su 'dzin// rlung gi rlung ni rdo rje rgya gram brtan// yon tan bdud rtsi grub pa'i rtags shar ba// byang chub sems kyi 'od ni rdo rje'i rtags// dri chen dri ni rnam par snang mdzad la// mAM sa 'phel ba rin chen 'byung ldan gtso// rak+ta'i sgra ni snang ba mtha' yas nyid// dri chu'i du ba don yod grub pa'i rtags// dam rdzas lnga 'dus lha mo'i gzugs kyang stan// 'od ni rnam pa gnyis las grub pa'i sku// nyi zla skar ma 'ja' tshon dang// 'phro 'du me stag yud tsam zer// snang ba tsha tsha mar me'i 'od// bar chod 'od ni rnam pa gsum du snang// smug nag ma mo skya 'od rgyal po dang// ljang dmar klu gnyan sa bdag 'byung po kun// 'od kyi dngos grub bstim nas len thob pa// 'bras bu lhun gyis grub pa'i rig 'dzin thob// bar chad nyams gyi phyag rgyas rang don sad// byung na bsrung zhing bzlog par bya'o// dri ni zhim gyur dngos grub rdzas la bsdu// tshe la dbang ba'i rig 'dzin 'grub par 'gyur// bse dri brag srin dri tre tri ti yang bar du gcod// sad pa bzhi yi bar chad bsrung bar bya// mang du 'phel ba dngos grub tha ma nyid// nan tan byas na tshe yi dngos grub 'grub// grub pa'i sgra dang bar chad grub sgra gnyis// go dang mi go go ba'i sgra dgu 'byung// sangs rgyas chos dang dge 'dun dang// mngon shes byang sems bdud bzhi 'pham// pha rol phrin las phyir mi ldog/dngos grub blangs shes bstim par bya// mi go 'byung ba rnga sgra sogs// gang yang dngos grub blang ba ni// phyag rgya chen po'i riga'adzin 'grub// du ba'i rtags ni rnam pa bdun// rdo rje 'khor lo rin chen dbyibs// pad+ma ral gri lcags kyu dang// mchod rten dbyibs 'byung hUM gis rdub// phyag rgya chen po rig 'dzin 'grub// lha mo lha dang bar chad gzugs// bar chad gzugs mdzes dri mi zhim// lha mo mchod rten lta bu dang// lha mo dngos dang rig 'dzin 'grub// bdud rtsi chen po'i phrin las brtsam pa yang// bar chad bsrung dang ma grub spogs pa dang// dngos grub blang dang dbang rnams bskur ba dang// yon tan 'bras bu las mthar phyin par byed// bar chad bdud rnams rab tu bsal ba yang// dang po lam la 'jug pa rnams// 'jig rten mi chos bar gcod bsrung// lam la zhugs par gyur pa rnams// phyi rol bdud kyi bar chad bsrung// lam drug cung zad brtan gyur na// bdud stobs 'phel ba'i bar gcod bsrung// sems brtan lam du gyur pa na// ting nge 'dzin gyi bar gcod bsrung// sad pa bzhi yis bsrung bar bya'o// nyams kyi sad dang ting 'dzin sad// sngags dang lha grub sad pa yis// bar gcod bsrung bar bya'o// rdzas kyis spo sba dang ting 'dzin sngags// rtsal shugs phyung nas 'bad par bya// thun mong dngos grub grub chen brgyad// mchog gis sku gsum sa la 'gro// slob ma'i tshogs rnams ma lus la// nus pa'i dbang lnga bskur ba yang// bum pa rdo dril cod pan ming// bdud rtsi bum pa spyir bzhag bskur// zab mo'i dbang gsum bskur ba yang// bdud rtsi'i rdzas ni lce la bstim// gsang dbang shes rab ye shes dang// bde ba chen po'i man ngag sbyin// tshe 'dir nad med 'byor pa 'phel// mkha' 'gro mchod pa'i mthu las byung// phyi mar ting 'dzin sa thob pa// drang srong mnyes pa'i mthu las byung// mthar thug sangs rgyas 'bras thob pa// sku dang gsung dang thugs dang gsum// mi zad rgyan gyi 'khor lo 'grub// sangs rgyas mchod pa'i mthu las byung// bdud rtsi chen po'i phrin las mchog/ nyan thos rang rgyal byang sems kyis// 'bum gyi char yang mi nye bas// shin tu brtson pas 'bad par bya'o// bdud rtsi chen po'i 'khor lo 'bar ba'i rgyud las/bdud rtsi gong bu gcig pa'i le'u ste drug pa'o//// de nas rdo rje snying po la sogs 'khor rnams kyis bcom ldan 'das la bskor ba byas nas brjod pa/ bcom ldan 'das ni kun mkhyen mdzod// chos sku dri med snying po las// gzugs sku gnyis su snang bar mdzod// sa bcu'i byang chub sems dpa' rnams// longs spyod rdzogs pa'i skur snang ba// shes bya'i dri ma dag par mdzad// 'gro drug sems can thams cad la// sprul sku'i mdzad pa mthar phyin pas// las dang nyon mongs sgrib pa sbyong// 'bras bu sangs rgyas sa la 'dren// sku gsum don ldan che ba'i lha// ston pa khyod la phyag 'tshal 'dud// bdud rtsi chen po'i bsgrub pa'i rgyu// snod kyi 'jig rten zhing khams su// bcud kyi sems can 'khor ba rnams// shing rta'i 'khor lo lta bur 'khor// snod las byung ba skyobs pa'i sman// bcud las byung ba rtsa ba'i sman// bdud rtsi chen po rab 'bar bas// 'khor lo 'bar ba'i rgyud chen 'di// bdag cag rnams kyis nges bzung nas// lha mis 'dzin parabasgrub par bya// zhes rjes su yi rang ngo// bdud rtsi chen po 'khor lo 'bar ba'i rgyud las yongs su gtad cing bzung nas rjes su yi rang bar bstan par bstan pa'i le'u ste bdun pa'o//// bdud rtsi chen po 'khor lo 'bar ba'i rgyud rdzogs so/

CLOSE WINDOW