CLOSE WINDOW

Gpb023.008
བོད་ཡིག

rgya gar skad du/ prat+YaM gi ra ma hA ba la ha ya grI wa tan+t+ra nA ma/ bod skad du/ phyir bzlog pa stobs chen rta mgrin gyi rgyud ces bya ba/ thugs rje chen po dang ldan pa 'phags pa spyan ras gzigs dbang phyug la phyag 'tshal lo// 'di skad bdag gis thos pa'i dus gcig na/ bcom ldan 'das bdud thams cad rdo rje dang 'khor los rnam par 'joms pa'i ting nge 'dzin la ri bo ta la'i spo la khro bo'i rgyal po bdud las rnam par rgyal ba la sogs pa dang thabs cig tu snyoms par zhugs te// khro bo'i rgyal po rta mchog la/ gang dag bdud la sogs pas gtses pa rnams la thugs rjes skyobs shig ces bka' stsal to// rta mchog gis gsol pa// ji ltar bskyab pa dang bsrung ba bcom ldan 'das kyis bshad du gsol// bcom ldan 'das kyis bka' stsal pa// legs lo legs so rta mchog rgyal// thugs rje'i bdag po stobs po che// rigs pa'i rgyal po gsang sngags 'chang// mdog dmar byu ru'i mdog lta bu// khyod la bshad kyis legs par nyon// de nas khro bo bdud las rgyal ba la sogs pas g.yas nas 'gying ba'i tshul gyis rta mchog la bstod pa/rta mchog rgyal po rigs sngags 'chang// thugs rje'i bdag po stobs po che// sangs rgyas kun gyis byin gyis brlabs// rig pa'i rgyal po gang gsungs pa// ye shes khro bo khyod kyis zung// de nas rta mchog rgyal po stan las langs te// de ltar bgyi'o zhes gsol nas// 'khor khro bo dang khro mo la sogs pas me tog dang/ bdug pa dang/ yon chab la sogs pa dang/ gdugs dang rgyal mtshan la sogs pa thogs te/bcom ldan 'das la bskor ba lan gsum byas nas/ gzhi de nyid du bcom ldan 'das la blta ba'i tshul gyis gnas so// khro bo'i rgyal po rta mchog gis spyan mi 'dzum par bcom ldan 'das la gzigs nas bzhugs so// bcom ldan 'das kyi sku'i phyogs thams cad nas 'od zer dpag tu med pa spros pas bgegs kyi tshogs thams cad bskrad cing dngangs par gyur to// sa'i phyogs thams cad kyang g.yos rab tu g.yos/'gul rab tu 'gul/ ldeg rab tu ldeg/ 'ur rab tu 'ur/ chem chem rab tu chem chem/ dbus mtho na mtha' dma'/ mtha' mtho na dbus dma' bar gyur to// rta mchog gi rgyud las gleng gzhi'i le'u ste dang po'o//// de nas bcom ldan 'das kyis bka' stsal pa// rta mchog rgyal po thugs rje can// gsang ba'i bdag po khyod kyis zung// oM badzra kro d+ha ha ya grI ba hu lu hu lu hU~M phaT/las rnams thams cad grub pa dang/ sdig pa thams cad zhi bar byed// oM nA ga ra tsa mA ra ya rbad/ nA ga ra tsa mA ra ya sod sod/ nA ga ha la ha la/ nA ga chod chod/ nA ga khos khos/ nA ga mgo la nan/nA ga shig/ nA ga bying bying/ nA ga zlog zlog nA ga thums/ nA ga tsit+ta zur/ nA ga tsit+ta shig tsit+ta khos/ tsit+ta phrog phrog ha sa ha sa/ pa tsa pa tsa/ ts+tshin+da ts+tshin+da/ b+hin+da bin+da/ sarba sha truM chod chod/ tsit+ta shig shig tsit+ta raM raM/ tsit+ta myong myong/ tsit+ta rmugs rmugs/ sha truM rbad rbad/ khos khos/ zlog zlog b+h+yo b+h+yo/ hU~M hU~M/ b+h+yo b+h+yo/ phaT phaT/ b+h+yo b+h+yo/ badzra kro d+ha zlog zlog ha ya grI ba zlog zlog ma hA ka ru Na zlog zlog bo d+hi s+pha ra Na zlog zlog tsaN+Da kro d+ha ni zlog zlog/badzra kro d+ha mA ra ya hU~M phaT/ mA ra ya rak+ta rdubs rdubs/ oM badzra kro d+ha zlog zlog/ b+h+yo b+h+yo/ shig shig/ zlog byer zlog byer/ tsit+ta mgo la nan/ hU~M hU~M hU~M/ phaT phaT phaT/phyir zlog pa stobs chen rnam par gnon pa zhes bya ba dgra thams cad dang// gshed byed thams cad dang// byad stems thams cad dang// ro langs thams cad dang// bkra mi shis pa thams cad dang rgyal po'i 'jigs pa dang// me dang chu'i 'jigs pa dang/ khro bo'i 'jigs pa dang/ yi dwags dang/ sha za dang/ grul bum dang/ grib gnon dang/ brjed byed dang/ klu'i 'jigs pa dang/ sbyin sreg byed pa dang/ byed du 'jug pa dang/ byed pa la rjes su yi rang ba dang/ gang dag 'khrul 'khor byed pa thams cad bzlog par bgyi'o// gang dag bdag la mi phan par 'dod pa thams cad rmugs par bgyi'o// rengs par bgyi'o// 'khrul par bgyi'o// 'byung po thams cad dang/ gnod pa thams cad dang/ nad thams cad dang/ sbyin sreg tu byed pa thams cad du byed po thams cad ra ro bar bgyi'o// tshig par bgyi'o// oM badzra kro d+ha nan nan/shi g+h+raM ka ra ya nan nan s+pho Ta ya s+pho Ta ya s+phu Ta ya s+phu Ta ya kro ta nan nan/ sarba sha truM de ba nan nan/ sarba mo ha ti mo ha ti hU~M hU~M nan nan/ phaT phaT/ gang dag bdag la gnod par sems pa thams cad kyi lha thams cad mnan par bgyi'o// dgra thams cad gyi mig bcing ngo// rna ba bcing ngo// sna bcing ngo// mnan par bgyi'o// lus bcing ngo/ yid bcing ngo// yan lag dang nyid lag bcing ngo// rdo rje khro bos chings shig chings shig rnam par non cig kun tu non cig/ rengs par gyis shig/ mnan par bgyi'o// nA ga 'dus 'dus/ nA ga sho 'dus 'dus/ hi li hi li/ 'dus nA ga 'dus/klu chen po'i srog snying ste/ gnad la bor ba'i snying po'o// bal po se'u'i lcug ma'am/ smyag shad dag gi lcug mas lus brab/ de ni klu bzlog pa'i cho ga'o// srung ba'i sbags badzra kro d+ha rak+Sha rak+Sha/badzra kA wA tsi rak+Sha rak+Sha badzra kro d+ha rak+Sha rak+Sha/ badzra kA wA tsi rak+Sha rak+Sha badzra tsan d+ha rak+Sha rak+Sha/ sarba bud+d+ha na rak+Sha rak+Sha/ badzra pA ni rak+Sha rak+Sha/ bo d+hi sa twa ni rak+Sha rak+Sha/ hU~M hU~M hU~M/ rak+Sha rak+Sha/ hU~M hU~M/ phaT phaT/ dgra dang bgegs thams cad bsrung bar bgyi'o// gang gis bsrungs na rdo rje khro bos bsrung bar bgyi'o// sangs rgyas rigs lnga la sogs pa thams cad kyis bsrung bar bgyi'o// phyag na rdo rje gtum pos bsrung bar bgyi'o// byang chub sems dpa' rnams kyis bsrung bar bgyi'o// phyag na rdo rje zhi ba mang pos srungs shig rdo rje'i lus su srungs shig byad las grol nas tshur mi tshugs par phar 'joms pa rdo rje'i lus su byin gyis brlab par bgyi'o// oM AHhU~M/ a kA ro mu khaM sarba d+harmA NAM/ ad+yA nu t+pan+na twa ta oM AHhU~M swA hA/ sngags de thams cad bdun nam nyi shu rtsa gcig gam/rab kyis brgya ni rtsa brgyad bzlas byas la/ mchod sbyin gyi phyag rgya bcas la/ bdag gi srung ma gtor ma'i phud kyis mchod/ rang la byad byed pa'i srung ma bos nas ni/gtor ma shin tu rgya cher btang de/ de'am gang la bdag la gnod sems dang ldan bde dag la phyir la dug gi rang bzhin de bzhin 'gyur/ gang dag bdag la phan sems pa// de dag gtor ma de bdun rtsis bde bar 'gyur// gnod sems 'byung po gang yin pa// de dag me yi gtor ma'i me yis bsreg par bgyi// dgra bgegs kyi phyogs su zor ltar 'phangs pas dgra bgegs phung ba 'gyur// dpal rta mchog gi rgyud las/ sngags dang gtor ma'i le'u ste gnyis pa'o//// de nas yang dag bshad bya ba// rta mchog rgyal po'i srung ba'i thabs// mchog tu bshad kyi rta mchog dpal// khyod kyis legs par ma nor zung// skya rangs shar ba'i dus dag tu// bdag bskyed khro bo rta mgrin dmar// zhal gcig pa la phyag gnyis pa// g.yas pa thod dbyug g.yon pa ni// sdigs mdzub bsdig pa mdzad pa'i tshul// sku la sbrul dang stag gis brgyan// zhabs gnyis g.yon brkyang g.yas bskum nas// sna tshogs pad+ma nyi ma yi// gdan bzhugs thugs kar gnas pa ni// a dang ma las zla ba dang// nyi ma dkar dang ser po bsam// zla ba'i dbyibs ni mtha' skor can// nyi ma'i dbyibs ni dkyil bug can// de nyid kyi bar du ngo bo yi ge a ste/ sa bon las thod pa las rtsa ba'i rig pa'i sngags ngag tu brjod pas rtag mchog tu bsam/ gnod byed skad bsgrags pas bsreg/ ka pA la dang bse yi snod// kha sbyor rdo rje'i dra ba can// phyogs bzhir lcags kyu bdun bdun bsam// bum pa bzang po'i kha rgyan can// pad+ma'i dpag bsam shing du bsam// lte bar rig pa'i rgyal po dang// 'dab bzhir khro bo phyogs dang mthun// mtshams bzhi 'chol ba'i phyag mtshan dang// sku mdog sna tshogs gtso la phyogs// rdo rje'i sa gzhi gcig pa dang// ra ba dra ba gdugs kyang dbub// mtshon cha me ri 'khor lo bsgom// byad byed rnam la skrag mi dgos// dpal rta mchog gi rgyud las/ srung ba'i 'khor lo bsdom pa'i le'u ste gsum pa'o//// de nas yang dag bshad bya ba// thugs rje'i bdag po legs par nyon// zlog pa'i 'khor lo gang 'dod pa// bde ba'i stan la gnas nas ni// bya la ma khams su yaM dang baM// laM dang raM las 'byung ba yi// 'khor lo rnam par bsgom par bya// b+h+rUMlas 'khor lo rtsibs brgyad pa// rtsibs steng rdo rje'i gzhal yas khang// rta mchog zhal gnyis phyag bzhi pa// mda' gzhu 'gengs shing rta skad sgrog/ phyogs bzhir rigs kyi khro bo bsam// shar gyi 'khor lo'i rtsibs la ni// bdud las rgyal byed mdog dkar ba// zhal gcig phyag gnyis rdo rje 'phyang// sdigs mdzub g.yon pas bgegs rnams bsreg/ lho ru khro bo gzi brjid 'bar// mdog ser ha ha'i sgra sgrog pa// rdo rje byug tho g.yas dang g.yon// nub tu rngam pa'i sgra sgrog pa// rdo rje g.yas 'dzin sbrul zhags g.yon// 'dzin pas klu rnams dbang du sdud// byang gi 'khor lo'i rtsibs la ni// bdud rtsi 'khyil pa sku mdog ljang// rdo rje be con g.yas dang g.yon// thams cad zhabs gnyis g.yas dang g.yon// bskum dang brkyang ba'i tshul du bzhugs// sbrul dang stag gis rab tu brgyan// mtshams bzhir sna tshogs 'jigs pa bsgom// bsrung bya gang 'dod rdo rje'i nang// bsgom la drag po yi ni sngags// mgrin gcig tu ni brjod par bsam// rtsibs kyi so yis thams cad gcod// khro bo rnams kyang dgyes pa'i tshul// chod cig gtubs shig legs par gtubs// me yis bsregs shing rdul du rlogs// shog gu'am gro ga dag la ni// za byed gnod pa'i gzugs bris la// khru gang tsam gyi tshad nyid la// dug dang khrag gis bris la ni// kha la rdo rje rgya gram dgod// lus kyi steng du lam las ni// gling bzhi ri rab legs par dgod// mgo la rta mchog yan lag la// hU~M bzhi rdo rje 'greng bu gnyis// dpung pa g.yas dang g.yon du dgod// lu gu rgyud kyis dam par bcings// mi stsogs rnams la hU~M yang bri// dgug dang gzhug pa dang por bya// gru gsum nang du rdo rjes mnan// drag po'i sngags brjod non par 'gyur// gang dag bsrung ba'i go cha bgo// zhal gnyis phyag drug rta mchog la// gong du bzhi byung// ljang zhur le brgyan mdog 'dra ba// mche ba gtsigs shing phyag rgya ni// rdo rje rtse lnga'i phyag rgya 'ching// hU~M las 'od 'phros log par 'dren// rdo rje'i char phab sku la bstim// drag po'i sngags brjod legs par bsrung// rdo rje khro bo gtum po che// phyag na rdo rje 'jigs pa'i sku// rin chen gsum gyis bsrung bar bya// dpal rta mchog gi rgyud las// bzlog pa dang go cha'i le'u ste bzhi pa'o//// de nas cho ga yang dag mchog/bshad kyis rig pa'i rgyal po zung// rig pa'i rgyal po 'bum du bzlas// drag po'i sngags rgod rgyun tu bsnyen// las la sbyar ba brtag par gyis// rgyal po bzlog na rA tsa dang// yak+sha gnod sbyin nA ga klu// phyi la gnod byed legs par brtag/ mi tshig ma 'dres gsal ba'i mchog/ gsang ba kun tu zla bar bgyis// gzhan yang dag bshad bya ba// srung byed rnam rgyal a ru ra// bcangs sam lus la bsten pa yis// mar me'i snang bas mun sel ltar// phyogs su gnas pa mi 'gyur te// don kun 'grub byed nor bu dang// de bzhin tshe srid nor bu dang// rin chen sna tshogs bcangs pa yis// nyi shar grib ma mi gnas ltar// bgegs kyis rnyed par mi 'gyur ro// dgra bcom byang chub sems dpa' dang// de bzhin rnal 'byor grub pa'i gdung// mchod cing bcangs pa tsam gyis ni// zhe sdang zhi nas mchod byed 'gyur// lnga brgya stong du lon pa yis// sngags btab bskus na dpag tshad brgyar// gnod pa thams cad 'bros par 'gyur// dug dgra'i sgro rtsa snying dang ni// smyag shang lcugs ma'i bcings pa yis// klu yi bzung na btang nas kyang// de dag phyir la 'bros par 'gyur// ga bur dzA ti tsan+dan dang// gla rtsi gu gul dri lnga ni// bcangs pas rab tu bye bar 'gyur// gu gul nag dang dri sna tshogs// bdugs shing bsreg pas klad pa 'gas// dri lnga 'thungs pas nang gi dug/ chus bshal snod bzhin sel bar 'gyur// gu gul gla rtsi lus byugs pas// me lces sbrang bu bsregs pa ltar// thams cad myur du 'bros par 'gyur// rig pa'i rgyal po gsang sngags 'chang// sngags dang phyag rgya rten 'brel gyis// nus pa bsam gyis mi khyab pas// 'bad par bya zhing brtson par gyis// dpal rta mgrin gyi rgyud las// rdzas kyi bsrung ba'i le'u ste lnga pa'o//// de nas rig pa'i rgyal po rta mchog stan las langs te// khro bo'i stangs stabs kyis bcom ldan 'das la bstod pa// ston pa'i rgyal po rigs sngags 'chang// bgegs rigs stong phrag 'joms mdzad pa// thabs dang shes rab gnyis kyi ni// nyon mongs sdug bsngal 'joms mdzad pa// rig pa'i rgyal por phyag 'tshal bstod// rdo rje'i ra ba dra ba yis// bgegs dang log 'dren thams cad bsrung// rdo rje 'khor lo'i sbyor ba yis// thams cad bzlog cing med par byed// 'khor lo'i bdag por phyag 'tshal bstod// de skad ces gsol ba dang// bcom ldan 'das kyang zhal 'dzum pa dang bcas pa bzhugs so// de nas khro bo'i rgyal po bdud las rgyal ba la sogs pa thams cad dang// khro bo'i rgyal po rta mchog dang/ lha dang mi la sogs pa thams cad yi rangs te// bcom ldan 'das kyis gsungs pa la mngon par bstod do// dpal rta mchog gi rgyud las bstod pa'i le'u ste drug pa'o// rgya gar skad du/

CLOSE WINDOW