233a1 / gter shog dag las zhal bshus so// sa ma ya/ rgya rgya rgya/ mang+galaM//// rgya gar skad du/ shrI ha ya grI ba gu h+ya karma tan+t+ra nA ma/ bod skad du/
233a2 dpal rta mgrin gsang ba phrin las kyi rgyud ces bya ba/ bcom ldan 'das dpal rta mgrin dbang gi rgyal po la phyag 'tshal lo// 'di skad bdag gis thos pa'i dus gcig na/ 'og min gyi gnas pad+ma dbang gi
233a3 dkyil 'khor rnam par rol pa'i dur khrod chen po// dmar nag gru gsum 'bar ba'i gzhal yas khang/ dpal rta mgrin chen po yab yum pad+ma gzi ldan ma dang gnyis su med pa'i bde ba chen po la snyoms par
233a4 zhugs te/ma chags thabs kyi sbyor ba mdzad pa las/ yab kyi thugs ka nas 'od dmar po me long tsam zhig 'phros pa las sgrol ging sku mdog dmar por gyur to// yum gyi thugs ka nas 'od dmar po me long
233a5 tsam zhig 'phros pa las/lha mo smug mo nam mkha'i go zu can du gyur to// yab yum gnyis su med pa'i thugs kyi sras yum dral gnyis las srid pa pho rgyud dang mo rgyud thams cad srid nas 'khor dregs pa
233a6 can thams cad kyis bskor nas gnas so// de nas gtso bo yab kyis de rnams kyi lag tu rdo rje gtad// yum gyis thod khrag gtad de// hrIHpad+mAn+ta kr-i ta ha ya grI ba e ka dza ti hu lu hu lu hri dza dza/ e ka dza TI ma hA
233b1 kro d+ha hU~M phaT/rak+ta tsa mun ti kha na kha na hU~M phaT/ ces brjod pas/ dregs pa can pho mo de rnams thams cad lus ngag yid gsum rang dbang med par 'dar la dngangs shing bred par gyur to// trag rak+sha dza
233b2 b+h+yo// yab yum bdag cag srog gi snying po 'bul na bka' ci stsal zhus pa dang/ rta mgrin yab yum gnyis su med pa'i sbyor ba'i byang chub kyi sems kyi thig le dang// dam tshig gi chu'i bdud rtsi lce la bzhag
233b3 nas gsang ba'i dbang bskur// thugs kyi sras su byas nas bka'i srung mar bzhag go/ gleng gzhi'i le'u ste dang pa'o//// de nas thugs kyi lcam dral gnyis kyis 'di skad ces zhus so// e ma dpal
233b4 chen yab yum sku// nyid kyi lta ba ji ltar lags// dpal chen yab kyis bka' stsal pa// snang srid dngos por snang ba kun// nga yi rol pa sku yi rgyan// sgra ru grag pa thams cad kun// nga yi gsung gi rang bzhin
233b5 yin// sems kyi dran rtog thams cad kun// nga yi thugs kyi longs spyod rgyan// thig le byang chub sems nyid las// rig dang ma rig khyad par kun// las dang ye shes gnyis su snang// ma rig pa las 'khor
233b6 ba las// rig pa'i ye shes mya ngan 'das// 'khor 'das khyad par dbyings su mnyam// las dang ye shes gnyis su med// ma 'gags pa ni chos kyi sku// mi dmigs pa ni chos kyi dbyings// de rtogs de la
234a1 gnas pa ni// sangs rgyas kun gyi dgongs pa yin// da ltar ngas kyang de ltar bshad// ces gsungs so// blta ba'i le'u ste gnyis pa'o//// lcam dral gnyis kyis yang zhus pa// nyid kyi
234a2 bsgom pa ji ltar lags// dpal chen yab kyis bka' stsal pa// sems nyid skye med gdod nas dag/ yod med rtag chad gzung 'dzin yang// ma bstsal bzhag na bsgom pa yin// sems nyid rtogs pa chos
234a3 dbyings la// ma 'gags dug lnga'i rnam rtog shar// dbyings las shar zhing dbyings la thim// rang shar ngang grol bsgom pa'i mchog/ lha dang gzugs sku dang sbyar bas// dngos por bzung na rtag par
234a4 gol// blta ba gnyis med chos kyi sku// med par bzung na chad pa ste// yod med mnyam pa'i ngo bo las// bde gshegs 'gro don cir yang mdzad// bskyed rdzogs zung 'jug bsgom pa yin// zhes gsungs
234a5 so// bsgom pa'i le'u ste gsum pa'o//// lcam dral gnyis kyis yang zhus pa// nyid kyi spyod pa ji ltar lags// dpal chen yab kyis bka' stsal pa// skye 'gro gzugs su snang ba kun// gang yin thams
234a6 cad phyag rgya'i tshogs// nges pa sku yi rgyan du shar// sgra ru grag pa sngags kyi tshig/ nga yi gsung gi sgra skad yin// sems kyi dran rtog thams cad kyang// ma lus thugs kyi mtshan nyid yin// sku dang gsum thugs
234b1 longs spyod pas// 'di yang nga yi spyod pa yin// skye shi med pa'i don rtogs nas// snang srid thams cad dbyings su sgrol// bstan pa'i rU tra gang yin pa// bla med byang chub gnas su sgrol// 'di yang nga yi spyod pa
234b2 yin// chos dbyings skye ba med pa las// rig pa'i ye shes gnyis med sbyor// thabs kyi rang bzhin skye med las// shes rab ma 'gags gnyis med sbyor// 'di yang nga yi spyod pa yin// zhes gsungs so// spyod
234b3 pa'i le'u ste bzhi pa'o//// lcam dral gnyis kyis yang zhus pa// nyid kyi 'bras bu+i ji ltar lags// dpal chen yab kyis bka' stsal ba// rig pa ye shes chos kyi sku// rang bzhin med pa lhun grub
234b4 ngang// ma btsal rang shar ye nas gnas// sems nyid sna tshogs rang 'gyu ba// longs spyod rdzogs pa'i sku yi ngang// rang las byung zhing rang las spyod// 'di yang nga yi 'bras bu yin// 'di ltar snang ba thams
234b5 cad kun// sna tshogs rang shar sprul pa'i sku// gang ltar brtag pa 'di ltar snang// 'di ltar nga yi 'bras bu yin// sku gsum rang la ye nas rdzogs// ma btsal rang bzhin lhun gyis grub// ma bsgrubs rang las
234b6 'byung zhing gnas// 'di yang nga yi 'bras bu yin// zhes gsungs so// 'bras bu'i le'u ste lnga pa'o//// lcam dral gnyis kyis yang zhus pa// nyid kyi sgrub pa ji ltar lags// dpal chen yab kyis bka'
235a1 stsal pa// bskyed pa'i rim pa sgrub pa yin// rnal 'byor blta bas thag chod nas// thog mar bkra shis dben pa'i gnas// nub tu kha bltas sa gzhi dmar// kun tu zla gam dbyibs su 'dug/ me
235a2 tog dmar po'i snam bu chags// rtsi shing yal ga g.yur za ba// ston pa'i zhabs kyis bcags pa der// dkyil 'khor dang ni mchod rdzas kun// thams cad kha dog dmar por bya// bla ma lha tshogs bcas pa
235a3 la// yan lag bdun gyi tshogs bsags la// de bzhin nyid dang kun snang rgyus// 'byung ba lnga po rim brtsegs la// b+han+d+ha 'bar ba'i gzhal yas la// smug nag gru gsum gnam sgo can// zla gam mu khyud gru
235a4 chad dang// sgo bzhi'i rgyan dang khor yug mdzes// klu dang nyi zla pad+ma'i gdan// rang sems hriH'i spro bsdu las// phyag mtshan rdo rje yongs su gyur// bdag nyid dpal chen rta mgrin sku// dmar nag zhal gcig
235a5 phyag gnyis pa// g.yas g.yon rdo rje dung dmar dkrug/ zhabs gnyis brkyang bskum stangs stabs bgrad// spyan gsum smin ma khro gnyer ldan// zhal bgrad mche gtsigs sma ra ser// dbu ska ral pa gyen du
235a6 brdzes// dbu gtsug rta mgo rta skad 'tsher// sku la dur khrod chas brgyad gsol// yum chen gzi ldan sku la 'khril// dmar nag zhal gcig phyag gnyis pa// g.yas pa kha T+wAM yab la 'khyud// g.yon pa dung
235b1 dmar gtso la stob// zhabs gnyis yab kyi sku la 'khyud// de ltar sku bskyed gsal ba dang// sku gsung thugs su byin gyis brlab// ye shes lnga yi dbang rdzogs bskur// spyan drang bzhugs gsol phyag 'tshal
235b2 mchod// bstod cing dpal gyi rta skad gdon// ma mo'i b+h+yo skad thengs gcig dang// rnal 'byor brda skad thengs gcig don// thugs kyi ye shes sems dpa' la// sngags kyi 'phro 'du tsakra la// spro bsdu bya zhing
235b3 bsnyen pa bya// hrIHpad+mAn+ta kr-ita ha ya grI ba e ka dza TI hu lu hu lu hri dza dza// yi dam bcas pa'i 'dzab rdzogs nas// tshogs dang ba liM cho ga bya// dpal gyi bka' srung lcam dral mchod// 'khor gyi DA ki lhag mas
235b4 mchod// ba liM gtang zhing rta bro brdung// dkyil 'khor bsdus te slar yang bsgom// bskyed pa'i rim bsgrub pa yin// zhes gsungs so// bskyed ma hA yo gar bsgrub pa'i le'u ste drug pa'o//// lcam dral
235b5 gnyis kyis yang zhus pa// rdzogs pa'i rim pa ji ltar bsgrub// dpa' bo yab kyis bka' stsal pa// bskyed pa'i rim pa bstan pa dang// skad cig dran rdzogs lhar bskyed nas// 'gro nyal 'dug sdod thams cad
235b6 du// lha yi ngang nas 'bral mi bya// gzugs su snang ba rta mgrin sku// sgra ru grag pa rta mgrin gsung// sems kyi dran rtog rta mgrin thugs// sku gsung thugs kyi mu dra che// gu Na sna tshogs zad mi shes// karma sna
236a1 tshogs thogs med spyod// pad+ma dbang gi rang bzhin las// bdag kyang snang la yod ma yin// thams cad dbang gi dkyil 'khor che// ma btsal bzhag pas 'gro don 'grub// yid bzhin nor bu ma
236a2 btsal rnyed// rta mgrin dbang gi yon tan yin// zhes gsungs so// rdzogs pa a nu yo gar bsgrub pa'i le'u ste bdun pa'o//// lcam dral gnyis kyis yang gsol pa// rdzogs pa chen po ji ltar
236a3 bsgrub// dpal chen yab kyis bka' stsal pa// rta mgrin dbang gi dkyil 'khor de// logs na yod pa ma yin te// rang nyid rta mchog skur snang bas// rang nyid lha la lha nyid rang// lha dang rang nyid gnyis su
236a4 med// sems nyid rtogs na sangs rgyas te// sangs rgyas gzhan nas ma btsal cig/ sku mdog phyag mtshan zhugs tshul dang// rgyan dang cha lugs yab dang yum// gtso dang 'khor du bcas pa yang// sems kyi
236a5 snang ba de ltar yin// sna tshogs gzugs can yid las skyes// gang ltar brtags pa de ltar snang// sems la rgyu rkyen med pa des// ma bsgrubs ye nas rang byung gnas// ma btsal bzhag pas rang sa zin// de
236a6 ltar rtogs na rta mchog dpal// chos nyid don gyi dbang chen yin// gzugs su mtshan mar 'dzin pa des// grol bar 'dod kyang 'khor ba 'ching// grub par 'dod kyang rtag 'dzin yin// des na ma btsal
236b1 bzhag na grol// ma bsgrubs lhun grub ngang la gnas// rdzogs pa chen por bsgrub pa yin// zhes gsungs so// rdzogs pa a ti yo gar bsgrub pa'i le'u ste brgyad pa'o//// lcam dral gnyis kyis yang
236b2 gsol pa// rdzas la bten nas sgrub pa'i thabs// dpal chen yab kyis bka' stsol cig/ des nas yab kyis bka' stsal pa// shugs 'chang dmar zhur thod pa la// dpral bar rta mchog yab yum bri// 'gram
236b3 par las byed lcam dral bri// pad+ma rak+tas dmar por byug/ mig dang rna ba gsal bar btod// le brgan dar dang zab kyis brgyan// klad phor nang du gzhug pa'i rdzas// rang sngags 'khor lo bcas pa
236b4 dang// las byed lcam dral srog snying ni// le brgan dar la bris pa'am// yang na mthing la mtshal gyis bri// pha wang long bu shel gyi rdo// pho rgyud ging gi bla rdo yin// mchong dang na chung mtshal khrag ni// mo rgyud DA
236b5 ki'i bla rdo yin// le brgan dar gyis dril nas ni// za 'og dar dmar skud pas bsdam// rta thod klad phor nang du'o// rta thod dbang chen skur mnga' gsol// dkyil 'khor dbus su bzhag la bsgrub// dgra
236b6 bgegs sgrol na ling+ga gzhug/rnam shes srog snying spu grir sdeb// nyung dkar la sogs drag rdzas la// bsngags la thun du brab par bya// me 'bar 'od dang sgra yang 'byung// ling+ga phyug la las sbyor bya// rta thod
237a1 bsgrub pa'i rten du gzung// srid pa'i pho rgyud mo rgyud kyi// srog lus bla gsum zil mnan nas// bka' nyan mi ldog las kun byed// ces gsung so// phyi rta thod lha zhal la brten nas bsgrub pa'i
237a2 le'u ste dgu pa'o//// de nas yang dag bshad bya ba// dmigs pa rten gyi dam rdzas ni// gdong dmar dred kyi thod pa'am// stobs chen dmar po'i pho thod las// rta mgrin yab yum zhal bris la// dmigs
237a3 pa'i rten du mkhas pas bzhag/goms 'dris brtan par gyur pa dang// rang nyid lha ru bsgom par bya// rang nyid lha ru gsal tsam na// gnyis su phye la bsgom par bya// mang du bsgom dang nyung du
237a4 bsgom// gcig las du mar spro ba dang// du ma gcig tu bsdu ba dang// ji ltar 'dod pa de 'ong na// skad cig dran rdzogs lha ru bsgom// spyod lam rnam bzhi lam du 'khyer// de la rten pa thob pa dang// lha de
237a5 sems kyi ngo bor bltas// sems nyid lha yi rang bzhin las// rang byung ma skyes ye nas gnas// ma bsgrubs rang las byung bar snang// rta mgrin sku de zhal mthong ba'i// snang tshad sku la grag tshad gsung// dran
237a6 rig thugs las ma g.yos par// che ba'i yon tan bsam mi khyab// phrin las rnam bzhi bsam pas 'grub// rang sems stong pa chos kyi sku// stong nyid lhar gsal longs spyod rdzogs// sna tshogs 'gro don sprul
237b1 pa'i sku// 'bras bu sku gsum rang la rdzogs// lta ba'i gdeng chen rtogs tsa na// spyod pa dregs pa las la 'dzud// dpal gyi rta skad thengs gsum gdon// ma mo'i b+h+yo skad thengs gcig dang// rnal 'byor
237b2 hrIHskad thengs gcig gis// 'jig rten dregs pa pho mo rnams// rang dbang med par las la 'gro// bstan pa'i dgra bgegs rtsad nas gcod// 'jig rten dregs pa thams cad kyang// srog thob bran bzhin
237b3 bka' sdod byed// thod pa'i bris sku rten du gzung// mngon spyod dgra bgegs sgrol 'dod na// ma ru tse yi gri thod du// dug khrag mtshal gyis byug par bya// nang du e la sngags kyis bskor// mA ra ya yi ling+ga
237b4 gzhug/zhing lpags ngas kyis thod kha bcad// nyung dkar sngags kyi thun gyis brab// thod pa 'phar dang ldeg pa dang// ling+ga 'tsheg cing tsig sgra 'byung// dug shing me la sbyin sreg bya// rgya gram lam du gnan par
237b5 bya// yang na nag po'i klu la gtad// myur du grol bar the tshom med// ces gsungs so/ nang thod pa lha zhal la brten nas bsgrub pa'i le'u ste bcu pa'o//// de nas yang dag bshad bya ba// gsang ba
237b6 tsakra'i dam rdzas kyis// dgra bgegs rnam gnyis bsad pa ni// gro ga shing shun ras dag la// tsakra rtsibs bzhir bri bar bya// rta mgrin yab yum zhal phyag 'don// tsakra'i khar ni sngags bskor la// kha sbyar
238a1 bar du ling+ga gzhug/mnga' gsol byin brlab dbang bskur bya// dgug gzhug byas la dmigs pa bya// dgra bgegs mtshon cha'i tsakras gtub// gang la bya ba brlag par bsam// sngags la
238a2 tsakra'i las sngags gdags// 'khor lo 'phar dang ldeg pa dang// dgra bgegs sod pa'i rtags byung na// tsakra'i bar gyi ling+ga dbyung// phur pas gdab cing mi la bsreg/ thal ba nya bo byas pa la// snying gar
238a3 dgra bgegs ming rus gzhug/lha khang them 'og mchod rten rmad// rgya gram lam la sogs par mnan// tsakra bsgrub pa'i rten du bzung// nam dgos dus na las la sbyar// zhes gsungs so// gsang ba tsakra lha
238a4 zhal la brten nas bsgrub pa'i le'u ste bcu gcig pa'o//// de nas yang dag bshad bya ba// mo grub snel gri'i snying thun ni// snel gri mo yi thod pa ru// pad+ma rak+ta'i mtshal gyis byug/ dbus su gru
238a5 gsum srog snying bri// snel gri'i snying du ling+ga gzhug/ tshon skud dmar pos ling+ga bcings// le brgan dar gyis thod kha bcad// srog rtsa bya rgod sgro rtsa'am// zangs kyi sbu gur gzhug par bya// kha khebs dkyil du
238a6 mthongs phye gzhug/ling+ga'i tshon skud yar la drangs// seng ldeng mdzo mo'i phur pa gnyis// lcam dral gnyis su mnga' gsol bstod// snel gri 'brub khung nag por gzhug/ nyung dkar nyung nag thun bsgrubs
238b1 nas// srog rtsa'i nang du thun brab la// thod pa 'phar dang ling+ga 'tsheg/ 'od dang sgra dang me stag 'phro// snying nang ling+ga phur pas gdab// gtor ma gtang dang bsreg pa dang// drag po'i las la sbyar bar bya// rtsa
238b2 gcig gsum la grub par gsungs// des ma grub na lan gsum spogs// des ni mi 'grub mi srid do// zhes gsungs so// ma mo snying thun gyis bsad pa'i le'u ste bcu gnyis pa'o//// de nas yang
238b3 dag bshad bya ba// dug khrag zor gyis bsad pa ni// snel gyi mo yi thong pa ru// mi khrag khyi khrag ra khrag gsum// btsan dug thang phrom thar nu gsum// nyung dkar nyung nag ske tshe gsum// sbyar te thod par blug
238b4 par bya// khrag dug thun du bsgrub par bya// rtags ni thun khrag khol nas 'ong// dgra yi khad khyim ngag la brdeg/ rims nad phog nas kha phung 'chi// zhes gsungs so// dug khrag thun gyis bsad pa'i le'u ste
238b5 bcu gsum pa'o//// de nas yang dag bshad bya ba// drag sngags nyung dkar bsgrub pa yis// 'brub khung dmar por bsad pa ni// sme ba'i sa la 'brub khung bya// bang rim gnyis brtsegs bya ba la// kha
238b6 chod dbus su bu ga btod// me la bsregs te tshos par bya// nang du dug dang khrag gis byug/ gang la bya ba'i ling+ga gzhug/ drag sngags nyung dkar la bsngags bgrub// rtags ni thun dang ling+ga 'tsheg/ phur pas
239a1 btab la ling+ga bsreg/dgra bgegs myur du sgrol bar 'gyur// zhes gsungs so// thun sngags kyis bsad pa'i le'u ste bcu bzhi pa'o//// lcam dral gnyis kyis yang gsol pa// las
239a2 kyi mde thung ji ltar lags// dpa' bo yab kyis bka' stsal pa// phan gnod las kyi mde kha ni// gang la bya ba dmigs la bya// ltas ngan ma mo'i gzugs bcas rbad// rmi lam thun brab dgra la bzlog/ smyo
239a3 'bog thang phrom thun gyis brab// ser ba dag la phur pas gzir// thog gi thod snying thod par bsgrub// rang srung phyi grub zhwa la bya// char 'dod klu la phur pas gzir// thog ser kha char phur pas bzlog/ rbod
239a4 gtong gtor ma'i thun gyis bzlog/rmi lam ngan pa thal brdab bzlog/ dus min 'chi ba 'chi bdag gzir// tshe ring bum par tshe bsgrub bya// bsod nams longs spyod rdzas kyis bsgrub// rigs 'dod srung skud
239a5 skye la gdags// nang 'gras mchod rten dmar por bya// ngag mnan lce la phur pas gzir// ngag 'grol rang lce rdo rjer sgom// klu gtad ba dmar glang rur bya// shugs sgrol nyung dkar gzugs la brdeg/ jag
239a6 'ching mi snying nyung dkar sgrub// dbye ba bya rog 'ug sgros bya// dbang sdud zangs kyi ga 'ur bsgrub// sel ni dkor rdzas thod ngan sba// las mde nyi shu rtsa gcig pos// dpa' bo'i lag tu mtshon bskur
239b1 'dra// gang la bya ba myur du 'grub// ces gsungs so// las kyi mde kha rdzas kyi le'u ste bco lnga pa'o//// de nas yang dag bshad bya ba// las kyi mde kha gang byed kyang// dang po rta mgrin yab yum
239b2 gyi// bsnyen pa'i sngags ni rtags phyin bzlas// hrIHpad+mAn+ta kr-ita ha ya grI ba e ka dza ti hu lu hu lu hrIHdza dza/ de nas las byed lcam dral sngags// de dang dril la bsgrub par bya// trag rak+sha dza b+h+yo// de la bsgrub pa
239b3 shin tu gces// ma bsgrubs gang la'ang don mi 'byung// bsad pa spu gri'i sham bu ni// nr-i hur thum dza/ sha truM mA ra ya rbad/ rta thod mi thod gang bsgrubs kyang// bsad pa'i sham bu gong dang sbrel// che ge mo tsakra
239b4 mA ra ya hU~M phaT// tsakras bsad pa'i spu gri'o// trag rak+sha mA ra ya dgra bo'i snying ling rbud// snying thun bsad pa'i spu gri yin// mu tra rak+sha tsa mun ti b+h+yo rbad/ rak+sha tsa mun ti b+h+yo rbad/ thun gyis bsad pa'i sngags
239b5 so// ma he dun tse swA hA phob// dul ya swA hA phob// ltas ngan rbad pa'i sngags so// mu raM mu raM thuM thuM rmi lam thuM swA hA phob/ rmi lam ngan pa dgra la bzlog pa'o// d+huM ta pa ta ni la swA hA phob/ rmi lam ngan pa dgra la
239b6 bzlog cing smyo 'bog dbab pa'o// phrom phrom hril hril shar shar phob/ ser ba dbab pa'o// raM hril raM hril raM raM hril hril shar shar phob phob/ thog ser dbab pa'i mde'u'o// shar shar phob/ sil sil phob/
240a1 nA gas phob/ char dbab pa'i mde'u'o// badzra ki ki rbad/ thog ser kha char bcad pa'o// sarba gra ha bzlog/ sarba big+ha nAM/ rbo gtod bzlog pa'o// sarba dur swap+na sarba durni mi ti bzlog/ rmi lam ngan
240a2 pa bzlog pa'o// sarba a kA la mr-i t+yu bzlog/ dus min 'chi ba bzlog pa'o// sarba A yu rbar+d+ha ni pu+iSh+taM ku ru swA hA/ tshe bsgrub pa'o// sarba puN+ya bar+b+ha ni sarba rat+na ba hu bar+n+d+ra ni buSh+tiM ku ru swA hA/ bsod nams spel
240a3 ba'o// sarba puN+ya pu tra pa raM pa ra Ni phuSh+tiM ku ru swA hA/ rigs brgyud bsgrub pa'o/ rbod gtor byol kha sarba b+h+yo bzlog/ sha hU~M a mu ka mA ra ya rbad/ nang rgyas bsad pa'o// kA ya bA ka tsit+ta staM b+ha ya nan/ ngag mnan
240a4 pa'o// a shig a shig dur phyung dur phyung/ khrol khrol swA hA/ ngag dgrol ba'o// nA ga rA dza nyi ma dag shig/ che ge mo gtad do// klu la gtad pa'o// che ge mo mA ra ya sod sod/ rbud ling shag rbad/ thums ri li
240a5 li rbad/shugs sgrol gyi sngags so// ka ta rU pa bA ka tsit+ta ni thogs/ jag chings so// a nr-i traka rag sha mA ra ye phye phye/ lha dang dbye ba'i mde'u'o// che ge mo ni shag trag phye shag shag phye phye/ mA ra ya thuM ril rbad/
240a6 nye 'byed las so// che ge mo A kar+Sh+ya ya ho// Akar+Sh+ya ya hri// dbang bsdud sngags so// tsa pa tri mu tsan tri a phu che ge mo phung gnam rdeb// dkrugs dkrugs/ sel gyi las so// las mde nyi shu rtsa gcig gi sngags
240b1 kyi le'u ste bcu drug pa'o//// de nas yang dag bshad bya ba// dbang chen rta mgrin yab yum dang// lcam dral bcas pa'i srog 'phrog pa// gdong dmar dred kyi thod pa la// yab yum lcam dral sku
240b2 gzugs bri// dmigs pa'i rten du mkhas pas gzhag/ ba liM rak+ta sman phud bshams// rnal 'byor gos dang rgyan la sogs// dmar por byas la nub tu blta// pad+ma rA ga'i phreng ba bgrang// thod pa'i lha la
240b3 dmigs pa gtad// yab yum lcam dral dngos su dmigs// shes pa mi 'phro rtse gcig gzhag/ de la dmigs pa gtad pa dang// rang nyid rta mgrin skur bsgoms la// las byed lcam dral las la btang// hri
240b4 b+h+yo trag rak+sha dza b+h+yo// dpal gyi rta skad thengs gcig gis// khams gsum ma lus dbang du bsdu// ma mo'i b+h+yo skad thengs gcig gis// srid pa'i ma mo las la bkol// rnal 'byor hrIHskad thengs gcig
240b5 gis// srid gsum gdug pa'i dgra bgegs bsgrol// zhes gsungs so// phyi ltar srog 'phrog pa'i le'u ste bcu bdun pa'o//// de nas yang dag bshad bya ba// nang ltar srog 'phrog sgrub pa
240b6 ni// dbang chen rta mgrin yab yum dang// sprul pa lcam dral bcas pa de// grub nas dngos su zhal mthong yang// de la dngos su bzung ba na// las kyi srin po srin mo dag/ dngos su mthong dang khyad par
241a1 med// de nyid sems kyi cho 'phrul gyi// sems las ma gtogs chos gzhan med// sems las byung zhing sems la spyod// dpal chen rta mgrin yab yum nas// las kyi sgrol ba'i lcam dral
241a2 yang// mi mnyam mnyam par ye nas gnas// mnyam nyid chen po chos kyi sku// srog ni ma yengs sa ma d+hi// snying po rang dbang med pa'i sngags// dngos su byung na las la bskul// las mde nyi shu rtsa gcig
241a3 gis// gang 'dod dmigs pa'i phrin las bcol// thun mong sid+d+hi de las 'byung// zhes gsungs so// nang ltar srog 'phrog pa'i le'u ste bco brgyad pa'o//// de nas yang dag bshad bya ba// gsang ba
241a4 srog 'phrog 'di lta ste// sems nyid ngo bo rta mgrin te// logs nas bsgom zhing bsgrub tu med// rang sems gsal la ma 'gags pa// rang byung rang shar cir yang snang// zhi ba spyan ras gzigs su
241a5 snang// zhal dang phyag ni cir yang snang// sku mdog sna tshogs gang yang snang// de dag sems kyi cho 'phrul yin// rang rgyud pa zhig bsgrub tu med// khro bo dbang chen rta mgrin te// zhal dang phyag ni cir yang
241a6 snang// pad+ma'i rigs te sku mdog dmar// de yang ma nges sna tshogs la// thams cad sems kyi cho 'phrul yin// sems la rgyu dang rkyen med pas// rang byung rang sar rang sar grol// ngo bo stong par 'dug pa
241b1 de// rta mgrin chos sku rang la gnas// rang gsal ma 'gags shar ba ni// longs spyod rdzogs pa'i rta mgrin yin// rig pa'i rtsal du ma 'gags shar// sprul pa'i sku yi rta mgrin yin// sku gsum ma bsgrubs
241b2 rang la rdzogs// rta mgrin srog thob ma bsgrubs 'grub// ces gsungs so// gsang ba ltar srog 'phrog pa'i le'u ste bcu dgu pa'o//// de nas yang dag bshad bya ba// phyi nang gsang ba'i srog thob
241b3 nas// dgra bgegs la sogs sgrol 'dod na// bdag nyid lha yi skur gsal nas// yid kyi 'dzin phur thebs pa ni// bzlog pa he ru kas mi bskyod// gsod byed snying gi rtsa ba can// lta ba gdeng du tshud pa
241b4 des// lha srin srog thob gnad la dbab// dus la babs pa'i skabs chen yin// dus ma yin na thugs rje yin// rnam par smin pa'i phung po 'di// bsgral ba 'ba' zhig thugs rje'i mchog/ stong gsum ma lus
241b5 srog bton pa'i// 'bum gyi char yang mi phod de// bstan pa 'jig dang rang gzhan smod// rnal 'byor sku la bsdo ba la// srog 'phrog bla dang lus sems dbral// srog ni yi ge nr-i ru gnas// hur thums dza yis
241b6 snying nas 'dren// mA ra ya ni gsod pa'i sngags// srog gcod spu gri 'bru bzhi pa'o// bla ni 'khyams pa rnam bzhi ste// rang dbang med par bsad pa yis// phung po rdos pa phyir bzhag nas// ltos med lus sems
242a1 bral ba yin// srog gcod pa yi las rnams ni// bstan srung phyi rabs ma gtogs pa// phran tshegs tsam la byas pa na// sngags pa bdud kyi las byas pas// shi nas rdo rje dmyal bar ltung// de
242a2 bas legs par shes par bya// zhes gsungs so// bsgral ba khyad par bstan pa'i le'u ste nyi shu pa'o//// de nas yang dag bshad bya ba// nam zhig dus ngan tha ma la// sngags pa rbod gtong nad 'gras
242a3 byed// de tshe mnyam gnyis khyad 'ong na// nad dang gdon rnams bsrung ba dang// phrin las dmigs su gang byed kyang// rang nyid rta mgrin skur gsal na// cis kyang tshugs par mi 'gyur te// bsrung ba'i mchog
242a4 tu 'di 'gyur ro// cis kyang mi tshugs mi shigs pa// stong pa'i go cha bla na med// 'di ni srung ba'i rgyal po yin// rnam par rtog pa bgegs yin te// bgegs ni rang gi sems las byung// sems nyid ye nas
242a5 dag shes na// gzhan na bgegs zhes bya ba med// de ltar shes na bgegs las grol// gdon 'joms pa ni mchog tu 'gyur// sems nyid rig pa'i rtsal thon na// sman pa che mchog gtso bo ste// zug rngu 'byin
242a6 pa bla na med// nad do cog gi dgra che ba// sman rnams ma lus ljon pa'i shing// sems kyi bya ba ma gtogs pa// sangs rgyas cho 'phrul logs na med// thams cad gnyis med rtogs 'gyur na// de mi don dam
242b1 stong pa'i dbyings// nyams pa'i chad pa byung ba la// mgon tshul de las gzhan med do// zhes gsungs so// bzlog srung khyad par du bstan pa'i le'u ste nyi shu rtsa gcig pa'o//// dpa' bo yab kyis bka'
242b2 stsal pa// bstan pa bsrung ba'i lcam dral khyed// bstan pa'i rgyud 'di gang gnas par// nga yi bstan pa de na gnas// khyed kyis bstan pa bsrung bar gyis// tha tshig bstan las ma 'da' bar// rnal 'byor dam
242b3 ldan bstan pa srungs// sangs rgyas bstan pa 'jig pa dang// bla ma'i dbu 'phang smod pa dang// rnal 'byor sku la bsdo ba'i dgra// khyed kyis myur du bsgral bar gyis// zhes las kyi gnyer gtad do// gtso bo
242b4 yab yum chos nyid la gnas so// lcam dral gnyis bstan pa'i srung mar bzhag go/ dpal rta mgrin gsang ba'i phrin las drag sngags dpa' bo gcig pa'i rgyud las/ mjug las kyi gnyer gtad pa'i le'u ste nyi
242b5 shu rtsa gnyis pa'o//// dpal rta mgrin dpa' bo gcig pa'i gsang ba phrin las kyi rgyud rdzogs so//// slob dpon pad+mas rgyal po khri srong lde btsan dang// ngan lam rgyal ba mchog dbyangs la
242b6 gdams pa'o// shog ser gyi tsha bo las zhus so// gter rgya/ sbas rgya/ gtad rgya/ rgya rgya rgya////


CLOSE WINDOW