CLOSE WINDOW

Gpb023.006
བོད་ཡིག

/// rgya gar skad du// pad+me shu ra ma hA gu h+ya kro ta tan tra nA ma/ bod skad du/ pad+ma dbang chen yang gsang khros pa'i rgyud ces bya ba/ dpal ha ya grI wa la phyag 'tshal lo/ 'di skad bdag gis thos pa dus gcig na bcom ldan 'das ha ya grI wa dbang gi rgyal po de// dbang chen rngams pa 'bar ba'i gnas na// 'khor gyi tshogs pad+ma'i khro bo khro mo rnams dang/ 'jig rten 'dul ba'i dregs pa can bsam gyis mi khyab pa dang thabs cig tu bzhugs so// de nas bcom ldan 'das dbang gi rgyal po pad+ma khrag 'thung chen po des/ dbang chen khyad par bstan pa zhes bya ba'i ting nge 'dzin la snyoms par zhugs pas/'jig rten gyi khams thams cad g.yos te/ 'ur 'ur rab tu 'ur/ chem chem rab tu chem/ 'degs shing 'jigs la khad par gyur to// 'khor thams cad brgyal te lus sa la rdebs so// srid pa gsum gyi dregs pa can bsam gyis mi khyab pa thams cad kyang/dper na shing lo skam po rlung gis btab pa bzhin du rang la dbang med par dbang du 'dus so// de nas yang bcom ldan 'das kyis bdud zil gyi mnan pa'i ting nge 'dzin la snyoms par zhugs so// de nas thams cad kyang dbugs phyung ste dran pa rnyed par gyur to// de nas 'khor thams cad kyis mgrin gcig tu/ bcom ldan 'das la 'di skad ces gsol to// e ma ho bcom ldan 'das dbang chen dpal// pad+ma khrag 'thung dbang chen rgyal// byin rlab cho 'phrul ngo mtshar che// bdag cag snang srid dregs pa can// srog gi snying po nyid la 'bul// dpal gyi bran g.yog pho nya bgyid// ci bgyi la sogs bka' stsal nyan// gal te spyan sngar dam bcas bzhin// ma bgyis bdag cag dregs rnams kyi// mgo lus snying yang 'gas gyur cig/ ces bro bor ro// de nas bcom ldan 'das pad+ma dbang chen gyis 'khor du 'dus pa'i dregs pa can de dag dam la btags te/ sangs rgyas kyi bstan pa bsrung bar mngags so// pad+ma dbang chen yang gsang khros pa'i rgyud las/gleng gzhi'i le'u ste dang po'o//// de nas yum khro mo pad+ma gar gyi dbang phyug ma des/ bcom ldan 'das la 'di skad ces gsol to// e ma ho/ bcom ldan 'das rta mchog dpal// rang bzhin dkyil 'khor ji ltar lags// nyag gcig dpal la nyan par 'tshal// zhes zhus pas/ bcom ldan 'das nyid kyis rang bzhin gyi dkyil 'khor 'di bshad do// chos nyid nam mkha' lta bu la// rang byung ye nas dkyil 'khor ni// dbus na gru gsum zla gam gsum// phyi rol 'khor lo rtsibs bzhi la// thod pa skam rlon 'phreng ba zlum// gru chad sgo bzhi rgyan dang ldan// mtha' ma rdo rje me ris bskor// gru gsum smug nag zla gam dmar// rtsibs bzhi gru chad sgo phyogs tshon// rtsibs mchan mdzes tshon rtsigs pa lnga// 'dod yon dra phyed pha gu dang// rta babs dang bcas rab tu mdzes// dbus kyi gru gsum bdud nag dag/pad+ma nyi ma 'od du 'bar// me dpung 'bar ba'i klong dkyil na// pad+ma khrag 'thung rta mchog dpal// sku mdog dmar nag chen po la// dbu gsum phyag drug zhabs bzhi bgrad// g.yas dkar g.yon ljang dbus dmar gnag/dbu skra kham nag gyen du 'khyil// dbu la thod skam lnga yis brgyan// gtsug na rta mgo ljang khu mtsher// sku stod zhing chen glang chen mnabs/ sku smad stag sham thod rlon phreng// rigs bzhi'i sbrul rgyan chas rnams rdzogs// spyan gsum zhal bgrad mche ba gtsigs// smin ma sma ra ag tshom ser// pad+ma lcags kyu be con g.yas// b+han dmar zhags pa ral gri g.yon// zhabs bzhi brkyang bskum tshul du bzhugs// g.yon na yum chen khro mo ni// pad+ma gar gyi dbang phyug ma// sku mdog sngon nag dur khrod chas// dbu ral nag po rin chen spras// khro tshul spyan gsum mche ba gtsigs// g.yas 'khyud g.yon pa dung dmar stob// shar gyi rtsibs la dri za'i gdan// rdo rje dbang chen khro bo'i sku// zhal gcig phyag gnyis shin tu khros// dur khrod chas brgyad rdzogs par ldan// rdo rje thod dbyug phyag na bsnams// lho yi rtsibs la grul bum gdan// rin chen dbang chen khros pa'i sku// rin chen lcags kyu phyag na bsnams// nub kyi rtsibs la klu dbang gdan// pad+ma dbang chen khros pa'i sku// pad+ma zhags pa phyag na bsnams// byang gi rtsibs la gnod sbyin gdan// phrin las dbang chen khro bo'i sku// ral gri kha T+wAM phyag na bsnams// bzhi ka'ang zhal gcig phyag gnyis pa// chas brgyad me dpung klong na bzhugs// sgo bzhir sgo ma bzhi gnas te// lcags kyu zhags pa lcags sgrog dril// dkar ser dmar ljang dur khrod rgyan// de ni rang bzhin dkyil 'khor ro// pad+ma dbang chen yang gsang khros pa'i rgyud las rang bzhin gyi dkyil 'khor bstan pa'i le'u ste gnyis pa'o//// de nas yum pad+ma gar gyi dbang phyug mas/ bcom ldan 'das la 'di skad ces gsol to// kye ho bcom ldan rta mchog dpal// rtsa ba'i sgrub dang phrin las dang// drag po las kyi rim pa rnams// 'khor la rgyas par bshad du gsol// zhes zhus pas bcom ldan 'das kyis rtsa ba'i phrin las 'di bshad do// bstan pa gnyen po bsrung ba'i phyir// pad+ma dbang chen sgrub thabs brtsam// dbang drod dang ldan slob dpon 'khur// brtson 'grus ldan pas rtse gcig bsgrub// dur khrod ri brag dmar po la// nub ri mtho brjid shar ri dma'// nags tshal stug po nub tu bltas// nam mkha' pad+ma 'dab brgyad 'dra// nyi zla gza' skar 'od 'bar zhing// chu bran ri brag kun 'dud par// tsha tsha sbyin gtang mdo sde 'don// 'dus byas dge rtsa nus tshad bya// dur khrod ri lhun thal chen la// maN+Dal khru gang gru gsum pa// gru bzhi rtsibs la khrag snas byug/ grub sman bdud rtsi'i go ma ye// dkyil 'khor bris la rgyan rnams dgram// dbus su pad+ma b+han d+ha ru// skyes pa dar ma bud med gzhon// me tog sna tshogs pad+ma'i mdangs// gling lnga'i kha bcad dar dmar gril// hU~M gis rgyas btab bdud rtsi blugs// nub sgor 'bru sna sha ru tshogs// me tog sna tshogs gtor ma bsham// bdud rtsi rak+ta phyi mchod lnga// bla re 'phan gdug phreng ba dang// gling bu gsur dang keng rus bsham// dur khrod ras la sku bris te// rab gnas byas la nub tu dgram// de ltar rdzas rnams rab rdzogs nas// rang nyid skad cig ting 'dzin gyis// pad+ma khrag 'thung sku ru bskyed// thugs kyi snying po 'od 'phros pas// phyogs bcur me mtshon khro bo'i gur// de ltar gsal bas mtshams bcad do// hU~M dpal chen mi bzad dkyil 'khor nas// 'bar ba'i khro bo me dpung 'bar// gdug pa'i mtshon cha sna tshogs bsnams// bgegs dang log 'dren rdul du rlog/ dbang chen me dpung dmar nag 'bar// bskal ba dus mtha'i me lta bu// dbang drag mtshon cha brag ltar gtams// gang la bab kyang gcod cing sgrol// dbang chen khro bo mi bzad rngams// srid pa'i ye shes 'khor lo 'khrigs// dbang chen mtshams las gang 'da' ba// rdul phran bzhin du rlag par gyis// de nas mdun gyi nam mkha' la// yi dam lha rnams spyan drangs la// sdig sgrib bshags pa gang rung bya// de nas mchod pa byin gyis brlab// raM gyis sbyangs la a yis spel// phyi mchod lha mo lnga ru brlab// nang mchod 'dod yon longs spyod brlab// de ltar rdzogs nas phrin las gzhung bsrang ngo// hU~M chos nyid nam mkha' klong yangs nas// chos rnams sna tshogs rang shar ba// rang bzhin med pa chu zla 'dra// thugs rje chen po kun la khyab// snying po ye shes hU~M gi dbyibs// chen po lnga yi snying po lnga// 'byung ba lnga yi dwangs ma chags// ye shes 'bar ba'i gzhal yas khang// chos kyi dbyings kyi gnas chen po// 'khor lo dbang chen pho brang ldan// phyi nang med pa yongs su gsal// gdan steng sku bskyed dbang bskur cing// byin gyis brlab pa rab tu bya// yab yum gnyis med sbyor ba las// sprul pa'i dkyil 'khor rab tu gdon// pad+ma dbang chen yang gsang khros pa'i rgyud las/ dam tshig gi dkyil 'khor bskyed pa'i le'u ste gsum pa'o//// de nas bcom ldan 'das kyis 'di skad ces so// hU~M chos kyi dbyings las sku bzhengs pa// dbang chen khros pa'i rgyal po bzhengs// dbus kyi ye shes gzhal yas nas// pad+ma rta mchog gshegs su gsol// yum chen khro mo gshegs su gsol// phyogs bzhi 'khor lo rtsibs stengs nas// sprul pa'i khro bo gshegs su gsol// sgo bzhi gnas kyi gzhal yas nas// sgo ma bzhi rnams gshegs su gsol// hU~M dpal chen khro bo mi bzad pa// rta mchog dpal la phyag 'tshal lo// khro mo yum la phyag 'tshal lo// sprul pa'i sku la phyag 'tshal lo// sgo srung bzhi la phyag 'tshal lo// hU~M dam tshig dbang chen dkyil 'khor 'dir// dgyes shing brtan par bzhugs su gsol// hU~M bdug spos snang gsal zhugs tog sgra// zhal zas dri chab gtsang ma 'di// pad+ma dbang chen dkyil 'khor la// bdag gis dad pas 'bul lags kyi// thugs rjes dgongs la bzhes su gsol// hU~M rang byung gdod nas rnam par dag/rtsa brgyad stong la sbyar ba'i sman// ye shes lnga rdzogs grub pa'i rdzas// 'chi med bdud rtsi rA sa yan// dam rdzas mchog gi mchod pa 'di// khro rgyal pad+ma dbang chen la// bdag gis dad pas 'bul lags kyi// bzhes te 'phrul gyi dngos grub stsol// 'chi med bdud rtsi rA' sa yan// dam rdzas mchog gi mchod pa 'di// yum chen pad+ma gar gyi dbang phyug la// bdag gi dad pas 'bul lags kyi// bzhes te 'phrul gyi dngos grub stsol// 'chi med bdud rtsi rA' sa yan// dam rdzas mchog gi mchod pa 'di// sprul pa'i khro bo bzhi rnams la// bdag gis dad pas 'dul lags kyi// bzhes te 'phrul gyi dngos grub stsol// 'chi med bdud rtsi rA sa yan// dam rdzas mchog gi mchod pa 'di// sgo srung chen po bzhi rnams la// bdag gis dad pas 'bul lags kyi// bzhes te 'phrul gyi dngos grub stsol// hU~M ye shes khro bo dbang chen gyi// sku gsung thugs kyi dngos grub mchog/ rnal 'byor lus ngag yid la thim// gnyis med gyur nas brtan pa che// hU~M rnam dag rang byung grub sman 'di// pad+ma dbang chen dkyil 'khor la// mchod pa 'bul lo kha raM khA hi// rak+ta dmar gyi mchod pa 'di// pad+ma dbang chen dkyil 'khor la// mchod pa 'bul lo bzhes su gsol// gsang ba thabs dang shes rab las// pad+ma nor bu mnyam sbyar nas// dgyes pa chen po bde chen dang// byang chub sems kyi mchod pa 'di// pad+ma dbang chen dkyil 'khor la// mchod pa 'bul lo bzhes su gsol// hU~M zhing gyur thams cad rang bzhin bsgral// sha khrag srog dbugs mchod pa 'di// pad+ma dbang chen dkyil 'khor la// mchod pa 'bul lo bzhes su gsol// khyad par 'dod yon mchod pa'i mchog/ sha khrag keM rus gtor ma yis// khro rgyal dbang chen thugs dam bskang// yum chen khro mo'i thugs dam bskang// sgo ma bzhi yi thugs dam bskang// hU~M bdag cag ma rig nyon mongs sems can gyi// bag med tshul gyis dam las 'gal gyur te// pad+ma dbang chen lha tshogs kyi// thugs dang 'gal ba'i las ni ci bgyis pa// thugs rje che mnga' khyed la bzod par gsol// bzod par bzhes nas tshangs pa 'phrul gyi dngos grub stsol/ pad+ma dbang chen yang gsang khros pa'i rgyud las phrin las kyi le'u ste bzhi pa'o//// de nas bcom ldan 'das kyi sku gsung thugs las/ sngags 'di bstan to// oM raM kro tang ka shwa badzra dz+wa la raM/ tik+Sha bi shwa dz+wa la raM/ phaT phaT/ raM raM/ oM badzra d+hU pe A hU~M/puSh+pe A hU~M/ A lo ke A hU~M/ gan+d+he A hU~M/ ni wi d+ye A' hU~M/ sha b+ta A hU~M/ oM sarba pany+tsa a mr-i ta hU~M/ oM ma hA pad+ma rak+ta hU~M/ oM ma hA ba liM ta pU dza hU~M/ A+oM shUn+ya tA dz+nyA na sa mA tiM hU~M/ d+ha ma d+hA tu sa mA ti hU~M/ hU~M dz+nyA na badzra sa mA ti hU~M/hU~M e yaM raM khaM suM keM b+h+rUM/ e ag+ni maN+Dal/ yaM karma raka sha maN+Dal/ raM dz+wa ya maN+Dal/ khaM rak+ta maN+Dal/ suM suk+Sh+me maN+Dal/ b+hUM bi shwa bi shud+d+he dz+nyA na tsakra maN+Dal/ ru dra baM d+he ba baM/ ya ma baM/ nA ga baM/ yak+sha baM/ paM pad+ma maN+Dal/ma sUr+ya maN+Dal/ a tsan+d+ra maN+Dal/ hri ma spa ra Na phaT/ saM ha ra Na hU~M/ tiSh+tha badzra hU~M/ oM ma hA kro ta ha ya grI ba hu lu hu lu hU~M phaT/ oM ma hA kro tI shwa rI hU~M phaT/ oM AHhU~M/ hU~M oM aM ha/ hU~M badzra he ru ka kro tI shwa rI hU~M phaT/oM bud+d+ha he ru ka kro tI shwa rI hU~M phaT/ swa rat+na he ru ka kro tI shwa rI hU~M phaT/ oM pad+ma he ru ka kro tI shwa rI hU~M phaT/ ha karma he ru ka kro tI shwa rI hU~M phaT/ a pi Shiny+tsa hU~M hU~M paM/ hU~M hU~M hU~M hU~M/ dzaHhU~M baM hoH/ badzre shwa rI kro tI hU~M phaT/rat+ne shwa rI kro tI hU~M phaT/ pad+me shwa rI kro tI hU~M phaT/ karme shwa rI kro twi hU~M phaT/ badzra aM ku sha dzaH/ badzra pA sha hU~M/ badzra s+pho Ta baM/ badzra g+haN+Da hoH/ sa mA dzaH/ e h+ye hi b+ha ga wAn/ ma hA ka ru Ni kA badzra d+hA tu sa pa ri wA ra dzaHhU~M baM ho:/sa ma ya s+t+waM/ a ti pu ho/ pra ti pu ho/ sa ma ya s+t+waM/ oM na ma:sarba ta thA ga badzra d+hU pe pU dza me g+ha sa mu dra ya rat+na sa ma ye hU~M/ oM na ma:sarba ta thA ga ta badzra puSh+pe pU dza me g+ha sa mu dra ya rat+na sa ma ye hU~M/oM na ma sarba ta thA ga ta badzra A lo ke pU dza me g+ha sa mu dra ya rat+na sa ma ya hU~M/ oM na maHsarba ta thA ga ta badzra gan+d+he pU dza me g+ha sa mu dra ya rat+na sa ma ye hU~M/ oM na maHsarba ta thA ga ta badzra ni wi d+ye pU dza me g+ha sa mu dra ya rat+na sa ma ye hU~M/oM na maHsarba ta thA ga ta badzra shab+ta pU dza me g+ha sa mu dra ya rat+na sa ma ye hU~M/ ma hA pany+tsa a mr-i ta pU dza khA hi khA hi/ pany+tsa a mr-i ta kha kha khA hi khA hi/ ma hA rak+ta khA hi khA hi/ oM pad+ma su kha bo d+hi tsit+ta swA hA/oM ma hA rak+ta khA hi/ ma hA mAM sa khA hi/ ma hA tsit+ta khA hi/ ma hA ba su ta khA hi/ ma hA ko ro tsa na khA hi/ ma hA pany+tsa a mr-i ta khA hi/ keM ni ri ti khA hi/ ma hA ba liM ta khA hi pi pa ho/ pad+ma dbang chen yang gsang khros pa'i rgyud las/sngags kyi le'u ste lnga pa'o//// de nas bcom ldan 'das kyis tshogs kyi mchod pa dang/ bsnyen pa'i rim gnyis bshad do// longs spyod traM la hriHyis bsangs// aHyis sbyangs la 'dod yon gyis// lha mo'i tshogs su byin gyis brlabs/ oM sarba bi shud d+hou0f85haM/ oM ma hA rat+na ka ma la d+he bi shud+d+he hU~M// hU~M rang bzhin rnam dag ngang nyid las// sprul pa'i khro bo mi bzad pa// pad+ma dbang chen dkyil 'khor lha// longs spyod tshogs la gshegs su gsol// pad+ma ka ma lA ya s+t+waM hU~M dzaH// hU~M sprul pa'i khro bo 'bar ba yis// zhing bcu ma lus thams cad dang// 'khor ba'i nyon mongs rgya dbral nas// dug lnga dbyings su bsgral bar bya'o// mA ra ya phaT// dang por bar dang tha ma la// bstod dang gshegs dang bstab pa bya// hU~M mdzes sdug gzugs kyi mchod pa 'di// dbang chen dkyil 'khor spyan la 'bul// spyan gyi thugs dam skong gyur cig/ gzugs kyi mchod pa bzhes su gsol// snyan pa sgra yi mchod pa 'di// dbang chen dkyil 'khor snyan la 'bul// snyan gyi thugs dam skong gyur cig/ sgra yi mchod pa bzhes su gsol// dri zhim ngad kyi mchod pa 'di// dbang chen dkyil 'khor shangs la 'bul// shangs kyi thugs dam skong gyur cig/ dri yi mchod pa bzhes su gsol// ro mngar zhal zas mchod pa 'di// dbang chen dkyil 'khor ljags la 'bul/ljags kyi thugs dam skong gyur cig/ ro yi mchod pa bzhes su gsol// 'jam pa reg bya'i mchod pa 'di// dbang chen dkyil 'khor sku la 'bul// sku yi thugs dam skong gyur cig/reg bya'i mchod pa bzhes su gsol// gzugs kyi lha mo sku mdog dkar// gzugs kyi longs spyod sna tshogs 'dzin// dbang chen khro bo'i spyan la 'bul// sgra yi lha mo sku mdog sngo// sgra yi longs spyod sna tshogs 'dzin// dbang chen khro bo'i snyan la 'bul// dri yi lha mo sku mdog ser// dri yi longs spyod sna tshogs 'dzin// dbang chen khro bo'i shangs la 'bul// ro yi lha mo sku mdog dmar// ro yi longs spyod sna tshogs 'dzin// dbang chen khro bo'i ljags la 'bul// reg bya'i lha mo sku mdog ljang// reg bya'i longs spyod sna tshogs 'dzin// dbang chen khro bo'i sku la 'bul// bar ba gong gi bshags pa bya// tha ma ling+ga bstab pa bya// hU~M sha khrag rus pa nang khrol mkhris// 'dod chags zhe sdang gti mug dang// nga rgyal phrag dog mchod pa 'bul// sku gsung thugs dang yon tan dang// phrin las dngos por bzhes su gsol// hrIHbdag nyid khro rgyal rta mchog dpal// thugs kar pad+ma 'dab brgyad kyi// ge sar la ni snying po hrIH// 'dab ma brgyad la sngags kyis bskor// 'od 'phros bde gshegs rnams la thim// phyi nang gsang ba'i mchod pa 'bul// sku gsung thugs kyi snying po bsdus// sems can sgo gsum sgrib pa sbyangs// de ltar gsal bas rgyun du bgrangs// mchod pa gsum yar 'dzab bstod bya// sku nyid dngos su mthong ba'am// slob dpon nyi zla mgo la 'char// rdzas la me 'bar 'od 'phro zhing// sgrub khang g.yo 'gyur sgrar chen 'byung// pad+ma'i sdong por bdag 'dug dang// snang srid me tog pad+mas khengs// sangs rgyas nyag gcig chos nyan pa// mi nyams mngon sum phyi nang gsang// mthong nas dngos grub dam rdzas blang// dag po'i las rnams kun la sbyar// mtshan ma ma mthong las rtsom pa// 'ja' tshon sbar 'dzin don med yin// hrIHpad+ma rigs kyi khro rgyal mchog/ dbang chen pad+ma he ru ka/ mi bzad khro bo rta mchog dpal// dbang drag stobs chen rngom brjid gtum// sku mdog dmar nag brjid cing 'gying// dbu gsum rnam thar gsum yang ston// phyag drug rgyu drug rtsad nas gcod// zhabs bzhi 'khor ba'i chos bzhi sgrol// dur khrod chas brgyad sku la rdzogs// rta mgo ljang zhur rta skad mtsher// me dpung 'bar ba'i klong na bzhugs// rngam pa'i nga ro 'brug stong sgrog/ dregs pa pho mo dbang du sdud// dbang chen sku la phyag 'tshal bstod/ hU~M khro rgyal rngam pa'i rta mchog dpal// dpal gyi sku gsung thugs mchog las// mchog gi dngos grub ye shes dbyig/dus 'dir rnal 'byor bdag la stsol// oM pad+mAn+ta kr-ita pad+me shwa ri ma hA kro ta ha ya grI wa/ ma ma drag mo dun ting hriM hriM hU~M dzaH/ oM pad+ma kro ta kA ya wA ka tsit+ta sid+d+hi a la la ho// pad+ma dbang chen yang gsang khros pa'i rgyud las/bsnyen pa'i le'u ste drug pa'o//// de nas bcom ldan 'das kyi drag po'i las 'di bshad do// stegs bu'i dbus su drag po'i sa// phung sa gsum gyis 'brub khung brtsig/khru gang mtho gang dpangs su bya// phyi ru khrag ni sna tshogs byug/ nang du rgya sol dug sna byug/ kha khyer grangs med rtsang gis bskor// rten drug ling+ga sor brgyad la// ming rus gro ga snying gar bslan// tsha ba gsum dang dug snas byug/dbang po dod byas byad du gzhug/ srubs drug thod pa dong du gnag/ bdag nyid dbang chen 'khor rnams bskyed// sprul pa'i khro bo bzhi po las// yang sprul khro chung bsam mi khyab// lcags kyu zhags pa phyag na bsnams// khros pas brnag pa'i snying ske bzung// gzugs la rang dbang med par bstim// sum yar bskul zhing gzhung yang bsrang// brun gsum gzhob gnyis mu zi dang// gu gul bdug pas lha dang dbral// stong dang bcu ru shes par bya// dgra bo dngos sam kho yi phyugs// dud 'gro 'ching bkyigs skye shing gcod// ma phyung bar du dgug cing dbye// rtags byung gsod pa'i las bya'o// de dag drag sngags 'di lta ste// oM badzra kro ta tsaN+Da rA' ga/ pad+mAn+ta kr-ita ha ya grI ba hUM lu hu lu hU~M phaT/ ma ma sha ri pad+ma raka sha b+h+yo/ kro ta thum ril rag sha srog la b+h+yo// nr-i aM ku sha dza dza/ srog la khug sa ma ya dza/d+he ba pra be sha phaT phaT/ de nas bsad pa'i sbyor ba ni// rabs chad nag po'i ka pA la// yungs kar nyung nag skye tshe dang// dug bzhi khrag lnga thal chen dang// tsher ma sna tshogs gcan gzan sder// mtshon cha sna tshogs me stag rlab// rgyab nas gzugs la thun brab pas// me stag mtshon cha rtsa srog gcod// khrag skam lus dang shes pa dbye// bskul dang mchod pa sum yar bya// dgra bo dngos bsad sha zos sam// kho'i phyugs dngos bsad rang nyid byed// dud 'gro bsad pa'i sha skyel ba// mtshan ma mthong nas ling+ga dril// lha 'dre che ba'i sa ru mnan// 'byung ba lto gshags 'og tu brnag/ 'byung ba rim brtsegs ri rab dang// dbang chen pad+ma'i pho brang gdab// thun ni zor 'phangs nad snar dbab// srog chags phung zhing rlag par byed// de dag ngan sngags 'di lta ste// hrI ha ya grI ba rag sha rbad/ thun bsod pad+mAn+ta kr-ita ta dgra bo che ge mo'i snying la thun rbad/ma ma rag sha dgra bo'i srog la thun rbad/ trag mo rtsal thur snying la khas rbad snying thur khas rbad/ kro ta rag sha d+ha ra dgra bo'i snying la rbad thun// mA ra ya rbad/ staM b+ha ya nan/sha truM nan/ thum ril ha na ha na tsit+ta la breng/ shag hri b+h+yo b+h+yo/ pad+ma dbang chen yang gsang khros pa'i rgyud las// thun gyis bsad pa'i le'u ste bdun pa'o//// de nas bcom ldan 'das kyis drag sngags bdun pa'i 'khor lo mnan gtad 'di bshad do// sangs rgyas bstan pa bsrung ba'i phyir// drag po'i khyim gang mtshon cha mngag/ dur khrod ras la dug snas byugs// khrag sna tshogs kyis 'khor lo bri// dbus nas thig bskor rim pa gsum// dbus su gru gsum zla gam gsum// phyi rol 'khor lo rtsibs chen bdun// mtha' mar me ri ra bas bskor// dbus su ling+ga ming rus brnag/ zla gam gsum la srung ba'i sngags// rtsibs bdun drag sngags mtshon pa re// me ri mnan dang 'phang sngags dang// kha sbyor yab yum lto ba bca'// dong brtsegs mkha' la lding du gzhug/ yungs kar khrag sna dug snas byug/sum yar mchod bskul btags la dbab// thon nas ling+ga 'khor lo bcas// gdug pa can gyi snying la gtad// bla sogs mtshon chas dbus su bstim// lha yi dbang po'ang sgrol bar nges// de dag drag sngags 'di lta ste// oM hri pad+ma b+han+d+ha hri dbang/ hri tsaN+Da rak+sha srog la rbad/ hri pad+man+ta kr-ita snying la rbad/ hri ha ya grI ba mA ra ya rbad/ hri ba mo d+ha ya rA ga mA ra ya rbad/ ma ma trag shig tsit+ta la rbad b+h+yo/ kro ta rak+sha dgra bo'i srog la mA ra ya rbad/rbad nan b+h+yo// gsad pa rbad la mnan pa nan// 'phang la b+h+yo zhes yul la mngag/ drag sngags bdun pa'i 'khor lo bshad// gzhan yang dus kyi snyigs ma la// zhe sdang rbod gtong drag po 'khrugs// sngags pa nang dme byed pa'i tshe// dme thab dmar po'i drag sngags mngag/ 'di yi sbyor ba 'di lta ste// rten drug ling+ga sor bcu gnyis// dbang po dod pa'i snying ga ru// zhing chen pags pa'i gzugs bris te// dug dang tshab gsum gyis byug/ dpral bar rus la snying gar ming// lte bar lha srung yod tshad bri// mtha' mar drag sngags mtshon chas bskor// 'khor sngags yan lag bzhi la dgod// snying gar bcug la mon thod mnan// dong du bcug la thun gyis brab// 'khor lo dang bcas phur pas gdab// sum yar mchod bskul 'bum gsum bzlas// thon nas 'khor lo thod par gzhug/ kho yi mkhar gyi 'gram la sba// kho yi lha srung bdud du babs// de yi drag sngags 'di lta ste// hri pad+ma ma hA shrI he ru ka/ g+h+ri ya ha ta kro badzra ma sad kro pa ta ra tsag shog rag ma ma ri shwa sha rag trag ta tro trid pad+ma shrI he ru shad shad dza phaT/dgra bo tsit+ta pra ma ya thums rbad/ srog mA ra ya rbad// mA ra ya sod/ ma hA ba la pad+mAn+ta kr-ita suM laM khaM paM stam b+ha ya nan/ pad+ma shrI he ru ka ma hA krota pad+mAn+ta krota tsaN+Da rA ga ba shaM mA ra ya kI li kI la ya hU~M phaT/ dug gsum khrag sna 'bru gsum brdeg/ gri lcags seng ldeng phur bu ni// khro zhal pad+ma'i dpal ldan brdeg/ sngags pa nang rgyas sbyor bar bshad// pad+ma dbang chen yang gsang khros pa'i rgyud las/ 'khor lo nang rgyas kyi le'u ste brgyad pa'o//// de nas yang bcom ldan 'das kyis lo tog gzhom pa 'di bshad do// bstan pa gnyan po bsrung ba'i phyir// skyin thang chu 'khyags sbyor ba rtsom// sngon du rtsa ba'i drod thon pas// maN+Dal dang ni 'brub khur la// gang 'bebs pa yi rdzas kyi byug/ dong bur mi ra rta khyi phag/ 'bru gsum thun byas mi mdzo rta'i// thod par yul rdzas ming dang dbyibs// ser bsrung 'og tu thun rnams brnag/bdag nyid dong bu nam mkha' la// gzhal yas khang du dkyil 'khor bskyed// sprin gtib glog 'khyug 'brug sgra sgrog/ bu yug 'tshub cing ser ba 'bebs// gsal ba'i mchod pa sum yar 'bul// thun ni rdor dang rta la brab// skya shar lug khyu ser ba 'dril// rkang 'bebs 'khyags pa lo thog snga// de mthong rda ma yul dbus btsan// klu gnyan gdug pa can la gtad// de nas thun gsum zor la brab// sum yar bskul zhing mchod pa 'bul// 'bum bzlas ser ba'i dus rnams su// ngan sngags bdag mo rnam bzhi dang// khyab 'jug chen po las la mngag/ de nas dus brgyad gang rung la// zor 'phangs bskul dang drag tu rbad// gal te des kyang stobs zhen na// klu gnas chu mig gnyan po ru// me sbar zor bskol lo thog bsreg/ tshil bzhi 'bog dang mu zi bsreg/ thab byas thal 'jim phyogasabacur gtor// de nas skyin thang gdon mi za// de nas ngan sngags 'di lta ste// oM pad+mAn+ta kr-ita phroM phroM/ tsaN+Da rA ga phroM phroM// ha ya gr-I wa phroM phroM/ ma ma trag rak+sha phroM phroM/ hu lu hu lu phroM phroM/badzra rag sha ga te phroM phroM/ ma ra tsa sha phroM phroM/ hril hril shar shar/ trag tu hril b+h+yo// hri la phrel rA hu la badzra yag sha ya ma snying/ ya ma khrag hril shar/ lo thog la phob/ ma ma khrag la mu sha ma snying rtsa sha ma ma b+h+yo/ ma ma rA tsa sha hril thim 'ur yaM traM sib b+h+yo/ lo thog la phob/ oM hri ba shaM ku ru pad+ma shrI he ru ka ha ya grI pa pad+ma rA ga tsan+da hri/ nA ga shu la/ d+he ba tri gnan/ lo thog la b+ha ri sha rbad/ ha na ha na shar phob ya/ gzhan yang gnam thog dbab pa ni// gri bo'i thod pa dmar chod du// mon tshil rta tshil 'bri dug pa// gri khrag sna tshogs gri thogs lcags// bya yi rkang rus byi la'i gcin// gling drug thod pas steng nas dgab// gser rgod phung rgod dkrug sngags bri// bka' bstod lnga bcas dkyil 'khor bskyed// yungs kar yungs nag brab cing bzlas// rdzas rnams khol 'phel 'chad 'tshegs na// gri mdas zhabs nas rlogs te 'phang// thod mkhar 'gram la rta dmar sba// me dang lcags kyi gza' la rtsom yang rtsi// gnam lcags 'bar ba nges par 'bab// de yi drag sngags 'di lta ste// hri raM ba shaM ku ru pad+ma b+han+d+ha ba d+he ba tsaN+Da rA ga pad+ma ti dz+wa la raM/ ya ma sha ri trag rag khrag la rngubs dzra la raM/rA hu la pi pi badzra ya ga dz+wa la raM/ ma ma khrag la mu sha dz+wa la raM/ ma ma khrag la mu sha ma b+h+yo/ tsa ram sha dz+wa la raM/ badzra shad shad dgra bo'i srog la rbad raM// thog thog gnam lcags ur mo dgra bo'i srog la b+h+yo b+h+yo/mA ra ya rbad/ phob phob// pad+ma dbang chen yang gsang khros pa'i rgyud las/ thog ser dbab pa'i le'u ste dgu pa'o//// de nas bcom ldan 'das kyis bsrung gzigs kyi sbyor ba 'di bshad do// rnal 'byor rang bsrung 'khor bsrung bas// gdon chen btsan thabs gzir ba yis// las kyi 'khor lo 'di lta ste// rgya shog dug dang tsha bas byug/ dbus su gru gsum zla gam gsum// gru gsum gdon la zla gam stong// phyi rol lcags mkhar rtsa ba'i sngags// yang logs rtsibs la spu gri dgod// kha sbyar yab yum lto bar bca'// gang gnod rdzas la ling+ga bca'// ming rta tho mo snying gar brnag/ thod chen bcug pa dong du brnag/yungs kar dug brab gu gul dang// dug gsum dang ni mu zi dang// brun gsum tshil gsum gzhob pas bdug/ ting 'dzin gsal ba'i phur bu gdab// khro tshogs 'od zer gzir myos brgyal// gang gdon bskyel ba gdan du 'ding// mthong nas bka' rten mgo nas mnan// klu gnyan sa bdag zug pa la// phag tshil sbrul brun yin nam dang gla rtsi byug/ ga pur mngar gsum bzang drug rnams// skar chu dang sbyar khong du gtang// gong gi rdzas bdug gang gnod par// tsha tshogs sbong la sbyar la byug/ kha dmar glang dmar chus sbyar gtang// snying la dud thun phur pas gdab// sri'ur rin chen sna lnga gdags// phyugs nad sman lnga skye ru gdags// de dag gsang sngags 'di lta ste// oM pad+ma shrI he ru ka ma hA tsaN+Da rA ga ba shaM ku ru/ pad+mAn+ta kr-ita badzra kro ta ha ya grI ba tsaN+Da rak+sha// ma hA ba la/ ma me shwa rI pad+ma kro tI hri hri/sarba duSh+tAM trig nan/ ha na ha na pa tsad na tsit+ta rbad nan/ myag thum ril rbad/ hur thum dza/ mA ra ya rbad/ stam b+ha ya nan/ gzhan yang las rnams mtha' sdud pa// sreg pa me yi sbyor ba bya// mi thab dmar po gru gsum la// dug khrag tsha ba gsum gyis byug/ gang gnod rdzas sam rten drug la// ling+ga sor brgyad gan rkyal mnan// yam shing seng ldeng mdzo mo dang// tsher gnag glang kal bra skyer se// dug ril bag phye mar nag btsos// mi rta bya phag sha tshil khrag/ yungs kar nyungs nag skye tshe dang// dug sna mtshal dang 'o ma chags// mar nag la sogs bsreg pa'i rdzas// bdag nyid me thabs dkyil 'khor bskyed// me lha dmar ser ra la zhon// me dar lcags kyu bka' bstod mngags// zhag gsum yar bskul sngags bzlas bsreg/ thon nas thal 'jim gnod pa'i khar// gnan dang 'phang pa'i las bya'o// de nas bsad gzir las 'grub ste// de yi drag sngags 'di lta ste// oM pad+ma ma hA shri he ru ka/ ma hA tsaN+Da pad+man+ta kr-ita b+ha na d+ha ha ya grI ba/ na mo d+he ba tsaN+Da rA ga pad+ma kro tI shwa rI ma ma trag dun hri/ g+ha ba sha ri ka dz+wa la raM kha raM khA hi/ mA ra ya dz+wa la raM/ ag na ye dz+wa la raM/ pa tsa pa tsa/ da ha da ha/ dz+wa la raM dz+wa la raM/ mA ra ya rbad raM/ u kri kri ta ya rA' ga rA ga/ a ti u ti ya/ rA ga rA ga/ pad+ma b+ha na d+ha rA ga rA ga/ gri khrag sna tshogs bsreg byas na// gri ru 'chi ba gdon mi za// rims khrag yungs mo dug de bzhin// sbal sha bse zhom dze yis 'dzin// chud gu a chus sbos grir 'chi// sgog skya mu zi gu gul gyis// gdon du srub nas rims kyis 'debs// ba glang lci ba dang ma shing// bse zho gdon de khrag tu skyugs// til dang me tog bdud rtsi yis// rang gi bsod nams skyed pa yin// khu byug rtsa yis nor 'phel te// byis dang 'bras bu rigs rgyud 'phel// ru ta chu dag rgya sbos dang// sri yang ku dang lan tshwa dang// pad+ma ge sar nA ga dbus// bsregs te dud pas rang la bdug/ mi yi rgyal po bdag dbang 'gyur// khros dang dgra rkun brtse zhing byams// bud med kun gyi yid du 'ong// gcan gzan gdug pa can kun byams// skye 'gro kun kyang bdag dbang 'gyur// 'dre gdon kun dang mi gnod bsrung// de dag bsreg pa'i las yin no// pad+ma dbang chen yang gsang khros pa'i rgyud las/bsrung gzir dang sbyin bsreg gi le'u ste bcu pa'o//// de nas yul pad+ma gar gyi dbang phyug mas/ bcom ldan 'das la 'di skad ces gsol to// pad+ma dbang chen bcom ldan 'das// khyad par nye bar drag po'i las// 'khor la rgyas par bshad du gsol// zhes gsol bas/ bcom ldan 'das kyis khyad par drag po'i las 'di bshad do// spu gri lta bu'i sbyor ba 'di// dben zhing nyams dga'i gnas dag tu// rtsa ba'i sbyor ba rtags rdzogs pas// ye shes dpal gyi gtor ma bca'// bshos du dkar po'i mkhar thabs la// g.yu bad gser sgo gser gyi skad khung can// ljang bu dkar po ra lug bya// snying dang gzugs tsam de ltar bca'// shar du bshos bu gru bzhi dkar// ba dan dkar po ra dkar snying// lho ru bshos bu gru bzhi ldem// ba dan ser po ra yi snying// nub tu bshos bu gru bzhi gnag/ba dan nag po ra yi snying// byang du bshos bu zur gsum snying// ba dan dmar po ra dmar snying// bdag nyid dbang chen dkyil 'khor la// gying lnga bka' sdod las la mngag/dmigs pa'i bla tshe bkrag mdangs 'gugs// rtsa dang srog gcod lus srog 'brel// gru gsum rten drug ling+ga brnag/ phye gsum yungs kar dug sna khrag/ 'brub khung gzugs la sngags la brdeg/ 'od dkar tshub nag me 'bar gzugs mthong ba// rang rang gzugs kyi mi rta nye ba yin// gsod pa'i rtags byung ling+ga gnyan sar mnan// zor 'phang smyo 'bog 'thib dang gri gzir gsod// de dag drag sngags 'di lta ste// oM ha ya gri ba hri dbang pad+ma ban d+ha hri dbang pad+ma d+he ba hri dbang// tsakra a bi hri/ tsan d+ha rak+sha hri dbang ba shaM ku ru hri dza/ rA tsa srog la hri/ a shug me ri srog la dza/ hri dun dun badzra ba tri shu la g+h+ri ba tsa pa la a shug tsa tri'i dza/dgra bo'i snying la khyer b+h+yo/ tsa pa la mi tri khyair b+h+yo// nr-i dun dun srog khug dza dza/ a shug rtsa ba la g+h+ri na pa la hri/ li ma dun dun khi shag ru tri/ dgra bo'i snying myog rbad/ snying khrag rngubs dun yun rol yaM yaM rbad/ro myags tshal thum liM ti ti/ dgra bo mA ra ya rbad/ hri ba ya nan/ stam ba ya nan/ kha long ka cho ho thum ril shu la sad tra dgra bo la b+h+yo/ gying lnga drag po'i sbyor ba bshad// gzhan yang chu rgod sbyor ba ni// sngon du rtsa ba'i rtags thon pas// chu dar dang ni rgya shog la// dbus su yul gyi ser bsrung bri// phyi rim rtsa bzhi 'bru bzhi dgod// yang logs chu ris zlum po la// ming sring bcas pa'i drag sngags dgod// kha sbyar yul gyi rdzas kyis byugs// thod chen gang bzhugs dong du brnag/ dong bu'i zor thun gong bzhin bcas// mtshan ma mthong nas yul dbus kyi// klu la gta' gzhug zor 'phang bskul// sbobs na bsregs shing thab bya gtor// des ni chu 'khyags lo la 'bebs// de dag drag sngags 'di lta ste// oM pad+ma b+han d+ha hri dbang// ha ya grI ba hri dbang// tsaN+Da ga sha hri dbang// tsaN+Da ga sha hri dbang// ba shang ku ru hri dbang/ phroM phroM shar shar yaM hril/ badzra yag sha ya ma snying myog/ ya ma khrag rA hu la phroM phroM hril hril shar shar/ rtsar ma shag ru tri/ thibs ru pa'i hril// rA hu la phroM phroM/ ya ma snying myog/ ya ma khrag phroM phroM badzra yag sha phroM phroM/drag tu phob phob/ tiSh+Tha sa ma ya b+h+yo/ tsa ra rag seg traM si ba b+h+yo/ tril shar phob phob/ nA' ga du la na la b+ha ra shas da drag tu phob phob/ dbab pa chu yi 'khor lo bshad// gzhan yang dbang chen las mchog ni// ri rgyal sa dang mi yi rgyal po/ bka' rten byin can dur khrod kyi// sa la 'brub khung zla gam bya// mtshal dang rgya skyegs tsan+dan byugs// gang gnod rdzas la gzugs byas la// ming byang snying po snying gar bri// thod pa srubs med nang du gzhug/ seng ldeng mes bsro tshol chen dang// mngal khrag tsan+dan rgya skyegs dang// gi'u wang bse zho byugs shing bzlas// me tog dmar po mchod cing gtor// dgra la de bzhin rten drug gzug/ dar dmar grol la sum yar mchod// bdag nyid pad+ma'i dkyil 'khor rdzogs// sprul pa'i khro chung dmar nag ni// lag na lcags kyu zhags pa thogs// snang srid kun khengs 'od du 'bar// gang la dmigs pa'i snying skye bzung// bla srog drangs te gzugs la bstim// yul gsum gsal bas drag tu bzlas// bskul sngags thon nas rang 'og sba// gzhan gyi rbod gtong drag po dang// srid pa'i spyi bgegs thams cad dang// gnod sbyin ma rungs pa kun dang// gcan gzan gdug pa mche sder can// rwa can la sogs ma rungs pa// kun kyang bdag la dbang nyer 'dud// rin chen sna bdun 'bru sna tshogs// zas sna tshogs kyi rten sbyar na// snang srid zas nor dbang du 'du// de yi gsang sngags 'di lta ste/ oM hri hri pad+man+ta kr-ita bA shaM ku ru hri ha ya grI ba ba shaM ku ru hri/ tsaN+Da tsan+da shrI ba shaM ku ru hri/pad+ma rA ga pa shaM ku ru hri/ hri dbang ba shaM ma na ya hri hri dza dza rA ga dun dun/ dbang chen sbyor ba'i dam par bshad// pad+ma dbang chen yang gsang khros pa'i rgyud las/ sbyor ba rnam gsum gyi le'u ste bcu gcig pa'o//// de nas bcom ldan 'das kyis khro rgyal pad+ma'i rgyal po 'khor dang bcas pa'i bskul ba 'di bshad do// hrIHrang bzhin chos kyi sku la rang byung ba// dmar nag gru gsum dbang gi dkyil 'khor nas// pad+ma 'khyil ba dbang chen khro bo'i sku// thugs rje thabs kyi sprul sku bzhengs su gsol// bdud pho bdud mo phyi chings bsnol ba'i khri// chags med pad+ma nyi zla'i gdan stengs na// dus gsum dbang bsgyur ye shes lha yi lha// dbang chen khrag 'thung ha ya grI ba'i sku// sku mdog dmar nag dbu gsum phyag drug pa// zhabs bzhi brkyang bskum rngam 'gying brjid pa'i sku// spyan gsum zhal bgrad dbang gi mche ba gtsigs// smin ma sma ra ag tshogs me ltar 'bar// dbu skra kham nag ral pa gyen du 'khyil// spyi gtsug rta mgo ljang gu zil gnon rngam// rngog ma dmar po dbang gi rta skad mtsher// g.yas dkar g.yon ljang dbus dmar rngam sgra sgrogs// sku stod zhing chen g.yang gzhi glang chen ko rlon gsol// sku smad stag gi sham thabs bdud dpung 'dul// thod rlon tshar gsum phreng bas rgyan du byas// sbrul rigs bzhi yis sku brgyan phyag zhabs spras// dang po pad+ma b+han d+has dbang du sdud// bar pa lcags kyu zhags pas dmigs pa 'gugs// tha ma be con ral gris dgra bgegs sgrol// dbang drag me dpung klong dkyil rin chen spras// sku la dur khrod chas brgyad rdzogs par ldan// dbang chen gdug pa'i spyan rtsa bzlog pa yis// snang srid drag po thams cad dbang du sdud// shangs nas rlung nag 'tshub ma'i bskal pa 'byung// snang srid kun gtor mthu chen drag rtsal 'dul// snyan nas bskal ba'i 'brug stong lding ba yis// srid pa'i che btsan thams cad zil gyis gnon// tshems las drag po'i thog chen 'bab pa yis// sdang dgra gdon bgegs thal ba'i rdul du rlog/zhal nas rak+ta'i rgya mtsho 'khrug cing 'khyil// bstan pa bshig pa'i dgra la skyin thang phob// khro rgyal dbang gi rta skad tse re re// thugs rje dbang chen che btsan dbang du sdud// pad+ma dbang chen khrag 'thung mi bzad pa// khyod kyi dbang drag phrin las dus la bab// sdang dgra gnod byed thal ba'i rdul du rlog/ hrIH/ khro rgyal dbang chen sku yi g.yon phyogs nas// khro mo pad+ma gar gyi dbang phyug ma// sku mdog mthing nag zhal gcig phyag gnyis ma// spyan gsum zhal bgrad dbang gi mche ba gtsigs// dbu skra ral pa nag po mun ltar gtibs// sku la dur khrod chas brgyad legs par ldan// phyag g.yas tsit+ta thogs nas yab la 'khyud// phyag g.yon dung chen dmar 'khyil gtso la stob// khro mo kun gyi dbang phyug chen mo khyod// rngams pa'i nga ros thams cad zil gyis gnon// spyan nas khrag 'dzag zhal nas mi ro 'brul// snyan nas 'brug sgrogs shangs nas rlung nag 'tshubs// khyod kyi dbang drag phrin las dus la bab// sdang dgra gnod byed thal ba'i rdul du rlog/ hrIHyab yum thabs dang shes rab rol pa las// thugs kyi sprul pa dbang chen khro bo'i sku// shar phyogs 'khor lo 'bar ba'i rtsibs steng nas// dri za pho mo bsnol ba'i gdan stengs na// rdo rje dbang chen dkar po khro bo'i sku// zhal gcig phyag gnyis dur khrod chas brgyad rdzogs// spyan gsum zhal bgrad mche gtsigs mi ro za// dbu skra kham nag gyen sbrengs sbrul gyis bcings// phyag g.yas rdo rje dgra bgegs mgo lus gshogs// phyag g.yon dbyug thos myos shing brgyal bar byed// me dpung klong nas 'gying gar stabs tshul du// rngams ba'i nga ro 'brug stong ldi ri ri// thugs kyi sprul pas stong gsum khyab par byed// khyod kyi dbang drag phrin las dus la bab// sdang dgra gnod byed thal ba'i rdul du rlog/ yab yum thabs dang shes rab rol pa las// thugs kyi sprul pa dbang chen khro bo'i sku// lho phyogs 'khor lo 'bar ba'i rtsibs steng nas// grul bum pho mo bsnol ba'i gdan stengs na// rin chen dbang chen mthing nag khro bo'i sku// zhal gcig phyag gnyis dur khrod chas brgyad rdzogs// spyan gsum zhal bgrad mche gtsigs mi ro za// dbu skra kham nag gyen sgrang sbrul gyis bcings// phyag g.yas rin chen myu gus dgos 'dod skong// phyag g.yon lcags kyus bla 'gugs tsit+ta 'byin// me dpung klong nas 'gying gar stabs tshul du// rngams pa'i nga ro 'brug stong ldi ri ri// thugs kyi sprul pas stong gsum khyab par 'gyed// khyod kyi dbang drag phrin las dus la bab// sdang dgra gnod byed thal ba'i rdul du rlog/ hrIHyab yum thabs dang shes rab rol pa las// thugs kyi sprul pas stong gsum khyab par byed// nub phyogs 'khor lo 'bar ba'i rtsibs stengs na// mi'am pho mo bsnol ba'i gdan stengs na// pad+ma dbang chen dmar smug khro bo'i sku// zhal gcig phyag gnyis dur khrod chas brgyad rdzogs// spyan gsum zhal bgrad mche gtsigs mi ro za// dbu skra kham nag gyen sgrengs sbrul gyis bcings// phyag g.yas pad+mas che btsan dbang du sdud// phyag g.yon zhags pas lus dang yan lag 'ching// me dpung klong nas 'gying gar stabs tshul du// rngams pa'i nga ro 'brug stong ldi ri ri// thugs kyi sprul pas stong gsum khyab par byed// khyod kyi dbang drag phrin las dus la bab// sdang dgra gnod byed thal ba'i rdul du rlog/hrIHyab yum thabs dang shes rab rol pa las// thugs kyi sprul pa dbang chen khro bo'i sku// byang phyogs 'khor lo 'bar ba'i rtsibs steng nas// lto 'phye pho mo bsnol pa'i gdan stengs na// phrin las dbang chen ljang dmar khro bo'i sku// zhal gcig phyag gnyis dur khrod chas brgyad rdzogs// spyan gsum zhal bgrad mche gtsigs mi ro za// dbu skra kham nag gyen stengs sbrul gyis bcings// phyag g.yas ral gris rtsa dang srog gzugs gcod// phyag g.yon kha T+wAM rtse gsum dug gsum sgrol// me dpung klong nas 'gying gar stabs tshul du// rngams pa'i nga ro 'brug stong ldi ri ri// thugs kyi sprul pas stong gsum khyab par byed// khyod kyi dbang drag phrin las dus la bab// sdang dgra gnod byed thal ba'i rdul du rlog/ hU~M shar phyogs dung gi sgo khyud la// bud med nag mo 'jigs tshul can// khrag gi ral pa sha ra ra// phyag na lcags kyus dgra snying 'byin// rengs par khug cig ang+ku sha/ lho phyogs gser gyi sgo khyud la// bud med ser mo 'jigs tshul can// g.yu yi ral pa sha ra ra// phyag na zhags pa bla tshe 'gugs// chings shig sdoms shig pA sha hri// nub phyogs zangs kyi sgo khyud la// bud med dmar mo 'jigs tshul can/ mthing gi ral pa sha ra ra// phyag na lcags sgrog tshe srog bstim// rten la stims shig s+pho Ta baM// byang phyogs g.yu yi sgo khyud la// bud med sngon mo 'jigs pa'i gzugs// gser gyi ral pa sha ra ra// phyag na dril bus brgyan par byed// myos par gyis shig g+haN+De hoH// hrIHbcom ldan pad+ma he ru ka/dbang chen thugs kyi sprul pa ni// srog bdag 'od kyi rgyal po 'byung// skyes mchog 'od kyi mi bo che// sku la seng ge'i slog pa gsol// dbu la ji lo dkar po bcings// nam mkha' 'ja' yi ske rags can// lcags kyi sder mos dgra snying 'byin// g.yas pa ral gri dgra srog gcod// g.yon pa 'od kyi zhags pa 'phen// dgra bo'i tshe srog don snying phyung// drag tu bskul lo dgra srog gcod// shar gyi dkar po dam tshig can// rta ru dkar po ngang ring zhon// sku la dar dkar ral ga gsol// dbu la dung gi cod paN can// phyag na shel gyi zangs gri thogs// phyag g.yon zhags pa dgra la 'debs// tshangs pa dung gi thor tshugs can// dgra bo'i lha khrol khong snying phyung// lho yi dge bsnyen dam tshig can// sku la za 'og sngo khrag gsol// dbu la bse men 'gying thod bcings// rta ni khams pa lag dkar zhon// g.yas na bse yi rdo rje thogs// g.yon na tsit+ta dmar po thogs// gling chen rdo rje gshog rgod rtsal// dgra bo'i snying phyung srog rtsa chod// nub kyi bdud nag dam tshig can// sku la lcags kyi zhun khrab gsol// dbu la bdud zhwa lding nag gsol// chibs su bdud rta nag po chibs// phyag g.yas bdud kyi khyam shing bsnams// phyag g.yon zhags pa nag po 'debs// nag po gsod byed bdud kyi bu// dgra bo'i tshe phrog khram la thob// byang gi srog bdag dam tshig can// sku la bse khrab dmar po gsol// dbu la bse rmog zangs ring gsol// chibs su bse yi ra skyes chibs// phyag g.yas zangs kyi gri rings bsnams// g.yon pa zhags pa dgra la 'debs// bswo ro srog gcod lag dmar gyis/ dgra bo'i mdangs grogs srog rtsa gcod// dam nyams ma btang sho ra re// hrIHpad+ma'i rgyal po rta mchog dpal// khro rgyal khrag 'thung he ru ka/thugs kyi sprul pa mi bzad pa// skyin thang chu 'khyags mnga' bdag khyod// khyab 'jug chen po rA hu la// bi tri pa tra sgra gcan 'dzin// drang srong chen po kun tu rgyu// gza' rgod drag po skyin thang bdag/dung kha mgo dgu mig gis khengs// ro smad sbrul gyis rgya mtsho 'khrugs// phyag g.yas skyin thang 'khor lo bsnams// phyag g.yon chu srin zhags pa 'phen// dgra yul lo thog rdul du rlog/hrIHphyogs bzhin nam mkha'i dkyil yangs nas// ngan sngags bdag mo skyin thang phob// shar gyi stag srin zor ba gdong// lho yi baM srin dred mo gdong// nubakyi kong srin ba lang gdong// byang gi 'brog srin chu srin gdong// ngan sngags bdag mo bzhi po ni// g.yas pa zor ba g.yon nad rkyal// skyin thang chu rgod mnga' bdag mo// dgra bo'i lo thog snar ma la// chu rgod 'khyags pa'i skyin thang phob// dgra yul thal ba rdul du rlogs// de ltar drag tu bskul zhing rbad// pad+ma dbang chen yang gsang khros pa'i rgyud las bskul ba'i le'u ste bcu gnyis pa'o//// de nas bcom ldan 'das kyis rgyud 'khor la gtad pa 'di gsungs so// e ma ho// nga yi gsang rgyud rin po che// drag po dbang chen pad+ma 'khyil// dngos grub kun gyi gnas mdzod yin// 'khor du 'dus pa khyod la gtad// mi nub rgyal mtsho thugs la zung// bstan pa bsrung ba'i mtshon char bshad// phyi rabs 'dus tshogs phal che la// gsang rgyud dam pa 'di gtad zung// pad+ma dbang chen yang gsang khros pa'i rgyud las/ rgyud gtad pa'i le'u ste bcu gsum pa'o//// pad+ma dbang chen yang gsang khros pa'i rgyud ces bya ba rdzogs so//// slob dpon pad+ma 'byung gnas kyis mnga' bdag rje la gtad pa yin// bai ro tsa na bdag gis bsgyur// yer pa'i lha ri gdong la sbas/

CLOSE WINDOW