CLOSE WINDOW

Gpb023.003
བོད་ཡིག

rgya gar skad du/ sarba ta thA ga tA u0f85 sha ya kro d+ha sa ma dza su ga ta sA mA n+yo d+ba da na ke sha lo hi ta tan+t+ra nA ma/ bod skad du// de bzhin gshegs pa thams cad kyi dgongs pa khro bo 'dus pa/ bde gshegs spyi dril rta mgrin rngog ma le brgan gyi rgyud ces bya ba dpal pad+ma dbang chen bde gshegs spyi dril la phyag 'tshal lo// 'di skad bdag gis thos pa'i dus gcig na// ye shes rig pa rang snang gi ston pa de nyid// gdul bya'i ngo snang la tha dad par snang ba las// dpal pad+ma dbang byed du snang bar mdzad nas// shes bya rang snang gi gnas nas gdul bya dngos snang gi gnas tha dad par snang ba las/ shes bya rang snang gi 'khor dang// gdul bya ngo snang gi 'khor mang pos kyang yongs su bskor// shes bya rang snang gi bstan pa nang du bstan pa rdzogs nas// gdul bya'i ngor snang ba'i bstan pa nam mkha'i mtha' la/ chos nyid kyi dgongs pa'i khyad par la longs spyod cing bzhugs so// de'i tshe de'i dus na/ chos can mtshan ma'i dngos po dang// chos nyid skye ba med pa so so ma yin tha mi dad dbyer med na yang// don dam par ni chos thams cad stong gsal nam mkha' lta bu la sems nyid lhan cig skyes pa'i ye shes dri ma med par rang bzhin gyis 'od gsal ba yang/kun rdzob tu chos thams cad dngos po dang mtshan mar snang ste// de dag kun kyang gsog lta bu/gsob lta bu/ ya ma brla lta bu/ snying po med pa lta bur shar ba las/ cir yang ma yin pa'i chos nyid ni/ cir yang snang du btub la/ cir yang snang ba'i chos nyid ni/ cir yang 'gyur tu btub la/cir yang 'gyur ba'i chos nyid ni/ cir yang bsgrub tu btubs la// cir yang bsgrub tub tub pa'i chos nyid ni// cir yang grub par gzigs so// de yang 'khor ba dang mya ngan las 'das pa'i chos thams cad gtan la dbab par bya na rigs pa rnam pa bzhir gzigs so// spyir rten cing 'brel te 'byung ba'i mtshan nyid la// ngo bo nyid kyi sgo nas sgrub par byed pa ni// chos nyid kyi rig pa dang/ 'bras bu'i sgo nas sgrub par byed pa ni bya ba byed pa'i rigs pa dang// rgyu'i sgo nas sgrub par byed pa ni ltos pa'i rigs pa dang// rigs pa nyid dri ma med par byas te sgrub pa ni 'thad pa bsgrub pa'i rigs pa bzhir gzigs so// 'di rnams kyi sel ba rnam pa bzhir gzigs so// ngo bo nyid la the tshom za ba ni chos nyid kyi rigs pas sel lo// byed pa la the tsom za ba ni bya ba byed pa'i rigs pas sel lo// mngon par sgrub pa ni the tshom za ba ni ltos pa'i rig pas sel lo// rigs pa la the tshom za ba ni 'thad pa bsgrub pa'i rigs pas sel lo// 'di rnams kyi yul dang mtshan la gzigs pa ni/ chos nyid kyi dngos gzhi la dri ma med cing// dngos bzhi ma log na chos nyid kyi rigs par gzhag go/ byed pa la dri ma med cing dngos gzhi ma log na bya ba byed pa'i rigs par gzhag go/ dngos por bsgrub pa'i dri ma med cing dngos gzhi ma log na ltos pa'i rigs par gzhag go/rigs pa'i dngos gzhi la dri ma med cing dngos gzhi ma log na 'thad par bsgrub pa'i rigs par gzhag go/ de la chos nyid kyi dngos gzhi la dri ma yod pa ni/ me shel la tsha ba'i reg pa yod pa lta bu'o// de la dngos gzhi log pa ni/ ri dwags me'i gtsang spra can la me tsha ba'i dngos gzhi log pa lta bu'o// bya ba byed pa'i dngos gzhi la dri ma yod pa ni btsan dug gis sems can 'chi ba lta bu'o// de la dngos gzhi log pa ni rma bya lta bu'o// ltos pa'i dngos gzhi la/ dri ma yod pa ni blo dman pa'i sa bon ma go ba'o// de la dngos gzhi log pa ni sa bon skye ba'i bas la mkhas pa lta bu'o// 'thad pa bsgrub pa'i dngos gzhi dri ma yod pa ni chos spyi dang rang gi mtshan nyid la rmongs pa'o// de la dngos gzhi log pa ni/ so sor rtog pa'i shes rab kyis dpyad pas mi dmigs pa'i shes rab tu gyur pa kho na'o// rigs pa 'di bzhi thal ba la gzigs pa ni// chos nyid kyi rigs pa sgrub pa thal drags na/ dngos po thams cad las mi ldog ste/ mtha' rang bzhin rgyur lta bar 'gyur ro// bya ba byed pa'i rigs pa thal drags na// byed pa po dang rtsod pa po thams cad las mi rdog ste/ mtha' byed pa po rgyur smra bar 'gyur ro// ltos pa'i rigs pa thal drags na/ dbang thams cad las mi ldog ste/ mtha' dbang phyug rgyur smra bar 'gyur ro// 'thad pa bsgrub pa'i rigs pa thal drags na/ rigs pa gnas skabs thams cad du dri ma med par mi 'gyur te/ mthar mngon pa'i nga rgyal tu 'gyur ro// 'di rnams gzhi'i sgrub byed la gzigs so// dngos por smra ba rnams dngos por bsgrub na// chos nyid kyi rigs pas lta ba bsgrub ste// 'du shes kyi byad par du byas pa'i blos dmigs pa dang/ tshor bas khyad par du byas pa'i blo la snang ba dang/ shes rab dri ma med pa'i khyad par du byas pa'i blos rtogs pa'o// de yang so sor rtogs pa'i shes rab dang/ rnam par mi rtog pa'i shes rab bo// bya ba byed pa'i rigs pa ni// mtshan bcas bskyed pa'i r-im pa dang/ mtshan med rdzogs pa'i rim pa dang/ sa dang lam dang 'bras bu'i bya ba byed do// ltos pa'i rigs pas ni sa las dge sdig la ltos pas 'bras bu mthong ris ngan song bsgrub pa dang// bsod nams ye shes kyi tshogs la ltos pas chos sku dang zugs sku bsgrub pa'o// 'thad pa bsgrub pa'i rigs pa ni mngon sum dang// rjes su dpag pas/ chos thams cad gtan 'bebs par bsgrub pa ni/ rang gzhung bsgrub pa dang/ gzhan gzhung dgag pa'o// de yang yod par bsgrub pa dang/ yin par bsgrub pas chad pa sel te/ med pa dgag pa dang ma yin pa dgag pas rtag pa sel lo// mtha' thams cad las grol ba'i chos nyid rnam par dag pa la gzigs nas cang mi gsung/rnam par mi gsung/ yongs su mi gsung bar bzhugs so// de'i tshe yum ral gcig mas bcom ldan 'das kyi zhal du bltas nas/ 'di skad ces gsol te/'jig rten sa dang lam gnas pa'i// blo rtog dpyad pas ma 'ongs pa'i// de bzhin nyid kyi ye shes ni// lus ngag yid las bya dang bral// tshogs gnyis bsags las ma byung ba'i// sems nyid rnal ma'i don 'di ni// kun gyis rtogs par dka' bas na// dbang chen bde gshegs 'dus pa 'dir// 'jig rten dregs pa dbang bsdus nas// bya ba byed pa'i las la 'khod// sangs rgyas bstan pa dar byas nas// dkon mchog gsum lam kun spyod pas// 'khor ba 'das par sbyor ba'o// ltos pa chos kyi las can 'bras// sangs rgyas mdzad pa kun bsgrub nas// dri med mngon par kun sangs rgyas// 'khor 'das kun gyi rtog bya ba'i// sems nyid 'og gsal rtsa ba can/ dngos grub log rtog gang las skyes// dug lnga ji ltar lam du blang// dbang chen spyi dril bsgom pa dang// lha yi rnam dag rdos bcas grol// gtor ma rak+ta bdud rtsi gtong// dug gsum dgra bgegs srog rtsa gcad// las bzhi'i sbyin sreg las rnams 'grub// klu gnyan sa bdag gnod pa brtag/ lpags pa sha rus nad rnams gtong// thun mong dngos grub las tshogs bsgrub// lam lnga sa bcu ji ltar bgrod// rig 'dzin rnam bzhi khyad par can// sbyor ba'i yan lag rnam drug bsgom// bdag dang mtha' yas 'gro ba rnams// rje btsun 'bangs ltar bskyang du gsol// lha rjes gcong nad bsal du gsol// slob dpon shes bya bslab du gsol// dge legs las 'bras rtsal du gsol// bla mas man ngag bstan du gsol// rnal 'byor dbang phyug chen pos shod// ded dpon rin chen sbyin du gsol/ dpa' bos g.yul ngo bzlog tu gsol// yid bzhin gter chen dbyung du gsol// nyi zla'i 'od zer spro ru gsol// mun pa'i sgron me sbar du gsol// chos kyi 'khor lo bskor du gsol// 'dul ba'i dus bab bshad du gsol// zhes gsol ba btab po// de nas bcom ldan 'das kyis ye shes sgron mes chos kyi dbyings su shar ba'i dgongs pas gzigs nas 'gro ba'i ched du 'di gsungs so// smon lam las 'phro sad pa dang// lus dang skal bar ldan pa dang// dad ldan brtson 'grus che ba dang// shes rab rtogs pa ldan pa yi// sgrub po rten gyi gang zag rnams// sems nyid ma bcos rnal ma'i don// kun gyis rtogs par dka' bas na// rang bzhin gdod nas dag pa'i don// blo rab 'ga' yis rtogs par 'gyur// bskyed pa'i rim pa gsal ba yis// bsod nams tshogs chen rdzogs par 'gyur// rdzogs pa'i rim pa bzang po bsgom// ye shes tshogs mchog brnyes byed pa// rnal 'byor blo 'bring rnams kyis ni// 'di la yang dag 'bad par bya// ye shes bsgrub pas 'jig rten bkol// rnal 'byor tha mas dngos grub thob// rang 'bring tha ma'i rnal 'byor la// rim par bshad kyis skal ldan nyon// zhes gsungs so// pad+ma dbang che bde gshegs spyi dril las// gleng gzhi gleng bslang rngog ma le brgan gyi le'u ste dang po'o//// de nas bcom ldan 'das kyi gsungs pa// kun nas nyon mongs 'khor ba'i chos// rnam par byang pa mya ngan 'das// rtsa ba sems kyi chos nyid 'dus// sems kyi rang bzhin 'od gsal ba// ma mdzad ma bcos lhun gyis grub// byang chub chen por ye gnas pas// byed rtsol bya ba kun dang bral// sems nyid rang bzhin 'od gsal ba// rang gi ngang gis ma bcos bzhin// yongs kyi 'od gsal chen po la// sems nyid yid bzhin rin po che// khams gsum sems can ma lus pa// rang la gnas yang ma mthong ste// 'o ma mar dang 'dra bar mtshungs// de nyid mkhas ldan mar du 'byin// kye sems kyi dkyil 'khor rang bzhin gyis// 'od gsal chen por gnas pa la// rgyud ni sems can gnas pa dang// snang lam bar dor 'byung ba dang// 'bras bu rang ngo shes las zin// 'di gsum gang gis brtag 'gyur ba// gsang ba yang gsang bla na med// skal dang ldan pas thud la nyon// sems can rgyud la gnas pa ni// sgo nga'i nang gi bye'u phrug bzhin// kun gzhi gzugs med khams su snang// de nyid rtsa ba gti mug yin// yid kyi gzugs kyi khams su snang// de nyid zhe sdang rtsa ba can// sgo nga 'dod pa'i khams su snang// de yang rtsa ba 'dod chags nyid// dug gsum rtsa ba byang chub sems// kun gzhi dge sdig gsog pa'i snod// rin chen sna bdun bang mdzod du// nyon mongs lnga yi byan mo ni// 'khor los sgyur rgyal btsun mo yin// yid kyi kun rtsal g.yang pa ba yang nyid la// kun tu rgyu ba'i chang bas btsal// sgo lnga khye'u pho mo mdzes// kun la bskyed cing mched par byed// 'di dag gcig tu 'dres pa ni// chu dang lan tshwa 'o ma'am// sgog pa chu dang lan tshwa ltar// ma 'dres yongs su rdzogs pa la// nam mkha'i 'ja' tshon bzhin du gnas// bar dor gcer bur byung ba ni// sems ni pha ma'i gos dang bral// dge sdig bag chags las kyis bsgos// sngon nas gzhan bar gnas pa yan// shi nas snang ba ldang gyur pa// gnyid log sad dang brgyal sangs ltar// nyi ma'i dkyil 'khor shar gyur ba// 'od kyi nus pas kun gsal byed// sems ni rang bzhin 'od gsal bas// dpag tshad bye ba'i 'od kyis 'gengs// 'od gsal las kyi bag chags dbang// sngon du gang mos dbang bsgyur nas// las dbang mi gtang dran pa yis// gzungs thag kun tu 'bral med bya// sdig pa'i gzungs dang ldan pa rnams// ngan song gsum du gnas par 'gyur// zhe sdang 'dod chags gti mug dbang// dmyal ba yi dwags dud 'gros 'byung// dge ba'i rjes su 'gro ba'i sems// 'dod chags mi la chags pa dang// zhe sdang lha ma yin du gnas// gti mug lha yi longs spyod ldan// de dag sgo lnga'i bag chags dbang// 'dod pa can du 'gro ba'o// yid dbang btsan sa gzugs kyi khams// 'od gsal lha yi lus dang ldan// kun gzhir 'dzin pa gzugs med pa// yi gzugs bye brag bzhi dang ldan// 'bras bu ra bas zin pa yang// sems nyid rang bzhin 'od gsal bas// yul du snang ba bem stong du// sems su snang ba rig pa stong// stong nyid rig pa'i ngo bo can// stong nyid chen po'i chos skur bzhugs// rang bzhin ma bsgribs 'od gsal ba// gzugs sku sgyu lus rnam par snang// stong nyid snying rje'i bdag nyid can// gti mug mi rtog chos kyi sku// rtog pa'i spros pa nye bar zhi// zhe sdang gsal ba longs spyod rdzogs// mun pa bral ba'i nyi ma shar// 'dod chags snying rje'i yul du snang// khams gsum 'khor ba'i sems can 'dren// sems rang bzhin gyis 'od gsal ba'i ting nge 'dzin// zhes gsungs so// dpal pad+ma dbang chen rngog ma le brgan bde gshegs spyi dril gyi rgyud las/ sems rang bzhin gyis 'od gsal ba'i le'u ste gnyis pa'o//// de nas dbang chen pad+ma'i rgyal pos gsungs pa/ rtsa ba sku gsung thugs rnams dang// spyad pa dang blang mi spang shes// bsgrub par bya ba lnga lnga pa'o// bsrung dang nyams skong skyon yon rnams// dngos grub lo tog smin pa'i sa// thams cad kun gyis bsrung bar bya// yi dam lha ni spang mi bya// rang sems spang du ga la btub// bla ma rang gi spyo bor 'khur// rgyud lung man ngag ster bar 'gyur// rdo rje ming srid chos kyi spun// 'di dang phyi mar mi 'bral 'grogs// ma nor rtsa ba rgyu yi sngags// skye bar byed pa rkyen gyi sngags// skul bar byed pa las kyi sngags// zhag dang zla ba lo rgyun bya// yab kyi sku ni phyag rgya che// yum dang mi 'bral dam tshig rgya// 'phro 'du las kyi phyag rgya la// chos nyid zhi ba chos kyi rgya// srog chags bsad nas zhing bcu bsgral// gzungs ma sbyar nas gsang dbang bskur// ma byin pa blangs dngos grub bsgrub// tshig btsun sngags bzlas bgegs dpung gzhom// rgyun du smras nas snod ngan gsang// 'di lnga rnal 'byor bas spyad dang// snod ngan kun la gsang ba'i phyir/ lus kyi brda' yis dngos pos mtshon// ngag gis brda' yis smra ba dang// yid kyi brda' yis mtshon pa ni// bsgrub pa thams cad mtshon par bya// dri chen bza' dang dri chu btung// byang sems sha chen rak+ta bza'// mi rta ba glang bya khyi'i sha/zas mchog bdud rtsi'i gtor ma yang// rak+ta 'thung zhing za ba'o// gti mug chos dbyings ye shes ni// mi rtog byol song kun gyis rtogs// zhe sdang me long ye shes ni// gsal bas tsha grang dmyal bar sbyong// 'dod chags sor rtog ye shes ni// de bas mi dang yi dwags spyod// nga rgyal mnyam nyid ye shes ni// sran tshugs lha rnams rgyud la ldan// phrag dog bya grub ye shes ni// lta ngan sel byed lha ma yin// 'di dag ye shes rnam pa lnga// mi spang rnal 'byor sems dang bsre// phung po rigs lnga 'byung lnga yum// rnam shes de yul dbang po dus// yid chos nyon mongs rigs sogs rnams// thams cad ma lus rigs lngar 'dus// kun 'dus bde gshegs spyi dril nas// dbang chen pad+ma he ru ka/ rlung dang sems su 'dres pas na// rlung gi 'phro 'du ma lus pa// dbang chen pho nyas 'gugs dang 'dren// phyogs bcur bzhugs pa'i sangs rgyas dang// dus bzhir gshegs pa'i rgyal ba rnams// kun kyang rigs lnga pad+ma'i sku// rigs kyi sangs rgyas bsgrub par bya// lus kyi bya ba ma lus dang// ngag gi smra brjod thams cad dang// sems kyi bsam pa mang po rnams// don du gnyer nas bsrung bar bya'o// rtsa ba yan lag thams cad kun// nyams par gyur na gang nyams pa// gtor ma tshogs 'khor lhag ma dang// sbyin sreg dag gis bskang bar bya// ma bskangs rdo rje dmyal bar 'gro// ngan song sdug bsngal bzod par dka'// ma nyams bsrung bar gang byed pa// bde sbyin yon tan bsam mi khyab// ces gsungs so// pad+ma dbang chen bde gshegs spyi dril rngog ma le brgan gyi rgyud las/gzhi 'dzin gyi le'u ste gsum pa'o//// de nas bcom ldan 'das pad+ma dbang chen gyis// rgyud lnga lam du klong la 'di gsungs so// nga ni gti mug gnyid la dga'// rmi lam lam du klong bar byed// nga ni zhe sdang lam la dga'// zhing bcu bsgral nas sgrol bar byed// nga ni nga rgyal ri bo che// lta ba mtho la ting 'dzin gsal// nga ni 'dod chags chos la dga'// yum la sbyor zhing gsang dbang bskur// nga ni kun la phrag dog pas// lta ngan thams cad mi shong ngo// gzhi dang rgyu dang lam dang ni// 'bras bu nyid ni khyed la bshad// gti mug gti mug ces bya ba// ma rig ma shes ma go'o// kun nas snang ba snang ba yang// mi rtog don la gnas par bya// gnyid dang 'dra ba'i mi rtog med// khams gsum 'khor ba'i sems can rnams// mi rtog 'dod na gnyid 'di log/rtog mi mnyam nyid sgyu ma ltos// dgug dang log dang byang ba dang// 'byongs na chos rnams rmi lam nyid// ma rig mun pa sha chang drod// ngal dub drag pos 'byung bzhi 'dus// dpral bar pad+ma 'dab bzhi la// gnyid 'gugs sngags kyis 'gugs par byed// oM A nu d+ha ra hU~M phaT swA hA/ gnyid du song ba shi dang mtshungs// rmi lam srid par bar ma do// gnyid sad skye ba lha yi sku// rnal 'byor can gyis bsgom par bya// sems ni gnyid la zin gyur na// brag la 'dzegs dang g.yang la skyur// chu la mchongs dang rbab la 'gril// rnal 'byor rig pa'i rtsal byang ste// chos rnams rmi lam lta bu la// rmi lam gnyid kyi bsam gtan yin// chos rnams nyams su myang bar bya// 'byongs na lcebs kyang 'chi ba med// mtshon zug dug 'thung g.yul 'gyed pa// thams cad rang gi sems la sbyangs// ma 'byongs par du sbyang bar bya// ye nas 'khor 'das chos rnams kun// rmi lam yin par shes gyur na// rnal 'byor gti mug 'byongs pa yin// de phyir rmi lam gnyid du shes// sems can bde ba thun gcig na// kun gzhi'i nang du yid thim pa// chos kyi sku la gnas par bya// yid kyi rgyu ba mang po kun// gzugs kyi sku ru ldang bar 'gyur// gzugs su chos sgra dbyer med pa// ngo bo nyid skur rab tu gnas// skyes bu gnyid log sangs rgyas so// skyes bu gnyid log pas rmi lam gyi sangs rgyas ba zhes bya ba'i ting nge 'dzin to// zhe sdang gzhi rgyu lam 'bras can// skyon dang yon tan khyed la bshad// 'khor 'das chos rnams ma lus pa// ye nas 'od gsal ma bcos pa// sems nyid rang bzhin 'od gsal bas// zhe sdang nam mkha'i sprin ltar dengs// de nyid rnal 'byor lha yin pas// lha 'di med na sangs rgyas med// zhe sdang med pa'i sngon rol na// sangs rgyas sems can ga la yod// yid kyi rnam shes kun khyab po// rang byung ye shes rgyu gcig pa// 'khor 'das byed pa'i mkhan po khyod// rtsad bcad khungs ni khyod nyid yin// kun bzang khyod las thams cad byung// khyod kyis khyod nyid shes par gyis// 'gugs dang sbyangs dang sgo bkag nas// 'khor ba mya ngan 'das par sbyangs// dkon mchog gsum gyi spyi dgra dang// rdo rje slob dpon sku dgra dang// mched dang lcam dral sgos dgra dang// dam med dam log 'dus par yong// dam dgra ngan pa'i ngang tshul can// yongs la gnod dang ngan song chud// gsang ba'i dkyil 'khor chen por dgug/ brod bskyed sbyang bar bya ba'o// bsgral bar bya ba'i spyi mgrin snying// ste ba gsang ba rkang pa'i mthil// a nr-i su tri pre du dang// A+oM dang AHhU~M swA hA lam// 'od 'phros rigs drug gnas stongs nas// phyogs bcu dus gsum rgyal ba mnyes// ma dang mkha' 'gro'i thugs dam bskang// gsung dang thugs dang sku ru 'gyur// rigs lnga rgyal ba'i sku la thim// srid pa gsum gyis dpyas phyung nas// ngan song gsum gyi sgo yang bkag/'khor ba'i rgya mtsho skya ling btab// phung po mchod yul bsod nams tshogs// dam bskangs lha mnyes ye shes tshogs// chos sku dri ma med pa dang// gzugs sku longs spyad rdzogs sprul dang// zab dang rgya che'i sku gnyis so// thos 'gyur ngo mtshar rmad kyi chos// ma bskul log pa'i bstan par grags// sangs rgyas chos rnams nub 'gyur pas// sku gsum 'gro ba'i lam dang bral// 'khor ba'i gnas su zag par 'gyur// byang chub sems dpa'i spyod pa 'phel// ngan song gnas ngan len pa stongs// gsang sngags rmad byung che ba rdzogs// theg chen zab mo'i lta ba rtogs// rmad byung spyod pa khyad par 'phags// theg pa kun nas rab gsungs pa'i// mtshams med las ngan byed pa rnams// mnar med dmyal bar skye ba rnams// gsang sngags gsang ba'i theg pa la// rtsa ba yan lag nyams pa rnams// rdo rje dmyal bar skye 'gyur bas// las ngan rgyun lam bcad nas ni// las ngan ngan song gsum las sgrol// rang gis ma bsags tshogs gnyis rdzogs// sku gsum 'bras bur rdzogs 'gyur bas// khyed kyis zhe sdang can rnams sgrol// de'i phyir na rgyu rang grol gyi gsang sngags 'di gsungs so// nyung dkar lan tshwa byi brun bsres// sngags ni lan dgu bzlas la gdab/ pra du sad/ na ra sad/ tsit+ta na le sad/ du sha sad/ pre dur sad/thibs mug sad/ bya la byed na spu na phaT/ ra lug la ni nyung dkar dang// byang ba dang ni chang phud do// dgra la byed na gzugs la'o// gnas ngan 'khor ba nas mya ngan 'das par sgrol ba zhes bya ba'i ting nge 'dzin to// nga rgyal gzhi rgyu las 'bras can// skyon dang yon tan nyid kyi rdzogs// mngon par mtho bas lta ba rtogs// nga rgyal chen po bdun dang ldan// rang nyid che bas rnam par bsgyings// pha rol zil gzhon ting 'dzin gsal// sems nyid ye shes 'od gsal bas// ma rig mun pa la bsgrib tu med// chos rnams sems kyi cho 'phrul pas// sems las log na bsgom du med// rab ni lta ba lam du khyer// 'bring dang tha mas bsgom par bya// gzung 'dzin gnyis su rang dag lta// rtag tu 'khor ba'i rgya mtsho zad// rang sems rtag par ther thug pas// phya yis de yi byed pa byas// las dang rgyu 'bras med par 'dod// chad par blta pas log pa'i lam// chos dang gang zag bdag 'dzin na// mos pa chung ba'i nyan thos yin// chos khams phyogs gcig bdag med na// dmigs pa phra ba'i rang sangs rgyas// 'khor 'das rang sems tsam du 'dod// kun rdzob don dam gnyis su 'byed// theg chen sems tsam dbu ma bas// theg chen rang gi gzhung rnams bsgrub// ye shes mu bzhi bral ba dang// snang ba sku la grag pa gsung// dran rtog thugs kyi lta ba ni// rigs gsum kun 'dus kri ya ba// mar bzhin spyod pa yar bzhin blta// rigs bzhi 'byin pa u pa ya// rnam par snang mdzad chen po la// sku gsum rdzogs pa yo ga ba// phung po khams dang skye mched rnams// thabs dang shes rab ma hA pa// rang sems yid gzugs chos la 'jug/ gnyis sbyar bde sras a nu ba// snang ba chos sku chen po la// bcos bslad bral ba a ti pa// bsam brjod mtha' bral ye shes 'khyil// dbyings dang ye shes 'du 'bras med// ji ltar snang ba bde chen sras// 'khor ba nyid ni mya ngan 'das// kun gzhi sems kyi me long nyid// ye nas zhi gnas chen por gnas// yid kyi dran rtog mang po rnams// lhag mthong chen por rang gsal bas// zhi gnas lhag mthong gnyis su med// ye shes bum nang mar me gsal// rnam rtog rlung gi sa gal bskyod// ma bcos gnyug ma rang sor zhog/gang gi rnam rtog mtshan ma can// snang srid snod bcud lha ru gsal// dngos por snang ba gzugs kyi sku// stong gsal chos sku dri ma med// snang srid gnyis med ngo bo nyid// lta sgom sku bzhi rdzogs sangs rgyas// lta sgom don du mi gnyer ba// 'khor bar 'khyams par byed pa yin// phyi yi yul la blta ba dang// nang gi sems la bsgom pa ni// sku bzhi 'du 'bral med pa yi// A+oM hrI sa ti sa ma ti b+ha la A+oM/nga rgyal lam du byed pa zhes bya ba'i ting 'dzin te// 'dod chags gzhi rgyu da lam 'bras dang// skyon dang yon tan ldan pa yis// gang gi 'dod chags spong byed pa// de la lus kyi bde ba med// bde ba chen po 'dod pa yis// de rgyu 'dod chags yin shes bya// bud med la brten bde chen po// sems can kun rnams spyod gyur pa// tha mal zhen pa spang ba yis// bde chen gar gyis rol pas bya// brtags shing byin brlabs bsnyen bsgrub bzhis// bde rtogs nyams su blang bar bya/ rgyal mo ma dang srid mo bu// tsha mo sru mo bran g.yog mo// che ba'i bag dang ldan gyur zhing// bkur por lci bas rgyal mo 'dra// rang nyid rgyal po'i tshul bzhin sbyar// dbang 'phrog ma dang 'dra ba la// lus bskyed de la pha ltar sbyar/ brtse ba'i sems ldan srid mo la// rang nyid ming po lta bar byar// lus kyi dum bu las chad pa'i// bu mo lta bu la yang sbyar// brgyud pa'i rtsa ba dang ldan pa'i// tsha mo la ni zhang ltar sbyar// nye ba'i yul dang 'brel ba yod// sru mo la ni sbyar bar bya// mngag pa'i las rnams byed pa pa yi// bran mo la yang sbyar bar bya// bya ba'i las rnams byed gyur pa// g.yog mo dag la sbyar ba rnams// thams cad chung mar shes par bya// spyi bor A+oM la mgrin par AH// snying gar hU~M ste lte bar swA// gsang bar hA yi 'phro 'du las// phyogs bcu dus bzhi'i sangs rgyas kyis// rigs kyi yum rnams spyan drang bstim// sangs rgyas yum du bsgom par bya// bdag nyid dbang chen phyag rgya che// hU~M dang a las byung ba yis// rdo rje pad+ma bsgom par bya// yum gyi dri sgra brtag bya zhing// tsaN+Da lI'i sbyor ba yis// bde ba dbab cing gzung bar bya// bsten pa bya ba'i rim pa'o// chags pa'i brda yis bskul byas nas// zangs kyi mdog gis gzung bar bya// dung gi phur pa 'debs pa yis// mchog bde dbab cing gzung bar bya// nye ba'i bsnyen pa bya ba'o// pad+ma b+han d+ha thod pa'i nad// rdo rje chen po rab bcu gnas// bde bral bde ba gzung bar bya// bsgrub pa bya ba'i rim pa'o// rdo rje thod sbyor man ngag gnyis// rdo rje dung khrag dkrug par bya// lhan cig skyes pa'i ye shes la// yid ni brtan par nang du bzung// rang rdzas thig le mkhar phebs nas// sangs rgyas byang chub sems dpa' mchod// d+hU pa dzaH/ pun+pe hU~M/ dA+e ba baM/ g+haN+De ho/ lA s+ye hU~M/ mA me trAM/ gIr ti hrIH/ nir ti a/ pU dza ya pU dza me g+ha sa mu da s+pha ra Na sa ma ye swA hA/ rang dang slob ma'i lce yi ni// thig le dkar dmar bza' bar bya// dngos grub yum gyi mkha' nas blang// byang sems thig le gsang dbang bskur// bsgrub pa chen po'i rim pa'o// bde ba mchog bde bde bral che// lhan cig skyes dga' nyams su blangs// zung 'jug sku ni thob gyur pa// yab yum 'du 'bral med par gnas// 'dod chags bde ba spang ba ni// zung 'jug sku yang spang ba yin// 'dod chags ye shes chen po 'thob// thabs lam yon tan ldan pa yis// rig 'dzin dngos grub 'thob pa ni// tshe 'di nyi zla dag dang mnyam// mkha' spyod gnas su gshegs gyur pa// mkha' 'gro'i gtso mchog he ru ku// rje btsun dbang phyug chen po 'gyur// 'dod chags kyi lam yongs su rdzogs pa zhes bya ba'i ting nge 'dzin to/phrag dog bzhi dang rgyu lam 'bras// skyon dang yon tan rnams kyis bshad// rang nyid zhen pa ngan pa nyid// gzhan rnams shong bar ma gyur pa// gzhan smod rang gi che ba ni// phrag dog 'byung ba'i gzhi yin no// rang sems kun nas mi shor bas// sems las phrag dog 'byung ba'i rgyu// shan 'byed pa dang la bzla bas// lta ngan thams cad spang bar bya// yid ni so sor rtog pa yis// shes rab kyis ni chos rnams kun// ma 'dres so sor shan yang 'byed// 'khor ba phyal ba rgyang 'phen gnyis// mu stegs rtag pa chad pa gnyis// nyan thos bden pa rnam pa bzhi// rang rgyal rten 'brel bcu gnyis dang// dbu ma kun rdzob don dam dang// kri ya lha rigs gsum gsum dang// u ba ya ni rigs bzhi dang// yo ga de kho na nyid bzhi// ma hA bzhi dang khro bo dang// a nu yab yum bde chen sras// rdzogs chen thig le nyag gcig rnams// ma 'dres gzha' tshon skar ltar gsal// yongs su rdzogs par la bzla na// 'khor dang mya ngan 'das pa'i chos// ma lus rang sems nyid la rdzogs// sems las log na chos med pas// chos sku snang ba 'khrul ba gsum// sems nyid ye nas rdzogs sangs rgyas// rnal 'byor sangs rgyas thob 'dod na// rang gi sems las btsal bar bya// rang sems nyid las ma gtogs pa// sangs rgyas gzhan nas thob 'dod na// bya long nam mkha'i mtha' 'tshol 'dra// de phyir rang sems chos skur ltos// rang sems ye nas sangs rgyas pa// rgyas par ma shes ma rig pa// dmus long nam mkha' spar mos 'dzin// ye nas rdzogs sangs rgyas shes na// dri med gser bzo'i rgyan dang mtshungs// sku gsum dbyer med thig le gcig/ bsam brjod bral bas chos skur gnas// 'khor 'das dbyer med de kho na// phrag dog don ni ma rtogs na// so sor rtog pa'i shes rab kyis// chos rnams ma 'dres 'byed mi shes// mi dmigs pa yi shes rab kyis// chos rnams yongs su rdzogs mi shes// ma 'dres yongs rdzogs ma shes nas// gnyis 'dzin mtha' las grol mi 'gyur// gzung 'dzin mdud pa 'khrol mi srid// 'khor ba'i chu bo mi sgrol bas// khams gsum grong khyer 'khyams pa yin// theg pa che chung khyad par dang// gzung 'dzin gnyis snang thams cad dang// lta ngan gzhan pa ma lus rnams// thams cad shes par 'gyur ba'o// kun la phrag dog pa'i ting nge 'dzin to// dbang chen bde gshegs 'dus pa rngog ma leb rgan gyi rgyud las/dug lnga lam du slong ba'i le'u ste bzhi pa'o//// de nas bde gshegs rgyal ba yis// 'gro ba'i don du 'di gsungs so// kun nas nyon mongs 'khor ba'i chos// rnam byang mya ngan 'das par snang// yid 'jug bsam pa'i gzugs can 'dis// 'khor 'das bya ba ma lus bsgrub// yid ni rang bzhin ji lta bar// shes bar 'dod na rgyud 'di nyon// de skad rdo rje 'chang gis gsungs// rigs gnyis lung gi rgyud pas na// pad+ma dbang gi bka' stsal to// rgyud 'di shes par 'dod pa yis// lus ngag yid gsum btud de nyon// mo ha ka dang dwe Sha ka/ mA na ka dang rA ga can// mat+sa t+ya iraShA ka// kun nas nyon mongs 'khor ba'i chos// thams cad 'di las byung bas na// 'di don yid la dril te rtog/ gti mug byal song rnam mang po// phyi yi rgya mtsho'i kha na gnas// zhe sdang dmyal khams bco brgyad po// rdo rje gdan 'og tsha grang gnas// nga rgyal lha yi 'jig rten rnams// ri rab phyir rtse nam mkhar gnas// phrag dog lha ma yin gyi gnas// ri rab khong seng dag na gnas// ser sna dmyal ba yi dwags gnas// grong khyer ser skya dag na gnas// gling bzhi'i mi rnams 'dod chags can// rab 'bring thams cad dbang po rno// gti mug rtag pa rnam par snang// stug po bkod par sa bcur gnas// rdo rje mi bskyod zhe sdang las// rdo rje 'chang du rnam par snang// nga rgyal rin chen 'byung ba nyid// rdo rje nyi ma dkon mchog dpal// 'dod chags snang ba mtha' yas nyid// tshe dpag med pa snang bar mdzad// phrag dog don yod grub pa'i sku// gdon mi za ba rta mchog nyid// nang sems nam mkha' lta bu 'di// glo bur sprin rnams 'byung ba yang// bde gshegs sangs rgyas rnam snang las// sku yi bde chen byung bar 'gyur// gsum mchog snang mtha' tshe dpag med// tshogs chen yongs 'dus 'byung bar 'gyur// thugs mchog mi bskyod rdo rje 'chang// pad+ma gsang bar 'byung bar 'gyur// yon tan rin 'byung tshe dpag med// rin chen rta mchog 'byung bar 'gyur// phrin las rta mchog don yon grub// phrin las rta mchog 'byung bar 'gyur// sku dang gsung dang thugs yon tan// bde gshegs 'dus pa'i rta mchog 'byung// ma lus lus pa med pa yi// pad+ma dbang chen mtha' yas spro// 'khor bar snang ba'i chos rnams kun// mya ngan 'das par gtan la 'bebs// rnam byang mya ngan 'das par snang// las sgrib med par ye sangs rgyas// 'khor ba dang mya ngan las 'das par gtan la pheb pa'i ting nge 'dzin to// 'di dag rang gi sems snang ba// gti mug can la snang ba yang// klu dang gnyan dang sa bdag la// gti mug blo yi ngan gtad do// zhe sdang can la snang ba yang// srog mthu dag tu snang ba'o// 'dod chags can la snang ba yang// dbang du sdud par snang ba'o// nga rgyal can la snang ba yang// thog dang sor bar snang ba'o// phrag dog can la snang ba yang// sngags pa nang 'gras phyir bzlog snang// thun mong dngos grub las tshogs rnams// bskyed rim rdzogs rim 'brel ba yang// thams cad 'di las 'byung ba yin// yid kyi rnam shes kun khyab bo// gang bsam snang ba yid bzhin no// ma rtogs 'khor bar snang ba yang// yid kyis bskyed nas snang bar zad// rtogs pa'i mya ngan 'das pa yang// rang gis rang rtogs nyid du zad// 'khor bar snang ba ma rig pa// sangs rgyas nyid du ma shes 'khrul// snod dang bcud du snang ba yang// snang zhen gnyis su snang bar zad// 'das pa snang ba'i rnal 'byor la// rang sems chos skur shes gyur pa// sku dang ye shes bsam mi khyab// yid bzhin nor bu lta bur snang// sems can yid kyi rnam shes can// 'di la dran pa sna tshogs 'char// yum gyi tshogs la 'jug 'gyur pas// yid dang chos su 'dres gyur pa// dbyings dang ye shes gzhan na med// nam mkha' nyi ma shar ba ltar// dbyer med stong gsal gang yin pa// sems nyid rang bzhin 'od gsal gnas// rnal 'byor lam la gnas gyur na// thos bsam bsgom pa'i shes rab kyis// dbang chen bde gshegs 'dus pa yi// dgongs pa sems la brtag par bya// zhes gsungs so// pad+ma dbang chen bde gshegs 'dus pa'i dgongs pa/ rta mgrin rngog ma le brgan gyi rgyud las/kun nas nyon mongs pa 'khor ba'i chos dang rnam par byang ba mya ngan las 'das pa'i chos thams cad dug lngar 'dus pa ste le'u lnga pa'o//// de nas sangs rgyas thams cad kyi// sku gsung thugs yon phrin las rnams/gcig tu rdzogs sangs rgyas pa yi/ bde gshegs thams cad spyir dril ba// dbang chen pad+ma'i sku la gnas// sku ni rab tu bsgom gyur na// skye med chos sku zhi ba las// ye shes sgyu lus longs spyod rdzogs// thugs rje sprul pa'i skur shar ba// de yi zhugs gnas gzhal yas gnas// lha nyid rang sems bde ba yi// cha shas dum bur gnas pa las// 'byung chen lnga las skur grub pa// gcig las sku gsung thugs yon las// ma lus rdzogs par snang ba las// dbab drang bstim dang mchod 'bul bzlas// bstod nas 'dod don bcol bar bya// chos rnams gdod nas ma bskyed pas// rgyu rkyen bral ba'i byang chub sems// mtshan ma'i dngos por ma grub pa// ye nas chos sku chen por gnas// chos dbyings spros med nam mkha' las// ye shes nyi ma rang shar ba// cis kyang ma bsgribs 'od gsal ba// ye shes sgyu lus longs skur bsgom// sems can kun gyi sems nyid ni// sangs rgyas kun gyi thugs yin pas// rtsa ba yid kyi rnam shes nyid// yi ge sprul pa'i sku ru bsgom// chos rnams stong gsal nam mkha' nyid// chos dbyings yum gyi b+ha ga las// thams cad 'degs pa'i stobs po che// rlung nag 'tshubs mar 'khyil ba snang// chu nyid khrag las grub pa yi// rgya mtsho zab cing rgya yang che// ri rab rus ba las grub pa'i// steng na dur khrod brgya gnas pa// snod bcud zad mdzad dbyings su thim// bskal ba'i me ni ye shes 'bar// ye shes lnga yi gzhal yas khang// ma skyes lhun gyis grub pa'i gnas// dur khrod brgyad kyis rab mdzes pa// bde gshegs dus gsum sangs rgyas gnas// lhun grub yid bzhin gnas kyi mchog/ chos dbyings ma gtogs gnas gzhan med// 'dzin pa'i sems dang gzung ba'i yul// thabs dang shes rab skyon dang bral// thams cad dngos por blta bas na// nga yi sems ni yi ger shar// dngos po mtshan mar 'dzin pas na// thugs kyi phyag mtshan lta bur byung// kha dog dbyibs legs kun yid 'ong// dbu gsum phyag drug zhabs bzhir snang// ye shes dri med g.yas ni dkar// pad+ma chags med dbus ni dmar// las mdzad g.yon pa ljang ba nyid// kha T+wAM ga ni lha yi sku// shes rab ral gris ma lus gcod// rnge'u chung sgra yis rmad byung sgrogs// dbyings kyi gzhu la ye shes mda'// nyon mongs tha ba 'bigs pa'i mdung// rgyud drug 'khor ba 'ching ba'i zhags// tshad med bsdu ba rdzu 'phrul gyi// zhabs bzhi thabs dang shes rab bzhugs// sku ni mthing nag dbyug tho dang// sdigs mdzub zhags pa bsnams pa'o// gsung dmar rdo rje lcags kyu dang// sprul gyi zhags pa 'dzin pa'o// thugs ni mthing nag rdo rje dang// thod pa phyag bsnams dkrug pa'o// yon tan che mchog sa nu gser// rdo rje dril bu bsnams pa nyid// phrin las ljang nag rdo rje dang// sdigs mdzub bskal pa'i me dpung 'bar// dbu yi rta mgo phrin las bzhi// sku gsung thugs kyi khyung gsum rdzogs// 'dod pa'i khro mo ral gcig ma// rdo rje thod pa g.yon nas 'khril// thabs dang shes rab las byung ba'i// byi la bu shud la sogs pa/ lcags kyus 'dren cing phur bus 'debs// dkyil 'khor lha rnams gsal bar bya'o// A+oM pan+mAn+ta kr-i ta hrI ta ha hU~M phaTaH/ A+oM ya mAn+ta kr-i ta hU~M/ A+oM badzra he ru ka hU~M/ A+oM shrI he ru ka dzA la raM hU~M/ A+oM badzra kI li kI la ya hU~M/ oM e ka dza ti hU~M/A+oM badzra pa tsa la mu kha hU~M/ A+oM badzra bak+Sha ti mu kha hU~M/ A+oM hU~M/ A+oM trAM/ A+oM hrIH/ A+oM hA/ ji ltar mi dbang chos mthun par// dang por snyan gsan dbab par bya// dbyings nas bzhengs su gsol ba dang// spyan drang brtan par bzhugs pa dang// phyag 'tshal mchod par rol nas ni// rnal 'byor bzlas pa bya ba yang// spro bsdu rdo rje'i bzlas pa'o// sa ni brtan zug chu ni 'bab// me 'bar rlung 'thor nam mkhar stong// zhi ba rgyas pa dbang drag lhun// dang por dmigs pa brtan pa yis// bsgom pa zab mo rab tu bya// chu bo rgyun gyi rnal 'byor pa// glal dang sprid btab khar mi gcad// gsal la 'bar ba'i sgron ma yis// gnyid 'thibs rmugs pa med par bya// 'byung chen 'thor rlung drag po yis// dgra bgegs nad rnams gtor bar bya// nad dang gdon dang bag chags sgrib// nam mkha'i sprin bzhin dengs par bya// sngags kyi yi ge nyal nas dkar// zhi bar 'dod na ShIn+taM gdags// sngags rnams langs par gyur na rgyas// mjug tu puSh+tiM gdags par bya// 'khor bar gyur na dbang du ste// pa shang ku rus mdzes par spras// 'khrugs pa drag po nyid yin pas// a b+hi tsar+Ya'i rgyan gyis mdzes// lhun grub ma bcos ye nas gnas// A+oM pad+ma krod+ha krod+hI shwarI badzra kI la ya/ ma hA yak+Sha/ karma raM raM hU~M phaT/ dz+wa la raM hU~M phaT/ khams gsum gnas pa'i sems can rnams// ma lus rlung dang sems la brten// ji ltar gnas bzhin bzlas pa yang// rnal 'byor can la dgos pas 'bad// 'dod dang gzugs dang gzugs med pa// rlung dang sems du 'dres nas gnas// pho dang mo dang ma ning dang// thod rgal rlung la bskyor bar bya// zag bcas 'khor ba zag med 'dam// sems can lha srin sangs rgyas nyid// bag chags rlung dang las kyi rlung// ye shes rlung las thams cad 'byung// rlung gi rta la sems kyi mi// zhon nas tshogs pa gcig pa dang// chu dang 'o ma 'dres pa dang// rnal 'byor rtog can sgraul bar bya// phyi rol snang ba thams cad kun// sems las byung ba yin pas na// nang du sems la bsdu bar bya// mi smra ba yi yi ge A+oM// nang gi sems nyid snang ba ni// phyi yi yul la 'jug pas na// yul gyi bdud rtsi bstan pa'i phyir// drag po khros pa'i khro bo hU~M// yul sems gnyis su snang ba yang// blo dang dngos po bsres pas na// gnyis su med par snang bar bya// skye med a ni khong na gnas// ma bcos don gyi rnal ma la// rig pa'i blo yis sbyor 'dod na// sku dang gsung dang thugs bsgrub pa'i// rgyud la dad pa rab tu bskyed// ces gsungs so// dbang chen bde gshegs spyi dril rngog ma le brgan gyi rgyud las/ sku bskyed pa ste le'u drug pa'o//// de nas bcom ldan 'das kyis 'di gsungs so// rang sems snang ba nyams drug las// lus la rtags drug khro bo'i sku// des mtshon phyi rol rgyan drug 'char// yon tan mngon shes drug dang ldan// nyi shu rtsa bzhi rdzogs par gnas// 'di ltar gang gis shes nas grol// sku gsung phrin las mdzad pa'i zhal// phyag drug 'gro drug pha rol drug/ zhabs ni tshad me rdzu 'phrul ston// glang chen zhing lpags gos su gyon// thod pa sbrul dang rgyu mas mtshan// thal ba zhags dang rak+ta btab// rtags rnams don du rdzogs par byed// bcom ldan rta mchog ye shes lnga// thabs chen gar dgu lus la rdzogs// yum chen ral gcig chos kyi dbyings// shes rab skye ba med par sbyor// ma 'gags sprul sku gnyis su snang// sku gsum ye shes lngar 'grub gnas// zhes gsungs so// dbang chen bde gshegs spyi dril rngog ma leb rgan gyi rgyud las/sku rgyan rnam dag gi le'u ste bdun pa'o//// de nas dbang chen rta yi mchog/ rtogs pa blta ba'i gtor ma 'di// rgya che ba yi rtogs pas bcad// de nyid nyams su lon par bya// 'byung lnga bum gyi gtor dbang mkha'// shes pas ma zin dus bzhi'i rdzas// rigs drug ye nas mgron gyi lha// rang bzhin lha zhes tshims pa'i mchog/ chos can mtshan mar snang ba kun// ye nas chos nyid mtshan ma med// chos can chos nyid dbyer med pas// rnal 'byor dbang phyug yi dam lha// lta ba 'di la gang gnas pa'i// rnal 'byor dbang phyug chen po rnams// ye nas snang srid snod dang bcud// lta ba'i gtor ma chen por gnas// mtshan ma las kyi gtor ma yang// phyi nang gsang ba de kho na// zan dang khur ba bu ram dang// sran ma bcos pa lta bu dang// 'bras dang gro dang til dkar dang// bra bo me tog ser por gnas// nas mar de bzhin me tog dang// til nag sran ma nag po dang// thams can lhun gyis grub gnas pas// thams cad rdzas su snang ba nyid// 'o ma zho dang mar du bcas// sbrang rtsi gser gyi mdog dang ldan// bu ram smug pos brgyan pa dang// ba dang 'bri gnag rdzas dang bcas// rigs kyi sems can kha dog las// 'byung ba gtor ma nyid du gnas// sems can ma lus sha khrag lus// klad pa rkang dang sha khrag dang// thams cad gtor mar gnas pa'o// de nyid ye nas kun gnas pa// sha lnga bdud rtsi chen po yang// mi sha glang po rta bya khyi// 'di dag kha zas chen po ste// rdzas su yang dag bsags te dbul// phyi snod nang bcud rdzas 'di kun// mtshan ma rdzas kyi gtor mar gnas// gsang sngags 'chang ba'i rnal 'byor bas// ye shes lha rnams rab mchod bya// rig pa byin rlabs gtor ma bshad// phyi nang gsang ba de kho na// 'thor byed rlung nag kun 'bud pas// spyod pa rlung g.yob me la brten// sreg byed bskal pa lta bu yi// ting 'dzin rlabs chen me ru 'bar// rab 'jigs thod pas 'degs pa ni// rnam gsum 'bar ba brjid pa'i steng// lhan d+ha 'khor yug mdzes la che// pad+ma 'dab ma bzhi dbus 'bar// rdzas ni 'dod yon rnam pa drug/ gzugs dang sgra dang dri dang ro// reg bya chos su snang ba yang// ye nas kun la khyab pa'o// A+oM ba liM ta te dzo ba liM ta ba la ba te g+hu h+ya sa ma ya swA hA/ b+h+rUM las byung ba'i gzhal yas khang// rab mdzes sangs rgyas bzhugs pa'i gnas// 'byung lnga'i snod ni kun gyi gnas// sangs rgyas rnams kyi zhing khams yin// bcud ni 'gro ba ma lus pa// rang bzhin lhun gyis grub pa nas// ye nas rgyal ba'i dkyil 'khor nyid// de las ma gtogs gzhan med pa'o// khyad par dpal gyi gtor ma 'di// rgyu mchog tshogs kyi 'khor lo mchod// bsnyen bsgrub rnam pa gang byed kyang// 'dzin pa'i gtor ma chen por bshad// b+h+rUM skyes lha yi khang pa la// rab tu mdzes pa'i rgyan ldan bsgom// gtor ma bde'u gtso bo thabs shes so// mtheb skyu 'khor tshogs sprul pa'i tshogs// yab yum ling+ka b+ha gar sbyar// dri med bdud rtsi byang chub sems// dpa' bo ro dang yang dag ldan// slob mar gtor mas dbang bskur bya// dus gsum bde gshegs rgyal ba'i sku// sku yi byin rlabs lus la zhugs// bde ba chen po'i dbang bskur bas// na tsha sdug bsngal sbyang du gsol// phyogs bcur bzhugs pa'i rgyal ba rnams// gsung gi byin rlabs ngag la zhugs// rmad byung gsung sgras dbang bskur bas// sgra skad kun la dbang bsgyur shog/ dus gsum phyogs bcu'i sangs rgyas rnams// thugs kyi byin rlabs sems la zhugs// skye shi med pa'i dbang bskur bas// sku gsum rtogs pa 'bar bar mdzod// A+oM sarba ta thA ga tA ya/ d+harma kA ya/ saM b+ho ga kA ya/ nirmA Na kA ya/ la liM ta/ a b+hi Shiny+tsa a/ spyir na sangs rgyas rigs lnga yi// phrin las bsam gyis mi khyab kyang// gtor ma'i phrin las las rab mchog/ dpal gyi gtor ma skung na nyal// sha khrag gtor ma 'ben du bcam// zhal zas gtor ma bdud rtsir bsngo// sprul pa'i gtor ma yongs la khyab// dam tshig gtor ma bskyed par bya// gzhal yas lha yi dkyil 'khor tshogs// ye shes lha mo 'gugs par bya// lha dang 'dod yon rigs lnga'i chu// gta' gtor rgyun gtor gtor dbang bskur// gnyis med gtor ma dbul bar bya// lha la lha thim dbul ba dang// dbyings la ye shes thim pa dang// ye shes la yang ye shes rol// chos nyid la yang chos nyid thim// bdud rtsi rang lus lha ru gsal// gtor ma gtang bar bya ba ni/bsgrub pa gta' yi gtor ma yang// chos kyi dbyings su gtang ba dang// las bzhi sbyin sreg bya ba dang// mi zad longs spyod gter du sba// yun du gtor ma bsgrub byas nas// tshugs par bskyal nas gshegs pa dang// gtor snod mnan la bro yis sbyang// gtor ma'i las rnams rdzogs par bya// sha khrag dmar las bsgrub pa ni// gang la bsrung na gnyer du gtad// sdang gnod kun la zor du 'phang// thams cad ma lus gnan par bya// sprul pa gang la gda' 'dod par// 'das dang 'jig rten yongs la bsdo// tshad med thugs rje'i gtor ma 'di// yid bzhin nor bu rin po che// dbang gi rgyal po chen po las// trAM las 'dod pa'i yon tan 'byung// trAM rat+na dre lo kya// maitri ka ru Na// su kha sa ma ye/ a nr-i su tri pre du ba ling ta kha kha khA hi khA hi/ zhes sku'i mchod pa gtor ma'i ting nge 'dzin to// de nas rta mchog rta mgrin la// don dam rang bzhin rak+ta ni// 'khor 'das kun la khyab par gnas// chos dbyings mtshan ma'i spros pa bral// rnam par rtog pa'i blos ma bslad// rang bzhin ma bcos sar gnas pa// chos rnams 'byung ba'i gzhir grub ni// kun tu bzang mo yum gyi mkha'// dus gsum sangs rgyas kun bzhugs pa// bcos ldan de bzhin gshegs kun gyi// sku dang gsung thugs rdo rje snying// btsun mo'i b+ha ga'i nang na bzhugs// ma rtogs khams su sems can rnams// der gnas de las 'byung ba ni// gzhan min de las 'phrul ba'o// ma rtogs 'khrul ba'i rak+ta ni// kun rdzob snod dang bcud du shar// sa chu me rlung nam mkha' lnga// yum lnga'i rak+tar snang ba dang// 'byung ba lnga yi rak+ta 'dzag/ khrag zhun phyogs bzhi dbus lnga nas// yum gyi pad+ma rak+ta thig/ thams cad ma lus rak+tar snang// sems can kun la gnas pa yi// chags pa'i rak+ta'i rgya mtsho ni/ khrag gi chu yis gling bzhi 'degs// khrag gis gso byed ste ba'i bcud// khrag gis kun ngoms srog bcud 'dzin// mtshan ma rdzas kyi rak+ta ni// byin brlab lha la dbul bar bya// phyi yi rak+ta mtshal la sogs// 'byung ba dmar por snang ba dang// nang gi rak+ta sems can kun// sna tshogs pa yi khrag rnams sbyar// gsang ba'i rak+ta chen po ni// 'bras bu lnga bsgral bud med khrag/de kho na nyid chos kyi dbyings// mthar 'dzin lta ngan brlag par mdzad// sgrub pa'i rnal 'byor ming sring rnams// rak+ta rtogs par gyur nas shom// rnal 'byor dbang phyug chen po yis// rak+ta bskyed cing spro ba yang// b+han+d+ha pad+ma'i zhal bu nang// pad+ma rak+ta sna tshogs khrag/ bdud rtsi chu yi dpa' bor sbyar// ma dang mkha' 'gro 'du ba'i rdzas// lhar gsal thugs las yi ge ram// rak+ta'i rgya mtsho rba rlabs 'khrugs// rak+ta mU la ka dz+wa la maN+Da la hU~M/ khams gsum snod bcud rak+ta dgug/ raM las spro bar bya ba'i 'od// mchod pa phul nas thugs dam bskul// sdod bcud rak+ta kun bsdus thim// rba rlabs 'phyo ba dmar la 'khrugs// rak+ta raM s+pha ra Na phaT/ rak+ta khaM saM ha ra Na hU~M/ don rtags ldan pa'i rak+ta dbul// 'khor yug snod kyi gzhal yas na// khrag mtsho dmar nag 'khyil ba'i bcud// rkang chen rdo rje rtse lnga'i skyogs// dang po snang srid rak+tas khengs// gnyis pa rag gi snod du 'dus// gsum pa rba rlabs 'khrugs pa'o// khaM raM stong khams rak+tas khengs// khaM raM sangs rgyas mkha' 'gros gsol// kha raM mchod mnyes dngos grub ster// bdud rtsi sman dang bsres pa dbul// rak+ta dz+wa la mU la ka kha raM khA hi/ don rtogs rak+tas kun sangs rgyas// rigs lnga rgyal ba yab dang yum// ye shes lnga po lhan cig skyes// gnyis med chos kyi dbyings na bzhugs// gsung rak+ta'i mchod pa'i ting nge 'dzin to// de nas dbang mchog rgyal po yis// lta ba rang gnas bdud rtsi gsungs// lus khams bdud rtsi chen po lnga// phung po lnga yi rgyal ba mchod// bsgom pa nyams blang bdud rtsi blang// ched kyi dam tshig bdud rtsi bsgom// stong pa'i ngang las las kyi lha// ljang nag rdo rje rgya gram bsnams// g.yo ba'i rlung dang 'bar ba'i me// thod pa'i steng na b+han+d+ha'i snod// nyi ma zla ba'i kha bcad pa'i// nam mkha' rdo rje rtse lnga bsgom// gsung gi cho ga bya ba ni// dpa' bo 'bru lnga'i yig 'bru las// thugs kyi phyag mtshan rnam lngar 'gyur// rgyal ba rigs lnga'i lha sku bsgom// ye ges bdud rtsi dgug par bya// rta yi rgyal po'i phyag rgya bcas// lu gu rgyud kyi phreng thag bzung// 'od 'phros 'og min sku lnga gnyis// nam mkhar spyan drangs 'od du zhu// ye shes bdud rtsi chen por dgug/na ba'i sman la 'chi ba'i gsos// oM AHhU~M/ sarba pany+tsa ma mr-i ta hU~M hrIHtha/ gnyis su med pa'i bdud rtsi las// rnal 'byor pa yi sor mo lnga// ye nas rigs lngar gnas pas gtor// rnal 'byor pa'i chag nyams skong// sgrub pa po yi bar gcod sel// bsgrub pa'i gnas khang bkra shis mdzad// mched lcam lta ba yo ba srong// ma dang mkha' 'gro sangs rgyas mnyes// dam nyams dam sri bgegs mtshams chod// mchod pa'i rdzas rnams gsang bar bya// A+oM badzra yak+sha kro d+ha hU~M ha na ha na hU~M phaT/ oM d+harma mr-i ta bi shud+d+he hU~M phaT/ drin len gsang nan mchod pa 'dren/ bdud rtsi phyag bsnams 'dzab brjod pas// byin rlabs bsgom pa'i bar yang gdags// theg dman spyod pa zil mnan phyir// sman gyi che ba'i yon tan brjod// rnam rtog ngan pas rgyud bcings pa// sman la bshags pa rab tu bya// bsgrubs pas las la 'bras smin pas// sku gsung thugs kyi dgos grub blang// drin la lan gyis blan pa'i phyir// gsang nan sbreng mchod dbul bar bya// tshogs bsag sgrib pa sbyang ba'i phyir// 'dod pa'i don la gsol ba gdab// ngas ni ma 'ongs phyi rabs la// dgongs pa'i gol sa gcad pa'i phyir// khyed la legs par bshad par bya// bdag gzhan don du rab tu nyon// ye nas lus khams bdud rtsi lnga// rgyal ba rigs lngar gnas pa yin// dgongs pa 'dzab la brten byas nas// lcags la ngar btab bzhin du 'gyur// rang lus bdud rtsi chen por gnas// dri chen rnam snang chos kyi dbyings// byang sems mi bskyod me long bzhin// sha chen rin 'byung mnyam pa nyid// rak+ta snang mtha' so sor rtog/ dri chu don grub bya ba grub// thams cad ma lus bdud rtsi lnga// lus pa med par ye sangs rgyas// phyogs bcu'i rgyal ba ma lus dang// yi dam bla mar bcas pa dang// grub thob rdo rje ming sring sogs// dus gsum pha ma'i tshogs la dbul// ye nas bdud rtsi rnam dag pa// mchog dang thun mong grub rdzas la// ma rig ma rtogs log par bzung// don dang 'gal ba bzod par gsol// bdud rtsi chen po'i rgya mtsho nas// thabs dang shes rab 'brel ba yi// mtheb srin rtse sbyar e yi gzugs// sku gsung thugs kyi dngos grub blang// srid gsum ma lus sems can gyi// sha yi mchod pa 'di bzhes la// ma rig gti mug gsal ba dang// gzugs med 'khor ba stongs nas kyang// mi rtog dngos grub bdag la stsol// khams gsum 'gro ba thams cad kyi// khrag gi mchod pa 'di bzhes la// 'dod chags zhen pa bcad pa dang// 'dod khams 'khrul pa bzlog pa'i phyir// bde ba chen po'i dngos grub stsol// stong gsum ma lus thams cad kyi// rus pa'i mchod pa 'di bzhes la// gzugs khams 'khor ba rgyun chod la// gsang ba'i dngos grub stsal du gsol/ dug gsum rgyu rnams gtan nas byung// bde gsal mi rtog shar bar mdzod// khams gsum 'khor ba dong nas sprugs// mchod pa dam pa bzhes su gsol/ chos kyi spun gyis bsdus pa yis// rdo rje mched dang lcam dral rnams// 'phral gyi rkyen bgegs bzlog pa dang// yun gyi sgrib pa sbyong ba dang// sku dang gsung dang thugs rnams kun// mi zad rgyan gyi 'khor lo'i mdzod// thugs bdud rtsi'i mchod pa'i ting nge 'dzin to// de nas bcom ldan rta mgrin gyis// phyi rabs rnal 'byor don dgongs nas// che ba'i rang bzhin bstan pa'i phyir// nyid la bstod pa 'gro don gsungs// chos kyi dbyings kyi dkyil 'khor nas// lhun gyis grub pa'i pho brang nas// snying po byang chub dgongs pa las// thugs rje chen po'i skur ston pa// snang ba mtha' yas tshe dpag med// sprul sku'i byang sems spyan ras gzigs// 'dul phyir sku khros rta mgrin dpal// thugs rjes byon la phyag 'tshal bstod// stong nyid ye shes mtshan ma bral// me long ye shes 'gag med gnas// stong gsal skye ba med pa'i ngang// stong rig chos sku chen po las// gzugs sku longs spyod rdzogs par bstan/ mtha' dbus mi phyed mnyam pa nyid// chos rnams rang bzhin so sor rtog/ sa bcu longs spyod rdzogs skur bstan// rigs drug 'khor ba'i sems can la// ji ltar mos pas mthun 'dul ba// mdzad pa mthar phyin sprul pa'i sku// dbang chen sku la phyag 'tshal bstod// ma skyes a ni kun gyi srog/'gag med ka tshogs rnam par sprul// zab dang rgya che'i chos rnams kun// A li kA li'i tshogs las sprul// 'khor 'das gtan la 'bebs byed pa// rmad byung chos kyi 'khor lo bskor// ma skyes lus la dgyes pas te// bem stong chos nyid dbyings su dgyes// ma rtogs sems la chags pas ru// thugs rje chen pos 'gro la chags// yul sems gnyis med las mdzad ka/ bdag gzhan gnyis med phrin las mdzad// he ru ka dpal khro bo'i gtso// pad+ma'i rgyal po'i khro bo'i sku// ha ha hi hi'i sgra sgrog pa// dbang chen gsung la phyag 'tshal bstod// ma skyes sems kyi dkyil 'khor nas// chos rnams rtsa ba gtan la 'bebs// kun gzhi sems kyi pho brang du// las dang bag chags gting nas grol// yul sems gnyis su 'dzin pa'i yid// phyi nang gzung 'dzin rnam par grol// gti mug mi 'byed rtog dang bral// zhe sdang 'od gsal chen por 'bar// 'dod chags bde ba chen por shar// nga rgyal lta sgom ri bos gnon// phrag dog lta ngan shong mi byed// dbang chen thugs la phyag 'tshal bstod// khyod ni yid bzhin rin po che// kun gyi 'dod pa ma lus skong// phye ni lha yi dpag bsam shing// na bza' zhal zas rtsol ba bral// khyod ni bum pa bzang po'i gter// bdud rtsi chen po'i chu bo 'bebs// khyod ni stong nyid nam mkha'i mdzod// sku dang ye shes dkor gyi bdag/ theg mchog bstan pa'i sa gzhi las// zhi gnas chu yis kun tu tshim// lhag mthong ye shes bag chags bsregs// 'thor byed rlung gi 'khor lo yis// stong gsum 'gro ba'i don mdzad pa// 'jig rten nyi zla'i dkyil 'khor lhar// 'gro drug mun pa kun sel ba// dbang chen yon tan phyag 'tshal bstod// sgeg pa'i nyams kyis sgeg pa'i gang mdzad la// 'dod chags dbang phyug 'dul bar mdzod// khyod ni dpa' bo chen po ste// lha min pa su ka ra 'dul bar mdzod// 'jigs byed chen po 'jigs pa'i sku// khyab 'jug chen po 'dul bar mdzod// sku yi gar gyis sku yi gar mdzod la// bdag gi lus la gar rnams 'char bar mdzod// rgod pa'i nyams kyis ha ha bzhad pa ni// gzhon nu smin drug rta skad drag pos btul// gshe ba'i gar gyis hi hi gshe ba ni// tshogs kyi bdag po glang po'i sna can btul// rngam pa'i gar gyis hring hring za byed rngam// sgra gcan rA hu la ni rngam pas btul// gsung gi gar gyis gsung gi gar mdzod la// bdag gi ngag la sngags su 'char bar mdzod// snying rje'i gar gyis thugs rje'i rol par mdzad// brgya byin glang chen zhon pa sgrol bar mdzod// ngo mtshar gar gyis ngo mtshar bskyed par mdzad// klu chen se sha ra tsa bsgral bar mdzod// zhi ba'i gar gyis zhi ba 'dus mdzad pa// me lta drang srong chen po sgro 'bar mdzod// thugs kyi gar gyis thugs kyi gar mdzod la// bdag gi sems la nyams rnams 'char bar mdzod// bcom ldan dpal chen pad+ma he ru ka/ gar dgu'i phrin las mdzad la phyag 'tshal bstod// lha mchog khyod la bdag gis bstod pa yis// sems la nyams kyi snang ba nang du 'char// lus la gar gyi snang ba phyi ru 'char// ngag la sngags kyi snang ba 'char bar byed// yul la mthong snang snang ba 'char ba dang// bag chags rmi lam snang ba rmi bar mdzod// ces phyis 'byung ba'i rnal 'byor pa la mchod cing bstod pa lung bstan pa zhes bya ba'i ting nge 'dzin to// dbang chen rta mgrin bde gshegs 'dus pa pad+ma gsang ba bkod pa rngog ma leb rgan gyi rgyud las/mchod bstod kyi le'u ste brgyad pa'o//// de nas bcom ldan 'das kyis gsungs pa// rnal 'byor dbang phyug chen po yis// yang gsang rmad byung dgongs pa la// bsnyen pa thems par gyur pa na// chos sku snying po byang chub sems// de nyid shes pa spros dang bral// sa thob sbyong yul gzhal yas nas// dgongs pa lta can longs spyod rdzogs// mos spyod 'gro la snang gyur ba// grub pa chos kyi phung po can// rgyal ba sku gsum dag dang mnyam// rnal 'byor rab kyi dgongs par gsungs// phyogs bcur bzhugs pa'i sangs rgyas dang// dus gsum gshegs pa'i rgyal ba rnams// thugs dam rgyud nas bskul ba ni// rnal 'byor 'bring gi dgongs pa yin// lus ni lha sku'i dkyil 'khor bsgom// ngag ni bzlas pa'i gsang sngags can// thugs ni yang dag don du blta// rtags tsam 'dzin par rab gnas pa// rnal 'byor kun gyi dgongs pa ste// rab tu 'bad nas bsgom pa yang// rnal 'byor tha ma'i dgongs pa yin// de dag rnal 'byor brda skad gsungs// ma ltar byams la sring ltar gdung// ma mo mkha' 'gro rnal 'byor ma// pheM pheM hri yi sgra dag la// thal mo'i sgra dang rnge'u chung sgra// rkang gi gling bu thod pa'i rnga// cang te'u sgra rnams bsgrags pa dang// zhing gi g.yab mos g.yab pa ni// dang po brda yang sprad bar bya// dur khrod chen po'i gnas brgyad nas// bde gshegs mkha' 'gro chen mo dang// rdo rje zhe sdang srog la rngams// rin chen nga rgyal sha za mo// pad+ma 'dod chags khrag 'thung ma// las kyi phrin las chen po rnams// nam mkha' bar snang sprin bzhin du// klong rdol bya nag 'bab pa ltar// gti mug sha yi sa gzhi la// 'dod chags khrag gi rgya mtsho 'khyil// zhe sdang rus pa'i ri rab la// mi rtog bde gsal nyams skye zhing// khams gsum gdug pa'i dgra dang bgegs// sgrol phyir 'gyings shing rngams pa yis// rab tu gnas su 'byung ba ni// bar du klong rdol byon pa yin// dug gsum gtor mas tshim pa dang// bdud rtsi chen pos tshim pa dang// rak+ta dmar gyis dgyes pa ni// mngag pa'i gnas su yud tsam 'gro// dgra dang bgegs rnams rab 'gugs pa// dper na skyes bu btson bzung bzhin// rang dbang med par 'gugs pa ni// rmad byung dkyil 'khor nang du drang// rlung gi stobs kyis 'ong ba ni// tha mal las la bkye ba'o// bdag gi rnal 'byor bsam gtan can// rta skad thengs gcig bsgrags pa yis// bsgrub pa'i rnal 'byor chen po rnams// rtsa ba yan lag dam tshig rnams// nyams chag bskangs par gyur nas ni// thun mong grub chen brgyad la sogs// mchog gi sku gsung rang gsal ba// g.yar dam can la dngos grub ster// rta skad thengs gnyis bsgrags pa yis// rje mo blon mo ma sring dang// bran dang pho nya bka' nyan dang// ma mo mkha' 'gro rnal 'byor ma// dam la gnas pa thams cad kyang// tshar bcad rjes su phrin las mdzad// zhi dang rgyas dang dbang dang drag/ drag dbang rgyas dang zhi bar byed// rta skad thengs gsum bsgrags pa yi// mos pa chung ba'i nyan thos la// bden pa bzhi yi chos kyang ston// dmigs pa phra ba'i rang rgyal la// rten 'brel bcu gnyis chos bshad de// theg chen byang chub sems dpa' la// kun rdzob don dam chos kyang gsungs// bya ba las kyi kri ya la// rig gsum mgon por rnam par snang// u pa ya la rigs bzhi nyid// lta ba spyod pa ston pa dang// yo ga rigs lnga mngon byang chub// kun rig rnam snang chen por gsungs// rnal 'byor che la thabs chen snang// rjes su rnal 'byor yab yum che// shin tu rnal 'byor chos kyi sku// rgyud lung man ngag snang ba'o// rta skad thengs gsum dgongs pa'i ting nge 'dzin to// de nas sangs rgyas rta yi mchog/phyogs bcur bzhugs pa'i rgyal ba dang// dus bzhir gshegs pa'i bde gshegs kyis// dbang chen las la sbyar nas gsungs// drag po'i gnas nas sa blang la// gang gnong sa blang bsres nas kyang// dkyil 'khor dkyil du mthing nag e// zla gam rnam gsum dmar po'am// zlum po zhi ba dkar la yang// gru bzhi ser po rgyas pa la// sgo dang rdo rje ra ba dang// me dpung dur khrod brgyad dang bcas// khrag sna dug sna'i phu bas bri// bya rog gang ga'i sgro sogs nang// mi rkang mtshon gyi skud pa can// ro ras zhing lpags gro shog la// klu gnyan sa bdag srog rtsa gcad// sbrul dang sdig pa sbal bas brgyad// nA ga tsit+ta mA ra ya rbad// su mi tsit+ta mA ra ya rbad/ sa khrag tsit+ta mA ra ya rbad/ dgra bo'i srog rtsa gcad pa'i phyir// ling+ga ming rus sngags dang ldan// sha truM tsit+ta mA ra ya rbad/ che ge mo tsita mA ra ya rbad// gdug pa'i bgegs ni pho mo la// gang yon gzugs bris sngags kyis gzir// sarba bi g+ha nAn srog mA ra ya rbad/ e sarba big nan mA ra ya rbad// ming rus rkang gi phur pa dang// seng ldeng dag las byas pa dang// lcags kyi phur pa dag gis gdab// gla ba'i phur pas gdab par bya// sa nA ga tri sha truM mA ra ya kI li kI la ya rbad// rdo rje phur pas btab byas nas// lus rnams kun la gzer bar bya// mthing nag gru gsum nang du yang// ro shing tsher ma can gzer nas// yugs sa bshan pa'i me blangs nas// me lha dbang gi rgyal po'i zhal// mi rkang zar bu chen po'i nang// dug khrag ril bur ling+ga bcug/sha khrag sna tshogs mchod pa 'bul// nyung dkar yungs nag rdo phye dang// gri ma dung mtshon chas thun du brab// raM r+dz+wa la raM mAM sa rak+ta kha raM khA hi/ sa sa sha ri shag ti tIk+ShA che ge mo mA ra ya thun b+h+yo// lha khang rming bar mtshon bcas dang// byin ldan gdung gi pu ri'i 'og/ rab gnas ldan pa'i mchod rten dang// bsgrub pa'i dkyil 'khor chen po dang// rgya gram lam dang zam pa'i sna// lha klu btsan 'gong dur khrod gnas// shing gcig drung dang 'gyu ba'i srang// de ru gang rnyed thod par mnan// nya dang sram dang khyi sbyang dang// wa sogs gcan gzan thod par mnan// nA ga pa tri sha truM staM b+ha ya laM nan// srog la 'khor lo bskor ba ni// gdug pa gsum la srog rtsa gcad// gnod pa'i bgegs la srog rtsa gcad// sdang ba dgra la srog rtsa gcad// de dag drag po'i las rnams kyis// dpal gyi 'phreg sngags zab mo ste// gsang ba chung ba 'di dag go/A+oM hU~M hU~M hU~M/ ta rul bi rul sarba bi Sha g+ha ta ga/ dz+wa li ta bi s+phu Ta ling+ga/ an+TAT+Ta hA sa/ sa DA a To pa TaM kA ra/ badzra khu ra ni r+g+gA ta na/ tsa li ta ba su d+hA ta la ni shwA sa mA ru to tik+Shap+ta d+ha ra Ni d+ha ra/ b+hI Sha Ni aT+rA T+Ta hA sa/ a pa ri mi tA ba la ba rA krA ma/ ar+ya ga NA b+hI ta b+hu ta ga NA d+h+yu yaM ta/ bud+h+ya bud+h+ya/ h+ya grI wa/ khA da khA da ba ra man+t+rAn/ ts+tshin+d+ha ts+tshin+d+ha/ bin+d+ha bin+d+ha/ pa ra mu drA na/ sid+d+hi m+me di sha A be sha ya/ sarba dz+wa ra bi sha tsI dI na/sarba gra he Sh+wa pra ti ta to b+ha ba/ badzra daM Sh+ta kiny+tsa rA ya si/ i dan du Sh+ta gri ha Na/ du Sh+ta sarbaM pA/ dU na d+hu na/ ma tha ma tha/ marda marda/ pA Ta ya bA' Ta ya/ ma Ta ma Ta/ b+han+d+ha b+han+d+ha/ bud+d+ha d+harma sa g+hi a nu dz+nyA taM karma ku ru shI g+h+raM/ha ya grI wA ya phaT/ badzra ye phaT/ badzra gA trA ya phaT/ badzra ne trA ya phaT/ badzra daM Sh+tA ya phaT/ badzra khu rA ya phaT/ khu ra ni r+g+hA ta nA ya phaT/ pa ra ma n+t+ra binA sha nA ya phaT/ sarba tri lo kya b+ha yaM ka rA ya phaT/sarba karmi ShA pra ti ha tA ya phaT/ badzra ku la san+t+ra sa nA ya phaT/ hU~M hU~M hU~M/ phaT phaT phaT swa hA/ gang la dmigs pa 'joms par byed// khyad par klu yi dug rnams sel// dug rnams ma lus thams cad kun// 'byin par byed pa'i gsal sngags so// namaHsa man+ta kA ya wA ka tsit+ta badzrA NAn/ hu lu hu lu/ tiSh+Tha tiSh+Tha/ b+han+d+ha b+han+d+ha/ ha na ha na/ da ha da ha/ pa tsa pa tsa/ gardza gardza/ s+pho Ta ya s+pho Ta ya/ sarba big+hA na/ bi nA ya kA nan/ma hA ga Na pa ti/ dzI bi tAn+ta ka dzA ya phaT/ lha srin bgegs dang sa bla 'di// gdug pa'i bgegs rnams ma lus pa// lus dang ngag sems la dmigs na// bgegs rnams gsod pa'i mchog yin no/A+oM g+ha g+ha g+hA ta ya g+hA ta ya/ sarba duSh+tA na phaT/ kI la ya kI la ya/ sarba pA paM hU~M phaT phaT/ hU~M hU~M badzra kI la ya/ badzra d+ha ra Adz+nyA pa ya ti/ kA yA wA ka tsit+ta/ badzra kI la ya hU~M phaT/ oM pa d+mAn+ta kr-i ta/ ts+tshin+d+ha ts+tshin+d+ha/ha na ha na/ dIp+ta tsakra hU~M phaT/ A+oM pad+mAn+takr-i ta hrIH/ aM b+hur+b+ha baHphaT/ A+oM pad+mAn+tA kr-i ta badzra rA dza hU~M/ 'khor lo'i phyag rgyas bzung nas ni// phur pa lus la gdab par bya// pad+ma'i phyag rgyas bzung byas nas// phur ba ngag la gdab par bya// rdo rje'i phyag rgyas bzung nas ni// phur pa sems la gdab par bya// sdang ba'i dgra bo ma lus pa'i// lus ngag sems la gdab bya na// de ma thag tu myur du 'gro// 'byung bzhi 'thibs nas tshe srog bral// gal te gso bar 'dod pa na// gang so de la btab par bya// dril bu'i sgras brgyal sangs ba ltar// 'chi ba de yang langs par 'gyur// dbang chen bde gshegs 'dus pa/ pad+ma gsang ba bkod pa rngog ma le brgan gyi rgyud las/ gdug pa gsum dang dgra bgegs srog rtsa gcad pa'i le'u ste dgu pa'o//// de nas phyogs dus sangs rgyas kyis// gsung gi las mdzad rta yi mgrin// mthar byed chen po dpal gyi dpal// las bzhi'i s+yin sreg rab tu gsungs// dkyil 'khor zlum zhing dkar ba la// 'khor los rab tu brgyan par bya// gru bzhi gser gyi mdog can la// rin chen 'bar bas 'tshon par bya// zla gam dmar po gyur pa la// pad+ma lcags sgrog bri bar bya// gru gsum kha dog nag po la// ral gri mtshon cha sna tshogs brgyan// gru gsum zla gam zlum po la// gru bzhi rgyas pa lhun gyis grub// ba lu dang ni glang ma dang// 'om bu shugs pa zhi ba'i shing// skyer pa dang ni gla ba'i shing// seng ldeng rgyas pa'i hom du bya// seng ldeng dang ni mdzo mo shing// kha dog dmar ba dbang gi hom// shel shing nag po dri can dang// a ka ru ni drag po'i shing// thams cad tshang bar gyur pa na// lhun gyis grub pa'i shing zhes bya// 'bras chan nas dkar til dkar dang// 'o ma zho yi gtor ma zhi// bra bo'i zan dang khur ba dang// ba ser 'o ma'i gtor ma rgyas// ram bu'i zan dang nas dmar dang// ba dmar 'o mas gtor ma dbang// sha dang khrag dang dug dang ni// til nag gtor ma drag po la// thams cad ma lus tshang ba ni// lhun gyis grub pa'i gtor ma yin// dngul lam dkar po'i shing rnams la// zhi ba'i phur bu zlum po bya// gser ram ra gan ser po'i shing// rgyas pa'i phur pa gru bzhi bya// zangs sam dmar po'i shing rnams la// dbang gi phur bu zla gam bya// lcags sam nag po'i shing rnams la// drag po'i phur pa zur gsum bya// mgo zlum sked pa gru bzhi la// zla gam zur gsum lhun gyis grub// dung can ma dang phyal pa dang// lcug phran ma dang ban glang can// pad+ma gcig dang sdong gcig ma// me reg ma dang ri dwags can// phrin las bzhi la so sor bya// kun dag tshang na lhun gyis grub// dngul dkar stag ma'i shing rnams la// zhi ba'i dgang gzar blug gzar dang// gser dang ra gan shing sar rgyas// zangs sam seng ldeng dmar po la// dbang gi sbyin sreg gsar bu bya// lcags sam ma mi rkang gzar bu ni// drag por yang dag gsungs pa la// phrin las bzhi yi dbyibs ldan pas// lhun gyis grub pa'i gzar bu yin// zhi bar 'dod na zlum po'i zhal// dang ba'i sems dang rab ldan pa// rgyas pa'i khro zhal gru bzhi la// dga' ba'i sems kyi ting 'dzin bya// dbang gi rta gdong zla gam zhal// chags pa'i sems kyis mchod par bya// drag po khro zhal gru gsum nyid// khros pa'i sems kyi ting 'dzin bya// kun tsang zhal ni khro zhal gsum// rta mgo nyid la lhun gyis grub// zhi ba'i me ni dge slong ngam// bram ze gtsang ma dag las byung// rgyas pa rgyal po 'gyur ba dang// 'byor pa can las blang ba'o// dbang gi smad 'tshong bud med dang// 'gro ba bzang mo dag las blangs// drag po yugs sa pho mo dang// bshan pa dag las blang ba'i me// kun ka tshang bar gang gyur pa// de ni lhun gyis grub pa'i me// spyan sprin dkar po zhi ba nyid// rta gdong dpral ba zhur po las// sangs rgyas lta stangs sna rtse la// yang na stong nyid nam mkha'i dbyings// rgyas pa'i mig sprin ser po la// rta mgo phrum phrum ser por gnas// mi yi lta stangs sa gzhi nyid// yang na thang dkar ri la blta/dbang gi mig sprin dmar po la/ rta mgo rngog ma le brgan te// bud med lta stangs bar snang la// yang na zur mig 'phred la blta// drag po'i mig 'bras mthing nag la// rta mgo ljang gur gnas pa nyid// khros nas sdang mig bzlog pa ste// yang na gdug par mig 'gyur bya// lhun gyis grub pa'i lta stangs ni// rta gdong gzi mig khra bor blta// byams pa'i sems kyis zhi ba la// gnyen dang bshes la bya ba yin// rgyas pa'i sems kyis dga' ba la// gnyen dang bshes la bya ba yin// dga' ba'i sems kyis chags pa la// gnyen dang bshes la bya ba yin// drug po'i sems kyis btang snyoms la// gnyen dang bshes la bya ba yin// byams pa'i sems ni bu yin la// snying rje ba ni pha dang ma// dga' bar rang gi chung ma nyid// btang snyoms byang chub dag la dgod// sdug bsngal can la byams pa la// phongs pa rnams la snying rje bas// gnyen bshes rnams la dga' bar bya// dmu rgod can la btang snyoms nyid// thams cad tshang na lhun gyis grub// dgun dang dpyid dang dbyar dang ston// phrin las bzhi dang lhun gyis grub// sa yi rlung dang chu yi rlung// me yi rlung dang rlung gi rlung// las bzhi so sor rgyu ba dang// lhun gyis grub par gnas pa yin// me tog dkar ser dmar dang nag/ du ba 'khor lo rin chen pad// ral gri rgya gram 'bar ba ni// las bzhi grub dang lhun gyis grub// snga dro phyi dro gong ma gnyis// phyi dro phyi dro 'og ma gnyis// dgong dang srod dang tho rangs langs// las bzhi lhun gyis grub par bya// gti mug nga rgyal 'dod chags dang// zhe sdang nyon mongs thams cad kyang// las bzhi dang ni lhun gyis grub// ye nas byas pa med par gnas// dgra bgegs la sogs zhi ba dang// dpal dang 'byor pa rgyas pa dang// yul khams pho mo dbang 'dus dang// dgra bgegs bcom dang gnas su shis// thams cad tshang bar lhun grub nas// phr-in las brtsam pa'i dgos pa gsungs// yon tan las bzlog skyon du 'gyur// me long lto rgyab log pa bzhin// shar na lus 'phags zla gam dbyibs// rlung gi dkyil 'khor gru bzhi 'degs// lho na 'dzam gling sog kha'i dbyibs// gru gsum me ni kun la snyoms// nub na ba glang zlum po chu// phyi yi rgya mtsho lcags ri'i nang// byang na gru bzhi sgra mi snyan// sa yi dkyil 'khor rab tu rgyas// dbus kyi ri rab lhun po nyid// thams cad rin chen lhun gyis grub// zhi ba'i tshe na nub tu blta// rgyas pa byed na byang du blta// dbang gi las la shar du blta// drag po'i dus na lto ru blta// dbus ni kun gnas lhun gyis grub// sum mdo zla gam lto ba zlum// ro stod gru bzhir gnas pa dang// lkog ma dpral ba gru gsum ste// lus la kun tshang lhun gyis grub// b+ha ga phyi mtshams gru bzhi la// sna rtse gru gsum bya rog gdong// skye gnas zla gam dag tu gnas// sna tshogs 'dus pa zlum po nyid// b+ha gar kun tshang lhun gyis grub// kun gzhi zhi ba yid ni rgyas// nyon mongs dbang la sgo lnga drag/ tshogs brgyad lhun gyis grub pa ni// de kho na nyid ces kyang bya// stong pa zhi la gnas rgyas pa// chags pa dbang la 'jig pa drag/ thams cad tshang bar ye gnas pa// lhun gyis grub par gnas pa'o// byol song zhi la mi rnams dbang// lha rnams rgyal dang yi dwags dang// dmyal ba drag por gnas pa la// 'gro ba kun la lhun gyis grub// yA ni zhi ba ma ni rgyas// baM ni dbang la drag po e// yi ge bzhi yi dbyibs ldan par// e baM ma yA lhun gyis grub// dpa' bo chen po'i yi ge ni// a dang bI ra hU~M kha la// las bzhi'i zhi rgyas dbang drag dang// kun tshang lhun gyis grub pas na// phung po'i bdud dang nyon mongs bdud// lha bu'i bdud dang 'chi bdag bdud// zhi rgyas dbang drag lhun grub pas// bzhi bcom drug ldan mtha' las 'dud// de nas bcom ldan pad+ma dbang gi rgyal pos// sku dang gsung dang thugs yon tan phrin las gsang ba'i gsang sngags 'di dag phyung ngo// shAn+tiM ku ru oM AHhU~M swAhA/ puSh+tiM ku ru swA b+h+rUM/ pa shaM ku ru A+oM hrIH/ mA ra ya hA hU~M dza dza/ shAn+tiM puSh+tiM ba shaM mA ra ya/ A+oM AHhU~M swA hA/ 'di ni dus gsum gshegs pa dang// phyogs bcur bzhugs pa'i rgyal ba yi// zhi ba dang ni rgyas pa dang// dbang du sdud dang drag pos gsod// lhun gyis grub par gyur pa yis// las kyi rnam grangs gang byed kyang// bcom ldan dbang chen rta mgrin gyis// pad+ma bde gshegs spyi dril gyis// g.yo dang mi g.yo thams cad rnams// 'grub par byed pa'i rtsa ba yin// sbyin sreg byed pa'i sngon du ni// rang lus srung bar byed pa'i sngags// A+oM pad+man+ta kr-ita/ pi shA tsi par+Na sha ba rI sarba pra shA ma rA ya swA hA/ dkyil 'khor byed dam sbyin sreg gam// nad ngan ro sogs bsreg gyur kyang// chu la 'di sngags 'thungs pa na// nad rnams thams cad mi 'byung ngo// rkang gnyis rkang bzhi thams cad kyi// gdon rnams thams cad med par byed pa yin// A+oM sho tra thi ha hu lu hu lu yaM TaM pa ti tho hu lu ta trai sa twa tho hu lu hu lu/ta trai wa gats+tsha hu lu hu lu swA hA/ sngags kyi rgyal po 'di yis ni// 'thab mo kha ngan rgya 'dre dang// gdon lhas 'jigs 'byung thams cad zhi// me tog gang rnyed sngags bzlas te// chu yi rgyun la bskur ba na// thams cad zhi bar gdon mi za// grong khyer tshig par gyur pa na// me la kha blta sa chu snyim pa bdun// sngags te gtor na me tshig thar// rkang gnyis rkang bzhi'i 'chi ba la// 'bras bu'i phub mas sbyin sreg bya// 'chi ba las ni zhi bar 'gyur// mthar ni shAn+ti ka zhes sbyar// thams cad zhi ba'i gsang sngags so// oM a ma ra Ni dzIban+ti swA hA// sngags kyi rgyal po 'di la ni// bzlas na nad rnams med pa dang// 'di la rtag tu bzlas pa na// tshe zad pa yang rgyal bar 'gyur// til mar sbyin sreg byas pa na// nad rnams 'byin cing zhi gyur nas// tshe dang dbang thang rgyas par byed// puSh+ta ka'i sngags mthar sbyar// oM ka sngags sor bzhag she ku she sa nad twaM shu bya wa Sh+ma ni/ma ma tad tha ta/ sa na dang ya ha/ p+pan se we bad dzin swA hA// mig 'gul zhi nas gang mthong ba// dga' zhing rgyas par gyur pa ste// gang la yid kyis dmigs bzlas na// thams cad bdag dag rgyas par 'gyur// A+oM sor bzhag dzaM b+he mu he da ya ma wa ti na hU~M swA hA// sngags kyi rgyal po 'di yis ni// tho rangs dus na lan bdun du// chu la sngags nas gdong bkrus na// 'gro ba kun dga' dbang du 'gyur// skar ma rgyal la pad+ma ni// dkar po kun+da'i dregs pa la// brgya rtsa brgyad sngags mig bskus na// bud med thams cad yid 'phrog byed// 'dres ma sran ma'i me tog ni// tsan+dan dkar po'i chur spangs nas// skar ma rgyal la brgya rtsa brgyad// sngags la thig le byas pa na// rgyal po la sogs dbang du sdud// ba sha ka'i sngags mthar sbyar// A+oM pad+mA n+ta kr-ita/ mo ha ga ya/ an d+ha ya/sang ku ya/ uts+tsha ta ya/ b+he te sha ya/ mA ra ya// dzi wa tsit+ta rbad/ ling+ga gtub nas bsreg byas na// gang la dmigs pa gsod par byed// drag po'i las rnams 'grub par byed/ mthar ni a b+hi tsar+ya sbyar// A+oM pad+mA na kr-i ta shIn+taM/ha ya gr-I wa phuSh+tA ka/ pad+ma pad+ma ba shaM ba shaM kaM pad+ma kro d+ha a b+hi tsa r+ya: sarba sid+d+ha hU~M phaT swA hA/ bdun nam nyi shu rtsa gcig gam// brgya rtsa brgyad du bzlas byas na// lhun gyis grub pa'i phrin las 'grub// yang gsang pad+ma chen po bshad// phrin las 'di dag rim pa yang// sngags ni thams cad nyid na yang// tshar gcod pa dang rjes gzung phyir// dang pos drag la gnyis pas dbang// rjes bzung rgyas dang zhi ba ni// phrin las kun gyi rim par gsungs// dbang chen bde gshegs spyi dril rdzog ma le brgan gyi rgyud las/ phrin las bzhi lhun gyis grub pa'i le'u ste bcu pa'o//// de nas bcom ldan 'das kyis mdze nad rgyun gcod pa'i ting nge 'dzin la snyoms par zhugs nas 'di gsungs so// srid pa'i klu ni phyogasabazhi'i mtsho// gnas pa'i klu yang ma dros mtsho// chags klu chu mig brag do nang// rigs bzhi'i klu ni phyogs bzhir gnas// lha klu gnod sbyin byol song mi// klu rigs ser po 'khor dang bcas// rgyal rigs zhugs pa'i nad rtags ni// sha chen mdog dam nag la ham// gnyid che glal mang rmyang snying 'dod// rkang lag skrangs shing tshigs kyang 'khol// mig mi gsal la mgo yang na// sdong zla klu bdud klu btsan dang// pe dkar dam sri mtsho sman yin// 'dug gnas lung pa shar du bltas// phu ni lho nub mtshams su zug/chu mig mgo gsum shing rtsi dang// ni'u sing 'dam rdzab can la gnas// nen ni ci las langs zhe na// sngags pa dag gis mnan par bya// zhugs dus lo bdun ma lon par// rang gzhan mi tshor de sos min// rje'u rigs gnod rtags sha mdog sngo// ham chags mgo gzhogs g.yon pa 'phrigs// dbung pa g.yon la brin pa dang// sna bug g.yon pa mi bde zhing// spro thung sems dkar rgol snying 'dod// sha ro dang ni bas ldag g.yon// spong zla gnyan bzed klu btsan yin// rmi lam chu dang 'dam gseb nyal// slob dpon bris sku lder tsho dang// 'thab mo byed pa rmi ba yin// zhing pa nya 'dra rdzi bo dran// rdo shing ba cag pa'i sa nas 'bras// rang gis mi tshor lo gsum sdod// mkhas pas brtags na sos par 'gyur/ bram ze'i rigs kyis zin pa'i rtags// gzhog g.yas rtsa dang khrag la zin// sha mdog sngo dmar smin ma byi// rtsa 'khyug lus 'khol mkhal ma dang// tshang rar sha ro 'byung ba dang/ snying mi dga' zhing 'gro snying 'dod// sdong zla klu btsan klu srin dang// sa srin dam sri gnod pa yin// gnod pa chu mig mgo gsum dang// gad pa shar shur shing rkang gcig/ lu ma gya gyu rnams la gnas// nyen ni thab dang gzhob la langs// rmi ltas rta dang bud med chu// khyi dang bya dang 'thab mo rmi// zhugs nas lo ni phyed dang gnyis// rang gzhan tshor de gso bar sla// dmangs rigs sha mdog sngo la ham// nad rnams 'gyur zhing 'gyur zhing 'ong// mi nad sna dgu yong bar byed// chung sri rde'u nad 'jug pa yin// sdong zla klu dang gnyan dang sman// dam sri dkor bdag bcas pa gnod// gnod pa zhang nye ma sru'i sa// yul phu zam pa lung gsum mdo// nyen ni mtshan 'gros dmar las langs// rmi ltas char 'babs rdzas bskyur nga// ri gzar kha nas rbab 'dril rmi// lo ni phyed dang gsum lon nas// rang gzhan tshor te gsos kyang sos// lo brgyad tshun chod nam yang sos/ gdol pa klu yi nad rtags ni// sha mdog ser la spos pa dang// ro rgyab na zhing snying yang na// ro stod brgyangs shing ro smad 'byar// tshigs rnams 'khol zhing rkang lag phra// sdong zla yul lha mgon klu dang// klu mo dkar mo bsdengs nas gnod// gnod pa phung khar rnying pa dang// lha khang mchod rten rgya gram lam// ban+de gdung chad srung ma gnod// rten ni mi gtsang thab gzhob dang// 'thab mo dme dang mkhon las langs// rmi lam g.yang sar phyin pa dang// khang zam 'grims shing lhung ba dang// khang khyim dud pas khengs pa rmi// zin nas lo gcig lon dus na// bdag gzhan gnyis kas tshor ba de// gnyis na sos te lo gsum na// mdze shur 'gro bas gso mi bya// 'byung lnga 'khor lo'i 'jug pa ni// sbubs kha rlung la dmangs rigs 'jug/ lte ba me 'khor rdo rigs 'jug/ rgyungs pa sa 'khor rgyal rigs 'jug/ klad pa chu 'khor bram ze 'jug/ gdol ba de rnams kun la'o// sha nad theb pa bzang ngan ni// dpral sha 'jum 'dus bram zes ngan// sog sha dbyings 'dus rgyal rigs ngan// lag gnyis bcud 'dus rje rigs ngan// snag chen brang 'dus dmangs rigs ngan// chu bar theb pa bzang ngan ni// ltag chu gnang 'dus bram ze ngan// skyid khung bzhi 'dus rgyal rigs ngan// mtheb chung zur rtse rje rigs ngan// rting chu khar 'dus dmangs rigs ngan// nya gnad thebs pa bzang ngan ni// byin pa'i nywa khar dmangs rigs ngan// gnyan gong gnad 'dus rgyal rigs ngan// gru mo bzhi gnas rje rigs ngan// sog pa mgo gnas bram ze ngan// rtsa gnad thebs pa bzang ngan ni// mthe bong rgyal rigs 'thab par ngan// rkang bol rgyas ba'i rtsa bdun dmangs// sgyid khung spyi bdud rjes rigs la// rtse'u mgo bcu drug bram ze bdun// gdong rtsa chu lnga don snying gnad// kun gyis zin par ngan pa yin// de dag kun tshang gdol pa'i nad// 'tsho bar dka' ba'i nad kyis thebs// nang ni mig la brtag pa ni// shing gi me tog rtse mor smin// nad rnams mig na 'char ba de// chu'am chang gis byad bkrus la// ser pos mig khebs mkhris nad rgyas// de ni rgyal rigs nad yin no// klad khrag chu pho khrag nad rje'u// mig chu chu ser bram ze'i nad// dmar ser spris ma bad kan dmangs// mig 'bras gting mtsho dol pa can// rtsa la gram pa rnam smin nad// nag po mthong byed don snying 'grams// rnam par smin pa'i nad dngos bzung// nad rigs dngos dang 'khor dbye ba// gru khung rgya la rigs rje'u rigs bsdongs// snying gar rje rigs rgyal rigs bsdongs// klad pa bram ze gdol ba'i 'khor// gsang gnas dmangs su bram ze bsdongs// de tshe kun tshang gdol dang dmangs// tri la brtag pa mi 'gyur bzung// dud pa khyi tri nag mo gnod// chu yi dri 'dra klu gnod che// tshil chen dri 'dra gnod rtsub ste// gdon phrad dri chu'i dri lta bu// gshin dri gdon chen rnam smin nad// sha yi mdog la brtag pa ni// smug nag gdon chen 'gyur ldog che// sha 'gul dkor bdag nag mo la// sha skam rnam par smin pa'i nad// sha spos rkang pa gdon thub rtags// sha ro dag la brtag pa yang// yas chags rkyen gyis byung ba'i nad// mas chags rnam par smin pa'i nad// phyed mar byung na gdon gzhan che// rma mdog dbye ba'i brtag pa ni// dmar la chu ser gdon zhen che// sngo skya ham pa nag mo dkor// rkang pa rgyu khung rnam smin nad// 'jug pa'i rigs kyi brtag pa yang// rigs kyi ma sru zhang nyes 'jug/brko rlog shing gnyan rkyen gyis 'jug/ klu dang thug phrad go bur 'jug/ ku re rkyal ka rngam 'dod 'jug/ 'byung ba bzhi po log men brtag/ dgun dang nam langs sa yi dus// dbyar dang dros pa chu yi dus// ston dang phyi dro me yi dus// dpyid dang dgongs ka rlung gi dus// lo dang zla ba zhag dus dang// za ma shin tu nye ba'i dus// mi rigs 'byung ba brtag pa yin// rgyal rigs mgo nas 'jug pa ste// lci zhing 'thibs pa'i dug nad ni// rgyal blon sha bkra rgyang glu len// bram ze lag g.yon grang ba chu// go ldog yan lag mig mi bde// mthe bong bus gong sna phrag 'phrigs// rmi ltas chus khyer 'dam du byings// rje'u rigs lag g.yas tsha ba med// dmar zhing dgong la chu bur dang// tsha brab sha bkra me lce ris// ro smad mdun smad na ba yin// dmangs rigs rkang g.yas yang zhing g.yo// gdol pa rkang g.yon nag la gel// sha rus sbu dug brtag pa ni// sha dug pad+ma rdo rje nyams// ming tsha zil chen gor sho shor// rus dug skad phra 'dzer lung khrag/ glo bstud so sen bkrag rnams shor// spu dug mgo skra smin ma dang// gro ba sa shu dbyibs rnams shor// dug gsum tshang ba rnam smin nad// gso dka' zin pa ngan pa ni// mkhar bzhi ri bo'i mthongs dang lnga// rgya mtsho gnyis dang ro dkyil brgyad// nags kyi gtsug dang spu rigs bcu// thugs dkyil srid lte bcu gnyis pa// ri rab khung dang bcu gsum yin// tshang dang ma tshang mkhas pas brtag/ zin pa bzang ba'i rtags mtshan ni// sha 'phrigs rtsa 'phrigs za 'phrugs dang// shu ba bas ldag skam mig dang// mig 'phul sna g.ya' me dbal ris// mgo 'khor sna khrag chu ser 'ong// ser ka gas shing rma rnying dang// rkang pa sbrid cing rtsa rnams khol// glal 'od rmyang 'dod snying mi dga'// rkang sha mkhal na ngu snying 'dod// byad ni g.ya' shing tsha tshag byed// lus rnams 'khru zhing spro ba dang// ro stod rgyas shing gzer ba dang// sha mdangs bar na sha ro yod// mkhas pas brtags la gso bar bya// don snying dag la zin pa ni// glo ba sna rdog zhom pa dang// glo bur sna yi gong rnams shor// dbugs thung khrag skyug glo rdol 'chi// snying la ro stod brgyangs shing na// spro thung mi dran smyo bar byed// mchin pa lce la 'brum dmar yong// lce 'thon tha ma sha ror 'gyur// mkhal ma rkang bol skrang med 'dar// gzhogs g.yas drod chung yan lag zha// mtsher pa rna ba g.yas pa 'on// mchu skrangs kha skam byin pa 'dar// mkhris pas mchu gas lus po skrangs// byad skrangs mig dang lus mdog ser// gso bya legs nyes brtag pa ni// bems dang shin tu bems pa dang// dib pa shin tu dib pa dang// kha dog can dang kha dog bral// 'khor lo drug la bzhugs pa dang// snying po bzhi la zhugs pa dang// rtse mo gsum la zin pa dang// nam mkha'i mthongs nas babs pa dang// rgya mtsho'i gting nas rdol pa dang// gnad la lcags gzer thebs pa dang// nag po khro chu'i gzer thebs dang// kha dog lnga ru bstan pa dang// de dag rung dang mi rung brtag/ spang bar bya ba'i dmigs brtag pa// rgya mtsho chen po lung 'gyur zhing// chu bran mtha' nas g.yos pa dang// gangs ri dkar por zhu gyur nas// ri bo'i sul la gas pa byung// glo ba'i gnad la thebs pa dang// stod kyi dang ka 'gags pa dang// rgyal po'i dkor mdzod bcom pa dang// rkun po phugs su zhugs pa dang// gnye ma dag la zhugs pa dang// rgyal po'i pho brang btab pa dang// 'di dag mkhas pas spang bar bya// nad kyi smin lugs brtag pa ni// rus smin zha sgur gso bar rung// lo mang lon nas gso bar dka'// sha la smin pa skya bo dang// dmar 'gyur ser 'dus 'tsho ba yin// chu ser nag po smin pa dang// tshogs dang rgyas par gyur na ngan// chu ba la zhugs gso dka' dang// de yi sos rtags thub pa dang// dmangs rnams grong sprang 'khyams pa dang// tshigs bzhi mkhar nas phab pa dang// 'bras bu gnad nas thebs pa'o// de nas mig rtags rgyas par bshad// blta dus gtor ma sbyin pa dang// bden bdar bskyed rdzogs bsgom par bya// byang chub sems kyis kun khyab bya// gdon btsan bar du kha bltas te// ba lu shug pa'i me bus te// mig la klu sman dud pas bdug/ mig gi tha ma thur du bzlog/gyen la bzlog ste g.yas g.yon bsgyur// ha re dag tu thub tshad sdad// mkhas pa dag gis legs par brtag/ mig la brtag pa rnam pa bzhi// 'grim rtsa'i brtag pa dang po ste// gnyis pa klu rigs bzhi bo brtag/gdol pa kun khyab brtag pa gsum// bzhi pa las kyi rnam smin no// 'grim rtsa'i brtags pa la bzhi ste// shar na yan lag rtsa dang ni// lhor ni srid pa'i rtsa yin la// de bzhin nub na bad mkhris rtsa// byang na don snying rtsa yang gnas// yan lag rtsa zhes bstan pa yang// mig gi gra phug g.yas na 'char// nad gzhi'i rtsa la gram ma gram// rtsa bar byung na rtsa la gram// sked par byung na mgo phyogs de// rtse mo grol ni sla ba yin// srid pa'i rtsa la lo grangs brtag/ mig gi ya lcibs dag nas 'char// nag thig gcig byung lo gcig lon// de bzhin nag thig re lo re// g.yas su rgyal po dam sri g.yon// rbod gtong 'brel gzhi brtag par bya// bad mkhris gra phug g.yon nas 'char// 'di la gdon rnams yang bzung ste// mig sprin dkar nag mtshams su ni// rgyal rigs me tog 'di ltar 'char// mdung shing bkri 'dra rtse mo ni// sog khar byung ba rgyal rigs la// lag sor bkram 'dra byung na 'khor// rje rigs me tog dkar nag mtshams// klad khrag chu la pho ba 'dra// 'khor ni dmar ser mdog tu yang// bram ze'i me tog dkar nag mtshams// ser pos khebs pa 'ong ba ste// g.yas pa gtso la g.yon byung 'khor// dmangs kyi me tog dkar po ste// nag po'i thig le khyab 'brum dngos// nag la rtsub pa 'khor du bshad// don snying rtsa yi rim pa yang// mig gi grwa phug 'og nas 'char// nad gzhi rgyas sam ma rgyas blta// gdon gzhan che na rtsa bar 'gyur// sked par byung na rtsub pa yin// rtse mor byung na phra ba yin// klu rigs bzhi yi brtag pa ni// phyi dang nang gi phyogs su bshad// mig la rnam pa gnyis yin te// mig gi phyi dang mig gi nang// dang po phyi yi rtags brtag pa// dbyibs ni nag la 'brum bu 'byung// de ni gdol bas nges par gzung// zur gsum song ba dmangs kyis so// dmar ser song na rje'u rigs// then dang chu 'dzag bram ze'i rigs// yo dang bzlog pa rgyal po'i rigs// de byung mig la bab pa'i rtags// rab 'bring tha ma gsum du brtag/ las las gyur pa spang bar bya// mig gi nang nas bltas pa ni// lus kyi phyi nang mtshan nyid gsal// nad gdon kun kyang gsal bar ston// mig sprin dkar la rtsa ris brtag/rtsa ni g.yas nas zug gyur na// sha ro sha mtshan g.yas na yod// rtsa ris g.yon nas zug gyur na// sha ro sha mtshan g.yon na yod// ri rab rtse nas 'bab pa 'dra// ro stod yan lag nad gzhi rgyas// rgya mtsho'i gting nas phyung skyes 'dra// sked pa man chad nad kyang rgyas// gang na gnas pa de ltar blta// mig sprin dag la rtsa ris ni// kha dog dkar po sprul 'khyus 'dra// rgyal rigs nad kyis zin pa'i rtags// kha dog ser po nya gzugs 'dra// bram ze'i nad kyis zin pa'i rtags// kha dog dmar po sprul gyi gzugs// rje'u rigs nad kyis zin pa'i rtags// kha dog nag po sbal pa'i gzugs// dmangs rigs nad kyis zin pa'i rtags// kha dog sngo nag sdig pa'i gzugs// gdol pa'i rigs kyis bzung ba'i rtags/ mgo dang yan lag lus po rdzogs// go rim bzhin du shes par bya// phyogs la brtag par bya ba yang// pho g.yas mo ni g.yon nas brtag/ grwa phug gnyis ni shar nub gnyis// ya phebs ma phebs lho byang gnyis// gzhan rnams mtshams su shes par bya// ri mo'i rnam pa brtag pa ni// shar du rgyal rigs ri mo dkar// dkar ser 'dra ba sprul pa yin// thig le nas 'bras zhing sa gnod// sog 'dra byu na du ras nas// nyung dkar 'dra byung gtad 'dre yin// bre 'dra byung na khang sa nas// mdung 'dra shing bcad sa nas gnod// thig le dkar po gcig byung na// zhugs nas lo gcig len pa ste// de bzhin gnyis gsum bzhi lnga drug/ bdun nam brgyad thal mi mngon no// thig le shar du byung ba'i phyir// gzhogs ni g.yas la thebs nas yod// sha ro kha dog dkar ser te// byin pa brla shar thebs na thub// mchan khung thebs na mi tub po// rje'u rigs nad kyis thebs pa'i rtags// mig gi lho yi phyogs su 'char// thig le ser po sran leb tsam// rje'u rigs sprul pa dang bcas zin/ zhing sa nas ni gnod pa na// thig le ser po nas 'dra 'ong// sog pa 'dra na dur sa nas// nyung dkar gtad 'dre bre 'dra khang// mdung 'dra shing bcad sa nas gnod// thig le ser po gcig byung na// de ni zhugs nas lo gcig lon// gnyis gsum bzhi la drug bdun dang// brad par thal nas mi mngon no// thig le lho yi phyogs byung bas// gzhogs g.yon nad kyis thebs nas yod// sha ro khog pa skya bab ste// rkang mthil mi thub de min sla// bram zes zin rtags nub phyogs 'char// thig le dmar po nas sog bre// nyung dkar mdung 'dra zhing sa dur// khang pa rbad 'dre shing bcad sa nas gnod// dmar po gcig gnyis gsum bzhi lnga// brgyad du thal nas de mi gsal// nub tu byung nas sha ro rgyab// kha dog 'bu ni so dmar 'dra// ltag khung byung na mi thub ste// gzhan du byung na thub par gsungs// dmangs rigs zin rtags byang phyogs 'char// thig le sngon po byung ba na// zhing sa khang sa dur sa dang// rbad 'dre shing bcad chos mthun sbyar// lo grangs thig le'i grangs la brtsi// brgyad du thal nas yal nas 'gro// byang du byung ba'i gnad ka yis// dpral ba snying gar thebs pa na// de ni thub ste gzhan mi thub// gdol pa mig gi 'bras bu 'char// thig le nag po gcig 'char te// nas 'dra bre 'dra sog pa 'dra// nyung dkar mdung shing gnod pa'i rigs// lo grangs grangs dang sbyar te thal// 'bras bu dag la byung ba yis// rdo rje mi ldang de mi thub// mo chags mi skye gdol nag po// lus gzhan dag la thebs na thub// sprul pa 'khor gyis zin pa na// shar lho rgyal rigs 'khor gyi rtags// sbrul dkar 'khyug 'dra glo la zin// glo 'tshubs mi bde sna zhom yong// lho nub rje'u rigs 'khor gyi rtags// lcong mo mjug rdum snying la zin// snying na dran nyams brjed nas che// nub byang bram ze'i 'khor gyi rtags/ spal nag rab tu chas pa ni// rna ba mi gsal gzhogs na zhing// mkhal ma rab tu na ba dang// byang shar dmangs rigs 'khor gyi rtags// sdig pa rwa brgyad 'dra ba 'char// mchin pa la zin khra snying 'dod// mchin nad dang ni mig mi gsal// gdol pa kun khyab rtags brtag pa// mthong ba'i dug dang reg pa'i dug/ kha rlangs la sogs yod pa ste// gdol ba 'khor 'khol rtags rnams 'tshol// spyi rtags kun dang ldan par bshad// rnam par smin pa'i nad rtags ni// lus rnams kun la nad rgyas pa// rgya mtsho chu gnyer 'khrugs pa 'dra// bar snang sprin gyis g.yogs pa 'dra// 'khor lo ral dang me tog nyams// nyi gdung ser bu mi bzod de// drag tu mchi ma 'dzag pa dang// mig gi dbyibs kyang steng steng po// 'bras bu zhu bar gyur pa ni// snying ni rab tu zad pa'i rtags// rkun po phugs su zhugs pa yin// 'bras bu smin pa zhes bya ba// chu ser nag po rgyas pa yin// cis kyang mi phan rnam smin las// gso ru mi rung spang bar bya// zhes gsungs so// dbang chen bde gshegs spyi dril rngog ma leb rgan gyi rgyud las/ gdug pa gsum gyi gnod pa brtag pa ste le'u bcu gcig pa'o//// de nas bcom ldan 'das kyis mdze nad gso ba 'di gsungs so// dang por brtag par bya ba'i rdzas// mu zi gla rtsi shu dag nag/ gu gul dkar nag lnga snyoms te// grib bskams bsrubs ma de rnams cha// rgya tsha ril ma tsam dang bcas// snod gtsang dri chu bar mar sbang// dri chu 'khor mi sman chu 'thung// khrag dang chu ser chu ngan gyi// mdog la brtag pa man ngag yin// yang ni shu dag dkar nag gnyis// gla rtsi mu zi khral khrol rnams// bdun phul chu nang khu ba 'don// lto stong btang la zhag gnyis brtag/ sbrid dang na tsha med par brtag/ yang na ru rta dan rog pa// gnyis dang gsum ni chang du blug/ grub gzhug btang la gos drod nyal// tsha grang nad bzhi gang yin brtag/ mdze nad tshabs chung chu ser ni// ma rgyas pa la lto bshal bya// byug pa sbang ma'i zan bsten la/ a bar gnyis dang dan rog gsum// shu dag nag po lcum rtsa bsnyam// gu gul dkar nag zhib btags la// ma nu'i thang gis 'phul la gtang// mnan gzhel lcag dang dbyung ba dang// rjes gcod byas la lto sbyang ngo// mdze nad tshabs che rtsa shal bya// sha ba pho mo sbrad sogs bya// phye ma pad+ma rdog po bcu// sdig srin rgya tshwa sug smail rnams// thun re cha bsnyam phye ma ni// lcam pa'i thang gis phul la gtang// lcag tu chab tsha mang du gtang// tsha dug yos dug zug rngug zhom// yang na pad+me mar la 'dul// sdig srin sug smel thun re la// rgya tshwa lug ril pi ling bdun// glang mkhris thun gcig go bo'i brun// cha gsum tho rangs gtang bar bya// rjes ni tshod dang sbyar la bcad// thang sbyor pad+ma nyi shu gcig/ sdig srin rgya tshwa sug smel rnams// lcam pa'i thang la bsdus la gtang// khrag 'joms dom mkhris chang sbyar bcas// chu ser rang gar 'bab tu gzhug/ mdze nad bco brgyad 'joms pa'i stan// a bar rdog po nyi shu btab// btsan du sran ma nyi shu btab// dri chus 'dam btags mdog nag tu// gu gul nag po sha ril ces// bi bi ling ni nyi shu dang// nag 'tsher gla rtsi btsan dug phyed// gi wang chu nas ril bu 'don// zhag lngar gnyis gnyis gsum sbyar gtang// de nas rgyun du ril bu dgu// zla ba 'phel 'grib bsnon 'bring sbyar// sman log a bar dri chus bcos// tshabs che gla rtsi'i lca mda' yin// yang na gu gul nag po dang// grub thob dri chen ril bu las// yang na chu ser skems pa ni/ seng ldeng spyir bzhur khu ba gnyis// mu zi ser po gla rtsi dang// ba bla sbrang rtsi chu ser skems// yang na chu ser 'don par bya// mu zi rgya tshil btsan dug dang// chos sman gu gul shu dag nag/ dri chen dri chu mi phag zhun// bsdus te bsku ba dug slong rdzas// dri chu gla rtsi byang ba dang// sbru ma chu rtsas dbyung bar bya// btsan dug mu zi ldong ros dang// gu gul dri chu mi phag zhun// dug rnams sdud pa'i rdzas mchog yin// che chung 'don pa'i gnad du shes// yang na dri chen sbyor ba ni// mi khyi phag pa spyang ki'i brun// rdza yi nang du dri chus mnan// tshig ma'i dud pas bdug pa dang// dwangs ma lto ru gtang ba dang// skyo mas gnas rnams bsrung bar bya// shu ba sha ro la sogs 'joms// klu rnams thul dang nad don rtags// rdzas 'dis nges par byed pa yin/ yang na bdud rtsi drug sbyor ni// a bar ha lung nag po dang// gla rtsi gu gul nag po dang// pi pi ling dang gi hang gtang// 'di dus dri chu bsten par bya// sman nad mi ldang gdon choms 'ju// rdza yi snod du dri chu bsags// dang po'i them bu 'bo bar bya// gong ma btsags la bar ba bdug gdu yang// lhag ma sna nas klad par drangs// byin rlabs yod pas gso bar bya// zhabs kyi lhag ma skabs su don// yang na lag pa'i sbyor ba yis// phyir don khong bstud sna la drangs// 'dzu dang bde dang myur du 'byin// 'bras bu gsum dang phab tu sbyar// sbrang rtsi'i dri chu lcags kyi snod// ltor btung snar brngub drug sbyor ni// yon tan thams cad mthun par bshad// ril bu lo dus bsten pa yis// ma sos rus la zhugs pa yin// sngon 'gro rtsa bshal gtang bar bya// dngos gzhi rus sbal pho mo'i rus// ru rta phag rgod mche ba dang// rma bya'i sgro dang gi hang sngags// gla rtsi'i chu la ril bu bya// khye sus re re za bar bya// bdud rtsi ril bu za zhing bsrung// ril bu yun ring bsten byas kyang// lus kyi nad ro ma thon na// nad dang gdon gyi ro 'don pa// byang ba sum cu btul byas nas/ rgya tshwa lug gi ril gyi tshad// sug sme thun gnyis mtsham dkar dang// tshwa la thun ni re re la// gu gul nag po mtheb rdog tsam// sdig pa srin po thun re yin// zla gsum nang re nas phyed sman// rang gi dri chu bar bas 'phul// tshod dang sbyar la thun bskyed de// zas ngan mi za bsrung bar bya// sman sbyor rang nyams tshod dang bstun// 'di la sngon 'gro rjes gcod med// nad dang gdon ro rtsa lam 'don// na tsha yod pa'i sha ro la'o// na tsha med pa'i sha ro la// de la sman gyis byug par bya// khab kyi sa gtsags la kha phru gdab// de gnyis byug rdzas rgya tshwa dang// rgyam tshwa ru rta byi tang ka/ gu gul dkar nag kha ru tshwa// mu zi dkar nag btsan dug dang// rgya tshil thar nu gla rtsi dang// nus pa can gyi dri chen rnams// dang por bsnyams la lde gur bya// dri chus bskus la mar gyis byug/rma rnying gso la mi sha dang// nya sha mi rkang lha ba can// glu mnye sbal ba'i tshil bu bcas// zho dang sbyar la lums su gzhug/ rnag dbyung btsan dug thal ba dang// mgron bu dngul zangs thal ba lnga// ka ra chu rtsa dom mkhris kyi/ byug pa rma rnying nang du gzhug/ gso byed smin gyis tshe bsring ba// a bar skam thags 'dam thags bya// so ma ra tsa gi hang dang// thal kar rdo rje gla rtsi dang// gu gul dkar nag seng ldeng khrag/ril bu dgu pa rdzogs par za// myu du 'chi ba'ang tshe bsring nus// rnag mdze skems pa'i rin chen sman// snod ni rdza ma me thub nang// gser srang bzhi la sum cha gsum// lcags phye dngul phye zho gnyis la// mu tig chang dang ba yi chu// zangs dang gser phye sum chas g.yogs// kha bcad sol mes btso bar bya// rbod rbod tas tas nem nem byed// thams cad zangs la thim gyur te// dngos po mi mngon lcid kyis gsal// chu ser dkar po 'joms pa ni// seng ldeng khrag dang gu gul dkar// thal kar rdo rje so ma ra// zangs thal mu zi tsan dan dmar// mdzo mo shing rnams 'ju stobs sbyar// nag po la ni sbrang rtsi sbyar// ril bu byas la gtang bar bya// mdze nad thams cad skem par byed// rdo rje bzhin du 'joms pa'o// shu ba glo bur byung ba la// chos shing re lcag krad rnying dang// dres ma sug pa sgong thog dang// mu zi tshil chen rgya tshil dang// ra ru'i gzhob dang cod zhi'i thal// sgog skams tshwa dang pa yag dang// dud pa dmar nag byug par bya// sman gyi dam tshig bstan pa ni// tshwa dang bud med rul sum skyur// sngo dang sgog phyogs chags pa spangs// me nyi lus ngag rtsol ba spang// 'phyags su mi gzhug sbrang rtsi bsten// spyod lam dam tshig bsrung ba gces// de nas ril bu'i tshod bzung ste// ril bu dgu las mang du gtang// bde'am mi bde brtag par byed// yang na gcig la blta ba dang// yar bsnon mar 'phri tshod gzung bya// zhes gsungs so// pad+ma gsang ba bkod pa rngog ma le brgan gyi rgyud las/ klu gnyan sa bdag gso ba'i le'u ste bcu gnyis pa'o//// de nas dbang chen pad+ma yis// sri'u gso dang mtshon cha bsrung// yul khams bsrung dang pra dbab dang// char pa dbab par bya ba dang// srog la bar bu bskor ba dang// gdug pa klu la gtad pa dang// thog dang ser bas yul mkhar 'joms// 'gro ba dbang sdud 'byor pa 'phel// lha srin gdug pa nad bzlog bsrung// ngo mtshar sprul pa'i rol mo bshad// sri bu gso bar gsungs pa yang// sngags dang rdzas kyis skye ba dang// mo gsham dag tu mi 'gyur dang// bus pa chags par gyur pa dang// lte ba bsgyur bar bya byed rnams// sbrum ma bu ni mi 'chor te// bcing grol lam ni be par 'gyur// bgegs rnams bsad cing bsrung 'gyur ro// mtshon cha bsrung bar bya ba yang// shing shun 'khor lo sngags dang bcas// rgyab tu yi ge btseg mas bsrung// yul khams thun sngags bsnyen pa dang// gta' ni bsdam par bya ba dang// sprin phung gtor nas 'brug kyang gzhil// klu la dam tshig bcol ba dang// thang la phab nas ri la bskyon// bdag gi thog lhung gzhan du bzlog/ lam ni bstan par bya ba dang// dbus nas gta' bsdams gtor phud gzug/ sra 'bebs maN+Dal bya ba dang// pra brtan chas su gzhug par bya// mchod pas don rnams 'grub pa dang// sngags kyi bzlas pas dbab pa dang// nyal nas rmi lam ston pa dang// rtag tu brtson par bya ba'o// sha za mo bsgrub bya ba dang// gtsang mar legs par gnas pa dang// mtshan mo nyal nas brtag pa dang// g.yo 'gul sngags dang chu la dbab// gzhan la dbab bar bya ba'o// de nas pad+ma gar gyi dbang// gdod nas las kyi rnam par smin// 'byung ba'i rkyen dang gdon gyis gtses// sngon du las kyis mi 'brel ba// rang gi bu bsad rnam smin 'phog/gzhan gyi chung 'tshe nad dkrug dang// sems can kun gyi bu la yang// gnod pa byas pas de mi phrad// pho mo ma ning rigs can dang// las dang bsod nams ma 'brel bas// bu dang bu mo chu ngur nyams// dur khrod gnas nyams song ba'o// 'byung ba tsha grang 'thab pa yis// mi chags ma rungs byed pa dang// dper na me chu 'gal ba bzhin// lhan cig dag tu mi gnas so// pha ma grang ba che ba yis// sa bon drod med gnyis 'dzom bas// dgun gyi 'khyags pa lta bur gyur// gal te chags chen bud med la// khyo mang bred dang na chung la// ma snyoms ches pas srid rtsa nyams// rang gnas 'byung ba rkyen dbang gis// bus pa chags par mi 'gyur bas// 'byung ba'i dgra la 'dzem par bya// spyir na lha srin chung 'tshe'i gdon// mngal nas chags par mi byed dang// chags pa ma rungs pa ru byed// skyes nas de la rnam par 'tshe// gdon che rnams kyis gtses gyur pa// rgyal pos khyer na ngud mo byed/ bsen mos 'khru skyug sbyang ba dang// sa bdag skam nas 'gro 'gyur ba// rbad 'dre gdon bgegs bus pa'i gdon// kha zas mi 'phrod pa rnams// mi yi 'o ma rengs pa 'thung// ma zhu bo ba'i me drod nyams/ nyams pas brang mchin 'bab gyur pas// pad+ma dbang chen ma yin pa// 'di la skyabs pa'i lha gzhan med// 'di la skyabs su 'gro bar bya// de nas dbang mchog rta yi sku/ pu tra myu gu thon gyur pa// 'gro ba bskyab par bya bas na// skyabs pa chen pos rab tu gsungs// A+oM pad+mA r+g+ha kr-i ta na mo a t+yid t+ya/ ka ra ta ti d+hi pa ki bi ti/ na ba sha tsha che ge la skye bar gyur cig swA hA// nA ga ge sar sa bon nad// gla gor zho sha rnam pa gnyis// sbrang rtsis sprus pa 'o mar sbyar// blud de 'bras dang lhan cig zos// bud med mo gsham yin gyur kyang// de la bu ni skye bar 'gyur// rgya tshwa rgyam tshwa thal tshwa dang// shing tshwa kha ru tshwa dang ni// ka ra sbrang rtsi mar sbyar nas// zla mtshan byung nas khrus byas pa'i// bud med la ni blud pa na// mo gsham la yang bu skye'o// a sho kan+d+ha'i rtsa ba dang// 'o ma srang ni nyi shu brgyad// bskol nas mar dang lhan cig blud// nges par mo gsham bu yang skye// bus pa chags pa'i ting nge 'dzin to// de nas lte ba bsgyur bya na// bdag nyid bsgom par bya ba ni// khro bo ldeng rje smug po'i sku// shin tu che ba 'gying bag can// shel gyi 'khor ba 'dom gang thogs// yum ni lha mo dkar mo nyid// g.yu yi smin ma can du bsgom// pho nyal g.yas la mo nyal g.yon// bud med lto ba'i shar lho nub// gang du gsang ba'i sngags gdab bya// A+oM ra ca a pa nA ya swA hA/ A+oM tra naa panA ya swA hA/ A+oM rA tsa dza ya pa nA ya swA hA/ A+oM a kA la mr-itU a pa nA ya swA hA/ lan ni bdun bdun gdab par bya// lte ba'i steng gi g.yas su bskor// sbrum ma bu ni mi 'chor phyir// tshon skud lnga la sngags btab nas// bud med sked par dkris pa yang// nub re la ni brgya brgya bzlas// A+oM kaM ka ma la ma sdom// tri tri ma la ma sdom// shon ma lam sdom// laM khaM raM yaM tiSh+Tha lhan// sbrum mar gyur pa lam bde'i phyir// bcings pa dag la grol byed na// e na ban ni kwa ka gang gti/ ra mo pa tsa ta/ pi pa to ro te pa ni/ yaM wa shad+h+ya b+ha ba to gor wa ni// lan bdun mngon par sngags pa yi// chu ni khyor ba gang yong ba// pho nyas sbrum ma la blud na// bu ni bde bar btsa' bar 'gyur// lto ba 'gyur zhing bu chags pa dang// bde bar sbrum ma'i bu skye ba'i ting nge 'dzin to// de nas bgegs rnams bsad cing bsrung// dur khrod lha mos bsrung ba dang// skyob par byed pa'i gsang sngags bzlas// rtag tu ma yis bzlas par bya// a ma ba sa pA kaM ba su jo mo phe DI du ba su/sngags kyi rgyal po 'di yis ni// gong du bsnyen pa ma byas byang// rtag tu ma yis 'di bzlas na// 'jigs pa thams cad 'geg par byed// rdo rje dri chus thig le bya// phyir rgol thams cad rmongs par byed// log par phyogs par ldang bar byed// bcings pas bzlas na bcings ba grol// sma ba 'dod na me 'jigs thob// sri'u gso ba'i ting nge 'dzin to// de nas rta yi rgyal po yis// mtshon cha bsrung bar bya ba gsungs// shing shun dag la bri ba ni// 'khor lo rtsibs ni bcu gnyis pa// mtshal gyi rtsi bas la 'bru re bri// dbus su gang bsrung ming dang rus// A+oM ta na yan te nyags phaT/ sil sil phaT swA hA/de yi rgyab tu sngags 'di ni// yi ge brtsegs mar bri bar bya// A+oM ra tsa ya bas gan d+ha ha ni swA hA// g.yas su yungs kar stong du bzlas// g.yon du gla rtsi stong du bzlas// dbus su 'khor lo rnam par gnas// le brgan dar du legs bris nas// tshal bu rta yi rngams bcings// skyes pa'i dbung g.yas bud med g.yon// dmag dpung dkrug kyang thub par 'gyur// mtshon cha bsrung bar 'dod pa'i ting nge 'dzin to// de nas dbang gi rgyal po dpal// yul khams bsrung bar bya ba'i nang// nyung dkar nyung nag thal chen dang// drag po'i rdzas la bzlas pa bya/ phaT tsa gi tsig gi g+hu he mu le/ sha sha g+hu g+hu he he pri ri hu yu hu yu/yu nan/ phur tsi te nan/ badzra phur tsi te nan/ rad na phur tsi te nan/ rad na phur tsi te nan/ ma hA phur tsi ti nan/ big nan/ pu tsi te nan/ dar po phur pa bcu byas la// sngags bri bzlas nyung thum po gdags// phyogs bzhi mtshams brgyad dbus rnams su// mtho brtsig gta' yang bsdam par bya// de nas sprin gor 'bru gzhil nas// 'khor lo rtsibs brgyad phyag rgya bcas// rtar mgrin rgyal po'i nga rgyal gyis// dmigs nas sngags ni gdab par bya// A+oM nA ga she du ma pa she/ ni ti tiSh+ta sa ma ya shAkya hU~M phaT/ sdigs pa'i mdzub mos gtor bar bya// ting 'dzin bsam pa brtan pos bshig/ de nas klu la dam rtsal ba// gsang ba'i sngags kyis gdab par bya// oM ta ki ca lis ma ya/ sa la ni hU~M phaT/ A+oM nA ga sa dz+wa ti ni hU~M phaT/ A+oM ku le mA mA sha sha ni hU~M phaT/ A+oM ku ti di ku ti bi ri ti u yu u yu/ i ri ti swA hA/ A+oM dung dung hu sa te kha rang rgyal rtse// sa man nyungs rtse nan gyis gnon swA hA// klu rnams rta yi rgyal po yi// spyan sngar khas blangs dam bcas pas// dam las mi 'di bsam gtan las// 'das na 'tshig byed sngags yin no// thang la 'bab na ri la bskyon// sdigs mdzub sha mi sna bug nas// bzung nas 'phang bar bya ba yang// bsam gtan sngar gyi dgongs pas bya// A+oM b+ha ri sha ya shu shu mu mu ti ti/ bi ri ti/ hu yu hu yu hU~M phaT/ bdag gi thog tu lhung gyur na// gnam chu nyid la sngags te gtor// gnam sa stong bzlog dgongs pa bya// khro bo chen po'i gar gyis bzlog/ A+oM badzra ga ru Da ya swA hA/ b+ha gi tsit+ta bi tsa te/ shu lu phu shu lu gu lu/ sha sha shu shu ti ti dz+wa la ti/hu ya hu ya/ hu ru hu ru/ phu ru phu ru/ ti swA hA/ phyag gi mthil du bya khyung 'gyed// klu yi rigs rnams thams cad kun// ma lus pa ni gtan nas 'joms// gnyan po gnyis su gyur pa'o// lam bstan ri sna yul 'jom du// lha srin 'byung po lo za rnams// rang rang gnas su bsgyur bya ba// mdzes pa'i sa phyogs nyid du bstan// A+oM na mo bud+ha ya/ na mo su ru su ru ki li mi li ye swA hA/ pa baM karma ri pa/e the'u the tha ku hU~M phaT/ rdo ba sngon po rab mdzes la// 'khor lo rtsibs bzhi bris pa la// mtshams pa'i rdo rje phyed pas mtshan// gcig ni ba blas bri bar bya// gcig ni yung bas bri bar bya// 'og mthil bzhag la rdo sgrom ste// 'khor lo kha sbyar khong seng nang// bsrung pa'i thun rnams rab blugs nas// dbus kyi phur pa gnyis dang bcas// yul gyi dbus su sbas gyur na// chu 'khyags thams cad gcod par byed// rnal 'byor pa yis brtson par 'bad// yul khams thams cad srung bar byed pa'i ting nge 'dzin to// de nas rta yi rgyal po mchog/ gang kyi dbang phyug khams gsum dbang// gtsang ma'i gnas su nyer 'dug nas// maN+Dal rab tu mdzes pa la// dri dang me tog ldan par bya// bum pa dri yis rab bkang nas// sngags nas me long khrus byas nas// shin tu sbyangs pa'i ras gyon nas// tsan+dan dkar pos khyugs byas nas// me tog zhim pos brgyad pa yi// khye'u bu mo dbang du bzhag/ de ni khyim gyi chos ma gos// lha bu legs ldan dri med la// mchod pa gtsang ma mang pos mchod// ji ltar bsam pa dgos pa rnams// mi bslu bar ni ston par byed// lta bu dri med zla ba yis// ston byed sbags ni bzlas par bya// A+oM tad+ya thA/ sar sar/ se re se re/ so ro so ro/ mi ro man ta/ ta pra ti ka sha a be sha a be sha she la sha ku ta su tA ya na mo// bdag gi dgos pa'i bsam pa la// bdag gi don dang gzhan gyi don// da ge dang mi dge gang yin pa// de kun kho na nyid du smra// dgong ga rang gi mgo lag bkrus// byi dor byas pa'i maN+Dal la// lha bu legs ldan dri med de// mchod pa chen po byas pa ni// gsang sngags brgya rtsa brgyad bzlas de// mi smra ba ni thub par nyal// ji ltar bsam pa'i rmi lam ston// drag tu bzlas brjod byas nas ni// 'jig rten gsum gyi spyod pa yis// dngos po rnams ni gtam du smra// sha za mo ni bsgrub pa na// pa ru ra yi shing dang ni// n+ya gro d+ha yi shing drung 'dug/ 'bum phrag gcig tu bzlas brjod bya// mi smra thub pas dngos grub myur// 'jig rten gsum gyi spyod pa ni// gtam rnams dag la smra bar byed// A+oM sha ba na pi sha tsi ni mu na DI swA hA// gzhan yang legs par khrus byas te// ras gtsang gyon nas dgon par gnas// khri phrag gcig tu bzlas brjod bya// phyis kyang de ni dngos grub 'gyur// mtshan mo spos la gsang sngags ni// brgya rtsa brgyad ni mngon par bzlas// rang gi gdong pa rkang ba la/ spos dang mar sbyar bsku byug bya// nyal nas bdag la rmi lam du// dge dang mi dge'i gtam smra'o// g.yo zhing skul byed bsgrub pa ni// dgon par khrus byas gtsang mar gnas// A+oM na maHsatwA nAM/ samyaka saM bud+d+hA bo d+hi sa twA nA na/tad+ya thA/ A+oM tsa le tsu le dun ti ma hA wa t+yis tayawa te ni/ ka thA ka thA/ ya ya swA hA/ khri phrag gcig tu bzlas byas nas// me long ngam ni ral gri'am// mar me'am zhi chu yi snod// gang du sngags pas gtam ma smra'o// chu la brgya rtsa brgyad du ni// sngags nas kha gdong bkrus nas ni// thub pa mnyam nas rmi lam du// dge dang mi dge gtam smra'o// bra mtho cho ga thams cad las// gzhan la 'bebs par 'dod pa na// khye'u bu mo thams cad la// khrus dang gtsang sbras dbab par bya// rang nyid 'bebs na nyal bar rmi// dge dang mi dge'i gtam smra bar byed pa'i ting nge 'dzin to// de nas rta yi rgyal po mchog/gar dbang char 'bebs sbyar sgro bas// ngo mtshar gru char dbab pa ni// khams gsum sa yi don du gsungs// rdzas byas bsgom nas bzlas pa bya// dkyil 'khor gsum du char pa 'bebs// gtsang ma'i gnas su phyag dar byas// mda' gang gru bzhi rnam lngas byug/ klu yod gnas nas chu blangs te// dkar gsum mngar gsum klu sman dang// rams rngog bum pa'i nang du blugs// sbal khog thod pa kha sbub nas// sbal gzugs gtor mas gang bar bya// dkar dmar klu sman pa'o dang// bag zan ril bu brgya rtsa brgyad// ting 'dzin pad+ma dbang gi sku// thugs kar phyag na rdo rje spyi bor khyung// bum tsho sbal khog gzhal yas khang/klu rgyal gtor ma ri rab nas// dam tshig ye shes klu bskul nas// mtsho rlangs sprin char 'dod par 'phel// ril bu re la brgya rtsa brgyad// gsang sngags 'di dag bzlas par bya// A+oM nA ga gug hU~M/nA ga le le/ dum pa le le/ nA ga rA tsa hU~M phaT// sha chang sgog btsong spang ba dang// dkar gsum za ba klu yi dam// yi dam klu dang 'byung po la// gtor ma rnam gsum gtang bar bya// gtsang mar gnas bca' chu gtor gtang// klu rnams dgyes pa'i chos yang 'don// de nas char ba dbab par bya// 'bebs par 'dod na sngags 'di gdags// A+oM g+hi li g+hi li/ b+ha ra sha yA b+ha ra sha yA/ hU~M hU~M hU~M/ ho ho ho/ phaT phaT phaT swA hA/hU~M hU~M sab sab/ hU~M hU~M sib sib/ de la bzlas pa byas nas su// klu rnams mnas bsgag sngags 'di bzlas// A+o tsa ta tsa ta/ bi tsa ta ga la ta ga la ta/ sa tsa ra tsi ta swA hA/ lan bdun bzlas par byas nas ni// klu yi gtor ma sngags 'dis dbul// A+oM nA ga rA tsa swA hA/ oM nA' ga hU~M swA hA/ A+oM nA ga b+ha na yak+Sha ra b+ha na ha ra ha ra hU/ kha kha ba liM ta hU~M phaT/ A+oM nan du nA' ga rA tsa ya/ ba liM ta kha kha khA hi/khA hi ba liM ta hU~M phaT// drag por 'dod dam 'jam bor 'dod// bzlas pa drag 'jam bzlas par bya// 'brug dang bcas par dbab 'dod na// A+oM ta shi mu ki tsi/ she sa tsha pa li hU~M phaT/ na mo b+ha ga wa te rat+na ya/ ta thA a ne/li bi shi ta/ be ra be ra daM daM thibs swA hA/ de ni 'brug bskul ba'i sngags yin pas// me 'brug b+h+ring gi ri ti dang// rlung 'brug ka la sha yi sgrogs// gal te phebs par ma gyur na// klu gnas chu mig gnas phyin nas// gcig ni ku la gtor ma 'bul// gcig ni ril bu sngags bzlas shing// gsum gsum bzhi bzhi chu mig brdeg/ khams gsum dbang sdud sngags 'di dgas/ thum thum chem chem badzra kha phyir phaT// gal te rlung gis sprin gtor nas// char pa 'ong bar ma gyur na// bum pa ri rab gzhal yas khang// bum par rlung zed kun tshud bsam// oM ti ti ti la na na/ char ya chur ya ni tis ta lhan// rdo rje rgya gram kha bcad bsam// rlung zhi char pa 'bebs par byed// des kyang ma phebs sbogs chog ni// dkar gtor sngags bzlas chu mig sbubs// A+oM nAg a li mi li shi su bas dun swA hA/ sngags rnams dril la chu mig bsub// zhi bas spogs chog dbab pa'o// thod ngan sna tshogs sngo khu dang// sha sna bsres la sngags thabs bsub// drag por dbab par bya'o// A+oM nA ga chu bi nA ga shar shar phob phob// des ni gdon mi za bar 'bebs// ngo mtshar gru char 'bebs 'dod na// seng ldeng glang ma'i phur pa la// rta mgrin bskyed bu gu gul 'dug/ char 'bebs sngags bris las byas nas// gang 'dod klu yi gnas su gdab// me long rten la ril bu brdog/ mi 'bebs phyogs su me long rgyab// oM g+hi li pa ri sha ya/ hU~M hU~M hU~M/ ho ho ho// phaT phaT phaT swA hA/ zhes klu'i tshogs la zhi ba dang drag pos char yongs su zhus nas dbab pa'i ting nge 'dzin to// de nas bcom ldan rta yi mchog/ dpal ldan lha mo lcam dral gyis// sangs rgyas bstan pa 'jig pa la// par bu nag po'i cho ga gsungs// sngon 'gro dkyil 'khor ling+ga dang// par bu rtsa ba'i drag sngags dang// mgon po 'bod cing dgra bo dgug/ ma mgon rbad dang gsang las bya// rtags byung las mjug bsdu ba'o// dang por dben pa'i gnas song nas// gza' skar phur bu lag pa la// spang skong bshags dang chu gtor dang// 'jig rten lha 'dre ma nyes brdar// dkyil 'khor gru bzhi stegs bu'i steng// de dbus gru gsum brus pa'i nang// dgra bo'i ming rus khrag chen bri// de mtha' sngags kyis bskor bar bya// rabs chad nag po'i thod pa yi// par bu nang du sngags bris la// phyi rol khrag chen btsan dug dang// ro sol byug la 'brug khung bcad// gru gsum me ri rtsang dmar bskor// ling+ga'i tha ma bskor ba dang// par bu'i nang du bri ba'i sngags// A+oM pa Ni ru kritab+hi shi do ri nan/ rak+ta te dzo ni dza ya na/ sarba nin ro ti ni ba ya nan// sngags de bri bar bya ba'o// de nas phyi yi srung ma yang// tshangs pa brgya byin mgon po rnams// chu gtor rgyun mi chad par mchod// dgra bo'i bdun rgyud gcad pa'i phyir// ma nyes dbang gzug gtad bcol bya// sla nga'i nang du me yi ni// sha khrag snying gis gtor ma bya/sngags 'di zhag gcig bzlas te 'bod// ma mgon gnyis la bstab par bya// A+oM shrI ma hA kA la ru si ni ru ya bi ra shis/ rag mo tri ki ni khA hi ba liM hU~M/ mgon nag bang dang thod pa bsnams// lha mo ral gri thod pa nag/ rta dang drel nag zhon pa 'bod// sha khrag gtor ma rgyun du sbyin// A+oM ma hA kA la rak+sha du bo ni gu Na hri da hU~M/ A+oM ru ru ro ru tsa pa la a shug me hU~M b+h+yo dza dza/ bzlas pa 'di ni rgyun du drangs// de nas dgra srog snying po brangs// dgra bo nr-i sha ru si ru tri A kar+Sha ya hU~M dza dza/ khri bzlas nyung dkar lag tu thogs// dkyil 'khor bskor zhing phyogs bzhi ru// zhing lpags g.yab mos 'dul bar bya// mgon po lha mo rbad cing bskul// mgon nag rbad la nyung dkar brab// A+oM ma hA kA la kro ta rU pa rmugs// nag po nr-i thums yam b+h+yo// ha srog chums// rbad ni sa ba nr-i thum thum rbad rbad/ nyi ma zlos te mgon po rbad/A+oM ru ru nag mo yak+sha te tsa snying thum ril/ kha thums sha rbad/ thum ril rbad/ shas ta ti kho tri ma ma thum yaM ril gaM bu naM thun/ yan shan rbad rbad// nyung nag sngags la lha mo rbad// skabs su dgra srog snying po drangs// yungs kar nyung nag ske tshe la// sngags nas ming gzugs dag la brab// mig dang rna ba sna lce lus// snying dang lus sems dbye bar bya// A+oM tsag shu ti liM yaM 'bu ni thum rbad/ A+oM shu ru ki ma pu ti yaM trug thum kha rbad/oM mang kha ro la kro to bin du ma yaM thum rbad/ A+oM shan taM dun tig sha pi ru tis ma thum rbad/ A+oM b+hi ri gu ru ni rag ku tha yaM thum rbad/ ni Di ta tsa ti thims sa ma ya hur b+har yaM thum rbad/ A+oM tang ku re mar ya yug ti shig trig mun thum rbad// stong stong bzlas shing stong tshigs mchod// mgon po lha mo bskul zhing rbad// dgra srog drangs la zhing lpags brdul// zla phyed zhag dgu zhag bdun gyis// bar bu tsag tsag chom chom yong// slar yang rbad sngags bzlas shing brdeg/ de nas ming gzugs gtor mar bcug/ byang shar mtshams su gtang bar bya// de ni gang gis byas pa des// phyag na rdo rje lus srog 'byed// sangs rgyas bstan 'jig smos ci dgos/ dpal mgon po dang lha mos sangs rgyas kyi bstan pa bsrung ba'i dgra srog 'bral ba'i ting nge 'dzin to// de nas bcom ldan 'das rta'i rgyal pos/ klu bdun nag po bskul ba'i las// gnyen po bsgrub cing klu bdud 'bod// rbad phyi bsgrub dang gsang phyir gtad// zlog thebs 'byams sogs man ngag rnams// ma nor sngags 'chang rnams la bshad// dang por pad+ma dbang gi lha// rta gdong steng na bya khyung gnas// khyung sngags rta la btags nas bzlas// klu gnyan sa bdag gnyen por che// oM ga ru Ta tsa le tsa le hU~M phaT/ de nas dben pa'i gnas phyin la// sbal nag lto bar ling+ga la// bsad pa'i sngags kyis bskor byas nas// bar ma rbad dang tha mar 'bod// sbrul dang sdig pas mu khyud bskor// klu bdud nag po 'bod par byed// A+oM nA du na hi li nA ga 'dus// 'bod pas klu rtags mang po 'byung// de nas rbad sngags 'bum du bya// a shing nag po ti pa tsa ya/ nA ga kro tI shwa rI ya tri shaM rbad bu/ ku rak+sha tis tsa pa tsa lam bam/ sha truM mA ra Na dza dza hU~M/ klu bdud nag por dgra la rbad/bsad sngags 'di la khri yis 'grub// nag po'i tsi tsa rgyas/ trag thum snying la gul gul/ myag myag rtsa bzhi bskum/ shan shan dgra bo'i srog la shan/ thur thur dgra bo'i tsit+ta sod swA hA/ rgyal rigs bram ze dmangs rigs gdol// de nas gtad pa bya ba yin// byang bltas byang shar 'khyil lkugs gtad// dmangs rigs gdol ba'i klu la gtad// sngon thog sbyor bas ldog pa la// thug phrad gtad dus 'gro rjes byibs// khyung sngags rma bya rus sbal dang// rin chen lnga khri shA ri ram// sbyor ba steng 'og yi ge bsnyams// ma 'dresaming dang dgra rdzas mchog/ thugs phrad gtong bar kha ru dang// rtsi sman byug dang dri mi gtang// rlangs pa ma shor cho mi brjod// khyung ngam rta mgrin bsal ba yis// 'khor lo gtad la pho brang gdab// mi blta lam bcad rjes bsub bskor// gnas su sbos kyi glang po bdug/ dgra bsad ldog dbyung sngon ma bri// 'byung ba kha bsgyur gser dang sbrag/ thebs na klu la gtang rag gtang// klu la rin chen byin par bya/ 'byams na 'gugs par bya ba yang// chu mig kun tu gtad dmag drang// 'gor bas spogs pa'i cho ga yang/ bskyar nas gtang bar bya ba'o// stong nyid blta ba rgyab tu gzhag/ yi dam lha yi sku dang 'grogs// gsang sngags chu bo rgyun mi gcad// rdzas rnams lus dang 'bral mi bya// sangs rgyas bstan srung rnal 'byor pa// pha tshan chen po dgra langs na// rtsa rgyud bcad par bya ba yin// gti mug klu yi ngan gtad kyis// dgra bo pha tshan can brlag par byed pa sangs rgyas bstan pa bsrung bar byed pa'i ting nge 'dzin to// de nas rje btsun bcom ldan 'das// dbang gi thog ser dbab par gsungs// skyes bus gzhu ni khengs par 'gengs// mda'i 'phang gnas su skyol bar bya// mde'us gnad la 'bigs bar byed// tshig chad song dam// 'dod pa 'grub nas gtang rag gtang// dus su ngar yang gdags par bya// ting 'dzin gsal gtsang rnal 'byor pa// dben gnas gnyen por dbang btsug la// dkyil 'khor 'khor lo rtsibs bzhi la// dbus su pad+ma rta mgrin sku// bka' sdod rtsibs bzhi gdong mo bzhi// hrIHyig ma ra tsa sha las// stag dred ba glang chu srin bskyed// stag dom glang nya snying khrag bcas// ra khyi bya mi snying khrag rten// snel gri'i thod par khrag dug kun// nyung dkar lha phral sngags kyis brab// oM rag mo rag mo snying tsa la b+h+yo// A+oM phag mo yag mo dgu bo'i snying la b+h+yo// A+oM tsab mo tsab mo// khrag la mu sha ma b+h+yo// A+oM rag mo rag mo snying kha rag mo la b+h+yo/ de bskyed drang bstim gtor ma dang// rak+ta sman gyis mchod pa bya// thun la rgyu rtsal bsnyen pas 'bod// A+oM badzra lang ting lang ting bra ma ya dzaHhUM baM hoH/A+oM badzra lam b+hA+o d+ha/ a shu me badzra sun spri hU~M dza/ A+oM ga trag mi dza badzra yak+sha kring kring dz+wa la raM dza/ A+oM ki liM spri ka li ho ba ya hU~M dza/ ming sring grogs mdza' btsas ma rnga// rmos byed yur ma yur ba dang// chu chen 'khyags pa ri nyil snang// thog ser 'brug sgra grub pa yin// de ni chu ril sngags ni bya// oM rag mo rag mo ru ru/ tsa ba snying kha rag g+hu sid na ma shag mu shag mu sham phye phroM hril/ dur phroM/ dkar phroM/shu tri phroM/ yug ti smin/ sha ra sha la de drag tu phob// rtags dang mtshan ma nang du gsal// phyi rtags dngos su 'bab cing drag/ de nas dbab par bya ba ni// A+oM ma ma rak+sha 'da' na thun thun phroM hril/ ma ma shig shig ru tra nan/pu rtse pu rtse phroM hril/ ma ma ru rta nan/ b+h+yo dza mun dza rbud thum/ thum thun b+h+yo/ phroM hril hril phaT/ dgra bo'i lo thog snar mo mA ra ya phaT phaT/ dbus kyi thod pa 'ong dkyil du// shar thod yul gyi lha la gnan// nub thod klu gnyan sa bdag la// lho ni dam rdzas ri sked la// byang ni thun rdzas ri rtser sba// thod pa khrag lam 'brel bar bya// phebs nas gta' dbyung gtang rag gtang// gtor tshogs mchod par bya ba'o// kun tu thun kha gso ba dang// dgos pa'i dus na dpa' bo yi// ral gri phyung rgyag lus la 'chang// bstan pa tsam gyis gzhan 'pham mo// nga rgyal thog ser lo 'bras rlag pa'i ting nge 'dzin to// de nas rje btsun dbang gi rtas// dbang 'dus 'byor pa spel ba gsungs// bsgom dang sngags bzlas kun 'grub pa'i// mgon po gnod 'dzin yang dag bshad// stong pa'i ngang las dzaM yig las// mgon po gnod 'dzin dmar po'i sku// g.yas pa gser mdog a ru ra// g.yon pa ne'u le'i rkyal bu 'dzin// nor rgyun dmar mo rin chen snye// bsgom nas gtor ma chu sbyin dbul// de yi gsang sngags rnam par brjod// A+oM dzUM swA hA/ A+oM bi tsi kuN+Da li in+d+ra ni mu khaM b+h+ra ma ri swA hA/ A+oM dzaM b+ha la dza len+d+ra ya pi tsi kuN+Da li ba su d+ha ri b+h+rUM rat+na sid+d+hi ba su puSh+ting ku ru swA hA/ chu yi lhag ma phyugs la blud// gtor phud nas kyi nang du gzhug/longs spyod rin chen char pa 'bebs// nor bu bum bzang bang mdzod ldan// dbul ba yongs su sel ba'i ting nge 'dzin to// de nas rta mchog phrag dog ches// 'khor lo tsha tsha gsang sngags nyung dkar bzlog/rtsibs brgyad sde brgyad lta ba la// 'dod pa'i ming gzugs sngags dang bcas// tsha tsha dkar nag zhabs sprad ste// dkar po rang nyid nag po gzhan// A+oM ya ma rA dza hUM b+ha ta ya ma ma rag mo long kab+ha sha ya nA ga ra tsa ha hU~M bzlog kha shar ling baM tan sad// rak+sha g+h+ri pa mu khe he ra sad/ yak+sha gri ba la char sad/ pra ma ya ru tra sad/ rA hu la sarba duSh+ta na sad/ oM AHhU~M/ saM b+ha ra mu ta ka ra hU~M hU~M phaT phaT/nyung dkar sngags te brab par bya// tsha tsha dkar nag gi ting nge 'dzin to// dbang chen spyi dril rngog ma le brgan gyi rgyud las/ thun mong dngos grub las tshogs kyi le'u ste bcu gsum pa'o//// de dag ji ltar bgrod gyur pa// tshogs lam dang po'i 'jig rten pa// phyi dbyibs nang sngags gsang ba dbang// mthar thug rlung du bstan pa'o// yang dag spongs bzhi pad+ma can// rtsa mi rlung lnga lus ngag yid// rlung sems 'dus pa'i bde bar brgyal// stong pa dgrar langs dran pa bzhi// lus dang ngag dang sngags dang ni// stong pa 'ba' zhig dran par bya// rdzu 'phrul rkang pa bzhi pa'i rlung// chu rlung me rlung rlung gi rlung// sbyor lam drod dang rtse mo la// drod ni chung ngu 'bring dang che// rtse mo phyi nang rnam pa gnyis// dbang po lnga ni rtsa ba'i rlung// gyen rgyu mthur sel me dang mnyam// srog 'dzin khyab par byed pa'i rlung// gzod cig dbu mar rlung sems 'dus// chos mchog 'khor 'das tshogs gnyis rdzogs// stobs lnga yan lag rlung lnga nyid// rgyu ba rab tu rgyu ba dang// mngon par rgyu dang yang dag rgyu// shin tu rgyu ba rnam lnga yin// de nas 'jig rten 'das pa'i lam// mthong bsgom mthar phyin rnam pa gsum// 'khor lo bzhi dang srog shing gsum// byang chub yan lag bdun du rigs// bsgom lam rnam shes tshogs brgyad po// kun gzhi yid dang nyon mongs yid// mig dang sna dang rna ba lce// lus kyi rnam par shes pa nyid// mthar lam rtsa dang yi ge dang// bdud rtsi rlung gi 'gros bzhir thim// dang po gnyis pa gsum pa dang// bzhi pa lnga pa drug pa dang// bdun pa brgyad pa dgu pa dang// bcu pa bcu gcig bcu gnyis la// bcu gsum bgrod pa'i sa rnams ni// phyi rtags bdud 'dul dral ba dang// nang brtags phyi nang rlung 'gags pas// de kho na nyid rtags rnams 'char// mthong dang 'gyed dang 'byed 'chad ston// rdzu 'phrul sa la rim par 'gyur// zhes gsungs pas// lam lnga sa bcu rdzogs pa rnams// 'jig rten drug tu gsal bar gyur to// pad+ma dbang chen gsang ba khro bo 'dus pa// pad+ma gsang ba rngog ma le brgan gyi rgyud las/ sa lam rim par phye ba'i le'u ste bcu bzhi pa'o//// de nas de bzhin gshegs pa thams cad kyis rnal 'byor pa'i lam grub pa la gnas pa 'di gsungs so// rnam par smin pa khyung seng 'dra// tshe la dbang ba nyi zla 'dra// phyag rgya chen po lha sku 'dra// lhun gyis grub pa gnyid sad 'dra// dang po sar ni chud pa dang// sa la gnas pa thob pa'o// nyi zla'i tshe dang mnyam gyur pas// rang gi srog la dbang thob 'gyur// rang gi yi dam gsal gyur pa// rtsa dang yi ge bdud rtsi rlung// rnam par gnas pa chos kyi nyi// legs par sad pas lus 'dzin 'gyur// thos bsam bsgom la rab gnas pa// lta ba ting 'dzin dbang na gsal// sprul pa'i sku las chos kyang nyan// lha mi'i lus su gnas par ston// longs spyod sku yi 'khor 'dus pas// gsang ba rgyud kyi 'gro ba mdzad// chos kyi sku la rab gnas pas// myong la ma reg rgyal ba drug/ ces gsungs so// dbang chen bde gshegs spyi dril pad+ma dbang chen gsang ba rngog ma le brgan gyi rgyud las/rig 'dzin gyi le'u ste bco lnga pa'o//// de nas khro rgyal rta mgrin ni// ting 'dzin snyoms zhugs 'di gsungs so// sems kyi rnal 'byor thob pa yis// yan lag ces su bstan pa yang// so sor spang dang bsam gtan dang// dbugs dgag stong dang gzung ba dang// rjes su dran dang ting 'dzin ni// sbyor ba'i yan lag drug ces bya// so sor spong ba sdom la gnas// dngos po gzhan dgag spang bar bya// de yi ming grangs bcas pa ni// so sor spang ba zhes su 'dod// dam tshig sdom la gnas pa ni// ji ltar tshul tsam rnam dag pa// 'dod pa'i g.yeng ba med byed cing// 'gyod pa'i dri ma med pa yis// rtag tu dbang po sdom pa'i phyir// ting 'dzin thob pa'i rgyu yin ltar// so sor spang ba zhes bya 'di// yid dang dbang po bsgoms nas ni// rnam par shes pa skye ba kun// thams cad skyon du byas nas ni// spang bar bya ba'ang ma yin la// dngos por bltas te mtshan ma yi// rjes su 'brang ba'ang ma yin la// spyod yul cir snang thams cad kun// rtag tu rang gi lha nyid du// bdag nyid bltas te sbyang bar bya// dang por gzhan pa ka dag gnyis// spang bar bya ba 'di dag ni// dbang po rang bzhin gyis bsdams shing// 'dod pa bkag pa'i gdung bas kyang// ting nge 'dzin ni ma zin pa// rgyal ba'i byin rlabs nye 'gyur bas// bsam gtan snod du 'gyur ba yin// 'di ni so sor spyod ces bya// de phyir bde ba longs spyod de// so sor spang ba zhes kyang bya// 'dod pa'i g.yeng bar gyur pa spang// so sor spang ba sdom la gnas pa zhes bya ba'i ting nge 'dzin to// bsam gtan 'brel dang yul du bcas// dmigs par bya ba'i yan lag can// bsam gtan gyis ni 'dod pa dang// sdig to mi dge ba yi chos// dben pa dag las de skyed yin// 'di yi phyir na de'i 'og tu// bsam gtan bstan pa rigs pas bshad// bsam gtan yul ni sku gsung thugs// gsang ba gsum la yul du bya// de la sku yi gsang ba ni// lha yi phyag rgya gzugs kyi sku// kha dog dbyibs dang g.yo ba yi// smin ma mig dang so dang mchu// bzhin dang lus dang yan lag gis// pad+ma dbang chen dpal gyi rgya// rang don las rnams grub byed pa'o// de ni sku yi tshul rnams kyi// sgo nas bsam gtan yul du dmigs// de la gsung gi gsang ba ni// sgra dang sgra min rnam bcad pa// nga ro sbas pa rdo rje'i gsung// lha yi thugs la ljags steng du// chos kyi yi ge kha dog dang// dbyibs kyi mtshan mar bsam pa dang// de yang sgra dang sgra don gyis// chos nyid brtag pa brtag cing dpyad// bsam gtan thob pa'i rgyu yin te// sgra la gnas pa'i bsam gtan ni// rnal 'byor thob par bya ba yin// sgra yi mtha' la gnas pa ni// bsam gtan thar pa ster bar byed// ngag gi sgra grag byed pa ni// bsam gtan gtso bor bshad pa yis// skabs 'dir g.yeng ba'i rgyur 'gyur ro// de la thugs kyi gsang ba ni// thugs kar sems dpa' rdo rje bsgom// ye shes sems dpa' bsgom pa ni// de ni thugs kyi mtshan ma la// de yi don ni byang chub sems// chos kyi sku ru gnas pa yis// mtshan ma rnam par bcad pa ni// thugs kyi bdag nyid de yin te// de ltar gsal ba gsum dmigs pa/ bsam gtan bya ba'i yul yin no// gsang ba gsum gyis thams cad bsdus// phyag rgya yongs su dag pa yi// lha rnams don dang rtags tshul bsdus// bsam gtan yan lag rnam pa lnga// rtog dpyod gnyis dang dga' bde gnyis// sems ni rtse gcig pa dang lnga// yan lag tshul gyis dmigs par byed// gsang ba gsum gyi mtshan nyid la// ji lta ba bzhin rtogs pa'i blo// de la rtogs nas skye ba'o// de la spyod par byed pa ni// de nyid la ni blo nyid kyis// yang dang yang du sbyor bya zhing// de yi don dang bcas pa la// zhib tu dpyod pa yang nas yang// spyod par byed cing 'jug pa'o// de la dga' bar bya ba ni// rtog dpyod gnyis kyi bsam gtan las// thob pas gsang ba gsum po yi// 'dra snang rnam par 'byung gyur te// de'i tshe 'dod pas dben gyur pa// sngar ma myong ba'i don nyid ni// myong bas thun mong ma yin pa'i// dga' ba rlabs po cher skye'o// de la bde ba bya ba ni// de dbang sems bsdus thob pa na// lus dang sems kyi bde ba ni// des ni nyams su myong 'gyur ro// de la sems rtse gcig pa ni// de ltar sems kyis bsdus 'gyur las// shes pa dang ni shes bya yang// gnyis su snang bar mi skye ste// rang rig tsam du 'gyur ba'o// bsam gtan zhes bya ba'i ting nge 'dzin to// de ltar bsam gtan dag gis ni// sems ni zhi bar bya ba la// shin tu dul bar bya ba'i phyir// dbugs kyang dgag cing gtang bar bya// bslab thabs nad du zung ba dang// mtshan ma sngags dang phyi nang rtags// rnal 'byor pa la snang gyur bas// shin tu bslab par bya ba gces// de la ji ltar bslab pa'i thabs// pho rlung mo rlung ma ning rlung// rnam pa de gsum bslab pa dang// phyir la gtad dang nang du 'jug/ khong du gnas la bslab pa dang// sa rlung chu rlung me rlung dang// rlung gi rlung la bslab pa dang// bslab pa'i go yang du mar snang// ji ltar bslab kyang 'gal ba med// gdul bya'i rnam rtog bsam yas kyang// de snyed 'dul thabs sgo rnams spros// don du mi 'gyur gcig ma gsungs// de nas sems kyi rtog 'dul zhing// dbugs zhi brtan par gyur pa dang// rtogs dang ldan par bya ba'i phyir// gcig tu ma nges rgyu ba'i dbugs// nang du gzugs la bslab par bya// de nas yang ni dbugs zin te// sems kyang shin tu zhi bar 'gyur// brtan pa thob par gyur pas ni// mtshan ma rnam lnga 'byung bar 'gyur// dang po smig rgyu 'dra ba dang// gnyis pa la ni du ba'i tshul// gsum pa srin bu me khyer 'dra// bzhi pa mar me bzhin du 'bar// lnga pa rtags su snang ba ni// sprin med pa yi nam mkha' bzhin// de yi rtags ni phyi nang gnyis// phyi la nyin dang mtshan mor snang// de la phyi rtags bya ba ni// dbugs kyang nang du zin gyur na// phyi rol mdun gyi nam mkha' la// rmi lam du ni 'od snang 'gyur// dang por dbugs ni brtan zin na// mkha' la yun ring brtan bltas te// 'od snang ba yi snga ltas su// du ba'i rnam pa lta bu'am// smig rgyu 'dra ba mthong bar 'gyur// de la brtan par gyur nas ni// srin bu me khyer 'dra ba yi// 'od 'dra ba ni mthong bar 'gyur// de la brtan par gyur nas yang// mar me'i 'od snang mthong bar 'gyur// de nas brtan par gyur nas ni// sprin med pa yi nam mkha' bzhin// thams cad du ni gsal gyur te// de rtags chad du phyin pa'o// 'di ni nyin par dbang du gsungs// mtshan mo'i ltas ni thams cad du// me yi 'od ltar 'bar ba ni// rim gyis rgyas par mthong 'gyur ro// nyin mtshan khyad med nang gi rtags// dri med nam mkha' dngas pa bzhin// thams cad ma lus nyin mtshan gyis// khyad par med par mthong bar 'gyur// nang gi rtags ni rang gi sems// je zhi je gsal gyur pa nyid// sems nyid 'od gsal nyi zla bzhin// ma bcos ngang du gzigs par 'gyur// dbugs 'gags stong gzugs bzung ba'i ting nge 'dzin to// de ltar brtan pa'i rtags thob nas// shin tu sbyangs ba thob bya'i phyir// rjes su dran pa bsgom par bya// steng 'og sgo nas gsang ba gsum// brgya dang grangs la sems rtsal sbyang// thugs las steng sgo snang las byung// dbang chen sku yi 'od zer spros// mchod nas sbyangs te dngos grub rnams// thim pas mi zad rgyan du 'gyur// gsung ni rlung dang sngags bcas spros// de nyid mi zad rgyan 'khor gsungs// thugs ni phyag mtshan spros dang bsdu// de yang mi zad rgyan 'khor 'gyur// b+ha ga la ni ling+ga bzhag/ pad+ma'i sku dang gsung dang thugs// gsang ba gsum las byung ba yis// rjes su dran pa bcu drug bsgom// dbang po rab 'bring tha ma yi// rgya ni che chung rang stobs kyis// sems kyi rtsal ni sbyang bar bya// rnal 'byor rang sems rtsal sbyong bas// sku dang ye shes phyag mtshan rnams// gsang ba gsum po'i spro bsdu kun// mang nyung sems kyi stobs dang sbyar// sems ni rang bzhin ma nges pas// til 'bru ri rab lta bu'am// gcig nas gang+gA'i phye rnyed par// sems kyi rtsal ni sbyang bar bya// rjes su dran pa zhes bya ba'i ting nge 'dzin to// de ltar ting 'dzin rtsal sbyangs nas// lus dang sems dang lha la dmigs// khyad par dbye ba bya ba ni// yid la byed dang mi byed pa'o// lus la dmigs par byed pa'o// dbugs kyi sgo nas dmigs pa ste// rang bzhin gnas dang yul dang las// dmigs pa'i thabs dang yon tan yin// de la dbugs kyi rang bzhin ni// lus nyid khams lnga'i rang bzhin gnas// dbugs kyi rang bzhin khams lnga yin// sa chu me rlung nam mkha' 'byed// sa yi dbugs ni sra zhing lci// chu yi dbugs ni dal zhing 'joms// me yi dbugs ni 'bar zhing dro// rlung gi dbugs ni yang zhing rtsub// mkha' ni 'phyo zhing rgyu mi tshor// dbugs kyi gnas ni lus nyid la// snying ni khong stong na dag dang// glo ba khong stong nang dag gnas// dbugs kyi rlung ni nang du yang// lus kun la yang khyab par gyur// shas cher lte ba yan chad kun// phyi rol sor ni bcu drug pa// tshun chad rgyu bar byed pa yin// mdor bsdus nang du bsdus 'dus kyang mi shes// dbugs kyi lam ni kun khyab kyang// gtso bo mgrin pa gsang gnas nas// sna yi bu gar byung ba'o// dbugs kyi lam ni rnam gnyis te// 'dzin pa'i las dang phyed pa'i las// de la 'dzin pa'i las byed ni// reg pas lus la phan 'dogs shing// lus kyang 'dzin par byed pa dang// sems kyi 'dzin kyang dbugs kyi byed// sems kyang 'dzin par byed pa dang// lus sems gnyis ka 'dzin pas na// srog 'dzin pa yi las byed do// byed pa'i las ni g.yo ba'i tshe// lus sems gnyis ka g.yo bar byed// dbugs la dmigs pa'i thabs sgo mang// phyi la 'gro na gtang bar bya// nang du 'gro na dgang par byed// khong du gnas na gzhag par bya// gang ltar dmigs kyang 'gal ba med// thams cad gdams ngag gnad yin no// de dag mdor bsdus rnam pa gnyis// dbugs kyi sgo dang mthun dmigs dang// chos la ma brten dmigs pa'o// de la mthun par dmigs pa ni// g.yas nas rgyu bar byed pa ni// de ni me dang rung gi khams// g.yon nas rgyu ba sa chu'i khams// dbus nas rgyu ba nam mkha'i khams// de las phye na g.yas dang g.yon// re re la yang khams lnga'o// lnga lnga tshang bar rgyu ba dang// rags rim mdo ru bsdus pa dang// g.yas g.yon re re dag la yang// 'byung ba re re'i cha shas su// brtan pa dag gi sgo nas ni// kha dog dbyibs dang bong tshod dang// rnam pa'i sgo nas so sor phye// de la dmigs par bya ba'o// sa ser chu dkar me ni dmar// rlung ni ljang ser nam mkha' mthing// de ni rgyu ba tha mar rgyu// gru bzhi zlum po gru gsum dang// zla gam spros bral chos 'byung dang// gtso bo che la 'khor rnam phra// goms nas chen po phra bar snang/ grangs dang rnam pa nges pa ni// dmigs pa brtan par 'byongs nas gsal// rnam pa'i 'od dang yi ge dang// mtshan ma dang ni phra mo'i sku// de lta bu yi rnam par dmigs// chos la ma brtan par dmigs la// bye brag so sor dbye ba med// dbugs ni phyi nang rgyu tsam dmigs// mtshan ma'i rnam pa gang yang rung// gcig la dmigs par bya ba'am// reg bya tsam la dmigs kyang rung// sems ma yengs par gtad pa ni// sems zin 'ba' zhig tsam gyis mtshon// spyi ru grags pa'i kha dog dang// bongs tshod skyon dang yon tan dang// khams rnams gdug pa'i mtshan nyid pas// brtan ni yul du dmigs pa tsam// mthu brtas dus ngan skyon yon yod// de la kha dog dkar po ni// gdug pa zhi byed mtshan nyid la// ser po gdug pa 'dzin pa'i mtshan// dmar po gdug pa mched mtshan nyid// nag po gdug pa'i slong ba'i mtshan// mtshan nyid de ltar byed pa'o// reg bya dang ni bongs tshod dang// sra zhing sbom pa ltar snang ba// lus la mi bde ba dag 'byung// phra zhing dwangs pa chu zla ltar// rdos pa'i sha chung dmigs pa na// lus la mi bde mi 'byung ngo// dbugs la dmigs pa'i yon tan ni// lus kyi rnam pa la mkhas pas// gcig phur blta dang dngos por blta// bden zhing gtsang mar blta rnams bzlog/ lhag mthong don yang bskyed pa'o// sems la gnas pa thob pas ni// zhig nas las su rung gyur pa// rang bzhin gnas yul lam dang las// dmigs pa'i thabs dang yon tan no// sems la dmigs pa'i rang bzhin ni// snang ba'i khams la dmigs pa dang// rlom sems pa yi khams dang ni// dngos po so sor rnam rig mkhas// sems kyiganas ni sa chu me rlung mkha'i// khams lnga'i rlung la zhon nas su// khams lnga'i lus la gnas pa'o// sems kyi yul ni rnamarig pa// snang ba'i yul ni chos rnams la// rlom sems yul na sems nyid do// rnam par rig par bya ba'i yul// de ni phyi yi skye mched rnams// sems nyid lam ni dbang po rnams// sems kyi las gnyis 'dzin byed ni// 'dzin pa'i las kyis chos rnams 'dzin// byed pa'i las ni dkar nag gi/ 'du byed thams cad ma lus pa// mngon par 'du ni byed pa'o// sems la dmigs pa'i thabs dag ni// dbugs la dmigs pa la rung nas// de nas dran dang shes bzhin gzung// sems ni ji ltar bskyed nyid dmigs// sems kyi mtshan nyid khong chud 'gyur// sems la dmigs pa'i yon tan ni// bdag tu blta dang rtags par blta/dngos por blta ba thams cad bzlog/ lhag mthong bskyed par byed pa'o// sems nyid las su rung 'gyur te// de yis zhi gnas thob pa'o// lus sems dmigs pa las rung nas// lha dang dmigs par byed pa ni// rang bzhin gnas yul lam dang bcas// dmigs thabs yon tan rim pa dang// dang por bar tha sgom tshad mod// de la lha yi rang bzhin ni// chos nyid rnam par dag pa dang// rnam par mi rtog ye shes dang// cir yang sa le mkhyen pa yis// ye shes 'gro 'dul gzugs kyi sku// so so'i skad du dam pa'i chos// ston pa'i gsung de chos rnga yin// lha yi gnas ni sems can gyis// lus dang sems la gnas pa nyid// lha yi yul ni chos kyi dbyings// thugs rje'i zhing rnams gnas pa'o// lha yi lam ni gang yin pa// 'gro dang 'ong ba mi mnga' yang// lha yongs bzung ba'i sems can ni// sems can skyabs ni lha yin te// 'brel gnyis sgo nas lam gyur pa// lam gyi chos dang lung gi chos// lha yi lam du gyur pa'o// lha yi las ni 'dzin par byed// 'dzin pa'i las ni yon tan ni// thams cad kun dang ldan pa'o// byed pa'i las ni sems can rnams// thams cad grol bar mdzad pa'o// lha la dmigs par byed pa'i thabs// lus dang sems nyid lhar bsgom pas// de la rnal 'byor rnam gsum gyi// tshul gyis byin gyis brlab tshul lam// de nyid yongs su rtag pa'am// rdzogs tshul gang yang rung bar bsgom// lha yi yon tan rnam gnyis tshogs// dus gcig rdzogs par gyur pa'o// de ltar dmigs pa rnam gsum la// rim gyis bslab cing rim gyis brten// 'di ni phyis pa dang po ru// zhugs pa tsam du dngos su ni// lus nyid sems kyi rnam pa yin// sems kyi rang bzhin lha nyid yin// de bas phyi nang snod bcud kyi// chos rnams ma lus thams cad kun// rang gi ngo bo lha nyid shes// dang po lha ngo shes pa yin// bar du lha bsgom thabs shes pa// sgrub thabs sna tshogs gsungs pa dang// bsam gtan lus dang sems don gyis// bcos pa'i thabs rnams bstan pa yin// tha ma las su rung ba'i tshad/ mtshan ma med pa'i lha tshad ni// byang chub sems la lha ru bzhag/ mtshan ma lha yi sku bsgom tshad// lhang nge lhan ne lham me gsum// lham me ba ni ma rdos pa// lhan ne ba ni ma g.yos pa// lhang nge ba ni ma bsgribs pa// ma rdos snang la rang bzhin med// gzugs brnyan chu zla lta bu'o// ma g.yos pa ni bying rgod kyi// zug rngu ma skyes pa yin te// nor bu rin chen 'od lta bu// ma bsgribs de gnyis dang ldan pas// ma rtogs pa yi sgrib pa dang// mi gsal ba yi sgrib pa gnyis/ med par shin tu gsal bar snang// dbang pos blta bar mi bzod ltar// lha sku shin tu gsal ba'o// tshul bzhin byed par ma nus na// bzlas brjod lha yi de kho nas// lhar grags lhun grub sems can khengs// rang la gnas pa de rtogs yin// tshul bzhin slob bar 'dod pa yis// de dag rnams kyis tshul du spyod// gang dag tshul bzhin byed ma nus// mos dang bya bas g.yeng 'gyur zhing// tshul bzhin sbyor bar mi nus rnams// brda' don lha yi ting 'dzin ni// ji ltar yin pa yid la bya// des zin cho ga rim gyis bskyed// skad cig gcig la rdzogs tshul lam// bag chags shugs sam mos pa dang// nga rgyal dag gi sgo nas kyang// ma yengs pa yi sems kyis gzung// bzlas brjod bya zhing bsam gtan 'jug/bzlas brjod byed pa'i tshe na yang// lha ni mi bsam ma dmigs rung// las sam 'bras bu gang dmigs kyang// spyir na dmigs pa rtse gcig la// 'bad pas mthu dang byin rlabs che// spyir na lha yi de kho na// nyid las 'grub pa'i lha yang 'grub// don dam sems kyi lha dang ni/ kun rdzob mtshan ma'i lha nyid la// sems dpa' bye brag lha zhes bya// ming du lhar ni btags pa yin// dam tshig can gyi skye bo'i lha// phyag rgya'i mtshan ma lhar grags pa// btags pas rnam pa du mar 'jug/ rnam par smin pa'i lus dbyibs kyis/ bye brag dpe phyi zhes pa dang// de nyid bdag gi chen po'o// mtshan ma'i gzugs zhes btags pa dang// de nyid skye bo'i byin rlabs sogs// nus mthu can zhes btags pa dang// de nyid rnam par smin pa'i gzugs// bye brag ye shes byin brlabs nyid// dbyer med 'dres nas lha zhes btags// de nyid bdag nyid chen po rnam// thugs ni gsang ba'i ye shes nyid// mtshan ma'i gzugs su sprul pa ste// chu nyid grang pa'i rkyen gyis ni// 'khyags rom gyur pa lta bu'o// chos rnams lhun gyis grub pa yi// phyag rgya'i rang bzhin yin pa la// las kyi 'phro dang skal ba yi// dbang gis so sor snang ba de// shin tu dag par 'dul gyur rnams// longs spyod rdzogs pa'i skur snang ngo// sems can khengs pa dag la yang// las ni dag par gyur rnams la// sprul sku rab byung cha lugs snang// de yi 'og ma rnams la ni// cha shas dag gis phyag rgyar snang// de yi 'og ma rnams la ni// thun mong gzugs brnyan la brten pa'i// phyag rgya tha dad snang bas te// thams cad lhun gyis grub pa la// phyag rgya'i bye brag med par 'dod// de ltar snang ba thams cad kun// gzhan nas yod 'ong ma yin te// rang lus yid ni rtsal las grub// sngags ni ye shes rang la gnas// lus khams bdud rtsi chen po rnams// snying po rlung gi 'phro 'du can// sprul sku mdzad pa bcu gnyis rdzogs// stong gsum ma lus 'dul ba'i mgon// longs sku 'khor 'das gnyis la spyod// sa bcu'i byang chub sems dpa' yi// shes bya'i sgrib pa rnam par sel// chos sku dri ma med pa ni// phyag rgya chen po mchog gi sku// sku gsung tha dad med gyur pa// ngo bo nyid kyi sku gyur pa// gcig dang tha dad las grol ba// gdul bya'i rnam pa so sor snang// nam mkha'i dbyings nas rang shar ba// nyi zla'i dkyil 'khor rab rgyas pa// mun med mun pas bsgribs ltar snang// mun snang don la grub pa med// ces gsungs so/ dbang chen bde gshegs 'dus pa pad+ma gsang ba rngog ma le brgan gyi rgyud las/ sbyor ba yan lag drug pa'i le'u ste bcu drug pa'o//// de nas bcom ldan 'das rje btsun 'phags pa rta mchog chen po la 'khor rnams kyis 'di skad ces gsol to// kye ho rje btsun gar gyi dbang// rig pa bzhi la gzigs pa yis// rgyud lung man ngag ma lus pa// bcings pa'i mdud pa grol bar byed// 'od gsal sems kyi rang bzhin rtogs// dam tshig dngos grub lo tog smin// dug lnga bde chen lam du grol// 'khor 'das nyon mongs lnga mdud bkrol// dbang gi sku la ma lus rdzogs// rgyan rnam chos nyid bde bar ldan// mchod bstod rgyal pa mnyes par byed// rta skad gdug pa gsum rnams 'dul// phrin las phan gnod las kun 'grub// sa yi gdug pa'i nad rnams kun// mthun pa'i rdzas kyis sel bar byed// phan gnod thun mong dngos grub ster// sa lam gsang sngags ting 'dzin bgrod// rig 'dzin lam gyi 'bras bur 'gyur// sbyor drug rdzogs rim gnas mthar phyin// rngog ma le brgan dbang bsdud rgyud// ma lus gyur nas gsung khyod 'dud// ces bstod do// de nas bcom ldan 'das kyis 'khor rnam la 'di skad gsungs so// dbang chen sku la rgyal ba 'dus// bde gshegs 'dus pa'i rgyud ces bya// rta mgyogs rngog sprug gnas su 'gro/ 'khor ba sems can lha srin kun// dbang bsdus sangs rgyas sa la 'gro// rngog ma le brgan rgyud ces bya// gnas lugs sems nyid gzhi yi rgyud// bskyed rdzogs grol ba lam gyi rgyud// rig 'dzin sku bzhi'i 'bras bu'i rgyud// gzhi lam 'bras bu'i rgyud ces bya// rig pa bzhi yi chos rnams kun// gtan la 'bebs par gzigs gyur pa// ma rig blo yi mun pa sel// shes bya sems kyi gras thag bcas// rig pas rgya mdud grol ba'i rgyud// thun mong las kyi tshogs rnams kun// phan gnod bdag gzhan don rnams 'grub// mchog gi 'bras bu 'grub 'gyur bas// thun mong mchog tu bsgrub pa'i rgyud// zab pas ye shes chos kyi sku// rgya che chos dbyings mu mtha' grol// rgya mtsho nam mkha' lta bu'i chos// zab pa rgya che bstan pa'i rgyud// thabs mchog snying rje chen por shar/ shes rab stong nyid ma bcos rtogs// stong nyid snying rje'i snying po can// thabs dang shes rab 'brel pa'i rgyud// rgya mtsho'i chu rgyun kun 'dzin cing// de las byung nas der thim pas// chos nyid shar nas bde grol thim// byung thim chu bo lta bu'i rgyud// gnas dang mkhan pos rgyud kun 'dres// gong 'og 'khrugs pas bzang du song// lus skyob phan par mdzad pas na// dar zab lta bu thags kyi rgyud// sman pa mkhas pas tsha grang sman/ bsil drod sman gyis nad sel zhing// nad med tshe yi bcud 'dzin pa// 'di ni sman sbyor lta bu'i rgyud// lha dang mkha' 'gro rig 'dzin gyis// gang zag chos kyi spyan ldan la// rim par brgyud de grags gyur pa// khyed rnams tshogs kyis rgyud 'di zung// zhes rgyud 'di yongs su gtad de ston pa chos kyi sku'i dgongs pa la bzhugs so// 'khor rnams dkon mchog gsum gyi bstan pa bsrung ngo// dbang chen bde gshegs 'dus pa rngog ma le brgan gyi rgyud las// rgyud gtad pa'i le'u ste bcu bdun pa'o//// pad+ma dbang chen bde gshegs 'dus pa'i rgyud rdzogs so//// pad+ma 'byung gnas dang kha che A nan ta dang bai ro tsa nas bsgyur ba'o// sa ma ya/ rgya rgya rgya/ mnga' bdag nyang gi gter ma'o//// rgya gar skad du/

CLOSE WINDOW