CLOSE WINDOW

Gpb023.001
བོད་ཡིག

dbang chen bsdus pa'i tan+t+ra bzhugs so// dbang chen bsdus pa'i tan+t+ra yin// dpal rdo rje sems dpa' la phyag 'tshal lo// tshe la dbang thob rig 'dzin rnal 'byor gyis// rtsis 'gos gtan la dbab pa'i phyir// dbang chen bsdus pa'i tan+t+ra las 'go nan rtsis 'go'i le'u 'di gsungs so// 'go nan rtsis 'go'i le'u 'di la don rnam pa brgyad kyis bstan te/ de yang gang dang gang zhe na/ lung las/ 'jig rten khams na dkon pa'i bka' gsang rin po che// shes rab rig pa mdzod kyi kha phye nas// ye shes rig pa nyid la nyid kyis ston pa 'di// stobs ldan dbang phyug rgyal ba gang gi mthu// rgyal sras khro bo snyan khung brgyud pa'i lung// dbyings la rig pa gab pas man ngag mchog/ gsung rab rgya mtsho thugs kyi nying khu 'di// dgongs rgyud zab mos sbas pa'i tan+t+ra gang nas phyung// bsgom bsgrub 'chad cing man ngag dpyis 'byin pas// bdag gzhan sems kyi mdud pa dam po rnams// mang po rtsis kyi klong nas 'grol mdzad pa// mkhyen rab rtsal gyi slob dpon gang gis mdzad// dgongs rgyud thabs kyis 'brel ba'i phyag rgya la// blta bde brtag par sla ba'i don ched du// le'u dang grangs su bcad pa'i gsungs rab 'di// yon tan grangs su bcad pa'i dgos ched du yis bstan// gab pa'i sbas pa'i ma rtogs 'khrul pa yis// sngon gyi bag chags rtsub mos mtshams sbyar te// rnam smin las kyi dug gsum me 'bar ba// bdud bzhi'i dpung 'joms gdul bya gang gi ched du mdzad// khyad par gzhan las 'phags pa'i ya mtshan rmad kyi bka'// thos pa'i skal dang ldan pa'i gang zag snga rabs 'das// mi srid srid par sbyor bas 'jig rten dam pa'i dpe// phung po lhag ma med par mngon sangs gang dang gang rnams rgyas// gsang ba'i phrin las bag yangs bsgrub pa'i gnas// seng ge khro bo ma mo gnas pa'i sa// sems dga' yid 'ong bkra shis dben pa'i gnas// grub pa'i dgon gnas gang dang gang du mthar ru phyin// lung rgyud lta bas bsgyings pa'i man ngag rgya mtsho 'di// che btsan 'gran gyi zla med rgyal ba'i bka'// brtags na da lta nyid nas sangs rgyas 'di// ye shes mtshon gyi khyad par don las ji ltar gsal// dbang chen bsdus pa'i tan+t+ra las 'go nan rtsis 'go'i le'u ste dang po'o//// tshe la dbang thob rig 'dzin rnal 'byor gyis// lo rgyus gtan la dbab pa'i phyir dbang chen bsdus pa'i tan+t+ra las/ bcas ka gleng gzhi'i le'u 'di gsungs so// bcas ka gleng gzhi'i le'u 'di la yang don gsum ste/de yang gang dang gang zhe na/ gdul bya mang po thabs gang gis brgyud pa ni rgyud kyi gleng gzhi'o// bka' rgyud zab mo rgyal ba'i snyan khung nas gang zag gi rna ba brgyud pa ni lung gi gleng gzhi'o// ting nge 'dzin thabs kyis brgyud pa ni man ngag gi gleng gzhi'o// gdul bya mang po thabs kyis brgyud pa'i rgyud kyi gleng gzhi la yang don rnam pa lnga ste/ lha chen po 'khor dang bcas pa thabs kyis gdul ba dang/klu chen po 'khor dang bcas pa dbang gis gdul ba dang/ phyogs skyong 'khor dang bcas don gyis gdul ba dang/ rgyal chen rigs bzhi skus gdul ba dang/ gza' dang rgyu skar dgongs pas gdul ba'i gdul bya'o// bka' rgyud zab mo rgyal ba'i snyan khung nas gang zag gi rna bar brgyud pa dang/ ting nge 'dzin thabs kyis brgyud pa'o// dbang chen bsdus pa'i tan+t+ra las bcas ka gleng gzhi'i le'u ste gnyis pa'o//// tshe la dbang thob rig 'dzin rnal 'byor gyis// don gyi sa rnams bcad pa'i phyir// dbang chen bsdus pa'i tan+t+ra las don gyi sa gcod le'u 'di gsungs/ le'u 'di la yang don ched lnga ste/lung chen po nyi shus sa gsal bar bcad pa dang/ man ngag chen po bcu drug gis rigs gnyis brgyud pa'i lha gsal bar bsgom pa dang// dkyil 'khor chen po brgyad kyis bsgrub pa ma bslad pa brtsam pa dang/dbang nyi shu rtsa gcig gis thabs che ba'i yon tan lhun gyis grub par bstan pa dang/ drod chen po gsum gyis mgo mjug gi bya ba chud ma zod par bstan pa'o/ dbang chen bsdus pa'i tan+t+ra las don gyi le'u ste gsum pa'o//// tshe la dbang thob rig 'dzin rnal 'byor gyis// phyag rgya chen po'i rig 'dzin bsgrub pa'i phyir/ dbang chen bsdus pa'i tan+t+ra las bsgrub pa zab mo'i le'u 'di gsungs/ bsgrub pa zab mo'i le'u 'di la yang don rnam pa brgyad de/ de yang gang dang gang zhe na/ gnas phun sum tshogs pa dang/ dus phun sum tshogs pa dang/ 'khor phun sum tshogs pa dang/ rdzas phun sum tshogs pa dang/yo byad phun sum tshogs pa dang/ ting nge 'dzin phun sum tshogs pa dang// phrin las phun sum tshogs pa dang/ dngos grub phun sum tshogs pa rnams so// de la gnas la yang gsum ste/ seng ge'i dgon gnas dang/khro bo'i dgon gnas dang/ ma mo'i dgon gnas so// dus la yang gsum ste/ nyi zla gza' skar mtshan ma'i dus dang/ dbyar rgun ston dpyid rigs kyi dus dang/ phyi nang rgyu rkyen yo byad kyi dus so/ 'khor la yang gsum ste/ gang zag pho mo phyi'i 'khor dang/ rgyal ba yab yum nang gi 'khor dang/ shes rab gzungs ma gsang ba yum gyi 'khor ro// yo byad la yang gsum ste/ rtsi 'bras bcud kyi yo byad dang/ zhing bcu gal gyi yo byad dang/ byang chub sems kyi yo byad do/ rdzas la yang gsum ste/ rten 'brel yo byad kyi rdzas dang/ dam tshig gi rdzas dang/ longs spyod rdzogs pa'i rdzas so// ting nge 'dzin phun sum tshogs pa la yang lnga ste/mnyam pa nyid kyi ting nge 'dzin gyis phyi nang gi chos thams cad byin gyis brlab pa dang/ dbang bsgyur thabs kyi ting nge 'dzin gyis byin gyis brlab pa'o// phyag rgya chen po'i ting nge 'dzin gyis 'khor byin gyis brlab pa dang/ging chen sgrol ba'i ting nge 'dzin gyis rgyu dang yum byin gyis brlab pa dang/ tshogs chen 'dus pa'i ting nge 'dzin gyis rdzas byin gyis brlab pa'o// phrin las phun sum tshogs pa la yang bcu ste/dang por zhe sdang mtshams kyi phrin las dang/ dmigs pa rten gyi phrin las dang/ rgyan gzungs sdebs pa'i phrin las dang/ bsnyen pa dbul ba'i phrin las dang/ thugs dam bskul ba'i phrin las dang/glu bro gar gyi phrin las dang/ brtul zhugs chen po'i phrin las dang/ dbugs chen 'byin pa'i phrin las dang/ bkra shis bsdus pa'i phrin las dang/ dngos grub phun sum tshogs pa la yang gsum ste/mtshan rtags kyi dngos grub dang/ mtshan ma med pa'i dngos grub dang/ gnyi gar 'brel pa'i dngos grub bo// dbang chen bsdus pa'i tan+t+ra las bsgrub pa zab mo'i le'u ste bzhi pa'o//// tshe la dbang thob rig 'dzin rnal 'byor gyis// sngags pa gtan la dbab pa'i phyir// dbang chen bsdus pa'i tan+t+ra las// man ngag 'brel pa'i le'u 'di gsungs/ man ngag 'brel pa'i le'u 'di la yang don gsum ste/ blta ba nyams drod kyi 'brel pa dang/ dam tshig yum gyi 'brel pa dang/ thugs rje phrin las kyi 'brel pa'o// lta ba nyams drod kyi 'brel pa la yang bzhi ste/ lung dang/ man ngag dang/ rigs pa dang/ gtan tshigs so// dam tshig yum gyi 'brel pa yang gnyis te/ sgrol ba thugs rje'i 'brel pa dang/ sbyor ba chos nyid kyi 'brel pa'o/ thugs rje phrin las kyi 'brel pa yang gnyis te/ mdzad pa'i phrin las dang/ mi mdzad pa'i phrin las so// dbang chen bsdus pa'i tan+t+ra las man ngag 'brel pa'i le'u ste lnga pa'o//// de ni gal po dkyus kyi le'u 'byung ste/ rnal 'byor gyi dbang phyug chen po// ji ltar dngos grub dam pa gcig thob par 'dod na/chos thams cad rang bzhin gyis rnam par dag pa'i stong pa nyid las langs te/ yi ge hUM du bsgoms la/ yid kyis bar snang gi khams thams cad/ gser gyi seng ge spyan gsum pa la 'od zer 'bar bas 'khrigs pa drug drug gi steng du/rin po che'i khri phyogs bcur 'od 'bar ba bzhi'i steng du pad+ma'i le'u brgan 'od zer phyogs bcur 'bar ba/ de bas chag gang tsam gyis mtho ba'i steng du/ ma las nyi ma'i dkyil 'khor du gyur par dmigs la/ de'i steng du rnal 'byor gyi dbang phyug chen po rgyan thams cad kyis brgyan pa/ rdo rje sems dpa' hUM zhes bya ba'i phyag rgya bcings nas mngon sum gyi bsgrub par bya'o// de nas yang hUM zhes bzlas pas/ phyogs bzhi mtshams bzhir/ rin po che'i ka ba dpangs su dpag tshad brgyad khri bzhi stong bas kyang klas pa/ ka ba gcig la yang sprin med pa'i nyi ma bdun bdun gyis brgyan pa/'od zer gyi stong gsum gyi stong chen po bas kyang klas par dmigs la/ stong gsum gyi stong chen po'i 'jig rten gyi khams thams cad na/ skye gnas bzhi las skyes pa'i sems can/ nyan thos dang rang sangs rgyas dang/ rigs ngan dang rigs med pa thams cad kyi rnam par rtog pa'i bag chags thams cad 'od zer 'bar ba des bcom brlags nas/ bla na med pa'i byang chub la dgod pa'i thabs 'dis bya'o// nyi ma'i dkyil 'khor gyi steng du bdag nyid rdo rje sems dpa'i rang bzhin yang yin la/ khams gsum gyi bdag po chen po yang bdag nyid yin la/ khro bo chen po yang bdag yin no zhes dmigs la/nyi ma'i dkyil 'khor gyi steng du snga ma'i rgyan thams cad kyis brgyan pa/ rdo rje sems dpa'i rang bzhin sku mdog dmar po dbu lnga phyag bcu drug par dmigs la/ rin po che dang rdo rje las byas gshog pa bzhi yang bskyed par bya'o// dbu lnga las bzhin phyogs bzhir 'bar ba'i gzugs kyis blta ba'o// dbu dbus ma klad par ni rin po che'i gzhal yas khang du byin gyis brlabs nas/ dpal rnam par snang mdzad 'khor dang bcas pa bzhugs par dmigs la/thod pa'i ngos bzhir yang rgyan thams cad kyis brgyan pa/ rdo rjai sems dpa'i sku mdog dmar po phyag rgya tshul bzhin du gnas par bsgom mo// g.yas g.yon gyi dbu ni sku mdog dmar po spyan gsum par dmigs la/dbu ral ba'i dbus nas rta mgo ljang gu re re byung ba/ lhag par dpal rta mgrin dngos su byung bar bsam ste/ rdo rje hUM zhes bya ba'i sgra bsgrags pa tsam gyis/nub phyogs kyi phra men ma rnams kyis/ 'khor mang po klu thams cad drag po'i brtul zhugs kyis dbang du bsdu bar bya'o// lho dang byang du bltas pa'i rta mgo ljang gus kyang hUM hUM zhes bya ba'i sgra 'byin pas/gnod sbyin gyi 'khor thams cad dang/ grul bum gyi 'khor thams cad dang/ phra men ma'i 'khor thams cad kyang/ hUM hUM zhes bsgrags pa tsam gyis zhabs 'og tu song bar dmigs la/ gnas brtan par bya'o// zhal shar phyogs su bltas pa'i mdog dmar po spyan gsum pa zhal nas kyang hUM zhes bya ba'i sgra bsgrags pa tsam gyis/ ljags 'dril zhing spyi bo'i gtsug tu rdo rje kha T+wAM ga 'bar ba gsum gnas par bsam mo// yang shar phyogs 'bar ba'i gzugs kyis blta bar bya ste/ smin ma glog bzhin du 'gyu ba/ smin mtshams khro gnyer gyi rlabs bskyod par byas la/ rdo rje hUM zhes bya ba'i sgra brjod pa tsam gyis/ brgya byin dang/ tshangs pa'i gnas thams cad dang/ phra men ma'i 'khor dang bcas pa zhabs 'og tu song bar dmigs la gnas brtan par bya'o// phyag bcu drug g.yas g.yon dang po gnyis ni rdo rje lcags kyu 'bar bas 'gugs pa'o// g.yas pa gcig ni sbrul gyi zhags pa bsnams par bya'o// g.yas pa gcig na ni rnge'u chung dang kha T+wAM ga lhan cig 'dzin pa'o// g.yas pa gcig na ni thod rlon khrag gis bkang ba nad dang bsres pas 'jig rten gyi khams rab 'byams mtha' klas pa 'od zer bdud rtsir byin gyis brlabs nas za ba'o// phyag g.yas pa bzhi ni rgyun mi 'chad par hUM zhes zlos shing rdo rje 'bar bas brdegs pa'o// phyag g.yas pa rnams kyi dpung rgyan dang gdu bu yang/ sbrul nag po mi srun pa'i kha nas hUM zhes zer ba bskal pa'i me 'bar ba mang pos brgyan pa'o// g.yon gyi 'og ma gnyis ni/ steng ma rin po che'i rgyu las 'byung bas nga rgyal bskyed pa'o// 'og ma ni sems can thams cad 'dul ba'i thabs la mkhas pa yin pas/ rgyun mi chad par rdo rje 'bar bas 'joms pa'o// the'u gshog rnams ni gang gi snying las 'dren pa yin pas/rdo rje lcags kyu rno ba'i mchog kyang yin la sgrol ba thams cad la brtson pa yin pas bsgral ba dam pa'o// phyag g.yon pa gcig na sdigs pa'i mdzub mo'i rtse la bskal pa'i me chen 'bar ba'o// gcig ni lu gu rgyud kyi zhags pa'o// gcig la ni thod rlon khrag gis bkang nas bdag nyid chen po'i zhal du 'bul ba'o// gcig gis ni khro bo brgyad kyi snying rgyu ma dang lhan cig tu chang par bcug nas za ba'o// gcig gis ni rnge'u chung dang kha T+wAM lcags kyu gsum lhan cig tu bzung ste gang gi snying las 'dren pa'o// phyag g.yon pa brgyad char yang sbrul nag po dang sngo bkra sha dag gis brgyan pa/ kha nas kyang hUM gi sgra sgrogs pa sha dag go/de dag gi snying po ni A+oM ha ha ru lu hUM phaT ces brjod pas/ snga ma'i brgya byin dang tshangs pa dang/ phra men ma yi tshogs mang po dbang du bsdus nas sprin phung bzhin du bsdus pa'i steng du bdag nyid chen po'i hUM thang gcig bzlas pas/zhabs dmar po brgyad dus gcig tu byung bar bsam mo// de la steng phyogs kyi khams 'dul ba'i zhabs ni/ drag shul dpa' bar ldan pas stag gi 'ging dkris te/steng phyogs kyi hUM kA ra'i snying gar rdog pas brdzis te/ nyam thag pa'i 'bod sgrogs kyi sgra chen po 'byin pa'o// zhabs gcig gis ni lho nub mtshams su Ar+ya a tsa la mdog sngo skya gan rkyal du mnan pa'i snying gar zhabs kyi bol man chad nub par mnan te/zhabs kyang baiDUr+ya sngon po zhun khrab kyis g.yogs pa'o// zhabs gcig gis ni lho phyogs kyi khams 'dul ba yin pas/ ya mAn+ta ka'i snying gar rdog pas mnan nas/zhabs kyi bol thams cad man chad nub par dmigs la/ zhabs kyang rdo rje 'chol ba'i na bzas bklubs pa'o// zhabs gcig gis ni shar lho mtshams kyi nI la dan+d+ra'i snying gar rdog pas mnan te bod sgrogs kyi sgra 'byin par dmigs la/zhabs kyang bse khab smug pos dkris pa'o// zhabs gcig gis ni nub phyogs kyi khams 'dul ba yin pas pad+ma kuN+Da la'i mdog nag po'i snying gar zhabs kyi rdo rje phur pa btsugs pa zhabs kyang sbrul nag pos dkris te/'khor mang po dbang du bsdus pa'o// zhabs gcig gis ni nub byang gi mtshams gdul phyin ta ki rA tsa kha sbub tu mnan pa'i spyi bor/ zhabs dmar po'i mthil khro bo chol pa'i khar dmigs la/rkang gi nang gzhal yas khang du byin gyis brlabs la/ zhabs kyi mthil khro bo chol ba'i kha dmar po'i 'od du 'phros pa'i nang du 'dod pa'i dbang po ta ki ra tsa'i mgo rkang ni nang du song bar dmigs la/zhabs kyang rdo rje'i mche bas dkris te/ 'khor mang pos phyag byed pa'o// zhabs gcig ni shu ken gyi smad g.yogs can/ byang phyogs su brkyang bas a mr-i ta kuN+Da li kha sbub tu mnan nas/rdog pas sgal pa thams cad bcom nas bol man chod rlon pa'i nang du nub par dmigs la/ sdug bsngal thams cad byang bar byas te/ phyi ma'i dus na rnal 'byor gyi dbang phyug chen po'i gral thob par gyur cig ces smon lam 'debs so// zhabs gcig gis ni byang shar mtshams ma hA ba la'i ldan sar mnan pas dung chen po bcom ste/ 'dod pa'i lha mos phyag byas nas zhabs kyang gzig gi bgo bas dkris te/'khor gyi lha mo'i tshogs dang/ ma dang chung ma dang bu mo dang tsha mo rnams phrogs pa'o// g.yon gyi gshog pa ni rin po che'i rgyu las byung bas 'dod chags chen po'i rgyu yin no// the'u gshog rnams ni 'dod pa'i gtso bo yin pas shes rab kyi mchog dang sbyar ro// spyir gshog pa bzhi char 'bar ba ni sbrul nag po'i rgyu las byung ba/ bar bar ni rdo rje rtse lnga pa'i rgyu las byung ba'o// bar bar ni rin po che'i rgyu las byung ba nyi ma stong gis brgyan pa'o// de dag thams cad kyi bzlas pa ni/ A+oM dz+wa la dz+wa la badzra hUM/ badzra a mo ka traM zhes brjod cing las thams cad bcol lo// sngags gong ma ni rdo rje dra ba ma/ 'og ma ni lha mo klog 'gyu ma'o// de la he ru ka khro bo thams cad kyi bzlas pa ni 'di yin te// oM hu lu hu lu hUM phaT Ar+ya la hrIHdzaHnye ba'i snying po lan bzhi 'bum bzlas na las ci bya ba 'grub bo// de lta bas na dpal pad+ma he ru ka bsgrub pa la/drag po'i bgegs kyi dbang du 'gyur bar mi 'byung ste/ byung na yang bar chod dang dngos grub gnyis dus gcig tu 'byung ste/ de la bud med kyi tshogs mang po dag rgyan rnam pa sna tshogs kyis brgyan te mdzes par byas nas 'ong srid kyis/de la chags pa'i sems ma bskyed cig/ bar bar du phra men ma'i tshogs mang po dag mi'i thod pa mang pos brgyan te/ lag na thod khrag dang mi ro thogs nas mi sdug pa'i 'bru tshugs su blta zhing/mi snyan pa'i tshul gyi bdag la bsad do bcad do// brdeg go zer ba dag 'od srid kyis/ de la ma 'jigs par dbang chen gyi skur sgoms shig/ 'khor de rnams kyis rang dbang med par phyag byed kyis/dngos grub kyi rtags dang po gcig dang sbyar ro/ de'i 'og tu gnod sbyin gyi tshul ston cing ral pa 'bar ba la mi mgo mang pos lus brgyan cing/ lag na mdung thung dang ral gri thogs pa dag mi'i rgyu mas bdag gi ske nas 'dogs shing/sbrul nag po dag bdag gi lus la za zhing dam du dkris te/ rtsib ma dag com com dam du sdom pa dag 'ong srid kyis/ de la mi 'jigs par dbang chen gyi skur bsgom dang/gnod sbyin dang grul bum gyi dbang por gyur te/ dngos grub kyi rtags gnyis pa yin no// de'i 'og tu bar snang la gnas pa'i lha khro bo rnams kyis bsdig pa dag 'byung ste/ bar snang la gshe ba'i sgra 'brug skad drag po sgrogs shing/sbrul nag po kha nas me dang dug skyugs pa dang/ a la la zer zhing sgra 'byin pa dang/ mig g.yas g.yon nyi mar bsgyur te 'bar ba'i gzugs kyis blta ba dang/ rang gi khog pa kha phye nas mi ro gsar rnying bdag la stob pa dang/ pho mo'i mtshan ma thams cad za ba'i khar bsgyur nas/ 'jig tshogs kyi mche ba brdar nas rkang pa phur par bsgyur te bdag la 'debs shing gnod pa byed pa dang/mi mgo lpags pa rlon pas g.yogs shing/ lag pas rdo rje brdeg pa dag 'ong srid kyis/ de la ma 'jigs dang lha thams cad kyi dbang por 'gyur to// dngos grub kyi rtags gsum pa yin no// da ltar dngos grub kyi rtags dang bar chad dang nyams len ni dus gcig tu 'byung bas ngo shes par bya'o// de bas na dpal pad+ma he ru ka'i sku gsung thugs kyi cho 'phrul ni cir yang ston cing cir yang snang ste/gcig tu nges pa med pa'i phyir na/ sku'i che ba dang/ gsung gi che ba dang/ thugs kyi che ba'o// sku gsung thugs yon tan phrin las cis kyang ma bsgribs pas na/ khams gsum rnam par rgyal ba'i don zab tu bstan to// sku'i che ba la yang gsum ste/ chos kyi sku gdal ba chen po// longs spyod rdzogs pa'i sku mtshan dang dpe byas/ sprul pa'i sku ji lta 'dul bzhin ston pa'o// gsung gi che ba la yang gsum ste/ tshig gi gsung dang/ rig pa'i gsung dang/ don gyi gsung ngo// thugs kyi che ba la yang gsum ste/ 'jig rten mkhyen pa'i thugs dang/ mya ngan las 'das pa'i thugs dang/ gnyis su med pa'i thugs so// de ltar khro bo khams gsum rnam par rgyal ba sku gsum du ni grub/gsung gsum du ni bstan/ thugs gsum du ni dgongs nas/ sku gsum gyi tha ma sprul pa'i sku la/ gsung gsum gyi tha ma ni tshig gi gsung bsgra[¿]gas/thugs gsum gyi tha ma 'jig rten mkhyen pa'i thugs kyis dgongs nas 'gro ba 'dul ba'i don du sku mdog mthing ga zhal gsum phyag drug pa/ g.yas dkar g.yon dmar dbus mthing ga/phyag g.yas pa na rdo rje dang rnge'u chung dang mdung rtse gsum/ g.yon pa dril bu dang rgyu zhags dang thod rlon gsum/ bskal pa'i me ri dang sbrul nag spungs pa dang thod rlon gyi phreng bas rgyan du brgyan te/ nyid kyi nyid la che ba rngom pa'i tshig 'di smras so// nga ni khro bo rnam par rgyal// chos sku gdal ba chen pos ni// skye ba med pa'i chos dbyings su// mtshan ma med pa'i chos rnams bshad// chos kyi dbyings kyi ye shes so// longs spyod rdzogs sku mtshan dang dpe byad kyis// seng ge glang chen khri steng nas// dus gsum sangs rgyas thams cad la// yod dang med pa'i chos kyang bstan// me long lta bu'i ye shes so// sprul pa 'gro don byed pa'i skus// 'jig rten phal ba'i sa rnams su// dngos po mtshan ma'i chos bstan pas// bya ba nan tan ye shes so// dbang chen bsdus pa'i tan+t+ra las/ sku gsung thugs kyi che ba bstan pa'i le'u ste drug pa'o//// de nas yang bcom ldan 'das kyis gsang ba'i bdag po la bka' bsgos ba/ gsang ba'i bdag po rdo rje 'chang// dbyings las thabs mchog sprul pa'i phyir// tshar gsum can gyi rnge'u chung gis// lcang lo can gyi pho brang bcom// snang mdzad chen po a la la// gnod sbyin chen po a la la// chos kyi dbyings nyid a la la// sangs rgyas bden tshig a la la// tshar gsum can gyi rnge'u chung gis// 'jig rten phal pa'i sar brdungs pas// mtshan ma dngos po'i chos rnams las// yod med chos la spyod par shog/ tshar gsum can gyi rnge'u chung gis// 'og min gnas kyi sar brdungs pas// yod med chos la spyod pa rnams// rang bzhin med pa'i don rtogs shog/ de skad ces gsungs pas stong gsum gyi stong chen po'i 'jig rten gyi khams de ltar ma gyur pa gcig kyang med do// de'i tshe gsang ba'i bdag po lag na rdo rjes gsol pa// snang ba kun rdzob tshul gnas pas// rnga yi don gzhung gang lags pa// bcom ldan 'das kyis bshad du gsol// zhus pa'i lan 'di gsungs pa la// dang po rgyu dang rang bzhin dang/ don dang bsgom pa grangs dang ni// bsnyen par bya dang thabs la sogs// rgyu ni phyi nang gsang ba gsum// b+ha ga yangs pa'i sdong po dang// b+han+d+ha ltag sprod rnga shing dang/ tsan+dan dkar po'i shing sogs la'o// lcag dang skad dang rnga'i rang bzhin// dbyings dang ye shes rig pa'i sgra// rang bzhin don du shes par byos// don la rnam pa gnyis yod de// mtha' gnyis spangs pa gzi ldan ma'i// b+ha ga mi gnas ye shes yin// blta bar bsgom dang lha yi sku// sprul par bsgom pa bsgom pa'i don// sgrub pa las kyi rnga dang gsang ba yum gyi rnga// rol mo dbyangs kyi rnga ste grangs yin no// bsnyen pa dang ni nye bsnyen dang// bsgrubs pa'i 'bras bu bsnyen pa'i thabs// 'di ni rdung ba'i thabs yin no// dbang chen rnga yi rdung thabs ni// rdo rje nam gyi cha phyed na// dkyil 'khor steng du bdag 'dug ste// seng ge'i phyag rgya bcas nas kyang// mtshan ma chen po de la gdab// mdun du b+han+d+ha srubs med bzhag/ steng du rnga gzhag lcag gis brdung// 'on tang dngos grub mod la thob// de nas rdung ba'i thabs mchog ni// rnga ni gar gyi dbang phyug ste// rnga lcag gzi ldan pad+ma can// rnga skad rdo rje gshog pa mo// gzi ldan pad+mar gyur nas kyang// mi brdung mi bskyod dbyangs su bzhag/ dur khrod ma mo'i rdung thabs ni// rnga ni thabs kyi rang bzhin la// lcag ni shes rab yum gyi ngang// yab yum 'brel pa'i gar thabs kyis// rnga skad zab mo'i dbyangs blangs pas// thugs dam ma lus yongs su bskang// nam tshod skya rengs dang po la// dkyil 'khor steng du bdag 'dug la// g.yas kyi mthe bong mthe'u sbyar// kha T+wAM phyag rgya bcas nas kyang// srin lag kha la rnga bsar te// nyi ma shar gyi bar du ni// rnga skad mi grag dal bur brdung// ma mo rnams ni bran bzhin 'khol// rbod gtong pho nya'i rdung thabs ni// mchog chen brkos pa'i rtsib rus la// mchog chen nyid kyi pags kyis g.yogs// mchog chen phur pas lan dgu drag tu brdung// nyi tshod grib so phril li li// dus kyi nyu lo sha ra ra// pho nya las byed khrigs se khrig/ g.yas kyis rnga lcag bzung nas su// grul bum skad ltar ku co 'don// thengs dgu drag tu brdungs nas ni// las bdag ma lus 'dur gam chad// phra men ke'u ri tshogs pa'i rdung thabs ni// las kyi gzhug gu zung ni ltag sprod la// ca ra shel sgong shun gyis g.yogs nas kyang// bcu drug phyag rgya rol pa yis// khams gsum srid gsum dbang du bsdus// tshangs pa'i the'u brang dmyal thag gcod// rnga ni thabs kyi rang bzhin la// lcag ni shes rab yum gyi tshul// rnga skad byang chub sems kyi ngang// dpal gyi rnga skad thengs gcig gis// dpal chen yab yum thugs dam bskul// dpal gyi rnga skad thengs gnyis kyis// ma mo mkha' 'gro'i re ba skong// dpal gyi rnga skad thengs gsum gyis// dbang phyug chen po dbang du sdud// tshangs pa'i ri la rnga brdungs pas// gzugs khams lha tshogs dbang du sdud// lnga yis ri rab rtse mo la// lha yi dbang po brgya byin yang// longs spyod lnga dang ldan par 'gyur// drug gis 'jig rten khams su sgra bsgrags pas// mi yi gnas su thim par 'gyur// thugs rje thabs kyi rol pa mdzad// phyogs skyong zil gyis mnan pa'i rdung thabs dang// dngos grub nye bar len pa'i rdung thabs ni// gri na mgrin sngon can du bregs nas ni// mgrin sngon nyid kyi pags kyis g.yogs nas kyang// zhing gi gzar bus lan gsum drag tu brdungs nas ni// nyi ma shar gyi zer ka la// dkyil 'khor steng du bdag 'dug la// g.yon gyi mthe bong gnam du bsgreng// rnga skad grangs su bcad pa ni// drug cu rtsa gnyis drag tu brdung// ma mo bcu drug dngos grub 'thob// ces gsungs so// dbang chen bsdus pa'i tan+t+ra las 'og min dang/ lcang lo can/ ri rab rtse mo// 'jig rten phal pa'i gnas rnams su tshar gsum po'i rnga brdung ba'i le'u ste bdun pa'o//// de nas bcom ldan pad+ma gar dbang gis/ phyogs bcu'i 'jig rten thams cad gzhal yas khang du byin gyis brlab pa dang/ phyi rabs kyi rnal 'byor pa'i bar gcod du 'gyur ba'i bsgral ba'i zhing bcu zhe gcod pa'i phyir bka' stsal pa/gsang ba'i bdag po la sogs pa'i// rol pa'i 'khor tshogs thams cad nyon// dper na dam tshig mchog rab ni// smad par bya ba ma yin te// gtso bo rab tu sdug pa la// drang du smra ba gang byed pa// bsgrags pa'i tshig gis brgyan nas su// sri zhu sems kyi gdung ba la// ye shes tshogs kyis rab bskor ba// mnyam pa'i dbyings nyid ye shes te// gnyis ka nges par mnyam pa ni// stong gsum dbang por gdon mi za// 'jig rten khams na rgyal po bzhin// dus gsum kun gyi gnas dang rten// des na rang gi gnas khang du// rang gi dri chen maN+Dal bya// rang gi gur gum chag chag gdab// spos dang du ru a ga ru// li shi dang ni ga pur dang// dza ti pha la mchog tu bsngags// me tog phreng bas kun tu brgyan// de lta bu yi gnas mchog tu// gzhan zhig nges par bsgral na ni// rdo rje srin po'i ting 'dzin bsgom// rak+sha'i mig gis blta bar bya// kha nas sngags kyi tshig zlos shing// pha rol rnam shes hUM gis drang// snying gar mngon sum dmigs byas na// pha rol mngon sum 'chi bar 'gyur// mgo dang snying dang rkang lag dag/ ya mAn ta ka'i 'khor la dbul// gzhan yang lhag ma ci yod pa// he ru ka la yon du dbul// gnas lung 'phrul gyi dgongs pa'o// de lta bu yi dus dag tu// lag cha phur pa mchog yin te// zhi ba'i sor ni bdun par bya// rgyas pa'i sor brgyad zung yang brgyad// dbang la zla gam nges par bzang// drag po sor drug zur gsum pa'o// kun gyi rtse mor hUM gzhag ste// dngos su ha ha ru lu bsgom// rgya mdud thog tu oM bsam mo// de lta bu yi dus dag tu// pho nya 'od zer dud ka spro// shar gyi phyogs su mngag pa ni// mgo dgu pa la rkang gcig po// lus nag po la 'od phung gnag/ral pa gnag cing mche ba gnag/ mig kyang gnag cing lag pa gnag/ mgyogs ni rlung gis phyogs su bskyad du med// 'di dag dpal gyi pho nya ste// zhum pa med cing stobs chen 'joms// g.yas pa gsum ni s+t+wa re phyar// g.yon pa gsum ni lcags kyu 'dzin// yan lag sbrul nag mchog gis brgyan// g.yon gyi lcags kyus snying nas drangs// g.yas kyi s+t+wa re nges par bcom// 'di ni sgo srung mchog yin te// pho nya rgyun du mngag par bya// bgegs rnams nges par phung bar byed// rkang gcig de yi pho nya ni// kha dog 'bar ba ci 'dra na// gcig la gcig ni rab tu 'khril// yang na lag pa sbrel te 'gro// mig kyang med cing cang mi smra// long ba kun gyi mchog yin te// rta babs kun gyi sgor bsgoms te// lan 'ga' drag tu mngag pa'i tshe// gnyis ka song nas der phyin nas// gang la dmigs pa len par byed// sus kyang bzlog par mi nus so// lho yi phyogs nas dgye ba ni// mgo brgyad po la lag brgyad po// rkang pa brgyad la mig kyang med// g.yas pa bzhi ni rdo rje 'dzin// g.yon pa bzhi ni phur pa 'dzin// ha ha ru lu'i sgra sgrogs shing// gshin rje'i gnas rnams nges par 'joms// mgo brgyad de yi pho nya ni// hUM dang phaT kyi sgra sgrogs shing// bskal pa'i 'brug sgra chen po bzhin// kun kyang mgyogs pa rlung dang mtshungs// ha ha ru lu'i sgra sgrogs shing// gang la dmigs pa len par byed// nub kyi phyogs nas dgye ba ni// mgo drug lag drug rkang drug po// g.yas pa gsum ni phur pa 'dril// g.yon pa gsum ni gtor ma gtong// mgyogs ni rlung gi shugs dang 'dra// 'di ni dpal gyi pho nya yin// ha ha ru lu'i sgra sgrogs shing// rang gi rlung phyogs song ba'i tshe// khro bo kun kyang nges par 'chi// rkang drug de yi pho nya ni// lcags kyi spyang mo rkang gsum ma// gang nas gang 'du 'gro ba'i tshe// gzugs la rdog pas brdeg cing 'gro// rang gi rkang pa phur pa yin// lcags kyi phur pa rab tu drag/ 'od zer dud kas reg pas ni// tshangs pa'i gnas kyang 'jigs byed na// gzugs can dgra bor smos ci dgos// byang gi phyogs nas dgye ba ni// mgo gsum lag drug rkang gsum po// lag pa drug ni rgyud drug 'joms// mi sha za zhing bdud rnams sgrol// gnod sbyin gnas rnams nges par 'joms// rkang gsum de yi pho nya ni// byang gi phyogs nas rgyug pa mo// lcags kyu khyi ste rkang gsum la// lcags kyi lus la nyi ma'i mig/ spu ni lcags kyu bsgril ba bzhin// bang ni klog gis bskyad du med// skad ni gnam gyi 'brug pas che// rab tu mi bsrun 'di dag ni// phyag na rdo rje'i mthu yang 'phrog/ rkang gcig gyen du bsgrengs pas ni// ya bdud rgyal po'i snying nas 'dren// rkang gcig mthur du phyung bas ni// ma bdud chen po'i snying nas 'dren// rkang gcig thad kar phyung bas ni// dgra bo ma lus snying las 'dren// 'byung po ma lus dmyal thag gcod// sku ni lcags thag bsgril ba 'dra// tshems ni spu gri gshibs pa 'dra// mAM sa za zhing ri lung rgyug/ 'jig rten khams kun za ba po// gnod sbyin kun gyi steng na rgyug/ glo snying nang rol 'byin cing za// bar snang khams su khros pa'i tshe// nyi zla dag kyang thang la rlog/ gza' skar kun kyang dum bur gcod// shin tu khro nas rbad pa'i tshe// bdud kyi snying khrag dron mo 'thung// bar snang khams nas gnod byed kun// rdul cha tsam yang med par mdzod// ku ku ra tsa kha lang khA hi/ zhes brjod cing rbad do// dbang chen bsdus pa'i tan+t+ra las gnas bstan pa dang/ phur bus gdab pa dang/ sgo bzhi'i pho nya mngags pa'i le'u ste brgyad pa'o//// de nas 'di rnams bstan pa'i phyir// dbang chen nyid kyis bka' stsal pa// bsgrub pa'i cho ga rdzogs pa'i tshe// bar snang rdo rje sems dpa' yis// cha lugs ci 'dra 'khor dang bcas// sems kyis mnyam par dgod par bya// bdag phra men ma yi 'khor mang po dang/ gnod sbyin gyi 'khor mang po dang rol par 'dod na/ bdag dbang chen gyi ting nge 'dzin du zhugs te/ sku mdog dkar por bsgyur te klu dang bros bsten par bya'o// bdag 'khor mang po dang mnyam par 'dug pa'i dus na sku mdog dmar por bsgyur te/ lam du zhugs nas 'gro ba'i dus na/ sku mdog ljang gur bsgyur te he he zhes bya ste dgod cing 'gro'o// gang du phyin pa'i gnas su hUM zhes byas la 'dug go/ 'on tang ma mo thams cad dbang du 'du'o// nyal ba'i tshe na a zhes byas la tsog tsog por yud tsam zhig gnas par bya'o/ bdag nyid gser btso ma'i kha dog bzhin 'tsher bar bsgyur nas/kun tu bzang mo nam mkha' las langs nas mngon sum du 'dzum pa mdzad pa dang/ snyan par smra ba dang/ 'dod sbyor ba'i longs spyod kyi rtsed mo yang byas par bsam mo// de ltar bsam pa'i yon tan ni/ sa yi 'og tu mda' 'phang bas// gnam gyi steng gyi lha bran 'chi// spyod lam 'grub pa 'di lta bu// mtshon thogs kun gyi rgyal po ste// ral gy-i 'dzin pa chen por 'gyur// 'jam dpal 'khor gyis phyag byas pa'o// zhes smras so// de lta bu yi dus dag tu// gnod sbyin phra men 'khor rnams kyis/ bdag la rab tu gces gyur na// phag gi brtul zhugs chen po yis// sa yi 'og tu mngon sum bya// ngag gis hUM zhes brjod par bya// mAM sa dag kyang mang du bza'// nam mkha' la ni sems dpa' bsam// bgrang phreng glad la lan gsum bskor// de ltar byas na bdag rgyal zhing// nad gtong ma ni 'ching bar 'gyur// de lta bu yi dus dag tu// gnod sbyin rnams ni 'khol 'dod na// de yi gzugs ni khrag gi bris// dur khrod chen pos song nas ni// snying gar phur pas mnan nas ni// dgug pa'i brtul zhugs hUM zhes bzlas// ma 'ongs bar du bsdad na ni// zhag bdun gyis ni khug par 'gyur// gnod sbyin rnams la ci dgar spyod// bdag gi bran dang 'dra bar 'ong// phra men rnams ni 'khol 'dod na// phra men gzugs ni khrag gis bri// yan lag phur pas mnan nas su// snying gar rdog pas mnan byas te// dgug pa'i brtul zhugs hUM zhes bzlas// zhag bdun gyis ni nges par 'ong// phra men rnams ni ci dgar 'khol// khong gis len na khong dag 'chi// bdag gis len na bdag nyid nyams// gnyis gtso las la 'khol 'dod na// de yi gzugs ni khrag gis bris// phur bu snying dang kha ru gdab// dgug pa'i brtul zhugs hUM zhes bzlas// zhag bdun gyis ni dbang du 'du// phyag na rdo rje dga' bar 'gyur// mi mo las la 'khol 'dod na// bud med bongs tshad khrag gis bris// snying gar rdog pas mnan nas ni// phur bu 'dril zhing bsgom par bya// zhag bdun gyis ni nges par ru// ci bgyi gsungs zhes zer te 'ong// de nas bdag gis spyad par bya// bud med rnams ni ci dgar 'khol// bgegs rnams las la 'khol 'dod na// so so'i gzugs dag khrag gis bris// phur bu'i rtse mor ming bri zhing// gong du hUM gcig bzhag nas ni// tshon skud sna lnga'i skud pas gdags// lan gsum bskor te gdab byas na// bdag gi dbang du 'du bar 'gyur// ji ltar bsgo ba nyan par byed// 'gro nyal 'dug sdod ci byed kyang// 'khor dang bcas pa'i bsnyen pa 'bul// nang par mal nas langs nas kyang// yi dam gnas pa'i sa phyogs su// gom gsum spags nas dran par bya// gshang gci byed pa'i sa dag tu// dri chen lag tu blangs nas kyang// phyogs bcu kun tu kha bltas te// sus ma mthong bar kham gsum bza'// dri chu khyor bar blugs nas ni// sus ma mthong bar hub gsum btung// shin tu dben pa'i sa phyogs su// dri chen mdun du bzhag nas ni// yan lag bzhi ni sa la gzug/ phag skad thengs gsum ngur bar byed// ru lu ru lu tshal pa bzlas// byang gi phyogs su kha bltas te// gnod sbyin dbang du bsdu ba'i phyir// dri chu mdun du bzhag nas ni// khyi skad thengs gsum ngus nas ni// ru lu ru lu kha long kha// ku ku rA tsa kha long khA// nyin dang mtshan du thug phrad du// rigs ma 'chol bar sbyor ba bya// skye bos mthong bar gyur na nyams// sus ma mthong na dngos grub yin// byang chub sems ni lce la bzhag/ dus dang rnam par med par ni// sbyor ba kho na las su bzang// skabs la bab pa'i dus dus su// dur khrod gnas su byug par bya// zhing dang b+han+d+ha mang du bsags// rang gi dben sa gang yin par// skye bo rnams las thag bsrings te// srod dang tho rangs nam gyi gung// dros dang nyi phyed dgongs ka'i dus// dbyangs dang skad drug shes par bya// dus drug kun tu rnge'u chung brdung// srod la 'khor gsum bro brdungs te// nub kyi phyogs su kha bltas la// rta skad 'tsher ba'i glu skad blang// ru lu'i bsnyen pa 'bum bzlas shing// snum chen gsur gyi spos me gtong// nam gyi gung la ma nyal bar// phrin las gong ma bzhin du bya// byang gi phyogs su kha bltas te// glu dbyangs khyi skad thengs gsum zug/ tho rangs langs nas phyag rgyar gsal// byang shar mtshams su kha bltas la// dbyangs ni shin nu gdung bar byed// de yang bsnyen pa gong ma bzhin// dus la bab pa'i bro mchod la// phyi nang drag tu mtshams bcad do// rnge'u chung dir dir lan gsum brdung// sha khrag gtor ma rgyun mi gcad// glu bro shar gyi phyogs su dbul// nyi ma phyed kyi dus su ni// lho yi phyogs su kha bltas te// grul bum skad du ku co byas// phrin las dgongs pa gong ma bzhin// dgongs mchod dus la bab pa'i tshe// grib so bzlog pa'i cho ga bya/ ha cang skad ni mi che bar// der yang rnge'u chung dir dir brdung// dbyangs ni yid tsam gdung bar blang// der yang dus drug kun tu yang// gsang ba'i mchod pa rgyun mi gcad// mi yi bu mo bsten par bya// lan 'ga' de dang ma ldan na// ku ku ra dang ra la sogs// ba dang bud med gang yang rung// shin tu dkon na med pa'i tshe// byes dang 'gron po byed pa na// lus las sprul pa'i lha mo yis// sbyor ba'i dam tshig mi gcag go/ de ltar byas nas dngos grub thob// rgyun dang rgyun med rtag par ni// sman ni lus la bsrel bar bya// dbang chen bsdus pa'i tan+t+ra las/ phrin las mthar phyin thams cad dbang du bsdu ba'i le'u ste dgu pa'o// tshangs pa'i gzhal yas khang bstan pa// nyan thos mdo sde kri ya dang// theg pa chen po yo ga dang// gsang ba yi ni theg pa gsum// gzhung dang mthun pa'i gzhal yas khang// srin po rak+sha yag+mo bsgral// de yi khog sbubs skye mched pas// gzhal yas khang gi rgyu yin te// sgo bzhi rta babs mu khyud bcas// drag po'i khro bo'i khyams la chibs// gser gyi a long khra la la// nub nas long ba brgyad byung ste// rin chen 'bar ba'i sku lus la// phyag na byu ru'i 'khar ba bsnams// ba glang dmar po brgyad la chibs// dbu la thog rgod char ltar 'bebs// byu ru dmar po'i a long 'khrol// byang nas long ba brgyad byung ste// rin chen 'bar ba'i sku lus la sogs// tshangs pa'i gdung chen gshag tu gtams// yang na tshangs pa'i gzhal yas ni// brgya byin lha yi dbang po bsgral// khyab 'jug gtum po 'khor dang bcas// theg mchog a nu yo ga yi// gzhung las byung ba bzhin du bsgom// yang na tshangs pa'i gzhal yas ni// theg rgyal a ti yo ga'i gzhung// khyab dang gnas dang 'byung la sogs// rnam pa gsum po gzhal yas khang// snod bcud 'byung ba'i yum du gsal// ting 'dzin gsal ba skad cig la// bskyed nas gsang yum bzhi yi mkhar// b+ha ga dgyes pa'i nang du bsgom// de yi dkyil du bdag po dmigs// de la rang bzhin med pa ste// nam mkha' lta bur rab rtogs ni// gzhal yas khang zhes mkhas pas gsungs// dbang chen bsdus pa'i tan+t+ra las/ gzhal yas khang tshangs pa'i le'u ste bcu pa'o//// tshe la dbang thob rig 'dzin rnal 'byor gyis// ting 'dzin gtan la dbab pa'i phyir// dbang chen bsdus pa'i tan+t+ra las// bsgom khog rtsa ba'i le'u 'di gsungs// bsgom khog rtsa ba'i le'u 'di la yang le'u rnam pa bzhi ste/ gang dang gang zhe na/ bsgom khog rtsa ba'i le'u dang/gsang ba tshe'i le'u dang/ sgrol ba thugs rje'i le'u dang/ mdzad pa phrin las kyi le'u dang bzhi'o// dang por bsgom khog rtsa ba'i le'u 'byung ste/ 'di skad ce'o// rnam par mi rtog ye shes skye med cing// gzung 'dzin rtog pa'i mtha' gnyis ma chags dbyings// thams cad spros bral mnyam nyid ji bzhin ngang// rnam rtog brjod med smra bsam yul las 'das// A+oM ma hA shUn+ya tA dz+nyA na badzra swa b+hA ba at+ma kou0f85haM/ma ltar byams pa'i snying rjes yongs la khyab// mkha' ltar go 'byed cho 'phrul 'byung ba'i yum// kun la khyab pas ye shes gsal ba'i ngang// rin chen gter ldan che ba'i khyad par ston// A+oM d+harma d+hA tu swa b+hA wa At+ma kou0f85haM/yi ge hUM ni sems kyi rang bzhin te// chags pa'i skyon bral rin chen sna lnga'i mdog/ 'byung ba lnga dang yum lnga ye shes lnga// gdul bya'i phrin las rnam pa lnga ru sbyor// badzra tsit+ta hUM/ zhabs bskyed mthing ga'i spro bsdus las// gsal ba'i go 'byed nam mkhar 'gyur// dus gsum 'gyur ba med pas kun tu bzang// gtos ni 'byung ba kun la khyab// rna ru ljang gu'i spro bsdu las// rgya gram rlung gi dkyil 'khor shar bar gsal// thams cad skyod byed yum chen dam tshig sgrol// gtos ni nam mkha' mtha' dang mnyam// ma nyid dmar po'i 'phro 'du las// rak+ta khrag gi rgya mtsho 'khyil// thams cad bskyed pa'i yum chen mA ma ki/gtos ni nam mkha'i mtha' dang mnyam// thig le sngo skya'i 'phro 'du las// keng rus chen po'i ri rab ste// thams cad rten pa'i yum chen sangs rgyas spyan// gtos ni nam mkha'i mtha' dang mnyam// ha nyid ser po'i 'phro 'du las// bskal pa'i me dpung chen por 'bar// 'byung ba drod snyoms yum chen na bza' dkar// gtos ni nam mkha'i mtha' dang mnyam// hUM mdzad hUM gi byin rlabs bsam mi khyab// 'byung lngar spros pas yum lnga'i dkyil 'khor gsal// dbang chen yum du brtsegs pa'i byin rlabs kyis// yi ge hUM yang nam mkha'i dbyings na gsal// yi ge hUM gi byin rlabs kyis// dbang chen yum lnga'i mkha' dkyil du// gzugs khams dbang du bsdu ba'i phyir// lha chen brgyad ni rmang du bting// 'dod khams dbang du bsdu ba'i phyir// phyogs skyong bcu ni rtsig par brtsigs// sku bzhi dpal brgyad tshang ba'i phyir// rgyal chen bzhi ni ka bar btsug/ gti mug la sogs ye shes bskyed pa'i phyir// klu chen brgyad ni gdung du bris// gzhal yas ma bsgribs yongs su gsal ba'i phyir// gza' chen brgyad ni gdan du bor// dus bzhi 'gyur ldog med par bya ba'i phyir// rgyu skar rnams ni phyogs nas mig tshags byas// rgyal mtshan bzhi dang bla rer bcas// nya sbrul mchog phran za ra tshags// bde gshegs gzhal yas khang gi rang bzhin no// A+oM d+he ba ka pA la b+h+rUM/ d+he ba ka pA la b+h+rUM/ d+he ba ka pA la b+h+rUM/ A+oM rak+sha ka pA la b+h+rUM/ rak+sha ka pA la b+h+ruM/ rak+sha ka pa' la b+h+rUM/ oM rA dza ka pA la b+h+rUM/ rA dza ka pA la b+h+rUM/ rA dza ka pA la b+h+rUM/nA ga ka pA la b+h+rUM/ nA ga ka pA la b+h+rUM/ nA ga ka pA la b+h+rUM/ sUr+Ya ka pA la b+h+rUM/ sUr+Ya ka pA la b+h+rUM/ sUr+Ya ka pA la b+h+rUM/ kro ta ka pA la b+h+rUM/ kro ta ka pA la b+h+rUM/ kro ta ka pA la b+hUM/ ha ha ru lu hUM phaT/ ha ha ru lu hUM phaT/ ha ha ru lu hUM phaT/dzaHhUM baM hoH/ de lta bu yi dbus nyid du// dkyil 'khor gru bzhi man d+ha la// dbus ni zla gam e yi dkyil// bcu drug 'khor lo'i mtha' bskor zhing// hrIHlas pad+ma nyi shu bzhi// zur bzhi rin chen khri rkang la// sprin med nyi ma bdun gyis brgyan// bar khyams gnyis dang sgo bzhir ldan// bde gshegs bzhugs pa gnas kyi dbyibs nyid de// rdo rje'i gzhal yas nam mkha'i tshad mnyam pa// ka ba yid bzhin bum pa brgyad du bstan// rin chen mchog sbyin dbang gi yum du ston// kun tu rol pas cir yang sgrol ba'i dbyings// b+ha ga ma d+ha la g+hu ya sid+d+hi hUM/ hUM/ dbang phyug mar bsdus sid+ha dzam b+ha la// drug gsum zil gnon rnam dag 'joms mdzad pa'i// mthu rtsal che ba'i khyad par kun las 'phags// don dam gsang sbas dbang phyug rgyal ba'i bka'// sid+ha dzam b+ha la bi ma la si ti hUM/ hUM/ rin chen khri rkang 'bar ba'i skur ston pa// yon tan drug stong dpag tshad 'phangs dang mnyam// sprin med nyi ma bdun brtsegs gsal bas brgyan// rigs bzhi khrag 'thung sku yi ngo bor rdzogs// rat+na trAM/ hUM/ 'dam gyi skyon bral rA ga'i mdog/dri zhim dbyibs legs kha dog so sor gsal// chos dbyings che ba'i khyad par rab ston phyir// rigs mchog brjid ldan gsang ba yum gyi mkha'// pad+ma d+ha ra hrIH/ hUM/ 'jig rten 'od kyi rgyal po nyi zla'i dkyil 'khor ni// thabs mchog brjid ldan 'od zer phyogs bcur 'gyed// stong gsum mun nag gting nas sel mdzad pa'i// ye shes gsal ba'i me long mA ma ki/ sUr+Ya ma d+ha la hUM/ tsan+d+ra a/ nyi zla de dkyil gdan stengs su// nam mkha'i yi ge hUM bab ste// rnam gsum tshul gyis sku nyid rdzogs// phyag rgya chen po bzhi dang ldan// A+oM badzra satwa ya ta At+ma kou0f85haM/ bcom ldan dpal mchog rdo rje sems dpa' ni// sku gsum lhun grub dbu gsum brjid par ldan// mthing ga dkar gsal pad+ma rA ga'i zhal// rgyud drug rtsad gcod ye shes drug gi phyag/ g.yas pas rdo rje 'khor lo pad+ma 'dzin// g.yon pas dril bu rin chen ral gri 'dzin// rnam pa thams cad mchog dang rab ldan pas// thams cad rgyan gyi ma lus yongs su rdzogs// spyan drangs mchod pa rdzogs pa dang// bsgrub pa'i don du mchod pa 'bul// dbang dang byin rlabs dngos grub stsol// gsol byas de gnang thob dmigs la// bdag nyid zhe sdang rdo rje las// rigs gnyis lung gi brgyud pa dang// 'gro drug gnas nas drang pa'i phyir// yi ge hUM drug cho 'phrul bstan// khro bo'i rgyal po khro ba'ihUM sgra can// hUM gis khams gsum ma lus dbang du sdud// hUM gis ma rig dug gsum mun khang 'joms// hUM gis dus gsum rgyal ba thams cad bskyed// hUM gis thams cad 'jigs shing thams cad sdud// hUM gis ngan song gnas rnams stongs par byed// hUM gis bla med byang chub gnas su sgrol// hUM mdzad hUM gi byin rlabs bsam mi khyab// hUM yig drug las 'od zer 'bum spros pas// lhun gyis rdzogs pa'i sangs rgyas thugs dam bskul// nyon mongs 'khor ba'i sems can sdig sbyangs te// bla med byang chub bde chen dbyings su bsdus// A+oM pad+ma ma hA shrI he ru ka ma hA tsaN+Da sarba duSh+tan ha na ta ka pa tsa hUM phaT/sku bzhi gcig tu bsgoms pas kun tu zhal// sku mdog pad+ma rgyas pa'i dbu lngar ldan// dbu skra kham nag ral pa gyen du 'khyil// bco lnga'i spyan bzlog smin mtshams khro gnyer brjid// snyan bcus gsan cing shangs lngas sgra chen 'byin// zhal lnga rngam zhing brjid pa'i smang ra 'khyug/ ljags lnga 'gril zhing dkar ba'i mche ba gtsigs// bcu drug phyag na mtshon cha sna tshogs bsnams// zhabs brgyad zil gnon stangs stabs tshul du bzhugs// g.yas kyi phyag brgyad phyag na bsnams pa ni// rdo rje lcags kyu sbrul gyi zhags pa dang// cang te'u kha T+wAM thod rlon khrag gis bkang// rdo rje rtse dgu dang ni rtse lnga dang// rtse gsum rtse gcig 'bar ba gsor zhing brdeg/ g.yon gyi phyag brgyad phyag na bsnams pa ni// rdo rje lcags kyu sdigs mdzub lu gu rgyud// thod rlon zhal du stob dang khro bo brgyad snying 'dzin// cang te'u kha T+wAM lcags kyu lhan cig bsnams// ha ha ru lu hUM phaT/ ha ha ru lu hUM phaT/ chos dbyings yon tan 'byung gnas gzhal med khang// rgyal ba 'khor bcas dbu lnga'i cod pan 'dzin/ phyogs bzhi dbus dang rigs lnga'i skur ston pa// spyimathun lnga lngar snang bas nam mkha'i rgyan du che// A+oM tsakra A+oM b+h+rUM/ tsakra hUM b+h+rUM/ tsakra trAM b+h+rUM/ tsakra hrIHb+h+rUM/ tsakra hA b+h+rUM/ b+hud+d+ha ya thA ta twa a haM/badzra ya thA ta twa a haM/ rat+na ya thA ta twa a haM/ pad+ma ya thA ta twa a haM/ karma ya thA ta twa a haM/ ka ma la mu kha/ ka ma la si ti/ ka ma la sha dza oM AMHhUM/ dbu gtsug lhag par rta mgo ljang nag lnga// phyogs bcu khyab par gzigs shing dbang gi rta skad sgrogs// dbang gi rta gdong mgyogs pa'i phrin las ni// rnam shes yid myur glog gi rgyan du snang// A+oM shrI pad+ma bi mok+Sha yo gI shwa rI/ ha ya g+h+rI ba hriM hriM/ skye ba med las skyes pa'i tshul// mtshan ma med las mtshan mar snang// thugs kar dpal be'u shar ba ni// skyes bu chen po nyid kyi rtags// A+oM dz+nyA na sa twa hUM dzaHA+oM AM hUM/ rdo rje rin chen sbrul nag gshog pa ni// rtogs pas 'phang gcod phrin las rlabs kyis sdud// nyi ma stong gis brgyan pa'i the'u gshog can// mkha' 'gro rgyal po rgyal mo'i sprul pa 'gyed// A+oM dz+wa la dz+wa la a mu ka hUM/ dz+wa la dz+wa la a mo ka trAM/ mtshungs med che ba'i khyad par rab ston phyir// nga rgyal mthu bsnyems bdud kyi dpung bcom nas// 'jig rten 'das pa'i khro bo chen po brgyad// che ba'i rtags dang ldan pas dbang phyug yang chen gnon// A+oM nA' na ya stam+b+ha ni/ nA sha ya stam+b+ha ni hUM/ suM b+ha ni suM b+ha hUM/ zhabs brgyad ting 'dzin brgyad kyi chas dang ldan// bka' dang dam tshig gnas par bya ba'i phyir// snying gar mkhrig ma bsnubs shing sgal tshigs 'joms// nyon mongs nyams thag 'bod sgrogs sgra chen 'byin// dbang po rab brjid ting 'dzin stag gi chas// rno gdug zlog byed rgya bye'u lcags kyi chas// shes rab ting 'dzin rdo rje phyed pa'i chas// dbang gis bse khrab smug po gzi 'bar chas// dpa' brjid nyen lcug sbrul nag 'khril pa'i chas// dbang phyug dmar gsal mche ba chags pa'i chas// shu keng smad g.yogs chu ris dar gyi chas// gcan gzan rgyal po thabs mchog gzig gi chas// zhabs kyi chas brgyad ting 'dzin bye brag gis// phyogs mtshams khro bo tshul bzhin gnas par bya'o// hUM kA' ra dang mi g.yo mgon// gshin rje gshed dang dbyug sngon can// g.yas kyi zhabs bzhi'i gdan du bting// pra be sha ya phaT/ sa ma ya ho// sa ma ya s+t+waM/pad+ma 'khyil dang 'dod pa'i rgyal// bdud rtsi 'khyil dang stobs po che// g.yon gyi zhabs bzhi'i gdan du bting// pra be sha phaT/ sa ma ya ho// sa ma ya s+t+waM/ raM/ 'bar ba 'phro ba ye shes thugs rjer ldan// gdug pa'i tshogs 'joms nyon mongs dug bsreg cing// shes rab gsal bas ma rig mun pa sel// bskal pa'i me dpung 'bar ba stong la gnas// raM dza la s+pha ra Na hUM/ dung chen khong gseng rgyu ma'i thod phreng ni/dus gsum sangs rgyas ye shes lnga dang ldan// sku gsung thugs ldan rdo rje rtse gsum 'bar// dbang po dbyer med stong pa'i rgyan du snang// oM rat+na kro tI shwa rI sma sha ni ba bi sha na/ ni la dza la ma la ma ku te ma hA pra daM pra be sha ka pa la/ru lu ra li ha sti kha T+wAM ga trishU la// tun du ma la hUM hUM phaT/ thod sbrul mnyen lcug 'jigs byed rgyan du che// sbrul nag stong gis brgyan pa'i rngom brjid can// klu lngas mchod phyir sku yi gnas lngar 'khril// dug lnga ma spangs dbang gi rtags su bstan// nA ga rA dza ha ra ru lu hUM phaT/ rno gdug zhon pa bzlog pas bdud bzhi 'joms pa dang// khams gsum g.yul las rgyal ba'i rtags su bstan// zhing lpags gos su gsol bas dur khrod bdag/ 'gro sra 'doms su bsdus pas phyi nang gsang bar gcig/ glang chen ko rlon brjid du che ba dang// stag chen sham thabs dpa' bar ldan pa dang// zhing lpags rlon pa thabs la mkhas pa yi// na bza' rgyan gyis sku la mnga' gsol lo// bam snig ta dz+wa la hUM/ skye med dbyings nas skye ba'i cho 'phrul bstan// mi gnas dbang chen thugs kyi dkyil 'khor nas// phyogs bcu dus gsum sangs rgyas 'byung ba'i yum// kro tI shwa rI gzi ldan phyag rgyar gsal// A+oM e ka bi ka te ma ta ka te swA hA/ dza A+oM AM hU~M/ zur gsum logs gsum gdan stengs su// phyag rgya chen po bzhi las ma g.yos te// gnas pa byang chub sems la rtag bzhugs kyang// 'jug dang smon dang ldan pas 'gro don mdzad slad du// rigs mchog gsang yum kham rgya drug tu gsal// b+hud+d+ha badzra A+oMH/sarba badzra hUM/ rat+na badzra trAM/ pad+ma badzra hrIH/ karma badzra hA/ g+hu Na badzra phaT/ thod rus nyi ltar shar ba'i bar khyams dang po la// chos nyid spros dang bral ba'i rang bzhin las// mtshan ma'i dngos po rtog pa mi mnga' yang// khams gsum 'khor ba rnams kyi don slad du// sprul sku long ba brgyad dang dmus long drug cur gsal/ A+oM shwa ri khA hi shwa ri khA hi hUM/ me ri sprin ltar 'khrigs pa'i bar khyams tha ma la// de ba'i bdud 'jos 'bar ba'i zhabs brgyad pa// skye med don rtogs lcags kyi spyang mo brgyad// phyi nang gnyis med rtogs 'joms khyi brgyad gnyis// rtsa ba rang sngags brjod pas phyag rgyar gsal// tip+ta tsakra shwa na mu kha kha lo kha/ku ku rA tsa rak+sha kha lo kha hUM phaT/ 'bar chen dkyil 'khor phyogs bzhi'i sgo bzhi na// theg chen dgu dang ldan pa'i phyir// mgo dgu po la rkang gcig po// rnam thar brgyad la gzud pa'i phyir// mgo brgyad lag brgyad rkang brgyad po// ye shes drug ldan rtogs pa'i phyir// mgo drug lag drug rkang drug po// sku gsung thugs dang dbyer med phyir// mgo gsum lag drug rkang gsum po// sngags brjod tsam gyis phyag rgyar gsal/hUM hUM hUM phaT/ trAM hUM phaT/ hrIHhUM phaT/ hA hUM phaT/ steng 'og phyogs mtshams thabs dang shes rab las// byang chub sems kyi rang bzhin me dbal rlung// 'khor ba dong sprug bag chags bsreg pa'i phyir// sngags brjod tsam gyis me rlung 'brug tu gsal// dzi na kha to tse re ma/ yak+sha ku ba na tsa hUM/ hUM// bde gshegs pho brang rin chen gzhal yas ni// yid bzhin 'byor ldan rgyal ba rgya mtsho'i dbyings// shes rab zab mo rnam dag yum gyi mkha'// b+ha ga'i klong nas sprul pa mang po 'byung// sna tshogs yon tan gsang ba mdzod kyi gter// khro bo 'byung gnas dpal chen rngam pa'i yum// tug chom 'brug sgras stong gsum yongs su ldir// nam mkha'i mtha' dang mnyam pas chos kyi dbyings// phyogs bcu rgya ma chad pas dpag cing tshad las 'das// tshad med yon tan dpag gis mi lang ste// klu chen pho mo bsnol ba'i gdong phyi la// rgyal chen rigs bzhi gzhibs pa'i ka ba btsugs// lha chen dregs pa bcom pa'i brtsigs rmang la// phyogs skyong pho mo bsnol ba'i brtsig tu brtsigs// gza' brgyad bad du bkram pa'i dral drab la// rgyu skar rnams kyis phyogs nas mig tshogs byas// zhing chen bla re mchog phran 'phan gdugs dang// nya chen blud bu sbrul chen za ra tshags// chu srin sgo dang me ri sprin ltar 'khrigs// thod rus bar khyams rdo rje'i gzer mgo la// nyi ma zla ba bar snang yos tar bskad// dbus kyi 'khor lo lte ba zlum po la// skar ma rgyal gyi 'od zer gdub bur bskor// snga ma 'das pa'i rgyal sras gsang ba'i gnas// slad kyis 'byon pa'i rgyal sras gshegs pa'i shul// da ltar bzhugs pa'i khro bo'i gzhal yas la// gar gyi dbang phyug chen pos bstod pa'i phyir// ting 'dzin lha yi bu dang gang zag rnal 'byor pas// smon lam mthun pa'i tshul gyis phyag 'tshal bstod// A+oM d+harma d+hA tu g+hu h+ya ma d+ha la rA ga sid+d+hi b+h+rUM/ de ltar bskyed pa'i dkyil 'khor du// rang bzhin dkyil 'khor 'khor dang bcas// spyan drangs mchod pa rdzogs nas ni// sgrub pa'i don du bsnyen pa 'bul// dbang dang byin rlabs dngos grub stsol// gsol bas de gnang yid kyis dmigs// dkyil 'khor bsdus la bkra shis gsol// lus bsrung ba dang go bgo bya// dbang chen bsdus pa'i tan+t+ra las/ bsgom khog rtsa ba'i le'u ste bcu gcig pa'o//// gang du bskyed pa'i gzhal yas su// lha rnams sngags kyis bskyed byas nas// gtso bo'i sku mdog phyag mtshan ni// gong du smos pa'i gzhung dang mthun// yum gyi sku mdog phyag mtshan ni// zhal gcig phyag kyang gnyis pa ste// g.yas pas yid bzhin nor bu 'dzin/ g.yon pas rin chen za ma tog/ gsang ba'i dkyil 'khor bskyed pa'i phyir// gzi ldan thugs kyi dkyil 'khor du// gru gsum mUM dang bcas par dmigs// gtso bo yab kyi thugs ka ru// rtse lnga A+oM dang bcas par dmigs// mUM dang oM du ldan byas te// yi ge 'bru bcu bzhi'i phreng ba yis// thugs nas sku yi gsang brgyud pas// dang po gsung gi yig 'bru la// gnyis pa thugs kyi phyag mtshan te// gsum pa skur 'grub yungs 'bru'i tshul// A+oM las dbang chen yab yum sku// yan lag bzhi las gyur pa ni// rigs bzhi yab yum brgyad kyi sku// hu lu gong ma te ki ma mo brgyad// hu lu 'og ma ta ki phra men brgyad// de yi yon tan phrin las las// sku gsung thugs su grub pa ni// kham rgya chen mo drug gi sku// hUM las sgo srung bzhi ru 'gyur// phra las long ba dmus long tshogs// ta las spyang mo khyi yi tshogs// e las yum gyi gzhal yas khang// dkyil 'khor gzhung dang mthun par dmigs// ye shes 'bru las bskyed pa yis// dkyil 'khor lha rnams bzhugs su gsol// A ni ma skyes chos kyi dbyings// ra li rig pa byang chub sems// hriM ni sku gsung thugs kyi bdag/ dzaHsa ni thams cad dbang du bsdus// de ni yig 'bru bcu bzhi las// gsang ba'i dkyil 'khor bsgrub pa'o// dbang chen thugs kyi dkyil 'khor nas// yi ge bcu bzhi 'od du 'phros// gzi ldan yum gyi gzhal yas su// thugs nas sku yi gsang brgyud de// gser zhun lta bur 'khyil pa la// dz+nyA na sa twa zhes brjod pas// ye shes sems dpa'i skur gyur te// zhal gcig phyag gnyis sku mdog dmar// g.yas pas yid bzhin nor bu 'dzin// g.yon pas rin chen za ma tog/ gsang ba tshe yi dngos grub ste// byang chub sems kyi grub brtags so// gtso bo yab yum thugs ka nas// hUM dang e yi spro bsdu las// rdo rje pad+ma byin brlabs nas// yum gyis yab la 'di skad bskul// hUM/ bde gshegs gnyis med rnal 'byor zab mo la// thabs dang shes rab zung du ye 'brel yang// 'gro don yid bzhin shugs kyis mdzad slad du// byang chub sems kyi spro bsdu gtang ba'i phyir// gnyis med sbyor ba da ni dus la bab// a la la ho// yab kyis yum la 'di skad bskul// hUM/ rdo rje rgyal po kun 'jug phyir// rin chen rdo rje bla na med// chos kyi rdo rje'i glu blangs pas// las kyi rdo rje gar byed 'gyur// byang chub sems kyi 'od zer las// nan tan mchod pa 'bul bas ni// tshim 'gyur gnyi gar spro bar bya// a la la te dus la bab// A+oM b+h+rUM/ hUM b+h+rUM/ trAM b+h+rUM/ hrIHb+h+rUM/ AHb+h+rUM/ nr-i b+h+rUM/ bde gshegs rigs lnga'i dkyil 'khor nas// dzaHlas lha mo lcags kyu can// stong khams khyab par spros pa'i tshe// 'gro ba yongs kyi tshe la mnga' mdzad ma// rdo rje'i rig 'dzin tshe la dbang bsgyur zhing// ri rab rmang dral rgya mtsho'i gting dral te// dregs pa gshin rje'i lag na gnas pa'i nr-i// ji ltar lcags kyus nya rnams drangs pa bzhin// zla gsal dri med thugs kyi dkyil 'khor du// A yu tshe yi las rnams 'grub par mdzod// A+oM hu lu hu lu hUM phaT/ e A ra li hrIM dzaHhUM phaT/ gsang chen thugs kyi dkyil 'khor du// yig 'bru bcu bzhi'i 'phro 'du yis// nr-i yi rang bzhin hUM du gyur// hUM las ye shes sems dpa'i sku// sran zlum tsam gyi zla dkyil du// yungs 'bru tsam gyi phyag rgya gsal// yid bzhin rin chen za ma tog/ mi 'dzin 'dzin pa'i tshul du gnas// mi gnas gnas pa'i sba thabs ni// skye ba med pa'i dbyings su sba// gsang ba yum gyi mkha' la sba// rang rig ye shes gdeng la sba// de gsum dang du lon nas ni// 'du 'bral bya ba'i ming yang med// dbang chen bsdus pa'i tan+t+ra las/ gsang gnas tshe yi le'u ste bcu gnyis pa'o// gang du bskyed pa'i gzhal yas su// dkyil 'khor lha rnams sngags kyis bskyed// spyan drang mchod pa rdzogs nas ni// khams gsum rgyud drug bsgral ba'i don slad du// sngon gyi rgyal bas thugs dam bzhes pa ni// log rtog 'khrul ba'i zhen pa bzlog pa dang// skye 'chi 'khor ba'i 'dam nas dbyung ba'i phyir// rtog pas bdag bsgral don dang ldan pa la// thugs rje chen pos bzung nas bdag bsgral rnams// phrin btags gnang ba'i tshig stsal nas// brtul zhugs chen po drug gi bro// zhing bcu'i sgrib pa rgyud gcod do// de ltar sgrib pa rgyun bcad nas// sgrol byed ging gi dbang drug sbyin// de yang gang dang gang zhe na// yi ge 'khor lo phra dgod pa'i dbang dang/ dri med ye shes pad+ma spyan gyi dbang dang/ shes rab snang ba kun tu 'od kyi dbang dang/ sgrol ba shugs kyis bsdus pa gsang ba yum gyi dbang dang/ rdo rje dang pad+mar ldan pa byang chub sems kyi dbang dang/'debs pa phyag mtshan thugs rje mchog gi dbang ngo// 'debs pa phyag mtshan thugs rje yis// nyon mongs 'khor ba'i rgya dral nas// pra be sha phaT ces sgo phye ste/sems kyi bdag po nr-i dud ka/ bzung bas ti yi dngos gzhir gyur// thugs kyi sa bon hUM bar du// skad cig gsal ba'i ting 'dzin gyis// ti hUM ti hUM zhes brjod pas// ti yang hUM du gyur nas ni// sku gsung thugs su gnas nas ni// dug gsum dngos la 'bigs par byed// khams gsum yongs la khyab par gdal// chos dbyings gnas kyi mthar ru phyin// gsang lung 'phrul gyi dgongs pa'o// de ltar gyur pa'i duHkha nas// bsgral ba'i yon tan bcu bzhi ste// de yang gang dang gang zhe na// 'khor ba'i gnas mya ngan las 'das pa'i dbyings su bskyas pa dang/ nyon mongs pa'i dmag tshogs kyi nang du mi 'jigs pa chos nyid kyi dpung bsnyil ba dang/gti mug gi mun khang du ye shes kyi sgron ma btegs pa dang/ ma rig pa'i rgyu dang bcas pa'i sems phral nas/ rig pa'i ye shes kyi gter bcug pa dang/ 'khor ba'i ru mtshon chen po bcag pa dang/ mya ngan las 'das pa'i g.yul so bstod pa dang/ dug gsum gyi mdun pa bkrol ba dang/ dpal thar pa'i sgo phye ba dang/ ye shes mtshon gyi char phab pa dang/ rgyu drug 'khor ba'i gnas sbar ba dang/skye shi med pa'i yul du phyin pa dang/ 'du 'bral med pa'i grogs dang phrad pa dang/ rang bzhin med pa'i sku thob pa dang/ g.yung drung brtan pa'i sa rnyed pa'o// kun gyi thun mong ma yin yang// bdag dang gzhan gyi don slad du// dang du blangs nas bya bar gsungs// phung po lhag ma'i rjes shul la// gnas kyi bro brgyad brdung bar gsungs// mgo la lang ka mnan pa'i bro// nang grol tsit+ta 'khor ba'i bro// rnam shes tshogs brgyad ta krita brgyad kyi bro// phung po khams dang skye mched zhabs kyi chas brgyad bro// yan lag bzhi la lha mo za byed bzhi yi bro// nang grol srid pa'i grong na ngan song gnas kyi bro// g.yang gzhi ma mo las la 'khrugs pa'i bro// sla bzhi khro bo gzir chen gnon pa'i bro// de ltar bro brgyad brdungs nas ni// smon lam btab nas phung po grol// tshogs la rol nas lhag ma bskyod// dbang chen bsdus pa'i tan+t+ra las thugs rje sgrol ba'i le'u ste bcu gsum pa'o//// gang du bskyed pa'i gzhal yas su// lha rnams sngags kyis bskyed nas ni// spyan drang mchod pa rdzogs pa dang// ma bsgral ba yi phung po la// brtul zhugs bro drug brdung par gsungs// bdag nyid chen po'i skur bsgoms la// ngan song gsum gyi phung po la// 'khor ba'i lam lnga dgag pa'i phyir// dpa' bo 'bru lnga phra bkod pas// rgyud drug 'bros khungs gcod pa'i rgyud// lus ngag sems kyi sa gzhi la// yig 'bru 'khrigs pa'i bro brdungs pas// dug gsum rdul phran bzhin du bshig/ phung po khams dang skye mched tshogs// rdo rje dbyings kyi dkyil 'khor du// sku gsung thugs su bdag sbyor bas// phyag rgya chen por dbang sgyur cig/ tshon lngas rgyas pa'i dkyil 'khor du// khams gsum bskor ba'i bro brdungs pas// 'khor los sgyur ba'i rgyal por bshad// thig le gsang ba'i dkyil 'khor du// rdo rje las kyi bro brdungs pas// dbang phyug gar gyi rgyal por gyur// rdzogs sangs rgyas pa'i dkyil 'khor du// dpa' bo rdo rje'i bro brdung ba// dgra bo kun gyi klad yang brdung// ma tshogs 'dus pa'i dkyil 'khor du// rkang pa phur pa'i bro brdung ba// bgegs dang 'byung po'i snying la brdung// ging chen 'dus pa'i dkyil 'khor du// 'khor lo thabs kyi bro brdung ba// ma srin rnams kyi snying la brdung// pho nya 'dus pa'i dkyil 'khor du// bskal pa brgyad kyi bro brdung ba// rgyab nyan rkun bu'i snying la brdung// kun tu bzang mo'i mkha' dkyil du// tsit+ta 'bar ba'i bro brdung ba// mnyam pa nyid kyi dbyings la brdung// gsang ba yum gyi b+ha ga la// las kyi ling+ga'i bro brdung ba// bag chags stug po'i tshogs la brdung// tshogs chen 'dus pa'i dkyil 'khor du// yungs kar gser gyi bro brdung ba// bka' las 'das pa'i snying la brdung// za byed chen po'i dkyil 'khor du// rdo rje mche ba'i tshems bdar bas// bka' las 'das pa'i snying la brdung// ha ha ru lu ha ha ru lu hUM phaT/ngan song gnas kyi bro ste dang po'o//// rta yi brtul zhugs chen pos ni// bdag nyid chen po'i skur bsgoms te// zhing bcu bsgral ba'i phung po la// gtum chen rngam pa'i sgra sgrogs shing// dbang mchog rta skad tse re re// khro bo'i 'brug sgra 'u ru ru// dpal gyi rnga sgra ldi ri ri// rol pa'i rta bro chems se chem// gsang ba'i bshugs pa kyu ru ru// bskal pa'i glog dmar ljibs se ljib// rdo rje thog 'bebs lams se lam// hUM gis dbang bskur khams gsum g.yo// phaT kyis sku sprul 'jig rten khyab// raM gyis me 'bar thams cad bsreg/ gcan gzan chu la sprin ltar gtibs// kaM ka 'dab chags skar ltar 'khrugs// sngon gyi thugs dam bskang ba'i phyir// kun tu bzang mo'i mkha' dbyings su// khams gsum mngon bsgral mdzad pa che// za byed chen po'i dkyil 'khor 'dir// rus pa'i phung po spungs pa la// gcan gzan mche ba'i bro brdungs pas// bdag tu blta ba'i zhe sdang bcom// khrag 'thung chen po'i dkyil 'khor du// rak+ta'i rgya mtsho 'khyil ba la// ma tshogs mkha' 'gro bro brdungs pas// 'dod chags ngo bo rtsad nas bcom// rngam chen 'khrugs pa'i dkyil 'khor du// sha che phung po spungs pa la// sder chags 'dus pa'i bro brdungs pas// bdag tu blta ba'i nga rgyal bcom// gtum chen rngam pa'i dkyil 'khor du// dbang po yan lag tshogs pa la// gshog pa rlabs kyi bro brdungs pas// bdag tu rtog pa'i phrag dog bcom// 'jigs byed chen po'i dkyil 'khor du// sbubs kyi khri rkang zlum po la// rdo rje mchu yi bro brdungs pas// gti mug rmongs pa'i ngo bo bcom// sku gsung thugs kyi dkyil 'khor du// dug gsum gzhom pa'i las byas pas// sngon gyi dam tshig chen po skong// ma bdun mkha' 'gro'i dkyil 'khor du// tan gaN 'phrul ba'i las byas pas// rnal 'byor skong ba'i cho ga rdzogs// dbang chen gar gyi dkyil 'khor du// bdud bzhi 'dul ba'i las byas pas// khams gsum bsgral ba'i cho ga rdzogs// phyag brnyan tshogs kyi dkyil 'khor du// bka' 'das bsgral ba'i las byas pas// dgra bo mnan pa'i cho ga rdzogs// ha ya grI wa hu lu hu lu hUM phaT/ rta'i bro ste gnyis pa'o//// khrag 'thung chen po'i brtul zhugs ni// zhing bcu bsgral ba'i phung po la// bdag nyid chen po'i skur bsgoms te// dbu ni rigs lnga'i tshogs la rol// thugs ni skye mched dbyings la rol// phyag ni phra men tshogs la rol// gshog pa gti mug klu la rol// zhabs ni khro chen brgyad la rol// sku ni rngom brjid ches la rol// rdo rje gsang ba'i yum la rol// gsung ni pho nya'i tshogs la rol// 'khor ba'i skyams lings chen po la// phyogs bcu'i sangs rgyas ra mdar gnyer// khong snying yum gyi b+ha ga la// khams gsum yongs sgrol mdzad pa'i tshe// ye shes lnga yis ru dpon mdzad// khro bo rdo rje'i go tshags sdoms// sprul pa'i pho nyas dang ru chum// dug gsum dpal gyi mda' khar 'grim// rdo rje mtshon gyi char pa phob// lus ni rdul phran bzhin du shig/ sems ni yum gyi mkha' la ltob// ha ha ru lu hUM phaT/ khrag 'thung khro bo'i bro ste gsum pa'o//// zhe sdang zhabs kyi cha lugs las// khyi yi brtul zhugs chen po yis// zhing bcu bsgral ba'i phung po la// bdag nyid chen po'i skur bsgoms nas// khams gsum ma lus bza' ba'i phyir// dpal gyi khyi brgyad las la bkye// tshems ni sra snyi med par rno// skad ni phyi nang med par zugs// de phyir bdud kyi mel tshe ba// bang ni ngal dub med par mgyogs// de phyir ye shes sprul ba'i khyi// zas su gtsang sme med par bza'// de phyir mAM sa dri chen za// skom du kha mngar med par 'thung// de phyir khrag dang dri chu 'thung// shar gyi phyogs nas rgyug pa'i khyi// 'brug sgra ldir bas lha chen 'dul// lho yi phyogs nas rgyug pa ni// glog dmar ljib kyis gshin rje sgrol/ nub kyi phyogs nas rgyug pa ni// rdo rje khyung gshog klu 'brug 'dul// byang gi phyogs nas rgyug pa ni// gnod sbyin pho mo'i sgal rtsib 'joms// shar lho mtshams nas rgyug pa ni// drang srong bdud 'dul cham la 'bebs// lho nub mtshams nas rgyug pa ni// za byed srin po'i don snying 'byin// nub byang mtshams nas rgyug pa ni// rlung lha sngon po'i ba dan gcod// byang shar mtshams nas rgyug pa ni// bgegs chen pho mo'i tshogs la rol// steng gi phyogs nas rgyug pa ni// nyi zla gza' skar kha lo kha// 'og gi phyogs nas rgyug pa ni// sa bdag pho mo'i thibs kyis gnon// kun kyang mi bzad ci 'dra na// mche ba rgya zor bkug pa 'dra// spyan ni nyi zla zhun ma 'dra// ral pa nyi zer 'dzings pa 'dra// sder mo gnas lcags zhun ma 'dra// khyod kyi phrin las dus la bab// ku ku rA tsa kha lo kha hUM phaT/ khyi yi bro ste bzhi pa'o//// phag gi brtul zhugs chen mo ni// zhing bcu bsgral ba'i phung po la// bdag nyid chen po'i skur bsgoms te// blang dor med pa'i mnyam pa la// phyogs bcu zas su bza' ba'i phyir// 'bar ba'i khron brko nga re mkhas// khron du ma gyur gang yang med// sku ni 'bar ba'i cha lugs la// gnam lcags ur mo'i ze bas brgyan// zhal ni phag rgod mche bar sprul// gsung ni grul bum phyogs bcur sgrogs// tshems ni sra snyi med par rno// shangs ni nyon mongs tha ba rlog/ rbad nas khros pa'i bro brdungs tshe// srid gsum ma lus dbang du sdud// dmyal tshogs me dpung rtsad nas gcod// du ru du ru tshal pa tshal pa hUM phaT/ phag gi bro ste lnga pa'o//// rdo rje gshog pa'i byin rlabs la// bya yi brtul zhugs chen po ni// zhing bcu bsgral ba'i phung po la// bdag nyid chen po'i skur bsgoms te// rdo rje'i gshog chen gdengs pa'i tshe// khams gsum khyab par bzan la rol// rdo rje'i gshog chen bcum pa'i tshe// rgyud drug sems can spar mor 'dzud// rdo rje mchu chen gdengs pa'i tshe// rgyud drug sems can ril ming mdzad// bya yi brtul zhugs chen po ni// zhing bcu bsgral ba'i lhag rol la// dkar po'i tshogs dang dmar po'i tshogs// dbyar gyi char sprin 'khrigs pa bzhin// lding shing 'babs la 'babs shing gzhol// gtan nas len pa'i las mdzod cig/ ma mo ko da k+Sha ya ha ha ru lu hUM phaT/ bya yi bro ste drug pa'o//// bsgom khog rtsa ba'i le'u las// mdzad pa phrin las kyi le'u ste bcu bzhi pa'o//// de yan chad du ma bsgral ba'i phung po la brtul zhugs chen po drug gi bros rgyu'i bag chags kyi sgrib pa sbyang ba dang gnod byed kyi dgra bgegs btul ba bstan nas/ 'di man chad du bsgral ba'i lhag ma la// sgrol ba gnad kyi bro brgyad brdung bar gsungs te/ de yang mgo la lang ka mnan pa'i bro zhes pa'o// hUM/ rU tra bsgral ba'i ngo bo la// lu gu rgyud du sbrel bsdams pa// bdag nyid chen po'i skur bsgoms te// khrag 'thung 'bar ba'i dbu gtsug tu// mthing nag grub pa'i dkyil 'khor bsgom// hrIHlas grub pa'i rta mgo la// hUM gi 'brug sgra ldi ri ri// de yi byin rlabs chen po las// lang ka mnan pa'i bro brdung 'tshal// rta gdong chen pos stong gsum g.yos// rta skad rngam pa'i thugs dam bskul// bka' bzhin las la gshegs su gsol// e h+ye hi b+ha ga bAn hrIM hrIM// zhes drug tu brjod do// lang ka gnon pa'i bro ste dang po'o//// tsit+ta 'khor ba'i bro zhes pa/ hUM/ lang ka bsgral ba'i tsit+ta la// lu gu rgyud du sbrel bsdams shing// khrag 'thung 'bar ba'i thugs dkyil nas// hUM las grub pa'i dpal be'u las// ye shes lnga yi phyag rgya 'khrugs// de yi byin rlabs chen po las// rigs lnga khrag 'thung sprin ltar gtibs// tsit+ta 'khor ba'i ri dwags la// ye shes lnga yi khyi bkye ste// dus gsum sangs rgyas ra mdar gnyer// khong snying yum gyi b+ha ga la// rgyu drug 'khor ba'i lings 'debs so// rnam shes brgyad kyi dkyil 'khor du// dur khrod brgyad kyi lam phyung ste// 'khor ba'i rgyun gcod thugs rje'i bro// srin po bsgral ba'i snying la brdung// dz+nya na sid+d+hi s+pha ra Na yaM yaM zhes brjod do// tsit+ta 'khor ba'i bro ste gnyis pa'o//// rnam shes tshogs brgyad ta kr-ita brgyad kyi bro zhes pa'o// hUM rU tra bsgral ba'i rnam shes la// lu gu rgyud du sbrel bsdams te// bdag nyid chen po'i skur bsgoms te// mtshungs med che ba'i khyad par bstan pa'i phyir// nga rgyal mthu bsnyems bdud kyi dpung bcom nas// 'jig rten 'das pa'i de ba chen po brgyad// che ba'i rtags dang ldan pas dbang phyug yang ches dgon// drag shul chen pos 'dul bar bka' stsal to// hUM dang kA yi 'phro 'du las// khro bo mthing nag sprin ltar 'khrigs// khro chung tshon gang skar ltar 'khrugs// hUM chen kA ra'i phyag rgyar gsal// nyi zla bsgral ba'i rnam shes la// ta kr-ita chen po dog la gshegs// dgra ni thal bar rlog pa'i bro// bdud ni phye mar 'thag pa'i bro// rus pa thal chen sa la la// rlung nag 'tshubs mas phyogs bcur 'khrigs// 'od chen rdo rje'i bu yug 'tshubs// A dang t+ya yi 'phro 'du las// khro bo ljang sngon sprin ltar 'khrigs// khro chung tshon gang skar ltar 'khrugs// mi g.yo mgon po'i phyag rgyar gsal// me lha bsgral ba'i rnam shes la// ta kr-ita chen po dog la gshegs// dgra ni thal bar rlog pa'i bro// bdud ni phye mar 'thag pa'i bro// rus pa thal chen sa la la// rlung nag 'tshubs mas sprin ltar 'khrigs// 'od chen rdo rje'i bu yug 'tshubs// ya dang ma yi 'phro 'du las// khro bo mthing nag sprin ltar gtibs// khro chung tshon gang skar ltar 'khrugs// gshin rje gshed po'i phyag rgyar gsal// gshin rje bsgral ba'i rnam shes la// ta kr-ita chen po dog la gshegs// dgra ni thal bar rlog pa'i bro// bdud ni phye mar 'thag pa'i bro// rus pa thal chen sa la la// rlung nag 'tshubs mas phyogs bcur 'khrigs// 'od zer rdo rje'i bu yug 'tshubs// nI dang la yi 'phro 'du las// khro bo sngon po sprin ltar gtibs// khro chung tshon gang skar ltar 'khrugs// dbyug pa sngon po'i phyag rgyar gsal// srin po bsgral ba'i rnam shes la// ta kr-ita chen po dog la gshegs// dgra ni thal bar rlog pa'i bro// bdud ni phye mar 'thag pa'i phro// rus pa thal chen sa la la// rlung nag 'tshubs mas phyogs bcur 'khrigs// 'od chen rdo rje'i bu yug 'tshubs// pad dang ma yi 'phro 'du las// khro bo dud ka sprin ltar gtibs// khro chung tshon gang skar ltar 'khrugs// pad+ma 'khyil pa'i phyag rgyar gsal// sa bdag bsgral ba'i rnam shes la// ta kr-ita chen po dog la gshegs// dgra ni thal bar rlog pa'i bro// bdud ni phye mar 'thag pa'i bro// rus pa thal chen sa la la// rlung nag 'tshubs mas phyogs bcur 'khrigs// 'od zer rdo rje'i bu yug 'tshubs// Ta dang ki yi 'phro 'du las// khro bo dmar skya sprin ltar gtibs// khro chung tshon gang skar ltar 'khrugs// Tak+ki rA dza'i phyag rgyar gsal// rlung lha bsgral ba'i rnam shes la// ta kr-ita chen po dog la gshegs// dgra ni thal bar rlog pa'i bro// bdud ni phye mar 'thag pa'i bro// rus pa thal chen sa la la// rlung nag 'tshubs mas phyogs bcur 'khrigs// 'od chen rdo rje'i bu yug 'tshubs// a dang mr-i yi 'phro 'du las// khro bo ljang nag sprin ltar gtibs// khro chung tshon gang skar ltar 'khrugs// bdud rtsi 'khyil pa'i phyag rgyar gsal// gnod sbyin bsgral ba'i rnam shes la// ta kr-ita chen po dog la gshegs// dgra ni thal bar rlog pa'i bro// bdud ni phye mar 'thag pa'i bro// rus pa thal chen sa la la// rlung nag 'tshubs mas phyogs bcur 'khrigs// 'od chen rdo rje'i bu yug 'tshubs// ma dang hA yi 'phro 'du las// khro bo ser nag sprin ltar gtibs// khro chung tshon gang skar ltar 'khrugs// ma hA ba la'i phyag rgyar gsal// bgegs chen bsgral ba'i rnam shes la// ta kr-ita chen po dog la gshegs// dgra ni thal bar rlog pa'i bro// bdud ni phye mar 'thag pa'i bro// rus pa thal chen sa la la/ rlung nag 'tshubs mas phyogs bcur 'khrigs// 'od chen rdo rje'i bu yug 'tshubs// ha na ha na rgyob/ gardza gardza sgrogs/ da ha da ha sregs/pa tsa pa tsa chos/ ban+d+ha ban+d+ha chings/ hu lu hu lu zhugs/ b+hin+da b+hin+da phug/ ts+tshin+da ts+tshin+da chod/ tiSh+Tha tiSh+Tha gnas/ s+pho Ta s+pho Ta s+phor/ zhes gsungs shing drag por rol lo// dbang chen bsdus pa'i tan+t+ra las/ta kr-ita brgyad kyi bro yi le'u ste bco lnga pa'o//// de nas yang bcom ldan 'das kyis/ bsgral ba'i zhing bcu'i phung po khams dang skye mched la zhabs kyi chas brgyad kyi bro brdung ba zhes// hUM// srin po rU tra bsgral ba'i phung khams skye mched la// lu gu rgyud du sgrel bsdams nas// bdag nyid chen po'i skur bsgoms te// mi gnas ye shes brgyad kyi dkyil 'khor du// lha chen mgo bcu dur khrod brgyan du sprul// zhe sdang gdug pa'i tshogs brgyad gnas su bsgral// phyogs bzhi mtshams brgyad dregs pa 'dul ba'i phyir// zhabs kyi chas brgyad rnam shes brgyad kyi ngang// byang chub sems dpa' brgyad kyi 'phro 'du dang// phra men mu ka brgyad kyi 'byon tshul gyis// ta kr-ita brgyad kyi thugs dam bskang ba'i phyir// gar dang brda yi mtshon nas spyan 'dren na// dam tshig gsang ba'i bro la gshegs su gsol// dpa' bo ting 'dzin stag gi chas mchog gis// dregs pa'i mgo bcad b+han+d+ha gsang ba'i bro// rno gdug zlog byed rgya bye'u chas mchog gis// rtog 'joms spyod pa brtul zhugs chen po bro// shes rab ting 'dzin rdo rje'i chas mchog gis// mi 'gyur g.yung drung skyid rtags dpal gyi bro// dmag gi bse khrab gzi 'bar chas mchog gi/ khams gsum dbang bsdud rak+ta chags pa'i bro// dpa' brjid mnyen lcug sbrul nag chas mchog gis// mkha' dbyings rnam dag gsang ba yum gyi bro// dbang phyug dmar gsal che ba'i chas mchog gis// sdug bsngal nad sel zug rngu gcod pa'i bro// shu ken sha chen snang smad g.yogs dar gyi chas mchog gis// dur khrod gnas su ma mo mnyes pa'i bro// gcan gzan rgyal po gzig gi chas mchog gis// 'dul sbyong drag po las kyi tshar gcod bro// 'dul byed zhabs kyis thams cad zil gyis gnon// dzaHhUM hoHsa spyan drangs tshur gshegs la// ngag gi dbang phyug thugs dam bskang ba'i phyir// dbang chen yum du brtsegs pa'i sa gzhi la// nga rgyal dbang du bsdu ba'i bro ra btsug/ dregs pa 'dul phyir zil gnon stobs kyi tshul// srid gsum la ma lus dbyings su bsgral ba dang// lha chen khyab 'jug zil gyis gnon pa dang// gsang ba'i rU tra thal bar brlag pa'i phyir// phung po khams dang skye mched don la gshegs su gsol// trag rak+sha rU tra ma hA tsit+ta dza dzaH/ zhes drag tu bskor ro// phung po khams dang skye mched zhabs kyi chas brgyad kyi bro ste bzhi pa'o//// yan lag bzhi lha mo za byed kyi bro zhes pa/ hUM/ srin po rU tra bsgral ba'i yan lag la// lu gu rgyud du sbrel bsdams nas// bdag nyid chen po'i skur bsgoms te// thogs med las kyi dbang sdud ma mo ste// yan lag chen po gser gyi sa gzhi la// lcags kyu dmar pos 'khor ba'i nad khrag 'byin// a mo de ba 'dir gshegs aM ku sha/ yon tan lhun grub cir yang sprul pa'i yum// dur khrod gsang ba'i lha mo glog 'gyu ma// rdo rje zhags pas khams gsum cig char 'chings// lha mo glog 'gyu 'dir gshegs pA sha hUM// gsung gis thams cad zil gyis gnon pa'i yum// rdo rje dra ba bka' yi rjes gcod ma// lcags sgrog dmar po rgyud drug cig char sdom// rdo rje dra ba 'dir gshegs s+pho Ta bam// sku mchog mi bzad 'bar ba'i yum gcig ma// rdo rje sder mo ral pa'i cod pan can// rdo rje dril bus ma lus dgyes pa bskyed// dur khrod sgra yis 'tshog 'gyur g+haN+De ho// zhes brjod la drag tu bskor ro// yan lag bzhi la lha mo zad byed ma bzhi'i bro ste lnga pa'o//// nang rol ngan song gnas kyi bro zhes pa// hUM/ srin po rU tra bsgral ba'i slo shul la// lu gu rgyud du sbrel bsdams nas// bdag nyid chen po'i skur bsgoms nas// sdug bsngal yongs sgrol mdzad pa'i phrin las kyis// ngan song gting nas sbyang ba'i phrin las mdzod// mkha' lding shugs kyis 'gro ba'i brtson 'grus dang// phra men mgo brnyan tshogs kyis rkan sgra yis// khams gsum 'khor ba sngangs pa'i glu blangs te// lhag phud med pa'i nang grol spungs pa la// bya rog 'ug pa bzhad dang khwa la sogs// stag seng spyang ki 'jigs pa'i gdong rnams ni// la la lding zhing la la 'babs// la la 'jol zhing la la 'thog/ ha ha ru lu'i sgra sgrogs shing// zhing bcu gnas nas blang phyir gshegs su gsol// zhes brjod la/ nang grol kha phye la sdang mig gis blta zhing gtum bag gis drag tu bskor ro// nang grol ngan song gnas kyi bro ste drug pa'o//// g.yang gzhi ma mo 'khrugs pa'i bro zhes pa/ hUM/ srin po rU tra bsgral ba'i g.yang gzhi la// lu gu rgyud du sbrel bsdams nas// bdag nyid chen po'i skur bsgoms la// sha khrag dmar la dgyes pa'i mkha' 'gro rnams// gsang ba'i god bsrung gsang ba'i dkyil 'khor skyong// ma bdun las la 'khrugs pa'i dkyil 'khor du// 'khor ba'i gting bsnyeg zhing bcu'i nang grol la// dug gsum rngubs pa'i shugs kyis 'dir gshegs shig/ gsang ba'i shun chen brdal ba'i sa gzhi la// phyogs skyong rgyal po las la 'khrugs pa'i bro// srin po smug nag thugs rje chags pa'i bro// gling bzhi kun 'byams rab tu rngam pa'i bro// brtan ma bcu gnyis ma chen 'khrugs pa'i bro// g.yang gzhi shun gyi bro gra 'dir gshegs la// khyi phag bya dang rdo rje'i brtul zhugs kyis// nga dang bdag tu lta ba'i mun khang shig/ rU tra'i gnas bcom sha za'i man d+hal la// sha zan stong gi chun lag dengs se deng// rak+ta dmar gyi rba klong 'khyil pa la// khrag 'thung stong gi rkan sgra chi li li// rus pa tshogs kyi mkhar bu gtams pa la// mche ba dung gi so sgra thams se tham// g.yang gzhi sprin gyi ba dan lhubs se lhubs// 'di 'dra'i dur khrod 'bar ba'i sa gzhi la// dbang chen 'khrugs pa'i bro gra di ri ri// skyes bu ging chen 'dus pa'i sa gzhi la// ma mo las la 'khrugs pa'i bro brdungs pas// bdud dang srin po'i mig 'bras thang la rlog/ gti mug klu dbang snying khrag kha nas skyugs// lang ka gdon gyi kha so sil bur lhogs// rak+sha rU tra ha ha ru lu hUM phaT ces brjod la drag tu bskor ro// g.yang gzhi ma mo 'khrugs pa'i bro ste bdun pa'o//// rkang lag khro bo zil gnon bro zhes pa// hUM/ srin po rU tra bsgral ba'i sla bzhi la// lu gu rgyud du sbrel bsdams nas// bdag nyid chen po'i skur bsgoms la// rkang lag rdo rje phur pa'i bro// ya ga can gyi snying la brdung// rdo rje khro bo'i thugs ka nas// khro mo 'bar ba'i thugs ka ru// sum+b+ha ni yi sgra bsgrags nas/ sngags dang phyag rgya rol pa'i bro// zhe sdang can gyi snying la brdung// bskal pa mtha' yas mi ldang phyir// brjid pa'i stabs dang sngags kyis 'chams// oM sum+b+ha ni sum+b+ha hUM/ g+h+r-i h+Na g+h+r-ih+Na hUM/ g+h+r-i h+NA pa ya g+h+r-i h+NA pa ya hUM/ a na ya ho/ b+ha ga wAn bid+ya rA dza nan/ zhes brjod la mnan no// khro bo zil gnon bro ste brgyad pa'o//// dbang chen bsdus pa'i tan+t+ra las// mdzad pa phrin las kyi le'u ste bcu drug pa'o//// de nas bar cis kyang ma chod par sgrol ba gnas kyi smon lam 'di gsungs te/ hoH/ smon lam du gsol ba ni/ mi gnas ye shes thugs kyi dkyil 'khor du/dpal dur khrod kyi mnga' bdag/ he ru ka ma bdun phra men tshogs kyithugs dam bskang ba dang/ rgyu dug gsum gyi rtsa ba gcad nas/ 'bras bu ngan song gsum stongs par bgyi ba'i/rgyu nyon mongs pa'i sems can 'di dag la/ dpa' bo 'bru lnga lus la bkod pas de bzhin gshegs pa'i snying po ldan te/ phung po lnga rigs lnga'i sangs rgyas su gyur cig/ sha khrag mang po mchod pa'i tshogs su rol pas// zas kyi ro bde ba nyams su bstar bas 'byung ba chen po bzhi rigs kyi yum chen mo bzhir gyur cig/ rnam par shes pa'i tshogs brgyad ye shes brgyad kyi bdag nyid du bsgyur bas/ sku gsung thugs yon tan phrin las mang po'i sgo nas/cis kyang ma bsgribs par gyur cig/ khog pa ni rin po che gzhal yas khang du phul bas/ rin po che'i 'od zer sna bdun las gyur pa'i gzhal yas khang/ rgyan sna tshogs mdzes pa nam mkha'i mtha' dang mnyam par gyur cig/nang khrol snod kyi dkyil 'khor du dur khrod kyi gzhal yas khang gnas thun mong ma yin pa nas/ glo ba las kyi he ru ka la phul bas/ glo ma bu thabs dang shes rab 'brel ba las hUM dbugs kyi rang bzhin sgra chen po 'byung bas/bde bar gshegs pa'i gsung dbyangs kyi sgra bsgrags nas rnam smin dbang du 'du bar gyur cig/ mchin pa pad+ma he ru ka'i tshogs su phul bas/mchin gri dbang gi bla re sprin gyis khebs pas/ gti mug klu dbang ni dbang du bsdus/ mkhris pa chos nyid bdud rtsi phul ba la/ chos kyi bdud rtsi'i char chen po 'babs par gyur cig/mkhal ma g.yas g.yon rdo rje rigs kyi pha lam/ rin po che'i rigs dang rdo rje'i rigs la phul bas/ rin po che'i rigs la phul bas ni dgos 'dod kyi re ba yid bzhin skong bar gyur cig/ rdo rje'i rigs la phul bas dus gsum du 'gyur ba med de sra mkhregs rdo rje dang 'dra bar gyur cig/rdzu 'phrul yang/ tsit+ta sdug bsngal gyi tshogs ye shes sems dpa' la phul bas/ chos nyid sgyu ma'i don ye shes sgyu mas rtogs nas sprul pa sgyu ma'i sku mngon du phyung ste/rnal 'byor pa mang pos 'gro ba'i don byed par gyur cig/ lhu bcu gnyis lha mo bcu gnyis kyi tshogs su phul bas/ skye mched bcu gnyis lha mo bcu gnyis su gnas bsgyur te/rdo rje'i gdan la mngon par rdzogs par sangs rgyas nas/ chos kyi gdan tshoms chen po mdzad par gyur cig/ rgyu ma shes rab kyi lam du phul bas// rgyu yi chos nyon mongs pa lnga dang dug gsum las/'bras bu'i chos sku gsum ye shes lnga las/ gzhan du 'gyur 'ong med par nyid las nyid du sangs rgyas par gyur cig/ gnye ma thabs kyi dkyil 'khor du phul bas/ thabs mkhas pa'i thugs rje'i mdzad phyogs kyis 'khor ba ni dbyings su zlum pas/phyi dang nang gnyis su med pa'i don rtogs par gyur cig/ rnam par thar pa'i sgo bzhi la/ mid pa chos mthar byed kyi sgo srung du phul bas/ chos kyi sgo mo brgyad khri bzhi stong/nam du yang nub pa'i dus med par gyur cig/ sgro ba shes rab mthar byed kyi sgau srung du phul bas/ phyi nang gi gsang rgyud phun sum tshogs pa nam du yang nub pa'i dus med par gyur cig chu so bgegs mthar byed kyi sgo srung du phul bas/'das pa dang da lta dang ma byon pa dang dus gsum gyi bde bar gshegs pa rnams gdung rgyud mtha' nam du yang mi 'chad par gyur cig/ tshil nag gshin rje mthar byed sgo srung du phul bas/gshin rje dang bcas pa'i ma mo mtshams 'dral ba'i 'byung po tshar bcad nas/ gzhal yas khang dus gsum du bkra shis par gyur cig/ mgo mngon par byang chub pa'i dkyil 'khor du phul bas/mig shes rab kyi sgron mas ma rig pa'i mun pa sel bar gyur cig/ kha za byed kyi hom gyis rgyud drug gi rtsa ba gtor mar bzhes par gyur cig/ so las kyi khro bos dug gsum rtsad nas gcod par gyur cig/lce 'jig rten srid pa'i me dpung du phul bas/ 'khor ba'i bag chags bsreg pa'i gnyen por gyur cig/ sna sdug bsngal sna tshogs 'bud pa'i rlung du phul bas/ skyon gyi bag chags sel zhing 'thor ba'i gnyen por gyur cig/rna ba yon tan ma 'gags pa'i sgo mor phul bas/ gsung rab rgya mtsho chos nyid kyi sgra thos pas phrin las kyi rgya mtsho ji ltar bcol ba bzhin thos shing 'grub par gyur cig/lpags pa dbang gi bla re phul bas ye shes thibs su che ba'i khyad par las/ ba spu nyag re las kyang sprul pa lcam dral gyis 'jig rten yongs su 'khrigs pas/ 'gro ba'i don yid bzhin du byed par gyur cig/srin lag g.yon pa gyen du bsgrengs pas ni/ bka' drin chen po ni zhar yang mi nub pa'i g.yung drung gi rgyal mtshan chen po ni btsugs/ gsang sngags phyogs bcur dar ba'i dbang gis bdud bzhi bsnyal zhing mgo mnan pas/chos kyi ru mtshon chen po phyar ba'i mthus/ 'khor ba'i g.yul so ni mya ngan las 'das pa'i dbyings su bzlog/ dbal so rnon po ni dug gsum gyi dgra la btsugs pas/ phrin las rgyal thabs chen po brnyes te nyon mongs pa'i rgyu ngan song gsum ni stongs// sangs rgyas pa'i rgyu gsang sngags chos kyi dbu rmog ni btsan/ 'bras bu ye shes lha yi rgyal srid ni mtho bar gyur cig/ dgra lag g.yas pa thur du bcag pas ni/mu stegs lta ba sum brgya drug cu'i klad pa 'gems pa gsang ba'i gaN+Di yum gyi mkha' dbyings su brdungs pas nag po phyin ci log gi bstan pa ni bshig/ tshe la bar du gcod pa'i bdud bzhi ni btul/mtshan ma log par ston pa'i dgra bgegs mang po ni bri/ dus nye bar lhung ba'i ye 'drog mang po ni bzlog/ byur chag mang po kun nas sdang ba'i dgra bgegs mang po ni bcings nas/ bdag cag rdo rje che ge mo rnams ye shes bla ma'i sa non/ dbang phyug chen po'i gral thob/ phyag rgya chen po'i don rtogs par gyur cig de skad ces gsungs so// dbang chen bsdus pa'i tan+t+ra las/ sgrol ba gnas kyi smon lam gyi le'u ste bcu bdun pa'o//// mdzad pa phrin las kyi le'u bzhis bstan pa'i tha ma mnyes pa mchod pa'i le'u 'byung ste/ mnyes pa mchod pa'i le'u la'ang rang bzhin gnas nas spyan 'dren le'u dang/bsti gnas bzhugs gsol gyi le'u dang/ bskur 'os phyag 'tshal gyi le'u dang/ mnyes pa mchod pa'i le'u dang/ rtogs pas bdag bsgral le'u dang/ thugs rjes gzhan bsgral mchod pa'i le'u dang/ bcol pa'i phrin las kyi le'u dang/ phrin las kha skong phyag rgya'i le'u brgyad kyis bstan te/ de la dang por rang bzhin gnas nas spyan 'dren gyi le'u 'byung ste/ gong du bskyed pa'i dbu lnga'i gzhal yas khang du rdo rje dbyings kyi dkyil 'khor spyan drang ba 'di skad do// hUM/ dus gsum bde gshegs rgyal ba kun gyi gtso// rnam par snang mdzad rigs lnga 'khor dang bcas// dbang rnams rdzogs par mdzad pa'i don slad du// rdo rje dbyings kyi dkyil 'khor ma lus kun// rigs lnga spyi yi phyag rgyas spyan 'dren no// gar gyi spyi gtsug rgyan du gshegs su gsol// dzaHhUM baM hoH/ A+oM dzi na dzika lA ma dA+e Sha ra ti/ hUM badzra d+h+r-ika mUM d+hA twI shwa ri/swA rat+na d+h-ika mAM mo ha ra ti/ AM A ro lika byaM rA ga ra ti/ ha pradz+nyA d+h-ika tAM badzra ra ti/ ka ma la mu ka/ ka ma la pa 'di/ ka ma la la se/ ka ma la la sha ka/ sa ma ya ho// sa ma ya s+t+wam/ snga ma bskyed pa'i dkyil 'khor du/rta mgrin dbang gi dkyil 'khor spyan drang ba 'di skad do// hUM/ dbang gi rgyal po khro bo rta mchog dpal// phrin las myur mgyogs gar yang thogs pa med// drag shul srin po 'dul pa'i don slad du// rta mgrin dbang gi dkyil 'khor ma lus kun// rta gdong zhal gyi phyag rgyas spyan 'dren na// dbang gi rta skad 'tsher zhing gshegs su gsol// dzaHhUM baM hoH/ A+oM shrI pad+ma ba Da mu kha yo gI shwa ri ha ya g+h+rI wa e h+ye hi hriM hriM/gong du bskyed pa'i dkyil 'khor du ye shes sems dpa'i dkyil 'khor spyan drang ba 'di skad do// hUM/ mkhyen rig ye shes mnga' ba 'phrul pa'i gnas// phra mo'i ting 'dzin khro bo dpal gyi thugs// tshon gang gsal bar shar bas ma rig rmongs pa sel// ye shes sems dpa'i dkyil 'khor ma lus kun// rig byed lcags kyu'i phyag rgyas spyan 'dren no// shes rab sgron dang bcas nas gshegs su gsol// dzaHhUM baM hoH/ dz+nyA na sa twa hUM/ sa ma ya ho// sa ma ya s+t+wam/ gong du bskyed pa'i dkyil 'khor du/ 'gro ba 'dul ba'i dkyil 'khor spyan drang ba 'di skad do// hUM/ 'khor ba'i rgya mtsho cig char skem pa'i phyir// thabs ldan 'phrul gyi phyag mtshan sna tshogs kyis// 'gro drug gnas nas drang ba'i don slad du// 'gro ba 'dul ba'i dkyil 'khor ma lus kun// lu gu rgyud kyi zhags pas spyan 'dren na// sdug bsngal phung po 'joms phyir gshegs su gsol// dzaHhUM baM hoH/ ha ha ru lu hUM phaT/ ha ha ru lu hUM phaT sa ma ya ho// sa ma ya s+t+wam/ gong du bskyed pa'i dkyil 'khor du// khams gsum rnam par rgyal ba'i dkyil 'khor spyan drang ba 'di skad do// hUM// mkha' ltar khyab pa'i thugs rje nyi ma'i sku// 'gro ba'i dpal bskyed 'phags lam 'gro ba'i dpal/ rmad byung phrin las sna tshogs skur bstan pa'i// khams gsum rnams rgyal dkyil 'khor ma lus kun// khyung chen gshog pa'i phyag rgyas spyan 'dren no// gdug pa'i klu tshogasa'adul phyir gshegs su gsol// dzaHhUM baM hoH// A+oM dz+wa la dz+wa la a mo g+ha sid+d+hi hUM// dz+wa la dz+wa la a mo g+ha sid+d+hi traM/ sa ma ya ho// sa ma ya s+t+wam/ gong du bskyed pa'i dkyil 'khor du// hUM mdzad khro bo zhabs kyi dkyil 'khor spyan drang ba 'di skad do// hUM// srid pa ma lus dkyil 'khor rab byams 'dir// 'jig rten 'das pa dbang du bsdu ba'i phyir// zil gnon drag po 'dul ba'i don slad du// hUM mdzad zhabs kyi dkyil 'khor ma lus kun// brkyang bskum phur pa'i phyag rgyas spyan 'dren na// gnon mdzad stobs kyi rgyal por gshegs su gsol// A+oM/ dzaHhUM baM hoH/ nA sha ya s+t+waM b+ha ni/ sum+b+ha ni sum+b+ha ni/ sa ma ya ho// sa ma ya s+t+waM/ gong du bskyed pa'i dkyil 'khor du/ gsang mchog thugs kyi dkyil 'khor spyan drang ba 'di skad do// hUM// shes rab sems ma yum gyi gzhal yas 'dir// rang byung ye shes thugs kyi sa bon rgyu// rdo rje che mchog bskul ba'i don slad du// gsang mchog yum gyi b+ha ga ma lus kun// dam tshig sbyong ba'i phyag rgyas spyan 'dren na// bde mchog dbyings la rol cing gshegs su gsol// A+oM dzaHhUM baM hoH// dz+nyA na sid+d+hi/ A+oM rA ga sid+d+hi A+oM// sa ma ya ho// sa ma ya s+t+wam/ gong du bskyed pa'i dkyil 'khor du// yon tan lhun gyis grub pa'i dkyil 'khor spyan drang ba 'di skad do// hUM// chags pa'i skyon bral pad+ma rA ga'i mdog/ yon tan lhun gyis grub pa gar gyi dbang phyug sku// log par lta ba gtan du rgyun gcad phyir// lhun gyis grub pa'i dkyil 'khor ma lus kun// glu bro gar gyi phyag rgyas spyan 'dren na// tshogs chen 'dun sar 'dus shing gshegs su gsol// A+oM dzaHhUM baM hoH// pad+ma ma hA shrI he ru ka ma hA tsaN+Da sarba duSh+tAn ha na ta ka pa tsa hUM hUM phaT/sa ma ya ho// sa ma ya s+t+wam/ dbang chen bsdus pa'i tan+t+ra las/ rdo rje tshig drug pas rang bzhin gnas nas spyan 'dren gyi le'u ste bco brgyad pa'o//// da ni spyan drangs pa'i dkyil 'khor der bzhugs su gsol te 'di skad do// rin chen pho brang klad pa'i gzhal yas su// 'od zer mang po'i gdan khri bshams pa la// rdo rje dbyings kyi dkyil 'khor ma lus kun// spros pa med pa'i tshul gyis bzhugs su gsol// gdul bya drag po thod rus gzhal yas su// ti ra gsar rnying gdan khri bshams pa la// rta mgrin dbang gi dkyil 'khor ma lus kun// rngom brjid bsgyings pa'i tshul gyis bzhugs su gsol// skye med tsit+ta thugs kyi gzhal yas su// dri med zla gsal gdan khri bshams pa la// ye shes sems dpa'i dkyil 'khor ma lus kun// mnyam pa nyid kyi tshul gyis bzhugs su gsol// za byed dur khrod phyag gi gzhal yas su// mos pa 'thad pa'i gdan khri bshams pa la// 'gro ba 'dul ba'i dkyil 'khor ma lus kun// dgyes pa rol pa'i tshul gyis bzhugs su gsol// rdzu 'phrul chen po klu yi gzhal yas su// sbrul nag spungs pa'i gdan khri bshams pa la// khams gsum rnam rgyal dkyil 'khor ma lus kun// khyung chen rdzogs pa'i tshul gyis bzhugs su gsol// khro bo chen po thugs kyi gzhal yas su// sha khrag rlon pa'i gdan khri bshams pa la// hUM mdzad zhabs kyi dkyil 'khor ma lus kun// zil gnon bgrad pa'i tshul gyis bzhugs su gsol// gzi ldan pad+ma thugs kyi gzhal yas su// longs spyod dgyes pa'i gdan mchog bshams pa la// gsang mchog thugs kyi dkyil 'khor ma lus kun// bde ba chen po'i tshul gyis bzhugs su gsol// ye shes lha yi pho brang gzhal yas su// nyi zla 'od kyi gdan mchog bshams pa la// lhun gyis grub pa'i dkyil 'khor ma lus kun// yon tan rdzogs pa'i tshul gyis bzhugs su gsol// A+oM tiSh+Tha badzra sa ma ya hUM/ dbang chen bsdus pa'i tan+t+ra las/ rdo rje'i tshig bzhi pas bsti gnas bzhugs gsol gyi le'u ste bcu dgu pa'o//// de ltar bzhugs su gsol ba nas dkyil 'khor la phyag bya ba 'di skad do// srid gsum 'joms mdzad thar lam 'dren pa'i lha// rnam par snang mdzad rigs lnga 'khor dang bcas// spyi gtsug rgyal ba'i yid kyis phyag 'tshal na// thugs rje mchog gis bdag la dgongs su gsol// dbang drag 'joms byed srin po 'dul ba'i lha// rta mgo ljang gu 'khor dang bcas pa la// brkyang bskum srin po'i tshul gyis phyag 'tshal na// thugs rje mchog gis bdag la dgongs su gsol// thig le chen po klong gi dkyil 'khor nas// ye shes sems dpa'i 'khor dang bcas pa la// mi g.yo bsam gtan tshul gyis phyag bgyi na// thugs rje mchog gis bdag la dgongs su gsol// ta kr-ita bcu drug thabs kyi brgyud pa'i tshogs// sprul pa'i phra men phyag mtshan 'khor bcas la// ma mo 'dzum pa'i tshul gyis phyag bgyi na// thugs rje mchog gis bdag la dgongs su gsol// gti mug gsum sel 'jig rten sgron ma'i lha// khams gsum rnam rgyal 'khor dang bcas pa la// klu 'brug 'bros pa'i tshul gyis phyag 'tshal na// thugs rje mchog gis bdag la dgongs su gsol// khams gsum dbang sdud khro bo non pa'i lha// hUM mdzad zhabs kyi dkyil 'khor ma lus la// drang srong tsog pu'i tshul gyis phyag 'tshal na// thugs rje mchog gis bdag la dgongs su gsol// bde ba chen po byang chub sems kyi gnas// gzi ldan pad+ma 'khor dang bcas pa la// ma mo mdangs byi tshul gyis phyag 'tshal na// thugs rje mchog gis bdag la dgongs su gsol// bsod nams ye shes tshogs kyis brgyan pa'i sku// pad+ma dbang chen gar gyi dbang phyug la// thal sbyar mi yi tshul gyis phyag 'tshal na// thugs rje mchog gis bdag la dgongs su gsol// a la la ho// a ti pu ho// pra tIts+tsha ho// dbang chen bsdus pa'i tan+t+ra las/ rdo rje tshig bzhi pas bkur 'os phyag 'tshal le'u ste nyi shu pa'o//// da ni mnyes pa mchod pa'i le'u 'byung ste/mnyes pa mchod pa'i le'u la yang rnam pa bzhi ste/ snang srid kyi mchod pa dang/ glu bro gar gyi mchod pa dang/ rang byung bdud rtsi'i mchod pa dang/ dam tshig rdzas kyi mchod pa dang bzhi'o// de la dang por snang srid kyi mchod pa 'byung ste 'di skad do// hUM bde bar gshegs so bcom ldan 'das// bde bar gshegs so khro rgyal gtso// bde bar gshegs so A ra li// rgyal ba rgyal mtsho ye shes kyis// srid pa rgya mtsho mtha' dag kun// kun bzang mchod sprin mchog tu rol// A+oM ma hA shU n+ya tA swa b+hA wa At+ma kou0f85haM/ gnyis pa glu bro gar gyi mchod pa 'bul ba 'di skad do// hUM/ lha yi lha mo glu bro gar gyi tshogs// dga' ldan longs spyod bsod nams grub pa'i rtags// mthun par snang ba'i longs spyod la// mdzes par 'gyur ba'i gar dang tshangs pa dbyangs kyi glu// mi gnas rol pa'i bro dang thugs dam bskul ba'i tshig/sprul pa mchog gi rkyen du 'tshams pa'i phyir// bde bar gshegs pa rnams la 'bul lags na// kun tu bzang po'i ngang gis bzhes su gsol// A+oM sarba ta thA ga ta pU dza swa b+hA ba At+ma kou0f85haM/ gsum p a rang byung bdud rtsi'i mchod pa 'bul ba ni/rgyud las/ mtshan dang ldan pa'i b+han+d+ha la// bdud rtsi lnga dang dza gad bcas// raM yaM khaM gi yig 'bru yis// mtshan nyid med par stong byas nas// bdag nyid chen po'i thugs ka nas// yig 'bru bcu yi 'od 'phros pas// mtshan nyid med pa'i stong pa las// A+oM las dbang chen yab yum sku// hu lu gong ma ta kr-ita bcu drug la// hu lu 'og ma phra men bcu drug sku// hUM las kham rgya dmus long sku// phaT las khyi spyang sgo srung sku// e las yum gyi b+ha gar gyur// As ni ma skyes mnyam pa nyid// ra lis gsang ba'i rdo rje las// yig 'bru bcu bzhi'i rang bzhin ni// rin chen phreng ba brgyus pa'am// mgal me klad la bskor ba bzhin// hrIHyis thams cad dbang du bsdu// dzaHyis yab yum thugs dam bskul// yab yum gnyis med sbyor ba las// byang chub sems kyi rang bzhin ni// dus gsum sangs rgyas mchod pa'i rdzas// de phyir rang byung bdud rtsir bsngags// zhes bya ste/ rang la mchod cing rang gis bza'// rin chen pho brang klad pa'i gzhal yas na// rnam snang mi bskyod rin chen mtha' las grub// rdo rje dbyings kyi dkyil 'khor ma lus la// dug lnga sman du bsgyur ba'i mchod pa 'bul// dbang rnams rdzogs pa'i dngos grub stsal du gsol// thod rus me ltar 'bar ba'i gzhal yas na// rta mgrin dbang gi dkyil 'khor ma lus la// dug lnga sman du bsgyur ba'i mchod pa 'bul// rdzu 'phrul myur mgyogs dngos grub stsal du gsol// dri med zla gsal 'od kyi dkyil 'khor na// ye shes sems dpa'i dkyil 'khor ma lus la// dug lnga sman du bsgyur ba'i mchod pa 'bul// mkhyen rig gsal ba'i dngos grub stsal du gsol// za byed dur khrod phyag gi gzhal yas na// rta mgrin ma mo phra men ma lus la// dug lnga sman du bsgyur ba'i mchod pa 'bul// dur khrod brgyad kyi dngos grub stsal du gsol// rdo rje rin chen sbrul nag gshog pa dang// khams gsum rnam rgyal dkyil 'khor ma lus pa// dug lnga sman du bsgyur ba'i mchod pa 'bul// khyung chen rdzogs pa'i dngos grub stsal du gsol// khro bo chen po thugs kyi gzhal yas na// hUM mdzad zhabs kyi dkyil 'khor ma lus la// dug lnga sman du bsgyur ba'i mchod pa 'bul// zil gnon drag po'i dngos grub stsal du gsol// gzi ldan pad+ma thugs kyi dkyil 'khor na// gsang mchog thugs kyi dkyil 'khor ma lus la// dug lnga sman du bsgyur ba'i mchod pa 'bul// skye 'chi med pa'i dngos grub stsal du gsol// ye shes lha yi pho brang gzhal yas na// lhun gyis grub pa'i dkyil 'khor ma lus la// dug lnga sman du bsgyur ba'i mchod pa 'bul// 'du 'bral med pa'i dngos grub stsal du gsol// zur gsum logs gsum gdan steng na// kham rgya chen mo drug rnams la// dam tshig mchog gi mchod pa 'bul// bcol ba'i phrin las 'grub par mdzod// thod skam 'bar ba'i bar khyams la// long ba rgyab sbrel brgyad rnams dang// sprul sku dmus long drug cu la// dam tshig mchog gi mchod pa 'bul// bcol ba'i phrin las 'grub par mdzod// me ri smug po'i bar khyams na// ye shes dpal gyi khyi spyang la// dam tshig mchog gi mchod pa 'bul// bcol ba'i phrin las 'grub par mdzod// dkyil 'khor phyogs bzhi sgo bzhi na// sgo ba chen mo bzhi rnams dang// me 'brug rlung 'brug la sogs la// dam tshig mchog gi mchod pa 'bul// bcol ba'i phrin las 'grub par mdzod// bzhis bstan pa'i tha ma dam tshig rdzas kyi mchod pa 'bul ba 'di skad do// yab yum gnyis med dgyes par sbyor ba'i rdzas// dbang po dbyer med bde ba chen po'i ngang// byang chub sems kyi mchod pa dam pa 'di// gnyis su med pa'i tshul gyis 'bul lags na// blang dor med pa'i ngang du bzhes su gsol// srid pa'i gcong snying zad par bya ba'i phyir// khams gsum nad pa gso ba'i gnyen po'i rdzas// bdud rtsi chen po pany+tsa a mr-i ta// bla med sman pa'i tshogs la 'bul lags na// 'gro ba'i rims nad gcad phyir bzhes su gsol// nyon mongs ma rig las kyi 'khrul pa'i dug/'jig rten skye shi rtsad nas gcad pa'i phyir// dung chen dmar gyis bkang ba'i dam rdzas 'di// gnyis su med pa'i tshul gyi 'bul lags na// blang dor med pa'i ngang gis bzhes su gsol// yid la gdung ba'i rig pa 'phreng ba'i phyir// yab yum thabs dang shes rab ye 'brel yang// zla gam 'du 'bral med pa'i mchod pa 'di// gnyis su med pa'i tshul gyis 'bul lags na// blang dor med pa'i ngang gis bzhes su gsol// rang rgyud bshig pa'i phung po rdos pa can// bdag med rgyal ba'i zhing du sbyor ba'i tshe// zhing chen rdzas kyi mchod pa dam pa 'di// gnyis su med pa'i tshul gyis 'bul lags na// blang dor med pa'i ngang du bzhes su gsol// A+oM ru ru pa ti ma hA su kha sid+d+hi a la la ho// ma hA yo gi ni kha raM/ ma hA ta ki ni kha raM/ kha kha le le hrIHb+h+yo/ sarba pany+tsa a mr-i ta khA hi khA hi// dbang chen bsdus pa'i tan+t+ra las/mnyes pa mchod pa lngas mchod pa'i le'u ste nyer gcig pa'o//// da ni rtogs pas bdag bsgral gyi mchod pa 'byung ste 'di skad do// hUM/ khams gsum rgyu drug bsgral ba'i don slad du// sngon gyi rgyal bas thugs dam bzhes pa ni// log rtog 'khrul pa'i zhen pa bzlog pa dang// skye 'chi 'khor ba'i 'dam nas dbyung ba'i phyir// rtogs pas bdag bsgral bsam dang ldan pa yis// thugs rje chen pos bzung nas gzhan bsgral rnams// snying po byang chub sems su dgod pa'i phyir// rab 'byams srid pa'i 'jig rten ma lus kun// skad cig cha la ting 'dzin gyis// shes rab zab mo yum gyi mkha' dbyings su// sngags dang phyag rgya'i smon lam mthu stobs kyis// rgyal ba'i sras su 'bras bu grub par bsngo// sha khrag drod dang dbyug kyi tshogs la sogs// sa chu me rlung 'byu ba chen po bzhi// shes rab yum gyi pad+mar rab bstims pas// dgyes par rol pa'i dam rdzas bdud rtsi 'dis// sku gsung thugs kyi thugs dam bskang gyur cig/ gzugs dang tshor ba 'du shes bya byed rnams// phung po lnga yi 'khor dang bcas pa rnams// bde gshegs rigs lnga'i thugs su rab bstims pas// dgyes par rol pa'i dam rdzas bdud rtsi 'dis// sku gsung thugs kyi thugs dam bskang gyur cig/ khams dang skye mched 'du byed mang po rnams// rta mchog 'bar ba'i tshogs su rab bstims pas// dgyes par rol pa'i dam rdzas bdud rtsi 'dis// sku gsung thugs kyi thugs dam bskang gyur cig/ kun gzhi yid dang nyon mongs sgo lnga'i 'khor// rnam par shes pa 'khor dang bcas pa 'di// mkhyen rab ye shes tshogs su rab bstims pas// dgyes par rol pa'i dam rdzas bdud rtsi 'dis// sku gsung thugs kyi thugs dam bskang gyur cig/ mig dang rna ba sna dang lce yi tshogs// dbang po lnga yi 'khor dang bcas pa 'di// sprul pa rgya mtsho'i tshogs su rab bstims pas// dgyes par rol pa'i dam rdzas bdud rtsi 'dis// sku gsung thugs kyi thugs dam bskang gyur cig/gzugs dang sgra dang dri dang ro reg chos// 'dod pa lnga yi 'khor dang bcas pa 'di// rdo rje gshog pa'i tshogs su rab bstims pas// dgyes par rol pa'i dam rdzas bdud rtsi 'dis// sku gsung thugs kyi thugs dam bskang gyur cig/ 'dod chags zhe sdang gti mug nga rgyal phrag dog che// nyon mongs lnga yi 'khor dang bcas pa 'di// khro rgyal 'bar ba'i tshogs su rab bstims pas// dgyes par rol pas dam rdzas bdud rtsi 'di// sku gsung thugs kyi thugs dam bskang gyur cig/ gzugs kyi khog stong dur khrod gzhal yas su// nam mkha'i mtha' dang mnyam par rab sprul nas// rgyal ba yab yum sras dang bcas pa 'di// bzhugs gnas dam par dmigs te 'bul lags na// pho brang bla med thugs dam bskang gyur cig/ nang khrol glo snying mkhal ma mchin pa dang// rgyu long la sogs snod dang bcas pa 'dis// dur khrod 'byung ba'i dkyil 'khor chen por bsngo// thabs la mkhas pas byin gyis brlabs nas kyang// sgo skyong 'khor bcas thugs dam bskang gyur cig/ lpags chen g.yang gzhi sdug bsngal gsob kyi tshogs// khro rgyal gang gi na bzar rab sprul nas// bkra shis chen por byin gyis brlabs nas ni// glang chen ko rlon brjid du che ba dang// stag chen sham thabs dpa' bar ldan pa dang// zhing lpags rlon pa thabs la mkhas pa yi// na bza' rgyan gyis thugs dam bskang gyur cig/ a la la ho// a ti pu ho// pra ti pu ho// dbang chen bsdus pa'i tan+t+ra las/ rtogs pas bdag bsgral gyi le'u ste nyer gnyis pa'o//// da ni thugs rje chen pos khams gsum yongs bsgral gyi mchod pa dbul ba 'byung ste 'di skad do// hUM/ khams gsum yongs sgrol mdzad pa'i sha khrag la// gtum chen me ltar 'bar ba'i gzhal yas su// gdug pa'i 'khor dang phra men srin mo'i tshogs// gcan gzan dom dred wa spyang mang po 'byung/ za byed mche ba ngar mas dkar dang dmar la rol// nang cha don snying thod khrag dbang po'i tshogs// 'jig rten srid pa'i don snying sngon gyi lugs bzhin 'bul// mi mjed stong gi gnas mchog dam pa ru// tshangs pa khyo shug bsgral ba'i phung po yis// dpal chen spyan gyi thugs dam bskang gyur cig/dga' byed bsten pas myos pa'i 'jig rten na// sum cu rtsa gsum lha dbang dbang bsgyur gtso// brgya byin khyo shug bsgral ba'i phung po yis// dpal chen zhal gyi thugs dam bskang gyur cig/ gzhan 'phrul dbang byed bsod nams grub pa'i mthus// bdud kyi rgyal po khyo shug bsgral ba'i phung po yis// dpal chen mche ba'i thugs dam bskang gyur cig/ blta ba log par rtogs pa'i mu stegs lha// ma hA de ba khyo shug bsgral ba'i phung po yis// dpal chen shangs kyi thugs dam bskang gyur cig/ 'jig rten dug gsum dbang gis myos pa'i lha// zhe sdang srin po khyo shug bsgral ba'i phung po yis// rta mgo ljang gu'i thugs dam bskang gyur cig/dus ngan las kyi mnar ba'i 'khor ba'i lha// nyi zla gza' skar khyo shug bsgral ba'i phung po yis// dpal chen snyan yi thugs dam bskang gyur cig/ rnam smin zhe sdang brdar ba'i 'chi bdag lha// gshin rje khyo shug bsgral ba'i phung po yis// dpal chen phyag gi thugs dam bskang gyur cig/ 'jig rten las kyi grub pa'i mthu bo che// klu chen khyo shug bsgral ba'i phung po yis// dpal chen gshog pa'i thugs dam bskang gyur cig/dur khrod gsang ba'i longs spyod ci 'dra ba// ti ra gsar rnying zhing chung tshogs la sogs// keM rus gnas su gyur pa'i ri rab kyis// dpal chen zhabs kyi thugs dam bskang gyur cig/nyon mongs lnga dang bcas pa'i phung po lnga// sdug bsngal nad dang bcas pa'i 'byung ba bzhi// 'dod chags rkyen dang bcas pa'i dbang po lnga// sku lnga chos lnga dbyer med ye shes lnga// kun tu bzang mo mkha' dbyings bde ba la// mnyam nyid don gyis dbyings nas bzhes su gsol// sku gsung thugs kyi bde ba mchog skyed cig/ oM AHhUM/ dgyes pa chen po dam tshig mchog la rol cig sa ma ya/ bzhad pa'i gad mos 'brug stong sgrogs shig ha ha he// ha ha he/ gnod pa'i 'byung po za byed tshogs su bstab po ma tang kha ma tang kha// sdang ba'i dgra bgegs tshul bzhin drongs shig ka ruk+sha ka ruk+sha// dbyings kyi bde ba 'bul lo mal lu phe khA hi// kun rdzob cho 'phrul bskyed cig ha le hu le khA hi// shes rab thabs su rol cig ma tse me tsa khA hi// yab yum zung du 'khril te rak+ta rug ti khA hi// 'jigs byed dkyil 'khor bskyed cig kro ta sham b+ha ri// thugs dam chen po skongs shig a la la ho// dngos grub dbyig mchog stsol cig/ bsam pa rgya mtsho sgrubs shig/ bdud dpung chen po chom zhig/ dgra dpung chen po chom zhig/ a la la ho// dbang chen bsdus pa'i tan+t+ra las/ thugs rjes khams gsum yongs sgrol gyi le'u ste nyer gsum pa'o//// da ni mnyes pa'i mchod pa'i le'u las spyi don bdun pa/ bcol pa phrin las kyi le'u 'byung ste 'di skad do// dus mtha'i bskal pa me ltar 'bar ba'i klong rum nas// za byed khrag 'thung le brgan 'bar ba'i sku// dbang gi rta gdong phrin las ljang gu ni// 'od kyi gzi byin nam mkha'i mdangs su che// spyan gyis gzigs thabs phrin las rnam bzhi ni// sdang mig log pa'i spyan dmar bzlog pa ni// nga med bdag tu lta ba'i khro bo kun// phyogs med zil gyis mnan par thugs dam bskul// zur mig 'phreng kyi gzigs thabs bstan pa ni// gsang ba yum gyi tshogs chen ma lus kun// gdung pa'i tshul gyis sku la 'khril ba dang// zla gam 'od kyi 'phro 'du 'bul ba dang// b+ha ga'i gnas su ling+ga bsten pa'i phyir// thogs med zil gyis mnan par thugs dam bskul// ngan song yongs su sbyong ba'i gzigs thabs kyis// log 'dren gtan du 'khyams pa'i yi dwags dang// gti mug yun du rmongs pa'i byol song gnyis// sdug bsngal bzod par dka' ba'i dmyal ba gsum// thar lam yang dag gnas su bsgral ba'i phyir// 'khor ba g.yul bzlog phrin las thugs dam bskul/ dgyes mdangs zhi ba'i gzi mdangs bstan pas ni// srid pa rab byams 'jig rten ma lus kun// phyogs med dbyings kyis zil gyis mnan pa dang// zhe sdang khro gtum gzhil bar thugs dam bskul// snyan gyi khro rgyal dung gi khong gseng nas// gsan pa ma 'gags chos nyid sgra dbyangs kyis// nyon mongs sgra rnams dbyings su dbang bsgyur zhing// dmigs pa ma chad sna tshogs sgra la sogs// sgra mtha' ji bzhin go bar thugs dam bskul// gzhan gyi snyan dang thun mong ma lags te// ye shes snyan gyis 'bod sgrogs mang po gson// thugs rje'i snyan gyis nyam thag sgra la gson// thabs kyi dbyangs la bskul ba'i dbyangs la gson// phyi nang gsang ba'i snyan gsum rdzogs pa yis// ji skad bskul bar gsan pa'i thugs dam bskul// shangs ni khro rgyal 'bar ba'i klong rum nas// dug lnga gsod pa'i mtshon lnga ye shes sku// khams gsum bsgral ba'i phrin las bcol ba ni// AM/ 'dod chags dbang bsgyur dri med pad+ma'i sku// chags pa'i skyon rnams sbyang bar thugs dam bskul// hUM/ zhe sdang dbang bsgyur skye med rdo rje'i sku// sdug bsngal phung po bshig par thugs dam bskul// A+oM// gti mug dbang bsgyur ye shes 'khor lo'i sku// ma rig rmongs pa bsal bar thugs dam bskul// swA/ nga rgyal dbang bsgyur yid bzhin rin chen sku// dregs pa'i rgyal po bshig par thugs dam bskul// hA// phrag dog dbang bsgyur bde chen gar gyi sku// skye 'chi rtsad nas gcod par thugs dam bskul// zhal ni khro rgyal 'bar ba'i klong rum na// hom lngar 'brel pa'i sbyin bsreg chen po mdzad// za byed khro bo'i dkyil 'khor ma lus kun// dug gsum bza' ba'i mgron du spyan 'dren no// rgyu drug gtor mar bzhes pa'i thugs dam bskul// pad+ma le brgan cir yang 'gyur ba'i ljags// zla gam 'phro 'du dbyings su 'gyur ba'i gsung// dri med rgyal ba'i gsung rab bdud rtsi'i char// bde chen chu bo'i rgyun ltar spro bar thugs dam bskul// thugs ni khro rgyal phra bar bsgom pa'i lha// phra mo'i ting 'dzin ye shes he ru ka/rdul gcig steng na rdul snyed skur sprul zhing// chos nyid dbyings kyis bsdus pa'i 'jig rten na// ma rig rmongs pas ldongs pa'i skye 'gro dang// rnal 'byor dam la gnas pa'i sgrub pa po// thog ma med pa'i dus nas 'khor ba'i rgyu// gzung 'dzin skyon gyi bag chags ma lus kun// gtan nas sbyang bar thugs dam chen po bskul// sku ni khro rgyal rngom brjid bsgyings pa'i lha// thod sbrul me ltar 'bar ba'i hUM sgra can// zhag chen thig le dmar chen tshom bus brgyan// sprul pa rgya mtsho 'khrigs pa'i sprin tshogs la// 'dod chags zhe sdang gnyid kyis rmongs pa rnams// gdug pa ma lus 'dul bar thugs dam bskul// phrin las rgyan gyi thugs dam bskul ba ni// thugs dam dbang gi log 'dren 'dul ba'i phyir// dbu rgyan tshogs la thugs dam bskul ba ni// dbang rnams rdzogs pa'i phrin las 'grub par mdzod// rta mchog tshogs la thugs dam bskul ba ni// srin po 'dul ba'i phrin las 'grub par mdzod// ye shes tshogs la thugs dam bskul ba ni// thabs la mkhas pa gsang ba'i thugs dam 'grub par mdzod// phyag mtshan tshogs la thugs dam bskul ba ni// dur khrod gzhom pa'i phrin las 'grub par mdzod// gshog pa'i tshogs la thugs dam bskul ba ni// klu chen 'dul ba'i phrin las 'grub par mdzod// zhabs kyi tshogs la thugs dam bskul ba ni// gzir gnon bgrad pa'i phrin las 'grub par mdzod// gzi ldan tshogs la thugs dam bskul ba ni// tshe gnas gsang ba'i phrin las 'grub par mdzod// dpal chen tshogs la thugs dam bskul ba ni// lhun gyis rdzogs pa'i phrin las 'grub par mdzod// A+oM ye shes lnga las sprul cig a la la// g+hu h+ya gsang ba'i tshig tu sdus shig a la la// swa sti grub pa mang po tshogs la rol cig a la la// yo gi nI rnal 'byor mang po'i tshogs su sdus shig a la la// hrIM hrIM sngon gyi 'bod pa'i brda skad lags pa a la la// b+h+yo b+h+yo phrin las bcol ba brda skad mang po a la la// kha kha kha le le b+h+yo zhal du bstab pa lags pa dz+nyA na sid+d+hi b+h+yo/ gnyis su med par sbyor cig sta na sid+d+hi b+h+yo/ skye 'chi med par sgrol cig yak+sha sid+d+hi b+h+yo/ srin po ma lus sgrol cig yak+sha sid+d+hi b+h+yo/ gnod sbyin ma lus sgrol cig/thugs dam bskongs shig/ dngos grub stsol cig/ a la la ho// dbang chen bsdus pa'i tan+t+ra las/ bcol ba phrin las kyi le'u zhes bya ste nyi shu rtsa bzhi pa'o//// ye shes chos nyid mnyam pa la// bya ba byed par mi dmigs kyang// sku gsum phyag rgyar brtag pa'i phyir// phrin las phyag rgya le'u 'di gsungs so// lag pa g.yas pa'i sor mo la// yab lnga'i dpa' bo 'bru lnga dgod// lag pa g.yon pa'i sor mo la// yum lnga'i dpa' mo 'bru lnga dgod// yab yum gnyis med sbyor ba las// rigs lnga'i phyag rgya 'byung ba'i rgyu// g.yon gyi rdo rje khu tshur nang// g.yas kyi mdzub mo bcug nas ni// snying gar bzhag ste bsgom pa ni// rnam snang dpal gyi phyag rgya'o// g.yas pa'i thal mo snying gar brkyang// g.yon gyi thal mo sa la gtugs// mi 'khrugs pa yis phyag rgya'o// g.yas kyi thal mo snying gar brkyang// g.yon gyi thal mo bkan nas brkyang// sbyin pa'i tshul du ston pa ni// rin chen 'byung ba'i phyag rgya'o// lag pa g.yas kyis g.yon mnan nas// snying gar bzhag ste bsgom pa ni// 'od dpag med pa'i phyag rgya'o// g.yon gyi thal mo snying gar brkyang// g.yas pas skyob pa ltar byed pa// gdon mi za ba'i phyag rgya'o// lag gnyis rdo rje bsdams pa las// gung mo mthe'u chung rtse sbyar nas// mdzub gnyis lcags kyu ltar bkug ste// mthe bong phral nas bsgreng ba ni// rta gdong zhal gyi phyag rgya'o// lag gnyis rdo rje bsdams pa las// mdzub gnyis lcags kyu ltar bkug nas// bskul zhing 'dren pa ltar byed pa// rig byed lcags kyu'i phyag rgya'o// lag gnyis rgyab sbyar srin lag bsgreng// mthe bong gung mo so sor sbyar// lu gu rgyud gyi zhags pa'o// lag gnyis mthe bong sbrel ba las// lhag ma lo ma ltar brkyangs te// sta zur g.yas g.yon brkyang ba ni// khyung chen gshog pa'i phyag rgya'o// lag gnyis the bong sbrel nas ni// g.yas kyi sor mo bskum byas nas// g.yon pa brkyang ste thur du btsug/ brkyang bskum phur pa'i phyag rgya'o// lag pa g.yas g.yon thal mo sbyar// rtse bsnol gdugs phub ltar byas la// dam tshig sbyor ba'i phyag rgya'o// lag pa g.yas g.yon gar bsgyur zhing// kha nas sngags dang tshig zlos pa// glu bro gar gyi phyag rgya'o// lag pa g.yas pa'i sor mo brkyang// g.yon gyi sor mo phyed sleb sbyar// spyi bor bzhag ste phyags byas pa// spyi gtsug rgyal ba'i phyag rgya'o// rkang pa g.yas bskul g.yon brkyang nas// lag pa thal sbyar phyag byas pa// brkyang bskum srin po'i phyag rgya'o// lag pa g.yas g.yon snying gar bsnol// mig gnyis btsums nas phyag byas pa// mi g.yo bsam gtan phyag rgya'o// g.yas pa'i thal mo snying gar sbyar// g.yon gyi thal mo smin phrag bsgreng// ma mo 'dzum pa'i phyag rgya'o// gzhogs g.yas sa la bsnyes nas ni// lag gnyis sa la rdebs pa ni// klu 'brug 'bros pa'i phyag rgya'o// rkang gnyis long bu sbyar nas ni// lag gnyis thal sbyar tsog tsog 'dug/drang srong tsog bu'i phyag rgya'o// lag pa g.yas pa'i thal mo la// mdangs chen phyung nas lta ba ni// lha mo mdangs kyi phyag rgya'o// lag pa thal sbyar lus btud nas// gus pa'i sems kyis bskor ba ni// thal sbyar mi yi phyag rgya'o// dbang chen bsdus pa'i tan+t+ra las/ mnyes pa mchod pa'i le'u la brgyad kyis bstan pa'i tha ma phrin las kha skong phyag rgya'i le'u zhes bya ste nyi shu rtsa lnga pa'o//// bsgom khog rtsa ba'i le'u rnams las/ kun rdzob cho 'phrul cir bstan yang// skye med dbyings su gcig pa'i phyir// gsang ba mya ngan 'das pa'i le'u 'di gsungs so// khams gsum dbang du sdud pa'i gzhal yas khang// nam mkha'i mtha' mnyam cho 'phrul cir yang ston// skye med byang chub sems las ma g.yos phyir// gsang ba yum gyi b+ha gar mya ngan 'das// 'gyur med 'jigs spangs seng ge'i khri gcal ni// dbang phyug mngar bsdus cho 'phrul cir ston yang// skye med byang chub sems las ma g.yos phyir// gsang ba yum gyi b+ha gar mya ngan 'das// rin chen 'bar ba'i khri rkang bzhi snang bas// rigs bzhi khrag 'thung cho 'phrul bzhir snang yang// skye med byang chub sems las ma g.yos phyir// gsang ba yum gyi b+ha gar mya ngan 'das// pad+ma le brgan kha dog 'bar ba las// kun tu bzang mo'i cho 'phrul cir ston yang// skye med byang chub sems las ma g.yos phyir// gsang ba yum gyi b+ha gar mya ngan 'das// sprul sku nyi zla'i dkyil 'khor 'bar ba las// thabs dang shes rab cho 'phrul cir yang ston// skye med byang chub sems las ma g.yos phyir// gsang ba yum gyi b+ha gar mya ngan 'das// rang sems yi ge hUM gi byin rlabs las// rdo rje'i sems dpa'i cho 'phrul cir snang yang// skye med byang chub sems las ma g.yos phyir// gsang ba yum gyi b+ha gar mya ngan 'das// yi ge hUM drug cho 'phrul chen po las// gar dbang lha yi cho 'phrul cir snang yang// skye med byang chub sems las ma g.yos phyir// gsang ba yum kyi b+ha gar mya ngan 'das// brjid pa'i dbu rgyan rigs lnga'i dkyil 'khor las// rdo rje dbyings kyi cho 'phrul cir snang yang// skye med byang chub sems las ma g.yos phyir// gsang ba yum gyi b+ha gar mya ngan 'das// srin po 'dul byed rta mgo ljang gu ni// rdzu 'phrul myur mgyogs cho 'phrul cir snang yang// skye med byang chub sems las ma g.yos phyir// gsang ba yum gyi b+ha gar mya ngan 'das// gsang ba thugs kyi dpal be'u'i sgrom bu nas// ye shes sems pa'i cho 'phrul cir snang yang// skye med byang chub sems las ma g.yos phyir// gsang ba yum yi b+ha gar mya ngan 'das// za byed dur khrod phyag gi gzhal yas nas// ta kr-ita phra men cho 'phrul cir snang yang// skye med byang chub sems las ma g.yos phyir// gsang ba yum gyi b+ha gar mya ngan 'das// rdzu 'phrul chen po gshog pa'i gzhal yas nas// khams gsum rnam rgyal cho 'phrul cir snang yang// skye med byang chub sems las ma g.yos phyir// gsang ba yum gyi b+ha gar mya ngan 'das// gnon mdzad yongs kyi dkyil 'khor chen po las// 'jigs byed khro bo'i cho 'phrul cir snang yang// skye med byang chub sems las ma g.yos phyir// gsang ba yum gyi b+ha gar mya ngan 'das// sku rgyan dpal gyi chas su bstan pa dang// thugs gter gsang yum sku la 'khril ba gnyis// bka' sdod pho nya'i tshogs su bstan pa gsum// gdul bya'i bye brag so sor cir snang yang// skye med byang chub sems las ma g.yos phyir// gsang ba yum gyi b+ha gar mya ngan 'das// dbang chen bsdus pa'i tan+t+ra las/ gsang ba mya ngan 'das pa'i le'u ste nyi shu rtsa drug pa'o//// tshe la dbang thob rig 'dzin rnal 'byor pas// dbang chen bsdus pa'i tan+t+ra las// ro bsregs thal ba bsgrub pa'i phyir// bsdus te gsung ba'i sgrub thabs 'di// phun sum tshogs pa lngar ldan zhing// yid du 'ong bas dam pa btsal// dang po sa blangs byin gyis brlabs// brtags pa'i gnas su ma d+hal bya// 'dom gang gru bzhir khyud kor bcas// steng du rak+ta'i go ma ye// chags pa'i dam tshig sngags kyis byug/ de nas mtshan dang ldan pa'i yum// khrus byas dar ldan rgyan gyis bklub// dur khrod bka' dang mthun pa yis// gsang ba'i thig skud bkal nas kyang// spyi bor bzhag ste dbang bskur nas// chags pa chen por mchod pa'i sngags// lan gsum bzlas te gzi ldan du// gyur par dmigs te dgye bar bya// zla gam kha sprod zlum po la'i// dkyil du he zhal gru gsum la// gru gang kha bskor 'phang du brtsig/ sa bon mgar ba'i so dog gam// yang na snum chen bsreg pa'i sa// nag po sa las he zhal bri// mu la rak+ta zla gam du// 'od phung mtha' skor yug rnams bsngags// dmar po yon tan dbang du sdud// de yi dbus su bsags pa'i rdzas// dmar po dpal dang ldan pa'i shing// bshul la sogs pa'i snum po brdo// he yi dbus su yongs pas bshams// de yi 'gram mam steng dag tu// thod pa rnam gnyis hUM dang ldan// 'phro 'du dmigs pa'i rten du gzhag/ mtha' skor me ri dmar po la// phur ba dang ni rdzas rnam bkram// me sngags btab ste gzhag par bya// gsang ba'i gzungs thag dmar pos bcings// zla gam steng du longs spyod bkram// de nas thal ba bsgrub pa'i phyir// bam gyi ro yi sa phyogs su// ma mo gom pa drug cu yis// rdo rje'i 'gros su song nas kyang// rdo rje'i dpung gi sa phyogs su// bcu drug rol pa'i pho nya dgye// bkra shis chen po'i rta bros bskor// phyung nas shul du dmigs pa yang// khro bo rdzas las dmigs gnas gdag/ byang shar mtshams su bshig pa yang// lu gu rgyud kyi bris bskor te// dur khrod las bdag spyan drangs te// bshigs nas mngon spyod rol bar bsgom// snying ni dran pa'i rten yin pas// he yi steng du gzhag par bya// b+han+d+ha dbang po lnga yi rten// phral nas zla gam dbus su gzhag/ gzi brjid ldan pa'i lha mo lnga// steng du dbang po lnga yang gzhag/ re khA ya ni nar grol te// rkang lag sgo bzhi rnams su'o// thod skam bar khyams sgal tshigs te// me ri la ni rgyu phreng ngo// shun gyi g.yab dang rlung gi phyogs// sna tshogs yam shing brdzangs nas gzhag/ de nas bral ba'i sa bon mchog/ de yis 'phrad bu 'brug rus dang// byi la ban glang rnga mo dang// mkha' lding la sogs 'bras bu lnga'i// gsang dang gnyid la sogs pa yang// mar la sogs pas byugs las stsal// mtshan dang ldan pa'i shes rab kyis// thal mo sbyar nas 'di skad do// pu tsa me/ de yi 'og tu me yi lha// rgyal po bsgom pa'i ting nge 'dzin// snying po bzlas te g.yogs nas bsdam// bsnyen pa nyi khri bton nas kyang// mchod cing bsnyen pa'i las bya'o// ting 'dzin mchod pas tshim byas nas// de nas rdzas kyi mchod pas mchod// mtshan gsum dpe yis shes rab kyis// tsit+ta blangs te rus par bcas// phul nas rnam dag dbyings su bstan// mtshan dang rus pa de bzhin te// rna ba rus pa mig dang lce// sna dang khrag la sogs pa yis// sha dang rkang dang de bzhin te// tshil dang skra la sogs pa dbul// de nas ba su ta yi rdzas// mtshan dang ldan pa blangs te dbul// pho nya mchod pa'i sbyin sreg ste// gtun khur chen mo snga ma bzhin// de nas bgegs chen 'dul ba'i phyir// rtsed 'jo'i bro yang 'di skad do// ha na ha na pa tsa hUM phaT/ mchog la sogs pa'i shel tshogs ldan// gang yang rung pa bsgral ba'i phyir// snying la rtsed 'jo thabs kyi bro// lu gu rgyud kyi 'di skad do// aM ku sha dzaH/ de nas dbang po lnga rnams la// rtsed 'jo'i tshul gyis gar byed cing// brjid pa'i stabs kyis 'di ltar ro// s+pho Ta baM/ pA sha hUM/ g+haN+De hoH/ de dag zhing bcu bsgral ba'i tshig/dkyil 'khor de yi don yang bshad// 'dom gang gru bzhi khru tshad tsam// zla gam kha yod gsang ba'i mkha'// zlum po spros pa med pa'i don// he ni dbyings phyug gzi ldan dbyings// yam shing byang chub sems kyi gsung// me ni gnyis med sprul pa yin// dam rdzas lha tshogs mang por bkram// de nas rus pa'i yon tan bshad// 'bras bu lnga ni rigs lnga 'grub// rus sbal glang chen zil gyis gnon// 'brug ni mkha' 'gro dbang du sdud// byi la phra men dngos grub 'du// ban glang stobs kyis bgegs chen 'dul// rnga mo srin po'i rgyal po'i mthu yang phrog/ 'dab chags pho nya mang po'i mchog/ming rus sbal ba'i dus su yang// de nas bsreg par bya ba ni// rA ga pU tsa ya t+ya hUM dzaHdzaH// mtshon spyin bsreg pa'i las rnams bya'o// de nas thugs dam gzhung bzhin bskul// 'di yi dus su dgongs pa yang// pu tra can gyi snod nang du// rus pa btegs pa'i phye ma blugs// dmigs pa gsum las 'byung ba bzhin// nang du blugs te btul la gzhag/ de nas rdo rje lcam dral gyis// bskor te dbyangs blangs dbus su gzhag/de ltar dkyil 'khor rdzogs pa yang// rdo rje go tshags gzhung bzhin spel// phrin las bcol ba snga ma bzhin// yab yum gnyis su med par sbyangs pa las// sems kyi kha dog dkar po yi ge hrIH// mkha' mnyam spros shing slar yang bsdu// dngos med stong par gyur par dmigs// lha mo glog 'gyu ma dang rol pa las// byang chub sems ni A yu dmar por spro// rus pa mtshan med 'dra ba bzhin// dra ba mo dang gnyis med rol pa las// byang chub sems ni gnyis med stongs khams gang// bskul zhing don byas 'bar ba 'phro la dmigs// a mo de bas gnyis med mnyes gyur nas// sems kyi kha dog dmar dkar bsnol ba yang// skar tshogs lta bus rab tu 'khris pas bsgrub// gsungs pas tshim ltar btso ma'i kha dog bzhin// sder mo can gyis dgyes par byang chub sems// rin chen zhun ma lta bu'i sku sbyangs nas// dngos med byang chub sems su zhu ba las// bde ba'i dngos grub blang ba'i phyir// bsgrub pa de byi mtshan yod pa'i// rA ga pU tsa zhes brjod cing// thal chen 'od du zhu bar dmigs// yaM las rlung gis btegs nas kyang// gzi ldan gsang ba'i b+ha ga la// rang bzhin med pa'i chos skur gsal// mthar phyin mnyes shing 'gro rgyud sbyang// de yang mi g.yo dbyings su thim// de nas gsang ba'i mdud pa dgrol// snum la 'phel gyur grub pa'i rdzas// nyung na spangs shing ting 'dzin bskyar// grub na dngos la mtshan mas gdag/ mtshan ldan lag mthil a bsam ste// bros bskor dbang bskur byin gyis brlab// de nas dngos grub go skabs dbye// sa ma ya pad+ma d+ha ra pU tsa me/ dang por de byi gdab par bya/ de nas gtso dang rim pa bzhin// chad na bar chad chen po 'byung// lhag na rim pa bzhin du dgod// rdo rje slob dpon yab yum dang// mched kyang dgongs pa'i tshad dang sbyar// de nas lus la rtags bcangs na// sku gsung thugs kyi dngos grub thob// lus kyang dar la bab bcing sra// longs spyod ldan zhing bde skyid 'byung// de nas lhag ma'i gtor ma btang// dkyil 'khor bsdu zhing bkra shis gsol// yal bar mi gtong ma mo'i rten// glu dang dbyangs dang rnga la sogs// rtse 'jo mang po lugs bzhin bya// dbang chen bsdus pa'i tan dra las/thal chen bsgrub pa'i le'u+i ste nyi shu rtsa bdun pa'o//// tshe la dbang thob rig 'dzin rnal 'byor gyis// log rtog dngos po gzhom pa dang// cho 'phrul mngon du bstan pa'i phyir// dbang chen bsdus pa'i tan tra las// bskal pa'i thog thog gsang ba'i le'u// dgongs pa'i rgyu dang mthun par gsungs// dang por ting 'dzin rnam gsum las// rgyu yi ting 'dzin hUM dmar gsal// de yi skad cig ting 'dzin las// kha dog lnga yi 'bru bsgoms la// dbang chen dkyil 'khor rim pa bzhin// kha dog gsum po'i 'bru nyid las// bdag po'i rkyen dang 'tshams pa'i gnas// thug pa med pa'i gzhal yas khang// chos kyi sku dang mnyam par bskyed// de yi nang du dmigs pa yang// cho ga gsum dang ldan pa'i gsung// de las zhe sdang rdo rje'i sku// brgyud pas pad+ma he ru ka/ sku bskyed snying po 'di nyid do// pad+ma ma hA shrI he ru ka/ha ha hUM dzaH// sa bon sngags kyis gsal bar bsgyur// hUM/ hrIH/ phaT/ A+oM/ A/ hi/ ma/ dzaHdza/ ru lu/ dzas/ g+hu sha ba ga pra be sha/ badzra badzra/ yak+sha badzra hUM b+h+yo/ badzra hUM/ a ra li/ a hi sha dza kra tri/ dIp+da tsakra/ sku bskyed gsal bar gyur pa na// log rtog gzhom phyir 'di gsungs so// thog thog 'bar ba dbab pa'i phyir// hUM// dbang chen rgyal po rdo rje thog thog 'bebs// hUM dang phaT kyis srid gsum 'khor ba 'jig/hUM mdzad hUM gi byin rlabs bsam mi khyab// rdo rje khrag 'thung khrag gi rgya mtsho skem// rdo rje'i mtshon me gnam lcags tho lum 'dra// gsang sngags log par lta ba rab tu 'joms// 'jig rten 'di dang pha rol gnyis su yang// gdug pa sel cing dug gsum rtsad nas gcod// ma hA tsan+d+ha sarba duSh+tan ta ka ha na da ha pa tsa hUM phaT// log rtog dngos po bsgral nas kyang// rab tu rngam pa'i tshig gis bsdang// skrag cing dbang du 'dus par 'gyur// tshangs pa la sogs lha chen rnams// thog thog dpal gyis myos gyur te// sems ni bla med gnas su yang// tsakra zhes pa'i sngags dag gis// dbang gi skur bskyed tshangs pa'i mche ba gtsigs// shangs kyi sgrom nas thog thog 'bebs// A+oM 'khor los lus kyi rnam rtog bcom// AM gis ngag gi nyes pa sbyang// hUM gis sems kyi gzung 'dzin spang// swA yis nga rgyal ri bo bshig/ hA yis phrag dog gnas su dag/khams gsum ma lus rgyu drug kun// ye shes mtshon cha thog thog gis// sgrol bar ma gyur gcig kyang med// nan tan thugs rjes 'gro ba bsgral ba'i phyi// 'khor ba dong sprug chen po mdzad// mngon spyod ya mtshan chen po yi// mchog dang tsar+ya 'byor tshogs la// nan tan gyis ni pra be sha/ hUM gis rgyal sras gzhon nu'o// g.yung drung lta bu'i sku yang thob// 'du 'bral med pa'i dbyings su de// de nas phung po bshig byas te// lhag ma brgyad la bro brgyad brdung// mgo la lang ka gnon pa'i bro// tsit+ta 'khor ba'i khro bo che// rnam shes ta kr-ita chas brgyad bro// phung po khams dang skye mched la// zhabs kyi dpal gyi chas brgyad bro// yan lag bzhi la lha mo za byed bzhi yi bro// nang khrol ngan song rnams kyi bro// g.yang gzhi ma mo 'khrugs pa'i bro// sla bzhi khro bo zil gnon bro// A+oM nA sha ya stam b+ha ya nan/yak+sha sum+b+ha ni gan d+ha ri ri sha hUM kA ra pra be sha phaT/ b+ha ga wAn tshin+d+ha tshin+d+ha hUM/ kro d+ha ni kro d+ha ni hUM/ rdzogs dang mthar phyin las kyang bya// thog thog mngon par btang ba ni// rdo rje ngur mo'i ting nge 'dzin// gsal nas sngags 'di bzlas par bya// ma hA tsan+da sarba duSh+tan ha na ta ka pa tsa hUM phaT/ dz+wa la raM raM dz+wa la raM/ rak+sha rak+sha hUM raM/ ma hA ru lu sha/ e h+ye hi hUM b+ha ga bA na/ gser la btab ste gtor bar bya// de yi tshig kyang rab tu brjod// zas su sha chen drang bar bya// las 'di nges par bsgrub par bya// mkha' lding rdzas la dbang btsugs te// chu mig lkugs pa'i klu la gtad// thog thog 'bebs shing dgra bo 'chi// nges 'gyur 'di la the tshom med// dbang chen bsdus pa'i tan tra las/ rdo rje thog 'bebs kyi le'u ste nyi shu rtsa brgyad pa'o//// tshe la dbang thob rig 'dzin rnal 'byor gyis// 'byung po dgra bgegs tshar gcad phyir// dbang chen bsdus pa'i tan tra las// pho nya mngag pa'i las 'di gsungs// khrag 'thung 'bar ba'i thugs ka nas// las dang thugs las sprul pa yis// ye shes gsang bar bsdus pa las// 'di rnams dpe kha cig tu go ma la yang snang// rdo rje thugs kyi go la ma// rdo rje khrag 'thung gzungs ma ste// 'du 'bral med pa'i ngang nyid kyis// gang la byas pa'i gnas dag tu// khams gsum sgrol ba'i las mdzod cig/khrag 'thung 'bar ba'i dbu gtsug nas// rdo rje sku yi go la ma// de bzhin gshegs pa'i gzungs ma ste// 'du 'bral med pa'i ngang nyid kyis// gang la bya ba'i gnas dag tu// khams gsum sgrol ba'i las mdzod cig/khrag 'thung 'bar ba'i ljags las kyang// rdo rje gsung gi go la ma// pad+ma khrag 'thung gzungs ma ste// 'du 'bral med pa'i ngang nyid kyis// gang la bya ba'i gnas dag tu// khams gsum sgrol ba'i las mdzod cig/khrag 'thung 'bar ba'i lte ba nas// yon tan rdo rje go la ma// rin chen khrag 'thung gzungs ma ste// 'du 'bral med pa'i ngang nyid kyis// gang la bya ba'i gnas dag tu// khams gsum sgrol ba'i las mdzod cig/khrag 'thung 'bar ba'i zhabs las kyang// rdo rje las kyi go ma la// las rab khrag 'thung gzungs ma ste// 'du 'bral med pa'i ngang nyid kyis// gang la bya ba'i gnas dag tu// khams gsum sgrol ba'i las mdzod cig/ khrag 'thung sku yi 'od zer las// rdo rje las kyi go la ma// dpal dang kham rgya'i tshogs su sbyor// gnyis su med pa'i 'od zer ni// mi yi lus la dred mo'i mgo// mngag pa'i las la ma g.yel cig/ khrag 'thung sku yi me lce las// phra men las kyi go la ma// dpal dang spyang mo'i tshogs su sbyor// gnyis su med pa'i 'od zer ni// mi yi lus la lcags spyang mgo/phra men nyid pas las la brtson// mngag pa'i las la ma g.yel cig/ khrag 'thung zhabs kyi gdan khri las// khrag 'thung las kyi go la ma// dpal dang khyi mo'i tshogs su sbyor// gnyis su med pa'i 'od zer ni// mi yi lus la khyi yi mgo// mngag pa'i las la ma g.yel cig/ khrag 'thung 'bar ba'i ba spu las// phra men las kyi go la ma// dpal dang long ba'i tshogs su sbyor// gnyis su med pa'i 'od zer ni// mi yi lus la khyi yi mgo// phra men nyid pas las la brtson// mngag pa'i las la ma g.yel cig/ khrag 'thung 'bar ba'i gzhal yas las// phra men las kyi go la ma// dpal dang dmus long tshogs su sbyor// gnyis su med pa'i 'od zer ni// mi yi lus la dmus long mgo// phra men nyid pas las la brtson// mngag pa'i las la ma g.yel cig/ dpal chen pad+ma he ru ka'i// dbu yi dkyil 'khor man chad nas// zhabs kyi gdan khri yan chad du// thugs dam ngang las sprul pa yi// rdo rje las kyi go la ma// mngag pa tsam gyis las mdzod cig/ ma ma dzaHdzaHb+h+yo b+h+yo las la b+h+yo/ dbang chen bsdus pa'i tan tra las/ pho nya mngag pa'i le'u ste nyi shu rtsa dgu pa'o//// tshe la dbang thob rig 'dzin rnal 'byor gyis// bdud dang srin po 'dul ba'i phyir// dbang chen bsdus pa'i tan+t+ra las// pho nya mngag pa'i le'u 'di gsungs// ti ra chen po'i gnas nyul ma// rnal 'byor dbang phyug chen po la// bka' dang dam tshig ma nyams par// bsgrub pa rnams la dngos grub stsol// gang zhig bka' las 'da' byed pa// sgrub pa po la bar gcod pa'i// ma bdag las kyi nyul ma mo// srid pa gsum la bya ra mdzad// shar nas ti ra'i gnas nyul ma// rdo rje nam gyi srod la rgyug/ nag mo khrag gi ral pa can// ti ra chen mo kha na thogs// gzi ldan pad+ma'i sprul pa ste// nyams pa'i khrag 'thung dbang mo che// srin mo thod phreng yin par grags// lho nas ti ra'i gnas nyul ma// rdo rje nam gyi phyed na rgyug/ nag mo zhag gi ral pa can// ti ra chen mo khan thogs// gshog pa can gyi sprul pa ste// nyams pa'i khrag 'thung dbang mo che// srin mo skam ma yin par grags// nub nas ti ra'i gnas nyul ma// rdo rje nam gyi tho rang rgyug/ nag mo dung gi ral pa can// ti ra chen mo kha na thogs// dra ba mo yi sprul pa ste// nyams pa'i khrag 'thung dbang mo che// srin mo ra ro yin par grags// byang nas ti ra'i gnas nyul ma// rdo rje nyi ma'i zer la rgyug/ nag mo g.yu yi ral pa can// ti ra chen mo kha na thogs// sder mo can gyi sprul pa ste// nyams pa'i khrag 'thung dbang mo che// srin mo chang 'thung yin par grags// steng nas ti ra'i gnas nyul ma// rdo rje nyi ma phyed na rgyug/ nag mo gser gyi ral pa can// ti ra chen mo kha na thogs// glog 'gyu ma yi sprul pa ste// nyams pa'i khrag 'thung dbang mo che// srin mo phor thogs yin par grags// 'og nas ti ra'i gnas nyul ma// rdo rje nyi ma'i grib so sdud// nag mo zangs kyi ral pa can// ti ra chen po kha na thogs// the'u gshog ma yi sprul pa ste// nyams pa'i khrag 'thung dbang mo che// srin mo gzhong thogs yin par grags// dus drug ma mo khyed rnams kyang// sngon gyi thugs dam ji bzhin du// bsgrub pa las kyi bya ra mdzod// gang zhig nyams pa'i khrag la rol// ma nyams rnams la dngos grub stsol// bcol ba'i las rnams 'grub par mdzod// dbang chen bsdus pa'i tan tra las/pho nya ti ra'i gnas nyul gyi le'u ste sum cu pa'o//// tshe la dbang thob rig 'dzin rnal 'byor gyis// bdud dang dregs pa bsgral ba'i phyir// dbang chen bsdus pa'i tan tra las// shor ba gzhon nu'i le'u 'di gsungs so// thog ma med pa'i dus mtha' nas// bdud dang dbang phyug rje dregs pa des// 'jig rten khams kun za byed par// 'jigs byed chen po khrag 'thung gis// shor ba gzhon nu la sogs pa'i// bdud dang gshin dregs pa de// thugs rje tshad med bzhis bsgral nas// phung po nyal thabs gan rkyal te// 'dzam gling lho yi gling khams su// ro langs sa gzhir gyur par bshad// rU tra'i mgo ni lho nub mtshams// rkang pa byang shar mtshams su ste// lag pa gnyis ni g.yas g.yon gdengs// kun kyang thugs pa med par brkyang// de bas 'dzam gling sa 'di kun// bkra shis ya mtshan thugs rjer ldan// chos dang rdzu 'phrul 'byung ba'i gnas// cho 'phrul 'byung bar bka' stsal to// rU tra'i lus ni 'dzam bu'i gling// snying ni ma ga d+hA yi gnas// dur khrod ming ni bsil ba'i tshal// gzi ldan ma dang go'u ris bsrungs// mkhas dang snying stobs gnyi gar ldan// rU tra'i mgo ni lho phyogs kyi// dur khrod sing ga'i gling phran de// gshog pa mo dang tso'u ris bsrungs// mthong thos 'phrul dang ldan pa mnga'// rU tra'i lag g.yas shar lho'i mtshams// dur khrod bal yul yin pa ste// glog 'gyu ma dang puk+kas bsrungs// de na zas dang longs spyod ldan// rU tra'i lag g.yon lho nub mtshams// dur khrod chen po sA la'i yul// sder mo can dang be tAs bsrungs// mthu dang dbang chen gyad kyi gnas// rU tra'i rkang g.yas byang shar mtshams// dur khrod chen po li yi yul// dra ba mo dang tsaN+Das bsrungs// sha ki ni ste me chu 'grub// rU tra'i rkang g.yon nub byang mtshams// dur khrod chen po kha che'i yul// the'u gshog ma dang pra mos bsrungs// de na bde skyid phun sum tshogs// rU tra'i pho mtshan steng phyogs na// dur khrod chen po u rgyan yul// mgyogs me ma dang g+has mas bsrungs// 'byor ldan tshogs ni dngos grub 'chang// dngos grub thob pa de na mang// rU tra'i nang khrol ma lus kun// dur khrod chen po za hor yul// lang ka pu ri srin po'i gnas// a mo de dang sma shes bsrungs// srin po srin mo sha za dang// 'byor pa'i longs spyod kun dang ldan// dpal gyi thugs rje'i byin rlabs kyis// ta nas btul nas bsgrul ba yi// sa gzhi dkyil 'khor dam pa 'dir// 'das pa'i dus na sngon byung ba// sangs rgyas kun gyis byin gyis brlabs// de ltar gyur pa'i 'dzam gling 'di// skye shi gnas pa'i yul yin pas// phyi rabs sngags 'chang sgrub pa pos// 'jigs byed chen po'i dkyil 'khor ni// bka' bzhin bskyed nas byin brlabs nas// sngags mchog bdud rtsi bsgrub pa'i phyir// bsgral ba'i rgyu dang dam rdzas kun// sangs rgyas sgrub pa'i rgyu dang gzhi// dam tshig dam par srung ba'i rdzas// 'bras bu chen po lnga yin pas// bdud dang gshin rje la sogs dang// tshogs dang tsar+ya'i 'byor tshogs pa// le lo spangs pa'i brtson 'grus kyis// bar chad med par 'bad la bsgral// rnam shes hUM du bsgyur byas te// byang chub sems kyi dbang bskur nas// yang dag gnas su bsdu bar bya// de lta'i ta na'i dkyil 'khor 'dir// dur khrod bdag po btul nas ni// 'khor bcas ma lus dbang du bsdus// srin po yongs sgrol chen po mdzad// sa nas sa yi rim pa bzhin// gong nas gong du yang nas yang// mi ldog dbyings su thim par byas// bdud dang srin po ma lus kun// sngon gyi rgyal bas gsungs pa bzhin// btul nas yang dag sgrol mdzad pa// 'di ni sgrol ba'i phrin las so// dbang chen bsdus pa'i tan+t+ra las/ shor ba gzhon nu'i le'u ste so gcig pa'o//// tshe la dbang thob rig 'dzin rnal 'byor gyis// khams gsum 'khor ba'i sems can rnams// nye lam byang chub bstan pa'i phyir// dbang chen bsdus pa'i tan+t+ra las/ bsgrub pa zab mo'i le'u 'di gsungs/ phun sum tshogs pa lngar ldan zhing// de yang gsang bar shes par bya// maN+Dal zla gam bye brag kyang// mkhas pas dbyings su shes par bya// de phyir bsgrub pa zab mo'am// nye lam zhes kyang de la brjod// de ltar gyur pa'i dkyil 'khor du// dbang gi rgyal po'i sku bskyed cing// gdan lnga rim gyis bkod pa yang// zab mo'i don du shes par bya// rdzogs pa chen po yin pa'i phyir// gzhal yas gdal ba chos kyi dbyings// nam mkha' lta bu gnas mi dmigs// de lta'i dbus su sku bskyed pa// pad+ma gar gyi dbang phyug dang// gnyis su med par gzi dang ldan// rtogs nas gdeng du lon pa ni// zab mo zhes kyang de la brjod// de nas yum rnams bsgrub pa yang// dra ba can la sogs pa bzhi// spros dang bral ba shes par bya// zab mo zhes ni mkhas pas gsungs// dkyil 'khor chen po yin pa'i phyir// sgo srung khro bo mgo dgu brtsegs// theg chen dgu yi rim pa bzhin// de nyid gsang bar shes par ru// de phyir theg chen nye lam pa// de ltar dkyil 'khor rdzogs pa dang// rgyal po 'khor dang ldan pa bzhin// phyi rol long ba rgyab sbrel yang// chos skur gcig pas tha dad min// de yi phyir rim dmus long rnams// mi 'gyur dbyings su mya ngan 'das// 'khor ba ma spangs mya ngan 'das// de phyi dmus long 'khor ba can// phyi rim kham rgya chen mo drug/gzi ldan sprul par grags pas na// yungs kar tshul bzhin zlum por bzhugs// 'khor ba dbyings su zlum pa'i tshul// phyi rim spyang mo bsgrub pa ni// zhabs kyi sprul pa yin pas na// pho nyar bzang zhing mngag par mgyogs// de yang chos nyid yin pa'i phyir// zab mo'i don du shes par bya// khyi brgyad dgye zhing bsgrub pa yang// gsang ba'i sprul pa yin pa'i phyir// phra men sprul pa shes par bya// sprul pa me 'brug nag po rnams// yab yum 'du 'bral med pa yi// sprul pa yin par bstan pa yang// yang na srid pa'i rgyal por dmigs// rtsa ba'i dkyil 'khor bsgrub pa ni// phung po lnga nyid gzhal yas khang// tsit+ta dpal be'u sems kyi rten// dbang chen yab yum phyag rgyar gsal// ma bzhi bu brgyad dbyings phyug bzhi// de yang mtshan med spros dang bral// rnam shes brgyad po gnas su dag/ long ba rgyab sbrel ye nas gnas// shes pa'i yul brgyad gnas su dag/ dmus long 'khor bar ye nas gnas// zhabs kyi chas brgyad gnas su dag/ lcags kyi spyang mo ye nas gnas// khyi brgyad spyang mo brgyad dang bcas// zhabs kyi sprul par rab tu grags// de rnams rtsa bar bsdus pa'i phyir// zab mor bsgrub par shes par bya'o// dbyings las ye shes bsgrub pa'i phyir// ye shes dbyings su bzhugs pa la// rtags su gzi ldan thugs kar sbas// zab mo zhes kyang de la bsngags// long ba rgyab sbrel ye shes 'khor// mgo dgu brtsegs pa yan chad kun// 'khor gyi chos kyi dbyings su dmigs// gtso bo yab yum ye shes te// ye shes dbyings la sbyor ba'i phyir// stong pa chen por rab bsgoms na// zab mo zhes kyang de la brjod// de ltar dbyings las ma g.yos kyang// mtshan ma'i dngos po bshig pa dang// log par blta ba gzhom pa'i phyir// pho nya rnams zhes bshad par bya'o// bdag nyid chen por rab rtogs te// btsal ba med par dbyings gcig na// pho nya zhes kyang de la bya// bya dang byed par mi dmigs shing// 'phro 'du la sogs mi brtsam na// 'gyed pa zhes kyang de la bya// pho nya'i don drug bshad pa ni// sku dang rngams dang ye shes dang// bsgrub dang sprul pa yig 'bru'o// yang na pho nya gsum du bshad// don dang las dang rigs la sogs// pho nya rnams ni dgye bar bya// zhes bshad// dbang chen bsdus pa'i tan+t+ra las/ nye lam byang chub sems kyi le'u ste so gnyis pa'o//// tshe la dbang thob rig 'dzin rnal 'byor gyis// klu rgyal zil gyis gnan pa'i phyir// dbang chen bsdus pa'i tan+t+ra las// gzhung phyung ba yi ting 'dzin bsgom// hUM las phyag rgya gdan dang bcas// dmar po dbu lnga bcu drug phyag/ gsal bar bsgom pa'i byin rlabs kyis// klu chen dbang du bsdu ba'o// de ltar phyag na klu rnams bsnams// de ltar gsal ba ma lus kun// g.yas kyi dang por bsnams pa ni// klu chen rgyal rigs dbang bsdus mtha' yas rnams// g.yas kyi dang 'og dung skyong bsnams// de yi 'og ma 'jog po bsnams// de yi 'og ma nor rgyas bu// 'og ma ma dros bu bsnams so// de 'og sog ma med bsnams shing// 'og ma gzi can 'dzin par grags// de 'og rigs ldan 'dzin pa'o// g.yon gyi phyag na bsnams pa ni// dang por ba ru Na yang 'dzin// 'og mar ka rko Ta bsnams zhing// 'og ma lta na sdug kyang 'dzin// de 'og stobs bzang rab tu bsnams// 'og ma ba lang can yang 'dzin// 'og ma pad+ma rab tu bsnams// 'og ma gang ba bzang po ste// de 'og nor bu'i mgrin yang bsnams// klu yi rgyal po de rnams ni// snying gar dbang gi zhabs kyi ni// tsham rngams stong dang chas pa'i phyir// sku bskyed 'og tu gzhal yas khang// sbrul nag grub pa 'byams klas pa'i// mnyam dang mnyam par dmigs par bya'o// de yi dbus su bsgom pa yang// gtso bo yab yum 'khor dang bcas// hUM las rdzogs pa'i tshul du bskyed// de nas gsang ba'i bsnyen pa 'bul// bsnyen pa'i sngags ni 'di dag go/ pad+ma shrI he ru ka e ka te ma hA su kha hUM/ nA ga pra be sha dzaHces bya'o// rdzu 'phrul sngags dang phyag rgya dang// drag po'i phrin las nyi tshe ba// bsgrub pa'i dus su klu yang bsgral// bsnyen pa chos kyi dbyings nas grangs// rdzu 'phrul 'phrog phyir smyon par bzhugs// klu rnams dbang du bsdu ba'i phyir// mgrin sngon la sogs rnam shes ni// gser zhun lta bur gyur nas ni// gzi ldan pad+ma'i dbyings su bslan// gnas kyi rang bzhin lhun gyis grub// sku yi gshog pa mkha' dang mnyam// bar nas gser gyi me stag bzhin// glog 'gyu'i 'od zer rnam par 'phro// klu yi phung po rdul phran bzhin// yan lag kun kyang rab tu nyams// klu yi cho 'phrul zhi bar gyur// gshog pa khyung gi 'jigs par gyur// bye ma snyed kyi me stag 'phro// bye mas 'jigs zhes de la bsngags// khyung ltar gnas pas klu chen gnon// dbang du bsdus pas klu rgyal 'dul// rdzu 'phrul phrogs pas dngos grub thob// klu'i le'u zhes de la brjod// dkyil 'khor bsdu ba snga ma bzhin// hUM gi spro bsdus dbyings su thim// dbang chen bsdus pa'i tan+t+ra las/ klu rgyal 'phrul gyi le'u ste so gsum pa'o//// tshe la dbang thob rig 'dzin rnal 'byor gyis// sdang ba'i dgra bgegs bsgral ba'i phyir// dbang chen bsdus pa'i tan+t+ra las// spyang mo ro bshal le'u 'di// dbu yi dkyil 'khor man chad nas// zhabs kyi gdan khri yan chad du// spyang mo ro bshal rbad par bya// dbu lnga 'bar ba'i gzhal yas na// dpal gyi pho nya ro bshal bskul// dbang po lnga po rdul phran bzhin// sdang mig 'bar ba gru gsum nas// dpal gyi pho nya ro bshal bskul// gzugs kyi rnam shes thal bar rlogs// khro rgyal shangs kyi rlung sgrom nas// dpal gyi pho nya ro bshal bskul// dri yi rnam shes thal bar rlogs// 'bar ba zhal gyi hom lnga nas// dpal gyi pho nya ro bshal bskul// ro yi rnam shes rdul du rlogs// khro rgyal sku yi ba spu nas// dpal gyi pho nya ro bshal bskul// reg bya thal ba bzhin du rlogs// 'bar ba'i phyag mtshan mang po nas// dpal gyi pho nya mang po bskul/ dgra srog gcod cing dgra snying 'byin// khro bo rngam pa'i gshog pa nas// dur khrod pho nya ro bshal bskul// mgyogs byed las te myur bar bskul// zhabs brgyad brkyangs te khro brgyad gzir// drag shul stag gi pho nya mo// kha na ro bshal dgra bgegs 'gugs// rno gdug lcags kyi pho nya mo// kha na ro bshal yid 'phrog byed// rdo rje rol pa'i pho nya mo// kha na ro bshal spyang mo gdong// mche ba bdud bzhi zil gyis gnon// dbang gi gzi 'bar pho nya mo// kha na ro bshal durakhrod 'joms// sbrul nag 'khril ba'i pho nya mo// kha na ro bshal ri lung 'phyang// mgyogs kyang rlung gis bskyad du med// za byed che ba'i pho nya mo// kha na ro bshal nga ro sgrogs// srid pa'i lha bran zas su za// shu ken dar gyi pho nya mo// kha na ro bshal 'jigs pa'i gzugs// 'od zer 'bar bas stong khams bsreg/ gcan gzan gzig gi pho nya mo// kha na ro bshal gad mos 'debs// sngags pas lan gsum rbad pa dang// zhu glag med par phung bar byed// gdan khri seng ge'i bar bar na// seng ge'i kha nas ro bshal bskul// srid pa gsum yang dbang du sdud// rin chen khri rkang bar bar na// 'ja' tshon sna lnga'i spyang mo la// kha nas ro bshal 'dur gom mchong// nyi zla brtsegs pa'i bar bar na// lcags kyi spyang mo mgo dgu ma// kha na ro bshal stobs chen 'joms// nyi zla gza' skar tsog por 'phen// gdan khri pad+ma'i bar bar na// dung gi spyang mo mgo gsum ma// spyan gsum dur khrod gnas su gzigs// kha nas ro bshal rU tra 'joms// rigs gnyis brgyud pa'i bka' nyan ma// las la bab po pho nya'i tshogs// kha lo kha la lo kha// dbang chen bsdus pa'i tan+t+ra las/ spyang mo ro bshal gyi le'u ste sum cu so bzhi pa'o//// tshe la dbang thob rig 'dzin rnal 'byor gyis// dbang chen bsdus pa'i tan+t+ra las// tshangs dbyangs glu yi le'u gsungs// tshangs pa dbyangs kyi glu drug ni// breng nge ba dang dung nge ba// shar+ng+ha ba dang gar+ng+ha ba// cang ka de'u dang pang ka de'u// glu drug blangs pas don drug grub// breng nge ba yi glu blangs pas// tshangs pa lha yi dkyil 'khor nas// sku yi dngos grub chen po thob// dung nge ba yi glu blangs pas// brgya byin lha yi dbang po yi// gsung gi dngos grub chen po thob// sharda ba yi glu blangs pas// rgyal po chen po bzhi rnams kyi// yon tan chen po'i dngos grub thob// gar+d+ha ba yi glu blangs pas// phyogs skyong chen po bcu rnams kyi// yon tan chen po'i dngos grub thob// cang ka de'u'i glu blangs pas// srid pa'i dbang sdud mthu bo che// pang ga de'u'i glu blangs pas// drag po'i yul bdag dbang du sdud// pad+ma gar gyi bro brdungs pa// bdud bzhi thal bar rlog pa'i bro// srid pa'i dkyil 'khor 'dren pa'i bro// breng nge ba yi glu dang sbyar// sdug bsngal nad sel thugs rje'i bro// dung nge ba yi glu dang sbyar// thugs dam dbyings nas bskul ba'i bro// shar+ng+ha ba yi glu dang sbyar// ye shes rgyal ba'i bro bo che// gar+d+ha ba yi glu dang sbyar// ma mo 'khrug pa'i bro bo che// cang ka de'u'i glu dang sbyar// lang+ka bsgral ba'i bro bo che// pang ka de'u'i glu dang sbyar// tshangs pa'i dbyangs kyi glu blangs pas// pad+ma gar gyi dbang phyug mas// khams gsum ma lus dbang du 'gyur// dbang chen bsdus pa'i tan tra las/ tshangs pa dbyangs kyi glu drug gi le'u ste sum cu so lnga pa'o//// tshe la dbang thob rig 'dzin rnal 'byor gyis// dbang chen bsdus pa'i tan tra las// ma mo bkol ba'i le'u 'di gsungs// dur khrod chen por mngon sum du// dur khrod dkyil 'khor gru bzhi ste// dbus kyi mthing nag gru gsum la// mtha' skor zla gam brgyad kyis bskor// dbus su yum chen gzi ldan dang// zla gam brgyad la gzhag pa yang// mtshan dang ldan pa'i b+han+d+ha la// grub pa'i ma mo brgyad bris te// dur khrod ma mo dgod pa yang// shar du rdo rje sder mo can// lho ru ma mo glog 'gyu ma// nub tu rdo rje dra ba mo// byang du ma mo de ba gzhag/ shar lho mtshams su dgod pa yang// rdo rje kham rgya chen mo'o// lho nub mtshams su dgod pa yang// rin chen kham rgya dgod par bya// nub byang mtshams su pad+ma rgya// byang shar mtshams su las kyi rgya// phyi rim bar khyams chen mo la/ zla gam dmar po bcu drug la// phra men bcu drug rim pa bzhin// sgo bzhir zla gam bzhi bris te// steng du lcags kyu la sogs dgod// de ltar bshams pa'i dkyil 'khor du// gnod sbyin gzugs ni khrag gis bris// snying gar rtogs pas mnan nas su// dgug pa'i brtul zhugs hUM bzlas pas// gnod sbyin ma 'ongs bar du ni// rbad nas zhag bdun gyis kyang khug/ gnod sbyin kun la ci dgar spyad// rnal 'byor pa yi bran du 'gyur// phra men las la 'khol 'dod na// dkyil 'khor de yi dbus dag tu// ras sam gro ga shing shun la// phra men gzugs ni khrag gis bris// dbang po yan lag phur pas mnan// snying gar rdog pas mnan nas ni// dgug pa'i hUM zhes brtul zhugs bzlas// gong ma bzhin du bdun gyis 'ong// bdag nyid ji ltar 'dod pa bzhin// phra men rnams ni cir dgar 'khol// khong gis 'gal na khong dag 'chi// bdag gis 'gal na bdag nyid nyams// ma mo bsgrub pa'i dus dag tu// nang par mal nas langs nas kyang// yi dam gnas pa'i sa phyogs su// gom gsum spags nas sku gsum dran// bshang gci byed pa'i sa phyogs su// dri chen lag tu blangs nas kyang// sus ma mthong bar kham gsum bza'// dri chu khyor bar blug nas kyang// sus ma mthong bar thengs gsum btung// phra men chen mo bkol ba'i phyir// shin tu dben pa'i sa phyogs su// rkang bzhi sa la btsugs nas ni// phag skad thengs gsum ngur bar bya// byang gi phyogs su kha bltas te// dri chen mdun du bzhag nas kyang// khyi skad thengs gsum zug par bya// nub kyi phyogs su kha bltas te// rta skad 'tsher ba'i glu skad blangs// phra men rnams la ci dgar spyod// 'di ni ma mo bkol ba'i le'u// dkyil 'khor 'di la bkram pa yang// dbus su bkram pa 'di dag ste// gnyis ldan byang chub sems chen po// 'o ma dang ni bsres la bzhag/phyar zhing ma mo snyan dbyangs blangs// phyogs bzhi bdud rtsi bzhi rnams kyis// rim pa bzhin du zla gam la'o// yi ge 'phro 'dus sbyangs nas kyang// phag mo bsten dbyangs blangs shing phyar// mtha' skor shar lho'i mtshams su ni// rdzas kyi gyo tshal bcu drug la// rak+ta khrag dang bsres pa yis// kha zhes bos la phyar la gzhag/ sgo ma rnams la dgod pa yang// byang bu snag tshas bris pa la// kha kha le les bos la sbyar// 'di ltar rtogs nas bsgo ba yang// 'grub 'gyur 'di la the tshom med// gtor ma cho ga gzhung bzhin gtang// slob ma rak+tas dbang bskur ro// dngos grub brtan phyir bzlas pa'i las// srod la 'khor gsum bro brdungs la// tho rangs sbyor ba'i las kyang bya// byang chub sems kyi dbang bskur ro// dngos grub tu ni rtag 'gyur ro// dbang chen bsdus pa'i tan tra las/ ma mo bkol ba'i le'u ste sum cu so drug pa'o//// tshe la dbang thob rig 'dzin rnal 'byor gyis// mthu chen lang+ka 'dul ba'i phyir// dbang chen bsdus pa'i tan tra las// srin po gnan phyir 'di gsungs so// dang por ting 'dzin rnam gsum las// rgyu yi ting 'dzin dmigs pa yang// cho ga gsum dang ldan pa'i hUM// 'phro 'du rdo rjer rab tu dmigs// de las gar gyi skur gsal zhing// dbu lnga bcu drug bsgom pa yang// snying po sngags kyis khros par bsgom// hrI phaT/ A+oM hUM ru lu raM dzaH/ badzra e A ra li dzaH/ de rnams spro bsdu gsal ba las// skur gyur brtan par gyur pa dang// nyid kyis 'dul bar gzhal 'ches te// sdigs mdzub nam mkhar phyar ba yang// bskal pa'i me 'bar me lce las// a la la yi thog thog 'khrugs// de yang thugs rje gsang ba'i thog/ klu dang lang+ka'i sring por 'dril// bsgral sngags drag pos rab tu bsgral// 'dren pa'i snying po tsit+ta phyung// srin mo bzhir ni rnam par sprul/ me sprul rnams su de bzhin te// phung po lnga ni gzhal yas khang// tshogs brgyad dur khrod brgyad du drang// bka' dang mthun pa'i gzhal yas ni// rgyan dang cha lugs gsungs pa bzhin// de yi nang du dmigs pa yang// 'khor lo 'bar ba'i gzhal yas khang// gsang ba'i rdzas dang mchod par bcas// 'khor lo'i yon tan bsam mi khyab// mtha' la rtsibs dang gru chad dang// mu khyud bar khyams sgo khyud bcas// spros shing dbyings su bstim byas te// dbyings las 'bar ba'i sku yang bskyed// skad cig ma yi ting 'dzin las// hUM du skur bskyed 'bar ba yis// klu dang lang+ka bcad gtubs te// nyon mongs lnga yang gnan par bya// de ltar byas nas mnan nas kyang// 'khor gyi lha mos bstod pa byas// bsdu bar bya ba'i lung du grags// 'bar ba'i gzhal yas 'od lta bu// mchod rten chen po bzhi la 'dus// long ba'i tshogs la rim pa bzhin// ngang ngam rang bzhin bdag nyid do// skye ba med pa'i dbyings la bsdu// dkyil 'khor bsdu bar gsungs pa ni// mchod rten sgo khyud rim pa bzhin// de nas sgrub rdzas bsdu ba yang// sha dri mnan pa'i khrag la bsdu// khrag dang tsan+d+ran snga ma bzhin// las kyi rnam pa bya ba'i phyir// spro ba'i thabs ni 'di dag go/ sku gsum phyag rgya 'od du 'phro// mtshon cha la sogs snga ma bzhin// las kyi gnan pa bya ba'i phyir// klu dang srin po mnan pa'i thabs// hom khung dag tu gnan pa bya// lang ka'i gnas su gnan pa'i phyir// me lha gzhung bzhin bsgoms la gzhag/sbar nas sbyin sreg bya ba yang// rnga yi rol mos drangs te bya'o// mi mthun phyogs ni hom khung bstab// dkyil 'khor bsdu bar bstan pa'i phyir// sgo lnga la sogs dbyings su bcun par bya// dbang chen bsdus pa'i tan tra las/ lang+ka mnan pa'i le'u ste sum cu so bdun pa'o//// tshe la dbang thog rig 'dzin rnal 'byor pas// thod rgal 'jigs pa'i phrin las kyis// rnal 'byor dgra bgegs gdul ba'i phyir// rgyud las nges pa'i gzhung 'di gsungs// dang por ting 'dzin rnam gsum bsgom// rgyu ni hUM dmar spros pa las// 'od kyis dmyal ba'i nyes skyon sbyangs// 'di ni khrag 'thung hUM gi le'u// dmar po hUM gi 'phro 'du las// yi dwags rnams kyi bkres skom 'joms// bde ba chen po'i thugs rje'i le'u// phra men rnga thabs zhes kyang bya// de la nyi ma bdun gyi rab bskor ba// srid gsum ma lus bsreg pa'i dbang dang ldan// sprin med gsal ba'i 'od zer 'bar ba spros// de steng pad+ma kha stong ldan pa las// rdo rje rtse gcig pad+ma'i snying por gnas// de dbus hUM las byol song skye gnas 'joms// 'di ni gsal byed nyi zla 'od kyi lung// pad+ma'i lte bar gnas pa'i rdo rje'i dkyil// hUM las 'od 'phros mi rnams bag chags sbyangs// 'khor lo rtsibs stong ldan pa'i hUM du grags// de steng b+h+rUM las ye shes gzhal yas khang// rgyal chen phyogs skyong ma lus ka dang gdung// me ri thod phreng sbrul la sogs pas brgyan/ de dbus rdo rje sems dpa'i phyag rgya gsal// 'di ni rdo rje sems dpa'i lung du grags// de las hUM gi 'od zer gsal ba dang// zhe sdang rdo rje sems dpa'i skur bsgoms nas// shangs dang khro bo hUM drug sgra bton pas// rgyud drug gnas pa'i 'khor ba rtsad bcad de// spros nas rim pa bzhin du thim byas nas// khro bor gyur pa'i hUM gi le'u zhes bya'o// hUM las 'bar ba'i sku bskyed gsal ba dang// ljags kyi dkyil du b+h+ruM las rin po che// A+oM la sogs pa'i 'phro 'dus las// dpal chen 'bar ba'i skur gsal te// khang bu lnga dang ldan par dmigs// de dbus rta mgo ljang gu bsgom// sprul nagastong gi rgyan du mdzes// thod pa tshar gsum brjid par ldan// zhing lpags stod la g.yang gzhi sham thabs can// phyi nang gshog pa nam mkha'i khams dang mnyam// gsang ba'i lha mo rdo rje dra ba mo// 'gro ba ma lus dbang du sdud pa'i yum// bcu drug phyag na mtshon cha ma lus bsnams// zhe sdang gdug pa'i dgra bgegs mang po 'dul// zhabs kyi chas brgyad khro bo gnon dang sbyor// dpa' bo la sogs ting 'dzin brgyad dang ldan// 'khor gyi me 'brug rlung 'brug la sogs ni// rang sngags snying pos phyogs mtshams khyab par ro// rlung 'brug sngon mo rtsa ba'i sngags kyis bsgom// long ba rgyab sbrel mang po dmigs pa yang// yang sprul bye ba 'bum dang bcas pa ste// phyogs bzhi nas ni rnam par 'khrugs pa'o// phyi rim dmus long 'khor ba can// sho ri kha yi sgras bskyed cing// mtha' dbus med par khyab pa'o// kham rgya chen mo drug rnams ni// dkyil 'khor grwa yi phyogs su gsal// ye shes dpal gyi khyi brgyad ni// phyogs bzhi dang ni mtshams nas 'gyed// ma lus dgra bgegs mche bas gcod// phyi rim lcags kyi spyang mo brgyad// dgra bo rnams la rbad par bya// de ltar phyag rgya rdzogs pa dang// sku nyid 'khor la sbas pa ste// phyogs bzhi dbus lngar khang bur ba// rta mgo la sogs rim pa bzhin// de yang chos kyi dbyings su sdud// da ni phur pa'i las byas te// rgya mdud 'khor lo'i tshul du bya// spyi bor pad+ma khrag 'thung ste// zur brgyad long ba rgyab sbrel tshogs// rgya mdud 'og mar dmus long dmigs// ngos la lcags kyi spyang mo ste// rtse mor khro bo dmigs bya ba// mgo dgu brtsegs pa'i rkang gcig po// da ni bsdu bar bya ba yang// sgo srung spyang mo nyid la'o// spyang mo zhabs kyi chas brgyad la'o// de yang dur khrod brgyad la 'dus// dur khrod ye shes chen po ste// de yang mi gnas ye shes la'o// me 'brug gshog pa nyid la 'dus// gshog pa sku yi rgyan dang ldan// de yang tshon sna lnga la 'dus// tshon sna lnga ni dbu rgyan lnga'o// de yang rin chen khang bu ste// de yang sku gsung thugs la 'dus// de nyid chos kyi dbyings la 'dus// dbyings kyang kun gzhi nyid du ste// mi dmigs chos sku chen por gnas// dbang chen bsdus pa'i tan tra las/ thod rgal 'jigs pa'i le'u ste sum cu so brgyad pa'o//// tshe la dbang thob rig 'dzin rnal 'byor gyis// gnod sbyin phra men 'khor bcas kyis// bdag la rab tu gtses 'gyur na// dbang chen bsdus pa'i tan tra las// dka' thub smyon thabs 'di gsungs so// sa yi 'og tu mngon sum bya// ngag gi hUM zhes cung zad bzlas// mAng sa dag kyang mang du bza'// nam mkha' la ni sems dpa' bsam// bgrang 'phreng klad la lan gsum bskor// de ltar byas na bdag rgyal zhing// nad gtong ma ni 'chi bar 'gyur// nyin dang mtshan du thug phrad du// rigs ma 'tshol bar sbyor bar bya// skye thos mthong na dam tshig nyams// sus ma mthong na dngos grub yin// sbyor ba'i byang sems lce la gzhag/ rang gi dben rigs gang yin par// skye bo 'du 'dzi thag bsrings te// dgug pa'i brtul zhugs chen po ni// dbyangs kyang drag tu blang bar bya// bya yi brtul zhugs chen pos ni// khams gsum sgum bur btu bar bya// phag gi brtul zhugs chen pos ni/srid gsum khron du brko bar bya// khyi yi brtul zhugs chen pos ni// dmyal khams zas su za bar bya// srod dang tho rangs bro brdungs pa// dka' thub smyon pa'i bro brdungs pa// ru lu'i bsnyen pa 'bum bzlas nas// gnod sbyin phra men 'khor rnams kyang// bdag gi dbang du 'du bar 'gyur// glu dbyangs khyi skad byang du zug/ khyi yi dka' thub smyon pa yin// rta skad nub kyi phyogs su 'tsher// rta yi dka' thub smyaun pa yin// bya skad nub kyi phyogs su cong// bya yi dka' thub smyon pa yi// phag skad lho yi phyogs su ngur// phag gi dka' thub smyon pa yin// de ltar byas nas brtul zhugs kun// hUM zhes bya ba'i dbyangs blangs nas// bdag gi lus la zhugs par bya// dus la bab pa'i bros mchod pa// rnge'u chung lan gsum brdung bar bya// de nas dgra bgegs 'dul ba'i phyir// brtul zhugs ting 'dzin zhugs nas kyang// glu bro dam tshig dang du blangs// bsgrub pa chen po'i bar gcod pa// brtul zhugs chen pos bsgral nas kyang// dus gsum rgyal ba'i sras su bskyed// dka' thub chen po yin pa'i phyir// su dang gtam yang bsre mi bya// smyon pa'i tshul du mchongs pa yis// gnod sbyin phra men rnams kyang brgyal// nams kyang bdag gis dbang du 'gyur// nyan thos dbang du bsdu ba'i phyir// sngags kyi dka' thub chen po yis// bdud rtsi rnam lnga'i longs spyod bya// ma spangs par ni dbang du sdud// nan tan drag shul smyon thabs su// su dang phrad par sbyar zhing bsgral// 'di ni dpal gyi thugs dam ste// rgyun mi chad par spyad na ni// bdag gis ji ltar 'dod pa bzhin// dka' thub bsrungs pas dngos grub thob// 'di la som nyi ji ste za// dbang chen bsdus pa'i tan tra las/ brtul zhugs dka' thub smyon pa'i le'u ste sum cu so dgu pa'o//// tshe la dbang thob rig 'dzin rnal 'byor gyis// bsgrub mchog gang zhig rtogs 'dod phyir// dbang chen bsdus pa'i tan tra las// man ngag bsdus pa'i lung 'di gsungs so// de la dbang gi rgyal po 'di'i mgo mjug tu/spyi don bzhis ston te/ gang zhe na/ rgyan gsum gyi don dpe gsum gyi sgo nas bstan pa dang/ rtsis 'go rnam par brgyad kyis ji ltar bsgom pa'i don bstan pa dang/ dkyil 'khor brgyad kyis che ba rnam pa brgyad mthar phyin par bstan pa dang/rtogs pa rnam pa bdun gyis re dogs kyi thag gcad pa'o// de la rgyan gyi don dpe gsum gyis bstan pa gang zhe na/ sku rdzogs pa'i dkyil 'khor thams cad phun sum tshogs pa'i rgyan du bstan pa dang/rgyan gyi dkyil 'khor thams cad skye ba med pa'i dbyings su bstan pa dang/ de skad gsung pa thams cad b+ha ga maN+Dal man ngag rgya mtsho'i dkyil 'khor du bstan pa'o// rtsis 'go rnam brgyad kyis ji ltar bsgom pa'i don bstan pa yang/ dang por mnyam pa chen po de bzhin nyid kyi rtsis 'go dang// gsang ba'i dbang phyug yi ge hUM gi rtsis 'go dang/ shes rab thabs su rol pas gzhal yas yum gyi rtsis 'go dang/ khams gsum don mdzad seng ge rtsal gyi rtsis 'go dang/ yon tan tshang bar rdzogs pas rin chen khri'i rtsis 'go dang/ mkha' dbyings dbyings su dag pa dri med pad+ma'i rtsis 'go dang/sprul sku 'gro don la 'khod pas nyi zla 'od kyi rtsis 'go dang/ rigs gnyis lung gi brgyud pas zhe sdang rdo rje'i rtsis mgo dang brgyad do// dkyil 'khor brgyad kyi che ba rnam pa brgyad mthar phyin pa ni/dbus rdo rje dbyings kyi dkyil 'khor gyis dbang rnams rdzogs pa'i mthar phyin/ thod rus rta mgrin dbang gi dkyil 'khor gyis srin po 'dul ba'i che ba mthar phyin/ thugs kar ye shes sems dpa'i dkyil 'khor gyis mkhyen rigs gsal ba'i che ba mthar phyin/za byed dur khrod phyag gi dkyil 'khor gyis thabs dang shes rab rol pa'i che ba mthar phyin/ gshog pa khams gsum rnam rgyal dkyil 'khor gyis klu chen zil gyis mnan pa'i che ba mthar phyin/zhabs brgyad khro bo brgyad mnan pa'i dkyil 'khor gyis sa bcu zil gyis mnan pa'i che ba mthar phyin// gzi ldan thugs kar sbas pa'i che bas gnas lhun gyis grub pa'i che ba mthar phyin/lhun grub sku la rdzogs pa'i dkyil 'khor gyis yon tan rdzogs pa'i che ba mthar phyin pa ste brgyad do// rtogs pa bdun gyis re dogs kyi dmigs pa bsal ba ni/ gong ma ltar gong gis rtogs pa ni dz+nyA na tsit+ta dz+wa la ye shes su rtogs pa'o// bud+d+ha tsit+ta dz+wa las sangs rgyas su rtogs pa'o// bo d+hi tsit+ta dz+wa las byang chub tu rtogs pa'o// gong ma ltar ma rtogs te dngos su bzung na ni/ rak+sha tsit+ta dz+wa las srin por rtogs pa'o// yak+sha tsit+ta dz+wa las gnod sbyin du rtogs pa'o// karmA tsit+ta dz+wa las srin por rtogs pa'o// na ra ka tsit+ta dz+wa las dmyal bar rtogs pa'o// dbang chen bsdus pa'i tan tra las/ man ngag bsdus pa'i le'u ste bzhi bcu pa'o//// tshe la dbang thob rig 'dzin rnal 'byor gyis// ro sbyor bdud rtsir bya ba'i phyir// dbang chen bsdus pa'i tan+t+ra las// sgrub thabs gsang ba 'di gsungs so// dang por phun sum tshogs ldan nas// yid du 'ong ba'i dgon gnas su// bslang dang byin gyis brlab pa dang// mtshams la sogs pa rim pa bzhin// man d+hal 'dom gang gru bzhi ste// bka' dang mthun pa'i chag chag gdab// thig bzhi gdab pa'i mtha' skor la// rU tra rnam gsum bsnol te gnas// dbus su zla gam bzhi pa ste// de'i dbus mthing nag gru gsum pa'o// kha bzhi pa la sbyin sreg pa'o// mtha' skor 'bar ba'i 'od kyis so// mthun pa'i dam rdzas gnas pa'i phyir// drug gnyis ldan pa'i ting 'dzin gyis// mtshan mas btab ste hUM zhes bskor// brtul zhugs chen pos khros pa ni// gar gyi dbang phyug chen po'i bro// brdungs pa tsam gyis las rnams 'grub// phud nyul chen mos las mdzad nges// bdag nyid chen po'i skur bsgom nas// gtsug gi rta mgo ljang gu las// rta yi brtul zhugs chen po ste// hUM zhes du mar brjod cing brdung// bdag nyid chen po'i skur bsgoms nas// zhabs las sprul pa'i khyi brgyad kyis// bag chags gnas su sbyang ba'i phyir// khyi yi brtul zhugs chen po ste// ku ku ra zhes rbad cing brdung// bdag nyid chen po'i skur bsgoms nas// gshog pa rdo rjes gtams pa las// gzung 'dzin gnas su dag bya'i phyir// bya yi brtul zhugs chen po yis// dza:zhes brjod cing mgyogs par ro// bdag nyid chen po'i skur bsgoms nas// mi dmigs sku yi sbrul mgo las// phag gi brtul zhugs chen pos ni// gti mug gnas su dag pa'i phyir// dgug pa'i brtul zhugs hUM dang bcas par brdung// chas brgyad las kyi spyang mor dmigs// tho bas dbye ba sder mo nyid// ngan song gnas kyi gdul sbyang bya// ting 'dzin phyag rgyar bcas par dbye// rdzogs nas ma d+hal nyid du grags// rten ni dug gsum nyid du rten// lnga ni zla gam nyid du ste// snyigs ma bar khyams gra bzhi la// rtse mo ma tang ka nyid la'o// sgo zur la ni brtag pa rnams// sgo ni nang rol rdo rje ste// phyag mtshan bcu phrug gnyis la'o// yan lag bar du ba su ta// 'od la rak+ta khrag dang bcas// shun chen bla re nyid du'o// rdzi ma skra dang kha spu rnams// mchod pa'i phyir na gtor ba'o// sa la dbang ba'i b+han+d+ha la// phye mar rak+tar bcas pa rnams// spyos sam yang na brdzis pa la// steng nas bcings te rgyas btab dang// sku gsum thod pa shar phyogs su// rak+ta chang dang sbyar ba la// steng nas rin chen rdo rjes rgya yis btab// gling gsum pa ni lho phyogs te// rak+ta 'o mar sbyar ba la// steng nas rin chen rgya yis btab// dbang du sdud pa'i b+han+da ru// rak+ta sbrang rtsi mar la sogs// steng nas pad+mas rgya yis btab// gling bzhi rgya gram byang phyogs der// rak+ta chu dang cha bsnyams nas// steng nas las kyi rgyas btab bo// rdzogs nas ting 'dzin tshogs su stsal// mtshams dang srung ba'i go cha'o// phyag rgya bskyed dang 'phro 'du dang// drod tshad dbab dang thugs rje dbab// tshe gnas bstim dang lnga pa'o// yang nas yang du bsnyen pa bya// phrin las skabs dang sbyar nas bcol// dbang dang dam tshig mi bza' ste// zhi ba la sogs dkyil 'khor gyi// 'phro 'du rim gyis bsnyen pas sbyang// bskul dang don byas 'dus pa dang// cho ga gsum gyis snang mdzad sku// sems su zhu nas dbyings su thim// skye med dbyings nas dngos med sku// hUM du gyur nas rtse lnga 'bar// bskul dang don byas mi bskyod sku// sems su zhu nas dbyings su thim// skye med dbying nas dngos med sku// swA las rin chen zur brgyad 'phro// bskul dang don byas 'byung ldan nyid// sems su zhu nas dbyings nyid du'o// skye med dbyings nas dngos med sku// AM las pad+mar gsal ba dang// bskul dang don byas snang mtha' yas// sems su zhu nas dbyings su thim// skye med dbyings nas dngos med sku// hA las rgya gram 'bar 'phro ba// bskul dang don byas don yod grub// sems su zhu nas dbyings su thim// 'phro 'du gsal dang las su rung// dngos grub thob nas mya ngan 'das// mang du 'phel phyir bsnyen pa sbyang// grub nas dngos grub gsol ba dang// brtan par bya phyir bdud rtsi'i snod// yum gyi gsang ba'i tshig tu'o// sngags dang ldan pas dbang bskur te// gnas lnga dag tu thim par bya// de nas rgya bshig mdud pa dgrol/ bkra shis mtshan dang ldan pa'i yum// dar la babs pas bskul ba'i dbyangs// pra be sha zhes mdud pa grol// cha gcig 'phags pa mchod phyir 'bul// cha gcig slob dpon nyid la'o// gcig ni yongs la sbyin par gsungs// de nas bdud rtsi dam pa'i snod// de ni spyi bos blangs nas kyang// bkra shis tshigs su bcad par gsungs// rang bzhin dkyil 'khor rdzogs pa yang// gzugs brnyan nyid 'dra nyid la dbul// tsit+ta la sogs rang bzhin rdzas// rang bzhin mchod pa nyid du'o// rna ba sgra yi mchod pa yis// glog 'gyu nyid de dbyings su thim// de ni a mo de ba ste// spros pa med pa'i ngang la'o// mig ni rdo rje sder mo ste// mtha' gnyis bral ba'i dbyings su gzhag/ lce ni rdo rje dra ba mo// mi 'gyur dbyings su yang dag nyid// rang bzhin mchod pa rdzogs par ldan// gzugs brnyan dkyil 'khor 'dra ba la// yongs su bsngo bar bya ba ni// pho ba shar phyogs bar khyams la// dbyangs dang bcas pas dbul ba ni// rdo rje kham rgya chen mo la// phul bas gzi ldan dbyings su thim// grod pa lho phyogs nyid nas ni// rin chen kham rgya chen mo la// dbyangs dang bcas pa snga ma bzhin// phul bas gzi ldan dbyings su thim// gnye ma nub nas snga ma bzhin// ma chags pad+ma'i kham rgya la// phul bas gzi ldan b+ha ga la// lang ka byang nas rim pa bzhin// don rab lhun grub kham rgya la// dbyangs kyis bstod nas mnyes par bya'o// gzi ldan la ni 'du 'phro'i tshul// sul mang shar lho'i mtshams su ste// de bzhin kham rgya nyid la mchod// dbyangs dang ldan pas ye shes dang// sgyu ma ye shes lho nub ste// de bzhin kham rgya nyid la mchod// khyab pa ye shes kham rgya'o// dbyangs dang tshig ldan snga ma'i ngang// sgal tshigs phyogs bzhi gru chad la// long ba'i tshogs la dbul ba dang// dbyangs dang ldan pa'i tshig dag gis// ye shes lnga yi ngang la gzhag/ dkyil 'khor yan lag bar bar nas// dmus long tshogs la dbul ba yang// ne'u seg dbyangs dang ldan pa yis// phul bas ye shes lnga yi dbyings la sbyor// gsang ba'i chu bo nang sgo nas// dbu dgu bar du brtsegs pa la// dbyangs kyis mnyes par snga ma bzhin// me ri la ni ba su ta// spyang mo brgyad la mchod pa yang// dbyangs tshig ldan pas dbyings la thim// khrag gi lce yi bar bar nas// za byed ye shes ku ku ra// brgyad la dbyangs kyis mchod pa yang// ma skyes dbyings nas thim par bya// bsdu ba'i thabs ni 'di dag gsungs// dbyings las cho 'phrul rab spros te// mtha' bskor za byed ye shes kyi// spyang mo mgo dgu brtsegs pa'o// dbu dgu nyid kyang dmus long ste// dmus long long ba'i tshogs la bsdus// long ba kham rgya chen mo la'o// de gnyis gtso bo yab yum la'o// yum yang dpal be'u thugs la bsdus// dpal be'u skye med dbyings su ste// brjod pa med pa'i ngang la thim// bdag dang ma d+hal ji bzhin te// bdag nyid ma d+hal nyid la spro// ma d+hal zla gam nyid la ste// zla gam gzi ldan yum gyi ngang// yang na bdag nyid chen po ni// skye ba med pa'i dbyings su thim// ma d+hal ye shes lnga la bsdu// dam rdzas gsang ba'i b+ha ga la// yongs su bsdu zhing bsdu ba rnams// skye ba med pa'i ngang la gzhag/ cung zad skye med bsgom nas kyang// gong ma bzhin du rim par bsdu// dbang bskur ba dang 'byung ba dang// tshe dang dbang dang dngos grub rnams// bzod par gsol dang smon lam gdab// gtong ma gtor ba gzhung bzhin bya// dbang chen bsdus pa'i tan tra las/ ro sbyor bdud rtsi'i le'u ste zhe gcig pa'o//// tshe la dbang thob rig 'dzin rnal 'byor gyis// mtha' gnyis don la slong ba'i bdud rtsi bsgrub pa'i phyir// dbang chen bsdus pa'i tan tra las/ sha rI ram bsgrub pa'i le'u 'di gsungs so// mi 'gal tsam du spyad bya ba// gsang ba'i rdzas mchog spros nas kyang// las su bya ba'i rnam grangs ni// grub pa'i rtags su bsgrubs nas ni// mtha' gnyis spangs pa'i spyod dang ldan pa ni// 'bras bu thob pa'i rdzas mchog ste// rgyu 'bras lnga nyid skye med a mr-i ta// mtha' gnyis don la slong ba'i bdud rtsi bsgrub// de yang dang por rab brtags te// bzhed dang mthun pa'i sa gzhi la// ma d+hal 'dom gang gru bzhi la// dbus su gru gsum brko bar bya// 'phang du khru gang kha khyer la// lcags kyu mda' gzhu thod par bcas// steng du khru byed zur gsum brko// he zhal mtshon rtsi nag po bkye// gru gsum brkos pa'i phug gsum du// sa bon yi ge raM yang bris// dkyil du rang rtags a yang bri// phyogs mtshams sor bzhi'i thog dag tu// 'dren byed snying pos bskor la gzhag/ dmar po snum chen brdos las brdzangs// mtho bzhi brtan par gzug par bya// rgya shugs tsan+dan la sogs pa// bu ram sbrang rtsi bsres la gzhag/ yam shing sna tshogs tsher ma can// yang na dngos grub bsdu ba'i phyir// tsher ma med par mkhas pas bsngags// steng 'og shun gyi bla rer bre// 'og tu sha chen lang ling dang// zhing chen ras ros rim pa bzhin// dngos grub ma nyams g.yang gzhi ni// rlung gi phyogs su gzug par bya// rdzas la sogs pa mang du bsag/ me sngags btab ste gzhag par bya// gzhung dang mthun pa'i phrin las bya// rdzas mchog yod pa'i sa phyogs der// gdul sbyang las ni rim pa bzhin// bkro'am yang na bsgrub kyang rung// sna tshogs bcos pa'i ras kyis dkris// bsngags pa'i dkyil du gzhag bya ste// thog thag yam shing brdzangs te gzhag/ ting 'dzin gsal bas rim pa bzhin// spang nas mchod pa dbul ba ni// rak+ta dmar la sogs pas mchod// snum chen gsur gyis spos me btang// mnyes pa'i mchod pa dam pa'o// bsgrub pa chen po'i dus dag tu// zhi ba la sogs phrin las ni// mnan bzlog gnyis drug bskyang la 'bad// ma d+hal de bzhin rdzogs pa dang// dngos grub bsdu ba snga ma bzhin// de nas lhad dag ma shor bar// rnam grangs su ni dbye bar bya// sha ri ram dang lder so dang// mchod rten dag tu gyur na sngags// ya mtshan rtags dag 'byung bar nges// 'chi med bdud rtsi rnam lngar bsgrub// rnam grangs gnyis med bsre dang ni// brtags nas byin gyis brlabs pa dang// bcag dang gcal ba'i las rnams ni// thabs la mkhas pas rim pa bzhin// dpal dang ldan pa'i snod du blug/ thig bzhi btab pa'i dbus su gzhag/gsung gi yig 'bru hrIHzhes bya// khrag 'thung phyag rgyar gyur par bsgom// gzi ldan thugs las mngon byung ste// gnyis med 'phro 'dus sbyang ba'o// dkar dang 'dril ba'i rang bzhin las// hUM bzhis gsal nas rim pa bzhin// 'phro 'dus rgyas 'debs la sogs pa// rim pa bzhin du bskyed par bya// dbyings dang ye shes gnyis med pa'i// ye shes zer gyis rnam rtog sbyang// bde ba'i 'bru mchog cha bzhin gsal// de las lha mo bzhi yi rgya// gnyis su med pa'i rol pa las// yig 'brur bcas pa'i sprul pa yis// snod bcud bcas pa'i mtshan ma sbyang// de ltar 'phro 'du gsal ba'i las// bskul dang don byas rim pa bzhin// ting 'dzin rtse gcig bsgom par bya// skye med dbyings su lhan ner gzhag/ de nas bdud rtsi dam pa 'di// gsal zhing dag pa'i 'byor pa lag tu blang// dbyangs dang tshig gis bstim pa'i las bya'o// mnyes nas sku gsum dngos grub 'thob// bcu drug phyag rgya'i rim par bskor// dga' ba'i gad mo ha ha he hes 'debs// gnyis med rtog pa'i glu bro blang// thabs la mkhas pa'i dpa' bo yis// rtags dang ldan pa'i thig les gdab// sku gsum dngos grub thob par dmigs// de nas byin brlab dbang bskur rim pa bzhin// gtor ma gtong ba'i bya byed rnams// snang ba nyid nas gnyis med bsgom pas ni// skye med ngang la lhan ne gzhag par bya// dbang chen bsdus pa'i tan tra las/ sha rI ram sgrub pa'i le'u zhes bya ste bzhi bcu zhe gnyis pa'o//// tshe la dbang thob rig 'dzin rnal 'byor gyis// chos sku gnyis med mnyam pa las// 'dzin rtog dngos po'i mtha' bsal zhing// zhing las nas 'gyur gsungs pa bzhin// gdeng dang ldan nas tha dad med// sa bon las ni 'bras bu'i tshul// rtogs pa'i rlung du 'dris pas gang// 'grub 'gyur 'di la the tshom med// snang mdzad las gyur kun tu gzigs// byang chub sems dpa' nyid la rdzogs// mi bskyod la sogs shar du ste// rin chen 'gyur ba lho nyid do// mtha' yas la sogs nub tu'o// don yod byang gi phyogs su gyur// 'byung lnga yum gyi gnas 'gyur ba// sa bon las ni myu gu'i tshul// bzang las 'gyur ba gzi dang ldan// spyan las 'gyur ba glog 'gyur te// mA ma kI ni 'dra bar 'gyur// na bza' dkar ni sder mo can// sgrol las gyur pa gshog pa mo// yab yum bcu ni rab sbyar te// dgyes pa'i dbyings su gyur pa las// byang chub sems ni chags pa'i gzhi// rta mgo ljang gu yin par grags// dbu lnga ye shes lnga yi dbyings// sems dpa' brgyad sbyar dmus long tshogs// sems ma las bsgyur rgyab sbrel ni// sems dpa' sems ma ldan sbyor bas// byang chub sems ni chags pa'i rgyu// mkha' spros ba yi 'od zer ni// sprul pa yin par spyang mo brgyad// dbyings su 'dren pas ye shes khyi// lcags kyu la sogs sgo ma bzhi// gyur pas dbu dgu rab tu brtsegs// sprul sku thub drug las sprul pa// kham rgya drug tu sprul pa yin// gnas ni ma nor chos kyi dbyings su don rtogs nas// dbyings las ye shes rol pas ni// gnas 'gyur mchog gi le'u zhes bya// zhi ba mi g.yo chos sku las// khro bor gyur pa'i dkyil 'khor 'dir// ston pa'i bka' dang mi 'gal bar// phyi rabs rnal 'byor skal rab la// nges pa'i lung du brtsam pa ste// rtogs na the tshom med par 'grub// dbang chen bsdus pa'i tan tra las/ gzhi gnas 'gyur mchog gi le'u ste zhe gsum pa'o//// tshe la dbang thob rig 'dzin rnal 'byor gyis// dbang chen bsdus pa'i ta na tra las// man ngag lung gi brgyud pa'i lung// sa bon las ni 'bras bu bzhin// khrag 'thung 'bar ba'i dkyil 'khor las// yang che dbang gi dkyil 'khor brgyud// dur khrod 'bar ba'i gzhal yas nas// lha chen 'khor bcas bsgral ba'i phyir// rgyal mtshan lnga dang ka bar bcas// 'phan dang za rang bla re rnams// khams gsum dbang sdud yum gyi b+ha gar brgyud// rin chen 'bar ba'i khri bzhi yang// 'khor ba thabs kyis 'dul ba dang// srin po rU tra bsgral ba yang// khyad par gzhal yas dpag pa'i phyir// khrag 'thung chen po'i sku bzhin brgyud// dur khrod ma mo bdun rnams kyang// snang byed nyi ma bdun du brgyud// dbang phyug nyi shu rtsa brgyad ni// thabs mi rtsal 'phags seng ger brgyud// thabs dang shes rab rang bzhin ni// nyi zla pad+ma brtsegs par brgyud// zhe sdang khrag 'thung 'bar ba'i sku// ngag gi dbang phyug nyid du brgyud// kro d+hI shwa rI la sogs kun// gzi ldan gsang ba'i yum nyid de// rigs la dbang rnams mi bza' bar// thams cad yongs su rdzogs pa'i phyir// khrag 'thung lnga po dbu lngar brgyud// khro bo chen po mthu chen brgyad// bsgral ba zhabs kyi gdan du brgyud// rdzogs pa chen po yin pa'i phyir// ting 'dzin brgyad dang ldan par dmigs// rgyan gyi bye brag mang po rnams// rdo rje rin chen las byung ba'i// gshog pa dag tu rnam par brgyud// sgo ba khro bo yab yum brgyad// dbu dgu brtsegs pa'i rkang gcig po// 'jigs dang chas pa nyid du brgyud// rgyas 'debs la sogs lha mo ni// kham rgya chen mo drug tu brgyud pa ste// sprul pa yang sprul bsam yas la// long ba'i tshogs kyi cha byad du// brgyud pa yin zhes 'dren pas bstan// phra men bcu drug thabs kyis brgyud// phyag rgya bcu drug thabs kyi dkyil 'khor du// lcags kyu rdo rje la sogs pa'i// phyag mtshan bcu drug nyid du brgyud// gsang ba bas cher gsang ba yi// yang gsang thugs la gab pa ste// 'di ni man ngag brgyud pa'i lung// rjes su rnal 'byor rnams kyis spyod// dbang chen bsdus pa'i tan tra las/ man ngag brgyud pa'i le'u ste bzhi bcu zhe bzhi pa'o//// tshe la dbang thob rig 'dzin rnal 'byor gyis// dbang chen bsdus pa'i tan tra las// khrag 'thung chen po hUM gi le'u// lta ba chen po 'di gsungs so// hUM las 'byung lnga yum gyi dbyings// gzhal yas hUM nyid b+ha ga'i klong// 'dus byas ma byas rnam par dang// hUM las khrag 'thung khri bzhir 'bar// spros med thig ler gnas pa'i phyir// ma bcos lhun gyis grub par gnas// ma tshogs hUM gi dbang phyug ma// seng ge lta bu'i sgra sgrogs shing// sgra nyid sgra mthar stong pa'i phyir// stong nyid ye shes rnam par dag/hUM las pad+ma kha stong ldan// gsang ba'i b+ha gar lhun gyis grub// hUM/ nyi zla zung du brtsegs pa yang// shes rab thabs su 'brel pa yis// phyag rgya yod pa'i dkyil 'khor che// hUM las zhe sdang rdo rje'i sku// 'byung byed chen por gyur pas nas// skye med dbyings su rnam par dag/ sprul pa'i 'khor tshogs ma lus kun// ye shes thugs kyi rang bzhin te// thig le hUM gi bdag nyid che// hUM las rgyan gyi bye brag rnams// dbyings las ye shes 'jug pa'i phyir// dbyings nyid lhun gyis grub pa'i rgyan// hUM las 'bar ba'i skur gyur pa// chos skur gcig pur sbyor ba'i don// hUM las dbu lngar snang ba ni// ye shes lnga nyid dbyings la 'phyo// hUM las spyan lnga bgrod pa yang// dbang po yul la rnam par dag/ hUM las ljags lngar 'bar ba yang// dbang po ro la sbyor ba'o// hUM las shangs lnga'i 'tshub ma yang// dbang po dri ma rnam par dag/hUM las snyan lnga'i gsan pa yang// ma bkag bsgral ba ci bder sbyor// hUM las zhal lngar gdangs pa yang// srid gsum dbyings su za ba'o// hUM las rta mgo ljang gu yang// chags pas dbang du bsdus nas ni// ma chags dbyings la ye shes rol// e ma ya mtshan dbang gi sku// sna tshogs cir yang ston mod kyang// spros med thig le rnam dag pas// 'di ni rnam dag hUM le'u// thams cad stong pa'i dbyings su blta'o// dbang chen bsdus pa'i tan tra las/ khrag 'thung hUM gi le'u ste bzhi bcu zhe lnga pa'o//// tshe la dbang thob rig 'dzin rnal 'byor gyis// 'gro drug thabs kyis 'dul ba dang// ngan song gnas nas 'don pa'i phyir// dbang chen bsdus pa'i tan tra las// bskyed rdzogs chen po'i le'u 'di gsungs// ting 'dzin bskyed pa'i sa bon sngags// e yaM sogs las rim pa bzhin// gzhal yas khang du bsgom par bya// rin chen rgyan la sogs pas mdzes// de yi nang du dmigs pa ni// tsakra la sogs 'khor lo che// rtsibs dang rtsibs kyi mu khyud dang// lte ba bar khyams sgo khyud dang// rdo rje dbyings kyi dkyil 'khor ldan// lte ba zlum por gyur pa la// dpa' bo hUM las rdo rje che// de las phyag rgya bskyed pa yis// zhe sdang rgyal po rnam par bsgom// 'khor lo'i mdun gyi drang por ni/ dpa' bo A+oM las 'khor lo che// de la phyag rgya'i skur bskyed pa// gti mug rgyal po rnam par bsgom// g.yas su lta ba'i 'khor lo las// dpa' bo swA las rin po che// de la phyag rgya'i skur bskyed pa// nga rgyal rgyal po rnam par bsgom// rgyab kyi 'khor lo bsam pa yang// dpa' bo A+oM las pad+ma che// de las phyag rgya'i skur bskyed pa// 'dod chags rgyal po rnam par bsgom// g.yon gyi rtsibs la dmigs pa ni// dpa' bo hA las rgya gram ste// de las phyag rgya'i skur bskyed pa// phrag dog rgyal po rnam par bsgom// dpa' bo 'bru lngas 'gyur ba'i sku// yab yum phyag rgyar gsal ba las// byang chub sems kyi sa bon ni// dbang chen pad+ma gar gyi sku// rdzogs pa chen por bsgom pa yang// dpa' bo 'bru lngas bskyed pa yang// rtags su dbu lngar rab tu bstan// hUM las kun tu thal ba'i dbu// 'dod khams dbang du sdud pa'o// oM las dri za gnon pa'i dbu// swA las grul bum dbang du sdud// AM las klu yang dbang du sdud// hA las gnod sbyin dbang du sdud pa'o// thar pa brgyad dang ldan pa'i zhabs// khro bo brgyad la khyab par sbyor// gzi ldan yum dang sprul pa'i 'khor// dbang chen sku la yongs su rdzogs// bskyed rdzogs le'u zhes de la bya// dbang chen bsdus pa'i tan tra las/ bskyed rdzogs chen po'i le'u ste bzhi bcu zhe drug pa'o//// tshe la dbang thob rig 'dzin rnal 'byor gyis// rgyud drug gnas su bsgral ba'i phyir// dbang chen bsdus pa'i tan tra las// dmar 'byin rak+ta'i le'u 'di gsungs so// rdzogs pa'i ting 'dzin skad cig mas// bdag nyid phyag rgya'i skur bsgyur bar// hUM zhes pas ni rdzogs par ro// dbu lnga pa la phyag bcu drug/ dbu la dkyil 'khor lnga yang rdzogs// bcu drug phyag na mtshon cha thogs// zhabs brgyad dur khrod brgyad la sbyor// phyag rgya de ltar gsal ba dang// gang la bya ba'i sems can de'i// spyi bor dzaHlas lcags kyu yis// dbyings la ye shes 'jug tshul du// du mar brjod cing drang bar bya// kha yi raM las 'od 'phros 'dus// dzaHyis lcags kyus drangs pa dang// rdo la lcags ni 'du tshul du// du mar brjod cing drang bar bya// snying gar yaM las 'od 'phro 'dus// rlung gi 'khor lo zur drug pa'i// 'khor los rab tu gcod tshul du// pha rol snying rtsa gcad pa'i phyir// du mar brjod cing drang bar bya// bdag nyid phyag rgyar gsal ba dang// 'dren cing sgrol ba'i pho nya ni// gang yang rung ba'i sems can de'i// lus ngag yid la rbad par bya// rta mchog 'bar ba'i shangs lnga las// rlung gis mi la spyang ku'i gdong// mche bas bdud kyi snying rtsa gcod// rna ba sbrul gyi 'dzul khung nas// sbrul gyi mi la spyang ku'i gdong// kha rlangs sprin gyi dkyil 'khor nas// 'od kyi mi la 'ja' tshon gdong// ral pa khrag gi zar bu las// khrag gi mi la spyang ku'i gdong// spyan mig gru gsum 'bar ba las// zangs kyi mi la spyang ku'i gdong// kha la ro sha la rbad/ gung gi dun dun rbad/gang la bya ba'i sems can de'i// lus ngag yid la rbad par bya// bdag nyid phyag rgyar gsal ba dang// 'dren cing sgrol ba'i pho nya ni// gshog pa rdo rje gdengs pa yis// pho nya yid mgyogs rlung bas myur// lcags kyi mi la mkha' gshog can// phyag rgya bcu drug 'bar ba la// lcags kyi mi mo brgyad sprul pa// lcags gshog khyung gi 'dab ma can// sku gsung thugs las sprul pa ni// la la byan lag mgo bo la// lus ni lcags kyi spyang mor sprul// la la khyung gi mgo bo la// lus ni zangs kyi wa mor sprul// la la khra yi mgo bo la// lus ni dre'u nag rkang gsum mo// la la khwa yi mgo bo la// lus ni sdig pa rkang gcig pa// la la chun lag mgo bo la// lus ni dung gi spyang mor sprul// la la chu bya'i mgo bo la// lus ni bcu drug tshang mar sprul// la la bzhad kyi mgo bo la// lus ni byu ru'i seng ger sprul// la la kang+ka'i mgo bo la// lus ni lcags dre'u rkang gcig po// la la 'ug pa'i mgo bo la// lus ni dung phag dkar mor sprul// la la pu shud mgo bo la// lus ni lcags kyi sdig par sprul// la la mthing ril mgo bo la// lus ni dre'u nag rkang gsum po// la la skyin gyi mgo bo la// lus ni byi la rtsal bo chen// la la bya rgod mgo bo la// lus ni gser stag ser po sprul// gang la bya ba'i sems can de'i// rgyu drug 'khor ba'i sems can rnams// dmyal khams bcu drug kha brims te// thugs rje chen po'i byin brlabs kyis// 'di la byin gyis brlabs nas kyang// dmar po 'byin pa'i pho nya 'gyed// dus las ma g.yel phrin las mdzod// bdag phyag rgyar gsal bar byas la/ gcod pa dang byin gyis brlab pa'i sngags 'bum bzlas/ las grub pa la the tshom med/ rdo rje sder mo can gyi gsang sngags kyis drang ngo// dbang chen bsdus pa'i tan tra las/dmar 'byin gyi le'u ste bzhi bcu zhe bdun pa'o//// tshe la dbang thob rig 'dzin rnal 'byor gyis// 'byung po dgra bgegs 'dul ba'i phyir// dbang chen bsdus pa'i tan tra las// chos kyi pho nya'i le'u 'di gsungs// bskul pa'i las dag rbad pa'i phyir// gdug byed zhabs kyi 'od zer ni// dpa' mchog drag shul stag gi chas// khro bo yab yum sbyor ba'i byin rlabs las// stag mgo dmar po dbu lnga me ltar 'bar// stag lag khra mo zhe sdang glog stong 'gyu// rkang gcig mgyogs ma shin tu mi bzad de// shar phyogs khyab par rgyug cing dpal gyi bka' nyan ma// dri za dbang sdud gdon bgegs thal bar rlaugs// gdug byed zhabs kyi 'od zer 'phros pa ni// rno gdug zlog byed rgya bye'u lcags kyi chas// khro bo yab yum sbyor ba'i byin rlabs las// lcags mgo sngon mo dbu lnga me ltar 'bar// lcags lag khra mo zhe sdang glog stong 'gyu// rkang gcig mgyogs ma shin tu mi bzad de// shar lhor khyab par rgyug cing dpal gyi bka' nyan ma// drang srong dbang sdus dgra bgegs thal bar rlogs// gdug byed zhabs kyi 'od zer 'phros pa ni// shes rab ting 'dzin rdo rje 'chol ba'i chas// khro bo yab yum sbyor ba'i byin rlabs las// rdo rje dmar po'i dbu lnga me ltar 'bar// rdo rje'i lag pa zhe sdang glog stong 'gyu// rkang gcig mgyogs ma shin tu mi bzad de// lho phyogs khyab par rgyug cing dpal gyi bka' nyan ma// gshin rje dbang sdud dgra bgegs thal bar rlogs// gdug byed zhabs kyi 'od zer 'phros pa ni// dpa' brjid mnyen lcug sbrul nag 'khril pa'i chas// khro bo yab yum sbyor ba'i byin rlabs las// sbrul mgo nag po'i dbu lnga me ltar 'bar// sbrul lag khra mo zhe sdang glog stong 'gyu// rkang gcig mgyogs ma shin tu mi bzad de// lho nub khyab par rgyug cing dpal gyi bka' nyan ma// srin po dbang sdud dgra bgegs thal bar rlogs// gdug byed zhabs kyi 'od zer 'phros pa ni// dbang gi bse khrab gzi 'bar bgrad pa'i chas// khro bo yab yum sbyor ba'i byin rlabs las// bse mgo dmar po dbu lnga me ltar 'bar// bse lag khra mo zhe sdang glog stong 'gyu// rkang gcig mgyogs ma shin tu mi bzad de// nub phyogs khyab par rgyug cing dpal gyi bka' nyan ma// klu srin dbang sdud gdon bgegs thal bar rlogs// gdug byed zhabs kyi 'od zer 'phros pa ni// za byed chen po ting 'dzin mche ba'i chas// khro bo yab yum sbyor ba'i byin rlabs las// za byed mche ba'i dbu lnga me ltar 'bar// mche ba'i lag pa zhe sdang glog stong 'gyu// rkang gcig mgyogs ma shin tu mi bzad de// nub phyogs khyab par rgyug cing dpal gyi bka' nyan ma// rlung lha dbang sdud dgra bgegs thal bar rlogs// gdug byed zhabs kyi 'od zer 'phros pa ni// gzi mdangs shu ken sprul pa dar gyi chas// khro bo yab yum sbyor ba'i byin rlabs las// dar mgo dmar po dbu lnga me ltar 'bar// dar lag khra mo zhe sdang glog stong 'gyu// rkang gcig mgyogs ma shin tu mi bzad de// byang phyogs khyab par rgyug cing dpal gyi bka' nyan ma// gnod sbyin dbang sdud gdon bgegs thal bar rlogs// gdug byed zhabs kyi 'od zer 'phros pa ni// gcan gzan rgyal po gdug pa gzig gi chas// khro bo yab yum sbyor ba'i byin rlabs las// gzig mgo dmar mo dbu lnga me ltar 'bar// gzig lag khra mo zhe sdang glog stong 'gyu// rkang gcig mgyogs ma shin tu mi bzad de// byang shar khyab par rgyug cing dpal gyi bka' nyan ma// dbang ldan dbang sdud gdon bgegs thal bar rlogs// phyogs bzhi mtshams brgyad dregs pa'i dpung 'joms ma// za byed mche bas gdug pa'i dpung yang 'joms// nga rgyal bsnyems pas pha rol zil gyis gnon// tug chom 'brug sgras srin po'i thod rus 'joms// dzaHhUM baM hoHsa srid pa dbang du sdud// hUM dang phaT kyis srid gsum 'khor ba 'jig/ phrin las dus la bab po gshegs su gsol// ma ma bgyis pas ma mo bskul// dzaHdzaHbgyis pas mkha' 'gro rbad// he he bgyis pas phra men dgye// hrIHhrIHbgyis pas rta mgrin mngag/ b+h+yo b+h+yo bgyis pas dbang phyug bod// dbyangs su tshangs pa'i glu drug blangs// las su dgra bgegs ma lus bsgral// rtags su gsang ba'i rnge'u chung brdung// dpal gyi phrin las dus la bab// dbang chen bsdus pa'i tan tra las/ glo rdeg chas kyi pho nya mngag pa'i le'u ste zhe brgyad pa'o//// tshe la dbang thob rig 'dzin rnal 'byor gyis// rdo rje che mchog bsgrub pa'i phyir// dbang chen bsdus pa'i tan tra las// bkra shis gsang ba'i le'u 'di gsungs// yid du 'ong ba'i gnas mchog tu// phun sum tshogs dang ldan byas nas// bkra shis ma d+hal zlum po la// 'dom gang tshad dang ldan par bya// pad+ma 'dab ma brgyad pa la// stegs bu zla gam re re bkod// phyogs bzhir zla gam bzhi pa la// gshog pa mo la sogs pa bzhi// steng du b+han+d+ha bzhi dang bcas// mtshams kyi zla gam bzhi po la// za byed la sogs yum bzhi yang// b+han+da bzhi la rdo rjes mtshan// shin tu brtags te bkod par bya// dbus kyi lta ba zlum po la// yum mchog gzi ldan pad+ma can// zla gam kha sprod thod par bcas// snying po sngags dang bcas par dgod// mtshan ma'i rnam rtog mi mnga' yang// bdud dang gshin rje gdul ba dang// tshe dang bsod nams brtan pa'i phyir// rdo rje'i ra bas kun tu bskor// rnal 'byor gang zhig skal yod pa// dkyil 'khor de yis don yang bshad// rdzas la dngos grub gsol ba gdab// tshe yi rig 'dzin thob pa'i phyir// tshe bum b+han+da srub med la// mgul chings gsang ba'i ras kyis dkri// nang du dpa' bo sman dang bcas// snying po yum gyi skur bskyed cing// gsang ba'i bsnyen pa dgu 'bum dbul// bum par bsdu zhing dbyings su thim// sbyor ba'i byang chub sems dang bcas// mkha' la spros shing dbyings su bsdu// de las sems kyis skur bsgom pas// tshon gang sku yis stong gsum gang// tshe gnas 'phrul gyi dgongs pa che// spel ba'i cho ga yin par gsungs// rnal 'byor yab yum sbyor ba'i sems// dmar po hrIHdang ldan spros nas// gzi ldan thugs kar thim byas te// gnyis su med par gyur pa ni// bstim pa'i cho ga yin par gsungs// sbyor ba'i sems la 'phro 'du na// khams gsum gang nas 'dus pa dang// gzi ldan lte ba'i gzhal yas su// thim gyur rgya gram gtams pas bcad// bdud dang mu stegs gang gis kyang// 'di la mthong bar mi nus pas// sba ba'i chos gang yin par gsungs// sbyor ba'i byang chub sems kyi sprin// dzaHdzaHsprin phung 'phro 'du las// klu dang srin po 'khor bcas kyi// tshe dang gzi brjid bkug nas kyang// bum pa gzi ldan thugs kar bsdu// 'di ni 'gugs pa'i cho gar gsungs// sbyor ba'i byang sems hUM dkar spro// de la rtse gsum rdo lcags kyu// tshe nyams ldeg pa'i sbyor ba yis// lus ngag yid gsum brlabs nas ni// sku gsung thugs su gsal ba dang// nr-i yang hUM du byin brlabs te// shin tu gang ngam rgyas pa ni// gso ba'i cho ga yin par gsungs// thams cad gcig tu gyur pa dang// mnyam nyid chos sku dag pa yin// dbang du bsdu ba'i cho ga yin// cir snang ci srid byang chub sems// de las phyag rgya'i dkyil 'khor che// g.yo dang mi g.yo sna tshogs kun// mi nub ldan pa'i A yu sems// dmar po dbang bsdus rgyas btab pa// rgyas gdab cho ga yin par gsungs// thams cad ma lus gzi ldan yum// dkyil 'khor bum par bcas pa kun// mi dmigs gzi ldan mkha' la thim// tshon gang gsal ba'i sku bskyed nas// mu tig nas tsam phyag na bsnams// rkang pa 'di gnyis dpyad dgos// de nyid ye shes phyag na bsnams// gnyis su med par gyur pa dang// skye med chos kun rtogs pa ni// gnas kyi cho ga yin par gsungs// so sor pho nya gtang ba yang// spel ba'i dus na gshog pa mo// bstim pa'i dus na dra ba can// sba ba'i dus na sder mo can// dgug pa'i dus na glog 'gyu ma// gso ba'i dus na mgo brnyan can// dbang du bsdu ba dmar mo'i tshogs// rgyas 'debs dus na gsang yum bzhi// bsgrub pa chen po rdzogs pa dang// dngos grub gsol dang dbang bskur dang// smon lam gdab dang pra la sogs// phrin las bcol dang gtor ma gtang// gzhung las 'byung ba bzhin du bya// dbang chen bsdus pa'i tan tra las/ bkra shis tshe yi le'u ste bzhi bcu zhe dgu pa'o//// tshe la dbang thob rig 'dzin rnal 'byor gyis// phyi rabs rnal 'byor rtogs pa bskyed pa'i phyir// dbang chen bsdus pa'i tan tra las// lta ba byang chub sems kyi le'u 'di gsungs// ting 'dzin thabs kyi brgyud pa'i bye brag la// dbang chen dkyil 'khor rim pa cir snang ba// yab yum gnyis med byang chub sems su blta// gzhal yas yid bzhin lhun gyis grub pa yang// skyon med yon tan phun sum tshogs ldan pas// yab yum gnyis med byang chub sems su blta// me ri dmar po phyogs bzhi 'phro ba yang// stong khams yongs su bsregs pa'i mthu ldan pas// yab yum gnyis med byang chub sems su blta// me 'brug dmar mo nag mor snang pa yang// zhe sdang gdug pa'i dgra bgegs gdul ba dang// gnyan po gzhan ma med pa'i mthu ldan pas// yab yum gnyis med byang chub sems su blta// 'phan dang rgyal mtshan ba dan dang// bla re rgyal mtshan la sogs mang po kun// chos kyi ru mtshon chen po 'phyar ba yis// bdud bzhi bsnyal mgo gnan pa'i phyir// gdug pa'i gnyen po gzhan med pas// pha rol zil gyis gnon pa'i mthu// yab yum gnyis med byang chub sems su blta// rin chen khri rkang phyogs bzhir gsal ba yang// sprin med nyi bdun gsal ba'i mthu ldan pas// yab yum gnyis med byang chub sems su blta// gser gyi seng ge nyir shu bzhir snang ba// stobs kyi dpag tshad gzhan las dpag pa'i phyir// theg pa'i ba dan rgya mtsho lta bu ste// theg pa phra mo 'dul ba'i mthu ldan pas// yab yum gnyis med byang chub sems su blta// pad+ma stong dang ldan par snang ba yang// sna tshogs 'byung zhing skye ba'i gzhi dang ldan// nyes pa'i skyon dang bral ba'i mthu yod pas// yab yum gnyis med byang chub sems su blta// ye shes rin chen nyi zla'i 'od snang bas// 'jig rten yongs su sgron ltar 'bar ba dang// stong gsum mun nag sel ba'i mthu ldan pas// yab yum gnyis med byang chub sems su blta// zhe sdang rdo rje phyag rgya'i skur gsal ba// rgyal ba mang po'i thugs kyi dngos gzhi ste// gcig las 'dod dgur sgyur ba'i mthu ldan pas// yab yum gnyis med byang chub sems su blta// rmad byung pad+ma gar gyi skur gsal bas// khams gsum ma lus dbang du bsdu ba dang// ngan song gnas su stong pa'i mthu ldan pas// yab yum gnyis med byang chub sems su blta// dbu gtsug rta mgo ljang gu bstan pa ni// klu yi rgyal po'i rdzu 'phrul phrog pa dang// thugs rje chags pas 'gro ba bsgral ba'i mthu ldan pas// yab yum gnyis med byang chub sems su blta// rdo rje rin chen las byung gshog pa ni// rdzu 'phrul la sogs gang yang thogs pa med// myur ba'i shugs ldan mkha' la dbyings phyug ma// thugs rje kun la snyoms pa'i mthu ldan pas// yab yum gnyis med byang chub sems su blta// bcu drug phyag na mtshon cha bsnams pa yang// phra men bcu drug dbyings la rol ba dang// mi mthun gnyen pos 'dul ba'i mthu ldan pas// yab yum gnyis med byang chub sems su blta// sku la tshar gsum phreng dang ldan pa ni// dug gsum tshogs la zhen pa bzlog pa dang// dug gsum dbyings su sgrol ba'i mthu yod pas// yab yum gnyis med byang chub sems su blta// mnyen lcug sbrul gyi chun por snang ba yang// sku la zhe sdang gdug pa mi mnga' yang// mi mthun dregs pa gzhil bar bya ba dang// klu dbang 'khor gyis dbang bskur mthu ldan pas// yab yum gnyis med byang chub sems su blta// zhabs kyis khro brgyad zil gnon gtang ba yang// sa bcu 'das shing pha rol phyin rdzogs te// dbang bcu cig char rdzogs pa'i mthu ldan pas// yab yum gnyis med byang chub sems su blta// phyag rgya chen po gcig tu ma nges te// 'khor gyi pho nya yang sprul mang po dang// dbang gi sku gsung thugs las ma g.yos kyang// log rtog 'dul phyir rnam par sprul pa ni// sku gsung nyid las g.yos pa med pa ni// thams cad ma lus spros med thig le che// 'byung ba lnga la sogs pas bsdus pa kun// ye nas spros med byang chub sems su blta// lta ba 'di la gang zhig bsgom pa ni// da lta nyid nas skal ba byang chub mnyam// dbang chen bsdus pa'i tan tra las/ lta ba byang chub sems kyi le'u zhes bya ste lnga bcu pa'o//// tshe la dbang thob rig 'dzin rnal 'byor gyis// nye bar bsgrub pa'i man ngag tu// dbang chen bsdus pa'i tan tra las// sbyor ba'i dam tshig 'di gsungs so// phyi rabs skal ba ldan pa yis// ma nyams brtson pas spyad byas nas// the tshom med cing nges par 'grub// lus dang ngag yid phyag rgya che// dbyings nas gsang ba'i yum bskyed pa// snying po 'bru dang bcas pas so// mnyam pas mnyam pa'i phyag rgya gsal// gnyis su med par sbyar ba'i phyir// gsang ba'i rtse mor A+oM ser po// ye shes lnga yi sa bon bsam// rdo rje rtse lngar gyur par dmigs// de dkyil AHlas zla ba ste// thabs kyi phyag rgya'i cho 'phrul lo// gzi ldan gsang bar e gru gsum// de dkyil ma las nyi ma ste// de steng pad+ma'i baM las brtag/ shes rab phyag rgya'i cho 'phrul lo// sku bskyed phyag rgya gsal ba dang// so sor gsang ba'i brda mtshon te// bstod cing bskul dang ldan byas nas// A+oM dang mUM gyi 'phro 'du las// cho ga gsum gyi byin rlabs las// pra be sha zhes sgo phye ste// 'dab brgyad pad+ma nyi mar bcas// de dbus gsang ba'i rdo rje dbul// hUM gis gsor zhing ha yis bskyod// yang nas yang du bskyod pa ni// sku gsung dbyings su bskul ba'o// hUM ni yab kyi byang chub sems// go ro tsa na'i dbyings nas bton// srog chags gsang ba'i sbubs su sbyang// ljags kyi dbang por bskyil ba dang// n+wa sa'i dbyings nas klad par bskul// tshor ba nyams su myong nas ni// bsgal ba'i rtsad du brgyud nas kyang// gsang ba'i rdo rje'i lam du sbyang// b+ha ga gsang ba'i dkyil 'khor du// yang nas yang du spro zhing bsdu// nyi ma zla ba pad+ma dang// rdo rje la sogs 'dren pa dang// sbyor ba'i byang chub rab spros pas// phyogs bcu rgyal ba'i thugs dam bskul// mtha' yas sems can don yang bya// slar 'dus phyag rgya'i skur 'gyur ba// ye shes sems dpa' tshon gang po// de yang yab yum sbyor ba yis// byang chub sems ni lce la gzhag/ rdzas las tshe yi dngos grub gsol// 'di ni sbyor ba'i lung du grags// byang chub sems kyi 'od zer las// slar yang yum gyi dbyings su thim// de las phyag rgya'i skur bsgom la// dong tse tsam gyis zla dkyil du// ye shes sems dpa' tshon gang dmar// yung 'bru tsam gyi go mnabs pa// g.yas pas yid bzhin nor bu bsnams// g.yon pas rin chen za ma tog/ de ltar dkyil 'khor gsal ba ltar// sprul pas bdag gzhan don byas pa// thams cad ma lus phyag rgya'i sku// sbyor ba chen pos bskyed pa'o// rdzogs nas mthol bshags bzod par gsol// dbang chen bsdus pa'i tan tra las/ sbyor ba'i le'u ste nga gcig pa'o//// tshe la dbang thob rig 'dzin rnal 'byor gyis// sku gsung thugs kyi rngom brjid ni// skye med thabs kyi phyag rgya che// 'di ni dpa' bo chen po'i sku// khro bo rngom brjid rgyal po'i le'u// blo dang ldan pa'i rnal 'byor gyis/ phyi rabs skal ldan don phyir gsungs// sku las rngam pa bzhir grags pa// nam mkha'i ri mo phyag rgya des// cir yang 'gyur ba'i bzhugs thabs rngam// zil gyis gnon pa'i gdan mchog rngam// tsham rngams chen po'i stongs thabs rngam// gsung las rngam pa bzhir grags pa// hom lngar 'brel ba'i zhal rngam/zla gam cir yang 'gyur ba'i ljags rngam/ skye shi rtsad nas gcod pa'i tshems rngam/ gsung sgra 'brug ltar sgrogs pa'i dbyangs rngam// thugs kyi rngam bzhir grags pa/ ting 'dzin nam mkha'i rgyan gyi skar tshogs lta bu rngam// phrin las rgya mtsho rgyan gyi rlabs lta bu rngam// yon tan sa gzhi rgyan gyi rtsi shing nags tshal lta bu rngam// mdzad pa'i rol mo rgyan gyi gar thabs lta bu rngam// yon tan gyi rngam bzhir grags pa/rU tra bcom pa'i gnas rngam/ lha chen mnan pa'i gdan rngam/ khams gsum bsgral ba'i zhing rngam/ rtog 'joms spyod pa'i brtul zhugs rngam/ sku yi brjid pa bzhir grags pa/ sku che yan lag rags pas brjid che/grangs mang rkyen dang 'tshams pas brjid che/ bkur 'os gtso bor mthong bas brjid che/ khyad zhugs bla ma yin pas brjid che/ gsung gi brjid pa bzhir grags pas/ gdangs che stong gsum gang bas brjid che/tshig nyung the tshom gcod pas brjid che/ don la nyi tsher ston pas brjid che/ gsal bas mtha' gnyis spangs pas brjid che/ thugs kyi brjid pa bzhir grags la/ thugs rjes thugs dam mthar phyin brjid che/ma rmongs thabs kyis 'dul ba brjid che/ ma bkag sa ler mkhyen pas brjid che/ sna tshogs cing yang ston pas brjid che/ yon tan brjid pa bzhir grags pa/ med la zad mi shes pas brjid che/gcig las 'dod dgur bsgyur bas brjid che/ gnod sbyor phan par mdzad pas brjid che/ thabs mkhas skyon gyis ma gos pas brjid che// phrin las brjid pa bzhir grags pa/ phrin las rgyun du mdzad pas brjid che/ mi bsnyengs nyams bag rol pas brjid che/ 'khor ba yun ring mi bsnyengs brjid che/ mgon skyabs rgyun du mdzad pas brjid che/ dgongs pa'i don rnams mdzad pas brjid che/de ltar dbang chen he ru ka'i/ yon tan sum cu rtsa drug gis// dug gsum sku gsung thugs su sbyar// sdug bsngal bde ba chen por sbyar// dbyings las ye shes chen po ste// ngan 'gro mtho ris skyas btags pas// dmyal tshogs dong sprug chen por mdzad// rgyal ba gang gi thugs rjes kyang// 'di ni rdul cha bskyed du med// srid gsum dbang du bsdus nas ni// khams gsum dus gcig dbyings su thim// thig le chos skur yi gnas pas// dbang chen zhes kyang 'di la bsngags// dbang chen bsdus pa'i tan tra las/ khro bo rngom brjid rgyal po'i le'u ste lnga bcu nga gnyis pa'o//// tshe la dbang thob rig 'dzin rnal 'byor gyis// tshe dang dbang thang spel ba'i phyir// dbang chen bsdus pa'i tan tra las// gzi byin tshe yi le'u 'di gsungs so// dang por phun sum tshogs ldan nas// bka' dang mthun pa'i dgon gnas su// man d+hal 'dom gang gru bzhi la// dbus su gru gsum tshad du ni// khru gang gru gsum 'phang du brtsig/ ngos su zla gam bzhi pa la// bar khyams sgo dang sgo khyud bcas// me dpung 'bar bas mtha' bskor zhing// shin tu mdzes dang ldan par bri// la k+Sha phun sum tshogs pa yang// gzi ldan mtshan dang ldan par bri// thod pa ma gas khyad par can// lcang lo 'bar bas brgyan pa lnga// dbus dang phyogs bzhi zla gam la'o// sman dang dza gad rgun chang ngam// mngar dang sbrang rtsi 'o ma sogs// ji tsam 'byor ba'i yo byad rnams// gong ma'i snod rnams rab tu dgang// de nas rnal 'byor dbang phyug gi/ tshe dang gzi brjid spel ba'i phyir// thabs la mkhas pas 'di skad gsungs// sbyang dang spel dang bsgom pa dang// yig 'bru spro dang bsdu ba dang// rigs kyi pho nya gtang ba dang// bsnyen pa'i grangs dang rgyas gdab dang// phra dang rig pas mngon sum bsdu// blta bas lhan ner gsal ba'o// de la sbyang bar bya ba yang// sngags dang phyag rgya pho nya dang// chos nyid dag pa'i ngang gis so// spel ba'i don dang rang bzhin ni// chos kyi dbyings las ma g.yos kyang// mtshan ma'i phyag rgya mkha' ltar khyab// 'di ni spel ba'i lung du gsungs// bsgom par bya ba 'di dag ste// snod bcud yum gyi dbyings su bsgom// snang srid phyag rgya'i tshogs su bsgom// 'di ni bsgom pa'i lung du gsungs// yig 'bru spro bar bya ba ni// A yu dmar po dbang gi sku// bsnyen pa'i sa bon nyid du spro// 'di ni spro ba'i lung du gsungs// bskul dang don byas 'dus pa dang// gzi dang ldan pa'i dpal be'u na// sems dpa'i sku dang ldan par bya// rigs kyi pho nya dgye ba ni// shar nas rdo rje'i pho nya mo// gshog pa'i lus la pho nya'i gdong// lho nas rdo rje pho nya mo// gshog pa'i lus la rin chen gdong// nub nas rdo rje pho nya mo// gshog pa'i lus la sprul gyi gdong// byang nas rdo rje'i pho nya mo// the'u gshog lus la sprul pa'i gdong// dbus nas mgyogs pa'i pho nya mo// ba man lus la 'khor lo'i gdong// rgyan dang cha lugs smos par mthun// bsnyen pa'i grangs ni 'di dag gi/ A yu sems kyi rang bzhin ni// gdod nas ma skyes nam mkha' bzhin// bun ne ma bkag ci bder yan// rtogs nas zhag gcig drug stong bzla// de ltar rtags nas grangs rdzogs pa// 'di ni bsnyen pa'i lung du gsungs// mkhas ldan chen pos rgyas gdab pa// thams cad mnyam nyid chos sku la// gcig tu bsdus nas gzi ldan rgya// thugs kar rdo rje rgya gram gyis// 'gyur ba med par bstim la gdab// 'di ni rgyas btab lung du gsungs// pra la dbab par bya ba ni// rin chen me tog bor nas kyang// gang la bab pa'i tshe dbang bskur// 'di ni phra dbab lung du gsungs// rig pas skur gsal bya ba dang// blta ba thams cad sangs rgyas pa'o// 'di ni mngon sum lung du gsungs// de nas bskul cing don bya ba// bdag nyid dpal gyi thugs ka nas// lcags kyu zhags pa'i pho nya rnams// tshe dang gzi mdangs phrog phyir bskul// lcags kyus bskul bas gshin rje 'dzin// zhags pas bsdams pas 'byung po 'dul// sgrog gis thams cad sdom par byed// dril bus lus sems myos par byed// tshe la bar chad byed pa'i bgegs// gang na gnas pa thams cad kun// bkug nas rnam shes A yur dmigs// 'phro 'dus don byas slar 'dus dang// A lu skye med dang po'i gnas// sa nas chos kyi dbyings su bsdu// tshe dang gzi brjid 'phel rgyas shing// sdug bsngal bde bar byin rlobs pas// gzi byin le'u 'di yang sngags// de nas rdzas dang lag cha dang// sman la sogs pa'i bye brag rnams// mkhas ldan chen pos 'di ltar ro// sna tshogs mtshan mar snang ba yi// rdzas dang lag cha'i mtshan ma kun// so so'i mtshan nyid mngon sum yang// sgyu ma lta bur mngon byas te// sgyu ma nyid la sgyu ma rol// ye shes nyid la ye shes thim// thim gyur dbyings nas phyag rgya che// 'di ni byang chub sems kyi rgya// ma btab bzhin du yongs la gsal// skye shi med pa'i chos skur dmigs// 'du 'bral med pa'i gzungs su 'gyur// 'gyur ba med pa'i sku bsnyes pas// gzi byin tshe yi le'u'o// zhes gsungs so// dmar chen bsdus pa'i tan tra las// gzi byin tshe'i le'u ste lnga bcu gsum pa'o//// tshe la dbang thob rig 'dzin rnal 'byor gyis// phyi rabs rnal 'byor rnams kyi don ched du/ dbang chen bsdus pa'i tan tra las/ phun sum tshogs pa brgyad kyi le'u 'di gsungs// de yang gang dang gang zhe na/ gnas phun sum tshogs pa bca' ba dang// dus phun sum tshogs pa 'du ba dang/ 'khor phun sum tshogs pa dang ldan pa dang/ rdzas phun sum tshogs pa btsal ba dang/yo byad phun sum tshogs pa bsags pa dang/ ting nge 'dzin phun sum tshogs pa bsar ba dang/ phrin las phun sum tshogs pa spyad pa dang/ dngos grub phun sum tshogs pa bsdu ba'o// de ltar phun sum tshogs pa brgyad dang ldan par bya dgos te/tan tra ma mo las kyang/ bsgrub pa chen po'i dus dag tu// gnas ma brtags dang dus las yol// 'khor dang mi ldan rdzas ma rnyed// yo byad ma tshang ting 'dzin g.yel// phrin las ma 'grub dngos grub yal// 'di rnams bsgrub pa'i skyon brgyad yin// phyi rabs sngags 'chang sgrub pa po dang// don las yid ches ma gyur kyang// thos pa'i sems ni rtse gcig gis// bsgrim nas phun sum tshogs byas na// bsgrub pa'i 'bras bu yal mi 'gyur// 'di la the tshom ci ste za// zhes sungs so// dbang chen bsdus pa'i tan tra las// phun sum tshogs pa brgyad kyi le'u ste lnga bcu bzhi pa'o//// tshe la dbang thob rig 'dzin rnal 'byor gyis// phun sum tshogs pa brgyad dang ldan byas nas// phyi rabs rnal 'byor rnams kyi don ched du// dbang chen bsdus pa'i tan tra las// khyad par dbang gi le'u 'di gsungs// de yang gang dang gang zhe na/ ye rgya spyi yi dbang dang// khyad par rim pa'i dbang ngo// ye rgya spyi yi dbang ni rgyud las 'di skad do// rgyal thabs spyi blug theg chen ma ti'i dbang// bskur ro tsam gyis thob pa'o// khyad par rim pa'i dbang la yang// thabs gang gis dbang ba dang// don chen ci la dbang ba dang// dbang gi dngos gzhi bstan pa dang/ dbang gi grangs bstan pa dang// dbang rtags ci 'chang ba bstan pa dang/ dbang ba yul ci la bsgyur bstan pa dang/ dbang gi tshad bstan pa dang/ dbang bskur ba'i dus bstan pa dang// dbang bskur ba'i thabs bstan pa dang/dbang gi khyad par bstan pa dang/ dbang gi man ngag bstan pa dang/ dbang gi yon tan bstan pa'o// de lta bas na phyi nang gsang ba yi// theg pa'i rim pa ci snyed gsungs mod kyi// de yi nang nas 'bras bu theg rgyal bsngags// 'bras bu theg rgyal nang nas dbang lung gces// shes bzhinadabang med rloms sems can// kha cig yam ma brla dang gsob 'dra bas// don dang mthun pa'i skyes bu dbang chen la// rtags dang ldan pas dbang bskur shin tu rigs// dbang med kha cig rang dbang zos gyur cing// thug thub khong yangs shes thos gtsor bzhag nas// che bzhi med bzhin yod pa'i las spyod pa// ngan song gsum gyi sa bon de yin pas// srid par 'khyams shing chos lam ring bar snang// bka' la brten nas dbang med bka' rkun la// dbang lung tshad mar brgyud pa'i skyes bu yis// bskur yang mi thob bong bu'i spyod pa bzhin// thob par mi 'gyur chags par mi 'gyur ro// dbang gi khyad par bsten pa'i le'u ste lnga bcu lnga pa'o//// tshe la dbang thob rig 'dzin rnal 'byor gyis// phun sum tshogs pa brgyad dang ldan byas nas// phyi rabs rnal 'byor rnams kyi don ched du// dbang gi khyad par rim par bskur nas kyang// 'da' ga thugs kyi dam tshig 'di gsungs so// bsdam par bya ba'i dam tshig ni// srog gi phyir yang mi 'da' 'o// sna tshogs dngos por snang ba yang// dngos po med pa'i skur gsal bas// rtogs pa'i don las mi 'da'o// sgra mtha' sna tshogs grags pa yang// smra ba med pa'i gsung yin pas// rig pa'i don las mi 'da'o// bstan du med pa'i bsam pa ni// de yi thugs kyi rang bzhin te// de las 'da' bar mi bya'o// sku sung thugs las ma g.yos kyang// che ba'i yon tan sna tshogs 'byung// 'od yang zad med 'phel med pa// yon tan dam tshig yin par grags// 'di las 'da' bar mi bya'o// btsal ba med pa'i las gang yin// de nyid thabs kyi spyod mchog pas// phrin las dam tshig 'da' dka' ba'o// lnga po 'di la gang gnas pa// rnal 'byor skal ldan dam pa'o// bsgrub pa'i dam tshig chen po ni// byang chub sems dang sha rnams dang// khrag dang dri chu dri chen pa// dbang po lnga dang bcas pa 'di// bde gshegs lnga yi thugs dam ste// bsgrub pa gnas pas mi spang zhing// 'da' bar bya ba ma yin no// brtul zhugs chen po'i dam tshig ni// dka' thub sdom la gnas pa'i phyi// bdud rtsi dam rdzas rkyen bcas la// thogs pa med pa'i brtul zhugs kyis// spang len med pa'i rol pa bya// de las 'da' bar mi bya'o// bsnyen pa'i dam tshig chen po ni// lha dang rdzas dang tshe la sogs// snying pa yig 'brur bcas pa rnams/gnyis su med par rtogs byas nas// mnyam pa chen po'i dbyings su gzhag/ de las 'da' bar mi bya'o// spyad pa'i dam tshig chen po ni// pad+ma can dang dung can dang// ba glang can dang ri mo can// mi mo mig ring la sogs la// phrad par gyur pa sbyar ba yin// mthong ba tsam gyi dam tshig ste// dbang po yul du shes mtshon bya// de las 'da' gar mi bya'o// grub par bya ba'i dam tshig ni// nyon mongs lnga po gnas su dag/sku lnga ye shes lngar sbyar cing// thams cad lha yi phyag rgyar gsal// 'di las 'da' bar mi bya'o// shes par bya ba'i dam tshig ni// 'khor ba'i chos lnga ma spangs par// spyad pas grol te mya ngan 'das// phyi nang snod bcud ma lus kun// phyag rgya chen po'i dkyil 'khor 'dus// 'di las 'da' bar mi bya'o// dang du blang ba'i dam tshig ni// ta na ga Na la sogs spyad pa yang// 'das pa'i sangs rgyas rnams kyi bka'// ma byin par yang blang ba dang// mi dbang par yang spyod pa dang// lha dang slob dpon mched la sogs// de la rdzun gyi tshig smra zhing// brlang po'i tshigs kyis zhes bgam ba// de las 'da' bar mi bya'o// glu bro gsang ba'i dam tshig ni// dbyings nyid rtogs pa'i sa gzhi la// b+hud+d+ha khrag 'thung rol pa'i bro// gti mug gnas su 'joms pa ste// 'da' dkar sku yi dam tshig go/ me long gsal ba'i sa gzhi la// rdo rje khrag 'thung rol pa'i bro// zhe sdang gnas su 'joms pa yis// 'da' dka' thugs kyi dam tshig go/ mnyam pa chen po'i sa gzhi la// rin chen khrag 'thung rol pa'i bro// nga rgyal gnas su 'joms pa ste// yon tan lhun grubs dam tshig bro// so sor r+t+rog pa'i sa gzhi la// pad+ma khrag 'thung rol pa'i bro// 'dod chags gnas su 'joms pa ste// sgrar mtha' gsung gi dam tshig go/ nan tan chen po'i sa gzhi la// karma khrag 'thung rol pa'i bro// phrag dog gnas su 'joms pa ste// phrin las 'da' dka'i dam tshig go/ stong nyid ye shes sa gzhi la// dbang chen khrag 'thung rol pa'i bro// dug lnga gnas su 'joms pa ste// sku lnga lhun sbyor dam tshig go/ dbyings phyug lnga yi sa gzhi la// ye shes drug gi bro brdungs shing// dug lnga 'joms pa'i glu blangs pas// sdug bsngal chu bo'i gzhung bskams nas// 'khor ba'i rgya mtsho gting bskams te// sku gsung thugs su rgyas btab pas// bde ba chen po'i sar gnas te// dmyal tshogs me dpung gnas su bsad// 'di ni dpal gyi bro bo che// thos pa tsam gyis rtogs pa 'byang// brdung ba tsam gyis thugs dam bskang// 'di ni gru bro'i dam tshig ste// 'di las 'da' bar mi bya'o// thams cad chos sku gdal ba che// dbang chen bsdus pa'i tan tra las// 'da' dka' thugs kyi dam tshig gi le'u ste lnga bcu drug pa'o//// tshe la dbang thob rig 'dzin rnal 'byor gyis// phyi rabs rnal 'byor rnams kyi don ched du// dbang chen bsdus pa'i tan tra las// man ngag sbas pa'i le'u 'di gsungs// pho brang rin chen gzhal yas khang// gdan dang 'byug bar bcas pa rnams// dbang chen rim gyis bskyed pa yi// 'byung ba lnga yi yi ge hUM la sbas// rigs bzhi sbas pa'i he ru ka/ rin chen khri rkang bzhi la sbas// ma tshogs dbang phyug nyi shu brgyad// 'degs pa'i seng ge'i gdan du sbas// ma bdun gsang ba'i phyag rgya ni// gsang ba'i nyi ma bdun du bas// gdan khri pad+mar brtsegs pa yang// shes rab yum gyi rang bzhin te// gsang ba yum gyi b+ha gar sbas// zhe sdang rdo rje'i phyag rgya yang// man ngag gsang bar brgyud pa ni// gar gyi dbang phyug sku la sbas// rdo rje dbyings kyi dkyil 'khor rnams// dbu lnga'i gzhal yas nyid la sbas// gsung dbyangs sngags kyi dkyil 'khor ni// dbu yi rta mgo ljang gur sbas// skye med ye shes sems dpa' ni// thugs ka'i dpal gyi le'ur sbas// dur khrod phra men bcu drug ni// 'jigs pa'i phyag mtshan bcu drug nyid la sbas// gdul bya phyag gi bye brag bcu drug ni// ta kr-i bcu drug ngo bo nyid la sbas// cho gnas gsang ba'i yum chen gzi ldan ma// gsang mchog thugs kyi rdo rje nyid la sbas// sprul pa'i 'khor tshogs mang po kun// chos sku dngos por mi mthong bas// dmus long 'khor ba'i tshogs su sbas// bka' nyan las kyi pho nya kun// dbyings la rtogs pa mi mnga' bas// khyi dang spyang ku'i tshogs su sbas// sgo srung yab yum brgyad rnams kyang// sprul sku dbyings su gcig pa'i phyir// mgo dgu rkang gcig nyid du sbas// me 'brug rlung 'brug la sogs kun// sgra nyid sgra mthar stong pa'i phyir// stong ba chen po nyid la sbas// de ltar gang zhig rtogs pa ni// dkyil 'khor bya ba de nyid yin// zhes gsungs so// dbang chen bsdus pa'i tan tra las// man ngag sbas pa'i le'u ste lnga bcu bdun pa'o//// tshe la dbang thob rig 'dzin rnal 'byor gyis// phyi rabs rnal 'byor rnams kyi don ched du// dbang chen bsdus pa'i tan tra las/ yang dag don gyi rnam grangs le'u 'di gsungs so// de yang gang dang gang zhes ma nor bar rtogs pa'i blta ba yang dag pa dang/ma bgrod par phyin pa'i sa yang dag pa dang/ ma bsgrubs pa'i dngos grub yang dag pa dang/ gnyis su mi 'byed pa'i spyod pa yang dag pa dang/bsrung du med pa'i dam tshig yang dag pa dang/ 'bad pa min pa'i brtson 'grus yang dag pa dang/ bris pa med pa'i dkyil 'khor yang dag pa dang/ bsgom du med pa'i lha yang dag pa dang/ bskur ba med pa'i dbang yang dag pa dang/ ma song bar phyin pa'i gnas yang dag pa dang/ brjod du med pa'i tshig yang dag pa dang bcu gcig tu bka' stsal to// de la ma nor bar rtogs pa'i blta ba yang dag pa ni/rgyud las/ blta ba 'di la gang gnas pa/ rnal 'byor 'di ni skal ba bzang ces 'byung// ma bgrod par phyin pa'i sa yang dag pa ni/ rgyud las/ kun tu 'od kyi sa las 'das nas ni// pad+ma can du gyur pa na ces 'byung// ma bsgrubs par grub pa'i dngos grub yang dag pa ni/ rgyud las/ ngang la gnas pa dngos grub yin/ klong du gyur pas bsgrubs thabs so// zhais 'byung/ gnyis su mi 'byed pa'i spyod pa yang dag pa ni/rgyud las/ bla med theg par rab nges na// nyon mongs 'dod lnga kun spyad kyang// pad+ma la ni 'dam bzhin te// de ni tshul khrims phun sum tshogs zhes 'byung// bsrung du med pa'i dam tshig yang dag pa ni/rgyud las/ gti mug zhe sdang nga rgyal dang// 'dod chags phrag dog chen po ni// bde gshegs lnga'i rang bzhin pas// bsrung du med pa'i sdom pa can// zhes 'byung/ 'bad pa med pa'i brtson 'grus yang dag pa ni/rgyud las/ mi len byang chub spyod pa la// byed pa med pa las yin te// mi btsal bzhag pa brtson 'grus so// zhes 'byung// bri ba med pa'i dkyil 'khor yang dag pa ni// rgyud las/ 'byung ba yum gyi gzhal yas na// snang srid phyag rgya'i dkyil 'khor yin// bri bar bya ba ming yang med// ces 'byung/ bsgom du med pa'i lha yang dag pa ni// rgyud las/ bdag nyid chen po'i don rtogs nas// sangs rgyas kun gyi nying sha can// bsgom pas gzhan nas mi rnyed do// zhes 'byung/ bskur ba med pa'i dbang yang dag pa ni// rgyud las/ dbyings dang ye shes don rtogs na// thabs dang shes rab dbang chen yin// rdo rje dril bu rig pas bzung// zhes 'byung// ma song bar phyin pa'i gnas yang dag pa ni/ rgyud las/ khams gsum yum gyi b+ha ga las// gang ltar song yang gnas kyi mchog/ ces 'byung/ brjod du med pa'i tshig yang dag pa ni/rgyud las/ mtshan ma ming du btags pa yang// mtshan ma med pa'i chos yin pas// tshig tu brjod pa'i tha snyad bral// zhes 'byung// don de lta bas na rnal 'byor gyi dbang phyug chen pos/ don de ltar yid ches nas/rtogs pa klung du gyur nas bsgom pa ni/ b+hud+ha tsit+ta dz+wa la yin no// dz+nyA na tsit+ta dz+wa la yin no// bA+o b+hi tsit+ta dz+wa la yin no// don 'di la yid ma ches shing/ yin ma yin zhe'am/ 'di lta bu'i lta bas gtan la mi phebs zhes skur pa 'debs shing rtogs pa klung du ma gyur na ni/karma tsit+ta dz+wa la yin no// rak+sha tsit+ta dz+wa la yin no// nA ga tsit+ta dz+wa la yin no// dbang chen bsdus pa'i tan tra las// yang dag don gyi rnam grangs kyi le'u ste lnga bcu brgyad pa'o//// tshe la dbang thob rig 'dzin rnal 'byor gyis// phyi rabs rnal 'byor rnams kyi don sbad du// dbang chen bsdus pa'i tan tra las/ rmad byung byang chub sems kyi le'u 'di gsungs so// 'bar ba'i dbu lnga rmad du byung ba ni// ye shes lnga dang yum lnga dbang po sbyor// mnyam pa chen po'i ngang du lhan ne bsgom// 'bar ba'i rta mgo rmad du byung ba ni// lang+ka la sogs he ru gsum du snang// sku gsung thugs las ma g.yos lhan ner bsgom// 'bar ba'i ral pa rmad du byung ba ni// dbyings las ma g.yos chos sku 'bar ba las// khro bo mun dza'i cod paN bye ba 'bum// sprul sku'i 'gro don sgrol bar lhan ner bsgom// 'bar ba'i spyan lnga rmad du byung ba ni// dbang po yul dang gnyis med sbyor ba yin// yin dang ma yin rnam pa'i bye brag rnams// cig char bcad nas dbyings su lhan ner bsgom// 'bar ba'i shangs lnga rmad du byung ba ni// dbang po yul dang gnyis med sbyor ba yin// bsrung ba chos kyi bye brag so so yang// tshor ba nyams su myong shing tshims gyur nas// skye 'gag med pa'i ngang la lhan ner bsgom// 'bar ba'i snyan lnga rmad du byung ba ni// gsan pa ma 'gags sgra mtha' so so yang// de nyid sgra mthar stong pas chos kyi sku// med pa zad mi shes pa lhan ner bsgom// 'bar ba'i zhal lnga rmad du byung ba ni// hom lngar 'brel bas rgyud lnga bsreg pa'i phyir// sprul pa'i 'phro 'du nyid du snang mod kyi// gar yang ma 'phros dbyings su lhan ner bsgom// 'bar ba'i ljags lnga rmad du byung ba ni// bden pa'i don ston gsung rab mang po 'chad// sde snod rgyud la rmongs pa'i mi mnga' ba'i// le'u brgan chags pas 'gro ba sgrol bar bsgom// 'bar ba'i ag tshoms rmad du byung ba ni// chos sku mtshan ma med pa'i ngo bo las// gzugs sku 'ja' tshon lta bur sprul par bsgom// 'bar ba'i tshems lnga rmad du byung ba ni// 'khor ba rtsad gcod ye shes chen po lngas// skye med don rtogs dbyings su gzhug pa'i phyir// ma g.yos chos kyi dbyings su lhan ner bsgom// 'bar ba'i phyag mtshan rmad du byung ba ni// rdo rje lcags kyu sprul gyi zhags pa dang// khro chen snying 'byin rdo rje kha T+wAM ga/ thod rlon khrag dang rdo rje lu gu rgyud// rdo rje lcags kyu dang ni rnge'u chung 'dzin// sdigs mdzub rtse la me 'bar rdo rje kha T+wAM sgrol// rdo rje rtse gcig rtse gsum rtse lnga rtse dgu 'bar ba gsor zhing brdeg/ so so'i phyag mtshan dngos su gsal ba yang// snang tsam ny-id na rang bzhin med pas na// stong pa chen po'i thig le sa ler bsgom// 'bar ba'i sku rgyan rmad du byung ba ni// rdo rje rin chen las byung gshog pa can// thod rlon sprul dang glang chen stag la sogs// rngom brjid ldan pa'i cha lugs cir ston pa// nam mkha' lta bu'i dbyings su lhan ner bsgom// 'bar ba'i zhabs brgyad rmad du byung ba ni// phyin ci log gi dngos po 'joms pas na// mtshan ma sna tshogs mtshan ma med byas pas// so so'i na bza' go cha'i ci 'dra yang// ye shes dbyings la sbyor ba nyid du bsgom// 'bar ba'i gdan khri rmad du byung ba ni// gzhan gyi dngos grub bdag gir bya ba dang// mnyam pa chen po'i don la dgong pa'i phyir// dbyings dang ye shes gnyis su sbyor bar bsgom// 'bar ba'i gzhal yas rmad du byung ba ni// sna tshogs mang po rgyun dang bkram pa yang// nam mkha'i mtha' dang dbyer med stong bas na// spros med thig le byang chub sems su bsgom// dbang chen bsdus pa'i tan tra las/ rmad du byung byang chub sems kyi le'u ste lnga bcu dgu pa'o//// tshe la dbang thob rig 'dzin rnal 'byor gyis// phyi rabs rnal 'byor rnams la phan gdags phyir// dbang chen bsdus pa'i tan tra las// lta ba rgya mtsho'i le'u 'di gsungs// bden pa bzhi yis lam mtshon te// sa dang sa yi rim pa bzhin// bgrod nas phyin par 'dod pa gang// ldongs pas nam mkha' bsnyegs pa ltar// phyin pa'i gnas su khyab par yang// gnas las 'phos pa med pas na// lta ba rgya mtsho bzhin du blta bar bya// rten cing 'brel bas bcas pa yis// phyi nang 'bras bu rgyu bcas kun// lugs dang lugs las bzlog pa la// sa yi rim par 'dod pa dag/ smig rgyu bzhin du chur dmigs te// phrad par ma gyur phyin mi 'gyur// 'on kyang ma bgrod sang gzhag pas// lta ba rgya mtsho bzhin du blta bar bya// dmigs su med pas dmigs bya bas// de nyid dmigs pa chen po ste// mtshams ming du bcas pa yang// mtshon pa tshul du bcas so zhes// thams cad dmigs pa'i yul 'das pas// bla med go 'phang bgrod pa yang// ma bgrod phyin pas bla na med// lta ba rgya mtsho bzhin du blta// dag pa'i don nyid rang gis rig rtogs pas// bran dang jo bo lta bu'i tshul gyis kyang// sangs rgyas sa yi go rim btsal bar 'dod// phyi nang dag pa'i rgyu rkyen tshogs pa yis// mtho ris lta yi gnas thob gang yin pa// lta ba 'di yi lung du lhan ne ba// rgya mtsho bzhin du g.yos pa med par blta// de nyid bzhi dang ldan par bsgom pa dang// gang la mi rtog ci la mi chags te// me long bzhin du rig pa mngon sum phul// 'bras bu ma nor lam du tshol ba yis// goms pa'i mthu med 'phags lam ring na yang// lta ba rgya mtsho bzhin du blta bar bya// byin rlabs chen pos sangs rgyas khyad par can// thams cad lha yin pas na mngon sum pas// rig pa dang ni goms par bcas pa yin// sa dang sa yi rim par bgrod pa yang// theg mchog 'di yi ngang la ye gnas pas// lta ba rgya mtsho bzhin du zab mor blta// 'byung dang 'byung 'gyur yab yum yin pas na// dug lnga nyid kyang ye nas sangs rgyas las// sdug bsngal chu bor 'byung ba'i 'gro ba rnams// sgrol dang sbyor ba'i phrin las zab mo yis// zhing bcu gnas su sgrol ba'i sangs rgyas kyang// lta ba 'di yi ngang du sangs rgyas pas// lta ba rgya mtsho bzhin du lhun gyis gnas// sna tshogs kun tu bzang po rdo rje sems// de nyid ma skyes pas ni yum gyi mkha'// snang la rang bzhin med pas chos kyi dbyings// de yang dbyer med 'bras bu sku gsung thugs// btsal dang bral ba'i sa la bgrod pa dang// lta ba 'di yi ngang la rgya mtsho bzhin// rgya mtsho chen por chu bo kun 'bab ltar// theg pa'i rgyal po kun tu bzang po 'di// bde mchog lhun gyis grub pa'i man ngag pas// mig dang mtshan ma'i spyod yul ma yin te// dbye ba med pa'i ngang du rdzogs sangs rgyas// lta ba rgya mtsho'i gting ltar ye nas dag/ de bas lta ba rgya mtsho bzhin du blta// g+hu h+ya sa ma ya yi thugs ka nas// skal ldan 'ga' yi rkyen du gsungs pa 'di// snod med phal gyi spyod yul ma yin pas// chu srin dang ni nor bu rin chen tshul// rgya mtsho'i gtig gi rdo ltar khar dbyung min// rmongs shing 'chal pas gal te khar byung na// rang rgyud ngan song gsum du nges 'khyams pas// gdeng dang ldan pa'i skyes bu'i thugs la brnag/ dbang chen bsdus pa'i tan tra las/ lta ba rgya mtsho'i le'u ste drug cu pa'o//// tshe la dbang thob rig 'dzin rnal 'byor gyis// dbang chen bsdus pa'i tan tra las// chos rnams kun gyi gzhi rtsa ni// sems dang kun gzhir ldan pa'i phyir// gtan la dbab pa'i le'u 'di gsungs// de yang chos rnams rtsa ba kun gzhi nyid la 'dus// kun gzhi gnas 'gyur ye shes lngar snang ba// de lta'i don la mnyam par bzhag pas na// kun gzhi gnas 'gyur ba yang de nyid yin// ye shes lnga nyid de la tshang bas na// ye shes lnga po gcig tu 'dus rigs bya// sems dang kun gzhi rtsa ba'i don rtogs na// ye nas sangs rgyas pas na bcos med par// dang por sa nyid non pa mkhas pas gsungs// gnas skabs de na blta mthar yod med thug/ sems kyi rang bzhin ji ltar yod pa dang// sems la mtshan ma yod med rtogs par bya// sems de nyid la lta bas ji ltar blta bar bya// sems nyid snang ba yin nam mi snang ba// sems de sangs rgyas yin nam sangs rgyas min// sems las gud na sangs rgyas yod dam med// de yang cir bzhag blta bas zin bya dgos// de ltar rtogs nas gdeng du gyur pa na// 'dus byas dge rtsa mi dgag nus tshad bya// 'on kyang chos kun rang bzhin sems la 'dus// de la bsam zhing bsgom med ngang la bzhags pa na// cir snang ji srid mtshan med dbyings gcig pas// 'du 'bral med pa'i chos nyid ye sangs rgyas// don de ma brjod pa na mang rtsal yang// lhun grub sa de da lta nyid nas non// de lta'i don rtogs nyams su gsal na yang// chos kun sgo dang mi 'gal bstan pa'i phyir// ting 'dzin gsum ldan gol ba'i sgo bkag nas// drod chen gsum gyis sangs rgyas dgongs pa myong// de bas ting 'dzin rnams pa gsum bsgoms pas// 'bras bu pha rol phyin drug rang bzhin rdzogs// rang sems nam mkha' ma g.yos ngang la gzhag/ 'on kyang dran zhing rtog pa ci byung bas// chos nyid ma g.yos rtogs pas ma bcad pas// ngang gis ma bcos yong gis 'od gsal zhes// snga rabs mkhas ldan rnams kyis rab tu bsngags// yid dang sems gsal byed nyid ting 'dzin te// yo ga gsum don gnas skabs de la gsal// de lta bas na snyan khung yang brgyud nas// sems nyid sangs rgyas don du shes par bya// de lta'i don ston skyes bu yang rab la// ci la mi brtse g.yon gyi rnam grangs dbul// 'on kyang bya btsal med pa'i don rtogs nas// ye nas bdag nyid rnam par dag ces bya// de na 'dzin chags bde sdug ci byung yang// tshogs gnyis dus gcig rdzogs par dam bca'o// rnam par mi rtog ting 'dzin mtshan ma rnam par dag/ chos nyid mngon du gyur na ce yon rgyun mi 'chad// sgrib pa gnyis byang tshogs gnyis rdzogs pas na// phyi nang bzhed dang mthun par sa rnams non// 'dir ni bde gshegs dgongs spyod zab mo yin// sems dpa' phal gyi spyod yul ma yin no// sangs rgyas rnams kyis mnyam pa'i don rtogs kyang// 'gro ba sems can rnams kyis ma rtogs pas// gdod nas zhen pa'i bag chags sbyang dka'o// sa dang sa yi 'dod stongs khyad yod gsungs// mnyam par rtogs dang ma rtogs gnyis med gsal dus na// sangs rgyas che yon lhun gyis grub nges so// stong dang rang bzhin med cing ma skyes khyad par ni// yod med rtag chad bya btsal la sogs pa// thams cad lhun gyis grub par ye gnas pa// rgyu dang 'bras bu cir snang ci srid kyang// bud+d+ha nyag gcig sku yi rgyan du snang// de nyid ma bkag dkyil 'khor rdzogs pa'i tshul// gong 'og la sogs skyon yon gnyis po dag/ rtogs dang ma rtogs re rtsol gnas pa yis// rgyu 'bras so sor gsal ba smra na yang// blta spyod mnyam pa'i don du shes bya dgos// blta spyod ye nas 'du 'bral med bzhin du// mi mnyam mnyam pa'i spyod yul cir snang yang// phyag rgya'i dkyil 'khor ma gtogs gang yang med// gnas skabs de na thams cad tshogs 'brel yang// de tsam nyid la dgongs pa chos nyid kun// don du ye shes chen po'i sems la 'dus// sems ni ye nas ngang gis ma bcos pas// ting nge 'dzin gyi dmigs pa thams cad bral// de ltar bral ba'i byang chub bde chen ni// bgrod pa'i sa dang lta ba'i gzugs med pas// mtshan mar btags pa'i skyon yon ma lus dag/theg rgyal yangs rtses the tshom gegs bsal zhing// blang med dngos grub chen pos la bzlas pa// de bas dbu ma'i lta ba cha phra ba// thams cad ma lus dbang du rab 'dus te// gzhan las dpag pa'i don ni 'di gsungs so// mdo sde la sogs phyi nang yul dag pas// dag pa'i mtshan ma tsam du gnas pa dang// rnal 'byor spyod pas chos rnams sems su 'dus// mtha' gnyis ngang gis gsal zhes smra ba yang// nyams rtogs lta ba gud na yang med do// gzhan na yod par 'dod pa bag chags skyon yin no// de bas bsgom chos so sor cir snang yang// ltung ba'i spyod yul 'khrul ba nyid snang yin// sangs rgyas sems can sgyu ma smig rgyu'i tshul// ye shes skye 'gags med pas nam mkha' bzhin// de yi dus na 'das te mthong ba med// de yang mi snang nyid na skyon yin pa// 'khrul ba yin pas btub pa ma yin no// mthong dang ma mthong snang la rang bzhin med// dgongs spyod zab mo'i man ngag thams cad ni// rang rig ye shes mngon sum snang dus na// dag pa'i ye shes sangs rgyas mthong zhes bya// de ltar ye shes sangs rgyas mthong ba'i tshe// bag chags med cing mthong yul 'das pa ste// byar med snang med ma btsal bzhagan pa yin// dmigs pa'i yul med chos lam bag chags spang// mthong tshor bde ba'i lam nyid mu med gdal ba'i dbyings// 'gre'u log spyi'u tshugs ye shes dbyings mi g.yo// de yang gtan tshigs mdo sde zab mo'i nang// de lta'i don la sangs rgyas sbyong mi mdzad// chos rnams thams cad rig pa'i ye shes snang// des 'brel phan chad gdod nas ma skyes te// rgyu dang 'bras bur btags pa yang ye med// 'di ltar rig na skye dgag gnyis med lhun gyis grub// don la mnyam par bzhag pa'i skyon chen ni// lung dang 'gal zhing don dang 'phrad mi 'gyur// don la nges blo khyab par btag ba ni// mi 'gal ye shes rang bzhin dag pa ste// rig pas gsal nas thams cad gnyis su med// byang chub snying por rgyu 'bras lhun grub po// de yi dus na drod gsum man ngag rdzogs// snang dang mi snang rtag chad la sogs pa// shes rab zab mos nges pa'i gting brtol te// phyi nang the tshom blta ba'i phugs gtib bo// 'di yi don la gsang thub sran che zhing// tshig dang don du 'bral pas thag chod na// rig 'dzin rdo rje g.yung drung lhun gyis 'grub// dbang phyug yin pas de la kun phyag 'tshal// g.yo sgyu med pas gtsug gi nor bu bzhin// dbang chen bsdus pa'i tan tra las/ kun gzhi gtan la dbab pa'i le'u ste re gcig pa'o//// tshe la dbang thob rig 'dzin rnal 'byor gyis// phyi rabs rnal 'byor rnams kyi don ched du// dbang chen bsdus pa'i tan tra las// sbyin sreg mchod sbyin gyi le'u 'di gsungs// dang por phun sum tshogs ldan nas// maN+Dal tshad dang ldan pa la// thig bzhi gdabs pas le tshe dgu// dbus su gru gsum 'bar ba'o// sbo yi tshad ni khru gang la// 'phang du kha khyer mkhyud gang ngo// kha dog mdzes pa'i tshon rtsi lnga// le tshe brgyad la rim pa bzhin// dbus su mthing nag yig 'brur bcas// rgyan dang gdags pa la sogs pa// mtshan dang ldan pa'i yam shing dang// dpal dang ldan pa'i b+han+da rnams// he yi dbus su sngags la gdab// dpal dang ma mo mchod pa'i rdzas// byang chub sems dang rdo rje chu// zil dang rak+ta sha la sogs// rim bzhin dgram pa'i sa phyogs ni// dbus su byang chub sems chen po// shar gyi gling la rdo rje chu// zil mngar rak+ta lho yi phyogs// sha ni nub kyi phyogs su dbul// dri la sogs pa byang du dgod// shA khrag gtor ma la sogs kun// 'bar ba'i dkyil 'khor thog thag tu// pho nya'i rim pa bzhin du dgod// skad cig ma yi ting 'dzin gyis// 'dzab la sogs pa ma rdzogs tshe// bcu gcig phrin las gzhung bzhin 'bad// bsnyen pa nyi khri rdzogs pa dang// dpal dang ma mo mchod pa'i phyir// sbyin sreg gzhung bzhin brtson par 'bad// gar gyi dbang phyug chen po la// byang chub sems kyi chod pa yis// mchod sbyin bsreg pa'i las bya'o// rdo rje chu na gzi ldan la'o// zil mngar lho yi phyogs su ste// sha chen nub kyi phyogs su dbul// dri la sogs pa byang du dbul// yum bzhi la yang de bzhin te// mchod sbyin bsreg pa'i las bya'o// sha khrag gtor ma la sogs pa// pho nya rnams la mchod pa'i phyir// mchod sbyin bsreg pa'i las bya'o// bsnyen pa chos kyi dbyings nas drangs// bsgrub pa gnyis med mnyam par bzhag/ skabs su las ni bcu gcig brtsam// zhag grangs su ni grangs pa dang// dbang bskur dkyil 'khor lugs bzhin dbyung// de nas gtor ma la sogs te// lhag ma bskyang zhing pho nya bsnyen// las kyi go rim ma nor bar// mchod sbyin bsreg pa'i las la 'bad// de nas rjes dang lag cha dang// dkyil 'khor lha dang bye brag rnams// rim pa bzhin du mtha' nas spro// bsnyul dang don byas slar 'dus nas// bdag dang bcas pa rab tu zhu// rim pa bzhin du dbus su bstim// tshon rtsi dang ni sol ba dang// gzhan yang lhag ma ci yod rnams// gru gsum yum gyi mkha' la bstim// de nas bshags dang sbyang ba dang// glu bro la sogs longs spyod rnams// ma mo dang ni mkha' 'gro dang// pho nya ma mo bsten pa'i phyir// chas rab ldan pas 'bad la bya'o// dbang chen bsdus pa'i tan tra las/ sbyin sreg mchod sbyin gyi le'u ste drug cu re gnyis pa'o//// tshe la dbang thob rig 'dzin rnal 'byor gyis// dus gsum sangs rgyas thams cad mnyes pa'i phyir// dbang chen bsdus pa'i tan tra las// rdo rje glu yi le'u 'di gsungs// cho ga gsum dang ting 'dzin bcas pa yis// bdag nyid phyag rgya chen po'i nga rgyal bskyed// rdo rje gsang ba'i glu 'di blang// A+oM// gtsug tu 'khor lo rtsibs brgyad 'bar// cho ga gsum ldan snang mdzad che// yum dang gnyis med sbyor ba las// 'khor lo snying gi dbus su bsgom// de la rang bzhin med par dmigs// hUM dpral bar rdo rje rtse lnga 'bar// cho ga gsum ldan rdo rje sems// yab yum gnyis med sbyor ba las// rdo rje snying gi dbus su bsgom// de la rang bzhin med par dmigs// swA las rin chen zur drug 'bar// cho ga gsum ldan 'byung ldan che// yab yum gnyis med sbyor ba lam// rin chen snying gi dbus su bsgom// de la rang bzhin med par dmigs// A las pad+ma 'dab brgyad dmar// cho ga gsum ldan snang mtha' yas// yab yum gnyis med sbyor ba las// pad+ma snying gi dbus su bsgom// de la rang bzhin med par dmigs// hA las rdo rje rgya gram dang// cho ga gsum ldan don yod grub// yab yum gnyis med sbyor ba las// rgya gram snying gi dbus su bsgom// de la rang bzhin med par dmigs// sku gsung thugs yon phrin las lnga// rigs lnga dpal gyi glu blangs la// gsang ba yum gyi bro brdungs shing// dpa' bo 'bru lngas dbang bskur bas// thams cad ma lus phyag rgya'i sku// lus pa med pa chos kyi dbyings// hrIHrta mgrin gtsug na nor bu 'bar// cho ga gsum ldan ha ya g+h+rI// yab yum gnyis med sbyor ba las// nor bu snying gi dbus su bsgom// de la rang bzhin med par gsal// hUM// g.yas pa brgyad na lcags kyu 'bar// cho ga gsum ldan phra men ma// gtso bo gnyis med sbyor ba las// lcags kyu snying gi dbus su bsgom// de la rang bzhin med par dmigs// g.yon pa brgyad na mtshon cha 'bar// cho ga gsum ldan badzra ste// gtso bo gnyis med sbyor ba las// mtshon cha snying gi dbus su bsgom// de la rang bzhin med par dmigs// kruM zhabs brgyad 'bar ba'i chas brgyad 'bar// cho ga gsum ldan yum gyi mkha'// gtso dang gnyis med 'khril pa las// chas brgyad snying gi dbus su bsgom// de la rang bzhin med par dmigs// phaT/ sku gsung thugs las rnam sprul pa'i// sgo skyong khro bo mgo dgu brtsegs// kham rgya ma dang long ba'i tshogs// dmus long dang ni khyi spyang rnams// dbang chen sku la rab tu 'bar// cho ga gsum ldan sprul pa'i tshogs// yab yum gnyis med sbyor ba las// 'khor rnams snying gi dbus su bsgom// de la rang bzhin med par dmigs// 'di ni ye shes brgyan gyi glu// rgyan nyid ye shes glu blangs pas// skad cig ma yi ting 'dzin gyis// bdag nyid phyag rgya rtag mchog 'bar// A+oM/ 'khor lo ye shes can rnams kyis// 'khor lo rdo rje bsgom byas na// de nyid chos sku nam mkha' che ho// hUM// ye shes rdo rje can rnams ni// rdo rje rdo rje bsgom byas nas// de nyid chos dbyings ngang la rdzogs ho// rin chen ye shes can rnams ni// rin chen rdo rje bsgom byas nas// de nyid longs spyod lhun gyis grub ho// pad+ma ye shes can rnams ni// pad+ma rdo rjer bsgom byas na// de nyid brtan par 'gyur ba med ho// rgya gram rdo rje can rnams ni// rgya gram rdo rje bsgom byas nas// de nyid sprul sku ngo mtshar che ho// rgyan nyid ye shes glu blangs pas// bskul dang don byas 'dus pa dang// thams cad sku ste dngos med sku// stong ba chen po'i ngang la bzhag ho// dbang chen bsdus pa'i tan tra las// rdo rje gsang ba'i glu'i le'u ste drug cu rtsa gsum pa'o//// tshe la dbang thob rig 'dzin rnal 'byor gyis// 'jig rten yongs sgrol mdzad pa'i tshe// dbang chen bsdus pa'i tan tra las// zil non drag po'i le'u 'di gsungs// A+oM nA sha ya stam+b+ha ya/ nA sha stam+b+ha ya/ sum b+ha ni sum b+ha hUM/ gr-i h+Na gr-i h+Na hUM/ gr-i h+NA pa ya hUM/ gr-ih+NA ba la hUM/ A na ya ho b+ha ga bA na/ bid+yArA dza nan nan/ skad cig ma yi ting 'dzin gyis// 'bar ba chen pos bdag bskyed la// dbu lnga bcu drug phyag rgya ldan// ting 'dzin brgyad kyis byin brlabs pas// dmar po zhabs brgyad ldan pa yis// bag chags mi ldan gnan pa'i phyir// tsham rngams chen pos 'di skad do// mtshungs med che ba'i khyad par rab ston cing// nga rgyal mthu bsnyengs bdud kyi dpung bcom nas// 'jig rten 'das pa'i de ba brgyad// che ba'i rtags dang ldan pas dbang phyug yang chen gnon// zhabs brgyad ting 'dzin brgyad kyi chas dang ldan// bka' dang dam tshig gnas par bya ba'i phyir// snying gar mkhrig ma nub cing sgal tshigs 'joms// nyon mongs nyam thag 'bod sgrog dir ri ri/ zhes brjod la/ gdul bya'i zhabs gcig shar du bgrad pas/ dpa' bo stag gi chas dang ldan pas/ hU~M ka ra la bol nub par gzir bas/ tsham rngams chen pos nyam nga bar bya'o// gdul bya'i zhabs gcig shar lho mtshams su bgrad pas/ rno dug zlog byed rgya bye'u chas dang ldan pas/ Ar+ya a tsa la bol nub par gzir bas tsham rngams chen pos nyam nga bar bya'o// gdul bya'i zhabs gcig lho phyogs su bgrad pas/ shes rab ting 'dzin rdo rje 'chol ba'i chas dang ldan pas ya man ta ka la bol nub par gzir bas tsham rngams chen pos ldan par bya'o// gdul bya'i zhabs gcig lho nub tu bgrad pas/ dbang gi bse khrab chas dang ldan pas/ nI la daN+Da la bol nub par gzir bas/ tsham rngams chen pos nyams par bya'o// gdul bya'i zhabs gcig nub tu bgrad pas/dpa' brjid mnyen lcug sbrul nag 'khyil ba'i chas dang ldan pas// pad+ma kuN+Da li la bol nub par gzir bas/ tsham rngams chen pos nyam nga bar byas so// gdul bya'i zhabs gcig nub byang du bgrad pas// dmar gsal mche ba'i rdzas dang ldan pas// taki rA dza la bol nub par gzir bas/ tsham rngams chen pos nyam nga bar bya'o// gdul bya'i zhabs gcig byang phyogs su bgrad pas// shu ken chu ris dar gyi chas dang ldan pas// a mr-i ta kuN+Da li la bol nub par gzir bas/ tsham rngam chen pos nyams par bya'o// gdul bya'i zhabs gcig byang shar mtshams su bgrad pas/ gcan gzan gzig gi chas dang ldan pas// ma hA ba la la bol nub par gzir bas// tsham rngams chen phos nyam nga bar byas te/ 'di skad ces brjod do// hUM kAr pra be sha ya phaT nan/ Ar+ya a tsa la pra be sha ya phaT nan/ ya mAn+ta ka pra be sha ya phaT nan/ni la daN+Da pra be sha la phaT nan/ pad+ma kuN+Da li pra be sha ya phaT nan/ ta ki rA dza pra be sha ya phaT nan/ a mr-i ta kuN+Da li pra be sha la phaT nan/ ma hA ba la pra be sha ya phaT nan/ de ltar gnon cing gzir ba yang// don du dbyings dang ye shes la// rtags ni thabs dang shes rab bo// phyag rgya chen po'i skur bsgoms nas// zil gnon drag po'i las byas pas// sdug bsngal chu bo rgyun bskams te// sngon gyi rgyal ba rnams kyi bka'// zhi bas thams cad tshim par mdzod/ rgyas pas ma lus mngon sangs rgyas// dbang gis dbang du ma 'dus med// mngon spyod byin gyis brlab pa ni// thabs la mkhas pa'i mdzad spyod kyis// bsad cing mnan pa ma lus kun// phra mo'i skur bskyed bskur don byas// slar 'dus chos kyi dbyings su thim// dmigs pa med par chos skur bsgom// dbang chen bsdus pa'i tan tra las/ zil gnon drag po'i le'u ste drug cu rtsa bzhi pa'o//// rdzogs so// dpal gyi mgur nas gsungs pa'i dbang chen tan tra 'di// phyi rabs rnal 'byor 'ga' yi spyod yul ma gtogs pa// ming tsam rnal 'byor kun gyi thun mong min// yon tan gtan du nub par mi bya'i phyir// yang dbang gter du sbas shing 'ga' dang 'ga' la brgyud// pad+ma dbang chen la sbyir le'u bdun cu bzhugs pa las/ 'di la le'u drug cu rtsa bzhi las mi gsungs te le'u drug tsam ma 'dus so/

CLOSE WINDOW