CLOSE WINDOW

Gpb022.006
བོད་ཡིག

/// rgyud 'di dpe gcig las bsdur sa ma 'byor/ rgya gar skad du/ shrI pad+ma ma hA ba sha saM b+hA ta tan+t+ra nA ma/ bod skad du/ dpal pad+ma dbang chen dregs pa dbang sdud kyi rgyud ces bya ba/lhun gyis grub pa'i sangs rgyas rnams la phyag 'tshal lo// 'di skad bdag gis thos pa'i dus gcig na/ bcom ldan 'das sangs rgyas thams cad kyi ngo bo nyid de ni/ pad+ma can nam bde ba can zhes bya ba'i gnas btsun mo'i b+ha ga las bzhengs te/ 'di ltar 'khor gyi dkyil 'khor la gzigs pa ni/ sa bcu'i byang chub sems dpa' sems dpa' chen po rnams la gzigs nas shes bya'i sgrib pa cha phra ba rnams sbyangs par mdzad do// rang sangs rgyas rnams la gzigs nas rten cing 'brel bar 'byung ba rnams rnam par dag par ston par mdzad do// nyan thos rnams la gzigs nas 'gog pa las bslangs shing sbyangs par mdzad do// bya ba las kyi rgyud kri ya ba la gzigs nas rigs gsum gyi don rnam par dag par mdzad do// cha mthun spyod pa'i rgyud u pa ya la gzigs nas rigs bzhi'i gdung rnam par dag par mdzad do// rnam grol rig pa'i rgyud rnal 'byor theg pa la gzigs nas sum cu rtsa gnyis rnam par dag pa mdzad do// rnal 'byor bla na med pa'i rgyud bskyed rdzogs rnam pa gsum gyi blta spyod kyis dregs pa thams cad dbang du sdud par mdzad par yang gzigs so// de nas 'gro ba'i rigs bsam yas pa la gzigs nas/ sems nyid sangs rgyas pa yin pa las/ snang ba snod dang bcud du snang ba 'di thams cad ni/sems nyid chos sku las snang ba chos sku'i 'od gsal du gtan la 'bebs pa'i phyir/ nyid sku zhal gsum phyag drug par bstan pa ni de lta ste/ dbus kyi sku mdog dkar dmar pad+ma rA ga'i mdangs su gnas/g.yas thugs kyi zhal sngo ba/ g.yon yon tan gyi zhal ser ba/ g.yas dang po la pad+ma'i sdong bu/ bar ma na rdo rje rtse gsum/ tha ma na mda' 'dzin pa/ g.yon dang po na bum pa/ bar pa na dpal be'u/tha ma na gzhu 'dzin pa/ rgyan rin chen sna tshogs pa'i na bzas mdzes pa/ yum phyag rgya ma dang bcas pa/ dmar po rdo rje dril bus 'khyud pa/ rin chen seng ge nyi zla pad+ma'i khri la/ ye shes 'od 'khyil gong bu'i nang na bzhugs pa/zhal nas gsang ba'i sngags brjod pa ni// oM A ro li ka/ pAM rA gar ti stAM swA hA/ zhes brjod pas 'khor gyi byang chub sems dpa' rnams kyis mthong bar gyur te/ de nas 'khor rnams kyis bstod pa 'di mdzad nas bstod do// hUM dri med rnam dag zhi ba las// spros pa thams cad rab zhi ba'i// ye shes tshogs mchog mnga' brnyes pa// rang bzhin dag pa chos kyi sku// thugs rjes sdug bsngal sel mdzad pa// bsod nams tshogs rdzogs gzugs kyi sku// las dang nyon mongs shes bya yi// dri ma spangs pa'i skur grub pa// gsung mchog sku gsung dang pa [+]dang// lus ngag sems kyis phyag 'tshal bstod// thugs rje chen pos gzung ba dang// ye shes snang ba gsal bar mdzod// dus kyis mnar ba'i skye bo rnams// 'dul phyir khro bo bzhengs su gsol// rtag chad mtha' la zhen pa yi// gdug pa can rnams dbang du sdus// zhes bstod do// de nas gar dbang bde ba chen po'i sku des/ hUM drug rol pa'i cho 'phrul bstan nas// oM ma hA pad+ma shrI he ru ka pad+ma kro tI shwa rI hUM/ ma hA tsan+d+ra sarba duSh+tA na hUM phaT/ces brjod pas/ nyid kyi sku khro bor chen po dbu lnga phyag bcu drug par gyur te/ sku mdog dmar po dbu lnga pa/ dbu lnga'i nang na rdo rje dbyings kyi dkyil 'khor du gsal ba/ ltag pa na rta mgo lnga'i rta mgrin dbang gi dkyil 'khor du gsal ba/gshog pa khams gsum rnam par rgyal ba dang// thugs ka ye shes sems dpa' dang/ gzi ldan yum gyi dkyil 'khor dang/ phyag g.yas pa brgyad na rdo rje dang/ kha T+wAM dril bur bcas pa dang/rdo rje lcags kyu dang/ sbrul gyi zhags pa dang/ 'khor lo dang/ rin po che zur 'phyang brgyad pa dang/ ral gri dang/ rdo rje lu gu rgyud kyi phreng ba'o// phyag g.yon pa brgyad na/ pad+ma'i yu ba nas 'dzin pa/thod khrag snod bkang ba dang/ khro bo chen po'i snying 'byin po dang/ gshin rje'i dbyug pa thogs pa dang/ rdo rje rgya gram dang/ rdo rje be con dang/ me 'od kyi phreng ba dang/ tri shUl dang/ khyung gi khra bsnams pa/zhabs khro bo brgyad kyi gdan la bzhugs par gyur te/ zhal nas nyid kyi snying po yi ge bcu bdun pa 'dzin pa 'di brjod do// oM pad+ma sid+d+ha sid+ho ha he tsakra b+h+yo/ b+h+yo hUM hUM phaT/ ces brjod cing gdug pa can 'dul ba'o// de nas nyid kyi 'khor ni/ sku yi kham rgya dkar mo 'khor lo dang/ gsung gi kham rgya dmar mo pad+ma dang/ thugs kyi kham rgya nag mo rdo rje dang/ yon tan kham rgya ser mo dril bu dang/ las kyi kham rgya ljang gu ral gri dang/gsang ba'i kham rgya sna tshogs mdog can khA T+wAM bsnams pa/ kham rgya mo drug po kun kyang g.yon na bdun rtsi'i thod pa bsnams pa/ zhal nas rang sngags brjod pa/ bud+d+ha badzra oM/ sa twa badzra hUM/rat+na badzra trAM/ d+harmA badzra hrIH/ karma badzra hA/ gu h+ya badzra phaT/ ces brjod cing 'khor lo 'bar ba'i rtse mo drug la bzhugs so// long ba chen po brgyad ni/ shar rdo rje'i long ba dkar po dang/ lho rin chen long ba ser po dang/nub pad+ma'i long ba dmar po dang/ byang las kyi long ba ljang gu dang/ mtshams kyi long ba phyed gzugs kyi mdog can dang/ phyag bzhi na g.yas pa zangs gri dang thod pa/ g.yon rgyu phreng dang snying bsnams pa/rang gi zhal nas rang sngags brjod pa ni// oM shwa ri khA hi hUM/ oM shwa ri khA hi trAM/ oM shwa ri khA hi hriH/ oM shwa ri khA hi hA/ zhes brjod cing thod rus kyi bar khyams dang po la/ sku gcer bu'i tshul gyis gnas so// de nyid kyi gnas la bzhugs pa'i dmus long drug cu bo rnams ni// phyogs re na rigs kyi mdog can bco lnga bco lnga bzhugs te/ phyag g.yas na lcags kyu g.yon phur bu bsnams pa'o// zhal nas rang sngags brjod pa ni// oM shrI raM khA hi hUM/ oM shrI raM khA hi trAM/ oM shrI raM khA hi hrIH/ oM shrI raM khA hi hA/ zhes brjod cing bar khyams dang po la gnas so// za byed dpal gyi khyi brgyad ni/ sku mdog mthing nag spyang ki'i mgo can/g.yas gri gug/ g.yon thod pa 'dzin pa/ rang gi sprul pa ce spyang brgyad dang/ ye shes kyi sprul pa khyi bcu yang/ zhal nas rang sngags brjod pa ni// oM dIp+ta tsakra shwa na mu kha kha long kha hUM phaT/ku ru ku ru yak+sha hUM phaT/ ces brjod cing bar khyams gnyis pa me ri dmar po la bzhugs so// 'khor gyi sgo ba bzhi ni/ mgo dgu po la rkang gcig po/ mdog dkar lag na lcags kyu bsnams pa/ zhal nas hUM hUM phaT/ ces brjod cing shar sgor bzhugs so// 'od gshog mgo brgyad rkang brgyad po ser po lag na zhags pa thogs shing// hUM trAM trAM phaT/ ces brjod cing lho sgor bzhugs so// ye shes mgo drug lag drug rkang drug po dmar po phyag na lcags sgrog bsnams shing/zhal nas hrI hrIHhrIHphaT/ zhes brjod cing/ nub sgor bzhugs so// gsang ba mgo gsum lag gsum rkang gsum po ljang gu ni/ phyag na dril bu bsnams shing/zhal nas hUM hUM hA hA phaT/ ces brjod cing byang sgor bzhugs so// sgo ba de kun gyi phyag g.yon na/ thod khrag nyid kyis longs spyod mdzad pa// me 'brug dmar po b+h+raM nge gi ri ti dang/ rlung 'brug sngon po ka la sha ni/oM dzi na laM te tse ri/ yak+sha ku b+hany+dza hUM phaT/ ces brjod cing steng 'og phyogs mtshams kun tu khyab bo// yang sprul pho nya ni/ dur bya dang/ khrung khrung dang/ ba se'i byan glag dang/ khyi spyang ma rnams dang gdong dgu grangs med pa yang/oM ha ha ru lu ma hA tsan+d+re shwa rI na ye a hUM hUM hUM phaT/ ces brjod par byed cing/ phyi rol sgo nas ra ba'i mtshams kyi bar du gnas so/ pad+ma dbang chen dregs pa dbang sdud kyi rgyud las nyid kyi sku mngon par bstan pa rtsa ba'i dkyil 'khor gyi le'u ste dang po'o//// de nas bcom ldan 'das kyis gsang sngags kyi las yongs su rdzogs pa 'di gsungs so// gsang sngags kun gyi ngo bo ni// spyi dang bye brag rnam pa gnyis// spyir ni sngags kyi ngo bo ni// thabs dang shes rab rnam pa gnyis// de la thabs zhes brjod pa ni// kun rdzob sgyu ma tsam du snang// shes rab zhes ni gang brjod pa// don dam skye ba med pa'o// stong pa nyid kyi rang bzhin no// khyad par sngags kyi ngo bo ni// khyed la ngas ni rab bshad na// sngags kyi ngo bo lha yi sku// drang srong mthu las khyad par 'phags// nges tshig spyi dang khyad par gnyis// spyi yi nges pa'i tshig bshad pa// skyobs pa'i phyir na sngags yin te// yid bskyab pa yi don yin no// khyad par sngags kyi nges tshig ni// shes skyob yon tan ldan pa yin// sngags kyi dbye ba rnam pa gnyis// spyi dang bye brag gnyis su bshad// spyi yi dbye ba rnam gnyis te// kun rdzob kyi ni sngags zhes bya// lha yi dkyil 'khor yid la byed// don dam pa yis sngags zhes pas// gnyis su med pa'i rang bzhin te// stong pa chen po ye shes dang// de yul byed pa'i ye shes te// yul dang yul can ye shes te// rtogs pa 'khor ba bdag la skyob// bye brag sngags kyi dbye ba gsum// gsang sngags rigs sngags gsang sngags yin// gsang sngags don ni rnam pa bzhi// bzod pa thob pa'i rgyur 'gyur gzungs// gsang sngags gzungs dang chos kyi gzungs// don gyi gzungs zhes bya bar 'dod// bzod pa thob pa'i rgyur 'gyur pas// bskyed rim mthar phyin rnal 'byor ram// mtshan bcas rdzogs rim rnal 'byor ram// mtshan med rnal 'byor a dang hUM// de dag brjod bya thob byed rnams// rang bzhin med par sems pa ni// de ltar yul dang yul can de// rang bzhin med par rtogs pa ni// dga' ba mchog tu dga' chen skyes// de la gzungs thob ces bya'o// dran dang shes rab gcig tu byas// bzod pa 'dzin par byed pas gzungs// gzungs thob pa des de ma thag/ phyag rgya chen po'i ye shes skye// mthun pa'i bzod pa chen po ste// don dam chos rnams bzod pa ni// de skyes ring po mi thogs par// phyag rgya chen po'i ye shes thob// gsang sngags kyi ni gzungs shes pa// de yang phyag rgya chen po ni// thob pa yan chad gang zag des// rang gi ting nge 'dzin dang ni// sngon gyi smon lam stobs bskyed pas// gsang sngags tshig ni 'di dag gis// sems can rnams kyi nad sogs pa// med par gyur cig ces brjod cing// ting 'dzin dbang gi stobs kyis ni// sems can rnams kyi yams nad sogs// med cing byin brlabs lhar 'grub 'gyur// des na ting nge 'dzin gyi dbang// de ltar gyur pas gsang sngags rnams// 'dzin par byed pas gsang sngags gzungs// chos kyi gzungs zhes bya ba yang// phyag rgya chen po'i thob pa'am// ston pa mkha' 'gro'am bla ma yis// sngon chad ma thob ma shes pa'i// bdag nyid gsang ba'i chos bshad pa// thos pa tsam gyis mi brjed 'dzin// dran pa shes rab chos kyi gzungs// don gyi gzungs ni de bzhin du// gsungs pa'i chos rnams de dag ni// don rnams mi brjed 'dzin pa ni// dran pa shes rab don gyi gzungs// de la rig sngags zhes bya ba// stong pa chen po'i ye shes de// ye shes yul du byas rtogs pas// ma rig spangs shing rig pa skyed// de phyir rig sngags zhes bya ba'o// gsang sngags mtshan rgyud sngags dang don// 'di zhes nges par shes par bya// mtshan ni gsang sngags zhes bya ste// snod ma yin la gsang ba dang// blo chung theg pa dman la gsang// gsang thub dngos grub mi yal phyir// sangs rgyas rnams kyis gsang bar bsngags// de phyir gsang sngags nges pa'i mtshan// rgyud ni 'brel phyir rgyud ces bya// gzhi thabs 'bras bu'i 'brel ba'i phyir// gzhi ni bden gnyis rang bzhin gnas// thabs ni bsgrub pa'i rang bzhin gnas// 'bras bu chos sku gzugs skur gnas// sngags ni nus pa'i mthu chen de// bsgom pa'i gsang sngags bskyed rdzogs gnyis// spyod pa'i gsang sngags sbyor sgrol gnyis// bzlas pa'i gsang sngags ye shes nyid// bza' ba'i gsang sngags bdud rtsi lnga// don ni kun rdzob don dam gnyis// don dam yul dang yul can nyid// yul ni stong pa'i ye shes nyid// yul can zhes su bya ba yang// mi rtog ye shes yul byas shing// de rtogs gzungs su gyur pa yis// gnod pa'i 'tshe ba nub par byed// kun rdzob sngags de thob pa'i thabs// sngags kyi gzungs dang sngags kyi ming// brda' dang tshig sogs thams cad yin// zhes gsungs so// pad+ma dbang chen dregs pa dbang sdud kyi rgyud las/ gsang sngags thams cad dbang du sdud par/ sngags kyi ngo bo nges tshig dbye ba ste le'u gnyis pa'o//// de nas bcom ldan 'das kyis gsang sngags kyi lam rnam par bkod pas sngags thams cad dbang du bsdu ba 'di gsungs so// 'bras bu'i theg chen gsang sngags 'di// khyad par gyur phyir khyad par che// thabs mang dka' ba med pa dang// dbang po rnon po'i dbang gyur dang// don gcig phyir na'ang ma smongs pas// sngags kyi theg pa khyad par 'phags// 'bras bu nyid du lam shes pas// tshe lus gcig la rdzogs sangs rgyas// de la gsang sngags slob ma ni// snod dang ldan pa gces pa ste// de phyir dam tshig srog ldan gzhug/dam tshig mi ldan spang bar bya// dam tshig dang ldan bzlog pa ni// mkha' 'gro ma yi 'tshe ba dang// dus ma yin par 'chi ba dang// shi nas dmyal bar 'gro ba'o// dam tshig mi ldan bcug pa yang// tshul de nyid du shes par la// theg chen sngags kyi spyod pa la// skyon 'dogs smod par byed pa ni// mkha' 'gro ma yis myur du gsod// de nas dmyal bar skye bar 'gyur// des na zab mo'i spyod pa la// skyon 'dogs smod pa spang bya'o// skal dang ldan pa'i gang zag de// bla ma dam par gyur pa ni// theg pa mtha' dag ma lus pa'i// grub pa'i mtha' la ma rmongs shing// rgyud kyi dgongs pa shes pa dang// dkyil 'khor la sogs kun mkhas shing// snying rje chen po dang ldan pa// bla ma'i bka' ni thob pa la// tshogs kyi 'khor lo'i dga' ston bya// yon dbul dbang bskur gsol ba btab// de ltar gsol ba btab pa dang// bla mas kyang ni bsnyen pa dang// sa chog lhag gnas cho ga dang// dkyil 'khor cho ga rgyas pa dang// 'jug pa dbang bskur yon blang bya// de ltar slob mas bla ma la// sems bskyed sdom blang dbang mnos nas// de nas slob ma dam pa yis// dbang sems de nyid dam tshig bsrung// de bas bsrung la 'bad par bya// dam tshig bsrungs pa'i yon tan yang// mchog dang thun mong dngos grub 'grub// ma bsrungs pa yi skyon rnams kyang// rdo rje dmyal bar nges par ltung// de yi sdug bsngal bzod par dka'// mtshan nyid shes par bya ba yang// de ltar snod du rung ba dang// rang gi bla ma dam pa la// theg chen sngags kyi rgyud mnyan nas// sngags song mtshan nyid shes par bya// de nas rang sems sbyang bar bya// sems sbyang don ni rnam par drug/ skyon yon yul dang rgyud la bskyed// spang bya spong thabs 'bras bu yin// rnal 'byor rang sems ma sbyangs par// rdzogs pa'i byang chub mi 'grub la// de ma grub par gyur pas ni// gzhan gyi don rnams mi 'grub pas// de phyir sems ni spyad par bya'o// sems sbyang yon tan bsam mi khyab// dpag tu med pa'i dngos grub thob// yul ni rnam pa gnyis yin te// 'jug pa'i yul ni sngon byung gi/ ston pa'i spyod pa bzhin du 'jug/ dmigs pa'i yul yang rnam pa gnyis// mtshan bcas mtshan ma med pa ste// ye shes thig le phyag mtshan sku// de sogs mtshan ma can du 'dod// stong pa nyid kyi rang bzhin la// dmigs pa med pa'i tshul gyis dmigs// lam gyis rgyud la skyed pa yang// nye grogs lam dngos de grogs gsum// nye ba'i grogs kyang rnam pa lnga// bsgrub pa'i gnas dang shis pa'i dus// mtshan ldan grogs dang mthun pa'i rdzas// shes pa'i ston pa phun sum tshogs// lam dngos 'di ltar 'jug par bya// phyi lam dngos mchog rim pa rnams// rnal 'byor bsgom pas bslab par bya// bya spyod rnal 'byor rgyud gsum ni// mtshan ma dang bcas bsgrub thabs ni// mtshan ma med pa'i bsgrub par 'dod// rnal 'byor rgyud lung man ngag gsum// bskyed rim rdzogs rim rnam pa gnyis// rdzogs chen lam ni rang sems nyid// sangs rgyas rang sar grol ba'o// lam de cho ga'i rim pa dang// don rim dgos pa'i rim pa bshad// cho ga'i rim pa bya ba ni// rgyas pa dpe byas bsdus pa yin// rgyas par 'dod pa'i rnal 'byor ni// bsgrub pa rten gyi gang zag gis// dang po bla ma dam pa las// dam tshig dbang thob bsrung la 'bad// gdams ngag mnos nas nyams su blangs// gnas gzhi yid du 'ong ba ru// grogs ni chos dang mthun pa'am// bdag nyid gcig pu sgrub pa pos// dus tshig bzang po dag la 'jug/gtor ma gtang zhing sAts+tsha gdab// sbyin sreg yi dam bzlas pa bya// khrus byas maN+Dal me tog bkram// srung ba'i 'khor lo bsgom par bya// sems can sdug bsngal bral bar 'dod// de nas byams pa bsgom par bya// sems can bde dang ldan par 'dod// de nas dga' ba bsgom par bya// bdag gis byang chub thob par bya// sems can don bya spro bar bya// de nas btang snyoms bsgom par bya// de gsum mi dmigs par yang bsgom// de nas lha dang bla ma sprul// phyag 'tshal mchod dang sdig bshags sogs// bdun po rnam dag bsod nams tshogs// de nas ting 'dzin rnam pa gsum// ye shes tshogs las rang nyid lha// bya spyod rnal 'byor rgyud rnams ni// stong pa nyid kyi sngags brjod nas// bdag nyid dam tshig sems dpar bskyed// mdun du ye shes sems dpar sprul// bla med rnal 'byor bskyed rdzogs dang// dbang bskur sku gsung thugs byin brlab// spyan drangs bzhugs mchod bstod par bya// yi ge phyag mtshan thig le sku// phra mo spro bsdu 'bar 'dzag la// dmigs nas rdzogs rim bsgom par bya// skyo bar gyur na ngag bzlas bya// shin tu skyo bar gyur pa na// mchod bstod byas la spyan drangs pa// rang bzhin gnas su gshegs su gsol// sprul pa rnams ni rang la bsdu// de yang mtshon pa'i dpe bshad pa// snying rje rtsa ba lta ba la// byams pa sdong po yin par 'dod// dga' ba yal ga rgyas pa ste// tshogs gnyis lo ma lta bu la// rnal 'byor gzhan ni me tog 'dra// bsgrub pa'i rnal 'byor pa yi rgyud// yongs su smin pa 'bras bu yin// bsdus pa'i cho ga rim pa bzhin// bya spyod rnal 'byor bsgom pa yang// bdag nyid lha ru bskyed byas nas// 'khor gyi dkyil 'khor mdun du sprul// mar me gyes pa'i tshul gnyis su// gcig ni dkyil 'khor gtso bor snang// gcig ni las kyi lhar byas nas// mchod bstod de bzhin thams cad bya// de ni phyi nang thun mong yin// khyad par lam du bshad pa ni// rnal 'byor bla na med pa ni// bdag nyid lha ru gsal byas nas// dbang bskur byin brlab spyan drangs nas// bdag dang gnyis su med byas te// bdag nyid lha yi snying ga nas// lha mor sprul nas bya ba'am// 'khor gyi lha mos bdag nyid la// mchod bstod la sogs byas nas ni// yang ni bdag gi snying ga'am// sku la sogs par bsdu bar bya// bzlas pa'i dus ni thams cad du// mgal me bskor ba lta bu'am// thag mdung 'phen pa'i tshul 'dra dang// sgro yi chun po 'dra ba dang// thig gu bsgril pa lta bu dang// sgrog spel lcags sgrog lta bu ni// skabs kyi stobs kyis shes par bya// de ltar bsgoms shing bsgrubs pa las// mtshan ma brtan po 'byung bar 'gyur// mtshan ma thob nas mtshan med bsgom// mtshan ma med pa mngon gyur nas// phyag rgya chen po'i dngos grub yin// de dag gsang sngags phyi nang gi/ thun mong lam de gnyis su dbye// de nas don gyi rim pa ni// de bzhin gshegs pas tshad med bsgoms// tshogs ni rnam gnyis bsags pa dang// bdud rnams thams cad btul ba dang// thams cad la yang ma chags dang// snga phyi byang chub mchog sems bskyed// thos pa'i shes rab byang ba dang// bsam pa'i shes rab dpyad pa dang// bsgom pa'i shes rab mthar phyin bslab// de bzhin rnal 'byor sgrub pa pos// tshad med pa dang tshogs gnyis dang// srung ba'i 'khor lo pad+ma dang// zla ba dang ni yi ge dang// phyag mtshan sku ru gyur pa bstan// yang ni de bzhin gshegs pa yi// tshogs kyi lam dang sbyor ba'i lam// mthong ba'i lam dang bsgom pa'i lam// mi slob pa yi lam dang ni// gzhan don sku gnyis byin brlabs so// de bzhin du ni sgrub pa pos// bsod nams tshogs dang ye shes tshogs// yi ge'am zla ba tshes pa'am// zla rgyas yi ge 'phro 'du dang// zla ba'am zla ba gnyis pa'am// phyag mtshan dang ni sku dag brtan// de bzhin gshegs pa'i 'phro 'du ni// mdzad pa spro dang bsdu ba dang// byin gyis brlab par bstan pa'o// de dag bya spyod rnal 'byor 'dod// yang ni bla med rnal 'byor pas// bdud rnams gdul phyir mtshams rnams gcad// bsod nams rgyud ldan phung gtor brlab// ma dag rgyud la brten nas ni// tshogs bsag phyir na tshad med bsgom// dag pa sangs rgyas la brten nas// tshogs bsag phyir na yan lag bdun// bsod nams tshogs bsag bshags pa bya// ye shes tshogs ni bsag pa'i phyir// sku gsum byung tshul ting 'dzin gsum// snod rnams sbyang bas gzhal yas gsal// bcud rnams sbyang bas lha tshogs gsal// lam gyi dbang rnams blang ba'i phyir// ye shes rnam lngas dbang yang bskur// zab mo'i dbang gsum ldan pas na// sku gsung thugs su byin gyis brlab// sangs rgyas sems can gnyis med phyir// ye shes dam tshig gnyis med bsre// gang yang bdag las gnyis med phyir// mchod cing bstod de bzlas pa bya// rtag pa'i mtha' la mi gnas phyir// stong nyid rang gi yul du thim// dgos pa de bzhin gshegs pa yis// bden gnyis lam bzhir bsgom byas shing// tshogs bsags sku gsum thob pa bzhin// rnal 'byor rnams kyis thun gcig la// bsgom pa'i tshul yang de bzhin snang// goms pas phyis kyang de bzhin 'grub// de phyir khyad par 'bras bu'i lam// de yi grogs ni rnam pa lnga// gtor ma sbyin sreg rab tu gnas// tsha tshwa bum pas dbang bskur ro// bdag gzhan bar chad nyer zhi phyir// gtor ma'i cho ga bya ba yang// ma chag gtor bas gtor ma ste// 'byung po spyi yi gtor ma dang// lha mgron so so'i gtor ma yin// lha tshim bar chad bgegs la sogs// zhi phyir sbyin sreg cho ga bya// rtogs sgrib nyams chags la sogs bsreb// gang 'dod dngos grub sbyin par byed// don dam sbyin sreg mi rtog bsgom// kun rdzob sbyin sreg phyi dang nang// nang ni rang gis bza' ba nyid// phyi yi sbyin sreg rnam pa gnyis// las rnams thams cad sbyin sreg dang// las bzhi so so'i sbyin sreg go/ de nyid gang mos rigs lnga dang// phrin las dbang du bya ba yin// dngos grub shin tu myur ba dang// sku gsung thugs rten khyad par phyir// rab gnas bzang po'i cho ga bya// khyad par gyur pas rab tu gnas// rab tu gnas pa rnam pa gsum// sku gzugs glegs bam rdo rje dril// bsod nams khyad par can bsags phyir// tsha tshwa gdab pa'i cho ga bya// mchod pa'i yul gyur tsha tshwa bshad// dbye ba rnam pa gnyis yin te// cho ga rgyas bsdus phral du bya// bag chags sbyangs dang dbang bskur phyir// bum pa'i cho ga rab tu bya// yon tan thams cad 'du ba dang// dgos pa byed phyir bum pa'o// bum pa rnam pa gnyis yin te// skabs su bya dang dkyil 'khor bzhengs// gnas skabs phyi nang gsang ba de// phyi ni rdza pa rin chen sogs// nang ni thod pa mtshan dang ldan// gsang ba yum gyi b+ha ga nyid// dkyil 'khor dbang gi bum pa dang// khrus dang mchod pa tshe bum yin// spang bar bya ba rnam pa gnyis// ngan rtog sems bdag mtshan 'dzin dang// bzang rtog sangs rgyas bdag tu 'dzin// spong ba'i thabs ni rnam pa gnyis// ngan rtog bzang rtog bdag gis spang// bzang rtog mi rtog pa yis spang// spyod pa 'gro nyal 'dug sdod kun// nyid kyi lha yi nga rgyal ldan// 'gro dus lha yi spyod pa yang// lhag pa'i lha'am rigs gsum mam// lha'am lha mo gang 'dod bya// skabs su lus phyag bskor ba bya// maN+Dal dbul dang yi dam bzlas// brtul zhugs spyod pa rab tu bya// yangs pa'i 'bras bu rnam pa gnyis// thun mong don shes grub chen brgyad// mchog la rig 'dzin rnam bzhi dang// sku gsum sku bzhi sku lnga sogs// phyag rgya chen po mchog bsgrub bo// zhes gsungs so// pad+ma dbang chen dregs pa dbang sdud kyi rgyud las/ gsang sngags kyi lam dbang du bsdu ba ste le'u gsum pa'o//// de nas 'khor gyi byang chub sems dpa' la sogs pa rnams kyis/bcom ldan 'das gar gyi dbang phyug chen po la rang rang gi mngon pa don du gnyer bar bya ba'i phyir/ mgrin gcig tu 'di skad du ces ched du brjod do// hUM mi gnas ye shes thugs kyi dkyil 'khor nas// 'bar ba'i rgyal po khro bo kun gyi rje// gar dgu 'jigs pa'i cha lugs hUM sgra can// 'khor bcas khro bo'i tshogs rnams gshegs su gsol// dzaHhUM baM hoH/ e h+ye hi b+ha ga bAn sa ma ya s+t+waM/srid gsum 'dren mdzad thar lam 'dren pa'i dpal// rigs lnga bde gshegs sems dpa' sras bcas tshogs// thabs dang shes rab gnyis med 'gro don mdzad// rdo rje bkod pa'i dkyil 'khor tshogs la phyag 'tshal lo// dbang drag klu rgyal 'joms mdzad gsung nyid lha// thugs rje thabs mkhas phra men 'dul mdzad cing// phrin las sna tshogs rta mgo ljang gu ston// 'gro 'dul brjid pa'i sku la phyag 'tshal lo// thig le chos sku gdal ba'i dkyil 'khor nas// gnyis med sna tshogs ma bsgribs sa ler gsal// thugs rje ye shes sems dpa' sngags kyi gnas// phyag rgya'i rten gnas 'phro 'du mdzad la phyag 'tshal lo// mkha' 'gro bcu drug rab tu rngam chen sku// 'jigs pa'i tshon chas 'gro ba'i las rgyud stongs// gnas rnams so so sna tshogs ston pa'i sku// 'gro ba 'dul ba'i lha la phyag 'tshal lo// dregs byed dbang sdud khro bo gnon pa'i stobs// mi mthun tshogs 'joms gnyen po'i tshul du gnas// brjid pa'i chas brgyad phrin las bla na med// bdud 'dul khro bo'i tshogs la phyag 'tshal lo// thugs rje'i mdzad pas khams gsum zil gyis gnon// thabs dang shes rab 'dam rdzab mun pa sel// gsang ba'i phyag rgya drug pa'i ting 'dzin gsal// khams gsum gnon pa'i lha la phyag 'tshal lo// dus gsum sangs rgyas kun gyi rang bzhin las// dkyil 'khor thams cad sku gsung thugs su sdud// gnas gsum ston pas chos bshad rgyud sbyangs shing// byin rlabs nam mkha'i mdzod la phyag 'tshal lo// bde bar gshegs pa thams cad bskyed pa'i lam// yum gyi tshul gyis bde chen dgyes par mdzad// rang rig mkha' 'gro'i gtso mo dbyings kyi tshul// chags chen gzi ldan gtso la phyag 'tshal lo// chos sku mnyam nyid bde chen byang chub sems/ma bsgribs phyi nang med pa'i bde gsal ba'i// zab mo'i tshul gnas rang bzhin g.yo ba med// snang stong bde ba'i sku la phyag 'tshal lo// a ti pu hoH// pra tIts+tsha hoH// pad+ma ban+da naM ka ro mi/ a la la hoH// oM dga' bo rol mo glu bro gar gyi tshogs// 'dod pa'i yon tan khyad par 'phags pa'i sprin// stong gsum mthun par snang ba'i spyod yul du// lha mo'i tshogs bcas zag pa med par dbul// A+oM na maHsarba ta thA ga te b+h+yo bi shwa mu khe b+h+yaHsarba tat+khaM ud+ga te s+pha ra Na i maM ga ga na khaM swA hA/ A+oM badzra d+hUM pe hUM swA hA/ A+oM badzra puSh+pe hUM swA hA/ A+oM badzra A lo ke hUM swA hA/ oM badzra nai bi d+ya hUM swA hA/ A+oM badzra gan+d+he hUM swA hA/rang byung bdud rtsi lnga dang sman sna tshogs// mnyam pa'i don gyis dbyer med rang bzhin gcig/ dam rdzas lnga po legs sbyar byin brlabs pas// gnyis med dgyes pa'i dam tshig bskang gyur cig/ ma hA pany+tsa a mr-i ta kha kha khA hi khA hi/oM hu lu hu lu raM dz+wa la oM e A ra li/ dzaHhUM baM hoH// a la la ho// A+oM ma traM rU tra ha la ha la hUM phaT/ dug gsum dngos po'i tshogs rnams sbyang ba'i phyir// rngam pa'i khro tshogs sprul pa phyogs bcur spros// khro 'dzum phyag rgya'i tshogs rnams bsten mdzad cing// ha he ru lu gsang sngags drag tu brjod// ha la'i rdo rje'i bshug pa'i gad rgyangs kyis// bdud dang srin po'i tshogs rnams brgyal bar mdzad// A+oM sarba pA paM ka ra hi ta sa bi shwa ma tang rU tra hUM phaT/ A+oM pA pa ka ra hi ta sa bi shwa kha T+wAM ga rU tra hUM phaT/ A+oM sarba pA pa ka re hi ta sa bi shwa a ka ra ya rU tra hUM phaT/ hUM dpal chen thugs kyi pho nya'i tshogs// dpal chen rdo rje thog thog ser chen 'bebs// hUM dang phaT kyis srid gsum 'khor ba 'jigs// hUM chen hUM gi byin rlabs bsam mi khyab// rdo rje khrag 'thung khrag gi rgya mtsho skem// rdo rje mtshon cha gnam lcags mthu 'dra bas// gsang sngags log par lta ba'i bdud rnams 'joms// rdo rje'i ser chen rang bzhin thog bcas 'khrugs// nyams pa'i snying srog khrag bcas thang la phyung// ye shes rngam pa'i thugs rje a la la// A+oM pad+ma ma hA shrI he ru ka b+han+d+ha b+han+d+ha gardza gardza ha la ha la hUM phaT/ hUM thugs rje rnam dag pad+ma'i rang bzhin las// thugs rje'i sprul pa thar lam byang chub sems// phyogs bzhi dbus lngar brjid pa'i dbu mchog ni// grub pa'i sangs rgyas mkhyen lnga ye shes lnga// dpa' lus khyad par 'phags pa zhal gyi dbyibs// dbang mchog lhun gyis grub pa'i rta skad can// thugs las thugs rje thabs mkhas sprul pa ni// ye shes byin rlobs khro rgyal 'bum du ston// smin mdzad smon lam yun ring las grub pa'i// dmigs pa'i mtha' bral pad+ma yum gyi tshul// chos rnams ma lus gsal bar gzigs pa yi// chags med thugs rje pad+ma spyan gyi tshul// sgra skad thams cad mtha' las grol ba yi// zab dang rgya che chos kyi mtshan nyid gsan// shangs kyi rlung sgrom dug gsum rtsad nas gcod// zhal gyi hom lnga gdangs las rgyud lnga sgrol// rno dbal mche bas skye shi rtsad nas gcod// le brgan ljags kyis gsungs rab rgya mtsho 'chad// rol pa'i phyag gis 'gro ba 'dul la mkhas// gshog bzhi brkyangs pas phrin las rnam bzhi mdzad// zhabs brgyad rol pas gzir gnon mdzad pa'i tshul// sku che yan lag rags to ri bo bzhin// thugs mchog ye shes stong gi nyi ma brdal// lha yi lha mchog byin brlabs 'byung ba'i gnas// ngo mtshar rol pas khro bo kun gyi rje// dpa' bo thabs mchog mnga' la phyag 'tshal bstod// rdo rjes 'khor la dam tshig sbyin mdzad cing// gtor ma rgya chen byin brlab sngags kyis dbul// oM AHhUM sarba pany+tsa a mr-i ta sa ma yo ga sid+d+hi hUM/sa ho ka ma la pu ra ta hUM/ A+oM badzra sa ma ya ma hA kro ta oM AHhUM/ ma hA yo ga tsit+ta ri/ ba me la rak+ta khA hi khA hi hUM/ oM kha kha le le ru lu ru lu hUM b+h+yo hUM/ i dan sa ma ya a la la ho// thun skabs tha ma'i gtor ma la// bsreg sbyang byin brlab 'dod lnga bdud rtsi'i tshogs// rang gi sngags kyis mgron tshogs kun bsdus te// de dag sbyang zhing byin brlabs phyag rgya'i rgyu// sku gsung thugs gsal rigs kyi cod paN can// mnyam snyoms longs spyod bdud rtsis tshim gyur nas// rang nyid lha dang gnyis med gnas pa dang// rgyal ba'i bstan pa bsrung ba'i phrin las bcol// oM lha klu gnod sbyin srin po gshin rje klu// dri za grul bum me lha mkha' 'gro'i tshogs// lha min 'dab bzangs dbang ldan srul po dang// 'gro drug gnas pa'i gang zag rdzu 'phrul can// snying rje lan chags mgron bcas ma lus kun// sku gsung thugs kyi phyag rgya sbyang byas nas// rang rig lhas brgyan gnyis med gnas pa dag/ bdud rtsi dga' ba'i longs spyod 'di bzhes la// bdag gi zhi rgyas dbang drag las bsgrub cing// rnal 'byor 'khor bcas bsrung bar mdzad pa dang// 'gro ba bde legs phun sum tshogs mdzad cing// nad rkyen bar chad ma lus bsal ba dang// rgyal ba'i bstan pa rjes su bsrung mdzod la// rang gi gnas su bde bar gshegs par mdzod// A+oM hri ha ha ya shA+o ta ma bi na sa ma ya ba liM ta khA hi/ar+g+haM mAM sa khA hi/ zhes gsungs so// pad+ma dbang chen dregs pa dbang sdud kyi rgyud las/ ye shes dkyil 'khor dbang sdud mnyes pa'i le'u ste bzhi pa'o//// de nas bcom ldan 'das pad+ma dbang chen he ru kas rje btsun 'phags pa gnod mdzes chu dbang gi sgrub pa'i thabs 'di dag gsungs so// 'di bsgrub pa yi gang zag ni// byang chub mchog tu sems bskyed pa// sdom pa dang ni dam tshig ldan// dbang bskur thob cing brtson 'grus can// bla ma mched grogs dag la gus// de lta bu yi sngags pas bsgrub// gnas ni yid du 'ong ba dang// shin tu dben par bya ba'am// rang nyid gang du gnas kyang rung// rgyun du gang du 'dugs par bsgrub// gnyis pa bya thabs rten bshad pa// gser dngul zangs kyi shog bu la// pad+ma 'dab brgyad gnyis byas la// gcig la gnod sbyin pho dgu bri// gcig la gnod sbyin mo dgu bri// de la rab gnas legs byas nas// de gnyis kha sbyar mnyes bsam la// mar dang sbrang rtsi ka ras gril// za ma tog gi nang du ni// me tog ser pos bkang ba yi// dbus su ga'u stsal byas nas// maN+Dal gru bzhi khru brgyad pa// byi dor legs byas rnam lngas byug/ me tog ser po bkram pa'i dbus// za ma tog ni bzhag nas kyang// dus gsum mchod bstod bskor dang bzlas// de ltar byed pa'i sngags pa la// grub chen brgyad kyang ster byed na// dngos grub phal cher lta ci dgos// de nas bcom ldan 'das kyis lha dang gsang sngags bshad pa 'di'o// A+oM dzaM b+ha la dza len+d+rA ya swA hA/ dbus gnod 'dzin gyi sngags so// A+oM ma Ni b+ha drA ya swA hA/ shar nor bu bzang po'i sngags so// oM pur+Na b+ha drA ya swA hA/ lhor gang ba bzang po'i sngags so// A+oM d+ha na pa ta ye swA hA/nub nor sbyin gyi sngags so// A+oM bai shrA ma NA ya swA hA/ byang nor sbyin chen po'i sngags so// A+oM ke li mA li ne swA hA/ shar lho rol pa'i phreng ba'i sngags so// oM mu khen drA ya swA hA/ lho nub sgo'i dbang po'i sngags so// A+oM tsa rin+d+ra ya swA hA/ nub byang spyod pa'i dbang po'i sngags so// A+oM tsi bi kun+Da li ne swA hA/ byang shar rgyal ba 'khyil pa'i sngags so/ A+oM ba su d+hA ri N+yai swA hA/ dbus nor sbyin ma'i sngags so// A+oM tsan+d+ra skAn+tA yai swA hA/shar du zla 'od ma'i sngags so// oM Ar+ya yai swA hA/ lhor 'phags ma'i sngags so// oM su da t+tA yai swA hA/ nub rab sbyin ma'i sngags so// oM dat+tA yai swA hA/ byang sbyin ma'i sngags so// oM sa ra swa t+yai swA hA/ shar lho dbyangs can ma'i sngags so// A+oM de byai swA hA/ lho nub lha mo'i sngags so// A+oM gu p+ta yai swA hA/ nub byang sbas ma'i sngags so// oM su b+ha drA yai swA hA/ byang shar bzang mo'i sngags so// oM dzaM dzaM b+ha la swA hA/ bzlas pa'i sngags so// oM dzaM dzaM b+ha la dza len+d+ra d+ha na me d+hi hrIHswA hA/ bsgrub pa'i sngags so// oM dzaMlu swA hA/ las sbyor chu 'bul ba'i sngags so// gnod sbyin chen po 'di brgyad yang// sku mdog phyogs mthun dbus ma ser// g.yas pa'i phyag na a ru ra// g.yon pa ne'u le'i rkyal bu 'dzin// de yi chung ma dgra bo yang// dbus ma gser mdog phyogs mthun 'khor// g.yas pa mchog sbyin phyag rgya la// g.yon pa 'bras kyi snye ma 'dzin// yang na zhal gsum phyag drug ste// sku mdog rigs mthun phyogs kyi mdog/ g.yas na lcags kyu zhags pa dang// ne'u le'i rkyal ba 'dzin pa'o// g.yon na bi dza bU ra dang// rdo rje lcags kyu 'dzin pa dang// ne'u le'i rkyal ba bsnams pa ni// blo mchog rnams kyis bsgom par bya// de nas yi ge dgod pa ni// spyi bor A+oM ste kha la dzaM// dpung g.yas b+ha ste dpung g.yon la// snying khar dza ste brla g.yas len// brla g.yon dra la gsang bar ya// byin par swA ste rkang mthil hA// de nas phyag rgyas dgug pa yang// lag gnyis snying gar khu tshur bcang// gung mo'i tshigs ni dbus ma dang// gsum po bkug la phyag rgya'o// de la chu 'bul man ngag ni// zla ba dang ni rdo rje bsam// yi ge A+oM las gdu bu ni// so sor mkhrig mar bsam par bya// baM ni zla ba'i mdog can de// de la bdud rtsi rab 'bar ba// dri med so sor mngon phyogs pas// mkhas pas bum pa bzhin du blta// mdzub mo la ni nor bu bzang// gang ba bzang zhes gung mo la// srin lag la ni nor sbyin te// nor sbyin chen po mthe'u chung la// mthe bor tsi pi kuN+Da li// ki li mi li mkhrig mar te// sgo dbang spyod pa'i dbang po dag/ lag pa'i ngos la rnam par bsam// sngags pas nor 'dzin chu dbang ni// lag pa'i dbus su rnam bzhag ste// rang rang sngags kyis rim bzhin bsam// dang por yi ge oM dang ni// rat+na badzra rang ming ldan// bzhi yi mtha' dang de bzhin du// swA hAr bcas pa sngags su drangs// rdo rje bdud rtsi lag par bsam// 'di ltar spyi bor cho ga bzhin// mkhas pa chu yi sbyin blugs brgya// nyin re bzhin ni legs par dbul// de nas gal te 'gyangs pa na// nan tur bya bar rigs pa yis// bdag nyid pad+ma dbang chen gyis// thugs las yi ge mthing nag hUM// de las rdo rje hUM mdzad sprul// zhal gcig spyan gsum phyag bzhi pa// g.yas g.yon dang po phyag gnyis na// rdo rje dril bu bsnol mar 'dzin// 'og ma lcags kyu zhags pa thogs// stag gi sham thabs mdzes par bsam// sbra tshil sku gzugs chu bdag 'dra// dug dang tsha ba gsum dang ni// skye tshe tsha ba'i mar khu dang// khrag gis gzugs la byug nas ni// de sngags bzlas shing dur khrod kyi// me la bdug na zhag bdun gyis// mngon sum 'dod pa ster bar byed// de nas bzod par gsol byas nas// rdzas dang bral bar byas pa yi// mtshan ma dben par bzhag la mchod// de ni nan tur bsgrub pa'o// de nas bcom ldan 'das kyis 'phags pa dzaM b+ha lha la bstod pa 'di gsungs so// nor gyi dbang phyug rin chen gter mnga' ba// gnod sbyin mang po'i nor 'chang kun gyi rje// byang phyogs skyong ba'i mgon po dzaM b+ha la// bcom ldan grub mchog stsol la phyag 'tshal bstod// gang gi thugs ni ston ka'i zla ba ltar dkar ba// yon tan 'od zer thams cad rab rdzogs shing// nyes pa'i mun pa ma lus rab sel ba// bcom ldan nor lha'i pad+mar rab tu 'dud// thugs rje'i dbang byas bkra shis sku mnga' ba// gser gyi pad+ma lta bur yid 'ong zhing// dman pa rnams kyis mthong dka' dam pa yi// gtsug gi nor bu khyod la phyag 'tshal bstod// gsung gi chu 'dzin shin tu sdug po las// chos dbyings bdud rtsi'i chu rgyun rab 'bebs pas// dad pa'i lto ba rab rgyas dge ba yi// pad+ma skyed mdzad khyed la phyag 'tshal bstod// byams dang snying rje'i rang bzhin mi g.yo yang// nor bu rin chen dpag bsam shing lta bur// sa gsum po yi dgos pa dus gcig tu// rtsal bar mdzad pa khyed la phyag 'tshal bstod// yul rnams sgyu ma lta bur rab mkhyen kyang// sngon gyi smon lam ljags kyi so brdar bas// gter gyi dbang po ma lus rab bsnams pa// gnod sbyin gzugs 'dzin khyod la phyag 'tshal bstod// ma rig mun pas thar pa'i lam dang bral// srid pa'i g.yang sa sdug bsngal me nang du/brtse med stobs ldan las kyis 'phangs pas na// mgon po nyid kyis bdag la myur du skyobs// zhes ni rnal 'byor sgrub pa po// gang gis bstod pa 'dis bstod na// nor gyi char pa myur du 'bebs// 'bru yi bang mdzod rgyas par 'gyur// pad+ma dbang chen dregs pa dbang sdud kyi rgyud las// mgon po gnod sbyin shing rta'i le'u ste lnga pa'o//// de nas bcom ldan 'das kyis bgegs kyi rgyal po tshogs kyi bdag po rnams sgrub pa'i thabs rnams gsungs so// gang zhig rnal 'byor sgrub pa pos// sku yi tshogs bdag dkar po bsgrub// dbyi mong shing ngam tsan+dan shing// mthe bong tsam pa'i tshogs bdag sku// dkar po glang chen gzhon nu'i gdong// g.yas na la phug bgrang phreng dang// g.yon gnyis la du dgra s+t+wa bsnams// byi ba sngon po'i khri la bzhugs// de yi gsang sngags rab bshad kyis// nor gyi bdag po dbang du byed// A+oM gu ma ga Na pa ti swA hA/ bsnyen pa'i sngags so/ sngags rnams ma phy-i sor bzhags// oM hri ha sti mu kha la la ma b+h+yo d+ha ra ya/ u tsit+ta ma la ya ma hA ra ma ne/ kraM brum hri hUM traM/ u tsit+ta ya swA hA/snying po'o// oM bar ta ka u tsit+ti swA hA/ bsgrub pa'i sngags so// oM badzra a ru sha gu te sa te A ka ra sha ma hUM dzaH/ dngos grub blang ba'i sngags so// yang ngo'i tshes brgyad gnam stong par// dus gsum brgya rtsa brgyad bzlas na// yul khams dbang du 'du bar 'gyur// mchan khung g.yon du tshogs bdag sku// sbas nas sngags bzlas gang 'dod pa// rang gi dbang du byed par 'gyur// rnal 'byor gang zhig sgrub pa pos// gsung gi tshogs bdag dmar por bsgrub// zangs la tshogs bdag dmar po'i sku// glang chen gdong can phyag bzhi pa// g.yas na la phug nor bu dang// g.yon pa dgra s+t+wa kha T+wAM ga/ gsum po che la rgyan gyis brgyan// zla ba'i gdan bzhug sngags 'dis bsgrub// oM b+huM ga Na pa ti sa ra ka rat+na sid+d+hi hUM/ 'bod pa'i sngags so// A+oM b+ha ga trai ka dang Sh+ta bi d+ha hUM phaT/ bsgrub pa'i sngags so// tsan+dan dmar po byug pa'i maN+Dal steng du tshogs bdag bzhugs/me tog dmar pos mchod pa bya// lha klu mi yi bu mo yis// bdag la bkur sti byed par 'gyur// bud med thams cad dbang du sdud// gang gi bsgrub pa'i rnal 'byor pas// thugs kyi tshogs bdag nag po bsgrub// dur khrod ras la sku bris te// mdun du maN+Dal steng du gzhag/ mi sha mar khu 'bras la sogs// gtor ma thod par bshams la 'dul// rang nyid pad+ma dbang chen bsgom// mdun du tshogs bdag glang gdong nag/ ral gri g.yas la thod pa g.yon// rtsangs pa zhon pa bsam par bya// A+oM hri dzaM be mo hri stam b+hi a na d+hi hUM hUM hUM/ ha ha ha/ bi nA ya ka ha ti b+hi sha tsi ba liM g+h+r-ih+Na gr-ih+Na hUM phaT/'bum tsho gsum bzlas gtor ma 'bul// mi sha glang khrag mar khu yis// sbyin sreg khri 'bum dngos su yang// de la gang 'dod dngos grub blangs// gsad par 'dod na btsan du gdang// gu gul tsha dang dgra yi ming// mar ngo'i bcu bzhi'i nub mo la// tsher ma'i hom du khri tsho gcig/ bsreg na zhag bdun dag na gsod// de yi gsang sngags 'di bzlas so// A+oM hri pi nA ya ka che ge mo sha tUM na sha ya s+t+waM b+ha mA ra ya hUM phaT/rnal 'byor gang zhig grub pa pos// yon tan tshogs bdag ser po bsgrub// rin chen gser sogs rdza sa la// tshogs bdag ser po sprel mgo can// phyag gnyis thal mo sbyar bar bya// khong du rin chen 'bru spos dang// dar zab sngags dang bcas pa gzhug/ maN+Dal gru bzhi ser po yi// steng du bzhag nas mchod par bya// sngags 'di bzlas na 'dzam gling gi/ longs spyod nor gyi char ba 'bebs// gu gul dud pas rtag tu bdug/ A+oM rat+na rat+na rat+na rat+na ga Na pa ti ga ga ga ga ga ga ga ga ga Na pa ti tsu ru tsu ru ma nu pa tra ru ru ru ru ga Na pa ta ye ga Na pa ta ye swA hA/ bsnyen pa go brgyad pa'i sngags so// A+oM badzra a ru ru sha ma hA gu ra be/ ma ma puSh+tiM ku ru/ A kar+sha ya hUM dzaH/ sgrub pa'i sngags so// 'dod pa'i longs spyod ma lus dang// gter chen po yang rnyed par 'gyur// gang zhig rnal 'byor sgrub pa pos// phrin las tshogs bdag nag po bsgrub// tshogs bdag nag po glang chen mgo// phyag bzhi zhabs ni brkyang bskum bzhugs// g.yas pa mche ba zhags pa 'dzin// g.yon pa dgra s+t+wa kha T+wAM bsnams// yum ni phag gdong dgra s+t+wa kha T+wAM dang// b+han+d+ha khrag bkang zhal du stob// A+oM na mo ga Na ba d+he dzaH ya ba ra ne dz+hi ba tri ya swA hA/ 'bod pa'o// rU pa bak+Sha bi nA ya ka me ra hUM/ tri na ga b+he the su ru b+ha hUM phaT/ yak+sha ka la ma hA b+hai ra be tri bra tsa sha truM nr-i dza nr-i dza/rbad pa'i sngags so// yak+sha ka la/ ma hA b+hai ra be de ba yak+sha ma/ nA ga che ge mo thum ril ya/ rbad pa'i sngags gnyis pa'o// nA sha ya nA sha ya/ se ga ya sa sha ya/ tsU ra Na tsU ra Na/ tra sa ya/ na ga ya ka tra sha mA ra ya/ ha na tsakra/ ha na tsakra/ bi nA ya ka dzi bi tAn+ta ta ka rA ya/ che ge mo mA ra ya hUM hUM phaT phaT/ gsad pa'i sngags so// A+oM b+hi g+ha b+hi ba b+h+yi sarba bir+yA bi sha ya/ hri da yA hri da yA/tsi tu ba tu/ sra ma du ta ya/ ha na ha na gr-i h+Na gr-i h+Na/ pa tsa pa tsa/ b+h+ra ma b+h+ra ma/ b+h+ra ma ya b+h+ra ya ma/ hUM hUM phaT phaT/ gsang ba'i sngags gnyis pa'o// rbad sngags gnyis ni nyin dang mtshan// dang po dgra bo srog nas 'dren// gnyis pa dgra la rbad par bya// gsad sngags gnyis ni nyid dang mtshan// dang po gsad pa'i gsang sngags yin// gnyis pa thun gyis gsad pa'i sngags// dkyil 'khor gru gsum nag po ru// dgra gzugs spra tshil ras byas te// de yi snying gar ming rus gzhug/ dgra rdzas rnyed tshad de la byug/ la du la phug nya sha dang// sgog btsong 'bras chen dkar gsum dang// mngar gsum sbyar ba'i gtor ma dang// ce spyang thod par spye tshe dang// nyung dkar nyung nag zi ra yis// thun bya ling+gar brab par bya// tha mar bka' rten 'og tu gnan// dgra bgegs 'byung po dbang du byed// tshogs kyi bdag pos 'dul bar 'gyur// zhes gsungs so// pad+ma dbang chen dregs pa dbang sdud kyi rgyud las// tshogs kyi bdag pos dbang du sdud pa sku gsung thugs yon tan phrin las kyi le'u ste drug pa'o//// de nas bcom ldan 'das kyis spre'u'i rgyal po ha lu man+d+ha'i sgrub pa 'di gsungs so// shes rab snying rje ldan pa yis// dbang dang dam tshig thob nas ni// sems can kun la snying rjer ldan// de lta bu yi gang zag gis// rgyal gyi nyin par sku gzugs 'cha'// de yang snga dro'i dus su shis// rab ni gser dngul zangs dang lcags// 'bring ni spre'u shing zhes bya dang// bra ma tsa ra'i shing la bya// tha ma rdza sa dag la byas// dbang dang dam tshig ldan pa yi// bzo bo mkhas pas bya ba yang// tshad ni rtse sor brgyad pa la// dbyibs ni zhal gsum phyag bzhi pa// rtsa zhal dbus ma spre'u gdong dmar// g.yas pa khyung gi mgo ni ser// g.yon pa seng ge'i dbu yang dkar// phyag g.yas dang po rin po che// g.yon pa 'bras bu can gyi shing// 'og ma gnyis ni thugs kar ni// thal mo khong stong sbyar ba la// spre'u'i zhabs gnyis tsog bur bzhugs// sku mdog ser po mjug ma can// legs par byas nas dbang po tshang// gdan ni bum pa pad+ma dang// brag gi steng na bzhugs par bya// sku gzugs khong stong nang du ni// spre'u'i snying dang rin chen lnga// byi ba'i pho mtshan 'bru sna lnga// snying po lnga dang sman lnga dang// dri sna lnga dang tsan+dan dmar// dar zab gu gul dkar po rnams// nang du bcug la zhabs sdom bya// de la g+ha las sku bskyed nas// spyan drang rang rgyud bstim mchod de// rten 'brel snying po bzlas nas ni// dben pa'i gnas sam mchod pa'i gral// maN+Dal steng du bzhugs su gsol// yi ge g+ha las sku yang bskyed// rang nyid yi dam rta mgrin sku// thugs ka'i nyi ma'i dbus nyid nas// hrIHlas 'od zer 'phros nas ni// rang rgyud gnas nas 'gugs par bya'o// yi ge hrIHdmar 'od dpung ste// nub phyogs snang mdzad zhing khams nas// kha sar pa Ni'i nus mthu rnams// mdun gyi spre'u la thim pas// sku gsung thugs su byin gyis brlab// de dus oM AHhUM zhes brjod// kha sar pA Ni thugs rje che// de yi byin rlabs sprul pa yi// spre'u ha lu ma d+ha yi// srog nas drong pa'i sngags 'di yin// A+oM ba ra ta ka ha ya grI ba ha lu man d+ha swA hA/bzhi gsum bcu gnyis ngo bo las// mgo mjug 'bru bzhi ldan pa ni// bsnyen pa'i sngags zhes bya ba ste// gsang sngags chen po rang srog yin// bsnyen pa 'bum du bzlas pas na// bud med thams cad dbang du 'du// bsnyen pa nyis 'bum bzlas gyur na// skyes pa pho rnams dbang du sdud// bsnyen pa sum 'bum bzlas gyur na// 'jig rten nor rdzas dbang du sdud// 'di dus thal sbyar phyag gi nang// spre'u la spos kyi rengs bu dbul// bsnyen pa them par gyur nas ni// skar ma rgyal gyi dus su'am// yang na zla stod bco lnga la// mchod pa gtor ma rgya chen 'bul// kham bu'i gtor rgyan la phug dang// 'bras chen gtor ma dbul bya zhing// rtsa sngags bsnyen pa'i mjug tu yang// dngos grub blang ba'i sngags 'di gdags// rat+na rat+na sid+d+hi sid+d+hi/ pha la pha la/ ba shang ku ru/ ba su d+ha ra/ puSh+tiM ku ru swA hA/ zhes gsungs so// pad+ma dbang chen dregs pa dbang sdud kyi rgyud las/ byang chub sems dpa' spre'u'i rgyal po ha lum d+ha dbang sdud kyi le'u ste bdun pa'o//// de nas bcom ldan 'das kyi sku gsung thugs kyi mkha' 'gro mas dbang du sdu ba 'di dag bsgrub par gsungs so// rdo rje rin chen pad+ma yi// mkha' 'gro rnam gsum bsgrub par bya// sku yi rin chen mkha' 'gro ser// gsung gi pad+ma mkha' 'gro dmar// thugs kyi rdo rje mkha' 'gro nag/ kun kyang zhal gcig phyag gnyis te// g.yas pa yid bzhin nor bu la// g.yon pa gter gyi bum pa bsnams// de yi gsang ba'i thugs kyi sngags// A+oM na ma su tri mu khri ma hA bi sha tsirna ye swA hA/nor 'du ba'i sngags so// A+oM gr-i na ba na ma hA bi sha tsi ne ye swA hA/ zas 'du ba'i sngags so// A+oM mi li ki li se li ki swA hA/ gos 'du ba'i sngags so// de nas gtor ma bya ba ni/ chang gi chang bu gsum byas nas// oM dang AHdang hUM zhes pa// byin brlab bdud rtsi gsol dgyes bsam// sgrub pos 'di skad brjod la dbul// mkha' 'gro ma khyed gsum gtor mas mchod pas/ nor dang zas dang gos kyis mi phongs pa'i dngos grub dang/ de nyid chos dang mthun pa'i grogs su mdzad du gsol// zhes brjod gtsang sar gtor ba yis// sems can rnams la ci 'dod pa// gtor ma de las 'byung bar bsam// trAM las rin chen phung por bsam// pad+ma dbang chen dregs pa dbang sdud kyi rgyud las/ mkha' 'gro ma rnam pa gsum gyi dbang du sdud pa'i le'u ste brgyad pa'o//// de nas bcom ldan 'das kyis gnod sbyin gzhan gyis mi thub pa'i sgrub pa 'di gsungs so// dang po sgrub par 'dod pa yis// byang phyogs gnas su dkyil 'khor ni// gru bzhi pa yi rnam lngas byug/ de dbus dmar la zlum pa bya// bshos bu dag la ri bong snying// le'u brgan dar yang gdags par bya// hrIHlas gri gug 'od zhu bas// gnod sbyin gzhan gyis mi thub dmar// gri gug g.yas la thod pa g.yon// ne'u le'i rkyal pa mchan khung bkal// yab yum nor sbyin sku mdog ljang// rin chen g.yas la rkyal bu g.yon// spyan drang bzhugs mchod sngags 'di bzlas// A+oM hri a pa ra dzi ta yag sha hUM/ A+oM u ma ri hring hring dza dzaH 'bum tsho gsum du bzlas par bya'o// rdza yi ga'u la sbyor du// pho mo'i 'khor lo rtsibs brgyad bri// gser dngul bye ru mu tig shel// dkar gsum mngar gsum blug la bzhag/ nya nas gzug la nya la gdon// grangs them dkar gsum mngar gsum za// ga'u dben par sba bar bya// ma d+hal tsan+da chu yis bsil// oM hrIHA+oM hUM/ a ba ra dzi ta hrIH/ hUM u ma ri hring hring/ dzo ba ri dzo ba ri hring hring hUM hUM/ a ka sha ya dzaHdzaH/ shIn+taM ku ru puSh+tiM ku ru swA hA/bud med 'du dang nor 'phel dang// dgra yi gnod pa mi 'byung dang// lha min rnams kyis gter char 'bebs// dkar gsum 'bras chan khu ba sha/ shing thog bzang drug gtor ma chang// 'bru gsum sngags kyi byin brlabs nas// rdo rje gsum gyi phyag rgya byas// A+oM a par dzi ta yag sha hriM u ma ri hriM hriM hUM hUM/ ba liM ta a mr-i ta kha kha khA hi khA hi/ mA ra ya mA ra ya/ pa tsa pa tsa/ ha na ha na/ sha truM pa tsa ya/ shIn+taM pu+iSh+tiM ku ru swA hA/ sngags bdun brjod la gtor ma dbul/ A+oM 'dod pa lnga la longs spyod cing// khams gsum dbang du sdud byed pa'i// ci bsam lhun gyis 'grub pa yi// dngos grub chen po bdag la stsol// tshig 'di zangs kyis bris nas ni// gung mo bar du bcug byas na// nya yi nub mo kho 'ong bas// rnal 'byor mi smra brtan par bya// smras na bar chad chen po 'byung// bla ma mched la gnod pa dang// sangs rgyas bstan pa bsrung ba la// dkyil 'khor gru gsum nang du ni// ri bong thod pa bzhag byas la// ltag par pha dang mes po bri// rna ba g.yas pa pha spun la// g.yon pa la ni bu sring bri// kha ru ming rus gang yin gzhug/A+oM ya sha a pa ra dzi ta che ge mo A kar+sha ya dza dzaH/ dgug pa'i sngags so// a pa ra dzi ta 'ub tre ya yA/ gzugs la dbab pa'o// rbad bu ni rbad bu ni tsit+ta la dza dzaH/ yag sha che ge mo thum laM thus ril rbad dza dzaH/yag sha tshal pa tshal ba yA yA/ che ge mo ma ra ya a ba ra dzi tas sod sod// nyung dkar nyung nag dug khrag dang// skye tshes brdeg cing zla gcig bsgrub// dmag dpon byed dang srog chags bshas// a tsar bskor ba byed pa na// ling+ga me la bsreg par bya// thal ba chu la bskur bar bya// dgra bo myur du 'chi bar 'gyur// pad+ma dbang chen dregs pa dbang sdud kyi rgyud las/ gnod sbyin chen po a pa ra dzi ta sgrub pa'i thabs bstan pa ste le'u dgu pa'o//// de nas bcom ldan 'das kyis byang chub sems dpa' spre'u sgrub pa 'di gsungs so// thugs rje chen po'i sprul pa ni// byang chub sems dpa' spre'u ru bstan// dang po byang chub sems bskyed nas// stong pa nyid kyi rang bzhin las// A+oM las byang chub sems spre'u// g.yas na ri bong 'dzin pa la// g.yon na shing lo 'dab mas 'dzin// sngags 'dis de nyid bskyed par bya// oM sid+d+hi wa rna mu kha ma// rang 'dra spyan drang bstim mchod 'bul// oM b+ho tre b+ho tre/ ma b+hi sha ma b+hi sha/ ma dza ra ma dza ra hUM phaT swA hA/ lag mthil mchil ma blugs nas ni// rang gi srin lag g.yas pa yis// smin phrag dag tu thig le ni// lan grangs nyi shu rtsa gcig bya// gnod pa kun las bsrung bar 'gyur// gal te thig le 'chor ba na// lus kyi gzugs kyis bsrung ba la// shing la pho mtshan gzugs bya la// sngags bris gur gum chus byugs la// rang gi sked par gdags par bya// khye'u bu mo gtsang ma ni// chags pa ma spyad gzhon pa yis// bkal ba'i skud pa gsum sgril la// mdud pa bdun nam gsum byas nas// brgya'am stong btab ske la gdags// yang na khyi yi rnga ma dang// ra dag gi ni og zhol dang// ra pho'i rmang kha'i spu gsum la// skud pa byas nas sngags bzlas te// sked pa dag la gdags par bya// nga yi sngags 'di bzlas pa bya// oM ha ra ha ra/ b+han+d+ha ni/ shu kra d+ha ra ni/ si ra the swA hA/ yang ni sa bon 'dzag pa la// seng ge dkar mo'i thag pa gcad// rang gi bu sring 'doms kyi spu// khyi mo'i mjug spu'i skud pa yis// gang 'dzag gsang ba'i rdo rje bcing// seng ge dkar mo'i lcags thag gcad// gsang ba rdo rje'i gzugs bris nas// sngags bris bu mo gtsang ma yis// skud pa bkal nas 'khor lo de// brgya rtsa brgyad bzlas rang sked gdags// A+oM shukra d+ha ra d+ha ra swA hA/ g.yon du bris pa'o// A+oM shu kra d+ha ra d+ha ra hUM hUM swA hA/ g.yas su bri ba'o// 'chang ba po ka s+ya rak+Sha rak+Sha swA hA/ dbus su bri ba'o// oM a na lha 'tshug 'tshug swA hA/ rtse mor 'khor lo bri ba'o// rdo rje che ba'i man ngag la// thar nu re'u lcags lan tshwa dang// bong bu'i gsang tsher zo 'jor dang// khyi yi gsang tshil sbrang rtsi sbyar// byugs shing mnyes nas bskam par bya// rdo rje mi ldang bsrung ba ni// rdo rje'i gzugs ni bris nas kyang// sngags bkod ngor rtar gdags par bya// des ni ldang bar 'gyur ba yin// ta ra so phul/ 'bras bu g.yon pa'i rtsa bar bri ba'o// h+ya then then then/ 'bras bu'i dbus su bkod pa'o// mo ri/ pho phul/ 'bras bu g.yas pa'i rtsa bar bri ba'o// thas has khyi sing lang lang/ 'bras bu gnyis kyi bar du bkod par bya'o// b+hi mo khyi gang le lang la/g.yon du bri'o// khyi kha la ni lang lang/ g.yas su bri ba'o// ma he so ni par lang lang/ dbus su bri'o// ba baMd baMd baMd/ 'khor lo la bri'o// pi sa ra tha kha la bri'o// pad+ma dbang chen dregs pa dbang sdud kyi rgyud las/lus zungs dbang du bya ba rtsa ba rang gsang gi le'u ste bcu pa'o//// de nas bcom ldan 'das kyis rdo rje phub khur zhes bya ba 'di gsungs so// dbus su A+oM gyi khog pa na// lus ngag yid kyi srung sngags bri// gru bzhi logs la sngags kyis brgyan// A+oM gyi mgo mjug ngos su ni// brnag pa'i ling+ga gnan par bya// logs gnyis rdo rje mtshan par bya// zur bzhir sde brgyad bdud dang ni// klu dang sa bdag bsrung bar bya// de yi sngags ni 'di yin no// badzra hUM sang ha kha ma/ badzra kA ya/ badzra bA ka tsit+ta badzra ha ri sang sang/ rdo rje'i rgyal po'i lus ngag yid gsum la ka s+ya ye rak+Sha rak+Sha/ A+oM gyi khog par bri ba'o// sang sang her her b+ha dzo/ ne lo khi khi/ ka la sad mo ni na ti/ dz+ha ba kyi/ gru bzhi'i lcags ri'i nang du bri ba'o// tsakra badzra he ru ka rak+Sha/ he badzra mu seng kha rak+Sha/ ta lo le sa ra rak+Sha rak+Sha/ ma sa dz+ha rak+Sha rak+Sha/zur bzhir shar du bri ba'o// lam lam bdud/ lim lim klu/ phem phem sa bdag sa ma ya sde brgyad/ zur bzhi bri ba'o// pa ra ya/ se ba ra ni/ kang kha mo ni/ ba ra ya/ 'og tu bri ba'o// 'khor lo nam mkha' bskor byas na// lha srin gnod pa dbang du byed// sa la brdung na klu rnams brgyal// shog dril mgul du btags pa na// rdo rje'i phub khur lta bu ste// cis kyang tshugs par mi 'gyur ro// thams cad dbang du sdud par byed// dregs pa dbang sdud chen po yin// spre'u thal sbyar byang chub sems// spyan ras gzigs sprul chen po ste// g.yas na kham shing 'dzin pa la// g.yon na 'khor lo 'phyar bar bsgom// pad+ma dbang chen dregs pa dbang sdud kyi rgyud las/ rdo rje gur phub kyi le'u ste bcu gcig pa'o//// de nas bcom ldan 'das kyis 'khor 'das kyi chos thams cad nyid kyi ngang du rdzogs par bya ba'i phyir/gsang ba'i man ngag 'di dag gsungs so// rnam par shes dang bem rig las// mgal ma ma thag bde ba spro// sgo nga dag la brten pa yi// dmigs pa de la gsal ba na// mi rta chu dang 'o ma bzhin// yul la 'brel nas byung ba ste// snang dang mched grogs nyer thob pas// gsum gsum dag tu gsal ba stong// snang stong gnyis med phyogs dag pa// gser gyi ba thag 'dra bar bya// g.yas pa me la g.yon rlung dang// gnyis pa brdal chu khams kun stong// gtso dang 'khor du gang byung ba// lo zla zhag dang nyi ma las// srog dang rtsol ba bsgom par bya// gsang stong rtogs par gyur pa na// spyi mgrin snying lte gsang ba ru// dga' bzhi brgyad gnyis yab yum las// lhan cig skyes pas bde chen bzlas// rig pa kun khyab srog la byung// mi rtogs thabs kyi gnas su tshud// bde ba ye shes 'char ba'o// rang byung ye shes chen po yin// pho mo ma ning thod rgal gzung// tsha grangs rus pa yon tan zin// du ba smig rgyu srin me dang// mar me nyi ma lus sems mthong// rdo rje'i bzlas pa de ltar bya// gru gsum las ni gzhan bzlas pa// yid bzhin nor bu lta bu'i oM// lnga pa'i dang por bzhi gsum sbyar// lnga pa'i tha ma lnga dang po// steng du i zhes bya ba dang// bzhi yi dang po bdun pa'i gsum// de la i yis spras pa ni// bzhi pa'i dang po is spras te// bdun pa'i tha ma gnyis blangs pa'i// tha ma i yis brgyan par bya// gnyis pa'i dang po dang po'i gsum// de sbyar dang po drug gnyis spras// lnga pa'i bzhi pa lan gnyis blangs// de la drug pa'i dang po ni// gnyis sbyar oM gnyis brgyan bar bya// bdun pa'i bzhi pa lan gsum la// u gsum sbyar nas thig le gsum// lnga pa'i gnyis la bzhi'i dang po// de gnyis spras pas bcu bdun pa'o// bzlas pa'i sngags rnams 'di las byung// ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ a A/ i I/ u U/ e ai/ o au/ aM aH/ zhes gsungs so// pad+ma dbang chen dregs pa dbang sdud kyi rgyud las/ rlung rdo rje bzlas pa gsang sngags bsdu ba'i le'u ste bcu gnyis pa'o//// de nas bcom ldan 'das kyis thugs las hrIHzhes brjod pas/ pad+ma he ru ka don yod pas// g.yas dkar g.yon sngo dbus dmar zhal// rta mgo ljang gu hrIHbrjod pa// g.yas na rdo rje kha T+wAM ga dang cang te'u// g.yon na me dpung zhags pa thod khrag bsnams/ yum gzi ldan ma dang 'khril bar gyur nas/nyid kyi 'khor rnams la bka' stsal pa// rnam par rtog bral gdod nas skye med dbyings// ma bcos mtha' yas chen por gsal// mnyam nyid bde chen byang chub sems kyi mchog/smra bsam yul 'das mtha' dag 'od gsal zhing// de lta'i chos kyi sku la gnas bzhin du// dmigs med yul bral snying rjes yongs la khyab// mkha' snang stong pa'i cho 'phrul gsal mdzad cing// de lta'i longs spyod rdzogs pa'i skur bzhengs nas// dri med thugs rje'i 'od mdangs gsal ba yis// thugs kyi rtags ston 'od zer rgyal ba'i sku// rnam gsum sems dpa' gsang sngags 'od phreng tshogs// chags pa'i skyon bral ye shes lnga yi mdangs// dkyil 'khor sna tshogs 'byung ba'i rgyu nyid de// rkyen gyi sngags bcas ma lus gsal bar byed// de lta'i sprul ba sku ru shar ba yis// dbang sdud dbang gi rgyud chen gsungs pa ni// zung la mtha' yas 'gro ba'i don du spyod// ces gtad pas 'khor thams cad kyis rjes su 'dzin par gyur to// pad+ma dbang chen dregs pa zil gnon dbang du sdud pa las/ rgyud gtad pa'i le'u ste bcu gsum pa'o//// dbang chen dregs pa dbang sdud kyi rgyud rdzogs so// gu ru pad+ma dang kha che A nan+das bsgyur ba'o//// dbang chen 'dus rgyud dam gal por grags pa/

CLOSE WINDOW