CLOSE WINDOW

Gpb022.005
བོད་ཡིག

/ pad+ma 'byung gnas dang/ kha che A nan tas bsgyur ba'o//// rgya gar skad du/ shrI pad+ma ma hA wa shaM duSh+ta nir+Ni ya tan+t+ra nA ma/ bod skad du/ dpal pad+ma dbang chen dregs pa gnad 'bebs kyi rgyud ces bya ba lhun gyis grub pa'i sangs rgyas rnams la phyag 'tshal lo// 'di skad bdag gis thos pa'i dus gcig na/ bcom ldan 'das pad+ma he ru ka rgyal ba kun gyi spyi gzugs can de ni/de bzhin gshegs thams cad kyi btsun mo'i b+ha ga rnam par dag pa bde ba chen po la bzhugs te/ mkha' 'gro ma kham rgya mo drug dang/ byang chub sems dpa' don mdzad pa'i long ba brgyad/ dpa' bo chen po dmus long 'khor ba drug cu dang// gdug pa 'dul ba za byed dpal gyi khyi brgyad dang// ye shes sprul pa'i khyi bcu dang/ pho nya sgo ba chen po bzhi dang thabs cig tu bzhugs so// de nas yum pad+ma gzi ldan mas glu 'dis bskul lo// oM shes rab chos dbyings stong pa'i ngang nyid du// thabs mchog snying rje ye shes chen por shar// stong nyid snying rje'i snying po can gyi sku// chos sku dri ma med pa'i byin rlabs las// longs sku sras dang btsun mo gzhal yas khang// longs spyod phun sum tshogs pas sa chen 'dul// thugs rje'i sprul pa sna tshogs phyogs bcur 'gyed// mdzad pa bcu gnyis 'gro don rdzogs par mdzad// zhi ba'i gdul byar ma gyur dregs pa can// khro bo'i sku yis thul la bstan pa srung// zhes rdo rje'i glus rnam par bskul lo// de nas yab kyis glu 'di 'gro ba'i ched du blangs so// oM don dam skye ba med pa 'das pa'i chos// kun rdzob sgyu mar snang ba 'khor ba'i chos// kun rdzob don dam dbyer med chos kyi sku// 'khor ba ma spangs 'das pa bsgrub tu med// chos sku dri ma med pa'i snying po 'di// 'khor dang mya ngan 'das pa'i chos skur snang// de nyid gtan la dbab phyir rgyal ba rnams// dbang po bsam pa dgongs pa tha dad med// ji ltar snang ba'i chos rnams chos skur gcig/ de las ma gtogs gsang ba'i nges don med// rang sems gzung 'dzin gnyis bral dri med pa// de nyid sangs rgyas rnams kyi chos sku yin// de las ma gtogs chos sku gzhan nas 'tshol// bya long nam mkha'i mtha' la rtsad gcod 'dra// oM chos sku mthong bar dka' ba'i gdul bya rnams// sa bcu'i byang chub sems dpa' 'dul don du// gnas la ming btags 'og min chen po ru// ston pa rgyal ba rigs lnga longs spyod rdzogs// sems dpa' sems ma nye ba'i sras kyis bskor// sa bcu'i byang chub sems dpa'i 'khor rnams la// dgongs pa brda' yis chos kyi 'khor lo bskor// shes bya'i sgrib dag chos kyi sku la sbyor// longs sku'i 'dul bar ma gyur 'gro drug la// sprul sku'i mdzad pa bcu gnyis don mdzad pa// lha yi yul la babs nas lhums su zhugs// lum+bi'i 'tshal du lhums nas sku yang bltam// ang+ga ma g+har gzhon nu'i rol rtsed mdzad// ri bo khab can yul du khab tu bzhes// me ne ya yi yul du rab tu byung// chu bo nai ra'i 'gram du dka' thub mdzad// ba ra Na sir chos kyi 'khor lo bskor// 'khor mo 'jig tu bdud kyi bar chad btul// rgyal po'i pho brang cho 'phrul chen po bstan// rdo rje'i gdan la mngon par sangs rgyas nas// gyad yul sa la shing rtsar mya ngan 'das// grong khyer rtswa mchog dag tu sku gdung bgos// zhes gsungs so// pad+ma dbang chen dregs pa gnad la 'bebs pa'i rgyud las/sku gsum gyi don gnad la phab ste bstan pa'i le'u ste dang po'o//// de nas byang chub sems dpa' sa bcu pas bcom ldan 'das la 'di skad ces gsol to// sku gsum rgyal ba'i dgongs pas bshad gyur pa'i// rnal 'byor chen po la sogs rgyud rnams kyi// bshad tshul man ngag khong nas gab pa phyung// ma 'ongs 'gro ba rnams la nges par gsungs// zhes gsungs so// de nas bcom ldan 'das kyis 'di skad ces gsungs so// rnal 'byor chen po'i rgyud rnams la// bshad pa'i rgyan ni rnam pa bdun// gleng bslangs pa yi grangs ni lnga// sangs rgyas pa yi tshul yang bzhi// rgyas par bshad pa'i mtha' yang drug/ bshad pa'i tshul ni rnam pa bzhi// dbye ba'i bshad pa rim pa gnyis// snod kyi gang zag rnam pa lnga// bden pa gnyis kyi rnam par nges// spyir bsdus nyi shu rtsa brgyad kyis// gsang sngags rgyud kyi rnam bshad bya// de yang ji lta bu zhe na// gleng bslang ba yi grangs lnga ni// rgyud kyi ming ni gang btags mtshan// 'khor ba'i sems can don du gsungs// ston pa gzugs sku rnam pa gnyis// ldang tshad cho ga le'u dum bu rim// dgos ched thun mong mchog tu bsgrub pa'o// sangs rgyas pa yi tshul bzhi ni// rgyud dang gling bzhi nges tshig rgyu// de yang 'dod chags spang ma spangs// 'dod chags bcas nas sangs rgyas bzhi// rgyud ni lha lus rigs lnga bsgom// gling bzhi rigs lnga gcig gyur pa// nges tshig rdo rje la sogs gsungs// rgyu ni sgeg pa la sogs spyod// 'dod chags spangs pa'i tshul yang bzhi// rgyud ni mi lus skye ba la// gleng gzhi rab tu byung ba nyid// nges tshig 'dul ba'i sdom pa blangs// rgyu ni 'bras bus sangs rgyas 'dod// rgyas par bshad pa'i mtha' drug ni// drang don dang ni nges don gnyis// dgongs bshad dgongs pa ma yin bshad// ji bzhin sgra dang ji bzhin min// drang ba'i don ni bshad pa ni// skal ngan sbas bshad drang don du// thun mong dngos grub 'dod rnams la// mtshan bcas bskyed pa'i rim pa bstan// nges pa'i don du bshad pa ni// yang dag don ston nges pa'i don// nye lam dga' mchog 'dod pa la// de la rdzogs pa'i rim pa bstan// bskyed rim rdzogs rim 'di gnyis ni// don gyi mtha' la brten pa'o// de yang ji ltar yin zhe na// ting 'dzin gsum las gzhal yas gdan// sku bskyod spyan drang mchod phul bsgrub// ro langs rkang mgyogs mig sman sogs// skyes bu'i sems la ci 'dod rnams// pad+ma dbang chen dregs pa bsgom pas bsgrub// sdug bsngal nyid kyang byang chub la// 'khor ba nyid kyang mya ngan 'das// sgrib pa gnyis na mngon sangs rgyas// nges don de la 'dud par byos// dgongs pas bshad par bya ba ni// dbang po rnon po'i rigs la ni// rig pa'i rjes su 'brang ba yis// shes rab can gyi gang zag rnams// nga rgyal bcag par bya ba'i phyir// dbang po rnon po la dgongs nas// 'gal ba'i tshig gis don ston bshad// rgyal ba rnams kyis de ltar dgongs// dgongs pa ma yin bshad pa ni// dbang po dman pa'i gang zag la// gsal bar ston pa dgongs min tshig/ dngos bral 'od gsal zung du 'jug/dbang po rno brtul dgongs pa ni// 'di gnyis tshig gi mtha' la brten// de yang ji ltar brten zhe na// pha dang khu bo mes po dang// bu dang spun dang mdza' bo rnams// zhe sdang sems kyis bsad byas na// rdo rje rigs kyi zhing du 'gyur// chos rnams kun gyi de kho na// rang bzhin gyi ni 'od gsal te// bden gnyis yang dag zung du 'jug/ dngos po thams cad dang bral ba'o// sgra ni ji bzhin bshad pa ni// rang gi sgra yis ston pa yang// dkyil 'khor mchod bstod dam tshig spyod// sgra ni ji bzhin ston pa'o// ji bzhin ma yin bshad pa ni// sgra gzhan dag gis rab ston te// 'jig rten bstan bcos dag la med// de bzhin gshegs pa'i dgongs pa yin// ji bzhin yin dang ma yin sgra// don tshig gnyis ka'i mtha' la brten// de yang ji ltar bstan ce na// dkyil 'khor dag tu gzhug par bya// dbang blang dam tshig mi nyams bsrung// mchod pa gtor mas lha mnyes bya// yi dam zhal phyag gsal ba yis// mnyam gzhag rjes la spyod pas kyang// kro ta yaM dang sha ka yaM// k+Sha ta yaM gi sa bon can// lus la rlung lngar rab tu gnas// bshad pa'i tshul bzhi bstan pa yang// tshig gi don du bshad pa ni// chos kun mkhas pas sgra tsam la// mkhas pa tshig gi don yin te// yi ge 'bru gnyer gsal sbyar na// tshig la ma rmongs tshig mtha' yas// de dang nas ni 'byed pa'i tshig/ sa dang can gyi ldan pa'i tshig/ yang dang kyang ni brnan pa'i tshig/ ste ni lhag ma can gyi tshig/ 'di ni nye bar mtshon pa la// la ni bgar nas ston pa sogs// phyi yi don du bshad pa ni// mdo la bzhugs nas 'gyod pa bzlog/ sngags la bzhugs na bskyed rim bsgom// sbas te bshad par bya ba ni// tshogs par mi dbyung phyir sbas gsum// 'dod chags dag gi chos sbas pa// de ni gsang dbang snying po yin// kun rdzob chos kyi sbas pa yang// shes bya nang gyur snying po yin// ye shes sbas pas snying po yin// ye shes kun brtags ma yin pas// rnam par brtags pa'i snying po yod// mthar thug don du bshad pa yin// 'od gsal gzugs sku rnam pa gnyis// zung 'jug sku ru chos kyi gnas// nyan bshad dbye ba rnam pa gnyis// tshogs pa rnams la bshad pa ni// ji bzhin sgra dang dgongs min dang// drang don spyi don yi ge'i don// slob ma rnams la bshad pa ni// spra ni ji bzhin ma yin dang// nges don dgongs te bshad pa dang// sbas bshad mthar thug don rnams bshad// snod kyi gang zag rnam lnga ni// ut+pal lta bu'i gang zag ni// sbrang rtsi mang ltar chos mang thos// sbrang rtsi 'dzin ltar 'dzin pa mkhas// sbrang rtsi yal skyin brjed nas 'gro// pad dkar lta bu'i gang zag ni// sbrang mas chos mang thos pa yang// sbrang rtsi 'dzin ltar ston mi nus// sbrang mas sbrang rtsi blang dka' ltar// bum nang ras bal lta bu'o// pad+ma dmar po lta bu ni// yid du 'ong ltar dad par ldan// pad+ma kha dog dmar ba ltar// snying rje dang ni shes rab che// pad+ma nyin mo kha 'byed ltar// thos nas blo kha bye ba dang// sbrang rtsi mi thub 'dzags pa ltar// tshig don mi 'dzin brjed nas 'gro// tsan dan lta bu'i gang zag ni// sdong po chung ltar thos pa nyung// dri dang ldan pas nga rgyal che// rtsa phra yal ga lo 'dab rgyas// rtsa ba med par mang du smra// dug sbrul 'khril pas blang mi nus// rjes su gzung bar mi nus so// 'gyod shing can gyi tsan dan yin// rin chen lta bu'i gang zag ni// nor bu rang bzhin dag pa ltar// dam tshig tshul khrims dag pa dang// gzhan don byed cing gzhan mi gnod// de bzhin 'dzin la mkhas pa dang// ci 'dod 'byung ltar shes rab ldan// nor bus 'gro don byed pa ltar// rgyud gcig thos nas legs par ston// bden pa'i dgongs pa gnyis pa ni// bskyed rim sgyu lus kun rdzob bden// 'od gsal don dam bden pa'o// rnal 'byor rgyud rnams mdzes pa yi// rgyan bdun gsal ba'i lde mig ni// rgyud rnams 'byed cing 'grol bar byed// ces gsungs so// pad+ma dbang chen dregs pa gnad la 'bebs pa'i rgyud las/ rgyun gyi bshad tshul gnad 'bebs kyi le'u ste gnyis pa'o//// de nas 'khor gyi tshogs rnams kyis// 'di skad gsol ba rab tu btab// rgyud dang lung dang man ngag rnams// bshad pa'i tshul ni de ltar na// rnal 'byor dbang phyug chen po rnams// bskyed rdzogs nyams su ji ltar blang// bdag cag rnams la gsang sgo phye// 'gro ba'i don du legs par gsungs// zhes zhus so// bcom ldan 'das kyis bka' stsal pa// dbang po yang rab rnal 'byor la bskyed pa'i dus nas rdzogs pa ste/rtag pa'i mtha' las rab grol nas// bsod nams tshogs kyang rdzogs pa yin// gzugs kyi sku yang 'thob par byed// rdzogs pa'i dus nas bskyed pa ste// chad pa'i mtha' las grol byas nas// ye shes tshogs kyang rdzogs par byed// chos sku dri ma med par 'thob// dbang po 'bring dang tha ma la// lus kyi sgrib pa byang ba'i phyir// bskyed pa'i rim pa brtan par bsgom// ngag gi bsags pa sbyong ba ni// bzlas pa'i grangs kyang rgyun mi gcad// yid kyi dran pa spang ba'i phyir// rdzogs pa'i rim pa bzang po bsgom// bskyed pa'i rim pa gnyis yod de// zhi bar bsgom dang khro bor bsgyur// rigs gnyis lung gis brgyud pas na// rdo rje'i rigs dang pad+ma bsgom// bcom ldan dpal mchog rdo rje sems// sku gsum lhun grub dbu gsum ni// mthing ga dkar gsal pad+ma dmar// rgyud drug rtsad gcod ye shes drug/ rdo rje 'khor lo pad+ma g.yas// dril bu rin chen ral gri g.yon// rnam pa thams cad mchog rab ldan// thams cad rgyan ni ma lus rdzogs// pad+ma rin chen gar gyi dbang// zhal gsum phyag drug dga' mdangs brjid// dbus kyi sku mdog dkar dmar mdangs// g.yas sngo g.yon ser brjid pa'i zhal// pad+ma rdo rje rtse gsum mda' ni g.yas// bum pa dpal be'u gzhu ni g.yon// rin chen sna tshogs na bza' mdzes// yum ni pad dril dmar po'i khril// khro bor gyur pa rigs lnga dbang chen sku// sku yi dbang chen dmar po dbu lnga pa// rta mgo lnga dang gshog bzhi zhabs brgyad pa// shar du rol pa'i phyag bzhi ni// khro chen snying 'byin kha T+wAM ga/ rdo rje lcags kyu sbrul gyi zhags// lho ru rol pa'i phyag bzhi ni// thod khrag rdo rje lu gu rgyud// gshin rje'i bo con rde'u chung g.yon// nub tu rol pa'i phyag bzhi ni// me yi zhags pa khyung gi khra// sdigs mdzub me chen kha T+wAM ga/ byang du rol pa'i phyag bzhi ni// rdo rje rtse dgu rtse lnga dang// rtse gsum dang ni rtse gcig 'bar// gsung gi dbang chen dbu lnga dmar// rta gdong lnga ldan gshog pa bzhi/ bcu drug phyag na bsnams pa ni// rdo rje kha T+wAM dril bur bcas// lcags kyu sbrul dang zhags pa dang// 'khor lo rin chen zur brgyad dang// ral gri rdo rje lu gu rgyud// g.yas kyi phyag na bsnams pa ni/ pad+ma yu 'dzin thod khrag bkang// khro snying gshin rje'i dbyug pa thog/ rgya gram rdo rje be con dang/ me long tri shUl khyung gi khra/ g.yon gyi phyag na bsnams pa'o// zhabs brgyad khro bo 'das pa mnan// thugs kyi dbang chen dbu lnga pa// dmar po rta mgo ljang gu lnga// g.yas kyi phyag brgyad phyag mtshan ni// rdo rje lcags kyu sbrul zhags dang// cang te'u kha T+wAM thod rlon khrag/ rdo rje rtse dgu rtse lnga dang// rtse gsum dang ni rtse gcig bsnams// g.yon gyi phyag brgyad bsnams pa ni// rdo rje lcags kyu lu gu rgyud// thon rlon khro bo brgyad kyi snying// me yi zhags pa khyung gi khra// sdigs mdzub rtse la me chen 'bar// cang te'u kha T+wAM lcags kyu bsnams// gshog bzhi zhabs brgyad khro bo mnan// pad+ma gsang ba zhes bya ba// rnal 'byor kun gyi bsgom par bya// yon tan dbang chen dbu lnga pa// dmar po rta mgo ljang zhur lnga// gshog bzhi zhags brgyad bcu drug phyag/ g.yas kyi phyag na bsnams pa ni// gau rI'i phyag na rdo rje lcags kyu bsnams// gnyis pa tsau rI sbrul gyi zhags pa bsnams// gsum pa pra mo ha ni rnge'u chung bsnams// bzhi pa bet+tA lI ni b+han+d+ha bsnams// lnga pa puk+ka rdo rje rtse dgu bsnams// drug pa tsan+d+ha rdo rje rtse lnga bsnams// bdun pa sma sha rdo rje rtse gsum bsnams// brgyad pa g+hasma rdo rje rtse gcig bsnams// g.yon gyi phyag na bsnams pa ni// sing ha mu kha rdo rje lcags kyu bsnams// gcig pa bya g+h+rI phyag na me dpung bsnams// gsum pa shwa na mu kha lcags sgrogs bsnams// bzhi ba sr-iM gA la ni thod khrag bsnams// lnga pa gr-i D+h+ra snying chen bsnams// drug pa kang ka kha T+wAM bsnams// bdun pa kA ka cang te'u bsnams// brgyad pa u lU lcags kyu bsnams// gshog bzhi zhabs brgyad khro bo gdan// phrin las dbang chen dbu lnga dmar// rta mgo ljang gu lnga dang ldan// gshog bzhi phyag ni bcu drug na// rdo rje lcags kyu sbrul zhags dang// mu stegs mgo dang kha T+wAM ga/ rdo rje rtse dgu rtse lnga dang// rtse gsum rtse gcig g.yas na bsnams// rdo rje lcags kyu sdigs mdzub me// thod khrag lha chen brgyad kyi snying// gshin rje'i dbyug pa lcags kyu dang// rnge'u chung yu ba kha T+wAM ga/ g.yon gyi phyag na rnam par bsnams// bzlas pa'i sngags ni rab gsungs pa// oM pad+ma ma hA shrI he ru ka ma hA tsan d+ha sarba duSh+tAn/ta ka ha na pa tsa hUM hUM phaT/ sku'i sngags so// oM pad+ma si ta si ta ha he tsakra b+h+yo b+h+yo hUM hUM phaT/ gsung gi sngags so// oM hu lu hu lu hUM phaT/ oM a ra li hUM hrIHdza/thugs kyi sngags so// oM hri ha ha hUM hUM phaT/ yon tan gyi sngags so// hrI di ma da ri h+ya g+h+rI ba e ka dza TI hu lu hu lu hrIHdzaHdzaH/ phrin las rta mgrin gyi sngags so// na maHsa man+ta kA ya wA ka tsit+ta badzra nan/ oM hUM hUM hUM/ta ru la bi ru la/ sarba bi Sha g+ha ta ka dz+wa li ta bi sdu ling+ga aT+Tar T+Tar hA sa nA da sa hI ta/ ka pa ri sa ho ba taM ad de ba badzra khu ra g+ha ta na/ tsa ta ba su d+ha tA la ni/ shwA sa ma ru twa uSh+kiSha p+ta d+ha ra ni d+ha ra/ bi Sha na a T+Ta hA sa/a pa ra mi tA/ ba la ba rA kra ma/ Ar+ya ga Na b+hi ta/ bud+d+ha gu Na bud+d+ha bud+d+ha/ ha ya grI ba kha da kha da pa ra man+t+rA nAM/ ts+tshin+da ts+tshin+da sid ti mi ri sha/ a be sha ya sarba dz+wa ra/ bi sha tsI naM/ sarba gra he Sh+wa pra ti ha to b+ha ba ba gi nan/badzra daMSh+t+ri giny+tsi mA ya si/ i daM duSh+ta gra ha Na duSh+ta sarba b+ha d+hu na d+hu na/ mA tha mA tha/ ma rda ma rda/ ba ta ba ta/ ba ta ya ba ta ya/ b+han d+ha b+han d+ha/ bud+d+ha d+harma/ sang+ga a nu dz+nyA na/ kar+yi gu ru/ shri gra na ha ya g+h+rI bA phaT/badzra ya phaT/ badzra ga rA ya phaT/ badzra na tre ya phaT/ badzra daM shA ya phaT/ badzra khu rA ya phaT/ badzra khu ra nir+g+ha ta nA ya phaT/ ba ra man tra bi nA shA ya phaT/ trai lo kya b+ha yaM sha ra ya phaT/ sarba karme shwa rA pa ti ha tA ya phaT/badzra ku la san tra sa nA ya phaT/ hUM hUM hUM phaT phaT phaT swA hA/ khro bo rta'i rgyal po thams cad kyi phrin las dpal gyi phreng sngags so// dpal pad+ma dbang chen dregs pa gnad 'bebs kyi rgyud las/ sku dang sngags kyis log 'dren can thams cad gnad la 'bebs pa'i le'u ste gsum pa'o//// de nas bcom ldan 'das kyi sems nyid rdzogs pa'i rnal 'byor 'di sku dang gsung dang thugs dang yon tan dang phrin las rdo rje las phyung ngo// swa bas sa yi khams yin te// khu bas chu yi khams su 'dod// dro bas me yi khams yin te// rgyu bas rlung du rab tu grags// mi shigs thig ler gsung pa ste// de bas nam mkha'i khams yin no// reg pa las ni lha mo spyan// dro bas gos dkar mo zhes bya// chu ni mA la kI zhes bya// 'gro bas rlung du rab tu grags// bde bas rdo rje dbyings phyug ma// thig le kun snang bde skyong ma// bde chen bde ba chen po ni// skad cig tsam du nyams myong bas// 'phral du yid ches byed pa ste// log rtog ma lus mthong 'gog pa'o// dngos dang dngos po log rtog dag/ bkag nas rnam par mi rtog pas// bskal pa stong phrag du mar yang// gnas nas ye shes sbyor bar byed// cung zad cung zad bsgom byas pas// gong nas gong du khyad par 'gro// mthar ni mi rtog ting 'dzin dag/ lhun gyis grub pa thob par 'gyur// ma rtog ting 'dzin la gnas nas// dpa' bo dang ni dpa' mo rnams// ring na bzhugs kyang gzigs 'gyur te// don kun 'grub par byed pa'o// dga' dang dga' bral dag gi dbus// mtshan nyid dmigs la bstan byas pas// thun nam zla byed zla ba lo// bskal par ye shes che la sbyor// mi rtog pa yi ting 'dzin gyis// sgrib pa lnga spangs lhun grub pa'i// bde ba chen po mngon byas nas// stobs sogs yon tan rnams kyis brgyan// 'di ni sems can ma lus la// spyi pa'i don du bshad pa'o// ston ka'i dri med nam mkha' la// zla ba 'od zer kun snang ltar// gzung 'dzin spang ba'i ye shes ni// bdag gzhan snang gsal byed pa'o// ston ka'i sprin med nam mkha' la// nyi ma'i 'od zer shar ba ltar// thabs kyi ye shes gnyis pa'o// don dang sems can bcas snang byed// spros med mkha' dang mun lta bu// snang byed ye shes bsgoms byas pas// rang rig tsam las grub pa yi// sgyu ma'i lus 'di len par byed// rang bzhin tsam du 'od gsal ba'i// rlung dang ldan pa'i rnam shes kyis// chu zla 'dra ba'i gzugs med pa'i// chags med lus ni 'grub par 'gyur// yid kyi lus dang ldan pa yi// rnal 'byor pa yis khams gsum du// bdag dang gzhan gyi don byas nas// mthar ni rang gnas bde bar 'gro// sgyu ma'i lus la ltos byas nas// ril por 'dzin dang rjes gzhig gis// dngos po thams cad bshigs nas ni// de nas snang ba med par 'gro// thogs pa med par thabs kyi ye shes kyis// snang ba thams cad nub byas nas// rang snang tsam la'ang chags med pa'i// snang ba med pa'i dbyings su 'gro// bdag dang gzhan du rtog pa yi// rnam rtog dra ba bsal ba ni// mtha' med dmigs pa med pa ru// snang ba med pa'i tshul du 'gro// snang ba med pa'i ting 'dzin gyis// snang ba tsam yang 'dzin spangs te// yang dang yang du don dam pa'i// bden pa mngon du byas pas 'gro// sgyu ma lta bu'i lus kyi 'bad med par// 'dod pa chags bcad nam mkha' las// 'bad pa med par rnyed 'gyur te// bdag dang gzhan rnams bde bar 'tsho// yid kyi lus tshad bzung nas ni// bdag dang gzhan gyi don 'grub cing// dmigs pa thams cad zad byed par// 'gro med gnas su nam zhig 'gro// 'dis ni 'gro ba sangs rgyas par// drang phyir sbas pa'i don du bshad// dang po sa ni chu la thim// chu yang me la thim par 'gyur// me yang rlung la thim par 'gyur// rlung yang rnam par shes la 'jug/ rnam shes gzung ba de dag ni// 'od gsal bar ni 'jug par 'gyur// stobs chen po la sogs pa yi// che ba'i yon tan rnam brgyan pa// bden gnyis sbyor ba zung 'jug sku// bde ba chen po de thob 'gyur// mkha' 'dra'i chos sku stong pa la// rtog med ye shes mkha' 'dra ba// tshogs dang smon lam stobs dag gis// 'bad pa med par lhun gyis grub// zung du 'jug pa'i ting 'dzin gyis// nyon mongs pa yi sgrib pa dag/ bsags pa'i sgrib pa rnams spangs shing// phun sum tshogs pa thob 'gyur te// gang du rnam par thar pa yi// 'dod pa tsam gyi 'gro 'ong lding// 'ja' 'dra'i longs spyod rdzogs sku las// 'bad pa med par sprul pa'i sku// mtha' yas rdul bral ji bzhin par// sems can don kun 'grub par mdzad// gang dang gang gis 'dul gyur pa// de de bzhin du so sor snang// mos pa'i snang ba tha dad par// sems can rnams ni 'dul bar 'gyur// lhun grub bde ba chen po'i sku// rang snang rig mas nyar brgyan pa// 'og min gnas su dus rtag tu// mtshan dang dpe byad brgyan pas bzhugs// yid bzhin nor ltar bsams tsam gyis// 'bad med bdag dang gzhan gyi don// che ba'i yon tan rnam brgyan sku// bde ba che las 'byung bar 'gyur// rang snang rlung dang ldan pa'i lus// 'ja' tshon bzhin du mtha' med pa// stong pa gsum la goms dbang gis// thogs pa med par 'byung bar 'gyur// 'di ni 'gro rnams sangs rgyas phyir// mthar thug pa yi don du bshad// ces gsungs so// dpal pad+ma dbang chen dregs pa gnad 'bebs kyi rgyud las/ phyi spyi'i don dang nang sbas pa'i don dang gsang ba mthar thug don du bshad pa sems rdzogs pa'i rim par gtan la 'bebs pa'i gnad 'bebs pa ste le'u bzhi pa'o//// de nas pad+ma he ru kas he ru ka'i gnas bcu la gzigs pa 'di gsungs so// gnas dang nye ba'i gnas dang gnyis// yul dang nye ba'i yul dang gnyis// zhing dang nye ba'i zhing dang gnyis// dur khrod nye ba'i dur khrod gnyis// tshan+do nye ba'i tshan+do gnyis// phyogs bcu rnams su gzigs par gyur// de nas pad+ma he ru kas// dur khrod chen po'i gnas brgyad du gzigs pa 'di gsungs so// shar na dur khrod bsil ba'i tshal// shar lhor dur khrod lhun gyis grub// lho na dur khrod sku la rdzogs// lho nub dur khrod gsang chen rol// nub na dur khrod pad+ma brtsegs// nub byang dur khrod he chen rol// dur khrod khu byug klong dgu byang// byang shar dur khrod 'jig rten skyong// de nas pad+ma he ru kas// khro bo gar dgus 'dul mdzad de// lha chen gzhon nu gdong drug gis// lha min ba su ka ra bsad// de la dpa' bor mtshan btags pas// de bcom dpa' bo he ru ka/ dbang phyug chen po 'khyud nyams sgeg/ de bcom sku la yum 'khril sgeg/ khyab 'jug phag seng 'jigs gzugs nyams// de bcom he ru ka 'jigs rung// sku yi gar gsum bstan pa ni// sku la tshor ba bde sdug nub// tshangs pa'i gsung dbyangs rta skad rgod// de bcom rtags su zhal g.yas bzhad// tshogs kyi bdag po glang sna gshe// de bcom zhal g.yon khro bar bshad// sgra gcan nyi zla khar mid rngam// de bcom dbus kyi zhal dmar rngam// gsung gi gar gsum bstan pa ni// gsung la tshor ba bde sdug nub// brgya byin lag na rdo rje thogs// lha rnams snying rje'i sems kyi skyong// de bcom pas ni snying rje mdzad// klu chen se sha tsa ra yis// 'gre ldog byas pas sa 'gul byung// de bcom klu brgyan ngo mtshar che// me lhas stong gsum me yis bshig/de bcom me dpung dbus na bzhugs// thugs kyi gar gsum bstan pa ni// thugs la tshor ba bde sdug nub// de nas pad+ma he ru kas dpal gyi rta skad kyis phyogs bcu'i dregs pa can btul lo// dngas ma'i bdud rtsi khyab 'jug gza' yis 'thungs// phyag rdor 'khor los lus kyang dum bu brgyad// snyigs ma dug tu gyur te gnod sel phyir// spyan ras sku khros mgur du thim pa ni// khro bo mdog sngon gdug pa ma lus 'dul// lo rgyus don gyis phyi rabs yin ches bshad// snod kyi 'jig rten lcags ri nag po'i nang// phyi yi rgya mtsho zho las dkrug pa'i mar// ri rab srub shing klu sbrul srub thag bcas// rgyal chen sde bzhis rab tu dkrugs pa las// tshangs pa'i gsung gis chos 'khor bskul ma 'debs// de 'dul gsung dbyangs drug cu tshangs pa'i skad// 'jig rten 'khor bar yun ring gnas nas kyang// rta mchog rin chen yid bsring 'gro don mdzad// cang shes rta yis myur du bgrod pa ltar// 'gro drug 'khor ba'i gnas nas 'dren par mdzad// de ni 'gro ba lam 'dir gzhug pa'i phyir// gdul byar bshad pas 'gro ba 'dul bar byed// gti mug can dang nga rgyal can// 'dod chags can dang phrag dog can// zhi ba'i las dang rgyas pa'i las// dbang dang drag pos 'dul bar ston// ljang gu drag po dmar po dbang// ser po rgyas pa dkar po zhi// rta gdong phrin las bzhi mdzad pas// rta mgo la yang rigs bzhi'i mdog/ gdul bya ma lus thams cad kun// 'dul phyir phrin las dag tu bshad// zhal nas rta skad sgra sgrogs pas// pheM pheM hriM sogs gsang sngags 'dren// rta yi skad ces bya ba yang// rta zhal gsung du sgrogs pa'o// brda' dang rta skad 'gying skad gsum// rnal 'byor dgongs pas ma shes skyon// thugs dam mi 'khrul dbang mi 'dus// dgra bgegs mi thul skyon du 'gyur// rnal 'byor gang gis rta skad kyi// dgod pa don ldan shes pa ni// thugs rjes bzhengs dang khas blangs dran// phrin las skad cig yud la 'grub// de phyir rta skad dgongs pa zab// lus ngag yid gsum sku gsum nyid// dug lnga ye shes lngar sgrol nas// gang gis gdeng gyur rnal 'byor rab// mi zhes byas kyang sangs rgyas yin// snod kyi 'jig rten gzhal yas dbyings// bcud kyi sems can ye shes lha// 'brel pas bde chen sras su rigs// rnal 'byor 'bring gi dgongs pa'o// lus nyid lha la ngag nyid sngags// sems nyid chos nyid tha ma'o// mya ngan 'das pa'i chos rnams kun// rten du gyur pas chos kyi sku// rang bzhin skye med brda' sprod go/ de nyid chos sku'i gsung yin no// longs sku dgongs pa brda' yi gsungs// me long nang gi byad lta bu// gtso bo'i sku la bltas pa yis// rang gi shes bya'i sgrib pa dag/ de nas chos sku'i sa ru 'gro// byang chub sems dpa' mngon sangs rgyas// sku gsung thugs ni rnam pa gsum// gsang ba bsam gyis mi khyab cing// thams cad sa ru gnas pas na// mi zad rgyan gyi 'khor lo che// oM ni rnam par brjid pa'i sku// AHni smra brjod 'byung bas gsung// hUM ni 'dod dgur mkhyen pas thugs// rgyal ba'i zhing khams 'di yis skyong// tshangs pa'i lha yi gsung bzhin du// srin po 'dul yang skyon ma gos// dper na me tog pad+ma skyes// 'dam gyi skyon gyis ga la gos// de nyid grogs su gyur pa ste// 'dam med pad+ma gang las skye// ri rab rtse ni lha gnas te// ri rab khong seng lha min yul// gling bzhir mi gnas mtho ris gsum// phyi yi rgya mtsho dud 'gro la// grong khyer ser skya yi dwags nyid// rdo rje gdan 'og dmyal ba'i gnas// kun gyi skad du chos ston pas// thugs rje'i rta skad rigs drug 'dul// lus ngag yid kyi brda' sprad na// pho mo mthun pa'i dpe bzhin shes// dper na khwa tas gzan mthong ltar// ma dang mkha' 'gro 'grub nas byon// ma mo mkha' 'gro la sogs la// mthun pa'i sha khrag gtor ma 'bul// las bzhi'i phrin las bcol bar bya// ji ltar dmigs pa bzhin du 'grub// ngo bo nges tshig dbye ba dang// skyon dang yon tan rang bzhin bshad// rta yi 'gros dgu bstan pa yang// dpung lag sgrog 'gros lha dang mi// gdol pa lcags bcug nyan thos 'dra// pho nya srun 'gros rang sangs rgyas// 'jab tshe gzengs ni mdo sde nyid// gom bu myol 'gros kri ya ba// spyang mo mdul 'gros yo ga nyid// rol mo'i stabs pa ma hA yin// mjal mo dkyus 'gro a nu ste// dkyus su tshar 'gros a ti la// rta yi 'gros ni dgur bstan pas// pad+ma dbang chen rta gdong zhal// rta skad dgongs par 'dus pas gsungs// khams gsum dbang du sdud par byed// 'khor 'das dbang gi skur rdzogs la// theg pa'i rim pa rtogs pas na// dpe dang don du bshad pa'o// zhes gsungs so// pad+ma dbang chen dregs pa gnad 'bebs kyi rgyud las/ rta skad kyi dgongs pa he ru ka'i gnas bcu dang/ dur khrod chen po'i gnas brgyad na gnas pa rnams/ he ru ka'i gnas bcu na gar dgu mdzad de/'jig rten dregs pa can rnams 'dul bar gnad la phab pa ste le'u lnga pa'o//// de nas dregs pa can ma lus pa'i srog gnad la 'bebs pa rnams gsungs so// 'di ni lho phyogs pha rol gyi// dpag tshad brgyad khri bzhi stong 'das// sprin dang na bun tshu rol na// 'jig rten 'das dang ma 'das kyi// sa mtshams lho phyogs gyad kyi yul// bla mtsho nag po'i nang shed na// nyin bzhin bskal pa'i rlung nag 'tshubs// mtshan bzhin 'jig dus me ltar 'bar// thod pa lcags kyi grong khyer na// gson gshin gnyis kyi zam kha na// gson po skos la 'debs par byed// shi ba rnams kyi gshin rje byed// dge byed rnams kyi stong 'dzin cing// sdig pa can gyi chad pa mkhan// dam nyams khram la 'debs byed cing// dam tshig can gyi grogs la brtson// chos rgyal gshin rje zhes bya ba// mngon shes rdzu 'phrul byin rlabs can// ag tse'i phyogs na gnas bcas pa// nag po seng dgong ral pa can// srog pa rtsa la 'khor lo bskor// rgyungs pa dkar la rta dkar rgyug/ rak+ta dmar la rab tu 'jib// rnam par shes pa hub gyis 'debs// skye 'gro'i dbugs la sbar zin byed// 'chi bdag be b+ha swa ta'i 'khor// gshin rje'i bye ba sa ma ya// snying dang klad pa rtsa la rgyug/ srog gi dbang po'i bdag po byed// 'chi ba'i bdag pos gsad pa'i thabs/sngags pa gshin rje'i chas su zhugs// rabs chad ag tse nag po la// 'chi bdag gzugs bris dgra dang sbyar// brag phug lhor blta'i nang gnas la// skye tshe skye ba zi ra dang// tsha dang thal chen nyung dkar dug/phyi ma'i sbyor bas klad khug brab// dgra bo'i steng du babs pa dang// de ma thag tu 'chi bar nges// oM ya ma rA tsa nr-i sha ku ru rbad/ thum ril rbad/ mA ra ya che ge mo snying phyung rbad phaT/rngubs hril rbad sod/ rbad che ge mo mA ra ya rbad// 'chi bdag rgyal po'i mod mo'i sngags// rnal 'byor man ngag gdeng ldan pas// zhag bdun mi smra smra bcad bzlas// sha za khrag 'thung nges par rgyug/ khrag zad sogs kyis mnar gyur nas// dbugs kyis bor nas 'pho bar 'gyur// 'chi bdag gshin rje b+ha swa ta'i dmod mos gsad pa'i ting nge 'dzin to// dus gsum bde gshegs kun gyi yum// srid pa'i dam can kun gyi ma// lha srin sde brgyad rje mo ste// mkha' la srog gi mnga' mdzad ma// srid pa'i dbang chen ma yis mdzad// lha dang bdud dang gnod sbyin te// mi srun pa rnams ma mos bskyed// de phyir srid pa'i khams 'dir ni// skye 'gro'i srog la dbang chen ma// ma mo rnams kyi rgyal mo ni// e ka dza ti gsang ba'i yum// dbu gcig phyag gnyis zhabs gnyis bgrad// smug nag ral bas sa gzhi khebs// ral pa sbrugs pa'i skra gseb nas// pho nya drug cu rtsa brgyad 'gyed// nam mkha'i klong nas ma mo ni// las byed stong dang rtsa brgyad 'gyed// mche ba'i bar na za byed dang// sgrol byed mu kha brgyad rnams 'gyed// smin ma g.yas g.yon dkyil 'khor nas// gza' bdud brgyad rnams las la 'gyed// rdzi ma 'grugs pa'i byin rlabs las// rgyu skar nyi shu rtsa brgyad 'gyed// spyan mig g.yas dang g.yon pa na// nyi ma zla ba'i cho 'phrul gtong// shangs kyi rlung sgrom 'bar ba las// bskal pa'i rlung nag 'tshubs mar 'khyil// zhal gdangs kha rlangs nag po las// 'ja' tshon sprin phung 'khrigs pa las// nad rigs rnam lnga'i char pa 'bebs// srid pa'i ma mos stong gsum bkang// kha nas ma mo'i dmod sngags bzlos// de yi dbang chen ma tshogs kyis// dam las 'das pa gsang ba'i thabs// dur khrod chen po'i gnas dag tu// ma mo'i chas su zhugs nas su// mnol gri'i khrag la dmod sngags bzlas// gzugs brnyan steng du drag tu skyom// ma ma sa ya hir hir khrag tu ti bab ti babs che ge mo'i srog 'dril bla 'dril/ i ba thum ma hA pra 'du pra 'du/sprig sprig ma tsa ru ti hib hib b+h+yo b+h+yo/ zhag bdun bsgrub pa byas nas ni// ma mo'i drag sngags dmod pa 'di// khrag thun dgra bo'i rjes la brdeg/ mod la khrag skyug 'chi bar nges// ma mo'i rdeg sngags de mod pas// dgra bgegs bsgral ba'i ting 'dzin to// smug nag 'bar ba'i mkhar nang nas// srog bdag bdud pho mi zan te// phag mo zhon nas stong gsum rgyug/ gcer bu ral pa mun ltar gtibs// shin tu 'bar ba khrag gi mig/sna nas mu lung 'tshubs nag 'khyil// za byed chen po'i zhal gdangs nas// glog ltar myur ba'i ljags 'dril zhing// dung gi mche bas mna' zan sgrol// skye 'gro kun gyi dbugs len byed// zhal nas bdud kyi dmod sngags zlos// bskal pa gsum gyi pha rol na// 'jig rten mun ltar gtibs nas rgyug/ srid pa gsum gyi yang rtse nas// drag po'i thog ltar 'dril zhing mchong// 'gro ba mi la gnya' zungs byed// dud 'gro phyugs la sbar thebs byed// lcags kyi sbar mos hab thob byed// zangs kyi sen mos glo snying 'bregs// skye 'gro kun gyi srog gcod po// bdud kyi rgyal po'i drag sngags ni// sngags pa bdud kyi chas su zhugs// bdud rtsi rak+ta sman sbyar te// snang srid srog la bdud dbang bskur// dgra gzugs dug gi lo mar bris// brag nag rtsa ru gtum pos 'dug/ nyung dkar nyung nag thal chen dang// mngal khrag khyi khrag gzugs la skyom// zhag bdun mi bar mi gcad par// bdud kyi drag sngags rab tu zlos// ru tra ru tra/ su ru su ru/ ti sta ti sta/ ti ri ti ri/ 'ub 'ub dzA dzA/ bdud nag po tsag gru kA la ru tra mA ra ya/rtse ram dgra bo'i snying la shog/ lhung ma dgra'i snying la shog/ trag phrom dgra bo'i snying la shog/ zhag bdun dgra bo'i tshe srog 'bral// gal te 'gor nas rtags med na// bdud kyis snying phyung zos bsam nas// dgra bo'i khyim du gtor byas na// de ma thag tu myags kyis 'gro// bdud kyi drag sngags dmod mos dgra bgegs gdug pa can bsgral ba'i ting nge 'dzin to// pho brang yid 'ong rgya mtsho'i chu// ngo mtshar chu bo bzhi 'babs sa// 'dam bu me tog tshal gyi gling// dug gi na bun sprin 'khrigs nas// dug sbrul ra ba bdun gyis bskor// rin chen 'bar ba'i gzhal yas nang// pad+ma brtsegs pa'i dkyil steng na// chu srin 'bum gyi khri steng na// gdug pa klu yi rgyal po ni// sprul mgo dgu yi gdengs ka can// dgu ka rin chen 'bar bas brgyan// ral pa sbrugs pa'i skra gseb nas// sdom dang sdig pa char du 'bebs// khro gnyer mgo la sbrul nag 'phro// mthing ga'i 'od zer phyogs bcur 'gyed// sbrul nag 'bum gyi dkyil na bzhugs// nag po'i klu rigs grangs med 'khol// ro nye'i kha nas dmod sngags bzlos// gdug pa'i mdze nad bco brgyad gtong// klu yis dgra bo bsgral ba'i thabs// rgya mtsho'i 'gram du zhag bdun 'dug/ sngags pa klu yi chas su zhugs// kha ra sbang ma tsan+dan dang// sha rul nya rul khrag rul dang// sbrang rtsi bu ram sgo nga dang// skye tshe sgog pa phye mar btag/ ril bu byas pa brgya rtsa brgyad// ril bu re re'i dkyil du ni// dgrar ming gro gar bris la gzhug/ ril bu re la drag sngags ni// brgya rtsa brgyad du bzlas par bya// nA ga ra tsa sa ma ya dzaH/ nag mo tsit+ta ma rA ya dzaH/ nA ga b+ha ling dung bA dzaH/ nA ga su pra ti sa ma yA dzaH/ nA ga tsit+ta khrag ti mA ra ya rbad/ che ge mo'i tsit+ta tsi tsi dz+wa la mA ra ya dzaH/nA ga shig yaM yaM dza dzaH/ zhag bdun klu yi dmod sngags bzlas// the tshom med par dgra snying bsgral// klu yi drag sngags dmod pa'i ting nge 'dzin to// dmu bdud chen po ha la ka/ bar snang khams su rgyug byed cing// skar chen 'bar ba'i thod chen bcings// sngon du su 'phrad khyur mid byed// lha chen brgyad kyi dbang po bral// klu chen brgyad kyi don snying 'byin// rgyu skar rnams kyi gral yang dkrug/ bar snang dgu tshigs dum bur gtub// srid pa'i ri rab tsog por 'phang// rgya mtsho chen po zho ltar dkrug/ nyi ma zla ba klad la bskor/ 'jig rten rgyang mar 'phen pa yi// gnod sbyin chen po'i drag sngags ni// 'gro ba rnams la brgyab pa na// de ma thag tu rengs par 'gyur// zhags bdun shing gcig rtsa ru 'dug/ sngags pa dmu yi chas su zhugs// yungs kar thal chen skye ba dang// gu gul nag po rta nag khrag/zer mo'i spu dang dgra bo'i rjes// khyim bya'i sgong skogs snod nang du// gu gul nag por dam spos sbos kyang la// zhag bdun mi bar mi gcad par// dmu bdud chen po'i drag sngags bzlas// tsi bar tsi bar ra tsa si ti sa ma ya thibs dza/zhung zhung ra dza A ho b+h+ruM rbad/ kril kril sha ma ru tri ma ho dzaH/ rmugs rmugs rak+sha rA tsa dum bu shig/ kyugs kyugs tsit+ta zung song ma le thun thun ma le ra tsi thun b+h+yo// thums thums rA tsa sa ta mi tsakra ba mo la// che ge mo spud spud/ dmu bdud chen po'i dmod sngags bzlas// gang la brgyab pa shing bzhin rengs// gal te sngags pa grong khyer zhugs// chom rkun dag gis 'tshe byed dam// yang na dur khrod dgon par gnas// seng ge stag dang spyang ki sogs// gcan zan khro bo 'byung gyur na// sngags 'di bzlas la mgul khugs bcangs// tse bar zhung zhung/ kril kril rmugs rmugs kyugs kyugs thums thums rbud rbud/mgul khug rdzas kyis de la rgyob// rengs par 'gyur ro de ltar gyis// rang gi 'jigs med gnas slebs tshe// de'i tshe drag sngags mgo zhabs bzlog/ de yis gnod pa grol bar 'gyur// dmu yi drag sngags dmod mo'i ting nge 'dzin to// bde gshegs bka' yi bstan pa yis// 'jig rten dregs pa dmod pa'i sngags// gad mos tA la mgo bcad bzhin// dregs pa btsan gyi rgyal po ni// shu bo rdo rje srog len te// dmar po skye 'gro'i srog kyang gcod// brag btsan rgyal pos ltas ngan 'gyed// de yi drag sngags dbab pa'i thabs// brag dmar chol bzang rtsar song la// sngags pa btsan gyi chas su zhugs// gser mig can gyi thod pa ru// gang la bya ba'i gzugs bcug la// thog gis bsad pa'i mchog phur la// khrag dang dug gis ngar blud ste// btsan gyi drag sngags bzlas la brdeg/sa ma ya tri shi rbad b+h+yo/ oM skor sod chum zlog dril/ non yaM yaM/ sprugs sngams/ myag myag dun dun thum ri li li/ btsan sha long la btsan gyis khrag 'thung/ ro khur sme sme/ ke ke rim rim zer sad bstan pa 'jig pa'i srog chod dbugs long/snying la thum snying la thum/ trag sha trag sha dgra bo'i snying la shog/ sra brtan brag gi mnga' bdag dus la bab/ dam nyams dgra la bdud du phob// btsan gyi shod mas thog btsan gyi se long gis mngag pa'i las la khyod ma yel b+h+yo/rnal 'byor pa yis zhag brgyad du// gnyid kyi bar chod rab spangs la// btsan gyi drag sngags bar med zlos// dgra bo'i lus sems 'bral bar nges// btsan gyi drag sngags dmod mo'i ting nge 'dzin to// gza' bdud chen po rA hu la// sgra gcan 'dzin gyi drag sngags 'di// gza' bdud gdug pa'i las yin te// ki kang dbab dang gshed bzhi'i las// 'jig rten khams ni kun khyab ste// khyab 'jug chen po rA hu la// thog dang chu 'khyags ser ba 'bebs// srid pas ma srid mgar gyis ni// ma brdungs ye srid byung ba ni// byang chub sems kyi ngar dbang can// rlung gis ma blud bshad pa dang// ye blud mtshon dbal ngar can de// 'byung ba gzhan gyis mi tshugs cing// nyid kyis gang la thogs med 'joms// drag po'i gnam lcags thog mtshon ni// de dang chu 'khyags myur dbab thabs// ri gsum rtse la gcer bur gnas// sngags pa gza' bdud chas su zhugs// thog grir shi ba'i thod pa'i nang// gser dang zangs lcags 'khar ba dngul// thod pa kha sbyor rgyu mas bcing// nang du thog gi 'khor lo la// gza' bdud sngags rnams spel la bri// thog gi steng du 'ong bar bya// rA hu la trag sha tsa pa ni ya/ pa sha mi ki ru ru ma ki dz+wa la ti/ ya ma snying ya ma khrag rA hu la hril hril phrom phrom shar shar b+h+yo b+h+yo phaT/ba tha ra A be sha phrom hril shar phob/ zhag bdun kha rlangs ma shor bar// nyung dkar sngags nas gtar bcug na// thog dang ser bas yul mkhar 'joms// gza' bdud rgyu ba'i dus dang bstun// gza' bdud rA hu la'i drag sngags dmod pa'i ting nge 'dzin to// pad+ma dbang chen dregs pa gnang 'bebs kyi rgyud las// dregs pa bdun gyi drag sngags gnad la 'bebs pa'i le'u ste drug pa'o//// de nas bcom ldan 'das kyis sde brgyad gnad 'bebs 'di gsungs so// sde brgyad rol pa'i dkyil 'khor 'dir// bka' thob bsnyen pa thob pa yis// brtags pa'i sa ru dkyil 'khor bya// dbus su 'brub khung drag po ru// dur khrod zhing gi ras chen la// khrag chen rtsibs la sde brgyad 'god// lha rgyal ma hA de ba dang// bdud rgyal ha nu pag sha dang// btsan rgyal shu bo srog len dang// gnod sbyin rag sha mgo dgu dang// klu rgyal sog ma med dang ni// gshin rje bye ba gung ring dang// srin mo me dbal nag mo dang// bgegs chen bi nA ya ga rnams// rang rang cha lugs mthun par bris// de la ting 'dzin bstan pa ni// yul gsum gsal bar gyur pa na// sde brgyad rten du byin gyis rlabs// dmigs gsum gsal bar gyur pa na// yid kyi 'gying phur thebs pa ste// sde brgyad dngos su snang bar 'char// mkhas pas bdag nyid dbang chen bsgom// srid pa'i lha srin khams gsum bkang// rnam shes rlung 'dra bkug la bstim// lha srin mtshon cha srog sngags brdeg/ma hA de ba ti dza ti dza/ la sra pa na la gar sha ka ra ka la ya/ hUM de ba rA tsa ma hA nr-i dza hUM/ nr-i thum thum rbad/ shag se sen dza dza hUM hUM/ ma hA de ba ka la ka ti dza res ri na/ e ni hri se ba na dza/nA ga ru ru he sa gan/ bu se na tA se/ u ge na se se tse da tse/ bu ye na de ba na mA ra ya/ tsa tu ra mu kha rag sha pra ma na/ ma hA de ba che ge mo'i srog la li pra ma ni/ dam nyams dgra'i snying la dzaHdzaH/ nA ga ru ru ha se/srog mA ra ya/ hri dam srog ri rtse thal ma ni dam/ kro ti kro ti kro la ya/ mA ra ya dam/ srog kaM ti kaM mA ra ya dam/ srog gaM shaM tri mA ra ya dam/ srog mu tri tru'u tri mA ra ya dam dzaHdzaH/ lha chen po'i srog gi chan pa'o// ru tra bdud tri ni ra pra na/ tri ya ma tra tri ya b+h+yo/ khaM khaM baM baM rbad/ che ge mo'i srog rtsa thun nr-i dzaHdzaH/ ya bdud kyi srog gi chan pa'o// smu tri tsa na d+ha dum dum buM baM/ kha la rag sha thum ri li li/ kha ba sha baM rag thum thum ri li/che ge mo ma ra Na nr-i dzaHdzaH/ dmu bdud srog gi chan pa'o/ hri dkar po tri dul dul snying khrag ril ril chom chom/ rtsa thun shig che ge mo ma ra Na dzaHdzaH/ gnod sbyin srog gi chan pa'o// nA ga tsa tsa na ni e nan ta/nA ga badzra la na ti san d+ha rak+Sha na/ che ge mo tsit+ta b+hasmi ku ru dzaHdzaH/ klu'i drag sngags dmod pa'i chan pa'o// ya ma tshan d+ha hri dz+wa la/ tse tra da ra na sha pa/ che ge mo nr-i mA ra la sod/ chom chom shig dzaHdzaH/gshin rje'i drag sngags chan pa'o// ma hA tsan d+ha rak+Sha hri tha ni ya ma tha ru ru tra mA ra ya/ che ge mo'i rna bye b+h+yo dzaHdzaH/ srin po'i srog gi chan pa'o/ ma hA ba du pra tra/ b+h+yi mu tsan d+ha tu si ni/ byi nA ya ga/ che ge mo'i tsit+ta la b+hu dza ta khA hi/he ka li ma hA tsan d+ha/ mA ra ya nr-i khug dzaHdzaH/ bgegs kyi srog gi chan pa'o// lha ma srin ni de rnams kyi// rang rang dag gi srog snying la// lcags kyi sdig pa kha brgyad pas// shin tu mtshan nas gnas pa yin// rang dbang med par snying khrag drang// de ma thag tu srog dang bral// lha srin 'dus pa'i chan pa'o// dam nyams kun gyi srog gcod po// pad+ma dbang chen dregs pa gnad 'bebs kyi rgyud las/lha ma srin sde brgyad gnad la 'bebs pa'i le'u ste bdun pa'o//// de nas bcom ldan 'das kyis 'jig rten du thog ser dbab pa 'di gsungs so// dben pa'i gnas su dam ldan 'dug/grir shi mi yi snying dang khrag/ rgya po khyi yi snying dang khrag/ ra yang rgya bo'i snying dang khrag/ dong bur blugs la sngags bzla'o// zla ba gcig gam gnyis su bsnyen// trag mu tra kha mu tra b+h+yo/ ra ra ya ya rbad rbad dus la bab bo// sa ma ya b+h+yo/ sa ma ya rak+sha b+h+yo/ ku ru ku ru rag sha b+h+yo/ ha he ha he rak+sha b+h+yo/ pad+ma rak+ta a mr-i ta/ bre gu gser thig dag dang gsum// rgyun gtor byas la gta' ru gzung// sku ni bcu gnyis las mi nyung// rang gi g.yas su gzhag par bya// sgrub pa dkyil 'khor gru gsum ste// mi rkang skyed po bzhi btsugs la// rabs chad thod pa'i nang du yang// ra khyi rgya bo mi khrag dang// chu mig chu sbyar blugs pa ste// glang ma'i byang bur skul tshig bris// zhing lpags kha bcad steng du gzhag/ kham kong zur gsum bdun nang du// thun bdun legs par bsham par bya// dang por nyung dkar ra khrag blug/ trag ni ru ma sha swA hA/gnyis par dre'u thod rus khrag brdzis// ma ma du yang phaT/ gsum par thod par yungs nag la// oM dub nur dub swA hA/ bzhi par mi khrag nyung dkar ro// oM ya tsi la 'du lu tshal pa tshal hUM hUM phaT phaT swA hA/lnga par khyi khrag 'o ma la// oM hab hab rub rub hUM phaT swA hA/ drug par sngo sna 'o ma mar/ oM dud shing mA ra ya pa ta na phaT/ bdun par sha ru tshil chen yin// oM pra shed ra na hUM phaT/ zhag bdun dgu bcu rtsa gcig bzlas// ma mo bskul par bya ba ni// g.ya' shing dud pa'i dbang mo che// sku ni mthing nag chen mo la// phyag na thog gi bu yug bsnams// srid bdag chen mo srid pa'i dpal// srid bdag chen mo kun gyi rje// khros pas klu 'brug bran du 'khol// ma mo chen mo gshegs su gsol// dam nyams yul du thog ser phob// dkon mchog gsum gyi bstan pa srungs// de nas las la sbyor ba ni// thog ser 'bebs na thun bdun po// yul lha klu dang btsan gnyan la// thab kyi sbyin sreg bya ba yi// ser ba mu khrid 'bebs pa na// b+han+d+ha glang ru gtar gzhug ste// glang ru'i phye ma skyi 'bru dang// lan tshwa yungs kar brngos pa la// ldong ros dang ni thal chen dang// bud med lo ni bcu bdun pa'i// mngal khrag bsres la blug par bya// glang ru zhing gi dbus su sba// thod pa zhing gi mtha' bskor nas// zhing gi mu ma dag la sba// rta kyi dza ho// khri tsho klu ba yang hUM ya/ ru lu ru lu swA hA/ brgya rtsa brgyad du bzlas par bya'o// pad+ma dbang chen dregs pa gnad 'bebs kyi rgyud las/ ma mo gnad 'bebs ser ba'i le'u ste brgyad pa'o//// de nas bcom ldan 'das kyis e ka dza ti'i rigs sngags kyis zhing bcu bsgral ba 'di gsungs so// ral gcig ro langs gsang bsgrub ni// dgra la khrag nad gtong ba'i thabs// drag sngags bya ba 'di gsungs so// byi tri pu tra lo bdun pa// man chad lon pa'i sha tshil la// dang po gtor ma gcig bya ste// drag sngags 'dis ni bod par bya// sku dngos byung na dngos grub ster// dri 'u dri 'u tridu/ ma ma sha sha dza dza b+h+yo b+h+yo/ gsang sngags yi ge bcu gsum 'dis// nyi shu rtsa gcig bsgrub pa na// rab ni zla ba gcig na yang// mngon gsum dag tu sgrol bar 'gyur// trag rag sha ma ma dza dza/ sa ma ya snying la rbud rgyud/ tsit+ta rak+ta thun dza b+h+yo/ma ma srog sham sham khyer b+h+yo/ trag rag mo e ka dza ti dza/ ma ma snying mu rag ti sha la rbad/ ma ma tsa pa le mu ru/ khrag snying mi rbud/ ling+ga la nyung dkar brdeg/ tsit+ta mngon du 'ong bar 'gyur// ral gcig ro langs gsang bsgrub yin// pad+ma dbang chen dregs pa gnad 'bebs kyi rgyud las/ e ga dza ti'i gnad 'bebs kyi le'u ste dgu pa'o//// de nas bcom ldan 'das kyis klu la gtad pa 'di gsungs so// gdug pa klu la gtad bya na// ling+ga mdze khrag bri bar bya// mtha' ma sngags kyis bskor bar bya// mdze thod nang bzhugs gru gsum gzhug/ bdag nyid dbang chen gsal ba yis// bsnyen pa zhag ni bdun du bzlas// ni nA gas zung zung ni/ nA gas rbud rbud/ ni nA gas hring hring/ dgra bo'i tsit+ta gyur ling nan/ thibs thibs khyer khyer/ rlag shing lhar che ge mo mA ra ya rbud/ stag dang dom dred seng ge rnams// rtags su 'khol na bzang ba yin// nA ga rA tsa a mr-i te g+ha tsa ga kha khA hi/ nA ga du ma tha le nA ga rA tsa a nan te swA hA/ dkar gsum mngar gsum mchod sngags so// bsgrub pa zhag gsum thun brab pa// nyung dkar nyung nag thun du brab// nA ga hu ya b+ha ling dung sa che ge mo thun sod/ zung nA ga shig shig/ ro la thibs thibs/ mA ra ya sod/ sha tra pa tra tsit+ta gu la nan/ mA ra ya rbud/ ling+ga la cha'i ri lur gzhug/de ni mdze thod glang rur gzhug/ yugs sa'i zhabs mas gril la gtad// rgyal rigs nam mkha' 'dra ste g.yel// rje'u rigs chu 'dra 'joms pas 'byams// bram ze sa 'dra 'gul zhing lci// dmangs rigs me 'dra shin tu drag/ de la gtad na myur ba yin// sangs rgyas bstan pa bsrung bar nus// pad+ma dbang chen dregs pa gnad 'bebs kyi rgyud las/ klu'i dregs pa gnad la phab nas zhing bcu pha tshan ma lus par bsgral ba'i le'u ste bcu pa'o//// de nas 'khor gyi tshogs ma lus pa thams cad las/ ye shes 'khor rnams ni 'og min gyi gnas na dgongs pa la spyod cing rjes su yi rang bar gyur to// 'jig rten gyi 'khor rnams kyis bstan pa bsrungs zhing bka' bzhin phyi rabs kyi rjes su bsrung bar gyur to// bcom ldan 'das thams cad mkhyen pa'i ye shes can ni/ chos kyi dbyings rnam par dag pa'i ngang du/chos sku dri ma med par bzhugs so// mkha' 'gro'i tshogs kyis rgyud 'di yi ger bris nas/ phyi rabs kyi gang zag chos kyi spyan lam sla spro bar gyur to// pad+ma dbang chen dregs pa gnad 'bebs kyi rgyud las/rjes su yi rang zhing/ rgyud gtad pa'i le'u ste bcu gcig pa'o//// pad+ma dbang chen dregs pa gnad 'bebs kyi rgyud rdzogs so// paN+Di ta pad+ma sam b+ha wa dang/ lots+tsha ba kha che A nan tas bsgyur ba'o/

CLOSE WINDOW