CLOSE WINDOW

Gpb022.004
བོད་ཡིག

/ rgya gar gyi paN+Di pad+ma sam+b+ha ba dang/ bod kyi lo tsA ba kha che A nan tas bsgyur ba'o//// rgya gar skad du/ shrI pad+ma ma hA ba sha/ pad+ma nr-i te shwa ra duSh+ta khA da nau0f85 be sha na karma tan+t+ra nA ma/bod skad du/ dpal pad+ma dbang chen pad+ma gar gyi dbang phyug gis dregs pa can gzan la 'bebs pa'i phrin las kyi rgyud ces bya ba/ dpal rdo rje dbang chen po lhun gyis grub pa'i sangs rgyas la phyag 'tshal lo// 'di skad bdag gis thos pa'i dus gcig na/ bcom ldan 'das khams gsum gyi bdag po chen po ni/ chos nyid rnam par dag pa'i gzhal yas khang na/ 'khor dus gsum gyi sangs rgyas rnams dang dbye ba med par bzhugs so// de'i tshe de'i dus/ thams cad mkhyen pa'i ye shes kyi snang bas gzigs pa ni/ shes bya ji lta bar mkhyen pa'i ye shes kyis/ stong gsum gyi stong chen po'i 'jig rten gyi khams kyi sems can ji snyed pa rnams kyi sems nyid ni yang dag par rdzogs pa'i sangs rgyas rdo rje 'chang chen po'i thugs dbyer med cing tha mi dad de so so ma yin la/mi gnyis par gcig tu mkhyen to// shes bya ji snyed mkhyen pa'i ye shes kyis ni phyi snod la gzigs pas sa mi 'gyur ba chos kyi dbyings las sangs rgyas spyan ma dang/chu rgyun chad pa med pa chos kyi dbyings mA ma ki dang/ mnyes pa'i skyon dang bral ba las gos dkar mo dang/rlung thogs pa med pa las dam tshig sgrol ma dang/ nam mkha' yangs shing go 'byed pa las kun tu bzang mor gzigs so// gzugs kyi phung po sa las rnam par snang mdzad dang/ rnam par shes pa'i phung po nam mkha' las ni mi bskyod pa dang/tshor ba'i phung po chu las rin chen 'byung ldan dang/ 'du shes kyi phung po me las tshe dpag med pa dang/ 'du byed kyi phung po rlung las don yod grub pa gdon mi za ba dang/phung po lnga yang rigs lngar gzigs so// mig la me rlung rgyu bas gzugs kyi mchod pa dang/ rna bar rlung gi rlung rgyu bas sgra'i mchod pa dang/ sna la sa'i rlung rgyu bas dri'i mchod pa dang/ lce la chu'i rlung rgyu bas ro'i mchod pa dang/lus la nam mkha'i rlung rgyu bas reg pa'i mchod par yang gzigs shing mkhyen to// de ltar mya ngan las 'das pa'i khams gsum gzigs nas/ 'khor ba'i dregs pa can rnams la gzigs pa ni/gti mug las klu'i ngan gtad gtong bar mkhyen to// zhe sdang las srog mthu byung bar gzigs so// nga rgyal las thog dang ser ba byung bar mkhyen to// 'dod chags las dbang sdud bor bsgrub byung bar gzigs so// phrag dog las sngags pa stobs 'joms sa phyir bzlog byung bar gzigs shing mkhyen to// de nas 'gro ba rigs drug gi las la gzigs pa ni/ tshad med pa bzhis tshangs pa la sogs pa'i gzugs khams kyi gnas su gzigs so// blta dgongs ma rtogs pa'i bsam gtan gyis gzugs med mu bzhir gzigs so// dge ba bcus 'dod khams mtho ris thob par gzigs so/mi dge ba bcus 'dod khams ngan song gnas gsum thob par gzigs so// de ltar ma 'dres par mkhyen pa'i ye shes 'khor 'das kyi bye brag bsam gyis mi khyab pa rnams mkhyen pa ni/ dper na sman pa mkhas pas lag mthil du skyu ru ra rlon pa bzhag pa bzhin du gzigs shing mkhyen to// shes bya ji lta ba dang ji snyed pa dbyer med par mkhyen pa'i ye shes kyis ni 'khor bar snang ba nyid mya ngan las 'das pa nyid las ma g.yos shing/mya ngan las 'das par snang ba nyid las gzhan med de/ dper na chab rom du snang ba'i dus nyid na chur gnas pa kho nar gzigs so// gzigs su yang med/ gzigs pa yang mi 'gag/gzigs thabs bsam gyi mi khyab/ gzigs bya dang gzigs byed las grol na yang/ sgyu ma'i cho 'phrul chen pos khams gsum gyi gdul bya dregs pa can 'dul par gzigs so// de nas yum pad+ma gzi ldan pad+ma can gyis glu 'dis bskul lo// e ma ho// thabs ni snying rje chen po nyid// shes rab stong pa nyid kyi ngang// stong nyid snying rje chen po can// thabs dang shes rab 'gro don mdzod// e ma ho// shes rab yum gyi b+ha ga ru// thabs mchog yab kyi ling+ga yis// b+ha gar ling+ga mnyam bzhag nas// sprul pa'i sras kyi phrin las mdzod// e ma ho// snod kyi 'jig rten shes rab ste// mi dmigs chos dbyings stong pa'i mdzod// bcud kyi sems can thabs yin te// ma 'gags sems kyi cho 'phrul snang// snod bcud gnyis med 'brel ba yi// blo dang gnyis po rnam par bsres// blo dngos bsres pa'i lta dgongs kyis// 'khor ba mya ngan 'das par spyod// shes rab kun gzhis stong pa nas// thabs kyi sems nyid 'gag pa med// rnam shes tshogs brgyad kun ldan pa// tshogs brgyad ye shes rnam lngar sbyor// e ma ho// ma rig 'khor ba'i 'gro drug rnams// bde chen yab kyi sku la sbyor// nga rgyal dregs pa'i lha srin rnams// sangs rgyas bstan pa bsrung bar mdzod// e ma ho// dus 'dir phun sum tshogs ldan zhing// 'brel dang ma tshang med pa'i phyir// pad+ma dbang chen he ru ka'i// rgyud chen bshad pa'i dus la babs// e ma ho// dgongs dang dgongs min bdag gab sbas// de min bzung bar bde ba yi// lung chen rgya mtsho lta bu las// dus 'dir lung chen bshad du gsol// e ma ho// kun bzang thugs kyi dkyil 'khor du// zab mor gnas pa brdas mtshon nas// bdag gi rna ba'i dbang por blug/ mi bslu'i nges don man ngag shod// e ma ho// rgyud dang lung dang man ngag gsum// dmangs dang rje dang rgyal po'i tshul// gcig la gcig dgos rgyan du che// rgyud lung man ngag bshad du gsol// zhes zhus so// de nas bcom ldan 'das dpal pad+ma he ru ka nyid/ chos kyi dbyings nam mkha' lta bu'i ngang nas/ nyi zla lta bu'i sku bzhengs nas// dbu lngas rta gdangs kyis skad phyung nas/ phyag drug gi 'jigs pa'i mtshon cha sna tshogs pa gsor zhing/zhabs brgyad kyis 'jig rten las 'das pa'i khro bo brgyad mnan nas/ rdo rje 'degs gshog gis lta pa'i dgongs pa 'phang sa bcad/ rin chen 'dzum gshog gis sems can la sbyin pa yid bzhin nor bu rin po che ltar char bzhin phab nas/gsung du med pa'i brjod pa 'di mdzad do// e ma ho// thabs ni 'gag pa med pa'i ye shes yin// sangs rgyas kun la mkhyen pa'i ye shes mnga'// ye shes mkhyen las ma gtogs thabs gzhan med// thabs de mthong na thabs gzhan sgyu ma 'dra// shes rab 'gyur ba med pa'i chos nyid yin// sangs rgyas rnams kyis gsungs rung ma gsungs rung// sems can rnams kyis rtogs rung ma rtogs rung// chos nyid 'gyur ba med par ye nas gnas// thabs dang shes rab de nyid rtogs gyur na// gang gis rtogs pa'i 'khor ba'i sems can rnams// bde chen chos sku dri ma med pa yin// de ltar rtogs pa'i rnal 'byor sgrub po rnams// dregs pa ma lus 'khor zhing bstan pa bsrung// de phyir dregs pa gzan 'bebs rgyud bshad kyis// phyi rabs ma 'ongs don du legs par nyon// zhes gsungs so// pad+ma dbang chen dregs pa gzan la 'bebs pa'i rgyud las/ gleng gzhi dang gleng bslang ba'i le'u ste dang po'o//// de nas bcom ldan 'das kyis rgyud lung man ngag gsum gcig tu 'brel pa'i e waM ma yA 'di gsungs so// rgyud 'di dmangs dang 'dra ste bya ba mang// las rnams ma lus rgyud kyis 'grub par byed// lung 'di rje dang 'dra ste gzung bar bde// 'bangs rnams ji ltar 'dod pa'i dgos dgu 'byung// man ngag ma dang 'dra ste mi bslu nges// rgyal po lta bur rang sa 'dzin pa'o// rje yis rang sa 'dzin par ma gyur na// rje yis 'bangs kyi chos kyang mi byed la// 'bangs rnams las la gang gis bkol mi nus// de phyir rgyud dang lung dang man ngag gis// e waM ma yA rab tu bshad kyis nyon// rgyud rnams kun la phun sum tshogs pa lnga// 'di ni nye bar mtshon pa e ru gnas// chos dbyings 'og min btsun mo'i b+ha ga dang// 'dzam gling la sogs stong gsum gnas su 'dong// skad ni gsal byed las ni waM gyis mtshon// stong pa gsal byed sku gsum la sogs te// rang bzhin chos sku longs spyod rdzogs mdzad pa// sprul skus chos kyi don rnams ma lus gsungs// bdag ni ma ste 'khor dang sdud pa'o// nyid las mi gzhan 'khor ni bde bar gshegs// sras tshogs sems dpa' sems ma yab yum dang// gdug pa 'dul byed khro bo mang po'i tshogs// bstan pa srung byed phyi nang lha srin rnams// dad pas gtam nyan rig 'dzin pho mo rnams// thos pas yA ste bstan pas rang rgyud 'dul// nyon mongs gdul bya stong phrag brgyad cu bzhi// de snyed chos rnams bshad pas nyon mongs zhi// rmad byung chos kyi 'khor lo ma lus gsungs// phun sum mchod rten rgyud don tshang ba ni// lta spyod dkyil 'khor dbang dang dam tshig dang// phrin sgrub mchod sngags ting 'dzin phyag rgya sogs// thabs dang sman sbyor chu bo'i dpe yis mtshon// mi nub rgyas phyir gtad nas rjes yi rang// bdag rkyen mdzad pa'i bka' rnams sgra yis bshad// lung rnams 'dod spyod bdun du kun gnas kyang// bzung bde lung dang mtshungs pa lung du grags// rang bzhin dkyis 'khor bskyed dang ye shes bsgrub// rdzogs pa'i rim pa bzang por bsgom pa'o// rang bzhin dkyil 'khor gnas dang bdag po yin// e ni nam mkha' gru gsum chos kyi dbyings// baM ni khrag mtsho bdud rtsi'i bum pas mtshan// ma ni rgyas byed sha chen ri rab bcas// yA ni rlung nag rdo rje rgya gram gtams// dbang chen 'byung ba e baM ma yAr gnas// e ni gru gsum dkyil 'khor pho brang mchog/ baM ni khams gsum dbang sdud zla gam mdzes// ma ni rgyas byed gru bzhi sgo khyud bcas// yA ni spros bral zlum po 'khor yug bcas// e ni drag po dregs pa pho mo rnams// baM ni de yi yum chen bud med dbang// ma ni chags med rgyas pa'i pad+ma'i gdan// yA ni nyi zla'i gdan gyis yongs su mdzes// gnas dang gdan bcas e baM ma yA las// grub pa'i phyir na rgyud 'dir gsal bar bshad// gnas kyi bdag po bskyed par bya ba yang// e ni rnam thar sgo gsum sku gsum mtshon// sku gsum rang bzhin dbang chen yab kyi sku// dkyil 'khor dgu ldan lhun gyis grub pa'i sku// baM ni dbang sdud gzi ldan pad+ma can// bde ba bzhi yi bdag nyid tshe gnas gsum// ma ni yid skyob b+ha ga ling+gar 'brel// thugs ka ye shes sems dpa'i sku la 'khril// gzi ldan pad+ma sbyor ba'i byang chub sems// mkha' gsang sbyor ba gsang ba'i sna rtse la// thugs kar gnas pas nang gi sna rtse nyid// byang chub sems ni rlung gis bskul ba las// shangs kyi bu gar de nyid thon gyur pa// de ni phyi yi sna rtser rgyal bas gsungs// yA ni 'khor gyi tshogs rnams rgyas par bskyed// sku gsung thugs dang yon tan phrin las lnga// spyir bsdus pa ste kham rgya chen po drug/ chos nyid chos sku ma mthong long ba brgyad// longs sku sprul sku ma mthong dmus long brgyad// sems can rnams la brda' ru bstan pa'i 'khor// za byed khyi brgyad ye shes khyi bcu rnams// phrin las 'gro ba ma lus bsrungs shing skyong// sgo bzhi sgo skyong sangs rgyas lam du 'dren// theg chen dgu dang rnam par thar pa brgyad// ye shes drug dang sku gsung thugs rnams kyis// thams cad gsang ba'i dkyil 'khor nang du 'dren// e ni rigs lnga'i rgyal ba la sogs rnams// rdo rje slob dpon lta bur nam mkhar byon// baM ni rigs kyi yum rnams bum pa thogs// las kyi slob ma lta bus chu rgyun 'bebs// ma ni dbu la dbang rtags rigs lngar bzhugs// yAs ni sku dang gsung dang thugs rnams la// gsang ba shes rab ye shes bde chen gyis// byin gyis brlabs pas sku gsung thugs rnams ni// mi zad rgyan gyi 'khor lor gyur pa nyid// dbang dang byin rlabs don du bshad pa yin// ye shes dkyil 'khor spyan yang drangs nas 'grub// e ni e h+ye hi zhes brda' mtshon sgras// dbyings nas ye shes mdun du spyan yang drangs// baM ni sgra yi rnam par mtshon nas ni// sa ma ya ni pa ti nan zhes pa// phab nas gnyis su med par bstim par bya// ma zhes ma hen dra yi sgras mtshon nas// phyi dang nang dang gsang ba de kho na// phyag mchod ma lus pa yis mnyes par bya// bzlas pas bskul bas thugs mnyes thugs dam bskul// ya ni ya hi gats+tsha brjod par byas pa yis// dam tshig dkyil 'khor sgrub pa bdag la bsdus// spyan drangs rnams ni rang rang gnas su gshegs// rdzogs pa'i rim pa bzang po gang bsgom pa// e ni lte ba chos 'byung gru gsum nyid// sa rlung rang gi gnas nas thams cad bskyed// ma lte bu lter 'brel nas sprul sku 'byin// baM ni snying gar gnas pas srog rtsar gyis// chu rlung rang gnas lus kyi khrag rnams rgyas// srog rtsa rtsa bo che las smad khrag rgyas// srog rtsa las gyes rtse'u chung stod khrag rgyas// ma ni mgrin par gnas pas gsung dbyangs rgyas/zas dang sgom rnams spyad pas lus zungs rgyas// me rlung rang gnas mgrin par thams cad smin// smin pa'i dwangs mas lus khams bdud rtsi rgyas// yA ni spyi bor gnas pas rlung gi rlung// rlung gi las kyis 'byed cing phrin las byed// tha ma sgal tshigs rta las byang chub sems// thur du drangs nas sa bon 'jig pa dang// 'khor ba'i sems can skye ba'i rgyu yang byed// rigs ldan rnal 'byor dbang phyug chen po rnams// spyi gtsug tshangs pa'i bu ga kha bye nas// 'og min mkha' spyod gnas su sems nyid 'gro// lung rnams gzung bde lag len bskyed rdzogs yin// man ngag skyes bu'i thugs la gang gab pa// e ni gru gsum phyi dbyibs snying du gnas// nang du kun gzhi ma bcos byang chub sems// dkar nag las rnams gsog pa'i snod yin yang// chos kyi dbyings su shes pas gos pa med// baM ni mi shigs thig le rnam shes yid// phyi nang kun la dbang bsgyur gang snang 'char// me long ye shes dri med chos kyi sku// kun tu bzang po chos sku dri ma med// ma ni nyon mongs yid de nyon mongs lnga// rigs lnga'i sangs rgyas rnams kyang dug lnga yin// me long lto rgyab log pa lta bur gnas// dug lnga rigs lnga dbyer med rtogs par bya// ma rtogs rigs drug 'gro ba dug lnga yin// rigs drug rigs lngar shes pas 'khor ba stongs// yA ni sgo lnga'i rnam par shes par gnas// sgo lnga'i rnam shes 'dod yon lnga la spyod// mig gzugs rna ba sgra ste sna la dri// lce la ro ste lus la reg byar gnas// 'di lnga mchod pa'i lha mor shes par bya// de las ma rtogs mchod pa'i lha mo med// ces gsungs so// pad+ma dbang chen dregs pa gzan la 'bebs pa'i rgyud las/ rgyud lung man ngag mi shes pa'i dregs pa gzan la 'bebs pa'i le'u ste gnyis pa'o//// de nas bcom ldan 'das kyis dbang chen sku gsung thugs bsgom pa 'di gsungs so// sku bzhi gcig tu bsgom pa'i kun tu zhal// zhal bzhi sku mdog pad+ma rA ga'i mdog/g.yas kyi phyag brgyad rdo rje lcags kyu dang// sbrul gyi zhags pa mu stegs mgo bo dang// tri shUl rtse gsum rdo rje rtse dgu dang// rtse lnga re gsum rtse gcig 'bar ba bsnams// g.yon gyi phyag brgyad rdo rje lcags kyu dang// lcags sgrog sdigs mdzub chang bar snying yang bcug/ thod pa rlon pa khrag gis bkang ba dang// khro chen snying dang kha T+wAM rtse gsum dang// gshin rje'i dbyug pa be con chen po dang// kha T+wAM Da ma ru ni lhan cig bsnams// bde gshegs sku yi kham rgya mo// bdud kyi dred mo rkang gsum zhon// 'khor lo thod pa lag na thogs// smug nag gti mug can rnams 'dul// pad+ma gsung gi kham rgya mo// lcags kyi spyang mo mgo dgu zhon// phyag na pad+ma thod pa bsnams// dmar po 'dod chags dbang du sdud// rdo rje thugs kyi kham rgya mo// zangs kyi 'phar mo mgo brgyad zhon// dkar dmar zangs mdog zhe sdang 'joms// rdo rje rtse lnga b+han d+ha bsnams// rin chen yon tan kham rgya mo// g.yu yi spyang mo rkang gsum zhon// mthing ga rin chen thod pa bsnams// nga rgyal can rnams dbang du sdud// phrin las pho nya kham rgya mo// gser gyi seng ge rngam pa la// ljang ser ma mo rgya gram 'dzin// rlon pa'i b+han d+ha phrag dog 'joms// khyab pa'i ye shes kham rgya mo// dkar mo stag mo chibs su chibs// gri gug b+han d+ha phyag na bsnams// kun la thogs pa med par rgyug/ shar phyogs long ba rgyab 'brel ni// 'brug chen sngon po chibs su chibs// na bza' le brgan dpung zlum can// ye shes sgron ma rdo rje thogs// 'khor gyi dmus long bco lngas bskor// phyag na 'od zer sgron ma bsnams// lho phyogs long ba rgyab 'brel ni// lcags kyi drel rta chibs su chibs// phyag na lcags kyi khyung sder bsnams// na bza' gser ras sgron me gsol// dmus long bco lnga 'khor blang bcas// phyag na rin chen sgron me sbar// nyung dkar bgegs la mda' ru 'phen// nub phyogs long ba rgyab 'brel ni// ban glang dkar po chibs su zhon// na bza' klu sbrul lpags pa gsol// sbrul zhags ye shes sgron ma bsnams// 'khor gyi dmus long bco lnga ni// 'bud dung g.yas su 'khyil ba dang// pad+ma'i sgron ma phyag na bsnams// byang phyogs long ba rgyab 'brel ni// chu srin dmar po chibs su chibs// na bza' ser gyi dpung blug can// phyag na zhing dbyug sgron me 'bar// 'khor gyi dmus long bco lnga ni// me sgron bsnams nas sha khrag za// za byed dpal gyi khyi brgyad ni// shar na lcags khyi mgo brgyad la// mkha' 'gro gri gug thod pa dkar// shar lho lcags khyi mgo brgyad la// dpa' bo gri gug thod pa ser// lho na lcags khyi mgo brgyad la// dpa' bo gri gug thod pa mthing// lho nub lcags khyi mgo brgyad la// shugs 'gro gri gug thod pa smug/ nub na lcags khyi mgo brgyad la// mkha' 'gro gri gug thod pa dmar// nub byang lcags khyi mgo brgyad la// mkha' 'gro gri gug thod pa ser// byang na lcags khyi mgo brgyad la// dpa' bo gri gug thod pa ljang// byang shar lcags khyi mgo brgyad la// mkha' 'gro gri gug thod pa ser// ye shes sprul pa khyi bcur bcas// shar na mgo dgu rkang gcig po// sta re g.yas la lcags kyu g.yon// lho na mgo brgyad rkang lag brgyad// g.yas na rdo rje g.yon na phur// nub na mgo drug rkang lag drug/ g.yas pa phur pa g.yon gtor ma// byang na mgo gsum rkang lag gsum// phyag na sha za khrag la spyod// de nas pad+ma dbang chen gyis// gsung gi gsang sngags rab tu bshad// gsang sngags rab tu ngo mtshar ro// mchog dang thun mong las rnams 'grub// oM pad+ma shrI he ru ka ma hA tsaN+Da sarba duSh+tAn/ha na ta ka pa tsa hUM phaT/ sku'i sngags so// oM pad+ma bi ta si ta ha he tsakra b+h+yo b+h+yo hUM hUM phaT/ gsung gi sngags so// oM hu lu hu lu hUM phaT/ e A ra li hUM hrIHdza/thugs kyi sngags so// oM hrIHha ha hUM hUM phaT/ yon tan gyi sngags so// hri di ma d+hA ri ha ya g+h+ri wa e ga dza ti hu lu hu lu hUM hrIHdza dza/ phrin las kyi sngags so// de nas pad+ma dbang chen gyis// lcags kyi gsang ba rab tu bshad// srog 'dzin rlung ni kun gyi bdag/ de nyid pad+ma dbang chen sku// de las rtsol ba'i rlung byung bas// 'byung ba bzhi dang 'byung chung lnga// dkyil 'khor dgu yi lha ru 'gyur// mig la me yi rlung rgyu yang// gzugs mthong sku yi kham rgya mo dang// lce la chu yi rlung yang rgyu// ro myong gsung gi kham rgya mo// lus la nam mkha'i rlung yang rgyu// reg shes thugs kyi kham rgya mo// sna la sa yi rlung yang rgyu// dri tshor yon tan kham rgya mo// rna bar rlung gi rlung yang rgyu// sgra thos las kyi kham rgya mo// de lnga yid kyi nang du 'dus// kun khyab ye shes kham rgya mo// 'khor ba rnam rtog bag chags rlung// 'das pa rtog med ye shes so// 'khor 'das gnyis su rgyab gyes pas// de phyir long ba rgyab 'brel shar// phyir ldang rlung las 'dod yon lngas// sangs rgyas mnyes shing sems can tshims// nang 'jug rlung las sku gsung thugs// yon tan phrin las dngos grub thob// khong nas rlung las ye shes lngas// dngos grub rang la thob pa'o// 'byung 'jug gnas pa bco lnga las// de phyir dmus long bco lnga'i 'khor// thabs mchog dmangs la rgya che zhing// shes rab stong pa nyid du zab// rnam par rtogs pas ya bral bzung// de phyir long ba rgyab 'brel lho// rlung 'di phyir ldang oM du 'phro// de las bder gshegs sku lngar gsal// nang du hUM 'jug hUM du 'dus// de las sangs rgyas thugs lngar thim// khong nas rlung gi yi ge AH// rgyal ba'i gsung lngas rtogs pa skye// de phyir rlung lnga'i dmus long 'khor// bem po 'byung ba'i rlung dang ni// rig pa sems kyi rlung gnyis las// bem rigs gnyis med ma shes pas// de phyir long ba rgyab 'brel nub// phyir ldang pho rlung rnam lngar 'phro// pho yi rlung gis 'dar zhing dgod bskyod kyang/ nang 'jug mo rlung rnam lngar 'dus// mo yi rlung gis 'dar zhing 'jums [(]'dzums[) ]/khong gnas ma ning rlung du thim// ma ning mi rtog thom gyis 'gro// pho mo ma ning bco lnga'i rlung// de phyir dmus long bco lnga'i 'khor// dbyings kyi rlung lnga yum du gsal// ye shes rlung lnga yab tu gnas// yab yum 'brel bar ma shes pas// de phyir long ba rgyab 'brel byang// phyir ldang 'gro ba'i dug 'joms nas// nang 'dus rigs lnga'i dngos grub blang// khong nas sku lngar rang byung gsal// lnga gsum de ni dmus long 'khor// dgun dus sa yi rlung rgyu 'khyags// de yang nyin mtshan rnam pa gnyis// dpyid dus rlung gi rlung yang rgyu// de dus rlung gnyis nyin mtshan gnyis// dbyar dus chu yi rlung rgyu bas// chu rnams 'khrugs pas nyin mtshan gnyis// ston dus me yi rlung rgyu bas// 'bras bu smin byed nyin mtshan gnyis// dus bzhi nyin zhag brgyad phyi'i phyir// za byed dpal gyi khyi brgyad bstan// phung po lnga la gnas pa'i rlung// dbang po lnga la mgrin pa'i rlung// de dag bcu ru gyur pas na// ye shes sprul pa'i khyi bcur gnas// mtshan bcas bsgom par gang 'dod pas// bltas pas long bas sku la blta// bsgom pas yongs rdzogs sku ru bsgom// bcur bas long bas dbugs la bshur// ma byung log gnon zhag gsum bya// 'byung ba brtan pa'i cho ga bya// sku grangs mang por bsgom pa dang// chen po rags par bsgom pa dang// rang nyid skur bsgom dkyil 'khor zhugs// mtshan bcas la brten mtshan med 'gyur// mtshan bcas bsgom pa'i man ngag dgu// dbang gi dkyil 'khor chen po ru// las can skal ldan gzhug pa'i phyir// shar du sgo srung mgo ru bstan// mtshan med bsgom pas gang 'dod pas// gnas pa dang ni dmigs pa gnyis// 'od gsal ba dang zung 'jug bzhi// de la yang ni dgra bzhi ste// dgra 'dul pa yi man ngag dang// dgra ni btson tu gzung ba dang// dgra rnams tshar yang gcad pa dang// dgra la dgrar mi 'dzin pa bzhi// mtshan med bsgom pa'i man ngag brgyad// lho phyogs sgo skyong mgo brgyad bstan// mtshan bcas mtshan med gzir gdab pa// lta ba bsgom du med pa dang// spyod pa yengs su med pa dang// lta spyod mi 'bral 'grogs pa gsum// tshe 'di'i gzer du gdab par bya// rigs drug grong khyer gcad pa dang// bar do'i lus 'di yid ma bsgom// 'od gsal zung 'jug rtse brag bsgom// de dag bar do'i gzer gsum yin// de phyir nub sgor mgo drug bstan// spros bcas mtshan ma'i spyod pa dang// spros med gsang ba'i spyod pa dang// shin tu spros med spyod pa gsum// zhugs phyir mgo gsum byang sgo bstan// brtson 'grus ldan pa'i man ngag gis// tshe 'dir sangs rgyas thob pa dang// le lo can gyi gang zag gis// bar dor sangs rgyas thob pa gnyis// de phyir me 'brug rlung 'brug bstan// tshe 'dir 'byung bzhi sems su thim// bar dor sems nyid lha skur 'char// de nyid sangs rgyas sar 'gro gsum// de phyir sku gsung thugs rnams las// yang sprul bse yi bya glag sogs// sprul pa mang po bstan pa yis// nyin zhag dag ni phrugs gcig la// nyi khri chig stong drug brgya'i rlung// rgyu bas pho nya 'gugs 'dren las// dbu yi spyi bo man chad nas// zhabs kyi gdan khri yan chad du// sprul pa'i pho nya mang por bstan// zhes gsungs so// pad+ma dbang chen dregs pa gzan 'bebs kyi rgyud las/ dbang chen sku gsung thugs kyi sgrub pas/ 'gro drug bde chen chos skur sbyor ba'i le'u ste gsum pa'o//// de nas bcom ldan 'das pad+ma dbang chen gyis gang zag gnyis sangs rgyas pa'i lam 'di gsungs so// brtson 'grus can dang le lo can// 'di dang bar dor sangs rgyas pa'i// gsang sngags 'bras bu bla na med// rab tu sbas pa bshad par bya// brtson 'grus can gyi gang zag tu// tshe 'dir mtshan bcas mtshan med bstan// dang por sku la blta bar bya// bltas pas dgongs pa thob gyur nas// bdag nyid sku ru bsgom par bya// bdag nyid sku la goms gyur na// de nas dkyil 'khor zhugs par bya// ma byung log gnon zhag gsum bya// de ltar thob pa'i rting la ni// de nas brtan pa'i cho ga bya// dgun ni nyi ma gsum char bya// dbyar ni nyi ma bzhi cha bya// lugs sku kun la blo glor blta// de ltar thob pa'i rting la ni// mtshan ma can la brten nas ni// mtshan ma med par rab tu bskyed// myur bar 'dod na spyod pa bya// sems ni 'phro ba dgag par bya// gnyis su med pa'i spyod pa bya// mtshan ma can gyi man ngag yin// mtshan ma med pa'i man ngag ni// dang por rlung la gnas par bya// sems can rnams kyi srog gyur pa// rlung zhes bya bas las kun byed// 'di ni rnam shes zhon rta ste// lnga yi bdag nyid bcu ming can// rang bzhin phra ba brgya dang ni// drug cu tham pa 'di dag ni// rlung gi bzhon pa'i rgyu yin te// nyin dang mtshan du rgyu ba'o// gnyis par ril 'dzin rjes gzhig dmigs// mgo bo nas ni rkang pa'i bar// ji srid snying gar phyin gyi bar// rnal 'byor yang dag mtha' la 'jug/ ril por 'dzin pa zhes bshad do// ji ltar dbugs kyi me long la// mtha' nas rim gyis dbus thim ltar// rnal 'byor yang dag mtha' la 'jug/rjes su gzhig pa zhes bshad do// gsum par 'od gsal bsgom par bya// da ni yongs rdzogs rnal 'byor gyi// gsal ba'i don ni bshad bya ste// stong pa gsum po rnam dag gang// 'od gsal bar ni 'dir bshad do// bsam gtan 'di ni bsam gtan min// 'dis ni mthar thug mi 'thob ste// nam mkha' lta bur phyogs gyur pas// 'od gsal ba ni mi dmigs te// 'od gsal ba yi gnas thob nas// rab dga'i gzugs su skye bar 'gyur// de tshe rab dga' rdo rje'i sku// kun gyi dbang phyug thob par 'gyur// 'das pa dang ni ma 'ongs pa// da ltar byung ba'i srid pa gsum// 'od gsal ba ni rnam dag pas// skad cig gcig la ma lus mthong// zhi bar zung du 'jug pa ni// kun rdzob dang ni don dam dag/ so so'i cha yis phye gyur na// yang dag nyid du 'dres gyur pas// zung du 'jug par de bshad do// mtshan med bsgom la dgra bzhi ste// dgra 'dul man ngag bshur ba ni// ji ltar sprin ni sna tshogs pa// mdog dang dbyibs ni tha dad pas// nam mkha'i ngang las byung nas ni// de nyid du ni thim par 'gyur// de bzhin rang bzhin thams cad kun// snang ba gsum gyi rgyu can te// ma lus yul la zhugs nas ni// 'od gsal bar ni 'jug par 'gyur// de 'dra rang bzhin ma shes pas// mi shes mun pas phebs nas ni// dge dang mi dge'i las byas nas// 'gro ba lngar ni 'khor bar 'gyur// thabs chen rgyud dang ldan pa la// nyon mongs byang chub yan lag bshad// dang po sems ni bshur bar bya// bshur ba tshad du phyin tsam na// sems ni rang log nyid du gyur// bshur ba tshad du phyin pa yin// la las tshad du phyin pas thob// la la bde ba'i sgo nas thob// la la shes pa 'tshams pas thob// la la kha bo dag gis thob// la lar spros pa bcas pa thob// de nas gnyis med bsgom par bya// gnyis med bsgom pa'i rting la ni// dang por sems ni gnas pa skye// de nas sems ni dmigs pa skye// dmigs pa skyes pa'i rting la ni// rang bzhin gyis ni 'od gsal skye// 'od gsal skyes pa'i rting la ni// zung 'jug bsgom pa skye bar 'gyur// le lo can yi gang zag de// srid pa bar dor sangs rgya bas// shi ba don dam bden pa yin// phung po khams dang skye mched rnams// 'byung ba chen po bzhi la thim// 'byung ba chen po bzhi po yang// sa ni chu la thim par 'gyur// chu ni me la thim par 'gyur// me ni rlung la thim par 'gyur// rlung ni rnam par shes par thim// rnam shes snang ba de la thim// snang ba snang ba mched la thim// snang mched snang ba thob la thim// snang ba thob pa bya ba ni// thams cad stong pa nyid la thim// thams cad stong pa 'od gsal ba// shi ba shes rab pha rol phyin// bde bar gshegs pa'i snying po yin// rnal 'byor pa yi grogs yin no// de las sprul sku 'byung ba ni// ji lta chu klung dwangs pa la// nya dag myur du 'phar ba ltar// de bzhin thams cad stong gsal las// sgyu 'dra bar ni 'byung bar bshad// de nyid bar do'i sku yin te// sngon 'byung srid pa'i sha gzugs can// dbang po kun tshang thogs med ldan// rigs mthun lha mig dag pas mthong// bar ma do yi sku de yin// 'gro ba rigs drug grong khyer de// gnyis su med pa'i spyod pa spyad// spros pa'i rnam pas chod gyur nas// bar ma do yi sku de ni// rdo rje sems dpa'i sku ru bsgoms// 'od gsal yang ni bsgom par bya// zung 'jug sku yang 'byung bar 'gyur// zung du 'jug pa gnyis yod de// slob bzhin pa dang mi slob pa// mi slob pa ru gyur tsa na// snang ba tsam dang gsal ba tsam// snang la rang bzhin med pa gnyis// tshe 'di nyid kyis thams cad mkhyen// sangs rgyas zhing nas mi ldog pa'i// bar ma do ru mngon sangs rgyas// pad+ma dbang chen dregs pa gzan la 'bebs pa'i rgyud las/ 'gro ba drug gi gang zag le lo can dang brtson 'grus can bde chen chos skur drangs pa ste le'u bzhi pa'o//// de nas bcom ldan 'das kyis lha srin sde brgyad kyi gtso bo// gza' bdud nyi ma khros pa'i ser ba dbab pa 'di gsungs so// nA ga shang shang/ raM raM yu yu/ rbad rbad shar shar/ phob phob da phob ya/ ma ma rag sha phob/ rag sha a ga ni phob swA hA/ pi pi phrom phrom shar shar swA hA/ sur shag tin gnas myags myags shar shar swA hA/pi pi ril ril sib sib b+h+yo ya/ ru lu ru lu swA hA/ bsnyen dang bsgrub dang las sbyor gsum// gcig tu dril ba'i gsang sngags yin// dben pa'i gnas su bsnyen pa bya// seng ldeng phur pa yungs gar la// gtor ma mi dgos zhags bcur bzlas// a tsa ra ni smra ba dang// bud med phyag byed mon pa 'byung// bsgrub pa ra rog khyi nag khrag/ nyung dkar gsum la zhag ba cur bzlas// mi ring skya shar chu bo dang// 'khyags pas yul khams khengs pa 'byung// de nas gta' bsgrub bya ba ni// mi sog gnyis la nang du sngags// phyi rol yul gyi lha klu bri// ling+ga bris la phur pa dril// thod nang bcug la khebs kyis gdab// zhag bdun bzlas shing thun gyis brab// rtags ni zor bas 'dar ba dang// kha la 'brum bu yong ba dang// rtsas ma brngas dang sgrub steng 'babs// ser 'bru blang la thun khrag blugs// de nas las la sbyar ba ni// gu gul tshim chen ling+gar bdug/ zhag gcig bzlas te gta' yangs bskyel// hUM muM yaM yaM shar shar ga dun phob/ rag dun phob/ rag sha a b+hi ni phob/ phi phi shar shar ni phob/ ma na ka ni phob/ nA ga shed raM raM thug khram/dgra bo yi yul du phob/ chem chem thog shog/ gi gaM dgra la phob/ gta' sgrub tshe na thun skabs brab// las la sbyor dus zhag gcig bzlas// sog pa gcig ni lha rten la// gta' de lkugs par gzhug par bya// sog pa gcig ni klu gnas sar// nam mkha' mthong sar sba bar bya// phur ba ser tho ngag la gzhug/ thun gyi khrag gis gta' zam 'brel// gnam stong pa ni ri rtse nas// lha rde'u klu rde'u zor du 'phen// ser bas yul khams phung bar 'gyur// sangs rgyas bstan pa dar bar nges// zhes gsungs so// pad+ma dbang chen dregs pa gzan 'bebs kyi rgyud las/ gza' bdud nyi ma khros pa'i le'u ste lnga pa'o//// de nas bcom ldan 'das kyis bdud nag po 'dzum med kyi ser ba dbab pa'i man ngag 'di gsungs so// dam tshig ldan pa'i dben gnas su// gru gsum dkyil 'khor khru gang ste// shar du 'bru nag gta' gtor la// lho ru skyung mda' dar nag rten// nub tu chang phud gser skyems bsham// byang du rgyun gtor sha khrag bsham// za 'ug ha thabs steng nas gur// khyi nag ra rog glang nag dang// phag rog khrag dang khyi klad rnams// bag phyer sbrus la ril bu bya// ling+gar dril la khyi thod gzhug/ sngags 'di zla ba gsum du bsnyen/ prad nya A sa twa b+h+yo/ b+ha ga ha ta ya b+h+yo/ ma ma rak+Sha ni b+h+yo/ se la mu ta bab/bdud san ta ha ra ya bab/ ba la ni la bab phob b+h+yo/ ru ru hril hril phob ya/ ri la ra rog ru col gzhug/ la chas kha bcad 'od dkyil sba// gta' lkugs thun gtor bsnyen pa'o// de nas bsgrub pa thun la bya// khyi thod nang du nyung dkar brab// bsnyen bsgrub gnyis kyi sngags dril la// zhag grangs bco brgyad bzlas par bya// ba la ba ti tu ba/ dug sa la mu tra bab/ tsa ga ma ra ya sho ba ba/ ha ha ril ril/ pha la trag trag/ shar shar shur shur phob ya// rdo rje rgya gram mu khyud la// kha gnon sngags bris thun kha gcad// yi dam nga rgyal thub par bya// kha gnon sngags 'di bcu bcu bzlas// oM ma ma ba tra nan/ ru ting nan/ga ga te ba ti ka nan/ pa tra pa tu mi ga nan/ nA ga yu la pa sha nan/ hUM ru ra ga ti rba la nan/ prad nya tri ga du nan/ a kro kA la bab nan/ Ar+ya saM ga ti ya nan/ de ni thun ba sdom pa'i sngags// thun gyi kha gcod dag la bris// dmus long 'thibs long thebs/ dmus long nyams dmus long nyams/ 'ur thibs shar thibs/ 'ur ma thibs/ e ta dra thibs rbad/ hi hi ltibs rbad/ rdes sod khrag sgang sad/ 'dar 'di shar shig/ting na shig/ he na 'ded dang thums/ ye raM mug/ de ni thun kha sdom pa ste// thun bar dag tu bzlas par bya// las sbyor khrag la bya ba ste// ra dkar ba dmar rta dkar mo'i// khrag gsum g.yas su gzhag par bya// ba dmar 'o ma g.yon du gzhag/ skyer pa'i shing la pher ga bya// rtse mo khrag byug khrag nag dkrug/ rtsa ba dkar pos 'o ma dkrug/ zhag gsum dbab pa'i sngags 'di bzlas// braM yag sha tshil d+he thun/gar bi tsha bu gu lim sha ga ne/ ad pur tshe thul thul/ dgra yi ri rtser zangs nang du// khrag dang 'o ma ra grod blugs// be kar grod btag khrag bzang tig/ zangs zang kyang gar dbyug pa sa la btab// phud 'di shar la gtong bas bya// sngags 'dis khrag zor dgra yul 'phang/ badzra sa ga tre ya/ ma sing traM ya/ badzra kha T+wAM ga ya/ badzra shan ku ru ya/ badzra zhung zhung ya/ tri sha me kha ma/ ya tra ba ya/ badzra bong bong ya/badzra ra tra ya/ badzra zhung zhung ya/ ma ra na rA dza ya/ badzra tri nar ya ma ya/ tsu ha na tri ya du yang drung laM tri ya// bdud po nag po 'dzum med ni// s+t+wa re g.yas la kha T+wAM g.yon// stag gzhu stag slag mu stegs chas// dgra yul ser ba 'bebs par bsam// zhes gsungs so// pad+ma dbang chen dregs pa gzan 'bebs kyi rgyud las// bdud nag po 'dzum med gzan la dbab pa'i le'u ste drug pa'o//// de nas bcom ldan 'das pad+ma dbang chen gyis// lha chen pos ser ba dbab pa 'di gsungs so// dben gnas dkyil 'khor gru gsum du// dbus su dam rdzas gtor ma la// zur gsum phur pa gsum yang gzug/lha chen sku yang bsgom par bya// dbu ni lha yi yul na yod// 'gram g.yas dkar pos nyi ma mnan// g.yon pa ser pos zla ba gnon// sna ni nag po sde brgyad sdud// phyag g.yas yongs 'du sa brtol bskul// zil ba ser ba chen po 'bebs// phyag g.yon gnam lcags thog chen 'bebs// sked pa mi yi yul na yod// mjug ma sbrul du 'khyil ba la// zhabs ni klu yi yul du brkyang// de ru bsgom la drag sngags ni// g.yag ru yungs kar skam thun brab// hu ha nu a ru sa tha ru da ra da ha sa ra pa ru/ ljang ni nga so he sa ha sa na/ la yo d+he se ga 'dzu e/ mun d+ha pha ri/ an 'dzu pha ri/ mun d+ha li ni/ ma hu a ri/a ri na mo/ ti khroM khroM hub hub/ ga li shar shar swA hA/ dgun ka kha ba bu yug yong// dbyar ni ser ba dngos su 'bab/ gtor ma la ni thun yang brab/ bya dang rta ra mtshal bu gsum// g.yag ru nang du rlon thun sgrub/phob phob khroM hril shar phob// gos dmar gyon la dkar gsum za// ser rgya ra mgor rdzas blug sba// phur pa gsum ni gzer dug dag/ gtor ma zor du 'phang bar bya// ser bas yul khams khengs par 'gyur// pad+ma dbang chen dregs pa gzan la 'bebs pa'i rgyud las/ lha chen gdug pa gzan la 'bebs pa'i le'u ste bdun pa'o//// de nas bcom ldan 'das kyis gnod sbyin kyi drag ser dbab pa 'di gsungs so// dkyil 'khor gru gsum dbus dag tu// phag khrag nyung dkar ra thod blugs// lha klu ser srung ra ru gsum// gnod sbyin phyag bzhi 'brug la zhon// lcags gyi ber ka ba dan g.yas// thod khrag zor ba g.yon pa na/ oM tri byi shag pra ma ya/ tri li shag shar ser hril b+h+yo/ ting khe ser dril shar b+h+yo/ dza ra ka ra shi hril shar b+h+yo/ pre du sha shar shar b+h+yo/ g+hi tang b+ha ri tshag shar b+h+yo/ bra ma ya g+ha ra ti phebs b+h+yo// bsnyen sngags 'bum tsho bdun po la// oM tsa na nyung dkar ru nang blug/ dang po gnyis ni bdun tsho gnyis// chu ril sngags te bsgrub par bya// tha ma bdun pa dbab sngags ni// 'bebs khar mi tshil ra tshil dang// khyi tshil gu gul dud pas bdug/ gnad la phebs na myur du 'bab// ra rog thod pa yul dbus sba// rU ma gsum po gzer du gdab// drag sngags bdun pas yul khams ni// ser bas 'joms te sangs rgyas kyi// bstan pa dam pa rgyas par gsungs// zhes gsungs so// pad+ma dbang chen dregs pa gzan la 'bebs pa'i rgyud las/ gnod sbyin lcags kyi ber gcan gzan 'bebs pa'i le'u ste brgyad pa'o//// de nas bcom ldan 'das kyis ma mo nag mo dza mun tis klu gnad la 'bebs pa'i ser ba 'di gsungs so// bya rta mtshal bu'i snying khrag dang// ra khyi ser skya'i snying khrag bzhi// mdze khrag lnga yi thun nang du// gu gul nag po'i chu nang nas// nyung dkar phyung la thun du bya// thun khrag chang phud gtsang mas sbyar// nA ga trag rak+Sha kha mun tra/ nA ga ru lu ru lu ma ma b+h+yo b+h+yo/ nA ga sha ni ti shwa rbad/thum ri li li/ nA ga trag rak+Sha mun dza/ tra ka mun tra ru lu ru lu ma ma b+h+yo/ nA ga snying kha ra ga ma/ nA ga la mA ra la b+h+yo b+h+yo// bsnyen sngags zhag ni bdun du bzlas// sngags dbal kha la 'brum bu yong// ser ba dngos su thor thor 'bab// mthong lugs rnam pa gsum yod de// sgrub pa pos ni lo thog mthong// mkha' 'gro ma yis zas su mthong// klu yis dkor nor bang mdzod mthong// badzra tik+Sh+NA mug ye// nA ga ma ma ra ya phros phrom/ nA ga hu ya nA ga l-ing/ ma hA u na ye phrom phrom/ nA ga ha na da ha pa tsa hril hril/ shar shar che go mo'i lo thog la phroM phroM phob ya// chu 'dril dbab pa zhag bdun bya// thun snod ma chag ma gas par// rang ni mun pa dag la bsdad// 'bebs dus zhag gsum g.yos la dbab/ pad+ma dbang chen dregs pa gzan 'bebs pa'i rgyud las// ma mo ral pa gtibs ma gzan la 'bebs pa'i le'u ste dgu pa'o//// de nas bcom ldan 'das kyis klu'i ser ba 'bebs pa 'di gsungs so// nyung dkar til dang mi khrag dang// sha chen ra dug re lcag dang// btsan dug sbyang tsher dur sol dang// bdud rtsi lnga dang chang phud dang// nya sbal sbrul sha ra khrag dang// khyi khrag yugs sa'i mngal khrag dang// gu gul nag po skye tshe dang// ra dkar 'o ma bag bye dang// khyi dkar 'o ma sbrul gyi mgo/mchil pa'i klad pa dag dang ni// de bzhin sre mo'i klad pa dang// mdzo mo'i 'o ma kun bsags nas// zo'am bar bu'i nang du blug/ bsnyen sngags 'bum dang bye ba bzlas// oM badzra kro ta sa ma ya daMSh+to da phaT/hu ya hu ya hu lu hu lu/ ban+d+ha ban+d+ha/ thum ri li ri li/ shab ta ka pa la/ ma nu pra ba hri/ sra sa ra du sa ni/ bi tsa la hUM/ ta thA b+ha ba na swA hA// bsnyen pa'i sngags la ma 'bad na// ser ba 'byung ba mi myur bas// sngags la rab tu nan tan bya// bdag nyid pad+ma rta mgrin la// klu rnams thal sbyar 'khor du bsam// A+oM g+ha na sha ni ra na ba laM b+hu na ni ra hri ta ga sa laM/ sa thar ra nu hri/ a kro na ni ga nan/ shang ka pa la ra tsi naM/ sa thar d+ho d+ha g+ha na long/ nA ga ri naM naM/ a be sha ya// sgrub sngags 'di ni zhags bdun nam// bcu gcig nyi shu rtsa gcig bsgrub// ro ras dag la 'khor lo ni// dbus kyi lte ba gling dgu la// bar ma bcu gnyis bsnyen pa'i sngags// mu khyud bcu gcig sgrub pa'i sngags// sum cu rtsa gnyis 'khor lo ste// tha ma thog 'brug glog gis brgyan// khyi nag thod par dril byas nas// dgra yul gtar bcug thog ser 'bebs// phebs nas phyung la 'o mas bkru// sangs rgyas bstan pa bsrung bar 'gyur// zhes gsungs so// pad+ma dbang chen dregs pa gzan 'bebs kyi rgyud las// klu rnams gzan la dbab pa'i le'u ste bcu pa'o//// de nas bcom ldan 'das kyis gnod sbyin zangs thog gi ser ba dbab pa 'di gsungs so// dkyil 'khor 'khor lo rtsibs bzhi pa// 'khor lo'i rtsibs la mi gzugs re// snying gar hom bzhi phur pa bzhi// mda' bzhi dar sna lnga yang gdags// dbus kyi gru gsum 'phar thod dang// bras rgod thog sngags rta nag khrag/ zla gam gsum la wa khyi phag/ de nang ram bu'i rtsa ba dang// rta ra khyi gsum khrag rnams blug/ sgo bzhir gtor ma dgod par bya// oM raM tra thun shag/ dmu btsan rol po dgra bo'i srog rtsa rbad ya/ thun thun dgra bo'i lo thog la yaM b+h+yo/ a ti yaM ti rak+sha hri/ yab kyi sngags so// oM pa sha mi ki nag mo bal la// dgra bo'i srog rtsal rbad// thun thun dgra bo'i lo thog la b+h+yo/ de ma rak+Sha ma thun b+h+yo/ yum gyi sngags so// yab dang yum gyi sngags dag ni// thog bsgrub bya na nyis 'bum bzlas// ser bsgrub thun bar bzlas pa yang// brgya brgya rab tu bzlas par bya// gnod sbyin zangs mdog dmar nag sku// dbu yi rgya mdud 'khor lo can// g.yas pa ral gri g.yon pa mdung dmar bsnams// yum ni zangs gri gtum mo bse gdong ma// sngo dmar zhags pa g.yas la nad rkyal g.yon// de yi rgyun sngags rtag tu bzlas pa ni// ban+de gos dmar skyes pa go can brgya// chu dang 'od pa lug khyu 'brug ser sgra// rtags de ma byung bar du 'bad par bya// oM ha sri ya tri sems pa dza/ ha tri a tra sems pa dza du// ba la ya sho a tri sems pa dza du kha la ya sho e ma ke tra/ kha la mu nyid ya man ta ka/ dgra bo'i yul 'dir mA ra yan/dza tri ke sha ya mA na ta ka hUM dza// de nas ser ba 'bebs pa'i sngags bzlas pas// bsnyen sngags nyis brgya 'bebs sngags brgya tsho gcig/ thod pa lnga yi nang du nyung dkar sngags// spyod lam sgrub ste mi khyi bsrung bar bya// a kro te ga ta sha la ta shar/ nA ga nA ga drag phob/ phob phob shig shig/ trag mu trag sha kha ka mu ka/ ru lu ru lu ma ti ga/ gro ga gri ging/ ru lu ru lu ma mo ha ri na/ ru lu ru lu tsi ta ma la/ ru lu ru lu phrom hril shar phob b+h+yo// sngags sbrel bsnyen bsgrub bzhi 'bum bzlas par bya// las sbyor 'phar thod zhing gi dkyil du sba// thog 'bebs yul mthar khang ba'i rmang du sba// ser ba 'bebs na khyi thod klu la mnan// wa spyang phag thod gsum gyis zhing mtha' bskor// thog 'bebs yul mkhar tha mar sba bar bya// sngags 'dis dgra yul ri rtser sbyin bsreg bya// du ga ya ni sa ma ya du ya dgra ra ma shwa shwa ri ri raM raM tsag tsag swA hA// ra rog rta nag khrag dang so bya'i spu// bsreg nas thal 'jim gtor ma btab pa'i sngags// b+haM ga du ru/ yo ga dag/ nga rar la ni/ ye se ma to hi/ a ru ga ta/ sa lo ba mahur e se rtse ta/ si ta da re co dang dgra bo'i lo ga si tang kha si ting kha// thal 'jim gtor ma zor du 'phang ba'i sngags// 'od pa yul mkhar dag la brdeg par bya// nr-i kha la yak+sha zor/ snying khrag kha bu yuM bu mA ra ya bzor/ku na ma pra ti bzor/ da ra tsakra bzor/ dgra bo'i lo thog la tres ma ya phaT/ gza' rgod btsan thabs dbab pa'i sngags// rgyu ba'i dus dang bstun la dang ma/ oM su byi du dza ba sa sna si b+h+yo/ra mi 'ur bur 'ur bur 'ur ru/ chem chem sa ma ya bra sa ra du// sngags 'dis rang la 'khris na bzlog pa dang// ser lam bstan pa'i sngags su bzlas// oM guM ruNi baM ril baM ril/ du ru rbad/ du ru rbad/ dgra bo'i lo la b+h+yo/ ser 'bebs 'khor lo bzhi la bur pa bzhi// zur bzhi hom la dbus su thun snod gzhag/ rta nag khrag dang nyung nag thun la bsgrub/ a ti yaM ti de ma rak+sha la/ nyis 'bum ha sri 'bum la a kro 'bum// bsnyen pa rgyun sngags dbab par shes par bya// zhes gsungs so// pad+ma dbang chen dregs pa gzan la 'bebs pa'i rgyud las/ gnod sbyin zangs thogs gzan la dbab pa'i le'u ste bcu gcig pa'o//// de nas bcom ldan 'das kyis ging gi ser ba dbab pa 'di gsungs so// khyi dkar sna dmar thod pa ru// ra dkar rta dkar bya dkar khrag/ nyung dkar blug ste bshos bus mchod// rta lag g.yas g.yon sngags bris te// tri sha ru tra badzra sA d+hu sa ma ya/ phrom hril shar phob/ badzra sA d+hu a tri sems pa dza du/ khroM hril shar phob/ ma su rak+sha khal 'ur 'ur hril hril phob/ 'bum du bzlas nas las la sbyar// rta lag g.yas pa ri rtser sba// rta lag g.yon pa ri thang mtshams// khyi thod 'ong sar zhing dkyil sba// badzra sA d+hu sa ma u0f84ya/ hri tri na ga sa myags phob/ a tri sems pa dza yaM/ hri ga nags myags phob/ zhes pa ging gi ser ba 'bebs// zhes gsungs pa las// 'khor rnams dgyes nas ston pa la bstod pa/ sku ni longs spyod rdzogs pa la// gsung ni sprul pa cir yang snang// thugs ni chos sku dri ma med// sku gsum dag la phyag 'tshal lo// zhes bstod nas 'khor rnams sangs rgyas kyi bstan pa bsrung bar khas blangs/ ye shes kyi 'khor rnams rjes su yi rang ngo// bcom ldan 'das nyid chos sku skye ba med pa'i ngang du bzhugs so// pad+ma dbang chen dregs pa gzan la 'bebs pa'i rgyud las/ ging gi dregs pa gzan la 'bebs pa dang/ rjes su yi rang ba'i le'u bcu gnyis pa'o//// pad+ma dbang chen dregs pa gzan 'bebs kyi rgyud rdzogs so/

CLOSE WINDOW