CLOSE WINDOW

Gpb021.001
བོད་ཡིག

dpal tshe bdag nag po'i phrin las kyi dgongs pa thams cad rdzogs pa'i rgyud chen po bzhugs so// rgya gar skad du// shrI A yuHpa ti kA la karmA sha ya sarba pUrnaN mahA tan+t+ra/ bod skad du/ dpal tshe bdag nag po'i phrin las kyi dgongs pa thams cad rdzogs pa'i rgyud chen po/ bcom ldan 'das dpal tshe bdag nag po phrin las thams cad rdzogs pa la phyag 'tshal lo// 'di skad bdag gis thos pa'i dus gcig na/ bcom ldan 'das chos thams cad lhun gyis rdzogs pa'i rang bzhin rdo rje yongs su bkod pa'i snying po 'og min gyi gnas mkha' dbyings rnam par dag pa'i klong/rang bzhin lhun gyis grub pa'i gzhal yas khang na/ 'khor rdo rje snying po nyid kyi rang bzhin dang dus gsum gcig pa'i sangs rgyas rnams dang/ ma skyes pa'i lam la 'dun pa'i rig pa can rnams dang/ sa la gnas pa'i byang chub sems dpa' rnams dang/khro bo'i tshogs dregs pa can rnams dang/ 'thoms pa bdud kyi tshogs dang/ khrag skyug ma mo'i tshogs dang/ phung byed mngag pa'i tshogs dang/gdug pa gsum [[]srin []]po'i tshogs dang thabs cig tu bzhugs so// de nas bcom ldan 'das la 'khor rnams kyis yongs su 'dun par gyur to// bcom ldan 'das dp al rdo rje 'chang chen po des 'khor rnams yongs su 'dun par gzigs nas/chos thams cad kun tu mi g.yo ba zhes bya ba'i snang bas khyab par mdzad do// de nas 'khor thams cad sems 'grogs par gyur to// de nas bcom ldan 'das kyis sems 'grogs par gzigs nas 'khor rnams la nyid kyi rang bzhin 'di bstan to// chos rnams ma skyes ye nas gnyis su med// rgyu dang rkyen med rang byung gnas// de las kun 'byung rang byung thabs bsam yas// 'gro ba ma lus nga yi rang bzhin las// ma g.yo mi g.yo g.yo med cir yang gsal// snying po nyid las g.yo ba ci yang med// ces gsungs so// de nas 'khor rnams kyis rang gi de nyid so so ma yin par rtogs par gyur to// de nas rdo rje snying po des// bcom ldan 'das rdo rje 'chang chen po la 'di skad ces gsol to// kun gyi rang bzhin nyid lags par// gsang sngags ngo bo de kho na// dus gsum sangs rgyas nyid las med// nyid pas che ba rgyas par mdzod// ces gsol to// de nas bcom ldan 'das rdo rje 'chang chen po des// mi rtog pa rang byung gi dgongs pa chen po las 'od zer bye ba phrag sa ya phyogs bcur bkye'o// 'od zer des zhing khams thams cad du snang bas khyab par mdzad nas// sangs rgyas thams cad kyi dgongs pa brgyud de slar bsdus so// sangs rgyas thams cad kyi rang bzhin/ chos thams cad kyi rtsa ba// rdo rje 'chang chen po nyid du mdzad nas sbyor ba'i don 'di nyid gsungs par gyur to// lhun gyis grub pa'i gnas la gnas pa de// lus dbang sems yul 'dzin chags grol// kun gzhi nyid las bye brag gsum// rtsa ba gcig las lnga gnyis brgyad// bco brgyad bzhi dang ldan pa'i lha// tshe srog kun dbang gtso dang 'khor// gnyis su med pa'i rang bzhin du// ston pas 'bras bu lhun grub bshad// 'dab brgyad dwangs ma bzhi dbus na// ston pa rang bzhin de 'khor rdzogs// lhag pa'i sku lnga ye shes lnga// rtsa lam 'khor lo rim brgyud gnas// lhun grub mchod pa rang gnas thim// rig pa'i ye shes rang las 'char// ston par 'bras bu gnyis 'grub bshad// yum gyi b+ha ga gsang ba'i gnas// rnam bzhi'i pho brang lhun gyis grub// sgo khyams b+ha ga sna rtse la// yon tan lhun grub rin po che// rdo rje gsang ba'i lam sbyangs nas// ston pa'i gtso 'khor bstan pa'i dus// mnyam rdzogs gcig tu lhan cig skyes// bde ba'i ye shes rgyun lam bcad// ston pas gsang ba'i sgo nas bcad// de nas bcom ldan 'das la rdo rje snying pos gsol pa// kye ho// rdo rje 'chang ba khro bo'i rgyal// rnam dag chos sku'i rang bzhin las// 'gro ba 'dul phyir sprul skur bstan// 'khor gyi dregs pa pho mor bstan// dkyil 'khor yongs su rdzogs par mdzod// ces zhus so// de nas bcom ldan 'das kyis khro bo 'byung ba'i dgongs pa la bzhugs pas// 'jig rten gsum po rab tu g.yos te/ldeg rab tu ldeg cing kun tu ldeg 'ur 'ur rab tu 'ur 'ur kun tu 'ur ro// chem chem rab tu chem chem kun tu rab tu chem mo// mtha' mtho na dbus dma'/ dbus mtho na mtha' dma' bar gyur to// 'jig rten gsum po 'jig la khad nas/ 'khor thams cad brgyal te lus sa la brdabs par gyur to// de nas bcom ldan 'das kyis las thams cad yongs su rdzogs par gyur pa'i phyir nga ro chen pos bsdigs so// he he e hur thums dza zhes bsgrags pas// 'jig rten gsum dang bcas pa'i srog 'phrog par gyur to// der phyogs bcu'i bde bar gshegs pa thams cad kyang// 'khor der skad cig ma gcig la lhags nas srog gi snying po thams cad mdongs gsol du phul lo// bcom ldan 'das kyis rngam pa'i sgra bton pas srog dang las thams cad 'dus par gyur to// A A A e ka zhes rab tu brjod do// de nas bcom ldan 'das rdo rje 'chang chen pos// 'khor rnams la gzigs te/ lhun gyis grub pa'i dkyil 'khor 'di gsungs so// rang bzhin mi gnas mnyam nyid las// lhun grub ye shes gzhal yas khang// rin chen dur khrod brtan par gnas// phyi nang gnyis med brdal khyab gsal// gru bzhi sgo bzhi rta babs mdzes// rtse mo gnam lcags 'bar bcas mtho// lha brgyad klu brgyad zhing dang ro// dra ba dra phyed zhing dang sbrul// glang chen 'brug dang seng ge stag/ rus sbal chu srin gnam lcags thog/ zhing dang zhing chung thod bu[(]tsha pa[)]khyung/ kha khyer lha mo mchod sogs mdzes// e yi pho brang thod mkhar bzhi// lcags mkhar bcu drug 'obs bcu gnyis// khyams dang gru chad sgo khyud ldan// rgyal chen pa yi pho brang na// klu 'bum gnyan khri sa bdag steng// phyogs skyong ma he nyi zla'i gdan// gzhan yang zhing skyong nyi mar bcas// dbus na zil gnon lhun grub sku// mthing nag dug chen dug lnga 'joms// dbu gsum phyag drug zhabs bzhir bgrad// g.yas pa ku mu ta 'dra bas// ro nye za dang rngam par gzigs// g.yon pa rA ga gnyan khri gsol// dbus mthing dgra bgegs don snying rol// 'khor lo ral gri rdo rje g.yas// be con gtun shing sdigs mdzub g.yon// glang chen la sogs dur khrod chas// rigs bzhi rgyan dang rin po che// dbu la khrag 'thung lnga dang sbrul// klu brgyad mgo bcad do shal snying// gnod sbyin mgo bcad de bzhin dbu// bdud mo mthing nag thod sbrul 'khyud// ya ma dregs pa rus sbal ltor// bya khyung spyi bo phrag sor khyung// stag dang seng ge sag nu ma// zhe sdang gdug pa sta zur gnyis/ khro chung phyi nang bar khyams gang// tsit+ta hUM zhes rtsa ba'i sngags// thod mkhar bla rkun mon pa bzhi// 'obs na bdud pho bdud mo dang// mon pa rigs bzhi pho nya'i tshul// lcags mkhar sha za ki kang tshogs// gru chad sde brgyad dregs pa bcu/ khyams la 'chi bdag bdud kyi tshogs// mon pa mon mo rus sbal sbrul// mdun na mgo dgu yab yum dang// srin mo lcags thag bla rkun dgu// lhun gyis grub pa'i phyag rgyar gsal// yongs su rdzogs pa'i dkyil 'khor du// gnyis med rig pa'i rang bzhin du// ston pas bca' gzhi rdzogs par bshad// de nas yang bcom ldan 'das la rdo rje snying pos gsol pa/ sprul pa las kyi sbyor ba la// rnam grangs du dang ldan par byed// dgos pa'i rtog chen ci phyir 'brel// brnag pa'i mtha' ru gang gis bsdu// dgos pas nges par bstan pa gang// gsang sngags ngo bo gang la gzhag/ snga ma'i don 'di dgongs par gsungs// zhes gsol to// de nas bcom ldan 'das rdo rje 'chang chen pos/ dri ba lnga yi yon tan 'di gsungs so// dang po mdo yi rtsa ba gsum// phyi dang nang dang gsang ba'o// phyi la rtsa ba yan lag gnyis// rtsa ba gzir dang rang gshed dbab// yan lag 'khor lo lo thog gzhom// dregs dgu gnyis pa'i las su bshad// nang la rtsa ba yan lag gnyis// rtsa ba bzhi dang yan lag drug/ rgyu dang 'khor lo tsit+ta gsang// spogs dang dmar len rtsa bar 'brel// lo thog gzhom dang srog dbrog gzer// phyag rgyas bsrung dang ltas ngan nad// spyi dril nga gnyis ldan par bshad// gsang skor drag sngags mdo rtsa bzhi// dbang sdud gab don drag po dgu// rtsa ba chen por mdo 'brel ba'o// dbang sdud brgyad gnyis rtsa ba bzhi// bcu gnyis thun mong sbyor bar bshad// gab don rtsa ba yan lag gnyis// rtsa ba drug gi drong don ni// gnyen sreg bsnol mar lto bshad brgyad// rten dang dug mda' las de bzhin// yan lag srung ba las gnyis ldan// de bzhin bcu drug rdzogs par bshad// mgo dgu'i sbyor ba rnam pa gnyis// rtsa ba dang ni yan lag go/ rtsa ba bzhi gnyis bsad dang gzir// yan lag thun mong khyad par dang// rtsal 'gran drag pos 'joms pa'o// thun mong sbyor ba drug gnyis ldan/ khyad par rang bshad rgyud dang ldan// kun gyi rjes gcod bzhi ru gsungs// rtsal 'gran bcu gsum de bzhin lnga// de bzhin lnga bcu gcig tu bshad// drag po mngon phyung sbyor ba lnga yis rdzogs// thun mong sbyor ba de bzhin lnga dang ldan/ khyad par las kyi rim pa de bzhin bzhi// gsang ba'i sbyor ba lnga gnyis yin// yang gsang sbyor ba rnam gnyis ldan// sbyor ba drug gnyis thabs dang ldan// mchog gi sbyor bsreg pa lnga dang srin mo'i sbyor ba bcu/ snying po don gyi sbyor ba gsum du gnas// thun mong sbyor ba drug po lnga/ khyad par gsum dang gsang mchog gsum// bcu dang gcig las sum cur 'gyur// de bzhin drag po'i las la drug cu rtsa dgur bshad// dgos pa'i don chen gnyis dang 'brel ba bzhi// mtha' ru bsreg dang 'khor lo mnan pas bsdu// dgongs pa'i don gsum de bzhin gsum// bgrod pa gsum gsum gsal ba gsum// de bzhin dgongs pa'i 'bras bu gsum// zhing khams khrom tshogs mnyam dgongs nas// don gnyis snang stong dngos med pa// lung dang man ngag kun dgongs yin// ngo bo chos dang chos can dang// chos nyid dbyer med lhun gyis grub// snang ba sgyu ma lhun grub la// sgyu ma'i bde ba mngon du 'char// chos nyid ye shes lhun grub la// sna tshogs snang la ngos gzung med// gang mthong de nyid kho na bas// gsang sngags ngo bo de kho na'o// dpal tshe bdag gi dgongs rgyud nag po las// gleng gzhi'i le'u ste dang po'o//// de nas bcom ldan 'das kyis 'khor de dag la chos thams cad 'byung ba'i gzhi 'di gsungs so// snang srid 'khor 'das brkam chags chos// rgyu med tshul gyis rkyen dang bral// 'byung ba lnga dang rigs lnga ye shes la// rang byung 'gag med stong bdag med// rgyu rkyen mi rtog ngang las byung// 'dod pa'i rgyun [[]rgyu []]dag rkyen dag stong// don dam chos sku skye med las// spros med don dam snying po nyid// rgyu 'bras ro gcig m nyam nyid dang// kun gsal 'bras bu don gcig phyir// phyi nang chos kun rgyu rkyen bral// brkam chags sdug bsngal stong bdag med// sdug bsngal nyid na ye shes de// 'gro ba rab grol ye sangs rgyas// bden gnyis mi rtog stong bdag med// rtsol bsgrub bya byed 'ching ba'i nad// rtsa ba kun 'dus don gcig la// bsgom bsgrub bya rtsol rtsal med rgyan// chos kun skye med snying po rtsal med pas// nam mkha'i dpe bzhin stong bdag med// skye med nam mkha' rtsol sems bral// don dam chos nyid ma skyes pas// dpe med nam mkha' lta bur bshad// rtsa ba gcig pas thams cad mkhyen// ngo bo med phyir cir snang srid// ma skyes pas na thams cad 'byung// sangs rgyas sku gsung ye shes thugs// sems can lus ngag bag chags la// snang srid chos rnams kun gyi gzhi// snying po byang chub sems las byung// sangs rgyas zhing dang pho brang gnas// kun yin gang min rang rig nyid// ye shes thig le gcig la gsal// srid pa gsum du snang ba yang// lam lnga rgyud lnga gnas lnga 'khor// la sogs sdug bsngal mnyam la sogs// sdug bsngal rtsal med mnyam par gnas// thabs kyi phyag rgyas rang grol ba'o// chos sku skye 'gag med pa las// drag sngags ye shes rol par shes// dpal tshe bdag gi dgongs rgyud nag po las/chos nyid kyi don gtan la dbab pa'i le'u ste gnyis pa'o//// de nas 'khor gyi dam pa rdo rje snying pos bcom ldan 'das rdo rje 'chang chen po la gsol pa/ rgyud ces bya ba ci ltar lags// 'khor lo zhes bya ji ltar dbye// tshe srog bdag po'i don gang lags// sbyor ba'i rim pas las gang byed// gsang sngags ngo bor gang gis btags// zhes gsol to// de nas bcom ldan 'das kyis dri ba lnga'i don rgyas par bshad do// rgyud ces bya ba gsum yin te// gzhi dang lam dang 'bras bu'i rgyud// lta spyod 'khor lo dbang dam tshig/ lam gyi rim pa sbyor ba'i tshad// ngo bo 'brel bcas rgyu dang rkyen// phyi dang nang dang gsang ba ste// rang bzhin gnas pa mngon byed pa'i// thabs kyi rgyud ni gsum dang ldan// de mtshon mngon pas rgyud ces bya// 'khor lo zhes su bstan pa yang// rten 'brel bsam gtan gzugs brnyan sngags// sreg byed mnan pa ye shes rig/ de yi rim pa rgyas pa na// snang srid phyi nang 'khor ba'i chos// rten 'brel bcu gnyis tshul gyis ni// rten 'brel srid pa'i 'khor lo bshad// rang lus brtan pa'i sku nyid gsal// spyi bo mgrin pa snying lte ba// gsang ba rjes 'jug rten drug na// se ru sum cu gnyis bcu drug/ brgyad dbus dwangs ma drug cu bzhi// bzhi bcu drug dang ldan par gnas// yon tan drag sngags du mas mdzes// hA dang oM dang e dang A// raM yaM dbus na rkyen dang sdud// srog shing si ra dri dang rgyu// de bgrod phyag rgya chos skur gsal// bsam gtan gnas pa'i 'khor lor bshad// gzugs brnyan 'khor lo dur khrod kyi// ro ras zhing lpags rgya shog la// sme ba lnga dang rus pa bsku// gang dmigs rten gyi 'khor lo bca'// kha sbyar rus sbal phag mo'i ltor// bcas la gzugs brnyan 'khor lor bshad// gcod pa sngags kyi 'khor lo ni// mtshon cha'i 'khor lo me dang 'dra// srog gzugs rtsa gcod bag chags bsreg/ g.yon skor log nas gcod pa ni// chu yi 'khor lo rlung dang 'dra// skyel zhing ring dal bla gnas sdud// dbugs kyi rta bskyon rlung gi rkyen// rkyen dang phrad na lte ba 'khor// lte ba'i rkyen gyis rtsibs dag gcod// gcod pa sngags kyi 'khor lor bshad// sreg pa me yi 'khor lo dag/ sa chu dug gi rten 'brel gyis// sbyor ba kun srog tshe dpal bskyed// zhi rgyas dbang drag lhun gyis grub// mchog tu ma yi 'khor lor bshad// mnan pa 'khor lo las kyi mthar/ kha sbyor pho mo'i thod pa la// rim pa gsum bri steng dang 'og/rgya gram gru gsum sbrul dang me// ri rab rus sbal mchod rten gyi// mnan sngags ming rus snying po khams// thod par snying po'i bcud bsdud la// gnad dgu mi nad 'joms dgu yin// mnan pa thod pa'i 'khor lor bshad// ye shes rig pa'i 'khor lo yin// thams cad lhun gyi grub pa yi// rol pa ma 'gags cir yang gsal// don gnyis mngon du spyod par byed// rang byung 'khor lo rang rig pas// ye shes nyi ma'i 'khor lor bshad// de phyir 'khor lo zhes su bshad// tshe srog bdag po gang gsungs pa// snang srid 'khor 'das snang stong gi/ yon tan srog dang sbyor ba'i las// yon tan dbang po tshe bkrag kun// 'bru gnyis dag la bsdus nas 'char// skye med rnam dag dbyings su thim// las dang sbyor ba smin zhing rgyas// de phyir tshe srog bdag por bshad// sbyor ba'i rim pas brgya brgyad bcu// che ba'i yon tan du ma byed// gang brtsams 'bras bu smin zhing rgyas// de phyir sbyor ba'i las su bshad// gsang sngags ngo bo gnyis med las// 'khor ba sgyu ma lhun gyis grub// gzhi rtsa med cing thog mtha' med// 'das pa'i ye shes lhun gyis grub// gang mthong cing snang byang chub sems// sems phyir ma gsal rang rig pa// bde ba chen por don la thebs// de phyir gsang sngags ngo bor bshad// dpal tshe bdag gi dgongs rgyud nag po las/yon tan dris pa'i le'u ste gsum pa'o//// de nas yang bcom ldan 'das kyis rgyud kyi don gtan la dbab pa 'di gsungs so// de yang rnam pa bdun du dbab// gsum pa spyod pa'i khyad par ni// bya ba med par kun rdzogs pas// rtsol bral gdeng gsum ldan pa yi// bla dor re dogs med par spyod// sbyor sgrol bya ba gang byas kyang// sems phyir gang yang byas snang med// las kyi sbyor ba du ma yang// gang ltar byas kyang 'bras bu 'byung// lam gnyis lnga yi sa bgrod kyang// sems dpa'i las su gol pa med// chags sdang lnga yis lam spyad kyang// 'jig rten pa la gzhi rtsa med// rang bzhin lhun grub spyod pa'i mchog/ dmyal sogs tsha grang kun spyad kyang// 'khor ba nyid na ye shes spyod// lha yi sku dang cha lugs dag/ 'dod dgu lhug par ci spyad kyang// snang stong gnyis med ye shes sku// gang ltar bltas pa de ltar snang// rtog sgrib skyon yon yongs kyis med// gtub brdung drag po'i spyod pa yang// gar dgu tshul dgu khro bo'i spyod// chos nyid zhe sdang khros pas grol// ye shes nges par gtan la dbab// rang byung dag pa'i spyod par bshad// dpal tshe bdag gi dgongs rgyud nag po las/ bya ba med pa'i spyod pa'i le'u ste bzhi pa'o//// de nas bcom ldan 'das kyis brtul zhugs bgrod pa'i dbang 'di gsungs so// slob ma dbang gzhan thob pa la// bgrod pa mthar phyin rdzogs pa'i dbang// ngo bo sems kyi chos nyid la// rnam grangs gnyis dang rdzas kyi dbang// rim pa brtul zhugs rang dbang rdzogs// dper na rgyal po 'phru gu la// rgyal sar ma bton sa mi thob// dbang thob rgyal srid mnga' brnyes tshul// bdag dbang mtshon pa'i rim pa ni// sems nyid dben pa'i bde gnas su// rang nyams brtan pa'i mtshams bcad nas// man+Dal chen po'i bya ba brtsam// sngon du 'gro ba'i las rdzogs nas// dur khrod brdal ba'i rgyu blang la// thugs kyi sprul pa mkha' khyab spro// gugs rgyal dri yis khrus byas la// man+Dal dbus su brtan par bzhag/ bsam gtan bum pas rten sbyangs la// lus la gshin rje'i dkyil 'khor brtag/ tsit+ta 'od kyi pho brang du// tshe srog bdag po'i dkyil 'khor brtan// brtan pa rnyed phyir tshogs gtor la// bya ba'i rim pa bsgrub pa brtsal// brtul zhugs rim pa'i rten du bzhag/ mtshan ldan bkra shis gzungs ma 'dam// rgyal rigs rje rigs sngags skyes ma// mkha' khyab rdo rje mdas ma reg/lus dang yan lag dbang po 'jam// ske ring phra 'jam tshigs mig zlum// dpral ba'i dbyes che smin dkyus ring// mig phra dkyil nag ut+pal mdog/ shes rab spyod pa'i rnal 'byor ldan// lus la lha yi dkyil 'khor brtag/tsit+tar rdzogs pa'i dkyil 'khor brtag/ b+ha ga gsang ba'i pho brang du// lhun gyis grub pa'i dkyil 'khor brtag/ bde ba chen po'i rten du gzung// rdo rje gsang ba'i chu rgyun gyis// dkyil 'khor lnga dang slob ma bkru// gsang ba lhun gyis grub pa yi// dkyil 'khor lha la gsol ba gdab// byin rlabs brtul zhugs 'jug pa brtsam// yol bas bar bcad me tog ldan// sdig pa bshags dang sdom pa dbog/dam tshig bsgrags la me tog dor// dkyil 'khor lha yi rnam pa bstan// lce la bdud rtsi lung bstan bzhag/ bu de brgyan zhing phyag rgya bsgom// tshogs la rol la lha ngo bstan// rdzas dang dkyil 'khor byin gyis brlab// slob ma gzhug phyir gsol ba gdab// lhun grub rang bzhin gnas pa'i pho brang nas// ye shes rgya mtsho lhun gyis grub pa'i lha// ma lus mnyam pa'i rgyal po dgongs su gsol// slob ma mtshan ldan yum gyi dkyil 'khor du// brtul zhugs drag po'i stobs kyi gzhug tu gsol// bde chen mnyam pa'i pho brang gsang ba ru// rig pa brtul zhugs stobs kyis gzhug tu gsol// slob mas me tog thogs la brda' phyag btsal la gsol ba gdab bo// ston pa'i sgron ma bcom ldan 'das// lha dang slob dpon dgongs su gsol// dregs pa stobs kyi tshul bstan pa// 'gyur med bde chen pho brang nas// dregs pa'i lha tshogs dgongs su gsol// b+ha ga gsang ba'i pho brang nas// mnyam pa'i rgyal po dgongs su gsol// dam tshig dka' thub sdom pa'i mchog/ rig pa'i rgyal po bdag la stsol// gsang ba'i ye shes bdag la stsol// ye shes rol pa bdag la stsol// me tog rin chen dmigs dbyig kyang bsdus la// bde chen phyi yi 'jug pa brtsam// phung po lha yi dkyil 'khor bstan// bam chen thugs kyi dkyil 'khor du yang bstan// 'jug pa nang gi lha ngo bstan// gzungs ma lus kyi dkyil 'khor du// gsang ba phyi yi lha ngo bstan// tsit+ta nang gi lha ngo bstan// b+ha ga gsang ba'i pho brang du// gdong g.yogs dang ldan spro ba bskyed// bkra shis mtshan ldan gsang ba'i pho brang du// gnyis med sangs rgyas nyid dang mnyam sbyor ba'i// byang chub sems nyid mi 'gyur bde ba'i mchog/ pho brang lhun gyis grub par bzhugs pa dang// sme ba lnga dang bdud rtsir sbyor ba'i sems// bkra shis mtshan ldan bde ba'i brtul zhugs sbyin// mi 'gyur brtan pa'i sku dang ye shes bgrod// de nas gsang ba'i gzungs ma spro ba bskyed par bya'o// ho// bde chen gsang ba'i pho brang du// thabs chen gsang ba'i bde phab nas// dbu ma'i rtsa brgyud sa bon bsreg/ b+ha ga'i gnas su chos skur bskyil// rtsa lam 'od 'phros longs spyod sku// mnyam par gnas pa byang chub sku// spros bral kun khyab sprul pa'i sku// brtan pa thob pa rdo rje'i sku// yab yum mnyes pas mnyes par bya'o// de nas gsang ba sbyor ba'i brdas// ye shes nyi zla'i thig le yi// bde bas gang bar byas pa la// sbyor ba dag pa'i byin rlabs las// rtsa rgyud bde phab thig le bskyil// byang chub sems dang sme ba bsre// bkra shis mtshan ldan bum par bskyil// brtul zhugs rab 'byams dbang bskur bya// ho// rig pa'i stobs ldan sbyor ba'i gnas// 'khrul pa'i bag chag sprin lta bu// ye shes rol pa'i sgron ma gsal// mnyam pa'i shugs kyi brtul zhugs longs// e ka ya ma pra tI ts+tsha ho// me tog dor la mgo la gdags// mtshan ldan bkra shis pho brang dang// drag po stobs kyis lha ngo bstan// bkra shis bum pas dbang bskur bya// ho// ye shes lhun grub bum pa yis// brtul zhugs dag pa'i dbang bskur bas// 'gro ba rnam dag chos skur gsal// rang byung ye shes dbang thob shog/ e ka ya ma gu h+ya b+ha ga bo d+hi tsit+ta ho// 'bras bu khrag 'thung ye shes lngar// rdzogs pa'i phyag rgyar lhun grub pa'o// de nas dur khrod rgyan gyi dbang sbyin pa ni/glang chen stag sham zhing lpags sbrul// thod pa'i snying phreng keng rus brgyan// me ri dur khrod dbang bskur bas// dregs pa'i stobs dang ldan par shog/ e ka ya ma ha sti/ ma hA nA ga ka pA laM/ tsit+ta dz+wa la ni ri ho// de nas phyag mtshan sbyin pa ni// ho// 'khor ba 'dral byed 'khor lo dang// nyon mongs gcod pa'i ral gri dang// chos nyid mtshon pa'i rdo rje yis// sku gsum mnyam pa'i dbang thob shog/e ka ya ma tsakra khaD+ga badzra ho// be con dug lnga ye shes lnga ru sgrol// gtun shing gdug pa gnas su 'joms// sdigs mdzub dug gsum sku gsum ngang du rdzogs// rig pa stobs kyi sgo gsum dbang thob shog/e ka ya ma b+hi ha hu ti sa ra pa ho// mnyam pa'i brtul zhugs sbyin pa ni// ho// rdo rje pad+ma mnyam sbyar nas// pad+ma rak+ta byang chub sems// bam chen sme ba don dang sbyar// brtul zhugs rol pa'i dbang bskur bas// mi zad rgyan gyi dbang thob shog/ e ka ya ma gu h+ya rak+ta// bo d+hi tsit+ta ho// mAM sa rak+ta tsit+ta ho/ pU dza keM ni ri ti ho// dpa' brtul sngags kyis byin bskyed pa'i// bam chen ro la mnyam par rol// rdo rje brjid pa'i dbang thob nas// bde chen mnyam nyid thob par shog/ e ka ya ma a d+hi pa ta sid+d+hi ho// longs spyod rdzogs pa'i dbang bskur bya// 'chi med rang byung ra sA yan// bkra shis mtshan ldan lhag pa'i rdzas// 'phel 'grib med pa'i dbang bskur bas// rigs lnga ye shes lnga yi dbang thob shog/ e ka ya ma sarba pany+tsa a mr-i ta/ dz+nyA na shud+d+ha ho// bkra shis dngos grub ga'u ru// mi 'gyur brtan pa'i tshe bskyil nas// rang rtags tshe yi dbang bskur bas// 'chi med rtag pa'i dbang thob shog/ e ka ya ma A yur+dz+nyA na sid+d+hi ho// snod kyi 'jig rten gtor gzhong du// bcud kyi sems can gtor mar gsal// 'byung ba rnam lnga gtor ma'i rgyu// lhun grub kun 'byung gtor ma'i rgyan// 'dzin chags med pa'i stobs kyis rol// e ka ya ma ma hA ba lin+ta pU dza ho// dam tshig bsgrags la mna' chu blud par bya'o// snod med brtul zhugs zhan pa la// spel zhing bsgrags na rdo rje khro bo dang// gtum po gnod sbyin rdo rje dbang chen gyis// lus khral mgo gshag tsit+ta khrag tu 'thung// e ka ya ma kA ya wA ka tsit+ta rak+ta khA hi ho/khyod kyi rdo rje 'chang chen nga yin pas// bka' yi zur yang bcag par bya ba min// bsgo ba byos la dam tshig srog ltar srung// gal te 'das na rdo rje dmyal bar lhung// e ka ya ma dun ra ka taM ho// 'di ni rdo rje dmyal ba'i chu// tshul 'di bsrungs na dngos grub thob// nyams na tsit+ta gshag ste 'pho// rdo rje'i chu 'di khyod kyis longs// badzra kro d+ha e dam ho// 'dod pa lnga yi tshogs la rol// rgyud gsum lhug pa'i man ngag bstan// rdo rje 'dzin pa'i gral thob yin// brtul zhugs gsang ba'i bgrod pa gsum// thob na mi ldog sa la gnas// brtul zhugs gsang ba'i dbang du bshad// dpal tshe bdag gi dgongs rgyud nag po las/brtul zhugs dbang gi le'u ste lnga pa'o//// de nas bcom ldan 'das kyis dam tshig gzungs kyi don 'di gsungs so// de dag rgyas pa 'di lta ste// dka' thub dam tshig sdom pa'i mdo// chos rnams ma lus byang chub sems// 'khor 'das lhun grub ngang du 'dus// de mtshon dam tshig srog ltar bsrung// dam tshig rnam pa gnyis yin te// thun mong khyad par rim par gsungs// thun mong rtsa ba yan lag gnyis// sku gsung thugs dang bco lnga yis// bsdus te bsrung mtshams shes pa'o/ khyad par kho na dka' thub dang// bsrung ba bcu gnyis gcig tu gsungs// gsang ba'i lam ni rtogs pas lam mi bzur// drag sngags thun mtshams khri bar gtam mi bya// 'jig rten pa dang dman la phyag mi btsal/ khro bo'i chas dgu gar dgu gsal bar brtag/ mtshan ldan gzungs ma blang dor med par spyad// rdo rje'i ra ba'i rdzing ni mi bshig mngon du spyad// re dogs som nyi med par gzir zhig gzhom// tsha ba gsum dang rul gsum myang bar spyad// 'khor lo gzir mtha' sbyin bsreg mnan pa zor// lus kyi dbang po gzhan gyis mthong mi bya// shes rab spyod pas bla ma'i zur mi bcag/ khyad par dag las kho na'i dka' thub bshad// sprul pa'i khyad par dam tshig bsrung bar gsungs// rdo rje'i rmang gi ri mi bshig/ mngon 'byung brtul zhugs dogs med spyad// gcan gzan rgyal po gsad mi bya// za ma tog tu dug mi blug/ rin chen lha brag bran yang bsreg mi bya// gangs kyi zhun chu btung ba min// bdud rtsi snod ngan nang mi blug/mi shis snod du mdangs mi dbab// snod ngan seng ge'i zho mi blug/ yid bzhin nor bu bsreg mi bya// bya khyung gshog pa bcag pa min// gnam lcags ur mo nang mi 'thab// stag gzig rol pa'i lhag mi btung// rdo rjes gtam pa'i brag mi bshig/ rdo rje'i ra ba'i rmang mi 'drul// mun pa sel ba'i sgron mi gsad// rdo rje chu bo'i rka mi gcad// rgyal po'i phyag rgya'i rtags mi dbyi// rdo rje'i rdzong gi brag mi bshig/rin chen rgyal mtshal rtse mi dbrog/ lhag pa'i dam tshig bsrung bar bshad// brtul zhugs lam las cig car bgrod// 'bras bu bgrod thob lhun gyis grub// las dang sbyor ba kun dang ldan// mthu stobs byin rlabs shugs kyis 'byung// dam can rgya mtsho der gnas 'grub// de ma yin na mdze dang g.yan// dus min tshe zad mnar med 'pho// legs nyes bgrod med gnyis gar byed// bsrung las 'das shing gnyis su med// rang bzhin gnas dang shugs kyis rdzogs// lta ba'i dam tshig chen por bshad// dpal tshe bdag gi dgongs rgyud nag po las/ dka' thub dam tshig gi le'u ste drug pa'o//// de nas 'khor gyi nang nas rdo rje snying po stan las langs nas/ bcom ldan 'das la gsol pa/ rgyal ba kun gyi rang bzhin dngos// gsang sngags ngo bo de nyid lags// 'jig rten 'das dang ma 'das pa'i// dregs pa mthu rtsal ldan pa kun// bka' bzhin nyan pa ci yi phyir// lhun grub phyag rgya zil gnon sku// gnyen po gang gis 'dul ba lags// drag po'i gdul bya gang lags pa// 'khor la rgyas par bshad du gsol// zhes gsol pas// bcom ldan 'das kyis dri ba gsum pa'i don 'di gsungs so// bskal pa rdzogs ldan bya ba la// rigs las gol ba'i dregs pa lnga// nag po gsod byed 'thom pa'i gtso// srin mo kha 'dar khrag skyug gtso// rtsub 'khor srog bcad yak+sha'i gtso// zhe sdang gdug pa sbrul mgo'i gtso// dregs pa bco brgyad =// bgegs rigs stong phrag brgyad cu'i gtso// de yi bdag po phung byed che// kA li A yu chang gis dregs// 'byung ba bzhi yi rngam 'og nas// lus che yan lag rags la rngams// skra dang kha spu ag tshom rtsub// stod smad srin po shun gyi gos// mgo dang snying phreng sbrul gyis brgyan// mtshon cha me rlung ha la'i dbal// thog dang ser ba bu yug 'bebs// rgyu ma glo snying thod khrag 'thung// nag po sder chen mi lpags gon// thod rlon 'bru mar chang khrag 'thung// bran mo g.yog mo phra men ma// rigs ngan mo rnams 'khor du byas// chags sdang me rlung rab tu khol// srog chags kun bsad mngal nu skems// rnam bzhi'i 'khor la gnod cing 'tshe// myur du gsod cing sha rlon za// ded dpon bzhi ni 'khor la spo// de lta bu yi kI lI lnga// sangs rgyas bstan pa 'jig la nye// 'gro ba ma lus phung la khad// de dag 'dul phyir sangs rgyas sku// phyag rgya zil gnon 'jigs par ston// de yang ji lta bu zhe na// lha yi dbang phyug ded dpon rgyal ba ru// srid mtsho rigs kyi bdag por grags pa zhig/ gsang sngags rigs su de nyid 'ches// bgrod pa phra mo'i sgor zhugs nas// brda don ma rtogs lhug par spyad// dam pa ma thob pa la spyad// rang nyams ma rnyed brkam chags spyod// rigs ngan mo rnams grogs su spyad// sha chen keng rus khrag la rol// gsang sngags bka' bsgo log pa yis// dus ma yin par nad dar te// sdug bsngal nyam myong tshe 'phos nas// na rag rdo rje dmyal bar ltung// sdug bsngal rab myang tsha gang spyod// phal pa'i sdug bsngal brgya 'gyur myang// til sbyangs tshod gzung brgya yi nang// mi dang lha yi lo tshad zhag/lha las lo re dmyal ba'i zhag/ rdo rje dmyal ba'i lo rer til re mthar zad nas// dmyal ba phal pa'i gnas su 'phos// tsha grang gnas na sdug bsngal gdung// lcags gzer tho lum me dpung bsreg/bsregs shing thig 'debs thig nag khol// spu gri'i ri dang nag tshal bsreg/ pad+ma ut+pal pad+ma che// gas dang gas chen ro myags 'dam// chu bo rab rib grang btson brgyad// bskal pa bzhin du 'o dod dang// nyi tshe ba brgyad gcig tu gnas// sdug bsngal dpag med rab myong nas// bde bas shin tu brel bar 'gyur// phyi nang yi dwags gnas su skyes// gzugs che ske dang rkang lag phra// rnag khrag ngan skyugs lcags me 'bar// srin mo dang ni gcan gzan gdug/ sdug bsngal nyams su rab myong nas// mtha' ru rdzu 'phrul dregs pa'i gnas// lcags mkhar brgyad gnyis bcu gnyis 'obs// thod mkhar dbus na sha khrag za// rngam zhing nga ros 'khor rnams mngag/ de lta'i rnam smin mang bsags pa'i// gnas su ru tra kA lir smin// de yis 'jig rten phung byed nas// rgyal ba'i thugs rjes bsgral bar dgongs// sangs rgyas kun gyi thugs brgyud nas// byin rlabs mthu rtsal stobs 'gran te// nag po de nyid gdul ba'i phyir// sangs rgyas cho 'phrul sna tshogs mdzad// stong pa'i rang bzhin bde stong kyang// stong pas nag po'i sde ma stongs// nag po rngam nas sangs rgyas skrag/ sangs rgyas rdul snyed zhing khams 'khod// nag po 'khor dang bcas pa la// des ma bskyod phyir stobs can gsum// ya ma badzra ha ya'i sku// rang rang cha byad lag cha 'khor// sngags tshig drag po rngam bzlas nas// nag po 'khor dang bcas pa la// lus ngag bkol phyir me rlung sprul// dug dang mtshon cha'i char phab pas// nag po 'khor bcas dga' mgu nas// sha khrag ro dang bdud rtsir gyur// mnga' brnyes sde las rgyal la khad// des ma thul phyir sangs rgyas kyis// kro d+ha badzra u tsush+ma sbrul te// badzra rak+sha 'khor bcas kyis// nag po bsgral la bza' bar rngams// g+hu h+ya ma traM nga ror bton// dz+nyA na raM gyis sras mchog sprul// kI la tsit+ta'i dkyil du gzas// btab pas sme ba brtsegs pa rgyal// rdo rje srin po'i 'khor brlags nas// nag po dregs pa'i tshe bkrag phrogs// gsang sngags ngo bo de kho nas// dwangs ma chen po lnga yi dngos// ye shes lnga nyid rtog pa yi// rigs lnga'i ngo bo spyi yi gzugs// nag po cha mthun brjid pa'i sku// zil gnon phyag rgya chen po nyid// stong nyid ma skyes ma 'gags pa'i// lhun grub dz+nyA nas thams cad mkhyen// lhun po ri rab brtan ltar brjid// rnam thar dbu gsum sku gsung thugs// rgyud drug 'khor ba bsgral ba'i rtags// pha rol phyin phyag ye shes drug/skye ba rnam bzhi dag pa'i rtags// tshad med zhabs bzhi rdzu 'phrul rkang// sra byed brtan pas thams cad gnon// mnyen byed bskyil zhing sdud pa'i dbang// gsal byed khrag chung bag chag bsreg/g.yeng byed rkyen med rang shugs ldan// snang byed go 'byed khebs 'og chud// rgyu rkyen thabs la rag ma lus// bde ba'i sku nyid stong bdag med// stong las kun skyes bsam dpag dka'// nag po 'dul phyir sna tshogs sku// ya ma badzra khyams khang khyung// de bzhin gnyis ldan seng ge stag/ gdug pa'i ye shes khro chung 'bar// tshul dgu chas dgu rgyan dgu dang// gar dgu stabs dgu rngams sgra dgu// thod sbrul rin po che la sogs// gsod byed khrag 'thung tshogs kun gnon// 'khor lo ral gri rdo rje 'phen// be con gtun shing sdigs mdzub brdeg/ nag po dregs pa bsgyel te mnan// rngam pa'i drag sngags drag po bsgrag/e ka ya ma ru dra ma tra mA ra ya rbad// du na hur thuM dza/ nag po bsgral te sgrib pa sbyangs// gshed bdag yang sprul 'khor tshogs kyis// nag po 'khor mnan rang 'khor bsdus// mdangs phul snam nas bton te bzhag/zhal du gsol bas bde ba bsnyen// nag po 'khor bcas brgyal sangs te// bdag cag rgyal ba'i 'khor lags pas// 'khor la thugs rje ma chung bar// bran 'khor pho nya'i las skal byed// bka' bzhin bgyid kyis dka' la thogs// yun du rgyal ba'i bstan pa bsrung// rnam bzhi'i 'khor la yun du 'tsho// srog gi snying po 'di bzhes la// bka' drin bgyid kyis 'khor du zhog/ ces gsol to// dpal tshe bdag gi dgongs rgyud nag po las/ dregs pa can nag po 'khor dang bcas pa btul ba'i le'u ste bdun pa'o//// de nas yang bcom ldan 'das kyis gdug pa gsum gyi nad zhugs pa'i mtshan nyid dang/zhugs pa'i rtags dang// nad de 'don pa'i gnyen po'i sngags brdeg pa dang// brdeg pa'i thabs bshad do// mdze rigs drag po'i nad dar nas// 'jig rten 'gro ba mi yul du// gdug pa gsum gyi nad dar te// dz+wa la dzi ti ya nga ba// me ru 'khrugs tai phung la khad// de la drag sngags rno dbal mtshon// dmod pa drag po las kyi nad// nyen lnga smin pa 'di lta ste// rigs dang rtsol ba thabs rlangs dang// byad kyi gtad khram gnad zir sogs// de lnga'i skyon gyis nad lnga ldang// rgyal rigs mgo nas rus nad bskyed// sha skem mdog dmar zug pa che// shi phrad nyin mtshan dril gtor brdeg/dka' thub ldan pas mdangs blang bza'// sa nA sngags rnams ma phyi sor bzhag byas ga snying gzer ro myag rbad/ khrag la myog ti yaM shag rbad// dug phyung khrag shig tsit+ta gtub rbad/ kham shag thum rim hril myag rbad// tsit+ta ma ma dbugs la thad gzer rbad// sa nA ga rtsa la hur thums rbad/ srog la thun rbad b+h+yo/ rje rigs lag g.yas tsha ba skem// snying gzer dgu pa dril la gdon// sa nA ga ma trag snying gzer rbad// sa nA ga snying gzer dun rbad/sa nA ga tsit+ta snying gzer rbad/ sa nA ga du mi snying gzer rbad// sa nA ga k+Shi tri snying gzer rbad/ sa nA ga snying gzer thun phyung snying gzer rbad/ sa nA ga khaM shag snying gzer rbad/ sa nA ga srog tig snying gzer rbad/sa nA ga thum ril snying gzer rbad/ sa nA ga snying gzer sbur nan rbad/ bram ze lag g.yon khrag chu skem// nyi shu rtsa gcig rnal ma gdon// sa nA ga snying gzer dza/ sa nA ga snying gzer dun phyung rbad/sa nA ga snying gzer tsit+ta kha la nan rbad/ sa nA ga snying gzer thun nan rbad/ sa nA ga snying gzer du raM rbad/ sa nA ga snying gzer yaM zlog rbad/ sa nA ga snying gzer srog la rbad/ sa nA ga snying gzer tsit+ta ro myag rbad/sa nA ga snying gzer thum ril rbad/ sa nA ga snying gzer rtsal rmugs rbad/ sa nA ga snying gzer nan 'drid rbad/ sa nA ga snying gzer phreng shag rbad/ sa nA ga snying gzer tsit+ta khas rbad/ sa nA ga snying gzer khrag thibs rbad/sa nA ga snying gzer sbur nan rbad/ sa nA ga snying gzer hi nan rbad/ sa nA ga snying gzer u nan rbad/ sa nA ga snying gzer e nan rbad/ sa nA ga snying gzer srog la dun dun rbad/ sa nA ga snying gzer tsit+ta ru thum rbad/sa nA ga snying gzer ha la ha la phyung rbad/ dmangs rigs rkang g.yas zhwa grum g.yo// snying gzer bdun gyis 'joms shing gdon// sa nA ga snying gzer sbur nan rbad/ sa nA ga snying gzer 'drid phyung rbad/sa nA ga snying gzer srog la myog rbad/ sa nA ga snying gzer du raM rbad/ sa nA ga snying gzer yaM bzlog rbad/ sa nA ga snying gzer tsit+ta rbad/ sa nA ga snying gzer u nan gzer phyung rbad/ gdol pa rkang g.yon rnag la mjug/ khong pa sbo ba rnag la 'jug/ gdug pa lto dkrug sngags kyis 'joms// sarba du raM e nan 'drid phyung tsit+ta snying khrag gzer thum ril rbad/ ba su rigs drug rtsar 'jug phol 'bras g.yo// he sa 'bru brgyad thun mong gnon// he sa ya ma thi sa ra ya sa nA ga snying gzer sbur nan rbad/ sman dang 'phye bo rlung sgor 'jug/ mdze rlung khrag skye tsha grang 'khrugs// bcu gcig pa yi sngags kyis gnon// sa nA ga srog la dun dun rbad// sa nA ga tsa rbad thum ril shag/ sa nA ga rtsa rbad thum ril shag/ sa nA ga dun ling thum ril shag/ sa nA ga srog la hur thum ril shag/ sa nA ga snying gzer sbur nan thum ril shag/sa nA ga du me ma ma srog gzir rbad thum ril shag/ sa nA ga tsa tri shu la gzir nan thum ril shag/ sa nA ga nr-i tri yaM shig gzir thum ril shag/ rkang gcig bu ga rtsa gnyis 'jug/gzhogs skam sbub pa nad kyi rgyu// snying gzer bcu gcig dril bas gdon// sa nA ga srog la breng shag thum ril dun dun dza// sa nA ga srog la breng breng dz+wa dz+wa thum ril shag/ sa nA ga srog la dun dun shag/sa nA ga tsit+ta thum ril shag/ sa nA ga rtsa la rbad thum ril shag/ sa nA ga thum ling thum ril shag/ sa nA ga khaM shag thum ril shag/ sa nA ga snying gzer sbur nan thum ril shag/ sa nA ga du mel ma srog gzir rbad thuM ril shag/sa nA ga tsi tri shu gzir nan thuM shag nr-i tri yaM rbad// gel ba so dang sen la 'jug/ lce 'thib klu nad brlang po gtong// bcu gcig dang po bdun pa'i tha ma dang// log dkrug rnal ma sdeb la gdon// sa nA ga srog la breng shag thuM ril dun dun dza dza/ sa nA ga snying gzer sarba u nan gzer phyung rbad/ sarba du raM i nan 'drid phyung tsit+ta snying gzer thuM ril shag rbad/ mgo mang kha zas ro la 'jug/lce yi dbang po ro dang bral// dgu dang bcu gcig dbus sdeb gdon// sa nA ga dug phyung snying gzer rbad// sa nA ga thum ling thum ril shag/ gdug pa chen po snying la 'jug/ smyo 'bog 'chol mdze sdug bsngal myong// bcu gcig dbus dang bsam gtan sngags// nyin mtshan bsnol mar bzlas pas gdon// sa nA ga duM ling thuM ril shag rbad// sarba tsit+ta ro myags kha tham srog gzir sbur nan 'drid phyung hri shag dza/sa ya mas rjes shun dril 'jug/ nang khrod lnga za mdze yams bskyed// phyag rgya bsam gtan rnal mas gdon// sa nA ga sarba tsit+ta ro myags kha tham srog gzir sbur nan 'drid phyung hri shag rbad/lto 'phye rtsa bzhi sbubs la 'jug/ bad kan khrag rlung mkhris nad bskyed// skyo dub sems g.yeng 'chal dang 'thibs// shi phrad mgo dang dgu pa'i dbus// sdeb la bzlas la drag po gdon// sa nA ga tsit+ta ro myags rbad// brag la myog ti rbad/ srog la mug ti rbad/ dug phyung khram shing rbad/ sa nA ga dug phyung snying gzair rbad/ 'thoms pa tshigs la 'jug pa ste// rkang lag zhwa grum lus skem sbrid// sngags ni dgu bdun gong bzhin sdeb/sa nA ga ma trag snying gzer rbad/ sa nA ga tsi tri snying gzer tsit+ta rbad/ sa nA ga snying gzer sbur nan rbad/ sa nA ga snying gzer 'drid phyung rbad/ mgo dgu mgo lnga kha zas 'jug/zas la ro med ldib dang lkugs// shi phrad drag po mgo mas gdon// sa nA ga kham shag thuM ril hril phyags rbad// tsa tri ma ma dbugs la brang gzer rbad/ rtsa la hur thuM rbad/ srog la thun rbad b+h+yo/ sa bdag sa srin kha mig 'jug/rma dang srin dang ling tog 'bras// shi phrad dang mgo gnyis sdeb la// bcu gcig dbus ma bsnon pas gdon// sa nA ga khrag la myog ti rbad/ kham shag thuM ril hril myags rbad/ sa nA ga duM ling thuM ril shag rbad/ gnyan gyi nad rigs skam dang 'ja'// bsam gtan bcu gnyis bzhi pa mgor// sdeb la sreg dang khrus byas thon// sa nA ga rtsa la rbad thuM ril b+h+yo/ sarba tsit+ta ro myags kha tham srog gzir sbur nan 'drid phyung hri shag rbad/klu brgyad klu srin dgangs dang 'thibs// 'gul dang 'phrigs dang tsha zhing za// drag sngags mgo bdun gu 'phrad gdon// sa nA ga snying gzer sbur nan rbad// sa nA ga snying la trig snying gzer rbad/sa nA ga tsit+ta ro myags rbad// gdug pa gsum dang ma mor bsdong// rims nad smyo 'bog lci 'thibs na// bcu gcig du me 'bru dgus gdon// du me su srog gzir rbad/ thuM ril shag gdug pa gsum dang rgyal po'i nad// smyo 'bog snying phyung su la khrol// tsa tri 'bru dgu phye la gdon// tsa tri sa nA ga thuM ril gzir shig gdug pa gsum dang btsan gyi nad// gri zer khro zhing rang nyam chung// dza yaM 'bru bcu phye la gdon// sa nA ga dza yaM gzer thuM ril shag rbad/ mdze 'dre the'u brang gdug pa'i nad// blo [[]glo []]bur hur thum yid 'khrugs yong// ro nr-i tr-i yang 'bru dgu phye nas gdon// sa nA ga r o nr-i tri yang gzir thuM ril shag/'jug pa nges pa'i tshad mas brtag/ nad rtags shes nas sngags re gdon// rtags med 'khrugs na rno dbal btags// mdze yams bsrung ba'i sbyor bar bshad// dpal tshe bdag gi dgongs rgyud nag po las/nad brtags la gdon pa'i le'u ste brgyad pa'o//// de nas bcom ldan 'das kyis dbang sdud kyi rtsa ba 'di gsungs so// sngon du 'gro ba brtan byas la// gzugs gnyis bca' 'am lding thabs btag/thod pa'am khyu mchog rwa ru gzhug/ gru gsum rtsang bcas re bar gdab// las kyi tshe bdag gsal byas la// bla srog nus pa bdag dbang bsdu// ling+ga gzugs dang rten la bstim// nyi shu rtsa gcig sbyor ba brtsam// gzir ba brgya brgya bsad pa stong// thon nas phur pa snying gar gdab// gdug pa klu dang rten la mnan// sa brkau pho nya bla bgugs mnan// sa bdag dbang chen pho brang gdab// de nas bcom ldan 'das kyis nyid kyi sku gsung thugs rdo rje las drag sngags 'di bton to// e ka he ka g+h+ri ma he gang tri ya/ he sa b+h+yi sa ma dza tA/ kun smad badzra ni dza sad ka ra ya hUM phaT/e ka he dun rak+sha rbad/ ya he sa ra rak+sha rbad/ khar ga tsa dur rak+Sha rbad/ tha kang ku ma dza ni rak+sha rbad/ sa dkar ya dgra bo'i srog la mA ra ya rbad/ ya ma e ma he ka ra dza g+h+ri ma nan ma la he sang dza thun nan/ pra ya ma sa ra nA ga thi par na nan/ nr-i tri stam b+ha ya nan/ yung dkar yungs nag phur pa khrag/ so sor bris la mtshon gyis gtub// dbyang sdud lan gnyis rdzogs par bshad// drag po'i ser ba 'di lta ste// yul gyi lha rten klu dang btsan// ser srung dri ma sngo sna sa// bsres la khrag gi sbal pa gnyis// lto sbyar zhing ras sngags kyis gril// thod pa khrag sna dang bcas pa// 'bru gsum gru gsum dug khrag bran// thod pa dbyar dpyid mtshams su gzhug/ston zla gsum la gzugs blangs la// rdzas kyis sbal ba'i bar du gzhug/ gong gi thun brab phur pas brdeg/ brgyad dang bcu gcig nya bcu dgu// nyi shu dgu la dbab par brtsam// e ka he ka ya ma he sang pra ma sa ra phroM/ hril drag tu phroM phroM hril/ phroM phroM shar shar hril b+h+yo/ de ba dza ya ma nA ga snying gzer ro myags/ phroM phroM shar shar drag tu phob// ya ma rak+sha nA ga dun rbad na ga snying gzer sa tri nan rbad/las gnyis yan lag rdzogs par bshad// dpal tshe bdag gi dgongs rgyud nag po las/ drag sngags dbang sdud kyi le'u ste dgu pa'o//// de nas yang bcom ldan 'das kyis gab pa mngon du phyung ba'i sbyor ba 'di gsungs so// bsrung dang gzir dang bshig dang bsad// mnan dang bsreg dang zor thun mthar// dril ba'i 'khor lo 'di lta ste// rgya shog gru bzhi cha gnyis la// sme ba lnga dang ni rang byug/thig skor rim pa gsum du bskor// dbus su gru gsum zla gam gsum// ming rus srung ba skabs kyis bri// de yi phyi rim 'khrul mig bcu// rtsa ba drag sngags gang rung dgod// yang logs rtsibs chen bcu gnyis la// spu gri sbyor ba bkang la 'phro// srid pa'i rus sbal lto bar bca'// zhag dgu 'am zla phyed sbyor ba brtsam// 'khor lo thod pa klu dang rten// sbyor ba dmigs dang skabs kyis mnan// rjes gcod gzir dang kha gso zor// rim pa de bzhin shes par bya// de nas bcom ldan 'das kyis nyid kyi sku gsung thugs rdo rje las drag po'i sngags 'di bton no// e ka ya ma g+h+ri ma dza ni ra ma ya/ sarba sha truM stam b+ha ya nan/ 'dri dug phyung rbad/ sa nA ga snying gzir sbur nan rbad/ kham shag rbad/ sarba u nan 'drid phyung/ ro myags thuM rbad/ phroM phroM shar shar/ hril hril phob/ phroM shar nA ga de ba dza yaM sa tri snying gzer sbur nan/phroM shar hril b+h+yo/ raM thun phroM shar hril phob/ e ka ya ma graM graM raM tsit+ta nan/ 'drid phyung rbad/ drag po las kyi rim bsdus pa// lhun gyis grub pa'i tshe bdag gis// sbyor ba dag pa'i tshe dag bshad// dpal tshe bdag gi dgongs rgyud nag po las/ gab pa mngon du byung ba'i le'u ste bcu pa'o//// de nas yang bcom ldan 'das kyis/ mgo dgu pa'i sbyor ba dril ba'i 'khor lo 'di gsungs so// rtsa ba gcig la yan lag lnga// snying po nyid las ye shes kyi// 'od dang zer gyi tshul can gyis// gdug pa'i gnas su mtshams dang sbyar// dur khrod ras dang shog bu la// thig skor rim pa bzhi ru bskor// dbus su gru gsum zla gam gsum// mig rus gang dmigs bsrung ba bri// phyi rim rtsibs bzhi'am khyams khang bzhir// byas la spu gri rdzogs par dgod// yang logs 'khrul mig bcu drug la// rtsa ba'i drag sngags de bzhin dgod// tha ma sbrul gdug chen pos bsdam/ kha sbyar dug chu tsha ba khrag/ bskus la dor cang ling+gar sbyar// zhag dgu gsal gsum gnad dgu bdog/ nyin dgu gtor la mtshan dgu dril// gsad pa'i las de mtha' ru mnan// zhag dgu gzir shig mnan pa zor// chu dril gta' gzhug zor thabs gzir// yan lag las de skabs kyis blangs// mtha' ma sa yi 'khor lo bca'// man+Dal dbus su me thabs bca'/kha khyer chag gang gyen dang thur// nang du laM raM snying po bri// ling+ga'i snying gar hom shing mnan// sha gsum khrag gsum dug sna gsum// 'o ma til nag nyung nag mar// phyi rim rgya gram bzhi la dgod// mtha' ma me ri gzugs dang ming// bskaur la zhag lnga thun brab gzir// zhag gsum bsreg cing mchod pa bstab// mtha' ru mnan pa thal ba gdab// las kyi rjes gcod brnag pa'i mchog/de nas bcom ldan 'das kyis nyid kyi sku gsung thugs rdo rje las drag sngags 'di bton no// e ka he dun ya ma raka sha dza/ mun tri shaM tsa tri shU snying/ dgra bo'i srog la sha truM/ mA ra ya rbad/ srog s+t+wam b+ha ya nan/srog la ni shag hur yam thun bye/ phroM phroM shar shar hril hril drag tu phob/ phroM phroM shar shar hril hril thuM bye/ nA ga dza yaM snying gzer tsit+ta hur ya nan/ phroM phroM shar shar hril b+h+yo/ de ba raM phroM shar nA ga baM raM/thum hril shar b+h+yo/ sarba sha truM stam b+ha ya nan/ 'drid rbad/ sarba u nan yang bzlog hur yaM/ kha 'drid phyung rbad/ sa nA ga snying gzer sbur nan/ thuM ril shag rbad/ sarba raM thun srog la myog/ thun rbad/ baM raM dz+wa la raM/las rnams rtsa ba bcas pa yi// sprul pa'i sbyor ba rtsa bar bshad// dpal tshe bdag gi dgongs rgyud nag po las/ mgo dgu pa'i le'u ste bcu gcig pa'o//// de nas yang bcom ldan 'das kyis drag po mngon du phyung ba las kun gyi bya ba sbyin sreg gi sbyor ba 'di gsungs so// dang po yid mthun bde ba yi// gnas dang yo byad rdzogs par bsham// man+Dal sa dkar spos dang ldan// dbus su me thabs zlum por brtsig khru gang kha khyer mdzub gang ba// sor bzhi zhing du rnam par brtag/ nang du chag gang thur du brko// dkar ba'i nang du 'dab ma brgyad// ge sar dung gi dbyibs can de// tha ma 'khor yug dkar por bya// hom shing lcang ma glang ma dang// phang ma dag la khru gang bya// de nyid yam shing sor brgyad la// dbyibs dang kha dog dkar la zlum// 'bras dang nas chan rtsi mar dang// me tog sna tshogs gu gul dkar// 'o ma dang bcas mchod par dbul// tshogs bsag sri'u gso la sbyar// lha bskul sngags bcas mchod par bsreg/ zhi bar gyur ces brjod la sngags// thal 'jim nya phyis ras khar nang// gtums la zhi ba'i sa ru sba// de nas bcom ldan 'das kyis nyid kyi sku gsung thugs rdo rje las zhi ba'i sngags 'di bton no// e ka he dun ya ma snying khrag ra ma tsa ya/ hur khaM baM ril che ge mo shAn+tiM/ A yur+dz+nyA na sarba te/dgra dang gnod byed log 'dren dang// phas pham dang ni zhi bar bshad// dpal tshe bdag gi dgongs rgyud nag po las/ thams cad zhi ba'i le'u ste bcu gnyis pa'o//// de nas yang bcom ldan 'das kyis thams cad rgyas pa'i sbyin sreg gi sbyor ba 'di gsungs so// dur khrod ljon shing nags tshal du// rin po che yi man+Dal la// me thab gru bzhi khru gang ser/ kha khyer mtho gang chag gang thur// sor gnyis zheng ldan 'khor los mdzes// nang du gser dang ldong ros bsku// sa la 'khor lo ser rtsibs bcu// lho shing ser po dri chen dri// gser gyi ga'u kA pa la// rgyas par 'dod pa'i ming bcas gzhag/ bu ram sbrang rtsi bdud rtsi'i bcud// tshil sna shing tog me tog dri// rtsi mar zho dang bcas pa dbul// bdun nam lnga ru sum yar bsreg/ skul tshig dang bcas sngags chu sbyar// ga'u kha sbyar tshas kyis gril// rigs rgyud nor ldan gos kyis gtums// gser la sogs pas ser por bsku// skyed mos tshal dang lu mar sba// de nas yang bcom ldan 'das kyis nyid kyi sku gsung thugs rdo rje las sngags 'di bton to// sarba che ge u pa ta ya/bur bu ba sid+d+hi ho/ thams cad ma lus rgyas pa yi// sbyor ba dam pa 'di bzung bya// dpal tshe bdag gi dgongs rgyud nag po las/ thams cad rgyas pa'i le'u ste bcu gsum pa'o//// de nas yang bcom ldan 'das kyis dbang du bya ba'i sbyor ba'i 'di gsungs so// dur khrod dbang bsgyur zil gnon du// man+Dal khru gang rgyar khru gsum/ khrag gis byug la me thabs bca'// dbus su zla gam dmar po la// tsan+dan khrag dang rgya skyegs bsku// nang du lcags kyu dmar por bya// dzaHdang hrIHyis gang bar bya/ kha khyer A kar+sha yis bskor// tha mar zhags bsdog lcags kyu 'khyil// dbang drag yi ge hrIHsham bri// 'om bu smyag shad rgya tshil shing// mngal khrag rgya skyegs tsan+dan chu// hom khung gru gang yam shing bsku?// chags pa'i brda' yis yam shing gdab// sngags kyang bar ma chad par bzlas// 'khor lo tsan+dan rgya skyegs bri// myu khyud rim pa gsum du bskor// nang dang zla gam gang 'dod ming// mu khyud gnyis par rtsa ba'i sngags// tha mar lcags kyu zhags bsdog bcu// dbang du bya ba'i spu gris gang/ kha sbyar bar snang dgung la bca'// pho nya bskul la dbang du bya// zhag bdun bar du las rmigs brtag/ mtha' ru srin mo'i sgrom la gtad// sbyor ba kun ldan be bag ta// de nas yang bcom ldan 'das kyis nyid kyi sku gsung thugs rdo rje las drag sngags 'di bton to// che ge sarba A kar+sha ya hri sha ya breng breng dun dun dza/ gdug pa kun gyi mchog tu bshad// dpal tshe bdag gi dgongs rgyud nag po las/ thams cad dbang du bya ba'i le'u ste bcu bzhi pa'o//// de nas yang bcom ldan 'das kyis drag po'i sbyor ba 'di gsungs so// dur khrod gnyan rig gdug pa ru// phung sa gsum la man+Dal bya/ khrag dang dug gis chags chag gdab// dbus su me thab gru gsum la/ kha khyer gsum dang ldan par bya// mtho gang mdzub gang chag gang du// nang la sogs par rim bzhin bya// nang du rgya sol kha khyer dmar// rtsad dang thod pa me ri bya// rgyu rten ling+ga dbus dang lnga// hom shing khru gang drag po gzug/ zla gam gnod pa'i gzugs ming bzhag/ thod pa'i ling+ga 'og tu mnan// tha ma rgya gram phur pa khrag/ bcu gnyis rtsibs la me ri ldan// sha sna khrag sna de bzhin tshil// dug sna sngo sna 'o ma chang/ khrag dang mar khu rdzas kyis bskor// thun rdzas bdug rdzas rgya gram la// bar snang gcod pa'i 'khor lo bca'// dur khrod ras dang ro yi rdzas// shog phu dag la bzhi ru bskor// dbus su gru gsum zla gam gsum// ming rus khams dang bsrung ba bri// phyi rim lcags mkhar bcu gnyis la// rtsa ba'i drag sngags kun gyi lus// yang logs rtsibs chen bcu gnyis la// gcod cing sreg pa'i spu gris mdzes// mtha' ma sbrul gyi ra bas bskor// mun nam khyams la gnod pa'i gdon// bris la rus sbal lto bar bca'// bar snang me thab steng du bca'// thod pa kha sbyor steng ma la// nang du rgya gram sbrul gyis bskor// thod pa snying ga'i bcu bsdu bri// rang la mnan sngags chang bcas dgod// 'og ma mo yi thod pa la// gru gsum sbrul dang me ri bri// gzugs dang snying po ming rus bri// bris la ling+ga bar du gzhug/ zhag bdun gsal gsum drag sngags bzlas// nyin mtshan gung la bskul zhing bstab// rdzas dang ling+ga ming byang bsreg/ drag sngags bcu bsdus rdzas re dbul// bdag dang bum pa me thab la// lha yi nga rgyal zil gnon du// sngags dang bcas pas gsal bar brtag/ gshin rje'i gshed dang yang 'khor kun// me thab phrin las bzhi ka la// gsal bar byas la las la mngag/mtha' ru gdug pa'i klu la gtad// thal ba mnan pa'i phyogs dag tu// zor du 'phang ba thun brab la'o// de nas bcom ldan 'das kyis nyid kyi sku gsung thugs rdo rje las drag sngags 'di bton no// dgra bo'i srog la hur sha yag mA ra ya raM/ khaM raM dza raM/ zhes kha bskang ba'o// nye bar gyur pa'i sbyor ba 'di// 'khor lo hom sbrel drag por bshad// dpal tshe bdag gi dgongs rgyud nag po las/ drag po hom gyi le'u ste bco lnga pa'o//// de nas yang bcom ldan 'das kyis lhun gyis grub pa'i sbyin bsreg gi sbyor ba 'di gsungs so// dang po yid mthun bde ba yi// dur khrod bde ba'i gnas dag tu// rang sems dben pa'i mtshams bcad la// rten gzhi sa dang nyams dga' yis// bshams la man+Dal khru gang brtsig/ rgya ru dpag tshad 'byor tshad la// rin chen bdud rtsi dug khrag byug/ man+Dal dbus kyi gzhi nyid la// rgyas pa'i thab khung gru bzhi pa// dpangs su khru gang legs par bya// steng du mtho gang dpangs tshad can// zhi ba'i thabs khru zlum por brtseg/ de steng dbang gi zla gam yang// gong ma'i tshad du dpag la brtseg/yang steng drag po'i thab khung ste// mtho gang gru gsum kha khyer gsum// rgya sol ro sol nag po la// rtsang dang thod phreng me ri 'bar// zla gam rgya skyegs mngal khrag gis// zhi ba ras dkar cong zi byug/rgyas pa gser dang ldong ros gyis/ kha dog so so ris su dbye// thod pa 'khor lo ling+ga ming// mthing nag dang bcas dbus su gzhug/ steng du rdo rje rgya gram gdab// de steng ling+ga rgya gram dbus// raM laM yaM bzhi yaM dbus ldan// seng ldeng tsher nag phur bu mda'// dme lag gdug pa'i hom shing gzug/ dbang la lcags kyu dzaH dang yaM// bris la thams cad dbang du 'gyur// zhi ba'i dal la a dang ldan// rgyas pa ser po gang 'dod ming/kha khyer 'khor lo ser po bri// hom shing kha dog gang bzhin sbyar// bsreg rdzas dril la so sor dbye// 'bras dang 'o ma me tog can// zhi ba'i thab khung lha la dbul// gdug pa gsum po sbyor bar brtag/mngal khrag skyer dkar stag sha chen// dbang gi lha la de bzhin dbul// mngar dang sbrang rtsi bdud rtsi yis// me tog 'bras bu rtsi mar mtshan// mi sha rta sha phag sha sbrul// drag pos bsad pa'i skabs su dbul/khyi phag bya sha tshil dang khrag/ gdug pa gsum pa'i sbyor bar brtag/ sha sna khrag sna 'o ma dug/ sbyor ba drag po byad bzlog pa'o// tshil dang glang ru yugs mo'i khrag/ the brang la sogs byad dgrol ba'o// til dang yungs nag rgya tshil brun// gzhan gyi bsrung ma bzlog cing gzir// dug gi ri lu ming rus bcas// brgya dang 'o ma sngo sna chang/ khrag dang mar khu kun la sbyar// drag po'i brub khung dag tu'o// rang yang zil gnon gsal bar bya// thab khung bzhi la zil gnon gsal// gshin rje ma mo bdud kyis bskor// sha khrag drag po'i rdzas la rol// bskul dang thun brab ling+ga bstab// de bzhin lha la mchod cing bstod// gang brtsams thogs med 'grub par bshad// de nas bcom ldan 'das kyis nyid kyi sku gsung thugs rdo rje las lhun gyis grub pa'i sngags 'di bton to// dgra bo'i srog la dun rmug shan dza/bur bu ba si ti/ shAn ti A yur+dz+nyAn mA ra ya rbad/ sarba e raM kha raM dz+wa la raM// de yis nye bar 'joms pa yin// de bzhin bar snang 'khor lo yang// thig skor rim pa bzhi ru bskor// dbus su gru gsum zla gam gsum// phyi nang yang logs mtha' ma gsum// 'phrul mig rtsibs chen bcu gnyis ldan// dbus su brnag pa'i ming rus gzugs// zla gam bla dang rus khams blta// 'phrul mig de bzhin rtsa ba'i sngags// rtsibs chen gnyis la dgod pa ni// lhun gyis grub pa'i spu gri bri// bkod la kha sbyar bar snang bca'// zhag bdun gsum du drag sngags bzla// bzhi ru las kyi sbyin bsreg bsre// zhi ba dbang drag rgyas pa mthar// rdzas dang sbyor ba phye la bya// lha dang drag sngags hril bsdeb pa'o// de dag thon nas thod pa gdon// 'khor lo dang bcas zhabs 'og gzhug/ ya ma mchog phur snying gzer khri// thod pa la sogs rjes dril bas// klu gzer gdug pa'i klu la gtad// sa sros bcu drug tshes gcig la// phur pa btab la lto bshal bkol// thod pa steng du drag por bsreg/ dbang chen pho brang rgya gram mnan/ kha gso las mthar thal ba dag/rang rang khung bu dang bcas sba// mtha' ru thun bskul zor gyis bskyod// sbyor ba lhun gyis grub par bshad// dpal tshe bdag gi dgongs rgyud nag po las/ lhun gyis grub pa'i sbyin sreg gi le'u ste bcu drug pa'o//// de nas yang bcom ldan 'das kyis srog dmar len gyi sbyor ba 'di gsungs so// dang por dben pa'i bde gnas su// bgrod pa gsum gyis dbang thob pas// gdeng gsum che ba gsum bcas la// sngags kyi dmod pa gsum du dbye// bsad dang srung ba mtha' ru bzhag/ kun gyi mtha' ru mnan dang zor// rtsol med rang shugs lhag par sbyar// de dag gang brtsams 'bras bur bcas// lhun gnyis don gnyis rang gsal ba'o// de yi rim pa 'di lta ste// dur khrod ras la lnga ru bskor// dbus su gru gsum zla gam gsum// phyi rim rdo rje rgya gram ldan// yang logs mu khyud zlum por ldan// mtha' ma 'khor lo rtsibs bcu gnyis// rus sbal phag mo ling+ga'i gzugs// de bzhin rus sbal rtsibs bcu gnyis// mtshon cha nang bstan spu gris dgang// mtshon cha snol la thabs kyis dbul// de la dgod pa 'di lta ste// dbus su brnag pa'i gzugs ming rus// zla gam lo khams srung ba'i lha// rgya gram rtsa ba'i drag sngags lus// rgya gram rtse mo snying por brnag/ rwa mtshams de bzhin ming dang rus// rtsibs dang dmar len spu gris so// mu khyud gang grub bsad pa'i sngags// lto sbyor drag po nye ba'i gdon// rno dbal mtshon chas 'bigs shing gcod// 'khor lo mtshon cha me dbal bsngags// gcod cing 'bigs par rang bcas yin// sreg cing skyel ba shugs kyi mchog/ gzir zhing gnon pa thog ser sa// skyom zhing g.yeng ba chu rlung 'khrug/ de dag las kyi rim pa yang// dug khrag tsha ba ngar blud la/ kha sbyor thod pa du mar bca'// ling+ga dang bcas dong du brnag/ mthing nag kha bcad zhag gsum bskul// yul la rbad cing dmod pa gdab// gsal gsum brnag pa rten las 'pho// de yi lus srog phyed par nges// thon nas thod pa gzir la gdab// bcas dang gzir mtha' thod mkhar bca'// dgongs pa kun la kha gso bya// de nas bcom ldan 'das kyis nyid kyi sku gsung thugs rdo rje las dmar len sngags kyi rgyal po 'di bton no// e myags ya rngubs mug shag ka dun/ dgra bo'i srog la hur thum dza/ tsit+ta breng shag rbad tsa shag thums ril shag rbad/ dgra bo tsit+ta breng shag dza/ srog la hur thums rbad/ dgra bo'i srog s+t+wam b+ha ya nan/dgra bo'i srog la hur thuM ri li li b+h+yo/ de dag bsad pa'i sbyor ba bshad// de nas yang bcom ldan 'das kyis gdug pa gsum sogs bsrung ba'i sbyor ba 'di gsungs so// de yi sbyor ba 'di lta ste// dur khrod rgyu la 'khor lo bca'// phag mo'i lto bar mu khyud bzhi// bskor la dbus su gru gsum dang// de bzhin zla gam ldan par bya// phyi rim rdo rje rgya gram ldan// yang logs mtshon cha'i rtsibs bcu gnyis// de bzhin mtha' ma'i rtsibs bcu drug/ mtshon cha'i rgyal po gnyis bcas la// drag po 'joms pa'i sngags rnams dgod// dbus su dal dang gdug pa'i ming// zla gam de bzhin gdug pa'i ming// rgya gram rwa brgyad rtsa ba'i sngags// phyi rim bsrung ba thams cad pa// yang logs bcu bzhi gdug pa gzir// mtshon cha mu ran gnod pa'i gdon// bkod la kha sbyor thod par dor// gsal gsum sngags bzlas zhag gsum gzir// mtha' ru bka' rten 'og tu mnan// 'pho ba chen po las su gsungs// de nas yang bcom ldan 'das kyis nyid kyi sku gsung thugs rdo rje las sngags kyi rgyal po 'di bton to// sarba tsit+ta yaM shag rbad/ hur khaM 'drid nan snying gzer rbad/ sa nA ga snying gzer rbur nan/ ha la yaM thun gzir hur thuM dza shag rbad/ shri badzra kro d+ha/ oM ya ma ya/ ma ma ru lu ru lu ma/ badzra dun tiM kI la ya ta/ ru tra d+ha/ da ru me/ ma/ mun mun pa/ rA dza dza de ba a/ rak+sha ra/ rag mo maM/ ti ra ti ka du/ ru tra nr-i/ yak+sha k+Sha/ yag+mo k+Sha/ shu la tsa/ badzra sA d+hu tri/ ru tri tu/ sa nA ga phu/ de dag sbyar bar rgyas pa yang// lus dang spu gri srog dang snying// sbyor ba bzhi ru bsdeb pas gcod// lus dang spu gri'i mtsham de ru// snying po brda yis gzir bya sbyor// de yi las dang sbyor ba gzir// dbang po stobs dang nus pa dbral// spu gri bcu gcig gzir dang bca'// mtshams su srog gi yi ge re// snying gi dkyil nas 'phrog par byed// ze la khab 'dus dpe tshul bzhin// bton nas khyams khang e la thim// rang dbang med par srog dbrog pa'i// dam pa mchog tu 'di gsungs so// gzhan yang gdug pa'i nad zug na// rdzas bcas pa yi rim pa gsungs// lci zhing 'thib na rgyal rigs dug/ dro zhing tsha na rje rigs dug/ grang zhing bsil na bram ze'i dug/yang zhing g.yo na dmangs kyi dug/ glu gar mtshan mo na ba dang// yan lag zha grum gzhogs skam dang// lci zhing khrag skye klus zin pa'i// nad kyi rtags su de gzung bya// tsha zhing brtse na yang rtags yin// spyang dug tsher ma glang chu bsku// tsha zhing 'brub bu 'ong ba la// spos dang btsod khu tshwa sna bsku// bems dang bas ldag kor tso la// ra dug long rtol gu gul bsku// rma dang ser ga 'byung ba la// ka ra bI ra dri chen dug/ga bur tsan+dan skar chu bsku// ma tshor sha ro kor tshe la/ khrag ngan bton la rngabs kyis brangs// mu zi dri chen ldong ros bsku// na tsha med pa'i rma shu la// ti tsa mar dkar gla ba bsku// tsha zhig rkang lag na myong sbrid// gu gul ra dug rwa gzhob bsku// lus la gzer dang skrangs pa na// ra tsha rgya tsha kha ru dza// ra dug ba spu dri chu bsku/ tshig gcig chad// ga pur rgun 'bru gla ba bsku// shu ba bas ldag phag tshil bsku// sha ro ldong ros dbyi mo tsha// sna tshogs thabs kyis mnan la bsku// dug sna mu zi skar chu bsku// byug dang bsku ba'i sbyor ba'o// gzhan yang thabs kyi rim pa ni// dri chen dri chu byang chub sems// brtag pa gsum dang sngags btab la// zos na nad sos dug las thar// mdog 'jam tshe ring skad gdangs snyan// srung ba kun gyi mchog tu bshad// dpal tshe bdag gi dgongs rgyud nag po las/ dmar len rtsa ba'i le'u ste bcu bdun pa'o//// de nas srog dmar len gyi sbyor ba khyad par 'di gsungs so// gzir dang srog dbrog bsad pa yi// mtha' ru drag po hom sbrel brtsam// shin tu dben la nyams dga'i sar// sems nyid dben pa'i mtshams bcad la// snang stong gnyis med sgyu ma'i sku// ye nas lhun grub phyogs dang bral// ye shes rol pa'i thabs bsam yas// 'di de de dang smin pa'i las// rim pa'i mchog bsdus 'di lta ste// sa gsum mkha' rgongs chu shul la// maN+Dal khru gang dpangs su brtsig/ dbus su khru gang me thab sbyar// kha khyer gsum ldan dbus su brko/ kha khyer mtho gang mdzub chag gang// sor gnyis zheng ldan rtsang thod me// rgya sol khrag chen dag gis bsgyur// dbus su rgya gram ljang dgu la// rwa bzhir yaM bzhi snying po rlung// skye med bskyod pas las kun byed// rgya gram lte ba e dang raM// g.yengs pa'i stobs kyis spor bzhi sreg/logs la ja gsum ya yis 'phul// srog dang dbang po bla rten 'gugs// phyi rim rgya gram zla gam ming dang gzugs// bla dang shes pa 'chag cing brten// de yi phyi rim rgya gram la// rtsa ba'i sngags bcas dug khrag chang// 'o ma dang bcas me dbal 'joms// yang logs brtsibs chen bcu gnyis la// sreg pa'i spu bri de bzhin rdzas// dug gi ri lu brgya rtsa brgyad// ming byang bag phye til mang btso// mi rta khyi sha mchod pa'i rdzas// de bzhin nya sbrul sbal pa'i sha/ ra dug re lcag ba spu dgod// bya phag sha tshil 'gying bag bca'// til dang nyung nag tsha ba gsum// mar khu 'o ma myos pa'i khrag/ bsreg rdzas mchod pa drag por dbul// yungs kar ske tshe mnol khrag thun// gzugs dang ming bcas sngon du btab// mtha' ru rdzas rgod bsreg pa bdug/ dbus kyi rgyal chen pho brang du// brgyud chad pa dang gom bdun pa// gcin dang shar shu dri ma skra// rten pa bsres la ling+ga bca'// thod pa zla gam dbus nyid du// ming rus dang bcas sngon dmar bsdam// bzhi bcas re re gan rkyal mnan// rgyal chen pa yi snying ga ru// hom shing khru gang zur gsum pa// gdug pa'i shing la dug khrag bsku// ming byang dang bcas btsug la brnag/ dbus kyi rgyal chen pho brang dang// bum pa'i gzhal yas sngags pa rnams// ye shes rang gsal stong bdag med// chos sku'i ngang las phyag rgya'i sku// ye shes lhun grub zil gnon gyi// yum dang gsod byed dregs pa dang// rus sbal bya khyung phag mo sbrul// stag dang seng ge khro chung bcas// dbu la khrag 'thung he ru ka/dur khrod chas dgu rgyan dang ldan// drug bzhi drug stong 'khor dang bcas// gsal bar brtag la drag sngags bzlas// nam mkha'i 'khor lor sa la bri// sngags dang rus khams ming btab la// sbyor ba dang ldan bar snang bca'// bla rkun rbad cing rbad sngags sbyin// bla dang tshe bkrag nus pa 'gugs// thun brab gzer sngags rgya yis btab// rten gyi gzugs dag bstab pa bya// bskul ba dang bcas drag sngags nus// rdzas kyi mchod pa me spar bsreg/ rkyen gyi 'du 'phro sbyor ba min// rtsol bral ji bzhin lhun gyis grub// de nas bcom ldan 'das kyis nyid kyi sku gsung thugs rdo rje las bsreg pa drag po'i sbyor ba'i sngags 'di bton no// e myag ya rngubs mug shag ka dun/ dgra bo'i srog la hur thums dzaHram sha rbad dz+wa la raM/ de nas bcom ldan 'das kyis bla rkun gyi pho nya las la mngag pa 'di gsungs so// bskal pa brgyad khri bzhi stong 'khor ba'i gzhal yas nas// lcags mkhar sgo med bcu drug 'bar ba'i nang shed nas// 'obs chen bcu gnyis 'bar ba'i dkyil 'khor nas// thod mkhar 'bar ba bzhi yi dbus phyogs nas// pho brang lcags mkhar spu gris gtams pa'i nang// klu 'bum gnyan khri sa bdag stong gi gdan// lto 'phye phyogs skyong ma he brdzis pa'i khri// thabs dang shes rab nyi zla'i gdan steng nas// srog bdud 'jam dpal tshe bdag nag po bzhengs// rngam pa'i tshul gyis bla rkun dgra la khye// tshe bdag las kyi sprul pa mngon phyung ba// shar gyi phyogs nas bla 'gugs pa// dung gi mon pa seng ge'i mgo/dbu dgu spyan dgu zhal dgu gdangs// phyag dgu zhabs dgu tsit+ta dgu/ zhabs dgus stong khams bla la rgyug/ spyan dgus dgra bo blta zhing 'dzin// snying dgus dgra bo yid la gnon// phyag dgus tsit+ta khong nas 'byin// zhal dgus kha mngar med par gsol// ljags dgus khrag la myos shing 'thung// dgra bo bla dang phrol la shog/ ka la dun ting tsit+ta ro myags srog la thum ri li li b+h+yo/ lho yi phyogs nas bla 'gugs pa// lcags kyi mon pa stag gi mgo/ dbu dgu spyan dgu zhal dgu gdangs// phyag dgu zhabs dgu tsit+ta dgu/ zhabs dgus stong khams bla la rgyug/ spyan dgus dgra bo blta zhing 'dzin// snying dgus dgra bo yid la gnon// phyag dgus tsit+ta khong nas 'byin// zhal dgus kha mngar med par gsol// ljags dgus khrag la myos shing 'thung// dgra bo bla dang phrol la shog/ ha la ha la dun ting tsit+ta ro myags srog la thum ri li li b+h+yo/nub kyi phyogs nas bla 'gugs pa// bse yi mon pa dred kyi mgo/ dbu dgu spyan dgu zhal dgu gdangs// phyag dgu zhabs dgu tsit+ta dgu// zhabs dgus stong khams bla la rgyug/ spyan dgus dgra bo blta zhing 'dzin// snying dgus dgra bo yid la gnon// phyag dgus tsit+ta khong nas 'byin// zhal dgus kha mngar med par gsol// ljags dgus khrag la myos shing 'thung// dgra bo'i bla dang phrol la shog/ra ga ho ti dun ting ro myags srog la thum ri li li b+h+yo/ byang gi phyogs nas bla 'gugs pa// gser gyi mon pa khyung chen mgo// dbu dgu spyan dgu zhal dgu gdangs// phyag dgu zhabs dgu tsit+ta dgu// zhabs dgus stong khams bla la rgyug/ spyan dgus dgra bo blta zhing 'dzin// snying dgus dgra bo yid la gnon// phyag dgus tsit+ta khong nas 'byin// zhal dgus kha mngar med par gsol// ljags dgus khrag la myos shing 'thung// dgra bo'i bla dang phrol la shog/ karma b+ha ting dun ting ro myags srog la thum ri li li b+h+yo/ dgu bskor thun dbab bstab pa bya// srog bdun tshe bdag nag po ni// sku yang che la dregs shing rngams// sku ni nam mkha'i khams dang mnyam// gsung gi nga ro 'brug ltar sgrogs// thugs ni stong gsum khyab par blta// zhal ni hom khung gdangs pa 'dra// ljags ni hom gzar brkyangs pa 'dra// tshems ni hom shing btsugs pa 'dra// mche ba rtsang phur gtams pa 'dra/ khyod ni srog 'gugs bdag po yin// gru gsum bgrad pa'i zhal gdangs shig/ sdang dgra gnod bgegs kha raM khA hi// yum chen gsod byed rgyal mo ni// mthing nag 'jigs tshul rngam stabs 'gying// nad gtong rgyal mo zhal gdangs shing// dgra bgegs bstab po kha raM khA hi/ gsod byed ya ma rA dza ni// smug nag 'jigs pa zhal gdangs shig/sdang dgra gnod bgegs kha raM khA hi// dregs pa phyag na rdo rje ni// stobs chen drag po zhal gdangs shig/ sdang dgra gnod bgegs kha raM khA hi// rus spal rgyal po mi zan ni// tshe srog 'chang ba zhal gdangs shig/sdang dgra gnod bgegs kha raM khA hi/ bya khyung rgyal po ga ru na// klu 'dul mkha' lding zhal gdangs shig/ sdang dgra gnod bgegs kha raM khA hi// sgrol byed tshe bdag mgo dgu pa// sprul pa chen po zhal gdangs shig/ sdang dgra gnod bgegs kha raM khA hi// bdud mo khrag gi ral pa can// nad gtong srin mo zhal gdangs shig/ sdang dgra gnod bgegs kha raM khA hi/ sum cu rtsa gsum gnas kyi yang steng na// bdud po yi med 'phrul gyi rgyal po bzhugs// 'chi bdag rgyal po zhal gdangs shig/ sdang dgra gnod bgegs kha raM khA hi/ rgya mtsho chen po'i gting rum nas// gshin rje bye ba dgu khri bzhugs// las kyi mtha' sdud zhal gdangs shig/ sdang dgra gnod bgegs kha raM khA hi/ de nas bcom ldan 'das kyis dregs pa'i tshogs la bstod pa/ mchod pa bstab pa 'di gsungs so// chos kyi dbyings kyi pho brang na// drag po e yi gzhal yas nas// klu 'bum gnyan khri sa bdag stong gi gdan// lto 'phye phyogs skyong ma he brdzis pa'i khri// thabs dang shes rab nyi zla'i gdan steng na// dug lnga brkam chags 'joms pa'i lha// srog bdud tshe bdag nag po ni// gtum chen dus mtha'i bskal pa'i me ltar 'bar// sku mdog nag po dug chen 'khyil ba 'dra// sku yang rngam chen dregs pa'i sku// dbu gsum phyag drug zhags bzhi bgrad// g.yas dkar klu brgyad zhal du gsol// g.yon dmar gnyen khri klu 'bum gsol// dbus zhal mthing nag rngams pa yis// sku dgra gyur pa'i las ngan dang// sa bdag klu srin sde brgyad kyi// dbang po lnga dang tsit+ta gsol// phyag drug mtshon cha 'bar ba yis// zhe sdang klu gnyan sa bdag dang// dgra bgegs mgo lus tshal par gshog/ sku la dur khrod rgyan chas dang// klu chen brgyad kyi mgo bcas nas// do shal snying gi phreng bas brgyan// dbu la bdud dang srin mo dang// btsan dang mu stegs rgyal po yi// mgo bo thod pa'i phreng bas brgyan// rgyal rigs snyan gyi grong khyer brgyan// rje'u rigs mgur chu tshangs skud brgyan// bram ze'i rigs kyis phyag gdub brgyan// dmangs rigs zhabs gdub lhu tshigs brgyan// rigs ngan gdol pa zhabs 'og bting// ba su rigs drug zas su za// mche ba dgu khri rtsang phur gtams// spyan nas dug gi tsha tsha 'phro// shangs nas rlung nag 'tshubs ma ldang// dbu skra sma ra ba spu las// gdug rtsub dmar nag me chen 'bar// dam nyams dgra bo sdig can dang// gdug pa'i klu gnyan sa bdag sreg/gang la bya ba khyod shes kyis// dmigs pa gang yin mngon du sgrol// rtsa rgyud klad khrag rba klong skoms// lus srog dbang po rten dang phrol// 'byung ba rnam shes bkrag mdangs sdus// zhe sdang drag po'i sbyor ba chom// bsreg rdzas mchod pa 'di bzhes la// bla mtsho bkrag mdangs bag chags skoms// lcags mkhar sgo/ med nang du chug/ 'byung ba gdan gzhi'i rngams kyis non// gdug rtsub me lha'i zhal du stob// sdang ba'i dgra dang gnod pa'i bgegs// mchod par 'bul lo kha raM khA hi// g.yon gyi phyogs nas yum gcig ma// bdud mo gsod byed rgyal mo ni// sku mdog mthing nag brjid pa la// dbu la sbrul nag ral pas gtibs// ral pa zar bu re re la// gser dang mu tig rgyan 'phyang ma// gdol ba'i klu dang thod pa yis// dbu dang phyag zhabs lhu tshigs brgyan// zhal nas mi ro rta ro 'brul// spyan nas khrag 'dzag zu lu lu// shangs nas rlung nag 'tshub mar 'khyil// g.yas pas dgra bo'i snying phyung 'khyud// g.yon pa lcang lo snying khrag stob// drag tu bskul zhing rbad tsam na// ma mo'i king kang dgra la 'bebs// mo gdon 'bum sde gzir zhing 'joms// gang la bya ba khyod shes kyis// dmigs pa gang yin myur du sgrol// rtsa rgyud klad khrag rba klong skams// lus srog dbang po rten dang phrol// 'byung ba rnam shes bkrag mdangs sdus// zhe sdang drag po'i sbyor ba chom// bsreg rdzas mchod pa 'di bzhes la// bla mtsho bkrag mdangs bag chags skoms// lcags mkhar sgo med nang du chug/ 'byung ba gtan gzhi'i rngams kyis non// gdug rtsub me lha'i zhal du stob// sdang ba'i dgra dang gnod pa'i bgegs// mchod par 'bul lo kha raM khA hi// tshe bdag thugs kyi dkyil 'khor nas// thugs kyi sprul pa mngon phyung ni// gsod byed ya ma rA dza ni// sku mdog smug nag 'jigs tshul can// rngams shing dregs pas dgra bgegs 'dul// rna ba'i grong khyer sbrul gyis brgyan// tshangs pa'i mgo bcad do shal byas// bdud dang mu stegs rgyal po yi// tsit+ta'i phreng bas rgyan du byas// g.yas pa 'khor lo rtsibs bcu bsnams// nyams pa kun gyi mgo lus gshib// g.yon pas tsit+ta dmar po bsnams// dgra bo'i don snying sbar gyis 'debs// rngams shing dregs pa'i cha byad kyis// sde brgyad kun gyi sbyor ba 'joms// bskul zhing drag tu rbad tsa na// sa bdag klu gnyan gzir zhing mnan// klu nad mdze shu ka ru mchod// gang la bya ba khyod shes kyi// dmigs pa gang yin myur du sgrol// rtsa rgyud klad khrag rba klong skoms// lus srog dbang po rten dang phrol// 'byung ba rnam shes bkrag mdangs sdus// zhe sdang drag po'i sbyor ba chom// bsreg rdzas mchod pa 'di bzhes la// bla mtsho bkrag mdangs bag chags skoms// lcags mkhar sgo med nang du chug/ 'byung ba gtan gzhi'i rngams kyis non// gdug rtsub me lha'i zhal du stob// sdang ba'i dgra dang gnod pa'i bgegs// mchod par 'bul lo kha raM khA hi// ya ma'i thugs kyi dkyil 'khor nas// thugs kyi sprul pa mngon phyung ba// dregs pa phyag na rdo rje'i sku// sku mdog ljang nag 'bar ba ni// phrin las sna tshogs mdzad pa'i rtags// sku yi 'gying bag brjid pa ni// gdug pa thams cad 'dul ba'i rtags// zhal mdangs mche ba gtsigs pa ni/ khams gsum dbang du sdud pa'i rtags// mche ba dgu khri gtams pa ni// dgra bo'i srog rtsa gcod pa'i rtags// klu brgyad gdan du bting ba ni// klu gnyan sa bdag gzir ba'i rtags// gnyan khri klu 'bum gsol ba ni// klu nad mdze shu ka ru gcod pa'i rtags// rigs bzhi'i sbrul gyis sku la brgyan pa ni// klu nad mdze shu dgra la gtong ba'i rtags// rin po che yi sku la brgyan pa ni// 'dod dgu re ba yid bzhin skong ba'i rtags// phyag g.yas rdo rje rtse dgu bsnams pa ni// dam nyams mgo lus gshog pa'i rtags// g.yon pa tsit+ta'i phreng ba bsnams pa ni// dgra bo'i don snying khong nas 'byin pa'i rtags// gang la bya ba khyod shes kyi// dmigs pa gang yin myur du sgrol// rtsa rgyud klad khrag rba klong skoms// lus srog dbang po rten dang phrol// 'byung ba rnam shes bkrag mdangs sdud// zhe sdang drag po'i sbyor ba chom// bsreg rdzas mchod pa 'di bzhes la// bla mtsho bkrag mdangs bag chags skoms// lcags mkhar sgo med nang du chug/ 'byung ba gtan gzhi'i rngams kyis non// gdug rtsub me lha'i zhal du stob// sdang ba'i dgra dang gnod pa'i bgegs// mchod par 'bul lo kha raM khA hi/ dregs pa chen po'i thugs kyi dkyil 'khor nas// thugs kyi sprul pa mngon phyung ba// rus sbal rngams pa mi zan ni// nyon mongs lnga yi rtsa ba gcod// 'byung ba lnga yi rtsa ba skems// lus srog gnyis kyi rtsa mdangs 'brel// skye ba med pa'i khams la sdud// dwangs ma khrag gi snying po 'chang// thugs kyi gsang mdzod 'bar ba ru// bkrag mdangs bcud kyi snying po 'chang// dkon mchog dbu 'phang smod pa dang// rgyal ba'i bka' la gcog pa dang// sdang ba'i dgra dang gnod pa'i bgegs// sku dgrar 'os pa ma lus kun// gshed kyi gsang mdzod 'bar bar chug/ rtag tu 'khyams pa'i gnas su khrid// rtsa bzhi dwangs ma stobs kyis non// dmod pa drag po'i mtshan chas chod// yan lag lnga dang gsang ba ru// mchod rten drug gi dgra bgegs gnon// dgra bgegs las ngan gdug pa rnams// spu gri'i dbal las shor ra re// gang la bya ba khyod shes kyi// dmigs pa gang yin myur du sgrol// rtsa rgyud klad khrag rba klong skoms// lus srog dbang po rten dang phrol// 'byung ba rnam shes bkrag mdangs sdus// zhe sdang drag po'i sbyor ba chom// bsreg rdzas mchod pa 'di bzhes la// bla mtsho bkrag mdangs bag chags skoms// lcags mkhar sgo med nang du chug/ 'byung ba gtan gzhi'i rngams kyis non// gdug rtsub me lha'i zhal du stob// sdang ba'i dgra dang gnod pa'i bgegs// mchod par 'bul lo kha raM khA hi// tshe bdag nag po spyi gtsug Na// gser gyi bya khyung ga ru Na// bya khyung rgyal po dam tshig can// bya khyung rgyal po mthu bo che// 'khor lo 'bar ba'i gshog rtse yis// nyams pa'i mgo lus tshal par gshog/ ral gri 'bar ba'i gshog pa can// dgra bo'i srog rtsa rtsad nas gcod// spu gri 'bar ba'i theb gshog gis// dgra bo nyams pa'i mgo lus phrol// ye shes 'bar ba'i gshog zer gyis// nyon mongs gdug rtsub rtsad nas bsreg/ spu bran spu gri dbal chen gyis// nyams pa kun gyi srog rtsa gcod// spyan gnyis nyi zla 'khyil pa yis// zhe sdang klu mtsho gting nas skem// gnam lcags 'bar ba'i sder mo yis// klu gnyan sa bdag drangs kyin gsol// gnam lcags 'bar ba'i rdo rje mchus// sa bdag klu srin klu bdud gsol/ khyung gi gshog pa brdabs pa yis// gdug pa'i gnas khang rmangs nas bshig khyung chen rngams pa'i nga ro yis// klu gnyan sa bdag zil gyis gnon// gang la bya ba khyod shes kyi// dmigs pa gang yin myur du sgrol// rtsa rgyud klad khrag rnga klong skoms// lus srog dbang po rten dang phrol// 'byung ba rnam shes bkrag mdangs sdus// zhe sdang drag po'i sbyor ba chom// bsreg rdzas mchod pa 'di bzhes la// bla mtsho bkrag mdangs bag chags skoms// lcags mkhar sgo med nang du chug/ 'byung ba gtan gzhi'i rngams kyis non// gdug rtsub me lha'i zhal du stob// sdang ba'i dgra dang gnod pa'i bgegs// mchod par 'bul lo kha raM khA hi// yang sprul dug gi khyung chen gnyis// mtshon cha 'bar ba'i gshog pa yis// gdug pa 'dul ba'i las ngo longs// bsreg rdzas mchod pa 'di bzhes la// klu nad mdze shu ka ru chod// stag dang seng ge rngams pa yis// nyams pa'i sha khrag ro la rol// zhe sdang dug sbrul nag po gnyis/ kha nas me 'bar dug lnga bsreg/ dgra bo'i khong du dug mda' rgyob// dgra bo'i khang khyim rmangs nas shig/ gang la bya ba khyod shes kyi// dmigs pa gang yin myur du sgrol// lus srog dbang po rten dang phrol// 'byung ba rnam shes bkrag mdangs sdus// zhe sdang drag po'i sbyor ba chom// bsreg rdzas mchod pa 'di bzhes la// bla mtsho bkrag mdangs bag chag skoms// lcags mkhar sgo med nang du chug/ 'byung ba gtan gzhi'i rngams kyis non// gdug rtsub me lha'i zhal du stob// sdang ba'i dgra dang gnod pa'i bgegs// mchod par 'bul lo kha raM khA hi/shar gyi phyogs nas bla 'gugs pa// dung gi mon pa seng ge'i mgo/ mon pa bla rkun rngam pa'i gdong// sdang dgra gnod bgegs mchod par bzhes// lho yi phyogs nas bla 'gugs pa// lcags kyi mon pa stag gi mgo/mon mo nag po g.yu yi ral pa can// sdang dgra gnod bgegs mchod par bzhes// nub kyi phyogs nas bla 'gugs pa// bse yi mon pa dred kyi mgo/ mon mo tshe 'phrog ral pa can// sdang dgra gnod bgegs mchod par bzhes// byang gi phyogs nas bla 'gugs pa// gser gyi mon pa khyung chen mgo/ mon mo bla rkun snying la gzer 'debs ma// sdang dgra gnod bgegs mchod par bzhes// he le khyab pa shar gyi bdud// bdud mo mkha' 'gro ral gcig ma// so bdar khrig pa lho yi bdud// bdud mo khrag 'thor myos byed ma// nag po 'dzum med nub kyi bdud// bdud mo rdo rje che gtsigs ma// ral pa spyi bcings byang gi bdud// bdud mo las kyi khro gnyer ma// rgya mtsho chen po'i gting rum nas// dug mtsho 'khyil ba'i nang shed nas// gshin rje bye ba dgu khri bzhugs// chibs su chu glang sngon po bcibs// sku la lcags kyi zhun khrar gsol// thod pa zhing chung sbrul gyis brgyan// g.yas na ral gri kha mang bsnams// dam nyams srog rtsa dmar du chod// phyag na lcags kyi ral gri bsnams// dgra bgegs las ngan gzir zhing bsreg/lag pa dgu khris tshogs kyang 'gyed// yang sprul bye ba las la 'gyed// de phyir bye ba dgu khri bya// las kyi mtha' sdud khyod yin gyi// sdang ba'i dgra dang gnod pa'i bgegs// gdug pa'i sa bdag klu gnyan rnams// gtad do las kyi mtha' sdus shig/ dgra bgegs las ngan mchod par bzhes// 'o ma dug chu chang dang khrag/ me la 'bul zhing drag tu bzlas// drag po'i gnas su thun brab la// thal ba thun zor thod pa dgab// mnan pa gdug pa'i klu la gtad/ kha rlangs dug la mu zi dang// brun gsum tsha yi ri lus bdug/ yid kyi dug la bya bag tshil// gu gul rta bong mu zis bdug/ mthong ba'i dug la gla ba'i khrag/bya dang nya yi mkhris pas bdug/ reg pa'i dug la rdzas rgod kun// bsreg la bdug ste phying pas dgab// drag sngags bzlas shing yul la rbad// yungs kar brab la bskor ba bya// bye ba sum brgya dz+wa la gdungs// gugs rgyal chu yis dag par bkru// dug dang khrag gis ngar blud la// rkang dang sha ro bems la brdeg/ thun brdeg zhal gyi dmod pa dbab// gdug pa gsum pa'i dug ro gdon// srung ba kun gyi mchog tu bshad// dpal tshe bdag gi dgongs rgyud nag po las/ bsrung ba khyad par bstan pa'i le'u ste bco brgyad pa'o//// de nas yang bcom ldan 'das kyis srog dmar len gyi sbyor ba rang gshed rang la dbab pa'i sbyor ba 'di gsungs so// dus gsum mchog gsum bde gnas su// rang nyams brtan pa'i mtshams bcad la// ye shes rig pa'i bde klong nas// mkha' lnga khyab pa'i 'khor bsdus la// gzung 'dzin chos nyid dbyings su bsgral// stob chen gzhan sogs gzan la dbab// rang rgyud yi ge gshed mar blangs// bdud dang phan byed rang rtsal bar// bde ba'i thig le ngang las shar// shugs kyi rin chen 'phel 'grib med// gru gsum rkyen gnyis cha bsnyams la// mu khyud rim pa bzhi ru bskor// dbus kyi pho brang rgya chen por// spyi gtsug tsog pu skyil krung du// dmigs pa nag po'i snying po bri// phyi rim rgya gram rtsa ba'i sngags// yang logs mu khyud g.yeng dang skem// rang gzhan gang 'grub bsad pa'i sngags// phyi nang mgo bstan ming rus sar// lto sbyar rang gshed gzan la dbab// mtha' ma mtshon cha'i rtsibs bcu bzhi// rtse mo nang bstan bsad pa'i sngags// spu gri rang bcas gsum gnyis 'pho// skabs dang sbyor la rtsa ba brtsam// mtshon cha kha sbyor dug chu khrag/ tsha ba gsum du ldan byas la// ling+ga phag mo'i lto bar bca'// gru gsum sum brtsegs rtsang bcas su// thod pa rus sbal nang bcas mnan// zhag gsum drag sngags rngam tshig bzlas// drag tu bskul la bla mas mngag/dmod tshig dang bcas mtshan yang brjod// dpang gzug dam bdar gdung ba bklag/ thon nas mchog phur khri yis gdab// 'khor lo thod pa tshas kyis gril// nam mkha' bar snang sa la mnan// gsum gsum drug dang gsum du dbye// rang yang che ba'i nga rgyal bskyed// gu rus seng ge'i khog bshig na// sgyu ma sku yi phung po la// thugs kyi myu gu bde ba'i mchog/ rin po che yi rgyal sar gdon// thod pa seng ge'i khog par mnan// slob ma dal zhugs sdig sog na// tsog pu'i snying gar sdig pa gzhug/ dam brdar mna' chu phur pas bsdig/ thod pa stag gi 'dzum la mnan// dam 'dris yi dam sngags gcag na// seng ge mche sbyar gcer bu khrid// klad par khrag gi sbal pa gzhug/ dme khrag nad khrag rkyen blangs bsku// thod pa gzig gi thig ler mnan// sngags pa nag po spyi yi spun// spyi gtsug snying gar bse sbal bri// bcug la phag rgod dz+wa la'i khrag/ thod pa mun pa'i gling du mnan// bon po'i rigs gnyis 'dzin pa la// ske la sdig pa klad par sbal// snying la phag rgaud gsang bar sprul// bcug la lus la nad khrag bsku// thod pa srin mo'i sgraum du mnan// drag po gnam lcags nang 'gras na// rtog med mnyam nyid rdzogs pa'i sku// bde chen khyab gsal rtog med las// phyag rgya gzi brjid stobs dpag med// lus la ye shes 'khor lo bca'// kun gyi thugs kar sUr+ya yi// tsakra ye shes stong 'phros gsal// gzhan gyi rgyan gcig bris la gzir// rang gshed phyag rgya rang la bskor// drag sngags rnal dkrug bsnol mar brdeg/thod pa 'brong gi thod par mnan// de yis thams cad 'joms par gsungs// de nas yang bcom ldan 'das kyis nyid kyi sku gsung thugs rdo rje las drag sngags 'di bton no// e myag ya rngubs mug shag ka dun gu ru nr-i dza hur thums dza/srog la yaM shag hri myag rbad/ dgra bo'i srog la mA ra ya nr-i ya/ breng shag hur yaM rbad/ dgra bo'i tsit+ta nr-i hur thums dza/ srog la mA ra ya rbad/ dgra bo'i tsit+ta yaM shag nr-i hur thums dza/kha srog thun rbad/ dgra bo'i srog la dun nr-i tsit+ta dza srog ma ra ya rbad/ dgra bo'i tsit+ta yaM hur thums dza/ srog breng shag mA ra ya rbad/ spu gri nyid so so'i sgo nas brdeg pa'o// de nas yang bcom ldan 'das kyis/spyi dril la brdeg pa'i sbyor ba dam pa 'di gsungs so/ khyad par dmar len drag po yi// rang gshed dril la dbab pa'i las// brda don thabs kyis dril ba'i mchog/ ba dang 'o ma zho dang mar// zhun mar snum gyi snying po bcud// snying po'i sbyor ba bsad pa mchog/ g.yeng min brtan par grol dbang bcas// stobs ldan sbyor ba'i snying phyung 'di// gang mthun rgyu la gzugs brnyan bya// dpa' brtul drag po'i stobs kyis spyad// gdugs byed phag mo'i lto ba ru// srid pa'i khyams khang drod sdud bca'/ khyams khang lto na brnag pa'i gzugs// spyi gtsug snying gar mtshon cha bca'// mu khyud bzhi dag ming rus bri// phyi ris rgya gram rtsa ba'i sngags// yang logs bcu gnyis spu gri mtshon// rtsa ba spu gri'i bar na khyams// chu srin khang pa mu khyud zlum// lto sbyor nang la phas kyi phyi// mu khyud bar du ming rus khams// bskul zhing lus la za kha dbab// rus sbal lto ba'i phyogs mtshams las// rtsibs chen bcu gnyis rtse mo nang// gsad pa pho mo'i spu gris gang// 'khrul mig bar khyams ming rus gang// don gnyis bsdus la sbyor ba brtsam// kha sbyor dug khrag tsha ba nad// sme ba dang bcas thod pa dong// rgyu rten ling+ga'i gzhi bca' ming// rus khams nag pa rten du bzhag/ zhal gyi thun dbab rten la bstim// zhag gsum khri bzhi sgra spang bya// drag sngags 'od zer rang shug 'phro// sha za gsod byed pho nya bskul// kun gyi ye shes 'od 'phro las// rang rgyud rtsa ba'i 'khor lo las// snying gi rtsa bzhi dwangs ma na// rtsa ba'i 'bru brgyad rnal ma'i gnas// rtsa bran brgyad dang su la bzhin// drag po rtsa ba'i 'bru bcu gnyis// rtsa mdud rang gshed 'bru bcu bzhi// lte bar bcas pa'i snying po gsum// de las rang bdud gshed la bslang// gnas pa'i yi ge 'di lta ste// tsit+ta dbus kyi si ra la// dmar nag ya gnyis dbus na ni// me chu las kyi 'khrul mig skyon// dwangs ma bzhi yi si ra la// chos nyid rtsa la e dang myags// me long ye shes gsal ba'i 'od// gnas pa'i srog rten gso zhing 'joms// bskul na rang srog rtsa sbub gcod// rten dang bag chag dwangs snyigs 'byed// de bzhin yon tan me khams la// ya rngubs gnas pa srog rten 'joms// mnyam pa nyid kyi brkam chags 'joms// gnyis las bde khrid nad rlangs bskyed// ye shes si ra dwangs ma chu// mug dang shag gnas sdud cing skyom// stong pa'i ye shes rang gnas 'joms/ khrag dang tsha ba dmu chu bskyed// rang rgyud si ra dwangs ma rlung// bag chags 'phel 'grib 'phen dang phul// ka dang dun gnas rlung nad bskyed// bya ba'i ye shes bskyod bdud 'joms// las ni rnam shes dngas ma 'degs// de bskul de 'od de mtshon chas// de gcod de nyid bsreg cing skems// de las de byung rtsa mdud bskul// mdud pa bzhi la mtshon cha'i 'bru// bzhi gnyis gsum gnyis bsnol mar gnas// chos nyid mdud dang srog las ni// de bzhin rang rgyud hur thums dza// yon tan mdud pa byang brag snying thugs gnas// ye shes rim dang shag dang rbad// rang 'dod me dang mtshon char 'char// de yis de bcad bag chags bsreg/rtsa bran brgyad dang sul bzhi la// 'od zer 'phro zhing thim phog pas// nad dang mtshon chas rang sngags bskul// rang gshed bdud kyi mtshon char 'bebs// ye shes klong du thig ler 'du// bag chags khrag khol me mar gsod// kun 'dus dkar nag mtshams su thim// hur thuM dzaHyis nr-i phrogs nas// gzugs brnyan grogs kyi 'khor lo 'phro// srid pa'i khyams khang rten la sdud// de yis rang gshed rang la 'bebs// tshe dril nag po'i dug mda' yin// de nas bcom ldan 'das kyis nyid kyi sku gsung thugs rdo rje las gcig tu dril ba'i drag sngags bsnol ma bton to// e myags ya rngubs mug shag ka dun/dgra bo'i srog la hur thuM dza/ rtsa khrag snying thums ril raM shag rbad/ dgra bo'i tsit+ta breng shag dza/ srog la hur thums rbad/ de dag sbyor ba dam pa yin/ snang snang ma yin dril las brdeg/mnan pa gdug pa'i klu la gtad// de yis las de ma smin na// srid pa sngags kyi 'byung ba dkrug/ mnan pa gnyan dang dkyil 'khor 'og/ 'khor lo dug shing bsnol du gzhug/ srog thuM ril nr-i dza/ raM snying baM la thun shag rbad/dgra bo'i srog breng thums tsit+ta shag tur dza la rbad/ las kyis rgyal po 'phyong chen yin/ de nas yang bcom ldan 'das kyis nyid kyi sku gsung thugs rdo rje las gzir zhing mnan pa'i sngags 'di bton no// dgra bo'i srog la hur thuM dza tsit+ta gzir nan srog s+t+wam b+ha ya nan/ dgra bo'i srog la thuM ril li li b+h+yo/ 'di des las gsum rdzogs par byed// rang gshed dril ba'i sbyor bar bshad// dpal tshe bdag gi dgongs rgyud nag po las/ rang gshed rang la dbab pa'i le'u ste bcu dgu pa'o//// de nas yang bcom ldan 'das kyis srog len gsang ba'i dug mda' khong du bskyal ba'i sbyor ba 'di gsungs so// las rnams kun gyi mchog bsdus pa// rtsa ba gcig tu dril ba yin// las kyi gnad dang bskyod pa'i thabs// bar mtshams sbyor ba kun dang ldan// ri nag dur khrod dme gri mnol// g.yul bkye sa chu dug rlangs la// stegs bu hom khung thod pa 'thol/ khrag sna dug sna ling+ga ming// bcas la mthing kha dring mos dgab// rdo phye lcags phye zangs phye dang// thal chen mnol khrag nyung dkar thun// gsal gsum thun sngags dgu skor brdeg/ thun brlab sha za mtshon char gsal// 'od kyis lus bsdus thun la thim/ khrag khol dug rlangs khengs shing 'chol// zor bskyod bsrung ba'i go cha dral// lus dang sha rus de bzhin dbral// tsit+ta'i sgo phye sgo dgur 'jug/ de nas bcom ldan 'das kyis lo thog gzhom pa'i sbyor ba 'di gsungs so// las kyi rim pa gsum yin te// rnal ma bzlog dang lto dkrug gsum// dang po tsha gsum sngo sna gsum// tsha ba gsum dang ha la lnga// gzugs brnyan sor bzhi sngags kyis dril// mon thod nang du brun gsum bstim/ khri tsho brgyad du dril la dbab// dmigs pa'i yul dang bsrung ba brnag/ des ma phebs na sbyor ba bzlog/ dmigs pa'i yul nas gzugs blangs la// tsha ba'i rgyal po de bzhin gsum// bskus la gzugs brnyan bar du gzhug/brun gsum 'bru gsum mon thod bstim// dug shing rdzas rgod brgyad kyis bdug/ dmigs pa'i rten la gzir bar bya// des ma phebs na sbyor ba gzhan// dug dang mnol khrag sbal pa gnyis// bag zan bsres la sor bzhi'i tshad// gnyis byas bar du gson ma gzhug/ lcags phur khri bzhi dril zhing gzir// mtha' ru yul dbus chu mig dkrug/ rdzas rgod brgyad kyi dud pas bdug/ gsal bar khyad par zil gnon rtag/chu rgod 'khyags pa ri ltar gtibs// dam pa'i sbyor ba drag sngags brdeg/ de nas bcom ldan 'das kyis nyid kyi sku gsung thugs rdo rje las drag sngags 'di bton no// e myags ya rngubs mug shag ka dun/phroM shan nug bur ya ma hril b+h+yo/ b+h+yo hril ya ma hur ri shar shar phroM thun/ dgra bo'i snying gzer hril yaM phu hur/ thums dza/ shar b+h+yo drag tu phob/ gsang ba snying gi dkyil du gzung// las kyi mchog chen nag por gsungs// de nas bcom ldan 'das kyis brnag pa mngon du 'pho ba'i sbyor ba 'di gsungs so// gsang ba'i sbyor ba gsang bcud gab sbas mchog rang la rang chas gab bzhin gsang// sbyor ba rim pa lnga dang ldan// rtsa ba'i rgyal po rtsa ba gsum// bse bya'i sha dang bse zho mkhris// ma bsrungs zhe sdang lus las bsdu// bdun khri'i mtha' ru yul dang sprad// nam mkha' bar snang sa la gsum// mal lam ya tham ma them la// bsku zhing rbad pas sbyor ba 'du// sbyor ba lo'am dus na smin// 'greng dang rkang bzhi'i lus la bsku// sbyor bas zla ba dus na smin// gar bsgyur gsar pa'i sha la sbyar// gu h+ya tsit+ta so ma ha// de bzhin gnyen po stobs dpag med// ga pur skyer chu kha ru tsha// zil pa shugs drangs rdo rje'i chu// yungs kar khan+da drug bsres la// sngags kyi rgyal po khri gsum bstim// lus la bsdus te 'thungs pas 'joms// de nas yang bcom ldan 'das 'das kyis nyid kyi sku gsung thugs rdo rje las drag sngags 'di bton no// hur yaM tsa ma ri thuM/ tsit+ta khas mra ra rbad/ e baM raM tal tsam ri phyung/ hur thuM dz+wa la raM/ de nas bcom ldan 'das kyis sbyor ba smin pa'i don 'di gsungs so// bsrung dang bsad pa lo tog gzhom// bstan pa che la gnyan phyir sngags// bslu ba'i bag chags gnas sbyangs nas// sku gsung thugs kyi bde ba thob// dbugs kyi rtar bskyon rkyen byas nas// srog bdud rang gshed rgyud las slong// sangs rgyas dgongs don yongs su dag/ gsang lam sgo dgu'i rten bsregs nas/dwangs gnyis shes pa 'bru gnyis sdud// bde ba'i ye shes thig le mnyam// dwangs ma mkha' dbyings bde lam bgrod// sku lnga ye shes lnga ru smin// kun tu bzang po'i bde chen gnas// phung po sgyu ma'i gnas sbyangs nas// mtshan dang dpe byad longs spyod skur// lhun grub ye shes sku ru rdzogs// bag chags las dbang 'gro ba drug/ 'bru sdebs rten sbyangs tsa na'i 'bru// tsit+ta dkar nag sdig sbal rkyen// thun sbal lcags ltar 'khol zhing zhu// 'bru gsum gnad kyis 'phrog byed cing// seng ge'i sder bzhin bzung na 'jog/ rang dbang med par rten la bsdu// thod pa'i ling+ga khyams khang gling// gsang mdzod gnas su 'chang zhing bsreg/spogs pa med par las rnams 'joms// drag sngags dmod pa zor la bskyon// dgu dkor dmod la yang sngags sdebs// de yis 'pho thob bkod pa smin// srog med gsad dang gcad du med// srog med skyes bu'i log rtog tsam// log par rtog pa tsam nyid las// phra zhing zab pa yod ma yin// srog tu 'dzin pa 'khrul pa ste// bde ba'i gnas las ring bar 'gyur// dus gsum sangs rgyas thugs rjes kyang// byang chub sems la dpyad du med// sems de ma skyes stong bdag med// stong pa nyid ni 'byung gnas pa// rten dang rten med rang grol ba// 'dod pa chen pos ye sangs rgyas// zhe sdang rnam dag mngon sangs rgyas// phrag dog dbang rdzogs der sangs rgyas// gti mug thig le spros med rgyas// nga rgyal mngon pa'i bde chen rgyas// sku lnga lam lnga spang bya lnga// mgo zlum rang rgyal sems dpa' dang// bya ba spyod pa rnal 'byor grags// sku lnga bde ba'i ye shes lnga// bskyed dang rdzogs dang chen po'i ngang// bde chen sangs rgyas phug pa rkyang// rang sngags dang bcas rten la 'pho// 'gyur ba med pa'i sbyor ba yin// de nas bcom ldan 'das kyis nyid kyi sku gsung thugs rdo rje las thun sngags drag po 'di bton no// e myags la rngubs mug shag ka dun/ dgra bo'i srog la thun b+h+yo/ nr-i ra dza yaM raM shag tsit+ta rbad/ dgra bo'i srog la hur yaM thuM ri li li b+h+yo/ drag po sngags kyis sbyor ba'i mchog/ dug mda' khong du bskyal bar bshad// dpal tshe bdag gi dgongs rgyud nag po las/ sngags kyi yon tan rdzogs pa'i le'u ste nyi shu pa'o//// de nas yang bcom ldan 'das kyis bsam gtan rang rgyud kyi 'khor lo 'di gsungs so// nyams dga' dben pa'i bde gnas su// bde ba'i gnas la bde ba'i mchog/ bde ba chen po'i don nyid las// bde ba'i ye shes rang gsal brtag/ yi ge sgra bcas smin par gzungs// sgra nyid don dam snyan par grags// yi ge'i 'khor lo bdag nyid rdzogs// brda' don sprad pa'i gdams ngag yin// sku nyid phyag rgya brtan gsal la// spyi bo sum cu rtsa gnyis mdzes// bde ba chen po ha nyid dbus// oM dang gab pa'i rtsa ba bcu// bshig pa lnga dang ya yis gang// chos kyi 'khor lo 'dab brgyad dbus// a dang rtsa ba bcu gnyis pa// 'dab brgyad sul bzhi gang bar mdzes// dwangs ma bzhi yi rtsa sbubs na// dmar len 'bru brgyad bcu gnyis gang// lte ba drug cu rtsa gnyis la// mgo dgu'i rtsa ba bcu drug dang// drug po gnod ser drug cu gcig/ 'bru gnyis gnas mthun lto sbyor ba// me rlung 'khor lo bsad dang bskor// rgya gram dag dang rtsibs drug pa// yaM raM dbus nyid bag chag drug/ rtsa gsum srog shing bde chen las// rkyen gyis sbyor na gang zhig 'bar// tsit+ta'i steng na thig le hUM// kun gyi byed pa bskul zhing 'phro// yaM las ye shes bde ba brod// bde ba lus la 'bar zhing gang// bag chags sa bon drug bsreg nas// gyen du 'bar zhing phyag rgyar gsal// bde chen hUM las bde ba'i rgyun// bskul zhing spyod pas zhu zhing 'bar// yum yang rtog med de bzhin nyid// gsang lam khrus byas dgram bkram la// rtsa lam 'od 'phro bag chags sbyongs// b+ha ga'i gnas su pho brang btab// rang gi bde ba dbab cing bskyil// rtsa lam bgrod pa shugs kyis gang// bde ba'i ye shes shugs kyis myong// sems kyi dmigs pa rtog med mnyam// rdo rje'i bar du thun mong bde// thun mong bum pa'i bgrod pa thob// rdo rje'i sked pa mchog dga' bskyed/ khyad par gsang ba'i rim pa thob// rdo rje gsang ba'i b+ha ga la// bde ba'i ye shes rang nyam bstar// sa ha dza yi bde ba skyes/ bde ba chen po nyid du rdzogs// bde ba'i ye shes b+ha gar mnos// rtog med pa dang mnyam par gnas// yum gyi bde ba'i ye shes la// mnyam pa nyid kyis ro yi tshor// dga' bral dga' ba ro dang ldan// mnyam pa nyid kyi ngang du rdzogs// b+ha gar bskyal bar chos kyi sku// 'dab brgyad gang zhig phyag rgyar gsal// bde ba'i ye shes longs spyod sku// rtsa lam shin spros byang chub sku// nA sa'i lam brgyud gnyid don sbyangs// sprul pas 'gro don mdzad pa'i sku// bde ba'i ye shes nam mkha'i bcud/ 'dod chags chen po'i tshul gyis su// ye shes 'khor lo yongs rdzogs bsdu// rdo rje gsang ba'i lam las drangs// bsgrub par bya ba'i lus su bzung// 'dod chags nyid na ye shes te// phyag rgya bsten pas rang grol ba'o// 'chi med tshe yi dbang thob bstan// bskul ba gcig gi man ngag yin// bde ba'i ro yis gang zhig 'bar// yab yum gnyis su mnyam par gnas// gnas pa brtan pa man ngag yin// mchod dang rdo rje'i bzlas pa la// dbugs dang tshor ba zhen chags bral// nyams myong brtan pa'i man ngag yin// chos sku 'gag med lhun gyis grub// ye shes chen po'i phyag rgyar gsal// bya ba chen por thams cad rdzogs// 'chi 'pho med par lhun gyis grub// rten dang mi gnas drang por gnas// rdo rje'i sku ru dang gsal ba// sku la mi zad rgyan 'khor lo// mi g.yo mi bskyod chos nyid rgyas// 'khor 'das snang srid rang grol yin// 'di ni bde dang smin pa'i las// sbyor med sbyor 'das sbyor ba'i mchog/'di la khye'u dang bu mo zhes/ kha dog dbyibs dang mtshan ma ru// brtags shing zhen pa yod ma yin// thig le gcig gi ngang las 'das// mi g.yo g.yos med g.yo ba med// ma sbyangs sbyangs med sa yi mchog/zil gyis gnon pa'i sa ru bstan// sra byed sa ni rdo rje'i sa// 'gyur ba med par lhun gyis grub// ma btsal bgrod thob med pa'i lam// bde lam 'jog pa rgyan ldan lam// rang rgyud pa yi 'khor lo la// 'khor lo'i gnas su 'khor lo bstan// dam tshig 'khor lo bstan par gsungs// lha yi 'khor lo legs thob nas// ye shes 'khor los dbang bskur bya// rig pa'i 'khor los thog tu dbab// shugs kyis 'khor los 'phen zhing 'joms// 'khor lo rang gnas sbyor bar bshad// dpal tshe bdag gis dgongs rgyud nag po las/ bsam gtan rang rgyud kyi 'khor lo bstan pa'i le'u ste nyi shu gcig pa'o//// de nas yang bcom ldan 'das kyis srin mo lcags thag mgo dgu ma'i sbyor ba 'di gsungs so// lnga brgya dus kyi tha ma la// rgyal ba'i bka' las 'das pa dang// mtshams med lnga la spyod pa dang// dgon pa'i gnas su phra ma dang// dam chos dge bcu smod pa dang// bden pa'i don bor log lta spyod// de tshe sngags kyi dmod pa bor// dur khrod shin tu dben pa ru// mchog gsum tshang ba'i gnas btsal la// gdeng gsum sngags kyi dmod pa bca'// de yang rnam pa gnyis yin te// lus srog dbye dang lo tog gzhom// dang po'i sbyor ba 'di lta ste// rgya shog dur khrod ro ras la// sme ba lnga yi thod bcas la// ni raM su yis mdog bton la// thig skor rim pa bzhi ru bskor// dbus su gru gsum brnag pa'i gzugs// rus khams ming dang snying po bri// zla gam dbang sdud bsrung ba'i lha// phyi rim rgya gram 'phen pa'i sngags// rtsa bar dril ba'i 'bru brgyad dgod// yang logs bcu gnyis 'khor lo'i rtsibs// bla dang srog 'gugs drag po dgod// tha ma'i rtsibs chen brgyad gnyis la// mtshon cha'i rtse mo'i sngags mgo'i nang// lus srog 'byed la nad bdag dgod// bar du 'khor yug lto sbyor ming// bkod pa phag mo'i lto bar bca'// gri khrag nad khrag dug chus bsku/ kha sbyor tshon gyis rgya gram bsdam// spyang ki dar ma'i thod par gzhug/ling+ga dug dang grogs mkhar sa// mkhar rgod dag la mchog tu bya// gzhi bcas thod chen nang du brnag/ gru gsum maN+Dal lho nub tu// chag gang thur du brkos la gzhug/ dme khrag nal khrag ra rog khrag/yugs sa pho mo gri bo'i khrag/ thod chen ling+ga de bzhin mnan// lcags phye zangs phye rdo phye dang// yungs kar thal chen dug ngar bcas// thod tshal nang du dug ngar bsham// sngags pas gsal gsum zil gnon bsgom// mdun na zhing bsnol nyi ma la// sprul pa'i ma mo srog gcod ma// mgo dgu phyag kyang bco brgyad la// k+Sha dang rag mo thugs kar bstan// dbu dgu'i steng ma bya yi dbu// dur bya khra dang bzhad kyis dbu// nang khrol glo snying za zhing rngams// bar gyi dbu gsum dud 'gro'i dbu// dom dang dred dang chu srin dbu// rtsa dang khrag dang nang khrol za// rtsa ba'i dbu gsum khro mo ste// g.yas dkar g.yon dmar dbus mthing la// mche ba zangs yag mi ro 'brul// spyan nas khrag 'dzag dug rlangs shangs// sku stod zhing lpags thod pa sbrul// sku smad re lde dril bu khrag/ phyag g.yas dgu na bsnams pa ni// mngon du sgrol ba'i snying sbram 'dzin// g.yon pa dgu na thod zor bskyod// stag dang spyang gi ba glang mon// gri bo snol mo khyi nag phag/ 'thom nag g.yas la dug khrag zor// zhabs brgyad dregs pa'i snying gar brdzis// 'gro ba sgrol phyir gar stabs 'gyings// skra dang ba spu me ru 'bar// de la bka' bsgo bskul zhing mngag/ 'khor lo thod par thun phab la// dang po thun de rab gnas brlab// brgya mtsho gnyis kyis dbang du bsdu// gsum pas thun gyi rdzas la bstim// bzhi pas sha za mtshon char brlab// lnga pas brlangs 'phro ldeg cing 'chol// drug pas bla dang tshe srog bsdu// bdun pas dkar nag mtshams su bstim// brgyad pas srog gi me mar bsad// dgu pas dwangs snyigs rgyud las dbye// dgu skor thun gyis brnag pa yi// las grub mtha' ru gnan gzir bya// brag dmar srin mo'i sgrom du mnan// mnan pa'i steng du dmigs bya la// bsad pa'i thun zor yang yang brdeg/ de nas bcom ldan 'das kyis nyid kyi sku gsung thugs rdo rje las drag sngags gab pa 'di bton to// e baM raM khaM shig tsit+ta rngubs rtsa la breng dza/ e baM raM khaM shig tsit+ta rngubs/dgra bo'i srog la thun rmugs ling shag rbad/ e baM raM khaM shig tsit+ta rngubs/ dgra bo'i srog la breng breng yaM yaM thuM ri li li b+h+yo/ tsit+ta gzir thuM s+t+waM b+ha ya nan/ de nas bcom ldan 'das kyis srin mo las la skul ba 'di gsungs so// tshe bdag thugs kyi yang sprul mo// srin mo gcod par byed pa b+h+yo// chos sku gnyis su med pa las// 'jam dpal tshe bdag nag po'i sku// thugs kyi sprul pa mgo dgu ma// yang sprul bdud dang sha za'i tshogs// ma lus 'joms pa'i mthu mo che// dug dang khrag gi mtsho dkyil nas// dug rlangs mug nag gtibs pa na// srin mo kha 'dar mgo dgu ma// bdud dang mu stegs bran du 'khol// srid pa'i ma mau las la bskul// dom dang khyi mo bla la 'gyed// drag tu bskul ba mchis tsa na// stong gsum sha la rol cing gsol// nga yi sha skal gang na yod// stong gsum zos kyang nga ma 'grangs// stong gsum khrag la myos shing 'thung// nga yi khrag skal gang na yod// stong gsum khrag gis nga ma 'grangs// dgra bo'i sha dang khrag la rol// drag tu bskul ba mchis tsa na/ ri rab rtse nas snyil kyin 'ong// rgya mtsho gting nas rlab cing 'ong// dgra bo'i khrag la myos shong [[]shing []]'ong// drag tu bskul ba mchis tsa na// rang sha rang gis za zhing 'ong// rang khrag rang gis 'thung zhing 'ong// rang sha z os kyang nga ma 'grangs// rang khrag 'thungs kyang nga ma ngoms// dgra bo'i sha dang khrag la rol// drag tu bskul ba mchis tsa na// gnam sa ri klung bzlog cing 'ong// ri rab sgong rdor 'phen zhing 'ong// dam nyams dgra la zor thun rgyobs// drag tu bskul ba mchis tsa na// lus can ma lus bran du 'khol// dam las 'das pa'i tsit+ta 'byin// dgra bo'i khong nas tsit+ta phyungs// drag tu bskul ba mchis tsa na// snang srid b+h+yo bzlog me yis bsreg/dgra bo'i lus srog bag chags bsreg/ drag tu bskul ba mchis tsa na// lus can bla la rbad cing brgyug/ sprul pa'i khyi mo nag mo dgu// dgra la rbod la bla dang phrol// drag tu bskul ba mchis tsa na// stong gsum nad kyi dra bar 'chang// dam nyams dgra la rims nad phobs// drag tu bskul ba mchis tsa na// snang srid lus srog dwangs snyigs 'byed// dgra bo'i lus srog dwangs snyigs phye// tshe bkrag bsdus la rtsa rgyud chod// srin mo lcags thag mgo dgu ma// spyan nas khrag 'dzag zu lu lu// shangs nas dug khrag bun ne bun// snyan nas 'brug sgra di ri ri// zhal gyi rngam sgras stong gsum phung// g.yas pa dgu na snying sbram dgu// thogs nas dgra bo'i tsit+ta 'byin// g.yon pa dgu na thod pa dgu// dgra la khrag mda' dug zor 'phen// dgra bo'i khong du dug mda' rgyob// klad pa 'thon la klad khrag chom// lus srog phrol la tsit+ta btubs/ khrag mda' dug thun phur zor rgyob// sngags pa'i sku dgra sgrol la shog/ byas la pho nya bla ded kyi sngags bzlas la dgra la rbad do// 'khor lo thun brdeg las kyi mchog/de nas yang bcom ldan 'das kyis/ srin mo gzir te nye bar las la mngag pa 'di gsungs so// grog mkhar rgya tshil sa dmar la// bong bu'i bdud rtsis legs sprus la// srin mo'i lder so gong bzhin bca'// kha khyer gsum snying gar gru gsum do [[]dong []]bris la yang ldan gong du brko// snying po 'bru gnyis 'bru dgu gzhug/ drag sngags bzlas la stobs kyis gzir// srin mo bos la khrag gis bran// phur p as bsdigs la dbang du bsdu// srin mo bka' nod zhabs 'og gzhug/ de nas yang bcom ldan 'das kyis nyid kyi sku gsung thugs rdo rje las gzir dang spogs pa'i drags sngags 'di bton to// e ka ya ma baM raM rag mo yaM hur thuM dza/dun dun trig nan/ khaM baM raM te shag tsit+ta/ dgra bo'i srog la hur thums dza/ mA ra ya rbad/ snying ga'i snying po sngags bton la// ling+ga'i ming rus brnag pa gzhug/ zhag gsum thun brab ro khang mnan// 'byung ba dkrug pas las rnams 'grub// rag mo dkon mo'i spogs par bshad// de nas bcom ldan 'das kyis 'bras bu gzhom pa'i sbyor ba 'di gsungs so// dme thod nang du me long bsag/gser dngul zangs lcags rdo nag bzhag/ ra dmar nal bu khyi nag snying// steng du gling bzhi rtsibs brgyad dgab// de steng srin mo'i sku bzhag la// mthing nag dar gyis bkab la gzhag khrag sna gsum dang dug bsres la// ling+ga ming byang g.yag rur gzhug/ smyug ma tshigs gsum smin pa la// ltas ngan sgro bzhis bsgron la bzhag/ zhag lnga'i bar du drag sngags bzlas// gser de zhu zhing 'phel chad na// mda' lcags blugs la dgra la brdeg/ srin mo drag tu bskul la 'phang// drag sngags sbyor ba gnyis su bya// baM raM khaM shig tsit+ta rngubs 'ur tog phraM shar dza la raM sme sha hril/ hur khaM sha yeng phroM shar sing khrol b+h+yo/ma byung spogs na sngags 'di bzlas/ khaM tsit+ta baM shag rngubs raM phroM hril tog shar dza la 'ur raM dza/ sma sha b+h+yo/ srin mo'i las 'di rgyas par bshad// dpal tshe bdag gi dgongs rgyud nag po las/ lo thog mtha' sdud kyi le'u ste nyi shu gnyis pa'o//// de nas yang bcom ldan 'das kyis las kun gyi mtha' sdud du gshin rje bye ba dgu khri'i sbyor ba 'di gsungs so// dur khrod gdug pa'i dben gnas su// rang sems dben pa'i mtshams bcad la// rten rdzas dam rdzas gri bo'i snying// thod pa ri mo bde ldan der// drag po'i hom khung gru gsum rtsad// brnag pa'i rten gzugs rgyu rkyen drug/ ba yi lci ba sa dmar drug/'gar ta'i A mi 'khar rkang la// ling+ga sor brgyad dbang po dod// nad khrag tsha ba dug chu bsku// ri sho dang ni gro ga la// de yi ming dang rus bris la// snying gar glan la sngon dmar bsdam// thod par bcug la dong du gzhug/ zhing ras ro ras zhabs ma la// sme ba lnga yi thong ba bya// gcod pa'i 'khor lo cha gnyis bri// dbus nas thig skor bzhi ru bskor// dbus su gru gsum zla gam gsum// phyi rim 'khrul mig rgya gram ldan// yang logs rtsibs chen bcu gnyis bca'// mtha' ma gdug pa'i ra bas bskor// srid pa'i rus sbal lto bar bca'// de la gnas pa'i rim pa ni// dbus su brnag pa'i snying po gzugs// zla gam gsum la bsrung ba'i lha// rgya gram rtsa ba'i drag sngags lus// yang logs rtsibs la spu gri rbad// gdug pa'i gseb tu rtsa mnan yang ba'i sngags// mtshams dang mu ran mig rus khams// bkod la tsha ba dug chus bsku// thod pa'i steng du 'khor lo bca'// drag sngags dmod pa zhag dgur bzlas// rang yang zil gnon sku ru gsal// bye ba dgu khri mdun du bskyed// zhing bsnol rU tra'i gdan steng na// chu glang sngon po sbrul ris can// thod pa nor bus brgyan pa la// nyi zla dang bcas gdan la gnas// sku mdog sngo nag gtum khro brjid// sku stod glang chen stag sham zhing// sbrul dang thod pa rin po ches// dbu dang lhu tshigs phyag zhabs brgyan// zhal gsum phyag drug zhabs bzhi bgrad// g.yas dkar g.yon dmar dbus mthing zhal// g.yas pa gsum na ral gri dang// be con lcags kyi ri rab bsnams// g.yon pa gsum na lcags kyu dang// zhags pa rdo rje rgya gram bsnams// zhal gdangs sbrul dang mi ro 'brul// stod nas me 'bar 'dab chags lding// smad nas khrag 'dzag gcan gzan rol// thugs kar nyi mar ya dang sngags// dregs pa'i tshul du las la brtson// rbad pa'i drag sngags gtum par bzlas// mtha' ru thod pa zhabs 'og gzhug/ lcags phur gshin rje'i skur bsgoms la// gzir ba khri yis snying gar gdab// pho nyas bkug la rten la bstim// 'khor lo ling+ga thod par bca'// rdzas kyi ling+ga phag par gril// dar dang re ba skud pas bsdam// gnyan sar gdug pa'i klu la gtad// dpang gzug 'o dod cho nges gdab// 'byung ba pho brang don yod bsam// mnan sngags brgya rtsa brgyad kyis bcag/ las kyi kha gso thun dang sbyar// drag sngags bstud la lci bar bzlas// bla dag byung na drag sngags brdeg/bla chen bzhi la rnal ma brdeg/ sprul pa brgyad po dbus nas so// yang sprul bcu gnyis mtha' nas so// chags sdang lnga lnga 'byung ba dkrug/ gzir dang mnan pa kha gso zor// drag sngags spu gri bdun du sbyor// de yis ma lus 'joms shing 'pho// de nas yang bcom ldan 'das kyis nyid kyi sku gsung thugs rdo rje las drag sngags 'di bton to// e ka ya ma hur yaM thibs/ dgra bo'i srog la baM ril dun dzaH baM myags mA ra ya rbad/tsa tsha dun ril baM laM srog la myags/ mA ra ya rbad mA ra ya myags tsa tsha/ dun ril baM srog la rbad/ srog dun baM myags/ tsa la dun rbad/ mA ra ya dzaHsrog la sbur nan/snying gzer rbad/ srog s+t+wam+b+ha ya mnan/ srog la thun b+h+yo/ breng shag rbad/ sbyor ba de yis ma lus kun// 'joms shing dwangs snyigs 'byed par bshad// de nas yang bcom ldan 'das kyis las sna tshogs la bskul ba 'di gsungs so// hUM bskal pa brgyad khri bzhi stong 'das pa'i pha rol na// 'byung ba rten gzhi rngams kyi 'og shed na// rgya mtsho chen po'i gting rum na// mun khang lcags khang sgo med na// rU tra dregs pa'i gdan steng na// gshin rje bye ba dgu khri bzhugs// sku mdog mthing nag rngam pa la// dbu gsum phyag drug zhabs bzhi bgrad// g.yas dkar g.yon dmar dbus mthing zhal// phyag drug phyag mtshan 'bar ba ni// g.yas kyi dang po ral gri 'bar// dgra bo'i srog rtsa gcod cing gsol// g.yas kyi bar ma zhing dbyug bsnams/ khams gsum ma lus rdul du rlog/ tha ma lcags kyi ri rab bsnams// dgra bgegs las ngan gcod cing gzir// g.yon gyi dang po be con bsnams// dgra bo ma lus mgo lus 'joms// bar ma lcags kyus dgra snying 'byin// tha ma zhags pas dgra bo 'gugs// dgra bo las ngan sdig can rnams/khyams khang gnas su khrid la shog/ sku la lcags kyi tshem tshem gsol// zhing dang thod pa sbrul gyis brgyan// sku smad stag lpags zhing chung brgyan// stod nas nga rgyal me chen 'bar// smad nas 'dod chags khrag tu 'brub// sked na zhe sdang sbrul gyis brgyan// zhal nas dug gi rlangs pa 'don// shangs nas phrag dog 'tshubs mar 'khyil// snyan nas stong gsum 'brug sgra sgrogs// thugs las sprul pa phyogs bcur 'gyed// pho nya bye bas dgra bo 'gugs// yang sprul dgu khris srog dbugs 'phrog/ las kyi mtha' sdud khyod yin gyis// dgra bo dam nyams sdig can rnams// lag tu gtad do shor ra re// 'di ni bka' gcog dam dral yin// 'di la sangs rgyas mi gnas kyis// 'di la dam tshig gnyan mi gnas// 'di la snying rje'i gnas med kyis// rgya mtsho chen po'i gting du sbos// lcags kyi ri rab 'og tu non// bye ba dgu khri dgra la b+h+yo// lcags mkhar btson rar dgra bo chug/ dgra bo'i pho rgyud mo rgyud chod// bcol ba'i las rnams bsgrub par mdzod// bye ba dgu khri'i sbyor bar bshad/ dpal tshe bdag gi dgongs rgyud nag po las/las kyi mtha' sdud kyi le'u ste nyi shu gsum pa'o//// de nas yang bcom ldan 'das kyis sbyor sgrol gyi las la gol ba 'di gsungs so// sbyor dang sgrol ba'i las rnams ni// rtsol bsgrub rtags dang dpe la mtshon// rig pa gnyis med ma rtogs na// gol bas mu stegs rtag par 'gyur// bsnyen bsgrub sngags don yongs rdzogs pa// bya byed thob bya thob byed la// rang nyams 'khrul pa rang la ldog/de yi rim pa 'di lta ste// sbyor ba mi shes sbyor byed pa// gnyis su med pa'i sbyor ba ma shes na// rtags la don gyi ngo bor 'dzin pa yis// mngal gyis grong khyer brgyud pa'i bdud kyis zin// thabs lam gsang ba'i spyod pa brten shes na// rang rgyud 'khor lo rtsa lam bde bas gang// bskul 'bar dbab bskyil bya byed don dang ldan// snang srid chags pa'i spyod pas mes spar kyang// gnyis med phyag rgya lhun grub 'bras bu smin// bde ba chen po rang la shar bar bshad// sgrol ba mi shes sgrol byed pa// skye shi med pa'i don dang mi ldan na// rtsol bas sgrol ba mu stegs 'khrul pa ste// las kyi srin pos bcings pa'i bdud kyis zin// byar med rdzogs pa'i srog kyang bcad du med// srog tu 'dzin pa log rtog 'khrul pa yin// rang grol gnyis med rang shug sa ru grol// ye shes chen po'i phyag rgyar rang grol na/ khams gsum sems can log pa'i srog bcad na// sgrib byang tshogs ldan 'bras bur lhun gyis grub// spyad du med pa'i phrin las ma shes na// dpe la mtshon byed rang zor spyod pa dag/ las kyi rnam smin mnyam pa'i btson rar chud// rtsol ba byas pas rtag pa'i bdud kyis zin// phrin las lhun grub spyad du med shes na// lha srin kun gyi ming dang mtshan smos nas// las la mngags shing pho nya kun bkye yang// blang dor med pas 'bras bu sangs rgyas nyid// ma btsal ma bsgrub rdzogs te ye sangs rgyas// bsnyen bsgrub rtsol med sngags don ma shes na// phyi nang rtags la zhen pas bsnyen zhing bsgrub pa yis// mi dge bsog la rtsol ba'i rang bdud rang la 'khor// mnar ba'i dmyal ba'i gnas la the tshom med// bsnyen bsgrub rtsol med sngags kyi don shes na// srid gsum rtsol 'phro 'dus pa'i srog mdangs la// lha srin kun gyi srog snying dril ba'i mchog/drag po e dang yan lag sbyor ba ni// rdo rje'i bzlas pa ye shes rol par shes// gang mthong cir spyad mtha' gnyis rang sar grol// bsgom du med pa'i don dang mi ldan na// mtshan ma'i khro bo gzhan nas rtsol bsgom pa// mu stegs 'khrul pa'i spyod lam rtag par gol// chos nyid mi dmigs stong pa nam mkha' las// skye med skye ba'i cho 'phrul du// rang rig phyag rgya lhun gyis grub pa'i sku// gnyis med ye shes rdzogs longs spyod// rtag chad mtha' gnyis grol bas sangs rgyas sku// phung po mi gnas sangs rgyas rang gnas pa'o// rtog dpyod 'das pa'i sangs rgyas lhun gyis grub// 'di med rang 'ching don med rtag chad mtha'// nam mkha' rin chen rgya mtsho lhun po ltar// don gnyis smin pas yon tan cir yang snang// ma bcings grol med bgrod pa'i 'bras bu smin// snang srid 'khrul pa dug lnga'i smag rum nas// sangs rgyas drag sngags ye shes nyi ma shar// bdud bzhi'i gnas su chos sku bde bas bcom// bla med sangs rgyas bde chen rang la shar// sbyor sgrol bya rtsol rtag chad mtha' las 'das// gnyis su med par lhun gyis grub par bshad// dpal tshe bdag gi dgongs rgyud nag po las// bya rtsol bral ba'i le'u ste nyi shu bzhi pa'o//// de nas yang bcom ldan 'das kyis 'khor rnams la gsang ba sngags kyi drag sngags 'di gsungs so// gsang ba'i gsang rgyud rim pa'i gnas// bde ba'i ye shes rang la 'char// bde ba'i ye shes rang gsal ba// bde ba chen po mnyam pa'i ngang// bde ba'i dbang phyug 'gag pa med// lhun gyis grub pa'i bde bar gnas// 'di dag bde ba'i lam can no// rgyas dang bsdus pa'i bye brag gis// sdeb dang rkyang pa shis tshad gsum// nye dang 'gyangs dang dbang dang ldan// de yi rig pa 'di lta ste// gzugs brnyan 'khor lo chag gang la// lus dang spu gri mtshams dag tu// mu khyud bzhi yi 'khor lo la// gang bsgrub bsad pa'i sngags kyis mdzes/ khro bo nang la ma mo dbus// gnod sbyin phyi ru shes par bya// rang gi 'khor lo lto bsdeb pa'o// brtan pa lhun po gsal ba yi// tsit+ta gsang ba'i pho brang na// brgyad dang bcu gnyis rtse dbus hUM/ khro bo'i sngags dang ma mo dbus// gnod sbyin phyi ru shes par bya// man ngag gsang ba'i sdeb tu bya// drag po'i lus la bsnyen pa'i sngags/ khro bo lus la ma mo gdags// de bzhin dregs pa'i gang bsgrub bsnyen// de bzhin rbad dang bsad pa sbyar// dmod pa zhal gyi sdeb tu gsung// rang gshed drag pos bsad pa'i sngags// lus la spu gri mtshams dag tu// rang sngags nang la gshed ma phyi// drag po bsad dang rang sngags sdeb// las kyi gshed sngags brgya brgya bskul// de dag rang gshed gsum sdeb yin// de bzhin drag po sngags kyis sdeb// bcu gnyis lus la snying po yi// spu gri'i sbyor ba shis pa ste// las kyi kha 'khyil yun du bde// man ngag gnad mda'i sbyor ba yin// lus la spu gri bsnol mar sdeb// dgra bo 'dul ba'i rno dbal yin// las kyi bshan pa rtsub 'gyur te// drug 'gyur sbyor ba stobs dpag med// sngags ni yon tan kun rdzogs pas// lha dang bdag po las 'khor kun// rang rang so sor sdeb la dkrug/ bde byed tshangs pa'i gnas las 'phang// rig pa bde ba'i klong du bsdu// ye shes nyi ma'i 'od las 'phros// gang 'grub las kyi pho nya la// mngag pa rbad pa'i mtha' ru 'gyur// dgra bo'i srog la thuM ri li li// pho nya bla ded brgya brgya mngag/ de yis thams cad 'joms shing 'gugs// drag po sngags kyi gsang sdeb ni// dang po lus bsrung rtsa ba stong// de 'og kha chings gzer ba stong// mkha' 'gro kha gzan dgra la 'phang// mtha' ru srog rtsa gzungs thag gcod// mnan pa gzir dang phur pa gdab// drag po sngags kyi spyi sdeb yin// do ra nang gi drag po yin// lus ni gsang zhing lci bar gnas// mtshams su snying po b+han+d+ha ming// gzir bya gang dmigs gsal bar bdo// mtha' ru spu gris gzir zhing gcod// drag cing 'dril la 'bar bar gdab// srung ba kun la shis pa yin// lus srog 'byed pa drag po'i sngags// lus kyis gsal la dag par bzlas// snying po rus khams ming bcas pa'i// gcad pa lnga yis brda' sbyar ba// lce la dig pa yid la gsal// yul gyi rnam par gsal bar brtag/ming bsdu mi 'gug rang sar gsal// gcod byed spu gri rnon dbal mtshon// gang yang rno myur tshad ldan pas// che dril drag la 'phar zhing 'dril// de yis dkar nag rten la brdeg/ bsrung dang go cha sha spags rus// drag cing dkar nag sgo phye nas// rtsa bzhi bcas nas rtsa mdud dgrol// dwangs ma bzhi bsdus thig le 'bar// nA ga gzugs can stong bdag med// snyigs ma la gnyis me 'bar khrag/de dbus sbal ba nr-i dang sdig/ sngags kyis me bsad sdig sbal gshag/ yi ge hur thum dza yis 'phrog/ skye ba'i cho 'phrul e la bsdu// srid pa'i khyams khang gnas su bya// sha khrag lus la sha za rol// gsang ba sngags kyi drag sngags yin// dpal tshe bdag gi dgongs rgyud nag po las/ gsang ba sngags kyi drag sngags bstan pa'i le'u ste nyi shu lnga pa'o//// de nas yang bcom ldan 'das kyis ltas ngan dang cho 'phrul dbab pa 'di gsungs so// sram dang phyi ba'i thod pa ru// byi la sre mo srin bya'i khrag/ spu dang sha sbyar zhabs mas bril[[]gril[]]// de bzhin gar 'bebs yul ming sngags/ khrag gis bris l a thod par gzhug khri bdun bzlas la zhing ras gril// gsob de srod la dmigs pa'i 'gram la gzhug/ zla ba bdun nas ltas ngan 'bab// sems kyi lta la che dmigs bya// sbrul dang sbal pa'i gsob bshus la// dgra yi sa chu gdug pa'i sa// dug chus sprus la de nyid gzugs// gang dmigs bcas pa sngags kyis gril// gsob de brgyangs la tsha ba bsku// drag sngags tshad ldan lam la gzhug/ gdug pa gzugs kyi cho 'phrul 'byung// thod pa dur ma gnyis btsal la// dme mnol gri khrag kha mig btod// dug dang sme ba lung ngan bsku// gang dmigs ming dang phob ya gzhug/ mkhar gyi bris dang bang 'og sba// thod pa 'thab dang rgyug pa 'byung/ khra dang 'ug pa srin bya'i snying// sha khrag dang bcas bag zan dug/ dgra yi khang par tsha ba sbyar// mnol khrag bskus la bya gzugs bya// gang dmigs ming rus sngags kyis gril/khri brgyad bzlas la zhabs mas gtums// mkhar gyi rtse dang sked du sba// bya de skad 'byin sder mchus 'dzings// ltas ngan sdig pa'i than skad 'byin// ltas ngan srod kyi smag la 'bab// de nas bcom ldan 'das kyis nyid kyi sku gsung thugs rdo rje las drag sngags 'di bton to// e ka he dun yang e aM ka dun myags rngubs shag mug tri ling sarba spu raM ling spur/ nA ga rA dza ha ya ka pa ha h+ya ha la ha la ki li has phob/sngags kyi rgyal po gang dmigs la// lus dang yan lag sbyor shes na// ltas ngan cho 'phrul dbab par bshad// dpal tshe bdag gi dgongs rgyud nag po las/ ltas ngan dbab pa'i le'u ste nyi shu drug pa'o//// de nas yang bcom ldan 'das kyis drag po sngags kyi yon tan 'di gsungs so// e yi ye shes 'di rnams yi ge yin nam dpyad ye shes las byung ba// drag po 'joms shing srog snying sdud// lhun grub tshe bdag snying por rdzogs// ka yi ye shes las byung ba// sbyor ba las kyi rgyal por 'dus// sprul pa mgo dgu'i snying po rdzogs// ya yi ye shes las byung ba// ya ma thugs kyi snying po ste// rlung gi stobs kyis 'phen zhing 'phul// ma yi ye shes las byung ba// bdud mo srog gi snying po yin// bskyed dang sdud pa'i dbang po rdzogs// he yi ye shes las byung ba// dgyes pa'i gar dgus gdug pa 'joms// bya khyung rgyal po'i snying por rdzogs// dun gyi ye shes las byung ba// srog dang dbang po las bsdus nas// las kyi tshe bdag srog bdud 'joms// snying gi ye shes las byung ba// gdug pa gnas su 'joms dang 'pho/ khyung mo smug nag snying por rdzogs/khrag gi ye shes las byung ba// dregs pa gnod sbyin gdug pa 'joms// gsang bdag rdo rje'i snying po rdzogs// ra yi ye shes las byung ba// bsreg cing skem la gnas su spor// zhe sdang gdug pa'i snying por rdzogs// ma yi ye shes las byung ba// pho nya las la mngag pa ste// srid pa'i dbang mo bdud mor rdzogs// tsa yi ye shes las byung ba// snang srid mdangs bla bsdus nas 'chang// srid pa'i rus sbal snying por rdzogs// ya yi ye shes las byung ba// las kyi rlung gis 'phul zhing skyom// ya ma rA tsa'i snying po rdzogs// myags kyi ye shes las byung ba/ khams gsum dbang la las bsgyur ba// rngubs kyi ye shes las byung ba// tsha grang nad smin 'bras bu rgyas// mug gi ye shes las byung ba// pho nya sha za rang dbang bsgyur// dzaHyis sreg byed drod dbang bsgyur// raM gyis spor byed drug drug bsreg/ sha ni srin pos bde bar sgrol// ru yis chos nyid gsal bar byed// thum gyis chags sdang gnas su 'joms// dpal tshe bdag gi dgongs rgyud nag po las/ sngags kyi yon tan gyi le'u ste nyi shu bdun pa'o//// de nas yang bcom ldan 'das kyis srog dmar len gyi rtsa ba 'bru bzhir bsdus pa'i sbyor ba 'di gsungs so// dur khrod dben pa'i bde gnas su// rang sems dben pa'i mtshams bcad la// dpa' brtul dmod pa'i drag sngags bzlas// dur khrod rgyu la tsakra bca'// mu khyud bzhi dang ldan par bskor// lte ba gru gsum ma ra nr-i// gnyis pa rgya gram e dun ka yaM dgod// gsum pas mtshon cha'i rtsibs brgyad la// srog la breng breng srog la gsum// dun dun bzhi la srog la rbad dang lnga/ khaM shag drug pa tsa rbad bdun// srog la zhes pa brgyad du dgod// yang logs chu yi mu khyud la// gang grub bsad sngags lto sdebs dgod// tha ma'i mtshon cha'i rtsibs bcu la// myog dang rbad dang khyer dang phyung// mug dang ting dang ling dang shag/ long dang rbad rnams rdzogs par dgod// srid pa'i rus sbal lto na gnas/ kha sbyar rdzas kyi sbal par gzhug/tshon skud lnga dang phag mo'i ltor// gzir la mchog phur snying gar gdab// thod pa bcas la klu la gzir// gnyan dang mchod rten nag po la// gtad pa'i las tshogs gang gi tshul// nyin mtshan gsum gyis gang brtsam 'grub/ kha so nyin zhag phrugs gcig sbyar// phyag rgya bsam gtan zil gnon bsgom// rang yang rang la gab par bshad// de nas yang bcom ldan 'das kyis nyid kyi sku gsung thugs rdo rje las sngags 'di bton to// e dun ka yaM dgra bo'i srog breng nr-i srog la dun dun/ srog la rbad khaM shag tsa rbad/ srog la myog rbad khyer phyung mug ling shig shong rbad/ sbyor ba kun gyi mchog bsdus pa'i// las kyi rtsa ba 'dril bar gsungs// sems kyi drod brtag rmi lam min// sku yi phung po gnas sbyangs nas// rin chen rgyal bar thugs 'phang ste// gnyis su med pa'i rang rig gsal// rang byung ye shes rang 'bar ba'o// de nas yang bcom ldan 'das kyis srung ba 'di gsungs so// rig pa gnyis med don gsal ba'i// rang rig rdo rje'i phyag rgyar gsal// sku gsum bde ba'i rig pa rdzogs// sgyu ma'i ye shes rang shar ba'i// don gyi man ngag drag po'i sngags rgod la// bsad gso dbab bcad ltas ngan thog ser las// kun 'dus rnam rtog chen po rang las 'byung zhing 'char// de yi sbyor ba drag po lnga dang ldan// lnga yi mchog tu snying po don gyi las// de las 'bru bzhi 'bru brgyad rtsa ba'i sngags// 'bru bzhi gsad gso las 'di srung ba'i mchog/ dngas ma bzhi yi rtsa las ye shes bzhi shar ba// dug lnga'i las dang gdug pa'i sbyor ba kun 'joms yin// de yi sbyor ba rgyas pa 'di lta ste// dur khrod ras sam shog bu gru bzhi la// sbyar ba lnga dang tsha ba dug chu'i brgyangs// las kyi 'khor lo mu khyud bzhi ru bskor// dbus su gru gsum zla gam gsum dang ldan// de yi phyi rim rgya gram rwa bzhi bya// yang logs mu khyud zlum po chu yi ris// tha mar rtsibs chen bcu gnyis rtse mo nang du bstan// srid pa'i khyams khang phag mo'i ltor bar bca'// de la gnas shing dgod pa'i rim pa ni// gru gsum gang gnod ming dang snying po bri// zla gam gsum la sdod stongs kyang pa'i ming rnams bri// rgya gram rwa bzhi rtsa ba'i 'bru bzhi dgod// chu ri mu khyud rbod gtong gdug pa'i ming// bcu gnyis rtsibs la gcod cing gzir ba'i sngags// bkod la kha sbyar dar dang sngo dmar bsdams// thod pa dur mar bcug la gru gsum rtsang bcas brnag/ phyag rgya zil gnon gsal bas zhag lnga drag tu gzir// ling+ga'i snying gar mchog gi phur pa gdab// drag tu bskul zhing dmigs pa dud pas 'dug/ phying pas bkab la yungs kar brab la bkru/ las de thon nas bka' rten 'og tu mnan// klu dang sa bdag gnyan dang lha gdon dang// gshin rje ma mo zhi khro phur pa khyung// dregs pa can dang bon po'i rigs gnyis 'dzin// bdud dang mu stegs btsan dang rgyal po dmu// the brang gshin rngog phung bdag rig 'dzin sri// rang rang ming dang snying po sbyar bas bcad// drag sngags sbyor ba la sogs brgyad du gsungs so// de nas bcom ldan 'das kyis nyid kyi sku gsung thugs rdo rje las drag sngags 'di bton to// oM he dun a dun ka ya yang ka yaM/ sarba tsit+ta ro myags kha thaM 'drid phyung shag rbad/ srog la breng breng shag dun dun e he yang ya ma hur thuM dza dza/ sa nA ga snying gzer sbur nan/ khaM shag tsa la rbad/ sa nA ga dza/ sa nA ga thuM/ sa nA ga rbad/ sa nA ga tsit+ta ram thun rbad// khaM dz+wa la ram sarba sha truM nan 'dred yaM bzlog sbur nan/ trig nan/ e ka ya ma shig 'drid phyung/ khaM shag trig nan/ sbur nan/ sarba sha truM s+t+wam+b+ha ya nAn sha rbad/'di dag sbyor ba dam pa ste// las rnams kun gyi rtsa bar bshad// dpal tshe bdag gi dgongs rgyud nag po las/ dmar len 'bru bzhi rtsa ba'i le'u ste nyi shu brgyad pa'o//// de nas yang bcom ldan 'das kyis thog ser gyi sbyor ba 'di gsungs so// e ma'o gsang ba'i lam can 'di// sangs rgyas kun gyi dgongs pa 'di// chos nyid nyer bar gtan la 'bebs// ye shes nyi ma rang las 'char// 'di la gnas shing bsrung ba ni// rgyud kyi rgyal po 'dzin pa dang// 'chang zhing rab tu rtogs pa la// bka' yi byin rlabs shugs las 'byung// de don rgyas pa 'di lta ste// gnyan ra 'dug pa'i bde gnas su// dbang btul sngags kyi 'khor lo bca'// dur khrod gnas nas dpa' bo yis// gos su bca' ba'i rgyu blangs la// gos la sme bas thod pa bya// de la bod pa'i 'khor lo bri// thig skor rim pa bzhi ru bskor// dbus su pho brang zlum po la// gdug pa'i gzugs dang yul gyi ming// ser ba drag tu phob ces bri// zla gam gsum pa ser srung dang// yul lha'i sbyor ba gzhom pa bri// phyi rim rdo rje rgya gram bri// rtsa ba'i drag sngags 'bru bzhi dgod// yang logs rtsibs chen bcu gnyis la// chu dril zor gyi dbab pa dgod// tha ma'i rtsibs chen bcu drug la// thabs dang drag po gzir ba yis// lo tog gzhom pa'i spu gri dgod/kha sbyor tshon skud brkyang pas sngags// thod chen sbyang sprugs shu na du// gcod pa'i 'khor lo tsha ra gzhug/ gri khrag khyi khrag rta nag khrag/ dod bur sngags bstim zor du 'bar// sngo sna nal khrag dug sna zho// zhabs mar sngags bstim thal gyi rdzas// lcags phur seng ldeng rdzas rgod rnams// dug gi ngar blud drag sngags dkrug/ spogs pa drag pos gzir ba'i rdzas// dgun zla gsum la nyin zhag gcig/ chu dril khri tsho zhib tu bstim// dpyid zla gsum la zor dril brdeg/ zhag re dong du thod par bstim// dbyar zla gsum gyi nya stong la// zhag gsum nya la gta' ma gzhug/ yul dbus klu dang lha rten la// thod chen spyang thod sbrul gzhug dang// ston zla nya stong rnams bzlog brdeg/ brgya pa bcu par khrag la bstim// stong gi bar du rdzas rnams bstims/ khri bar phur pa dgug rdzas bstim// drag sngags rnal bzlog 'byung ba dkrug/zor dril thab dang gzir las sbyar// de yis thams cad ma lus 'joms// sman dang rtsi shing lo tog la// drag po gnam lcags ser ba 'bebs// tshe brgyad sa sros bzhi yi 'jing// nya yi srod 'khor bcu gcig yol// nyi cu dgu yi mdung gang la// dbab pa gsum pa'i sbyor ba brtsam// grub na gta' ma gdugs kyi gso// de nas yang bcom ldan 'das kyis nyid kyi sku gsung thugs rdo rje las drag sngags 'di bton to// e dun ka yaM/ U khaM phroM phroM hri la phob// shar shar hril drag tu phob/ yaM ka dun te/ phroM shar hril b+h+yo/ ka duM raM phob ka e yaM dun nA ga snying gzer phroM ya hril shar/ chu mig lha rten la dmigs shing// zor thab sbyor ba thod pa zangs// mi lag mi sog thal 'jim zor// gzugs brnyan gnyis par rten bzhag la// 'byung ba dkrugs la khri bzhi bstim// gar dmigs klu gnas phur pa gdab// chu rgod drag po ri bsnyil 'dra// rang yang rang la gab par bshad// de nas bcom ldan 'das kyis// drag po gnam thog 'phang ba'i sbyor ba 'di gsungs so// de bzhin gnas dang mtshams bcad la// thog rgod gri thog nyams can du// me long gser dang thog lcags zangs// rdo nag yungs kar rgyal po spungs// rta nag rabs chad khyi nag khrag/ dug sna dang bcas steng 'og rten// yul dang bcas pa'i ming rus khams// ling+ga rten dang rgya gram dbus// thig skor rtse mo drug pa bri// rgya gram 'bru bzhi sngags kyi lus// thod skor spu gri tshan res dgang// gser thog gzhu dang spel dang gcag/ 'phangs pa bsrung dang gcun la dbab// gser gyi mi 'gyur brtan pa'o// spos dang bdud rtsis bsangs la bkru// drag sngags 'khor lo bskor la gzhug/ dri mda' dug mda' ltas ngan mda'// bcas la gser blugs dgra la 'phang// nya dang nyi shu dgu la shis// sngags pa zil gnon phyag rgyar gsal// lus la ye shes 'khor lo bca'// 'khor lo bsrung ba'i drag sngags spro// che ba'i nga rgyal drag pos bskul// sngags la ltas ngan tri mda' sbyar// dug mda' thog rgod gcun dang sdeb// gnam thog chen po rang 'dod dbab// sbyor ba'i rgyal po khong du gzhug/ de nas yang bcom ldan 'das kyis nyid kyi sku gsung thugs rdo rje las drag sngags 'di bton to// e dun ka yaM/ raM thun ro myag dz+wa la raM khaM raM/ raM thun mA ra ya nr-i dza khaM khyer laM raM/ rag thuM ro myag khas rbad/ e yaM khaM raM trag chem srog la thun b+h+yo/ sarba tsit+ta sbur nan kham shag rbad b+h+yo/ dgra bo'i srog la hur thuM nan 'drid rbad/sarba sha truM hri myags rbad/ kha thaM b+hig nan/ las 'di snang snang bya ba min// thog ser skyin thang sbyor bar bshad// de nas yang bcom ldan 'das kyis ltas ngan gyi sbyor ba 'di gsungs so// sprel dang byi la wa thod dang// sbrul dang srin bya phag sha dang// gzugs dang ming rus bcas la bca'// drag sngags khri bdun dug chu bsku// tshes brgyad srod la mkhar la gzhug/ gzugs rnams 'thab cing sgra 'byin du// sbyor ba smin nas rten rnams gdon// de nas bcom ldan 'das kyis nyid kyi sku gsung thugs rdo rje las drag sngags 'di bton to// e dun ka yaM ru sti nan du ting has phob/ las kyi rgyal po 'bru bzhi yis// 'byung ba bzhi dkrug dwangs ma sdud// ye shes bzhi yi thig le rdzogs// sngags kyi 'od zer 'pho zhing 'dril// kun gyi rtsa ba dril bar bshad// dpal tshe bdag gi dgongs rgyud nag po las/thog ser sbyor ba'i le'u ste nyi shu dgu pa'o//// de nas yang bcom ldan 'das kyis rgyud kyi don 'khor la gdams pa 'di gsungs so// rgyud ni 'brel pa gsum dang bcas// chos dang chos can nyin gcig pa// yul sems gnyis 'dzin rang snang shugs// blta spyod man ngag thabs cig dang// gzhi lam 'bras bu ro gcig gnas// 'khor 'das snang srid don la gcig/ bde dang sdug bsngal rgyu mthun 'das// rang bzhin bdag nyid ngang du rdzogs// bde ba nyams dang 'od gsal ro// so ma lhug pa rdzogs te gnas// thabs dang thabs gnyis thabs bsam yas// bya ba med par rang shar 'di// a dang yang dag sgyu mar sbyar// e dang skye ba'i cho 'phrul rdzogs// ma skyes skye ba gnas las 'das// skye 'jig 'gag pa stong bdag med// bde ba'i ye shes ro nyid mnyam// rgyud kyi rgyal po 'dzin pa dang// mnyam pa'i don la drod len pa// sangs rgyas nyid dang skal ba mnyam// 'di la yun gyi don ldan pas// che bas che ba'i yon tan rdzogs// rang lus rdo rje sems dpa' med// yan lag rdo rje stong bdag med// stong pa nyid las gzhan med pas// snying po don gyi sbyin pa yin// sbyor dang sbyor ba rang bzhin pas// rang nyams bde ba'i sbyor bar bshad// 'di de bde dang smin pa'i mchog/ zung du zungs mtshams kun spangs te// yon tan ma lus kun ldan pa'i// 'di la 'jig rten dngos grub mchog/ ma lus 'byung phyir snying po'i don// rgyal ba kun gyi thig le can// nga yi 'phrul gyi dgongs pa 'di// bka' yi bstan pa ma lus kyi// snying po mchog dang don zab pas// rgyal ba'i dgongs pa dril ba yin// nga yi sbyor ba me lce 'di// khro tshogs gang gi stobs bsdus yin// nga yi stobs kyi drag sngags 'di// bgrod pa thob pa'i go mtshon mchog/nga yi gsang ba'i sgron ma 'di// ma rig 'khar ba'i bde lam yin// 'di la gnas shing bsgrub pa dang// 'dod pa'i dngos grub len pa dang// phyag rgya chen po rab sbyor ba// 'bras bur nges pa'i thabs su bshad// mnyam pa'i rgyal por rgyas par bsngags// gsang ba'i bdag por legs gsungs pa'i// nye bar gyur pa'i rgyud 'di la// bgrod pa'i stobs kyis gang len pa// sangs rgyas kun gyi dgongs pa 'dzin// rnal 'byor bde ba'i lam can la// nga yang dam las mi g.yel bsrung// sangs rgyas kun gyis bsngags pa yin// don gnyis mngon du spyod pa'i phyir// tshad ma bzhi yis rab brtags pa'i// don gyi dgongs pa 'dus pa 'di// rtsol dang bsgrub pa'i mtha' las 'das// 'phro 'du sbyor ba'i g.yang sa bcad// rgyu rkyen bgrod pa'i sar ma lhung// rdzas dang rtags la rten mi 'cha'// mchod dang thugs dam bskang mi dgos// thams cad ngo bo ma bcos pa/ kho na chos nyid gcig pa las// lhun grub rang byung longs spyod sku// las dang sbyor ba sna tshogs sprul// sku gsung ma btsal bgrod thob med// de dag chos nyid rol pa'i rgya// chos nyid rig pa rang byung dpal// ye shes chen po rang gsal ba// 'khor 'das dbyings dang ye shes gsal// yul sems gnyis 'dzin 'khrul pas gol// ngo bo mi dmigs gnyis kyis dben// snang stong gnyis med ye shes sku// 'dzin rtog mtha' gnyis rang bzhin med// med pa'i ngang las snying po gnas// sgyu ma lhun grub yul la rol// 'khor ba ma spangs rang sar gsal// gsal ba mtshan nyid lhun gyis grub// 'di de bde dang smin pa'i las// sangs rgyas gsung gi zab mo gnas// che bas che ba'i yon tan ldan// mos dbang spyod pa'i rnal 'byor rnams// bgrod pa dbang gi phyag rgyar btab// rig pa'i brda yis med cing bsnyad// rdo rje stong bdag che bar gnas// sems can sangs rgyas ma lus kun// rgyud 'di bzung zhing bstan par bya// bcom ldan 'das kyis gsungs pa la 'khor thams cad rjes su yi rangs nas mngon par bstod do// dpal tshe bdag gi dgongs rgyud nag po las/ rgyud gtad pa'i le'u ste sum cu pa'o//// rgyud kyi snying po dam pa zhes bya ba sangs rgyas thams cad kyi dgongs pa gcig tu bsdus pa lha'i yul du grags pa rdzogs so////

CLOSE WINDOW