CLOSE WINDOW

Gpb019.002
བོད་ཡིག

/// bar 'dir zla gsang nag po ngan thams cad rtsa ba'i rgyud 'dzud/ rgya gar skad du/ shrI tsan+d+ra gu h+ya kA la tan+t+ra/ bod skad du/ dpal zla gsang nag po'i rgyud/ 'jam dpal gshin rje'i gshed la phyag 'tshal lo// 'di skad bdag gis thos pa'i dus gcig na/ 'jam dpal gshin rje'i gshed po lha mchog ya mAn+ta ka/ lho phyogs gshin rje'i gnas dur khrod chen po gtum drag tshal zhes bya ba na/ rgya khyon dpag tu med pa/rmang gser du snang ba/ logs g.yu ru snang ba/ rtse mo gnam lcags ur mo ru snang ba// 'khor lo gtams pa'i bad btags pa/ 'khor lo dang gnam lcags kyi 'od phyogs bzhir 'phro ba// 'od dang 'od zer rab tu 'khrugs pa/ mchog chen dang rkang chen mchog phra mo'i bral gtang ba/ bam chen gyi ka ba la chu srin gyis ka zhu can// 'khor lo 'bar ba'i ka gdan can// gnam lcags thog gi tsha tsha 'phro ba/thod pa brtsegs pa'i 'bur phyung ba// zhing chen po'i bla re dang/ chu srin gyi rgyal mtshan dang/ 'phan gdugs dang/ dpal dar phyogs bzhir bkram pa/ tsit+ta dmar po sprin du gtibs pa// rtse na me ri sna tshogs pas brgyan pa// keng rus kyi dur khrod dang/ gnam lcags kyi khang bzangs dang// 'khor lo'i gzhal yas dang// ro myags kyi dur khrod la sogs pa dur khrod kyi gnas stong yod pa/ nyi ma me shel dang/zla ba chu shel dang/ skar ma phra men gyi mthongs yod pa/ gza' skar mang pos brgyan pa/ mtsho chen po'i rlabs dang// rlung nag gi grib so dang/ keng rus kyi ri rab dang/ me ri'i rlabs yod pa/ mtha' lcags ri nag pos bskor ba de lta bu'i gnas de na/dur khrod kyi ro bam pa mang po brtsegs pa/ mi gtsang bas yongs su gang ba rnam par ro rul ba dang/ phyed rul dang/ bam pa dang/ rnam par rul pa dmar ba/rnam par bam pa dang/ ro rengs pa dang/ rnam par rengs pa dang/ keng rus phyed pa dang/ rus pa brul ba dang/ 'khums pa dang/ rnam par 'khums pa dang/ langs pa dang/ gan pa dang/ bub pa dang/ 'gyel ba dang/ dur khrod kyi ro la 'dral ba dang/ gshog pa dang/ gtub cing 'tshed pa dang/ ro la longs spyod cher spyod pa dang/ dur khrod kyi btsas pa mnam pa dang/ khrag dang/ rnag dang/ chu ser 'dzag pa dang/mi gtsang ba 'dzag pa dang/ de lta bu'i gnas de na stag dang/ gzig dang/ dom dang/ dred dang/ bya rog dang/ kang ka mchu ring dang/ byan lag gshog rdebs dang/ spyang ki rdzi rnon dang/ ce spyang ro rngam khra dang 'ug pa dang// ling du khra dang srin bu ka ka ri// de la sogs pa sha za khrag 'thung dang// rus pa 'cha' dang ldag myong byed pa dang// blta dang dgod dang ngu dang cho nges 'debs// ku co 'don zhing mchong rgal byed pa dang// drag po'i rkan rdebs ltas ngan skad sgrogs dang// gzugs mi sdug dang 'dzum pa'i mdangs ston dang// 'khor lo'i bro brdung lcags kyi mda' 'phen dang// bshugs pa'i glu len mi mgo'i dung 'bud dang// dar nag g.yab 'dor rang la rang khro dang// sha za khrag 'thung drag po'i rkan rdebs dang// brda dang gar bsgyur rdo rje'i thog 'phen dang// gti mug sha yi dur khrod ri ltar spungs pa dang// 'dod chags rak+ta'i dur khrod rba klong 'khyil pa dang// rab tu 'jigs shing skyi g.ya'i gnas de na// 'jam dpal lha tshogs ya mAn+ta ka ni// phyogs bcu dus gsum bde gshegs 'khor rnams dang// phyogs skyong gshin rje yab yum 'khor rnams dang// 'jig rten rlag byed gshin rje gshed bzhi dang// stong gsum mun par gtong par pho bdud mo bdud dang// 'jig rten mes bsreg btsan po btsan mo dang// smyo 'bog gtong bar byed pa'i ging gi 'khor tshogs dang// drag po gnam lcags 'bebs pa lhag dang sman gyi 'khor// chu 'khyags khrag tu 'bebs pa khyab 'jug gza' yi 'khor dang// mdze nad dz+wa la gdug pa klu yi 'khor dang// srog gcod spu gri thogs pa gnod sbyin 'khor tshogs dang// yams dang nad gtong ma mo'i 'khor tshogs dang/ gzhan yang dri za'i rgyal po kha thun rak+sha la sogs dri za'i 'khor sde dang// shan pa nag po la sogs gshin rje'i 'khor sre dang// nA ga dza la la sogs klu yi 'khor sde dang// yak+sha mgo dgu la sogs gnod sbyin 'khor sde dang// stong gsum kun nyul srid pa khram 'debs la sogs ma mo'i 'khor sde dang// ha nu bag sha la sogs bdud kyi 'khor sde dang// shu bo srog len la sogs btsan gyi 'khor sde dang// dkar po snying 'byin la sogs srog bdag 'khor sde dang// gzhan yang lha srin sde brgyad rang rang 'khor na yang// nad gtod khram 'debs bsam gyis mi khyab dang// gzhan yang 'dod pa'i bu mo'i tshogs rnams la// rgyal mo dang ni rgyal mo'i yang rgyal mo// blon mo dang ni yang blon mo// bran mo dang ni g.yog mo'i tshogs// de dag la sogs 'khor na yang// 'du ba rnam bzhi'i nad bdag mo// bzhi brgya rtsa bzhi'i nad gtong tshogs// bsam gyis mi khyab thabs cig bzhugs// be tA lI dang ral gcig gnyis// g.yas nas 'khril te gnyis med bzhugs// g.yon nas mdun gyis bltas te bzhugs// gzhan yang gshin rje'i 'khor tshogs 'di lta ste// ya ma rA dza 'chi bdag dmar po dang// kong tse brag gyon a ba glang mgo dang// ya ba ti dang mig dmar dang// mig dmar tel ba lha mchog dang// chos kyi rgyal po ral pa tshar dgu dang// thod dbyug la sogs 'khor dang bcas// e ka dza ti be tA lI/mi srin nag mo mgo 'phyangs dang// brag srin nag mo mgo 'phyangs dang// sa bdag nag mo mgo 'phyangs dang// mi bzang bdud mo mgo 'phyangs dang// mtshan mo nag mo mgo 'phyangs dang// byin ling nag mo mgo 'phyangs dang// bdud mo nag mo mgo 'phyangs dang// sa srin nag mo mgo 'phyangs dang// klu srin nag mo mgo 'phyangs dang// lha mo nag mo go 'phyangs dang// de ltar yum yang thabs cig go/yab yum 'khor yang 'di lta ste// ya ma rA dza 'khor rnams dag/ bdud kyi rgyal po dregs can gsus po che dang// gshin rje dmar po'i 'khor dag na// srog bdud mched gnyis gnas pa ni// srog bdag gnod sbyin dmar po dang// bdud kyi rgyal po stag dgu spyan gcig dang// gzhan yang kong tse brag 'joms 'khor dag na// bdud kyi rgyal po stag thabs gnas// a ba glang mgo'i 'khor dag na// bdud kyi rgyal po u 'bi gnas// lcogs pa mgo dgu'i 'khor dag na// bdud kyi rgyal po gur bdud dang// bdud kyi rgyal po 'jug med gnas// ya ba ti yi 'khor dag na// bdud kyi rgyal po be'u log nag po dang// bdud kyi rgyal po nag po spyi ring gnas// tel pa'i 'khor dag na bdud kyi rgyal po gling bzhi phur byed gnas/ phya sangs kyi 'khor dag na bdud kyi rgyal po phya bdud dkar po dang/ bdud kyi rgyal po phya bdud dmar po dang/bdud kyi rgyal po phya bdud ljang nag dang/ bdud kyi rgyal po phya bdud nag po dang/ bdud kyi rgyal po phya bdud sngon po dang/ bdud kyi rgyal po phya bdud phung byed 'ug pa'i mgo can dang/ bdud kha tong me 'bar dang/ bdud mi lag spre 'u'i mgo can dang/ bdud rngam chen mi lag dung gi rna cha gnas/ ral pa tshar dgu'i 'khor na bse'i skyes bu gdug pa can gnas/ stag mgo can gyi 'khor na klu bdud nag po sbrul gyi rgyu ma can dang/gri thogs ging gi pho nya bcu dang thabs cig tu bzhugs so// de'i tshe mthu stobs kyi bdag po dpal phyag na rdo rje yang mdun gyis bltas te bka' nod pa'i tshud du bzhugs so// de nas bcom ldan 'das 'jigs byed chen pos khams gsum dbang du bsdus srid gsum zil gyis mnan/ stong gsum gyi stong chen po 'jig ten gyi khams thams cad mun nag tu gtibs te/ thugs ye shes kyi rtse las 'khor lo'i tshogs dang gnam lcags kyi gzer dang// lcags kyu dang zhags pa'i tshogs dang/ lcags sgrog gi tshogs dang/ dril bu'i tshogs bsam gyis mi khyab pa 'phros te/ hUM hUM dang phaT phaT dang ha la ha la dang/dzaHhUM baM hoH/ e A ra li hriM hriM dzaHzhes 'brug stong gi sgra dus gcig tu ldir ba tsam gyi sgra bsgrags nas dbang du bsdus pas rang gi 'khor rnams kyang bred/ rab tu bred/kun tu rab tu bred/ 'dar rab tu 'dar/ kun tu rab tu 'dar/ sngangs rab tu sngangs/ kun tu rab tu sngangs nas thams cad bde ba la bkod do// 'jam dpal zla gsang nag po'i rgyud las/ gleng gzhi'i le'u ste skabs dang po'o//// de'i tshe dus na bcom ldan 'das la mthu stobs kyi bdag po la sogs te/ gdug pa can gyi 'khor rnams kyis mgrin gcig tu thal mo sbyar nas bcom ldan 'das la 'di skad ces gsol to// e ma ho 'jigs byed chen po lags// bdag cag gdug byed 'khor rnams kun// snang srid 'jig rten khams 'di ru// stong gsum mun par gtong ba dang// 'jig rten khams kun bsreg pa dang// log rtog 'joms dang gnam lcags lce// smyo 'bog yams nad srog gcod dang// mdze rigs gtong ba'i las 'di dag/ bdag cag rnams kyi rang las lags// dpa' bo chen pos ci la bkyon// thugs rjes bred yang mi mnga' 'am// dpa' bo chen po khyod nyid ni// thugs rje byams pa'i mnga' bdag na// 'di lta'i cho 'phrul ci la ston// gdug pa'i gsung sgra ci la sgrog/ thugs rje'i sprul pa ci la 'gyed// 'jigs byed chen pos bdag cag la// bka' 'bab mi 'tshal 'bangs su mchi// 'bangs la nan tan ma chung zhig/ ces brjod de// so sor rang rang gi snying po 'di phul lo// oM sngags sor bzhag A kro d+hi ka ya mAn+ta ka ya ma rA dza dz+wa la raM pa ya hUM/ni kro d+hI shwa rI dz+wa la raM hUM/ ya tra trag sha dz+wa la raM pa ya hUM/ ra rag mo kro d+hI shwa rI dz+wa la ni hUM/ oM a rak+sha dz+wa la raM pa ya hUM/rag mo kro d+hI shwa rI dz+wa la raM ni hUM/ oM tra trag po dz+wa la raM pa ya hUM phaT/ tsit+ta kro to la kod+hI shwa rI dzra la raM pa ya hUM/ oM raka sha ga ma ya snying rtsa ra ya dz+wa la raM hUM/ oM ni ra tsa ru tsa kro d+hI shwa rI ti ni dz+wa la raM/ oM tra trag sha rag po dz+wa la raM pa ya hUM/ oM shrI dz+wa la raM pa kro d+hI shwa rI dza hUM/oM tra trag sha ni dz+wa la raM pa ya hUM// oM tra trag mo rak+sha kro d+hI shwa rI hUM/ oM many+dzu shrI nag po trag tra sha ni ya hUM/ oM nag mo rak+sha kro d+hI shwa rI ni hUM/ oM many+dzu shrI badzra ma ro trag sha dz+wa la raM pa ya hUM/ oM nA ga kro d+hI shwa rI dz+wa la raM pa ya hUM/zhes phyogs skyong gi gshin rje rnams kyis phul lo// ru tra pa tra mu khrag dza ra khrag tsa pa ti yar pa dun hab swA hA/ sa ma ya A be sha/ ru tsa rak+sha chal pa a nr-i tri mA ra aM ku sha dza dza/ oM bi sha wa du ru du ma shi kha dza la a ta swA hA/hri shag ru rag raM nA ge tsit+ta traM ma ma yong za 'graM ha ha ga shal dzaHdzaH/ ma snying kha rag snying kha rag ma ma rag sha ma ma rag mo thun thun/ snying la thun dza dza/ snying la dza/ ru lu ru lu dza dza/rA dzA sa ma ya dza hUM hUM dza/ ra li pra ma ni hUM hUM phaT phaT swA hA/ tri tri rA dza tsa pa la a shug me dza dza/ b+hA hu yag sha pu ro tso to ra hU ra ma trig be tshil ma khug yag sha thang ma thang me ya dza dza/ oM nA ga ra dzA ma hA kA lA ti pa tsa sa kha sa kha shra ru hUM dza dza/nA ga rA dza dzaHdzaH/ de dag la sogs 'jig rten khams dag na// gnas pa'i lha dang lha ma yin// nam mkha' lding dang dri za dang// mi'am ci dang lto 'phye'i rigs// gnod sbyin srin po yi dwags dang// sha za 'byung po grul bum dang// srul po dang ni lus srul po// skem byed dang ni 'jigs byed dang// smyo byed dang ni grib gnon dang// gnon po dag ni nam gru dang// de dag la sogs 'khor na yang// sha za khrag 'thung bsam mi khyab// bka' nyan zer zhing srog snying phul// gnas pa'i 'khor rnams mgrin gcig tu// thal mo sbyar nas gus phul ba// dur khrod me tog sna tshogs ni// srin po ro dang ro chung dang// mi ro dang ni rta ro dang// ro phyed gzhogs ni phyed pa dang// ro yi phreng ba ro brtsegs dang// bam dang rul dang rul pa brul// b+han+da de bzhin sgal tshigs dang// dbang po rkang dang rgyu ma dang// sha khrag la sogs tshil bu dang// go ro tsa na la sogs te// gzhan yang ro yi rnam pa ni// phye bye ba yang ma la sogs char du phab/ lhan cig 'dug nas 'di skad brjod// he he dpa' bo 'jigs byed gdong// bdag cag rnams kyi srog tig ste// dpa' bo lha rjes bzhes su gsol// bdag cag rnams kyi rang las dang// 'tshal skal 'dul skal gang lags pa// dpa' bo lha rjes bzhes su gsol// zhes gsol to// de nas yang bcom ldan 'das 'jigs byed chen pos 'di skad ces bka' stsal to// hUM hUM/ nga ni dus gsum rnam pa ru// thams cad ma lus 'dul ba'i bdag/ nga yis bka' rnams khyod kyis nyon// sems can yongs la 'tshe ma byed// khyed cag rnams kyi rang las ni// sangs rgyas bstan pa 'jig pa dang// chos 'khor 'joms pa'i rU'u tra rnams// khyed kyi 'dul skal zas skal gyis// zhes bka' stsal to// bka' bzhin nyan par zhal gyis bzhes te/ rang dmar rang gis bcas so// de'i tshe de'i dus nam thu stobs kyi bdag po dpal phyag na rdo rje gdan las bzhengs te/ dam tshig rdo rje rtse dgu thugs kar bzung ste/pus mo g.yas pa'i lha nga sa la btsugs te 'di skad ces gsol to// legs so legs so ston pa'i 'khor// de ltar dus gsum thams cad du// sems can rnams la gnod pa dang// 'jig rten khams su sbyor ngan ma btang bar/ ston pa'i 'khor du 'dus nas kyang// rang rang tshul bzhin bsgrub pa dang// las thabs bya ba gang yin pa// da lta nyid du dbul bar gyis// zhes gsol te rang gi gnas su 'khod par gyur to// de nas dregs pa can gyi 'khor rnams kyis// e ma 'jigs byed chen po lags// bdag cag rang rang bsgrub pa dang// las dang bya thabs thams cad byang// byams mgon chen po nyid la 'bul// dpal chen po yis bzhes su gsol// zhes gsol ba dang/ bcom ldan 'das 'jigs byed chen po dgyes pa chen por gyur te/ zhal 'dzum pa mdzad nas 'di skad ces bka' stsal to// bka' yi phyogs skyong gshin rje dang// gdug byed lha srin pho mo rnams// nyon cig khyod rnams gus par nyon// ngas gsungs pa la sems thud cig/ da lta dus gsum thams cad du// sems can rnams la gnod pa dang// 'jig rten khams su sbyor ngan ma btang bar// nga yi dam las ma 'da' zhig/ 'on tang sems can thams cad kyang// bde la khyed kyang bde bar 'gyur// khyed kyi zas skal las thabs kyang// lnga brgya'i tha ma byung ba dang// sangs rgyas bstan pa mi gnas shing// chos nyid bden pas mi 'dul te// bstan pa thams cad nub pa dang/ las ngan mtshams med byed pa dang// zas ngan lci ba za ba dang// gos ngan dug hrul gyon pa dang// ma gshin bstan pa byung ba dang// mu stegs bstan pa dar ba'i tshe// khyed kyi zas skal thams cad kyang// dus der 'byung bar ngas bshad gyi// nga yi dam las ma mda' zhig/ces bka' stsal to// dpal zla gsang nag po'i rgyud las/ gleng bslang ba'i skabs te gnyis pa'o//// de nas phyogs skyong gi gshin rje rnams kyis thams cad zhi bar byed pa'i ched du// bcom ldan 'das la phrin las zhi ba'i sgrub thabs 'di phul lo// rab tu dkar ba'i yul dag la// mgu ba'i sems dang ldan byas te// dad pas mgu pa'i las bya zhes// gshin rje gshed po nyid la phul// gshin rje gshed pos bka' stsal pa/ nyon cig zung zhig rdo rje 'dzin// thams cad zhi bar bya phyir du// sa gzhi gnas dang ri brag dkar// zlum po nyams dga' bkra shis gnas// zhi ba'i las kyi dkyil 'khor ni// zlum po dkar ba'i dkyil 'khor bris// lte bar bcas pa'i rtsibs brgyad la// mkhas pas bsgrim ste bri bar bya// dkar dang ldan pa'i zla gam la/ gcig dang gsum nas mgo btsugs nas// khams gsum rab tu mgu ba'i phyir// nyams su len par byas la bsgrub// dbus su ye shes bdag po la// shar du nag 'joms chen po ste// lho ru ya ba ti zhes bya// nub tu khro bo rmig pa la// byang du bdud 'joms dgod par bya// shar lho lho nub nub byang dang// byang shar mtshams su dgod pa ni// glang mgo kong tse gcod sbyong rje// las grub brgyad de go rim bzhin// steng 'og dmar po nag 'joms gnyis// yab yum gnyis med bris te dgod// zla gam gsum la ma mo gsum// sgo bzhir sgo srung ma rnams bri// de ni yum dang bcas pa rnams// khro bo yab dang sku mthun pa'o// sems dpa'i 'dug stangs gnas byas la// sgeg mo g.yon du brten byas la// sngags g.yog mdzes pa tshogs par byas// mgu ba'i phrin las brtsam par byas// skye tshe thal ba rus pa la// dzam b+ha la yi gzugs lta bur// byas pa'i snying gar bri ba ni// a ma sa la sid+d+hi'am// gang 'dod pa yi yi ge de// phaT dang swA hA mda' ltar bya// ming byang gang ltar bris byas la// gang ltar 'tshams pa bzhin du gzhag/ de la 'di yang rab tu brjod// oM a kro badzra shAn ti nA ga badzra swA hA/ oM a kro te ka shAn ting ba la tsuM zhes brjod nas/ snying gar brgyab na thams cad mgu nas dad pa'i sems kyis zhi bar gyur to// des ni zhi ba'i las byas zin nas phyogs bcu'i gdug pa zhi bar byas te/bdag la mi dga' ba med na las 'grub pa yin no// dpal zla gsang nag po'i rgyud las/ thams cad zhi bar bsgrub pa'i skabs te gsum pa'o//// de nas phyogs skyong gi gshin rje rnams kyi phrin las rgyas pa'i sgrub thabs 'di/thams cad rgyas par bya ba'i ched du/ bcom ldan 'das 'jigs byed gshin rje'i gshed chen po la phrin las rgyas pa'i sgrub thabs phul// rab tu ser zhing gser las grub// btso ma 'dra ba'i dbyibs can la// dpal rgyas sems dang ldan byas la// rgyas par bya ba'i sems kyis su// rgyas pa'i sgrub thabs bshad par mdzod// ces pa gshin rje gshed la phul// gshin rje gshed pos bka' stsal pa// nyon cig zung zhig rdo rje 'dzin// thams cad rgyas par bya phyir du// sa gzhi gnas dang ri rab ser// gru bzhi khod snyoms btso ma 'dra// rgyas par bya ba'i sems kyis su// dkyil 'khor gru bzhi pa yi tshul// ldong ros chag chag btab byas te// rnal 'byor dam pa blo ldan pas// thig ni gdab par rab tu brtsam// gser las grub pa'i thig skud la// dpal dang gzi mdangs bsod nams tshogs// 'phel zhing rgyas pa'i sems dang chas// slob ma dam pa las grub par// bsams la thig ni gdab par bya// pho brang gser la rtse mo g.yu// rdo rje'i brtsig pa gser las grub// gru chad sgo snams lcags las grub// rnal 'byor sngags pa blo ldan pas// thig bzhi re cha brgyad du 'gyur// mtha' nas thig gdab man ngag can// de la sogs pa bsam par bya// rin chen skyil krung 'dug byas la// rin chen rigs kyi ngos su blta// dbus su gsang sngags bdag po ste// phyogs phyogs sgo ba dam pa rnams// snga ma bzhin du bsgoms nas kyang// rang sngags skyes bus de bskyed do// oM a kro te ka puSh+tiM pha ya ni hUM/ oM a kro te ka puSh+tiM ti ba ta na s+t+waM/ zhes pas bdag po yab yum la/ 'khor bcas 'bru re ba las bsam// rang rang bskyed pa dam pa ste// sngags dang ldan par ting 'dzin bsam// gzhug dang brtan dang mchod pa dang// phyag byed pa la sogs pa yi// las kyi bya ba ma lus pa/ thams cad ma lus tshang bar bya// bskyed dang grub pa'i 'bras bu ni// rgyas par bsnyen te thag mi ring// rang grub 'bras bu de lags so// phyogs dus kun nas gshegs pa yis// dngos grub dam pa rab ster zhes// 'dren pa dpa' bos yang dag bshad// de nas gzhan yang rab bshad pa/ dkyil 'khor snga ma bzhin byas la// sa zhag gser las grub pa las// gzugs ni dam pa rab tu bya// phyir rgan gan rkyal mnan byas nas// hUM puSh+tiM A yu She swA hA/ snying gar bris nas brjod bya ba// snying po sngags kyi dam pa ste// bla med dam pas rab tu bshad// oM badzra puSh+tiM A yuHpha la ba shaM shrI puSh+tiM swA hA/ brjod na thams cad rgyas par 'gyur ro// dpal zla gsang nag po'i rgyud las/ thams cad rgyas par bya ba'i skabs te bzhi pa'o//// de nas yang phyogs skyong gi gshin rje rnams kyis/ phrin las dbang gi sgrub thabs 'di// 'jigs byed gshin rje'i gshed po la phul lo// rab tu dmar zhing zangs las grub// zangs las 'brel ba'i yul dag la// rang dbang med par dbang bsdus nas// 'du ba'i sems dang ldan byas te// dbang gi dkyil 'khor bshad par mdzod// ces pa gshin rje gshed la phul// gshin rje gshed pos bka' stsal pa// nyon cig zung zhig rdo rje 'dzin// thams cad dbang du bsdu phyir du// zangs sam dmar po'i sa dag la// dkyil 'khor snga ma gong dang 'dra// legs par khod snyoms zin pa dang// thig ni rab tu gdab par bya/lte ba tsan la rtsibs brgyad la// kun tu zla gam dbang gis mdzes/ lte dbus gzhu bdungs bris byas nas// de steng bdag po dam pa gzhag/ thams cad ma lus mchog tu dgug/ ci la bya yang thogs chags med// ces ni yang dag bla med des// bshad par byas te rab tu bstan// gzhan yang rab tu bshad bya ba// sems kyi dkyil 'khor dam pa de// bla med yang dag nges pa'i lam// sangs rgyas byang chub la sogs rnams// gzhung las 'byung ba'i tshig don rnams// ma nor gsungs pa'i bka' bzhin du// bsgrub na 'grub par bshad pa'o// de dag dgug par 'gyur bas na// phal pa gzhan lta smos ci dgos// sdud dang 'dren pa byang chub lam// 'di dag go 'phang thob bya'i phyir// nyung dkar rkang rjes sa'am gzhan// khrag gsum thal chen bsres byas la// ga bu'i nang du blugs byas la// ga bu gnyis ni kha sbyar la// skud pa dmar po zangs la sogs// bcings nas bsdams te dam dkris nas// dkyil 'khor gyi ni thog tu gzhag/ nyung dkar zangs ni bsres byas te// dud pas ga bu de la bdug/ de la bdug par gyur pa dang// bzlas pa'i snying po brjod bya zhing// lan grangs khri tshar du ma ru// brjod na sangs rgyas la sogs rnams// 'gugs par gyur na phal pa gzhan// smos ci dgos te nges par 'gugs// oM badzra a kro many+dzu shrI ba shaM ma ho sarba ti la b+h+rUM/ lan grangs mang du brjod byas na// ji ltar bsam pa thams cad 'gugs// rgya shug bkrus pa'i khu ba dang// mi yi lag pa'i khu ba gnyis// snga ma bzhin du dgug byas na// 'gugs par gyur zhes dpa' bos bshad// yang na rang gi lag kyang rung// zhes gsungs pas thams cad ma lus par dbang du 'dus pas dper na phyogs phyogs thams cad nas// mtsho la sbrang ma 'du ba ltar 'dus te bdag gi dbang du gang la bya ba de dbang du 'gyur ro// zhes pa gshin rje gshed pos gsungs so// dpal zla gsang nag po'i rgyud las/ thams cad dbang du bya ba'i skabs te lnga pa'o//// de nas yang phyogs skyong gi gshin rje gshed rnams kyis phrin las drag po'i bsgrub pa 'di bzhin gshin rje gshed la phul lo/ rab tu gnag cing gnam lcags 'dra// mon nag sog po khros pa'am// srin mo'i mdung rtse gshibs pa 'dra// khro bo chen po'i tshul chen gyis// gdug pa'i sems dang ldan byas te// drag po'i dkyil 'khor bshad par mdzod// ces pa gshin rje gshed la phul// gshin rje gshed pos bka' stsal pa// nyon cig zung zhig rdo rje 'dzin// phyogs skyong gshin rje ma lus kun// khro bo'i tshogs su 'dul mdzad de// rang bzhin mthu chen 'di brjod do// 'byung med ye shes dkyil 'khor ni// dkyil 'khor snga ma bzhin byas te// bdag nyid khro bo chen po ste// yum yang de bzhin de yi 'od// yab yum gnyis med byin rlabs las// thams cad shes rab 'phro 'du las// thig skud rgyus pa dag las byas// de ni las kyi thig ces bgyi// thig bzhi btab pas le'u tshe dgu/ 'khor lo rtsibs bzhi mu khyud bcas// kun tu gru bzhi gru chad can// gru chad rgyan ldan dur khrod rgyan// mdzes par bris te gzhan du min// bsten pa'i lha ste snga ma bzhin// bskyed pa'i sngags 'di brjod byas pas// bdag dang 'dra bar bskyed par bya// oM a kro te ka hUM a badzra be tA lI rag sha man// b+h+yo b+h+yo b+h+yoH/ b+h+yo b+h+yo b+h+yoH/ b+h+yo b+h+yo b+h+yoH/b+h+yo b+h+yo b+h+yoH/ b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yoH/ dzaHhUM baM hoH/ b+h+yo b+h+yo b+h+yo b+h+yo b+h+yoH/ zhes brjod pa tsam gyis 'jig rten gyi khams 'di dag g.yos so// rab tu kun tu g.yos so// rab tu kun tu ldeg go/ rab tu kun tu 'ur chem mo// dbus mtho na mtha' dma'/ mtha' mtho na dbus dma'/ 'jig rten gyi khams 'di dag rab tu g.yos par gyur to// de nas bcom ldan 'das rdo rje'i bdag nyid des 'di skad ces gsol to// bcom ldan 'das rab tu gsung gi gsang sngags gsungs pas bdag cag spro lags so// 'jig rten du mthu chen 'di lta bu la bdag zhu ba lags so// de nas bcom ldan 'das rang bzhin khro bar mdzad pa de la/bdag mngon du sems can thams cad kyi don rab tu yang zhu bar 'tshal lags so// bcom ldan 'das khro bo chen pos 'dul bar mdzad pa des 'di skad ces gsungs so// oM shrI pa ra yak+Sha g+hu h+ya sarba ta ki badzra kA la rU pa mA ra ya phaT ces gsungs pas 'jig rten na dbang che ba dang/mthu che ba la sogs pa btul nas 'di skad ces gsungs so// phyogs bcu'i 'jig rten gang nas kyang// gsung du med pa'i chos nyid la// rang sems 'phro 'dur gyur pa las// phyogs bcur gsungs pa de dag yin// zhes gsungs so// dpal zla gsang nag po'i rgyud las/ drag po'i sgrub thabs te thams cad btul nas cho 'phrul bstan pa'i skabs te drug pa'o//// de nas nan tan bskyed byas te/ 'jig rten gshed pos drag po'i tsham rngams bshad par bya// 'jig rten bcud kyi gdug pa kun// tsham rngams glog ltar 'gyu ba las// ngo mtshar ya mtshan bsgrag par bya// e ma'o yab yum gnyis med rol pa'i mkha' dkyil nas// phyogs bcur 'phro ba byang chub sems// rigs kyi yab dang de bzhin btsun mo ni// rtag par bsgom ste de bzhin shes par bya// rdzas dang phyag rgya sngags dang bcud rnams ni// gzugs dang 'dod pa'i 'bras bu gang 'dod 'grub par rol// mi dge bcu dang ldan pa yis// rnam par 'dren pa des byas te// sngags dang phyag rgya rdzas rnams dang// ga bu pad+ma dam pa dang// kham sa pa yi 'jim pa ni// khrag sna gsum dang gi wang ngo// de dag phrin las mchog yin te// 'grub par 'gyur bar gdon mi za// bla med dpa' bos yang dag gsungs// phyogs bcu'i gdug pa ma lus kun// 'dul bar 'gyur te the tshom med// dpal zla gsang nag po'i rgyud las/ drag po'i skabs te bdun pa'o//// de nas yang bcom ldan 'das 'jigs byed chen pos 'di skad ces gsungs so// 'gal ba cham la 'bebs 'dod na// dur khrod lung dang mthun pa'i gnas// dgon pa lta bur song nas ni// thog mar bsod nams tshogs kyang bsag/phyir bshags 'bul la sogs pa gdon// tsha tsha nye 'don la sogs bya// ye shes sems dpa' bsgom par bya// bA gI shwa ri 'bru drug 'don// 'jam dpal mtshan ni yang dag pa// rtag tu gdon par dam yang bca'// grub pa'i nyi ma gang yin la// bsod nams tshogs ni ci nus bsag/ de nas drag po byed 'dod na// tha chung bzhi yi mar ngo la// maN+Dal gtsang ma dris byugs la// dka' thub drag pa'i sdom pa byas// ku sha'i stan la 'dug nas ni// mgo bo rma bya bzhin du dgug/ ru rak+sha yi phreng ba bgrang// mgon po nyid la gus byas te// sngon du 'gro ba'i bsnyen pa ni// yi ge bcu bdun nus thang gis// drug 'bum dag tu bzlas pa bya// de ni bsnyen pa dang po yin// phyis ni ri rab rtse mo la// gsum 'bum dag tu bzlas pa bya// de ni bsnyen pa gnyis pa yin// de nas dkyil 'khor gtsang ma'i steng// khri'u 'am dkyil 'khor gtsang ma'i steng// 'jam dpal sku gzugs ri mo'am// gzhug pa'i spyan sngar nyis 'thum bzlas// de ni bsnyen pa gsum pa ste// bye ba gcig 'bum thon pa dang// me tog la sogs mchod pa bya// phyi dang nang gi mchod pas mchod// bstod pa la sogs ci rigs bya// bsnyen pa rdzogs nas rtags rnams 'byung// 'jam dpal sku yi zhal 'dzum mam// rtags ni bzang po 'byung ba ni// dngos grub la sogs blang bar bya// de nas drag po'i sbyor la 'jug/ dur khrod ma la yar song la// mi skra re tshil rab blangs te// khrag chen dag tu spang bar bya// khrag sna tshogs kyi khu bas bkru// btsir la thal chen sa dkar gyis// mdog bsgyur phur bzhis brgyang la bskam// zla ba nag po'i tshes drug nas// brtsams te phyi gtor la sogs gtong// mtho gzug dpang gzug gser skyems gtong// srid pa'i lha 'dre sde brgyad la// bden bdar rgyab brten ma byed bsgo// khram dmar btab la khrag nag la// gshin rje'i drag sngags dag dang bsgrag/ sho rde'u dkar nag brdeg par bya'o// bsnyen pa'i snying po hUMHSh+tIHbzlas// zla ba nag po'i tshes drug ni/ nyi shu gcig la dbu btsug nas// nyi shu drug ni tshun chad du// nus thang su ni bzlas pa bya// oM hrIHSh+t-IHbi kr-i tA na na hUM hUM phaT phaT/ che ge mo mA ra ya hUM phaT/ nyin phyed tshun chod bzlas pa bya// mchod dang bstod pa la sogs bya// brgyangs pa'i ras chen blangs nas su// gzhan med sol ba thal ba gnyis// ka na ka yi khu ba dang// pra rtsisogs dang dug sna tshogs// til dang nyung dkar mar khu dang// rang gi srin lag khrag sna ni// rnyed na phyi sa ra khrag dang// ske tshe sa dkar tsan+dan dang// rgya skyegs ldong ros yung bas bris// mA ra gshin rje'i lto bar bcug/ dbang ni chung ma'i snying gar bya// zhi ba tsan+d+ra'i dbus su bya// rgyas par 'dod na glang pos so// bde 'dod rta dang ma he'i 'phongs// bskrad 'dod rnga mo'i 'phongs su bskyon// lkugs pa lug gi khog par bya// gnan pa ri rab 'og tu bya// so so'i rdzas dang las rnams ni// rig pa can gyis shes par bya// gshin rje zla gsang nag po 'di// zla ba gsang bar sngags pa yin// phrin las bya ba'i rim pa ni// gsang ba'i las su shes par bya// 'khor lo bca' ba'i rim pa ni// brgyangs pa'i ras la dug byugs la// ma dA ldum bu thang phrom dang// kha shog dug sna tshogs rnams la// rang gi srin lag khrag dang sbyar// snag tsha byas la bri bar bya// smyug gu bya rog 'ug pa'i sgro// mi grir shi ba'i skra la yang// pir la sogs pa bya bar gsungs// sgro rtsa skud pa sngo dmar bcing// 'khor lo bri ba'i rim pa yang// gsang ba'i las su shes par bya// 'khor lo bri nas smon lam gdab// rang gi a mr-i ta la sogs// mchod cing bstod pa la sogs bya// bdag nyid ya mAn+ta kar bsgom// sku mdog stang zil nag po'am// chu rlabs nag po'i sprin dang 'dra// kham nag ral pa gyen du brdzes// sma ra kham la smin ma ser// glog 'gyu smin ma zhal bgrad pa// ljags 'gril tshems gtsigs gsus khyim tshe// lus dang yan lag nA gas dkris// ro nye kha nas 'dzag kyang 'dzab kyang zlos// gdug pa'i mtshon cha sna tshogs 'dzin// de lta bu ru bdag nyid bsgom// mkhas pas rang gi rig pas dpyad// thod pa 'og ma khri steng ngam// za ma tog gi khri steng gzhag/ steng ma'i thod pa smyug ma la/ sngon dmar brgyangs la yas man gdab// nyi shu bdun gyi snga dro la// nyi ma ri rab rtser shar nas// stag lpags bgo zhing bgrod dkar 'gro// ru rak+sha yi phreng ba bgrang// dbyug to thogs la sdigs mdzub bsgreng// phyag kyang mi 'tshal lam mi bzur// phrad na gang yin brlag par byed// smra bcad byas te khri khri bzlas// rnal 'byor nang la gtam zer na// lag gi brda yis gdab par bya// skom dang zas ni 'dod pa'i phyir// lag gi brda yis blang bar bya// smras na rnal 'byor rang don zad// de yi phyir na lag brda bya// de yi tshe na 'di yang gdon// yA ma ra tsas do me ya che ge mo phra ma ya hUM phaT/ de nas dmar thag chad bar du// khri khri bzlas pa bya ba yin// dmar thag chad nas snga gzhug bcad// phur bu gdab dang nyung dkar brdeg/ pho nya bcol bskul drag tu bya// ma nyes dpang btsug cho nges gdab// nyin gnyis pa la 'di yang gdon// ya me do ru Na yo da ya che ge mo rak+ta tsa ra hUM phaT/dmar thag chad nas sngags gzhug gcad// las kyi rim pa gong dang 'dra// nyin gsum po la 'di yang gdon// ya ta yo ni ra yak+She ya che ge mo mur tsa ya hUM phaT/ dmar thag chad nas sngags gzhug gcad// las kyi rim pa gong dang 'dra// nyin bzhi pa la 'di yang 'don// yak+She yats+tsha ni rA ma ya che ge mo zhig mA ra ya hUM phaT/ dus ni 'brug dang 'tshubs mas gdab// gdags yig nyi shu rtsa lnga ni// mnan pa'i 'khor lor gzhug par bya// mnan pa'i gzugs ni ri rab bri// thod pa rabs chad nag po'am// ngag dig glen pa bkra mi shis// nang du bcug la re bar gril// lha khang them pa'i 'og dag gam// ro khang dur khrod dag tu gnan// gtad pa gshin rje nyid la ste// dong ni ral pa tshar dgu'o// rgya mtsho chen po'i 'og tu gnan// gnan pa'i lha ni ral pa tshar dgu ste// chu nag 'dra ba'i gzugs chen la// ma he nag po dag la bskyon// gshin rje'i dbyug pa nag po thogs// de lta bu yi dngos po la// bdag gis ral gri'i phyag rgya bcas// sa gzhi chen po gshags nas ni// gshin rje yi ni lag tu gtad// ri rab chen po nyid kyis mnan// don yod grub pa'i pho brang gdab// dpal zla gsang nag po'i rgyud las/ drag po bca' gzhi'i skabs te brgyad pa'o//// de nas yang bcom ldan 'das 'jigs byed chen pos 'di skad ces bka' stsal to// drag po'i las dag byed 'dod pas// yid 'ong mthun pa'i gnas lam du// rnal 'byor mos dang dad pa yis// bla ma mnyes byas dbang dag mnos// lung dang man ngag thob nas kyang// brtson 'grus chen pos myur du bsgrub// gnas dang gzungs ma dag dang ni// lta spyod ldan pa dag gis kyang// 'khor lo'i rgyu dang snag tsha'i rgyu// smyug gu'i rgyu dang dus phyogs dang// mkhas pas zla gsang rgyud nas bshad// drag po sa yi maN+Dal yang// bskrad dang gzung dang bslang ba sogs// mkhas pas zla gsang rgyud las so// drag po'i dkyil 'khor bri ba yang// thig g.yog mtshan ldan gzungs ma la// ba su ta yi thig dag thal chen tshon rgyu dang// rgyu dang man ngag shes pas bya// shar nub lho dang phyogs dang mtshams// phyogs cha rig pas blta bar bya// stegs bu 'dom gang gru bzhi la// chag chag gsum dang skyang nul yang// zla gsang rgyud las shes par bya// byin rlobs gnam sa thig btab pa// zla gsang las las shes par bya// thig ni brgyad kyi cha ru bya// thig skor bzhi dang ldan pa la// thig skor gsum la thig gsum gdab// le'u tse dag ni dgu ru 'gyur// phyi rol thig skor rdo rje'i rwa// thig skor gnyis pa dag la ni// bcu gnyis rtsibs dang ldan par bya// ya ma me da k+She zhes bya// phyogs bzhi dbus kyi le'u tse// drag po sngags kyi yi ge dgod// bcu gnyis rtsibs dang ldan pa la// rA dza sa do bzhi dag dgod// ru Na yo ni dag dang yang// ra ya tsa ni zhes pa ni// 'khor lo'i rtsibs la dgod par bya// thig skor gsum pa dag la ni// bcu drug rtsibs dang ldan pa la// hrIHSh+t-IH'i sngags kyi yi ge dag/ bsgrub bya'i ming dang spel la dgod// rdo rje rwa ba'i phyi rol du// sgo dang sgo khyud ldan pa bya// dbus ni drag po gru gsum gnag/ling tse bzhi ni phyogs dang sbyar// sa stong mdzes pa'i tshon du gtang// bcu gnyis drag po bcu drug rgyas// rdo rje lcags la gru chad ljang// mtha' ma lcags ri sgo ni phyogs dang sbyar// gshin rje lha ni lho shar byang// bu don lho yi phyogs su dgram// sha khrag rdzas dang me tog sngo// lho yi phyogs nas dbul bar bya// drag po rdzas kyi ga bu de// mnga' gsol dbang bskur byas nas kyang// dkyil 'khor steng du bzhugs su gsol// 'khor lo bcu gnyis rtse la yang// phur pa bcu gnyis rim gyis so// 'khor lo bcu drug rtse mo la// ke seng bcu drug phur pa dgod// sgo bzhi bse mo'i phur pa bzhi// nyi shu rtsa brgyad rtsad la yang// dbang phyug mnga' gsol bar khyams la'o// bsgrub bya'i dam rdzas gtor ma yang// bsgrub bya'i lha ste dpal la gcig/ bsnyen pa'i lha ste ya mAn+ta kar gcig/ las su gnyer ba'i lha ste nyi ma bzhi pa la gcig/phrin las gnyer ba'i lha ste gri thogs ging dang khram thogs bdud la gcig/ ma mo'i tshogs la gcig kyang dbul// zhi khro'i lha la las gzhung bsrang// de nas 'chi bdag las gzhung bsrang// zhes pa gshin rje gshed pos bshad// dpal zla gsang nag po'i rgyud las/ dkyil 'khor gyi bca' gzhi'i le'u ste dgu pa'o//// de nas mthu stobs kyi bdag po dpal phyag na rdo rje la 'di skad ces zhus so// he he dpa' bo 'jam pa'i mgon// phyogs skyong 'dul ba'i gshed po ste// dpa' bo'i 'khor du 'dus pa rnams// tshul bzhin bsgrub pa'i don bshad kyang// phrin las gzhung bsrang ji ltar bsrang// ting 'dzin rnam gsum ji ltar bskyed// spyan drang bzhugs mchod ji ltar bgyi// 'jam dpal mgon las bdag mnyan 'tshal// dpa' bo chen pos bka' stsol cig/ de nas bcom ldan 'das 'jigs byed chen pos phrin las kyi le'u 'di ched du brjod do// dmar nag brag gam sog po khros pa 'dra// mi ro mang po yod cing rkang gcig shing gi rtsar// gcan gzan mang po 'grul zhing 'dab chags mang po 'du// lha 'dre mang po tshogs sar drag po'i gnas btsal te// mchod pa bshams la dkon mchog gsum po spyan drangs la// mnyes par bya phyir mchod pa rnam lnga 'bul// sa bdag sa srin mang po spyan drangs la// gtor ma chang phud mchod rdzas byin brlabs te// bsngos la sa slong tshig kyang brjod// nga rgyal rdo rje khro bo yis// rdo rje 'gros kyis sa bskor te// sa bslang sa gzhi spyang ba ni// bdag nyid khro bor gyur pa'i thugs ka nas// raM las ye shes me yis dngos mtshan kun bsregs te// yaM las rlung gis gtor nas khaM las chu yis bkrus// don dam stong pa'i dang du bsgom// de nas kun rdzob mtshams bcad de// dkyil 'khor rgya bcad dbus su bskor bar bya// rin chen sna lnga ldan pa'i chang phud sba// phung shul sa blangs mi rta'i khrag gis ljib// sa sbyangs grub nas dur khrod chag chag gdab// rdo rje dri chu rak+ta dang// dug la sogs pa'i chag chag rab tu gdab// de nas thig gdab thig gi rgyu bstan pa// zhing gi rgyu ma yugs mo'i skra// gri bo log non ro sha kha ral skras// thig skud byas la byin brlab thig kyang gdab// shar dang nub dang de bzhin byang// de bzhin byang shar mtshams su bya'o// shar lho nub byang lho nub dang// de bzhin byang shar mtshams su'o// dbus kyi shar nub dbus kyi lho dang byang// snam bu brgyad la gnyis gnyis bcu drug dag tu bshad// mtha' thig la sogs bri ba'i las su shes// dang po dur khrod ras brgyangs te// 'khor lo bri ba man ngag las su shes// mA ra ya yi gzugs bcas la// dri chen dri chu rkang rjes sa// ngar snabs gos kyi dum bu la// nang du tsher ma rus pas dgang// ming rus mgo dang snying gar gzhug/ lus la dug chu tsha ba gsum gyis byung// skud pa sngon dmar byad sngags bzlas// skud pa nag po dag gis ske nas gdags// de nas thod pa mtshan ngan zhig btsal te// lus kyi ngos la yab bri spyi bo'i ngos la yum// de bzhin gzugs de 'khor lo'i bar du gzhug/ 'khor lo thod pa'i nang du gzhug/mi lpags phreng bas rgya gram bcing// de nas phur pa bcu gcig la// gu gul dud pas rab tu bdug/ yungs kar rgyal po dag kyang brdeg/ gru gsum dbyings nas khro bo chen por bskyed// spyan drang bzhugs su gsol te rang rang gdan la dgod// shar du kong tse brag gyon dri za 'dul// lho phyogs 'chi bdag ya ba ti// nub tu klu bdag rmig pa 'dul// byang du lha mchog gnod sbyin 'dul// shar lhor glang mgo me lha 'dul// lho nub mig dmar srin po 'dul// nub byang tel pa rlung lha 'dul// byang shar las grub dbang ldan 'dul// steng du nag 'joms tshangs pa 'dul// 'og tu dmar po sa bdag 'dul// de dag gshin rje'i yum rnams kyang// phur pa rang rang grib la gnas// ku ma da ri bdud 'dul shar// k+Shu ma da ri btsan 'dul lho// kang ka da ri gza' 'dul nub// tsa mun da ri klu 'dul byang// phur pa bzhi yang sgo bzhi la'o// gshin rje'i bris sku lho ru dgram// thod pa 'khor lo bcas pa ste// gru gsum phub ste steng du bzhag/ g.yang gzhi 'phan la sogs pas brgyan// sha chen tshil chen keng rus dang// khrag chen la sogs ci mang sbyar// ske thag gshin rje'i phur la gdab// gtor ma la sogs gong bzhin gzhag/ nyung dkar ske tshe dug khrag rnams// g.yag g.yon dag tu gzhag par bya// mchod pa lnga dang gtor ma gsum// chang phud la sogs bshams nas kyang// dkon mchog gsum po spyan drangs la// mchod dang sdig pa bshags pa bya// de nas chos kyi srung ma rnams// lha mgon klu mgon la sogs dang// bgegs rigs stong phrag brgyad cu dang// 'gro ba drug rnams la sogs par// gtor ma bsngos la bden pa bdar// 'di yi grogs ma byed par bsgo// dkyil 'khor bskor zhing dpang yang gzug/mtha' ma rdo rje'i 'gros kyis bskor// bgegs rnams bskrad la mtshams rnams gcad// de nas lho ru kha yang blta// de bzhin nyid dang kun tu snang// rgyu dang ting 'dzin rnam gsum bsgom// e yang ra suM keM raM b+h+ruM las// gzhal yas gdan bcas gsal bar bsgom// de nang lha rnams gsal bar bsgom// dbus kyi ma he'i gdan thog tu// mthing nag 'bar ba'i hUM gcig bsgom// de las 'od zer 'phros 'dus pas// phyag mtshan rdo rje gcig tu gyur// de las 'od zer 'phros 'dus pas// rdo rje mthing nag 'od du gyur// A+oM a kro te ka ya mAn+ta ka ka la rU pa badzra kro d+ha hUM phaT/ ces brjod pas/ 'od las ya mAn+ta kar gyur// zhal gsum phyag drug mthing nag la// g.yas dkar g.yon dmar dbus mthing zhal// ral pa'i rtse las me 'bar ba'i// ral pa'i sked nas khrag 'dzag pa'i// ral pa'i rtse nas rgya mtsho 'khrugs// sdigs mdzub rgyu zhags lcags kyu g.yas/ dung dmar mdung thung gsal zhing g.yon// zhabs bzhi brkyang bskum ma he brdzis// dur khrod rgyan gyis rab tu brgyan// klad par oM bsam mgrin par AMH/ tsit+ta'i nang du hUM gcig bsam// ye shes lnga ru byin brlabs te// A+oM sarba ta thA ga ta ma hA kro d+ha dz+nyA na pany+tsa swa b+hA wa At+ma kou0f85haM/ sku gsung thugs su byin gyis brlabs te/ A+oM sarba ta thA ga ta kA ya swA ka tsit+ta At+ma kou0f85haM// khro bo'i nga rgyal bskyed pa la// oM sarba ta thA ga ta ya mAn+ta ka ma hA kro d+ha hUM/ de nas hUM zhes rab brjod pas// khro bo'i thugs kar hUM bton te// g.yon phyogs zhing gi gdan steng du/ hUM de 'phros shing gnas pa las// oM AHhUM be tA lI rak+sha man// brjod pas hUM nyid yum du gyur// khram bam g.yas la b+han+da g.yon// sku mdog nag mo gsal bar bskyed// yab kyi gsang ba'i rdo rje ste// oM las nor bu bu gar phaT// de nas yum gyi gsang gnas su// paM las pad+ma 'dab ma brgyad// e las nang du gru gsum ste// 'di skad brjod la gsang sgo dbye// pad+ma gu h+ya pra we sha phaT// ces brjod gsang sgo phye ba yis// yab yum rol pa mdzad pa dang// lhag pa'i byang chub sems nyid de// rdo rje'i lam nas rab byung ste// yum gyi mkha' la 'phros pa dang// de la hUM zhes brjod pa yis// byang sems hUM bsgril bcur gyur te// mkha' las bton nas 'khor lo yi// rtsibs kyi steng du gdan steng du// hUM hUM bsgril ma re re bsam// 'khor lo shar gyi rtsibs gdan la// hUM hUM bsgril ma de nyid las// oM ya man badzra kro d+ha hUM// oM ya man badzra kro d+hI hUM/brjod pas hUM las khro bo'i sku// kong rtse brag gyon kham rgya ma// zhal gcig phyag gnyis sku mdog gnag/ dur khrod rgyan dang ldan pa ste// g.yon pa b+han dmar yum la 'khyud// g.yas pa gdug pa'i mtshon cha 'dzin// yum yang g.yas kyi yab la 'khyud// g.yon pa dung dmar yab la stob// dur khrod rgyan rnams yab dang mthun// rtsa ba'i sngags de brjod nas kyang// phyogs skyong yab yum kun kyang bskyed// rgyan dang cha lugs phyag mtshan rnams// gong bzhin thams cad gsal bar bskyed// g.yas kyi hUM las yab tu bskyed// g.yon gyi hUM las yum du bskyed// ro ka ma dun b+h+yo/ tsa mu ti dun b+h+yoH/ nam gru ma dun b+h+yoH/b+h+yo las dur khrod ma mo gsum/ zla gam gsum la bskyed par bya// sgo bzhir rdo rje bse mo bzhi// ku la d+ha ri shar du bskyed// k+Shu la ng+ha ri lho ru bskyed// kang ka d+ha ri nub tu bskyed// tsa mun d+ha ri byang du bskyed// ke'u seng dbang phyug ging dang bdud// man ngag las su shes par bshad// spyan drang phyag 'tshal bzhugs mchod 'bul// dpal zla gsang nag po'i rgyud las/ drag po'i phrin las kyi skabs te bcu pa'o//// de nas yang bcom ldan 'das 'jigs byed chen pos drag po 'khor lo'i skabs 'di gsungs so// dur khrod ro ras rnying pa'am// gr-i bor shi ba'i ro shun la// mi tshig la sogs mi smra bar// ske tshe lan tshwa nyung nag mar// dug dang nim pa'i lo ma dang// ka na ka yi khu ba dang// ro bsregs pa yi sol ba dang// rang ngam phal gyi mdzub mo'i khrag/ de rnams sbyar la snag tsha bya'o// bya rog hu lu'i sgro rtsa la// 'khor lo bri ba'i smyug gu bya// 'khor lo rtsibs can gnyis khris te// srid gsum sems can thams cad kun// gshin rje'i lto na yod rtags su// 'khor lo rim pa gsum du bri// dbus su re'u mig dgu par bya// phyi rim rtsibs ni bcu gnyis bri// tha ma dag la bcu drug bya// yab yum 'khor lo dag la bskyon// 'khor lo'i nang du sngags bri ba// re'u cha dgu dang bcu gnyis la// nyi ma bzhi yi gshed bzhi bri// bcu drug hrI Sh+t-IHdaM daM daM daM'adi med pa mang/ dam tshig sngags// phyi rim ka kha bzhi bcu gnyis// yang rim dbyangs yig bcu drug bri// de yi phyi mar yang rim la// dzaHhUM baM hoHbri bar bya// yi ge re ga re mig tu// de yang pho yi 'khor lo na// yi ge'i kha rnams phyir la bstan// mo yig rnams ni nang du bstan// ya dang [] mnyam ma dang []// rA dang [] mnyam dza dang [] // sa dang mnyam do dang Do// me dang tsha mnyam ya dang ya/ ya dang ya mnyam me dang [] // do dang Do mnyam ru dang// Na dang na mnyam yo dang [] // da dang Da mnyam ya dang ya// ya dang ya mnyam da dang Da/ yo dang yo mnyam ni dang N-i/ rA dang [] mnyam ya dang ya// k+She dang [ ] mnyam ya dang ya/ ya dang ya mnyam k+She dang [] // ya dang ya mnyam ts+tsha dang []// ni dang N-i mnyam ra dang ni/ ma dang ma mnyam ya dang []/ g.yas skor g.yon skor pho mo gnyis// ma nor ma log bri ba gces// dam tshig yi ge dgod pa yang// o~M dang []mnyam hrI dang []// Sh+t+r-I dang [ ]mnyam bi dang b-i// kri dang [ ]mnyam tA dang TA// ni dang Na mnyam na dang Na/ che dang [ ]mnyam ge dang [ ]// mo dang [ ]mnyam hUM dang [ ]/ hUM dang [ ]mnyam phaT dang tas// swA dang []mnyam hA dag[ ]/ dam tshig yi ge dgod par yang// ka kha dbyangs yig la sogs te// yi ge rnams kyi dgod phyogs so// gnyis ka rnal mar bris gyur na// yab yum cho rol song gyur te// 'khor lo log nas rnal 'byor phung// de la dgug dang gnan dang myos// bskrad dang myos 'bros la sogs pa// zla gsang las las shes par bya// de ltar 'khor lo bri ba dang// rabs chad pho mo'i thod pa dang// 'khor lo gong ma ltar bris la// de yi bar du bcug byas la// tshon skud nag pos phyogs bzhir bcings// gzhan yang zhi rgyas las byed na// kham sa'i gab tser gong bzhin gzhug/so so'i rigs kyi gzungs thag gdags// de yis gang yang gdon mi za// las rnams 'grub ces gshed pos gsungs// dpal gshin rje zla gsang nag po'i rgyud las/ 'khor lo bca' gzhi'i skabs te bcu gcig pa'o//// de nas yang bcom ldan 'das 'jigs byed chen pos 'di skad ces gsungs so// dang por ting 'dzin rnam gsum gyis// las kyi bya ba gzhan zin nas// ting nge 'dzin la rab 'jug pa// ngas gsungs pa la sems thud cig/ hUM/ log rtog gzung 'dzin 'khrul pa'i chos nyid de// sems kyis brtags pas cir yang mi snang ste// mi g.yo mi bsam chos kyi dbyings nyid ngang// rig pa spros bral mi rtog bsgom// oM ma hA shU'u n+ya tA dz+nyA na badzra swa b+hA wa At+ma kou0f85haM/ hUM/ dbyings nyid nam mkha' stong pa'i rang bzhin las// rang sems maM las nyi ma'i dkyil 'khor te// 'od kyi thig le nyi ma'i dkyil 'khor bsam// ma sUr+ya maN+Da la hUM/ hUM/ nyi ma'i dkyil 'khor 'od kyi dkyil 'khor te// hUM las rdo rje rtse lnga rab 'bar ba// brtan cing mi g.yo rdo rje 'bar bar bsgom// badzra zhes 'phros 'dus pa las// rdo rje'i gur dang sa gzhi bsgom// hUM/ 'jig rten khams gsum ma lus kun// raM yaM khaM gis bsreg sbyangs nas// ye shes 'bar ba lnga ni rim gyis bsgom// e yaM raM baM suM keM e/nam mkha' stong pa'i rang bzhin la// brtan pa rlung gi dkyil 'khor bsgom// de steng raM las gru gsum me// baM las bdud rtsi ngo bo las// smin pa sa yi dkyil 'khor bsam// keng rus ri rab steng dag tu// ye shes 'bar ba'i gzhal yas bsgom// b+h+rUM las ye shes 'bar ba'i gzhal yas mchog/ gru bzhi sgo bzhi rta babs bcas// dkyil 'khor tshul du gzhal yas bsgom// b+h+rUM dz+nyA na tsakra b+h+rUM// gzhal yas dbus su nyi zla'i steng// chu skyes steng du sems nyid d+hIH/ 'phro 'dus ral gri d+hIs mtshan pa// 'od zhu 'jam dpal rdo rjer bsgom// oM a ra pa tsa na d+hiH// 'jam pa'i rdo rje gzhon tshul zur phud can// sku ni gser mdog zhi ba'i cha lugs 'chang// zhal gcig phyag gnyis shes rab ral gri g.yas// gzhon nu sku sprul phyag g.yon ut+pal te// mi 'gyur shes rab po tis mtshan par bsgom// snying dkyil nyi ma'i dkyil 'khor d+hIHlas ni// 'od 'phros phyogs bcu'i bde gshegs spyan drang nas// nyi ma la zhugs mgon po nyid dang ni// bde gshegs spyan drangs 'od kyi gong bur bsam// 'od phung de nyid kha dog nag po'i hUM// 'phro 'du'i tshul gyis rdo rje rtse lnga gnag/ shin tu 'bar zhing brtan pa nyid du bsgom// badzra de las 'od zer rab 'phros pas// rdo rje phra mo'i 'phro 'du las// khro bo'i rgyal po gshin rje gshed// dbu gsum phyag drug 'jigs pa'i gzugs// gyad kyi 'dor thabs yi dwags gnon// tri shUl ral gri dbyug dgra s+t+wa// 'byin pa'i phyir na phyag brgyad pa// lcags kyu'i mtshon cha phyag na bsnams// thod pa shag ti to ma ra// sdigs dang zhags pa g.yon pa ste// las la gsang ba'i yum gnyis kyang// g.yas g.yon gnyis su bsam pa yang// lus dang grib ma'i tshul du bsgom// oM a kro te ka ya mAn+ta ka hUM/ be tA lI yak+sha rak+sha hUM hUM// pad+ma rdo rje byin brlab pa// hUM las rdo rje rtse lnga pa// baM las pad+mar byin brlabs nas// brda' yis bskul ba tshul bzhin bya// sa ma ya hoH/ sa ma ya hoH// sa ma ya s+t+waM/ ra ho haM/ rA ga yA mi// hUM/ hUM/ hUM/ hUM/ hUM/ hUM/ yab yum mkha' la hUM bcu gnyis// gshin rje bcu gnyis gsal ba'i rtsa// 'khor rnams bsam pa'i dbang gis bskyed// spyan drar bzhugs mchod tshul bzhin bya// gshin rje gshed pos gsungs pa'i don// dpal gshin rje zla gsang nag po'i rgyud las/ bsgom khog gi skabs te bcu gnyis pa'o//// de nas yang mthu stobs kyi bdag pos 'di skad ces zhus so// gshin rje gshed pos gsungs pa'i don// bdag sdud 'di yi don shod cig/ bsod nams tshogs kyi yan lag bshad pa dang// bsnyen pa dang ni nyer bsnyen po// dngos grub len dang bsgrub pa dang// 'chi bdag bdud dang gshin rje'i bsnyen pa dang// bsad pa las kyi bsnyen pa gang la bgyi// gshin rje gshed pos bka' stsol cig/ gshin rje gshed pos bka' stsal pa// nyon cig lag na rdo rje 'dzin// 'chi bdag rnams kyi bshad bya ba// ngas gsungs pa la sems thud cig/ dang por yid 'thad gnas btsal nas// tsha tshwa nye'u 'don 'bum la sogs// bsod nams dag pa'i tshogs bsag pa// tshad med bzhi dang yan lag lnga// bdun gyis kun rdzob sems bskyed la// don dam byang chub mchog tu sems bskyed pa// rnam par mi rtog ngang du ci rigs bsgom// de ltar ma rtogs rnams la snying rje bskyed// ting 'dzin gnyis kyis rang rgyud dag sbyangs nas// rig pa'i ye shes yi ge muM du gsal// spro bsdus 'jam dpal sems dpa'i skur bskyed de// gong ma lta bu'i las dag bya ba ni// bsod nams tshogs kyi las dag go/ rdo rje sems dpas rab tu sems la zhog/ dpal zla gsang nag po'i rgyud las/ bsod nams tshogs kyi yan lag gi skabs te bcu gsum pa'o//// de nas 'jam dpal gshin rjes 'di skad brjod do// yid 'thad mtshan ldan gnas dag tu// gong gi bsod nams tshogs la gnas pa yang// phyi nang gsang ba dag gi mtshams bcad nas// zhi khro la sogs bskang bshags dag par bya// de nas ting 'dzin rnam gsum spro bsdu yis// bdag nyid gshin rje'i gshed kyi skur bskyed la// g.yon du yum skyed mdun du sras mchog bskyed// g.yas su yum bskyed la sogs rab byas te// sku gsung thugs su byin gyis brlabs pa dang// ye shes chen po lnga ru dbang bskur nas// ye shes sems dpa'i dkyil 'khor spyan drang dang// mchod bstod la sogs rdzogs pa dang// bdag thugs phyag rgya bzhi las mchod pa'i lha mo bzhi// spros te spyan drangs phyag 'tshal gzhug pa dang// mchod pa la sogs lha mo bzhis byas te// bzlas brjod bsnyen pa'i 'dzab grangs dbul ba ni// rang rig ye shes gnas su dag pa'i rtags// snod kyi 'jig rten gzhal yas khang// bcud kyi 'jig rten lha yi 'khor// dbyings nyid gting mtha' med pa las// skye 'gro gzugs su snang ba las// gshed po yab dang yum du ma gyur gang yang med// dper na til 'bru mar gyis gang ba bzhin// bdag nyid tsit+ta'i gzhal yas khang// rin chen gur phub 'dra ba ru// bdag nyid zla ba'i maN+Dal bsam// rig pa'i ye shes yongs su grub pa'i rtags// ye shes sems dpa' tshon gang gsal bar bsgom// thugs kar rdo rje rtse lnga bsam// de yi bum pa dag la yang// sngags kyi sa bon yi ge hUM// de mtha' bcu bdun bskor bar bsgom// lha rnams thugs kar de bzhin ci 'drar bsgom// de nas bdag nyid thugs ka nas// sngags bzlas ljags steng sngags 'phros pas// 'dom gang pha rol phyin tshad du// sku rnams phra mor gyur nas kyang// de dag zhal nas gsang sngags bzlas pa las// 'od zer mchod pa'i lha dang lha mor gyur// phar 'phros 'phags pa rnams la 'od zer phog/ sku gsung thugs nyid mnyes pa'i mchod pa 'bul// 'od zer de dag bdag la tshur 'dus pas// sku gsung thugs kyi byin rlabs bdag la thim par bsam// de ltar bsnyen pa drug 'bum byas pa ni// sngon du 'gro ba'i bsnyen pa ste// lag na rdo rjes rab tu zung// dpal zla gsang nag po'i rgyud las// lha yi bsnyen pa bgyi ba'i skabs te bcu bzhi pa'o//// de nas bcom ldan 'das 'jigs byed chen pos 'di skad ces gsungs so// yid 'thad mtshan ldan gnas dag tu// maN+Dal chag chag legs btab la// me tog bris sku la sogs bkod nas kyang// gong ma lta bu'i bsnyen pa gsum 'bum bzlas pa ni// nye ba'i bsnyen pa yin zhes gshed pos bshad// dpal zla gsang nag po'i rgyud las// nye ba'i bsnyen pa'i skabs te bco lnga pa'o//// de nas bcom ldan 'das gshin rje gshed pos 'di skad ces gsungs so// yid 'thad mtshan ldan gnas dag tu/gong ma'i las rnams mthar phyung ste// nye bsnyen las la gnas nas kyang// des ni rtags bzang mthong bar 'gyur// grub pa'i rtags ni byung ba dang// khyad par dngos grub rdzas bsags te// dmar ser ba yi 'o ma dang// mar dang sbrang rtsi sbyar ba dang// dngos grub rdzas rnams bkod nas kyang// bdag gi thugs las 'od zer phar 'phros pas// bde bar gshegs pa rnams kyi thugs dam bskul// bris sku dngos grub rdzas la thim bsams shing// 'bum phrag gcig gi bzlas pa bya'o// g.yal dang sbrid pa brkyang bskum gnyid kyang spang// de bzhin spangs pas ci bsam 'grub ces bshad// dpal zla gsang nag po'i rgyud las/bsgrub pa chen po'i skabs te bcu drug pa'o//// de nas yang gshin rje gshed pos 'di skad ces gsungs so// nyon cig zung zhig rdo rje 'dzin// ngas gsungs pa la sems thud cig/yid 'thad mtshan ldan gnas dag tu// 'bum phrag gcig gi bsnyen pa yang// snga ma'i las su bya bar gsungs// bdag nyid gshed po'i mthu ldan pas// mdun gyi ri rab bsam pa dang// de bzhin gshegs pa'ang bsam byas te// bdag gi thugs kar yi ge ya// nag po me 'dra 'od 'bar bsam// de mthar bzlas pa'i yig 'brus bskor bsam la// de bzhin bdag gi thugs ka nas// sngags ni rab tu bzlas pa las// 'od 'phros las kyi gshin rje la// de yi 'od zer phog gyur pas// thugs dam bskul nas dar cig kyang// 'dug pa'i dbang med 'ong bar 'gyur// gshed po'i bka' nyan gsung sdod bsam// las la sbyor ba'i bsnyen pa ste// 'chi bdag las kyi gshin rje rnams// gnas su gtong ba gshed pos bshad// dpal zla gsang nag po'i rgyud las/ 'chi bdag bdud dang gshin rje'i bsnyen pa'i skabs te bcu bdun pa'o//// de nas yang 'di skad ces gsungs so// nyon cig zung zhig rdo rje 'dzin// ngas gsungs pa la the tshom med// gsad pa las kyi bsnyen pa ni// yid 'thad mtshan ldan gnas dag tu// gong gi las la gnas byas te// de yang 'chi bdag bsnyen pa ni// sum cu rtsa gnyis dril ba bzla zhes bshad// las la sbyor ka'i dus de ru// sna la ro tshas ras btsal te// mas yar bgrang ba'i tshes brgyad dam// nyi shu gnyis kyi nub mo ni// dur khrod gling nas ras blangs la// sme khrag gsum du bcug byas la// 'chi bdag gshin rje de la bstim// yab yum las la sbyor ka yi// sngags 'di nyid kyang rab tu bzlas// oM sa ma ya many+dzu shrI// a kro te ka kA la rU pa hUM phaT/ ces bzlas la// nyi shu drug gi snga dro la// ro ras bkru dang brgyad spyad bya// nyi phyed man chad snag tsha mnye// dbang du bsdu ba'i sngags 'di bzlas// oM du man+ta ka ra hUM hUM phaT phaT// ces brjod// snag tsha mnye ba'i las zin nas// de bzhin dgod ka 'khor lo bri// bri ba zin nas lhar phyag 'tshal// bka' bden pa 'grub par gyur cig ces bya// yang na dur khrod ras med na// thod pa dag la 'khor lo bri// ag tse'i ngos su 'chi bdag gzugs bris la// gzugs kyi snying gar ming byang bris// dgra yi ming rus thod par gzhug/ 'khor lo dbus kyi ya las kyang// 'chi bdag gshed po'i sku ru bskyed// phyogs kyi ya ma me de k+She// bzhi las gshed bzhi'i skur bskyed pas// bdag gi mdun du ri rab las// gser gyi ri bdun bcas pa bsam// bdag nyid gshin rje gshed po yi// rnal 'byor chu byad ldan byas la// lag pa g.yas pa'i mthe bong yang// chang par bcug la be con bsam// ri rab bdag gi spyir brdeg ste// ri rab rgya gram gas par bsam// de bzhin sngags 'di rab tu brjod// oM na mo bud+d+ha d+harma sang g+he b+h+yaH sarba ta thA ga ta kro d+ha bi dzA ya ag+ni dz+wa la ni dzi hwa bre ta shi ya hUM hUM phaT phaT ces brjod pas// ri rab rgya gram gshag bsam zhing// gnas kyi gshin rje 'gugs bsam zhing// thugs ka'i yi ge ya nag po// tha ma dbang sdud sngags kyis bskor ba las/ 'od zer 'phros pas 'og phyogs su// 'chi bdag gshin rje gtso bo 'khor// 'bum phrag bcas la 'od phog pas// rang dbang med par de bkug nas// de la sha khrag sna tshogs kyis// gtor ma rdzas kyis mchod par bya// b+han+da 'brub khung nang bcug la// dbang du bsdu ba'i sngags bzlas la/bdag las 'phros pa'i gshed po dang// grangs med 'phros pas 'chi bdag tshogs// rang dbang med par bkug byas te// thod pa'i nang du bcug pa la// zhabs g.yas rdo rje'i phur pa yis// gzir bas skad ngan 'o dod 'bod// rang dbang med par dbang du bsdus// bka' nyan ci gsungs brjod par bsgom// skya rengs dang po shar ba la// 'chi bdag gshin rje 'khor bcas la// gtor ma byin te gshin rje nyid// pho nyar bkye la dgra bo dgug/ lha dang dbral la sogs pa bya// nyi ma rtse la shar ba dang// b+han+da dkyil 'khor gru gsum steng du bzhag/ de bzhin bsad pa'i sngags bzlas te// bdag nyid thugs kar yi ge ya// sngo nag gnag la 'tsher ba bsam// tha ma drag sngags 'bru bdun pa// me lce 'bar ba 'dra ba bsam// gsad pa las kyi sngags 'di bzlas// oM hrIHSh+t+rIHbi kr-i tA na na che ge mo sha truM nA sha ya hUM phaT/ya ma rA dza sa do me ya che ge mo a mu kaM pra ma ya hUM phaT/ ces brjod pas// 'od zer bdag la phog gyur pas// rang dbang med par bskur gyur nas// gshed po ya ma rA dza bskul// de yis phyogs skyong gshin rje bskul// de yis ma mo mkha' 'gro dang// rdo rje ging pho ging mo dang// bdud la sogs pa dbang med bskul// de bzhin gzas po dngos bkug nas// thod par bcug ste gnas pa las// gsad ba las kyi sngags bzlas pas// star tshan rtsi sbur mi chags bzhin// gang la bya ba brlag par bsam// dgong gi dmar thag chad pa dang// gshed chen ya ma rA dza la// sha khrag sna tshogs gtor ma bshams// be con phyag rgya bcas nas kyang// gnag pa'i spyi bor de brgyab pas// tshangs pa'i rtsa bcad mgo 'khor bsam// nyi shar rtse nas las brtsams te// bdag nyid thugs kar yi ge ya/ 'bru bdun me ri 'bar bar bskor// gsad pa las kyi sngags 'di bzlas// oM hrIHSh+t+r-IHbikr-i tA na na che ge mo sha truM nA sha ya hUM phaT/ ya me do ru Na yo da ya/ che ge mo a mu kaM mu ra tsa ya hUM phaT/ ces brjod pas// 'od zer bdag la phog gyur pas// rang dbang med par bskul nas kyang// de yis myos byed 'bar ba bskul// de yis phyogs skyong gshin rje bskul// de bzhin ma mo mkha' 'gro dang// ging bdud 'dug pa'i dbang med bskul// de bzhin dmigs pa'i dngos bkug nas// 'dug pa'i dbang med thod par bcug/ gsad pa las kyi sngags bzlas pas// star tshan rtsi sbur mi chags bzhin// gang la bya ba brlag par bsam// de bzhin dmar thag chad pa dang// gshed po myos byed 'bar ba la// mnyes pa'i sha khrag gtor ma sbyin// gshed la bcol bskul drag tu bya// phyag rgya gong bzhin bcas nas kyang// be con lte bar brgyab pas ni// lus brgyal yid 'khrugs 'chi bar bsam// bdag gi thugs ka'i ya nag po// drag sngags bdun gyis bskor ba la// gsad pa las kyi sngags bzlas te// oM hrIHSh+t+r-IHbi kr-i na na sha truM nA sha ya hUM phaT/ ya da yo ni ra ya k+She ya che ge mo a mu kaM rak+ta tsa ra ya hUM phaT/'od zer bdag la phog gyur pas// rang dbang med par bskul nas kyang// gshed chen Ar+ya ma ru bskul// de yis phyogs skyong gshin rje bskul// de bzhin ma mo mkha' 'gro dang// ging dang ging mo bdud la sogs// 'dug pa'i dbang med bskul bar bsam// de yi gzas pa po bkug nas// dbang med thod par bcug par bsam// gsad pa las kyi sngags bzlas pas// star tshan rtsi sbur mi chags bzhin// gang la bya ba brlag par bsam// de bzhin dmar thag chad pa dang// gshed chen Ar+ya ma ru la// sha khrag mnyes pa'i mchod pa 'bul// be con mgrin par brgyab pa yi// khrag tsar lhug gis song bar bsam// bdag gi thugs kar yi ge ya// drag sngags 'bru bdun bskor ba la// gsad pa las kyi sngags bzlas te// oM hrIHSh+t+r-IHbi kr-i tA na na sha truM nA sha ya hUM phaT/ ya k+She ya ts+tsha ni rA ma ya// che ge mo a mu kaM mA ra ya hUM phaT/ ces brjod pas/ 'od zer bdag la phog gyur pas// rang dbang med par bskul nas kyang// de yis ral pa tshar dgu bskul// de yi phyogs skyong gshin rje bskul// de bzhin ma mo mkha' 'gro dang// ging pho ging mo bdud la sogs// 'dug pa'i dbang med bskul bar bsam// gzas pa bkug nas thod par bcug/ de bzhin gsang ba'i sngags bzlas pas// star tshan rtsi sbur mi chags bzhin// gang la bya ba brlags par bsam// dgong ka'i dmar thag chad pa dang// gshed chen ral pa tshar dgu la// sha khrag sna tshogs gtor ma sbyin// drag po'i phrin las bcol bskul bya// de bzhin be con phyag rgya yis// snying gar brgyab pas srog bcas nas// dbugs kun phyi la phyung bar bsam// gsad pa mA ra'i man ngag 'di// gshin rje gshed po bdag gis kyang// thugs kyi sgrom bu kha phye nas// rdo rje 'dzin pa khyod la byos// dpal zla gsang nag po'i rgyud las/ gsang ba las kyi bsnyen pa'i skabs te bcwo brgyad pa'o//// de nas mthu stobs kyi bdag po lag na rdo rjes 'di skad ces gsol to// he he dpa' bo chen po 'jigs byed gshed// drag po gsang ba'i 'khor lo la// skyod pa'i rta dang 'bebs pa'i sngags// sdebs pa'i grogs dang rno ba'i rdzas// de bzhi'i rkyen dang ma ldan na// 'dam la btab pa'i phur pa'am// khri mun nang nas g.yu 'tshol 'dra// mthu stobs bdag pos 'di skad gsol// skyod pa'i rta ni gang la bgyi// 'debs pa'i sngags ni gang la bgyi// sdebs pa'i grogs ni gang la bgyi// rno ba'i ngar ni gang la bgyi// yab cig 'jam dpal bka' stsol cig/ gshin rje gshed pos 'di skad brjod// nyon cig zung zhig rdo rje 'dzin// drag po gsang ba'i 'khor lo la// skyod pa'i rta dang mi ldan na// rlung nag 'tshubs ma 'phyos pa 'dra// 'debs pa'i sngags dang mi ldan na// nam mkha' sprin gyis 'gags pa 'dra// sdebs pa'i grogs dang ma ldan na// dpa' bo gting gnon med pa 'dra// rno ba'i ngar dang mi ldan na// mtshon cha rtse mo rtul ba 'dra// de bzhin grogs rnams ngas bshad kyi// lag na rdo rjes rab tu zung// bka' dang gzhung bzhin ma nor ba'i// bsrung ba'i sdom pa ma nyams par// rdzas dang lag cha ldan pa dang// bsam ldan bzlas brjod sran tshugs shing// dam tshig bsrung zhing drag shul spyod// lta spyod bsgrub pa ldan pa yi// dpa' rtul can gyi rnal 'byor pas// bstan pa gnyen po bsrung don du// dgon pa chen po gnas mal der// bya byed zang zing 'du long spang// 'tsho ba'i yo byad dpags te bstar// bya ba thams cad zin nas ni// bde ba'i stan la 'dug nas ni// bskyed dang rdzogs pa'i rim pa de// ting 'dzin gsal dang brtan pa yi// lha yi rnal 'byor rtse gcig bya// thun mong dam tshig bsrung zhing bsgrub// khyad par dam tshig spyod cing dor// bsnyen bsgrub phrin las gzhung bzhin bya// tshang zhing rdzogs pa'i grangs bsnyen la// 'khor zhing phyin pa dus bsnyen yin// mthong ngam thos sam nyams su len// mtshan ma'i bsnyen pa rdzogs pa dang// zhi rgyas gnyis kyi 'khor los mchod// dbang drag gnyis kyi 'khor los mnan// zhi rgyas gnyis kyi bsrung phan gdags// dbang drag gnyis kyis bsgral bar bya// 'khor lo gzhan yang ci rigs par// dbye bskrad dgug sogs gzhung bzhin bya// gang 'dod las de bsgrub byas na// 'khor lo'i rgyu dang snag tsha dang// phyogs dang bsam sbyor rim pa dang// kha dog so so'i mthun rdzas ni// rim pa can gyi de shes bya// de la 'khor lo zhes grags pa// ngo bo nges tshig rnam grangs so// ngo bo spyi yi mtshan nyid ni// rnam pa gzhan du 'gyur zhing 'gro// so so rang gi mtshan nyid ni// gang la btab pa de ltar snang// nges pa'i tshig kyang de bzhin te// rnam par 'gyur zhing 'gro ba dang// mi 'khor 'khor zhing 'gro ba dang// lte ba 'khor shing rtse mos gcod// de la grangs ni mtha' yas te// mdor na rnam pa gsum du shes// thugs rje sprul pa'i 'khor lo dang// las dang srid pa'i 'khor lo dang// 'jig rten phan gnod byed pa yi// bya ba bsgrub pa'i 'khor lo'o// dper na mo 'phang mgal me dang// glog dang sgra ldan 'khor lo dang// shing rta zo chu'i 'khor lo sogs// las dang 'bras bu'i mtshan nyid ni// thugs rje sprul pa'i 'khor los ni// nyon mongs gcod cing sdug bsngal 'joms// bsgrub dang bsgrub par bya ba yi// sems bskyed pa dang rgyud dgrol zhing// ye shes sems mtshon rnal grol byed// de las rnam pa gzhan du yang// zhi dang rgyas dang srung ba dang// dgug dang dbang du bya ba dang// dbye bskrad dgug dang smyo 'bog dang// gsad dang gnan pa la sogs pa// de yi rkyen dang rtsol ba dang// dus dang las thabs byed pa yi// 'phen zhing bskyod pa nus pa yi// 'khor zhing gcod cing 'bigs pa dang// bsnur dang 'khrul zhing sdud pa dang// gzir zhing gnan zhing 'bigs pa dang// brdeg cing rnam par 'joms par byed// las dang srid pa'i 'khor lo ni// las kyi 'phen pas srid par 'khor// phyi nang rten 'brel 'jig rten bskyed// nyon mongs las dang sdug bsngal gyi// rnam pa gsum dang 'khor zhing 'gro/ 'das dang da ltar gnas pa dang// 'byung dang ma 'ongs phyis 'byung dang// skad kyi 'byung ba'i rgyun gyis na// skad cig ma yi rgyun gyis 'khor// de bzhin phyi rol don rnams kyang// dbyar dgun staun dpyid zla ba los// bskal pa du ma 'khor zhing 'gro// ngo bo nges tshig rnam grangs su// 'khor lo'i rang bzhin bstan pa yin// bde gshegs bka' la gnod pa la// 'chi bdag 'khor lo nag po bya// yi dwags grong khyer bcom byas la// snel gri'i mu su'i mgo thod blangs// yi dwags gos la khram bris te// dbyibs ni zla ba lta bu ste// kun nas yongs su zlum pa ste// rim pa gsum ldan le'u tshe dgu// bcu gnyis bcu drug rtsibs bcas te// le'u tse dgu dang bcu gnyis la// bcu bdun la sogs sngags kyis mdzes// 'di lta bu yi 'khor lo ni// phyin ci log gi bcings pa yi// log pa'i shes pa ldan pa des// rgyu mthun mtshan ma'i 'khor lo la// man ngag can gyi rnal 'byor pas// kha nas drag po'i sngags bzlas te// chos kyi rgyal po la sogs pa'i// las kyi shan pa'i go bkram ste// lcags kyu shag ti to ma ra// kha T+wAM ber ka la sogs pas// brdeg cing 'joms par byed pa ni// 'jab cing rgyug cing 'ded pa dang// 'dzin cing gsod par bsam pa yis// gang la bya ba'i rnam shes de// log pa'i stabs kyis gnas su mthong// khro bdag gshin rje gshed po ru// bdag nyid bsam pa'i rnal 'byor gyis// mtshan ma'i ming rus bcas pa la// ske tshe dug dang nyung nag dang// thal chen gu gul nyung dkar gyis// brab dang gzir dang dbab pa dang// dgug cing rdo rje'i mtshon gyis gdab// sngon dmar byad du gzhug byas la// ga'u kha sbyar nang du gzhug/ smra bcad zhi khro'i sngags bzlas pa'i// drag po'i sngags kyis phog 'gyur na// gang la dmigs pa'i bsgrub bya de// mgo 'khor pa dang khrag skyugs pa// myos par mA ra gdon mi za// drag po'i las rnams rdzogs pa dang// mtshan ma ming rus bcas pa rnams// thod pa nag por rgyas btab la// sme bas bkrus pas tshan chus byug/ mu sa la yi g.yogs shing gtums// kha ral ma yi zhabs mas gril// yi dwags grong ngam sme brtseg khyim// mchod rten 'og gam lha khang sgo// rgya mtsho'i 'gram mam lung mdo du// rdo la ri rab gzugs bris la// steng du laM dang d+h+ri yis mnan// gshin rje'i lag tu gtad khram bya/ bzlas pa'i tshe dang bklag pa'i tshe/ 'dra min 'dug 'di'i mchan bu 'di gang la sbyar dgos ma shes pas dpyad/thun kha brgyad kyang brdab par bya// sbos pa dug thun lkugs pa kha// nyi ma dang po'i thun gyis mnan// gzer ba mda' thun brla la gzer// nyi ma gnyis pa'i thun gyis brab// lkugs pa khrag thun myos pa phur// nyi ma gsum pa'i thun gyis brab// gsang ba nyung nag sa yi tshon// nyi ma bzhi pa'i thun gyis mnan// mtshan ngan thod pa khrag gis byug/ khrag sna dug sna sbyar byas nas// shan dmar dug skyogs dug thun bzlas// glen lkugs thod pa'i kha thun te// lcags mda' lcags gzhu mda' thun bzlas// gri bo'i thod par mtshon brdar pa'o// mkhris nad thod par sa ser gser// gla ba gser thun sngags kyis so// smyo ba'i thod pa khrag thun dang/smyos pa phur thun bzlas pa bya// rabs chad thod pa nyung thun dang// sa tshon thun du shes par bya// chu shel sgron ma rlabs po che// lkugs pa mon mo'i lag g.yabs kyi// srid pa'i dmag dpung ra mda' bzlog/ya ma rA dza'i g.yab kyis g.yab// gsur dang sme ba'i dud pas bdug/ gcer bu spyi tshug ngu 'bod bya// mi mthun gnyen po'i phyogs dag tu// gzir gnon drag po'i mngon spyod bya// drag po'i thun sngags kha nas bzlas// zhung thun ya rbad na thun ya rbad phung phur yang thun ya// khrag thun ya rbad// dang po dang lo lo kyi gye// srog la yaM yaM snying la thun// kha brgyad thun yang brdeg par bya// lha srin sde brgyad la sogs pa'i// srid pa'i dmag dpung phab nas ni// drang srong dmod pa'i sngags zor dang// sna tshogs sngags kyi sbyor ba dang// lha yi rnal 'byor ldan pas bya// khru gang gru bzhi zabs yod par// ga bu rdzas kyi sbyor ba de// 'byung po'i gtor ma gshin rje la// byin la lag tu gtad khram bya// rang gi yi dam bsgom bya zhing// byin gyis brlabs pa'i gtor ma ni// sa sros tshe na lho phyogs gtang// sgrol ba'i drag sngags brnag pa'i lung// bstan pa bsrung ba gnan pa'i gter// phr-in las drag po sngags kyi mtshon// 'khor lo thun sdebs sgrol ba'i 'phyong// rdo rje sems dpa' gzungs shing chongs// dpal zla gsang nag po'i rgyud las// 'khor lo thun sdebs kyi skabs te bcu dgu pa'o//// de nas gshin rje gshed pos 'di skad brjod// bstan pa srung ba brnag pa'i lung// thugs kyi man ngag sngags zor mchog/sgrol ba'i phrin las sbyor thabs su// 'khor lo byad sdebs man ngag 'phyong// bka' yi bstan pa bsrung ba'i phyir// rang sems dag pa'i rnal 'byor pas// snying rje dag tu srog ltar brten// byams dga' btang snyoms de bzhin du'o// mdo sogs 'don zhing bsam gtan bya// rgyun gyi yi dam rtse gcig pas// bla ma dag la rtag tu bkur// des kyang dkyil 'khor tshul bzhin gzhug/ theg chen dam tshig sdom pa bshad// rang gi sngags dang phyag rgya bsten// sgrub thabs man ngag legs par blang// de nas mchod pa cho ga bzhin// nyin re dag tu byas nas kyang// sku gzugs dang kyang 'bad de bya// bde ba'i stan la lus sems gzhag/ sum 'bum mi skyo'i bar du bzlas// de 'og ri rtser gnas byas la// rlung za zhing ni bzlas pa bya// 'bum bcu'i mtha' ru phrin las brtsams// nam mkha'i sgron ma mar dus tshe// yi dwags grong bcom shi gos la// yi dwags 'khor lo gdug pa yi// 'khor lo gdug pa'i lte ba la// re'u mig dgu mi mtshams bor te// bcu gnyis 'khor lo gdug pa'i nang// bcu bdun la sogs gsang sngags dang// zlum pos bskor ba'i phyi rim na// hrIHSh+t+r-IHming yig dbyangs tshogs rnams// dur khrod sol ba dug gsol gyis// srin mtheb gung 'dzub sbyar ba yis// khru gang gos gnyis ras mchog la// gdug pa'i yi ge g.yas g.yon bzlog/ de nang chud pa'i skyes bu gnyis// zhal bgrad spyan bzlog 'khor lo 'dzin// phyag zhabs mgur chu ro nye brgyan// mi smra dbang po bsdams te bri// gnyis sbyar rgyab la ro nye yis// bsdams pa'i tshul du mkhas pas bri// gdug pas bzung zhing gdug pa zung gcig thod nang du/ yang 'dug thod nang du// dril byas sngon dmar byad kyis bsdams// gdug pa'i thod nag ltos 'phro bri// mngar dang klu sman rtsi mchog gis// mchod cing snal la mgu bar bya// gdug pas bzung zhing thod par gzhug/ sngon dmar byad thag bzhis btab la// bzung ste nyin mtshan ma nor bzlas// kha nas drag po'i sngags bzlas pas// rdo rje rlung lcai sbyar ba las// sngon dmar gdug pa'i ro nye'i tshogs// dur khrod sol bas dug sogs sbyar// lcags sam 'ug pa'i sgrau rtsa yis// gsang ba'i sngags dang ming rus bri// dug can nad kyi bsgrub bya la// dug lce nag pos bsdams par bsam// 'chi bdag bshan pa'i yi dwags tshogs// gtum po dug gi kha rlangs can// chos kyi rgyal po la sogs pas// 'dzab cing skugs shing bzung nas ni// gshin rje gdug pa'i khang pa ru// dbang med las kyi 'jug par bsam// hriHSh+t+r-IHgdug pa'i sngags kyi mthar// hUM dang ming spel A kar Sha// dza gnyis dgug pa'i gsang sngags bzlas// ske tshe dug nyung sngags kyis brab// zla ba nag po'i mar dus tshe// 'khor lo rtsibs bzhi gru gsum ste// lcags khri nag po'i steng dag tu// yi dwags gdug pa'i ga bu gzhag/ ya sogs gdug pa'i gsang sngags rnams// zhi khro rdzogs nas ga bu de// rdza mkhan sa la ga bu rgyu// gdug pa'i ga bu shang ba'i tshad// gnyis byas nang du ro nye gnyis// phyi nang gnyis su 'bur du bya// ga bu dag la 'khril pa'i tshul// me yi smin ma ga bu gnag/gdug pa'i thod nag ga bur gzhug/ sngon dmar gnyis kyi thi gus bsdams// shar nub lho byang phyogs mtshams su// gdug pa gnas pa'i yul dag la// sgo bltas khyim nas 'dom gang du// rdo la 'jig rten gzugs bris la// sa sgo phye la khyim bdag rbad// mthun pa'i rdzas sbyin mgu bar bya// ga bu gdug pa'i sbyor ba de// legs sbas steng nas 'jig rten gzhug/ gang la bya ba'i dus dang lo// gnyen po gang shis mkhas pas dpyad// zla ba nag po'i mar dus tshe// drang srong rgyu ba'i sa phyogs su// byad stems 'khor lo'i btsan dug spyo// khyab 'jug mchod cing khyim bdag rbad// gcer bu spyi tshugs 'o dod 'bod// ma nyes dpang gzug ru dung 'bud// mi mthun gnyen po'i phyogs dag tu// bso shing mchod cing gtad khram bya// khyab 'jug gdug pa'i dmod pa bor// yi dwags gdug pa'i smon lam gdab// nA ga gdug pa'i dmod bcol bya// rang nyid lha yi nga rgyal gyis// dkar po rdo rje rgya bsam la// sa sgo bcad la rgya yis mnan// sdom la gnas pa'i rnal 'byor pas// g.yeng ba med pa'i ting 'dzin gyis// phrin las rdzogs dang gsang sngags bzlas// bsgrub bya'i gzugs phung ma zhig par// gdug pa sbrul gyi sems 'dra bas// ma zhig bar du gtang mi bya// zhig ste mngon du gyur pa dang// spar zhing g.yo ba'i cho ga bya// bskyed dang spyan drang mchod bskul rnams// bsgom rgyud mdzes thun nang du'o// bla ma'i gdams ngag dam pa yang// yid la nan tan gzhag par bya// byang chub sems nyid sems la bzhag/ dam tshig bsrung sdom mi nyams bsrung// bka' la bshad pa rjes mthun par// rdzas dang lag cha mthun bsdebs shing// rtag tu dur khrod dgon par dga'// dus dang lo tshigs dam bcas pa// mi 'da' gzhung ltar byed pa ste// mtshan ma mthong dang bzlas pa rdzogs// rgyun gyi yi dam che ba ste// de lta bu yi rnal 'byor pa// bden pa grub pa'i nus pa yod// shes rab snying rje rab ldan pa'i// dbang thob dam tshig srog ltar bsten// mi 'jigs dpa' bo brtul zhugs can// man ngag yod pa'i rnal 'byor pas// rang don phran tshegs ma yin pa'i// dkon mchog dbu 'phang smod pa dang// bstan la zhe sdang gnod byed pa// bka' gsang ston pas bshad pa yi// drag po'i mngon spyod zab mo'i lung// gshin rje gshed po bdag gis kyang// thugs kyi sgrom nas bton pa 'di// 'khor lo byad stems brnag pa'i lung// man ngag can gyis de shes bya// las kyi bya ba thun tshags rnams// man ngag don gyis shes par bya// cung zad mi mthun mchod bstod rnams// zla gsang nag po'i rgyud dag las// gsang ba mdzes thun gzhung ltar bya// de la mchod pa gsungs pa ni// mchod pa chen po 'dod chags che// dkyil 'khor chen po yang pa yin// tshigs bcad bcu drug tha ma la// 'jam dpal dpal dang ldan pa'i mchog/ 'gro la phan pa'i gtso chen gyis// sman par dgongs te bzhes su gsol// tshig gnyis btags la dbul bar bya// bstod pa la sogs byed pa na// de bzhin rtsa ba mtshan brjod las// 'di ltar sangs rgyas bcom ldan 'das// rdzogs pa'i sangs rgyas a las byung// bdud sogs kun gyis bstod byas mthar// mtshan gyi sngags brjod bstod chen bya// sngags mchog mnga' bdag rig sngags rgyal// zhes pa nas// ma rig sgo nga'i sbubs 'byed pa// srid pa'i dra ba 'joms pa po// zhes bstod pa tshig rkang drug pa dang// drug cu rtsa bzhi bstod pa 'bul// yang na 'dud pa nyi shu nas// mtshan sngags brjod la bstod chung bya// yang na mdzes thun gzhung bzhin bya// bskal pa sbrul nag 'khyil ces gtad// 'khor lo byad stems gsad thabs 'di// dkon mchog gnod cing bstan pa 'jig/ mngon spyod thugs rjes bsgral ba'i phyir// mi tshig tha snyad tsam du brjod mi bya// chu srin mgrin par rin chen chud pa ltar// khong du sbas te yongs su bsgrag pa min// gshin rje gshed po'i thugs kyi yong bcud 'di// phyag na rdo rjes rab tu gzung zhing nyon// dpal zla gsang nag po'i rgyun las/tshon gyi gru gu sngon dmar byad stems kyi skabs te nyi shu pa'o//// de nas yang bcom ldan 'das gshin rje gshed pos 'di skad ces gsungs so// las kyi bya ba gzhan zin nas// drag po'i 'khor lo mnan pa 'di// lag na rdo rjes rab tu zung// shin tu dgon pa'i gnas nyid du// dur khrod gling nas ras blangs te/ 'khor lo rim pa tshul bzhin du// mA ra ya yi ling+ga nyid// ji bzhin 'dod pa'i dbyibs su bca'// gong ma'i bsnyen pa rdzogs pa dang// 'khor lo thabs kyi dam rdzas de// mchod rten 'og tu gnan par bya// bdag nyid gshed por bsgom byas la// mchod rten de nyid ngo bo yang// ri rab gling bzhi chas par bsgom// ri rab lto na bzhugs pa ste// sgrol ba'i yum dang sbyor ba'i yum// shar dang nub tu gnas par bya// byang na sras mchog gnas par bsgom// de bzhin rab tu mnan cing gzir// ri rab zur bzhir laM ser bzhi// de las gling phran bcu gnyis bsam// ri rab 'og tu gzas pa po// gshin rje ral pa tshar dgu yis// lcags thag sngon pos bcings pa de// bam ril mnan nas lcags phur la// dpag bsam shing tsam btags pa ste// sgra sgrogs kha nas khrag skyugs gan bub cing// mig rtsa rig rig 'o dod 'bod// ci mdzad thong zhig zer zing mnan par bsam// 'khor lo bri ba'i dus su yang// dmigs pa'i ming dag gzhug pa ni// 'khor lo nyid la mi shong zhing// mi btub pa rnams gud du bri// de dag bris te gdags par bya// gnas dang thabs ni 'di yin te// ya la sogs pa'i yi ge lnga// gra bzhi hUM phaT bar mtshams bzhi// rtsibs kyi re'u cha bcu gnyis dang// mtha' bskor ming bris le'u tse brgyad// de dag nyi shu rtsa dgu la// gud du ming gi mjug tu yang// mA ra ya zhes bris pa'i 'khor lo gnyis// kha sbyar ba yi nang du gzhug/ 'khor lo skud pas sbrel la bzhag/ ngan sngags bzlas pa'i dus su yang// bzhi pa'i ngan sngags khri phrag 'don// de dag bton pa'i rjes la yang// yi ge bcu pa nus tshad bzlas// de tshe mchod pa 'bul ba dang// de tshe gtor ma gtong ba dang// ye shes lha la thugs dam bskul// las kyi gshin rje ma mo rnams// rak+ta gsol zhing dgug pa'i phrin las bya// 'khor lo sgreng pa'i dus su yang// gshin rje dag la gtad pa ni/ can gyi dang chas kyi yang snang/ 'di'i mchan bu 'di gang gi yin ma shes pas dpyad/ rdzas kyi mchod pa bsham pa dang// bdag nyid gshed por bsgom pa dang// 'chi bdag dgongs su gsol ba dang// rang gi las kyi ltang brtsi dang// bsgrub bya'i chad pa brtsi ba dang// gshin rje rgyal po spyan drangs nas// dam tshig phyag rgya rab bstan cing// dam tshig snying po rab tu bzlas// de bzhin dam la mi 'da' dang// dam rdzas mchod pas mnyes byed dang// las kyi phyag rgya bca' ba dang// dam tshig bskul te las kyi gnyer gtad dang// mnas bsgags rnams kyis gtad pa'i las rdzogs te// 'khor lo sba ba'i dus su yang// gshin rje dag la gtad pa ni// drang srong dmod pa'i smon mal gdab par bya// de la mnan rdzas bsag pa ni// mi khrag ra khrag dug la sogs// pho rog 'ug pa pu shud sgro// srin bya'i snying dang 'ug pa'i mig/ btsod dang btsong yang la phug ske tshe dang// g.yer ma bra bo sga dang nas// de la sngags te mnan pa'o// spyir na gnan pa'i las byas na// gshed po'i dgongs pas gnan pa dang// phyag rgya'i stobs kyis gnan pa dang// gtad khram bcu gnyis cho gas mnan pa dang// ya stags gdug pas mnan pa dang// de dag rdzas kyis gnan pa'o// drag po'i sngags kyis gnan pa dang// smon lam gdab cing gnan pa dang// drang srong dmod pas gnan pa'o// 'di nas lho yi phyogs rol na// dpag tshad brgyad khri bzhi stong pha rol na// thod pa lcags kyi grong khyer na// yi dwags kun gyi sde dpon po// ma mo kun gyi tshogs rje mo// gson gshin gnyis kyi zam kha pa// gson po skos la 'debs pa po// shi ba rnams kyi gshin bu rje// dge ba can gyi ltang 'dzin la// sdig pa can gyi chad pa mkhan// legs nyes chos bzhin gcod pa yis// chos rgyal gshin rje zhes bya ba// mngon shes rdzu 'phrul mthur ldan pas// 'khor bcas khyed la gtad par bya// de dag rab tu mnan gyur na// de yi cho ga 'dir ma bshad// lag na rdo rjes rab tu zung// dpal zla gsang nag po'i rgyud las/ 'khor lo mnan pa'i skabs te rtsa gcig pa'o//// de nas bcom ldan gshin rje'i gshed pos 'di skad ces brjod do// bdag don ma yin gzhan don nam// dkon mchog bla ma'i don ched du// rU tra gdug pa tshar gcad na// sngags kyi dngos grub thob nas 'grub// dper na dpa' bo skyes bu yis// g.yul ngo bzlog par 'dod pa yis// go dang mtshon la nan tan bskyed// des ni g.yul rnams bzlog par 'gyur// go mtshon mgar la rag las phyir// dpa' bos mgar la brten par bya// mgar gyis rdo la lcags su bzhu// lcags la go dang mtshon cha brdung// de nas 'thar la nan tan bskyed// til mar ngar yang yid 'thad blud// de nas brdeg thabs shes par bya// de bzhin rnal 'byor chen pos kyang// thogs mar bla ma mnyes bya'i phyir// rab tu gces dang yid 'thad dbul// gnang bar dka' ba'i dbang yang mnos// man ngag gnang nas smyur la bsgrub// snying po don thabs lhar shes bya// drug 'bum gsum 'bum gcig 'bum dang// gzhan yang 'bum gcig shes par bya// de nas mkhas pas phrin las bya// dus dang phyogs ni mkhas pas brtag/ khri khri bar du spyi rgyug bya// phrin las dag la rnam pa gsum// 'khor lo sbyin bsreg gnan pa'o// dang po 'khor lo'i las byas nas// de nas gnan pa'i las shes bya// tha mar me yi las bya ste// me lha bsnyen pas las rnams 'grub// dang por bsnyen pa rdzogs nas kyang// 'khor lo bskor ba'i las byas nas// gzhung las 'byung ba'i 'khor lo yi// gnan pa'i las thabs byas nas ni// ham dang bsreg pa'i las bsham pa// thab khung gru gsum brtseg pa la// rdo rje rgya gram nag po bri// gzas pa'i ling+ga gzhag par bya// de nas hom shing tsher ma can// bam po bsgred dang gru gsum brtsig/ dug chu khrag gis byug par bya// gzhan yang rak+ta'i ar+g+haM dang// sman phud til dmar 'bru bshos dang// mtshe thun lcags phye zangs phye dang// rdo phye dug chu 'bru nag po// sha chen rus pa gtub pa dang// de dag la sogs mdun du gzhag/ gos nag gyon zhing thod nag bcing// rak+sha'i phreng ba ser la kha// dpral bar me long zhig gi stan// rus sbal 'dug stangs lho phyogs blta// lcags sam mi rkang gzar bu thogs// dri chen dri chu gos dum gyis// sa la dmigs pa'i gzugs byas la// snying gar ming dang rus bcas gzhug/gzhan yang ming yig mang po dang// mi bsad mtshon gyis ling+ga gtub// dum bu re dang ming byang re// sha chen gtub pa re spag la// brag po'i sngags kyis khros la brdeg/ ting nge 'dzin gyi rim pa ni// ting 'dzin rnam gsum tshig bshad dang// bcas pa'i phrin las gzhung bsrang bya// oM swa b+hA wa shud+d+haHsarba d+harma swa b+hA ba bi shud+d+hou0f85haM/ chos rnams stong pa'i rang bzhin sbyang// de yi ngang nas nga rgyal lha// ya mAn+ta ka gsal bsgoms te// zhal drug phyag kyang bcu gnyis te// rgyan dang cha lugs gsal bar bsgom// thab khung e las 'bar ba'i gzhal yas khang// drag po 'bar ba'i gnas su gsal bar bsgom// yugs sa rdo nag shing nag gtsubs pa'i me// rlung g.yab nag pos g.yab pa'am// drag po sngags kyis rab tu spar// me yi nang du raM nag me yi lha// rgyan dang cha lugs nag po gsal bar bsgom// ting nge 'dzin gyi 'phro 'dus gnas nas kyang// 'od zer lcags kyus ye shes me lha de// spyan drangs gnyis su med par bzhugs par bsam// me yi lha nyid sngags 'dis spyan drangs te// oM ag+ni ha bya dzaH/ag+n-i ka bya dzaH/ dzaHhUM baM hoH/ sku mdog nag po ra skyes kham pa zhon// ra la 'ja' tshon sna lnga 'khyil// zhing gi ya mgal snga ru la// zhing gi ma mgal phyi ru la// zhing gi bags pas sga g.yogs bgyis// sbrul nag gis ni gong rmed bgyis// phyag na dril bu bgrang phreng bsnams// dbu la me yi thod bcings shing// me dpung 'bar ba'i klong na bzhugs// shar lho mtshams nas gnyis su med par bzhugs// de nas yang oM pra mo ha/ pra mo ha/ zhes pas me yi mdun rgyab sta zur bzhir/ pra mo ha spyan gsum phyag bzhi pa/ g.yas dang po na chu srin rgyal mtshan bsnams pa/ g.yas par ma na ye shes kyi me mgal bsnams pa/g.yon dang po na me dar bsnams pa/ tha ma gnyer gnyis dril bu bsnams par bsgom/ bskul zhing phr-in las bcol/ bsreg rdzas dbul/ ag+ne dmar ser me yi lha/ zhes pas bstod/dpal zla gsang nag po'i rgyud las/ 'khor lo hom sbrel gyi skabs te rtsa gnyis pa'o//// de nas bcom ldan 'das dpal gshin rje gshed pos 'di skad brjod do// e ma ho lag na rdo rje 'dzin pa khyod// dus ngan tha ma byung ba'i tshe// dkon mchog dbu 'phang smod pa'i dus// bstan pa gnyen po 'jig pa la// sngags kyi yang snying 'khrul 'khor bshad// snod dang ldan la bstan gyur na// 'dzam gling nyi ma shar ba 'dra// snod min kun la bstan gyur na// dus min bar ni srog zad skems// sngags la bye brag mang bzhugs kyang// rtsa ba'i snying po lngar 'dus te// sku gsung thugs kyi snying po dang// yon tan phrin las lnga ru 'dus// bzhi ni nye bar bsten pa dang// bsgrub dang las la sbyor la 'jug/ rgyun du grangs shing las la sbyor// las la sbyor kar 'bum phrag re'o// grangs te rtsa gnyis pa ru bshad// tha ma phrin las snying po ni// las la sbyor ba'i sngags kyang gdab// thugs kyi yang thugs nyi ma bzhi// phyi nang gsang ba gsum du gsungs// de la gsum gsum dgu ru bshad// phyi yi nyi ma bzhi pa la// yi ge 'bru brgyad g.yon du bskor// phyi yi nang ni bzhi snying dril la bskor// phyi yi gsang bar bskor ba ni// bzhi snying dril la g.yas su bskor// nang la gsum du dbye ba ni// phyi yi dus su bskor ba ni// a ko te ka bcu bdun pa'o// nang gi nang du bskor ba ni// ya ma me da bcu bdun pa// g.yon du bskor te bzlas pa'o// nang gi gsang bar bskor ba ni// ya ma me da k+She la sogs// yig 'bru bcu bdun g.yas su bskor// gsang ba'i gsum du phye ba las// phyi yi dus su bskor ba ni// bsgrub pa'i drag sngags bcu bdun pa// g.yon du bskor te bgrang ba'o// gsang ba'i nang du bskor ba ni// gsang ba'i drag sngags bcu bdun pa// g.yas su bdun bskor bgrang ba'o// gsang ba'i gsang bar grangs pa ni// rtsa ba dam tshig yang snying ni// las la sbyor ba'i dus su yang// gzhi snying dril la nub mo bzlas// A+oM a kro te ka ya mAn+ta ka/ a mu ka/ ya ma rA dza/ a mu ka/sa do me ya/ a mu ka/ ya me do ru/ a mu ka/ na yo da ya/ a mu ka/ ya da yo ni/ a mu ka/ ra ya k+She ya/ a mu ka/ yak+Sha yats+tsha/ a mu ka/ ni rA ma ya/ a mu ka/ oM hrIHSh+t+r-IHbi kr-i tA na na hUM hUM phaT/ sa ma ya/ hrIHSh+t+r-IHsa ma ya/ rak+sha badzra sa ma ya/ sa ma ya/ oM a oM a hrIHma ye s+t+waM d+h+ri ma e sti/ oM wA gI shwa ri muM/ rtsa ba nyi ma shar ltar grangs/ a bya rgod gzan la bcum ltar grangs// dam tshig yi ge bcu drug la// hrIHSh+t-IHla sogs sngags rnams ni// btson bu lcags su bcug ltar grangs// bsgrub pa'i gzhi rtsa dam tshig sngags// gzhi snying gcig tu dril ba dang// dbyangs gyi yi ge li li'i tshe// skyes bu go mtshon bstar ltar drangs// nyi ma bzhi ba g.yon du nyin bdun bskor// nub dril sngags su a mu ka/ lcags kyi gzer bu btab ltar grangs// a mu ka yi tsho dgu pa// gser gyi thog chen brgyab ltar grangs// g.yas su bskor dang ka ba ye// spu gri so 'debs bzhin du grangs// gdags pa so so'i sgo yi sngags// nyin gyi las su drag sngags grangs// nub mo dril sngags ka ba ye// mtshan rtags sbyar la rab tu bsgrub// de dag don rnams man ngag sbyar// a kro te ka rgyun gyi sngags// de dag bsgrub pa'i dus su yang// mi lus phra men mgo can rab// spun dang bran khol pha ma dang// mchod rten chen por ston pa dang// me chen rtag tu 'bar ba dang// rgya mtsho dag la mi nub rnams// de dag ma byung bar du grangs// bsgrub pa'i mtshan rtags byung ba dang// sbyor ka nyi ma bzhi la 'jug/ khug pa'i mtshan rtags byung ba dang// g.yas skor gsad pa'i drag sngags dang// nub dril drag sngags las la 'jug/ rtsa ba'i lha rnams ma grub par// phrin las sngas kyang chud zos pas// lha grub nas ni las dag bya// khugs nas de dag g.yas bskor bya// de ltar byas na gdon mi za// gshin rje gshed pos gsungs pa'i don// ma khugs bar du g.yas bskor na// lha rnas dred nas las mi 'grub// khugs nas g.yas skor byed dus su// g.yon bskor byas na sngags log nas// rnal 'byor 'khor du rkyen du 'gyur// ro langs las 'di gang gi sngags 'khrugs na yang 'dug drag po'i sngags sngas na// sngags pa rang nyid 'chi bar bshad// sa ma ya dag ma bsrungs na// tshe srog bar chad dag tu 'gyur// dbang du ma 'dus rtseg log tshe// dbyangs kyi yi ge bzlas par bya// ting 'dzin zhen na slar tshur gnod// chos nyid dag la rgyab kyang gtad// ma khugs pa la khugs drag na// dred nas rab tu 'gro bar 'gyur// ldog 'dra dam tshig khugs chud na// ro khugs chen po bya bar gsungs// gshin rje gshed pos 'di skad gsungs// sngags bdun 'gyur sngags dag gi tshad ma ni// bdag gi tshad ma dag ni ting nge 'dzin// yeng yeng seng seng byed na ye mi 'grub// myos shing nyid che 'thibs pa na// sgrib pas phog pas bshags pa bya// snying 'phyo mi dga' sngags nor dang// 'bru chad ma tshang pa ru bshad// tshig tshig gsal na theb pa yin// dga' zhing gsal na 'grub pa yin// dgra bo'i tshad ma bka' stsal pa// mi go mi gsal bying ba ni// rgyab brten yod pas myur mi 'grub// bdag pas kho dag zor mtho na// brgyab pas ma mor bskang bzlog bya// g.yag ru byung nas gsad na lo ru 'gor// ting 'dzin gsal zhing dngos byung na// lo phyed tshun chod 'grub par bshad// ting 'dzin gsal zhing 'tshig byed na// zla ba tshun chad 'chi bar bshad// de ni mi 'gyur pa yi rtags// phyi ma rnams ni yid mi brtan// g.yon gyi dril sngags dam tshig yang snying las// sngags 'di dril la bya bar bshad// rtsa ba yang snying drug po dang// 'bru dgu po na sku bskyed dang// de dag nye bar bsnyen pa'o// srog gi rtsa ba mjug sdud do// yang snying bsgrub dang las bsgrub pa'o// dbyangs dang dam tshig de kho nyid// las de gang byed mjug la gdags// sbyo 'bog lkugs pa lhog pa dang// pho lhog glang 'thab gzer nad dang// khrag skyug rims nad mdze shu dang// ltas ngan cho 'phrul thog ser dang// gso bsad dbab bcad gang byed kyang// rtsa ba dam tshig yang snying dang// dbyangs kyi yang snying mjug dag la// so so'i srog gi snying po dang// las gang byed pa'i sngags dag ni// 'bru re btags pas 'grub par bshad// phyi nas bsnyen pa rdzogs pa na// nyams su lon dang gsang rgyab dang// su yang rung ste the tshom med// bzlas pa las su rung ba dang// brdabs shing sprugs pas 'grub par bshad// ces pa gshed pos rab tu bshad// dpal zla gsang nag po'i rgyud las/sngags kyi yang snying 'khrul 'khor gyi skabs te rtsa gsum pa'o//// de nas bsad pa las kyi yang snying 'di gsungs so// bsgrub pa'i dkyil 'khor bri ba yang// 'khor lo bzhi la be con bzhi// 'khor lo brgyad la ral gri brgyad// gong ras rdo rje be con dang// ral gri la sogs dgod par bya// rdo rje dag gi rtse mo la// mA ra ya yi ming dang rus// gru gsum nang du ling+ga gzhag/ zla gam gsum la rdzas gzhag pa// nag po dag la dug thun gzhag/ dmar po dag la khrag thun gzhag/ ser po dag la nyung thun gzhag/ 'khor lo de dag kha dog kyang// grir shi'i khrag gis dmar por byug/ med na ra dkar gnya' nag gi/khrag gis dmar por byug par bya'o// yang na ra rog glang rog gam// khyi nag snying dkar khrag gis bya// gsad pa las kyi sngags 'di bzlas// oM shri ya mAn+ta ka/ ya ma rA dza sa do me ya/ ya me dau ru Na yo da ya ya da yo ni/ra ya k+She ya/ yak+She yats+tsha ni rA ma ya/ dgra bo'i tsit+ta la mA ra ma hUM phaT/ oM shrI many+dzu ya ma rA dza dza/ ya mAn+ta ka e ka dza ti dza dza/ tsit+ta khar rbad rbad/ ba shaM du tsit+ta gug li rbad rbad/ dgra bo nr-i dza dza/oM shri many+dzu ya ma rA dza be tA lI kro d+hI shwa rI/ snying kha rag sa ma ya thum ril rbad/ ya ma rA dza sa do me ya khrag la do ru me ya/ dgra bo'i klad pa la ha re ho re bam ril rbad/ ya ma rA dza sa do me ya/ ya me do ru k+Sha ya/ snying go chod sha che ge mo glo snying rtsa la mA ra ya rbad/ do ru me ya ces brdeg go/ gsad pa las kyi yang snying ni// ya da me yis gsad do// gshin rje'i bya tsa ye/ sing+ha ye/ hri ta ye/ ma mo'i/ tsit+ta ya/bya tsa ya/ ha la ye/ yi ge 'bru dgu gsad pa'i ngan sngags 'di// yang snying gsang ba nam mkha'i thog dang 'dra// dpal zla gsang nag po'i rgyud las/ yang snying gsang ba'i skabs te rtsa bzhi pa'o//// de nas yang bcom ldan 'das 'jigs byed chen pos 'di skad gsungs so// a A/ i I/ u U/ e ai/ r-i r-I/ l-i l-I/ o au/ aM aH/ ka kha ga g+ha nga/ tsa tsha dza dz+ha nya/ Ta tha Da D+ha Na/ ta tha da d+ha na/pa pha ba b+ha ma/ ya ra la wa/ sha Sha sa ha k+Sha/ sngags kyi 'phrul 'khor man ngag la// phyi nang gsang ba gsum du bshad// de la gsum gsum dgu ru bshad// phyi yi phyi ltar grangs pa ni// nyi ma dang po dag la yang// ya ma rA dza sa do me ya/ a mu kaM pra ma ya nr-i sha ku ru hUM phaT/ nyi ma gnyis pa dag la yang// ya me do ru Na yo da ya/ a mu kaM rak+ta tsa ra ya hUM phaT/ nyi ma gsum pa dag la yang// ya da yo ni ra ya k+She ya/ a mu kaM mur tsa ya hUM phaT/ nyi ma bzhi pa dag la yang/ yak+She yats+tsha ni rA ma ya/ a mu kaM mA ra ya hUM phaT/ de dag las kyi mtha' sdud ni// A+oM many+dzu shrI a kro te ka ya mAn+ta ka ka la ru pa nr-i sha ku ru ni hUM phaT/ ces bzlas te// las kyi mtha' sdud nyi ma bzhi pa'i kha skong ngo// phyi yi nang du grangs pa ni// ya ma ra dzA sa do me ya/ ya me do ru/ Na yo da ya/ ya da yo ni/ ra ya k+She ya/ yak+She yats+tsha ni rA ma ya/ gzhi snying dril la g.yon du drang// phyi yi gsang bar grangs pa ni/ ya ma ra ni tsa yak+She ya/ yak+She yats+tsha ni yo ta ya/ ya yo ni ru do me ya/ ya me do sa dza rA ma ye/ gzhi snying dril la g.yas su bskor// nang gi phyi ltar grangs pa ni// rtsa ba mi 'gyur snying po ste// sngon du 'gro ba'i bsnyen pa ni// oM a kro te ka ya mAn+ta ka ha na ma tha b+han dza hUM phaT/ nang gi nang du grangs pa ni// nye bar bsgrub pa zhes kyang bya// las la sbyor ba'i snying po khri yang bzlas// ya ma me da k+She ra tsa sa do ru Na yo ni ra yats+tsha ni/nang gi gsang bar drangs pa ni// 'phye bo'i 'gros zhes bya ba dang// gsang ba'i phrin las gsad pa la/ ya ma k+She da me rA ni ts+tsha ya ra ni yo Na ru do sa dza zhes g.yas skor du grangs so// gsang ba'i phyi ltar grangs pa ni// bsgrub pa'i drag sngags 'bru bdun pa// g.yon du 'bru bdun grangs par bya// nyi ma dang po dag la yang// ya ma rA dza sa do me// ma rA dza sa do me ya/ rA dza sa do me ya ma/dza sa do me ya ma rA/ sa do me ya ma rA dza/ to me ya ma rA dza sa/ me ya ma rA dza sa do// nyi ma dang por khri khri bzlas// nyi ma gnyis pa dag la yang// ya me do ru Na yo da// me do ru Na yo da ya// do ru Na ya da ya me// ru Na yo da ya me do// Na yo da ya me do ru// yo da ya me do ru Na// da ya me do ru Na yo// nyi ma gnyis par khri khri bzlas// nyi ma gsum pa dag la yang// ya da yo ni ra ya k+She// da ro ni ya ya k+She ya// yo ni ra ya k+She ya da/ ni ra yak+She ya da yo// ra ya k+She ya da yo ni/ ya k+She ya da yo ni ra/ k+She ya da yo ni ra ya// nyi ma gsum par khri khri bzlas// nyi ma bzhi pa dag la yang// yak+She yats+tsha ni rA ma// k+She yats+tsha ni rA ma ya// yats+tsha ni rA ma ya k+She/ ts+tsha nI rA ma ya k+She ya// ni rA ma ya k+She yats+tsha// rA ma yak+She yats+tsha ni/ ma yak+She yats+tsha ni rA// nyi ma bzhi par khri khri bzlas// g.yon du mgo gcod de bzhin bskor/ dang po'i nub mor grangs pa ni// ya ma me da k+She hrIHSh+t+r-IHa mu kaM che ge mo pra ma ya rbad ya/ nub gnyis pa la grangs pa ni/ rA dza sa do hrIHSh+t+r-IHa mu kaM che ge mo rak+ta tsa ra ya rbad ya/ nub gsum pa la grangs pa ni// ru Na ya ni hrIHSh+t+r-IHa mu kaM che ge mo mu ra tsa ya rbad ya/nub bzhi pa la grangs pa ni// rA yats+tsha ni hrIHSh+t+r-IHa mu kaM che ge mo mA ra ya rbad ya/ gsang ba'i gsang bar grangs pa ni// gsod pa'i drag sngags bdun pa ste// g.yas su bdun skor grangs par bya// ya ma rA ni ts+tsha yak+She// ma rA ni ts+tsha ya k+She ya// rA nits+tsha yak+She ya ma ni tsa yak+She ya ma rA// ts+tsha yak+She ya ma rA ni// yak+She ya ma rA ni ts+tsha// k+She ya ma rA ni ts+tsha ya// nyi ma gnyis pa man chad la// g.yas su bskor bas steng yang gcod// gsang ba'i gsang bar grangs pa ni// nub ni dang por grangs par bya// ya ma k+She da me hrIHSh+t+r-IHka pa ye dgra bo pra ma ya rbad ya// nub gnyis pa la grangs pa ni/ rA ni tsa ya hrIHSh+t+r-IHka pa ye/ dgra bo rak+ta tsa ra ya rbad ya/nub gsum pa la grangs pa ni// rA ni yo ni hrIHSh+t+r-IHka pa ye/ dgra bo mur tsa ya rbad ya/ nub bzhi pa la grangs pa ni// ru dos dza hrIHSh+t+r-IHka pa ye/ dgra bo mA ra ya rbad ya/ rtsa ba'i dam tshig yang snying las la sbyor/gzhi snying gcig tu dril ba ni// gsang ba'i gsang bar grangs pa ni// drag po gnam thus zhes kyang bya// dus dang tshes dang las zad dang// bsod nams zad dang skal ba zad// yi ge zad ces bya ba'o// de ltar byas na su na su// ga na gang la byas kyang rung// ru khugs chen po zhes kyang bya// drag po sngags mchongs zhes kyang bya// bya rog khu 'phrigs zhes kyang bya// nyi ma bzhi pa'i las la 'jug/ nyi ma dang po dag la yang// tshangs pa'i mgo bcad bskor ba'i phyir// sngags dang be con phyag rgya bca'// nyi ma gnyis pa dag la yang// kha nas khrag skyugs gzhug pa'i phyir// sngags dang lus bral phyag rgya bca'// nyi ma gsum pa dag la yang// tsit+ta gzer du gzhug pa'i phyir/ sngags dang snying gshag phyag rgya bca'// nyi ma bzhi pa dag la yang// gzugs phung brlag par bya ba'i phyir// mA ra ya nyid gdon mi za// sngags dang 'khor lo'i phyag rgya bca'// rang rang drag po'i sngags rgod la// dad pa dag la lha bsnyen pa// sku gsung thugs kyi bsnyen pas bsnyen// khugs pa'i rtags rnams byung ba dang// gzas pa dgug pa'i las byas te// nyi ma dang po dag la yang// ya ma rA dza sa do me ya// che ge mo ni A kar+Sha ya hUM dza/ nyi ma gnyis pa dag la yang// ya me do ru Na yo da ya/ che ge mo A yur+dz+nyA na A kar+Sha ya hUM dza/ nyi ma gsum pa dag la yang// ya da yo ni ra ya k+She ya/ che ge mo tri nr-i yang nr-i ma A kar+Sha ya hUM dzA/ nyi ma bzhi pa dag la yang// yak+Sha yats+tsha ni rA ma ya/ che ge mo rU pa skan+d+ha A kar+Sha ya hUM dza/ de nas dbye ba'i las bya ste// nyi ma dang po dag la yang// srog lha dag dang dbye bar bya// bya rog 'ug pa'i gung ru la// mA ra ya yi ming rus bskyon// gu gul dud pas bdug bya zhing// ya ma rA dza sa do me ya de ba shag srog gi lha dang phyis shig/gnyis pa dag la pho lha dang// gsum pa dag la yul lha dang// bzhi pa dag la dgra lha dang// lha rnams dag la phya zhes bya'o// phyi nang gsang ba'i sngags kyis kyang// nyung dkar dag la sngags shing brdeg/ya mAn+ta ka gsal bsgoms la// phur bu dag gis brdeg par bya// A+oM nr-i mA ra ya du ya ma snying ya ma khrag tshal pa/ baM ril dum bu dum bu gshin rje nag po de ba kuM khug dgra bo mA ra ya dza/ oM nr-i ma ra ni hri da ya na ta ki rA tsa be tA lI kro d+hI shwa rI snying mgo chod/rtsal zhen khrag la mgo chod/ khrag la kI li kI la ya baM ril rbad// ya ma rA dza sa do me du na b+h+yo/ ya me do ru me ya/ ya da yo ni/ snying la k+She ya me/ baM ril rbad/ rab tu khros te phur pa brdeg/ gang la bya ba thogs med kyis// mthu stobs bdag pos rab tu zung// dpal zla gsang nag po'i rgyud las/ 'khrul 'khor man ngag gi skabs te rtsa lnga pa'o//// de nas yang bcom ldan 'das mthu stobs kyi bdag po dpal phyag na rdo rje la 'di skad ces ched du brjod do// nyon cig zung zhig rdo rje 'dzin pa khyod// thugs kyi snying po ka bzhi gdung brgyad 'dis// ma nor bzlas na ci yang 'grub par nges// ya ma rA dza'i snying po ka ba gcig pa ni// ya ma rA dza sa do me ya/ myos byed 'bar ba'i snying po ka ba gnyis pa la// ya me do ru Na yo da ya/ Ar+ya ma ru'i snying po ka ba gsum pa la// ya da yo ni ra ya k+She ya/ral pa tshar dgu'i snying po ka ba bzhi pa la// yak+She yats+tsha ni rA ma ya/ de ni 'degs pa'i ka ba bzhi pa ste// tshangs pa'i mgo dang mgrin pa dang// lus dang lto ba bzhi nas 'degs// yang na yan lag bzhi nas 'joms// gdung brgyad rlag byed 'joms pa'i las// rtsa chen brgyad dang rnam shes brgyad// de dag rim gyis 'joms par byed// ya ma rA dza sa do me ya/ ya me do ru Na yo da ya/ ya da yo ni ra yak+She ya/yak+She yats+tsha ni rA ma ya/ zhes pa ka bzhi gdung brgyad do// gdung re la yang ka chen bzhi// rtsa rlung bzhi dang rtsa chen bzhi// ka bzhi rtsa rlung bzhi yang 'joms// gdung brgyad rtsa chen brgyad kyang 'joms/ya mAn+ta ka/ ya ma rA dza/ sa do me ya/ ya me do ru/ Na yo da ya/ ya da yo ni/ ra ya k+She ya/ yak+She yats+tsha/ ni rA ma ya/ ya la sogs pa bcu gnyis ni// ya mAn+ta ka yab yum gnyis// phyogs skyong bcu yi snying po yin// phyi ma lha gzhan snying po ste// yig 'bru sum cu rtsa gnyis ni// 'phrul gyi yig 'bru sum cu gnyis// ya stsogs brgyad pa zhes kyang grags// tshogs brgyad 'joms pa'i phung sri ste// ye shes lha yi snying po dang// 'jigs byed lha srin kun gyi snying po ste// shin tu gsang bar gshed pos bshad// dpal zla gsang nag po'i rgyud las/ ka bzhi gdung brgyad kyi skabs te rtsa drug pa'o//// de nas yang bcom ldan 'das 'jigs byed chen pos/thugs gsang ba 'bru shag grong khyer 'di gsungs so// ya/ ma/ rA/ dza/ sa/ da/ me/ ya/ ya/ me/ do/ ru/ Na/ yo/ da/ ya/ ya/ da/ yo/ ni/ ra/ ya/ k+She/ ya/ ya/ k+She/ ya/ ts+tsha/ ni/ rA/ ma/ ya/ ya/ ma/ rA/ dza/ sa/ do/ me/ ya/ ya/ me/ do/ ru/ Na/ yo/ da/ ya/ ya/ da/ yo/ ni/ ra/ ya/ k+She/ ya/ ya/ k+She/ ya/ ts+tsha/ ni/ rA/ ma/ ya/ ya/ ma/ rA/ dza/ sa/ do/ me/ ya/ ya/ me/ do/ ru/ Na/ yo/ da/ ya/ ya/ da/ yo/ ni/ ra/ ya/ k+She/ ya/ ya/ k+She/ ya/ ts+tsha/ ni/ rA/ ma/ ya/ yi ge gshin rje'i 'bru shag ste// yi ge gshin rje'i 'bru shag yin// rdo rje 'dzin pas rab tu zung// 'jam dpal zla gsang nag po'i rgyud las/'bru shag grong khyer gyi skabs te rtsa bdun pa'o//// de nas yang bcom ldan 'das 'jigs byed chen pos 'di skad ces gsungs so// nyon cig zung zhig rdo rje 'dzin// ngas gsungs pa la sems thud cig/ lnga brgya dus kyi tha ma la// bstan pa 'dzin skyong bsrung dang gsum// bstan pa bshigs pa'i dgra de la// drag po las kyi mthar bya ba// dus ni rang byung dgra la bya// dus dang khams dang gyur pa dang// rang byung don de bzhi ru 'dod// de la bskul ba rnam bzhi bya// rdzas dang sngags dang ting 'dzin dang// bskul ba'i don de bzhi ru 'dod// de yi sngon du bsnyen bsgrub bya// bsnyen bsgrub song nas bskul ba ni// 'khor lo dang ni ling+ga dang// nyi ma dang ni gshin rje dang// gsang sngags dang ni ting 'dzin dag dang drug/ 'khor lo la yang rnam gsum ste// phyi nang gsang ba gsum du 'dus// 'khor lo de dag re re la// bri dang sgra dang las dang ni// rang gi ngo bo dag dang lnga'o// de bzhin ling+ga dag la gsum// phyi nang gsang ba gsum du 'dus// ling+ga de dag re re la// rgyu dang bca' dang sgra dang las// rang gi ngo bo dag dang lnga'o// de bzhin sngags la rnam gsum ste// phyi nang gsang ba gsum du 'dus// de bzhin drag sngags re re la// rgyu dang btu dang las sngags dang// bzlas dang nga ro sgra dang las// nyi ma la yang rnam gsum ste// phyi nang gsang ba gsum du 'dus// nyi ma de dag re re la// rang gi ngo bo rgyu dang gnas// sgra dang las de rnam pa lnga'o// gshin rje la yang rnam gsum ste// phyi nang gsang ba gsum du 'dus// gshin rje de dag re re la// rang gi ngo bo rgyu dang sgra// gnas dang las te lnga ru bstan// gshin rje de dag gnas pas na// gshin rje'i grong khyer zhes kyang bya// grong khyer de ru sems can kun// khri dang dgug dang gnas pas na// srid pa gsum gyi gnas sa yin// ting nge 'dzin la rnam gsum ste// phyi nang gsang ba gsum du 'dus// gsum po de dag re re la/ byin brlab bzlas pa ting 'dzin dang// ngo bo rgyu dang las dang sgra// de dag rnam pa drug tu 'dod// pho dang mo yi mtshan nyid kyang// g.yas dang g.yon gyi bye brag gis// 'gro ba'i chos bzhin gcod par byed// drag po'i ngan sngags phung byed 'di// gshin rje gshed pos rab tu bsngags// rdo rje 'dzin pas rab tu zung// dpal zla gsang nag po'i rgyud las/ nag po gsal byed sgron ma'i skabs te rtsa brgyad pa'o//// gshin rje gshed kyis gsungs pa'i don// nyon cig zung zhig rdo rje 'dzin// gsang bar brgyud du brnag pa'i lung// don gnyis dag tu shes par bya// bsnyen bsgrub dang ni phrin las so// bsnyen pa la yang rnam gnyis te// sngon du 'gro ba'i cho ga ste// bsod nams bsag par bstan pa dang// bsnyen pa dngos nyid bstan pa'o// thabs dang dgos pa rnam gnyis kyis// bsod nams bsags pa'i cho gar 'dod// ngo bo dbye ba nges pa'i tshig/dgos ched rnam pa bzhi yin no// bsnyen pa'i dbye ba bstan pa yin// bsgrub pa la yang bcu gnyis te// gnas dang brtul zhugs mtshan ma gzhag/ mchod rdzas gzhag dang dngos grub rten// dam tshig ting 'dzin 'phro 'du dang// grub pa'i rtags dang blang ba'i thabs// bar du gcod pa'i bgegs dang ni// sgrub pa'i dus dang spogs pa'i thabs// spogs pa chen po'i cho ga ste// drag shul ting 'dzin bcu gnyis kyis// dngos grub blang ba'i cho gar 'dod// phrin las dag la rnam gsum ste// 'khor lo bskor dang gnan bsreg pa'o// dus dang gang zag bskor ba'i gnas// ngo bo dbye ba nges pa'i tshig/ 'khor lo rgyu rkyen mthun pa'i dpe// sgrub byed grogs dang ma grub skyon// grub pa'i thabs dang spogs pa'i thabs// dbye ba bcu gsum ma yi ngag/ ces gshin rje gshed pos rab tu brjod// dpal zla gsang nag po'i rgyud las/las kyi mdo byang gi skabs te rtsa dgu pa'o//// de nas yang bcom ldan 'das gshin rje gshed pos 'di skad ces gsungs so// dus tshod mtshon cha rnon po la// rdo rje slob dpon sku dgra sogs// the tshom med par bsgral bas 'grub// phag sbrul ston dpyid ra ba la// byi ba rta ni ston dpyid 'bring// ston dpyid tha chung glang lug la'o// stag sprel dbyar dgun ra bar shes// dbyar dgun 'bring po bya yos la'o// khyi 'brug dbyar dgun tha mar 'grub// de ni lo gshed zla ba'i keg par nyi ma'i gshed gnyis te// dbyar rlung 'jug cing dgun rlung 'byung// de yi dus su gsad pa shis// zhag gi gshed du gyur pa yang// ra ba bzhi la bcu bzhi shis// 'bring po bzhi yi bco lnga la// tha chung bzhi yi bcu drug go/ tshes bzhi brgyad dang bcu gcig dang// bco lnga bco brgyad nyi shu gnyis// nyi shu lnga dang nyi shu dgu/dus ni srod dang snga dro dang// 'jing dang nam gung gung chung dang// nyi myur skya rengs shar ba dang// nyin mtshan zhag gi go rim bzhin// de phyir ma gshin 'tshol phyir rgyu// btsal nas gsad pa'i dus bstan pa// dpyid ra tshes bdun dag la shis// 'bring po bcu bdun dag la shis// tha chung nyi shu bdun la shis// dbyar ra tshes brgyad 'bring po ni// bco brgyad tha chung nyi shu brgyad// ston ra tshes dgu 'bring po ni// bcu dgu tha chung nyi shu dgu/ dgun zla gsum yang de bzhin te// dus su gsad pa'i las la 'jug/ sa yi khams sa dpyid zla gsum/ shing gi dbyar zla ston zla me/ dgun ni lcags khams 'chi ba'i dus// de dus zhag gshed rgyu bar bya// ra ba bzhi ni rta la dang yang gcod// tha chung dus su 'bring ra chung yang bzhi ste// tha chung khra la brdeg par bya// dgun gsum skar ma gsum 'char te// skar ma'i gshed kyi dus su ni// sbyor ba thams cad rab na yang// khrag thun la sogs zor rnams shis// lo zla zhag gi dus bstan nas// dus tshod rnon po bstan par bya// sems can yid ni gnyid log pas// de dus rgyu zhing 'khyam pa'i tshe// kun kyang rnam rtog las byung bas// sbyor ba'i stobs bskyed gsad par shis// sha ba srod dang nam phyed na// lug dang gnyan gyi bla yang rgyu// phag pa tho rangs bya nyid ni// nyi ma zer la rgyu bar bshad// ra bla nyi ma nub ka ste// bya bla nyi ma zer la rgyu// g.yag dang glang bla srod la rgyu// rta bla nyi ma gung la rgyu// de dag dgug cing gsad par shis// thun mong bsgral ba'i thabs su gsungs// dngos po gcig kyang 'gyur ba'i tshe// 'gyur ba'i bla dang sbyar te bya'o// khams kyi gshed du bstan pa ni// sgrub pa po dang lo zla dang// dus tshod kyis ni gsod par byed// keg ni gshed po glang dang lug/ lo dgra bya dang sprel nyid de// dgun zla dbyar zla tha chung gnyis// dus tshod nyin phyed nam phyed yol// ha la sman gyis gsod 'gyur na// bsgrub pa'i sbyor bas smos ci dgos// khyi 'brug ji yi gshed po ste// phag dang byi ba lo dgra nyid// mi mthun bdun zur the tshom med// zla gshed ston dpyid tha chung ste// zla ba'i bdun zur rdo rjes gcod// tho rangs srod la gsod par byed// bsam ngan tsam gyis 'grub 'gyur na// sbyor bas bdun rgyud the tshom med// gung la khyi 'brug shing khams pa// shing dang kha dog 'dra ba ste// gsod pa'i las la the tshom med// stag dang yos bu dar ba dgra// bdun zur gshed du gyur pa ste// tshangs pa'i me bzhin gsod par byed// zla gshed srog dang mi mthun pa'i// bdun zur gsod de the tshom med// dus tshod nam phyed dus la shes// shang gi khams te gshed chen po// shang gi gshed dang 'u yi tshig thog ma chad/ 'dus pa sa yi khams la gcod// lo dgra glang lug gnyis kyis te// mi mthun bdun zur shin tu 'joms// dus tshod mtshan ma rang sar shis// de nas mthun 'phrod bshad pa ni// bzang zhing 'grub par bya ba'i las// bdud rgyal nyi ma bdun po la// drag sngags tshogs kyis cham la dbab// nyi ma gru sogs bre ru 'byor// bi rdzi bya gzhus zla bar 'byor// mig dmar khrums smad la ro sman// gza' lhag sgrog dang smin drug 'dzom// phur bu rgyal stod rgyal smad mthun// pa sangs bya gzhug rta chung nyid// spen pa sa ri sa ga ste// de ltar mthun sbyor dus su ni// ngan pa'i las kyang 'byung 'gyur bas// de phyir bzang po'i las la 'jug/bdud kyi nyi ma bshad pa ni// nyi ma lag sor bya cha spyad kyang skyor gsum// zla ba rgyal smad bre ru gsod// mig dmar bre dang sgrog gis te// gza' lhag dbyug pa nyid kyis 'jig/ phur bu mgo ru 'byor bas 'jig/pa sangs wa dang lag sor gsum// spen pa bya ma bdud kyi nyi// bzang po'i las kyis gsod 'gyur na// ngan pa'i las kyis smos ci dgos// mi 'phrod bdun du bshad pa ni// nyi ma khrums smad zla ba dang// sa ga mi 'phrod mig dmar dang// lag tu mi 'phrod gza' lhag dang// gru sog mi 'phrod phur bu sgrog/ pa wa sangs dang bre mi 'phrod// spen pa dag ni khrums stod dang// de lta'i mi 'phrod bdun po la// phan gdags las ni gcig mi 'grub// nyi ma dang ni sa ga 'jig/ zla ba dang ni bi rdzi ste// mig dmar sgrog tu 'jig par bstan// gza' lhag byi'u 'jig pa ste// phur bu la ni be'u rdzi 'jig/ pa wa sangs la bya gzhug 'jig/spen pa la ni bya ma 'jig/ mi 'phrod bdun dang 'jig pa bdun// bdun kye nyi mar gsad pa shis// 'tsho byed yul lhas skyob pa ni// g.yag dkar mi dkar tshul gyis 'gegs// bud med rtug pa bsreg nas kyang// 'chi bdag rnams kyi bla rkun bzlas// zhang blon bzang po lta bu ni// pho lhas 'ges pas de dus su// glang rog ra bsreg gong bzhin bya// khra'am spyang ki lta bus skyob// dgra bla yin te gsur chen btang// khyi lud bsreg pas 'bros par byed// bud med sha ba lta bu ni// ma lha ma sman 'go ba ste// ra dang rta sbangs tal nag bsreg/ ting 'dzin mi gsal bying rmugs na// pho lhas 'geg pa yin par brjod// til nag nyung nag gu gul ni// sbyar mas bsreg na 'bros par byed// ma 'phrod dbye ba'i thabs bstan pa// bya rog 'ug pa'i gung ru la// gro gar a dang shog shog nr-i// go rim bzhin du glan bar bya// yug sa mo yi rkang dreg dang// 'bog dang glang rog ra khrag sogs// sme ba'i dud pas dus gsum bdug/ 'di ni dbye ba'i mchog tu gsungs// nag po gsal byed sgron ma las// bya thabs nyams len nying khu 'di// rang byung dgra la bya ba'i dus su gsungs// dpal zla gsang nag po'i rgyud las/ bya thabs nyams len nying khu'i skabs te sum cu pa'o//// de nas 'jam dbyangs khro bos phyogs skyong gshin rje las la skul ba 'di gsungs so// bstan pa bsrung bar zhal bzhes pa'i// yab yum gnyis med thugs kyi sras// steng phyogs gshin rje nag 'joms ni// nag po g.yas na dgra s+t+wa bsnams// chibs su lkugs pa lug la chibs// khro mo srin mo mgo 'phyang ma// nag mo chen mo ral pa can// g.yas pa thabs kyi gtso la 'khyud// g.yon pa dung dmar gtso la stob// yab gcig 'jam dpal bka' byung gis// dam rdzas gtor ma 'di 'bul na// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la bskul// 'chi bdag 'khor lo'i lag tu gtod// dus la bab po sa ma ya/ dam las ma 'da' phrin las mdzod// yab yum gnyis med thugs kyi sras// steng phyogs gshin rje phya sangs ni// dkar po lag na bum pa thogs// chibs su ban glang dkar po chibs// khro mo kham rgya mthu mo che// nag mo mgo 'phyangs ral pa can// g.yas pa thabs kyis gtso la 'khyud// g.yon pa dung dmar gtso la stob// yab gcig 'jam dpal bka' byung gis// dam rdzas gtor ma 'di 'bul na// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya// dam las ma 'da' phrin las mdzod// yab yum gnyis med thugs kyi sras// shar phyogs kong tse brag gyon ni// dkar po tshe srog bum pa bsnams// chibs su dri za sgeg pa bcibs// brag srin nag po mgo 'phyangs ma// khro mo dkar mo ral pa can// g.yas pa thabs kyi gtso la 'khyud// g.yon pa dung khrag gtso la stob// yab gcig 'jam dpal bka' byung gis// dam rdzas gtor ma 'di 'bul na// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya// dam las ma 'da' phrin las mdzod// yab yum gnyis med thugs kyi sras// shar lho a ba glang mgo can// smug nag tri shUl rtsa gsum thogs// chibs su 'gugs byed dre'u la chibs// mi bzad bdud mo mgo 'phyangs ma// khro mo smug nag ral pa can// g.yas pa thabs kyi gtso la 'khyud// g.yon pa dung khrag gtso la stob// yab gcig 'jam dpal bka' byung gis// dam rdzas gtor ma 'di 'bul na// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya// dam las ma 'da' phrin las mdzod// yab yum gnyis med thugs kyi sras// lho phyogs gshin rje ya ba ti// sngo nag gsod byad dgra s+t+wa bsnams// chibs su gshin rje sgeg pa chibs// mtshan mo nag mo mgo 'phyangs ma// khro mo dred kyi ab sham can// g.yas pa thabs kyi gtso la 'khyud// g.yon pa dung dmar gtso la stob// yab gcig 'jam dpal bka' byung gis// dam rdzas gtor ma 'di 'bul na// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya/ dam las ma 'da' phrin las mdzod// yab yum gnyis med thugs kyi sras// lho nub gshin rje mig dmar ni// dmar po gcod byed ral gri bsnams// chibs su smyo byed sha ba chibs// byi ling chen mo mgo 'phyangs ma// khro mo dmar mo ral pa can// g.yas pa thabs kyi gtso la 'khyud// g.yon pa dung khrag gtso la stob// yab gcig 'jam dpal bka' byung gis// dam rdzas gtor ma 'di 'bul na// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya// dam las ma 'da' phrin las mdzod// yab yum gnyis med thugs kyi sras// nub phyogs gshin rje rmig pa ni// smug nag dbang sdud zhags pa thogs// chibs su klu brgyad sgeg pa chibs// bdud mo chen mo mgo 'phyangs ma// khro mo smug nag ral pa can// g.yas pa thabs kyi gtso la 'khyud// g.yon pa dung khrag gtso la stob// yab gcig 'jam dpal bka' byung gis// dam rdzas gtor ma 'di 'bul na// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya// dam las ma 'da' phrin las mdzod// yab yum gnyis med thugs kyi sras// nub byang gshin rje til pa ni// nag po 'byed pa'i dbyug to bsnams// chibs su rta nag ma he chibs// gza' srid nag mo mgo 'phyangs ma// khro mo nag pa ral pa can// g.yas pa thabs kyi gtso la 'khyud// g.yon pa dung khrag gtso la stabs// yab gcig 'jam dpal bka' byung gis// dam rdzas gtor ma 'di 'bul na// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya// dam las ma 'da' phrin las mdzod// yab yum gnyis med thugs kyi sras// byang phyogs gshin rje lha mchog ni// ser po bum pa rgya gram bsnams// chibs su rgyas pa'i rta la chibs// klu srin nag mo mgo 'phyangs ma// khro mo ser nag ral pa can// g.yas pa thabs kyi gtso la 'khyud// g.yon pa dung khrag gtso la stob// yab gcig 'jam dpal bka' byung gis// dam rdzas gtor ma 'di 'bul na// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod/ dus la bab po sa ma ya// dam las ma 'da' phrin las mdzod// yab yum gnyis med thugs kyi sras// byang shar chos kyi rgyal po ni// dmar po thod pa mda' gzhu bsnams// chibs su skrod byed rnga mo chibs// nam gru chen mo mgo 'phyangs ma/ khro mo dmar mo ral pa can// g.yas pa thabs kyi gtso la 'khyud// g.yon pa dung khrag gtso la stob// yab gcig 'jam dpal bka' byung gis// dam rdzas gtor ma 'di longs la// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya// dam las ma 'da' phrin las mdzod// yab yum gnyis med thugs kyi sras// 'og phyogs ral pa tshar dgu ni// smug nag lcags kyu ri rab bsnams// chibs su ma he sngo nag chibs// lha mo nag mo mgo 'phyangs ma// khro mo smug nag ral pa can// g.yas pa thabs kyi gtso la 'khyud// g.yon pa dung dmar gtso la stob// yab gcig 'jam dpal bka' byung gis// dam rdzas gtor ma 'di longs la// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya// dam las ma 'da' phrin las mdzod// yab yum gnyis med thugs kyi sras// 'og phyogs gshin rje thod dbyug ni// nag po lag na tho ba bsnams// chibs su sa bdag sgeg pa chibs// sa bdag stong khyab mgo 'phyangs ma// khro mo nag mo ral pa can// g.yas pa thabs kyi gtso la 'khyud// g.yon pa dung dmar gtso la stob// yab gcig 'jam dpal bka' byung gis// dam rdzas gtor ma 'di longs la// bstan pa 'jig pa'i gshed ma mdzod// bdud po bcu yis khram la thob// ging chen bco brgyad las la skul// 'chi bdag 'khor lo'i lag tu gtod// dus la bab po sa ma ya// dam las ma 'da' phrin las mdzod// ces bcom ldan 'das 'jigs byed chen pos 'khor rnams las la bskul te// so so'i gshed bskos so// 'jam dpal zla gsang nag po'i rgyud las/ phyogs skyong gi gshed bsko ba'i skabs te so gcig pa'o//// de nas yang bcom ldan 'das 'jigs byed chen pos/ nyin bzhi'i lha'i ging bzhi la phrin las bcol ba 'di gsungs so// rA dza ha la 'khor lo'i lha// 'khor lo nag po mA ra'i bdud// dug gi mtshon cha sngags kyi them// rdzas kyi sbyor ba thabs kyi ngag/ bsnyen pa bya ba gsang ba'i thabs// hrIHSh+t+r-IHsbyor ka ma yi dag/ 'khor lo bskor ba man ngag gter// zla gsang nag po gces pa'i grogs// bar bar spyi rgyud thabs kyis phul// dmar nag khram bdag man ngag thabs// gshed po bdud kyi man ngag gter// las grub gnan pa rang gi snying// drang srong dmod pa phyogs med grogs// de bzhin spyi rgyud thabs kyi phul// chos kyi rgyal po la sogs pa// nyin bzhi lha yi ging bzhi bskul// hUM/ nyi ma dang po'i rtsis byed ging// bra ma rA dza srin po ste// bar snang khams la yid kyis rgyu// gsang bar dbang bskur ging gi bdag/ stag zhu stag ral sku la mnab// phyag na sho rdel rtsis byed ging// bdag gis ma nyes 'di yis nyes// sho rdel nag po'i rtsis su chug/ srog chod snying phyung smyo 'bog thongs// gtad do ma btang sho ra re// nyi ma gnyis pa'i rtsis byed ging// ya ma rA dza gshin rje'i ging// zhal bgrad mche gtsigs kha dog nag/thod sbrul g.yang gzhi sku la gsol// ba glang chu sbrul yang nag po chibs su chibs// phyag na sho rdel rtsis byed ging// bdag gis ma nyes 'di yis nyes// sho rdel nag po'i rtsis su chug/ srog chod snying phyung smyo 'bog thongs// gtad do ma btang sho ra re// nyi ma gsum pa'i rtsis byed ging// da sha grI ba bdud kyi ging// nag po sha zan sha zhu can// nag po snying dkar chibs su chibs// mi sha za zhing snying khrag 'thung// dug mda' 'phen zhing mi sha za// rta nag zhon pa 'bum khrir bcas// phyag na dkar nag rtsis byed ging// bdag gis ma nyes kho yis nyes// sho rdel dkar nag rtsis su chug/ srog chod snying phyung smyo 'bog thongs// gtad do ma btang sho ra re// nyi ma bzhi pa'i rtsis byed ging// yak+sha rA dza gnod sbyin ging// zhon pa gza' rta nag po zhon// zab slag nag po sku la gsol// bdud zhags nag po dgra la 'debs// dbu la dom zhu nag po gsol// phyag na dkar nag rtsis byed ging// bdag gis ma nyes kho yis nyes// sho rdel nag po rtsis su chug/ srog chod snying phyung smyo 'bog thongs// gtad do ma btang sho ra re// bdud tri rbad thum ri li li// ya tri rbad thuM ri li li// d+ha sha grI ba rbad thuM ri li li/ yak+sha rbad thuM ri li li/ zhes ni rab tu sho rdel bgrang ngo// dpal zla gsang nag po'i rgyud las/ nyin bzhi lha'i ging bzhi la phrin las bcol ba'i skabs te so gnyis pa'o//// de nas yang bcom ldan 'das la 'jigs byed chen po la 'dus pa'i 'khor rnams kyis shin tu dgyes pa'i yi rang nas/ mgrin gcig tu 'dug ste 'di skad ces brjod do// hUM gtum chen rab 'bar gshin rje 'joms mdzad lha// nyi ma 'bum las lhag pa'i 'od ldan khyod// phyag mtshan mang po bskal pa'i me ltar 'bar// rab 'bar gshin rje 'joms la phyag 'tshal bstod// rdo rje'i sku la mu dbang rab brgyan cing// gcan gzan gdug pa'i pags rlon na bzar gsol// mi mgo thod rlon phreng bas sku la brgyan// brkyang bskum tshul gyis gshin rje zhabs kyis gnon// mi bsad khro bo'i rgyal po gdong drug hUM sgra can// phaT kyis khams gsum sngangs mdzad zhal drug gdangs// sha za'i mgo bcad dbu yi thod du bcings// spyan bzlog tsam gyis bdud kyi ser chen 'bebs// ljags 'gril tshems kyi rtse nas rdo rje thog chen rab 'bebs shing// 'khor gyi ma mo rnams ni 'dar zhing 'dud// de bas lha klu gnod sbyin gzhan lta smos ci dgos// rkan sgra gtogs pas lha chen khyab 'jug kyang// bub 'gyel bcas pas khrab skyug nyid la 'dud// stong khams mid par byed pa'i zhal gdangs shing// khro gtum tsham rngams chen po bstan pas kyang// tshangs pa'i 'khor rnams rngul gyi thigs 'dzag cing// nad gtong srin mo'i tshogs rnams 'dar zhing 'dud// rgyu phreng khrag dang bcas pa'i zhags thogs nas// phyag na tri shUl mi mgo rab bsnams shing// dngos grub dur khrod yin nam mchog gi klad khrag zhal du gsol// khyung dang 'ug pa lta bu'i khra bsnams shing// dam las ldog pa ngag la gtong bar byed// gnod sbyin mi srun phreng bas sku la brgyan// rdo rje brjid pa'i stangs stabs gar byas pas// dur khrod chen por mtshan mor rab rgyu ba'i// ro langs mgo bcad so yis chem chem bza'// ngo mthong tsam gyis dma' 'bab zhabs la gtug/ yon tan bye bas brgyan pa'i lha khyod la// blta bas bzod por dka' yang bdag 'dud na// gdug pa'i sems kyis bdag dang bdag gi 'khor du gtogs pa la// gnod par byed pa'i mi dang mi min 'byung po'i tshogs// zung zhig non cig sgrol mdzod gshin rje gshed// yun gyi lhar yang khyod la gsol 'debs na// ri rab gser gyi ngos la bya gnas pa// bya yi rang bzhin bor nas gser du snang// thams cad khyed kyi skur ni bdag bsgom pas// bdag gi rang bzhin bor nas khro bor gsal// lha mchog khyod la yi dam sus brten pa// mi yi tha mal rnams kyang mchog tu gyur// de bas 'di dang pha rol gnyis ka ru// srog gi phyir yang lha khyod mi gtang na// byams pa'i zhal bzang bdag la bstan pa dang// thugs rje'i spyan gyis bdag la gzigs su gsol// khyed ltar bdag gyur de phyir bstod phyag 'tshal// yun ring gong nas lha khyod bdag bsgrubs na// khyed kyis dngos grub dam pa bdag la stsol// kA la rU pa che ge mo b+ha ga hrIHSh+t+r-IHna hUM phaT/ gang dag gshin rje gshed po yis// de las be con phyag rgyar gsal// 'di ni phyag rgya'i srog mchog pas// yang dag bstan pa yang dag gsal// phyag rgya bcings par gyur pa 'di// khro bo'i snying por bsngags par byed// mtshon cha mi lus pa yi gtso// bdud dang dgra bgegs zhi bar byed// na mo bud+d+ha d+harma sang g+he b+h+yaH/ oM sarba ta thA ga to ti byi dzA ya/ag ne dz+wa la ni hrIHSh+t+r-IHhUM phaT/ ces 'khor rnams kyis rab tu bstod do// dpal zla gsang nag po'i rgyud las/ gtum chen la bstod pa'i skabs te so gsum pa'o//// de nas bcom ldan 'das 'jigs byed chen po la 'khor rnams kyis rang rang gi dgyes pa'i bstod pa phul nas mthu stobs kyi bdag po dpal phyag na rdo rje dang/stong gsum mun par gtong ba rnams kyis mgrin gcig tu thal mo sbyar te 'di skad ces gsol to// he he dpa' bo yab gcig mchog/ 'jigs byed chen po gshin rje gshed// dpa' bo'i 'khor du 'dus 'khor 'dud// gshed pos bskos pa'i bka' rnams nyan// bdag cag 'khor gyi bdud po rnams// phyin ci log rnams 'dul slad du// tshul bzhin bsgrub na ji ltar bsgrub// rdzas dang yo byad gang la brten// las la gtad na ji ltar gtad// log pa'i sbyor ba ci ltar bya// 'jigs byed chen pos bka' stsol 'dud// de nas bcom ldan 'das 'jigs byed chen pos/ shin tu rngam pa'i sgra 'brug stong ldir ba tsam dus gcig la bsgrags nas/ bdud kyi tshogs thams cad dbang du bsdus zil gyis mnan nas// 'di skad ces brjod do// nyon cig zung zhig rdo rje 'dzin// nag po bdud kyi tshogs rnams kun// phyin ci log rnams gdul slad du// bya ba'i las dang bsgrub pa dang// bsten pa'i thabs dang bskul ba'i thabs// mi mthun sbyor bas gsod 'don na// ngas bshad pa la sems thud cig/ ces brjod do// de nas bcom ldan gshed chen pos// phrin las myur du bya ba'i phyir// bdud kyi sgrub thabs 'di gsungs so// thog mar dang ba'i dad pa rab tu gces// bka' yi gnas sam dga' ba'i gnas dag tu// dbang thob bya phyir bla ma mnyes bya zhing// dkyil 'khor bris nas dam tshig dbang dag nod// dgos pa bsgrub phyir man ngag thob par bya// man ngag thob nas bsnyen bsgrub mtha' ru dbyung// bsnyen pa bya phyir mthun rdzas 'bad de bsag/ lung gi gnas su sa yi dkyil 'khor bya// 'dom gang gru bzhi dug khrag chag chag gdab// 'khor lo rtsibs brgyad gru gsum zla gam gsum// gru chad sgo bzhi lcags ri lugs bzhin bya// thod pa'i phreng ba rdo rje ra ba gur// bskal pa'i me ri smug nag rlung 'tshubs ldang// gru gsum dbus su gshin rje gshed po ste// zla gam gsum la yum gnyis sras dang gsum// seng ldeng la sogs mchog gi phur pa dgod// yab yum mnga' gsol dbang bskur byin brlab bo// lcags phur la sogs mchog gi phur pa bcu// khram thog bdud po bcu ru mnga' gsol la// 'khor lo rtsibs brgyad dag la dgod par bya// dar nag cod pan rim gyis dbang bskur gdags// steng du 'bar ba ya chen te// shar du rol po ral can no// lho ru khrams bdag srog bdud ste// zla bdud yor po zhags can nub// byad du srog bdud sta re can// shar lho khram bdag thog po rje// lho nub bar btsan gri bo rje// nub byang se 'dzin sdings pa rje// byang shar ro langs nag po rje// 'og tu 'bar ba nag po rje// sgo bzhir bka' nyan ging chen bzhi// rtsang bzhi dag la dbang bskur dgod// mthun pa'i rdzas dang mchod rdzas dang// mi sha rta sha'i gtor ma ru// rus pa sna tshogs brgyan byas la// gshed po yab yum sras la gzhag/ bya nag rta nag lug nag snying// khyi nag phag pa rog po'i snying// g.yag nag glang dang ra rgod snying// sha dang khrag dang rus pa dang// mi shas brgyan la zangs bu gang// bdud po bcu la dgod par bya// sha sna khrag sna'i gtor ma la// spyan gzigs dkor chas brgyan pa bzhi// sgo bzhir ging chen bzhi la gzhag/sman dang rak+tar sbyar ba yis// snang srid srog la bdud dbang bskur// mi gsur rta gsur rgyun du gtang// rgyal mtshan chen po bzhi yang gzug/ dar nag gur phub khyi nag g.yang bzhi brdab// lug nag 'ben bca' ra rog dmigs pa'i rten// skyer pa stag pa la sogs dag pa yang// mgo mjug ma nor bzhogs la khram shing bya// drag po'i sngags bzlas rim par khram la gdab// yi dwags gos la 'khor lo bris byas te// dug dang thod pa mkhas pas bri bar bya// gzi brjid 'phags pa 'jam dpal yab yum dang// bka' nyan nyi ma bzhi pa'i lha bsgrub mchod// khram thogs bdud rnams las la bskul phyir rbad// thod pa mtshan ngan ra rog khrag blugs la// rang srog ming bris thod pa'i nang du'o// dpral bar mthongs bzhag re bas gril byas la// khram gyis dkrug cing khram sngags bzlas par bya// oM dgra bo ni tsi dum mug/ khram thor tha che ge mo mA ra ya gug ling swA hA/ zhes bzlas shing khram gyis skabs su dkrug dgug kyang/ ting 'dzin rnam gsum gsal bsgom la// dbang chen 'byung ba rim brtsegs la// b+h+rU~M las 'bar ba'i gzhal yas khang// 'khor lo rtsibs brgyad mu khyud ldan// gru chad bar khyams mu khyud ldan// shar phyogs rus pa'i gzhal yas khang// lho phyogs me yi gzhal yas khang// nub phyogs khrag gi gzhal yas khang// byang phyogs dbus kyi gzhal yas khang// dbus su ya ma chen po ste// gshin rje ma he bsnol ba'i gdan// hUM las bshed po'i skur gyur te// stang zil mdog 'dra gnag la 'tsher// stag lpags gang chen sbrul nag chun po dang// thod pa la sogs dur khrod rgyan gyis brgyan// zhal drug bcu gnyis phyag dang ldan par bsgom/ g.yas g.yon yum dang mdun du sras mchog ste// rgyan dang cha lugs phyag mtshan gsal bar bsgom// 'khor lo rtsibs brgyad steng du nr-i bsam ste// nr-i las dgra bgegs bsnol ba'i gdan du bsam// de steng ya bcu gdan steng 'od dang zer 'phro ba// sgro bsdus ya las khram thogs bdud po bcu// steng gi bdud po 'bar ba ya chen ni// g.yu 'brug gzhon pa glog gi zhags thogs bsgom// shar gyi bdud po rol po ral pa can// rnga mo zhon nas ral gri thogs pa bskyed// lho phyogs khram bdag srog bdud mche ba can// bdud sha zhon nas zhags pa thogs pa bskyed// nub tu zla bdud yor po zhags pa can// 'brong bu zhon nas gnam lcags phur thogs bskyed// byang du srog bdud gser gyi sta re can/khyung chen zhon nas sta re thogs pa bskyed// shar lhor khram bdag gnam btsan thog po rje// rta la zhon nas gnam lcags 'phen pa bskyed// lho nub khram bdag par btsan ri bo rje// rlung lha zhon nas rlung nag g.yab 'debs bskyed// nub byang khram bdag se 'dzin sdings pa rje// phag pa rtar zhon khram shing thogs pa bskyed// byang shar khram bdag ro langs nag po rje// chu glang zhon nas sta re thogs pa bskyed// 'og phyogs nag po yab rje khrag 'thung ni// stag dmar zhon nas sprul dmar zhags thogs bskyed// re re'i 'khor na bdud kyang bsam yas te// rang bzhin gnas nas 'khor bcas spyan drangs pas// grub pa'i gnas su de 'dra byon par bsam// sgo bzhir nyin bzhi lha yi ging bzhi yang// bka' nyan byed pa'i 'gugs byed dza las bskyed// de ltar bskyed pa'i bdud po de rnams kyis// bstan pa bshig cing sku la brdo ba rnams// zhags pas bcings shing la las khram la 'debs// la las mtshon 'debs la las thun du 'dzud// gan bub rngul nag 'thib cing khrag tu skyugs// mig rtsa rib rib 'o dod tsor tsor 'bod// ci mdzad thong thong zer zhing gsod par bsgom// ting nge 'dzin gyis de ltar gsal bskyed la// drag sngags 'di bzlas bdud rnams myur bar bskul// ru tra pa tra mu khrag tsa ra pa te po ra pa dun hab swA hA// khri'am 'bum na bdud rnams mngon du byon// mon dang btsun pa skad rigs mi mthun pa// ldab ldib smra zhing las la mngon du byon// gtum chen bstod la bdud rnams las la bskul// hUM/ bskal pa snyigs ma'i lnga brgya la// khro rgyal gshin rje'i spyan sngar dam bcas pa// mi bzad chen po srog bdag kun 'dul byed// 'jam dpal gshin rjes dmar gyi ar+g+ha dang// bdud rtsi dmar gyi dam rdzas dam pa 'di// khram thogs bdud la byin nas dbang bskur bas// bdud 'khor yongs kyis sangs rgyas bstan pa bsrung// lus kyi dam tshig a ra yaM// ngag gi dam tshig ni ra yaM// dam las ma 'da' phrin las mdzod// steng phyogs bdud kyi gzhal yas nas// 'bar ba ya chen bla med ni// g.yu 'brug sngon po'i rta la zhon// lag na glog dmar thog zhags thogs// sdang bar byed pa'i dgra la ya// skyes pa dar ma khrid la shog/skyes bu mi yi snying la ya// bdud kyi khram khram khram la thob// oM snying khrag tsit+ta rbad// dug mug khram tor ta rbad// che ge mo mA ra ya 'di rnams la gug kyang 'dug khug ling swA hA/ zhes brjod cing khram la rim gyis gdab// rak+ta sbrengs shing bdud rnams las la rbad// mun nag 'thibs pa'i gzhal yas nas// nag po yab rje khrag 'thung ni// stag chen dmar po'i rta la zhon// lag na sbrul dmar zhags pa thogs// sdang bar byed pa'i dgra la ya// skyes pa dar ma khrid la shog/ skyes bu mi yi snying la ya// bdud kyi khram khram khram la thob// oM snying khrag tsit+ta rbad/ dug mug khram tor ta rbad// che ge mo mA ra ya khug ling swA hA// shar phyogs rus pa'i gzhal yas nas// shar bdud rol po ral pa can// phung sring rnga mo glog 'gyu zhon// lag na gnam lcags ral gri bsnams// sdang bar byed pa'i dgra la ya// skyes pa dar ma khrid la shog/ skyes bu mi yi snying la ya// dud kyi khram khram khram la thob// oM snying khrag tsit+ta rbad// dug mug khram tor ta rbad// che ge mo mA ra ya khug ling swA hA/ lho phyogs me yi gzhal yas nas// khram bdag srog bdud mche ba can// bdud sha nag po ru bcu chibs// lag na 'dzin byed zhags pa bsnams// sdang bar byed pa'i dgra la ya// skyes pa dar ma khrid la shog/ skyes bu mi yi snying la ya// bdud kyi khram khram khram la thob// oM snying khrag tsit+ta rbad// dug mug khram tor ta rbad// che ge mo mA ra ya khug ling swA hA// nub phyogs khrag gi gzhal yas nas// zla bdud yor po zhags pa can// 'brang bu nag po rta ru zhon// lag na gnam lcags phur bu 'debs// sdang bar byed pa'i dgra la ya// skyes pa dar ma khrid la shog/ skyes bu mi yi snying la ya// bdud kyi khram khram khram la thob// oM snying khrag tsit+ta rbad// dug mug khra ma tor ta rbad// che ge mo mA ra ya khug ling swA hA// byang phyogs dbugs kyi gzhal yas nas// srog bdud gser gyi s+t+wa re can// chibs su khyung chen dar ma chibs// lag na gser gyi s+t+wa re bsnams// sdang bar byed pa'i dgra la ya// skyes bu dar ma khrid la shog/ skyes bu mi yi snying la ya// bdud kyi khram khram khram la thob// oM snying khrag tsit+ta rbad// dug mug khram tor ta rbad// che ge mo mA ra ya khug ling swA hA// khram bdag gnam btsan thog po rje// chibs su bdud kyi rta la chibs// sku las gnam lcags thog 'phen pa// sku las 'od zer 'phro ba 'khrugs// ched 'ga' sprul pa'i tshogs// 'brug ser chems se chem// glog dmar ljibs se ljib// sdang bar byed pa'i dgra la ya// skyes pa dar ma khrid la shog/ skyes bu mi yi snying la ya// bdud kyi khram khram khram la thob// oM snying khrag tsit+ta rbad// dug mug khram tor ta rbad// che ge mo mA ra ya khug ling swA hA/ khram bdag bar btsan gri bo rje// chibs su rlung sha'i rta la chibs// phyag na rlung nag g.yab kyis 'debs// stong khams ma lus rlung la bskur// ched 'ga' sprul pa'i tshe// grang rngabs rta ru zhon// skyib ser bun ne bun se rig bse rig 'dra min yang// sdang bar byed pa'i dgra la ya// skyes pa dar ma khrid la shog/ skyes bu me yi snying la ya// bdud kyi khram khram khram la thob// khram sngags bzlas shing rak+ta sbreng// khram bdag se 'dzin sdings pa rje// chibs su dur phag rta ru chibs// 'khor du bse dregs 'khor dang bcas// lag na khram nag khram shing thogs// sdang bar byed pa'i dgra la ya// skyes pa dar ma khrid la shog/ skyes bu mi yi snying la ya/ bdud kyi khram khram khram la thob/ khram sngags bzlas shing rak+ta sbreng// khram bdag ro langs nag po rje// chu glang nag po'i rta ru zhon// lag na gnam lcags s+t+wa re thogs// sdang bar byed pa'i dgra la ya/ skyes pa dar ma khrid la shog/ skyes bu mi yi snying la ya// bdud kyi khram khram khram la thob// oM snying khrag tsit+ta rbad// dug mug khram gtor ta rbad// che ge mo mA ra ya khug ling swA hA/ gshin rje nag po'i dus la bab// 'bar ba nag po'i dus la bab// sha za nag po'i dus la bab/ nag po rkya gsum dus la bab// rol po rkya gsum dus la bab// spyang sngon 'bar ba'i dus la bab// rgya bo mig bzhi'i dus la bab// ces pas rbad cing khram la gdab// rak+ta sbrengs zhing phrin las bcol// nyung dkar nyung nag dug khrag la// drag sngags 'di yis brdeg par bya// ru tsa pa tsa thun khrag/ shri khri ma ma ro thun khrag/ mi sha ro la thun khrag/ khrag to rA dza thun khrag/ stong ska ku ba thun khrag/ ma ku sa ra thun khrag/ che ge mo mA ra la thun khrag/ ces ni rab tu khros pas brdeg/gtad pa'i las su bya ba yang// khram dang 'khor lo thod par brub// chu mig nub tu bstan par gtad// gtor ma gtang zhing smon lam gdab// bsad pa nyin bzhi'i ging bzhi ste/ 'phang ba dug khrag thun khrag 'phang// bsreg pa khram shing thod pa ste/ tsher ma can gyis shing btus la// grog po phug rdug phyin la bsreg/ mnan pa khor lo chu mig mgor// nag po klu yi lag tu gtad/ gdab pa rang rang phur bas so// dpal zla gsang nag po'i rgyud las/ stong gsum mun par gtong ba'i bdud phyi ltar bsgrub pa'i skabs te so bzhi pa'o//// de nas yang bcom ldan 'das 'jigs byed chen pos/ stong gsum mun par gtong ba bdud nang ltar bsgrub pa 'di gsungs so// dang po dang ba'i dad pa rab tu bskyed// bka' yi gnas sam dga' ba'i gnas dag tu/ sa bdag lha klu zhi bar rab byas te/ dkyil 'khor 'dom gang gru bzhi la/mthing nag gru gsum zla gam gsum gyis bskor// 'khor lo rtsibs brgyad gru chad sgo bzhir ldan// mthing nag dbus su ya mAn+ta ka dgod/ zla gam gsum la yum gnyis sras dang gsum// 'khor lo brgyad la bdud kyi rgyal po brgyad// bar khyams dmar po bdud kyi lcam mo brgyad// sgo bzhir bdud kyi yang khol bzhi// lho nub mtshams su grir shi'i g.yang gzhi gzug/ nub byang mtshams su spyang ki'i g.yang gzhi gzug/byang shar mtshams su bya rgod g.yang gzhi gzug/ shar lho mtshams su lug nag g.yang gzhi gzug/ dbus su khyi nag dar nag zhing gi gur// phyi rim bong rgya nag po dag gis bskor// lha rnams grangs dang mnyam pa'i phur pa dgod// dbus su yab yum gtor ma gzhag bya ba/ bse gab mon thod 'khar gzhong la sogs su// mi sha rta sha'i gtor ma bshams// lho nub mtshams su rje rigs thod pa ru/mi yi snying khrag bsreg pa'i gtor ma bzhag/ nub byang rta snying rta khrag bsres pa gang// shar du sbrel gyi snying dang phag khrag bsres la bzhag/ bdag nyid mthing nag ber gon te// srog gi snying po rgyun du drangs// oM sha ra na sha ra tri/ khar na sha ru du ma/ sdum bu sha tri na/ mi ra tan tu ta ra na/ a pa tsa ra tsa ga tsu ru sha/ mu ra to sha mu ra to sha/ a ya ba dug su ru na/ he he yan dza/ yo rum ra na sha du ru/mA ra ya hUM/ ba ba byi ya hUM/ ya ba ya de la ba ra de la ba ra da/ bdud kyi snying po de rnams dang/ lcam dral 'khor bcas dril ba ni// oM hra no mo hi b+h+yo li/ ma khu ri pu ma/ ru ma bu nu/ tra tra tra du ru du ru tra dza dza hUM dza/stong ngam bye ba sa yar bzlas// stong gsum mun par gtong byed na// mun pa'i dus su dug khrag la// nyi ma gsad pa'i drag sngags bzlas// rang sngags mjug tu mun gtibs brjod/ stong gsum bdud kyi lcam dral gyis// skad cig tsam la g.yo 'gul gtong// las la sbyar te gsod 'dod na// rabs chad nag po'i thod pa ru// dug dang klad khrag sbyar ba yis// gtum khro bstod la bdud rnams rbad// hUM/ nam mkha' yangs pa'i klong yangs nas// yab rje shan pa dbu gsum phyag drug pa/ gnas 'dir mun gtibs dam la shog/ mun pa gtibs pa'i klong dkyil nas// yang zher nag po 'brug thog sku// gnas 'dir mun gtibs dam la shog/ shar phyogs rus pa'i zhing khams nas// shar bdud rol po ral pa can// zhe sdang mun gtibs dam la shog/ lho phyogs me yi zhing khams nas// srog bdud sngon po mche ba can// srog la mun gtibs dam la shog/ nub phyogs khrag gi zhing khams nas// gla bdud yor pa zhags pa can// bla la mun gtibs dam la shog/ byang phyogs rlung gi zhing khams nas// srog bdud ser po sta gri can// srog la mun gtibs dam la shog/ tshe bdud skyin gyi ral pa can// tshe la bar gcod dam la shog/ srog srid pa 'phrig pa yang ta khris ba sems kyi bdud// yid la mun gtibs dam la shog/dkar po 'bang ma spyan gcig ma// sngon mo srin mo ta rI yang ti ra ma mo 'khol// dmar mo g.yug gtsug glu gnyan 'khol// nag mo dred mgo ma yams 'khol// ser mo rlung gshog dbang ldan 'khol// dkar ljang 'ug mgo dri za 'khol// sngo nag sreg byed ya ma 'khol// dmar mo sgeg mo srin mo 'khol// sngo skya zhags thogs rlung lha 'khol// dgra bo'i rnam shes brgyad la mun nag gtibs// ha na ha na sti ta sti ta/ru tra ma ma/ sa ma ya hUM/ kha tra dza/ mi tra dza/ shon tri dza/ yag sha dza/ ma tri dza/ da tri dza/ sha tri dza/ da tri pra tri dza/ dza byin dza/ kar ma dza/ ha du dza/ li sha dza/ yag+sha dza/ pu li dza/ kho dar dza/ dza hUM rbud/ rbud kha shed rbud/ pha ni rbud/ so la ku nan rbad/ du du rbud/ khal khu rbud/ shed tsit+ta gong chod/ kha la rug tig mur rta rbad rbud swA hA/ za za nad kuM thum ri li li kha le kha shag thum// ka nan ha ra rbad chums khug ril// kug rma ma khrag ril srog rtsa rbud ril// de dag gsad cing gzir ba dang// gnan zhing 'phang dang bsreg cing gtad// 'khor lo bri bya yi ge dgod// dbye dang dgug dang bstim pa'i las// man ngag bzhin du byas gyur na// the tshom med par brlag par byed// dpal zla gsang nag po'i rgyud las/ bdud nang ltar bsgrub pa'i skabs te so lnga pa'o//// de nas yang bcom ldan 'das 'jigs byed chen pos// bdud gsang bar bsgrub pa'i tshul gsungs so// thog mar dad pa rab tu bskyed// bsod nams tshogs kyis yan lag bsag/ nag po brag gi rtsar phyin la// lhor bltas rtsa nas chu 'bab tu// gur nag nang du sa blangs la// stegs bu 'dom gang gru bzhi brtsigs// mi khrag rta khrag khyi khrag dang// rgya sol bsres la chag chag gdab// dbus su gru gsum mkhyid gang bru// zla gam dmar po thod phreng dkar// gru chad ljang nag sgo bzhi ser// bdud po ha nu bag sha kha// dar la gzugs bris dbus su dgod// lcags sam mchog gi phur pa la// gshed por byin brlab dbus su dgod// dpal dar nag po lce bzhi la// phyogs bzhir bdud bzhi'i gzugs bris dgram// shar du he le khyab pa dgod// lho ru nag po bkrag med dgod// nub tu so 'dar 'khrig pa dgod// se mo rtsa skom ral pa spyi ching yang byang du dgod// dri za khyung btsun shar du dgod// phag skar nya ring lho ru dgod// rang zan rang gza' 'phan skar yang phang skar nub tu dgod// na bun smug po byang du dgod// bka' 'khor skyong ba'i gnod sbyin bdud// phyag brnyan bcu gsum khrag gi dong ral can// sprul pa bcu gsum stag dang gzig chas can// mon bu bcu gsum bdud kyi rta nag can// pho nya bcu gsum stag seng mthong ga can// phyag brnyan nag mo re ba'i go lcog can// sprul pa mo rnams sol ba'i lan tshar can// mon mo bcu gsum zha ne'i lan tshar can// pho nya mo rnams 'gron bu'i thod skabs can// gru chad khyams dang sgo la dgod// de la dam rdzas bshams pa ni// rabs chad mon gyi thod pa ru// bra sran gtor ma cha gcig tu// lug nag spyi dkar bya rog dang// rta nag snying dkar gsum gyi snying// srog pa rtsa dang ma bral nang// dgra bo du yod ming rus rnams// gro ga shing shun bris la gzhug/bya rog gsob dang skyur ka'i gsob// brgyad ste shar nub kha bstan bzhag/ chang phud nang du gser brdar la// dngul skyogs gang yang gzhag par bya// g.yab dar nag pos g.yab tshul bya// lug nag lcags ru gser mig la// re ba'i sgye ni khal du bkal/ g.yas su pho rnams ming rus gzhug/ g.yon du mo rnams ming rus gzhug/ sngo dmar skud pos gong rmed bya// ra la dar lce mthing nag gdab/mig gnyis nang du rin chen brdar/ dar dkar yug gis mig gnyis dgab// dkyil 'khor byang shang gra ru dgod// dur khrod ras la 'khor lo bca'// thod pa dug khrag bsres la dgang/gos nag gyon la thod nag bcings// bdud kyi g.yab dar lag tu thogs// gtum chen bstod la bdud rnams rbad// drag sngags 'di bzlas mngon du 'gyur// hUM phaT pa hUM le ma pa sha sta ha sta pa ba le rang ba mang sha pa ra ya hUM ma he pa mang ga la ya hUM phaT/sum 'bum bzlas na gang yang 'grub// de bzhin bsgrub na mngon du 'gyur// dpal 'jam dpal zla gsang nag po'i rgyud las/ bdud gsang ba ltar bsgrub pa'i skabs te so drug pa'o//// de nas bcom ldan 'das gshed pos 'jig rten gyi khams mer bsreg pa'i btsan phyi ltar bsgrub pa 'di gsungs so/ brag dmar rtsa'am dur khrod du// sa bdag zhi bya klu gtor gtang// dkyil 'khor 'dom gang gru bzhi pa// ra dmar khrag gis chag chag gdag/ dbus kyi lte ba dmar po la// zla gam dmar po brgyad kyis bskor// lcags ri nag po me 'od 'bar// zla gam re la mA ra ya// ra dmar bse 'gram phyi rten bca'// dbus su bshos bu gru gang gzhag/ ra khrag dag gis dmar por byug/ za 'og dmar po mda' gang gdags// ra lpags dmar po mda' gang la// zer mo ldem pa'i phod kyis brgyan// dbus kyi zla gam steng du gzhag/ de 'khor zla gam brgyad po la// bshos cha brgyad la mda' dmar brgyad// dar dang ra lpags dmar po dang// zer mo'i phod kyi brgyan pa brgyad// phyi rim zla gam brgyad la dgod// gser brdar chang phud bya'o dgu// 'bras dang til nag la sogs pas// zla gam dgu la phul dgu gzhag/ dur khrod ras la 'khor lo ni// rtsibs brgyad pa ru bya bar bshad// oM la li pra ma ni ri tse thal ba ni/ tri nyi nyi shaM tri mu tri ri tri tri/ re tri haM shaM staM sarba karma se pa be ba swA hA/ 'di ni dbang dang drag po'i sngags// dgug dang rbad pa'i sngags 'di brjod// srog la li pra na ma ni baM ril dgra bo nr-i dza/srog rtse thal ba nr-i/ baM ri li li dgra bo nr-i dza/ kro d+hi ko ya baM ri li li dgra bo nr-i dza/ kro d+hI kI la ya sha la baM ri li li dgra bo nr-i dza/ oM tri gam sham mA ra ya baM ri li li dgra bo nr-i dza/ mu tri mA ra ya baM ri li li dgra bo nr-i dza/re tri mA ra ya baM ri li li dgra bo mA ra ya nr-i dza/ haM shaM staM bu mA ra ya baM ri li li dgra bo nr-i dza/ rang gsang dpon g.yog dgu'i snying brjod par bya'o// srog la li pra ma ni dam nyams dgra bo'i snying la dza dza dzaH/srog la mA ra ya nr-i dam nyams dgra bo'i srog la dza dz+wa dzaH/ srog kro d+hI kI la ya mA ra ya dgra bo'i snying la dza dza dz+waH// srog kro d+hi sho la ya ya mA ra ya dgra bo'i snying la dza dza dzaH/srog kaM ti kaM shaM mA ra ya dam nyams dgra bo'i snying la dza dza dzaH/ srog gi shaM tri mA ra ya dam nyams dgra bo'i snying la dza dza dzaH/ srog mu tri re'u tri dam nyams dgra bo'i snying la dza dza dzaH/ dmigs pa'i gzugs la sngags kyis brdeg/gshin rje bstod la btsan rnams rbad// hUM/ 'dzam gling 'dus pa'i dkyil 'khor nas// me 'od 'bar ba'i zhing khams nas// mi ring dmar po mthu rtsal can// dbu la skra med bskal pa'i me dpung 'bar// 'jig rten khams kun me yis bsreg/ smin ma lcags gyu 'khril ba 'dra// spyan rtsa dmar po dam nyams dgra la bzlog/ sku la le brgan dmar po'i 'jol ber gsol// g.yas nas btsan gyi rgyu zhags dgra la 'debs// g.yon na hu lu'i ltas ngan dgra la 'bebs// zhabs la lcags lham yu thung gsol// sbrul nag stong gi chun bskor can// sbrul nag gzhibs pa'i sku regs bcings// skar chen dmar po'i tshar tshar can// bzhugs ni gling bzhi khyab par bzhugs// nam gyi gung la rgyu tsa na// brag gi wa mo kha nag chibs// nyi ma'i zer la rgyu tsa na// chibs su ltas ngan gla ba chibs// nyi ma'i gung la rgyu tsha na// chibs su bra bo rting dkar chibs// dam rdzas gtor ma 'di longs la// yab gcig 'jam dpal bka' 'byung gis// 'khor gyi btsan rnams las la bskul// 'jig rten khams su me yi bskal pa thongs// dgra bo'i rnam shes brgyad po thal bar rlogs// skyes bu chen po dgra la ya// rang gsang mched dgu dgra la ya// btsan gyi zhags pa da sdogs la// tha ram dgra la da thob cig/khrag skyug gze thabs pur gyis thob// ces phrin las bcol tsa ra bam rog rten du bca'// lo dang zla bar brlag par 'gyur ro// be'u rdzi wa dang rta chung dang// lag sor rnams la gong bzhin bskul// chang phud gtor zhing las gnyer gtad// rtags phyin pa dang gtang rag gtang// gsob dang bshos cha dbul bar bya// gshin rje zla gsang nag po'i rgyud las/ 'jig rten khams kun mes bsreg pa'i btsan gyi zla gsang phyi ltar bsgrub pa'i skabs te so bdun pa'o//// de nas bcom ldan 'das 'jigs byed chen pos// btsan nang ltar sgrub pa 'di gsungs so// gong gsum kha'am brag dmar rtsa// dur khrod nags tshal 'thug po ru// dkyil 'khor 'dom gang gru bzhi la// dug dang khrag gis chag chag gdab// dbus su gru gsum thur du brko// mu su ra yi thod pa ru// rdo sol spra ba ras la sogs// til mar bsres te gzhag par bya// de la zla gam gsum gyis bskor// phyi rim 'dzam bu'i gling bzhi bris// lcags ri la sogs me 'od bris// dbus su ya ma gshed po ste// zla gam gsum la yum sras dgod// zla gam steng du btsan gyi rgyal// rdo rje reg bya gser mig dgod// lho ru rdo rje grags mchog dgod// nub tu rdo rje mgyogs byed rtsal// byang du rdo rje shu bo 'bar// yab yum rdzas su bshams pa yang// mi sha rta sha'i gtor ma dang// snying chen gcig la brten te bsgrub// phyogs bzhir gtor ma bzhi byas la// shu bo mched bzhi'i rdzas su dgod// rang mar snying dang bya se'i snying// rta mtshal snying la btsan rnams brten// bya rgod mda' la le brgan dar// lag tu thogs la rtag tu g.yab// gri bo'i thod par tha ram bca'// rtag tu ra gsur rgyun tu gtang// gser skyems la sogs gser sbyar bas// rtag tu btsan la mchod pa bya// spyugs pa'i glu blang rnga gling 'bud// rtag tu nyung dkar nyung nag la// sngags bzlas gru gsum thod par gsib// rnam gsum ting 'dzin btsan rnams bskyed// a bi shu sa ma ya rA dza be ni a na Na sta tri shal rbad dz+ha ra ga ting san d+ha ra shu na tsit+ta b+ha smi ku ku dza dza/khri'am 'bum du bzlas gyur na// sku yang dngos su ston par 'gyur// gzhan yang rta med srab sgra dang// mi med spyugs pa di re 'ong// de bzhin las la sbyor bar bya// gshed po bskul la btsan rnams rbad// 'jig rten me yis bsreg 'dod na// rdo sol rdzas sbyar dam rdzas la// rtsa ba'i sngags la raM raM sbyar// de yi sngags rnams rab tu bzlas// zla gsang bu la shes bya zhing// gsad pa'i las kyang gong dang 'dra// gtso ru rang gi dam tshig bsrung// ting nge 'dzin gyi spyod lam bya// yengs na gang yang mi 'grub ste// rtag tu mi dang nye mi bya// tha ram bcas pa'i thod pa de// gong gsum btsan gyi 'du sa'am// brag btsan mu btsan yod sar sba// gang la bya ba 'joms par 'gyur// 'jam dpal gshin rje zla gsang nag po'i rgyud las/ 'jig rten gyi khams mes bsreg pa btsan gyi zla gsang nang ltar bsgrub pa'i skabs te so brgyad pa'o//// de nas bcom ldan 'das 'jigs byed chen pos btsan gsang ba ltar bsgrub pa 'di gsungs so// dgon pa dur khrod lta bu ru// dkyil 'khor mthing nag gru gsum brtsigs// dbus su rabs chad thod pa ru// khrag sogs dug sogs rdo sol dang// dur khraud ras dang til gyi mar// ra dmar snying dang ra khrag blugs// ming dang rus bris thod par bzhug/ bse phor zangs gzhong gtor mas dgang// zung gzhag srog snying tshad du grangs// oM des tri mang gan dza mus mus mA ra na ya mA ra ya na ya/ dgra bo che go mo'i srog breng breng thum b+h+yo dza dza/ 'di ni rab tu mi 'grub bsgrub yang sngags// thod pa'i nang du 'bum dubazlas// thod pa nags rdzob 'thug po'am// ri la sbas na ri mes tshig/ khyad par rgya mtsho lta bu'am// chu mig sbas na chu yang khol// dgra yi gdung gseb sbas gyur na// khyim dang khang pa 'jig par 'gyur// de nas sngags de nyid 'od zu'i sdong po la// lan stong du bzlas nas byin na smyo bar 'gyur ro// d+ha du ra'i lo ma dang sha pra ba de dang/ ka ka ri la bzlas nas byin na mdzer 'gyur ro// be'u be dang ka ni la bzlas nas byin na/ skrangs 'bur nad kyis 'chi bar bshad/ za'i 'bras la bzlas nas phyogs su gtor na/sbrul chen po khang pa'i nang du 'ong bar 'gyur ro// rdo sol la bzlas nas b+han d+ha'i nang du chang dung sbyar nas rtsa gseb bam shing gseb tu sbas na yul khams 'tshig par 'gyur ro// rdo sol la bzlas te chang gral du grogs po'i chang la btab na mer rang gis 'gro bar 'gyur ro// bse zho dang btsan dug sbyar la btab nas dgra'i lus sam sha la reg pa'i gos la bskus na lhog pa dkar pos 'chi bar 'gyur ro// 'jam dpal zla gsang nag po'i rgyud las/ 'jig rten mes sreg btsan gyi zla gsang gsang ba ltar bsgrub pa'i skabs te so dgu pa'o//// de nas bcom ldan 'das gshin rje gshed pos/ chu 'khyags drag tu dbab pa khyab 'jug gza'i drag sngags 'di gsungs te/ gza' phyi ltar bsgrub pa'i thabs bshad pa// thog mar dad pa rab tu bskyed// ri gsum rtse'am dur khrod du// dbang thob bya phyir bla ma mnyes bya zhing// dkyil 'khor bris nas dam tshig dbang dag nod// dgos pa bsgrub phyir man ngag thob par bya// man ngag thob nas bsnyen bsgrub mtha' ru dbyung// bsnyen pa bya zhing mthun rdzas 'bad de bsag/khyab 'jug las kyi go rim ni// gzhan dang mthun par cho ga dang// mchod dang gzu dpang gsol ba gdab// gtor ma la sogs cho ga bya// dbab gsad las kyi go rim ni// chos grangs phyogs dang dus tshod dang// sprul pa yan lag 'jug pa'o// go rim bzhin du so sor sbyar// bzhi la nub nas shar du srod// ma mor sprul te rkang pa g.yas// brgyad la shar lho mtshams nas su// nyi ma dros te nub byang du// dgra lha'i rgyal mor mjug ma sprul// bcu gcig 'jing la byang nas lho// bdud tu sprul te lag pa gnyis// bco lnga nam phyed lho nub nas// byang shar mtshams su rgyu ba ste// srin por sprul te mgo bo rgyu// bco brgyad nam yol shar nas nub// dmu ru sprul nas dpung mgo g.yon// nyi shu gnyis la nyi ma myur// nub byang mtshams nas shar lho ru// gshin rjer sprul nas lag pa g.yon// nyi shu lnga la lho nas byang// skya rengs chas te dpung mgo mig/ klu btsan gdon du sprul te rgyu// nyi shu dgu ste myur chung na// byang shar mtshams nas lho nub tu// gza' bdud chen por sprul te rgyu// de yi dbab gsad sbyor ba ni// phyogs kyi gdon sprul re re la// gsad pa'i sbyor ba so sor bya// gdon sprul so sor rgyu ba ste// ma mor sprul pa'i gzugs brnyan ni// nag mo chen mo ral pa can// 'jigs pa'i rgyan cha mang po dang// lag na thod khrag 'thor zhing rgyu// rlung drag thog dang rdzi kha rgyu// rgyal mo sngo skya ka dar thogs// sngo skya zhon te 'jigs pa'i gzugs// sgra dang ser ba mtshan mo'o// sprul pa dud ni mdog nag po// lag na gri nag zhags pa thogs// rta nag zhon te gdon dang bcas// btsan thabs drag po'i nad rnams dang// dus med mtshan ma mang du 'byung// 'jigs pa'i srin po sngo nag la// mig rtsa dmar la sdang mig bgrad// mche ba gtsigs te za ba'i tshul// mda' gzhu thogs te gdon dang rgyu// rlung nag 'tshubs mar bcas te 'ong// sprul pa dmu ste thog ser 'bebs// dmar po khrag gi thig le can// ba glang zhon te 'jigs pa'i gzugs// mtshan ma thob dang sprin nag 'khrugs// klu gdon drag por sprul pa ni// sprul nag chen po 'jigs pa'i gzugs// 'khyil ba'i tshul gyis rgyug cing 'phro// chu drag glog dang chas pa'o// nag po chen po 'khor lo thogs// gdon gyi gtso bor sprul te 'ong// rgyu ba'i dus dang mtshungs nges na// mtshan ma myur du phung bar 'gyur// de la dbang gsang sbyor ba brgyad// nges par rgyu ba'i dus su bya// dkyil 'khor 'dom gang gru bzhi la// gru bzhi'i dkyil 'khor dbus su ni// 'khor lo rtsibs brgyad dbus su e/ phyogs mtshams brgyad la e brgyad bkod// e dgu nag po'i 'khor lo bskor// 'khor lo'i rtsibs la sprul pa brgyad// bskyed la dbab gsad sbyor ba bri// dbus su gshed po yab yum ste// khA hir bcas pas gtor ma sbyin// phyogs mtshams brgyad kyi sprul pa la// so so'i las kyi bya ba brtsam// dgug dang brdeg dang bstab pa'i las// 'grogs pa'i tshul te gdong tshugs min// bsreg dang mchod pa la sogs pa// phyogs mtshams brgyad nas drangs te dbul// phyogs mtshams brgyad du gsad pa ste// dbus kyi e la bsreg pa'o// sprul pa'i mgo bo rgyu ba'i tshe// brnag pa'i dpral ba'i dbyings su gdab// rkang pa g.yas g.yon rgyu ba ni// bol gong g.yas g.yon gnyis su gdab// sprul pa yan lag go rim bzhin// gdab pa'i las kyang de bzhin gdab// tsher ma can gyi shing la bsreg/ rgyu ba'i dus su mtshungs nges na// phung bar 'gyur te gdon mi za// gdon dang phye ma rnam pa gnyis// gdon gyi rdzas la nus pa yod// phye ma gdon gyi bya ba de// zla gsang nag po'i rgyud las gsungs// gza' bdud rgyu ba'i dus nges na// rjes dang dri ma'i 'dag pa la// gos dum dri ma rnying pa dang// gdug pa'i gzugs brnyan bzhi byas te// rnam grangs nang du gsad byad na// gong ma'i rdzas dang tsha ba gsum// bsres te gzugs brnyan bya bar gsungs// myur du gsad pa'i sbyor ba ni// gong ma'i steng du ha las bya// gong ma bzhi la lcags phye dang// khrag gi sbyor bas gri nyid du// til dang ske tshe nyung nag dang// khrag sna zi ra gu gul dang// gong gi rdzas kyis ma nges bsad// dur khrod ras sam shing shun la// skyang nul byas te smug nag gam// yang na so nag dmar por bya// de la brnag pa'i sbyor ba bya'o// myur du dbab pa'i las bya na// dam sri yul gyi chu sogs bsag/ yugs sa mo'am rabs chad thod// yang na mdzecan thod pa ru// mi khrag khyi khrag ra khrag dang// mngal khrag la sogs dme khrag sogs// ba dkar 'o ma mdzo dang ra'i// 'o ma la sogs sbyar ba bya// sngo sna dug sna gu gul sbyar// gar 'bebs chu mig klu yod sar// bsregs sam bskol na klu rnams dang// dus tshod gza' yi gdong thug na// chu 'khyags khrag tu 'ong bar nges// ma hA tsan+d+ha rak+sha tri tha ni ma tha ya// che ge mo la tri b+h+yo/ zhes pa ni sprul pa srin po'i gdon gyis dbab cing gsad pa'o// nA ga rA dza be ni ne a nan sta/ nA ga rA dza ra sha ting san d+ha ra k+Shu na/ tsit+ta/ bAsmi ku ru/ klu'i gdon gyis dbab cing gsad pa'o// rmu tri tsa d+ha duM duM buM buM kha la rak+sha thum ri li li/kha shag bam raka stam thum ri li li// dmu bdud sprul pas dbab cing gsad pa'o// ma ma sa ma ya ma trag sha ma tra 'ga' nas kha ya ku ru te tso pA la ya a/ yu shwa ha ra d+ha ra/ u ma ma dam ni sha tru nA sha ya ni dza dzaH/ ma mo'i gdon gyis dbab gsad pa'o// tri dkar mo tri dul dul snying khrag la ril ril/ chom chom tsa la thun shig mA ra na dza/ rgyal mo sngo skyas dbab gsad pa'o// ya ma tsan d+ha d+hi ta dza la tsakra d+ha ra na sha ya dgra bo nr-i mA ra ya sod sod chom chom shig shig/gshin rje'i gdon gyis dbab gsad pa'o// ma hA bid+he ba tra biSh+Nu tsan+d+ha tu ba ni rA hu la dgra bo'i tsit+ta la/ shun tsa to khA hi/ he ka li ma hA tsan d+ha mA ra ya nr-i khug khug dza dza/ gza' bdud chen pos dbab gsad pa'o// bdud tri ni ri tra pa na tri ya/ ma tri tri ya b+ho/ khaM khaM so baM wang/ srog rtsa thun che ge mo nr-i nr-i dzaH/ ces bzlas gar dmigs thogs pa med// gtum chen nyid la rab bstod cing// gza' bdud chen po rab tu rbad// hUM/ ri rab phyogs bzhi mtshams brgyad nas// lha srin sde brgyad bskul re ran// khyab 'jug chen po sku bzhengs shig/ gtum po chen po bskyod tsa na// gza' bdud 'jug cing ki kang 'bebs// de yis ki kang 'bebs byed na// gza' bdud chen po mi srin pa// khyab 'jug chen po kun tu rgyug/ 'jigs byed rog ti sprul pa'i lus// lus po gcig la mgo bo dgu/mgo lus med bar mig gis khengs// ro stod mi la ro smad sbrul// lus ni brjid pa'i dud kha la// lag na chu srin zhags pa thogs// pha ni srin la ma ni klu// klu srin tshogs pa'i mthu bo che// lho nub mtshams nas sku bzhengs nas// zla ba'i rjes gcod shar du rgyug/ nyi ma'i rjes gcod nub tu rgyug/ nyi mo rgyu zhing mtshan mo 'joms// bar snang khams nas rgyu tsa na// 'jig rten khams kun sgrol bar mdzad// lo nyes 'khrug pa yams nad gtong// nyi ma zla ba lto ru za// rgya mtsho'i gting na gnas pa'i tshe// klu rnams kun kyang 'khrug ces slong// thog ser sa g.yos ki kang 'bebs// 'jigs byed chen po mi srun pa// ming brgya pa la mtshan stong po// dus tshod tshes grangs kun gyis bdag/ lha srin kun gyi nang dbyen byed// lha srin sde brgyad dmag dpon byed// 'byung ba lnga yi bdud chen po// mtshan ni rnam pa dgu ru grags// steng 'og phyogs 'tshams thams cad nas// kun nas rgyug cing ki kang 'bebs// lho nub mtshams nas bskyod pa'i tshe// srin po rak+sha bi trI ba// ki kang ba ta chen po bya// srin po'i ki kang chen po 'bebs// shar lho mtshams nas bskyod pa'i tshe// drang srong chen po rA hu la/ drang srong gi ni ki kang 'bebs// ki kang bdag nyid can zhes bya// byang shar mtshams nas bskyod pa'i tshe// 'jigs byed chen po sgra gcan 'dzin// byi na ya ga pho nyar 'gyed// ki kang 'bebs pa'i las la brtson// nub byang mtshams nas bskyod tsa na// du ba mjug rings chen po bya// 'jig rten khams na mthu bo che// 'jig rten g.yo 'gul byed pa'i bdag/lho yi phyogs nas bskyod pa'i tshe// khyab 'jug chen po bya ba ste// dus tshod tshes grangs kun tu rgyug/ sprul pa'i sku ni ki kang 'bebs// shar gyi phyogs nas bskyod pa'i tshe// dmu bdud chen po ha li ka/byi nu ra tsa'i ki kang 'bebs// dmu yi ki kang 'bebs par byed// byang gi phyogs nas bskyod pa'i tshe// bdud po rog ti 'bar ba'i gzugs// bdud kyi ki kang 'bar ba 'bebs// ki kang 'bar ba tsa ra ka/nub kyi phyogs nas bskyod pa'i tshe// srid pa'i ma mo rnams dang rol// ma mo'i ki kang kun gyi bdag/ ljang sngon chen po'i ki kang 'bebs// lho nub mtshams nas bskyod tsa na// rog ti bya rog mgo brtsegs te// skar chen 'bar ba'i 'od chen po// sngon du su phrad khyur mid za// khyod ni khro chen sprul pa ste// lho nub mtshams nas sku bskyod nas// lha srin sde brgyad dmag dpon byed// nub nas shar du bskyod tsa na// srid pa'i ma mo'i dmag dpon byed// nad ngan ki kang dbab pa'i dus la babs// shar lho mtshams nas bskyod tsa na// dgra lha'i rgyal mo dmag dpon byed// thog dang bu yug ki kang ni// dam sri gdug pa'i snying la 'bebs// byang nas lho ru bskyod tsa na// bdud dmag kun gyi dmag dpon byed// bdud kyi ki kang hur thum 'bebs// bdud kyi ki kang dgra la ya// byang shar mtshams nas bskyod tsa na// srin po 'bum gyi dmag dpon phyed// srin po'i ki kang dgra la ya// gri thabs sna tshogs ki kang ya/ shar nas nub tu bskyod tsa na// dmu bdud yongs kyi dmag dpon byed// dmu rdo 'bebs pa'i las byed cing// gar rbad dmu yi ki kang gtong// nub byang mtshams nas bskyod tsa na// gshin rje yongs kyi dmag dpon byed// skye 'gro yongs kyi bla tshe sdud// gshin rje'i ki kang dbang med 'bebs// lho nas byang du bskyod pa'i tshe// klu btsan kun gyi dmag dpon byed// thog dang ser ba'i sna 'dren cing// thog ser mdze nad ki kang 'bebs// nub byang mtshams nas bskyod tsa na// gtib grir gsod pa'i ki kang 'bebs// mdun du gang byung khyur mid byed// ki kang sna tshogs 'bebs pa'i bdag/ ki kang sna tshogs dgra la ya// zhes brjod cing rak+ta sbreng phrin las bcol// gsad na bla phur gzugs la brdeg/ oM badzra kI li kI la ya/shi kri bi tri kI li kI la ya/ che ge mo mA ra ya hUM phaT/ mu lu mu lu/ ku ru ku ru/ thum bu thum bu/ ba ra ta thum ru thum ru pa ra pa shU dan ta pa ra pa ta ya/ ru ti ru ti sha sa yA/ shan ti ku la tri dza/ zhes ni gsad pa'i las sbyor bya/chu 'khyags drag tu 'bebs 'dod na// sngags kyi man ngag zhag gcig bya// oM me kha kha thun kha thun/ raM yaM raM yaM/ na bu ta na Na kha le ra thun ra thun tu/ zhes pa'i sngags bzlas khro tshul bstan// mig bzlog kha bskrad mig sbrin las// khrag sprin dmar pos 'khrigs shing 'dril bar bsam// rdzas rnams gtor zhing lus sprugs pas// ser ba drag tu 'ong bar 'gyur// gnam sa ri brag kun tu yang// 'ba' ri sha yas gdon mi za// 'jam dpal gshin rje zla gsang nag po'i rgyud las/ chu 'khyags ser ba dbab pa khyab 'jug gza'i drag sngags skabs te bzhi bcu pa'o//// de nas yang bcom ldan 'das 'jigs byed chen pos/chu 'khyags drag tu dbab pa'i phyir// rog ti gza' yi nang bsgrub gsungs// dur khrod la sogs dgon pa ru// dkyil 'khor gru gsum sbrag ma bya// gru gsum sbrag ma'i nang rol du// snel gri'i thod pa 'og tu gzhag/ mngal khrag la sogs khrag sna tshogs// dug dang snga sngo dkar gsum blug/ rabs chad thod pas steng nas dgab// gru gsum nang du gzhag par bya// bsnyen pa bya ba'i thabs dag la// lha bsnyen sum stong byas nas ni// tshe bzhi bco lnga brgyad dus la// gza' chen nyid kyi snying po bzlas// stong rdzogs thun la nyung gis brab/ oM bya sha me ke du ru ma shi ri kha ra dz+wa la a ka ta swA hA/stong rdzogs thun khrag dag la bstim// oM dza pa ti rA hu ma hA kro d+ha sha ra na hUM phaT// sngags la stong ngam khri ru bzlas// bzlas pa rdzogs nas nyung gis brab// nyi shu dgu'am tshes gcig la// bsnyen pa rdzogs nas sa gtsang sba// thun gcig gnas su rten tu bca'// mis ma 'phrigs par gsang sngags bzlas// oM kro d+hi tra lo glo bur skyi 'dang phob// trag rak+sha snying kha rag b+h+yo/ khrag ma mu sha ma b+h+yo/ ku li na ma b+h+yo/ tsan d+ha rak+sha ma b+h+yo/ btsan bdud khrol khrol b+h+yo/ gnam mthongs phye/ lcags sgrog khrol// mi reng sod// rkyang rje rkyang mo tsu ru tsu ru hUM phaT/ de nas zor sngags mdzub bstan la// yul gyi phyogs su bzlas pa bya// ri bo'i rtser song thab zor 'bad// chu skyes zla ba tshes bzhi nas// nyi shu dgu mthar bsnyen rdzogs nas// chu 'khyus zla ba kun tu dbab/ de ltar las rnams byas gyur na// chu 'khyags khrag tu 'bab gyur te// skyi 'dang ri rnams nyil bar byed// 'jam dpal gshin rje zla gsang nag po'i rgyud las/ chu 'khyags khrag tu dbab pa'i zla gsang nang bsgrub kyi skabs te zhe gcig pa'o//// de nas yang bcom ldan 'das 'jigs byed chen pos 'di skad ces gsol to// 'gal ba cham la dbab slad du// khyab 'jug gza' yi gsang bsgrub gsungs// sgra gcan chen po nyi zla'i gnyen// drag po chen po rA hu la/khrag tu dbab pa'i las 'di yin// dur khrod la sogs gnas dag tu// maN+Dal chag chag thig gdab bri// dbus su gru gsum brtsegs ma bri// mu khyud zlum po thod phreng can// sgo bzhi rigs dang mthun par bri// sprul sngon dag gi shun pa la// rdzas kyi phud blugs ming rus gzhug/ 'khyil pa'i tshul gyis ga 'ur gzhag/ gru gsum dbus su bzhag la bsgrub// dkar thab dmar thab sngo thab gsum// gru gsum rgyab ma dag la gzhag/sha rul khrag rul btsos dang rjen// ra mchen sgrub sman gu gul nag/ la phug til sgog pha ltar ba lus kyang mos// snel gri'i thod par blugs la gzhag/ dkar gsum klu sman mngar gsum dang// gu gul dkar po 'bras chen rnams// ma ltar mos pas 'khar gzhong blugs// mthun rdzas bsdus la thod par gzhag/ tsa ra rog po'i rwa la ni// sngags bris steng du ming byang gdags// lha srin sde brgyad mchod rdzas dgram// thun rdzas thod phreng steng du gzhag/ rang nyid gshin rje gshed po ste// yi dam bcas pa rdzogs pa dang// srog snying 'di ni nus thang brjod// oM bi sha la du ru ma shi kha dz+wa la a ta swA hA/stong rdzogs thun la mchod pa bya// hUM/ 'jigs byed chen po rA hu la/ sku mdog dud kha mig gis khengs// gshin rje gshed po'i zhabs drung du// rgyal ba'i bstan bsrung khas blangs pa// dus 'dir 'da' bar ma byed par// dam rdzas gtor ma 'di longs la// dam nyams srog rtsa gcad pa dang// yul du lo nad ser ba phob/ hab ba sha mi ki du ru ma shi ki dz+wa la ti a tsi ti swA hA/ dus tshod brgyad la gtor ma sbyin// bsnyen cing bsgrub pa'i mtshan ma rnams// gzhung mthun nyams su lon pa dang// drag po thun gyi rdzas kyang blang// ga bu'i nang du sngags 'dis brab// oM mu ka ye ka pa ye a pa ye hrIHSh+t+r-IHbi krin te yul 'di'i lo thog la/tsa pa tri rA hu la ma hA kro d+ha ka pa ta/ shar shar ro shal te hUM phaT/ thig nig gcig med gnyis trag/ brgyad bcad dud phrom gnam mthongs phye// lcags sgrog khrol// mi reng sod/ rkyang rje rkyang mo tsu ru hUM phaT/stong ngam khri thon rdzas kyis brab// de nas lha srin sprul pa brgyad// sngags kyis gong gi mchan du brab/ trag rak+mo hril shag rbad/ ser 'dril shar rbad// de ni ma mo'i drag sngags so// oM a sa le ma b+h+yo/ru lu ru lu ma ma trag rak+sha hril hril shar b+h+yo// dgra bla'i rgyal mo'i drag sngags so// oM pa sha mi ki rA hu la hUM/ shag shar shar hril b+h+yo/ de ni bdud kyi drag sngags so// oM ser khrag la mu sha gtub swA hA/ de ni srin po'i drag sngags so// oM raM traM thuM shag ril raM shar b+h+yo/ de ni mu'i drag sngags so// oM ya ma rA dza raM hri la shar raM raM/ de ni gshin rje'i drag sngags so// oM nA ga hril sen shag sad dun sa ma ya hril b+h+yo/ de ni klu btsan gyi drag sngags so// ya ma snying ya ma khrag rA hu la hril hril shag shag sen sen ya ya b+h+yo b+h+yo raM raM hril hril/ de ni bgegs kyi drag sngags so// zla gcig dus brgyad phyogs nas brdeg/ ling+ga bsnur zhing thun rdzas brdeg/gtum chen bstod la gza' mchog rbad// bla phur ling+ga dag la brdeg/ tshes grangs thems nas grub rtags 'byung// rdzas dang thun zor sngags dang ming// dbus kyi rabs chad thod par blugs// sa gzer yul dbus la sogs su// skya rengs gzer du btab la bzhag/ de nas thun gyi zor bya ste// dam rdzas maN+Dal gong bzhin bya// dam sri yul gyi chu sogs bsags// lha bsnyen bsgrub sngags phyed du ste// phyed ni man chad sngags 'di bzlas// oM mu ka ye ka ba ye a ba ye hrIHSh+t+r-IHba krin te yul 'di'i lo thog la dud phrom/ kar phrom/ shu ti phrom/ yug ti smin/ shar shar drag tu phob/ dz+wa la ti rA hu la/ a kro te ka phob/shar shar ta phob hUM phaT/ tsa ra mu ye/ ag ne rag mo ko ra te swA hA/ rkyang rjes rkyang mo tsu ru tsu ru hUM phaT/ ho ho phrom mur mur sha ru ru phrom/ gong gi thig nig btags nas kyang// de la sham bu 'di yang gdags// ma mo sing ga ye// ma mo bya tsa ye/ ma mo tsit+ta ye/ ma mo srog tsa ye/ dgra bo'i lo thog snar mo la mA ra la hUM phaT/ snying po sngags kyi bar bar du// mchod cing gtor ma dbul bar bya// ra bsgral thabs kyis thugs dam bskang// thon nas gnam gzer ri la bya// dkar thab dmar thab sngo thab gsum// gcig tu dril la bzhi ru bya// dmar ring zor ni phyogs su 'phangs// gong gi sngags bzlas mdzub ris bya// nyi shu dgu la 'joms par 'gyur// yang na chu bskyes rdzogs pa la// khyab 'jug gtor ma rtag tu btang// bla phur btab la gsad las bya// bar bar lha lnga dbye bar bya// de ltar byas na rab 'bring gi/gnam lcags lce dang dmu rdo dang// chu 'khyags khrag tu dbab par bya// de la 'di yi las ni dus gang yang rung bar yang/ khrag dang gu gul dang lcags zangs kyi phye ma rnams la bsngags la yul gang yang rung ba de'i lha rten nam chu mig tu sbas na/yul de rlung gis khyer te 'gro bar 'gyur ro// yang rdzas de rnams la bzlas te ri lu byas nas dgra'i khang thog tu bsgyur na// khang pa rdib par 'gyur ro// yang de rnams la brjod nas chu mig kha byang du bltas par sbas nas gang ltar drangs pas shwa ser 'ong ngo// srin rdo dang 'khar ba chag pa la bzlas nas khyab 'jug rgyu ba'i dus su brag kha byang du bltas par sbas na/thog drag po 'bebs par 'gyur ro// 'bru sna tshogs pa dang/ 'brug gi rus pa dang chu srin gyi sder mo la bzlas nas 'og tu sbas nas phyogs su gtor na/ ser ba drag tu 'bebs par 'gyur ro// ka ka na se dang/khyi nag po'i mche ba la sngags nas dgra phyogs su gtor na skrang nad du 'gyur/ de la sogs te las thams cad 'grub par 'gyur ro// ser ba bzlog pa dang shwa bzlog pa yang de dang 'dra ste// nyung dkar la sngags nas gtor na bzlog par 'gyur// mang ga ya ti la ma ga ti'i bye ma la yang brjod nas gtor na thog bzlog par 'gyur ro// gshin rje zla gsang nag po'i rgyud las/ chu 'khyags drag tu dbab pa gza'i drag sngags gsang bsgrub kyi skabs te bzhi bcu zhe gnyis pa'o//// de nas yang bcom ldan 'das 'jigs byed chen po gshin rje gshed pos/ 'jig rten khams su thog dbab pa'i phyir lha dbang phyug chen po phyi ltar bsgrub pa 'di gsungs so// lhor bltas brag chen seng ge mchongs pa 'dra// yang na a ya yang dmar lo ma 'dra ba'am// dur khrod la sogs dgon pa'i gnas dag tu// rnal 'byor goms pas yo byad ldan byas te// 'phags pa la sogs mchod cing gtor ma gtong// dra phying gtsang ma mda' gang gru bzhi la// mtshal lam ldong ros dag gis thig btab ste// le'u tshe dgu pa dag gi tshad du bya// dbus su ga pur dag gi chus bkrus la// dar ram ras sam dkar la 'jam pa la// lha chen dbang phyug dag gis gzugs bris te// smyug ma gtsang ma dag la dgod par bya// steng nas dmar po dar gyi gdugs kyis dgab// de yi mtshams bzhir ljang gu'i 'phan bzhi gzug/ phyogs bzhi'i le'u tshe bzhi po dag la yang// lha yi blon po bzhi yi gzugs bris dgod// shar du dri za'i lha nyid dgod par bya// lho ru gshin rje nub tu klu gdon lha// byang du gnod sbyin lha ste bzhi po dgod// de yi phyi rim me tog sna tshogs bskor// mchod pa lnga dang gtor ma gcig/ nang du rta tshil khrag dang snying yang stsal// snying gi srog rtsar dmigs pa'i ming rus bri// khre'u cu tse dag la dgra gzugs bya// snying gar thig le'i dkyil du ming rus gzug/ ske nas sngon dmar skud pas gdags byas te// lag pa g.yas kyi srin lag rtse la dgal// chas gos ljang nag mgo la thod nag bcing// dur khrod ras sam bram ze'i pags pa la// ldong ros chu rtsas kha dog ser por bsgyur// dug dang khrag gis 'khor la rtsibs brgyad bri// 'khor lo'i rtsibs la gshin rje'i snying po bri// dbus kyi lte bar lha chen snying po dgod// phyi rim thog gi dbab sngags dag gis bskor// 'khor lo mnga' gsol dbang bskur smon lam gdab// bram ze la sogs mdze can thod par gzhug/de yi nang du gser dang lcags zangs dang// dngul dang snying sna khrag sna mang blugs te// le'u tse'i dbus su man 'ji'i kha la gzhag/ ting 'dzin rnam gsum rim gyis tshul bzhin bskyed// dbang chen rim brtsegs steng du b+h+rUM gcig bsam// b+h+rUM las 'bar ba'i lha yi gzhal med khang// phyi dang nang nas kun tu gsal bar bskyed// dbus su ma he bam chen bsnol ba la// nyi zla 'khor lo rab tu 'bar ba'i steng// ya las 'jam dpal gshed po 'bar ba'i sku// zhal drug phyag kyang bcu gnyis gsal bar bskyed// de yi 'khor na lha yi tshogs gnas te// ma hA de ba hUM zhes brjod pa yis// dbus su lha chen ma hA de ba yang// sku mdog nag po spyan gsum mche ba can// rtse gsum 'bar ba khyung gi rgyal mtshan g.yas// zhags pa be con rdo rje g.yon pa na// smin mtshams glog 'gyu bskal pa'i thog 'bebs bsgom// 'khor gyi lha yang rta zhon thog 'bebs pa'o// de bzhin ting nge 'dzin gyis gsal bsgoms la// gshin rje gshed pos lus bsrung dbang du bsdu// hUM/ las rnams rim gyis bgrod pa'i yang rtse nas// smon lam dbang gis bstan pa 'phel mdzad cing// ma ha de ba lha chen dbang phyug gtso// bstan pa bshigs pa'i dgra rnams bsgral ba dang// sangs rgyas bstan bsrung dkon mchog bstod pa'i phyir// 'khor bcas ma lus gshegs su gsol// oM pra ma na rag sha e h+ye he dzaHhUM baM hoH/ dga' zhing gus pa'i thal sbyar pus btsugs nas// lha mchog khyed kyi yon tan rab brjod cing// tsam pa ka dang pad+mas rab gtor nas// deng 'dir bstod de khyed la phyag 'tshal lo// khyod kyi thugs ni nam mkha'i dkyil 'dra zhing// 'od zer cha las 'gro ba'i don mdzad pa// thogs med mkha' lding ngang pa'i gdan steng su// brtan par bzhugs nas bdag la dngos grub stsol// 'khor gyi lha chen mi bzad thog 'bebs bzhi// shugs kyi thogs med ta mchog gdan la bzhugs// ma hA de wa pra ma na tsa ra zhi sa ma ya tiSh+Tha ldan// lha yul gtsang ma dag la rab bshams te// bram ze mtshan ldan chags pas rab tu mchod// 'bras dang ku shar bcas pa'i yon chab dang// ga pur gur gum gla rtsi ce pog sogs// til mar bsung can rab gsal mar me'i mchog/du ru ka la sogs pa de yi chu// lags na mar dang bcas pa'i bu ram bshos// dung dang bye ru zangs dang kra shel dang// rnga ting rdza lnga mun dza ti mi li// cha lang pi wang tam bu rgyud gcig pa/ glu gar rtsed 'jo rol mo dag la sogs// bde ba'i yo byad thams cad ma lus kun// mchod par 'bul lo thugs rjes bzhes su gsol// oM sarba pU dza puSh+pe d+hu pe A lo ke gan d+he ba liM pU dza hoH/ sku mdog nag po spyan gsum mche ba gtsigs// drang srong cha lugs pad+ma'i phreng bas brgyan// zhal bzhi gling bzhi yongs la khyab par gzigs// snyan pa'i dril sgra gsung gi gdangs skad can// dbang phyug chen po khyed la phyag 'tshal bstod// 'khor gyi lha yi blon po bzhi// rta la zhon nas ral gri bskor// thog ser 'bebs pa'i las la brtson// khyod la bdag cag bstod phyag 'tshal// sngags 'dis lhan rnams rab tu bsnyen// oM ma hA de wa ti dza ti dza laM pra ma na pra ma na rak+sha kang kang la yang hUM/de ba rA tsa dza mA hA ni dgra bo che ge mo ni thum thum rbad// shag len san sen yang sa na dzaHdzaHhUM hUM/ de skad bstod la bsnyen pa bgyi// rang gis ma nyes dbang yang gzug/nyes byas bris sku'i mdun du bshags// 'o dod 'bod cing g.yab 'dor bya// gshed po bstod la lha rnams bskul// g.yas nas bskor zhing thugs dam bskul// 'dod khams nyi shu'i yang rtse nas// gzugs khams lha yi dga' tshal nas// phau brang bde ba'i gzhal yas nas// chos kyi rgyal mtshan dbang bskur ba'i// lha chen dbang phyug chen po ni// sku ni dmar ser 'bar ba la// tshad med dbu bzhi gling bzhi 'joms// g.yas kyis pad+ma skyon dang bral// tha mas bgrang phreng rig sngags spel// g.yon gyi gun+d+hes dgos 'dod skong// tha ma blug snod dgra bgegs sbyong// dad pas bsam par yud kyis phyin// pad+ma ser pos brgyan byas nas// ras kyi kha tshar mgul rgyan can// thugs dam drag tu bskul byas nas// log pa'i dgra bgegs 'joms pa'i tshe// sku ni sngo nag chen po la// zhal gyi mche ba gdangs pa yis// dgra bo bdun rgyud rtsad nas gcod// smin mtshams glog 'gyu thog chen 'bebs// thal mo brdab pas thog chen 'bebs// mdzub mo bskul bas gling bzhi 'khrug/ ljags brkyang srid pa g.yo bar mdzad// dkon mchog gsum gyi sku dgra 'di// thog chen 'bar bas lnga phung shig/ tshe srog chod la bdun rgyud chod// 'khor gyi blon bzhi las la bskul// bar snang thog chen 'brul du chug/ dbang po rnam lnga kha long kha// bu smad 'khor g.yog nor phyugs la// gser thog lcags thog tsa la la// 'khor lo'i bro brdung 'u ru ru// zangs thog 'khar thog rams se ram// me 'od glog dmar khyugs se khyug/ 'khor rnams shugs chen rta zhon cing// ral gri me 'od klad la bskor// ki kang gshed bzhi'i las la 'gyed// ral gri bskor ba'i 'od 'phros pas// thog chen sna tshogs skar ltar 'khrugs// nyams pa'i dgra la thog mda' yA// skad cig tsam la phung bar gyis// zhes rta snying bstab cing rak+ta sbreng// rtags su 'brug dang ser ba dang// glog dang thog dang shwa bud 'ong// grub pa'i rtags byung thog gta' gzhug/ mkhar rmang lha rten chu mig gam// mchod rten lha khang 'gram 'og tu// lhag par dgra yi gro ga'am// nyal ba'i sngas sam stan 'og tu// 'khor lo bcas pa'i thod pa sba// drag sngags 'di bzlas thod par gsib// oM sa ma dur bu rak+sha pra ma Na/ma hA de wa dgra yi yul khams su// ro kha du kha ba hUM phra ba swA hA/ zhes pa ni thod pa'i nang du bzlas// gtor ma gtang zhing smon lam gdab// bris sku dag la rten bcas la// dra phying maN+Dal dag la dril// rtag tu lha rnams mchod gyur na// yid la ci bsam 'grub par 'gyur/ gshin rje zla gsang nag po'i rgyud las/ 'jig rten du thog dbab pa lha'i zla gsang skabs te zhe gsum pa'o//// de nas yang bcom ldan 'das 'jigs byed chen po gshin rje gshed pos 'gal byed cham la dbab pa'i slad du// thog 'bebs lha yi nang bsgrub gsungs// srid par ma srid mgar gyis ma brdungs mtshon// ye srid byang chub sems kyi dpal ngar can// rlung gis ma blud gshags pa'i ngar// ye blud chen po'i mtshon dpal ngar can des// 'byung ba gzhan gyis mi brdzi mi tshugs shing// nyid kyis gang la thogs chag med par 'joms// de nyid bsgrub phyir dur khrod la sogs su// dkyil 'khor 'dom gang gru bzhi la// dbus su gru gsum e brtsigs te// 'khor lo bzhi dang rol mtsho bdun// gser ri'i dbus su ya mAn+ta ka ste// steng du lha chen dbang phyug yab yum dgod par bya// 'khor lo bzhi la lha yi blon po bzhi// khrag zhag mar khu chang dang sbrang rtsi 'o ma dang// rgya tsho'i chu la sogs pa'i mtsho bdun no// lha chen lnga la phur pa lnga dgod de// dngul gyi phur pa sor brgyad shar du dgod// dri za lha yi blon por mnga' yang gsol// gser gyi phur pa lho yi rtsibs la dgod// gshin rje lha yi blon por mnga' yang gsol// zangs kyi phur pa nub kyi rtsibs la dgod// klu dbang lha yi blon por mnga' yang gsol// lcags kyi phur pa byang gi rtsibs la dgod// gnod sbyin lha yi blon por mnga' yang gsol// mkhar ba'i phur pa dbus kyi e la 'god// dbang phyug chen po ma hA de bar mnga' yang gsol// gro ga shing shur ras sam dar dkar la// lha rnams rang rang rtsa ba'i snying po dang// dbab pa'i sngags dang dmigs pa'i yul ming bri// sngon dmar skud pas phur pa'i mgul du gdags// rabs chad nag po'i thod pa kha sbyar la// thod pa'i phyi nang med par khrag gis byug/ steng gi thod pa yab tu mnga' yang gsol// 'og gi thod pa yum du mnga' yang gsol// thod pa steng mar yab kyi sku yang bri// thod pa 'og mar yum gyi sku yang bri// thod pa'i rtsibs rim dmigs pa'i ming rus bri// dpral bar rus bri kha ru ming yang bri// snying gar nr-i bri 'doms su bla dgas bri// de yi tha mar lto sbyar dza yis bskor// gro ga shing shun zhing gi pags pa la// dgra bo'i gzugs bris dbang phyug yum la glan// 'khar ba'i phur pa thod pa'i nang du gzhag/ gro ga shog shog shing gi lo ma la// lha chen tshogs bdag dbang phyug chen po khyod// khyed kyi btsun mo mA ra ya 'dis sbyar// 'khor gyi lha rnams myur du skul mdzod la// 'di la drag po'i thog chen phob ces bri// phur pa de yi mgul du gdags par bya'o// thod pa'i nang du dme khrag skam po dang// gser phye zangs phye lcags phye 'khar phye dang// dngul dang thog lcags thog grir shi ba yi// snying dang rus pa sha yang stsal// thod pa kha sbyar mi yi rgyu mas bcings// sgyed gsum kha la gru gsum steng du bzhag/ chu skyes me tog sna tshogs dang// rin chen sna lnga sman rnams dang// 'dod pa'i longs spyod zas rnams dang// rgun chang sbrang dang 'bras chang dang// 'bru chang dang ni a su sha// de dag mchod pa'i rdzas su dgram// sna tshogs snying dang khrag tu sbyar// bu ram 'bras kyi gtor ma bzhi// lha yi blon po bzhi la dgod// ling+ga ji ltar 'dod pa'i dbyibs// gzugs ming byas pa mdun du bzhag/ sngags kyis brab cing gsad las bya// ting 'dzin gzhal yas gdan dang bcas pa bskyed// ya mAn+ta ka gsal bar bsgom// gdan du yi dwags gding bar bya// dbang phyug chen po gsal bsgoms te// 'khor gyi lha bzhis bskor bar bsam// oM ma hA de ba kA la hUM/ zhes brjod dbang phyug chen po yang// nag po chen po mche ba rab tu gtsigs// phyag mtshan rtse gsum khyung gi rgyal mtshan g.yas// zhags pas 'dren tshul be con rdeg tshul g.yon// chibs su 'brug rta sngon po chibs// gser gyi ral gri 'bar ba klad la bskor// gnam lcags 'bar ba'i shang lang glo la btags// de 'dra rab tu gsal bsgom bya// shar phyogs lha yi phyag na dngul gyi gzhu bdungs shing// dngul gyi mda' ltong dngul gyi 'khor lo bskor// 'brug rta zhon nas ki kang 'phral la 'jug/dngul gyi thog 'bebs ser ba'i skyi 'dang gtong// lho nas gser gyi thog chen gong bzhin 'bebs// nub nas zangs thog byang nas lcags thog 'bebs// de 'dra gang la bsgoms la yengs par mi bya'o// hUM/ rnam snang mdzad nyid mi g.yo gtsug tor brtan// byang chub chen po mchog gi phyag rgya ni// bdud 'dul chen po'i sku ru sprul pa'i rgya// byang shar mtshams nas shin tu sku bde bstan// me lce bar snang sprin gtibs dkyil 'khor nas// sku stod sngo nag mi bzad 'bar ba'i 'od phung can// shin tu khro brjid dbang phyug gtum bag che// thugs rje sprin ltar gtibs shing nam mkha' gang bar khyab// gzir gnon stabs kyis dregs pa gzir zhing gnon// bdud po nag po spyan gsum mche ba can// bstan pa 'jig pa'i srog la spyan 'dren na// dbang phyug lha chen 'khor bcas gshegs su gsol// dbang phyug chen po gnas nas bskyod tsa na// rtse gsum 'bar ba khyung gi rgyal mtshan phyar te gshegs// zhags pas 'dren cing be con snying la brdeg/ nag po spyan gsum sdang mig bzlog pa'i bdud// dbu skra 'bar ba phrog gzer ral pa can// sku lus mon pa spyan gsum ser ba 'dril// rno dpal mche ba zla tshes gyen du 'khyil// spyan mig bzlog pas skyi 'dang rma 'dang 'bebs// shangs nas rlung ni 'thor 'bud bu yug 'khrugs// mdung dang gri rkang sku yi rten du bcas// spyan mig mi mthun las kyi zla ba 'dril ba ltar// 'od zer me ltar 'bar zhing gshegs su gsol// e h+ye he ma hA kA la ma hA kA la tri dza ka ru Ni ka dr-i sh+ya hoH/ sa ma ya stam/ dzaHhUM baM hoH/ hUM/ lha chen dbang phyug 'khor ba'i g.yul bzlog pa// sprul pa'i rlabs chen lha yi dmag dpung sdud// dbang phyug legs ldan nag po'i 'khor gyis bskor// dbang phyug lha chen sku la phyag 'tshal lo// dbang phyug bsod nams gzi byin 'phags la phyag 'tshal lo// ston pas lung bstan 'phags la phyag 'tshal lo// dbang phyug nyi zla'i 'od ltar zhal gsal zhing// ma rig sgrib pa ma lus sel mdzad pa'i// 'khor bcas lha yi tshogs la phyag 'tshal lo// me tog phreng la sogs pa dang// rin chen dbyig dang sgog btsod dang// la phug la sogs kun dang ni// 'bras bu yid bzhin sna tshogs zas// phyogs bcu chu skyes dang ni longs spyod rgyan// ris su ma chad mchod pa'i longs spyod dbul// dkyil 'khor mdzes pa'i rgyan gyis brgyan// zhal zas bdud rtsi dza gad sman gyis mchod// e h+ye hi ma hA ka ru Ni pa ti ma hA rak+sha du pa kha kha khA hi/pra tIts+tsha/ ma hA pe tA lI kha kha khA hi hUM/ dbang phyug chen po 'khor bcas la// mchod sprin la sogs sna tshogs dang// rdzas dang yo byad dpag mi lang// bla med dang bas mchod 'bul bstod// bskal pa'i me dpung 'bar ba'i 'od// gdug pa ril mid mdzad pa'i khro gnyer can/ dug gsum rtsad gcod mche ba gtsigs pa po// ye shes spyan gsum nyi zla'i ga'u la// ston pa'i bka' brgyud bla med lung bstan dpal// dam tshig chos kyi 'khor lo rnam snang mdzad// bla re cod pan brjid pas bcings pa na// nges par ston pa bcu yi bdag po 'phags// rtag tu dur khrod 'bar ba'i gnas na bzhugs// dur khrod gnas na ma mo'i tshogs kyis bskor// nad gtong shrI'i tshogs rnams kun mchod nas// bstan pa bshigs pa'i mdangs 'phrog thal ba'i rdul du rlog/ stobs chen glang po'i pags pa gos su gyon// lha klu gnyan gyi grong khyer thams cad du// lha chen 'dud dpung che btsan gsum pa nas// log 'dren dgra bgegs gzir gdul gnon pa'o// dpa' bo chen po stag gi pags pas mtshan// 'khor du lha yi blon po bzhi yis bskor// phyogs rnams phyogs cha kun tu rnam grangs la// smon lam khyad par mang po'i mthus sbyangs la// sgyu ma lta bur rnam par thar pas rol// phan mdzad dmag dpon khyod la yang// sdug bsngal tsha bas gdungs pa'i sems can la// drag po'i thog chen lu gu rgyud du 'bebs// lha chen dbang phyug khyod la bdag 'dud skyabs su mchi// sngags 'dis lha rnams srog kyang bzung// oM ma hA de ba kA la ka sti dza re sde ri i na hrI se ban dza nA ga ru ru te be kan phu pe he se rbe da de bu pe na de ba te na mA ra ya// khri tsho re zhing bskul bskyed bstod// 'od dang sgra dang dri zhim dang// 'brug dang glog dang thog dang shwa// de rnams 'grub pa'i rtags su ste// dbang du bsdu zhing phrin las bcol// thog rje thag bdag bskul zhing rbad// gnam lcags thog chen 'bebs pa'i lha// chibs su 'brug rta sngon po chibs// rol du khyung dang seng ge khrid// kha rlangs sprin dang na bun gtibs// shangs nas bu yug khu 'phang 'dril// lcags kyi ser chen ljibs se ljib// shel gyi khu 'phang ri li li// gser thog lcags thog chems se chem// gnam lcags ral gri klad la bskor// gser gyi shang lang glog chen 'khyug/ 'khor gyi lha chen thogs 'bebs te// shar phyogs 'dri za'i zhing khams nas// dri za lha yi blon po yang// dngul gyi gzhu bdungs mda' ltong ste// lag na dngul gyi thog chen 'bebs// dngul gyi thog chen 'u ru ru// ki kang pho mo khral la 'dzud// thog ser skyi 'dang glo bur 'bebs// de bzhin phyogs kyi blon bzhi bskul// thog gi dbab sngags thod par bstim// 'ur chom rbad nal raM shar shar b+h+yo dza rak+sha tsit+ta mA ra ya snying ling rbud/ tsit+ta bam ril kha rag tshal pa bam// rak+sha yak+sha tsit+ta rbad su dza/ 'ur chom rbad nal/ raM shad shad/ rag sha nag po srog la chum chum bob bob// nal shig mA ra ya/ de ni lcags thog dbab po// 'ur chom rbad nal raM raM shad shad de ba srog la chum chum/ rbad rbad 'ur rbad nal shig mA ra ya/ de ni gser thog dbab pa'o// 'ur 'ur chom chom shig shig/ mA ra ya ril ril kha la rbad pu dzaH/ ma hA rA dza kha la rak+sha tsig tsig tsig hril hril bob ya/ des ni zangs thog dbab pa'o// de bzhin thod pa kha sbyar te// dmigs pa'i yul gyi dbus su sba// lcags phur mkhar gyi rmang du sba// zangs phur yul lha'i rten sar sba// de bzhin sbas nas bab gyur na// sbas pa'i rten sar dus su 'bebs// de la the tshom bag mi bya// dpal zla gsang nag po'i rgyud las/ thog dbab pa'i lha'i zla gsang gi skabs te zhe bzhi pa'o//// de nas bcom ldan 'das gshin rje gshed pos bstan pa gnyan po bsrung ba'i phyir// thog dbab lha'i gsang bsgrub gsungs pa// rma bya dag gi rgyal mtshan la// dmigs pa'i ming rus 'og tu gzhug/ smyug rgod rtsad sor bzhi bzhog la// ling+ga dag gi ske ru gdags// phying dkar gtsang ma gru bzhi gcig/stegs bu'i steng du bting nas kyang// nas sngon phul gang shar du spung// nub tu til nag phul gang spung// dkyil du rgyal mtshan gzugs par bya// nyin mo sngags bzlas nas kyis brab// nub mo sngags bzlas til gyis brab// sngags rdzogs ri gsum rtser song la// e brkos ming rus nang du gzhug/ rtsang dang mnyam pa'i khung brkos la// dgra la brtse bstan res mos gzhug/ dbang phyug chen por las bcol la// 'o dod bos te gsad cing gnan// myur du thog chen 'bebs 'dod na// rnam par smin pas shi ba'i mgor// ha la ba la ta ka dang// de bzhin sna tshogs nyung dkar nag/ zhing chen lpags pa mtshan ngan la// yul gyi ming dang brnag pa'i ming// de bzhin bris te der bcug la// spyan drang bzhugs mchod bstim par bya// drag sngags 'di dag rab tu bzlas// ma hA tsaN+Da rak+sha be sha a na ya phob// ha ra tsaN+Da ma hA tsaN+Da yak+sha rak+sha phob// rak+sha ma hA yak+sha b+h+yo/ shar shal hal hal dan d+ha dra tse phob/ pra tse pra tse ha ri ha ri dza ru ti b+h+yo b+h+yo b+h+yo/ rA ga rak+ta tsaN+Da ma hA shag ti nan// d+ha ra tsaN+Da pa tsa pa tsa ha la ha la da ra da ra phaT/rak+ta tsan ti ma hA yak+sha ti b+h+yo b+h+yo b+h+yo/ badzra tsi ra badzra d+he wa ha na ha na b+h+yo/ gar 'dod gnas kyi yul lha'i rten// bdun 'bum bzlas bya khru gang gnan// dus min thog chen 'bebs par nges// dung dang a ru dang ni li ga dur rnams la sngags te dgra phyogs su gtor na mdzer 'gyur ro// bag zan la sems can gyi gzugs ci 'dod pa byas la khrag gis byug nas khang pa'i thog tu bzhag na/ sems can de nyid mang por byas nas khang pa'am zhing gseb tu skad ngan 'don cing 'ong ngo// sman 'bri rta sa 'dzin dang/ gi wang la sngags nas rdza mar blugs na gru bu grum bu dang grul bum 'dra yin nam dang srin bur 'gyur ro// phru bar blugs na tshod ma bra mar 'gyur ro// tshon rtsi lnga la sngags nas khyim du bzhag na byi bas khyim dang zhing ldum ra la za mi nus so// mu tig la sngags nas mid na bud med la bu mang po 'ong bar 'gyur ro// smyug shang la sngags nas dbang phyug chen po la mchod nas phyugs 'gab nyung ba'i sker btags na 'gab 'phel bar 'gyur ro// rma bya'i rgyal mtshan la sngags nas rtag tu lus la bcangs na mdze 'tsho bar 'gyur ro// dpal zla gsang nag po'i rgyud las/ 'jig rten khams su thog dbab pa lha'i zla gsang skabs te zhe lnga pa'o//// de nas yang bcom ldan 'das gshin rje gshed pos 'di skad ces gsungs so// bstan pa gnyen po bsrung ba dang// 'gal ba cham la dbab pa'i phyir// nad ngan bdag mo ma mo'i zla gsang gsungs// dur khrod la sogs dgon pa'i gnas nyid du// sa bdag mnyes bya ma nyes mkhyen pa gsol// phung ba'i shul nas sa blangs dkyil 'khor brtsig/ mngal khrag rims khrag la sogs chag chag gdab// dug gis dpal bskyed sman gyis dri yang dbyung// dbus su gru gsum brtsegs ma gting du bya// zla gam dmar po 'khor lo rtsibs bzhir ldan// mu khyud zlum po thod pa'i phreng bas bskor// gru chad bar khyams sgo bzhi rigs dang sbyar// gru gsum rtse drug dpal gyi zhal drug bri// dbus su 'jam dpal yab yum sras bcas dgod// 'khor lo bzhi la phung byed ma bzhi dgod// zla gam gsum la nag mo phung gsum dgod// gru chad bzhi la sring mo gdong mo bzhi// rtsibs mchan bzhi la shan pa ma bzhi dgod// bar khyams dag la sa bdag mo bzhi dgod// lcags ri nag po dbang phyug nyi shu rtsa brgyad dgod// de ltar lha re phur pa'i snying po re// dbus su thod pa nag po'i nang dag du// dgra bo'i ming rus gzugs dang bcas pa gzhug/'jam dpal yab yum sras kyi gdan du bting// gru gsum rtse mor rabs chad thod pa gsum// gcig tu mi rta ra dang khyi yi khrag/ rims khrag la sogs brgya rtsa brgyad du sbyar// btsan dug la sogs brgya rtsa brgyad du sbyar// thod pa gcig tu yungs kar nyung nag dang// ske tshe lan tshwa thal chen khrag skam sbyar// thod pa gcig tu zangs phye lcags phye dang// rdo phye la sogs mang du sbyar la gzhag/dug khrag thod pa bal tshon sna lngas bcad// gri mor shi ba'i pags pa'i steng du yang// ra khrag dug sbyar gru bzhi thig kyang gdab// gong bzhin 'khor lo rtsibs bzhi'i pho brang bcas// gong bzhin bkod ltar rang rang snying po dgod// mtho do sor bzhi'i rtsang gi rtse la brgyang// dkyil 'khor dbus su gur du phub la gzhag/ gtor ma sha chen yod pa bse gab gang// ya mAn+ta ka gshin rje nyid la dbul// g.yas su snel gri mo yi thod pa bum bu lnga pa ru// sgrol ba'i bdag mo e ka tsa ti la// shes rab mtshal dang snel gri'i snying la brten// g.yon du sbyor bdag nag mo re ti la// yugs mo'i thod par mi dbang sha khrag dang// sman dang snying dang khrag tu sbyar la gzhag/ zla gam gsum la nag mo phung gsum la// skyes pa dar ma grir shi'i b+han+da ru// glang nag snying dang pad+ma rak+ta dang// sbrul nag snying dang 'ug pa'i mig 'bras dang// phag rog snying dang bud med klad khrag gzhag/ 'khor lo bzhi la phung byed ma bzhi la// gzhong pa gru gsum nang du yang// khrag sna gsum dang stag seng glang// sad bdag rgyal po'i snying bzhi gzhag/rtsibs mchan bzhi ru shan pa ma bzhi la// mdze mo'i thod pa'i nang dag tu// snying dang khrag gi gtor ma gzhag/ gru chad gdong mo bzhi yi dam rdzas su// yugs sa mo yi ldan phor du// stag dom ban glang mi snying dang// rang rang khrag tu sbyar la gzhag/ bar khyams bse mo bzhi la yang// ba men rwa'am dung phor du// mar khu sbrang rtsi 'o ma dang// khrag sna mang po sbyar te gzhag/ de ni bsgrub pa'i dam rdzas so// de nas dkyil 'khor byang shar du// sman phud rak+tas sbrus pa la// mchod rten mtho gang gru bzhi pa// dur sol nag pos bskus la gzhag/ de bzhin las kun zin pa dang// dug khrag ming rus bcas pa rnams// mchod rten bum pa'i nang du stsal// lha phyag bya zhing sngags kyang bzlas// mchod rten ma mo brnag pa gsum// chu mig nya lcibs can du sba// ma nyes dbang gzugs mkhyen par gsol// gtor ma gtong ba'i dus tshod ni// nang par skya rengs shar ba dang// dgang gi dmar thag chad pa la// ma mo'i gtor ma rim par gtang// de bzhin nyid dang kun tu snang// snang la rang bzhin med pa yi// chu zla'i dkyil 'khor bzhin du bsgom// de bzhin rgyu yi ting nge 'dzin// mthing nag hUM gcig gsal bar bsgom// spro bsdus bde gshegs thugs dam bskul// 'gro ba'i don byas slar 'dus pas// gser gyi rdo rje rtse lngar gyur// ya mAn+ta ka badzra ma hA kro d+ha zhes brjod pas// gtum chen ya mAn+ta kar gyur// dbu drug phyag kyang bcu gnyis pa// rgyan dang cha lugs gsal bar bsgom// g.yas su k+Sha las sgrol bdag mo// e ka dza ti gsal bar bsgom// g.yon du ma las sbyor bdag mo// nag mo re ma ti ru bsgom// yab yum sbyor ba'i byang sems las// lhag par yi ge ma gsum 'phros// stong gsum mas khyab 'gro don byas// slar 'dus zla gam gsum la babs// yig 'bru gsum gyis dbang bskur te// nag mo phung gsum gsal bar bsgom// 'khor lo bzhi la phung byed bzhi// rtsibs mchan bzhi la shan pa bzhi// gru chad bzhi la gdong mo bzhi// bar khyams bzhi la bse mo bzhi// lcags ri la yang dbang phyug ma// sku mdog cha lugs gsal bar bsgom// de bzhin bsgoms pa'i ma rnams la// spyan drang phyag 'tshal bzhugs mchod dbul// dgyes bstod bcol bskul phrin las bcol// tha ma las kyi sbyor bas gsad// oM a kro te ka ya mAn+ta ka kA la ru pa hUM phaT/ oM sa ma ya shrI many+dzu ya ma rA dza ma ma e ka tsa ti dza dza/ trag rak+sha kha mun tra mu ru mu ru hUM b+h+yoH/ rag mo te ke tsa tsha kha la b+h+yo ru lu ru lu ma ti b+h+yoH/ru ru ro ru tsa pa la a shug me dza dza/ du ni dun ting du ya ya dza dza/ du ru dza la ha na dza dza/ du ma ra he de dza dza/ rus snying khrag kha la rak+sha rbad thuM li li// nr-i sha ku ru rak+ta kha raM ni/ku ni ku ru ku ru khaM raM rbad thuM ri li li// snying la rak+sha ni sha sti sta rbad na thuM ri li li// trag rak+sha mu tra snying kha rag ma b+h+yo/ oM ru ru ro ru tsa pa la a shug me b+h+yo/ ma rak+mo rak+mo snying rtsa la b+h+yo/ rag mo dgra snying kha rag b+h+yo/rag mo tsan mo b+h+yo/ khrag la mu sha ma b+h+yo/ ku ma d+ha ri b+h+yo// k+Shu la d+ha ri b+h+yo/ tsa mun d+ha ri b+h+yo/ kaM ka d+ha ri b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo/ de rnams srog gi snying po ste// nyung dkar nyung nag ske tshe dang// rdo phye lcags phye'i rdzas rnams kyis// stong stong bzlas shing thun la bstim// de bzhin grub pa'i rtags rnams 'ong// me dang sgra dang du ba dang// rdzas dang 'od dang skad 'don dang// rmi lam rtags dang nyams su ston// gang tshe rtags kyi drod tshad gzung// gang nye dag la gtor ma gtang// las dang rbad sngags srog bzhin sbyar/ ya mAn+ta ka/ ya ma rA dza ma ma e ka tsa ti nr-i dza b+h+yo// ru ru ro ru tsa pa la a shug me b+h+yo/ du ni dun ting du la ya b+h+yo// ma ru trag rak+sha ma ma b+h+yo// ma ma ru ru rag mo b+h+yo// snying kha rak+sha ti stam b+h+yo// rag mo ma mo khong gi snying la ya b+h+yo// rag mo tsa pa/ khrag la mu sha snying tsa ro ru tsa pa la ma b+h+yo// snying shig dmar mo dun b+h+yo// snying rtsa la dmar mo dun b+h+yo// snying khrag la dmar mo dun b+h+yo// tsit+ta phyang dmar mo dun b+h+yo// de ni ma mo'i rbad sngags te// rang rang grub pa'i rtags dang sbyar// de nas gsad pa'i las bya na// rang rang grub pa'i rtags dang sbyar// ma mos gsod pa'i thun sngags dang// rang rang rims nad dbab pa'i thabs// gshin rje gshed pos dbang bsdus la// e ka tsa tis rgyu gzer dbab// gong gi rjes blangs sngags 'dis brdeg/ trag rak+sha kha mun tra ma ru lu ru lu hUM b+h+yo hUM/ rag mo te ku ma tsa tsa kha ya ma ting b+h+yoH/ ru lu ru lu ma ti b+h+yo/ rak+sha thun b+h+yo dza dza/shi ri thun/ mang sa thun/ d+ha ru la thun// b+hi ma ru tse dgra bo la thun b+h+yo// phaT pha Ta/ ru ru bi ma ru tse kha thim mo nag mo rtsal yaM/ srog la thun snying la thibs// gong gi drag po'i rdzas blangs la// e ka dza tis mdze nad gtong// trag rak+sha kha 'dar kha 'dar so chum so chum// na ga rA dza ma ga mug sdom// baM ri li li// baM ri li li// dgra bo mA ra ya dza dza/ de bzhin drag po'i rdzas blangs la// re ma ti yis nad ngan dbab// myog myog shig shig tsit+ta baM shig shig tsit+ta baM/ myog mug ti ri rgyob/ tsit+ta baM byung/ chod cig thums shig long long thuM long/ yer yer/ mer mer sod/ ru ru shi tri tri ma ru sod sod// srog thum mug sod// ma ra du rbad ya sod// kha rug sha sha ma sod// srog thuM nr-i ni rbad sod/ nr-i ni ya tsa thuM sod/ gang grub rtags dang sbyar te gsad// de nas thun dang 'khor lo de// mchod rten bum par stsal bar bya// chu mig nang gnan dpang yang gzug/yab yum 'og gi gzugs ming la// rang rang phur pa'i sngags kyis gsad// dkyil 'khor 'brub khung nang du gnan// snying la rten bca' gtor ma gtang// dpal zla gsang nag po'i rgyud las/nad ngan dbab pa ma mo'i zla gsang skabs te zhe drug pa'o//// de nas bcom ldan 'das gshin rje gshed pos 'gal ba cham la dbab slad du/ ma mo stong gi las mkhan ma// nag mo mi pham srid gsum mgon// dpal ldan nag mo re ma ti// nad kyi bdag mo'i zla gsang gsungs// dang por mchod dang sdig bshags sogs// rim pa ji bzhin stong mthar bsgom// 'byung ba rim lnga'i gzhal yas bskyed// sems kyi rang bzhin gshed po ste// snying las 'phros te spyan drangs te// sbyangs spar rtogs pas gtor ma brlab// srog gi snying po dbul bar bya// rak+ta'i rgya mtsho de yis brlab// bar du skul tshig gang rung bskul// de nas bsgrub par bya ba ni// dkyil 'khor mthing nag gru gsum la// zla gam dmar po gsum gyis bskor// gru chad bar khyams sgo bzhir ldan// shin tu drag po'i snod nang du// tsit+ta dang ni rak+ta dang// btsan dug rnams ni blug par bya// nal bu'i sha dang shes rab mtshal// nal bu'i b+han+da nang du blugs// nal bu'i snying la rtag tu bod// bya nag lug nag rten du bca'// nal bu'i gsob gos la yang la rma bya'i gdongs// dar nag 'phur lce btags te bzung// gtor ma spyan gzigs ldan pas bskang// 'bod pa rbad pa bsad pa'i sngags// nyung dkar nyung nag rdzas rnams la// bdun 'bum grangs ni tshang gyur na// rims nad sna tshogs char bzhin 'bebs// lha mo srog gi yang tig 'di// snying nas 'dren pa'i mchog yin no// ma ma trag rak+sha snying kha rag tsit+ta srog dung dung dza dza hUM phaT/ ma mo rbad pa'i dgu tig 'di// snying nas 'dren pa'i mchog yin no// ma raka mo thum ril snying rtsa 'dus// srog phrig phrig shaM shaM khyer b+h+yo// snying khrag rtsa srog breng breng rbad rbad// oM dz+wa la dz+wa la hUM phaT/ ma srog rug rug khrag la snying rbud/ma srog thun snying la ma b+h+yo/ mA ra ya ni phaT/ kha thuM ni dza dza/ ma mo gsad tig nag mo 'di// rims nad khrag skyugs nad kyis gsod// ma mo rang gi snying khrag gis thuM ril rbad// thang mu le thang mu le che ge mo'i tsit+ta la rbad rbad// tsa thang tsa thang che ge mo'i tsit+ta la rbad rbad// muM sni muM sni che ge mo'i tsit+ta la rbad nan nan// rag mo ni rag mo ni kha long tsit+ta rbad// dug sni dug sni kha long tsit+ta rbad// kyi kha lo kyi kha lo tsit+ta rbad rbad// swa sti tsa ti tsa ti yang/ swa sti tsit+ta rbad rbad/ nr-i sti nr-i sti tsit+ta mug mug thuM thuM sub sub ti sta rbad rbad/ kha 'dar yed yed thuM thuM rbad rbad se kha lo mu kha lo rbad rbad swA hA/ bdag nyid gshin rje gshed por rab bsgom ste// bdag nyid gshed po'i thugs las ma 'phros te// yi ge mthing nag ma yis stong gsum gang// phar 'phros bde gshegs rnams kyi thugs dam bskul// slar 'dus sems dpa'i ma la thim par byas// de 'phros maN+Dal ma la lhan gyis 'bab// yig 'bru gsum gyis dbang bskur byin brlabs nas// ma las lha ma nyid kyis skur gyur te// sku mdog nag mo shin tu gtum pa la// shin tu sgeg pa zhal gcig phyag bzhi pa// ral gri b+han+da dmar 'khyil g.yas rim bzhin// shak+ti tri shUl mgul nas dar dpyangs g.yon// ral gcig sbreng ba'i lan bu g.yon du 'khyil// skra sked sbrul la thod pa'i phreng thod can// rna ltag me tog dar nag cod pan 'phur// snyan g.yas sbrul gyi gdengs ka yi// mgul nas sil snyan 'khrol ba la// snyan cha g.yon pa seng ge 'phyo// thod pa skam rlon do shal byas// bong bu gwa pa'i chibs la zhon// gzhan yang che ba'i rgyan dang gdug pa'i rgyan// stong gis brgyan pa gsal bar bsgom// ting 'dzin sems dpa'i sku las 'od zer ni// lcags kyu 'bar ba'i 'od zer phar 'phros te// bdag nyid chen mo'i srog nas rab bskul te// srid pa'i ma mos stong gsum khengs par byas// gshin rje'i tshogs kyang de bzhin te// srog la rngam pa kun gyis bskor bar bsams// de lta bu ni yang nas yang du ste// de ltar thib thib yod snyam cho 'phrul 'byung// de lta bu yi bar du bsgom par bya// yengs par gyur na cis kyang mi 'grub po// gtso mo la sogs srid pa'i ma mo yis// gang la bya ba'i snying nas rab bzung ste// skra grol mig rtsa rig rig 'o dod tse re re/ gan bub bsgyel zhing kha nas khrag skyugs 'byung// ci mdzad 'on tang zer zhing dbugs dang bral la khad// thun khung nang du rab tu 'jug par bsam// de ltar bsgom la gshed pos dbang du bsdu// mnyes pa'i tshul gyis bstod pa 'di skad dbul// dpal ldan nag mo mi pham srid gsum mgon// bdag don rnam thar gsum la thugs gzhol yang// snying rje'i dbang gis rjes la thob ba yi// shes rab sna tshogs dag gis 'gro don mdzad// lha mo sku mdog nag mo char sprin mdog/ mtshan mo nag mo shin tu gtum pa'i sku// shin tu sgeg cing keng rus lus 'chang ma// zhal gcig phyag bzhi zhabs gnyis rab tu brjid// ral pa gcig sbreng lan bu g.yon du 'khyil// skra sked sbrul la thod pa'i phreng thod can// rna ltag me tog dar nag cod pan 'phur// khrag gi chang gis ra ro spyan gsum dmar// mi ro rengs ba khar bcug mche ba bzhi// rnam par gtsigs nas shin tu khrag la dgyes// snyan g.yas sbrul gyi mgul nas dril gsil zhing// gdug pa brtul nas tshangs pa'i sgra sgrogs ma// snyan cha g.yon pa seng ge ral pa dmar// dpa' mo seng ge sgra sgrogs ma// phyag bzhi g.yas kyi dang po ral gri bsnams// 'og ma thod pa b+han+da dmar bskyil 'dzin// g.yon gyi dang po mtshon cha shak+ti bsnams// 'og ma tri shul mgul na dar nag 'phyangs// shak+ti ral gri mtshon chas bcad pa yi// lha ma yin la sogs pa'i thod pas do shal byas// glang po po che yi stod g.yogs gos su mdzes// smad ni ban glang ko bas dkris pa la// phyed ni re lde sngon po'i sham bu can// klu yi dbang po bzhi yis sked bcings can// zhabs gnyis lcags sgrog dag gis mdzes par brgyan// khrag zhag thig le mang pos tshom bur bris// bong gwa zhon nas mtshan mo dur khrod rgyu// bong bu'i rmig pa glog gi shugs 'chang ma// khams gsum skad cig tsam gyis 'khor bar byed// skad ni dung dang 'brug gi sgra sgrogs shing// ma mo mkha' 'gro sha za dbang du sdud// lho phyogs gshin rje'i pho brang rtag tu gnas// dam pa'i sa nas gzugs sku gnyis gzigs ma// ting 'dzin dbang thob gzugs khams gnas su byon// tshangs pa'i rgyal po sogs kyis phyag byas ma// gzhan 'phrul dbang byed ya thar byon pa'i tshe// dbang phyug chen po'i sku la dgyes 'khril ba// sum cu rtsa gsum tshal bzhir byon pa'i tshe// lha rnams dbugs phyung brgya byin phyag byas ma// lha ma yin rnams phung bar byed pa'i tshe// lha min rgyal po kun gyis phyag byas ma// sku mdog ri rab che dang 'gran pa'i tshe// lte ba'i thad ka'i phyogs nas nyi zla 'char// rgyal chen phyogs skyong lha yis phyag byas ma// rgya mtsho'i gting nas me 'bar mtsho skyem ma// sa 'og dbang po kun gyis phyag byas ma// lha mo khyod kyi cho 'phrul skur bstan pas// bdud dang gshin rje'i rgyal po 'dar zhing 'dud// ma mo mkha' 'gro sha za sngangs shing brgyal// tsit+ta rin chen gur phub gzhal yas na// nyi zla brtsegs pa'i dkyil 'khor ga bur 'bar// phyogs bcu'i 'jig rten drug gi bcud bsdus nas// nyi ma'i dkyil 'khor dag la thim mdzad ma// dug gi rlangs pas nag po'i phyogs rnams kyi// bzhi brgya rtsa bzhi'i nad ni khong na bslangs// de phyir nad kyi bdag mo dam la 'du// phyogs bcu'i 'jig rten bdud rtsi'i bcud bsdus nas// zla ba'i dkyil 'khor dag la thim mdzad ma// bdud rtsi bslangs pas dkar po'i phyogs rnams kyi// bzhi brgya rtsa bzhi'i nad ni rtsad nas gcod// de phyir bdud rtsi sman gyi rgyal mo dam la 'du// gang zhig khyod la dad na ma bas byams// de phyir ma gcig nad 'joms sman gyi gtso// lha mo khyod la rtag tu bdag gis bstod// rgyal ba shAkya thub pa'i spyan snga ru// dus 'dir bdag gis dam bcas ji srid du// dkar po'i phyogs kyi nad dang sdug bsngal sogs// zhi bar byed cing tshe dang longs spyod sdud// nag po'i tshogs ni dgug cing dbang du sdud// smyo 'bog lkugs pa'i las 'di myur du bgyis// bstan pa bsrung phyir myur du grub par bgyi// 'di las 'das na rgyal ba'i bka' bslus pas// dus gsum rgyal ba'i rdo rjes mgo dang snying 'gems shog/ de skad rgyal ba'i spyan sngar dam bcas pa'i// dam bcas bzhin du phrin las myur du gyis// rnal 'byor bdag dang bdag gi 'khor rnams la// khyed kyi zhal nas bdud rtsi'i char phob la// nad sogs sdug bsngal tshogs ni zhi bar mdzod// tshe dang bsod nams longs spyod 'phel bar mdzod// zang zing longs spyod 'bru yi phung po dang// rin chen rkang 'gros phyugs rnams 'phel bar mdzod// bla ma smod cing dkon mchog dbu 'phod smod// bdag la dge ba'i bar chad byed pa'i dgra// khyod kyis khong nas dug gi rlung bus la// 'du ba rnam bzhi'i nad ni 'du ru chug/ bag gzhi sa la lhung nas rdebs su chug/ don snying rnam lnga khong nas khrag skyugs chug/ las ngan 'khor tshogs cho nges brdung du chug/mkha' lding rgyal po'i tshogs kyis ltas ngan phob/ dam bcas bzhin du phrin las myur du grub par mdzod// ces bstod cing phrin las bcol gyur na// gang 'dod rims nad phyogs su 'bebs// ma mos srog bsdus te gsad par bya'o// dpal zla gsang nag po'i rgyud las/ yams nad kyi bdag mo ma mo'i zla gsang gi skabs te zhe bdun pa'o//// de nas bcom ldan 'das gshin rje gshed pos 'di skad gsungs so// 'gal ba cham la 'bebs 'dod pas// nad ngan sna tshogs dbab pa la// ma mo gsang bsgrub zla gsang gsungs// zla gsang nag po'i rgyud dag la// thabs kyi sbyor ba mang yod kyang// bsdu na rnam pa bzhi ru 'dus// bla med bsgrub mthu rang byung ste// 'jig rten bsgrub pa 'don gyi mthu// rten 'brel sgyu ma'i sbyor ba bzhin// rdzas kyi nus pa dag las 'byung// gdon dang rdzas su bcas pa las// rnam grangs ma nges khyad par mang// rnam pa gnyis ni gsal bya ste// rdzas dang gdon du bcas pas bstan// myur du gsad pa'i sbyor ba ni// gang yang 'di las yod ma yin// ma mo nag smug dkar mo dang// dmar mo tshogs kyi nang dag nas// rims nad gtang ba mang yod kyang// kun gyi phyag brnyan re ma ti// 'di dag bsgrub ste las sbyar na// rims nad gang 'dod stong gsum 'gengs// 'di yi las ni 'di ltar bya// rgyu gzer dag gis shi ba'i khrag/ btsan dug thar nub sres nas kyang// bse zho dag dang mar du sbyar// sngags 'dis btab ste ltor yang gtang// ru ru shi tri kri ma du sod srog thuM mugs sod/ma rag ru rbad ya sod// ni ya ni ya tsa thun sod/ sha rbud snying phyung/ snying rgyud srog chod/ srog thun dbugs longs/ ma ma thum thum sod sod/ ces 'bum 'bum bzlas te ltor gtang na/ rgyu gzer khrag tu bshal te 'chi/de nas yang bse zho dang btsan dug la sngags 'di bzlas/ ru ru ti rbad ya/ ba la du du rbad ya/ chuM chuM ni ma tsa rbad ya/ shag pa du du ya chems chems rbad ya/ rbad bu shag rbad ya/ rag thum mugs rbad ya/ru ru ra pa ni du ma ma ti rbad ya/ zhes 'bum bzlas te lus la reg pa'i gos la bskus na lhog pa dkar pos 'chi bar 'gyur ro// de nas yang bse zho dang btsan dug dang bya ba tsha tshong dang mdze khrag dang mdze bo'i shu ba kun sbyar la mar dang dri ma bsres/da du ma sha khug du sha ma ma baM gol du/ du tri ma ma snying phyung/ sa ma ya ma ma srog chod/ du shag du ya ma ma ti ru ma ti ya/ sha sha ma ma rbad bu ya ya/ nr-i nr-i b+h+yo b+h+yo sod sod/ma ru ya ma ru ya tshal pa rbad yed yed sha thuM sha thuM rbad/ tsa dur ma ma du rbad/ sha thuM ya ma b+h+yo/ sha sha tsa thuM ma ya b+h+yo/ zhes khri'am 'bum du bzlas/ sha la reg pa'i gos la bskus na mdze dang phol 'bras kyis 'chi bar 'gyur ro// mdze khrag chang dang sbyar nas stor btang na snying la babs te rus mdze dang mdze nad 'thor bas 'chi bar 'gyur ro// de nas yang dug rdzas dang rims khrag sna tshogs sbyar nas gong gi sngags rnams drag tu zlas te/yul khams gyi lha rten nam/ chu mig klu btsan yod nges pa'i sa'am/ brag klu btsan yod pa'i sar gtor na rims nad sna tshogs na bun bzhin gtibs nas 'ong ba dang/thog mer 'ong ba dang/ ser ba drag tu 'bebs par 'gyur ro// dpal zla gsang nag po'i rgyud las/ nad ngan sna tshogs gtang ba'i skabs te zhe brgyad pa'o//// de nas yang bcom ldan 'das gshin rje gshed pos 'gal ba cham la dbab pa'i phyir// smyo 'bog ging gi zla gsang gsungs// dbang dang dam tshig ldan pa yis// bla ma mnyes pa'i rim gro bya// lta ba yangs shing spyod lam goms// slob dpon mnyes pa'i thugs gzung nas// man ngag thugs la phur te bsgrub// ri gsum rtse'am brag dkar ram// lha khang dur khrod spe'u dang// yang na brag phug shar bltas su// rtsa na phrag yod rtsi shing skyes// shar du kha bltas zur gsum 'dra// rgyab ri mchad pa seng ge spungs// de ru gnas btsal sa chog bya// sa bdag lha klu zhi ba'i phyir// gser skyems btang la bden pa bdar// 'di skad brjod la bsgom par bya// bdag ming 'di zhes rnal 'byor pas// phyogs 'dir sgrol ba'i ging chen po// srog bdag dkar po snying 'byin zhes// rnal 'byor rnams kyi dgra bla che// rig 'dzin srog shing 'di bsgrub pas// deng 'dir sa bdag lha klu rnams// gnas gzhan dag tu 'pho bar gyis// sa gzhi 'di yang bkra shis mdzod// ma nyes dpang gzug yus ka gsol// de nas stegs bu brtsig pa yang// dra phyir ras sam dar bting la// nas 'bras 'bru yi gcal yang dgram// ga pur dza ti pha la dang// rgya spos la sogs dri spos dgram// yol ba bla re 'phan gdugs bres// srog bdag dkar po snying 'byin ni// ras la bris sam lugs sku gcig/shar nas nub tu gzigs pa gzhag/ 'bras la sogs pa'i bshos cha la// lha bshos ri rab tshul 'dra bya// de yi phyogs bzhir mar khus byug/ dbus su smyug ma tshigs gsum la// bya rgod ldem phod za 'og dang// bse dang gser dang byi ru dang// pags blud dkar pos brgyan pa gzug/ gzhan yang sha dang nya sha dang// thud khrum la sogs spyan gzigs kyis// de yi mtha' ma bskor te dgram// spos dang me tog mar me dang// rnga gling pi wang dung la sogs// sku gzugs de yi mtha' mar bzhag/ tsan+dan dkar po'i chu la sogs// dung phor 'khar phor bkang ba gnyis// sku gzugs de yi tha mar dgram// nyung dkar nyung nag ske tshe yang// drag po sngags kyi mtshon du gzhag/ gzhan yang sgor nga sna tshogs dang// khur ba'i rnam grangs mang po nang// sgog pa sman dang dri spos rnams// bris sku de yi mtha' mar dgram// gshin rje gshed po'i skur bsgom la// snying po brgya rtsa brgyad du gdon/ oM a kro te ka ya man+ta ka ha na ma tha b+hany+dza hUM phaT/ oM kA la rU pa hUM phaT/ oM hrIHSh+t+r-I bi kr-i tA nan hUM hUM phaT phaT/bdag la byin brlab lus bsrung bya// de nas dbang du gyur pa dang// rgyal po btsun pa'i las bya'o// spyan drang phyag 'tshal bzhugs su gsol// phyag chab gsol dang gdan skyems drang// mchod pa 'bul zhing bstod pa bgyi// 'dzab bzlas dam tshig drag tu bsre// rgyal po'i srog snying 'di skad brjod// oM shrI many+dzu ya ma rA dza ma ma e ka dza ti nri dza dza/ tri tsa pa la a shug me swA hA/ shes ni khri 'bum grangs bsnyen bya// rdzas kyis mchod cing rtag tu bzlas// grub nas sngags 'dis rab tu rbad// ha li hu li baM ril nr-i dza/ la li pra ma ni/ ri rtse thal pa ni/ kro ti ko la ya/ kro ti ko la sha/ sham tri sha mu tI/ mu ri re tri/ tri raM tri/haM shag haM shag ru// che ge mo tsit+ta la dza/ de bzhin rgyal po drag tu rbad// gal te las byed ma btub na// rgyal po shi sa 'di yis bstan// ma ra na pra ma ra tsa tsi ta pa li a li sa ma ya aM ku sha dza dza/ phyag rgya bzhi yis gzugs bcings te// sngags ni brgya rtsa brgyad du brjod// rgyal po rang la dbang med par// rdul nag khrag tu 'dzag cing 'ong// de bzhin gsad pa'i las thabs kyang// smyo 'bog shi ba'i ldan phor du// de nyid rang gi snying khrag dang// dug sna gsum dang mi khrag dang// brnag pa'i ming rus bris te gzhug/ dur khrod ro ras rnying pa la// gsod pa'i 'khor lo bca' bar gsungs// dang po nyi ma bzhi pa'i sngags// de yi phyi rim rgyal po'i drag sngags bri// yang rim klu yi drag sngags bri// thod pa dril la rgya gram bcing// nyin bzhin lha yi ging bzhi bskul// skabs su ging chen bco brgyad bskul// nyi ma bzhi pa'i las kyang bya// oM ma hA rA dza thun b+h+yo b+h+yo/ dgra bo'i srog la thibs/ mug ma ra na thun/ dgra bo'i snying shag/ tshal pa dum/ dgra bo'i bkrag la sem/ rlag dza ru thibs chug dgra bo'i khrag la 'jib/ b+hi ba b+hi ba dun dza/mAM sa la dza/ snying ta snying la dun/ khrag ta khrag la thun b+h+yo thun b+h+yo mugs/ nyung dkar nyung nag ske tshe la/ drag tu sngags la brdeg par bya// dkar po gcig gis thugs dam bskang// rtags kyang 'di bzhin ston par nges// nyi zla 'char dang lder so dang// 'bag tu rmis na tha mar bshad// btsad po zhang blon dge bshes sam// dmag dpon rmis na 'bring du bshad// rgyal po nyid mthong nyams su ston// de ltar byung na rab tu bshad// bskang bshags bya zhing dngos grub blang// dam tshig bsre zhing phrin las bcol// de nas 'khor lo thod par bca'// shar du kha bltas chu mig ngor// rgyal rigs sbyor ba byas gyur na// smyo 'bog mdze dang lhog pas 'chi// thun du 'phangs na mdze rigs 'ong// mkhar rmang gnan na gnam lcags 'bab// 'jam dpal zla gsang nag po'i rgyud las/ rgyal po phyi ltar sgrub pa smyo 'bog gi skabs te zhe dgu pa'o//// de nas yang bcom ldan 'das gshin rje gshed pos rgyal po nang du bsgrubs te smyo 'bog gtong ba 'di gsungs so// thog mar bla ma mnyes byas shing// sgrib pa sbyong zhing dam tshig bsrung// mtshan ldan dgon pa'i gnas nyid du// lta ba rgya bskyed 'jam dpal bsnyen// bla ma mnyes pa'i rim gro bya// dkyil 'khor brtsig dang chag chag gdab// de nas dkyil 'khor bri ba ni// thig bzhi btab la le'u tshe dgu// dbus kyi le'u tshe dkar po la// shar ser lho sngo nub dmar byang ni ljang// mtshams bzhi smug nag sgo dang bcas// dbus su gru gsum re re bri// de nas tsan+dan dkar po'am// rgya shug dkar po'i phur pa dgu/srog bdag dgu ru mnga' gsol la// dar dkar srog snying bris te gdags// 'di skad brjod la dgod par bya'o// hUM/ dbus phyogs shel re shel gyi khang pa nas// khams gsum srog la mnga' mdzad pa// srog bdag nag po ral pa can// bstan pa bsrung phyir gshegs su gsol// bsam pa bsgrub phyir gshegs nas kyang// pho brang dbus kyi le'u tshe la// dgra bgegs bsnol ba'i gdan stengs su// dgyes shing brtan par bzhugs su gsol// ging ka ra sa ma ya tiSh+Tha lhan// zhes dbus su dgod do// rgyal rigs srog la mnga' mdzad pa// srog bdag rgyal po khu le shod// dkyil 'khor shar gyi le'u tshe la// dgyes shing brtan par bzhugs su gsol// bram ze'i srog la mnga' mdzad pa// rgyal po chen po ag ge yang// lho phyogs dkyil 'khor le'u tshe la// dgyes shing brtan par bzhugs su gsol// rjes rigs srog la mnga' mdzad pa'i// rgyal po chen po ug ge yang// de bzhin nub kyi phyogs su dgod// dmangs rigs srog la mnga' mdzad pa// rgyal po chen po bram ze yang// de bzhin byang gi phyogs su dgod// bud med srog la mnga' mdzad pa// rgyal po chen po shang ze yang// dkyil 'khor shar lho'i le'u tsher dgod// byis pa'i srog la mnga' mdzad pa'i// rgyal po chen po da khod kyang// dkyil 'khor lho nub le'u tsher dgod// mi nag srog la mnga' mdzad pa// rgyal po chen po ni khod kyang// nub byang dkyil 'khor le'u tsher dgod// byol song srog la mnga' mdzad pa// rgyal po chen po nyi zla yang// byang shar dkyil 'khor le'u tsher dgod// de nas mchog gi phur pa bzhi// nyin bzhi'i ging bzhir mnga' gsol la// ris mthun dar gyi cod pan gdags// phrin las bcol phyir sgo bzhir gdab// dar skud gsum dril mtha' ma bskor// bla rgyan logs rgyan ci mang dgram// dar dkar gur phub za 'og gdan yang bting// de nas dbus kyi srog bdag la// gtsang phye bre gang lha bshos la// ri rab tshul 'dra zhig byas la// dbus su smyug ma tshigs dgu la// mtshal gyi mkhar thabs nya mig bri// rtse la bya rgod rgyal mtshan dang// dar dkar gdugs gcig steng nas dgab// dngul gyi g.yer kha g.yag rnga phon// lpags bu dkar po'i blud bu gdags// tha ma'i tshigs la ming rus gdags// gzhan yang smyug ma tshigs gsum brgyad// mtshal dang ldong ros sgo sprad la// mkhar thabs bris la rtse kha sprad// lce la dar lce re yang gdags// bar bar ra dkar blud bu dang// dung dang zangs dang rin po che// byu ru mgron bu sa gser gdags// tha ma'i tshigs la ming rus gdags// lcang ma mtho re ba bzhi la// mtshal lam rams kyis g.yung drung bris// thod rer la lpags ming rus re// de bzhin btags la sgo bzhir gzhag/ gzhan yang thud dang nya sha dang// bu ram gtor ma 'bras chan dang// za 'og dar dang pags dkar dang// rin chen bstsal la phyogs bzhir gzhag/ gcig ni dbus su gzhag par bya// nya phyis dung phor 'khar gzhong du// gser dang chang phud sbyar ba lnga// phyogs bzhi dbus dang lnga ru gzhag/ gcig tu mtshe dang nyung nag dang// chang phud gangs chu chu mig chu// de gsum gcig tu bsres la gzhag/ drag sngags rgyun du bzlas pa'i phyir// bdag nyid shar bltas sngon du gzhag/ gzhan yang spos dang me tog dang// mar me dri chab rnga gling dang// mchod pa'i yo byad phyogs bzhir dgram// ra lug dkar po gang yod pa// ra dang ze ba dmar por byug/ ske ru dar dkar khug ma ru// mtshe nyung klu sman sna tshogs dang// dgra yi ming byang bcug la gdags// nub tu dar 'phan dkar po la// 'phan lce ser po btags pa gcig/ rgyal po'i gzugs bris mdung la gdags// rtse la snying gcig bkal la gzug/ gshin rje gshed por mnga' gsol la// sngags bzlas bstod pa mang du bya// ber gyon thod bcing rnga yang brdung/ snyan gsan dbab dang spyan drang dang// phyag 'tshal bzhugs dang mchod pa dbul// bstod pa dbul zhing smon lam gdab// thugs dam bskang zhing phrin las bcol// srog snying 'di ni rtag tu drangs// oM tri stu ti bya 'gyur ra ka la mA ra mA ra ya swA hA/ de ni srog bdag rang gi snying po'o// 'di ni 'khor srog bdag gi snying po'o// oM khu le ma hA be raM swA hA/ oM ag ge ru rta swA hA/ oM ug ge sha ma le swA hA/ oM drang zi rta ba swA hA/ oM shang ze shang ka ra swA hA/ oM da khod bi si yang swA hA/ oM ni khod ba ra hi te swA hA/ oM sUr+Ya tsan+d+ra ma ta khu le swA hA/de rnams srog gi snying po'o// mi tshig g.yal dang sbrid pa spang// skya rengs shar nas 'khor rnams bskul// grub pa'i rtags rnams ston par nges// rab 'bring tha ma gsum du 'ong// rab la sku ni dngos su ston// 'bring la 'od dang sgra ru ston/ tha mar rmi lam ltas su ston// de la dbang bskur dam bsre bya// rbad sngags bgrangs shing phrin las bcol// A+oM ma hA pra ma na rak+sha rak+ta tsa ra mun tra ma hA shi de tso ka tsa la bing bing dgra bo mA ra ya hab hab// de ni rgyal po 'khor dang bcas pa rnams las la rbad pa'o// de nas rta dkar po'i thod pa'i nang brnag pa'i ming rus bcug la/ rta thod za 'og dag gis gril// dam sri smyo ru gzhug pa'i phyir// khrag skam gu gul sbyar ba dang// mtshe nyung go ro tsa na la// smyo 'bog gtang ba'i sngags 'di bzlas// oM mA ma ma rang ga thun b+h+yo/ ma hA rA dza thun b+h+yo b+h+yo/ ma hA ba b+ha b+ha ma hA de ba ma hA ru tra b+h+yo b+h+yo/oM tro ta ya tro ta ya/ tra ta ya tra ta ya/ k+Shu lha k+Shu lha ging ka ra ging ka ra/ ging dz+wa la ging dz+wa la/ yak+sha gr-i ba/ yak+sha gr-i ba/ d+ha sha grI ba d+ha sha grI wa/ phu tra dkar po b+h+yo b+h+yo/ de ni srog bdag 'khor gyi smyo 'bog tu sngags so// de nas brnag pa'i ming rus la// rang rang rtsa ba'i sngags brjod cing// phur pa rnams kyis rim pas gdab// gtso bo'i phur pa snying la gdab// khu le shod kyi gsang bar gdab// rgyal po ag ge lag pa g.yas// rgyal po ug ge dpung par gdab// rgyal po drang ze'i lag pa g.yon// shang ze'i rkang pa g.yas su gdab// da khod dpung mgo g.yas su gdab// ni khod dpung mgo g.yon la gdab// nyi zlas rkang pa g.yon la gdab// gsad pa nyi ma bzhi pa ste// nyin bzhi lha yi ging bzhi bya// de nas rta yi thod pa ru// ling+ga'i thed shul mthun rdzas stsal// lha khang rnams la btags gyur na// smyo 'bog khrag skyugs mA ra ya// dpal zla gsang nag po'i rgyud las/ smyo 'bog gi zla gsang las rgyal po nang ltar bsgrub pa'i skabs te lnga bcu pa'o//// de nas yang bcom ldan 'das gshin rje gshed pos rgyal po gsang bar sgrub pa'i thabs thams cad kyi mchog tu gyur pa 'di gsungs so// rnal 'byor yon tan ldan pa des// bla ma mnyes pa rab byas te// mgo ni rma bya bzhin du dgug/ dam tshig chen po srog bzhin bsrung// gzhan don ma yin rang don du// dur khrod sa phug dgon par 'gro// phyi bshags sdig sbyangs bsod nams bsag/ ma nyes dbang gzugs glud gtor gtang// dkyil 'khor brtsig la chag chag gdab// thig gdab dkyil 'khor cho ga bya// dkyil 'khor mthing nag gru gsum bri// 'khor lo rtsibs bzhi thod phreng bcas// gru chad sgo bzhi ldan pa la// dur khrod rgyan dang ldan pa la// gru gsum me 'od 'bar ba bri// sgo bzhi gru gsum re re bri// de nas mchog gi phur pa dgu// srog bdag dgu yi sngags bris la// dbus su dkar po snying 'byin dgod// rgyan dang cha lugs gsal bar bskyed// shar phyogs rtsibs la khu le dgod// lho yi rtsibs la ag ge dgod// nub kyi rtsibs la ug ge dgod// byang gi rtsibs la drang ze dgod// shang ze shar la da khod lho// ne khod nub la nyi zla byang// de ltar sgo bzhir dgod par bya// 'khor gzhong dung phor bse gab tu// snying sna tshogs kyi gtor ma bsham// lug dkar snying srog ma bral ba// srog rtsa'i nang du ming rus gzhug/ snying rtse gyen du bstan la gzhag/ dar dkar tshil gyis kha bcad la// dbus su srog bdag nyid la gzhag/ shar du khrag sna'i gtor ma gzhag lho ru sha sna'i gtor ma gzhag/ nub tu rus pa'i gtor ma gzhag/ byang du mkhal ma'i gtor ma gzhag/ de nas sgo bzhi'i gtor ma yang// shar sgor mchin pa sna tshogs gzhag/ lho sgor sha chen 'bru sna gzhag/ nub sgor mcher pa sna tshogs gzhag/ byang sgor tshil bu sna tshogs gzhag/ gtor ma de dag nang du yang// bshos bu mkhyid re btsugs la gzhag/de la smyug rgod re la yang// phod dkar pags bu dkar po dang// ming byang re yang btags la gzhag/ phyogs ma nor bar gzhag pa yang// man 'jil steng du gzhag par bya// shar du lug dkar lho ru ra// nub tu byang dkar byang du khyi// bag zan gzugs byas dkar por bsgyur// sems can dngos su yod na rab// med na gang rung gcig gi sker// ming rus bris te gdags par bya// dkyil 'khor lho nub 'brub khung du// dam sri'i gzugs dang ming rus gzhug/ sha khrag sna tshogs gtor ma la// tsil chen zhal khebs yod pa la// rak+ta'i gsang nan chas pa gcig/ dkyil 'khor byang shar mtshams su gzhag/ting 'dzin rnams gsum gsal bar bsgom// gzhal yas gdan bcas spyan drang bskyed// bdag nyid gshed por gsal bsgom la// rgyal po 'khor bcas gsal bar bsgoms// spyan drang bzhugs mchod tshul bzhin bya// rtag tu snying po 'di yang bzlas// oM 'bar sha ma hA rA dza swA hA/ oM khu le ma hA be ra ma swA hA/ A+oM ag ge ru rta swA hA/ oM ug ge ma le swA hA/ oM drang ze ba b+hA swA hA/ oM shang ze shang ka ram swA hA/oM da khod pi pi pha ra swA hA/ oM ni khod ba ra hi ti swA hA/ oM sUr+ya tsan+d+ra ma hA khu le swA hA/ de ni rtsa ba'i drag sngags te/ grub rtags sku yang dngos su ston// me dang 'od dang sgra yang ston// sgra dang byi la seng ge 'bag/ dge bshes btsad po lta bu dang// dmag dpon lta bur ston par nges// rgyal po drag tu sngags 'dis rbad// oM ma hA dra ma rak+sha rak+ta tsa ra mu tra ma hA ni te tso ka tsa la bing bing dgra bo mA ra ya hab hab/'khor bcas las la gtang ba'o// lha dang dbye ba drag po'i sngags 'dis dbral// ma hA sa ma ya rak+sha ma hA rA dza thun thun phrol phrol// de nas bsgrub pa thon nas kyang// gsad pa'i phur pas gdab pa ni// dbus nas phyung la 'di skad do// hUM/ khro bdag chen po snying 'byin gyis// dpa' bo chen por dbang bskur bas// dgra snying dkar nag mtshams su gdab// btab nas myur du brlag gyur cig/kI li kI la ya tsit+ta mugs// dkar po snying 'byin lhan lhan// hUM/ khro bdag chen po khu le shod// gsod pa'i phur par byin brlabs te// phrag khyim g.yas dang g.yon du gdab// btab pas khrag skam myur du gsod// badzra mu ti tsa sha rak+ta rngubs lhan// hUM/ khro bdag srog bdag ag ge yang// 'gugs pa'i bdag por mnga' gsol nas// nu ma g.yas dang g.yon du gdab// btab pas mkhris pa k+Sha yas sod// tsi li tsi li ma sa ma thibs thibs/ hUM/ khro bdag sgrol ging ug ge yang// rno ba'i dpal du byin brlabs nas// spyi bo'i btsug tu btab pas kyang// klad gzer mgo dang 'dar bus sod// mas bu ta tshal pa tshal pa ka ru hUM hUM/hUM/ khro bdag shan pa drang ze yang// 'debs pa'i dpal du byin brlabs nas// mkhal khung gnyis su gdab par bya// btab pas chu 'gag sked nad sod// bi ma la bi khu ya bim nad shad phaT dza/hUM/ khro bdag srog gcod shang ze yang// zur gsum rtse mor byin brlabs te// mchin pa pho gdung rtsa la gdab// btab pas mchin nad khrag gis sod// ma sa la khum ta ra la tshang pu re ra dgra bo mA ra ya dza/hUM/ khro bdag gsod dga' da khod kyang// thogs med 'debs par dbang bskur nas// sha mtshan rmen bu'i dkyil du gdab/ btab pas sbos nad grum bus sod// kha la ru tse kha mal sha phu phaT dza/ hUM/ dgra bla'i rgyal po mi khod kyang// rtse gsum ngar can rab 'byin bskyed// mcher pa'i dbus su btab nas kyang// mcher nad lkugs nad smyo 'bog thong// me kha kha ru tse bag sha ru tra rag me mu ru mu ru phaT dza/ hUM/ gsang ba'i srog bdag nyi zla yang/ phur pa'i lha ru dbang bskur nas// rkang pa'i mthil du gdab par bya// zha grum smur nad 'theng grum gtong// 'ba' lu ba ga te rag sha kha khrag rngubs rngubs// phur sngags btab nas thun sngags brab// A+oM mA ma mA ra ya thun b+h+yo/ ma ra ra tsa thun b+h+yo b+h+yo ma hA ba ba ma hA de ba ma hA ru tra b+h+yo b+h+yo/ thun gyis brgyab ste brlan par 'gyur// ling+ga gtubs la gtor mar stsal// ri gsum rtse la yas stags bskyal// rgyal po bsrung ba'i sngags ni// oM kha du she sha sha pra la ma ma ru tra/ khra kha khra kha/ srog bdag 'khor dang bcas las nor sgrub pa'i sngags la/ oM dza ma be le she ba la go me sa sruM sruM truM truM swA hA/rgyal po 'khor dang bcas pas byes su gar 'gro yang dgra bgegs mi 'byung ba ni/ oM nas ne nas ne haM shi ka ra ka ra ma ra ma ra ru lu ru lu phaT phaT b+ho b+ho/ rgyal pos gal te bdag gam gzhan la 'tshe bar gyur na// de bzlog pa'i sngags la// pu ma hA rA dza ba shan zhil zhil shAn ting swA hA/ ma hA rA dzA shan ting swA hA/ rgyal po 'khor dang bcas pas rigs rgyud 'phrog pa dag rabs bcad pa'i sngags la// oM ma hA ka la gangs dre mo bdud rnams rngam rngam swA hA/ rgyal pos ye 'drog sum brgya drug cu dang thob shor gtong ba'i sngags la// oM ma ya raM/ yaM be ra srog rtsal kha sa kha sa me ru me ru swA hA/ rgyal pos ser ba 'bebs pa'i sngags la// oM phra ta phre sha thor b+h+yo/ nal chem chem b+h+yo/ hUr tsal b+h+yo/ kha shar rta be shar shar/ nal chem chem b+h+yo/ rgyal pos ltas ngan 'bebs pa'i sngags la// oM shar ging ram shag rgyug rgyug/ram rgyug/ srog la rgyug sha sha dgra bo'i snying la sha/ 'phru til ram khyer sod srog rgyal pos ya cha stab bsnol gtong ba'i sngags la/ oM ma hA brag shing kha me ru kha la a tsi ma sha dgra bo phrol phrol shig b+h+yo/zhes sngags kyi don bstan las rnams 'grub/ gang la bya yang thogs pa med/ dpal zla gsang nag po'i rgyud las/ rgyal po gsang bar bsgrub pa'i smyo 'bog gi skabs te nga gcig pa'o//// de nas bcom ldan 'das gshin rje gshed pos/ 'gal ba cham la dbab slad du// gnod sbyin gdug pa'i zla gsang gsungs pa// dad pa gsum ldan rnal 'byor pas// dam tshig rang gi srog bzhin bsrung// bla ma mnyes pa'i rim gro bya// dur khrod nags tshal dgon par 'gro// phyi bshags 'bum la sogs pa 'don// bsod nams tshogs kyi yan lag bsag/ ma nyes dpang gzug glud gtor gtang// gnod sbyin 'di nyid bsgrub par bya// lcang lo can gyi pho brang na// las grub rigs kyi zhing khams nas// gnod sbyin bye ba sa ya gnas// de dag nang nas dregs pa'i sku// mthu stobs ldan pa'i gang bzang bsgrub// dkyil 'khor dbus kyi khri brtsegs la// steng du gnod sbyin sku gzugs bzhag/ tsan+dan rigs las 'bur du brkos// chu zheng gab ba gel gel po// sku mdog sngon po gzi ldan pa// dbu skra lcang lo rin chen brgyan// ut+pal sngon po'i phreng bas mdzes// g.yas na shing tog dmar po bsnams// g.yon na mi lpags rgyal mtshan bsnams/ gzas pa'i gzugs byas snying gar gzhug/ de yi dbus su dong gru gsum// rtse mo byang du bltas pa la// nang du khrag dang sol bas byug/ til gyi phye la dgra yi gzugs// mi khrag bla dgas bris la gzhug/ zhabs mas bril la tshon skud bcings// gru gsum brus pa'i nang du gzhug/mtha' ma rtsang gis bskor te gzhag/ gzugs kyi ske nas sngo dmar gdags// sne gcig sku yi zhabs la gdags// sngags pa'i mdun du dam rdzas dgram// la phug rus phye ske tshe la// de bzhin gtor ma byas te gzhag/ nyung nag lan tshwa dug tu sbyar// gzugs la brab cing ngan sngags bzlas// ma nyes dpang gzug 'o dod 'bod// de bzhin rim pas las rnams bya// dur khrod ras la 'khor lo ni// dug khrag sbyar bas bri bar bya// rim pa bzhin du drag sngags dgod// spyan drang bzhugs mchod bstod pa bya// phrin las bcol zhing gnad nas bskul// lha dang phral zhing rdzas kyis bdug/ drag sngags bzlas shing 'khor lo gzhug/bsad pa las kyi sbyor la 'jug/ mnan bsreg 'phang ba gsum la gtad// dpal zla gsang nag po'i rgyud las/ srog gcod spu gri gnod sbyin gyi zla gsang las/ gang ba bzang po phyi ltar bsgrub pa'i skabs te nga gnyis pa'o//// de nas yang bcom ldan 'das gshin rje gshed pos gang ba bzang po nang du bsgrub pa 'di gsungs so// dkyil 'khor mthing nag gru gsum la// zla gam gsum gyis bskor ba bri// dmar smug me ri ra bas bskor// dbus su gshed po yab yum ste// mdun du gang ba bzang po dgod// mtshan ldan thod pa dum gsum du// la phug rus pa'i phye ma dang// snying sna khrag sna sbyar la gzhag/ dbus kyi gru gsum mthur du bskor// nang du rabs chad thod pa gzhug/ nyung nag nyung dkar lan tshwa dang// dug dang sme khrag sbyang bas dgang// dmigs pa'i ming rus ji bzhin byas// thod pa'i nang du gzhug par bya// dur khrod grong khyer bcom nas kyang// mtshan ma'i ras blangs skyang nul bya// ldong ros chu rtsa ser pos phyung// dug khrag sbyar nas 'khor lo bri// de bzhin yi ge dgod byas la// thun gyi thod pa kha yang bcad// de nas rim pas las rnams bya// hUM/ gsang ba thugs kyi dkyil 'khor 'dir// grub pa'i gnod sbyin chen po spyan 'dren na// bye ba sa ya'i 'khor dang rab chas te// sangs rgyas bstan pa bsrung phyir gshegs su gsol// e h+ya hi rak+sha ba sna ba bi sa ma ya ho ha/ gser ltar rab tu bstan pa'i ri ngos la// rma bya rab gnas gser du snang ba ltar// bdag gis khyod bsgrub khyod kyi rang bzhin 'grub// grub pa'i dbang po khyod la phyag 'tshal lo// brtan par bzhugs shig gnod sbyin mchog/ rin chen gcal bkram sa gzhi la// baiDUr+ya dang dman shel dang// khri chen dpangs la brtan par bzhugs// sa ma ya tiSh+Tha lhan s+t+wam// gser dang bcas pa'i skyems phud ma nyams pa// dung chen snod du sbyar nas mchod par 'bul// dar gyi lhab lhub glu u0f84gar rol mo bcas// bsam pa dag pas sbyar nas mchod pa dbul// dril bu sgra snyan spos dang dri// mar me bshos dang gtor ma khrag/ mos pas 'bul lo bzhes su gsol/ oM ra ra so pa ba'u pU tsa kra ma pU tsa ho ha/ de nas gsang sngags rab bzlas la/oM ba hU ri rta dza/ ma d+ha la bag sha dza/ ra tra ma ru ru dza/ snying la shar shar ru dza/ srog la breng breng thuM dza/ gnod sbyin sku dang 'od dang sgra// sa g.yos thog dang char chen 'ong// gong gi rdzas kyis rab tu brdeg/thugs dam bskul te phrin las bcol// dus drug sngags 'di gzugs la brdeg/ oM dza laM ma hA dza laM/ rak+sha rak+sha/ sti bu stud de pa laM bag sha swA hA/ 'di ni sngags kyi rgyal po ste// thams cad grub pa'i sngags zhes brjod// 'khor lo bcas kyi dam rdzas de// byang bltas chu mig dogs sbas na// khrag skyugs 'chi bar the tshom med// dpal zla gsang nag po'i rgyud las/ srog gcod spu gri gnod sbyin gyi zla gsang gang ba bzang po nang du bsgrub pa'i skabs te nga gsum pa'o//// de nas yang bcom ldan 'das gshin rje gshed pos gang ba bzang po gsang ba bsgrub pa 'di gsungs so// dam tshig dbang sgo thub pa'i bus// bla ma mnyes phyir yid 'thad dbul// mi don ma yin rang don du// bsgrub pa gong bzhin tshul bshams te// de rting man ngag 'di bzhin bya// a ka ru dang du ru ka/ lug mig kar+sha pa na le// sngags ni 'di dag rab tu brjod// oM dz+wa la ma hA dz+wa la/ yag sha bag sha so pu sdu de pa lam/ bag sha swA hA/ 'di ni sngags kyi rgyal po ste// sngon du bsnyen pa sum 'bum bya// lus bsrung sbyor ba 'di bzhin bya// dpung pa dag la btags gyur na// nad rnams thams cad byang bar 'gyur// de nas gsad pa'i sbyor ba ni// kar ni ka dang bal bu dang// 'u su rdo dreg sha ka ra// ngang pa'i sgro la bskus nas kyang// gzugs la dus drug mchod byas te// phyag byas bzlas pa byas gyur na// longs spyod dpag med thob par 'gyur// khrag dang nyung rgod rta mchin dang// ba lang dag la bzlas byin na// rta bong la sogs mig zlum rnams// 'chi'am yang na smyo bar 'gyur// tsit+ta rus pa gyo mog gsum// sngags 'di bzlas nas byin gyur na// oM b+ha hU ri ri dza/ ma g+ha la bag sha dza/ ra ta ma ru ru dza/ snying la shar shar ru dza/ srog la breng breng thuM dza/ glang chen ba lang byin gyur na// glang chen ba glang 'chi bar 'gyur// bse dang ka ka ru la yang// sngags re bzlas te byin gyur na// lug la byin na 'chi bar 'gyur// b+hi li ka dang a mar dang// bu ram yang ru ram sbyar te ri lu bya// zla ba gzas zin dus su bya// ling+ga byas te bsdums byas nas// chu mig nang du thod par gnan// mdze dang shu bas 'dzin par 'gyur// bse zho btsan dug sbyar nas kyang// gsang sngags gong ma bzlas byas nas// sha la reg pa'i gos la bsku/ lhog pa dkar pos 'chi bar nges// yang na skrangs nas 'chi bar 'gyur// yang na zha grum 'gro ma nus// dang por khas blangs bzhin du bya// phag pa spyang ki'i mche ba dang// wa yi ril ma spyang rtug par/ nyi ma gung ngam nam phyed na// sum 'bum bzlas te don po yi// mkhar la rgyab na 'jig cing 'gas// de nas thog chen 'bebs 'dod na// srin rdo gdung chen sha ri ram// de rnams thod pa dum gsum du// yugs sa'i khrag la sbyar la stsal// gong gi sngags bzlas lha rten sba// gdon mi za bar thog 'bebs 'gyur// 'jam dpal zla gsang nag po'i rgyud las/ srog gcod spu gri gnod sbyin gyi zla gsang las gang ba bzang po gsang ba ltar bsgrub pa'i skabs te nga bzhi pa'o//// de nas yang bcom ldan 'das gshin rje gshed pos// 'gal ba cham la dbab slad du// gdug pa klu yi zla gsang gsungs// nub phyogs pho brang rgya mtsho'i chu// ngo mtshar chu bo bzhi 'babs pa// rab tu mi srun klu yi gnas// de nyid dregs pa 'dul ba'i phyir// bcom ldan gshin rje gshed po yis// lag na rdo rjer sku sprul te// lag na rdo rje thugs khros te// gser mig 'bar ba'i nga rgyal gyis// gdug pa'i klu rnams bred 'gyur te// rab tu mi srun klu rnams kyis// rab tu 'dzer te 'di skad smras// kye ma'o rdo rje gzugs mdzes pa// rab tu rngams pa'i rdo rje'i so// lcags mchu 'bar ba rab tu brjid// gser mig 'bar ba rab tu bgrad// mgo la yid bzhin nor bus brgyan// shes rab thabs ldan gshog pa brkyang// thabs ldan sder mo rnam par gdengs// kye ma'o sku stod mchog gi g.yang gzhis brgyan// sku smad sbrul gyi chun pos brgyan// thod pa tshar gsum se ral kha// rtsal 'phags khyad par de bzhin mthong// bdag cag rnams kyi dam tshig lha// drag po'i cha byad zla las rgyal// drag po chen po bka' bzhin bgyid// zhes 'dzer zhing 'thon nas dam tshig smras te sku la 'khril lo// nA du tra sa na d+h+ri pa la du ba ni gar si ti swA hA/de nas gser mig 'bar ba yis// nga rgyal chen po bstan te/ dbang du bsdu phyir dam tshig phyag rgya bstan// dang po gnyis ni nang du bsnol// zla rnams rab tu skyong pa ste// khros pa'i nga rgyal 'di brjod do// ta ki dza de byi dzaHde hUM ya hUM ya/ hu lu hu lu pu ru te pu ru swA hA/ zhes brjod nas che ba rgyun gyi ting nge 'dzin la snyoms par zhugs so// de nas rigs bzhi'i klu rnams la// rab tu che ba bstan pa'i phyir// nyid kyi gzhal yas khang chen po// rab tu brjid pa 'di nyid du// byol song rigs bzhi dang thabs cig tu 'dug pa'i gnas 'di lta ste// rgya mtsho chen po'i dbus gnas 'bar// ri rab mchod rten gzugs 'dra la// bum pa yid bzhin lcang los brgyan// sbrul gnyis dar 'phyang lta bus mdzes// rigs bzhi'i rgyan gyis rab tu bklubs// sgo bzhi ka brgyad rab tu ldan// de 'og gsum gnyis rab tu mdzes// byol song longs spyod rab tu ldan// de nyid bum pa'i khong seng na// gser mig 'bar ba dang thabs cig tu bzhugs pa 'di lta ste/ gzi brjid mtha' yas dung skyong dang// gang po nor ldan la sogs dang// dga' bo 'jog po ma dros dang// rigs bzhi'i gtso bo klu brgyad de// sku la 'khril te rab tu gnas// gyad nor med la sogs pa'i rgyan// dar dpyang ma dang pad+ma'i rgyan// gzi brjid ma dang dung can ma// klu mo rigs bzhi la sogs pa dang thabs cig tu bzhugs so// de nas bcom ldan 'das gshin rje gshed pos gnyen po sgrub pa 'di gsungs so// dgon pa dur khrod mtsho gling ngam// chu mig nags na gnas pa'i bar// dkyil 'khor cha mnyam yid 'ong la// dri spos sman gyis chag chag gdab// 'khor lo rtsibs bzhi mu khyud ldan// sgo bzhi rigs dang ldan pa bri// dbus su lag na rdo rje ste// 'khor lo bzhi la bya khyung bzhi// gru chad mchod pa'i bum pa bzhi// sman lnga spos lnga rin chen lnga// 'bru lnga me tog lnga la sogs// bcu gnyis lnga nyid byin gyis brlab// sgo la mchod pa'i gtor ma bzhi// b+ha ma hasti bcas pa yi// sor mo lnga yi bcangs pa'i rjes// mkha' lding mchod pa'i rdzas su gzhag/ de nas ting 'dzin rim pa ni// dang po stong pa'i byang chub sems// gnyis pa snying rje 'byung ba dang// gsum pa rgyu yi rnam pa las// baM gyi sa bon las byung ba'i// rgya mtsho chen po'i dbus su ni// laM las ri rab rin chen bskyed// de steng khroM las ga ru Da/ rdo rje gshog pa'i byin rlabs las// bya khyung rgyal po bzhi byung bas// dkar dang dmar dang ser dang ljang// 'khor lo rtsibs bzhi'i steng du bsgom// shar phyogs 'khor lo'i rtsibs steng du// ye shes mkha' lding stobs po che// sku mdog dkar mdzes 'od 'bar la// dbu gsum rdo rje'i mchu khra la// ring la dmar zhing spyan yang dmar// zhal gdangs ral pa sprugs pa'i tshul// ye shes gshog gdengs sku yang shin tu g.yo// sku dang yan lag rin chen baiDUr brgyan// phyag drug g.yas kyi dang po 'khor lo phyar// bar pa lcags kyu tha ma thal mo sbyar// g.yon gyi dang pos rin chen zur brgyad bsnams// bar pa zhags pa tha ma thal mo sbyar// nub phyogs 'khor lo'i rtsibs stengs su// ye shes mkha' lding rgyal po gzi brjid 'od po che// dbu gsum mdog dmar ral pa lcang lor 'khyil// zhal gdangs ye shes gshog pa chen po gdengs// sku dang ye shes yan lag me chen 'bar// phyag drug g.yas kyi dang po rdo rje rtse lnga pa// bar ma lcags kyu tha ma rin po che// g.yon gyi dang po rdo rje pad+ma 'phyar// bar ma zhags pa tha ma dbyug to bsnams// lho phyogs 'khor lo'i rtsibs stengs su// ye shes mkha' lding rgyal po mi mgo can// dbu gsum mdog ser ral pa gyen du 'khyil// yan lag rin chen sku las me chen 'bar// ye shes gshog pa rgya chen brkyang bskum mdzad// phyag drug g.yas kyi dang po rin chen 'bar// bar ma lcags kyu tha ma dpag bsam shing// g.yon gyi dang po ye shes ral gri 'phyar// bar ma zhags pa tha ma gshog tshul brkyang// byang phyogs 'khor lo'i rtsibs steng du// ye shes mkha' lding rlung gi shugs// dbu gsum mdog ljang ral pa 'khyil// sgra skad sna tshogs bzhad cing smin ma bskyod// yan lag rin chen brgyan pas sku 'bar ba// phyag drug g.yas kyi dang po ral gri phyar// bar ma lcags kyu tha ma shing thog bI ja pUr// g.yon gyi dang po 'khor lo 'bar ba bsnams// bar ma zhags pa tha ma gshog tshul brkyang// de rnams rtsa ba'i snying po khroM las bskyed// de bzhin spyan drang bzhugs gsol phyag bya dang// mchod dang bstod dang bzlas pa tshul bzhin bya// ba liM la sogs byed pa dang// b+ha ma hasti bcings pa yis// sor mo lnga yis bcangs pa'i rjes// zan chang dkar gsum 'bru dang sman gyis mchod// oM rA dza ma hA ga ru Da/ hUM ba liM pU tsa ba liM ta khA hi/zhes dbul bar bya'o// de nas sngags 'di rgyun du bzlas// ong kaM ong kaM khyung ka ra khyung ka ra/ sha ma ra dbyig du/ oM badzra ma hA kro d+ha hUM phaT/ sngags de rtsa ba rgyun du drangs// mkha' lding gso ba'i las byed na// bdag gam gzhan la gdug pas 'jigs// ga ru rgyal po mchod 'dod pas// gnas sam khang pa'i sgo ngos te// snum pa'i sa'am bag zan la// ga ru Da yi gzugs bcas te// ba liM la sogs pU tsa dang// b+ha ma hasti bcings pa yi// sor mo lnga yi pU tsa des// ga ru Da nyid la ni dbul// snying po lnga po gang yang rung// gcig gis sna drangs brjod rt-ing la// ga ru Da gnyis brjod nas kyang// de rting pU dza rab tu brjod// thog mar oM dang swA hAs dbul/ 'di ltar gzhung bzhin byas nas ni// ka la sha tas zin pa la// grol bar 'gyur ba the tshom med// de nas gnyen po rigs bzhi la// mnyes pa'i bstod pa 'di yang gsungs// hUM/ rig sngags bdag po mthu stobs bdag po'i sku// e ma'o phyag gi mthil na rdo rje 'bar 'dra bas// zhal nas gsungs skad bton pas khams gsum dbang du sdud// stong gsum drag tu g.yos pas klu chen pho mo 'dul// mkha' lding rgyal po 'jigs byed ga ru Da/ lcags kyu 'dab gshog chen po brgyang bas ni/ gser gyi 'od 'phro rlung sgra drag po yis// rgya mtsho chen por kun tu brdabs pa yis// klu rgyal 'khor dang bcas pa zil gyis gnon// 'jigs byed gser gyi spyan rnon chen pos ni// tshangs pa chen po'i yul sa rtse nas gnon// gal te klu rnams dam las 'das gyur na// rgya mtsho'i snying po rgya mtsho'i lbu ba la// gshog pa chen po rgya mtshor byas nas ni// klu rnams thams cad dbang du bsdus nas ni// me yi snying po 'bar bas bsreg byas te// lus ni rul myags dri ni nga bar 'gyur// nad kyi rnam grangs mang pos 'debs pa dang// lus la nad ngan sha bkra 'byung bar 'gyur// ga ru Da tsa le tsa le hUM phaT/ hUM nam mkha' lding gi rgyal po tshangs pa'i bya// gser 'dab bya khyung ga ru Da// drang srong 'khor gyi stobs po che// rigs gsum mgon po rdo rje rgyal// mnga' ris 'khor du klu yis bskor// rdo rje rnon po spu gri'i so gnyis gtsigs// gser gyi spyan gnyis khro gnyer can// thabs ldan rdo rje'i rwa gnyis brjid// yid bzhin nor bu gtsug na 'bar// lcags kyi mchu chen rno dbal gyis// rab tu gdug pa'i klu rnams spyi nas 'dren// rdo rje'i sder gshog brkyangs pa'i rlung mo ches// klu rgyal gdug pa dbang du sdud par mdzad// ces bstod de dbang du bsdu'o// dpal gshin rje zla gsang nag po'i rgyud las/ gdug pa glu bsgrub kyi zla gsang gi skabs te nga lnga pa'o//// de nas yang bcom ldan 'das gshin rje gshed pos gdug pa klu bsgrub 'di yang gsungs/mtsho 'gram chu mig shing gcig rkang// nags rdzongs mthug po dur khrod du// maN+Dal cha mnyam yid 'ong la// ba las byung ba'i rnam pa lnga// phyogs bzhi dbus dang lnga la byug/de nyid byin gyis brlab pa'i phyir// hUM sa ma ya oM gyi sngags// bya ba byed pas byin gyis brlab// bdag nyid chen por rab brtags te// thams cad grub par bya ba'i phyir// bdag nyid spyi bor sa dmigs te// bdag po bzhi yis dbang bskur ro// rdo rje'i sbu gur ma bsams te// g.yu bye'u sngon mos dbang bskur ro// tri dang ya bsam dregs pas dbang bskur bya'o// snying gar hUM bskyed bdag dbang bskur// lte bar oM yig gnyen por ro// de nas thig dang ri mo bri// pad+ma 'dab brgyad mu khyud ldan// gru chad sgo rnams de bzhin bri// lte ba mthing ga pad+ma dkar// mu khyud dmar po gru chad ljang// sgo rnams ser po sgo 'bur rigs// de bzhin tshon rnams dgye bar bya// dbus su gnyen po dgod par bya// pad+ma brgyad la klu chen brgyad// rang rang rtsa ba'i sngags kyang bri// rtsibs mchan de mi bri bar bya// gru chad bzhi la klu mo bzhi// na ba phu na gru chad la// sgo 'bur ha sa traM ga rnams// shar nas bskor te rim par dgod// ces rgyun du bzlas pa'i yi ge dgu po 'di gsungs so// hUM na ga rA dza sa ma ya che ge mo zhig tsit+ta dz+wa la zhes bsgrub par bya'o// zhag dgu bar du khrus byas te// zas rnams lnga ni spang bar bya// de nas grub pa'i rtags rnams ni// dngos su longs spyod tshogs rnams 'byung// bar ni bas ldag thor ba 'byung// de nyid mngon du gyur tshe'o// rig pa'i sham du gdags par bya// smi ti gi ti las la gzud// ces don thams cad grub par bya ba'i phyir// dbang bskur bar bya ba 'di gsungs so// dar dkar gzhi ma btings nas ni// pad+ma 'dab bzhi bri bar bya// dkar po la sogs mu khyud ldan// dbus su dam tshig sa bon sa na 'dra min 'dug sa ha dgod// de nas yid 'ong bum pa la// bdun pa dgu pa'i ri mo bri// dge bsnyen gnyis por rab tu dmigs// kha dog tshang ba'i ras kyis bcings// rma bya 'om bu bra ma dang// drag po'i rdzas la bdug par bya// ras la sogs pa'i gzungs thag gdags// sder gshog phyag rgya snying gar bstan// sman lnga spos lnga rin chen lnga// 'bru lnga me tog lnga la sogs// bcu gnyis lnga nyid byin gyis brlab// A+oM AHhUM nA ga yu lu/ nA ga yu ru dz+wa la ni/ nA ga sa ma ya swA hA/ dmigs pa'i yan lag gsum pa'i rgyud// yi ge rtsa gcig sbrul par bshad// hUM skyes bdag po gnyis nas sprul// yan lag yi ge rtsa gcig las// 'od zer sna tshogs bdud rtsir sprul// yi ge dmigs pa'i gnas lnga ru// bdud rtsi bum pa brtan par bya// mkha' lding rgyal po de nyid bsam// de nyid gtsang ma'i ras kyis dkris// gur gum sman nam chus bsres bkru// de bzhin ma smin zas rnams bza'// zhes 'di skad ces gsungs so// kye ma'o rdo rje 'dzin pa'i bdag/ bdag gi dam tshig mngon dga' bas// dam tshig dkyil 'khor 'dir 'jug na// khyod kyi dam tshig gtso lags kyi// longs spyod klu yi pho brang nas// rigs pa'i rgyal pos dbang bskur cig/ces gsol to// nyon cig skal ldan rigs kyi bu// longs spyod klu yi rigs kyis 'grub// pho brang yid 'ong mngon dga' nas// rab tu gdug pa'i klu rnams la// yid bzhin rin chen rab gnas pas// de ring khyod kyis bcang bar gyis// zhes dbang bskur bya'o// de nas yang bar chad bsal ba'i phyir// rma byas brdeg cing gu gul bdug/ ces gsungs so// snying po rigs bzhi dbu rgyan dang// dar gyi cod pan me tog phreng// longs spyod tshogs gyi zhal zas dang// rten gyi bum pas dbang bskur bya'o// de nas dam tshig rten 'brel gyi snying po 'di sbyin par bya'o// rigs ldan thogs med rgyug pa yi// sngags ldan sngags kyi bdag po khyod// de ring dam tshig 'di zung la// yid bzhin rin chen gter bzhin chongs// nam mkha'i dngos po mi gnas la// sna tshogs 'od kyi gzha' 'byung zhing// snang med sprul ba'i ngo bo las// rnam shes ldan pa'i thogs med ni// rnam shes sku yi ngo bo las// yi ge phreng ba nyid du bkod// nA ga li li hri la pa tri sni ra/ za ro tri/ tri ya ku ru pa tri yaM/ he he hUM hUM b+h+yo dza/ zhes rten 'brel gyi snying pos yongs su rdzogs par bya'o// de bsgrub bar du klu las gad mi bya// de yi sbyor ba yongs su rdzogs pa dang// klu yi sbyor ba tshang bar bsag par bya// 'di ni dang por sngon du rab tu gces// de nas klu yi sbyor ba 'di gsungs so// nA ga gnas shing gar na gnas pa'i sa// de yi drung nas 'jam pa'i sa blangs la// sa gnyen sbyin po dag dang mnyam bsres la// klu yi rA dza de yi gzugs byas la// lus bcu mgo gcig sbrul mgo bdun gyis brgyan// g.yas na rin chen 'bar ba'i bum pa thogs// kha dog mthing ga lus kyis chu srin mnan// pho yi yi ge 'di ni 'di yi rgyu yin te// nA ga rA dza su ki ni s+t+wam shes de bzhin bskyed la// nA ga rA dza ba su gi ni dza dza/ zhes bkug la/ de ltar gsal nas nyi shu pa nyid rtag par bzlas// ji ltar nus bzhin du mang bzlas te// de ltar bzlas tshe gzugs de ga bur gzhug/gzhan gyis mi mthong rang gi spyod yul nyid// rtags dang mtshan ma rang rang gzugs su 'byung// bzlas pas skyo na mchod pa dbul par bya// nA ga rA dza'i gzugs la thim par bsam// de nas gtad pa'i las byed 'dod na// bdag nyid mthu stobs bdag por bsam byas la// thugs kar mkha' lding rA dza gsal byas te// chu gtor mngar dang ldan pa sbyin byas la// seng ldeng phur pa bdag 'dra bsam// de yi gsang sngags nyid kyi byin gyis brlab// bdag gis de nyid dril zhing nA gar bsdig/ ka la rU pa tsag tshag dam dam// brgya'am stong du bzlas pa byas nas ni// gsang sngags 'di yis gtad par bya bar gsungs// A+oM nA ga rA dza dzaHhUM baM hoH/ che ge mo A kar+sha ya A kar+sha ya hUM/ tsin yang tsin yang/ len yang len yang/ nA ga chings nA ga chings/ nA ga sdom nA ga sdom/ de skad ces ni lan gnyis brjod// mi 'di bdun rgyud rtsa ba chod// ces bsgo/ 'di skad ces gnad la bor// gdug pa klu yis dgra 'di ma bsad na// phyag na rdo rje rang gi mgo 'gems so// khong nas snying khrag 'dzag par byed// de skad ces brjod gnad la bor// de nas gnan pa'i sngags 'di gsungs// mdze thod dam pha mes kyi thod pa ru// ming dang rus bcug sngo dmar skud pas bcings// bud med zhabs mas gtums la khyim gyi gting du sba// nub sgor kha bltas khyim gyi bdag po la// ba dmar glang dmar 'bri yi rwa co'i nang// ming rus 'chi rkyen gang 'dod bris pa de// lto phye sbal lcong lto ru bcug nas ni// hUM gis mtha' sgor ba ni tshig mi bya// kun la gang 'dod 'chi rkyen bris te sba/ oM laM suM laM pra ti sna nan ti ste ti sta/ oM che ge mo laM nan/ stam ba nan/ mA ra naM/ oM naM naM ti khas bye'u char khas/ nan ti khas/ pra nan/ pra khas/ nA ga pu ka nA ga pu ka/nA ga laM nA ga laM swA hA/ bdag la mi tshugs bya phyir gang mi smos// gnon pa'i rkang pa rdo rje rgya gram bsam// sa brko rang gi gri'am rab tu spang// ma nyes dpang gzug lha srin dbang du bsdu// de ltar byas na las rnams nges par 'grub// dpal gshin rje zla gsang nag po'i rgyud las/ gdug pa klu nang ltar bsgrub pa'i skabs te nga drug pa'o//// de nas klu'i drag sngags dgod pa'i sngags 'di gsungs/ nA ga rA dza ba su ki ni stam/ nA ga rA dza ba su ki ni dza dza/nA ga ni nA ga ni dza dza dza/ yu yu yu dam pa ni/ dum pa ni yu/ nA ga rA dza ba su ki a mr-i ta sarba sa ma ya/ nA ga rA dza bi tso ka li/ nA ga rA dza rat+na nA ga yu/ nA ga pu ka hUM dza hUM dza/oM che ge mo dza dza dza/ che ge mo sa ma ya dza dza/ hUM nA ga hUM/ oM nA ga rA dza ba su ki dza dza/ a a dad nan/ oM nA ga rA dza dzaHhUM baM hoH/ che ge mo A' kar+sha ya A kar+Sha ya hUM tsin yang tsin yang/ len yang len yang/nA ga chings nA ga chings/ nA ga sdoms/ nA ga sdoms/ nA ga pu ka/ nA ga pu ka/ hUM dza hUM dza/ che ge mo mA ra ya dza dza hUM phaT/ nA ga rA dza ba su ki/ dza dza dgra bo mA ra ya dza dza hUM phaT/ oM la pu laM pra ti sta nan/ sti ta sti ta/ oM che ge mo laM nan/ stam b+ha nan/ mA ra ya nan/ oM naM naM/ ti khas/ bye'u char khas/ nan ti khas/ bra nan/ pra khas/ nA ga pu ka/ nA ga pu ka/ nA ga laM/ nA ga laM swA hA/ nA ga rA dza nan/ nA ga ku ma ra b+h+yo nan/nA ga ku ma ra b+h+yo// de bzhin sngags rnams rdzogs gyur na// mdze nad dz+wa la mA ra ya'o// 'jam dpal zla gsang nag po'i rgyud las/ mdze nad dz+wa la klu'i zla gsang gi skabs te nga bdun pa'o//// de nas yang bcom ldan 'das gshin rje gshed pos 'di skad ces gsungs so// rgyud kyi rgyal po zla gsang nag po 'di// dus phyi ma'i rnal 'byor pa gang zhig bsgrub pa'i las byed na yang dam tshig las mi 'da' la 'khor khro bo dang khro mo dang/ging dang bdud ma mo la sogs pas kyang nga'i dam tshig 'di rjes su bsgrub par mdzad pas dus tha ma la gsang sngags chos 'di rnal 'byor pa'i sku la bsdo ba rnams la/dam tshig gi dbang gis grogs bya bar zhal gyis bzhes so// de nas bcom ldan 'das gshin rje gshed po dang/ gsang ba'i bdag po phyag na rdo rje dang/ rgyud kyi rgyal po zla gsang nag po dang bcas pa 'di bstan pa thams cad bsrung ba'i me long yin par rig nas/phyogs skyong gshin rje yab yum dang/ bdud dang/ btsan dang/ ging dang/ lha dang/ klu dang/ sman dang/ gza' dang/ gnod sbyin dang/ma mo la sogs pa 'dus pa phal mo che rnams kyis shin tu ngam zhing ngo mtshar skyes nas bstod pa/ e ma'o nyes bcom legs ldan mtshan bzhi mtha' las 'das// bdud dang gshin rje la sogs kun gyi gshed// rU tra gdug pa'i tshogs rnams 'joms mdzad pa// thugs rjes sgrol mdzad khyed la phyag 'tshal bstod// shes rab chen po nam mkha'i nyi mar gsal// byang chub sems kyi 'od zer dbyings su 'char// dpa' brtul myur ba'i shugs kyis dregs pa sgrol// bdud 'dul dpa' bo khyod la phyag 'tshal bstod// rin chen gter ltar 'dod pa kun skong zhing// bde gshegs lung dang gtan tshigs kun gyi mdzod// 'jigs byed rgyal po zla gsang nag po'i rgyud// dregs pa tshar gcod rgyud la bdag cag 'dud// ces bstod nas chos thams cad mnyam pa nyid kyi ngang la bsdus so// de bzhin gshegs pa thams cad kyi sku gsung thugs kyi rgyud 'jam dpal zla gsang nag po'i rgyud las/'khor gyis bstod pa'i skabs te lnga bcu nga brgyad pa'o//// 'jam dpal zla gsang nag po'i rgyud rdzogs so//// slob dpon ba su d+ha ra dang/

CLOSE WINDOW