CLOSE WINDOW

Gpb018.012
བོད་ཡིག

/ rgyal po'i bla dpe'o// gter rgya/ sbas rgya/ gtad rgya'o// rgya rgya rgya'o// gu h+ya//// rgya gar skad du/ su ga ta sa mu dA ya tan+t+ra nA ma/ bod skad du/ bde gshegs 'dus pa'i rgyud ces bya ba/bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ chos thams cad skye ba med pa/ mnyam pa'i ngang la gnas shing/ sgyu ma'i dpe brgyad ltar gnas pa las/skye 'gag med cing bdag dang gzhan du mi mthong ste/ rdo rje lta bu'i ting nge 'dzin gyis chos thams cad byang chub sems su gcig la/ snang ba du mar tha dad par snang ste snang yang gcig dang du mar brjod pa las 'das so// kye kye byang chub sems kyi rang bzhin ni// ngo bo gcig las med pa las// gcig la snang ba tha dad pas// gcig dang du ma'i brjod las 'das// zhes gsungs so// dpe mnyam pa nyid dang/don mnyam pa nyid dang/ chos thams cad lhun gyis grub pa mnyam pa nyid do// e ma ho// 'khor dang mya ngan 'das pa'i chos// gcig dang du ma'i brjod las 'das// 'di zhes gcig tu bstan par dka'// 'khor ba nyid kyang mya ngan 'das// zhes gsungs so// ma bcos ma bslad par rtogs na// yid bzhin nor bu 'dra ba'i phyir// gang ltar byas kyang lhun gyis grub// dbye ba med pa'i don rtogs so// byang chub sems kyi ngo bo ni// nam mkha' bzhin du brtag dka' zhing// cir yang med par cir yang snang/ don dam kun rdzob gnyis su snang// gcig dang du ma gnyis su snang// 'khor ba nyid kyang mya ngan 'das// ma rig nyid kyang yang dag lam// byang chub sems kyi don rtogs na// rtog pa g.yeng ba chos kyi sku// ma rig ye shes tha dad med// so so snang ba phye ba tsam// ma rig pa yang lam du gcig/dang po gang nas ma byung bas// tha ma gar yang 'gro ba med// dang po skye ba'i rgyu med pas// tha ma 'chi ba'i lam yang med// dngos po ci la yang mi gnas pas// 'di zhes gcig tu bstan tu med// skye zhing 'pho ba'i gnas med pas// bsad cing bcad pa bsgrub tu med// ma rig pa yi rtog pa yis// mi mthun bde sdug myong bar 'gyur// rdo rje lta bur gnas pa la// sgyu ma chu zla brag cha 'dra// zhes gsang ba'i tshig tu gsungs so// kye kye thugs rje chen po'i byin rlabs las// stong gsum rgyal ba'i skus gang yang// byang chub sems las g.yos pa med// dper na nam mkha'i 'ja' tshon bzhin// dkar dmar sngo ste ngos gzung med// de bzhin sems kyi rang bzhin yang// 'di zhes gcig tu bstan du med// mi shes bar snang 'ja' tshon 'dra// de phyir ma bcos ji bzhin bzhag/ ces rdo rje gsang ba'i tshig tu gsungs so// bde bar gshegs pa kun gyi gtso// yab yum sras dang bcas snang yang// byang chub sems kyi ngo bor gcig/ skye 'chi med pa byang chub sems// 'du 'bral med de chos kyi sku// bzang ngan med de 'khor 'das chos// rgyu 'bras med de mnyam pa nyid// 'gag pa med de sems nyid ni// dper na rmi lam sgyu ma 'dra// nam mkha' bzhin du ye nas gnas// nam mkha' 'di ni 'di 'dra zhes// tshig tu rab tu brjod du med// de bzhin sems kyi rang bzhin yang// 'di zhes gcig tu bstan du med// bstan na gzung 'dzin 'khrul pa'i chos// bstan du med pa blta ba'i mchog/ bsgom du med pa sgom pa'i mchog/ bsrung du med pa'i dam tshig ni// ma bsrungs bzhin du lhun gyis grub// ma nor pa yi chos nyid la// rang bzhin skye med chos kyi dbyings// ma bcos pa yi byang chub sems// rgyu dang 'bras bu ma bkag chos// dper na rgya mtsho chen po la// chu bran thams cad 'bab cing 'du// de bzhin byang chub sems nyid las// 'khor 'das gnyis ka 'byung zhing 'du// zhes rdo rje'i tshig tu gsungs so// e ma ho// bde bar gshegs pa'i snying po ni// nam mkha' bzhin du brtag dka' zhing// me long gzugs bzhin gzung du med// brag cha bzhin du brjod dang bral// bcud kyi rdo rje snying po 'di// bdag dang gzhan du brjod du med// bstan du med pa'i chos nyid 'di// brjod du med par go bar gyis// brjod med brjod pa brjod pa'i mchog/ mnyan bsam bsgom pa'i shes rab kyis// blo yi rtog pa kha phye la// nges pa'i don 'di rtogs par gyis// nges pa'i don 'di ma rtogs na// bsgom dang bsgrub pa yun ring kyang// mi shes gzung 'dzin 'ching ba'i rgyu// de phyir rtogs pa sngon du 'gro/ rtogs pa gdeng du ma gyur na// ci ltar spyad kyang 'ching ba'i rgyu// rtogs pa'i gdeng gi lta ba ni// dngos po gshis kyi gnas lugs brtags// nges pa'i don 'di ma rtogs na// mnyam bzhag bsgom pa chags pa'i rgyu// spu gri'i nags tshal la sogs kyang// rang gi rtog pas brtas pa'i phyir// de phyir rtogs pa sngon du gtang// rtogs pa'i don 'di rab tu gces// zhes bde bar gshegs pa nyid kyi chos kyi sku skye ba med pa las chos nyid rang sgrar byung ba'i ngang las/ longs spyod rdzogs pa'i sku skye ba'i cho 'phrul du 'og min gyi gnas mtha' dang dbus med pa/gzhi tshad med pa'i ye shes kyi 'khor lor gsal ba la/ ye shes rin po che 'bar ba'i gzhal yas khang/ rgya phyogs bcur yongs su ma chad pa/yon tan dpag tu med pa rgyas pa'i gru bzhir gyur pa'i nang dkyil 'khor dgu la 'khor lo rtsibs bzhi mu khyud zlum po gru chad bzhi dang sgo bzhir ldan pa/ rnam thar brgyad kyi rta babs dang ldan pa/ phyi rol byang chub kyi shing la sogs pa rgyan sna tshogs kyis brgyan pa/ phyi nas bltas pas nang gsal ba/ nang nas bltas pas phyi gsal la/ ye shes lhun gyis grub pa'i gzhal yas khang du gsal bar gyur to// de ltar rang bzhin 'og min gyi gnas na/ bde bar gshegs pa thams cad til gyi gang bu bzhin tu gnas te/ de nas bcom ldan 'das dpal kun tu bzang po dang/ yum kun tu bzang mo dang/ bde bar gshegs pa'i 'khor dpag tu med pa dang bcas pa rang bzhin gyis gnas so// de nas bcom ldan 'das dpal kun tu bzang po dang/ yum kun tu bzang mo gnyis chos nyid mnyam pa nyid la bzhugs nas/ 'di skad ces gsungs so// kye kye// gtso bo gtso mo 'khor bcas kyang// rang bzhin 'og min gnas mchog na// chu zla gzugs brnyan 'dra ba la// nyon mongs dri mas gos pa med// rang bzhin don gyi dbyings na bzhugs// nam mkha'i cho 'phrul ston pa ltar// rang bzhin 'og min chos dbyings nas// gsung gis don rnams mi ston te// thugs kyis chos rnams mjal bar ston// zhes yab yum gnyis po mnyam pa la bzhugs nas/mnyam pa dang rtogs pa'i sgo nas gleng gzhi'i le'u ste dang po'o//// de nas bcom ldan 'das dpal kun tu bzang po// 'og min gyi gnas na yum dang 'khril tshul du bzhugs pa las/yab kyis glengs pa// kye kye/ dag pa dri ma med pa'i chos// bla med byang chub sgrub pa'i thabs// 'khor ba'i rnam rtog gzhom pa dang// drag pos 'gro ba drang ba'i phyir// yab yum gnyis med 'khril ba'i tshul// zhes rdo rje gsang ba'i tshig tu brjod do// de nas yum yang mnyam pa nyid kyis 'khril ba'i tshul gyis bskul ba// kye kye/ bde gshegs rdo rje rigs kyi gtso// mnyam pa chen po'i don bstan nas// gang la 'dul ba bstan pa'i phyir// mi 'gyur rdo rje'i gtso mchog la// gnyis med chen pos 'khyud par bya// zhes gsungs so// de nas dgyes pa chen po des// gsang ba'i thugs mnyam pa'i ngang gis/ kye kye snying po don gyi gtso// bde bar gshegs pa kun gyi sras// 'khor ba yongs kyi ded dpon po// gnyis su med pa'i yum dang bzhugs// zhes glengs te mi g.yo ba'i ting nge 'dzin la snyoms par zhugs so// de nas yum gyis bskul ba// kye kye bde gshegs kun gyi gtso// ma rig mun la 'joms pa'i bdag/ kun kyang 'gro ba'i don bya'i phyir// dri med gsal ba nyi zla'i 'od// chos nyid mnyam pa'i klong na bzhugs// rigs kyi rigs te rigs kyi gtso/ mun pa 'joms pa'i shes rab 'od// 'gro ba sgrol ba'i ded dpon gtso// 'khor ba'i dri ma 'khrud pa'i chu// 'gro ba yongs kyi gnyen gcig po// gnyis med bde ba'i dbyings dkyil du// dgyes pa chen po dbab tu gsol// zhes yum gyi mnyam pa'i ngang la gnas nas de skad ces gsungs so// de nas bcom ldan 'das dgyes pa chen po des/ rgyal po dga' ba zhes bya ba'i ting nge 'dzin la snyoms par zhugs nas/rdo rje'i tshig 'di skad glengs so// kye ho rgyal ba 'gro ba'i don bya'i phyir// rigs kyi yum dang gnyis med par// pad+ma chen po gdangs su gsol// 'khor gyi rnam pa bskyed du gsol// gnyis su med par bzhugs su gsol// de nas yum chen mo nyid kyi bsam pa g.yos par gyur to/ e ma ho// ston pas bstan pa 'di bstan phyir// 'khor ba 'dul ba'i ded dpon gtso// dgyes pa'i rdo rje dpa' bo yis// gnyis med dgyes par gyur nas ni// gsang ba chen po'i char chen phob/ a la la ho/ sa ma ya s+t+waM/ a nu rA ga ho/ dzaHhUM baM hoH/ hUM trAM hrI hAH/ de nas yab yum gnyis su med pa las/bde bar gshegs pa yab yum sras dang bcas pa thon par gyur nas/ rang bzhin gnyis su med pa mnyam pa nyid sgyu ma lta bu'i ting 'dzin la snyoms par zhugs so// gleng slong ba'i le'u ste gnyis pa'o//// de nas phyogs bcu'i bde bar gshegs pa kun gyis/ bcom ldan 'das dpal kun tu bzang po la phyag btsal nas 'di skad ces zhus so// kye kye bde gshegs chos kyi sku// rtog pa'i dra ba gzhom pa'i phyir// bde gshegs rigs brgya'i sgrub pa'i thabs// legs par rgyas par bstan du gsol// zhes zhus pas// bcom ldan 'das dpal kun tu bzang pos gsungs pa/ nyon cig 'dus pa'i 'khor tshogs rnams// phyogs bcu'i bde gshegs thams cad ni// rigs brgyar 'dus pa ngas bshad do// phun sum tshogs pa'i gnas dag tu// 'du 'dzi spangs pa'i rnal 'byor pas// sa yi cho ga legs byas la// mgon po thugs dam can rnams mchod// bkra shis sa la maN+Dal bya// 'dom gang rgya la chag gang dpangs// rnam lnga sman gyis chag chag gdab// stangs stabs khro bos mtshams bcad la// dkyil 'khor thig ni gdab par bya// thig g.yog grogs dang rab ldan pas// ye shes lnga ldan srid bu yis// mkhas pas dkyil 'khor thig gdab bo// slob dpon nub la slob ma shar// rdo rje khu tshur byin brlabs la// pho brang dgu pa'i thig tu gdab// thig ni bcu drug btab pa la// cha ni bzhi bzhir mnyam par dbye// rtsa ba dbus cha gnyis te mtha' gnyis dor ba sgo// rgyan dang chas bya dbus brgyad cha las sgo 'gram dang// ya phubs logs la sgo khyud ngos la tshon sna lngas// bskor bya khyams kyi cha la longs spyod 'gram gyi cha// rin chen pha gu logs rgyab cha la 'gram dang phyed// logs rgyab cha gzhan ka ba cha lnga ya phubs btegs// rdo ra rnam bzhi rgyan gyis rnam mdzes rta babs dgod// chos kyi 'khor lo rtse bran gdugs mdzes ri dwags bcas// ba dan 'phan dang rin chen rgyal mtshan mdzes par bya// pad phreng me 'od rdo rje'i phreng bas mdzes par bskor// rtsa ba'i dkyil 'khor rang gzhung ci rigs mdzes par bskor// sa tshon sna lnga dpa' bo 'bru lnga yis// ye shes lnga dang ldan par byin brlabs la// dbus su rigs sbyar mu khyud 'od zer ldan// rtsibs bzhi rigs kyis dbye zhing gong ra mdzes pa'i tshon// mu khyud rdo rje'i ra ba gru chad khyams tshul phyogs// sgo bzhi rigs dang sbyar la brtsig pa rigs kyis dbye// 'dod yon khyams dmar rin chen pha gu ser// drwa ba drwa phyed ser la da ru ka ni ljang/ dbus kyi dkyil 'khor dgu la sgo rgyan bcas// phyi khyams phyogs kyis phye la sgo yang de dang bstun// rtsig pa dkar mthing ser dmar ljang gis bskor// 'dod yon la sogs gong 'dra rta babs la sogs sgo rgyan bya// mu khyud pad+ma'i phreng ba rdo rje phreng ba ldan// phur pa mda' dang me long ral gri la sogs dgod// dar dang ras kyi yol bre tshon skud dra bar gzhug/de ni bsnyen bsgrub gnyis ka'i dkyil 'khor yin// zhes gsungs so// rdul tshon gyi dkyil 'khor bri ba'i le'u ste gsum pa'o//// de nas phyogs bcu'i bde bar gshegs pa'i lha tshogs rnams kyis// bcom ldan 'das dpal kun tu bzang po la 'di skad ces gsol to// bcom ldan 'das te bde gshegs gtso// ting 'dzin dkyil 'khor bshad du gsol// bcom ldan 'das kyis bka' stsal pa// dam pa rigs brgya'i bsgom rim la// thog mar byang chub sems bskyed de// yan lag bdun gyis tshogs bsags la// de bzhin nyid kyi ting nge 'dzin// stong zhing bdag med ma bcos bsgom// kun tu snang ba'i ting 'dzin ni// khyab pa'i snying rje chen por bsgom// de nas rgyu yi ting nge 'dzin// rang sems yi ge a ru gsal// yi ge a yi byin rlabs las// e las nam mkha' yaM las rlung// baM las chu dang suM las gser// laM las ri rab raM las me// b+h+rUM las rin chen gzhal yas khang// dkyil 'khor dgu la dkyil 'khor gcig/ dbus kyi 'khor lo rtsibs bzhi la// gru chad sgo bzhir bcas pa la/ phyi khyams rgyan gyis mdzes byas pa'i// gzhal yas gsal bar grub par bsgom// de nas nyi zla pad+ma'i gdan// lha rnams kun gyi gnas su gding// de nas rang sems yi ge a// dkyil 'khor dbus ma'i gdan steng babs/spro bsdus 'od zhu 'khor lor gsal// rnam par snang mdzad kun bzang mo// shar du mi bskyod sangs rgyas spyan// lho ru 'byung ldan gos dkar mo// nub tu snang mtha' mA ma kI/ byang du don grub dam tshig sgrol// shar phyogs dkyil 'khor chen po ru// dbus su kun tu bzang po dang// yum gcig rdo rje dbyings phyug ma// shar du rdo rje sems dpa' la// lho ru rdo rje rgyal po'o// nub tu rdo rje chags pa la// byang du rdo rje legs pa'o// shar du rdo rje sgeg mo la// lho ru rdo rje bdug pa mo// nub tu rdo rje lcags kyu ma// byang du rdo rje me sgron ma'o// lho yi phyogs kyi dkyil 'khor du// gtso bo 'jam dpal gzhon nu dang// yum gcig rin chen dbyings phyug ma// shar du rdo rje rin chen la// lho ru rdo rje gzi brjid che// nub tu rdo rje rgyal mtshan la// byang du rdo rje bzhad pa'o// shar du rdo rje phreng ba ma// lho ru rdo rje bdug pa mo// nub tu rdo rje zhags pa ma// byang du rdo rje bde ba mo// nub kyi phyogs kyi dkyil 'khor du// gtso bo spyan ras gzigs dbang la// yum chen pad+ma dbyings phyug ma// shar du rdo rje chos dang ni/ lho ru rdo rje non po dang// nub tu rdo rje smra ba ste// byang du rdo rje 'khor lo'o// shar du rdo rje dbyangs can ma// lho ru rdo rje mar me ma// nub tu rdo rje lcags sgrog ma// byang du rdo rje gsal bkra ma'o// byang gi phyogs kyi dkyil 'khor du// rdo rje 'chang chen sangs rgyas dang// yum chen las kyi dbyings phyug ma// shar du rdo rje las dang ni// lho ru rdo rje srung ba dang// nub tu rdo rje gnod sbyin te// byang du rdo rje khu tshur ro// shar du rdo rje gar bsgyur ma// lho ru rdo rje byug pa mo// nub tu rdo rje dril 'khrol ma// byang du rdo rje thog 'bebs ma'o// shar lho'i mtshams kyi dkyil 'khor du// gtso bo sa yi snying po la// yum chen rdo rje sems ma ni// shar du chos kyi rgyal mtshan dang// lho ru dbang phyug rgyal po la// nub tu bkod pa'i rgyan dang ni// byang ru rin chen 'od 'phro'o// shar du bde ba rgyas 'debs ma// lho ru bde ba rmongs phyed ma// nub tu bde ba za byed ma// byang du bde ba tshe 'phel ma'o// lho nub mtshams kyi dkyil 'khor du// gtso bo nam mkha'i snying po'o// yum chen rin chen sems ma'o// shar du snang ba'i mchog dang ni// lho ru phyag rgya'i rgyal po'o// nub tu spobs pa'i rgyal po dang// byang du spobs pa brtsegs pa'o// shar du khrus kyi lha mo la// lho ru rgyal mtshan lha mo'o// nub tu bla re'i lha mo la// byang du gdugs kyi lha mo'o// nub byang mtshams kyi dkyil 'khor du// gtso bo byams pa chen po la// yum chen pad+ma'i sems ma'o// shar du pad+ma'i rgyal po la// lho ru pad+ma dam pa'o// nub tu rdo rje mi g.yo ba// byang du rdo rje thogs med dang// shar du lha mo pad+ma can// lho ru lha mo 'dzin byed ma// nub tu lha mo skyon bral ma// byang du lha mo rnam rgyal ma'o// byang shar mtshams kyi dkyil 'khor du// gtso bo sgrib pa rnam sel dang// yum chen las kyi sems ma la// shar du rin chen dbang phyug ma// lho ru rdo rje thub pa'i las// nub tu dag par ston pa dang// byang du mi g.yo ba yi mtha'/ shar du lha mo dbyangs can ma// lho ru lha mo dri med ma// nub tu lha mo sgra gcan ma// byang du lha mo thogs med ma'o// dkyil 'khor phyi yi bar khyams la// shar stod mi yi thub pa la// shar smad lha yi thub pa'o// lho stod lha min thub pa la// lho smad byol song thub pa'o// nub tu yi dwags thub pa ste// byang du dmyal ba'i thub pa'o// shar sgor rdo rje lcags kyu ma// lho ru rdo rje zhags pa ma// nub tu rdo rje lcags sgrog ma// byang du rdo rje dril bu ma'o// de ltar lha tshogs brgya po rnams// sku ni phyag rgya chen po la// gsung ni sngags kyi dam tshig ste// thugs ni phyag rgya chen por ldan// sku gsung thugs kyi phyag rgyar gsal// snang la rang bzhin med pa ni// me long nang gi gzugs brnyan nam// chu zla nang gi gzugs brnyan 'dra// zhes gsungs so// ting nge 'dzin gyi dkyil 'khor bstan pa'i le'u ste bzhi pa'o//// de nas yang dag nges gsungs pa// dam pa rigs brgya'i lha tshogs kyi// skyed pa rtsa ba'i sngags bshad pa// dbus kyi lha tshogs bskyed pa ni// oM bud+d+ha bai ro tsa na oM/ oM badzra dwe Sha ra ti oM/ oM badzra ak+Sho b+h+ya hUM/ oM badzra bud+d+ha lo tsa na hUM/ oM rat+na sam+b+ha ba trAM/ oM badzra paN+Da ra ba sa nI trAM/ oM badzra a mi ta b+hA hrIH/ oM badzra mA ma kI hrIH/ oM badzra a mo g+ha sid+d+hi hA/oM badzra sa ma ya tA rA hA/ shar gyi dkyil 'khor rnams kyi sngags/ oM badzra sa mAn+ta b+ha dra hUM/ oM badzra d+ha rA hUM/ oM badzra sa twa hUM/ oM badzra rA dza hUM/ oM badzra rA ga hUM/ oM badzra sA d+hu hUM/ oM badzra lA s+ye hUM/oM badzra d+hU pe hUM/ oM badzra ang+ku sha hUM// oM badzra dI bi shwa ra ti hUM/ lho phyogs dkyil 'khor lha tshogs sngags/ oM many+dzu shrI ku mA ra mu la trAM/ oM badzra rat+na d+ha rA hUM/ oM badzra rat+na hUM/ oM badzra sUr+Ya trAM/ oM badzra ke tu hrIH/ oM badzra ha sa hA/ oM badzra mA le hUM/ oM badzra puSh+pe trAM/ oM badzra pA sha hrIH/ oM badzra su kha hA/ nub phyogs lha tshogs dkyil 'khor sngags/ oM sarba ta thA ga ta a ba lo ki ti kA ru Na ma hA rA dza hrIH/ oM pad+ma d+ha rA hrIH/ oM badzra d+harma hUM/oM badzra tik+Sh+Na trAM/ oM badzra b+hA ShA hrIH/ oM badzra tsakra hA/ oM gIrti hUM/ oM badzra A lo ke trAM/ oM badzra s+pho Ta hrI/ oM badzra rA ga ra ti hA/ byang gi dkyil 'khor lha tshogs sngags/ oM badzra pA Ni sa man+ta hUM/ oM badzra karma d+ha rA hUM/oM badzra karma hUM/ oM rak+Sha trAM/ oM badzra yak+Sha hrIH/ oM badzra san+d+hi hA/ oM badzra nr-i t+ye hUM// oM badzra gan+d+he trAM/ oM badzra g+haN+De hrIH/ oM badzra A be sha hA/ shar lho mtshams kyi lha tshogs sngags/ oM k+Shi ti gar+b+ha rat+na oM/ oM badzra nirti hUM/ oM d+harma ke tu hUM/ oM ke twI shwa ra rA dza trAM/ oM b+hU hA laM rA dza hrIH/ oM rat+na pra b+hA hA/ oM badzra kha T+wAM ka pra dz+wa la ya hUM/ oM badzra a mo g+ha sha ra ya trAM/ oM badzra rA ga sa ma ya hrIH/ oM badzra g+haN+De dza la ya hA/ lho nub mtshams kyi lha tshogs sngags/oM A kA sha gar+b+ha swA hA oM rat+na ni tre trAM/ oM A lo ke a gra pra be ho hUM/ oM mu dra rA dza pra b+ha ta trAM/ oM pra ti b+hA na rA dza ne hrIH/ oM pra ti b+hA na ku Ta ye hA/ oM badzra A p+lA baM hUM/ oM badzra ke tu trAM/oM bi tA na d+hA hrIH/ oM tshar+t+ra hrIH/ nub byang dkyil 'khor lha tshogs sngags/ oM hrI ma hA mai tri hUM/ oM pad+ma ni ti oM oM ka ma la rA dza ma hA rA dza hUM// oM pad+mo t+ta ma pad+ma d+ha ra trAM/ oM badzra ak+Sho b+h+ya hrIH/ oM a mo g+ha rA dza ya hUM/oM bi ma le karma many+dzu Sha ya hUM/ A+oM dza li mi li hu ba tre ba tu sa ba tre trAM/ oM ta ka ru na dz+wa la pu tsa pad+me hrIH/ oM tra sa ni bi tra sa ni ba tra sa ni hA/ byang shar dkyil 'khor lha tshogs sngags/ oM sarba Ni ba ra Na bi shwa d+ha ra ya ba re oM/oM karma ni te oM/ oM rat+ne sha dar rat+na d+ha ra hUM/ oM karma sid+d+hi rat+na d+ha rA ya trAM/ oM A ra ha shA d+ha ra ya hrIH/ oM a tsa la ak+Sho b+h+ya d+ha rA ya hA/ oM dza ye dza ye ba ha sarba sha ni hUM/ oM dz+wa la pra dz+wa la dA hA pa tsa trAM/oM gan+d+he tsu ru ma hA pa sha ra a ti ti hrIH/ oM ha ka hu ru na pra ka ri hA/ dkyil 'khor 'khyams la thub drug sngags/ oM mu ne kriM swA hA/ oM mu ne trUM hUM swA hA/ oM mu ne sruM swA hA/oM mu ne praM swA hA/ oM mu ne k+ShaM swA hA/ oM mu ne ye swA hA/ dkyil 'khor sgo bzhir sgo ma'i sngags/ oM badzra aM ku sha dza/ oM badzra pA sha hUM/ oM badzra s+pho Ta baM/ oM badzra g+haN+De hoH/ dam pa rigs brgya'i rtsa ba'i sngags// sku bskyed gsal gdab bsnyen sngags yin// ces gsungs so// dam pa rigs brgya'i sngags bstan pa'i le'u ste lnga pa'o//// de nas yang dag nges gsungs pa// dbus kyi dkyil 'khor lha tshogs kyi// sku mdog phyag mtshan bstan pa ni// dbus su rnam par snang mdzad dkar// g.yas pa ye shes 'khor lo la// g.yon pa dngul dkar dril bu'o// zhabs ni mnyam pa'i skyil krung bzhugs// yum chen kun bzang bdag nyid dkar// g.yas pas yab kyi mgul nas 'khyud// g.yon pas dril bu 'dud pa'i tshul// shar du mi 'khrugs mthing ga la// phyag na rdo rje rtse lnga 'dzin// yum chen sangs rgyas spyan ma ni// rgyan dang cha lugs yab dang mthun// lho ru rin chen 'byung ldan ser// phyag na rin chen 'bar ba bsnams// yum chen gos dkar yab dang mthun// nub tu snang ba mtha' yas dmar// phyag na pad+ma bsnams pa'o// mA ma kI ni yab dang mthun// byang du don yod grub pa ljang// phyag na ral gri bsnams pa'o// dam tshig sgrol ma yab dang mthun// shar gyi phyogs kyi dkyil 'khor du// dbus su kun tu bzang po dkar// phyag na rdo rje rtse lnga bsnams// rdo rje dbyings phyug yab dang mthun// shar du rdo rje sems dpa' dkar// phyag na rdo rje rtse lnga bsnams// lho ru rdo rje rgyal po ser// phyag na rdo rje lcags kyu bsnams// nub tu rdo rje chags pa dmar// phyag na mda' gzhu 'gengs pa'o// byang du rdo rje legs pa ljang// phyag na rdo rje bsnams pa'o// shar du rdo rje sgeg mo dkar// phyag na 'gengs pa'i phyag rgya'o// lho ru rdo rje bdug pa ser// phyag na spos kyi sprin spro ba'o// nub tu rdo rje lcags kyu dmar// phyag na lcags kyu bsnams pa'o// byang du rdo rje me sgron ljang// phyag na gsal ba'i sgron me'o// lho yi phyogs kyi dkyil 'khor du// dbus su 'jam dpal gzhon nu ser// phyag na rin chen ral gri'o// rin chen dbyings phyug yab dang mthun// shar du rdo rje rin chen dkar// phyag na rdo rje rin chen bsnams// lho ru rdo rje gzi brjid ser// phyag na nyi ma'i dkyil 'khor bsnams// nub tu rdo rje rgyal mtshan dmar// phyag na rgyal mtshan bsnams pa'o// byang du rdo rje bzhad pa ljang// phyag na so 'phreng bsnams pa'o// shar du rdo rje phreng ba dkar// phyag na rin chen phreng ba bsnams/ / lho ru rdo rje me tog ser// phyag na me tog bsnams pa'o// nub tu rdo rje zhags pa ma/ phyag ni 'gugs pa'i phyag rgya'o// byang du rdo rje bde ma ljang// phyag na bsil yab bsnams pa'o/ nub kyi phyogs kyi dkyil 'khor du// gtso bo spyan ras gzigs dbang dmar// phyag na pad+ma bsnams pa'o// pad+ma dbyings phyug yab dang mthun// shar du rdo rje chos ni dkar// phyag na pad+ma bsnams pa'o// lho ru rdo rje rnon po ser// phyag na ral gri bsnams pa'o// nub tu rdo rje smra ba dmar// phyag na rdo rje bsnams pa'o// byang du rdo rje 'khor lo ljang// phyag na 'khor lo bsnams pa'o// shar du rdo rje dbyangs mkhan dkar// phyag na pi waM bsnams pa'o// lho ru rdo rje mar me ser// phyag na mar me bsnams pa'o// nub tu rdo rje lcags sgrog dmar// phyag na pad+ma bsnams pa'o// byang du rdo rje gsal bkra ljang// phyag na rma bya bsnams pa'o// byang gi phyogs kyi dkyil 'khor du// gtso bo phyag na rdo rje ljang// phyag na rdo rje bsnams pa'o// las kyi dbyings phyug yab dang mthun// shar du rdo rje las ni dkar// phyag na rdo rje rgya gram bsnams// lho ru rdo rje srung ba ser// phyag na go cha bsnams pa'o// nub tu rdo rje gnod sbyin dmar// phyag na mche ba bsnams pa'o// byang du rdo rje khu tshur ljang// phyag ni phyag rgya khu tshur mdzad// shar du rdo rje gar bsgyur dkar// phyag rgya sna tshogs bsgyur ba'o// lho ru rdo rje byug pa ser// phyag na spos chu bsnams pa'o// nub tu rdo rje dril 'khrol dmar// phyag na dril bu 'khrol ba'o// byang du rdo rje 'bebs ma ljang// phyag na bum pa'i chu rgyun bsnams// shar lho mtshams kyi dkyil 'khor du// gtso bo sa yi snying po dkar// phyag na rin chen snyems ma bsnams// rdo rje sems ma yab dang mthun// shar du rdo rje rgyal mtshan dkar// phyag na chu srin gser mdog bsnams// lho ru dbang phyug rgyal po ser// phyag na lcags kyu bsnams pa'o// nub tu bkod pa'i rgyan ni dmar// phyag na me tog bsnams pa'o// byang du rin chen 'od 'phro ljang// phyag na rin chen bsnams pa'o// shar du bde ba rgyas 'debs dkar// phyag na kha T+wAM bsnams pa'o// lho ru bde ba za byed ser// phyag na mda' gzhu 'gengs pa'o// nub tu bde ba rmongs byed dmar// phyag rgya thugs kar bsnol ba'o// byang du bde ba za byed ljang// phyag na dril bu bsnams pa'o// lho nub mtshams kyi dkyil 'khor du// gtso bo nam mkha'i snying po dkar// phyag na rin chen za ma tog/ rin chen dbyings phyug yab dang mthun// shar du snang ba'i mchog ni dkar// phyag na rdo rje bsnams pa'o// lho ru phyag rgya'i rgyal po ser// phyag na mda' gzhu bsnams pa'o// nub tu spos kyi glang po dmar// phyag na 'od kyi za ma tog/byang du spobs brtsegs kun 'dren ljang// phyag na gser tog mdog yang lcags kyu bsnams// shar du khrus kyi lha mo dkar// phyag na khrus bum bsnams pa'o// lho ru rgyal mtshan lha mo ser// phyag na rgyal mtshan bsnams pa'o// nub tu bla re'i lha mo dmar// phyag na bla re bsnams pa'o// byang du gdugs kyi lha mo ljang// phyag na gser gdugs bsnams pa'o// nub byang mtshams kyi dkyil 'khor du// dbus su gtso bo byams pa dmar// phyag na klu shing pad+ma bsnams// pad+ma'i sems ma yab dang mthun// shar du pad+ma'i rgyal po dkar// phyag na pad+ma bsnams pa'o// lho ru pad+ma dam pa ser// phyag na pad+ma kha ma bye ba'o// nub tu rdo rje mi g.yo dmar// phyag na bsam gtan po ti bsnams// byang du thogs med rgyal po ljang// phyag na lcags kyu gser g.yu bsnams// shar du lha mo pad+ma dkar// phyag na dpal be'u bsnams pa'o// lho ru lha mo 'jigs byed ser// phyag na 'khor lo bsnams pa'o// nub tu lha mo skyon bral dmar// phyag na pad+ma bsnams pa'o// byang du lha mo rnam rgyal ljang// phyag na rgyal mtshan bsnams pa'o// byang shar mtshams kyi dkyil 'khor du// gtso bo sgrib pa rnam sel ljang// phyag na po ti bsnams pa'o// las kyi sems ma yab dang mthun/ shar du rin chen dbang sdud dkar// phyag na rin chen zur brgyad bsnams// lho ru grub pa'i las ni ser// phyag na rin chen rgya gram bsnams// nub tu dga' ba ston pa dmar// phyag na rdo rje rgya gram bsnams// byang du mi g.yo mtha' ni ljang// phyag na rgya gram bsam gtan mdzad// shar du lha mo skyabs can dkar// phyag na gdu bu bsnams pa'o// lho ru lha mo dri med ser// phyag na bum pa bsnams pa'o// nub tu lha mo sgra sgrogs dmar// phyag na 'bud dung bsnams pa'o// byang du lha mo sgra sgrogs ljang// phyag na gser gyi nya bsnams pa'o// dkyil 'khor phyi yi bar khyams la// shar stod lha yi thub pa dkar// phyag na pi wang bsnams pa'o// shar du lha min thub pa sngo// phyag na go mtshon bsnams pa'o// lho ru mi yi thub pa ser// phyag na gseg shang par bu bsnams// nub stod byol song thub pa nag/ phyag na po ti bsnams pa'o// nub smad yi dwags thub pa dmar// phyag na rin chen sgrom bu bsnams// byang du dmyal ba'i thub pa nag/ phyag na me chu bsnams pa'o// de nas dkyil 'khor sgo bzhi ru// shar sgor rdo rje lcags kyu ma// phyag na lcags kyu bsnams pa'o// lho sgor rdo rje zhags pa ser// phyag na zhags pa bsnams pa'o// nub tu rdo rje lcags sgrog dmar// phyag na lcags sgrog bsnams pa'o// byang du rdo rje dril bu ljang// phyag na dril bu bsnams pa'o// de ltar phyogs bzhi mtshams bzhi yi// bde gshegs thams cad dam pa rigs brgyar 'dus// rigs brgya bsdus pa rgyal ba rigs lngar 'dus// de yang chos sku thig le nyag gcig ngang du 'dus// zhes gsungs so// bde gshegs rigs brgya'i sku mdog phyag mtshan bstan pa'i le'u ste drug pa'o//// de nas yang dang nges gsungs pa// bde gshegs rigs brgya'i lha tshogs rnams// rgyan dang cha lugs mtshan dang dpe byad ldan// mnyam par ma 'dres 'ja' tshon ri mo 'dra// snang la mi rtog me long gzugs brnyan 'dra// sku mdog rigs kyi phyag rgya so sor gsal// gsung gi phyag rgya oM hUM trAM hrIHhA lnga/ so so'i rigs kyi yig 'brur gsal// thugs kyi phyag rgya phyag mtshan ni// g.yas pa so so'i phyag mtshan bsnams// g.yon pa thams cad dril bu bsnams// de ltar rigs brgya gsal bsgoms la// chos sku thig le gcig tu bsgom// sku gsung thugs su byin rlob cing// ye shes lnga yi dbang bskur bya// oM sarba ta thA ga ta kA la badzra swa b+hA ba At+ma kou0f85haM/ oM sarba ta thA ga ta wA ka badzra swa b+hA ba At+ma kou0f85haM/ oM sarba ta thA ga ta tsit+ta badzra swa b+ha ba At+ma kou0f85haM/ oM ma hA shu n+yatA dz+nyA na badzra swa b+hA pa At+ma kou0f85haM/ oM ma hA A dar+sha dz+nyA na badzra swa b+h A wa At+ma kou0f85haM/oM ma hA sa ma tA dz+nyA na badzra swa b+hA wa At+ma kou0f85haM/ oM sarba ta thA ga ta kr-i t+yA nuSh+ThA na dz+nyA na badzra swa b+hA wa A t+ma kou0f85haM/oM pra t+ya bek+Sha Na dz+nyA na badzra swa b+ha wa At+ma kou0f85haM/ de ltar byin brlabs dbang bskur nas/ phyag rgya chen po bsgrub par bya// dam tshig sems dpa' bskyed pa'o/ zhes gsungs so// dam tshig gi dkyil ' khor bstan pa'i le'u ste bdun pa'o//// de nas rigs lnga'i sangs rgyas kyis dpal kun tu bzang po la gsol pa/ ting 'dzin dkyil 'khor de lags na// rang bzhin dkyil 'khor ji ltar bsgrub// de skad gsol pa gsan nas kyang// spyi dpal chen pos bka' stsal pa// rang bzhin dkyil 'khor dgug pa ni// thugs ka'i hUM gi 'od zer gyis// sprul pa'i lha mo 'phros pa yis// chos kyi dbyings kyi pho brang nas// dam pa rigs brgya'i lha tshogs la// snyan gsan phab ste spyan drangs la// mdun gyi nam mkhar bzhugs pa de// 'od kyi nang du spyan drangs la// dam tshig la ni ye shes bstim// gnyis su med par brtan par gzhug/gzhal las khang gi sgo bzhi nas// thugs las sprul pa'i gsang yum bzhis// mnyes pa'i tshul gyis phyag kyang btsal// 'dod yon lha mo lha tshogs kyis// phyi nang gsang ba'i mchod pa rnams// mnyes pa'i tshul gyis tshim par mchod// mchod cing bstod pa dag par 'bul// bzlas pa'i 'phro 'du bya ba ni// oM A li kA li pany+tsa dz+nyA na sa twa kro d+ha mu na ye swA hA// dam pa rigs brgya 'dus pa'i sngags// lha rnams thugs kar nyi ma'i steng// ye shes sems dpa' gsal bkod la// de yi thugs kar zla ba'i steng// sngags kyi phreng ba gsal bkod de// 'od zer 'phro 'dus bsnyen pa bya// bdag gzhan don gyi bzlas pa rnams// gang 'dod tshad du phyin par bzlas/ de nas ting 'dzin gtong 'dod na// lha tshogs rnams la bshags pa bya// gtor ma byin gyis brlabs la gtang// bkra shis brjod cing phrin las bcol// de ltar bsgrub pa'i sbyor ba ni// zla drug zla ba bcu gnyis sam// lo gsum lo drug bcu gnyis kyis// rig 'dzin sa la nges par sbyor// zhes gsungs so// rang bzhin gyi dkyil 'khor bsgrub pa'i le'u ste brgyad pa'o//// de nas yang dag nges gsungs pa// rtags thon bsnyen bsgrub thon pa dang// cho ga'i rim pa rab rdzogs nas// de nas dkyil 'khor bsdu byas te// dam tshig sems dpa'i lha tshogs dang/ye shes sems dpa'i dkyil 'khor ni// gnyis med gcig la gnyis su dbye// ye shes sems dpa' gshegs su gsol// oM AHhUM muM gyi sngags brjod pas// bdag la zhal bstan dbyings su gshegs// dam tshig sems dpa'i dkyil 'khor de// sgo ba rim gyis byang nas bsdu// sgo ba thub pa drug la bsdu// thub drug byang shar dkyil 'khor la// mtshams bzhi'i dkyil 'khor rim gyis bsdu// phyogs bzhi byang nas rim par bsdu// shar nas dbus kyi dkyil 'khor la// mtshams bzhi'i dkyil 'khor rim gyis bsdu// dbus kyi lha tshogs byang nas bsdu// dbus kyi gtso bo nyid la bsdu// gtso bo thugs ka'i ye shes sems dpa' la// de yang rdo rje nas tsam la// de yang yi ge hUM la bsdu/ hUM yang rim gyis thig le la// thig le chos kyi dbyings su bsdu// de yi ngang du blo bzhag la// slar yang lha yi ting 'dzin du// skad cig langs te spyod lam bya// 'di ltar bskyed rdzogs don bsgoms na// nges par legs pa'i don mthong nas// rig 'dzin sa la rdzogs par sbyor// zhes gsungs so// dam pa rigs brgya'i sgrub thabs bstan pa'o// bde gshegs 'dus pa'i rgyud las mjug rdzogs rim gyi le'u ste dgu pa'o//// bde gshegs dam pa rigs brgya'i sgrub thabs bstan pa'i skabs te dang po'o// de nas spyi dpal chen po kun tu bzang po la/rigs lnga'i sangs rgyas rnams kyis zhus pa/ e ma ho spyi dpal kun tu bzang// 'gro ba'i log rtog gzhom pa'i phyir// sangs rgyas bzhi bcu rtsa gnyis kyi// ye shes skyid pa'i sgrub thabs gang// spyi dpal yab kyis bka' stsol cig/ de skad gsol pa gsan nas kyang// spyi dpal yab kyis bka' stsal pa// nyon cig 'dus pa'i 'khor tshogs rnams// ma rtogs pa dang log par rtog/phyogs rtog yang dag nyid ma rtogs// 'dul bar dgongs nas gsang ba dang// rang bzhin gsang ba'i don rnams ni// yi ge sgras btags ming tshogs la// brten pa'i tshig gis rab mtshon te// khong nas gsang sbas don 'byin pa// ston pa rdo rje'i thugs la gab// thos bsam bsgom la rab sbyangs te// shes rab mig ldan rnams kyis gzung// snod ldan ngang tshul bzang la bstan// lus dang longs spyod gtong la sbyin// slob dpon mnyes par bya ba dang// sgyu 'phrul dra ba'i dkyil 'khor du// dbang rnams rdzogs par byas pa yis// 'dod yon g.yeng ba kun spangs te// dka' thub spyod pas ma gdungs par// ting 'dzin thub pa'i sa phyogs su// rab tu bde ba'i bstan la 'dug/ byams dang snying rje dga' ba dang// btang snyoms bzhi po rab bsgoms nas// sems can rnams kyi don gyi phyir// sku gsung thugs ni bsgrub bya zhes// bdag ni bsam pa brtan byas te// rang snying sa bon 'od zer las// sprul pa'i mchod pa'i tshogs spros te// mdun gyi dkyil 'khor tshogs rnams dang// bla ma la sogs rnams mchod de// de nas sdig pa bshags pa dang// skyabs gsol la sogs byas nas ni// bgegs rnams ma lus gzhom pa'i phyir// sna tshogs hUM las bskyed pa yi// rdo rje'i sa gzhi bsam par bya// rnam rtog 'du shes kun spangs na// bgegs kyi sbyor ba yod mi 'gyur// de bas rnam rtog bgegs yin pas// yang dag rig pa nyid kyis bsrung// dang po stong nyid byang chub sems// skye 'gag med pa'i don gsal nas// snying rje'i yul gyis blangs nas ni// sa bon shin tu gsal bar gyur// rab tu brtan gyur a dkar las// shin tu phra ba'i a rnams spros// phyogs kun gang bar gsal gyur la// bsdus kyang 'phel 'grib med pa'o// de las ming tshogs gsal ba kun// spro zhing bsdu ba de bzhin te// 'di ni rdo rje dngos grub kyi// rten 'byung ye shes rgyu yin no// de nas mtha' dbus med pa yi// 'og min chos 'byung bsam par bya// de nas yaM las byung ba yi// rlung gi dkyil 'khor bsam par bya// de steng yi ge raM las ni// me yi dkyil 'khor bskyed par bya// de yi steng du baM bsams te// de las chu yi dkyil 'khor ro// chu yi dkyil 'khor steng du ni// yaM las ye shes sa gzhir brtags// rin chen 'bar ba ri rab steng// b+h+rUM las ye shes gzhal yas khang/ ye shes chen po'i rang bzhin no// rgya rnams yongs su ma chad pa// bsod nams ye shes tshogs rgyas pas// kun tu gru bzhir gnas gyur pa// ye shes lhag pa'i glo 'bur mdzes// thams cad ngo bo gcig pa'i phyir// rtse mo kun tu 'dus pa yin// rin chen rgyan sogs bye brag gis// bsam mi khyab par spras par gyur// tshad med bzhi yi sgo khyud la// rnam thar brgyad kyi rta babs ldan// kun nas bskor ba'i kha khyer la// rol mo sna tshogs sprin phung bzhin// phyi dang nang med kun tu snang// 'khor lo rtsibs bzhi mu khyud dang/ gru chad bzhi ldan bar khyams dang// dkyil 'khor bzhi bcu gnyis kyis brgyan// dbus su mi 'jigs seng ge'i khri// brgya byin 'od gsal nyi zla dang// chags med pad+ma so sor mdzes/ gdan ni sum brtsegs dag tu gnas// seng ge'i gdan gyi dbus su ni// dam pa'i yi ge'i sa bon las// de las pad+ma rdo rjer btags// so so'i snying pos mtshon par bya// de las sangs rgyas sku ni spro// phyogs bcu'i 'jig rten khams rnams kyi// sems can don kun rdzogs mdzad nas// de nyid la ni thim par gyur// phyag rgya yongs su gyur pa las// kun bzang yum dang ldan pa ni// zla ba'i 'od ltar dkar zhing gsal// zhal gcig phyag gnyis rgyan gyis mdzes// sangs rgyas lnga yi dbu rgyan can// 'od zer rnam pa sna tshogs las// sprul pas sems can don rnams mdzad// kun tu bzang mo 'jo sgeg tshul// in+d+ra nI la'i kha dog 'dra// rgyan dang dbu rgyan yab dang mthun// phyag g.yas rdo rje thugs kar brten// g.yon pas dril 'dzin yum la 'khril// yum gyis pad+ma thugs kar brten// g.yon gyis nyi ma'i las su 'khril// dbu ni 'byo zhing 'dud pa'i tshul// de ltar yongs su bskyed pa ni// gnyis med chags pa'i sbyor bas drangs// de bzhin gshegs pa kun 'dus nas// yab la de bzhin gshegs rnams thim// rdo rje'i lam du phyung nas ni// yum gyi pad+ma'i mkha' dkyil du// byang chub sems kyi 'phro 'du las// ye shes dkyil 'khor rdzogs par sprul// de nas snying rje'i chags pa yis// sems can ma lus bsdus byas nas// dkyil 'khor phyi rol 'khod nas ni// de dag 'jug par gsol ba 'debs// gsol ba btab pa'i tshig brjod nas// thams cad dkyil 'khor 'jug par 'gyur// bdud rtsi'i 'od kyis reg par gyur// thams cad rang bzhin sangs rgyas shes// de ltar rgyal po'i byin rlabs kyis// rang lus rgyal ba'i dkyil 'khor che// rdo rje phung po'i yan lag ni// rdzogs pa'i sangs rgyas lnga ru grags// skye mched khams rnams mang po kun// byang chub sems dpa'i dkyil 'khor nyid// sa chu spyan dang mA ma ki/ me rlung gos dkar dam tshig sgrol// nam mkha' dbyings kyi dbang phyug ma// srid gsum ye nas sangs rgyas shing// thams cad ma lus chos so cog/ sangs rgyas nyid las gzhan ma yin// sangs rgyas nyid las gzhan pa'i chos// sangs rgyas nyid kyis mi brnyes so// de nas rgyal ba sangs rgyas rnams// so so bzhin du dgod par bya'o// yongs sbyangs gsung gi yi ge ni// yab kyi thugs kar thim gyur nas/ yum gyi pad+ma'i chags rlan gyis// yab yum gnyis med thig ler sbyor// de ltar rgyal ba snyoms zhugs nas// bde ba'i 'bru tshogs mngon 'dra ste// rgyu gcig pa dang yig 'bru dang// byin gyis brlabs dang mngon sum pa// rab tu rtog pa rnam bzhi yis// mngon rdzogs rgyal po de nyid nges// de ltar rtog pa rnam bzhi yis// rgyal ba'i sku ni mngon spyod las// bu sha rA ga'i kha dog 'dra// zhal gcig pa la phyag gnyis te// g.yas pa 'khor lo thugs kar brten// g.yon pa dril bu yum la 'khyud// thabs dang shes rab zhabs gnyis ni// mnyam pa'i brtul zhugs skyil krung bzhugs// mdun dang rgyab med kun tu zhal// mtshan dang dpe byad kun tu ldan// 'od zer 'bar ba'i tshogs chen las// thub pa'i dkyil 'khor sna tshogs spro// rgyal ba rigs lngas dbu brgyan cing// sna tshogs rgyan rnams kun gyis brgyan// btsun mo snang ba'i dbyings phyug ma// gzhon tshul 'khril ldem shin tu chags// cha lugs la sogs yab dang mthun// g.yon pa dril bu yab la brten// g.yas pa nyi ma las su 'khril// phung po dbang po rnam shes kun// rdzogs pa'i sangs rgyas nyid du bsgom// skye mched khams rnams byin gyis brlabs// sku gsung thugs kyi 'bru gsum gyis// 'od zer rnam pa mang po spros// phyogs bcu'i sku gsung thugs bsdus nas// bdag gi sku gsung thugs la ni// rgyal ba'i dkyil 'khor bzhugs par bsam// oM sarba ta thA ga ta ma hA kA ya badzra swa b+hA wa At+ma kou0f85haM/ A+oM sarba ta thA ga ta ma hA wA ka badzra swa b+hA wa At+ma kou0f85haM/ oM sarba ta thA ga ta ma hA tsit+ta badzra swa b+hA wa At+ma kou0f85haM/ de ltar sku gsung thugs gsum u/ / nga rgyal rab tu bskyed nas ni// yum gyi sku yi dkyil 'khor la// yig 'bru rnam gsum rnam shes la// yig 'bru'i byin brlab tshul bzhin bya// de nas yum ni byin brlab bya// oM AHhUM swA hA// gnas lnga dag tu dgod par bya// de ltar yab yum sku rdzogs nas// dkyil 'khor chen po rnam 'phrul phyir// gnyis med chags pa'i sbyor don du// rdo rje pad+ma byin gyis brlab// hUM las rdo rje rab tu shes// oM las byung ba'i nor bur bsam// oM las pad+mar bskyed par bya// oM sarba ta thA ga ta ma hA a nu rA ga Na badzra swa b+hA wa At+ma kou0f85haM/ bsnyen pa dang ni nye ba'i bsnyen// sgrub pa dang ni sgrub chen po// yum gyi pad+ma'i dkyil 'khor du// bde ba thugs kyi dkyil 'khor du// byang chub sems kyi byin rlabs las// yig 'bru rnams kyi 'phro 'du yis// sa bon mtshan ma sku rnams rdzogs// sum bcu drug gi dkyil 'khor 'gyur// de las 'gro ba rmongs pa la// bstan phyir dkyil 'khor bstan par mdzad// shar phyogs 'khor lo'i rtsibs steng du// bcom ldan rdo rje mi bskyod dang// yum chen kun tu bzang mo bsgom// lho phyogs 'khor lo'i rtsibs steng du// bcom ldan rin chen 'byung ldan dang// yum chen na bza' dkar mo bsgom// nub phyogs 'khor lo'i rtsibs steng du// bcom ldan snang ba mtha' yas dang// yum chen mA ma kI yang bsgom// byang phyogs 'khor lo'i rtsibs steng du// bcom ldan don yod grub pa dang// yum chen dam tshig sgrol ma bsgom// de yi phyi rim rtsibs mchan la// shar phyogs sa yi snying po dang// yum du badzra lA s+ye bsgom// lho ru nam mkha'i snying po dang// yum du badzra mA le bsgom// nub phyogs spyan ras gzigs dbang dang// yum ni gir ti bsgom par bya// byang du phyag na rdo rje dang// yum du badzra nir ti bsgom// de yi phyi rim gru chad la// shar du sems dpa' byams pa dang// yum du badzra d+hU pe ma'o// lho ru kun tu bzang po dang// yum du badzra puSh+pe ma'o// nub tu sgrib pa rnam sel dang// yum du rdo rje mar me ma'o// byang du mkhyen rab 'jam dpal dang// yum du badzra gan d+he ma'o// sgo bzhir sgo ba sgo ma ni// shar sgor khro bo rnam par rgyal// yum du rdo rje ro langs ma// lho sgor khro bo gshin rje gshed// yum du rdo rje mi pham ma// nub sgor khro bo rta mchog dpal// yum du rdo rje ral gcig ma'o// byang sgor khro bo bdud rtsi 'khyil// yum du rdo rje spyan gcig ma'o// mtha' dbus med par khyab pa yi// dkyil 'khor bsam yas lhun gyis grub// dkyil 'khor yongs su rdzogs pa la// rgyal ba mchod pas mnyes par gyur// mnyes nas sems can don bya zhes// dkyil 'khor dam pa bstan gyur na// sems can ma rig ky-is bsgribs nas// dkyil 'khor mthong ba'i skal med gyur// de las byang chub sems 'phros pas// oM sogs yi ge mngon par gyur// sa bon las ni phyag mtshan 'bar// de las thub pa'i skur rdzogs te// so so'i snying po brjod pa yis// mkha' dbyings sku gzugs gnas pa las// 'jig rten drug gi phyogs bcur 'phros// 'jig rten drug gi phyogs bcur ni// 'dul ba rnam bzhis 'gro don mdzad// bltams dang rab tu byung ba dang// mngon par sangs rgyas bdud btul dang// 'khor lo bskor ba'i cho 'phrul bstan// mya ngan 'da' sogs thub pa yi// spyod pa rjes mthun ston par mdzad// mngon shes drug gi cho 'phrul gyis// thams cad mkhyen pa nyid du son// sku dang gsung dang thugs rnams kyi// bye brag sna tshogs ston mdzad pas// 'gro ba so sor 'dul ba bzhin// byin rlabs 'dul ba ston par mdzad// so so'i bsam pa'i bye brag gis// lha dang mi yi theg pa sogs// theg pa rnam lnga so sor ston// rjes su bstan pas 'gro btul nas// 'gro ba sangs rgyas sar bzhag ste// slar byon khyams pa thub drug dgod// steng du lha yi thub pa la// shar phyogs mi yi thub pa'o// lho ru lha min thub pa la// nub tu yi dwags thub pa ste// byang du dmyal ba'i thub pa'o// 'og tu byol song thub pa'o// de ltar dkyil 'khor gsal bstan nas// khyad par kun tu bltas nas ni// sgyu ma bzhin du dmigs nas kyang// so so'i yab yum bye brag la// lus kyi dkyil 'khor rdzogs par dgod// phung po dbang po rnam shes kun// rnam smin oM du shes par bya// spyi bor yi ge oM bkod de// lce la A ni rab tu gnas// snying dang lte ba chu sor ni// hUM dang swA hA rim pa bzhin// mig dang rna ba sna dang lce// k+Shi traM hrIHdza rim bzhin bsam// mai thi hUM dang mUM dang bzhi// mig sogs phyi rol rim bzhin bsam/ de ltar yi ge'i rnam pa ni// yab kyi sku la rim par bsam// yum gyi sku yi dkyil 'khor du// gzugs sgra dri ro reg bya sogs// rnam smin mUM sogs shes par bya// yum gyi dkyil 'khor nyid du bsgom// spyi bo mgrin pa gnyis su ni// lAM dang mUM gnyis rim par bsam// snying ga lte ba chu sor ni// pAM dang tAM dang mAM rnams dgod// mig dang rna ba sna lce la// hUM dang trAM hrIHAM rim bzhin// mig rna sna lce'i phyi rol du// dzaHhUM baM hoHrim bzhin bsam// sku gsung thugs su dbang bskur zhing// ye shes yongs su rdzogs bya'i phyir// rigs lnga'i dbu rgyan kun la bsam// thub pa lus kyi dkyil 'khor dang// byin rlabs dbang skur ma gsungs so// zhes gsungs so// sku phyag rgya bskyed pa'i le'u ste bcu pa'o//// de nas yang dag nges gsungs pa// sangs rgyas bzhi bcu rtsa gnyis kyi// sku bskyed gsal brtan rtsa ba'i sngags// oM dzi na dzi ka/muM d+hA twI shwa rI/ hUM badzra d+h+rika/ swa rat+na d+h+rika/ oM a ro lika/ ha pradz+nyA d+h+rika/ laM dwe Sha ra ti/ maM mo hA ra ti/ paM rA ga ra ti/ taM badzra ra ti/ k+Shi he rA dza ya/ traM A gar+b+ha ya/ hri pad+ma pra da ma/ dziM ku ru pA Na hrIH/ hUM lA s+ye sa ma ya s+t+waM/traM mA l+ye sa ma ya s+t+waM/ hrI gIr ti ra ga haM/ aM nir ti rA ga yA mi/ mai d+ha rA ya swA hA/ th+l+hiM nis+sa raM b+ha ya swA hA/ hUM swa rA dza ya swA hA/ muM shrI a rA gA ya swA hA/ dza d+hU pe pra be sha/ hUM puSh+pe A be sha/ baM dI pa pu gi ra/ ho g+han d+he tsit+ta ho/ oM mu ne krIM swA hA/ oM mu ne sruM swA hA/ oM mu ne hUM truM swA hA/ oM mu ne praM swA hA/ oM mu ne k+ShaM swA hA/ oM mu ne ye swA hA/ oM pra dz+nyA na ta krita phaT/ hUM ya mAn ta krita phaT/ hUM pad+man ta krita phaT/ hUM big+d+hAn ta krita phaT/hUM badzra d+ha ra ma hA kro tI shwa rI dz+wa la nI hUM phaT/ hUM rat+na d+ha ra ma hA kro ti shwa rI dz+wa la nI hUM phaT/ hUM pad+ma d+ha ra ma hA kro tI shwa rI dz+wa la nI hUM phaT/ oM karma d+ha ra ma hA kro tI shwa rI dz+wa la nI hUM phaT/ hUM hUM hUM badzra tsit+ta oM/a a a badzrI b+ha dra sa man+ta a/ sku bskyed gsal brtan rtsa ba'i sngags// bzhi bcu rtsa gnyis snying po yin// zhes gsungs so// sangs rgyas bzhi bcu rtsa gnyis so so'i rtsa ba'i sngags bstan pa'i le'u ste bcu gcig pa'o//// de nas yang dag nges gsungs pa// bzhi bcu rtsa gnyis bzhugs tshul ni// brgya byin la sogs phyogs su gnas// mthing ga dkar po ser le brgan// ljang gu'i mdog tu 'tsher ba ni// gtso bo gdan la rdzogs pa'i tshul// 'khor rnams sems dpa'i tshul du bzhugs// so so'i sku mdog yab dang mthun// 'khor lo rgyal po rgyal mo dang// g.yas na mthong thos snom pa dang// myong dang btsun mo'i tshogs su bcas// gru chad la ni mthong byed dang// thos byed snom byed myong byed rnams// btsun ma'i tshogs dang ldan par bsam// mdun dang rgyab tu byed pa dang// bya ba dag ni gnas par bstan// sgo khyud bzhi la 'joms pa ni// btsun mo'i tshogs dang ldan par gnas// yab yum bzhugs tshul phyag mtshan ni// rnam snang dkar po 'khor lo bskor// mi bskyod mthing ga rdo rje bsnams// 'byung ldan ser po rin chen bsnams// mtha' yas dmar po pad+ma bsnams// don grub ljang gu rgya gram bsnams// kun tu bzang mo dril bu bsnams// sangs rgyas spyan ni thor tshugs bsnams// gos dkar mo ni rin chen bsnams// mA ma kI ni pad+ma bsnams// sa snying dkar po rin chen myu gu bsnams// nam mkha'i snying po dkar po ral gri bsnams// spyan ras gzigs dbang dkar po pad+ma bsnams// phyag na rdo rje ljang gu dril bu bsnams// byams pa dmar skya gar gyi gun+d+he bsnams// kun bzang dkar po rin chen snyems ma bsnams// sgrib pa rnam sel sngon po po ti bsnams// 'jam dpal dkar ljang me tog ut+pal bsnams// mA le sngon mo rgya gram me long bsnams// lA s+ye sngon mo rin chen 'phreng ba bsnams// gIr ti dmar mo pi wang rgyud 'dren bsnams// nIr ti ljang gu gar gyi cod pan bsnams// bdug pa'i sprin 'phro ma ni spos me bsnams// dga' ba'i mdangs ldan ma ni pad+ma bsnams// gsal ba'i 'od ldan ma ni mar me bsnams// gan d+he ljang gu dag byed dri chab bsnams// dbu rnams 'byo zhing 'dud pa'i tshul// gnyis med dbyings kyi ngang du 'khril// mnyen lcug 'khril ldem gzhon tshul che// gsal 'tsher lhun sdug gzi byin 'bar// 'od zer 'phro ba'i tshogs chen po// 'bar ba'i phreng ba 'khrigs pa'i 'od// sgo bzhir sgo skyong yab yum ni// gshin rje gshed po dkar po thod dbyug bsnams// stobs chen sngon po rdo rje rtse gsum bsnams// rta mgrin dmar po thod sbrul pad+ma bsnams// bdud rtsi 'khyil pa ljang gu rgya gram bsnams// ro langs dkar mo 'gugs pa'i lcags kyu bsnams// mi pham sngon po rdo rje zhags pa bsnams// ral gcig dmar mo rdo rje lcags sgrol bsnams// khro gnyer ma ni ljang gu dril bu bsnams// dkyil 'khor 'khyams la thub pa drug/lha yi thub pa dkar po pi wang bsnams// lha min thub pa sngon po go cha bsnams// mi yi thub pa ser po gseg shang bsnams// byol song thub pa ljang gu po ti bsnams// yi dwags thub pa dmar po sgrom bu bsnams// dmyal ba'i thub pa nag po me chu bsnams// de ltar sangs rgyas bzhi bcu rtsa gnyis kyi// phyag rgya chen por gsal bar bskyed// snang stong dbyer med dkyil 'khor ni// ye nas ma bcos lhun gyis grub// ces gsungs so// dam tshig gi dkyil 'khor bskyed pa'i le'u ste bcu gnyis pa'o//// de nas yang dag nges gsungs pa// thugs kyi sa bon 'od zer las// phyogs bcu'i dkyil 'khor spyan drangs te// phyogs bcu dus gsum dkyil 'khor tshogs// mi dmigs dbyings kyi dkyil 'khor nas// bde gshegs thams cad spyan drang ngo// lcags kyu la sogs phyag rgya bzhis// rang rang dbyer med dkyil 'khor la// 'jug pa'i mtshan nyid mnyam sbyor bas// phyogs dus kun nas gshegs pa yi// bsnyen pa'i dkyil 'khor rdzogs pa dang// nye bar gyur pa'i dam tshig mchog/ de ltar ye shes dkyil 'khor dang// dam tshig dkyil 'khor mnyam sbyor bya// dkyil 'khor kun la mnyam bltas nas// sgyu ma mig yor lta bur blta// de nas lha la mchod pa'i phyir// chos kyi dbyings dang mnyam sbyor zhing// mchod pa'i phyag rgya chen por bsgom// bdag gi snying ga'i sa bon las// 'od zer mang po'i zer 'phros te// phyogs bcu'i sangs rgyas thams cad kyi// mchod pa'i tshogs rnams kun 'dus te// bdag nyid kyis ni thugs kar thim/rdo rje'i lam du phyung nas ni// byang chub sems kyi mkha' dbyings nas// byang chub sems kyi 'od zer las// mchod pa'i lha mo'i tshogs spros te// rgyal ba'i dkyil 'khor mchod par byed// de nas lha mo'i tshogs rnams kyis// de bzhin gshegs pa'i dkyil 'khor la// dgyes pa'i glu blang bstod par bya// de nas bsnyen bsgrub bzlas pa ni// lha rnams kun gyi thugs ka ru// zla dkyil steng du rang 'dra yi// ye shes sems dpa' gsal bsgoms la// de la bzlas pa'i sngags kyis bskor// oM bo d+hi tsit+ta ma hA su kha dz+nyA na d+hA d+hu a/ ye shes lnga yi 'od zer gyis// phar 'phros bde gshegs thams cad mchod// tshur 'dus dngos grub rnam gnyis bsdus// spro bsdu mgal me lta bur bskor// dus dang grangs dang mtshan ma yi// bsnyen pa'i rim pa rdzogs par bya// zhes gsungs so// ye shes rang bzhin gyi dkyil 'khor sgrub pa'i le'u ste bcu gsum pa'o//// de nas yang dag nges gsungs pa// de ltar rgyal ba'i dkyil 'khor ni// bskyed pa yongs su rdzogs byas te// slar yang bdag nyid thugs gar bsdu// de nas gsang ba'i dkyil 'khor bsgom// bde ba chen po'i dkyil 'khor ni// stangs dpyal gnyis sam yang na lnga// byas te dad ldan rab zhugs na// 'dod pa yid 'ong mnyam par 'gyur// cho ga lnga ni rdzogs byas shing// yo byad lnga ni rdzogs par ldan// sngags kyi yan lag lnga rdzogs pas// ma nyams 'jug la rab brtson na// zhag ni sum cu phrag drug gam// bcu gnyis bcu drug tshun chad kyis// dbang sgyur rigs kyi dam pa 'grub// de tshe bcu drug tshun chad kyis// sku lnga lhun gyis rdzogs pa ni// ye shes thig le nyid snang ba// bsam gyis mi khyab mtha' yas mchog/ phyogs bcu dus gsum rdzogs pa yi// zhing khams bsam yas rnam dag dang// rgya dang bral ba'i gzhal yas khang// 'khor lo rgyan dang rol mo'i tshogs// dkyil 'khor ma lus bsam yas kun// mthong na nye bar bsnyen pa dang// rgya chen gsungs pa'i don 'byung ba// mthun pa'i ye shes snang ba'o// gcig dang du mar bral ba yi// mtha' dang dbus med de bzhin nyid// sangs rgyas kyis kyang mi gzigs te/ rang byung ye shes gnas med snang// log par rtog pa rnam dag cing// ye shes dbyings las mi gzhan phyir// thugs rje chen pos 'brel pas nas// 'gro drug dus gnas ma lus snang// de ltar rgyal mchog dpal ldan pa'i// dkyil 'khor gsang ba bsgrub pa'i phyir// dkyil 'khor ldan pa'i dkyil 'khor gyi// dkyil 'khor la ni dkyil 'khor bsgom// dkyil 'khor dkyil 'khor las byung ba// thugs kyi dkyil 'khor dkyil 'khor mchog/ gsang ba'i thig le dkyil 'khor dbyings// 'byung ba'i shes rab rigs kyi yum// chen po rigs kyi de bzhin te// byang chub sems ni rdo rje'i tshogs// dbang po yul dus snang ba rnams// kun tu bzang po'i dkyil 'khor la// bdag nyid chen po lhag pa yi// thugs kyi ye shes sgyu mar snang// snying po thig le mnyam sbyor ba'i// bde ba'i ye shes rol mo yis// ye shes dgyes la mchod par 'bul// zag pa med pa'i bsod nams kyis// ye shes sgyu mar rab snang ba// rol mo'i dkyil 'khor mtha' yas mchog/gsang ba'i thig le de nyid dbyings// de ni sangs rgyas kun gyi dngos// phyogs bcu dus bzhi mngon rdzogs pa'i// sku gsung yon tan phrin las thugs// ma lus bdag gi zhal mthong ba'o// dbang sgyur mchog nyid dam pa yin// dkyil 'khor la gnas dkyil 'khor nyid// rdzogs pa'i dkyil 'khor lhun gyis grub// rgyan du dkyil 'khor ma lus rdzogs// rdzogs pa'i dkyil 'khor mnyam sbyor ba// thugs kyi dkyil 'khor thugs kyis 'byung// phyogs dus dkyil 'khor 'dus pa'i mgon// sgyu ma'i dkyil 'khor mnyam sbyor ba// bya byed med pa'i dkyil 'khor spyod// ye shes rdzogs pa'i dkyil 'khor la// thos bsam bsgom la mnyam sbyor gyis// rang byung kun dam lhun gyis grub// 'di ni sangs rgyas thams cad kyis// 'da' bar mi mdzad dam tshig mchog/ gang zhig 'di la mos gyur na// sangs rgyas dkyil 'khor thams cad kyis// phyogs dus kun nas thams cad du// dkyil 'khor ma lus mnyes pa yis// nye ba'i sras su dgongs par 'gyur// gsang ba'i ye shes bsgom pa'i gnas// mkha' dbyings dang po dbyings nyi zla// ye shes rgyal po yab yum bsgom// gang zhig glang chen myos 'dra'i sems// mnyam par bzhag pas btul nas su// sngags dang phyag rgya rab brtan na/ dngos grub ya mtshan chen por 'gyur// ting nge 'dzin las langs nas su// spyod lam rnam par dag par gnas// snang ba'i dngos po so sor ni// lha yi dkyil 'khor shin tu bsgom// yang na sgyu ma la sogs tshul// zas la sogs pa bza' ba ni// rgyal ba'i byin rlabs mngon sum nas// bdud rtsi lngar ni byin brlabs te// lce yi dbang po rab sbyangs nas// ye shes dkyil 'khor thugs kar bkod// rgyal ba'i tshogs rnams tshims par byas// dam tshig nyams pa tshul bzhin bshags// yang na rgyal ba'i dkyil 'khor gyis// byin rlabs kyi ni rnam par bya// sems can thams cad mthong ba na// snying rje byams pa'i sems bskyed de// sangs rgyas nyid du bya'o zhes// smon pa'i sems ni khyad par can// blo can rnams kyis rtag tu bya// de ltar dus bzhi nyin mtshan du// rnal 'byor tshul la gnas pa yin// zhes gsungs so// rdzogs rim bstan pa'i le'u ste bcu bzhi pa'o//// bud+d+ha bzhi bcu rtsa gnyis bsgrub pa'i skabs te gnyis pa'o// de nas spyi dpal kun tu bzang po la// rigs lnga'i sangs rgyas la sogs pa rnams kyis 'di skad ces gsol to// e ma spyi dpal kun tu bzang// rigs lnga'i sgrub thabs bshad du gsol// de skad gsol pa gsan nas kyang// spyi dpal chen pos bka' stsal pa// nyon cig 'dus pa'i tshogs chen rnams// rigs lnga'i rigs 'dzin bsgrub 'dod na// dben par maN+Dal byi dor bya// bdud rtsi lnga yis chag chag gdab/ oM hUM swA AM hA/ dpa' bo 'bru lnga'i dmigs rten dgod// yang na rdul tshon dkyil 'khor bzhengs// 'khor lo rtsibs bzhi gru chad dang// sgo bzhi sgo khyud rgyan bcas bri// dang po byang chub sems bskyed de// bdag dang sems can thams cad kyang// byang chub snying po'i rgyu yin yang// rtog pas bsgribs pas 'khor bar 'khyams// rigs lnga'i dngos grub thob bya'i phyir// rdzogs pa'i byang chub sems bskyed do// de nas de bzhin nyid bsgom pa// chos rnams mi dmigs gdod nas dag/stong zhing bdag med bsgom par bya// de nas kun snang ting nge 'dzin// gong gi don de ma rtogs la// khyab pa'i snying rje chen po bsgom// de nas rgyu yi ting nge 'dzin// rang sems dri med a dkar las// e yaM baM suM laM raM las// 'byung ba lnga yi mkha' dkyil du// rin po che yi ri rab brtseg/ de steng b+h+rUM las 'phro 'dus pas// kha dog sna lnga'i 'od phung las// rin chen sna lnga'i gzhal yas khang// 'bar ba'i 'khor lo rtsibs bzhi mdzes// ye shes bzhi yi gru chad la// tshad med bzhi yi sgo yis mdzes// rnam thar brgyad kyi rta babs la// chos kyi dbyings kyi 'khor yug byas// phyi nang med pa'i gzhal yas bsgom// de dbus glang chen shar seng ge/lho ru rta mchog nub rma bya// byang du shang shang khri brtsegs steng// nyi zla pad+ma'i gdan steng la// dbus kyi gdan steng a dkar bsam// 'phro 'dus don byas 'khor lor gyur// de las rnam par snang mdzad bskyed// yum du sangs rgyas spyan ma bsgom// yab yum gnyis ka sku mdog dkar// phyag na 'khor lo 'dzin pa la// zhabs gnyis mnyam pa'i skyil krung bzhugs// rgyan dang chas kyis sku la brgyan// yab yum gnyis su med par bsgom// yab yum gnyis kyi thugs ka nas// rigs bzhi sangs rgyas bskyed pa ni// shar du seng ge'i khri steng du// yab kyi thugs nas hUM 'phros pas// don gnyis byas nas rdo rjer gyur// de las rdo rje sems dpa' ni// sku mdog mthing ga 'bar ba la// zhal gcig phyag gnyis zhabs gnyis bzhugs// g.yas pa rdo rje thugs kar 'dzin// g.yon pa dril bu dkur brten pa'o// yum gyi thugs nas mUM 'phros pas// kun tu bzang mo yab dang mthun/ lho phyogs rta yi khri steng du// yab kyi thugs nas swA 'phros pas// don gnyis byas nas rin chen 'bar// de las rin chen 'byung ldan ni// sku mdog ser po 'bar ba la// zhal gcig phyag gnyis zhabs gnyis bzhugs// phyag g.yas rin chen thugs kar 'dzin// g.yon pa dril bu dkur brten pa'o// yum gyi thugs las lAM 'phros pas// gos dkar mo ni yab dang mthun// nub phyogs rma bya'i khri steng du// yab kyi thugs nas AM 'phros pas// don gnyis byas nas pad+mar gyur// de las snang ba mtha' yas ni// zhal gcig phyag gnyis sku mdog dmar// zhabs gnyis mnyam pa'i skyil krung bzhugs// g.yas pas pad+ma thugs kar 'dzin// g.yon pa dril bu dku la brten// yum gyi thugs nas pAM 'phros pas// mA ma kI ni yab dang mthun// byang phyogs shang shang khri steng du// yab kyi thugs nas hA 'phros pas// de las don yod grub pa ni// zhal gcig phyag gnyis sku mdog ljang// zhabs gnyis mnyam pa'i skyil krung bzhugs// g.yas pas ral gri thugs kar 'dzin// g.yon pa dril bu dku la brten// yum gyi thugs nas tAM 'phros pas// dam tshig sgrol ma yab dang mthun// de ltar rigs lnga yab yum ni// mnyen lcug 'khril ldem gzhon tshul che// gsal 'tsher lhun sdug gzi byin 'bar// dbu rgyan phyag rgyan zhabs rgyan ldan// snang la rang bzhin med pa ni// me long nang gi gzugs brnyan nam// rnam mkha'i 'ja' tshon ji bzhin no// de ltar dam tshig bskyed byas nas// ye shes dkyil 'khor spyan drang ngo// gnyis su med par bstim byas nas// mnyes pa'i tshul gyis phyag 'tshal la// phyi nang gsang ba'i mchod pas mchod// bstod cing dngos grub gsol ba btab// gnyis su med pa'i bsnyen pa dbul// oM hUM swA AM hA/ lAM mUM pAM mAM tAM/ rigs lnga so so'i thugs ka ru// nyi zla ga'u kha sbyar te// so so'i yig 'bru gsal byas bzlas// phyogs bcu'i bde gshegs sku gsung thugs// yon tan phrin las dkyil 'khor mnyes// khams gsum sems can thams cad kyi// dug lnga sbyangs nas rigs lngar gyur// 'gro drug lam lnga'i sdug bsngal sbyang// sku lnga ye shes thob par bsgom// zhes gsungs so// de nyid rigs lnga phyi ltar sgrub pa'i le'u ste bco lnga pa'o//// de nas yang dag nges gsungs pa// de nyid rigs lnga'i nang sgrub ni// bde gshegs thams cad rigs lngar 'dus// rigs lnga bdag nyid phung po yi// khams dang skye mched 'byung lnga las// logs nas btsal zhing bsgrub tu med// rang nyid ye nas rigs lnga yin// gzugs kyi phung po de bzhin rigs// rnam shes phung po rdo rje'i rigs// tshor ba'i phung po rin chen rigs// 'du shes phung po pad+ma'i rigs// 'du byed phung po las kyi rigs// sha ni de bzhin gshegs pa'i rigs// rus pa rdo rje'i rigs yin te// drod ni rin po che yi rigs// khrag ni pad+ma rigs kyi yum// dbugs ni las kyi rigs kyi yum// kha dog dkar po de bzhin rigs// kha dog sngon po rdo rje'i rigs// kha dog ser po rin chen rigs// kha dog dmar po pad+ma'i rigs// kha dog ljang gu las kyi rigs// sa ni de bzhin rigs kyi yum// nam mkha' rdo rje rigs kyi yum// me ni rin chen rigs kyi yum// chu ni pad+ma rigs kyi yum// rlung ni las kyi rigs kyi yum// lus ni rnam shes de bzhin rigs// yid kyi rnam shes rdo rje'i rigs// mig ni rnam shes rin chen rigs// sna yi rnam shes pad+ma'i rigs// rna ba'i rnam shes las kyi rigs// lus kyi dbang po de bzhin rigs kyi yum// yid kyi dbang po rdo rje rigs kyi yum// mig gi dbang po rin chen rigs kyi yum// sna yi dbang po pad+ma rigs kyi yum/ rna ba'i dbang po las kyi rigs kyi yum// gti mug de bzhin gshegs pa'i rigs// zhe sdang rdo rje'i rigs su bshad// nga rgyal rin po che yi rigs// 'dod chags pad+ma'i rigs yin no// phrag dog las kyi rigs yin no// zhe sdang yul ni rdo rje'i yum// gti mug yul ni de bzhin yum// nga rgyal yul ni rin chen yum// 'dod chags yul ni pad+ma'i yum// phrag dog yul ni las kyi yum// phung po lnga dang 'byung ba chen po lnga// kha dog lnga dang yul lnga dbang po lnga// rnam shes lnga dang dug lnga ye shes lnga// gti mug rnam dag chos dbyings ye shes yin// de bzhin rigs kyi ngang du sangs rgyas so// zhe sdang rnam dag me long ye shes yin// rdo rje'i rigs kyi ngang du sangs rgyas so// nga rgyal rnam dag mnyam nyid ye shes yin// rin chen rigs kyi ngang du sangs rgyas so// 'dod chags rnam dag kun rtog ye shes yin// pad+ma'i rigs kyi ngang du sangs rgyas so// phrag dog ma spangs nan tan ye shes yin// las kyi rigs kyi ngang du sangs rgyas so// zhes gsungs so// rigs lnga nang sgrub kyi le'u ste bcu drug pa'o//// de nas yang dag nges gsungs pa// gsang sngags zab mo'i man ngag 'di// thabs lam zab mo'i sgo nas bsgrub// nyon mongs dug lnga lam du slong// gti mug de bzhin gshegs pa'i rigs// chos kyi dbyings kyi ye shes yin// zhe sdang rdo rje'i rigs yin te// me long lta bu'i ye shes yin// nga rgyal rin chen rigs yin te// mnyam pa nyid kyi ye shes so// 'dod chags pad+ma'i rigs yin te// so sor tog pa'i ye shes so// phrag dog las kyi rigs yin te// bya ba nan tan ye shes so// gti mug phra rags ci skyes kyang// gti mug mtshan nyid btsal bar bya// gti mug mtshan nyid ma grub pas// gti mug skye ba'i yul btsal bas// yul yang ma grub stong par 'dug/ de ltar rtogs shing shes tsam na// gti mug ma spangs de bzhin rigs// chos dbyings ye shes thob pa'o// zhe sdang phra rags ci skyes kyang// zhe sdang rang bzhin btsal bar bya// zhe sdang rang bzhin ma grub ste// zhe sdang skyes pa'i yul btsal bas// yul yang ma grub stong par 'dug/de ltar rtogs shing shes tsam na// zhe sdang ma spangs rdo rje'i rigs// me long ye shes thob pa'o// nga rgyal phra rags ci skyes kyang// nga rgyal rang bzhin btsal bar bya// nga rgyal rang bzhin ma grub ste// nga rgyal skye ba'i yul btsal bas// yul yang ma grub stong par 'dug/ de ltar rtogs shing shes tsam na// nga rgyal ma spangs rin chen rigs// mnyam nyid ye shes thob pa'o// 'dod chags phra rags skyes tsam na// 'dod chags rang bzhin btsal bar bya// 'dod chags rang bzhin ma grub ste// 'dod chags yul yang stong par 'dug/ de ltar shes shing rtogs tsam na// 'dod chags ma spangs pad+ma'i rigs// kun rtogs ye shes thob pa'o// phrag dog phra rags ci skyes kyang// phrag dog rang bzhin btsal bar bya// phrag dog rang bzhin ma grub pas// phrag dog yul yang stong par 'dug/ de ltar rtogs shing brtan tsam na// phrag dog ma spangs las kyi rigs// bya ba nan tan ye shes thob// gti mug spangs na de bzhin rigs mchog spang// de bzhin ris spangs chos dbyings ye shes med// zhe sdang spangs na rdo rje rigs mchog spang// rdo rje rigs spangs me long ye shes med// nga rgyal spangs na rin chen rigs mchog spang// rin chen rigs spangs mnyam nyid ye shes med// 'dod chags spangs na pad+ma rigs mchog spang// pad+ma rigs spangs kun rtog ye shes med// phrag dog spangs na las kyi rigs mchog spang// las kyi rigs spangs nan tan ye shes med// dug lnga spangs na rigs lnga'i sku lnga med// rigs kyi sku lnga spangs pas sangs rgyas gdung rgyud bcad// grub par mi 'gyur dub pa'i skal bar 'gyur// dug lnga bsgrub na 'bras bu ye shes lnga// gti mug ma bkag ye shes klong gi lam// zhe sdang ma spangs ye shes rtogs pa'i lam// nga rgyal ma bkag ma nor rang gi lam// 'dod chags ma bkag chos kyi dbyings kyi lam// phrag dog ma spangs gnyis su med pa'i ngang// nyon mongs dug lnga ye shes lnga yi lam// de yang stong ba bde ba chen po lnga// 'bras bu skye med ngang du ma spangs lhun gyis grub// dug lnga rin chen dgos 'dod 'byung ba yin// zhes gsungs so// rigs lnga'i gsang bsgrub kyi le'u ste bcu bdun pa'o//// de nyid rigs lnga bsgrub pa'i skabs te gsum pa'o// de nas spyi dpal kun tu bzang po la// rigs lnga'i sangs rgyas la sogs pas zhus pa// e ma spyi dpal kun tu bzang// gsang chen rigs gcig ji ltar bsgrub// de skad gsol ba gsan nas kyang// spyi dpal chen pos bka' stsal pa// nyon cig 'dus pa'i tshogs chen rnams// sku gsung thugs kyi sgrub thabs 'di// khyad par mi mthun bye brag rnams// rang bzhin gcig la gsum tshang ba// rdo rje sems dpa' nyid du 'dus// rdo rje sems dpa' bsgrub 'dod na// dben zhing nyams dga'i gnas dag tu// maN+Dal byi dor byas nas ni// shel ltar gsal ba'i hUM bris la// dmigs pa'i rten du gzhag par bya// dang po de bzhin nyid ting 'dzin// cir yang mi rtog mi sems bsgom// de nas kun snang ting nge 'dzin// yongs la khyab pa'i snying rje bsgom// de nas rgyu yi ting nge 'dzin// rang sems hUM du gsal bar bsgom// de las 'od 'phros bde gshegs mchod// sku gsung thugs la mchod pa phul// khams gsum sems can rtog sgrib sbyangs// tshur 'dus 'od du zhu ba las// dngul dkar rdo rje rtse dgur gyur// de la 'od 'phros zhu ba las// bdag nyid rdo rje sems dpar gyur// sku mdog dngul dkar lta bu la// zhal gcig pa la phyag gnyis pa// g.yas pa rdo rje thugs kar 'dzin// g.yon pa dril bu dku la brten// glang chen bsnol ba'i khri steng na// nyi zla pad+ma'i gdan steng na// rgyan rnams kun gyis brgyan par bsgom// mnyen lcug 'khril ldem gzhon tshul che// gsal 'tsher lhun sdug gzi brjid 'bar// de lta bu yi skur bsgoms te// spyi bor 'khor lo'i rtsibs steng du// oM dkar shel ltar 'tsher ba bsgom// mgrin par pad+ma 'dab bzhi'i steng// AHdmar dmar la dwangs par bsgom// snying gar rdo rje rgya gram steng// mthing nag hUM gcig bsam par bya// de lta bu yi sku de ni// 'dod chags can gyi 'jug sgo ste// zhi ba'i sgo nas 'jug pa'o// khro bo'i sgo nas 'jug pa ni// sku mdog mthing nag 'bar ba la// zhal gcig phyag gnyis zhabs gnyis bgrad// g.yas pa rdo rje thugs kar 'dzin// g.yon pa dril bu dku la brten// stag gi sham thabs sbrul gyis brgyan// glang chen ko rlon zhing lpags gsol// ming ni badzra he ru ka/ rdo rje khro bo zhes kyang bya// rdo rje dgyes pa zhes kyang bya// khro rngams gshe gtum 'bar ba'i gzugs// bskal pa'i me dpung klong na bzhugs// dus mtha'i me ltar bzod par dka'// 'od zer nyi ma 'bum gyi gzi// khro gnyer glog stong 'gyu ba brjid// thug choms ri rab 'bum snyil skad// spyugs pa'i 'thor rlung g.yeng ba che// de lta bu yi khro bo la// sku gsung thugs kyi yi ge dgod// zhe sdang can gyi 'jug sgo ste// khro tshul can gyi sku ru bsgom// sangs rgyas thams cad rigs brgyar 'dus// rigs brgya? bsdus pas rigs lngar 'dus// rigs lnga rdo rje'i rigs su 'dus// rgyal ba rigs lnga la sogs pa// thabs kyi phyag rgya ma lus kun// chos sku rdo rjer ro gcig pas// ji ltar snang ba de ltar yin// de ltar rgyal ba gcig bsgoms pas// gcig nyid med la kun gyi ngang// rnal 'byor rig pa 'di ldan na// bde gshegs ma bsgoms gang yang med// ces gsungs so// gsang chen rigs gcig bsgrub pa'i le'u ste bco brgyad pa'o//// de nas yang dag nges gsungs pa// sku gsung thugs kyi sgrub thabs 'di// khyad par mi mthun bye brag rnams// rang bzhin gcig la gsum tshang ba// rdau rje sems dpa' nyid du 'dus// skye med shes rab dbyings kyi ngang// mi 'gyur mi shigs rdo rje'i don// 'gro don rdo rje sems dpar bshad// chos rnams thams cad 'gro ba mtha' dag ni// skye med don dam dbyings su ro gcig pas// de nyid dus gsum rgyal ba'i chos nyid de// kun tu bzang po rdo rje sems dpa'i ngang// de lta bu yi lha de ni// rang rig ye shes 'du 'bral med// rdo rje sems dpa'i rang bzhin yin// zhes gsungs so// rdo rje sems dpa'i rang bzhin bstan pa'i le'u ste bcu dgu pa'o//// de nas yang dag nges gsungs pa// oM ni bde gshegs kun gyi sku// AM ni bde gshegs kun gyi gsung// hUM ni bde gshegs kun gyi thugs// oM ni khams gsum sems can lus// AM ni khams gsum sems can dag/hUM ni khams gsum sems can yid// oM gyis lus kyi sgrib pa sbyang// AM gis ngag gi sgrib pa sbyang// hUM gis yid kyi sgrib pa sbyang// oM gyis sku yi dngos grub thob// AM gis gsung gi dngos grub thob// hUM gis thugs kyi dngos grub thob// ces gsungs so// gsang chen rigs gcig yig 'bru gsum gyi le'u ste nyi shu pa'o//// gsang chen rigs gcig bsgrub pa'i skabs te gsum pa'o//// de nas bde bar gshegs pa thams cad thugs zhi ba mnyam pa nyid la gnas pa las/ de'i tshe de'i dus na bdud ma traM ka ru tra zhes bya ba de bdag tu rmongs pa dang/ rtag pa la mngon par zhen pa'i dbang gis/yang dag pa'i lam dang bral nas/ gab pa'i gsang ba dag ma rtogs par/ sbas pa'i gsang ba la mngon par 'chel nas/ rgyu dang 'bras bu la rmongs te/ srid pa'i sa bon rtsub mor gyur nas/rab tu tsha ba'i dmyal bar skyes so/ tsha ba'i sdug bsngal gyis gdungs nas/ shin tu grang ba'i dmyal bar skyes so// tsha ba dang grang ba'i 'jig rten gyi khams brgyud cing/ bskal pa stong phrag bcu gnyis su nyams su myong ngo/de nas bdud ma traM ka ru tra des/ yan lag sna tshogs pa dang/ gdug pa'i lag cha sna tshogs pa dang/ nad bzhi brgya rtsa bzhis 'debs par byed pa'i lha'i rigs dang/ lha ma yin/ tshangs pa dang/ 'bras bu che ba man chad dbang du bsdus so/ de lta bu'i gdug pa can de/ bde bar gshegs pa thams cad kyis mkhyen pas gzigs nas/ thugs rje'i byin rlabs sam/ bde ba gshegs pa thams cad kyi dgongs pa'i byin rlabs kyis/bcom ldan 'das dpal che mchog he ru ka/ sku smug nag 'bar ba la/ dbu nyi shu rtsa gcig/ phyag bzhi bcu rtsa gnyis na zhi ba bzhi bcu rtsa gnyis bsnams pa/ dur khrod kyi rgyan gyis 'jigs par brgyan nas/ sku shin tu 'jigs pa'i cha lugs su bstan nas/ yum khro mo gnam zhal ma zhes bya ba/ dbu dgu phyag bco brgyad pa/ g.yas dang po rdo rje 'og ma na gau rI ma brgyad/g.yon dang po b+han+d+ha dmar gyis bkang ba/ 'og ma na phra men ma brgyad/ dur khrod kyi chas kyis brgyan pa/ shin tu gtso la 'dud par gyur te/ yab yum gnyis su med pa'i sbyor ba las/ khro bo 'chol ba sna tshogs spros te/stong khams khro bos bkang nas/ bdud ma traM ka ru tra la sogs pa'i dregs pa thams cad btul zhing bsgral te/ khog pa dur khrod kyi gzhal yas khang du gyur to// dkyil 'khor dgu pa 'khor lo rtsibs bzhi/bar khyams gru chad sgo bzhi/ lcags rir bcas pa/ phyogs bzhi mtshams bzhi/ dbus dang bcas pa/ gzhal yas khang du grub pa'o// dkyil 'khor bzhi'i phyi rol yang/ phyi khams sgo bzhi sgo rgyan dang bcas par gyur to// de'i phyi rim rak+ta khrag gi rgya mtsho 'khor yug gi phyi la rdo rje'i ra ba dang/ me ri me dpung gi 'khor yug dang ldan par gyur to// de lta bu'i gzhal yas khang de yang phyi thod pa rnam gsum gyi brtsig pa/nang dur khrod kyi rgyan sna tshogs kyis brgyan pa phyi rol na dur khrod kyi gnas brgyad yod pa/ de lta bu'i dur khrod kyi gzhal yas khang de'i dbus su yab che mchog he ru ka dang/ yum khro mo gnam zhal ma gnyis gnas pa las yab yum gnyis kyi sku gsung thugs yon tan phrin las kyi sprul pa las/shar du thugs kyi sprul pa badzra he ru ka dang/ lhor sku'i sprul pa gshin rje gshed po dang/ nub tu gsung gi sprul pa pad+ma dbang gi rgyal po dang/byang du phrin las kyi sprul pa rdo rje gzhon nu dang/ shar lhor yon tan gyi sprul pa bla med he ru ka dang/ nub byang du 'jigs pa'i stobs las sprul pa dregs pa kun 'dul dang/byang shar du brjid pa'i stobs kyi sprul pa stobs ldan nag po dang/ lho nub tu rig 'dzin rdo rje'i tshogs bsam gyis mi khyab pa rnams kyang dus gcig tu lhags so// de dag thams cad kyang so so'i btsun mo'i 'khor du bcas pas 'khod de// rang gi 'khor rnams dang lhan cig tu gnas so// de ltar khro bo'i dkyil 'khor bsam gyis mi khyab par sprul to// khro bo mngon byung gi le'u ste nyi shu rtsa gcig pa'o//// de nas khro bo'i 'khor tshogs rnams kyis/ dpal chen po la phyag dang bskor ba byas te zhus pa/ e ma spyi dpal he ru ka/ khro tshogs kun gyi rje btsan pau// shin tu khro zhing gtum pa yi// gdug byed log lta'i ru tra rnams// zhi bas phan par mi 'gyur te/ sangs rgyas thugs rje khros pa yis// 'khor ba'i gnas nas ji ltar 'dul// de skad gsol pa gsan nas kyang// spyi dpal chen pos bka' stsal pa// nyon cig 'dus pa'i tshogs chen rnams// dregs pas khengs pa'i ru dra rnams// zhi bas thul bar ma gyur pas// sangs rgyas thugs rje khros pa ni// thams cad 'jigs pa'i mchog yin te// 'jigs byed chen po'i dkyil 'khor du// bka' bzhin bskyed la bsgrub bya'o// dang po khro bo bsgrub pa'i gnas// dur khrod chen po rab 'jigs la// gdug pa'i lha srin 'du ba'am// gcan gzan 'dab chags khros pa'i sa// gnam sa gru gsum sar gnas pa// rab tu 'jigs pa'i gnas chen der// gnas kyi bdag po mchod pa'i phyir// gtor ma gtang zhing glud kyang sbyin// bden pa bdar zhing bka' yang bsgo// sa sbyangs bka' sgrogs bsod nams bsags// phyi mtshams gcad cing dam sri mnan// sgo byang gdags shing dkyil 'khor brtsig/ bdud rtsi lnga yi chag chag gdab// ba su ta yi thag pa yis// dkyil 'khor dgu yi thig tu gdab// kun kyang 'khor lo rtsibs bzhi la// gru chad bar khyams sgo bzhi ldan// kun kyang lcags ri ldan pa bri// de rnams phyi khyams dkyil 'khor la// sgo bzhi sgo rgyan rta babs ldan// 'dod yon rin chen pha gu dang/ dra ba dra phyed 'khor yug dang// 'bar phreng rdor phreng ldan par bri// de yang dur khrod tshon rtsi'am// yang na sa tshon lnga la bya// dbus rnams mthing nag gru gsum la// zla gam dmar po gsum gyis mdzes// phyi rim ljang la 'od zer 'phro// 'khor lo rtsibs bzhi phyogs kyis dbye/ shar dkar lho ser nub dmar byang ljang// mu khyud thod phreng dkar por bya// gru chad ljang la bar 'khyams phyogs// sgo bzhi rigs la brtsig pa lnga// phyi yi lcags ri nag po'o// dkyil 'khor dgu ka de bzhin bri// phyi khyams phyogs la sgo bzhi rigs// brtsig pa mthing dkar ser dmar ljang// 'dod yon khyams dmar pha gu ser// dra ba dra phyed mthing la mda' yab ljang// sgo khyud rta babs mdzes pa'i tshon// phyi rol rak+ta'i rgya mtsho dmar// rdo rje'i ra ba mthing nag la// me ri'i phreng ba dmar ser ro// de ltar dkyil 'khor bris nas ni// zhing chen bla re'i gur yang dbub// ba su ta yi phreng bas bskor// mda' bzhi me long dar sna bzhi// ral gri bzhi dang phur pa bzhi// dkyil 'khor rgyan du dgram par bya// b+han+d+ha dgu dang mar me dgu/phur pa dgu la sogs pa dgram// 'jigs byed chen po'i dkyil 'khor yin// zhes gsungs so// khro bo rol pa'i sgrub thabs kyi rdul tshon gyi dkyil 'khor gyi le'u ste nyi shu rtsa gnyis pa'o//// de nas yang dag nges gsungs pa// phrin las nyams su blang ba ni// dang po mtshams bcad bgegs bskrad la// phyogs mtshams 'jig rten lha ru gsal// brda' sgo dbye zhing brda' phyag 'tshal// dam bca' byin dbab bshags pa bya// mchod rdzas byin gyis brlabs shing dbul// de nas ting 'dzin rim pa bzhin// dang po de bzhin nyid bsgom pa// chos rnams sems kyi rang bzhin te// gdod nas ma skyes stong par bsgom// kun tu snang ba'i ting nge 'dzin// khyab pa'i snying rje sems can don// yongs la khyab par bsgom par bya// de nas rgyu yi ting nge 'dzin// ye shes sems dpa' tshon gang ba// thugs kar hUM dang ldan par bsgom/ de las raM yaM khaM gsum gyis// dngos dang mtshan ma bsreg gtor bkrus// mthing nag e yi nam mkha' la// rgya gram rlung gi 'khor lo chags// rak+ta khrag gi rgya mtshor 'khyil// zhing chen 'bar ba'i sa gzhir chags// 'byung ba drod snyoms me dpung 'bar// keng rus chen po'i ri rab brtsig/ smug nag b+hUM gyi 'phro 'du las// dur khrod chen po'i gzhal yas khang// pho brang dkyil 'khor dgu pa la// kun kyang 'khor lo rtsibs bzhir mdzes// gru chad khyams dang sgo bzhir ldan// phyi khyams sgo dang sgo khyud dang// mu khyud rdo rje 'bar phreng dang// dur khrod rgyan dang chas kyis brgyan// phyi nang med par gsal ba yi// ye shes lhun grub gzhal yas bsgom// de dbus byol song gtso brgyad khrir// ye shes sems dpa' babs pa las// spro bsdu'i cho ga gsum sbyor bas// che mchog he ru'i skur gsal bskyed// sku mdog smug nag 'bar ba la// dbu ni nyi shu rtsa gcig la// phyag ni bzhi bcu rtsa gnyis gdengs// phyag na bud+d+ha bzhi bcu gnyis// zhabs brgyad bgrad pas gdan brgyad gnon// dur khrod 'jigs pa'i chas brgyad gsol// rngom brjid chen po'i sku ru bsgom// g.yon phyogs mUM gyi 'phros 'dus las// khro mo gnam zhal dbyings phyug ma// dbu dgu phyag kyang bco brgyad de// khams chen bco brgyad rtsad bcad nas// stong pa bco brgyad dbyings la sbyor// g.yas pa thabs mchog gtso la 'khyud// g.yon pa dung dmar gtso la stob// yab yum gnyis med sbyor byas te// yab kyi gsang ba'i rdo rje la// oM las rtse lnga phaT kyis mtshan// yum gyi gsang ba'i pad+ma la// paM las 'dab bzhi AM gis mtshan// gnyis med rol pa'i brdas bskul te// phyag rgya bzhi yi sbyor ba bya// byang chub sems kyi sprin spros pas// mkha' las khro bo 'chol pa spros/hUM hUM hUM hUM/ bi shwa kro d+ha dz+wa la maN+Da la ha la ha la phaT phaT/ 'jig rten drug gi phyogs mtshams nas// bdud dang dregs pa rU tra rnams// thugs rje tshad med kyis bsgral nas// ma sring chung ma mdza' mo rnams// bran du bsdus nas bka' nyan gyur// 'khor bcas ma lus dbang du bsdus// de nas khro bo'i sprin bsdus nas// phyogs bzhi mtshams bzhir 'dus pa las// so so'i rigs kyi gtso bor gsal// btsun mo khrag 'thung yum rnams kyang// so so'i sku la 'khril bar bsgom// de nas dbus kyi gtso bo ni// che mchog yab yum thugs ka nas// yi ge hUM gi 'phro 'du las// shar du rak+sha he ru ka/ rak+sha kro d+hi shwa rI yum// lho tu gu h+ya he ru ka/ gu h+ya kro d+hI shwa rI yum// nub tu bi shwa he ru ka/ bi shwa kro d+hI shwa rI yum// byang du yak+sha he ru ka/ yak+sha kro d+hI shwa rI yum// dkyil 'khor bar khyams phyogs mtshams su// shar du dri za 'dul byed lha// lho ru gshin rje 'dul byed do// nub tu klu gdon 'dul byed la// byang du gnod sbyin 'dul byed do// shar lhor me lha 'dul byed la// lho nub srin po 'dul byed do// nub byang rlung lha 'dul byed la// byang shar dbang ldan 'dul byed do// steng phyogs lha gdon 'dul byed la// 'og phyogs sa bdag 'dul byed do// sgo bzhir mthar byed sgo ba bzhi// shar du pradz+nyAn+ta krita la// lho ru ya mAn+ta kr-i ta do// nub tu pad+mAn+ta krita la// byang du big+h+wAn+ta kr-ita do// phyi rim lcags ri nag po la// bka' srung ce spyang ma brgyad de// che mchog lha tshogs nyi shu bzhi// gtso 'khor bka' srung bcas pa bsgom// shar gyi dkyil 'khor chen po ru// gtso bo badzra he ru ka/ badzra kro d+hI shwa rI yum/ yab yum gnyis kyi thugs ka nas// yi ge hUM gi 'phro 'du las// shar du bud+d+ha he ru ka/ bud+d+ha kro d+hI shwa rI yum// lho ru rat+na he ru ka/ rat+na kro d+hI shwa rI yum// nub tu pad+ma he ru ka/ pad+ma kro d+hI shwa rI yum// byang du karma he ru ka/ karma kro d+hI shwa rI yum// dkyil 'khor bar khyams phyogs mtshams su// shar du gau rI seng+ha gnyis// lho ru tsau rI byA g+h+r-i gnyis// nub tu pra mo srI la gnyis// byang du bi tA shwa na gnyis// shar lhor puk+ka gr-iD+ha gnyis// lho nub g+hasma kang+ka gnyis// nub byang sma sha kA ka gnyis// byang shar tsaN+Da u lU gnyis// dkyil 'khor sgo bzhir gdong mo bzhi// shar du rta gdong lcags kyu ma// lho sgor phag gdong zhags pa ma// nub tu sbrul gdong lcags sgrog ma// byang du spyang gdong thal byed ma// phyi rim lcags ri nag po la// bka' srung srin mo nyi shu brgyad// gtso 'khor bka' srung bcas par bsgom// lho phyogs dkyil 'khor chen po ru// gtso bo 'jam dpal gshin rje gshed// sbyor yum za byed be tA lI// sgrol yum e ka tsa tI ma// yab yum gnyis med byin rlabs las// 'khor lo'i rtsibs la gshed chen bzhi// shar du ya ma rA dza dang// sbyor yum g.yu yi ral gcig ma// sgrol yum nam gru re ma ti// lho ru myos byed 'bar ba dang// sbyor yum gtum mo ser nag ma// sgrol yum khrag gi mnga' bdag mo// nub tu gshed chen ma ru tse// sbyor yum lha mo 'od zer ma// sgrol yum gling bzhi kun 'byams ma// byang du ral pa tshar dgu ma// sbyor yum nag mo re ma ti// sgrol yum srin mo mgo 'phyangs ma// dkyil 'khor bar khyams phyogs mtshams su// shar du kong rtse brag 'joms dang// yum du rdo rje ral gcig ma// lho ru gshin rje ya ba ti// yum du dred kyi ab sham mo// nub tu gshin rje rmig pa dang// yum du sgeg mo bus 'gro ma// byang du lha mchog dud ka la// yum du smug nag ral gcig ma// shar lhor a ba glang mgo dang// yum du drang srong dkar skya ma// lho nub gshin rje mig dmar la// yum du khrag gi ral gcig ma// nub byang gshin rje til pa dang// yum du rlung lha spyan gcig kyang gsum ma// byang shar chos kyi rgyal po dang// yum ni spyan gsum mche gtsigs ma'o// steng du gshin rje nag 'joms dang// yum du shel gyi gdong dgu ma'o// steng du gshin rje phya sang la// yum du shel mig khro mo'o// 'og tu gshin rje dmar po ste// yum du nag mo ral gcig ma'o// 'og tu gshin rje thod dbyug dang// yum du dmar mo mgo dgu ma// sgo bzhir gshin rje'i sgo ba bzhi// shar du dung gi bya rgod mgo/ lho ru nag po stag gi mgo/ nub tu bse yi kang ka'i mgo/ byang du lcags kyi spyang ka'i mgo/ phyi yi lcags ri nag po la// ging bdud ma mo shan pa gnas// gtso dang 'khor du bcas pa bsgom// nub kyi phyogs kyi dkyil 'khor du// dbus su khro rgyal dbang chen po// yum du sgeg mo ral gcig ma// g.yas su las kyi rgyal po la// g.yon du las kyi rgyal mo'o// dkyil 'khor 'khor lo'i rtsibs bzhi la// shar du ye shes zil gnon la// yum du khro mo mi pham ma'o// lho ru las kyi khro bo zil gnon la// yum du rdo rje khro gnyer ma'o// nub tu ye shes ma mo zil gnon dang// yum du rdo rje spyan gcig ma'o// byang du khyung chen zil gnon dang// yum du rdo rje ro langs ma'o// dkyil 'khor phyi khyams phyogs bzhi ru// shar du pho rgyud zil gnon dang// yum du rdo rje las byed ma'o// lho ru mo rgyud zil gnon dang// yum du gshin rje las byed ma'o// nub tu klu rnams zil gnon dang// yum du klu mo las byed ma'o// byang du gza' rnams zil gnon dang// yum du gnod sbyin las byed ma'o// phyogs bzhi sgo bzhir sgo ma bzhi// shar sgor rdo rje lcags kyu ma// lho sgor rdo rje zhags pa ma// nub sgo rdo rje lcags sgrog ma// byang sgor rdo rje dril bu ma// phyi yi lcags ri nag po la// kham brgya dmus long khyi spyang dang// pho nya la sogs bka' srung dgod// pad+ma gsung gi lha tshogs rnams// gtso dang 'khor du bcas pa bsgom// byang phyogs dkyil 'khor chen po ru// dpal chen rdo rje gzhon nu dang// yum mchog 'khor lo rgyas 'debs ma// yab yum gnyis kyi byin rlabs las// dkyil 'khor 'khor lo'i rtsibs bzhi la// shar du bud+d+ha kI la ya// lho ru rat+na kI ya la// nub tu pad+ma kI la ya// byang du karma kI la ya// dkyil 'khor bar mtshams phyogs mtshams su// shar du rnam par rgyal ba dang// yum du rdo rje snyem ma'o// phra men stag dang bya rgod mgo/ lho ru gshin rje gshed po dang// yum du dur khrod bdag mo'o// sprul pa sha ba 'ug pa'i mgo/ nub tu khro bo rta mgrin dang// yum du rdo rje gtum ma'o// sprul pa byi la pu shud mgo/ byang du bdud rtsi 'khyil pa dang// yum du rdo rje rlu 'byin ma'o// sprul pa seng ge pha wang mgo/ shar lhor dbyug pa sngon po dang// yum du rdo rje sder mo'o// sprul pa g.yag dang bya rog mgo/ lho nub mi g.yo mgon po dang// yum du rdo rje gtun khung ma// sprul pa gzi dang khwa yi mgo/nub byang gzhan gyis mi thub dang// yum du rdo rje mda' snyem ma// sprul pa spyang ki khra yi mgo/ byang shar khams gsum rnam rgyal dang// yum du rdo rje skyod byed ma// sprul pa dom dang sre mo'i mgo// steng phyogs khro bo hUM kA ra// yum du rdo rje sgra 'byin ma// sprul pa phag dang smrig bu'i mgo/ 'og phyogs khro bo stobs po che// yum du rdo rje gsod byed ma// sprul pa dred dang byi la'i mgo/ dkyil 'khor phyogs bzhir sgo ba bzhi// shar sgor pu shud mgo can la// lho ru skya ka'i mgo can no// nub tu srin bya'i mgo can dang// byang du khra yi mgo bo can// phyi yi lcags ri nag po la// bse mo bzhi dang re ti bzhi// shwa na bzhi dang ging bdud bzhi// shan pa bzhi la sogs pa dgod// phur pa phrin las lha tshogs kyi// gtso dang 'khor du bcas pa bskyed// shar lho mtshams kyi dkyil 'khor du// gtso bo bla med he ru ka/ yum du nyi bzhi bde mchog ma// dkyil 'khor 'khor lo'i rtsibs bzhi la// shar du rtag pa'i rgyal mo rnam snang gsal// lho ru rtag pa'i rgyal mo 'od gsal 'bar// nub tu rtag pa'i rgyal mo gnyen gsal 'bar// byang du rtag pa'i rgyal mo yang gsal g.yos// g.yas su rtag pa'i rgyal mo bkrag gsal ma// g.yon du srid pa bde 'gro ma// mdun du nyi zla thod phreng ma// zla gam bzhi la khros ma bzhi// shar du nyi ma khros pa la// lho ru khrag 'thung khros pa'o// nub tu bdud rtsi khros pa la// byang du srid gsum khros pa'o// mtshams su dgyes sde chen mo bzhi// shar du dkar mo mig gcig ma// lho ru nag mo mche ba can// nub tu dmar mo dbang sdud ma// byang du ser mo tshe 'phel ma'o// gru chad bzhi la ma bzhi'o// shar lhor rgyan gyi rgyal mo dang// lho nub dbyings phyug chen mo la// nub byang bdag nyid chen mo ste// byang shar gcig pu chen mo'o// khyams la sman mo bskyed par bya// byang du srid pa chags byed ma// nub tu srid pa cha snyoms ma// lho ru 'dod khams gtso mo ste// shar du e ka dza TI ma// shar du gling bzhi spyi phud ma// lho ru rin chen srid 'degs ma// nub tu pad+ma gar dbang ma// byang du rdo rje gar dbang ngo// shar lhor har ting dkar mo la// lho nub dun ting nag mo'o// nub byang shan ting dmar mo la// byang shar grub ting ser mo'o// shar du dkar mo mche gtsigs ma// lho ru nag mo kha 'byams ma// nub tu dmar mo mchu 'jib ma// byang du ser mo rkang ldag ma// shar du srin mo skam pa mo// shar du srin mo dri snom ma// lho ru srin mo phor thogs ma// lho ru srin mo skos byed ma// nub tu srin mo g.yang gzhi ma// nub tu srin mo za ba mo// byang du srin mo gsod byed ma// byang du srin mo za byed ma'o// dkyil 'khor phyogs bzhir sgo ma bzhi// shar du lha yi sring mo la// lho sgor gshen rje'i sring mo'o// nub sgor klu yi sring mo ste// byang sgor gnod sbyin sring mo'o// phyi yi lcags ri nag po la// yang gab bzhi dang sbas ma bzhi// gdong mo bzhi dang phung gsum ma// gsang ba'i ma gsum pho nya gsum// ro kha ma gsum bsgom par bya// ma mo rbod gtong lha tshogs kyi// gtso dang 'khor du bcas pa bsgom// nub byang mtshams kyi dkyil 'khor du// gtso bo dregs pa kun 'dul dang// yum du khams gsum spyi 'dul ma// yab yum thugs kyi sprul pa las// g.yas su dbang phyug chen po la// g.yon du u ma de bI'o// rtsibs bzhi dbang chen yab yum bzhi// shar du ya ma rA dza dang// yum du za byed nag mo'o// lho ru gshin rje brang dkar dang// yum du nag mo re ma ti// nub tu srin po glog phreng can// srin mo sbal mgo khrag mig ma'o// byang du yak+sha nag po dang// gnod sbyin mon mo nag mo'o// steng du gza' bdud rA hu la// gnam sman thog gi bu yug ma'o// 'og tu klu bdud mgo dgu dang// klu mo yak+sha nag mo'o// dkyil 'khor bar khyams phyogs mtshams su// shar stod nor bu bzang po la// shar dbus gnam the dkar po'o// shar smad spyi bdud gu rum tse// lho stod srid pa'i rgyal mo la// lho dbus e ka dza TI ma// lho smad nag mo mgyogs byed ma'o// nub stod ban chen bdud 'dul la// nub dbus srog zan dmar po'o// nub smad btsan 'gong dmar po'o// byang stod bi nA ya ka la// byang dbus kA la nag po dang// byang smad nag po bkrag med do// sgo bzhir dbang chen sde bzhi ste// shar sgor srog bdag tshang pa la// lho sgor rgyal po be dkar ro// nub sgor sku lha gsang ba la// byang sgor mgon po nag po bsgom// phyi yi lcags ri nag po la// lha srin sde brgyad dmag tshogs bsgom// byang shar dkyil 'khor chen po ru// dbus su stobs ldan nag po la// yum du 'byung lnga'i bdag mo'o// yab yum thugs kyi sprul pa las// dkyil 'khor rtsibs bzhi'i phyogs bzhi ru// shar du 'chi bdag nag po dang// yum du 'chi bdag nag mo'o// lho ru mi yi kha rlangs can// yum du nag mo khrag 'dzag ma// nub tu srin po gsod byed dang// yum du srin mo gsod byed ma// byang du gang ba bzang po dang// yum du sha za ral gcig ma'o// dkyil 'khor bar khyams phyogs mtshams su// shar du ma hA de ba la// lho ru thar pa nag po'o// nub tu rmu rje btsan po la// byang du kA la nag po'o// steng du gza' bdud nag po rA hu la// 'og tu klu rgyal sog ma med// dkyil 'khor sgo bzhir bka' nyan bzhi// shar sgor li byin har legs la// lho sgor khu le lag dgu'o// nub sgor rdo rje legs pa la// byang du yam shud dmar po'o// lho nub mtshams kyi dkyil 'khor du// rig 'dzin dkyil 'khor bsgom pa ni// dbus su che mchog rig 'dzin la// shar du yang dag rig 'dzin no// lho ru 'jam dpal rig 'dzin la// nub tu pad+ma rig 'dzin la// byang du phur pa'i rig 'dzin no// dkyil 'khor bar khyams phyogs bzhi ru// shar du lhun grub rig 'dzin la// lho ru phyag rgya'i rig 'dzin no// nub tu tshe yi rig 'dzin la// byang du rigs kyi rig 'dzin no// sgo bzhir rdo rje slob dpon bzhi// shar du dam tshig dbang gi slob dpon la// lho ru man ngag lung gi slob dpon la// nub tu shes rab rgyud kyi slob dpon te// byang du nyams chag skong ba'i slob dpon no// phyi yi lcags ri nag po la// dpa' bo dpa' mo mkha' 'gro rnams// bka' srung dag tu 'khod pa'o// dkyil 'khor phyi yi bar khyams la// dbang phyug nyi shu rtsa brgyad dgod// shar du mi sring tshangs ma dang// 'khrug mo dmar mo zhes bya dang// 'jug srid gzhon nu ma rnams so// lho ru dmar mo dbang sdud ma// zhi ba be con srin mo dang// za ba mo rnams bskyed par byed// nub tu dga' ma ra ro ma// gcig pu ma dang yid 'phrog ma// grub pa mo dang rlung mo'o// byang du gsod byed me mo dang// phag mo dang ni rgan byed ma// sna chen mo dang chu lha mo// sgo bzhir dbang phyug sgo ma bzhi// shar sgor nag mo lcags kyu ma// lho sgor ra ru zhags pa ma// nub sgor bum sna lcags sgrog ma// byang sgor gsus 'dzin dril bu ma'o// phyi yi 'khor yug rgya mtsho la// mkha' 'gro chen mo sum cu rtsa gnyis dang// sa bdag sum cu rtsa gnyis dang// ging chen bco brgyad lang ka dang// ma bdun sring bzhi 'bar ma brgyad// pho nya drug cu rtsa bzhi dang// 'bum phrag yangs pa'i mkha' 'gro ma'o// de ltar lha tshogs thams cad ni// sku mdog phyag mtshan ldan par bsgom// bskyed dang mthar phyin bya ba'i phyir// so so'i rtsa ba'i sngags las bskyed// ces gsungs so// ting nge 'dzin gyi dkyil 'khor bstan pa'i le'u ste nyi shu rtsa gsum pa'o//// de nas yang dag nges gsungs pa// rang bzhin dkyil 'khor bsgrub pa ni// 'og min chos dbyings pho brang nas// pho brang ye shes dgur gnas pa// dam tshig dkyil 'khor chen po ru// rang bzhin gnas nas spyan drangs te// chos sku dmigs med ngang las ni// longs spyod rdzogs pa'i skur gnas nas// dam tshig dkyil 'khor gnas chen du// gnyis su med par brtan bzhugs la// dam tshig ye shes gnyis med bstim// mi g.yo brtan par bzhugs su gsol// ye shes dkyil 'khor brtan par bya// gnyis su med pa'i tshul gyis ni// gzhal yas so so'i sgo phya yang bzhi nas// gnyis med dbyings su phyag kyang 'tshal// de nas mchod pa'i rim pa ni// phyag rgya gar gyi mchod pa dang// 'dod yon phyi yi mchod pa dang// dam rdzas nang gi mchod pa dang// bdud rtsi sman gyi mchod pa dang// rak+ta dmar gyi mchod pa dang// rmad byung gtor ma'i mchod pa dang// zab mo sbyor sgrol mchod pa rnams// dkyil 'khor dgu yi lha la mchod// bshags pa bya zhing bstod pa bya// gnyis su med pa'i bzlas pa bya/ oM badzra krod+ha ma hA shrI he ru ka hUM phaT/ oM ru lu ru lu hUM b+h+yo hUM phaT/oM a kro te ka ya mAn+ta ka ha na ma tha b+hany+dza hUM phaT/ oM pad+man+ta kr-ita badzra kro d+ha ha ya grI ba hUM phaT/ oM badzra kI li kI la ya sarba big+h+nAM baM hUM phaT/ oM gu h+ya dz+nyA na shrI he ru ka gu h+ya dz+nyA na kro d+hI shwa rI s+t+waM ma ma yo gi nI ru lu ru lu b+h+yo hUM phaT/oM kA la rU pa hUM phaT/ oM badzra tsan+Ta sarba duSh+tAn hUM phaT/ oM badzra sarba duSh+tAn hUM phaT/ oM badzra gu ru sarba sid+d+hi hUM phaT/ dbus su spro bsdu byed pa'i tshe// che mchog lha tshogs thugs ka nas// sngags kyi 'od zer spro bsdu bya// shar du spro bsdu byed pa'i tshe// yang dag lha tshogs thugs ka nas// sngags kyi 'od zer spro bsdu bya// lho ru spro bsdu byed pa'i tshe// gshin rje'i lha tshogs thugs ka nas// sngags kyi 'od zer spro bsdu bya// nub tu spro bsdu byed pa'i tshe// dbang chen lha tshogs thugs kar bya// byang du spro bsdu byed pa'i tshe// phur pa'i lha tshogs thugs kar bya// shar lhoraspro bsdu byed pa'i tshe// ma mo'i lha tshogs thugs kar bya// lho nub spro bsdu byed pa'i tshe// rig 'dzin lha tshogs thugs kar bya// nub byang spro bsdu byed pa'i tshe// dregs 'dul lha tshogs thugs kar bya// byang shar spro bsdu byed pa'i tshe// stobs ldan nag po yab yum gyi// thugs kar sngags kyi spro bsdu bya// bsnyen bsgrub lo zla zhag sogs bsgrub// rtags dang mtshan ma byung ba dang// dngos grub rim gyis blang bar bya// dus bzhir tshogs dang gtor ma gtong// lhag ma gtong zhing brtan ma bskyong// dkyil 'khor bsdu zhing smon lam gdab// phrin las las kyi kha tshar rnams// gang 'dod bya ba bsgrub par gsungs// zhes gsungs so// rang bzhin gyi dkyil 'khor sgrub pa'i le'u ste nyi shu rtsa bzhi pa'o// khro bo'i dkyil 'khor gsum gyi skabs te bzhi pa'o//// de nas spyi dpal kun bzang he ru ka la/ 'khor gyi rig 'dzin rnams kyis zhus pa/ e ma ho spyi dpal he ru ka/gsang sngags zhi khro rgya mtsho yi// sngags kyi bye brag bshad du gsol// de skad gsol pa gsan nas kyang// spyi dpal chen pos bka' stsal pa// nyon cig 'dus pa'i 'khor tshogs rnams// rdo rje dbyings kyi lha tshogs kyi// sngags kyi rim pa bstan pa ni/ hUM hUM hUM badzra tsit+ta oM/ a a a/ badzrI b+ha dra sa man+ta oM/ kun bzang yab yum rtsa ba'i sngags/ oM dzi na dzika hUM badzra d+h+rika/ swa rat+na d+h+rika aM a ro li ka/ha pradz+nyA d+h+rika/ rigs lnga yab kyi rtsa ba'i sngags/ laM te shwa ra tI/ mAM d+hA trI shwa ra ti/ maM mo ha ra ti/ paM rA ga ti/ taM badzra ra ti/ rigs lnga'i yum lnga'i rtsa ba'i sngags so// k+Shi hi rA dza ya/ traM A gar b+ha ba ya/hri pad+ma pra da ma/ dz+hiMku ru pA Ni hriM/ mai d+ha rA ya swA hA/ th+l+hiM nis+sa ram b+hA ya swA hA/ hUM swa rA dza ya swA hA/ muM shrI aM rA gA ya swA hA/ sems dpa' brgyad kyi rtsa ba'i sngags/ hUM lA s+ya sa ma ya s+t+waM/ traM mA l+ye sa ma sa s+t+waM/ hri gI ra ti ra go ha/a nir ti rA ga sa ma yA mi/ dzaHd+hU pe pra be sha/ hUM puSh+pe A be sha/ baM dI pa su gi ri/ ho g+han+d+he tsit+ta/ sems ma brgyad kyi rtsa ba'i sngags/ oM mu ne kriM swA hA/ oM mu ne sruM swA hA/ oM mu ne hUM truM swA hA/ oM su ne braM swA hA/oM mu ne k+ShaM swA hA/ oM mu ne ye swA hA/ thub pa drug gi rtsa ba'i sngags so// oM ya man ta kr-ita phaT/ oM pra dz+nyAn+ta kr-ita phaT/ oM pad+man+ta kr-ita phaT/ oM big+h+nAMn+ta kr-ita phaT/ oM ma hA badzra d+ha ra ma hA kro tI shwa rI dz+wa la nI hUM phaT/oM ma hA pad+ma d+ha ra ma hA kro tI shwa rI dz+wa la nI hUM phaT/ oM pad+ma d+ha ra ma hA kro d+hI shwa rI dz+wa la nI hUM phaT/ oM ma hA karma d+ha ra ma hA kro tI shwa rI dz+wa la nI hUM phaT/ sgo ba yab yum sngags so// rdo rje dbyings kyi sngags kyi le'u ste nyi shu rtsa lnga pa'o//// che mchog yon tan gyi lha tshogs kyi sngags bshad pa/ oM shrI ma hA kro d+ha hUM phaT/ oM ma hA kro tI shwa rI hUM phaT/ che mchog he ru ka yab yum rtsa ba'i sngags so// oM shrI ma hA rak+sha he ru ka hUM phaT/oM shrI ma hA g+hu h+ya he ru ka hUM phaT/ oM shrI ma hA bi shwa he ru ka hUM phaT/ oM shrI ma hA yag sha he ru ka hUM phaT/ rigs bzhi yab kyi rtsa ba'i sngags so// oM rak+sha kro d+hI shwa rI hUM phaT/ oM g+hu h+ya kro d+hI shwa rI hUM phaT/oM bi shwa kro d+hI shwa rI hUM phaT/ oM yaka sha kro d+hI shwa rI hUM phaT/ rigs bzhi yum gyi rtsa ba'i sngags so// oM ma hA kro d+ha gar dza gar dza hUM phaT/ oM ma hA kro d+ha ha na ha na hUM phaT/ oM ma hA kro d+ha da ha da ha hUM Ta/ oM ma hA kro d+ha pa tsa pa tsa hUM phaT/oM ma hA kro d+ha ban+d+ha ban+d+ha hUM phaT/ oM ma hA kro d+ha hu lu hu lu hUM phaT/ oM ma hA kro d+ha tiSh+Tha tiSh+Tha hUM phaT/ oM ma hA kro d+ha tshin+da tshin+da hUM phaT/ oM ma hA kro d+ha b+hin+da b+hin+da hUM phaT/ oM ma hA kro d+ha s+phoT s+phoT hUM phaT/dregs pa 'dul ba khro bo bcu'i rtsa ba'i sngags so// oM ma hA kro d+ha ya mAn kr-ita hUM phaT/ oM ma hA kro d+ha pradz+nyAn+ta kr-ita hUM phaT/ oM ma hA kro d+ha pad+man+ta kr-ita hUM phaT/ oM big+h+nAn+ta kr-ita hUM phaT/ ta kr-ita sgo ba bzhi'i rtsa ba'i sngags so// che mchog yon tan gyi lha tshogs kyi rtsa sngags kyi le'u ste nyi shu rtsa drug pa'o//// yang dag thugs kyi lha tshogs kyi rtsa sngags bshad pa ni/ oM badzra shrI he ru ka hUM phaT/ oM badzra kro d+hI shwa rI hUM phaT/badzra he ru ka yab yum rtsa ba'i sngags so// oM bud+d+ha shrI he ru ka hUM phaT/ oM rat+na shrI he ru ka hUM phaT/ oM pad+ma shrI he ru ka hUM phaT/ oM karmA shrI he ru ka hUM phaT/ rigs bzhi khrag 'thung rtsa ba'i sngags so// oM bud+d+ha kro d+hI shwa rI hUM phaT/ oM rat+na kro d+hI shwa rI hUM phaT/ oM pad+ma kro d+hI shwa rI hUM phaT/ oM karma kro d+hI shwa rI hUM phaT/ khrag 'thung yum bzhi rtsa ba'i sngags so// oM badzra gau rI hUM phaT/ oM badzra tsau rI hUM phaT/ oM badzra pra mo hA hUM phaT/oM badzra bai ta lI hUM phaT/ oM badzra puk+ka sI hUM phaT/ oM badzra g+has ma rI hUM phaT/ oM badzra sma sha nI hUM phaT/ oM badzra tsan+Da lI hUM phaT/ gau rI brgyad kyi rtsa ba'i sngags so// oM badzra seng ha mu khI hUM phaT/ oM badzra byA g+h+ra mu khI hUM phaT/ oM badzra shrI gA la mu khI hUM phaT/ oM badzra shwa nA mu khI hUM phaT/ oM badzra gr-id+d+ha mu khI hUM phaT/ oM badzra kang ka mu khI hUM phaT/ oM badzra kA ka mu khI hUM phaT/ oM badzra u lU ka mu khI hUM phaT/ phra men brgyad kyi rtsa ba'i sngags so// oM badzra Ar+ya te dza teng dzaH/ oM badzra a mu khe hUM/ oM badzra lo ga bam/ oM badzra b+hasmin pa la ya ba tu ho/ sgo ba bzhi'i rtsa ba'i sngags so// yang dag thugs kyi rtsa ba'i sngags kyi le'u ste nyi shu rtsa bdun pa'o//// de nas 'jam dpal sku'i lha tshogs kyi sngags bshad pa/ oM a kro te ka hUM phaT/ oM be ta lI rak+sha many+dzu hUM b+h+yo hUM/ oM e ka dza TI trag rag sha mu tra/ snying kha raka/ ru lu ru lu b+h+yo/ 'jam dpal gshin rje gshed po yab yum rtsa ba'i sngags so// oM ya ma rA dza ti tha li hUM phaT/ oM ya ma rA dza pre ta byi tri ti baM ma ra ta ka hUM phaT/ oM ya ma rA dza pre te dz+wa la hUM phaT/ oM ya ma rA dza ka mak+she pre to ka hUM phaT/ gshed bzhi yab kyi rtsa ba'i sngags so// oM rag mo rag mo snying rtsa sha la ma b+h+yo/ oM rag mo rag mo khrag la mu sham b+h+yo/ oM rag mo rag mo ting laM ma b+h+yo/ oM rag mo rag mo ting ting ka la ma b+h+yo/ gshed bzhi sbyor ba yum gyi sngags so// oM te na te byid hUM/ oM ya ma na de byi hUM/ oM ya ma na ga te byi hUM/ oM kha rag di byi hUM/ gshed bzhi sgrol ba yum gyi sngags so/ oM ya ma badzra kro ta rag sha hUM phaT/ oM ya ma shrI ti hUM phaT/ oM ya ma ma hA pa ta hUM phaT/oM ya ma hri ku ru hUM phaT/ oM ya ma pa ti hUM phaT/ oM ya ma Ar+ya da ra hUM phaT/ oM ya ma rag sha hUM phaT/ oM ya ma sarba pa ta hUM phaT/ oM ya ma a smri ram hUM phaT/ oM ma da na ri tsa hUM phaT/ oM ya ma de ba raM hUM phaT/oM ya ma hri di baM hUM phaT/ phyogs skyong bcu gnyis rtsa ba'i sngags so/ oM ma ma ru lu ru lu b+h+yo/ oM rag mo rag sha ru lu b+h+yo/ oM yag mo ru lu b+h+yo/ oM ya ma rag sha hri ti snying ru lu b+h+yo/ oM ma ma rag sha ru lu b+h+yo/oM rag mo ta na ru lu b+h+yo/ oM ma ma nA ga ru lu b+h+yo/ oM ba ya de ba ru lu b+h+yo/ oM yag mo ru lu ru lu b+h+yo/ oM ma ma badzra ru lu b+h+yo/ oM e ka rag mo ru lu b+h+yo// oM ka lI raka mo ru lu b+h+yo/ phyogs skyong yab yum rtsa ba'i sngags so// oM ya ma a ku sha dzaH// oM ya ma pA sha hUM/ oM ya ma s+pho Ta baM/ oM ya ma g+haN+De hoH/ gshin rje sgo ba bzhi'i sngags so// 'jam dpal sku'i lha tshogs kyi rtsa ba'i sngags bstan pa'i le'u ste nyi shu rtsa brgyad pa'o//// pad+ma gsung gi lha tshogs kyi sngags bstan pa/ oM badzra ma hA kro d+ha ha ya grI wa hu lu hu lu hUM phaT/ oM e ka dza TI/ gu h+ya ya sid+d+hi sa ma ya b+h+yoHdza/ oM badzra kro d+ha pa tsa la mu kha hUM dza/ oM badzra bag shu ta mu kha hUM dza/pad+ma dbang chen yab yum sras dang lha bzhi'i sngags/ oM pad+ma kro ta ha na ha na hUM phaT/ oM badzra ma hA kro ta da ha da ha hUM phaT/ oM pad+ma kro ta pa tsa pa tsa hUM phaT/ oM pad+ma kro ta b+hin+da b+hin+da hUM phaT/oM pad+ma kro ta ban+d+ha ban+d+ha hUM phaT/ oM pad+ma kro ta tshin+da tshin+da hUM phaT/ oM pad+ma kro ta gardza gardza hUM phaT/ oM pad+ma kro ta s+pho Ta s+pho Ta hUM phaT/ zil gnon khro bo brgyad kyi sngags so// oM gu h+ya kro d+h+wi hUM/ oM dz+nyA na kro d+hI hUM/ oM rA ga kro d+hI hUM/ oM tsi ta kro d+hI hUM/ oM badzra kro d+hI hUM/ oM ya ma kro d+hI hUM/ oM nA ga kro d+hI hUM/ oM yag mo kro d+hI hUM/ zil gnon khro mo brgyad kyi sngags so// shrI badzra aM ku sha dzaH/ hrIHbadzra pA sha hUM/ hrIHbadzra s+pho Ta baM/ hrIHbadzra g+haN+De hoH// dbang chen sgo ba bzhi'i sngags so// dbang chen lha tshogs rtsa sngags bstan pa'i le'u ste nyi shu rtsa dgu pa'o//// phur pa phrin las kyi sngags bshad pa/ oM badzra kI li kI lA ya shrI ku mA ra hUM phaT/oM tib+ta tsakra ru lu ru lu b+h+yo/ rdo rje gzhon nu yab yum rtsa ba'i sngags so// oM bud+d+ha kI la ya hUM phaT/ oM rat+na kI la ya hUM phaT/ oM pad+ma kI la ya hUM phaT/ oM karma kI la ya hUM phaT/ sras mchog rigs bzhi rtsa ba'i sngags so// oM badzra kro d+ha hUM kA ra hUM phaT/ oM badzra kro d+ha bi dza ya hUM phaT/ oM badzra kro d+ha nI la daN+Da hUM phaT/ oM badzra kro d+ha ya mAn ta ka hUM phaT/ oM badzra kro d+ha Ar+ya a tsa la hUM phaT/ oM badzra kro d+ha ha ya grI wa hUM phaT/ oM badzra kro d+ha a pa ra dzi ta hUM phaT/ oM badzra kro d+ha a mr-i ta kuN+Da li hUM phaT/ oM badzra kro d+ha trai lo kya bi dza ya hUM phaT/ oM badzra kro d+ha ma hA ba la hUM phaT/ khro bo yab bcu'i rtsa ba'i sngags so/ oM badzra kro d+hI ra ba ya tI hUM/ oM badzra kro d+hI lA se ki hUM/ oM badzra kro d+hI Na na pa tA tA yang tI hUM/ A+oM badzra kro d+hI sh+ma sha na btaTI hUM/ oM badzra kro d+hI mu sa la hUM/ oM badzra kro d+hI tsaN+Da li hUM/ oM badzra kro d+hI sa byA ti hUM/ oM badzra kro d+hI sa byA mi ta hUM/ oM badzra kro d+hI mA ra Na hUM/oM badzra kro d+hI tsun+da ya tI hUM/ khro mo bcu'i rtsa sngags so/ oM badzra sU ka ra mu kha hUM/ oM badzra byA g+h+ra mu kha hUM/ oM badzra tsa ma ra mu kha hUM/ oM badzra ha ri Na mu kha hUM/ oM badzra di pI mu kha hUM/ oM badzra pag shu mu kha hUM/ oM badzra shwa na mu kha hUM/oM badzra seng+ha mu kha hUM/ oM badzra ta rak+Shu mu kha hUM/ oM badzra rak+Sha mu kha hUM/ za byed pha bcu'i sngags so// oM u si ka eShu ba yang mu khI hUM/ oM badzra gr-iD+ha mu khI hUM/ oM badzra kA ka mu khI hUM/ oM badzra u lU ka mu khI hUM/oM badzra pA la sa mu khI hUM/ oM badzra pak+Sha ti mu khI hUM/ oM badzra pa trI mu khI hUM/ oM badzra ti tI la mu khI hUM/ oM badzra na ku la mu khI hUM/ oM badzra mU Shi ka mu khI hUM/ gsod byed ma bcu'i rtsa ba'i sngags so// oM badzra yag sha ta hUM/ oM badzra pa ya be hUM/ oM badzra ba ya ta hUM/ oM badzra ma ra Na hUM/ sgo ba bzhi'i rtsa sngags so/ phur pa phrin las kyi sngags kyi le'u ste sum cu pa'o//// ma mo rbod gtong gi lha tshogs kyi sngags bshad pa/hUM badzra shrI he ru ka hUM a a/ oM nyi bzhi mu kha le kro d+hI shwa rI b+ha ga pad+ma rgya/ bde klong 'dus 'dus na snying za sha yu ti ni hUM b+h+yo dzaHdzaH/ bla med he ru ka yab yum rtsa ba'i sngags so// 'gri pa mu hUM hA/dz+wa la ra ma pa ha/ b+hi sha san ti ha/ b+hi yang yang te ha/ ma hA laM te ha/ rtag pa'i rgyal mo lnga'i rtsa sngags so// oM badzra kro d+hI shwa rI b+ha ga pad+ma rgya hUM hUM/ oM badzra shan ti pad+ma ga ru ti b+h+yo/ oM mu tri Ni b+h+yo/ oM shan tri Ni b+h+yo/ba ga dun tri Ni b+h+yo/ kha mun dan tri Ni b+h+yo/ oM badzra sUr+Ya bi to a to ye/ oM pad+ma bi to a to ye/ oM badzra kha rag bi to a to ye// oM badzra sring 'gro bi to a to ye/ oM badzra ake ma a ke b+h+yo/ oM badzra ta ke ma ta ke b+h+yo/oM badzra ni la ni la b+h+yo/ oM badzra lan ta lan ta b+h+yo/ ye shes kyi rje mo bcu bzhi'i rtsa ba'i sngags so// oM badzra zangs 'dra mu ra shwa/ badzra kha rag snying kha rag b+h+yo/ trag rag sha b+h+yo/ trag rag sha mun+t+ra ban kha mun tra pa rag sha b+h+yo/pra ga ra ti ta b+h+yo/ pra g+hi wing gi sha b+h+yo/ b+h+yo hUM ka ri ka/ ba rod da rod ni la chu maM ta/ kha ting kha/ da la tsa la/ pad+ma tsan da/ ma bur rag to/ ding baM ding baM/ e A ral+li/ nu byi ru lu ru lu b+h+yo/ trag rag sha trag sha b+h+yo a ti b+h+yo/byi tiM b+h+yo/ bu ting b+h+yo/ mu ting b+h+yo/ shan ting b+h+yo/ dun ting b+h+yo/ har ting b+h+yo/ grub ting b+h+yo/ ti ba b+h+yo/ a pa ra ta la b+h+yo/ da la du la b+h+yo/ di la ma ma yams b+h+yo/ srid pa sman mo'i rtsa sngags so// ma mo rbod gtong gi lha tshogs kyi sngags kyi le'u ste sum cu so gcig pa'o//// de nas slob dpon rig 'dzin gyi sngags bshad pa/ oM badzra gu ru hUM/ oM rat+na gu ru hUM/ oM pad+ma gu ru hUM/oM karma gu ru hUM/ oM badzra yo gi ni hUM/ oM rat+na yo gi nI hUM/ oM pad+ma yo gi nI hUM/ oM karma yo gi nI hUM/ rig 'dzin brgyad kyi rtsa ba'i sngags so// rig 'dzin rtsa sngags kyi le'u ste sum cu rtsa gnyis pa'o//// de nas 'jig rten gyi lha tshogs kyi sngags bshad pa/oM badzra tsaN+Da sarba duSh+tAn hUM phaT/ dregs pa kun 'dul yab yum gyi rtsa sngags so// oM ma hA de ba e dzaHb+h+yo/ u ma de ba e dzaHb+h+yo/ ya ma ya dzaHb+h+yo/ ya man dan ti ya dzaHb+h+yo/du khrag du dzaHb+h+yo/ dun ting du dzaHb+h+yo/ rak+sha rA dzaHb+h+yo/ rak+mo ra dzaHb+h+yo/ yak+Sha k+Sha dzaHb+h+yo/ yag mok+Sha dzaHb+h+yo/ rA hu la pa tsa b+h+yo/ a se la a dzaHb+h+yo/ nA ga phu dzaHb+h+yo/ nA ga kro tI shwa rI phu dzaHb+h+yo/ de ba a dzaHb+h+yo/tri ba sha li tri dzaHb+h+yo/ tig sna 'dre rum rtsam dzaHb+h+yo/ ma ma ru lu ma dzaHb+h+yo/ e ka dza ti trag dzaHb+h+yo/ d+ha ki ni lam pa b+h+yo/ ru tra nr-i dzaHb+h+yo/ a bi shuk+Shu dzaHb+h+yo/ haM shaM tri dzaHb+h+yo/ bi nA ya ga u dzaHb+h+yo/ tir thi ka tha dzaHb+h+yo/mun mun ba dzaHb+h+yo/ ging ka ra tri dzaHb+h+yo/ rA tsa tso dzaHb+h+yo/ badzra sAd+hu tri dzaHb+h+yo/ ma hA kA la shrI dzaHb+h+yo/ 'jig rten mchod bstod kyi lha tshogs kyi sngags kyi le'u ste so gsum pa'o//// de nas dmod pa drags sngags kyi lha tshogs kyi sngags bshad pa/oM badzra sarba duSh+tan hUM phaT/ stobs ldan nag po yab yum rtsa sngags so// sa ma ya tsit+ta hriM hriM dza/ du phrag du tsit+ta hriM hriM dza/ dun ting du tsit+ta hriM hriM dza/ rak+sha tsit+ta hriM hriM dza/ rak+mo ra tsit+ta hriM hriM dza/ yag sha k+Sha tsit+ta hriM hriM dza/ yag mo k+Sha tsit+ta hriM hriM dza/ de ba a tsit+ta hriM hriM dza/ ru tra ni tsit+ta hriM hriM dza/ mun pa mun pa tsit+ta hriM hriMdza/ tir thi ka tha tsit+ta hriM dza hriM dza/ rA hu la pa tsit+ta hriM hriM dza/ nA ga phu tsit+ta hriM hriM dza/rA dza tsa tsa tsit+ta hriM hriM dza/ haM sha ma tri tsit+ta hriM hriM dza/ badzra sA d+hu tsit+ta hriM hriM dza/ ya ma tri shu tsit+ta hriM hriM/ dmod pa drag sngags kyi le'u ste sum cu so bzhi pa'o//// de nas dpal gyi bka' sdod kyi lha tshogs rnams kyi rtsa sngags la/ma nu yak+Sha sI b+h+yo/ brah+ma NI b+h+yo/ ro'u hrI b+h+yo/ beSh+Na be b+h+yo/ ku mA rI ma ri b+h+yo/ in+d+ra NI b+h+yo/ biM ga laM b+h+yo/ a mr-i ta b+h+yo/ so'u mya b+h+yo/ dan+Da daM b+h+yo/ rak+Sha sI b+h+yo/ bak+Sha sI b+h+yo/ ra ti badzra b+h+yo/ rud+hi re mat+tA b+h+yo/e ka tsa rI NI b+h+yo/ ma no ha raM b+h+yo/ sid+d+hi kaM b+h+yo/ bA ya bI b+h+yo/ ma hA mA ra NA badzra b+h+yo/ aka ni b+h+yo/ ba ra hI b+h+yo/ tsa muN+DI b+h+yo/ pu ta naM b+h+yo/ ba ru NaM b+h+yo/ ma hA kA lI b+h+yo/ tsa kA la b+h+yo/ kum+b+ha kar+Na b+h+yo/ lam+bo da ra b+h+yo/dbang phyug nyi shu rtsa brgyad kyi sngags so// badzra DA ki nI b+h+yo/ rat+na DA ki nI b+h+yo/ pad+ma DA ki nI b+h+yo/ karma DA ki nI b+h+yo/ mkha' 'gro ma sum cu rtsa gnyis kyi sngags so// badzra king+ka ra b+h+yo/ rat+na king+ka ra b+h+yo/ pad+ma king+ka ra b+h+yo/karma king+ka ra b+h+yo/ ging pho bco brgyad kyi sngags so// dz+wa la 'di man ma phyi sor bzhag sUr+ya b+h+yo/ dz+wa la ag+nI b+h+yo/ dz+wa la ya mA b+h+yo/ dz+wa la kro d+hI b+h+yo/ dz+wa la b+ha rA b+h+yo/ dz+wa la ya ma tik+ShitA b+h+yo/ dz+wa la yak+Sha ga ru Da ma b+h+yo/ dz+wa la yak+sha bA ru NA b+h+yo/'bar ma brgyad kyi sngags so// ma ma b+h+yo rod rod b+h+yo/ ma ma ni la chu mi ta b+h+yo/ ma ma kha T+wA~M ga b+h+yo/ ma ma d+ha la tsa la b+h+yo/ ma ma pad+ma tsan d+ha b+h+yo/ ma ma bu rag ta b+h+yo/ ma ma deng saM deng saM b+h+yo/ ma ma bdun gyi sngags so// ma ma b+h+yo/ ma ma b+h+yo/ ma ma b+h+yo/ ma ma b+h+yo/ sring mo bzhi'i sngags so// badzra rak+Sha sI b+h+yo/ rat+na rak+Sha sI b+h+yo/ pad+ma rak+Sha sI b+h+yo/ karma rak+Sha sI b+h+yo/ lang ka grub pa bco brgyad kyi sngags so// badzra las la b+h+yo/rat+na las la b+h+yo/ pad+ma las la b+h+yo/ karma las la b+h+yo/ pho nya drug cu rtsa bzhi'i sngags so// in+d+ra ma ma b+h+yo/ ag+ni ma ma b+h+yo/ ya ma ma b+h+yo/ rag sha ma ma b+h+yo/ nA ga ma ma b+h+yo/ pa ya be ma ma b+h+yo/ yag sha ma ma b+h+yo/I sha ma ma b+h+yo/ de ba ma ma b+h+yo/ nA ga ma ma b+h+yo/ mu la ma ma b+h+yo/ ma sa ma ma b+h+yo/ dun ting ma ma b+h+yo/ kang ka ma ma b+h+yo/ be ru ma ma b+h+yo/ so na ma ma b+h+yo/ rag ma ma b+h+yo/ kA la ma ma b+h+yo/ na ma ma b+h+yo/ sarba ma ma b+h+yo/'bum phrag yangs pa'i mkha' 'gro ma'i sngags so// dpal gyi bka' nyan gyi sngags kyi le'u ste sum cu so lnga pa'o//// de nas 'khor gyi bka' srung gis srog gi snying po phul ba/ badzra shwo na sho rtse b+h+yo/ badzra a rtsu sa ma b+h+yo/ badzra dip+ta badzra b+h+yo/ badzra ma ka ra ya la b+h+yo/badzra byi d+he badzra ni ka b+h+yo/ badzra kro ta ni ka b+h+yo/ ka ni ka ru te badzra b+h+yo/ badzra kro ti sti pa sta b+h+yo/ che mchog yon tan gyi bka' srung ce spyang ma brgyad kyi srog snying gi le'u ste so drug pa'o//// de nas yang dag thugs kyi bka' srung srin mo nyi shu rtsa brgyad kyis srog gi snying po phul ba/ tsa ma ra mu khI b+h+yo/ nA ga si ra mu khI b+h+yo/ byA g+h+ra mu khI b+h+yo/ na ku la mu khI b+h+yo/ti tI la mu khI b+h+yo/ rak+Sha mu khA+e b+h+yo/ ta rak+Shu mu khI b+h+yo/ ma ga ra mu khI b+h+yo/ bits+tsha mu khI b+h+yo/ pa trI mu khi b+h+yo/ shrI gA la mu khI b+h+yo/ byA g+h+ra mu khI b+h+yo/ graMd+d+ha mu khI b+h+yo/ ha ya mu khI b+h+yo/mU Shi ka mu khI b+h+yo/ ku ku mu khI b+h+yo/ bik+Sha ti mu khI b+h+yo/ ha Ni mu khI b+h+yo/ tsa ti mu khI b+h+yo/ bA la pa mu khI b+h+yo/ sU ka mu khI b+h+yo/ ka ta mu khI b+h+yo/ hasti mu khI b+h+yo/ krau ki lA mu khI b+h+yo/ tsha ga la mu khI b+h+yo/ bI na ra mu khI b+h+yo/ shwa na mu khI b+h+yo/ srin mo nyi shu rtsa brgyad kyi srog gi le'u ste so bdun pa'o//// de nas 'jam dpal sku'i bka' srung rnams kyis srog gi snying po phul ba/ ging ka ra ging ka ra/ karma rak+sha si karma rak+sha hrIH/ tri ku ru kha rag kham/ d+ha sha ru tra ma ra ya/ ru tra thun ya/rag sha thun ya/ gri thogs ging bzhis phul ba'o// bdu na tri ni ra zung/ ya tri ni ra zung/ tri tsa ba la ni ra zung/ chuM shig yaM tri ni ra zung/ dun tri/ pa tri/ dan tri/ sho ma tri/ dun dzaH/ ma ra ya tri dzaHdzaH/ ya ya/thing thing/ khram thogs bdud bzhi'i srog sngags so// tro ta ni tro ta ni hUM phaT/ pa tra pa tra hUM phaT/ shu la shu la hUM phaT/ d+ha sha g+h+ri ba d+ha sha g+h+ri ba hUM phaT/ sho thogs rtsis pa'i srog sngags so/ oM badzra d+ha ra yaM/ badzra snying go chod/ kha la mu zan da loM dun ting d+ha rA ya rbad/ oM badzra khrag ti tig rnar rbad/ oM badzra tsakra ru tri da ra ma rbad/ oM badzra shu tri da ra tri ya badzra hUM phaT/ rbad su rbad su/ rbad du rbad du/ da ra ka sha/ shwa pa ma ma/nad gtong ma mo'i shan pa/ drag po gza'i shan pa/ glen pa klu'i shan pa/ myos pa btsan gyi shan pa bzhi'i srog sngags so// 'jam dpal sku'i bka' srung gi srog snying gi le'u ste sum cu so brgyad pa'o//// de nas pad+ma gsung gi bka' srung rnams kyis srog snying phul ba/ bud+d+ha badzra oM/ sarba badzra hUM/ rat+na badzra trAM/ d+har ma badzra hrIH/ karma badzra ha/ g+ha h+ya badzra phaT/ kham rgya ma drug gi srog sngags so/oM sho ri khA hi sho ri kha hI hUM phaT/ dmus long bcu drug gi sngags so// dIp+ta tsakra shwa na mu kha kha long kha/ ku ku rA tsa ra ga sha kha long ka hUM phaT/ khyi brgyad spyang brgyad kyi sngags so// hUM hUM/ phaT phaT/ tri hUM phaT/hrI hUM phaT/ ha hUM phaT/ pho nya bzhi'i srog sngags so// dzi na la te tse ram/ yak+sha ku pan dza hUM phaT/ me 'brug rlung 'brug srog sngags so/ pad+ma gsung gi bka' srung gi srog sngags kyi le'u ste sum cu so dgu pa'o//// phur pa phrin las lha tshogs kyi bka' srung gi srog gi snying po phul ba/ oM pra mun ta d+ha ti rA dza dza hUM/ oM badzra tsa mu na da ri dza dza hUM/ oM shu la da ri dza dza hUM/ oM ka mu na da ri dza dza hUM/ ma mo bzhi'i srog sngags so// oM shwa na mu kha dza dza hUM/ oM shwa na mu kha dza dza hUM/ oM br-i ka mu kha dza dza hUM/ oM srI gA la mu kha dza dza hUM/ shwa na bzhi'i srog sngags so// oM tad+yathA/ trag rag+sha ru pi ru pi nan mug ti baM ma ru lu ru lu b+h+yo/oM pad+ma da ri ru ma ti b+h+yo/ tsit+ta tsit+ta dgra bo snying la b+h+yo/ oM ru lu ko'u me sen me nan dza dzaH/ oM yug te ru ru tsa ba la me dza dzaH/ re ma ti mched bzhi'i srog sngags so// srog rtsa la yam yam// snying rtsa la spril spril/srog tsa la chum chum/ tsit+ta srog la tung tung/ snying khrag shad thum ri li li rtsegs rtsegs/ 'ur 'ur/ shig shig/ gul gul/ myag myag/ sod sod/ d+ha ti ma ma shI g+h+raM karma kA ra ya/ mA ra si na pra marda ni hUM phaT/bse'i skyes bu bzhi bdud bzhi ging bzhi'i srog sngags so// gcig tu dril ba'o// phur pa phrin las kyi bka' srung rnams kyi srog sngags kyi le'u ste bzhi bcu pa'o//// de nas ma mo rbod gtong gi bka' srung rnams kyis srog snying phul ba/spyi ting kha la ma/ snying kha rag dza dzaH/ rag sha ma/ snying kha rag dza dza/ rag mo rag sha snying kha rag dza dza/ yang gab ma bzhi'i srog sngags so// ru lu snying khrag kha rag kha la rag sha ni rbad thum ri li li/snying la rag sha na/ sha ti rbad thum ri li li/ nr-i sha ku ru rag sha kha ram ni/ ku ru ni ku ru kha tham/ trag rag sha kha mun+t+ra/ snying kha rag b+h+yo/ phung byed sbas pa'i ma bzhi'i srog sngags so// ma ma rag mo snying rtsa la ma b+h+yo/ rag mo rag mo ru ru ro ru tsa pa la dgra bo snying la rag mo b+h+yo/ rag mo rag mo tsam tsam ma b+h+yo/ rag mo rag mo khrag la mu sha ma b+h+yo/ zor thogs gdong mo bzhi'i srog sngags so// trag rag sha mu tra b+h+yo/ ru lu ru lu ma rag mo/ snying kha rag b+h+yo/ ru lu ru lu ma ma snying gzer trag rag sha thun b+h+yo/ ma ma trag sha srog gzer thun rbad b+h+yo/ ma ma trag rag sha snying srog rtsa la thum thum b+h+yo/ zla gam dbang gi bdag mo ro kha ma bzhi'i srog sngags so/ru ni dun ti ru la ya dza/ du ru dz+wa la ni ha na dza// ru ma ra ma ha te dza b+h+yo dza/ 'brub khung las kyi bdag mo las kyi 'bar ma rtsis kyi ma mo nag mo phung gsum ma'i srog sngags so// ku ma rag sha na tri rbad/ sri ma ra du rbad ya/ ru ru ma ti rbad ya/ ba ya ru ru rbad ya/ chum chum ni ma tsa rbad ya/ sha ba ru pa ya/ chem chem rbad ya/ rbad bu rbad bu shag pa rbad ya/ rag sha thum rmugs rbad ya/ ru ru ra ti rbad ya/ bla srog snying gi bdag mo gsang ba'i ma gsum/ gsang ba'i pho nya gsum gyi srog sngags so// ma mo rbod gtong gi srog sngags kyi le'u ste bzhi bcu zhe gcig pa'o//// de nas slob dpon gyi bka' srung gyi srog sngags phul ba/ oM badzra DA ki nI b+h+yo/ oM rat+na DA ki nI b+h+yo/ oM pad+ma DA ki nI b+h+yo/ oM karma DA ki nI b+h+yo/ mkha' 'gro sde bzhi'i srog sngags so// oM badzra king ka ra rA tsa b+h+yo/oM badzra rat+na king ka ra rA tsa b+h+yo/ oM pad+ma king ka ra rA tsa b+h+yo/ oM karma king ka ra rA tsa b+h+yo/ dpa' bo sde bzhi'i srog sngags so// rig 'dzin bka' srung gi srog sngags kyi le'u ste bzhi bcu zhe gnyis pa'o// 'jig rten 'das pa dang 'jig rten pa'i bka' srung gi sngags bstan pa'i skabs te lnga pa'o//// de nas spyi dpal chen po he ru ka la/ phyogs bcu'i rig 'dzin rnams kyis zhus pa/ e ma spyi dpal he ru ka/bde gshegs bsgrub pa bka' brgyad kyi// lha tshogs zhi khro thams cad kyi// sku mdog phyag mtshan bstan du gsol// de skad gsol pa gsan nas kyang// spyi dpal chen pos bka' stsal pa// nyon cig 'dus pa'i tshogs chen rnams// che mchog yon tan 'dus pa'i lha tshogs la// gtso bo dpal chen che mchog he ru ka/ 'jigs pa'i dbu ni nyi shu rtsa gcig la// sbrul pa'i phyag ni bzhi bcu rtsa gnyis te/zhabs kyang dor thabs rnam pa brgyad du bgrad// sku ni smug nag 'bar ba shin tu brjid/ rtsa ba'i zhal ni sku yi mdog dang mtshungs// dbus kyi dbu drug mthing la rngams/ g.yas kyi rtsa zhal dkar la 'tsher// g.yon gyi rtsa zhal dmar la gdangs// g.yas kyi gnyis pa sngo la gtsigs// g.yon gyi gnyis pa ljang la rngams// g.yas kyi gsum pa dkar la gdangs// g.yon gyi gsum pa dmar la 'dril// g.yas kyi bzhi pa nag la gtsigs// g.yon gyi bzhi pa ljang la 'tsher// g.yas kyi lnga pa dkar la bzhad/ g.yon gyi lnga pa dmar la gshe// g.yas kyi drug pa sngo la gtsigs/ g.yon gyi drug pa ljang la 'dril// g.yas kyi bdun pa zur mig gzigs/g.yon gyi bdun pa thur mig gzigs// phyag ni bzhi bcu rtsa gnyis na// zhi ba bzhi bcu rtsa gnyis bsnams// g.yas kyi phyag na yab rnams bsnams/ g.yon gyi phyag na yum rnams bsnams/thub drug spel mar bsnams pa'o// bzhi bcu rtsa gnyis g.yas kyi dang po na// byed pa yid ni rdo rje kun bzang bsnams// bzhi bcu rtsa gnyis g.yon gyi dang po na// bya ba chos ni kun bzang mnyam gzhag 'phro// bzhi bcu rtsa gnyis g.yas kyi gnyis pa na/ rnam par snang mdzad chos kyi 'khor lo bskor// bzhi bcu rtsa gnyis g.yon gyi gnyis pa na// kun tu khyab pa dbyings phyug dril bu bsnams// bzhi bcu rtsa gnyis g.yas kyi gsum pa na// rdo rje sems dpa' mi bskyod rdo rje bsnams// bzhi bcu rtsa gnyis g.yon gyi gsum pa na// bskyed mdzad sangs rgyas spyan yang thor tshags bsnams/ bzhi bcu rtsa gnyis g.yas kyi bzhi pa na// rin chen 'byung ldan ser po mchod sbyin re skong bsnams// bzhi bcu rtsa gnyis g.yon gyi bzhi pa na// sdud byed mA ma kI yang thor tshugs bsnams// bzhi bcu rtsa gnyis g.yas kyi lnga pa na/snang ba mtha' yas 'joms byed pad+ma bsnams// bzhi bcu rtsa gnyis g.yon gyi lnga pa na// bsreg mdzad gos dkar mo ni pad+ma bsnams// bzhi bcu rtsa gnyis g.yas kyi drug pa na// don yod grub pa mthar phyin rgya gram bsnams// bzhi bcu rtsa gnyis g.yon gyi drug pa na// skyod byed dam tshig sgrol ma ut+pal bsnams// bzhi bcu rtsa gnyis g.yas kyi bdun pa na// sa snying dkar po rin chen myu gu bsnams// bzhi bcu rtsa gnyis g.yon gyi bdun pa na// lA s+ye dkar mo me long rgya gram bsnams// bzhi bcu rtsa gnyis g.yas kyi brgyad pa na// nam mkha'i snying po gcod byed ral gri bsnams/ bzhi bcu rtsa gnyis g.yon gyi brgyad pa na// mA le sngon mo rin chen phreng ba bsnams// bzhi bcu rtsa gnyis g.yas kyi dgu pa na// spyan ras gzigs dbang phyag na pad+ma bsnams// bzhi bcu rtsa gnyis g.yon gyi dgu pa na/ gIr ti dmar mo pi wang rgyud 'dren bsnams// bzhi bcu rtsa gnyis g.yas kyi bcu pa na// phyag na rdo rje 'joms byed rdo rje bsnams// bzhi bcu rtsa gnyis g.yon gyi bcu pa na// nIr ti ljang gu gar gyi cod pan bsnams// bzhi bcu rtsa gnyis g.yas kyi bcu gcig na// rgyal ba byams pa dmar skya gun+d+he bsnams// bzhi bcu rtsa gnyis g.yon gyi bcu gcig na// bdug pa'i sprin 'phro ma ni spos me bsnams// bzhi bcu rtsa gnyis g.yas kyi bcu gnyis na// kun tu bzang po rin chen snye ma bsnams// bzhi bcu rtsa gnyis g.yon gyi bcu gnyis na// dag pa'i mdangs ldan ma ni me tog bsnams// bzhi bcu rtsa gnyis g.yas kyi bcu gsum na// sgrib pa rnam sel klu shing lo ma bsnams// bzhi bcu rtsa gnyis g.yon gyi bcu gsum na// gsal ba'i 'od ldan ma ni mar me bsnams/ bzhi bcu rtsa gnyis g.yas kyi bcu bzhi na// 'phags pa 'jam dpal ut+pal mthing ga bsnams// bzhi bcu rtsa gnyis g.yon gyi bcu bzhi na// gan d+he ljang gu dag byed dri chab bsnams/ bzhi bcu rtsa gnyis g.yas kyi bco lnga na// big+h+nAM ta kr-ita be con tho ba bsnams// bzhi bcu rtsa gnyis g.yon gyi bco lnga na// thugs dam skul mdzad ma ni lcags kyu bsnams// bzhi bcu rtsa gnyis g.yas kyi bcu drug na// ya mAn ta kr-ita 'joms byed thod dbyug bsnams// bzhi bcu rtsa gnyis g.yon gyi bcu drug na/gnas nas spyan 'dren ma ni zhags pa bsnams// bzhi bcu rtsa gnyis g.yas kyi bcu bdun na// pad+ma ta kr-ita dral byed dgra sta bsnams// bzhi bcu rtsa gnyis g.yon gyi bcu bdun na// brtan par bzhugs mdzad ma ni lcags sgrog bsnams// bzhi bcu rtsa gnyis g.yas kyi bco brgyad na// pradz+nyAn+ta kr-ita gcod byed ral gri bsnams// bzhi bcu rtsa gnyis g.yon gyi bco brgyad na// rtog bral 'gyed mdzad ma ni g+haN+De bsnams// bzhi bcu rtsa gnyis g.yas kyi bcu dgu na// lha yi thub pa pi wang rgyud mangs bsnams// bzhi bcu rtsa gnyis g.yon gyi bcu dgu na// byol song thub pa chos 'chad pusti bsnams// bzhi bcu rtsa gnyis g.yas kyi nyi shu na// lha min thub pa thags bzang go cha bsnams// bzhi bcu rtsa gnyis g.yon phyi nyi shu na// yi dwags thub pa rin chen sgrom bu bsnams// bzhi bcu rtsa gnyis g.yas kyi tha ma na// mi yi thub pa shAkya gseg shang bsnams// bzhi bcu rtsa gnyis g.yon gyi tha ma na// dmyal ba'i thub pa me chu bsil drod bsnams// zhabs brgyad byol song gtso bo brgyad kyang brdzis// stag gzig seng ge dom rnams ni// g.yas kyi zhabs bzhi'i 'og tu mnan// glang chen ma he chu srin sbrul// g.yon gyi zhabs bzhi'i 'og tu mnan// lha brgyad g.yas kyi zhabs kyis mnan// klu brgyad g.yon gyi zhabs 'og mnan// nyi zla pad+ma'i steng na bgrad// yum chen gnam zhal dbyings phyug ma// sku mdog dud ka cir yang ston// dbu dgu rol pa'i ye shes dgu// stong pa bco brgyad phyag tu gdengs// g.yas kyi dang po rdo rje bsnams// g.yon gyi dang po b+han dmar dkrug/ g.yas brgyad gau rI bum thogs brgyad// g.yon brgyad seng+ha khrag thogs brgyad// zhabs bzhi brkyangs bskums yab dang mthun// yab yum rgyan ni dur khrod chas// rgya byi'u lcags chas 'dul byed bse khrab chas/ gcan gzan gzig chas sprul pa rdo rje'i chas/ rin chen sprul chas dpa' bo stag gi chas// gzi mdangs mi lpags chas dang dmar gsal khrag gi chas/ rtsal chen seng ge'i chas dang gdug pa dom gyi chas/ 'jigs pa'i rgyan chas rab tu brgyan pa'o// bcom ldan dpal chen rak+sha he ru ka/ dbu gsum smug nag dkar dang dmar ba'i zhal// g.yas g.yon dang po 'khor lo pad+ma bsnams// bar ma gnyis ni ti ra rgyu zhags 'dren/ tha ma gnyis na khyung chen ba su 'dren/ rak+sha kro d+hI shwa rI sku la 'khril/ g.yas pa 'khor lo g.yon pa dung dmar stob// bcom ldan dpal chen gu h+ya he ru ka/dbu gsum ser nag mthing dkar dmar ba'i zhal// g.yas g.yon dang po rin chen thod khrag bsnams// bar ma gnyis na dgra sta rgyu zhabs 'debs// tha ma gnyis na stong gi 'jig rten bsnams/gu h+ya kro d+hI shwa rI sku la 'khril// g.yas na rin chen g.yon pa dung dmar stob// bcom ldan dpal chen bi shwa he ru ka/ dbu gsum dmar nag mthing ga dkar po'i zhal// g.yas g.yon dang po pad+ma b+han dmar bskyil// g.yas g.yon bar ma stong gi 'jig rten bsnams// tha ma gnyis na dgra s+t+wa gshol yang 'dzin// yum chen bi shwa kro d+hI shwa rI ni// g.yas pa pad+ma g.yon pa dung khrag stob// bcom ldan dpal chen yak+sha he ru ka/dbu gsum ljang nag dkar dang dmar ba'i zhal// g.yas g.yon dang po rgya gram b+han dmar dkrug/ bar pa gnyis na ral gri zhags pa 'dzin// tha ma gnyis na dgra s+t+wa thong gshol 'dzin// zhabs bzhi thabs dang shes rab brkyangs bskums bgrad// yag shwa kro d+hI shwa rI sku la 'khril// g.yas pa rgya gram g.yon pa dung khrag ltob// dri za 'dul byed khro bo dkar po la// zhal gcig phyag gnyis 'khor lo tri shUl bsnams// me lha 'dul byed dmar ser me dbal dbyug to bsnams// gshin rje 'dul byed mthing nag dgra s+t+wa thod dbyug bsnams// srin po 'dul byed smug nag ral gri zhags pa bsnams// klu rnams 'dul byed dmar po spu gri zhags pa bsnams// rlung lha 'dul byed dmar skya b+han+da rnga yab bsnams// gnod sbyin 'dul byed ljang gu rgya gram dril bu bsnams// bgegs rnams 'dul byed mthing ga dgra s+t+wa rtse gsum bsnams// lha gdon 'dul byed sngo skya mda' gzhu 'gengs/ sa bdag 'dul byed dud ka tho ba zhags pa thogs// ya mAn+ta kr-ita dkar po lcags kyu bsnams/ pradz+nyAn+ta kr-ita ser po zhags pa bsnams// pad+mAn+ta kr-ita dmar po lcags sgrog thogs// big+h+nAn+ta kr-ita ljang gu dril bu bsnams/ che mchog yon tan lha tshogs kyi// sku mdog phyag mtshan bstan pa'i le'u ste bzhi bcu gsum pa'o//// yang dag thugs kyi lha tshogs kyi// sku mdog phyag mtshan bstan pa ni// bcom ldan dpal chen badzra he ru ka/ dbu gsum mthing nag dkar dang dmar ba'i zhal// phyag drug rdo rje kha T+wAM rnge'u chung g.yas// ti ri'i dbyug pa dung dmar rgyu zhags g.yon// zhabs bzhi thabs dang shes rab brkyangs bskums bgrad// yum chen badzra kro d+hI shwa rI sku la 'khril// g.yas pa kha T+wAM g.yon pa dung khrag stob/ bcom ldan khrag 'thung bud+d+ha he ru ka/dbu gsum smug nag mthing ka dmar ba'i zhal// ti ra'i dbyug pa rdo rje khyung chen g.yas// rgyu zhags b+han dmar ti ra'i ba su g.yon// zhabs bzhi thabs dang shes rab brkyangs bskums bgrad// yum chen bud+d+ha kro d+hI shwa rI sku la 'khril// g.yas pa yab 'khyud g.yon pa dung dmar stob// bcom ldan dpal chen rat+na he ru ka/ dbu gsum ser nag mthing ga dmar ba'i zhal// phyag drug rin chen byis dbyug dgra sta g.yas// stong gi 'jig rten b+han dmar gshol rgyu gzhag kyang ni g.yon// zhabs bzhi thabs dang shes rab brkyangs bskum bgrad// rat+na kro d+hI shwa rI sku la 'khril// g.yas pa yab 'khyud g.yon pa dung khrag stob// bcom ldan khrag 'thung pad+ma he ru ka/ dbu gsum dmar nag mthing ga dkar ba'i zhal// phyag drug pad+ma be con dgra s+t+wa g.yas// stong gi 'jig rten b+han dmar gshol ni g.yon// zhabs bzhi thabs dang shes rab brkyangs bskums bgrad// pad+ma kro d+hI shwa ri sku la 'khril// g.yas pa yab 'khyud g.yon pa dung dmar stob// bcom ldan khrag 'thung karma he ru ka/ dbu gsum ljag nag dkar dang dmar ba'i zhal// phyag drug rgya gram ral gri dgra s+t+wa g.yas// stong gi 'jig rten b+han dmar gshol ni g.yon// zhabs bzhi thabs dang shes rab brkyangs bskums bgrad// yum chen karma kro d+hI shwa rI sku la 'khril// g.yas pa yab 'khyud g.yon pa dung dmar stob/ gau rI b+han dmar byis dbyug g.yon// tsau rI mda' gzhu 'gengs ma ser// pra mo chu srin rgyal mtshan dmar// be ta byi za rdo 'phyar nag/ puk+ka dmar ser byis rgyu 'dren// g+hasma dung dmar khrag 'thung ljang/ sme sha mthing nag byis snying za/ tsaN+Da ser skya byi lus 'bral// seng+ha ser mo zhing za seng// bya g+h+ra dmar mo lag bsnol stag/ sr-i gA nag mo byis ldag wa// shwa na mthing ga sha 'drad spyang// gr-id+d+ha dmar mo dung gri rgod// kAM ka dmar smug zhing chung dur// kAM ka nag mo b+han gri bya// u lU mthing ga lcags kyu 'ug/ rta gdong dkar mo lcags kyu 'dren/ phag gdong sngon mo mche zhags sdom// dmar mo spre'u gdong lcags sgrog sdom// thal byed ljang gu dril 'khrol sbyang// yang dag thugs kyi lha tshogs sku mdog phyag mtshan bstan pa'i le'u ste bzhi bcu zhe bzhi pa'o//// 'jam dpa' sku yi lha tshogs kyi// sku mdog phyag mtshan bstan pa ni// bcom ldan 'jam dpal gshin rje gshed// dbu gsum phyag drug zhabs bzhi bgrad// g.yas dkar g.yon dmar dbus nag zhal// rdo rje be con yang ral gri dgra s+t+wa g.yas// sdigs mdzub mdung thung b+han dmar g.yon// dur khrod chas brgyad sku la brgyan// zhabs bzhi gyad kyi dor stabs kyis// yi dwags ma he'i steng na bgrad// be ta nag mo sku la 'khril// dgra s+t+wa 'phyar zhing dung dmar stob// sgrol byed e ka dza TI ni// baiDUr mdog sngon gsal 'tsher la// tri shUl g.yang gzhi g.yas na 'phyar// thod rlon tsit+ta g.yon na stob// ya ma rA dza gshin rje gshed// g.yas dkar g.yon dmar dbus mthing zhal// 'khor lo tri shUl lcags kyu g.yas// kha T+wAM dgra s+t+wa rgyu zhags g.yon// zhabs bzhi gyad kyi dor stabs bgrad// g.yu yi ral gcig g.yon nas 'khril// gtso la 'khyud cing dung dmar stob// sgrol yum nag mo re ma ti// ral gri ne'u le'i rkyal pa thogs// myos byed 'bar ba gshin rje gshed// g.yas dkar g.yon sngo dbus ser nag/ be con ral gri dgra s+t+wa g.yas// b+han dmar 'khor lo lcags kyu g.yon// zhabs bzhi gyad kyi dor stabs bgrad// gtum mo ser nag g.yon nas 'khril// gtso la 'khyud cing dung dmar stob// g.yas na sgrol yum ser nag la// chags gzhi khrag gi bdag mo ni// g.yas pa spu gri tsit+ta zhags pa g.yon// gshin rje gshed po ma ru tse// g.yas dkar g.yon sngo dbus dmar zhal// be con dbyug to kha T+wAM g.yas/ b+han dmar kha T+wAM rgyu zhags g.yon// zhabs bzhi gyad kyi dor stabs bgrad// g.yon na lha mo 'od zer ni// gtso la 'khyud cing b+han dmar stob// g.yas na gling bzhi gtsug 'byams ma// g.yas pa mi snying changs par bcug/ g.yon pa dung dmar b+han+da 'phyar/ral pa tshar dgu gshin rje gshed/ g.yas dkar g.yon dmar dbus ljang zhal// be con gtun shing rgya gram g.yas// b+han dmar rgyu zhags 'khor lo g.yon// g.yon na ljang nag mgo 'phyangs ma// g.yas pa dgra s+t+wa g.yon dung khrag/ gshin rje nag 'joms mthing nag zhal// rdo rje rtse lnga g.yas pa na// dgra s+t+wa 'bar ba g.yon na thogs// zhabs gnyis gyad kyi dor stabs bgrad// nag mo ral gcig g.yon nas 'khril// g.yas pa yab 'khyud g.yon pa dung dmar stob// gshin rje phya sangs dkar 'tsher zhal// g.yas pa tshe yi bum pa 'dzin// g.yon pa rdo rje'i gshol yang bsnams// zhabs gnyis gyad kyi dor stabs bgrad// shel gyi gdong dgu g.yon nas 'khril// shel gyi gri thogs yab la 'khyud// g.yon pa dung dmar gtso la stob// kong tse brag 'joms dkar ser zhal// rdo rje brag nag g.yas pa na// me yi 'khor lo g.yon na thogs// zhabs gnyis gyad kyi dor stabs bgrad// shel mig khro mo g.yon na 'khril// g.yas pa lcags kyu yab la 'khyud// g.yon pa b+han dmar gtso la stob/ a ba glang mgo smug nag zhal// g.yas pa kha T+wAM lcags kyu g.yon// zhabs gnyis gyad kyi dor stabs bgrad// dkar skya mche gtsigs g.yon nas 'khril// g.yas pa skar mda' thogs nas 'khyud// g.yon pa b+han dmar gtso la stob// ya ba ti ni sngon nag zhal// g.yas na ral gri g.yon lcags kyu// zhabs gnyis gyad kyi dor stabs bgrad// g.yon du dred kyi ab sham 'khril// g.yas pa khram shing thogs nas 'khyud// g.yon pa b+han dmar gtso la stob// gshin rje mig dmar smug nag zhal// gcod byed ral gri g.yas pa na// ti ra'i dbyug pa g.yon na thogs// khrag gi ral gcig g.yon nas 'khril// g.yas pa yab 'khyud g.yon pa dung dmar stob// gshin rje rmig pa dud ka'i zhal// thod pa'i phreng ba g.yas pa na// g.yon pa lcags sgrog dmar po sdom// zhabs gnyis gyad kyi dor stabs bgrad// nag mo pus 'gro g.yon nas 'khril// g.yas pa yab kyi mgul du 'khyud// g.yon pa dung dmar gtso la stob// gshin rje til pa sngo nag zhal// g.yas pa spu gri 'bar ba thogs// g.yon pa b+han d+ha rak+tas bkang// zhabs gnyis gyad kyi dor stabs bgrad// g.yon nas spyan gsum mche gtsigs 'khril// g.yas pa yab kyi mgul nas 'khyud// g.yon pa dung dmar gtso la stob// gshin rje bdud 'joms smug nag zhal// rdung byed tho ba g.yas pa na// rak+ta b+han dmar g.yon na bsnams// smug nag ral gcig g.yon nas 'khril// g.yas pa yab kyi mgul nas 'khyud// g.yon pa dung dmar gtso la stob// chos kyi rgyal po dkar ser zhal// rdo rje rtse gsum g.yas pa na// g.yon pa bdud kyi khram shing thogs// zhabs gnyis gyad kyi dor stabs bgrad// rdo rje ral gcig g.yon nas 'khril// g.yas pa nyi zer zhags pa 'dzin// g.yon pa dung dmar yab la stob// gshin rje 'bar ba dmar po'i zhal// skye 'gro'i rtsis byang g.yas pa na// g.yon pa gtun shing 'bar ba thogs// zhabs gnyis gyad kyi dor stabs bgrad// dmar mo mgo dgu g.yas nas 'khril// g.yas pa yab 'khyud tri shUl 'dzin// g.yon pa b+han dmar gtso la stob// gshin rje thod dbyug mthing nag zhal// ti ra'i dbyug pa g.yas pa na// bdud kyi sho d+he g.yon na thogs// zhabs gnyis gyad kyi dor stabs bgrad// nag mo phag mgo g.yon nas 'khril// g.yas pa yab kyi mgul nas 'khyud// g.yon pa dung dmar gtso la stob/ dkar zhing 'tsher ba bya rgod mgo// rdo rje rtse lnga g.yas pa na// lcags kyu 'bar ba g.yon na thogs// mthing nag 'bar ba stag gi mgo/ rin chen dbyug pa g.yas pa na// rgyu zhags 'bar ba g.yon na thogs// le brgan 'bar ba kang ka'i mgo/ me yi pad+ma g.yas pa na// lcags sgrog 'bar ba g.yon na thogs// ljang nag 'bar ba spyang ki'i mgo/ rgya gram 'bar ba g.yas pa na// shel gyi dril bu g.yon na thogs// 'jam dpal sku'i lha tshogs kyi sku mdog phyag mtshan bstan pa'i le'u ste bzhi bcu zhe lnga pa'o//// pad+ma gsung gi lha tshogs kyi// sku mdog phyag mtshan bstan pa ni// bcom ldan dpal chen rta mgrin rgyal po ni// sku mdog dmar po bskal pa'i me ltar 'bar// dbu gsum g.yas dkar g.yon sngo dbus dmar zhal// phyag drug kha T+wAM rdo rje sbrul zhags g.yas// dril bu b+han dmar lcags sgrol g.yon na bsnams// dbu gtsug rta mgo ljang gu rta skad 'tsher// zhabs bzhi brkyangs bskums gdug pa'i klu rnams 'dul// yum chen e ka tsa ti sku la 'khril// sku mdog dmar nag spyan gsum sdang mig bgrad// g.yas pa kha T+wAM bsnams nas yab la 'khyud// g.yon pa dung dmar gtso la stob par byed// sprul pa'i phra men byi la pu shud mgo/ sku mdog dmar nag bskal pa'i me ri 'dra// g.yas pa lcags kyu g.yon pa phur bu 'debs// ye shes zil gnon khro bo'i rgyal po ni// sku mdog dmar nag ser yang zhal gsum phyag drug pa// dbu gsum g.yas dkar g.yon sngo ljang yang dbus dmar zhal// g.yas pa 'khor lo rdo rje rin po che// g.yon pa pad+ma ral gri dril bu bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen mi pham khro mo sku la 'khril// g.yas pa yab 'khyud g.yon pa dung dmar stob// las kyi khro bo zil gnon khro bo ni// dbu gsum g.yas dkar g.yon sngo dbus dmar zhal// phyag drug pad+ma dbyug to spu gri g.yas// kha T+wAM dgra s+t+wa rgya gram g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen khro gnyer dmar mo sku la 'khril// g.yas pa yab 'khyud g.yon pa dung dmar stob// ye shes ma mo zil gnon khro bo ni// dbu gsum g.yas dkar g.yon ljang dbus dmar zhal// phyag drug sdigs mdzub lcags kyu sbrul zhags g.yas// lcags sgrog kha T+wAM rnge'u chung g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen ro langs dmar mo sku la 'khril// g.yas pa yab 'khyud g.yon pa dung dmar stob// ye shes bya khyung zil gnon khro bo ni// dbu gsum g.yas dkar g.yon sngo dbus dmar zhal// phyag drug rdo rje sa dang me khyung g.yas// nam mkha' chu rlung byang khyung g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum gcig spyan gcig dmar mo sku la 'khril// g.yas pa yab 'khyud g.yon pa dung dmar stob// pho rgyud zil gyis gnon pa'i khro bo ni// dbu gsum g.yas dkar g.yon sngo dbus dmar zhal// phyag drug rdo rje thog skam rgyu zhags g.yas// dung khrag thod rlon zhing dbyug g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen rdo rje las byed sku la 'khril// g.yas pa yab 'khyud g.yon pa dung khrag stob// mo rgyud zil gyis gnon pa'i khro bo ni// dbu gsum g.yas dkar g.yon ljang dbus dmar zhal// phyag drug rdo rje ral gri mda' ni g.yas// zhags pa sdigs mdzub gzhu ni g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen gshin rje las byed sku la 'khril// g.yas pa yab 'khyud g.yon pa dung dmar stob// klu rnams zil gyis gnon pa'i khro bo ni// dbu gsum g.yas dkar g.yon ljang dbus dmar zhal// phyag drug sbrul dkar sbrul ser sbrul dmar g.yas// sbrul khra sbrul sngo sbrul nag g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// klu mo las byed dmar mo sku la 'khril// g.yas pa yab 'khyud g.yon pa dung dmar stob// gza' rnams zil gyis gnon pa'i khro bo ni// dbu gsum g.yas dkar g.yon ljang dbus dmar zhal// phyag drug rdo rje ral gri zhags pa g.yas// dung khrag seng ldeng dbyug pa khyung chen g.yon// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen gnod sbyin las byed sku la 'khril// g.yas pa yab 'khyud g.yon pa dung dmar stob// sgo ba dkar po lcags kyu thogs// sgo ba ser po zhags pa bsnams// sgo ba dmar po lcags sgrog thogs// sgo ba ljang gu dril bu thogs// pad+ma gsung gi lha tshogs kyi sku mdog phyag mtshan bstan pa'i le'u ste bzhi bcu zhe drug pa'o//// phur pa phrin las lha tshogs kyi// sku mdog phyag mtshan bstan pa ni// bcom ldan dpal chen rdo rje gzhon nu ni// dbu gsum phyag drug zhabs bzhi sku mdog mthing// g.yas dkar g.yon dmar dbus ni mthing nag zhal// g.yas gnyis rdo rje rtse dgu rtse lnga bsnams// g.yon gyi gnyis na kha T+wAM me dpung bsnams// tha ma gnyis na ri rab phur bu 'dril// dur khrod 'jigs pa'i chas brgyad sku la brgyan// 'khor lo rgyas 'debs mthing nag sku la 'khril// g.yas pa kha T+wAM thogs nas yab la 'khyud// g.yon pa dung khrag gtso la stob par byed// thugs kyi sras mchog bud+d+ha kI la ya// dbu gsum g.yas dkar g.yon dmar dbus mthing zhal// phyag drug g.yas g.yon dang po rdo rje dgra s+t+wa bsnams// bar ma gnyis na rgyu zhags ral gri bsnams// tha ma gnyis na ri rab phur bu 'dril// sku smad dngul phur zlum po e yi gdan la bzhugs// lho phyogs sras mchog rat+na kI la ya// dbu gsum g.yas dkar g.yon dmar dbus ser zhal// g.yas g.yon dang po me dang dgra s+t+wa bsnams// bar ma gnyis na ral gri be con bsnams// tha ma gnyis na ri rab phur bu 'dril// sku smad gser phur gru bzhi e yi gdan la bzhugs// nub kyi sras mchog pad+ma kI la ya// dbu gsum g.yas dkar g.yon ser dbus dmar zhal// g.yas g.yon dang po ral gri mdung thung bsnams// bar ma gnyis na mda' gzhu 'gengs shing 'phen// tha ma gnyis na ri rab phur bu 'dril// sku smad zangs phur zla gam e yi gdan la bzhugs// byang gi sras mchog karma kI la ya// dbu gsum g.yas dkar g.yon dmar dbus ljang zhal// g.yas g.yon dang po mdung dang gri gug bsnams// bar ma gnyis na lcags kyu ral gri bsnams// tha ma gnyis na ri rab phur bu 'dril// sku smad lcags phur zur gsum e yi gdan la bzhugs// hUM chen sngo skya ser dang dmar ba'i zhal// g.yas g.yon dang po rdo rjes dung khrag dkrugs// bar ma gnyis na mda' gzhu 'gengs shing 'phen// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums tshangs pa'i gdan la bzhugs// yum chen rdo rje sgra 'byin sku la 'khril// g.yas pa be con g.yon pa thod khrag stob// yab kyi sprul pa phag gi mgo bo can// g.yas pa tho ba g.yon pa phur pa 'dril// yum gyi sprul pa smig bu'i mgo bo can// g.yas pa nyi zla g.yon pa phur bu 'dril// rnam rgyal dkar po sngo dang ljang ser zhal// g.yas g.yon dang po rdo rjes dung khrag dkrugs// bar ma gnyis na 'khor lo tri shU'u la// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdangs// zhabs bzhi brkyangs bskums brgya byin gdan la bzhugs// yum chen rdo rje snyems ma sku la 'khril// g.yas pa ral gri g.yon pa thod khrag stobs// yab kyi sprul pa stag gi mgo bo can// g.yas pa rdo rje g.yon pa phur pa 'dril// yum gyi sprul pa bya rgod mgo bo can// g.yas pa lcags kyu g.yon pa phur bu 'dril// khro rgyal dbyug sngon dkar dang dmar ba'i zhal// g.yas g.yon dang po rdo rjes dung khrag dkrugs// bar ma gnyis na me dbal dbyug to bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums drang srong gdan la bzhugs// yum chen rdo rje sder mo sku la 'khril// g.yas pa lcags kyu g.yon pa thod khrag stobs// yab kyi sprul pa g.yag gi mgo bo can// g.yas pa dbyug to g.yon pa phur pa 'dril// yum gyi sprul pa bya rog mgo bo can// g.yas pa me dbal g.yon pa phur bu 'dril// khro rgyal gshin rje sngo skya ljang sngon zhal// g.yas g.yon dang po rdo rjes dung khrag dkrugs// bar ma gnyis na thod dbyug dgra s+t+wa bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums grul bum gdan la bzhugs// yum chen dur khrod bdag mo sku la 'khril// g.yas pa thod dbyug g.yon pa thod khrag stobs// yab kyi sprul pa sha ba'i mgo bo can// g.yas pa dgra s+t+wa g.yon pa phur pa 'dril// yum gyi sprul pa 'ug pa'i mgo bo can// g.yas pa zhags pa g.yon pa phur bu 'dril// mi g.yo mgon po ljang sngon smug nag zhal// g.yas g.yon dang po rdo rjes dung khrag dkrugs// bar ma gnyis na ral gri zhags pa bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums bden bral gdan la bzhugs// yum chen rdo rje gtun khung sku la 'khril// g.yas pa tho ba g.yon pa thod khrag stobs// yab kyi sprul pa gzig gi mgo bo can// g.yas pa ral gri g.yon pa phur pa 'dril// yum gyi sprul pa khwa ta'i mgo bo can// g.yas pa lcags kyu g.yon pa phur bu 'dril// rta mgrin dmar po dkar dang sngo ba'i zhal// g.yas g.yon dang po rdo rjes dung khrag dkrugs// bar ma gnyis na spu gri zhags pa bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums chu lha'i gdan la zhugs// yum chen rdo rje gtum mo sku la 'khril// g.yas pa spu gri g.yon pa dung khrag stob// yab kyi sprul pa byi la'i mgo bo can// g.yas pa zhags pa g.yon pa phur pa 'dril// yum gyi sprul pa pu shud mgo bo can// g.yas pa spu gri g.yon pa phur bu 'dril// 'dod rgyal dmar skya ser dang ljang dgu'i zhal// g.yas g.yon dang po rdo rjes dung khrag dkrugs// bar ma gnyis na ba dan rnga yab bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums rlung lha'i gdan la bzhugs// yum chen rdo rje mda' snyems sku la 'khril// g.yas pa tho ba g.yon pa dung khrag stob// yab kyi sprul pa spyang ki'i mgo bo can// g.yas pa ba dan g.yon pa phur pa 'dril// yum gyi sprul pa khra yi mgo bo can// g.yas pa rnga yab g.yon pa phur bu 'dril// bdud rtsi 'khyil pa ljang nag dkar dmar zhal// g.yas g.yon dang po rdo rjes dung khrag dkrugs// bar ma gnyis na rgya gram dril bu bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums gnod sbyin gdan la bzhugs// yum chen rdo rje rlung 'byin sku la 'khril// g.yas pa dgra s+t+wa g.yon pa dung khrag stob// yab kyi sprul pa seng ge'i mgo bo can// g.yas pa rdo rje g.yon pa phur pa 'dril// yum gyi sprul pa pha wang mgo bo can// g.yas pa me sgron g.yon pa phur bu 'dril// khams gsum rnam rgyal dkar dang dmar ba'i zhal// g.yas g.yon dang po rdo rjes dung khrag dkrugs// bar ma gnyis na rdo rje sprul zhags bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums bgegs kyi gdan la bzhugs// yum chen rdo rje gsod byed sku la 'khril// g.yas pa gri gug g.yon pa dung khrag stob// yab kyi sprul pa dom gyi mgo bo can// g.yas pa dril bu g.yon pa phur pa 'dril// yum gyi sprul pa sre mo'i mgo bo can// g.yas pa lcags kyu g.yon pa phur bu 'dril// stobs chen dud ka nag dang ljang gu'i zhal// g.yas g.yon dang po rdo rjes dung khrag dkrugs// bar ma gnyis na tho ba zhags pa bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums sa bdag gdan la bzhugs// yum chen rdo rje skul byed sku la 'khril// g.yas pa rtse gsum g.yon pa dung khrag stob// yab kyi sprul pa dred kyi mgo bo can// g.yas pa rdo rje g.yon pa phur pa 'dril// yum gyi sprul pa byi ba'i mgo bo can// g.yas pa sogs le g.yon pa phur bu 'dril// sgo ba dkar po lcags kyu pu shud mgo/ sgo ba ser po zhags pa skya ka'i mgo/ sgo ba dmar po lcags sgrog srin bya'i mgo// sgo ba ljang gu dril bu khra yi mgo// phur pa phrin las kyi lha tshogs kyi sku mdog phyag mtshan bstan pa'i le'u ste bzhi bcu zhe bdun pa'o//// ma mo rbod gtong lha tshogs kyi// sku mdog phyag mtshan bstan pa ni// bcom ldan bla med he ru ka/ sku ni mthing nag 'jigs tshul can// g.yas dkar g.yon dmar dbus mthing zhal// rdo rje sbrul khyung sbrul zhags g.yas// b+han+da zhing g.yab ga'u g.yon// dur khrod 'jigs pa'i chas kyis brgyan// zhabs bzhi bgrad pas ma mo gzir// yum chen kun tu bzang mo ni// bzhi zur zhabs brgyad phyogs mtshams gnon// mkha' bzhi bde klong gcig tu 'khyil// dbu gcig zhal lnga srid pa gsal// pha rol phyin drug phyag rgya la// dang po rdo rje dril bu 'bar// bar ma dril zhags b+han+da ldan// tha ma bdud rtsi g.yang gzhir ldan// sna tshogs bsgyur ba'i sku mdog la// na bza' sna tshogs shin tu 'bar// shar gyi mkha' 'gro seng ge'i gdong// rtag pa'i rgyal mo rnam snang gsal// sku mdog dkar mo 'bar ba la// na bza' dkar po shel ltar dag/ dbu gsum phyag drug zhabs bzhi bgrad// dang po rdo rje b+han+da 'bar// bar ma dgra s+t+wa gtun shing brdeg/ tha ma seng ge mchog chen snyod// lha yi mkha' 'gro ban glang gdod// rtag pa'i rgyal mo 'od gsal 'bar// sku mdog sngon mo 'bar ba la// na bza' ston po baiDUr+ya// dbu gsum phyag drug zhabs bzhi bgrad// dang po rin chen b+han+da 'bar// bar ma me dbal dbyug to la// tha ma stag mo zhing chung snyod// nub kyi mkha' 'gro phud ka'i gdong// rtag pa'i rgyal mo snyan mnyen yang gsal 'bar// sku mdog dmar mo 'bar ba la// na bza' dmar mo dbang gis mdzes// dang po pad+ma b+han+da 'bar// bar ma zhags pa tri shU la// tha ma ce spyang zhing chung snyod// zhabs bzhi chu bdag steng du bgrad// byang gi mkha' 'gro rdo rje'i mchu// rtag pa'i rgyal mo yang gsal g.yos// sku mdog ljang gu 'bar ba la// na bza' ljang gu baiDUr+Ya// dbu gsum phyag drug zhabs bzhi bgrad// dang po rgya gram b+han+da dmar// bar ma dbyug to rgyu phreng 'dzin// tha ma spyang mo zhing chu snyod// zhabs bzhi gnod sbyin steng du bgrad/ nam mkha'i mkha' 'gro rdo rje mchu// rtag pa'i rgyal mo bkrag gsal 'bar// sku mdog ser mo 'bar ba la// na bza' ser po btso ma gser// dbu gsum phyag drug zhabs bzhi bgrad// dang po 'khor lo b+han+da 'bar// bar ma rgyal mtshan spu gri 'dzin// tha ma 'ug pa zhing chung snyod// zhabs bzhir ya bdud steng na bgrad// srid pa bde 'gro khams gsum yum// sku mdog mthing nag 'bar ba la// dbu gsum phyag drug zhabs bzhi bgrad// g.yas gyi dang po 'khor lo bskor// g.yon gyi dang po rin po che// g.yas kyi bar ma g.yang gzhi brdeb// g.yon gyi b+han+da dmar gyi bkang// g.yas kyi tha ma tshe 'dzin cing// g.yon gyi tha ma lcags kyu thogs// zhabs drug rgyud drug sgo yang gcod// dkar mo nyi ma'i thod phreng can// na bza' sprin dkar brtsegs pa la// 'ja' tshon 'bar ba'i mtha' chag can// nyi zla stong gi thod phreng can// phyag na zangs lcags dkar nag la// snying brgyus pa yi zhags pa 'phan// nyi ma khros pa'i dbang mo che// sku mdog dkar mo 'bar ba la// sku la shel gyi go zu mnabs// phyag na shel gyi spu gri bsnams// khrag 'thung khros pa'i dbang mo che// sku mdog sngon mo 'bar ba la// na bza' g.yu yi go zu gsol// lag na thod pa khrag bkang bsnams// bdud rtsi khros pa'i dbang mo che// sku mdog dmar mo 'bar ba la// na bza' le brgan go zu mnabs// lag na bdud rtsi'i bum pa bsnams// srid gsum khros pa'i dbang mo che// sku mdog ljang nag 'bar ba la/ na bza' ljang gu baiDUr+Ya// lag na zhing lpags rgyal mtshan thogs// dkar mo srid pa'i rgyan byed ma// lag na skra yi zhags pa thogs// sngon mo dbyings phyug rgyal mo ni// lag na zhing gi dbyug pa thogs// dmar mo bdag nyid chen mo ni// lag na zhing gi rgyu zhags 'dzin// ser mo chen mo gcig pu ma// lag na mi yi g.yang gzhi brdeb// dkar mo chen mo mig gcig ma// lag na b+han+da zlum po thogs// mthing nag chen mo mche ba can// lag na b+han+da sul mang thogs// dmar mo dbang gi rgyal mo ni// lag na b+han+da lcang lo thogs// ser mo chen mo las kyi gtso// lag na b+han+da rgya gram thogs// srid pa'i ma mo chags byed mo// sku mdog mthing nag 'bar ba la// gos su mi lpags rlon pa gon// lag na mi snying rlon pa thogs// srid pa cha snyoms chen mo ni// sku mdog dmar mo chen mo ste// stag lpags rlon pa'i go zu la// mi lpags rlon pa'i na bza' bklubs// lag na thod pa khrag gis bkang// 'dod khams gtso mo chen mo ni// sku mdog sngon mo chen mo la// sku stod stag gi pags pa la// sku smad zangs kyi zhabs mas g.yogs// lag na khram shing nag po thogs// e ka tsa ti ral gcig ma// sku mdog dmar mo 'bar ba la// gos su sprin dkar go zu yi// mtha' ma 'ja' tshon 'bar bas 'khrigs// lag na kha T+wAM mi ro thogs// gling bzhi spyi phud chen mo ni// dkar mo sgeg pa'i cha byad ma// shel gyi go zu sku la gsol// lag na lcags kyi 'od phreng thogs// rin chen srid 'degs chen mo ni// cha byad sngon mo chen mo la// mu tig khu 'phang go zu can// lag na g.yu yi ga'u thogs// pad+ma gar gyi dbang phyug ma// sku yi cha byed dmar mo la// le brgan 'bar ba'i go zu can// lag na thod pa khrag bkang thogs// rdo rje gar gyi dbang phyug ma// sku mdog ser mo 'bar ba la// na bza' gser gyi go zu can// lag na ban+da khrag bkang thogs// har ting dkar mo chen mo ni// sku la shel gyi go zu gsol// lag na me yi dkyil 'khor thogs// dun ting nag mo chen mo ni// sku la g.yu yi go zu gsol// lag na sa yi 'khor lo thogs// shan ting dmar mo chen mo ni// sku la byi ru'i go zu gsol// lag na chu yi dkyil 'khor thogs// grub ting ser mo chen mo ni// na bza' ser po'i go zu gsol// lag na rlung gi 'khor lo thogs/ srin mo chen mo skams pa mo// sku mdog dkar mo go zu can// lag na shel phur d+han+da thogs// srin mo chen mo phur thogs ma// sku mdog sngon mo go zu sngo// lag na b+han+da khrag bkang thogs// srin mo chen mo g.yang gzhi mo// sku mdog dmar po go zu dmar// lag na b+han+da thod sbram thogs// srin mo chen mo za ba mo// sku mdog dmar mo go zu dmar// lag na b+han+da lpags rlon thogs// srin mo chen mo gsod byed ma// sku mdog ser mo go zu ser// lag na b+han+da gri snod thogs// srin mo chen mo za byed ma// sku mdog ser mo go zu ser// lag na b+han+da lcags kyu thogs// srin mo dri ma snom byed ma// sku mdog dkar mo go zu can// lag na b+han+da rlon pa thogs// shar gyi dkar mo mche gtsigs ma// lag na b+han+da dkar po thogs// lho yi nag mo kha 'byams ma// lag na b+han+da sngon po thogs// nub kyi dmar mo mchu 'jibs ma// lag na b+han+da dmar po thogs// byang gi ser mo rkang ldag ma// lag na b+han+da ser po thogs// gling bzhi mgyogs ma lha yi sring// dkar mo rdo rje rtse gsum thogs// mkha' la khyung lding gshin rje'i sring// sngon mo yi mgo thod dbyug thogs// dmar mo g.yag thod klu yi sring// dmar mo sbrul nag zhags pa thogs// nag mo sder chen gnod sbyin sring// ser mo ne le'i rkyal pa thogs// ma mo rbod gtong lha tshogs kyi sku mdog phyag mtshan bstan pa'i le'u ste bzhi bcu zhe brgyad pa'o//// 'jig rten mchod brten lha tshogs kyi// sku mdog phyag mtshan bstan pa ni// dpal chen dregs pa kun 'dul ni// dbu gsum phyag kyang drug pa ste// dbu gsum kham nag sbrul nag mthing// g.yas g.yon dang po rdo rjes dung khrag dkrugs// g.yas kyi gnyis pa lha brgyad mgo/g.yon gyi gnyis pa klu brgyad mgo/ zhabs bzhi dregs pa'i snying gar brdzis// yum chen khams gsum spyi 'dul ma// g.yas pa rdo rje yab la 'khyud// g.yon pa dung khrag gtso la stob// lha srin sde brgyad gtso bo ste// dbang phyug ma hA de ba ni// sku mdog mthing nag 'bar ba la// na bza' mthing nag ber chen gsol// gri gug g.yas la tsit+ta g.yon// chibs su rtsal chen seng ge bcibs// btsun mo u ma de bI ni// sku mdog mthing nag 'bar ba la// na bza' ljang nag ber chen gsol// rtse gsum g.yas la thod khrag g.yon// chibs su 'degs pa'i glang chen bcibs// 'chi bdag gshin rje nag po ni// sku mdog nag po 'bar ba la// gcan gzan gdug pa'i lpags rlon gsol// be con g.yas la thod dbyug g.yon// chibs su ma he sngo nag bcibs// gshin rje gsod byed nag mo ni// sku mdog nag mo 'bar ba la// na bza' dar nag go zu gsol// phyag na srid pa'i 'khor lo bskor// bdud po skos rje drang dkar ni// sku mdog nag po 'bar ba la// na bza' dar nag ber chen gsol// khram shing g.yas la dgra s+t+wa g.yon// chibs su bdud rta nag po bcibs// bdud mo nag mo re ma ti// sku mdog nag mo 'bar ba la// na bza' dar nag go zu gsol// khram bam g.yas la nad rkyal g.yon// chibs su bong bu gwa pa bcibs// srin po nag po glog phreng can// sku mdog nag po 'bar ba la// lus la glog gi phreng ba can// thog chen g.yas la glog chen g.yon// chibs su 'brug dang glog la bcibs// srin mo sbal mgo khrag mig ma// sku mdog dmar nag 'bar ba la// na bza' khrag gi lab nag gsol// khrag phur g.yas la khrag por g.yon// gnod sbyin yak+sha me dbal ni// sku mdog mthing nag 'bar ba la// na bza' dar nag go zu gsol// rin chen g.yas la mtshon cha g.yon// chibs su stag mo rngams pa bcibs// gnod sbyin mon mo nag mo ni// sku mdog nag mo 'bar ba la// na bza' dar nag go zu gsol// spu gri g.yas la spyang mo g.yon// chibs su lcags kyi spyang mo bcibs// gza' bdud chen po rA hu la// sku mdog dud ka mgo dgu pa// sku stod mi la sku smad sbrul// mda' gzhu g.yas la sbrul zhags g.yon// chibs su 'brug chen kha gdangs bcibs// gnam sman thog gi bu yug ma// sku mdog dmar skya 'bar ba la// na bza' gser gyi go zu gsol// thog chen g.yas la ser chen g.yon// chibs su 'brug mo yid mgyogs bcibs// klu bdud nag po mgo dgu pa// sku mdog nag po dud kha la// sku stod mi la sku smad sbrul// sbrul zhags g.yas la nad rkyal g.yon// chibs su chu srin nag po bcibs// klu mo yak+sha sngon mo ni// sku stod dud kha nag po la// sku smad gdug pa sbrul du 'khyil// sbrul zhags g.yas la nad rkyal g.yon// chibs su rus sbal nag po bcibs// srid pa'i lha rab sham po ni// sku mdog dkar gsal gangs ri 'dra// sku la dar dkar ral ga gsol// dar mdung g.yas la shel gri g.yon// chibs su lha g.yag dkar po bcibs// skyes bu gnam the'u dkar po ni// sku mdog dkar gsal 'bar ba la// na bza' za 'og ber chen gso// dar mdud g.yas la ral gri g.yon// chibs su rta dkar phrum dmar bcibs// shar du spyi bdud gu rum rtse// sku mdog dkar gsal 'bar ba la// na bza' rgya byes dkar po gsol// ru mtshon g.yas la ral gri g.yon// chibs su rdo rta gro bo bcibs// ma mo srid pa'i rgyal mo ni// sku mdog dkar gsal 'bar ba la// na bza' dar dkar go zu gsol// 'khor lo g.yas la me long g.yon// chibs su 'brug mo ral chen bcibs// sngags srung e ka dza TI ni// sku mdog mthing nag 'bar ba la// na bza' dar nag ber chen gsol// tsit+ta g.yas la spyang mo g.yon// chibs su drel rta nag po bcibs// dpal ldan nag mo mgyogs byed ma// sku mdog nag mo 'bar ba la// na bza' dar nag go zu gsol// tshon drub g.yas la nad rkyal g.yon// chibs su so bya rog po bcibs// ban chen rdo rje bdud 'dul ni// sku mdog dmar nag 'bar ba la// na bza' mthing nag ber chen gsol// khrag thun g.yas la nyung thun g.yon// chibs su dre'u rta kham nag chibs// brag btsan srog zan dmar po ni// sku mdog dmar po 'bar ba la// na bza' dar dmar ral ga gsol// bse mdung g.yas la mda' gzhu g.yon// chibs su btsan rta dmar po bcibs// btsan 'gong yam shud dmar po ni// sku mdog dmar po 'bar ba la// na bza' dar dmar slog pa gsol// shang lang g.yas la zangs zhags g.yon// chibs su zangs rta dmar po bcibs// bgegs rgyal bi na ya ka ni// sku mdog mthing nag 'bar ba la// na bza' dar nag ber chen gsol// kha T+wAM g.yas la thod khrag g.yon// chibs su rta nag rting dkar bcibs// mu stegs kA la nag po ni// sku mdog nag po 'bar ba la// na bza' dar nag ber chen gsol// rtse gsum g.yas la thod khrag g.yon// chibs su rtsal gyi seng ge bcibs// rmu bdud nag po bkrag med ni// sku mdog mthing nag 'bar ba la// na bza' dar nag ral ga gsol// shang lang g.yas la mda' gzhu g.yon// chibs su rmu rta mchong rgod chibs// srog bdag tshangs pa dkar po ni// sku mdog dkar gsal 'bar ba la// sku la bya rgod thul pa gsol// spu gri g.yas la nyi zer g.yon// chibs su seng ge dkar po bcibs// rgyal po chen po be har ni// sku mdog dkar gsal 'bar ba la// sku la dom gyi slog pa gsol// bdud zhags g.yas la spu gri g.yon// chibs su ban glang sna ring bcibs// skyes bu sku lha gsang ba ni// sku mdog dkar po 'bar ba la// skyen dkar stod kyi slog pa gsol// rdo rje g.yas la ru mtshon g.yon// chibs su ra skyes dkar po chibs// mgon po ma hA kA la ni// sku mdog mthing nag 'bar ba la// na bza' ljang nag ber chen gsol// gri gug g.yas la bing chen g.yon// chibs su bdud rta nag po bcibs// re re la yang 'khor g.yog ni// 'bum phrag gnyis gnyis 'khor dang ldan// sprul pa yang sprul bsam mi khyab// ces gsungs so// 'jig rten mchod rten gyi lha tshogs kyi sku mdog phyag mtshan bstan pa'i le'u ste bzhi bcu zhe dgu pa'o//// dmod pa drag sngags lha tshogs kyi// sku mdog phyag mtshan bstan pa ni// lha mchog stobs ldan nag po ni// dbu gsum phyag drug zhabs bzhi bgrad// dbu gsum mthing nag drag po'i zhal// phyag drug g.yas g.yon dang po rdo rjes dung khrag dkrugs// g.yas kyi gnyis na lha brgyad tsit+ta bsnams// g.yon gyi gnyis na klu brgyad tsit+ta bsnams// zhabs bzhis dregs pa pho mo gzir// 'byung ba lnga yi bdag mo ni// zhal gcig phyag gnyis sku mdog mthing// g.yas kyi phyag gis nam mkha' 'degs// g.yon gyi phyag gis sa gzhi gnon// zhal nas 'byung ba lnga yang 'char// 'chi bdag gshin rje nag po ni// zhal gcig phyag gnyis sku mdog nag/thod pa g.yas la gri gug g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// 'chi bdag nag mo btsun mo ni// zhal gcig phyag gnyis sku mdog nag/thod pa g.yas la gri gug g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// bdud po me yi kha rlangs can// zhal gcig phyag gnyis sku mdog nag/khram shing g.yas la bdud zhags g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// bdud mo nag mo khrag 'dzag ma// zhal gcig phyag gnyis sku mdog nag/khram shing g.yas la thod rlon g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// srin mo nag po gsod byed ni// zhal gcig phyag gnyis sku mdog nag/ral gri g.yas la thod khrag g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// srin mo nag mo gsod byed ma// zhal gcig phyag gnyis sku mdog nag/ gri gug g.yas la mi mgo g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// gnod sbyin gang ba bzang po ni// zhal gcig phyag gnyis sku mdog sngo// ral gri g.yas la dar nag g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// gnod sbyin sha za ral gcig ma// zhal gcig phyag gnyis sku mdog sngo// dar nag g.yas la zhing lpags g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// lha chen ma hA de ba ni// zhal gcig phyag gnyis sku mdog dkar// ba dan g.yas la shel gri g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// rU tra thar pa nag po ni// zhal gcig phyag gnyis sku mdog nag/ mchod gtor g.yas la thun gtor g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// rmu rje btsan po mthu bo che// zhal gcig phyag gnyis sku mdog nag/ dar nag g.yas la zhags pa g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// mu stegs kA la nag po ni// zhal gcig phyag gnyis sku mdog nag/ kha T+wAM g.yas la tri shUl g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// khyab 'jug chen po rA hu la// zhal gcig phyag gnyis sku mdog mthing// khram shing g.yas la dgra s+t+wa g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// klu rgyal sog ma med pa ni// zhal gcig phyag gnyis sku mdog ser// bum pa g.yas la rus sbal g.yon// sbrul lpags rlon pa'i na bza' gsol// zhabs gnyis dam nyams dgra bgegs gzir// rgyal po li byin har legs ni// zhal gcig phyag gnyis sku mdog dkar// shel gri g.yas la dar dkar g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// 'gong po khu le lag dgu ni// zhal gcig phyag gnyis sku mdog ser// sprul pa'i lag pa dgu yang 'gyed// zhing lpags rlon pa'i na bza' gsol// zhabs gnyis dam nyams dgra bgegs gzir// the'u rang rdo rje legs pa ni// zhal gcig phyag gnyis sku mdog dkar// dar dkar g.yas la dar dmar g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// btsan rgod yam shud dmar po ni// zhal gcig phyag gnyis sku mdog dmar// btsan mdung g.yas la btsan gri g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// re re la yang 'khor g.yog ni// 'bum phrag gnyis gnyis ldan pa la// sprul pa yang sprul bsam mi khyab// dmod pa drag sngags kyi lha tshogs kyi sku mdog phyag mtshan bstan pa'i le'u ste lnga bcu tham pa'o//// che mchog yon tan rig 'dzin dang// yang dag thugs kyi rig 'dzin dang// 'jam dpal sku yi rig 'dzin dang// pad+ma gsung gi rig 'dzin dang// phur pa phrin las rig 'dzin dang// ma mo rbod gtong rig 'dzin dang// lhun gyis grub pa'i rig 'dzin dang// phyag rgya chen po'i rig 'dzin dang// tshe la dbang ba'i rig 'dzin dang// sa la gnas pa'i rig 'dzin dang// sa thob pa yi rig 'dzin tshogs// dur khrod rus pa'i rgyan cha yis// dbu rgyan phyag gdub zhabs gdub dang// dpung rgyan stod g.yogs smad g.yogs dang// rgyan dang chas kyis brgyan pa'o// dbang gi thor tshugs shigs se shig/ g.yas pa thams cad rdo rje 'dzin// g.yon pa dril bu dku la brten// sku bzhengs 'gyings bag spyod pa mdzad// rig 'dzin gyi sku mdog phyag mtshan bstan pa'i le'u ste lnga bcu gcig pa'o//// che mchog yon tan bka' srung ni// ce spyang dregs pa ma brgyad ni// shar gyi phyogs kyi ce spyang ni// dbu ni seng ge'i mgo bo la// shel gyi ral pa shel phur can// ce spyang rgyug tshul 'gyings bag can// lag na shel gyi rnge'u chung brdung// lho yi phyogs kyi ce spyang ni// dbu ni stag gi mgo bo la// gser gyi ral pa gser pur can// ce spyang rgyug tshul 'gyings bag can// lag na gser gyi rnge'u chung brdung// nub kyi phyogs kyi ce spyang ni// dbu ni gzig gi mgo bo can// byu ru'i ral pa phur bu can// ce spyang rgyug tshul 'gyings bag can// lag na byu ru'i rnge'u chung brdung// byang gi phyogs kyi ce spyang ni// dbu ni dom gyi mgo bo la// g.yu yi ral pa bur bu can// ce spyang rgyug tshul 'gyings bag can// lag na g.yu yi rnge'u chung brdung// shar lho mtshams kyi ce spyang ni// dbu ni spyang mo'i mgo bo la// g.yu yi ral pa phur bu can// ce spyang rgyug tshul 'gyings bag can// lag na g.yu yi rnge'u chung brdung// lho nub mtshams kyi ce spyang ni// dbu ni bse yi kAng+ka'i mgo/bse yi ral pa phur bu can// ce spyang rgyug tshul 'gyings bag can// lag na bse yi rnge'u chung brdung// nub byang mtshams kyi ce spyang ni// dbu ni dur bya kA ka'i mgo/ lcags kyi ral ba phur bu can// ce spyang rgyug tshul 'gyings bag can// lag na lcags kyi rnge'u chung brdung// byang shar mtshams kyi ce spyang ni// dbu ni bse yi dred mo mgo/ zangs kyi ral pa phur bu can// ce spyang rgyug tshul zhungs se zhung// lag na zangs kyi rnge'u chung brdung// che mchog yon tan gyi bka' srung ce spyang ma brgyad kyi sku mdog phyag mtshan bstan pa'i le'u ste lnga bcu nga gnyis pa'o//// yang dag thugs kyi bka' srung ni// srin mo nyi shu rtsa brgyad de// sku mdog phyag mtshan bstan pa ni// shar gyi phyogs kyi srin mo drug/ smug nag g.yag gi mgo bo can// zhing dbyug g.yas la b+han dmar g.yon// dmar ser sbrul gyi mgo bo can// rtse lnga g.yas la b+han+da g.yon// ser nag gzig gi mgo bo can// spu gri g.yas la b+han dmar g.yon// dkar dmar sre mo'i mgo bo can// dung chen g.yas la b+han+da g.yon// ser nag pha wang mgo bo can// 'khor lo g.yas la b+han dmar g.yon// dmar ser dred kyi mgo bo can// zhing dbyug g.yas la b+han dmar g.yon// lho yi phyogs kyi srin mo drug/ dmar nag dom gyi mgo bo can// zhing dbyug g.yas la b+han dmar g.yon// sngo nag chu srin mgo bo can// zhing chen g.yas la b+han dmar g.yon// sngo nag sdig pa'i mgo bo can// glo snying g.yas la b+han+da g.yon// ser nag khra yi mgo bo can// rnge'u chung g.yas la b+han dmar g.yon// srin mo dmar mo wa yi mgo/ rdo rje g.yas la thod khrag g.yon// mthing nag stag gi mgo bo can// zhing dbyug g.yas la b+han dmar g.yon// nub kyi phyogs kyi srin mo drug/ dmar nag bya rgod mgo bo can// lcags sgrog g.yas la b+han dmar g.yon// dmar nag rta yi mgo bo can// rdo dbyug g.yas la b+han dmar g.yon// dmar ser byi ba'i mgo bo can// rdo rje g.yas la b+han dmar g.yon// dmar nag khyi yi mgo bo can// zhing dbyug g.yas la b+han dmar g.yon// dkar dmar pu shud mgo bo can/ pad+ma g.yas la b+han+da g.yon// ljang ser sha ba'i mgo bo can// zhing chen g.yas la b+han dmar g.yon// byang gi phyogs kyi srin mo drug/ dmar nag khwa'i khra yang mgo bo can// rnge'u chung g.yas la b+han dmar g.yon// ljang nag skyin gyi mgo bo can// rgyu zhags g.yas la b+han dmar g.yon// dmar ser phag gi mgo bo can// rtse lnga g.yas la b+han+da dmar g.yon// dmar nag skya ka'i mgo bo can// rgyu zhags g.yas la b+han dmar g.yon// ljang nag ba glang mgo bo can// zhing gi bum ril g.yas na bsnams// g.yon na thod pa khrag gis bkang// sngo skya bya rog mgo bo can// zangs gri g.yas la b+han dmar g.yon// srin mo phyogs kyi sgo ma bzhi// nag mo khu byug mgo bo can// lcags kyu g.yas la b+han dmar g.yon// sngon mo ra yi mgo bo can// zhags pa g.yas la b+han dmar g.yon// dmar mo spre'u'i mgo bo can// lcags sgrog g.yas la b+han dmar g.yon// ljang nag spyang mo'i mgo bo can// dril bu g.yas la b+han+da g.yon// yang dag thugs kyi lha tshogs srin mo nyi shu rtsa brgyad kyi/ sku mdog phyag mtshan bstan pa'i le'u ste lnga bcu rtsa gsum pa'o//// 'jam dpal sku yi bka' srung gi/ sku mdog phyag mtshan bstan pa ni/gri thogs ging gi bka' srung ni// shar phyogs ging chen dkar po ni// sku la dung khrab dkar po gsol// phyag na dung gi ral gri bsnams// lho phyogs ging chen ser po ni/ sku la gser khrab ser po gsol// phyag na gser gyi ral gri bsnams// nub phyogs ging chen dmar po ni// sku la bse khrab dmar po gsol// phyag na bse yi gri yang bsnams// byang phyogs ging chen sngon po ni// sku la g.yu khrab sngon po gsol// phyag na g.yu yi ral gri bsnams// khram thogs bdud kyi bka' srung ni// shar bdud rol po ral pa can// phyag na bdud kyi khram shing bsnams// khrab bdag srog bdud mche ba can// phyag na bdun kyi khram shing bsnams// zla bdud yor po zhags pa can// phyag na bdud kyi khram shing bsnams// srog bdud gser gyi s+t+wa re can// phyag na bdud kyi khram shing bsnams// sho thogs rtsis pa'i bka' srung ni// nyi ma dang po'i rtsis byed ging// dkar po lag na sho rdo thogs// nyi ma gnyis pa'i rtsis byed ging// ser po lag na sho rde thogs// nyi ma gsum pa'i rtsis byed ging// dmar po lag na sho rde thogs// nyi ma bzhi pa'i rtsis byed ging// sngon po lag na sho rde thogs// srog gcod shan pa'i bka' srung ni// nad gtong ma mo'i shan pa ni// nag mo chen mo kha gdangs ma// lag na thun dang ral gri thogs// myos pa btsan gyi shan pa ni// dmar po 'jigs byed khro gtum can// lag na btsan gri dmar po thogs// glen pa klu yi bshan pa ni// sku mdog mthing nag sbrul lpags gsol// lag na sbrul gyi zhags pa thogs// gdug rtsub gza' yi shan pa ni// sku mdog nag po 'jigs pa'i tshul// g.yas na mdung nag dar nag 'phyar// g.yon na snying dang zhags pa thogs// 'jam dpal sku'i bka' srung gi sku mdog phyag mtshan bstan pa'i le'u ste lnga bcu rtsa bzhi pa'o//// pad+ma gsung gi bka' srung gi/ sku mdog phyag mtshan bstan pa ni// sku las sprul pa'i kham rgya mo// dung gi dred mo mgo gsum zhon// gsung las sprul pa'i kham rgya mo// zangs kyi 'phar ba mgo brgyad zhon// thugs las sprul pa'i kham rgya mo// lcags kyi spyang mo mgo dgu zhon// yon tan sprul pa'i kham rgya mo// g.yu yi spyang mo rkang gsum zhon// phrin las sprul pa'i kham rgya mo// gser gyi seng ge rngam khri zhon// gnyis med sprul pa'i kham rgya mo// dung gi seng ge mgo dgu zhon// shar phyogs long ba rgyab sprel ni// 'brug chen sngon po chibs su chibs// na bza' le brgan dpung thung 'bar ba yang gsol// lag na lcags kyu dgra s+t+wa thogs// lho phyogs long ba rgyab sprel ni// lcags kyi sdig pa chibs su chibs// phyag na lcags kyi khyung chen bsnams// na bza' sa yi ras ma sol// nub phyogs long ba rgyab sbrel ni// ban glang dkar po chibs su chibs// na bza' glu 'brug pags pa gsol// lag na sprul gyi zhags pa thogs// byang phyogs dmus long rgyab sbrel ni// lcags kyi spyang mo rkang gsum zhon// na bza' zhing gi g.yang gzhi gon// lag pa sbrel nas gar stabs byed// shar gyi phyogs nas rgyug pa'i khyi// dung gi khyi mo ral pa can// lho yi phyogs nas rgyug pa'i khyi// gser gyi khyi mo ral pa can// nub kyi phyogs nas rgyug pa'i khyi// zangs kyi khyi mo ral pa can// byang gi phyogs nas rgyug pa'i khyi// g.yu yi khyi mo ral pa can// shar lho mtshams nas rgyug pa'i khyi// byu ru'i khyi mo ral pa can// lho nub mtshams nas rgyug pa'i khyi// mchong gi khyi mo ral pa can// nub byang mtshams nas rgyug pa'i khyi// bse yi khyi mo ral pa can// byang shar mtshams nas rgyug pa'i khyi// shel gyi khyi mo ral pa can// shar gyi phyogs nas rgyug pa ni// dung gi spyang mo ral pa can// lho yi phyogs nas rgyug pa ni// gser gyi spyang mo ral pa can// nub kyi phyogs nas rgyug pa ni// zangs kyi spyang mo ral pa can// byang gi phyogs nas rgyug pa ni// g.yu yi spyang mo ral pa can// shar lho mtshams nas rgyug pa ni// mthing shul spyang mo ral pa can// lho nub mtshams nas rgyug pa ni// mu men spyang mo ral pa can// nub byang mtshams nas rgyug pa ni// mchong gi spyang mo ral pa can// byang shar mtshams nas rgyug pa ni// ra gan spyang mo ral pa can// shar gyi phyogs kyi pho nya ni// dkar mo zla 'dab 'jigs pa'i gzugs// lho yi phyogs kyi pho nya ni// ser mo nyi 'dab 'jigs pa'i gzugs// nub kyi phyogs kyi pho nya ni// dmar po me 'dab 'jigs pa'i gzugs// byang gi phyogs kyi pho nya ni// sngon mo chu 'dab 'jigs pa'i gzugs// rlung 'brug sngon mo g.yu yi 'dab gshog can// me 'brug dmar mo me yi 'dab gshog can// klu 'brug sngon mo sbrul gyi gshog pa can// chu 'brug dkar mo sprin gyi 'dab gshog can// sna tshogs gzugs can rdo rje'i 'dab gshog can// pad+ma gsung gi bka' srung gi sku mdog phyag mtshan bstan pa'i le'u ste lnga bcu rtsa lnga pa'o//// phur pa phrin las bka' srung gi/ sku mdog phyag mtshan bstan pa ni// shwa na mu kha zhes bya ba// lcags kyi spyang mo mgo dgu pa// mi mo lcags kyi ral can zhon// lag na lcags kyi phur pa 'dril// sr-i ka mu kha zhes bya ba// gser gyi 'phar ba lce brgyad la// mi mo gser gyi ral can zhon// lag na gser gyi phur pa 'dril// srI gAl mu kha zhes bya ba// zangs kyi wa mo rkang gsum la// zangs kyi mi mo ral can zhon// lag na zangs kyi phur bu 'dril// shwa na mu kha zhes bya ba// lcags kyi khyi mo ral pa can// mi mo lcags kyi ral can zhon// lag na dung gi phur pa 'dril// re ma ti zhes bya ba ni// nag mo ral pas stong khams khyab// g.yas na mchog gi phur pa 'dril// chibs su drel rta rkang gsum bcibs// re ma dza zhes bya ba ni// ser nag rma bya'i thul pa gsol// phyag na mchog gi phur pa bsnams// chibs su drel rta rkang gsum bcibs// re ma dzi zhes bya ba ni// dmar nag re lde nag po gsol// phyag na mchog gi phur pa bsnams// chibs su drel rta rkang gsum bcibs// re ma dzu zhes bya ba ni// ljang nag dar nag go zu gsol// phyag na mchog gi phur pa bsnams// chibs su drel rta rkang gsum bcibs// rdo rje ya byin zhes bya ba// mthing nag lcags phur ral pa can// chibs su bdud rta nag po bcibs// rdo rje de byin zhes bya ba// ser po gser phur ral pa can// lag na gser gyi phur pa 'dril// chibs su gza' rta ser po bcibs// rdo rje bse byin zhes bya ba// dmar mo bse phur ral pa can// lag na bse yi phur bu 'dril// chibs su btsan rta dmar po chibs// rdo rje phag byin zhes bya ba// ljang mo g.yu phur ral pa can// lag na g.yu yi phur pa 'dril// chibs su klu rta sngon po chibs// shar phyogs srin po'i skyes bu ni// srin po byad can phur pa'i lha// dkar po lag na phur pa 'dril// lho phyogs gshin rje'i skyes bu ni// gshin rje nag po phur pa'i lha// nag po lag na phur pa 'dril// nub phyogs ya bdud skyes bu ni// sog po mig ring phur pa'i lha// dmar po lag na phur pa 'dril// byang phyogs gnod sbyin skyes bu ni// mon pa gdong ring phur pa 'dril// shar bdud dkar po mche ba can// lag na dung gi phur pa 'dril// lho bdud sngon mo ral pa can// phyag na g.yu yi phur pa 'dril// nub bdud dmar po zhag pa can// phyag na zhags pa phur pa 'dril// byang bdud ljang nag ral gri can// phyag na ral gri phur pa 'dril// shar gyi phyogs kyi dmag dpon ni// phra ma rA dza srin po'i gtso// dkar po lag na phur pa 'dril// lho yi phyogs kyi dmag dpon ni// ya ma rA dza gshin rje'i gtso// sngon po lag na phur pa 'dril// nub kyi phyogs kyi dmag dpon ni// d+ha sha g+h+rI ba bdud kyi ging// nag po lag na phur pa 'dril// byang gi phyogs kyi dmag dpon ni// yak+sha grI ba gnod sbyin ging// ser po lag na gri yang thogs// phur pa phrin las kyi bka' srung gi le'u ste lnga bcu drug pa'o//// ma mo rbod gtong bka' srung gi/ sku mdog phyag mtshan bstan pa ni// mtsho sman rgyal mo dpal mo ldan// sku mdog sngon mo me long thogs// dkar mo chen mo dbu gsum ma// lag na b+han+da skam po thogs// srid pa'i bu mo dam tshig can// ser mo b+han+da skam po thogs// smug nag chen mo dbu lnga ma// lag na b+han+da rlon pa thogs// khram kha stong gi dbang mo che// dkar mo lag na b+han+da thogs// ri rab gling bzhi'i dbang mo che// ser mo lag na b+han+da thogs// theg chen sa gzhi'i dbang mo che// smug mo lag na b+han+da thogs// rgya mtsho'i gling gi dbang mo che// lag na b+han+da sngon po thogs// gnam gyi ye d+har chen mo ni// nag mo mun pa'i go zu can// lag na b+han+da khrag bkang thogs// bar gyi glog ma srin mo yang// khrag gi bud med dmar nag la// lag na b+han+da khrag bkang thogs// sa yi phung byed nag mo ni// mun pa'i bud med chen mo la// lag na b+han+da khrag bkang thogs/ gsang ba'i ma mo rbod byed ma// nag mo chen mo lcags kyu thogs// pho nya lcags kyi khyi mo khrid// gsang ba'i ma mo 'khrugs byed ma// lag na khrag gi lcags kyu thogs// pho nya zangs kyi khyi mo khrid// gsang ba'i ma mo sgrol byed kyang// lag na 'gugs pa'i lcags kyu thogs// pho nya dung gi khyi mo khrid// ma mo chen mo ro kha ma// nag mo thod pa khrag bkang thogs// ma mo chen mo tsa muN+Di// smug mo thod pa khrag bkang thogs// ma mo chen mo nam gru ma// nag mo thod pa khrag bkang thogs// shar gyi stag srin zor ba gdong// dkar mo lag na zor ba thogs// lho yi bam srin dred mo'i gdong// ser nag lag na zor ba thogs// nub kyi kong srin ban glang gdong// dmar po lag na zor ba thogs// byang gis 'brog srin chu srin gdong// sngon mo lag na zor ba thogs// ma mo rbad gtong gi bka' srung gi sku mdog phyag mtshan bstan pa'i le'u ste lnga bcu bdun pa'o//// rig 'dzin rnams kyi bka' srung ni// rdo rje rigs kyi mkha' 'gro ma// dkar mo rdo rje thod pa thogs// rin chen rigs kyi mkha' 'gro ma// ser mo rin chen thod pa thogs// pad+ma rigs kyi mkha' 'gro ma// dmar mo pad+ma thod pa thogs// las kyi rigs kyi mkha' 'gro ma// sngon mo rgya gram thod pa thogs// 'jig rten las kyi mkha' 'gro ma// sna tshogs gri gug thod pa thogs// rdo rje rigs kyi dpa' bo ni// sngon po rdo rje thod pa thogs// rin chen rigs kyi dpa' bo ni// ser po rin chen thod pa thogs// pad+ma rigs kyi dpa' bo ni/ dmar po pad+ma thod pa thogs// las kyi rigs kyi dpa' bo ni// ljang gu rgya gram thod pa thogs// 'jig rten las kyi dpa' bo ni// sna tshogs bri dang thod pa bsnams// rig 'dzin rnams kyi bka' srung gi/ sku mdog phyag mtshan bstan pa'i le'u ste lnga bcu brgyad pa'o//// dpal gyi bka' sdod kyi sku mdog phyag mtshan bstan pa// dkyil 'khor phyogs mtshams skyong ba yi// dbang phyug nyi shu rtsa brgyad ni// srin mo smug nag thod rlon 'chang// tshangs pa dmar ser pad+ma 'dzin// lha chen dkar ljang tri shul 'dzin// gtogs 'dod sngon mo 'khor lo 'dzin// gzhon nu dmar mo mdung thung 'dzin// brgya byin dkar mo in+d+ra gdengs// rdo rje ser mo tsan dan 'thung// bdud rtsi dmar mo pad+ma 'dzin// zla ba dkar mo puN+Da ri// be con ljang nag dbyug to 'phyar// srin mo sngo nag thod khrag 'thung// za ba ser nag ba su 'dren// dga' ba dmar mo ka tar 'chang// stobs chen dkar mo gshol 'dzin ma// rdo rje ser mo spu gri gcod// 'dod pa dmar mo mda' gzhu 'gengs// nor srung dkar mo bum pa 'dzin// rlung lha sngon mo ba dan 'dzin// gsod byed dmar mo ral gri'o// me mo dmar ser gsal shing 'dzin// phag mo nag mo mche zhags thogs// rgan byed dmar mo zhing za ba// sna chen ljang nag thod khrag 'thung// chu lha sngon mo sbrul zhags 'dzin// rdo rje nag mo lcags kyu 'dzin// rdo rje ser mo zhags pa 'dzin// rdo rje dmar mo lcags sgrog sdom// rdo rje ljang nag dril 'khrol dgyes// mkha' 'gro sum cu rtsa gnyis ni// rdo rje rigs kyi mkha' 'gro brgyad// dkar po rdo rje lcags kyu thogs// rin chen rigs kyi mkha' 'gro brgyad// ser po rdo rje zhags pa thogs// pad+ma rigs kyi mkha' 'gro brgyad// dmar po rdo rje lcags sgrog thogs// las kyi rigs kyi mkha' 'gro brgyad// sngon po rdo rje dril bu thogs// rdo rje ging chen bco brgyad ni// rdo rje rigs kyi ging chen bzhi// dkar po lag na shel gri thogs// rin chen rigs kyi ging chen bzhi// ser po lag na gri yang thogs// pad+ma rigs kyi ging chen bzhi// dmar po lag na gri yang thogs// las kyi rigs kyi ging chen bzhi// sngon po lag na gri yang thogs// steng 'og ging chen rnam pa gnyis// sku mdog dkar nag 'od zer 'phro// lag na ral gri thogs pa'o// rdo rje lang ka bco brgyad ni// rdo rje rigs kyi lang ka bzhi// lag na rdo rje tri shUl thogs// rin chen rigs kyi lang ka bzhi// lag na rin chen tri shUl thogs// pad+ma rigs kyi lang ka bzhi// lag na pad+ma tri shUl thogs// las kyi rigs kyi lang ka bzhi// lag na rgya gram tri shUl thogs// steng 'og gnyis kyi lang ka ni// lag na sna tshogs tri shUl thogs// gnod sbyin snying nas 'dren pa'i 'bar ma brgyad// 'bar ma nyi ma'i zhags pa can// 'bar ma me 'bar glog phreng 'dzin// 'bar ma gshin rje skar mda' gtong// 'bar ma srin mo mdung thung 'phen// 'bar ma chen mo lce 'bebs ma// 'bar ma chen mo khyung thogs ma// 'bar ma rlung bdag ral gri sna// 'bar ma 'jigs byed ban glang sna// sa bdag chen mo sum cu gnyis// sa bdag bdud 'dul chen mo brgyad// sku mdog dkar gsal 'bar ba la// lag na lcags kyu tho ba thogs// gza' bdag gza' 'dul chen mo brgyad// sku mdog ser mo 'bar ba la// lag na zhags pa phur bu thogs// sa bdag klu 'dul chen mo brgyad// sku mdog dmar mo 'bar ba la// phyag na lcags sgrog phur bu thogs// sa bdag btsan 'dul chen mo brgyad// sku mdog dmar mo 'bar ba la// lag na tri shUl phur bu thogs// phyi nang las byed pho nya ni// drug cu rtsa bzhi bstan pa ni// rdo rje rigs kyi pho nya bcu drug kyang// lag na rdo rje phur bu thogs// rin chen rigs kyi pho nya bcu drug kyang// lag na rin chen phur bu thogs// pad+ma rigs kyi pho nya bcu drug kyang// lag na pad+ma phur bu thogs// las kyi rigs kyi pho nya bcu drug kyang// lag na rgya gram phur bu thogs// ma mo bdun dang sring mo bzhi// ma mo chen mo rnam pa bdun// ma mo ye shes mkha' 'gro ma// phyag na gri gug thod khrag bsnams// ma mo ye shes shugs 'gro ma// phyag na gri gug b+han dmar thogs// ma mo ye shes rtag 'gro ma// phyag na zhing gi dbyug pa bsnams// ma mo ye shes za byed ma// nag mo zhing chen za ba'i tshul// ma mo ye shes kha 'bar ma// nag mo me yi kha rlangs 'bar// ma mo chen mo re ma ti// nag mo phyag na nad rkyal bsnams// ma mo ye shes mkha' 'gro ma// sngon mo phyag na khram bam bsnams// sring mo chen mo rnam pa bzhi// sring mo byis pa'i dur byed ma// gling bzhi mgyogs ma lha yi sring// sring mo chen mo 'tsho byed ma// mkha' la khyung lding gshin rje'i sring// sring mo chen mo sdom byed ma// dmar mo g.yag thod klu yi sring// sring mo chen mo rlung 'byin ma// nag mo sder chen gnod sbyin sring// kun kyang phyag na thod khrag bsnams// 'bum phrag yangs pa'i mkha' 'gro ma// tshangs pa'i lha mo 'bum phrag gcig/ dri za chen mo 'bum phrag gcig/ drang srong chen mo 'bum phrag gcig/grul bum chen mo 'bum phrag gcig/ srin mo chen mo 'bum phrag gcig/ klu mo chen mo 'bum phrag gcig/ rlung bdag chen mo 'bum phrag gcig/ gnod sbyin chen mo 'bum phrag gcig/dbang ldan chen mo 'bum phrag gcig/ sa bdag chen mo 'bum phrag gcig/ sman bran chen mo 'bum phrag gcig/ sha za chen mo 'bum phrag gcig/ bdud mo chen mo 'bum phrag gcig/ dkar mo chen mo 'bum phrag gcig/ser mo chen mo 'bum phrag gcig/ dmar mo chen mo 'bum phrag gcig/ sngon mo chen mo 'bum phrag gcig/ smug mo chen mo 'bum phrag gcig/ mthing nag chen mo 'bum phrag gcig/nag mo chen mo 'bum phrag gcig/ la la gser gyi ri la gnas// la la rgya mtsho'i gting la gnas// la la gling chen bzhi la gnas// la la gling chung brgyad la gnas// la la gangs dkar rtse la gnas// la la sa yi 'og na gnas// la la nam mkha'i mthongs na gnas// la la dpag bsam shing la gnas// la la bar snang khams la gnas// la la gcan gzan sder chags zhon// la la rmig pa kha brag zhon// la la rmig pa zlum po zhon// la la gdong pa can la zhon// la la 'dab chags bya la zhon// la la rlung dang ser bu zhon// la la glog gi rkang la zhon// la la dgu tshigs gzhung la zhon// la la dus bzhi'i gung la rgyug/la la nam gyi gung la rgyug/ la la nyi ma'i gung la rgyug/ la la zla ba'i zer la rgyug/ la la mun pa'i smag la rgyug/ la la grib so rta ru zhon// la la nam mkha'i mdangs la zhon// la la skya rengs mdangs la zhon// la la chu bo'i gzhung la zhon// la la gsal ba'i me long thogs// la la dar dkar g.yab mo thogs// la la lcags kyu 'bar ba thogs// la la zhags pa nag po thogs// la la be con nag po thogs// la la gcod pa'i spu gri thogs// la la mi mgo'i phor pa thogs// la la mi snying rlon pa thogs// la la mi lpags rlon pa thogs// la la ru mtshon nag po thogs// la la bdud kyi khram shing thogs// la la sho yi rde'u thogs// la la nad kyi rkyal pa thogs// la la mtshon gyi dru gu thogs// la la byang dmar bam po thogs// la la tri shUl rnon po thogs// la la dpal rtse 'bar ba thogs// kun kyang gdug pa'i lag cha thogs// kun kyang dbugs dang srog la dga'// kun kyang sha za khrag 'thung ma/ kun kyang mdangs 'phrog bcud len ma// rgyal po blon mo yang g.yog bcas// 'bum phrag yangs pa'i mkha' 'gro ma// phyi yi dur khrod gnas na gnas// zhes gsungs so// dpal gyi bka' sdod kyi srung ma'i sku mdog phyag mtshan bstan pa'i le'u ste lnga bcu dgu pa'o//// bsgrub pa bka' brgyad rig 'dzin dkyil 'khor dang bcas pa'i/'jig rten las 'das pa'i rtsa ba'i lha dang/ 'jig rten pa'i bka' srung dang bcas pa'o// lha'i sku mdog phyag mtshan byung gnas gdab pa'i skabs te drug pa'o//// de nas spyi dpal kun tu bzang po la// 'khor gyi rig 'dzin rnams kyis zhus pa// e ma spyi dpal he ru ka/ blo ldan rnal 'byor gang zhig gis// bsgrub pa bka' brgyad dkyil 'khor lha// nyams su len par 'dod pa la// bskyed rdzogs 'bring po bshad du gsol// de skad gsol pa gsan nas kyang// spyi dpal chen pos bka' stsal pa// nyon cig 'dus pa'i 'khor tshogs rnams// rnal 'byor bsdus la dga' ba la// bskyed rdzogs phrin las bsdus te bstan// dben zhing dgon pa'i gnas dag tu// bsgrub pa'i dkyil 'khor zhal phyes la// phyi mtshams bcad la nang mtshams bsdams// gsang ba'i mtshams bcad bshags dang brlabs// sngon du 'gro ba'i las rnams bya// de nas bskyed rim don la 'jug/ de bzhin kun snang rgyu las ni// 'byung ba lnga yi rim pa brtsigs// b+h+rUM las ye shes gzhal yas khang// dkyil 'khor dgu yi gzhal yas ni// kun kyang 'khor lo bzhi pas mdzes// khyams dang sgo bzhi lcags rir bcas// phyi khyams sgo bzhi rgyan dang ldan// lcags ri zlum po rdo rje'i ra// phyi rim bskal pa'i me 'bar bskyed// de nang gdan khri bskyed pa ni// dregs pa 'gro drug byol song gdan// dkyil 'khor kun gyi dbus su gding// dkyil 'khor dbus ma'i gdan steng du// rgyu yi ye shes sems dpa' babs// cho ga gsum gyi sbyor ba yis// che mchog he ru'i skur bskyed la// dbu dgu phyag kyang bco brgyad la// zhabs kyang rnam pa brgyad du bgrad// dbus kyi dbu gsum mthing la rngams// g.yas gcig dkar la g.yon gcig dmar// g.yas gcig dmar la g.yon gcig ljang// g.yas gcig dkar la g.yon gcig dmar// g.yas kyi dang po rdo rje bsnams// gnyis pa kha T+wAM rtse gsum bsnams// gsum pa gsang ba'i rnge'u chung bsnams// bzhi pa 'khor lo rtsibs brgyad bsnams// lnga pa rin chen 'bar ba bsnams// drug pa pad+ma 'dab brgyad bsnams// bdun pa ral gri rnon po bsnams// brgyad pa dgra s+t+wa kha leb bsnams// dgu pa 'dren pa'i zhags pa bsnams// g.yon gyi dang pos b+han dmar bsnams// gnyis pa zhing gi dbyug pa bsnams// gsum pa gser gyi thong gshol bsnams// bzhi pa me shel nyi ma bsnams// lnga pa chu shel zla ba bsnams// drug pa rin chen ri rab bsnams// bdun pa chu yi dkyil 'khor bsnams// brgyad pa me yi dkyil 'khor bsnams// dgu pa rlung gi dkyil 'khor bsnams// zhabs brgyad glang chen dregs pa brdzis// glang chen ko rlon ya ba skor// zhing chen g.yang gzhi'i stod g.yogs la// dpa' gtum stag gi sham thams can// gdug pa sbrul gyis sku rgyan byas// thal chen khrag zhag mtshan mar btab// dbu la rigs lnga'i sangs rgyas dang// rdo rje dbyings kyi dkyil 'khor rdzogs// thod pa'i phreng bas dbu rgyan byas// bskal pa'i me dpung klong na bzhugs// 'bar ba'i gar dgu ldan par bsgom// yab kyi g.yon nas grib ma'i tshul// yum chen khro mo gnam zhal ma// zhal gcig phyag gnyis yab dang mthun// g.yas pa kha T+wAM yab la 'khyud// g.yon pa b+han dmar gtso la stob// gnyis su med par 'khril bar bsgom// yab yum mkha' gsang byin rlabs las// mkha' las khro bo 'chol ba spros// phyogs bcu'i dregs pa bsgral nas ni// slar 'dus dkyil 'khor brgyad la dgod// dkyil 'khor brgyad kyi gtso bor gsal// shar du badzra he ru ka/ lho ru 'jam dpal gshin rje gshed// nub tu rta mgrin rgyal po la// byang du rdo rje gzhon nu'o// shar lhor bla med he ru ka/ nub byang dregs pa kun 'dul la// byang shar stobs ldan nag po'o// so so'i yum bcas rdzogs par bskyed// lho nub rig 'dzin slob dpon yin// de nas gtso bo yab yum gyi// byang chub sems kyi 'od zer dang// rtsa ba'i sngags rnams brjod pa yis// so so'i 'khor tshogs rdzogs par bskyed// che mchog yab yum sprul pa ni// che mchog rigs bzhi yab yum bzhi// dregs pa phyogs skyong 'dul byed bcu// ta kr-ita sgo srung khro bo bzhi// bka' srung ce spyang ma brgyad bsgom// badzra he ru yab yum las// rigs bzhi'i khrag 'thung yab yum bzhi// gau rI brgyad dang phra men brgyad// gdong mo sgo ma bzhi dang ni// bka' srung khro mo nyi shu brgyad// 'jam dpal gshin rje yab yum las// gshed bzhi sbyor yum sgrol yum bcas/ phyogs skyong bcu gnyis yum dang bcas// mgo brnyan sgo skyong gshin rje bzhi// bka' srung ging bdud rtsis pa dang// srog gi shan par bcas pa bsgom// pad+ma dbang chen yab yum las// las kyi sras mchog yab yum gnyis// zil gnon khro rgyal yab yum dang// sgo skyong pho nya sgo ba bzhi// bka' srung kham brgya ma drug dang// sprul sku dmus long bcu drug dang// za byed dpal gyi khyi spyang dang// pho nya 'bar ba'i gshog pa bzhi// dur mo 'brug mo chen mo bzhi// rdo rje gzhon nu yab yum las// sras mchog rigs bzhi kI la ya// khro bo bcu dang khro mo bcu// za byed bcu dang gsod byed bcu// mgo brnyan sgo srung chen mo bzhi// bka' srung sho na bse mo bzhi// re ti mched bzhi bcu gnyis so// ging bzhi bdud bzhi shan pa bzhi// bla med he ru yab yum las// rtag pa'i rgyal mo rnam pa lnga// ye shes rje mo bcu bzhi dang// sman mo nyi shu rtsa brgyad dang// sgo skyong sring mo chen mo bzhi// bka' srung yang gab ma bzhi dang// sbas pa'i ma bzhi gdong mo bzhi// phung byed ma gsum ro kha ma gsum dang// gsang ba'i ma gsum pho nya gsum// dregs pa kun 'dul yab yum la// dregs pa nyi shu rtsa drug bskor// sgo skyong dbang chen dregs pa bzhi// stobs ldan nag po yab yum la// dregs pa can ni bco lngas bskor// sgo ba bka' nyan rnam pa bzhi// bka' srung so so'i 'khor g.yog ldan// rig 'dzin rdo rje thod pa rtsal// rigs kyi rig 'dzin drug dang ni// grub pa'i rig 'dzin rnam pa bzhi// sgo bzhir rtsa ba'i slob dpon bzhi// bka' srung dpa' bo dpa' mo dang// mkha' 'gro sde bzhir bcas pa'o// phyi khyams dbang phyug nyi shu bzhi// sgo bzhir dbang phyug sgo ma bzhi// phyi yi lcags ri 'khor yug la// mkha' 'gro ging dang lang ka dang// ma sring 'bar ma pho nya dang// mkha' 'gro 'bum phrag yangs pa rnams// rang bzhin dpal gyi bka' sdod pa'o// de ltar lha rnams gsal bskyed la// sku gsung thugs su byin brlab cing// ye shes lnga yi dbang yang bskur// rang bzhin gnas nas spyan drangs shing// gnyis su med par bzhugs su gsol// dgyes pa'i tshul gyis phyag byas la// mchod pa dbul zhing dgyes par bstod// so so'i snying po bzlas brjod 'bad// phrin las bcol zhing bshags pa bya// tshogs dang lhag ma'i las rdzogs nas// gtor ma gtor la dkyil 'khor bsdu// spyod lam bzhir yang lha bsgom bya// yang na rdzogs pa'i rim pa la// ma bcos rang gsal rang sar bzhag/ ces gsungs so// bskyed rdzogs 'bring po'i le'u ste drug cu tham pa'o//// de nas spyi dpal kun bzang he ru ka la// 'khor gyi rig 'dzin rnams kyis zhus pa// e ma spyi dpal he ru ka/ rnal 'byor blo dman gang zag la// bsdus pa'i bskyed rdzogs bshad du gsol// de skad gsol pa gsan nas kyang// spyi dpal chen pos bka' stsal pa// nyon cig 'dus pa'i tshogs chen rnams// rnal 'byor shin tu bsdus dga' la// bskyed rdzogs shin tu bsdus te bstan// phun sum tshogs pa'i gnas dag tu// 'du 'dzi spangs pa'i rnal 'byor pas// lha yi dkyil 'khor bsgom 'dod nas// sngon du 'gro ba'i las byas nas// de bzhin nyid kyi ting nge 'dzin// rang bzhin dngos med spros pa med// kun snang kun khyab snying rje'i ngang// rgyu nyid mthing nag yi ge hUM// 'byung ba yum lnga'i dkyil 'khor brtsegs// keng rus ri rab rtse brgyad steng// dur khrod 'bar ba'i gzhal yas khang// tshom bu dgu yi dkyil 'khor bskyed// dregs pa nyi zla pad+ma'i gdan// kun la gdan du gding bar bya// gdan steng rgyu yi yi ge las// dpal chen khrag 'thung chen po'i skur// cho ga gsum gyis gsal bar bskyed// bdag nyid che mchog he ru ka/ mthing nag dbu gsum phyag drug pa// zhabs bzhi gyad kyi dor stabs bgrad// dbu gsum g.yas dkar g.yon dmar ba// dbus ni mthing nag sku dang mthun// phyag drug g.yas kyi dang po na// rdo rje rtse dgu bsnams pa'o// bar ma rdo rje rtse lnga pa// tha ma rdo rje gsum mo// g.yon gyi dang po b+han+da ni// lcang lo khrag bkang gsol ba'o// bar ma thod rlon dmar gyis bkang// tha ma thod skam dmar bkang ba'o// zhabs gnyis gyad bzhi yin nam kyi dor stabs so// sku stod glang chen ko rlon gsol// sku smad stag gi sham thabs can// zhing chen g.yang gzhi'i na bzar gsol// thod pa tshar gsum phreng bas brgyan// rdo rje'i gshog pa khyab par gdengs// khrag zhag thig le'i mtshan mas brgyan// thugs kar ye shes sems dpa' la// sngags kyi phreng bas bskor ba'o// yum ni zhal gcig phyag gnyis ma// g.yas pa gri gug yab la 'khyud// g.yon pa dung khrag gtso la stob// sku mdog rigs dang mthun pa la// sku smad gzigs gi sham thabs can// yab yum gnyis su med par 'khril// bskal pa'i me dpung klong na bzhugs// 'bar ba'i cha lugs 'jigs par bsgom// yab yum gnyis kyi thugs ka nas// phyogs bzhi'i mtshams bzhi'i dkyil 'khor du// mthing nag hUM gi 'phro 'du las// shar du badzra he ru ka/ lho ru 'jam dpal gshin rje gshed// nub tu pad+ma dbang chen no// byang du rdo rje gzhon nu ste// shar lhor bla med he ru ka/ lho nub rig 'dzin thod pa brtsal// nub byang dregs pa kun 'dul ba// byang shar stobs ldan nag po'o// yum rnams yab dang chig rdzogs bskyed// so so'i 'khor tshogs rgya mtsho rnams// rang bzhin dag gis gnas pa las// sku mdog phyag mtshan gsal mi dgos// skad cig rdzogs pa'i tshul gyis bskyed// sku gsung thugs su byin brlabs shing// ye shes lnga yi dbang bskur bya// rang bzhin dkyil 'khor spyan drangs shing// gnyis su med par bzhugs su gsol// gnyis med ngang du phyag kyang btsal// bdud rtsi sman gyi mchod pa dang// gtor ma rak+ta bdud rtsis mchod// bstod cing phrin las bshags pa bya// bzlas pa bya zhing spro bsdu bya// oM ma hA kro d+ha hUM phaT/ oM badzra kro d+ha hUM phaT/ oM a kro te ka hUM phaT/ oM ha ya grI wa hUM phaT/ oM badzra kI li kI la ya hUM phaT/oM badzra ma hA kro d+ha hUM phaT/ oM kA la rU pa hUM phaT// oM badzra tsaN+Da sarba duSh+tAn hUM phaT/ oM badzra sarba duSh+tAn hUM phaT/ gsang ba sngags kyi bsnyen pa bya// tshogs dang lhag ma'i cho ga yang// rim pa bzhin du dbul bar bya// gtor ma gtong zhing gtor gzhung mnan// ye shes sems dpa' gshegs su gsol// dam tshig sems dpa' rang la bsdu// skad cig lhar bskyed spyod lam bya// zhes gsungs so// bskyed rdzogs shin tu bsdus pa'i le'u ste drug cu rtsa gcig pa'o//// de nas spyi dpal he ru ka la/ 'khor gyi rig 'dzin rnams kyis zhus pa/ e ma spyi dpal he ru ka/ rnal 'byor rgyun du bsgom pa la// rgyun gyi yi dam bshad du gsol// de skad gsol pa gsan nas kyang// spyi dpal chen pos bka' stsal pa// nyon cig 'dus pa'i 'khor tshogs rnams// sems can ye shes bskyed pa dang// rnal 'byor rig 'dzin bsgrub pa'i phyir// bde ba'i stan la rab 'dug nas// hUM las 'od zer 'phros pa las// phyi nang gsang ba'i 'od zer 'phros// bla ma dang ni yi dam lha// bde gshegs thams cad spyan drangs la// phyag 'tshal mchod cing bshags pa dang// rjes su yi rang gsol bskul gdab// skyabs gsol lus dbul dge rtsa bsngo// tshad med bzhi yang bsgom par bya// de nas stong pa'i ting 'dzin bsgom// 'od phung tshur 'dus bdag rang nyid// de yi nang du hUM gnas pa// de las tsa 'phros 'khor lor gyur// lto bar nyi bsam hUM de nyid// de las gnod mdzes rgyal por gyur// de thugs hUM gi 'phro 'du las// khro bo chen po bcu ru gyur// hUM bzhi'i gsang sngags brjod pa yis// khro bcu'i sprul pas gdug pa dgug/ sku gsung thugs kyi phur bus gdab// btul zhing sbyangs nas nam mkhar gyur// de las hUM gi 'phro 'du las// rdo rje'i gur dang ra ba dang// drwa ba nyid du gyur pa'o// hUM gi 'phro 'dus slar la bzhu// stong pa nyid las 'od phung byung// de las nyi zla kha sbyar gyur// de steng rang sems yi ge hUM// 'phro 'dus 'od du zhu ba las// rdo rje dang ni dril bur gyur// de las bde gshegs 'dus pa'i sku// rdo rje khro bo he ru ka/ sku mdog mthing nag zhal gcig la// phyag gnyis rdo rje b+han dmar bsnams// zhabs gnyis brkyang bskum dor stabs kyis// pad+ma nyi zla'i steng na bgrad// yum yang yab dang mthun par bskyed// sku gsung thugs su byin brlabs shing// ye shes sems dpa' spyan drangs la// phyi nang bdud rtsi'i mchod pa 'bul// de ltar bsgom la bzlas pa bya// nyi steng ye shes sems dpa' yi// mtshan ma la sogs gsal bsgoms nas// 'od zer la ni yig 'bru bskyed// ma gsal bar du bzlas pa bya// oM AHhUM zhes bzlas pa bya// de nas rdzogs pa'i rim pa bsgom pa ni// lha nyid sems su shes par bya// rang nyid lha la lha nyid rang// bskyed rdzogs gsum gyi sa lam sbyang// zhes gsungs so// rgyun gyi rnal 'byor gyi bsdus don/ khro bo phyag rgya rkyang pa'i sgrub lugs kyi le'u ste drug cu rtsa gnyis pa'o// bsdus dang shin tu bsdus pa phyag rgya rkyang pa'i lugs kyi skabs te bdun pa'o//// de nas spyi dpal kun bzang he ru ka la zhus pa/ e ma spyi dpal he ru ka/ phyi sgrub rdul tshon dkyil 'khor la// brten nas sgrub pa ji ltar lags// spyi dpal chen pos bka' stsal pa// nyon cig 'dus pa'i tshogs chen rnams// bde gshegs bsgrub pa bka' brgyad lha// phyi ltar bsgrub na ji ltar bsgrub// phyi mtshams nang mtshams sngon 'gro rnams// mchod rdzas byin brlab la sogs bya// de nas ting 'dzin rnam gsum dang// 'byung ba rim brtsegs gzhal yas khang// gdan dang bcas pa bskyed nas ni// rgyu yi ye shes sems dpa' las// gtso bo che mchog he ru ka/ sku mdog phyag mtshan cha lugs ni// rgyas 'bring bsdus pa'i rim pa dag/ shar du yang dag lha tshogs la// lho ru gshin rje'i lha tshogs la// nub tu pad+ma'i lha tshogs so// byang du phur pa'i lha tshogs so// shar lho ma mo'i lha tshogs so// lho nub rig 'dzin slob dpon te// nub byang dregs pa kun 'dul la// byang shar stobs ldan nag po'o// phyi khyams dbang phyug nyi shu brgyad// 'khor yug dpal gyi bka' sdod do// de ltar bskyed cing gsal brtan bya// sku gsung thugs su byin brlabs shing// ye shes lnga yi dbang bskur bya// spyan drang bzhugs gsol phyag 'tshal mchod// bstod cing bshags pa dag par dbul// so so'i rtsa sngags bsnyen par dbul// 'od dang 'od zer spro bsdu bya// bskul zhing phrin las bcol bar bya// tshogs dang lhag ma'i cho ga rnams// rim pa bzhin du dbul bar bya// gtor ma gtong zhing gtor gzhong mnan// ye shes sems dpa' gshegs su gsol// dam tshig sems dpa' rang la bsdu// skad cig lhar bskyed spyod lam bya// ma bcos spros bral ngang la gnas// de ni rdzogs pa'i rim pa'o// zhes gsungs so// phyi rdul tshon gyi dkyil 'khor la brten nas bsgrub pa'i rim pa ste le'u drug cu rtsa gsum pa'o//// de nas yang dag nges gsungs pa// nang bsgrub lus kyi dkyil 'khor la// brten nas bsgrub pa bshad pa ni// bde ba'i stan la 'dug nas ni// skad cig ma yi ting 'dzin las// che mchog he ru'i skur bskyed la// spyi bor rig 'dzin slob dpon bsgom// dpral bar 'jam dpal gshin rje gshed// mgrin par pad+ma dbang chen no// thugs kar badzra he ru ka/ lte bar rdo rje gzhon nu'o// gsang bar bla med he ru ka/ rkang g.yas dregs pa kun 'dul la// rkang pa g.yon la stobs ldan no// de rnams yum dang 'khor du bcas// rang bzhin 'khor du gnas par bsgom// de rnams thugs kar zla dkyil steng// yi ge hUM gi 'phro 'du yis// hUM ring hUM thung sgra las drangs// dregs pa kun 'dul stobs ldan nas// hUM gi 'od zer 'phros pa yis// rtsa'o che yi nang nas zhugs// bla med he ru'i thugs kar 'phros// de las rdo rje gzhon nu la// de las badzra he ru las// de las pad+ma dbang chen las// de las 'jam dpal gshin rje gshed// de las bla ma'i thugs kar ro// de las 'od zer 'phros pa yis// lus kyi mgo mjug khyab pa yi// nyon mongs dug lnga dug gsum dang// bag chags sgrib pa rtsad nas bcad// chos kyi dbyings su sangs rgyas pa'o// de ni bsnyen pa zhes bya'o// de nas bsgrub pa'i dus su ni// bla ma'i thugs nas 'od 'phros pas// 'jam dpal gshin rje'i thugs kar spros// de nas pad+ma dbang chen no// de las badzra he ru ka/ de las rdo rje gzhon nu'o// de las bla med he ru ka/ de las rtsa chen g.yas zhugs pas// dregs pa kun 'dul thugs kar spros// de las rtsa chen g.yon zhugs pas// stobs ldan nag po'i thugs kar 'phros// de las ging bdud gshin rje sogs// phyag na mtshon cha thogs pa 'phros// gzas pa'i dgra bgegs rtsad bcad nas// slar 'dus dregs 'dul stobs ldan gyi// thugs kar 'dus te 'khor ba ni// sgrub pa las sbyor zhes su bshad// de las 'od de yang 'phros pas// rim pa bzhin du 'od 'phros nas// spyi bo 'khor lo'i gshin rje dang// bla ma'i thugs kar 'phros nas ni// rnal 'byor pa yi ye shes de// zla ba tshes pa lta bur rgyas// sgrub pa chen po zhes bya'o// bdag nyid gdod nas ma grub pa// rdzogs pa chen por la bzlas pas// sangs rgyas zhes kyang de la bya'o// de ltar yang yang spro ba ni// dam tshig sems dpa' zhes kyang bya// mar la spro bar byed pa ni// las kyi sems dpa' zhes kyang bya// de nas yar la bsdu ba ni// ye shes sems dpa' zhes bya'o// de ltar 'od zer spro bsdu yis// bag chags sgrib pa khad kyis 'bri// ye shes zla ba tshes ltar skye// de ni rdzogs chen rnal 'byor ro/ bar 'dir tshig chad 'dra song ngam dpyad// sbyor dus yab yum gnyis ka las// lha bkod 'od zer spro bsdu dang// yul gsum gsal bar gyur pa dang// 'jigs pa'i bdud bzhi gzhom pa dang// gsang ba'i dgra gsum gsod pa dang// 'gro drug g.yang sa bcad par bya'o// zhes gsungs so// nang lus kyi dkyil 'khor la brten te sgrub pa'i le'u ste drug cu rtsa bzhi pa'o//// de nas yang dag nges gsungs pa// gsang ba'i sgrub pa bstan pa ni// rig pa ye shes dkyil 'khor la// brten nas a ti yo gar bsgrub// ma nor ma bcos chos nyid ni// btsal ba'i bsam pa kun las 'das// thams cad dbyer med mnyam pa'i ngang// de bzhin nyid las khyad par 'phags// a ti'i de bzhin nyid ces bya// snang ba med pa'i chos nyid la// khyab dang ma khyab gnyis med de// kun tu snang las khyad par 'phags// a ti'i kun tu snang zhes bya// btsal ba med pa'i chos nyid las// ma bskyed par ni thams cad 'byung// rgyu nyid las ni khyad par 'phags// a ti'i rgyu yi ting 'dzin no// btsal ba med pa'i chos nyid las// bsgrub tu med pa'i 'bras bu shar// 'byung ba lnga las khyad par 'phags// a ti'i 'byung ba rim brtseg yin// 'gyur ba med pa'i chos nyid las// phyogs dang ris la mi gnas shing// mtha' dang dbus la mi dmigs pas// sems nyid ye nas 'gyur ba med// gzhal yas khang las khyad par 'phags// a ti'i gzhal yas khang zhes bya// mi dmigs bsam gtan dbyer med pas// ma bcos spros pa med pa'i dkyil// skye med yongs la khyab pa'i 'khor// 'gyur med don rtags mnyam pa'i ngang// mtshan ma'i dkyil 'khor las khyad 'phags// a ti'i dkyil 'khor bskyed ces bya// dbye ru med pa'i sems nyid kyi// phung po khams dang skye mched rnams// ye nas dbyer med rdzogs sangs rgyas// lha tshogs bskyed las khyad par 'phags// a ti'i lha tshogs bskyed ces bya// dngos med sems kyi ye shes kyis// mtshan ma'i snang ba dbyings su bskyod// a ti'i dbang bskur byin brlab bya'o// rang byung rig pa'i ye shes ni// btsal zhing bsam pas mi bskyod de// chos kyi dbyings su gshegs pa ni// spyan drangs don las khyad par 'phags// a ti'i lha tshogs spyan drangs yin// spros pa med pa'i chos nyid ngang// btsal du med pa'i sems nyid ni// mnyam pa'i ngang du rtogs pas na// bzhugs su gsol las khyad par 'phags// a ti'i bzhugs su gsol zhes bya// thams cad dbyer med mnyam pa'i dbyings// 'du 'bral med par gnas pas na// phyag btsal ba las khyad par 'phags// a ti'i phyag btsal de la bya// chos nyid btsal du med pa las// chos can mchod pa'i rkyen du snang// sems nyid btsal du med pa las// skye mched khams rnams mchod par snang// nam mkha' dmigs su med pa las// 'byung ba sna tshogs mchod par snang// thams cad chos nyid rgyan du gsungs// mchod pa phul las khyad par 'phags// a ti'i mchod pa phul zhes bya// thams cad mi dmigs mnyam pa'i ngang// dmigs med bsam 'das brjod du med// bsnyen pa phul las khyad par 'phags// a ti'i bsnyen pa phul zhes bya// gnyis su med pa'i sems nyid kyis// thams cad bla med 'gyur ston pas// pho nya bkye las khyad par 'phags// a ti'i pho nya bkye zhes bya// khams gsum sems can thams cad dang// dus gsum gsum gnas pa'i sangs rgyas kyang// thams cad dbyer med dbyings su bsgral// dgra bgegs bsgral las khyad par 'phags// a ti'i dgra bgegs bsgral zhes bya// snang ba'i yul ni chos nyid la// stong pa'i sems ni ye shes che// gnyis su med par rtogs pas na// phur pa gdab la khyad par 'phags// a ti'i phur pa gdab ces bya// 'khor ba thams cad dong nas sprug/skye shi rtsad nas bcad pas na// tshogs mchod phul las khyad par 'phags// a ti'i tshogs mchod phul zhes bya// thams cad dbyings la bkod pas na// lhag ma'i mchod pa khyad par 'phags// a ti'i lhag mas mchod ces bya// ma skyes pa yi chos nyid kyis// skyes pa'i phung po skye rgyun bcad// mi dmigs pa yi nam mkha' yis// dmigs pa'i 'byung ba zil gyis mnan// thams cad skye shi'i rtsa ba bcad// gzir mnan byas las khyad par 'phags// a ti'i gzir mnan zhes kyang bya// 'khor ba'i rgyu nyid yang dag byang chub lam// thams cad mya ngan 'das las khyad par 'phags// skye med rdo rje lta bu'i ngang nyid las// skye shi 'pho 'gyur med pas khyad par 'phags// de lta bu yi don la gnas pa yis// rtogs pa'i blo ldan rnal 'byor gang gnas pa// de yi don la 'dris na sangs rgyas yin// btsal du med pa'i don rtogs bsgom pa yin// a ti'i yo ga'i don rtogs ngo mtshar che// zhes gsungs so// gsang ba rig pa sems kyi dkyil 'khor la brten te sgrub pa'i le'u ste drug cu rtsa lnga pa'o// phyi bsgrub dang nang bsgrub dang gsang bsgrub bstan pa'i skabs te brgyad pa'o//// de nas spyi dpal chen pos ting nge 'dzin de las bzhengs te/ 'dus pa'i 'khor tshogs rnams la bka' stsal pa// nyon cig 'dus pa'i 'khor tshogs rnams// bde gshegs zhi ba'i sgrub pa ste// de yang rgyud 'di'i nang du 'dus// 'jam dpal sku yi sgrub pa ste// de yang rgyud 'di'i nang du 'dus// pad+ma gsung gi sgrub pa ste// de yang rgyud 'di'i nang du 'dus// yang dag thugs kyi sgrub pa ste// de yang rgyud 'di'i nang du 'dus// che mchog yon tan sgrub pa ste// de yang rgyud 'di'i nang du 'dus// phur bu phrin las sgrub pa ste// de yang rgyud 'di'i nang du 'dus// ma mo rbod gtong sgrub pa ste// de yang rgyud 'di'i nang du 'dus// rig 'dzin slob dpon sgrub pa ste// de yang rgyud 'di'i nang du 'dus// 'jig rten mchod rten sgrub pa ste// de yang rgyud 'di'i nang du 'dus/dmod pa drag sngags sgrub pa ste// de yang rgyud 'di'i nang du 'dus// de phyir bsgrub pa bka' brgyad 'dus// bka' brgyad 'dus pa'i rgyud ces bya// zhi ba khro bo thams cad 'dus// zhi khro 'dus pa'i rgyud ces bya// bde gshegs thams cad 'dus pas na// bde gshegs 'dus pa'i rgyud ces bya// rgyud 'dis dngos grub ster bas na// mi zad dngos grub gter gyi rgyud// gtad do 'khor tshogs 'dus pa rnams// chong zhig rig 'dzin sa thob rnams// khyed kyis yongs su gzung bar gyis// zhes gsungs nas spyi dpal kun tu bzang po chos kyi dbyings su thim mo// rgyud yongs su gtad pa'i le'u ste drug cu rtsa drug pa'o//// lta ba thams cad kyi yang rtse/ man ngag thams cad kyi sdebs/ bstan pa thams cad kyi srog shing/ sgrub pa thams cad kyi bcud/ phrin las thams cad kyi rtsa ba/ bsgrub pa bka' brgyad 'dus pa'i rgyud ces kyang bya/khro bo 'dus pa'i rgyud ces kyang bya/ bde gshegs 'dus pa'i rgyud ces kyang bya/ dngos grub gter gyi rgyud ces kyang bya/ spyi dpal kun tu bzang po'i dgongs pa bkod pa'i mdo zhes kyang bya/'byed par byed la lde mig gi rgyud ces kyang bya'o// rgyud kyi mtshan bstan pa'i le'u ste drug cu rtsa bdun pa'o// rgyud kyi mjug bsdu ba'i skabs te dgu pa'o// rdzogs so//// rgyal po khri srong lde'u btsan gyi phyag dpe/rgyas btab nas rin po che'i gter du sbas pa'o// gter rgya/ sbas rgya/ gtad rgya//// bka' brgyad rgyud gsang ba 'dus pa/ gter kha 'og ma/

CLOSE WINDOW