CLOSE WINDOW

Gpb018.008
བོད་ཡིག

sbas rgya/ gtad rgya'o// rgya rgya rgya//// rgya gar skad du/ ma ma sa mA dza mU la tan+t+ra nA ma/ bod skad du/ ma mo 'dus pa rtsa ba'i rgyud ces bya ba/ bcom ldan mngon rdzogs rgyal po he ru ka la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bla na med pa mngon par rab tu rdzogs pa'i rdo rje he ru ka zhes bya ba de/thig le chen po mnyam pa nyid kyi ngang du sr-id pa'i chos kyi bsdus pa'i 'jig rten gyi khams thams cad rdo rje'i rang bzhin du gnas rin po che las grub pa'i ri rab chen po'i rtse mo lha'i rgyal po'i gnas// bde ba chen po'i klong/ yum chen mo de kho na nyid kyi gzhir gyur pa mu kha le dgongs pa ma lus par shar ba'i klong// b+ha ga yangs pa'i dbyings rnam par dag pa'i rang bzhin phyogs bcu'i nam mkha'i khams yongs su khyab pa'i gnas na snyoms par zhugs te bzhugs nas/rab tu gsang ba'i dbang phyug ye shes kyi rdo rje shugs chen po 'chang ba/ pad+ma'i dbyings rnam par dag pa'i klong chen po dang gnyis su med pa'i 'phro 'du dus gsum du rgyun mi chad par bkye ba las/byin gyis rlabs kyi cho 'phrul chen po dpag tu med par snang bar 'di lta ste/ sa chen po dang/ me chen po dang/ chu chen po dang/ rlung chen po dag gi gnas pa dang// bsraig pa dang/ gsher ba dang/ bskyod cing g.yo bar byed pa'i mthu chen po bsam gyis mi khyab pa snang ba las srid pa'i 'jig rten bskyed pa'i sa bon dang rtsa ba dang/ bcud dang bcas pa/dngas ma dang 'bras bur bcas pa/ yon tan dang nus pa rdzogs pa/ phyogs dus rab tu phye ba med par bzhugs pa las/ dbyings kyi yum kun tu bzang mo srid pa thams cad kyi bdag mo/ he ru ka thams cad kyi yum chen mo/sangs rgyas thams cad kyi rig pa'i dbang phyug ma/ 'jig rten gyi khams las 'das pa thams cad kyi gtso mo/ de kho na nyid kyi gzhi mu kha le zhes bya ba de nyid rol pa chen po gnyis su med pa'i ting nge 'dzin las bzhengs nas// bcom ldan 'das la skul ba'i dbyings kyi sgra chen pos gsol ba btab pa/ e ma ho// bla med mngon rdzogs rgyal po he ru ka/ snang stong gnyis med kun la snang ba'i sku// mtshan med spros bral mi rtog grags pa'i gsungs// bde chen zag med zung 'jug khyab pa'i thugs// ma lus rang la rdzogs pa'i yon tan mnga'// phrin las mdzad phyir rol pa'i sku bzhengs shig/a la la ho// zhes bskul ba mdzad nas/ bcom ldan 'das des 'di skad ces bka' stsal to// e ma ho// sangs rgyas rnams kyi sku gsung thugs kyi ngang// mnyam nyid dbyings kyi ngang las mi g.yo zhing// ma rtogs 'khor ba ngang gis bsgral ba las// 'khrul pa'i blo la dngos por yongs mi snang// gdul bya'i bsam pa rnam dag som nyi med// dus la ma bab zhi bar gnas par bya// zhes bka' stsal to// de nas yang yum chen mos 'di skad ces gsol to// e ma ho// dus gsum sangs rgyas thugs rje chen po las// ma nor ma lus mi zad mkhyen pa las// rtogs dang ma rtogs log pa'i blo can la// so so'i ston pa rig dbang thugs las phyung// ye shes rtsal gyi dgongs pa dmigs med las// gang la bsngags pa'i bstan rab sgo dbyer gsol// zhes bskul bas// bcom ldan 'das kyis zhal 'dzum pa mdzad de/ dbyings kyi yum chen mo la 'di skad ces bka' stsal to// e ma ho/ srid gsum 'jig rten kun na rab bde ba'i// kha sbyor dga' ba skad cig gnas skabs bzhi// 'dod chags chen po mthong bzhad reg cing sbyor// blo dang rigs las khyad par gang snang ba'i// mthar thug rim pa bzhin dus 'byung nus par ldan// mkha' bzhi pad+ma byang chub sems kyi gnas// nam mkha' khyab pa mnyam nyid sbyor mdzad phyir// ze'u 'bru 'dab bcas pad+ma rgyas mdzod cig/sa ma ya ho// sa ma ya s+t+waM/ ra ho haM/ rA ga yA mi/ sa ma ya badzra pra be sha ya phaT/ ces bskul nas/ yab yum gnyis kyi gzigs pa dang bzhad pa dang/ reg pa dang skyod pa'i rol pas snyoms par zhugs te/'od zer kyi 'phro 'du chen po g.yos pa las/ phyogs bzhi dang dbus kyi b+ha ga yangs pa'i snang ba chen pos khams gsum pa rnams la gsal bar mdzad de/ phyogs lnga dang/ 'od lnga dang/ rigs lnga dang/ bsam pa lnga dang/ rtsa ba lnga dang/ 'bras bu lnga dang/ nus pa lnga dang/ khams lnga dang/ byed pa lnga dang/ las lnga dang/ khyab pa lnga dang/ dbang lnga dang/ rgyu lnga dang/ rkyen lnga dang/ bag la nyal lnga dang/ kun nas ldang ba lnga dang/ shes pa lnga dang/ phung po lnga dang/ stobs lnga dang/ 'gro ba lnga dang/ yul lnga dang/ 'dod pa lnga dang/ spyad pa lnga dang/ bsrung ba lnga dang/ blang ba lnga dang/dor ba lnga dang/ bsgrub pa lnga dang/ yon tan lnga dang/ yan lag lnga dang/ spyod pa lnga dang/ ma 'dres pa lnga la sogs pa thams cad yum chen mo nyid kyi mkha' bzhi dbyings dang lnga las/ snang zhing gnas par sprul pa mdzad do// gzhan yang phyogs bcu'i/ 'jig rten gyi khams thams cad du zhing gi bkod pa rgya chen po dang/ dkyil 'khor gyi 'khor lo rdzogs pa dang/ yab dang yum snyoms par 'jug pa tsam dang/ rgyan so sor snang ba dang/ zhi ba'i rnam par snang ba dang/ khro bo'i rnam par snang ba dang/ khyab pa dang/ rdzogs pa dang/ tha dad pa'i sku rnams dang/ khyad par du sku'i rigs dang/ gsung gi rigs dang/ thugs kyi rigs dang/yon tan gyi rigs dang/ las kyi rigs dang/ dregs pa'i rigs dang/ bsgrub pa'i rigs dang/ sbas pa'i rigs la sogs pa bsam gyis mi khyab pa rnam pa sna tshogs pa snang zhing gsal bar gyur to// de nas bcom ldan 'das bla med rgyal po he ru ka chen po des mnyam pa nyid las bzhengs te/ cho 'phrul chen po rnam par sprul pa'i 'khor gyi dkyil 'khor de dag la 'di skad ces bka' stsal to// kye ma 'dus pa'i dkyil 'khor gyi// tshogs chen ma lus nga la nyon// khyed kyi khams dang byed pa dang/ lus dang rigs kyi khyad par dang/ phrin las grub pa'i mtha' la sogs// thams cad nga las 'byung zhing snang// lus dang ngag dang rnam par shes// nga yi sku gsung thugs kyi ngang// gzugs dang 'du shes tshor ba byed// sku dang ye shes rig pa'i ngang// bsam pa longs spyod la sogs pa// dgongs pa'i cho 'phrul nyid las byung// gang zhig ji ltar 'dod pa dag/ nga yi rang bzhin shes par gyis// nga las ma gtogs chos gzhan min// btags pa tsam yang yod ma yin// de bas nga yi don rtogs phyir// gus pa'i yid kyis mnyan par gyis// zhes bka' stsal to// de nas yum chen mo kun tu bzang mos bcom ldan 'das dpal he ru ka la 'di skad ces gsol to// kye ma bcom ldan he ru// 'di ltar bdag dang gzhan gyi chos// phyi dang nang dang gsang ba dang// gsang ba chen pos rab bsdus pa'i// b+ha ga 'di la ci phyir dga'// phyogs dang ris kyi khyad par gang// 'od lnga kha dog ci yi phyir// bsam pa'i 'bras bu rtsa ba dang// nus pa rnams ni gang las byung/ khams dang byed pa las ni ci// khyab pa dbang dang bcas pa gang// rgyu dang rkyen gyis ci zhig bya// bag la nyal ba gang lta bu// kun nas ldang ba'i chos nyid kyi// shes par bya ba ci zhig yin// phung po lnga zhes gang la bya// stobs lnga zhes pa su la mnga'// su zhig grol bar 'gyur ba yin// yul lnga yang ni gang zhig yin// 'dod spyad bsrung ba ji lta bu// blang dor bsgrub pa ji lta bu// spyod pa'i yon tan yan lag dang/ ma 'dres chos kyi khyad par rnams// khyod las snang ba ci yi phyir// zhing dang zhing gi bkod pa dang/ 'khor lo rdzogs pa gang las byung// kha sbyor bde ba gang gi phyir// ci phyir thabs dang shes rab kyis// so sor rang la rdzogs par 'gyur// rang gi rig pa'i snang ba gang// ma lus snang ba'i don ched ci// de lta bu la gzhan dag gis// thob par bya ba'i thabs ni gang// bdag cag rnams la legs par ston// zhes gsol to// gleng gzhi mngon par 'byung ba'i le'u ste dang po'o//// de nas bcom ldan 'das mngon rdzogs rgyal po bla med he ru ka chen po des/ sprul pa'i cho 'phrul mngon par spyod pa'i don du thugs rdo rje mnyam pa nyid kyi ting nge 'dzin la snyoms par zhugs te/sku drag shul spyod pa'i cha lugs 'jigs byed chen po rab tu 'bar bar bstan nas gsung gi nga ro drag po'i shugs phyung ba'i sgra chen pos gang bar mdzad do// de nas de'i tshe nam mkha'i khams kyi gtos thams cad sku'i rang bzhin gyis khyab cing/ gsung gi brda'i sgra chen por grags la/ thugs zhi ba byang chub kyi sems kyis dgongs nas bka' stsal pa// nyon cig srid pa'i rgyal mo che// khyod ni mu kha le zhes bya// sku yi dbu dang tsit+ta la// zhal lnga rtse mo lngar snang zhing// phyag bzhi zhabs brgyad mkha' bzhi dbyings// phyogs bzhi dbus dang lnga ru grags/shar lho nub byang dbus dag gi/ mche ba gtsigs pa'i zhal lnga las// dkar zhing 'tsher dang sngo la gdangs// dmar bzhad ljang gtsigs mthing nag khro// ljags kun rdo rje rtse dgu dang// rin chen ke ke ru 'bar zhing// pad+ma dgu brtsegs rgya gram can// 'khor lo rtsibs stong ldan par snang// bskyed dang bsreg dang bzlum pa dang// g.yo zhing khyab par byin gyis brlabs// shel gser ke ke ru dag dang// in+d+ra nI la baiDUr+ya// 'od 'phros khyod kyi ral pa'i tshogs// bde gshegs rdo rje rin po che// chags pa dang ni phrin las kyi// so so'i rigs kyi dam pa'o// thugs mchog rigs pa skye med dbyings// rnam shes ye shes lnga 'byung srid// sbas pa gnyis dang phyag bzhi yis// pha rol phyin pa drug rdzogs nas// gtso mo drug rnams dbang sdud cing// bdud rtsi lnga la rol cing spyod// rnam par thar pa'i zhabs brgyad rdzogs// blon mo brgyad kyis dran byed brdzis// mkha' bzhi phyogs bzhi dus bzhir gnas// cha snyoms byed pa gcig yin te// brtan dang smin dang gsher ba dang// skyed byed yangs pa'i bdag nyid de// drod 'dzin brlan rtsub yangs pa yis// shel dang mar gad pad+ma dang// nI la baiDUr+ya dag go/ gsang ba'i mkha' la 'od 'bar zhing// rdo rje rin chen bye ru dang// lcags zangs ze 'bru'i rnam pa las// dus chen bzhi dang 'byung ba lnga// gtso bo'i sku yi phyed kyis sbyor// so so'i rigs su snang zhing 'dus// de bas mu kha le zhes bya// gsang ba'i bde chen 'byung ba'i gnas// skye dang 'chi las rab 'das shing// de la sdug bsngal yongs med pas// mya ngan 'das ma shes kyang bya// blang bya dor bya med pa yis// kun tu bzang mo zhes kyang bya// rnam par shes pa ma lus pa'i// mthar son pha rol phyin ma'o// phyi nang gsang ba'i 'byung ba'i tshogs// rang bzhin sku las 'byung bas na// rang byung rgyal mo'ang khyod yin no// dus bzhi dbyings las shar bas na// 'byung ba dus bzhi cha snyom ma'o// srid pa'i rgyal mo'ang khyod nyid do// rigs kyi gtso bo mkhar nub pas// rigs kyi gtso mo nyid yin no// nam mkha'i khams kun khyab pa yis// nam mkha'i rgyal mo'ang khyod nyid yin// pho dang mo dang ma ning dang// rgyal po rje dang bran dang dmangs// rang gi ngang gis skye 'gro'i bdag/ ma yi tshul gyis thams cad bskyed// mo yis tshul gyis thams cad sdud// ma skyes skye ba med pa'i dbyings// mi 'gag 'gag pa med pa'i klong// ma ni thabs mchog 'dod med mkha'// mo ni shes rab chags med klong// de bas khyod ni mu kha le// skyed pa'i ma mo chen mo ste// rtag par gnas pa'i bu mo la// sems drod chu rlung bkrag las bskyed// mkha' dang dbyings kyi dwangs ma'o// kun gzhi yid kyi rnam par shes// nyon mongs yid dang sgo lnga yis// rnam par shes pa bsam pa yin// chags sdang rmongs dang sred pa dang// bsnyems pa las ni rtsa bar 'gyur// rgyud lnga'i 'gro ba gnas skabs dang// dag pa'i sku lnga mthar thug gi/ 'bras bu'i tshul snang ba yin no// de yis don gnyis nus par 'gyur// dngos po rten dang g.yo ba dang// 'phel 'grib rang gi khams yin no// gzugs rtogs 'gyur ba skye ba dang// 'gag pa dang ni byed pa yin// tshims shing ldang dang 'gro ba dang// 'byung dang 'jig par byed pa'i las// las dang skye ba sems dang chos// dngos dang bsam pas rab tu khyab// ma yengs spro ba shes pa dang// myur dang rig pa dbang po mchog/ skyod cing byed pa sdig pa skyes// skal ba mnyam dang kun 'gro bas// ma lus rgyu zhes bya ba yin// bdag dang dmigs pa de ma thag/lus dang bsam pa rkyen du 'gyur// khams dang shes rigs las nyon mongs// rang bzhin gyis ni bag la nyal// 'du byed dmigs yul rnam par spros// bde sdug rtog pa kun nas ldang// sems las snang ba yon tan dang// gzhi shes de yi rang bzhin no// gzugs tshor 'du shes 'du byed dang// rnam shes ma dag phung po ste// tshul khrims ting 'dzin shes rab dang// rnam par grol dang ye shes kyis// rang bzhin shes pa dag pa'i tshogs// dad pa'i mchog dang 'dzin pa dang// dran pa bzang dang shes rab dang// stobs lnga dag kyang de yi dngos// phung po lnga dang rigs dang las// 'dzin pa las grol yon tan tshogs// gzugs sgra dri ro reg pa dag/ yul lngar snang ba 'dod cing spyod// dbang po'i bye brag tha dad de// sbyor sgrol ma byin len pa dang// rdzun dang ngag brlang spyad pa lnga// lus ngag yid kyi bya ba las// sdom dang slob dang spang ba las// bsnyen dang bsgrub pa bsrung ba ste// dman pa'i yul dang bsten pa'i rdzas// gsang ba'i spyod pa grogs dang bcas// dge bcu yan lag phra dang bcas// don chen mthar thug blang bar bya// 'jig rten chos dang de bzlog pa// dor bar bya ba nyid yin no// thun mong ba dang mchog gyur dang// rang gzhan don dang spyir 'gro dag/ bsgrub par gsungs pa nga nyid yin// gnas skabs gsum dang mthar thug gnyis// bsgrub par bya ba'i 'bras bu lnga// yon tan tshogs su gyur pa'o// de dag gis ni phan par bsgrub// yan lag dag tu snang ba yin// bdag dang gzhan dang bar ma dang/ dman pa mchog gi spyod pa ste// rigs dang las dang rtogs pa dag/ gnas dang rgyu dang 'bras bu rnams// ma 'dres pa yi mchog yin no// gzhan yang srid dang zhi ba dang// 'khor ba pa dang mya ngan 'das// phyi dang nang du brtags pa dang// sems dang sems las byung ba dang// rig dang ma rig yod med mtha'// rtag dang chad dang 'gro dang 'ong// skye 'gag gnas dang stong pa dang// rgyu dang lam dang 'bras bu yis// nus pa dang ni yon tan tshogs// phrin las ma lus spyod pa rnams// thams cad khyod kyi rang bzhin te// de bas mu kha le zhes bya// khyod kyi 'byung ba spros pa'i dngos// 'jig rten srid pa snang ba'i gzugs// 'pho 'jug bsdus pa'i mtshan nyid la// sa bon tshul du gnas pa las// rang gi thig le mnyam sbyar nas// dmigs med rnam dag ting nge 'dzin// skye med chos kyi dbyings su thim// dngos med bag chags rnam pa las// de bzhin nyid kyi bsgom pa'o// de nyid mtshams su sbyar ba las// snying rje nam mkha' lta bur khyab// ma lus kun la khyab cing snang// khyod kyi sems kyi rnam pa las// rgyu yi mchog gyur hUM gi dngos// mi 'gyur rtsa ba 'od kyi gzhi// khyod kyi nam mkha'i ngo bo las// e zhes snang ba stong pa'i bdag/ khyod kyi drod kyi ngo bo las// raM zhes bya ba 'bar ba'i 'od// khyod kyi dbugs kyi ngo bo las// yaM zhes bya ba bskyod cing 'degs// khyod kyi chu yi ngo bo las// khaM shes bya bas dag cing tshims// khyod kyi sha yi ngo bo las// suM zhes bya ba brtan pa'i gzhi// khyod kyi rus pa'i ngo bo las// keM zhes bya ba gnas pa'i sa// khyod kyi b+ha ga'i dbyings phyug las// b+ha ga bcom ldan bde chen po// pad+ma 'khor lo gsang ba'i dbyings// sa bon lnga dang bcu bzhi las// gtso chen sprul pa lnga bcu brgyad// ye shes snying po bla na med// bla med khrag 'thung dpal gyi yab// 'jigs byed gsang ba'i rdo rje ni// mkha' 'gro kun gyi rter zhes bya// mkha' klong bde ba'i lam mchog ni// skye 'gro srid pa thar pa'i lam// sangs rgyas kun gyi dgongs pa'i phyir// mnyam gzhag ye shes pad+ma'i dbyings// mi dmigs pa las dmigs pa che// bcom ldan chu skyes dkyil 'khor ni// thabs las dbyings phyug bla na med// bdud rtsi chen po char du 'phro// byang chub sems kyi thig le las// sbyor mdzad gnyis med bde ba che// mkha' 'gro brtan ma'i sems mchog ma// mi 'jigs pa yi 'bru gsum gyis// dug gsum dbyings su stongs byed cing// pha rol phyin drug phyag rgya las// mchod sbyin rtag tu rgyas mdzad ma// mtshon du med pa'i sku mdog la// dkar la dag pa'i na bza' gsol// rdzu 'phrul zhabs bzhi brkyang bskums bzhugs// mkha' 'gro yang gsal sems ma'i mchog/ thogs pa med pa'i dbu gsum gyis// khams gsum thig le'i sgo 'byed cing// sna tshogs 'gyur ba'i sku mdog la// na bza' ljang gu baiDUr+ya// rdzu 'phrul zhabs dang mthar son phyag/ mkha' 'gro mnyen gsal sems ma'i mchog/rol pa chen po'i dbu gsum gyis// srid gsum thar pa'i sgo 'byed cing// dmigs pa med pa'i sku mdog la// dmar po dbang gi na bza' gsol// rdzu 'phrul zhabs dang mthar son phyag/ 'od gsal 'bar ma sems ma'i mchog/stobs dang ldan pa'i dbu gsum gyi// srid gsum thar pa'i sgo 'byed cing// snang du med pa'i sku mchog la// rin chen ne la'i na bza' brgyan// phyag drug gdengs shing zhabs bzhi bgrad// mkha' 'gro bkrag gsal sems ma'i mchog/ 'gyur ba med pa'i dbu gsum gyi// sku gsum 'bras bu'i sgo 'byed cing// cir yang gsal ba'i sku mdog la// btso ma gser mdog na bza' gsol// pha rol phyin pa'i phyag drug dang// rdzu 'phrul rkang pa'i zhabs dang ldan// sa yi bdag dang gnod pa sbyin// chu bdag gshin rje brgyan byin dag/ rdzu 'phrul zhabs kyis brdzis par snang// kun kyang bla med gdan yin no// rdo rjes b+han+da dkrug mdzad cing// dgra s+t+wa gtun shing brdeg pa dang// seng ge mchog chen 'dzin pa'o// pad+ma b+han+da dkrug pa dang// zhags pas bcings dang tri shUl 'phen// ce spyang dang ni zhing chung stob// rgya gram b+han+da 'bar ba dang// dbyug pa dang ni rgyu phreng 'dzin// spyang ki dang ni zhing chung snyod// rin chen b+han+da 'bar ba dang// me dbal dang ni dbyug to 'phyar// stag mo dang ni zhing chung snyod// 'khor lo b+han+da 'bar ba dang// rgyal mtshan spu gri 'dzin pa yis// 'ug pa dang ni zhing chung stob// mche ba gtsigs shing 'jigs pa che// bzhad pa'i tshul gyis snying rjer ldan// khyod kyi lus las bskyed pa yis// srid pa gsum du bde 'gro zhing// khams gsum kun gyi yum mchog ma// mthing nag 'bar ba'i sku mdog la// dbu gsum phyag drug zhabs bzhir bgrad// dang pos 'khor lo rin po che// bar mas g.yang gzhi b+han dmar stob// tho ba ga'u lcags kyu 'dzin// nyi zla stong gi thod phreng can// mdog dkar sprin gyi na bza' can// 'ja' tshon spel ma'i cha ga can// lcags zangs 'khar ba'i snyings zhags 'phen// nyi ma khros pa'i dbang mo che// dkar mo shel gyi go zu can// lag na shel gyi spu gri 'dzin// khrag 'thung khros pa'i dbang mo che// sku mdog nag mo thod khrag 'dzin// bdud rtsi bde sbyor khros ma ni// dmar nag bdud rtsi'i bum pa 'dzin// srid gsum 'tsho byed khros ma ni// ser mo zhing lpags g.yang gzhi gsol// srid pa kun gyi rgyas byed ma// dkar mo skra yi zhags pa thogs/ dbyings phyug rgyal mo zhes bya ba/sngon mo zhing gi dbyug pa thogs// srid pa'i bdag nyid chen mo ni// dmar mo rgyu ma'i zhags pa 'dzin// nam mkhar gcig pur spyod pa ni// ser mo g.yang gzhi chen po brdeb// dkar mo mig gcig ces bya dang// mthing nag mche ba can gyi bdag/ dmar mo chen mo dbang gi rgyal// ser mo las kyi bdag mo che// b+han+da zlum po sul mang dang// lcang lo can dang rgya gram thogs// srid pa thams cad chags byed ma// mthing nag g.yang gzhi rlon pa gyon// mchog chen snying rlon 'dzin cing za// srid pa kun gyi cha snyoms ma// dmar mo stag lpags rlon pa bgos// thod pa khrag bkang 'dzin par byed// 'dod khams gtso mo chen mo ni// sngon mo stag gi g.yang gzhi gsol// lag na khram shing nag po 'dzin// ma mo e ka dza ti ma/ dkar mo sprin dkar 'ja' tshon bgos// kha T+wAM ga dang ti ra 'dzin// gling bzhi stong gi spyi phud ma// dkar mo shel gyi na bza' can// lcags kyu 'od 'phro 'dzin cing dgug/ rin chen ri rab srid 'debs ma// sngon mo mu tig go zu can// rin chen g.yu yi ga'u 'dzin// rdo rje pad+ma gar dbang ma// dmar ser mdog la go zu can// thod pa khrag bkang lcang lo 'dzin// har ting dkar mo dun ting nag/ shan ting dmar mo grub ting ser// dkar nag dmar ser go zu can// 'byung ba bzhi yi dkyil 'khor 'dzin// skam pa mo dang phor thogs ma/ g.yang gzhi ma dang za ba ma/ gsod byed ma dang za byed ma/ snom byed ma zhes bya ba rnams// dkar dang sngo dang dmar dang ser/ rang gi mdog ldan go zu gon// thod khrag dang ni mtshon cha thogs// mche gtsigs ma dang kha 'byams ma// mchu 'jib ma dang rkang ldag ma// dkar nag dmar ser thod khrag 'dzin// lha dang gshin rje klu gnod ni// dkar sngo dmar ser srin mo bzhi// rdo rje thod khrag sbrul zhags dang/ ne'u le'i rkyal pa rin chen 'dzin// 'di dag kyang ni ma lus kun// nga las byung zhing khyod la snang/ de lus rdzogs pa'i dkyil 'khor ste// rab tu grub par bya ba yang// phung po khams dang skye mched dag/ ma lus 'dir ni shes pa dang/ rang bzhin srid pa'i dkyil 'khor de// gnyis med ye shes dbab par bya// gsang chen sems kyi dkyil 'khor de// rtsa bar gnas pa'i nyon mongs drug/dbyings chen drug tu dbab par bya// rten cing 'brel 'byung chos bcu gnyis// bya byed yid chos rtog par bcas// rje dpon mo ni bcu bzhir dbab// sems las byung ba'i rtog pa dag/de dag ma lus 'khor du skye// de nyid der shes dkyil 'khor yin// de nyid kyang ni yang dag pa'i// dngos po'i mtshan ma ngang gis stong// dbyings las 'char zhing dbyings la thim// gnyis su med cing gnyis su snang// du ma las ni gcig dang bral// zhi ba dben pa rtag cing bde// bdag med stong zhing mtshan ma med// smon med mngon par 'dus ma byas// thams cad shes shing thams cad snang// ma bcos snying po bsam mi khyab// rigs kyi rgyal po rtags pa'i gzhi// tshogs kyi gtso mo srid pa'i bdag/ de las dman pa'i rigs can dag/ rang gi tshogs kyi dkyil 'khor dgug/ gnyis med bsten pa'i sbyor ba'i chos// cho ga mnyam pa nyid du bya// gnyis su snang ba tsam gyi phyir// sgo lnga'i ngo bo gsum dag gis// mnyes pa chen po ma lus bya// ji ltar rig pa de nyid kyis// sku gsung thugs mnyes gyur pa yin// byang chub sems kyi char chen dbab// gang la gang gis rtog pa yi// ngo bo de nyid brtags par bya// brjod pa ma lus de bzhin te// snying po sngags su shes pa yin// de ltar khyod kyis he ru ka/ srid pa'i rang bzhin rdzogs shes na// mngon rdzogs bla med go 'phang 'thob// ces bka' stsal to// mu kha le'i rang bzhin srid pa'i dkyil 'khor bstan pa'i le'u ste gnyis pa'o//// de nas gzhan yang khyod nyid kyis// nang gi lus la gnas pa ni// rtsa phran bye ba phrag brgya las// gnas pa stong phrag bdun cu gnyis// bsdus pas brgya dang nyi shu ste// 'khor lo'i rtsa ba bzhi la gnas// de nyid rnam pa gsum du gnas// g.yas g.yon gyi ni dbu ma'o// mi bskyod snang ba mtha' yas dang// sems dpa' chen po kun sbyor te// dngas ma gsum gyi rang bzhin rgyu// yan lag dag tu grags pa yang// steng gi tshangs pa'i gnas dag tu// sum cu rtsa gnyis rab tu gnas// 'og ma gnod pa bskyod pa'i gnas// grong khyer drug cu dag tu grags// me yi srid pa brgyad nyid ni// rnam par shes pa'i rten can no// ngan 'gro srid pa dgu po ni// drug cu rtsa bzhi'i rnam grangs te// rtsib ma dang ni drwa ba dang// pad+ma khri'u lta bu ste// rang bzhin gcig cing tha dad to// ma hAM a ho ngo bo dag/ rang gi rigs kyi kha dog ldan// g.yas dang g.yon dang zung 'jug dang// thabs dang shes rab dbu ma ste// dkar dang ser dang mtshon du med// nyi ma zla ba 'dres dang bskyod// bde ba che dang longs spyod rdzogs// chos dang sprul pa zhes bya ba// ri rab dang ni dpag bsam shing// nyi ma zla ba'i mtshams na gnas// rgya mtsho'i gting du gnas pa ni// rgod ma'i kha yi me 'byung ba'i// ri rab nub tu bzhugs nas ni// gnas skabs bzhi dang brgyad kyis so// de dag bzhon pa lnga yin te// rtsa ba dang ni yan lag gi/ de dag bcu dang nyi shu dang// bzhi bcu brgyad cu brgya drug cu// rim gyis nyi khri chig stong dang// drug brgya la sogs bsam mi khyab// rnam par shes pa'i tshogs kun dang// skyes bu dang ni de bzhin du// lhan cig gnas pas gnyis med de// don chen ma lus sgrub byed pa'i// rtsa bar gyur pa zhes bya ste// las kun byed pa yan lag yin// rtsa bzhi dbus dang lnga las ni// dwangs ma yum chen gtso mo lnga// nyi zla dang ni rgya mtsho dang// rang gi dngos dang brgyad yin no// khros ma bzhi dang sgeg ma bzhi// rgyan byed ma bzhi bcu gnyis dang// gtso mo bzhi dang bcu drug gi/ 'dod pa spyod pa'i 'khor lo rdzogs// srid pa 'di dag thams cad kun// chags par byed dang snyoms pa dang// gcig tu gnas dang spro ba dang// nam mkha'i khams kyi rgyal mo dang// 'dod pa khams kyi gtso mo dang// gling bzhi stong gi spyi phud dang// srid pa 'degs byed rin chen ma// gar gyi dbang mo gnyis las ni// srid pa'i gzhi 'dzin brgyad yin no// phyogs bzhir gru 'degs byed ma dang// las kyi dmag dpon chen mo bzhi// bcu drug gis ni sum cu bzhi// gzugs khams pa yi 'khor lo'o// las kyi srin mo brgyad dang bzhi// dbang chen bzhi dang gdong mo bzhi// sa bdag mo dang ma mo brgyad// gsang ba gsum dang pho nya gsum// nag po'i chung mar grags pa gsum// 'jigs byed ma mo chen mo gsum// sum bcu gnyis kyi rang bzhin gyis// ngan 'gro'i srid pa dgag pa'o// drug bcu rtsa bzhi'i 'khor lo rdzogs// bya dang byed pa bdag po gsum// kun gyi bzhon par bcas pa ni// ri rab dang ni yongs 'du'i shing// srog shing tshul du gnas pa yin// 'di dag ma lus khyod kyi lus// dkyil 'khor bzhi yi bdag nyid kyis// phyi yi don du snang ba yin// longs spyod 'dod spyod dkyil 'khor la// dbyings drug lha drug rtsa ba ste// nye dbang sum cu rtsa gnyis ni// de yi 'khor du gtogs pa ste// ri rab steng gi 'khor lo yi// gnas chen bsam gtan bzhi la ni// bcu drug rang gi bdag po ste// bya dang byed pa'i tshul gnyis kyis// sum cu rtsa gnyis 'dod pa bsdus// drug cu bzhi la zug rngu med// bde chen 'bras bu'i 'khor lo rdzogs// gling bzhi dang ni gling phran brgyad// lam rten chen po 'dzin pas ni// 'dzam bu gling du grags pa la// chos kyi 'khor lo zhes bya rdzogs// dmyal ba'i srid pa nyi shu dang// de yi nyon mongs nyi shur bcas// dbyings gnas pa dang 'thor ba dang// sgrib pa gnyis bcas drug cu bzhi// nyon mongs las ni sprul pa yis// rab tu 'khor ba'i 'khor lo rdzogs// phyi yi rten 'brel bcu gnyis kyi// lugs su byung dang bzlog pa yis// gnas dang yul du snang ba ste// nyi shu rtsa bzhi kun la khyab// lus la rdzogs pa phyi dang nang/ tshul de ma rtogs gzhan ma yin// rnal 'byor chen po grol ba'i tshul// 'khor lo bzhi la gang gnas pa// sad ldog 'bar 'dral 'du zhing 'char// zag med bskyed pas bde bar 'gyur// rnam pa nyi shu rtsa gcig gis// pha rol skye ba bar ma do// drug gam bdun gyis slong bar brjod// de nyid g.yo dang rang gi khams// gzugs brnyan dag dang gsum yin te// 'phar dang 'phro dang brtan pa dang// thod rgal rab tu 'bar ba'o// rtsa ba lnga dang yan lag lnga// ngo bo ming gi bye brag go/ bsam gtan srog rtsol dbugs rngub dang// sdud dang 'dzin pa'i ting nge 'dzin// ldang 'jug gnas pa gcig dang gsum// lus dang shes pa g.yo ba dang// rab 'bring tha ma gsum gyi 'gyur// srog 'dzin me mnyam thur sel dang// gyen du rgyu dang khyab par byed// chos dang sprul pa gsang ba dang// longs spyod bde chen dbang gi gnas// 'brel 'ju 'dzin 'phro rgyu ba'i las// zug rngu sgra 'byin 'gro 'ong gcod// smra zhing 'khor ba 'dzin par byed// stong dang gsal dang ring ba dang/ thung dang bde bas lus khyab dang// gnas skabs rang gis byed par 'gyur// rgyu dang rab rgyu shin tu rgyu// mngon par rgyu dang yang dag rgyu// mig dang rna ba sna dang lce// ba spu'i gnas kun khyab pa ste// mthong dang thos tshor myang reg ste// bsam pa de nyid rtogs par byed// dor zhing brlab dang bsgom pa yis// rtsa ba yan lag kun la khyab// snang dang dran rtog byung rgyal dag/ mos pa lhag bsam mnyes pa dang// yang dag thun mong lta ba dang// rten cing 'brel ba'i byin rlabs kyis// longs spyod snyoms 'jug bde ba bsgom// rgyas pa'i rten gyi nyi zla gnyis// g.yas g.yon mdun du ring dang thung// gsum gsum dgu dang bud dang rngubs// 'khor yug gsum gyi sbubs su sbed// rlung gi dkyil 'khor rab bsdams nas// dpag bsam shing gi yal ga bcing// nyi zla steng gi phyogs su 'phang// gling bzhi gling phran tshags su gzhug/glog dbyung 'brug sgra bsgrags par bya// glang chen stag dang spyang ki wa// 'og ma'i gnas nas rim bzhin 'phang// rnam par grol bas lus la dgram// dbab dang bskyil dang bzlog pa dang// bgos pa skye rags zhags pa dang// 'khor lo bus pa'i 'dug stangs kyi// bdud rtsi'i don du 'gyur ba'o// yul gnad dgu bcu rtsa bdun 'dra// dgu dang drug dang gcig tu bsdu// me dang thog dang shing dang srub// de yi 'khor lo thig le ste// rang gi lam bzhin skyong ba'o// drug cu rtsa bzhi'i gnas su byung// gtso bo brgyad kyi aM dang bcas// rab tu 'bar ba de nyid bsam// phyi nang gsang ba'i bzhon pa las// 'degs byed 'byung dang snyom pa dang// 'jig dang gcod dang bying ba dang// las byed 'bigs dang kun tu khyab// dang po'i rgyu yi bye brag go/ gyen thur 'gro dang dwangs snyigs 'byed// snying rje med dang snying rje dang// snyom dang 'byed dang snyom pa dag/rten gyur byang chub sems yin no// nyi khri chig stong drug brgya dag/ 'byung dang 'jug dang gnas dang gsum// bcu drug re re skad cig ma// 'byung zhes 'gro ba 'khrul dang grol// ma lus de yis byed pa'o// rgyal po pho brang 'khor 'dra bas// lus kyi dkyil 'khor las byed pa// dur khrod chen po'i gnas brgyad de// shar lho nub byang mtshams bzhir bcas// lha klu phyogs dang zhing skyongs shing// me chu shing dang sprin dang ri// skra dang ba spu so sen mo'o// zil dang rlung dang 'phro ba yis// rang gi phrin las nges bsgrub pa// rtags dang yon tan skyed pa'i tshul// sdig dang 'bral dang spang ba dang// thob dang rdzogs dang snang dang 'grub// bcom ldan b+ha ga las skyed cing// sbyang bya bsgrod bya gnas bya dag/ lnga dang bcu gsum gsum dang lnga// bdag nyid rdzogs pa der gnas so// de bas nga ni mngon rdzogs pa'i// rgyal po bla na med pa'o// mu kha le zhes bya ba yang// mthar thug don gyi gzhi yin te// de nyid kho na'i bdag nyid do// zhes bka' stsal to// mu kha le phung po lus kyi dkyil 'khor bstan pa'i le'u ste gsum pa'o//// de nas gzhan yang khyod nyid kyi// byang chub sems la gnas pa ni// thun mong dang ni khyad par te// don dam kun rdzob rang bzhin gyis// thabs dang shes rab bdag nyid brgyud// sdom dang bsdam par bya ba dang// bslab dang shes par bya ba dag/ snang dang rtogs pa rig pa'i tshogs// sgyu ma rmi lam smig rgyu dang// mig yor sprul pa dri za'i grong// gzugs brnyan brag cha sgra brnyan tshogs// ji srid tsam du mtshon pa las// skye mtha'i srid pa man chad du// smon lam tsam du dam bca' zhing// lus ngag yid kyis rab 'jug pa'i// rtsol dang bsgrub pa gang yin pa// phung pos bsdus pa'i shes pa lnga// kun gzhi khyod kyi bdag nyid la// mkha' bzhi dbyings lnga nyid dang bcas// mig dang rna ba sna dang lce// lus dang yid rnams de yi yul// bskyed cing mched pa bcu gnyis kyi// rang bzhin bya ba yid kyi dngos// bcu bzhi 'khor gyi rtsa ba ste// gzhan yang khams dang nyon mongs pa'i// nye ba las ni mngon gyur dang// kun 'gro lnga dang 'gyur ba bzhi// khyab pa gcig gis lnga bcu brgyad// gtso dang 'khor gyis rab bsdus pa// thun mong sems kyi dkyil 'khor bstan// de las khyad par gyur pa ni// don dam shes pa zla ba'i gnas// byang chub sems kyi rgyal po ste// 'dod chags gtso mo yum dang bcas// mkha' bzhi las ni dga' ba dang// skad cig gnas pa dbyings ma lnga// gnas skabs dang ni nus pa drug/ tshul gnyis kyis ni bcu bzhi ste// de dag 'khor du skye ba'o// de dang de las srid pa yis// brda' dang gnas dang shes pa dang// phrin las byed pa la sogs kyi// rang gi chos dang longs spyod dang// bde chen sprul pa'i gnas dag tu// spro dang bsdu dang brtan pa las// bya ba sna tshogs spyod pa dag/ chos kyi bdag tu 'dzin pa grol// der snang chos kyi dbyings dkyil la// rig pa'i ye shes sna tshogs pa// gtso dang 'khor du bcasapa grub// de yi 'bras bu tshul chen yang// sku drug las ni ma nor dang// ma lus mkhyen pa bcu gnyis te// don gnyis mdzad pa de dag dang// gzhan gyis rig par bya ba las// 'das byed bsam gyis mi khyab pa// gdul bar bya ba rnams la snang// dus gsum dus med rtogs pa dang// 'bad rtsol bsam shes yod min zhing// gang la 'dod pa de bdag nyid// mu kha le yi chos nyid de// gsang chen sems kyi pho brang la// gab pa'i gter du snang ba ste// 'jig rten pa ru grags pa min// de bas nges bzung brtag pa dang// bzlog cing dgrol bar bya ba ste// mnyam pa nyid du gang skyes pa// mnyam nyid skyes par de brjod do// snang ba dang ni sems nyid de// rgyu dang thabs dang 'bras bu dang// gzhi dang lam dang rang bzhin dngos// lus dang longs spyod chud mi gson// gtong dang gzhan gyi don spyod pa// so sor 'gro bas thar pa dang// ma lus mnyam par rdzogs spyod pa// rig pa'i snying po byang chub pa// bla na med pa yongs bzung zhing// rang bzhin mnyam nyid 'byung ba'i gzhi// thabs kyi gnas skabs 'bras bu gsum// stong dang mtshan ma smon pa med// rten byed lus la g.yas g.yon dbus// 'dod chags zhe sdang gti mug gis// 'byung 'jug gnas dang 'du ba bzhi// phan gnod btang snyoms sbyor lags so// thog mar mnyam pa nyid du skyes// thabs kyi mnyam nyid skyes pa la// shes rab lhan cig skyes pa yis// rab 'bring tha yi yul rnams la// 'du shes gsum gyis rab sbyangs te// sdug bsngal bral zhing bde ba dang// rnam par rtog pa spangs pa dang// dngos kun ma lus gsal ba yis// stobs dang drod dang 'dren pa dag/yan lag nyi shu rtsa bzhi ste// rigs kyi don du snang ba yis// lus dang sems kyis gzhan don spyod// mdangs ldan zhen pa ched 'dzin bral// zug rngu 'bad pa rtsol ba med// mchog gi yum dang phrad nas kyang// rig pa 'dzin pa brnyes 'gyur zhing// ngan 'gro'i lus kyi rtog pa spang// skye 'chi las dang srid pa la// snga ma phyi ma rim gyis 'byung// gsang ba rig pa brtul zhugs spyod// dbang po pa las spags pa yis// mngon par shes pa la sogs pa'i// rang bzhin yon tan rgyas pa yis// bar du gcod pa mtha' dag bzlog/ spros pa'i rtog pa nye bar zhi// 'dus ma byas shing lhun gyis grub// mtshon rdzogs dpe byad 'bar ba dang// mnyam sbyor yan lag yul dang bcas// zag med bde ba rgyun mi 'chad// snying rje sreg dang mkhyen par ldan// yul snang dag pa rgyud mi 'chad// mnyam nyid lhan cig skyes pa'o// rang bzhin rgyu 'bras tshogs pa yis// dbyer med lhan cig skyes pa'o// nga nyid mngon du rdzogs pa ste// chos dbyings rig pa'i ye shes dang// dbyings dang ye shes gnyis med pas// dkar dmar mthing ga'i dbur bstan cing// dbyings las 'gyur med mthing ga'i mdog/ bag chags 'joms byed g.yas rdo rje// chos kyi sgra sgrogs g.yon dril bu// gdug pa 'dul mdzad sbrul zhags g.yas// 'khor ba dbang sdud g.yon b+han+da// dreg pa 'dul mdzad g.yas s+t+wa te// tshe srog mdangs sbed ga'u g.yon// rdzu 'phrul rkang pa zhabs bzhir bgrad// gti mug 'dod chags zhe sdang dang// nga rgyal phrag dog sel ba yi// glang chen mi dang stag dang dom// thal ba rak+ta thod phreng dang// me ri 'bar bas brgyan pa'o// mu kha le ni dbyings kyi yum// mi 'gyur mthing nag chos kyi sku// ye shes lnga yi zhal byung zhing// 'byung ba lnga yi mkha' gsang can// rdo rje dril zhags bdud rtsi g.yas// dril bu b+han+da g.yang gzhi g.yon// nyon mongs 'joms shing snying rjes 'dzin// 'chi med dngos grub stsol bar mdzad// bcud 'gyur bde ba ston pa dang// chos nyid mnyam par longs spyod pa'o// zhabs brgyad rnam thar brgyad kyi ngang// 'khor ba dang ni mya ngan 'das// don dam kun rdzob bden pa'i dngos// dbyer med 'du 'bral med pa dang// rgyun mi 'chad par spyod pas te// don chen gab cing sbas pa'i gter// mngon rdzogs rgyal po'i sku gsung thugs// dgongs pa'i khyad par gang yin pa'o// snang zhing srid pas bsdus pa dang// rnal 'byor lam gyi ye shes kyis// grol zhing rtog pa ma lus dag/shar zhing snang bar brtags pa de// mi spang mi 'geg lam mchog ste// de bas mu kha le zhes bya// zhes bka' stsal to// mu kha le gsang ba sems kyi dkyil 'khor bstan pa'i le'u ste bzhi pa'o//// de nas gzhan yang khyod nyid kyis// lus la 'byung ba'i dkyil 'khor gang// thun mong chos su bshad pa ni// drag po sngags kyi cha byad can// phrin las mi bzad cher sbyar bas// dur khrod 'jigs pa'i gnas song ste// srid pa'i dkyil 'khor 'jig rten las// de dkyil mngon rdzogs he ru ka/ dbu dgu bco brgyad phyag dang ldan// chos nyid kun tu bzang mo nyid// mkha' bzhin dag pa'i rang bzhin las// 'bebs dang bskyod dang skul byed ma// len tshor tshims par byed pa dag/ snom byed ma dang ma mo bdun// yab kyi rnam shes tshogs dag las// ma mo brgyad ni phyag g.yas la// yul brgyad phra men phyag g.yon la'o// phra thabs bum thabs bsnams pa ni// phyag mtshan las kyi dkyil 'khor ro// de yis 'jig rten dregs pa gzir// brgya byin gyi ni gdan dag la// sha las rnam snang gsal du bskyed// gshin rjer drod las 'od 'bar gsal// khrag las mnyen gsal chu bdag steng// dbugs las yang gsal gnod sbyin gnon// mdun du bdud la bkrag las ni// de nyid gsal ma bskyed pa yin// rgya mtsho ma dang nyi zla dang// bde chen byang chub sems rtsa las// dpal 'bar khro mo bskyed par bya// phung byed sbas pa'i ma bzhi dag/ so sor bskyed la bsgyel ba la// dwangs ma bzhi las yum chen mo// bde ba za byed rgyas 'debs ma// tshe 'phel ma dang rmongs byed ma'o// khros ma bzhi dang dges sde bzhi// gdan dang dbang po sgo bzhi dang// rnam shes rig par bcas pa las// khams gsum gdar sha gcod ma bskyed// chags byed cha snyoms bsgyel ba la// gsang ba'i rtsa las dug gsum dag/ dbang sdud ma mo bskyed par bya// e ka dza ti spun drug la// gzhung chen rtsa las skye shi dag/ rtsa gcod byed ma bskyed par bya// 'dod khams gtso mo spun gnyis la// srog gnas pa yi rtsa la ni// pad+ma kro tI shwa rIr bskyed// nam mkha'i rgyal mo bsgyel ba la// lte bar gnas pa'i rtsa chen las// yak+sha kro tI shwa rir bskyed// ma bdun gdan la snying rtsa las// rak+sha kro tI shwa rI ma// dmag gi rgyal mo bzhi nyid dang// srid bzhi'i gdan la rkang lag bzhi// sa ma kro tI shwa rI'o// dbang phyug ma mo nyi shu brgyad// nyon mongs yid kyi rnam shes las// g+hu h+ya kro tI shwa rI ma'o// bsgom bya ma mo bcu gsum la// lha chen drug cu rtsa brgyad bskyed// drag shul gdan gyi dkyil 'khor lo// mngon rdzogs rgyal po'i dbu gtsug la// rta mgo mgrin sngon byung ba ni// thams cad dbang du byed pa ste// zhal nas hrIHyi sgra byung bas// thams cad zil gyis gnon pa'o// nga rgyal gyi ni gdon rnams kyi// snying khrag zhal du rngub par byed// dam tshig pa la bzhag pa yis// rbod cing gtong ba'i phrin las nyid// srid gsum ma mo mkha' 'gro dag/ dbang gi ma dang tshe yi bdag/ nad rims mthu dang rdzu 'phrul gyis// rang gzhan don du bsgyur ba dang// gang rigs pa las dmigs pa ni// phrin las rdzogs pa'i dkyil 'khor yin// spyi bdun dmag dang dpung bsdu dang// dmag drangs pa dang dpon bsko dang// ngo bslang lhag ma bsdu ba dang// mdun dpung bshigs dang gtor ba dang// mchod dang dus gdab las rnams la// gcig tu dril dang so so yis// bsnyen pa dang ni 'khor lo bskor// sgo thun dbab pa brnag pa'i grogs// thams cad gzugs kyis bskang ba dang// zhi ba chen por byas pa dang// dbang dang drag shul phur pa dang// phra men so sor dbye ba dang// ngan sngags thun gyis bsad pa'o// gnad la dbab pa'i blta spyod kyi// dgug pa gsum gyis gdags pa dang// ma lus don la sbyar ba ni// phrin las rdzogs pa'i dkyil 'khor yin// rang las bsngags pa'i gnas de ru// yo byad gsum gyi phun tshogs nas// mtshan dang ldan pa'i grogs mchog dang// rnam shes rten rdzas bcu gcig ldan// snod chen lcang lo yang dag ldan// rak+tar bcas dang mar me btang// shun pa'i sprin dang bla re dang// chas gos shun chen ral ga bgo/ spyi blugs zhwa dang phreng ba dang// rigs bzhi mchog gi phur pa dang// stag dang glang chen bgo ba dang// sems can chen po lnga dag gi/ dbang po don snying yan lag dag/ rgyal mtshan bla re za ra tshag/ rang gi rigs dang rnam grangs mthun// mchod chen rab tu sbyar bas ni// gnas dang phrin las dmigs par bya/ A+oM hUM badzra shrI he ru ka hUM a a/ A+oM gu h+ya dz+nyA na shrI he ru ka gu h+ya dz+nyA na kro tI shwa rI s+t+wam/ ma ma yo gi nI ru lu ru lu hUM b+h+yo hUM/ A+oM nyid bzhi mu kha le kro d+hI shwa rI b+ha ga pad+mar+ya bde klong 'dus 'dus na snying dza/sha yu ti ni hUM b+h+yo hUM/ A+oM g+hi sa mu hUM ha/ A+oM dz+wa la ram pa ha/ A+oM b+hi sha san ti ha/ A+oM b+hi yaM yaM ha/ A+oM ma hA lo te ha/ A+oM kro d+hI shwa rI b+ha ga pad+mar+ya hUM hUM/ A+oM badzra shAn ti pad+ma ka ru ting b+h+yo/A+oM mu tri ni b+h+yo/ A+oM a shan tri ni b+h+yo/ A+oM b+ha ga dun tri ni b+h+yo/ A+oM kha mun dan tri ni b+h+yo/ A+oM badzra sur+ya bi to a to ye/ A+oM badzra pad+ma bi to a to ye/ A+oM badzra kha rag bi to a to ye/ A+oM badzra sring 'gro bi to a to ye/A+oM badzra a keM a keM b+h+yo/ A+oM badzra ta keM ta keM b+h+yo/ A+oM badzra nI la nI la b+h+yo/ A+oM badzra lan d+ha lan d+ha b+h+yo/ A+oM badzra dza traM mu raM shaM badzra dza traM mu raM shaM b+h+yo/ A+oM badzra kha rag snying kha rag ma b+h+yo/ trag rag sha trag rag sha b+h+yo/trag rag sha mu tra baM kha mu tra baM rak+sha b+h+yo/ pra ka ra ka ti tiSh+Tha b+h+yo/ pra g+hi wa g+hi sha b+h+yo/ oM hUM ka ri ka/ ba rod+d+ha rod/ nI la chu mi ha/ kha T+wAM ga/ da la tsa la/ pad+ma tsan+da/ ma gu ra ga te/ ting saM ting saM/ A+e A ra li/ bu byi ru lu ru lu b+h+yo/ trag rag sha trag rag sha b+h+yo/ a ting a ting b+h+yo/ byi ting byi ting b+h+yo/ su ting su ting b+h+yo/ yu ting yu ting b+h+yo/ badzra shAn+tiM shIn+taM b+h+yo/ badzra dun+ting dun+ting b+h+yo/ badzra har ting har ting b+h+yo/ badzra grub ting grub ting b+h+yo/te saM te saM b+h+yo/ a bar d+ha la a bar d+ha la b+h+yo/ d+ha la d+hu na d+hu na b+h+yo/ d+hi na ma ma ya sa ma ma ya sa b+h+yo/ rang gi las kyi mtha' yis te// gsang sngags thun gyis gsad dang gso// gang gis gang la bsngags pa de// he ru ka yi gsung gi sgra// drag sngags bsgrub pa'i dkyil 'khor ro// zhes bka' stsal to// mu kha le thun mong las kyi dkyil 'khor bstan pa'i le'u ste lnga pa'o//// de nas gzhan yang khyod nyid kyi// sku dang mtshungs par bstod pa ni// hUM bcom ldan che mchog he ru ka/ mthing nag zhal gsum phyag drug ste// zhal g.yas dkar ba chos kyi dbyings// g.yon dmar rig pa'i ye shes nyid// dbus mthing gnyis med 'gyur ba med// phyag g.yas dang po rdo rje ni// bag chags rtog pa ma lus 'joms// bar ma dril bu chos sgra sgrogs// tha ma sbrul zhags gdug pa 'dul// g.yon gyi dang po b+han+da ni// 'khor ba zhal du rngub cing gsol// bar ma g.yang gzhi ma tshogs 'dul// tha ma ga'u bkrag mdangs sbed// rdzu 'phrul zhabs kyi bdud bzhi gnon// dur khrod chas brgyad rdzogs pa ni// sa brgya mnan pa'i rtog pa 'dul// kun tu bzang mo mu kha le// dbu gcig zhal ni phyogs bzhir gzigs// sku gcig mkha' gsang phyogs bzhir bgrad// sku mdog mthing nag 'gyur ba med// chos kyi sku yi dbu gcig las// ye shes lnga yis kun tu gzigs// pha rol phyin drug phyag rgya las// dang po rdo rje dril bu bsnams// nyon mongs 'joms shing chos sgra sgrogs// bar ma dril zhags b+han+d+ha ni// khams gsum spros bral sa la 'god// tha ma bdud rtsi g.yang gzhi yis// thugs rje longs spyod mnyam par mdzad// mkha' bzhi bde klong gcig tu 'khril// rigs lnga gcig tu skyed cing sdud// zhabs brgyad dregs pa'i lha brgyad gzir// rnam par thar brgyad lam la 'god// gnyis su med pa'i 'phro 'du las// byang chub sems kyi sprin tshogs las// ye shes ma mo 'char zhing 'phro// las kyi ma mo rbod cing gtong// sprul pa'i ma mo mchod cing lha// mngon rdzogs yab yum sku la bstod// shar phyogs mkha' 'gro seng ge'i gdong// rtag pa'i rgyal mo rnam snang gsal// sku mdog dkar mo shel ltar dag/ dkar la dag pa'i na bza' gsol// dbu gsum phyag drug zhabs bzhir bgrad// mi 'jigs seng ge'i gdong dang ldan// dang po rdo rje b+han+da 'bar// bar ma dgra s+t+wa gtun shing brdeg/ tha ma seng ge mchog chen snyod// zhabs bzhi brgya byin steng nas bgrad// lho phyogs mkha' 'gro ba glang gdong// rtag pa'i rgyal mo 'od 'bar gsal// sku mdog sngon mo 'bar ba la// na bza' mthing sngon baiDUr+ya// dbu gsum phyag drug zhabs bzhir bgrad// dang po rin chen b+han+da 'bar// bar ma me dbal dbyug to bsnams// tha ma stag mo zhing chung snyod// zhabs bzhi gshin rje'i steng na bgrad// nub phyogs mkha' 'gro sud ka'i gdong// rtag pa'i rgyal mo mnyen gsal ma// sku mdog dmar mo 'bar ba la// na bza' dmar mo dbang gis mdzes// dbu gsum phyag drug zhabs bzhir bgrad// dang po pad+ma b+han+da 'bar// bar ma zhags pa tri shU la// tha ma ce spyang zhing chung snyod// zhabs bzhi chu bdag steng na bgrad// byang gi mkha' 'gro khyung chen gdong// rtag pa'i rgyal mo yang gsal g.yos// sku mdog ljang gu 'bar ba la// na bza' ljang gu baiDUr+ya// dbu gsum phyag drug zhabs bzhir bgrad// dang po rgya gram b+han+d+ha bsnams// bar ma dbyug tho rgyu phreng 'dzin// tha ma spyang mo zhing chung snyod// zhabs bzhi gnod sbyin steng du bgrad// nam mkha'i mkha' 'gro rdo rje mchu// rtag pa'i rgyal mo bkrag gsal mnyam// sku mdog ser mo 'bar ba la// na bza' ser po btso ma gser// dbu gsum phyag drug zhabs bzhir bgrad// dang po 'khor lo b+han+da 'bar// bar ma rgyal mtshan spu gri 'dzin// tha ma 'ug pa zhing chung snyod// zhabs bzhi bdud kyi steng na bgrad// yum chen rtag pa'i rgyal mo lnga// dbyings kyi yum la phyag 'tshal bstod// ma chen srid pa bde 'gro ma// khams gsum kun gyi yum mchog ste/ sku mdog mthing nag 'bar ba la// dbu gsum phyag drug zhabs bzhir bgrad// g.yas dkar g.yon dmar dbus mthing zhal// phyag g.yas dang po 'khor lo bskor// bar ma g.yang gzhi bsnams shing brdeb// tha ma tshe yi ga'u sbed// g.yon gyi dang po rin po che// bar ma b+han+da dmar gyis bkang// tha ma lcags kyu 'bar ba bsnams// zhabs kun brjid pa'i tshul gyis bzhugs// ma gcig nyi zla thod phreng can// sku mdog dkar mo 'od dang bcas// sprin dkar brtsegs pa'i na bza' can// 'ja' tshon 'od kyi cha ga can// nyi zla stong gi dbu thod can// phyag g.yas zangs lcags dkar nag la// snying gis brgyus pa'i zhags pa 'phen// g.yon pas nyi zla'i zhags pa 'phen// zhabs gnyis brjid pa'i tshul gyis bzhugs// nyi ma khros pa'i dbang mo che// sku mdog dkar mo 'bar ba la// na bza' shel gyi go zu gsol// phyag na shel gyi spu gri bsnams// khrag 'thung khros pa'i dbang mo che// sku mdog sngon mo 'bar ba la// na bza' g.yu yi go zu gsol// phyag na thod khrag 'dzin cing gsol// bdud rtsi khros pa'i dbang mo che// sku mdog dmar mo 'bar ba la// na bza' le brgan go zu gsol// phyag na bdud rtsi'i bum pa bsnams// srid gsum khros pa'i dbang mo che// sku mdog ser mo 'bar ba la// na bza' ser po gser ltar 'tsher// phyag na rgyal mtshan zhing lpags bsnams// dkar mo srid pa'i rgyan byed ma// lag na skra yi zhags pa thogs// sngon mo dbyings phyug rgyal mo ni// zhing gi dbyig pa phyag na bsnams// dmar po bdag nyid chen mo ni// phyag na rgyu ma'i zhags pa bsnams// ser mo chen mo gcig spyod ma// phyag na zhing gi g.yang gzhi brdeb// dkar mo chen mo mig gcig ma// phyag na b+han+da zlum po bsnams// nag mo chen mo mche ba can// phyag na b+han+da sul mang thogs// dmar mo chen mo dbang sdud ma// phyag na b+han+da lcang lo thogs// ser mo chen mo tshe 'phel ma// phyag na thod pa rgya gram thogs// las kyi srid pa chags byed ma// sku mdog mthing nag 'bar ba la// na bza' g.yang gzhi rlon pa gsol// phyag na tsit+ta 'bar ba bsnams// rnal 'byor srid pa cha snyoms ma// sku mdog dmar mo 'bar ba la// stag lpags rlon pa'i na bza' gsol// lag na thod pa khrag bkang thogs// ma mo e ka dzA Ti ma// sku mdog dkar gsal 'bar ba la// na bza' sprin gyi go zu gsol// 'ja' tshon 'bar ba'i 'od kyis brgyan// kha T+wAM dang ni zhing chen bsnams// 'dod khams gtso mo chen mo ni// sku mdog sngon mo 'bar ba la// sku stod stag gi g.yang gzhi la// sku smad zangs kyi sleng mas g.yogs// phyag na bdud kyi khram shing thogs// gling bzhi spyi phud bdag mo ni// dkar mo sgeg pa'i cha byad can// na bza' shel gyi go zu gsol// phyag na lcags kyu 'od 'phro thogs// rin chen srid 'debs chen mo ni// sku mdog sngon mo chen mo la// mu tig khu 'phang go zu gsol// phyag na g.yu yi ga'u thogs// pad+ma gar gyi dbang phyug ma// sku yi cha byad dmar mo la// le brgan dmar mo'i go zu gsol// phyag na thod phrag bsnams shing gsol// rdo rje gar gyi dbang phyug ma// sku mdog ser mo 'bar ba la// na bza' gser gyi go zu gsol// phyag na thod khrag lcang lo thogs// ma mo har ting dkar mo ni// sku la shel gyi go zu gsol// lag na chu yi dkyil 'khor thogs// grub ting ser mo chen mo ni// sku la gser gyi go zu gsol// lag na sa yi dkyil 'khor thogs// shAn ting dmar mo chen mo ni// sku la bye ru'i go zu gsol// lag na me yi dkyil 'khor thogs// dun ting nag mo chen mo ni// sku la g.yu yi go zu gsol// lag na rlung gi dkyil 'khor thogs// srin mo chen mo skam pa mo// sku mdog dkar mo go zu can// lag na shel phur b+han+da thogs// srin mo chen mo phor thogs ma// sku mdog sngon mo go zu can// phyag na thod phrag bsnams shing gsol// srin mo chen mo g.yang gzhi ma// sku mdog dmar mo go zu can// phyag na b+han+da thod sbam thogs// srin mo chen mo za ba mo// dmar mo phyag na lpags rlon thogs// srin mo chen mo gsod byed ma// ser mo b+han+da ral gri thogs// srin mo chen mo ze byed ma// ser nag b+han+da lcags kyu thogs// srin mo chen mo snom byed ma// dkar mo b+han+da rlon pa thogs// shar gyi dkar mo mche gtsigs ma// phyag na thod pa dkar po thogs// lho yi nag po kha 'byams ma// phyag na b+han+da sngon po thogs// nub kyi dmar mo mchu 'jib ma// phyag na b+han+da dmar po thogs// byang gi ser mo rkang ldag ma// phyag na b+han+da ser po thogs// gling bzhi mgyogs ma lha yi sring// dkar mo rdo rje rtse gsum thogs// mkha' la khyung lding gshin rje'i sring// sngon mo phyag na thod dbyug thogs// dmar mo g.yag thod klu yi sring// dmar mo sbrul nag zhags pa thogs// nag mo sder chen gnod sbyin sring// ser mo ne le'i rkyal pa thogs// ma mo chen mo 'di rnams kyang// ye shes sngon du brnyes byas kyang// phrin las tshogs kyi gtso bo ste// thugs ni dbyings las 'gyur ba med// gsung ni grag stong chos kyi gsung// sku ni sna tshogs sprul pa'i sku// yon tan ma lus phun sum tshogs// phrin las drag shul gdug pa 'dul// res 'ga' 'jig rten srid pa'i tshul// res 'ga' gab sbas gsang ba'i tshul// res 'ga' rnal 'byor grol ba'i tshul// res 'ga' drag po sngags kyi tshul// kun kyang dur khrod chas kyis brgyan// ma mo'i tshogs la phyag 'tshal bstod// ces bka' stsal to// mu kha le lus kyi dkyil 'khor la bstod pa'i le'u ste drug pa'o//// de nas gzhan yang khyod nyid kyi// sku gsung thugs kyi dgongs pa dag/ma lus bskang bar bya ba yang// phyi ru thams cad gzugs kyis bskang// ri rab ri bdun bcas pa dang// gling bzhi gling phran bcas pa dang// rgya mtsho 'khor yug bcas pa dag/'dod khams lha dang shes ldan mi// mkha' lding bya dang 'dab chags tshal// cang shes rta dang theg chen glang// shel dkar lug la tshe tshe ra// gcan gzan gdug pa zhe sdang khyi// mkha' la rgyu dang sa las skyes// chu la gnas dang sa 'og 'dzul// sgra dang dri ro reg par bcas// ji ltar 'byor pa kun gyis bskang// nang du ma hA su khas bskang// lus kyi dkyil 'khor gnas pa bzhi// byang chub sems dpa'i pho brang tshogs// bskyed dang srog dang rtsol ba dang// spel dang bsdu dang snyoms 'jug dang// 'jug pa gnas shing ldang ba dang// dbab dang bskyil dang bzlog dang dgram// bzung dang rang gnas dgram pa ni// de dag bskang ba'i mchog yin no// gsang ba dbyings kyi ngang du bskang// snang ba dang ni stong pa ste// thabs dang shes rab nyid kyis so// bde ba'i rnam pa gsal ba ste// gsal ba de ni mi rtog pa'o// mi rtog pa ni ye shes kyi// ye shes de ni dbyings kyis so// ma lus pa ni des bskangs pas// sangs rgyas byang chub sems dpa' dang// rgyal ba sras dang bcas pa mnyes// yon tan tshogs su bskang ba yang// skyes pa'am ni bud med kyis// ti ra rgyu mchog mtshan ldan de// phyi nang khrus kyis dag byas te// shes pa dag gis byin brlabs nas// lus kyis mngon rdzogs rgyal po ste// yid kyis mu kha le khyed nyid// rnam snang mdzad pa rus pas te// 'od 'bar gsal ma drod kyis so// khrag gis mnyen gsal ma nyid de// yang dag gsal ma dbugs kyis so// gzhan yang don snying nang rol dang// dbang po yan lag nying lag gis// ma mo tshogs dang bcas pa yi// sku gsung bcas pa ma lus bskang// phrin las khyad par las kyi mchog/ bsgrub pa'i don phyir bsgral ba'i rgyu// srog mdangs ji snyed gnas pa yis// phrin las bdag mo de dag bskang// bsgrub pa chen po rgyun du ni// bskyed dang dgug dang gzhug pa dang// bcing dang gnyis su med pa dang// spyan drangs pa dang phyag btsal zhing// mchod cing bstod pa bzlas pa yis// bskang bar bya ba nyid yin no// 'di la byang chub bla med phyir// smin par bya ba 'di nyid kyi// phyi dang nang dang gsang ba yis// zhi ba byang chub sems shes byed// bum pa dang ni shes rab dang// kun rdzob don dam byang chub sems// rim pa gang gis yang smin bya// rgyal ba'i dkyil 'khor bskang ba'o// nam mkha'i khams kyis khyab pa yi// snod bcud 'byung ba chen po dag/ rten sa gzhal med khang pa dang// brten byed lha yi 'khor lor shes// lus kyi bya ba sngon song nas// 'dod pa'i yon tan mchod pa'i tshogs// smra brjod tshig gis bstod pa dang// bzlas pa sngags kyi 'khor los te// sgra ni rnam pa ma lus pa// he ru ka yi gsung yin te// bzlas pa rgyun gyi rnal 'byor yin// yid sems rtog pa bsam pa'i tshogs// myong reg 'gyu ba dran pa dang// blo dang bya byed 'dzin pa dag/ byang chub sems kyi rang bzhin las// 'dzin pa dang ni bzung ba dang// bya ba dang ni byed pa'i tshogs// da dang mu kha le zhes pa'i// dngos por gyur pa thams cad de// nga dang khyod las ma gtogs pa'i// chos gzhan gang yang yod ma yin// nga yi rang bzhin yongs shes shing// mtshan nyid go bar byas mtshungs shing// 'du 'bral med par thag chod cing// blang dor med par la dor nas// dmigs pa med par bsgom par bya// mnyam sa gtsang sbras gzhi bzung zhing// rim pa'i tshul gyis smin byas te// byang chub chen po'i lam bgrod pas// ma lus 'thob par bya ba yin// rab 'bring tha ma'i blo rigs kyis// tshe 'di dang ni bar ma do// brgyud pa'i skye ba tshun tshod kyis// dam pa de nyid 'thob par 'gyur// zhes bka' stsal to// nyid kyi sku gsung thugs las byung ba'i// yum chen mo mu kha le'i sku'i dkyil 'khor thams cad dbyings kyi ngang du bsdus te// yab yum gnyis su med pa'i bde ba chen por snyoms par zhugs par gyur to// 'jig rten dang 'jig rten las 'das pa'i ma mo dang mkha' 'gro ma rnams ni// mngon rdzogs rgyal po yab yum gyi bka' rjes su bsgrub par gyur to// bstan pa'i tshogs thams cad ni// rdo rje rigs pa 'dzin pa byang chub sems dpa' rnams kyi thugs la gnas par gyur to// mu kha le sku'i dkyil 'khor yongs su rdzogs pa kha skong ba'i le'u ste bdun pa'o//// ma mo 'bum gyi ti ka bsdus pa/ rtsa ba'i rgyud rdzogs so// rgya gar gyi mkhan po slob dpon chen po pad+ma 'byung gnas dang// bod kyi lots+tsha ba bai ro tsa na bdag gis bsgyur cing zhus te gtan la phab pa'o// rgyal po'i bla dpe'o// gter rgya/ sbas rgya/ gtad rgya/ shog ser las bris so//// rgya gar skad du/

CLOSE WINDOW