CLOSE WINDOW

Gpb018.007
བོད་ཡིག

/ rgyal po'i bla dpe'o// gter rgya/ sbas rgya/ gtad rgya/ rgya rgya rgya//// rgya gar skad du/ su ga ta sarba karma sa mA dza kI la ya mU la tan+t+ra nA ma/ bod skad du/ bde bar gshegs pa thams cad kyi phrin las 'dus pa phur pa rtsa ba'i rgyud ces bya ba/ bcom ldan 'das de bzhin gshegs pa phrin las thams cad gdon mi za bar yang dag par grub pa khro bo thams cad kyi rgyal po chen po la phyag 'tshal lo// 'di skad bdag gis thos pa'i dus gcig na/ 'og min gyi gnas gsang ba mchog gi dbyings/ phrin las rgya chen po rnam par rol par mdzad pa'i dur khrod chen po rab tu bskyod cing 'khrugs par byed pa'i rlung ljang nag 'bar ba/phrag dog gi ye shes las grub par byed pa'i pho brang chen po na/ bcom ldan 'das de bzhin gshegs pa thams cad kyi phrin las rdo rje sems dpa' chen po gzhon nu'i gzugs can/'jig rten gsum rab tu sgrol bar mdzad pa de/ dbyings kyi yum chen mo 'khor lo rgyas 'debs ma dang gnyis su med pa'i rol pa chen pos mnyam zhing dges par bzhugs pa la// 'jigs byed 'bar ba'i drag po'i phrin las yongs su rdzogs par mdzad pa'i 'khor 'di lta ste/ bde bar gshegs pa rnams kyi sras kyi mchog tu gyur pa/ bud+d+ha kI la ya dang/ rat+na kI la ya dang/pad+ma kI la ya dang/ karma kI la ya dang/ bde bar gshegs pa thams cad kyi las kyi rgyal po hUM kA ra dang/ rnam par rgyal ba dang/ dbyug pa sngon po dang/ gshin rje gshed po dang/ g.yo ba med po dang/ rta mgrin can dang/ gzhan gyis mi thub pa dang/ bdud rtsi 'khyil pa dang/ khams gsum las rnam par rgyal ba dang/ stobs chen por gyur pa dang/ gzhan yang rol pa'i yum chen mo sgra 'byin ma dang/ snyems ma dang/sder mo dang/ dur khrod kyi bdag mo dang/ gtun khung ma dang/ gtum mo chen mo dang/ mda' snyems ma dang/ rlung 'byin ma dang/ gsod byed ma dang/ spyod par byed ma dang/ de dag thams cad kyang sprul pa dang/sprul pa'i yang sprul pa dang/ sprul pa'i pho nya dang/ pho nya'i pho nya dag dang bcas pa rnams kyis mdun du bdar cing bskor te/ gzhan yang byis pa so so skye bo dang/ nyan thos dang/ rang sangs rgyas kyi skyes bu dang/bskal pa dpag tu med pa'i bar du bgrod cing sbyangs pa la smon pas dka' ba spyod par brtson pa'i byang chub sems dpa' rnams kyis nye ba'i thugs mi thub cing 'dul ba'i skal ba dang mi ldan zhing/longs spyod thams cad rab tu rdzogs pa'i sku khro ba dang/ rab tu khro ba dang/ 'jigs pa dang rab tu 'jigs pa'i tshogs dang lhan cig tu bzhugs so// de nas bcom ldan 'das nyid kyi sku'i rnam par 'phrul pa khro bo chen po drag shul can du snang bar mdzad kyang/thugs rab tu zhi ba thugs rje chen po dang ldan pa'i thugs gsang ba chen po las byung ba'i khro bo'i tshogs chen po rnams kyis nyid kyi sku'i yon tan dkyil 'khor chen po rnam par dag pa'i gzhal med khang chen po dang bcas pa la rab tu spro zhing ngo mtshar ba'i sgo nas/dga' ba chen po yang dag par 'khor rnams kyis mgrin gcig gis mngon par bstod pa/e ma ho// mtha' dang dbus med nam mkha'i rang bzhin las// rlung nag rdo rje rgya gram gtams pa'i steng/ khrag gi rgya mtsho rba klong 'khrugs pa'i dkyil// keng rus chen po brtsegs pa'i ri rab steng// gser gyi sa gzhi zhing chen ti ras gtams// me ri smug nag gru gsum 'bar ba'i klong// nam mkha'i mtha' dang mnyam rdzogs gzhal yas khang// rin chen 'bar ba thod pa gsum gyis brtsigs// lha klu nyi zla gza' skar sbrul gyis brgyan// ye shes tshad med gru chad sgo bzhi rdzogs// phyi nang me dpung rin chen 'od dang ldan// dregs pa'i bdag dang nyi zla pad+ma'i dbus/ med pa'i rgyu las yod par mngon byung ba// bde gshegs dpal chen phrin las rdzogs pa'i sku/ dbu gsum phyag drug zhabs bzhi brkyang bskum stabs// g.yas kyi zhal gdong dkar bar bstan pa ni// bde chen longs spyod rdzogs sku mthar phyin cing// g.yon zhal dmar nag sprul sku'i 'gro don mdzad// yongs rdzogs sku dang dbus zhal mthing nag ni// skye med chos kyi sku la 'gyur ba med// ral pa gyen brdzes dbang drag dus gcig rdzogs// ye shes lnga bdag rigs lnga'i sangs rgyas bzhugs// spyan dgus sa dgu mi dmigs dbyings la gzigs// snyan drug rgyud drug nyon mongs 'khor bar 'dren// shangs nas stong gsum sgrol ba'i rlung nag 'byin// zhal gsum nyon mongs dug gsum dbyings su sgrol// rdo rje'i mche bas bdud bzhi rtsad nas gcod// le brgan ljags 'dril shes rab mthar phyin gsal// gsung gi nga ros 'jig rten mthu chen dang// phyag drug phyag mtshan rang rtags yon tan ni// rdo rje rtse dgus sa dgu'i yon tan rdzogs// rtse lngas rgyud lnga rtsad bcad rigs lngar sbyor// me dpung 'bar bas nyon mongs dug lnga bsreg/ kha T+wAM rtse gsum dug gsum rtsad nas gcod// rdo rje'i phur pa srid gsum dbyings su 'debs// zhabs bzhi tshad med rnam bzhi'i phrin las mdzad/ dpa' bo'i na bza' rgyan gyi che ba ni// glang chen ko rlon theg mchog stobs bcus bgrod// stag gi sham thabs phrin las sna tshogs mdzad// zhing chen g.yang gzhis thugs rjes 'gro ba 'dul/ sbrul gyi chun pos dpa' chen gdug pa 'dul// thod pa'i phreng ba sku gsum ngang la gnas// don dam bcud ldan gzi brjid sa la dgod// rak+ta'i thig le chags med pad+ma'i spyan// thal chen mtshan mas sangs rgyas phrin las rdzogs// rdo rje'i gshog pas ma lus zil gyis gnon// rin chen gshog pas dgos 'dod re ba bskang// ye shes me dpung rnam rtog bag chags bsreg/ gnyis med yum chen don dam dbyings su sbyor// yon tan mtha' yas kun gyis rab brgyan pa'i// phrin las rgyal po khyod la phyag 'tshal bstod// chos dbyings skye med ngang las ma g.yos kyang// sgyu ma'i cho 'phrul cir yang ston mdzad pa// thugs rje'i thabs kyis gdug pa 'dul slad du// drag shul spyod pa'i phrin las kun gyi bdag/ don dam byang chub sems las 'gyur med kyang// ting 'dzin longs spyod thabs kyis 'gro don mdzad// byin rlabs phyag rgya'i 'od zer 'phro 'du'i klong// rang bzhin spros bral nyid la phyag 'tshal bstod// ces bstod pas slar yang rol pa chen po'i dkyil 'khor bsam gyis mi khyab pa yongs su rdzogs shing snang bar gyur to// phrin las 'dus pa rtsa ba'i rgyud las/ gling gzhi'i le'u ste dang po'o//// de nas yang 'khor chen po de rnams kyis// bcom ldan 'das la 'di skad ces gsol to// kye ma bcom ldan 'das/ 'das dang ma 'ongs da ltar gyi// 'dus pa'i sangs rgyas ma lus pa'i// phrin las khyod mdzad ci yi phyir// rdo rje zhes ni ci phyir brjod// thog ma med pa'i dus nyid nas// gzhon nur grags pa ci zhig lags// dngos por snang ba'i chos nyid la// khyad par phur pa ci'i phyir 'dzin// thugs rje zhi ba'i ngang nyid las// khro zhing 'jigs par ston mdzad cing// drag po'i rgyan bcas mdzad pa gang// gzhan yang khyod kyi sku gsung thugs// gsang ba las kyang ches gsang ba// rmad du byung ba'i cho 'phrul la// bdag cag the tshom skyes gyur te// ji ltar ji ltar mdzad pa yi// don de bdag la nges ston cig/ ces gsol pa dang// bcom ldan 'das kyis phyogs bcu'i de bzhin gshegs pa thams cad kyi phrin las mdzad par bya ba'i phyir// de bzhin gshegs pa thams cad kyi phrin las kyi ngo bor bzhengs te/sku dang gsung dang thugs kyi yon tan gyi tshogs thams cad sngon du 'gro bar mdzad nas// nyid kyi gsung gi gsang ba chen po sangs rgyas thams cad kyi las bsgrub par nus pa'i yang dag pa'i snying po 'di sku gsung thugs kyi rdo rje gsang ba pa las phyung ngo// oM badzra kI li kI la ya sarba big+h+nAM baM hUM phaT// 'di phyung ma thag tu phyogs bcu'i 'jig rten gyi khams cad g.yo bar gyur te// gang dag sangs rgyas rnams kyi thugs rje zhi ba chen pos 'dul bar mi 'gyur ba'i dbang phyug la sogs pa'i dregs pa can rnams kyang rab tu 'bar zhing sngangs skrag ste brgyal zhing sa la lhung nas shi ba'i dus la ma bab tsam du gyur pa la/yang bcom ldan 'das nyid kyi thugs rje chen po'i 'od zer gyis de dag gi lus khyab par bkye nas/ thams cad kyang lus dang ngag dang yid bde ba dpag tu med pa dang ldan par gyur nas/bcom ldan 'das nyid la phyag 'tshal zhing/ dpung gi tshogs dang bcas pa rnams zhi ba dang dul ba'i sems kyis gnas nas gsung rjes su bsgrub pa'i bran bzhin las byed par khas blangs so// de nas bcom ldan 'das kyis 'khor chen po 'dus pa de dag la bka' stsal pa/ nyon cig 'dus pa'i tshogs chen rnams// sngon gyi sangs rgyas thams cad kyis// thabs kyi spyod pas 'gro don du// byams dang snying rjes gang 'dul ba'i// sangs rgyas phrin las rdzogs mdzad pa'i// dbang dang byin rlabs 'dir gsal bas// mi 'gyur mi shigs rdo rje yis// 'dus byas rdzas las ma byung zhing// dus gsum kun tu 'dus ma byas// spros pa'i mtshan ma kun dang bral// gdod nas ma byung skye ba med// ye nas rnam par dag pa'i ngang// de ni sra mkhregs rtsal shugs ldan// cis kyang mi shigs rdo rje'o// dper na pha lam rnon po bzhin// sus kyang gzhom par mi nus shing// stong nyid snying por ldan pa yis// go cha mchog gi rdo rje'o// dus gsum bzhugs pa ma lus pa'i// sangs rgyas kun gyi ye shes sku// nga nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ myur du sprul pas gzhon nu ste// nga la bgres rgud yongs mi mnga'// skad cig nyid las byung ba'o// oM shrI badzra ku mA ra kI li kI la ya sarba big+h+nAM baM hUM phaT// thabs kyi shes rab yum dang sbyor// byang chub sems rgyun ye shes che// A+oM tIb+ta tsakra ru lu ru lu b+h+yo// gnyis med ye shes 'od zer gyi// 'phro 'du gsal ba'i byin rlabs las// rdo rje gzhon nu'i rigs 'dzin rnams// srid pa rdo rje 'grub par mdzod// srid pa rdo rje phur pa'i lha// ye shes khro bo 'grub par mdzod// oM bud+d+ha kI la ya hUM phaT// oM rat+na kI la ya hUM phaT/ oM pad+ma kI la ya hUM phaT/oM karma kI la ya huM phaT/ oM badzra kro d+ha hUM kA ra hUM/ oM badzra kro d+hI dI pa ya ti hUM/ oM badzra sU ka ra mu kha hUM/ oM badzra i khu ba mu khI hUM/ gardza gardza hUM phaT/ oM badzra kro ta bi dza ya hUM/ oM badzra kro d+hI lA se ki hUM/oM badzra byA g+h+ra mu kha hUM/ oM badzra gr-id+d+h+ra mu khI hUM/ ha na ha na hUM phaT/ oM badzra kro ta nI la daN+Da hUM/ oM badzra kro d+hI ta na pa ti hUM/ oM badzra tsa ma ra mu kha hUM/ oM badzra dro Na mu khI hUM/ da ha da ha hUM phaT/ oM kro ta ya mAn+ta ka hUM/oM badzra kro d+hI sh+ma shA' na pat+nI hUM/ oM badzra ha ri Na mu kha hUM/ oM badzra u lU ka mu khI hUM/ pa tsa pa tsa hUM phaT/ oM badzra kro d+ha Ar+ya a tsa la hUM/ oM badzra kro d+hI mu sa lI hUM/ oM badzra byA g+h+rI mu kha hUM/ oM badzra bA ya sa mu khI hUM/b+han+da b+han+da hUM phaT/ oM badzra kro d+ha ha ya grI ba hUM/ oM badzra kro d+hI tsaN+Da lI hUM/ oM badzra pi DA la mu kha hUM/ oM badzra pak+Sha ti mu khI hUM/ oM badzra pa tsa la mu kha hUM/ hu lu hu lu hUM phaT/ oM badzra kro ta a pa ra dzi ta hUM/ oM badzra kro d+hI sa bya ti hUM/ oM badzra shwa na mu kha hUM/ oM badzra pa tri mu khI hUM/ tiSh+Tha tiSh+Tha hUM phaT/ oM badzra kro d+ha a mr-i ta kuN+Da li hUM/ oM badzra kro d+hI sa mI ra NA hUM/ oM badzra sid+ha mu kha hUM/ oM badzra kro ti tI la mu khI hUM/ ts+tshin+da ts+tshin+da hUM phaT/oM badzra kro d+ha trai lo kya bi dza ya hUM/ oM badzra kro d+hI mA ra Na hUM/ oM badzra tak+Shu mu kha hUM/ oM badzra na ku la mu khI hUM/ bin+d+ha bin+d+ha hUM phaT/ oM badzra kro ta ma hA ba la hUM/ oM badzra kro d+hI tsun+dA hUM/ oM badzra r-ik+Sha mu kha hUM/ oM badzra mu Shi mu khI hUM/s+pho Ta s+pho Ta hUM phaT/ oM badzra yak+Shi Ni hUM/ ang+ku sha dzaH/ oM badzra b+hai ra ba hUM/ pA sha hUM/ oM badzra a mr-i ta hUM/ s+pho Ta baM/ oM badzra ma ra Na hUM/ g+haN+De hoH/ hri s+pha ra Na phaT/ saM ha ra Na hUM/ 'di ni srid pa'i tshul du byung// yab yum byang chub sems las bskyed// yi ge 'phro 'du'i rkyen las gyur// rang las byung ste dbyings su 'debs// srid pa'i phur pa zhes su bshad// snang zhing gsal ba'i chos rnams kun// ma lus 'di yis legs par btab// 'jig rten pa dang 'jig rten 'das// 'ub chub 'dus pas phur pa ste// kun rdzob rtags su nga yis bzung// yon tan tshogs chen las byung zhing// ma lus phrin las rdzogs mdzad phyir// phyogs bcu dag gi sangs rgyas zhing// kun gyi mdzad pa rdzogs spyod cing// sems can khams kun yongs sgrol ba'i/ 'jigs byed khro bcu byung ba ni// zhal gsum phyag drug zhabs bzhir bzhugs// phyogs bcu'i dregs pa gnon par mdzad// phyag drug dang po gnyis kyis ni// rdo rje dang ni thod khrag 'dzin// tha ma phur pa 'dril zhing sdom// hUM chen sngo skya mda' gzhu 'gengs// rnam rgyal 'khor lo tri shul dkar/dbyug sngon me dpal dbyug to 'phyar// gshin rje gshed ni mthing ga ste// thod dbyug dang ni dgra s+t+wa 'dzin// mi g.yo ljang sngon ral gri zhags// rta mgrin zhags pa spu gri dmar// 'dod rgyal dmar skya b+han+d+ha rnga yab// bdud rtsi ljang nag rgya gram dril// khams rgyal sbrul zhags rdo rje mthing// stobs chen dud kha tho ba zhags// yum rnams yab kyi mdog ldan zhing// sgra 'byin ma ni g.yas be con// snyems ma ral gyi 'dzin par mdzad// rdo rje sder mo lcags kyu'o// dur khrod bdag mo thod dbyug 'dzin// gtun khung ma ni tho ba'o// rdo rje gtum mo spu gri 'dzin// rdo rje mda' snyems tho ba can// rlung 'byin ma ni dgra s+t+wa'o// rdo rje gsod byed ma gri gug/ skul byed rdo rje rtse gsum 'dzin// phyag g.yon rnams ni thod khrag stob// yab yum 'di dag thams cad kyis// srid pa'i phur pa spros pa las// rang gi sku mdog dang mthun pa'i// zhal gcig phyag gnyis lcam dral tshul// g.yas dang g.yon gyi phyogs gnas shing// yab yum phyag mtshan so sor 'dzin// g.yon gyis mtshon byed phur pa 'dzin// sngon gyi 'dul gzhi las byung ba'i// so so'i gdong gi khyad par ni// stag dang bya rgod bya rog g.yag/ sha ba 'ug pa gzig dang khwa// byi la pu shud spyang ki khra// seng ge pha wang sre mo dom// phag dang smig bu byi ba dred// rim bzhin du ni rang gnas blta// phyogs bzhir pu shud skya ka dang/ srin bya khra yi mgo can rnams// kha dog dkar ser dmar dang ljang// lcags kyu zhags pa lcags sgrog dril// rim bzhin g.yas bsnams g.yon phur bu// nye ba'i sras mchog phur bu ni// bde gshegs rin chen pad+ma las// zhal gsum phyag drug zhabs bzhir bgrad// dkar ser dmar dang sngo ba'i zhal// khyad par bud+d+ha kI la ya// zhal gsum mthing dmar dbus dkar zhal// phyag drug rdo rje rgyu zhags g.yas// g.yon na dgra s+t+wa ral gri'o// sras mchog rat+na kI la ya// zhal gsum dkar dmar dbus ser zhal// g.yas na beng dang ral gri'o// g.yon na dgra s+t+wa be con 'dzin// dbang gi kI la ya zhes pa// zhal gsum dkar ser dbus dmar zhal// g.yas g.yon dang po ral gri mdung// bar pa gnyis na mda' gzhu 'gengs// phrin las mdzad pa'i sras mchog ni// zhal gsum dkar dmar ljang gu ste// g.yas na mdung dang lcags kyu ste// g.yon gyi gri gug ral gri'o// tha ma'i phyag gnyis thams cad kyi// zhi rgyas dbang dang drag po yi// ri rab phur pa rim bzhin 'dzin// 'di dag ma lus thams cad kun// dpa' brjid dur khrod chas kyis brgyan// phyi rol dngos po'i chos rnams kun// gzugs su snang dang sgra ru grag/ dran dang bsam dang rtog dpyod tshogs// 'di dag rnams kyi sku gsung thugs// 'di dag nyid kyang de dag ste// chos nyid khyab pa'i phur pa'o// de nyid thabs kyi shes 'gyur zhing// shes rab nyid kyang de yi thabs// don dam gnyis med phur pa ste// kun gyi dam pa 'di zung zhig/rtog pa'i 'ching bas 'ching byed cing// grol ba yang ni de nyid do// sangs rgyas rnams kyi gsang chen 'di// rtogs pa dang ni shes bya'i yul// khyod kyis the tshom ma bskyed cig/ ces gsungs so// phrin las 'dus pa rtsa ba'i rgyud las/sku yongs su rdzogs pa phrin las rtsa ba'i le'u ste gnyis pa'o//// de nas khro bo'i rgyal po yis// dam pa'i dgongs pa 'di bshad do// ngo bo rig pa byang chub sems// kun gyi sa la ma lus 'debs// chos nyid ye shes gnyis su med// chos can kun la gdab par bya// de nyid rtogs pa'i ye shes ni// chos nyid mnyam pa nyid du'o// ma lus mkhyen pa de yis ni// dngos po chos can de bzhin no// rnam rtog tshogs la chos skus gdab// yid kyi rnam shes ldan pa'i lha// kun rdzob snod bcud snang la gdab// thugs rje chen po thabs kyi mchog/ ma lus sems can khams la'o// mtshon byed rdzas kyi gnod pa 'joms// ji snyed btags pa'i ming tsam mo// dbyings dang ye shes gnyis su med// spros med gsal la phyogs dang bral// chos dbyings rig pa'i ye shes te// skye 'gag med pa'i klong du'o// snang zhing srid pa de yi yul// gnyis med sems su rtogs pa thabs// de las de nyid 'char zhing stong// mthong yod sems las ma 'das par// de nyid kyi ni yon tan yin// dkar dmar snang ba byang chub sems// mnyam nyid yum gyi mkha' la btab// thabs dang shes rab gnyis su med// skye 'gro rigs kyi sras su grub// mngon gyur longs spyod rdzogs pa'i sku// 'gyur med gsal ba 'bras bu yin// snying rjes sems can blos mi 'dor// ma dag sdug bsngal sbyang phyir gdab// rgyud drug yul te tshad med bzhi// dag pa'i go 'phang snang bar byed// 'khor ba'i gnas ngan spar ba yin// de nyid rtogs pa sprul pa'i sku// 'og min bde chen lhun grub gnas// rgyud dag chos kyi dbyings rtogs pa// de yi bdag po de 'dir gnas// bsgom bya rnam par rtog pa'i lha// snang zhing nges pa sprul pa'i tshogs// zhi rgyas dbang drag bye brag gis// rang gi dmigs pa'i yul la'o// sngags rdzas ting 'dzin de yis grogs// yon tan rtags dang 'bras bur bcas// mthar phyin de yi byed pa'o// rigs bzhi sras kyi mchog gyur pas// dmigs pa'i rU tra sems kyi rten// gnas gsum rtsol bas de bsgral tshugs// gang 'dod las la sbyar bar nus// byin gyis brlabs pa'i rtags 'byung nyid// phyogs dbus rigs lnga ye shes lnga// tshad med bzhi dang rnam thar brgyad// rigs lnga stobs bcu mi 'jigs rig pa bzhi/ zhes pa'ang 'dug khro bcu sgo ba bzhi// thugs rje'i shugs kyis sku gsung thugs// sprul par bcas te rdzogs pa'o// 'di nyid rten dang brten pa dang// phyag mtshan pho nyer shes par bya// shes rab blo che dbang po rno// 'dod chags lam nus brtson 'grus che// dad ldan snying rje gzhan don spro// blos bcas zhe gdug gnag par ldan// 'di dag don byed nus pa'i rgyu// rdzas bzhi so so'i nus mthu bsgrub// chu shel bdud rtsi me long dang// nyung dkar dmigs pa'i rdzas yin te// rang bzhin dkyil 'khor thig le dang// ting nge 'dzin dang gzugs brnyan te// de nyid dang bsnyen bsgrub gsang ba yis// lha dang sprul pa pho dang mo// lha ni gcig lnga brgya rtsa brgyad// sprul pa phyi nang gsang ba yis// sku yi phyag rgya gsung yig 'bru// gru gsum rgya mdud e khram bcas// 'chol dang 'dus dang bsad pa dang// bang rim gsum pas mtha' bsdus te// 'dus byas rdzas su snang ba yin// 'di dag nga yi tshul shes pas// ji snyed mkhyen pa'i ye shes dang// ji ltar gnas pa'i mthar thug don// de 'dir rig pa bya ba yin// zhes gsungs so// phrin las 'dus pa rtsa ba'i rgyud las/ thugs rnam par dag pa'i dgongs pa rab tu bstan pa'i le'u ste gsum pa'o//// de nas khro bo'i rgyal po yis// rim par bsgrub pa 'di gsungs so// shin tu gtum zhing gtum pa'i gnas// byang gi phyogs su gzhol ba der// mthun pa'i rdzas dang yo byad bstar// bla ma mnyes byas grogs kyi mchog/gang la dmigs pa de ldan zhing// re dang dogs pa'i sems spangs te// brtul phod drag pos 'jug par bya// phyi nang bsrung ba 'bad pas brtsam// rnal 'byor cho ga yongs rdzogs nas// nam mkha' sbyangs pa'i dkyil 'khor bsgom// oM ma hA shu dz+nyA ta dz+nyA na badzra swa b+hA wa At+ma kou0f85haM/ chos rnams de nyid yin mod kyang// sdug bsngal spyod la thugs rje bskyed// oM ma hA d+harma d+hA tu swa b+hA wa At+ma kou0f85haM/ 'dus sbyangs r tags kyi gnyen po ste// rdo rje khros pas zhe sdang gcod// mtshon chen sngon po 'bar lta bu// nam mkha'i dkyil nas thigs pa shar// 'bar bas mi rtog yi ge hUM// rtog pa bskal pa gsum gyis sbyangs// ye shes 'byung ba yum gyi mkha'// rnam dag dbyings las shar ba'i b+h+rUM// phrin las yongs gyur gzhal med khang// rang lus rdzogs pa 'di nyid de// mtshon chen rdo rje hUM sngon po// lus kyi sgo bcur shar ba dang// 'phro 'du gsal ba'i phyag rgya yis// ye shes sems dpa' yab yum gnyis// snying ga'i dbus su bsgom par bya// mdun rgyab g.yas g.yon gnas bzhi ru// rigs kyi sras bzhi bsam pa'o// spyi gtsug hUM mdzad yab yum ste// dpral bar rnam par rgyal ba'o// mgrin par rta yi mgrin can dang// snying gar bdud rtsi 'khyil pa bsgom// lte bar gshin rje gshed po ste// gsang ba'i gnas su stobs po che// dpung pa g.yas su dbyug sngon can// g.yon du khams gsum rnam rgyal lo// rkang pa g.yas la mi g.yo ba// g.yon la gzhan gyis mi thub pa'o// yan lag mthil bzhi sgo ma bzhi// ba spu'i bu ga thams cad kyang// hUM sngon 'bar ba rdo rjer bsgom// phung po rdo rjes gtams byas nas// steng 'og gnas gsum sku gsung thugs// nyi ma'i dkyil 'khor hUM ldan pa'i// rnam par shes pa rdo rjer bsgom// spyi gtsug ye shes rgyun sbyar bas// dri ma bsal bar rigs chen lnga// snyoms mdzad byang chub sems kyi rgyun// mgrin par babs pas dngos por 'dzin// bsal ba'i 'bras bu snang mtha' yas// ye shes 'khor lo lha mor gyur// bdag la thim pas bde bar gyur// shes rab ye shes gsal ba'i dbang// gnyis med thim pas dbang bzhi rdzogs// snying rjes bsgral ba'i dam tshig ni// ma lus mdzad pas kun drangs te// rgyal ba'i sras su bya ba las// gsad cing gnan par ma yin te// 'phro 'du las la kun sbyor bas// 'di ni bsnyen pa'i mchog yin no// gsol btab dbang bskur rab rdzogs nas// mkha' dbyings gsang gnas byin brlabs shing// mnyes mdzad bskul pa'i 'od phung las// 'phro 'du las kyi gsal bar shar// hUM hUM hUM hUM/ hUM b+h+yo hUM b+h+yo hUM b+h+yo hUMM b+h+yo hUM b+h+yo hUM b+h+yo hUM b+h+yo hUM b+h+yo hUM b+h+yo hUM b+h+yo/ ha he ha he ha he ha he ha he ha he ha he ha he ha he ha he/ dzaHhUM baM hoH// srid pa'i phur pa mngal skyes tshul// rang gi ming gi 'od kyi dbyings// slar 'dus so so'i gdan yin te// brgya byin me lha gshin rje dang// srin po klu dang rlung gi lha// gnod sbyin dbang ldan sa bdag dang// tshangs pa nyi zla 'di rnams kun// rang gi ming nas byung ba'i steng// 'khor bcas rdzogs pa'i lus su blta// bdag nyid gsal ba dam tshig gi/ snying ga'i 'od 'bar hUM sngon las// srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs nas kyang// mthun pa'i gzugs la rab tu dbab// oM badzra ku mA ra kI li kI la ya g+ha na tsakra e A ra li hUM hUM hriM hriM/ sa ma ya tiSh+Tha lhan/dzaHhUM baM hoH// srid gsum gdug pa bsgral ba dang// nga rgyal bdud rnams gzhom pa yi// dpa' bo rdo rje 'khor bcas la// rtse gcig yid dang lus kyis 'dud// thun mong dang ni khyad par gyis// khyad par gsang ba'i mchod pa yis// mnyes mdzad byin gyis brlab pa'o// oM AHhUM badzra d+hU pe hUM/ badzra puSh+pe hUM/ badzra A lo ke hUM/ badzra gan+d+he hUM// badzra ni wi te hUM// oM badzra lA s+ya hUM// oM badzra mA le trAM/ oM badzra gI tI hrI/oM badzra nir ti a/ oM AHhUM badzra mUM d+hA tI shwa rI/ lAM dwe Sha ra ti/ pAM rA ga ra ti// maM mo ha ra ti/ pU dza g+ha na tsakra sa ma ye hUM/ oM AHhUM/ ma hA ba liM ta i daM gr-i h+Na sa ma ya kha kha khA hi khA hi/ ma hA mAM sa go ro tsa na ba su ta tsit+ta rak+ta kha kha khA hi khA hi/ma hA pany+tsa a mr-i ta kha kha khA hi khA hi/ oM ma hA dza gad ma ma gar ti sarba kha kha khA hi khA hi/ ma hA rak+ta ga ta ru ru ti kha kha khA hi khA hi/ zhe sdang rdo rje'i ting 'dzin ni// 'dod pa'i yon tan sbyin ma yi// btab cing gsal ba nyid du bya// khro bo khro mo rnams bzhugs pa'o// sngon gyi thugs dam chen po ni// rtag dang mtshan ma bstan pa dang// kI la ya yi dngos grub stsol// sku gsung thugs kyi byin rlabs kyis// bdag la byin gyis brlabs mdzad cing// bdag gi lhag pa'i bsam pa rnams// 'grub par byin gyis brlabs pa'o// bskyil zhing rgyan yang bskyil ba la// sems kyi chos la sku mi mnga'// sgra las 'das pa'i sbyor ba ste// bsam dang bral ba'i ye shes so// srid gsum 'joms mdzad mnyam nyid ngang// khro bo rdo rje 'du 'phro mdzad// khro bo 'gro don mdzad phyag 'tshal// dgug cing bsdam dbab phyag rgya yis// nam mkha'i khams dang gnyis med sbyor// de nyid bdud rtsi btung ba'i mchod// sngags la brtson pa'i rnal 'byor des// bdag gzhan don gyi bzlas pa brtsam/ sngags 'od yum gyi zhal sgor zhugs// sdig bral dbu ma'i nang brgyud de// dbyings nas gsang ba'i lam la thim// de nyid dbyings nas hUM las bskul// lu gu brgyud kyis brjod par bya// rten 'brel lugs las bzlog pa'o// mtshan ma 'byung ba'i bzlas pa ni// gtso chen yab yum thugs bskul bas// chos sku spyan drangs zhal du thim// dbu ma'i nang brgyud pad+mar babs// 'phro 'dus sras mchog 'dus kun rdzogs// kI la ya yis nges phyung ste// gtso dang mthun pa'i sku mdog la// sku smad zur gsum sku gsung thugs// rgyan ldan 'bar ba'i klong na bzhugs// ye shes khro bo de 'dra dbab// phyi nang gsang ba de nyid kyis// mnyes pa'i cho ga tshul bzhin bya// 'bru nag dug khrag bdud rtsi yis// dbang byin brlabs te las la mngag/ snying dbus sa bon las sngags spro// tshul 'dra'i gzugs la nges par bstim// oM badzra kI li kI la ya sarba big+h+nAM baM hUM phaT// ldeg 'bar 'od dang sgra 'byin dang// bzang po ma mthong bar du'o// skyo dub thun mtshams bya ba'i dus// 'di ni sgrub pa bla med pa'o// phrin las 'dus pa rtsa ba'i rgyud las/ bsnyen pa dang bsgrub pa bstan pa rtsa ba'i le'u ste bzhi pa'o//// de nas bcom ldan khro rgyal gyis// nyid kyi sku yi dpa' bo'i chas// yon tan khyad par 'di bshad do// glang chen ko rlon theg chen stobs// dpa' gtum za byed stag gi rgyan// mnyen lcug 'khril yum sbrul gyis brgyan// byang chub sems ldan tsarma ste// thod phreng gsum ni sku gsung thugs// thugs rje chags pa rak+ta'i rgyan// gdul bya'i phrin las thal chen po// zhag gi ri mo don dam bcud// rgyu yis mtshon nas don drug ldan// glang chen rgyas stobs ches rgyab yang// lus rags rin thang che 'gyur zhing// khrom btags gzhan gyi dpung 'joms nus// theg chen 'dir ni lam kun shongs// dge dang mi dge mnyam par 'degs/ mtshams med las sogs byas pa'ang shongs// nyon mongs 'dod yon ma spangs 'grub// lam 'di yon tan dpag tu med// ma rig zag pa myur du 'joms// stag lpags mdzes shing dpal 'bar 'dzin// rtsal ldan sha rus mi 'byed za// ri dwags chen po'i gnyen por 'gyur// gcan gzan phra mo zil gyis gnon// dug lnga rigs lnga shes pas dpa'// nyon mongs ye shes grub pas mdzes// thugs rjes dbye bsring yongs mi mdzad// bag chags stug po dus gcig 'joms// dregs pa rU tra'i gnyen por 'gyur// dman pa'i spyod pa zil gyis gnon// sbrul 'jigs brjid pa gdug pa che// mnyen zhing lcug la dri ma 'byar// kha dog gsal zhing du mar snang// spyod pa 'di nyid sngangs shing 'jigs// nyid la brjid cing gzhan la gdug/ rang gzhan don la 'dud cing mnyen// 'bras bu'i khyad par gsal zhing mthong// bskyed rdzogs che dang lam 'bras bu// gang zag blo la sna tshogs ston// dug gsum lam gyis log lta 'dul// thugs rje zin pa dman mi gtogs// zhing lpags mthong 'jigs tshil khrag chu ser ba sbur bcas// grang mnyen rlung skyob yan lag tshang// 'di ni zab pa'i spyod blangs pas// ngan pa'i blta ba 'jigs pa bskyed// dman la mos pa'i yid skrag 'gyur// gnas dang 'pho dang zhi ba dang// khro brtan spyugs bskrad bsdus dang gtor// rgyas zhum 'pham rgyal dbang du bya// rdo rje'i theg mchog 'di la gnas// bstan pa dang ni nges pa dang// sgra tsam sgra min dgongs pa dang// thol byung dang ni yi ge dang// spyi dang gab sbas brda dang thabs// bla ma mnyes la drang zhing mnyen// las kyi rlung dang g.yul ngo bzlog/ gzhi lam 'bras bu lta spyod dang// dam tshig byin rlob yan lag tshang// skam rlon ra ri dbang po tshang// rigs ldan pa dang zlum pa dang// spros pa nyer zhi chos kyi sku// dus gsum dgongs pa tshang zhing gtsang// longs spyod rdzogs sku rol pa skra// dag pa'i ting nge 'dzin la gnang// khyim na spyod pa'i cha lugs 'dzin// gzhan don sprul pa drug la sogs// sku gdung ring bsrel lhag mar bcas// rigs dang pha ma gnyen 'dun dang// 'khor dang bstan pa gnas pa'i tshad// phyir mi ldog dang skye ba gcig/ thogs pa tsam dang srid mtha' ma// mngon por byang chub gsal bar ldan// sems dpa' che ba'i lam thob nas// yongs rdzogs srid kyi pho brang rags// mi rtog pa la rnam mi dmigs// mtshan ma'i spros las dben pa yis// thabs dang shes rab zung 'brel zhing// skabs don rdo rje theg par gsal// rak+ta rlan gdong dmar nag ldan// ser 'dres bgos sla bsgyur bar nus// mi dmigs thugs rje chags shing brlan// chos dbyings ye shes kun las gdong// nye bar dgongs shing ngang la gnas// che ba'i yon tan tshogs kyis brgyan// ye shes phra rags skad cig mkhyen// tha dad snang zhing gzhan bsgyur bas// gdul bya'i rigs la 'tshams pa'i rkyen// lhag par rtags kyi don ldan pa'i// dkar zhing gsal mnyen zhi bsgo myur// phyir bsal sla tsha phyir gsal sla ba phrin las don// thog ma'i mun pa ma lus sel// ye shes snang ba'i tshogs kun bskyed// drag pos las sogs myur du 'dul// khams dang bag la nyal ba dang// ji ltar 'tshams pa de bzhin ston// nges 'byung skal ba yod pa yis// rnam grol go 'phang myur 'thob byed// bag chags cung zad mi gnas par// 'byin pa'i don de nye bar gnas// bcud mchog snum zhun rog pa mnyen// 'gyu ba'i nad sel bsal mi nus// dri dang kha dog rab gsal bzhin// rdo rje thog mchog gya nom pa// rig pa can gyi gnyen por 'gyur// nyon mongs lnga dang drug nyid kyis// yan lag nad du gyur pa sel// grangs med dbar du chud mi za// blo ngan shes rab chung ba yis// 'di la nges 'byung skal med de// dus la bab na sar gnas byed// 'di dag rdzogs phyir rab tu brgyan// gzhan yang nga yi bstan pa 'dis// rdo rje'i theg pa cher ldan zhing// khong du chud pa'i mthu mnga' bas// glang chen ko rlon rab tu bgos// rgol ba mthun par tshar gcod phyir// stag gi sham du dkris pa'o// lto 'phye'i dug 'joms sbrul gyis brgyan// sems gnyis mi 'gyur tsarma'o// sku gsum ngang gi thod phreng brgyus// zhi ba'i snying rjes mi gnas chags// gzhan don gzigs pa rak+ta'o// dge ba 'phel byed thal chen te// kun gyi sems rtogs bcud kyis brgyan// gzhan yang gti mug 'dod chags dang// zhe sdang 'jig tshogs phrag dog dang// ser sna nga rgyal ma brtags spyod// dbang byed rim bzhin rtags kyis brgyan// kha cig tu na sngon bzhin du// phrin las chen po mdzad pa'i dus// dregs pa rU tra de 'khor bcas// byi na ya ga glang chen gzugs// mkha' 'gro chen mo stag mgo can// mtha' yas klu dang lha chen po// bsgral ba'i pags pa thod phreng dang// khrag zhag dang ni thal bas brgyan// thun mong khyad par phyi dang nang// rtags kyi don mtshon tsam nyid de// don dam nges pa yul dang dngos// de la bya dang byed pa med// gtum zhing khro bas 'dul ba la// rang gi snang ba sangs rgyas mthu// zhes gsungs so// phrin las 'dus pa rtsa ba'i rgyud las/dur khrod chen po'i chas rgyan gyi rtags dang yon tan gyi le'u ste lnga pa'o//// de nas khro bo'i rgyal po yis// mngon spyod las kyi rim pa las// mchod sbyin drag po 'di gsungs so// rtsa ba'i dkyil 'khor nyid kyi drung// gru gsum khru gang rgya dang dpangs// mu ran sor gsum slar bstod de// khru gang e yi dbus nyid du// gcod pa'i 'khor lo rtsibs bzhi bri// ming dang mtshan ma dbyings su dgod// phyi rol sras mchog phyag mtshan no// gri sa tshangs sgo can dag gi/ ro bsreg thal ba sa nag dang// rnga bong bong bu'i bdud rtsi byugs// 'bru nag me tog nag po dgram// tsha zhing rtsub la rno ba'i shing// e yi dbyibs su brtseg par bya// dug shing gis ni phyogs mtshams bskor// 'phan gdugs rgyal mtshan bla re dang// ba dan zhal khebs nag pos brgyan// sor bcu rtsa gnyis rno dbal ldan// dug khrag 'bru mar nag por bcas// khre 'bru khrag dang lan tshwa dang// skye tshe nim pa ro thal dang// nyung nag dug dang me tog nag/ sngon po gyo mo rdo phye dang// rtsub pa'i sha khrag sna tshogs dang// bong bu rnga bong bya rog gi/ bdud rtsi sha khrag spu dang sgro/ tsher ma rus phye bshang gci dang// grog mkhar sa dang spru ma dang// dmigs pa'i bdud rtsi la sogs bstar// dus ni nag po'i phyogs dag gi/ phyi dro srod dang gung gnyis la'o// nga rgyal 'chang ba bdag nyid ni// khrag dang dug gsher gos nag bgo/ rkang pa g.yon gyis g.yas mnan cing// byang gi phyogs su khros stabs blta// ba glang chu dang bdud rtsi sbyar// bdud rtsi rgyal po yum dang bcas// rang gi sngags bzlas las kyi chu// g.yas kyi phyogs su gzhag par bya// rdzas gzhan rnams ni g.yon phyogs su'o// stong pa nyid la bsam pa'i dngos// a yis zla ba'i dkyil 'khor dbyung// steng du sgra yig dang po las// rdo rje rtse dgu 'od 'bar ba// sa bon rgyu yis mtshan par bsgom// las kyi sgra brjod 'phro 'du yis// gtso chen rdo rje 'chang ba de// sbar bshad rtags dang ldan par bya// rigs kyi bdag pos dbu mnan cing// rang gi sems dpa' snying la gnas// gsang ba'i gnas byung b+h+yo las ni// dgyes pa'i yum nyid tshul bzhin dbyung// de nyid dbyings kyi gnas mchog tu// ming gi sa bon rig pa spro// spro dang bsdu ba mngon gsal bas// tshul 'dra'i ye shes dkyil 'khor bdag/ gnas dbus nyid du 'bod par bya// phyi rol du ni sras mchog dang// ji snyed pa yi 'khor rnams nyid// gtso bo dang mthun rigs kyis dbyung// las la 'bad pa'i tshogs kyang bzhag/ snying na rdo rje rnam bsams nas// lag pa rdo rje bsdu mdzad de// dgug gzhug bcing dang dbang du bya// lce la chos kyi phyag rgya bzhag/ rgyas gdab phyag rgya chen po'o// gdan bstab pa dang 'dud pa dang// mchod bstod mnyes bya sgra tshig dbul// de nas me lha mdog nag po// pad+ma nag po la 'dug cing// khros pa'i tshul can bskyed par bya// gdol pa'i khyim mam dur khrod nas// blangs pa'i me la drag por 'bud// g.yon pas bdud rtsi bsang gtor bya// spyan drang ba dang bgegs bskrad dang// bsrung dang phyogs bcing nges par bya// byin gyis brlab pa rab ldan pa// dam tshig gsang ba'i bka' dbang bya// mchod yon nag po dri nga bas// nag po'i cha lugs 'dzin pa mnyes// lce gzar kha la rang sngags bsam// g.yon gyis blug pa'i gzar bu bzung// bdud rtsi gdug pa'i mar bcus te// shin tu gdangs pa'i zhal de ru// bdun nam nyi shu rtsa gcig dbul// oM badzra a na la ag+ni ma hA pu dza sarba b+hasmi ku ru sarba shu ta hUM phaT/ mnyes shing bgegs bskrad dngos grub gsol// mchod bsreg rdzas gzhan rnams kyang dbul// 'bar ba dang ni 'khyil pa brtag/ de nas rigs kyi bdag po nyid// rig mar bcas pa'i rdzas kyi gsang// khrag 'thung khro bo 'khor dang bcas// 'bar ba'i dbus su drangs byas te// sngar bshad cho gas mnyes par bya// lce yi dbus dang blug gzar mthil// chos kyi yi ge 'bar bar bsam// oM badzra ku mA ra dIp+ta tsakra kI li kI la ya sa ma ya mu dra pra b+han tsakra me ti raM raM kha kha khA hi khA hi// dgang blugs kyis ni dang po ru// dug dang bsku ba'i 'bru mar dbul// de nas rdzas kun thams cad de// tha mar dug dang 'bru mar te// brgya'am stong du dbul bar bya// lhag ma lha rnams rang rang gi/ sngags kyi phreng bdag gis so// de nas rdzas kun gcig bsdus te// dug dang kha ba'i 'bru mar la// dmigs pa'i gzugs bcas gzhug cing dgug/ mthe chung nas brtsam mtshon gyis gtub// gtso bo nas brtsam re re dbul// a mu ka mA ra ya dz+wa la raM raM// bka' las 'da' ba'i sdig can rnams// rdo rje me dbal snying bsreg nas// lus ngag rdul phran bzhin du rlog/ gang la dmigs pa gtan nas 'pho// snang zhing srid pa 'di rnams kun// 'ub chub gcig tu 'bar bar bya// ma dag tshangs par gsol nas ni/ gtso bo rnams dang me lha gshegs// rtsa ba las byung rang la bsdu/ slar yang rjes mthun rol pa ston// bso dang gnas pa'i sbyor ba brtsam// zhes gsungs so// phrin las 'dus pa rtsa ba'i rgyud las/ sbyin sreg mchod pa'i phrin las kyi le'u ste drug pa'o//// de nas khro bo'i rgyal po yis// rig pa chen po 'di gsungs so// byin gyis brlabs pa'i gnas nyid du// rgyan dgod pa dang bsrung bya ste// srid pa'i phur pa bsgrub byas shing// khyad par dmigs pa nyid la gzhug/ phreng ba drag pos sras mchog spro// dmigs pa dgug bstim snying nas gzir// srog rtsa thod rlon la sogs rtags// rmi dang mngon sum nyams la rtags// ma byung bar du 'bad la bsgrub// dus mtshungs gsal ba gsum gyis brdeg/snying gar nyi ma dbang chen gyi// 'od dmar thugs las khams gsum 'phro// khu ba khrag gi rgya mtsho ste// khro bas de rngub shin tu khros// khams gsum yongs sgrol mchod pa'o// rang gis gzhibs pas bkrag mdangs bskyed// drag po'i las la 'jug par nus// gnas nas dgug par bya ba ni// sngags bzlas 'od zer drag po las// stong gsum gang ba'i khro bo'i tshogs// yul de dgug cing stim par byed// sngon du bshad pa'i chos rnams kyis// dam tshig chen po'i dus la bab// kun gyi sbyor ba'i byin rlabs sprul// sprul pa chen po'i dus la bab// de dag bka' sdod pho nya ma// phyag brnyan chen mo'i dus la bab// ji ltar nos shing khas blangs pa// khyod kyi dam tshig dus la bab// dang po dam pa don gyi phyir// byang chub mchog gi sems bskyed cing// dus gsum rgyal ba'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba rnams// khro bo chen po'i byin rlabs kyis// yud cig gis ni 'dir bkug nas// mngon spyod tshul bzhin bsgral ba dang// lus ngag rdul du bshigs nas kyang// sdug bsngal nyams su myong bar mdzod// pho nya 'jig rten rab gang bas// gdug pa kun bstim las kun byed// oM badzra kI li kI la ya dzaHhUM baM hoH// 'dren pa'i snying po 'di yis ni// yud tsam de nyid gnas su dgug/ oM badzra kI li kI la ya hUM hUM hUM// phaT phaT phaT/ badzra ging ka ra hUM hUM a A/ rlung gis shing lo bskyod bzhin du// dbang sdud zil gyis gnon pa ni// oM badzra ku mA ra b+hud+d+ha he ru ka rat+na he ru ka pad+ma he ru ka kI li kI la ya hUM hUM hUM hUM/ phaT phaT phaT phaT/ de yis ri rab bzhin du 'gyur// g.yo 'gul dran pa med par byed// de nas kha sbyar rab tu dge/ gzhan bsrung ba la dbye ba ni// brnag pas thun bzhi 'bros par 'gyur// de nas gzugs la bsdu ba ni// dngos grub bar chad byed pa'i bgegs// lha 'am 'on te bdud kyang rung// zung zhig rgyob cig rnam par chings// rdegs shig grogs dang bral bar gyis// oM a ba ra bid+h+wan+sa tshin d+ha tshin d+ha hUM phaT/ b+hin d+ha b+hin d+ha hUM phaT/ gr-ih+Na grih+Na hUM phaT/ ha na ha na hUM phaT/ ban d+ha ban d+ha hUM phaT/ta tha ya ta tha ya hUM phaT// phur pa dang ni 'bru thun brdeg/ ha sa ya ra na da ha na hUM phaT/ khrag dug sbyar ba'i thun gyis brdeg/ shri kri A na ya hUM phaT// dud pa dang ni thal bas brdeg/ dza la pa ya dza la pa ya hUM phaT/mtshon cha drag pos gtub par bya// A be sha ya A be sha ya hUM phaT// bi da ya bi da ya hUM phaT// 'di yis dbab cing dbang du sdus// byin gyis brlabs par bya ba ni// thugs ka'i hUM gi spro bsdu las// gdul bya'i snying la khro bo zhugs// gong ma'i gnas bskul skyo bas phyung// nyes pa'i tshogs bshad bdag nyid khros// snying rtsa bcad cing bdag la bsdus// de ni de yi dbye ba'o// thog ma'i dus na gnas dbye ba/kyo ba 'dzin mdzad khro bo spros// de nyid gnas bcu dag nas dbyung/ gzugs la bsdu ba'i gnas yin no// gdab pa'i gnas ni 'du byed kyis// lag pa yum bzhir byin brlabs nas// rnam dag skye med yi ge yis// snang ba gsum nyid gsal bar blta'o// rgyu gsum ldan pa'i dbyings su bzla// byang chub sems kyi chu rgyun no// oM badzra ku mA ra kI li kI la ya hUM hUM/ a A/ sras mchog hUM mdzad la sogs gdab// de yis phyogs bcu'i 'jig rten khyab// gnas ngan sbyangs la slar la bsdu// kun gyi mthu dang gzi byin bskyed// byin gyis brlabs te dngos grub stsal// tshe dang bkru ba'i las yin no/ phaT kyis rab mtshan sras kyi mchog/ 'bru dgu'i rjes la gze ma spar// dngos bcom dbus su 'dus pa yang// sa bon drug la 'od kyis btab/ 'bras bu pho nyar bcas pa dbab// phur pa gsang ba'i gnas su bstim// khyad par las su rab bshad do// bdag nyid sras dang dmigs pa rnams// gsal ba gsum ldan byin brlabs te// pho nya gdab cing bskul ba ni// bran dang bka' nyan pho nya'i tshogs// khyod kyi dam tshig dus la bab// sngon chad ji bzhin dam bcas pa'i// mngon spyod phrin las myur du mdzod// de yi snying pos gnas bcur gdab/ ha na ha na badzra/ da ha da ha badzra/ pa tsa pa tsa badzra/ ma tha ma tha badzra/ dz+wa la dz+wa la badzra/ su ru su ru badzra/ mu ru mu ru badzra/ ka taM ka ye badzra/ a dzi ti a pa ra dzi ti badzra/ mA ra sai na pra marda ni hUM phaT/ 'khor tshogs kun yang sngags kyis gdab// drag po'i rdzas dang phur pas brdeg/khrag rlung rnal te rul myag bsam// bsad dang gso ba las kyi mchog/ ma lus gnas 'dir rdzogs par bya// zab cing rgya che'i don yin no// zhes gsungs so// phrin las 'dus pa rtsa ba'i rgyud las/ gtan 'pho ba bsgral ba'i phrin las kyi le'u ste bdun pa'o//// de nas khro bo'i rgyal po yis// drag shul bsgral ba gsungs pa las// mtshon rnon gdug pas byin brlabs te// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// zhes brjod yan lag nying lag dang/ khog pa don snying bcas pa dag/ bcad cing gtub pa nyid du bya// de nas mtshan sngags brjod pa ni// hUM ma ma ba shaM ku ru ma ma ku ru ma sta ma nya/ i dam ku ru/ i daM d+ha d+hi ma ma ma shI g+h+raM/ karma ka ra ya hUM phaT/ ta thA ya ta thA ya hUM phaT/ gzugs sgra bsam pa 'dus pa yis// ma lus rdul phran bzhin du dmigs// de nas lhag par gnas pa yi// mthu dang brdzu 'phrul 'phrog pa ni// gdug cing sdang sems ldan pa yi// lha'am 'on te bdud kyang rung// bdag la bar chad byed pa rnams// mthu dang rdzu 'phrul med par gyis// snying po 'di yang brjod par bya// sarba A na ya hUM phaT/ tad+ya thA/ ha na ha na hUM phaT/ pha rol mthu dang rdzu 'phrul 'phrog/ bdag la bstim pa de ldan bsam// bag chags sa bon phra ba yis// gal te lhag lus brdung ba ni/ rdungs shig rdo rje 'bar ba'i gtun// khro mo 'bar ba'i gtun khung du// rdo rje tho bas brdung byas na// lha yang rung ste brlag par 'gyur// kha thaM kha thaM ha na ha na hUM phaT// mud+ga ra mud+ga ra a ko Ta ya hUM phaT/ byin brlabs dbyings mchog gru gsum du// gsang 'byung rdo rje tho bas brdung/ gnas sgo drag po gsum gyi las// rten dang brten pa'i lha rnams kyis// hUM hUM hUM/ sgra brjod de dag thugs ka nas// nam mkha' las sprul pa'i dkyil 'khor/ phaT phaT phaT/ de dag thugs khros drag shul gyi// badzra yag+sha kro d+ha hUM/ slar yang thugs rje shin tu khros/ lha mos thod bkang sha khrag stob/kha kha khA hi khA hi/ phul ba zhal du gsol bar dmigs/ ha ha hi hi mnyes par bsam// mthar phyin rdung ba'i phrin las so// rang bzhin khyad par bzlas pa yi// slar yang rim pas gso ba ni// chos dbyings don dam bden pa dang/ gsang sngags mthu yi byin rlabs kyis// sangs rgyas stobs dang mi 'jigs pa'i// rdzu 'phrul 'byin pa'i las yin no// oM badzra kI li kI la ya sarba big+h+nAM baM hUM phaT// bdun nam bcu bzhi nyi shu gcig/ snying gar dril zhing btab pa yis// phung po khams dang skye mched kun// lha dang lha mo'i tshogs su sprul// de dag sras kyi sku la 'dus// brgya rtsa brgyad kyi bar du bzlas// bdag nyid stong pa'i gnas su dril// slar 'dus sbyor ba sngon bas lhag/ rdzas dang bdag nyid gso ba yin// ngas bstan lung bzhin gnas pa ni// yab yum sbyor ba'i sems phab pas// pha rol sems rgyud nam mkha' gdon// hUM phaT ces pa'i sgra yis ni// rang bzhin gnas la gsol ba gdab// dbang bskur bas ni 'od 'bar gyur// yab kyi zhal nas yum gyi mkhar// hUM las skur gsal phaT kyis gdon// slar yang bsdu dang gtor ba yis// 'og min gnas la gsos gdab cing// dbang bskur 'od zhu hUM du dmigs// phaT kyi sbyor bas lhums su 'phang// bsnyen pa dang ni nye bar bsnyen// bsgrub pa bsgrub pa chen po ni// rdzogs pas skur bzhengs phyir byon nas// dbu rgyan ldan pas dbang bskur te// phaT kyis 'og min gnas su 'phang// tog dkar rgyal tshab dam pa yis// bcu gnyis mdzad pas 'gro don rdzogs// rdo rje'i gnas su lus sbyor ba'o// srid chad mdze can mtshon shi ba'i// thod rus nang du dmigs pa gzhug/ mi shis gnas su gnan pa ni// A+oM laM AHlaM hUM laM/ stam b+ha ya nan/ mo ha ya/ shri kro b+hi kri/badzra hUM ka ra hUM hUM hUM/ phaT phaT phaT/ rdo rje ri rab 'phros pa yis// rab tu gnas pa'i sbyor ba brtsam/ ji srid 'khor ba ma stongs par// gnas ngan bag chags yongs mi ldang// rdo rje can dang mtshungs par 'gyur// zhes gsungs so// phrin las 'dus pa rtsa ba'i rgyud las/ drag shul mngon par spyod pa'i le'u ste brgyad pa'o//// de nas khro bo'i rgyal po des// drag shul rgyud kyi ting nge 'dzin// mngon du spyod pa'i phrin las bshad// nga nyid nga dang 'dra ba yis// 'khor bcas sgra tshig drag po yis// rang gi gnas lnga 'bar zhing spro// mthar thug yul mnyes dngos grub bsdu/ oM badzra kI li kI la ya d+ha d+hi ma ma karma/mA ra se ni// sra marda na ya// sarba big+h+nAM baM hUM phaT/ sku gsung thugs dang yon tan dang// kun gyi rtsa ba'i phrin las so// yab yum bcas pa'i thugs ka nas// mgal me lta bu'i 'od 'phros pas// khro bo'i dkyil 'khor brtan zhing gsal// rgyud bskul byin brlab dbang bskur bya// A+oM badzra kI li kA la ya d+ha d+hi ma ma karma/ a dzi ta a pa ra dzi ta/ dza ya bi dza ya ka tang ka ye mA ra se ni// phra marda ni ye sarba big+h+naM baM hUM phaT// 'di ni gzhan gyis mi thub cing/ rnam par rgyal ba'i phrin las so// bdag nyid khro bo'i tshogs kun gyis// drag sngags sgrag ni gnam lcags kyi// zhun ma sa la brdab 'dra ba'i// 'ong 'phros gdug pa tshar gcod byed// oM badzra kI li kI la ya/ a dzi ta a pa ra dzi ta dza ya bi dza ya ka tang ka ye/ ma ma ba shaM ku ru ma taM ka ra nya ka ra i daM/ d+ha d+hi ma ma karma a ra i dan shI g+h+raM kA ra ya/ mA ra se na sra marda ni ye sarba big+h+nAM hUM phaT/'di yis ma lus gdug pa can/ tshar gcod las su 'dzud par byed// 'jig rten 'das dang ma 'das kun// srog nas drangs pa bsgrub pa che// gtso chen 'phro 'dus thams cad bsgral// oM badzra kI li kI la ya ba ra bi d+h+wan+sa mA ra se na pra marda ni ye hUM phaT/ sarba big+h+nA a na ya ha na ha na/ da ha da ha/ pa tsa pa tsa/ ban d+ha ban d+ha// gr-i h+Na gr-i h+Na/ ma tha ma tha/ tshin+d+ha tshin+d+ha/ b+hin+d+ha b+hin+d+ha/ ta thA ya ta thA ya/ha sa ya ra hri da na/ A be sha ya A be sha ya/ shi kri A na ya/ dz+wa la pa ya dz+wa la pa ya/ ta thA ya ta thA ya/ bi ta ya bi ta ya/ shi traM kA' ra nya ya/ dza yi bi dza ye/ ka taM ka ye/ a dzi ti a pa ra dzi ti ba ya baM hUM phaT/ 'di yis 'jig rten dregs pa can// thams cad 'du byed las la 'khol// phyogs bcu khro bo'i lha rnams kun// mthing nag ba spu'i dkyil 'khor spro// oM badzra kI li kI la ya/ mo ha yag+ha ta ya badzra kI li kI la ya hUM kA ra bi dza ya ni la daN+Da ya mAn+ta ka/a tsa la ha ya g+h+ri wa/ a par dzi ta a mr-i ta kuN+Da li/ trai lo kya bi dza ya/ ma hA ba la pa ra bi d+h+wan+sa/ tshin+d+ha tshin+d+ha/ a pa ra dzi ta/ ma ra se ni ye pra marda ni ye sarba big+h+nAM baM hUM phaT// 'di ni rab tu sgrol ba yis// khro tshogs 'khor bcas mngag pa'o// oM badzra kI li kI la ma mo hA ya g+ha ta ya/ su ru su ru badzra/ mu ru mu ru badzra/ dza ya dza ya badzra/ ma tha ma tha badzra/ shi kri na kA ra ya/ ma ra se ni pra marda ni ye/ ma hA tsit+ta kha hI ma sha rbad/ ma hA sha ya thum myag rbad/ kaM ka sha ya mA ra ya phaT/ 'di ni rdzas kyis dmigs pa bsgral// khro bo khro mo sprul pa dang// yang sprul pho nya tshogs dang bcas// phung po lhag med rol par bya// oM badzra kI li kI la ya b+ha ga bAn/ mo ha ya g+ha ta ya/ dzaHhUM baM hoH// shi krin byi krin/ d+ha d+hi ma ma shI g+h+raM kA ra ya/ A+oM ru ru b+hak+Sha/ trag sha trag sha/ tsit+ta rag sha/ tsit+ta ni tung tung/thum ling/ tsit+ta gtub gtub/ nr-i dzaHphrig phrig/ shaM shaM khyer b+h+yo// nr-i dzaHmA ra ya rbad/ brnag pa kho na nyid la de/ 'di yi drod tshad brtag la dbab// mtshan ma brtan po dbyung bar bya// zhes bka' stsal to// phrin las 'dus pa rtsa ba'i rgyud las/ drag po mngon du spyod pa'i ting nge 'dzin sprul pa chen po'i phrin las kyi le'u ste dgu pa'o//// de nas khro bo'i rgyal po yis// gti mug 'dod chags nga rgyal dang/phrag dog 'dul ba rab mdzad phyir// slar yang rigs kyi khro bor bstan// sangs rgyas khros pas gti mug gcod// mtshon chen dkar po 'bar lta bu// nam mkha'i dbyings nas thigs par shar// mi rtog A+oM gyis dngos po sbyang// ye shes 'byung ba yum gyi mkha'// rnam dag dbyings nas shar ba'i b+h+ruM// phrin las yongs gyur gzhal med khang// rang lus rdzogs pa 'di nyid de// mtshon chen 'khor lo oM dkar po// lus kyi sgo ru shar ba dang// 'phro 'du gsal ba'i phyag rgya yis// ye shes sems dpa' yab yum gnyis// spyi bo'i steng du bsam par bya// 'di ni 'khor lo gzhon nu ste// bud+d+ha kI la ya zhes bya// mdun rgyab g.yas g.yon gnas bzhi ru// badzra kI la ya sogs bsgom/ snying gar hUM mdzad yab yum sogs// sngar bshad bzhin du bsgom bya ste// A+oM dkar 'khor lo 'bar bar bsam// phung po 'khor los gtams byas nas// rnam par shes pa 'khor lor bsgom// A+oM bud+d+ha kI li kI la ya sarba shAn+ti oM hUM phaT/ dngul lam dkar po'i shing rnams la/ zlum por 'dus rdzas las la mngag/ yul gsum mtshan ma brtan gyur na// lha klu gnod sbyin bgegs rigs dang/ 'du ba bzhi gyur yan lag nad// 'jigs dang dus min 'chi ba brgyad// mi dge gnod pa'i las la sogs/ ma lus zhi ba'i phrin las so// rin chen khros pas nga rgyal gcod// mtshon chen ser po 'bar lta bu// nam mkha'i dbyings nas thigs par shar// rtog med trAM gyis dngos po sbyang// kha dog rin chen trAM ser pos// dpral ba'i dbus su bsam par bya// 'di las rin chen gzhon nu ste// rat+na kI la ya zhes pa'o// bud+d+ha kI la ya sogs dang// lte bar hUM mdzad la sogs bsgom// gser mdog trAM las rin chen 'bar// lus kun rin chen 'bar bas gtams// rnam par shes kun rin po che// A+oM rat+na kI li kI la ya sarba puSh+tiM trAM hUM phaT// gser ram se po'i shing rnams la// gru bzhi gnas pa'i rdzas la mngag/ yul gsum mtshan ma rab brtan nas// tshe dang longs spyod dbang phyug dang// bsod nams ye shes dregs pa dang// dpal dang 'byor pa rigs 'dzin dang/ dga' bde rang gzhan phun tshogs pa/ kun tu rgyas pa'i phrin las so// pad+ma khros pas 'dod chags gcod// mtshon chen dmar po 'bar lta bu// nam mkha'i dbyings nas thigs par shar// mi rtog hrIHyis dngos po sbyang// chos kyi pad+ma hrIHdmar po// mgrin pa'i mtshams su rab tu bsgom// 'di sbyor pad+ma gzhon nu ste// pad+ma kI la ya zhes bya// mdun rgyab g.yas g.yon gnas bzhi na// rat+na kI la ya sogs bsgom// dpral bar snang mdzad yab yum bsgom// gzhan yang rang gi gnas su bsgom// dmar gsal hrIHlas pad+ma 'bar// phung po pad+ma'i rang bzhin te// rnam par shes pa pad+ma'o// oM pad+ma kI li kI la ya/ sarba ba shaM hrIHhUM phaT// zangs sam dmar po'i shing rnams la// zla gam dbyibs kyi rdzas la mngag/ yul gsum mtshan ma brtan thob nas// phyi rol brtan pa'i sar bzhugs dang// log par blta dang the tshom can// nga rgyas dregs pas khengs pa dang// che btsan mtho btsun ldan pa dang// gdug rtsub gnod sbyor 'tshe ba dang// 'gyur rlom sems dang ldan pa dag/ mos shing 'dud pas dbang du sdud// rgya gram khros pas phrag dog gcod// mtshon chen ljang gu rab 'bar ba// nam mkha'i dkyil nas thigs par shar// rtog med hA yis dngos po sbyang// sku rdzogs las la byung ba ni// rgya gram brtan par hA ljang gu// lus kyi sgo ru shar ba dang// 'phro 'du gsal ba'i phyag rgya yis// ye shes sems dpa' yab yum bzhi/ gsang ba'i gnas su bsam par bya// mdun rgyab g.yas g.yon gnas bzhi ru// pad+ma kI la ya sogs dang// rigs kyi sras bzhi bsgom par bya// phrin las gzhon nu rab sbyor bas// karma kI ya ya zhes bya// snying gar hUM mdzad yab yum dang// gnas gzhan so sor khro tshogs bsgom// hA ljang rgya gram 'bar ba yis// lus kyi phung po rab tu gtams// rnam shes rgya gram ral gri ste// oM karma kI li kI la ya sarba mA ra ya hUM phaT// lcags sam nag po'i shing rnams la// gru gsum dbyibs kyi rdzas la mngag/ yul gsum mtshan ma gsal ba dang// lus can lus med rab rgyu ba'i// 'jig smod snyoms dang gnod cing 'tshe// bar gcod sgrol ba'i phrin las so// phrin las 'di dag khyad par ni// shar lho nub byang 'jam dang sdug/ mdzes dang rtsub pa khyad par gnas// dge sbyong rgyal po bram ze dmangs// rgan po dar ma bud med dang// rgyud rtsub ldan pa gnad yin no// gtso chen las ni rigs kyi sras// gnas pa so sor sbyor ba'i mchog/ phrin las tha dad sbyor ba yis// lam lnga sku lnga ye shes lnga// rigs lnga'i tshul gyis bgrod cing bsgrub// nyon mongs yul rab ltos pa yis// rigs kyi bdag po sbyor ba la// gang la gang gis gang gi phyir// rig pa 'dzin pa rnal 'byor che// mkhas rtogs shes rab ldan pas spyod// ces bka' stsal to// phrin las 'dus pa rtsa ba'i rgyud las// rigs 'dzin tha dad kyi sgo nas phrin las bzhi so sor bstan pa'i le'u ste bcu pa'o//// de nas khro bo'i rgyal po yis// phyi ma'i dus na rig pa 'dzin// skyes bu chen po rnams kyis ni// nga yi bstan pa 'dzin cing bsrung// de phyir de yi tshul bshad de// srid pa las kyi mthu rtsal can// bcu gnyis lcam bral bcas pa yis// dam tshig cho ga rab sbyor bas// rjes spyod nga yi rnal 'byor yin// gzugs brnyan chen po'i drung du ni// e bdun bsnol ba'i pho brang brtseg/ gcod sreg brtan pa rnams kyis bskor// gser dngul zangs lcags rin chen dang// khrag zhag 'o ma mar gyi mtsho// mi rta myur du bsgral ba'i khrag/gsum gyi pho brang gsum du'o// lcags las byas pa'i phur pa ni// drag po'i gzugs can sor brgyad pa// dur khrod rgyu ba'i mgo nang du// wa dang spyang khyi 'phar ba khyam// tsit+ta btsal te gnas su dgod// rin chen sna bzhi'i dbus su dgod// kla klo'i yul nas thod pa ru// rigs gnyis bong bu bya lug snying// stsal ba mtshon chen gnas su dgod// rin chen mtshan ldan snod nang du// mi dbang tsit+ta sha khrag bcas// sul bzhi phur pa la btod do// ming gi rgyud med rigs med kyi// thod par rdo thun khrag thun dang/ skye sgo'i khrag thun rim bzhin bsag/ srin mo bcu gnyis 'di la brten/ drag po dkar dmar nag pa yis// rgyal bu e yi mtshams gsum la// gling bzhi ri rab sa rdos byas// gcan gzan 'dab chags rgyal mtshan 'phyar// bshos chang mchod tshogs rgyan ldan god// nga rgyal chen po rab ldan pas// lcam sras bod cing las la rbad// sbyor ba'i sgrol ba rab tu bskul// oM shwa na/ sha na/ sri la sri ka/ mu ka hUM dzaH/ trag rag+sha ru tra bi ru bin nan mug ti baM ma ma ru lu ru lu b+h+yo/ pad+ma d+ha ri ru ma ti tsi la b+h+yo/ hu lu kyi hu me sen dza dza/mu ti du ru tsa sa la mi dza dzA/ ya ma k+She yak+sha d+he ba k+She bag sha ba ra hi k+Shi trag tshal pa dum bu ru shag b+h+yo/ so so'i gnas nas drang bar bya/ badzra shwa na shwa na sri la sri ka ka pa tsit+ta nr-i dzaH/ sha la b+h+yo b+h+yo/ma hA yak+sha sna nag mo dun b+h+yo/ ma ma nr-i sha tsit+ta ma dzaH/ rbad ling ka mA ra ya b+h+yo// rag mo ag mo ro sha thun/ yak+sha tsit+ta shad shad b+h+yo b+h+yo// phra mun tsa mun shu la ko mun ha ri ma mA ra ya rbad b+h+yo// zhes pas dmigs pa'i yul la rbad// badzra shwa na mu kha sha na mu kha shI la mu kha sri ga mu kha tsit+ta pa mug mug thuM rbad thuM rbad/ thib thib yaM yaM tsit+ta la thuM rbad rbad/ trag rag+sha ma ma ru ti re ma ti mA ra ya tsit+ta la mug thum rbad yaM/trag rag sha ru ti re ma ti mA ra ya tsit+ta la gtub gtub/ trag rag sha ru ti re ma 'dzu tsit+ta ril rbad/ rag sha ru ti thuM/ trag rag sha ru ti re ma dzA tsit+ta thuM yaM ril rbad thuM/ rag mo tsi bi ri ma ra ma thuM rbad/yag mo tsi bi ri ma ra ya thuM rbad/ gardza tsi bi ri mA ra ya hur thuM rbad/ hu lu ma tsi bi ri mA ra ya hUM thuM rbad/ phung po myur du bsgral bar bya// drag po rnams kyis dmod pa ni// badzra su tri pa a pa ra tsit+ta tri tsa ba la ma sha tsit+ta hUM phaT/nr-i dzaHmA ra ya du ya ma tsit+ta rak+ta tshal pa// du ma pra ma du tsi ta la khug/ bam ril/ ma ra phra ma a pa ra dzi ta/ a tri sa ma nr-i dza/ dun dun nr-i dza rbad thuM/ kun gyi rim pa'i rjes su brtsam// brdegs shing brdeg pa 'phang bsreg dang// gzir ba'i las kyis tshar gcad pa// 'di ni lus ngag yid gsum ldan// shin tu dmigs pas myur du 'grub// phyi nang gsang ba rtags dang tshad// mngon sum bzhin du gsal bar sbyar// thogs pa med par las 'grub byed// phrin las gcod pa'i mdo yin no// zhes bka' stsal to// phrin las 'dus pa rtsa ba'i rgyud las/ sprul pa'i phyag brnyan dam tshig chen po'i phrin las kyi le'u ste bcu gcig pa'o//// de nas khro bo'i rgyal po yis// rgyud don nye bar bsdus te bshad// rnal 'byor ye shes rang rig pa'i// bdag nyid dkyil 'khor rtsa ba ste// gzhon nu rigs kyi gtso bo lnga// dus gsum sangs rgyas sras mchog rnams// kun sbyor nyis brgya lnga bcur rdzogs// khro chen phyogs bcu'i dkyil 'khor du// yab yum nye ba'i sras gnyis las// sprul pa dang ni nye bar sprul// thugs kyi bdag dang bcas pa yi// brgya dang bcu yi lha rnams snang// mngon par spyod pa la sogs pa'i// 'dus byas lnga rnams gzugs brnyan la// khro chen zhal gsum phyag drug ldan// so so'i rigs kyi gtso chen lnga// gang gis 'dul ba der snang zhing// zhi dang dbang rgyas drag po yis// so so'i phrin las ngor 'byung ste// dbyibs dang kha dog rdzas dang sbyar// sku smad rang gi rgyu las grub// 'og gnyis skyed pa zhabs kyi dbyibs// zlum po gru bzhi zla kham dang// gru gsum rnams ni khyad par yin// steng 'og zhi ba zlum po ste// logs bzhi rgyas pa skyed pa dbang// zur rnams drag po nyid yin no// gong ma'i gnas la gzhal med khang// 'khor lo rtsibs brgyad ldan pa la// lte bar gtso bo yab yum bsgom// rtsibs la phyogs mtshams khro bo brgyad// yab yum steng 'og gnas su ni// hUM mdzad dang ni stobs po che// yab yum sras dang bcas pa'o// skyed pa zla kham gnas su ni// khro brgyad kyis ni sras kun gnas// 'og min gnas sogs bzhi la ni// phra men sgo ma dbyung zhing bsam// rtsa ba la sogs gnas de la// 'jig rten gnas pa bcu gnyis so// lcam dral nyi shu rtsa bzhi ste// dbyibs dang sbyar ba'i gnas su bsam// gong ma'i gnas kyi logs bzhi ru// rigs dang phrin las rab phye ba'i// lhag ma'i sras mchog bsgom pa ste// bdun cu rtsa brgyad phyung ba yis// rdzas la dmigs pa'i dkyil 'khor rdzogs// 'di dag me long gzugs brnyan bzhin// rang bzhin ma grub snang ba ni// chos sku skye med phur pa'o// ma lus sku la rab rdzogs pa// longs spyod rdzogs sku'i phur pa grub// ba spu'i bu ga'i tshul thams cad// 'bar ba'i khro chung gtams pa ni// bdag gzhan ma lus don byed pas// phur pa sprul pa'i sku yi mchog/ sku gsum yongs rdzogs dkyil 'khor che// rang byung ye shes gnas la 'du// 'di ni sku yi dkyil 'khor yin// rigs lnga 'bru dgu kI la ya// thams cad gsung gi dkyil 'khor gsal// bris te yig 'bru dgod pa dang// phur bu dgod cing dngos grub blang// thugs kyi dkyil 'khor rtsa ba lnga// bris te phyag mtshan so sor dgod// mchod cing las bcol dngos grub blang// gtso mo yum gyi spogs pa yis// dkyil 'khor gnas su bri bya zhing// lha dgod rdzas spyad bskul bas rdzogs// bsgoms shing dgod pa'i ting nge 'dzin// bskul zhing yon tan ldan pa yis// rdzas kyi dkyil 'khor tshul bzhin dbyung// nyi shu rtsa gcig e yi dbyibs// tshad dang ldan pa rdzas dgod cing// dngos grub blang bar tha dad do// rdzas bsag bskyed cing tshad ldan bri// rgyan rtags dgod pas 'chol ba rdzogs// stong dang rtsa brgyad bsgrub pa'o// dkyil 'khor byang chub sems las byang// las kyi dkyil 'khor brtsig pa dang// bsag mchod gsad pa'i rgyu dang ni// chos ldan pha rol bskul ba yis// gzugs bsreg gnas spar las rnams kyis// ma lus 'dus par brgyad du bstan// rigs can lnga la kun sbyangs pas/ bsnyen bsgrub sku gsung thugs kyi ngang// thig le gcig la rab tu 'dus// zhes bka' stsal to// phrin las 'dus pa rtsa ba'i rgyud las/ khyad par gyi rigs kyi dkyil 'khor spro ba'i phrin las kyi le'u ste bcu gnyis pa'o//// de nas khro bo'i rgyal po yis// rang gi 'dus pa'i 'khor tshogs la// shin tu gdams pa 'di skad gsungs// kye ma sras mchog 'khor gyi tshogs// sprul pa pho nyar bcas pa rnams// snyigs ma'i sems can gdul dka' ba// thugs rje'i thabs chen sna tshogs kyis// nga yi sku gsung thugs kyi bdag/ thams cad du ni snang zhing ston// bdag gi don du bzhugs so snyoms// rang gi rnam rtog nye bar gnas// kha cig tu ni dge sbyong che// nyan thos rang rgyal spyod pa ston// la lar byang chub sems dpa' yi// spyod pa rlabs chen nus par mdzad// kha cig la ni longs spyod rdzogs// dpe byad brgyad cur ldan pa'i sku// dul bar gnas la zhi ba dang// gdug pa can la khro bo ste// zhing khams rab tu bkod pa dang// gzhal med khang pa'i pho brang rdzogs// gnyis med sbyor ba'i tshul can dang// rgyan gcig ldan pa'i sku yi rigs// yab dang yum gyi rnam pa can// gang gis 'dul ba der snang zhing// rigs drug sems can kun la yang// rang rigs gang yin der 'byung bas// tshangs pa brgya byin dbang phyug dang// gnod sbyin mkha' lding mi'am ci// lha min dri za mi rnams dang// byol song yi dwags dmyal ba rnams// so sor gang 'dul de nyid kyis// rang gi rdo rje 'dzin par 'gyur// dman pa rnams la rim pa ste// rtag pa ma yin sdug bsngal dang// mir skye sangs rgyas 'byung ba dang// phun sum tshogs pa rnyed dka' dang// skyabs 'gro gso sbyang bslab gnas bcu// kun rdzob don dam rang bzhin gyis// sems dbang bsgyur te bdag med pa'i// rtogs pa rab rdzogs dbu ma ston// de nas lus ngag bya ba dang// spyod pa rab sgrub rnal 'byor ston// bskyed pa'i rim pa rnal 'byor che// de yi rjes su rnal 'byor dang// rab tu rdzogs pa'i rnal 'byor dag/ thabs dang shes rab 'jug pas don// sku lnga chos lnga ye shes lnga// lam lnga rigs lnga dag pa lnga// sa bcu stobs bcu ma 'dres pa// bco brgyad nges par 'byung ba dang// bskal pa chen po grangs med gsum// skad cig tsam la rdzogs par byed// blo dang dbang po bsam pa dang// tha ma 'bring dang mchog gyur la// tshad med rnams kyi khyad par gyis// brtan dang thob pa dus gcig dang// tshe gcig srid pa bar ma dang// gsum mam lnga'am bdun dag gis// rang gi sa la gnas par ston// 'byung ba chen po rnams kyis mthu// phan tshun log par phyin srid de// gdul bar bya ba'i sras rnams la// dus la bab pa gang zhig na// sangs rgyas rnams ni cung mi 'da'// nga yi ye shes tshul 'di la// khyed rnams 'jigs par ma byed cig/ ces bka' stsal pa dang// 'khor 'dus pa chen po rnams kyis bcom ldan 'das de bzhin gshegs pa thams cad sku gsung thugs kyi bdag po khro bo chen po'i rgyal po chen po de nyid phrin las kyi rnam par rol pa chen po'i sgo nas// yul gdug pa can 'dul ba'i rigs rnams kyi don rab tu rdzogs par mdzad pa la rjes su yi rang ba rgya che'i sgo nas bstod pa ni// kye ma bcom ldan rig pa'i rgyal po khro bo'i rje// dus gsum sangs rgyas rnams kyi spyi dpal chen po he ru ka/rig pa'i rgyal po sku lnga ye shes lnga rdzogs lhun grub cing// dkyil 'khor gsum lnga brgyad kyi ngo bor sku la rab 'dus rdo rje 'chang// phrin las bzhi dang gtso chen drag po mngon 'byung sbyin mdzad pa'i// gzhon nu lnga ldan myur 'byung 'khor dang bcas la phyag 'tshal bstod// de nas bcom ldan 'das kyis/ 'khor 'dus pa chen po de dag nyid kyi sku la rab tu bsdus te/sku las 'od zer gyi tshogs chen po snang bar mdzad nas/ mi gnas pa'i dbyings chos nyid mnyam pa nyid spros pa dang bral ba'i ngang la dges pa chen pos bzhugs par gyur to// phrin las 'dus pa rtsa ba'i rgyud las/phyi ma'i tshul nges par 'byung bar bstan pa'i le'u ste bcu gsum pa'o//// bcom ldan 'das bde bar gshegs pa thams cad kyi phrin las 'dus pa phur pa rtsa ba'i rgyud/ bi d+yot+ta ma 'bum sde las bsdus pa rdzogs so//// rgya gar gyi mkhan po slob dpon chen po pad+ma 'byung gnas dang/ bod kyi lo ts+tsha ba bai ro tsa na bdag gis bsgyur cing zhus te gtan la phab pa'o// rgyal po'i bla dpe/ gter rgya/

CLOSE WINDOW