CLOSE WINDOW

Gpb018.003
བོད་ཡིག

/ gter rgya/ sbas rgya/ gtad rgya/ rgya rgya rgya/ dge'o// rgya gar skad du/ shri b+ha ga wAn ma hA he ru ka b+hi ru mU la tan+t+ra nA ma/ bod skad du/ bcom ldan 'das dpal che mchog 'dus pa rtsa ba'i rgyud ces bya ba/bcom ldan 'das dpal kun tu bzang po che mchog he ru ka la phyag 'tshal lo// 'di skad bdag gis thos pa'i dus gcig na// bcom ldan 'das dpal kun tu bzang po che mchog he ru ka chen po de/'og min gyi gnas chos kyi dbyings kyi pho brang rnam par dag pa b+ha ga yangs pa'i klong chen po/ nam mkha'i dbyings bsam gyis mi khyab pa/ rin po che sna tshogs las byas pa'i gzhal med khang rnam par 'phro ba/dur khrod chen po'i nang 'jigs par byed pa na/ sku gsung thugs mnyam pa nyid la gnas pa chen pos bzhugs pa'i tshe/ gsang ba chen po'i 'khor dpag tu med pa 'dus pa ni 'di lta ste/ de bzhin gshegs pa rab tu rnam par snang mdzad pa dang/rab tu mi 'khrugs pa dang/ rin po che'i 'byung gnas dang/ 'od dpag tu med pa dang/ gdon mi za bar grub pa dang/ rdo rje rol pa dang/ sa rdo rje ma dang/chu rdo rje ma dang/ me rdo rje ma dang/ rlung rdo rje ma dang/ nam mkha'i rdo rje ma dang/ gzhan yang phyogs bcu'i nam mkha'i khams dang mnyam pa'i de bzhin gshegs pa yab dang yum du snang ba dpag tu med pa dang/rab tu zhi ba dang/ kun nas khro ba dang/ zhing gi bkod pa rnam par snang ba dang/ rab tu rdzogs pa'i gzhal med khang gi rnam par snang ba dang/ thabs dang shes rab kyi rang bzhin du snang ba dang/sprul pa dang/ sprul pa'i yang sprul pa dang/ bran dang bran gyi yang bran gyi tshogs dang/ brjod kyis mi langs pa'i yang brjod kyis mi langs pa rnams dang yang thabs gcig go/ de nas 'khor gyi tshogs de dag thams cad kyi bcom ldan 'das kyi sku la bltas te/'di skad ces gsol to// kye bcom ldan 'das kun tu bzang po he ru ka/ che ba'i che mchog kun gyi gtso// dpal ldan rje btsun 'gro ba'i mgon// khyed kyi sku gsung thugs kyi dag/rnam par bzhi las khro mdzad cing// nam mkha'i mtha' khyab gzhal med khang// dag cing gtsang ba'i ngang nyid las// dur khrod ltar mdzad ci yis phyir// chags med nam mkha'i rang bzhin las// shes rab snyoms mdzad ci zhig lags// sgyu ma lta bu'i chos nyid la// khyod kyis nges par mdzad pa gang// gzhan yang khyod kyi chos nyid las// rnam par 'phrul pa ma lus pa'i// don de deng 'dir bstan du gsol// a la la ho zhes gsol pas/ bcom ldan 'das kyis 'dus pa'i 'khor rnams la 'di skad ces bka' stsal to// kye de bzhin gshegs pa 'khor dang bcas pa rnams/ sems rab tu dad pas nyon cig/'di lta ste/ sngon bskal pa chen po grangs med pa gang+gA'i klung gi bye ma snyed dgu bcu rtsa dgu 'das pa'i yang sngon rol du/ bskal pa chen po gdul dka' ba rab tu dga' ba zhe bya ba la/ 'jig rten gyi khams sbyang dka' ba zhes bya ba zhig tu/de bzhin gshegs pa dgra bcom pa yang dag par rdzogs pa'i sangs rgyas/ skyes bu 'dul ba/ kha lo sgyur ba/ bla na med pa/ 'jig rten mkhyen pa/ lha dang mi rnams kyi ston par gyur pa/'jig rten thams cad kyi sgron mar gyur pa/ zhes bya ba 'byung ste/ de'i tshe yang dag par rdzogs pa'i sangs rgyas des/ dus gsum gyi sangs rgyas thams cad kyi sku dang gsung dang thugs kyi gsang ba chen po don gyi de kho na nyid yang dag par nges pa dang/nges pa ma yin pa dang/ sgra'i tshul du rnam par brjod pa dang/ sgra'i tshul dang rnam par ma yin par brjod pa dang/ dgongs pa zab mo'i tshul du brjod pa dang/rang gi don mngon gsum du brjod pa'i sgo nas chos bstan pas 'dul bar gyur to// de'i tshe 'khor gyi tshogs der 'dus pa'i skyes bu zhig/ bdag tu 'dzin pa'i rnam par rtog pa drag pos phyi rol gyi yul nye bar bzung nas/rgyu'i khyad par dang 'bras bu'i khyad par dang/ las dang las kyi khyad par ma brtags te/ spang bar bya ba rnams ni blangs la blang bar bya ba rnams ni spangs te/ gsang ba'i tshig la log par blta bar gyur pa'i dbang gis/las mi bzad pa drag po nye bar bsags pas/ srid pa las byung ba'i sa bon rab tu rtsub mos 'phangs nas/ rab tu rnam par smin pa'i 'bras bus mnar med pa'i gnas su skye bar gyur te// yang de nyid du bdag sdug bsngal gyi dngos po 'di las thar bar gyur na ci ma rung snyam pa dang/ de'i 'og tu rab tu tsha ba dang/ tsha ba chen po la sogs pa rnams kyi sdug bsngal rim gyis nyams su myong bar gyur to// de nas yang bdag tsha ba'i sdug bsngal 'di las thar nas grang bar gyur na ci ma rung snyam pa dang/ pad+ma ltar gas pa la sogs pa grang ba'i sdug bsngal dpag tu med pa myong bar gyur to// de ltar sems can dmyal ba chen po ji snyed pa rnams kyi nang du/ bskal pa chen po stong phrag bcu gnyis kyi bar du sdug bsngal nyams su myangs te/ de las thar bar 'dod pa dang/ yi dwags chen po rnams dang/byol song gi lus chen po dag tu skyes te/ bskal pa stong phrag gcig gi bar du sdug bsngal chen po nyams su myong bar gyur to// de nas yang las ngan gyi shugs mi bzad pa de bag tsam bsrabs par gyur nas/sngon gyi khro zhing gtums pa'i bag chags kyi rgyu mthun pas nying mtshams sbyar nas 'jig rten gyi bdag po dbang phyug chen po yab yum gnyis kyi srid pa blangs te yum gyi lhums na yang 'jig pa'i sgra drag po 'byin pa la thon pa dang/yi dwags kyi gtso bo srin pa'i cha byad 'dzin pa 'jigs pa'i gzugs can rab tu khro zhing gdug la gtum pa/ thal ba'i mdog can mig dmar ba/ ral pa rab tu 'bar ba gyen du brdzes pa/kha gdangs pa'i mche ba gtsigs shing dri ngad dang kha rlangs drag pos gzhan bskrad par nus pa/ dud 'gro'i gtso bo dang/ gcan gzan khro bo dang/ srin po'i rgyal po pags pa lus la bgos pa/mgo dang sked pa dang/ yan lag gi tshigs rnams ni/ dug sbrul nag po kha nas me 'bar ba dang/ mgo bo'i phreng ba 'jigs su rung bas dkris pa/ lag pa drug gi g.yas na ni/ tri shUl dang/ thod pa dang/cang te'u dang/ thod pa'i phreng ba dang bcas pa'i dgra s+t+wa dang/ zhags pa dang/ ral gri thogs pa/ g.yon na ni/ kha T+wA~M ga dang/ rgyu ma'i phreng ba dang/ me 'bar ba dang/ dbyug pa chen po dang/ lcags kyu dang/gri gug dag bzung ba/ rdzu 'phrul gyi rnam par 'phrul pa ni/ lus gcig la mgo brgya stong pa/ mgo gcig la lus brgya stong pa dang/ yan lag nying lag ba spu'i tshogs rnams las mtshon cha'i tshogs du ma 'gyed par byed do// de'i las dang mthun pa'i chung ma srin mo nag mo 'gyed girti ma yang ti ma zhes bya ba yang rab tu 'jigs pa'i gzugs can mdog nag cing ral pa 'khrigs pa kha mig nas me rab tu 'bar ba/ yan lag gi rnam par 'phrul pa las kyang las kyi srin mo chen mo za byed ma zhes bya ba dang/ brag byed ma dang/ chu byed ma dang/ rlung byed ma dang/ sham sham mo dang/ skam pa mo dang/ dbyangs can ma dang/dri snom ma dang/ chang 'thung ma dang/ phor thogs ma dang/ thod phreng ma dang/ g.yang gzhi ma dang/ de dag la sogs pa 'byin pa/ de'i bran dang/ pho nya'i tshogs dag kyang/ khyi dang/ wa dang/ phag dang/ stag dang/ seng ge dang/ bya rog dang/ 'ug pa dang/ bya rgod dang/ khra ma dang/ pu shud dang/ byi la dang/ byi ba dang/ sre mo dang/ rmig bu'i mgo can gyi tshogs kyis rab tu bskor ba/ gzhan yang log srid can gyi rigs las byung ba'i srin po dang/gnod sbyin dang/ yi dwags dang/ sha za dang/ 'byung po'i tshogs rnams kyang bran tu byas te/ de dag thams cad kyang 'jigs tshul drag po dang bcas te mtshon cha bzung zhing 'dug pa'i nga ro sgrog pa/dbugs tsha ba dang rab tu grang ba'i rlung drag po phyogs bcur 'byin pa las/ rims dang dug dang/ dbyig dug la sogs pa nad dang mtshon gyis char 'babs pas/ gtsang ma'i rigs kyi lha la sogs pa'i sems can rnams kyi sems dang dbang po dang/khams dang skye mched dag ma rung par byed cing pho nyar bcas te/ gang gsod pa dang gcod pa'i las la 'god par byed pa thams cad phyag brnyan par byas te 'dug go/las de lta bus khams gsum pa'i sems can ma lus pa rnams ngan 'gro'i las kyi lam mi gzod pa la log par gzhol ba de'i phyir/ nga'i sku dang gsung dang thugs kyi gsang ba'i sde de bzhin gshegs pa rnams kyi phrin las yang dag pa las bstan pa yin no// gzhan yang rigs kyi bu dag/ de lta bu'i skyes bu de ni gcig du ma zad de/ bdag tu lta ba'i yid kyi phyi rol gyi yul dag la dngos po dang mtshan mar brtags nas bdag gir gyur pa ni snod bcud kyi dngos po thams cad la khyab par gnas so// yang nang du bdag med pa la mtshan ma'i mtshan mar brtags nas/ nga dang bdag tu bzung ba las gyur pa ni/dran pa'i tshogs la gnas par byed/ las dang las kyi 'bras bu mtha' dag yongs su chad cing med par bzung ba las gyur pa ni/ sems can gyi khams ma lus pa'i ngag gi yul dang nam mkha'i khams dbang byed pa ste/de'i phyir nga'i grogs po phyogs bcu'i de bzhin gshegs pa thams cad kyi thugs brtse gcig pa'i snying rje chen po dang/ yon tan gyi tshogs dang 'phrin las kyi mdzad pa chen pos nga la yongs su bskul te/spyan rnam par dag pas gzigs shing se gol gyis sgras mngon par go bar mdzad de/ phyogs bcu'i de bzhin gshegs pa rnams nyid kyang chos kyi sku zhi ba chen po'i ngang las gzugs kyi sku rol pa chen po'i snang bar bzhengs nas/'od zer chen po rdo rje kyo ba'i rnam pas drangs pas/ de nyid til gyi gang bu bzhin du gyur pa de byang chub kyi sems rdo rje'i ngo bor zhu nas gsang ba'i lam nas byung ba so sor snang zhing ma 'dres pa nyid kyi thugs yi ge'i ngo bor gnas pa/dbugs dri zhim zhing ring bar gyur par byed pa rdo rje'i sna'i rtse mo la dril zhing tha mi dad cing dbye ba med pa gsang ba'i pad+ma'i ge sar gyi rtse mo la yang reg cing 'phro bar mdzad nas/yum pad+ma'i dbyings su bab pa rgya mtsho ltar bskyil ba la byin gyis rlabs kyis/ nga'i phyag rgya'i ngo bor gyur nas/ khro mo rdo rje dbang phyug ma yang 'od kyi tshul du snang bar gyur par mngon par 'du mdzad nas/zhe sdang rnam par dag pa'i sku nyon mongs pa'i bud shing thams cad bsregs pa'i 'od dang ldan pa'i bskal pa'i me chen po dang ldan pa/ khrag gi rgya mtsho chen po'i dkyil 'khor nas byung ba'i keng rus kyi ri rab chen po'i rtse la/dur khrod chen po'i rang bzhin can gyi gnas chen po brgyad du sprul zhing gnang bar byas te/ skyes bu dag tu lta ba de'i las kyi rnam par smin pa sbyang ba'i phyir/thugs rje'i shugs drag po mngon du phyung nas/ de bas kyang ches lhag pa'i rol pa'i cho 'phrul bstan cing de gdul ba'i phyir snang ba yin gyi/ khyed rnams nga'i sku dang gsungs dang thugs kyi gsang ba'i mdzod 'di la the tshom dang som nyi za bar ma byed cig ces bka' stsal to// bcom ldan 'das dpal chen po che mchog 'dus pa rtsa ba'i rgyud las/ de bzhin gshegs pa thams cad kyi phrin las yongs su mdzad pa gleng gzhi'i le'u ste dang po'o//// de nas yang 'khor rab tu 'dus pa de rnams kyis/ bcom ldan 'das la 'di skad ces gsol to// kye bcom ldan 'das/ ma 'ongs pa phyi ma'i tshe phyi ma'i dus na phyogs bcu'i de bzhin gshegs pa khyod nyid kyi sku dang gsung dang thugs kyi rdo rje'i tshogs 'di dag chos kyi dbyings rnam par dag pa'i klong du ma gyur cing/khams gsum pa'i sa la snang bar gyur nas/tshul 'di lta bu dang mthun pa'i log sred can dag las rnam par ma dag pa 'byung ste/ bla na med pa'i sa thob par 'dod pa dag la yang rab tu rnam par 'tshe bar 'gyur na/ khyod kyi sngon gyi phrin las ji lta ba de bzhin du bgyi bar 'tshal na/bdag cag la brtse ba chen pos dgongs te/ yang dag par bstan du gsol zhes zhus pa dang/ de nas dus gsum gyi sangs rgyas thams cad chos kyi sku'i ngang las gzugs kyi sku 'jigs byed 'bar ba thams cad kyi nang na che ba'i mchog tu gyur pa he ru ka chen po'i ngo bor bzhengs te/gsung gcig gi dbyangs kyis nam mkha'i khams thams cad khyab par mdzad stai 'di skad ces bka' stsal to// kye ma 'dus pa'i tshogs chen dag/ 'das pa'i dus na sngon byung ba// ma 'ongs dus na 'byung ba yang// de bzhin gshegs pa'i gsung rab las// bdag nyid chen po rtag pa yi/khro bo'i tshul du sngon byung ba// de tshe sems can thams cad kun// shin tu khro drag gtum po yis// 'o dod 'bod cing ltung bar gyur// mi bzad chen po'i sdug bsngal te// dug gsum mkha' la mngon zhen pa'i// ji ltar mdzad pa'i thabs kyis gdul// srid gsum bdag po 'dul ba'i phyir// nga rgyal chen po'i skur bstan te// de bzhin nyid kyi dbyings nyid nas/ khro mo dbang phyug mngon phyung ste/ gnyis su med pa'i cho 'phrul las/khro bo 'chol ba'i dmag bsdus nas// sngon gyi phrin las ji lta ba// sangs rgyas mdzad pa rdzogs par spyad// A+oM badzra ma hA shrI he ru ka hUM phaT/ shin tu khro zhing gtum pa la// zhi bas phan par mi 'gyur te// shes rab thabs kyi ngo bo las// khro bo de bzhin gshegs kun mdzad/ khro bo'i tshul 'chang khros pas kyang// 'jig rten gsum rnams sreg byed na// sangs rgyas thugs rjes khros pa yis/ khams gsum ma lus smos ci dgos// thugs rje che dang ldan pa yi// kun tu bzang po de bzhin gshegs// dam tshig la sdang rnam sbyang phyir// dur khrod gar gyi phyag rgyar gsal// oM ma hA shrI he ru ka kro tI shwa rI sa ma ya de byi sho d+ha ya sta na hUM phaT/hUM kun tu bzang po rdo rje sems// sangs rgyas thams cad bsdus byas nas// khams gsum 'khrugs pa'i bdud chen po// zhi bar bstan pas 'dul ma yin// khro bo'i tshogs kyis gdul bar bya/kha trang kha ru tra A kar+Sha ya ma ta kha ru lu ru lu mA ra ya hUM phaT/ de yis dregs pa'i bdag po de// phung po nyam thag gan rkyal mnan// mgo bo lho nub mtshams su bstan// rkang pa byang shar mtshams su brkyang// stong gsum 'jig rten thams cad kyi// 'dzam bu'i gling gi sa yi char// dur khrod chen po brgyad du byas// de yi 'khor byung lha brgyad bsgral// rang byung mchod rten chen po brgyad// srin mo sham sham mo la sogs// gnas las grub pa'i ma mo brgyad// yon tan brgyad ldan mkha' 'gros bsrung// pho nya seng ge stag la sogs// rang gis lus dang mthun pas btul// za ba mo la sogs pa yis// srin mo nyi shu brgyad rnams kyang// btul te bka' yi bsrung mar bzhag/ de yi rnam shes hUM du bsgyur// byin rlabs sprul pa'i sbyor mtshams su// 'phangs te rgyal bas sras su byas// thal bas rgyan pa'i zhing khams su// thal ba'i dbang po zhes bya ba'i// sangs rgyas nyid du lung bstan gyis// las kyi lhag ma tsam nyid las// rang dang chos mthun tshar gcod cing// sgrol byed nag po chen po yin// de yi 'khor gyi thog mar byung// phyogs kyi dregs pa'i bdag po bcu// bsgral cing tshar bcad 'du byed pa'i/ khro bcu'i zhabs kyi gdan yin no// gnod sr-in mo ni mig gcig ma// glog 'gyu ma dang rlung shugs can// klu 'dul ma rnams khyo dang bcas// bsgral cing tshar bcad 'dul byed pa// mthar byed chen po brgyad rnams sprul// de yi gnas dang pho brang yang// gzhal yas khang du byin gyis brlabs// de yi phung po sha phrag ni// bdud rtsir byin gyis brlabs te rol// mdor na 'dod khams dbang phyug gis// dregs pa khyo shugs g.yog 'khor bcas// ma lus bsgral zhing tshar gcad de// kha cig 'khor dang pho nyar mngag/la la gnas dang gdan du byas// ma 'ongs dus na skyes bu dag/ dus gsum sangs rgyas kun ngo bo// sku gsum phrin las che ba'i mchog/ kun tu bzang po kun gyi bdag/ he ru ka yi tshul 'chang ba// brtul bzhugs bzang po de la ni// ma rig log par blta ba'i tshogs// bdud bzhi'i phyogs su rtogs rnams kyis// 'tshe zhing bar du gcod pa'am// gdug cing 'da' bar nus ma yin// de la 'di yi gzhi nyid kyang// ngo bo sems rgyun ma chad cing// tshig las 'da' bar mi bya ste// bde bar gshegs pa dam pa'i tshig/ rtsa ba nyid du gyur pa ste// snyigs ma'i dus kyi ston pa dang// da lta sangs rgyas 'di dag la// tha dad du ni cung mi brtag/ rdo rje gsang ba'i grogs dag kyang// de dang rjes su mthun par blta// sgo gsum gus pas brtson bya zhing// dam pa'i tshig las 'da' mi bya// de bzhin he ru ka yi tshogs// ming las byung ba'i rgyu dang rkyen// spro bsdu las la sbyar ba dang// dus bzhi'i phyag rgya de nyid ni// sngags dang rnal 'byor ldan pa yis// rgyun mi chad par bsnyen cing mchod// nga yi thugs la mnyes bsam pa// rdzas dang yo byad gnas dang dus// phyag rgya cho ga dkyil 'khor dag/ gsang bar 'os pa gsang ba'i bar// 'di dag kun la gnyer du gtad// dug lnga sku lnga ye shes lnga// nam yang spang bar mi bya zhing// gshang gci khu ba sha dang khrag/longs spyod chen po rtag tu rol// bsad cing rku ste mi rigs spyad// brdzun zhing rtsub la blang ba'i tshig/ der ni rtag tu smra bar byos// phung po dang ni 'byung ba kun// nga yi rigs kyi yab yum ste// yul dang rnam shes de yi 'khor// 'khor dang skye mched gzhan rnams kyang// de las byung bar shes pa yis// rigs kyi sku lnga rab tu bsgrub// mthong dang rig dang shes dang spyad// 'di las 'da' bar ma gyur na// log par blta ba 'dul nus shing// sangs rgyas rnams dang nga nyid 'grub// bcom ldan 'das dpal che mchog 'dus pa rtsa ba'i rgyud las/ phyi ma mngon par 'byung ba dam tshig gi phyag rgya'i le'u ste gnyis pa'o//// de nas kun bzang he ru kas// nyid kyi dkyil 'khor mngon sprul pa// chos kun gud na yang med de// nam mkha' yangs pa'i dbyings nyid las// mi rtog rang byung thugs rje'i shugs// rang bzhin ma 'gags cir yang gsal// rnam par shes pa'i gzhi nyid kyang// bskyed pa'i nus pa rgyu dang ldan// dngos por snang ba 'jig rten bsregs// bag chags sdug bsngal ma lus gtor// 'dod chags 'khor ba'i rgyan lam bkrus// gti mug mi zad gter du gtams// zhe sdang keng rus 'bar ba brtsegs// dug gsum thod pa sna tshogs dang// lha klu gza' dang rgyu skar bcas// chu srin sbrul dang rus sbal dang// dregs pa rU tra bsgral ba yi// sha khrag rus pa pags pa dang// don snying snod bcas rnams kyis brgyan// gzhal yas khang pa dur khrod bcas// gang gis 'dul ba de ltar blta// dngos po ma lus chos dbyings las// rdul tsam g.yo ba med pa ste// nga ni chos dbyings he ru ka/ nges pa'i don de nga yi gnas// nga la yul dang phyogs ma grub// phyogs bcu kun tu khyab pa ste// 'di ni nga yi bzhugs pa'i gnas// bsgral ba'i zhing bcu mngon spyod kyis// bsgral te thugs rjes mi rtog 'dzin// ma 'ongs rnal 'byor pa la bstan// 'di ni nga yi lung gi gnas// phyogs bcu dregs pa'i bdag po bcu// khro chen bcu yi gdan du gsal// nga yi bsgrub pa'i gnas zhes bya// 'byung ba dang ni phung po rnams// nga nyid gzhi yi gnas yin no// dman pa'i theg pa drang ba'i phyir// 'du shes bcu ni bsam pa'i gnas// lam lnga dang ni rnal 'byor lnga// 'gro ba'i gnas su nga yis bshad// rig dbang stobs lnga brten pa'i gnas// dug lnga rgyu lnga sbyangs pa'i gnas// bdud brtsi sha rnams bsten pa'i gnas// 'di las ma gtogs dngos gzhan med// rigs lnga sku lnga ye shes lnga// thob byed sa bcu 'di la gnas// thams cad rdzogs pas gnas shes brjod// khyad par du ni 'dul ba'i sa// 'phags lam dang ni rnam thar brgyad// dman pa'i theg pa brgyad nyid dang// sa brgyad ma bcos rdzogs pa ni// ka ba rin chen pad+ma dang// 'khor lo dag gis nges par byas// byol song gtso bo chen po dang// dregs pa'i bdag po lha chen brgyad// thabs dang shes rab 'od kyi dkyil// 'dam skyes mdzes pa bsam mi khyab// sa bon phra mo ting nge 'dzin// 'phro 'du las kyi mnyes shing sangs// bsdus shing bstan pa 'di nyid de// mthing nag zhal gsum phyag drug ldan// chos kyi sku la 'gyur med cing// sku gsum pha rol phyin drug rdzogs// nyon mongs skyon bral g.yas zhal dkar// thugs rje chags pas g.yon zhal dmar// ye shes lnga rdzogs sangs rgyas lnga// rdo rje rtse dgu rtse lnga dang// rtse gsum g.yas kyi phyag gis 'dzin// thod pa tshar gsum g.yon na bsnams// theg pa rim dgu ngang gis rdzogs// nyon mongs lnga 'joms ye shes lnga// khams gsum sbyor zhing dug gsum gcod// bdud bzhi 'joms mdzad zhabs bzhir bgrad// gnam zhal dbyings phyug khro mo ni// chos nyid rol pa'i dges pa stob// gnyis med snang ba 'od kyi tshul// dril bu thod khrag 'dzin cing stob// A+oM badzra ma hA shrI he ru ka kro d+hi shwa rI dz+wa la ni hUM phaT/ 'bar zhing gsal la rdzogs par blta// gal te gdul bar ma nus na// hUM spro zhing bsdu ba bstan pa las// dbu dgu phyag ni bco brgyad de// theg pa'i 'dod pa yongs rdzogs shing// khams chen bco brgyad rtsad bcad nas// stong pa bco brgyad ngang du sbyor// rnam thar brgyad kyi zhabs bgrad cing// phyag dgu g.yas kyi dang po yi// chos nyi da mi 'gyur rdo rje 'dzin// dug gsum rtsad gcod kha T+wAM ga/ chos kyi sgra sgrog rnga bo che// 'khor los 'khor ba rtsad nas chod// dgos 'dod 'byung ba'i rin po che// pad+ma chags med skyon dang bral// ral gris nyon mongs drwa ba gcod// dgra s+t+wAs bdud kyi dpung rnams 'joms// zhags pas khams gsum rgyud drug 'dren// g.yon gyi dang po thod khrag ni// thugs rjes 'gro don khyab par mdzad// zhing dbyug rdos pa'i phung po 'joms// nyon mongs thal ba rlog pa'i gshol// nyi ma dang ni zla ba yis// ma rig mun pa'i tshogs rnams sel// ri rab dreg pa rU tra gnon/ khrag gis rgya mtshos gnas ngan 'khru// me dpung las dang bag chag bsreg/dngos 'dzin dri ma gtor ba'i rlung// bco brgyad phyag gi 'gro don rdzogs// che mchog dpa' ba'i chas brgyad ni// glang chen ko rlon stobs bcu ldan// stag lpags 'phrin las rnam bzhi mdzad// sbrul rgyan gdug pa'i dug rnams 'dul// zhing lpags nyon mongs rtsa ba gcod// rak+ta'i thig le 'gro don chags// thal chen mtshan mas phrin las brtson// zhag gi zo ris nyon mongs rngub// bskal pa'i me dpung rtogs tshogs bsreg/'bar ba'i spyan ni dgu phrag gsum// gzigs pas ma lus bde la 'god// lha mo dbang phyug khro mo'i rgyal// zhal gsum phyag drug rdzogs pa la// sngar bshad yab kyi phyag mtshan 'dzin// kun nas rab tu bskyod pa'i tshul// sngon gyi phrin las ji bzhin du// gnas gsum yul du gsal bar bya// de yi 'dul ba'i las rnams byed// gal te 'dul bar ma nus na// hUM b+h+yo s+pha ra Na phaT/ saM ha ra Na hUM/ A+oM badzra ma hA shrI he ru ka ma hA tsan d+ha sarba duSh+taM ta ka ha na da ha pa tsa hUM phaT/ badzra ma hA kro tI shwa rI da ra ma b+h+yo hUM/ nga ni kun bzang he ru ka/ che ba'i che mchog dpal gyi sku// dbu ni nyi shu rtsa gcig ldan// sa dang ye shes ma lus rdzogs// bzhi cu rtsa gnyis phyag na ni// ji ltar bshad pa'i sangs rgyas ni// bzhi bcu rtsa gnyis rdzogs par bzhugs// zhabs brgyad bgrad pas lha chen brgyad// byol song brgyad dang bcas pa gnon// ting 'dzin brgyad dang chos nyid sbyor// ral pa kham nag srid rtser 'bar// smin mtshams sna phrag glog stong 'gyu// 'bar ba'i spyan ni drug cu gsum// sdang mig zhe la gdon cing gzigs// shangs nas 'thor rlung spor zhing 'tshub// snyan nas drag po'i 'brug stong sgrog/ rngams pa'i zhal gyis khams gsum rngub// gnam lcags mche ba zangs yag gtsigs// le brgan ljags 'gril glog stong 'gyu// ba spu thu lum me stag 'phro/ rdo rje'i gshog pa nam mkhar khyab// dpa' zhing sgeg la 'jigs su rung// rgod cing gshe la 'jigs par ston// snying rje'i rngam dang zhi ba'i tshul// 'bar ba'i 'od kyi phyogs bcur khyab// khro mo 'dod chags ye shes che// he he dgyes pa'i gzi gdangs can// rin chen pad+ma rab rgyas la// mnyes pa'i sbyor ba'i rol pa stob// dbu dgu sa dgu'i rtogs pa 'joms// stong pa bco brgyad phyag dang ldan// g.yas kyi dang po rdo rje yi// chos sku 'gyur med tshul gyis bzhugs// g.yon gyi dang po thod khrag gsol// dug gsum ma lus stong par gsol// g.yas kyi phyag brgyad 'og ma na// gau rI ma mo brgyad 'phyar zhing// g.yon gyi 'og ma phra men brgyad// zhabs bzhi rigs bzhi dbyings su gnon// dur khrod dpa' ba'i chas la sogs// ji ltar bshad pas tshul 'dzin pa'i// 'jigs pa'i tshul gyis sku la 'khril// hUM A oM hUM phaT AH/ zhes nyid kyi sku'i dkyil 'khor de lta bu'i ded dpon dbang phyug la sogs pa rnams la de ltar snang bar mdzad do// bcom ldan 'das dpal che mchog 'dus pa rtsa ba'i rgyud las/sku'i dkyil 'khor che ba'i mchog tu gyur pa rtsa ba'i le'u ste gsum pa'o//// de nas kun bzang he ru kas// sprul pa'i dkyil 'khor dbyung ba'i phyir// mkha' dbyings rdo rje byin gyis brlabs// nyi ma'i dkyil 'khor hUM ldan dang// zla ba'i dkyil 'khor A+oM dang ldan// chags med pad+ma'i dkyil 'khor rdzogs// oM sarba ta thA ga ta a nu rA ga badzra swa b+hA wa At+ma kou0f85haM/ oM sarba ta thA ga ta pU dza badzra swa b+hA wa At+ma kou0f85haM/oM badzra pad+ma sarba yo gi ta pra we sha phaT/ mkha' klong pad+ma'i gzhal yas su// bde chen thugs kyi dkyil 'khor spro// sangs rgyas sprin tshogs ma lus la// rab dgyes mnyam pa'i sbyin pas bstim// A+oM sarba ta thA ga ta sa ma ya pU dza pra bar ta na badzra swa b+hA At+ma kou0f85haM/ A+oM dang ldan pa'i thig le las// sku gsung thugs kyi rdo rje bskyod// hUM gis mkha' la phab byas te// thabs dang shes rab byang chub sems// mkha' la gsal dag nyi zla'i 'od// sa ma ya ho/ sa ma ya s+t+wAM/ ra ho haM/ rA ga yA mi/ byang chub sems kyi sprin tshogs las/ khro bo 'chol ba'i dkyil 'khor spro// sangs rgyas mdzad pa rdzogs bya'i phyir// phyogs bcu'i dregs pa ma lus bsgral// oM badzra kro ta bi shwa dz+wa la A kar+Sha ya ya da ha dz+wa la hUM phaT// e h+ye hi hUM b+h+yo s+pha ra Na phaT/ saM ha ra Na hUM/ hUM hUM hUM hUM/phaT phaT phaT phaT/ hUM hUM hUM hUM hUM/ hUM hUM hUM hUM hUM/ ha ha ha ha/ ha ha ha ha/ he he he he/ he he he he/ dzaHhUM baM hoH/ nga yi sprul pa'i dkyil 'khor dag/ rang las byung ba gzhan la gsal// zhal gsum phyag drug 'jigs gzugs 'chang// rigs kyi khro bo mngon par phyung// bcom ldan raka sha he ru ka smug nag g.yas dkar g.yon dmar zhal// 'khor lo ti ra khyung chen g.yas// b+han dmar rgyu zhags ba su g.yon// raka sha kro ti shwa rI yum/'khor lo b+han d+ha stob cing 'khril// bcom ldan gu h+ya he ru ka/ ser nag g.yas mthing g.yon dmar zhal// rin chen ri rab dgra s+t+wa g.yas// thod khrag ri rab rgyu zhags g.yon// gu h+ya kro tI shwa rI ni/ rin chen b+han dmar stobs cing 'khril// bcom ldan bi shwa he ru ka/ dmar nag g.yas mthing g.yon dkar sku// pad+ma be con dgra s+t+wa g.yas// b+han dmar ri rab thong gshol g.yon// bi shwa kro tI shwa rI ni// pad+ma thod khrag stob cing 'khril// bcom ldan yak+Sha he ru ka/ ljang nag g.yas dkar g.yon dmar zhal// rgya gram ral gri dgra s+t+wa g.yas// b+han d+ha zhags pa thong gshol g.yon// yak+sha kro tI shwa rI ma/ rgya gram thod khrag stob cing sbyor// khro mo'i tshogs 'di thams cad kyang// zhal gcig phyag gnyis gtso bo'i mdog/ yab yum khro tshogs rnams kyi sku// gtso bo dang mthun chas kyi rgyan// rang gi phyogs nas mnyam par bzhugs// gnas mchog de yi phyi rim la// phyogs bcu'i dregs pa 'dul byed pa// zhal gcig phyag gnyis ldan pa bcu// mdog dkar 'khor lo tri shul 'dzin// me dbal dbyug to 'dzin dmar ser// mthing nag thod dbyug dgra s+t+wa thogs// smug nag ral gri zhags pa 'dzin// spu gri sbrul zhags thogs pa dmar// dmar skya b+han+d+ha rnga yab thogs// ljang gu rgya gram dril bu thogs// mthing nag dgra s+t+wa rtse gsum 'dzin// sngo skya mda' gzhu 'geng shing 'phen// dud ka tho ba zhags pa thogs// kun kyang zhabs gnyis brkyang bskum gyis// so so'i phyogs kyi dregs pa gnon// ji ltar 'jug pa'i phyogs bzhi ru// shes rab gshin rje pad+ma dang// stobs chen khro bo chen po bzhi// dkar po 'gugs byed lcags kyu 'dzin// ser po zhags pas 'ching byed cing// lcags sgrog sdom byed dmar po ste// rdeg byed dril bu can mdog ljang// sprul pa'i sras tshogs 'di rnams kun// rang gi rigs mchog dbu brgyan cing/ khro bo'i chas dang nyams kyi mdzes// mkha' la mngon par rkyen gyis dbyung// A+oM ma hA shrI rak+sha he ru ka hUM phaT/ A+oM ma hA shrI gu h+ya he ru ka hUM phaT/ A+oM ma hA shrI bi shwa he ru ka hUM phaT/ A+oM ma hA shrI yak+sha he ru ka hUM phaT/ A+oM raka sha khro mo la kro d+hI dang/ khro bo la kro d+ha thob kyang brda' rnying sor bzhag byas/ kro t-I shwa rI hUM b+h+yo/ A+oM gu h+ya kro tI shA rI hUM b+h+yo/ A+oM bi shwa kro tI shwa rI hUM b+h+yo/ A+oM yag sha kro tI shwa rI hUM b+h+yo/ A+oM ma hA kro ta in+d+ra ha na ha na hUM phaT/ A+oM ma hA kro ta a ga ni da ha da ha hUM phaT/ A+oM ma hA kro ta ya ma pa tsa pa tsa hUM phaT/ A+oM ma hA kro d+ha raka sha b+han+da b+han+da hUM phaT/A+oM badzra ma hA kro ta nA ga hu lu hu lu hUM phaT/ A+oM ma hA kro ta ba ya be tiSh+Tha tiSh+Tha hUM phaT/ A+oM ma hA kro ta yak+sha ts+tshin+da ts+tshin+da hUM phaT/ A+oM ma hA kro ta bi na ya ka b+hin+da b+hin+da hUM phaT/ A+oM ma hA kro ta brah+ma NaHgardza gardza hUM phaT/ A+oM ma hA kro ta be sna s+pho Ta s+pho Ta hUM phaT/ A+oM pradz+nyAn+ta kr-ita hUM phaT/ A+oM ya man+ta kr-ita hUM phaT/ A+oM bi g+ha nAn+ta kr-ita hUM phaT/ A+oM pad+man+ta kr-ita hUM phaT/ ru ru shri ta ma ru sod/ srog thun mug sod// ma rag du rbad ya sod/ kha rug sha sha ma sod/srog thun ni rbad sod/ nr-i ya nr-i ya tsa tu'u na sod/ sha rgyud snying phyung phyung/ snying rgyud srog chod/ srog rgyud dbugs long/ ma ma thun thun sod sod/ srog la rngams pa'i tshogs kun gyis// stong gsum ma lus 'jig rten gang/A+oM AHhUM/ A+oM hUM swA hrIHhA/ kA ya wA ka tsit+ta k+Sha a d+hiSh+Tha na A we sha ya/ prA we sha ya hUM/ bud+d+ha badzra rat+na pad+ma karma a b+hi Shiny+tsa AH/ dzaHhUM baM hoH/ badzra g+ha na tsakra ma d+ha la/ e A ra li dzaH/ sa ma ya pa sh+ya hoH/ zhes gsungs nas rdo rje che mchog gsang ba chen po'i dkyil 'khor gyi tshogs ma lus shing lus pa med pa nyid kyi sku dang gsung dang thugs kyi gsang ba las phyung ste/ khams gsum pa'i sa la gnang bar mdzad pa dang/'jig rten gyi gtso bo dregs pa can rab tu 'dul bar dka' zhing/ 'jigs par mi nus pa dag kyang sngangs shing bkrag ste sa la 'gyel nas sgra ngar ngar po de 'don cing/ yid kyi dmigs pa tsam gyis phyogs bcu dang dus gsum gyi de bzhin gshegs pa thams cad kyi bdag nyid gsang ba'i che ba'i mchog tu gyur pa/dpal he ru ka la phyag 'tshal zhing 'dug par gyur to// bcom ldan 'das dpal che mchog 'dus pa rtsa ba'i rgyud las/sprul pa'i dkyil 'khor mngon par spro ba'i ting nge 'dzin gyi le'u ste bzhi pa'o//// de nas 'dus pa'i 'khor tshogs de rnams kyis kyang bcom ldan 'das la 'di skad ces gsol to// kye ma kun bzang he ru ka/ ma 'ongs dus kyi sems can rnams// skal ba med cing 'dul dka' ba// gtsang zhing sme ba'i rtog pas bcings/ khyod kyis dam par gsungs pa'i tshig/gshang dang gci ba bam pa'i rdzas// rdzogs par longs spyod ma nus na// gtsang sbras grol bar 'gyur ram ci// 'jig rten log rtog can rnams la// gsang zhing spyad pa ji lta bu// thabs dang yon tan grub pa'i tshad// mkhyen pa'i thugs rjes dpag med pas// myur du ston cig che ba'i mchog/ de skad gsol pa gsan nas kyang// kun tu bzang po he ru kas// ma lus bshad cing bkrol ba'i dus// stong gsum 'jig rten khams 'di na// tshangs dang drang srong gtsang ma za// de dag grol bar ngas ma bshad// klu dang bram zer gtsang sbrar spyod// des kyang grol bar ngas ma bshad// byol song rtswa mchog gtsang ma za// ci srid 'tsho ba'i bar du spyod// de'ang grol bar ngas ma bshad// rgyu dang 'bras bu 'khrul pa'i sgra// thams cad bdud rtsi'i rang bzhin te// don dam nges pa'i lung der nyon// zhes bka' stsal nas/ nyid kyi thugs gsang ba mchog gi dkyil 'khor chen po las 'od zer dpag tu med pa rnam par 'phro bar mdzad de/ 'jig rten gyi khams thams cad kyi tshang pa dang brgya byin dang dbang phyug chen po la sogs pa lha'i rigs rnams dang/mtha' yas dang/ 'jog po dang/ nor rgyas kyi bu dang/ de la sogs pa'i klu rnams dang/ gzhon nu smin drug dang/ khyab 'jug la sogs pa gza' dang rgyu skar gyi tshogs dang/ rgyun shes kyi bu dang/ljang sngon dang/ g.yon phyogs lha la sogs pa drang srong gi tshogs rnams dang/ gzhon nu sprin dang/ go'u ta ma dang/ gzhon nu log sred la sogs pa bram ze'i tshogs rnams dang/ gzhan yang dri za dang/me lha dang/ rlung lha dang/ gnod sbyin gyi gtso bo so so 'khor dang bcas pa rnams dang/ 'brang skyong dang/ dzam b+ha la dang/ dwa shu ba'i bu mo'i 'od 'chang ma dang/ nor gyi rgyun ma dang/ rma bya'i mgul la sogs pa shing thog dang/rtsi thog dang/ sman du gyur pa rnams kyi gtsang sbra la spyod cing/ gzhan yang 'o ma dang/ 'bras dang/ mngar dang/ me tog dang/ chu dang/ shing thog gi 'bru dang/ shu ti dang/ nye'u shing dang/ra mo shag dang/ a ba ru dang/ brag rtsi dang/ a na sa la sogs pa/ sa la gtsang sbyar spyod pa'i sgo nas/ bcud len cing dka' thub dang tshangs par spyod pas 'tsho bar byed pa rnams 'khor gyi dkyil du bsdus nas/byang chub sems dpa' sems dpa' chen po 'jam dpal dang sa'i snying po la sogs pa rnams ni kun tu bzang po he ru ka blta bar mi bzod pa rnams kyi ston par bzhugs nas yang 'di skad ces bka' stsal to// thams cad ma lus bdud rtsi lnga// thabs dang ldan pas rig cing rtog/ chos nyid gcig las tha dad pa'i// rigs lnga'i mtshan nyid yon tan tshogs// 'di ltar rtogs na grol bar 'gyur// rang bzhin gdod nas dag pa yi// mnyam nyid dbyings su rab rtogs shing// gnyis med don gyis zin pa na// ji ltar dmigs pa bzhin du 'grub// gtsang dang mi gtsang rtogs pa'i yid// mkhas pas gnyis su smra mi bya// ye shes sku lnga rdzogs pa'i phyir// dri chen gser mdog rnam snang mdzad// mngon 'byung sprul pa chos kyi sku// byang chub sems ni dkar ba'i mdog/ dri med dag pa'i ye shes sku// mAng sa yid bzhin rin chen 'byung// sna tshogs 'byung ldan mnyam nyid sku// rak+ta chags med dmar bas na// dri med rnam dag pad+ma'i sku// dri chu dag byed ljang gu'i mdog/ kun tu don grub las rab sku// sku lnga lhun grub bdud rtsi lnga// rang gi lus la ngang gis gnas// dri chen dri chu rak+ta dang// mAng sa byang sems 'di rnams kun// sems can rtog pa bzlog pa yi// gtso bor dang du blangs shing bsgrub// mi rtog gtsang sbra med par spyad// rang bzhin rnam dag bdud rtsi lnga// spyad cing zos pa'i yon tan ni// smyo 'bog dug dang glang thabs dang// mdze dang gag pa la sogs sel// sku lnga ye shes lhun gyis grub// a 'bras rgun 'brum pa na sa// lha rdzas dge ba'i a ru ra// sha lnga zos pa'i yon tan ni// shes rab gsal zhing ting 'dzin brtan// dug lnga 'joms shing mthu stobs che// rdzu 'phrul stobs ldan mkha' 'gro mnyes// thar pa chen po'i dngos grub thob// sangs rgyas byang chub sems dpa'i gdung// dkar la gsal la mtheb long tsam// nyan thos rang rgyal rnams kyi gdung// sran ma ma sha'i 'bras bu tsam// gang zag sems can phal pa'i gdung// nyung 'bru til 'bru tsam de nyid// spyad cing bsten pa'i yon tan gyis// rus pa sra mkhregs rdo rjer 'gyur// thugs kyi dngos grub thob par byed// sngon tshe nga yi phrin las kyi// thugs rjes dz+wa la rak+sha bsgral// de yi tsit+ta phyung ba'i rgyun// tsi tra ka dang snying zho sha/ smyo 'bog nad rnams sel bar byed// mngon shes drug gi sems dang ldan// ye shes drug gi dngos grub thob// me tog so ma 'bras bu dmar// srid pa'i nad sel sa las skyes// rtsa ba mU la rak+ta kha// 'khru bag nad rnams gso zhing gcod// dbang gi dngos grub 'thob par byed// 'byung ba bzhi yi byin rlabs las// sprin chen glog gi phreng ba can// sgra dang yud tsam bcas pa yi// sa steng khyab par char phab nas// bdud rtsi thigs shing zags pa ni// rgya mtsho'i lbu ba gangs kyi chu// nags kyi chu dang chu sna tshogs// rtag tu 'gro ba'i don byed nus// dmyal ba'i tsha grang sdug bsngal sel// de bzhin gshegs pa'i byin gyis brlabs// sa gzhi yum gyi rang bzhin la// byang chub sems kyi char bab pas// thams cad smin cing bangs par mdzad// chu yi bcud las gyes pa yis// bdud rtsir gyur te thams cad rgyas// rtsa ba sdong po yal ga dang// lo ma me tog shun pa dang/ khu ba 'bras bu snying por bcas// ro dang dri dang kha dog la// rtsa ba gcig la yan lag brgyad// yon tan stong dang bcas pa yi// bzhi brgya rtsa bzhi'i nad sel zhing// 'gro ba drug gi gsos su 'gyur// srid pa chags byed srub shing gis// bdud rtsi'i rgya mtsho bsrubs pa las// bcud kyi rgyal po bdud rtsir gyur// chos bzang lha yi mdun sa nas// rA hu la yis brkus te 'thung// brgya byin khros te ske bcad pas// khrag thig bdud rtsi sa la lhung// bskyed cing smin pa lha yi rdzas// dus min 'chi las thar bar byed// mngon shes lnga yi dngos grub thob// gser dngul zangs lcags de bzhin g.yu// rin chen bdud rtsi'i zags chu ni// shai la dzA tu yo ga si// mchin pa'i nad rnams sel bar byed// grub pa'i rig 'dzin 'thob par 'gyur// sred med bu dang khyab 'jug gi/ de yi zag pa'i dri gshang gci// chu klung gangs kyi 'gram du skye// nye'u shing dang ram nye'u// nang khrol don snying nad rnams sel// zag pa zad de nam mkhar 'gro// rig pa 'dzin pa'i go 'phang thob// dang po srid pa'i bdud rtsi la// lha dang lha min rtsod cing 'thab// brgya byin dbang po'i lag pa la// lha ma yin gyis mtshon phog lhung// de yi sha khrag smin cing bskyed// dbang po'i lag dang byi tshe lag/ dngos grub blang ba'i phyag rgya ste// nor dang 'bru rnams 'du bar 'gyur// rta mgrin dbang gi dngos grub thob// yul 'khor bsrung gi bu thu bo// drang srong yan lag dga' ba ste// ming ni rgyal po bshes gnyen can// b+hu su ku ni rgya cher mdzad// 'dod khams lha yi gtso bor skyes// bod pa 'phyis pas drag po 'phros// lha chen de yi dpral ba nas// mig gcig ltag par 'dug pa las// smin cing bskyed pas sa steng khyab// 'bu su lug mig rnam gsum gyi// mig gi mngon shes thob par byed// sa yi snying po'i dngos grub thob// nga yi sngon gyi phrin las kyi// lha chen tshangs pa bsgral ba las// sna nas khrag zag bskyed cing smin// sna ma'i 'bras bu srin gyi shing// dri yi mngon shes thob par byed// nam mkha' snying po'i dngos grub thob// 'das pa'i dus na sngon gyi tshe// rta mgrin dbang gi phrin las kyis/kha 'bar bzhi yi lce bcad de// smin zhing bskyed pas bdud rtsir gyur// do ba dang ni gnya' ba dang// lca ba dang ni se ba bzhi// me tog rma lo kri kri dang// gser gyi mdud can ha lo tri// spyad pas lce yi mngon shes dang// spyan ras gzigs kyi go 'phang thob// nga yis srin po bum sna bsgral// chung ma srin mo dza mun ti// rna ba a sho kan d+har gyur// spyad pa'i rna ba'i nad rnams sel// sgra yi mngon shes mnga' bar byed// phyag na rdo rje'i dngos grub thob// til mar bu ram sbrang rtsi dag/ lan tshwa mar dang snying po lnga// bdud rtsi gtso bo'i yan lag ste// rlung mkhris bad kan chu ser dang// 'dul ba'i nad rnams sel bar byed// mngon shes lnga yi dngos grub thob// go sa ha dang le seng dang// gi haM chu taM ma dza haM/ me tog lnga zos yon tan gyis// bad mkhris glo dang dug rnams sel// rigs kyi yum lnga'i dngos grub thob// shing thog rgun 'brum ka ko la// a 'bras pa na 'bras bu lngas// sha khrag rus pa chu ser dang// lus kyi nad rnams sel bar byed// sku gsung thugs dang yon tan dang// phrin las lnga yi dngos grub thob// nA ga ge sar shing tsha dang// sug smel ga ta pa tra dang// skyu ru ra dang dri sna lngas// sha khrag rus pa chu ser dang// dug gi nad rnams sel bar byed// zhi rgyas dbang dang mngon spyod dang// las rnams thams cad 'grub par 'gyur// rgya spos dza ti pha la dang// ga pur tsan+dan li shi lnga// tsha ba'i nad rnams sel bar byed// tshul khrims rnam dag dngos grub thob// 'bras dang so ba mon khre'u// nas dang gro dang til rnams ni// mu ge'i bkres pa sel byed cing// tshe dang stobs dang bkrag mdangs gzi// longs spyod phun sum tshogs par byed// gser dngul zangs lcags g.yu dang lnga// dbul zhing phongs pa sel byed cing// rigs lnga thugs kyi dngos grub thob// rang bzhin spyad pa'i yon tan las// bsgrub pa'i yon tan bsam mi khyab// kye ma tshangs pa drang srong dang// lha klu dri za bram ze sogs/ khyed kyi brtul zhugs dka' thub kyis// bsten cing spyad pa'i rdzas 'di rnams// sngon tshe 'das pa'i dus nyid nas// bshang gci khu ba sha khrag gis// ma bskyed pa dang ma byung med// thams cad bdud rtsi lnga'i rang bzhin// gtsang sbras nyams par gyur ta re// brtul zhugs 'dzin pa de bor la// dus gsum sangs rgyas ma lus pa'i// bka' yi dam pa 'di zung zhig/ ces bka' stsal pas/ tshangs pa dang drang srong la sogs pa'i 'khor de dag thams cad kyis rang rang gi gtsang ba dang sme bar 'dzin pa'i longs spyod rnams bshang ba dang gci ba dang byang sems kun+d+ha lta bu dang/pad+ma lta bu dang/ mi dang/ rta dang/ khyi dang/ ba glang dang/ glang po che'i sha dang/myos par byed pa 'bru bcud kyi btung ba rnams kyi rlabs te/ rgya mtsho dang chu'i rgyun lta bu dang/ rigs kyi nang na gdol pa dang/ khyi dang/ phag dang/ bong bu'i tshogs rnams kyi khu ba dang/ khrag gi klong chen po snang bar gyur nas brgyal te/gtsang bra dang sme ba'i rnam par rtog pa drag pos gzir zhing 'dug pa la/ rang rang gi las dang mthun par gdul bar nus pa'i ston pa 'jam dpal dang/ sa'i snying po la sogs pa nyid kyi sku gsung thugs gsang ba chen po las phyung ste/'di skad du/ rigs kyi bu dag ma 'jigs shig ma 'jigs shig/ 'di dag ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi yang gting dpag dka' zhing/rgya che ba'i brtul zhugs kyi spyod pa yang dag pa ste/ tshul 'di lta bus longs spyad na/ blo mchog tu gyur cing yangs pa dang ldan pa rnams kyi don rgya chen po mdzad do// da ltar dang ma 'ongs pa'i dus na yang phrin las chen po spyod pa dag 'byung bar 'gyur yang// sems can blo chung ba rnams kyi mig lam du snang bar mi 'gyur ro// rigs kyi bu dag khyed rnams ni sngon gyi rgyal ba rnams la lhag pa'i bya ba byas shing byang chub sems bskyed de/smon lam rgya chen pos 'gro ba'i don rnam par spyod pa la rab tu gzhol ba'i spro ba dang ldan pas/ sems can gyi rigs dang khams dang/bag la nyal dang las dang bsam pa mthun pa rnams 'dul ba'i dus dang tshod la bab pa ste skrag par ma byed cig/ 'dir ni bdag cag gi ston pa kun tu bzang po he ru ka nyid kyis bdag cag la sogs pa tshul 'di lta bus 'dul bar 'os pa rnams kyi don du mngon par sprul pa ste/don dam par ni chos thams cad rang bzhin gyis stong zhing 'dus ma byas pa/ bdag med pa/ rnam pa zhi ba/ zag pa med pa/kha na ma tho ba med pa 'jig rten las 'das pa/ de bzhin nyid las g.yo ba med pa las sprul pa tsam du zad kyis/ the tshom za bar ma byed cig/ ces dbug dbyung ba mdzad do// de nas tshangs pa dang drang srong dang bram ze'i tshogs de dag la/bcom ldan 'das nyid kyi sku gsung thugs kyi rnam par rol pa chen po mngon du bstan te/ 'khor gyi dkyil 'khor gyi tshogs dang bcas pa rnams kyis tshangs pa dang drang srong la sogs pa de dag la sku dang gsung dang thugs kyi de kho na nyid gsang ba'i dbang bskur bas dbang bskur bar mdzad pas/de dag thams cad rang gi lus ni rigs kyi lha dang lha mo'i tshogs su snang bar gyur la/ ngag gis ni thams cad bdud rtsi'i rang bzhin no// zhes bya ba'i sgra rgyun du brjod de/ phyi dang nang gi rnam par rtogs pa las grol zhing/ thams cad kyang chos kyi dbyings chen por ro gcig par gnas par gyur to// mi gtsang zhing sme ba'i rdzas kyi dngos po rnams kyang dri dang kha dog dang ro phun sum tshogs pa/ lta na sdug cing/ longs spyod kyi gtso bo yid bzhin gyi nor bu rin po che lta bu 'dod pa'i don ma lus pa thogs pa med par 'grub pa/dngos grub kyi rgya mtsho mi zad pa'i gter chen por gyur te/ de nyid de bzhin gshegs pa thams cad kyi sku gsung thugs kyi mchod pa mnyes par 'grub cing/ rigs 'dzin pa'i byang chub sems dpa' sems dpa' chen po rnams kyi yang longs spyod dam pa'i mchog tu gyur to// gzhan yang de'i tshe byang chub sems dpa' 'jam dpal gyis yang 'di skad ces smras so// kye ma rigs kyi bu dag ma 'ongs pa'i dus su sems can gang dag bcom ldan 'das kun tu bzang po de nyid kyi rnam par 'phrul pa dang/byin gyis rlabs kyi tshul 'di dag nyid kyis 'dul ba ma rtogs pa kha cig ni/ yang dag par rdzogs pa'i sangs rgyas kyi 'od kyi rgyal po'i byin gyis rlabs kyi rnam par 'phrul pas don byed par 'gyur ro// gzhan kha cig ni 'jam dpal dang/ spyan ras gzigs dang/ lag na rdo rje dang/ sa'i snying po la sogs pa rnams kyi don byed de/gzhan kha cig ni 'jig rten gyi lha tshangs pa chen po dang/ rgyun shes kyi bu la sogs pa'i drang srong chen po rnams dang/ tsa ra ka dang/ nab so skyes dang// tha skar gyi bu la sogs pa gza' dang rgyu skar gyi ded dpon chen po rnams dang/g.yon phyogs kyi lha dang rkang gnyis spyod pa la sogs pa klu'i gtso bo dang/ thang la gnas dang me bzhin 'jug la sogs pas don byed do// me lha dang rlung lha'i gtso bo khyed rnams ni lo ma dang/me tog dang 'bras bu las gyur pa rnams longs spyad de/ dri dang ro dang nus mthu dang 'bras bu'i yon tan gyis sems can gyi nad rigs bsal ba'i phyir/ sngon gyi gnas kyi rigs rjes su gzung bar gyis shig/bram ze gzhon nu'i sprin la sogs pa rnams kyi ni sman chen po'i bcud kyi len gyis/ sems can gyi rigs kyi tshe dang kha dog dang stobs dang lang tsho bkrag dang gzi brjid rnams 'phel bar bya ba'i phyir rigs rjes su gzung bar gyis shig 'bras skyong gi bu mo dang/dzam b+ha la dang/ da ba shu'i bu mo dang/ lha dang klu'i bu mo rnams kyis ni rang rang gi longs spyod pa'i rdzas gang gis longs spyad pa de dag la// so so'i bcud dang byin gyis rlabs dang dngos grub gsol ba'i phyir rigs rjes su gzung bar gyis shig/ khyed rnams ni bcom ldan 'das kyi phrin las yang dag par gzung ba'i phyir mngon du mdzad pa yin gyis don chen po yal bar dor bar ma byed cig ces smras pa dang/tshangs pa dang drang srong la sogs pa'i 'khor de dag gis 'di skad ces smras so// kye bcom ldan 'das bdag cag la sogs pa sems can thams cad thugs rje chen pos yongs su 'dzin par mdzad pa'i kun tu bzang po he ru ka che ba'i mchog tu gyur pa khyod la phyag 'tshal lo// bdag cag rnams ni khyod 'khor dang bcas pa rnams kyis ji ltar bsgo ba dang/ma 'ongs pa'i gang zag rnams kyis smon cing ltos pa las bdag cag 'da' bar byed re kan zhes bro bor ro// sarba pany+tsa a mr-i ta sa ma ya na ra kan zhes brjod de/ tha tshig la gnas par gyur to// bcom ldan 'das dpal che mchog 'dus pa rtsa ba'i rgyud las/ dam tshig chen po'i las nye bar bsgrub pa dngos grub kyi rig 'dzin gyi le'u ste lnga pa'o//// de nas bcom ldan 'das la 'dus pa'i 'khor tshogs rnams kyis 'di skad ces gsol to// kye bcom ldan 'das/ bcom ldan 'das nyid kyi dam tshig chen po rab tu gsal ba'i tshogs de dag nye bar bsgrub pa'i gnas dang ston pa dang 'khor dang yo byad kyi khyad par dang/de'i thabs dang 'bras bu dang/ yon tan gyi tshogs ji snyed pa dag dus phyi ma'i tshe na 'byung ba'i sems can nyon mongs pas rab tu dkris pa rnams kyis grol ba dang thar pa thob par bya ba'i phyir thugs brtse ba chen pos nye bar dgongs te bstan du gsol// zhes gsol pa dang/ de nas bcom ldan 'das kyis nyid kyi sku gsung thugs gsang ba'i dkyil 'khor chen po bdun dang rdo rje'i dam tshig chen po'i sbyor ba'i byin rlabs yang dag par spro ba brgyad mngon par sprul te kun tu snang bar mdzad nas 'di skad ces bka' stsal to// e ma 'dus pa'i 'khor tshogs rnams// legs so legs so shin tu legs/ khyod kyi dri ba 'di nyid kyis// bsod nams byas pa'i khyad par ni// dus gsum sangs rgyas ma lus pas// bskal par gsungs kyang mdzad mi nus// de bas rigs kyi bu rnams nyon// mthong zhing goms la brtul zhugs gnas// re zhing dogs med gtsang ba ste// zab cing mthar phyin dpa' bskur la// thabs mkhas blo che brtan zhing gsal// ston pa nyid kyis rjes bzung bas// lus ngag yid kyi nyes byas zad// blo ldan gtong phod brtson 'grus che// mi phyed dad can rigs dag la// brtul phod ma zhum nges par spyod// nus pa bskyed dang smin pa'i dus// ji ltar bshad pa'i mtshan nyid dang// yon tan rgyan rtags ldan pa'i gnas// mi mdza'i phyogs kun rab bzlog rdzas// zla ba phyed pa byung nas brtsam// tshogs bsag bar chad bsal la 'bad// rang nyid zhe sdang rdo rje yi// sngon gyi phrin las ma lus sbyar// gzhi de brtag cing sbyang ba dang// bdag gir bya ba mchog yin no// dam tshig rdzas kyi mdzes par mnyam// rang gi rigs dang phyogs dag gnas// rdo rje ba su ta yis gcad// nyi zla gsal ba'i dkyil 'khor du// 'bru lnga ye shes 'phro 'du gsal// srub med nor bu rin po che// rigs kyi mtshan mas brgyan pa'i snod// nyid kyi phyogs su gsal bar dgod// rigs lnga rtsa ba'i dam tshig lnga// yan lag dri dang kha dog gis// dman pa sgrib byed mthun pa'i skyobs// rgyal po blon po dmangs dang bcas// ma lus pa n-i thams cad kun// mthun pa'i rigs kyis rab tu dbye// pho brang de yi rgyan dang rtags// dgod dang byin brlab la sogs kun// ngas bshad don las 'da' mi bya// phyag mtshan bcas pa'i dkyil 'khor nyid// dam pa rigs brgya'i ting nge 'dzin// byin brlab dbang bskur cho 'phrul gyis// mchod cing bstod de sbyang ba dang/ bsdu zhing bstim pa myur bar bya// oM sarba pany+tsa dz+nyA na sa twa kro ta mu na ye swA hA/ oM badzra ma hA shrI he ru ka kro tI shA rI ru lu ru lu hUM b+h+yo hUM/ 'di la bstod cing bshags byang dang// ma lus pho brang dbab pa dang// 'jig rten dman pa'i rnam rtog gzhom// snga ma phyi ma dus kyi bdag/ gnyis su blta zhing ngag gi sgra// oM AHhUM sarba pany+tsa a mr-i ta ra sA ya na sta na dza ya g+hu h+ya sid+d+hi hUM hrIHTha/rdo rje sems dpa'i nga rgyal 'chang// bskyed pa'i byin rlabs dngos la bsdu// 'phro 'du gsal te rtags dang sbyar// rigs kun 'dzin pa dag pa'i phyir// rtsa ba'i dkyil 'khor lngar bsdus pa// oM AHhUM swA hA/'khor lo rdo rje rin po che// pad+ma rgya gram 'od dang ldan// dug lnga rgyud lnga sbyangs shing drang// 'ja' tshon lta bu de mnyes bya// snying gar thabs dang shes rab 'od/ sbyor bas 'phro 'du 'phros pa las// mnyes dang sbyang ba bsdu byas pa/ thim pas mi bzad 'khor lo'i dbyings// sku dang ye shes gsal bar blta// oM AHhUM swA hA dz+nyA na pany+tsa s+pha ra Na phaT/ saM ha ra Na hUM/ phyag rgya lnga nyid mnyes par bskang// dngos grub bcud kyi gang bar blta// sngon gyi phrin las ji bzhin spyad// de nyid lnga ru snang ba yang// gcig nyid kho na yin pa'i phyir// rdo rje sems dpa' nyid du brtag/ rdo rje pad+ma 'khor lo la// oM AHhUM badzra sa twa sa ma ya swA hA/'bru gsum kha dog ldan pa ni// bskor zhing lhag mar bcas pa bzlas// kun gyi phrin las gcig gi ngang// dang por bya ba'i las yin no// bdud rtsi 'khyil pa'i dkyil 'khor ni// stong dang snying rje'i sa bon las// oM AHhUM sarba pany+tsa a mr-i ta kuN+Da li hUM hrIHTha/ zhes pas 'di yi bdag po nyid// mdog dkar zhal gcig phyag gnyis pa// phyag g.yas rdo rje g.yon pa yis// bdud rtsis bkang ba'i thod pa 'dzin// gzhi nyid kun bzang yab yum mkha'// ngo bo bde ba byang chub sems// dkar dang dmar ba'i sprin tshogs 'dus// thugs rgyud bskul zhing mos pa bskyed// gnas ngan sbyangs shing sa la dgod// yon tan thob cing gzhan don rdzogs// rab tu mnyes shing dbang byin stsal// 'bras bu blangs shing bar chad bzlog/ 'phro 'du 'dzam bu nA da bzhin// oM AHhUM sarba pany+tsa a mr-i ta kuN+Da li ha na ha na raM/ de las gzhan pa'i bya ba'i gtso// nam mkha'i dbyings kyi dbus dag tu// gtsang dang rnam rtog de nyid las// sbyangs shing bar chad phyir bsal phyir// oM AHhUM sarba pany+tsa a mr-i ta mu sa la g+h+ra gzhan nas gra tan+te ha na ha na hUM phaT/yang byung/ hi a na ya hoHba ya hUM phaT/ de yi bye brag phyed par bya// gnyis med bdud rtsir rab sbyang phyir// bcud bzhi'ang mnyam pa nyid du sbyar// oM a mr-i ta dza gad byi ti la sho d+ha ya/ rat+na tsa ta bi shud+d+he kuN+Da li swA hA// rgyal ba'i mchod sbyin me lha'i tshogs// ma nyams de yis mnyes par bya// oM AHhUM sarba pany+tsa a mr-i ta mu sa la hUM hrIHTha/ chos ma rdo rje mdzes ma yis// dngos grub spel phyir mnyam par gzhal// oM AHhUM sarba pany+tsa a mr-i ta ha ya g+h+ri wa hu lu hu lu hrIHTha/ rgyas gdabs byin gyis brlab par bya// dngos grub rkyen du bsngags pa rnams// nga yis bshad pa bzhin du bya// rgyal ba mnyes pa'i thabs rnams kyis// mchod de yan lag tshang bar spyad// rol pa chen po'i pho brang gsal// nga yi dgongs rgyud sbyor ba ni// byang chub sems kyi sprin tshogs las// stong gsum 'jig rten khro bcur gsal// steng phyogs rigs bzhi'i he ru kas// dpa' bo gnyis gnyis zhabs kyis brdzis// slar yang gtso bo'i zhabs bzhis mnan// de steng dbyings ma'i zhabs brgyad kyis/ khrag 'thung g.yas g.yon dbus gnyis mnan// dbus ma de yi mkha' la rdzogs// de la rdzogs pa'i he ru ka/ zhabs kyi dbu brgyad brdzis mdzad cing// smin mtshams dbyings su gsang mchog rdzogs// de yi zhal dbus ljags steng du// sras mchog sa nu he ru ka/mdog dkar gsal ba yab yum bcas// tshon gang de yi ljags dkyil du// 'bru dgus mi 'gyur don la bskor// A+oM sarba pany+tsa a mr-i ta hrIHTha/ de 'og dmigs pa'i pho brang du// rang gi sa bon las byung ba'i// gtso chen gsang ba'i yum bzhir bcas// bsdus pa'i mkha' la dbang gi lha// mdog dmar zhal gcig phyag gnyis pa// phyag g.yas pad+ma g.yon pa yis// rdo rje rgya gram pho brang gnon// phyed tsam mkha' nub sbyor ba ste// 'phro 'du byin rlabs rab bskul ba// A+oM AHhUM sarba pany+tsa a mr-i ta hUM hrIHTha/ sgra dang 'od kyi brtul bzhugs kyis// byang chub sems ky-i sprin tshogs 'khyil// sangs rgyas ma lus mnyes par blta// dkyil 'khor bdag po he ru ka'i// snying ga'i 'bru dgu 'od zer gyis// gtso bo'i dbu btsugs lam nas zhugs// ljags kyi dkyil 'khor 'phro 'du mdzad// phyag mtshan dkyil 'khor bcas pa yang// thabs dang shes rab 'od ldan de// gtso mo yum gyi zhal sgor 'bab// de nyid he ru ka dpal lo// rigs bzhi'i dbang mchog khro bcu rnams// yum bcas bde chen gcig tu gyur// slar yang pho brang chen po ru// rigs kyi bdag po rnams su gsal// rim pa bzhin du dbang bskur ro// gnas mchog de yi phyogs kun nas// 'od phung 'bar bas dngos nyid sbar// byin gyis rlabs kyis khro tshogs dang// dbang chen yum bzhi gnang bar mdzad// de yi rigs bzhi gsang mchog dang// sku gdung 'bar ba'i gzhal yas khang// rigs bzhi gtso dang 'khor rnams las// 'od sprin steng phyogs 'bar ba las// yum chen mkha' mnyam klong gi dkyil// gsal ba'i zhabs dang gsang ba'i dbyings// dbu ma'i byin rlabs spyi btsugs 'bar// 'chi med rdo rje'i dkyil 'khor mthong// 'od byung phyogs kun phyag mtshan tshogs kun gyis// byin phabs ljags kyi sbyor ba las// dbang gi dkyil 'khor yum dang bcas// 'phro 'du ma lus khyab byas te// sbyangs shing btul te tsharabacad de// gtso chen steng phyogs 'thim par blta// rgyun du gnas pa'i yan lag las// mthun 'jug sprul sku'i mdzad pa yis// ma lus gzhan don rdzogs par dmigs// mnyes bya bskul zhing dbab dang bzlog/ phrin las rgyun du 'bad pa las// 'od dang du ba dri dang sgra// lha mo'i gzugs kyang ston par byed// mang du 'phel na grub rtags yin// A+oM AHhUM sarba pany+tsa a mr-i ta guh+ya sid+d+hi a b+hi Shiny+tsa A/ gal te tshul bzhin ma gyur na// kun nas sbegs te bsar zhing 'bad// dbab bskyil bsdu zhing blang bar bya// A+oM AHhUM sarba pany+tsa a mr-i ta A be sha ya pheM pheM kun+Da li hUM hrIHTha/ ha ya g+h+rI wa hu lu hu lu b+han+da b+han+da hUM hrIHTha/ many+dzu shri bya ba lo ke te hUM hrIHTha/ a ho su kha d+harma kA ya ni a mr-i ta sid+d+hi hUM hrIHTha/rdo rje slob ma'i tshogs rnams kyis// me tog dor te gsol bar bya// oM bo d+hi tsit+ta kA ya wA ka tsit+ta ma hA sa ma ya ho// rdo rje rgyal po de yis ni// yid bzhin pho brang de la bstan// A+oM AHhUM ma hA shrI he ru ka kro tI shwa rI s+t+waM/sarba pany+tsa a mr-i ta a b+hi Shiny+tsa a be sha ya a aH/ srog gi snying po rgyud gsum po// gnas gsum byang chub sems la thim// A+oM AHhUM sarba pany+tsa a mr-i ta kA ya wAka tsit+ta A yu pha la sid+d+hi hUM/mkha' dbyings phyag rgya che ba'i mchog/ dpal gyi tha tshig gtam pa dgrol// pad+ma sa ma ya pra be sha ya phaT/ don dam gnyis med thig le las// sku gsung thugs kyi rdo rjer gyur// ma hA gu h+ya kA ya wa ka tsit+ta sid+d+hi sid+d+hi hrIHTha hUM/thams cad mkha' yi mtshan nyid ste/ kha dog dbyibs dang mtshan ma grub// skye ba med cing 'gag pa med// rim pa'i don la 'jug par gyis// 'di ni sangs rgyas thams cad kyi// dbang bskur spyod yul dam pa ste// dam tshig phyag rgya srung ba'i mchog/ bsod nams mchog tu phyin pa ste// bla na med pa myur du 'grub// de bas khyed kyis brtson par gyis// zhes gsungs so// bcom ldan 'das dpal che mchog 'dus pa rtsa ba'i rgyud las/dam tshig chen po byin gyis rlabs pa'i thabs yang dag par bsdu ba'i le'u ste drug pa'o//// de nas gtso chen he ru kas// 'dus pa'i 'khor la 'di skad gsungs// kun tu bzang po he ru ka/ nga ni yon tan gtso bo ste// che ba'i mchog tu gyur pa yin/ 'di la the tshom ma za cig/ dman pa'i 'jig rten chos kyi ni// rgyu dang las dang nyon mongs kyi// sdug bsngal phung po bskyed pas na// nga yi yon tan shes mi 'gyur// log pa'i brtson 'grus shes rab kyis// rags pa'i rgyu dang 'bras bu dag/ me long rtogs te phra ba min// dka' thub brtul bzhugs mchod sbyin dag/'dod pa'i khams dang gzugs yod med// nga rgyal snyoms 'jug mngon shes lus// tshe dang bskal pa thob zin yang// srid pa'i sa bon ma zad pas// nga yi yon tan rtogs pa min// rgyun bzhugs mi rtogs rang rgyal bas// blta dang sgom pas spangs bya ba'i// kun nas ldang bar rags pa tsam// spangs pa'i dgra bcom thob zin kyang// 'gyu byed phra mo bag nyal bas// nga yi yon tan ga la rtogs// kun rdzob don dam tshul shes pas// shes pa nyid dang nyon mongs pa'i// sgrib byed spangs te ston pa'i sa// rlabs chen gsos kyang cung tsam las/ yang dag mthar thug shes pa min// bya ba lus ngag rab spyod dang// mnyam pa'i gzugs brnyan gsum dag gis// phyag rgya'i mtshan ma snang mod kyang// thabs dang shes rab mnyam sbyor ba'i// bde chen ro de ma myongs shing/ 'dod pa'i lam la rgyab phyogs pas// nga yi yon tan ma mthong ngo// gang dag chags sogs srid pa'i gzhi// rigs byed pa dang tha dad dang// nyon mongs nye ba'i nyon mongs dag/ rang gi de nyid yongs shes shing// bag chags dang bcas kun gyi gzhi// rnam par shes pa'i yul tshogs rnams// zag bcas zag med 'dus ma byas// rang bzhin byung ba'i bcom ldan 'das// dbang po'i longs spyod yul gyur rnams// de nyid shes pas yongs bsgrubs pa// nga yi yon tan mthong ba yin// nam mkha'i mtshan nyid ji bzhin du// bcing ba med cing grol ba med// dbyer med mtha' gnyis mi gnas shing// chags med chags dang bral ba med// rnal 'byor bzhi dang sku lnga dang// ye shes phrin las ma lus pa// snang med tshul gyi snang ba de// nga yi yon tan shes pa yin// de bas rigs kyi bu khyed rnams// nga yis ji ltar bshad pa yi// yon tan chen po 'di long la// dman pa bar ma mchog tu gyis// yul dang dngos po sems rgyun dang/ khams dang byed pa las rnams kun// nga la dman pa yongs med pas// de bas nga nyid kun tu bzang// che ba'i mchog ste mchog tu gyur// ces gsungs so// bcom ldan 'das dpal che mchog 'dus pa rtsa ba'i rgyud las/ yon tan gyi tshogs nye bar bsdu ba'i le'u ste bdun pa'o//// de nas gtso chen he ru kas// 'dus pa'i 'khor la 'di skad gsungs/khyad par sgrub pa rgyal ba'i bka'// snang srid snang bar shes pa'i sku// rgyu gnyis rkyen gsum las byung ba'i// sku gsung thugs kyi dngos grub 'di// bde chen mnyam nyid thugs kyi ngang// bdag 'dzin rnam dag shes rab sku// chags pa kun bral skye med dbyings// gnyis med don las sna tshogs ston// 'di ni don gyi bdud rtsi'o// ma skyes kun bzang che ba'i mchog/ bde chen klong 'dus dbyings phyug ma// nyon mongs rnam dag rigs kyi gtso// ye shes lnga rdzogs sku lngar grub// dug lngar rtog pa rang grol ba// 'di ni ming gi bdud rtsi'o// 'dul ba'i thabs mkhas khro bo'i sku// sgra tshig sbyangs mdzad 'khor lo'i gsungs// 'chi med las kyi bdud rtsi'o// chos nyid rig pa byang chub sems// 'dres dang ma 'dres yongs su rdzogs// nyon mongs ma rig mi gtsang nad// chos nyid ye shes nus pas sbyong// tshang lugs brgyad ldan chos kyi ro// shes pa brgyad kyi don bdud rtsi// sman rnams bdud rtsir dmigs pa ste// bsgom pa brgyad kyi dam rdzas so// phyi nang snod bcud thams cad kun// bdud rtsi de nyid rnam lnga ste// so so rang nyid rtsa ba brgyad// dbyibs dang kha dog phyi dang nang// thabs dang shes rab ro dang mthu// sku dang gsung dang thugs nyid dang// yon tan phrin las yan lag go/ ngang dang rang bzhin bdag nyid rgyu// dus gsum de nyid shes par spyod// bdud bzhi nyon mongs nad 'joms sel// skye shi 'du bral med pa'i don// lta spyod dam tshig phrin las dang// ye shes dkyil 'khor sgrub pa'i lung// phyi dang nang gi 'byung ba dang// sems dang sems nyid chos dang ni// chos nyid gsang ba de nyid do// bde ba dang ni sdug bsngal dang// 'khor 'das chos dang gtsang mi gtsang// log rtogs spang len lam du rdzogs// sbyor ba'i don du dkyil 'khor brgyad// mnyam nyid thugs chud klong du bzhag/ skye 'chi med cing ma bcos la// phung po snod lnga ye shes lha// rang byung kun bzang yab yum ste// 'di ni dag pa'i dgongs pa'o// bcom ldan 'das dpal che mchog 'dus pa rtsa ba'i rgyud las/ rnam par dag pa'i dgongs pa'i khyad par nye bar bsdu ba'i le'u ste brgyad pa'o//// de nas gtso chen he ru kas// 'dus pa'i 'khor la 'di skad gsungs// spyi dang khyad par bye brag gis// yongs su rdzogs dang so so yi// nus pa gcig pur dbyung ba'i phyir// dam tshig rtsa ba rnam pa lnga// yan lag phan yon bcas pa ni// nga yis sngar bshad de dag las// rang gi rigs mthun gnyen po dang// grogs dang skyob kyi khyad par las// rgyal po blun po dmangs lta bu// skad cig thug phrad bstan pa yis// tshe ring nad med bde ba dang// lang tsho kha dog stobs dang gzi// 'phel zhing dbang po rig pa gsal// mkha' la 'gro zhing pha rol gyi// nus stobs gnod pas mi tshugs shing// kun gyis bkur sti'i 'os su mthong/ khams kyi zas dang ma 'brel zhing// gos med mkha' la gcer bur spyod// sngon gyi rgyal ba che rnams kyi// rig pa 'dzin pa'i gral thob 'gyur// de nyid ma rig bar du yang// nad dang mu ges mi tshugs shing// bar gyi bskal pa 'jigs las thar// gzhan la phan pa sgrub la sogs// yon tan chen po dpag med thob// de bas rnal 'byor che rnams kyis// nga dang sangs rgyas thams cad kyi// gsung bzhin myur du 'bad par bsgrubs// kun bzang nga dang rigs lnga yis// bsdus pa'i sangs rgyas thams cad kyi// bka' 'di 'jam dpal rnon po yis// tshangs dang 'jog po li tsa byi// drang srong bram ze rjes gzung phyir// ji ltar bshad pa bzhin long la// dam pa rjes su bsgrub par gyis// bstan pa 'di bzhin gang bsgrub pa// 'khrul pa'i rnam rtog 'ching ba las// 'di nyid du ni grol bar 'gyur// da lta thub pa chen po yis// 'dzam bu gling gi sa yi char// tshul 'di nyid kyis bstan gyur kyang// blo dman skal ba gzhan pa yis// gtsang sbra dka' thub spyod par rtogs// sangs rgyas rnams kyi bstan pa gcig/ bsrung gcig dag gis nges bstan kyang// rang gi rnam pa'i tshul gyis go/ 'di ni bdag gi don spyod ces// mthun pa'i gdul bya kha cig blta// de bas rig pa 'dzin pa yi// sems dpa' chen po khyed rnams kyis// gang la gang gis 'dul ba yis// rigs chen gnyen po de bzung la// lha dang drang srong bram ze dang// mkhan po slob dpon cha byad kyis// nus pa gang yin de nyid la// ji ltar 'dul ba de ston cig/ phyi ma'i dus kyi tshe dag na// nga yi bstan pa'i tshul 'di la// mos dang mi mos 'dul mi 'dul// tha dad so sor 'byung 'gyur te// gsang zhing bstan pa'i tshul de nyid// skad cig dus la rig par gyis// zhes gsungs nas/ longs spyod rdzogs sku'i dkyil 'khor chen po yongs su sbyor ba dang bcas pa de dag 'od zer gyi kyo ba chen pos drangs te rdzu 'phrul gyi lus kyi phyag rgya rab tu bstan pa'i phyir mi mjed kyi khams la sogs pa rnams su sprul pa'i sku sna tshogs snang bar mdzad nas sems can gyi khams dpag tu med pa'i don grub par snang ngo// sa chen po la rtogs pa'i 'dus pa'i 'khor de dag ni/ nyid kyi sku gsung thugs gsang ba'i mdzod chen por bzhugs nas/nam mkha'i khams lta bus dbyings na 'tsho zhing gzhes pa la// rigs chen po la sogs pa'i 'khor rnams rjes su yid rangs te mngon par bstod do//// tshangs pa la sogs pa'i 'khor rnams kyang// byang chub sems dpa' 'jam dpal dang/ sa'i snying po la sogs pa rang rang gi rigs kyi ston pa de la/ dus de nyid du dga' zhing rjes su yi rang ba'i tshig gis mngon par rab tu bstod cing 'dug go// bcom ldan 'das dpal che mchog 'dus pa rtsa ba'i rgyud las/ dam tshig gi yan lag gi yon tan rjes su bstan cing gdams pa'i le'u ste dgu pa'o//// bcom ldan 'das dpal che mchog 'dus pa rtsa ba'i rgyud rdzogs so//// rgya gar gyi mkhan po slob dpon chen po pad+ma 'byung gnas dang/ bod kyi lo ts+tsha ba bai ro tsa na bdag gis bsgyur te gtan la phab pa'o//// rgyal po'i bla dpe'o//// gter rgya/ sbas rgya/ gtad rgya/ rgya rgya rgya//// rgya gar skad du/

CLOSE WINDOW