CLOSE WINDOW

Gpb017.016
བོད་ཡིག

!/ ma tshang kha bskang ba'i rgyud// bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku gsung thugs rnam par dag pa'i bdag nyid chen po 'gyur ba med pa rdo rje'i rang bzhin can/dus gsum gyi 'dod pa ma lus pa thams cad bsgrub par nus pa/ yid bzhin gyi nor bu rin po che'i gter mi zad pa'i dbyings lta bu/srid pa dang zhi ba'i chos ma lus pa skad cig tsam la thugs su chud pa/ ye shes kyi thig le chen po sna tshogs su rnam par 'phrul pa'i ngo bo nyid rnam par snang ba ste/ 'og min gyi gnas thun mong ma yin pa'i nam mkha'i khams kyi gtos chen po rdo rje btsun mo'i b+ha ga yangs pa'i dbyings/rang bzhin lhun gyis grub pa'i gnas mchog chen po yon tan chen po bsam gyis mi khyab pa'i pho brang/ye shes kyi gzhal med khang kha dog dang dbyibs dang/ 'dod pa'i yon tan rgya chen pos mdzes shing/ rnam par bkra bar byas pa/ dus gsum gyi sangs rgyas dang byang chub sems dpa' sems dpa' chen po thams cad kyi 'byung gnas su gyur pa de na bzhugs te/de'i tshe 'khor 'dus par gyur pa ni/ de bzhin gshegs pa rnam par snang mdzad chen po dang/ de bzhin gshegs pa rdo rje sems dpa' chen po dang/ de bzhin gshegs pa rin po che'i 'byung gnas chen po dang/de bzhin gshegs pa snang ba mtha' yas chen po dang/ de bzhin gshegs pa gdon mi za bar grub pa chen po dang/ de dag gi yum chen mo kun tu bzang mo dang/sangs rgyas kyi mig can ma dang/ rdo rje dbyings ma dang/ bzod pa chen mo dang/ dam tshig gi lha mo dang/ gzhan yang byang chub sems dpa' sems dpa' chen po kun tu bzang po dang/ 'jam dpal dang/spyan ras gzigs dbang phyug dang/ lag na rdo rje dang/ sa'i snying po dang/ nam mkha'i snying po dang/ byams pa dang/ sgrib pa rnam par sel ba dang/ byang chub sems ma rdo rje dbyings phyug ma dang/ rin po che'i dbyings phyug ma dang/pad+ma'i dbyings phyug ma dang/ las kyi dbyings phyug ma dang/ rdo rje sems ma dang/ rin po che'i sems ma dang/ pad+ma'i sems ma dang/ las kyi sems ma dang/ de dag gi yang 'khor gyi dam par gyur pa/byang chub sems dpa' rdo rje sems dpa' dang/ rdo rje rgyal po dang/ rdo rje chags pa dang/ rdo rje mdzes pa dang/ rdo rje gzi brjid dang/ rdo rje rin chen dang/ rdo rje rgyal mtshan dang/rdo rje bzhad pa dang// rdo rje chos dang/ rdo rje rnon po dang/ rdo rje smra ba dang/ rdo rje 'khor lo dang/ rdo rje las dang/ rdo rje bsrung ba dang/ rdo rje gnod sbyin dang/ rdo rje khu tshur dang/ rdo rje rgyal mtshan dang/ dbang phyug rgyal po dang/ bkod pa'i rgyan dang/ rin chen 'od 'phro dang/ snang ba'i 'od dang/ phyag rgya'i rgyal po dang/ spos kyi glang po dang/ spobs pa brtsegs pa dang/ pad+ma'i rgyal po dang/ pad+ma dam pa dang/ rdo rje mi g.yo ba dang/ thogs med rgyal po dang/ rin po che'i dbang sdud dang/ grub pa'i las dang/ dga' bar ston pa dang/ mi g.yo ba'i mtha' dang/ de dag gi byang chub sems ma sgeg pa mo dang/ bdug pa ma dang/lcags kyu ma dang/ me 'od ma dang/ phreng ba ma dang/ me tog ma dang/ zhags pa ma dang/ rlung g.yab ma dang/ dbyangs mkhan ma dang/ mar me ma dang/ lcags sgrog ma dang/ gsal bkra ma dang/ gar sgyur ma dang/chu 'dzin ma dang/ dril 'khrol ma dang/ 'bebs byed ma dang/ bde ba rgyas 'debs ma dang/ bde ba za byed ma dang/ bde ba rmongs byed ma dang/ bde ba tshe 'phel ma dang/ khrus kyi lha mo dang/ rgyal mtshan gyi lha mo dang/ bla re'i lha mo dang/ gzugs kyi lha mo dang/ lha mo dpal be'u ma dang/ 'jigs byed ma dang/ skyon bral ma dang/ mdangs can ma dang/ skyabs can ma dang/ dri med ma dang/ sgra sgrogs ma dang/thogs med ma dang/ gzhan yang lha'i byang chub sems dpa' dang/ mi'i byang chub sems dpa' dang/ lha ma yin gyi byang chub sems dpa' dang/ yi dwags kyi byang chub sems dpa' dang/ byol song gi byang chub sems dpa' dang/dmyal ba'i byang chub sems dpa' dang/ gzhan yang rdo rje lcags kyu can dang/ rdo rje zhags pa can dang/ rdo rje lcags sgrog can dang/ rdo rje dril bu can dang/ de dag la sogs pa phyogs bcu'i nam mkha'i khams ma lus pa khyab pa'i zhing khams kyi bkod pa dang/gzhal yas khang gi 'khor lo la snang ba dang/ yab dang yum gyi rnam pa gnyis su med pa dang/ thabs kyi rang bzhin du snang ba dang/shes rab kyi ngo bor bzhugs pa dang/ de bzhin du de dag so so'i rang bzhin dang/ gzugs dang/ tshor ba dang/ 'du shes dang/ 'du byed dang/ rnam par shes pa dang/ mig dang/ rna ba dang/ sna dang/ lce dang/ lus dang/ yid dang/ gzugs dang/ sgra dang/ dri dang/ ro dang/ reg dang/ chos dang/ mig gi rnam par shes pa dang/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/lus kyi rnam par shes pa dang/ yid kyi rnam par shes pa dang/ sa'i khams dang/ chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams dang/zad par gyi khams dang/ ma lus par snang ba'i khams la sogs pa rnam par dag pa'i rang bzhin du gnas pa/ dpag tu med pa/ grangs med pa/ bsam gyis mi khyab pa/ gzhal du med pa/brjod du med pa/ dngos po'i rdul phra rab kyi tshad du gyur pa rnams dang thabs cig tu bzhugs so// de nas bcom ldan 'das des rab tu 'dus pa'i 'khor gyi tshogs chen po de dag dang/ gzhan yang 'jig rten las 'das pa'i chos thams cad kyi rang bzhin rnam par dag pa dang/dri ma dang bcas pa dang/ sems dang sems las byung ba dang/ stong pa nyid dang/ shin tu stong pa nyid dang/ ma rig pa dang/ stong pa nyid chen po dang/rgyu'i tshogs dang/ gzhi'i khyad par dang/ lam gyi rang bzhin dang/ thabs dang shes rab kyi byed pa dang/ mthong ba dang/ goms pa dang/ spyad pa dang/ thob pa dang/ snyoms par 'jug pa dang/'gog pa dang/ bgrod pa dang/ spangs pa dang/ sbyangs pa dang/ bsgyur ba dang/ shes pa dang/ mngon du gyur pa dang/ dbang du gyur pa dang/ so sor rig pa dang/ rtogs par bya ba dang/ klong du gyur pa dang/bskyod pa dang/ 'jig pa dang/ 'gyur ba dang/ mi g.yo ba dang/ brtan pa dang/ phyogs dang/ dus dang/ khams dang/ rigs dang/ byed pa dang/ las dang/ bsam pa dang/ skye gnas dang/ 'chi 'pho ba dang/len pa dang/ 'dod pa'i srid pa dang/ gzugs kyi srid pa dang/ yid kyi srid pa dang/ tha mal pa dang/ log pa dang/ phyogs tsam nyid dang/ nye ba dang/ yang dag pa dang/ mthar thug pa dang/ mchog tu snang ba dang/mngon du gyur pa dang/ thun mong du snang ba la sogs pa yul dang/ snang ba dang/ dngos po dang/ srid pa dang/ zhi ba dang/ mya ngan las 'das pa'i chos thams cad la rag ma lus shing yang dag par gzigs pas rnam par gzigs par mdzad do// de nas yum chen mo kun tu bzang mo la sogs pa ji snyed du 'dus pa'i 'khor rnams kyis 'di nyid kyi don dang lan pa'i chos rnams rang gi ngo bo stong par mthong ba ni/dper na nam mkha'i mtshan nyid ni/ gzhan gyis brtag par dka' zhing gzhal bar mi nus pa bzhin du mthong nas bcom ldan 'das la 'di skad ces gsol to// oM chos dbyings don dam spros bral rang bzhin las/gzugs dang mtshan ma'i 'dzin pa mi mnga' yang/ stong pa'i shes rab ma 'gags spros bral ba'i// chos sku lhun grub mnyam nyid bzhengs su gsol// AHgdod nas dag pa'i ye shes tshogs las grub// bsam gyis mi khyab mtshan dang dpe byad ldan// longs spyod rdzogs pa'i sku mchog bstan du gsol// hUM rnam par dag pa'i smon lam mthus grub cing// byams dang snying rje'i thugs kyang rab bskyed pa'i// sna tshogs rigs kyi rang gi mchog gyur yul// sprul pa sku yi rigs kun dbyung du gsol// hrIHma 'gags skye med ngo bo stong nyid sgra// yan lag drug cu gsung dbyangs dpag med pas// bstan pa rgya mtsho so so'i bye brag tu// kun gyi lam gyur sde snod de gsungs shig/ hA mi 'gyur thugs kyi dgongs pa dpag med las// gnod sdig zhi dang 'dod pa'i don rgyas dang// phal pa dbang bsgyur gdug byed tshar gcod pa'i// kun gyi don spyod phrin las de mdzod cig/ ces bskul bas/ de ma thag tu bcom ldan 'das nyid kyis sku gsung thugs kyi gnas thams cad nas 'od zer gyi dra ba sangs rgyas kyi zhing gi yon tan bkod pa zhes bya ba'i ting nge 'dzin dang ldan pa'i 'od zer gyi dra ba chen po bkye ste/nam mkha'i khams ma lus pa thams cad snang bar mdzad pa dang/ 'khor 'dus pa de dag gis kyang phyogs bcu'i sangs rgyas kyi zhing/nam mkha'i khams thams cad til gyi gang bu bzhin du gang bar bzhugs nas/ lham me lhang nge lhan ne ba mthong bar 'gyur to// de ltar 'dug pa'i khyad par du yang/ yang dag par rdzogs pa'i sangs rgyas gangs chen mtsho rnam par snang mdzad kyi sangs rgyas kyi zhing stug po bkod pa'i gnas nas/yang dag par rdzogs pa'i sangs rgyas de nyid kyi/ sku gsung thugs kyi rnam par 'grub pa'i 'jig rten gyi khams cad na yang/sangs rgyas de dag gi 'khor gyi thog mar 'dug par mthong bar gyur to// de bzhin du shar gyi phyogs kyi nam mkha'i khams na yang dag par rdzogs pa'i sangs rgyas mi 'khrugs pa bkod pa'i sangs rgyas kyi zhing mngon par dga' ba'i gnas na/yang dag par rdzogs pa'i sangs rgyas de nyid kyi/ sku gsung thugs kyi rnam par 'phrul pa'i 'jig rten gyi khams thams cad na yang/ sangs rgyas de dag gi 'khor gyi thog mar 'dug par mthong bar gyur to// de bzhin du lho phyogs kyi nam mkha'i khams na yang dag par rdzogs pa'i sangs rgyas rin chen 'byung gnas kyi sangs rgyas kyi zhing rin chen yod pa'i gnas na/yang dag par rdzogs pa'i sangs rgyas de nyid kyi sku gsung thugs kyi rnam par 'phrul pa'i 'jig rten gyi khams thams cad na yang sangs rgyas de dag gi 'khor gyi thog mar 'dug pa mthong bar gyur to// de bzhin du nub kyi phyogs kyi nam mkha'i khams na/ yang dag par rdzogs pa'i sangs rgyas snang ba mtha' yas kyi sangs rgyas kyi zhing bde ba can gyi gnas na yang dag par rdzogs pa'i sangs rgyas de nyid kyi sku gsung thugs kyi rnam par 'khrul pa'i 'jig rten gyi khams thams cad na yang/sangs rgyas de dag gi yang 'khor gyi thog mar 'dug pa mthong bar gyur to// de bzhin du byang phyogs kyi nam mkha'i khams na yang dag par rdzogs pa'i sangs rgyas gdon mi za bar grub pa'i sangs rgyas kyi zhing pad+ma brtsegs pa'i gnas na/yang dag par rdzogs pa'i sangs rgyas de nyid kyi sku gsung thugs kyi rnam par 'phrul pa'i 'jig rten gyi khams thams cad na yang sangs rgyas de dag gi 'khor gyi thog mar 'dug pa mthong bar gyur to/de bzhin du 'og gi phyogs kyi nam mkha'i khams kyi yang dag par rdzogs pa'i sangs rgyas pad+mo dam pa'i dpal gyi sangs rgyas kyi zhing pad+mo can gyi gnas na/yang dag par rdzogs pa'i sangs rgyas de nyid kyi sku gsung thugs kyi rnam par 'phrul pa'i 'jig rten gyi khams thams cad na yang/sangs rgyas de dag gi 'khor gyi thog mar 'dug pa mthong bar gyur to// de bzhin du steng gi phyogs kyi nam mkha'i khams na yang dag par rdzogs pa'i sangs rgyas dga' ba'i dpal gyi sangs rgyas kyi zhing rdul dang bral ba'i gnas na/yang dag par rdzogs pa'i sangs rgyas de nyid kyi sku gsung thugs kyi rnam par 'phrul pa'i 'jig rten gyi khams thams cad na yang/ sangs rgyas de dag 'khor gyi thog mar 'dug pa mthong bar gyur to// de la sogs pa phyogs bcu'i nam mkha'i khams kyi mthas gtugs shing 'byams klas pa thams cad kyi sangs rgyas kyi zhing rdul phra rab snyed kyi sangs rgyas de dag gi sku gsung thugs kyi rnam par 'phrul pa las byung ba'i 'jig rten gyi khams thams cad na yang/sangs rgyas de dag gi 'khor gyi thog mar rang nyid 'dug pa mthong bar gyur to// sangs rgyas kyi zhing de dag thams cad na 'tsho zhing gzhes pa'i sangs rgyas bcom ldan 'das de dag thams cad kyang so so nas/phyogs bcu'i sangs rgyas dang byang chub sems dpa'i tshogs thams cad rang gi 'khor gyi dkyil 'khor du bkod par gzigs so// 'jig rten gyi khams de dag thams cad kyi sems can gyi khams bsam gyis mi khyab pa rnams kyi nyon mongs pa dang khams dang bag la nyal gyi khyad par gti mug gi dbang du gyur pa dang/zhe sdang gi dbang du gyur pa dang/nga rgyal gyi dbang du gyur pa dang/ 'dod chags kyi dbang du gyur pa dang/ phrag dog gi dbang du gyur pa dang/ ser sna'i dbang du gyur pa dang/ khro bo'i dbang du gyur pa la sogs pa rnams kyi don bsgrub pa'i phyir/gdul bar bya ba'i 'khor kha cig la ni de bzhin gshegs pa'i rigs su bzhugs par mdzad do// de bzhin du kha cig la ni rdo rje'i rigs dang/ kha cig la ni rin po che'i rigs dang kha cig la ni pad+ma'i rigs dang/kha cig la ni phrin las kyi rigs dang/ kha cig la ni sbyin pa chen po'i rigs dang/ kha cig la ni khro bo chen po'i rigs la sogs pa rnams kyi sku gsung thugs rdo rje las byung ba'i 'khor gyi dkyil 'khor dang bcas pa'i rnam par 'phrul pa bsam gyis mi khyab par rab tu bstan to// de nas phyogs bcu'i dkyil 'khor gyi rnam par snang ba'i gzhal med khang na rang bzhin sangs rgyas kyi zhing gi bkod pa de dag so so'i gtso bo chen po rnams la so so'i 'khor rnams kyis rang gi bstan pa'i sde snod gsung dbyangs mi zad pa'i yan lag bsam gyis mi khyab pa rnams zhu zhing 'gro ba sems la snang bar gyur to// de dag thams cad kyi yang gtso bo sangs rgyas thams cad kyi yab rje bo// kun tu bzang po nyid la zhu zhing 'dri ba sems la snang bar gyur nas/ thams cad kyis mgrin gcig tu 'di skad ces gsol to// e ma dpal chen kun bzang mchog/ dus gsum sangs rgyas thams cad kyi// sku gsung thugs kyi phrin las dang// yon tan dpag med ji snyed pa// ma lus khyod kyi thugs la gnas// blo ldan rnams kyis bsgrub bya ba// nyid kyi sngon du bya ba dang// phyi ma phyi ma rab 'byed pa'i// rgyud rnams su ni legs bshad las// ma tshang ba rnams kha bskangs shing// the tshom som nyi gcad pa'i phyir// ma lus rdzogs pa'i tshul gyis ni// ji ltar rigs pa'i yan lag rnams// thugs rje chen pos bstan du gsol// zhes gsol to// phyogs bcu'i sangs rgyas thams cad kyis thugs zhi ba chen po las phyung ba gleng gzhi'i le'u ste dang po'o//// de nas bcom ldan 'das rnam par snang mdzad la sogs pa phyogs bcu dus gsum gyi de bzhin gshegs pa thams cad dang/ byang chub sems dpa' sems dpa' chen po thams cad dang/ rig pa 'dzin pa'i skyes bu chen po rnams kyis de bzhin gshegs pa thams cad kyi dbang phyug dang/ sku dang gsung dang thugs kyi gsang ba ma lus pa bstan pa dang/ rigs dang dngos po thams cad kyi dam tshig ji lta ba bzhin du mthong zhing thos la rab tu rtogs te/mngon sum du gyur bzhin du phyi ma'i dus kyi rig pa 'dzin pa'i skyes bu rnams kyi don du dgongs par mdzad nas/ bcom ldan 'das la slar gsol pa/ kye ma kun tu bzang po yi// sku dang gsung dang thugs nges pa// rang bzhin gsang ba'i mtshan nyid ni// rdo rje gsum las 'gyur med kyang// ma lus sems can khams snang ba// dus gsum rdo rje sangs rgyas gsum// thugs kyi dbang phyug gnas gyur pa// kun tu bzang po rdzu 'phrul che// 'di ni shin tu ngo mtshar che// bsam pa'i yul las rab 'das te// ma lus 'khor ba'i chu bo'i rgyun// mya ngan 'das par bar chad med// shin tu rnyed pa dka' ba nyid// mngon sum myur du sgrub byed pa// bde bar gshegs pa kun 'dus rgyud// bstan pa'i mchog gyur gang bshad de// rtogs shing mthong bar dka' ba'i don// mnyam par 'dod na phan don du// mgon mdzad khyod la gsol ba na// bde bar gshegs zhes gang la bya// thams cad 'dus pa ji ltar gzhag/ rgyud ces bya ba ji lta bu// de la dbye ba ji ltar bshad// rang gi ngo bo ji ltar lags// zhi bar gnas pa ci yi phyir// bcom ldan zhes ni gang la brjod// rigs brgya dbye ba ci yi phyir// dam par brjod pa ci zhig lags// bsdu ba'i rim pa ji yan lag yang tsam zhig/bdag cag de don nyan 'tshal na// bcom ldan 'das kyis bshad du gsol// de nas ston pa kun tu bzang// 'khor rnams bskul ba'i don gsan nas// sku gsung thugs kyi rdo rje las// nges par phyung ste bka' stsal pa// nyon cig 'dus pa'i 'khor gyi tshogs// gang gis spang bya ma lus spang// thob par bya ba mtha' dag brnyes// mi 'gyur sku gsung thugs rdzogs pa// bde ba chen po zhes bya ste// de yul 'bras bur gshegs pa'o// thun mong ba dang khyad par gyi// myur zhing 'jug pa'i bde ba ni// dka' spyad sdug bsngal mi gnas pa// 'dis 'gro lam gyis gshegs pa'o// sems can bde gshegs rgyu dang bcas// rang bzhin rnam par dag pa'i sems// gnas skabs glo bur dri ma can// gzhi nyid bde ba 'dir gshegs pas// bde bar gshegs zhes brjod pa yin// rnam pa bcu brtsegs gnas pa gsum// ji snyed pa yi bde bar gshegs// thams cad ma lus yul de la// 'dus pa'i tshogs pa yin par bshad// gzhi dang lam dang 'bras bu rnams// rgyu dang thabs dang mthar thug tu// 'brel ba'i don dang ldan pas rgyud// rang bzhin thabs lam 'bras bu yis// rgyud gsum du ni bye brag dbye// ma bcos ma bsgyur ma bslad cing// skye 'gag rtag chad 'gro 'ong dang// yod med mtha' dang bral ba yis// dbyer med zung 'jug rang ngo tsam// gdul bya 'dod chags can don du// mdzes bya yon tan ldan pa yis// tshul dgus phyi rol drang ba'i phyir// sku gsung thugs ni zhi bar gnas// phyi nang gsang ba'i bdud bcom zhing// yon tan phun sum tshogs ldan pas// rang gzhan gnyis med don rdzogs la// bcom ldan zhes su brjod pa yin// nyon mongs khams dang phung po dang// dbang po yul dang bcas pa yis// rang gi rigs dang dbye ba mchog/legs sbyar rigs brgyar 'gyur ba'o// sgrub byed lus ngag yid gsum ni// mi dge rtsa ba yan lag bcas// bsgrub bya lam gyi khyad par du// mthar thug sdom byed dam pa'o// de dag nye bar bsdu ba ni// bsnyen sgrub las kyi khyad par te// rgyas bsdus rab tu bsdus pa yang/ dbang gnyis kyang// de dag de nyid 'brel ba'o// de nas 'khor gyis yang zhus pa// kye ma kun tu bzang po che// dkyil 'khor zhes ni gang la bya// bskyed pa'i rim pa ci zhig lags// de bzhin rdzogs rim ji ltar gdags// rnal 'byor zhes ni ci la bgyi// thabs zhes bya ba ji lta bu// shes rab kyang ni gang zhig lags// don dam kun rdzob ji lta bu// dbyer med du ni 'dod pa gang// de kho na nyid ji ltar mthong// gsang ba rang ni ci zhig gnas// bcom ldan 'das kyis bka' stsal pa// chos dbyings don gyi snying po dkyil// rig pa'i ye shes sna tshogs 'khor// rang bzhin gzugs brnyan ting nge 'dzin// brda dang tha snyad bsam mi khyab// bsgrub bya sbyang ba'i gzhi nyid ni// skye gnas bzhi las srid pas na// tshul mthun bskyed pa'i rim pa bzhis// blo rim rtogs pa bskyed rim mo// de nyid srid pa bar do'o// shes rdzogs tshul gyis ston pa rnams// mngon par sangs rgyas tshul bzhin du// sgrub byed de ni rim par 'gyur// rten gyur tha mal shes pa'i rgyud// ma bcos rang bzhin rnal ma la// thabs dang shes rab mnyam par sbyor// 'di ni rnal 'byor mchog gi rgyud// 'bad rtsol dmigs pa mtshan mar bcas// mtshon du yod pa tsam nyid thabs// dus gsum mi dmigs de nyid kyang// brda thabs byin gyis brlab pa dang// gnad du mtshon pas gang rtogs pa// ma mthong shes pa shes rab yin/ blo dang blo min khyad par gyis// don dam kun rdzob zhes su bstan// rang bzhin tshogs pa rgyu 'bras kyis// chu dang 'o ma du ba me// rta dang skyes bu ji bzhin du// tha dad gcig pa dbyer med de// dkyil 'khor lha dang sngags la sogs// snang dang stong pa tha dad med// thams cad rang gi ngo bos stong// gsal bcas de nyid kho na'o// gsang ba zhes bya sku dang gsung// thugs kyi gsang ba mthar thug pa// sbas pa dang ni dgongs pa dang// sgra tsam min dang nges pa'o// de nas 'khor gyis yang zhus pa// kye ma ston pa kun tu bzang// lha zhes bya ba ci zhig lags// de bzhin sngags kyi don chen ci// snying po zhes pa ji lta bu// ting 'dzin zhes pa ci phyir gdags// gzhal med khang zhes gang la bya// mchod pas kyang ni ci zhig bya// phyag rgya'i mtshan nyid ji lta bu// ye shes kyang ni gang zhig lags// dbang bskur zhes pa ci phyir brjod// phrin las bshad pa'i don ched ci// bcom ldan 'das kyis bka' stsal pa// mthar thug pa dang gnas skabs su// phan byed nus pa lha yin no// gang las shes dang gang las skyob// shes shing skyob pa sngags kyi don// yon tan mthar thug gang ston pa// thabs chen bshad pa snying por 'gyur// sgrib med ye shes myur du rdzogs// ting nge 'dzin zhes bya ba yin// rgya khyon yon tan tshadamed pas// gzhal med khang par de 'gyur ro// bsgrub bya sgrub byed gang mnyes pa// de ni kun gyi mchod pa yin// phyi nang gsang ba'i chos rnams la// de nyid rgyal btab phyag rgya'o// rtog med bde dang gsal bas khyab// gang la gnas pa ye shes yin// lus ngag yid la nyon mongs pa'i// dri ma 'khrud byed dbang du brjod// zhi 'phel chags dang khro bo yis// bsam pa gnas 'gyur phrin las so// de nas 'khor gyis yang zhus pa// byang chub sems chen ji ltar lags// rig pa 'dzin pa'i skyes bu ci// sangs rgyas zhes pa gang zhig lags// de don blta ba ji lta bu// bsgom par bya ba ci zhig lags// spyod pa spyad pa ji tsam zhig/ dam tshig gnod pa gang la bya// bsnyen pa zhes pa'i dgos pa ci// sgrub pa yis ni ci zhig 'grub// rgyas gdab kun ni ji ltar 'tshal// bcom ldan 'das kyis bka' stsal pa// ma skyes ma 'gags zhi bar gnas// ngo bo dngos min gter chen mchog/ snying rje stong pa dbyer mi phyed// 'di ni byang chub sems chen yin// lus ngag yid gsum ngang gis dril// mi phyed don gyi rdo rje de// chos kun rig pa'i rjes su gnas// de ni 'dzin byed skyes bur 'gyur// ji snyed don bya bya ba yang kun spangs nas// blang bya ma lus rab tu brnyes// ma rig thib po rab sad cing// dgongs pas shes bya rab tu rgyas// de la tshul bzhin ma nor mthong// yang dag don rtogs blta ba'o// phyi rol don gyi rtog pa log/ nyon mongs phra ba tsam gyis kyang// mi brdzi goms stobs skyed byed pa// mthong ba nyid la bsgom pa'o// dang po'i las dang bsgom pa dang// brtul zhugs 'chang dang mnyam gzhag dang// rang gi sems la gang spyod pa// mi spyad ma mthong de spyod yin// rin chen sa gzhi bzang lta bu// skyon med gzhan bskyed nus par ldan// nyes pa'i rtsa ba nges par spong// mi 'gal ston pa dam tshig go/ sangs rgyas kun gyi thabs chen gsang// brtsam zhing phan 'dogs ma rungs 'dul// bsod nams tshogs dang bskyed rim 'brel// bsgrub bya nyer gyur bsnyen pa ste// mchog gyur pa dang thun mong las// dkyil 'khor gsum 'phros cher bsgrub pa'o// rgyu dang 'bras bu phan tshun du// sku gsung thugs kyi rdo rje yis// tha dad gcig tu gang bsdus nas// gcig gis gcig gsal rgyas 'debs so// de nas 'khor gyis yang zhus pa// 'dod chags zhe sdang gti mug ci// snying rje zhes pa gang zhig lags// sems can don du ji ltar spyad// rig pa'i brtul zhugs ji ltar spyad// zung du 'jug pa'i spyod pa gang// bdag nyid ji ltar byin gyis brlab// bzlas pa'i rnal 'byor ji lta bu// dngos grub zhes ni gang la bya// tshe 'di'i 'grub tshul ji ltar 'byung// bar ma dor ni su zhig grol// skye bar brgyud la thogs pa gang// bcom ldan 'das kyis bka' stsal pa// 'dod chags so sor rtog pa ste// zhe sdang gsal ba'i ye shes te// gti mug chos dbyings snang ba'o// nyon mongs ye shes de bzhin no// sems can chos dang dmigs med kyis// snying rje gsum las yongs mi 'da'// sbyor ba goms pa brtan byas nas// gsad gso sbyin dang snyan pa dang// bzhi yis rnam bsdu khams gsum gyi// bdag tu skad cig tsam gyis 'gyur// de ni sangs rgyas thams cad kyi// rig pa'i brtul zhugs bla na med// gang la bsngags pa'i 'khor ba dang// mi 'bral mi spang dam tshig yin// don dam kun rdzob thabs shes rab// snang zhing stong pa 'khor ba dang// mya ngan 'das la sogs pa'i chos// thams cad dbyer med zung 'jug go/rang gis rang rig ye shes de// rig mthong rtogs pas rang byin brlab// 'gog pa'i rdo rje dbugs dbyung rngub// 'jug gnas ldang ba khyad par gyis// 'bru gsum rang gi ngo bor gnas// kun rdzob pa la bzlas pa yin// mngon shes drug sogs thun mong ste// byang chub rdo rje mchog yin no// smin dang grol bas mthu stobs rdzogs// mngon du gyur pas tshe 'dir bsgrub// le lo dang bcas bar ma do// shin tu so sos skye ba bgrang// de nas 'khor gyis yang zhus pa// de dag bsgrub pa'i thabs gang lags// de yi dngos nyid ji lta bu// so so 'dor ba'i rtogs pa gang// bsam gtan zhes pa ji lta bu// rlung gi rnal 'byor ji ltar lags// de nyid 'dzin pa gang la gnas// rjes su dran pa'i yan lag gang// ting nge 'dzin du gang zhig bshad// bcom ldan 'das kyis bka' stsal pa// rab tu bsnyen pa'i cho ga dang// nye bar bsgrub dang de bzhin tshe// phrin las spyod pas thabs su 'gyur// byang chub sems gzhi stong pa dang// sa bon tshul du nges 'byung zhing// gzugs rtags yi ge mtshan mar bcas// thabs dngos thun mong nyid du 'gyur// mchog tu gyur pa 'di lta ste// phyi nang dbang po yul grub pa// rang gnas shes pas so sor 'dor// snyoms 'jug thams cad byin gyis rlobs// rtog spyod dga' bde rtse gcig nyid// gsang bcu byung yang rab sbyor spro dang bsdu// rang shes rig cing de zad pas// dngos gzhi mngon shes lnga la dbang// ye shes lnga yi rang bzhin rlung// 'byung ba lnga dang tshul 'drar snang// gang bu snom byed rtse la bzhag/rang gzhan byang chub sems dpar snang// rang gi snying po gnas su bsam// dbang por lam bsrungs zlum por bkod// gzung bya dri ma dang bral bas// de nyid ye shes sems dpar gsal// mi 'gyur byang chub sems bsgoms pas// mtshan ma lnga bstan srog gi lam// nam mkha'i khams la so sor bstan// 'od kyi dkyil 'khor snang ba yin// thabs dang shes rab dbyer med pa'i// dngos bsdu gzugs kyi nang du bsam// skad cig ma yi ye shes gsal// sgrib pa ma lus sel bar byed// de nas 'khor gyis yang zhus pa// rang rig byang chub sems ni gang// de yi rgyu ni ji lta bu// gang zhig gis ni rkyen du 'gyur// 'bras bu 'dod pa ji ltar 'grub// 'byung ba'i dus ni ji tsam na// tshul ni ji ltar 'byung bar 'gyur// nges dang 'grub par byed pa gang// nye bar mtshon pa'i dpe gang yin// dgos pa yang ni ci zhig lags// mtshan nyid mtshon tshul ji lta bu// bcom ldan 'das kyis bka' stsal pa// gzhi dang ngo bo mtshan nyid rnams// ma lus lhun gyis grub bdag nyid// mtha' bral ma spangs ma thob pa// sgro skur dang bral byang chub sems// lhan cig skyes dang bdag tu blta// kun tu brtags pa'i cho 'phrul gyis// nyon mongs nyer len mtshungs par ldan// bag nyal kun sdang rgyu yin no// lhan cig byed rkyen bsod nams dang// de ma yin dang mi g.yo'i las// legs nyes phra rags mang nyung gis// mya ngan 'das dang 'khor bar sbyar// 'bras bu lus dang longs spyod dang// chos dang 'phen pa'i skal ba yis// ji ltar bsams dang smon lam dang// 'jug pa'i las kyi khyad par byed// dus ni dus gsum thams cad du// 'khrul dang ma 'khrul gnas de nyid// 'dod dang mi 'dod la sogs pa'i// gnas skabs so sor 'byung ba'o// tshul ni yang dag log pa dang// nges dang ma nges snang mi snang// sna tshogs kyis ni bral ba dang// thob pa'i bde sdug tha dad myong// ma bcos rgyun gyi skad cig ma// gcig gis dus gsum dus med par// rtogs dang ma rtogs phyogs gcig gis// kun la khyab pa nges par 'grub// rtsa me 'khor lo la sogs bzhin// rin chen rgyur byed stong sgra dang// gsal dri ma g.yos sna tshogs lus// mtshon pa dpe yi nye phyogs yin// rang gi ngo bo thog ma yin// rnam par rtog bral rnal 'byor te// rten sogs rgyu 'bras 'gog pa la// log pa dgag pa'i gol ba'o// gcig dang du mar 'dzin pa dang// mtha' brgyad bral ba'i bdag nyid can// brda thabs byin rlabs gtan tshigs kyis// nyams su myong bas mtshan nyid shes// de nas 'khor gyis yang zhus pa// rgyud rnams kyi ni ston pa gang// de dag gnas kyang ci 'dra zhig/ de bzhin thugs kyi khyad par gang// 'khor gyi mtshan nyid ji lta bu// dus ni ji tsam zhig na 'byung// rig pa'i rjes 'dzin ji lta bu// gleng slong zhes bya gang zhig lags// don du gnyer ba gang la bya// de dag bye brag dbye ba gang// lam gyi yan lag gang gis bsdu// bcom ldan 'das kyis bka' stsal pa// kun tu bzang po don gyi mchog/ skyon med thams cad 'dus pa yin// lnga drug gcig gnyis gsum bzhis bsdus// gdul bya'i rigs la sna tshogs snang// gsang ba'i b+ha ga nam mkha'i khams// mtha' bral bsam mi khyab la bzhugs// skal yod skyes bu'i rigs kun la// nges dang ma nges lnga dang ldan// thugs kyi khyad par bye brag med// ma bstan ma gsungs bar gnas kyang// tha dad sku dang gsung gi tshogs// bdag la nye bar ston par mthong// nyan pa po ni dus gsum gyi// sangs rgyas byang chub sems dpa' dang/nyan thos rang rgyal lha la sogs// rim bzhin rang la bstan pa 'khor// dus dang bral ba'i dus gsum nyid// dus bzhi mnyam pa nyid du sbyor// rdzogs gnyis gsum dang rtsod pa la// gang rigs tha dad so sor 'byung// ji ltar mos pa de yis 'dul// de nas rig pa 'dzin pa dag/ phyi nang gsang ba'i tshul gyis te// nyan thos byang chub sems dpa' dang// brtul zhugs 'dzin pa'i tshul gyis te// cig char rim dang thod rgal dang// dman dang mchog dang bar ma dang// rgyu dang lam dang 'bras bu'i tshul// las dang mos pa spyod pa dang// lam gyi sa yis yon tan bsdus// dang po pa dang kun tu spyod// brtul zhugs dang ni mnyam gzhag gis// rig pa 'dzin pa'i spyod pa bsdus// mthar thug pa ni thun mong yin// rgyud kun gyi ni gleng bslang ba// e baM ma yA shru ta b+ha ga bAn kA ya bA ka tsit+ta saM mu di ta/ badzra ba man ta yang na ta/ 'di nyid kyi ni sgras brjod pa'i// yon tan ma lus gleng gzhi'o// de yis gleng bslang nyid du 'gyur// gzhi dang lam dang 'bras bu dag/ 'di yi don du gnyer bya yin// shes bya gshis dang lam gang zag/thob bya 'bras bu dag gis dbye// bsod nams dang ni ye shes kyi// tshogs dang smin dang grol ba dang// bskyed dang rdzogs dang shin tu rdzogs// rnal 'byor gsum gyis rab phye ba'i// lam gyi yan lag rab tu bsdus// ma 'ongs pa yi dus dag tu// byang chub sems dpa' tshul chen po// dpa' bo skyes mchog 'jig rten mgon// bsam sbyor phun sum tshogs pa yis// dus gsum sangs rgyas yab kyi gdung// legs 'dzin bsam gyis mi khyab pa// ji ltar 'byung ba gsungs pa yis// the tshom med par don bsgrub 'gyur// zhes bka' stsal pas/ phyogs bcu dang dus gsum gyi de bzhin gshegs pa dang/ byang chub sems dpa' ma lus pa thugs kyi dgongs pa gcig tu bsdus pas/khams gsum dang 'gro ba rigs drug tu snang ba'i sems can gyi khams dpag tu med pa'i don bsgrub cing ma grol ba rnams grol ba dang/ma bsgral ba rnams bsgral ba dang/ dbugs ma phyin pa rnams dbugs dbyung ba dang/ yongs su mya ngan las ma 'das pa rnams yongs su mya ngan las 'da' ba'i phyir brtson par spyod cing gnas par bzhugs so// phyogs bcu'i sangs rgyas thams cad kyi bstan pa'i tshul nye bar spyad pa'i le'u ste gnyis pa'o//// de nas bcom ldan 'das de nyid kyi sku dang gsung dang thugs kyi snying po gsang ba 'di dag nyid kyi sku gsung thugs kyi rdo rje las phyung ngo// oM hUM trAM hrIHhA/ oM hUM oM dzi na dzika/ hUM badzra d+h+r-ika/ swA rat+na d+h+r-ika/ aM A ro lika/ hA pra dz+nyA d+hIka/ muM lAM mAM pAM tAM/ aM hUM mUM d+hA twI shwa rI/ lAM dwe Sha ra ti/ mAM mo ha ra ti/pAM rA' ga ra ti/ tAM badzra ra ti/ oM bai ro na tsa Na hUM/ oM badzra a k+Sho b+h+ya hUM/ oM rat+na saM b+ha wa trAM hUM/ oM a mi ta b+hA hrIHhUM/ oM a mo g+ha sid+d+hi hA/ oM sa man+ta b+ha dra hUM/ oM bud+d+ha lo tsa na hUM/ oM paN+Da ra pa sa na hUM/ oM mA ma kI d+harma hUM/oM sa ma ya tA rA hUM// e ma sangs rgyas kun gyi bdag/ ma bcos rang gi ngo bo nyid// bsam gyis mi khyab ye shes tshogs// gti mug rnam dag rgyal pau che// oM// e ma rang byung bde chen thugs kyi mchog/bdud las rgyal ba'i 'byung gnas te// zhe sdang mi 'gyur longs spyod ldan// hUM// e ma yon tan rin chen dam pa'i gter// yid bzhin 'byung ba zad mi shes// re skong nam mkha'i ting 'dzin mdzod// nga rgyal rang gnas che ba'i mchog/ trAM// e ma rnam dag gsung ni mtha' las 'das// dri med nam mkha' lta bur grags// skyon bral chos kyi yi ger snang// 'dod chags skyon bral bla na med// hrIH e ma dam tshig don rnams kun sgrub pa'i// nyon mongs srid 'joms mthar 'byin pa// phrin las chen po rdzogs mdzad pa'i// phrag dog las kyi rtsol ba bral// hA// zhes ched du brjod pas ched du brjod pa mdzad nas// dkyil 'khor gyi gtso bo dam par dbang bskur ro// de nas rigs so so'i dkyil 'khor gyi 'khor lo rnams kyang rang rang gi snying po de kho na nyid kyis phyung ba ni/ oM badzra sa man+ta b+ha dra hUM/ kun tu bzang po'i snying po'o// oM badzra d+ha twI shwa rI hUM/ rdo rje dbyings phyug ma'i snying po'o// oM badzra sa twa hUM/ rdo rje sems dpa'i snying po'o// oM badzra rA dza hUM/ rdo rje rgyal po'i snying po'o// oM badzra rA ga ra ti hUM/ rdo rje chags pa'i snying po'o/ oM badzra sA d+hu huM/ rdo rje legs pa'i snying po'o// oM badzra lA' s+ye hUM/ rdo rje sgeg mo'i snying po'o/ oM badzra d+hu pa hUM/ rdo rje bdug pa ma'i snying po'o// oM badzra aM ku sha dzaHhUM/ rdo rje 'gugs ma'i snying po'o// oM badzra dI pa sha ra ti hUM/rdo rje me sgron snying po'o// oM many+dzu shrI ku mA ra mu la trAM hUM/ 'jam dpal gzhon nu'i snying po'o// oM rat+na d+ha rA hUM/ rdo rje dbyings phyug ma'i snying po'o// oM badzra rat+na hUM hUM/ rdo rje rin chen gyi snying po'o// oM badzra sUr+Ya trAM hUM/rdo rje gzi brjid kyi snying po'o// oM badzra ke tu hrIHhUM/ rdo rje rgyal mtshan gyi snying po'o// oM badzra hA sa hA hUM/ rdo rje bzhad pa'i snying po'o// oM mA le hUM hUM/ rdo rje phreng ba ma'i snying po'o// oM badzra puSh+pe trAM hUM/rdo rje me tog ma'i snying po'o// oM badzra pA sha hrIHhUM/ rdo rje zhags pa ma'i snying po'o// oM badzra su kha hA hUM/ rdo rje bde ba ma'i snying po'o// oM lo ke shwa rA ya hUM/ spyan ras gzigs kyi snying po'o// oM pad+ma d+ha rA hUM/pad+ma dbyings phyug ma'i snying po'o// oM badzra d+harma hUM hUM/ rdo rje chos kyi snying po'o// oM badzra tIk+Sh+Na traM hUM/ rdo rje rnon po'i snying po'o// oM badzra ba sha hrIHhUM/ rdo rje smra ba'i snying po'o// oM badzra tsakra hA hUM/ rdo rje 'khor lo'i snying po'o// oM badzra gI ti hUM hUM/ rdo rje dbyangs mkhan ma'i snying po'o// oM badzra A lo ke trAM hUM/ rdo rje mar me ma'i snying po'o// oM badzra s+pho Ta hrIHhUM/ rdo rje lcags sgrog ma'i snying po'o// oM rA ga ra ti hrIHhUM/ rdo rje gsal sgron ma'i snying po'o// oM badzra pA Ni sa man+ta hUM/ lag na rdo rje'i snying po'o// oM badzra karma d+ha rA hUM/ rdo rje dbyings phyug ma'i snying po'o// oM badzra karma hUM hUM/ rdo rje las kyi snying po'o// oM badzra rak+Sha trAM hUM/ rdo rje srung ba'i snying po'o// oM badzra yak+ShA hrIHhUM/ rdo rje gnod sbyin gyi snying po'o// oM badzra san+ti hA hUM/ rdo rje khu tshur gyi snying po'o// oM badzra nIrti hUM hUM/ rdo rje gar sgyur ma'i snying po'o// oM badzra gan+d+he trAM hUM/ rdo rje byug pa ma'i snying po'o// oM badzra g+han+De hrIHhUM/ rdo rje dril bu ma'i snying po'o// oM badzra A be sha ya hA hUM/ rdo rje 'bebs ma'i snying po'o// oM badzra k+Shi te gar+b+ha ya hUM/ sa'i snying po'i snying po'o// oM badzra su kha nirti hUM/ bde ba rgyas 'debs ma'i snying po'o// oM d+harma ke tu hUM hUM/ chos kyi rgyal mtshan gyi snying po'o// oM rA dze shwa rA ya trAM/ dbang phyug rgyal po'i snying po'o// oM pad+ma maN+Da la hrIHhUM/ bkod pa rgyan gyi dam pa'i snying po'o// oMrat+na rasmi ha hUM/ rin chen 'od 'phro'i snying po'o// oM badzra sa twI hUM/ rdo rje sems ma'i snying po'o// oM rat+na sa twI hUM/ rin chen sems ma'i snying po'o// oM d+harma sa twI hUM/ chos kyi sems ma'i snying po'o// oM karma sa twI hUM/ las kyi sems ma'i snying po'o// oM badzra kha gar+b+ha hr-i da ya hUM/ nam mkha'i snying po'i snying po'o// oM a mo g+ha shwa rA ya hUM/ bde ba za byed snying po'o// oM A lo ka pra b+ha hUM/ snang ba mchog gi snying po'o// oM mu dra rA dzA trAM hUM/ phyag rgya'i rgyal po'i snying po'o// oM pra ti b+hA na rA dza hrIHhUM/ spobs pa'i rgyal po'i snying po'o// oM pra ti b+hA na ku Ta ye hA hUM/ spobs pa brtsegs pa'i snying po'o// oM de bI sho d+ha ni hUM hUM/ khrus kyi lha mo'i snying po'o// oM de bI ke tu trAM hUM/ rgyal mtshan lha mo'i snying po'o// oM de bI bi tA na hrIHhUM/ bla re'i lha mo'i snying po'o// oM de bI tshat+t+ra hA hUM/ gdugs kyi lha mo'i snying po'o// oM ma hA mai tri sa ma e hUM// byams pa chen po'i snying po'o// oM mu ka ra ga sa ma hrIHhUM/bde ba rmongs byed ma'i snying po'o// oM pad+ma rA dza ya hUM hUM/ pad+ma'i rgyal po'i snying po'o// oM pad+mo t+ta ma sa ka la trAM hUM/ pad+ma dam pa'i snying po'o// oM badzra a tsa la hrIHhUM/ rdo rje mi g.yo ba'i snying po'o// oM a mo g+ha rA dza hA hUM/ thogs med rgyal po'i snying po'o// oM de bI pad+ma bAn hUM hUM/ lha mo pad+ma can gyi snying po'o// oM de bI b+hai ra bA trAM hUM/ lha mo 'jigs byed ma'i snying po'o// oM de bI a do ShA hrIHhUM/ lha mo skyon bral ma'i snying po'o// oM de bI bi dza yA hA hUM/ lha mo rnam rgyal ma'i snying po'o// oM sarba pa ri sho d+hA ya hUM/ sgrib pa rnam par sel ba'i snying po'o// oM badzra gan+d+he dza la ya hUM/ bde ba tshe 'phel ma'i snying po'o// oM rat+ne shwa ra hUM hUM/rin chen dbang phyug gi snying po'o// oM karma sid+d+hi trAM hUM/ grub pa'i las kyi snying po'o// oM A ra ta shA stA hrIHhUM/ dga' bar ston pa'i snying po'o// oM a tsa la ak+Sho b+h+ya hA hUM/ mi g.yo ba'i mtha'i snying po'o// oM dza ya ba te sarba she ne hUM hUM/ lha mo skyabs can ma'i snying po'o/ oM de bi pra tsa la bi ma le trAM hUM// lha mo dri med ma'i snying po'o/ oM ba sha pa ta tsi ta si hrIHhUM/ lha mo lcags sgrog ma'i snying po'o// oM de bi ka ru na pra ga ri hA hUM/lha mo thogs med ma'i snying po'o// oM de ba mu ni hUM/ lha'i thub pa'i snying po'o// oM ni Na mu ni trAM hUM/ lha min thub pa'i snying po'o// oM nr-i ye mu ni trAM hUM/ mi'i thub pa'i snying po'o// oM nr-I ye mu ni nr-i hUM/ dud 'gro'i thub pa'i snying po'o// oM pre ta mu ni preM hUM/ yi dwags thub pa'i snying po'o// oM tir+Ya mu ni k+ShaM hUM// oM na ra ka mu ne sruM swA hA/ dmyal ba'i thub pa'i snying po'o// oM badzra aM ku sha dzaH oM badzra pA sha hUM/ oM badzra s+pho Ta baM/oM badzra g+han+De hoH/ sgo srung bzhi'i snying po'o// dang po rgyu yi snying po ste// gsum sogs bskyed pa'i snying po'o// ma lus rdzogs pa bzlas pa'i sngags// 'di bshad zhi ba'i lha rnams kyi// snying po'i kha skong nyid du bshad// de nas rdo rje 'dzin pa yis// de yi nga rgyal ldan pa yis// dkyil 'khor sa yi dbus gnas te// bzhugs pa'i 'dug stangs bstan bya ba// rkang g.yas brla dang byin pa'i dbus/ g.yon pa legs par bzhag nas kyang// de nyid steng du g.yas bzhag pa// dang po rdo rje'i skyil krung yin// g.yon gyis g.yas pa'i byin par mnan// pus mo gnyis ni sar phab pa// zhi ba'i tshul dang ldan pa'i sku// gnyis pa pad+ma'i bzhugs stabs yin// rkang pa g.yas pas g.yon pa yi// brla yi steng du cung zad mnan// de nyid g.yon pa'i 'og tu gzhag/ gsum pa sems dpa'i skyil krung yin// g.yon pa yis ni skyil krung phyed// legs bcas de yi drung nyid du// rkang pa g.yas pa drang por bzhag/ dpa' bo'i bzhugs stabs bzhi pa'o// gdan steng rkang pa gnyis ka yis// thur du drang por bsrang bar bya// mnyam zhing brtan par bzhag pa ni// lnga pa bzang po'i bzhugs stangs so// mtho gang tsam gyis rkang pa gnyis// bar bzhag stan la 'dug nas ni// tsog pur bar bzhag bzhugs pa ni// tsog pu'i 'dug stangs nyer drug pa// rkang g.yas sems dpa'i skyil krung phyed// brtan cing g.yon pa sgeg bcas kyang// bdun pa rol pa'i bzhugs stangs so// de dag dbus dang phyogs bzhir bstan// dang pos rigs kyi phyag rgya bstan// gnyis pa yis ni lha mo ste// gsum pas sems dpa' rnams kyi'o// bzhi pa rdo rje khro bo rnams// lnga pas phyi rol sems dpa' ste// drug pas bran dang pho nya'o// bdun pas 'jig rten sbyong rnams so// de dag phyag rgya so sor bstan// de nas phyi rol bskor bya ba// gom stabs rnam pa bdun yin te// dang po dbus su rkang mtheb dang// rting pa mnyam por cig la bcer// rang gi thad kar legs bzhag pa// mthun pa'i stabs su nga yis bshad// de nas shar du gshegs nas ni// g.yas pa'i brla dang pus mo bsrang// g.yon gyi byin pa brlar bcar nas// bar mtho lngar bzhag g.yas brkyang yin// lhor ni g.yon brkyang de las bzlog/thad kar bzhag nas g.yas g.yon par// rkang mthil lnga yis tshad bzhag pa// de dag lho nub tu yang sbyar// nub tu zlum po pus mo gnyis// so so'i gnas su lag gnyis bzhag/chu bya'i gshog pa ltar gnas pa// nub dang nub byang gnyis kar sbyar// byang gi phyogs su sa ga'i stabs// sor mo rnams ni phyir bstan zhing// pus mo'i lha nga thad kar brgyang// rkang mthil nyi shu rtsa drug khyon// g.yon pa'i brlar ni rkang mthil gtad// rkang gcig yin te byang shar mtshams// g.yon pa'i sor mo g.yas kyis mnan// rus sbal stabs kyis shar lhor brtsam// de dang sbyar la lag pa'i gar// dang po la ni lnga yin te// rdo rje'i gar stabs bsrung ba'i tshul// steng 'og gnyis su lan gsum gsum// rdo rje gsor ba de yi gar// lag gnyis ro bzung za ba'i tshul// phyogs blta rdo rje ro langs stabs// rdo rje'i stabs sam gtun shing gis// bgegs brdung ltar byed gtun shing stabs// g.yon pa'i khu tshur snying gar bstan// g.yas pas rdo rje ba dan phyar// dpung mgor bzhag pa ba dan stabs// gnyis pa'i dus su bstan bya dgu// g.yon pa dkur brten g.yas pa yis// rdo rje 'phen tshul de yi stabs/ kha yi steng 'og lag gnyis gdengs// gnyis bcas 'jigs pa ltar byed pa// rdo rje 'jigs su rung ba'i stabs// g.yon pa rtse gsum snying gar bzhag/ g.yas pa khu tshur dbyig pa ltar// 'degs byed rtse gsum sar 'jog pa// stobs chen 'degs pa'i gar stabs so// rdo rje khu tshur gnyis bkan te/khar bzhag ha ha yi ge bzhis// dgod tshul rdo rje gad mo'i stangs// g.yon pa'i khu tshur mdzub mo bsgreng// g.yas pas rdo ba 'phen tshul ni// rdo rje rdo yi gar thabs so// de las mkhrig ma gnyis mdud pa// rdo rje zhags pa'i thabs yin no// g.yon pa dkur brten g.yas pa yi/ khu tshur mthe bong nang nas bton// bsgreng ba rdo rje be con thabs// de nyid las ni g.yas pa yis// mdung rtse gcig pa'i tshul byed pa// rdo rje rtse gcig gar thabs so// de las rdo rje gdub bu 'degs// bgegs gsod tshul du byed pa ni// rdo rje gdub bu'i thabs su bshad// gsum pa g.yon brkyang dus ni bcu// rang gi kha ni 'og phyogs bltas// gdangs shing lag gnyis mkhrig mang mdud/ kha yi drung bzhag seng+ge'i stabs// de nyid las ni phyogs kun blta// lce 'gyur seng+ge'i glal ba yin// g.yon gyis rdo rje phur bu bzung// bgegs kyi steng bzhag g.yas pa yis// rdo rje khu tshur tho ba yis// brdung tshul rdo rje tho pa'i stabs// rdo rje sgeg mo'i gar dang ldan// mgo ni g.yon gyi phyogs 'dud cing// bskor ba bud med sgyu 'phrul stabs// rdo rje bsdams pas snying ga nas// 'dra byed rdo rje dral ba'o/ khu tshur mthe'u chung gnyis bsgreng bzlog/ kha 'gram gnyis bzhag mche ba'i tshul// rdo rje mche ba'i stabs su bshad// g.yon pa'i khu tshur shugs kyi tshul// g.yas kyi dpung mgor ral gri 'degs// rdo rje ral gri'i thabs yin no// g.yon mdzub mo dang g.yas pa yi// mdzub mo gnyis mdud g.yas mdzub mo// lcags kyu ltar byas lcags kyu'i stabs/khu tshur gnyis kyis g.yas phyogs su// 'degs tshul rdo rje mdung thung thabs// g.yon pa dkur brten g.yas pa yi/ khu tshur thag mdung bskor ba'i tshul// lan gsum thag mdung 'phen thabs so// bzhi pa zlum po'i gar thabs ni// dgu ste lag pa g.yon brkyang ba// da drung g.yas pa'i mthe chung bskum// ba dan tshul byas rdo rje'i gar// phyogs bzhir sa gnon la sogs pa'i// so so'i phyag rgyas gsal byas pa// sgo bzhi byin gyis rlabs pa'i thabs// g.yon pa dkur brten g.yas sdigs mdzub// bsgreng ba rdo rje 'khyil pa'i thabs// g.yas pa rdo rje snying gar 'dzin// g.yon gyi dril bu rna bar dkrol// rdo rje sgra yi thabs su bshad// snying khar rdo rje khu tshur gnyis// mthe'u chung mdzub mo rdo rje mdud// 'khor lo bskor ba de nyid thabs// snying gar pad+ma kha 'byed tshul// pad+ma kha phye'i stabs yin no// g.yon gyis gzhu 'dzin gzhu yi tshul// mda' 'gengs tshul ni g.yas pa yis// rna ba'i drung 'gengs mda' gzung thabs// de nyid 'phen tshul byed pa ni// rdo rje mda' 'phen thabs yin no// rkang gcig dang por bshad de bzhin// g.yas dngagayon sogs lan gnyis bskor// bdun pa rus sbal gar stabs ni// g.yon pa dkur brten g.yas pa yi// rdo rje snying gar gtod de 'jog/ de dag legs spyad phyogs kun bskor// sa gzhi bsrung ba'i las yin no// de nas bdag nyid bsrung bya ba// dkyil 'khor gtso bo'i ngang nyid las// phyi dang nang gi khrus byas te// chos rnams stong pa nyid du bsam// bdag med don la mos par bya// mgrin pa hrIHlas pad 'dab brgyad// mdun gyi 'dab ma lce yin te// de nyid hUM las rdo rje ni// rtse lnga dkar por bsam byas la// badzra dzi hA zhes pas bstan// lag gnyis mthil du a las ni// zla ba'i dkyil 'khor re re bsgom// de steng hUM las rdo rje ni// rtse lnga sor mo rnams su bsam// hasta badzras brtan par byas// rang gi snying gar nyi ma la// yi ge hUM gyur rdo rje ni// sngon po rtse lnga hUM gis mtshan// de las 'od 'phros khro tshogs byung// bgegs rnams tshar bcad tshur 'dus pas// rang la thim pas khro bo'i sku// rdo rje 'dzin par grags par gyur// mthing ga zhal gcig phyag gnyis pa// phyag g.yas rdo rje rtse lnga 'dzin// g.yon pa sdigs mdzub me 'bar bcas// dpal 'bar mo dang bcas pa bsgom// ched brjod bstod pas brtan par bya// nga rgyal ldan pas sor mo rnams// phan tshun bsnol te rdo rje bsdams// oM gr-i h+Na badzra sa ma ya hUM baM/de yi rab tu brtan par bya// de nyid mgo yi phyogs lngar bzhag/ oM badzra dz+wa la a na lA ka hUM a b+hi Shiny+tsa maM/ de yis rigs bdag dbang bskur blang// rdo rje lag pa g.yas g.yon 'khyud yang gyis// mtheb mdzub gnyis la oM hUM bsam// bcun mdud ka nan bcings pa ni// rdo rje khu tshur mkhrig mar bsnol// snying ga mgrin pa ltag pa dang// spyi gtsug rgyab dang lte ba dang// dpral ba la sogs gnas dgur ni// rdo rje'i mdud pa dam bcas nas// lhag ma lus la dra bar bcing// de nas lag g.yon sdigs mdzub bsgreng// g.yas pas rdo rje gsor bya zhing// oM badzra dz+wa la a na lArka hUM/ zhes brjod bgegs la rdo rje bsnun// sor mo phan tshun bsnol ba de// nang du 'bar ba lta bur bsgreng// oM badzra dz+wa la a na la ha na da ha pa tsa ma tha b+hany+dza ra Na hUM phaT/ zhes pas bgegs rnams bsregs par bsam// rdo rje spyan gyi nga rgyal gyis// sor mo bsnol bsdam sa la bzhag/ oM badzra ne tri ban+d+ha sarba big+h+nAM// 'od kyi zhags pas bgegs rnams bcing// bdag nyid rab tu bsrung bar bsam// de nas phyogs kun bsrung ba ni// rdo rje can gyi nga rgyal gyis// sngar bzhin phyag rgya sa la bzhag/ oM badzra dr-i D+ho me b+ha ba rak+Sha hUM// 'og phyogs bgegs kun bcing par bsam// rdo rje khu tshur me ltar bskor// lcags kyu lta bu spyi bor bzhag/ oM badzra hu lu hu lu hUM phaT// 'jigs byed kyis ni steng phyogs bcing// rdo rje gnod sbyin nga rgyal gyis/ khu tshur mthe bong gnyis brkyang la// 'dzub mo mche ba ltar byas te// oM badzra yak+Sha hUM// zhes pas steng phyogs mnan te bcing// rdo rje gtsug tor nga rgyal gyis/ khu tshur gnyis bcings mthe'u chung sbrel// mdzub mo rtse sprad spyi bor bzlog/ oM b+h+rUM badzra b+han+d+ha paM// rdo rje zhags pa'i nga rgyal gyis/ khu tshur mkhrig mar mdud cing bskor// oM badzra pA sha hrIH// de nyid mtshungs pas shar phyogs bcing// rdo rje ba dan nga rgyal gyis// mthe bo bsnol te mdzub mo bsgreng// mthe chung ba dan ltar byas nas// oM badzra pa tang ki pa taM ki ni ri Ta// de yis nub phyogs bgegs bcing ngo// rdo rje dus mtshams nga rgyal gyis// rdo rje gnod sbyin zhal ngo bstan// oM hrIHbadzra kA li ru Ta ma Ta// byang phyogs bgegs kun de yis bcing// rdo rje rtse mo'i nga rgyal gyis/ khu tshur ri bo 'degs ltar bya// oM badzra shi kha re ru Ta ma Ta// lho yi phyogs su bgegs bcing ngo// rdo rje las kyi nga rgyal gyis/ khu tshur gnyis bcing mkhrig ma bsnol// mthe'u chung sbrel te mdzub mo bsgreng// oM hUM badzra karma// rdo rje ra bas bskor bar bsam// rdo rje sor mo bsdam byas nas// oM druM badzra b+han+d+ha paM// phyi rol rdo rje'i dra mig bsam// rdo rje las kyi nga rgyal gyis// de nyid kyi ni phyag rgya dang// oM badzra b+hany+dza sum+b+ha ni hUM// de yis rdo rje rgya gram bskor// lus ngag yid kyi bya ba rnams// ma lus rdzogs par ldan byas nas// srung ba'i yan lag rim bzhin 'grub// de nas mkha' la 'khor lo bsam// mchod pa'i lha rnams rang las sprul// yan lag bcu yis kun mnyes bya// rten yul de dag rang la bsdu// rnam smin phung po 'od kyis sbyang// bsod nams mthar thug de la dmigs// de nas ye shes tshogs bsgom phyir// mngon par byang chub rnam pa lnga// ye shes lnga dang sbyar te bsgom// rjes la rten la gzhal med khang// 'byung ba'i gzhi dang bcas la bsgom// de nas so so'i rigs kyi gdan// gang ltar bsngags pa de bzhin bsam// de la lha rnams rgyu dang rkyen// thabs dang yan lag gdag gis dbyung// gsum gsum thabs gsum dgu yang bzhi dang gsum dang rgyu// kun rdzogs cho ga yan lag yin// de la gsal brtan dmigs pa bya// ye shes lha rnams de bzhin dgug/bar snang khams dang gzhal yas khang// chos bdun drug gis de mnyes bya// de nas ma lus bslab bya blang// sdom pa dang ni dam tshig gzung/ mchod bstod bshags dang phrin las bcol// bzod pa'i yul dang nyes pa bshags// dus rnams kun tu mnyes par bya// de nas rang gi gnas su gshegs// bkra shis smon lam chen po gdab// de yi dge ba mthar thug bsngo// de nas bsam gyis mi khyab pa'i// byang chub sems dpa'i rjes su bslab// phrin las bzhi la dus sbyar dmigs// phyi nang gsang dang ma nges pa'i// srid pa zhi ba chos nyid snang// ma lus khams dang rigs dang blo// bsam pa nyon mongs yang dag brjod// rnam shes yul dang bcas pa dang// phung po rnam grol rigs kyi sku// las dang kha dog ye shes gzugs// phrin las gdul bya'i khyad par las// ji ltar rigs pa'i tshul dag gis// bla med lam la yang dag gnas// rgyu 'bras lnga dang drug la sbyar// zhes bshad rigs brgyad bsdus pa'o// yan lag bshad pa'i kha skong yin// zhi ba chen po'i yan lag gi// khyad par bshad pa'i le'u'o//// de nas bcom ldan rdo rje 'dzin// gang du 'dod chags rnam dag pa'i// skyes bu 'dul ba'i don gyi phyir// zhi ba'i lam gyi rnal 'byor dag/ rim pa bzhin du bka' stsal pa// thog mar 'jig rten thun mong ste// rjes su theg pa la zhugs bya// de nyid las kyang khyad par du// bsam pa che la rab tu sbyar// de bzhin du ni rab tu dpag/ sngon du song bcas rnal 'byor bzhis// bskyed pa'i rim pa de mthar dbyung// brtan cing gnas pa dang po las// de nyid shes par bya ba'i yul// lus la brtan pa'i phung po dang/ khams dang skye mched 'byung ba rnams// rigs brgya lnga dang bzhi bcu gnyis// gsum dang gcig tu bsdu ba dag/yongs su shes pas gsung grub pa// de ni rdo rje'i bzlas par 'gyur// de yis sems kyi ting nge 'dzin// mthar thug dang ni rmi lam dang// sgyu ma lta bu'i lam la slob// de yis dbang bskur yongs rdzogs nas// rang bzhin 'od gsal snang bar byed// yon tan srid dang zhi la sogs// gnyis su snang ba dbyer med pa'i// zung du 'jug pa rtogs par 'gyur// mi slob lam ni rab tu rdzogs// de ltar ming yang dmigs bshad lam gyi rnam// yan lag phyogs gcig tsam nyid las// phun sum tshogs pa ma yin no// de nyid rim par bstan pa las/ khams kyi mngon bskyed phung po yang// sha rgyus rtsa dang pags pa dang// skra dang dri ma lha rus rkang// khu ba rdul dang khrag chu ser// rnag zhag ngar snabs bshang dang gci// mchil ma klad pa rkang mar dang// gnye rgyu mkhal long mkhris lgang ba// glo snying mtsher ba pho ba dang// bad kan srin bu phyi dang nang// skra dang ba spu sen mo dang// mgo dang yan lag nying lag sogs// snang ba'i phung po khams skye mched// lhan cig gnas pa phung po yin// phrad par shes dang blta ba dang// ma rig bag chags sred len rgyun// nyon mongs tshogs ni bsags las byung// rtsa ba'i lnga phung 'di dag ni// gtso bo sangs rgyas lngar shes bya// skye mched sems dpa' chen po'i tshogs// sa chu me rlung stong pa nyid// spyan ma gos dkar sgrol mkha' dbyings// lnga dang gcig dang gsum gyis bsdus// khyad par rigs brgyar dbye ba yang// gzugs nyid rnam par snang mdzad las// bye brag ring thung phra sbom sogs// phyi nang gnyis snang la sogs pa// de nyid gtso bo'i rang bzhin no// bdag gzhan gnyis sogs rnams rin 'byung/ kha dog sna tshogs mtha' yas te// 'od snang nus pa don grub yin// rig bcas rig med mi bskyod pa'o// tshor phung rin chen 'byung gzugs las// 'dus mkhris las tshor mi bskyod pa// bad kan rlung sogs rin chen 'byung// mtha' yas kyi ni bde bar tshor// sdug bsngal tshor ba don grub yin// btang snyoms rnam par snang mdzad do// 'du shes phung po mtha' yas gtso// mi bskyod rkang gnyis par 'du shes// bzhi pa rin chen 'byung ba'o// rnam med 'og dpag med pa yin// mang por snang ba don grub ste// g.yo med rgyu bral rnam snang mdzad// de bzhin 'du byed don grub gzugs/ khyad par rnam snang lus 'du byed// ngag gi snang ba 'od dpag med// yid ni mi bskyod pa yi gzugs/ khams kyi 'du byed rin 'byung ste// thar pa don yod grub pa'o// rnam shes mi bskyod pa yin te// mig dang rna ba sna dang lce// lus kyi rnam par shes tshogs kun// snang mdzad rin chen 'od dpag med// don yod mi bskyod rang gi gzugs// 'di dag gtso 'khor yab kyi dngos// dang po sum cu nyid du 'gyur// khams kyi dbye bar snang ba yang// lci zhing sra bas rten byed sa// bud+d+ha lo tsA nyid yin no// brlan dang gsher pas rab tu sdud// chu yi khams ni mA ma kI// tsha dro smin zhing skem byed pa// me ni gos dkar ma yi khams// bskyod 'degs rngub dang 'byung ba dag/ yang dang g.yo byed sgrol ma'i khams// go 'byed yangs pa'i yon tan ni// stong nyid mkha' dbyings kun tu bzang// rus pa skra dang bshang ba dang// snying dang mchin pa rnam snang mdzad// spu dang sen mo rnag rin 'byung// so dang lpags sha 'od dpag med// rgyus pa rtsib rus don yod grub// dri ma rgyu mkhris mi bskyod pa// nang gi khams lnga'i dbye ba ni// ri rab rnam snang mdzad byin rlabs// shar lho nub byang gling bzhi yang// rim bzhin rigs kyi byin rlabs yin// de dag phyi yi sa khams so// chu khams mA ma kI yi gzugs// bad kan mchi ma rnam snang mdzad// gcin rdul khrag dang kha chu dag/ go rim byin gyis rlabs pa'i rigs// phyi rol rgya mtsho rnam snang mdzad// 'bab chu chu bo bkod ma dang// lteng ka rnams kyis rigs bzhir 'gyur// gos dkar mo nyid me khams la// mgo bo me drod rnam snang mdzad// snying ga lte ba yan lag dang// lto ba'i me rnams so sor ris// rdo las byung ba'i gtso bo ste// rgyun bzhag me shel gtsub shing dang// nags kyi me yis phyi yi rigs// rlung khams sgrol ma'i khams rang bzhin/ khyab byed rlung ni gtso bos bsdus// srog 'dzin mthur 'byin rgyu ba dang// me mnyam rim pa'i byin rlabs gnas// steng 'og dbus rlung gtso bo ste// phyogs bzhi rang gi rigs phyi rol// kun bzang mkha' dbyings phyi nang gi/ stong pa lnga dang phyogs lngar shes// skye mched sems dpar sbyar ba yang// mig gi skye mched sa'i snying po// de la rigs kyi lngar phye ba// snying po dag ni mi bskyod mthing// ser nag rin 'byung me'i rang bzhin// 'bras dkar chu ni 'og dpag med// g.yo 'gyur rlung ni don grub bo// gzugs snang 'dzin byed rnam snang la// rang byin rlabs pa'i skye mched lnga// rna ba phyag na rdo rje ste// phra rags gzugs ni mi bskyod pa// gtsor gyur rang bzhin rnam snang mdzad// bu ga mtha' yas 'od pag med// g.yo byed rtsa ni don yod grub// sgra rnams 'dzin byed rin 'byung ngo// sa yi skye mched nam mkha'i snying// phra gzugs rang bzhin nang dbus dang// sna bug dri 'byed rim bzhin du// mi bskyod rnam snang rin 'byung dang// don grub mtha' yas rang byin rlabs// lce yi skye mched 'jig rten dbang// gzugs dang rang bzhin rtsa ba dang// gtso rtsai yang mo ro yi khyad 'dzin rnams// shar dbus lho nub byang gi gtso// sgrib pa rnam sel lus skye mched// ngo bo rus pa sha dang lpags// reg snang lnga ni snang mdzad de// lho nub byang shar rim pa dag/ yid kyi skye mched 'jam dpal te// lus la brten pa'i rnam shes tshogs// kun gyi bdag dang yul du gyur// phyi dang nang dang sbyar ba ni// dbang po yul dang skye mched rnams// byang chub sems dpa'i dkyil 'khor che// gzugs sgra dri ro reg yul rnams// lnga dang bcu ni rlung rang bzhin// srog sel gyen rgyu mnyam khyab byed// lha rnams yang dag nges par rgyu// rtsa ba dang ni yan lag tshul// dang po phung po la brten spyod// gnyis pa rnams ni dpa' bor gnas// phyi dang nang gi las kun bsgrub// rtsa ba gsum ni rten bcas shing// kun gyi rnam shes ma lus gnas// srog 'dzin tshul du rtag par rgyu// dang po srog gi rlung zhes bya// bshang gci khu ba khrag 'og rlung// thur du 'dren sel de nyid do// dbang po'i sgo dang yan lag gis// myong reg la sogs mnyam gnas te// za 'thung smra sogs stod du 'byin// 'gro zhing sdod bskyod gyen gyur grags/ khyab 'dzin 'gro ldog tshogs kun gnas// de la khyab byed rlung du bshad// shar sogs dbus gtso rang bzhin gnas// snying 'doms lkog ma lte ba dang// tshigs rnams la ni rab tu brten// yan lag rnam pa lnga nyid kyang// ldang rgyu mig gi skye mched la// snang ba sgrib bral yid yul mthong// rol dang 'gying bag sgeg nyams bcas// rjes su chags dang mngon longs spyod// sdug dang mi sdug btang snyoms gzugs// phyi nang byed pa'i las kun bsgrub// dbus shar nas brtsams rim bzhin gtso// rna rgyu sgra ste rna ba'i yul// 'ur 'ur mgo dang sgra 'byin dang// rtag par rgyan sgra glu dang ngu// yi ge brjod pa gnas kyi rgyu// chu shing lag dang rol mo sogs// phrin las bzhi yi brjod sgra dag/ gtso 'gyur rim pa sngar bzhin no// sna yi skye mched yang dag rgyu// ma lus dri dang yan lag dri// kun 'dzin nang gi bro zas dri/ khyad par dri dag mi bskyod pa// gzhan dag dbus lho nub byang rim// lce yi rnam shes rab tu rgyu// mngar kha bska dang lan tshwa tsha rim gyi// dngos rgyu lus kyi yon tan te// bstan nas 'khyud dang sgau reg dang// rngub dang gnyis rab sbyor ba yis// gnas rnams gsum dang dbu ma'i gnas// dbus lho nub byang shar sogs kyis// go rim gyis ni yul lnga yin// ye shes lnga yis rab phye ba// rten gsum dag cing grol ba la// rnam rtog bag chags ma lus sbyangs// chos dbyings rnam dag ye shes so// dngos po ma lus gzugs brnyan bzhin// cig char snang shes me long 'dra/ khams gsum bsam pa snod bcud tshogs// sems rtogs ngang du mnyam de nyid// dus gsum phyi nang chos kyi dngos// ji bzhin ma 'dres rtogs pa de// rang bzhin sgo gsum las rdzogs spyod// ma lus grub pa'i ye shes te// rang gi rigs las byung ba yi// de bas phung po skye mched khams// gtso bos byin brlab so so'i rigs// yum dang sems dpa' lha mo dang// sems ma thub pa sgo srung ste// dam pa'i rigs ni rnam brgya ste// phung po skye mched yul dang bcas/ khams lnga 'byung bzhi rnam dag pa// rgyal ba bzhi bcu rtsa gnyis yin// phung po de nyid rigs lnga ste// lus ngag yid ni sku gsung thugs// rdo rje gsum ni rdo rje 'chang// gsang ba chen po'i rigs gcig go// rtsa ba'i nyon mongs rnam lnga la/ khyad par shas che gnyen po ni// rnam dag phyag rgya'i tshig bsgrub ste// zhi ba bsgrub mchog kha bskang yin//// de nas ston pa rdo rje 'dzin// ji ltar rnal 'byor lus kyi lha// nges pa'i snang ba thob gyur nas// phung po khams dang skye mched dang// 'byung bzhi rnam shes yul dang bcas// dngos grub kun gyi thun mong du// lha dang stong pa rnal 'byor gsum// rags pa las ni phrad gyur pa// ngag gi sgra dang rdo rje yis// bzlas pa'i sngags kyi de kho na// srog 'gyur kun gyi dngos grub bshad// phung po nga bdag rang bzhin can// 'od lnga'i 'phro 'du dpag med las// shin tu phra ba'i rnal 'byor bsgom// ri rab rtse yi dmigs pa lta// sku gsung thugs kyi yi ge gsum// 'ong dang 'dug dang 'gro ba la// mgrin pa snying ga lte gsang gnas// steng du 'gro la sogs pa dag/ dbugs las rig pa nyi shu lnga// bsdus pa'i gzugs brnyan steng sgo las// lnga dang bcu sogs phyi dang nang// byang chub sems rgyu mkha' la gnas// 'gro rnams kun gyi rnam shes rten// rtsa ba yan lag lnga dang bcu// yul gsum g.yas g.yon dbus la gnas// las bzhi la sogs gsum gyis spyod// 'jig rten 'jig rten 'das snang ba// ma lus dbugs spro rnam shes kyi// rtsa ba nyid kyis byin gyis brlabs// nam mkha' dang mnyam sa bon te/ kha dog ting nge 'dzin la sogs// spangs pa'i dngos grub dam pa ste// sangs rgyas byang chub sems dpa'i tshul// 'od ldan gzhal med khang du bzhugs// sna tshogs phrin las spyod pa ni// don chen byed dang steng 'og 'gro// btang snyoms gnas dang khyab par byed// 'gro dang rnam 'gro yang dag 'gro// rab 'gro nges 'gro khyad par gyis// lta nyan snom myang reg dang bsam// rang gzhan longs spyod bsam mi khyab// gzhal med khang par gnas pa'i lha// rten byed pad+ma 'dab brgyad dbus// mi bskyod pa yi rang bzhin bzhugs// 'og sgo pad+ma bzhi dbus na// gsang gnas rin chen 'byung ldan te// steng 'gro bcu gnyis pa yi sar// 'od dpag med pa'i ngo bo nyid// don grub drug cu rtsa bzhi dbus// snyoms mdzad me yi rang bzhin no/ khyab gnas phyi rol yan lag brten// rnam snang mdzad pa de bzhin no// 'gro ba zhes bya gzugs la spyod// rnam 'gro sgra yin yang dag 'gro// dri spyod rab 'gro ro myang zhing// nges 'gro dag ste de dag ni// nyi zla rol mo la sogs pa'i// gnas nas gshegs te rang longs spyod// lha dang lha mo 'od zer bcas// 'byung ba ye shes lnga bdag gis// bskul te bzlas pa gsum du byed// gzhal med khang gi steng sgo la// rlung me sa dang chu rang bzhin// rang rang gi ni 'gro byed bzhi// g.yas nas drod bcas steng 'og dmar// pad+ma rigs kyi bzlas pa yin// g.yon na snyoms byed dbugs dang bcas// 'od zer ljang gu las rig bzlos// thun mong 'og 'gro sa yi gzhi// rin chen rigs kyi 'od zer zlos// rin chen shel bag dkar po'i 'od// mi bskyod rang bzhin bzlas pa yin/ khyab chen kun 'gro rten pa dang// rten bcas kun tu snang mdzad zlos// dkyil 'khor kun tu sdud pa'i dus// don gnyis mthar phyin gnas par bya// 'gro ba'i bzhon pa de nyid shes// sngags zhes bya ba gnyis pa ste// ji ltar sangs rgyas kun gyi gsung// yi ge sgra yi brjod pa dag/ lnga bcu'i yan lag kun rnams kyang// rtsa ba ma skyes gcig yin te// ma bcos pa las gsum du 'gyur// tha mal pa la 'gro 'ong nas// dang po'i las la yang dag gzugs// gzhi yis sems can khams bskyed cing// lam rdzogs dril la phyi nang 'gro// rang bzhin grub pa'i bzla ba gsum// nyon mongs kun sbyang phrin las spyod// oM AHhUM/ dus gsum thams cad 'di la gsal// gnas dang rab tu byed pa la// dang po'i thun la lnga yin te// gnyis pa nyi shu rtsa lngar bzlas// gsum la brgya gnyis nyi shu ltar// bzhi pa la ni dgu brgya ste// lnga pa nyi khri chig stong dang// drug brgya zhag gcig dag la bzlas// 'di ni shin tu phra ba'i lam// bzhon par bcas te phrin las 'grub// gsung tshig ma lus 'di yis zlos// ngag gi rnal 'byor rdzogs 'dod pa'i/ lam gyi kha skong bshad pa'o//// de nas bcom ldan rdo rje 'dzin// dus gsum sangs rgyas thams cad kyi// yon tan mchog la rab dgongs shing// dam tshig rdzas kyi bsgrub pa bshad// rigs lnga'i dam tshig lnga yi dngos// ye shes lnga rdzogs grub pa'i rdzas// rtsa brgyad yan lag stong dang bcas// phyi nang gsang ba'i de nyid las// rang bzhin spyad dang bsgrubs las byung// phan dang nus mthu dpag med kyang// tha mal rnam rtog dbang gyur te// dngos su spyad par ma nus pa// dri dang kha dog ro bsgyur phyir// rtsa ba lnga las yan lag go/ cha mthun rgyal blon 'khor rnams kyis// dbye ba bsdu ba rab sbyar te/ khrol bu phye ma gong bu la// nga yi dkyil 'khor sbyar ba yis/ byin gyis brlabs te rtags phyung ba// bsgrubs pa'i longs spyod yon tan yin// rang bzhin gnas pa'i yon tan la// longs spyod sgo nas bsgrub pa ni// spyi dang bye brag so so ste// dang po rten gyi gang zag ni// nga yis rab stan mtshan nyid ldan/ khyad par bla ma mnyes byas shing/ dbang rdzogs thob cing dam tshig ldan// lha dang mkha' 'gro nyer gnas pa// sgrub 'byor lus srog gtong phod cing// brtul zhugs brtson 'grus ldan pas brtsam// 'byung bzhi'i nus pa rgyas shing 'phel// ston zla gsum ni dus kyis mchog/dka' thub brtul zhugs 'dzin pa dang// grub pa mchog brnyes rnam snang rgyu// rang dang bla ma kha bskang ba// don grub byang chub sems kyi rgyu/ ma dang sring mo bu mo dang// mtshan nyid kun ldan snang mtha' yas// gnas bdun pa dang bu chung dang// mtshan nyid kun ldan rin 'byung yin// sangs rgyas yab yum rang nyid dang// gzhon nu lo brgyad ma chad rnams// mi bskyod bsgrub pa'i rgyu yin no// grogs ni mngar gsum tsha ba gsum// bzang drug 'bras bu gsum dang ni// yung ba spang rtsi se rgod shun// ka ra ga bur khyi'u ro tshan/ khyi gu dkar mig ma bye'i sha/ so rtog bong nga skye bar shun// bse ru brag zhun bar pa ta// ser thig sro lo ut+pal sngon// de dag sbyar zhing bsgrubs spyad na// rims nad dug nad khrag nad sel/ bdud rtsi cong zhi brag zhun dang// ba lu'i lo ma tsha ba gsum// se 'bru gcan gzan sha sbyar te// bsgrubs shing spyad na mchin nad sel// bdud rtsi cong zhe sdig srin dang// se 'bru sug smel tsha rigs rnams// sbyar bsgrubs mkhal ma'i nad kun sel// bdud rtsi bzang drug shu dag dkar// seng ldeng khaN+Da thang chu dang// ga bur ka ra cong mu zi// bse ru rgya ru gnag rgod 'bras// tha kar rdo rje bong bu'i sha/ sbyar te bsgrubs pas mdze nad sel// mtshe 'bras zo sha sbyar sha spos// sbyar zhing bkrus na kha spu dang// smin ma skye bar byed pa yin// bong 'bras bong nag spang btsir khu// khyi nag phag nag brun mu zi// ka ra sil sman thang chu rnams// chu grang gis sbyangs bkrus shing spyad// 'brum bu'i nad rnams thub cing sel// bdud rtsi dang ni tsha ba gsum// gnag rgod mkhris pa bya rgod tshil// mar rnying dang sbyar zhag dgur bsgrub// ril bu byas te rtag tu bsten// grang bas mi tshugs gos su 'gyur// bdud rtsi bya dang sgong rtsi dang// mu zi gla rtsi drod gsum tsha// mar rnying dang sbyar zhag gsum bsgrub// rtags phyin rkang la byugs pa na// sa chu grang lhags kyis mi tshugs// bdud rtsi gser srang drug cu bzhi// mar srang de dang mnyam par sbyar// ru rta bcu drug srang dang mnyam// bzang drug srang brgyad 'bras gsum mnyam// zla ba bcu bsgrub longs spyad na// rkang mgyogs dngos grub rnyed par 'gyur// bdud rtsi dug sbyar byang ba'i shar// do thal zangs lcags rdo phye dang// wa spyang mdze khrag sha rus rnams// shang tshe skye tshe yungs kar nag/ rgya gram lam dang chu 'gram sa// gangs dang ri mtho mchod rten sa// rdo lcags rin chen sna lnga'i phye// ldong ros gla rtsi sha tshil chen// rta bong mu zi tsher ma'i shing// zi ra gu gul dkar nag dang// g.yi sbyang phag dang bong bu'i brun// gzhan yang thun rdzas drag po'i rdzas// ser ba khu 'phang gangs chu dang// drag po'i snod du zhags gsum bsgrub/khyab 'jug dang sdebs longs spyod na// thog ser drag po 'bab par 'gyur// de la sogs pa las kyi tshogs// gso spyad bcos ma gang bsngags pa// rtsa ba yan lag tshul du spyad// bsgrubs pa ma yin rang bzhin gyis// nus pa dpag med ston bya ba// rgyal po lta bur bsgrub pa ni// dri chen chu rgyun bzang sa dang// sbal te mtheng tshigs tsam du skam// rin po che'i snod ngang pa yi// sgo nga'i dbyibs 'dra sbu gu can// steng du btso bo'i snod yin no// bcud bcas gang ba 'og gi snod// steng btso bar bsdams kha bcad pa'i// bzang skyobs bzang drug ngan skyobs dug/ tsha 'bras drug ni longs spyod skyobs// sbyor ba mthar phyin khyad par du// gla rtsi mu zi shing kun tshal// sga tsha ti tsa seng phrom dang// mgron thal tshil chen yungs kar dang// bdud rtsi sbyar te zhag bdun du// bsten na klu gdug gdon las thar// cong zhi gu gul shu dag gnag/ pi ling thar nus gag lhog sel// ka ra sbrang rtsi sle tres dang// shing mngar gla rtsi shu dag kar// sbyar bsten glo nad rnying pa sel// yungs kar sgog skya mi rus rnying// zhag bzhir bsten na 'brum nag sel// tsan dan a ru a par gsum// sbyar ba zhag bzhis mig nad sel// sbrang rgod mkhris pa sbyar bskus na// zwa gu thor pa'i nad kun sel// se rgod me tog yungs kar dang// sbyar bas dug nad sel zhing srung// lo nyung kha ser btsong sgog skya// sbyar bas sbyar dug sel bar byed// rgya tshil byi ba'i klad pa dang// 'bras bu gsum dang bzang po drug/ rtsa ba lnga bskol bcud rnams la// dri ro kha dog nus pa dang// zhu ba'i rjes sogs legs par btsir// thabs ni srul dang gdul ba dang// dbye dang dbyung dang btso ba dang// btsir dang skam dang bsnur ba yis// phye ma ril bu lde gu dang// zan dang tshod ma thug pa dang// chang dang mar khu sman mar dang// 'gam phye zan dron 'o ma mar// de dag las gyur rgyal po dang// blon po bram ze dmangs rigs dang// rigs ngan gdol pa bu chung dang// smyon pa lta bu'i gnas skabs kyis// tha dad sgrub pa gang zag gi// blo dang dbang po bsam pa yis// rab tu phye ba'i khyad par gyis// sna tshogs bsgrub pa'i thabs su 'gyur// bye brag so so'i bsgrub pa ni// rnam par snang mdzad rang gi rgyu/ khyad par gtso bo'i sgrub thabs ni// sngon du 'gro ba'i tshogs rdzogs nas// mar dang 'o ma mnyam blugs te/ khams dang longs spyod mthun pa la// kun sbyor rdzas dang ting nge 'dzin// sngags dang bcas pas bsgrub par bya// tsha ba gsum dang 'bras bu gsum// dkar gsum mngar gsum yan lag bcas// snod bzang bcas te longs spyod bya// phye ma bcud kyis len sgrub yin// sha bzang gsar dang bdud rtsi gnyis// bca' lga bung bu ri yis brgyan// zla ba gcig tu srul zhing bsgrub// sha ltar longs spyod bsten cing spyad/ khyad par gdul zhing bsgrub pa ni// tsha ba gsum dang 'bras bu gsum// mar dang phye bzang gdab cing btso// bshos gtsang lta bur bsgrub cing spyad// sna tshogs 'o mas sbyar ba ni// de nyid grub pa'i longs spyod yin// mngar gsum gyis sel de nyid do// nas brus dang bcas mthun par bsgrub// bdud rtsi skam legs zhing phabs dang// bcas pa zhag gsum mnan cing bsgrub// chang bzhin du ni longs spyod btung// tsha 'bras cong zhi mar rnying dang// brag zhun dang sbyar sman mar sgrub// mngar dang 'o mar tsha 'bras rnams// sbyar ba 'gam byer bsgrub pa yin// gzhan yang ril bu phye ma dang// sman mar khaN+Da lde gu dang// gong bu bcud len la sogs pa// dri ro nus pa'i skyobs bsdus pa// 'u su sgog skya mar rnams te// dang po gnyis pa mngar gsum yin// nus pa tsha gsum rtsa ba lnga// spyir spyad rtsa brgyad yan lag stong// dkyil 'khor sbyor ba'i khyad par gyis// bsgrubs pa'i khyad par 'bras bu ni// gtsang sme dang bral longs spyod nus// thun mong 'du zhing khyad par rdzogs// rtsa ba chen po'i sgrub pa yin// rdo rje'i rigs kyi sgrub thabs ni// rtsa ba rgyu yi khyad par las// mi rta khyi dang bya la sogs// srog chags che phra gang rung ba'i// byang chub sems kyi rtsa ba dang// gshegs lam bzhugs gnas 'bras bu dang// chu ba tshil dang rkang mar dang// thal kar rdo rje mtshan ma dang// cong zhi brag zhun la sogs rnams// mtshan ldan snod sbyar legs par bsgrub// rtsa ba cong zhi cu gang yin// rin chen rigs su bsgrub pa ni// sngags pa'i rgyu ldan mang nyung ran// chu tshod kyis ni legs par btso// rdul dang phral te legs par btsag/srang bcu 'o ma mar pre gsum// mar blug chu tshod bzung zhing gdu// bcad tshod zin par bsgrub par bya// tho rangs dus su longs spyod bza'// glo bur dag tu bza' ba ni// skyes pa bud med mtshan dang ldan// dar gzhon sha tshil legs par dbye// ma rul ba de chu ser dbyung/ kham pa'i nang bcug mer bsreg btso// yang na nas sran tsam brdungs la// grod pa'i nang du khu ba gdu// sha bzang shing kun khyad pa blang// ba glang glang chen rta dang khyi// yan lag dag tu gyur pa'o// pad+ma'i rigs su sgrub pa ni// rang dang bla ma'i phyag rgya'i rdzas/ khyad par gzhon nu skyon med kyi// pad+ma'i rak+ta tshogs tshad de// yan lag a shwa gan+d+ha dang// 'bri mog nye shing ra mo shag/ tsan dan dmar po btsod rgya skyegs// star bu shing tog ser le brgan// rgun 'brum shing mngar me tog mngar// tshogs tshad mtshal dang dmar po'i rigs// rigs dang mthun par nye bar bsgrub/ khyad par sku gsum bsgrub pa blang// tsan dan dang ni li shi'o// glo bur shangs kyi bu gar bsgrub// las kyi rigs kyi bsgrub pa ni// bar ma snod gzhan grang du gzhug/bdud rtsi bsings pa'i chu dang bsre// bzang drug gla rtsi a ru ra// zhib brtags kha tshar btab la bsgrub// yang ni dri chu bsgrub pa'i thabs// rdza yi dong bu cha gnyis bya// bar du gzer gyi them bu gzhug/do nong nang par brje zhing btung// dang po yis ni khrus bya zhing// bar gyi bdud rtsi spyad cing sgrub// tha ma'i rdzas de phyi ru bor// 'bras bu gsum ni bcud kyis len// 'di dag khyad par dam tshig ni// tsha sngo sha rul sgog btsong dang// chang nyes sred pa'i nyi ma me// bsgrub pa 'jigs pa'i rdzas kun spang// yon tan dang pos lus rdzogs shing// gsum pa mdze dang rlung thub ste// gnyis pas sems gsal 'brum bu thub// bzhi pas bkrag bzang rgyu gzer thub// lnga pas sa bdag bad kan te// phyi nang gsang ba gsum gyis ni// nye bar rgyun du sgrub byed na// bdud rtsi rnam lnga tsha ba gsum// mar rnying dang sbyar zla drug bsgrub// tsha grang nad kyi gnyan po rnams// skyobs dang grogs kyis legs sbyar ba// yun du bsgrub pa phyi bshad de// pho sha 'am ni mu zi dang// tshul bzhin legs sbyar nang du bsgrub// phyag rgya'i grogs dang bcas pa ni// gsang ba chen po'i bsgrub pa yin// kun la chos gsang dam tshig ste// dngos grub mchog thob 'bras bu yin// las tshogs so sor sgrub pa ni// bdud rtsi dri chen rgyu bzang dang// tsan dan ka ra 'bras bu gsum// yungs kar skyer pa'i bar shun dang// sbyar ba legs bsgrubs longs spyad na// sbyar dug rlung nad thams cad sel// dom mkhris tsha ba gsum gyis bsgrubs// mgul nad gag pa la sogs sel// bdud rtsi dkar dmar tshil chen dang// gla rtsi bzang drug cha mnyam bsgrubs// zhag bdun gyis ni rtags phyung ste// longs spyod mdze nad thams cad 'joms// rtsa ba'i bdud rtsi phul gang gdul// bdud rtsi srang gnyis mar srang gcig/ a ru chus sbangs 'o mar sbyar// grib skam byas te bzang drug dang// tsan dan dkar dmar tsha ba gsum// 'bras gsum cong zhi bu ram spang// bal bu shug pa'i khaN+Dar bcas// tshad ldan bsgrubs te longs spyad na// 'du ba bzhi sel longs spyod rgyas// bdud rtsi 'bras gsum ba le ka/ bzang drug tig ta ba sha ka/ tsan dan dkar dmar gla rtsi dang// sbrang rtsi cong zhi skyer khaN+Da// sbyar bsgrubs longs spyod mkhris nad sel// bdud rtsi tshil chen 'bras bu gsum// mar dang bu ram sbyar bsgrubs na// snying rlung mgo 'khor la sogs sel// bdud rtsi mkhris pa tshogs tshad dang// snyag snag kyang sbyar sha dug sel bar byed// khyi mig khu dang nyung sa bon// brag zhun mar khu sbyar ba yis// me dug sel zhing srung bar byed// ga bur yungs kar pho bya tshan// lug gzhon smad sha gdus pa yis// dug nad sel zhing srung bar byed// mar khu rta dkar khrag sbyar bas// stod na sha mdzer nad las thar// gu gul nag po mu zi dang// ti tsha sbyar bas 'bras nad sel// se 'bru shu dag gu gul gnag/ sbyar bas pho lhog sel bar byed// khyi lud gu gul nag po dang// mar khu sbyar byug sha ro sel// phag tshil gur gum sbyar byugs pas// sha 'phar sel te gla rtsi dang// mu zi gu gul sbyar ba yis// phol mid rus nad sel bar byed// tsha ba gsum sbyar grang nad sel// mkhris pa dri chus tsha ba sel// skyer shun gla rtsi yung ba dang// gu gul shu dag nga nag/ spru ma ru rta mu zi yis// lhog pa'i rigs kun bsrungs shing sel// de dag nad zhi byed pa ste// gdon zhi byed pa'i las kun ni// mi rta khyi yi sha dang khrag/ lham rnying tshil chen rta'i mchin pa// ra khrag dang bcas rgyal gdon zhi// bya sha nal bu'i klad pa dang// dre'u'i khrag sbyar ma mo zhi// btsan dug ba lang btsan zhi byed// sprel sha khyi lud rgyal phran no// nag po brgyad sbyar klu zhi byed// gdon gzhan bdud rtsi nyid kyis zhi// rgyas pa'i las su bya ba ni// bdud rtsi mar khu rtag bsten na// 'dzam gling bye ba phrag brgya yi// longs spyod kun la dbang byed 'gyur// mu zi cong zhi ra mo sha/ sbyar na tshe yi dngos grub 'byung// ba mar 'o ma mu zir sbyar// rgas pa'i mtshan ma thams cad sel// dbang gi las su sgrub pa yang// ra dkar 'o ma sin+d+hu ra// pad+ma rak+ta sbyar byas na// mo rigs thams cad dbang du byed// cong zhi byang chub sems sbyar na// pho rigs thams cad dbang du 'gyur// lteng khu dri ma mar nag gsum// sbyar bsten yul khams dbang du byed// sgrol phyir mnan dang bskrad dang dbab// byugs dang zos pas drag po 'grub// rbod gtong gnod pa ma lus bzlog/ phrin las rnam bzhi'i las tshogs yin// gzhan yang log gnon bsgrub pa ni// grang 'byam byung na rgya thal dang// btsod dang sgog skya pi pi ling// chang dang sbyar te bsten pas thub// 'bras zan tsha ba gsum yang rung// nas tshig zan nam chang yang rung// ma zhu'i sgregs ngan byung ba na// tsha sna gsum gyi sbyor ba bya// ma zhu na ni sgog skya'am// dri chu'i thang du gtang bar bya// bdud rtsi chen po ma zhu na// dri chu bar dang tsha sbyar btang// rlung skyes mar ram tsho khu btang// mkhris pa skye na ka ra ste// bad kan la ni ru rta ste// grang ba la ni tsha ba gsum// tsha ba skyes na cu gang ngam// gur gum btang bar bya ba yin// dri chen la ni dri chu ste// de ma zhu na snabs yin te// thig le dkar dmar de nyid do// mkhris par lhung ba'i rtags byung na// tig ta ba le ba sha ka/ bdud rtsi cong zhi sbyar bar bya// bad kan a ru ra yi thang// rlung la 'bras gsum tshil chen no// tsha grang la sogs de bzhin sbyar// skyugs bro gnyid med 'phyos pa la// chu phul bdun la mar phul phyed// 'o ma phul gang mnyam du gdu// rlung skyes skrangs la sogs pa sel// 'bru gsum gyis ni kun byin brlab// srin log dang po byung ba la// sgog skya'i chu skol gtang bar bya// skyug log 'o ma lud mar btang// gso na tsam pa bag tsam ste// srog rtsa'i srin ljang mgo khra yis// bdud rtsi bsgrub la rang shugs thon// mchin sbaum sdig pa 'bu shun dang// mi tshil ra tshil phag tshil dang// bzang drug tsha sna tshogs chad la// ril bu ril ma tsam bzhi gtang// de dus 'gyel na 'chi 'gyur te// sman pa mkhas pas gtar kha bya// sman gyis gtar bas khrag dbyung ste// de thon tshe tshad nyi zla 'dra// de nas bsgrub pa bya ba ni// dang po bdag gi lus sbyang phyir// sngon 'gro nad dang zas brda ste// a ru ra ni cha bzhi la// ba ru skyu ru phyed phyed do// bzang drug ga bur tsan dan sogs// rtsa ba'i bdud rtsi dang sbyar te// rlung la bu ram dang sbyar te/ khrag mkhris che na ka ra'o// grang ba tsho khu ram nye ba// de dag ril bu'i sbyor ba'o// bdud rtsi phye ma zo mar sbyar// 'ol gom phyi ma'i bsgrub pa'o// bdud rtsi dron mo sha chen sbyar// mnan zhing sgrub pa shar bsgrub pa'o// nyung khu shu la ram nye dang// lca ba'i khaN+Da bdud rtsir sbyar// gsum mam lnga ru lde gur bsgrub// 'o ma dang sbyar bskol ba ni// 'o thug bdud rtsir bsgrub pa yin// rak+ta bzang po rnams dang sbyar// de nyid bsgrub pa chen por 'gyur// phye bza' dang sbyar bskol zhing btso// zan dron chen por bsgrub cing spyad// de la phabs bzang gdab cing bsgrub// ma babs ma langs bar du ste// rtags bzang byung na chu bzang sbyar// de ni btung ba'i mchog tu 'gyur// ra mgo lta bu'i chu bsings na// grang ba'i nad rnams ma lus sel// skam nyung khaN+Da a ru ra// gser mdog rnam par rgyal ba dang// re'u ral khye'u'i tshan dang sbyar// dug rnams ma lus 'joms pa'i mchog/ brgya byin lag ni 'o mar sbyar// bzhin sha kha dog mdangs ldan 'gyur// mu zi sgog skya cong zhir sbyar// bad mkhris sel zhing gzhon nur 'gyur// shu dag kar sbyar de bsgrubs na// gzugs mdog la sogs ldan par 'gyur// drag zhun dang sbyar mchin nad sel// dug 'joms stobs dang ldan par 'gyur// nye shing rang skyar rkang mgyogs 'grub// ra mo shags kyis mkha' la 'gro// lcam pa sbyar bsgrubs mkhal nad sel// a shA an d+ha 'o mar sbyar// bcud len bsgrub pa chen po yin// gze ma bdud rtsi'i chang gis ni// grang rlung mtha' dag sel bar byed// dzA ti bu ram bong nga dang// tsha ba gsum dang mar khus bsgrubs// zas dang ma 'dres longs spyad na// glo snying la sogs stod nad sel// gser gyi me tog mkhris nad sel// bzang drug phyir bsgrubs khrag nad do// gser mdog gis ni dug rigs 'joms// lug mig gis ni sa rnams mthong// bskor bzlog chen pos mdze nad 'joms// de dag dang po'i las can te// mdog ni dkar gsum mthun pa ste// mngar gsum gyis ni ro dang ldan// ga bur gla rtsi dri yin no// ji ltar rigs pas bsgrub pa yi// goms dang bcos pa'i bsgrub sgrub pa pos kyang pas so// bdud rtsi rnam lnga myur du bsgrub// spyir 'gro yon tan bstan pa ni// dpag med bsam gyis mi khyab ste// zla drug sbyor bas mdze nad gso// bcu gnyis gzungs thob thos pa 'dzin// lo gnyis bsgrubs pas mthu rtsal ldan// nor rdzas dbang 'gyur lo gsum gyis// gzhi yi mdze dang rim nad 'joms// lha dang lha min dbang du sdud// lnga yis seng+ge glang chen dang// rma bya mkha' lding dag dang mtshungs/ tshe ring nad med rig rgyud 'phel// drug gis sa gsum nor rnams thob// spyan lnga sku lnga ye shes 'grub/ tshig gcig chad dam// bslab bya kun la ring gyur skong// mtshams med la sogs sdig sgrib sel// brgyad kyis bsad gso'i rdzu 'phrul 'grub// dgu yis rig 'dzin phyir mi ldog/ bcu yis sa bcu yongs su rdzogs// bcu gsum gyis ni sa bcu gsum// mchog gi 'bras bu yongs su rdzogs/ khyad par bdud rtsi dri chen grub// rnam snang chos dbyings ye shes brnyes// byang chub sems kyis rdo rje sems// me long lta bu'i ye shes 'gyur// rak+ta snang ba mtha' yas dang// so sor rtog pa'i ye shes so// dri chu don yod grub sku dang// bya ba grub pa'i ye shes so// mAM sa rin chen 'byung ldan dang// mnyam pa nyid kyi ye shes so// gzhan yang bye brag mar khu dang// sbyar ba'i yon tan dpag tu med// phyi nang gsang gsum sbyor ba'ang// yon tan bsam gyis mi khyab bo// rgyal blon dmangs ltar bsgrub pa yang// yon tan chen po rdzogs pa yin// bye brag so so'i bsgrub pas kyang// lung ston la sogs yon tan 'char// bsrung bya rgyud la gdams pa la// the tshom yid gnyis ma mos dang// zas ngan bsten dang 'bru mar byug/ me dang nyi ma spyad nyes dang// dam tshig snod mi ldan pa yi// grogs ngan bsten pa spang bar bya// rang la rtags med gzhan la ston// tshul bzhin ma bsgrubs longs spyod pa// phra mo'i rnal 'byor bsgrub pa dang// las kyi tshogs su sbyar ba rnams// ma 'ongs skyes bu rnams kyis brtag/ yon tan bdud rtsi bsgrub pa las/ khyad par kha skong bshad pa yin//// de nas bcom ldan he ru ka/rnal 'byor gsum dang rab ldan pa'i// rim pa gnyis kyis bsdus pa'i lam// 'bras bur bcas pa rab bshad pa// phun sum tshogs pa'i gnas dag tu// lam gyi lha yi rnal 'byor gyis// phyi nang bsrung ba rim bzhin brtsam// 'byor ldan yo byad byin gyis brlab// bsod nams tshogs chen bsag bya'i phyir// phung po khams dang skye mched la// rang rig lha yi bdag po dgod// phyag rgya'i tshogs kyis rgyas btab ste// mnyes pa mtha' dag rab sbyangs nas// lhan cig skyes pa'i ye shes de// dbab cing bstan pa'i 'phro 'du bya// de nas bzlas pa'i rnal 'byor gyis// sku gsung thugs kyi sgrub thabs la// dkyil 'khor gsum gyi nga rgyal gyis// rtog pa mtha' dag bsal bar bya// de nyid bsal ba'i tshad ldan zhing// skad cig tsam gyis don byed nus// gsal 'phro 'bar ba'i nyams ldan zhing// dngos grub mtshan ma brtag par bya// mthong dang thos dang snang ba dang// shes bya'i yul du gyur par dmigs// 'jig rten chos kyi rtog pa bzlog/ thun mong du ni bsnyen par 'gyur// rim pa chen por bsgrub pa yang// zhi bar gnas dang drag shul spyod// mos pa dag dang 'dun par sbyar// spro dang bsdu ba de bzhin no// bdag nyid gcig pa nas brtsams nas// thabs dang shes rab rang bzhin dang// rigs lnga dang ni bcu dang gnyis kyang bzhis// nyi shu dang ni de rjes drug/ sum cu bzhi bcu lnga bcu dang// drug cu brgyad dang de bzhin du// rim pa so sor phye ba dag/ dpa' bo 'khor lo tshom bur gnas// grangs nges pa dang bsam mi khyab// bsdus pa dang ni rgyas pa la// 'phro 'du rim pa bzhin du bslab// zhal phyag rnams kyi rnam pa yang// gcig dang gnyis dang gsum dang drug/ dgu dang bco brgyad nyi shu gcig/ bzhi bcu rtsa gnyis la sogs pa'i// rtsa ba yan lag tshul dag gis// rigs lnga rtsa ba'i tshul du dgod// shin tu goms pa'i rnal 'byor gyis// phyogs bcu nam mkha'i gzhal med khang// stong gsum 'jig rten khams kyi tshogs// ma lus snang ba de yis brgyan// 'gro rgyud drug dang lnga dag dang/ khams gsum khyab par ji snyed pa// bde bar gshegs pa'i dkyil 'khor 'dus// dngos dang blo yi yul du bslab// snga ma dag gis rim bstan nas// phyi ma de bzhin slob pa ni// rim gyis gnas pa'i bsgrub chen po// bco brgyad dang ni bzhi bcu gnyis// lnga bcu drug cu rtsa brgyad kyi// so sor yang ni bdag gi lus// phung po lnga ni phyi dang nang// rnam shes brgyad ni yul dang bcas// 'byung bzhi 'du shes bcus bsdus pa'i// de dag ngo bo so sor bsgom// phyi rol dbang po'i yul dang bcas// 'byung ba chen po lnga yi bdag/ rnam shes skye mched yan lag dang// nying lag sha dang khrag la sogs// don snying snod bcas rang gi dngos// de dag tshul las mi 'da' ba'i// rab tu spros pa grangs med mtha'// slob pa lus kyi rim pa ste// de dang rjes mthun sgra dang skad// rtog pa smra brjod de bsgrub pa// oM ru lu ru lu hUM b+h+yo hUM// badzra he ru ka zhes nas// g+han+d+he ho yi bar dag tu// sngon 'gro 'jug dang bcas te sbyar// lha dang mthun pa'i zhag grangs su// sku gsung thugs kyi dkyil 'khor bsgom// glu gar phyag rgya shes rab dang// thabs su sbyor ba byang chub sems// lus ngag yid kyi brda la sogs// longs spyod kun ldan mchod par bya// bsnyen pa sngon song bsgrub pa bzhi// rnal 'byor rjes su rnal 'byor dang// rnal 'byor che dang rdzogs pa yi// rnal 'byor dag gi tshul bzhin bya// dang por brtags pa'i gnas dag tu// lus kyi cha mnyam gcig gam gnyis// phyi nang nus dang sbyar la gzugs// tshul du nges pa bzhin du bri// sku gsung thugs kyi mtshan ma dgod// yo byad gsum du cha bgos te// mchod sbyin bsngo ba'i yul dang sbyar// 'jigs byed pho brang dkyil 'khor bskyed// phyogs skyong dregs pa'i gtso chen rnams// yab yum nyi shus gdan du gzir// bar du gcod pa de bzhin bsal/ thun mong mchog gi bsrung ba brtsam// phyi dang nang du 'dzin pa bzlog/ rU tra chen po tshul bzhin mnan// dbab dang bca' dang bshags pa dag/ nga yis sngar bshad bzhin du brtsam// 'khor lo khyams dang sgo rnams la// rigs bzhi yum dang byas pa dang// ma sring bcu drug pho nya bzhi// 'jigs byed dkyil 'khor de lus la// sku gsung thugs kyi lha rnams bsgom// 'khor lo rdo rje rin po che// pad+ma ral gri dril bu yis// yab yum gnas su rgyas btab cing// tshogs pa gsum gyis gang bsngags pa// rigs lnga la ni nyi shu lnga// sku gsung thugs dang yon tan dang// phrin las rdzogs tshul ji bzhin par// bskyed dang dgug gzhug rim pas bstan// bzlas brjod 'phro 'du'i bsnyen pa yis// de bzhin bsgrub pa dag la yang// bskul dang bsdu ba dag la yang// smra ba'i skyon bcu bral ba yis// 'bar 'phro gsal 'bar nus shes bya// gzugs sgra dri ro reg dang 'od// so so'i yul la de nyid bstim// dngos grub dang ni bar chad brtag/de nyid bzlog pa'i sbyor ba brtsam// 'byung chen bzhi yi las la sbyar// thabs dang thugs rje las byung ba'i// byin rlabs kyis ni yul rnams kun// chos nyid zhi ba'i ting nge 'dzin// gnyis med thabs kyis ma lus bsgral// dbyings dang ye shes 'du 'bral med// sgyu ma'i tshul du gzhan la snang// byas dang grub pa gang yang med// ma bcos sems kyi rang bzhin la// bya dang byed pa kun dang bral// bdag nyid don rtogs de bsgral bya// mtshan ma'i rtog pa ma lus kun// phyir gyur snang ba kun las bzlog/ bsgom bzlas bsgyur ba'i goms stobs kyis// brtse ba dang bcas gzhan gyi don// rnal 'byor tsam du de bshad do// dad pa dbang dang 'brel ba yis// lam gyi rtsa ba de nyid las// gsang ba chen po'i dbang bzhin du// rjes su bstan pa'i rnal 'byor bdag/ byin gyis rlabs kyi khyad par ni// phyi nang yon tan mtshan nyid rdzogs// rang byin brlab pa'i nus pa can// snod bcud chas gos ting 'dzin ldan// mos pa'i 'dun pa ches g.yos pa// de nyid dbang phyug rdzogs gyur nas// nga rgyal gsum dang bcas pa yis// rdo rje pad+ma mnyam sbyor ba'i// byang chub sems kyi yon tan spros// rgyal ba'i dkyil 'khor ma lus la// mnyes pa mchog gi mchod pa sbyar// tshul mthun lus kyi dkyil 'khor la// gnas dang bcas pa'i dga' ba bzhi// 'khor lo dang bcas gsal byas te// sbyangs shing bgrod pa'i sa dang lam// sku dang ye shes 'bras bur bcas// rtags rnams srog dang rten gyis sbyar// lnga dang bcu sogs nyi shu lnga// brgya phrag gnyis dang lngar de bzhin// nyi khri chig stong drug brgya'i bar// 'gro ldog sdog cing gsal ba rnams// dbu ma gsum du nges par 'du// rang bzhin yon tan gsum gyis brgyan// 'dam skyes gnyis 'byung 'khrung yang sgra stobs ldan// dpe yi chos mthun skye bar 'gyur// bsdam bya sdom par byed pa yi// lhan cig skyes pa'i ye shes de// dpe don rtags kyis sbyar byas nas// bde dang gsal dang mi rtog pa// thabs dang shes rab gnyis su med// sa chen nyi shu rtsa gcig gi/ yon tan dag dang ldan par gzhug/ rnam shes tshogs dang yul rnams kun// 'od gsal ngang du snyoms 'jug cing// phyi srog dbu mar gzhug pa la// gnas pa che chung brgyad kyis mtshon// yon tan gsum nyid shas che chung// cha mnyam skye ba'i mtshan nyid dbye// tha dad dam tshig tshogs par sbyar// rnam par mi rtog ci nus bslab// bzlog gzung bcas pa sngon du sbyar// bla ma slob ma mtshungs ldan pas// yon tan mtshan ma de nyid ni// snod dang ldan la sbyin par bya// rjes su slob ma de nyid kyang// yum dang ldan pa'i sbyor ba yis/lus kyi 'khor lo byin dbab cing// chags dang rjes chags yul rnams la// dpa' mo'i dkyil 'khor nges par brtag/ dga' dang skye dga' mchog tu dga'// bral ba dang ni skad cig bzhi// rnam par bskyod sogs de dag la// chos dang longs spyod sprul pa dang// bde chen zag med dam pa bzhi// 'khor lo bzhi la rim bzhin dbab// dbab dang bskyil dang gzung dang bzlog/ sku gsung thugs kyi sbyor ba brtsam// ma lus thabs dang shes rab dang// mnyam pa nyid du rab tu sbyor// phung po de bzhin gshegs pa lnga// 'byung ba lnga ni yum lngar sbyor// rnam shes tshogs brgyad ma mo ste// yul brgyad phra men brgyad du sbyor// rtag chad mu bzhi khro mo bzhi// 'du shes bcu ni khro bcur sbyor// bde 'gro'i yon tan ma lus mthong// dbyings dang ye shes gnyis med lam// rnal 'byor rig pa'i ngang du sbyor// mnyam pa nyid du bsgom zhing gsal// goms pa mthar phyin bar chad med// gsang ba thabs dang shes rab dbang// sngon 'gro shes rjes tshul du 'brel// bskyed rim bsgom dang mtshan rdzogs dang// tha dad med pa'i mnyam sbyor dang// rang rig nges pa dag gis ni// dbang bzhi'i lam du nges pa la// smin par byed pa'i gzhi yin te// rjes su spyod pa mtha' dag gis// lam sbyang rdzogs pa'i rnal 'byor la// lus kyi khog pa gzhal yas khang// don snying rigs lnga yab yum ste// snod drug sha khrag drod dbugs dang// dbang po mig sogs rnam shes rlung// rtsa dang bcas pa ma grub dang// sgal tshigs yan lag nying lag ni// lhu tshigs dum bu ma lus rnams// gtso dang 'khor gyi tshul du mthong// bdag ci 'dra bar de bzhin gzhan// sgyu ma rmi lam bzhin du mnyam// lus ngag yid kyis dben gyur pa'i// sgyu ma'i sku de bsam gtan gyi// bye brag spyod pa dang bcas pas// 'od gsal stong nyid la gnas te// rang gzhan mngon sum gyur pa la// rtog pa che 'bring tha ma'i dus// snang ba rags dang bar ma dang// thim pa'i rim gyis phra ba dag/skye 'gyur yang na mi skye srid// lus sems snang ba gzhal med khang// rten dang brten par bcas pa ste// 'du byed ma lus phyag rgyar gsal// smra brjod dbyangs dang drug yin te// dran dang rtog pa gang snang nyid// mnyam nyid mya ngan 'das dgongs te// theg pa spyi gcod rab tu brjod// ye shes rang la snang ba ni// 'od gsal don gyi mchog yin te// sku dang ye shes 'du 'bral med// rang gzhan don gyi rtsol ba spangs// 'khor bar rtog dang mya ngan 'das// dbyer med zung du 'jug pa la// he ru ka dpal zhes su brjod// srid zhi chags bral mya ngan 'das// dpal 'bar kro d+hI shwa rI ma// rtsa ba yan lag de bzhin no// sngon du gnas pa bzhi yin te/ khyad par bstan ldan yang pa lam yin no// spyod pa dang ldan lam zhes bya// bsags thob rten gyur de nyid sku// ma lus ma nor gsal ba ni// de yi ye shes chen po yin// smon lam thugs rje'i stobs sad pa// phrin las mdzad pa'i tshul yin no// rang bzhin gyis ni yang dag de// sa lam tshul du grub pa ste// 'bras bu chos sku gcig pu nyid// gzugs sku sangs rgyas bde chen 'dus// yon tan rnal 'byor zab mo ni// sku gsum ngang du rtogs pa yin// gzhi ni mkha' 'gro sgyu ma ste// bde mchog bde bar gyur pa'o// rnal 'byor spyod par rung rnams kyis// the tshom med par spyad pa las// byis pa so so'i skye bo dang// theg pa dman la gzhol rnams kyis/ mthong thos 'jigs shing skrag par 'gyur// de bas myur du bgrod pa'i lam// 'di tshe sangs rgyas bsgrub bya ba// sku gsum sa la goms par sbyang// ma nor thugs kyi bsgrub pa la// rim gnyis dbang bzhis bsdus pa'i lam// 'bras bu dang bcas mthar thug tshul/ kha skong dag tu bshad pa yin//// de nas rdo rje 'dzin pa'o// rin chen dbyings kyi rgyal po de// rang gi rigs kyi dbang phyug po// 'khor lo bzhi las tha ma'i las// 'khrul zhing 'khor ba rab tu gcod// yab yum phyi nang gsang ba gsum// tshul bcu dang ni 'od zer bkye// ru bzhi rdo rje rgya gram tshul// gnad skabs 'bru ded bsnur 'gros so// dang po pho mo rnam gnyis bzhi// ya ma rA dza sa do me ya// mo yi mo g.yon sa 'og nang// mo yi pho g.yas gnam steng phyi// pho yi gnyis las pho yi mo// ya ma rA dza sa k+She ya// g.yon la 'og nang rnam grangs so// pho yi pho g.yas gnam ste phyi// zhi rgyas g.yon la dbang drag g.yas// pho mo so sor bskor bar bya// 'khrul lugs bzhi la pho mo bzhi// don gyis tshang ba de nyid do// phyi nang gsang ba gnyis yin te// bsnyen sgrub las sbyor dbye ba dang// phyi nang gsang ba'i bdag nyid do// dang po spyi dang khyad par las// spyir sbyar phyi gsum bsnyen pa ste// rgya brgyad cha yin nam mtsho bzhir phye bzlas pa dang// sum cu rtsa gnyis dag tu dril// brgyad bskor g.yas su bskor nas su// g.yas bskor gnas su bzlog ste drang// de nyid rtags dang dus grangs su// dam bcas pa ni bsnyen pa'o// de yi rtags phyin bsgrub pa ste// dngos grub sha dang bdud rtsi'i rdzas// ma lus longs spyod ldan pa dang// gzugs brnyan la ni sku gzugs bkod// gsang ba nang gi gsang ba gsum/ khri khrag re res dngos grub blangs// the tshom som nyi med par spyad// gnyis pa khyad par las sbyar ba// dkyil 'khor dbus su e gru gsum// sum brtsegs bris te steng zur la// sgyaid phu gsum la ga'u bzhag/'khor lo legs bris nag por sba// phyi nang gsang ba'i nyi ma bzhir// so so rang gi las la sbyar/ khyad par bsnyen sgrub las sbyor la// 'bru brgyad g.yon bskor bsnyen pa ste// gzhi snying gcig dril bsnyen sgrub yin// g.yas bskor bsnyen pa'i las sbyor ro// bsnyen sgrub gsum sbyar spyir sbyar nyid// nang gi bsgrub pa bcu bdun pa// bsgrub pa'i bsnyen pa dag tu 'gyur// dang po a kro te ka'o// ya ma me da k+She bcu bdun// bsgrub pa'i yang ni bsgrub pa yin// ya ma k+She da bcu bdun pa// g.yas bskor bsgrub pa'i las sbyor ro// las rim kun la de bzhin sbyar// las sbyor nyid la dbye ba ni// 'bru ded bdun la g.yon bskor bas// las la sbyor ba'i bsnyen pa'o// de nyid g.yas bskor las bsgrub pa'i// dam tshig ral gcig phyag mtshan ni// las kyi las su bshad pa yin// 'khrul tshul bcu yi bye brag ni// bzhi snying dril dang so sor phye// dang po rtsa ba dril ba dang// las kyi kha skong dril ba las// rtsa ba bzhi snying gcig dril ba// thog ma brgyad gcig dril ba ni// ya ma rA dza sa do me ya// ya me do ru Na yo da ya// ya da yo ni ra ya k+She ya// yak+She yats+tsha ni rA ma ya// zhes pas rtsa ba brgyad las ni// sum cu rtsa gnyis dril ba yin// bdun bzhi gcig tu dril ba ni// ya ma rA dza sa do me// ya me do ru Na yo da// ya da yo ni ra ya k+She// ya k+She yats+tsha ni rA ma// nyi shu rtsa brgyad gcig tu dril// drug bzhi gcig tu dril ba ni// ya ma rA dza sa do// ya me do ru Na yo// ya ta yo ni ra ya// k+She ya tsa ni rA ma// nyi shu rtsa bzhi gcig tu dril// lnga bzhi gcig tu dril ba ni// ya ma me da k+She// rA dza sa do// ru Na yo ni// ra yats+tsha ni// lnga bzhi bcu bdun dag tu dril// las kyi kha skong dril ba ni// ya ma rA dza sa do me ya/ hrIH shrI a mu kaM b+h+ra ma ya// rtsa ba dam tshig yang snying dang// las sngags bzhi snying gcig tu dril// so sor dbye ba drug yin te// ya ma rA dza sa do me ya// sa ma rA dza sa do me// ya ma rA dza sa do// ya ma rA dza sa/ ya ma rA dza/ ya ma rA/ brgyad bdun drug lnga bzhi gsum du// bzlas pa bye brag drug yin no// dang po ji bzhin gzhan de bzhin// g.yon bzhin du ni g.yas bzlog bzlas// 'khrul pa bcu la sa zin dgu// yi ge zad pa gcig ste bcu// bdun bskor g.yas g.yon ru bzhi ste// bdun bskor ya nas me yi bar// ya yi bzlas lugs rdzogs de bzhin// gcig las bdun du 'gyur ba las// nyi ma dang po bzhi bcu dgu// bzlas pas dang po'i yi ge zad// gnyis pa la sogs de bzhin sbyar// ru bzhi zad pa'i pho brang dbus// ya nyid lnga 'gyur dag tu bzlas// ma me da k+She// bzhi bzhir 'gyur bas spyir bcu dgu// de yis dbus kyi lnga zad cing// phyi rim nyi ma gnyis pa ste// man chad gsum la bzhi bzhi ste// nyi ma gsum la bcu gnyis te// dbus mtha' zad pa'i ru bzhi'o// ru gcig nyid la bcu drug tu// bzlas pas bzhi po bzhir 'gyur te// de las ltos pa'i ru bzhi yin// nyi ma gnyis pa'i yi ge res// bcu drug sogs pa'i drug cu bzhir// 'gyur bas gnyis pa'i yi ge zad// gsum pa bzhi pa de bzhin sbyar// las skabs gnyis zhes bya ba ni// gnam thus dang ni bsnur 'gros te// dang po sngar bshad gnyis pa ni// rus sbal lta bur bsnur 'gros te// ya ma me da k+She/ rA dza sa do/ ru na yo ni/ rA ya tsa ni/ gcig rjes gcig gis gnon la brtag/ 'od zer snang ba rnam brgyad ni// rtsa ba nyi ma shar lta bu// a kro bcu bdun 'khrul lngar khyab// bya rgod gzan la 'jums lta bu// ya ma ye da bcu bdun pa// gzas pa'i yul la skar mda' bzhin/ khri mun chud pa'i btson bzhin du// dril ba mi gsal kun la khyab// lcags sgrog bcug pa sems gzhungs bzhin// bcu drug kun dang 'brel zhing 'jug/ skyes bu go mtshon bstar ba bzhin// sems dpa' de ni gzhan la skong yang skor// lcags gzer mi 'chor gzer bzhin du// a mu ka sogs dgu tsho yis// dbang thang bla tshe 'dzin par byed// lha dbang gis brdeg thog bzhin du// dmigs pa thogs med myur byed pa// lce rtse ka ba ya yis brdeg/spu gris rtsol med gnyis byed ltar// so so'i sngags kyis ma lus gcod// 'od zer brgyad kyi cho 'phrul yin// 'bru ded g.yas g.yon nyin mtshan du// bzlas pas bsnyen sgrub brtags phyin nas// thogs med las la sbyar bar byed// sngags 'khrul mtsho bsdeb bstan pa yang// gzhi dang dngos po thabs 'bras bu// dang po yab yum phyi nang gsang// 'od zer brgyad dang bzlas lugs bcu// ru bzhi rdo rje rgya gram ste// lnga lnga dag ni bzhi lnga'o// dngos gzhi mo yi mor bsdeb dang// mo yi pho bsdeb pho yi mo// pho yi phor bsdeb dang po ste// gnyis pa phyi nang gsang ba gsum// re re'ang de bzhin gsum gsum ste// rnam grangs so sor bsdeb par bya// sum cu rtsa gnyis nyi shu brgyad// brgyad gsum bcu bdun brgyad bdun drug/ lnga bzhi gsum ste bzlas lugs bcu// gsum pa'i sngags mtsho bsdeb pa'o// nyi ma bya rgod btson skyes bu// lcags gser thog dang spu gri'i so// 'od kyi dpe brgyad rang mtshor bsdeb// lnga tshan bzhi dang bzhi tshan bzhis// rdo rje rgya gram ru bzhi'i bsdeb// thabs ni mo yi pho nyid dang// mo yi mo la sum cu gnyis// g.yon bskor yi ge log ma log/ khyad par phye ste mtsho bsdeb bya// pho yi pho dang pho yi mo// g.yas su bskor ba sngar bzhin no// phyi yi phyi brgyad phyi yi nang// sum cu rtsa gnyis phyi gsang la// legs par brtags te sngags mtsho bsdeb// nang phyi yi ge dgod phyung ba// nang gi nang ni g.yon bcu bdun// nang gi gsang ba bcu bdun g.yas// yi ge dang ni sngags tshig bzlog/ nang gi gsum ni sngags tshig bsdeb// gsang gsum phyi gsal yi ge dang// sngags tshig rnal ma dag tu ste// gsang nang yi ge bzlog pa la// tshig ni rnal ma g.yas su bskor// gsang bzhi snying las kha bskang nas// gsum dril gsang ba'i mtsho bsdeb thabs// yi ge sum cu rtsa gnyis pa// ya ma rA dza sa do me ya// ya me do ru Na yo da ya// ya da yo ni/ ra ya k+She ya/ ya k+She yats+tsha ni rA ma ya// yi ge nyi shu rtsa brgyad la// ya ma rA dza sa do me// ya me do ru Na yo da// ya da yo ni ra ya k+She// ya k+She yats+tsha ni rA ma// yi ge nyi shu rtsa bzhi pa// ya ma rA dza sa do// ya me do ru Na yo// ya da yo ni ra ya/ k+She yats+tsha ni rA ma/ yi ge bcu bdun pa bzhi'o// ya ma me ta k+She/ rA dza sa do/ ru Na yo ni/ra yats+tsha ni// yi ge brgyad pa 'di nyid do// ya ma rA dza sa do me ya/ bdun drug lnga bzhi gsum rim bzhin// ya ma rA dza sa do me/ ya ma rA dza sa do/ ya ma me da k+She/ rA dza sa do// ya ma rA/ bzlas lugs bcu bsdeb dang po bzhin// nyi ma gsum pa la sogs sbyar// g.yon pa bzhin du g.yas de bzhin// g.yon pa tshig bzlog 'bru ma bzlog/ 'bru bzlog tshig ni rnal ma ste// g.yas pa la yang de bzhin sbyar// bzlas lugs bcu yi mtsho bsdeb dngos// oM a kro te ya mAn+ta ka ha na ma tha b+hany+dza hUM phaT/ ya ma me ta k+She/ rA dza sa do// ru Na yo ni/ ra ya tsa ni/ oM hrIHSh+tIHbi kr-i tA' na na hUM phaT phaT sa ma ya/ nyi ma dang po nas bzhi'i bar// rtsa ba bzhi snying dril ba'o// r-i r-I l-i l-I/ ya ma ra ni ts+tsha ya k+She/ gnyis pa man chad g.yos bskar sbyar// bdun pa bzhi snying gcig dril bas// nyi shu rtsa brgyad de nyid do// a mu ka ka pa ye/ rtsa ba'i dam tshig yang snying ngo// 'od zer brgyad kyi mtsho bsdeb yin// ya ma me da k+She/ ya me da k+She ma/ ya ma k+She da me/ ya da k+She ma me/ rA dza sa do/ do ru Na yo/ yo ni ra ya/ yats+tsha ni rA/ ru bzhi rdo rje'i mtsho bsdeb bo// de ltar bsdeb pa'i 'bras bu gsum// dang po bsnyen sgrub gsum bsdeb pa// mo yi mo ni bsnyen pa ste// mo yi pho dang pho yi mo// bsgrub pa yin te pho yi pho// las la sbyar ba'i mtsho bsdeb yin// phyi yi phyi dang nang gi phyi// gsang ba'i phyi rnams bsnyen pa'o// nang nas gsum bsgrub gsang gsum las// 'od zer brgyad kyi las sbyar ba// nyi ma bya rgod btson ni bsnyen// skyes bu go mtshon g.yon bskor bsgrub// go mtshon g.yas bskor btson lcags gzer// gser thog spu gri bzhi dril bas// bzhi snying gcig tu dril ba'i las// de la bzhi ni bsnyen pa ste// brgyad nas gsum gyi bar du phye// g.yon du bskor bas bsgrub pa'o// brgyad nas gsum phye g.yas bskor ba// thams cad las la sbyar ba'o// dbus su nyi shu bskor bsnyen te// tha ma bcu drug bskor bsgrub pa'o// lnga bzhi g.yas su tshang bar bskor// las la sbyar ba yin de ltar// mtsho bsdeb 'bras bu dang po'o// gnyis pa phrin las bzhi bsdeb la// mo yi mo ni zhi ba ste// mo yi pho rgyas pho'i mo dbang// pho yi pho ni drag po'o// phyi yi phyi nang gnyis zhi ba// phyi gsang nang phyi gnyis rgyas te// nang gi lhag ma gnyis dbang yin// gsang ba gsum ni drag po'o// bzhi snying gcig dril zhi ba ste// brgyad nas bdun pa g.yas bskor rgyas// brgyad nas gsum du phye ba dbang// de dag g.yon bskor drag po'o// phrin las so so'i kha skong sbyar// rtsa ba nyi ma tsan+d+ra zhi// bya rgod 'jums 'dra rgyas pa ste// spu gri so gril lta bu dbang// lhag ma rnams ni drag po'o// lnga bskor bzhi ni zhi ba ste// gnyis pa bcu drug rgyas pa'o// gsum pa bcu drug dbang yin te// bzhi pa bcu drug drag po'o// de ltar 'khrul lnga phrin las bzhi// mtsho bsdeb 'bras bu gnyis pa yin// gsum pa sku gsung thugs bsdeb pa// mo yi pho mo gnyis ni sku// pho yi mo gsung pho'i pho thugs// bzhi snying gcig tu dril ba sku// brgyad nas gsum du g.yon rnams gsung// de nyid g.yas bskor thams cad thugs// nyi ma bya rgod gzan 'jums sku// lcags sgrog khri mun gnyis ni gsung// lhag ma rnams ni thugs yin no// 'khrul lnga sku gsung thugs gsum du// mtsho bsdeb 'bras bu gsum pa'o// gzhan yang bsnyen pa zhi ba dang// sku gsung rnams ni yul du bshad// bsgrub pa dang ni rgyas pa dang// dbang dang gsung ni thabs zhes bya// las la sbyar dang drag po dang// thugs ni 'bras bur bsdus pa yin// de ltar 'khrul 'khor mtsho bsdeb la// ngo bo kun gzhi bag chags dang// bcas pa rnam dag gshin rje gshed// dbyings dang ye shes gnyis med pa'i// chos kyi sku yi dngos yin mod// srog dbugs mdangs 'phrog nges pa'i tshig/ de nyid kyang ni gcod pa ste// 'khor bas gcod cing 'khrul pas 'khor// gsang sngags bcu bdun pa yin te// a kro te ka hrIHSh+t+wI'o// ro langs mtha' sdud dang bcas pa'i// 'khrul dang 'khor ba rnam gnyis las// dang po phyi nang gsang gsum dang// ru bzhi dag tu 'khrul pa'o// phyi nang gsang gsum dngos yig bdun// rnam pa gcig po bcu bdun las// bcu gsum gnyis dang nyi shu brgyad// bcu gnyis gnyis dang bcu bdun no// bzhi po gnyis dang bdun yin te// gsum gnyis lnga dang bzhi gsum las// ya ma ya me ya da ya k+She/ zhes pas phyogs kyi dbu gzung nas// g.yon bskor bzlas pa sum cu gnyis// de ni g.yon du 'khrul pa'o// ya k+She ya da ya me ya// g.yas bskor so gnyis g.yas 'khrul lo// ya nas me dang ya nas k+She// ya nas k+She dang ya nas me// de ltar bdun bskor dril ba ni// gnam thus bzhi snying gcig dril ba// nyi shu rtsa brgyad dag tu 'khrul// ya nas yo dang ya nas do// ya nas yo dang ya nas da// drug drug drug bskor dril ba ni// las kha bskang te nyer bzhir 'khrul// ya nas k+She ra do ru drug bzlas pa// las kha bskang ba'i drug 'khrul yin// ya nas k+She ra do ru ni rA ni// de yis mgo 'jug lnga dang bzhir// bskor ba chig dril bcu bdun 'khrul// ya nas ya yi bar du brgyad// nyi ma dang po bzlas pas 'khrul// ya nas me yi bar du bdun// gnam thus yin te bdun du 'khrul// ya nas do ru drug bzlas pa// las kha bskang ba'i drug 'khrul yin// ya nas k+She ru lnga 'khrul ba// bzlas pa dbus kyi lte bar 'khrul// ya nas dza ru bzhi bzlas pa// gnyis pa yin te bzhir 'khrul pa'o// ya ma rA ni shar phyogs kyi// las sdebs bzlas pa gsum du 'khrul// de ltar g.yon gyi bsnyen sgrub nas// g.yas kyis gsad cing rnam shes dbral// bzlog pa g.yas bskor g.yon rjes dpag/g.yas su bskor cing 'khrul pa yin// bca' gzhi 'khor lo stegs bu gnyis// gzhi dang gnag smug bskor thabs dang// bsnyen sgrub gsang sngags tshang bar dgod// dur khrod ro ras legs par btul// snag tsha dug sna tshogs pa dang// mi khy-i ra gsum grir shi ba'i/ phrag dang bsres pas bris pa rgyu// lcags dang mi rkang mi bsad mda'// de ni smyu gu'i rgyu yin no// 'khor lo rim pa bzhi dang ldan// thig bzhi btab pas re mig dgu// phyi rim bcu gnyis bcu drug la// sum cu gnyis dang ldan par bya// dbus su ya ma me da k+She// shar du rA dza sa do// lho ru ru Na yo ni// nub tu yo ni ra/ byang du rA ya ts+tsha ni// gdug pa'i yi ge bcu mnan dgod// phyi rim dbyangs yig bcu drug dgod// de yi phyi rim thod phreng dang// phaT kyis bskor te g.yon yin no// de bzhin yi ge'i bzlas lugs bzlog/ bskor phreng thams cad g.yas su'o// 'khor lo gnyis bris kha sbyar te// steng la mnan pa'i 'khor lo bris// 'og la bsreg pa'i 'khor lo'o// gtso bo'i skur gsal ljags rdo rje ni// rtse lnga rwa gdengs khong seng can// nang nas sngags dpal me 'dra bas// gwa'u'i 'khor lo la gzhug bya// yang na lcags sdig me stag bzhin// 'phros nas gwa'u'i dmigs la bstim// sha zos khrag 'thung rus pa 'chos// las bsgrub dur khrod sha rus nyab// ting 'dzin dmigs pa gnad la brdeg/ 'khrul lugs gong ma'i 'khor lo'o// ru bzhi'i 'khrul 'khor lte ba la// lnga ste phyi rim bcu gnyis la// yi ge bcu gnyis zad par bzlas// bzhi bskor bcu drug dag tu shes// dang po dbus su 'khrul zhing bskor// ya nas k+She dang ya nas ma// ya nas me dang ya nas da// dang po'i nyi ma bsnyen pas so// rA tsa sa dau/ do ru Na yo/ yo ni ra ya bcu gnyis pa'o// nyi ma gsum pa bzhi pa'o// 'khrul 'khor snga ma bzhin du sbyar// ya ma k+She da me/ dbus kyi g.yas su 'khrul pa yin// rA ni ts+tsha ya/ ya ra ni yo/ yo Na ru do/ do sa tsa ra/ g.yas bsad nyi ma gnyis pa'o// phyi rim nyi ma gsum las med// yi ge zad pa'i bzhi tsho bzhi// de la ltos nas ru bzhir bshad// de ni 'khor lo bcas pa yi// de nas dkyil 'khor bca' gzhi ni// gnas ni dur khrod skyi g.ya' dang// shan dmar ri dang chu gling dang// rkang gcig brag nag ri bo dang// de la sogs pa drag por bsgrub// ro dang ro zas ro gos sogs// stag gzig g.yi spyang lung sde dang// ce spyang sbrang bu tre la sogs// de dag gnas sar dkyil 'khor bca'// sa ni lung shul dag nas blang// gru gsum rdo rje zla kham la// 'khor lo rtsibs brgyad dag gis bskor// sgo bzhi mu khyud bzhi dang ldan// gru gsum rtse la rdo rje bri// dgra bgegs ming rus cha re gzug/zla kham bca' lugs gsum gyi rten// 'khor lo'i rtsibs la gshed chen dgod// rtsibs brgyad phyogs su gshin rje'o// phyag mtshan be con la sogs dgod// sgo bzhi la sogs gnas rnams su// ci rigs par ni lha rnams dgod// las kyi kha tshar bstan pa ni// a kro bcu bdun sku yi sngags// hrIHSh+t+w-IHbcu bzhi thugs kyi sngags// kA la brgyad ni gsung gi sngags// sa ma bcu ni yon tan no// phrin las g.yon gyi bzhi snying dang// rtsa ba phyi nang gsang ba gsum// 'od zer brgyad dang ru bzhi'o// phyi nang gsang ba gnas gsum dang// gnam thus 'bru ded gnyis ka la// g.yon gyi las kyi dus su ni// a mo ka b+ha ma rak+ta mur tsa mA ra ya/ zhes pa g.yu spyang gdags par bya// g.yas bsad pa la ka ba ye// gdags bya phyi ma g.yon gyis 'dren// phyi nang gsang gsum 'od zer brgyad// ru bzhi rnams ni rang gzhung ste// 'bru ded g.yon bskor ru khugs chung// g.yas bskor 'bru ded ru khugs che// gnam gcig 'du chu ru ru g.yas bzhir ded// g.yas su nyer brgyad chen po che// las kyi kha skong ro langs sngags// oM du ru sa ma ra tsa ni/ rtsa ba'i dam tshig yang snying sngags// sngar bzhin du ni skrad bcur 'gros dang yang par bya// oM dur sa k+She ya ra ni// oM du ra sa yo na ru// oM du ra sa me do sa dza/ sngags mjug rnams ni sngar bzhin sbyar// ar gtad thabs kyi sgo bzhi ni// ya ma ra/ ya me do/ ya da yo/ ya k+She ya/ mtha' sdud sngar bshad bzhin du'o// ya ma rA dza sa do me/ me do ru Na yo da/ da yo ni rA ya k+She/ k+She ya ts+tsha ni rA ma/ mjug gsum sngar bzhin sbyar bar bya// ngan sngags mtsho bsdeb bdun bstan pa// dang po gzir ba'i las bya ste// yungs kar lcags phyes brab cing 'dis// oM a kro d+he ka ya mAn+ta ka hrI shrI many+dzu kA la rU pa/ a mu kaM dgra bgegs hrIHk+Sh+w-IHka ba ye/tr-i na a te a te/ khri'am 'bum gyis khugs chen bzlas// de yang chungs na/ oM a kro d+he ka ya mAn+ta ka shrI many+dzu kA la rU pa dgra bgegs hrIHSh+t+w-IHa mu kA kri na u ne u ne u ne/ u u u/siM da ye bya tsa ye/ du ru ye/ tsi tra ya/ ha la ye/ myags thum ril rbad/ stong ngam khri bzlas gzir bar bya// dbye ba gsum ni lha lnga ste// 'tshe byed mgon byed skyob par byed// grogs byed srung bar byed pa yi// yul lha pho lha dgra lha dang// ma yi lha dang srog gi lha// g.yag dgar yul lha'i rtags yin te// yugs sa'i zhabs ma bsregs la skrad// pe ti sha ya phaT zhes pa// hrIHSh+t+w-IHbcu pa de la gdags// zhang blon byung na pho lha ste// glang rog rwa bsreg sngar bzhin dbye// khwa spyang dgra lha'i rtags yin te// tshil chen khyi lud bsreg pas dbye// bud med ri dwags mo lha sman/ ra dang til nag rta bon po// bsregs te mo lha ngang dbye bzlas// ting 'dzin mi gsal srog lhas bgegs// til nag gu gul sbyar bas bdug/ sngar gyi sngags kyi gang yin pa// phye zhig ces btags so sor dbye// rigs kyi gnyen dang dbye ba ni// ya ma me da k+She/ rA dza sa do/ ru Na yo ni/ ra ya ts+tsha ni/ pha khu bu dang nu la sogs// pho ti sha yang che ge mo phye phaT/ rus gnyan dang ni dbye ba'o// ya ma k+She da me zhes pa// g.yas bzlog ma dang sru mo dbye// dgug pa nyi ma dang po la// ya ma rA dza sa do me ya/ nr-i A kar+Sha ya hUM dza/ gnyis pa la ya me do ru Na yo da ya/ A yur+dz+nyA na A kar+Sha ya hUM dza/ gsum pa la/ ya da yo ni ra ya k+She ya/ ti ya nr-i A kar+Sha ya hUM dza/ bzhi pa la/ ya k+She ya ts+tsha ni/ rA ma ya/ rU pa skan+d+ha hUM dza/ zhes pas rim bzhin dgug par bya// bla rtags nyams su blang ba ni// sha ba'i bla dang lug dang gnyan// phag gi bla dang byi la dang// g.yag dang ba glang rta dang gla// ra yi bla zhes rab tu grags// srod la sha ba nam phyed gnyis// tho rang nyi ma phyed la ste// gnyis ni srod dang rta ni gung// ra ni nyi ma nub kar rgyu// de nas bla sngags bstan pa ni// ya ma rA dza sa do me// badzra kI li kI la sha tri sha tri/ pa ta kI la ya/ mA ra ya hUM phaT/ ya me do ru/ Na yo da/ badzra kI la ya/ mu ru kI la ya/ mA ra ya hUM phaT/ ya da yo ni/ ra ya k+She/ badzra kI la ya/ ku ru ku ru/ kI li kI la ya/ mA ra ya hUM phaT/yak+She ya ts+tsha ni mA ra ya/ oM kI li kI la ya/ thu ma mA ra ya thA/ kI li kI la ma ra Ni hUM phaT/ oM hrIHSh+t+w-IHbi kri tA na na badzra kI li kI la ya// ruM ru ruM ru/ kI li kI la ya mA ra ya hUM phaT/ oM hrIHSh+t+w-IHbi kri tA na na hUM phaT/badzra kI li kI la ya mA ra ba ra shu/ ta na ta na/ pa ra pa ta ya/ kI li kI la ya/ ma ra Ni hUM phaT/ oM hrIHSh+t+w-I bi kri NA na na hUM phaT/ badzra kI li kI la ya/ ro ti ro ti sho bar ya/ kI li kI la ya/ mA ra ya phaT/ bla rnams gzugs la phyir brab pa/ oM badzra kI li kI la ya/ shre tra ku kung la yang hUM phaT/ tri badzra mA ra ya hUM phaT/ de rnams kun la re re la// bdun bdun bzlas shing dus bzhir gdab// de nas thun gyis brdeg pa ni// byang nas lhor bltas sa gsum la// ling+ga 'am ni 'khor lor brdeg/ byang gi/ ya ma rA ni tsa ya k+She ya/ a mu ka che ge mo'i snying bam ril rbad ya/ nub kyi ya k+She ya ra mi yong ya/ a mu ka che ge mo sha trUM sa pa mu to rbad ya/lho'i ya da yo Na/ ru do me ya/ a mu ka che ge mo ra ya/ khrag tu rbad ya/ shar gyi ya ma do sa dza rA ma ya/ a mu ka che ge mo mo ga ya khrag tu rbad ya/ thun brdeg pa'i sngags yin no// de nas phur pas gdab pa ni// gtso bo gshed kyi skur bsgoms la// oM nr-i mA ra ya/ mA ra du/ ya ma snying/ ya ma khrag tshal pa baM ril/ duM bu duM bu/ dgra bgegs mA ra ya dza/ oM nr-i mA ra ya n-i/ b+hin b+h+rig ma na yang ya ta ki ra tsa/ be tA li/ kro d+hI shwa rI/ snying khrag chod/ rtsa la 'jig/ khrag la rngubs/ kI li kI la ya/ baM ril rbad/ ya ma rA dza sa do me/ snying la me dun b+h+yo/ ya ma do ru Na/ yo da snying la me dun b+h+yo/ kI li kI la ya rbad ya/ya da yo ni ra ya k+She ya snying la dun b+h+yo/ kI li kI la ya rbad ya/ ya k+She ya ts+tsha ni rA ma ya snying la dun b+h+yo/ kI li kI la ya rbad ya/ sngags dang phur pa'i thun gyis brdeg khyad par las kyi 'khrugs bsdeb ni// sde brgyad spyi bsgrub yang snying bgrang// rtags byung gsum mam lnga nas ni// gang byed bgrad ste bzlog pa'o// dang po rtsa ba'i yi ge gsum// de nas rtsa ba'i skur bskyed de// de yang mnan na lnga pa bzlas/ mtshan sngags sngon du yang byung 'di mchan bu gang gi yin ma nges// de nas rtsa ba'i snying po ste// kun gyi thun mong mthun par bsgrub// dbang du bsdu zhing dam tshig bstan// phrin las bcol nas dgug bya ste// bla dang rang gi snying po bzlas/khugs nas gang yin las la sbyar// sngags 'khrugs sdebs kyi las bya ba// rtsa ba bskyed rgyud dgod par bya// srog gi snying po drang ba ste// mchod pa rtsa ba'i snying po'o// dbang du bya ba dbyangs yi ge// dmigs pa nye ba'i snying po'o// mi 'da' ba ni dam tshig ste// las gang bsgrub pa de nyid do// sngags kyi 'khrul ni rtsa ba dang// dam tshig las sbyar snying po dang// yang snying rnams ni mgo bor bgrang// mjug la gdab pa kun la brdeg/ grangs mang nyung ni rtags mtshan dang// dam tshig sngags dang dbyangs yig sngags// rtsa sngags mgo mjug khyab par gdab// 'khrul 'khor sngags kyis 'khrul pa ni// spyi dang so so gang bsgrubs kyang// phyi nang gsum du sku gsung thugs// nyin par ya yaM yang a hri yis drang// mtshan mo ma a e hi yang hri yis drang// de yang mtshan rtags bzang ngan sbyar// nye bar ma gyur sgrib sbyangs bshags// bskang dang bzlas pa drag tu bya// bya nag byung na tshur log rtags// myur du bzlog pa'i snying po bzlas// cho 'phrul che na gnyen po gtang// de yang las la mi 'gro na// dbang du bsdu zhing re re bgrang// grub rtags byung na dam tshig dang// dbang dang yang snying sum sbrel bzlas// nyan par gyur na phyag rgya bstan// dam tshig bsre zhing phrin las bcol// rak+ta stabs la srog snying phrog/ ldog med 'gyur nas bsad gso dang// dge sdig las kyi dbang bskur te// de nas gang bcol phrin las 'grub// las sngags bzlas shing phros pas sgrol// spyir bstan phan gnod gang byed kyang// rtsa ba dam tshig yang snying las// bzhi snying dril ba la sogs pa'i// gang dmigs de las 'phral rtags 'byung// mjug tu las sbyor mtha' bsdu ba// gong 'og gang 'os blang zhing spyad// dam tshig spyi dang bye brag dang// gzhi dang gnyen bzhi la sogs pa// spyi gsum dgu drug tshangs par spyad// gdong mo bzhi yang stong pa'i gzhi la sogs pa la// las mtha' sum cu tshang ba dang// dgug dang dbye dang bskrad pa dang// dgar dang gtong dang rmongs pa dang// smyo 'bros la sogs las tshad spyad// mon mo shel mig ma yi sngags// cho 'phrul thun zor las la bsngags// bsad pa'i las dgu nyi shu gnyis// bcu bdun gsum sogs gang byed kyang// dang po rtsa bas sku bskyed bya// sku rdzogs bsgrub gzhung so so dang// gsum mam lnga ru bsnyen pa gzug/ las grub rtags byung las bzhi spyad// dam tshig rtsa ba las so so// yang snying las sngags dril la bzlas// ya ni gshin rje ma ma mo// ra ni srin po k+She gnod sbyin// ni ni drang srong sa sa bdag/ tri ni the 'gong oM ye shes// oM hUM phaT gsum lhun gyis grub// ya dang rbad ni gsad pa yin// dzaH'gugs mA ra ya gsad pa// mi 'byed ra glog sa'i bsgrub pa// swA hA mchod pa zhi rgyas te// a i u 'gugs dbang du sdud// e bskyed oM rgyas o khyab zhing// ya a hrIH ma i ti/ oM bA gI shwa ri muM/ a nr-i su tri pre du/ rnam par shes pa rlung 'dra ba'i// lcags kyu'i rnam pas bkug nas kyang// srin bu me khyer 'drar bcug ste// myur bul ma gsal 'byams pa dang// ngan dang 'dres dang lhag chad dang// sna tshogs g.yeng ba'i skyon spangs te// bsgrub par bya ba thabs yin no// 'khrul 'khor lde mig kha skong yin//// de nas rgyal po rdo rje 'dzin// dbang gi rgyal po'i skur gyur nas// skye bo 'dod chags can don du// gsung gi bsgrub pa rab bstan pa// dbang gi rgyal po rnam pa gnyis// 'khor ba pa dang mya ngan 'das// don dam kun rdzob snang ba la// gnas lugs gshis kyi rang bzhin dang// gdul bya thabs kyi snang ba'o// thog ma chos rnams ma lus kun// yang dag bden pa de bzhin nyid// ma nor ma bcos ma btsal ba// ma skyes ma 'gags ma dmigs pa'i// snying po byang chub sems kyi ngang// 'khor ba'i skyon gyis ma gos shing// yon tan gyis kyang ma reg pa// rnal ma rang byung mtshan nyid bral// brjod med bsam 'das chos kyi sku// byang chub chen po de nyid do// bsgrub tu med de mthong du yod// btsal du med de rtogs su yod// bsgrub tu med de snang du yod// gnas lugs don gyi rta mgrin yin// thabs la phyi nang gsang ba gsum// sgrub byed gang zag blau ldan yin// shes rab dman pa rnams kyis ni// bla ma bkur zhing dbang blangs te// gsang ba chen po'i snod rung bya// shes rab sgron ma'i don gyis bstan// gzhi lam 'bras bur yid ches bya// kun rdzob tsam du snang ba ni// dri med sems ni gtsang ma'i rgyu// blta ba ting 'dzin de yi rkyen// man+t+ra ma hA mu dra yin nam mun+d+ra 'bras bu bstan// gnas ni dben gnas bas mtha' sogs// nub tu phyogs pa'i nyams dga' zhing// dmar gsal zla ba kham pa 'dra// me tog dmar pos brgyan cing spras// dbang dang ldan pa'i rtags thob cing// yon tan phun tshogs gnas de ru// brtag dang bslang dang sbyang ba dang// gzung dang bdag gir bya ba yis// sa yi cho ga byin brlab bya// sa yi bdag po mnyes byas nas// bar chad bgegs bsal phyi mtshams bcad// bsod nams tshogs bsags las la 'bad// zhi ba'i las kyis bshags sbyang bya// phyi nang gsang ba'i rdzas bsags te// byin gyis brlab pa rgya cher bya// bsnyen pa'i mchod pa'i las gzhi la// tsan dan dmar dang rak+ta dang// dbang la shis pa'i byug cing brgyan// nub tu kha bltas gos dmar bgo/ ting 'dzin shes rab dang bcas pas// rgyud dag phyi nang gsang gsum ldan// tshad med bzhi ldan bsgom pa ni// gdod nas grub dang rtogs pa gnyis// dang po gzhir gnas rtogs pa bsgrub// rang byung ye shes nyi ma de// rnam rtog sprin bsgribs nyon mongs char// dug chur bab pa'i rgya mtsho las// bag chags gzhir bcas las rnams kyis// myu gu rgyas te phung po lnga// 'bras bur smin pa bzlog pa'i phyir// ting 'dzin ma nor de bzhin nyid// sems 'od ye shes rlung gi mthus// sprin sbyang mkha' la nyi ma shar// sems rtog ye shes chos skur snang// bde chen lhun grub kun tu 'od// stong nyid ye shes go cha yis// snying rje kun snang ting nge 'dzin// sems can sdug bsngal rgya mtsho de// ye shes nyi 'od 'bar bas bskam// thams cad snying por yongs bsgral te// las dang nyon mongs dri ma rnams// thugs rje chu bo'i rgyun gyis bcus// chags med pad+ma can gyi sa// longs spyod rdzogs sku 'gag pa med// gsal byed ye shes go cha rdzogs// de nyid rang la rang sems dngos// bskyed rgyu yi ge dmar gsal hrIH/ thong gshol gyis ni zhing la rlog/ 'od zer 'phro 'du'i rlung gis ni// bag chags rnam rtog ma lus gtor// rgyu yig 'khor lo tshogs chen la// thugs rje sna tshogs sprul pa'i sku// bye brag rtogs pa'i go cha bgos// de las thugs kyis phyag rgya 'phros// 'bar ba'i me yis nyon mongs bsreg/ 'phro 'du byin rlabs shar ba yis// mngon par byang chub bla ma'i sa// mnyam pa nyid kyi go cha bgos// phyag mtshan 'phro 'du rdo rje'i sku// phung po gdos pa'i sgrib bcom nas// sku yi phyag rgya yongs rdzogs gsal// sa non rdo rje'i sku thob pas// nan tan ye shes go cha bgos// de dag thabs dang shes rab las// gtso bo yab yum skur snang ba// rgyal thabs spyi blugs rang rig rtsal// ma 'gags sbyangs pa thob byas la// 'bru gsum gyis ni dug gsum sbyang// de las gnas pa'i sku gsung thugs// 'od spung gis ni las gnyis bsgrub// sbyangs shing mnyes pa de bsgrubs nas// sku ni gzi brjid sprin phung rol// gsung gi yan lag 'brug stong ldir// thugs ni spros bral lhun gyis grub// oM sarba ta thA ga ta kA ya bA ka tsit+ta badzra swa b+hA ba At+ma kou0f85haM/ 'bru lnga 'phro 'du'i 'od kyis ni// rgyud sbyang mnyes pa'i las kyis ni// rigs lnga sangs rgyas ye shes lnga// rang bzhin grub pa'i dbang bskur bya// oM ma hA shUn+ya ta dz+nyA na A dar+sha dz+nya na/ pra t+ya be k+Sha Na dz+nyA na/ sa man+d+ha dz+nyA na/ kr-i t+yA nU Sh+ThAn dz+nyA na/ badzra swa b+hA wa At+ma kou0f85haM/ de nas sprul pa'i dkyil 'khor dbyung// byin gyis brlab cing brda yis bskul// byang chub sems kyi 'od zer spros// gnyis med dgyes pa'i sbyor ba las// b+h+ruM 'phros pa las gzhal med khang// pho brang zla kham dbang gi dbyibs// 'khor lo khyams dang sgo bzhir bcas// so so'i gnas su gdan dang ldan// yab yum rigs kyi dbang chen bzhi/ khro bo khro mo sgo srung bcas// rang sngags ldan pas gsal bar blta// bka' sdod pho nyar bcas te dmigs// dam tshig rten la ye shes tshogs// spyan drang gnyis med bzhugs shing mchod// bstod dang bshags sbyang phrin las bcol// byer zhud le lo rab spangs pas// yi dam bcas pa'i bsnyen rdzogs nas// sgrub pa'i dkyil 'khor gzugs bsnyan bri// mchod pa bstar te bsgrub pa brtsam// mchog dang thun mong rtags thon nas// phrin las gang 'dod de dang sbyar// las kyi lhag chad ma lus bskang// mang nyung rgyun dang dus tshig su// dgongs nyams spyod lam bstan par sbyar// snang sems dbang gi snang ba 'byung// de ni phyi ltar bsgrub pa'o// nang sgrub shes rab ting 'dzin ldan// bdag nyid dbang gi rgyal po'i sku// dngos su gsal rdzogs ngo bo yis// 'jig rten lha srin dregs pa can// rtsol med rang dbang nyid du bsdu// gzugs snang ba dang sgra grag pa// dran reg dbang gi sku gsung thugs// yon tan rdzogs te dgos 'dod 'byung// 'gro don phrin las bsam yas pa// bsam pa dang ni smon pas rdzogs// gsung mchog nang du bsgrub pa'o// gsang sgrub dmigs pa'i longs spyod kyis// yon tan ma lus rang la rdzogs// longs spyod rdzogs pa'i snang ba'o// shes rab chen pos thag bcad pa'i// 'dus ma byas te lhun gyis grub// mkhyen pa thugs rje dang bcas pa// chos sku nyid du 'grub pa ste// don dam kun rdzob snang ba yis// gzhan don mthar phyin sprul pa'i sku// ting nge 'dzin dang shes rab kyis// bskyed rdzogs gsum gyi sa la sbyang// rtsol med lhun grub gzhan don spyad// 'bras bu gzhan nas mi btsal te// rang la gnas pa de nyid yin// gzhan snang rnam 'phrul yan lag ste// rang sems dbang gi rgyal po la// bcos shing bsgrub tu ga la yod// las dang nyon mongs bag chags 'dam// skyon gyis ma gos pad+ma'i rigs// bsnyen sgrub yan lag nus pa'i sngags// gtso bor brjod pas gsung bsgrub yin/ rang rig sems kyi rgyal po de// rang dbang lhun grub dbang gi rgyal// de dag gsang bar bstan pa'o// oM pad+mAn ta kr-i ta ha ya grI ba e ka dza ti sa ma ya ru lu ru lu hUM b+h+yo hUM A ra li dza/phyi nang gsang ba'i khyad par las// gdul bya thabs kyi rim pa las// gso bsad phrin las dmigs dang sbyar// blta ba don gyis thag bcad cing// ting nge 'dzin gyis dbang bsgyur nas/ phrin las yan lag gtsor mi bsgrub// rtog pa'i ngo bo sems nyid du// snang ba thams cad dbyer med na// thun mong dngos grub dam pa yin// dbang gi dkyil 'khor rang la snang// rig pa'i rgyal po rang dbang thob// rang rig bde bar gnas pa ni// dbang gi bsgrub pa'i mthar thug ste// mchog gi dngos grub rtsa ba yin// lta ba ting 'dzin bsgom ldan nas// spyod pas la dor rta skad gsum/khams gsum dbang du bsdu ba dang// dam tshig rjes su bskul ba dang// drag po'i las 'jug dang po yin// rang rgyud che ba'i rngam skad dang// byin rlabs rdzas len brda skad dang// phrin las bsgrub pa'i gying skad gsum// lus ngag yid kyi brda gsum ste// se gol dang ni thal mo'i brda// spyugs pa dang ni ngu 'bod brda// lha dang bsgom pa'i brda rnams kyis// spyod pa'i rtog pa bsdus pa ste// gsung gi bsgrub pa dpag med kyang// ngag gi brda las byung ba ste// ngag gi lus la rab tu brten// bskyed pa'i rim pa bsnyen par bcas// sku dang gsung du dril te bsgrub// dgongs pa'i rta skad thengs gsum las// spyod pa bsnyen sgrub gsum sbyar te// rdzogs pa'i rim pa dpe yi chos// 'gros dgu dang ni skad bcu gsum// don rtags mtshon pa dang sbyar ba// sku gsung thugs su dril te bsgrub// gsang sngags bsnyen bsgrub rab rdzogs nas// dam tshig can rnams bskul ba dang// dregs pa'i dmag dpung gzhom pa dang// gdug pa'i tshogs rnams gdul ba dang// bskyed rdzogs gsum dang dgongs pa bzhi// rtsa ba yan lag gsung la bsdus// dbang mchog sgrub pa'i kha skong bshad//// de nas bcom ldan rdo rje 'dzin// sangs rgyas kun gyi phrin las bdag/ rab tu sgrub byed bla na med// blo dang ldan la nges par bstan// 'khor ba'i sa la snying brtser bskyed// mya ngan 'das la dgod pa dmigs// dge ba'i 'bras bu rdzogs par spyad// bar du gcod pa'i 'byung po bsal// dam tshig ldan la phrin las bcol// gnas kyi dam pa nges par gzung// gzugs brnyan rten gyi pho brang brtsig/ bri dang bsgom pa mchog tu sbyar// sku gsung thugs dang yon tan dang// phrin las dmigs pa'i rten la dgod// dngos grub gnyis kyi dmigs pa bya// rim pa gnyis kyi gzhi bca' zhing// bsnyen pa gsum gyis mthar phyung ste// dam tshig lha dang gnyis med bsgrub// mtshan ma gsum gyis gtan la dbab// dus la bab na phrin las sbyar// bka' sdod pho nya bran la sogs// spro zhing gzugs la brtan par dbab// gab sbas kyis ni gsal ba gsung// mthong bar byas nas gnas bdun gdab// yab yum sras kyi sngags rnams dang// phrin las sngags kyis dbab par bya// gzer dang mnan pa'i tshul du spyad// don du ma gyur bskang bshags bya// spogs pa cho ga bdun gyis bya// las kyi lhag chad ma lus bskang// sdig pa sbyang zhing gnas nas spar// rtags kyis spro bar gyur pa na// dmigs pa gsum ni mtshon gyis bsgral// zhal zas bstab cing mtshon gyis gtub// gnan pa'i phrin las ma nor spyad// bka' sdod pho nya mnyes bya'i phyir// gtor ma rim pa bzhin du dbul// ji ltar 'dod pa'i dngos grub blang// dkyil 'khor bsdus te spyod lam bsgom// bsrung zhing rtog pa gzhom pa'i phyir// go cha bgo zhing gnas su btab// mdo sde bklag cing mchod rten bzhengs// snying rjer ldan pas rab tu gsang// brnag pa kho na nyid du bya// gzhan yang thugs kyi gsang chen 'di// gnod cing gdug pa myur bsgral phyir// gzhung dang mthun pa'i gnas dag tu// mtshan nyid ldan pa'i sgrub pa pos// tshad med rnam pa bzhi ldan pas// bar chad med par bsgrub pa'i phyir// zangs lcags tsher ma can gyi shing// dbang dang mngon spyod gnyis kyi rgyu// sor brgyad dang ni bcu gnyis tshad// mgo dang skyed pa bcu drug dngos// zur gsum chu srin kha nas dbyung// yab yum sras kyi grangs dang mnyam// byin gyis brlab pa tshul bzhin bya// dmigs pa mi brjed gzungs dang sbrag/ rtags dang ldan pa'i bsnyen pa bya// dkyil 'khor zla gam gru gsum bcas// 'khor lo rtsibs brgyad sgo khyams mdzes// sgrub rdzas yan lag ma lus dgod// dbang byin brlab kyis gzi byin bskyed// rang gi gnas su bzhugs su gsol// nye bar byed pa'i bsnyen pa dbul// stong nyid snying rje'i snying po hUM// sems kyi dkyil 'khor 'byung ba lnga// phyi nang gsang bar rang sngags 'phro// rten gyur gdan dang bcas pa la// 'bar ba'i sku mchog gtso dang 'khor// don dam kun rdzob tshul du byung// zhe sdang rdo rje gzhon nu'i sku// sprul pa bye ba 'bum dang bcas// rang sngags phyag mtshan dang bcas pa// bran dang bka' nyan pho nya'i tshogs// sprul pa dang bcas phrin las mdzad// gnod cing 'gal ba myur du sgrol// dmigs pa drag po'i pho brang du// 'gugs 'dren sdom sgrol pho nya yis// ting 'dzin gsal bas gnas su dbab/khros pa'i phrin las thams cad brtsam// gzugs phung lhag ma pho nyas rol// rdul phran tsam yang ma lus bsam// de la rang dang dmigs pa yi// lus ngag yid gsum gsal ldan pas// drag shul dpag med spyad gyur na// rdo rje'i brag kyang 'joms par 'gyur// rigs ldan phung po smos ci dgos// las mjug 'phang bsreg gnan pas bsdu//// de nas rdo rje 'dzin rgyal po// mngon rdzogs yab kyis dbang bsgyur te// 'byung ba lnga yi bdag nyid las// brten pa rten dang bcas par bskyed// bdag nyid thig ler mnyam sbyar nas// rnam pa gsum gyi ting 'dzin bsgom// dmigs med bsam 'das rnam par dag/ma skyes chos kyi dbyings su snang// snying rje nam mkha'i ngo bo las// blang dor med par kun tu snang// med pa'i ngang la mngon gsal ba'i// dbyings las shar ba'i yi ge hUM// bdag gi dbugs las gyur pa yi// 'og phyogs rlung gi sa bon brten// bdag gi brag las gyur pa yi// de steng chu yi sa bon brtan// bdag gi sha las gyur pa yi// de steng sa yi snying po yin// bdag gi drod las gyur pa yi// me yi sa bon phyogs kun khyab// bdag gi sems kyi ngo bo las// nam mkha'i dbyings kyi dkyil 'khor bsgom// dbyings las 'byung lnga rgyu yis bskyed// mkha' la rlung brten 'byung ba lnga// bdag nyid du ni gsal ba las// sa bon las ni dkyil 'khor bsgom// b+h+rUM las thod rlon gzhal yas khang// ka zhu thod skam ka gdan byas// lha rnams gdung bres klu rnams phyam// gza' rnams kha bad rgyu skar dral// klu rgyal rigs bzhi sbrul nag brgyan// 'khor lo sa bon gyis sbyangs nas// rtsibs brgyad pa ru rab tu gsal// pad+ma'i sa bon 'od kyis sbyang// 'dab brgyad pa ru de nyid snang// 'od kyis mtha' dbus rab tu gsal// gdan gyi sa bon gyis sbyangs nas// brnag pa'i dri za grul bum dang// klu dang gnod sbyin la sogs pa// byi chings bsnol ba'i gdan steng du// de stangs pho mo bcu bzhi bsgyel// dkyil du rgya mtsho thod phreng gnyis// shar dang nub tu mgo bsnol ba'o// rdo rje khros dang dge rje mo// shar gyi phyogs su bsnol te gding// rin chen khros dang ral ga cig ma// lho yi phyogs su bsnol te bzhag/ pad+ma khros dang dmar mo gnyis// nub kyi phyogs su mgo bsnol ba'o// rnam 'phrul ser mo las mkhan gnyis// byang gi phyogs su bsnol ba'o// rgyan gyi rgyal mo me yi phyogs// dbyings phyug ma ni bden bral phyogs// bdag nyid ma ni rlung lha'i phyogs// phyogs// gcig pu ma ni dbang ldan phyogs// rim gro bskyed cing 'khor rnams mnan// b+ha ga bcu bzhi'i gdan steng na// bdag nyid byang chub thig le las// snying po ye shes mngon du shar// byed pa po ni kun tu bzang// rnam par thar pa'i dbu ldan zhing// ye shes drug gi phyag rgya can// mtshan dang dpe byad yang dag ldan// rdzu 'phrul bzhi yi zhabs kyis bzhugs// bdag gi gzugs kyi ngo bo las// rnal 'byor nyid bzhi bde mchog ma// bya ba mo ni chos kyi dbyings// chos nyid rtag pa thugs kyi dkyil// 'od zer lnga po rtse nas 'phro// 'byung ba lnga yi zhal mnga' zhing// ye shes drug gi phyag rgya can// phyogs mtshams gnon pa'i zhabs brgyad kyis// ma bgrod par ni srid par khyab// dus bzhi 'char ba'i b+ha ga la// skye 'gag med pa'i klong du thim// srid pa gsum gyis sku brgyan cing// spyi dpal mchog la 'di skad gsungs// hUM ye shes snying po bla na med// bla med khrag 'thung dpal gyi dpal// 'jigs byed gsang ba'i rdo rje ni// mkha' klong kun gyi gter gyi dbyibs// mkha' klong bde ba'i lam mchog ni// skye 'gro kun gyi thar pa'i lam// sangs rgyas kun gyi thugs dam skong// bcom ldan bde ba'i longs spyod 'di// 'dzum mdangs bcas pas dbul lags kyis// dgyes pa'i rdo rje gsor nas kyang// re skong bdud rtsi'i char chen phob// mnyam bzhag ye shes pad+ma'i dbyings// 'byung gnas skye 'gro bde bar dbab// rin chen dkyil 'jam klong yangs su// spyi dpal rdo rje gsang ba'i bdag/ re skong bdud rtsi'i char chen phob// hUM b+ha ga pad+ma'i dkyil 'khor 'dir// 'dab brgyad pad+ma'i dkyil 'khor ldan// phyi lcags nang bstan sgo bar bcas// rin chen dkyil 'khor gdan btings nas// bla med rdzu 'phrul lde mig gis// lcags khrol lcags phye gdan la bzhugs// rin chen brtsegs pa'i gwa'u ru// bla med khrag 'thung sku bsil nas// srid gsum 'gro ba'i bag chags bkrus// hUM mi dmigs pa la dmigs pa che// ma chags pa la bde ba che// thar pa de ba'i b+ha ga'i dbyings// blang dor med pa'i klong yangs su// srid pa'i bag chags bkru ba'i phyir// spyi dpal bla na med pa yi// gsang ba'i don ldan lde mig gis// rnam par thar pa'i sgo phye ste// ye shes chu bos khrus chen mdzod// oM thabs las byung ba dbyings kyi lam// dbyings las thabs chen bla na med// dbyings dang ye shes sbyor ba las// bdud rtsi chen po'i char chen spro// phyogs bcu'i rgyal ba mnyes par mchod// rnal 'byor mkha' 'gro'i tshogs su spro// 'gro drug sgrib sbyong phyag rgya che// mu stegs bdud 'dul za byed che// dbang po gsal byed ye shes sgron// 'dod chags byang chub sems su spro// byang chub sems kyi thig le las// ma bkag lhun gyis rdzogs pas na// thams cad thig le nyid kyi ngang// gnyis med sbyor ba'i thig le che// g+hi sa mu hUM ha/ dza la raM pa ha/ b+hi sha san+ti ha// ma hA laM te ha/ oM badzra kro d+hI shwa rI b+ha ga pad+mar+ya hUM hUM/oM badzra shIn+taM pad+ma ka ru ting b+h+yo/ oM mu tri ni b+h+yo/ oM shan+t+ri ni b+h+yo/ b+ha ga dun tri ni b+h+yo/ kha mun dan tri ni b+h+yo/ oM badzra sUr+ya bi to a to ye/ oM badzra pad+ma b+he to ye/ oM badzra kha rag b+hi to a to ye/oM badzra sring 'gro bi to a to ye/ oM badzra a keM a keM b+h+yo/ oM badzra ta keM ta keM b+h+yo/ oM badzra ni la ni la b+h+yo/ oM badzra lan+ta lan+ta b+h+yo/ oM badzra dza traM mu rang sha/ badzra kha rag snying kha rag ma b+h+yo/ trag rak+sha trag rak+sha b+h+yo/trag rak+sha kha mun+t+ra saM kha mun+t+ra ba rak+sha b+h+yo/ pra ga ra tiSh+Tha b+h+yo/ pra gi beng gi shaM b+h+yo/ b+h+yo hUM ka ri ka/ ba rod da rod/ ni la chu mi ha/ kha T+wAM ga da la tsa la/ pad+ma tsan+d+ha/ ma gu ra ga to/ ting saM ting saM b+h+yo/ e A ra li/ bu byi ru lu ru lu b+h+yo/ trag rak+sha trag rak+sha b+h+yo/ a ting b+h+yo/ byi ting b+h+yo/ su ting b+h+yo/ mun ting b+h+yo/ shAn+ting b+h+yo/ dun+tiM b+h+yo/ har ting b+h+yo/ grub ting b+h+yo/ te baM b+h+yo/ a par d+ha la b+h+yo/ d+ha la du na b+h+yo/ d+hi na ma ma ya b+h+yo/ nyi shu rtsa brgyad gzhan dang sbyar// gnyis med sbyor ba'i thig le che// byang chub sems kyi 'od zer las// 'byung ba lnga yi 'phro 'du byung// bdag gi sa yi ngo bo las// sa bon las ni sku bskyed pa// mkha' 'gro bstan ma sel ma'i mchog/mi 'jigs sa yi dbu gsum gyis// dug gsum dbyings su sgo 'byed cing// pha rol phyin drug phyag rgya las// dngas ma'i sbyin pa rtag tu gtang// mtshon du med pa'i sku mdog la// dkar la dang ba'i na bza' gsol// rdzu 'phrul bzhi yi zhabs dag gis// sa bdag gdan la brkyang bskum bzhugs// bdag gi rlung las gyur pa yis// sa bon las ni skur bskyed pa// mkha' 'gro yang gsal sems ma'i mchog/thogs pa med pa'i dbu gsum gyis/ khams gsum thig ler sgo 'byed cing// pha rol phyin drug phyag rgya las// sbyin pa chen po rtag tu gtang// sna tshogs 'gyur ba'i sku mdog la// na bza' ljang gu baiDUr+ya// zhabs bzhi brkyang bskum gnod sbyin gnon// bdag gi chu las sku bskyed pa// mkha' 'gro mnyen gsal sems ma'i mchog/ dbu gsum dug gsum dbyings su 'dul// pha rol phyin drug phyag rgya 'gyed// dmar mo dbang gi na bzas brgyan// zhabs bzhi brkyang bskum chu bdag gnon// bdag gi me las sku bskyed pa// mkha' 'gro 'od gsal sems ma'i mchog/ stobs ldan dbu gsum srid gsum sbyang// phyag drug dngas ma'i longs spyod 'gyed// rin chen sngon mo'i na bzas brgyan// zhabs bzhi brkyang bskum gshin rje gnon// bdag gi bkrag las sku bskyed pa// mkha' 'gro bkrag gsal sems ma'i mchog/rdo rje'i dbu gsum skye 'gro sgrol// phyag drug sku mdog sna tshogs la// btso ma gser gyi na bza' gsol// zhabs bzhi brgya byin gdan la bzhugs// bdag gi gsang ba'i thig le las// hUM dang mUM las sku bskyed pa// gtso bo'i gdan du 'khor rnams gsal// snying rtsa dbu ma'i cho 'phrul yin// g.yas g.yon gser nyi 'od chen las// bde 'gro nyi zla thod phreng gnyis// snying rtsa phyogs bzhi'i dwangs ma las// gsang ba sbas pa'i ma mo bzhi// nang gi rtsa bzhi kha dog bzhi// khros ma bzhi dang dgyes sde bzhi// lte ba pho ba'i rtsa las ni// srid pa chags byed cha snyoms bskyed// rgyungs pa snod kyi rtsa drug las// e ka dza Ti spun drug bskyed// srog rtsa zangs kyi sbu gu las// re ma ti ni mched gsum byung// bshad kha rlung 'doms rtsa gnyis las// nam mkha'i rgyal dang spyi 'gro ma// mgrin pa dbang po'i rtsa bdun las// las kyi srin mo bdun du bskyed// lag pa g.yas g.yon stod rtsa bzhi// sring mo bzhi ru bskyed pa'o// smad rtsa la ni dmag gi rgyal// rgyungs pa smad kyi rtsa las ni// dbang mo nyi shu rtsa brgyad po// rang gi gnas la bskyed par bya// byed pa po dang bya ba mo// srid pa'i sngon du byung ba yin// 'byung ba lnga yi rgyal mo lnga// sangs rgyas nyid las shin tu bgres// skyed pa'i rje mo bcu bzhi ni// pha dang med spun bcu gsum// ma mo mkha' 'gro lnga bcu lnga// byang chub sems kyi thig le las// rol pa'i khyad par cir yang snang// bdag nyid che ba rab tu bsgom// ye shes thig le chen po dang// gsang chen bde ba'i lam mchog dang// man ngag rdzogs pa'i dkyil 'khor gyis// dbyings kyi yum chen drug po ni// chags pa'i gdan du gding bar bya// 'od chen kha dog sna tshogs kyis// srid pa bde 'gro chen mo dang// nyi zla thod phreng gdan du gding/khros pa'i dbang chen ma mo bzhi// chags pa'i gdan du gding bar bya// srid pa'i dngas ma brgyad po las// sbas pa'i ma mo bzhi po dang// thugs kyi dgyes sde ma bzhi rnams// mngon sum gdan du gding bar bya// bde chen gsang ba'i dkyil 'khor gyis// srid pa chags byed cha snyoms mnan// srid pa rang lugs gnyug ma yis// e ka dza ti spun drug mnan// chags pa'i dbang chen dmar mo yis// 'dod khams gtso mo spun gnyis mnan// srin mo spyi yi mdor bsdus kyis// nam mkha'i rgyal mo spun gnyis mnan// dbang mo spyi yi mdog gsal gyis// 'jig rten srin mo bdun rnams mnan// g.yas g.yon thabs dang shes rab kyis// dmag gi rgyal mo spun bzhi mnan// srid pa 'jug byed phra mo yis// dbang mo nyi shu rtsa brgyad mnan// rtsa dang lus la gnas pa de// shi sa bstan phyir gdan du bting// lcags kyu'i phyag rgyas snying nas drangs// drag po'i sngags kyis gnan par bya// hUM mu kha le ha ha he he hUM phaT nan// kro d+hI shwa rI b+ha ga shan+t+ri nan// sUr+ya pad+ma kha rag sring 'gro nan// mu tri shan+t+ri dan+t+ri dun+t+ri nan// ta keM ta keM ni la tan+t+ra nan// ma ma hUM b+h+yo nan// ma ma duSh+tAn/ pad+ma rak+ta/ pra be sha nan/ nan phaT/ mngon rdzogs rgyal po'i rtsa gnas la// cha mthun ma mo rnams bsdus te// tsita nan/ tra ta phaT/ zhes pa'i drag sngags brjod pa yis// che mchog lugs kyi he ru ka'i// ral gri rtsa lam nang du zhugs// rtsa sul gnas pa'i ma mo yi// snying gshags khrag chen mngon rdzogs kyi// ljags kyi steng du phul ba yis// mngon rdzogs mdangs dang ldan par gyur// ma mo rnams ni myos shing 'thibs// bdag gi snying khrag zhal du rngub// lce steng bzhag pa phyi rol yin// che ba'i nga rgyal 'di skad bskyed// hUM nga ni khrag 'thung kun gyi rje// nga ni ma mo kun gyi yab// nga ni srid gsum snying rje'i mchog/ nga ni mkha' 'gro kun gyi gtso// thams cad kun gyi snying khrag bdag/ khyed kyi snying khrag nga la yod// nga yi dbang du gyur par gyis// dza hUM ti baM ma ma b+h+yo ma ma b+h+yo// ru lu ru lu rag mo b+h+yo/ gdan gyi sku rnams bsgyel nas ni// bdud rtsi chen po khar blugs te// oM badzra a mr-i ta tsit+ta hUM/ de nas gdan las bslang byas te// sgrub pa'i las rnams byed par bsgom// rang lus rtsa yi dkyil 'khor la// ma mo las kyi shi sa bstan// de nas ma mo thams cad kun// 'jig rten snang ba'i lugs bshad pa// nam mkha' stong pa'i yi ge las// mthing nag gru gsum yi ge e// ljang nag 'bar ba'i sa bon las// rdo rje rgya gram dkyil 'khor bskyed// chags pa dbang gi sa bon las// rba klong 'khrugs pa'i dkyil 'khor bskyed// thugs rje 'bar ba'i sa bon las// sreg byed 'bar ba'i dkyil 'khor bskyed// snyoms mdzad byams pa'i sa bon las// rab 'byams brdal ba'i gzhi ru chags// zhe sdang rol pa'i sa bon las// ri rab brtsegs pa'i dkyil 'khor snang// yon tan 'bar ba'i sa bon las/khong seng srog gi ljon shing bskyed// e waM ma ya'i sa bon las// gling bzhi gling phran rim pa bzhin// yon tan gser gyi ri bdun dang// snying rje rol pa'i mtsho bdun ldan// sprul pa las kyi mkha' 'gro ma// ri rab de la bskor te gnas// nyi zla gza' dang skar ma rnams// ri rab de la bskor zhing rgyu// ri rab g.yu yi bum rtse la// 'khor 'das chos dbyings rgyal mo ste// tshangs pa kun sgrol tsit+ta brgyad// yum gyi zhabs brgyad bgrad pas brdzis// dpag bsam shing dang bad shing la// a 'bras skyong gi sgo lnga pa// shing lo pad+ma lnga lnga gnas// yum lnga sku yi phyed nub bzhugs// ri rtse bum pa'i shing mtshams na// brgya byin rkang pa g.yas g.yon las// gser gdug nyi zla'i phreng bas bskor// de steng rgya mtsho thod phreng bzhugs// ri rab bum pa'i lcog bzhi la// b+h+riM gi ri ti'i pho mtshan te// sgo gnas bzhi yi cho 'phrul las/khros pa'i dbang chen bu mo bzhi// brkyang bskum zur gyi stabs kyis bzhugs// ri rab lcog bzhi'i phyi rol na/ khyab 'jug 'khor lo'i lte ba la// bdud rtsi'i chu mig bzhi skyes par// rgyal chen bzhi dang dgyes sde bzhi/khrus byed phyed nub tsam du bzhugs// ri rab bum pa'i gru bzhi na// stobs bzang ser skya'i snying ga na// sbas pa'i ma chen bzhi po ni// gan rkyal gnas te bdud rtsi sku// rje mo 'jig rten snang lugs yin// dpag bsam shing gi sked pa la// phya mkhan pho bar chags byed dang// cha snyoms gnyis ni lto sbyor gnas// dpag bsam shing gi rtsa ba na// ka la yak+sha'i og mtshams na// nam mkha'i rgyal mo spun gnyis bzhengs// dpag bsam shing gi rtse mo la// tshangs pa dkar po'i lag pa la// dza ti spun gnyis mnyam gzhag sdod// ri rab rmang gi 'gram bzhi la// sa bdag phag gi lte ba na// gru 'degs bzhi ni gyad kyi tshul// ri bdun rol mtsho bar pa la// phung byed klu bdun nor bu'i gnas// srin mo bdun ni lding thabs 'phyo// pad+ma shing gi sum cha na// mgo med snying la bgegs kyi rigs// stong phrag brgyad cu'i cho 'phrul 'gyed// 'dod pa khams kyi gtso mo gsum// de steng brkyang bskum brjid pa'i tshul// phyi rim bang rim bzhi po la// rgyal chen bzhi yi spyi bo na// pad+ma brgyad la sring bzhi dang// dmag dpon mo bzhi 'gying pa'i tshul// dpag bsam shing gi rtsa ba na// keng rus khros pa'i gdan steng na// ri brag gru gsum 'bar ba la// bka' sdod nyi shu rtsa brgyad gnas// mdor na ri rab rgya mtsho dang// gling bzhi lha yi gnas gzhan rnams// ma lus srid pa'i ma mo yi// rgyud dang lam dang 'bras bur snang// 'jig rten snang ba'i tshul yin no// de nas gsang ba gab pa'i gter// bdag nyid che mchog lus gnas pa'i// rkang pa rlung sogs 'khor lo bdun// lus kyi ljon shing rim pa la// yum drug rje mo dman mo dang// ye shes sbas pa'i ma mo sogs// brgyad cu rtsa gsum rtsa la rdzogs// gzhung lam srog rtsa bsgril ma la// rang bzhin dkyil 'khor rtsa 'gyur bas// bshang kha rlung dang 'doms su me// gzhu dang drag po'i tshul du gnas// rgyal mo spun gnyis g.yas g.yon rtsa// lte ba'i gzhi rtsa kha sprod la// srid pa chags byed rgyal mo gnas// pho ba dngas snyigs 'byed rtsa la// thig le dang bcas nang du bskor// zas 'ju bas ni cha snyoms ma// lam rgyud lnga yi bag chags ni// sbyong byed snying gi 'khor lo la// rang gi sa bon phrin las bzhi// kun gzhi yid sgo nyon mongs lnga// a sogs sbyangs pa'i yon tan bdun// dbang po bzhi po mi dbang bzhi// rnam shes sbas pa'i ma mo bzhi// ma bu sbyor ba'i tshul du gnas// snying gar 'khor 'das bskyed pa'i gzhi// 'byung ba lnga yi mkha' 'gro ma// rtag pa'i rgyal mo lnga yi rtsa// 'od zer rtse la rang bzhin gnas// mar rtse'i rtsa la mu kha le// gser mdung nyi ma'i 'od chen gnyis// phra men ma dang thod phreng gnas// nang gi 'od la dgyes sde bzhi// mgrin pa longs spyod cha snyoms ma// yan lag bdun gyi kha sprod dbus// srin mo bdun ni bza' btung spyod// rang bzhin bcu drug kha sprod la// mig dang rna ba sna dang lce// za byed ma mo yul longs spyod// bde chen 'khor lo byang chub sems// tshangs pa'i gdung bzhi rgya gram bris// rtsa 'dab so gnyis kha sprod gnas// srin mo'i yang po'i gnyen po sbas ma bdun// srog rtsa rgyu byed sked pa la// snying rje pad+ma gar dbang gnyis// 'dod khams gtso gsum 'dud pa'i tshul// byang chub sems lam rtsa stod la// dza ti spun drug gnon pa'i tshul// rtsa sman mkha' 'gro nyi shu brgyad// yan lag bzhi la sring mo bzhi// smad la dmag gi rgyal mo bzhi// gsang bzhi tshul gnyis mkha' 'gro'i tshogs// chos kyi mkha' 'gro sna tshogs pa'o// snying nang 'od kyi dkyil 'khor la// rtsa ba mi shigs rdo rje'i dbyibs// bye brag lnga yi 'od 'bar ba// thogs med rtsa ba 'byung lnga'i gtso// kun bzang las ni rgyal mo lnga// rig pa las ni dngas ma lnga// kun gzhi sems rtsa sgo lnga'i rtsa// gzhi rtsa 'dzin pa'i rtsa yin te// dug lnga me lce lnga yi rtse// ma rig pa yi rtsa ba las// 'gro ris sa bon lnga yi rtse// rig pa ma 'gags rtsa ba las// ye shes chen po'i rtse mo lnga// mngon rdzogs yab kyi rtsa ba las// rigs lnga'i bde chen rtse mor gsal// 'byung ba lnga ni srid pa'i bskos// rgyal mo lnga ni sprul par shar// gsang ba'i gter du dngas ma lnga// yon tan sgo lnga'i rnam shes yin// 'khor ba skyed pa nyon mongs lnga// 'bras bu 'gro ba drug tu snang// 'dul byed gnyen po ye shes lnga// 'bras bu longs spyod rdzogs pa'i sku// snying rtsa gcig la 'dab ma lnga// de yi rtse mo brgyad du sbyor// nyi zla kha sbyor zhal gyi dkyil// hUM mUM bcud kyi thig le gnas// yum drug rje mo bcu bzhi'i gnas// rang bzhin thig le 'od gsal ba// ye shes ye nas rgyal bar gnas// dngas ma lnga las rgyal mo lnga/ kha dog lnga la nyi thod phreng// gser nyi phra men rgya mtsho ste// shes rab snying rje'i bdag nyid can// rnam shes bzhi la ma bzhi sbas/ khros pa'i bu mo 'od rim la// chos kyi 'khor lo nyi shu la'o// steng 'og dkar dmar thabs shes rab// rta mgrin dbang gi sgo bsrung ma bzhi yang zhing// 'byung ba lnga zhig 'od du zhu// ma mo lnga bcus gsang dbang bskur// rnam shes lnga la ye shes lnga// dug lnga'i rtsa ba dbang gis bcad// 'gro ba lnga yi bag chags sbyangs// gsal ba'i ye shes kha dog ldan// pho brang rigs lnga'i dkyil 'khor rdzogs// dbu la 'dus pa'i yab yum rdzogs// mdun rgyab gser gyi nyi ma la// phra men ma dang thod phreng nyid// 'joms byed bag chags gnas sbyangs pa// sbas ma bzhi dang khros ma bzhi// thod phreng dgyes sde ma bzhi'i ngang// mkha' 'gro nyi shu'i dkyil 'khor la// hUM sras drug gi longs spyod mdzad// dbang gi rgyal pos sgo bsrung zhing// rgyu gcig dbyings nas phyung nas ni// 'od zer sngags kyi phreng ba yis// snying phugs zhal nas sngags kyi 'od// bzhu brtul gyis ni thig ler gyur// srog snying rten yang de la bsdu// rlung dang ra~M gyis sgra phyung nas// thig le skye med dbyings su thim// bdag nyid la bzla'i don du bya// 'di ni thugs kyi dam tshig ste// yon tan gab pa'i gter du bshad// bshad lugs 'di ldan rnal 'byor ni// ma mo thugs kyi dngos grub thob// des na snying gi lung zhes bya// de nyid las ni rnal 'byor pa// rnam par grol ba'i lugs bshad pa// chos nyid ye shes rang byung dang// yon tan bzhi bsdus grub pa'i rtsa// 'khor lo bdun dang rtsa ba'i srog/ rtsa brgyad stong dang 'khor lo brgyad// nyes rno la yang/po gnyis dang rdzogs pa'i lung// rim gyis bshad dang bye brag dbye// blta bsgom spyod 'bras 'khor 'das kyi// sa bon so so'i gnas su byung// 'khor 'das sa bon hUM rim spro// rtsa thig bzhi ldan dkyil 'khor na// thig le skye 'chi'i sdug bsngal spong// shrI ma hA su kha badzra bo d+hi hUM ho/ 'bru gcig gtad ltas yang spyod rnam bzhi la// sku gsung thugs su thad chod de// chags sdang nga rgyal phrag dog gi/ gnas bsgyur bsgom bsgrub rnam pa las// gti mug chen po yang dag nyid// sku lnga mngon shar gsung lngar grags// thugs lnga yon tan phrin las lnga// rang gzhan lhun gyis grub par snang// rang gnas gnyis med ye shes dang// mngon rdzogs rgyal po che ba'i mchog/ dpal 'bar yum dang gnyis su med// snang stong gnyis med ye shes la// chos kyi 'khor lo 'bru bcu po// sna tshogs rig pa'i cho 'phrul rten// gsang ba'i gdung bzhi dgyes sde bzhi// 'khor lo nang gi rtsa bzhi po// rang rig ye shes rgyal po la// sems can chen po lnga yi khri// sprul pa'i cho 'phrul kun gyis mchod// dpal gdeng gsang rdzogs bcu bcu bzhi// mi gnas bde ba'i dkyil 'khor ldan// 'dab brgyad dbus na rtse lnga pa// rgya gram phra bkod sa bon las// 'bru bcu don gyi phreng bar ldan// gnas 'dzin la phab 'od 'phro 'dus// 'bur bzhi mdzes pas thugs rgyud bskul// gtso chen de la gu h+ya bzung// lam du bde ba rgyas par bya// 'od zer 'jig rten khams su spro// yul gnyis ma grub stong par gsal// 'od kyi 'khor lo gnas bzhi la// 'dab bzhi'i lte ba rdo rjer bcas// yab yum mtshon pa'i snying pos bskor// 'od zer gnyis kyis brgyud bskul bas// 'khor ba'i sa bon so sor sbyang// 'dus pas sna tshogs gcig tu gyur// rlung dang lhan cig phyi rol 'phros// rang lus 'dzin pa'i snang ba sbyangs// snang la rang bzhin ma grub pa'i// dbyings kyi yum chen bco lnga po// thugs 'od btso ma'i gser la bsdu// rlung ni skye med a la bsdu// dwangs ma'i mkha' 'gro ma rnams kun// rig pa'i rtsal gyi thig ler bzhu// smin byed stobs kyi ma la bsdu// rtsa ba'i mkha' 'gro lnga bcu drug/ bsdu thabs leb rgan 'bar bar bzhu// stobs kyis 'dzin pa'i til la bsdu// hUM chen 'bar bas ri rab bsregs// nyi zla'i dkyil 'khor nyid du gsal// ma mo rdzogs pa gsum ldan pas// rten gyi gang zag rang rgyud 'grol// rnal 'byor thugs su gab pa grol// rnal 'byor grol lugs zhes su bshad// bdag nyid che mchog he ru ka/ khro mo bzhi bcur bcas pa yi// drag po'i sngags su bshad pa ni// khru brgyad pa yi dkyil 'khor du// a yi 'phro 'dus stong par sbyang// rdo rje phur bus bsrung bar bya// byang chub sems kyis chag chag gdab// ba su ta yis thig gdab cing// ha lngas sbyangs pa'i tshon gyis bri// dbus su thig bzhi'i le tshe lnga// phyi rol 'khor lo rtsibs chen bzhi// rtsibs ri'i steng du rtsibs brgyad pa// rin po che yi phur pa rnams// rang rigs 'khor lo'i rtsibs la dgod// phyi rol drag po sngags kyi rdzas// ji ltar bsngags pa bzhin du dgod// de nas stong pa'i rang nyid las// snying rje sprul pa'i ye shes shar// rgyal ba'i thugs kyi snying por 'gyur// e gzugs ye shes chen po ste// yaM dbyibs shes rab bdag nyid can// baM klong snying rje'i ngo bo ste// raM 'bar brtson 'grus nyid du ldan// laM ni bsam gtan brdal ba'i sa// keM ni zhe sdang 'joms mdzad brtsegs// b+h+ruM las sna tshogs gzhal yas khang// oM ni gcod pa chen po las// ba las chags pa med pa 'byung// a ni gsal ba'i bdag nyid rgyu// me ni sreg pa'i bdag nyid rgyu// ru ni 'joms pa'i yul du bsdogs ston yang// hUM dang mUM las yab yum gyur// oM sarba ta thA ga ta shrI he ru ka hUM phaT/ kro d+hI shwa rI sa ma ya hUM dza/ rnam thar dbu ldan stong pa'i phyag rdzu 'phrul zhabs dang thabs kyi gshog/dur khrod brgyad du ldan par bskyed// yab yum gsang gnas byin brlabs nas// mkha' la gsang ba'i yum bzhi bskyed// le tshe bzhi la gsang ba'i yum// 'di skor sngags rnams ma phye sor bzhag pa ra ma Na phaT/dkar mo nyi ma'i gwa'u can// shar gyi le tshe dag la'o// rat+na s+pha ra Na phaT/ ser mo rin chen 'od 'bar lho// pad+ma gar b+ha ya phaT/ dmar mo pad+ma'i bcud 'dzin nub// ga bi tra tha phaT/ ljang gu rdo rje rgya gram byang// shar gyi 'khor lo rtsibs brgyad la// spyi dpal bcu yi khro bo ste// badzra gar b+ha kI la ya phaT/ dkar po li yi rgyal por shar// rat+na gar b+ha kI la ya phaT// 'jigs byed rin chen 'dzin pa lho// pad+ma gar b+ha kI la ya phaT/ gar dbang dmar po pad 'dzin nub// karma gar b+ha kI la ya phaT/ gar mdzad ljang gu rgya gram byang// mo traM mo tri yang kI la ya phaT/ srog 'od ser skya me 'od can// ka ru gar b+ha kI la ya phaT/srin po 'joms byed mche 'dzin dmar// lo ka kI la ya phaT/ skyob byed rgyal sngon ba dan can// b+ha du kI la ya phaT/ 'jigs skyabs ljang skya thod dbyug 'dzin// karma kI la ya phaT/ rim bzhin mtshams kyi rtsibs la'o// gsod byed mthing ga zhing dbyug 'dzin// yak+Sha kI la ya hUM phaT/ ngur 'jigs mthing ga spu gri thogs// sarba duSh+t+wAM phaT/ gnyis char dbus kyi lte ba la'o// 'jigs byed dkar po nyi ma'i 'od// sa shrI phaT/ shar gyi sgo yi phyogs su'o// sngon mo chu yi 'khor lo can/ ka he phaT/ chu yi dkyil 'khor lho yi sgor// dmar nag me 'khor nub tu'o// ljon sha phaT/ 'bar ba dud kha rgya gram can// byang gi sgo la bsgom par bya'o// de nas gzhan yang bskyed bya ba// gser bur yum gyi mkha' nas gdon// rak+Sha kI la ya phaT/ dmar nag sbrul 'dzin gnod mdzes rgyal// lho yi 'khor lo'i dbus su'o// bi dza ya bi sha kI la ya hUM phaT/ snang byed dkar po 'khor lo can// shar gyi 'khor lo'i rtsibs la'o// bi shwa gu Na kI la ya hUM phaT/ yon tan snying po khro bo che// ser po rin chen 'dzin pa lho// te sha kI la ya phaT/dmar bo gzi ldan 'bar ba ni// 'das kyi bing chen nub phyogs rtsibs// ke sha kI la ya phaT/ lhun grub snang byed ljang nag mchog/ thod phreng 'dzin pa byang gi rtsibs// bi sha kI la ya phaT/ me 'khor dmar po kha T+wAM 'dzin// be shi kI la ya phaT/ za byed brtul zhugs ral gri can// hi sha kI la ya phaT// skyod byed rlung gi ba dan can// sngo sangs rlung rgyal sbrul zhags thogs// du she kI la ya phaT/ gzi 'bar ljang skya gri gug can// 'di dag rim bzhin rtsibs mchan la'o// ka sha phaT/ rta mgo lcags kyu dkar po shar// pha ga sha phaT/ phag mgo zhags pa sngon po lho// rung hi phaT/ dred mgo lcags sgrog dmar po nub// rak+Sha gri phaT/ spyang mgo ljang gu dril bu byang// rim bzhin sgo bzhi bsam par bya// nub kyi 'khor lo la bskyed pa// hUM kA ra kI la ya hUM phaT/ hUM bde chen dkar ser thod 'dzin dbus// bi dza ya phaT/ rnam rgyal dkar po ni le can// nI la daN+Da phaT/ dbyug pa sngon po be con can// ya mAn+ta kr-ita phaT/ gshin rje gshed ser zhags pa can// a tsa la nA tha phaT/ mi g.yo dmar ser ral gri can// ha ya grI ba phaT/rta mgrin dmar mo thod sprul can// nub kyi 'khor lo rim bzhin bsam// phyogs bzhi yin te mtshams bzhi ru// a pa ra dzi ta tiSh+Tha phaT/ 'dod rgyal ljang gu dbyug tho can// a mr-i ta phaT/ bdud rtsi 'khyil ljang rgya gram can// trai lo kya phaT/ khams gsum ljang skya sdigs mdzub can// ma hA pa la phaT/ stobs chen dud pa gtun shing 'dzin// de dag bsgom zhing sgo bzhi ru// 'jigs byed khro bo bzhi bskyed pa// dza la phaT/ dkar po khra mgo sder mo thogs// ke ru ru phaT/ skya ka'i mgo can sprul 'dzin sngo// rig sha phaT/ bya rog mgo can dung dmar 'dzin// bak+Sha ti phaT/ pu shud mgo can ljang gri gug/ phyogs bzhi'i sgo bzhir rim par bsam// byang gi phyogs kyi 'khor lo la// phrin las rdzogs pa'i khro bcu bskyed// lcags phur la rten mkha' la gdon// badzra ta kr-ita kI la ya phaT/ b+hi nu thal kha ti ra 'dzin/ kha thun rak+sha kI la ya phaT/stobs bzang sngo nag gri gug 'dzin// he ma ra ti kA la ya phaT/ gzi ldan dkar po 'khor lo 'dzin// ru pi su tra kI la ya phaT/ 'jig rten 'od sngo me dpung can// rak+sha se traM kI la ya phaT// stong gsum khyab byed dmar thod khrag/ ho he kha rag kI la phaT/ hUM sgra dud kha ro dbyug 'dzin/ da dur phra ti kI la ya phaT/ shugs sgrol ljang nag khrung khrung 'dzin// hUM baM su kI la ya phaT/ skar mda' gdong ser bya khra 'dzin// gar b+ha kI la ya phaT/ glog srin sna tshogs mdog 'ja' thogs// rag sha kro d+ha kI la ya phaT/ mdangs 'phrog sngo sangs rlung g.yab thogs// rag sha phaT/ 'jigs byed dri za dkar stong gsum// gar+b+he phaT/ stong gsum grags gnag lcags mdung thogs// ru se phaT/ khrag gi mtsho skems dmar lcags sgrog/ ki ta ra ta phaT/ khrag lag ljang nag khram shing thogs// dbus dang phyogs mtshams sgo bzhir bsam// de la nam mkha'i 'khor lo dbab// 'bru brgyad sngags kyis dbang byin brlab// mchod pa gsum stob mnyes pa'o// oM shrI he ru ka kro d+hI shwa rI sa ma ya/ badzra kI la ya hUM phaT/ yab yum bsnyen pas gsang ba yi// ma mo bzhi bskul yum bzhi yis// 'khor lo bcu tshan sum cu gnyis// de yi khrag 'thung lha rnams bskul// so so'i 'phro 'dus 'gro don mdzad// khri phrag gnyis dang stong phrag bzhi// 'bum phrag bzhi yis so sor bzlas// bsnyen rdzogs bsgrub pa'i las chen ni// shar phyogs 'khor lo'i lte ba la// ling+ga nub tu kha mgo brtan yang bltas la// tshon skud gsum gyis btags nas kyang// ming rus snying dang dpral bar bris// rten bzang kun la bka' bsgo zhing// gsal ba gsum dang ldan byas te// 'byung ba'i snying po gsum gyis sbyang// yan lag nying lag phur pas brdeg/ ral gris gtubs te shar du bsreg/tsakra rtsibs bcur ldan pa la// sde tshan bcu yi 'khor lo bskor// gcod byed 'phen byed sngags kyis brgyan/ khyi yi grod par ling+ga gzhug/ tshon sna lnga yis bcings shing gdags// yungs kar rgyal pos brdeg cing brab// oM shrI he ru ka da la du na rbad/ kha 'dar li rbad/ myogs mugs rbad phaT/ grod pa 'phar 'gul rtags byung nas// ki gang drag po rgyu dus 'phang// sngags gsum gyis ni rten gsum bshig/lho yi tsakra rgyas pa'i las// 'brub khung rgyas pa'i dbyibs ldan la// ling+ga'i yan lag hUM lnga dgod// dpral bar phaT dang snying ga ru// mA ra ya bkod gsal grub brtan// a yi 'od kyis yon tan bsdu// phyogs bcur khro bo bcu yis dbab// sgo bzhir seng ldeng phur pa yi// mtshon gyis btab ste lho ru bsreg/ sde tshan bzhi yi 'khor lo bskor// gcod khad 'bad yang sngags kyi phreng bas bskor// nai le'i rkyal par ling+ga gzhug/dug lcags zangs kyi thun gyis brab// oM shrI he ru ka dur pa la hUM rbad/ rak+sha dza ngur b+h+yo/ ki la thun tr-i chuM srog la mA ra ya rbad/ rtags byung nyi ma'i zer la 'phar// nub kyi 'khor lo'i lte ba la// gsang chen khro bo zangs phur te// nub phyogs pad+ma zla kham du// yan lag lnga la hUM phaT bskor// shes rab snying rjes phyogs bcur dbab// rnam shes hUM gis sa ru bsdu// nub tu dbang gi sbyin bsreg bya// gdeng chen khro bcu so so'i sngags// gcod dang phab pa'i sngags kyis brgyan// ra snying nang du lcags phyes brab// oM shrI he ru ka srog la thum ling/ kha thum srog la bsdus bsdus/ khrag la thim mA ra ya rbad/ rtags phyung skya rengs zer la 'phang// byang gi 'khor lo'i lte ba la// lcags phung rdzogs chen khro bo bskyed// byang gi pho brang grub gsum gyi// rgya gram bsnol mar ling+ga gzhug/ lus kyi phyogs bcur khyab par gdab// sgo bzhi'i phur pa yan lag la'o// hUM gi has bsdus mkha' la dbab// 'phang gtub bsreg pa sngar bzhin bya// yon tan sngags brgyan tshom bu bcur// tsakra sarba hUM phaT gdab// bya rog snod du sbal khra'i gzugs// nang du dmigs bsal skye tshes brab// oM shrI he ru ka mu la tang kham snying la rbad// ba b+ha da rod tshe la rbad/ nA ga b+hu ba rus pa dur ling rbad/ rtags byung nam gyi phyed la sba/ 'di ni drag po'i sngags lugs te// ma mo las kyi kha skong yin// gzhan yang dbang drag las spyod na// gru gsum zla kham gsum dang bcas// phyi khyams rgyas pa mdzub gang ste// me 'od thod pa'i phreng bas brgyan// b+han+d+ha'i nang du mu gas bkang// phur pa rdzas kyi gtso bo bzhag/ chags byed chags snyoms gnyis la bri// bdun la ma bdun b+h+ya bdun bri// lha grangs ldan pa de ru dgod// byin gyis brlab pa'i lha bsgom pa// dbyings kyi yum drug mgo bo la// rnal 'byor bcu bzhi'i ngos la'o// bum par bla med he ru ste// lte bar chags 'jig spun gnyis so// skye la dza ti ma mo drug/ lte ba'i dkyil la re ti gsum// dbal logs gsum la dgyes sde ma// bzhi dang sring bzhi bsgom par bya// zur gsum la ni dbang mo ste// rtse mor ma bdun la sogs bsam// bdag nyid phra men rgya mtsho ma// dbu gcig zhal lnga mkha' 'gro lngar// bsgom pa mche ba gtsigs shing bzhad// sprul pa bstim la mchod cing bsnyen// ma mo bdun gyi rten la dbab// dkar nag mtshams su la shan dbye// sems la bsdus te rtsa sngags la// badzra bo d+hi dza la b+ha ga la ru na ho tra kI la ya badzra hu du na ma ra Na phaT/phur pas gdab ste mkha' la dbab// gting dpag med pa'i gnas su bstim// b+ha ya tsit+ta s+t+waM/ laM laM sa ma ya ho// 'di yis don ldan drag shul spyod// shin tu bskangs te bshad pa'o//// de nas rdo rje 'dzin rgyal po// yang dag rdzogs pa'i sangs rgyas nyid// sku gsum bde chen ngang nyid las// 'jigs byed 'bar ba'i gzugs su bstan// 'jig rten dregs pa 'dul ba'i phyir// stong phrag brgyad cu'i rgyud kyi sde/ khyad par sprul pa'i sde brgyad la// lha klu ma mo gshin rje btsan// bdud dang rgyal po gnod sbyin gsal// dbye dang spro dang bsdu ba la// dang po stong phrag brgyad cu'o// de las sum brgya drug cu ste// tha ma brgyad kyi sde yin te// dbye ba phyi nang gsang ba la// yang gsang gter dang drag po sngags// sbas pa dang ni las byed dang// btags chags dang ni brgyad yin te// lha dang lha min dri za dang// mkha' lding lto 'phye mi'am ci// klu dang lus sul po rnams ni// phyi ltar btags shing chags pa yin// rgyal po bdud dang gshin rje klu// gnod sbyin srin po ma mo btsan// de bzhin nang du btags shing chags// ma sangs ging dang dgra lha dang// rmu bdud mu stegs mkha' 'gro dang// 'gong po the brang zhes bya ba// gsang bar btags shing chags pa yin// nang gi rnam shes kun gzhi dang// yid dang yid kyi rnam shes las// dbang po lnga yi dwangs mar bcas// gsang ba'i lam la rgyu ba dag/ yang gsang gter du sbas pa'o/ khyad par sbas pa zhes bya ba// 'dod chags zhe sdang gti mug dang// nga rgyal phrag dog ser sna dang/khro dang gnod pa'i sems rnams ni// kun gyis mi mthong rab tu sbas// drag rtsal lha dang 'thur med bdud// gshin rje gshor dang rgyal po dregs// gnod sbyin shan pa srog gcod srin// gdug pa klu dang glen pa gza'// rang rang drag po'i sngags su 'gyur// las kyi khyad par byed pa ni// smyo 'bogs brgyal nad snying rlung dang// mdze shu rims nad yams nad dang// pho log glang thabs gzer ba dang// mtshon 'khrug gdug dang rtsod pa dang// gri dang gnam bab rang gshed dang// de la sogs pa'i drag shul spyod// rang gi las kyi khyad par kun// myur du spyod pa zhes bya'o// dpa' ba dang ni mi sdug dang// phrin skyel snying 'byin rgyal po'i las// dregs chen spyi dang dpung bsdebs te// glo bur srog 'bebs bdud kyi las// las kyi 'khrul 'khor dmigs bsal nas// klad 'khor myos byed gshin rje'i las// thog dang ser ba skyin thang las// ri rab bsnyil nus gza' yi las// rgya mtsho'i dbyings nas klong brtol nas// mdze nad gag gtor klu yi las// grir 'thibs rma khrag btsan gyi las// za 'drang za 'dud 'dzin byed cing// rmongs shing rgud byed gnod sbyin las// glo bur srog gcod drag shul ni// srin po'i las su bsngags pa yin// rims nad yams nad gzer nad dang/ khrag 'khrug rmod pa ma mo'i las// de dag gnod pa'i las yin te// phan byed de las bzlog par 'gyur// btags shing chags pas dbye ba ni// lha lam dgra lha rgyal po ging// bdud las rmu bdud mu stegs dang// rU tra rnams su btags shing chags// ma mo las ni mkha' 'gro dang// lha mo srin mo mon mo dang// bal mo klu mor btags shing chags// btsan las yab rje yam shud dang// ge gos ze brang rnams su btags// gza' la rog ti khyab 'jug dang// byi tri pa tra la sogs brgyad// gnod sbyin las ni mon pa dang// 'gong po ya bdud the 'gong rnams// srin po las ni drag byed kun// gshin rje las ni yi dwags tshogs// shin tu btags shing chags pa ste// rnam grangs bsdus pas phye ba'o// rgyas par phye ba 'di ltar bshad// lha las dregs pa'i lha chen brgyad// klu las gdug pa'i klu chen brgyad// gza' las gza' brgyad de bzhin te// gshin rje las kyang phyogs bsrung dang// ma mo las kyang ma bdun dang// srid pa'i gtso dang brgyad yin no// gnod sbyin nor 'dzin sde dpon brgyad// srin po brgyad las srin po yin// bdud las rje bdun gtso dang brgyad// 'di dag rang rigs yon tan dang// rgyud mtha' rdo rje 'dzin gyis ni// tha dad so sor bshad de bzhin// gdul bya'i rigs dang 'dul byed kyi// ston pa'ang de bzhin shes par byos// 'di dag nang gi bskyed tshul yang// ma mo kun gzhi'i rnam shes las// gshin rje yid kyi rnam shes te// bdud ni nyon mongs can gyi yid// mig gi rnam shes lha yin no// rna ba'i rnam shes srin por snang// sna yi rnam shes bdud du ste// lce yi rnam shes gnod sbyin yin// lus kyi rnam shes btsan dang gza'// dran rtog gzugs sgra dri ro reg/ byed pa'i las rnams de yi 'khor// phan gnod nus pa lha yin te// mi gtong 'bebs pa bdud ces bya// gshin rje yi dwags gshin gyi rje// gdug cing blun pas klu zhes bya// gnad du phog cing mi 'chor bas// gza' zhes bya bar grags pa yin// rten bskyed gzhir gyur ma mo ste// gnod pa ster byed gnod sbyin no// yan lag phyogs su dbye ba yang// gdug rtsub che bas lha ma yin// gang du'ang 'byung bas 'byung po ste// lha min kun sprul mi'am ci// yid kyis dri snom dri za dang// stobs ldan khro gtum srin po yin// mkha' la spyod pas mkha' 'gro ste// zas yid btags pas yi dwags yin// kun gyis bkur bas rgyal po yin// gzhan gyis bstod pas btsan yin no// lta spyod log pa mu stegs yin// dgra las rgyal gyur dgra lha ste// bcos par mi nus rmu zhes bya// mthu stobs rmad byung ma sangs ste// gtum zhing stobs kyi dgong po yin// ngan g.yo'i sgyu ldan the brang ngo// gzhan yang rnam grangs bsam mi khyab// gzhan yang sprul pa yang sprul dang// sum sprul la sogs bsam mi khyab// gtso 'khor bka' nyan las byed kyi// sde brgyad dag tu dbye bar bya// gnas dang rten pa'i khyad par yang// g.ya' ri gangs ri khang pa brtsegs/ khang bzang nyams dga' lha bsgrub ste// ri brag brag nag rab tu khros// byang phyogs mngon par bdun bsgrub bo// rgya mtsho mtsho dang rdzing dang ni// ne seng rgyas par klu bsgrub gnas// sum brtsegs brag nas phyogs ma nges// lho gzhol mkha' chen gshin rje bsgrub// ris 'dus rtse dang chu 'dus mdo// lung pa che 'phro gza' bsgrub gnas// nags chen dur khrod ma mo ste// gling rgyas ri ljongs gnod sbyin gnas// gtsug lag khang chen gsar dang rnying// lha yi khyad par phyogs gzhan bsgrub// ri thang mtshams dang khang mtho rtser// phyogs mthun bye brag sngar bshad zad yang bzhin// brag dmar khros rtsar btsan rnams bsgrub// de dag la sogs gnas gzhan yang// rnal 'byor rig pas legs par brtag/ snang yul phyi yi bsgrub pa'i rdzas// rta dre'u ra lug bya dang khyi// bya rgod rgyal mtshan mtshams par yang gcan gzan gzugs// shing bzangs lo 'bras ldan pa rnams// lha yi rgyal po bye brag mnyes// tsa ra khyi dang 'dab chags rta// nag po'i chas zhugs bdud mnyes 'gyur// shel smug gro mo sman sna tshogs// dkar mngar blo bcud klu yin te// srog chags mo rigs nag chags dang// ba dan pheg rdob dung dang rnga// gdugs dang rgyal mtshan phreng ba dag/ ma mo yum rnams mnyes pa'i rdzas// rig bcas mda' mdung ba dan dmar// rgyal mtshan bzhon pa'i ri btsan rten// thod mkhar khram shing ba lang sna// dur khrod dkyil 'khor gshin rje la// ra nag mig dmar sha khrag sna// sbrul lpags mda' gzhu gza' rnams kyi'o// rin chen ga'u gzhon pa sngo// dkor cha sna tshogs gnod sbyin rten// mtshon cha sha khrag so ma dang// dur khrod longs spyod srin po dngos// 'dab chags ru mtshon rta dmar dang// mtshon cha drag po ri btsan rten// de la sogs pa dregs pa can// spyi dang khyad par bye brag gis// gang la shis shing bsngags pa dag/ brtul zhugs can gyis brten par bya// rin chen 'bru sna bcud kyis lha// so ba khre 'bras 'bru nag bdud// klu ni rtsi bcud sman gyis rten// gnod sbyin rin chen chu gtsang ste// gza' ni sha khrag rnying pas rten// de nyid sna tshogs mo rigs te// srin po'ang de nyid so mas mi yang/so// gri btsan bya btsan gyis rol sha/ gshin rje keng rus chu glang sha/ 'di dag mchod pa'i rdzas su bsngags// bsgrub pa'i thabs kyi khyad par las// dmigs pa'i gnas dang mthun pa'i rdzas// so sos mchod cing bsten par sbyar// 'jig rten pa dang tshul mthun pas// 'jig rten mchod rten zhes su bshad//// drag po'i sngags kyi bsgrub pa yang// phyi nang gsang ba gnad dang bcas// gtso chen sku gsung thugs rdo rje// byang chub sems kyis bsgrub bya ba// thun mong khyad par bsgrub pa'i phyir// rang sngags ming dang smos par bcas// bsdu dang spro zhing las la sbyar// rnam pa sbyor ba rtags rnams kyis// mngon du phyung ba de nyid dang// sgrogs shing dbab pa rten sbyong ba'i// brtul zhugs ting nge 'dzin dag ni// stobs dang mi 'jigs rig pa yis// don kun bsgrub pa de shes bya// 'jig rten 'jig rten 'das pa'i rigs// gang la gang gis de ngo bo// gnyis med rig pa 'dzin pa'i thugs// rnam 'phrul nges pa'i blo stobs ni// 'khor ba dang ni mya ngan 'das// dbyer med dgongs pa'i khyad par che// bsrung bya sdom pa'i bye brag kyang// dregs chen lha yi bye brag la// rten du rung ba mi brnyas shing// lus kyi longs spyod gzhom mi bya// rgyu dang mi rgyu'i nag po'i phyogs// mi bskrad mi brlag bdud la bsdem// gshin rje'i rigs 'khyal ma mo brnyes// klu lnga sha khrag sgog btsong bsrung// mkhon yugs mi gtsang mo rgyud 'khrugs// phra men rdzas nag gnod sbyin te// byams sems phan spangs srin po la'o// gdug byed mi brnyas btsan la'o// cho 'phrul nus pa mi bzlog gza'// 'jig rten gnas pa drag po'i sngags// dmod pa'i tshul du sngags zlos na// shin tu dgos par bstan pa yang// bla snying gter dang gdab phur dang// bcing dang bsreg dang mnan dang sba// gnas dus thebs dang ldog pa dang// bsrung mtshams drod tshad rtags rigs rnams// gtso chen bsdus pa'i las yin no// lha bdud srin po gnod sbyin dang// rgyal po gshin rje mo rigs te// gza' klu la sogs sde brgyad tshogs// nyi rdo khro chu gri lcags dang// nor bu pha wang long bu'i rdo// mu men g.yu sbram bla snying rdo// shel mkhar chu shing phur pa dang// gri lcags gser gyi thur ma dang// gri mtshon byi thur rkang thur dang// zangs thur la sogs snying thur yin// tsher ma can dang chu shing dang// seng ldeng lcags dang mchog phur dang// dug shing bse dang gri lcags zangs// mthun pas rab phye snying phur bya// mi dang dud 'gro phra men dang// rin chen phra men rang snod bcas// zangs lcags gri yi thod pa dang// stag gzig byi la ne lai dang// hu lu rang grub snod rnams ni// so so'i bcing sdom bla snod yin// mdzes pa'i gzhi la rang sngags gri// thur ma rdo dang bcas la dril// mthun pa'i rdzas dang snod du stsal// snying phur rnams la 'bru gsum dgod// so sor rigs pa'i srad bus bsdam// sgrub pa po yi lus la gdags// sde brgyad gnad kyi rtsa ba yin// dben gnas gtsug lag khang rnying 'og/ ngam grog phug dang phug stong dang// brag nag brag dmar khros pa dang// gangs ri'i mtshams dang shing gcig drung// ri yi rdzong dang 'dus rtse dang// mtshe'u lu ma lcags lcig dang// lung pa'i mdo dang chu mig nag/ dur khrod sa yi srubs chen dang// mi shes gdug pa'i gnas rnams su// so so'i las gnyer gtad par bya// dus bzhi'i zla ba dang po dang// de yi tshes grangs brgyad gsum la// skya rengs nyi ma 'char ka la// lha dang rgyal pos las byed 'gyur// klu ni bdun gsum nam langs nas// nub dang gnyis kyi zer la'o// ma mo gnyis gsum nyin mtshan gung// btsan ni 'bring bzhi'i drug gsum la// nang nub nyi ma dmar thag la'o// gnod sbyin dgu gsum srod dang 'jing// gsum bzhi nyi shu dgu la'o// srod kyi 'jing ni bdud kyi dus// gshin rje bcu gsum nyi shu lnga// de dag la sogs 'gro zhing rgyu// sde brgyad dregs pa'i las rnams kun// phyi nang gsang ba'i dbang thob cing// spyi dang khyad par sdom pa'i mchog/mtshungs ldan ye shes pa rnams grub// dus grangs mtshan ma'i bsnyen pa rdzogs// rdo rje 'dzin pa'i man ngag ldan// phyi nang gsang ba'i dam rdzas tshogs// bsrung sdom ma nyams tshad dang ldan// brtson 'grus phun sum tshogs ldan pas// 'di dag 'grub cing thebs pa'i rgyu// de nas bzlog tshul de nyid do// dam bca' khas blangs dus las 'das// sdom rim bslab pa'i tshul mi ldan// bsgrub bya sgrub byed the tshom bcas// yon tan ma rdzogs las la 'jug/ dmigs dang sbyor ba go rim nor// ngan sems gdug pa'i bsam pa skyes// pha rol sgrol ba drag po rnams// bzlog rgyu rkyen dang bcas par 'gyur// dmigs pa'i mtshan ma ma rdzogs dang// rten med ting 'dzin ma gsal dang// rang rig phur pa ma thebs pa// mtshan ma bzhi gcig la gzhan sdom yang/ la gzhan don rnams// 'byams te don med skyon du 'gyur// phyi nang gsang ba'i dbang rdzogs shing// bsnyen sgrub ting 'dzin nus pa ldan// lhag sems bzang zhing las 'jug brtul// dmag dpung che zhing dmigs pa drag/ gtsang zhing brtul zhugs che bas thebs// gang gis gang la dmigs pa yi// sku gsung thugs kyi mtshan ma mthong// kun gyis bstod cing dbang bskur dang// phyag dang bsnyen bkur gus pa byed// spro zhing rlom pa'i dpa' gdeng ldan// 'di ni phrin las nus pa'i rtags// mkhan po slob dpon rgyal po dang// rje dpon la sogs gong mar byung// nye yang dbang du ma 'dus rtags// spun grogs pha tshan mnyam gnyis dag/ mnyes na las byed rung ba'i rtags// bran 'bang khol g.yog bu tshar byung// bskol zhing rbad pas mchog pa'i rtags// gar yang rung ste bka' nyan cing// las byed tshul du byung ba ni// drag pa'i las sbyor bya ba yin// dmag 'dren sgyogs 'cha' las la 'dzud// dar 'phyar dung 'bud rol mo chas// dbu che dag gis grogs byed na// rbad pa las la tshud pa'i rtags// gsod cing ling jag 'gyed pa dang// shing gcod brag gshog mkhar bsgyel dang// mes bsres chus 'khrungs sa gnon dang// rlung gis khyer dang rang bzhin zhig/ gsad pa'i las kyi don 'grub rtags// sha za khrag 'thung ston mo za// bshad dang longs spyod byed la sogs// don grub gsad las zin pa'i rtags// rtog pa thugs rjes bsgral ba dang// zhe sdang nus pas bsgral ba dang// man ngag thabs kyis bsgral ba las// bye brag thun mong khyad par dag/ so so'i mthun tshogs man ngag bzhin// bsnyen sgrub rbad gsad las sbyor la// sbyor dngos rjes kyi bya ba dag/ thog ma bar dang mtha' ma'i bar// rtsa ba dang ni yan lag gi// 'brel zhing tshang la brtson pas spyad// las mjug mnan zhing gtad pa las// bsnyen sgrub gnas lugs skye gnas dang// las khung rang gnas gnad 'grol dang// spyi dang phyi yi skya gcod bya// tshad dang khugs dang bstim dang spyad// kun la man ngag rig ldan bya// gnyen po dngos gzhi bsgrub pa dang// dril dang dbye dang gnas skrod dang// dril dang 'phang ba rgud pa dang// 'thibs dang gzer dang mtha' la gtad// gzhug dang bskyil dang rjes gcad pas// dbab pa gnas su brdeg par bya// chos nyid bden pa'i blta ba dang// ting 'dzin dmigs gsal bsgom pa dang// dpa' bo brtul zhugs spyod pa dang// rab gnad sngags kyi drag shul dang// 'thad rigs bden pa'i tshig stobs dang// rang gshed thabs kyi yon tan dang// bsod nams tshogs kyi dpung bskyed dang// gnyen po stobs la sogs pas bzlog/ bsrung bar bya ba'ang de bzhin no// lus gnas dang ni bdag po gnyer// dus rdzas thabs dang rjes gcad dang// bsrung dang nus pa rdzogs pas mnan// thabs shing rdzas dang sngags dus lha// ting 'dzin ldan pas bsreg par bya// bsham dang bsgrub dang bshe ba dang// phyogs dus ma nor lam phye bas// dpang gzugs mkhyen gsol ldan pas 'phang// gzhi gnas sngo ba'i gsar zhing bsgrub// bsnyen pa bskyar dang drag sngags dkrug/ rdzas kyis bdug dang shi sar bstan// nyams pa gso zhing bskang ba dang// ngag bkrol lha phye bsnyen sgrub dang// las sbyor lan gsum bskyar bas spogs// mdor na ma grub bar du ni// brnag cing bsgrub pa man ngag gnad// rang bzhin 'khor 'das chos rnams kun// rang gzhan snang ba rtog pa ste// sde brgyad la sogs lha dang srin// ma lus rang gi sems snang bas// gzhan nas grub pa yod ma myong// sems kyang rtog pa tsam nyid las// dbyibs dang kha dog dngos po dang// mtshan ma'i rtsa ba yongs ma grub// rang gi ngo bo nyid kyis stong// de nyid kyang ni des stong ste// mi stong cung zad yod ma yin// stong pa chen po chos kyi sku// spros pa'i mtha' 'dzin rgyu nas spang// sangs rgyas rnams kyi thugs snying po// 'di nyid ngang la gang gnas pa// 'jig rten dregs pa dbang du bsgyur// rtsa ba 'di yin yan lag gzhan// kun gyis 'di la blta bya zhing// bsgom dang rab tu spyad par bya// gtso bor sangs rgyas bstan la dmigs// rang sems dpal dang gdeng ldan pas// ting nge 'dzin gyi grogs su spyad// dam tshig sdom pa bsrung sbyor ba// mchog dang thun mong dngos grub gzhi// ting 'dzin 'phro 'du gsal ba yis// mngon sum 'dod pa bzhin du sgrub// man ngag the tshom spyad pa yis// 'jig rten rtog pa ngan pa ldog/ lus sems bde ba 'khor g.yog pas// rang bzhin rten 'brel rdzas kyis 'grub// bcol bskul dam bdar rbad pa'i grogs// bla srog gis ni dbang med spro// bla rtags kyis ni dus mi 'gyur// bsgrub 'phel dben gnas yo byad yin// yon tan yin te skyon rnams kyang// bsnyen sgrub tshul mthar ma phyin pas// dregs pa rang la ldog par 'gyur// gsang sbyor mi nus dus las g.yel// rten rdzas med la rten mi 'du// pha rol mtshan rtags ma shes pas// dus min phyal bar 'gyur ba yin// gnad la ma phebs las mi byed// dka' ba ma spyad the tshom skyes// gzhan la bsgrags pas 'khor la gnod// bsrung sdom mi ldan don med spyod// bsam ngan gdug pas ngan 'gror 'khrid// nyon mongs zhe sdang drag po yis// gnyen pos ma bsgyur rU trar skyes// las rim 'chol pas rang la ldog/ rkyang pa ya bral sgrub pa yis// gnod pa bskyed cing las mi 'grub// mkhas par ma sbyangs dmus long 'gro// sngags bsdeb med pas yid spyod de// sngar myong med na the tshom yin// de bas grub rtags ldog rtags dang// rang gnod gzhan gnod rtags rnams kun// ma nor ma 'khrul gtan la dbab// rlung 'tshub chu chen gshin rje rbad// mi dang dud 'gro nag po'i tshogs// las kyi rU tra byung dang 'gro// mo tshogs ma mo'i rtags yin te// thog ser cho 'phrul gnod sbyin no// mgo tug mi mang gnod sbyin te// mtsho rdzing nya sbrul sba lcong klu// bya khyi nag tshogs bdud 'gong tshogs// pho rigs dmag dpon srog bdag gying// gtsug lag khang rnying sde dang bcas// rgyal po dang ni dkor bdag rtags// mi rta zhub gon rang 'phyar ba// lha btsan byung zhing 'gro ba'i rtags// mtshon cha sgyogs dang 'ur rdo sogs// las kyi srin po mon pa'i brtags// ri dwags gcan gzan las gshin rje// kun tshogs pa ni kun gyi rtags/'jug yang// mkhas pas dbye bsal rbad sogs bya// ngan pa'i rtags byung rang rang gi/ gnyen po'i stobs kyis myur du gzhil// gshin rje gshed kyi 'khrul 'khor spyad// ma mos thun zor las kun spyad// gza' lcam ma sangs chu rom 'bab// klu la las 'jug gtad par bya// gnod sbyin gyis ni yo byad spel// lha yi 'khor gyis rtsal drag ste// rgyal pos glo bur smyo 'bog gtong// ging zhes bya ba myur mgyogs te// dgra lhar bcas pas cho 'phrul gtong// gshin rje mon pas bla srog brku// ging phran bstod gnod kyang pas rdzas mi 'byor// de dag la sogs lha srin gyi// bye brag bsam gyis mi khyab pas// las gnyer lha tshogs so sor bsgrub// rang gi rigs dang las kyi gnyen// ma shis glo bur sbyar mi bya// dngos grub kun 'byung log par 'gyur// de bas rdo rje 'dzin gyi bka'// ma nor ma 'khrul legs spyad de// brtson 'grus drag pos bsgrub par bya// phyi ltar 'jig rten dregs pa can// nang du sems kyi cho 'phrul yin// gsang spyod chos sku'i yon tan gyis// phrin las sna tshogs grub pa'o// snang ba'i 'dzin pa bde gshegs sku// sgra yi rnam rtog de yi gsung// dran rig yid ni dam pa'i thugs// tha dad dbye ba yod ma yin// zhes pa'i tshig gis bsnyad pa ni// 'jig rten gnas pa'i dregs pa can// sgrub pa kha skong tshul bkod pa'o// de bas ma 'ongs phyi ma'i dus// lnga brgya pa yi snyigs ma la// bstan pa mdo sde spyod pa'i dus// u rgyan yul du skyes pa'i sras// lag na rdo rje 'byung gnas ni// tshig dang yi ger ston byed cing// byin gyis rlabs kyis spyod byed de// de nas rim pa'i tshul ldan pas// dge slong rdo rje 'dzin pa che// shAkya seng ge zhes bya bas// ma lus khong du chud byas te// sham b+ha la yi yul dag tu// rang byung gtsug lag khang chen du// 'jam dpal 'khor dang bcas la ston// de dag rang rig so so yis// mos pa'i rnam grangs spyod pa yis// 'bras bu thun mong mchog tu 'dzin// spyi 'dus rgyal po rgyud kyi mchog/ lung dang rtsa ba yan lag bcas// 'jam dbyangs skyes mtha'i rig pa 'dzin// byang chub sems dpa' gzhan don spyod// sa lam rim pa rdzogs la snang// de nas sprul pa bye phrag brgya// 'dzam bu gling rnams bye brag brgyar// las dang bsam pa byed pa dang/ khams dang rigs mthun kho na ste// tshul gcig dag gi sbyor ba yis// yan lag byin gyis brlab pa dag/ mthun 'jug thabs kyis 'gro don spyod// brgyud pa'i dbang dang drod dag gis// 'di don rtogs shing spyod pa yin// de yid dus na rig pa 'dzin// skyes bu chen po'i gzugs can rnams// phyi rol pa yi chos mthun pa// rtog ge ngan pa'i tshig smra bas// 'di la phyir rgol rtsod byed de// nga la lha sbyin rgol dang mtshungs// glags rnyed gyur pa ma yin no// mos spyod don gyi dbang dag gis// rnam par rtog pa gnyis snang la// tha snyad yi ge so sor ston// don mthar thug la skyon dang bral/kha cig rnam rtog ngan pas bslus// log pa'i snang bas bsnyad gyur kyang// nyes pa'i lam la dbang ba'i dus// dwangs shing gnong 'gyod yid dag gis// sems dang ldan pas 'jug byed pa// dka' thub mthar phyin la sogs 'byung// de lta bas na rgyud chen 'di// dus gsum sangs rgyas kyis bshad pas// bsam gyis mi khyab bsdur mi nus// rig pa 'dzin pa'i byang chub sems// rnal 'byor rnams kyi don bsgrub phyir// bsdus pa'i tshul gyis bstan par bya// zhes pa'i tshig gis bsnyad pa ni// 'jig rten gnas pa'i dregs pa can// sgrub pa kha skong tshul du bshad// ces bka' stsal to// de nas de bzhin gshegs pa thams cad kyis byin gyis rlabs kyi cho 'phrul rnam par bkod pa/rgya chen po bsam gyis mi khyab pa de dag nyid kyi sku la bsdus te/ snod bcud kyi sems can thams cad kyi snang bar nus pa'i nang gi dbang po'i bdag nyid can du bzhag par gyur to// rnam pa dang rang bzhin du grags pa'i dngos po thams cad sku gsung thugs kyi yon tan la gnas par bya'o// dkyil 'khor thams cad kyi bdag nyid bcom ldan 'das rnam par snang mdzad he ru ka chen po thugs kyi rig pa chen po'i yon tan dpag tu med pa'i don sngar bshad pa las/ma tshang ba kha skong ba'i le'u rnam par bshad pa'o//// bde bar gshegs pa thams cad 'dus pa'i spyi rgyud las ma tshang ba kha skong ba'i rgyud rdzogs so//// rgya gar gyi mkhan po slob dpon chen po pad+ma 'byung gnas dang/ bod kyi lo tsA bdag bai ro tsa nas bsgyur cing zhus te gtan la phab pa'o/// rgyal po'i bla dpe'o// gter rgya/ sbas rgya/ gtad rgya'o////

CLOSE WINDOW