CLOSE WINDOW

Gpb017.008
བོད་ཡིག

u rgyan gsang ba brda'i skad du/ rgya gar skad du/ g+hu ru d+he wa DAk+ki ni sarba gu Na tan+t+ra shA sa na yaSh+ti nA ma/ bod skad du/ bla ma yi dam mkha' 'gro thams cad kyi yon tan gyi rgyud bstan pa'i srog shing zhes bya ba/dkyil 'khor thams cad kyi mnga' bdag bcom ldan 'das dpal he ru ka gzi brjid mtha' yas pa'i dbang phyug gsung gi pad+ma la phyag 'tshal lo// bde gshegs rgyal ba thams cad kyi// sku dang gsung dang thugs rdo rje// mi 'gyur sprul pa'i 'khor tshogs kyis// rab tu bskor ba'i dkyil 'khor gtso// dpag med rgyal po snang mtha' yas// ston pa gzi brjid dpal 'bar ba// gtso 'khor mnyam par bzhugs pa'i dus// yang dag rnam par bkra ba yi// pho brang lhun por brtsegs pa'i gnas// rab bzang brtsegs pa'i khang bzangs su// gdul bya rnam pa du ma la// 'dul byed thabs kyi yan lag mchog/sna tshogs las kyi yan lag tu// thun mong gang dang gang dgos rnams// ljags kyi dbang po la bkram nas// brtse bar dgongs nas gsung du gsol// de ltar gdung bas zhus pa yi// ston pas dgongs nas bka' stsal pa// zhi dang rgyas pa la sogs pa'i// sna tshogs thun mong las kyi rigs// phra mo'i sbyor ba rim gyis gsungs// bla ma yi dam mkha' 'gro thams cad kyi yon tan gyi rgyud bstan pa'i srog shing las/gleng gzhi'i le'u ste dang po'o// a+thi+-i/// bla med byang chub bsgrub pa la// lam gyi mthun rkyen bsgrub bya'i phyir// thun mong thabs kyi las rnams kun// stobs dang ldan pa'i skyes bus brtsam// 'bras bu sku gsum byed pa'i lam// mthun rkyen thabs kyi yan lag tu// sna tshogs las kyi sbyor ba brtsam// de don 'grub gang 'bras bu gsum// gdon mi za bar smin par 'gyur// de ltar las kyi dang po ni// byin brlabs dngos grub phrin las rnams// 'byung phyir rtsa ba'i bsgrub pa bya// dad pa mos gus shugs byung la// bla ma rgyan dang cha lugs can// sku gsum ngo bo mtshan dpes spras// gnas lnga la sogs yan lag mthil// rtse gcig ma yengs mdung tshugs bsgom// bdag lus sgyu ma'i grong khyer 'di// yi dam zhi dang khro bo'i tshul// gang 'dod dpa' brjid ldan par bskyed// rtsa gnas ba spu'i grong khyer du// rigs kyi dpa' bo mkha' 'gro'i tshogs// grangs med rtsis las 'das pa yang// rang rang rgyan dang cha lugs bcas// rigs kyi mdog can phyag mtshan 'dzin// sprul dang yang sprul bcas pa yang// gzhan yang rang nyid dad pa'i lha// sprul pa la sogs dpag med rnams// snang la rang bzhin ma grub par// gsal la sgrib g.yogs med par bskyed// oM AHhUM hrIH/ badzra g+hu ru d+he wa DAk+ki ni sarba sid+d+hi pha la hUM a/sgra zur ma nyams dag par bzlas// mi skyo'i bar du phyi ltar te// snyan pa'i dbyangs kyis 'dzab tu sgrogs// de nas ngal dub skyo ba'i tshe// nang ltar gsang sngags shub bur bzlas// dmigs pa'i 'khrul 'khor rab tu 'bad// de dag klong du gyur pa dang// gsang ba skye med rdo rje yi// bzlas pa rlung gi 'khor lo bskor// bla ma yi dam mkha' 'gro la// dngos grub blang ba'i dmigs pa yang// dus gsum la sogs skabs su bya// des ni phyi nang gsang ba'i rtags// rab 'bring tha ma rim pa bzhin// dngos nyams rmi lam nyid du ste// rab 'bring tha ma 'di ltar 'byung// sku ston gsung sgrogs rnam 'gyur ston// de la sprul pa du ma'o// de dus rang sems rang bab klod// dgag bsgrub la sogs yid gnyis spang// 'di ni don chen dam pa ste// phyi nang gsang ba'i mchod gtor 'bul// rdzas dang dmigs pa la sogs pa'i// thabs kyi yan lag mang po yang// rig 'dzin mkhas pas rlung sems la// dbang 'byor thob pa rnams kyis bya// de nas zhi rgyas dbang drag sogs// las dang las kyi sbyor ba rnams// rang 'dod bral zhing skyo dub med// snying rje byang chub sems ldan pas// rang dbang thob nas rim gyis brtsam// dpa' shugs rang dang ldan par bya// bla ma yi dam mkha' 'gro thams cad kyi yon tan gyi rgyud bstan pa'i srog shing las/rtsa ba'i bsgrub pa bstan pa'i le'u ste gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rin chen tshe ni sring ba'i thabs// tho rangs mi tshig ma 'dres dus// bdag nyid snang ba mtha' yas sku// dmar gsal mdangs ldan mnyam gzhag mdzes// tshe bum bcud ldan rgyan gyis spras// longs sku'i cha lugs ldan pas bsnams// dus gsum rgyal ba bkug nas ni// bdag nyid tshe bum bcas la bstim// oM badzra dz+nyA na A yu She tshe b+h+ruM swA hA/ de ltar brgya stong la sogs bzlas// rin chen tshe yi dngos grub blang// pham gdal dmigs med ngang la bzhag/ tshe 'phel dngos grub 'byung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ tshe sring ba'i le'u ste gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// bsod nams rgyas par byed pa'i thabs// zla rgyas bco lnga'i dus kyi tshe// bzhi mnyam dar ser dri med la// bdag lus rin chen gser gyis bris// yang snying rtsa ba'i sngags kyi mthar// puN+ya dz+nyA na puSh+tiM ku ru oM swA hA/ khri 'bum la sogs ci 'grub bzlas// sna tshogs dar dang rin chen bcas// mi yis ma mthong lus la 'chang// bsod nams mnga' thang rab rgyas nas// 'gro ba'i kha lo yid bzhin bsgyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/bsod nams rgyas par byed pa'i thabs bstan pa'i le'u ste bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// longs spyod 'phel bar byed pa'i thabs// skar ma rgyal la brdungs pa yi// gser gyi byang bu mig dgu pa// g.yu yi phra can dar dmar dril// mi lag mi 'grims lus la 'chang// bde gshegs rigs lnga la sogs pa'i// bla ma yi dam mkha' 'gro rnams// yang yang bkug nas byang bur bstim// rtsa sngags ba su'i gsham can bzlas// dpal 'byor longs spyod 'phel bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/longs spyod 'phel ba'i thabs bstan pa'i le'u ste lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// 'gro ba 'du bar byed pa'i thabs// zangs kyi byang bu sor bzhi la// mtshal gyis snang ba mtha' yas sku// longs spyod rdzogs pa'i cha lugs bri// zhwa 'am thod kyi nang du gzhug/ snang ba dbang sdud sngags bzlas pas// dga' mgu ldan pas 'gro ba 'du// bsam 'dun chos la gnas par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/'gro ba dbang du bsdu ba'i thabs bstan pa'i le'u ste drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// dpal dang gzi brjid rgyas pa'i thabs// thabs shes byang sems dkar dmar la// rin chen mtshal gyis kha tshar btags// sman mchog rgyal po gser mdog can// sbyor ba bsres pa'i ril bu ni// ri dwags bra ba'i ril ma tsam// brgya dang rtsa brgyad byas pa la// rtsa sngags 'bum gyis ngar blud pas// nang ma brgya dang rtsa brgyad du// mi lag ma brgyud sto stong gtang// dkyil 'khor lha gsal dpa' bshugs bskyed// dpal dang gzi brjid rgyas par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dpal dang gzi brjid rgyas pa'i thabs kyi le'u ste bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// chos kyi snyan grags thob pa'i thabs// rang lus gser gyi mchod rten bsgom// ngag ni A li kA lir bsgom// skye med sems kyi gnas lugs ni// smra bsam brjod bral ngag la bzhag/ a A/ i I/ u U/ r-i r-I/ l-i l-I/ e A+ai/ o A+au/ aM AH ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ khri 'bum bar du ngag bcad bzlas// chos kyi snyan grags 'thob par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/chos kyi snyan grags thob pa'i thabs kyi le'u ste brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// 'gro ba byams par byed pa'i thabs// nye ring med pa'i sems can la// byams dang snying rje la sogs pa// tshad med bzhi bsgom skyabs 'og gzhug/rang nyid mtsho skyes rdo rjer bsgom// snying po sngags kyi 'dzab dbyangs bzlas// rang sems g.yo med ri rgyal ltar// g.yo 'gul med pa'i ngang la bzhag/ 'dod zhen la sogs dngos 'dzin spang// 'byor tshogs longs spyod tshogs su gtad// rlom sems zhe 'dod re dogs dor// 'gro ba tha dag byams shing 'du// yid 'ong bkur sti byed par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/'gro ba thams cad kyi byams par byed pa'i thabs kyi le'u ste dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mthu rtsal che bar byed pa'i thabs// rang nyid stobs kyi rgyal por bsgom// rtsa sngags ma hA ba la'i gsham// mang du bzlas shing lus rtsal sbyang// glang chen rkang dmar lus la byugs// rtag tu me dang nyi ma spang// lus la gcan gzan shun lpags gon// lus stobs rab tu rgyas par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/stobs dang mthu rtsal cher 'phel bar byed pa'i thabs bstan pa'i le'u ste bcu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// nad gdon sdig sgrib la sogs pa// mi mthun phyogs rnams zhi ba'i thabs// zhi ba'i sbyin sreg brtsam par bya// glang ma bal dkar la sogs pa// zhi ba'i shing rnams zlum por brtsig/bdag nyid lha yi nga rgyal gyis// me spar thab tu me lha dang// mos pa'i lha bskyed dkar por gsal// til sogs 'bru sna mang po dang// dkar gsum dag gi bsreg rdzas dbul// rtsa sngags zhi ba'i sham bu can// mang du bzlas la ci 'dod kyi// zhi ba'i phrin las gzhol bar bya// ci 'byor mchod gtor la sogs kyis// lha rnams dgyes shing tshim par bskang// mi mthun phyogs rnams zhi bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ zhi ba'i sbyin sreg gi le'u ste bcu gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// tshe dpal longs spyod la sogs pa// yon tan rgyas par byed pa'i thabs// rgyas pa'i sbyin sreg dag la 'bad// 'bras bu can gyi shing rnams la// de la bsreg thabs gru bzhi brtsig/ rang nyid rgyas pa'i lha bskyed de// me thab me lha sogs pa yi// mos pa'i lha rnams ser por bskyed// gser sogs rin chen la sogs pa// longs spyod 'byor pa'i rdzas rnams dbul// rtsa sngags rgyas pa'i sham bu can// mang bzlas 'dod don gsol ba gdab// rgyas pa'i phrin las gzhol bar bya// gzhan yang mchod bstod gang 'grub kyi// las la 'bad de thugs dam bskang// des ni rgyas pa'i las rnams grub// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rgyas pa'i sbyin sreg gi le'u ste bcu gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// lha 'dre mi gsum la sogs pa// snang srid dbang du sdud pa'i thabs// 'di ltar dbang gi sbyin sreg bya// tsan+dan mdzo mo shing sogs kyis// dbang dang zla gam dag tu brtsig/ rang nyid dbang gi nga rgyal gyis// thab tu lha rnams dmar por bskyed// me tog dmar po sna tshogs dang// mngar gsum la sogs bza' btung dbul// rtsa sngags dbang gi sham bu can// ci 'grub bzlas shing 'gugs pa yi// gang 'dod dmigs pa drag tu gzir// dbang du sdud pa'i phrin las gzhol// dbang rdzas dbang gi mchod sogs rnams// gang 'os dbul ba'i las rnams bya// gang dmigs dbang du 'du bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/dbang gi sbyin sreg gi le'u ste bcu gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gnod byed dgra bgegs bsgral ba'i las// drag po'i las kyi sbyin sreg ni// brnag cing gtum pa'i 'dun pas bya// gang la dmigs pa'i rU pa bri// steng du seng ldeng la sogs pa'i// drag po'i shing gis gru gsum brtsig/me spar khro bo'i nga rgyal gyis// thab tu drag po'i lha rnams kun// ljang gu la sogs mthing nag bskyed// dmigs bya'i rU pa zag rdzas dang// dug khrag sha chang la sogs dbul// rtsa sngags drag po'i sham can bzlas// bsgral zhing gzir ba'i las rnams bya// bsad cing brlag pa'i phrin las gzhol// dmigs bya gang yin thul bar 'gyur// gang yang las kyi kha skong rnams// rig rtsal ldan pas 'os par bya// bla ma yi dam mkha' 'gro thams cad kyi yon tan gyi rgyud bstan pa'i srog shing las/ drag po'i sbyin sreg gi le'u ste bcu bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// sbyin sreg rnams kyi bya ba la// zhi ba la ni byang sems kyis// mi mthun pa'i phyogs ngan pa thams cad shAn+tiM ku ru swA hA/ zhes pas zhi bar byed pa'i sngags// rdzas dang bcas pas brgya rtsa bzlas// rgyas pa la ni gzengs bstod de// tshe dpal longs spyod bsam 'dun thams cad puSh+tiM ku ru swA hA/ zhes pa rgyas par byed pa'i sngags// rdzas bcas brgya rtsa 'bul dang bcas// dbang la chags pa'i 'dun pa dang// 'gugs pa'i dmigs pas gzir nas kyang// snang srid lha 'dre mi gsum zas nor longs spyod thams cad ba shaM ku ru hring hring swA hA/ zhes pas brgya rtsa bzlas nas kyang// re re bzhin du bsreg rdzas 'bul// drag po la ni nga rgyal bskyed// drag cing rtsub pa'i shugs ldan pa'i// gnod byed dgra bgegs thams cad mA ra ya phaT/ ces pas gang dmigs ming nas brjod// thal mo brdab dang dmod bcol bya// dmigs pa drag tu gzir ba yis// gang dang gang gi las rnams 'grub// de sogs gang la gang rigs kyi// bya ba rig 'dzin sprul pas brtsam// bla ma yi dam mkha' 'gro thams cad kyi yon tan gyi rgyud bstan pa'i srog shing las/ las bzhi'i sbyin sreg gi kha skong gi le'u ste bco lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// rang gzhan bsrung bar byed pa la// rang nyid 'os pa'i lhar gsal ba'i// spyi bo la sogs gnas rnams su// hUM kar rnam rgyal dbyug sngon can// gshin rje mi g.yo rta mgrin dbang// 'dod rgyal bdud rtsi khams gsum rgyal// stobs po che ste khro bo bcu// rab tu khros pa'i chas ldan bskyed// gzhan srung gang yin snying gar bkod// rgyas gdab hUM bcu ngar dang ldan// rtsa sngags sham bur bzlas par bya// skabs su rang srog snying po'i mthar// ma ma rak+Sha gdags par bya// rdo rje me ri pad ma dang// sna tshogs las kyi mtshon cha yi// gur khang rab tu bskor bar bya// gnod byed gang gis mi tshugs bsrung// sra brtan rdo rje pha lam mo// bla ma yi dam mkha' 'gro thams cad kyi yon tan gyi rgyud bstan pa'i srog shing las/ srung ba'i le'u ste bcu drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// pha rol mi dang mi min gyi// byad zor rigs sngags bzlog pa'i thabs// gnam lcags 'bar ba las grub pa'i// 'khor lo rtsibs stong 'bar ba'i dbus// bdag nyid dbang chen 'bar bar bskyed// yongs dril rtsa ba'i sngags kyi mthar// gnod byed byad ma sarba mA ra ya bzlog byer/ye ke tsit+ta mA ra ya b+h+yo b+h+yo/ rbad rbad byad ma rang gshed rang la phob/ byad ma rang byad rang la bzlog nr-i mA ra ya byad ma dza dza/ zhes pa drag la myur bzlas pas// gnam lcags 'khor lo g.yon phyogs su// drag tu 'khor bas byad ma rnams// lha srung bcas pa phye mar gtong// rdul phran tsam yang med par bsam// dgongs kyi nyi ma zer dang sprad// des ni byad zor rigs sngags bzlog/bla ma yi dam mkha' 'gro thams cad kyi yon tan gyi rgyud bstan pa'i srog shing las/ bzlog pa'i le'u ste bcu bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// sdang ba'i dgra dang gnod pa'i bgegs// myur du gsad par byed pa'i las// brtul bzhugs ldan pas brtsam par bya// ro ras dug shog la sogs la// dmigs bya'i rU pa dug khrag gis// skye mched dod par bris pa la// nr-i las gang dmigs dgra bo bskyed// tri las gang dmigs 'dre bskyed cing// dmigs pas gnod byed bkug la bstim// dug khrag lcags phye til nag gi/ thun gyis brab cing drag sngags brjod// rang nyid dbang chen 'bar bar bskyed// oM ha ya g+h+rI wa hUM phaT/ dgra bgegs gnod byed mA ra ya/ srog dung tshal pa rbad/nr-i tri tsit+ta mA ra ya myog rbad dza dza/ srog la a mu ka hur thum mA ra ya rbad phaT dza/ zhes pa drag myur bzlas pa yis// dbang chen 'bar ba'i thugs ka nas// sprul pa dpag med 'phros pa yis// mtshon thogs dgra gtub brlag par bsam// thul rtags las grub ling ro bsreg/ dgra bgegs gang la bya ba thul// bla ma yi dam mkha' 'gro thams cad kyi yon tan gyi rgyud bstan pa'i srog shing las/gsod pa'i las kyi le'u ste bco brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// gnod byed dgra bgegs gnan pa'i thabs// mdze pho rabs chad thod pa ru// dmigs bya'i gzugs bri ming bcas gzhug/ rnam par shes pa bkug la bstim// lcags sgrog 'bar bas byad du gzhug/ drag po'i rdzas kyi thun brdeg cing// gnod byed che ge mo kA ya wA ka tsit+ta mA ra ya/ s+t+waM b+ha ya/ nA sha ya/ b+han d+ha ya/ nan nan/ oM laM hUM laM mA ra ya phaT/ ces pas drag tu bzlas nas kyang/ ro ras nag pos dril par bya// tshon skud sna lngas byad du gzhug/mchod rten rnying pa'i rmang du mnan// g.yo ba med par non par 'gyur// dus gza' drag po'i thebs dang sprad// bskal pa'i bar du ldang mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las/mnan pa'i le'u ste bcu dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// gnod byed skrod par byed pa'i thabs// rang nyid dbang chen 'bar ba yis// nga rgyal ldan pa'i mdun nyid du// yaM las rlung gi dkyil 'khor steng// dmigs bya gang yin spyi gzir bskyed// de la rnam shes bkug la bstim// gnod byed che ge mo ya me smug ga ta yaM yaM yaM phaT b+h+yo phaT b+h+yo/ zhes pa drag tu bzlas pa yis// rlung gi dkyil 'khor rab g.yos pas// dmigs bya rang dbang med par bskyod// 'jig rten gzhan du byer bar dmigs// de ltar las sbyor lan gsum gyis// gang la byas pa yul gzhan du// dbang med las kyis bskyod par byed// bla ma yi dam mkha' 'gro thams cad kyi yon tan gyi rgyud bstan pa'i srog shing las/bskrad pa'i las kyi le'u ste nyi shu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// gang zhig dbang du byed pa'i las// skye 'gro pho rnams 'gugs pa'i thabs// bdag nyid lha yi nga rgyal gyis// dmigs bya'i gzugs byas ming rus bcas// rang gi mal 'og dong du gzhug/zangs phye rma bya'i khrag gis brab// rnam par shes pa dgug bstim zhing// che ge mo nr-i aM ku sha wa sh+yaM hring hring/ zhes pa rtsa sngags sham bur gdags// zhag gsum bros bzhir ling+ga bton// sin+d+hu ra dang rgya skyegs dang// myos byed rang gi dri chu'i nang// spangs pa'i khu ba gang dmigs kyi// lus la gtor ram khong du btang// gang theb skyes pa dbang du 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/skyes pa 'gugs pa'i le'u ste nyer gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// skye 'gro mo rnams 'gugs pa'i thabs// bdag nyid dbang chen 'bar bar bskyed// mdun du dmigs bya'i rU pa ni// bag zan dag la bzos pa'i nang// gang dmigs ming rus bris la gzhug/zangs gzhong nang gzhug dgug bstim bya// che ge mo nr-i aM ku sha sarba hring hring/ dung dung bud med kyi yid kyi rnam par shes pa wa sh+yaM ku ru hUM/ zhes pa zhag gsum bzlas pa'i tshe// d+ha du ra dang yungs kar dang// gong mo'i khrag gis thun brab cing// rus pa rang gi dri chus spangs// zhig nas dmigs bya'i 'grim lam gnan// rang dbang med par khug par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/bud med 'gugs pa'i le'u ste nyer gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// gang zhig 'byung po 'gugs pa'i thabs// dug shog dag la gang dmigs kyi// 'byung po'i gzugs bris byad du gzhug/ pho ni gcan gzan thod par gzhug/mo ni rU rus pa yang pa'i nang du gzhug/ bdag nyid khro bo'i nga rgyal gyis// dmigs bya dgug bstim yang yang bya// gnod byed che ge mo tri aM ku sha dzaH dzaHhUM baM hoH de ltar rtsa sngags sham bu can// bzlas shing dug khrag thun gyis brab// 'byung po yi dwags phra mo rnams// rang dbang med par khugs nas ni// ci bcol las byed thul bar 'gyur// ling+ga lha rten 'og tu sba// las grub ngang gnas bskyod pa yis// gnod na drag po'i las la sbyor// bla ma yi dam mkha' 'gro thams cad kyi yon tan gyi rgyud bstan pa'i srog shing las/ 'byung po 'gugs pa'i le'u ste nyer gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// nor rnams 'gugs par byed pa'i thabs// rang nyid lha yi nga rgyal gyis// zangs sogs rin chen za ma tog/nang du 'bru sna rin chen dang// sman sna dar zab la sogs pa// longs spyod rdzas dang nor gyi ming// rtsa sngags gsham can mtshal gyis bri// sna tshogs gzhug cing mdun du bzhag/'jig rten khams kyi gnod sbyin dang// nor bdag mang po bkug la bstim// rtsa ba'i sngags sham 'di dag btag/ sarba b+ha su sid+d+hi ba shaM ku ru ma ma hring hring/ zhes pa zhag gsum bzlas pa yis// 'jig rten khams kyi zas nor rnams// nor bdag rnams kyi bkug nas kyang// bdag la 'bul zhing dngos grub 'phel// za ma tog ni rgyun du 'changs// las kyi 'bras bu mchis par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/nor 'gugs pa'i le'u ste nyer bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// bza' btung 'gugs par byed pa'i thabs// bdag nyid lha yi nga rgyal gyis// mtshan ldan b+han+d+ha'i snod nang du// chang dang a mr-i ta sbyar ba'i// nang du DAk+ki sde lnga bskyed// spro bsdu'i dmigs pas bza' btung bkug/ DAk+ki mchod cing dngos grub blang// zhag gsum bar du sngags 'di bzlas// rtsa ba'i sngags dang bcas pa yi// sarba pi pa ti sid+d+hi sid+d+hi ma hA sid+d+hi dung dung swA hA/lha dang lha mo tshogs kyis mchod// DAk+ki bdud rtsi de la bstim// dngos grub chen po'i rdzas su dmigs// bdud rtsi rang nyid rdzogs par btung// des ni bza' btung 'du bar 'gyur// gang byung longs spyod tshogs su 'gyed// bla ma yi dam mkha' 'gro thams cad kyi yon tan gyi rgyud bstan pa'i srog shing las/ bza' btung 'gugs pa'i le'u ste nyer lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gos rnams 'grub par byed pa'i thabs// rang nyid mos pa'i lhar gsal zhing// dkar ser dmar ljang dar gyi rigs// sna tshogs ras snam la sogs kyi// cod pan ngos la yi ge b+h+rUM// rin chen gser ram mtshal gyis bri// rgod sgro can gyi mda' la btags// las byed dkyil 'khor mtha' mar gzug/bla ma yi dam mkha' 'gro mchod// rtsa sngags bzlas shing dngos grub zhu// de dag mdzod kyi yang phug sba// rgyun du 'dod gsol smon lam gdab// dar zab snam ras la sogs pa// gos rnams shugs kyis 'du bar 'gyur// rang 'dod 'khri bcad zhen pa bskyung// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gos 'gugs pa'i le'u ste nyer drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gzhan yang gang dang gang dag gi/ 'dod yon dmigs bya 'gugs pa'i thabs// bdag nyid lha yi ngar ldan pas// gang 'dod rdzas kyi gzugs dang ni// ming dang bcas pa gser gyis bri// dar dmar khung du dril byas te// 'dod pa'i lha mo de la bstim// rtsa sngags ha ri ni sa'i mthar// che ge mo wa shaM ku ru hring swA hA/ mang bzlas mchan khung g.yon du bcangs// ming byang tsan+dan dmar po yi// byang bu dag la bri ba ste// dbang sdud spel tshig dag kyang bkod// byang bu'i tshad ni sor bzhi'o// des ni gang dmigs dngos su 'du// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rdzas 'gugs pa'i le'u ste nyer bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// yid 'ong bu mo 'gugs pa'i thabs// bdag nyid dbang chen nga rgyal gyis// dri med dar dmar mtho skor la/khye'u'i byang sems dkar po dang// rgya mtshal dang ni d+ha du ras// gang dgugs gzugs dang ming byang bri// nr-i dang bcas pa'i las sngags brjod// ha lo khug chos glang po'i sna// me tog gsum gyi khu bas byug/rtsa ba'i sngags kyi mtha' bsgyur du// che ge mo nig nal nig nal pra mo thun pra mo thun// ha~M shang bram khug dung nr-i swA hA/ zhes pa zhag gcig bzlas nas ni// dbang shes gos kyi sbyar ba yis// gang 'dod yid 'ong bu mo 'du// bla ma yi dam mkha' 'gro thams cad kyi yon tan gyi rgyud bstan pa'i srog shing las/ bu mo 'gugs pa'i le'u ste nyer brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// zas nor longs spyod sris sme'i thabs// phyug po'i rang thag lte phye dang// btsad po'i rus phywe skam po dag/bsre ba'i tsha tsha bzhengs pa gnyis// dar snas dril la ma sgyed 'og/ rdza yi ga bur bcug la sba// rten 'brel de yi sbyor ba la// brten nas sris sme 'phel bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/sris 'phel bar byed pa'i le'u ste nyer dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// lha rnams kun gyis bkur ba'i thabs// zangs sogs rin chen byang bu la// lha rnams kun gyi gzugs bris te// dngos bskyed spyan 'dren bkug bstim bya// rtsa sngags bzlas shing dar snas bril// rang gi dmigs rten zhabs su sba// cung zad gnad la dbab par bya// des ni lha rnams kun gyis bkur// bla ma yi dam mkha' 'gro thams cad kyi yon tan gyi rgyud bstan pa'i srog shing las/lha rnams kun gyis bkur bar byed pa'i le'u ste sum cu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mi rnams kun gyis bkur ba'i thabs// tA la'i lo ma la sogs pa// gtsang ma'i shing gi lo ma la// skyes pa grir shi'i snying khrag gis// yi ge nr-i gcig bris pa'i mthar// yongs 'dus rtsa ba'i sngags kyis bskor// gzhan yang yi dam lha sngags dang// mtshal gyis A li kI li bri// de dag dar snas dril byas te// sa sna dgu yi tsha tsha dang// lhan cig lha rten zhabs su sba// rnal 'byor mi rnams yangs kyis bkur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mi thams cad kyis bkur bar byed pa'i thabs kyi le'u ste so gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mi ma yin gyis bkur ba'i thabs// bdag nyid lha yi nga rgyal gyis// spre'u dar ma'i thod pa ru// pha bong long bu'i logs drug la// mtshal gyis yi ge tri bris gzhug/ lha 'dre mang po'i ming byang yang// gser dang mtshal gyis bris pa rnams// za 'og khug ma'i nang du gzhug/ rtsa sngags bzlas shing bkug bstim bya// rang nyid gang du gnas pa yi// yi dam lha rten 'og tu sba// rtag tu mi ma yin gyis bkur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mi ma yin thams cad kyis bkur bar byed pa'i thabs kyi le'u ste so gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// blo dang shes rab 'phel ba'i thabs// ga bur tsan+dan dkar po dang// sman mchog rgyal po a ru ra// gser mdog rma med gcig dang ni// li shi dzA ti a ga ru// cu gang gur gum ka ra sbyar// ril bu nyer gcig byas pa rnams// dri med dar dkar khung du dril// pradz+nyA bar d+ha hrIH/ ma nua nu b+ha ra yin nam ta ra At+ma naM/ sarba pradz+nyA sid+d+hi swA hA/ zhes pa rtsa sngags sham bu can// 'bum phrag bzlas pa'i ril bu de// rang lus drod dang ma bral 'chang// bsgrub tshe sha chang sgog sogs spang// zla ba yar 'phel dus dang sprad// blo dang shes rab 'phel bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/blo dang shes rab 'phel bar byed pa'i le'u ste so gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// gre lce bde bar byed pa'i thabs// bdag nyid lha yi nga rgyal blta// lce ni pad dkar 'dab brgyad gsal// de steng shel gyi ral gri gcig/ sor bzhi 'od zer bcas par bsgom// ngag tu hrI baM e brjod pas// ral gri'i 'od kyis lce la dkris// lce zhu ral gri pad dkar rnams// dbyer med gcig tu gyur nas kyang// dmigs bral ye shes ngang la gzhag/ nyer gcig las kyi sbyor ba yis// gre lce rab tu bde bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gre lce bde bar byed pa'i thabs kyi le'u ste so bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mig sogs dbang po gsal ba'i thabs// rang nyid yi dam gsal ba yi// mig ni g.yas dang g.yon pa la// yi ge b+h+ri k+Sha dkar dmar bsgom// rna ba g.yas dang g.yon pa la// yi ge Sh+ti a+aai sngo ljang bsgom// sna bug g.yas dang g.yon gnyis la// haM baM dmar dang ser por bsgom/ kha la yi ge d+hIHdkar bsgom// mdzod spu yi ge hIHljang bsgom// snying kar yi ge hUM mthing bsgom// gsal gdab rang rang gnas su bstim// nya stong brgyad gsum dag la brtsam// lan re brgya dang rtsa brgyad dmigs// de ltar las kyi sbyor ba yis// dbang po thams cad gsal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dbang po gsal bar byed pa'i thabs kyi le'u ste so lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mngon par shes pa 'char ba'i thabs// bdag nyid mos pa'i lhar gsal ba'i// tsit+ta pad+ma 'dab brgyad kyi// snying gar A li dkar po dang// kA li'i phreng ba dmar po gsal// A li g.yas la kA li g.yon// rab tu 'khor ba'i 'od zer ni// dkar dmar dpag tu med 'phros pas// bdag gi ma rig mun bsal zhing// mngon shes thogs pa med 'char zhing// dus gsum sa ler shes par dmigs// nangs par skya rengs shar ba nas// dgong mo skar ma tsag tsig bar// rtag tu 'bad de mngon shes 'char// thun bar ye shes sems dpa' yi// las sbyor dam pa mngon shes 'grub// bla ma yi dam mkha' 'gro thams cad kyi yon tan gyi rgyud bstan pa'i srog shing las/mngon par shes pa 'char bar byed pa'i le'u ste so drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// g.yul las rgyal bar byed pa'i thabs// bdag nyid lha yi nga rgyal bskyed// yan lag mthil bzhir rgyal chen bzhi/ yul 'khor srung dang 'phags skyes po// mig mi bzang dang rnam thos sras// rang rang bran dang bcas pa bskyed// skra dang ba spu mtshon char gsal// g.yul las rnam par rgyal ba yi// sbyor ba dmigs pa'i 'phro 'du bya// rtsa sngags stobs kyi dbang pos brjod/ khams dang bstun pa'i ru dar phyar// rigs dang mthun pa'i bdud rtsi gtor// g.yul las rab tu rgyal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ g.yul las rgyal bar byed pa'i le'u ste so bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag g-i/ bsnyen sgrub gtan la pheb byas te// rtsod pa las ni rgyal ba'i thabs// bdag nyid rma bya'i rgyal por bsgom// pha rol ha la 'bar bar bsgom// rang gi lce ni khab len rdo// pha rol lce ni lcags phye? bsgom// ma yengs dmigs pas brtson par bya// bdag nyid rma byas dug zos pas// bkrag dang gzi mdangs rab tu rgyas/ khab len rdo yi lcags blangs pas// stobs dang nus pa rab tu rgyas// rngam pa'i shugs kyis gang rtsod pa// rang nyid rab tu rgyal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/rtsod pa las rgyal bar byed pa'i le'u ste so brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// tshong las rgyal bar byed pa'i thabs// bdag nyid yi dam lhar bskyed pa'i// spyi bo la sogs gnas lnga ru// nor bu dbang gi rgyal po ste// dkar dmar mthing ser ljang ba'i mdog/ 'od dang gzi brjid 'bar bar gsal// pha rol rdzas kyi dngos po rnams// sna tshogs nor bu mching bu ltar// spu bar byed pa'i las sbyor tshe// bdag gi nor bu'i 'od zer gyis// pha rol rang dbang med par bkug/ rang rang nor bu lnga la bstim// rngam pa'i sbyor ba shes par bya// gang byas tshong las rgyal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/tshong las rgyal bar byed pa'i le'u ste so dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// rgyan las rgyal bar byed pa'i thabs// bdag nyid lha yi nga rgyal gyis// lag pa g.yas pas thabs chen lcags// g.yon pa shes rab zangs su gsal// thabs dang shes rab las sbyor gyis// gang yin rgyan gyi cho lo rtse// gsal stong bdag gzhan dmigs pa yis// snang dang mi snang nyi zla yi// sbyor ba brtsams pas bdag nyid rgyal// bdag nyid mi g.yo rab brtan cing// pha rol g.yo ba'i sbyor bas kyang// gang yin de las rgyal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rgyan las rnam par rgyal bar byed pa'i le'u ste bzhi bcu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// sgyu rtsal 'gran las rgyal ba'i thabs// bdag nyid dpag chen mda' gzhur dmigs// pha rol gtad pa'i 'ben du dmigs// ye shes lha yi las sbyor gyi// dmigs pa gnad la gzir ba'i tshe// gang dmigs de la phog nas kyang// phye ma rdul du song bar bsam// ma yengs dmigs pa'i rtsal bskyed cing// zhum pa med par 'gran pa yi// gang 'dren de las bdag nyid rgyal// bla ma yi dam mkha' 'gro thams cad kyi yon tan gyi rgyud bstan pa'i srog shing las/sgyu rtsal las rgyal bar byed pa'i le'u ste zhe gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// dpung las rgyal bar byed pa'i thabs// rang nyid ri rab lhun por bsgom// pha rol ri phran phra mor gsal// ri rab chen po'i mnga' 'og tu// ri phran lhag pa'i dbang med cing// stobs kyis zil gyis mnan dmigs shing// bdag nyid dpa' shugs nga rgyal bskyed// dpung 'joms las kyi sbyor ba bya// des ni dpung las rgyal 'gyur te// bdag nyid bcu phrag dpung gis kyang// pha rol 'bum phrag dpung tshogs 'joms// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dpung las rgyal bar byed pa'i le'u ste zhe gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// don 'grub rnam par rgyal ba'i thabs// bdag nyid yi dam lhar gsal ba'i// g.yas su seng+ge 'gyeng ba dang// g.yon du stag mo ngar ba dang// mdun du glang chen stobs ldan 'gro// rgyab tu khro rgyal dmag dpung 'gyed// glad na mkha' lding rgyal po lding// de ltar rab tu gsal bsgom zhing// nyam nga med pa'i shugs kyis 'gro// gang yin las don myur 'grub bsam// don gang thogs pa med par 'grub// bla ma yi dam mkha' 'gro thams cad kyi yon tan gyi rgyud bstan pa'i srog shing las/ don 'grub par byed pa'i le'u ste zhe gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rig sngags kun las rgyal ba'i thabs// bdag nyid dmigs med mkha' ltar blta// pha rol bdag la byad byed pa'i// rig sngags sbyor ba gang yin rnams// mun pa shin tu gnag par dmigs// rang gi bsgrub pa'i lha rnams ni// nyi ma'i dkyil 'khor rab rgyas nas// mkha' la shar ba'i 'od zer gyis// mun pa thams cad rab bcom nas// nyi 'od snang ba rgyas dmigs dang// rtsa sngags bzlas sogs lus ngag yid// byang chub lam gyi chos la 'bad// nyin re lan re'i sbyor ba yis// rig sngags bye ba'i tshogs kyis kyang// bdag la sdigs par mi 'gyur ro// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rig sngags las rgyal bar byed pa'i thabs bstan pa'i le'u ste zhe bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// blo gros rnam par rgyal ba'i thabs// bdag nyid yi dam lhar gsal ba'i// snying gar smra ba'i seng+ge bskyed// mig g.yas zla ba'i dkyil 'khor la// g.yon pa nyi ma'i dkyil 'khor bskyed// de ltar gsal ba'i dad ldan pas// g.yo ba med pa'i ting 'dzin gyis// gang yin las dang bya ba rnams// zil gyis mnan nas brtsam par bya// gzhan snang mi bstun ya ma brla// snang srid bden par med par bzhag/blo gros rnam par 'phel nas kyang// bsam 'dun gang spyod chos dang mthun// byang chub lam la tshud par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ blo gros 'phel bar byed pa'i le'u ste zhe lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// bdag nyid chos srid rgyal ba'i thabs// yi dam lha dmigs snying ga ru// rnam thos seng+ge zhon pa'i bu// seng+ge zhon pa'i 'jol ber can// lag na rgyal mtshan ne'u le 'dzin// sna tshogs rin chen rgyan gyis spras// rang 'dra gnod sbyin 'bum sdes bskor// las byed pho nya skar ltar 'khrugs// kun kyang bdag gi chus srid skyongs// dpal dang dbang phyug spel bsam zhing// rtsa sngags 'dzab kyi 'brug sgra sgrogs// skabs su dmigs pa yang yang gsal// chus srid rim gyis rgyas nas kyang// gang bsam thun mong las 'bras 'grub// bla ma yi dam mkha' 'gro thams cad kyi yon tan gyi rgyud bstan pa'i srog shing las/chus srid rgyal bar byed pa'i le'u ste zhe drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mi kha smra mchu bzlog pa'i thabs// bdag nyid lha yi nga rgyal gyis// sa sna dgu la bzos pa yi// mchod rten nag po khru gang la// bang rim dgu pa'i khang gseng du// tsan+dan byang bu mtho gang la// mi kha bzlog pa'i dmod mo dang// ba ra sha ya d+h+red dred thun b+h+yo/ sha sha ra li te pa shu tsi mi kha smra mchu sarba b+h+yo b+h+yo bzlog bzlog/ ces pa bris pa gzhug par bya// gzhan yang dug khrag bal tshon dang// sngau ngad sga g.yer la sogs pa// sna tshogs mi kha'i rdzas kyis bkang// de la dar ras nag po yi// cod pan gzugs la khram ris bris// dus gnyan sgo khang steng du bzhag/ yang na rang gi khang pa yi// byang shar mtshams kyi zur du bzhag/mi kha thams cad bzlog par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mi kha smra mchu bzlog par byed pa'i le'u ste zhe bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// nyams grib mi gtsang bsrung ba'i thabs// srad bu nag po gsum bsgril la// mdud pa nyer gcig byas nas ni// rtsa sngags sham du 'di skad gdags// kro ti kA li sarba pA paM/ maM du sa ma yA/ bi na se shud+he shud+he ma hA shud+he phaT swA hA/ zhes pa brgya phrag bzlas nas kyang// gu gul dud pas srad bu bdug/gang gi lus la btags dai la// grib dang mi gtsang 'jig pa med// bla ma yi dam mkha' 'gro thams cad kyi yon tan gyi rgyud bstan pa'i srog shing las/ nyams grib bsrung bar byed pa'i le'u ste zhe brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// 'byung po'i sun ma bzlog pa'i thabs// bdag nyid lha yi nga rgyal gyis// rat+na'i rdo rje rtse lnga la// sna tshogs dar gyi cod pan gdags// sa man+ta yi srung sngags las// brgya rtsa bzlas shing rdo rje gsor// gang gnod phyogs su gdengs shing gzir// rdo rje khro rgyal 'bar bar bskyed// cod pan me ri 'bar ba las// yang sprul me dang mtshon cha'i char// gnam lcags thog ltar rab 'bar zhing// gnod byed 'byung po'i sun ma rnams// rang rang gnas su bzlog bsam zhing// bsrung ba'i go cha brtan par dmigs// des ni phyin chad gnod mi 'gyur// rdo rje rang nyid gar gnas kyi// dben pa'i phyogs su dam par sba// skabs su dmigs pa drag sngags dang// rdo rje bcas pas gzir bar bya// bla ma yi dam mkha' 'gro thams cad kyi yon tan gyi rgyud bstan pa'i srog shing las/ 'byung po'i sun ma bzlog par byed pa'i le'u ste zhe dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// nad rims kun gyis mi tshugs thabs// gla rtsi bong nga chu dag dang// mu zi ldong ros shing kun dang// rta bon dri chen bya rgod tshil// de ltar dgu yi ril bu dang// pra ma d+hu ha ra/ ka ra shiSh+ta k+ShaM ni/ a lik+Sh+ya g+ha g+ha sa ma tri sa ma tri b+h+yaHphaT/ de ltar rtsa sngags sham can la// stong bzlas bsrung bya'i mgul du btags// rdzas kyi khu bas sngags kyang bri// ril bu sran ma'i tshad dang sbyar// de dag lus la sus 'changs pa// rims nad 'go ba'i nad las skyob// nyams na yang yang gso bar bya// bla ma yi dam mkha' 'gro thams cad kyi yon tan gyi rgyud bstan pa'i srog shing las/rims nad kyis mi tshugs par byed pa'i le'u ste lnga bcu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// 'byung po dag gis mi tshugs thabs// stag ma be dkar 'om bu dang// skyer pa tsher nag seng lding dang// shug pa bal dkar sol nag ste// de ltar shing dgu sor bzhi la// rtsa sngags stong gis rab gnas bya// dar tshon sna lngas mi mngon dkri// mi lag ma brgyud bsrung bya yi// lus la ji srid gnas kyi bar// 'byung pos mi mngon sgrib shing ste// bsrung ba'i mchog tu gyur pa'o// bla ma yi dam mkha' 'gro thams cad kyi yon tan gyi rgyud bstan pa'i srog shing las/ 'byung pos mi tshugs shing sgrib par byed pa'i le'u ste nga gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mtshon gyi gnod pas mi tshugs thabs// gri lcags ral gri tshon gang la// gri khrag chu yi ngar blud la// dar dmar dag gis mi mngon gril// rtsa sngags dang ni bsrung ba'i sngags// ba ra pa ri thed/ yum yum yum thed/ khro tse thed/ rnor chum/ ma ma da yur rak+Sh+yaM/ka la swA hA/ stong phrag bzlas shing lag ma brgyud// gang la bsrung bar 'dod pa yi// lus la btags shing rab gnas bya// ji srid rdzas dang ma bral bar// de srid mtshon gyis mi tshugs bsrung// bla ma yi dam mkha' 'gro thams cad kyi yon tan gyi rgyud bstan pa'i srog shing las/mtshon gyi gnod pa srung bar byed pa'i le'u ste nga gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mthu rtsal che bar byed pa'i thabs// bdag nyid lha yi nga rgyal gyis// ya so khro bo bcu ru bsgom// ma so khro mo bcu ru bsgom// lce ni gdug pa'i mtshon char bsgom// ba spu gser gyi rdo rje phyed// phyi 'bur rab ru gtams pa yis// go zhu lugs su gon bzhin bsgom// rtsa gnas lus kyi dra mig rnams// lcags zhun dag gis rab gang nas// rkang rub lcags sdong lta bur bsgom/ khro chu 'bar ba ha la la// ma hA khro chu ha la b+h+rUM// ma ma kA ya rak+Sha pha la hUM swA hA/ zhes pa rtsa ba'i sngags dang bcas// zhag bdun smra ba bcad la bzlas// lus la lcags phye a ru ra// chang dang sbyar la yang yang byug/ lcags sraug grub nas stobs kyi dpal// mthu rtsal rab tu rgyas par 'gyur/ bla ma yi dam mkha' 'gro thams cad kyi yon tan gyi rgyud bstan pa'i srog shing las/mthu rtsal che bar byed pa'i le'u ste nga gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// dug gis mi tshugs bsrung ba'i thabs// dug gis nges par shi ba yi// rus pa dang ni gser gyi mdog/ sman mchog skyon dang bral ba gcig/ cha mnyam btul ba'i phye ma la// dug spang khu bas ril gu sbyar// me dang nyi ma ma mthong bskam// ha la kA la phos phos/ ka ma tsi tri ha la phos// sarba ha la ka ma ra tsi dun phaT swA hA/ de dag rtsa sngags gsham la gdags// ston zla dar dmar khud du gtum// gang bsrung mgrin pa'i gnas su gdags// lo re bzhin du sngags rnams bskyar// dug rigs thams cad bsrung ba ste// yod rlom ched du dug mi bza'// des ni dam tshig nyams pa'o// bla ma yi dam mkha' 'gro thams cad kyi yon tan gyi rgyud bstan pa'i srog shing las/dug gis mi tshugs shing srung bar byed pa'i le'u ste nga bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gtad dang khram gyis mi tshugs thabs// ming rus mi gcig mi dgu yi// skra sen mdze pho'i thod rus rnams// ro ras nag po'i khug mar gril// lcags byang mig dgu'i thems su zhugs// rang gi mal 'og dong du mnan// bdag nyid lha yi nga rgyal bskyed// pha rol gzhan la srung byed kyang// khyad par rtsa sngags bgrangs su gzhug/ des ni gtad dang khram las thar// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gtad khram gyis mi tshugs par byed pa'i srung ba'i le'u ste nga lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gza' skar ngan pa skyob pa'i thabs// dur rdo mtshal gyi khram ris can// tshon skud sna lngas rgya gram bcing// gza' skar ngan pa'i 'jigs pa las// srungs sogs spel tshig gang 'dod kyang// bris nas de dang lhan cig dril// de ltar brgyad byas phyogs mtshams su// rang nyid gar gnas sa ru sba// gza' skar ngan pa'i 'jigs pa kun// sngon chad byung ba grol gyur zhing// phyin chad gnod pa mi byed bsrung// lo re bzhin du lan re bskyar// bla ma yi dam mkha' 'gro thams cad kyi yon tan gyi rgyud bstan pa'i srog shing las/gza' skar ngan pa las skyob par byed pa'i le'u ste nga drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// don gnyer phyogs ngan srung ba'i thabs// skyer ba'i byang bu mtho gang la// mtshal gyis b+h+yo phaT nyer gcig bris// ngos gcig dag la stag seng gzugs// skye mched dod pa mkhas pas bri// 'dom gang dbyig pa'i rtse la btag/ gar 'gro'i phyogs su gom dgu khyer// de nas byang bu ske la gdags/ phyogs ngan nyes pas gos mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las/phyogs ngan srung bar byed pa'i le'u ste nga bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// dus min 'chi ba bzlog pa'i thabs/ kham sa'i rang gzugs lus tshod bzo// de la'ang rang gi gos bkon zhing// lus kyi dri ma phyi la byugs// ming 'dra mkhan 'dra'i ston mo btang// zhag gcig rang dang lhan cig nyal// de nas rang nyid mun par gab// lus la thal chen ro sol byug/ yi dam lha yi ting 'dzin bsgom// rU pa gru gsum deng du bdur// steng nas sa sna mang pos byibs// gza' dang skar ma bzang la gtad// shi bdur lugs dang mthun par bya// des ni dus min 'chi ba bzlog/ tshe tshad gnas su skyol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/dus ma yin par 'chi ba bzlog par byed pa'i le'u ste nga brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// gag lhog gnyan mdzes mi tshugs thabs// gang bsrung lcags kyi phag rgod ni// 'jigs pa ri rgyud tsam zhig bsgom// phag rgod so dang sha tshil dang// nya sbal sdig pa'i sha bsres la// rtsa sngags khro chu'i sngags bzlas pas// ngar blud bsrung bya'i las la byug/ gnyan dang mdze lhog la sogs pa// sa bdag khros pa'i gnod pa bsrung// bla ma yi dam mkha' 'gro thams cad kyi yon tan gyi rgyud bstan pa'i srog shing las/gag lhog gnyan mdze la sogs srung bar byed pa'i le'u ste nga dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// char pa dbab par byed pa'i thabs// sbal gsob gri thal dag gis brgyang// klu rdzas mang po btab pa yi// chur spangs steng nas rdza yis bkab// klu rnams bkug cing rdzas la bstim// phyi rol klu la mchod gsol bya/ char pa dbab pa'i phrin las gzhol// b+ha ri sha ya pa ta li hUM hUM/ nA ga ra tsa tsit+ta phrom phrom du phu rbad ya nA ga ra tsa b+ha ri sha ya sarba sid+d+hi swA hA/stong phrag them nas char pa 'byung// rtsa ba'i sngags dang sbrel la bzlas// de bar sha chang sgog pa spang// las grub bcas bshig gnas su bskyod// drag char myur du 'bab par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/char dbab par byed pa'i le'u ste drug cu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// char pa gcod par byed pa'i thabs// seng ldeng phur pa sor bzhi la// gri khrag dug gi khu ba yis// tsakra b+ha ri sha nA ga du tsit+ta rbad ram/ sa ma ya rbad swA hA/rtsa sngags gsham can tshar gsum bri// la cha thang tshil nang du gtum// chu mig gnyan po'i gting du sba// ma bton bar du char pa chad// bla ma yi dam mkha' 'gro thams cad kyi yon tan gyi rgyud bstan pa'i srog shing las/char pa gcod par byed pa'i le'u ste re gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// sbud sna bzlog par byed pa'i thabs// khyi 'brug glang lug rus pa dang// rin chen sna lnga bsres pa'i sa// tsha tsha nyi shu rtsa gcig bzhengs// rab gnas gzungs sngags nang snying bcas// sbud sna 'ong ba'i thad du bkram// stobs chen khro bo'i nga rgyal bskyed// shwa sbud sbud sna bzlog par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ sbud sna bzlog par byed pa'i le'u ste re gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// skyi 'dang ser ba bzlog pa'i thabs// seng ldeng phur pa khru gang la// dar nag ro ras cod pan btag/ phur pa'i logs la khro bcu'i sngags// oM badzra kro d+ha hUM kA ra hUM/ oM badzra kro d+ha b+hi dza ya hUM/ oM badzra kro d+ha nI la daN+Da hUM/oM badzra kro d+ha ya mAn+ta ka hUM/ oM badzra kro d+ha Ar+ya a tsa la hUM/ oM badzra kro d+ha ha ya g+h+r-I wa hUM/ oM badzra kro d+ha a pa ra dzi ta hUM/ oM badzra kro d+ha a mr-i ta kuN+Da li hUM/ oM badzra kro d+ha trai lo kya bi dza ya hUM/ oM badzra kro d+ha ma hA ba la hUM/dag par dris te gu gul dang// dug khrag khu bas byugs byas te/ khro bcu'i sngags kyis rno ngar blud// khro bo spyan drang phur bar bstim// bdag nyid lha yi nga rgyal gyis// ser ba dbab dus phur pa gzir// sngags bzlas stangs stabs sdigs mdzub bstan// skye 'dang ser ba bzlog par gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ ser ba gcod par byed pa'i le'u ste re gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// nor phyugs god kha srung ba'i thabs// rang nyid lha yi nga rgyal gyis// gcan gzan dar ma'i thod pa ru// nad gdon bgegs kyi rU pa la// tshon skud sna lngas byad du gzhug/ ro ras yugs sa'i dor rtas gril// dgug gzhug byas la bcug nas kyang// 'bru nag la sogs thun rdzas kyis// thod pa de dag khengs par bya// dmod bcol drag sngags gang 'os bzlas// rgya srang lam gsum bzhi mdor mnan// ro g.yam rdo rje rgya gram dang// 'byung ba me chus mnan la bzhag/god sri za lam dgra la gtad// zor dang thun gyi las rnams bya// des ni god kha 'byung mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las/ god kha srung ba'i le'u ste re bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' gro yi// rtsa ba dang ni yan lag gi/ bsnyen sgrub gtan la pheb byas te// chom rkun 'ching bar byed pa'i thabs// bdag nyid lha yi nga rgyal gyis// dug shog ro ras mtho gang la// chom rkun dgra yi gzugs bris nas// zhing lpags khug ma'i nang du gtum// gnod byed sarba sha truM b+han+d+ha ya b+han+d+ha ya/ sarba sha truM lo ka b+han+d+ha ya/ ma ra Na/ da ha da ha/ pa tsa pa tsa/ s+t+waM b+ha ya/ nA sha ya b+han+d+ha ya phaT/ ces pa rtsa sngags gsham la gdags// brgya phrag la sogs ci 'grub bzlas// zhing lpags gang bsrung gtso la gdags// de la gang 'khri thams cad bsrung// chom rkun dag gis gnod mi byed// bla ma yi dam mkha' 'gro thams cad kyi yon tan gyi rgyud bstan pa'i srog shing las/ chom rkun 'ching bar byed pa'i le'u ste re lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gcan gzan gdug pa'i kha 'ching la// dug shog dag la gcan gzan gzugs// lcags sgrog dag gis byad gzhug cing/ kha gdong rdo rje rgya gram bri// lto bar tsakra rtsibs brgyad bskor// du na sa khaM a mu ka phaT/ rtsibs brgyad dang dag la 'bru brgyad bkod// lto bar gcan gzan gang yin gyi// ming mthar mA ra ya chings bri// mtha' ma drag po'i sngags kyis bskor// gnod byed tsak+Shu mu khaM b+han d+ha ya/ tsakra war ti gcan gzan che ge mo mA ra ya/ du na sa khaM a mu ka phaT/gcan gzan gdug pa'i kha sdoms/ lus rengs/ sems myos/ dbang po mA ra ya chings shig/ de ltar dmod pa'i drag sngags rnams// bris pa dag tu brgya phrag bzlas// de ni zha nye'i chu yis byug/rang gshed rang rang rigs 'dra ba'i// mche ba can gyi thod par gzhug/ gcan gzan rgyu ba'i srang la mnan// des ni gcan gzan gdug pa 'ching// bla ma yi dam mkha' 'gro thams cad kyi yon tan gyi rgyud bstan pa'i srog shing las/gcan gzan gdug pa'i kha 'ching bar byed pa'i le'u ste re drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// dug sprul khyi smyon la sogs pa// so dug can rnams srung ba'i thabs// gla rtsi bong nga nag po dang// rin chen gser dngul g.ya' dang ni// phyi tsher la cha phye ma rnams// dri chen dag dang lhan cig btul// ha la bI rtse kruM kruM/ shwa na haM ba na ka ba tsi ha la ma ra Na phaT/ de ltar rtsa sngags bcas pa la// gzhan tshig ma 'dres stong phrag bzlas// thum po byas te lus la btag/des ni so dug thams cad bsrungs// bla ma yi dam mkha' 'gro thams cad kyi yon tan gyi rgyud bstan pa'i srog shing las/ so dug thams cad srung bar byed pa'i le'u ste re bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// rmongs po srid dang 'phrad pa'i thabs// mi rta bong bu'i sa bon dang// g.yag lug ra gsum thug po yi// 'bras bu btul ba'i phye ma rnams// tsan+dan dkar dmar ga bur dang// dza ti a ru ra rnams btul// sbrang smyon dag gis ril bu bsgril// ri dwags gla ba'i ril ma tsam// pu tra sid+d+hi ku ru b+ha sa b+ha sa ma ri ted phob phob/ rtsa sngags bcas pa 'bum bzlas shing// lto staung gar chang dag gis phul// pho mo gang la btang gyur na// srid dang ldan par gdon mi za// bla ma yi dam mkha' 'gro thams cad kyi yon tan gyi rgyud bstan pa'i srog shing las/srid 'phel bar byed pa'i le'u ste re brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// srid 'phel pho ru bsgyur ba'i thabs// gdug pa sbrul gyi pags pa la// skyes pa'i sa bon mtshal bsres pas// ha k+Sh+yi khram pu tra bi dza hring/ gzab tu bris te dar dkar gril// bud med sbrum ma'i lus la btag/ skar ma rgyal dang sprad pa gces// des ni srid rnams pho ru 'byung// bla ma yi dam mkha' 'gro thams cad kyi yon tan gyi rgyud bstan pa'i srog shing las/srid pho ru bsgyur ba'i le'u ste re dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// rta phyugs la sogs srid 'phel bar// sre mo'i pags pa gsob bshus nas// gang gi srid 'phel 'dod pa yi// spu la srad bu byas nas kyang// dar tshon sna lngas de dag gril// gser dngul la sogs rin chen dang// 'bru sna rnams kyis gang ba byas// phyugs lhas la sogs ra ba yi// rta phyugs bres kyi steng du gdags// des ni rta phyugs srid 'phel nas// phyug po g.yang chen dag tu 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/rta phyug la sogs nor gyi srid 'phel bar byed pa'i le'u ste bdun cu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// mi dang rta phyugs la sogs pa'i// srid rnams srung bar byed pa'i thabs// zangs dang zha nye dung gi sho// mtshal byug dmar po dar dkar gril// sho shaM haM dz+nyai pa ra phaT du rbad rbad pra ma ni pu tra d+ha ri rak+Sh+yaM rak+Sh+yaM du swA hA/rtsa sngags bcas pas brgya rtsa bzlas// srid dang ldan pa'i lus la gdags// srid la gegs med mthar phyin 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/srid srung bar byed pa'i le'u ste don gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// pha rol gdug byed ngag gnon thabs// zha nye'i byang bu mig dgu la// kha sbyor bar du dmigs bya yi/ rU pa lce brkyang brang khebs steng// mtshal gyis rdo rje rgya gram bkod// yan lag byad du bcug pa can// bris te zag pa'i rdzas dang bcas// byang bur gtems nas tshon skud gril// bdag nyid lha yi nga rgyal bskyed// dmigs bya'i rnam shes bkug la bstim// gang 'thad rwa co'i nang du gzhug/ kho yi 'grims lam sa ru mnan// smra mi shes te lkugs pa'am/ kha lce dig par gdon mi za// bla ma yi dam mkha' 'gro thams cad kyi yon tan gyi rgyud bstan pa'i srog shing las/ngag gnon par byed pa'i le'u ste don gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// ngag mnan 'grol bar byed pa'i thabs// tsan+dan dkar po'i byang bu la// mtshal dang ga bur bsil ba'i chu// rang rang yi dam lha sngags dang// b+ha ga wa ti a pa ri mi ta/ wA ka sa ma ya b+h+rUM pra we sha ya phaT/ ces pa tshar gcig bris pa la// rang sngags stong gi rab gnas bya// nang ma nyer gcig de la ldag/ ngag mnan de las grol bar 'gyur// bla ma yi dam mkha' 'gro thams cad kyi yon tan gyi brgyud bstan pa'i srog shing las/ngag mnan 'grol bar byed pa'i le'u ste don gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// ltas ngan cho 'phrul gtong ba'i thabs// bya rog 'ug pa wa spre'u sha/ sre mo'i slud bur gzhug par bya// yugs sa'i skra yi srad bu gdags// glad la bskor zhing sa la brdab// dmigs bya'i ming byang nang du gzhug/a haM gul gul myag myag/ pra mo ni pra mo thun/ pra mo tra ma ni haM haM/ a ya ma du ru tsa sha na sa ma ya/ ku cho cho/ breng braing/ rgyug rgyug pa ra ling phaT b+h+yo/ zhag bdun mun pa'i gling du bsgrub/ gang dmigs dgra yi ming spel yang// haM dang a yi bar du gzhug/ lha srin sde brgyad tshogs rnams kyis// cho 'phrul sna tshogs ston par 'gyur// dang po rang la 'byung ba ste// de byung dgra la dmigs pa rbad// skul byed las kyi gtor ma btang// pha rol khu 'phrig slong bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ ltas ngan cho 'phrul 'byed pa'i le'u ste don bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// ltas ngan cho 'phrul bzlog pa'i thabs// thod pa mtshan ngan dag gi nang// bra sran 'bru nag dag gis bkang// skyer pa tsher nag seng ldeng gi// phur pa mtho re byas pa la// sa ma ya ye ke tsit+ta rbad b+h+yo/ a ra li ye ke tsit+ta sa ma ya/ du ru ka sha pha ma sri tod pa we zlog byer zlog byer/dug khrag dmigs bya mang du bri// de dag de yi nang du bcug/ steng na ro ras lding gur phub// rang gzhan gang yin khang phug sba// ltas ngan cho 'phrul gang yang bzlog/ sdigs par mi 'gyur phar la sdigs// bla ma yi dam mkha' 'gro thams cad kyi yon tan gyi rgyud bstan pa'i srog shing las/ ltas ngan cho 'phrul bzlog pa'i le'u ste don lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mthun gnyis mi mthun 'byed pa'i thabs// rta rmig g.yag gi rwa co la// gang byed so so'i ming rus bri// bya rog 'ug pa'i pags pas gtum// dmigs bya'i zag rdzas gang rnyed byugs// so so'i lha rten 'og tu mnan// myur du so sor 'bral bar 'gyur// las grub rdzas bton bshig par bya// ji ltar mthun yang 'bral bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dbye bar byed pa'i le'u ste don drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// dbye ba mthun par byed pa'i thabs// rgyun 'bab chu sna dgu blangs la// ba ra 'bri yi 'o ma dang// tsan+dan ga pur la sogs pa// dri bzang sna tshogs btab pa la// lha sngags gang yin 'bum bzlas pa'i// chu de gang gang mi mthun pa// rkang lag gdong sogs lus rnams bkru// dri khus sbrus pa'i rang rang gzugs// dug shing me la bsregs nas kyang// de la rang rang lus po bshur// lan gsum bskyar bar gyur pa ni// ji ltar 'thab byed rtsod pa yang// mthun cing nyes pa grol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/dbye bar mthun par byed pa'i le'u ste don bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// gnod byed khram la 'debs pa'i thabs// drag po'i shing la byas pa yis/ khram shing sor bzhi khru gang ba// dug khrag dag gis khyab par byugs// logs la stag re glang khrag dang// ro sol bsres pa'i snag tsha yis// gnod byed dgra bgegs che ge mo// lha yi khram la da thob cig/ de sogs sde brgyad khram yig bkod// ro ras nag pos gril byas la// sde brgyad 'gyu srang gnas su mnan// dmigs bya sde brgyad khram la 'debs// mi 'dod sna tshogs de la 'byung// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dgra bo khram la 'debs par byed pa'i le'u ste don brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// khram la thebs pa phyi ba'i thabs// rang lus gzungs sngags chu yis bkru// gu gul dri chen dud pas bdug/ tsha tsha gnyis pa'i sa 'dag gis// mgo lus med par khyab par byug/ gcer bu phyogs bcur 'o dod 'bod// slar yang dur thal lus la byug/ dud 'gro mang po'i skad 'don zhing// bdag nyid che ge mo lha yi khram la thebs pa phyis// de'i 'gres yongs kyi khram phyis brjod// de nas rang gi dri chu yis// lus bkru gu gul dud pas bdug/gang gis khram la btab gyur kyang// lan gsum dag gis grol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ khram kha phyi bar byed pa'i le'u ste don dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gnod byed byad du gzhug pa'i thabs// shi skri'i srad bu 'dom gang bas// dmigs bya'i lus tshad rU pa bkyig/ rU pa 'bru nag sogs la bya// de yi snying gar ming byang gzhug/ bdag nyid lha yi nga rgyal gyis// dmigs bya'i rnam shes bkug la bstim// dus gnyan drag po nam phyed dus// rgya srang lam gyi gzhi mdor mnan// lha 'dre'i ming 'bod dmod bcol bya// steng du dpal gyi rta bro brdung// dmigs bya rengs dang 'khums nas kyang// lus ngag yid gsum nyams par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gnod byed byad du gzhug pa'i le'u ste brgyad cu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gang dag byad las grol ba'i thabs// bdag nyid lha yi nga rgyal gyis// bsrung bya gang yin mdun du bzhag/dang po byad thag sngo dmar gyis// mgo sogs yan lag bkyig tshul bya// mdun du dug shing hom me spar// ral gri'i so la rtsa sngags mthar// hri hri ma ma pa sha pra yo ga na maHhri d+hi sarba pA paM yak+Sha kro d+ha ha la ha la hUM phaT/ces pa brgya phrag bzlas pa yis// ral gri'i byad thag thams cad bcad// dug shing me la bsreg par bya// lha sngags bzlas pa'i chu dag gis// bsrung bya'i kha lag gdong sogs bkru// gu gul dkar po'i dud pas bdug/ byin brlabs can gyi lha rten la// phyag dang skor ba byed du gzhug/ byad du bcug las grol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/byad du bcug pa las grol bar byed pa'i le'u ste gya gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// gang dag rmugs par byed pa'i thabs// gang la byed pa'i ming rus bri// bya nag sgong sgog nang du gzhug/ dmigs bya'i rnam shes bkug la bstim// bong bu'i sbangs dang sa nag bsre// gnag lce'i gwa'u byas par gzhug/ khri lam chen po'i 'og tu mnan// dmigs bya rmugs shing 'thom par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/dgra bo rmugs par byed pa'i le'u ste gya gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rmugs shing 'thib las grol ba'i thabs// rang gi dbang po'i rdzas rnams dang// sa sbyin bsres pa'i rU pa ni// mtho gang skye mched dod par bzo// de la mi gtsang rdzas kyis byugs// ming rus mi gcig dgu dag gi/dri chen dri chu la sogs pa// ba ra 'bri yi 'o ma dang// chu sna mi gcig dgu bsres la// dri bzang kha tshar btab pas bkru// til dang nyung dkar dud pas bdug/ mthar ni rU pa chu yis bshig/de dag phyogs mtshams kun tu dor// rmugs shing 'thib las grol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rmugs 'thib las grol bar byed pa'i le'u ste gya gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gang dag rengs par byed pa'i thabs// g.yag lug rwa dang gtsod dang ni// rgya dang glang bu sha ba dang// gnyan dang dgo ba'i rwa co dgu// brdar ba'i phye la kham sa bsre// dmigs bya'i rU pa brgyang pa can// mtho gang skye mched dod pa la// shing rigs mi mthun dgu dag gis// rtsang thur byas te lus la btsug/ shi skra'i skud pas rgya gram bcings// ri bo chen po'i rtse la bskyal// g.ya' sgrom byas pa'i nang du gzhug/ dmigs bya yan lag rengs par 'gyur// lus kyang g.yo 'gul mi shes 'byung// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dgra bo rengs par byed pa'i le'u ste gya bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rengs pa grol bar byed pa'i thabs// dmigs bya dong brus nang du gzhug/steng na kha leb byas pa'i mthar// ming rus mi gcig mi dgu yis// bro brdung shing sna'i dud pa btang// de nas bton la gzungs chus bkru// ras dkar dag gis lus la phyi// dug dung yin nam gi khu ba dkar po yis// lus la A li kA li bkod// de ltar lan gsum byas pas grol// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rengs pa'i sbyor ba grol bar byed pa'i le'u ste gya lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mig nad sel bar byed pa'i thabs// nang par mi tshig ma 'dres par// rang gi dri chu drod mo yis// mig bkru bskams nas lag pas mnye// so la chags pa'i dri ma yis// lag g.yon srin lag dag gis byug/ bstud de nang ma nyer gcig bya// mig skyon rab rib mi 'byung zhing// skyon med yon tan ldan par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mig gi dbang po gsal bar byed pa'i le'u ste gya drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// mgul nad zhi bar byed pa'i thabs// yung ba chu dag dkar po dang// ru rta tsan+dan dkar po rnams// bdud rtsi dbang po'i lag dang sbyar// ril bu sran ma 'bring tsam bya// rtsa sngags tha mar gdags pa'i sngags// ya ma sa du mu khaM/ b+ha ra b+he ya phaT/ces pa stong phrag bzlas pa de// tho rangs dus su re re bstan// zhag re lo re'i mgul nad bsrung// sngon chad byung yang phan par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/mgul nad zhi bar byed pa'i le'u ste gya bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// so nad zhi bar byed pa'i thabs// shing kun star zhun lug mig pa// gna' ba'i klad pa skam po dang// gla rtsi bong nag a ru ra// mu zi nag dang me ru tse// sngags pa'i dri chen cha mnyam nas// gu gul dri chur sbangs pa yi/ khu ba 'dam thag ril bu dril// sran tshad rul sum med par bskam// so nad rab tu gzir ba'i dus// khong du gsum btang gcig gis bdug/ lan gsum bskyar bas so nad rigs// gang yin thams cad 'joms par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ so nad zhi bar byed pa'i le'u ste gya brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// lha gdon gnod pa bsrung ba'i thabs// dar dkar dri ma med pa'i khud// rin chen zur mang shel gril nas// rtsa ba'i sngags kyis rab gnas bya// bla ma yi dam mkha' 'gro dang// dam can chos skyong bkug la bstim// gsol mchod bkur sti rgya chen bya// mi lag mi brgyud lus la 'chang// lha gdon gnod pa dag las skyob// dar dkar dag la mtshal yig tu// rtsa sngags A li kA li dang// mos pa'i lha rnams mtshan sngags dang// rang rang gang 'dod dgod par bya// ye shes lha yis skyob pa dang// 'jig rten lha rnams bran du 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ lha gdon gyi gnod pa srung bar byed pa'i le'u ste gya dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// klu yi gnod pa srung ba'i thabs// wa dang grum pa phag gi sna// khyi dang spyang ki stag gi brun// sha ba g.yag dang gtsod kyi rA// lcags dang gser dngul rnam pa gsum// cha mnyam so sor dar gyis gril// lhan cig lcags kyi par bur bcug/ rtsa ba'i sngags dang khro bcu'i sngags// brgya stong la sogs mang bzlas la// par bu lus dang grib ltar 'chang// sa bdag klu yi gnod pa skyob// bla ma yi dam mkha' 'gro thams cad kyi yon tan gyi rgyud bstan pa'i srog shing las/ klu yi gnod pa srung bar byed pa'i le'u ste dgu bcu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gnod sbyin gnod pa srung ba'i thabs// byi la nag po'i thod pa ru// gnod sbyin rnams kyi srog sngags dang// dar zab rin chen sna tshogs gzhug/ gnod sbyin bkug bstim yang yang bya// de nyid dar dkar dag gis gtums// rang nyid gang du gnas pa'i sar// byang du spas pas gnod sbyin gyi// gnod pa rnams las skyob par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/gnod sbyin gyi gnod pa las skyob par byed pa'i le'u ste go gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// dri za'i gnod pa srung ba'i thabs// tsan+dan phye ma'i 'de gu la// sman sna dri bzang gang 'tshogs bsre// ril bu phreng ba lus la 'chang// mi rta khyi yi bshul chen dang// gla rtsi bsres pa'i 'de gu yis// rkang pa'i mthil la skabs su byugs// dri za'i gnod pa bsrung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dri za'i gnod pa las srung bar byed pa'i le'u ste go gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// mkha' 'gro'i gnod pa srung ba'i thabs// grong pa'i chos kyis ma gos shing// yid 'ong bu mos bkal ba yis// srad bu sum bsgril sna lnga la// mdud pa lnga lnga byas nas ni// so so'i rigs kyi DAk+ki bskyed// mtshan sngags rak+Sha'i gsham can la// rtsa ba'i sngags bcas brgya phrag gdab// mi lag ma brgyud bsrung bya yi// lus la srung byed srad bu gdags// ye shes DAk+kis bsrungs nas ni// 'jig rten mkha' 'gros gnod mi byed// bla ma yi dam mkha' 'gro thams cad kyi yon tan gyi rgyud bstan pa'i srog shing las/mkha' 'gro ma yi gnod pa srung bar byed pa'i le'u ste go gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// drang srong gnod pa srung ba'i thabs// dza la b+ha ra'i so dang ni/ khyi so dar nag khud du gril// ha tri ru tra kha d+ha sa ma yA srog dung dung// nyi ma sa ti gza' kha Da ru tra tsit+ta hring hring// rtsa ba'i sngags dang sbrel te bzlas// brgya phrag grub nas lus la gdags// gang gi bcang ba'i mi de la// drang srong gza' yi gnod pa bsrung// bla ma yi dam mkha' 'gro thams cad kyi yon tan gyi rgyud bstan pa'i srog shing las/drang srong gi gnod pa srung bar byed pa'i le'u ste go bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// srin po'i gnod pa srung ba'i thabs// dug shog dag la ra khrag gis// srin po'i gzugs bris yan lag sdom// k+Sha tri ni ra ti sa ma yA srog dung dung tsit+ta rbad myog trag rak+sha ya dam la ma 'da' swA hA/srin po gnad la dbab pa'i sngags// rtsa ba'i sngags sham btags la bri// phyi dang nang bcas gang bar bya// ra yi pags pas gril nas ni// gang gi lus la btags de la// srin po'i gnod pa 'byung mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las/ srin po'i gnod pa bsrung bar byed pa'i le'u ste go lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// ma mo'i gnod pa bsrung ba'i thabs// gri thal ro ras khug mar blug/ma ma ru lu b+h+yo/ ro ru tsa pa la a shug me hUM b+h+yo/ sa ma ya rak+Sh+yaM swA hA/ rtsa sngags bcas pa brgya rtsa bzlas// til dang nyung dkar bcas pa yi// thum po lus la sus 'chang ba// de la ma mo'i gnod pa med// bla ma yi dam mkha' 'gro thams cad kyi yon tan gyi rgyud bstan pa'i srog shing las/ ma mo'i gnod pa srung bar byed pa'i le'u ste go drug pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// shi 'dre'i gnod pa srung ba'i thabs// zhing lpags khug mar dur khrod kyi// sa rdo btul ba'i phye ma la// gu gul nyung dkar til nag bsre// chang gis sbrus pa'i ril bu bya// sngags pa'i dri chen dpung bskyed yin// ril bu sran ma rlon pa tsam// rtsa ba'i sngags kyis byin brlab bya// gang dag bsrung ba bya ba yi// lus la ril bu btag pas ni// shi 'dre'i gnod pa bsrung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ shi 'dre'i gnod pa srung bar byed pa'i le'u ste go bdun pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te/ gson 'dre srung bar byed pa'i thabs// bdag nyid lha yi nga rgyal gyis// btsan dug shing kun gu gul dang// chu dag spru nag rtsa ba dang// mu zi nag po spyang ki'i brun/ khyi nag brun dang rkyang gi sbangs// sdig pa nag po'i sha rnams btul// dri chen dri chus ngar blud la// nam gnod dus der dud pa btang// gson 'dre'i gnod pa bzlog par 'gyur// ril bu byas nas bcangs pa na// gson 'dres mi tshugs bsrung bar 'gyur// rtsa ba'i sngags kyis rab gnas bya// bla ma yi dam mkha' 'gro thams cad kyi yon tan gyi rgyud bstan pa'i srog shing las/gson 'dre'i gnod pa srung bar byed pa'i le'u ste go brgyad pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rgyal po'i gnod pa srung ba'i thabs// chos 'khor rnying pa'i sa dag dang// tshul khrims ldan pa'i dge slong dang// dam tshig ma nyams sngags pa yi// dri chen dri chu sbyar ba yi// ril bu ri bong ril ma tsam// mi sha gu gul spre'u sha rnams// thum po bsrung bya'i lus la gdags// ra tsa tri ling hur thum myag tsit+ta sa ma ya myog myog ra tsa baM ri li li mA ra ya rbad/ces pa rtsa sngags dril ba la// stong phrag bzlas pas rdzas ngar blud// rgyal po'i gnod pa bsrung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/rgyal 'gong gi gnod pa srung bar byed pa'i le'u ste go dgu pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// the'u rang gnod pa srung ba'i thabs// byi ba sre mo'i klad pa dang// pha bong long bu btul ba rnams// sbang skam phye dang bsres nas ni// bra ba'i blud bu nang du blug/ nam dgos dus su dud pa btang// tri'u sha d+ha ra sha bing bing/ tri'u sha sha sa ma ya srog dung dung tri ling rbad swA hA/ zhes pa rtsa sngags gsham la gdags// mang du bzlas shing rdzas ngar blud// the'u rang gnod pas tshugs mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las/ the'u rang gi gnod pa srung ba'i le'u ste brgya tham pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// btsan gyi gnod pa srung ba'i thabs// shi skra'i srad bu khru gang la// mdud pa nyi shu rtsa gcig bya// mi rta khyi gsum khrag gis byugs// gang gi lus la bcang de la// btsan gyi gnod pa bsrung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ btsan gyi gnod pa srung bar byed pa'i le'u ste brgya dang gcig pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gri bo'i gnod pa srung ba'i thabs// gri lcags btul ba'i phye ma la// mgar gyi sa mal til nyung dkar// dud pa gang du 'thul ba der// gri bo gang yang nyer mi nus// lus la btags kyang de bzhin no// bla ma yi dam mkha' 'gro thams cad kyi yon tan gyi rgyud bstan pa'i srog shing las/gri bo'i gnod pa srung bar byed pa'i le'u ste brgya dang gnyis pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gshin rje'i gnod pa srung ba'i thabs// zangs lcags byang bu mig dgu la// shan pa nag po'i khrag gis byugs// dar sna lnga yi khud du gril// kA la rU pa ya mAn+ta ka sa ma ya rak+Sh+yaM du swA hA/ rtsa ba'i sngags dang bcas pa la// brgya phrag bzlas shing rab gnas bya// bsrung bya'i lus la byang bu gdags// gshin rje'i gnod pa bsrung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gshin rje'i gnod pa srung bar byed pa'i le'u ste brgya dang gsum pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// grib gnon gnod pa srung ba'i thabs// gcan gzan stag gi thod rus la// hUM ya tik+Sh+yaM b+ha ru ti phaT rbad b+h+yo/zhes pa mtshal lam dngul gyis bri// ro ras nag pos gril ba de// gang gi lus la btags pa la// grib gnon 'byung po'i gnod pa skyob// bla ma yi dam mkha' 'gro thams cad kyi yon tan gyi rgyud bstan pa'i srog shing las/grib gnon gyi gnod pa srung bar byed pa'i le'u ste brgya dang bzhi pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/bsnyen sgrub gtan la pheb byas te// rmi lam ngan pa bzlog pa'i thabs// rmi lam ngan pa gang rmis kyang// sad ma thag tu har gyis langs// gnod byed gtsor byas sems can la// byams dang snying rje rgya chen bskyed// skyabs gnas dkon mchog rin chen la// dad pas skyabs 'gro gsol ba gdab// snang srid 'khor 'das chos rnams kun// bden med rmi lam sgyu mar blta// gang yang gza' gtad med par gzhag/phaT gdab bsam sems med par nyal// rmi lam ji ltar ngan gyur kyang// sdigs par mi 'gyur sangs par dag/ bla ma yi dam mkha' 'gro thams cad kyi yon tan gyi rgyud bstan pa'i srog shing las/ rmi lam ngan pa bzlog pa'i thabs kyi le'u ste brgya dang lnga pa'o// a+thi+-i/// dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// ci bsam yid bzhin 'grub pa'i thabs// nang par tho rangs rlung ro dbyung// gsar ba bzung la mnyam par gzhag/ mnyam gzhag ngang las rang rig b+h+rUM// 'od dang gzi brjid ldan pa la// rang gi snying gi ngo bo de// dgos 'dod thams cad 'byung ba yi// yid bzhin nor bu rin po che/ kha dog sna tshogs 'bar ba'i 'od// bkrag mdangs gzi brjid ldan par dmigs// de la bla ma yi dam dang// mkha' 'gro chos skyong spyan drangs bstim// de ltar ma zin bar du bsgom// de la ma yengs zin pa dang// 'od kyis snang srid thams cad khyab// bdag don bsam grub re bskangs nas// longs spyod chos dang mthun nas kyang// bdag gzhan don 'bras gang bsams pa// rtsol med lhun gyis grub bsams nas// spros bral chen po'i ngang la gzhag/ de ltar nang re bzhin bsgoms pas// de nyid ji ltar bsams pa'i don// 'grub par gyur na gdon mi za// bla ma yi dam mkha' 'gro thams cad kyi yon tan gyi rgyud bstan pa'i srog shing las/ bsam don 'grub par byed pa'i le'u ste brgya dang drug pa'o// a+thi+-i/// rgyud 'di 'chang bar byed pa'i thabs// dus skar tshes grangs bzang po la// mthing shog rang sor bzhi pa'i tshad// gru bzhi mnyam nyid glegs bam la// rgyud tshig rin chen gser ram dngul// rat+na btul ba'i khu bas bri// gang yang lhag dang chad med pas// bris pa rang gi mdun bzhag ste// dam tshig yi ge'i 'bru rnams la// ye shes yig 'bru dgug la bstim// gzhan yang ye shes lha yi tshogs// sangs rgyas byang chub sems dpa' dang// bla ma yi dam mkha' 'gro rnams// mos pas spyan drang bkug la bstim// phyag 'tshal mchod dang bstod pa bya// ci 'dod yid smon gsol ba gdab// de nas sna tshogs dar gyis gril// dri bzang sman dang lhan cig tu// ran+ta'i za ma tog tu gzhug/ 'bral med lus dang grib ma bzhin// rang gi mchan khung g.yon du 'chang// nyon mongs rtog tshogs rab zhi nas// ye shes snang ba ngang gis 'char// gnas skabs rkyen dang bar chod sel// mthar thug mchog gi dngos grub 'byung// zhor la thun mong dngos grub kyang// rtsol med char gyi rgyun bzhin 'bab// nyes pa kun las grol nas kyang// bde legs yon tan dpal dang ldan// 'di dag lus la gnas pa yi// rnal 'byor lus rgya bral ba'i tshe// 'ja' 'od sku gdung ring bsrel 'byung// sa g.yos me tog char 'bab cing// sgra dang bcas te rtags bzang 'byung// gang dag ye shes rgyud drug po// gang gis bcang dang klog pa dang// 'bri dang kun tu sus chud pa// tshe 'dir bde legs dpal la skyob// tshul khrims 'chal dang dam tshig nyams// sdom pa gsum la 'gal ba rnams// sor chud nyes pas mi gos shing// bskal pa grangs med sdig pa 'dag/ tshe 'phos rig 'dzin rgyal ba'i zhing// skad cig nyid la bgrod par 'gyur// de don yang dag nyid la gnas// bla ma yi dam mkha' 'gro thams cad kyi yon tan gyi rgyud bstan pa'i srog shing las/rgyud 'chang ba'i thabs dang che ba'i yon tan bstan pa'i le'u ste brgya dang bdun pa'o// a+thi+-i/// e ma dpag med bcom ldan gyis// sku gsung thugs las mngon byung ba// bla med byang chub sgrub pa'i lam// mthun rkyen bsgrub cing 'gal rkyen bzlog/ thun mong las tshogs yid bzhin nor// gdul bya 'dul ba thabs kyi sgo// bdag cag 'dus pa'i 'khor rnams la// legs gsungs legs gsungs legs par gsungs// bdag dang yang sprul sprul pa'i 'khor// nyid kyi stobs las mngon byung ba// lha dang mi dang lha ma yin// klu dang rig sngags 'chang la sogs// dri zar bcas rnams yi rangs nas// bcom ldan gsungs la mngon par bstod// bla ma yi dam mkha' 'gro thams cad kyi yon tan gyi rgyud bstan pa'i srog shing las/rjes su yi rangs shing mngon par bstod pa'i le'u ste brgya dang brgyad pa'o// a+thi+-i/// yon tan khyad par rmad du byung ba'i rgyud bstan pa'i srog shing zhes bya ba/ bdag 'dra pad+ma 'byung gnas kyis bsgyur ba rdzogs so// rta nag dregs pa sde brgyad tshogs kyis bka'i bya ra mdzod// sa ma ya/ rgya rgya rgya/ d+ha thim/ sprul pa'i sku mchog sangs rgyas gling pas/ ja dkar dung gi sgo mo nas bton pa'o//// bla ma dgongs pa 'dus pa las bla ma yi dam mkha' 'gro thams cad kyi drag sngags phrin las kyi rgyud spu gri reg chod bzhugs so/

CLOSE WINDOW