CLOSE WINDOW

Gpb017.004
བོད་ཡིག

g+hu ru d+he wa DAk+ki ni sarba tsit+ta a mr-i tau g+ha tan+t+ra rA dza pad+ma ku Ta nA ma/ bod skad du/ bla ma yi dam mkha' 'gro thams cad kyi thugs bcud 'dus pa'i rgyud kyi rgyal po pad sdong brtsegs pa zhes bya ba/bcom ldan 'das dpal rang byung gi lha bde ba chen po gzi brjid mtha' yas pa la phyag 'tshal lo// 'di skad bstan pa'i dus gcig na/ dkar ser dmar ljang rab 'khrugs shing// le brgan zla gam 'bar ba'i dbus// sna tshogs 'od kyi tshong khang du// dus gsum sa ler mthong nas ni// skye rga na 'chi'i rba klong 'khrugs// mi bzod g.yo bas rab bskul zhing// thugs rje spro bsdu 'gyed pa'i tshe// ye thog dang por lhun gyis grub// sna tshogs las la dbang bsgyur byed// rdzu 'phrul drwa ba phyogs bcur 'gyed// gsum snang dbyer med gcig mang pos// kun la khyab pa'i byang chub sems// gzugs sgra dri ro reg bya chos// yul bcas rgyan dang cha lugs ldan// rdo rdo pad+ma'i 'khor tshogs la/ srid dang sgo nga'i sbubs 'byed pa// lnga 'joms drug rdzogs gsum dang ldan// gnyis bsdus don 'byung gnyis las grol// bzhi rdzogs gtan la dbab par bya// rdo rje chos la sogs pa yi// rang byung sprul pa'i 'khor rnams kyis// bcom ldan 'das la 'di skad zhus// kye kye ston pa 'od mi 'gyur// gar bsgrub gnas kyi mtshan nyid dang// gnas der gang zag ji lta bus// nyams su med pa'i chos ni gang// chos de bla ma gang la zhu/ sgrub rdzas ji lta bu la brten// bsgrub pa'i grogs gang dus tshes nam// dkyil 'khor lha sngags rtags tshad dang// phrin las kha bsgyur ji lta bu// smin byed dbang dang dam tshig dang// grol byed gdams pa ngo sprod bcas// de yi lta bsgom spyod 'bras bu// chags lam gsang ba'i gdams pa stsogs// de ltar bskyed rdzogs thams cad kyi// mthar thug 'bras bu grub mtha' dang// sa lam chod tshul ji lta bu// ldan 'bras dus skabs bka' stsol cig/ de skad 'khor gyis zhus pa'i tshe// bcom ldan dpag med mtha' yas kyis// rang shar sprul pa'i 'khor rnams la// sna tshogs cho 'phrul 'di gsungs so// thugs bcud 'dus pa'i rgyud kyi rgyal po pad sdong brtsegs pa las// gleng gzhi'i le'u ste dang po'o// a+thi+-i/ !// gang zhol chu bo chen po'i 'gram// bran khol lha srin jag rkun dben// bag dro byin chags DAk+ki rgyu// 'dod yon longs spyod gang dgos tshang// gnam sa dkar zlum zhi ba la// gru bzhi ser po rgyas pa nyid// dmar po zla gam dbang la ste// ngam nag gru gsum drag po'i gnas// gang la gang 'os yid dang mthun// so so'i rten 'brel rgyu rkyen 'dzom// gtser ba 'tsher ba kun dang bral// gzhan dbang ma song dben pa mchog/g.yer zhing mtho la nam mkha' yangs// khod snyoms dbyibs 'jam grong rgyang ring// 'jigs shing skyi g.ya' lha 'dre 'du// 'gol zhing gtsang sar rdzogs rim bsten// spyi dang bye brag gang la yang// gnas dang yul dang nye ba'i gnas// rgyal bas zhabs bcag bkra shis pa// yid dang mthun pa mchog tu gces// thugs bcud 'dus pa'i rgyud kyi rgyal po pad sdong brtsegs pa las/ bskyed rdzogs kyi bsgrub pa dang nyams len gyi gnas bstan pa'i le'u ste gnyis pa'o// a+thi+-i/// 'di nyid nyams su len pa'i bu// dad dang brtson 'grus gtong phod che// blo yangs gsang thub rab tu brtan// dam gtsang gzhung bzang snying rus che// lus srog thed bor chags zhen med// tshe 'di mi gnyer gcig pur gnas// bla ma la gus grogs la brtse// chos phyir srog 'dor 'chi chos byed// shes rab che zhing rig pa myur// lhod chags zhi dul smra sgo nyung// chad btsan mdo che gzhan phan bsgrub// rdzun dang g.yo sgyu phra ma chung// 'dod yon sred bral rtog pa med// snying rje che zhing sems bskyed ldan// gzhan dbang ma song rang dbang thob// 'byor ldan rigs rgyud bzang ba'am// yang na skyid sdug sna tshogs myangs// tshe 'dis bya ba gang la yang// re ltos bral zhing kho thag chod// 'di min gzhan ltos bral bas bsgrub// thugs bcud 'dus pa rgyud kyi rgyal po pad sdong brtsegs pa las/gang gis bsgrub pa'i gang zag bstan pa'i le'u ste gsum pa'o// a+thi+-i/// dang du mi len spangs pa'i chos// 'dod chags zhe sdang gti mug dang// nga rgyal phrag dog la sogs kyis// dbang gyur rigs drug ngal ba'i rgyu// sgrub bya nyams len gcig dril chos// dang po nyan rang byang chub sems// stegs byas sa lam rim gyis bgrod// tha ma'i 'jug pa dang po nyid// kri u yo ga lha dang sngags// bskyed rim rtags rdzogs rang dbang thob// gzhan don phrin las rtsol bar ldan// 'bring pos brtan pa thob par bya// rdzogs dang rdzogs chen de sems pa// gnyis med rang grol 'ub chub don// bcings grol las 'das phyogs lhung bral// gsum ldan yang rab don spyod gcig/ bskyed rdzogs gnyis ldan bla med don// gzhan med dbang po dgu yi chos// 'di ni rang byung lhun rdzogs nyid// thams cad 'dus pa'i ngo bor grub/ thugs bcud 'dus pa'i rgyud kyi rgyal po pad sdong brtsegs pa las/ spang bya'i chos dang nyams su blang bya bskyed rdzogs kyi gdams pa bstan pa'i le'u ste bzhi pa'o// a+thi+-i/// yid ches khungs btsun brgyud par ldan// rig pa'i gnas la ma rmongs shing// yid bzhin nor 'dra dgos 'dod ster// lam log 'khrul dang 'jigs las skyob// spro bskyed blo gzhol chos la bskul// der khrid de phyir bri klog slob// rkyen byed lung ston 'dren pa yis// slob dpon phyi yi bla ma nyid// bde gshegs bka' lung lag len slobs// bka' babs sgrub rgyud rig pa 'dzin// slob dpon rgyud gtad de rjes bsnyegs// brgyud pa'i bla ma nang gi'o// mkhan slob sdaum stsol sems bskyed phog/ smin byed dbang bskur chos sgo 'byed// grol lam khrid gdab rgyud bshad pa// gsang ba rtsa ba'i bla ma'o// tshe rabs las smon bla ma ni// mthong thos dran pas rab gdung zhing// des bstan gdams pa rgyud la phan// dgongs shing 'bral med 'grogs sems 'byung// lta bsgom spyod bral gdeng dang ldan// snying rje byang sems gzhan don 'grub// phyi nang chos la lag len mkhas// gzhan rgyud shes dang der khrid brtson// bskyed rdzogs brtan thob lung bstan ldan// 'byung la sbrul bsgyur bsad gso nus// gang la gang 'dul bye brag shes// gar 'dug btsal la spyi bos blang// de lta bu yi bla ma rnams// lus ngag yid gus bka' bzhin bsgrub// log sems spang zhing mnyes par bya// de 'bras rang bzhin yid smon 'grub// de las log pa bla ma'i gzugs// bdud kyi byin brlabs sprul bsgyur ston// rnam thar shis shis 'dra na yang// mkhas pas legs brtags mi bsten 'dor// thugs bcud 'dus pa'i rgyud kyi rgyal po pad sdong brtsegs pa las/spang blang gi bla ma'i mtshan nyid bstan pa'i le'u ste lnga pa'o// a+thi+-i/// yang dag don gnyer 'dod pa gang// snang srid rten 'brel rgyu rkyen las// 'byung phyir phyi nang gsang ba dang// gnas skabs la sogs rten 'brel rdzas// sku 'bag rdo rje dril bu dang// phyag rgya'i phu dung bum pa bzang// sna tshogs dar gyi pho long sogs// sku yi rten du gang dgos bcang// rkang gling thod lnga cang te'u// zhi rgyas dbang dang mngon spyod sogs// gang bsgrub las kyi phreng ba ni// dkar ser dmar nag la sogs gsung/ kha T+wAMb+han por shel me long// rat+na'i za ma tog la sogs// gang 'thad thugs rten rdzas rnams kyang// lus dang grib ltar mi 'bral 'grogs// zhi ba til dang sman sna tshogs// rin chen dar sogs rgyas pa la// mtshal dang sin+d+hu le brgan dbang/ khrag mtshon dug phur drag po la'o// gsang ba byang sems dkar dmar dang// sha lnga dang ni bdud rtsi lnga// dbang po sman rag gtor mar bcas// yid 'ong mtshan ldan mchog tu'o// gnas skabs rgyu rkyen rten 'brel rdzas// gang la gang dgos thams cad kyang// mngon zhen 'dzin chags med tshul gyis// don gnyis bsgrub phyir mkhas pas bcangs// dkyil 'khor lha dang mched lcam sogs// dgyes bskang phyi nang gsang mchod rdzas// dgra bzlog go mtshon nad bzlog sman// de dag rnams kyang sta gon bya// thugs bcud 'dus pa'i rgyud kyi rgyal po pad sdong brtsegs pa las/ sgrub rten gyi rdzas bsten pa'i le'u ste drug pa'o// a+thi+-i/// thabs grogs blo brtan snying rus che// gzhung bzang khrel che gsang tshig thub// dad brtson shes rab snying rje che// dam gtsang shes mthun ci smra nyan// g.yo sgyu ser sna mngon zhen chung// gsang sngags la mos skrag sems med/ khog yangs nyon mongs shas chung ba'i// grogs dang ldan zhing bsgrub par bya// sgrub rten shes rab grogs mchog ni// yid 'ong bzhin mdzes sngags la dad// ngag nyung gsang thub rnal 'byor gus// lus mnyen 'khril ldem dri bzang bro// lus thub dbyangs snyan bka' mi gcog/ g.yo sgyu ser sna rtog pa chud// rtsa bzang gsang rub nu ma mkhregs// blo yang tshig brtan gtong phod che// de las log pa'i bran khol rigs// nad gcong can dang gzhan dbang song// rigs ngan yun ring duHkhas mnar// gegs byed dngos grub mi 'byung spang// 'on kyang dngos grub stsol nus dang// mthong ba tsam gyis bde ba bskyed// rnal 'byor yid dang mthun gyur na// sgrub pa'i grogs gyur gang yang shis// spang 'os mi bsten 'os pa ni// thabs dang rten 'brel gang 'thad kyis// dang du blangs shing rgyud smin bya// tshags tshud bde ba'i grogs su bsten// thugs bcud 'dus pa'i rgyud kyi rgyal po pad sdong brtsegs pa las/ bsgrub pa'i grogs bstan pa'i le'u ste bdun pa'o// a+thi+-i/// ra ba bzhi yi yar ngo dag/bkra shis bde legs 'byung bar byed// nya dang gnam stong tshes brgyad nyid// ltas bzang bcas te bsgrub pa 'phel// rgyu skar rgyal sogs yid smon 'grub// gza' dang zla ba yar gyi ngo// gzhan phan brtson sogs dge ba rnams// cho ga yis ni bya ba brtsam// smin byed zla ba'i cha nyid de// grol bar byed pa nyi ma'i cha// gnyis ka'ang dus sbyor bzang po dang// shis pa'i gza' dang skar ma la'o// gzhan yang phrin las so so rnams// gcig nas stong gi bar dag tu// bsregs sogs kha bsgyur bya ba ni/ khyod kyi 'dod pa gang dgos brtson// bdud nyi dbul dang phung nyi nag/ de bzhin drag po'i gza' skar la// bstan pa bsrung dang rU tra btul// mnan bsregs 'phang dang gzir sogs shis// de bzhin bzang dang ngan pa dang// zhi rgyas dbang drag bya ba ni// so sor gang dang gang dag rnams// gza' skar tshes grangs dus kyang de// mdor na dang por legs brtags shing// dbang po'i bya ba shis pa ste// yang na rtog med gdeng ldan pas// bya ba gang yin nam yang rung// thugs bcud 'dus pa'i rgyud kyi rgyal po pad sdong brtsegs pa las/bsgrub pa dang las sbyor sogs kyi dus tshes bstan pa'i le'u ste brgyad pa'o// a+thi+-i/// phyi nang gsang ba gnas skabs kyi// dkyil 'khor bya ba gang yin la// phyi snod sgyu lus dag bya'i phyir// byang chub bsgrub don gnyer bas 'bad// pho brang gling dgu 'dab brgyad mdzes// sgo khang rta babs khyud mor bcas// 'ja' gur dur khrod 'byung ba 'khrugs// mdzes bab lhun ldan brjid par dgod// 'byor tshogs rab 'bring tha ma yis// rin chen 'bru tshon gang 'byor dang// gzhal yas dar ldi tsa ka li// ras bris stegs bu rdul tshon gri// sgyu ma lus kyi grong khyer dang// rtsa rlung khams kyi dkyil 'khor dang// sa chu me rlung las grub rgyu// dngos sogs rab 'bring tha ma la'o// ma bcos lhun grub dkyil 'khor dang// lnga grol 'od lnga'i dkyil 'khor nyid// lug rgyud spro bsdu'i dkyil 'khor bcas// rab 'bring tha mar shes par bya// rgyas bsdus bsdus dang de nyid bsdus// sa brtag sa 'dul sa chogs sogs// chag chag thig tshon byin rlabs rnams// rab tu shis pa'i bya ba ste// mkhas pas lha yi nga rgyal gyis// skad cig gcig rdzogs babs lugs sogs// gang byung gang dgos gnas nyid du/ gdeng ldan dkyil 'khor bya ba bsgrub// thugs bcud 'dus pa'i rgyud kyi rgyal po pad sdong brtsegs pa las/dkyil 'khor gyi bya ba bstan pa'i le'u ste dgu pa'o// a+thi+-i/// bla med bsgrub don gnyer 'dod gang// byin rlabs dngos grub phrin las kyi// lha yi rnal 'byor 'di dag la// nang bcud dag phyir gsal bar blta// rab dang 'bring dang tha ma'i blos// ma bcos spros bral de nyid lha// rang byung gsal 'tsher lhun sdug lha// thugs rje zhal phyag gzugs snang lha// yab yum thabs shes zhi dang khro// dkar ser dmar ljang smug dang nag/de bzhin kha dog sna tshogs pa// cha lugs phyag mtshan ma nges gsal// 'od dang 'od zer sna tshogs brgyan// sras dang sprul pa yang sprul tshogs// mi zad gsal bar sku gsung thugs// yon tan phrin las phyir snang lha// gang zag blo yi khyad par gyi// so sos ji ltar 'dod pa'i lha// phrin las kha bsgyur sna tshogs kyang// ye shes lha gcig nges 'grub na// 'jig rten 'das dang ma 'das kyi// lha tshogs gang dang gang dag la// ci 'dod dngos grub zhu ba 'am// bskul sogs las rnams nges par 'grub// des na gcig dang du ma'ang rung// gsal stong 'dzin med ngang nyid las// sku mdog phyag mtshan rgyan cha lugs// mkhas pas chags bral ldan par blta// de nyid ldan pa'i rnal 'byor gyis// dur khrod 'dre ngan bsgrub gyur kyang// mchog dang thun mong 'bras bu gang// ci 'dod rang byung lhun grub 'byung// de nyid ma rtogs a 'thas blos// ye shes sems dpa' bsgrub gyur kyang// gnas skabs ldan 'bras phra'u las// yang dag 'bras bu srid mtha' tsam// yang na gzhan don blo nges dang// dad pa dam tshig ldan pa pos// mngon zhen bral bar bsgrub gyur kyang// ci 'dod 'byung bar rten 'brel lo// thugs bcud 'dus pa'i rgyud kyi rgyal po pad sdong brtsegs pa las/ lha bskyed cing bsgrub par bstan pa'i le'u ste bcu pa'o// a+thi+-i/// lha bsgrub sngags kyi rnam grangs las// smra brjod las 'das de nyid sngags// gsang ba skye med rdo rje'i bzlas// lhun grub 'byung sgra nang gi'o// phyi ltar rtsol bcas tshig 'bru'i sngags// dril dang gtso 'khor kha bsgyur sogs// bye brag so sor smra ba yang// gsal dag sgra zur ma nyams gces// oM AHhUM hrIH badzra gu ru pad+ma sid+d+hi d+he wa DAk+ki ni/ bo d+hi tsit+ta/ ma hA su kha/ badzra ma hA kro d+ha/ shAn+ti ka/ hrIHma ha ri ni sa/ ra tsa hrIHya/ sarba sid+d+hi/ kA ya wA ka tsit+ta/ dz+nyA na satwa/ a mi de wa/ ma ma tsit+ta saM b+ha wa a d+hiSh+Tha naM/ ma ma A yur+dz+wA na/ sid+d+hi pha la hUM swA hA/ oM AHhUM gu ru shrI/ pad+ma badzra hrIH/ d+hu ma g+ha ye DAk+ki ni na maHswA hA/ oM AHhUM/ gu ru shrI/ bud+d+ha thod phreng rtsal/ bai ro tsa na oM/ sarba bud+d+ha DAk+ki ni hUM/ oM AHhUM/ gu ru shrI/ a k+Sho b+h+yo/ badzra su kha d+ha ri hUM/ oM AHhUM/ gu ru shrI/ pad+me b+ha sha ha/ DAk+ki ni ku ru kul+le hrIHswA hA/oM AHhUM/ gu ru shrI/ A tsar+ya ma hA badzra shAn ti pad+ma g+ha ru ti b+h+yoHDAk+ki ni hUM/ oM AHhUM/ gu ru shrI/ badzra ma hA kro d+ha a rtsig ne rtsig/ mA ma ru lu ru lu hUM b+h+yo hUM/ oM AHhUM/ gu ru shrI/ bud+d+hA ka pA li dpa' bo hUM/bud+d+hi praDAk+ki ni mA ma ru lu hUM swA hA/ oM AHhUM/ gu ru shrI/ badzra ma hA kro ta h+ya gr-i wa/ ma ma e ka tsa ti hUM/ oM AHhUM/ gu ru shrI/ badzra pA Ni ma hA kro d+ha/ ma ma sid+d+hi hUM/ oM AHhUM/ gu ru shrI/ yak+Sha sa ma ya/ hrIHma ha ri ni sa/ra tsa hrIHya/ ma ma yo gi ni/ sarba duSh+tan hUM phaT/ shIMn+ta ku ru swA hA/ puSh+tiM ku ru swA hA/ wa shaM ku ru swA hA/ sha truM mA ra ya phaT/ oM AHhUM/ sarba pany+tsa a mr-i ta hUM hrIHTha/ oM AHhUM/ ma hA rak+ta/ mU la rak+ta/ dz+wa la maN+Dal hUM hrIHTha/oM AHhUM/ ma hA ba liM ta/ te dz+wa ba liM ta/ b+ha la b+ha te/ gu h+ya ma hA shrI/ sa ma ya swA hA/ oM badzra ar+g+haM a/ puSh+pe pu/ d+hU pe d+hu/ A lo ke hrIH g+han d+he g+han/ nai wi d+ya a/ shap+ta hUM/ a b+hi Shany+tsa maM/ b+h+ruM rak+Sha hUM/ de la sogs te sngags kyi rigs/ bsgyur dang bsgyur kha'i rnam grangs rnams// rgyas bsdus rnam pa ma nges par// gang byed so so'i sham bu gdags/ 'bru 'bum grangs kyi bsnyen pa ste// dus kyi tshad ni lo gsum la// tshad ni rtags rdzogs bar du bzlas// de la nges med shes par bya// rgyal po'i pho nya lta bu dang// zla ba skar phreng mgal me'i tshul// bung ba tshang grol lta bu ste// 'dzab dgongs bzhi dang ldan par shes// phyi nang che chung go rim dang// ring thung mgyogs bul drag dad zhan// skyon drug dor zhing tshul shes par// don 'bras ma smin bar du 'bad// spyir ni rnam grangs go rim dang// tshul can tshul min spang blang sogs// sngags kyi byed las gang yin rnams// so sor brtags te bya bar shes// ting 'dzin sngags dang bzlas brjod gsum// gcig mdangs gcig gis bskyed pa'i phyir// gsal dag brjod pa gtsang ba gces// de 'bras yid 'dod dngos grub 'byung// thugs bcud 'dus pa'i rgyud kyi rgyal po pad sdong brtsegs pa las/ sngags kyi rnam grangs bgrang tshul dang bcas pa bstan pa'i le'u ste bcu gcig pa'o// a+thi+-i/// drod tshad rtags dang mtshan ma gnyis// mi rtog ting 'dzin de nyid thob// mngon zhen kun rdzob rdzun khung rdib// gding rnyed snang srid cir mi sems// dngos nyams rmi lam rab rib la// 'ja' 'od shel dang bum gter rnyed// dri bzang rol mo nyi zla shar// me tog khrus rgyan gos bzang gon// rdzing 'dor gzhan bkur ri mthon 'dzegs// sna tshogs 'bul skyel 'bru ljon dang// bla khams 'byung dar stobs rgyas ltas// zhal ston chos smra sngags nyams sad/ khyad par thun mong de sogs te// de las log pa ngan pa'i rigs// zhib brtag bye brag shes bya zhing// bzang ngan btang snyoms ngang la bzhag/ mdor na lus ngag yid bde zhing// khams rgyas rtogs 'bar 'dod pa'i don// chos 'grub gnas skabs mthar thug gi/ byed 'bras 'byung ba mtshan ma'o// thugs bcud 'dus pa'i rgyud kyi rgyal po pad sdong brtsegs pa las/ rtags dang mtshan ma bstan pa'i le'u ste bcu gnyis pa'o// a+thi+-i/// lha dang bla ma grub nas ni// ci 'dod phrin las kha bsgyur brtson// byin rlabs 'dod pas bla mas ni// dad cing gdung bas las la sbyang// dngos grub 'dod pas yi dam lha// pho mo zhi drag gzhan phan blos// dril dang bye brag so so sogs// yid gnyis med par las la sbyar// zhi rgyas dbang dang mngon spyod sogs// bar chod sel dang bstan pa bsrung// ma mo DAk+ki chos skyong gi/ las sbyor dam tshig ldan pas 'bad// gzhan yang gnas skabs mthar thug gi/ phrin las kha bsgyur las phran rnams// dad dang brtson 'grus dam tshig ldan// yid gnyis bral ba'i rnal 'byor pas// 'jig rten 'das dang ma 'das kyi// lha dang bla ma la sogs dang// 'khor dang sprul pa yang sprul gyi// bsgrub pa grub nas brtsam par bya// de grub mnyes par ma byas shing// 'dod pas las sbyor gang brtsams kyang// 'grub par mi 'gyur bar chad ni// mi rung ltas dang bcas te 'byung// de phyir lha dang bla ma nyid// grub na mnyes par bya ba dang// ma mo DAk+ki bran khol bcas// thugs dam bskangs nas las la sbyar// thugs bcud 'dus pa'i rgyud kyi rgyal po pad sdong brtsegs pa las/ phrin las kha bsgyur dang las sbyor bstan pa'i le'u ste bcu gsum pa'o// a+thi+-i/// lha dang sngags kyi de nyid don// ma rmongs bstan pa thob bya ste// mtshan nyid kun ldan bla ma yis// rang smin las ni gzhan smin brtson// dam tshig kun ldan dad pa'i gzhi// kun bslang skyes bu dam pa yis// lus dang longs spyod la sogs rdzas// dngos 'byor sprul cing maN+Dal dbul// dag byed nyid ni thog ma la// rig pa lnga yis lnga nyid bshig/ gsang ba shes rab tshig don bskur// yan lag mtha' rjes yongs su rdzogs// b+hUM bi shwa bi shud+d+he kA ya a b+hi ShIny+tsa mAM// oM bud+d+ha a b+hi Shiny+tsa oM/ oM badzra a b+hi Shiny+tsa hUM/ oM rat+na a b+hi Shiny+tsa trAM/ oM pad+ma a b+hi Shiny+tsa hrIH/ oM karmA a b+hi Shiny+tsa a/ oM AHhUM gu ru d+he wa DAk+ki ni sarba karmA a b+hi Shiny+tsa oM/oM sarba ta thA ga tA gu h+ya a b+hi Shiny+tsa AH/ oM DAk+ki ni pradz+nyA su kha dz+nyA na a b+hi Shiny+tsa hUM/ oM sarba ta thA ga tA tsa tur a b+hi Shiny+tsa hraMH// phyi nang gsang ba de kho na// lus la rdzas sbyin phyi rol pa// tshig sngags nang dbang ting 'dzin gsang// brda don sprad pa de kho na// bskur thob ma bskur thob pa nyid// bskur nas ma thob la sogs pa// dpon slob gnyis kyi spang blang rnams// dbang gi bye brag shes par bya// gsang sngags rtsa ba dbang nyid de// de nyid rtsa ba dam tshig las// 'da' bar mi bya bsrung mtshams rnams// gnyis kas shes phyir dngos grub 'byung// shugs bcud 'dus pa'i rgyud kyi rgyal po pad sdong brtsegs pa las/dbang bskur bstan pa'i le'u ste bcu bzhi pa'o//// a+thi+-i// gsang dang sngags kyi de nyid don// bla na med pa kho na ste// de yi bla na med pa ni// dam tshig la gnas mchog tu bsngags// phrin las yon tan thugs gsung sku// bye brag gnas skabs mthar thug gi/ yan lag rtsa ba'i dam tshig dag/ nyi shu lnga dang lnga nyid gces// skyon yon spang blang gzhig byas la// ma nyams bsrungs na don 'bras 'grub// nyams na yun ring duHkha myang// de phyir de don legs shes bya// rdo rje theg par gyur to cog/ spyi dang bye brag gang la yang// bstan pa'i rtsa ba dam tshig ni// rnam pa mang po de bzhin no// thugs bcud 'dus pa'i rgyud kyi rgyal po pad sdong brtsegs pa las// dam tshig bstan pa'i le'u ste bco lnga pa'o// a+thi+-i/// grol lam yang dag gcig nyid la// bden pa gnyis phyir bskyed dang rdzogs// rab 'bring tha ma'i blo can gyis// gnyis med rdzogs dang bskyed pa'o// 'khor 'das spyi gzhi yang dag don// ma bsgribs rjen pa bskyed pa la// ngo bo stong pa rdzogs pa ste// sna tshogs 'phro 'du gnyis su med// gzhi rdzogs lam snang 'bras bu mthong// sgo yul yul can gsum 'dzom na// mngon sum 'phel zhing tshad la pheb// zad nas gnyis 'bras de nyid thob// nyag thag gcig chod yan lag skam// klong 'phyo sgrogs grol brtan pa tshugs// rtsal rdzogs mdzes pa'i rgyan gyis spras// 'od zer 'phro 'du las kun byed// rtsad chod nga yang su 'dod khyer// seng+ge ri rbab glang po skyong// kun pal btang snyoms cir mi blta// nam mkha' ri bo rgya mtsho che// ma nor gcig chog blo bde ba'i// cod pan phog pa de nyid sogs// bsnyen cing mchod de bzlas pa 'bad// sta gon dang po'i bya ba'o// gnyis par dal dang rdzas bkod de// dmigs pa gsal zhing bsgrub la brtson// phyi nang gsang rtags rdzogs pa dang// rten 'chang rtag tu ma yengs blta// de nas gsum par las la sbyar// gang 'dod phrin las kha bsgyur gdags// 'dod don 'bras bu yid la bya// don grub gal ma mchis la bzhag/ bskyed rdzogs gnyis med dbang rab la// rdzogs rim gsum pa 'bring po nyid// tha mas bskyed rim bzlas pa 'bad// mthar thug bskyed rdzogs yang rtse yin// thugs bcud 'dus pa'i rgyud kyi rgyal po pad sdong brtsegs pa las/ grol lam bskyed rdzogs kyi gdams pa bstan pa'i le'u ste bcu drug pa'o// a+thi+-i/// chags chen lam du zhugs pa yi// bla med bcud kyi mthar thug 'di// sa lam myur bgrod skad cig gis// smin grol gnad kyi yang zhun 'di// dang po smin byed dal du gzhug/ gnyis par chags lam gsang khrid bsgom// gsum par nyams len gcig thog gzir// ngo sprod snang srid bde bar rol// le lo rnam g.yeng rab spang zhing// dben par DAk+ki'i dkyil 'khor bsham// mos gus gsol ba phur tshugs gdab// gsang ba'i dal zhugs dbang bskur bya// dga' dang mchog dga' mchog rab dga'// bde stong mi rtog ting 'dzin bzung// ma yengs 'bras bu ar la gtad// 'di ni nyag gcig gnyis med don// b+ho d+hi tsit+ta ma hA su kha dz+nyA na d+hA tu a b+hi Shiny+tsa maM/sgyu lus g.yo 'gul sna tshogs kyis// las la dbang 'byor mnyen lcug bde// phyag bskor gar bsgyur spyod lam bya// sngon du 'gro ba shin tu gces// ro dbyung gsar bzung rgyu rngub cing// gyen mthur me srog kun la khyab// dbang dang 'byor thob las su rung// bar du gnad la dbab par bya// dmigs pa'i mda' bsnun 'phen byas te// dbab bskyil bzlog bkram dbang 'byor thob// rang gzhan sbyor bas las la sbyar// tha ma nyid de rim pas so// mthar thug don ston ye shes bskyed// ngo sprod rgyas gdab la sogs te// yang dag bla med 'bras bu'i mchog/ rang gzhan rnal 'byor rgyal pos blta// thugs bcud 'dus pa'i rgyud kyi rgyal po pad sdong brtsegs pa las/ DAk+ki'i chags lam gsang ba bla med kyi gdams pa bstan pa'i le'u ste bcu bdun pa'o// a+thi+-i/// bskyed rdzogs brtan pa thob pa yi// 'bras bu bcud du smin tshul dag/ gnas skabs mthar thug yang dag don// ngo bo dbyer med grub tshul ni// chad rtags yid gnyis las grol te// 'bras bu sku gsum bcud du smin// rang gzhan kun don las byed cing// don gnyis yang dag tshad du ldang// pha rol rgol ba sun 'byin nas// sna tshogs las la dbang 'byor te// yang dag sa la 'god pa dang// yang na dbyings su grol bar byed// dbang po gsum gyi khyad par las// 'di nyid dang ni bar do ru// gcig gi brgyud de sa chod nas// yang dag brtan pa mi g.yo 'gyur// gdos bcas nyid dang bral ba'i tshe// rdul bral mkha' dang 'od zer 'ja'// yig 'bru sku gdung ring bsrel sogs// sku gsum thob rtags mang 'byung 'gyur// 'bad pa don yod gcig chog nyid// 'di ni dus gsum rgyal ba'i bka'// la las rna ba'i dbang po ru// lan cig thos kyang don chen 'grub// thugs bcud 'dus pa'i rgyud kyi rgyal po pad sdong brtsegs pa las/ bskyed rdzogs kyi 'bras bu grub tshul bstan pa'i le'u ste bco brgyad pa'o// a+thi+-i/// 'di la dbang spyod rig pa'i bu// skye 'chi mi gos rdo rje'i sku// dri med mtsho dbus 'dab brgyad las// legs byung sprul sku pad+ma 'byung// rgyal ba rnams kyi phrin las bdag/ sna tshogs spyod pa rlabs po ches// gdul bya'i mos blo tha dad la// rnam pa bzhi yi don byed 'gyur// de sras sprul dang yang sprul dang// ma 'ongs don byed skyes bu ni// cho 'phrul ston pa la la zhig/ 'di nyid mtshan tsam 'dzin pa 'byung// de nas nyi ma'i zer thag ltar// snang sprul khyab byed gnas skabs 'gar// 'phros pa'i phreng ba'ang re re tsam// mtha' nas mtha' ru 'byung bar 'gyur// tshul min 'chol par 'byung srid kyi// tshul 'di nam yang 'jig mi mnga'// ci phyir rgyal ba'i gdung 'dzin pa// g.yung drung nyid du brtan pa'o// bstan pa dam pa 'di dang ni// don byed dam pa sprul par bcas// 'di 'phrad srid pa ma lus kun// mi nub dar rgyas gnyis ldan shog/ thugs bcud 'dus pa'i rgyud kyi rgyal po pad sdong brtsegs pa las/ma 'ongs lung bstan dang smon lam gyi le'u ste bcu dgu pa'o// a+thi+-i/// 'di ni bstan pa gang bab kyi// rin chen bzhus pa'i khu ba'am// yang na gang 'thad sman sogs kyis// bris shing lus la bcangs pas kyang// tshe 'dir lha dang mis mchod cing// bar du gcod pa'i bdud tshogs kyang// zhi ba'i las la gnas pa dang// bkur sti bcas te bsrung bar 'gyur// tshe 'phos ltas bzang mtshan mar bcas// nad gdon duHkha nyer zhi zhing// mtha' yas bkod sogs zhing khams su// bgrod 'gyur the tshom med gyur na// bsgrub cing nyams su blangs pas ni// bla med 'bras bu myur thob ste// rang gzhan don gnyis 'grub pa dang// 'bras bu lhun rdzogs smos ci dgos// de phyir bstan la zhugs rnams kyis// nyams su len dang gzhan la ston// 'bri klog 'chang zhing gsol ba gdab// de 'bras nus pa dpag par dka'// thugs bcud 'dus pa'i rgyud kyi rgyal po pad sdong brtsegs pa las/ che ba'i yon tan dang bcad thabs bstan pa'i le'u ste nyi shu pa'o// a+thi+-i/// de skad dpag med rgyal po yis// dbang po la sogs 'khor rnams la// rang bzhin klong nas rang babs su// pad+ma'i ljags kyis smras pa dang// byang chub sems dpa'i 'khor gyi tshogs// gzugs kyi snying po la sogs dang// ma mo mkha' 'gror bcas pa rnams// rjes su yi rang tshul gyis ni// e ma e ma bcom ldan 'das// yang dag don ldan bla na med// legs so legs so legs par smras// bstod bsngags du mas mngon par bstod// thugs bcud 'dus pa'i rgyud kyi rgyal po pad sdong brtsegs pa las/ rjes su yi rang zhing mngon par bstod pa'i le'u ste nyer gcig pa'o// a+thi+-i/// bde bar gshegs pa thams cad kyi gsung gi dbang phyug gzi brjid 'od dpag med kyi sprul pa rang byung du babs pa'i bka' dri ma med pa'i sku dang gsung dang thugs yon tan dang/phrin las mi zad pa dpal du 'bar ba'i dgongs pa mngon du phyung ba/rgyud kyi rgyal po pad sdong brtsegs pa zhes bya ba rdzogs so//// sa ma ya/ rta nag dregs pa'i tshogs kyis bka' 'di srungs/ gter rkun dam nyams log lta can gyi dbang po snubs/skal ldan las can gsung gi sras dang 'phrad par shog/ sa ma ya/ rgya rgya rgya/ d+ha thim/ guh+ya/ sprul sku gar gyi dbang phyug sangs rgyas gling pas/ yos kyi lo glang gi zla ba'i tshes brgyad/ yos kyi nyi ma nyi dros 'brug gi dus su/snga dkar dung gi sgo mo nas/ klu btsan drag po yab yum gyi bsnyen bskur byas nas gter phul ba lags so// phyogs dus gnas skabs thams cad du bkra shis par gyur cig/// u rgyan gsang ba brda skad du/

CLOSE WINDOW