CLOSE WINDOW

Gpb017.003
བོད་ཡིག

/// ! ja ma dgongs pa 'dus pa las/ dad brtson dang ldan pa'i skyes bus rgyud 'chang ba'i thabs dang/ rgyud kyi che ba bstan pa bzhugs// ca/ chat+yath+ya na mo gu ru d+he wa DAk+ki ni hUM/dad pa dam tshig la gnas shing/ bla ma yi dam mkha' 'gro la mos pa lam du byed pa'i rnal 'byor pho mo gang dag gis/ rgyud 'chang bar 'dod pas/ dus khyad par can nya stong brgyad gsum dang tshes bcu la sogs pa dang/gza' skar bzang po la babs pa'i tshe/ bkra shis la byin chags shing yid dang mthun pa'i gnas su bla ma yi dam mkha' 'gro'i dkyil 'khor bzhengs shing sku rten bkram/ phyi nang gi mchod pa dang/sman rag gtor gsum la sogs pa mchod pa'i yo byad bshams shing/ bsgrub mchod ci 'grub la 'bad/ de nas rang nyid bris mkhan lus ngag yid gsum rgyud dag cing sems bskyed dang ldan pa'i ngang nas/rtsa ba'i spyi rgyud pad sdong brtsegs pa rin chen sna tshogs pa'am/ ma grub na tshon rtsi sna lngas bri/ sku rgyud shel gyi ri bo dngul lam dung btul ba'i khu bas bri/ gsung rgyud rin chen 'brug sgra zangs dang mtshal btul ba'i khu bas bri/thugs rgyud nam mkha' klong yangs baiDUr+Ya dang mthing btul ba'i khu bas bri/ yon tan gyi rgyud bstan pa'i srog shing gser sbyangs pa'i khu bas bri/ phrin las kyi rgyud spu gri reg gcod skyes dar ma grir shi ba'i khrag dang dug dang rgya snag gi khu bas bri/bla ma'i gsang rgyud bka'i bang mdzod/ yi dam gsang rgyud bka'i tha ram dang/ mkha' 'gro gsang rgyud bka'i lde mig gsum/ bdud rtsi a mr-i ta dang/ byang sems dkar dmar/ sin d+hu ra/ tsan+dan/ ga pur/ gur gum/ gi waM/ li shi/ ru rta/ dzA ti rnams sbyar zhing/ gzhan yang byin rlabs kyi rdzas rnams mtshal dang bsres shing bri/ yi ge dbu can lhag chad med par bris te/thams cad rang gi sor bzhi pa'i tshad du byas te glegs bam mgo zhabs ma dkrugs par phyogs gcig pa can du bris te/ so sor rigs mthun gyi dar kha dog can gyis gril ba la mchod pa'i rdzas rin po che sna tshogs/'bru sna tshogs/ sman sna tshogs/ dar sna tshogs dang bcas pa rin po che'i za ma tog gam ga 'ur bcol nas/ bla ma yi dam mkha' 'gro'i dkyil 'khor gyi dbus su khri'u'i khar bzhugs su gsol/de nas rang nyid dri bzang po'i chus kha lag gdong gsum dag par bkru/ gos gsar pa dri ma med pa gon cing/ bde ba'i stan la gnas pas skyabs 'gro sems bskyed la sogs pa sngon du 'gro ba'i chos spyod bya/yul phyogs kyi gzhi bdag dang/ 'byung po'i tshogs la gtor ma byin la bden pa'i stobs brjod/ de nas bla ma yi dam mkha' 'gro'i sa ma ti dang ldan pas/ glegs bam gu gul gyi dud pas bdug cing/swab+hA was stong par sbyangs pa'i ngang las/ glegs bam gyi bris gzhi gzhal yas khang rnam par dag cing bkod pa du ma dang ldan par gsal ba'i nang du/ yig 'bru'i ngo bo thams cad phyogs bcu dus gsum gyi sangs rgyas dang byang chub sems dpa' bla ma yi dam mkha' 'gro 'khor dang bcas pa'i rnam par gsal zhing/de dag thams cad kyang/ rang rang gi rgyan cha lugs rnam 'gyur dang bcas pas/ rgyud dgu po'i tshig 'bru saM skr-i ta'i skad du ti ri ri bklag par bsam pa la yang/ chos gsung yig 'bru'i char sgra chi li li babs pas glegs bam la thim/ gzhan yang bla ma yi dam mkha' 'gro sangs rgyas byang chub sems dpa' la sogs pa 'phags pa'i tshogs bsam gyis mi khyab pa byon nas glegs bam du bsams pa'i sku la thim par dmigs te/gzhan du las kyi po ti bris pa'i rgyud tshig dgu po rab brgya rtsa brgyad/'bring lnga bcu rtsa bzhi/ tha ma nyer bdun bklag pa'i dus/ dang po la rang nyid ston pa snang ba mtha' yas su bskyed de/ pad+ma'i ljags kyis bklag/ des 'gre bar/ gnyis pa la bdag nyid rnam snang/ ljags 'khor lo/ gsum pa la bdag nyid 'od dpag med/ ljags pad+ma/ bzhi pa la bdag nyid rdo rje sems dpa'/ ljags rdo rje/ lnga pa la bdag nyid rin chen 'byung ldan/ ljags rin po che 'bar ba/ drug pa la bdag nyid don yod grub pa/ljags sna tshogs rdo rje/ bdun pa la bdag nyid mtsho skyes rdo rje/ ljags gser gyi rdo rje/ brgyad pa la bdag nyid rta mgrin dbang chen/ ljags dngul gyi gri gug dgu pa la bdag nyid yum rdo rje phag mo/ljags gnam lcags kyi ral grir bsams la bklag/ de tsam spros pa la mi dga' na/ bdag nyid ston pa snang ba mtha' yas/ ljags pad+ma dmar po 'dab ma can du bsams la/ ha cang thal ba'i rnam pa can gang yang ma yin par bklag/ bar gyi thun mtshams rnams su gtor mchod dang tshogs kyi yo byad la sogs pa 'bul/ rnal 'byor pa'i lus ngag yid gsum dkyil 'khor gsum gyi sa ma ti dang ma bral zhing/skabs su dam tshig dang ldan pa'i grogs su yod pas rtsa ba gsum gyi bsnyen 'dzab brjod/ de ltar 'bad pas 'ja' dang 'od dang/ zer dang/ dri bzang gi ngad pa dang/ chos kyi sgra dbyangs la sogs pa'i sgra dang/glegs bam la 'od 'bar ba la sogs pa'i ltas 'byung bar 'gyur ro// de nas mched dang lcam dral la sogs pa 'dus pa rgya mtsho la zab mo tshogs kyi 'khor lo dang yon 'bul ci 'grub byas shing/dus bzang po'i tshe snga dro dang por glegs bam rang gi spyi bor blangs pa tsam gyis phyogs dus kyi bla ma sangs rgyas byang chub sems dpa'/ yi dam zhi khro rab 'byams/ dpa' bo mkha' 'gro la sogs pa thams cad rang gi spyi bor spung gis byon nas byin gyis brlab/dbang bskur mdzad de thams cad rang gi snying gar sib kyis thim par bsams la/ rnam par mi rtog pa'i ngang la mnyam par bzhag/glegs bam nam du yang zhal ma phye bar rang gi mchan khung g.yon du drod dang skad cig kyang ma bral bar 'chang zhing dus dang rnam pa thams cad du dad pa mos gus kyi shugs bskyed la ci ltar 'dod pa'i don 'bras la gsol ba gdab/de nas bkra shis kyi tshigs su bcad pa brjod/ bla ma yi dam mkha' 'gro la gtang rag gi mchod pa rgya chen po 'bul/ gzhan yang rjes kyi bya ba spyod pa thams cad spyi dang mthun la gzhan dad ldan gyi skyes bu gang dang gang la gdogs par 'dod pas kyang/tshul de dag la rdo rje slob dpon gyis gang gis 'chang ba de la glegs bam gyis dbang bskur nas gdags par bya'o// de ltar khyad par rmad du byung ba'i rgyud 'di dag tshar gcig tsam bzhengs pa'i bsod nams kyis phung po dpag tu med de/bde bar gshegs pa'i gsung rab mtha' dag bris pa'i bsod nams dang mnyam pa'o// rgyud kyi glegs bam gang gis mthong ba dang reg pa dang/ de'i tshig 'bru thos pa thams cad ni bskal pa grangs med par bsags pa'i las kyi sgrib pa zad nas sangs rgyas kyi zhing du skye bar 'gyur ro// 'chang zhing kun chub par byed pas ni/ de gnas skabs tshe 'dir lha dang mi dang lha min thams cad kyis mchod pa'i gnas su 'gyur te/ bkur sti phu dud dpag tu med pa byed/ mi dang mi ma yin gyi gnod pa gang dang gang gis kyang mi tshugs shing lha 'dre thams cad kyis bsrung bar 'gyur ro// phyi nang gi bar chad nyer 'tshe thams cad bzlog par 'gyur ro// ci ltar 'dod pa'i thun mong gi dngos grub thams cad char bzhin 'bab par 'gyur ro// bdud dang bdud kyi rigs kyis cho 'phrul gnod par byed pa thams cad las rnam par rgyal bar 'gyur ro// 'du ba rnam bzhi'i nad kyis mi gnod par 'gyur ro// bgegs dang ma rungs pa thams cad nyer ma nus shing dbye bar 'gyur ro// dpa' bo dang mkha' 'gro dam can chos skyong srung ma thams cad kyis bsrung bar 'gyur ro// mi mthun pa'i phyogs ngan pa thams cad bzlog par 'gyur ba la sogs pa'i yon tan bsam gyis mi khyab pa thob par 'gyur ro// nam 'chi ba'i tshe yang dus ma yin par 'chi ba'i 'jigs pa mi 'byung zhing/ mnar gcod kyi sdug bsngal med par dga' bde spro ba'i 'dun pa dang bcas te 'chi zhing bla ma yi dam mkha' 'gro'i sun ma sprin gyi phung po gtibs pa ltar gtibs nas spos kyi dri/rol mo'i sgra snyan pa'i dbyangs dang bcas pas bsus te/ bde ba can la sogs pa sangs rgyas kyi zhing khams rnam par dag pa rnams su skyes nas mngon par byang chub par 'gyur ro// rab dbugs chad pa'i dus der sgra dang 'od dang zer dang/ 'ja' tshon dang me tog gi char la sogs pa'i ltas khyad par can dpag tu med pa 'byung zhing phung po la yang sku gdung ring bsrel la sogs pa 'byung ste/de dag gang gis mthong ba'i 'gro ba thams cad kyang las kyi sgrib pa zad nas rnam par grol ba'i ye shes gzigs pa'i phung po brnyes par 'gyur ro// gang gi lus la rgyud kyi glegs bam bzhugs pa'i gang zag des/ 'gro ba gang gi lus la reg pa'i 'gro ba de dag kyang/ lus kyi sgrib pa byang zhing/ ngan song gi skye sgo chod nas thar pa'i sa bon thebs pa yin no// de ltar rgyud 'di dag mthong thos dran pa la sogs 'di dang gang 'brel bar gyur pa'i 'gro ba rnams ja med byang chub kyi lam sna zin pa'o// gzhan yang che ba'i yon tan rdo rje'i ljags kyi dbang pos kyang brjod pas mi langs pa'o// de lta bu'i yon tan gyi che ba du ma dang ldan pa'i phyir/ de ltar brtson par bya'o// tha na rgyud de dag rnams tshar re bris te rang bzhin kyis bcangs pas kyang/yul ris rgyal khams thams cad bkra shis bde legs kyis khyab nas dpal phun sum tshogs pa la spyod par 'gyur ro// d+ha thim/ rgyud kyi bcangs thabs dang che ba'i yon tan brjod pa/ da lta mnga' bdag yab sras dang/ ma 'ongs rjes 'jug rnams kyi don du/ bdag 'dra pad+ma 'byung gnas kyis bkod pa'o// skal ldan las can gsung gi sras dang phrad par shog/ sa ma ya/ rgya rgya rgya/ sbas rgya/ gtad rgya/ gter rgya/ a+thi+-i/ guh+ya/ d+ha thim// !// zha tha gwas bya gla nA/ u rgyan gsang ba brda'i skad du/ rgya gar skad du/

CLOSE WINDOW