CLOSE WINDOW

Gpb016.004
བོད་ཡིག

haste ga dzi pa da na tan+t+ra nA ma/ bod skad du/ glang po rab 'bog gi rgyud ces bya ba/ bcom ldan 'das dpal rdo rje 'chang chen po la phyag 'tshal lo// 'di skad bdag gis thos pa'i dus gcig na/ye ji bzhin pa'i rdo rje 'chang chen po de ni/ yid bzhin gyi nor bu rin po che ltar gnas pa/ rgyud dag pa'i rdo rje 'chang chen po de ni/ nyi ma'i dkyil 'khor ltar dbyer med pa rang bzhin gyis 'od gsal ba/dbyer med gcig tu gyur pa'i rdo rje 'chang chen po de ni/ nam mkha' rnam par dag pa'i klong nas nyi ma sprin dang bral ba lta bu ste/ rig pa'i gnas mchog chen po na/ rang snang sprul pa'i gzhal yas khang chen po na/'dod pa pad+ma'i gdan chen po rgyas pa la/ mi rtog pa'i 'khor lo chen po/ bde ba chen po pad+ma'i nang du/ gsal ba'i rdo rje chen po bzhugs pa la/ 'das pa'i 'khor thams cad ma lus par thim/ da ltar gyi 'khor thams cad lus pa med par rdzogs/ ma 'ongs pa'i 'khor thams cad mi lus par gyur pa'i mnga' dbang rdzogs par bzhugs so// nyid las mi gzhan pa'i 'khor ni 'di lta ste/ 'gyur ba med pa'i rdo rjes mi rtog mkhyen pa dang/'khor lo chen po rnam par brjid pa dang/ pad+ma chen po smra brjod 'byung ba dang/ yid bzhin nor bu 'dod dgur bsgyur ba dang/ rgya gram chen pos thogs med mdzad pa dang/ btsun mo 'dus ma byas go skabs 'byed pa dang/ sra brtan mi 'gyur ba dang/ gsal bar skyon bral ma dang/ mnyen sdud rgyun ma chad pa dang/ g.yo bskyod sogs med pa'i tshogs rnams dang/ rig pa khyad par can gyi 'khor rnams 'di lta ste/byang chub chen po thugs su chud pa/ thugs kyi bdag nyid stangs dpyal dang bcas pa dang/ go brda sprod pa gsung gi bdag nyid yab yum dang bcas pa rnams dang/ thugs rje sprul pa'i 'khor ni 'di lta ste/brtson 'grus kyi pha rol tu phyin pa'i bdag po dang/ bsam gtan gyi pha rol tu phyin pa'i ded dpon dang/ tshul khrims kyi pha rol tu phyin pa'i dbang po dang/ shes rab kyi pha rol tu phyin pa'i rgyal po dang/sbyin pa'i pha rol tu phyin pa'i mnga' bdag dang/ bzod pa'i pha rol tu phyin pa'i dbang phyug chen po bsam gyis khyab pa 'byung ba dang/ gdug pa 'dul ba'i 'khor gyi tshogs su snang ba ni 'di lta ste/gshin rje mthar byed 'gugs byed ma dang sbyor ba dang/ bgegs mthar byed 'ching byed ma dang 'khyud ma dang/ pad ma mthar byed sdom byed ma dang rol pa dang/ shes rab mthar byed dgyes pa chen mos 'bebs pa dang bcas pa rnams dang/dad pas 'dus pa'i 'khor ni 'di lta ste/ me long gi dkyil 'khor chen po la/ bzhin gyi dkyil 'khor chen pos bltas pas// dad pas gtam nyan pa ma lus par thos pa chen po'i mchog thos par 'gyur bas/gsang ba bas kyang ches gsang ba/ yang gsang rmad du byung ba/ bka' gsang thugs kyi dkyil 'khor/ rang don du rtogs par dka' bas zab pa/ gzhan don kun dang mthun par snang bas rgya che ba/ sku phyag rgya chen po dang/ gsung chos kyi phyag rgya dang/ thugs dam tshig gi phyag rgya dang/ yon tan mdzad pa las kyi phyag rgya dang bcas pas gsang ba'i dkyil 'khor chen po la rgyas btab nas gnas pa/gzung bar bya ba'i yul gyi chos thams cad yi ge mUM gyi dbyings su thim pas dril bu 'bar bar 'dzin par byed pa/ sems kyi chos thams cad yi ge hUM la yongs su rdzogs pas gsang ba'i rdo rje chen por bzhugs pa/gzung 'dzin dbyer mi phyed pas rdo rje dril bu 'du 'bral med par gnas so// de nas chos kyi rang sgra chen po 'di ma gsungs par grag go/ gling bzhi 'khor lo rtsibs dang rab ldan pa// gling phran gru chad bar khyams sgo khyud bcas// lcags ri mu khyud rdo rje me dpung 'bar// rang bzhin dkyil 'khor ye nas lhun gyis grub// srid gsum sems can rang lus dkyil 'khor la// rtog tshogs rgyal ba'i sku rnams skur gsal ba// rgyal 'gros ma mdzad ma bcos rang snang ba// mi zad rgyan gyis 'khor lo bsam mi khyab// rnal 'byor dbang phyug chen po'i spyod yul du// rang bzhin nyid kyi dkyil 'khor lhun gyis grub// bla med gnas mchog rigs pa'i 'og min na// rdo rje dbyings kyi dkyil 'khor 'od gsal ba// chos sku smra bsam brjod dang bral ba la// ye shes sgyu ma'i gzugs su rang snang ba// rang bzhin 'bras bu mthar phyin dkyil 'khor yin// 'khor bar snang ba nyid na snang ba med// mya ngan las 'das rgyal ba'i sku gsung thugs// gzhan na med de 'khor ba nyid la gnas// rang bzhin dkyil 'khor rang bzhin nyid du snang// de nyid 'bras bu mthar phyin kun dang mnyam// rnam gsum dbyer med gcig gi ngang du gnas// gnas dang mi gnas tha dad mtha' las 'das// mi dmigs chos kyi dbyings la 'phel 'grib med// dri med chos kyi sku la skye 'gag med// dbyings dang ye shes dbyer med gcig gi ngang// gzugs can ma yin kun la khyab pa dang// 'gro 'ong med par kun la 'dus rnams su// thams cad pa zhes spyod yul dkyil 'khor che// mtshan ma med pa'i phyag rgya chen por gnas// sangs rgyas nyid kyis gzigs pa'i spyod yul las// gtso 'khor dgongs pa chos kyi sku la bzhugs// zhes gsungs so// glang po rab 'bog gi rgyud las/ gsang ba bstan pa 'byung ba'i rgyud gleng gzhi bstan pa'i le'u ste dang po'o//// de nas bcom ldan 'das rdo rje'i 'chang chen po la/ de bzhin gshegs pa thams cad kyis 'di skad ces gsol to// snod du snang ba dkyil 'khor yum gyi dbyings// bcud du snang ba rgyal ba lha yi sku// snang srid ma bkod ye nas rdzogs sangs rgyas// rmongs pa'i mun pa gsal phyir bshad du gsol// zhes zhus so// de nas sangs rgyas rdo rje 'chang chen po 'khor 'das dbyer med pa'i ting nge 'dzin la bzhugs nas/ 'gro ba'i ched du ched du brjod pa 'di gsungs so// kun nas nyon mongs 'khor ba'i chos rnams kun// rnam byang mya ngan 'das par dbyer med pas// gnyis med ro gcig phyag rgya chen por gnas// ji ltar glang chen rtsal gyis rab gcod pa// chu klung rba klong che la bde ba ltar// 'khor ba'i chos las gzhan la mi 'chol ba'i// sangs rgyas thugs kyi dkyil 'khor zhal phyes pa'i// glang po rab 'bog rgyud chen gus pas nyon// sdug bsngal 'khor ba'i rgya mtshos bde chen klong// ye shes chu bo dpag med rgyun mi 'chad// ma rig mun par sgron mar rang 'od 'bar// shes bya mtha' dbus med par yongs rgyas pa// nyi ma'i dkyil 'khor 'od zer 'bar 'dra bas// mun pa'i tshogs bcom zangs la gser 'gyur rtsi// dug 'gyur rtsi mchog bdud rtsi sman mchog 'gyur// 'khor ba nyid ni sangs rgyas dkyil 'khor yin// rab tu gus pas rgyud 'di dang du longs// thugs rjes 'gro ba rnams la khyab par 'gyur// zhes gsungs so// glang po rab 'bog gi rgyud las/ gleng bslang ba'i le'u ste gnyis pa'o//// de nas rdo rje 'chang gis 'khor 'das kyi chos thams cad kyi 'byung gnas 'di gsungs so// rang bzhin ngang gis snang ba ni// gdod nas ma skyes snying po a// ris med kun gyi dngos gzhi pa// bcing grol med par lhun gyis grub// skyes bu'i byad kyi dkyil 'khor nyid// me long nang du gang shar ba// nyid las ma gtogs gzhan med pas// de yis rkyen rnams bral bar 'gyur// chos dbyings dkyil 'khor mu mtha' bral// ye shes rgyal pos dbang bsgyur na// sku dang ye shes dkyil 'khor gsal// rang zhal rang gis mthong gyur pa// chos sku phyag rgya chen por gnas// bla med kun tu bzang por grol// rtogs pa mngon du 'gyur zhes bya// rang bzhin dag pa'i snang ba shar// sems nyid sangs rgyas ye nas kyang// nges pa'i shes pa ma skyes pas// ma rig mun pa'i spyod yul can// long ba'i grong khyer chen por 'gro// dbul mo'i gter ltar gyur pa'am// gyad kyi nor bu ltar gnas pas// rang gsang thabs kyis chod gyur pas// rang la yod kyang de ma shes// ma dag rang bzhin snang ba shar// don mchog nyid las nyams pa med// ma rig pa nyid rig par gcig/ ma rtogs rtogs pa tha dad med// shes dang ma shes gcig tu mtshungs// 'khor bar snang ba mya ngan 'das// sdug bsngal bde ba chen po shar// mun pa nyid ni snang bar gsal// kun kyang byang chub chen por gnas// blang zhing dor ba ci yang med// thabs dang shes rab zung du 'brel// don dam kun rdzob dbyer med kun// snang ba stong pa ro mnyam pas// rnam pa kun ldan stong chen po// mtha' dbus med par rang shar ba// chos nyid gshis kyi 'dug tshul nyid// skyes bus mngon du gang byas pa// phyag rgya chen po mchog nyid kyi// dngos grub rgya chen thob pa yin// zhes gsungs so// glang po rab 'bog gi rgyud las/ gnas lugs kun gyi gzhir bstan pa'i le'u ste gsum pa'o//// de nas bcom ldan 'das kyis ma rig pa'i grong khyer chen po shes par byed pa 'di gsungs so// bde gshegs snying po byang chub sems// thams cad bskyed pa'i sa bon nyid// 'di yis ma bskyed chos med pas// chos su snang ba 'khrul pa'i yid// sems nyid ye sangs rgyas gyur kyang// de ma shes pas ma rig pa// sngon gyi bag chags mtshungs gyur pas// lhan cig skyes pa'i ma rig pa// rang la rang brtags ma shes pas// dmus long nam mkha' blta bar 'dod// kun tu brtags shing mi shes la// kun brtags ma rig rgyu nyid yin// dge sdig lung ma bstan pa'i las// rab 'bring tha ma spyad byas te// nyon mongs lnga la mngon zhen pas// khams gsum 'khor ba 'byung ba'i rkyen// snod kyi 'jig rten yul du snang// bcud kyi sems can bdag tu bzung// bdag gzhan rtog pa'i rgyun chags pas// ri rab gnas bcas lha yi yul// lha min ri rab khong seng gnas// gling bzhi'i gnas na mi rnams nyid// phyi yi rgya mtsho byol song gnas// yi dwags grong khyer ser skya na// dmyal ba rdo rje gdan gyi 'og/a dkar lha ste su ser ni// lha min nr-i sngon mi ru gnas// yi dwags prai dmar dud 'gro la// du nyid dud kha byol song yin// dmyal bar tri gnag sa bon gnas// rigs drug bskyed cing 'phel bar byed// lha rnams 'dod pa'i longs spyod bsam yas la// dpag bsam shing la lto gos rtsol ba bral// lha min longs spyod rdzas la rnam spyod pa// rang bskal las kyi dbang gis rnam par snang// mi rnams bza' btung longs spyod 'dod yon lnga// rtsol bas lto gos bde ba ldan par bsgrub// dud 'gro las kyi rang gis longs spyod la// ji ltar 'dod pa las kyi snang ba dang// yi dwags bsam pa'i dbang gi rang skal tsam// snang bar gyur pas lus kyi srog kyang 'dzin// dmyal bar rang snang tsam gyi ngang la spyod// rang gi dbang gis de ltar snang ba yin// lha rnams ltung ba'i sdug bsngal snang gyur pa// lha ma yin la 'thab dang rtsod pa dang// mi rnams la ni 'gyur ba yod pa dang// byol song bza' btung bkol dang spyad pa dang// yi dwags phyi nang sgos khur sgrib pa can// dmyal ba tsha dang grang bar snang bas sdug/ lha mig dag pas mthong ba'i yon tan dang/mtshon chas bsnun yang 'chi bar dka' ba dang// dam tshig sdom pa bsrung na sangs rgyas 'grub// byol song rnams ni lto gos btsal bar sla// yi dwags rnams la bsngos pas tshim par 'gyur// dmyal bar rang gi tshe las snga phyi dran// 'khor ba'i sdug bsngal dag las tshang 'gyur bas// byams pas gzhan la phan ni 'dogs par byed// snying rje brtse ba'i sems dang ldan pa dang// dga' bas sdug bsngal bral bar 'dod pa dang// btang snyoms dgra zin med par khyab gyur cing// dga' ba dang ni bde ba ldan gyur pas// rtog pa dang ni dpyod pas rnam par byed// tshangs gnas rim par gnas pa'i lha rnams yin// skye mched bzhi la mi g.yo gnas gyur pa// srid pa'i rtse mo ltos pa'i sangs rgyas yin// chos kyi dbyings kyis kun la khyab pa'i phyir// gang zag theg pa gsum du 'jug gyur pa// nges med gang dang 'phrad pa'i chos la spyod// 'di ni rigs kyi nges pa med pa yin// chos kyi dbyings ni kun la khyab pa dang// bde gshegs snying po rang sems la yod pas// de nyid rtogs pa'i skal ba mi ldan na// 'di ni rigs chad gang zag yin zhes bya// rang bzhin gshis kyi dbang po rno ba'am// yang na sbyangs pas dbang po rno ba rnams// dam pa'i chos de mthong nas 'jug pa ni// dbang po rnon pos chos phyir 'brang ba yin// rang bzhin gshis kyis dbang po brtul ba dang// ma sbyangs las ngan dbang gis brtul ba ni// bla ma'i yon tan mthong brod chos la zhugs// dbang po brtul po gang zag phyir 'breng yin// rang bzhin snod du gyur pa'i gang zag rnams// las dang skal bar rab tu ldan pa yin// rang bzhin snod med rang rgyud ngan pa rnams// las 'phro skal ba med pa'i chos mi 'byung// khams gsum 'khor bar 'khyams pa'i sems can rnams// ma 'ongs sangs rgyas 'byung ba'i rgyur gyur pa// bde gshegs snying pos kun la khyab pa yin// dam chos rtogs pa'i skal dang mi ldan pa// byang du kha bltas brag gi phug pa'i nang// nyi ma mi 'char las ngan thugs rje rdugs// sangs rgyas thugs rje kun la khyab gyur pa// 'byung chen gtos kyi nam mkha' lta bur gnas// thams cad ma lus 'di las 'da' ba med// ces gsungs so// glang po rab 'bog gi rgyud las/'khrul pa'i le'u ste bzhi pa'o//// de nas yang dag par rdzogs pa'i sangs rgyas kyi dgongs par grol ba 'di dag gsungs so// mya ngan 'das pa'i chos rnams kun// mthar thug 'bras bu'i rten gyur pa// sku rnams kun gyi gzhir gyur te// chos sku dri ma med par gnas// rig pa rang snang gzhal yas bkod// rigs bdag rgyal ba sangs rgyas lnga// btsun mo sras kyi tshogs kyis bskor// dngos po gnyis la longs spyod cing// sa bcu pa yis gzigs gyur pa// longs spyod rdzogs pa'i sku zhes bya// gdul bya ma lus 'gro rnams la// rgyu 'bras chos kyis 'dul mdzad cing// mdzad pa bcu gnyis rdzogs mdzad pa// stong gsum 'gro ba sprul pas 'dul// ji snyed gdul bya bsam yas rnams// ji snyed grangs mnyam sprul par snang// mthun pas mthun pa 'dul mdzad pa// de la sprul pa'i sku zhes bya// dang po'i sangs rgyas sar 'gro ba// de nyid ji bzhin rdo rje 'chang// de nyid rang snang rang rig pa// mgon po gzhi nas rdzogs sangs rgyas// sems can lus kyi bya ba yis// tshogs gnyis rdzogs nas sangs rgyas pa// lam sbyangs rig pa gol gyur pa// rtogs pa mngon gyur sangs rgyas yin// de bzhin nyid rtogs gzhi nas grol// lam sbyangs rtogs pa mngon gyur pa// chos sku thob par gang gyur pa// mtshan med phyag rgya chen por gnas// chos kyi sku las rnam 'phrul zhing// gdul bya yas gzigs longs spyod rdzogs// lus ngag yid gsum sku gsung thugs// gang bsgom mngon du gyur pa yi// sku nyid gnyis su med gyur pa// shes rgyud ma sbyangs longs skur bzhugs// 'khor 'das dngos po rnam gnyis la// spyod pa rang grol sgyu ma'i sku// bde ba chen po nyams su bstar// gzugs sku phyag rgya chen po yin// 'jig rten khams ni 'di nyid na// sprul sku thub pa'i dbang por snang// de bzhin 'gro drug thub pa drug/ 'jig rten khams ni gzhan dag na// bzhugs pa'i sprul sku bsam mi khyab/ 'gro ba ji ltar 'dul zhing snang// chos kyi dbyings kyi ye shes nyid// dang po chos rnams stong par rtogs// me long lta bu'i ye shes nyid// chos rnams dag cing gsal bar mkhyen// ye shes gnyis kyis gang bsdus pa// chos sku dri ma med par bzhugs// mnyam pa nyid kyi ye shes kyis// 'khor 'das so sor tha dad med// so sor kun tu rtogs pa yis// rang rang spyi yis mtshan nyid mkhyen// ye shes de gnyis gang bsdus pa// sgyu ma'i ye shes chu zla bzhin// zhal phyag 'khor dang bcas rdzogs pa// longs spyod rdzogs pa'i sku ru bzhugs// 'khor 'das phrin las ma lus pa// lus ngag yid kyi bya ba grub// phun sum tshogs gyur ye shes 'di// sprul pa'i sku ru bzhugs pa yin// bsod nams rgyu yi tshogs bsags pas// gzugs sku gnyis kyi bdag nyid che// 'bras bu ye shes tshogs rdzogs pas// chos kyi sku ru rab tu 'grub// mtshan dang dpe byad yang dag rdzogs// longs spyod rdzogs sku sprul pa'i sku// mtshan dang dpe byad mi dmigs spangs// chos sku smra brjod yul las 'das// dri ma med pa'i chos sku la// gzhan snang rtog pa kun bral bas// gzigs par bya ba'i yul dang bral// rang snang dgongs pa rang gsal mkhyen// nyan thos rang rgyal byang chub sems// sa thob rnams kyis zhal gzigs nas// gsang ba chos kyi bgro ba nyan// longs sku thugs rjes sa bcu gzigs// las dag 'gro ba drug rnams la// mthun pa'i thugs rje rang snang la// lha rnams la ni srid thub 'dzin// lha min rnam par snang byed dang// mi la shAkya seng ge nyid// byol song seng ge rab brtan sku// yi dwags kha 'bar rgyal mo'i bu// dmyal ba rnams la chos rgyal sras// thugs rje'i mdzad pa bcas par snang// zhes gsungs so// glang po rab 'bog gi rgyud las/ mya ngan 'das pa sku gsum bstan pa ste le'u lnga pa'o//// de nas bcom ldan 'das rdo rje 'chang chen po 'khor 'das thams cad rang snang ba'i ting nge 'dzin la snyoms par zhugs nas 'di gsungs so// rang bzhin snang ba bcos bslad bral// 'khor 'das dbyer med chen por gnas// 'khrul pa'i snang ba snod dang bcud// gzung dang 'dzin pa gnyis su snang// gdul bya'i snang ba gang snang ba// bde gshegs sems can don mdzad pa// bde gshegs snang ba sku gsung thugs// mi zad rgyan gyi 'khor lor snang// snang ba bzhi zhes bya ba'i ting nge 'dzin to// de nas de bzhin gshegs pa nyid la nyid 'di brjod do// sems can 'khor bar 'khyams rnams la// nyon mongs rnam pa lnga ru snang// rnal 'byor nyams su len rnams la// nyams kyi snang ba lam du snang// bde bar gshegs pa'i sku gsung thugs// mi zad rgyan gyi 'khor lor snang// gsang ba bsam gyis mi khyab dang// thams cad sa ru snang ba'o// snang ba gsum zhes bya ba'i ting nge 'dzin to// de nas bde bar gshegs pa nyid la nyid 'di brjod do// ma rtogs pa yi snang ba nyid// log par rtog pa'i snang ba dang// 'gro ba zhen pa'i snang ba dang// rgyu 'bras blo yi snang ba dang// dbyer med kun bzang snang ba rnams// rang bzhin ma nor don rtogs na// chos kyi dbyings las 'gyur ba med// chos sku chen por rang gnas pa'o// de yang ji lta bu zhe na// dmus long tshul byung skye bo pas// tho yor mi rta rtags rnams mthong// mu stegs chad par blta ba ni// glo bur tsam snang mtha' med blta// rtag pa byas snang dngos por 'dod// thams cad byed pa rgyu ru smra/ rtags par 'di skabs 'dir 'dod min dpyad// dmyal ba'i rang bzhin me sogs snang// yi dwags sdig sems mi gtsang lus// byol song gyen mthur ngam grog snang// mi la mthong yul gling du snang// de bzhin lha min go mtshon snang// lha yi dge sems rin chen snang// nyan thos phyi rol rdul bral bltas// rang gi shes pa skad cig ma// rang sangs rgyas pa'i lta ba ni// phyi rol bcu gnyis sgyu ma tsam// nang gi ye shes skad cig ma// rten 'brel rtsa ba rtsad nas gcod// dbu ma kun rdzob rnam pa bzhi// don dam spros pa rab tu zhi// kri yA don dam chos nyid blta// kun rdzob rang rig yon tan lha// rigs gsum dkyil 'khor snang ba la// skye bo 'khrul pa med pa'o// gnyis ka rgyud kyi 'dod pa ni// lta spyod gong 'og rdzas su mthun// yo ga don dam dag pa yis// chos kyi dbyings kyi ye shes su// rtogs pa'i byin rlabs ltar snang ba// de phyir skye bo ltar mthong 'khrul// rnal 'byor chen po'i don dam du// rang rig gnyis med de bzhin nyid// rtogs pa'i cho 'phrul drug sogs pa// lhar snang ngang las 'khor ba med// a nu yo gas don dam du// bde chen rtogs pa'i rig rtsal las// kun rdzob lha yi dkyil 'khor snang// de phyir skye bos brtags pa 'khrul// rdzogs pa'i rnal 'byor bden gnyis bral// thams cad rang byung rang snang ba'i// ye shes mtha' gsum bral ba la// brtags pas gnyis po gdod nas med// kun tu bzang po'i snang ba ni// 'khor dang mya ngan 'das pa'i chos// ma lus rig pa byang chub sems// dbyer med thig le chen por bzhugs// zhes gsungs pas snang ba'i chos 'jig pa'i ting nge 'dzin to// de nas de bzhin gshegs pas 'di skad brjod do// snang ba dbang po yul rnams la// gzugs sgra dri ro reg byar snang// mchod pa 'dod yon rnam lngas bsogs// dbang po rab 'bring tha mas brtag/ thob pa don rig zhen pa log/ sgo lnga yid kyi ngang du thim// tha mal yul gyi snang ba dang// yul can rnal 'byor snang ba la// yul bral rgyal ba'i snang bar grub// legs pa'i yon tan 'dod chags dang// nyes pa'i skyon la zhe sdang skyes// gnyi ga ma yin gti mug pa'i// dug gsum rtsa ba mched par byed// snang ba sku yi dkyil 'khor nyid// grags pa'i sgra skad bde gshegs gsungs// dran rtog thugs nyid bde ba che// gcer mthong gcer grol mngon sangs rgyas// 'khor bar snang ba zhen pa'i chos// mchod par gyur pa zhen yul brtag/ thob par 'bras bu'i nang du bskyal// zhes gsungs so// glang po rab 'bog gi rgyud las/ 'khor 'das snang ba'i dkyil 'khor gyi spyod yul bstan pa'i le'u ste drug pa'o//// de nas bcom ldan 'das rdo rje 'chang chen pos rang rang gi theg pa gsang bar gsungs so// 'khor dang mya ngan 'das pa la// lta ba'i don la kun kyang gnas// lta bas ma khyab gcig kyang med// theg par zhugs pa shin tu nyung// 'jig rten tha mal ngo mtshar can// gzhan lus bsad nas rang lus gso// 'di bde phyi ma ma shes pa// 'di rten rgyang 'phan blta bar bshad// kha cig skye bo dman pa yis// 'di dang phyi ma'i don ma go// bya ba gnyis dang bral gyur pa// 'jig rten phyal ba'i lta bar bshad// rang sems snying gi dkyil gnas nas// byed pa po ru de 'dod brtag/ las 'bras bden pa'i don med cing// thams cad med 'dod chad par blta// mu stegs rtag chad lta ba ni// log pa'i theg pa lam du zhugs// 'dus byas thams cad mi rtag pa// zag pa bcas rnams sdug bsngal zhing// chos rnams kun la bdag med pas// mya ngan 'das pa thams cad zhi// 'di ni chos rtags phyag rgya bzhi// 'di 'dod 'das pa'i theg par bshad// sems nyid sangs rgyas rgyud shes pas// rgyu la sbyor ba rgyu yi chos// bsod nams tshogs dang ye shes tshogs// rdzogs nas bskal par tshogs bsags pa'i// dus tshig phyi mar 'bras bu thob// mtshan nyid rgyu yi theg par bshad// rang sems sku gsum 'bras bur blta// bya ba spyod pa rnal 'byor rgyud// gzugs sku lha yi 'bras bur bsgom// rnal 'byor chen po longs sku sgrub// rjes su rnal 'byor sprul sku'i lam// rdzogs chen chos sku chen por blta// 'bras bu lam du byed pas na// tshe gcig lus gcig mngon sangs rgyas// dge ba bcu la legs spyad pas// mtho ris lha mi thob par 'gyur// mi dge'i las rnams spyad pa yis// ngan song gsum du gzhol bar 'gyur// sdig spangs dge sbyong lam du zhugs// 'di ni lha mi'i theg pa yin// byams pa dang por bsgom par bya// gnyis pa snying rje chen po la// gsum pa la ni dga' ba ste// kun gyi mthar ni btang snyoms nyid// 'di ni tshangs gnas gzugs khams nyid// rtog spyod dga' bde gzugs khams 'grub// zhi gnas tsam la mngon par zhen// rnam shes don la rigs bzhir 'dzin// lhag mthong rgyab kyis phyogs pa ni// gzugs med khams su skye bar byed// mu stegs chos kyi lam zhugs pas// tshangs pa khyab 'jug gu lang dang// lha chen go 'phang 'thob par 'gyur// de phyir 'di dag mchod par bya// dmigs pa phra ba'i rang rgyal bas// yid bzhin bde ba mchog gi sa// bse ru ne tso lta bu yi// 'bras bu dam pa 'thob par 'dod// mos pa chung ba'i nyan thos pas// rgyun du zhugs dang phyir la 'ong// sa brgyad sbyongs pas phyir mi 'ong// dgra bcom 'bras bu 'thob par 'dod// byang chub sems dpa'i theg pa ni// pha rol phyin bcu'i lam zhugs pas// sa bcu rim gyis bgrod gyur nas// bcu gcig kun tu 'od kyang 'thob// dug gsum sbyangs pa'i rigs gsum pas// rdo rje 'dzin pa'i sa 'thob 'gyur// rigs bzhi lha 'dod cha gnyis 'dzin// rigs bzhi rdo rje 'chang sar 'gro// rigs lnga bsgoms pa'i rnal 'byor ni// stug po bkod pa'i sa 'thob 'dod// rnal 'byor chen po nang pa ni// ma chags pad+ma can gyi sar// yi ge 'khor lo tshogs chen la// sku lnga lhun gyis grub pa 'thob// rjes su rnal 'byor chen po ni// mtshan rdzogs rdo rje 'chang gi sar// bcu bzhi rdo rje 'dzin pa 'thob// rdzogs pa chen po'i rnal 'byor pa// kun bzang dbye ba med pa'i sa// chos sku theg chen kun tu brdal// thig le chen po gcig tu 'thob// phyal pa rgyang 'phan bza' btung gis// gangs ri yul lha mchod par byed// mu stegs srog chags sha khrag gis// phywa dang dbang phyug la sogs mchod// nyan thos rang rgyal byang chub sems// gtsang ma'i mchod pa sna tshogs pas// dkon mchog rnam pa gsum mchod pa// zas mchog gtsang ma'i snod kyis 'bul// kri yA u pa yo ga pa// dung chos nang gi snod nang du// yi dam lha la mchod pa 'bul// sbyin gtong gnas su gtor mas mchod// bskyed pa ma hA yo ga'i rgyud// rdzogs pa a nu yo ga'i lung// dam rdzas bdud rtsi b+han d+ha'i snod// sgrol sbyor mchod pa 'bul bar byed// rdzogs chen rtogs pa'i rnal 'byor pa// sems nyid rang snang rig pa la// mchod bya grub pa'i gnas med pas// chos sku gcig la rol par shar// zhes gsungs so// glang po rab 'bog gi rgyud las/ theg pa thams cad kyi khyad par phye ba ste le'u bdun pa'o//// de nas rdo rje 'chang chen pos thams cad mkhyen pa'i ye shes chen po'i gzigs pa 'di 'gro ba'i ched du gsungs pa'o// dri med chos kyi sku yi thugs rje ni// nam mkha'i mtha' dang mnyam pa'i gdul bya la// dmigs pa med pa'i mdzad pa kun la khyab// chu bo'i rgyun ltar rtag par rgyun du skye// rdo rje'i sku dang mngon par byang chub sku// rang bzhin shugs kyi thugs rje skye ba ni// dbyar dgun ston dpyid nyi ma'i dkyil 'khor ltar// ma byas byed med rang bzhin ngang gis snang// longs spyod rdzogs pa'i sku la thugs rje ni// bskul zhing gsol ba btab pas skye bar 'gyur// sa bcu thob pa'i byang chub sems dpa' rnams// lhan cig pa dang go phye'i 'khor rnams la// 'gro ba'i don la skul ma 'debs pa yis// gsang ba'i ba dan rgya cher sgrogs par 'gyur// 'di ni sngon byung yin zhes don yang bstan// de bzhin rjes su 'dug par byed pa rnams// bsam gtan rang bzhin dkyil 'khor bskyed byas nas// ye shes dkyil 'khor gnyis su med par bsgrub// 'dod pa'i don la bskul zhing gsol ba 'debs// thun mong mchog gi dngos grub 'thob par 'gyur// yul dang phrad nas thugs rnga skye ba ni// sprul pa'i sku yis gdul bya gzigs mdzad pa// ma nges 'khor la sde snod rgyud rnams gsungs// bzang po'i yul dang phrad par snang ba yin// gdug pa gdul bya'i don du khro bor bstan// ngan pa'i yul dang phrad par snang ba yin// gang la cis 'dul de la der ston pa// sna tshogs yul dang phrad par snang ba yin// rjes 'jug rnal 'byor chen po sgrub pa pos// snod ldan bu la gsang ba'i man ngag sbyin// bzang po'i snod dang phrad par gyur pa yin// zhing bcu gdug pa ma lus bsgral byas nas// gnas ngan ngan song gnas rnams sgrol mdzad pa// ngan pa'i yul dang phrad par gyur pa yin// rab 'bring tha ma'i dbang po mthun rtogs pa// sna tshogs yul dang phrad par gyur pa yin// phyogs gcig snying rje 'gro ba kun la yod// khra dang spyang kis rang gi bu nyid gso// mtshan nyid nyan rang theg pa chung ngu la// sems can rnams la dmigs pa'i snying rje yod// tshad med bzhi yis 'gro don yid la byed// mdo sde byang chub sems dpa'i theg chen la// chos la dmigs pa'i snying rje chen po yis// kun rdzob byang chub mchog tu sems bskyed nas// bsdu ba'i dngos po bzhi yis don rnams mdzad// gsang ba bya spyod rnal 'byor rgyud rnams ni// thugs rje chen pos gzhan don dang du len// phrin las rnam bzhis 'gro don rdzogs par mdzad// bla med rnal 'byor gsang sngags nang pa ni// 'dod chags chos nyid du ni sbyar byas nas// zhe sdang snying rje chen po'i mdzad spyod kyis// mtshams med mnar med dmyal bar lhung ba dang// dam nyams rdo rje dmyal bar skye ba rnams// gsang sngags thabs kyi mdzad spyod chen po yis// 'khor ba'i gnas nas mya ngan 'das par sgrol// rdzogs chen mthar thug theg pa chen po ni// dmigs pa med pa'i snying rje chen po nyid// snying rje chen pos cir mi mdzad// srid pa'i rtse nas dmyal ba'i gnas rnams kun// chos sku thig le chen po gcig tu rtogs// zhes gsungs so// glang po rab 'bog gi rgyud las/thugs rje yongs la snang ba'i le'u ste brgyad pa'o//// de nas bcom ldan de bzhin gshegs pa yang dag par rdzogs pa'i sangs rgyas longs spyod chen po rgyal ba drug pas/ sku gsum dkyil 'khor gyis 'gro ba'i don du bstan pa rgyas par snang ba 'di gsungs so// stong phrag brgyad khri bzhi stong gi// nyon mongs de nyid gnyen po ru// stong phrag brgyad khri bzhi stong gi// chos kyi sgo mo de nyid spro// stong gsum sems can ma lus pa'i// nyon mongs gnyen por dgongs nas gsungs// la lar mdo yi sde ru gsungs// la lar dbyangs kyi sde ba dang// la lar lung du bstan pa'i sde// la lar tshigs su bcad pa'i sde// la lar ched du brjod pa'i sde// la lar gleng gzhi'i sde dang ni// la lar rtogs pa brjod pa'i sde// de lta bu ru byung ba'i sde// la lar skyes pa rabs kyi sde// la lar shin tu rgyas pa'i sde// rmad du byung ba'i chos kyi sde// gtan la phab pas bstan pa'i sde// gsung rab yan lag bcu gnyis rnams// gdul byar gyur la gang mos gsungs// la lar lhums su zhugs par ston// la lar lhums nas bltams pa dang// la lar gzhon nu rol rtsed mdzad// la lar khab tu bzhes pa dang// la lar rab tu byung ba dang// la lar dka' thub mdzad par snang// la lar cho 'phrul bstan pa dang// la lar sangs rgyas mdzad pa dang// la lar bdud rnams btul ba dang// la lar chos kyi 'khor lo bskor// la lar mya ngan 'das pa dang// la lar sku gdung bgod pa mdzad// sangs rgyas mdzad pa bcu gnyis kyis// gdul bya ma lus 'dul bar 'gyur// gti mug rmongs pa'i gdul bya rnams// bde gshegs snang mdzad 'byung bar 'gyur// zhe sdang mnar sems 'dul don du// rdo rje sems dpa' 'byung bar 'gyur// nga rgyal mngon pa 'dul ba'i phyir// rin chen 'byung ldan 'byung bar 'gyur// 'dod chags can rnams 'dul ba'i phyir// snang ba mtha' yas 'byung bar 'gyur// phrag dog can rnams 'dul ba'i phyir// don yod grub pa 'byung bar 'gyur// dug lnga 'dul ba'i gdul bya la// rigs lnga'i dkyil 'khor mngon par snang// bram ze 'dul phyir bya ba'i rgyud// dmangs rigs rnams la spyod pa'i rgyud// rje'u rigs la rnal 'byor spyod// gdol par rnal 'byor bla na med// mi rigs bzhi rnams 'dul ba'i phyir// rgyud sde bzhi ni snang bar mdzad// rgyal rigs la ni kun gyis 'dul// chos skyong mnga' bdag 'dul ba'o// gdug pa can rnams 'dul 'gyur phyir// dur khrod chen po bsil ba'i tshal// mkhas shing snying stobs che ba'i gnas// dur khrod chen po sku la rdzogs// yon tan mthong thos can ni mang// dur khrod chen po he chen brdal// bde skyid ldan pa de na mang// dur khrod chen po gsang chen rol// mthu dbang yon tan de na che// dur khrod chen po lhun grub brtsegs// zas kyi longs spyod che ba'i gnas// dur khrod chen po lang ka brtsegs// yon tan dngos grub thob pa mang// dur khrod chen po sgrol bar mdzad// rnal 'byor longs spyod rab tu ldan// dur khrod 'jig rten mngon rdzogs na// rdzu 'phrul ya ma zung du ston// 'jig rten lha brgyad bsgral 'dul pas// dur khrod chen po brgyad du bstan// gnas dang nye ba'i gnas dang ni// zhing dang nye ba'i zhing nyid dang// yul dang nye ba'i yul nyid de// tshan+do nye ba'i tshan+do dang// dur khrod nye ba'i dur khrod rnams// gnas kyis 'dul bar dgongs pa rnams// he ru ka yi gnas bcur bstan// la lar tshangs pa'i gzugs su ston// la lar dbang phyug chen por snang// la lar lha chen nyid yin la// la lar brgya byin skur snang ba// tshangs pa rta yi mgo can dang// gu lang glang gi mgo can dang// khyab 'jug seng ge'i mgo can sogs// 'jig rten thabs kyis 'dul ba'i phyir// 'jig rten lha yis gzugs kyis 'dul// la lar bde gshegs mkha' 'gro ma// la lar rin chen mkha' 'gro ma// la lar pad+ma mkha' 'gro ma// la lar las kyi mkha' 'gro ma// la lar rdo rje mkha' 'gro ma// bud med tshogs rnams 'dul bar 'gyur// 'dul ba'i dus la bab gyur na// snod kyi 'jig rten rdzas dag la// dam chos bstan pa'i sgra sgrogs shing// stong nyid nam mkha'i dkyil 'khor nas// chos kyi bstan pa char 'bebs pas// 'dul ba mdo sde mngon pa'i chos// snod kyi 'jig rten sgra grags ston// bcud kyi skye 'gros zhu zhing 'chang// mtshan nyid rgyu yi sde snod dang// gsang sngags 'bras bu'i rgyud sde rnams// gdul bya rnams dang mthun pa ru// sangs rgyas sprul pas gsungs par byed// ces gsungs so// glang po rab 'bog gi rgyud las/ chos kyi 'khor lo snang ba'i le'u ste dgu pa'o//// de nas rdo rje 'chang chen pos 'khor byin gyis brlab pa'i phyir/seng ge rnam par bsgyings pa'i ting nge 'dzin la snyoms par zhugs nas/ lhan cig pa'i 'khor dang/ go phye ba'i 'khor gyis rgyud me long ltar gsal bar gyur pa 'di ched du glengs so// gsang ba gsang chen gsang mchog rgyud// rgyan bdun dag tu rnam par gnas// de yi dbye ba ji ltar lags// go phye'i 'khor rnams mthun par zhus// gsang ba rgyud kyi bya ba bskyed// gsang chen lung gi bsgrub pa mdzad// gsang mchog man ngag dgongs pa mdzad// gleng bslangs sangs rgyas rgyas bshad dbye// snod ldan rgyan bdun rmongs sel ba// lhan cig pa yi 'khor rnams kyis// mgrin gcig mthun par gyur pa yis// rab tu rgyal ba rnams kyis bshad// gleng bslangs pa yi grangs ni lnga// sangs rgyas pa yi tshul ni bzhi// bshad pa'i mtha' ni rnam pa drug/ bshad pa'i tshul yang rnam pa bzhi// bshad pa dbye ba'i rim pa gnyis// snod kyi gang zag rnam pa lnga// bden pa'i dgongs pa rnam pa gnyis// gsang sngags rgyud rnams bshad pa yin// gleng bslangs pa yi grangs lnga ni// rgyud 'di'i ming ni ci zhig yin// gang zag gang don rgyud 'di gsungs// byed pa'i ston pa su zhig yin// rgyud 'di'i ldang tshad gang yin la// 'di yi dgos pa ci zhig yod// gsang ba bas kyang ches gsang ba// gsang sngags gsang ba'i rgyud chen yin// chos rnams ming du ma grub kyang// ston pas gdul bya'i blor bstun nas// med la yod par ming du btags// sku gsung thugs dang yon tan las// rtsa rgyud bshad rgyud du ma'i ming// gdul bya rnams la mtshan du btags// dpe don yul dang gang ldang la// so sor mtshan du grags pa yin// rten gyi gang zag bsam yas kyang// gti mug can ni rgyal po'i rigs// nga rgyal can ni rje'u rigs// zhe sdang can ni bram ze'i rigs// 'dod chags can ni dmangs kyi rigs// phrag dog can ni gdol pa'i rigs// de snyed gdul bya bsam yas pa'i// gang zag rigs la dgongs nas gsungs// ston pa gdul bya tha dad pas// spyi yi ston pa kun bzang nyid// khyad par ston pa sku gsum shar// kun bzang sku lnga dbyer med pa// rigs bdag kun gyi spyi gzugs can// sku bzhi kun bzang dbyer med pa// gsang ba mchog gi bdag por bzhags// rigs lnga kun bzang dbyer med pa// rgyal ba drug pa rdo rje 'chang// ston pa'i bdag nyid kun bzang nyid// rang bzhin chos sku spros dang bral// ngo bo longs sku rnam par gsal// mdzad spyod sprul sku bsam mi khyab// 'chad pa'i skyes bu rigs lnga nyid// bsam gyis mi khyab snang bar 'gyur// lta ba dang ni spyod pa dang// dbang bskur ba dang dam tshig bsrungs// dkyil 'khor bskyed la mchod pa 'bul// phrin las rnam bzhi bsnyen bsgrub bzhi// ting 'dzin bsgom dang gsang sngags bzlas// 'di bcu rgyud don rang bzhin can// ldang tshad yin par rgyal bas gsungs// dgos pa'i dgongs pa bsam yas rnams// las tshogs thun mong dngos grub bsgrub// mtshan bcas mtshan ma med pa yi// mchog gi dngos grub bsgrub pas 'grub// sangs rgyas pa yi tshul bzhi ni// rgyud dang gleng gzhi nges tshig rgyu// chags bral chags sangs rgya ba yang// mtshan nyid sngags kyi dgos pa'o// 'dod chags bral ba'i tshul bzhi ni// rgyu ni mi yi lus yin te// sdom pa 'chags pa'i rten can yin// gling bzhi rab tu byung ba ste// 'dod chags spangs pa'i rtags rnams 'chang// nges tshig 'dul ba'i sdom pa blangs// nyon mongs dug gsum rta rgod 'dul// de rgyu 'bras bu sangs rgyas 'dod// tshogs gnyis yun ring bsags pas 'grub// 'khor ba spangs nas 'das pa bsgrub// 'dod chags bcas pa'i tshul bzhi yang// gsang sngags chags bcas gsang ba nyid// rgyu ni lha yi lus kyi ste// phung po sangs rgyas lnga bdag nyid// gleng gzhi rigs lnga rigs gcig 'gyur// phung po lnga po sems nyid lus// nges tshig sngags kyi dam tshig blangs// rtsa ba yan lag rdo rje 'dzin// rgyu ni sgeg sogs spyod pa ste// 'dod chags bzhi ni dga' bzhir spyod// rgyas bshad mtha' drug drang don nges// dgongs dang dgongs min ji bzhin bshad// ji bzhin ma yin bshad pa yis// tshig tshogs rgya mtsho 'grol bar byed// drang pa'i don du bshad pa nyid// nyan rang mu stegs nang dang phyi// 'jig rten lha klu mkha' 'gro ma// rang rang lta spyod bshad na drang// gsang sngags nges pa'i don la gzung// yang dag don ston nges pa'i don// sems nyid ye nas sangs rgyas pas// 'khor ba ka dag dri ma med// nyi ma'i dkyil 'khor bzhin du gnas// dgongs pas bshad pa blo rab la// de bzhin gshegs pa'i tshogs bsad na// bdag gzhan dngos grub thob par 'gyur// zhe sdang shan pa rdo rje'i rigs// gti mug glen pa de bzhin rigs// 'dod chags yi dwags pad+ma'i rigs// dug gsum zhing bcu'i phung po bsad// sems nyid sangs rgyas sras su bsgral// rgyu 'bras bsod nams ye shes tshogs// bdag gzhan gnyis kas thob par 'gyur// dgongs min dbang por dman pa la// lta dman sngags kyi lta zab 'bri// sems ni sangs rgyas 'grub pa'i rgyu// tshogs gnyis 'bad pas 'bras bu 'grub// sgra ni ji bzhin bshad pa gang// dkyil 'khor bris dang dam tshig bsrung// lha kun sgom dang gsang sngags bzlas// slob ma dbang bskur dngos grub blang// sgra ni ji bzhin ma yin pa// de bzhin gshegs pa'i spyod yul te// a 'bras rgum 'brum pa na se// na le ge rgyas a ga ru// ko Ta k+Sha ni srin po'i skad// kun mkhyen dgongs pas shes par 'gyur// bshad pa'i tshul bzhi tshig don dang// spyi sbas mthar thug don du bshad// tshig don ming tshig sgra 'byor la// rus sbal bsnur 'gros lta bu nyid// spyi don mdo sngags rnam pa gnyis// mdo la zhugs nas 'dod pa zlog/ sngags la zhugs nas bskyed rdzogs bsgom// spyir sdud seng ge'i mchongs pas bshad// sbas bshad rtsa rlung thig le sngags// sems can lus sbas ston pas 'byin// 'dod chags kun rdzob ye shes gsum// rgyud sbas thugs gab rna brgyud 'dzin// mthar thug 'khor 'das dbyer med chos// rang bzhin 'od gsal zung du 'jug/ nyan bshad dbye ba rnam pa gnyis// tshogs dang slob ma phyi dang nang// tshogs bshad sgra bzhin dgongs pa yin// drang don yi ge spyi yi don// slob bshad sgra nyid ji bzhin min// nges don dgongs te sbas mthar thug/ snod kyi gang zag rnam pa lnga// ut+pal pad+ma dkar po dang// pad+ma dmar po tsan+dan dang// rin chen lta bu'i gang zag lngas// gsang sngags snod rnams gtan la dbab// ut+pal mang 'dzin yal ba skyen// thos mang 'dzin mkhas rjed par sla// pad dkar sbrang ma sbrang rtsi 'dzin// thos mang bum nang ras bal 'dra// pad+ma yid 'ong legs par bya// sbrang rtsi 'dzag par gyur pas na// dad ldan snying rje shes rab che// thos nas kha phye'i tshig don brjod// tsan+dan sdong chung dri ldan phra// 'dab ma dug bul blang bar dka'// thos nyung nga rgyal rtsa med smra// rjes su gzung bar mi nus so// rin chen rang dag gzhan don mdzad// 'dod 'byung nor bus don byed ltar// dam ldan 'dzin mkhas shes rab ldan// rgyud gcig thos nas len par ston// bden pa'i dgongs pa rnam pa gnyis// kun rdzob bskyed rim sgyu lus bsgom// don dam rdzogs rim 'od gsal bsgom// zhes gsungs so// glang po rab 'bog gi rgyud las/ gsang sngags gsang ba'i rgyud thams cad la rgyan bdun gyi bshad par bstan pa'i le'u ste bcu pa'o//// de nas bcom ldan 'das rdo rje 'chang chen pos dmigs par bya ba'i brtag bya gtan la 'bebs pa'i ting nge 'dzin la snyoms par zhugs nas ched du brjod pa 'di gsungs so// chos rnams ma lus thams cad kun// gnas lugs snang lugs gnyis su 'dus// de yang ji lta bu zhe na// gnas lugs ngo bo nyid kyi gzhi// gnyis med ris bral kun ngo bo// snang lugs 'khor 'das gnyis su snang// ma rtogs pa dang rtogs par 'gyur// de nas ma sbyangs go phye'i 'khor// lhan cig pa la 'di skad zhus// 'gro drug snang ba rang ka ma// gnas lugs gzhi nyid yin nam min// yin na 'gro drug bden mthong bas// 'bad pa med pas rang grol 'gyur// min na 'gro drug sems can rnams// sangs rgyas 'bras bu ga la thob// 'on te gnyis su med gyur na// rig dang ma rig tha dad snang// 'on te so sor tha dad snang// sangs rgyas sems can 'brel ba med// sems nyid bde gshegs snying po min// chu dang me bzhin dgra zun 'dra// de skad sman pa'i lha canaltacan yin nam gsungs// de nas lhan cig gnas pa'i 'khor// dgyes nas rmad byung ngo mtshar gsungs// srid gsum 'khor ba'i sems can rnams// sems nyid ye nas mngon sangs rgyas// de ma shes pas bden mthong min// gser mthong gser du ma shes bzhin// rang sems lhun grub sangs rgyas kyang// rnam rtog gzung 'dzin mthu brtas pas// bdag dang bdag gir 'dzin pa rnams// bden pa ma mthong 'khor bar 'khyams// sangs rgyas sems can gnyis med kyang// theg dman 'khor 'das tha dad 'dzin// 'khor ba spangs nas bde ba 'grub// me long lto rgyab log dang mtshungs// khams gsum sems can las dang ni// dus gsum sangs rgyas thugs rje 'brel// dper na mi gnyis gnyen bshes bzhin// bde gshegs snying po gcig tu gnas// 'di rtogs sems can sangs rgyas yin// yang ni go phye'i 'khor gyis dris// 'khor ba'i rgyu ni ci las byung// ma rig pa las byung gyur na// gzhi la yod dam med pa yin// yod na ma rig spang du med// med na 'ong ba'i rtsa ba med// med kyang 'byung bar gyur pa na// nam mkha' las kyang me tog skye// lhan cig 'khor la bka' stsal pa// sems nyid ye nas sangs rgyas kyang// nges pa'i shes pa ma skyes pas// lhan cig skyes pa'i ma rig pa// gzhi la med kyang glo bur snang// dper na nam mkha'i sprin dang 'dra// go phye'i 'khor gyis yang dris pa// 'khor ba'i sems la gzhi rtsa med// de la rtogs par byar yod na// nam mkha' ye nas stong pa la// de las stong pa gnyis mi rnyed// de phyir sangs rgyas gang rtogs snang// lhan cig pa yi 'khor gyis gsungs// dper na mig gis gzhan mthong yang// mig na rdul song de ma mthong// me long nang bltas rdul 'byin ltar// rang sems rang gis ma rig pas// chos kyi dbyings kyi me long bltas// skye med spros bral mngon du byas// yul sems gnyis med dbyings su thim// ma rig lta ngan nyes pa bral// ye shes mkhyen pa'i nyi ma shar// ma rig pa nyid rig par grol// reg pa ye 'byams klong yang gdal// nyi ma'i dkyil 'khor shar nub med// dpag bsam shing chen yongs su rgyas// yid bzhin mchod sdong kun la 'bar// bum pa bzang po bde ba gang// ma rtogs rtogs pas mun pa sangs// thig le chen po smra brjod 'das// dpa' bo 'bru lnga kun gyi gzhi// zhi khro lha brgya 'khor 'das rdzogs// zhes gsungs so// glang po rab 'bog gi rgyud las/gnas lugs dang snang lugs kyis 'khor ba dang mya ngan las 'das pa gtan la dbab pa ste/ le'u bcu gcig pa'o//// de nas bcom ldan 'das sangs rgyas thams cad kyi rje btsan dam pas/'gro ba'i 'bangs rnams rjes su bskyang ba'i phyir 'di gsungs so// lhun grub ka dag sems nyid gnas lugs gzhi// 'khor 'das ma lus 'byung ba sa bon tshul// kun la khyab par ye nas rang gnas pa// de nyid ma rtogs mngon du ma gyur pa// byang chub sems dpa'i shes bya'i sgrib pas bsgribs// 'gro rnams nyon mongs las kyi sgrib pas bsgribs// lam zhugs theg pa rang rang blta bas bsgribs// ma mthong mthong 'dod rang gi sems la ltos// rab 'byams bka' yi dgongs pa bsam yas pa// rtsa ba rig pa byang chub sems la 'dus// nyan thos sdug bsngal kun 'byung 'khor bar snang// 'gog pa lam ni mya ngan 'das par sgrub// rang rgyal rten 'brel lugs 'byung 'khor bar snang// lugs las bzlog pa mya ngan 'das par sbyor// byang chub sems dpa' kun rdzob 'khor ba'i chos// don dam mya ngan 'das pa'i spyod yul gzigs// kri yA rang nyid rigs gsum kun rdzob 'bangs// ye shes sems dpa' don dam rje dang 'dra// cha gnyis 'dzin pa kun rdzob rigs bzhi'i lus// don dam ye shes lha ni rang snang sku// rnal 'byor kun rdzob lha ni rang lus nyid// don dam rdo rje dbyings te spun zla grogs// ma hA longs sku rtog tshogs bden gnyis lha// a nu dbyings dang ye shes bden gnyis lha// theg brgyad snang lugs 'khor 'das gnyis su blta// rdzogs chen gnas lugs thig le chen po'i don// rab zhi spros med yongs su gzung 'dzin bral// zhes gsungs so// de nas go phye'i 'khor rnams kyis/lhan cig pa'i 'khor rnams la 'di skad ces dris so// gzhi yi don ni ka dag na// ma rig 'khrul pa grub ma grub// dpa' bo dpa' mos bka' stsal pa// gzhi la ma rig 'khrul pa ni// ka nas dag ste grub ma myong// dung la ser po med bzhin du// mig nad can bzhin ser por snang// rdo rje mched kyis yang zhus pa// 'gro rnams 'bad med grol bar rigs// gzhi la 'khrul med dag pa'i phyir// glo bur mig ser yin zhe na// rgyud dag la yang 'khrul 'byung 'gyur// gzhi yi nges tshig mi 'thad de// 'khor 'das chos ni mi 'byung phyir// mtshungs ldan rgyu yang med par 'gyur// dung las 'khrul gzhi yod dam med// yod na gzhi yod 'khrul par 'gyur// gzhi med 'khrul par mi srid de// dung las sbrul du 'khrul mi srid// dpa' bo dpa' mos yang gsungs pa// 'khrul med ka dag yin shes na// de la 'khrul pa'i yul med pas// gser la gser du rtogs pa bzhin// rdo rje mched kyis yang zhus pa// 'khor 'das gzhi la lhun grub na// phyogs gcig grub bam phyogs med grub// phyogs gcig grub na gnyis ma tshang// ma grub gzhi yi nges tshig phyed// phyogs med grub par gyur pa na// chos can ma mthun nang grub 'gyur// 'dod na dbang po mngon sum gsal// mi gsal bsams na snang zhe na// de ni phyogs med yin par 'gyur// dpa' bo dpa' mos bka' stsal pa// phyogs med kun tu rang shar gzhan// gang ltar bltas pa der snang bas// 'khrul med lhun grub gzhir rtogs bya// gzhi don ma nor tha snyad mtshon// 'khor 'das rang sems nyid yin pas// til gong bzhin du ye gnas pa// gnyis su bsdus pa ma 'dres la// yongs su rdzogs pa lhun gyis grub// rdo rje mched kyis yang zhus pa// ma rig 'khrul pa grub ma grub// dpa' bo dpa' mos bka' stsal pa// kun gyi dngos gzhir snang ba'i gzhi// yid bzhin nor bu ltar snang bas// grub ma grub kyi 'dams ka bral// 'khor 'das snang bar shar ba ni// de ni 'phrul pas dbye bas na// brtag gzhi zhes kyang de la bya// rdo rje mched kyis yang zhus pa// chos kyis bsdus pa'i mched lcam rnams// gzhi yi don du gcig pa la// ka dag lhun grub ci phyir gnyis// dpa' bo dpa' mos bka' stsal pa// chos kyi 'dres pa'i rdo rje mched// gnas lugs snang lugs rnam pa gnyis// gnas lugs don la dbye ba med// log pa'i rgyu rkyen shes rab bral// snang lugs 'khor 'das gnyis su snang// 'khor ba'i snang ba sems nyid la// sangs rgyas dgongs pa lhun gyis grub// 'das par snang ba'i sangs rgyas la// ma rig 'khrul pa ka nas dag/ gnas lugs snang lugs thams cad kun// ma rtogs rtogs par mtshon phyir phye// yang dag don gyi gnas lugs la// rtogs dang ma rtogs grub pa med// ces gsungs so// glang po rab 'bog gi rgyud las/ 'khor 'das rtsod bral chen po'i gnas lugs bstan pa'i le'u ste bcu gnyis pa'o//// de nas de bzhin gshegs pa nyid de bzhin gshegs pa nyid la 'gro ba'i ched du 'di gsungs so// bka' dman 'dud pa'i gdul bya rnams// sbyangs pas chos kyi snod du gyur// dpag med bskal par rgyu la sbyangs// sngon tshe thub rgyud sngags la sbyangs// tshe 'dir rgyu 'bras chos la sbyangs// de nas gsang chen sngags la 'jug/ nges pa don gyi gdul bya rnams// rang bzhin gyis ni snod gyur pa// skye bo ma nges sa dag nas// gsang chen sngags la rab tu 'jug/ kha cig sbyangs pa'i rim gyis pa// dpag med sngon nas tshe 'dir sbyangs// kha cig dus mtha'i cig car ba// rgyud lung man ngag chos la 'jug/sngon gyi las 'phro yod pa dang// 'phral du skal par ldan pa dang// dad pas chos la mos pa dang// brtson 'grus dang du len pa dang// shes rab rtogs par ldan rnams la// yin pa'i thog tu mtshon nas bstan// mtshon pa'i thog nas go ba dang// go ba'i thog nas rtogs pa dang// rtogs pa'i thog nas thob pa dang// thob pa'i thog nas grol 'gyur bas// ma nor nges pa'i gtan la 'bebs// dang por gtan la 'bebs dus su// gzhal bya 'khor 'das gnyis la 'jal// 'khor 'das gnyis su zhen pa yis// snang ba gtan la dbab par bya// de tshe go phyi'i 'khor gyis dris// 'das pa la ni 'jal ba na// dang po las kyi spyod yul du// 'das par ma gyur gzhal mi btub// 'khor ba la ni gzhal ba la// 'khor ba spyi yi mtshan nyid ni// da dung mi rtog gzhal mi btub// de brtags bsam byung shes rab 'gro// las ni dang po'i gang zag gis// thos pa'i chos ni ma byas par// bsam pa'i shes rab mi 'ong ngo// 'khor ba rang gi mtshan nyid la// de la gzhal byar byas 'jal na// 'khor ba'i rang mtshan skad cig ma// skad cig snga ma 'das pas med// phyi ma'i ma skyes pa ni med// da lta'i rig pa skad cig ma// de la gzhal du mi btub ste// mdzub mo rang gi rtse mo la// mdzub mo rang gis reg mi nus// skyes bu ji ltar rtsal che yang// rang la rang gi mchongs mi nus// spu gri'i so ni rno gyur kyang// so yis so nyid gcad du med// mig gis thams cad mthong gyur kyang// rang nyid rang la mthong mi srid// de skad ma sbyangs sems dpar dris// lhan cig pa yi 'khor gyis gsungs// dper na gzhal bya rdzas gcig pa// 'jal byed bre srang lta bu yin// rdzas med bre srang gzhal mi btub// srang med rdzas kyi ched mi shes// gzhal bya rang rig skad cig ma// 'jal byed gtan tshigs de nyid gtong// gzhal bya byas na gtan tshigs med// gtan tshigs byas na gzhal bya med// khyed ni de ltar 'dod pa yin// bdag ni 'di ltar 'dod pa ste// zhen pa shes pa'i spyi yul yin// rig pa skad cig gnas 'gyur ba// shes pa rang gi mtshan nyid yin// de phyir zhen pa'i spyi yul la// shes pa rang gi mtshan nyid 'jal// yul dang sems ni ma 'dres phyir// zhen snang rig pa 'jal skyon med// dang po las kyi gang zag gis// 'khor 'das gnyis zhen snang ba la// rang rig rtogs byed tshad mas gzhal// zhen snang 'jal la skyon pa med// de skad brjod pas ma sbyangs mnyes// srid gsum 'gro la thugs rje yi// brtags gzhi gtan la nges par phab// ces gsungs so// glang po rab 'bog gi rgyud las/ gzhal bya'i le'u ste bcu gsum pa'o//// de nas sangs rgyas thams cad kyis// 'gro ba'i don du brjod pa 'di dag gsungs so// sems can kun gyi yid rig pa// sangs rgyas rnams kyi thugs kyi mchog/ skye shi med pa'i g.yung drung sku// chos sku dri ma med pa yi// rgyal ba rgya mtsho 'khor rnams ni// ye shes rgya mtsho'i tshogs rnams la// thams cad chos kyi dbyings su thim// thig le chen por ye nas gnas// 'khor 'das bde ba'i longs spyod la// ye shes sgyu mar rol gyur pa// zad mi shes pa'i gter du 'gyur// longs spyod rdzogs sku rigs lnga'i sku// sa bcu thob pa'i byang chub sems// smin pa rgya mtsho'i 'khor rnams la// dgongs pa brda yis snang 'gyur ba// me long bzhin du byad skyon sel// rab 'byams stong gi 'jig rten na// rdul phran 'gro ba thams cad la// thams cad mkhyen pa sprul pa'i sku// nyon mongs kun gyi nang du gnas// 'gro ba lha mi'i byang chub sems// mos pa rgya mtsho'i 'khor kun la// rang rang so so'i skad du gsungs// tshig dbyangs med pa'i skad gyis go/ mngon sum snang ba dngos med nyid// dbyer med byang chub chen por rtogs// thams cad dbyer med mnyam pa'i sku// mngon par byang chub sku nyid la// snang ba gang yin rang snang nyid// rig pa rang snang 'khor rnams la// snang bas bstan par grags pa ni// snang srid glegs bam tshogs su snang// skye 'jig med pas 'gyur ba med// nam mkha' nyid du rnam par dag/ rdo rje rig pa 'dzin pa'i sku// rtag pa chen po'i ngo bo nyid// 'byung ba lnga nyid 'gyur med rtogs// dbyer med rdo rje'i 'khor rnams la// grags stong dbyer med snang ba yang// ma skyes 'jig bral go bar snang// lhag pa chen po chos kyi sku// skye med don gyi gsung mchog gis// rgyal ba rgya mtsho'i 'khor rnams kun// chos dbyings skye med nam mkhar rtogs// longs spyod rdzogs pa rigs lnga'i sku// dgongs pa brda yi gsung snang bas// smin pa rgya mtsho'i 'khor rnams kyi// shes bya'i sgrib pa gting dpag med// mdzad pa mthar phyin sprul pa'i skus// tshangs pa'i dbyangs kyi gsung snyan gyis// mos pa rgya mtsho'i 'khor rnams la// sgrib sbyangs sa dang rnam thar thob// snang srid mngon par byang chub skus// rang snang gsung gis chos ston pa// rig pa rang snang 'khor rnams kun// yul kun rang rig mngon byang chub// skye 'jig bral ba rdo rje'i skus// grags stong dbyer med rdo rje'i gsung// dbyer med rdo rje'i 'khor rnams la// kun rdzob don dam mi phyed go/ btags pa'i sku lnga ma yin pa'i// mtshan nyid sku lnga'i snang ba la// btags pa'i gsung lnga ma yin pa'i// mtshan nyid gsung lngar snang ba yin// btags pa'i 'khor lnga ma yin pa'i// mtshan nyid 'khor lngar snang ba la// btags pa'i chos lnga ma yin pa'i// mtshan nyid bstan pa rnam pa lnga// gdod nas skye ba med pa'i don// skye ba med par smra brjod bral// sems nyid dbyer med rang shes pas// chos la 'dzin pa'i dri ma med// rang rang skad du go ba yis// 'khor ba mya ngan 'das par grol// snod bcud bem rig stong pa nyid// mngon sum snang bas chos tshul ston// kun rdzob don dam dbyer med gnas// snang stong dbyer med rdo rje grol// sngon byung sku lnga'i mdzad pa kun// rjes 'jug dngos lnga'i gtan tshigs yin// ma rtogs 'gro ba rmongs pa la// sku lngar tha dad snang ba yin// sku lnga don la tha dad bral// zla ba gcig la chu snod lnga// yid bzhin nor bu gcig nyid la// mi rigs lnga la 'dod lnga 'byung// zhes gsungs so// glang po rab 'bog gi rgyud las/ dngos lnga bstan pa'i le'u ste bcu bzhi pa'o//// de nas sangs rgyas thams cad kyi rje btsun chen pos// 'gro ba sems can ma lus pa'i ched du 'di gsungs so// lhun gyis grub pa'i rig 'dzin gyis// chos sku'i dgongs pa rab ston pa// dbang po mchog gis go bar snang// rdzogs pa chen por rdzogs sangs rgyas// phyag rgya chen po'i rig 'dzin gyis// longs sku'i ston pa'i chos thos pa// gsang sngags rgyud dang lung du snang// dgongs pa brda yis bskyed rdzogs rtogs// tshe la dbang ba'i rig 'dzin gyis// sprul pa brda yi dgongs pa rtogs// mtshan nyid gsang sngags kri yog snang// rnam par smin pa'i rig 'dzin gyis// mngon par byang chub sku rtogs pas// 'khor bar snang ba sangs rgyas nyid// dbang po rab kyi spyod yul can// dbyer med rdo rje'i skur rtogs pas// 'khor 'das so so'i skye 'jig bral// dbang po brtan pa'i spyod yul can// sar chud pa yi rig 'dzin dang// sa thob pa yi rig 'dzin dang// sar smin rig 'dzin rnams kyis go// sku lngas bstan pa de bzhin du/ tshul mthun rig 'dzin bstan 'gyur bas// rjes su 'jug pa'i skyes bu rnams// tshul lngas gtan la phebs bar 'gyur// ston pa'i bdag nyid sku lnga nyid// 'chad pa'i skyes bu rig 'dzin lngas// 'khor bar snang ba'i lha mi dang// mkha' 'gro'i tshogs la rab brgyud pas// lha mi'i 'jig rten thams cad du// chos kyi 'khor lo rab bskor rgyas// rmad byung che ba'i mdzad pa ston// spang len med pa'i don rtogs nas// phyag rgya chen po mchog nyid kyi// dngos grub dam pa thob par 'gyur// zhes gsungs so// glang po rab 'bog gi rgyud las// tshul lnga'i gtan tshigs kyis nges par bstan pa'i le'u ste bco lnga pa'o//// de nas de bzhin gshegs pas ched du brjod pa 'di brjod do// chos kyi 'khor lo'i lte dbus na// sku lnga'i bdag nyid chos 'chad bzhugs// ston pa'i bdag nyid rnam pa lnga// 'chad pa'i skyes bu rnam pa lnga// dam chos lnga rnams so sor go// dpyad du med pas go ba bzhi// dpyad du yod pas go ba gcig/ rnam pa gnyis su snang 'gyur yang// sdud pa rdo rje'i snying po yis// don bzhin bsdus pa'i yi ge'i rgyud// glegs bam tshig gi tshogs rnams ni// lam gyi yi ge rgyud nyid dang// sems lnga skyes pa'i skyes bu'i thugs// lam gyi ngo bo rgyud yin pas// thams cad ma lus rtogs par byed// dpyad du med par go ba ni// dbang po rnon po'i spyod yul te// snang srid chos rnams ma lus pa// byang chub snying por gtan la 'bebs// dpyod du yod par go ba ni// dbang po rtul po'i spyod yul te// dpe don rtags dang gtan tshigs kyis// yid ches nges shes skyes par ston// dpyod pa zhugs na rtog pa'i gzhi// rtog pa zhugs na dmigs pa'i rten// dmigs pa zhugs na 'dzin pa'i gzung// 'dzin pas zin phyir grol mi 'gyur// dpyad du med par gang dpyad pas// sems can ma lus thams cad kun// ye nas byang chub snying por gnas// de phyir dpyad pa'i bya byed med// sangs rgyas kyis kyang rnyed par dka'// tshig dang yi ges mi mtshon te// rgyal ba'i sras po cang mi gsung// dpyad du yod pas dpyad yod pas// phyir rol snang ba'i spyod yul ba// dbang po rnam lngas dpyad byas na// dug gsum skye bar snang ba rnams// ma rtogs khams gsum 'khor ba rnams// mi rtog bde stong lam du byas// sku gsum 'bras bu thob 'gyur ba// dpyad du yod pas dpyad par bya// dpyad du med pas dpyad med pa// rnal 'byor sems kyis sems la blta// sems la dngos med bsgom pa med// dngos por bsgoms pas bsgom pa min// dngos dang dngos min rnam dpyad nas// chos rnams thams cad sems su 'dus// sems nyid nam mkha' la gnas te// nam mkha' cir yang mi gnas pas// de phyir dpyad pa'i bya byed bral// byar med bsam bral brjod 'das rtogs// dpyad du yod par dngos zhen pa// mu stegs rtag par blta dang mtshungs// dpyad du med la zhen 'thas pa// mu stegs chad par lta dang mtshungs// mtha' gnyis gol sa dpyad bya'i phyir// mkhas pas phyogs gcig zhen mi bya// rtag chad phyogs su gang zhen pa// don gyi snying po nyid las gol// dpyad du yod par snang ba rnams// phyi yul rnam pa sna tshogs la// nang gi rig pa zhen pa yin// de nyid dpyad du med ces bya// dran par snang ba dpyad yod na// dran med yin pas dpyad du med// dpyad du med par snang ba rnams// sems kyis sems la blta ba yin// sems nyid skye ba med par shes// dpyad du yod med gnyis med pas// de nyid blo las 'das pa ni// zung 'jug bde ba chen por gnas// dbyer med dpyod yul bral bar rtogs// yod med rtog pa'i blo mi gnas// snang stong ngo mnyam dpyod yul bral// 'dzin med gzung ba ga la srid// du ma ro gcig kun ngo bo// rnam pa kun ldan stong par gnas// zhes gsungs so// glang po rab 'bog gi rgyud las/ gtan tshigs kyi gzhi dpyad du yod med kyi le'u ste bcu drug pa'o//// de nas bcom ldan 'das kyis bdud kyi stobs rab tu 'joms pa'i ting nge 'dzin la zhugs nas/pad+ma chags med kyi don 'di ched du brjod do// ston pa'i sgron ma rab 'bar bas// lta ngan mu stegs bdud las rgyal// rnal 'byor sems nyid 'od gsal ba// ji ltar 'dod pa gtan la 'bebs// gcig gis gtan la dbab pa ni// 'khor 'das byang chub sems su gcig/ kun gyis sems nyid rtogs par bya// chos kyi rtsa ba shes par 'gyur// gnyis kyis gtan la 'bebs 'dod na// 'khor dang mya ngan 'das pa'i chos// mngon sum rjes dpag dag gis rtogs// 'khor ba mngon sum rjes dpag 'das// mngon sum du ba la brten nas// rjes dpag me nyid 'dod gyur pa// mtshan nyid rgyu las rgol ba 'joms// ston pa'i dam chos rnam gnyis te// lung dang rtogs pa'i bdag nyid do// mngon sum lung la rjes dpag rtogs// 'bras bu sngags kyis rgol ba 'joms// mthong rten rtags kyis ma mthong rtogs// gsum gyis chos rnams rtogs 'dod pas// bde gshegs bka' lung tshad ma dang// bla ma'i man ngag tshad ma dang// rang gi rig pa tshad ma dang// yid ches don rig rtogs pa 'char// bzhi yis gang zhig gtan la 'bebs// bka' yi lung las snang ba dang// bstan bya'i don dang mi 'gal zhing// rig pa la ni 'thad pa dang// gtan tshigs rnams kyis brgyan pa ni// sde snod chos rnams gtan la 'bebs// thun mong ma yin bzhi bskor sgras// 'bras bu grub par bstan pa ni// cir yang snang du btub pa dang// cir yang snang phyir cir bsgrub btub// cir yang bsgrub pas gang yang 'grub// lnga yis chos rnams gtan 'bebs na// gzhi nyid chos can dag la gnas// khas blangs pa la dam bcas nas// gtan tshigs rnams kyis gtan la dbab// mtshon pa'i dpe yis mtshon byas nas// grub mtha'i don rnams mthar phyin no// drug gis 'khor 'das gtan 'bebs pa// gzhi las thams cad snang ba yin// rgyu las thams cad skye ba yin// rkyen gyis ma lus bskyed par byed// las dang mthun par srid pa yin// bag chags dag la spyod pa yin// brtags na mi rnyed stong par thim// kun la de ltar 'byor par bya// gzhi don ma rtogs 'khor bar snang// ma rig pa yi rgyu las skyes// las dang nyon mongs rkyen gyis bskyed// dug gsum khams gsum mthun par snang// gzung 'dzin la spyod rnam shes snang// brtags na ma rnyed chos nyid thim// 'khor ba ma lus gtan la 'bebs// khams gsum stong gsum srid gsum gsal// gzhi yi don rtogs mya ngan 'das// tshogs gnyis rgyu las skye ba yin// blta bsgom spyod pa'i rkyen gyis bskyed// sku dang ye shes mthun par snang// sku gsung thugs rjes 'gro don spyod// brtags na 'bras bu chos skur thim// phyogs bcu dus gsum sangs rgyas rnams// thams cad ma lus rtogs par bya// 'khor 'das dbyer med gzhi las snang// sems kyi rgyu las thams cad skyes// rig dang ma rig rkyen kyis bskyed// dge sdig tshogs gnyis mthun pas srid// 'khor 'das bag chags don la spyod// brtags na chos nyid chos skur thim// thams cad dbyer med gcig tu sdud// de bzhin gtan 'bebs gtan tshigs ni// kun rdzob snang ba 'khor ba'i chos// don dam snang ba mya ngan 'das// kun rdzob don dam dbyer med gcig/dbyer med tsam 'dzin spyod yul bral// zhes gsungs so// glang po rab 'bog gi rgyud las/ chos thams cad gtan la 'bebs pa'i le'u ste bcu bdun pa'o//// de nas sangs rgyas thams cad kyi bdag nyid chen pos bdag nyid chen po rang snang ba 'di gsungs so// yul dang thabs dang 'bras bu dang// mtshan gzhi mtshan nyid mtshan 'bras can// shes pa'i mtshan nyid lta ba rgyu// 'jug pa'i mtshan nyid bsgom pa rkyen// mngon 'gyur mtshan nyid 'bras bur bzung// bya byed rnal 'byor rgyu lam 'bras// lta ba'i mtshan nyid rab shes pa// gser blta gser bstan gser bzhin du// bdag phyir bya byed ma dmigs pas// rtog dpyod dmigs 'dzin mi 'tshol bar// de brjod nyid kyis de nyid mthong// sus kyang ma bcos bcing med de// bcing par bya ba yod ma yin// bcing med rnam par grol med par// grol bar mi 'dod bcing dang bral// dpyad du med par rtog pas dpyad// dpyad pas go bar bya ba yang// don dang mi mthun mtshon bya na// chos kun mtha' las 'das pa la// mtha' rnams gang yang dor med pas// 'di ltar 'di'o zhes bstan med// rang bzhin ngo bo bstan par dka'// 'on kyang yin min 'dzin grol phyir// mdor na ji ltar brtags bsam bzhin// 'gyur bas kun gyi ngo bor snang// de mtshon ci yang yin pa'i phyir// sems chos ci yang ma yin no// de phyir ma yin kun yin pas// cir yang yin no lhun gyis grub// mtha' kun phyogs su ma chad phyir// mtha' dang bral phyir ma bral ba'o// gang yang ma spangs mi ldan pas// ma bral phyir na bral zhes bya// ngo bo phebs pas rgyas par 'gyur// phyogs bcur bzhugs pa'i sangs rgyas dang// dus bzhir gshegs pa'i rgyal ba rnams// sems gnas sems rtogs sangs rgyas nyid// de las gzhan du mi btsal lo// lam gyi mtshan nyid rab shes nas// nam mkha'i dbyings kyi nyi zla la// rdo rje sems dpa' yab yum bsgom// sangs rgyas ma lus bsgom par 'gyur// oM badzra sa twa hUM// sems can lus la rtsa gnas pa// dkyil 'khor bzhi dang srog shing gsum// g.yo ba rlung dang bskyod pa'i mes// nam mkha'i ba zhos bdud rtsi 'bebs// bde chen haM la longs spyod AH// chos 'khor hUM nyid sprul pa a// A li kA li srog shing gsum// yi ge lnga gsum grub nas gnas// lus kyi khams dgu 'dus pa yi// byang chub sems kyi bdud rtsi nyid// lugs 'byung 'khor ba skyed byed pas// lugs las bzlog pas mya ngan 'das// nam mkha'i rlung gis srog 'dzin cing// sa chu me rlung rtsol bar rgyu// rtsa ba yan lag bcas pa yis// phung po dbang yul las rnams byed// 'bras bu'i mtshan nyid rab shes pa// rig pa 'dzin pa'i sar gnas pa// rnam par smin pa'i rig 'dzin ni// brkos phor nang gi 'dag pa 'dra// tshe la dbang ba'i rig 'dzin ni// nyi ma zla ba'i dkyil 'khor 'dra// phyag rgya chen po'i rig 'dzin ni// 'jin rten mes po tshangs pa 'dra// lhun gyis grub pa'i rig 'dzin ni// 'byung chen gtos kyi nam mkha' 'dra// yang dag rdzogs pa'i sangs rgyas ni// yid bzhin nor bu rin chen 'dra// zhes gsungs so// glang po rab 'bog gi rgyud las/ chos thams cad don rnam par bsdus nas sgo dbye ba'i le'u ste bco brgyad pa'o//// de nas sangs rgyas rdo rje 'chang chen pos chos thams cad ye shes dang dbyings su ye nas sangs rgyas pa 'di gsungs so// stong gsum srid gsum khams gsum rnams// ye nas chos kyi dbyings nyid la// ma rtogs 'byung ba lnga ru 'dzin// 'dzin pa de nyid rang grol phyir// 'gyur med sa dang sangs rgyas spyan// rgyud chad med pa thugs rje'i rgyun// mA ma kI yi b+ha ga na// skyon bral me dbyings gos dkar ma// thogs med rlung dbyings dam tshig sgrol// nam mkha' kun tu bzang mo nyid// gnas dang skye dang spyod gyur pa// rdo rje btsun mo'i b+ha ga la// phyogs bcu dus gsum sangs rgyas rnams// yum dang 'du 'bral med par bzhugs// snod kyi 'jig rten ma lus kun// ye nas zhing khams rnam dag la// ma rig de nyid shes bya la// shar phyogs mngon par dga' ba nyid// rdo rje rigs kyi gnas su shes// lho yi phyogs na dpal dang ldan// yid bzhin rin chen yon tan gnas// nub phyogs bde ba chen po nyid// gsung mchog pad+ma rigs kyi gnas// byang phyogs rnam dag bkod pa ni// rab rdzogs las kyi rigs kyi gnas// dbus na byang chub chen po nyid// bde gshegs gnas rnams lhun gyis grub// ye nas gnas phyir rtsol ba bral// lus la ye shes chen po gnas// ma rtogs rtogs par rab bstan pa// nyes pa'i skyon dang bral bas na// pu sha ra ka'i mdog tu bstan// che ba'i yon tan rgyas pas na// dza mU na dI'i gser 'od mtshungs// thugs rjes kun la chags pa ni// pad+ma rA ga'i mdog tu gnas// phrin las thogs pa med par na// ma rgad lta bu'i mdog tu bstan// chos nyid 'gyur ba med pas na// in+d+ra nI la'i mdog tu bstan// mdog gi dbye bas rab mtshon pas// ye shes chen po lnga rnams rtogs// stong gsum stong gi 'jig rten na// sangs rgyas dkyil 'khor lhun gyis grub// bcud kyi 'gro ba ma lus kun// rgyal ba rdzogs pa'i sangs rgyas nyid// 'gro don mdzad par snang ba ni// g.yas pa nas ni 'byung ba'i khams// me yi dkyil 'khor snang mtha' yas// kha dog dmar po gyen la 'bar// g.yon nas gser mdog ljang ser rlung// don grub gse gsal 'gro ba dang// gnyis dkar dal rgyu chu rlung dkar// rdo rje mi bskyod byang sems 'bab// gnyis kar thur rngub sa rlung ser// rin chen 'byung gnas tha dkar gnas// nyung dkar 'bru tshod tsam du 'phro// AHdmar hA ljang hUM dkar dang// swA ser 'du 'phro mdzad pa rdzogs// nyin zhag dag ni phrugs gcig la// nyi khri gcig rdzogs stong drug brgya// de nyid bzlas pa rdzogs 'gyur ba// rtsa ba oM nyid srog tu gnas// rlung rnams phra ba'i gzugs kyis ni// shes dang yang dag 'dres 'gyur na// dbang po'i lam la byung nas su// yul rnams kun la 'jug par byed// snang ba mched pa thob pa'ang gsum// lnga gsum bco lnga'i bdag nyid can// byang chub sems dpa' 'gro don mdzad// rtog bcas brgya bcu'i 'khor lo bskor// yig 'bru gsum gyis byin gyis brlabs// sku gsung thugs kyi dbang rnams rdzogs// mi zad rgyan gyi 'khor lo yis// sku gsung thugs ni dbyer med las// 'bras bu chos rnams lhun gyis grub// blta ba rtogs pas grub mtha' rtogs// zhes gsungs so// glang po rab 'bog gi rgyud las/ dbang po rab la rang bzhin rtogs pa ste le'u bcu dgu pa'o//// de nas bcom ldan 'das gyis snang srid dkyil 'khor chen por gtan la 'bebs pa 'di 'gro ba'i ched du gsungs so// dag pa gsum dang dag pa bzhis// snang ba mi spang 'bras bur byed// snod bcud rgyud rnams dag rtogs pas// 'byung ba chen po rnam lnga po// dkyil 'khor chos kyi dbyings su dag/phung po lnga ru snang ba'i bcud// sangs rgyas rigs lnga'i dkyil 'khor dag/ shes pa'i rgyud ni rnam shes rnams// rang byung sras kyi dkyil 'khor dag/ snang ba lha yi dkyil 'khor rtogs// rgyu 'bras kun rdzob don dam dag/ 'khor rgyu nyon mongs rnam pa lnga// ye shes chen po lnga ru dag/ 'bras bu smin pa'i phung po lnga// dam rdzas rgyal ba rigs lngar dag/ kun rdzob snang ba'i dngos po rnams// ye shes sgyu ma'i dkyil 'khor dag/ chu zla'i snang ba ji bzhin no// don dam snang ba gzugs kyi sku// thig le chen po chos skur dag/ mnyam pa bzhi yi gtan tshigs ni// mnyam pas mnyam byed bdag nyid che// rgyu las skyes nas mthun par snang// brtags na dben pa kun rdzob yin// don dam spros pa mtha' dag bral// rnam rtog blo yi spyod yul min// snang ba thams cad rkyen bzhis bsdus// sgyu ma tsam du snang bar mnyam// snang zhing brtags pa'i chos 'di rnams// ma skyes par ni kun mnyam mo// lhag pa kun rdzob don dam ni// chos kyi dbyings kyi rgyu las skyes// thugs rje chags pa'i rkyen gyis bskyed// don byed nus pa'i lha skur snang// btags na chos kyi sku ru dben// dkor bdun lhun grub smra brjod 'das// shes bsgrub gnyis ka'i don yang yin// shes rab dam pa'i yul yin pas// rtog ge pa yi spyod yul min// de rtogs yon tan zad med 'gyur// ye shes mdzod chen chos kyi dbyings// sku dang ye shes bsam mi khyab// nam mkha'i mtha' la longs spyod mdzad// rtogs pa gzhi yi gtan tshigs kyis// mi zad rgyan gyi 'khor lor byed// 'khor 'das rgyu yi byang chub sems// de btsal yi ge 'bru gsum shar// byin brlabs lus ngag yid gsum rtogs// de mthu sku gsum rnam par snang// thams cad mnyam nyid chos kyi sku// bde chen kha sbyor longs spyod sku// gar dbang cir snang sprul pa'i sku// thugs kyi gsang ba bsam mi khyab// thams cad thugs ni kun tu snang// sku gsung gsang ba thams cad sku// gsung bsam mi khyab kun tu grags// bden pa dbyer med gtan tshigs kyis// bden pa dbyer med zung du 'jug/ kun rdzob 'khor bar snang gyur pa// don dam mya ngan 'das pa nyid// dbyer med zung du 'jug bya ba// don dam skye med spros dang bral// snang ba ngo bo nyid rgyur shar// kun rdzob rig pa sgyu ma nyid// rang rgyud phyogs gcig grub pa med// snang ba thams cad gzugs skur shar// mtshan bcas phyag rgya chen po yin// stong nyid thams cad chos skur shar// mtshan nyid phyag rgya chen po yin// snang stong ro mnyam zung du 'jug/ gnyis med phyag rgya chen por shar// zung 'jug dbyer med spyod yul bral// yid la bya ba kun bral ba// dbyer med phyag rgya chen por gnas// ldem dgongs man ngag gtan tshigs kyis// skabs kyi don gnyis mthong bar byed// ldem por dgongs pa rnam pa bzhi// gzhug dang mtshan nyid gnyen po bsgyur// sngags la skrag pa'i log zhen la// de nyid sgo nas de khrid nas// gsang sngags sgo yang kun mthun zhes// brjod nas don la gzhug par bya// kun brtags gzhan dbang yongs grub sogs// med 'dod kun brtags yid 'dod la// gzhan dbang rtag 'dod yongs grub bstan// de sogs bstan pas don la bzung// yon tan phyogs kyis dregs pa dag/ zil gyis mnan te drang ba ni// theg la gong 'og mi dang lha// gcig gi gnyen po gcig brjod drang// sngags la mos kyang sgra bzhin spyod// de nyid thabs kyis 'dul ba'i phyir// brda dang gcus tshig sna tshogs kyis// zab mo'i don la gzhug par bya// dgongs par bshad la bsdu na bzhi// mnyam nyid dus don mnyam la dgongs// bzang ngan che chung mtho dman dang// bde sdug 'khor 'das snang stong dang// yod med la stsogs zhen grol dgongs// mos dang sems bskyed la stsogs kyis// 'bras bu thob par gsungs pa yang// rgyud nas thob dgongs sgyid lug don// chos la chog shes sna 'gas khengs// rtogs na 'dis chog zer rnams la// bskal pa rdul snyed sbyangs pa yis// 'jug cing 'dir yang brtson 'bad dgos// zhes pas zhen bsam don la dgongs// bsam pa rgya chung rgya bskyed phyir// gang 'dod de la skyon brjod nas// zab mo'i sa lam don bstan dgongs// nges par gnyis nyid gcig la brtsiyang brtsam// tshig ldem phugs bzhed dgongs pa ste// grul ljo zan khung gul ljong zan khrung yang 'dug dpe kun khyab// gsang don mkhas pas rtogs par bya// dngos po'i lo rgyus gtan tshigs kyis// bdag nyid chen po smos ci dgos// yongs 'brel gtan 'bebs re dogs med// sna tshogs kun dbang bsgyur bar 'bebs// chos can dang ni chos nyid 'brel// de bzhin sems can sangs rgyas dang// lung dang rigs pa dpe dang don// snang ba dngos dang yang dag sogs// thams cad 'brel bar gnas pas na// yongs su 'brel bar gtan la 'bebs// zhi gnas nyams drod gtan la 'bebs// de bzhin lhag mthong shes rab kyis// lung dang rigs pas rig pa thob// thos pa ma yengs pa dang ni// lta bas chos nyid gtan la 'bebs// chos nyid nyams drod de bsgom pa// de spyod de 'bras thob par 'gyur// de dag gtan 'bebs gtan tshigs kyis// rang gnas sems kyi chos nyid 'di// gang nas kyang ni btsal mi dgos// de nyid gar yang mi 'gyur la// bsam bsgrub mi dgos re dogs bral// sna tshogs dbang bsgyur brtan par bya// rig pa skye med rdzas ma grub// rmi lam dngos med sgyu ma dang// rang rgyud gzugs med nam mkha'i 'ja'// gang snang ma grub smig rgyu nyid// snang ba dngos med chu zla dang// mi mthun grub pa me long gzugs// rtag par ma grub 'gyur ba can// chad par ma grub med rgyu snang// yod pa mi bden dngos pos stong// med pa mi bden nam mkha'i sprin// yod med mi bden dri za'i gzugs// mi 'gyur gnas la nam mkha' nyid// de sogs cir snang gtan tshigs pas// 'khor ba mya ngan 'das pa'i chos// gcig gi gtan tshogs gcig gyur pa// gtan tshigs ma yin gcig kyang med// rab 'byams kun la dbang bsgyur ba// bdag nyid chen po yin par nges// rang bzhin lhun grub gtan tshigs ni// til dang til mar lhun grub pas// sa la sra zhing chu la gsher// me la tsha zhing rlung gis g.yo// gang yang rung ba'i chos can la// chos nyid lhun gyis grub par gnas// sems la sangs rgyas lhun gyis grub// 'di rtogs sems can sangs rgyas yin// sgra mthun don dpag gtan tshigs ni// chos kun rang dang spyi'i 'phags pas// ma skyes thams cad mkhyen pa'i don// rnam pa kun ldan stong par snang// de phyir sku gsung thugs su snang// dngos kun gcig dang du ma bral// mtha' gsum dang ni bzhi bral lugs// khyad par can gyis de nyid mthong// de yang ma spangs bral bar brjod// rmongs pa'i phyir na gti mug la// mnar sems pa ni zhe sdang che// mngon pa'i khengs pas nga rgyal la// kun nas gdung bas 'dod chags yin// gzhan mi shong bas phrag dog nyid// yongs su rdzogs pas stong bdag med// de nyid ma 'dres yongs rdzogs na// ma bcos de bzhin nyid kho na// gti mug mi rtog zhe sdang gsal// nga rgyal chos la sran tshugs shing// 'dod chags bde ba chen po nyid// phrag dog lta ngan mi shong ba// dug lnga lam du shes par bya// gnyid log rmi lam sangs rgyas 'grub// lta ba'i nga rgyal ting 'dzin bsgom// 'dod chags gsang dbang rtsa ba nyid// lta ngan 'joms pa'i phrag dog la// gsang sngags sangs rgyas rigs lngas 'grub// nyon mongs ma 'dres ye shes lnga// rang byung ye shes gcig tu rdzogs// kun la de ltar 'byor par rtogs// rnam par dbye bar bya ba ni// 'khor ba mya ngan 'das par byed// gling grangs rgyas pa stong gsum dang// gling gcig dbu zhabs khams gsum dang// srid pa gsum dang pho mo dang// ma ning skye dang na dang 'chi// snod ni 'jig chags stongs dang gnas// bcud ni skye rgas na dang 'chi// 'das pa dus gsum sangs rgyas dang// sku gsum la stsogs rim par dbye// mtshon par bya ba'i dpe rnams ni// thams cad stong pa nam mkha'i dpe// dgos 'dod 'byung ba yid bzhin nor// gting dpag dka' ba rgya mtsho nyid// ngo bo mi 'gyur rin chen gser// gsal la ma 'dres nam mkha'i mtha'// 'byung gzhi med pa nam mkha'i sprin// rgyun chad med pa nam mkha'i chu// thams cad dpes mtshon gtan la dbab// gtan tshigs mang por gsungs pa kun// 'on kyang de la tha dad med// kun nas gtan la phebs pa'i dus// de bzhin nyid du the tshom med// lta bar bya ba'i ngo bo ni// blta ba bden pa dbyer med la// rig pa spyod yul bral ba nyid// dkor bdun ngo bo nyid rgyur gnas// ye shes rnam lnga ye shes dbyings// yul med rang rig mngon sum pa// bden pa dbyer med don mthong bas// rang rig mngon sum gsal byas pas// yul med rang gsal nyams rnyed pa// mthong zhes blta ba'i nges tshig 'grub// dang po don rtogs mthar mi gtong// rin chen chu srin khar tshud 'dra// rtogs pa'i don goms mthar phyin pas// sangs rgyas de nas 'khor mi srid// ces gsungs so// glang po rab 'bog gi rgyud las/blo 'bring gi rnal 'byor bsgrub par 'dod pa la gtan tshigs bstan pa'i le'u ste nyi shu pa'o//// de nas de bzhin gshegs pa yang dag par rdzogs pa'i sangs rgyas rdo rje 'chang chen pos theg pa thams cad ma 'dres pa yongs su rdzogs pa 'di gsungs so// shin tu rnal 'byor mchog gi mchog/ 'phags pa las kyang 'phags pa'i don// gser gling rin chen lta bu'i mchog/ 'dod la sgrib byed chu sbrang dang// chu srin nya mig lta bu'i dgra// 'jig rten 'das pa'i rgyur zhugs pa'i// theg pa che chung rim pa dang// yo ga bzhi stsogs gol sgrib rnams// so so'i khyab par rtogs chud nas// mi gnas mi spang theg pa'i mchog/lhun po bzhin 'phags rtsa brgyad nyid// che ba rtogs phyir khyad par 'byed// sprul pa'i gsung rab rgyu yi don// 'dul dbang blo bzhin grags pa dag/ bsdu ba'ang che chung gnyis kyis so// chung bsdus nyan thos rang rgyal gnyis// nyan thos bye brag smra ba ni// rang gi shes rab lta ba'i dngos// spyir na yang dag lta ba nyid// mi rtag sdug bsngal stong bdag med// mi rtag la stsogs dngos su 'dzin// kun rdzob bye brag 'dod gzhung nyid// snod kyi rdzas rnams dngos po 'di// rdul phran sil bu phan tshun pas// ma 'dres ne'u sing lta bu ste// mthu'am stobs kyis 'dus par 'dod// don dam shes pa skad cig ma// re re yod par 'dod pa'o// mdo sde kun rdzob phra rab rnams// 'dus pa'i rnam pa gcig tu 'dod// don dam shes pa mthun par 'dod// spyod pa rang don 'ba' zhig pa'o// rang rgyal don dam nyan thos mthun// kun rdzob snang ba'i khyad par ni// gzugs kyi bsdus pa'i chos rnams kun// rten 'brel rgyu rkyen dbang gyur pas// rmi lam tshul te logs na med// de ni kun rdzob khyad par 'phags// spyod pa lus kyi rdzu 'phrul gyis// gzhan don shas 'ga' spyod pa'o// theg pa chen po dbu ma pa'i// theg pa phyi nang rnam pa gnyis// phyi pa rnam par rig pa la// kun kyang rang rig yul med 'dod// de yang rnam bcas rnam med gnyis// rnam bcas pa yi lta ba ni// yul ltar snang ba 'di dag kun// rab rib sgrib mthong rmi gzugs ltar// shes pa 'khrul ba gzugs brnyan phyir// de yang de yi ngo bo 'dod// rnam med pa yi ltag gzhung gis// rang rig gnyis med shel ltar dag/ de nyid dam par yod pa smra// nang pa'i rnal 'byor dbu ma ni// kun rdzob sgyu ma rdzun tsam du// yul sems gnyis med yul snang sems// kun rdzob rnam rig ji lta ba// don dam ma skyes stong par blta// de kun byang chub spyod pa'i mchog/ rgya cher gzhan don spyod par byed// gzhan la dmigs pa'i mtshan mo'i me// sbas pa lta bur bdag don 'byung// longs spyod rdzogs pa'i bka' lung rgyud// yo ga phyi pa'i rig pa gsum// bya byed rgyud dang gnyis ka'i rgyud// rnal 'byor rgyud dang rnam pa gsum// gdul bya'i shes rab dbang pos phye// de dag lta spyod khyad par 'gyur// bya byed kri yas don dam du// kun kyang dag pa'i chos nyid la// mtha' yi dri ma ye nas med// kun rdzob rang bzhin rigs gsum sku// kun kyang dag phyir drug gsum gsum// lha yi dkyil 'khor yin par 'dod// ma grub tshul gnas 'jig rten chos// mthun par lta phyir rje khol blta// dam tshig cho ga rdzogs byas nas// gshegs dang mchod bstod drug ldan pa'i// bzlas pas sdig sgrib dag pa'i sems// chu dngas lta bur grub shar ba// lha mchod rgyud phyir lha btsal sgra// khrus dang gtsang sbra'i mchod pa 'bad// gnyis ka rgyud kyi 'dod pa ni// spyod pa bya ba'i rjes mthun yang// lta ba rnal 'byor rjes 'jug phyir// rigs dang lta bas khyad par 'phags// rnal 'byor pa yi 'dod pa nyid// rang rig dngos stong ston yang mtshan ma gnyis// dbyer med dbyings dag ye shes las// byin brlab rdo rje dbyings kyi skur// shar bltar grogs po'i tshul du mchod// ma grub tshul gnas 'jig rten dag/ grogs la brten nas nor tshol mtshungs// spyod pas ting 'dzin gtsor byed pa'o// lhun grub bka' lung bskyed rdzogs gsum// thog mar bstan pa'i rnal 'byor che// lus kyi dngos po gnyis bsdus nas// rang rig nyid phyir snang ba kun// ye nas ye shes sku gsal ba// dkyil 'khor gnyis drug la sogs shar// snang ba nyid na rang bzhin med// des na rang bzhin skyon dang bral// snang stong bral ba'i de bzhin nyid// ngang las rig pa lhar bskyed pas// tha ma rtog tshogs ma spangs dag/ gser 'gyur mun snang ji lta ba'o// cir snang rang gi rig pa'i phyir// lha dang blta ba yongs kyis med// ting 'dzin ye shes skur shar ba// sus kyang ma byas byed med ste// ngo bos gzhan nas 'ong ba'ang med// des na bdag nyid chen por blta// spyod pa bzang ngan gtsang sme sogs// gang la yang chags sdang blang dor med// bde myong mi 'gog mi 'dzin phyir// tshogs gnyis rgyun du rdzogs par byed// rjes su rnal 'byor 'dod pa nyid// snang srid zab mo'i mkha' klong na// ma skyes dkyil 'khor kun la shar// shar ba nyid na shar ba med// yab yum sras bcas bde chen po// lhun rdzogs ngang las skad cig gis// snying po dran brjod skur shar ba// 'di la rim pa'i rtsol ba med// rgya mtsho nyi zla shar ba 'dra// don gnyis ma btsal rdzogs par byed// spyod pa blang dor med par spyod// de ltar nus na nyam mi nga// rdzogs pa chen po'i rnal 'byor pa// gza' gtad med pa'i lta mchog la// de nyid pa la blta ba med// gal te 'dod na dmigs lta mod// thams cad mkhyen na lta ba'i mchog/ ngo bo nyid ni dmigs su med// ces gsungs so/ glang po rab 'bog gi rgyud las/ theg pa thams cad kyi lta spyod ya ma bral bar bstan pa ste le'u nyi shu rtsa gcig pa'o//// de nas rdo rje 'chang gis dbang po tha ma'i rnal 'byor pas lha'i skus rtogs par bya ba 'di gsungs so// stong pa nyid du gsal bsgoms pas// snying rje sgyu mas kun la khyab// hUM las byung ba rdo rje sems// mthing nag rdo rje dril bu 'dzin// rnal 'byor pa yis rtag tu bsgom// sangs rgyas thams cad bsgom par 'gyur// yum yang 'du 'bral med par 'khril// rtag tu sngags la 'bad nas bzlas// A+oM badzra sa twa d+hA twI shwa rI hUM/ sku gsung thugs rje hUM las skyes// zhal brgyad rab tu 'jigs pa ni// sngo dang dkar dang dmar ba dang// ser dang ljang dang dud kha dang// thal ba'i mdog dang sprin mdog brgyad// phyag ni bcu drug gnas pa nyid// g.yas pa rdo rje dril bu g.yon// g.yas g.yon gos kyi g.yang gzhi ni// tshangs pa'i pags pa brkyang nas 'dzin// rtse gsum mdung thung dgra s+t+wa dang// ral gri cang te'u gri gug dang// lcags kyu g.yas na 'dzin pa la// thod pa kha T+waM mgo bo dang// zhags pa tho ba sdigs mdzub g.yon// yum 'khril kha T+wAM thod pa bsnams// zhabs brgyad lha mnan dur khrod chas// sku ni sngo zhing drag la 'jigs// yum ni byi ru lta bur dmar// shar du A+oM las gsal byed ma// byang du ba las stag gdong ma// nub tu dza las mkha' 'gro ma// lho ru he las ma mo nyid// dmar dang sngo ba ljang ba shar// ljang gu ser dang sngo ba lho// sngo sangs dmar dang dkar ba nub// dkar dang ljang gu sngo ba byang// dang po'i phyag na mda' dang gzhu// bar na zhags pa lcags kyu dang// mtha' ma thod pa kha T+wAM ga/ me yi phyogs su sha wa rI/ 'khor 'di rnams 'og gi ngag sbyor dang mtshan dang go rim mi mthun pas dpyad// bden bral phyogs su gsus 'phyang ma// rlung gi phyogs su drag dran yang mchog ma// dbang ldan phyogs na mngon 'byung ma// shar lho dmar la lho nub sngo// nub byang sngo sangs byang shar ser// dkar dang ser ba'i zhal dang ni// ser dang dmar dang dmar dang ljang// dmar dang dkar ba'i zhal gsum pa// dang po thod pa kha T+wAM ga/ bar pa gri gug cang te'u dang// tha ma rdo rje lcags mdung kyu yang ngo// shar sgor baM las dam tshig ma// sngo dang dkar dang dmar ba'i zhal// phyag na lcags kyu cang te'u dang// bar ma thod pa kha T+wAM ga/ tha ma mgo dang sdigs mdzub can// lho sgor ra las ro gtum ma// dkar dang sngo dang ljang ba dang// dang po zhags pa cang te'u nyid// bar gnyis thod pa kha T+wAM ga/ tha gnyis sdigs mdzub gri gug mgo/nub sgor swA las 'bar ma mchog/ dmar dang sngo dang ljang gu ste// dang po lcags sgrog gri gug dang// bar gnyis thod pa kha T+wAM ga/ mtha' ma mgo dang sdigs mdzub rnams// byang sgor hA las phreng rgyal ma// ljang bu dkar ser dmar ba'i mdog/ dril bu gri gug dang po gnyis// kha T+wAM cang te'u bar ma gnyis// mgo dang sdigs mdzub mtha' mar bsnams// bcu gsum lha yi dkyil 'khor rdzogs// gsal nas spyan drang bstim pa dang// mchod pa bdud rtsi gtor ma dang// rak+ta dbul zhing bstod pa bya// gsang sngags yi ge'i phreng ba bzlas// rlung dang sngags dang yid kyis brdeg/ A+oM shrI badzra he he ru ru kaM hUM/d+hA ki ni dzA la shaM ba ra hUM phaT swA hA/ zhal brgyad rnam par thar pa brgyad// bcu drug stong pa bcu drug ni// phyogs bzhir so sor yang dag rigs// mtshams ni mi 'jigs rnam pa bzhi// sgo yi tshad med bzhi dang ldan// de yang ji lta bu zhe na// gzugs rnams blta ba'i stong pa dang// nang dang phyi rol gzugs rnams blta// sdug dang mi sdug blta ba dang// nam mkha' mtha' yas skye mched blta// rnam shes mtha' yas blta bas stong// ci yang med pa'i skye mched dang// 'du shes med min skye mched dang// 'du shes tshor ba 'gog par blta// zhal gyis rnam par thar brgyad rtogs// stong pa bcu drug mtshon pa'i phyag/dang po nang gi stong pa nyid// gnyis pa phyi yi stong pa nyid// gsum pa phyi nang stong pa nyid// bzhi pa stong nyid stong pa nyid// lnga pa chen po stong pa nyid// drug pa don dam stong pa nyid// bdun pa 'dus byas stong pa nyid// brgyad pa 'dus ma byas stong pa nyid// dgu pa mtha' las 'das pa stong pa nyid// bcu pa thog ma mtha' ma med// bcu gcig dor ba med pas stong// bcu gnyis rang bzhin stong pa nyid// bcu gsum chos rnams stong pa nyid// bcu bzhi mtshan nyid stong pa nyid// bco lnga mi dmigs stong pa nyid// bcu drug dngos po med stong pa// bcu bdun dbyer med ngo bo nyid// yum ni gzugs med nam mkha' nyid// chags pa'i mdog dmar kha T+wAM thod// chos brgyad bsdus pas phyag mtshan gnyis// so so yang dag phyogs bzhi ni// phyag byed ma yi mkha' 'gro ni// don ni so sor yang dag rig/ stag gdong ma yi mkha' 'gro ma// chos ni so so yang dag rig/ mkha' 'gro rdo rje drag mo ni// nges tshig so so yang dag rig/ mkha' 'gro ma ni gser mdog can// spaubs pa so so yang dag rig/ dkyil 'khor skyong byed phyogs bzhir gnas// mtshams kyi lha mo mi 'jigs bzhi// shar lho lha mo dngos 'byung ma// bcom ldan 'das la 'jug mi 'jigs// lho nub dran pa mchog ma yin// chos rnams nye bar ston mi 'jigs// nub byang na ni gsus 'phyang ma// mya ngan 'das lam 'jug mi 'jigs// byang shar phreng ba rnam rgyal ma// zag pa med la yongs mi 'jigs// sgo ba bzhi yi lha mo ni// rnam par gtsigs ma byams pa shar// rol gtum ma ni snying rje lho// 'bar 'bog ma ni dga' ba nub// rnam par rgyal mchog btang snyoms byang// kun gzhi nyon mongs yid gsum ni// ting 'dzin gsum las rnam par skyes// zhal gsum dkar dang sngo dang ljang// rnam thar gsum dang ldan pa la// stong nyid mtshan med smon pa med// chos dang longs spyod sprul pa'i sku// phyag drug rdo rje dril bu dang// bar gnyis thod pa kha T+wAM ga/ mgo bo dang ni gri gug rnams// sbyin pa tshul khrims brtson 'grus dang// bzod pa bsam gtan shes rab yin// zla ba'i dkyil 'khor yi dwags gdan// sems dpa'i skyil mo krung gis bzhugs// shes rab stong pa nyid dang ni// thabs ni snying rje chen po nyid// yum ni sku la rnam par 'khril// dmar mo thod pa kha T+wAM ga/ ye shes spyan drang bstim mchod nas// gsang sngags srog dang ldan par bzlas// yid kyis gsal ba'i 'phro 'dus sbyangs// A+oM shrI he ru sor bzhag byas ka ya bi ga ma he b+h+yid da ra dz+dza ya d+hi ma he ten no// bi re pra dza ta ya a hUM/ stong phrag gsum gyis thun mong gi/ dngos grub thams cad 'thob par byed// dus gsum don ni rtag tu smra// zhi rgyas dbang drag las bzhi 'grub// dus min 'chi las thar bar 'gyur// zhes gsungs so// glang po rab 'bog gi rgyud las/ dbang po tha ma lha skus mtshon pa ste le'u nyi shu rtsa gnyis pa'o//// de nas sangs rgyas rdo rje 'chang chen pos nor ba'i dmigs bsal nas ma nor ba'i don nyams su blang pa 'di gsungs so// skye bo 'khor ba tha mal pa// dug lnga 'byol nyog spyod cing 'khor// lha dang mi yi theg pa ni// dge ba bcu la rkyang 'ded byed// nyan thos pa yi theg pa yis// bden pa bzhi la spang len byed// rang sangs rgyas pa'i theg pa ni// rten 'brel rgyu dang 'bras bur 'dzin// dbu ma theg pa chen po la// bden pa gnyis la spang len byed// kri yA dam tshig ye shes lha// rje dang khol po lta bur blta// cha gnyis 'dzin pa'i theg pa ni// lta ba spyod pa ya char 'gyur// rnal 'byor phyi pa thub pa'i rgyud// lhun gyis grub pa'i don ma rtogs// theg pa'i chos dang 'khor ba'i chos// thams cad gsang sngags ngo bo yin// chos rnams cir yang snang lugs snang// gser la dri ma bral ma bral// thams cad gser du gcig pa ltar// kun kyang gsang sngags ngo bor gnas// rnal 'byor skyes bu chen po yis// lta ba de ltar rtogs par bya// lam ni rim par bgrod pa rnams// lha mi mtshan nyid theg pa rnams// gsang sngags lam gyi stegs byed pa// phul dang bre dang khal ltar ni// lta ba ma nor lam blangs pas// thams cad sngags kyi lam stegs 'gro// de phyir gsang sngags mchog gi lam// khyad par 'phags pa shes par bya// lta ba'i gol sgrib gcod pa'i phyir// theg kun sngags kyi cha rkyen yin// cha yod ngo shes zas kyi dug/ dug yod spongs la dug med za// lta ngan dri ma spangs byas nas// lta ba bzang po dang du len// theg pa ma lus thams cad kun// gsang sngags che ba 'byin phyir bstan// gsang ba'i ngo bo mtshon phyir bshad// 'gro ba'i lam stegs bgrod par dgongs// gol sgrib skyon yon shes phyir bshad// de phyir gsang sngags thun mong yin// thabs dang shes rab theg pa'i lam// thabs lam dbang gis bgrod gyur pa// bla ma'i man ngag gnad du bsnun// sgro 'dogs yongs gcod bla ma yis// bum pas rig pa'i dbang lnga bskur// lus gnas dbyibs kyi rtsa rnams nyid// bskyed pa'i rim pa lha yi sku// lus kyi dri ma dag par byed// sa drug rdzogs nas sprul sku 'thob// bla ma rang byung ye shes ston// gsang ba'i dbang ni bskur ba yis// gtum mo'i lam du 'bar 'dzag pas// ngag gi dri ma dag par byed// sa bzhi rdzogs nas longs sku 'grub// rdo rje 'chang sar 'gro ba'o// bla mas lhan skyes ye shes ston// shes rab ye shes dbang bskur bas// dga' ba mchog dga' dga' bral dang// lhan cig skyes pa'i dga' ba yis// yid kyi dri ma dag byas nas// sa ni phyed dang gnyis rdzogs pas// rnal 'byor ming sring 'bras thob pa// chos kyi sku la sbyor bar byed// bla mas chos rnams rnam dag ston// khams gsum 'dus pa'i dngas ma rnams// srog shing gsum las drangs pa yis// rdo rje rba rlabs lam sbyangs te// lus ngag yid gsum sgrib dag pas// snying po'i lung rnams rang grol cing// sa chen ngo bo nyid sku thob// bcu bzhi rdo rje 'dzin gnas pa// nyon mongs 'ching ba'i las spyad pas/ sku bzhi 'thob pa thabs kyi lam// dbang po dman pas sngags bsgrub phyir// rgyal ba rnams kyis gsungs pa yin// phyi rabs sngags 'chang rnal 'byor pas// nyams su blangs na sangs rgyas 'grub// rang lus gsang sngags rgyud de rtogs// shes rab lam ni blta ba rtogs// rang bzhin dkyil 'khor 'jug pa yin// de phyir thos bsam bsgom gsum gyis// shes rab spyan dang ldan par bya// thabs lam grol lam tha dad na// thabs dang shes rab 'brel pa med// thabs kyi lam la gtsor byed la// grol lam lta ba med gyur na// 'jig rten thabs dang khyad par med// ma hA de ba'i bde bar 'gyur// grol lam rkyang par bsgrub byed na// thabs dang bral zhing dbu mar gyur// dbang ma thob par 'jug 'gyur zhing// rang gzhan thabs la nges shes med// rtsa sngags thig le rlung dang bral// thabs kyi lam dang shes rab lam// gang rung gcig la yongs rdzogs 'dod// zag bcas lam pa'i shes rgyud la// lam gnyis dus gcig skye mi srid// rtse gnyis gcig tu mtshon pa 'dra// nges par gcig gam tha dad pa// blo dman rnams la thabs lam nyid// dbang po mchog la grol ba'i lam// dbyibs dang kha dog lta bu nyid// kun rdzob mtshon par tha dad kyang// nges don gcig tu rtogs par 'gyur// grol ba'i lam ni 'bras bu 'dra// thabs la mtshon byed rgyu rkyen mtshungs// lta ba gtan la 'bebs pa'i phyir// grol lam thos bsam bsgom pas sbyangs// yang dag lta ba mi gol pas// rang lus thabs kyi gnad du bsnun// rtsa rnams dbyibs su gtan la dbab// lus khams bdud rtsi bde ba ste// grub pa sngags ni bzlas pa nyid// snying po rlung gi 'phro 'dur 'gyur// grol lam blta ba cig char rtogs// thabs lam dbang gis rim gyis smin// de phyir gsang sngags lam 'dod pas// thabs kyi lam dang grol ba'i lam// gsang sngags rgyud bzhin rtogs par bya// de skad ston pa rigs lngas gsungs// dad ldan brtson 'grub rab 'bad na// kun bzang rdo rje sems dpa' 'thob// ces gsungs so// glang po rab 'bog gi rgyud las/ gsang sngags kyi lam gyi rtsa ba ma nor bar gtan la phab pa'i le'u ste nyi shu rtsa gsum pa'o//// de nas rdo rje 'chang chen pos lam gyi cha rkyen yongs su rdzogs pa gtan la phab pa 'di gsungs so// lta ba bden pa dbyer med pas// rang rig mngon sum rtogs pa yis// lta ba rang gi mtshan nyid mthong// de la lam gyi rim pa mthong// dang po gsal ba'i spyod yul la// gzugs mthong rgyang nas mthong gyur kyang// drung nas gsal bar 'gyur bzhin rtogs// de phyir rim dang cig car blta// lam gyi spyod yul gzhi gcig la// so so tha dad spyod pa yang// kun tu rgyu dang khyim gnas dang// glang chen stobs kyi che chung ltar// rang bzhin ting 'dzin mngon phyung ba'i// sgrol sbyor la sogs rim par spyod// mnyam par gzhag pa'i don nyid la// rjes kyi spyod pa de bzhin spyod// dkyil 'khor ngo bo kun gcig kyang// lam gyi byed lugs mi 'dra bas// ting 'dzin bsgom dang gzugs brnyan bri// tshad kyi bye brag che chung sogs// gdul bya lam dang mthun pa ru// rgyal bas gsungs bzhin rtogs par byos// dbang bskur rgyu lam 'bras kun rdzogs// rdzas la brten nas bskur ba dang// lta bas bskur dang ting 'dzin dbang// bla ma slob ma'i rim dgongs shes// rtsa ba yan lag dam tshig rnams// bsrung mtshams bcas pa'i dam tshig dang// don la mi 'da' gnas pa ste// dam tshigs khyad par rtogs par bya// zag bcas zag med la sogs lam// zhi rgyas dbang drag lhun grub pa'i// phrin las kun gyis spyad 'gyur yang// ro gcig nus mthu khyad par che// ma bsgrubs bsgrub chen bsgrub dgos pa// mngon sum rtsol bas sogs pa'i rdzas// ting 'dzin yid kyis sogs pa'i rdzas// ting 'dzin yid kyis dmigs pa'i rdzas// rim pas gang gtso shes pas bsgrub// mya ngan 'das pa mchod byed na// 'khor ba mchod pa'i rdzas yin pas// zag bcas yo byad sngags rgyas mchod// zag med blta ba'i ting 'dzin mchog/gsang sngags bzlas shing phyag rgya bca'// sngags kyi skyon spang sgra brten bzlas// yid skyob rdo rje'i bzlas pas 'gro// phyag rgya bzhi la mos pas bslab// dngos su zhi khro'i rgyal tshab byed// rnal 'byor rim pas rtogs par 'gyur// kun kyang zhi khro'i ting 'dzin bsgom// zag bcas mtshan nyid so sor bsgom// zag med ting 'dzin yongs rdzogs bsgom// mtshan bcas mtshan med kun bsgoms kyang// rtsol ba yod med khyad par las// lam gyis bye brag rtogs par bya// zhes gsungs so// glang po rab 'bog gi rgyud las/ lam gyi cha rkyen gyi le'u ste nyi shu rtsa bzhi pa'o//// de nas bcom ldan 'das rdo rje 'chang chen pos rnal 'byor pa thams cad kyi lam 'di dag 'gro ba'i ched du brjod do// gsang sngags lam ni bgrod 'gyur ba// rim skyes pa dang cig char ba// mos slob dang ni smin slob dang// mthar chags pa dang thod rgal ba// zag bcas lam dang zag med lam// gang zhig rim gyis bgrod gyur pa// dang por gzhi nas bzung byas nas// mtha' mar 'bras bu'i gnas su 'gro// bar gyi lam rnams rim pa'i slob// rim smin srid pa mngal skyes 'dra// cig car ba yi lam bgrod na// lta sgom dbyer med 'bras bur gcig/ mtsho la gza' skar shar ba ltar// srid pa brdzus te skyes smin 'dra// mos slob lam ni bzang po'i dus// nya stong tshogs kyi dkyil 'khor la// mtshams nas rdzogs rim bar du sgom// srid pa sgong skyes smin pa 'dra// smin slob lam ni dang po ru// de bzhin nyid la mthar phyin bsgom// de nas kun snang rgyu dang ni// tshom bu tshogs sgrub spros pa dang// rig 'dzin sangs rgyas sar 'gro ba// snga ma smin nas phyi ma'i lam// rang sa'i drod tshad rtags ldan pa// bzo bo mkhas pa'i sder so 'dra// mthar chags pa yi lam bsgom pa// tshogs kyi lam la rnal 'byor bzhi// sbyor ba'i lam la bsnyen bsgrub bzhi// mthong lam rnam smin tshe dbang dang// bsgom lam phyag rgya'i rnal 'byor dang// mthar phyin lhun grub rig 'dzin yin// stong pa chen po'i rnal 'byor ni// rnam pa kun ldan stong pa ste// dpe ni yid bzhin nor bu 'dra// snying rje chen po'i rnal 'byor ni// yongs la khyab pa'i sgyu ma ste// dpe ni nyi ma'i snying po ste// phyag rgya chen po'i rnal 'byor ni// a nyid zhi ba tshangs pa 'dra// hUM las khro bo srin phrug tshul// dpe ni chu las nya ldang 'dra// spros pa'i rnal 'byor bsgom pa ni// rang gnas rtsa las dkyil 'khor spros// sngags kyi yi ge tshom bur spros// khams kyi bdud rtsi zhal phyag spros// snying po rlung las rnam grangs spros// bsnyen pa zhi ba'i bsnyen pa ste// nye bsnyen zhi ba'i sgrub par gsungs// sgrub pa khro bo'i bsnyen pa nyid// sgrub chen khro bo'i sgrub pa yin// rnam par smin pa'i rig 'dzin ni// yid kyi ting 'dzin lha skur smin// khyung phrug sgo nga'i nang gnas bzhin// bag chags lus nang lha yi sku// tshe la dbang ba'i rig 'dzin ni// rang gi tshe la dbang thob pas// 'khor bar bzhugs sam sangs rgyas 'gro// skye shi rang dbang thob pa yin// bsgom lam phyag rgyar yi dam lha// rigs lnga gang bsgom cha lugs 'dzin// sa brgyad non pa'i byang chub sems// bsgom la ched 'dzin yod par bzhugs// mthar lam sa dgu sa bcu la// sku lnga lhun grub cha lugs nyid// rgyal tshab mdzad pas sangs rgyas dang// mnyam par gzhag pas dgongs mnyam 'gyur// thod rgal lam la sbyor ba ni// bar du sa lam bor nas 'gro// phyag rgya gcig pa'i sa nas ni// mthong lam mthar thug sbyor ba dang// spros par rig 'dzin mthar thug sbyor// tshogs bsgrub phyag rgya mthar thug sbyor// tshe dbang las ni sku lngar sbyor// zag bcas lam gyi thod rgal gnyis// tshe dbang phyag rgya'i rig 'dzin yin// de bzhin nyid dang kun tu snang// bden pa phyogs re bsgoms pas na// thod rgal ba la 'ong sa med// tshogs bsgrub rnam smin rig 'dzin dang// lhun gyis grub la thod rgal med// 'byung lugs nges pa med pa ste// bar du sa lam nges med 'dor// thod rgal 'byung bar 'gyur ba ni// lta ba gnyis med kha long dang// rtogs pa btsan thabs skyes pa dang// lam la dor bya yod pa dang/ sa la sbyangs pa yod na 'byung// rim sbyangs lam la bar chad 'byung// thod rgal lam la 'gro bas na// 'da' ka ma yi man ngag bsgom// de phyir thod rgal shin tu gces// zag bcas lam ni rnal 'byor bzhi// lus ngag yid gsum 'bad nas bsgrub// yul khams phung po skye gnas kyis// 'bras bu bzang la dmigs nas 'grub// zag med rig 'dzin rnam pa gsum// ston pa sku gsum zhal gzigs pas// yul khams phung po skye gnas dang// bsgrub pa zag pa med shes bsgrub// lam gyi rnam pa gang bsgrubs kyang// shes pa'i rgyu ni blta ba bas// blta bas gtan la phab nas bsgrub// gang zhig lta bas ma zin na// 'dus byas rdzas la zad pa yod// 'dus ma byas kyi lta ba yis// 'khor ba mya ngan 'das pa shes// 'khor 'das gnyis med rtogs gyur pa// da lta nyid nas 'grub pa yin// sangs rgyas sa la the tshom med// rang sems sangs rgyas ma shes na/ lam gyi rim pa gang bgrod kyang// mngon par byang chub ga la srid// sems nyid sangs rgyas yin shes na// theg pa ma lus thams cad kun// ma sbyangs rgyal ba'i dgongs par shes// kun tu 'od kyi sa non nas// pad+ma can gyi sa la phyin// yi ge 'khor lo tshogs chen 'grub// theg pa gsum gyi nges 'byung las// theg pa gcig gi nang du 'jug/ theg pa bzhi las nges par 'byung// rmad byung theg gcig nang du gnas// theg pa thams cad bgrod pas na// mthar thug theg pa'i thug sa yin// zhes gsungs so// glang po rab 'bog gi rgyud las// lam gyi rim pa lta bas bstan pa ste le'u nyi shu rtsa lnga pa'o//// de nas bcom ldan 'das rdo rje 'chang chen pos gsang ba'i lam yongs su rdzogs pa 'di gsungs so// chos dbyings 'gyur ba med pas na// de bzhin nyid du bsgom par bya// don dam ldan pa spros dang bral// mya ngan 'das pa'i dgongs pa bsgom// chos sku dri ma med pas na// 'bras bu bsam rdzogs bral bar bsgom// kun tu 'od kyi sa gnas pa'i// byang chub sems dpa'i dgongs pa bsgom// kun gzhi mtha' dang bral bas na// skye ba med pa'i rang bzhin bsgom// lam la bar chad byung bas na// 'khor 'das stong pa'i ngang las 'pho// chos rnams rang bzhin 'od gsal bas// nyi ma'i dkyil 'khor bzhin du bsgom// kun rdzob bden pa brdzun pas na// 'khor ba'i chos la snying rje bsgom// longs sku ye shes sgyu ma'i sku// dngos po gnyis la longs spyod bsgom// pad+ma can gyi sa la gnas// smin pa rgya mtsho'i dgongs pa bsgom// nyon mongs yid kyis kun la khyab// 'od phung dmar smug 'bar bar bsgom// lam du glo bur bar chad 'byung// longs spyod rdzogs sku'i zhing du 'pho// chos kun rtsa ba byang chub sems// thams cad 'byung ba'i rgyu ru bsgom// bden pa gnyis su dbyer med pas// kun rdzob don dam zung 'jug bsgom// sprul sku cir yang snang bas na// zhi khro phra mo'i sku gnyis bsgom// yi ge 'khor lo tshogs chen sa// zhi khro sprul pa'i 'phro ba bsgom// yid kyi rnam shes kun tu rgyu// byed pa kun gyi rtsa bar bsgom// ma 'byongs lam la bar chad 'byung// lha yi sku yi thugs kar 'pho// gsang ba'i dkyil 'khor mkha' yi tshad// sor bzhi pa dang mdzub gang bya// gzugs brnyan dkyil 'khor khru gang ngam// lus gang pa yi tshad du bya// lus do dang ni lus gsum dang// dpag tshad rgyang grags nam mkha' mnyam// spyi mgrin snying ga lte ba'i rtsa// dkyil 'khor la gnas dkyil 'khor 'phro// zhi ba yab yum gnyis bsgoms la// khu ba las ni 'khor rnams 'byung// sgeg mo phreng ba glu gang bzhi// lha lnga'i tshom bu bsgom par bya// khro bo yab yum bsgoms byas nas// lan cig sbyor bas 'khor brgyad 'byung// phyogs mtshams mkha' 'gros bskaur byas pa'i// lha dgu'i tshom bu bsgom par bya// zhal brgyad bcu drug phyag ldan pa// lha grangs bcu gsum tshom bu bsgom// rang gi yig 'bru las byung bas// sa bon 'bru re dag las bskyed// zhal gcig pa dang phyag gnyis pa// zhal gsum pa dang phyag drug pa// zhal brgyad bcu drug phyag las ni// bco brgyad nyi shu mang por bsgom// lus kyi bdud rtsi bde bar ldan// rlung gi byed pa du ma las// rnam grangs bsam yas spro bar bya// zhing bcu bkug nas brod bskyed bsnyen// ngan song lam sbyang nye ba ste// phung po rdzas mchod sgrub pa la// sems nyid gnas par sgrub chen po// yum btsal chas kyis sgeg pas bsnyen// rdo rje pad+ma snyoms 'jug nye// bsrubs shing gar byed sgrub pa la// lhan cig skyes dga' sgrub chen po// byang chub sems bskyed nye ba nyid// yab yum bsgom pa nye ba nyid// 'khor rnams bskyed pa sgrub pa yin// spyan drang bstim mchod bzlas sgrub chen// rnal 'byor bzhi bsgom bsnyen pa nyid// bsnyen sgrub bzhi po nye ba la// rig 'dzin thob pa sgrub pa ste// sangs rgyas sar 'gro sgrub chen rdzogs// bsnyen pa 'od zer dkar po spro// 'gro ba'i sgrib sbyang 'phags pa mchod// nye bsnyen dkar por spros byas nas// dmar po tshur la bsdu bar bya// sgrub pa mi spro dmar po bsdu// sgrub chen dngos grub len par byed// zhi ba bsnyen pa rgyas par nye// dbang ni sgrub pa sgrub chen drag/ dang po bsnyen pa bya ba yang// rlung nyid phyir la 'gro ba la// A+oM zhes bya ba'i yi ge la// rlung lnga 'dod yon lha mo lngas// sna yi dbugs las byung nas ni// 'gro ba'i sgrib pa sbyong byed cing// sangs rgyas rnams la mchod pa 'bul// gzugs ni rnam par snang mdzad de// dri ni rin chen 'byung ldan la// ro ni snang ba mtha' yas nyid// sgra ni don yod grub pa ste// reg ni rdo rje sems dpar mchod// gnyis pa nye bar bsnyen pa yang// hUM zhes bya ba'i yi ge la// byol song rnam snang mdzad la 'dus// yi dwags rin 'byung sku la 'dus// mi ni snang ba mtha' yas 'dus// lha dang lha min don grub nyid// dmyal ba rdo rje sems dpar 'dus// sgrib sbyangs dngos grub ye shes ni// chu bo'i rgyun ltar sna bug nas// nang du 'dus nas thim par bya// gsum pa bsgrub pa bya ba ni// AHzhes bya ba'i yi ge nyid/ kun gzhi skye mched gnas gyur pa// chos sku'i ngang nas gzugs sku 'char// skye med ma skyes yi ge AH// rnal 'byor khong gnas chos kyi sku// bzhi pa sgrub pa chen po ni// gzugs kyi phung po las byung ba// bdag nyid snang mdzad 'khor lo 'chang// dzi na dzika las srog 'dzin rlung// 'gyur med mthing gar ngang lus rdzogs// tshor ba'i phung po las byung ba// sa rlung ser po rin 'byung nyid// rat+na d+h+rika las nor bu 'chang// lte ba sprul pa'i dkyil 'khor gnas// rnam shes phung po gnas gyur pa// badzra d+h+r-ika las mi bskyod dkar// chu yi rlung las rdo rje 'chang// snying ga chos kyi dkyil 'khor bzhugs/'du shes phung po las byung ba// A ro lika zhes brjod pa'i sku// rang sngags rlung las skyes pa ni// snang ba mtha' yas pad+ma 'chang// dmar po me yi rlung las byung// longs spyod dkyil 'khor gnas na bzhugs// 'du byed phung po gnas gyur pa// don yod grub pa ljang ser ni// pradz+nyA d+h+rika las rlung gi rlung// ral gri rgya gram 'dzin pa ste// spyi bo bde chen dkyil 'khor na// zhugs nas tshangs pa'i bu ga brgyud// dkyil 'khor 'byung lnga yum du snang// zhugs pa'i rlung lnga yab tu snang// g.yas kyi srog shing yum du snang// g.yon gyi srog shing yab tu snang// de gnyis dbus kyi srog shing thim// pad+ma'i snal ma phra mo yis// srid pa gsum po bcings gyur pa// til gyi sgron mes mun sel ba// rgya skyegs me tog 'dra ba yi// snying rje chags pa chen po yis// 'gro ba rnams kyis don mdzad pa// lha ni a dkar srog tu 'dus// lha ma yin gyi su ser po// mi yi nr-i yig sngon po dang// byol song du ni dud ka dang// yi dwags pre dmar gnas pa dang// dmyal ba'i yi ge tri nag po// gzugs khams bsam gtan A+oM dang bcas// de dag gzugs med AHla 'dus// sku gsung thugs kyi 'bru gsum nyid// zung 'jug hUM gis drangs nas ni// chu shing snying po ltar drang ba'i// spyi gtsug tshangs pa'i gtsug tor du// rtsa ni dung gi dbyibs su grub// yi ge hUM du rnam par snang// bdud rtsi dngas ma byang chub sems// 'gros bzhi thim pas gsang ba'i sku// phyi yi lus ni rig 'dzin nyid// tshe ni nyi zla dag dang mnyam// nang gi dgongs pa sangs rgyas thugs// sku dang gsung dang thugs dang ni// longs sprul chos ni gsang ba nyid// mi zad rgyan gyi 'khor lo gnas// zhes gsungs so// glang po rab 'bog gi rgyud las/ lam mchog yongs su rdzogs pa'i le'u ste nyi shu rtsa drug pa'o//// de nas bcom ldan 'das gsang ba mchog gi 'bras bu mthar phyin pa 'di 'gro ba'i ched du gsungs so// rnam par brjid pa snang bas sku// smra brjod 'byung bar smra bas gsung// thams cad mkhyen par gsal bas thugs// 'dod dgur 'byung bas yon tan la// bya ba byed pas phrin las so// 'di dag ma 'dres yongs rdzogs bzhugs// spros dang bral bas chos kyi dbyings// gzung 'dzin bral ba'i rig pas rtogs// dbyings dang ye shes gnyis med pas// skye shi med pa'i g.yung drung sku// chos sku dri ma med pa nyid// sku rnams kun gyi rtsa bar gnas// chos sku'i ngang las ma g.yos bzhin// 'jig rten 'jig rten 'das pa yi// bde skyid longs spyod sna tshogs la// ma 'gags sku nyams ltar byas shing// ji ltar 'dod bzhin dbang bsgyur ba// zad mi shes pa'i gter du 'gyur// kun gyi bde ba spyad pas na// longs spyod rdzogs pa'i sku ru bzhugs// dbang bsgyur longs spyod tsam nyid na// sems can lta bur chags zhen med// ye shes lnga yi rang bzhin du// ma chags ma gos rtogs pa ni// thams cad dbyer med mnyam pa'i sku// mngon par byang chub sku ru bzhugs// ma g.yos bzhin du 'gro rnams la// sprul pa sna tshogs snang ba ni// 'gro ba ji bzhin 'dul don mdzad// skye bas 'dul la skye bar ston// shi bas 'dul na mya ngan 'das// thams cad mkhyen pa'i ye shes sku// nyon mongs kun gyi zhing du gnas// sprul pa chen po'i sku ru bzhugs// don mdzad pa yi dus nyid na// skye shi'i sdug bsngal ma gos te// rdo rje ltar gnas 'gyur ba med// rdo rje rig pa 'dzin pa'i sku// gzhan 'joms rang la gnod med pas// rdo rje lta bu'i sku ru bzhugs// chos sku gcig gi ngo bo las// thugs rje'i mdzad tshul sku bzhir snang// sku gsum sku bzhi sku lnga sogs// gdul bya dag dang mthun par snang// yi ge med pa chos sku'i gsung// don gyi gsung ste skye ba med// sgra dang ming tshig kun las 'das// ma gsung don gyi skye med go/rig pa'i gsung ni longs sku'i gsung// dgongs pas 'khor la go bar byed// ljags kyi rtse mor ma phyung yang// yi ge med pas rig pa'i gsung// tshangs pa'i dbyangs ni mngon byang gsung// de nyid med par 'gro kun gyi// go zhing yid du 'ong ba ni// brjod med de nyid sna tshogs sgra// kun la grags shing so sor 'jal// yan lag dbyangs ldan sprul pa'i gsung// gsung gi sprul pas 'gro don mdzad// bsam gyis mi khyab kun tu khyab// sgra dang ming tshig so sor grags// gnod pas mi tshugs rdo rje'i gsung// phar la 'joms shing tshur mi gnod// bde ldan gsung gi don byung bas// thams cad pa yi ngang du gyur// nges par gsung mchog gcig las med// sgra dang ming tshig kun las 'das// gdul bya rnams la tha dad snang// sna tshogs sgra rnams gsal bar 'byung// gcig tu 'dod la gcig tu snang// tha dad 'dod gyur sna tshogs snang// sangs rgyas gsung gcig bsgrags pa la// gdul bya so sor sna tshogs go/ chos sku rnam par mi rtog thugs// ye shes kyi ni chos rnams kun// mtha' yod mtha' med rtag chad dang// gzung 'dzin rnam par mi rtog bzhugs// longs sku'i thugs kyi snang ba ni// cir yang sa ler mkhyen pa'i thugs// thams cad mkhyen pa'i ye shes des// 'khor dang mya ngan 'das pa'i chos// shes bya'i dkyil 'khor me long ltar// rgyu 'bras so sor sa ler mkhyen// mngon byang 'gro ba sgrol ba'i thugs// 'dod chags bral bas 'gro ba sgrol// sprul pa'i thugs kyi dgongs pa ni// mnyam pa chen po mchog gi thugs// 'dod chags thams cad bral ba dang// 'dod chags gnas su dag pa yis// don la mnyam par bzhag pa ni// sems can kun dang mnyam par mkhyen// rdo rje'i thugs ni 'gyur med pa// 'gro ba sgrol ba'i dus nyid na// bsgral ba med par shes pa ni// thams cad 'joms pas rdo rje'i thugs// thugs lngar snang bas ma 'dres pa// nam mkha'i 'ja' tshon bzhin du gnas// gcig tu gyur pas yongs su rdzogs// stong nyid nam mkha'i dkyil 'khor bzhugs// yon tan lnga nyid zhing khams ni// rang snang zhing khams phyogs med snang// brdal khyab chen pos nam mkhar khyab// bde ba can nyid 'og min zhing// mos pa can ni rigs drug gnas// rig pa rang snang phyogs bcu kun// pad+ma can ni yum gyi mkha'// gzhal yas khang du snang ba ni// rang snang gzhal yas gzung ba'i yul// yongs rdzogs gzhal yas phyi nang med// 'og min mngon par dga' la sogs// sprul sku'i tha dad ma nges gnas// rig pa'i gzhal yas 'od khang rai yang de// skye gnas gzhal yas yum gyi mkha'// rgyan du snang bar byung ba ni// rang snang rgyan ni kun ma spangs// don rgyan rig pa rang snang dang// rtags kyi rgyan ni mtshan dpe ldan// khrims rgyan stod g.yogs smad dkris dang// rang bzhin chos rnams ma spangs rgyan// las rgyan khu bu khu ba yang ye shes sku// 'od zer rnam pa snang ba ni// 'od gsal sgrib pa med par gsal// ye shes 'od zer kun khyab don// rtags 'od rang rang kha dog drug/ 'gro 'dul dbu dang phyag zhabs 'byung// rang bzhin 'od rigs thams cad kun// bde chos gsang dbang dkar dmar 'phro// gdan khri rnams su snang ba ni// spyi gdan 'bras bu'i chos rnams rdzogs// sems can seng ge glang lta bu// khro bo'i gdan ni nyi ma brag/ thub pa'i pad ma yum gyi tshul// 'bras gdan chos nyid ji bzhin rtogs// gsang gdan nyi zla'i thig le nyid// lus gdan phung po rtogs tshogs lha// rigs bsdus yon tan nyi shu lnga// spyir na grangs nyid bsam yas 'phro// shas cher chos sku nam mkha'i zhing// longs sku gzhal yas khyim du snang// mngon byang rgyan du phub pa dang// sprul pa 'od zer dpag med 'gyed// rdo rje 'gyur med gdan gyi rtags// ma 'dres yongs rdzogs bye brag spyi// che bas mdzad pa'i phrin las lnga// zhi rgyas dbang drag lhun gyis grub// chos sku'i phrin las rnam pa lnga// mtshan ma thams cad ngang gis zhi// de nyid shes bya thams cad rgyas// 'bras bu'i chos rnams dbang du 'dus// rtogs pa ngang gis rlag par byed// ye nas bzhi ga rang gsal 'grub// ye nas gnas pa'i las bzhi yis// chos kyi sku yi phrin las rdzogs// longs sku'i phrin las rnam lnga ni// rnam snang zhi la mi bskyod drag/ rin 'byung rgyas la snang mtha' dbang// don grub lhun gnas dngos las lnga// mngon par byang chub las lnga ni// zhi ba rtog pa dag pa dang// rgyas pa'i las ni bde ba rgyas// dbang ni ye shes rang shar ba// drag po mtshan ma zil gyis gnon// lhun grub rig pa rang la shar// dngos kyi las lngas byang chub rtogs// sprul pa sku yi phrin las lnga// byams pa zhi ba snying rje rgyas// dga' ba dbang ste btang snyoms drag/ lhun grub bsdu ba'i dngos po bzhi// phan 'dogs pa yi las lnga yin// rdo rje sku yi phrin las lnga// zhi ba stong pa rgyas pa gnas// dbang ni chags pa drag pos 'jigs// lhun grub rig pa rang snang ba// 'jig chags stongs gnas bskal pa lnga// sku lnga phrin las ming tsam mthun// don gyi so sor gnas pas na// rigs mi mthun pa rnams spangs nas// rigs mthun las ni rtogs par bya// 'bras bu nyi shu rtsa lnga po// rnal 'byor ngang la gnas pa bzhin// 'gro ba kun la gnas pas na// snang srid gzhir bzhengs mngon sangs rgyas// nyi shu rtsa lnga'i 'bras bu nyid// nyi ma'i dkyil 'khor ji bzhin du// gcig gis gling bzhi'i bya ba byed// yul khams re na nyi ma re// theg 'og rang gi sku gsum 'thob// 'bras thob sku lnga'i zhal blta dgos// theg chen gsang ba'i dkyil 'khor zhugs// de phyir go phye'i 'khor zhes bya// theg pa so so'i sku gsum ni// rang rang smin pa thob pa yang// nyan thos rang rgyal byang chub sems// kri ya u pa yo ga dang// ma hA a nu a ti nyid// chos longs sprul pa so sor gnas// nyan thos pa yi chos sku ni// zhi ba mya ngan 'das pa'o// longs sku shAka thub mtshan dper ldan// sprul sku byams pa nyan thos sprul// rang nyid sangs rgyas sku gsum ni// chos sku zhi ba mya ngan 'das// longs sku shAka thub chos dbang phyug/ sprul pa rdzu 'phrul ya ma zung// byang chub sems dpa'i sku gsum snang// chos sku don dam kun tu 'od// longs sku rnam snang ye shes 'od// sprul sku shAkya thub pa nyid// gsum nyid gtsor ston sku gsum ni// dag pa chos nyid mngon byas chos// longs sku rigs gsum mgon por snang// zhing khams tha dad don byed sprul// cha gnyis 'dzin pa'i chos sku ni// 'od gsal mngon byas rdo rje 'chang// longs sku rigs bzhi'i rdo rje 'dzin// zhing khams tha dad don byed sprul// rnal 'byor sku gsum chos sku ni// dbyings dag sdug po bkod pa'i sa// longs sku rdor dbyings rnam snang yum// tha dad zhing khams don mdzad sprul// rnal 'byor chen po'i sku gsum ni// chos sku rang byung 'od gsal nyid// longs sku rgyal drug yum dang 'khril// sprul sku zhi khro thub pa drug/ rjes su rnal 'byor chos sku ni// ye shes dbyings 'brel bde chen sras// longs sku kun bzang yab dang yum// sprul pa thub drug khyad par khro// rdzogs pa'i rnal 'byor sku gsum ni// yid nyid smra bsam 'das pa'i chos// longs sku lhun grub thun mong min// de kho na nyid cir yang sprul// 'og ma'i sku gsum thob pa yis// da gdod blo sems 'dir bskyed pas// gong ma'i lam gyi stegs su 'gyur// gong mas 'og spyad gol bar 'gyur// sku rnams lhun grub sku lngar thim// de las 'du 'phro snang ba ni// rgya mtshor chu bran 'byung 'jug 'dra// nyi shu rtsa lnga kun bzang dang// dbye ba med par gang gyur pa// sangs rgyas spyi yi gzugs can yin// rgyud kun rtogs pa'i rtsa bar shar// sku lnga kun bzang dbyer med pas// rgyal ba drug pa zhes kyang bya// rigs lnga kun bzang dbyer med pa// rigs drug pa yi ston pa nyid// grol dang ma grol gnyis su 'dod// de ni gnyis 'dzin mthar thug pas// yang dag rdzogs pa'i sangs rgyas ni// gnyis 'dzin mtha' la mi gnas pas// tha snyad tsam du grol zhes brjod// brjod pas gzhi don skye med rtogs// rang gnas zhen bral mngon byas pa// de la ming du grol zhes brjod// ngo bo 'di 'drar bstan par dka'// don ma go ba'i 'og ma la// tshig phyir blo 'breng tshig la zhen// gang zhig nang par khas blangs yang// de la rtogs pa'i lta ba med// tshig phyir 'breng la don med pas// tshig gi don nyid mtshon 'gyur yang// tshig la mi gnas don la rtog/ don rtogs sangs rgyas dgongs pa 'grub// tshig shes rtog ge'i spyod yul 'khrul// don la brda' shed ma bye ba'i// blo dman byis pa'i chos rnams la// yang dag lta ba gang la yod// don rnams ma nor rtogs pa ni// sems bskyed lam dang ldan pa yin// dge ba'i chos la zhugs pa yin// blta dgongs don 'jug skal ldan yin// don rtogs ston pa'i slob dpon ni// ston pa rdo rje 'chang chen yin// slob mas de thob byang chub sems// gang zhig don go gsang sngags chos// de gsung gnas de 'og min nyid// de ltar sdud shes gsang bdag nyid// ces gsungs so// glang po rab 'bog gi rgyud las/ 'bras bu mthar phyin pa'i rgyud kyi le'u ste nyi shu rtsa bdun pa'o//// de nas de bzhin gshegs pa'i 'khor rnams kyis ston pa dang bstan pa la bstod pa 'dis bstod do// e ma'o ngo mtshar ya mtshan gyi// rang bzhin dkyil 'khor rnam gsum gyis// bstan pa gzhi nyid mngon sangs rgyas// glang chen rtsal gyis gcod 'gyur ba// rab 'bog mtshan gyis rtogs par byed// rang bzhin snang ba bcings grol 'bras// gzhi yi gnas lugs ye sangs rgyas// ma rig snang lugs chen po yis// 'khrul pa'i 'khor ba gtan la 'bebs// mya ngan 'das pa'i dgongs pa yis// sku gsum sangs rgyas mdzad pa shar// 'khor 'das snang ba'i dkyil 'khor gyis// snang ba ma lus rtogs par 'gyur// theg pa'i khyad par rab phye bas// gong 'og dbye bas rtogs par byed// thugs rje chen po'i skye tshul gyis// gdul bya yal bar mi 'dor byed// 'dul tshul theg pa'i byung tshul gyis// chos kyi 'khor lo snang bar 'gyur// rgyan bdun rnam par phye ba yis// gsang sngags rgyud kyi bshad pa rtogs// lhan cig go phye'i dris lan gyis// lhun grub ka dag don rnams rtogs// theg pa'i blta dgongs so so yis// 'khor 'das rang snang rtsol ba bral// skal ldan rang bzhin sbyangs pa yis// gzhan yas gtan la phebs par byed// sku lnga dgongs pa bstan pa yis// dngos lngas gtan tshigs gzhi shes byed// rigs 'dzin chos kyi byung tshul gyis// tshul lnga'i snang ba 'byung bar 'gyur// sku lnga'i tshig la rtogs pa yis// dpyad du yod med shes par byed// gtan tshigs grangs drug phye ba yis// chos rnams gtan la phebs par 'gyur// rgyu rkyen 'bras bu bstan pa yis// shes 'jug mthar phyin rtogs par byed// zhing khams ye shes rang shar bas// rang byung ye shes dbang rab don// tshad ma sgra mthun dbye ba yis// gtan tshigs thams cad rgyas par bshad// theg pa'i lta spyod so so yis// chos kyi rang gzhung so sor spyad// rnam gsum lha yi rim pa yis// tha ma lha skus grol bar 'gyur// theg pa'i khyad par shes bya'i phyir// lam stegs gol sa'i che ba 'byin// cha rkyen bcu yi khyad par gyis// zag bcas zag med so sor spyod// lam gyi rnam grangs dbye ba yis// bsgrod tshul bye brag shes par byed// lam gyi bsgrod tshul bshad pas ni// 'bras bu'i don la gnas par 'gyur// rang bzhin 'bras bu rab bshad pas// sku lnga lhun grub sku gsum shes// de bzhin nyid dang ji bzhin pa// stong pa nyid dang gang ma grub// smra bsam 'das dang brjod du med// chos dbyings skye med 'dzin med dang// blo 'das spros bral de kho na// ma nor ma bcos gzhan ma yin// don dam kun rdzob 'khrul snang dang// de bzhin gshegs dang bcom ldan 'das// mnyam nyid dbyer med gnyis med dang// sangs rgyas byang chub bde chen dang// btsal med la sogs thun mong mtshan// 'og ma ji bzhin sor bzhag las// 'dir ni nges blo bzhag dka' yang// brgyad kyi grol ba gcig tu bab// sgra ni ji bzhin ji bzhin nyid// thun mong khyad par drang nges dang// ldem dgongs de la'ang bye brag brgyad// tshig rnams bzhi la'ang ming 'dogs phye// de dag ston pas bka' stsal pa// rgyas pas mig phye dka' ba khrol// de dag ji ltar shes 'gyur ba// glang po rab 'bog bshad pa'i rgyud// rab gsung khyed la phyag 'tshal bstod// ces ni 'khor gyis brjod gsan nas// de nas bde gshegs rdo rje 'chang// dgongs pas rab tu gsal bar bya// snang phyogs stong phyogs gnyis med 'brel// snang phyogs ji bzhin bshad tshul ni// de la'ang gong 'og khyad par yod// 'khrul snang glo bur spang dgag sbyang// rig pa sgyu ma'i rtsal rang snang// stong phyogs snang du rung mi rung// gnyis med don dam la bcings dang// de mi 'dor la kun rdzob kyang// ngan spang bzang brtsis 'bras bu'i grangs// gzhi nas lam gyi hril mo'am// gang gis 'dod pa'i rgyab log ni// ji bzhin ma yin mi spang ba'o// zhen kyang de kun thun mong pas// 'dir yang mi spang nam mkha' bzhin// khyad bshad tshig gcig ngo bo la// don ni du ma 'byung bar shes// mtshan rnams thun mong gsungs pa ni// 'og ma drang phyir nges tshig 'grub// de don tshig gcig don la yang// blo dpag dka' bar khong du chud// dgongs pa bzhi dang ldem po bzhi// brgyad kyis gtan la phab ste bshad// glang po rab 'bog bshad pa'i rgyud// me shel shin tu dag gyur cing// nyi ma sprin dang bral gyur pas// spra ba rlan med reg pas ni// de la me ni 'byung bar 'gyur// bla ma chos kyi sdong po nyid// rab 'byams bka' yi nyi ma shar// slob ma bla ma'i thugs la reg/ sangs rgyas 'bras bu 'byung bar 'gyur// thos bsam bsgom la brtson byas nas// blo nyid sbyangs par ma gyur kyang// bla ma'i gdams ngag stobs kyis ni// thabs kyi man ngag 'char gyur bas// sngon du dbang rnams rdzogs byas la// rtsa sngags thig le rlung la sbyangs// dbang po shin tu dman pa dang// shes rab chung ba dad brtson gyis// 'grub 'gyur thabs kyi lam la sbyangs// glang po rab 'bog bshad pa'i rgyud// chu shel dri ma med pa dang// zla ba sprin pa'i tshogs dang bral// 'khar gzhong dag pa'i nang bzhag na// chu yi rgyun rnams 'byung bar 'gyur// glang po rgyud lung lta bas 'gyings// bstan pa rgya mtsho chu yi rgyun// slob rgyud 'khar gzhong nang du 'bab// thos pa'i shes rab sgra la dmigs// rna ba'i dbang pos nyan par bya// bsam pa'i shes rab sgra don 'dres// lce yis phyung la yid la brtags// sgom pa'i shes rab yid la gnas// don spyi rang gi mtshan nyid rtogs// grol lam rgyud la lta ba skye// rang gi shes pa nyams su myong// mtsho 'gram pad+ma'i sdong po 'bab// nags kyi bung pas pad sbrang len// rang gi lus dang bu rnams gso// chu yi sbal pa pad+ma yis// spu zug nyi ma'i bsil grib bsnyeg/ skyon du bltas nas 'byar mi nus// bla ma pad+ma'i me tog rgyas// snod ldan thag ring gdams ngag bcud// blangs nas rang bsgom 'gro rnams 'dul// chos kyi sgron mes mun pa sel// snod ngan sbal pa rtsar gnas pas// yon tan mi shes skyon rnams mthong// gshe skur sgros spang skur pa 'debs// chos kyi bdud rtsi thob par 'gyur// ngan song gnas su gnas par byed// nam mkha' dbyings kyi dkyil 'khor na// sprin nag phung po rab tu 'thibs// 'brug gi sgra las thog ser 'khrugs// lo thog 'joms shing yul mkhar brlag/ char gyi rgyun babs sa gzhi snum// rtsi bcud 'khrungs pas gsos gyur pas// 'gro rnams bza' btung phun sum tshogs// dgongs ldan rtogs pa'i slob dpon la// yul khams slob ma'i sprin 'dus nas// bsgom bsgrub gsang sngags sgra bsgrags pas// pho nya sprul pa'i thog ser gyis// dngos grub lo thog 'phrog pa'i bgegs// gnas rten rang lus rdul du brlag/ yul khams bkra shis rang rgyud snum// thun mong mchog gi dngos grub stsol// zag med skom gyis dmyal tshogs zhi// bde chen zas kyis yi dwags bral// dngos grub rang gzhan bde la bkod// rgya mtsho nas 'bab gang+gA'i chu// bu mos blangs nas mi gtsang 'khrud// me long bzhin shar dri ma med// byad kyi bkrag mdangs 'bar gyur pas// kun gyis srid spangs de la 'khor// de dang mi 'bral 'grogs par smon// sangs rgyas dgongs pa'i rgya mtsho nas// bla mas dbang gi chu bo rdzogs// rig ma bu mo mtshan ldan la// mi gtsang 'khru bas bu la sbyin// snod ldan bu la bde ba rgyas// tha mal 'dod chags dri ma dag/ chags pa nyid kyis grol gyur pa// kun tu lus ni bu chung 'dra// tshe ni nyi zla dag dang mnyam// mi rnams bud med kun yid 'ong// ma dang mkha' 'gro'i 'khor gyis bskor// sku gsum 'bras thob mi 'bral zhing// mkha' spyod gnas su 'grogs par smon// bde chen 'du 'bral med pa yi// kun bzang yab yum sras dang bcas// dkyil 'khor thams cad 'byin par byed// mthong yul kun tu bzang mo nyid// yul lnga chos dbyings gzhal yas khang// yid ni kun tu bzang por gnas// yab lnga ye shes chen por gnas// dbyings dang ye shes dbyer med pa'i// thabs dang shes rab 'brel pa'i rgyud// rgyu spun 'dres pa'i thags btags pas// na bzas grang ba skyob cing mdzes// theg chen dam chos bcud za ba// lus la drod 'bar phyi rol brjid// sdug bsngal nad sel sman 'dra'i rgyud// bcud len mdangs bzang tshe srog 'dzin// dam chos sman gyis gcong nad sel// lus gzhon tshe yi dngos grub brnyes// rgya mtsho che las chu rgyun 'bab// 'gro ba rnams kyi gsos gyur nas// skom nad tshad pa'i gdung ba bral// slar nyid rgya mtsho nyid du thim/ chos dbying rgya mtsho ye shes chu// 'gro ba'i lus ngag yid bkrus nas// dug lnga rgyal ba'i rigs lngar smin// dug gsum sku gsum mthong 'gyur ba// chos kyi dbyings kyi ngang na bzhugs// glang po rab 'bog bshad pa'i rgyud// 'gro ba'i don du khyed rnams zung// de skad ston pas gtad gyur pas// de nas 'khor gyi tshogs rnams kyis// mgrin gcig smras pa 'di gsungs so// chos kyi dbyings kyi pho brang na// chos sku dri ma med pa bzhugs// phyag rgya chen po'i rig 'dzin gyis// rgyal tshab ston par zhal gyis bzhes// de la 'dud pa'i byang sems 'khor// longs sku'i bstan pa rgyas par 'gyur// 'dzam gling bye ba phrag brgya na// sprul sku thub pa drug rnams bzhugs// tshe la dbang thob rig 'dzin gyis// rgyal tshab ston pa'i rgyud bzung nas// khams gsum sems can ma lus la// sprul sku'i bstan pa rgyas par 'gyur// rgyas mdzad rnam smin rig 'dzin gyis// chos kyi sgron ma 'di dag la// sdud pas bsdus bzhin rgyas mdzad pa// ma mo mkha' 'gros bka' srung byed// 'khor ba sangs rgyas sa la 'dren// rgyud mchog gsungs la rjes yi rang// zhes gsungs so// glang po rab 'bog gi rgyud las/ rjes su yi rang ba ste le'u nyer brgyad pa'o//// glang po rab 'bog bshad pa'i rgyud chen po zhes bya ba rdzogs so/

CLOSE WINDOW