CLOSE WINDOW

Gpb014.001
བོད་ཡིག

sgyu 'phrul thal ba'i rgyud chen po zhes bya ba bzhugs so// sgyu 'phrul thal ba'i rgyud chen po zhes bya ba/ dpal kun tu bzang po la phyag 'tshal lo// dpal ldan thugs kyi dkyil 'khor mchog/ thabs chen thig le bde ba'i don// sgyu 'phrul dra ba mngon rdzogs pa'i// ma lus 'dus pa'i 'khor lo'i tshogs// lha mos bzhad dang rol pa yis// gnyis med bde bas tshim pa yi// lhan cig skyes pa'i ngo bor gsal// ma lus bde chen rang bzhin du// snang zhes thig le'i ngo bor ldog/ thun mong thun mong ma yin pa'i// brtags par rang gi rtog tsam nyid// thabs chen gsang ba'i ye shes gsal// nyi zla 'dres pa'i gar thabs kyis// gsang ba'i 'khor la dbang bskur bas// nam mkha' gang ba'i skye bo rnams// ma lus thig ler gsal 'gyur zhing// rol pa'i gsang ba'i nyams ldan pa'i// thabs dang bcas pa'i bdag nyid kyis// thabs dang mdzad pa'i dgongs pa dag/ dus bzhir mnyam pa'i tshul du bzhugs// de nas gsang bdag sprul pa'i skus// 'dod lnga chags dang thabs sbyor bas// thabs kyis gsang ba'i don ston pa// ma lus dgongs pa'i don thob pas// thog mtha' med pa'i thabs la gnas// 'khor las thabs kyis pha rol phyin// 'khor ba thabs kyis bder son pa// thal bas brgyan pa'i 'jig rten du// 'dod pa lnga la ma chags par// gdul dka' ma lus kun 'dul te// gsang ba'i don la smin mdzad pa// de ni thal ba'i dbyangs zhes bya// dus mthar snyigs ma'i 'gro ba rnams// gang dang bral bas ma smin pa// gang dag de dang ldan bzhin du// 'gro 'ong med pa'i thabs chen pos// 'khor ba gnyis med don sbyor ba// 'di ni thabs chen rol pa'i rgyud// zhus dang de la dgongs pa'i phyir// 'di ni gsang chen thal ba'i rgyud// de tshe gsang bdag mnyam 'dus pas// 'khor gyi rig sngags rgyal po yis// 'khor lo'i bdag po gtso bo la// 'dod dang mnyes dang tshogs kyi mchog/ dgyes pa chen po'i rol pas mchod// gsang ba'i don gzigs zab mo'i dbyangs// 'dod chags rol pa'i stobs kyis zhus// e ma ho gar mkhan 'khor lo bde// rtag tu bde bas bde ba'i mchog/ bde stong rtog pa gnyis min zhing// gsang ba gsang chen gsang ba'i mchog/'dus pa'i 'khor lo sbyong mdzad pa// mtha' dbus la stsogs dus med pas// lhan cig skyes pa'i ngo bor gnas// thabs chen sgyu 'phrul dra ba'i rgyud// thun mong thun mong ma yin pa'i// gleng gzhi mchog ni ji ltar lags// rol pa'i gsang ba las byung ba'i// sems kyi khyad par ci lta bu// gsang ba'i thabs mchog las byung ba'i// lha dang rtogs pa'i khyad par ci// sgyu 'phrul dra ba'i sku gsung thugs// rang bzhin thabs las rang snang ba'i// dkyil 'khor mchog ni ji ltar lags// phyi nang gzugs brnyan byang chub sems// rig pa'i thig le mngon snang ba// khyad par rim pa ji ltar lags// gsang ba gsang chen mthar thug pa'i// rim pa gang lags khyed kyis gsungs// 'dul ba'i skye bo snod ldan la// gsang ba'i dam tshig ji ltar sbyin// thabs chen rol pa'i dbang mchog gang// rig pa mchog la gnas sbyor ba'i/rig pa'i brtul zhugs ji ltar lags// 'jug pa'i khyad par ji ltar bde// thabs bral log pa'i gang zag rnams// nges pa'i thabs kyis ji ltar dgrol// sngags dang snying po ji lta bu// 'dod pa can la rol spyad pas// 'gro ba chags can ji ltar dgrol// zhe sdang can gyi gang zag la// rig pa'i bag chags ji ltar bsdu// las kyi khyad par ji ltar lags// rdo rje dril bu mnyam sbyor bas// tshad dang dgrol ba'i tshad ni gang// thabs dang bral ba'i rnal 'byor bas// gsang ba spyad pas ji ltar 'gyur// thabs mkhas rol pa'i rnal 'byor pa// spyad pas lhun gyis ji ltar grub// 'das dang ma 'ongs rnal 'byor pa// yid ches bstan pa gang la snang// thabs ldan theg pa'i che ba gang// 'dul ba'i gang zag rgyal sras la// thabs kyi theg pa ji ltar sbyin// 'di dag thabs chen gsang ba'i don/ ma lus bsdus par zhus pa ni// dus gsum the tshom sel ba ste// rgyud kyi phyi mo zab mo mchog/ 'dod chags brtul zhugs mchog chen po// 'dus pa kun gyi rjes su gsungs// de nas rgyal po rdo rje 'chang// lha mo'i tshogs dang gnyis med cing// rol pa'i gar dgu rtse dang bcas// ma lus bde bas tshim mdzad nas// 'khor lo rol pa'i tshogs dang bcas// thabs kyis rol pa'i bde chen gyis// lus kyi dkyil 'khor dbab mdzad cing// bzhin 'gyur ngag chad re dogs med// rnal 'byor pho mo rdul snyed bcas// rtse gcig bde ba 'bar bar byed// bde chen thig le'i tshul nyid kyis// rdo rje'i tshig tu 'di gsungs pa// 'di zhes nye bar mtshon pa ni// e sogs rnam bzhi'i dbyibs can gnas// skad ces gsal byed las ming can// baM dbyibs thig ler bcas ston pa'o// ma da ma nus sdom byed yid// las can rnam shes de dag la// thabs chen tshig bral nyams ldan pas// gsal bar go bas bshad par 'dod pa sgra don dam nges pa'i rgyud// yA na theg chen 'di yin no// dus ni bsam gyis mi khyab dus// nA ma de ming zhes bya'o// gzhan yang khyad par bshad bya ba// thabs dang shes rab mnyam pa yi// sna tshogs bde ba'i thig le yis// de bzhin nyid du gshegs pa yang// sna tshogs zhen las grol bar bshad// bye brag brgyad cu bcu gsum pa// ma lus bde chen ngo bo yi// bcud 'dus thig le chen po nyid// snang dang stong pa la sogs pa// brjod bya ma lus rdzogs par snang// rtog tshogs sangs rgyas bzhi bcu lnga// snang bas phye phyir gnyis su med// shes rab b+ha ga gsang ba'i gnas// de dkyil pad+ma'i rim gsum po// gnyis gsum brgyad kyi khyad par can// mtha' ma gnas dang yon tan gyis// mngon par mtho bas 'og min te// las dang bcud kyis mtha' bral ba// ye shes bzhi la dpag mi rigs// dgos pa 'byung ldan rin po che// ye shes lnga yi 'khor lo bskor// sangs rgyas ngo bo snang bcud kyi// spyi bor shin tu 'khyil bar gnas// nyung dkar sor gyis spags pa ni// sa ya bcu gsum bde bas brgyan// sna tshogs ro dang ldan pa yi// 'dod yon khyad par can gyis mdzes// bde ba chen pos kun khyab pa'i// gang yang bde byed phyi nang bral// 'bras bu'i chos rnams rdzogs par ldan// byang chub mchog tu nyi zla 'bar// de nyid bzhugs gnas yin par bshad// bcud lnga ye shes kho na'i phyir// dwangs snyigs med par kun tu gsal// sgra dbyangs gsung gi gnas bzhi yi// dbye bas gsum gsum ngos gnyis dang// bzhi bcu gnyis su gyur pa yin// sa ya bcu gsum las rdzogs par// skye 'gag med pa'i ngo bos yang// rten can ji bzhin rten de bzhin// nyi zla thabs dang shes rab kyi// ro gnyis mnyam pa dus gsum bzhugs// dwangs ma'i thig le chen po yi// bde ba'i dngos por ye shes snang// thabs dang shes rab mi phyed pa'i// thig le gsang ba'i ro ldan pa'i// mtshan nyid kun bcom bde chen po// rang gi ngo bo ma grub pas// rang bzhin lhan cig skyes pa'i phyir// bcom ldan de bzhin gshegs shes bya// gzugs stsogs lhag pa'i thig le ni// las dang yon tan sngon ldan phyir// rig pa'i rgyal po nyid du brjod// bcud lnga 'dus pa'i thig le ni// rgyu dang gnas kyi kha dog ldan// ro dang las kyang de bzhin te// rang gi mtshan nyid kun tu snang// gang phyir 'byung sogs rang bzhin nyid// chen po'i bdag nyid ltar snang ba// mkha' stsogs snying la gang gnas pa// nyams dang sbyor ba'i khyad par gyis// zab mo dag gi stobs las snang// khyad par rim bzhin shes par bya// mkha' sogs nang gi 'byung la snang// ye shes 'byung lnga las dag gis// bskyed phyir dbyings su brjod pa ste// btsun mo'i dngos por de 'dod do// 'byung lnga sbyor ba'i thabs mkhas pas// thig le snod kyi khyad par gyis// til gang lta bu mkha' gang ba// dkyil 'khor tshogs chen brjod mi lang// gang phyir thig les byin brlabs pa'i// rig pa'i tshul bzhi bsam mi khyab// rig pa'i rnam shes bde chen nyid// rang gi nyams kyis gnas pa'o// gsang ba'i thabs ldan yul bzhi dag/gang sbyor bde skyed btsun mo ste// bde ba chen por rgyas btab pas// lha mo nyid du bstan pa yin// dmigs sogs rang gi thig le ni// thabs chen thig ler mnyam sbyor bas// las dang ngo bo 'bras bu'i phyir// sems dpa' chen po nyid du brjod// nyes zad byed phyir rdo rje ste// ma lus mi phyed bde chen las// rang gi gnas kyis phye ba'o// gzugs sogs nang phyir rab spangs te// rang gi rtsa bcud bcas pa ltar// zag med thabs kyi rang bzhin gyis// bde ba bskyed phyir btsun mo'o// dus ni rlung gi go phye ste// byams pa la sogs ye shes bzhi// de bde rim pas skye ba yang// ting 'dzin dbang du nges par gsungs// thabs dang shes rab mi phyed pa// gsang bar mnyam sbyor thabs kyi phyir// gsang yul dbang po'i rnam shes reg/ lus kyi chos bzhi 'dus spyad pas// ma lus 'joms phyir khro bo ste// mtshan nyid las kyis phye ba yin// gsang gsum thabs kyi spyod pa nyid// rtag sogs mtshan ma las bskyed phyir// btsun mo zhes su bstan pa ste// las kyi skabs kyis mi gnas pa'o// gsang chen thabs kyi rol pa'i rgyu// ma lus thig ler rang 'char ba// skal ldan thams cad spyod yul te// rigs chad dman pa'i yul ma yin// sgyu 'phrul thal ba'i rgyud chen po las/ gsang ba'i gleng gzhi bshad pa'i le'u ste dang po'o//// de nas gzhan yang bshad bya ba// thabs dang shes rab rol pa yi// sems lnga'i khyad par snang ba ni// thal ba'i rgyud 'dir bshad par bya// thabs kyi rol par gang bskur bas// shes rab chags par gyur pa nyid// de bzhin shes rab thabs bskul bas// rol pa'i bde bas zhen pa sel// gnyis med rol pa'i sems lnga yis// rdo rje 'chang ba nyid du 'gyur// gzhan yang rgyas par bshad par bya// thabs dang shes rab dbyer med pa'i// thig le mi phyed rang bzhin gyi// rdo rje phung po'i yan lag ni// rdzogs pa'i sangs rgyas lnga ru gsal// skye mched khams sogs ngo bo nyid// sems dpa' sems ma'i rang bzhin no// sa chu spyan dang mA ma kI// me rlung gos dkar sgrol ma ste// nam mkha' dbyings kyi dbang phyug ma// gsang yul dbang po rnam shes reg/ ma lus 'joms pas khro bo ste// rtag sogs mtshan nyid las skyes pa// yum ste las kyi mi gnas bshad// yid chos bzang po bzang mo mkha'// chags sogs yang dag nyon mongs drug/ 'dul phyir sprul pa zhes gsungs so// thabs chen snang ba rab bskul bas// shes rab thabs la gang bskul ba// phyogs bcu dus bzhi ma lus pa'i// snang grag gnas pa'i chos rnams kun// dra ba shes rab zab mo'i dbyings// gang la gang gis mi mtshon zhing// mi shes byis pa'i yul las 'das// thabs la mi gnas de bzhin nyid// khyad par thabs chen sgyu 'phrul 'dis// skal med ma sbyangs skye bo dang// byis pa'i log zhen dge slong dang// mtshan ma'i rnal 'byor yul ma yin// thabs dang shes rab rol pa ni// dga' dang bgad dang chags pa dag/ blta dang 'khyud dang 'dzin dang mnye// 'bud dang steng dang zhal sbyor dang// brtse dang gzhib dang myang dang 'cha'// chags pa'i gar thabs sna tshogs kyis// tha mal snang ba bde bar thim// dzaHbaM hU~M hoH'i phyag rgya yis// bzung dang 'khyud dang bsdams bskyod pas// gsang ba'i 'byung lnga la brten pas// rim pa lnga ldan sems kyi ro// rim par 'byung ste gzhan du min// bde ba'i thig le las byung ba'i// skad cig zhen pa las 'das pa// bde ba'i ro ni gang skye zhing// rtsa dang thig ler bcas pa dang// thig le'i bde ba nyams su 'char// gang tshe zhen bral bdes gang bas// yul sems bde ba 'gags pa yis// lhan cig skyes pa kun ldang ba// 'gags shing ldang bar bshad pa yin// rten las 'byung la ma brten pa// bde dang mi rtog gnyis med pa// gang dang gang du rtag gnas pa// gnas pas de ni gnas pa ste// dus yun tshad las ma nges shing// rang gi rlung dang 'tsho ba dang// sbyor ba thabs kyi yan lag gis// rnal 'byor pho mo rnam par mdzes// thabs chen thabs las byung ba yi// rig pa'i nyams la dmigs pa ni// gang du zhen pa kun bral ba'i// bde chen rang bzhin bsam mi khyab// 'di ni yul dang dbang po dang// rnam shes dmigs pa'i yul las 'das// thabs dang shes rab 'dres pa las// rang rig bde bar rang gsal bas// ma lus thabs chen rgyal po nyid// rlung sems rten gyi thig le la// phyi nang dwangs snyigs rgyu ba dag/'gro 'ong med par gsal ba na// re dogs 'gro 'ong las grol ba// mthar phyin ye shes sems nyid ni// bde chen mi dmigs bsam yul 'das// bde ba'i thig le bcu drug pa// nyi zla 'dres pa'i gar thabs las// phyi nang yul sems bcas pa dag/ ma skyes mnyam la gnas 'gyur zhing// thig le zung 'jug bde ba las// gsang ba'i nyams ni 'byung bar 'gyur// rten 'brel bde ba'i zung 'jug las// mkha' ltar rang byung ye shes skyes// bde chen thig le rgyu rkyen 'das// rang byung ye shes gnas med las// sgyu ma'i cho 'phrul rang bzhin 'char// sgyu 'phrul dra ba bde chen po// rang byung rang rig yul las 'das// skye 'gag gnas dmigs las 'das shing// 'gro 'ong bya byed las 'das pas// rang byung ye shes de bzhin nyid// sems kyi mtshan nyid gzhi rtsa 'das// mtshon pa'i yul la mi gnas pa'o// sgyu 'phrul thal ba'i rgyud chen po las/sems lnga bstan pa'i le'u ste gnyis pa'o//// de nas gzhan yang bshad bya ba// thabs dang shes rab gnyis med pa// thig le nyi zla 'dres pa las// 'byung ba'i lta ba bshad par bya// rdo rje dbang gi stobs ldan zhing// sngar byas thabs kyi bcud ldan pa'i// thabs ldan rnal 'byor nges pa yis// tsakra bzhi dang ka ba gsum// thabs ldan me rlung sbyor ba ni// man ngag stobs kyis shes par bya// thabs ldan thig le 'byor pa yis// ye shes nam mkha' lta bur mthong// bskyed pa rlung gi phyag rgya yis// phyi nang dwangs snyigs 'dres pa'i rlung// bzung dang mi bzung sbyor ba yis// gsang ba'i thabs kyi rol pa las// ma skyes mnyam pa'i ngo bor mthong// steng 'og thabs la brten pa yi// zhu bas gnas thim bde ba'i ros// ma lus rgyas btab mnyam sbyor ba// bde chen thig le stobs la gyur// gang de thabs las byung ba ni// nyi zla gnas bcud rang 'bar bas// gnas bcud thig le mi dmigs pas// spyi dang rang gi mtshan nyid gsal// gang du thabs chen las byung ba'i// steng 'og rlung gi sbyor ba ni// thabs lam bde ba'i gnyer dag gis// brtags pa rang gis rtog pa bzlog/ dngos po rnams kyi ngo bo la// bzlog bya nges kyang mi dmigs so// phung sogs rtog pa'i 'jig rten kun// log rtog sgyu ma snang tsam las// nyi zla bden gnyis la nyid kyis// ma skyes mnyam la gnas 'gyur zhing// phung sogs lha yi dkyil 'khor du// rang snang rang gi mngon sum gsal// phyi nang nyams la brten pa yi// kun rdzob thabs la mnyam sbyor bas// rang byung thig le rtogs byed cing// skye med bde chen klung du 'jug/ ma skyes bde ba'i thig le nyid// ma skyes pa dang bde chen dang// gnyis med 'dres pa'i thig le nyid// yi ge gsum gyi brdas mtshon nas// byin rlabs thabs kyi sbyor ba yang// bde chen rang rig mngon sum gsal// thabs dang shes rab thig le ni// ma 'dres gcig dang du ma bral// thabs kyi bde chen gsal gyur cing// bde chen gsal zhing mi rtog pas// phrug kyang// seng 'khrug byin rlabs mi g.yo bas// ma lus dam pas byin rlobs mthong// thabs la goms pa'i man ngag gis// dngos po bde bar nyams myong bas// rang rig phyi dang nang med nang// mi dmigs brjod med gang bsgom pa// 'du shes klung du zhugs gyur na// brjod pa med pa de nyid mthong// nyi ma zla ba rkyen phrad las// drod dang rlan la thogs med cing// rnal 'byor thabs kyi rim bskul na// bde chen ye shes thogs pa med// gnas bzhi bcud ldan rang bzhin la// rkyen dang dmigs pa la brten pas// sems lngas thig le sngon sbyangs te// ye shes nam mkha'i gzugs su skye// rtsa dang rnam shes rgyu ba las// thabs kyi gsal byed de goms nas// 'byung lnga bcud lnga phung por bcas// mi zad rgyan gyi 'khor lor mthong// tsit+ta snying po kha sbyor dbus// chos nyid ye shes g.yas g.yon la// dbu ma dbyer med thabs bzung bas// sems lngas thig le mngon sbyangs te// phung po 'byung ba rnam shes bcud// grangs las 'das pa'i ye shes kyang// mnyam pa lnga ru gsal bar mthong// rang byung mi shigs thig le ni// dwangs ma ye shes lnga ldan la// sgron ma'i thabs kyis gang bskul ba// dngas ma bde ba'i rtags 'byung zhing// ma bslad ye shes 'char bar 'gyur// phyi rol rgyu ba rlung bcad cing// dwangs ma rim par zhugs pa na// rtsa bzhir snying po thim pa las// dngos po phyi nang yul 'gags pas// bde chen sgyu ma las byung zhing// ma skyes ye shes gsal bar mthong// dwangs ma'i nyams kyi rtags 'byung ba// 'dzag dang 'dar dang 'phar ba dang// rgyug dang glu dang sgra sgrog dang// 'bar dang bde ba 'byung ba dang// thar dang 'ching med mngon shes dang// skye mched nam mkha'i rang bzhin gsal// thabs dang shes rab mngon sbyar ba'i// nyi zla 'dres pa'i gar thabs kyis// thig le 'khor lo bsgyur ba'i tshe// thabs ldan gnyis med bsal bar 'gyur// thabs chen thabs la gnas pa yis// pad+ma rdo rje sbyor ba yi// gsang ba'i thig le zung 'jug pas// drangs te ma lus gang ba yis// phung po rnam shes lnga ru gsal// thig le thabs kyis zin pa la// lhan cig skyes par rang snang bas// rtog pa'i bye brag rang 'gags shing// las dang skyon bral pad+ma can// bde ba'i thig le ma skyes pas// ma rig gnyis 'dzin la sogs pa'i// phyi nang bde ba chen po gsal// bde chen sgyu mar rang snang bas// phyi nang bdag gzhan log pa'i sems// bde chen rang byung thig ler gnas// rang byung rten gyi thig le la// man ngag thabs kyi bde rgyas pas// dman pa'i mtshan ma ring spangs nas// rang byung ye shes mngon du gsal// 'di ni 'jigs bral tshad ma ste// ngo bo nyid kyi bden mthong zhing// rang byung ye shes mngon sum pas// dman pa'i tshad ma rnam par 'jig/ 'khor ba mun pa'i phung po la// thabs chen snang bas gsal byas nas// rang byung bde ba thog mtha' med// da lta nyid du gsal bar byed// thig le zung 'jug bde ba ni// sems mtha' ldog pas go phye nas// dkyil 'khor drug gi yul rnams su// sprul pa'i thig le rang shar ba'i// snang ba'i mdzad pa bsam mi khyab// chags sogs nyon mongs la rtog ril// gdul phyir sprul pa zhes su bshad// sgra dbyangs gsung gi bstan pa rnams// nges par grags pa kho na nyid// phung sogs rtog pa'i 'jig rten kun// log rtog sgyu ma snang tsam las// nyi zla bden gnyis la nyid kyis// ma skyes mnyam la gnas 'gyur zhing// phung sogs lha yi dkyil 'khor du// rang snang rang rig mngon sum gsal// dus gsum du'ang mi 'gyur phyir// theg 'dir thabs dang snying rjer bshad// gang phyir 'jig rten mtha' yas par// mos pa bsam yas phyir gsungs pa// bstan pa mtha' yas bstan pa ni// 'gro ba'i bsam pa ji bzhin no// gang phyir theg chen gsang ba'i don// thal ba'i rgyud chen bstan pa 'di// 'gro ba chags chen 'dul ba'i phyir// dug gis dug nad bsal ba ltar// sgyu 'phrul chen po 'di dag yin// skyes bu thabs kyis bder 'jug pa// gang gis 'di dag bder sel ba// ma rmongs thabs la mkhas pa yis// pad+ma la ni 'dam bzhin no// sgyu 'phrul thal ba'i rgyud chen po las/thabs chen lta ba'i le'u ste gsum pa'o//// de nas gzhan yang bshad bya ba// thabs dang shes rab gnyis med pa'i// bde chen sku gsung thugs dkyil 'khor// 'di dag legs par bshad par bya// 'gro drug ma bcos rang byung sku// lus gnas rtsa dang 'khor lor bcas// ma lus kun la khyab gnas pa// rang byung bde ba'i 'khor lo'i sku// rang byung rtsa yi 'khor lo na// so so'i yi ge gang gnas pa// gsung gi dkyil 'khor kun dang 'brel// rang byung gsung gi 'khor lor bshad// gang du bcud kyi thig le yis// bde ba chen po'i ro ldan pas// ma skyes lhun grub rang gsal ba// khyab pa thugs kyi 'khor lor bshad// thabs dang shes rab 'brel ba yi// gsang dbang pad+mar ldan gyur pa// thabs bzhi nyi zla 'dzag 'bar bas// sa yang bcu gsum bde gang ba// rang snang sku yi dkyil 'khor nyid// steng 'og thabs kyi sbyor ba las// sprul pa'i thig le yang 'dug yi ge 'od thim pas// sgra dang bcas pa'i bde ba ni// rang snang gsung gi dkyil 'khor nyid// steng 'og dngas snyigs phye ba las// g.yas g.yon gnyis med gsang ba'i lam// dgug dang bkug pa'i thabs nyid ni// byed pa sdom pa'i thabs kyis mtshon// rang byung ye shes lnga yi ro// khyab pa'i tshul gyis snang bar byed// nyi zla gsang sbyor thig le las// gnas dang bstims nas dbyer med pas// ma lus bde chen lhan cig skyes// rang rig ma bcos mngon sum gsal// gnas dang 'byung ba ma lus pa// rang rig ye shes gzugs su skye// de nyid bde bar rang gsal ba// rang snang thugs kyi dkyil 'khor yin// rang byung thig le nyams skyes pa// dbab dang rten gyi phyag rgya las// bzung ba'i rlung la 'gro 'ong med// bzlog pa thugs kyi sa bon can// 'di ni thabs ldan gang zag la// 'khor ba'i bag chags ma lus pa// pad+ma rdo rje'i man ngag gis// nyi 'od mun pa bzhin du sel// bskyod pa thabs bzhis 'od zer gyis// thig le a la cung zad phog/ rang byung gsal ba'i lam du 'dril// ha yi pad+mar 'byung ba la// thugs kyi sa bon thabs bcas pas// rang rang 'khor lor thim pa ni// chu la chu ltar gnas par byed// lan tshwa chu la thim pa ltar// ma lus bde chen snying por thim// ma lus rang rig bde chen te// tha dad gnyis pa'i chos med de// sems med bde chen snying por gsal// skye med stong pa'i thig ler thim// 'gro ba ma lus thams cad dag/ gnas pa'i stobs ni zad pa na// 'dus pa lnga yi rim pa yis// bag chags snying por rang zad nas// 'od gsal stong par snang bas na// re dogs med pa nam mkha' bzhin// bar mar sgyu ma'i lus thob nas// ma 'ongs longs spyod rdzogs par bshad// nyi zla 'dres shing zung 'jug pas// sprul pa gzugs kyi skur 'gyur ro// gnas pa thabs kyis gsal byas pas// rang byung sku gsum lhun gyis grub// gsang sngags rdo rje'i thabs chen gyis// 'khor ba'i rgyu 'bras zag pa rnams// gser 'gyur 'od dang bdud rtsi ltar// bde ba chen por byin gyis brlab// sku gsung thugs kyi thig le nyid// thabs dang shes rab las byung nas// nyi zla yi ge'i stobs dag gis// brjod bral rang gi mtshan nyid mthong// a las byung ba'i gsang thig le// rang snang 'khor lor gnas brgyud pa// chu las byung ba'i thig le ltar// a las byung zhing a la thim// rol pa sgyu 'phrul dra ba las// ma brjod gsung nyid rang snang bas// ma lus brjod bral bde ba'i gsung// skal ldan rnams la rang bzhin snang// nam mkha' rin chen phog pa ltar// thig le bde bas rgyas btab nas// phyogs bcu dus bzhi'i sku gsung thugs// bde chen zag med rgyas par 'gyur// rang snang sku yi 'khor lo la// rang bzhin gsung gi dkyil 'khor nyid// g.yas dang g.yon gyis dbye ba yis// sde tshan brgyad dang byed pa dang// khyab 'jug gsum yang de bzhin te// rim par bkod pas rang snang bas// 'jig rten 'das dang ma 'das pa'i// ji snyed bsgyur ba'i las rnams 'byung// rgyal ba bzhi bcu rtsa lnga yi// ngo bo nyid du nges pas na// khu ba rtsa yi gzugs dag gis// sku gsung thugs dang ye shes lngar// ma btsal lhun gyis grub pa'o// rten gyi dkyil 'khor gang brten pa// sku dang gsung thugs yon tan ni// rgyu dang lam dang 'bras bu dang// lus can khyab pa'i rang bzhin te// chu yi 'khor lo dbyibs kyi tshul// gang la thabs kyi rkyen gyur cing// bde ba bskyod dang smin pa las// dbyibs dang tshul ni dbang drag yin// gyen du 'dren dang thur du bskul// 'khor lo bzhi la rgyas 'debs yin// gsang ba'i lam nas thabs bskul ba// brgyud pa'i lam ni sku gsung thugs// sum cu rtsa gnyis khyab pa'i rtsa// 'byung ba'i thig le gnas pa'i sa// yi ge so so mdangs dang ldan// ngo bo nyid de ma bcos pa// bzhi gnyis 'dab ma'i snying po la// chos nyid ye shes yon tan rtsa// rang rgyud bzhi la yan lag brgyad// 'od bzhi dwangs snyigs sa bon drug/ snying po rang bzhin sku gsung thugs// gnyis med 'brel ba'i rang bzhin gnas// brgyad gnyis ldan pa'i ge sar la// A~M gnas 'dab ma A li can// gsung gi 'khor lo rten dang yul// pad+ma kha phye lta bu la// 'dus pa'i snying po sbyor ba'i tshul// lus can sgra rnams gsal bar 'byung// sprul pa drug cu bzhi gnas pa// sum cu rtsa gnyis rang bzhin ni// thig le 'phro 'du gnas dang ldan// rdo rje'i pad+ma'i rtse dang 'brel// zin dang ma zin khyad par las// bde ba zag pa yod med 'byung// steng 'og thabs kyi rang bzhin la// 'phel dang sdud par shes par bya// lus can kun la pho brang ste// thig le 'khyil ba lha nyid do// ro lngas kun la rgyas btab pas// sku gsung thugs su smin par byed// sgyu 'phrul rol pa thabs kyi rgyud// lhag pa'i thal rgyud chen po 'di// dbang dang skal med skye bo la// 'chad cing ston pa ltung bar 'gyur// yab yum gsang ba'i thig le la// rang byung thabs kyi snying pos brtags// de ni kun gyi snying po ste// goms pas thams cad grub par 'gyur// gsang ba thabs chen mngon snang ba// bdag nyid stobs ldan nus goms pas// phyi nang spyod yul bcas pa dag/ bde chen ngo bo nyid du nub// rang rgyud dag pa'i skye bo la// dbang bskur man ngag las goms na// longs spyod ldan pa'i tshe 'di yis// bde ba chen po lhun grub 'gyur// lhag pa'i byang chub sems bde ba// ma lus snying por gsal thim pas// byed spyod ldan pa'i thabs chen gyis// rigs bdag rdo rje 'dzin pa 'grub// bde bas bde ba gang goms na// bdag nyid chen po bde ba la// dngas snyigs med cing 'phel 'grib med// rgya mtsho'i chu lhar ro gcig pas// bde ba chen po gcig tu gnas// sgyu 'phrul thal ba'i rgyud chen po las// rang byung sku gsung thugs kyi le'u ste bzhi pa'o//// de nas gzhan yang bshad bya ba// thabs dang shes rab rol pa las// bde ba chen po rang snang ba'i// sgrub pa'i cho ga bshad par bya// dman dang bde ba med pa la// mtshan ma'i spros pa zhen pa yis// bde chen nyams la mi gnas pas// thun mong dman pa 'byung 'gyur gyi// mchog la reg zad reg pa med// 'di ni zab mo gsang ba ste// gsang ba las kyang 'byung 'gyur zhing// mchog gi snying po sbas pa'i don// gsang ba'i gter ni rab 'byin pa// 'gro ba chags pa can don du// dug gis dug nad sel ba ltar// thabs mchog dbang las byung ba yi// dngos grub bzang po mchog 'byung ba'o// gang du yo byad mchog gyur pa// rtsa ba gnyis las lngar gyur pa// mchog tu gyur pa kun 'grub cing// gal te nyams na 'jig par 'gyur// rang byung bde ba'i thig le ni// gsang ba bcud las 'byung ba ste// zag pa med pa'i thig le la// re dogs mtshan ma'i yul las 'das// kha dog gnas dbyibs 'dzin med pas// bde chen chos dbyings rtog dpyod bral// thabs dang shes rab yongs rdzogs pa'i// phyi nang snod bcud ma lus pa// dngos dang dngos med dbyer med par// rtog pa thabs kyis dbang bsgyur ba// dbyer med bde ba lhun gyis grub// rten dang brten pa dbyer med pa'i// bde ba'i thig le de bzhin nyid// 'du 'phro 'byung bzhi de bzhin nyid// bde chen sems kyi rtsa bar bshad// rang byung bde ba chen po ni// rtogs las goms pa gsal ba las// bde chen bsam yas 'bras bu 'byung// ngo bo min la rang snang ba// lus dang rtsa dang bcud rnams la// thig le bye brag bsam yas 'phro// bde bas 'jig bral nyams pa med// rang byung rol pa'i bde ba yang// sgyu ma bde ba'i mchog tu gsungs// thabs dang shes rab gnyis med pa'i// rol pa sngags te phyag rgya'i gar// thabs dang ldan pas brten goms pas// dngos grub ji ltar 'dod pa 'byung// thabs dang shes pa byin rlabs pas// phyag rgya chen por bstan pa yis// b+ha ga'i rgyan dang nam mkha'i khams// rdo rje thig le mnyam sbyar bas// gsang ba'i mkha' lnga 'byung bar 'gyur// de las ye shes skye bar 'gyur// sra ba dang ni gsher dang drod// go 'byed bskyod pa'i rang bzhin la// nyi ma zla ba 'dzag pa las// lhan cig skyes pa'i bde ba 'byung// bcud dang bde la goms 'gyur zhing// gar thabs rlung la dbang bsgyur bas// rtsa ba yan lag nad 'tsho zhing// bde chen bdud rtsis ring du 'tsho// lus dang rtsa dang sems kyi snod// gsang ba longs spyod lnga yis tshims// mun pa la ni snang ba bzhin// dngos po bde ba chen por 'gyur// thog ma med par las bsags pas// rtog pa'i bag chags sel ba yis// thams cad skye mched dbyings su gsal// gang du thabs kyis zin pas na// gzugs dang nyi zla'i thig ler bcas// thabs dang bskyod pa'i rang bzhin gyis// rten ni gnas su dgug pa dang// de btang ba ni skabs kyis te// dgang dang dgang bas bcing bya zhing// rten dang thig ler rig par bcas// thabs kyis leg par dgrol bar bya// lus bcud nyams dang thig ler bcas// thabs kyi cho gas gso byas na// las dang nyon mongs sdug bsngal ba// bsad pas 'pham rten rgyal bar 'gyur// dngos grub kun 'byung snying po'i thabs// rang byung rgyal po gsal bya'i phyir// thabs chen gsang ba'i man ngag gis// gser 'gyur sman dang mun sel bzhin// bcud kyi bdag nyid rgyas pa yis// gnyis med gsal bar ldan pa ni// bzung dang bdud rtsir ldan pa des// bde chen ngo bo mi 'gyur ba// dpal ldan skyob pa'i phyag rgya yis// ma lus thebs par gnas pa yin// gang nus med dang dka' thub dang// dbang dang mi ldan sgro skur dang// thabs bral rig pa thabs chen rdzogs// bdag gzhan gnyis ka dmyal bar ltung// de las gzhan yang bshad bya ba// rang byung 'khor lo bcud dang bcas// dngas ma thig le lnga 'bar ba// lus can kun la rang gnas kyang// thabs dang bral bas mthong ba med// rang byung rten can dkyil 'khor drug/ gsang ba'i thabs kyis gnas pa yin// bcud 'dus thig le chen po ni// bde chen kun gyi snying po ste// thabs kyi nyams su blangs pa las// 'bras bu yid bzhin nor bu bzhin// 'di nyid sgyu 'phrul dra ba ste// dkyil 'khor kun gyi ngo bo yin// gnas pa sgrol ma rlung gis bskyod// 'bar ba de steng rkyen gyis te// chu khams 'khor lo rim zhu bas// mi tshugs ye shes nam mkha'i gzugs// thabs dang bcas pas rten thig le// sgrol ma rlung la goms pa yis// gsang ba'i las la thogs pa med// lus la sdug bsngal mi 'byung zhing// phyi nang lus bcud bdud rtsi yis// rim pa ye shes ngoms pa med// bde chen longs spyod phongs pa med// rtsa ba yan lag sbyor zad pas// 'khor ba ngan song 'jigs pa med// lus de bde dang rdo rje'i sku// ye shes longs spyod rdzogs par 'gyur// drag dal 'jam pa'i mtshan nyid ni// snyigs ma zad pa'i thabs yin te// phyi nang rgyu ba'i khyad par gyis// 'pho ba bcu drug shes par bya// snyigs ma dwangs mar ma zhugs na// nad dang sdug bsngal gdung ba dang// bde chen nyid la bar chad 'byung// snyigs ma dwangs ma la 'jug pa// rtags ni sna tshogs 'byung bar 'gyur// brtan na bar chad med par skye// gsal na dngos po bde bar thim// gnas ni rnam pa bzhir bshad de// skyon dang bde ba 'byung ba'i rtsa// mngon shes chos nyid stong pa'i rtsa// phyi nang gong 'og rim par 'gyur// bdud rtsi'i bcud ni rim zhugs pas// log pa'i nyams dang bde ba khyab// mngon shes lnga sogs 'byung 'gyur zhing// bde ba skyed byed nam mkha' bzhin// sgyu 'phrul thabs kyi rang bzhin gyis// dra ba ma skyes shes rab gsal// dbyer med don la goms pa yis// lhun grub dkyil 'khor gsal bar 'gyur// pad+ma 'dus pa'i snying po la// rdo rje thig le shor ba med// gsang ba thabs kyi bde gnas la// 'chi ba'i bag chags nub par 'gyur// thig le 'gro 'ong med pa la// bde ba 'phel 'grib mi 'byung bas// thams cad bde chen dkyil 'khor mchog/ nam mkha'i mtha' bzhin khyab par gsal// gang du 'phel ba gsal byed pa// ma thob pa dang rgyun bcas pa// mi 'phel ba dang chags pa dang// lam log pa ni rnam par spangs// gang yang thams cad 'dus pa na// rig pa'i snying po bde ba rten// ji ltar lan tshwa chur 'jug ltar// thabs dang man ngag ldan pa yis// dngos po bde chen snying por thim// bskal pa bye ba grangs med du// sdug bsngal ba dang bar chad dag/ sna tshogs mang po gang byung ba// yengs dang bral bas chu bzhin no// sgyu 'phrul thal ba'i rgyud chen po las/rang snang la thabs kyis sgrub pa bstan pa'i le'u ste lnga pa'o//// de nas gzhan yang bshad bya ba// rang snang byang chub sems nyid ni// sna tshogs gzugs brnyan khyad par dag/ de nas rim par bshad par bya// thabs dang shes rab las byung ba'i// rten dang brten pa las byung ba// rang byung byang chub sems nyid ni// thig le bde chen ngo bo nyid// ma lus 'dus pa'i rang bzhin no// khams lnga bcu gnyis 'dus pa yi// gsang ba 'dus pa'i rang bzhin te// lus can kun la rang bzhin gnas// rang bzhin thig le chen po ni// snod bcud bde ba'i mtshan nyid kyis// ma byas bde bas kun khyab pas// gang la gang brten mtshan nyid do// 'byung lnga dwangs ma'i bcud las byung// bde chen bcud kyi ngo bor dag/ bde chen thig le'i ngo bor gnas// rtogs pas thabs chen pha rol phyin// ma lus phyag rgya chen po'i dbyings// gsang ba'i thig le chen po nyid// rtsa dang thig le'i tshul dag gis// thams cad khyab pa'i tshul gyis gnas// gnyis su med pa bde ba'i rgyu// nyi zla khu bar gnas pa yi// sems lnga skyed pa 'brel ba yi// bde ba'i ro dang bcas pa yi// mi shigs thig le bde chen po// dngas ma ye shes lnga yi ro// khyab kyang thabs la rag lus pas// rang bzhin mngon sum snang mi nus// thig le snod bcud rang bzhin ni// thabs kyis khyab dang ma khyab las// phyi nang snod bcud ma lus pa// dag dang ma dag khyad par snang// 'byung lnga bcud lnga ye shes lnga// ma lus gnyis med 'dus pa yi// bye brag thabs kyi khyad par las// rten pa'i nyams ni gsal bar 'byung// gsang ba'i thig le sku mchog des// rgyal ba dus gsum bzhugs pa'i gnas// las dang ngo bo'i tshad med pa'i// gnyis drug brgyad gnyis sor nyung spang// bcu drug bcu gnyis nyi shar gsal// de nyid 'dres shugs ston pa nyid// nang zhugs las kyis snang bar byed// thabs dang shes rab gnyis med pa'i// 'khyud pa gang gi phyag rgya las// bde ba'i 'bru tshogs gsal 'byung ba// bskyod pa rlung gi phyag rgya yis// nyi zla'i thabs kyis zin pa las// lhan cig skyes pa'i ye shes skye// skyes bu'i lus la thabs kyi rtsa// pad+ma 'dus pa'i snying po can// gnyis med thig le bcud 'dus pa// ma 'dres 'brel pa'i stobs las byung// brag gdung lta bur gnas pa las// goms pa'i rtogs pas ye shes skye// 'byung lus bde ba'i bcud gyur cing// bde ba lung sel thig ler thim// ma lus dbyer med mi g.yo ba// rang byung thig le rten dang bral// gsang ba'i thig le 'gro 'ong med// bde chen nam mkha' rgyu 'bras 'das// gsang ba'i thig le dam nyams na// 'khor ba zag cing sdug bsngal bas// gsang ba'i lam nyid bar chad gnas// cho ga'i lam gyis skyong mi 'gyur// gsang ba'i cho ga las byung ba// thig le dbab dang bzung ba dang// bzlog dang sbyangs sogs thabs las byung// khams gnyis 'dus pa'i stobs las skyes// lnga bzhi bye brag chas bskul bas// gnas nas ldang zhing bde g.yo ba// rang gi lam 'jug rtog 'gags shing// rang gi 'pho bas sa gnas che// phyi ma'i bde ba skye bar 'dod// goms pa'i rlung mthus slar bskyod sems// mthar phyin thabs kyi byang chub sems// sa gsum bde bar rang gsal bas// khams gsum las kyis thob pa'i phyir// thabs la yon tan kun rdzogs pas// yi ge'i sa dang bla ma'ang rdzogs// thabs kyi zla ba shar ba'i tshe// gnyis med gsum la bder goms pas// thig le bsnol dang brkyangs pa dang// 'dres pa la ni thabs goms pas// mi zad 'khor lor rang snang bas// rgyu 'bras gdod nas lhun grub pa// chu rlabs lta bur shugs kyis 'grub// tha dad med pa'i rang bzhin ni// thabs kyi mchog tu 'di bshad do// rten dang brten pa'i sbyor ba las// rang byung gzugs brnyan gsal bar skye// snang srid phyi nang snod bcud kun// bde chen gzugs brnyan gsal bar 'byung// 'khor dang mya ngan 'das pa rnams// dag dang ma dag khyad par rnams// thabs kyis zin dang ma zin pa'i// thams cad bde chen gzugs brnyan yin// gang du thabs las gyur pa yi// yab yum gzugs brnyan thabs chen po// lha mo brgyad dang phyag rgya bzhi// ma lus bde ba'i gzugs brnyan snang// bde ba chen po'i rang bzhin ni// dngos po ma yin dngos med min// dbu ma tsam du mi dmigs pas// bde chen phyag rgya chen por bshad// thabs dang shes rab 'khor lo yi// ma lus sku gsung thugs kyi ngang// snang grags bde ba'i rang bzhin dang// lus dang rtsa dang bde bar bcas// rnal 'byor gcig la snang ba yi// khyad par chos su bshad pa yin// thabs kyis gzung dang gnyis 'khyud dang// bsdam dang 'khyud pa'i rang bzhin ni// sgo 'byed bde bar 'jug pa ni// sgo bzhi phyag rgyar shes par bya// nyi zla hUM phaTaHyab yum thabs// thig le bskyod 'dres bde bar tshims// snod bcud thig le rlung gis bsdus// thig le mu tig brgyus pa ltar// thabs kyi rlung gis shes par bya// sngags kyi bdag po phyir mi ldog/ nyi zla gsal ba'i gar dang ldan// bskyod pa thabs kyi bder gnas shing// dbab bskyod gzung dang dus gsum du// dbye ba med par rang bzhin gnas// lus dang rtsa dang snang ba yang// nam mkha'i rim pa rgyas btab pas// mthar thug med par rgyas chen snang// pad+ma thabs phye thabs kyis bzhu// gsang ba'i thig le rang byung ba// dga' bzhi bcu drug las byung nas// me tog kun+da rA ga'i mdog/ dkyil 'khor bsam yas la rol pas// mtha' gnyis med pa'i ye shes la// ma bral dus gsum mnyam par zhugs// bde ba chen po thugs su brjod// gang du gnyis las bzhi byung bas// bzhi las brgyad ni bcu drug ste// myong ba sum cu rtsa drug las// ji snyed bde ba'i ngo bo ni// nyams ni mi phyed nam mkha' ltar// gzugs can ye shes lnga ru brjod// phyag rgya chen po tshogs pa las// thabs kyi lhan cig skyes pa gsal// rtag tu gsal ba goms pas ni// thams cad bde ba chen po ste// thabs dang ting 'dzin yo byad kyis// bar chad med par goms pa yis// 'bras bu nyi ma'i snying po bzhin// rgyu nas 'bras bu mthar phyin thun mong las// thabs dang shes rab mnyam thob nas// rtse nas thig le rim bzlog pa'i// phyi nang zhen pa rgyu 'bras chos// bcu drug mthar phyin dbye ba med// gang gis bskal pa grangs med par// dka' thub sdug bsngal spyad pa yis// 'bras bu gnyis med mi thob pa// dga' bdes tshe 'dir 'grub par 'gyur// skal ldan dbang phyug rgyal po yis// gsang ba'i rgyu 'bras rim bzlog pas// 'khor ba pad+ma'i 'dam bzhin du// sdug bsngal med par pha rol phyin// gsang chen mi ldog rigs su nges// byang chub sems la rab sbyor bas// bde chen thig le mi g.yo ba// gsang chen 'bras bu rdzogs pa'i sa// mthar phyin yon tan lhun rdzogs pa'o// rgyud kyi rgyal po thal rgyud chen po las/ byang chub sems kyi gzugs can snang ba'i le'u ste drug pa'o//// de nas gzhan yang bshad bya ba// rdo rje mi phyed skyab pa'i don// de ni bde chen yod min te// gsang ba'i don ni bshad par bya// rgyal ba'i byin rlabs mchog gyur pa// sangs rgyas kun gyi bde chen las// thabs kyis chags pa gdul bya'i phyir// gsang sngags yid bzhin nor bu bshad// gsang sngags thig le'i bde ba ni// yab yum gnyis med rol pa ni// thams cad thabs la bcu drug brgya// bcu gnyis bzhi bzhir rol pa'i chos// rak+ta byang chub dus gcig 'bar// lhun grub dkyil 'khor rang las 'char// rgyal ba'i sems dpa' mi rtog ste// thabs chen thun mong ma yin pas// dman pas rnyed par ga la 'gyur// phyag rgya chen po nam mkha'i dbyings// de ni rnam thar rang bzhin te// thams cad 'byung ba'i rang bzhin pas// zab mo shes rab pha rol phyin// b+h+rU~M yig b+ha gar sna tshogs 'dus// las dang ngo bor dag pa nyid// byin rlabs skyob phyir yum du brjod// tsit+ta'i khams lnga'i gshi ra la// rdo rje rgyal ba rin chen chos// shes rab rigs ldan bcud kyi gzugs// nges pa 'dzin pa gsang ba'i sngags// de nyid dwangs ma ye shes lnga// ma rig gnyis sogs bzhi po dang// mi phyed phrag dog rdo rje sngags// dbyibs su skyob pa dga' mar brjod// mig sogs rang gi thig le ni// rang gi rtsa bcud thig le bzhi// sku gsung thugs su gnas pa ni// thugs kyi sems dpa' bzhi ru bshad// thabs dang shes rab la brten pa'i// gsang ba thabs kyis bde bskyed pa'i// chags pa'i bde bas bgad pa ni// chags pa'i dam tshig dus yin no// slar yang lan gyis 'brel pa ni// gnyis ka dgyes pa'i mchog tu bshad// ha dang si yi bde sgra dag/ bdag gis chags pa thob pa'o// shin tu bskyod pa'i bde ba nyid// kun nas bskyod pa rlung zhes bya'o// gang du yul la dbang byed pa'i// bde ba bskyed pa'i nus pa ni// byams sogs tshad med rang bzhin no// nges par skyob pa gsang ba'i sngags// gnyis 'dren 'dzin pa zhes bya ste// de nyid phye ba las byung ba'o// me tog bsdus pa'i ngo bo nyid// bdag po'i zhal du thim par bshad// shin tu bsdam pa'i rigs las byung// gsal ba'i ye shes bde ba che// kun gsal brjod dang 'dra ba'i sgra// gnyis med thugs su shes rab sgra// lus kyi chos nyid bde bskyed pa// las bzhi 'jigs pa khro bo ste// rang rang las kyi phye ba yis// rig pa'i rgyal ba nyid du 'dod// dgug pa dzaHyis las byed cing// 'khyud dang gnas pa hUM du 'dod// bsdams shing mi mthong baM yin te// bskyod dang 'bebs pa hoHyin no// rnam shes gsum 'das rdo rje ni// ye shes lnga rdzogs thugs nyid do// dbyings gsum rnam dag 'dus ma byas// kun tu de bzhin gnas byed pa'i// rang nyid 'khor lo'i rtsa 'dod dang// sa bon zung gsum de bde ba'i// nges skyes rang rig gyur pa yis// gnyis 'byung rang rig thub par gsungs// dwangs ma lnga dang nyi zla la// ye shes lnga yi ro gnas pa// gsang ba'i thabs kyis nyams myong ba// gnyis su med par zhugs pa yin// ye shes nam mkha'i 'khor lo de// gsang ba'i thabs kyis 'gugs pa yin// gsang ba'i ye shes bskyod pa'i phyir// rim nas rim par thim par bya// thabs kyis rang byung bde skyes pa// ma skyes rang byung brjod du med// bde chen rang rig mi rtog pa// nges skyes phyir mi ldog par bstan// 'khor lo gsang ba'i gzhal yas khang// lha nyid thig le chen po ste// sku gsung thugs ni bde ba'i mchog/ thams cad zab mo'i rang bzhin no// thabs dang shes rab dbyer med pa// snod bcud rang bzhin sku gsung thugs// gsal zhing thim par gang mthong ba// dbyer med sku gsung thugs thob pa'o// theg chen gsang sngags rang bzhin no// thams cad bde chen thig le'i mchog/ spang grub med pa'i rang bzhin nyid// shes phyir skyob pas sngags zhes bya// phyogs bcu'i sangs rgyas thams cad kyi// ye shes thig le mngon phyung ba// 'khor lo la ni thim mdzad nas// ye shes lnga yi rgyas btab po// mi bskyod byed po yum dang bcas// rdo rje 'dzin pa'i phyag rgya ldan// byams pa sa snying de bzhin no// gzhan dag rang gi phyag rgya ste// gshin rje gshed la rtag par bshad// thub chen rdo rje 'dzin 'chang ba// zla dang bral ba dpa' bo che// rang rang rigs kyi cho ga dag/ rig pa ji bzhin mkhas pas brtags// thun mong thun mong ma yin pa// skye zhing 'byung bas rtsa ba ste// gang skye'i rkyen te de yi sngags// 'jig rten 'das te 'jig rten pa'i// rang rang mthu can byin brlabs pa// brjod dang 'das pa don byed pa/ 'di ni 'das pa don gyi sngags// rang sngags gsang ba gsang chen 'di// kun gyi spyod yul ma yin te// dbang dang man ngag ldan pa yis// yid bzhin nor bu bzhin du 'grub// gnas gsum khyab 'jug yi ge las// 'od zer 'phro ba'i tshogs chen po// khams gsum byin rlabs gzi byin bsdus// rang bzhin rdo rje gsum gnas pa// rgyu gnyis tshul gyis rang bzhin gnas pa'o// rang bzhin thabs kyis byin rlabs pa// gnas gsum gsang ba'i 'phro 'du yis// ma lus khyab pa byin rlabs pa// rdo rje gsum du byin gyis brlabs// lte ba rnam gnyis zla ba la// sngo ljang yi ge swA hA nyid// rjes mthun 'od kyi yon tan las// yan lag rdzogs pa'i gzi byin ldan// rang sems dwangs ma'i thig le nyid// ma lus 'phro 'du'i rtsa ba ste// dpal be'u'i snying po 'od kyi mchog/ye shes snying po'i rang bzhin no// dam pa'i thabs chen kun 'dus bas// rnal 'byor gang yang rung ba yis// bla ma slob dpon mnyes byas shing// dam tshig cho ga ldan pa yis// ji ltar bsgrubs kyang 'grub par 'gyur// dus gsum rgyal bas byin rlabs pa// thams cad bde chen 'khor lo mchog/ gsang chen thugs kyi snying po ste// sgyu 'phrul rol pa thal pa'i rgyud// gsang ba'i dam tshig la zhugs shing// slob dpon bsten cing dbang thob pa// chags pa can gyi gang zag la// rgyud chen 'di dag bstan par bya// gsang ba thabs kyi me long ste// zab mo mngon phyung bshad du gsol// thabs dang shes rab rnal 'byor pa'i// bde ba mchog la gnas 'dod pas// de yi spyod yul bstan pa yin// sgyu 'phrul thal ba'i rgyud chen po las/ gsang ba sngags kyi le'u ste bdun pa'o//// de nas gzhan yang bshad bya ba// gsang ba gsang chen mthar thug pa// de dag khyad par gang yin pa// bdag nyid chen pos bshad par bya// sangs rgyas sku dang gsung dang thugs// gsang ba gsum du bstan pa ste// nyan thos la sogs skal dman pas// yul min ma rtogs don phyir ro// thams cad rang bzhin gang yin pa// bde chen thig le'i ngo bo ste// thog ma tha mar dri med pa// rang byung gsang ba nyid du bshad// gang phyir dman la sbas pa yi// thabs chen gsang ba zab mo yis// thabs chen dngos nyid gsal 'gyur ba// gsang chen thugs kyi rgyas btab pa'o// thabs dang shes rab ldan pa yi// dbyer med bde ba chen po ni// gang gis gang la rgyas btab pa// de dang de yi ngo bor 'gyur// mtha' dang dbus bral rang rig nyid// de bzhin bde ba chen po nyid// gnyis med zung du 'jug pa ni// mthar thug ye shes nyid du bshad// rang gnas thabs kyis goms pa las// dgyes pa chen po'i ngo bo ni// gsang ba yum gyi bdag nyid de// dman pa rnams kyi spyod yul min// rang bzhin phyag rgya chen po ni// bye brag du ma gnyis gnas pa// rang byung rten gyi thig le nyid// lus can kun la rab gnas pa// bde ba chen po'i rgyas btab pa'o// thabs chen spyi yi mtshan nyid ni// steng 'og thabs las 'byung ba yi// rlung dang thig le goms pa yis// rnal 'byor rnams la rgyas btab pa'o// rang byung bde chen dam tshig ni// thabs dang shes rab ldan pa yi// thugs kyi ngo bo mi g.yo ba// phyag rgya chen por yang dag bshad// gsung mchog chos kyi phyag rgya ni// gnyis med bcud las thig le'i rgyun// phyed 'byung brtan pa rang gsal ba// ma skyes don gyi gsung sgrogs pa'o// thabs dang shes rab gnyis med pa'i// rkyen dang thabs kyi phyag rgya yis// ye shes skyes pa'i lam yin te// bskyod cing rgyas 'debs don du 'dod// thabs kyi phyag rgya chen po ni// ma lus lha yi rang bzhin la// thabs kyi bde chen rgyas btab pas// mtha' dbus med par gsal ba las// rang byung thabs dang bcas pa yi// rang rig bde chen 'bar ba yis// thams cad ma lus khyab pa yi// rang rig bde chen phyag rgyar gsal// 'dul ba'i skye bo dpag med la// thabs mchog mos dang 'tshams pa bzhin// bya byed med par rang snang ba// bde ba chen po'i mdzad pa yin// bskul ba'i tshul gyis lan blan pa// 'dus pas sbyar bas nyams skyes pa// thun mong ma yin steng 'og thabs// bskul ba'i rang bzhin bstan pa yin// 'gro ba chags can gang zag la// thabs chen gsang ba 'di bstan pas// me tog la ni chu bzhin du// bde chen 'bras bu the tshom med// rang bzhin dman dang theg pa dman// dbang dang man ngag med pa la// bskal pa bye bar ci bstan kyang// don med ngan 'gror ltung bar 'gyur// gsang yum thabs kyi spyod pa yis// shes rab gsum la nyams sbyar na// skal ldan rnal 'byor pho mo rnams// chos 'dis grol bar the tshom med// tha mal phyag rgya rang 'gyur zhing// lus can thabs kyis mngon sbyar bas// phyi nang snod bcud ma lus pa// bde chen phyag rgyar the tshom med// bde chen las byung 'byung bzlog rnams// bde chen thig les bgrod pa'i lam// gsang ba'i 'bras bu mngon thob lam// bcu drug cha la rang gnas pa'o// nyi zla 'bar ba'i drod gsher las// lus sems zhing sa sa bon las// dngos grub lo thog phun sum tshogs// ma lus kun gyi gzhir 'gyur ba// thig les phyogs cha kun khyab pa// lus can rtsa la rgyu ba nyid// thabs chen ldan pas mngon sum ste// thabs bral lam rgyas btab pa yin// steng 'og lam la goms byas shing// me rlung sems la gsal brtan na// rnam smin snyigs mar bcas pa 'di// rdo rje'i lus 'gyur the tshom med// 'byed dang sdud dang g.yo dang bskyod// 'bebs dang 'dren dang khyab pa dang// gnod dang 'byung sogs las byed pa// bskyod pa rlung gi phyag rgyar 'dod// 'bar dang smin dang bzhu ba dang// gsang dang bde ba zad byed cing// lus gnas la sogs las byed pa// sbyor ba me yi phyag rgya bshad// snga ma'i lam ni goms pa las// 'khor lo 'byung ba'i phyag rgya mchog/ 'dzag dang bsil dang 'byung ba dang// gang dang myang dang 'gags la sogs// bcud kyi gso ba'i thig le'i chu// ma lus bde ba chen po ste// khyab pa rang rig mi rtog pa// rang byung ye shes rgyu 'bras 'das// bde ba chen po nam mkha'i khams// ma lus 'dus pa'i thig le ni// dwangs ma'i snying po bde chen po// gsang ba'i thabs la brten pa yin// ma lus bde ba chen por 'gyur// dwangs snyigs phye ba'i thig le yis// khu ba rtsi yi tshul dag gis// khyab pas bde chen dngos med par// rang byung nam mkha' lta bur bshad// gsang yum snying po 'dus ma byas// bde ba rang rig dngos med gsal// gnyis med thig le 'phro 'du med// mnyam pa chen po chos kyi dbyings// thabs dang shes rab gnyis med pa'i// 'byung ba gsang ba'i thig le ni// mi bskyod rdo rje rtse lnga pa// nyi ma thig le yi ge dngos// rin chen par bu'i nyi lnga la// zla ba'i thig le yi ge nyid// thig le thabs shes lnga gnyis rnams// phrad pa'i dus la rang snang ba'i// phyag rgya chen po'i dngos grub 'byung// dbyings dang ye shes bdag po nyid// oM dang mU~M du bdag po gnas// rang rang 'dab ma'i thig le rnams// rang gi gnas kyis bsnol mar 'gyur// rab tu 'dres par 'gyur ba las// rgyal ba'i ye shes bde chen po// myang phyir thob pa zhes su gsungs// gang du thabs chen las byung ba'i// 'brel ba'i thabs chen mngon snang ba// thig le bzhis bsdus gcig tu 'gyur// rlung gis bsdus par bkan par brjod// zhal gyi lam dag rgyas pa ni// phyag rgya 'bar ba zhes bya'i sgra// zla ba nyi ma bsgribs pa yis// chu skyes rab tu rgyas pa yi// dril bu sgra dang ldan pa'o// phyed phyung tshul gyis gar bskyod pa// ltung ba med phyir brtan par bshad// zla ba thig le rjes mthun par// dril bu phyed kyis 'byor dgyes pa// mtha' gnyis bral ba'i byang chub sems// phyag rgya chen por 'di brjod de// e la baM gyis brgyan pa'o// thabs chen phyag rgya bsam mi khyab// bcu drug bde chen 'gro 'ong med// thig le bde bas rgyas btab pa'o// gsang ba'i thig le chen po ni// yon tan rdzogs pa'i bdag nyid de// ma lus bde bar rgyas thebs pas// thams cad gcig pa'i phyag rgyar gsal// bde chen thig le'i phyag rgya 'dis// ji snyed phyi nang dngos po dag/ nam mkha'i dbyings dang mnyam pa dag/ma thebs pa ni yod ma yin// sgyu 'phrul thal ba'i rgyud chen po las// gsang ba gsum bkod cing rgyas btab pa'i le'u ste brgyad pa'o//// de nas gzhan yang bshad bya ba// thun mong thun mong ma yin pa'i// gsang ba'i dam tshig khyad par dag/ de nas rim par bshad par bya// gang zhig gang gis gang thob pa// lus dang ngag sems ci 'tshams par// bsrung bya ma lus 'dir 'dus pa// de dag dam tshig mdor bshad pa'o// 'khor ba thabs kyis gnyen po sel// sangs rgyas 'khor lo bstod byed cing// dbang bskur thabs kyis thob pa dang// bdud rtsi snying la 'jog pa dang// dam pa gsal bar ston pa dang// slob dpon sangs rgyas mnyam par bshad// mi 'bral srog gis bsdus pa yi// dang po nas gsung mthar thug par// me dang 'od dag gcig pa ltar// rig par sgo gsum bkur bar bya// bla na med pa byang chub sems// rim pa bzhin du bskyed par bya// blangs bstan mthar rdzogs snying po'i bar// brtan zhing nges par gzung bar bya// gsang ba thabs kyi rgyas btab nas// ma lus phyag rgya rang gi lha// sgo gsum bar chad med pa ni// gsung gi dam tshig gsang ba'o// ma lus dam par byin rlob pa'i// rdo rje 'dus pa'i chu bo 'di// skal ldan 'ga' yi spyod yul te// spel na dam tshig nyams par 'gyur// zhing bcu thabs kyis sgrol ba dang// ma byin par ni len pa dang// rdzun du smra bar bya ba dang// gzungs ma dag la sbyar ba dang// blang ba'i dam tshig spyad pa ni// rnal 'byor skyes bur shes par bya// nyon mongs lnga dang 'dod yon lnga// rten dang shes pa la sogs pa// rnal 'byor skyes bus nyams su blangs// 'di ni thun mong dam tshig ste// rnal 'byor pa yis bsrung bar bya// bdud rtsi lnga dang sha lnga dang// 'byung lnga lus kyi bdud rtsi dag/ 'khor lo thabs kyi khyad par dag/ bcud ni gsang bar brten par bya// dka' thub can dang tha mal dang// 'jig rten grags pas spangs pa yi// spyad pa dang ni rten pa dang// rang nyams thabs dang ldan pas spyad// rang lus bcud kyi bdud rtsi yis// rang rig bde chen mi rtog pa// gsang ba thabs chen ldan pa yis// bdud rtsi'i bcud kyis yid tshim bya// nam mkha'i bdud rtsi myang ba las// zag med bde bas khyab pa na// tshe dang mngon shes rdzu 'phrul dang// dngos grub mchog ni 'byung bar 'gyur// bskyod pa rlung gi phyag rgya las// thams cad ldan pas bskul bskyod pas// steng 'og rang bzhin drod bskul bas// 'byung ba drod ldan 'byung ba yis// rang byung bde ba'i 'khor lo rim// thogs med 'byung bar the tshom med// rang byung 'khor lo bzhi'i yul la/ ting 'dzin blta bas gang bskul ba// gnas bzhi thig le bde ba'i ro// gsal 'grub mnyam pa chen por mthong// d+har+m+ma tsakra snying 'khor lo// dwangs ma lnga dang sa bon drug/ rtsa bzhi 'od dang snying po gsum// thugs las 'od byung rim bskul bas// bsreg bzhu rim thim gnas thig le'i// nam mkha'i ye shes gsal bar mthong// rang byung ye shes thig le'i dbyings// rkyen bral thig le med pa ste// thabs ldan 'dzag pas bde ba bskyed// de nyid bde bas thig le'i dbyings// lus ni lha ste bde chen po// dka' thub gdug stsogs bya ba min// 'dod lnga thabs kyi bcud chen gyis// rtag tu thabs kyis mchod par bya// rnal 'byor skabs kyi las ldan la// lus dang dbang po dar ba dang// 'dod rten brtul zhugs ldan pa yi// gang zag pho mo spyod yul yin// thun mong min pa'i dam tshig 'di// dman dang dka' thub dran pa dang// rgas dang rgud dang bya ba mang// 'dod pa bral mtha'i btang snyoms pa// ma rabs rnams kyi spyod yul min// sgyu 'phrul thal ba'i rgyud chen po las// gsang ba dam tshig gi le'u ste dgu pa'o//// de nas gzhan yang bshad bya ba// skal ldan rnal 'byor lam gzhag phyir// rim pa lnga las rim 'byor ba'i// dbang gi khyad par bshad par bya// 'di ni sangs rgyas thams cad ni// dbang bskur gnas pa rmad byung ba// dkyil 'khor slob dpon slob ma dag/ byin rlabs ting 'dzin las tshogs kyis// skal ldan rim par dbang bskur bas// gong nas gong du smin par byed// brgyud pa'i rim pa dang bral na// 'jug pa'i rim pa nyams par 'gyur// 'khor ba'i rgya mtshor ltung bar 'gyur// phyi nang gsang ba'i khyad par dag/ bcud kyi thig le nyams pa yin// ji snyed pha rol bshad pa yis// 'dzin bral rang rig nyid du mnyam// thig le rtsa dang thabs ldan na// rigs dang na tshod lo grangs dang// rab 'bring tha ma khyad par dang// thig le skye ba'i zhing du mnyam// gong du bzhi yi khyad par brtags// rigs dang dad pa lus ngag sems// rim pa ji bzhin brtag par bya// de nas rigs kyi bdag po la// rtsod pa med par blang bar bya// thabs kyi cho gas nan tan gyis// bdag nyid dbang du gyur par bya// phyi nang gsang ba'i sngags rdzas dag/skyon med dag par sbyang bar bya// lus ngag gsang ba'i gnas dag ni// cho ga ldan par byin gyis brlab// gang du dgos pa'i chos mthun ltar// gzung ba'i tshul du brtsam par bya// bar chad ma lus zhi ba'i phyir// bsrung ba'i cho ga brtsam par bya// lus dang rtsa dang lo grangs sogs// ji bzhin ma yin thabs mtshon pas// sor bzhi nam mkha' dbyings kyi bar// nyams kyi tshad kyang bstan pa yin// gru bzhi tshad ldan dkyil 'khor la// ji ltar rgyu ba'i rang bzhin dag/ 'di dag dkyil 'khor mtshon pa ste// mi 'grub mtshon pa legs par bshad// lus ngag phung khams skye mched dag/ bde chen lhar bcas sku gsung thugs// b+ha ga dkyil 'khor rgyan dang bcas// ye shes lnga mtshon bdag nyid do// cho ga sngags dang phyag rgya yis// rang lhar gsal nas gnas lnga dag/ gsal ba'i khyad par ji bzhin du// bdag gam gzhan gyis byin gyis brlab// rang lus ngag sems sku gsung thugs// bskyed pa'i dkyil 'khor rang gsal ba// nam mkha' khyab pa'i byin bsdus te// lus kyi dkyil 'khor byin gyis brlab// gsang ba gnyis kyi dkyil 'khor du// bde ba'i thig le bcud sbyar te// me lha gnyis kyi zhal du bstab// dgyes pa phun sum tshogs par 'gyur// shes rab thabs kyi rtsa gnas su// dra ba'i thig le yi ge nyid// sgyu 'phrul dkyil 'khor gnyis su brlab// b+ha ga 'dus pa'i nyung 'bru ru// khams gsum 'gro rnams bsdus byas te// rtog tshogs dkyil 'khor mngon du bya// phyogs bcu dus bzhi spyan drangs te// sangs rgyas thig ler gyur pa yis// rtse thim bcud kyi thig le yis// bde ba chen por byin gyis brlab// thabs dang shes rab 'dus pa yis// nyi zla rten gyi thig le dag/ sten pa rlung gi thabs bsgyur bas// thogs med lhan cig skyes par 'byung// sa bon rim par 'phel ba'am// tshes nas zla ba bcu drug ltar// bar chad bsal bas goms gyur na// bde chen nam mkha' lta bur 'gyur// rlung gis zin dang ma zin las// chags dang ma chags bde ba 'byung// dug la thabs dang ldan bral ltar// 'ching dang grol bar snang ba yin// gang zhig thabs kyis ma zin par// chags pa'i bde ba gang bsten pa// thar med 'khor ba'i sa bon te// bskal pa bye bar srin bur ltung// ma chags thabs bral 'khor ba ste// chags pa thabs bral 'khor ba nyid// thabs chen ldan pa'i rnal 'byor la// thams cad bde ba chen por gnas// thig le chen po'i rang bzhin la// ji ltar yon tan kun 'dus pas// thabs zin ros ni nam mkha' ltar// thams cad khyab pa'i tshul du snang// rang byung bde ba'i thig le nyid// zin nas gsang ba'i mthar phyin pas// dang po rten can dbang po lnga// bde ba'i thig les rgyas btab la// de nas rten med nyams myong gis// thabs dang 'dzin pa bsam yas pas// thams cad bde chen ngo bor gsal// ji snyed chos kun ma lus pa// rgya mtsho la ni chu klung ltar// tha dad snang ba ma yin te// bde chen thig le'i ngo bor thim// rang byung nyams la brtan thos pas// phyi nang bde chen rang rig pas// shes pa 'jug pa'i yul las 'das// rig pa'i thig le skye ba med// bde chen thig le khyab pa la// rlung dang thig le 'gro 'ong med// 'phel ba med cing 'grib pa med// rgyu 'bras med cing rim pa med// nam mkha' la ni rang snang bzhin// rtog pa'i dbang po dag pa las// dbang yul la sogs gang snang ba// bde ba chen po'i rang bzhin gsal// 'dis ni nam mkha'i mthar thug par// chos dbyings mnyam dang mi mnyam par// bde ba chen po chos kyi dbyings// gsang ba gnyis med dag pa'o// sangs rgyas kun gyi bsngags pa yi// gsang ba'i dam tshig chen po 'di// mu stegs can dang dka' thub can// dman pa'i rigs can yul ma yin// bde ba med pa'i chags bral 'di// nam mkha' la ni myu gu ltar// bde ba chen po thig le nyid// 'byung bar nus pa ma yin no// thig le thabs kyis ma zin pa// gang gis zhen pas de spyad pas// tha mal pa dang mu stegs kyi// log pa'i lam du ltung 'gyur bas// zag pas rgas dang rgud pa dang// nyams dang brgyal dang nad gzir dang// log pa'i gdung bas gzir ba dang// rigs ngan mngal du skye bar 'gyur// rtag tu 'dod la zhen pa ni// de bzhin zhen pas sel bar byed// spong dang 'geg pa sred 'phel te// dbul po yo byad bral ba bzhin// bde chen thig le'i man ngag 'di// rig pa so sor gnas su bstim// bskyod pa ha yis bskul ba yis// bdag nyid chen po lnga yi rgyun// steng sgo nas byung bde ba'i bcud// so so'i bzhi bcu gnyis la thim// kun nas bde ba'i ye shes che// rgyal ba mnyes pa'i mchog tu gsungs// bco brgyad phrag gnyis bum pa dang// drug gnyis gzer gyis sbyangs nas ni// dbang bskur byin rlabs bde thob pa// theg pa chen por dbugs phyung ba'o// dbul ba'i khyad par dang sbyar nas// dkyil 'khor gnyis la brten goms nas// phra ba'i khyad par nas bsam nas// nam mkha'i mthar thug bar du bya// phyi nang gsang ba'i dkyil 'khor du// bya ba'i las rnams mthar phyin nas// 'jug dang nyams rnyed bla ma yis// slob ma'i rim pa smin pa'i phyir// 'jug pa'i cho ga tshul bzhin bya// dkyil 'khor gang dang 'tshams pa la/ 'jug pa'i cho ga rgyas byas pas// bdag gzhan nus pa mthar phyin pas// bde chen lhun gyis grub par 'gyur// bla med dbang phyug mnyes bya'i phyir// rigs sam yang na 'byor pa yi// ser sna spangs pa'i zang zing dag/ phongs pa med pa'i sems kyis dbul// gang du dad dang brtson 'grus dang// brtul zhugs gsum dang ldan pa la// sa bon 'jug dang nus byed nas// bde ba'i dbang ni rim bzhin sbyin// phyag rgya chen po nam mkha'i dbyings// sor bzhi tshad du rang bzhin gnas// bde ba ye shes thugs dkyil 'khor// kha dog dbyibs dang ldan par bya// thabs kyi rang gnas cho gar ldan// 'jug pa pos kyang gsol ba gdab// thabs dang shes rab nyi zla'i 'bru// phra mo gsal ba'i rang bzhin la// rgyal ba'i dkyil 'khor lhun rdzogs pa// gsal bar gnas pa bris pa yin// thal mo zhes bya sdebs pa'i sgra// dbang po yul du rab sbyor bas// phyag rgya chen po nam mkha'i dbyings// brtul zhugs chen po'i dang du blangs// rdo rje mdzub mo'i rtse dag tu// til 'bru nam mkha'i gzhal yas su// ri rab gcig gi phyag rgya dgod// thabs kyi cho ga rab gnas bya// gsang ba'i cho ga lugs su dbul// dbang bsgyur phyag rgya la gnas pas// rang byung thig le rgya tshigs 'grub// bcu drug tshul gyis 'grub pa ni// gsang ba'i yo byad ldan pa yi// gsang ba'i gnas la sbyar brtson pas// zla ba 'phel ba'i rim pa bzhin// bde ba chen po rdzogs par 'gyur// ma nyams thabs dang nyams ldan pas// lo zla tshes grangs rab 'bring gis// dbang bsgyur phyag rgya la gnas pas// rang byung thig le sna tshogs 'grub// bcu drug tshul gyis 'grub pa ni// bdag gzhan bya ba mthar phyin pa// bde chen stong nyid thig le la// rol pa'i thig ler rang shar ba// dgag bsgrub med pa'i tshul gyis snang// bde 'dus ye shes thig le la// mtha' yas ye shes rang snang ba// rang byung thig le bde chen las// ma btsal lhun grub rig 'dzin mchog/ bde chen rig pa las byung ba'i// zhing khams gzhal yas sku gsung thugs// gcig dang du ma las 'das pa// gsang ba chen po'i mtshan nyid do// de nas gzhan yang bshad bya ba// thun mong byin rlabs dkyil 'khor du// rigs ldan brtson 'grus can dag la// rgyal po lta bu gang byin pa// khams bcud bde ba'i lam nyid du// dbu ma bcud ldan mtshan ldan pa// dra ba'i rtsa dang dbang po dang// phung sogs ye shes bde 'khor lo// hUM gi bde ba ye shes bcas// tshogs brgyad rang bzhin ye shes lnga// sngags rdzas dgongs pas gang bslangs pa// kun nas ldan zhing skyob pa yis// sdug bsngal las grol rigs su nges// spyi mgrin snying dang yan lag sogs// rang byung rten gyi thig le las// rigs kyi phyag rgya gsal ldan pa// gnyis med thim pa'i byin rlabs kyis// nus pa lnga ldan phyag rgyar smin// thabs kyi cho ga dbang bskur bas// rgyal mchog rgyas btab phyag rgya'i mchog/ rgyal mchog nyid du grub pa yin// thabs dang shes rab byin rlabs kyis// mi spyod yab yum rol pa las// bde ba gsal zhing dmigs pa la// shes rab thabs kyi phyag rgya'o// rdo rje ye shes hUM tshogs kyis// pad+ma ye shes bsdus 'khyil ba'i// nyung dkar tshad tsam rdo rje sems// rtse nas rtse ru phyin pa yis// rang bzhin chos khams dkyil 'khor gyis// sa bon zung gsum gnyid dang bcas// gnas ngan len pa gsum sbyangs te// dmigs med sems kyi ye shes lnga// gsal bas sa bon tshig pa bzhin// mi skye thabs kyis dbugs phyung ba'o// de nas gzhan yang bshad bya ba// rjes su 'jug pa'i phyag rgya nyid// zil ba'i thig le sngon lam bzhin// bcu drug phyed phyed thig le gcig/ phan tshun bkod pa'i sdom gyis bsdam// bde ba gnyis pa'i ngo bo nyid// gsum pa ye shes dkyil 'khor du// gsal ba'i bshad pa gyur pa'i sgra// rang bzhin 'od gsal dkyil 'khor ro// de nas gzhan yang bshad bya ba// rdo rje nyi ma thabs kyi rgya// phung sogs phyag rgya'i tshogs dang ldan// de zla bsil byed shes rab dngos// dus gcig ro mnyam thig le che// sum cu rtsa gnyis mtshan rdzogs shing// zla ba ye shes lnga bcu drug/ dpe byad la sogs dpag tu med// sems shes mngon par shes dang ldan// sems mtha' 'gro yi rdzu 'phrul che// gnas nas log par thim pa'i sgras// mtha' gnyis ma gos pad+ma can// sprul pa'i gnas nas skye ba yis// bzhi bcu rtsa lnga rdzogs mtha' yas// kun dang gzhan nyid rang gsal bas// bcu gsum ye ge 'khor lo brjod// rgyal ba kun gyi sku gsung thugs// dbyer med thig le ngo bo nyid// dbang bskur lnga yi khyad par te// skal ldan rnams la bstan pa yin// gong du bskal pa bye ba yi// thun mong thun mong ma yin pa'i// sdig pa byas pa gang yin dang// dka' thub sdom pas lus gdungs shing// sdug bsngal nye bar gzir ba kun// dbang bskur thabs kyis tshe 'dir grol// sgyu 'phrul thal ba'i rgyud chen po las/ dbang bskur bar bshad pa'i le'u ste bcu pa'o//// de nas gzhan yang bshad bya ba// thabs dang shes rab gnyis med pa'i// gsang chen lam la zhugs pa yi// lam gyi don gyi brtul zhugs bshad// dpag tu med pa'i log rtog dang// mos pa'i spyod pa'i khyad par ltar// brtul zhugs mtha' yas 'di gsungs so// 'di ltar thabs ldan bde bar gsal// thal ba'i dbyangs la sogs pa yi// ji snyed gdul bya ma lus pa// chags pa can dang log sred can// 'dul ba'i don du bstan pa yin// rang bzhin mnyam pa'i don gcig kyang// rkyen gyis tha dad sna tshogs pa'i// las dang spyod pa mtha' yas kyang// rang bzhin nyid la ldan bral med// rang bzhin ma bcos chos kyi dbyings// log dang ma log mtha' yas pa// gnyis med gsang bar gsal bas na// spyad dang mi spyad mtshan nyid gcig/ nam mkha' rang bzhin khyab pa la// so so'i rang bzhin ma bkag pa// rang rig sems nyid cir yang snang// ngo bo nyid la dbyer med do// ngo bo mi rtog log pa ste// bag chags bkrus pa'i rang bzhin nyid// log spyod 'jig rten zhen pa can// 'di dag log pa'i brtul zhugs pa'o// spang len can dang dgag bsgrub can// gnyen po can dang dka' thub can// khrus dang gtsang sbra gang spyad pa// mnyam nyid bde chen rtul zhugs spyod pa 'di// theg dman log rtog spangs pa yi// byang chub rdo rje can sogs pa'i// bde chen sras dang bcas pa'i don// lta spyod gol zhing log pa ni// rtsi sman rang gi srog gcod ltar// thabs bral spyod pas grol 'dod pa'i// rnal 'byor bdud kyis bslus par 'gyur// gang du rnal 'byor skal ldan pas// thabs bral rnams kyis gang spangs pa'i// dug lnga 'dod lnga la sogs pa// skyes bu thabs kyi pha rol phyin// mi mthun thabs kyis mthun 'gyur bzhin// thabs chen gsang ba'i rnal 'byor pas// sgo gsum bya ba'i spyod pa la// bde chen stong gsum 'gyur med pa// rang lus rdo rje phyag rgya che// gnas shing rtogs te goms pa la// sgo gsum rang bzhin dri med de// thams cad rgyal ba'i mdzad par snang// 'gro dang 'dug dang za dang nyal// gar dang stabs glu bro la sogs// mdzes dang chags dang drag shul spyod// thabs ldan skyes bu'i brtul zhugs nyid// de nas gzhan yang bshad bya ba// rten dang bde ba myang 'dod pas// thabs dang shes rab gnyis med pa'i// thig le don la gnas pa yi// rkyen zla snang ba'i ye shes kyis// thabs kyi bde ba nyams thob nas// gang de gsal brtan bya ba'i phyir// lus ni bcud kyis 'tsho bar bya// rdzas ni thabs dang ting 'dzin gyis// ci bde bar ni gnas par bya// sha lnga dang ni bdud rtsi lnga// bcud dang sbyar ram dngos kyang rung// bza' btung mur ba la sogs pa// 'di dag rtag tu bsten par bya// rgyal ba rnams kyi dam tshig ste// mchod dang longs spyod 'byung ba dang// bsten dang mos pa tsam gyis kyang// sdug bsngal las grol bde chen thob// de nas gzhan yang bshad bya ba// 'dod chags bral ba bde thob cing// bde ba'i thig le rgyas bya'i phyir// 'dod chags thabs kyi spyod pa ni// ma lus thabs kyi 'dul ba dang// rig pa'i 'khor lo bskor ba dang// skyes pa'i yo byad ldan pa yis// rigs bzhin chad pa nus mthu dang// rim pa bzhin du brtag par bya// bcu gnyis bcu bzhi bcu drug ma// bcwa brgyad nyi shu gnyis lnga sogs// yid 'ong lus mdzes kha dog legs// dul zhing blo gros ldan pa dang// rol pa'i thabs la mkhas shing brtson// 'di ni rkyen las me byung ltar// rig pa bzhin du nan tan bya// mdzes shing chags pas blta ba ltar// bzung ba dang ni 'khyud pa dang// sbyor ba dang ni mnye ba dang// 'bud dang dang ba'i sgra 'byin dang// rtog dang 'bebs dang rdebs spyod dang// 'dod dang 'jib dang 'cha' ba dang// rtse dang 'bab dang zhon pa dang// btsugs dang 'byung dang 'jug pa dang// rol pa sna tshogs spyad pa yis// dbang bskur lam la goms 'dod pas// tha mal spyod yul ma lus pa// ma chags pa rnams chags byed cing// de bzhin yid ni rtse gcig 'gyur// de nas yid ni rmongs pa dang// snga ma'i bag chags don la 'jug/ dag pa dang ni 'dus pa dang// chags dang 'dar dang 'dod pa dang// yid gcig pa dang rmongs pa dang// tshims pa 'di ni yan lag brgyad// bde ba chen po 'bar byas nas// rang lus thig les rgyas btab la// gsang ba'i thabs kyis bsten byas la// rang byung lhan cig skyes pa'i nyams// bar chad med par bsgom par bya// thig le dbab dang bzung ba dang// bzlog pa dang ni 'dren pa dang// khyab pa dang ni brtan pa dang// rgya che yun ring spel ba dang// sbyangs pa'i bde chen gsang ba'i lam// shes pa dang ni spyad pa dang// bde chen thig le 'bar 'jug pas// thabs dang shes rab tshogs thams cad// 'byed pa dang ni 'jug pa dang// 'bar dang 'dzag dang thim pa dang// khyab cing rgyas par bstan pa las// rnam smin bde chen yid kyi lus// rdo rje ye shes lus thob pas// thabs ldan lam la bar chad med// rdo rje 'dzin bdag rigs kyi gtso// bdag po'i rigs la tha dad med// gang du dbye ba sna tshogs pa// mos pa gdul bya'i don du snang// ngo bo bde ba chen por snang// de nas gzhan yang bshad bya ba// thig le 'gro 'ong med pa'i lam// lam gyi khyad par gang bstan pa// dpa' bo thabs kyi lam rnyed nas// bar chad nyams kyis bsal nas kyang// mthar phyin lam la gnas kyi bar// bde chen 'phel 'grib med par bsgom// shes rab thabs kyi nyams ldan la// rang rig thabs kyi bde thob nas// gnas pa thabs kyi bar chod byed// thig le rlung la dbang thob pas// 'gro 'ong 'phel 'grib cha dang bral// bcu drug cha shas 'phel ba ltar// rig pas mthar phyin lhun gyis grub// thabs dang shes rab gnyis med pas// dbang gi nyams la brtan pa yis// nyi zla 'gro 'ong brtan gyur na// ma lus lhan cig skyes par gsal// re re gzung dang bskyel ba dang// thig le'i rkyang dang zung sbyor du// 'dren dang bzlog pa'i khyad par ni// byed pa sdom pa'i thabs kyis gsal// yab yum thabs kyi dbye ba dang// yang na thabs kyis 'dus pa dang// blta dang snyan dang brtse ba dang// rol pa nyams dang sbyar ba ste// rang nyams slob dpon dag gis bstan// gdul bya chags can log sred can// mthun pa'i thabs kyis 'dul ba'i phyir// thal ba'i dbyangs sogs 'dus pa la// thabs chen brtse ba'i tshul gyis ni// sgyu 'phrul dra ba mngon rdzogs pa'i// thal rgyud chen po bshad pa yin// 'di ni brtul zhugs chen po yi// thabs dang shes rab ldan pa yis// rtogs goms thabs la nyer gnas shing// rdzas dang yo byad bcud ldan pas// nyams ldan bar chad med par brtsam/lhun gyis grub pa nyid du 'gyur// sgyu 'phrul thal ba'i rgyud chen po las/ rig pa brtul zhugs bstan pa'i le'u ste bcu gcig pa'o//// de nas gzhan yang bshad bya ba// sgyu 'phrul dra ba mngon rdzogs pa'i// gsang chen thabs la nges 'jug pa// 'di ni yang dag bshad par bya// sgyu 'phrul thabs kyi rang bzhin te// dra ba shes rab zab mo'i dbyings// gnyis med 'brel ba'i bde chen po// rgyud kun gyi ni rgyal po nyid// phyi nang snod bcud ma lus pa// bde chen thig ler rang gnas pa// lung dang man ngag ldan pa yis// dngos po ji bzhin rtogs par bya// dad dang dam tshig kun ldan zhing// slob dpon mnyes shing dbang thob pas// brtson 'grus thabs la mkhas pa yis// sgyu 'phrul dra ba'i las la 'jug/ thabs kyi bdag po phun sum tshogs// 'gro ba rnams ni bde ba'i phyir// longs spyod chen po kun ldan pas// rgyal mtshan chen por bzhugs pa yin// de la mnyes pa kun byas nas// thabs chen gsang ba'i don thob pas// sna tshogs bya ba kun spangs nas// bde ba chen por don 'jug pa// log lta can dang dka' thub can// dbang po ma tshang ma smin dang// dbang po rgud pa kun spangs te// 'dod pa longs spyod lnga ldan pas// dga' ba dang ni spro ba dang// dka' thub 'tsho ba med pas 'grub// bsam pa'i yul ni sna tshogs te// sems can bsam pa'i bye brag gis// bsam gyis mi khyab gang bstan pas// de phyir thabs ni sna tshogs yin// rang bzhin thig le kun gyi bcud// thabs dang rkyen gyi sbyor ba yis// tha mal ba dang 'jig rten pa// thar pa'i bde bar snang bar mdzad// lus can kun gyi bcud yin no// brten pa lus kyi rang bzhin la// rgyu ba gzhi snod rtsar bshad de// gnas pa thig le bcud nyid de// bskyod pa rlung du shes par bya// 'bar ba'i me yis gsal byas na// bde chen byang chub sems su 'gyur// rang rgyud pa dang log pa dang// mi shes pa dag kun spangs te// thabs kyi sbyor ba goms pa yis// tshe 'dis sangs rgyas thob par 'gyur// gzhan yang bskal pa bye bar yang// gsang ba'i lam du mi 'grub ste// chags pa med pas dbang mi thob// dbang med bde ba mi 'byung ste// bde ba med pas sangs rgyas kun// mi 'grub nam mkhar myu gu bzhin// bde bas 'khor lo bzhi dag la// bya ba gzhan spangs rtse gcig gnas// 'byung ba lus dang rig pa sems// brten pa'i snang ba'i chos nyid rgyud// thog ma tha ma med pa'i bar// mthar thug bar ni nan tan bya// dam tshig dbang ldan rnal 'byor pas// chags lam dbang thob rab 'bring gis// mos pa'i tshad dang sbyar nas ni// ji lta bar ni nan tan bya// gnas pa dang ni rgyu ba dang// dwangs snyigs dbye bas shes bya ste// gnas pa'i srog gi rten can ni// mi shigs thig le shes pa'i gnas// gang gnas rab tu gnas pa ste// gzhi zhes dang ni bshad pa yin// rgyu ba dwangs ma nan can dang// phyi rol snyigs mar shes par bya// phyi nang 'phro ba bcu gsum te// dus tshod dbye bas shes pa yin// gnas pa gcig dang rgyu ba bdun// shes pa'i bye brag bstan pa yin// snyigs ma tha ma rlung nyid ni// bde dang sdug bsngal btang snyoms pa// gang du khyab dang chags pa dang// dpa' bo sel bar byed pa ste// gyen dang thur dang thad ka dang// mnyam par rgyu ba shes pa yin// nang du rgyu ba gcig yin te// lhag ma phyi rol shes par bya// thabs kyi dngas ma zhes bya ba// rlung gsum thabs kyis nang bzung cing// steng 'og rgyu ba gcod par bya// rlung gis snod kyi sgo phye nas// thig le rlung du 'dres pa des// snyigs ma'i rtse mo nas brtan pas// dngas ma'i rtsar zhugs bde ba 'phel// bde ba chen pos lus gang nas// mngon shes rdzu 'phrul snang bar byed// rlung sems bde ba thig ler thim// thog ma tha ma med par thim// bde chen de bzhin nyid du snang// rang byung 'khor lo bzhi brtas pas// nyi mas 'khyags pa bzhu ba ltar// thig les lus kun khyab byas pas// gsang ba'i ye shes mngon du 'char// me rlung thabs kyi sbyor ba yis// g.yas g.yon thabs kyi thig le bskul// sprul pa'i 'khor lor bzlog bzung bas// nam mkha'i ye shes cir yang gsal// nam mkha'i dkyil 'khor bzhu ba yis// bdag lus khyab par byin brlabs pas// thams cad bde ba chen por gsal// thabs dang shes rab tshad ldan pas// byin rlabs thabs la mkhas bya ste// dbang po lnga yi sbyor ba yis// thabs kyis khyad par ci rigs par// rang rig nyams kyi bde chen ni// 'phel 'grib med par bsgom par bya// chags pa dang ni med pa dang// 'dzin pa la sogs spang bar bya// gang du thabs kyis sbyangs pa las// sprul pa'i bde ba lus su smin// lus de bsam pas rtse gcig bsgom// ma goms bde ba rkyen gyis bskyed// chu rgyun bzhin du nyin mtshan bsgom// dus gsum nyin mtshan lo zla ru// sems ni thig le brtan pa ni// rten gyi thig le mi 'dzag cing// 'byung 'jug med par bde bar gsal// thams cad ro gcig thim par 'gyur// gang phyir snang ba'i rang bzhin ni// nyi 'od chu rlabs ji bzhin du// ma lus bde ba chen po ru// thams cad gsal bar brtan pa dang// de nyid bde bar thim gyur na// bde chen thig le spros med brten// lo dang zla grangs kyis gnas na// slob dpon gong mas thabs sbyor bas// yun ring rgya che zag med pas// rnal 'byor byin gyis rlob par 'gyur// bskal pa brgya stong khri 'bum dang// bye ba ther 'bum la sogs par// 'khor yug stong gsum brgya stong phrag/ gang gA'i klung sogs mtha' yas shing// nam mkha' mthar thug bar du ni// bsgom dang ma bsgoms bar chad med// lhun gyis grub par gsal bar 'gyur// thabs dang shes rab dbang rol gyis// seng phrug lta bur byin brlab pas// rang rig bde chen bsam mi khyab// nam mkha'i mtha' mnyam me long la// bde chen yon tan rang shar ba// rang byung rang snang 'ba' zhig las// bya dang byed pa cung zad med// rig pa'i me long stong pa la// sna tshogs chos rnams shar bar zad// rang rgyud dag pa'i rang rig la// che ba'i yon tan rang snang ba// 'phel 'grib res 'jog mi gnas te// thog mtha' med pa'i sems dpa' che// nam mkha' dag dang mnyam pa'i gnas// rdo rje sems dpa' rtag tu bzhugs// thog ma tha ma'i dus med par// mnyam gzhag med cing rjes thob med// bde ba chen por rtag tu brtag/ sgyu 'phrul thal ba'i rgyud chen po las/ gsang ba thabs la 'jug pa'i le'u ste bcu gnyis pa'o//// de nas gzhan yang bshad bya ba// thabs bral log par 'khyams pa rnams// gsang ba'i thabs kyis grol bya'i phyir// rim pa bzhin du bshad par bya// sangs rgyas kun gyi thabs 'chang zhing// zhi zhing dul ba snying rje ldan// zab mo thabs kyi gter dang ldan// dbang dang man ngag ldan pa dang// rgyu dang 'bras bu la sogs pa// khyad par bye brag ma rmongs pa// 'di ni sangs rgyas bcom ldan 'das// 'gro ba 'dul phyir bzhugs pa yin// dad pa dang ni dam tshig dang// shes rab snying rje phun sum tshogs// brtson 'grus gtong phod che ba ni// pad+ma'i rigs su shes par bya// bud med chags pa che ba dang// de bzhin skyes bu dar la bab// lang 'tsho bde ba phun sum tshogs// gsang ba thabs kyi snod mchog yin// 'dod pa bral dang ma ning dang// ma smin pa dang dka' thub can// log par 'khyal zhing mi 'jug pa// gsang sngags thabs las 'das pa yin// gzhan yang dad pas sgor 'jug na// rigs ngan dag dang kun tu rgyu// zhe sdang can dang gti mug can// 'dod chags nga rgyal phrag dog can// mtshams med pa dang rkun po spyod// ma byin len dang mi tshangs spyod// rdzun du smra dang ngag 'khyal can// phyin ci log pa spyod pa rnams// 'dod chags can gyi gsang sgo 'dir// spyad pas gnyis med 'grub par 'gyur// thabs chen gsang ba'i nges sgo 'dir// ngan song ngan par spyod pa yang// tshe 'dis 'bras bu thob 'gyur na// gzhan lta smos kyang ci zhig dgos// 'on kyang dam tshig nyams pa dang// gsang ba'i don la skur pa 'debs// snying nas slob dpon spangs pa dag/ brtson 'grus thabs kyis ci bsgrubs kyang// tshe 'di'i bde ba yod min na// thar pa'i go 'phang ji ltar thob// gsang ba'i gsang chen rgyud 'di ni// dbang bskur thabs kyi don mtshon nas// rin chen gter dang sgron ma bzhin// ma lus ye shes snang bar gsal// dbang dang thabs kyi don bral na// dka' thub dman pa'i tshad ma dang// mtshan ma'i cho ga la brten pas// bskal pa bye bar 'grub mi 'gyur// thabs chen gsang ba la gnas pa'i// dbyer med don la gnas goms na// dka' thub gdung ba bya mi dgos// khrus dang gtsang sbra de bzhin min// slong mos 'tsho ba rnam par spang// thun mong thun mong ma yin pa'i// gsang ba thabs kyis bder bsgrub na// tshe 'dir sangs rgyas 'grub par 'gyur// 'khor ba'i ma rig mun khang na// bde chen rmad byung gter gnas pa// dbang dang man ngag bdud rtsi yis// mngon du 'char bar mthe tshom med// rgyal ba kun gyi thabs ldan pas// sgyu 'phrul dra ba'i don chen po// ji ltar dug gis dug sel ltar// dman la thabs de yod ma yin// phyi rol thun mong gang zag la// nyi mas mun pa sel ba ltar// dad ldan rigs nges gang zag la// thun mong thabs kyis 'grub pa yin// ji ltar nang gi btson khang la// nyi mas mi snang sgron mes sel// bskal pa bye bar bsags pa yi// sgrib pa thabs kyis mngon du sel// 'khor ba'i las dang nyon mongs kun/ thig le nyams dang ldan dus su// gang yang gnas pa ma yin te// thams cad lhan cig skyes pa nyid// bde chen 'gro ba kun khyab cing// 'gro ba kun gyi snying la bzhugs// lus gnas lus la mi gnas shing// ngo bo nyid la tha dad med// bde ba chen po thig le nyid// rgyu dang 'bras bu las 'das pa'i// rtag min chad min kha dog bral// mtshon pa'i dbyings brjod kun dang bral// gzhi rtsa 'das pa'i snying po ni// dngos dang dngos med gnyis ka min// de bzhin nyid kyi snying po ste// rtog ge pa yi yul ma yin// gsang chen thabs lam bcud kyi mchog/ thabs dang shes rab ldan gyur cing// thig le thabs kyis bder zin pas// ma lus bde chen gang bar 'gyur// ma lus bde ba chen po'i dbyings// chos nyid gsang ba'i rang bzhin la// 'phel ba med cing 'grib pa med// stongs dang bde ba las 'das shing// rang rig byang chub sems nyid de// rtsa bcud thig le don dang 'brel// gsang ba don gyi dbyings las 'byung// rten gyi thig le 'gro 'ong med// des na sems kyi thig le la// phyi nang steng 'og cha shas med// thig le bde ba chen po nyid// cil yang ma gnas mi gnas pas// bsam brjod shes pa'i yul las 'das// sgyu 'phrul thabs kyi rang bzhin te// dra ba shes rab tu bstan pa// gnyis med 'brel ba gang ma yin// thabs chen theg pa gang bshad do// bye brag sum cu rtsa gnyis kyi// ngo bo bsdus pa'i snying po bzhin// steng dang 'og gi tshul gnas shing// thabs dang shes rab tshul dag gis// sku dang gsung thugs rang gnas pa'i// lus can kun la khyab par gnas// bcud dang ldan pa'i snying po 'di// rten pa thabs kyi sbyin pa yis// gsang ba le lo med bsgrubs na// bde ba'i ye shes 'char bar 'gyur// ma lus gsang bas don mthong na// dngos por gnas pa ma yin te// chu shing snying po ltar gnas shing// de bas thig le rang bzhin med// lus med thig le ma dmigs te// bde ba chen po rang bzhin med// gang la dngos med de bzhin nyid// thog ma tha ma med pa yi// rang byung dngos po byang chub sems// ma nor rtog pas 'khrul pa zad// bde ba chen po gsang ba'i don// rtogs nas mngon du goms byed pa'i// rang lus gnas pa'i mtshan dpe ltar// gzhan du tshol ba 'khor bar 'gyur// rang gnas thabs kyis mtshon pa'i lung// snying po nyi ma thabs kyis shes// gzung 'dzin bde chen ngang la nub// rang lus thabs kyi gter gyur pas// dbang dang man ngag med pa yis// smig rgyu chu la 'dzin pa ltar// rtog ge dman pas shes mi 'gyur// thabs chen theg pa'i don 'di dag/ slob dpon thugs la gnas pa'i phyir// lus dang longs spyod rgyal srid kyis// bsten dang don 'di shes par bya// le lo spangs pa'i brtson 'grus kyis// gang la chags pa med bzhin du// 'dod pa'i longs spyod med pa bzhin// bde ba chen po ldan bzhin du// rig 'dzin sa la gnas bzhin du// sa bcu'i dbang phyug lhun grub la// thabs chen 'brel bar dbang bskur na// rgya mtsho dwangs pa'i gza' skar ltar// byin rlabs yon tan rang la 'char// gsang ba'i gsang ba lhag pa'i rgyud// zab mo rgyud kyi phyi ma ste// dman pa'i dngos grub cho ga spangs// 'di ni gsang chen snying po'o// sgyu 'phrul thal ba'i rgyud chen po las/ gang zag thabs kyis gzung ba'i le'u ste bcu gsum pa'o//// de nas gzhan yang bshad bya ba// 'dod pa can la chags spyad pas// dngos po zhen pa las grol ba'i// g+ha na'i rim pa bshad par bya// gang zhig gang la dga' ba ste// log pa'i thabs kyis mi 'dul te// rnal 'byor thabs ldan skyes bu yis// cha mthun thabs kyis gdul bar bya// gang la chags pa'i klong 'chang ba// de nyid thabs mkhas blo ldan pas// chags pa sbyor ba mkhas pa yis// blo ldan rnam par grol bar 'gyur// gsang ba sbas pa thabs mkhas pas// blo ldan mun pa'i mar me ltar// gsang ba'i thabs chen sgyu 'phrul gyis// ma lus bde chen snang bar 'gyur// phyogs bcu'i sangs rgyas thams cad ni// sgyu 'phrul dra bar shes bya ste// thabs dang shes rab rang bzhin gyis// skyes pa bud med ngo bor btags// 'di ni bde skyed btsun mo ste// lha mo dang ni rig ma dang// mi yi bu mo blo ldan pas// tha mal rtog pa zhi byed cing// thabs chen lam la mkhas pa yis// ye shes snang ba 'byed par 'gyur// bltas pa dang ni brtags pa dang// thos dang reg dang 'grogs pa yis// zhen dang log cing bde bskyed de// dran pas sdug bsngal sel bar byed// de byed mu dra rigs brtags pa// pad+ma nI yi mtshan nyid ni// dmigs pas bshad pa 'di lta ste// bzhin dang spo yang bzang ba ste// mig rtsa dmar zhing so yang dmar// sen mo zangs kyi mdog ltar dmar// sna legs rtse mo zur phyin cing// mig mchu ring la ngang pa'i sgros// sku mdog mthing ga lcang lo can// ngo mtshar mdzes shing spyod lam mkhas// rkang lag mthil dmar kha dog bzang// pad+ma'i dri can pad+ma dga'// dkar 'dzin phra la zlum pa ste// che chung med par mnyam pa'o// brla chung sdong po bzhin du sra// mig tshigs zlum la mi mngon zhing// lus smad je phra 'dug pa'o// hasti nI yi rigs smos pa// brtags pas mtshan ma shes bya na// gdong pa chung la zlum pa dang// ro stod che zhing mnyam pa'o// brla 'jing byin pa sbom pa'o// skra yang sbom la skad che ba// so rags mtho la ring ba dang// kha nas ban glang ngad ldang zhing// kha zas che bar za nus pa// nga rgyal can la smra ba nyung// dkar 'dzin rtse mo g.yas g.yon dgye// rtse mo brlang zhing 'jigs pa med// mig phra gting ring 'gying bag can// shang kha nI yi rigs bshad pa// legs par brtags shing mnyam blangs pa// byad ngo chung la mig ring ba// so mnyam rno la dam pa'o// nu ma 'bur la rtse mnyam pa// lus kyi sha yang che chung ran// mgrin pa rna rgyud ring ba ste// rkang lag skra yang ring ba ste// mchan khung sbom la zlum pa ste// gos dang rgyan sogs dmar la dga'// kha zas sha dang nya la sred// sha ta nI yi rigs sbom pa// legs par mtshon cing brtag bya ba// lus kyi dbyibs chung tshang ra chung// dkar la sha srab bzhin 'dod la// dkar 'dzin shrI pha la 'dra// lus ran bzhin lus g.yas su yo// b+ha ga chung la rub pa ste// sna tshogs ri mos mtshan la dga'// khro la 'thab cing brlang tshig smra// sngags dang rdzas dang thabs stsogs pas// dgon pa bar chad med pa'i gnas// snga dro phyed dang snur dman dang// dgongs ka'i dus su dgug par bya// nang lus b+ha ga pho brang dbyibs// spyi dang khyad par brtag par bya// gang du bde skyed rten gyi dbyibs// yo ba dang ni sla ba dang// rtsa ngan 'phel kha che ba dang// rtsub gang zlum mtho 'dzag pa dang// 'gyur dang mi legs dman po dag/ de bzhin spang bar shes par bya// rtsa med pa dang shes pa dang// rtsa ngan pa dang yo ba dang// kha ma pa dang thung ba dang// phra dang nub pa med pa yang// spang bar bya ba rab tu bshad// sra ba dang ni 'phang mtho dang// rtsa ldan drod che ska ba dang// mi 'gyur ba dang zlum pa dang// gting ring 'jam zhing cung zad dam// pad+ma'i snying po bzhin du zlum// shin tu chung la spu nyung ba// bzang po'i rigs dang mtshan du bshad// 'gugs dang bskrad dang gsang ba dang// rgyas pa'i ro dang sbom pa dang// rang bzhin bzang dang nus pa che// bcos su med pa bzang por bshad// gong du gzhan gyis dbang byas dang// dka' thub can dang ngo tsha can// gtsang sme can dang rang bzhin dan// g.yangs pa yis ni 'grangs pa dang// gnad dang gnyid dang snyings snyigs kyang pa dag/ nus pa med pas spang bar bya// gal te bde bskyed chags 'dod na// chags pa'i glu dang gar dag dang// bza' btung blta dang chags pa'i gtam// ci legs pa yis spyad par bya// steng 'og 'khyud pa gnyis yin te// blta dang gzhib dang 'dzin pa gnyis// reg pa de bzhin shes par bya// thabs dang shes rab tshul gyis so// nu ma de bzhin mig gnyis dang// sna dang 'gram pa chu so dang// brla dang lte ba b+ha ga la// dgyes pa bskyed phyir 'o bya'o// mchu dang nu ma'i gong gnyis dang// mchan khung 'bur gnyis mkhur tshos la// bud med dga' ba bskyed pa'i phyir// mi drag par ni sos gdab bo// mchu gnyis bar du mchu gnyis dag/ blta bzhin yun ring gzhib par bya// nu ma gnyis dang 'bur gnyis dang// brla dang nu ma mkhur tshos skyed pa ru// brtse dang chags pa bskyed pa'i phyir// sen thabs bcas pas reg par bya// gsang ba'i stod kyi gnas gsum du// sked pa'i gnas gsum bcu gnyis dang// mchan khung rtsib logs rgyu zhabs su// tha mal tshul gyis drud par bya// srin lag thabs kyis bskyod par bya// reg dang 'phro bas yid 'pham pa// de tshe rtags ni 'byung bar 'gyur// rtse gnyis 'phrad pas bde ba che// gang la rang dbang med par ni// 'khor ba'i srid pa rang thim 'gyur// b+ha ga pad+ma'i snying po la// rdo rje thabs chen bskyod pa yis// gsang ba'i thig le bcud kyi 'bru// rtse nas bzung bzlog sbyangs pa yis// dbang po yul dang rnam shes kun// bde ba chen po'i gzugs su skye// 'di tshe bar chad med pa yis// mthar thug gsang ba'i ye shes 'grub// dbang dang man ngag sngon song bas// yon tan bcu dang rab ldan zhing// yid 'ong rigs bzhi thig le ni// pad+ma nI dang hasti nI// shang ka nI dang tsa ta nI// lo grangs bcu drug lon pa la// nub phyogs 'og min bde ldan du// ma chags pad+ma gdan bting ba// nyi ma shar ba'i gzhal yas khang// nyung dkar tshad kyi bum pa ni// yon tan tshad med gter dang ldan// las dang ngo bo tshad dang bral// bdag nyid ngo bo can ldan pas// bcu drug bzhi chas bde bskul bas// gnyis ka'i gnas su yab yum dag/ phyag rgya dgu gnyis tshad mas gdab// sa ya bcu gsum gnyis kyi bcud// bskyod bskul bro gar thabs kyis gdags// nyi zla dus gcig 'dres shar ba// de nyid bzhi la slar bsdus na// dang po spyod yul thams cad kun// bcu gsum phyag rgya'i dkyil 'khor gsal// rgyu ba yid dang dran rtog chad// thig le bde chen 'gro 'ong med/ sgyu 'phrul thal ba'i rgyud chen po las/ b+ha ga bshad pa'i le'u ste bcu bzhi pa'o//// de nas gzhan yang bshad bya ba// zhe sdang can gyi gang zag la// gnyen po thabs kyis mi 'dul ba// thabs chen gsang ba bshad par bya// nongs par spyod dang log sred can// dam nyams log dang 'khu ba dang// bla ma mchod dang dkon mchog dgra// dam dgra ngan pa'i ngang tshul can// yongs la gnod dang 'dus par 'ongs// bla ma grogs kyi yum phrog cing/ tshogs kyi yo byad rku 'phrog byed// gsang ba 'jigs pa'i las byed pa// dam tshig dam chos dmod pa dang// lha dang mi dang ngan 'gror bcas// thams cad bsgral ba'i zhing du gsungs// bdag dang gzhan la phan pa'i phyir// chos kun ro gcig nyid gnas shing// mnyam nyid rig pa'i rnal 'byor pas// sdug bsngal rgyu 'bras gcad par bya// byams dang snying rje ldan pa yis// thar pa chen por dgod par bya// drag shul thabs kyi sbyor ba yis// mnyam nyid zhi la dgod par bya// thabs dang ldan pa'i lcags kyu yis// 'khor ba'i phung po bkug nas ni// thugs rje'i lcid dang ldan par gnan// shes rab mtshon cha ldan pa yis// nyon mongs 'khor ba'i rgya dral te// chu shing sdong po kha phye ste// ma rig mun pa snang bar byas// de nyid ye shes 'od kyis sbyang// 'byung ba gsum gyi thabs kyis sbyangs/ raM yaM khaM/ ma bskyed nam mkha'i rang bzhin la// 'byung ba'i rkyen gyis mi 'jig ltar// skye med sems kyi rang bzhin la// mtshan ma'i rkyen gyis 'jig pa med// gsal ba nyi zla'i gdan steng du// a las hUM gi sbyor ba yis// tshon gang 'od kyi sems dpa' che// sbyor ba rlung gi cho ga yis// 'og min gnas su s+pha ra yaM// dbyings su bskul bas the tshom med// gnyis med thim pas 'dres 'gyur te// rgyal ba'i sras 'gyur rdo rje sems// gnyis su med par dbang bskur te// bdag dang gzhan don mthar phyin to// phung lnga 'dod pa'i yo byad lnga// dur khrod sna tshogs las grub pa// mchod pa'i sprin ni rab 'byams kyis// ma lus khyab par spro bar bya// bdag dang gzhan la phan pa'i phyir// byams dang snying rje ldan pa yis// dpag med log par 'khyams pa rnams// thabs kyis ma skyes sa la bkod// 'chi ba med pa'i chos skur thim// bde chen sa la sbyor bar rigs// bde lam 'di las gzhan med do// a yi rang bzhin thog mtha' med// ta la pa yi mngon mtshan pas// rtog pa 'dod pa'i spyod pa yis// ma lus mnyam pa nyid du sbyor// a las dbyug btags dkar ldan sgras// ma lus mnyam pa nyid du sbyar// gsang ba de nyid nges pa yis// phyag rgya snying po ting 'dzin gyis// sgyu 'phrul dra ba gnyis med pa'i// go 'phang tshe 'dir 'grub par nges// chags pas sdang ba grol byed pa// mun 'gyur sman dang bdud rtsi ltar// dka' thub tshegs dang bral ba yi// thabs dang shes rab 'brel ba yi// gsang ba'i thabs la legs goms pas// nyi zla 'dres dang rtse zin par// thig le zhe sdang bde bar thim// gsang ba de dag gnas pa na// nyon mongs dran rtog ma lus pa// mun pa la ni snang ba bzhin// gsang ba thabs kyi snang bar 'gyur// 'dod chags sdang ba'i gang zag gis// thal ba'i rgyud la legs goms pas// 'dod chags ma la 'dod spyad pas// zhing khams bde ba 'phel bar 'gyur// sangs rgyas kun dang mnyam pa yi// bde chen thig le khyab par ro// lus gnas lus las ma skyes pas// thams cad lhan cig skyes par gsal// phra las shes rab pha rol phyin// skyes bu thabs dang nus pa yis// rigs nges gsum dang ldan pa la// thabs kyi sbyor ba de bzhin brtsams// chags pa spyad dang rlung gi thabs// dang po'i las can dga' bya'i phyir// mi yi bu mo la spyod pa// 'di dag thig le bzung phyir bsten// ting 'dzin ye shes lha mo la// brten pas sems kyi bde ba 'byung// rgyu 'bras zag pa khu ba med// rtsa dang rlung dang thig le la// brten pa med cing 'dzin pa med// yid dang ting 'dzin ye shes kyi// gang yin lha mo la sbyar bas// bud shing me ltar rang tshig cing// zag pa med pa'i bde chen po// snang ba 'di las sa khams dang// dus khams zhing khams nam mkha'i khams// bde ba chen pos khyab par 'gyur// nam mkha'i dbyings kyi mthar thug par// gsang ba'i sa gsum ma lus pa// thabs kyis zin dang ma zin las// 'phel 'grib zag pa yod min dang// 'ching grol khyad par sna tshogs snang// thabs dang skyes bu'i khyad par las// ma lus bde mchog sgyu ma'i phyir// gang yang mi bya ba med de/ thams cad rgyal ba'i mdzad par gnas// pad+ma thabs dang 'dus pa las// dbang po rnam shes yul las sogs// tha dad grol bas rang log ste// lhan cig skyes pa'i ngo bor gsal// lus dang sems dang ye shes kyi// brten pa gsum la mnyam sbyor bas// 'du shes kun las rab grol te// thams cad bde ba chen por smin// shes rab pad+ma'i me long la// rdo rje gsang ba'i thabs bltas pas// bde ba chen po'i gzugs brnyan tshogs// mtha' dbus med par rang bzhin snang// bde ba chen po'i rang bzhin ni// snang ba ma yin mi snang min// mtha' dbus zhen pa las 'das nas// thams cad bde chen mnyam pa nyid// shes rab gsal ba'i me long la// skyes bu thabs kyis bde gnas shing// skyes bu thabs kyis bzla ba la// shes rab mig gis gang bltas pa// zhen btags snang ba'i mun pa rnams// thabs chen snang bas khyab par 'gyur// sbyor bas snang ba kun bsgral zhing// bsgral bas skye med dbyings su sbyor// gnyis med rtogs pa'i rnal 'byor pa// pad+ma la ni 'dam bzhin no// gang du nyams dang ldan pa yis// gang du bskul lam mi gsal na// rang gi tshad dang ldan par du// glu dang rtsed mo gar dag dang// phyi rol chags pas 'bar byas te// bde chen yid kyi yul la blta// 'grogs pa dag dang dmigs pa dang// goms las ye shes phyag rgya gsal// lhan cig bde chen rim skyes pas// gnyis med bde ba thabs kyi ro// bcu drug rgyun dang 'bab chu ltar// goms pa'i stobs kyis mthar phyin 'gyur// gsang ba'i thabs ldan gang zag ni// 'khor ba thabs kyi zhing gnas kyang// rtogs goms thabs kyis gang zin pa// mi ldog de nyid pha rol phyin// thabs chen sgyu 'phrul dra ba las// thabs chen gsang ba 'di gsungs so// skal ldan mchog gi spyod yul te// dman dang rigs chad yul ma yin// sgyu 'phrul dra ba'i rgyud chen po las/ thabs chen po bstan pa'i le'u ste bco lnga pa'o//// de nas gzhan yang bshad bya ba// rang bzhin thabs kyis mngon byas pa'i// las kyi khyad par snang ba yi// rim pa 'di ni bshad par bya// thams cad rang byung byang chub sems// kun gyi gzhi rtsa stong pa nyid// ma skyes pa nyid skye ba ste// 'di la phyogs ris kun las 'das// kun nas cha shas spang bral ba'i// ma dmigs mi dmigs dmigs su med// byang chub sems kyi rang bzhin nyid// phrin las kun gyi ngo bor snang// thams cad thig le chen po'i ngang// phyogs med rang byung thig le la// mi mthun dri ma rdul med pa// ma bcos zhi ba chen por bshad// dngos med rang rig byang chub sems// rang byung rang snang ngo bo nyid// mtha' dbus med pa'i ngang tshul gyis// nam mkha'i khams ltar gnas pa'o// thabs cig tu ni gnas pa na// bya dang mi bya la sogs pa// gnyis med thig ler rang gnas pa// rig pas rang rgyud nyid du 'dus// ma skyes stong pa'i rang bzhin la// dngos dang dngos med 'jigs med 'jig pas na// thogs pa med par pha rol phyin// ma lus par ni 'jig par 'gyur// rang rig stong pa'i gzugs brnyan ni// mi shes thig le'i rang snang ni// dwangs ma rtsa bzhi 'od dang bcas// rang bzhin las dang nus par bcas// tha dad med pas nang du bshad// 'jig rten 'jig rten 'das pa yi// spyod yul bral ba'i gsang ba ste// b+ha ga bde ba chen po nyid// yi ge bzhi ltar rang gnas pa// thabs dang ldan pas rtogs 'gyur gyi// dman pas rtogs par ga la 'gyur// gang du yul dang phrad pa'i tshe// dwangs ma dga' ba chags pa dang// rtsol ba re dogs chad pa'i sems// mi mthun pa nyid mthun 'gyur yang// thabs bral rnams la rgyas btab bo// thabs dang shes rab ldan pa yis// dga' ba'i rol pa sna tshogs pa// rtse gcig bar ni 'gyur ba'i tshe// sna tshogs dran bsam zhi bar 'gyur// rol dang 'khyud dang zhal sbyor dang// stegs dang 'jo ba blta dang rtse// sna tshogs phyi nang sbyor ba yis// lus sems phyi nang rgyas par 'gyur// gang du phyi nang rol pa'i tshe// thabs dang shes rab ldan pa la// phyi nang dran bsam ma lus pa// zhen pa ldog cing dbang du 'du// re dogs chad pa'i dus nyid ni// gang la 'jug pa'i yid spangs pas// rang byung thig le bsam mi khyab// de nyid ma rig la sogs bcom// thams cad 'dus pa'i snying po ni// ji snyed phrin las ngo bo ste// so sor dbye ba mi gnas kyang// rin chen sems la rang bzhin rdzogs// gang phyir thabs dang sbyor ba yis// rdzas las bcud kyis bsgyur ba ltar// skal ldan dbang po yang rab la// gang phyir bsgrub pa de bzhin snang// gsang chen thabs kyi rol pa'i rgyud// chags pas chags pa grol ba ltar// gang 'dir thabs dang bral ba yis// nam mkha' la ni me tog bzhin// rgyud dang ngo bo nyid dag dang// mthar phyin thabs kyi rgyud dag gis// ma lus kun la khyab gnas pa// phrin las rol pa thabs kyi rgyud// rdo rje pad+ma nu ma sprad// rkan dang lce dang thabs sbyar bas// me long la ni gzugs brnyan bzhin// pad+ma'i bde ba mngon du snang// thig le mngon du 'byung ba na// thabs dang shes rab gnyis med pas// 'dren pa dang ni 'dzin pa dang// rtse dang sked pa rtsa ba dang// lte ba snying mgrin skra mtshams su// thig le 'ong ba'i tshul gyis ni// bya ba'i thabs ni gang la yang// phrin las bzhi ni kun 'chang ste// thabs dang ldan pas rnam dbye ba// ma nor don dang ldan pa yis// bdag dang lha dang sgyu ma dang// nam mkha' lta bur mthar phyin pas// bde chen rig pa rang gsal ba// phyogs dang bral bar rang bzhin snang// shes rab med pa'i rnal 'byor pas// bdag nyid bde bar ldan pa'i phyir// rig pa'i lha mo bsten pa dang// brda' dang gzhib pas bde ba bskyed// de nas stong zhing mi rtog pas// dbang po yul sems las gos chos// rang byung rang rig byang chub sems// dbyer med bde ba chen por bsgom// gang dang gang du phrad pa las// de ni de yis der snang ltar// thabs chen rig pa mnyam sbyor las// rang byung bde chen gsal bar 'byung// dgug dang bkug dang 'thab pa dang// 'dren dang 'dzin dang bskyil ba dang// sbyang dang spel dang las brtsams pas// bar chad med pa'i bde ba 'byung// gong du thabs chen ldan pa yis// yid 'ong mtshan ldan bu mo la// blta dang snyan dang 'grogs la sogs// bde chen bar chad med par gnas// gsang chen thabs kyi me long 'di// kun la gnas kyang mi snang ste// long ba gzugs dang 'phrad pa bzhin// ji ltar bltas pas mthong ba med// thig le rim nas rim gnas pa// dang po nas brtsams mthar phyin bar// goms dang rkyen gyis gong nas gong// lam gyi khyad par mthar phyin 'gyur// las dang rim pa byin rlabs dang// ye shes rnal 'byor ma yi tshogs// dngos dang ting 'dzin bde thob pa// pad+ma gsum pas rim sbyor bas// yul dang rgyan dang yun la sogs// rim pa rang bzhin 'phel ba yis// mthar thug lam la gnas par 'gyur// sangs rgyas lha mo rol pa yis// skal ldan rigs la dbang bskur bas// bcu gsum mthar phyin lhun grub pas// rig pa'i me tog stong pa la// bya byed med pa'i rang bzhin gyis// yon tan sna tshogs gsal bar snang// phyogs bcu ma lus sangs rgyas sras// mthar phyin dbang gi sbyor ba ste// mthar thug bde ba'i nam mkha' la// nyi ma bye ba brdal ba ltar// ye shes nam mkha' mtha' dbus med// rang byung ye shes bde chen po// rang rig stong pa yul las 'das// rgyu rkyen rim pa kun dang ldan// dpag bsam shing dang nor bu la// zhing khams nam mkha'i mthar thug pa// nyi 'od chu rlabs char bzhin du// 'phel 'grib med pa'i tshul du gnas// gang la bde stong dbyer med pa// gnyis ka ma yin gnyis med min// mtha' dbus rgyu 'bras re dogs sogs// spang thob med par rtag tu gnas// gsang ba'i yang gsang snying po ste// gsang ba mngon phyung thabs kyi rgyud// sgyu 'phrul thabs chen gsang ba'i lam// lus dang man ngag thabs kyi mchog/ bskal par sbyangs kyang mi rnyed la// bla ma'i man ngag thabs chen rgyud// da lta nyid du mngon par snang// sgyu 'phrul thal ba'i rgyud chen po las/ phrin las bshad pa'i le'u ste bcu drug pa'o//// de nas gzhan yang bshad bya ba// thabs dang shes rab ldan pa yi// rdo rje dang ni dril bu'i tshad// de nas legs par bshad bya ba// nam mkha'i dbyings dang mnyam pa yi// rdo rje thabs chen ye shes te// dril bu shes rab pha rol phyin// tshad dang bral bar bshad pa yin// thabs chen bde ba'i rdo rje yis// nam mkha'i dbyings dang mnyam pa yi// bde ba ye shes tshad med pa// dpag med thig le bde ba'i mchog/ gsang ba chen po bdag nyid can// gang du bde bas khyab pa'i gnas// dngos med shes rab pha rol phyin// sangs rgyas kun gyi rang bzhin te// nam mkha' lta bur rang bzhin gsal// chos nyid dbyings dang mnyam pa yi// bde ba chen po tshad las 'das// gang gis dpag par mi nus pa// bde chen dbyer med bsam las 'das// bdag gzhan bya bsam las 'das pa// yul dang dbang po sems la sogs// ji srid snang grags las 'das pa// de srid bde chen chos kyi sku// dngos dang dngos med gnyis las 'das// thabs dang shes rab bde ba'i mchog/ sgyu 'phrul dra ba thabs kyi lam// gsang mchog thig le dbyings la rdzogs// 'gro 'ong dmigs rtog kun la 'das// dbang po rdo rje gsang ba'i bdag/thams cad 'dus pa'i rang bzhin te// ma lus gcig pu gsal ba la// yul med bde bar rang bzhin gsal// shes rab dril bu pad+ma ste// chos dbyings b+ha ga gsang ba'i yum// gzhan yang thams cad 'dus pa ni// bde ba skyed pa'i zhing du bshad// gsang dbang tshad ni mdzub gang ste// brgya phrag bye ba 'dus pa'i rtsa// thig le phra rags khyab byed pa// lus can thabs la rang bzhin gnas// yul ni pad+ma sor bzhi ste// shes rab rang bzhin dri med de// bskal pa dpag med rdul snyed kyi// bag chags bsal nas bde ba bskyed// rdo rje thabs kyi thig le nyid// phyogs bcu dra ba'i rang bzhin te// thabs la brten pa'i nyams myong gis// thams cad bde chen rang bzhin gsang// gsang ba'i pad+ma'i rtsa thig le// bye brag brgya bcu kun 'dus pa// ma lus 'dus pa'i rtsa thig le// phyogs bcu kun nas byin gyis rlobs// gang phyir nyi zla 'gro 'ong gis// gsang ba'i nyams la gang gnas pa// lo zla tshad dang 'grangs bral bar// mi 'gyur bde chen 'grub par 'gyur// thig le ro yis khyab pa yis// mtha' dbus gzhi rtsa med pa'i dbyings// rgya dbyibs tshad dang dral ba dai// rang bzhin rtogs nas goms par 'grub// lus dang rtsa dbyibs tshad ldan pas// thabs kyis rang snang mngon sum pa// thig le'i rang bzhin ma skyes pas// ma lus dag rtogs pad+ma can// thams cad bde chen mi rtog pa// thabs la shes rab sbyor ba dang// shes rab la ni thabs sbyor zhing// gnyis med 'brel ba las byung ba'i// bde chen sems la sgom pa'o// rdo rje zla ba'i thig le ni// gong gi thabs la brten pa yis// rim nas rim par mngon byas pa// ma chags thabs kyi rol pa mdzad// gnyis med rol pa phyi rol yul// mngon mkhyen thad ka'i dmigs yul bral// shes rab nyi ma la brten pas// ma lus bde chen thig ler gsal// lus gnas lus las ma skyes pa'o// thams cad thabs chen lam gnas pas// mi 'grub pa dang tshegs chen dang// dka' thub gdung ba las 'das shing// re dogs bral 'dod yon tan lngas// dka' thub med par tshe 'dis 'grub// gsang chen thabs kyis bsgyur ba ltar// snyigs mar bcas pa'i lus nyid ni// spangs pa med par bde chen 'grub// thig le chen pos gsang ba yi// phyi nang snod bcud 'jig rten kun// ma lus bde bar rang gsal bas// rtags zhes thabs kyis rang sar grol// bde ba la ni gang brten pas// rang lus thabs kyi rang bzhin las// me long bzhin dang 'phrad pa ltar// rang lus mngon du snang bar 'gyur// thabs dang shes rab rol ba las// rtse nas rtse ru sbyar ba la// 'gro 'ong med pa'i thig le yis// lus sems bde bas rgyas btab pas// thams cad mnyam pa'i dbyings su gnas// khams dang bral ba'i bde ba ni// chos kyi dbyings dang mnyam pa ste// ngo bo tshad med pa nyid de// rim pa dbang gi stobs las byung// shes rab rang byung dri med la// b+ha ga thabs la ma brten par// dus gsum rgyal ba mi 'byung ste// nam mkha' la ni me tog bzhin// pad+ma me tog rgyas pa la// rtag tu mchod dang bstod pa dang// blta dang bsnam dang gzhib dang bsten// rtag tu bdag dang mnyam sbyor bas// bde chen rang nyams rtag 'phel cing// nam mkha' lta bu'i bde chen 'grub// dang po cung zad bde ba ste// rtse gcig rig pa las byung ba// phyag rgya bzhi ldan rab sbyor bas// thabs kyi thig le smin pa'i tshe// re dogs 'jigs pa'i rnam rtog dag/ thams cad bde ba chen por 'bar// de bas yon tan kun ldan pa// rnam g.yengs 'du byed gcod byed cing// chags pas chags pa sel byed pa// mi yi bu mo bsten par bya// lus kyi nus pa brtan thob pa// ting 'dzin brtan pa las byung ba// rgas 'chi zag pa las byung ba'i// rig pa'i bu mo bsten par bya// lo zla bskal pa grangs med par// zag med bde ba rgyas bya zhing// mthar thug bde bsgrub bya ba'i phyir// ye shes sangs rgyas btsun mo bsten// 'di la dga' dang mi dga' med// 'jigs dang bag tsha cung zad med// bya ba med cing brten pa med// sha rus rkang dang khrag med cing// khu ba med cing gshang gci med// nam mkha'i 'ja' dang gzugs brnyan ltar// snang ba bde ba 'phel byed cing// rgya mtsho chu bo ji bzhin du// gnas pas bde chen nam mkha' ltar// 'byung 'jug rgyu rkyen cha las 'das// mtha' dbus med pa'i byang chub sems// dus kun bde chen dbyer med pas// rang byung ye shes yul bral ba// gnyis med ma yin gnyis pa min// bzhi bcu lnga sogs dus gsum chos// kun mkhyen ldan bral gnyis ka min// thog ma tha ma dbus med cing// spang len shes dang mi shes bral// gnyis med rang rig byang chub sems// thams cad ma bcos thig le ste// gsang ba gsang chen dman yul min// thabs chen ldan pa 'ga' yi yul// bcud 'dus ye shes thig le che// 'phro 'du med pa'i rang bzhin las// phyogs bcu rgyal ba'i dkyil 'khor snang// snang stong bsam pa'i yul brtags la// tha snyad mtshan ma ci yang rung// bde ba gnyis su mi phyed pa'i// ngo bo nyid kyi gsang mchog bde// gzhan gyis ma byas mi g.yo ba'i// rang rig bde chen sgyu 'phrul la// ngo mtshar rmad byung snang ba ste// ngo bo nyid kyi yul las 'das// don dam ma bcos ma bslad pa'i// de bzhin gshegs pa'i spyod yul te// dman dang tha mal dka' thub can// gang dag rnal 'byor spyod yul min// rdo rje nyi ma gsang ba'i bcud// zla ba thig le thabs kyis bzung// phyogs cha khyab par gsal ba na// rang lus snyigs ma bde bar gsal// gdams te dang po 'og gi snod// thig le 'gro 'ong bcas pa rnams// mi 'gro rang la thim pa ltar// rtog pa lhan cig skyes par gsal// chags sdang zhen pa phrag dog rnams// dug gis de nyid sel ba ltar// thabs chen dbang gi man ngag gis// nyi 'od mun pa bzhin du sel// sangs rgyas rnams kyi gsang ba yi// gsang ba thabs lam snang ba ste// rdo rje'i tshig lam snang byed 'di// rtog ge dman la mi bstan te// dbang dang man ngag ldan pa la// byin rlabs nan tan chen por bya// nyi zla rgya mtsho phog pa sbyang// thig le 'gro 'ong med par bcings// rgya mtsho nam mkha'i mthongs la gtad// gling bzhi ri rab gcig tu bsdu// thabs la mkhas pa'i rnal 'byor pas// chags sdang lnga sogs mi dge chos// spyad pas mi ldog pha rol phyin// bde chen thabs su bshad pa yin// sgyu 'phrul thal ba'i rgyud chen po las/ dbang po yul 'dus pa'i le'u ste bcu bdun pa'o//// de nas gzhan yang bshad bya ba// ji snyed chos rnams mtha' yas pa// yid dang chos su 'dus pa'i don// 'di ni nges par bshad par bya// gang du phyi nang bcas pa yi// glo yul cir yang snang ba ste// 'khor dang mya ngan 'das pa nyid// chos su snang bar 'dus pa yin// de yi rjes su 'brang ba yis// dran rig gsal bar gang gyur pa// rang rig blo la mngon snang ba// de la yid ches brjod pa yin// gang du snang ba thams cad kun// sems las gzhan na med pa'i phyir// nyi 'od rgya mtsho'i rlabs bzhin du// rang las byung zhing nyid la gnas// rtogs pa'i bye brag thams cad kun// gnyis med ngang la rang bzhin 'dus// ma lus yid dang chos 'dus pas// de yang ma skyes rang bzhin nyid// chos kyi dkyil 'khor mtha' yas pa// rang byung ye shes dkyil 'khor snang// rang byung ye shes gnas med la// phyogs dang rgya dbyibs las 'das pa// ma rig ma skyes de bzhin nyid// sgyu 'phrul shes rab gsal bar snang// gang du rtogs dang ma rtogs las// 'khor dang mya ngan 'das par snang// kun 'byung yid kyi dkyil 'khor te// chos kyi yid der 'dus pa yin// dngos po med las dngos por snang// dngos snang de bzhin yid kyi dbyings// thabs dang shes rab dbyer med pa// ma bcos rgyun gyi byang chub sems// yid kyi 'khor lo sgo phye bas// chos kyi dkyil 'khor rang bzhin gsal// mkha' la 'byams shing sprin phung bzhin// ma skyes sems las rnam par snang// sna tshogs dkyil 'khor phyag rgya dang// sku dang gzhal yas 'du 'phro yang// ma skyes rang rig byang chub sems// dbye ba med par rang bzhin gnas// ji snyed tha snyad dmigs rtog kun// chu la chu bur rnam pa ltar// rang bzhin med la gnas pa yi// yid dang chos su yang dag 'du// nang gi dkyil 'khor chos kyi gnas// 'od bzhi e sogs dbyibs su gnas// rtsa ba bzhi la yan lag brgyad// dwangs ma lnga dang snyigs mar bcas// rnam shes rgyu ba'i rkyen du bshad// sa bon drug ste 'od bzhir ldan// snying pos mtshams sbyar 'od du 'bar// thig le gcig la thim pa yis// zag pa med pa'i ye shes skye// chos nyid yon tan ye shes rtsa// rang rgyud kun la gnas pa ni// dman pa rnams kyi yul min pas// gab cing sbas par shes par bya// ting 'dzin gsum dang bsnyen bsgrub bzhi// dkyil 'khor la sogs pa gang gis// sgo gsum khyab par ci spyad pa// zhen pa mtshan ma'i dbang gis na// 'khor ba'i mtha' mar ltung bar 'gyur// rang bzhin ngan dang ma sbyangs dang// dka' thub can dang dam med dang// zhen chags can dang phrag dog can// log sred can dang le lo can// log pa'i gang zag dbang sogs pa'i// dam pa min par shin tu spangs// 'di ni 'khor ba'i gzhol phyogs te// rang bzhin log pa'i mthu ldan pas// gsang ba'i don la log pa yis// bdag gzhan gnyis ka ltung bar 'gyur// gsang chen sgyu 'phrul dra ba ste// thabs chen mngon phyung bstan pa ste// ma lus bde chen rang snang ba// mngon snang gzhan gyi spyod yul min// thabs dang shes rab gnyis med pa// mnyam pa dbyer med theg pa 'di// gang ltar spyad pas pha rol phyin// gsang ba'i mchog tu 'di bshad do// thabs dang shes rab ldan pa yis// 'dod chags la brten bde ba yis// spyod yul bde ba chen por snang// de nyid rang byung nyid ces bya// ma lus rol pa thabs kyi rgyud// gsang ba 'di ni bshad pa yis// thabs dang shes rab thams cad kun// chags pa'i bde ba bskyed mdzad de// blta dang blta zhing 'dzum pa dang// la lar zhal sbyor 'dzin pa dang// la lar dam du 'khyud par byed// brla gnyis dam par 'khyud pa yis// gsang dbang pad+mar bcug bskyod pas// phyi nang sems dang sems byung rnams// rang byung bde bar zhen pa rnams// thig le rtsa slor byung ba la// byed pa sdom pa thabs mtshon pas// phyi nang yul sems ma lus pa// lhan cig skyes pa'i rang bzhin gsal// rtsa yi sgra bzhin mthong med pas// ma skyes a yi rang bzhin la// thabs chen rang gis mtshon pa ni// thams cad ma hA su kha'i klong// gsang ba thabs kyi nyams ldan pas// phyi nang snod bcud gang yang rung// a la dbyug btags dkar ldan nyid// de nyid sgyu 'phrul dra bar bshad// thams cad gcig gi rang bzhin la// thabs dang shes rab mngon phyung bas// dbang po yul sems ldan pa la// bcu drug ye shes gsal ba skye// gnas dang gnas pa'i dbyibs can dang// rten dang brten pa'i thig le dag/ mkha' dbyings gsang bar brten pa las// rang byung ye shes thogs pa med// gsang ba thabs kyi thig le nyid// rang byung ye shes chags med pas// mkha' ltar kun la khyab gyur kyang// rang bzhin dman pas rtogs mi 'gyur// gang la gsang ba'i thabs ldan pas// mun pa la ni snang ba ltar// bcos bsgyur med par rang snang ba// skyes bu mchog gi don du bshad/ sgyu 'phrul thal ba'i rgyud chen po las/ thabs dang bral bas mi grol bar bstan pa'i le'u ste bco brgyad pa'o//// de nas gzhan yang bshad bya ba// gang du dag pa'i rnal 'byor pa// bla ma byin rlabs thabs ldan pas// grol ba'i tshul 'di bshad par bya// thabs dang shes rab ldan pa yis// phyogs kun mnyam pa nyid 'gyur zhing// ma lus thabs can snang ba ste// rang byung gsang ba'i me long nyid// dbang po yul sems me long la// gsang ba'i thabs kyis ma zin pa// thams cad ye shes rang snang ba// thabs ldan rnams la snang bar zad// rdo rje me long bstan pa'i mdzod// thabs chen lus la rang bzhin rdzogs// me long bzhi la srog shing gsum// bskyod pa rlung sems sbyor ba yis// gsal ba ye shes re dogs bral// myur du 'byung bar the tshom med// thabs ldan rkyen gyis gsal gyur na// las dang nyon mongs gsal ba dang// ji ltar me la shing bsnan ltar// lhag pa'i ye shes gsal bar 'gyur// thabs lam gsal ba'i mar me 'di// rang byung lhan cig skyes pa mthong// ma chags thabs kyi sbyor ba yis// goms pa'i stobs la gnas gyur na// ma lus ye shes chen po ste// lhun grub ye shes thogs pa med// thig le shum gyi 'od ldan pas// gang gis byed pa'i thabs ldan pa// de yis der 'dzag bde ba'i sems// snying por thim pas ye shes skyed// gnas bzhi gar thabs ye shes las// sems mtha' 'gro 'ong la gnas pas// ma skyes sems la gnas 'gyur zhing// ma lus dag par byin gyis rlobs// phyogs bcu snod bcud thig le kun// gsang ba thabs la mnyam sbyor bas// sprul pa'i thig le bsam mi khyab// 'dzin dang dbab pa'i thabs las byung// gsang gsum thabs kyi spyod pa 'di// thabs ldan rnams la mngon sum ste// skal med man ngag bral ba la// bskal pa bye bar snang mi 'gyur// bskal pa zhing gi rdul snyed du// rgyal ba bla ma mnyes byas shing// dbang dang man ngag la sbyangs pas// ci dgar spyad pas bde bar 'gyur// 'dod pa'i longs spyod lnga ldan zhing// na so lang tsho dar la bab// pho mo chags pa brtan pa dang// gsang ba'i las 'dir myur du 'grub// thabs dang shes rab ldan pa yis// 'dod chags rol pa'i stobs ldan pas// bskyod pa rlung gi thogs med cing// rdo rje rtsa la 'jug pa yis// gsang ba'i thig le 'gro 'ong med// rgyu ba'i rlung la rang chad nas// spyod yul bde ba chen por thim// 'dod chags ldan pa'i gang zag la// skabs dang rim pa'i bye brag gis// btsun mo gsum du bstan pa ste// snang ba'i zhen pa ldog par byed// gang la snang ba'i zhen pa dag/ ma lus bde chen rang rig ste// bsam brjod zhen pa kun las 'das// thogs med ldan pa'i gang zag la// thogs med 'od gsal byang chub sems// dbang yul thig le rtsar phrad pas// gzung ba med cing gtong ba med// rang byung rig pa bder gnas pas// thams cad ma skyes ngo bo nyid// rdo rje nyi zla'i thig le la// ye shes lnga yi ro ldan pas// spyod yul mtshan ma ji snyed pa// lhan cig skyes pa 'char bar 'gyur// gang du thabs dang ldan pa la// phyi nang spyod yul bcas pa kun// bde chen gsang ba mngon sum ste// 'khrul dang log pa'i spyod yul min// b+ha ga gsum la mnyam sbyar bas// rig par byed pa chen po skye// rig pa rtog rtogs kyis kyang gis zil mnan pas// mkha' ltar bde ba chen po 'grub// bsam pa'i longs spyod kun ldan pa'i// bde chen rang rig snying po la// ma lus bde chen gsal ba la// spang len dgag sgrub kun dang bral// thig le las ni nyams bskyed zhing// de nyid bde chen mi rtog pa// rang byung ye shes nam mkha' nyid// rtogs goms gsal bas lhun gyis grub// nam mkha' lta bur bdag med cing// bya byed mtshan ma'i yul las 'das// bde ba chen po 'pho 'gyur med// rgyu rkyen zag pa 'du 'phro med// thig le chen po kun khyab pas// rang bzhin 'phro 'du kun dang bral// ma skyes rang bzhin dbyer med la// gcig dang du ma'i cha shas med// gsal ba'i yid kyi thig le la// rang drag gsal bas gnas pa'i tshe// phyi nang snod bcud ma lus pa// rang byung ye shes gsal bar skye// rang byung ye shes dbyer med pa// nam mkha' lta bur dpag med cing// brjod cing bstan par mi nus pa// byin rlabs nyams kyis gsal bar mthong// gsang chen thabs kyi nyams myong bas// rgyu ba phyi nang rang bzhin 'chad// re dogs 'du shes stong par thim// rgyu rkyen bral ba'i ngo bor smin// gsang ba'i thabs kyis gang sbyar ba// g.yo dang mi g.yor bcas pa dag/ ma lus bde chen rang bzhin te// thams cad mnyam pa nyid du gnas// phyi nang snod bcud ma lus pa// gsang ba'i snod bcud thig le yis// thabs dang nyams la brtan goms na// bde chen sku gsung thugs su gsal// yon tan rdzogs pa'i rang bzhin la// bla ma'i stobs kyis rang rig pa// bde chen thig le mnyam sbyor bas// zag pa med pa'i bde chen gsal// skyob pa thabs kyi bder gnas shing// gar thabs rlung la dbang bsgyur bas// ma lus lhan cig skyes pa ste// rgas dang rgud dang dman pa dang// ma ning la sogs bcad pa yis// thabs dang man ngag la gnas pas// ji ltar bsgrubs kyang tshe 'dis 'grub// rang lus thabs kyi mchog nyid de// so so ngo bor rnam par bstan// gzhan du dman pa'i rnal 'byor pas// nam yang 'grub par mi 'gyur ro// bde ba chen po gsal 'gyur zhing// dbang bskur man ngag la gnas pas// dka' thub gdung ba spangs pa yin// bar chad med par 'grub 'gyur te// gsang sngags thabs kyi rgyal po 'di// sku gsung thugs la rtag gnas shing// 'dod lnga bde la gnas pa yi// sgyu 'phrul dra bar thabs kyis 'grub// sangs rgyas kun gyi rang bzhin 'di// lus gnas thabs kyis ma rtogs pa// bsam pa'i sgyu 'phrul la brten cing// cho ga thabs chen ldan pas 'grub// rnal 'byor thabs dang shes rab ldan// dbang la brten nas goms pa yis// thams cad bde chen rgyas btab pas// bdud dang zhen pa kun las 'das// kun 'byung ba yi sgyu 'phrul che// mnyam la mnyam par mi gnas pa'i// ma skyes bde chen thig le 'di// sna tshogs snang zhing nyid la rdzogs// sgyu 'phrul thal ba'i rgyud chen po las/ skal ldan grol ba'i le'u ste bcu dgu pa'o//// de nas gzhan yang bshad bya ba// chags pa'i thabs chen las byung ba// gsang ba'i sgyu 'phrul dam pa 'di// sangs rgyas kun gyi bshad pa yin// dus gsum gdul bya'i khyad par rnams// 'dod dang 'khrig pa la mos pas// rdul snyed sangs rgyas thams cad kun// lha mor snang nas rol bar 'gyur// 'das pa'i sangs rgyas rdul snyed pa// zhing khams bye ba rdul snyed du// zhing dang longs spyod dga' bar bcas// thabs kyis rol pa mdzad pa yin// gang du thabs dang shes rab kyi// thig le dga' bder bcas pa yi// zhing khams phyi nang snod bcud bcas// bde chen lhan cig skyes par gsal// ma lus ji snyed snang ba kun// dri med thig le las 'byung zhing// tha dad med pa'i rang bzhin gyis// gsang ba'i thig ler rang bzhin 'jug/ rgyal ba rdul snyed btsun mor bcas// lha dang lha mo 'khor lor bcas// bde ba rim gyis gang ba yis// dga' dang blta dang 'khyud pa dang// 'o dang 'khor dang 'bud 'jo dang// zhal sbyor brtse dang mnye ba dang// 'jib dang b+ha ga gar 'dzin ston// rol pa'i gar ni sna tshogs ston// gsung ni 'jam zhing mnyen pa yis// phra zhing dal ba'i glu blangs te// 'jam zhing chags pa'i tshig dag gis// gzhan yang yid 'pham rmongs par byed// bde ba chen po rang 'bar bas// nam mkha' mtha' ltar mi gnas pa'i// rang byung thig le mi g.yo ba// tha ma zhen pa kun las 'das// re dang dogs pa kun zhi ba'i// rang byung ye shes gnas pa yi// bde tshogs rgyu 'bras kun dang bral// gsang chen bde ba'i ngo bo nyid// gsang chen rig par rang gsal ba// stong dang bde bar mi phyed pa'i// mkha' ltar rdul bral mi gnas pa// bde ba chen po'i ngo bor gnas// rdo rje thig le mi phyed gzugs// rang byung bde bar kun snang nas// 'jug dang mi 'jug yul las 'das// dus gsum 'jug pa yongs kyis med// sangs rgyas kun gyi ngo bo nyid// bskal pa mi 'gyur thog ma la// skal ldan mngon rdzogs rgyal po yis// rdul snyed rdo rje 'dzin pa la// 'dod 'dzin zhen pa grol ba'i thabs// man ngag dbang gi thabs kyis bstan// thog mtha' med pa'i bde ba che// rang byung thig le bsam mi khyab// chags bral chags chen 'dul ba'i phyir// thabs chen grol ba sna tshogs kyis// 'gro ba thabs kyis grol mdzad phyir// rdo rje 'chang ba'i 'khor tshogs la// 'das pa'i rgyal ba kun gyis bshad// sgyu 'phrul rol pa chen po 'di// ma lus 'dus pa'i thabs yin te// gsang ba nyams las mngon snang gis// rtog ge dman pa'i spyod yul min// gang du thabs kyi snang ba 'di// snga rabs 'das pa'i sangs rgyas kyis// 'dod chags bde bar rgyas byed pa// gsang ba'i thabs chen rgyud 'di bshad/ de dag thabs kyis gsal bar byed// de dag gang la thabs mtshon pa// mi 'dul log par 'jug par 'gyur// bde chen rol pa'i rang bzhin 'di// thabs chen dbang gi rang bzhin la// ting 'dzin rgyud pa'i thabs kyis gsal// gzhan du sus kyang rtogs mi 'gyur// bskal pa grangs med rdul bral du// theg dman dka' thub rtog ge yi// byis pa rnams kyis mi rtogs pa// gsang ba'i thabs kyis mngon du 'char// ye shes dag dang ting 'dzin rgyud// las kyis gang la gsal byas pa// dngos po ji snyed ma lus pa// bde ba chen po nyid du 'gyur// 'di la khrus dang gtsang sbra med// cho ga sngags dang phyag rgya med// 'jigs dang ngo tsha zhen pa med// rang byung bde ba nyid du gsal// sgyu 'phrul dra ba thabs chen po// ma lus bcud 'dus thig le la// ye shes rdzogs pa'i ro ldan pa// gsang sngags thabs kyis mngon sum gsungs// thog ma med pa'i rgyal ba rnams// thabs dang shes rab rol pa yis// bde ba chen po las byung ba'i// zhing khams rgyal ba nyid du snang// gsang ba'i ye shes bde ba'i mchog/ ma lus thig le gcig 'dus pa// thabs dang ldan pa'i snod bcud pas// ma lus lhan cig skyes par gsal// ma lus rol pa bde mchog ste// rgyal ba rnal 'byor chen po rnams// bde ba chen po ro gcig pa// sangs rgyas kun gyi dgongs pa nyid// rang byung sgyu 'phrul dra ba las// nyi zla thabs kyis gang mtshon pa// zhing khams lus su bcas pa dag/ zag med bde bar snang ba dag/ thabs dang shes rab gnyis med pa// gang yin thabs kyi sa bon rnams// rdul snyed grangs las 'das pa rnams// rdo rje ye shes hU~M tshogs kyis// 'dres dang 'dzag pa'i thig le can// phyag rgya lnga dang bcas pa yis// thams cad rang rig gzugs su snang// bcud gsum las skyes bde ba la// rig pa bzhin du nyams gsal ba// phyi nang thig ler brtan 'gyur na// mi shigs thig le 'pho 'gyur med// mi 'gyur 'gro 'ong gnas dmigs bral// rten gyi thig le gnas gsum du// byed pa sdom pa thabs dang bral// snod bcud bde bar snang byed pa// mun snang gser 'gyur lta bur bshad// bskal pa grangs med 'das pa yi// bye brag brgyad cu la sogs pa// zhing khams rdul snyed ma lus pa// thabs mchog rol pa'i rgyud 'di gsungs// gsang ba'i gsang snying don 'di gsungs// ye shes mngon snang thabs kyi lung// ma lus bde ba rgyas byed pa// skal ldan rnams kyi blo la snang// sangs rgyas bde ba chen po 'di// byang chub rdo rje bcas pa la// thabs ldan gsang chen 'di gsungs te// gzhan pa dag la ma gtogs so// dpal ldan thabs kyi rgyal po 'di// slob dpon dam par mi 'dzin cing// dam dang man ngag med pa la// sangs rgyas rnams kyi bde chen 'di// bskal par mtshon kyang mi mthong ngo// rig pa thabs kyi brtul zhugs 'di// gang gis spangs te mi spyod do// ji ltar nam mkha'i mtha' 'tshol ltar// byang chub 'bras bu cung zad med// 'das dang da ltar ma byon pa'i// sangs rgyas kun gyi sku gsung thugs// bde ba chen po mngon phyung ba'i// gsang ba'i thig le thabs kyi rgyud// 'gro ba zhen cing chags pa dang// thabs kyis mngon par grol byed pa// lhag pa'i lta ba gsal byed cing// spyod pa rmad byung mthu yis ni// ma lus byin rlabs bde 'byung zhing// ye shes lnga yi 'khor lo bskor// ma lus bde chen snang ba la// mi mthun tha dad yod ma yin// sgyu 'phrul thal ba'i rgyud chen po las/ 'das pa'i rgyal ba thabs kyi grol ba'i le'u ste nyi shu pa'o//// de nas gzhan yang bshad bya ba// da ltar phyogs bcu rdul snyed kyi// zhing khams phyi nang snod bcud bcas// sangs rgyas kun gyi dgongs pa bshad// 'di ni sangs rgyas thams cad kyi// rmad byung gsang ba bla na med// sgyu 'phrul dra ba chos kyi dbyings// gang du dmigs pa med pa ni// bde ba chen pos khyab pa ste// dbang dang man ngag la brten pa'i// dgongs pa thabs kyi khyad par gyis// gsang ba'i gsang ba mngon du 'char// kun tu sgyu 'phrul zab mo 'di// dbyer med dra ba don chen po// thog mtha' med pa'i don chen po// rang bzhin thabs kyi stobs las snang// thig le snod bcud bcas pa yi// ma lus thams cad dkyil 'khor nyid// rang la gnas pa'i bde ba ste// sA lu'i khrod dang mar me bzhin// thabs dang shes rab gnyis med pa'i// phyi nang gsang ba'i dkyil 'khor nyid// rgyal ba kun gyi ngo bor bshad// rnam dag bla na med pa yi// sa dang rnam thar ji snyed par// ma lus pa yi thabs las byung// dngos dang dngos med rang bzhin mchog/ sgyu 'phrul thal chen rang bzhin las// dra ba shes rab gsal bar 'gyur// gnyis med thig le las byung ba// gsang chen thig le las kyi mchog/sangs rgyas kun gyi sku gsung thugs// ma lus thig le bde chen po// phyogs bcu rgyal ba'i rang bzhin nyid// rang byung thabs kyi ngo bor gnas// gnyis med thabs las byung ba yi// byang chub thig le bcud las byung// zla ba nyi ma rtsegs pa las// dra ba bcas pa'i ye shes nyid// rang snying thig le bcas pa yi// 'bab 'dzegs gang las dbang bsgyur ba'i// ye shes rang byung thogs pa med// gsang ba'i thabs dang log rtog nyid// nyi zla phrad pa'i bzung bzlog gis// bar chad med pa'i lam las byung// gsang ba'i sa dang sems nyid rdzogs// log rtog 'gro 'ong thig ler bcas// gsang ba'i gnas nas gnas spyod pa// rtse nas rtse ru thogs pa med// bcu gsum sa la the tshom med// phyogs bcu rnal 'byor pho mo dag/ bde ba chen po dbugs phyung bas// rlung dang thig le sems su bcas// ma rtogs skyes la dbang thob pas// rdzogs pa'i thig le gang bskul bas// nyi zla 'dres pa'i gar las byung// gsang ba'i byang chub thig le ni// zag pa med pa'i thabs kyis mtshon// thabs kyi rdzu 'phrul mthar phyin pa// mthong ba'i don nyid ye shes rdzogs// phyag rgya mtshon pa'i ngo bo las// bde ba chen por rgyas btang bas// gang yang mtshon pa las 'das pas// lhan cig skyes pa'i ngo bor gsal// da ltar phyogs bcur mtha' yas pa// rang byung thig le rang snang bde// me long dang ni gzugs brnyan ltar// gsang ba'i thabs la brten pa mthong// gsang chen thabs kyis sgyu 'phrul pas// ma bcos dra ba mtshon par snang// rgyal ba kun gyi dgongs pa ni// ma lus gcig dang tha dad min// gsang gsung thabs la brten pa yis// skye ba 'di yis rnam par grol// dwangs ma'i thig le bcud 'dus pa// thabs kyi snying por goms pas na// rang byung rig pa bde chen po// 'gro 'ong re dogs med pas gsal// bdag nyid ma lus kun snang ba// zhen pa rang gi ngo bor ldog/ zhen pa ma bcos rang snang bas// thams cad lhan cig skyes par gsal// pad+ma rdo rje la brten pa'i// thabs kyi lam la brten pa yis// rig pa phyi nang bcas pa'i sems// ma lus bde chen ngo bor grol// thams cad bde ba chen po la// zhen pas brtags pa rang snang ba// dngos med dngos min gnyis ka min// thabs dang shes rab sbyor med pa'o// gang du rig pa dbyer med na// bde chen stong pa'i thig le la// mkha' ltar dngos dang dngos med spangs// 'di nyid sgyu 'phrul dra ba 'o// sangs rgyas kun dang dbyer med pa'i// thig le gsang ba'i bdag nyid ni// thams cad bde chen dbyer med de// thams cad khyab pa'i tshul du snang// rang byung thig le bdag nyid ni// phyi nang gsang ba'i rang bzhin gyis// shes pa gang la goms pa yis// da lta nyid du 'grub par 'gyur// phyogs bcu'i rnal 'byor dbang phyug rnams// sgyu 'phrul dra ba brtan goms shing// thabs chen thig le gsal brtan na// mi g.yo rab tu dang ba'i yid// sangs rgyas kun gyi bdag nyid 'grub// gsang mchog thabs kyi rol pa yi// bde chen mnyam pa'i ngo bo nyid// skal ngan dman pa'i yul min te// rdo rje 'chang chen bcas pa'i yul// nyi zla gnas pa'i thig le nyid// dus gsum rgyal ba'i bcud yin te// man ngag thabs dang 'brel pa yis// sdug bsngal med par rtogs shing 'grub// rang lus thabs kyi rgyal po la// chags pa thabs ldan gang zag gis// 'dod lnga rol pas bder spyad na// tshe 'di nyid la 'grub par 'gyur// bde chen rol pa'i thabs med na// tha mal zhen pa'i snang ba la// khyad par bye brag ci bsten kyang// lhun grub rdo rje 'chang dang bral// rdo rje pad+ma ldan 'gyur zhing// byin rlabs thabs kyis gang spyod na// pad+ma la ni 'dam bzhin du// 'khor ba bde ba chen por 'gyur// zab cing rgya che mtshungs med pa'i// gsang ba'i rgyud kyi phyi ma 'di// dug gis dug nad sel ba ltar// thabs chen mchog tu shes par bya// skal med dman dang dbang med pa'i// log par gyur pa'i gang zag gis// bskal pa bye bar ci bsten kyang// log pa'i lam du ltung bar 'gyur// rang byung bde ba'i 'khor lo ni// sku dang gsung thugs gang gnas pa// bcud dang bde chen thabs mtshon pa// man ngag ldan pas shes par bya// rang byung bde ba chen po'i rten// 'khor lo gdugs dang srog shing gsum// dwangs ma thig le ye shes bcas// lnga ltar gsal zhing gcig tu thim// bde bas bde ba gsal byed pa// dka' thub 'jig rten chos dang bral// gang zag chags dang bral ba'i yig/ bde chen rol pa'i thabs 'jug cing// man ngag thabs kyis bde spyad na// thams cad bde chen bzhin du sbyor// sangs rgyas kun gyi gsung mchog ste// lhan cig skyes pa'i ye shes 'di// sgra dang tshad ma kun spangs nas// rol pa'i thabs chen ldan pas gsungs// de nas gzhan yang bshad bya ba// gsang ba'i thig le chen po ni// mngon pas mthong bas gong min te// las dang yon tan mtha' bral zhing// dwangs ma ye shes 'khor lo bskor// 'dod pa lnga yis brgyan par gnas// nyi zla gsang ba'i pad+mar ldan// dga' zhing ldan pas gang 'jug na// thig le gong 'og 'bab pa la// dga' ba brgyad dang mtshungs par gnas// phra rags bcu drug shes par bya// gsang ba'i ye shes lnga ldan pas// kun tu khyab cing bar ma chad// thun mong thun mong ma yin pas// sprul pa'i phreng ba rgyun ma bcad// gsang ba rang byung snying po la// rang bzhin thabs kyi khyad par gyis// bcings gyur rnam par grol ba'i thabs// ma lus 'dir ni shes par bya// de nas gzhan yang bshad bya ba// thabs dang shes rab ldan pa yi// lha dang lha mor gnas spyad pa'i// skyes bu thabs kyi rang bzhin te// bud med shes rab shes par bya// gsang ba'i thig le 'og min gnas// las dang yon tan cher ldan zhing// ro dang nyams dang ye shes nyid// snying po thig le kun nas zlum// dga' bzhi thig le kun dang bral// nyi zla pad+ma'i rang bzhin kyang// gnas te sku gsung thugs nyid du// rang bzhin thabs dang 'brel bar bshad// tha mal zhen pa kun sdud cing// bde chen ye shes rgya mtshor 'khyil// gsang ba'i thabs dang mnyam sbyor bas// gsang ba'i nyi zla pad+mor bcas// thogs pa med par 'byung 'gyur te// sa dang pha rol phyin pa dang// las dang yon tan dus gcig rdzogs// gsang mchog pad+ma'i dkyil 'khor du// bde chen rol pa 'di gsungs te// de las gzhan dang 'brel pa yis// bskal pa bye bar shes mi 'gyur// sgyu 'phrul thal ba'i rgyud chen po las/da ltar rnal 'byor thabs kyis grol ba'i le'u ste nyi shu gcig pa'o//// de nas gzhan yang bshad bya ba// thabs chen gsang ba'i thig pa ste// gsang ba brtul zhugs rol pa 'di// kun gyi phyi ma rig pa mchog/ ma lus kun las mchog 'gyur zhing// thabs mchog bde chen phyag rgya mchog/ ma lus thabs kyi byin rlabs kyis// bdag gzhan bde chen phyag rgya sems// rgyal ba kun gyi sku gsung thugs// ma lus rol pa thugs nyid 'di// skal ngan dman dang rigs chad dang// byis pa rgan po ma ning dang// dka' thub lha ngan rnam par spang// thabs chen yid bzhin nor bu 'di// zab dang 'phel 'grib mi gnas dang// thabs chen skal ldan spyod yul de// gzhan la mi gnas spyod yul min// bskal pa bye bar mi 'byang pa'i// las dang nyon mongs sdug bsngal dang// sgrib pa bag chags thams cad kun// thabs chen gsang bas mngon du sel// dka' thub gdung bas lus gzir cing// lus sems sdug bsngal dbang bsgyur ba'i// sangs rgyas sras su gyur pas kyang// phyogs tsam reg par nus ma yin// kun gyis spangs pa'i chags sdang lnga// 'dod lnga dran rtog phra rags bcas// thabs kyis de dag zil mnan nas// rnal 'byor bde ba'i pha rol phyin// tshad ma gzhan dang bral ba yi// rang rig bde chen byang chub sems// ngo bo rtog dpyod las 'das pa// 'gro 'ong mi yul bsam las 'das// thams cad byang chub snying po mchog/ gang phyir bde ba ye shes ni// cho ga thabs las shes par 'gyur// thabs bral thabs las rnam par 'jog/rang bzhin thabs kyi pha rol phyin// thabs chen bde bas gang rtogs pa// bde bas dka' thub zil gyis gnon// sgyu 'phrul dra ba mngon rdzogs pa// thabs chen gsang ba'i thig le ni// rtogs shing goms par grol 'gyur te// gzhan gyis nam yang 'grub ma yin// rang bzhin rtogs goms byin rlabs kyis// dper na nyi 'od rin chen bzhin// las dang bsod nams rkyen dag las// chu dang me long gzugs brnyan ltar// dngos po ji ltar gsal ba ltar// thabs dang man ngag stobs kyis 'grub// sgyu 'phrul chen po thig le nyid// thabs dang shes rab gsal 'gyur bas// bde ba gsal la mi rtog pa// thams cad mkhyen pa'i stobs su snang// rang nyid phyag rgya stobs chen gyis// mi mthun gnyen po bral ba las// thabs chen gsang ba mthar phyin pas// man ngag ldan pas 'grub 'gyur te// rang rig yon tan mngon snang bzhin// bye brag brgyad cu la sogs pa// bstan pa'i khyad par ci snyed pa// 'dul ba'i dbang gis snang ba ste// gsang ba 'dis ni rtogs par 'gyur// gang med de nyid mi 'byung phyir// dper na lus dang yan lag bzhin// dus gsum sangs rgyas bstan par bcas// rang byung bstan pa rgya mtshor 'dus// bskal pa bye ba bsam yas par// thabs dang dka' bas gang btsal bas// zab mo'i thabs rgyud mi mthong ste// zab mo rgyal ba'i dgongs par bshad// phyi nang gsang ba la sogs pa// thabs chen bstan pa gang gsungs pa// thams cad yan lag snang ba ste// kun gyi snying po 'di gsungs pa'o// zhing khams phyi nang bsam yas par// gleng gzhi gleng bslang rtog pa dang// cho ga'i dkyil 'khor grangs med par// thams cad 'dir gnas pa nyid do// 'das dang ma byon da ltar ba'o// sangs rgyas rnal 'byor thams cad kyi// lam mchog gsang ba 'di yin te// 'byung gnas 'byung nyid de phyir ro// khyad par thabs chen sgyu 'phrul 'di// gsang ba'i gsang mchog dam pa 'di// gzhan dang dbang po dman pa dang// ma dag pa la ma gnang ngo// rnal 'byor gsang bar zhugs rnams kyis// gsang chen rol pa'i thal rgyud las// dbang dang man ngag stobs kyis brtag/ tshe 'di nyid la 'grub par 'gyur// dka' thub gdung ba kun bral zhing// longs spyod lnga ldan cho ga yis// 'dus pa med pa'i spyod pa yis// 'jigs pa med par rnam par grol// nam mkha' lta bur gang rtogs pas// rgyal po'i spyod pa la brten na// bar chad med par gsal goms pas// yid bzhin nor bu lta bur 'gyur// gzhan yang gsang chen thig le ni// gsang ba'i yid 'phrog thabs kyi rgyud// ma lus thabs kyis rol spyad na// skad cig tsam gyis grol bar 'gyur// ma lus 'ching ba yul gyi dug/ rgyal ba'i dgongs pas dbang bsgyur nas// phyi nang yul sems snod bcud bcas// thabs chen bde bar mngon du gsal// bye ba brgya phrag mang po'i tshogs// lha rnams dang ni klu rnams dang// 'gro ba skal ldan thams cad kyis// 'dod pa'i yon tan lnga rnams la// ci 'dod par ni spyod bzhin du// dag pa dang ni bde ba dang// yid bde ba dang sems bde bas// ma lus gsang ba nyid du blta// rnal 'byor pho mor 'brel ba yis// ma lus tshogs la longs spyod cing// blta dang bgad dang 'khyud pa dang// dbang po thug dang zhal la sogs// phrad dang spyad pa la sogs pas// dga' zhing nyams dang thig le bzhi// lus sems dga' bar grol bar 'gyur// byin rlabs thabs kyi nyams ldan pas// nyams dang re dogs med pa yis// glu dang gar dang rol pa'i thabs// sna tshogs thabs ni ston par mdzad// ma dag pa dang mi 'tshams shing// dag pa la 'tshams re dogs med// thabs spyod bye brag mtha' yas pa// ma bcos thabs kyi spyod par gnas// gsang chen rnal 'byor spyod pa 'di// dga' dang spyangs pa'i rang bzhin las// gzhan dang byis pa tha mal dang// sgro skur ya gar gnas la sogs// byin na bar chad 'byung 'gyur te// dmyal ba yi dwags byol song sogs// bskal pa rdul snyed gnas 'gyur te// bde bas phongs pa nyid du 'gyur// bskal pa zhing gi rdul snyed du// spyangs dang bsags pa gang yin pa// skal ldan 'ga' yi spyod yul te// bsgrub bya'i 'bras bu snying po nyid// gsang ba chen po thal ba'i rgyud// ma lus dag pa'i 'jig rten du// skad cig byin rlabs snang mdzad pa// gsang chen rmad byung theg par bshad// sgyu 'phrul thal ba'i rgyud chen po las/gsang ba theg chen bstan pa'i le'u ste nyi shu gnyis pa'o//// de nas gzhan yang bshad bya ba// rtog pa kun las rab 'das pa// brtag pa kun gyi ngo bo nyid// sgyu 'phrul dra bas mngon snang ba// sangs rgyas kun gyi rang bzhin ni// dag dang ma dag khyad par gyis// phyi nang yul sems dbang por bcas// ma bcos rang rig dbyings su 'dus// 'khor dang mya ngan 'das pa yang// gzhi rtsa med dbyings skad cig ma// mi gnas tshul gyis gnas 'gyur te// de la gnas pa gang yang med// 'byung ba lnga dang phung po lnga// khams dang skye mched la sogs pa// thabs dang shes rab ldan gyur pa'i// gnyis su med par rang bzhin gnas// rgyal ba'i dkyil 'khor rdul snyed pa// zhing dang longs spyod mdzad pa dang// ma lus gnyis med snang ba ste// dbyer med rig pa rang snang ngo// phyi dang nang dang yul sems dang// ji snyed spyod yul 'gyur ba kun// nam mkha' la ni gza' skar ltar// chos kyi dbyings las don 'byung ste// bya byed med par ngang gis snang// phyi nang gsang bar bcas pa yi// kun gzhi thabs kyis gsal byas pas// ma lus rang snang 'jig rten pas// spang dang spang bar bya ba med// dbang po yul dus rnam shes tshogs// ma lus gnyis med rang snang ba// skyes bu thabs kyi spyod yul te// skal ldan dag gis shes par bya// thugs kyi bde ba chos kyi dbyings// rang rig bsam pa'i yul las 'das// de nyid ji ltar gsal ba ltar// thabs kyi rdzu 'phrul sna tshogs 'dzin// gang dag gang la dbang ba ni// 'di ni dbang po mchog tu gsungs// brten pa'i shes rab bcas pa yi// dmigs par bya ba'i yul nyid do// ji snyed chos rnams bsam yas pa// thun mong thun mong ma yin pa'i// rten gyi bya ba thams cad kyang// dbang po yul du 'dus par bshad// ji snyed chos rnams rdul snyed pa// 'jig rten 'jig rten 'das pa yis// nang dang phyi ru bstan pa kun// rang rig ye shes mchog tu gsungs// thabs mkhas bye brag cir bstan pa// thabs kyi khyad par snang ba yin// e ma gar mkhan 'khor lo bde// ma skyes stong pa'i rang bzhin las// sgyu 'phrul dra ba bde ba'i mchog/ gsang dbang pad+mar 'brel ba na// bde ba mchog tu 'byung 'gyur te// skad cig tsam gyi bde ba yis// bag chags thams cad zil gyis gnon// rang byung las kyi sgyu 'phrul las// gsang ba'i thabs dang ldan pa yis// bde chen gsang bar gyur pa na// spyod yul pad+ma lta bur 'gyur// rdo rje dbang yul 'dus pa las// phyi nang yul sems bcas pa'i chos// nyi zla thabs kyi 'gro 'ong la// ma lus 'dir ni 'dus pa nyid// gsang ba thabs kyis sgyu 'phrul las// ji snyed chos kun rang bzhin 'char// thams cad thig le bde chen la// yul dbang phyi nang spro bsdu med// rang byung thabs kyi sgyu 'phrul ni// dkyil 'khor kun gyi thabs bcud de// thabs dang shes rab 'brel pa las// 'bras bu rang bzhin gsal bar 'char// thabs la stong pas rgyas btab cing// stong pa la ni bde bas btab// ro gcig bde ba chen po rgyas// phyi nang yul sems kun tu btab// ma lus bde chen thig le ste// dngos po nam yang yod ma yin// nam mkha'i dbyings kyi mtha' klas par// gnyis med bde ba rol pa'i mchog/ gsang ba dbang gi cho ga las// bde chen lam la bar chad med// dbang po mchog gi yul du gyur// de bas gzhan gyi spyod yul min// sangs rgyas kun gyis byin brlabs pa'i// rang rig bde chen gnyis med 'di// man ngag thabs kyis mtshon pa las// tshig dang yi ge'i spyod yul min// ma lus gsang ba'i rang bzhin la// gsang ba thabs kyis gang mtshon na// bag chags bsal ba'i ye shes kyis// thams cad mnyam pa nyid du gsal// thabs chen rol pa mngon bstan pa'i// gsang ba kun 'dus thabs kyi rgyud// skal ngan dman la sbas pa ste// thabs chen ldan pas shes par bya// skye med sgyu 'phrul drwa ba las// thabs chen rol pa'i cho 'phrul gyis// 'gro ba chags pa can don du// sna tshogs 'gro ba 'dul bar mdzad// sna tshogs bcud ldan thig le yis// 'khor lo yul dang dbang po chos// thabs chen las byung bde ba yis// rig pa'i 'khor lo khengs pa yis// phyi nang yul sems chos rnams kun// ngo bor bde chen mya ngan 'das// thabs dang shes rab 'brel pa yi// dbang po yul sems ldan pa la// lus dang sems las byung ba kun// rgya mtsho'i rlabs dang tshwa chu ltar// rang bzhin bde ba chen por thim// brtags pa'i bye brag sna tshogs pa// ngo bo nyid ni cir snang yang// rang bzhin ngang la dbyer med de// thams cad ma bcos ngang du zhi// ma byas rang byung rang snang bas// yul dang dbang por bcas pa kun// ngo bo gcig tu gsal bar gnas// ma lus ye shes brda' las 'das// ma lus ye shes rang snang zhing// sgyu 'phrul thabs kyi me long la// dra ba gzugs brnyan rang bzhin 'char// sgyu 'phrul thal ba'i rgyud chen po las/rdo rje dril bu tshad bstan pa'i le'u ste nyi shu rtsa gsum pa'o//// de nas gzhan yang bshad bya ba// gang dag don la 'gal byed cing// thams cad log pa'i dbang song ba'i// spyod pa de yi 'bras bu bshad// rang bzhin dbyer med don gcig las// log pa'i rtog la zhen dbang gis// dbyer med mnyam pa'i rang bzhin las// bdag gzhan bde sdug sna tshogs snang// log rtog rgyu 'bras zhen brtags pa// dngos med log rtog brtags dbang gis// bag chags zhen goms dbang gis na// 'khor ba'i rang bzhin brtags par gyur// thams cad gsang ba'i rang bzhin las// rig pa'i khyad par cir snang ba// rang rig ye shes de bzhin nyid// dngos med dngos snang de bzhin nyid// ma mthong tha dad dbang dang ldan// rang bzhin don las spangs don ci// dgag bsgrub don la nges brtson nas// gnyen po'i thabs kyis gang sbyangs pa// rang rig rang la bcings pa yin// dka' thub sdom pas gzir ba yis// las dang bya ba la brten pas// gnyis ka rnal 'byor la brten pas// 'bras bu thob par 'dod pa yin// gsang ba thabs kyi rnal 'byor pas// gang la brten nas rtogs goms pas// dka' thub rtsol ba kun spangs nas// tshe gcig 'bras bu rang las 'byung// slob dpon thabs la mkhas pa dang// cho ga'i rim pa dang ldan pas// gang ltar brtsam pa de bzhin du// nges par 'byung bar the tshom med// log pa'i dbang du zhugs pa dang// gang du sbyangs min rang bzhin ngan// le lo g.yengs pas bslus pa dang// 'khor ba na ni yun ring gnas// byang chub sems ni ma skyes shing// dad dang dam tshig ring spangs shing// bla ma dag la rgyab kyis phyogs// dbang dang man ngag mi ldan par// gsang sngags rang bzos 'jal bar byed// log pa'i spyod pa'i dbang song ba// 'di lta bu yi sdig can ni// rdo rje dmyal bar skye bar 'gyur// bla ma mnyes par ma byas shing// zhe sdang la sogs nyon mongs ldan// bag chags ngan pas rang bzhin bcings// log rtog zhen po'i mthur ldan pas// gang ltar bgrod pas log pa'i lam// log pa la ni gzhol bar 'gyur// gsang ba'i don mchog 'di dag ni// dam pa rnams kyi yul yin te// dman pa rtog ge la sogs pa'i// yul du nam yang 'gyur ma yin// gang du 'ching ba'i las rnams kyang// thabs dang ldan pas grol bar 'gyur// gang du thabs dang mi ldan pas// thams cad 'ching ba'i mdud par 'gyur// de bzhin gshegs pa'i gsang chen 'di// thabs dang man ngag mi ldan par// dregs dang nga rgyal dbang song bas// thams cad 'khor ba'i rgya mtshor ltung// gang du thabs dang mi ldan pas// 'dod lnga chags pas rol spyod na// thar pa'i bde ba spangs nas ni// 'khor ba las ni thar mi 'gyur// gang du dngos po'i rang bzhin la// bde sdug zhen par mi gnas kyang// las dang nyon mongs zhen pa la// thams cad log pa'i stobs su snang// gang du gang med de bzhin nyid// de la de snang ngo bo nyid// gang la de yi rang bzhin ni// gang ma yin te de bzhin nyid// 'gro 'ong gnas pa las grol ba'i// mtshan nyid zhen pa las 'das pa// ngo bo log pa'i rkyen gyis bsgyur// tha mar log pa'i grong khyer brgyud// dngos 'dzin log pa'i dug nad kyis// dngos bral dngos por rang btags pa// mthong ba log pa'i stobs ldan pas// 'khor ba'i grong khyer thar pa med// chags dang chags bral ltung ba'i gnas// zhan dang spang dang 'geg dang sbyang// bsgyur sogs mtshan ma'i dbang song bas// nam mkha' la ni 'phyos pa bzhin// sdug bsngal rgya mtshor ltung bar 'gyur// theg pa mchog la mi chags shing// 'dod lnga chags pa spangs pa dang// bu mo mtshan ldan spangs pa ni// thabs bral 'khor ba'i rtsa ba yin// thabs dang bral ba rang bzhin gnas// tshangs pa bde ba'i skar khung nas// thig le 'bar nas rgyu ba ni// thabs kyi bsam pa'i lam gang bcad// 'bar ba brgyad po thim par bya// shar ba rdo rje hU~M gi bdag/ rtsa ba lo mas gang bsdus pa// yid ni smin mtshams gyen la gtad// gsang ba'i gter la longs spyod bya// gsang ba'i yid ni 'pho 'gyur na// bya ba la sogs rang dor nas// rnam shes sa la thim 'gyur te// sa yang chu la thim par 'gyur// chu ni me la thim gyur pas// de nyid rlung la thim par 'gyur// rlung ni snying po'i thig ler te// de las me long gzugs bzhin du// ma skyes stong pa'i grong du 'pho// skye ba med cing 'gag pa med// rgyu ba med cing zag pa med// sha khrag gshang gci khu ba med// nam mkha' lta bur gnas pa nyid// gsang ba'i dkyil 'khor gnas chen la// rgyal ba kun gyi gzhal yas khang// til 'bru lta bu'i pho brang ste// rtsa gsum 'dus pa'i rtse mo ste// bam dbyibs gnyis med phrad pa las// nyi zla phrad pa'i thig le las// rim par skye ba'i ye shes ro// gnas nas gnas su 'pho ba yin// bcu drug skye bar the tshom med// thig le zung 'jug bde ba ni// sangs rgyas kun gyi rang bzhin phyir// bag chags mtha' yas kun sel te// 'bras bu lhun grub rang la 'char// rang byung thig le rten dang bcas// lus can kun la khyab pa ste// zag pa yod med kun dang bral// thig le chen po g.yo ba med// thabs dang shes rab thams cad ni// sbyor ba'am rang gi stobs las byung// nyi ma zla ba rgyas pa ni// rang gi stobs kyis bzung ba ni// gnas dang gnas min khyab pa'i bar// gsal brtan nges las ye shes skye// gsang ba'i thabs kyis nges skye na// mun pa la ni mar me ltar// bcu drug rim par 'phel bar 'gyur// rang gi nyams las shes par bya// phyi nang bde ba'i thig le la// ma lus chos kun rang gnas pas// rnal 'byor rig pa'i thabs tshul gyis// gzhan du ma yengs tshul gyis blta// sangs rgyas kun gyi bde ba ni// 'gro 'ong 'phel 'grib med pa ni// dus gsum bral ba'i thig le ste// nam mkha' lta bur 'gyur 'jig med// lus sems yid byed med pa yi// bde ba rang rig bsam mi khyab// rgyu rkyen zag pa'i yul las 'das// thig le 'gro 'ong rgyun dang bral// nga rgyal phrag dog ldan pa dang// yo byad yod dang med pas kyang// thabs 'dis grol 'gyur the tshom med// gsang ba'i thabs la gang gnas pa// rigs dang na tshod gang yang rung// phyi nang yul sems chos thams cad// bde ba chen po'i ngo bor ldog/ dbang dang man ngag byin rlabs kyis// sgra dang bral ba'i bstan pa nyid// snying gi dkyil nas byung 'gyur te// bde chen thig le 'phel 'grib med// rang rig sems kyi bde ba la// rgyu 'bras dang ni zag pa dang// 'byung 'jug yengs dang ma yengs med// bde chen khyab pa rang bzhin gnas// gsang ba yid gnyis med pa yis// thabs kyi bye brag bskul gyur na// ye shes nam mkha' mtha' thug med// thams cad myur du 'grub par 'gyur// gsang chen rol pa'i spyod pa las// tha mal pa dang dman pa med// dka' thub gtsang sbra zhum pa med// lha dang sngags dang phyag rgya med// dkyil 'khor sbyin bsreg 'phro 'du med// de bas sgyu 'phrul thabs chen po// sangs rgyas kun gyi gnyis med bde chen dbyer med pa// thabs dang shes rab mi phyed pa// 'di ni sangs rgyas rang bzhin nyid// nyi zla thabs dang shes rab kyi// ro gnyis 'dus pa'i stobs las skyes// de la mi rtog rtogs pa'i bdag/ rdo rje sems dpa' bde ba'i mchog/ dwangs ma'i bde ba la brten nas// rten med bde ba nges par skye// ma skyes nam mkha' lta bu ni// rtogs dang goms pa'i stobs kyis 'grub// ma skyes bde chen ma rtogs par// mtshon pa'i thabs la bder gnas na// dngos po zhen pa'i 'du shes kyis// ngan 'gro'i rgya mtshor ltung bar 'gyur// bud med rigs la gang brtags pa// lam dang nus pa'i khyad par gyis// 'ching grol khyad par de bzhin te// zag pa yod med don gyis brtags// gsang ba'i bud med bsten par bya// lus can yid can ye shes can// gang du thabs dang goms pa dang// mthar phyin lhun gyis grub par sbyor// tshogs bsags las rgyud dag pa dang// thabs lam mchog la jon sbyangs dang// dam pa mchog gi spyod yul te// gzhan dang bskal pa bye bas min// gang dang bral ba'i bya ba thams cad ni// srid pa'i rgya mtshor sdug bsngal zhen pa ni// tha ma dman dang log pa'i dbang song bas// sgyu 'phrul dra ba'i thabs dang bral ba yin// 'khor ba'i dug 'joms thabs mchog rnams spangs nas// zhen chags mtshan ma dka' thub lam spyod pa// long ba bde bor g.yang sa snyogs pa ltar// sgo gsum thabs chen bral ba ltung ba'i rgyu// gang du dbang dang dam tshig brtul zhugs can// gsang ba'i spyod pa dga' zhing rigs ma bsten// lus dang sems kyi 'khor lo bde ba'i khu bas 'gengs// 'jig rten zil gnon 'khor ba'i mun pa sel// ye shes sgron mes bde chen gsal bar byed// thabs chen ldan pas pad+ma la bzhugs nas// lus nyid bde bas sems kyi don bstan nas// rang rig byang chub sems ni bde chen 'khor lo can// sdug bsngal mtshan ma med par myur du 'byung// bskal pa brgya phrag du mar rab brtan pa'i// mun nag 'jigs su rung ba'i khang pa dag/ thabs la mkhas pa'i sbyor bas brtsams pa yis// the tshom med par myur du sel bar byed// thog ma med pa'i bag chags thun mong dag/ thabs dang theg pa gzhan gyis gsal dka' ba// dbang dang man ngag thabs kyi mar me yis// skal ldan snying gi mun pa myur du sel// rang sems bde chen rten byed sems kyi rin po che// 'dod lnga longs spyod dga' dang bde bas gus brten na// 'bras bu lhun grub ya mtshan rmad byung ba// gzhan la rag ma lus par rang las 'byung bar 'gyur// thabs chen thabs las byung ba'i sku gsung thugs// bde chen zag med nam mkha' lta bu nyid// slob dpon mthu las 'dod pa 'grub 'gyur gyis// dman dang log pa'i thabs kyis 'grub pa med// gsang chen rol pa'i thabs la mkhas pa ni// dus gsum rgyal bas byin gyis rlabs pa ste// dman pa mtshan ma'i rnal 'byor dpag med du ma yis// de yis ba spu'i bu gar char mi nus// sgyu 'phrul thal ba'i rgyud chen po las/ thams cad yid dang chos su 'dus pa'i le'u ste nyi shu bzhi pa'o//// de nas gzhan yang bshad bya ba// gang du thabs ni med pa yi// brtags pa'i sgyu 'phrul du ma las// bsdus pa'i thabs ni bshad par bya// rtog pa'i bye brag thams cad ni// bzhi bcu rtsa gnyis 'dus pa ste// sku gsung thugs su bsdus pa nyid// rang rig chos kyi dbyings su thim// phyogs bcu'i rgyal ba rdul snyed pa// bzhi bcu rtsa gnyis ngo bo ste// de nyid sku gsung thugs kyi bdag/ de nyid ma skyes chos kyi dbyings// phyag rgya dang ni sngags dag dang// bzlas pa dang ni mchod pa dang// dkyil 'khor sbyin bsreg la sogs pa// dang po'i las can la bshad de// rgyud kyi phyi mo 'dir mi 'dod// spros pa can la bshad pa yin// gsang ba las kyang gsang gyur pa// rang lus dkyil 'khor phyag rgya dang// lha yi dkyil 'khor grangs med dang// mchod dang bzlas pa sbyin bsreg dag/ thabs kyi cho ga mkhas pa yis// rang gi lus la bskyed par bya// rang lus bde ba chen po'i dbyings// mkhas pas thabs la gnas pa yis// khrus dang dka' thub mi bya ste// longs spyod kun gyis tshim par bya// bdud rtsi lnga dang bcud dag dang// mi mo mtshan ldan bcu drug ma// mtshan ldan lus rgyas yid 'ong ba// 'dod pa'i yon tan lngar ldan pas// bdag gi lus sems mchod par bya// gtsang sme'i rtog pa mi bya zhing// bslang mo'i bya ba smyung gnas min// lus sems bde bas brgyan byas nas// bde bas bde ba myur du 'grub// tsit+ta'i dkyil 'khor rin po che// bye phrag thig le mang po rnams// kun las 'dus par gyur pa ni// dngas snyigs thig ler 'dus pas na// bcud kyi thig ler gsal ba la// ro lnga'i khyad par kun rdzogs pas// ma lus 'dus pa'i ngo bor gnas// tshangs pa bde ba chen po yis// sems kyi bum pa rgyas pa yis// lus kyi bde ba rgyas byas nas// rang la dgongs pa lhun gyis grub// 'dul bar bya bas kun kyang spyad// gsang spyod bde ba'i thig le la// yon tan ma lus lhun rdzogs shing// zhen pa ma lus rang log nas// lhan cig skyes pa'i ngo bo gsal// bde ba rang gi gsal ba la// mtshan ma thams cad kun zhi nas// sgyu 'phrul dra bar gnas pa ni// dus gsum sangs rgyas thams cad do// rang lus thabs kyi bder gnas pa// rim pa dbang gis byin brlabs pa'i// thabs kyi ye shes mngon thob pa// bcu gsum sa rdzogs yon tan thob// rang byung ye shes dkyil 'khor la// rgyu dang 'bras bu kun rdzogs pas// sku dang gsung thugs yon tan las// ma lus bdag nyid las byung ba// dpag bsam shing dang rin chen bzhin// dang por mtshon pa'i dbang thob pas// zhen med bde ba chen po skye// rig pa ma skyes bde ba'i sems// thabs la mkhas par 'byung bar 'gyur// zhen cing 'dzin pa grol bar 'gyur// bde ba chen por rab gnas pa// thabs dang ldan pa'i rim nas rim// bde ba chen por mthar thug med// ji ltar tshes nas bcu drug ltar// rang gi yon tan rdzogs par 'gyur// ting 'dzin nyams kyi drod ldan la// rig pa'i lha mo rol dbang gis// dang po nas ni sa brgyad bar// sa yi rim pa 'phel bar 'gyur// de nas phyogs bcu dag pa'i zhing// rin chen mdzes pa'i gzhal yas su// sa bcu'i dbang phyug rtsal rdzogs la// phyogs bcu'i rgyal ba kun 'dus la// ye shes lha mor rol dbang gis// zhen pa tha ma rang dag nas// nam mkha' mtha' dbus med pa la// nyi ma rdul med shar ba ltar// sems dang sems las byung ba kun// thog ma tha ma med pa yi// lhun gyis grub pa'i ye shes shar// rig pa rdo rje 'dzin pa ni// dang po rnam par smin pa ste// de nas ting 'dzin yid kyi lus// de nas sprul pa'i lus su ste// tha ma ye shes lus mthar phyin// dang po lha yi dbang po ste// gnyis pa rigs bzhi sems dpa'i tshul// gsum pa rgyal ba lngar gnas pa// mthar thug kun bzang rdo rje 'chang// ye shes rigs dang dkyil 'khor dang// sangs rgyas dkyil 'khor kun 'dus shing// cho ga'i mtshan ma phyag rgya sogs// ma lus rtog pa 'dus pa ste// rtogs pa'i rgyal po bla na med// thabs mchog ma lus 'dir 'dus pa// dman pa'i grong khyer bcom pa yis// rang byung ye shes 'phel bar 'gyur// ji snyed theg pa'i bye brag dang// sngags dang phyag rgya dkyil 'khor dang// sbyin bsreg 'khor lo lha dang bcas// ji snyed rnam par ma bshad pa// 'di nyid mtshon pa'i thabs yin te// gzhan ni dgongs pa yod ma yin// de bas thabs mchog 'di nyid ni// rtog pa bsdus par bshad pa yin// phyogs bcu mtha' yas ma lus pa'i// rdul snyed sangs rgyas thams cad kyang// thabs chen sgyu 'phrul dra ba ste// 'bras bu kun kyang 'dir bsdus pa'o// gang phyir dngos po 'dir mthong bas// blta ba thams cad 'dir 'dus pa'o// rnal 'byor thabs chen rtogs pa la// gtsang sme blang dor mi gnas pas// dpa' bo seng ge bzhin du spyad// spyod pa cho ga mdor bsdus pa'o// dkyil 'khor dpag med mtha' yas pa// byang chub sems kyi dkyil 'khor te// bde ba chen po'i dkyil 'khor 'dir// dkyil 'khor ma lus 'dus pa'o// bden gnyis dbyer med byang chub sems// mkha' ltar gnas pa'i don rtogs nas// dbang mchog nyid du 'di gsungs te// dbang gi cho ga 'dir 'dus pa'o// sgo gsum mnyam par rtogs pa las// thams cad bde ba chen po nyid// ma lus skyon bral dam pa la// bsrung bya ma lus 'dir 'dus pa'o// dngos grub kun gyi snying po mchog/ bde chen mchog las gzhan med de// sku gsung thugs sogs dngos grub mchog/ grub pa kun gyi snying po mchog/ zhi ba rgyas pa dbang drag dang// las kyi bye brag mtha' yas pa// byang sems bde ba la gnas pas// ma lus 'dir ni 'grub par 'gyur// gsang ba'i lam mchog sems lnga ste// thabs mchog steng 'od las byung ba// g.yo ldang 'jug gnas mthar phyin pas// mi ldog thabs kyi pha rol phyin// mdor na bsdus dang lam dag dang// bsgrub dang las tshogs mtha' yas pa'i// rtogs pa mtha' las bsdus pa ste// zab mo phyi ma mchog gi yul// snga ma dag tu ma gsungs pa// dbang dang dam tshig dman pa dang// mtshan ma dag la mos dga' ba'i// blo dang rig pa'i spyod yul min// gsang ba zab mo'i thugs kyi rgyud// rol pa spyod cing dga' bder gnas// rigs chad dka' thub ldan pa spangs// dga' bde ldan pas gang spyad pa// ma lus yid bzhin nor bu bzhin// gsang sngags byin rlabs thabs kyis 'grub// bya ba ma lus mdor bsdus pa// bya ba med par yang dag 'grub// gsang ba thal rgyud chen po 'di// yon tan che ba kun gyi gnas// sgyu 'phrul thal ba'i rgyud chen po las/ rtog pa bsdus pa'i le'u ste nyi shu lnga pa'o//// de nas gzhan yang bshad bya ba// gsang ba chen po rab nges pa// snying po las kyang snying po mchog/sgyu 'phrul thal rgyud chen po 'di// phyogs bzhi dus bzhi ma lus pa'i// nam mkha'i mthar thug rgyal ba rnams// gsang ba gang la zhugs pa na// 'gro ba chags pa can don du// 'dul ba'i gang zag la dgongs nas// thal chen bde ba gsang ba'i mchog/ 'gro ba snyigs ma la dgongs nas// gsang ba 'di ni bstan par mdzad// byang chub sems dpa' lha mo'i tshogs// bde ba chen po nyams ldan pas// dgyes pa'i brtse ba'i rol pa yis// thabs chen lam la gnas par mdzad// mkha' 'gro ma mo phra men ma// rgyal po 'khor du 'dus pa rnams// kun kyang thig le yid g.yos nas// blta dang chags pas 'khyud byas dang// brtse dang gzhib dang zhal sbyor dang// dkar 'dzin 'gying ba'i tshul gyis ston// sems dpa' lus 'dar mig dngas nas// chags pa'i garni sna tshogs byed// dga' ba'i tshul gyis tshig bshad brjod// kye kye rgyal ba thams cad gzigs// rgyal ba thams cad dgongs pa yi// thig le chen po thabs kyi mchog/ 'gro ba lam mchog bder ston pa// sgyu 'phrul dra ba lam gyi phugs// thabs dang shes rab dbyer med pa'i// bde chen rig pa bsam mi khyab// dngos nyid bde gsal thog mtha' med// nyon mongs kun las rab grol ba'i// 'khor ba bder gnas thabs kyi mchog/ 'dod chags chen po bde ba che// 'dod chags chags bral chags pa 'joms// tha mal mtshan ma rnams 'jig cing// dga' zhing bde bar ldan pa yis// gdung zhing dka' thub sdug bsngal med// thun mong zhen pa log pa des// gang ltar bsam pa 'grub par 'gyur// rig pa brgyud par grags pa 'di// thabs ldan rig pa 'dzin pa can// sa mthar pa tra ru tra lus// 'dod lnga thabs kyis don rtogs nas// chags can thabs kyis grol mdzad phyir// snying gi dkyil 'khor sgo phyes nas// mchog dga' bde ba lhan cig skyes// 'khor ba pad+ma'i sdong po ltar// ma spangs thabs su sbyar bas na// thal bas khengs pa'i 'jig rten du// thal ba'i dbang por lung bstan thob// sgyu 'phrul thabs kyi gsang rgyud 'di// dbang phyug rgyal po'i gter 'dzin cing// dgongs dang dbang phyug dam tshig ldan// chags thung thugs brtse 'gro ba skyob// gzi brjid che la nogs thub pa// 'di la gsang ba bstan pa gtad// 'gro ba skal ldan dad pa can// lus dang srog la mi blta zhing// brtul zhugs shes rab bstan par ldan// slob dpon bzung dang grogs dag la// srog dang mig ltar blta bya zhing// lus dang 'tsho ba longs spyod dang// bu dang chung ma rta la sogs// bdag gi lus kyang dbul bar bya// sangs rgyas kun gyi rang bzhin du// bla ma dus gsum blta bya ste// 'gal dang nyams par 'gyur ba'i las// rdul cha tsam yang mi bya'o// dbang phyug rgyal pos gnyer gtad pa'i// gsang ba thugs kyi rgyud chen 'di// rgyal sras rigs nges bder spyod cing// 'khor ba'i tha ba kun spangs shing// bde ba chen po 'phel byed pa// 'dzin pa 'dzin par byed pa la// gsang ba dam par nges par gtad// yid bzhin nor bu 'chang ba ltar// bsam pa yongs su rdzogs byed pa// gsang ba'i snying po nges pa 'di// rig 'dzin rgyal sras kun la gtad// sgyu 'phrul thal ba'i rgyud las/ sgyu 'phrul chen po bstan par gzung ba'i le'u ste nyi shu drug pa'o//// sgyu 'phrul thal ba'i rgyud chen po rdzogs so// [¿]rgya gar gyi mkhan po bi ma mi tra dang/

CLOSE WINDOW