CLOSE WINDOW

Gpb013.006
བོད་ཡིག

gsang ba'i snying po de kho na nyid nges pa/ bcom ldan 'das dpal kun du bzang po la phyag 'tshal lo// 'di skad bshad pa'i dus gcig na// de bzhin gshegs pa dgra bcom pa yang dag par rdzogs pa'i sangs rgyas bcom ldan 'das longs spyod chen po phyogs bcu dus bzhi'i de bzhin gshegs pa thams cad kyi sku gsung thugs rdo rje'i bdag nyid ma lus mi lus lus pa med pa thams cad dang so so ma yin tha mi dad dbyer med pa'i rang bzhin te// 'og min gyi gnas mtha' dang dbus med pa na gzhi tshad med pa'i ye shes kyi 'khor lo khyab par gsal ba la ye shes rin po che sna tshogs 'bar ba'i gzhal yas khang/rgya phyogs bcur yongs su ma chad pa/ yon tan dpag tu med par rgyas pa'i phyir gru bzhir gyur pa/ lhag pa'i ye shes rin po che'i glo 'bur gyis mdzes pa/ rtse mo phyogs bcu dus bzhi'i sangs rgyas kyi dkyil 'khor ma lus pa thams cad so so ma yin ngo bo nyid gcig pa'i ye shes kun du 'khyil pa/ye shes bsam gyis mi khyab pa'i rin po che dbyibs dang kha dog la sogs te// rnam pa tha dad pa'i bye brag dang khyad par du gyur pa'i tshad dpag tu med pa/ye shes rin po che sna tshogs kyi phreng ba dang/ chun 'phyang dang/ shar bu'i rgyan dang/ gzugs sna tshogs dang/ sgra sna tshogs dang/ dri sna tshogs dang/ro sna tshogs dang/ reg bya sna tshogs kyis phyogs bcur 'khrigs par rang byung la/ mi sgrib par gsal ba'i rgyan bsam gyis mi khyab pas bklubs pa/ rnam par thar pa bzhi'i sgo nas 'jug pa'i sgo khyud can/ rnam par thar pa brgyad kyi rta babs dang ldan pa'i phyi dang nang med par kun du yang nang du gyur pa na mi 'jigs pa seng ge'i khri dang/stobs kyi glang po'i khri dang/ rdzu 'phrul gyi rta'i khri dang// dbang gi rma bya'i khri dang// thogs pa med pa nam mkha' lding gi khri dang// rang bzhin gyis 'od gsal ba nyi zla'i dkyil 'khor dang/ gos pa med pa pad+ma rin po che'i gdan la sku mdun dang rgyab med pa thams cad du yang zhal thal le bar gsal zhing/mtshan dang dpe byad du ldan pa/ bsam gyis mi khyab pa thams cad du sku gsung thugs sna tshogs par kun du snang ba/ lhun gyis grub pa'i sku gsung thugs chen po las thabs dang shes rab kyi zhabs gnyis mnyam pa'i brtul zhugs kyi skyil mo krung du bzhugs pa/ye shes drug gi phyag/ ye shes rin po che'i phyag 'bar ba can/ sku gsung thugs bsam gyis mi khyab pa'i dbu gsum dang ldan pa 'di lta ste/bcom ldan 'das de bzhin gshegs pa rnam par shes pa'i rgyal po dang/ de bzhin gshegs pa gzugs kyi rgyal po dang/ de bzhin gshegs pa tshor ba'i rgyal po dang/ de bzhin gshegs pa 'du shes kyi rgyal po dang/de bzhin gshegs pa 'du byed kyi rgyal po dang/ de dag kun kyang mthing ga dang/ dkar po dang/ ser po dang/ le brgan dang/ ljang gu'i mdog tu 'tsher ba/ btsun mo dam pa'i snang ba'i dbyings dang/sra ba'i dbyings dang/ mnyen pa'i dbyings dang/ dro ba'i dbyings dang/ bskyod pa'i dbyings la sogs pa/ btsun mo'i tshogs dang gnyis su med pa'i chos kyi dbyings kun du mtha' yas par khyab pa ni 'di lta ste/dper na til gyi gang bu bzhin du gang nas khyab par bzhugs so// de nas byang chub chen po rdo rje mthong ba dang/ byang chub chen po rdo rje thos pa dang/ byang chub chen po rdo rje snom pa dang/ byang chub chen po rdo rje myong ba dang/ btsun mo mthong bar bya ba dang/ mnyan par bya ba dang/ bsnam par bya ba dang/ myang bar bya ba'i tshogs dang/ byang chub chen po rdo rje mthong byed dang/ byang chub chen po rdo rje thos byed dang/byang chub chen po rdo rje snom byed dang/ byang chub chen po rdo rje myong byed dang/ btsun mo 'das pa dang/ da ltar 'byung ba dang/ ma byon pa'i tshogs dang/ 'joms pa chen mo reg pa dang/ 'joms pa chen mo reg byed dang/ 'joms pa chen mo reg shes dang/ btsun mo rtag par ma yin pa dang/ chad par ma yin pa dang/ bdag tu ma yin pa dang/ mtshan mar ma yin pa la sogs pa de lta bu'i tshogs brjod kyis mi lang ba dang gnyis su med par bzhugs so// de nas de bzhin gshegs pa btsun mo'i tshogs dang gnyis su med pa'i dkyil 'khor de dag nyid kyi gsang ba 'di nyid sku dang/ gsung dang/thugs dang/ yon tan phrin las rdo rje las phyung ngo// e/ e/ e ma'o// de bzhin nyid kyi dbyings nyid dang/ dbang sgyur ye shes dkyil 'khor thugs dang rang snang ba nyid ting nge 'dzin gzugs brnyan sgyu ma rnam dag gsal ba ni sku dang gsung dang thugs yon tan phrin las sel med pa'i yid bzhin nor bu rin po che mi zad par ldan pa rgyan gyi 'khor lo rdo rje mchog gi gnas nyid do zhes rdo rje gsang ba'i tshig tu'o// gsang ba'i snying po de kho na nyid nges pa las gleng gzhi'i le'u ste dang po'o//// de nas bcom ldan 'das byed pa po rdo rje yid kun tu bzang po thams cad ma lus pa'i rang bzhin gyi tshul rdo rjes btsun mo chos bya ba mo kun tu bzang mo la 'jug par gyur te ched du brjod pa 'di brjod do// o~M chos kyi chos nyid shes bya'i dbyings// kun tu bzang mo bde ba'i yum// ma g.yos rang bzhin dkyil 'khor ni// bdag yin bdag gi spyod yul ba// phyag rgya sna tshogs so sor gsal// nub phyogs 'og min gnas mchog tu// ma chags pad+ma'i gdan gting ba// dus gsum rgyal ba bzhugs pa'i gnas// rnam par thar pa'i sgo bzhi la// phyag rgya bzhi dang yang dag ldan// dbang dang skal min gsal ba'i phyir// nang dang phyi rim lcags dang ldan// rgyal ba yongs kyi sbas pa yi// sus kyang gting dpag dka' ba de// kun tu bzang po nyid kyis gzigs// zhes brjod pas btsun mo bya ba mo chos kun tu bzang mo la 'jug par gyur to// zhugs nas btsun mo bya ba mo chos kun tu bzang mos bcom ldan 'das yid kun tu bzang po dang// gnyis su med pa'i longs spyod bde ba la mnyam par gnas te ched du brjod pa brjod do// sems kyi sems nyid byed pa'i gtso// kun tu bzang po rdo rje yid// ye shes drug gi rang bzhin te// shar phyogs mngon dga'i bsam yas na// nI la lta bu'i gter 'byin pa// gsang 'dus 'phrul gyi ldeg mig gis// rnam par thar pa'i sgo phye nas// byang chub mchog gis nang gtan dgrol// mnyam sbyor pad+ma'i gdan la bzhugs// 'gro don byang chub sems bskyed nas// 'gro lnga skye bzhi dbang du bsdus// sku gsung thugs gnas dbang bskur to// zhes brjod pas thams cad mnyam pa chen po'i tshul rdo rje nyid du gsal bar gyur to// zhugs pas phyogs bcu'i de bzhin gshegs pa ma lus pa thams cad gcig gi rang bzhin dbyer med pa'i de bzhin gshegs pa nyid de bzhin gshegs pa nyid la ched du brjod pa 'di brjod do// e ma'o rdo rje phung po'i yan lag ni// rdzogs pa'i sangs rgyas lnga ru grags// skye mched khams rnams mang po kun// byang chub sems dpa'i dkyil 'khor nyid// sa chu spyan dang mA ma kI// me rlung gos dkar sgrol ma ste// nam mkha' dbyings kyi dbang phyug ma// srid gsum ye nas sangs rgyas shing// thams cad ma lus chos so cog/ sangs rgyas nyid las gzhan pa min// sangs rgyas nyid las gzhan pa'i chos// sangs rgyas nyid kyis mi rnyed do// zhes brjod pas de bzhin gshegs pa thams cad mnyes par gyur to// de nas btsun mo bya ba mo chos kun tu bzang mos bcom ldan 'das yid kun tu bzang po dang gnyis su med par gyur nas ched du brjod pa 'di brjod do// e ma'o phyogs bcu'i stong khams ye shes dben// srid pa gsum nyid dag pa'i zhing// snyigs ma lnga nyid bde ldan nas// phung po lnga nyid mngon sangs rgyas// thams cad mchog gi snying po bas// gzhan du rgyal bas chos mi 'tshal// nyid las gzhan zhes bya ba'i chos// btsal kyang rgyal bas mi rnyed do// zhes brjod pas thams cad ye nas sangs rgyas par de bzhin gshegs pa nyid kyis mkhyen to// gsang ba'i snying po de kho na nyid nges pa las gleng bslang ba'i le'u ste gnyis pa'o//// de nas gnyis su med pa'i bdag nyid chen pos ye shes sangs rgyas pa'i sems ye shes su bskyed pa 'di gsungs so// e ma'o ngo mtshar rmad kyi chos// rdzogs pa'i sangs rgyas kun gyi gsang// skye ba med las thams cad skyes// skyes pa nyid na skye ba med// e ma'o ngo mtshar rmad kyi chos// rdzogs pa'i sangs rgyas kun gyi gsang// 'gag pa med las thams cad 'gag/ 'gag pa nyid na 'gag pa med// e ma'o ngo mtshar rmad kyi chos// rdzogs pa'i sangs rgyas kun gyi gsang// gnas pa med las thams cad gnas// gnas pa nyid na gnas pa med// e ma'o ngo mtshar rmad kyi chos// rdzogs pa'i sangs rgyas kun gyi gsang// dmigs pa med las thams cad dmigs// dmigs pa nyid na dmigs pa med// e ma'o ngo mtshar rmad kyi chos// rdzogs pa'i sangs rgyas kun gyi gsang// 'gro 'ong med las 'gro dang 'ong// 'gro 'ong nyid na 'gro 'ong med// ces brjod pas de bzhin gshegs pa thams cad dang btsun mo'i tshogs thams cad mnyes pas khyab par gyur to// de nas de bzhin gshegs pa thams cad btsun mo'i tshogs dang bcas pas ched du brjod pa 'di brjod do// e ma'o ye nas gsang ba'i chos// sna tshogs snang la rang bzhin gsang// ngo bo nyid kyis rab tu gsang// gzhan du min yang shin tu gsang// zhes brjod pas de bzhin gshegs pa thams cad ye nas sangs rgyas pa'i ngo bo nyid du gcig pa'i mtshan nyid yin pas dbyer med na/'gro ba'i rnam par rtog pa ma rig pa la 'gro ba lnga'i rigs bsam gyis mi khyab par smin pa la thugs rje chen po'i sangs rgyas kyi ye shes chen po skyes nas ched du brjod pa 'di brjod do// e ma'o bde gshegs snying po las// rang gi rnam rtog las kyis sprul// sna tshogs lus dang longs spyod dang// gnas dang sdug bsngal la sogs pa// bdag dang bdag gis so sor 'dzin// sus kyang mi 'ching bcings med de// bcing bar bya ba yod ma yin// rnam rtog bdag tu 'dzin pa yin// nan gyis mkha' la mdud pa 'dor// bcings med rnam par grol med pa'i// ye nas lhun rdzogs sangs rgyas chos// bstan phyir spro ba sna tshogs mdzad// ces de bzhin gshegs pa nyid la ched du gleng ngo// gsang ba'i snying po de kho na nyid nges pa las don dam pa dang kun rdzob kyi byang chub kyi sems ye shes su bskyed pa'i le'u ste gsum pa'o//// de nas de bzhin gshegs pa thams cad las thugs rje chen po byin gyis brlabs zhes bya ba'i rig pa'i skyes bu thub pa drug de bzhin gshegs pa'i sku dang gsung dang thugs rdo rje las bton to// bton nas kyang las kyi dbang gis snrel zhi dang/ yan man gyi 'jig rten drug gi phyogs bcu mtha' yas mu med pa'i stong gsum gyi stong chen po re rer thub pa chen po bcom lda 'das re res 'dul ba rnam bzhis 'gro ba lnga'i don mdzad de bltams pa dang/rab tu 'byung ba dang/ dka' thub mdzad pa dang/ sangs rgyas pa dang/ bdud btul ba dang/ chos kyi 'khor lo bskor ba dang/cho 'phrul chen po ston pa dang/ mya ngan las 'das pa la sogs pa ston pa'i thub pa dus bzhi kun tu mkhyen pa dang// thams cad kyi sems kyi rgyud du kun tu mkhyen pa dang/ rdzu 'phrul gyi spyan gyis kun tu gzigs pa dang/rdzu 'phrul gyi snyan gyis kun tu gsan pa dang/ rdzu 'phrul gyi cho gas kun tu don spyod pa dang/ zag pa med pas kun tu bzang po'i spyod pa rdzogs pa'i mngon par shes pa drug dang// kun tu sku bsam gyis mi khyab pa dang/ kun tu thugs bsam gyis mi khyab pa dang/ kun tu zhal bsam gyis mi khyab pa dang// kun tu gsung bsam gyis mi khyab pa dang ldan pa dang/ bsam gyis mi khyab pa grangs med par yang phyogs bcur snang bar gyur to// de ltar snang bar gyur nas ji snyed pa'i thub pa chen po snying rje'i go 'phang chen po thams cad kyang 'di lta ste/ 'dul ba'i dbang gis lha dang mi'i theg pa dang/ nyan thos kyi theg pa dang/ rang sangs rgyas kyi theg pa dang// byang chub sems dpa'i theg pa dang/ bla na med pa'i theg pas ma rig pa'i rnam par rtog pa nyon mongs pa stong phrag brgyad cu rtsa bzhi'i gnyen por chos kyi phung po stong phrag brgyad cu rtsa bzhi gsungs so// gsung ngo// gsung bar 'gyur ro// de dag thams cad kyang gzung ba dang 'dzin pa'i phyi nang gi rten cing 'brel par 'byung ba 'dzin pa 'khrul pa la dgos pa dang/las dang las kyi 'bras bu chud mi za ba dang/ las dang las kyi 'bras bus mi gos gos par mi 'gyur ba dang/ gos pa med pa'i ston pa'i mthar thug go/ de nas de bzhin gshegs pa thams cad kyis/ 'khor ba'i skyon dang/ mya ngan las 'das pa'i yon tan bstan pa'i phyir de bzhin gshegs pa nyid la ched du brjod pa 'di brjod do// e ma'o dkyil 'khor bsam yas par// snying po bla med ji snyed pa'i// gzhan gyis mi 'phrogs rang bzhin rgyal// mtha' dang bral bas bdag med pa'o// de nas de bzhin gshegs pa thams cad kyis ched du brjod pa 'di brjod do// e ma'o ji snyed 'jig rten 'khrul pa'i chos// ma rig rtog pa'i gzung 'dzin gyis// stong gi 'jig rten bsam yas par// phyi nang rten 'brel gnyis su 'khor// rtog pa'i bag chags stug po yin// mi mthun bde sdug myong bar 'gyur// de nyid ji bzhin dbyings nyid dang// rang bzhin bdag med tshul gcig ste// rang bzhin nyid la nyams pa med// yang dag sgyu ma'i tshul gnyis su// bdag dang bdag gi gzhan med de// de nyid ngo bo nyid dbyings pas// rnam dag dbyings nyid tshul gcig go// bdag dang bdag gi gzhan rnams ni// log par rtog pa tsam nyid las// phra zhing zab pa yod ma yin// log rtog nyid la nyid spyod de// gzhan du g.yo ba ci yang med// log rtog rgyu 'bras rgyun nyid kyang// gzhi rtsa med de skad cig ma// rnam par dag pa'i dbyings nyid tshul// nyid la dbang sgyur nyid spyod phyir// bdag dang gzhan dang rtog pa'i rgyun// rnam dag bla med theg pa'i mchog/theg pa bzhi yis nges 'byung la// theg pa gcig gi 'bras bur gnas// yang dag rtogs pas rab brtags na// rang bzhin med la cir yang 'grub// sangs rgyas mya ngan yong mi 'da'// chos kyang nub par mi 'gyur te// ma rig smin mdzad gdul ba'i phyir// 'byung gnas mya ngan 'da' bar ston// 'dul ba mdo sde chos mngon dang// dam tshig sgrub dang grub pa dang// sku dang gsung dang thugs kyi rgyud// ji snyed 'jig rten mtha' klas par// phyogs bcur kun du rab grags pa// gsang ba'i snying po las 'phros te// rang bzhin gsang ba'i snying po 'di// sde snod kun dang rgyud kun gyi// ston pa'i thub pa bsam yas pa// 'byung gnas gtan la nges par 'bebs// chos rnams ming du btags pa tsam// ston pa'i don dang mthun phyogs su// ming nyid tshig tu btags nas bstan// ston ming tshig la dngos po med// ces brjod pas chos thams cad ngo bo nyid kyis lhun gyis grub pa chen por gsal bar gyur to// de nas de bzhin gshegs pa lhun gyis grub pa gnyis su med pa'i dkyil 'khor de dag nyid kyi gsang ba 'di nyid sku gsung thugs dang yon tan phrin las rdo rje las byung ngo// a'o srid rtse'i nyes dmigs bdag tu rtog las 'phros// rgyud drug skye 'gag lus dang longs spyod dang// gnas dag sdug bsngal 'khrul 'khor la sogs pa// log rtog nyid las gzhan du ci yang med// stong nyid bdag med ye mkhyen rang rig thugs// dmigs bya dmigs med med par dran dbang sgyur// ngo mtshar sku gsung yon tan zhing khams la// gzhan na med de de nyid de ltar yin// zhes rdo rje gsang ba'i tshig tu'o// thub pa drug gis sprul pa grangs med pa dang/ de bzhin gshegs pa thams cad kyis gsungs pa yang de dag tu 'dus par de bzhin gshegs pa nyid kyis mkhyen to// gsang ba'i snying po de kho na nyid nges pa las chos thams cad gtan la phab pa'i le'u ste bzhi pa'o//// de nas de bzhin gshegs pa bcom ldan 'das dgyes pa chen pos 'gro ba thams cad kyi rang bzhin gyi dkyil 'khor yod par bstan pa dang/rigs rgyud drug tu yang bshad/ de la chos nyid kyi rigs ni thams cad kun la yang yod do// nam mkhas kyang kun la khyab par gnas so// de ltar chos kyi dbyings dang/ nam mkhas kun la khyab kyang rnam par thar pa'i don ma rtogs na me long g.yas g.yogs pa dang 'dra ste gzugs brnyan snang ba'i bya ba byed mi nus so zhes gsungs nas yang 'di skad rdo rje 'chang gis gsungs so// mnyam nyid don rtogs rang rig rgyal po dang// rgya mtsho chen por chu klung 'bab pa ltar// bla med don rtogs thabs chen 'di dag tu// rnam pa'i theg pa bsam yas ma lus 'dus// a ho// bdag med gnyis rtogs pha rol phyin rdzogs pa// sa bcu rim gyis bsgoms pa'i rnal 'byor pa// sangs rgyas sar 'gro go 'phang thob pa'i lam// bden pa gnyis kyis rab tu thob par 'gyur// phyi nang rten 'brel sgyu ma mig yor tshul shes pa'i// dngos po gzugs la thogs med rab tu 'jug/ dge bshes mi slob rang gi rig pas rtogs// byang chub sar 'gro yid bzhin bde ba'i mchog/bden bzhi don rtogs rab tu spong ba yi// ye shes bcu drug cha sbyangs rab zhi ba'i// rgyun zhugs la sogs rim par sbyangs nas ni// nyon mongs dgra rnams rab tu zhi ba'i sa ru 'gro// theg pa gang du bstan pa ma nges pa'i// yang na kun la mthun nas 'byam par 'jug/ yang na nges med 'di zhes brtag tu med// 'di ni ma nges rdo rje 'chang gis gsungs// dge bcu spyod cing mi dge spong byed pa// 'dod khams lha dang mi ru skye ba'i rgyu// tshad med bzhi spyod mi g.yo sgom byed pa// tshangs gnas lha sogs skye ba'i rgyu yin no// chos kyi dbyings kyis kun la khyab gyur kyang// rang rig rtogs pa'i skal dang mi ldan na// ji ltar dmus long mdun du mdog bstan bzhin// 'di ni skal med rigs chad sa yin no// chos kyi dbyings kyis kun la khyab pa yis// bla med theg pa bsam yas gsungs pa yang// so so rang rig blo la snang bar zad// ngan song 'gro drug sna tshogs rgyu ba yang// 'khrul pa'i blo log rtog pa nyid snang ste// de bzhin nyid kyi dbyings la 'gyur ba med// mi dmigs rang rig goms byas bla na med pa'i mchog/log rtog bdag dang bdag gir 'dzin gyur na// dngos med mi sdug sna tshogs snang bar 'gyur// yang dag shes pa'i rang rig blo med na// bde gshegs zhing yang ngan song gnas su mthong// theg mchog mnyam pa'i don nyid rtogs pa ni// ngan song gnas nyid 'og min dga' ldan gnas// nam mkha'i dbyings ni de nyid bsam yas par// nyi zla gza' skar mtshan ma glog 'gyu dang// 'ja' tshon sprin mang sna tshogs 'khrugs gyur kyang// nam mkha'i dbyings la gyur cing nyams pa med// mi dmigs chos kyi dbyings ni bsam yas par// sku gsung yon tan phrin las rmad 'byung dang// 'jig rten gtso mchog ma lus thams cad dang// 'khrul 'khor sdug bsngal sna tshogs rnam mang yang// de bzhin nyid la 'phel zhing bri ba med// ces rdo rje gsang ba'i tshig tu'o// rgyud kyi rgyal po sgyu 'phrul dra ba las/thams cad la chos nyid kyi rgyu yod pa dang rigs rgyud chad pa dang rigs brgyad so sor dbye ba'i mdor bshad pa'i le'u ste lnga pa'o//// de nas de bzhin gshegs pa thams cad dgongs pa gcig tu gyur nas mnyam pa chen po'i tshul rdo rje'i dbyings su chos thams cad ye nas sangs rgyas pa'i ting nge 'dzin las mi g.yo bar chos thams cad ming tsam du gnas pa'i yi ge phreng ba 'khor lo zhes bya ba 'di sku gsung thugs rdo rje las phyung ngo// a rab tu brtan 'gyur a dkar las/ shin tu phra ba'i a rnams spro// phyogs kun gang bar gsal gyur nas// bsdus kyang 'phel 'grib med par brtan// de las ming tshogs gsal bar kun// spro zhing bsdu ba'ang de bzhin no// 'di ni rdo rje dngos grub kyi// brten 'byung ye shes rgyu yin no// a/ ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha/ k+Sha/ i I/ u U/ e ai/ o au/ 'di dag phyung bas 'jig rten drug gi phyogs bcu mtha' yas pa rnam pa drug tu g.yos/ rab tu g.yos kun du g.yos nas chos thams cad ming gi mtshan nyid du gyur to// de nas de bzhin gshegs pa thams cad kyis ched du brjod pa 'di brjod do// a ni stong dang mi stong gi/ dbu ma dmigs su yod ma yin// thams cad ming tsam sangs rgyas kun// yi ge phreng ba nyid la gnas// a nyid sna tshogs par snang ba'i// ka la sogs pa bzhi bcu gnyis// sgra yi ming gis thams cad bsdus// mngon rdzogs rgyal por de nyid nges// e ma'o ngo mtshar ya mtshan gyi// 'phrul chen bzhi bcu rtsa lnga'i ming// tshig rnams ma lus 'dzin pa'i gnas// sna tshogs don kun smra zhing ston// dngos med yi ge rang bzhin sems// bdag med mtha' bral mi dmigs kyang// dbyibs dang kha dog ming tshogs kyis// rol pa cir yang sprul cing ston// phyogs bcu dus bzhi gshegs pa yi// ye shes sems dpa'i sku gsung thugs// dkyil 'khor bzhi bcu rtsa lnga yi// yi ge mgo nas k+Sha la rdzogs// sems ni rang bzhin yi ge ste// yi ge dngos po yod ma yin// dmigs med de nyid sna tshogs pa'i// sku gsung thugs kyi 'khor lo che// sku gsung thugs ni ngo mtshar gyi// ya mtshan 'phrul chen rab 'gugs pa// dbyings la dbyings kyis bris pa ste// yi ge zhes ni de phyir brjod// mgo ni ma nor lam yin te// tshig ni shes rab ming du smras// shad ni thabs chen tshigs su gcod// a ni skye med de bzhin nyid// Tha ni sgyu 'phrul rdo rje nyid// Ta ni snang ba'i sgyu 'phrul nyid// Da ni sgyu 'phrul yid bzhin nyid// D+ha ni sgyu 'phrul rnam dag nyid// Na ni kun tu sgyu 'phrul nyid// tha ni drwa bas mngon rdzogs nyid// ta ni drwa bas brtan pa nyid// da ni drwa bas lham me nyid// d+ha ni drwa bas 'khyil pa nyid// na ni drwa bas kun du 'gyur// ka ni spyan gyi thugs kyi mchog/ kha ni snyan gyi thugs kyi mchog/ ga ni shangs kyi thugs kyi mchog/g+ha ni ljags kyi thugs kyi mchog/ nga ni thugs kyang 'jig byed pa'o// tsa ni spyan gyi sku yi mchog/ tsha ni snyan gyi sku yi mchog/ dza ni shangs kyi sku yi mchog/ dz+ha ni ljags kyi sku yi mchog/ nya ni sku yang 'jig byed pa'o// pa ni spyan gyi gsung gi mchog/pha ni snyan gyi gsung mchog ste// ba ni shangs kyi gsung mchog yin// b+ha ni ljags kyi gsung gi mchog/ ma ni gsung yang 'jig par byed// ya ni skye ba rnam par dag/ wa ni gnas pa dag pa yin// ra ni 'jig pa dag pa ste// la ni stong pa dag pa'o// sha ni rtag med dag pa ste// Sha ni chad pa'ang yod ma yin// sa ni mtha' bral bdag med pa// ha ni mtshan ma med pa nyid// k+Sha ni ye shes thugs kyi thugs// i ni rdul snyed lha rnams su// I ni rdul snyed lha ma yin// u ni rdul snyed mi rnams su// U ni rdul snyed byol song rnams// e ni rdul snyed yi dags su// ai ni rdul snyed dmyal ba rnams// o ni thams cad 'jig par byed// au ni thams cad zhig pa yin// yi ge 'khor lo tshogs chen 'dis// sku gsung thugs kyi phreng ba bsdus// a ho// de nas de bzhin gshegs pa btsun mo'i tshogs dang gnyis su med pa'i dkyil 'khor de dag nyid kyi gsang ba 'di nyid sku gsung thugs dang yon tan phrin las rdo rje las byung ngo// a ho// thabs dang shes rab dgyes sprin byang chub sems tshogs rgyu 'khor lo// 'bras bu rgyal ba'i smin grub ngo mtshar ming tshogs bzhi bcu gnyis// 'dus ma byas nyid 'dus byas rdo rje dkyil 'khor 'byin pa'i dam// 'da' bar mi mdzad dbang med rgyu rkyen tshogs pa'i mthu chen yin// a ho// rdo rje gsang ba'i tshig tu'o zhes brjod pas de bzhin gshegs pa thams cad yi ge 'khor lor gyur to// gsang ba'i snying po de kho na nyid nges pa las// yi ge phreng ba 'khor lo bkod pa'i le'u ste drug pa'o//// de nas de bzhin gshegs pa rgyud kyi rgyal po sgyu 'phrul drwa ba las shin tu gsang ba'i phyir gsang sngags kyi rgyud de'i phyi pa dang/nang pa thabs kyi rgyud gzhan la khams bcwa brgyad du bstan/ gtsug lag thams cad la yang khams bcwa brgyad du bstan pa yin/lung gi spyi 'di ni shin tu zab pa'i phyir khams nyi shu rtsa gcig tu bstan te/ lung gi spyi yang rgyud dang gsung rab thams cad 'byung ba'i gnas yin// gsang ba'i dbang po dang gsang ba'i yul gnyis ka yang/skye mched dang khams thams cad 'byung ba'i gzhi yin pa'i phyir shin tu gsang bar gsungs so// dkyil 'khor de dag shin tu gsal bar bstan pa'i phyir nyid la nyid ched du brjod pa 'di brjod do// e ma'o ye nas gsang ba'i chos// thams cad kun la rang bzhin gnas// ngang gis dag mnyam ma rtogs pas// kun la yod cing rang bzhin gsang// gzhan du min la shin tu gsang// don nyid kyis ni gsang ba'i rgyu// mnyam pa'i rdo rje can gyis gsung// 'di ni byang chub snying po mchog/ a ho// rdo rje gsang ba'i tshig tu'o// dbang po yul du snang ba'i rnams// byang chub sems dpa'i dkyil 'khor nyid// phung po lnga dang 'byung ba lnga// rigs lnga yab yum bcu ru 'byor// skye mched khams rnams bcwa brgyad po// sems dpa' sems ma'i dkyil 'khor nyid// thams cad byang chub sems ma yi// rdo rje gsang ba'i dbang por 'dus// rdo rje dbang po gsang ba'i thabs// dbang po yul nyid shes rab dbyings// dbang po'i thugs ni rdo rje sems// thams cad 'byung ba'i gter nyid dang// thams cad 'gro ba'i gnas nyid de// de yis ma bskyed gang yang med// 'khor dang mya ngan 'das pa'i rgyu// de las thams cad skye zhing 'byung// kun gyi phyag rgya'i rgyu yin te// bde ba byang chub sgrub pa'i rdzas// de las bskyed cing de las spro// dngos grub thams cad sgrub pa'i gnas// dbang po rdo rje pad+mor ldan// gnyis med byang chub sems 'phro na// mi dmigs bde dang longs spyod 'phro// sku gsung thugs dang ye shes lnga// gsang ba'i lha mo bzhi rnams dang// mchod pa'i lha mo rdzogs ldan bzhi// 'jug dang ldang dang gnas dang smon pa'i byang chub sems// g.yo dang bskyod dang ldang dang gnas// 'gug dang 'dzin dang de bzhin te// bsdus dang 'khril ba'i don bsgrub phyir// bsdams dang mi gtong dbang sgyur te// bde ba sgra snyan phyogs bcur sgrogs// shin tu sgeg pa'i gzi brjid 'bar// yid bzhin rin chen phreng bar 'bar// dbyangs snyan yid 'phrog gzi ldan 'bar// gzugs mdzes bskyod pas phyogs bcur g.yo// kun du tshim byed bro bsung thim// lha mdzes rin chen phung po 'phro// 'od gsal 'phro bas kun du 'bar// bdud rtsi bsil dro 'jam pa'i dbyings// a la la ho// gsang ba'i dbang po pad+mar ldan gyur nas// chags pa med pa'i tshul gyis su// pha rol phyin bcu rgyu 'bras rdzogs// sa bcu rim gyis bkod med rdzogs// kun du 'od gsal pad+ma spyan yang rdzogs// yi ge phreng ba 'khor lo bsam gyis mi khyab pa// yang dag rdzogs chen thabs dang ldan// thabs dang shes rab bla med sa yang rdzogs// bsod nams ye shes tshogs chen rdzogs par rol// a la la ho// de bzhin nyid kyi gsang mchog las// khams ni nyi shu rtsa gcig ste// bcwa brgyad po ni rgyud gzhan bzhin// gsum ni de bzhin kun gyi bdag/ bcwa brgyad 'byung ba'i gnas yin te// byang chub 'grub pa'i zhing yang yin// bde ba 'byin pa'i rgyu yang yin// gsang ba'i mtshan nyid brjod pa ni// dbang po rdo rje gsang ba'i rgyal// yul ni pad+ma bde mchog dbyings// sems ni byang chub 'byung ba'i gter// dbang po yul sems ldan gyur nas// gsang ba mchog gi 'phrul chen spro// dkyil 'khor rdul snyed grangs med dang// phun sum tshogs pa'i lhun grub rnams// gsang ba mchog gis 'byin par byed// 'di ni rtse gcig yin par gsungs// gsang ba'i don mchog 'di dag ni// lta ba dman la bshad byas na// dus min par ni srog zad nas// mgo 'gas snying yang tshig par 'gyur// khab len gyis ni lcags sdud ltar// mi 'dod bzhin du dbang med par// ngan song mi khom bskal par brgyud par 'gyur// de bas 'di ni shin tu gsang bar bya// shes rab rgya chen blo zab yangs pa yis// blo brtan snying rje che dang dad ldan ngang tshul bzang la brtan// gzhan du nams kyang sbyin mi bya zhes nyid la yang nyid brjod do// gsang ba'i snying po de kho na nyid nges pa las khams nyi shu rtsa gcig tu bsdus nas// thams cad ma lus par dbyings su bkod pa'i le'u ste bdun pa'o//// de nas yi ge'i dkyil 'khor gyi sprin bkod pa las sgyu 'phrul rnam par spros pa 'di ched du brjod do// rtsa ba med pa'i sems nyid ni// chos rnams kun gyi rtsa ba yin// sems nyid yi ge'i rang bzhin te// yi ge yid bzhin rin chen sprin// sgyu 'phrul dkyil 'khor bzhi bcu gnyis// drwa ba'i dkyil 'khor mngon rdzogs pas// phyogs bcu dus bzhi rdzogs pa yi// dkyil 'khor thams cad grub par 'gyur// bdud rtsir 'gyur zhing 'byung ba dang// bzhi brgya rtsa bzhi nad sel cing// longs spyod 'byung zhing ngan song sbyong// ci yang gzhan du 'gyur bar 'grub// nam mkha' rdo rje sra 'byung zhing// 'bar nas me yang 'tshig pa dang// chur 'gyur 'bab pa'ang de bzhin te// 'jig rten khams ni gtor ba dang// thams cad stongs shing lhung bar 'gyur// dgug dang btang dang bcing dang dgrol// gso dang bsad dang pham dang rgyal// ting 'dzin 'di yis byed par 'gyur// de nyid ye shes rang snang ba'i// ming tshig gzugs tshogs yid bzhin gyis// mun la snang byung ji bzhin du// 'gyur bas gser 'gyur sman gyi tshul// ston pa mchod brtson rtogs pa gsal// dam tshig sngags dang phyag rgya rnams// ma nyams shes shing yo byad ldan// 'grub 'gyur mi ldan don med brlag/ dus gsum rgyal bas thugs chud pa'i// dngos grub mchog gi snying po ni// zad pa'i dus med yid bzhin mdzod/ 'phel 'grib med par 'byung ba ste// dngos po med las dngos po'i sprin// sna tshogs rnam par 'byung zhing 'gyur// dngos rnams nyid na dngos med par// rtogs pa'i dbang sgyur ting 'dzin yin// gang gis dmigs med mi shes pa// de yis chos kyi dbyings mi shes// de phyir dngos dang dngos med pa// 'jigs pas dmigs med shes par gyis// gzhi rtsa med pa'i sems nyid ni// pho mo ma yin ma ning min// mtshan med ma yin rigs rgyud min// kha dog ma yin dbyibs ma yin// gnas su ma yin gang yang min// de bzhin nyid dbyings ye shes te// thabs kyi phyag rgya kun gyi rgyu// thabs las thabs byung thabs bsam yas// tha dad min la tha dad pa'i// nang dang nang gi phyi rol pa// dkyil 'khor bsam yas ye shes rol// 'jigs med kun bzang phyag rgya mchog/ gang gis glang chen myos 'dra'i sems// mnyam par bzhag pas btul nas su// sngags dang phyag rgyar rab brtan na// dngos grub ya mtshan chen por 'gyur// zhes brjod pas de bzhin gshegs pa nyid gzigs mos mnyes par gyur to// de nas de bzhin gshegs pa'i sku dang gsung dang thugs rdo rje las gsang ba'i tshig 'di phyung ngo/ e ma'o snying por lam bcas pas// 'jigs med dbyings nyid kun bzang phyag rgya mchog/ rang bzhin sku gsung thugs chen po// byang chub lhun grub bdal ba'i ngang// snying po nyid ni snying por kun bcas kun tu gnas// de nyid rdzogs pa'i ngang las dngos grub kun shar kun tu gnas// a ho rdo rje gsang ba'i tshig tu'o// gsang ba'i snying po de kho na nyid nges pa las sgyu 'phrul sgrub pa'i le'u ste brgyad pa'o//// de nas de bzhin gshegs pa rgyud kyi rgyal po sgyu 'phrul drwa ba rang bzhin gyi dkyil 'khor las lhag pa'i dkyil 'khor gyis sngags 'chang rnams lhar sgrub pa'i dkyil 'khor 'di don yod par bya ba'i phyir ched du brjod pa 'di brjod do// e ma'o ye nas rnam dag pa'i// thabs dang shes rab ldan par gnas// byang chub mchog tu nyi zla shar// de nyid bzhugs gnas yin par gsungs// chos rnams thams cad bdag med pa'i// dbyings su thim pa'i 'od zer gsal// gcig dang spros pa thams cad med// dkyil 'khor spros med zlum po'i tshul// ye nas mya ngan 'das pa'i chos// ye shes rgyu dang 'bras bu ldan// thams cad mkhyen pa'i ye shes sku// chos kyi 'khor lo yongs kyis bskor// thugs rje byin brlabs 'phros pa yis// ye shes bzhi yi dkyil 'khor spro// ye shes lnga dang sku gsung thugs// byin brlabs ya mtshan bsam mi khyab// rang snang ba yi thabs las 'byung// bsod nams ye shes tshogs rdzogs pa'i// thugs rje rgyas pa'i gzhal yas khang// dbus mtha' med par rgyas par gnas// stong smon mtshan med 'od gsal 'jug/de phyir ye shes sgo bzhir bshad// der 'gro lam stegs brgyad dang ldan// rang bzhin ye nas 'od gsal phyir// nyi zla brtsegs pa'i gdan khri 'bar// ye nas rnam par dag pa'i phyir// ma chags pad+mo 'bar ba'i gdan// zad med ye shes gter gyur pas// yid bzhin rin chen 'bar ba'i gdan// ye nas mnyam nyid mi 'da'i phyir// ta la'i ljon shing rang bzhin gnas// re ba yid bzhin skong ba'i phyir// dpag bsam shing gi rin chen 'bar// yid bzhin rin chen rgyan gyis bskor// thams cad la ni dbang sgyur phyir// 'jig rten lha chen rnams kyis bskor// gsang ba de nyid nges pa las// 'phrul chen bzhi bcu rtsa gnyis kyis// thams cad lha nyid rtag tu sbyor// thams cad ma lus dkyil 'khor mchog/ 'di ni rang bzhin dkyil 'khor dang// gzugs brnyan lhag pa'i dkyil 'khor gsum// ting 'dzin lhag pa'i dkyil 'khor dag/byang chub sems dang tshogs mchog brten// zhes nyid la nyid bshad do// gsang ba'i snying po de kho na nyid nges pa las shin tu gsang ba'i dkyil 'khor bsdus nas/ lhag pa'i gzugs brnyan bstan pa'i le'u ste dgu pa'o//// de nas de bzhin gshegs pa thams cad kyi rang bzhin gcig dang du ma med pa bdag nyid thams cad kyis 'jig rten drug gi phyogs bcu thams cad la nyid kyi che ba'i dkyil 'khor 'byung bar bzhed nas ched du brjod pa 'di brjod do// ye shes phyogs bzhi dbu brtags te// dkyil 'khor bsam yas lhun grub ni// rdzogs chen rtogs pa'i rnal 'byor pas// kun 'byung dkyil 'khor chen por spyod// 'khor lo rtsibs bzhi mu khyud bcas// gru chad bzhis brgyan bar khyams dang// kun tu gru bzhi sgo khyud ldan// rol mo sna tshogs sprin phung bzhin// dkyil 'khor bzhi bcu gnyis kyis brgyan// seng ge glang chen rta dang khyung// nam mkha' lding gi khri chen la// nyi zla pad+ma rin po che// gdan la rdzogs dang sems dpa'i tshul// 'khor lo rgyal po rgyal mo dang// g.yas nas mthong thos mnam pa dang// myong dang btsun mo'i tshogs su bcas// gru chad la ni mthong byed dang// thos byed mnam byed myong byed rnams// btsun mo dag dang bcas par gnas// bar khyams la ni thub drug dang// mdun dang rgyab tu byed pa dang// bya ba bdag ni gnas par bstan// sgo khyud bzhi la 'joms pa ni// btsun mo'i tshogs dang ldan par gnas// rdo rje 'khor lo rin po che// pad+ma ral gri dril bu 'bar// ut+pal klu shing la sogs mtshan// mdzes tshul mnyes pa'i yo byad 'dzin// mthing ga dkar po ser le brgan// ljang gu la sogs sna tshogs pa'i// mnyen lcug 'khril ldem gzhon tshul can// gsal 'tsher lhun stug gzi byin can// 'od zer 'phro ba'i tshogs chen po// 'bar ba'i phreng bas 'khyil pa ste// dbus mtha' med par khyab pa yi// dkyil 'khor bsam yas lhun gyis grub// sku yi phyag rgya che mchog ni// de bzhin dbyings las ma g.yos kyang// yang dag thar pa'i gzugs sku dang// 'gro ba ma lus 'dul ba'i phyir// mthun byas sku ni sna tshogs ston// ston nyid sgyu ma mig yor tshul// tshul nyid dbyings las g.yos pa med// ma g.yos bzhin du sna tshogs pa'i// de'i tshe mi mthun sna tshogs la// so so 'dra bar snang ba ni// de bzhin nyid kyi ma bcos kyang// las 'phro dbang gis so sor snang// dper na me long chu zla bzhin// de tshe 'gro drug thams cad la// sdig spong gzugs su rnam par bstan// dge tshul rnams la dgra bcom gzugs// rang rgyal rnams la bse ru'i tshul// gzhan yang thig mchog rim pa bzhin// 'og min bla med gnas mchog tu// sku ni rnam par snang mdzad tshul// byang chub sems dpa'i 'khor rnams la// de bzhin gsung mchog mi smra ste// sku yis chos rnams mjal bar ston// me long bstan pa'i tshul bzhin du// dngos kyi mdog ngan thams cad sel// 'khor gyis de bzhin sku bltas na// byang chub sgrib pa gting dpag med// me long bzhin du sku la snang// de nas sa bcu rim gyis 'byung// bla med byang chub yang dag 'thob// chos sku dpag med brjod du med// longs spyod zad med rin chen gter// sprul pa bye ba bsam mi khyab// mtshan dang dpe byad thams cad rdzogs// spyod yul kun tu maN+Da la// tshogs chen gnyis kyang rdzogs par rol// thabs dang shes rab sa yi mchog/ de la sogs te bsam yas mchog/ skye shi med pa'i g.yung drung sku// nyon mongs kun gyi zhing du gnas// zad mi shes kyi gter du gyur// rdo rje rig pa 'dzin gyi sku// thams cad dbyer med mnyam pa'i sku// thams cad mkhyen pa'i ye shes sku// de tshe sku lnga kun kyang rdzogs// zhes brjod pas 'jig rten drug gi phyogs bcu mtha' yas mu med pa thams cad du dkyil 'khor brjod kyis mi lang ba zhing gi rdul snyed du gsal bar gyur to// de nas de bzhin gshegs pa btsun mo'i tshogs dang gnyis su med pa'i yon tan chen po'i dkyil 'khor de dag nyid kyi gsang ba 'di nyid sku gsung thugs dang yon tan phrin las rdo rje las phyung ngo// a ho// dmigs bya dmigs med mi dmigs dpag med bsam mi khyab// ye shes rang rig dkyil 'khor sna tshogs brjod mi lang// mnyam dang mi mnyam kun khyab khyab med khyab pa'i dbyings// ye nas kun gsal dkyil 'khor rnams spro spros pa med// ye nas kun khyab dkyil 'khor bsam yas zhing gi rdul snyed du// ye nas rnam spros snying po kun gnas gnas pa med// rdo rje gsang ba'i tshig tu'o// a'o zhes gsang ba'i tshig tu'o// gsang ba'i snying po de kho na nyid nges pa las dkyil 'khor spros pa'i le'u ste bcu pa'o//// de nas de bzhin gshegs pa thams cad mnyam pa nyid la bzhugs nas 'khor bsam gyis mi khyab pa thams cad kyang// nyid la nyid mnyes par mchod cing/ kun tu bzang po dgyes te/ phyogs bcu dus bzhi ma lus pa thams cad kyi bzhugs gnas thams cad gzhal yas khang rin po che sna tshogs bsam gyis mi khyab pa/tshad dpag tu med pa/ rgyas pa/ mtha' dbus med par khyab cing 'od zer sgrib pa med pa rang byung ba la bzhugs nas ched du brjod pa 'di brjod do// nyid kyi dbyings nyid 'phro ba dpag tshad med// kun nas dkyil 'khor yongs su ma chad pa'i// srid gsum yang dag mnyam sbyor spyod yul te// mtshan 'dzin 'das pa mchog gi rgyu las byung// dbang sgyur shin tu rnam par dag pa yi// de bzhin gshegs pa 'og min gnas bzhugs nas// gzung 'dzin bral ba'i bla med rjes 'dod dang// 'jig rten 'khor gyi gtsos bkur dbang phyug dang// gzhan dang 'jig rten phyogs bcu khams gnas pa// bdud rtsi ro yis dga' ba bde chen 'grub// dug gsum dri bral bdud sde tshar bcad pa'i// 'das dang ma byon de bzhin nyid du sbyor// shes rab thabs ldan nges pa'i don phyung ba// rig pa'i thabs chen dbang sgyur nyid du bsgom// stong smon mtshan med rang bzhin 'od gsal ba'i// zad med bsod nams tshogs kyis brgyan par 'gyur// b+h+ru~M/ rang byung nyi zla pad+ma rin chen rgyas la bzhugs// rdo rje mnyam nyid thugs su chud pa yi// mnyam rdzogs chen po lhun la rol pa mdzad// bde gshegs dbyings nyid de bzhin nyid gnas pa// dus bzhi rgyal ba kun dang mnyam par 'ub// thams cad 'od gsal dkyil 'khor thugs chud pa'i// sku gsung thugs kyi rdo rje 'chang las 'byung// spyod yul 'phrog med brjod kyis mi lang ba'i// dus bzhi mnyam nyid nges pa'i don nyid nyon// thugs rje dbang gis 'gro drug dus gnas bzhugs// nga dang bdag med mnyam pa'i dbyings mkhyen pa// mnyam pa'i don grub rdo rje can gyis bya// rnam par rtog med byang chub rdo rje can gyi sku// shes rab mchog gis ma lus yongs bsdus pa// bde gshegs mi gnas mnyam nyid ngang du byon// thabs chen ma 'dres rnam par sbas pa yi// dmigs med bde gshegs nyid dbyings thugs chud pa// thabs dang shes rab dbyings nyid dam pa'i mchog/ phyogs bcu dus bzhi dbyings gnas mthas gtugs pa// shes rab mchog ldan gsal ba'i ngang 'chang ba// thugs rje byin brlabs sna tshogs 'phro ba yi// bde gshegs ma lus thams cad 'byung ba'i gnas// yid bzhin rin chen mi zad par ldan 'phro// rang rig rgyal po che yis rtogs par 'gyur// zhes nyid la nyid du ched du brjod de rdo rje gsang ba'i tshig tu'o// gsang ba'i snying po de kho na nyid nges pa las gzhal yas khang dbub pa thabs dra ba'i le'u ste bcu gcig pa'o//// de nas de bzhin gshegs pa btsun mo'i tshogs dang bcas pa thams cad kyi sku dang gsung dang/thugs rje las 'di dag phyung ngo// b+h+ru~M bi shwa bi shud d+he/ hU~M badzra d+h+r-Ika/ o~M dzI na dzIka/ swA rat+na d+h+r-Ika/ A~M A ro lIka/ hA~M pradz+nyA d+h+r-ika/ mu~M d+hA twI shwa ri/ lA~M dwe Sha ra ti/ mA~M mo ha ra ti/pA~M rA ga ra ti/ tA~M badzra ra ti/ k+ShIM hi rA dzA ya/ tra~M A ka sha gar+b+hA ya/ hrI ha hU~M ba da ma/ dzri ku ru pA Na hrI/ hU~M lA s+ye sa ma ya s+t+wa~M/ tra~M mA l+ye sa ma ya hoHhrI gI te rA gou0f85ha~M/ a nr-i t+ya rA ga ya mI/ mai d+hA ra Ni swA hA/ th+l+hIM nis+sa r a ma bA ya swA hA// hU~M swa rA dza ya swA hA/ mu~M shrI a ra~M gA ya swA hA/ dzaHd+hU pa pra bi sha/ hU~M puSh+pa a bi sha/ ba~M dI pa su khi ni/ ho gan d+he tsit+taM/ hU~M ya mAn+ta krita phaT/ pradz+nyAn+ta krita phaT/ hU~M big+h+nAn+ta krita phaT/ hU~M pad+mAt+na krita phaT/o~M ma hA badzra d+ha ra ma hA kro d+he shwa ri dz+wa la nI phaT/ o~M ma hA rat+na d+ha ra ma hA kro d+he shwa ri dz+wa la nI phaT/ o~M ma hA pad+ma d+ha ra ma hA kro d+he shwa ri dz+wa la nI phaT/ o~M ma hA karma d+hA ra ma hA kro d+he shwa ri dz+wa la nI phaT/ hU~M hU~M hU~M badzra tsit+ta hU~M/a a a badzra b+ha dra sa man+ta a/ o~M mu ne krI~M swA hA/ o~M mu ne tru~M swA hA/ o~M mu ne sru~M swA hA/ o~M mu ne bra~M swA hA/ o~M mu ne k+Sha swA hA/ o~M mu ne ye swA hA/ e h+ye hi/ b+ha ga bAn/ ma hA kA ru ni ka/ tri sh+ya ho/ sa ma ya sta~M/dzaHhU~M ba~M hoHo~M AHhU~M swA hA/ ba ba ba ba ba/ dzra dzra dzra dzra dzra/ sa sa sa sa sa/ ma ma ma ma ma/ ya ya ya ya ya/ o~M AHhU~M swA hA/ o~M ye shes rgyal po sku gsung thugs// yon tan phrin las rmad po che// de nyid du ni mnyam sbyor ba'i// phyag rgya chen por bdag gyur cig/ o~M badzra sa ma ya hU~M/ o~M badzra sa ma ya s+t+wo~M/ o~M badzra sa ma ya ho zhes brjod pas// gsung gi dkyil 'khor 'di dag gis 'jig rten drug gi phyogs bcu thams cad khyab par grags so// gsang ba'i snying po de kho na nyid nges pa las gsang sngags kyi le'u ste bcu gnyis pa'o//// de nas bcom ldan 'das byed pa po rdo rje dang/ bya ba mo rdo rje gnyis su med pa'i dkyil 'khor la thim par mdzad do// de nas phyogs bcu dus gsum gyi de bzhin gshegs pa'i bdag nyid chen po// ye shes dang byin bsdu ba zhes bya ba 'di sku gsung thugs rdo rje'i sgyu 'phrul drwa ba las byung ngo// o~M shU n+ya tA dz+nyA na badzra swa b+hA ba At+ma kou0f85ha~M/ o~M ma hA A dar+sha shU n+ya tA dz+nyA na badzra swa b+hA ba At+ma kou0f85ha~M/ o~M ma hA pra t+ya baik+Sha NA shU n+ya tA dz+nyA na badzra swa b+hA ba At+ma kou0f85ha~M/ o~M ma hA sa man+ta shU nu tA dz+nyA na badzra sw a b+hA ba At+ma kou0f85ha~M/o~M ma hA kr-i t+ya a nuSh+ThAn shU n+ya tA dz+nyA na badzra swa b+hA ba At+ma kou0f85ha~M/ o~M sarba ta thA ga ta ma hA kA ya badzra swa b+hA ba At+ma kou0f85ha~M/ o~M sarba ta thA ga ta ma hA bA' ka badzra swa b+hA ba At+ma kou0f85ha~M/ o~M sarba ta thA ga ta ma hA tsit+ta badzra swa b+hA ba At+ma kou0f85ha~M/o~M sarba ta thA ga ta ma hA a nu rA ga Na badzra swa b+hA ba At+ma kou0f85ha~M/ o~M sarba ta thA ga ta ma hA pU dza badzra swa b+hA ba At+ma kou0f85ha~M/ zhes brjod pas thim par gyur to// gsal bar gyur to // 'bar bar gyur to// e ma'o ngo mtshar rmad kyi chos// rdzogs pa'i sangs rgyas kun gyi gsang// sgra dang ming tshig kun las 'das// sna tshogs sgra rnams gsal bar 'byung// gsung gcig dkyil 'khor yan lag ni// bsam gyis mi khyab kun tu khyab// sgra dang ming tshig so sor grags// thams cad gsung gi phyag rgya mchog/ rgyud mchog rgyud chen dra ba las// bde ldan gsung gi don 'byung ba'ang// thams cad pad+ma'i ngang gyur na// grol thar lam dang 'khor ba'i sgra// ji skad brjod kyang gsung mchog ste// theg pa mchog dman thams cad dang// log 'gro ma lus thams cad skad// byang chub rdo rje gsung du bsdus// bsdus nyid phyogs bcur rnam par grags// sgra nyid ma chags ngang du gsungs// gsungs pa nyid na brjod du med// brjod med de nyid sna tshogs sgra// kun la grags shing so sor 'jal// dper na de bzhin sbrid sangs bzhin// gsung gcig sgra yis thams cad go/ 'di ni gsung mchog rgyal po yin// theg pa mtho dman bsam yas kyang// de bzhin nyid las ma gsungs te// gdul ba'i thabs su so sor thos// ji ltar gsung rab kun brjod kyang// de bzhin nyid kyis gsungs pa med// yi ge med dang rig pa'i gsung// ljags kyi rtse mor ma phyung yang// thugs rje gsung gi byin brlabs kyis// 'gro don sna tshogs so sor gsal// gsal nyid gsung gi rdo rje mchog/ de bzhin gsung gis 'gro don rnams// de bzhin ngang las ma g.yos kyang// dper na brag ca'i sgra bzhin no// gsang ba'i snying po de kho na nyid nges pa las dkyil 'khor bsdu ba dang gsang sngags kyi le'u ste bcu gsum pa'o//// de nas bcom ldan 'das de bzhin gshegs pas nyid kyi phyag rgya ston pa'i snying po zhes bya ba 'di ched du brjod pa 'di brjod do// o~M hU~M badzra sa twa hU~M/badzra pra b+hA na hU~M/ mU~M badzra gan d+ha hU~M/ o~M tsakra maN+Da la hU~M A~M/ lA~M badzra gan b+hA Sha lA~M/ swa rat+na pra b+hA na swA~M/ o~M badzra gan d+ha b+hA Sha A~M/ o~M pad+ma pra b+hA na A~M/ pa~M badzra gan+d+ha pra b+han pA~M/ hA~M badzra ga tIk+Sh+Na pra b+hA na ha~M/ ta~M badzra gan d+ha b+hA Sha pra b+hA na ta~M/shI rat+na pra b+hA na shI hU~M/ badzra gan d+ha pra b+hA na g+ho Sha hU~M/ trA~M khaD+ga pra b+hA na trA~M/ trA~M badzra gan d+ha b+hA Sha pra b+hA na tri/ hrIHpad+ma pra b+hA na hrIHbadzra gan d+ha bA Sha pra b+hA na hrIHha badzra gan+d+ha b+hA Sha pra b+hA na ha~M/a badzra gan d+ha bA Sha pra b+hA na AHme kA la pra b+hA na me/ hU~M badzra ga na d+ha pra b+hA na b+hA Sha hU~M/ thA~M pra b+hA na maN+Da la thA~M/ swA~M badzra gan d+ha bA Sha pra b+hA na swA~M/ hU~M rat+na swa~M sA d+ha b+ha dra pra b+hA na swA~M hrIHbadzra gan d+ha bA Sha pra b+hA na hrIHmu ut+pal nI la pra b+hA na mu/A badzra gan d+ha b+hA Sha pra b+hA na AH/ phaT badzra a maHmut+ga ra pra b+hA na phaT phaT/ o~M badzra gan+d+ha b+hA Sha pra b+hA na o~M o~M/ phaT ma hA badzra pra b+hA na phaT phaT/ hU~M ma hA rat+na badzra gan d+ha b+hA Sha pra b+hA na hU~M hU~M/phaT hriHpad+ma mut+ga ra pra b+hA na hrI hrIH/ o~M ma hA badzra pad+ma badzra gan d+ha b+hA Sha pra b+hA na hrIHhrIH/ a karma mut+gar badzra pra b+hA na phaT phaT/ a karma badzra gan d+ha b+hA Sha pra b+hA na hU~M// a a a zhes brjod pas phyag rgya gsung gi dkyil 'khor kun tu gsal bar gyur to// 'bar bar gyur to// gsang ba'i snying po de kho na nyid nges pa las don dam pa dang/ kun rdzob kyi byang chub kyi sems las phyag rgya gsung gi dkyil 'khor rdzogs pa'i le'u ste bcu bzhi pa'o//// de nas de bzhin gshegs pas rgyud kyi rgyal po sgyu 'phrul dra ba bstan pa las/ chos thams cad nam mkha' dang yum gyi dbyings su 'dus par bstan nas ched du brjod pa 'di brjod do// yang dag don gyi gsang mchog ni// bde ba thugs kyi dkyil 'khor la// nges pa'i don chen bzhi bcu gnyis// yid bzhin rin chen gsal 'bar thim// thams cad ma lus thig le'i dbyings// sku lnga'i 'od zer mang po kun// thams cad yum 'gyur dbyings su thim// gsal 'bar sprin gyi bdag por 'gyur// byang chub sems kyi thigs pa ni// kun la khyab cing mi gnas pa// kha dog gnas dang dbyibs ma yin// yon tan mchog gi snying po ni// rtog ge spyod yul yod ma yin// zab cing rgya chen rab sbyangs pa'i// gsal ldan brtan pa'i spyod yul te// gzhan nas btsal zhing brtag tu med// thams cad nam mkha'i mtshan nyid de// sna tshogs 'jig rten brtan g.yo dang// rgyal ba mngon byung thams cad kun// nam mkha'i dbyings su ma gyur pa// dus bzhi phyogs bcu gang na med// dus gsum bde gshegs nyid kyi mnga'// sngon gyi bde gshegs thugs chud pa'i// nam mkha'i dbyings su thams cad thim// thams cad shes rab dbyings nyid de// dbyings la dbyings ni rnam par sbyor// shes rab dbyings nyid 'byor pa yis// byang chub rdo rje thig le yin// dkyil 'khor gzhal yas lhun grub dang// rgya dang bral ba'i bsam yas kyis// kun la khyab cing mi gnas pa// yon tan mchog gi gnas yin te// ma bcos rgyun gyi skad cig ma// de yis ma zin gang yang med// rang gi rnam rtog ma yin pa// yang dag gshegs dang log rtog dang// gzhan yang sprul pa mang po'i tshogs// phyogs bcu ma lus thams cad kun// de la gsad cing gzung du med// kha dog dbyibs dang gnas ma yin// skyes bu dam pa mchog 'dod pas// de la rtag 'grus gsal bar gyis// de yi 'bras bu mthar phyin ni// rgyu 'bras med pa'i dus gcig ste// thams cad ming gi mtshan nyid du// yi ge 'bru gsum rdzogs par gyur// mi zad rgyan gyi 'khor los bsdus// tshogs chen gnyis kyang rdzogs par rol// skye 'jig med pa'i dbyings la zhugs// 'jig rten 'das dang 'jig rten pa'i// mtha' yas 'jig rten bsam yas kun// rgyal ba yum gyi dbyings su thim// thams cad ma lus chos skur 'dus// ho/ chos thams cad ming gi mtshan nyid do// gsang ba'i snying po de kho na nyid nges pa las thams cad yum gyi dbyings su 'dus pa shin tu gsang ba'i le'u ste bco lnga pa'o//// de nas de bzhin gshegs pa thams cad kyis/ yan lag thams cad dkyil 'khor du lhun gyis grub par byin gyis rlob pa zhes bya ba ched du brjod pa 'di brjod do// sgyu 'phrul drwa bas mngon rdzogs pas// thams cad byang chub mchog gi rgya// gsang ba de nyid nges pa yi// snying po phyag rgya 'da' bar dka'// mi bskyod nyi ma'i dkyil yi ge/ rin chen zla ba'i dkyil yi ge/ lnga gnyis zung du spros pa las// sbyar ba phyag rgya 'byung ba'i rgyu// o~M dang mU~M gnyis rtse sbyar te// 'bru brgyad bsnol nas rtser sprad pa// rgyal ba kun dang mnyam sbyor ba'i// bde ba chen po sbyin pa'i rgya// 'bru bzhi sbas nas thugs kar bkan// hU~M bsgreng rtse mor rdo rjer 'bar// zla brtul 'bru sbas dril gsil zhing// 'khril ba'i tshul gyis chos la brtan// 'bru bzhi sbas nas thugs kar bkan// mU~M kyi rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// o~M bsgreng rtse mor 'khor lo 'bar// zla brtul 'bru sbas dril gsil zhing// 'khril ba'i tshul gyis chos la brtan// 'bru bzhi sbas nas thugs kar bkan// lA~M gyi rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// swA~M rtser 'bar ba rin po che// zla brtul 'bru sbas dril gsil zhing// 'khril ba'i tshul gyis chos la brtan// 'bru bzhi sbas nas thugs kar bkan// mA~M gyi rtse mor dril gsil 'bar// nyi ma 'bru lngas las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// A~MHgyi rtse mor pad+ma 'bar// zla brtul 'bru sbas dril gsil zhing// 'khril ba'i tshul gyis chos la brtan// 'bru bzhi sbas nas thugs kar bkan// pA~M bsgreng rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// hA~M gyi rtse mor ral gri 'bar// zla brtul 'bru sbas dril gsil zhing// 'khril ba'i tshul gyis chos la brtan// 'bru bzhi sbas nas thugs kar bkan// tA~M bsgreng rtse mor dril gsil 'bar// nyi ma 'bru lngas las su 'khril// btud de 'dzum pa'i mdangs kyis blta// ut+pal la sogs klu shing mtshan// rin chen myu gu ral gri 'bar// pad+ma dkar po rdo rje 'bar// chos kyi 'khor lo rin chen te// gzugs mdzes rin chen phreng ba dang// pi bang gar mkhan mchog nyid de// me tog phreng ba sbos mchod ma// mar me byug la sogs pa yis// las la 'khril cing chos la brtan// dbu rnams byon nas 'dud pa'i tshul// gong gi phyag rgya chen po bzhin// gnyis med dbyings kyi ngang du thim// sgo bzhi phyag rgya chen po ni// nr-i mgo gdengs dang rdo rjes gnon// thod phreng chen pos gnon pa dang// rdo rje rgya gram las kyis gnon// lcags kyu zhags pa s+pho Ta hoH// sgo bzhir gnas pa de dag kyang// 'dud tshul 'khril ba gong ma bzhin// thub drug phyag rgya sna tshogs te// mdor bsdus phyag rgya drug yin no// gseg par dang ni pi bang dang// go cha po ti rin chen sgrom// me dang chu ru rab tu bstan// yum ni gnyis med chos kyi dbyings// kun bzang mnyam bzhag ye shes 'phro// yum 'gyur mnyam rdzogs pad+ma'i dkyil// gzhan yang phyag rgya sna tshogs te// yang na de bzhin gshegs nyid de// yang na rdo rje thal mo nyid// phyag rgya chen po tshogs mchog ni// thabs dang shes rab ldan 'byor na// ma bskyod ma bsgul thams cad kun// phyag rgya chen po'i ngang du gnas// yan lag bzhi bcu rtsa gnyis ldan// de nyid yan lag spros bdag ste// bzhi bcu rtsa gnyis sum 'phror 'bar// de ltar ldan pa'i gtso mchog gis// rgyal ba rgya mchog de bzhin du// bcu gnyis drug gi 'od 'phro 'bar// de la sogs te bsam mi khyab// phyogs bcu dus bzhi bsam yas su// 'dul ba'i don rnams so sor ston// theg pa mtho dman thams cad dang// phyin ci log rnams bsam yas dang// zhi khro tshogs chen thams cad la// so sor mthun byas kun tu snang// dper na gar mkhan nyid 'dra ba// lus las ma dgod sna tshogs ston// mdor na phyag rgya thams cad ni// 'di zhes gcig ces brjod du med// gnyis dang gsum du rnam par 'phro// bskyod dang spro ba de bzhin nyid// mdor na bskyod 'gul thams cad kun// phyag rgya chen po'i ngang du gnas// gnas nyid mi gnas gnas pa'ang min// de skad dag mchog nyid kyis bshad// mthe bo mdzub mo rdo rje 'dzin// mthe bo gung mo rgyal ba 'dzin// srin lag mthe bo chags pa che// mthe'u chung mthe bo legs pa mchog/ hU~M hoH// mdzub mo gnyis sbyar rin chen mchog/ gung mo gnyis sbyar gzi brjid don// srin lag gnyis sbyar rgyal ba'i tog/ bzhad pa'i sgras ni mthe'u chung sprad// tro~M te ru ha/mdzub mo steng 'og chos kyi mchog/ gung mo steng 'og 'jam dpal mchog/ srin lag steng 'og 'khor lo mchog/ mthe'u chung steng 'og smra gsung yin// hrIHb+ha~M TA+o~M ho~M/ mdzub mo rgya gram las kyi mchog/ gung mo rgya gram bsrung bar byos// srin lag rgya gram gnod sbyin mchog/ mthe'u chung rgya gram gnas par bshad// ha tru~M a b+ha~M/ phyag rgya brda tshig chen po 'dis// sangs rgyas dkyil 'khor mdzes par snang// rang bzhin dkyil 'khor phun sum tshogs// glu gnyis phyag rgya ldan pa yis// sa ler gsal ba'i dkyil 'khor 'bebs// phyag rgya spros pa chen pos ni// gzung dang 'dzin pa rnam gnyis pa// dag par gsal bas phyag rgya yin// yi ge so so gsal ba yis// gar du bsgyur bas mya ngan 'das// dzaHdang hoHla sogs pa yis// gar du bsgyur bas rdo rjer 'ching// gsang ba'i snying po de kho na nyid nges pa las phyag rgya spros pa'i le'u ste bcu drug pa'o//// de nas bcom ldan 'das dpal kun tu bzang pos mtshon cha dam tshig ces bya ba'i glu 'di blangs so// hU~M lus ngag yid gsum rdo rje ni// sku gsung thugs kyi ye shes te// sku gsung thugs kyi ye shes ni// rdo rje sems dpa' rang gnas pas// ye shes rdo rje gsor zhing spro// e ma'o rdo rje che mchog ni// nyid kyi mtshan du gsol ba ni// cis kyang mi shigs mi phyed la// cis kyang ma g.yos ma 'dres pas// bde chen mchog tu gyur pas na// kun kyang phyag rgya bzhi rgyas gdab// rgyal ba rnams kyi thugs nyid la// rdo rje 'chang rgyal thams cad kyi// rang gi rtags su bstan pa'i phyir// mi phyed rdo rje 'chang zhes bya// hU~M// ji ltar rgyal po rang gi rgyas// rgyal po gtsigs la btab pa ltar// bde chen snying la gnas pa dang// dbang chen dus la brtson pa yis// thams cad kun la de ltar 'debs// 'da' dka' ji bzhin mi shigs pas// rgyal po phyag rgya mchog gi gnas// bdag nyid chen po mtshan ma'i gzugs// hU~M phyag rgya zhes ni bsgrags pa yin// nyid kyi lus ni brtan phyir ro// rdo rje rdo rje drag chen dang// rang nyid che ba'i bdag nyid dang// 'dul ba thabs kyi rgyal po yis// phye zhing bshig dang bcom la sogs// dkrugs shing thal ba rdul phran bzhin// btsan zhing 'bar ba'i 'phro 'du 'dis// thams cad rdo rje nyid pas na// nam mkha'i khams kun gang ba yin// de las rdo rje gsung 'byung ba'o// o~M badzra dz+wa lA na lArka hU~M phaT/ o~M/ lus ngag yid gsum 'khor lo ni// sku gsung thugs kyi ye shes te// snang mdzad 'khor lo dpa' bo yin// snang mdzad 'khor lo rang gnas pas// ye shes 'khor lo gsor zhing spro// e ma'o 'khor lo che mchog gi/ nyid kyi mtshan du gsol ba ni// cis kyang mi shigs mi phyed pas// cis kyang ma g.yos ma 'dres pas// bde chen mchog tu gyur pas na// kun kyang phyag rgya bzhi rgyas gdab// rgyal ba rnams kyi thugs nyid las// 'khor lo 'chang rgyal thams cad kyi// rang gi rtags su bstan pa'i phyir// mi phyed 'khor lo 'chang zhes bya// hU~M/ ji ltar rgyal po rang gi rgyas// rgyal po'i gtsigs ni btab pa ltar// bde chen snying la gnas pa dang// dbang chen dus la brtson pa yis// thams cad kun la de ltar 'debs// 'da' dka' ji bzhin mi shigs pas// rgyal po phyag rgya mchog gi gnas// bdag nyid chen po mtshan ma'i gzugs// phyag rgya zhes ni bsgrags pa yin// nyid kyi lus ni brtan phyir ro// o~M/ 'khor lo 'khor lo drag chen dang// rang nyid che ba'i bdag nyid dang// 'dul ba'i thabs kyi rgyal po yis// phye zhing gzhig dang bcom la sogs// dkrugs shing thal ba rdul phran bzhin// hU~M/ btsan zhing 'bar ba'i 'phro 'du 'dis// thams cad 'khor lo nyid pas na// nam mkha'i khams kun bkang ba yin// de las 'khor lo gsung 'byung ba// o~M tsakra dz+wa lA na lArka hU~M phaT// o~M/ lus ngag yid gsum pad+ma ni// sku gsung thugs kyi ye shes te// sku gsung thugs kyi ye shes ni// pad+ma sems dpa' dpa' bo yin// pad+ma sems dpar rang gnas pas// pad+ma dgra sta sor zhing spro// e ma'o pad+ma che mchog gi/ nyid kyi mtshan du gsol ba ni// cis kyang mi shigs mi phyed la// cis kyang ma g.yos ma 'dres pas// bde chen mchog tu gyur pas na// kun kyang phyag rgya bzhi rgyas btab// rgyal ba rnams kyi thugs nyid las// pad+ma 'chang rgyal thams cad kyis// rang gi rtags su bstan pa'i phyir// mi phyed pad+ma 'chang zhes bya// o~M ji ltar rgyal po rang gi rgyas// rgyal po gtsigs ni btab pa ltar// bde chen snying la gnas pa dang// dbang chen dus la brtson pa yis// thams cad kun la de ltar 'bebs// 'da' dka' ji bzhin mi shigs pa// rgyal po phyag rgya mchog gi gnas// hU~M/ bdag nyid chen po mtshan ma gzugs// phyag rgya zhes ni bsgrags pa yin// nyid kyi lus ni brtan phyir ro// pad+ma dgra sta drag chen dang// rang nyid che ba'i bdag nyid dang// 'dul ba thabs kyi rgyal po yis// phye zhing bshig dang bcom la sogs// dkrugs shing thal ba rdul phran bzhin// btsan zhing 'bar ba'i 'phro 'du 'dis// thams cad pad+ma nyid pas ni// nam mkha' khams kun bkang ba yin// de las pad+ma'i gsung phyung ba// o~M pad+ma dz+wa lA na lArka hU~M phaT/ swA~M/ lus ngag yid gsum rin chen ni// sku gsung thugs kyi ye shes te// sku gsung thugs kyi ye shes ni// yon tan chen po dpa' bo yin// rin chen sems dpar nga gnas pas// ye shes dbyug pa gsor zhing spro// e ma'o rdo rje rin chen che mchog gi/ nyid kyi mtshan du gsol ba ni// cis kyang mi shigs mi phyed la// cis kyang ma g.yos ma 'dres pas// bde chen mchog tu gyur pas na// kun kyang phyag rgya bzhi rgyas gdab// swA~M/ rgyal ba rnams kyi thugs nyid la// rin chen 'chang rgyal thams cad kyi// rang gi rtags su bstan pa'i phyir// mi phyed rin chen 'chang zhes bya// swA~M/ ji ltar rgyal po rang gi rgyas// rgyal po'i gtsigs ni btab pa ltar// bde chen snying la gnas pa dang// dbang chen dus la brtson pa yis// thams cad kun la de ltar 'debs// 'da' dka' ji bzhin mi shigs pas// rgyal po phyag rgya mchog gi gnas// bdag nyid chen po mtshan ma'i gzugs// phyag rgya zhes ni bsgrags pa yin// nyid kyi lus ni brtan phyir ro// rin chen dbyug pa drag chen dang// rang nyid che ba'i bdag nyid dang// 'dul ba thabs kyi rgyal po yis// phye zhing bshig dang bcom la sogs// dkrugs shing thal ba rdul phran bzhin// btsan zhing 'bar ba'i 'phro 'du yis// thams cad rin chen nyid pas na// nam mkha' khams kun bkang ba yin// de las rin chen gsung 'byung ba// swA~M rat+na dz+wa lA na lArka swA~M phaT// hA~M/ lus ngag yid gsum phrin las ni// sku gsung thugs kyi ye shes te// sku gsung thugs kyi ye shes ni// las kyi sems dpa' dpa' bo yin// las kyi sems dang rang gnas pas// ye shes ral gri 'debs shing spro// e ma'o las kyi che mchog gi/ nyid kyi mtshan du gsol ba ni// cis kyang mi shigs mi phyed la// cis kyang ma g.yos ma 'dres pas// bde chen mchog tu gyur pas na// kun kyang phyag rgya bzhi rgyas btab// hA~M/ rgyal ba rnams kyi thugs nyid las// ral gri 'chang rgyal thams cad kyi// rang gi rtags su bstan pa'i phyir// mi phyed ral gri 'chang zhes bya// hA~M/ ji ltar rgyal po rang gi rgyas// rgyal po'i gtsigs ni btab pa bzhin// bde chen snying la gnas pa dang// dbang chen dus la brtson pa yis// thams cad kun la de ltar 'debs// 'da' dka' ji bzhin mi shigs pas// rgyal po phyag rgya mchog gi gnas// bdag nyid chen po'i mtshan ma'i gzugs// phyag rgya zhes ni bsgrags pa yin// nyid kyi lus ni brtan phyir ro// ha~M ral gri ral gri drag chen dang// rang nyid che ba'i bdag nyid dang// 'dul ba thabs kyi rgyal po yis// phye zhing bshig dang bcom la sogs// dkrugs shing thal ba rdul phran bzhin// btsan zhing 'bar ba'i 'du 'gro 'dis// thams cad ral gri nyid pas na// nam mkha' khams kun bkang ba yin// de las phrin las gsung byung ba'o// hA~M karma dz+wa lA na larka hU~M phaT/ mU~M lus ngag yid gsum dril bu las// sku gsung thugs nyid gtum por 'gyur// bskor thabs che ba'i mchog tshul du// rdo rje lan gsum gsor ba yis// lha mo klu mo rigs ngan mo// dam can rnal 'byor dbang du 'gyur// rnal 'byor pho mo gang snang ba'i// thams cad gcig tu 'dus par ni// yul la mngon du snang bar 'gyur// mi bskyod rdo rje thabs ldan pas// o~M dang ha~M ni ma thal bar// lan gsum gsor chen gur dkar bsgom// lhan ne'i dkyil 'khor mchog tu 'gyur// o~M dang ha~M ni thal tsam du// kun tu gru bzhir bdag gnas te// lan gsum gsor la gang brtson pa// tshe dang skal ba 'phel bar 'gyur// longs spyod ci 'dod grub par 'gyur// de nas zla gam mdog dmar sham// 'brel pa mnyam par lan gsum gyis// khros pas gsor la gang brtson pas// yid la dmigs dang las thams cad// dbang chen dkyil 'khor nyid du 'gyur// de las gtum pa'i mdog gnas te// drag tu phaT ces brjod pas ni// kha dog nag por bdag gnas shing// bskal pa 'bar ba'i dbus gnas pa// khros te dgug pa nyid dag tu// rgyang ni ring du 'phangs pa na// ci 'dod las rnams 'grub par nges// o~M badzra da ha dz+wa la ha na badzra pa tsa dz+wa la badzra hU~M phaT/ chos la brtan pa phyag bsnams pa// sbubs ni dril bu chos khams te// shes rab yum gyi tshogs su brtag/ skad ni gsung snyan bde ba mo// lce ni gar mkhan mya ngan 'das// chos sku thugs kyi thugs nyid las// rab tu gsor la gang brtson pas// mU~M la sogs pa'i yi ge bsgom// rdo rje 'khor lo pad+ma 'bar// mU~M gyi tshogs kyi dkyil 'khor ni// kun tu dbang sgyur yid 'ong ba'i// 'dod pa bzhin du mthun pas 'grub// o~M badzra g+haN+Da pA sha d+harma d+hA ra/ hU~M hU~M hU~M zhes brjod pas de bzhin gshegs pa nyid de bzhin gshegs pa nyid la dgyes par gyur to// gsang ba'i snying po de kho na nyid nges pa las sgyu 'phrul chen po thabs dang shes rab tu 'byung ba phyag mtshan gyi le'u ste bcu bdun pa'o//// de nas de bzhin gshegs pa dgyes pa chen po rdo rje gsang ba'i dam tshig bkod pa la snyoms par zhugs nas/ched du brjod pa 'di brjod do// shin tu phra ba'i dam tshig mchog/ phyag rgya chen po'i phyag mthil du// thugs kyi dkyil 'khor dam pa de// sor ni bzhi yi tshad du bya// 'bru lnga sbos lnga rin chen lnga// snying po lnga dang sman lnga dang// bdud rtsi lnga yis rab mnyam la// rig pas thig ni gdab par bya// lte ba rtsibs dang ldan pa yi// rtse bzhi 'khor lo mu khyud bcas// gru chad bzhi dang gru bzhi yi// bar khyams sgo khyud ldan par bya// sen zlum tsam gyi nyi zla la// tsa na 'bru tsam pad+mo gdan// yungs 'bru tsam gyi yi ge las// phyag rgya til 'bru tsam du bri// bcos bu'i ras ni sna tshogs dang// rgyan phreng dung dang bro bas bskor// glu tshig bro gar rol mo yi// sprin phung tshogs kyis rab tu mchod// yum dang 'jo ma sems ma dang// ji ltar 'dod pa'i las bzhin mchod// dbyibs dang kha dog mtshan ldan pa'i// zhal du gyur pa'i me bos la// bza' btung bro ba'i tshogs rnams kyis// las bzhi mchod pa rab tu sbyin// khro bo'i dkyil 'khor de bzhin te// shin tu phra la sbyangs pa yis// bsam yas dag la de bzhin bya// rig pas dpag pa tsam du'o// mchod pa'i phyag rgya chen po ni// sems kyi yid bzhin sprin tshogs kyis// phyogs bcu thams cad sangs rgyas zhing// mnyen 'jam reg na bde ba yi// sna tshogs rin po che yi gzhi// mdzes par bris shing spras pa dang// kun 'byung rin chen phung po 'bar// dbyibs legs rdzing bu bro mchog bsil// rin chen khang pa sna tshogs dang// rgyan dang dpag bsam ljon pa'i tshal// glu dbyangs tshigs su bcad pa'i sgra// bla re rgyal mtshan na bza' gdugs// do shal dpung brgyan se mo do// bza' dang btung ba'i mchog rnams dang// rang la mdzes pas brgyan pa yi// lha dang lha mo rdul snyed kyi// bro gar la sogs bsam yas kyis// phyogs bcu nam mkha'i khams bkang nas// dkyil 'khor kun la rgyas par dbul// skal ldan gsal ba'i khyad par gyis// rim gyis yang na cig char du// chos kyi dbyings dang mnyam sbyor zhing// mchod pa'i phyag rgya chen po bsgom// gsal ldan ma'am byin brlabs la// stong gsum yungs 'brur 'jug tshul du// dbyings nas dkyil 'khor spyan drangs mchod// mnyes nas 'grub pa'i dam tshig mchog/ bdag nyid chen po mched pa yis// sangs rgyas dkyil 'khor ma lus mnyes// srid gsum 'gro ba ma lus la// dga' ba chen pos khyab par gyur// sgyu 'phrul drwa ba brtan pa yis// phyogs bcu dus bzhir gshegs pa yi// sangs rgyas dkyil 'khor ma lus dang// khams gsum 'gro rnams mngon du gyur// lus ngag sems dang chos thams cad// gang na mi gnas mi dmigs pa// rang bzhin mnyam pa'i chos nyid la// mig yor tshul du sbyor ba yis// nam mkha' la ni nam mkha' bsgom// goms pa'i dkyil 'khor chen po la// kun byas dbang phyug rig pas 'jug/ de nas slob ma gzhug par bya// de nas rigs kyi bu mchog des// rgyal srid dang ni rang gi lus// bu dang chung ma nor gyi dbyig/ rab tu gces dang yid 'thad dbul// dbang phyug longs spyod lngas mchod na// dkyil 'khor thams cad mchod pa yin// nye ba'i dkyil 'khor smos ci dgos// nyes pa thams cad dag par 'gyur// dad brtson brtul zhugs rab rtogs nas// phan pa'i dbang sbyin nus pa'i dbang// rim pa bzhin du sbyin par bya// snying rjes chud ma zos par gzung// yang na thal mo rab bsnol nas// phyag chen po yi 'phang du ni// dkyil 'khor mdzub gang tshad du bya// mkhas pas cho ga bzhin du bya// yang na sa gzhi mnyam pa la// dkyil 'khor khru gang tshad du bya// yang na lus gang tshad du ste// yang na lus ni gsum gyi tshad// phur bu srad bu tshon phye dang// gos rgyan mdzes ma yid 'ong grogs// thig gdab cho ga phun sum tshogs// mkhas ldan chen pos bsgrims te bya// yang na khru ni bcu drug dang// nyi shu'am nyi shu rtsa lngar bya// rigs kyi dkyil 'khor lnga rnams bsgom// sku gsung thugs ldan gzugs kyang dgod// yang na rgyang grags dpag tshad dam// nam mkha'i dbyings ni bsam yas par// sangs rgyas dkyil 'khor sna tshogs bsgom// ma mthong rmongs pa ston phyir tshon// kha dog nyi shu rtsa lnga 'am// lnga yi tshon gyis bri bar bya// 'dul ba'i cho ga bzhin du dgye// ting 'dzin rol mo mtha' yas mchog/ yi ge'am gdan nam snying po 'am// phyag rgya'am sku gsung thugs ldan par// byin brlabs ya mtshan rmad po che// 'grub 'gyur sangs rgyas kun gyi dam// sa la sogs pa phyag rgyar byas// rnam grol rim par thob par 'gyur// dag pa'i ye shes kyis byas pa// smos ci dgos te de nyid yin// phyogs dus dkyil 'khor bdag nyid che// mi dmigs thugs kyi dkyil 'khor las// dkyil 'khor thams cad spyan drang ngo// rang snang dbyer med dkyil 'khor la// 'jug pa'i mtshan nyid mnyam sbyor ba// phyogs dus kun nas gshegs pa yi// sku gsung thugs kyi ye shes ni// kun tu bzang mo mi bsnyengs yin// kun tu bzang mo rang gnas pas// ye shes dril bu gsil zhing spro// e ma'o sangs rgyas yum chen gyi// nyid kyi mtshan du gsol ba ni// cis kyang mi shigs mi phyed la// cis kyang ma g.yos ma 'dres pas// bde chen yum du gyur pas na// kun kyang phyag rgya yum lngas btab// mU~M/ kun tu bzang mo'i thugs nyid las// rdo rje yum chen thams cad kyi// rang gi rtags su bstan pa'i phyir// mi phyed dril bu 'chang zhes bya// mU~M ji ltar rgyal po'i gnas bshams te// rgyal pos gtsigs chen 'gyed pa ltar// bde chen yum du gnas pa dang// dbang chen dus la brtson pa yis// thams cad kun la de ltar 'debs// 'da' dka' ji bzhin mi shigs pas// rgyal po phyag rgya mchog gi gnas// bdag nyid yum chen mtshan ma'i gzugs// phyag rgya zhes ni bsgrags pa yin// nyid kyi lus ni brtan phyir ro// mU~M dril bu dril bu grags snyan dang// yum nyid che ba'i bdag nyid dang// 'dul ba thabs kyi rgyal mo yis// phye zhing bshig dang bcom la sogs// dkrugs shing thal ba rdul phran bzhin// btsan zhing 'bar ba'i 'phro 'du 'dis// thams cad dril bu nyid pas na// nam mkha' khams kun bkang ba yin// de las chos sku gsung 'byung ba// mU~M g+ha dz+wa lA na lArka mU~M zhes brjod pas phyag rgya'i tshogs su snang bar gyur to// gsang ba'i snying po de kho na nyid nges pa las mtshon cha dam tshig phyag rgya glu'i le'u ste bcwa brgyad pa'o//// de nas bcom ldan 'das dpal kun tu bzang pos thabs dang/shes rab 'byung ba zhes bya ba 'di ched du brjod pa 'di brjod do// de nas yid dang chos mthun par// thugs kyi phyag rgya rdo rje 'chang// shes rab dril bu chos la brtan// hU~M dang mU~M gyi snying po 'bar// de las rdo rje rtse bcur 'bar// o~M dang mU~M gyi mchog tu brtag/ shes rab nyi zer zla rgyas thabs// 'bar ba'i phung pos chos la brten// de las gzung thabs gnyis kyis ni// 'bru lnga phyag rgya nyid du ste// de las rdo rje phyag bsnams gsor// de las 'khor lo phyag bsnams gsor// de las nor bu phyag bsnams pa// de las pad+ma phyag bsnams 'dzin// de las ral gri phyag bsnams gcod// de nyid rdo rje phyag bsnams pa// thabs chen drug tu yang dag gsor// de las rdo rje gzung thabs gnyis// o~M dang mU~M gyi mtshon bzhin du// rdo rje rtse bcu thabs chen po// thugs kar brtan pa'i tshul du 'bar// sangs rgyas rdo rje sems dpa' yi// phyag na mi 'jigs thugs kar 'dzin// mU~M las phyag rgya chen po ni// dril gsil 'bar bas sangs rgyas yum// mchod gnas chos la brten par 'dzin// thams cad kun tu phyag rgya yi// thabs dang shes rab rdo rje 'chang// sku gsung thugs ni thams cad pa// yon tan phrin las kun tu rdzogs// sgyu 'phrul drwa bas byang chub pa'i// sangs rgyas rdo rje 'chang du dmigs// de las rdo rje mchog bsnams pa// de las mi bskyod nyi ma'i lam// sku gsung thugs kyi yon tan las// o~M hU~M swA~M gyi rtser 'dzin pa// nyid las yang dag bskyed tshul du// shes rab yum du shin tu brtags// rdo rje 'bar bas rab brten pa// thabs chen yid ni sangs rgyas yab// gcig dang du ma yongs kyis med// de las 'gro don phrin las 'char// yid dang chos su rab brtags pa'i// rdo rje 'chang rgyal tshul chen las// rdo rje drag por lan gsum gsor// gtum pa'i sngags brjod de bskyed pas// bsnyen pa'i dkyil 'khor rab tu rdzogs// nye bar gyur pa'i dam tshig mchog/ dpag bsam shing dang yid bzhin gyi// rin chen dbyig dang 'byung ba kun// de dag rdzas yod ma yin te// rang sems bsod nams brtan pa yin// ngo mtshar cho 'phrul rmad kyi chos// gzhan nas yod 'ong ma yin te// thabs la brten pa'i shes rab nyid// de lta bu yi ngang du 'byung// shes rab dbyings kyi de bzhin nyid// thabs kyi phyag rgyar gyur pa'i phyir// ye shes la ni ye shes rol// ye shes rol pa nyid gang gsog/ rgyal ba mngon byung skyob pa dang// byin brlabs ston pa'ang de bzhin te// bya byed nus mthu'i gzi byin gyis// sgyu ma rdo rje btsan po mchog/ cho ga lnga ni rdzogs byas shing// yo byad lnga ni rdzogs par ldan// sngags kyi yan lag lnga rdzogs pas// ma nyams 'jug la rab brtson pa// zhag ni sum cu phrag drug gam// bcu gnyis bcu bzhi bcu drug gis// dbang sgyur rigs kyi dam pa 'grub// de tshe bcu drug tshun chad kyis// sku lnga lhun gyis rdzogs pa ni// ye shes thig le de nyid la// ye shes thig le nyid snang ba// bsam gyis mi khyab mtha' yas mchog/ phyogs bcu dus bzhi mngon rdzogs pa'i// zhing khams rnam dag bsam yas dang// rgya dang bral ba'i gzhal yas khang// 'khor lo rgyan dang rol mo'i tshogs// dkyil 'khor ma lus bsam yas kun// mthong nas nye bar mnyes pa dang// rgya chen gsung las don byung ba// mthun pa'i ye shes rang snang ngo// gcig dang du mar bral ba yi// mtha' dang dbus med de bzhin nyid// sangs rgyas nyid kyis mi gzigs te// rang byung ye shes gnas med snang// log par rtog brtags rnam dag cing// ye shes dbyings las mi gzhan phyir// thugs rje chen pos 'brel pas na// 'gro drug dus gnas ma lus snang// bde ba chen mo'i dkyil 'khor ni// stangs dpyal gnyis sam yang na lnga// byas te dad ldan rab zhugs na// 'dod pa yid 'ong mnyam par 'gyur// skal pa mnyam pa'i ye shes de// gnyer na nye bar mnyam pa yi// ya mtshan chen po 'byung bar nges// dad med nyams na phung bar 'gyur// zhes ched du brjod do// rdo rje bkod pa gsang ba dam tshig gi le'u ste bcu dgu pa'o//// de nas de bzhin gshegs pa rgyud kyi rgyal po sgyu 'phrul dra ba las lhag pa'i gzugs brnyan gyi dkyil 'khor gyi dngos grub blang ba'i thabs 'di gsungs so// ye nas mnyam nyid dkyil 'khor la// thabs dang shes rab ldan byas te// rang rig ye shes rgyal po yis// thams cad ma lus maN+Da la// de bzhin nyid kyi gzhal yas la// rig pa rang byung gyur pa yis// mnyam par mnyam la mi gnas pa'i// chos sku'i phyag rgya chen por bsgom// 'jig rten brtan g.yo thams cad la// rang bzhin dkyil 'khor gnas mod kyi// gzung 'dzin rnam rtog zhags pa yis// rang rig bsgribs shing bdag tu bcings// kun gyis yang dag rtogs bya'i phyir// de bzhin chos sku'i gzugs brnyan bstan// rtog dang mi rtog rang rig dang// yang dag thabs chen rdzogs pa'i don// rin chen sna tshogs la sogs dang// 'byung ba bzhi las gyur rnams kun// thams cad byang chub mchog gi rgyu// gzugs sogs ri mor bris pa dag/ ye shes chen po rab 'byam gyis// don du mi 'gyur yong ma gsungs// de bzhin ting 'dzin dkyil 'khor gyis// thams cad dbyings su bsdus nas ni// nyid kyi thugs la bstim byas te// thams cad chos sku'i phyag rgya che// dkyil 'khor rnam gsum dag byas pas// nam mkha'i dbyings kyi dkyil 'khor du// rang rig ye shes 'du 'phro yis// thams cad chos sku phyag rgya che// yang dag rtogs pa'i khyad par gyis// ting 'dzin don rnams gsal bsgoms te// mA ma kI yi rgyun chags la// yang dag chos sku phyag rgya che// de bzhin ting 'dzin gsal bsgoms nas// don mchog ma lus rdzogs pa'i phyir// mkha' la 'phro ba'i dkyil 'khor du// dri med chos sku phyag rgya gsal// dbyings dang de bzhin nyid med par// ting nge 'dzin gyis dbang bsgyur nas// kha dog dbyibs dang gzugs su bsgyur// sna tshogs phrin las rnam par rol// don gyi snying po mchog rnams kyang// byang chub phyogs rnams rab tu rdzogs// 'jig rten gtso mchog rnams kyis bskor// a hoHchos sku phyag rgya de dag las// las lnga'i dkyil 'khor rab tu bsgrub// ting nge 'dzin gyis dbang bsgyur na// ji ltar dmigs pa bzhin du 'grub// drag po gtum po gdul ba'i phyir// bdag nyid drag po bsgoms nas ni// chos sku nag po 'od 'bar gyis// bgegs kyi ling+ga mnan par bya// gtum po rngam po'ang brlag par 'gyur// mi mthun phyogs kyang rdul du rlog/ 'di dang 'gro ba thams cad du// shin tu stobs drag che ldan 'gyur// thams cad gnyis med dbyings bsdu'i phyir// bdag nyid ha ya grI bar bsgom// dmar po'i chos sku gsal bsgoms te// mi mthun phyogs rnams gdan du gdeng// ting 'dzin gsal bas byin brlabs na// thams cad ma lus dbang du bsdu// mthu chen dag kyang phyi bzhin 'brang// ci 'dod las rnams byed par 'gyur// thams cad yon tan 'phel bya'i phyir// bdag nyid rgyal ba'i khyu mchog ste// gser gyi mdo 'dra phyag rgyar bsgom// gang 'phel chos sku gdan du gzhag/ de ltar dag pas byin brlabs na// yon tan nam mkha'i mtha' dang mnyam// tshe dang longs spyod 'phel ba dang// ji ltar dmigs pa bzhin du 'grub// thugs rje chen po'i byin brlabs kyis// gtum khro ma lus zhi bya'i phyir// dkar zhing 'tsher ba'i chos sku bsgom// gang zhig gtum khro zhi ba'i gdan// de bzhin ting 'dzin byin brlabs na// gtum po rngam po'ang zhi bar 'gyur// gzhan yang ji ltar dmigs pa bzhin// zhi zhing dul ba nyid du 'gyur// thams cad mkhyen pa'i ye shes kyis// rnam bzhi dkyil 'khor dbyings su bsdus// bya byed med par dkyil 'khor spyod// lhun grub dkyil 'khor ye nas rdzogs// a hoH/ chos sku phyag rgya chen po ni// dngos grub gang 'dod sbyin par nges// nye ba'i lha ni gang bsgrub pa// phyag rgya'i snying po bris bcug na// gang bsgoms the tshom med par 'grub// de ni rgyal ba kun dang mnyam// the tshom med de nges 'grub 'gyur// 'jig rten pa yi lha sgrub na// lha yi snying po gang yang rung// bris te dkyil 'khor nang bcug na// lha de nye bar 'grub par 'gyur// chos nyid rten cing 'brel bris na// chos kyi don rnams rtogs 'gyur te// rang dag spyi yi don rtogs nas// skye rga na 'chi med par rtogs// phyag rgya chen po de dag la// nyon mongs las rnams sbyong byed pa'i// snying po ma nor don bris na// ngan song sdug bsngal med par 'gyur// gzhan yang dkyil 'khor bsam yas dang// dpag tshad med pa'i phyag rgya che// sku gsung thugs ni rgyun mi chad// zhing khams bye ba rdul dang mnyam// a ho// rdo rje gsang ba'i tshig tu'o// sgyu 'phrul drwa ba las lhag pa'i gzugs brnyan gyis dngos grub len pa'i thabs te mchod rten gdab pa'i le'u ste nyi shu pa'o//// de nas bcom ldan 'das dgyes pa chen po rgyal po dbang sbyin pa zhes bya ba'i ting nge 'dzin la snyoms par zhugs nas ched du brjod pa 'di brjod do// shes rab thabs kyi phyag rgya las// bde ba'i 'bru tshogs gsal ba'i rgyun// rdo rje lam las pad+mor dkyil// rtse nas bstim zhing dkyil 'khor sgyur// nyan byed 'khor lo'i gzhal yas su// gsal ba'i thig le ngo bo nyid// tra~M gi phyag rgya'i tshogs mchog las// rin chen dkyil 'khor gsal spro bstim// tra~M gsang ba'i gsang chen gsang mchog dang// gsang ba kun la mnyan par bya// gsang ba'i don nyid rtogs pa las// gzhan du smra bar bya ba min// gsal ba'i 'khor lo gzhal yas su// gsal ba'i thig le ngo bo nyid// yi ge phreng ba'i tshogs mchog las// rigs kyi dkyil 'khor gsal spro thim// o~M dus gsum rgyal ba'i sras chen po// sku gsung thugs kyi rdo rje zung// rgyal ba thams cad mnyes mchod la// rgyal ba kun dang mnyam par sbyor// lag pa'i 'khor lo gzhal yas su// gsal ba'i thig le'i ngo bo nyid// hU~M gi phyag rgya'i tshogs mchog las// las kyi dkyil 'khor gsal spro thim// o~M khyod ni rdo rje las yin pas// las rnams ma lus kun byos shig/ pho nya 'du 'phro mang po kun// khyod kyi dgos pa byed pa yin// smra byed 'khor lo'i gzhal yas su// gsang ba'i thig le ngo bo nyid// hriHyi phyag rgya tshogs mchog las// chos kyi 'khor lo gsal spro thim// o~M chos kyi bdud rtsi bla med kyis// dad ldan skyes bu ngoms par byos// rab 'bring tha ma'i blo can la// mthun par gsang bsgrags gzhan du min// bskyod chen 'khor lo'i gzhal yas su// gsal ba'i thig le'i ngo bo nyid// hU~M o~M swa~M a~M ha~M rnams las// dkyil 'khor lnga dang khro phreng bsgom// phyogs bcu dus bzhi thams cad kyis// sku gsung thugs kyi rdo rje che// dkyil 'khor kun gyi byed pa po// dkyil 'khor kun gyi sbyin pa spyod// slob dpon mnyes par ma byas shing// dbang rnams thob par ma byas par// nyan pa la sogs rtsom pa rnams// 'bras bu med cing brlag par 'gyur// dbu rgyan cod pan phreng ba dang// go cha rgyal mtshan phyag rgya dang// gdugs dang bum pa bza' btung dang// snying po lnga yis dbang bskur na// dus 'di phan chad rgyal ba'i sras// ngan song thams cad med pa dang// gnyen por gyur pa'i rtsal 'chang bas// tshe ring bde ba phun sum tshogs// kun tu bzang po la sogs mtshan// mtho ris thar pa'i dbang por 'gyur// lus dang phung por bcas pa'i sa// rig 'dzin sa la gnas pa yin// rig 'dzin sa la gnas pa'i sa// bla med kun tu bzang por 'gyur// yum dang sgeg mo la sogs la// de nyid byin gyis rlom par 'gyur// pho nya 'du 'phro mang po rnams// sangs rgyas bka' las mi 'da' zhing// de yi dgos pa byed pa dang// sgro dang skur pa la sogs pa// de ni myur du brlag par 'gyur// tshe ring bde ba phun sum tshogs// mtho ris thar pa'i bdag por 'gyur// zhes ched du brjod do// gsang ba'i snying po de kho na nyid nges pa las dbang sbyin pa'i le'u ste nyi shu gcig pa'o//// de nas de bzhin gshegs pa dgyes pa chen po mnyam pa nyid la bzhugs nas lhag pa'i ting nge 'dzin gyis dngos grub myur bar len pa'i thabs 'di gsungs so// de bzhin nyid dang mnyam sbyor phyir// dam pa'i don gyis bsgom par bya// byang chub phyogs la gzung bar gnas// mchog tu bde ba'i zhing gnas pas// mnyam rdzogs chen po lhun bsgom zhing// byang chub sems su brtan par gzung// bya ba med las bya byed bya// mi gnas gnas la gnas par bsgom// b+ha ga'i dkyil du ling+ga a// shin tu 'tsher zhing gsal bsgoms nas// 'od 'phro 'bar bas thams cad khyab// dus gsum ngan song gnas bsregs nas// b+ha ga'i dkyil du 'od 'phro thim// thim 'gyur dbyings nas 'od 'phro 'bar// a ma las ni zla nyi 'bar// phyogs bcur 'thoms pa'i mun sel zhing// nyon mongs sdug bsngal bsil ba'i sman// thugs rje'i byin brlabs bsam mi khyab// rol pa'i phyag rgya bsam mi khyab// mkha' la 'ja' tshon sprin mang yang// nam mkha'i dbyings su thams cad bsdus// thams cad mkhyen nyid bsam yas kyang// chos kyi dbyings su thams cad 'dus// thams cad yi ge hU~M du gyur// hU~M nyid gsang ba'i thugs rje'i dkyil// 'od zer 'phros pas 'bru gsum ste// yang na 'od zer 'bru lnga yi// lnga pa'i don spros bzhi bcu lnga'i// gzhan yang dkyil 'khor bsam yas mchog/ ma bcos ngang gis gnas pa la// ye shes lhag pa'i dkyil 'khor bsgom// sen zlum zla ba gang ba yi// thugs kyi dkyil du gnas par bya// nyi ma'i dkyil 'khor gang ba yi// gzhal yas 'od zer 'bar ba'i khang// pad+ma'i gdan dang rin po che// de dkyil yi ge hU~M gnas pa// shin tu phra zhing yungs 'bru 'bar// gnas gcig dang ni gnas gsum dang// gnas lnga dag tu rab tu bsgom// shes rab spyan la 'dris pa dang// nr-i yi mig gis bltar yod par// shin tu phra zhing gsal bar bsgom// shin tu blo gsal 'dris gyur nas// phyogs bcu'i stong khams rdul snyed du// thugs rje'i byin brlabs bsam yas spro// spros kyang hU~M las nyams pa med// bsdus kyang phyogs bcu bri ba med// spro med bsdu med de bzhin las// yi ge mu~M du thim par gyur// thim 'gyur dbyings nas phyag rgya 'bar// shin tu gsal zhing 'dres pa dang// phyag rgya'i sku nyid gsal bar bsgom// sku de tshon gang 'od 'bar nas// thabs dang shes rab ldan pa'i rgya// 'od 'phro 'bar zhing don byed bsgoms// yang na phyag rgya chen po ste// bdag nyid zhal gcig phyag gnyis bsam// zhal gsum phyag drug rtag tu bsgom// gzhal yas khang dang gdan khri rnams// phra ba'i tshul de snga ma bzhin// mtshan dang dpe byad thams cad ldan// dbu rgyan yi ge lnga dang ldan// rdo rje 'khor lo ral gri 'bar// rin chen pad+ma dril bu 'bar// phyag rgya chen po de dag las// phyogs bcu ma lus gzhal yas khang// nyi zla gza' skar dkyil 'khor gdan dang rgyan// bde gshegs dkyil 'khor ma lus bsgom// thugs rje byin brlabs 'gro don mdzad// zhi ba phyogs gcig shes bya spro// sa bcu mnyam par sbyong byed cing// bde gshegs 'khor yang dag par byed// de ltar sgrub pa'i rigs mchog de// 'bras bu mngon du ma smin kyang// sdug bsngal thams cad yang mi 'byung// lha mi mtshan rdzogs yongs su 'grub// theg pa dman par yong mi skye// bde gshegs 'byung dang skol mi 'gyur// byang chub gzungs la zhugs pa yin// zhes nyid la nyid gsungs so// rdo rje gsang ba'i tshig tu'o// gsang ba'i snying po de kho na nyid nges pa las rdo rje sems dpa' sgrub pa'i le'u ste nyi shu gnyis pa'o//// de nas de bzhin gshegs pa dgyes pa chen po sgyu 'phrul drwa ba'i rgyal po sgyur ba zhes bya ba la snyoms par bzhugs nas ched du brjod pa 'di brjod do// rgyu gcig dang ni yig 'bru tshul// byin gyi brlabs dang mngon sum par// rab tu rtogs pa rnam bzhi yis// thams cad mngon rdzogs rgyal po che// yan lag dbang po rnam shes kun// rnam smin o~M du shes par bya// rdzogs pa'i dkyil 'khor nyid du bsgom// yang na khros pa'i dkyil 'khor bsgom// gzugs sgra dri ro reg la sogs// rnam smin mu~M du shes par bya// yum gyi dkyil 'khor nyid du bsgom// yang na khro mo'i dkyil 'khor bsgom// gos rgyan bza' btung glu dang tshig/ bro gar tshogs kyi sprin phung la// hU~M du shes pas rab spyad na// ngo mtshar rmad du byung ba yi// dkyil 'khor ma lus mnyes par 'gyur// lha mo klu mo rigs ngan mo// dbye ba'am yang na mi dbye bar// bsnyen pa dang ni nye bsnyen pa'i// sgrub pa dang ni sgrub chen po// yum gyi pad+ma'i dkyil 'khor du// bde ba'i thugs kyi dkyil 'khor spro// sangs rgyas sprin tshogs ma lus la// dgyes mnyam mchog gi sbyin pas bstim// grub pa'i nyi zla snying po de// 'gro drug dus gnas de dag nyid// mchod pa chen por mnyes sbyar zhing// dkyil 'khor rdo rje rtse yis blang// mkha' 'gro gsal 'bar tshe la sogs// yid bzhin sprin gyi bdag por 'gyur// zhing 'gyur mchog dang mchog phran rnams// nyi zla'i dkyil du mkhas pas gzhag/ nga rgyal lag gis 'du byed bsgom/ hU~M du gyur pas rnam par dag/dbyings su thim nas phyag rgyar 'bar// skur 'gyur 'od zer 'phro bas brjid// gtsug tor rnam par rgyal ba bsgom// ngo mtshar ngan 'gro thar pa'i thabs// ye nas skye med de bzhin nyid// sgyu ma snang ba mig yor tshul// sbyor sgrol bya ba kun byas kyang// rdul cha tsam yang byas pa med// snod bcud rgyud rnams dag rtogs shing// mnyam nyid lhag pa'i mnyam nyid kyis// dkyil 'khor kun tu bzang po'i zhing// byed spyod tshogs chen gnyis gyur nas// yan lag ma nyams yo byad ldan// cho ga rdzogs par shes pa yi// rnal 'byor tshogs pa'i dkyil 'khor gyis// nges par legs pa'i dgos pa 'grub// lnga zhing lnga dang sbyor ba yi// tshom bu lnga yi lha bkod la// khro bo bcu dang khro mo bcu// 'khor lo'i tshul du rnam par bsgom// de bzhin gshegs dang rdo rje'i rigs// pad+ma'i rigs dang sku gsung thugs// khro bo'i tshogs dang ldan pa yi// tshom bu gsum gyi lha rnams bsgom// rigs kyi rigs te rigs kyi gtso// thugs kyi thugs te thugs kyi mchog/ khro bo'i tshogs dang ldan pa yi// tshom bu gcig gi lha rnams bsgom// khro bo khro mo tshogs chen dang// pho nya phyag brnyan bka' nyan tshogs// ci bgyi la sogs pa rnams kyis// dngos grub las rnams rdzogs par byed// rnal 'byor sngags 'chang dngos grub na// mnyam rdzogs lhun grub ngang gnas shing// spyod pa ci la'ang thogs med pa'i// thams cad ye nas dbyer med pa'i// rdo rje'i rigs su thams cad dkyil// 'od 'phro 'bar ba rab tu bsgom// chags med tshul gyis bstim par bya// gnyis med gyur nas phyag rgya che// yang na sku gsung thugs nyid de// thams cad ma lus sku gsung thugs// ting 'dzin gsal bar 'od zer 'phro// gnyis med dbyings kyi ngang du thim// rig 'dzin dngos grub mchog thob 'gyur// dkyil 'khor ma lus 'bar ba 'grub// nyon mongs sdug bsngal sel bar byed// rdo rje rigs su bskyed pa'i gnas// sngags 'chang dngos grub yang dag ni// thabs dang shes rab thams cad kyis// dkyil 'khor lnga dang khro phreng bsgom/ chags pa med pa'i tshul gyis ni// 'od zer rnam pa mang po spro// gnyis su med par bstim par bya// dngos grub mchog gi snying po 'grub// rnal 'byor thabs dang shes rab kyis// de bzhin gshegs dang yum du bsgom// sems dpa' sems ma nyid du bsgom// so so sngags dang phyag rgya dang// ting 'dzin yang dag so sor gsal// gnas dang longs spyod ci bde dang// ma nyams blo ni rab ldan pas// dang po dam mnos bzhin du bya// le lo sgyid snyom med pa yis// the tshom med par bsgrub byas na// dkyil 'khor thams cad 'grub par 'gyur// rdo rje gsang mchog dam pa thob// sgrub pa'i zhag dang tshes grangs ni// rgyud las smos pa bzhin du bya// rdo rje gsang ba'i tshig tu'o// zhes de bzhin gshegs pa nyid la de bzhin gshegs pa nyid ched du brjod pa 'di brjod do// gsang ba'i snying po de kho na nyid nges pa las tshogs kyi dkyil 'khor gyi le'u ste nyi shu gsum pa'o//// de nas de bzhin gshegs pa dgyes pa chen po rol mo'i sprin rnam par spros te/ rgyan bkod pa'i ting nge 'dzin la snyoms par zhugs nas ched du brjod pa 'di brjod do// sgyu 'phrul drwa bas mngon rdzogs pa'i// dkyil 'khor brten pa'i ting nge 'dzin// bro ra phyag rgya'i 'du 'phro yis// 'dzul lam nam mkhar 'gro bar 'gyur// glu tshig sgra y-i phyag rgya yis// chos kyi dngos grub thob par 'gyur// rgyan dang bgo ba'i phyag rgya yis// 'bar ba'i rgyal po thogs med 'grub// bza' dang btung ba'i phyag rgyas ni// yid bzhin sku dang bdud rtsir 'grub// A li kA la'i phyag rgya yis// sku gsung mchog gi thugs ldan pas// thams cad thams cad 'grub par 'gyur// shes 'jug mtshan nyid 'byor pa'i gzungs// 'bras bu smin byed rgyu dang rkyen// nus mthu can du gang gyur pa// rig 'dzin rgyal ba'i zhing du grags// mi dang lha dang tshangs pa yi// skye ba rnam dag 'dzin mod kyi// khyad par sa la gnas gyur yin// pha rol phyin pa kun tu rdzogs// thabs dang shes rab mchog gi mchog gyur pa'i// sa yi khyad par bcu dang gsum// rgyu 'bras khyad par lhun gyis rdzogs// mkha' dbying dang ba'i dbyings nyi zla// ye shes rgyal po stangs dpyal sgom// rgyal ba'i dkyil 'khor thams cad kun// ma lus par ni bsgoms par 'gyur// dus bzhi phyogs bcu gang nas kyang// rdzogs pa'i sangs rgyas rnyed mi 'gyur// sems nyid rdzogs pa'i sangs rgyas te// sangs rgyas gzhan du ma tshol cig/ dkyil 'khor kun tu rab sbyor bas// dkyil 'khor thams cad grub par 'gyur// cho ga lhag gam ma tshang na// skyon nyid dag ste nyes pa med ces ched du brjod pas rol mo'i sprin gyis mnyes par gyur to// rol mo'i sprin gyis mnyes par gyur te// sku gsung thugs dang yon tan phrin las rdo rje las rdo rje gsang ba'i tshig 'di phyung ngo// a hoH// ma mthong rmongs la chags pa yis// chos rnams ming du btags pa tsam// 'gro drug dus gnas ming tshogs khyad par rab snang ba'i// zab chen spyod yul log par rtogs btags ming tsam pa// A li kA li la sogs 'dod pa'i snying po nyid// phyag rgya glu tshig sku gsung thugs// thugs kyi thugs chen yon tan rdzogs pa'i sangs rgyas ni// nyid de mnyam pa'i thugs su rab tu gsal// mnyam nyid khyab pa'i stangs dpyal yon tan mchog ste sngags kyi phrin las rdzogs// rdo rje gsang ba'i tshig tu'o// gsang ba'i snying po de kho na nyid nges pa las tshogs sgrub pa'i le'u ste nyi shu bzhi pa'o//// de nas de bzhin gshegs pa phyogs bcu dus bzhi'i sku gsung thugs rdo rje'i dkyil 'khor thams cad gcig tu 'dus nas dgyes pa chen pos chos thams cad ye nas rdzogs pa chen por lhun gyis grub pa'i dam tshig shin tu gsang ba'i snying po'i sprin bkod pa'i ting nge 'dzin la snyoms par zhugs nas ched du brjod pa 'di brjod do// ma rtogs pa dang log par rtogs// phyogs rtogs yang dag nyid ma rtogs// 'dul ba dgongs pa gsang ba dang// rang bzhin gsang ba'i don rnams ni// yi ge sgro btags ming tshogs la// brten pa'i tshig gis rab mtshon te// khong nas gab sbas don 'byin pa// ston pa rdo rje thugs la gnas// dkyil 'khor ldan pa'i dkyil 'khor gyis// dkyil 'khor la ni dkyil 'khor bsgom// dkyil 'khor dkyil 'khor las byung ba// thugs kyi dkyil 'khor dkyil 'khor mchog/ gsang ba'i thig le dkyil 'khor dbyings// sku gsung thugs rig kun mnga' ba'i// bder gshegs kun gyi snying po rdzogs// 'byung ba shes rab rigs kyi yum// chen po rigs kyi de bzhin te// byang chub sems ni rdo rje tshogs// dbang po yul dus rig pa'i rnams// kun tu bzang po'i dkyil 'khor la// bdag nyid chen po lhag pa yi// thugs kyi ye shes lngas lta zhing// snying po thig le mnyam sbyor bas// bde ba'i ye shes rol mo yis// ye shes dgyes la mnyes par 'bul// zag pa med pa'i bsod nams kyis// ye shes sgyu ma rang snang ba/ rol mo'i dkyil 'khor mtha' yas mchog/ gsang ba'i thig le nyid kyi dbyings// de ni sangs rgyas kun gyi dngos// phyogs bcu dus bzhi mngon rdzogs pa'i// sku gsung yon tan phrin las thugs// ma lus bdag nyid zhal mthong ba// dbang sgyur mchog nyid dam pa yin// dkyil 'khor la gnas dkyil 'khor nyid// rdzogs pa'i dkyil 'khor lhun gyis grub// rgyun du dkyil 'khor ma lus thogs// rdzogs pa'i dkyil 'khor mnyam sbyor las// thugs kyi dkyil 'khor yongs kyis 'byung// phyogs dus dkyil 'khor 'dul ba'i mgon// sgyu ma'i dkyil 'khor sgrol ba yis// bya byed med par dkyil 'khor spyod// ye shes rdzogs pa'i dkyil 'khor la// thos bsam bsgom pa'i mnyam sbyor gyis// rang byung kun nas lhun gyis grub// 'di ni sangs rgyas thams cad kyis// 'da' bar mi mdzad dam tshig mchog/ gang zhig 'di la mos gyur pa// sangs rgyas dkyil 'khor thams cad kyis// phyogs dus kun nas thams cad du// dkyil 'khor ma lus bsnyen pa yis// nye ba'i sras su dgongs par 'gyur// bskal pa zhing gi rdul snyed du// shin tu sbyangs la rab gnas shing// dkyil 'khor ma lus bsnyen pa yi// 'bras bu gsang chen 'di yin te// 'jig rten drug gi phyogs bcu na// 'das dang da ltar byung ba yi// rgyal ba'i dkyil 'khor ma lus pas// brnyes pas sku lnga lhun gyis rdzogs// 'byung dang ma 'ongs thams cad kun// 'di yis lhun gyis grub par 'gyur// 'di ni gsang chen nges pa yi// 'bras bu lam du gyur pa yin// rgyal ba'i dkyil 'khor ma lus la// 'di yis gsang ba'i nges don med// btsal kyang rgyal bas mi rnyed do// kun gyi phyag rgya chen po mchog/ thos bsams bsgoms la rab sbyangs pa'i// shes rab mig ldan rnams kyis gzung// snod ldan ngang tshul bzang la brtan// lus dang longs spyod gtong la sbyin// gzhan du nam yang sbyin mi bya// rmongs la 'phyar bas gal te sbyin// dus min bar ni srog zad nas// bsregs dang sbrebs par yun ring gnas// zhes de bzhin gshegs pa nyid la ched du brjod do// dkyil 'khor ldan pa'i dkyil 'khor gyis// dkyil 'khor la ni dkyil 'khor bsgom// dkyil 'khor dkyil 'khor las byung ba// thugs kyi dkyil 'khor dkyil 'khor mchog/ gsang ba'i snying po de kho na nyid nges pa las shin tu gsang ba man ngag gi snying po'i le'u ste nyi shu lnga pa'o//// de nas bcom ldan 'das dpal kun tu bzang pos dgyes pa chen po'i ngang las gsang ba 'byung ba bya ba 'di ched du brjod pa 'di brjod do// e ma'o thams cad ma lus dus gsum bder gshegs mchog/gdod nas ma skyes rnam dag byang chub sems// rang bzhin dbyer med gdod mtha' mi 'byed cing// ye nas mnyam pas rgyal ba rgya mtsho yin// 'gro 'ong med par dus gsum cig char rdzogs// dbye bsal med phyir bzang ngan blang dor med// rnam rtog nyid na ye shes rang bzhin te// rnam rtog mi skyed ye shes brjod du med// bdag tu med pa'i skyes mchog sngon sbyangs pa// khri la 'ga' tsam gal te 'byung 'gyur zhing// sngar bas phyis 'byung dag dang dbyer med pa'i// mngon sum sangs rgyas skyes mchog de dag la// bskal pa 'ga' nas shes rab blo sbyangs pa// dad ldan 'ga' yis 'tsham par ci theg gi/bdag nyid ma mthong shes rgyud ma 'byongs pa// gzhan du tshol zhing rmongs pa'i sems can gyis// bstan kyang ma thos mtshon kyang ma mthong ba// bdag cag gzhan du tshol bas sangs mi rgyas// de dang ma bral ston pa mi mthong zhing// bgrod par 'dod pas phyin par mi nus te// shes rgyud ci yin gang gis ngo shes shing// bya byed las 'phags gyin da 'dug byed pa// gang zhig blo la dpyod pa byang chub thob// ma spangs mtshan ma kun bral yod med pas// dran byed mi spong 'khor rgyun mi 'byed de// ma snyigs mi 'byed mngon sum sangs rgyas la// blo yi rig pas dpyod cing nan tan dang// mchod cing bsten pas byang chub thob mngon te// nam mkha' gzung bas sprin gyis khebs par 'gyur// nam mkha' med par gang gis shes pa na// sprin zhig 'byung zhing khebs par mi srid do// rnam par rtog pa'i g.yung drung sangs rgyas la// thams cad ye nas mnyam gnas rnam dag cing// mi rtog sa ler gnas la rtog pa mdzad// bsnyad du med pas sna tshogs 'byung ba yin// bdag med bdag chen thams cad 'byung ba'i gter// ma bkag pa las rgyu zhing 'byung med pa'i// thams cad sems kyi ngang ste sems zhes gdags su med// ma bcos lhun gnas ye nas byang chub cing// thob rgyu med pas ye nas bder gshegs yin// zhes brjod pas chos dang ye shes kyi khams thams cad rang bzhin sangs rgyas par de bzhin gshegs pa nyid kyis mkhyen to// mkhyen nas ji bzhin pa'i bdag nyid chen po de bzhin gshegs pa thams cad kyi sku dang gsung dang thugs rdo rje sgyu 'phrul drwa ba las rdo rje gsang ba'i tshig 'di phyung ngo// e ma'o ma bsgrubs grub chen po// grub pa chen po ye shes che// blang dor med pa'i sa chen po// mi g.yo 'du 'bral med pa'i gzungs// rtog pa'i ye shes yid bzhin gter// thams cad la yang me long bzhin// bltas kyang gzugs brnyan mi snang ngo// gang na gsang chen 'di yod par// me ma mur gyi dong 'bogs la// spu gri so ni gtams pa la// 'dzegs nas bu dag 'gro bar byos// khong na gnas pa'i yang khong du// lcag kyi sgrom bu kha bsdam mo// dbyings nyid la ni nyid spyod phyir// dbyings nyid mchog gi gnas la spyod// de nyid mi gnas mya ngan 'das// rdo rje gsang ba'i tshig tu'o// gsang ba'i snying po de kho na nyid nges pa las gsang ba chen po man ngag gtan la phab pa'i le'u ste nyi shu drug pa'o//// de nas de bzhin gshegs pa dgyes pa chen pos mnyam pa'i dkyil 'khor la bzhugs nas nyid kyi sku la thams cad ma lus par ston te ched du brjod pa 'di brjod do// 'das dang da ltar ma 'ongs dang// 'byung bar ma nges dus 'di dag/snga phyi med par mnyam yin par// nges pa med par yang dag gsungs// 'jig rten 'das dang 'jig rten pa'i// rang dang spyi ru bstan pa dang// ji snyed brtan g.yo la sogs pa// sgyu ma mig yor tshul yin te// skyes bu blo rtsal rab ldan pas// de la rtag tu mnyam sbyor zhing// sems can kun gyi zhing gyur pa// de dag gnyis med dbyings su sbyor// thams cad thabs kyi mtshan nyid de// thabs la thabs ni rnam par sbyor// thabs dang thabs las byung ba yi// de ni byang chub rdo rje mchog/ ji snyed brjod pa'i kha brgyud kyang// yang dag don gyi snying po ni// gang nas btsal kyang mi rnyed de// rang rig sgrib med dag pa yin// de la rtag 'grus goms pa ni// bsnyen pa'i dam pa de yin te// de ni ma nor lam yin par// a yis b+ho d+hi rab tu bsdus// de bzhin nyid kyi dbyings nyid ni// gcig gam 'di zhes brjod du med// gsum du sna tshogs 'byung zhing 'phro// byin brlabs bsam yas mtha' yas mchog/ don bsdus gsung rab bzhi bcu gnyis// de las lhag pa'i don smra ba// de ni rnam dag lam min te// rang blos bsam pa'i 'khrul pa yin// thams cad rang rig byang chub sems// de ni lung gi tshad mar bshad// tshad bzhis phab pa'i don yin te// dag pa rnam gsum tshul bsgom zhing// 'bru lngar bsdus pa thabs chen te// 'gro ba kun la rang rig gnas// bya ba med la byas pa med// zad pa'i dus med yid bzhin gter// bum pa bzang dang yid bzhin mdzod// za ma tog dang yid bzhin rgyal// gzhan nas yod 'ong ma yin te// gsang ba'i snying po de kho na nyid nges pa las bsnyen pa'i le'u ste nyi shu bdun pa'o//// de nas de bzhin gshegs pa thams cad kyi sku gsung thugs rdo rje'i bdag po sangs rgyas thams cad kyi ngo bo nyid kyis khro bo'i dkyil 'khor du mngon par 'du mdzad de/de ci'i phyir zhe na/ bdag tu rmongs pa'i rtogs pas brtags pa la mngon par zhen pa dang yang dag pa'i lam dang bral ba dag gab pa'i gsang ba ma rtogs par sbas pa'i gsang ba la mngon par 'chel nas rgyu dang 'bras bu la rmongs pas/srid pa'i sa bon rtsub mos 'phangs nas mtshams med pa'i rab tu tsha ba'i dmyal bar skyes so// de rab tu tsha ba'i sdug bsngal drag pos gdungs pa dang 'dod pas gdungs nas 'di bas shin tu grang yang ci ma rung snyam pa'i mod la rab tu sbrebs pa pad+ma ltar gas pa'i sdug bsngal drag po dag gis rab tu nyen pa de lta bu'i sdug bsngal rab tu tsha ba la sogs pa brgyad dang/shin tu grang ba la sogs pa brgyad po dag tu 'jig rten gyi khams brgyud cing bskal pa chen po stong phrag bcu gnyis su myong ngo// de nas rnam par smin pa de zad pa dang yi dwags ltogs pa dang skom pa'i sdug bsngal gyis nyen pa dang/'dod pa'i dngos po rnams yid du mi 'ong ba dang/ gdug cing rtsub pa'i dngos po sna tshogs su 'gyur ba dang/ yong med par yang 'gyur zhing shin tu rid cing skams pa dang// lus dang yan lag dang dbang po mi 'tsham par gyur pa dang/ bskal pa chen po drug tu skyes so// de nas las kyi sgrib pa rtsub mo'i rnam par smin pa de khad kyis bsrabs pa dang sngon gyi srid pas mtshams sbyar nas yi dwags srin po chen po rab tu gdug pa gtum po lus gcig la mgo brgya pa dang/mgo sna tshogs pa dang/ lus brgya mgo gcig pa dang/ lus sna tshogs pa dang/ yan lag mang po dang/yan lag sna tshogs dang/ gdug pa'i lag cha sna tshogs pa thogs pa 'khor rab tu mang po dang/ 'jigs pa'i gzugs sna tshogs dang/ 'jigs pa'i nga ro sna tshogs sgrogs pa/ gzugs dang/ ro dang/ dri dang/ kha rlangs kyis thams cad skyi bung zhes byed pa/ rab tu 'jigs pa'i rlung grang ba dang tsha ba'i dbugs kyis phyogs kun du khams 'khrugs par byed pa/ nad bzhi brgya rtsa bzhis 'debs par byed pa/myos shing nyams par byed pa'i mthus klu'i ris dang/ lha ma yin gyi ris dang/ lha'i ris dang/ tshangs pa'i ris dang/ 'od gsal dang/ dge rgyas dang/ 'bras bu che man chad dbang du bsdus so// de sngon gyi rten pa'i stobs dang thams cad mkhyen pas gzigs nas thugs rjes 'dul bar gyur te thams cad kyis mtshan nyid bstan pa'i glu 'di blangs so// e ma'o 'gro ba yongs ni bder gshegs lam yin te// sdug bsngal sreg mdzad sgyu ma'i sprul par snang// yon tan rmad 'byung che ba'i rang bzhin 'di// sdug bsngal kun la bshes gnyen mgon po yin// rmongs dang 'khrul pa rab sel zhe sdang 'joms// kun 'byung bde ba rdo rje sku mchog ste// rdzogs ldan mdzad pa'i phrin las bsam yas pas// thugs rje chen po'i dbang gis bdud rnams 'joms// sku mdog sna tshogs thabs mkhas bsam yas la// rol pa'i rtsed mor 'gro ba'i don mdzad cing// byang chub sems kyis lam la gnas par mdzad// 'gro ba kun las bde ba gcig pu pa// a hoHdgyes pa'i mnyes pa nyid la gnas par mdzad// byin brlabs kun gyis bde ba nyid la snang// zhes brjod pas de bzhin gshegs pa nyid la kun las rnam par rgyal ba nyid du mkhyen nas mnyes par gyur to// de nas de bzhin gshegs pa che ba'i rdo rje bkod pa'i sgyu 'phrul drwa ba las 'jig rten drug gi phyogs bcu'i srid pa gsum gyi bdag po 'dul ba'i nga rgyal chen po gzi brjid ston pa'i phyir de bzhin gshegs pa thams cad kyi sku gsung thugs rdo rje'i bdag po bcom ldan 'das dgyes pa chen po khro bo'i rgyal po'i dkyil 'khor gyi sprin chen po rnam par 'phro ba'i sgyu 'phrul drwa ba'i rgyal po'i ting nge 'dzin la snyoms par zhugs te/de bzhin nyid kyi dbyings nas khro mo'i dbang phyug chen mo mngon du phyung ste hi hi zhes dgyes pa'i gzi mdangs kyis pad+ma rgyas par mdzad nas gnyis su med par 'khyil pa'i dgyes pas thim nas byang chub sems kyi sprin las/hU~M hU~M hU~M bi shwa badzra kro d+ha dz+wa la na maN+Da la phaT phaT phaT ha la ha la ha la hU~M zhes brjod pas 'jig rten drug gi phyogs bcu mtha' yas pa thams cad khyab par khro bo'i dkyil 'khor gyi tshogs stong gsum gyi 'jig rten tsam phyogs bcu'i rdul phra mo snyed 'thon par gyur pas/'jig rten drug gi phyogs bcu thams cad g.yos/ rab tu g.yos kun tu rab tu g.yos// 'ur 'ur rab tu 'ur 'ur/ kun tu rab tu 'ur 'ur/ chem chem rab tu chem chem/ kun tu rab tu chem chem mo// shig shig rab tu shig shig/ kun tu shig shig go/ gtor gtor rab tu gtor gtor/ kun tu gtor gtor ro// 'jig rten drug gi phyogs bcu'i stong khams thams cad na gnas pa'i dbang che ba dang mthu che ba'i dbang phyug chen po la sogs pa thams cad brgyal rab tu brgyal bar gyur to// de nas bcom ldan 'das dgyes pa chen po nyid 'jigs byed chen po shin tu rngam pa'i skyi bung zhes byed pa'i 'bar ba chen po khrag 'thung sku smug gnag cir yang 'gyur ba dbu dang phyag dang zhabs stong khams kyi rdul snyed mtshon cha sna tshogs 'dzin pa de dbu gsum phyag drug zhabs bzhir gyur te/dur khrod chen por dgyes nas khrag gi rgya mtsho'i dkyil na keng rus chen po ri rab kyi steng gi 'bar ba chen po'i klong gi 'khor lo'i dkyil na dbang phyug chen po dang dur khrod kyi bdag po dregs pa chen po khyo shug gi gdan la brkyang bskum du bzhugs so// khro bo'i dkyil 'khor gyi sprin phung po de dag kyang la la ni dpal khrag 'thung chen po rdo rjer gyur te shar phyogs su bzhugs so// la la ni dpal khrag 'thung chen po rin po cher gyur te lho phyogs su bzhugs so// la la ni dpal khrag 'thung chen po pad+mar gyur te nub phyogs su bzhugs so// la la ni dpal khrag 'thung chen po kun tu las su gyur te byang phyogs su bzhugs so// de dag kun kyang 'jigs byed chen po'i cha lugs dang/ rngam pa'i nga ro dang/ 'bar ba'i klong na dbu gsum phyag drug zhabs bzhis dri za dang/ gnod sbyin dang/ gshin rje la sogs pa khyo shug gis gdan du byas pa la bzhugs so// btsun mo khrag 'thung chen mo rnams kyang so so'i sku la 'khril ba'i tshul gyis bzhugs so// rigs lnga'i he ru ka las gcig tu bstims te bsdus nas gcig gis mang po 'dul ba'i ngo mtshar bstan nas dregs pa chen po la sogs pa gtum pa'i sems kyis gdug pa'i rdzu 'phrul sna tshogs bstan nas mgrin gcig tu 'dug pa'i nga ros brlang po'i gtum tshig tu smras pa/thong thong snying rje'i bdag po ci de ltar byed dam zhes 'dzer zhing shin tu gtum sems kyis rngam nas khros so// de nas bcom ldan 'das dgyes pa chen po thams cad kyi bdag nyid des dbu dgu phyag bcwa brgyad zhabs brgyad du gnas nas rngam pa'i skad kyis thugs rjes 'dul ba'i thabs kyis shin tu khros nas/hU~M hU~M hU~M/ ha ha ha/ khA hi khA hi zhes brjod nas dbang phyug chen po la sogs pa gdug pa chen po'i tshogs de dag gi snying dang dbang po kun phyung// nang grol kun drangs/ yan lag kun bcad gtubs nas khrag kun 'thungs// rus pa kun 'chos so// de nas hU~M hU~M hU~M e A ra li dzaHdzaHzhes brjod pas phyogs bcu'i 'jig rten gyi khams nam mkha' dang bcas par yungs 'bru gcig tsam du chud par bsdus so// de nas 'byung po ma lus pa'i rgyal po'ang rgyal po dregs pa chen po la sogs pa'i chung ma/ 'byung po thams cad kyi chung ma/ 'byung mo thams cad kyi rje mo'i yang rje mo// srin mo chen mo mi'i srin mo dang/ tshangs ma dang/ 'khrug mo dang/ dbang mo dang/ 'jug sred mo dang/ gzhon nu mo dang/ dmar mo dang/ bdud rtsi mo dang/ zhi ba mo dang/be con mo dang/ srin mo dang/ za ba mo dang/ dga' ba mo dang/ ra ro khrag 'thung myos byed dang/ gcig spyod mo dang// yid 'phrog ma dang/ grub mo dang/ rlung mo dang/ gsod byed mo dang/ me mo dang/ phag mo dang/ rgan byed mo dang/ sna chad mo dang/ chu lha mo dang// nag mo chen mo dang/ ra mgo dmar ser chen mo dang/ bum rna sngo gnag chen mo dang/ gsus 'dzin ser nag chen mo la sogs pa/ bran dang yang bran g.yog dang yang g.yog 'khor zhing gi rdul snyed kyang bsdus so// de nas bcom ldan 'das dgyes pa chen po dpal khrag 'thung chen po'i 'dul ba'i thabs kyis yang rigs lnga'i 'jigs byed snang bar byas nas de dag kun dgyes pa rol pa'i dkyil 'khor gyi sprin 'byung ba zhes bya ba'i ting nge 'dzin la snyoms par zhugs nas sku dang gsung dang thugs rdo rje las 'di dag phyung ngo// o~M hU~M a~M badzra pra be sha a la la hoHzhes brjod pas 'byung po'i rgyal mo rnams shin tu chags pa'i yid g.yos nas pad+ma'i dkyil 'khor sdud cing rgyas par gyur nas/dper na khab len la lcags 'du ba'i tshul du bcom ldan 'das dgyes pa chen po dpal khrag 'thung rdo rje'i sku la srin mo chen mo mi srun mo dang/dmar mo dang/ dga' mo dang/ gsod byed mo dang/ nag mo chen mo dang/ dmar ser chen mo dang/ sngo gnag chen mo dang/ ser nag chen mo rnams 'khril to// bcom ldan 'das dpal khrag 'thung chen po'i sku la tshangs ma dang/ 'khrug mo dang/ dbang mo dang/ 'jug sred mo dang/ gzhon nu mo rnams 'khril to// bcom ldan 'das dpal khrag 'thung rin po che'i sku la bdud rtsi mo dang/zhi ba mo dang/ be con mo dang/ za ba mo dang/ srin mo rnams 'khril to// bcom ldan 'das dpal khrag 'thung pad+ma chen po'i sku la khrag gis myos pa dang/ gcig pu spyod pa dang/yid 'phrog ma dang/ gru mo dang/ rlung mo rnams 'khril to// bcom ldan 'das dpal khrag 'thung chen po'i kun du las kyi sku la me mo dang/ phag mo dang/ rgan byed mo dang/ sna chad mo dang/ chu lha mo rnams 'khril to// de nas bcom ldan 'das dgyes pa chen po'i khro bo'i dkyil 'khor de dag gis hU~M hU~M zhes brjod pas pad+ma'i dkyil 'khor gyi tshogs bsdus nas shin tu bcum par gyur to// de nas dgyes te he zhes brjod pas byang chub sems kyi sprin las dkar mo'i tshogs dang/rkun mo'i tshogs dang/ rmongs mo'i tshogs dang/ thal byed ma'i tshogs dang/ sbos mo'i tshogs dang/ gtum mo'i tshogs dang/ sme sha can gyi tshogs dang/ ma mo'i tshogs rnams rang gi lag cha dang ngo mtshar dang chas nas 'thon to// 'thon nas kyang 'bar ba chen po 'khor lo'i mtshan shar phyogs nas 'khor bar 'jigs pa'i gzugs dang rang gi lag chas chas nas 'khod do// de nas shin tu dgyes nas he zhes brjod pas seng gdong chen mo'i tshogs dang/ stag gdong chen mo'i tshogs dang/ wa gdong chen mo'i tshogs dang/ khyi gdong chen mo'i tshogs dang/bzhad gdong chen mo'i tshogs dang/ kAng+ka gdong chen mo'i tshogs dang/ dur bya gdong chen mo'i tshogs dang/ 'ug gdong chen mo'i tshogs rnams rang gi lag cha dang ngo mtshar du chas nas 'thon par gyur to// 'thon nas kyang 'bar ba chen po'i 'khor lo'i mtshan shar phyogs kyi phyi rol nas 'khor ba'i rngam pa'i mdangs kyis 'khod do// de nas shin tu dgyes pas phyogs bcu'i zhing du ma lus par khyab nas phaT ces brjod pas rdo rje bsrings 'gro ma'i tshogs dang/rdo rje gdong mo'i tshogs dang/ rdo rje 'jig rten ma'i tshogs dang/ rdo rje ro langs ma'i tshogs rnams rang gi lag cha dang ngo mtshar du chas nas 'thon par gyur to// 'thon nas kyang 'bar ba'i dkyil 'khor gyi sgor shin tu gtum pa'i gzugs kyis gnas so// de nas dgyes pa chen po'i sprin las phyogs bcu nas phaT ces bsgrags pas thams cad khros nas ma mo thams cad kyang rang rang gi gnas pa la bar yud tsam gyis bgye'o// de nas bcom ldan 'das dgyes pa chen po dpal khrag 'thung chen po de dag kun thugs rje chen po'i bdud rtsi 'byung ba zhes bya ba'i ting nge 'dzin la snyoms par zhugs nas sku dang gsung dang thugs rdo rje las 'di dag phyung ngo// o~M badzra ma hA a mr-i ta ma hA kro d+he a~M a~M a~M zhes brjod pas dbang phyug chen po la sogs pa thams cad bcom ldan 'das khro bo chen po de dag gi sna nas 'thon to// mi gtsang ba'i 'dam gyi rgya mtshor btsud pa las gnam nas uts+tshuSh+ma kro d+ha phyung bas 'dam kun 'thungs te/ dran pa slar rnyed nas khro bo'i dkyil 'khor gyi tshogs de dag thams cad kyang dbu dgu brgya/phyag stong brgyad brgya zhabs brgyad brgya/ sku 'bar ba chen po'i dkyil na bzhugs par mthong ngo// de'i dus su 'jig rten drug gi phyogs bcu'i srid pa kun tu dregs pa'i dbang phyug thams cad 'dul ba thabs sna tshogs bsam gyis mi khyab par so sor snang bas dus gcig tu btul to// de nas de dag shin tu 'dar zhing bred pas rab tu zhum pa'i nga ros 'bangs su mchi 'bangs su mchi/'bangs su nan tan nan ma bgyis na/ mgo dang lus ni brgyar 'gas shing// snying yang 'gas shing gtubs gyur cig/ rul myags tshig nas brlag pa dang/ dmyal bar lhung nas 'bod par shog/ces 'bangs su mchi bar mna' bor nas dkyil 'khor gyi gdan la bzhag go/ thams cad kyis mgrin gcig tu yang smras pa/ bdag cag rnams kyi mchis brang dang// ma dang sring mo bu mo rnams// dkyil 'khor chen por bzhes su gsol// dpa' bo lha rje bzhes su gsol// bdag cag so so'i 'khor bcas kyis// tshogs kyi dkyil 'khor chen po 'dir// ming tsam 'dzin par byed pa yang// gtsug gi nor bu 'bar ba ltar// g.yo sgyu med cing gus ldan pa'i// sems kyis blangs nas spyi bo yi// gtsug tu bzhag ste bkur bar bgyi// de yi dgos pa ci yang rung// ma lus rdzogs par bdag cag sgrub// gal te dpa' bo'i spyan snga 'dir// smras pa bzhin du ma bsgrubs na// bdag cag rnams kyi mgo lus snying// gsad gtubs dum bur ral bar mchi// zhes smras so// de nas de'i chung ma'i tshogs dang srid mo dang bu mo'i tshogs thams cad yud tsam gyis 'ongs nas thams cad kyis mgrin gcig tu smras pa// bdag cag 'khor tshogs thams cad kun// dpa' bo chen po'i 'bangs su mchi// dpa' bo chen pos bdag cag rnams// las kyi dngos grub stsal du stsol// zhes smras so// de nas bcom ldan 'das dgyes pa chen pos lag tu rdo rje byin nas ming gi dbang bskur te dkyil 'khor gyi phyi rol du bkod do// gsang ba'i snying po de kho na nyid nges pa las khro bo'i rang bzhin gyi dkyil 'khor gyi sprin rnam par spros pa'i le'u ste nyi shu brgyad pa'o//// de nas bcom ldan 'das dgyes pa chen pos dkyil 'khor tshogs chen po 'di dag dam tshig gis grub par bya ba'i phyir/de bzhin gshegs pa'i khro bo khrag 'thung chen po btsun mo dang bcas pa'i tshogs de dag gi sku dang gsung thugs rdo rje rngam pa las gsung gi dkyil 'khor 'di dag phyung ngo//// o~M ta thA ga ma hA shrI he ru ka ma hA tsaN+Da sarba duSh+tA~M ta ka ha na da ha pa tsa hU~M hU~M hU~M phaT/ o~M badzra ma hA shrI he ru ka ma hA tsaN+Da sarba duSh+tA~M ta ka ha na da ha pa tsa hU~M hU~M hU~M phaT/ o~M rat+na ma hA shrI he ru ka ma hA tsaN+Da sarba duSh+tA~M ta ka ha na da ha pa tsa hU~M hU~M hU~M phaT/o~M pad+ma ma hA shrI he ru ka ma hA tsaN+Da sarba duSh+tA~M ta ka ha na da ha pa tsa hU~M hU~M hU~M phaT/ o~M karma ma hA shrI he ru ka ma hA tsaN+Da sarba duSh+tA~M ta ka ha na da ha pa tsa hU~M hU~M hU~M phaT/o~M ta thA ga ta ma hA kro d+he shwa ri dz+wa la nI sarba duSh+tA~M hU~M phaT/ o~M ma hA badzra d+hA ra ma hA kro d+he shwa ri dz+wa la nI hU~M phaT/ o~M ma hA sUr+ya rat+na ma hA kro d+he shwa ri bi d+ha ma hU~M phaT/ o~M hriHma hA sA ra swa ta ma hA pad+ma kro d+he shwa ri khA hi hU~M phaT/o~M sarba a mo g+ha ma hA kro d+he shwa ri bi shwa hU~M phaT/ badzra gau rI haH/ badzra tsau rI haH/ badzra pra mo he haH/ badzra be tA lI haH/ badzra tsaN+Da lI haH/ badzra puk+ka sI haH/ badzra g+hasma rI haH/ badzra sma shA nI haH/ badzra siM ha mu khI he/badzra byA g+h+ra mu khI he/ badzra sr-i gla mu khI he/ badzra shwa nA mu khI he/ badzra g+h+r-i D+ha mu khI he/ badzra kAng+ka mu khI he/ badzra kha ga mu khI he/ badzra u lU ka mu khI he/ badzra Ar+ya te dza te dA dzaMHbadzra a ma ka hU~M/ badzra lo kA ba~M/ badzra b+ha sh+mi pa la ya ba to hoH/b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ b+h+yo b+h+yo/ ru lu ru lu hUM/ e h+ye hi A na ya dzaHhU~M ba~M hoHrA~M/ o~M badzra kro d+ha sa ma ya hU~M/o~M badzra kro d+ha sa ma ya phaT// o~M khro la khros pas zhi mdzad pa// thugs rjes khros dpal rngam pa'i tshogs// 'bar ba'i byin brlabs rmad po che// de nyid du ni bdag la stsol// o~M badzra kro d+ha sa ma yas+t+wa~M/ o~M badzra kro d+ha sa ma ya ho/ a li u le/ ta li ta pa ti/ daMSh+ta~M/ go nA ro/ tri kha ra~M yo gi nI khA hi hoH/ hU~M ha he phaT ces brjod pas 'jig rten drug gi phyogs bcu thams cad tshig rab tu tshig kun du tshig go/ 'bar rab tu 'bar kun tu 'bar ro// thams cad du 'bar ba'i dkyil 'khor gyi tshogs kyis gang rab tu gang kun tu rab tu gang bar gyur to// gsang ba'i snying po de kho na nyid nges pa las khro bo'i tshogs chen po gsung gi dkyil 'khor spros pa'i le'u ste nyi shu dgu pa'o//// de nas de bzhin gshegs pa khro bo chen po'i byin brlabs phyag rgya 'byung ba zhes bya ba'i ting nge 'dzin la snyoms par zhugs nas ched du brjod pa 'di brjod do// dbang po'i yul de rig pa'i rnams// thabs dang shes rab ldan gyur cing// mnyam pa'i ngang nyid rtogs gsal na// thams cad bde ba chen po'i rgya// bskyod chen 'khor lo'i gzhal yas su// khro bo khro mo thams cad kun// gsal zhing 'od zer 'phro bsgoms na// bsgul bskyod thams cad phyag rgya yin// zla med chen pos de skad gsungs// yan lag snying po rtse lnga rtse dgu bcu gcig tu// las rnams so sor rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod na ni// pad+ma chags med re re 'byung// rdo rje pad+ma de 'byor na// sems can thams cad bla na med// byang chub zhing du skye bar 'gyur// rang bzhin dkyil 'khor lha rnams kyang// khro bo'i dkyil 'khor bsgom byas te// dbu yi dkyil 'khor bsgul bskyod na// sangs rgyas dkyil 'khor thams cad g.yo// lag gi 'du byed bskyod byas na// rig 'dzin zhing khams thams cad g.yo// rkang pa'i stabs chen gnan mchongs na// sdug bsngal mi bzad thams cad dang// bdud dang log 'dren thams cad gnon// yan lag thams cad bsgul bsigs na// ba spu bu ga re re nas// khro bo grangs med rdul snyed 'phro// de dag sprul pa grangs med kyis// phyogs bcu khams mang rdul snyed du// khro bo'i don rnams rdul phran snyed// thugs rjes gdul zhing dbyings su bstim// thams cad khro bo'i dkyil 'khor dang// khro mo'i dkyil 'khor rab tu 'dus// thams cad rdo rje'i brag stengs dang// me ri'i dkyil 'khor rab tu 'bar// 'di ni spyi rgya chen po yin// steng gi bgegs rnams 'dul ba'i phyir// rdo rje 'khor lo nr-i mgo gdengs// 'og gi 'jig rten bgegs 'dul ba'i// rdo rje thong gshol nr-i spar dang// rdo rje gtun chen dril bu'o// shar gyi bgegs rnams 'dul ba ni// rdo rje rab tu 'bar ba dang// sti ra chen po'i dbyug pa'o// lho yi bgegs rnams 'dul ba ni// rin chen mi mgo'i dbyug pa dang// gshin rje chen po'i rkang bzung ba'o// nub kyi bgegs rnams 'dul ba ni// sbrul dang sti ra'i dbyug pa dang// khyung chen gshog gis rab tu rdebs// rgya mtsho che rnams rked par gtub// byang gi bgegs rnams 'dul ba ni// rin po che yi dbyug to dang// nr-i mgo gsum pa'i dbyug to can// gnod sbyin gdon rnams tshar gcod pa'o// mtshams bzhi'i bgegs rnams 'dul ba ni// phyogs bzhi dag gis gdul bar 'gyur// gal te de yis ma dul na// byang shar mtshams kyi bgegs 'dul ba// rdo rje rtse gsum nr-i mgo gdengs// i sha nyid kyang phyag na bsnams// 'byung po de kun rab tu btul// shar lho mtshams kyi bgegs 'dul ba// rdo rje ye shes me lce 'bar// me de nyid kyang 'tshig par byed// drang srong nyid kyang phyag rgyar bsnams// me lha gdon 'khor dbang du bsdus// lho nub mtshams kyi bgegs 'dul ba// rdo rje dang ni srin po'i mgo/rab tu rno ba'i ral gri 'bar// bden bral nyid kyang phyag na bsnams// srin po'i tshogs rnams dbang du bsdus// nub byang mtshams kyi bgegs 'dul ba// rlung gi ba dan nr-i mgo gdengs// shin tu drag po glang po'i brjid// tshig srung nyid kyang phyag na bsnams// g.yeng ba thams cad dbang du bsdus// 'og tu 'jig rten bgegs 'dul phyir// phyag rgya ri rab chen po ste// phag chen po ni phyag na bsnams// 'og gi bgegs rnams 'dul ba'o// gzhan yang nyi zla'i dkyil 'khor gyis// tsha dang grang ba'i sdug bsngal sel// me yi dkyil 'khor chen po yis// thams cad ma lus sreg par byed// chu yi dkyil 'khor chen po yis// thams cad ma lus 'khru bar byed// rlung gi dkyil 'khor chen po yis// thams cad ma lus gtor bar byed// gzhan yang ral gri 'khor lor bcas// mda' gzhu tho chen gri chen dang// rdo rje mdung chen dgra star bcas// mche gtsigs spu gri so dang ni// mda' dang mdung dang sti ra dang// gzhan yang phyag rgya sna tshogs so// dbus kyi he ru'i phyag rgya ni// sti ra dbyug to chen po dang// 'khor lo chen po rab tu 'bar// dung chen dmar gyis gang ba la// rdo rjes dkrug cing rab tu gsol// shar gyi khro bo'i phyag rgya ni// sti ra chen po'i dbyug pa dang// rdo rje chen po rab tu 'bar// nr-i mgo dmar chen bkang ba gsol// lho yi phyag rgya chen po ni// sti ra chen po'i dbyug pa dang// yid bzhin nor bu'i gzhal yas su// dmar gyi ar+g+ha rab tu gsol// nub kyi khro bo'i phyag rgya ni// sti ra chen po'i dbyug pa dang// pad+ma chags med rab tu 'bar// dung chen dmar gyis bkang ba gsol// byang gi khro bo'i phyag rgya ni// sti ra chen po'i dbyug pa dang// rdo rje rgya gram rab tu 'bar// dung chen dmar gyis bkang ba gsol// khro mo rnams kyang khro dang mthun// gnas dang yul gyi phyag rgya ni// rgyud gzhan dag dang mthun par bshad// ma mo rnams kyi phyag rgya ni// 'jig rten 'das mdo che las bshad// gsang ba'i snying po de kho na nyid nges pa sgyu 'phrul drwa ba las phyag rgya spros pa'i le'u ste sum cu pa'o//// de nas bcom ldan 'das dgyes pa chen pos de dag gi dkyil 'khor bstan pa'i phyir ched du brjod pa 'di brjod do// 'bar ba'i dkyil 'khor rtsibs bzhi pa// gru chad bzhi yis rnam par brgyan// gru bzhi sgo khyud bzhi dang ldan// 'bar ba'i bar khyams gnyis kyis mdzes// thod sbrul sna tshogs nyi mas brjid// 'bar ba'i 'phro ba mang po 'khrug/ khyu mchog ma he gzig dang stag/gtum pa'i dom gyis sbar bas ni// dbang phyug lha chen la sogs bzung// smug gnag sngo gnag ser gnag dang// dmar gnag ljang gnag 'jigs pa'i sku// dbu gsum phyag drug zhabs bzhi bgrad// ko rlon gos ni sna tshogs gyon// rngam pa'i sgra chen 'jigs par sgrogs// sbrul dang thod phreng nyi zlar bcas// steng gi 'jig rten khor yug bcas// rdo rje dung chen gang ba dang// ral gri dgra sta gshol la sogs// rang gi lag cha sna tshogs bsnams// btsun mo 'dzin pa'i tshogs dang 'khril// gnas dang yul gyi phyag rgya dang// sgo bzhi phyag rgyar rab mdzes shing// slas dang byi mo tshogs kyi gtso// bcu gnyis dang ni brgyad kyis mdzes// rang gi stan dang lag cha dang// ci bgyi zhes te chas te gnas// zhes brjod pas 'jig rten drug gi phyogs bcu thams cad du 'bar ba'i dkyil 'khor kun du gsal bar gyur to// de nas dgyes pa chen po bcom ldan 'das nyid kyi sku dang gsung dang thugs rdo rje sgyu 'phrul dra ba las rdo rje gsang ba'i tshig 'di phyung ngo// a ho// bskal bar bcas shing dug tshogs 'bar ba yi// nyon mongs kun g.yo dkyil 'khor 'khor lo brjod dka' ba'i// ji snyed 'jig rten rgyan gyis rdul snyed bsam yas pa// ro tshogs khrag la brkam pa dpung gnyen kun bkye nas// zhen pa'i gdug mo shin tu gsal ba dka' ba yi// mi mngon dbyings nas gzugs kyi cho 'phrul bsam yas kyis// snyigs mar bcas shing mtshams sbyor kun ngam zil gyis gnon// rab tu gnon pa'i 'jigs byed bsam mi khyab// de bzhin de nyid gnyen por kun byung kun tu gsal// ho/ chos rnams ji snyed 'gro drug smin byed brjod mi lang// dus mtha' rmongs la gnas pa brjod mi lang// 'dod pas zhen pa'i las kyang ji snyed ji srid par// drag po bdo ba'i rlung chen bsam mi khyab// bde bar bcas pa gzhan du med par brjod mi lang// bskal par bsags pa'i dug chen rab rtogs kun tu rtog/ de rnams zil gnon khrag 'thung sku gsung 'jigs byed par// rkyen du bcas nas sbu bus 'bras bu smin pa rab smin ltar// dgyes pa chen po bcom ldan 'das ni mang po'i tshogs// dpag med bsam yas lhun grub pas// rab tu 'dul bar shin tu gsal// ho/ khro bo'i rang bzhin gdug par 'jigs pa ma yin zhing// zhi ba mdzes pa kun gyi yid dang 'thad par gnas rgyud yong ma yin// de nyid gnyis su min pa'i cho 'phrul bsam yas thams cad kun tu khyab// rigs lnga khrag 'thung 'jigs pa'i rol pa rdul snyed rab ston pa'i// rnam dag byang chub mchog gi dbyings te gsang ba'i snying por rab bstan nges pa nyid de shin tu gnas par gsal// ho/ rdo rje gsang ba'i tshig tu'o// gsang ba'i snying po de kho na nyid nges pa las khro bo'i dkyil 'khor bstan pa'i le'u ste sum cu gcig pa'o//// de nas bcom ldan 'das dgyes pa chen pos nyid kyi byin brlabs dang yon tan ston pa zhes bya ba 'di ched du brjod pa 'di brjod do// o~M sangs rgyas rnal 'byor chen po ni// dus gsum sangs rgyas thams cad kyi// ye shes snying po'i mchog nyid de// sangs rgyas kun du bzang po nyid// 'di yin gzhan na med pa ste// rol pa kun la mnga' brnyes shing// srid pa 'jig rten thams cad kun// sangs rgyas nyid de dus gsum du// ma g.yos lhun gnas snying po ste// rang bzhin che ba'i yon tan las// ma rtogs rmongs pa'i 'gro ba la/ sgyu 'phrul dra bas mngon rdzogs pa// snying rje chags pa'i dam tshig gis// nga rgyal nyid kyi sku chen bstan// gdug cing gtum pa'i khams gsum na// 'dul ba'i zhing du rab sbyor zhing// phrin las rnam bzhi rdzogs par mdzad// ye shes ngo mtshar tsham ngam gyis// chos bzhi rnam dag che ba'i lha// ye shes sku ste khyad par che// chags pa'i tshogs kyis mtshan ma ni// 'dod chags chen po nyid kyi sku// gtum rngam gdug pas mtshan pas na// zhe sdang chen po nyid kyi sku// gdul bya zhing du rab sbyong zhing// chos nyid mnyam las bzhengs pas na// gti mug chen po nyid kyi sku// snod bcud dag pa'i spyod yul ba// thugs sku gsung las 'phros pa dang// rgyal ba nga yis mtshan pas na// nga rgyal chen po nyid kyi sku// gsang ba'i snying po bzhi bcu gnyis// thig le thugs su bsdus pa nyid// gzhan du mi gtong mtshan pas na// de nyid phrag dog nyid sku rdzogs// stong gsum stong gi stong chen po// 'jig rten khams mang sna tshogs pa// rdul dang bye ba la sogs pa'i// bgrang ba las ni rab 'das mtshan// de nyid snang zhing srid pa nyid// 'jigs byed sku gsung thugs kyi dbyings// chos sku ye shes rang bzhin la// sgyu 'phrul drwa ba'i thig le mchog/ snying po thig le bsam yas nyid// 'jigs byed dbu dgu bcwa brgyad phyag/ sgyu mas mtshan pa'i drwa ba yin// de nyid tshogs dang dkyil 'khor sngags// gcig la gsum du mchog tu sngags// yul dang 'byung ba de nyid do// bdag rig gzhan don snying po nyid// thabs dang shes rab phyag mtshan pa// gnyis med rig pa'i ye shes che// ming dang gzugs dang dbur gyur pa// phyag dang zhabs su rnam par brtags// brtags pa las ni 'phros pa'i sku// ci yang med las cir yang snang// skal bzang mchog gi sgyu 'phrul ba// drwa ba'i dkyil 'khor rab tu rdzogs// brtags pa zil gnon chos nyid spyan// spyan ni chos nyid mnyam pa nyid// ji bzhin dbyings kyi yul la sbyor// rol pa'i rtsed mor sdang mig pa// gzhan du mi gzigs yul la gzigs// pad+ma 'khyil pa nyid sku gsung// mtshan mar 'dzin pa'i dngos po 'jig/ ye shes chen po'i spyan bgrad las// khro gnyer glog stong 'gyur ba yi// me yi tshogs kyi gzhan phug glog/ bdud rtsi zhing du sbyor bas na// bdud rtsi mchog gi khro bo yin// sku nyid mnyam pa rdzogs pa las// sna tshogs 'char bar rab ston pa// ye shes sgyu 'phrul stobs chen po// mi g.yo mchog gi 'du 'phro las// gshog pa rdo rje gtams pa ni// shes rab tshogs la 'phrul pa dang// thugs rje dra ba'i byin brlabs kyis// 'khor yug ji snyed mtha' klas pa// dbyings nyid bde la skyod pa ste// 'phros nas dbang du byed pa'i don// rta yi gar thabs rdzu 'phrul gyis// gcig kyang yal ba ma yin pa'o// chos dbyings mnyam dang mi mnyam pa'i// sgyu 'phrul dkyil 'khor mthas klas par// rtsed mo mchog gi phyag rgya ni// brkyang dang bskum pa zhabs tshul te// thabs dang shes rab rol pa'i don// rang dbang thabs chen rgyal po yis// sangs rgyas kun gyi sku gsung ba// thig le mchog gi gnas la rdzogs// dbang phyug lha chen la sogs la// zil gnon khros pa'i phyag mtshan pa// sna tshogs mtshon rnon mang po bsnams// nga rgyal gdug pa'i zhe sdang gcod// gti mug chos sku sgyu 'phrul ba// dra ba'i thugs rje mtha' dag ni// khros pa'i dam tshig snying rje yis// mnyam pa'i thig ler dgod pa ni// gshin rje gshed por gdugs pa'i rgyal// gdug pa'i tshogs rnams mchog sgrol bden// 'gro la mgon du gyur pas na// dug dang bdud rtsi khyad med pa'i// chos sku gdug pas brgyan pa'i sprul// dbang rtags ye shes rgyan du bzhag/ dur khrod rdzas dang khrag 'thung ba'i// g.yang gzhi stag gi pags chen bgos// 'jigs byed snying rje'i dam tshig ni// skye shi rtsa ba gcod mdzad pa// mi g.yo mgon zhes mchog tu bsgrags// nga rgyal lag gis 'du byed pa// nga rgyal 'phrog pa'i dam tshig ste// kun tu bzang po'i spyod yul la// sngags kyi snying po de nyid pa// hU~M hU~M hU~M gis sdud za 'thung// rdo rje thugs kyi byin brlabs kyis// hU~M mdzad ches ni rnam par bsgrags// mi mched gti mug chen po ni// nyon mongs rgya mtsho rngub pa'i phyir// b+han d+ha klong chen 'thung bar snang// 'jig rten 'bar ba'i sprin chen po// bskal pa las kyi zil gnon pa// rdo rje me yi 'bar ba 'byung// nyon mongs rgya mtsho skems par byed// 'jigs byed thabs kyi dam tshig gis// bsam yas 'jig rten 'khor yug bcas// rang gi sku yi gzhal med bsdus// sgyu 'phrul drwa ba'i ye shes ni// zil gyis gnon pa dur khrod gling// tshom bu gnyis kyi lha chen po// rdo rje sku yi byin brlabs kyis// thig le mi g.yo bde ba las// rang bzhin rol pa chen pos ni// rdo rje phra men pho nya'i tshogs// khams gsum 'dul bar yang dag mdzad// ha ni thig le zhi ba nyid// ha ni thig le zhi khro snyoms// ha ni thig le dbang chen yin// ha ni thig le drag po nyid// ha ni thig le rol pa nyid// ha ni thig les phrin las nyid// ha ni thig les chags dbang 'dul// ha ni thig le las kun rdzogs// he ni thig le ye shes thugs// he ni thig les gsung snyan pa// he ni thig les tsham ngam lce// he ni thig le rol pa nyid// he ni thig le dbang rtags yin// he ni thig les drag shul ba// he ni thig las thugs chen rdzogs// de ni thig les dkyil 'khor ba// 'jigs phyed mchog gi sgyu 'phrul te// drwa bas zil gnon lam 'gog go/ hU~M ni ye shes thugs kyi thugs// hU~M ni ye shes thugs sku nyid// hU~M ni ye shes thugs sku gsung// hU~M ni ye shes yid bzhin las// hU~M ni thig le ye shes so// phaT ni sku yi thugs kyi thugs// phaT ni gsung gi gsung gi thugs// phaT ni thugs kyi thugs kyi thugs// phaT ni chos sku'i thugs kyi thugs// phaT ni chos sku'i gsung gi thugs// phaT ni chos thugs thugs kyi thugs// sgyu 'phrul drwa bas dgyes pa ho// dbang phyug chags pas dgyes pa ho// gar thabs rol pas dgyes pa ho// sku gsung thugs ldan dgyes pa ho// yon tan las kyis dgyes pa ho// pho nya 'du 'phros dgyes pa ho// kun la snang bas dgyes pa ho// byin gyi brlabs kyis dgyes pa ho// chos kyi sku la dgyes pa ho// ye shes rol pa dgyes pa ho// ci yang min pas dgyes pa ho// gnod pa sdud pas dgyes pa ho// chos kyi dbyings nyid dgyes pa ho// des dgyes pa chen po nyid la nyid shin tu dgyes par gyur te/ chos thams cad gcig gi rang bzhin du gyur to// gsang ba'i snying po de kho na nyid nges pa stong phrag brgya las dgyes pa chen po'i byin brlabs dang yon tan mchog ston pa'i le'u ste sum cu gnyis pa'o//// de nas bcom ldan 'das dgyes pa chen pos 'jigs byed kyi bsod nams sbyin pa zhes bya ba'i ting nge 'dzin la snyoms par zhugs te ched du brjod pa 'di brjod do// 'khor lo bar khyams sgo rnams su// 'jigs byed 'khor lo rigs kyi gtso// btsun mo tshogs dang ldan par bsgom// zhi dang drag po dbang dang rgyas// 'jigs pa'i tshogs chen de dbus su// bdag nyid drag po bcos tshul du// sku gsung thugs kyi dkyil 'khor bsgom// 'khor lo bar khyams sgo rnams su// 'jigs byed rdo rje rigs kyi gtso// btsun mo 'dzin pa'i tshogs dang bcas// khro mo'i tshogs dang ldan par bsgom// zhi dang drag po dbang dang rgyas// 'jigs pa'i tshogs chen de dbus su// lus dang ngag yid byin brlabs nas// bdag nyid drag po bcos tshul du// sku gsung thugs kyi dkyil 'khor bsgom// 'khor lo bar khyams sgo rnams su// 'jigs byed rin chen rigs kyi gtso// btsun mo 'dzin pa'i tshogs dang bcas// khro mo'i tshogs dang ldan par bsgom// zhi dang drag po dbang dang rgyas// 'jigs pa'i tshogs chen de dbus su// lus dang ngag yid byin brlabs nas// bdag nyid drag po bcos tshul du// sku gsung thugs kyi dkyil 'khor sgom// yang na rigs dbang dkyil 'khor ro// 'khor lo bar khyams sgo rnams su// 'jigs pa'i phrin las rigs kyi gtso// btsun mo 'dzin pa'i tshogs dang bcas// khro mo'i tshogs dang ldan par bsgom// zhi dang drag po dbang dang rgyas// las bzhi dkyil 'khor rdzogs par dgod// 'jigs pa'i tshogs chen de dbus su// lus dang ngag yid byin brlabs nas// bdag nyid drag por rab gnas nas// sku gsung thugs kyi dkyil 'khor bsgom// 'jigs byed lnga rdzogs dkyil 'khor ni// nyi shu rtsa lnga sku gsung thugs// yon tan phrin las rdzogs par bsgom// rgyan dang cha lugs la sogs pa// 'jigs pa'i tshogs ni ji bzhin par// tsham ngam chen po'i cha lugs bsgom// glu dang gar dang phyag rgya dang// shes rab thabs su shes pa dang// byang chub sems kyi mchod pa dang// brda la sogs pa'i yon tan dang// bza' dang bca' dang btung dang bgo/ longs spyod lnga ldan thams cad kyi// mdor na tshogs rnams mngon du bsgrub// gsang ba'i snying po de kho na nyid nges pa las 'jigs byed chen po'i bsod nams sbyin pa dam tshig gi le'u ste sum cu gsum pa'o//// de nas bcom ldan 'das dgyes pa chen pos cho ga dang dkyil 'khor yongs su shes par bya ba'i phyir ched du brjod pa 'di brjod do// de bzhin gshegs pa'i sku gsung thugs// chos dbyings rnam dag dkyil 'khor ro// gsang sngags spyi yi dkyil 'khor las// shes 'jug yum gyi dkyil 'khor bsgom// rgyang grags dpag tshad la sogs dang// lus gang lus do gsum gyi tshad// rang gi rig pas ci nus par// sgyu 'phrul drwa ba'i dkyil 'khor bsgom// gnod bskrad sa gnon byin gyis brlab// ljon pa lcug phran sdong gcig dang// ma reg tshon gyis ji bzhin du// goms par bya ba'i ting 'dzin dbab// 'jigs byed sku gsung dkyil 'khor bzlas// gnas dang zla dang rdzas rnams ni// tshogs kyi mchog tu dmigs pas gzhag/dang por mchod sbyin dam pas mchod// gzugs dang lugs chen dung mchog ni// ci 'dod snang bar bdag gis dgod// 'jigs byed dbang du bdag zhugs nas// khro mo ji snyed 'khor du bya// bar chad ting 'dzin mchog gis zlog/ gsang ba'i snying por nyid bshams te/ 'das pa bdag tu mnyam sbyar zhing// thugs kyi sngags kyis spyan drangs nas// bdag gi lus la zhugs tshul du// de yi gzugs gzung mchog tu bstim// dzaHzhes lan gsum brjod pas na// de nyid bsod nams lus thob cing// ye shes lnga yi dngos grub sbyin// pho nya 'du 'phro mang po rnams// de yi dgos pa byed par 'gyur// yang na sa gzhi rab mnyam la// phyag rgya gzugs dang snying po rnams// lnga yi tshon gyis bri bar bya// dkar rtsi dmar rtsi dri sha chen// rdo rje dung chen dmar rtsis dgang// dung dang srog shing gsar rnying dang// zhing 'gyur mchog dang mchog phran dang// ji snyed pa yi rdzas rnams kun// 'jigs byed chen po'i ting 'dzin dang// nyams pa med pa'i sems kyis spyad// sgyu 'phrul drwa ba'i dkyil 'khor la// rdeng dang bcas pa'i bsam pa yis// re ba med par rab tu bsgrub// bsnyen pa dang ni nye bsnyen pa// sgrub pa dang ni sgrub chen pos// zhag ni tshang zhing rtags byung na// dkyil 'khor mthun pa nyid du sbyar// zhag ni sum cu phrag drug gam// drug cu dgu bcu rtsa drug tu// 'jigs byed chen po'i dkyil 'khor bsgom// 'jigs byed tshogs la bdag lus dbul// de nyid dkyil 'khor nyid du brtag/ 'da' bar mi mdzad dam tshig las// nams kyang 'da' bar mi mdzad do// gsang ba'i snying po de kho na nyid nges pa las dgyes pa chen po'i dkyil 'khor dam tshig gi le'u ste sum cu bzhi pa'o//// de nas bcom ldan 'das dgyes pa chen pos sngags kyi snying po 'di ched du brjod do// a gi du na dz+wa la maN+Da la phaT phaT phaT/ o~M sarba ta thA ga ta ma hA shrI he ru ka ma hA kro d+he shwa ri hU~M phaT/ ru lu ma hA sa ma ya hU~M ru lu ru lu hU~M b+h+yo hU~M/ o~M ma hA badzra shrI he ru ka badzra kro d+he shwa ri sarba duSh+tAn hU~M phaT/ru lu ma hA sa ma ya hU~M ru lu ru lu hU~M b+h+yo hU~M/ o~M rat+na ma hA shrI he ru ka rat+na ma hA kro d+he shwa ri bi d+ha mu kha hU~M phaT/ ru lu ru lu ma hA sa ma ya hU~M b+h+yo hU~M/ o~M hrIHpad+ma ma hA shrI he ru ka pad+ma ma hA kro d+he shwa ri khA hi hU~M phaT/ru lu ma hA sa ma ya hU~M ru lu ru lu ru lu hU~M b+h+yo hU~M/ o~M karma ma hA shrI he ru ka sarba a ga ma hA kro d+he shwa ri bi shwa rU be hU~M phaT/ ru lu ma hA sa ma ya hU~M/ ru lu ru lu ru lu hU~M b+h+yo hU~M/o~M ma hA sarba ta thA ga ta badzra rat+na pad+ma a mo g+ha ma hA badzra shrI he ru ka/ ma hA sa ma ya ha he hU~M phaT/ ru lu ru lu ru lu ru lu hU~M b+h+yo hU~M/ o~M sarba ta thA ga ta ma hA pad+ma shrI he ru ka man+t+ra dz+wa la ma hA maN+Da la kA ya bA ka tsit+ta/o~M o~M o~M hU~M hU~M hU~M/ swA~M swA~M swA~M/ A~M A~M A~M/ hA~M hA~M hA~M/ badzra ma hA ka pA la khaD+ga daN+De na dz+wa la sid d+ha/ ma hA shrI he ru ka a me du me sid d+hod bA be/ sa~M ha ra Na/ hU~M hU~M hU~M/ ma hA yo ga ad d+ha ma hA sa ma ya/ ru lu ru lu/ a la la hoH/ ho sems nyid thig ler rab gnas pa'i// dkyil 'khor bzhi bcu gnyis nyid rdzogs// sangs rgyas rdo rje he ru ka/ tshom bu dkyil 'khor bsam yas kyi// sku gsung thugs su bdag sbyor cig/ o~M badzra kro d+ha sa ma ya hoH/o~M badzra kro d+ha sa ma ya s+t+wa~M/ o~M a~M hU~M su ra s+t+wa~M/ ka ma la ma hA su kha mA lai ma nu sa ma na dz+wa la ni d+ha na a ba yo ga khA hi a la a la hoH// gsang ba'i snying po de kho na nyid nges pa las 'jigs byed chen po sngags kyi bzlas pa snying po 'byung ba zhes bya ba'i le'u ste sum cu lnga pa'o//// de nas bcom ldan 'das dgyes pa chen po'i dam tshig chen pos phung po dang/ khams dang skye mched sbyin pa'i ting nge 'dzin la bzhugs te gdug pa'i tshogs byin gyis rlob pa zhes bya ba 'di sku dang gsung dang thugs rdo rje las phyung ngo// o~M sarba ta thA ga ta pad+ma sa ma yo gi nI dzaH/ zhes brjod pas 'jig rten drug gi phyogs bcu thams cad de bzhin gshegs pa'i sku gsung thugs kyi snying po kun tu pad+mar gyur te/dbu dgu phyag bcwa brgyad pa las dbu dang phyag dang zhabs stong khams kyi rdul snyed du srid pa'i rtse mor thug par gnas par gyur to// de nas yang dkyil 'khor chen po rdzogs pa zhes bya ba'i ting nge 'dzin la snyoms par zhugs te// ri rab chen po brkyang bskum gyi tshul gyis 'dril zhing/ o~M a b+hi tsa ra pa shI na zhes brjod pas lha'i tshogs dang/klu'i tshogs dang/ gnod sbyin chen po dang/ srin po dang/ mi dang/ mi ma yin pa ji snyed pa thams cad rang dbang med par zhabs 'dril ba'i 'og tu gnas par gyur to// de nas yang ha ha a bi ra tsa tiSh+Tha zhes brjod pas la la ni lus shin tu brdzes te ri rab chen po'i 'og tu gnas par gyur te/la la ni mngon sum gcan mar ri rab chen po'i 'og tu gnas par gyur to// de nas yang sa 'dzin gyi rgyal po zhes bya ba gdug cing zhe sdang che ba dad pa med cing rdo rje theg pa smod pa zhig yongs kyi 'jig rten na gnas par mkhyen to// mkhyen nas ting nge 'dzin de las bzhengs nas/ o~M pad+ma sa ma yo gi ni ru lu ru lu ru lu hU~M zhes brjod pas kun tu sku chags pa'i bdag nyid dang/kun tu gsung chags pa'i cha lugs dang/ kun tu thugs chags par gyur pa dang/ kun tu rin po che chags pa chen po dang/ kun tu phrin las chags pa chen por gyur te/shar dang/ lho dang/ nub dang/ byang dang/ dbus chen por khrag gi dba' klong keng rus chen po'i ri rab chen po na dus kun dang de nyid snang bar gyur to// de yang kun tu sku lnga 'jigs pa'i gzugs bsam gyis mi khyab pa dang/kun tu gsung lnga'i nga ro bsam gyis mi khyab pa dang/ 'jigs byed bsam gyis mi khyab pa dang/ kun tu thugs lnga'i rol pa dang/ zhal bsam gyis mi khyab pas 'jigs pa dang/rigs lnga tshom bu chen po'i steng du gnas par gyur to// de las mchog gi snying po chen po ma hA rat+na ti la ka'i dbur gyur las rab tu sku gsung thugs spras pa'i gzhal med khang na 'jigs byed chen po'i thig le snying po nyid dbu gsum phyag drug tu gnas te gnyis su med par bzhugs so// de nas de nyid du sku dang/ dbu dang/ phyag dang/ zhabs dang/ 'khor stong khams kyi rdul snyed du 'jigs byed chen po bsam gyis mi khyab par khebs par mthong ngo// de nas yang bdud chen po sa 'dzin gyi rgyal pos skyes bu chen po sa 'dzin gyi bdag po// thong thong ji de lta bu byed dam zhes pa las de nas yang dgyes pa chen po'i bdag nyid kyis// o~M a b+hi tsa ra ba shI na hU~M hU~M hU~M zhes brjod pas dam pa'i bstan pas dam pa'i bstan pa rdo rje theg pa smod cing 'gro ba'i rnal 'byor pa la gnod pa'i tshogs 'khor bsam gyis mi khyab pa dang/g.yog dang yang g.yog tu bcas pa'i bdud chen po de dag nyid kyi yid kyis gdungs te rab tu brgyal nas ma mthong bar rmongs pa'i gnas nas rang dbang med cing dran pa med par keng rus kyi ri rab chen po'i 'og zhabs kyi gnas su phyin par gyur to// de nas 'jigs byed chen pos tiSh+Tha badzra a~M a~M zhes brjod pas gdug pa'i blo dang phral/ mi mthun pa'i lus brdzes te lha chen po'i tshogs 'dul ba'i 'khor los sgyur ba'i rgyal po chen por gnas par gyur to// de nas dgyes pa chen po dpal 'jigs byed chen pos de dag gi dkyil 'khor sgyu 'phrul chen po zhes bya ba'i ting nge 'dzin la snyoms par zhugs te/ de bzhin gshegs pa thams cad kyi sku dang gsung dang thugs dang yon tan dang phrin las las thugs kyi dkyil 'khor thig le chen po zhes bya ba 'di nyid kyi rdo rje thig le chen po'i dam tshig sgyu 'phrul dra ba las phyung ngo// o~M khrag mangs dba' klong 'khyil pa yi// keng rus tshogs kyi ri rab 'bum// 'dus pa'i tshom bu lnga yi ri// 'khor lo rtsibs bzhi 'bar ba'i khang// gru chad bzhis brgyan rab brjid pa'i// gru bzhi sgo khyud bzhi dang ldan// 'bar ba'i bar khyams gnyis kyis mdzes// thod sbrul sna tshogs nyi zlas brjid// sta na mang po lha chen brten// dgyes pa chen po kun tu bzang// phyag dang zhabs ni brgyad pa yi// thod sbrul sna tshogs nyi zlas brjid// 'jigs byed chen po khrag 'thung ba'i// rdo rje snying po thig le thugs// dbu gsum phyag drug zhabs bzhi bgrad// khro mo bzhis mchod ngos bzhir ni// dgyes pa chen po'i tshul 'chang ba// phyogs bzhi grwa dang bcas par ni// sprul pa'i rnal 'byor phra men rnams// ri rab zhing chen steng na gnas// 'bar bas phyag bsnams chen po ni// rdo rje dung chen gang ba dang// pad+ma'i gzhal med rnge'u chung brdung// zhing gi zhags pas 'ching ba dang// kha T+wAM 'phen cing 'khril ba ste// btsun mo 'dzin pa'i tshogs dang bcas// gnas dang yul gyi phyag rgya dang// sgo bzhi phyag rgya rab mdzes par// bran mo'i tshogs chen mang po rnams// 'jigs pa'i gzugs kyis gnas par byed// gsang ba'i snying po de kho na nyid nges pa las de bzhin gshegs pa thams cad kyi dam tshig gdug pa'i tshogs byin gyis rlob pa zhes bya ba'i le'u ste sum cu drug pa'o//// de nas de bzhin gshegs pa thams cad dgongs pa gcig tu gyur nas/ de bzhin gshegs pa nyid de bzhin gshegs pa nyid la ched du brjod pa 'di brjod do// byed pa rdo rje mchog nyid kyi// sgyu 'phrul lam gyi dkyil 'khor las// drwa ba'i dkyil 'khor mngon rdzogs par// 'jug pa'i yid kyi dgongs pa yin// shin tu phra la sbyangs pa ni// dkyil 'khor bzhi bcu gnyis kyis mdzes// tshom bu gnyis kyi bye brag tu// spro zhing bsdu ba'ang de bzhin no// yid du 'ong ba'i sa gzhir ni// rkang mthil thig gdab dkyil 'khor bri// o~M dang mU~M gyi dkyil 'khor bsgom// de las phra mo rdo rjes dgang// phra bar sa bsdus mthil du gzung// yum gyi tshogs su shes pas brtags// gang gi yul yang dbang du gyur// mi mthun gzugs su brtags pa ni// drwa ba'i 'du 'phros de lus bzhin// lugs ka bzhin du ha~M du brtag/de las 'od bzhin mthil du gzung// gsang nas ngag lam ha~M du bya// rlung zla'i steng du mkhas pas gzhag/ drag po lce yi sbyor ba yis// gling khams gzhan du shin tu gtang// bdag nyid hU~M gi tshogs bcas pa// ma skyes pa yi yi ge bsgom// bya ba chos khams de yi tshogs// mU~M du byin brlabs yi ger bstim// brtan pa a yi 'phro 'du yis// nam mkha' bzhin du shin tu bsgom// brtan 'gyur a yi snying po bzlas// nyams su lon par ma gyur tshe// 'jug pa'i yid dang nyams su sbyor// dang po'i gnas su shes pa dang// rnam pa mang por mnyam du'o// de las mi snang gzugs zhi ba// rab tu blo yi thig gnas ni// gzhan du nams kyang mi bstan cing// gzhon dang spyad dang 'tshong la sogs// longs spyod rnam par sbyor ba dang// rdzas kyi nor phyir ma yin no// rmongs la 'phar dang brtson 'grus zhan// nams kyang sbyin par ma gsungs te// smad pa bam gyi gter bzhin du// sus kyang phyin par ma gsungs la// srog chags khwa yi gtam bzhin du// nams kyang smra bar mi bya'o// byed pa rdo rje gsha' yi tshogs// bzhi bcu rtsa bzhi gling gzhi'i lam// kun tu bzang po thabs tshul ba// tshom bu gsum gyi lha rnams bsgom// chos khams bya ba a yi tshogs// bzhi bcu rtsa gnyis gleng slong ba// kun tu bzang mo shes rab tshul// gsha' la ye shes thugs kyi thugs// tshom bu gsum gyi lha rnams bsgom// de ni chos khams a la bstim// chos kyi chos bya ba yi dbyings// kun tu bzang mo bde ba'i yum// de yi ngang du tshogs kun brtags// sa chu me yi 'byung ba rnams// de yi dbyings nas 'byung bar ni// 'dod pa'i bdag la shin tu brtag/ mi gnas nam mkha'i mtha' klas par// goms par 'dod pa thod pa dang// chu las sa bzhin 'gro ba dang// bsreg bya 'bar ba'i dbus gnas dang// tsha ba rlung gis bteg nas kyang// phyogs bcu kun tu phyin par 'gyur// gsang ba'i snying po de kho na nyid nges pa las rdo rje snying po las thams cad kyi le'u ste sum cu bdun pa'o//// de nas bcom ldan 'das dgyes pa chen pos gsang ba'i snying po 'di brtan par 'dzin pa'i don ched du ched du brjod pa 'di brjod do// de nyid chos dbyings mnyam sbyor bas// sangs rgyas kun bdag byin gyis brlab// k+Sha lam a yi tshon bzhin du// sgyu 'phrul dra ba'i dkyil 'khor bsgom// lugs su blugs pa bzhin du ni// de nyid yid lam mchog grub pa'o// de nyid gsal bar mnyam sbyor las// sangs rgyas kun bdag byin gyis brlab// o~M lA~M a yi tshon bzhin du// sgyu 'phrul dra ba'i dkyil 'khor bsgom// lugs su blugs pa bzhin du ni// de nyid gzugs lam mchog grub pa'o// de nyid mnyam nyid mnyam sbyor las// sangs rgyas kun bdag byin gyis brlab// swA~M la~M a yi tshon bzhin du// sgyu 'phrul dra ba'i dkyil 'khor bsgom// lugs su blugs pa bzhin du ni// de nyid khyad par lam mchog go// chos dbyings rtogs pa mnyam sbyor las// sangs rgyas kun bdag byin gyis brlab// o~M la~M a yi tshon bzhin du// sgyu 'phrul dra ba'i dkyil 'khor bsgom// lugs su blugs pa bzhin du ni// de nyid gsum lam mchog grub pa'o// chos dbyings bya ba mnyam sbyor bas// sangs rgyas kun bdag byin gyis brlab// hA~M la~M a yi tshogs bzhin du// sgyu 'phrul dra ba'i dkyil 'khor bsgom// lugs su blugs pa bzhin du ni// de ni phrin las ye shes so// de las ting 'dzin sgyu 'phrul bsgom// dra ba'i dkyil 'khor mchog nyid ni// rtse bcu rigs kyi phyag rgya bsgom// de nyid ha dang k+ShaHnyid de// mU~M gyi tshogs kyi lha rnams bsgom// sangs rgyas sgyu 'phrul mchog nyid las// dra ba'i dkyil 'khor mngon rdzogs pa// de nyid hU~M lam phyag bsnams pa// rtse bcu rgyan gyis rnam par brgyan// yang na rtse lnga thugs kyi thugs// dbus nas hU~M gi lo tsa na// lcags kyu 'dzin par rgya bcings shing// hU~M hU~M hU~M gis lan gsum du// rang lus dgra yid byin gyis brlab// mU~M gyi tshogs kyi lha rnams bskul// 'bru lnga rgya bcings byin gyis brlab// bskyed pa rdzogs par gsor ba yis// bzhi bcu rtsa gnyis dkyil 'khor bri// zhi ba rgyas pa lan gsum gyis// de 'dod las rnams grub par 'gyur// bcu pa drag po mthing gnag dpung// 'gying ba'i gar gyis gsor ba yis// gsung snyan sgra yi bro rdebs pa'i// phyag rgya brgyad du sbyor bas na// phaT phaT hU~M gis gsor ba yis// snying po thugs rtags phyag bsnams pa// sku gsung thugs kyi rgyal po las// bsod nams lus 'jig dbang du 'gyur// ci 'dod re ba thob par mdzad// brgyan pa sgegs pa pho nya dang// tshangs pa dbang po 'dod dbang dang// mdor na bcu gnyis gling gi bdag/ drag shul mthu yi dregs pa can// sngags shing brgyal te blo stor nas// bum pa bzang po 'bul bar 'gyur// lha mo klu mo brgyan pa dang// rta dang glang po bzhon pa dang// gnas dang rten dang bgo ba dang// gtsug na nor bu yod pa dang// ci 'dod yid la bsam pa 'bul// de la bran bzhin byed par 'gyur// de yi dgos pa thams cad ni// ma lus kun rdzogs 'grub par 'gyur// gsang ba'i snying po de kho na nyid nges pa las sgyu 'phrul chen po brtan par gzung ba bdud rtsi 'byung ba'i le'u ste sum cu brgyad pa'o//// de nas de bzhin gshegs pa sgyu 'phrul dra ba las thugs rjes 'gro ba 'dul ba bdud rtsi 'byung ba zhes bya ba la snyoms par zhugs nas ched du brjod pa 'di brjod do// e ma'o ye nas dag chos la// log rtog rnam pa gnyis su 'grub// thams cad 'byung ba lnga las skyes// thams cad gtsang zhing dri med las// rnam rtog mi mthun so sor gyur// la la'i sman la la la'i dug/ sman du ma gyur gang yang med// thams cad ma lus rgyu gcig las// mi mthun khyad par so sor snang// sus kyang ma byas su byed yod// rnam rtog zhags pas so sor bcing// sdug bsngal ma lus 'khrul 'khor dang// khams gsum phyin ci log bzhi dang// dus gsum 'gro lnga thams cad dang// nyon mongs sdug bsngal thams cad sbyong// rnam par thar pa lta rdzogs byed// sa bcu rdzogs shing sangs rgyas sa yang rdzogs// de phyir sman 'di bsgrub par bya// kun la phan pa'i sman yin pas// de phyir nga dang bdag ma 'dzin// gtsang dang sme ba'i blo rtog bor// thams cad mnyam pa nyid du spyod// rtsa ba byang chub sems nyid rtogs// thabs kyis pha rol phyin pa spyod// snying rjes chud ma zos par gyis// bdud rtsi mchog ni mnyam pa'i dbyings// bdud rtsi'i don ni skye shi med// bdud rtsi gnas ni byang chub sems// bdud rtsi las ni rnam rtog sbyong// bdag dpal tshogs shing 'gro don mdzad// sman gyi byin brlabs bsam mi khyab// ngan song sbyong zhing mtho ris 'grub// gser 'gyur sman dang mun sel bzhin// gzhan yang dgos pa sna tshogs 'grub// rkyen las byung ba'i dug rnams dang// rtsa ba'i dug dang sbyar ba'i dug/ klu dug sbod gtong dug la sogs// thugs rje chen po'i byin brlabs kyis// dug rnams thams cad gdul ba'i phyir// dkyil 'khor ma lus tshang bar bsgom// gnas lnga dag tu 'bru lnga bstim// o~M hU~M trA~M hrIHa// yang na yi ge A~M gyis bya// yang na yi ge hrIHlas gtang// dug rnams bdud rtsir bsgyur bar bya// mnyam pa'i dbyings su thim par bya// a hoHrdo rje gsang ba'i tshig tu'o// hU~M bdag nyid zhe sdang rdo rje ste// thugs rjes rtog bdag 'dul bar byed// nga dang bdag med dbyings sbyor zhing// byams pa'i thugs dang ldan pa'o// o~M bdag nyid gti mug chen po ste// ye shes 'od zer gsal ba'i ngang// thams cad 'byung ba'i 'khor lo yi// trAM bdag nyid nga rgyal yon tan te// snying rjes 'gro don 'phel bar byed// zhi ba'i blo chen dbyings su sbyor// yon tan rgya mtsho dpag med pa'o// hrIHbdag nyid 'dod chags gsung mchog ste// nyon mongs las rnams dag par byed// nyon mongs sdug bsngal rnam par dag/chags med sems ni byang chub pa'o// A bdag nyid las kyi sems dpa' ste// don rnams ma lus grub par byed// log rtog ma lus 'dul ba'i mchog/ phyogs bcu dus bzhi 'phro ba'o// mU~M bdag nyid shes rab 'od gsal te// le lo g.yeng ba sel bar byed// thugs rje myur ba las byung ba// rgyal ba kun tu thogs med pa'o// nyon mongs las rnams dag byed cing// dbugs chen dag kyang 'byin par byed// dug rnams sbyong ba sku gsum ste// lam lnga sbyong ba ye shes lnga// 'khor ba'i rtsad gcod shes rab mtshon// hU~M du bsdus shing hoHyis g.yeng// ra~M gyis bsregs shing phaT kyis 'phang// thabs dang shes rab 'brel pa yi// thig le'i dbyings su thim par bya// de nas gnyis med dbyings gyur nas// ye shes sems dpa'i sku ru bsgom// 'bru gcig 'bru gsum 'bru lnga bsgom// bzhi bcu rtsa gnyis ma lus dang// sangs rgyas dkyil 'khor tshang bar bsgom// nga med bdag med phyag rgyar gsol// de nas longs spyod lnga kun dang// ye shes lnga dang rigs lnga dang// lha mo lnga dang sman lngar bsgom// o~M hU~M trA~M hrIHaHo~M badzra a mr-i te kuN+Da li ha na ha na hU~M phaT// o~M bi shud d+he a mr-i te hU~M phaT/ o~M d+harma amr-i te hU~M phaT/ o~M AHhUM zhes brjod pas thams cad dag par gyur/ bdud rtsir gyur/ sa chu me rlung nam mkha' rnams// rang bzhin med par gzhig pa'i phyir// gcig la lnga lngar dbye bya zhing// mU~M gyi dbyings su bstim par bya// 'byung ba che rnams de dag la// lhag pa'i ting 'dzin bskyed par bya// rigs pa thabs kyi phyag rgya ste// de bzhin gshegs pa lngar bsgom zhing// 'byung ba so so'i mtshan nyid de// yum lnga dag tu bsgom par bya// de rigs ye shes lnga nyid do// rgyur byas gzugs sogs bzhi bcu gnyis// phyi nang snod bcud thams cad kun// de bzhin nyid kyi dbyings nyid na// de ltar gyur cing skyes pa kun// smos ci dgos te de nyid yin// a hoHe ma'o lhag pa'i byin brlabs kyis// bdag la lha rnams bsdu bar bsgom// de nas lha dang gnyis med nas// bdag nyid yi ge o~M dang mU~M// gnyis dang bdag dang dbyings su thim// bdag nyid bdud rtsi 'khyil par bsgom// sku mdog gangs la nyi shar 'dra// zla ba pad+ma gdan khri la// nyi ma stong gi gdan khri ldan// lha dang lha mo'i tshogs kyis bskor// khro bo khro mo'i dkyil 'khor bcas// gnas dang yul gyi phyag rgyas mdzes// slas dang byi mo tshogs kyis bskor// a ho 'khor lo rtsibs bzhi mu khyud bcas// dbus su bdud rtsi 'khyil pa ste// shar gyi rtse la rdo rje'o// lho yi rtse la rin po che// nub kyi rtse la snang mtha' yas// byang gi rtse la don yod grub// thabs dang shes rab ldan par bsgom// phyag rgya rnams kyang gsal bar bsgom// snying po 'bru tshig gsal bar bzlas// de la bdud rtsi'i phyag rgya ni// bum pa gang ba yid bzhin 'bar// re ba yid bzhin skong bar byed// nyon mongs sdug bsngal sel bar byed// 'dod lnga yon tan ldan par byed// dngos grub chen po bla med pa'o// bdud rtsi char bzhin 'bebs par byed// sgo bzhi phyag rgya ldan pa dang// a mr-i ta yi rgyu nyid ni// byang chub sems dang sha chen dang// dri chu dri chen maM sar bcas// pad+ma rak+ta la sogs dang// gzhan yang don yod sna tshogs rnams// dbye'am yang na mi dbye bar// bdud rtsi nyid du byin gyis brlab// rtog pa'i bag chags sbyang ba'i phyir// gtsang sme med par dag par bya// dbyings su yang ni bstim par bya// phyag rgya 'od zer 'bar bar bsgom// bzhi brgya rtsa bzhi'i nad sel zhing// dug gsum sdug bsngal med pa dang// bskal pa yun ring gnas pa dang// dngos grub chen po 'thob 'gyur te// tshogs gnyis rdzogs par yang dag gsung// bdag nyid yi ge hU~M gyur nas// longs spyod lnga ldan thams cad la// o~M AHhU~M du gyur par sgom// 'od 'phro 'bar zhing phyogs bcur spro// slar 'dus 'od 'phro bdud rtsir 'bar// shin tu gsal zhing rtse gcig sgom// gzhan yang yi ge'i tshogs pas gdab// 'thungs na ngan song sgrib pa byang// tra tA/ rtag bsten dngos grub mchog kyang 'grub// bzhi brgya rtsa bzhi nad sel cing// lha la rtag tu mchod byas na// bdag dang gnyis su med par 'gyur// mi mthun phyogs la gtor byas na// drag po gtum po'ang lhan ner 'gyur// gzhan yang dngos grub thams cad kyi// ji ltar dmigs pa bzhin du 'grub// sangs rgyas go 'phang thob 'gyur na// lha srin la sogs smos ci dgos// the tshom med par bsgrub par gyis// rtag tu spyod cing dbyings su thim// gsang ba'i snying po de kho na nyid nges pa las rgyud kyi rgyal po sgyu 'phrul dra ba las sman sgrub pa'i le'u ste sum cu dgu pa'o//// de nas dgyes pa chen pos de dag gi byin gyi brlabs 'byung ba zhes bya ba 'di ched du brjod pa 'di brjod do// de la mchod sbyin dam pa ni// 'phrul chen bzhi bcu rtsa lnga nyid// khams dang 'byung ba nyid la gnas// de nyid sgyu 'phrul thabs mkhas pa// dra bas mngon rdzogs sku gsung thugs// thams cad ma lus phyag rgya nyid// chos sku mchog gi rten gyur pa// phyogs bcu gang bar gsal bar bsgom// de nyid ngag lam kun khengs par// hU~M gi tshogs su rnam par bsgom// lus nyid hA yi tshogs la bstim// gang la bya ba'i gzugs bzung bas// kha dog nag po'i tshon phye yis// de yi snying nang bdag zhugs la// dzaHzhes bya ba'i sngags bzlas nas// mgyogs su 'gro bar lcags kyis spang// dri rno lnga bas mgyogs pa dang// gang du bya ba byin par byed// de yi lus las 'byung 'dod na// zhi bas bdag gi gzugs bzung la// dal bus hU~M zhes bsdus pa yis// bdag gi lus la chud par 'gyur// thams cad ma lus phyag rgya nyid// chos sku mchog gi rten gyur pa// phyogs bcu gang bar gsal bar bsgom// de nyid ngag lam lus khengs par// o~M gyi tshogs su shin tu bsgom// lus nyid aHyi tshogs la bstim/ gang la bya ba'i gzugs bzung nas// kha dog dkar po'i tshon phye yis// de yi snying nang bdag zhugs la// hU~M zhes bya ba'i sngags bzlas nas// mang pos bkur ba rgyal chen po// blo rno yid mdzangs bzhin bzangs dang// snga bas longs spyod 'du ba dang// gnas par dga' ba bzhin du 'gyur// de yi lus las 'byung 'dod na// zhi bas bdag gi gzugs bzung la// dal bus o~M zhes bsdus pa yis// bdag gi lus la gzud par 'gyur// thams cad ma lus phyag rgya nyid// chos sku mchog gi rten gyur pa// phyogs kun gang bar gsal bar bsgom// de nyid ngag lam kun khengs par// swA~M gyi tshogs su rab tu bsgom// lus nyid swA~M kyi tshogs la bstim// gang la bya ba'i gzugs bzung nas// kha dog ser po'i tshon phye yis// de yi snying nang bdag zhugs la// swA~M zhes bya ba'i sngags bzlas nas// nor mang blon po yid mdzangs la// blo rno snga bas longs spyod 'dud// de yi 'khor la longs spyod cing// gnas par dga' ba bzhin du 'gyur// de yi lus las 'byung 'dod na// rgyas pas bdag gi gzugs bzung la// dal bus swA~M zhes brjod pa yis// bdag gi lus la tshud par 'gyur// thams cad ma lus phyag rgya nyid// chos sku mchog gi rten gyur pa// phyogs bcu gang bas gsal 'bar bsgom/de nyid ngag la lus khengs par// A~MHgyi tshogs su shin tu bsgom// lus nyid A~MHgyi tshogs la bstim// gang la bya ba'i gzugs bzung nas// kha dog dmar po'i tshon phye yis// de yi snying nang bdag gzhugs la// A~MHzhes bya ba'i sngags bzlas nas// rgyal mo zhang blon dbang chen dang// ci 'dod yid bzhin dbang du 'gyur// de yi 'khor la longs spyod cing// gnas par dga' ba bzhin du 'gyur// de yi gzugs las 'byung 'dod na// dbang gis bdag gi gzugs bzung la// dal bus A~MHzhes brjod pa yin// bdag gi lus la tshud par 'gyur// thams cad ma lus phyag rgya nyid// chos sku mchog gi rten gyur pa// phyogs kun gang bar gsal bar bsgom// de nyid ngag lam lus khengs par// hA~M gyi tshogs su shin tu bsgom// lus nyid hA~M yi tshogs la bstim// gang la bya ba'i gzugs bzung nas// kha dog ljang gu'i tshon phye yis// de yi snying nang bdag zhugs la// hA~M zhes bya ba'i sngags bzlas nas// las kyi rigs chen gang 'dod gzugs// dmag mang mthu dpung go mtshon bzang// zhe sdang can rnams 'dul bar 'gyur// 'dod chags can rnams 'du ba dang// nga rgyal chen po 'dud par 'gyur// de yi bstan pa 'dzin par byed// de yi 'khor la longs spyod cing// gnas par dga' ba bzhin du 'gyur// de yi lus las 'byung 'dod na// snyoms pas khro yi gzugs bzung la// dal bus ha~M zhes brjod pa yis// mi snang ba yi gzugs su 'char// bdag gi lus la chud par 'gyur// gling ngam dur khrod gnas rnams su// nga yi 'dod pa chos dbang gis// sgyu 'phrul dkyil 'khor mchog 'dzin la// dra ba'i dkyil 'khor yongs kyis 'byung// gsang ba'i snying po de kho na nyid nges pa las de bzhin gshegs pa thams cad kyi byin gyis brlabs 'byung ba'i le'u ste bzhi bcu pa'o//// de nas bcom ldan 'das dpal kun tu bzang pos nyid kyi che ba'i yon tan ston pa'i phyir 'gro ba'i sems can gyi don ched du de bzhin nyid kyi dbyings 'di sku gsung thugs rdo rje las phyung ngo// dpal nyid kyi mchog rigs kyi yum// dbab par bya ba'i gzugs brnyan la// spyi gtsug kha dang snying ga mtshan// 'bru lngas byin brlabs mU~M du brtags// de nyid goms las gsang mtshan pa// mU~M gyi tshogs kyi lha rnams bsgom// de nyid mtha' bral mi dmigs las// de zla'i ngang tshul de bzung nas// sangs rgyas rdo rje tsa na ka/ shes rab yum dang ldan par bsgom// lam du zhugs la de lus dgang// de goms blo bde gsal spro thim// de bzhin rigs rnams o~M du bsgom// snod gnas bde ldan khengs gyur par// yum gyi tshogs kyang gsal bar gnas// phyag rgya snying po gzugs la sogs// rigs dang mthun par rnam par bsam// brtan pa AHyi 'phro 'du ltar// rnam shes byin brlabs ngang du brtags// gzhi rtsa med pa'i sems nyid las// yid bzhin yi ge'i sprin tshogs bsgom// phyag rgya shin tu gsal ba na// nye ba'i bsnyen pa yin par bsgrags// 'phro 'du rigs dang mthun pa'i grangs// bsgoms nas bzlas dang mngon sum na// lcags kyu mchog gi phyag rgya bcing// des ni 'dod pa bzhin du 'gyur// rang bzhin sku gsung 'dus ma byas// gzhan dbang ma yin rdo rje rigs// dpal ldan rdo rje sgyu 'phrul yum// shin tu chos kyis bsgrags pa la// gsal bar 'dod pa smra bya ba// spyi gtsug kha dang snying ga mtshan// 'bru lngar byin brlabs lA~M du brtags// de nyid goms las gsang mtshan pa// lA~M gyi tshogs kyi lha rnams bsgoms// sangs rgyas spyan gyi sbyor ba las// rgyal ba thams cad byin gyis rlob// de nyid mtha' bral mi dmigs las// rang bzhin mchog gi gzugs bcas nas// sangs rgyas rdo rje tsa na ka/ shes rab yum dang ldan par bsgom// de las rdo rjer byin brlabs te// pad+ma gsang nas 'dzum thabs yin// sbubs nas zhugs la de lus dgang// de goms blo bde gsal spro thim// rdo rje rigs rnams hU~M du bsgom// snod gnas bde ldan khengs gyur par// yum gyi tshogs kyang gsal bar gnas// phyag rgya snying po gzugs la sogs// rigs dang mthun par shin tu bsam// brtan pa hA yi 'phro 'du ltar// rnam shes byin brlabs ngang du brtags// gzhi rtsa med pa'i sems nyid las// yid bzhin yi ge sprin tshogs bsgom// phyag rgya gsal ba nye bsnyen pa// 'phro 'du rigs dang mthun pa'i grangs// sgom dang bzlas dang mngon sum na// lcags kyu'i stangs kyis bskul bar gsungs// rjes su chags pa'i phyag rgya yis// rigs dang mthun pa'i 'phro 'du bsgom// yon tan sku gsung yid bzhin gter// dpal ldan sgyu 'phrul mchog chen mo// chas shing bsgregs pa'i gzugs brnyan ni// ljon pa lcug phran la sogs la// dbab pa mchog gi las bya ba// spyi gtsug kha dang snying ga mtshan// 'bru lngas byin brlabs o~M du brtags// de nyid goms las gsang mtshan pa// o~M gyi tshogs kyi lha rnams bsgom// sangs rgyas me yi sbyor ba las// rgyal ba thams cad byin gyis rlob// de nyid mtha' bral mi dgyes las// yon tan gter gyi gzugs bcas na// sangs rgyas rin chen tsa na ka/ shes rab yum dang ldan par bsgom// de las rdo rjer byin brlabs te// pad+ma gsang nas 'dzum thabs yin// spubs su zhugs la de lus dgang// de goms blo bde gsal spro thim// rin chen rigs rnams swA~M du bsgom// snod gnas bde ldan khengs gyur pa// yum gyi tshogs kyang gsal bar gnas// phyag rgya snying po gzugs la sogs// rigs dang mthun par shin tu bsam// brtan pa swA~M gyi 'phro 'du ltar// rnam shes byin brlabs ngang du brtags// gzhi rtsa med pa'i sems nyid las// yid bzhin yi ge sprin tshogs bsgom// phyag rgya gsal ba nye bsnyen pa// 'phro 'du rigs dang mthun pa ni// bsgoms nas bzlas dang mngon sum na// dam tshig zhags pa mchog gis bcing// rjes su chags pa'i phyag rgya bzhi// rigs dang 'du 'phro mthun par bsgom// gso dang gsad dang pham dang rgyal// gzhan du 'gro dang 'dug pa dang// ci 'dod 'ong dang smra yang rung// mtshon dang 'jigs pa mang ba dang// bcings pa'i las dang mtshon las thar// dpal ldan pad+ma mchog gi yum// bde chen gar dbang gzugs 'dzin pa// dbab par bya ba'i gzugs brnyan ni// ljon pa'i lcug phran la sogs la// dang por gnas lnga byin gyis brlabs// de nas gnas lnga shes rab bsgom// spyi gtsug kha dang snying ga mtshan// las bzhi 'bru bzhi ba~M du brtags// de nyid goms las gsang mtshan pa// ba~M gyi tshogs kyi lha rnams bsgom// sangs rgyas chu yi sbyor ba las// rdo rje gsung rnams byin gyis rlob// de nyid mtha' bral mi dmigs las// rdo rje gsung gi gzugs bcas nas// sangs rgyas gsung chen tsa na ka/shes rab yum dang ldan par bsgom// de las rdo rjer byin brlabs te// pad+ma gsang nas 'dzul thabs yin// sbubs su zhugs la de lus dgang// de goms blo bde gsal spro thim// ming dang snying po bcas pas dgug/ rdo rje gsung rnams o~M du bsgom// snod gnas bde ldan khengs gyur par// yum gyi tshogs kyang gsal bar gnas// phyag rgya snying po gzugs la sogs// rigs dang mthun par shin tu bsam// brtan pa o~M gyi 'phro 'du ltar// rnam shes byin brlabs ngang du brtags// gzhi rtsa med pa'i sems nyid las// chos dbang yi ge sprin tshogs bsgom// phyag rgya gsal bar nye bsnyen pa// 'phro 'du rigs dang mthun par ni// bsgoms nas bzlas dang mngon sum na// chags pa'i lcags sgrog mchog gis bcing// chags pa chen po'i phyag rgya bzhis// rigs dang mthun pa nyid du bsgom/zhi ba dbang dang drag po rgyas// ci 'dod par ni rab tu bsngags// dpal ldan 'grub pa sgyu 'phrul ba// dbab par bya ba'i gzugs brnyan ni// ljon pa mchog dang 'bring rnams la// spyi gtsug kha dang snying ga mtshan// 'bru lngas byin brlabs hA~M du brtags// de ni e yi tshogs yin te// de nyid goms las gsang mtshan pa// me yi tshogs kyi lha rnams bsgom// de nyid steng gi lha rnams te// bdag med mtha' bral mi dmigs las// don yod ngang tshul de bzung nas// don yod mchog gi tsa na ka/ shes rab yum dang ldan par bsgom// de las rgya gram byin brlabs te// pad+ma gsang nas 'dzul thabs yin// sbubs su zhugs la de lus dgang// rgya gram mtshon gyis khengs pa dang// so so'i snying pos ming yang dgug/ de goms blo bde gsal spro thim// rdo rje la la rnams hA~M bsgom// snod gnas bde ldan khengs gyur par// yum gyi tshogs kyang gsal bar gnas// phyag rgya snying po gzugs la sogs// rigs dang mthun pa nyid du bsgom// brtan pa hA~M gyi 'phro 'du ltar// rnam shes byin brlabs ngang du brtags// gzhi rtsa med pa'i sems nyid las// grub pa sgyu 'phrul sprin tshogs bsgom// phyag rgya gsal ba nye bsnyen pa// 'phro 'du rigs dang mthun par ni// bsgoms nas bzlas dang mngon sum ni// dgyes pa gar gyi gsung snyan cing// rjes su chags pa'i phyag rgya bzhis// rigs dang mthun pa nyid du bsgom// phyogs su 'gro dang dbrog pa dang// tshe bstung ba dang las rnams dang// mngon sum ci 'dod smra ba'i mchog/ rigs kyi yum dang rtsen par 'gyur// srid pa las 'phags mya ngan 'das// ting 'dzin 'di yis byed par 'gyur// zhes brjod pas rnam par smin pa'i tshogs de bzhin gshegs pa'i che ba'i yon tan nyid du mkhyen to// mkhyen nas de bzhin nyid kyi dbyings sku dang gsung dang thugs rdo rje las rdo rje gsang ba'i tshig 'di phyung ngo// a hoHbsam bya bsam par zin pa yi// bsam pas mi zin bsam mi khyab// bsam yas lhun gnas mi g.yo dpag med bsam mi khyab// rgyu dang 'brel pa'i rkyen du shes pa'i dbyings nyid zad mi shes// ngo mtshar srid lam mtha' bral dmigs med pa// de nyid yon tan mchog gi 'khor lo lam mchog yin// a hoH/ rdo rje gsang ba'i tshig tu'o// bcom ldan 'das dpal kun tu bzang po de bzhin nyid kyi dbyings nas che ba'i yon tan ston pa zhes bya ba'i le'u ste bzhi bcu gcig pa'o//// de nas bcom ldan 'das dpal kun tu bzang pos che ba'i yon tan ston pa'i sgyu 'phrul chen po gsung gi dkyil 'khor byin gyis rlob pa zhes bya ba cho ga dang bcas pa 'di sku dang gsung dang thugs rdo rje las phyung ngo// dbab pa mchog gi dkyil 'khor rnams// kha dog grangs bcas ma brlams pas// shes pa blo che khongs yangs la// zab par spyod la mi skyo bar// zas srung gos rjes dam zas sbyin// dung chen snod du chu yis bsing// rten du rung bar ting 'dzin dang// dbang dang sgrub pa mchog kyang bstan// mi smra gsang ba'i dam tshig dbog/ o~M dang mU~M gyi blo bstan nas// gsang bas mtshan ma lnga nas sbyang// sgyu 'phrul dkyil 'khor bzhi bcu gnyis// phung po khams dang skye mched sbyar// longs spyod lnga ldan mchod sbyin bya// rdo rje ngag lam gsung chen bzlas// oM sarba ta thA ga ta dzI na o~M/ o~M badzra ku la hU~M badzra/ o~M sarba ta thA ga ta swA~M rat+na swA~M/o~M pad+ma ta thA hr-i da ya A ro lika/ hA pradz+nyA hA~M/ d+hA twI shwa ri mU~M/ dwe Sha ra ti lA~M/ mo ha ra ti A~M/ rA ga ra ti pA~M/ badzra ra ti tA~M/ mU~M mU~M mU~M/ lA~M lA~M lA~M/ A~MHA~MHA~MH/ pA~M pA~M pA~M/ tA~M tA~M tA~M/ e ba~M ma ya/ ba ba ba ba ba/ dzra dzra dzra dzra dzra/sa sa sa sa sa/ ma ma ma ma ma/ ya ya ya ya ya/ s+t+wa~M hoHzhes brjod pas 'jig rten drug gi phyogs bcu mtha' yas par dam tshig thams cad kyi mchog/ de bzhin gshegs pa thams cad kyi sku dang gsung dang thugs rje'i bdag nyid dbyings kyi dbang phyug ma chen mo dang/spyan chen mo dang/ mA ma kI chen mo dang/ gos dkar mo chen mo dang/ dam tshig 'phags ma sgrol ma chen po'i rang bzhin nyid du kun tu snang bar gyur to// de bzhin gshegs pa thams cad kyi sku dang gsung dang thugs rdo rje'i bdag nyid dbab pa'i gsung gi 'khor lo zhes bya ba'i le'u ste bzhi bcu gnyis pa'o//// de nas bcom ldan 'das dpal kun tu bzang pos sgyu 'phrul chen po'i byin bsdu ba zhes bya ba'i dam tshig la snyoms par zhugs nas de bzhin gshegs pa thams cad kyi sku dang gsung dang thugs rdo rje sgyu 'phrul dra ba las phyung ngo// sgeg mo mchod pa byin bsdu ba// gzugs ston dbab par bya ba ni// rigs dang mthun pa'i gzugs brnyan la// spyi gtsug kha dang snying ga mtshan// 'bru lngas byin brlabs ya nyid sbyin// de nyid pad+ma'i dkyil 'khor yin// de nyid goms la gsang mtshan pa// ya yi tshogs kyi lha rnams bsgom// de nyid hU~M gi lha rnams te// bdag med mtha' bral mi dmigs las// rang gi ngang tshul de bzung nas// sangs rgyas rdo rje tsa na ka/shes rab yum dang ldan par bsgom// de las rdo rjer byin brlabs te// pad+ma gsang nas 'dzul thabs yin// sbubs su zhugs la de lus dgang// rdo rje tshon gyis khengs pa dang/ so so'i snying po ming yang bod// de goms blo bde gsal spro thim// ming yang snying po bcas pas dgug/ rdo rje lha rnams hU~M du bsgom// snod nas sgeg mo khengs gyur bar// yum gyi tshogs kyang gsal bar gnas// phyag rgya snying po gzugs la sogs// rigs dang mthun pa nyid du bsam// brtan pa hA yi 'phro 'du ltar// rnam shes byin brlabs ngang du brtags// gzhi rtsa med pa'i sems nyid las// sangs rgyas rdo rje'i sprin tshogs bsgom// phyag rgya gsal ba nye bsnyen pa// 'phro 'du rigs dang mthun par ni// bsgoms nas bzlas dang mngon sum na// sgo ma bzhi yi phyag rgya bcing// rjes su chags pa'i phyag rgya bzhis// rigs dang mthun pa nyid du bsgom// rin chen phreng ba'i byin bsdu ba// gzugs ston dbab par bya ba ni// rigs dang mthun pa'i gzugs brnyan la// spyi gtsug kha dang snying ga mtshan// 'bru lngas byin brlabs e nyid sbyin// de nyid pad+ma'i dkyil 'khor yin// de nyid goms nas gsang mtshan pa// e yi tshogs kyi lha rnams bsgom// de nyid swA~M gyi lha rnams te// bdag med mtha' bral mi dmigs las// rang gi ngang tshul de bzung nas// sangs rgyas rin chen tsa na ka/ shes rab yum dang ldan par bsgom// de las rdo rje byin brlabs te// pad+ma gsang nas 'dzul thabs yin// sbubs su zhugs la de lus dgang// rin chen tshon gyis khengs pa dang// so so'i snying pos mi yang dgug/ de goms blo bde gsal spro thim// rin chen lha rnams swA~M du bsgom// snod gnas phreng ba khengs gyur bar// yum gyi tshogs kyang gsal bar gnas// phyag rgya snying po gzugs la sogs// rigs dang mthun pa nyid du bsam// brtan pa swA~M gyi 'phro 'du ltar// rnam shes byin brlabs ngang du brtags// gzhi rtsa med pa'i sems nyid las// sangs rgyas rin chen sprin tshogs bsgom// phyag rgya gsal ba nye bsnyen pa// 'phro 'du rigs dang mthun par ni// bsgoms nas bzlas dang mngon sum na// sgo ma bzhi yi phyag rgya bcing// rjes su chags pa'i phyag rgya bzhis// rigs dang mthun pa nyid du bsgom// pad+ma'i dbyings kyi byin bsdu ba// gzugs ston dbab par bya ba ni// rigs dang mthun pa'i gzugs brnyan la// spyi gtsug kha dang snying ga mtshan// 'bru lngas byin brlabs ba~M du brtags// de nyid pad+ma'i dkyil 'khor bsgom// de nyid goms la gsang mtshan pa// ba~M gyi tshogs kyi lha rnams bsgom// de nyid a~M gyi lha rnams te// bdag med mtha' bral mi dmigs las// rang gi ngang tshul de bzung nas// sangs rgyas pad+ma tsa na ka/ shes rab yum dang ldan par bsgom// de las rdo rjer byin brlabs te// pad+ma gsang nas 'dzul thabs yin// sbubs su zhugs la de lus dgang// pad+ma'i tshogs kyis khengs pa dang// so so'i snying pos ming nas dgug/ de goms blo bde gsal spro thim// pad+ma'i lha rnams o~M du bsgom// snod gnas dbyangs ma khengs 'gyur bar// yum gyi tshogs kyang gsal bar gnas// phyag rgya snying po gzugs la sogs// rigs dang mthun pa nyid du bsgom// brtan pa hA~M gyi 'phro 'du ltar// rnam shes byin brlabs ngang du brtags// gzhi rtsa med pa'i sems nyid las// sangs rgyas pad+ma'i sprin tshogs bsgom// phyag rgya gsal ba nye bsnyen pa// 'phro 'du rigs dang mthun par ni// bsgoms nas bzlas dang mngon sum na// sgo ma bzhi yi phyag rgya bcing// rjes su chags pa'i phyag rgya bzhis// rigs dang mthun pa nyid du bsgom// gar mkhan las kyi byin bsdu ba// gzugs ston dbab par bya ba ni// rigs dang mthun pa'i gzugs brnyan la// spyi gtsug kha dang snying ga mtshan// 'bru lngas byin brlabs ma nyid sbyin// de nyid pad+ma'i dkyil 'khor bsgom// de nyid goms las gsang mtshan pa// ma yi tshogs kyi lha rnams bsgom// de nyid hA~M gyi lha rnams te// bdag med mtha' bral mi dmigs las// rang gi ngang tshul de bzung nas// sangs rgyas las rnams tsa na ka/ shes rab yum dang ldan par bsgom// de las rdo rjer byin brlabs te// pad+ma gsang nas 'dzul thabs yin// sbubs su zhugs la de lus dgang// las kyi tshogs kyis khengs pa dang// so so'i snying pos ming nas dgug/ de goms blo bde gsal spro thim// las kyi lha rnams hU~M du bsgom// snod gnas gar mkhan khengs 'gyur bar// yum gyi tshogs kyang gsal bar gnas// phyag rgya snying po gzugs la sogs// rigs dang mthun pa nyid du bsgom// brtan pa hA~M gyi 'phro 'du ltar// rnam shes byin brlabs ngang du brtags// gzhi rtsa med pa'i sems nyid las// sangs rgyas las kyi sprin tshogs bsgom// phyag rgya gsal ba nye bsnyen pa// 'phro 'du rigs dang mthun par ni// bsgoms nas bzlas dang mngon sum na// sgo ma bzhi yi phyag rgya bcing// rjes su chags pa'i phyag rgya bzhis// rigs dang mthun pa nyid du bsgom// dkyil 'khor bzhi bcu rtsa gnyis kyi/ lha rnams mngon du snang ba dang// sgo ba sgo ma mang po dang// dus bzhi'i lha mo mchog dbab dang// lha dang klu yi tshogs bcas las// mngon du smra bar bya bar mthun// rgyal srid dang ni 'khor 'phrog dang// bsdu dang dbang du bya ba dang/ gsad dang bskrad pa'i tshogs bcas dang// bdag 'gro myur du phyin pa dang// nor 'dod pa dang ci bya ba// ting 'dzin 'di yis byed par 'gyur// dus med par ni mchod dang phrad// ces brjod pas 'jig rten drug gi phyogs bcu thams cad byin bsdu ba'i mchod pa chen por gyur to// gsang ba'i snying po de kho na nyid nges pa las byin bsdu ba dang dam tshig dbab pa'i sgyu 'phrul dra ba'i thugs rje zhes bya ba'i le'u ste bzhi bcu gsum pa'o//// de nas dgyes pa chen pos longs spyod chen po rdo rje snying po zhes bya ba'i ting nge 'dzin la snyoms par zhugs nas sgyu 'phrul chen po'i dam tshig mchod pa'i longs spyod ces bya ba 'di de bzhin gshegs pa'i sku dang gsung dang thugs rdo rje sgyu 'phrul dra ba las phyung ngo// rab 'bring tha ma'i blo rnams kyis// nges par bsgom par bya ba ni// rgyal po'i sa 'dzin mchog 'dod pas// gzugs su bri'am rten bcas la// spyi gtsug kha dang snying ga mtshan// goms par dzaHnyid mdog dmar bsgom// de goms gsang nas khong bsdus te// rang lus mdog dmar ngang tshul 'dzin// spyi gtsug kha dang snying ga mtshan// 'bru lngas byin brlabs ba~M du brtags// de goms gar gyi dkyil 'khor bsgom// dzaHzhes rgya bcings drang bya zhing// goms par gsang nas zhugs tshul du// lam nas ngag gi dbang por bsdu// o~M las sangs rgyas tsa na ka/ snod gnas dkyil 'khor khengs par bsgom// ming dang snying po goms pas dgug/mngon sum gsal bar gyur pa na// lcags kyu la sogs mtshan pa yi// rjes su chags pa'i mchod pas bsham// yid la goms pa gsal ba na// gang la bya ba dbang du 'gyur// blon po'i sa 'dzin mchod pas bsham// yid la goms pa gsal ba na// gang la bya ba kha dang snying ga mtshan// goms par dzaHnyid mdog dmar bsgom// de goms gsang gnas khong bsdus te// rang lus mdog dmar ngang tshul 'dzin// spyi gtsug kha dang snying ga mtshan// 'bru lngas byin brlabs ba~M du brtags// de goms gar gyi dkyil 'khor bsgom/ dzaHzhes rgya bcings drang bya zhing// goms par gsang gnas zhugs tshul du// lam nas ngag gi mchog tu bsdu// A~MHnas sangs rgyas tsa na ka/ snod gnas dkyil 'khor khengs par bsgom// ming dang snying po goms par dgug/ mngon sum gsal bar gyur pa na// lcags kyu la sogs mtshan pa yi// rjes su chags pa'i mchod par bsham// de la las su stsal ba na// gang la bya ba dbang du 'gyur// lha mo klu mo rigs ngan mo// yud tsam rtag par 'dod sgrub rnams// ting 'dzin 'di yis byed par 'gyur// dbang phyug lha chen lha dbang po// rgyal chen phyogs skyong mang po la// chung ma bu mo la sogs mtshan// 'dod spyod dbang bar blo 'chang rnams// ting 'dzin 'di yis byed par 'gyur// de yi dgos pa thams cad pa// ma lus kun rdzogs 'grub par 'gyur// ces brjod pas 'jig rten drug gi phyogs bcu thams cad rab tu g.yos kun tu gsal bar gyur nas de bzhin gshegs pa'i longs spyod chen po kun tu snang bar gyur to// de bzhin gshegs pa thams cad kyi sku dang gsung dang thugs rdo rje'i bdag nyid gsang ba'i snying po de kho na nyid nges pa las sgyu 'phrul chen po dam tshig gi mchod pa'i longs spyod ces bya ba'i le'u ste bzhi bcu bzhi pa'o//// de nas thub pa chen po bcom ldan 'das kyis klu'i tshogs bsam gyis mi khyab pa la rgyal po chen po sangs rgyas bcom ldan 'das nyid du snang bar gyur to// gdug pa'i las klu'i tshogs 'dul bar gyur nas sgrub pa chen po la mos pa'i ched du brjod pa 'di brjod do// klu'i tshogs rigs gnyis pa dang// rigs gsum pa dang// rigs tha dad pa dang// phyogs gnyis pa las 'khor du byas pa bsam gyis mi khyab pas khengs pa'i gnas su nyid kyi bsnyen pa che chung la ma gtogs pa yid la dga' ba ci byas kyang mi 'grub cing bar chad byed par 'gyur ba'i phyir gegs bsal ba lnga pa zhes bya ba 'di 'thon par gyur pa 'di ched du gsungs so// sgrub la 'dug pa mi gnas dang// sa gzhi bdag tu dbang ba dang// sgrub pa'i rdzas rnams ci yod pa// gdug pa'i sbrul rnams bsal ba dang// 'khor du gtogs pa mang nyung la// gdug pas zin par mi 'gyur zhing// ljon pa lcug phran la sogs la// gdug pas gnas par mi 'gyur phyir// lnga pa zhes ni rab tu bsngags// bdag gis gdug par mchod pa'i phyir// sgyu 'phrul dra ba'i ting 'dzin las// bdag nyid gdug pa'i mthing gnag mdog/ lag na zhags pa ut+pal 'dzin// mgo la gdengs ka sbrul chen bcu// nyi shu brgya'am stong dang khri// bsam yas dag gi sbrul chen po// kha dog nag po lce gsum 'bar// gdug pa klu yi tshogs mangs pas// 'khor mang 'jigs brjod skyi bung bas// mchog tu phyag rgya 'di bca' bya// mi bskyod rin chen yig 'bru rnams// phral te go ran byas pa na// gdug pa sbrul gyis 'og tu gding// nA ga pu kal nA ga phaT ces brjod// 'di la goms par gang brtsom pas// nga yi cha lugs 'di bzung na// me lce'i tshogs la phung po bzhin// rgyal po chen po'i rgyal chen por// kun la snang bar gsal gyur nas// rang dbang med par 'bros pa dang// de la bran bzhin byed par 'gyur// sa la bdag tu bya ba ni// thog mar sa gzhi rab mnyam ste// o~M dang mu~M gyi tshogs kyis dgang// rin chen pho brang dkyil 'khor las// 'jug pa'i lha tshogs dkyil 'khor bsgom// de la gshog pa rab brkyang ste// rdo rje thal mo drag tu rdab// o~M badzra kro d+ha du na mu ne du nA gats+tsha/ de nas yig 'bru shin tu gshig/ de nas yig 'bru tha ma bsgreng// de nas yig 'bru 'phral bskyed pa// nga yi cha lugs 'di bzung ste// sa gzhi mnyam pa'i dkyil 'khor bsgom// de la shin tu dngangs 'gyur te// phyogs bcu kun tu 'bros par 'gyur// de la bran bzhin byed par 'gyur// 'khor du gtogs pa nga yi 'khor// 'khor mang ji snyed mchog byed pa// gdug pa mang pos gnod bsgrub phyir// rdzas la mes ni rab sbar nas// nga yi snying pos brjod nas 'byung// de la yig 'bru drug brjod na// de la gnod par mi nus shing// gdug pas mchod cing bkur bar 'gyur// de yi nad rnams sos par 'gyur// mngon sum snang ba'i gzugs brnyan dang// mchog dang tha ma 'bring rnams la// gdug pa'i tshogs kyis zhen pa ni// snying gar a~M gyi 'bru rnams te// kha dog dmar po 'bar ba'i nang// gzugs su snang ba kun bzhun te// thub pa'i ngang tshul de bsgoms nas// rin chen yig 'bru yi ge bsam// de la rab tu 'jigs par brkyang// yi ge dang po tha ma mig/ a~M gyi tshogs su 'bar ba gzhan// mi bskyod nyid mas be con 'chang// thod pa'i dbyig par chas nas ni// lce la sngags ni dran pa yis// rgyal ba kun gyis dbang bskur zhing// gdug pa'i klu rnams 'dul 'gyur te// phyogs bcu kun tu 'bros par 'gyur// de la mchod dang bran du 'gyur// o~M mu ne pad+ma sa ma yo gi hU~M hU~M dza dza/ 'di la goms par gang brtson pas// nga yi cha lugs 'di bzung nas// bkur gnas mchod pa byed pa dang// sgrub pa thams cad myur bar 'gyur// gsang ba'i snying po de kho na nyid nges pa las thub pa chen po bcom ldan 'das kyis klu'i tshogs kyi gdug pa'i las 'dul ba'i le'u ste bzhi bcu lnga pa'o//// de nas bcom ldan 'das dpal kun tu bzang pos 'byung po'i tshogs zil gyis gnon pa zhes bya ba 'di'i ched du brjod pa 'di brjod do// sgyu 'phrul dra ba'i dkyil 'khor las// tshom bu gnyis kyi lha rnams bsgom// nga nyid 'dug pa'i gnas bshams te// lo dang zla ba gsum dang lngar// rdo rje dung chen gang ba dang// rdo rje phyag bsnams dril bu la// sngags bzlas ting 'dzin goms par bsnyen// rdzas la tshon gyis mdog bsgyur bzhin// rtags dang mngon du gyur par ro// sangs rgyas rdo rje phyag bsnams nas// khro bo chen po rnam par rgyal// rang gi rang bzhin der bsgyur nas// spyan bgrad mche gtsigs sdang mig 'bar// brkyang bskum rngam pas zhing stengs bsgom// shig shig drag tu gyur pa na// de yi snying po bzlas nas ni// de bsnyen nyams su lon pa yin// de ltar 'grub pa'i rtags rnams ni// gang la dmigs pa'i mdun dag tu// bzhin bzlog mig gis bltas nas ni// lce la drag tu phaT ces brjod// brgyal 'gyur a~M nas dmar rtsi dbab// de las hU~M zhes bya ba yid// dang po'i gnas su 'dus pa na// mchongs par 'dod na langs par 'gyur// sgyu 'phrul dra ba'i dkyil 'khor las// tshom bu gnyis kyi lha rnams bsgom// nga nyid 'dug pa'i gnas bshams te// lo dang zla ba gsum lnga bdun// de yi dung chen gang ba dang// rdo rje phyag bsnams dril bu la// sngags bzlas ting 'dzin goms par bsnyen// rdzas la tshon gyis mdog bsgyur bzhin// rtags dang mngon du gyur par ro// sangs rgyas rdo rje phyag bsnams nas// khro bo chen po gshin rje rgyal// gshin rje khros pa'i rgyal mor sbyor// rang gi rang bzhin der bsgyur nas// spyan bgrad mche gtsigs sdang mig par// brkyang bskum rngam pas zhing stengs bsgom// shig shig drag tu gyur pa na// de yi snying po bzlas nas kyang// o~M zhes pas ni rked par gcad// des ni dbang du gyur par bsgom// sa las gser dang chu las sa// yid dang 'thad pa nyid du ni// ji bzhin ji bzhin 'grub par 'gyur// de las 'dod pa bzhin du nges// de bsnyen nyams su lon pa yin// de ltar nges pa'i rtags rnams ni// ming dang gzugs dang mngon sum na// dbu gsigs sdang mig drag pos blta// o~M gyi rtse mor phaT ces brjod// brgyal 'gyur o~M las dmar rtsi dbab// ngag las a~M zhes bya bas ni// bzlas brjod bcas de bdag nyid bstim// de nas 'dod pa bzhin du nges// de bsnyen nyams su len pa yin// de ltar nges pa'i rtags rnams ni// ming dang gzugs dang mngon sum la// bzhin bzlog mig gis bltas nas ni// o~M las drag tu phaT ces pas// brgyal 'gyur a~M las dmar rtsi dbab// de las hU~M zhes bya ba yis// dang po'i gnas su bsdus pa na// 'tsho bar 'dod na langs par 'gyur// sgyu 'phrul dra ba'i mngon rdzogs pa// byang chub mchog gi kun ngo bo// phyag rgya bzhugs yun la sogs pa// gcig bu cha yi ting nge 'dzin// rdo rje dung chen gang ba dang// rdo rje phyag bsnams dril bu la// sngags bzlas ting 'dzin goms par bsnyen// rdzas la tshon gyis mdog bsgyur bzhin// rtags dang mngon du gyur par ro// sangs rgyas rdo rje phyag bsnams nas// khro bo chen po rta mchog dpal// rang gi rang bzhin der bsgyur nas// spyan bgrad mche gtsigs sdang mig bar// brkyang bskum rngam pas zhing stengs bsgom// shig shig drag tu gyur pa na// de yi snying po bzlas nas kyang// o~M zhes bya bas rked par gcad// des ni dbang du gyur par bsgom// sa las gser dang chu las sa// yid dang 'thad pa ji lta ba// ji bzhin ji bzhin grub par nges// de la 'dod pa bzhin du 'gyur// de bsnyen nyams su lon pa yin// de yi grub pa'i rtags rnams ni// ming dang gzugs dang mngon sum na// dbu gsigs sdang mig drag pos blta// a~M las drag tu phaT ces pas// brgyal 'gyur o~M las dmar rtsi dbab// de las hU~M zhes bya ba yid// dang po'i gnas su bsdus pa na// mchongs par 'dod na langs par 'gyur// sgyu 'phrul chen po de nyid las// sangs rgyas rdo rje phyag bsnams pa// khro bo chen po bdud rtsi 'khyil// bdag nyid rang bzhin der bsgyur nas// spyan bgrad mche gtsigs sdang mig bar// brkyang bskum rngam pas zhing stengs bsgom// shig shig drag tu gyur pa las// mgyogs par phyogs su song ba na// de yi snying po mchog bzlas nas// hU~M zhes pas ni bskul ba yis// dang po'i gnas su phyin par byed// des ni dbang du gyur par bsgom// de las sna tshogs ci 'dod par// thams cad thams cad grub par 'gyur// de bsnyen nyams su lon pa yin// o~M la drag tu phaT ces pas// gang la bya ba mngon bsam nas// se gol snol mar gtogs pa yis// brgyal 'gyur o~M las dmar rtsi dbab// yid la bsgoms pas langs par 'gyur// gsang ba'i snying po de kho na nyid nges pa las sgyu 'phrul chen po rab tu rgyal bar byed pa dam tshig mchod bkod pa'i le'u ste bzhi bcu drug pa'o//// de nas bcom ldan 'das dgyes pa chen po'i spyan sngar dregs pa chen po dang/ dbang phyug chen po dang/ rgyal po chen po bzhi dang/ phyogs skyong bar gyur pa sde dpon dang chung mar bcas/bran dang g.yog dang yang g.yog gi rab tu 'jigs pa dang bcas pa'i sems kyis gus par dam bcas shing// rang rang gi dkyil 'khor dang/ snying po zhes bya ba 'di mgrin gcig tu yang smras so// dregs pa 'khor bcas dkyil 'khor dang// lus dang ngag yid dbul ba ni// 'khor g.yog bye ba drug cu rnams// keng rus gsar rnying gnas su gyur// rlon pa sha khrag tshogs la spyod// thod par 'thung za med pa'i nang// mdung thung ral gri dgra sta dang// zhags pa dbyig pa zor ba dang// lnga dang lda ldi khrag 'thor zhing// gdug pa'i tshogs rnams kun gyis bskor// dgyes pa'i dkyil 'khor 'di rnams la// ming tsam 'dzin par byed pa yis// zhabs kyi mthil du 'di bsgoms te// rang gi snying po 'di brjod na// de bran bzhin du bdag cag bgyid// de yi dgos pa ci yang rung// ma lus rdzogs par bdag cag bsgrub// 'dug nas snying po 'di bzhin dbul// o~M kha~M d+hU ha swA hA/ dbang phyug lha chen dkyil 'khor dang// lus dang ngag yid dbul ba ni// 'khor g.yog bye ba brgyad cu stong// me tog sil ma bkram pa dang// ras stan 'phar ma mang po dang// rin chen bcal dang brdung ba dang// rol mo glu gar rab tu snyan// rin chen khang pa'i gnas su ni// lha mo mang por bdag spyod cing// rin chen snod du bdag cag 'thung// gdugs kyis rgyas par steng nas g.yogs// gzugs mdzes pas ni gda' bar bgyid// rin chen me tog la sogs dang// lha yi me tog phyogs su 'thor// lha yi tshogs mang kun gyis bskor// dgyes pa'i dkyil 'khor 'di rnams la// ming tsam 'dzin par byed pa yis// zhabs kyi mthil du 'di bris te// rang gi snying po 'di brjod na// de la bran bzhin bdag cag bgyid// gtsug tu bzhag nas bkur ba dang// de yi dgos pa ci yang rung// ma lus rdzogs par bdag cag bsgrub// de gzugs ston cing gda' bar bgyid// o~M sarba de bA ma hA u pa ha// rgyal po rnam thos yul 'khor srung// 'khor tshogs stong phrag mang po yi// lus dang ngag yid 'bul ba ni// 'khor g.yog stong phrag bye ba brgya// me tog sil mar bkram pa dang// rgyan mang byug pa gcal bkram pa// sde dpon nyi shu bye ba rnams// ci legs par ni rab tu smra// rim pa che zhing sri zhu gus// mchod par byed cing lugs mchis pa'i// bdag gi 'khor dang bcas pa lags// rin chen bcal dang 'thung ba dang// rol mo glu gar snyan pas brgyan// rin chen khang par bdag mchis shing// bzhon pa dmag mangs 'khor bar mchis// rin chen snod du chang 'thung ba// gdugs kyis brgyan par steng nas g.yogs// gzugs mdzes pas ni gda' bar bgyid// rin chen me tog phyaugs su 'thor// rgyal po'i tshogs mang kun gyis bskor// dri za med pa'i bdag po dang// dbang ldan rlung gi bdag po rnams// 'di bzhin gus par bdag cag bgyid// dgyes pa'i dkyil 'khor 'di rnams la// ming tsam 'dzin par byed pa yis// zhabs kyi mthil du bris nas kyang// rang gi snying po 'di brjod na// de la bran bzhin bdag cag bgyid// gtsug tu bzhag nas bkur ba dang// de yi dgos pa ci yang rung// ma lus rdzogs par bdag cag bsgrub// de la gzugs ston gda' bar bgyid// o~M sid d+ha d+hi d+hi d+hu ho swA hA/ rgyal po mig mi bzang dang 'phags skyes po// 'khor tshogs khri khrag mang po yis// lus dang ngag yid dbul ba ni// 'khor tshogs khri phrag bye ba brgya// me tog sil ma bkram pa dang// rgyan mang byug pa gcal bkram pa// sde dpon nyi shu bye ba rnams// ci legs par ni rab tu smra// rim pa che zhing sri zhu gus// mchod par byed cing lugs mchis par// bdag gi 'khor dang bcas pa lags// rin chen bcal dang btung ba dang// rol mo glu gar snyan pas brgyan// rin chen khang par bdag mchis shing// bzhon pa dmag mangs 'khor bar mchis// rin chen snod du chang 'thung ba// gdugs kyis rgyas par steng nas g.yogs// gzugs mdzes pa ni gda' bar bgyid// rin chen me tog phyogs su 'thor// rgyal po'i tshogs mang kun gyis bskor// gnod sbyin srin po'i tshogs rnams dang// chu bdag gshin rje'i 'khor mang rnams// de bzhin gus pas bdag cag bgyid// dgyes pa'i dkyil 'khor chen po 'di// ming tsam 'dzin par byed pa yis// zhabs kyi mthil du bris nas kyang// rang gi snying po 'di brjod na// de la bran bzhin bdag cag bgyid// gtsug tu bzhag nas bkur ba dang// de yi dgos pa ci yang rung// ma lus rdzogs par bdag cag bgyid// de la gzugs ston gda' bar bgyid// o~M d+ha ka b+hi du b+ha bi shu pa she o~M hU~M/ zhes mgrin gcig tu smras pas// srid pa ji srid pa rnams thugs kyi dkyil 'khor chen po 'dis 'dul bar gyur nas// bcom ldan 'das dgyes pa chen pos sku dang gsung dang thugs yon tan phrin las rdo rje las rdo rje gsang ba'i tshig 'di phyung ngo// a ho/ de bzhin gshegs pa bsam yas snying po bsam yas par// 'bru gtor bsdu ba las ni 'das bzhin bsnyags dka' ba'i// ma nor las chen gcig gis rab tu 'dul 'gyur zhing// de yi bsngags pa'i bka' las 'da' bar nges mi nus// thugs kyi thugs rjes ji srid ma nor lam nyid la// gsang ba'i snying po nges pa sgyu 'phrul mchog nyid pa// nga nyid 'dud 'gyur gzhan lta smos ci dgos// de nyid thugs las sprul pa'i thugs nyid do// ho rdo rje gsang ba'i tshig tu'o// gsang ba'i snying po de kho na nyid nges pa las shin tu 'dul bar gyur pa gnas dang/ snying po dbul ba'i le'u ste bzhi bcu bdun pa'o//// de nas bcom ldan 'das dgyes pa chen po'i bdag nyid dpal khrag 'thung chen po'i spyan sngar dregs pa chen po dang/ dbang phyug chen po la sogs pa 'jig rten pa'i tshogs kyis/ de bzhin gshegs pa'i byin gyis brlabs kyis sems 'dun pa chen por gyur te/ched du bstod pa'i glu 'di mgrin gcig tu smras so// e ma'o ya mtshan 'phrul chen gyi// sangs rgyas rdo rje'i rang bzhin dpal// dug dang bdud rtsi khyad med par// dag pa'i rang bzhin rnal 'byor thugs// kun tu bzang po rdo rje'i sku// ye shes lnga yi khro rgyal gtso// khrag 'thung 'jigs byed he ru ka/ sangs rgyas mtha' yas 'gro ba rgya mtsho 'dul// thugs rje bsam yas khro rgyal kun gyi gtso// khrag 'thung kun las ches 'phags yid bzhin mdzod// ser gnag mthing gnag ljang gnag dmar gnag dang// sngo gnag ri rab lta bur brjid pa'i sku// bskal par bcas pa'i me ri'i dbus gnas pa'i// ro tshogs mang po'i dkyil nas zhal rngam pa'i// bsod nams lus bsdus rdo rje mi zad pa'i// skar tshogs mang la nyi zla'i 'od bzhin du// che btsan dregs pas 'jigs pa'i tshogs kun 'joms// mtshungs med cho 'phrul khyad par rab ston cing// 'dod pa'i dbang phyug gar gyi tshul du bzhugs// za byed brkam pas thugs sku gsung gi zhal// khrag mtsho mtha' med skems shing sgal tshigs 'joms// khro gnyer snying 'dren 'jigs byed glog ltar 'gyu// dur khrod 'bum gyi dbu smug 'jigs par brjid// 'khor ba'i rtog pa 'jig mdzad thod rlon phreng bas bsgegs// rol phyir rtse mor snang bas a a ha las bzhad// rang nyid che bas dbang rdzogs rgyal bas dbu la brgyan// smin ris khro gnyer glog bzhin rab 'gyu bas// phyogs dang mthun pa'i khrag 'thung 'gyed cing sdud// sprul pa de lta bus ni zil gnon pa// 'jigs pas mun pa'i tshogs chen rab bshams kyang// sdang mig spyan ni nyi zla rgyas 'bar bas// 'jigs pa'i tshogs phung sdug bsngal gtan nas sbyong// khros pas zhal gdangs so chen gtsigs 'bar bas// srid pa'i rtse nas dmyal khams snyegs pa ltar// 'jig rten dus gcig ming mdzad lam drug gtan nas gcod// ye shes phyag bsnams phyag mtshan 'bar ba yis// srid gsum ma lus rdul phran stongs par mdzad// rkan sgras rol pas 'gro la pheg brdabs bzhin// khams gsum kun la chas ston rgyas par mdzad// zas su khrag 'thung rdo rje che mchog gsol// 'jig tshogs sad pa'i ko rlaun g.yang gzhi bsnams// klu 'dul yon tan sbrul nag stong gis bklubs// 'jigs bcas klu yi tshogs kyang zhabs 'og mnan// 'dod chags 'dul ba 'dod chags kun gyi gtso// 'dod chags chen po 'dod chags nyid kyi sku// mang po'i 'khor bcas 'jigs pa'i 'khor du byas// zhe sdang 'dul ba zhe sdang kun gyi gtso// zhe sdang gdug pa zhe sdang kun gyi sku// 'jigs pa'i tshogs rnams zer gyis kun bzhu ba'i// rab tu brjid pa 'jigs pas 'jigs pa'i gzugs// gti mug 'dul ba gti mug kun gyi gtso// gti mug blo sel gti mug chen po'i sku// mi 'byed khrag 'thung sran chen ri rab brtan// nga rgyal 'dul ba nga rgyal kun gyi gtso// 'jigs tshogs sad nas ro tshogs mang gi gnas// zhabs bgrad mche gtsigs chog pa'i dus mtha' med// 'jigs pas phebs par dga' zhing shin tu sdang// phrag dog 'dul ba phrag dog kun gyi gtso// phrag dog che mchog phrag dog chen po'i sku// bud med kun bsdus dkyil 'khor dbus gnas shing// lam nor gdug par bcas pa phaT kyis gsod// zhing gi sham thabs gdug pa 'dul bar bsnams// sku 'dra 'jigs tshogs gzugs kyis sku la brgyan// zhabs dang phyag tu gyur pa bsam thag chad// zhabs chen g.yon mang brkyang bas lha gnon bdud la khyab// zhabs g.yas thabs chen mang pos dbang sdud 'dor zhing bskum// rdo rje se gol phyar brdabs gnyid cher rab sel mdzad// 'od chen dbus nas glog chen rab 'gyu ba'i// 'jigs par gong na med pa'i dpa' bo khyod// zas ngan bdud rtsi sbyor ba'i sman chen bdag/ 'jigs byed khyod lta bu ni rab tu dkon// bskal par bkrus kyang slar skye dri ma la// ye shes nyi zer 'od kyi byin brlabs dang// thugs rje dag pa'i char gyi cho 'phrul gyis// brda tsam yud la rmongs 'khrugs las sbyor zhing// shi ba'i lam 'gog shes rab dkyil 'khor du// skye ba gtan nas sbyong ba'i thugs rje 'char// byams sdang mi mnga' bka' drin chen po'i gter// khrag 'thung sku gsung thugs la phyag 'tshal lo// gsang ba'i snying po de kho na nyid nges pa las bka' drin dran pa'i glu zhes bya ba'i le'u zhes bya ste bzhi bcu brgyad pa'o//// de nas bcom ldan 'das dgyes pa chen pos/gsang sngags kyi rgyal po 'di brtan zhing mi 'gyur ba dang/ 'jig rten gyi khams su gnas par bya ba'i ched du 'byung po rnams kyi/ jo mo'i yang jo mo// mi srin mo chen mo// mi srin mo dang/ tshangs ma dang/ 'khrug mo dang/ dbang mo dang/ 'jug sred ma dang/ gzhon nu ma dang/ dmar mo dang/ bdud rtsi mo dang/ zhi ba mo dang/ be con mo dang/ srin mo dang/ za ba mo dang/ dga' ba mo dang/ ra ro khrag 'thung myos dang/ gcig pu spyod dang/ yid 'phrog ma dang/ grub mo dang/ klung mo dang/ gsod byed mo dang/ mi mo dang/ phag mo dang/ rgan byed mo dang/ sna chad mo dang/ chu lha mo dang/nag mo chen mo dang/ ra mgo dmar ser chen mo dang/ bum rna sngo gnag chen mo dang/ gsus 'dzin ser gnag chen mo dang/ rgyal mo dang/ blon mo dang/ sde dpon mo dang/ g.yog dang yang g.yog dang/ bran dang/ yang bran la sogs pa/ slas dang byi mo dang/ bran mo rnams la ched du brjod pa 'di brjod do// gsang ba'i snying po nges pa 'di// gsang sngags kun gyi rgyal po yin// thabs chen mtshon pa'i shes rab ni// sgyu 'phrul dra ba'i snying po dang// gsang ba rgyud ni mang po rnams// nga yi thugs las sprul pa yin// tshangs pa dang ni brgya byin dang// dbang phyug chen po la sogs pa// sde dpon 'phrog ma'i yul rnams dang// lus 'phags ba lang spyod pa dang// sgra mi snyan dang 'dzam gling du// nga yi thugs kyi snying po 'di// phyogs bcu kun tu spel ba dang// de yi gzugs la gtad pa ni// yid bzhin mdzod 'byor bka' yi gnas// phyi nang theg pa bstan bcos dang// stong phrag brgyad cu rtsa bzhi rnams// spyod dang bsgom dang bzlas pa dang// sdom pa kun la mkhas pa yis// bsgoms pa sran dang chos phyogs dang// bstan pa 'dzin par nus pa yi// gsang ba'i snying po mchog tu gtad// gzhan la bsnyad par ma yin no// mi 'khrug blo zab rkyen thub cing// yid bzhin sbyor bar mos pa la// rtsa ba yan lag dam tshig bstan// zla dang bcas pas dam tshig che// sbyor ba gnyi ga mkhas pa dang// lung dang tshad du ldan thub dang// gzhan la bsnyad par mi byed cing// bstan pa mchod par byed pa'o// nye ba bsnyen pa dam tshig la// bsgrub pa bsnyen pa nye bsnyen pa// ci nus par ni shin tu brtson// sems can ngang tshul kun bor nas// gang gi yid kyang mi 'khrugs shing// mchod pa tshogs la stobs la rub// bud med 'gugs pas gtso la dbul// zung thub gsang la mkhas pa yis// nges pa can la shin tu gtad// gzhan du bstan par mi bya'o// thogs med phyal bar 'dod po spyod// bud med yon tan kun yod cing// 'dod chags kun dang mthun spyod la// rtsa ba dang du blang ba dang// 'tsham par lha yi sku bstan te// nye bsnyen gsang ba'i man ngag rnams// nams kyang sbyin par mi bya'o// de la sbyor stangs de bstan nas// gzhan ni bstan par ma gsungs so// dad ldan srun cing blo rno ba// dad pa che zhing chos la gus// chags par ran pa bka' nyan cing// gnas pa dga' zhing lung nyan pa// rtsa ba yan lag dam tshig sgrub// mchod pa'i gnas shom sdom pa srung// bsnyen pa la ni byin phab nas// gsang sngags tshogs kyi mchod gnas su// nga yi gsang ba byin phab ste// thogs pa med par mngon sum la// sbyor ba'i thabs ldan mnyam sbyor ba// dkyil 'khor bzhi bcu rtsa gnyis kyi// bdag nyid mnyes pa'i mnyam sbyor zhing// mnyam pa'i grub pas tshogs la mchod// dam tshig mi ldan spyod rtsing dang// gting nas bstan pa mi 'dzin la// 'dod chags spel bar mi byed cing// gsang ba'i snying po de kho na// nges pa'i don ni mi ston la// nga yi dbang dang bslab pa rnams// rim pa bzhin du rab tu sbyin// rigs ngan pho mo 'dod spyod ni// spro thung 'dod chags rab tu che// blo zhan phrag dog sgro skur can// gnyid che chang dad brtson grus chung// slob la mi gus nan tan med// slob dpon mi dran spun sems chung// gal te dam la gnas na yang// nga yi gsang ba 'dzin pa la// mngon du dga' bar mi nus te// lta zhan bka' las 'das pa dang// grol ba dka' zhing nus mthu zhan// mun dang lkog dang skye bo la// gar dang phreng bar 'dod spyod cing// 'dod chags 'ga' lam de dag la// tshig rnams gsang ba smra byed pa// dngos kyi don dang mthun pa las// gsang ba'i snying po sbyin mi bya// bskal pa'i 'jig rten bar du yang// thugs kyi bde ba mi spro zhing// nams kyang bstan par mi bya'o// 'jig rten 'dod pa dga' rnams phyir// gal te rmongs pas byin pa ni// rims dang nad kyis srog bcad de// rtsa ba yan lag spangs pa yin// bsregs dang sbrabs par yun ring gnas// zhes brjod pas srid pa mtha' dag gi bud med kyi tshogs rnams dam tshig 'dis 'dul bar gyur te// de nas bcom ldan 'das dgyes pa chen po sku gsung thugs dang yon tan phrin las rdo rje las rdo rje gsang ba'i tshig 'di phyung ngo// e e ma// e ma'o chos rnams sgyu ma yi// ngang nyid bud med gsang ba sngags pa yi// lnga drug dus btab snang srid 'byung ba'i gter// yang dag lam rnyed mngon par kun gnas kun tu gnas// chos mang chos nyid mnyam pa'i phyag rgya ji snyed las// las ngan dge ba'i cho 'phrul lam chen 'di// kun gyi khyad par nyid ni bud med bde ba gcig pu yin// chos kun de nyid yin phyir dman pas mi smad 'tsham par bstan// sgyu ma 'byor pa nyid ni bder gshegs nyid yin rab tu gsal// rdo rje gsang ba'i tshig tu'o// gsang ba'i snying po de kho na nyid nges pa las dam tshig chen pos bud med btul ba'i le'u ste bzhi bcu dgu pa'o//// de nas bcom ldan 'das dgyes pa chen pos mnyes pa'i mchod pa 'di ched du brjod do// de la mchod sbyin chen po ni// thog mar bdag nyid rtogs goms bsgral// de nas gnyis med blo yis ni// blo ngan 'jig rten snying re rje// gnyis su med par bsgral bar bya// 'khril ba'i mchod chen mnyam sbyor bas// bdag nyid mnyes pas mnyes par bya// mnyam pa'i grub rdzas chen po dag/ bdag dang mnyam pa'i tshogs la 'bul// bza' dang bca' dang btung dang bgo/ longs spyod lnga ldan thams cad ni// dkyil 'khor la ni dkyil 'khor thim// phyogs bcu dus bzhi gshegs pa yi// bder gshegs yon tan rmad po che// gzhan na yod pa ma yin na// lha srin la sogs smos ci dgos// rnal 'byor las su rung rnams kyis// phyag rgya chen po rdzogs gyur cing// gsal ba'i yid gnyis med pa ni// dkyil 'khor chen po 'bar bar 'gyur// zhes brjod pas/ mnyes pa chen pos 'jig rten drug gi phyogs bcu thams cad khyab par gyur to// gsang ba'i snying po de kho na nyid nges pa las mchod sbyin gyi le'u ste lnga bcu pa'o//// de nas bcom ldan 'das dgyes pa chen pos don yod par bya ba'i phyir// dam tshig chen po ched du brjod do// bla med theg par nges gyur pas// nyon mongs las rnams kun spyod kyang// byas la mi sogs tshogs gyur te// tshul khrims sdom pa phun sum tshogs// bla med mchog gi dam tshig tu// 'dul ba'i dbang du tshul khrims dang// ji snyed sdom pa bsam yas pa// ma lus kun 'dus rnam par dag/yod med dbu ma'ang mi dmigs shing// sgyu ma mig yor lta bu'i tshul// srog med srog gcad gcad du med// srog dang skyes bu log rtogs tsam// bden pa gnyi gar dbyer med pas// 'phrul dga'i tshul te tha dad min// gzhan dang ma byin med pa'i phyir// blangs med thams cad nyid kyi dbyings// chos rnams sgyu ma lta bu dang// ming dang tshig tu btags pa brdzun// brdzun nyid la ni brdzun spyod pa// brdzun zhes btags tsam yod ma yin// ma chags pa la chags pa dang// chags pa nyid na chags med pa// de ni tshangs mchog rgyal po ste// shin tu chags pa chen po yin// bla med mi spang bla ma bkur// sngags dang phyag rgya rgyun mi gcad// yang dag lam du zhugs la byams// gsang ba'i don phyir smra mi bya// 'di ni rtsa ba lnga rnams te// bsgrub dang bsrung ba'i dam tshig mchog/ gti mug chags dang zhe sdang dang// nga rgyal phrag dog mi spang ngo// dkar rtsi dmar rtsi dri sha chen// dag pa'i snod du mi dor ro// yan lag bcu yi dam tshig mchog/ ye nas dag mnyam rtog pas spyad// bsrung zhing bsgrub pa'i dam tshig lnga// rtsa ba yin te rigs med 'gyur// mi spang mi dor lnga gnyis ni// yan lag dam tshig 'da' dka' ba'o// mnyam la mnyam par sbyor ba yi// mnyam pa'i dam tshig la gnas na// mnyam rdzogs chen po thob par 'gyur// 'das na sangs rgyas ma yin no// rtsa ba nyams pa'i phyal pa dag/ gso la nye bar mi brtson dang// skad cig yud tsam smra ma byed// nyams 'gyur nyes pa brjod mi lang// rtsa ba'i dam tshig nyams gyur na// bsgrub pa thams cad log par 'gyur// yid du mi 'ong sna tshogs pa'i// 'bras bu mi 'dod bzhin du 'du// yan lag dam tshig nyams gyur na// 'bras bu med cing ngan 'gror ltung// dam tshig rnams ni rdo rje che// sangs rgyas kun gyi bdag nyid yin// rtsa ba'i dam tshig lnga la ni// gcig la'ang gnyis dang bcu phrag gsum// yan lag dam tshig lnga gnyis la// gcig la bcu phrag gnyis su dbye// dam tshig 'di ni rmad po che// 'jig rten drug gi phyogs bcu na// srid gsum 'gro ba ji snyed pa'i// rtog 'dul dam tshig de snyed spro// gzhan yang rgyal mchog kun bzang gi/ thams cad ma lus phyag rgya yi// bsgrub med dam pa ma lus 'grub// de la sogs pa mtha' yas mchog/ rgyal ba'i rigs mchog 'dzin pa ste// 'jig rten gtso dang 'khor gyis bkur// dam pa'i mchog dang dam pa yis// sras dang spun dgongs byin gyis rlob// bder gshegs nyid kyi yul la bzhugs// 'jigs med kun tu bzang por sbyor// ji bzhin nyid dang 'dul ba'i thabs// ji snyed sdom pa bsam yas pa// ma lus rnam dag lhun gyis 'grub// nyams na bskangs pas rdzogs pa dang// de la sogs pa bsam yas mchog/ ces brjod pas/ de bzhin gshegs pa nyid debazhin gshegs pa nyid la 'dul bar gyur to// gsang ba'i snying po de kho na nyid nges pa las dam tshig gi le'u ste lnga bcu gcig pa'o//// de nas de bzhin gshegs pa rgyud kyi rgyal po sgyu 'phrul dra ba las/ sngags 'chang rnams don yod par bya ba'i phyir// dam tshig sum brgya pa'i rtsa ba mdor bsdus nas// sngags 'chang rnams kyi don ched du brjod pa 'di brjod do// phyogs bcu'i 'jig rten rdul snyed du// log rtogs mi bzad rdul phran snyed// rtog 'dul gnyen po bsam mi khyab// 'dul ba sdom pa bsam yas dang// rdo rje theg mchog mang po kun// nyid las g.yos shing spros med kyang// rang rig 'khrul pa'i rtog pa yis// lta ba mtho dman bsam mi khyab// de 'dul don phyir 'tsham par bstan// yang dag nyid dang log rtogs gnyis// ngo bo nyid kyis gnas gyur nas// de la bcos shing bsgyur du med// ye nas ngo bo nyid med na// nyon mongs spangs shing don bsgrub med// thams cad ma lus ro gcig 'gyur// kun rdzob chu zla ltar yin pas// cir yang 'gyur zhing cir yang 'grub// rnal 'byor de nyid rtogs pa yis// don dam skye 'gag med pa ste// kun rdzob sgyu ma cir yang 'grub// ces rdo rje gsang ba'i tshig tu'o// sgyu 'phrul dra ba las dam tshig sum brgya drug bcu pa'i rtsa ba bco lnga pa mdor bshad pa'i le'u ste lnga bcu gnyis pa'o//// de nas bcom ldan 'das de bzhin gshegs pas/ thugs rdo rje rol pa'i ting nge 'dzin la snyoms par zhugs nas/ched du brjod pa 'di brjod do// nam mkha'i mkha' dkyil dang ba yi// yid bzhin sprin tshogs rnam pa 'byung// sna tshogs 'byung zhing 'od 'phro 'bar// ra~M/ srid gsum sreg pa'i me yin te// yid kyi ye shes me ru 'bar// ha~M/ dbang po dang ba'i dkyil 'khor du// spyod yul rdzas rnams bsdus nas ni// lhan ne lhang nger 'od du zhi// a/ zhi 'gyur dbyings nas phyag rgya 'bar// thugs rje byin brlabs rmad po che// hU~M/ 'gro ba sna tshogs don byed pa// 'di ni byang chub mchog tu gsungs// ho/ bzhi po 'joms shing ngan song sbyong// trAM ta/ sman bcud len gyis dug sbyong bzhin// phyi dang nang gi dri ma dag/bdag med gnyis kyis dag par byed// hri/ gsal zhing gzhag par bya ba med// nyi ma shar ba'i 'od bzhin du// snang dang mi snang gnyi ga med// de bzhin mnyam gnyis ye shes kyis// thams cad rgyal ba'i zhing du sbyor// auM/ rang rig ye shes rgyal po yis// phyogs bcu khams rnams dbang bsdus nas// thams cad mi dmigs dbyings su thim// thams cad khro bo'i tshogs su 'gyur// rtog pa rnam bzhi mi dmigs dbyings gyur pa// shes rab yum gyi mtshan nyid dbyings su thim// thabs dang shes rab gnyis med dbyings gyur pas// chos rnams thams cad dbyings kyi khro bo khro mor 'gyur// a ho rdo rje gsang ba'i tshig tu'o// gsang ba'i snying po de kho na nyid nges pa las chos thams cad khro bo dang khro mo'i rang bzhin du gyur pa dang/ rang rig pa'i ye shes kyi mes sbyong pa'i le'u ste lnga bcu gsum pa'o//// de nas de bzhin gshegs pa thams cad ma lus pa thams cad kyi rgyal po'i 'bar ba'i thugs rjes gtum 'khrugs ging tshogs chen por bsgyur nas/thams cad 'od dpung 'phro zhing 'bar bar bstan pa ched du brjod pa 'di brjod do// sgyu 'phrul dra ba bstan pa yis// phyogs bcu'i zhing khams ma lus par// bru~M dang tsakra'i 'khor lor sprul// 'od 'phro 'bar ba'i tshogs chen hU~M/ gtum chen dus mtha'i me ltar 'bar// ra~M/ nyi ma'i thod sbrul mang po'i gzi// khro gnyer glog stong 'gyur ba bzhin// rngam pa'i nga ro 'brug stong ldir// phaT/ khros pa'i sprin chen phyogs bcur 'bar// khros pa'i me dpung rdo rjer 'bar// rdo rje 'khor lo brtsegs par 'bar// tsakra/ khro bo khro mo'i tshogs kyis bskor// gnas dang yul gyi phyag rgya mdzes// ha he/ slas dang bran mo byi mo'i tshogs// rang gi stan dang mal cha dang// ci bgyi zhes te chas te gnas// sti ra'i rgyu ma'i zhags pa dang// nr-i yi tsit+ta za zhing rgyug/ shin tu rngam pa'i gzugs su gnas// ral pa mun dza cod pan 'bar// phyogs bcur khebs pa'i gshog pa gdengs// rdo rje gtams pa'i brag ri 'bar// ra~M// so so'i rig sngags skad gdangs dang// skad dang nga ro drag tu 'don// hU~M he he phaT b+h+yo ru lu/ khro bo chen po tshogs pa yi// dkyil 'khor chen po'i zhal 'bar ba// bdag nyid gnyis su med par bsgom// so so'i rang sngags bzlas nas su// rgyud drug sems can thams cad las// ma rungs gdug pa thams cad du// dzaHhU~M ba~M hoHsa bkug nas ni// lan gsum lan bdun zhal du bstim// lha yang rung ste brlag par 'gyur// hoH/ gzhan yang mchod pa'i zhal zas ni// 'byor pa rnam pa kun gyis mchod// nr-i yi tshil dang tsha ba'i mar// dmar gyi ar+g+ha rgyun du dbul// a hoH/ yang na lan gsum brgya rtsa brgyad// stong ngam 'bum du dbul bar bgyi// nag po'i tsher ma dug shing ngam// gzhan yang bsreg rdzas gdug gsum dang// gnon pa'i cho ga kun gyis bya// sgyu 'phrul dra ba las thugs rje rol pa'i dkyil 'khor spyir bstan pa'i ho~MH/o~M hU~M trA~M hrIHAH/ gsang ba'i snying po de kho na nyid nges pa las ho~MHthams cad ma lus par 'dir 'dus pa'i le'u ste lnga bcu bzhi pa'o//// de nas de bzhin gshegs pa khros pa'i rgyal pos sgyu 'phrul dra ba bstan pa las khro bo rngam pa'i tshogs su bsgoms nas ched du brjod pa 'di brjod do// byang chub mchog gi snying po ni// mtshan mas btsal ba ma yin gyi// dag pa rnam gsum ma nor zhing// rang rig rgyal po goms pa yis// byang chub mchog 'di rnyed par 'gyur// drag po gtum po bsgrubs pa ni// b+ha ga la ni ling+ga bzhag/ mtshan ma ming du bcas par bya// khro bo'i zhal ni gang yang rung// lan gsum lan bdun rtag bsgoms shing// mngon du byung ba'i zhal 'bar te// bdag nyid dkyil 'khor lhar gyur nas// ling+ga yang nas yang bsdus te// dbyings kyi dkyil du bstim par bya// hU~M gis bsdu zhing phaT kyis 'phang// zhal gyis rang sngags khri 'bum du// rnam gsum tshul gyis bzlas nas su// yang nas yang du gsol bar bya// 'gro lnga sems can thams cad kun// dbang med zhal du thim par 'gyur// ya ma ya yang lhag par mdzes// sku mdog dud ka la sogs dang// mche gtsigs khro gnyer gtsigs pa dang// zhal bgrad phyag rgya 'bar ba dang// gang la sogs pa bsgom par bya// bdag nyid 'dzin pa'i phyag rgya ste// mtshan ma bzung nas rang sngags don// mngon par dbang pos bltar yod par// ril bu bsdus nas dbyings su mchod// the tshom med par 'grub par nges// dam pa'i chos 'jig ma rungs pa// dpa' bos dgos pa yod pa'i phyir// kun la phan pa de gyis shig/ hoHhU~M dzaHdang phaT dang spo la sogs// 'dren pa'i mchog tu des gsungs so// mtshan ma ming du bsdus pa yang// ji ltar sngon gyi de bzhin du// smon pa byang chub lam du gzhug/ mtshan ma'i bag chags med par bya// dbyings nas spro zhing a la bstim// a ho// thugs nyid la ni thugs brjod do// sgyu 'phrul dra ba las shin tu gsang ba'i khro bo nye bar bstan pa'i le'u ste lnga bcu lnga pa'o//// de nas de bzhin gshegs pa khro bo'i rgyal po las thams cad rdo rjer bsdus nas ched du brjod pa 'di brjod do// dag pa rnam gsum tshul bsgoms shing// sgyu 'phrul dra ba bstan par gnas// thams cad hU~M du bsdus nas ni// dkyil 'khor gru gsum 'bar bar bsgom// me dpung 'bar ba'i tshogs chen du// me lha ag+ne dzaHsa bkug nas// ra~M zhes bya ba'i me sbar te// khro bo'i dkyil 'khor ma lus kun// zhe sdang rdo rjer bsgom par bya// hU~M gtum po'i tshogs chen rab tu 'bar// dud ka nag po'i mdog 'dra la// 'bar ba'i 'od zer mang por 'khrugs// nyi ma'i thod sbrul mang pos brgyan// seng ge glang chen stag rngam dang// phyag rgya sna tshogs 'bar ba bsnams// phaT dang hU~M dang ha la sgra// skad drag phyogs bcur nam mkha' 'khrug/ phaT/ khro bo khro mo'i tshogs kyis bskor// yul dang gnas kyi phyag rgyas mdzes// ha he/ slas dang byi mo bran mo dang// b+h+yo/ ci bgyi la sogs tshogs kyis bskor// so so'i stan dang lag cha dang// rngam pa'i nga ro rang sngags sgrogs// mi sdug gtum pa'i gzugs can dang// shin tu khro bar bsgom par bya// bdag nyid phaT kyi ngang nyid du// gsal 'dres blo goms rtag tu bsgom// dzaHhU~M ba~M hos bsdus nas su// rgyud drug sems can kun bsdus nas// khro bo'i tshogs la dbul bar bya// lha yang rung ste brlag par 'gyur// yo byad gzhan ni spyi dang mthun// gzir ba'i thabs kyang gong ma bzhin// mchod pa'i grangs kyang spyi dang mthun// AH/ gzhan yang dkyil 'khor bsam yas kyi// hU~M/ zhal gdangs spyan bgrad khro zhal bsgom// rdo rje gtan pa gdengs pa dang// thod pa lcags kyu rnams kyis bskor// hU~M sgra drag po'i tshogs kyis 'bar// 'dzin pa'i phyag rgyas bkug nas su// zhal du bstims na lhag par 'grub// rdul cha tsam yang med par byed// 'khor gyi tshogs kyang snga ma bzhin// bskang ba'i tshul du sbod gtong bya// hU~M/ gtum po dmar po mchu rings po// 'bar ba rdo rje phreng bas bskor// 'od chen 'bar ba 'phro ba yis// 'jig rten khams rnams dus gcig brngubs// hU~M// khro bo'i tshogs kyis sngags rnams dang// gnas dang yul gyi phyag rgya dang// slas dang byi mo bran mo'i tshogs// so so'i rang sngags rdzogs par 'don// ha he b+h+yo/ gzhan yang bstod tshig 'di dag gis// hU~M rdo rje thugs rje byin brlabs kyis// 'jig rten khams ni kun bkang ste// gtum 'khrug ma lus thams cad kun// rdo rje mthu yis btul bar gyur// hU~M rdo rje zhe sdang 'khor bcas pas// 'jig rten khams ni rab 'byam kun// skad cig yud la rlag mdzad de// brlag par ma gyur gang yang med// sgyu 'phrul dra ba las drag po hom gyi le'u ste lnga bcu drug pa'o//// de nas de bzhin gshegs pa khro bo'i rgyal po pad+ma sdud pa zhes bya bas/ 'gro ba mang po'i don gyi phyir ched du brjod pa 'di brjod do// shes rab thabs su sbyor ba yis// thams cad ma lus dbyings su bsdus// dbyings nas ye shes 'od 'phro 'bar// thams cad ma lus dbyings su sbyor// hrIH/ dkyil 'khor zla gam gdengs pa las// 'od zer mang po rab 'bar dang// rdo rje lcags sgrog bsdams pas bskor// gzhan yang rgyan gyi dam pa mchog/ kun gyis de la brgyan cing bskor// me lha spyan drangs snga ma bzhin// khro bo'i dkyil 'khor ma lus kun// pad+ma rigs kyi khro bor bsgom// dmar smug drag po'i mdog dang ni// gzhan yang sprul pa mang po yi// phyogs bzhi mtshams bzhi steng 'og bskor// rngam pa rang sngags drag tu sgrogs// hrIH/ bdag nyid ma chags rdo rje ste// dkyil 'khor gong ma gsal bsgoms nas// phyogs bcur 'gro ba thams cad dang// gdug pa yid can ma lus kun// dzaHhU~M ba~M hoH/ s+pho Tas bkug nas su// dkyil 'khor la ni dbul bar bya// dgongs pa grub cing ngan song sbyong// hrIH/ gzhal yas dkyil 'khor mang po'i tshogs// dkyil 'khor pad+ma'i zhal 'dra la// tha ma pad+ma ljon shing dang// pad+ma rdo rje 'od 'bar bsgom// gzhan yang rgyan mchog mdzes pa yis// dkyil 'khor kun la mdzes par brgyan// bdag nyid pad+ma'i lhar gyur pas// mchod pa lha rdzas sna tshogs dang// zhal zas bza' btung mchog rnams dang// dmar po'i shing dang dri zhim pa// lan grangs gong du smos pa bzhin// rtag tu mchod pa byas na ni// 'jig rten 'di dang 'das pa yi// ci 'dod las de grub par 'gyur// sngags ni yi ge ra~M dang hrIH/ mdog ni dmar smug 'od po che// phyogs bcu khyab cing hrI la bsdu// dgyes pa'i glu dang gar gyis mchod// hrIH/ rdo rje pad+ma 'bar ba yis// phyogs bcu mtha' klas rab 'byam kun// dpal dang gzi byin tshe la sogs// pad+ma 'bar ba de bsdus nas// sangs rgyas sku dang mnyam pa dang// gzhan yang longs spyod mchog la sogs// ci 'dod las rnams dbang du 'gyur// lha srin la sogs smos ci dgos// hrIH/ 'dod chags rdo rje 'khor bcas pas// 'jig rten khams ni rab 'byam kun// skad cig yud la dbang du bsdus// dbang du ma gyur gang yang med// hrIH/ sgyu 'phrul dra ba las thams cad ma lus par dbang du bsdus te/ dbang gi hom gyi le'u ste lnga bcu bdun pa'o//// de nas de bzhin gshegs pa khro bo'i rgyal po rnam par 'phro ba zhes bya ba'i dkyil 'khor 'di dag nyid kyi dbyings nas phyung nas ched du brjod pa 'di brjod do// bde ba chen po'i dkyil 'khor 'bar// 'od zer 'phro ba mang po 'khrug/bsod nams zhing 'gyur mchog tu 'bar// phyogs bcu nam mkha' gang bar bsgom// rdo rje rin po che yis bskor// rgyal ba'i yon tan mkha' dang mnyam// trA~M/ ye shes phyogs bzhi dbus 'od 'bar// dkyil 'khor zhags pa rin chen bskor// gzhan yang phyag rgya sna tshogs dang// khro bo kun kyang dga' 'phro ste// 'od chen dkar po 'bar ba dang// phyag rgya sna tshogs cir yang sgyur// lha dang lha mo rnams kyis bskor// mchod pa'i yo byad sna tshogs dang// dkar la dri zhim shing rnams dang/ gzhan yang mchod yon thams cad kyis// dkyil 'khor la ni rgyas par dbul// bdag nyid rin chen rab 'bar nas// trA~M/ dkar la yi ge 'od du 'bar// khro bo kun kyang de bzhin te// mngon du gyur pa'i dkyil 'khor du// pA sha hoHdang dzaHhU~M gis// phyogs bcu'i lam lnga kun bkug ste// dbyings su thim par 'od 'phro bsgom// thams cad sangs rgyas zhing dang mnyam// gzhan nas yod pa'ang ma yin te// sgyu ma'i ye shes brtan pa yin// gzhan yang dkyil 'khor bsam yas ni// rin chen dbyings la rdo rje 'bar// dkyil 'khor rgyan gyis 'khor bar bskor// gzhan yang lha dang lha mo yis// phyogs bcu khyab par mchod cing dbul// yon tan rgyal ba'i zhing dang mnyam// trA~M/ glu dang gar gyis mchod par bya// sangs rgyas zhing khams ma lus kun// mchod yon rin chen dpal 'phel gyis// phyogs bcu gang bar rgyas phul nas// rdo rje dbyings kyis rgyas par rol// hoHtrA~M/ nga rgyal rdo rje 'khor bcas pas// 'jig rten khams 'di rab 'byam kun// skad cig yud la rgyas mdzad de// rgyas par ma gyur gang yang med// sgyu 'phrul dra ba las rgyal po rgyas mdzad kyi rgyas pa hom gyi le'u ste lnga bcu brgyad pa'o//// de nas de bzhin gshegs pa snang mdzad khro bo chen pos thams cad kyi dkyil 'khor 'bar ba chen por bsgyur nas ched du brjod pa 'di brjod do// ye shes dkyil 'khor dbus mtha' med// bsam yas lhun gyis grub pa yin// rgyal ba'i dkyil 'khor ma lus kun// bde gshegs nyid la mi zhen shar// o~M dkyil 'khor zlum por 'bar ba las// 'khor lo 'bar bas rab bskor zhing// 'od ni ser por rab tu 'bar// rmad du byung ba'i sku la sogs// bdag nyid chen pos bsgom par bya// dkyil 'khor thams cad 'grub par 'gyur// sa bon yi ge o~M ser te// me lha spyan drangs snga ma bzhin// khro bo'i dkyil 'khor ma lus rnams// kun kyang gti mug rdo rje ste// 'od zer sna tshogs 'phro ba dang// 'khor lo phyag rgya 'bar ba dang// lha dang lha mo'i tshogs kyis brgyan// gdan dang gnas dang dbyings nyid de// rgyal ba'i dkyil 'khor de dag tu// phyogs bcu gnas pa de dag tu// tsakra lcags kyus bkug nas su// dkyil 'khor dbyings su bstim byas nas// gtum 'khrug gdug pa ma rungs pa// lhan ne lhang nge zhi bar 'gyur// o~M gzhan yang dkyil 'khor bsam yas te// dkyil 'khor 'khor lo 'bar ba yi// o~M dang seng ge mgos bskor te// brgyan pa'i rdo rje phyag rgya kun// rdzogs ldan zhi bas bskor bar bya// rgyal po lus mdzes 'khor lo 'bar// rgyan rnams zhi la dkar ba dang// byang chub mchog 'bar lhan ner bsgom// mkha' la rgyu dang bar snang 'phyo// gzhan yang 'gro drug ma lus kun// zhir 'gyur 'di la the tshom med// gar dang glu yis mchod byas te// phyogs bcu'i gdug pa ma lus pa// gdug pa'i yid ni rnam bor nas// lha dkar po yi 'od du 'gyur// bde ldan byang chub 'od 'phro 'bar// gti mug rdo rje 'khor bcas pas// 'jig rten khams ni rab 'byam kun// skad cig yud la zhi mdzad de// zhi bar ma gyur gang yang med// sgyu 'phrul dra ba las thams cad ma lus par zhi bar gyur nas zhi ba'i hom gyi le'u ste lnga bcu dgu pa'o//// de nas de bzhin gshegs pa bcom ldan 'das dgyes pa chen pos lhun gyis grub pa'i dam tshig byin gyis rlob pa zhes bya ba'i ting nge 'dzin la snyoms par zhugs nas ched du brjod pa 'di brjod do// e yi tshogs kyi dkyil 'khor mchog/ 'bar ba gtum chen rngam pa la// khros pa'i yid kyis mchod sbyin bya// sangs rgyas bsod nams sku yang 'jig/ bdud rtsi lnga'am zas lnga la// mtshan ma ming du bcas par bya// bkug nas rdo rje phur pas btab// rdul du byas nas tshogs la dbul// e yi tshogs kyi dkyil 'khor du// lu gu rgyud du sbrel bsdams nas// bcings 'gyur bskyod na phyogs bcur g.yo// myos nas gal te tshig par 'gyur// ba~M gyi tshogs kyi dkyil 'khor mchog/ 'bar ba gzi brjid lhun chen la// chags pa yid kyis mchod sbyin bya// rdo rje gsung yang dbang du 'gyur// bdud rtsi lnga'am zas lnga la// mtshan ma ming du bcas par bya// rdo rje chags pa'i phur pas gdab// chags pa'i tshogs la thim par dbul// ba~M gyi tshogs kyi dkyil 'khor du// lu gu rgyud du sbrel nas bsdams// 'gugs 'gyur ci yang phyi bzhin 'brang// ci 'dod de bzhin 'ong bar 'gyur// ma yi tshogs kyi dkyil 'khor mchog/ 'bar ba 'du 'phro gzi chen la// dga' ba'i yid kyis mchod sbyin bya// yon tan nam mkha'i mtha' dang mnyam// bdud rtsi lnga'am zas lnga la// yon tan yid bzhin gter du brtags// nga rgyal dga' 'phro'i phur pas gdab// rdo rje gzi brjid 'phel bar dbul// ma yi tshogs kyi dkyil 'khor du// lu gu rgyud du sbrel bsdams na// gzi brjid 'bar ba'i 'phrul chen spro// yid bzhin nam mkha' gang bar 'gyur// ya yi tshogs kyi dkyil 'khor mchog/ gsal ba'i gzi brjid 'tsher ba la// dang ba'i yid kyis mchod sbyin bya// gtum chen rngam po'ang lhan ner 'gyur// bdud rtsi lnga'am zas lnga la// gtum rngam 'khrugs pa'i ngo bor brtag/ lhan ne gsal ba'i phur pas gdab// 'bar ba lhan ne'i tshogs la dbul// ya yi tshogs kyi dkyil 'khor du// lu gu rgyud du sbrel nas bsdams// 'bar ba lhan ner byin gyis brlabs// thams cad g.yo ba med par 'gyur// slas dang byi mo bran mo'i tshogs// lhag ma'i mchod sbyin 'dod pa sbyin// gang gi dam tshig rab bsgrags nas// gang 'dod las de byed par bsgom// sngon tshe dpal chen he ru ka/ shin tu gdug cing gtum bag can// thams cad ma lus 'dul mdzad pa'i// dbang dang byin brlabs rmad po che// lha chen la sogs dbang bsdus nas// 'khor rnams dbang phyug slas su byas// so so'i las rnams bskos pa de// ji ltar khas blangs dam bcas pa'i// ma thogs myur du mngon par phyung// dam bcas bzhin du ma byas na// ji ltar rang gis mna' bor ba'i// sdom bcas de las 'da' ma byed// dam tshig de las 'das gyur na// mgo lus snying yang tshal pa bdun// yak+Sha khro bos gtubs par 'gyur// de bas rnal 'byor sngags 'chang gis// ji ltar bcol ba bzhin du byos// las de mngon du ma byas na// rang gis mna' bor khas blangs bzhin// rul myags tshig nas dmyal bar 'gro// rnal 'byor dam la gnas gyur pa'i// las rnams yongs su bya ba dang// 'khor rnams bu gcig bzhin du skyongs// phra men ma yang dngos grub 'thob// bcol ba'i las rnams mngon du byos// zhes bsgo'o// khro bo bsgrub pa'i las kyi gtso bo ni 'di yin no// khrag 'thung chen po la sogs pa'i// bro gar glu tshig chen pos ni// thams cad thams cad byed pa yin// mdzod ldan chen mo la sogs pa'i// bro gar glu tshig chen mos ni// 'du bar 'dod na 'du bar byed// 'phel bar 'dod na 'phel bar byed// sbos mo chen mo la sogs pa'i// bro gar glu tshig chen mos ni// lhan ner 'dod na thim par byed// rmugs par 'dod na myos par byed// seng gdong chen mo la sogs pa'i// bro gar glu tshig chen mos ni// thams cad kun tu za bar byed// rdul cha tsam yang med par byed// bzhad gdong chen mo la sogs pa'i// bro gar glu tshig chen mos ni// thams cad kun la za bar byed// kun la rab tu nyams par byed// slas dang byi mo bran mo yi// bro gar glu tshig chen mos ni// sbod cing gtong bar byed pa ste// thams cad thams cad byed pa yin// ljon pa dang ni lcug phran tshal// sdong gcig dang ni me reg tu// dang ba dga' ba chags pa dang// khros pas ka li rab tu bya// zhes brjod pas de bzhin gshegs pa nyid la de bzhin gshegs pa nyid sbyong bar gyur to// gsang ba'i snying po de kho na nyid nges pa las lhun gyis grub pa'i phrin las byin gyis rlob pa zhes bya ba'i le'u ste drug cu pa'o//// de nas de bzhin gshegs pa'i rgyud kyi rgyal po sgyu 'phrul dra ba las chos thams cad yid dang/chos su 'dus par bstan pa dang/ shes rab thams cad ni yum bzhir 'dus/ yum bzhi yang gcig tu 'dus so// thabs thams cad ni rigs bzhir 'dus/ rigs bzhi yang gcig tu 'dus te/thams cad dbyings dang/ dbyings kyi ye shes su 'dus par bstan nas/ tshig mgo mjug gi don bsdus nas yang 'di skad brjod de// don gyi rtsa ba'i mchog yin no// thams cad ma lus mi lus shing// mi dmigs ma chags chos nyid de// de bzhin dbyings nyid mang po sna tshogs thabs su snang// thabs nyid sgyu ma mig yor chu zla gzugs brnyan yin// de nyid rang rig ye shes chags med sna tshogs snang// thabs dang shes rab ldan pas mchog gi gnas gyur pas// ji ltar spyad kyang zad med gnyis med sgrib mi 'gyur// shes rab thabs chen mchog la ye nas rol pa yin// de nyid phyag rgya sna tshogs sprul pa rang rig ste// rgyu 'bras ye nas dbyer med snga phyi ma yin pas// 'bras bu lam du gyur nas dus gcig mnyam par sbyor// 'di ni yid bzhin rin chen thams cad 'byung ba'i gnas// thams cad 'du ba'i gter dang yid bzhin mdzod// gnyis bral mnyam dang mi mnyam thams cad nyid kyi dbyings// nga dang bdag med mtshan ma sna tshogs dbyer med pa// stong dang mi stong mi gnas de bzhin nyid du 'dus// rang byung rdo rje'i dkyil 'khor zad med dkyil 'khor spro// 'das dang ma 'das dkyil 'khor bsam yas lhun grub dang// mi zad par ldan rgyan gyi 'khor lo drug rdzogs pa// skye med dbyings kyi rang byung 'od gsal phreng ldan mchog/ye nas ma bcos ma byas rang rig ngang gis gsal// thams cad 'byung 'jug rang rig gter chen ngang du bsdus// phyogs bcu ma lus mi lus thams cad kun 'dus dang// zhing khams gzhal yas bsam yas rin chen mchog chen kun// skye med dbyings dang rang gi gnyis su yang dag 'ub// mos spyod stong nyid rgyu 'bras yang nas yang sbyangs mi dmigs pa// ye nas 'od gsal chags med ma chags dkon mchog gnas// ming tsam mchog rol thabs dang shes rab mchog gis rdzogs// lam stegs nyid du pha rol phyin bcu rdzogs par rgyu 'bras spyod// mnyam nyid pa yi rdo rje thabs chen yang dag ldan// 'gro med 'ong med mi gnas kun khyab khyab med nyid kyis bshad// a ho// rgyud kyi rgyal po sgyu 'phrul dra ba las pha rol tu phyin pa dang// sa bcu gnyis dang/ thabs kyis mchog dang/sangs rgyas kyi zhing ma lus par yid dang/ chos su 'dus par bstan pa'i le'u ste drug cu gcig pa'o//// de nas de bzhin gshegs pa ye shes lnga'i dkyil 'khor la mnyam par bzhugs nas/ched du brjod pa 'di brjod do// lnga phung yan lag thams cad kyang// 'bru lnga gnas pa'i byang chub ste// o~M dang mU~M du 'brel ba yi// byang chub rdo rje nyid las byung// spyir na brjod pa thams cad kyang// kun kyang ming tsam yi ge a// skye 'jig nyid kyang yi ge lnga// de ni byang chub sems yin te// dmigs med byang chub mchog 'byung ba// gsum shar lnga 'bar bcu 'byor pa// zad med rin chen gter yin te// mngon shes drug ldan mtshan bzang spags// e las 'phro zhing ar 'dus pa// gsang ba'i thig le nyid kyi dbyings// nam mkha'i dbyings nas sprin byung ba// kun la khyab cing sna tshogs sprin// bzhi bcu rtsa lnga'i khong nas bsam mi khyab// byin brlabs ya mtshan rmad po che// yon tan mi zad gter du gyur// ho/ ye nas mnyam nyid gsang ba'i dkyil 'khor dbyings// dbyings las mi gzhan ye nas thig le'i ngang// ye shes dbyings nyid gzugs brnyan sgyu ma'i tshul// snang byed nyid na bya byed med par gnas// ye shes 'phrul chen bzhi bcu rtsa lnga'i don// dkyil 'khor bsam yas lhun grub dam pa ni// thabs dang shes rab gnyis med mnyam par gnas// dag mnyam rnam gsum don rtogs bsgom byas shing// mnyam pa rnam bzhis don rtogs mchog gi gnas// rgyu 'bras lhun grub phun sum tshogs bzhir 'dus// ye shes lnga rdzogs sku gsung thugs kyis bsdus// chags med zhi ba'i lam nas thig ler 'jug/ ye shes lnga rdzogs spyod yul mi 'da' la// ma chags 'od gsal dkyil 'khor rdzogs par ldan// thams cad ma lus rang rig rgyal po yis// dkyil 'khor dag mnyam khro bo khro mor sbyor// chos rnams rang bzhin nyid kyis stong// nang dang nang gi phyi rol gyi// rnam rtog sna tshogs 'dzin pa yang// dngos po med dbyings skad cig ma// de nyid rnam par dag pa'i lam// phyin ci log nyid yang dag ste// ma rig pa ni ye shes gsal// nyon mongs sdug bsngal byang chub mchog/ thams cad yon tan mchog gi gnas// a ho// phyogs bcu'i rgyal ba'i dkyil 'khor ma lus kun// nges pa'i don dgrol bzhi bcu rtsa lngar 'dus// bsdus pa'i don nyid yi ge 'bru lngar bsdus// lnga po'i don nyid 'bru gsum nang du 'dus// gsum po de nyid yi ge ar 'dus te// a nyid ma skyes mnyam rdzogs dbyings su thim// a ho// mi dmigs stong pa nyid kyang brjod mi lang// mi dmigs de bzhin gshegs kyang bsam mi khyab// ma skyes mchog gi dbyings kyang bsam mi khyab// ma 'gags byang chub sems ni skye 'jig med// 'gro med 'ong med mi gnas pa'i// thugs rje byin brlabs rnam par 'phro// zhes nyid la nyid gsung ngo// dbyings las dbyings byung thabs kyi phyag rgyar gsal// thabs las dbyings byung yum gyi phyag rgyar gsal// dbyings su dbyings kyis ye shes 'byor pas na// byang chub sems tshogs dkyil 'khor brjod mi lang// de bzhin gshegs pa'i dkyil 'khor nges pa'i don ma lus par mtshan nyid med pa'i phyag rgyar thim pa'i le'u ste drug cu gnyis pa'o//// de nas de bzhin gshegs pas rgyal po tshe mtha' yas su sprul nas ched du brjod pa 'di brjod do// sgyu 'phrul dra ba bstan bsdus te// b+h+rU~M dang bi shwa'i dkyil 'khor du// ma dang a yi dkyil 'khor la// rdo rje 'khor lo rab bsgoms nas// bzhi bcu rtsa lnga'i don bsgoms te// de yis phyogs bcur gang bar bsgom// b+h+ru~M dang dzaHhU~M ba~M hos dgug/ sku gsung thugs kyi snying po mchog/ lus ngag sems la thim par bya// nr-i nyid dngos sam yid bzhin mdzod// bum pa mchog ni bzang po yi// tshe gzhag gnas ni 'di yin te// yang nas yang du dgug bya ste// mngon sum smin par gyur pa dang// dbyings su yang ni sba bar bya// rdo rje go cha bsrung ba yis// brtan zhing 'khor los dgag par bya// snying po 'bru lnga'i nang du bstim// sangs rgyas thams cad ma lus kun/ rgyal po tshe dpag med pa bsgom// sku mdog gangs ri 'tsher ba la// rgyal phreng sna tshogs rnams kyis brgyan// yid bzhin rin chen phreng ba dang// yid bzhin rin chen za ma tog/rin chen rgyan dang bum pa bzang// gzhan yang 'gro ba'i don bya ba// bsam gyis mi khyab mtha' yas mchog/ bgegs kyis nr-i rnams mi ster na// tshe dpag med dang khro bo ste// phyogs bcu nam mkha'i khams bkang nas// sgra skad drag po bton nas ni// thams cad ma lus thul bar bya// dbang du tshe dpag med pa bskur// tshe bsnyen dang ni nye bsnyen dang// tshe sgrub dang ni sgrub chen dang// thabs dang shes rab 'byor pa yis// ci 'dod las rnams grub par byed// tshe dbang mo ni rgyud 'phel ma// dkar mo'i mdog la 'od 'phro 'bar// phyag na rin chen gang ba yi// phyag rgya sna tshogs cir yang bsgyur// 'jig rten drug gi phyogs bcu na// gnas pa'i 'gro drug ma lus la// phan pa'i tshe dbang 'di sbyin no// de las lhag pa'i rgyud 'phel med// yi ge bzlas pa 'phrul chen 'di// rnam gsum tshul gyis ma 'khrul bar// sngags bzlas cho ga bar ma gcod// 'dris gsal brtan pa mchog gis bya// o~M o~M o~M o~M o~M/ hU~M hU~M hU~M hU~M hU~M/ swA~M swA~M swA~M swA~M swA~M/ A~MHA~MHA~MHA~MHA~MH/ hA~M hA~M hA~M hA~M hA~M/ b+h+rU~M b+h+rU~M b+h+rU~M b+h+rU~M b+h+rU~M/ bA bA bA bA bA/ dzra dzra dzra dzra dzra/ A A A A A/ yu yu yu yu yu/ shaShe shaShe shaShe shaShe shaShe/ hU~M hU~M hU~M hU~M hU~M/ a a a a a/ o/ tshe rnams dbang du ma gyur na// bder gshegs la yang tshe dpag med// sku gsung thugs kyi gzugs kyis ni// phyogs bcu nam mkha'i khams bkang nas// phyag rgya mtshon cha sna tshogs kyis// 'jig rten phyogs bcu'i bdud bcom nas// 'gro lnga tshe rnams dbang du bsdu// phyag rgya gshol la sogs pa yis// 'og gi 'jig rten khams dkrugs nas// gshin rje'i gnas nas tshe bkug ste// snying po lnga la bstim par bya// phyag rgya 'khor lo chen po yis// steng gi 'jig rten khams dkrugs te// dbang phyug lha chen la sogs dang// bar snang bgegs rnams rgyu ba las// nr-i tshe rab tu dgug par bya// 'khor lo'i 'bru la bstim nas ni// de nas yi ge 'bru lnga de// nr-i yi gnas lngar bstim par bya// o~M o~M badzra ka pa tsa badzra rak+Sha hU~M/ o~M sarba ta thA ga ta badzra a d+hi tiSh+Tha badzra swA hA/phyag rgya bsrung ba'i cho ga ste// 'bru lnga'i yi ge 'bru gcig ste// 'bru gcig mi dmigs dbyings su thim// o~M/ yid bzhin bum pa'i rin po che// rgyan dang rin chen phreng bas brgyan// rin chen lnga dang sman lnga dang// 'bru lnga spos lnga yungs kar lnga// sngags mkhan rab brtan blo ldan pas// yan lag ma nyams sngags bzlas bsgom// rgyan chas lnga dang ldan byas nas// dkyil 'khor thams cad 'grub par 'gyur// de nas rigs kyi bu de yis// yo byad ma lus ldan byas nas// mchod yon rnam pa sna tshogs kyis// mnyes mchod dngos grub thob par 'gyur// sgyu 'phrul dra ba las tshe'i cho ga dbang dam pa shin tu gsang ba'i le'u ste drug cu gsum pa'o//// de nas de bzhin gshegs pa rdo rje sdud pa pos 'gro ba lnga dbang med par smra zhes bya bar yang bsdus nas ched du brjod pa 'di brjod do// gsang ba'i dkyil 'khor nyid kyi dbyings// kun tu bzang po thugs rje'i ngang// sku gsung thugs ldan yon tan rdzogs// mnyam pa'i zhing du sbyar bar bya// rdo rje rab tu gsang ba yis// rdo rje rab tu kun sbyar te// o~M dang mU~M du 'byor par bsgom/ thams cad dbyings su thim par bsgom// gsang ba'i dkyil 'khor dam pa dang// thig le man+t+ra de dag tu// nr-i thal man+t+ra bzang po'i thig/ rta babs sgo khyud bzang po dang// rdo rje rtse gcig 'od 'bar dang// 'gugs pa'i lcags kyu dam pa yis// rdo rje rtse gcig rtse gsum bri// dkyil 'khor rgyu dang ldan par bya// mchod yon sna tshogs mchod par dbul// ya~M/ dud ka'i ye shes 'od 'phros nas// a las zla ba'i dkyil 'khor du// dzaHlas lcags kyu grangs med pas// de yis snying du zhugs par bya// ma las nyi ma'i dkyil 'khor du// dzaHlas lcags kyu mang po yis// gang dgug de yi snying ga nas// drangs te de yi khar gzhug bya// ma las nyi ma'i dkyil 'khor du// dzaHlas lcags kyu mang po yis// gang dgug de yi snying ga nas// drangs te de yi khar gzhug bya// sngags 'di rab tu brjod par bya// o~M dzaHhU~M ba~M ho/ a nr-i pra du/ ming pra be sha/ ci 'dod las de bzlas par bya// lag gnyis sor mo sbyir bsnol te// khu tshur dam du bcangs nas ni// srin lag mthe'u chung mthe bong gnyis// bar du mthe bo de drangs te// o~M ming pra be sha A A// thal ba yungs kar drag tu rdeg/ ming de khong du zhugs par bya// babs nas rdo rje lcags sgrog zhags pas bcing// gang yin zhes ni dris nas ni// lha 'dre la sogs gang yin pa// lha zhig na ni mchod par bya// gdon zhig na ni tsan+dan gur gum bsres nas ni// de blud sngags 'di rab tu brjod par bya// o~M badzra d+ha ka kro d+ha sa ma ya hU~M phaT/ gal te smra ru mi btub na// lag gnyis sor mo phyir bsnol te// khu tshur bcangs nas mthe'u chung sbyar// gyen bsgreng dbab pa'i kha ru gtug/ sngags o~M badzra b+hA Sha bi dze bra pe sha hU~M hU~M zhes lan mang du bzlas pas// ye shes thogs med sgrib mi mnga'// bden pa'i tshig der zhugs par bsam// lce yi thor to a dkar po// zla ba'i dkyil 'khor de steng du// o~M dzaHd+hIHdmar po bsgom byas na// gdon mi za bar smra bar 'gyur// bdag nyid TAk+ki hU~M bsgoms la// a dang nr-i la sogs pa yi// lam lnga'i sems can gang yang rung// o~M TAk+ki hU~M dang rang sngags kyis// lan 'bum bzlas shing dgug par bya// pra be shas kyang bzlas par bya// gzhan yang dzaHhU~M ba~M hoHste// gzhag cing dbab pa'i sa de ni// byis pa lo grangs bcu gnyis pa// gcig dang lnga la dbab par bya// thig le bum pa me long 'bar// gzhan yang gnas rnams thams cad ni// smra ba'i cho ga phun sum tshogs// phyags rgya rdo rje spar mo sder// dgug pa'i phyag rgya kun gyis dgug/ dzaHhU~M/ dbang phyug lha chen la sogs bsdu// bcol cing bya ba de bzhin no// TAk+ki hU~M dzaHsa mi btub na// ha ya grI ba gnas dang yul// zur phyin mgo mjug mnan nas ni// drag tu bzlas shing lcags kyus dgug/ srog gi snying po ma nor bar// gzir cing drag tu drang bar bya// 'jig rten 'das dang 'jig rten pa'i// dgug pa'i thabs yod ci yang rung// nem nur med par dgug par bya// bya ba sna tshogs las zin na// sngar byas bum pa lnga po la// sman lnga 'bru lnga rin chen lnga// rigs kyi yum dang bdud rtsi 'khyil// ci 'dod las rnams thams cad dang// gzhan yang dgos pa ci yang rung// o~M badzra a mr-i ta a a a/ o~M ma hA badzra a mr-i te phaT/ dza gad dza gad dza zhes kyang brjod do// o~M bud d+ha lo tsa ni swA hA zhes bzlas// gsang ba'i dkyil 'khor dam pa der// ye shes lnga rdzogs nyid la brjod// ye shes snying po khyod nyon cig/ yang nas yang du mngon gsal du// byang chub mchog gis rtag sgoms shig/ de ltar byas pa'i dngos grub ni// 'jig rten 'das dang 'jig rten pa'i// brda phrad skad kyis dngos grub thob// ces rdo rje gsang ba'i tshig tu'o// 'gro ba'i don gyi phyir yang ched du brjod do// pra dbab pa'i le'u ste drug cu bzhi pa'o//// dpal shrI he ru kas yum kro d+hI shwa ri dang gnyis su med par 'du ba mdzad nas/ byang chub sems kyi rdo rje las khro bo'i dkyil 'khor mang po spros nas// 'jig rten pa'i dbang mo chen po dang/dbang po dang/ rgyal po dang// rgyal po'i yang rgyal po dang/ blon po dang/ sde dpon dang/ 'khor 'bum phrag bsam gyis mi khyab pa la sogs pa thams cad ma lus par dbang du bsdus te/ 'jigs byed chen mo rnams da ltar dang/dus phyi ma'i dus su la la ni tshe 'phel ba'i las su bskos// la la ni longs spyod 'phel bar bskos/ la la ni 'byung ba chen mo la thogs pa med par 'gro bar bskos// la la ni gzugs mi snang bar 'gro bar bskos/la la ni gzugs sna tshogs cir yang 'gyur bar bskos/ la la ni mi mthun pa'i phyogs dbang du sdud par bskos/ la la ni nyams shing rmongs par bskos/ la la ni bskam shing 'phro bar bskos// gzhan yang bya ba sna tshogs pa ci 'dod par bskos nas// ched du brjod pa 'di brjod do// mnyam nyid rig pa'i rdo rje yis// 'jig rten gtso mchog dbang du sdud// thugs rje chen po'i byin brlabs kyis// 'gro ba'i don rnams sna tshogs bstan// thabs dang shes rab ldan gyur pas// ji ltar dmigs pa bzhin du 'grub// 'di ni rang byung lha yi lha// byams dang snying rje ldan par rol// thugs rje chen po thabs mkhas pas// thams cad kun la sbyor 'gyur yang// bag chags sogs par mi 'gyur te// bsod nams ye shes tshogs 'gyur rdzogs// thabs mkhas spyod pa ma gtogs par// gzung 'dzin 'khrul rtog rdul tsam med// de bzhin nyid dang dbyer med phyir// rtag tu rang bzhin 'od gsal gnas// de nas bdag nyid rgyud don gong nas 'byung ba bzhin lha khro bo dang zhi ba de dag gang la goms par bsgom/ting nge 'dzin las su rung ba lha gsal bar gyur pa dang/ rang gi lha'i bzlas pa 'bum 'bum gdon to// lha chen po ni dgug pa'i phyir lcags kyu zhags pa s+phoT baM/ ma hA de bA hU~M dzaHdzaHhU~M ba~M hoH/ lha yi dbang po'i snying ga nas// yang nas yang du rnam par drang// ma ma trag sha ma hA de ba gr-ih+Na gr-ih+Na hU~M hU~M/ lha'i gzugs mdog ni 'tsher la dkar// lus ni rin chen kun gyis brgyan// gtsug na yid bzhin rin chen 'bar// lag pa g.yas na thogs pa ni// yid bzhin rin chen bum chu gsol// yon tan rin chen sna lnga ste// lha rnams kun gyi re ba skong// btsun mo ut+ma ta gnas pa// rtag tu 'dod yon lnga dang ldan// bdag nyid snang mdzad gzhal yas khang// lha yi gzugs ni snga ma'i tshul// lha yi sa bon 'bum phrag tu// srog dang ldan par bzlas brjod bya// mdun nas dzaHhU~M ba~M hoHsa drang// rgyab nas rdo rje can gyis phul// je nye je nye gnyis med par// lha chen po ni gsal gyur nas// ci 'dod las de byed du gzhug/ lha chen 'khor bcas thams cad kyang// de grub dbang byed 'du bar 'gyur// gang 'dod las rnams byed par 'gyur// de nas rgyal po chen po sde bzhi bsgrub pa'i las 'di gsungs so// byang chub sems mchog ting 'dzin gyis// phyogs bzhi ma lus thams cad kun// rigs sngags 'chang gi dngos grub tu// rgyal chen bzhi yang dbang du bsdus// bdag nyid rigs bzhi'i he ru ka/ gong don byung ba bzhin du bsgom// lha nyid rtag tu gsal gyur cing// lha yi gzugs tshul gsal bar bsgom// bdag nyid lha dang gnyis med par// yang dag don du gsal bar bsgom// de nas rgyal po yul 'khor srung// gzugs ni gangs ri nyi shar 'dra// mchod sbyin 'od zer brgya dang ldan// lag g.yas rdo rje tri shul la// lag g.yon bdud rtsi bum pa gsol// in tra sA ya swA hA/ dzaHhU~M ba~M hoH/ tra mi ta hU~M hU~M su ra ta bag tra dzAHdzA dzA hU~M hU~M/ zhes lan 'bum bzlas nas// bdag nyid rdo rje he ru ka/ 'dren pa'i phyag rgya de dag gis// lha yi dbang po'i snying nas drang// rgyab nas rdo rje can gyis phul// de nyid lha yi dbang gyur nas// las gang 'dod pa byed du gzhug/ thams cad thams cad grub par byed// kun la 'byin cing kun la za// lha yi 'khor rnams thams cad kun// ma lus bar ni yang dag 'du// bran bzhin du ni thams cad 'brang// rgyal po 'phags skyes bsgrub pa ni// bdag nyid rin chen he ru ka/ sku mdog rgyud nas 'byung ba bzhin// phyag rgya rnams kyang de bzhin te// 'od kyi 'phro 'du byin brlabs kyis// 'phags skyes po ni dbang du bsdus/ d+h+r-i ta d+h+r-i ta swA hA/ dzaHhU~M ba~M hoH/ grih+Na gr-ih+Na dur+thid swA hA/ ha~M ha~M ha~M/ rat+na dzaHhU~M ba~M hoHzhes snying po lan 'bum du bzlas te// srog dang ldan par ting 'dzin bya// bdag nyid rat+na he ru ka/ 'phags skyes po yi snying ga nas// dzaHyi rab tu bzung nas ni// bdag gis mdun du dgug par bya// rgyab nas rdo rje can gyis phul// de nas mngon sum gyur pa dang// gang 'dod las de byed du gzhug/ mdog ni gser gyi mdog tu 'bar// 'khor rnams thams cad bdag la bsdu// yid bzhin rin chen gzhal yas 'grub// rgyal po mig ngan bsgrub pa ni// bdag nyid pad+ma he ru ka/ sku mdog gong ga snga ma bzhin// phyag rgya'i tshul yang de bzhin te// snying po 'bum phrag gsal bzlas nas// ting 'dzin phyag rgya bsgyur rung zhing// lha nyid du ni gsal gyur nas// rgyal po de yi gzugs mdog ni// shin tu dmar zhing 'tsher ba ste// lag g.yas bdud rtsi bum pa gsol// lag g.yon bdud rtsi lnga yi tshul// nub phyogs klu rnams re ba skong// sbrul mgo dgu yi gdengs ka can// de ni rab tu dbang bsdu phyir// birU D+ha ka swA hA/ dzaHhU~M ba~M hoH/ nA ga shi ni bi ya phag sha phag dzaHhU~M ba~M hoH// 'bum phrag du ma bzlas nas ni// de ni bdag gi dbang du bsdu// bdag nyid lha ru gsal bsgoms nas// mig mi bzang gi snying ga nas// dza yis rab tu bzung nas drang// rgyab nas rdo rje can gyis phul// de nas bdag dang gnyis med pa'i// dbyer med par ni gyur pa dang// ci 'dod las de byed du gzhug/ mig ngan 'khor rnams ma lus par// dbang gi las rnams grub par byed// rgyal po rnam thos bsgrub pa ni// bdag nyid khro bo bdud rtsi 'khyil// sku mdog phyag mtshan snga ma bzhin// gsal zhing 'od 'phro rab bsgoms shing// rang sngags snying po 'bum phrag bzlas// ting 'dzin bsgyur du rung ba dang// rnam thos dag ni rab tu 'grub// gzugs ni rin chen baiDUr+ya// yang na mdog ni sngo zhing 'tsher// phyag g.yas rin chen dbyig to thogs// g.yon na 'dod yon bum pa gsol// dbu la rin chen sna tshogs mdzes// bai shra ba Na ye swA hA/ dzaHhU~M ba~M hoHku be ra/ kang kang// yang yang/ dzaHhU~M ba~M hoH/'bum du bzlas shing srog yod par// yang dang yang du bzlas par bya// bdag nyid bdud rtsi he ru ka/ dza yis rnam thos snying nas drangs// dbang du yang dag bsdu bar bya// rgyab nas rdo rje can gyis phul// yid bzhin rin chen dbang du 'gyur// gnod sbyin 'khor rnams bran bzhin bsdu// rin chen spros shing las rnams bsgrubs// ci 'dod las rnams byed par 'gyur// sgyu 'phrul dra ba las lha chen po bsgrub pa dang/rgyal po chen po bzhi po dkyil 'khor bkod cing bsgrub pa'i le'u ste drug cu lnga pa'o//// de nas bcom ldan 'das dgyes pa chen pos tshogs kyi dkyil 'khor la shin tu rngam pa'i gdangs kyis glu 'di blangs so// hU~M/ gtum chen dus mtha'i me ltar 'bar// 'od zer nyi ma 'bum gyi gzi// khro gnyer glog stong 'gyu ba bzhin// mche ba zang yag za byed che ho// hU~M/ rngam pa'i nga ro 'brug stong ldir// thug chen ri rab 'bum bsnyil skad// a a ha la'i gad rgyangs che// dbyug pa'i 'thor rlung g.yeng ba che ho// hU~M/ khros pa'i shes rab 'od po che// ye shes dkyil 'khor kun tu gsal// 'bar ba'i ye shes kun tu 'joms// sna tshogs ye shes thig le che ho// hU~M/ khros pa'i rgyal po sprin chen po// khros pa'i dkyil 'khor char chen 'bebs// dkyil 'khor yid bzhin 'byung ba'i gter// sna tshogs khros pa'i thig le che ho// hU~M/ bdud kun gyi ni bdud chen po// bdud kyi bdud de bdud rnams 'joms// 'jigs pa'i tshogs kyang 'jigs byed pa// 'jigs byed chen po thig le ho// hU~M/ rdo rje brag chen sra ba po// rdo rje chu bo sdud pa po// rdo rje me ste kun 'bar che// rdo rje rlung ste 'thor rlung che ho// zhes ched du blangs so// gsang ba'i snying po de kho na nyid nges pa las mnyes pa'i le'u ste drug cu drug pa'o//// de nas bcom ldan 'das dgyes pa chen pos de bzhin gshegs pa nyid la gsang sngags kyi rgyal po// de nas de bzhin gshegs pa gsang ba'i snying po de kho nyid nges pa las bdag dang rdo rje sems dpar dbyer med par yang yang dag pa'i dbyings su 'dus shing bdag gis rdo rje sems dpa'i zhal mngon sum du mthong ba'i don bstan pa'i phyir ched du brjod pa 'di gsungs so// kun rdzob sgyu mar zhal mthong ba'i// thams cad mig yor sgyu ma'i tshul// snang srid ma lus thams cad kun// chu zla'i tshul du 'drar shes shing// yul dang rtog pa gnyis med par// gang gis de ltar rig pa de// gzhi rtsa med dbyings skad cig ma// snga phyi med dbyings de bzhin nyid// cis kyang mi tshugs rdo rje yin// rdo rje sems dpa' de la gnas// lha spyod mthun pas zhal mthong yin// rang bzhin dkyil 'khor yang dag ni// chos dbyings bdag dang dbyer med pa'i// mnyam par sbyor zhing dag pa'o// thams cad byang chub lhun grub pa'i// de ltar gang gis rtogs 'gyur ba// de ni ye shes gnyis can te// de yis yang dag snying po mthong// de nyid cis kyang mi tshugs pa// shin tu sra zhing brtan pa yin// rang bzhin dbyings nas 'od gsal ba// sems dpa' mchog tu yang dag gsungs// de ltar rtogs na zhal mthong yin// de bzhin mnyam rdzogs lhun grub yin// de bzhin gshegs dang ye shes lnga// rang byung chen po'i dkyil 'khor bsgom// rtogs nyid bral ba'i thabs mkhas kyis// lha gsal dngos po med bsgoms na// mthong thos la sogs med pa'i tshul// rang gi ye shes gsal bsgoms na// rang bzhin med la ci yang 'grub// 'grub 'gyur nyid na dngos po med// ji ltar bcom ldan de bzhin gyis// bdud dpung dkyil du ta la btsugs// thams cad byang chub shing bsdus te// gdug pa ngang gis mi dga' nas// ta la bcad skams yong mi gcod// rdo rje sems dpa' de nyid yin// bdag dang ting 'dzin mthong gyur pa// de nyid rdo rje zhal mthong yin// rdo rje sems dpa' nyid bsgoms te/ting 'dzin shin tu 'dris gsal na// thams cad rdo rje nyid du 'gyur// kun la dbang sgyur cis mi tshugs// bdag dang sems dpa' dbyer med de// las mthun ji ltar snang ba bzhin// bdag dang sems dpa' lta spyod gcig/ de nyid rdo rje zhal mthong yin// gzugs brnyan dkyil 'khor yang dag ni// chen po rags pa thabs kyis rtogs// so so'i mtshan 'dzin shes rab rtog/ gnyis med 'brel ba thabs chen yin// kun kyang shes rab ngang du gnas// snang dang gnas pa thams cad kun// de bzhin nyid las ma g.yos phyir// g.yo dang med pa gnyi ga med// gnas dang mi gnas dbye ru med// mnyam pa'i dbyings su thams cad 'dus// 'dus nyid gnas su thibs pa yi// thams cad de lta bu yi ngang// mnyam gnyis dbyer med sus mi tshugs// de nyid sems dpa' bzhugs gnas yin// de ltar rtogs pa'i rigs mchog de// sems dpa' nyid dang rigs mthun pas// de nyid rdo rje zhal mthong yin// rgyur byas phung po khams rnams la// gzhi rtsa de bzhin nyid du gcig/ sgyu mar snang ba gzugs brnyan tshul// snang ba nyid ni dngos po med// dngos nyid de nyid sna tshogs ston// phung po lnga nyid de bzhin gshegs// dbang po rnams sems byang chub sems// yul dus po de chen po yin// bdag rtog rnam pa khro bo yin// rtag chad mu bzhi khro mo yin// de sems rang rig nyid ces bya// thams cad dbyings 'gyur kun tu bzang// de nyid rdo rje sems dpa' yin// gang gis de ltar rtogs gyur na// sems dpa' nyid dang dgongs mthun pas// de nyid rdo rje zhal mthong yin// chos rnams ma lus thams cad kun// ming dang tshig dang yi ge dang// sgra yis mtshon nas don bstan pa// kun kyang yi ge ming gcig bzhin// gang yang dngos po ma yin te// dngos med de nyid sna tshogs snang// snang ba nyid na gang yang med// bya byed sna tshogs kun byed kyang// dngos po med de yang dag nyid// de ni cis kyang mi tshugs pa'i// sa rdo dran med ma yin te// de nyid shin tu 'od gsal yin// rdo rje sems dpa' de ltar gnas// gang gis de ltar rtogs pa ni// rigs mchog dam pa rgyu yin te// rdo rje'i rigs dang dbyer med phyir// de nyid rdo rje zhal mthong yin// skyes bu blo rtsal rab ldan pas// kun dang dbyer med don rtogs te// 'bras bu mngon du ma gyur kyang// byang chub sems la gnas bcas pas// dper na mngal dang sgo nga yis// mngon du ma gyur bsgribs gyur kyang// rtsal chen 'dus pa 'byung ba bzhin// rnam rtog gzugs ni bor ma thag/ thams cad kun la dbang sgyur zhing// rigs mchog dam pa 'dzin par 'gyur// rdo rje sems dang mnyam pa yi// dngos grub mchog rnams yongs su rdzogs// bde ba can gyi zhing yang thob// byang chub mchog la rol par 'gyur// lha mi rnams kyi ston pa po// lus ngag sems la dbang thob nas// ji ltar dmigs pa bzhin du 'grub// tshad med bzhi la dbang byed 'gyur// bde ba'i ro mchog kun la spyod// tha mar skye rga na 'chi la sogs pa'i// sdug bsngal zad pa'i go 'phang thob// rdo rje rigs mchog 'dzin 'gyur te// thugs rje chen po'i byin brlabs kyis// 'gro ba ma lus thams cad kun// rdo rje rigs su 'dren par byed// bdud sde tshar gcod nyon mongs 'dul// chos kyi 'khor lo yang dag bskor// 'gro ba ma lus thams cad la// mi rtag pa yi tshul yang ston// nyan thos rnams la dgra bcom tshul// byang chub rnams la rang byung tshul// bla med theg pa sangs rgyas tshul// lhun grub rnams la rdo rje dbyings// kun la mthun pa'i tshul yang ston// rang bzhin dbyings las g.yos pa med// ma g.yos bzhin du kun tu ston// chos rnams ma lus thams cad kun// de lta bu yi ngang du gnas// zhes rdo rje gsang ba'i tshig tu'o// nyid la nyid de skad ces brjod do// gsang ba'i snying po de kho na nyid nges pa las skyes bu dam pa blo rtsal rab gcig gis rdo rje sems dpa'i zhal mthong ba'i le'u ste drug cu bdun pa'o//// de nas de bzhin gshegs pa rgyud kyi rgyal po sgyu 'phrul dra ba las sngags 'chang rnams don yod par bya ba'i phyir/dam tshig sum brgya'i rtsa ba mdor bsdus nas sngags 'chang rnams kyi don du ched du brjod pa 'di brjod do// phyogs bcu'i 'jig rten rdul snyed du// log rtog mi bzad rdul phran snyed// rtog 'dul gnyen po bsam mi khyab// 'dul ba sdom pa bsam yas dang// rdo rje theg mchog mang po kun// nyid las g.yos shing spros med kyang// rang rig 'khrul pa'i rtog pa yis// lta ba mtho dman bsam mi khyab// de 'dul don phyir 'tsham par bstan// yang dag nyid dang log rtog nyid// ngo bo nyid kyis gnas gyur na// de la bcos shing bsgyur du med// ye nas ngo bo yod yin na// nyon mongs spangs shing byang bsgrub med// thams cad ma lus ro gcig 'gyur// kun rdzob chu zla lta yin pas// cir yang 'gyur zhing cir yang 'grub// rnal 'byor de nyid rtogs pa yis// don dam skye 'gag med pa ste// kun rdzob sgyu ma cir yang 'grub// gnas ngan dus na log rtog nyid// gzung 'dzin bral ba nyid rtogs na// bdag med ye shes rang bzhin nyid// snying rje thabs mkhas ting 'dzin gyis// cir yang dmigs pa bzhin du 'grub// so so rang bzhin nges zhe na// yang dag lam nyid bcos su med// de bas yang dag blo chen gyis// thams cad dngos po med par bshad// dper na dug gi rigs shes pas// dug gis mi tshugs bzhin du snang// ha la ha la'i dug rnams kyang// bsgrub na ra sa ya na'i sman// bdud rtsir 'gyur la tshe ring 'grub// nyon mongs rang dang spyi bstan pa// mtshan nyid ma nor rtogs pas na// rnam par byang ba'i lam du 'gyur// sku gsung thugs kyi dngos grub kyang// gang na med de de yin te// nang gi chen po lnga nyid kyang// rang dang spyi yi don brtags na// mtshan nyid med pas rnam par dag/ so so'i rtsal rnams 'dzin gyur pas// thabs chen du ni rnam par spro// mtshan rnams rang bzhin mi gnas pas// shes rab dbyings su rnam par sbyor// gti mug ces ni brjod pa ni// ma rig ming gi rnam grangs te// gnyis med don gcig yin par bshad// rang gi mtshan nyid brjod pa ni// chos dang bdag dang dngos po rnams// ngo bo nyid la sogs brtags pa// rtog nyid sgyu ma klung gyur te// log rtogs spros pa'i rgyun yin la// thams cad chos dbyings ro gcig ste// bzod pa'i chos nyid mig gcig yin// spyi yi mtshan nyid brjod pa ni// mi rtag sdug bsngal stong bdag med// ma rig pa ni spang du med// rig pa yang dag bsgrub tu med// thams cad dbyings su ro gcig thim// sgyu ma dngos por rtog pa ni// sgyu ma rtog nyid mi dmigs pa// mi dmigs de nyid sna tshogs snang// skyes pa nyid na chos nyid gcig/ dbyings nyid mi dmigs de bzhin nyid// de nyid chos sku phyag rgya che// mi dmigs sgyu mar dngos po la/ rtog pa'i yul gyi dngos nyid kyang// chos nyid mi dmigs ye nas dag/ sgyu ma mi dmigs dbyer med phyir// yod med gnyi ga dbyer med pas// ting nge 'dzin gyis dbang bsgyur na// thugs kyi phyag rgya chen po yin// chos nyid dmigs su med pa ste// mi dmigs bzhin du sgyu mar spros// gdul bya'i bya ba bsam mi khyab// gsung gi phyag rgya chen po'o// de ltar gti mug spang du med// rnam par snang mdzad rgya chen yin// zhe sdang rang dang spyir bstan pa// kun nas mnar sems rtog pa yi// sgyu ma'i dngos po thams cad kun// 'jig par mos pa'i rang bzhin can// spyi yi mtshan nyid brjod pa ni// mi rtag sdug bsngal stong bdag med// zhe sdang snying rje spangs bsgrub med// chos kyi dbyings su ro gcig phyir// sgyu ma rang bzhin mnar sems pa// dngos po thams cad 'jig rtogs na// sgyu mar snang ba thams cad kyang// chos kyi dbyings las mi gzhan te// mi dmigs pa nyid sgyu mar skyes// chos rnams thams cad rang bzhin ni// bdag srog gso ba'i rang bzhin med// snang ba thams cad chos kyi dbyings// mnar sems sgyu ma chos nyid do// thams cad mi dmigs de bzhin yin// kun kyang dbyer med chos phyag rgya// mi dmigs sgyu ma kun nas mnar// rtog pa kun nas mnar sems te// chos nyid sgyu ma mi dmigs te// chos nyid sgyu ma mi dmigs phyir// don dam kun rdzob ro gcig ste// ting nge 'dzin gyis dbang bsgyur na// thugs kyi phyag rgya chen po yin// mi dmigs kun nas mnar sems pa// 'dul ba'i bya ba bsam mi khyab// gsung gi phyag rgya chen po'o// zhe sdang spyi yi mtshan nyid ni// yang dag nyid kyis rab brtags na// rnam par byang ba'i mtshan nyid de// gnyis med zhe sdang spang du med// nga rgyal mtshan nyid bshad pa ni// khong nas 'gying zhing khengs sems pa// pha rol zil gyis gnon par byed// spyi yi mtshan nyid bshad pa ni// mi rtag sdug bsngal stong bdag med// nga rgyal spangs nas zhi bsgrub med// chos kyi dbyings su ro gcig pas// kun rdzob sgyu mar khong 'gying nyid// de bzhin nyid las mi gzhan te// chos nyid mi dmigs 'gying bar skyes// skye 'gying nyid na chos nyid de// 'gying ba'i rang bzhin mi dmigs dag/ 'gying dang mi 'gying dbyer med phyir// chos sku phyag rgya chen po yin// mi dmigs pa nyid sgyu ma 'gying// 'gying bas zil gyis gnon pa nyid// chos kyi dbyings las mi gzhan te// sgyu ma chos nyid dbyer med phyir// don dam kun rdzob gnyi ga gcig/ ting nge 'dzin gyis dbang sgyur na// thugs kyi phyag rgya chen po yin// mi dmigs sgyu mar 'gying ba ni// nga rgyal 'dul ba bsam mi khyab// gsung gi phyag rgya chen po yin// nga rgyal rang spyi'i mtshan nyid ni// rnam par byang ba'i mtshan nyid yin// zhi bsgrub nga rgyal spang du med// 'dod chags rang spyi'i mtshan nyid ni// sred pa kun la zhen pa ste// spyi yi mtshan nyid bshad pa ni// mi rtag sdug bsngal stong bdag med// chags spangs ma chags bsgrub tu med// chos kyi dbyings su ro gcig phyir// kun rdzob sgyu ma'i rang bzhin du// 'dod cing chags pa sgyu ma sred// mi dmigs pa las mi gzhan phyir// mi dmigs de nyid sgyu mar skyes// chos rnams bdag las mi gzhan phyir// mi dmigs de nyid sgyu mar skyes// spyod pa sgyu mar ro gcig phyir// chos nyid chos can dmigs su med// rgyal ba kun dang dbyer med pa'i// chos kyi sku yi phyag rgya yin// mi dmigs sgyu mar 'dod cing chags// 'dod chags chos nyid mi dmigs te// sgyu ma mi dmigs dbyer med phyir// bden pa gnyi gar dbyer med gcig/ ting nge 'dzin gyis dbang bsgyur na// thugs kyi phyag rgya chen po yin// mi dmigs dbyings nyid 'dod chags spros pa ni// 'dul ba bsam gyis mi khyab ste// gsung gi phyag rgya chen po yin// 'dod chags rang dang spyi yi mtshan// rnam par byang ba'i mtshan nyid yin// chags dang ma chags gnyis med pas// 'dod chags mtshan nyid spang du med// phrag dog kun gyi mtshan nyid ni// gzhan gyi phun sum tshogs pa la// sems dog rtog pa sgyu ma gzhan// thabs kyis sbyor ba sgyu ma'i rang bzhin can// phrag dog spyi mtshan bshad pa ni// mi rtag sdug bsngal stong bdag med// phrag dog spang zhing yangs bsgrub med// chos nyid du ni ro gcig phyir// kun rdzob sgyu ma gzhan gyi phun sum la// phrag dog rtog pa sgyu ma'i rang bzhin nyid// mi dmigs pa las mi gzhan te// mi dmigs pa nyid sgyu mar skyes// phun sum tshogs pa'i lhag par sbyor ba yi// thabs kyi rtogs pa sgyu ma'i chos nyid de// dus gsum rgyal ba kun dang dbyer med pas// chos sku phyag rgya chen po yin// mi dmigs sgyu ma gzhan gyi phun sum la// phrag dog rtog par 'dzin pa dang// rtog dang phrag dog mi dmigs te// sgyu ma mi dmigs dbyer med pa'i// bden pa gnyi gar ro gcig pas// ting nge 'dzin gyi dbang bsgyur na// thugs kyi phyag rgya chen po yin// mi dmigs gzhan gyi phun sum la// phrag dog rnam par spros pa ni// gdul ba'i bya ba bsam mi khyab// gsung gi phyag rgya chen po yin// phrag dog rang dang spyi bstan pa// rnam par byang ba'i mtshan nyid yin// dog pa spang zhing yangs bsgrub med// sems can rnam pa mang po kun// nang gi chen po lnga sogs bstan// rang spyi'i mtshan nyid bshad par bya// thabs dang shes rab ma rtogs pas// ma grol khams gsum 'khor ba yin// de ltar nges par ci mthong na// sngags kyis yongs su zin pa'i nad// kun la gnod par byed mi nus// de bzhin thabs dang shes rab rtogs// dug gsum sdug bsngal gnod mi 'gyur// thabs la mkhas pas ma zin na// lam gyi dge spyad stegs bcas kyang// mtho ris lha dang mi ru skyes// skye shi med pa'i sa mi thob// thabs mkhas snying rjes zin pa ni// mtshams med sems can ma lus kun// byang chub sems dpa'i snying rjes bsad// bsod nams dpag tu med pa thob// ma bsad na yang sems can yal bor te// snying rje med de sdig yod 'gyur// 'dod chags zhe sdang gti mug dang// nga rgyal phrag dog chen po dag/ gang phyir byang chub sems de ni// rdo rje de bzhin gshegs par gsal// nyon mongs pa nyid de bzhin gshegs// ngo bo yin par gsal por gsungs// chos kun rang bzhin dag pa'i phyir// 'khor ba yongs su dag par 'gyur// thabs dang shes rab ldan pa la// nyon mongs thams cad byang chub rgyu// 'khor ba'i rang bzhin bdag med pas// de phyir de bzhin gshegs bsam yas// thabs dang shes rab ldan gyur pas// phyin ci log nyid byang chub lam// 'khor ba'i rang bzhin mi dmigs phyir// mya ngan 'das pa yod ma yin// gsang sngags bla na med pa yi// thabs kyis ji ltar zin bzhin 'grub// bsam gyis mi khyab nges pa med// don dam cir yang ma grub la// sgyu ma'i sprul pa bsam mi khyab// thabs chen dag gis zin pa ni// nyon mongs lam yang rnam par grol// thabs chen dag gis ma zin na// dge ba spyad kyang grol mi 'gyur// rnal 'byor don dam ldan pa yis// nyon mongs 'ching ba'i chos spyad kyang// rnam par grol bar 'gyur ba yin// 'khor ba dang ni mya ngan 'das// gnyi ga yod pa ma yin pas// 'khor ba yongs su shes pas na// de ni mya ngan 'das pa'i mtha'// nyon mongs phyin ci log rnams dag/thabs la mkhas pas zin 'gyur yang// grol la thar par mi 'gyur na// byang chub sems dpa' rnams kyis ni// 'dul ba'i dbang gis bya byed kun// rngon dang smad 'tshong ston pa'ang ltung// byang chub sems dpa'i spyod tshul bzang// phal la med pas mi rung na// sngags mchog shin tu zab pa yi// skye bo kun gyis bya bar 'byung// bdud rtsi dang du blang bar gsungs// mnyam dang mi mnyam dbyer med na// sku gsung rdo rje dbang thob 'gyur// grub pa'i rdzas su de phyir gsungs// shes rab mnyam pa ma rtogs na// byol song la la chos dang ldan 'gyur yang// drang srong 'tsho dang rtag mthun dang// ji srid 'tsho yi bar du 'dod pa spong byed pa// de dag grol bar ngas ma bshad// chos rnams thams cad yongs su dag pa yi// rnam bzhi tshul gyis don rtogs mngon// rgyu rnams rang bzhin dag pa dang// 'bras bu yongs su dag 'gyur te// rgyu yi mtshan nyid rnam par dag/ phyi rol chen po lnga rnams te// sems nyid gzung 'dzin gnyis snang ba// gzung ba'i yul nyid 'byung ba che// rgyud nyid rang gi sems yin pas// 'byung ba chen po rgyu las dag/'bras bu yongs su dag pa ni// sems can kun gyi rus pa ste// rdo rje byang chub sems yin te// sha ni pad+ma rak+ta yin// dri chen dri chu gur gum chu// so so'i lus la gnas pas dag/ don dam dmigs med dag pas ni// phyi nang chos rnams thams cad kyang// gang gi ngo bo ma yin te// skye 'gag med pas ye nas dag/ kun rdzob ye nas dag pa ni// sgyu ma'i rang bzhin thams cad snang// chu zla'i tshul du mi dmigs gnas// mi dmigs pa nyid sna tshogs snang// de bzhin gshegs par ye nas mnyam// de bas gtsang sme med par spyod// sems can rtog pa bzlog phyir smad// gtso ru dang du blang bar bya// de bas sems can phyin ci log/ chos rnams thams cad dag par ma shes te// thabs dang shes rab don ma rtogs// kha cig gis ni 'tsho ba'i bar du zos// kha cig gis ni drang srong ji bzhin du// sha spangs rtswa dang chu la zos// zos kyang ma grub don ma rtogs// rnal 'byor thabs ldan rnams kyis ni// rang bzhin yongs kyis dag pa'i phyir// mnyam pa'i dbyings kyis rab rtogs pas// thabs dang shes rab 'brel pa yi// the tshom med par 'grub par 'gyur// dngos dang dngos med rtogs pa mtshan// gtsang dang mi gtsang rtogs pa mtshan// mtshan ma nyid kyang rnam spangs te// mkhyen pas dbul la gnas mi 'gyur// bsgrub pa'i rdzas su yang dag gsungs// byang chub sems dang sha chen dang// dri chen dri chu rak+ta dag/ sgrub pa pos ni nan tan bya// dngos grub ya mtshan chen po 'grub// tshe la dbang dang rig pa 'dzin// mkha' la 'phyo dang thogs med 'grub// mthar ni skye med rdo rje yis// gzhan yang ji ltar dmigs pa bzhin// 'grub 'gyur 'di la the tshom med// gsang ba'i snying po'i don nyid kyis// yi dam mi spang rtag bsgom zhing// ye nas lha yi mtshan nyid ni// dus gsum gshegs pa thams cad kyi// lha spangs dge spyad don med 'gyur// lha ni mi spang don nyid ni// lhun grub ye shes thams cad kyi// bdag dang gnyis med so so ma yin pa'i// dus gsum bder gshegs dkyil 'khor thams cad kyi// sku gsung thugs kyi rdo rje bdag po ste// yongs su rdzogs par bsgom pa'i don// dkon mchog gsum spangs tshangs par spyad pa'i don med 'gyur// bdag nyid lha dang mnyam sbyor na// yon tan chung yang 'grub par 'gyur// ye nas mnyam nyid sbyor nas su// lha nyid du ni rtag tu bsgom// bder gshegs kun dang mnyam par 'gyur// sku gsung ye shes lnga rdzogs grub// rdo rje slob dpon smad mi bya// byang chub ston pa 'dren pa po// long ba dmigs bu 'dren dang 'dra// nyon mongs sdug bsngal mtsho skems yin// slob dpon de la smod pa ni// dper na mun khung sgron bsad na// mthong ba'i don ni mi rtogs bzhin// sdug bsngal nyam thag yun rings su// bskal pa mang por myong bar mngon// de bas de la gus pa rtag tu gyis// lus la dbang ba'i rgyal po bas// shin tu gtso bor blang bar bya// drin chags bskyed pa'i pha ma bas// shin tu lhag pa'i ri mo bya// rdo rje mched dang lcam dral ni// bla med byang chub zhing 'gro ba'i// chos nyid dam tshig smon lam mthus// byang chub rin chen sar nges pas// de la ldog cing 'khu ba ni// rang la rang gis mtshon btab na// rang srog tshe rabs lnga brgya'i bar// rang gis srog gcod phung bar 'gyur// tshe 'di mi bde sna tshogs pa// mi bde bzhin du 'byung bar 'gyur// 'jig rten pha rol dag tu yang// ngan song gsum dang mi khom pa'i// sdug bsngal kha brgyud myong bar 'gyur// yun ring rtag tu mi thar ba'i// shin tu nyam thag myong bar 'gyur// grub pa gcig bzhin lhan cig spyod// gnyis med dad pas rjes spyod spun// bder gshegs dkyil 'khor bla med yin// shes rab gsal bas rtag tu gdung// zhes gsungs/ gsang ba gzhan la mi bsgrags shing// sku gsung thugs kyi dam tshig rnams// rnal 'byor mnyam pa rnam gnyis kyis// thabs dang shes rab 'brel rtogs nas// mnyam pa'i spyod pas la dor te// phul dang mi 'dra yang dag rtogs// ma rtogs pa yi phyogs rnams dang// skye bo kun la rab tu gsang// gsang ba'i brda ngag sna tshogs gsungs// thabs la mkhas pas byas pa yin// gsang sngags skyon yod ma yin te// thugs rje chen po thabs mkhas kyis// snod ma yin dang blo rtul rnams// las 'phro ngan pa'i don phyir gsang// brgya la gang zhig gsang don 'di// las 'phro ngan la bsgrags 'gyur na// dper na gtsub shing mes gtsubs nas// gtsub shing nyid kyang 'tshig par snang// gzhan yang tshig par gyur pa bzhin// chos don bzang po me dang 'dra// skal ba chung zhing shes rab dman// blo ngan rgyu 'bras rmongs pa rnams// mnyam pa nyid la skur 'debs pas// ngan song gsum du 'phangs par 'gyur// gsang don ma rtogs sdug bsngal myong 'gyur na// gsang ba 'phel bar byed pa yang// smra byed lce la zhing rmo zhing// sdug bsngal chen po myong bar 'gyur// de phyir sems can don phyir gsang// rlung phyogs tsam du'ang brjod mi bya// sngags dang phyag rgya rgyun mi gcad// sngags zhes rab tu bsgrags pa ni// don dam kun rdzob dbyer med pa'i// mnyam pa chen po'i dkyil 'khor chen po ru// sku gsung thugs kyi yi ge o~M// de la sogs pa bzhi bcu gnyis// phyag rgya chen pos mtshan nyid ni// phyogs bcu dus bzhi gshegs pa yi// sku gsung thugs dang ye shes lnga// bdag dang dbyer med phyag rgya che// gsal la brtson pa'i yon tan ldan// yid bzhin ma chags dbang bskur te// goms shing brtan par bya ba yin// de bas bar chad brtson med na// dper na sa bon tshig pa las// 'bras bu 'dod pa dang 'dra ste// bsgrub pa 'bras bu med par 'gyur// mi khoms 'khor bar gnas 'gyur te// rnal 'byor chen po la zhugs pas// phyi nang chos rnams thams cad la// dmigs med gcig dang du mar bral// mtha' dbus gang yang ma yin pa'i// ngo bo nyid med mtshan nyid med// mnyam pa'i phyag rgya chen po yis// phyogs bcu dus bzhi thams cad dang// 'jig rten 'das dang 'jig rten pa'i// yon tan skyon rnams skye 'gag med// gang gi ngo bor ma grub mnyam// kun rdzob chos rnams skye 'gag med// mi dmigs gang gi ngo bo min// chu zla'i tshul du sna tshogs par// snang zhing bya ba byed nus pa'i// phyag rgya chen po'i phyogs bcu dang// dus gsum khams gsum thams cad dang// 'jig rten pa dang 'jig rten 'das// yon tan skyon rnams thams cad dang// sgyu mar mnyam par ye nas gnas// sngags 'chang rgyal por rtogs byas nas// bdag nyid chos nyid skye 'gag med// ngang las ma g.yos par gnas na// phyag rgya chen po thams cad kyang// rdzogs par phyogs bcu dus gsum gyi// de bzhin gshegs pa'i sku gsung thugs// thams cad dbyer med ye mnyam la// ma 'dres rgya yongs ma chad pa'i// gzhal yas khang dang nyi zla yi// dkyil 'khor bsam yas lhun grub ni// sku gsung thugs kyi yon tan bsam mi khyab// mnyam pa'i dbyings chen rdzogs par bsgom// de ltar dam tshig 'di gsum ste// de la gnas na 'grub par 'gyur// yan lag ma nyams sngags bzlas shing// 'dod pa kun la longs spyod bya// lus dang ngag sems brtan 'gyur na// byang chub rab 'byam thob par 'gyur// dam tshig chen po las 'das na// nyen ni shin tu che bar gsungs// sangs rgyas byang chub sems dpa' dang// sngags kyi spyod pa don bsgrub pa// rmongs pas gal te 'das byas na// de mi srog kyang der zad 'gyur// dam tshig bsrungs dang sngags bzlas dang// phyag rgya rgyun mi gcad pa bzhi// brtson 'grus che zhing brtan pas bzung// rnal 'byor brtson 'grus chung 'gyur na// mi 'grub nyen yang che bar gsungs// ji ltar ral gyi so la nan tan du// skyes bus myur du ma bzung na// lag pa nges par chod par 'gyur// de bzhin nan tan med pa'i gsang sngags pa// 'chi'am yang na 'bras bu med par 'gyur// rnal 'byor dam pa rnams kyi ni// sngags kyi yan lag ma nyams gsal// don dam ma nyams dag byas shing// brtson 'grus cher skyes myur bar 'grub// sngags bsgom ma nyams phyag rgya gsal// cho ga yo byad gtsor ma gsungs// tshogs na yang ni nyes pa med// ma tshogs na yang nyes pa med// ma tshogs na yang 'grub par 'gyur// bdag nyid rang gi lhar sbyor bas// dngos grub thams cad 'grub par 'gyur// cho ga lhag gam ma tshang na'ang// 'grub par 'gyur te nyes skyon med// ces gsang ba'i tshig tu'o// dam tshig sum brgya pa rtsa ba bco lnga mdo bshad pa'i le'u ste drug cu brgyad pa'o//// de nas de bzhin gshegs pa dgyes pa chen pos bzhugs gnas dang// spyod lam dang/ lta stangs bstan pa/ theg pa chen lhun po grub don 'dod na// rgya chen zab yangs shes rab myur// zab pa'i don rtogs mi ldog bde// nga dang bdag med yangs pa bde// gnas su chos dbyings gnyis med bstan// thabs chen kun mdzad 'od gsal byams// thams cad dgyes mdzad dbyings ma gtum// che chung byang chub sems dpa'i 'khor// g.yog 'khor lha srin sde mang gtso// bdag gi mtshan gzugs shin tu spags/ chos dbyings mkha' dkyil yangs pa la// shes rab myur du don 'gro ba// 'gro med 'ong med mi gnas pa/ byang chub sems mchog a re bde/ shes rab zad med dkyil 'khor la// thugs rje rol pa'i ye shes 'phyo// gnyis med dbyings sbyor a re bde// ma rig 'khrul pa'i 'dam dbyings su// ye shes sgron ma'i mda' 'phangs nas// gti mug mun pa rnam bsal te// rang bzhin 'od gsal bde ba'i mchog/ dge dang mi dge gnyis su med// rnam rtog mtshan ma yong mi 'dzin// rang bzhin ye nas 'od gsal ba'i// dge sdig med pas shin tu bde// bde dang mi bde gnyis med pas// ye shes chags med rnam par dag/ thams cad dbyer med ye shes yin// sems nyid dang bas a re bde// rgyan du dkyil 'khor thams cad mdzes// ye shes rgyu las grub pa yi// phyi nang sgrib med gsal ba'i ngang// ye shes blo brtan shin tu bde// longs spyod lnga ldan thams cad la// gtsang dang sme ba'i blo mi 'dzin// thams cad chos nyid ro gcig pas// gnyis med pas ni shin tu bde// shes rab chung chen ting 'dzin gyis// thams cad ma nor gzhung lugs bzhin// 'khor ba ma spangs sdug bsngal med// gnyis med tshim pas a re bde// thams cad ma lus gcig pa'i ngang// lta dang lta ba gnyi ga med// ye shes sgron ma bsgreng bar ni// phyogs bcu'i zhing khams thams cad mthong// 'di dang pha rol gnyis med phyir// 'gro dang 'gro bar bya ba min// yan lag stabs chen ma mchongs par// phyogs bcu stong khams thams cad na// thub mchog ston pa'i spyod yul ni// ji ltar dmigs pa bzhin du 'grub// chos rnams thams cad dmigs su med// chos nyid sgyu ma cir yang 'grub// zag med zab pas don brtags na// dag par ma gyur gang yang med// ye shes ma bcos kun tu gsal// rang bzhin rnam par dag pa'o// ye nas de ltar gnas yod kyang// ma rig rmongs pa'i ling tog gis// gsal ba'i sgron ma bsgribs gyur te// khams gsum mun nag rgyun du 'khor// rnam rtog mtshan mar 'dzin pa yis// lus dang longs spyod gnas dang ni// bde dang sdug bsngal sna tshogs myong// de la su zhig byed pa yod// yang dag mthu chen sus ma byas// rang la rang gis bcings par zad// thams cad ma lus chos so cog/snying po yod pa ma yin te// sgyu ma mi g.yor sprul pa dang// smig rgyu 'ja' tshon chu zla'i tshul// de ltar gang gis rab rtogs pa// de nyid sangs rgyas yin par bshad// sangs rgyas sa la gnas pa yin// skye med phun sum tshogs yin te// byed med pa yi mchog kyang rdzogs// zhes nyid la nyid brjod do// sgyu 'phrul dra ba las bzhugs gnas khang pa bstan pa'i le'u ste drug cu dgu pa'o//// de nas de bzhin gshegs pa thams cad kyis mi 'chi ba'i rdo rje bsgrub pa 'di gsungs so// rdo rje zhing chen bsgrub 'dod pas// thams cad skye shi med pa'i tshul// mnyam nyid dag pa nyid du bsgom// khro bo bdud rtsi 'khyil ba yi// dza:hU~M ba~M hos dgug par bya// bdag dang khro bo gnyis med par// yang nas yang du bsgrub par bya// sku rnams gsal bar gyur pa dang// zhing chen 'og tu gzhug par bya// dkyil 'khor ma lus der bkod nas// khro bo khro mo'i dkyil 'khor bsgom// mngag pa'i pho nya phyogs bcur gtong// thams cad ma lus dbang du sdud// bsgrub pa gcig gam yang na gnyis// gsum dang lnga ru bsgom par bya// pho nya mang pos nr-i bkug nas// zhing la yang nas yang du gzhug/ snar dang ser dang mdog snum 'byung// de nas bdud rtsi'i ting 'dzin gyis// lan grangs 'bum phrag mang por ni// bzlas pa'i tshul yang rnam gsum dag/ rdo rje sngags bzlas rtse mo gsum// de yi bar nas bzlas pa 'byung// 'od zer lnga dang ldan par bya// zhing de ldem ldem por gyur dang// bdud rtsi lnga yis bskul bar bya// de nas yi ge 'bru lnga dgod// gsal zhing 'tsher bar bsgom par bya// dbang po lnga dang dbang po'i tshul// yan lag lnga la rigs lnga'i tshul// rdo rje ting 'dzin de yis bsgom// de nas zhing de 'gul 'gyur nas// zhing de drag tu 'gul ba dang// shin tu zhags pas bsdam par bya// yan lag rnams kyang gzhum par bya// phyogs bzhi dag tu thod pa bstan// ha ya grI ba'i skur bsgom shing// sngags ni 'bum phrag mang du bzlas// phyogs bcur spro zhing zhing la bstim// de nas zhing de drag 'gul nas// rdo rje ting 'dzin de yis ni// brtan pa nyid du bsgom par bya// de nas bar bar byed pa dang// a nr-i pri du gang yin pa// rdo rje drag tu brdeg cing dbab// thod pa'i kha nas nr-i phyung nas// rdo rje ting 'dzin so yis gcad// rdo rje sngags zos khong du bstim// gnyis su med par bsgom par bya// de nas zhing de langs pa dang// rdo rje dbyings nas dbang yang bskur// bdud rtsi chu yang blud par bya// las rnams thams cad byed du gzhug/ zhing der rab tu smras pa'i tshig/ dpa' bo ci bgyi mi rgas skye med chos rnams dang// las rnams ma lus kun bgyid do// de ltar bsgrub pa'i rigs mchog gis// thal ba thams cad sos par 'gyur// bsgrub pa'i sa ni dur khrod dang// ri brags gnyen po bgegs gnas dang// nags khrod stong pa tsher ma can// ri bos bskor ba'i lcug ma can// rab tu rnam par dben pa dang// gnod sbyin srin po 'byung ba'i gnas// de dag tu ni bsgrub par bya// dgu dang bcu gnyis bcu gsum dang// bcu drug man chad bsgrub par bya// the tshom med par 'grub par 'gyur// phyi nang 'tsho ba'i yo byad rnams// lam lnga'i zhing dang sman lngar bcas// 'bru rnams thams cad bcang bar bya// rtag tu tshogs chen mchod par bya// gsum dang lnga ru bar mi gcad// kha zas rnams kyang thod par bza'// btung ba dag kyang de bzhin te// mar me rtag par gtang bar bya// rgyu ni nr-i yi mar las bya// yan lag bsku ba'ang de bzhin to// sdong bu pad+ma'i rgyu las bya// snod ni dung chen srubs med pa// lcang lo yod dang med kyang rung// de byi pu tra ma byung ba// mdog ni ban lang can la yod// rdo rje bsgrub pa bar gcod phyir// rtag tu mtshams ni gcad par bya// nr-i yi rkang pa g.yas g.yon nas// sbom po ma yin phra ba nyid// de la ki la ya byas nas// phur bu'i sngags dang khro sngags kyis// lan 'bum du ni bzlas par bya// lag pa g.yas g.yon thal sor la// khro bo bcu dang khro mo bcu// 'od 'bar gzungs kyi sku ru bsgom// de nas gnyis med sbyor tshul du// sgrub po rdo rje bsgom par bya// sgrub pa dngos la ma gtogs pa// phyogs bcu rnams su mtshams kyang gcad// dngos grub ma thob bar du ni// bsgom dang bzlas dang phyag rgya gsum// bag yod mgo la me 'bar bzhin// bar mtshams med par bsgrub par bya// de ltar sgrub pa'i rigs mchog gis// lha ma srin rnams bran bzhin 'khol// 'jig rten dbang phyug dbang du sdud// rdo rje rigs mchog 'khor rkyen rnams// yid bzhin du ni 'byung bar 'gyur// rdzu 'phrul chen po de dag ni// lus sbed nus nas mngon du dbyung// de ma yin par shin tu gsang// sku'i sgrub pa nges pa'i don du bka' stsal to// ro langs bsgrub pa'i le'u ste bdun cu pa'o//// gsang ba'i snying po de kho na nyid nges pa las bro gar rtse 'jo bro gar gyi dam tshig ces bya ba nges par ched du brjod pa 'di brjod de/phyogs bcu mtha' yas dus bzhi yi// thams cad dbyer med maN+Da la'i// nyi zla shar ba'i gzhal yas la// pad+ma chags med gdan bting nas// rin chen zad med pho brang sa// che chung dpag tu med pa yi// byang chub bde ldan dkyil 'khor la// bde ldan byang chub rab bkod nas// ma lus kun bsdus dbyings bsdus te// lus bskyod yan lag bskul bsigs dang// dbang po lnga yi lta spyod kun// phyag rgya chen po yin par bshad// gong gi dkyil 'khor tshad nyi zla// mi 'khrugs pa yi sa gzhi la// pad+ma ma chags gdan bting nas// thabs dang shes rab chags med tshul// yan lag dbang po thams cad kun// rang bzhin yongs su dag pa dang// ting 'dzin de bzhin gshegs lnga'o// ye nas ma bcings yongs kyis te// lhag pa'i ting 'dzin dkyil 'khor gyis// dbu la de bzhin gshegs pa'i 'khor// yan lag bzhi la rigs bzhi 'khor// kha dog dbyibs dang phyag rgya dang// thabs dang shes rab gsal bsgoms te// phyogs bcur spro zhing ngan song sbyong// gnas su bsdu zhing dkyil 'khor spro// 'das dang ma 'das thams cad kun// bder gshegs zhing du rnam par sbyor// yan lag chen po lnga bskyod na// rigs lnga'i dkyil 'khor ma lus g.yo// 'gro lnga byang chub lam du mdzad// snyigs ma lnga yang rnam par dag/ bzang mdzes legs pa'i gos bgos na// 'od zer sna tshogs 'phro bar 'gyur// de nas mthar thug med pa'i bar// ye shes lnga yis brgyan par 'gyur// skyes bu blo rtsal rab ldan pas// rtag tu dkyil 'khor de ltar bsgom// tshig tsam ma yin blo gting du// bdag dang dbyer med nyid du'o// thabs dang shes rab ldan gyur nas// shar gyi phyogs su kha bstan te// seng ge'i stabs chen mchong bar bya// ljags kyi yi ge tra~M bsgoms la// lce ni 'bum phrag bsam yas dang// hri yang bsam gyis mi khyab spro// phyogs bcu dus bzhi bsam yas su// gsung gi dkyil 'khor 'od 'bar ba// gsung gcig dkyil 'khor yan lag ni// bsam gyis mi khyab kun tu grags// sgra dang ming tshig so sor gsal// ljags kyi dbang po bkram nas gsungs// thar dang ma thar gnyi ga brjod// nges pa kho na yang dag tu// de bzhin nyid kyis yong ma gsungs// sna yi dbang po'i dkyil 'khor du// tra~M gi yig 'bru gsal bsgoms nas// dkyil 'khor phyogs bcu dus bzhi yi// mtha' yas bsam gyis mi khyab ste// tra~M yang bsams pas 'od 'phro 'bar// phyogs dus dkyil 'khor ma lus thos// 'gro drug 'khor ba'i gnas kyang thos// sgra dang thos pa gnyis med pa'o// de bzhin dri dang ro reg rnams// so so'i mtshan nyid gsal bsgoms nas// yig 'bru'i snying po de bzhin dgod// sangs rgyas dkyil 'khor ma lus dang// 'gro drug ma lus thams cad kun// chags pa med pa'i tshul gyis rol// dri la sogs pa bde mchog gis// kun la tshim par yang dag mchod// 'gro drug ma lus thams cad la// ji ltar 'tsham pa'i don yang byed// thabs mkhas thugs rjes de ltar ston// de bzhin rigs dang rdo rje'i rigs// ma chags la sogs shes rab ldan// gtso bo lnga dang gtso mo lnga// thabs dang shes rab ldan bsgoms te// tshom bu gcig gam yang na gsum// lnga yi dkyil 'khor rab bsgoms te// thabs dang shes rab phan tshun du// lha gsal 'od 'phro bstim byas te// dkyil 'khor 'od zer 'bar bar bsgom// ting 'dzin shin tu gsal gyur nas// bdag dang phyogs bcu dbyer med par// gnyis su med par bsgom par bya'o// de nas thabs dang shes rab gnyis// lta spyod ya char ma gyur par// dkyil 'khor dag la gsal bsgoms na// dbus nas shar phyogs kha bstan nas// rkang pa'i stabs chen bskyod byas shing// lag gi 'du byed kun bskyod nas// bro dang gar gyi phyag rgyar bya// dkyil 'khor 'od zer dkar 'phro ba// byang chub sems dpa' rnam par dag/ shin tu gsal dang 'od zer 'bar// thabs dang shes rab de grub shog/cis kyang mi tshugs rdo rje yis// bdud bzhi dag ni 'joms par byed// theg mchog rdo rje'i rig 'dzin pa// thabs dang shes rab de grub shog/ bdag nyid rigs pa'i rdo rje yis// nyon mongs sdug bsngal med par shog/me long lta bu'i ye shes kyis// thabs dang shes rab gsal 'gyur shog/ nyon mongs sdug bsngal rtsad bcad nas// ma rig mun pa med par byed// thugs rje'i 'od zer nyi shar bas// thabs dang shes rab 'od 'bar shog/shin tu sra zhing skye shi med// rdo rje'i thugs rje rol ston pa// 'gro la thugs rje yongs kyis 'byung// thabs dang shes rab byams ldan shog/ thabs dang shes rab ldan gyur pas// yon tan phyogs su kha bstan te// lus bskyod yan lag bsgul bsigs nas// stobs chen dag kyang brdung bar bya// dkyil 'khor ma lus 'byung ba'i gter// zad med nor bu rin po che// ma lus kun gyi re ba skong// thabs dang shes rab de grub shog/ nam mkha'i dkyil gyi mdog bstan pa// yang na thams cad gser btso ma// dkyil 'khor bsam yas zad mi shes// thabs dang shes rab myur grub shog/yon tan rin chen bsam yas kyang// thams cad mnyam pa'i ngang gnas nas// de bzhin mnyam nyid ye shes te// thabs dang shes rab mnyam 'gyur shog/ bder gshegs yon tan rmad po che// ye nas chags med byang chub zhing// yang dag nyid du thams cad gnas// thabs dang shes rab myur grub shog/ thabs dang shes rab ldan gyur pas// nub phyogs su ni kha bltas nas// yan lag dang po bskyod byas te// gar rnams shin tu gsal byas nas// stobs chen dag kyang brdung bar bya// chos rnams ma lus kun spyod kyang// pad+ma la ni 'dam bzhin no// chags pa med pa'i tshul gyis gnas// thabs dang shes rab de grub shog/las dang nyon mongs nub 'gyur ba'i// bag chags mtshan ma rdul tsam med// thabs dang shes rab myur grub shog/ byang chub chags med dkyil 'khor ni// gang nas ma 'ongs nyid kyi dbyings// mi gnas tshul gyis dbyings na bzhugs// thabs dang shes rab myur grub shog/ thabs dang shes rab ldan gyur pas// byang phyogs su ni kha bltas te/ lus bskyod yan lag gar byed cing// phyag rgya so sor gsal gyur nas// rkang pa'i stabs chen brdung bar bya// yang dag rtogs pa'i shes rab kyis// bskal pa bsam gyis mi khyab pa'i// sgrib pa thams cad byang byas te// thabs dang shes rab myur grub shog/sku gsung thugs kyi byin brlabs kyis// bdud bzhi bcom nas mi mthun bsal// bya byed med la don rnams grub// thabs dang shes rab myur grub shog/ thams cad ma lus rdzogs byed pa// sna tshogs kun tu 'gyur ba'o// ljang gu'i tshul du mdog bstan pa// thabs dang shes rab myur grub shog/ thams cad ma lus don grub pa// las rnams ma lus rdzogs par byed// nan tan chen po bya ba rdzogs// thabs dang shes rab myur grub shog/sdug bsngal dra ba tshar bcad de// dkyil 'khor ma lus kun byas kyang// gang nas ma 'ongs gar mi 'gro// thabs dang shes rab myur grub shog/ bder gshegs ma lus thams cad kun// phyogs dus kun tu bdag nyid che// mi dmigs thugs kyi dkyil 'khor du// ma lus kun 'dus rnam par dag/ thabs chen dkyil 'khor yang dag pas// bder gshegs kun la rnam par 'phro// thabs dang shes rab ldan pa yi// bde ba'i dkyil 'khor mkhas pas bsdu// thams cad ma lus rigs bzhi yi// nang du ma 'dus gang yang med// de nyid bder gshegs dkyil 'khor nyid// thabs dang shes rab bde grub shog/rigs lnga'i dkyil 'khor dbur bsdu zhing// ye shes lnga yi 'od zer 'phro// phyogs bcu gsal bar gang gyur nas// thabs dang shes rab 'od 'bar shog/ de bzhin rigs mchog 'dzin pa yi// thams cad ma lus dbyings bsdus te// thams cad kun tu bzang por ston// thabs dang shes rab gtsor grub shog/ thugs rje chen po'i byin brlabs kyis// phyogs dus gnas pa ma lus la// chos kyi 'khor lo chen po bskor// thabs dang shes rab mchog 'grub shog/ 'gro ba ma lus thams cad la// de bzhin nyid kyi sku yod pas// ma mthong rmongs la nam mkha'i mdog/ thabs dang shes rab dbyings grub shog/sku ni sna tshogs cir yang snang// thabs chen rnams la mnyam pa'i tshul// nyan thos rnams la dgra bcom tshul// rang rgyal rnams la bse ru'i tshul// pha rol phyin rdzogs shAkya'i tshul// lha mi rnams la dge bcu tshul// dud 'gro rnams la e na ya// gzhan yang 'gro ba thams cad la// ji ltar 'dul ba bzhin du ston// de lta bu yi sku ston pa// thabs dang shes rab sku grub shog/ thabs dang shes rab ldan bsgoms nas// rgyan lnga yis ni rnam par brgyan// yan lag lnga la dkyil 'khor bkod// ye shes rgyan gyis pho brang brdung// gnyis med dkyil 'khor zlum po'i tshul// mtha' dbus med pa'i dkyil 'khor du// lhun grub tshogs chen byang chub tu// thabs dang shes rab myur grub shog/ chos dbyings dam pa bdag med pa// mi dmigs dbyings su ma lus 'dus// mnyam dang mi mnyam dbyer med pas// thabs dang shes rab dbyings grub shog/ bder gshegs dkyil 'khor dbu bskyod na// sangs rgyas zhing khams ma lus g.yo// lag gi 'du byed bskul bskyod na// rig 'dzin zhing khams dag par byed// rkang chen dag gis stabs mchongs na// 'gro drug gnas rnams stongs par byed// spyan gyis phyogs bcu blta byas na// bdud bzhi dpung rnams pham par byed// thabs dang shes rab ma lus kun// de lta bu yi don grub shog/thams cad ma lus de bzhin te// de ni gang yang mi dmigs la// skye dang 'gag dang gnas pa dang// 'ong dang 'gro ba'i dngos po med// rnal 'byor bro gar rtse 'jo yi// sna tshogs byed la byas pa med// de nyid rnam pa sna tshogs pa// rnal 'byor las rnams grub par shog/ thabs dang shes rab thams cad kyis// de lta bu yis longs spyod na// sangs rgyas dkyil 'khor ma lus mnyes// srid gsum 'gro rnams thams cad la// dga' ba chen pos khyab par 'gyur// lus ma spangs par rig 'dzin sa// yun rings chos kyi bde spyad nas// bla med rdo rje sems dpa' yis// dpe byad mtshan gyis rnam par brgyan// mngon shes drug ldan thams cad mkhyen// tshogs chen gnyis kyang rdzogs par rol// sangs rgyas zhing la dbang sgyur te// spyod yul kun du maN+Da la// ji ltar dmigs pa bzhin du 'grub// rnal 'byor las su rung rnams kyis// 'di lta bu yi las rnams bya// 'bras bu mngon du ma gyur kyang// lus ngag yid la dbang thob nas// sangs rgyas 'byung dang skar mi 'gyur// theg pa dman par yong mi skye// ngan song gsum du yod mi ltung// gnas ngan longs spyod mi bde ba'i// ngan pa'i sa ru yong mi ltung// rdo rje theg mchog brjed mi 'gyur// tshe ring bde ba phun sum tshogs// lus byad bzang zhing yan lag rdzogs// dbang po tshang zhing lhag chad med// skad gdangs snyan cing 'gro don byed// bdag gi longs spyod thams cad kun// gzhan la gnod pa med par 'grub// tshan po che yi mthu stobs ldan// 'gro ba'i don du yang dag byed// gzhan la gnod pa yong mi byed// snying rje che zhing shes rab ldan// mthu stobs che zhing thabs ldan pa// bdag dang gzhan don rdzogs par spyod// mthar ni skye shi med pa'i sa// sangs rgyas yon tan rin po che// bkod pa'i gzhal yas thams cad la// dbang sgyur spyod pa'i dngos grub thob// rnal 'byor gang zhig 'di 'dra'i don// ljags kyi dbang po bkram nas ni// gsang don nges pa'i don ston pa// bla med mchog tu grub par shog/ dbyer med byang chub thor tshugs can// shin tu bstan pa'i ri bo gnas// mu stegs rlung gis tshugs mi 'gyur// theg mchog rdo rje de lta bu// dkyil 'khor mi zad 'byung ba'i gter// yid bzhin nor bu rin po che// byi dor ma byas shin tu gsal// bskal pa grangs med gnas bcas kyang// sku ni shin tu gzhon pa'i tshul// skye shi med pa rdo rje yi// thams cad 'byung ba'i gter yin te// yon tan phun sum tshogs dang ldan// bla med byang chub 'grub gyur nas// ye shes rdo rje lhun grub shog/ tshogs chen gnyis kyang rdzogs gyur cig/ thams cad kun gyi ston pa po// thams cad mkhyen pa'i go 'phang brnyes// sangs rgyas zhing la dbang byed shog/ de rtogs kun kyang rdo rje'i rigs// sku gsung thugs kyang grub par shog/ rnal 'byor pa thabs dang shes rab dang ldan pa rnams kyis/ dus thams cad 'dod yon lnga spyod cing bro thabs bya'o// gsang ba'i snying po de kho na nyid nges pa las bro gar rtse 'jo'i le'u ste bdun cu gcig pa'o//// de nas de bzhin gshegs pa rgyud kyi rgyal po sgyu 'phrul dra ba las sku'i dkyil 'khor mngon du phyung ste 'di skad ces gsungs so// de bzhin nyid kyi dbyings ldan las// sgyu dang dra ba 'brel 'gyur nas// sku mchog rdo rje 'od snang bas// mthun pa'i rdo rje rang snang ngo// rgyud drug 'khor ba'i lus snang ba// rnam rtog mthun pa'i las snang ngo// de bzhin sku mchog dri bral dang// bde gshegs sku lngar mdor bsdus te// bcom ldan 'das dang byang chub gzugs// bla med gzugs dang rdo rje sku// de la sogs te sku bsam yas// phyogs bcu dus bzhi sku ston pa// thabs kyis 'gro 'dul sku ston te// byang chub mchog gi rdo rje sku// chags med zhing du sku ston cing// dbyings las ma g.yos bzhin du snang// sku snang de bzhin nyid kyi dbyings// rnam dag sku ston ma yin te// log 'gro rtog pa thams cad la// so sor 'dul ba'i skur yang ston// de tshe skye shi med pa'i sku// las dang ma chags pad+ma'i sku// thar dang ma thar sna tshogs kyang// sna tshogs snang la gnas pa med// snang dang mi snang gnyi ga med// de ltar rtogs pa'i rigs mchog ni// badzra zhes ni gdags pa yin// ji snyed sku ston bsam yas pa// thams cad ma lus rdo rjer bsdus// 'khor lo zhes kyang brjod pa ni// de la sogs te sku bsam yas// byang chub thabs kyi dkyil nas byung// sku ni sna tshogs thams cad kyang// 'ja' tshon chu zla 'dra shes na// dbyings nyid las ni dbyings snang zad// thugs nyid gsung gi dkyil 'khor snang// gsung nyid sku yi dkyil 'khor te// dbyer med de bzhin yong gis so// dkyil 'khor bzang po 'grub 'dod pas// rtag tu dus gsum thams cad du// bdag dang bdag gi dbyer med pas// ye nas dkyil 'khor yin par brtag/ 'di ni dngos grub mchog yin par// kun du rgyal gyis de skad bshad// rgyud kyi rgyal po chen po sgyu 'phrul dra ba las sku'i dkyil 'khor mngon du phyung ba zhes bya ba/le'u sku'i dkyil 'khor zab tu ni rgyud kyi rgyal po phyi ma las bshad de/ bod la ma 'gyur zhes 'byung ngo// rang bzhin sku'i dkyil 'khor du bsdu ba'i le'u ste bdun cu gnyis pa'o//// de nas de bzhin gshegs pa rgyud kyi rgyal po chen po sgyu 'phrul dra ba las ting nge 'dzin gyi rim par sbyor zhing dngos grub myur du len pa'i thabs dra ba las 'di skad ces gsungs so// dkyil 'khor bsam yas dngos grub ni// mi dmigs dbyings nas don 'byin te// ma bcos ji bzhin ngang bzhag dang// lhun gyis grub pa'i dkyil 'khor 'byung// mi dmigs thugs kyi dkyil 'khor las// ting nge 'dzin gyis dbang bsgyur na// ye shes sprul pa sna tshogs 'grub// spyod yul thams cad maN+Da la// ye shes dkyil 'khor thar byed skyong// longs spyod sku dang sangs rgyas zhing// ji ltar 'dod pa smon pas 'grub// yangs shing rgya che lhun grub ni// phyi nang snod bcud ye nas dag/ dag rtogs nyid kyang dbyings nyid yin// de nas rdo rje mnyam yin no// dngos grub myur du 'grub 'dod na// shin tu phra zhing zab par bsgom// bdag dang bdag gi gzhan rnams ni// shin tu mi dmigs dbyings su bsgom// ting 'dzin de ni goms pa dang// thams cad sgyu ma mig yor dang// sprul pa'i tshul de shes par bya// de bzhin yang nas yang goms nas// de nas phra mo'i ting 'dzin bsgom// phyi nang snod bcud hU~M du bsdu// gang bsgrub yi ge so so ste// spyir ni gang bsgom kun tu 'dra// rdo rje sems dpa' nyid du 'du// yan lag lnga dang rnam shes nyid// yi ge hU~M du shin tu bsdu// nr-i yi mig gis bltar yod par// yang nas yang du 'dris pa dang// 'od zer mang po 'phro bar bya// phyogs bcu dus bzhi gang ba dang// slar yang hU~M la bstim par bya// hU~M nyid mi dmigs dbyings su thim// thim 'gyur dbyings nas a dkar 'bar// shin tu 'tsher bar gsal bsgoms la// thams cad a ru gyur par bsgom// de bzhin nyid du 'dris 'gyur nas// a las nyi ma'i dkyil 'khor spro// e ma gsal bar 'byor 'gyur nas// nyi zla gang ba'i nyi zlar bsgom// hrI gsal pad+ma chags med bsgom// rin chen 'bar ba'i gzhal yas bsgom// nyi zla gdan dang gzhal yas khang// thams cad bsdu zhing phra bar bsgom// de bzhin yi ge hU~M gnas pas// mthing ga 'tsher la gnas pa yi// 'od zer 'phro ba rnam par bsgom// 'od 'phro dbyings su slar bsdus nas// shin tu rdo rje 'od zer 'phro bar bsgom// rdo rje 'od 'phro gsal 'bar nas// dbyings su yang ni bstim par bya// de nyid sems dpa'i skur gyur nas// shin tu phra zhing 'dus par bsgom// de bzhin gnyis med gsal 'gyur nas// sku gcig rdo rje dril bur bsgom// de bzhin nyid du gyur pa dang// dbu gsum phyag drug nyid du bsgom// gzhan yang khro 'dul sna tshogs bsgom// blo yi shes rab che chung las// rim pa bzhin du bsgom par bya// yang na cig car bsgom par bya// nyi zla gza' skar dus gcig tu// chu dkyil dngas par gsal ba bzhin// de ltar goms rtogs rigs mchog des// ji ltar dbang bsgyur bzhin du 'grub// mkha' la 'phyo dang rig 'dzin gnas// chu rgyun bzlog dang rlung mi 'gul// ri brags la sogs thog med 'dzul// chu la mi 'bying mes mi 'tshig/ dug dang mtshon gyis 'jigs mi 'gyur// mi snang ba dang mang por sprul// gzhan yang ji ltar 'dod pa bzhin// lha srin rnams la dbang sgyur zhing// tshe dang dus la bsring bstung dang// stong gsum yungs 'brur bskyed pa dang// ji ltar dmigs pa bzhin du 'grub// sbrul dang gcan gzan gdug pa rnams// khyi bzhin phyi bzhin 'brang bar 'gyur// bdud dang gdug pa la sogs pas// tshugs par mi 'gyur bran bzhin 'gyur// lus ma spangs par rig 'dzin sa// ye shes bsod nams longs spyod kyis// yi ge 'khor lo tshogs mchog brnyes// thugs rje sprul pa'i byin brlabs kyis// so sor thar pa'i lam yang ston// 'gro ba ma lus don yang byed// las rnams thams cad kun byas nas// skye 'chi med pa'i g.yung drung thob// mtshan dang dpe byad kun gyis brgyan// bsod nams ye shes tshogs chen ldan// mthar phyin bya ba med pa 'grub// bsgrub med spangs med chos kyi dbyings// 'gro med 'ong med de bzhin nyid// de ltar bsgrubs te bsgoms byas na// 'bras bu mngon du ma gyur kyang// tshe rabs skye ba thams cad du// las ngan kun du skye mi 'gyur// theg pa dman par yong mi 'gyur// rdo rje rigs mchog 'dzin par 'gyur// zhes rdo rje gsang ba'i tshig tu'o// rgyud kyi rgyal po chen po sgyu 'phrul dra ba las shin tu gsang bar bya ba rgyud dngos grub thob par bya ba'i le'u ste bdun cu gsum pa'o//// de nas de bzhin gshegs pa rgyud kyi rgyal po sgyu 'phrul dra ba las hom rnams kyi phrin las 'di gsungs so// dang por de bzhin nyid du gsal zhing 'dris par bsgom// de nas bdag gi snying gar a gsal zhing 'tsher ba gcig bsgom mo// a de shin tu gsal bar gyur pa dang/ phyogs bcur 'od du 'phros par bsgom/ 'od de slar a la bsdu zhing bstim/ ma dang a las nyi ma dang zla ba'i dkyil 'khor bstim zhing 'tsher la gsal bar bsgom// hrI las pad+ma'i dkyil 'khor gsal bar bsgom/ hU~M shin tu 'od 'bar bar bsgom/ snying gi dkyil 'khor du rdo rje sems dpa' mtshon gang ba gcig phyag rgya dang bcas par bsgom/bzhi bcu rtsa gnyis kyi sngags dang/ yig 'bru dang/ phyag rgya yang gsal bar bzlas/ 'bru gsum dang 'bru lnga yang bzlas/ 'dug 'bru bzhis mtshams gcad/ rtag tu hom bya/ tshogs dang mchod pa yang bya/ mang po mi nus pa'i don du hom gang bgyi yang rung// dkyil 'khor gyi dbus kyi gtso bor spyi ni rdo rje sems dpa'/ drag po yang rdo rje// dbang pad+ma he ru ka/ rgyas pa rat+na he ru ka/ zhi ba bud+d+ha he ru ka/spyan drang ba ni e h+ya hi ma hA kA ru NI ka zhes hom gang byed pa'i lha gtso bo nas spyan drang/ mchod pa dang ar+g+ha dbul ni drag po'i mgor ni/ sngags ril hU~M/ zhi ba la mgor ril a~M/ bar ma rnams la yang de bzhin sbyar/spyan drang ba ni gang mdzad pa'i gtso bo nas zhi la shAn+tiM bsnan/ spyi ni la so so rang sngags rdzogs/ drag po lho/ dbang nub/ rgyas pa byang/ zhi ba shar/ spyi gang yang rung gru gsum dang thod pa kha gdangs so// zla gam dang/ pad+ma dang/ chags med de/ phyag rgya rnam pa bdun la phyag rgya chen po dang/ chos nyid kyi phyag rgya dang/ dam tshig gi phyag rgya dang/ las kyi phyag rgya dang/ thabs dang/ shes rab kyi phyag rgya dang/ ting nge 'dzin gyi phyag rgya dang/ lhag pa'i ting nge 'dzin gyi phyag rgya'o// rgyud kyi rgyal po chen po sgyu 'phrul dra ba las hom rnam bzhi'i le'u ste bdun cu bzhi pa'o//// de nas de bzhin gshegs pa rgyud kyi rgyal po chen po sgyu 'phrul dra ba las/rmad du byung ba'i dam tshig bco lnga mdo 'di ltar yang// bshad de/ thams cad mkhyen pa'i ye shes kyis// thams cad mnyam pa'i ngang nyid du// dbyings su ro gcig de bsdus te// don du mi 'gyur yong ma gsungs// yon tan mchog gi 'dod pa ni// snang srid ma lus thams cad kun// mnyam pa'i zhing du sbyor bas na// chags pa med pa'i tshul du spyod// 'di ni rnam dag legs pa'i lam// byang chub mchog tu 'gro ba'i gnas// bde chen mi zad gter du 'gyur// cis kyang mi tshugs rdo rje'i sku// nyon mongs sdug bsngal 'dod chags ni// lus dang zas kyis bsgribs 'gyur te// yi dwags gnas nas gnas su 'gro// sgom dang bkres pas nyon mongs 'gyur// rnag khrag ngan skyugs rtag tu mthong// bde la spyod pa'i dbang yang med// rtsub cing gdug pas bsrung bar 'gyur// thugs rje chen po'i zhe sdang ni// 'khor ba'i mya ngan sgo bcad cing// bder gshegs lam du 'dzud par byed// yang dag don dang ldan par 'gyur// thugs rje tshul gyis khro ston zhing// shin tu mnyam pa'i ngang du 'jog/ rdo rje sems dpa'i zhi ba yis// yang dag mchog gi bde ba 'grub// ye shes gsal ba'i bde ba ni// bdag dang bdag gi dbyer med de// rang bzhin med pa'i dbyings su rol// thams cad brjod du med pa'i ngang// kun du khyab pa'i sku mnga' ba// shin tu 'od gsal rnam dag lam// byang chub sems dpa'i sgrib pa sbyong// sems can nyon mongs dug sel 'gyur// thams cad zhing sbyong nga rgyal ni// yon tan bskyed pa'i mdzod yin te// nga med bdag med mi dmigs la// su zhig de la nga rgyal skyed// dpung bzhi'i tshogs kyis mi thub pa'i// shin tu rgyal ba'i khyu mchog 'grub// lha srin bdud sde tshar bcad pa'i// dpa' bar 'gro ba'i ting 'dzin thob// phrag dog yangs pa'i don sbyor ba// nga dang bdag med don rtogs na// dog dang yangs pa gnyis med de// bde mchog dkyil 'khor yangs pa 'grub// phrag dog dngos po mi shis shing// nga dang bdag tu 'dzin 'gyur na// lha ma yin gyi gnas su skye// de nas yi dwags gnas su 'gro// gal te yul sa rnyed gyur na// shin tu mi bde dog par 'gyur// gzhan yang longs spyod thams cad la// dbang byar med cing gzhan dbang 'gyur// mdor na nyon mongs sdug bsngal 'grub// phrag dog yang dag rtogs pa ni// nga dang bdag tu 'dzin pa dang// phyin ci log la phrag dog ste// thams cad gnyis su med par sbyor// bde ba mchog kyang 'grub par 'gyur// gnyis med don yang rtogs par 'grub// nga med bdag med dbyings su thim// lhun grub don mchog 'grub par 'gyur// yid la lha ni rtag bsgoms na// rgyu 'bras lhun gyis grub pa yi// bdag gis kun tu dbang bsgyur te// rig 'dzin gnas su skye bar 'gyur// rdo rje'i rigs kyis bsgrub bya ba// sgrol dang sbyor bas mthar phyin 'gyur// sbyor ba nyid ni sgrol ba yin// rang bzhin gyis ni sbyor sgrol dang// sgrol ba nyid na sbyor ba yin// ting nge 'dzin gyis sbyor sgrol dang// dbang po'i yul dus sbyor sgrol dang// thabs chen dag gi sbyor sgrol dang// mngon du phyung ba'i sbyor sgrol lo// yang na sbyor sgrol bdag la sogs// shes rab dbyings dang bdag tu sbyor// thabs chen sprul pa bsam mi khyab// dbyings dang dbyings su thams cad sgrol// rol pa'i phrin las bsam mi khyab// thugs rje sprul pa bsam mi khyab// sbyor sgrol phrin las bdag la rdzogs// byang chub sems sprul phyogs bcur 'phro// ngan song gnas rnams stongs par byed// rig 'dzin bde ldan thob par byed// bla med zhing rnams dag par byed// sku gsung lhun grub phyogs bcur 'dul// rdo rje zhes ni mtshan bsgrags te// theg dman rnams kyang rdo rjer dgod// zad mi shes pa'i gter yang 'grub// rdo rje rig pa 'dzin pa'i sku// thams cad dbyer med mnyam pa'i sku// thams cad mkhyen pa'i ye shes mchog/ thugs rje sprul pa dpag med kyis// 'gro drug dus gnas ma lus mkhyen// 'gro ba nyid na nyid kyi sku// nyon mongs byang chub lam du mkhyen// 'khor ba nyid ni bde gnas so// chos kyi dbyings dang sems can mtha'// dbyer med yang dag nyid du'o// rgyud kyi rgyal po chen po sgyu 'phrul dra ba las rmad du byung ba'i dam tshig bco lnga 'di ltar yang bshad pa'i le'u ste bdun cu lnga pa'o//// de nas de bzhin gshegs pa rgyud kyi rgyal po/ sgyu 'phrul dra ba las dam tshig rnam par spros pa 'di nyid la nyid ched du brjod pa 'di brjod do// spros pa rdo rje zhes bya ba'i dam tshig ni/ zhe sdang rdo rje'i thugs rje'i ngang// dmyal ba'i gnas rnams tshar gcod pa'i// brgyad gnyis bcu drug zhing du sbyor// tsha ba rnams la bsil ba'i sman// grang ba rnams la dro ba'i sman// bsil dro 'jam rtsub cha snyoms pa// thugs rje'i byin brlabs de ltar ston// byin rlabs ya mtshan rmad po che// chags pa'i ye shes zhes bya ba'i dam tshig ni/chags pa med pa'i tshul gyis ni// 'dod pa kun la longs spyod bya// ji ltar bde ba'i ro myong zhing// myong tshor nyid na rang bzhin med// chags pa med pa'i ye shes kyis// yi dwags gnas rnams tshar gcod cing// lus dang zas kyis bsgribs pa yi// nyon mongs gnyi ga med par ston// gti mug ces bya ba'i dam tshig ni// nga dang bdag med gnyis med pa'i// shes rab chen po'i 'od gsal gyis// dran smra med pa'i sdug bsngal bsal// rmongs med sgrib pa dag par byas// ye shes gsal ba'i thugs rjes yis// bya byed med par nyon mongs sgrol// byol song gnas ni stongs byed cing// thugs rje'i sgron ma de ltar sgron// phrag dog ces bya ba'i dam tshig ni/ yangs pa chen po'i ye shes kyis// nga dang bdag 'dzin rnams la ni// thugs rjes gnyis med mnyam sbyor zhing// dog dang yangs pa gnyi ga med// rgya chen yangs pa'i blo ldan pas// 'di la mi chud gang yang med// thams cad yangs pa med du sbyor// lha ma yin rnams stongs par byed// nga rgyal bde mchog ces bya ba'i dam tshig ni/ ye nas chos nyid mnyam pa la// nga dang khyod ces bya ba med// thams cad dbyings su ro gcig ste// gnyis med mtshan nyid bsnan du med// che chung med pa'i ngang yin pas// bya ba dag ni med par bstan// nga rgyal bdag med rtogs pa yis// dregs pa'i gnas rnams stongs par byed// rang bzhin gyis 'od gsal ba zhes bya ba'i dam tshig ni/ 'jig rten 'di na ci yod pa// ming dang tha snyad 'dzin pa dag/ so so'i mtshan nyid gzhig byas na// rang bzhin med de yang dag nyid// rang byung chen po'i ye shes kyis// thams cad sangs rgyas zhing du sbyor// ma bcos ma byas ngang gis gsal// ye nas 'od gsal sangs rgyas zhing// nyid kyi dkyil 'khor zhes bya ba'i dam tshig ni/rang bzhin nyid la gnas pa yi// sus kyang ma byas rang byung ste// thams cad de bzhin nyid du sbyor// gnyis med dbyings kyi ngang du thim// rang byung ye shes dkyil 'khor gyis// ma lus de bzhin nyid du sdud// sdud dang mi sdud gnyi ga med// yang dag kho na nyid du'o// bde ba'i ngang nyid ces bya ba'i dam tshig ni// thams cad ma lus rnam par dag/ nyid kyi dbyings las mi gzhan phyir// bde dang mi bde gnyis ka med// thams cad dbyings su ro gcig ste// ji bzhin nyid kyi ngang btsan par// yang dag nyid kyis de skad gsungs// bshad dang nyan pa'ang gnyi ga med// de bzhin nyid du gnyi ga 'du// dus bzhi rgyal mchog ces bya ba'i dam tshig ni/gong na med pa'i ye shes mchog/ thams cad kun la dbang bsgyur te// thams cad mnyam pa nyid du sbyor// 'das dang ma 'das thams cad dang// 'byung dang 'byung bar ma nges pa'i// ye shes rtogs pa'i khyad par gyis// dus bzhi snga phyi med pa yi// mnyam pa nyid du lhan ner sbyor// lhun grub ces bya ba'i dam tshig ni// 'jig rten 'das dang 'jig rten pa'i// thams cad dbyer med byang chub ste// ye nas rnam par dag pa'i chos// ma bcos lhun gyis grub pa yi// byang chub lam chen 'di yin te// thams cad dbyer med nyid du 'dus// byang chub don sgrub ye nas rdzogs// mnyam pa'i zhing du thams cad thim// rdo rje skye gnas zhes bya ba'i dam tshig ni/ theg pa che mchog rigs su nges// rigs te byang chub bstan pas gzung// thams cad mnyam pa'i dbyings shes na// rigs mchog kun gyi skye gnas yin// skyes pa nyid na skyes pa med// las dang las kyi bag chags med// cis kyang ma gos thams cad 'joms// skye shi med pa'i sa yang yin// byang chub kyi zhing bkod pa'i dam tshig ces bya ba ni// phyogs bcu mtha' yas mu med pa'i// snang grags bsam gyis mi khyab pa'i// phyi dang nang gi gnas pa dag/ de bzhin nyid kyi dbyings su thim// mdor na zhing khams ma lus par// yon tan rin chen bkod pa yi// ye shes rgyan gyis spros pa rnams// zhing de yon tan bsam mi khyab// ye shes bzhugs gnas zhes bya ba'i dam tshig ni/ gzung 'dzin bral ba'i ye shes ni// de bzhin gshegs pa kun gyi gnas// gsang sngags chen po grub 'dod pas// gzung 'dzin bral ba'i ye shes thob// chos kyi dbyings dang sems can ni// gnyis med de bzhin nyid du gcig/ de ltar rtogs pa'i skyes bu ni// rdo rje bzhugs gnas yin par bshad// mi 'jigs pa'i rgyal mchog ces bya ba'i dam tshig ni/ rnam par byang dang nyon mongs gnyis// so so yod pa ma yin te// nyon mongs gnyen pos bcos su med// thams cad dbyings su ro gcig pas// de la 'jigs pa'i gnyen po med// cis kyang mi tshugs gong na med// mchog tu bde ba'i zhing yang yin// nga med bdag med rgyal ba'i mchog/ gzhal yas khang brtan zhes bya ba'i dam tshig ni// phyogs bcu dus bzhi thams cad kun// rgyal ba'i zhing du sbyor ba ni// dog yangs tshad kyang dpag tu med// sangs rgyas spyi gtsug lta bu'i mtshan// ye shes rgyu las grub pa'o// ji ltar dmigs pa bzhin du 'grub// zag pa zad las grub pa yi// nams kyang 'jigs med chos kyi dbyings// sna tshogs kun sbyor zhes bya ba'i dam tshig ni/ gdol pa can gyi chos min pas// ci ltar bsams pa bzhin du 'grub// rig pa rang dbang gyur pas na// stong par bya'am mi stong bya// thams cad dbyer med ngang yin pas// kha dog dbyibs dang rin po che// thams cad khyab par yungs 'bru'i tshul// bsam yas mtha' dbus med pa'o// 'dren byed gnas stobs zhes bya ba'i dam tshig ni// ma rig log rtog bsam yas kyis// 'jig rten khams rnams bsam yas pa// 'khor ba'i rgyu dang 'bras bu gnyis// gzhi rtsa med pa'i skad cig ma// yang dag byang chub sems rig na// ma rig rgyu 'bras rnam par dag/ nyon mongs pa nyid byang chub ste// thams cad ma lus bde gnas so// lam lnga ston byed ces bya ba'i dam tshig ni// ting 'dzin rnam gsum bsgom byas te// nyon mongs lam lnga'i sgo bkag nas// lam lngar snang ba rnam rtog yin// rtog dang mi rtog gnyi ga med// gnyis med de ni yang dag lam// thabs dang shes rab ngang nyid du// shin tu mnyam bzhag rtogs bya zhing// bla na med pa ston par bya// yang dag don ston zhes bya ba'i dam tshig ni/ theg pa bsam yas ston pa yang// de bzhin nyid kyis ma brjod kyang// sems can blo yi rim pa bzhin// so sor 'tsham par kun la gsal// 'di ni rdo rje theg mchog ste// rgya mtsho klung du chu 'bab bzhin// thams cad chu yi ngo bo nyid// theg pa thams cad rdo rje'i sa// rab tu rtogs byed ces bya ba'i dam tshig ni/shes rab blo chen rab ldan pas// don du mi 'gyur yong ma gsungs// srid gsum 'gro ba bsam yas su// thugs rje snyoms pa bsam mi khyab// don dang mthun pa 'ba' zhig ston// mi mthun zhags pa 'khor ba gcod// bder gshegs zhing rnams dag par byed// thams cad dbyings su dag par 'dus// sgyur byed byang chub ces bya ba'i dam tshig ni// rang rig ye shes dbang thob nas// dkar po tshon gyis mdog sgyur bzhin// dug kyang sman du 'gyur ba dang// de bzhin byang chub dug gsum ste// 'gro lnga byang chub lam du sbyor// nyon mongs sdug bsngal thar byed lam// thar dang ma thar gnyis med na// thams cad ma lus byang chub rgyu// mnyam rdzogs lhun grub ces bya ba'i dam tshig ni/ ye shes sgyu mar snang ba dang// log rtog sgyu mar snang ba gnyis// sgyu ma yin pas rang bzhin mnyam// mnyam pa nyid na mi gnas pa'i// bsod nams ye shes tshogs rdzogs te// ye shes gnyis kyi dkyil 'khor la// theg mchog rdo rje ma lus rdzogs// dpe byad bzang po dpag tu med// thams cad dbang sgyur zhes bya ba'i dam tshig ni/shin tu rtogs pa'i khyad par gyis// spyod yul thams cad smon na mkhyen// de bzhin nyid dang kun rtog la// gnyis su med pas dbang bsgyur te// ma lus thams cad bde ldan zhing// thams cad byang chub mchog tu 'gyur// ye nas dngos po med pa la// ji ltar dmigs pa bzhin du 'grub// rig 'dzin gnas stobs zhes bya ba'i dam tshig ni/ shes rab rnam gsum goms byas nas// ting 'dzin mnyam pa'i don rtogs te// rtag tu yangs pa chen po bsgom// rgyu 'bras dus gcig rdzogs pa yi// rang rig nyid la dbang thob ste// tshe ni bcu dang drug pa yin// brgyad rgya dag tu bsnur zhing gnas// lus ma bor bar sangs rgyas pa'o// zad med gter ldan zhes bya ba'i dam tshig ni/ shes rab chen po rnam dag pas// spyod yul thams cad dag par 'gyur// shes dang spyod yul gnyis su med// de bzhin nyid du ro gcig ste// thams cad rgyal ba'i zhing sbyor bas// zad med rin chen gter du 'gyur// mi zad par ldan dam tshig mchog/ 'og min mtha' dbus bsam mi khyab// bsgrub med mnyam rdzogs zhes bya ba'i dam tshig ni/ thams cad mnyam pa'i dkyil 'khor la// rang byung ye shes 'phyo ba yi// dbyings dang rig pa gnyis med pa'i// de bzhin nyid de rdo rje'i rigs// thams cad gnyis su med pa la// bsgrub dang sgrub pa yod ma yin// ye nas lhun gyis grub pa la// de la lam gyis bcos su med// thams cad byin gyis rlob pa zhes bya ba'i dam tshig ni/ chos rnams ye dag gyur pa yang// phyin ci log gi blo log nas// log rtog gnas na longs spyod pa// ma rig 'khrul 'khor bsam mi khyab// 'khrul rtog ngan pa bzlog pa'i phyir// thugs rje chen po thabs mkhas pas// nyon mongs 'dren cing mtho ris gnas// byang chub lam chen rtogs par ston// gsung mchog mtha' yas zhes bya ba'i dam tshig ni/chos rnams ma lus thams cad kun// ming dang tshig tu brtags nas ston// ji snyed mang po'i don brjod kyang// rdo rje gsung la spros pa med// spros med de ni sna tshogs pa'i// kun tu brda 'jal ye shes gsung// sgra dang ming tshig kun las 'das// thams cad pad+ma chags med pa'o// bsgyur ba zad med ces bya ba'i dam tshig ni// thams cad mkhyen pa'i ye shes kyis// snang srid ma lus thams cad kun// de bzhin nyid kyis dbang bsgyur te// thams cad ye shes dbyings su bstim// zad med ye shes gter ldan pas// thugs rje byin brlabs bsam mi khyab// 'jig rten 'das dang 'jig rten pa'i// so sor don rtogs rnam par dag/ thams cad skad 'jal zhes bya ba'i dam tshig ni/ thar pa'i dkyil 'khor 'bum phrag dang// 'gro drug dus gnas ma lus la// gsung gcig tshig tu ma brjod kyang// sngon gyi thugs rje byin brlabs kyis// thar dang ma thar gnyi ga la// so so ji ltar 'dod pa bzhin// chos kyi gsung mchog dam pa yis// thar pa bskul zhing ngan song sbyong// rang rig dbang sgyur zhes bya ba'i dam tshig ni/ phyogs dus bsam gyis mi khyab pa// de na ji snyed yod pa yi// mtshan ma sna tshogs brtags pa yang// rang rig rnam par rtog pa nyid// sangs rgyas zhing khams rab 'byam na// de bzhin gshegs pa'i dkyil 'khor dang// sprul pa bsam yas 'byung ba yang// ye shes sprul par dag pa'i yul// yi ge med 'jal zhes bya ba'i dam tshig ni// yi ge tshig dang sgra spangs pa'i// brjod med ngang du gnas pa ni// gsung nyid rang bzhin med pa yi// chos rnams thams cad ye nas dag/ thams cad thugs su gyur pas na// sgra dang tshig la gnas pa min// thugs la thugs ni mi gnas pa'o// bdud sde tshar gcod ces bya ba'i dam tshig ni/ nyon mongs pa nyid rnam par dag/ phung po lnga nyid mngon sangs rgyas// bdag nyid lha yi dkyil 'khor te// skye shi med pa'i g.yung drung gnas// bdud bzhi bcom pa'i skyes mchog gis// dregs pa chen po thams cad bcom// ma rig log 'dren 'dul bcad de// chos kyi dbyings su thams cad thim// stong gsum kun grags zhes bya ba'i dam tshig ni/ thugs rje chen po'i byin brlabs kyis// phyogs bcu'i 'jig rten rdul snyed du// 'gro ba'i phrin las bsam mi khyab// sku gsung thugs dang yon tan dang// lhun gyis grub pa'i ye shes kyi// thams cad gdul bya chud ma zos// ngan song sbyong zhing byang chub zhing// ye shes rdzogs chen kun tu ston// ye shes gsung mchog ces bya ba'i dam tshig ni/ 'das dang ma 'das thams cad kun// yang dag shes pas rab brtags na// rang bzhin med la cir yang snang// snang ba nyid na dbyings nyid de// de ltar rtogs pa'i ye shes ni// kun la dbang sgyur rang dbang can// thams cad tshig gi sgra ltar snang// 'di ni ye shes gsung mchog yin// bsam yas ye shes rdo rje gsung zhes bya ba'i dam tshig ni/ chos rnams bsam gyis mi khyab ste// mtha' dang dbus med kun du khyab// khyab dang khyab med rdo rje'i gsung// sgra skad sna tshogs bsgrags pa dang// dngos po med la dngos po'i sgra// ji ltar pi bang lag thogs na// sgra ni sna tshogs 'byung 'gyur yang// dngos po med pa de bzhin nyid// phyogs dus dbyer med ces bya ba'i dam tshig ni/ phyogs bcu ma lus thams cad dang// dus bzhir 'byung ba ma lus kun// phyogs dang snga phyi med pa yi// thams cad de bzhin nyid kyi dbyings// 'jig rten 'das dang 'jig rten pa'i// so sor snang ba thams cad kun// rang rig rgyal por yang dag 'du// rang rig de nyid thams cad yin// 'jigs med rdo rje zhes bya ba'i dam tshig ni/ 'dus ma byas nyid 'dus byas yin// 'dus byas snang dang mi snang gnyi ga min// yod dang med pa'ang dbyer med de// rang bzhin ye nas dag pa yi// ma bcos ma byas ngang gis gsal// 'jig dang gzhig par bya ba min// cis kyang mi tshugs rdo rje'i bdag/ ces gsungs so// de bzhin sku nyid ces bya ba'i dam tshig ni/de bzhin zhing khams bsam yas dang// 'gro ba ma lus thams cad la// thar pa rnams la dag pa'i sku// rtog pa can la 'khor ba'i lus// so sor 'tsham par don ston cing// ston pa nyid la dngos po med// chu zla'i tshul du kun la snang// kun la de ltar rtogs par byos// lhun grub bde gnas zhes bya ba'i dam tshig ni/ chos rnams ma lus thams cad la// byang chub snying po yod pa ltar// rang bzhin ye nas 'od gsal ba'i// byang chub snying por thams cad 'dus// phyi nang ma lus thams cad kun// bdag gi ngang du gnas pas na// bdag la bdag gis dbang bsgyur nas// spyod yul thams cad smon mi dgos// che mchog rnam dag ces bya ba'i dam tshig ni/ rig pa'i rgyal po rang gyur pas// thams cad kun la dbang bsgyur te// gong na med pa'i sa mnan pas// thams cad kun gyi gtso bo yin// thams cad ma lus gnyis med pas// bsgo dang bsgo bar bya ba min// de bzhin nyid la dbang bskur bas// thams cad dbyings su ro gcig go/ chos thams cad kyi dkyil 'khor zhes bya ba'i dam tshig ni/ phyi nang snod bcud bdag rnams la// rang bzhin dkyil 'khor ye nas gnas// chen po'i gzugs snang thams cad ni// de bzhin gshegs pa'i dkyil 'khor nyid// sgyu ma'i rtsal rnams 'dzin 'gyur ba'i// de bzhin yum gyi dkyil 'khor ro// rang rig byang chub dkyil 'khor te// thams cad kun nas 'khyil bar gnas// zad med gter chen zhes bya ba'i dam tshig ni// zag bcas gnod sbyin nor dang 'dra// sems can 'phel 'grib zad 'gyur gyi// de bzhin gshegs pa'i yon tan ni// zad med 'phel 'grib med pa yi// mang po spros pas 'phro mi 'gyur// nyung ngu bsdus pas sbom po min// zad med rin chen gter yin pas// thams cad kun la khyab pa'o// rnam dag byang chub ces bya ba'i dam tshig ni/ chos rnams ma lus thams cad kun// ye nas rnam par dag pa la// rnam rtog rkyen gyis glo bur du// khams gsum 'khor ba'i btson rar gnas// rang rig sgrib med dag pa yis// mya ngan 'das dang 'khor ba gnyis// rang bzhin med par don rtogs na// sangs rgyas zhing du rnam par dag/ gzung 'dzin dril byed ces bya ba'i dam tshig ni/phyin ci log tu rnam brtags na// bdag dang bdag gir so sor snang// de la 'dzin pa gnyis zhugs nas// rang bzhin med bzhin so sor snang// yang dag rtogs pas rab brtags na// dngos po thams cad stong pa yin// dngos dang dngos nyid mi gnas pa// de rtogs sdug bsngal bral byed yin// yum 'gyur dbyings phyug ma'i dam tshig ni// 'byung ba lnga la brten 'gyur na// thams cad 'byung zhing ma lus gnas// skye 'khrungs ma lus gzhi yang yin// thams cad kun gyi rgyu yang yin// de bzhin shes rab rnam gsum gyis// le lo med pa'i brtson pa 'bod// de bzhin dbyings nyid rtogs gyur na// bla med byang chub 'byung ba'i gnas// chos la skyon med ces bya ba'i dam tshig ni/ bla na med pa'i dkyil 'khor dang// ngan song gnas rnams ma lus kun// rgyu nyid rang bzhin gnyi ga dag/ rang bzhin ye shes de bzhin no// 'bras bu rnam par dag pa yi// 'jig rten brtan g.yo la sogs pa// snang ba nyid na ngo bo med// de nyid chos sku chen po yin// sems can don byed ces bya ba'i dam tshig ni/ byang chub sems su don gcig pas// rtsa ba snying rje chen po 'byung// thabs kyis pha rol phyin pa spyod// nyon mongs lam nas 'gro bar byed// nyon mongs khams gsum gnas pa yang// phyin ci log nyid snang ba yin// der rtogs mtho ris thar pa'o// rtogs nas don 'dzin ces bya ba'i dam tshig ni/ thams cad lhun gyis grub pa dang// sgyu ma mig yor tshul shes pa// gnyis ga rang rig nyid du 'dus// de nyid yang dag yin par bshad// sgra dang tshig tu brjod pa ni// yang dag don gyi snying po 'byin// ming tshig sgra la mi rten par// blo yi gting du go bar bya// sems la gnas bcas zhes bya ba'i dam tshig ni/ thams cad ma lus chos so cog/ sems nyid las ni gzhan na med// sems dang chos su dbyer med pas// byang chub lam de ring ba min// gang nas ma 'ongs gar mi 'gro// rtog med rang rig kho na tsam// sangs rgyas sems can sems la gnas// brjod med spros med ces bya ba'i dam tshig ni/ 'jig rten 'das dang 'jig rten pa'i// sna tshogs ji snyed brjod pa yang// so so'i mtshan nyid ma gtogs pa// ba spu tsam yang brjod pa med// bsod nams chen pos bstangs pa yi// sangs rgyas zhing nyid dag pa'o// las ngan dag gis khams gsum gnas// de nyid dbyings las spros pa med// mi 'gyur rdo rje gsung zhes bya ba'i dam tshig ni/ rnam dag sku gsung sprul pa dang// che mchog sna tshogs bstan pa yang// byang chub sems la snang 'gyur te// snang ba nyid na dbyings su 'ub// phyin ci log g.yo bsam yas kyis// khams gsum gnas dang lam lngar 'khor// de nyid log rtogs sna tshogs snang// de las ma gtogs gang yang med// ye nas ma btsal zhes bya ba'i dam tshig ni/ blo med byang chub snon mi dgos// 'gro lnga ma lus thams cad kun// ye nas byang chub snying por gnas// de bzhin dbyings kyis kun tu khyab// ji lta ba yi ngang gnas la// de ltar rtogs pa'i blo 'jug pas// gnyis su med par rtogs 'gyur na// su zhig bcos shing su yis rtogs// rang bzhin 'od gsal zhes bya ba'i dam tshig ni/chos rnams ma lus thams cad kun// rang rig ye nas dag pa yi// sus kyang ma bcos ngang gis gsal// ma chags pad+ma 'dra ba yi// ye shes spyan gyi spyod yul de// kun dang thun mong de ma yin// de bzhin gshegs pa'i spyod yul de// skyes bu blo rtsal rab kyis rtogs// thams cad dbyings phyug ma zhes bya ba'i dam tshig ni/ mi zad yon tan gter gyur pa// zad pa'i dus med yid bzhin mdzod// bdag dang bdag gi med pa yi// shin tu zab pa'i blo las byung// chos dbyings zab mo'i don rtogs na// sku dang ye shes bsam mi khyab// rang rig ye shes don rtogs na// skye shi med pa'i g.yung drung thob// byang chub sdom byed ces bya ba'i dam tshig ni// gzung 'dzin bral ba'i ye shes kyis// chags med dbyings la mnyam bzhag na// thams cad de bzhin nyid kyi zhing// nyon mongs sdug bsngal 'byung mi 'gyur// chos kyi rang bzhin ji lta bur// bdag gis yang dag rdzogs byas te// theg pa dman dang phyin ci log/ thams cad mnyam pa'i dbyings su dgod// phyogs dus gnyis med ces bya ba'i dam tshig ni// phyogs bcu dus bzhi thams cad kyang// rtogs pa'i mtshan ma so sor snang// snang ba nyid na dbyer med de// mtha' dang dbus med zlum po yi// de bzhin rang gis rig pa yang// mtha' dang dbus med du ma min// gang du mi 'gro kun tu khyab// kun la bde sbyin mi gnas pa'o// thams cad 'byor ldan zhes bya ba'i dam tshig ni/ chos rnams so sor rtogs byas shing// thams cad gnyis med dbyings shes na// mi zad par ldan rgyan thob ste// kun tu zad med rin chen gter// de bzhin nyid la gnas bcas na// nyon mongs sdug bsngal mi 'byung ste// rtag tu bde gnas byang chub nyid// mtshan dang dpe byad kun dang ldan// thabs gnyis shes rab ces bya ba'i dam tshig ni/ ji ltar snang ba thams cad kun// thams cad thabs kyi rang bzhin te// thabs la thabs ni rnam par sbyor// sbyor dang sbyor ba gnyis ka med// sna tshogs snang ba thams cad kyang// snang ba nyid na rang bzhin med// de nyid shes rab yin par bshad// rtag tu thabs nyid mi dmigs pa'o// shes rab nyid la thabs su sbyor ba zhes bya ba'i dam tshig ni/de bzhin nyid kyi dbyings nyid las// rol pa sna tshogs cir yang 'byung// 'byung ba nyid na rang bzhin med// med pa nyid na sna tshogs snang// thabs dang shes rab dbyings las byung// mnyan bsams bsgoms pa'i shes rab kyis// shes rab thabs su don rtogs byos// kun la de ltar 'byor par gyis// gnyis med byang chub sems zhes bya ba'i dam tshig ni/ thabs dang shes rab ldan 'gyur na// gnyis med byang chub sems 'phros na// kun gyi 'byung gnas byed pa po// de yis ma byas gang yang min// kha dog dbyibs rigs gang yang min// shin tu brtag dka' sus mi rig/ bdag gis bdag kyang mi mthong na// gzhan gyis rtogs par ga la 'gyur// thams cad sbyor byed ces bya ba'i dam tshig ni// ye nas lha dang lha mo yin// dkyil 'khor yang dag sbyor ba dang// dbang po yul du sbyor ba'o// phung po lnga nyid de bzhin gshegs// 'byung ba lnga nyid yum du sbyor// dus bzhi'i lha mo nyid du sbyor// rtag chad mu bzhi khro mo'o// thams cad ma lus 'byung ba kun// mnyam pa'i dbyings dang rig par sbyor// yang na shes rab dbyings ma la// bder gshegs dkyil 'khor kun bkod la// bdag nyid rig pa'i lhar bsgoms te// gnyis su med par ldan par bya// rdo rje dril bu ldan gyur nas// byang chub pad+ma shin tu spro// phyogs dus dkyil 'khor mnyes pa dang// 'gro ba mang po bde thob nas// slar yang gnyis med dbyings su bstim// thim 'gyur dbyings nas phyag rgyar 'bar// bder gshegs thabs dang shes rab rdzogs// phyag rgya drug kyang yang dag rdzogs// bsod nams tshogs chen gnyis kyang rdzogs// thams cad dbyings su 'byor pas na// ngan 'gro mi ltung yang dag 'grub// 'di ni bsgral ba chen po yin// sgrol ba nyid ni sbyor ba yin// sbyor ba nyid ni ma lus bsgral// thams cad ma lus par sgrol byed ces bya ba'i dam tshig ni/ phyi nang snod cud ji snyed pa// gnas pa'i sems can ma lus kun// bdag nyid chen por rtogs pa yis// dbyings su yang ni bsgral bar bya// shin tu khro bo chen po yis// thabs kyis lha chen bsgral ba ltar// chos nyid rtogs pa'i ting 'dzin gyis/ gnyis su med par thabs kyis bsgral// thugs rje chen po'i byin brlabs kyis// lam lnga'i sems can kun bkug nas// thams cad ma lus bsgral bar bya// ri rab chen po'i gling bzhi la// gnas pa'i sems can ma lus kun// thugs rje chen pos byin brlabs te// ye shes me chen bsgom byas na// thams cad ma lus bsreg par bya// dbyings su yang ni bstim byas te// de bzhin gshegs par byin gyis brlabs// rgyal ba'i sras su dbang yang bskur// de ltar bsgral ba kun byas kyang// bsgral ba'i dngos po gang yang med// phung po lnga po gshig pa la// bshig nas 'byung ba bag la zha// ma bshig na yang 'byung ba yin// rnam shes med pas bsad byas na// gnas pa nyid na dngos po med// sems kyi rang bzhin de la ni// dus gsum sangs rgyas dgrar langs kyang// sus kyang mi zin sod pa med// 'o na thugs rjes gang bsgral na// rnam rtog mtshan ma thams cad kun// phyin ci log las bzlog byas te// ting 'dzin sngags dang phyag rgya dang// shin tu goms pas dbang bskur te// byang chub zhing la dgod par bya// de tsam la ni bsgral zhes gdags// bsgral ba nyid na sbyor ba yin// nyon mongs sdug bsngal rtsad bcad nas// byang chub gnas su bsgral bas na// gnyis med dbyings su sbyor ba yin// thabs nyid shes rab shes rab nyid thabs te// gnyis su med pa nyid byang chub kyi sems so// sbyor ba ni lha dang lha mor sbyor ba'i dkyil 'khor dang/ dbang po yul du sbyor ba dang/ chen po lnga de bzhin gshegs pa lngar sbyor ba dang/ so so rtsal sgyu ma tsam du yod pa yum du sbyor ba dang/ dbang po yul dus lha dang lha mor sbyor ba dang/rtag chad mu bzhi khro bo khro mor sbyor ba dang/ mngon sum du sbyor ba'o// sgrol ba ni thabs kyis sgrol ba dang/ 'pho bas bsgral ba dang/ dus bzhi mnyam pa nyid du bsgral ba dang/thams cad ma lus par dbyings su dus gcig bsgral ba dang/ thams cad thugs rje chen pos gnyis su med par sgrol ba'o// 'di gnyis dus gcig tu mdzad de/ ya char ma gyur par bya'o// dngos grub mchog kyang der thob ces// de bzhin gshegs pa nyid la de bzhin gshegs pa nyid kyis bshad do// ma byin par len pa zhes bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad kun// bdag dang bdag gi gzhan na med// rang bzhin rang gis bdag med pa// kun la thogs med spyad 'gyur yang// spyad dang spyod pa gnyi ga med// thams cad ye nas stong pa la// gang gis len cing gang la spyod// snang srid ma lus thams cad la// thogs pa med pa'i spyod 'gyur yang// bcing bar mi 'gyur bsod nams tshogs// chags med ye shes chen po yin// ma lus thams cad chos kyi dbyings// de ltar rang rig yin par bshad// gnyis su med par rtogs gyur na// blangs pa nyid na kun tu bzang// brdzun du smra ba zhes bya ba'i dam tshig ni/ chos rnams ma lus thams cad kun// ye nas dngos po yod ma yin// rang bzhin ngang gis 'od gsal la// ming tsam tshig gis mtshon mod kyis// ming dang tshig la dngos po med// ma rig pa yi 'khrul rtog gis// nga dang bdag tu med pa la// so so mtshan ma dngos por bzung// 'dzin pa'i dngos po yong med de// chos rnams thams cad ming tshig tsam// ji snyed mang po brjod pa yang// rjod par byed dang brjod pa med// chos rnams thams cad brdzun du snang// brdzun nyid la ni brdzun spyod de// brdzun zhes bya ba btags pa tsam// thams cad brdzun gyi tshig yin no// rdo rje 'joms byed ces bya ba'i dam tshig ni/ thog ma med nas phyin ci log/bdag dang bdag gi med pa la// rnam rtog mtshan ma so sor 'dzin// 'dzin pa'i dngos po yod ma yin// mi mthun mtshan ma gzhom pa'i phyir// rdo rje lta bu'i ting 'dzin gyis// bdag rtog bag chags kun bcom nas// rdo rje dbyings su thim par bya// chos kyi 'khor lo zhes bya ba'i dam tshig ni/ thugs rje chen po'i byin brlabs kyis// khams gsum nyon mongs 'khor ba rnams// gzhan gyis bcings te 'khor ba min// 'dzin rtog chags pa nyid kyis 'khor// blo chen rab tu ldan pa yis// chos kyi don po mchog nyon la// 'khor ba spang med sangs rgyas zhing// thams cad ma lus chos nyid rtogs// rin chen 'byung ba zhes bya ba'i dam tshig ni/nor gyi mchog ni dkor bdun yin// 'dod pas btsal bar mi rnyed de// sku gsung thugs 'das mi dmigs pa'i// chags pa med pa'i tshul gyis ni// gnyis su med par 'byor byas na// nor bdun chen po 'byung bar 'gyur// mtshan dang dpe byad sna tshogs ldan// pad+ma chags med ces bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad la// bsgo dang bsgo bar bya ba med// pad+ma 'dam nas skyes pa 'dra// ji ltar snang ba mtha' yas kun// bdag las gud na gcig kyang med// bdag nyid shin tu mi dmigs pas// nyon mongs nyid kyang byang chub zhing// don rnams bsgrub pa zhes bya ba'i dam tshig ni// rdo rje rigs kyis thams cad bcom// rin chen rigs kyis yon tan 'byin// pad+ma rigs kyis chags med 'gyur// sku gsung thugs dang ye shes lnga// thams cad don rnams rdzogs par byas// gzung dang 'dzin pa rnam spangs te// mnyam pa'i dbyings la sems kyis lta// skye 'chi med pa lhun gyis grub// sku gsung thugs dang yon tan dang// phrin las rmad 'byung kun grags pa// gzhan na yod 'ong ma yin te// rang byung ye shes gnas med yin// mthong ba'i tshul gyis gzugs snang dang// bla med byang chub skur snang ba// me long lta bu'i tshul bzhin du// sna tshogs kha dog dbyibs su snang// de bzhin gshegs pa'i gsung rnams ni// sgra dang ming tshig kun las 'das// brjod med rang bzhin kun du go// nyon mongs med cing bla med sgra// ma brjod stong gsum grags pa yi// gsung brjod bsam gyis mi khyab pa// brjod pa nyid na stong gsum med// de nyid sna tshogs brjod pa'o// thams cad mkhyen pa'i thugs ldan pa// yang dag rtogs pas rab brtags pa// gzhi rtsa med dbyings skad cig ma// mtha' dang dbus kyang brtag tu med// de nyid sna tshogs 'byung ba'i rgyu// sus kyang ma bcos ma byas pa// bdag gis bdag kyang dmigs mi 'gyur// dngos med kun la dbang sgyur ba// sku gsung yang dag ldan 'gyur na// yon tan nam mkha'i mtha' dang mnyam// mi 'gyur sangs rgyas zhing du 'ub// spyod yul ma lus thams cad la// ji ltar dmigs pa bzhin du 'byung// mi zad pa yi gter chen 'grub// gzhan gyis dbrog tu med pa yi// bo de'i dkor ni rin po che// thugs rje chen po'i byin brlabs kyis// bya byed med par rnam bzhi mdzad// mdzad dang mdzad par bya ba med// ye nas lhun grub sangs rgyas chos// sgyu ma'i tshul du kun la spyod// spyod med ngang gis dkyil 'khor la// chags med tshul du rnam par rol// bya byed rnam pa sna tshogs kyang// byed pa nyid na chu zla'i tshul// gzung 'dzin bral ba'i ye shes ni// rtsa ba lnga zhes brjod mod kyi// brjod pa nyid na yong med de// mtshan nyid med pa sna tshogs snang// de nyid thams cad mkhyen nyid yin// kun la khyab cing mi gnas pa// de ni rig pa rang dbang 'gyur// bsam gyis mi khyab kun tu khyab// nam mkha' snang byed ces bya ba'i dam tshig ni/ chos rnams ma lus thams cad la// de bzhin nyid kyis kun du khyab// snod bcud ma lus thams cad la// snang ba chen pos khyab par 'gyur// nam mkha' gzung du med pa ltar// snang srid thams cad de dang 'dra// chos rnams thams cad sems yin te// sems ni nam mkha'i rang bzhin no// rten byed sa chen zhes bya ba'i dam tshig ni/ji ltar sa gzhi chen po la// sems kyis zin dang ma zin pa'i// skye 'khrungs ma lus thams cad 'byung// thams cad kun gyi gnas brten te// de bzhin theg chen bla med la// byang chub sangs rgyas kun kyang gnas// theg pa mtho dman thams cad 'byung// thams cad theg chen dbyings su 'dus// sreg byed ye shes me zhes bya ba'i dam tshig ni/ bdag med ye shes rang rig gis// dngos dang dngos med bag chags bsregs// rang dang spyi yi chos rnams dang// sems kyi phrag dog thams cad kun// dngos po med par rtogs byas na// 'khor ba ma spangs rnam par dag/ mya ngan mi 'da' ye nas gnas// 'gro dang gnas par bya ba min// rtog pa thams cad ye nas tshogs// thams cad 'khru byed ces bya ba'i dam tshig ni/ sems can ma lus thams cad ni// sgrib gnyis dag gis 'khor bar 'gyur// mnyan bsams bsgoms pa'i shes rab kyis// bdag med gnyis ni rtogs byas na// pha rol phyin rdzogs sa bcu bsgrubs// sa gsum yang dag rdzogs byas te// mnyam pa'i zhing la thams cad 'god// khrus kyi mchog ni 'di yin no// g.yeng byed chen po zhes bya ba'i dam tshig ni// sems can ye nas dag pa la// bdag 'dzin rdul snyed g.yogs par 'gyur// sems dang rdul rnams med rtogs pas// ye shes rlung gis bag chags gtor// chos rnams ye nas rlung dang 'dra// de la gzung du med pa ltar// kun la de ltar 'byor par gyis// ma bcos ye nas de ltar gnas// thams cad kun la dbang sgyur zhes bya ba'i dam tshig ni/rang rig phyin ci ma log pa'i// gzung 'dzin gnyis med rtogs pa yis// thams cad mnyam pa'i ngang 'gyur na// thams cad ma lus bdag yin pas// thams cad kun la dbang sgyur te// ji ltar dmigs pa bzhin du 'grub// ji ltar spyad kyang bsod nams tshogs// mnyam rig ye shes chen po yin// chos thams cad gzugs brnyan ltar shes par bya ba'i dam tshig ni/ thams cad 'byung ba'i gnas yin te// snang ba nyid na 'ja' tshon bzhin// rang bzhin med par kun tu snang// de nyid chos sku yin par bshad// cis kyang ma gos ma spangs pa'o// so sor snang zhing mthun pa'i gzugs// bdag dang bdag tu ma brtags pa// de lta bu yi ngang du snang// chos rnams sgra ltar shes par bya ba'i dam tshig ni/ sgra rnams ji snyed brjod pa yang// dngos po med las dngos po sgra// brjod dang sgra yi dngos po min// chos rnams sgra ltar shes par byos// thams cad ma lus don 'byung ba// tshig gis mtshon las gud na med// sgra nyid don gyi dngos po min// don nyid sgra las gud na med// chos rnams dri'i mtshan nyid du shes par bya ba'i dam tshig ni/chos rnams thams cad dngos med par// sna tshogs 'byung zhing rnam par 'phro// de bzhin dri yi dngos po yang// yod pa ma yin kun du mnam// the tshom med pa'i shes rab kyis// chos kun de ltar shes par gyis// dri yis rab tu tshim 'gyur yang// dri dang dngos po gnyis su med// dngos grub thams cad de ltar ro// chos thams cad ro ltar shes par bya ba'i dam tshig ni/ chos rnams ma lus thams cad kun// gzhi rtsa med las thams cad phyung// de bzhin dbang po dngos med dang// rdzas kyi dngos po med pa yi// rnam shes dbang po yul tshogs na// ro yi dbang po thams cad 'grub// ro dang ro ru rtogs pa yang// rang bzhin med pa skad cig ma// chos thams cad reg bya ltar shes par bya ba'i dam tshig ni/ gzugs rnams dbu ba rdos pa 'dra// tshor ba chu yi chu bur bzhin// mtshan 'dzin smig rgyu bzhin du gnas// rnam shes sgyu mas dbang sgyur na// mtshan ma sna tshogs 'byung bar nges// bde ba'i ro mchog kun kyang myong// de nyid bsod nams tshogs chen te// bde ba chags med ye shes yin// reg gi dngos grub de ltar ro// 'dus byas rnam par dag pa zhes bya ba'i dam tshig ni// yang dag nyid la gnas bcas na// phyi nang snod bcud rnam par dag/ rags par snang ba de bzhin gshegs// sgyu mar 'dzin pa yum gyi dbyings// gzugs ni mtshan ma dngos po med// gcig la lnga lngar bshig pa dang// thams cad nam mkha'i ngang du gnas// nam mkha' de bzhin chos kyi dbyings// 'dus byas nyid kyi dngos grub po// 'dus byas kun du 'byung ba zhes bya ba'i dam tshig ni/gshegs sku sgyu mar snang ba dang// log rtogs sgyu mar snang ba gnyis// gzhi rtsa med de rang bzhin stong// rigs dang rgyud du brtag tu med// rigs dang kha dog dbyibs med pas// phyi nang snod bcud rnam par snang// snang ba nyid na chos kyi sku// cir yang 'gyur zhing thams cad 'grub// kun 'byung dngos grub de ltar ro// glang po brjid gnon zhes bya ba'i dam tshig ni/ sems can ma lus thams cad kun// rnam rtog 'du byed mang pos g.yengs// ji ltar bus pa shed ma bye// bya byed mang pos g.yengs par gnas// bya byed mang po bdag med pas// ting nge 'dzin gyis dbang sgyur na// mtshan ma mnyam pa'i dbyings su gnas// 'du byed sna tshogs mi g.yo brtan// dbang lnga rdzogs pa zhes bya ba'i dam tshig ni// chos rnams thams cad skye med pas// shin tu brtan pa'i dbang thob 'gyur// rang rig ye shes 'od gsal bas// thams cad mkhyen pa'i dbang yang thob// chos rnams thams cad dbyer med pas// kun la spyod pa'i dbang thob ste// spyod cing chags pa med pa'i tshul// kun kyang rang bzhin ye nas zlum// thams cad rgyas 'debs zhes bya ba'i dam tshig ni/ phyogs bzhi mtshams bzhi steng 'og bcu// rang bzhin chen pos kun du khyab// rang byung de nyid dngos med par// kun gyi phyag rgya sgyu yin no// chos dbyings de nyid zab pa yi// bdag la gnas shing brtag dka' ba'o// mnyam pa'i dbyings su thams cad 'dus// ye nas bde gnas zhing du'o// chos rnams dbyer med pa zhes bya ba'i dam tshig ni/ ye nas dbyings su ro gcig pas// de la nga dang bdag ma rtogs// rang bzhin rnam par dag pa la// gtsang dang sme ba'i blo tsam med// thams cad bder gshegs snying po pas// rkyen gyi rdul gyis ga la 'go/ shes rab mchog gis de ltar rtogs// ma lus kun 'dus dbyings shes byos// thams cad 'jigs byed ces bya ba'i dam tshig ni/ shes rab blo rtsal ldan pa yis// brtag rtog mtshan ma kun bshig nas// mtshan ma med pa'i phyag rgya ru// thams cad 'dus par yang dag rtogs// rtog pa nyid kyang dngos med la// de nyid sna tshogs par snang ba'i// snang ba nyid na byang ba med// de nyid 'jig pa'i phyag rgya yin// g.yung drung tshe 'phel zhes bya ba'i dam tshig ni/chos rnams thams cad bdag yin pas// gang du 'gro zhing gang du skye// 'jig dang skye ba'i dngos po med// dngos med de la su zhig gsod// gang zhig gnyis su 'dzin pa la// skye dang 'chi ba de la yod// ye shes can gyis brtags pas na// skye 'jig nyid na dngos po med// thams cad mi 'gog pa zhes bya ba'i dam tshig ni// mchog gsum rdzogs pa man chad nas// ngan song gnas rnams yan chad du// yang dag par ni dbyer med de// gang yang spang bar bya ba min// theg pa mtho dman bsam yas pa// don du mi 'gyur yong ma gsungs// ngan song gnas rnams thams cad kun// bla med byang chub rgyu yod pa'o// thams cad spyod pa zhes bya ba'i dam tshig ni/thams cad kun tu bzang po yi// 'dod pa'i yon tan lnga rnams la// thogs pa med par spyad byas te// bsod nams tshogs chen yin par brtag/ de bzhin gshegs pa lngar yang brtag/gzhan yang stong khams thams cad ni// shes rab dbyings dang 'dod yon rnams// rab 'bring tha ma thams cad spyod// thams cad mi chud pa zhes bya ba'i dam tshig ni/ phyogs dus mnyam pa'i dkyil 'khor du// rdo rje rigs mchog ma rtogs par// theg pa dman dang lta ba dman// des ni theg mchog rtogs mi 'gyur// mi mnyam pa yi don nyid kun khyab kyang// nyon mongs sdug bsngal nyid kyis bsgribs// de yis yang dag nyid mi mthong// ma mthong ba la mi chud bya// thams cad bsrung du med ces bya ba'i dam tshig ni/ thams cad ma lus sangs rgyas la// bsgrub cing bsrung bar bya ba med// dge dang mi dge gnyi ga med// nyon mongs spang zhing byang bsgrub med// de bzhin nyid kyi klong gyur na// bde dang mi bde dbyer med de// ye nas dag mnyam nyid du gnas// de la bsrung bya rdul tsam med// thams cad bsrung ba med pa zhes bya ba'i dam tshig ni/sems can khams gsum 'khor ba yi// thog ma med nas 'khor ba yi// phyin ci log la 'jol nyog spyod// gzung 'dzin don la shin tu chags// des na 'khor bar rtag tu 'phyan// de bas rang sems rtogs byas te// le lo med par yongs spangs te// nga med bdag med mnyam par bsrung// thams cad 'jigs par byed pa zhes bya ba'i dam tshig ni/ rdo rje sems dpas bkas bcad pa// sdom pa'i rtsa ba thams cad kun// don bzhin du ni ma bsrungs na// yak+Sha khro bo med dbal gyis// snying nas drangs te khrag 'thungs nas// ngan song gsum du skye bar 'gyur// de yi sdug bsngal bzod blag chad// dam tshig 'di ni rdo rje che// dam rdzas so sor spyod pa zhes bya ba'i dam tshig ni// rigs lnga so sor dbye ba yi// rdo rje sems dpa' glang po'i sha/ rin po che ni rta yi sha/ pad+ma rigs ni a ri ka yi sha/ don yod nam mkha' lding gi sha/bder gshegs rigs ni sha chen no// dbyer ba'am yang na mi dbye bar/ nges par dang du blang ba'o// yang na thams cad gcig tu bsdu// yang na mtshan nyid med par brtag/ ting 'dzin phyag rgya'i dam tshig ni// bder gshegs dkyil 'khor ma lus kun// ye nas rang bzhin gsal ba la// thams cad kun la yod par bshad// ye shes sems dpa'i dkyil 'khor nyid// bla na med pa'i mchog yin te// rdo rje rigs mchog thams cad kyis// bar ma chad par rtag tu bsgrub// byang chub shing drung skye bar 'gyur// bla med byang chub mchog kyang 'grub// skye 'chi med pa'i bde 'grub ste// sems la dbang yang thob par 'gyur// spyod yul thams cad smon na shes/ rgyud kyi rgyal po sgyu 'phrul dra ba las dam tshig rnam par spros pa'i le'u ste bdun cu drug pa'o//// gang zhig dkyil 'khor 'di spangs na// nyon mongs ngan song gnas su skye// byang chub 'bras bu thob mi 'gyur// bla med 'gro ba'i rgyu yang chad// rigs chad nyid du skye bar 'gyur// rdo rje sems dpa' bsgrub 'dod pas// rtag tu mnyam pa'i don rtogs la// sku ni 'ja' tshon tshul 'dra bar// snang la rang bzhin med par bsgom// 'khor rnams chu zla'i tshul shes par// gsal la rang bzhin med par bsgom/ lha yi sku rnams gsal bsgoms na// bsod nams tshogs chen thob par 'gyur// de nyid gzugs brnyan tshul shes na// ye shes tshogs chen thob par 'gyur// rnal 'byor bas ni rtag tu bsgom// yi dam lha de spangs byas na// ngan song mi bde rtag tu myong/ sngags dang phyag rgya rgyun mi gcad pa'i don ni// sngags dang phyag rgya bar mi gcad// rnal 'byor 'grub pa'i lam yang yin// mi gtong sdom zhing 'dren pa'ang yin// don mchog rdzogs pa'i gnas yin te// rtag tu mnyam gzhag phyag rgya yin// dug gsum gting 'byin sngags yin te// yang dag don chen klung 'dod pas// dus mtshams med par phyag rgya sngags// yid brtan drag tu bzlas brjod bya// yon tan nam mkha'i mtha' dang mnyam// phyag rgya bskyod dang yi ge o~M// rdo rje slob dpon gyi mtshan nyid bstan pa/ bla med dkyil 'khor ston pa po// yon tan zad med sbyin pa yin// byang chub lam chen 'dren mdzad pa// chags med zhing du 'god pa yin// nyon mongs sdug bsngal rtsad gcod cing// 'khor ba'i lam rnams stongs par byed// ma rig mun sel sgron ma yin// long ba rnams kyi dmigs bu mkhan// de la rtag tu mchod byas na// sangs rgyas byang chub thag mi ring// rdo rje mched dang lcam dral gyi mtshan nyid bstan pa/ rdo rje rigs kyi spun yin te// thog pa med nas las mthun pas// lta spyod mthun pas 'dir skyes te// gcig la gcig ni mig dang 'dra// shin tu gdung zhing brtse bar bya// dam tshig ngan sems dpya byas na// dmyal ba chen por ltung bar 'gyur// de bas dam tshig 'da' ma byed// gsang ba'i dam tshig bstan pa ni/ de bzhin gshegs pa'i dkyil 'khor ni// srid gsum ma lus kun la khyab// phyin ci log gis rab bsgribs nas// dbul po gter dang gyad kyi nor bu 'dra// de bas rdo rje gsang mchog 'di// thams cad mkhyen pa'i thugs rje yis// chos la skyon yod ma yin te// sems can don phyir shin tu gsang// theg pa dman dang phyin ci ldog/ de la gsang don bstan gyur na// rang bzhin gsang don mi shes par// 'phral gyi spyo yul de dag la// shin tu nges pa'i don bzung nas// gsang don de nyid log par khrid// ma rtogs de nyid dmyal bar 'khor// de bas shin tu gsang bar bya// thugs rje chen po dang ldan pas// thar lam kun la mkhas par bya// shes rab mchog dang ldan pas na// sems can snod kyi rim pa bzhin// theg pa mtho dman don nyid ni// so sor 'tsham par bstan dgos so// dang du blang dang mi spang ba// rnal 'byor pas ni rtag tu spyad// chags pa med par gyur pa dang// dngos grub ya mtshan chen po ni// dam tshig mdo bshad nang nas 'byung// ma rtogs pa zhes spyad gyur na// yi dags srin po'i nang du skye// yang na dam tshig 'di lta bur// ji ltar spyad kyang sdom pa mi 'da' ste// byed spyod tshogs chen gnyis su 'gyur// 'gro dang nyal dang 'dug pa na// mnyam pa de yi dbyings na gnas// shes rab mchog gis rtag tu gyis// chos rnams ma lus thams cad la// bya lam nam mkha' gcod bzhin gyis// 'dzin chags ma lus thams cad kun// mkha' la rlung chen 'phro ba bzhin// yid kyi rtog chags ma lus pa// chu la nya chen 'phyo ba ltar// rnal 'byor lta ba de ltar ltos// de ltar rtogs pa'i shes rab kyis// tshig tsam ma yin blo gting sbos// rdo rje theg mchog kha 'ches la// mnyam pa'i don nyid mi shes par// gsang sngags dam tshig mnyam zer zhing// thugs thub dag gis spyad byas pa// dmyal khams dag tu brgyud par 'gyur// mnyam pa'i don nyid ji lta bu// mnyam dang rtogs pa gang yang med// ji la mi gnas yul la spyod// spyod par byed dang spyod pa med// de ltar rtogs pa'i rigs mchog ni// rdo rje rig 'dzin skye ba na// 'jigs med kun tu bzang por sbyor// yon tan mi zad gnas pa yin// mnyam pa'i don nyid mi shes shing// kun rdzob don dam gnyis med la// chos dang gang zag gnyis med na// 'di ni byang chub sa pa yin// las dang nyon mongs thams cad la// mnyam pa'i don du mi shes shing// rten 'brel rgyu 'bras yod 'dzin na// 'di ni rang sangs rgyas kyi sa// chos rnams ma lus thams cad la// bden bzhi'i dngos po yod lta zhing// spang dang mi spong byed 'gyur ba// 'di ni nyan thos sa pa yin// dge bcu dag la gtsor len cing// dge dang mi dge mi mnyam pas// lha dang mi yi skye gnas te// 'dod khams dag tu 'khor ba'i sa// mnyam pa'i don nyid mi rtogs shing// tshad med bzhi dang bsam gtan bzhi// rim par so sor bdag 'dzin cing// gzugs tshogs dag la bdag tu rtog/ 'di ni tshangs gnas rim par skye// mnyam dang gzugs med ma rtogs par// ming bzhi med par ma shes te// skye mched bzhi la gnas 'gyur bas// srid pa'i rtse mo'i sa ru skye// thams cad mnyam par ma shes na// ma lus kun la zhe sdang zhing// snying rje yang dag med 'gyur na// 'di ni mi bzad chen po yi// dmyal khams bcu drug gnas pa yin// chags med dngos po mi shes nas// thams cad kun la 'dod chags shing// lus kyis bsgribs dang zas kyis bsgribs// yi dwags chen po'i gnas su skye// nga dang bdag med mi shes shing// chos rnams kun la rmongs byas pas// shes rab mi gsal don med pas// dge sdig gnyis kyi don ma rtogs// 'di ni byol song gnas su skye// shin tu nga rgyal cher bskyed cing// thams cad bdag gir bzung bas na// kun dang rtsod pa'i las byed pa// lha ma yin gyi gnas su skye// theg mchog mtho dman thams cad dang// 'jig rten lta ba thams cad kun// ye shes chen pos rab brtags na// rang bzhin med la cir yang 'grub// rang bzhin dbyings las nyams pa med// shes rab chen po mig ldan pas// mtho dman gnas dang lam drug dang// rang bzhin med la cir yang 'grub// so sor de bzhin 'khor bar gzigs// sngags mchog bla na med pas ni// mtshan ma kun dang mi brtag bar// mtshan ma kun dang thams cad med// kun dang mnyam pa nyid yin pas// 'jig rten 'das dang 'jig rten pa'i// so sor lta ba brjod mi bya// spyi ni log rtog bsam yas pa// ye nas yod pa ma yin te// so so'i rnam rtog bag chags kyis// gzung 'dzin dra bas bsgribs 'gyur te// ci yang med la cir yang snang// snang ba nyid na rang bzhin med// de ltar rtogs na bder 'gro'i gnas// rdo rje can gyis de ltar rtogs// rnal 'byor chen po'i lta spyod ni// cir yang spyod kyang rang bzhin med// mkha' la bya chen lding ba bzhin// chu la skyar chen 'phyo ba bzhin// mkha' la rlung chen 'gro ba bzhin// rnal 'byor lta ba de ltar blta// rnal 'byor spyod pa chen po ni// thams cad kun la dbyer med spyod// bde ba'i ro mchog myong bar 'gyur// de la su zhig chags par byed// spyod bzhin ma chags ye shes yin// bde ba'i mchog nyid bsod nams tshogs// de lta bu yi ngang du spyod// 'di ni spyod pa rlabs chen yin// lta spyod ya char ma gyur par// sngags 'chang rnams kyis rtag tu spyad// kha cig lta ba mnyam gnas kyang// spyod pa dag dang yong mi mthun// kha cig spyod pa rdzogs byed kyang// mnyam pa'i lta ba yong mi shes// kha cig lta spyod gnyi ga med// yang dag skyes mchog dam pa yis// don dam kun rdzob dbyer med pas// yang dag nyid du rab tu rtogs// bla med theg chen ngang gnas ni// don dam kun rdzob dbyer med de// kun rdzob tsam du thams cad la// dag dang ma dag gnyi gar 'dzin// thabs kyi theg pa chen po ni// rnam par byang dang sdug bsngal dag/ kun rdzob tu'ang dbyer med de// lta ba mtho dman de tsam mo// thabs kyi lta spyod chen po ni// bla med theg pa las 'phags pa// don dam du ni nor bdun no// kun rdzob tu ni mnyam rdzogs so// mnyam pa nyid las ma g.yos bzhin// thabs kyi phyag rgya chen po ston// thabs dang shes rab rnam par dag/thams cad dag ces bya ba yang// dngos po gsal dag ma yin te// snang spyod nyid na rnam par dag/ dam tshig chen po'i mdo rnams las// rigs lnga dag tu bstan pa ni// chos rnams ma lus thams cad kun// rigs chen dag tu zad par 'dus// ma lus chos kun dbyer mi dmigs// cis kyang mi tshugs rdo rje yin// rigs ngan 'joms pas rdo rje yin// mi dmigs dbyings nas kun 'byung ba// yon tan chen po gnas yin te// zhing khams mi bzad gnas kyang yin// 'di ni rin chen rigs su gsungs// chos rnams thams cad dbyer med pas// chags dang chags par bya ba med// de bzhin nyid du gcig pa ste// nyes pas mi gos pad+ma bzhin// thams cad ma lus dbyings 'dus pas// 'di la bya ba rdul tsam med// ma byas bzhin du don grub pa// skyon yon byang chub nyid du sbyor// 'di ni las rnams grub pa yin// chos rnams ma lus thams cad kun// mtha' dang dbus med du mar bral// gang yang ma yin de bzhin nyid// dbyer med pa yi tshul rtogs te// 'di ni de bzhin gshegs pa'i rigs// snang srid ma lus thams cad la// gsal zhing dro ba'i gnas byed cing// mtshan ma bag chags sreg byed pa// 'di ni me yi rigs su bshad// chos rnams ma lus thams cad la// dngos por snang la gzung du med// bskyod nan thams cad kun smra ste// 'di ni rlung chen yin par bshad// dam tshig chen po'i mdo rnams las// 'byung ba lnga rnams bshad pa ni// thams cad ma lus 'byung ba'i gnas// thams cad kun gyi mdzod skyed yin// chos rnams ma lus thams cad la// sra zhing brtan pa'i gnas yod pas// dngos po med pa'i tshul rtogs te// 'di ni sa chen yin par bshad// chos rnams ma lus thams cad la// de bzhin nam mkha' chen po yis// phyi dang nang gi go 'byed pa'o// thams cad gsal ba'i ngang nyid de// 'byung ba bzhi po thams cad kyang// thams cad nam mkha'i ngang du thim// chos rnams ma lus thams cad kun// de bzhin nyid kyi dbyings su 'ub// nyon mongs lnga pa zhes bya ba'i dam tshig ni/ ma rig pa ni rig par 'gyur// phyin ci log ni yang dag ste// nyon mongs lnga po de bzhin gshegs// dngos med rtogs na byang chub lam// ma rtogs ngan song gsum du 'gro// de bas thos bsam bsgoms pa yis// yang dag don nyid rtogs byas te// thams cad sangs rgyas nyid du sbyor// 'dod chags rang bzhin med pas na// yang dag don la chags byed de// chags pa med pa'i tshul gyis gnas// ma chags ba la chags pa dang// shin tu chags mchog chen po yin// rgyal ba'i zhing khams 'byung 'gyur te// snang ba mtha' yas zhing dag yin// thams cad pad+ma brdzus skyes yin// rdo rje 'dzin gyi sa ru skye// zhe sdang chen po'i mtshan nyid ni// phyin ci log la zhe sdang zhing// zhe sdang dngos po med shes na// sdang dang mi sdang mnyam shes te// cis kyang mi tshugs rdo rje yin// mnyam pa chen po'i ngang nyid ni// thams cad kun la dbyer med de// de ltar ma rtogs kun la snang// de bzhin phal gyis mnyam mi shes// des ni zhe sdang nyid du mthong// yang dag rtogs pas rab brtags na// zhe sdang thugs rje chen po yin// gti mug rmongs pa zhes brjod pas// chos rnams ma lus thams cad kun// don dam du ni dbyer med la// kun rdzob sgyu ma mig yor tshul// snang ba nyid na dngos med pas// de la su zhig bdag tu 'dzin// thams cad dbyer med mi dmigs pa// shes rab can gyi gti mug yin// de rtogs de bzhin gshegs pa'o// nga rgyal mtshan nyid brjod pa ni// mnyam pa nyid la gnas bcas nas// phyin ci log dang theg dman la// shin tu nga rgyal chen por snang// nga rgyal zhi ba so so min// rang bzhin med pas dbyings su 'dus// 'di ni yon tan 'byung gnas yin// de bzhin dag par shes par byos// phrag dog mtshan nyid brjod pa ni// nga dang bdag tu 'dzin pa ste// 'dzin nyid dngos po yod ma yin// mnyam mi shes la phrag dog cing// thams cad mnyam pa nyid du 'dus// mi mnyam pa la shin tu sdom// de bas phrag dog chen po yin// phyin ci log tu bdag tu bcings// gzung dang 'dzin pas shin tu dog/ gzung 'dzin bral ba'i ye shes ni// dog yangs med de thams cad mnyam// de nyid shes pas las rab 'grub// phung po lnga zhes bya ba'i dam tshig ni/phung po lnga por snang ba yang// kun rdzob bya ba sna tshogs byed// bde ba'i yul dang mi bde'i yul// so so'i ro rnams myong byed cing// lnga po'i mtshan nyid bshig byas nas// so so'i mtshan nyid dngos po med// gang gis de la dngos bzung na// ngan song gsum du skye bar 'gyur// de la gzugs kyi mtshan nyid ni// snang ba nyid ni rang bzhin med// snang med de nyid sna tshogs ston// snang dang mi snang gnyis su med// de rtogs rnam par thar pa'i gnas// gzugs nyid longs spyod rdzogs pa'i sku// tshor ba'i mtshan nyid brjod pa ni// kun la rnam gsum 'byung mod kyi// bde dang mi bde dngos po med// gnyi ga ma yin lung ma bstan// sna tshogs tshor ba 'byung 'gyur yang// tshor dang 'byung ba gnyi ga stong// stong nyid dngos po yod ma yin// de rtogs chos kyi go bgos yin// 'du shes mtshan nyid bshad pa ni// gsum tshogs mtshan mar 'dzin pa yin// so so mtshan nyid bshig pa na// dngos po med de de bzhin nyid// dngos po de ni sna tshogs pa// bya byed med par kun du 'jug/ khams gsum ma lus thams cad la// mtshan ma che chung bsam mi khyab// khyab med dngos po yod ma yin// de ltar rtogs na sangs rgyas mtshan// 'du byed mtshan nyid 'di ltar gnas// rtsa ba brgyad pa'i grangs 'gyur te// lnga bcu rtsa gcig kun la 'pho// der rtogs rtsa ba yod ma yin// med bzhin log g.yo rnam par 'byung// de la dngos por 'dzin pa ni// rtag tu nyon mongs g.yengs gyur nas// khams gsum btson ra kun tu 'khor// yang dag don phyir rig pas ni// 'phro ba'i gzhi rtsa de bzhin de// de la rnam rig 'byung ba ni// dngos po med de skad cig ma// ye shes dbyings la rol pa mdzad// sprul pa'i tshogs chen yin par bshad// kun gyi 'byung gnas rnam shes te// de yi dngos po'i rang bzhin ni// kha dog dbyibs dang rig rgyun min// gang yang ma yin nyid mi dmigs// 'di ni kun la dbang bsgyur te// mtho ris 'gro'am ngan song 'gro// rtogs dang ma rtogs khyad par ro// bzhi po mnyam pa'i ngang shes na// 'di ni ye shes chen po yin// kha dog lnga yi dam tshig ni// sems can ma lus thams cad la// ye shes lnga yis kun khyab kyang// rang gi rnam rtog bsgribs byas te// ye shes lnga yi don ma mthong// ma mthong rmongs pa thams cad la// ye shes mtshan nyid bstan pa'i phyir// dkar dang dmar dang ser ba dang// ljang gu la sogs nag por bstan// chos rnams bdag med rtogs byas nas// byang chub sems nyid dag pa'i phyir// shin tu mdog ni dkar bstan pa// de rtogs bya phyir dag pa'i mdog/ chos rnams ma lus thams cad kun// pad+ma rA ga zhes brjod de// chags dang chags par bya ba med// chags med phyir yang dmar po'o// yon tan gter chen zad mi shes// thams cad 'byung ba'i gnas yin te// de bzhin nyid dbyings ma lus la// zad med rin chen gter 'gyur ba// mdog ni gser gyi mdog tu bstan// chos rnams phyin ci log rnams la// thugs rje chen po'i byin brlabs kyis// dbyings su yang dag bsdu dgos pas// las rnams ma lus rdzogs par byed// kun tu las ni ljang gu'i mdog/ de bzhin nyid kyi dbyings nyid las// cis kyang mi tshugs bcos su med// kha dog nag po dngos po la// tshon gzhan dag gis bsgyur du med// de bzhin kun la shes par byos// phyogs lnga zhes bya ba'i dam tshig ni/ mtha' dang dbus med de bzhin du// dbyer med ngang du gnas pa la// ye shes rtogs pa'i don bya phyir// phyogs dang dbus su gnas par bya// sems can ma rig mdongs pa la// nyon mongs ma rig bsal bya'i phyir// ye shes sgron ma 'od 'bar bas// ma rig mun pa sel bar byed// de phyir de la shar zhes bya// sems can ma lus thams cad la// nyon mongs sdug bsngal mi gnas shing// ma rig mun pa nub 'gyur bas// de la nub kyi phyogs zhes bya// sems can kun gyi nyon mongs kun// ye shes chen po bdag med pas// sdug bsngal rab tu byang byas nas// de la byang gi phyogs zhes brjod// de ltar ma lus thams cad la// thugs rje shar dang sgrib pa nub// rnam rtog mtshan nyid byung gyur na// de yi yon tan chen po rdzogs// de ltar chos rnams ma lus kun// rang bzhin nyid kyi dbyings su 'dus// phyogs rnams ma lus thams cad kun// de bzhin nyid du zlum pa'i tshul// phyogs rnams kun la de ltar blta// ma rig phyin ci log rnams kyis// phyogs rnams so sor bzung 'gyur na// rtag tu nyon mongs 'khor bar 'gyur// dbang po lnga zhes bya ba'i dam tshig ni/ yul lnga dag la dbang byed cing// phyin ci log ni dngos por 'dzin// dngos por bzung bas khams gsum 'khor// gzugs rnams ma lus thams cad la// snang zhing dngos po med pa dang// lha dang lha mor dngos por brtags// bdag dang lha nyid gnyis pa'o// sgra rnams sna tshogs grags pa yang// sgra nyid dngos po med par shes// sgra brjod ma lus thams cad ni// chos kyi sgra chen sna tshogs yin// dri yi dngos por snang ba yang// dri nyid rang bzhin gang yang med// dri snom chos kyi dri yin te// shes rab chen pos de ltar rtogs// ro yi dngos por snang ba yang// ro yi rang bzhin yod ma yin// ro bro de bzhin nyid kyi ro// bde ba de yis tshim par byed// reg bya sna tshogs snang ba yang// reg bya'i dngos po yod med de// reg byar snang ba longs spyod yin// bde ba chen po chos kyi sku// mi shes phyin ci log rnams kyis// dbang po'i yul la chags 'gyur na// rtag tu 'dod dang mi 'bral zhing// ngan song gsum dang mi khom brgyad// rtsa ba sog ma'i me bzhin du// khams gsum dag tu 'khor bar 'gyur// de bas ye shes chags med rtogs// byas la mi sogs bsod nams byos// kun la spyod cing mi gos pas// ye shes chen po rtag tu bsgoms// mnyam pa lnga zhes bya ba'i dam tshig ni/ don dam par skye ba med par mnyam pa dang/ kun rdzob sgyu mar mnyam pa dang/don dam pa dang kun rdzob tu dbyer med par mnyam pa dang/ chen po lnga de bzhin gshegs pa lngar mnyam pa dang/ rnam par shes pa brgyad ye shes lngar mnyam pa'o// de la don dam par skye ba med par mnyam pa ni/chos rnams ma lus thams cad kun// de bzhin nyid dang stong pa'i mtha'// yang dag pa dang chos kyi dbyings// mtshan nyid med cing dmigs su med// gzung du med cing smon pa med// ye nas mya ngan 'das pa yin// thams cad nam mkha'i mtshan nyid de// nam mkha' la yang mtshan nyid med// kun rdzob sgyur mar mnyam pa dang// 'dus byas dngos po sna tshogs ni// sgyu ma'i tshul du thams cad snang// 'phral gyi bya ba kun kyang byed// rtogs pa kun gyi mtshan ma snang// 'di dag thams cad gzugs brnyan te// bya byed snang zhing dngos po med// chu zla'i tshul du thams cad gnas// thams cad snang la rang bzhin med// don dam kun rdzob dbyer med ni// chos rnams ma lus thams cad kun// gzhi rtsa med las thams cad 'byung// yod dang med pa gnyi ga min// don dam kun rdzob dbyer med de// 'dus ma byas nyid 'dus byas snang// snang ba nyid na dngos po med// dngos med de nyid sna tshogs te// de nyid sgyu ma mig yor tshul// 'byung ba chen po lnga de bzhin gshegs pa lngar mnyam pa ni// sa chu me rlung nam mkha' las// ya mtshan sna tshogs 'byung 'gyur pa// gzhi rtsa yod pa ma yin te// rang bzhin ngang gis de ltar 'byung// so so'i rigs tshogs snang ba ni// thabs chen dag tu rtag tu mnyam// mtshan nyid so sor gnas pa ni// shes rab dbyings kyi ngang du mnyam// rnam par shes pa brgyad ye shes lngar mnyam pa ni/ rnam rtog kun gzhi ma yin pa// rang bzhin med pa don gyi gzhi// 'di ni chos kyi dbyings zhes bya// de bzhin nyid kyi ye shes so// chos rnams ma lus thams cad kun// nga dang bdag tu mi 'dzin cing// kun kyang dbyer med pa yin pas// thams cad me long lta bu'i tshul// thams cad kun la yud rtog cing// rtog dang brtag par bya ba med// dus gsum kun tu mi dmigs pa// 'di ni mnyam nyid ye shes yin// log rtogs dbang po'i spyod yul spangs// dbang po'i yul rnams dngos med par// thams cad dbyer med de bzhin nyid// so sor rtog pa'i ye shes yin// mnyam pa rnam lnga de ltar rtags// chos rnams ma lus thams cad la// ye nas rang bzhin med pa dang// thabs chen lhun gyis grub par brtags// 'di ni yang dag rtogs pa yin// tshogs kyi dkyil 'khor zhes bya ba'i dam tshig ni// bsod nams ye shes tshogs rdzogs te// rang rig mtha' dbus med pa'i dkyil// ye shes bzhi 'phro 'khor lo'i tshul// yang na rdo rje sems dpa' nyid// rigs bzhi'i lha dang lha mo dang// 'khor gyi khro bo khro mo dang// yang na 'das pa'i dkyil nyid de// 'jig rten sna tshogs 'khor yin no// tshogs kyi mchod pa zhes bya ba'i dam tshig ni/ thabs dang shes rab ldan gyur cing// byang chub sems dang ma chags pa'i// gnyis su med par thim gyur na// tshogs chen gnyis kyang rdzogs par ldan// 'dod yon lnga po thams cad dang// sna tshogs spang ba thams cad kun// de bzhin gshegs pa'i dkyil 'khor dang// gzugs mdzes lha dang lha mor brtags// thams cad ma lus sgra rnams ni// chos kyi sgra chen yin pa dang// ngan song sbyong zhing thar lam ston// stong gsum grags pa'i sgra chen dang// thams cad 'jal ba'i sgra yang yin// bde ba tshim byed bsod nams te// brjod med mi gnas ye shes yin// 'di ni chags med pad+ma'i gsung// chos nyid dngos po med pa la// dri yis mchog tu tshim byed pa// bsod nams tshogs chen yin par bshadad// chags med ye shes tshul yin te// de bzhin dri yis mnyes mchod na// rig 'dzin sa rnams bskul bar 'gyur// ngan song gsum du chos kyi dri// kun tu bde gnas thob par byed// bder gshegs dkyil 'khor ma lus la// bde ba'i ro yis mchod par 'gyur// tshim byed bsod nams tshogs chen 'gyur// dngos por mi 'dzin bsod nams tshogs// de lta bu yi ro mchog gis// thams cad kun la tshim par 'gyur// yi dags gnas su longs spyod ldan// dkyil 'khor ma lus mchod pa yin// bde ba chen po rdzogs pa'o// rnal 'byor las su rung rnams kyis// rnam pa mang pos brgyan pa dang// sbyor mchod dag gis longs spyod na// dkyil 'khor bsam yas lhun grub 'gyur// bde chen dkyil 'khor 'bar 'gyur nas// sdig pa'i mun nag sel bar byed// dpung gi tshogs kyis mi thub pa'i// mthu chen dag kyang 'grub par byed// tshogs kyi phrin las zhes bya ba'i dam tshig ni/ byed pa med pa'i tshul gyis ni// kun la thogs pa med par spyad// thams cad ma lus 'dul bar byed// mi mthun phyogs nas dbang du byed// yon tan chen po 'phel bar byed// khro bo gtum pa'ang zhi bar byed// thams cad kun la spyad bde ba// chags pa med pa'i tshul gyi gnas// dbyings su bsdus pa'i dkyil yin te// 'phro 'du mang po'i 'khor gyis bskor// mnyam pa chen po'i ngang nyid ni// de lta bu yi tshul du gnas// 'khor gyi phra men tshim par byed ces bya ba'i dam tshig ni/ bdag nyid 'dul ba'i dbang phyug tu// rtag tu mnyam bzhag khro bo'i tshul// 'khor gyi khro rnams de bzhin te// mdog dang phyag rgya thams cad dang// sngags mchog dam pa ma lus 'don// de nas phra men 'khor bsdus nas// so so'i las dang mthun byas te// so so'i gnas su gzhag par bya// dbang du bsdu dang bsgom pa'i thabs// ji ltar 'tsham pa bzhin du bya// ma lus thams cad byos shig bar// lhag ma byin nas dbang yang bskur// gzhan yang 'gro ba thams cad la// 'dod yon lnga yi sbyin pa btang// de nas las rnams rdzogs byas nas// dbang phyug chen po'i gnas brten nas// rigs lnga ye shes lnga la sogs// 'khor gyi dkyil 'khor ma lus pa// bdag la thams cad bsdu bar bya// de ltar bsgrub pa'i ngang 'chang ba// ye shes tshogs gnyis rdzogs byas nas// rig 'dzin rig pa'i sa la gnas// theg dman spyod par yod mi 'gyur// mi khom gnas su skye mi 'gyur// skye shi med pa'i g.yung drung thob// sangs rgyas zhing yang sbyong bar byed// ngan song gnas rnams stongs par byed// yang dag mchog gi snying po 'grub// dbang po yul du snang ba kun// yul rnams yod pa ma yin te// kun gzhi rnam par shes pa nyid// dngos po sna tshogs bar snang ste// snang ba'i dngos po rnam bshig na// so so'i mtshan nyid rnam bshig nas// gzhigs na nam mkha'i ngang du zhi// nam mkha' de nyid lngas gzhigs na// mtshan nyid med pa'i dbyings su thim// thams cad kun gyi 'byung gnas so// gzhi rtsa med pa'i skad cig ma// snang ba mi 'gog thabs yin te// rang bzhin med pa shes rab nyid// nyon mongs rnam par shes pa ni// kun gzhi nyid snang spyod yul la// de dang bdag tu rnam par rtog/ bde sdug mtshan ma so sor 'dzin// kun gzhi dngos po med pa la// bag chags sogs pa'i gnas med de// snang ba'i dngos po med pa la// nyon mongs blo yis blang du med// bsgo dang bsgo bar bya ba med// de ltar sgo byed dngos po med// med bzhin sems kyis log brtags pa// khams gsum btson rar rtag tu 'khor// yid kyi rnam par shes pa ni// snang dang mi snang gnyi ga la// skad cig yud tsam rtog pa yin// rtog pa nyid kyang ma grub na// yul gyi dngos po ga la 'grub// yid kyi de bzhin rgyun nyid ni// snga ma 'das shing mi dmigs pa// phyi ma ma byung brtag tu med// de ltar rang bzhin dmigs su med// rtsi shing kha na rlung 'phyo 'dra// rgyud ni yongs su ma chad pa// 'di ni kun tu 'byung ba yin// de ltar don rnams dngos po med// chu dang rlung dang rlabs 'dra ba// de gsum gcig dang so so min// de bzhin kun gzhi nyon mongs yid// gcig pa ma yin so so min// chos kyi dbyings dang mnyam pa'i dbyings// thams cad ye shes dbyer med cing// gcig tu yang ni brjod pa med// de ltar ma rtogs sems can yin// rtogs na sangs rgyas gud na med// byang chub sems kyi de bzhin ni// shin tu mi dmigs brtag dka' ba// yangs la rgya che gting zab pa// shes rab zab pas rtogs 'gyur te// gang nas ma 'ongs gar mi 'gro// 'ong dang 'gro bar bya ba min// shin tu brtag dka' mi dmigs pa// mtha' dang dbus kyang brtag tu med// gzung 'dzin bral ba'i rang nyid ni// dmigs med tshul du de ltar snang// dbyings dang dbyings kyi ye shes kyang// rang rig kho na tsam du zad// sems can ma lus thams cad kyis// de ltar khong du chud par byos// nyon mongs sdug bsngal med pa dang// bla med 'bras bu thob par 'gyur// sems can ma lus thams cad la// snying rje'i thag pa ma chags par// nyon mongs lam las grol byed cing// byams pa dag gis mnyes par gyis// de bzhin 'khor ba'i btson ra la// snying rje'i zhags pa cher brkyang nas// nyon mongs 'dam nas 'dren par byed// snying rje chen po skye ma byed// de bzhin skye bo phal rnams la// las kyi sgrib pas mi gos shing// thams cad mngon par sangs rgyas par// dga' ba dag la 'gyod pa med// sems can nga dang bdag med la// thugs rjes gnyis rtog mi 'byed de// bu gcig 'dra bar blo gzhag bya// thams cad dri ma med par bya// chos rnams thams cad stong pa bas// de la dngos dang rtog pa med// nam mkha'i ngang du gnas pa la// de la bcos shing bsgyur du med// chos rnams thams cad mtshan nyid med// snang ba thams cad dngos med pas// yod dang med pa thams cad kun// mtshan nyid med pas mi dmigs so// 'jig rten 'das dang 'jig rten pa// chos rnams sna tshogs snang ba yang// bdag las gzhan pa ma yin pas// kun la smon cing chags su med// byang chub sems rnams thams cad ni// shin tu brtag dka' gting zab pas// rtog ge'i spyod yul de ma yin// ma dmigs mi dmigs dmigs su med// sems nyid de nyid ji lta bu// byang chub de nyid sems yin no// sems dang byang chub dbyer med pas// sems can ma lus thams cad dang// dus gsum chos rnams thams cad yin// thams cad ma lus chos so cog/ sems dang byang chub nyid du 'ub// bo d+hi chen pos de skad bshad// skyes bu blo rtsal rab ldan pas// ci la'ang thogs pa med par spyad// spyad pa nyid na chags pa med// dus mtha' med par ma nyams gnas// 'di ltar snang ba thams cad la// mngon sum tshad mas rtag mthong yang// snang ba nyid na dngos po med// de bzhin yang dag nyid du rtogs// gang zhig stong pa'i ngang yod ces// med pa'i rang bzhin rtogs pa de// ri bong rwa dang mo sham bu// tshig tsam gdags su rung mod kyi// thams cad ming tsam stong nyid med// thams cad ma lus stong zhes te// dran med brdos pa ma yin pas// rtogs med rang bzhin 'od gsal zhing// 'di ltar snang ba thams cad kun// brdos pa tsam gyi chos med do// shes pa 'ba' zhig kho na'o// thams cad gnyis med rtogs gyur na// de nyid don dam dbyings yin te// gzhan nas btsal zhing gzhag tu med// yod las btsal na sgro btags 'gyur// med las btsal na skur btab ste// yod med gnyis las btsal byas na// de ni lung du ma bstan 'gyur// rnam par rtog pa mi mnga' ste// de yis mi mkhyen ci yang med// rnal 'byor lta ba de lta bu// tshig gis snga phyi yod mod kyang// don gyis cig char rdzogs par bsgom// de lta bu yi don rtogs kyang// 'gro nyal 'dug sdod longs spyad kyang// theg chen sgom las nyams pa med// gong gi don ltar ma rtogs pa'i// blo ngan mnyam par khungs phyung nas// ma rtogs le lo snyom las byas// don ma 'grub par ngan song 'gro// sems kyis mnyam par ma rtogs na// tshig gis mnyam pas sangs mi rgyas// de bas don tshig ldan par byos// 'on tang the tshom med par 'grub// rnal 'byor don chen rtogs pa yis// dus mtha' med par de ltar bsgom// yon tan nam mkha'i mtha' dang mnyam// spyod yul sangs rgyas nyid du gcig/ rtag tu bsod nams tshogs chen ldan// bya byed med pa'i brtson 'grus kyis// des ni byang chub snying po len// zhes gsang ba'i tshig tu'o// rgyud kyi rgyal po sgyu 'phrul dra ba las dbang po dang yul du 'dus pa bstan pa'i le'u ste bdun cu bdun pa'o//// de nas de bzhin gshegs pa gsang ba'i snying po de kho na nyid nges pa las sngags 'chang rnams don yod par bya ba'i phyir thams cad phyag rgyar 'dus shing phyi nang snod bcud thams cad la 'di ltar brtags shing phyag rgya'i dam tshig bsrung ba dang/dam tshig ni gnas yin no// phyag rgyas bsdus shing spros pa yang 'di yin te/ ched du brjod pa 'di brjod do// gsang ba de nyid kho na las// byang chub mchog 'di bstan pa'o// mnyam pa chen po'i dkyil 'khor ni// phyogs bcu dus bzhi ma lus pa'i// 'das dang ma 'das thams cad kun// ye nas dbyer med de bzhin nyid// mnyam dang mi mnyam bya ba min// de bzhin nyid kyi ngang du 'ub// 'jig rten 'das dang 'jig rten pa'i// brjod pa ma lus thams cad kun// chos nyid ngang las ma rtogs pa// log rtogs nyon mongs rdul tsam med// phyag rgya sna tshogs 'od 'bar yang// de bzhin nyid las ma g.yos te// bdag nyid dbyings las mi gzhan phyir// mnyam la mnyam par gnas pa yi// rnam gsum tshul gyis bsgom byas shing// phyag rgya skyed cing log 'dul ba// bya byed med pa'i tshul gyis su// las rnams ma lus rdzogs par byed// de ltar rtogs shing rigs kyi mchog/ bdag nyid phyag rgya kun gyi bdag/ ye nas rang bzhin 'od gsal bas// byang chub skye 'khrungs rgyu yang yin// 'bras bu yang dag nyid du'o// rgyu 'bras dbyer med rdo rje'i sa// bcu gsum don grub de gnas pa// mthar phyin gang la'ang mi gnas pa'o// rang bzhin phyag rgya chen po ni// phyi nang snod bcud thams cad kun// thams cad shes rab ngang du gnas// rigs lnga bder gshegs yab yum du// ma bcos ye nas de ltar gnas// thabs dang shes rab nyid la rol// bde min ma chags tshogs chen po// yang dag nyid la rab tu rdzogs// lhag pa'i phyag rgya chen po ni// nang gi rtags ni phyir byung ste// mdor bsdus phyag rgya chen po dang// gzhan yang phyag rgya sna tshogs pa// lag gi 'du 'phro bsam yas dang// yan lag stabs chen bsgul bsigs kun// nyid kyi dbyings las ma g.yos kyang// rang bzhin nyid kyi de ltar gnas// 'joms shing cis kyang mi tshugs pa// rang byung chen po lha yi lha// thams cad kun la 'bigs par byed// dpa' bo zhes kyang gdags par bya'o// las dang las kyis mi gos pa// gnyis med dbyings kyi don rtogs shing// ma chags pa la chags pa dang// shin tu rnam par dag pa yi// de bzhin nyid dbyings dkyil 'khor la// sku gsung thugs ldan zad mi shes// yon tan mi zad gter du 'gyur// gzhi ni mi zad par ldan pa'o// sku gsung las rnams rdzogs byed pa'o// rnam par rtog med tshul gyis ni// thams cad kun la chags med rol// 'dul ba'i don lan bsam mi khyab// 'joms dang ma chags kun 'byung dang// thams cad dbang bsdus don 'grub pa// ma lus kun 'dus rnam par dag/ kun nas zlum zhing 'od zer 'phro// rigs bzhi ma lus thams cad kun// mnyam rdzogs dbyings su thams cad 'dus// rigs rnams gcig med gcig pa ste// lhun grub dkyil 'khor ngang nyid du// phyag rgya'i dam tshig mtshan nyid ni// thugs kyi rtags su bstan pa yin// dper na rgyal pos rgyas btab na// sems can kun gyi yong mi 'da'// de bzhin mnyam nyid phyag rgya yin// kun la khyab cing thams cad snang// sku gsung thugs kyi rgyas btab na// bdud dang mu stegs mang po kun// mi mthun phyogs kyis dbang byar med// rdo rje sems dpa'i rigs nges na// 'di lta bu la rtag tu gnas// de lta bu yi blo med na// rdo rje'i rigs su yong mi bshad// gsang ba'i snying po de kho na nyid nges pa las phyag rgya'i dam tshig gi le'u ste bdun cu brgyad pa'o//// de nas bcom ldan 'das dgyes pa chen pos de bzhin gshegs pa nyid la gsang sngags kyi rgyal po brtan par bzung ba 'di ched du brjod do// kye kye phyogs bcu dus bzhi rang bzhin 'di// de bzhin gshegs pa'i ngo bo nyid// gzung 'dzin spros la 'chel ba yi// rnam rtog zhags pas so sor zin// sa rnams khyad par bkod pa yang// gsang ba'i snying por 'gro ba'i lam// ye shes ngo mtshar rab 'byam gyis// don du mi 'gyur yong ma gsungs// de bzhin gshegs pa thams cad kyis// phyag rgya gsang chen snying po 'di// rtogs nas smra bar byed pa gang// de nyid nga yin dbang yang rdzogs// de bzhin gshegs pa thams cad la// gsang ba 'di las gzhan mi mnga'// sgro dang skur pa zhi ba yi// gsang ba'i snying po de kho na// de nyid nges pa'i dbyings las phyung// de ni nges par lung bstan te// sras ni thugs las skyes pa yin// sa rab rig pa 'dzin las gnas// zhes brjod pas de bzhin gshegs pa thams cad dbyer med par dgyes nas dus bzhi mnyam pa nyid kyi dbyings sku dang gsung thugs kyi lhun stug po bkod pa'i rgyan nyid du bzhugs so// gsang ba'i snying po de kho na nyid nges pa las yongs su gzung ba'i le'u ste bdun cu dgu pa'o//// 'phags pa'i rgyal po sgyu 'phrul dra ba'i stong phrag brgya pa las mtshan nyid dang rgyud thams cad kyi lung gi spyi/de bzhin gshegs pa thams cad kyi gsang ba// gsang ba'i snying po de kho na nyid nges pa'i le'u las thams cad ma lus par spros te 'khor lo bskor ba de dag gi 'bras bu mchog/ gsang ba chen po 'di yod par// me mar mur gyi dong 'bogs shing// spu gri so ni gtams las kyang// 'dzegs nas bu dag 'gro bar byos// khong na gnas pa'i yang khong du// lcags kyi sgrom bu kha bsdam mo// thams cad la yang me long bzhin// bltas kyang gzugs brnyan mi snang ngo// ye shes 'phrul gyi lde mig gis// rdo rje tha ram sgrom phye nas// yid bzhin rin chen gter phyung ba// skal ldan mchog gis spyad du gsol// yi ge kun la mi snang zhing// bla ma'i thugs la gnas pa ni// skal ldan mchog gi spyod yul te// kun dang thun mong de ma yin// dper na seng ge'i 'o ma ni// gser gyi phyis bus 'dzin 'gyur gyi// snod gzhan dag tu blugs pa ni// snod kyang 'chag la 'o ma'ang 'bo// yong gis gser gyi rang bzhin la// dbyibs kyi khyad par cir yang snang// gser las gyur pa rdul tsam med// de bzhin chos kyi mtshan nyid kyang// mtshan ma sna tshogs cir snang yang// nyid las gyur pa rdul tsam med// gsang ba'i snying po de kho na nyid nges pa las chos nyid kun tu mi 'gyur bar bstan pa'i le'u ste brgyad cu ba rdzogs so////

CLOSE WINDOW