CLOSE WINDOW

Gpb012.008
བོད་ཡིག

/// de nas lha tshogs re re rdzogs pa dang/ drag po'i las bya bar gsungs so// de la dang por drang ba ni/ gong du mchod pa'i khro bo rnams/ tshigs su bcad pas re re nas bskul te 'di skad brjod do// hU~M khro bo nyi ma'i dkyil 'khor 'od 'bar ba// rngam pa'i 'od zer dkyil nas grub pa thog thog 'phro// thugs rjes gdug pa 'dul du gsol// Ar+ya kro d+ha na hU~M phaT/ khro chen mi thub 'bar ba'i sku// thugs rje'i byin rlabs dpal gyi sku mnga' bas// thugs rje chen po dbu gsum sdang mig can// mche gtsigs rtse las rdo rje gnam lcags 'bebs// rngam pa'i zhal nas rdo rje me stag 'phro// bdud 'dul rgyal po gdug pa 'dul du gsol// A+oM badzra kro d+ha ne/ dz+wa la ni tid pa ta hU~M phaT/ hU~M khams gsum snang mdzad sku gsung thugs kyi gtso// hU~M mdzad hU~M gi dbu la rigs lnga'i sangs rgyas bkod// hU~M gis dus gsum rgyal ba'i gsung las skyes pa yi// me dbal sngon po 'bar ba'i rang bzhin can// me dbal sngon pos bgegs rnams 'dul du gsol// trai lo bi dza ya hU~M phaT/ hU~M mdzad 'phags pa ta kr-ita mi g.yo mgon// shes rab ral gri bskal pa'i me bzhin 'bar/ me lha ral pa can dang biSh+Nu sku la bzhugs// mi g.yo ral gri 'dzin pas gdug pa rdul du brlag/ Ar+ya a tsa la kro d+ha ni hU~M phaT/ hU~M mdzad rin chen mchog ste ya ma gshin rje'i gshed// byams dang thugs rje ldan pa'i 'jam dpal rnon po yis// ma rig dug gsum drwa ba gcod mdzad pa'i// dam tshig sgrol bar mdzad cing dpal gyi gnas su 'don// brjid pa ma he'i sgrom du khengs pa gzir// gshin rje thod dbyug 'bar bas bdud 'dul mdzad// ya mAn ta kr-ita kro ta pa tsa pa tsa hU~M phaT/ hU~M mdzad ta kr-id dbyug sngaun 'bar ba'i sku// dbyug sngon 'bar ba dang ni rdo rje zhags pas sdigs// rgyu tshil rkang dang khong khrag dmar po gsol// ri rab rgya mtsho 'dril zhing ha la'i dug kyang gsol// chu srin rgyal po'i gtsug nas yid bzhin 'bar ba phrogs// ta kr-ita dbyug sngon can gyis 'dul bar mdzod// nI la daN+Da kro d+ha da ha da ha hU~M phaT/ hU~M mdzad rig pa'i rgyal po rta mgrin 'phags pa'i sku// asma gar b+ha'i dkyil nas rdo rje 'bar ma 'dren// dbu la rta skad rngam zhing 'tsher bas ni// stong gsum g.yo zhing klu rgyal 'dul bar mdzad// khyod kyis lha ma yin gyis sdug bsngal sbyang du gsol// ha ya grI pa hu lu hu lu hU~M phaT/ hU~M mdzad ta kr-ita rgyal po 'bar ba'i sku// phyag na gdug pa'i mtshon cha lcags kyu 'bar ba 'dzin// dam tshig 'bral ba bsgral te snying dang thod khrag gsol// bgegs kyi snying nas drangs te khrag 'thung thal bar brlag/ phra men kun dang rol pas dug gi sprul pas nam mkha' 'gengs// me yi skye mched gdug pa 'dul ba'i dus la bab// TA ki rA dza ts+tshin+da ts+tshin+da hU~M phaT/ hU~M mdzad bdud rtsi 'khyil ba'i dpal 'bar las kyi sku// phyag na rdo rje rgya gram dang ni bdud rtsi'i bum pa 'dzin// dngos grub dpal gyi bdud rtsi mchog gsol ba// hU~M mdzad bdud rtsi 'khyil la phyag 'tshal lo// khyod kyis gnod sbyin gdug pa gdul du gsol// A+o~M a mr-i ta kuN+Da li ts+tshin+da ts+tshin+da hU~M phaT/ hU~M ma hA ba la 'phags pa'i sku// phyag na rnga yab dang ni klu yi rgyal po 'dzin// mche gtsigs rtse las rdo rje gnam lcags 'bebs// bgegs kyi rgyal po bi nA ya ka gnon// btsun mo 'phrog cing sbyor ba'i thabs kyis rol// khro rgyal stobs po che yi thugs dam bskul// ma hA ba la s+pho Ta s+pho Ta hU~M phaT/ khro bo'i rgyal po ka ma la yi mtshan// khros pa'i spyan bgrad smin ma glog bzhin 'gyu// dbu gsum phyag drug 'tsher bas bdud 'khyil mun khang 'joms// gzi byin 'bar bas nam mkha' 'khengs// phyag drug mtshon chas dmyal ba'i sdug bsngal sel// zhabs drug 'tsher bas ngan song kun bsgral te// thugs rje thabs kyis 'gro ba'i don rnams mdzod// ka ma la kuN+Da li hUM phaT// hU~M mdzad hU~M gi rgyal po hU~M kA ra// hU~M ni mi skye pa yi chos nyid can// hU~M ni dus gsum rgyal ba'i gsung las skyes// me dbal sngon po 'bar ba'i rang bzhin can// goms pa'i stabs kyis brkyang bskum gar byed cing// rgyal ba hU~M kA ra yi thugs dam bskul// hU~M kAr gar dza gar dza hU~M phaT/ ces brjod la 'gugs 'dren drag tu bya'o// drag po las kyi le'u las/ skul ba 'gugs 'dren gyi le'u ste dang po'o//// de ltar 'gugs 'dren lag na phur pa'i las bya ba ni// lcags sna lnga'am shing tsher ma can la sogs pas sor brgyad dang bcu gnyis par byas la/ mgo mjug ma nor bar rtsa ba'i ngos su mgo byas te/mgo sor gcig la rgya mdud/ stod zur brgyad/ rked pa sor gcig la rgya mdud/ sman zur gsum par byas pa la/ dang po kho nar stong pa nyid du bsgoms te/ chos kyi skur byin gyis brlab/de nas spyi bo'i rgya mdud gzhal yas khang du bsgom/ phyogs bzhi dbus dang lngar hU~M bsgril ma lngar bsgom/ de las dpal he ru ka dang khams gsum rnam par rgyal ba dang/ gshin rje'i gshed po dang rta mgrin dang/stobs po che dang/ 'di rnams so so'i snying po brjod pas/ yum dang gnyis su med par bsgom mo// de nas he ru ka'i thugs ka nas hU~M mthing nag las sras phur bu skyes te/ lto ba man chad mthing nag la/dbu ral pa kham nag zur gsum du 'greng ba/ sbrul dkar nag gis brgyan pa/ thod rlon gyi phreng bas brgyan pa/ spyan gsum bgrad nas g.yon du gzigs pa/ mche ba gtsigs nas zhal rngams pa/phyag bzhi pa la dang po gnyis na dgra s+t+wa rdo rje bsnams pa/ 'og ma gnyis na ri rab phur bu zur gsum bsnams pa/ stobs dang mthu dpung la sogs pa ni khro bo thams cad 'dus pa las kyang che ba gcig bsgom mo// de yi gnas lngar 'bru lngas byin gyis brlab/ sku gsung thugs su byin gyis brlab/ de nas lag gi 'du shes kyi byin gyis brlabs shing dbang bskur la/ 'di skad brjod do// lcags sam drag po'i shing rnams la// mgo bo rgya mdud rtse zur gsum// khro bo khro mo'i 'khor bsgoms nas// drag por gyur pa'i phur pa ste// btab na lha yang brlag par 'gyur// gdug rtsub gzhan lta smos ci dgos// badzra kro d+ha khA da/ts+tshin+da ts+tshin+da hU~M/ mA ra Na mA ra Na hU~M phaT/ zhes brjod de gdab bya'i gnas lngar gdab bo// gzhan yang phur pa'i rgyud las byung ba bzhin bskul zhing gdab bo// drag po las kyi le'u las/ bsad pa'i phur bu'i le'u ste gnyis pa'o//// de nas brdung ba'i las ni lcags sam/ rdo nag po'i gtun khung gru gsum nang du/ gang la bya ba'i gzugs bcug la/ lcags sam/ seng ldeng ngam/ shing tsher ma can gyi gtun bus zhib legs su brdung zhing/thabs dang shes rab kyi mtshan nyid du rtogs par byas la/ 'di skad brjod de/ lcags sam nag po'i gtun khung ni// khro mo rnams kyi gtun khung du// khro bo'i tho bas brdungs byas na// drag por gyur pa'i tho ba ste// brdung na lha yang brlag par 'gyur// brlag par ma gyur gang yang med// gnod byed gzhan lta ci zhig smos// badzra kha thaM badzra kro d+ha kha thaM/ mA ra Na kha thaM/ zhes brdung ngo// drag po'i las las/ gsad pa'i brdung ba'i le'u ste gsum pa'o//// de nas drag po gtor ma'i las ni/ lcags sam shing tsher ma can gyi snod gru gsum du/ lcags phye dang zangs phye dang rdo phye dang/dug sna tshogs/ nas nag gam sran phye rnams bsres la/ khrag sna tshogs dang bsres la gtor ma bya/ kha sle'u nag gis bcad la/ gang la bya ba de khug pa dang/ gtor ma kha phye bas dug gi rlangs pas shi bar bsams la/gang la bya ba la gtor bas lus ngag rdul du brlag par bsams la/ 'di skad brjod/ lcags phye dug dang rdo phye rnams// khrag gis sprus pa'i gtor ma ste// ma rga can dang sbyar ba dang// drag por gyur pa'i gtor ma ste// sbyor bas de gtor brlag par gyur// brlag par ma gyur gang yang med// tsa ra na mA ra Na phaT/ trag khaM mA ra Na phaT/ ces brjod la gtor ro// drag po'i las las/ bshig khral gtor ma'i le'u ste bzhi pa'o//// de nas gtub pa'i las ni/ gtan pa drag po'i shing las gri'am ral gri lcags sna las byas pa sku gsung thugs dang ldan pa'am/ ye shes kyi mtshon char dmigs la/gang la bya ba'i gzugs dug gsum gyi gzhi mo rtsad nas gcad par dmigs la gtub ste 'di brjod do// nga ni dus gsum bzhugs pa yi// sangs rgyas yin te ye shes sku// ye shes sprul pa'i byin rlabs las// ye shes rno dbal mtshon cha ste// drag por gyur pa'i mtshon cha 'dis// 'dod chags zhe sdang gti mug rgyu// 'bras bu ngan song gsum du 'khor// log rtog 'khor ba rgyun gcod do// tsakra oM bruM tsakra hUM bruM tsakra swA bruM/tsakra hrIHbruM/ tsakra hA bruM/ badzra khaD+ga/ ts+tshin+da ha na hUM phaT/ zhes lus dum bur gtub bo// drag po'i las las/ gtub pa'i le'u ste lnga pa'o//// de nas bstab pa'i las ni/ gzugs kyi phung po ni/mchod pa'i rdzas su bsngo ste/ rgyal ba rigs lnga'i gdan khrir gyur par bsngo/ sems ni rgyal ba'i sras su bskyed pa 'di skad do// 'dod chags zhe sdang gti mug rgyu// 'bras bu ngan song gsum du 'khor// dug gsum rgyu 'bras sbyang ba'i phyir// sha rus la sogs khrag bcas bstab// de nas gnas spar ba ni/ 'di skad du/ drag po'i las kyis bsgral ba rnams// 'khor ba'i lam rnams sgo bcad de// rnam shes hU~M gis bsdus nas ni// hU~M gis ngan song stongs par byed// chags pa'i bde ba bla na med// rgyal ba thams cad hU~M gis bskyed// 'og min bla na med pa'i gnas mchog tu// khro bo dang ni khro mo yi// sbyor ba'i mtshams su phaT kyis 'phang// ho yis g.yeng zhing yaM gis 'degs/ zhes brjod la spar nas hU~M gis bstab bo// ta thA ga ta/ badzra ra tsa rat+na ra tsa zhes gnas spar ro// drag po'i las las/ gnas spar ba'i le'u ste drug pa'o//// de nas drag po sbyor ba'i las ni/ gzugs gtubs pa ltar/ dug gtor gnyis bsreg ma thag tu gtor pas/ ye shes kyi mes bag chags dang bcas pa thul gyis bsreg par bsams la 'di skad do// rdo rje'i thugs rje'i byin rlabs kyis// 'jig rten khams ni rab 'byams kun// rdo rje gtun khung ldan byas te// drag po'i mthu yis ldan par mdzod// zhe sdang rdo rje 'khor bcas kyis// 'jig rten khams ni ma lus kun// skad cig yud la brlag par mdzod// brlag par ma gyur gang yang med// dar pU tsar pU nar pU a b+hi tsa ra/ mA ra Na phaT/ che ge mo zhig mA ra Na phaT/ ces brjod do// drag po'i las las/ rjes drag po'i las bsdus pa'i le'u ste bdun pa'o//// de nas rdzogs nas las kyi lhag chad skong ba'i phyir// me lha lan gcig spyan drangs nas/ dkyil 'khor du bzhugs su gsol/mchod pa rnam pa lnga dang/ sbyin sreg gi rdzas ci lhag pas mchod de/ las ma dag pa bzod par gsol/ me lha slar gshegs su gsol/ de nas dkyil 'khor gyi lha byin la bzod par gsol te/ ma rig bdag cag lus dang ngag sems kyis// bag med tshul gyis dam las 'gal gyur te// rgyal ba rgya mtsho'i thugs dang ci 'gal ba// thugs rje'i che mnga' khyed la bzod par gsol// khyed kyi thugs rje nam mkha'i mtha' dang mnyam// 'gro ba phan phyir tshangs pa stsal du gsol// de ltar bshags pa bgyis te bzod par gsol// drag po'i las kyi lhag chad bskang ba'i le'u ste brgyad pa'o//// de nas mnan pa'i cho ga bgyi ste/hom khung gi nang du thod chen nam/ phag thod bcug la/ thod pa'i nang du dgra bgegs kyi ming rus bcug ste/ g.yam pa sngon po la dbus su 'khor lo bri/ phyogs bzhir rgya gram bri/ zur bzhi ri rab bris la mnan no// tshig tu yang/ mnan no ri rab brjid kyis mnan// bskyon no 'khor lo'i rtsibs la bskyon// 'phang ngo rgya mtsho'i gting du 'phang// sbyin no gnod sbyin zas su sbyin// gtad do gshin rje'i lag tu gtad// dpag tshad lnga brgya'i 'og shed na// gshin rje'i rgyal pos chos 'chad kyis// de yi drung du chos nyon cig/ byang chub sems ni ma skyes tshe// nams kyang gtang bar mi bya'o// nam zhig byang chub sems skyes nas// de tshe gnas ngan de las drang bar bya/ A+oM laM suM laM praM laM/ pra ti ta nan/ byi tsi ya suM b+ha ya/ mo hA ya/ g+ha ta ya/ bag ma ni/ pa tsa laM laM laM/ mA ra Na nan nan nan/ drag po'i las las/ mnan pa'i le'u ste dgu pa'o//// rdo rje ngur mo'i me rgyud las/ khro bo'i las rdzogs so//// de nas dpal rdo rje sems dpas las rnams bzhi'i tshul gyis hom bya ba 'di gsungs so// thog mar las gang byed pa'i kha dog bzhin/phyag rgya chen por bsgyur zhing gnas bsrung/ bla 'og phyogs bzhi byin gyis brlabs te/ re zhig las gang bya ba ma zin gyis bar du/ bar chad mi 'byung bar bya ba'i phyir/ gdon bgegs rgyang grags gcig tshun chad mi 'da' bar mtshams bcad/mchod pa'i yo byad sbyar te/ lha bshos dang mchod gtor dang lan chags kyi gtor ma dang/ me'i mchod pa'i rkyen/ phye mar dang/ mar khu dang/ sman dri chu yan chad bshams te/ hom gyi yo byad sbyar ba la/ me spar la ma rig par byas la/ 'phags pa rnams spyan drangs te/ mchod cing gtor ma mchod gtor bsngo ste/ las ma zin gyi bar du mi dgye/ phyi gtor ni 'phral du dgye/'phags pa man chad dang/ phyi gtor du bsdus pa rnams la yang 'di skad du/ dang gnod byed thams cad bkug cing/ sbyin sreg mdzad du gsol/ phan gnod byed pa rnams mtshams bcad/phrin las ma rdzogs kyi bar du mi gshegs par stong grogs mdzod cig ces bcol la/ bdag gis kyang de bzhin dmigs/ hom khung zur gsum tshad bzhin brkos la/ kha tshan bskor maN+Dal zheng khru gang tsam zhig bgyis la/tshon mthing nag dgye ste/ de'i steng du tshon dmar pos 'od 'bar bri/ rdo zur gsum gcig la/ A+oM AHhU~M zur re rer bris la/ hom khung gi zhabs su bzhag/ de nas shing rlon pa skyer pa dang/ gla ba dang/ shug pa dang/ seng ldeng dang sbyar ba dang/ thang shing rnams phreng gcig tu gshags la srid du khru re re yam shing skam po gong ma dang/ mnyam par bgyis la/ 'di rnams hom khung du 'greng bur brdzang zhing/byin gyis brlab pa'i snying po/ A+oM hi sa zhes brgya rtsa brgyad man chad/ sum cu yan chad bzlas shing brdzangs la/ yam shing gi dbus su rdzang ma'i sol ba nyung shas blugs la/ pags pa nag po'am snam bu nag pos kha bcad de/me spar nas dar nag po kha gang mda' la btags nas/ me dag gi nyams dang sbyar te sa bon mthe bong tsam mam bag ka tsam cig gsal la/ hom khung gi zur gsum du chu blugs la/ me nyams che na chus gang/mi che na me la ma thug tsam mam phyed man chad bkang la/ ha ha ha zhes lan gsum brjod la/ me lha nag po 'khor dang bcas te byon nas/ mnyes shing mdangs phyung bar bsams nas/ shar phyogs nas me lha dkar po sku dkar ser dbu ral pa can phyag na ba dan dkar po thogs pa/ skyin kham pa la zhon pa/ lho phyogs kyi me lha nag po ag+ni sku mdog sngon po dbu gsum ral pa mdun du 'khyil ba/phyag na rdo rje rtse lnga thogs pa/ skyin sngon po ru gcig la zhon pa/ nub phyogs kyi me lha dmar po ral pa can/ phyag na ba dan dkar po thogs pa/ shing rta la bcibs pa/ byang phyogs kyi me lha ljang gu gsus po che/phyag na dbyug pa thogs pa/ klu lug gro mo rwa ltag pa g.yas su 'khyil pa la zhon pa/ 'di rnams phyogs bzhi nas lcags kyus drangs nas sku las me 'bar zhing hom khung nang du byon te/ zhal nas hU~M dang phaT kyi sgra sgrogs shing/ha ha ha zhes gsungs pas/ sku dang zhal gyi nang nas me lam lam 'bar zhing byon pas byin gyis brlab par bsam/ me lha chen po ko'u rA dang/ tso'u rI dang/ pra mo hA dang/ puk+ka sI dang/ ag+ne dang/ tsun+dA dang/ ko'u shi ka dang/ gzi can dang/ 'bar ma la sogs pa'i sku las/ me stag 'phro zhing du ba 'thul bar bsam/ hom khung du byon nas me 'bud do// me 'bar bar bsam/ rlung gi rgyal po sha rkyang mgyogs pa la zhon pa/ lag na ru mtshon dmar po dang rlung gi rkyal pa thogs pa hom khung du byon te me 'ur 'ur 'bud par bsams te/ 'di rnams kun kyang lcags kyu'i phyag rgya dang/ snying pos spyan drangs te/dus gcig tu me 'bud cing 'bar bar bsams la/ gdong bzhi pa'i phyag rgya bcas te/ me spar ba'i snying po A+oM badzra raM raM hUM hUM yaM raM zhes brgya rtsa brgyad bzlas te/ dga' ba'i mdangs phyung ste/ ha ha ha zhes lan gsum brjod/ 'ur 'ur 'ur zhes lan gsum brjod pas me 'bar bar bsams la/ dbyangs snyan po blangs te bstod pa dang/ me 'bud pa'i las bya ba'i thugs dam bskul te/ g.yab dar gyis g.yab cing snying po bzla zhing me spar ro// me 'bar nas mar khu phye mar dri chab stsal bas mchod nas/ las ci bcol ba rnams 'grub par gsol/ gdon bgegs sogs kyi ming rus bris te/ bgegs gtor yang drung du bzhag la/gdon len te drang zhing hom khung gi nang du gzugs drangs la/ dam gtor spar te dong du bcug la/ me sman chus ma shi ba tsam du bsad de/ yang spar 'bar res la lan re mchod cing/dbyangs dang bstod pa dang bskul zhing las bya/ 'di bzhin lan gsum tsam bgyi/ hom khung nang du chu blug pa'i tshe// dza ya dza ya/ zhes sam rgyal ba rgyal ba zhes brjod do// chu'i chu dbal lan gsum g.yeng zhing bshal bas/'phags pa chu dbal dang lha'i byin rlabs kyis/ bgegs kyi gdug sems zhi zhing/ bag chags byang bar bsam mo// hom khung dngos ni rin po che'i gzhal yas khang zur ni sku gsung thugs shing ni rigs lnga'i thugs dam dang ma bdun gyi 'khor dang khro bo dang khro mo'o// me ni ye shes kyi rang bzhin chu ni chos kyi dbyings kyi rang bzhin te/ dgra bgegs hom khung du song ba tsam gyis/ bag chags byang zhing mtho ris su thar ba'am/ yang na 'phags pa rnams dang me lha'i zhal du dngos su bstab cing/ rnam par shes pa mtho ris su spar ro// mnan pa zhig bya na yang/ hom khung du dgra bgegs bkug la/lo grangs 'di tsam zhig bar du 'di nas gzhan du 'gror mi gnang bar mtshams bcad cing gzir la dam chu dam gtor byin la/ hom khung nang nas me'i sa bon tsam man chad phyir dbyung/ 'phags pa dang me lha hom khung du bzhugs pa la mchod de/slar gshegs su gsol ba'i sngags brjod la/ la gor hom khung kha bcad de/ mnan pa'i phur pas steng nas gdab bo// rdo rje ngur mo'i tan+t+ra las/rdo rje sems dpa' zhal gdangs kyi hom rgyud kyi le'u ste bcu pa'o//// rdo rje sems dpa'i zhal gdangs kyi ma rgyud rdzogs so// bar 'dir sku gdung 'bar ba tsha tsha mchod rten gyi rgyud 'dzud///

CLOSE WINDOW