248b1 kro d+ha de ba tan+t+ra ma hA kalpa/ bod skad du/ khro bo lha rgyud kyi rtog pa chen po/ bcom ldan 'das rigs lnga khrag 'thung 'khor rgya mtsho dang bcas pa la phyag 'tshal lo// bdag med gnyis
248b2 rtogs sgrib pa gnyis bral las/thugs rje'i sprul pas 'gro ba ma lus sgrol// yul med ma skyes byams pa'i chos dbyings las// 'dzin pa mi rtog snying rje zhi chags khro// gnyis med ngang las phrin las snying rje
248b3 snyoms// dpal chen khrag 'thung mchog la phyag 'tshal lo// rtog 'joms spyod pa mthun pas 'gro 'dul zhing// brda can yang dag len pas don go la// lha rgyud brjod pas dngos grub kun dang 'brel// bka'
248b4 don gtan tshigs rigs pas brjod par 'os// zhes bya'o// lung gsum man ngag gsum dang spyi don gsum// lung gi spyi gcod man ngag gdengs su bya// spyi khog bcu gnyis don gyi khog phub la// bzhi bcom
248b5 drug ldan rtsis 'gos sa bcad de// khro bo'i rtog pa mtshan ma'i gnyer gyis bshad// 'di ni khrag 'thung rngam brjid rgyal po'i lung// zhes tshig nyung zhing mdor bsdus la don mang por 'byung ba'i mdo'i sde zhes
248b6 bya'o// de la bshad pa ni/ lung gsum gyis sna drangs te gdang sku bya'o// man ngag gsum gyis mjug bsdus te blo la bzhag pa'i man ngag tu bya'o// spyi don gsum gyis lung thams cad kyi spyi bcad do// spyi don
249a1 bcu gnyis don gyi khog dbub bo// bdud bzhi bcom pas yon tan kun la snang ba'i bdud bcom mo// rtsis 'go drug gis sa bcad do// khro bo'i rtog pa mtshan ma gnyer gyis bshad pas ni gol
249a2 sa dang sgrib pa spang ngo// yon tan kun la rngam pas brjid gzhan la snang b.rabya phyir rngam brjid chen po sum cu rtsa drug bstan no// rgyal po yin pa'i phyir/ rgyal mtshan gyi rtags su rin po che sna bdun gyis rgyal
249a3 po chen por mnga' gsol lo// lung rnam pa gsum spyir dril te spyad do// de ltar rnam pa bcur gses nas/ da ni phye byang bu ngo bstun pas gses nas bshad do// de la lung gsum ni/ zhi gnas mi rtog dngos po
249a4 mkha' khyab 'dra// lhag mthong ma rmongs mkha' la gza' skar bkram// rdos bcas don dang bstun zhing 'tshams par bshad// ting 'dzin shes rab bka' lung gsum du 'dus// de la man ngag gsum ni/
249a5 bdag tu mi rtog sprul pa mdzad nas 'thon// yul du ma grub gzhan med mdzod du gshegs// yul sems gnyis med ma skyes dbyings su gcig/ nyan thos rang rgyal sems tsam yod man ngagade la spyi don
249a6 gsum ni/med rgyu btags chags bsgrubs 'grub brtas pas snang// spyod mthun khro drag gdug pa dpa' bos 'dul// rtog 'joms smad rdzas dang len dngos grub rgyu// 'di ni khro bo spyi yi don du bshad// de
249b1 la spyi khog bcu bzhi la// gang khro gang la ci'i phyir gang gis khro// gang khro rnam pa bzhir ni shes par bya// ngang khro shugs khro khro bar bcas dang bcos// rtogs pas thugs rje'i rang bzhin 'dul ba'i
249b2 dbang// gang la snying rje khros te yul dang gnas// las dang 'bras bu sems can grub pa po// las bzhi yang byung kyi 'bras bu sku gsung thugs// ci phyir rgyu dang 'bras bu gnyis la ni// dug gsum mi spang sha rus
249b3 khrag la rol// gang gi rgyu ni hUM dang ha he phaT// gnas ni steng 'og mkha' ste ye shes sku// bskyed thabs cho 'phrul gsum po khro bo'i sku// 'bras bu dpal chen phra men 'khor gyis bskor// phrin las drag pos
249b4 'gro ba cis 'dul mdzad// de la bdud bzhi bcom pa ni// tsham rngams drag pos lha chen 'dar bsgyel brdzis// brtul zhugs rol pas rdos bcas phung po bshig/ dug gsum mi spang sha rus khrag la za// rnam
249b5 shes 'chi med rgyal ba'i gnas su stob// de la rtsis 'go drug ni/ dbang dang rab tu ldan pa dang// dpal dang gzugs dang grags pa dang// ye shes dang ni nan tan dang// drug dang yang dag ldan phyir ro// de
249b6 la dbang ba ni/chags sdang gti mug nga rgyal phrag dog ni// mnyes stobs yum dang 'jigs tshul sku yi sprul// dran med thod pa kham phor g.yang gzhi dang// kha T+wAM rgyal mtshan che dang lha chen dregs pa gnon// de
250a1 la dpal drug ni/byams pas khyab la thugs dam dmigs kyis sgrol// thugs rjes 'gro ba thams cad bu ltar dgongs// smon lam dbang gis 'khor ba ji srid bzhugs// gzhan don mdzad pas
250a2 bdag don lhun gyis grub// yongs su rdzogs pas bde ba chen po'i dpal// khro rgyal khrag 'thung dpal chen rnam drug yin// de la bde ba chen po yongs su rdzogs pa'i dpal ni/ bsam gyis mi khyab pa bzhi ste/
250a3 de yang gang zhe na/ sku gsum sa gsum sems dpas rtogs dka' ba// mkha' khyab sprin brdal char 'bab chu bo'i rgyun// ting 'dzin bsam yas bo d+hi thogs pa med// bsam yas bsam khyab mkha' la gza'
250a4 skar gsal// klu mthu 'dul phyin klu lngas sku brgyan pa// rnga chen gsung sgra byams dang pho nya'i dbang// dug lnga rtog bcas 'dul byed rgyan byas pa// khrag sprul g.yang gzhi kha T+wAM dregs pa gnon// de la gzugs
250a5 rnam gnyis bzhi yang byung po ni// mi thung byis pa'i gzugs 'dra la// a ni go la rkang lag rtags// drang srong khros pa'i cha byad la// shin tu skem zhing mkhrang bag bri// gnod sbyin snyil bag mi thung gzugs la
250a6 ni// 'dul dbang yi dwags srin po 'dra// de la grags pa ni/ bud+d+ha bo d+his bstod la sras spun dgongs// gti mug gzengs bstod nga rgyal gnon par grags// de la ye shes ni/ rnam dag dbyings mkhyen 'khor
250b1 ba'i skyon dang bral// 'gro ba'i rgyud mkhyen mya ngan mtha' las 'das// gnyis su med par mkhyen pas dbu ma'i ngang// mdor na thams cad mkhyen pa'i ye shes yin// de la nan tan ni/ nan tan snying po zag
250b2 bcas zag med 'du// nan tan phrin las 'gro ba'i gnas nas 'don// bsam yas nan tan 'gro ba chud mi gsan// nan tan mchog gi mchog tu shes par bya// da ni khro bo'i rtog pa bshad de/ de yang mi 'da'
250b3 rgyan gyi lung dang/che mchog yon tan gyi lung/ yan lag rtags kyi lung gis bshad de// de la mi 'da' brgyan gyi lung ni/ glang chen 'dul stobs theg pa'i rgyan zhes pa// bdud 'joms sman rdzas grub dang lta
250b4 ba'i gzhung// stag ni dpa' brtul za byed rgyan zhes pa// ye shes thugs rje phrin las rgyan du bstan// sbrul ni dpa' brjid mnyen lcug rgyan zhes pa// 'jigs tshul gdug gnon 'khril ba'i yum zhes bya// thod
250b5 phreng dbang chas sgrol ba'i rgyan zhes pa// sku gsum theg gsum dus gsum dbang chas sgrol// g.yang gzhi tshul khrims gos kyi rgyan zhes pa// byang chub sems tshul dam khrims gos zhes bya// rak+ta thugs rje
250b6 chags pa'i rgyan zhes pa// mi rtog dbyings nas thugs rje'i pad+ma'i spyan// gzi chen don dam bcud kyi rgyan zhes pa// bcud kyi thig le don dam kun tu 'od// thal ba 'dul byed phrin las rgyan zhes pa// yi ge
251a1 'khor los mtshan ma thal bar rlog/me 'bar 'phro 'du sreg klong dkyil nas bzhengs pa'o// ye shes thugs rje'i dbyings su phrin las te// zad par shes pa mtha' 'das dkyil zhes bya// me sgra
251a2 sgra chen tha dad sgra zhes pa// chos skus khyab dang ting 'dzin sna tshogs 'phro// ral pa 'jigs shing kham nag 'phyo ba ni// ye nas chos nyid dbang drag sprul pa 'phro// sku mdog mthing nag nam mkha'i rgyan zhes
251a3 pa// 'dul dbang yon tan mtha' med dgongs pa gting mi dpog/ ces bya'o// de la khrag 'thung zhes bya ba'i sgra ni gong du bshad par zad do// de la dpal he ru ka sku mdog dang phyag mtshan cir yang ma nges
251a4 par 'byung ste/gang ltar bsgrubs kyang 'grub pa'o zhes bshad do// de yang mtshan nyid med pa'i phyag rgya dang// de las dngos 'byung phyag rgya rnams// nges pa med par dpa' bos bshad// mkhas pas ci dgar
251a5 bsgoms na 'grub ces 'byung// 'on kyang 'di skabs su he ru ka dbu gsum phyag drug zhabs bzhi bgrad de/ de yang yan lag rtags kyi lung gis bshad na/ grub pa rtags kyi phyag rgya dang/ mdzad pa las kyi
251a6 phyag rgya dang gnyis so// de la grub pa rtags kyi phyag rgya ni// dbu gsum dug gsum sku gsum lhun gyis grub// lta spyod rnam pa gsum gyis grub pa'i rtags// spyan dgu sa gsum sku gsum ye shes
251b1 gsum// bsgrub med thob zin dmigs pa'i yul las 'das// rtag chad spyan gnyis mtha' spangs dbu ma'i ngang// shangs gsum srog la mnga' mdzad ting 'dzin gsum// de bzhin nyid rgyu kun snang zhes
251b2 bya'o// sgra chen tha dad sgra de chos sku ting 'dzin snyan// zhal gsum rnam thar sgo gsum lhun gyis grub// ljags gsum theg gsum mthar phyin shes pa'i rtags// mche bzhi phrin las mthar phyin bzhi yi tshul// ye
251b3 shes drug ni mthar phyin phyag drug ste// pha rol phyin drug mthar phyin phyag mtshan drug/ zhabs bzhi lam bzhi bgrod pa med par thob// de la mdzad pa rtags kyi phyag rgya zhes bya ba ni// spyan dgus sa dgu 'dul
251b4 ba'i bye brag gzigs// spyan gsum srid gsum 'gro rgyud so sor mkhyen// shangs nas rlung byung sprul pas stong gsum 'gengs// snyan drug 'gro drug gnas nas ci gsol gsan// dbu gsum srid gsum mgon
251b5 mdzad sku gsung thugs// zhal gsum dbyings su dug gsum zad par rngub// ljags gsum theg gsum bstan pa'i gdangs rang sgrogs// khams gsum nyug byed rdo rje srin po'i lce// mche bzhi skye shi rtsad nas
251b6 gcod par byed// phyag drug rgyud drug 'khor ba gting nas 'don// phyag mtshan pha rol phyin drug 'gro don mdzad// zhabs bzhis phrin las rnam bzhis bgrod med sgrol// yan lag rtags kyi lung ni 'di ltar
252a1 sbyar// rdo rje ye shes pha rol phyin pa ni// rang bzhin mi 'gyur las ni 'bigs shing 'joms// chos sku mi 'gyur rtog dang bag chags sreg/ ye shes yin phyir de la de skad bya// b+han+d+ha bzod pa'i pha
252a2 rol phyin pa ni// chos dbyings spros med ye shes bzhi dang ldan// ye shes dbyings rtogs zhen chags thugs rje skye// mtha' gnyis skyon gyis mi sbags bzod pa'i mchog/ kha T+wAM stobs kyi pha rol phyin pa
252a3 ni// dug gsum sgrol byed dregs pa'i lha bdud 'joms// stobs gsum srid gsum yongs 'dul rgyal ba'i rtags// kun la mnga' mdzad 'khor rnams dbang du sdud// zhing chen smon lam pha rol phyin pa
252a4 ni// 'bod pa'i g.yab mos 'khor rnams dbang du sdud// sbyin pa'i bza' bas mkha' 'gro tshims par byed// brdegs pa'i dbyug pas rdos bcas phung po bshig/ rtogs pa'i chos nyid dran med ye shes lnga yis
252a5 bzung// ji ltar smon lam 'grub pas de skad bya// thong gshol thabs kyi pha rol phyin pa ni// nyon mongs thugs rjes tha ba rlog mdzad cing// ye shes chos dbyings mtha' dang bral ba rtogs// thabs kyi sku
252a6 gsum lhun grub sprul pa 'phro// rnga ni shes rab pha rol phyin bstan pa// yul med chos sku rnam dag rnga logs la// 'dzin pa bdag med rig pa'i dbyug gus brdungs// gsung rab rnga sgras 'gro ba shes rab
252b1 bskyed// 'khor lo bsam gtan lhag pa gsum gyis mtshan// tshul khrims ting 'dzin shes rab gsum dang ldan// bdag med sems las rin chen dgos 'dod skong// mi zad par ldan sbyin pa'i pha rol
252b2 phyin// pad+ma 'dam skyes ma chags thugs rjes spyod// tshul khrims pha rol phyin pa'i ngang du bstan// ral gri ye shes thugs rjes mtha' gnyis gcod// rtse gcig ting 'dzin gnyis la brtson 'grus mdzad// dgra
252b3 s+t+wa zhags pa la sogs phyag mtshan rnams// rang gnyer las kyi brda mtshon chos sku rtogs par bstan// de la 'di man chad che mchog yon tan gyi lung gi spyi dril te bshad pa ni/ yon tan gyi brjid las phrin las
252b4 kyi rngom sum cu so drug gis bstan pa ni/de la sku'i rngom bzhi la ni/ nam mkha'i ri mor phyag rgyar rngom// cir yang 'gyur ba'i bzhugs thabs rngom// zil gyis gnon pa'i gdan yang rngom// tsham rngams chen po'i
252b5 stobs ldan rngom ste bzhi'o// de yang kun rdzob tu rang bzhin med pa nam mkhar las sprin dengs pa'i tshul dang/ lha dang 'phags pa dang tshangs pa dang/ smon lam dang cir yang 'gyur ba'i bzhugs thabs kyi tshul
252b6 dang/srid pa'i 'khor lo zil gyis gnon pa dri med pad+ma nyi zla 'od kyi yon tan rtags te gdan khri'i tshul dang// stobs chen bcu'i tshul rnams ni 'og nas 'chad do// gsung gi rngam bzhi la/ hom lnga 'brel bar
253a1 'byung ba'i zhal rngam/zla gam cir yang rngams pa'i ljags rngam/ skye shi'i rtsa ba gcod pa'i tshems rngams/ gsung sgra 'brug ltar sgrog pa'i dbyangs rngam dang bzhi'o// de yang zhal ye shes kyi phyag rgya
253a2 las/ro rnam pa lnga'i sreg khang du// ro rnam lngas tshims shing mchod pas 'brel pa lnga'i tshul dang/ gsung dbang tshul gyis 'dus byas dang/ rang bzhin dang/ zur ma 'dres par ston pa'i tshul dang/ mche ba ye
253a3 shes kyi 'phro 'dus/dug bzhi rnam shes bzhi gcod pa'i tshul dang/ 'brug ltar sgrogs pa yan lag drug cu dbyangs kyis snyad pas mdo sde go bar sgrogs shing zil gyis gnon pa'i tshul dang rnam pa brgyad
253a4 do// thugs kyi rngam bzhi la/ ting nge 'dzin nam mkha'i rgyan gyi skar tshogs ltar rngam/ phrin las rgya mtsho'i rba rlabs rngam/ yon tan mi zad rtsi shing rngam/ mdzad pa'i rol mo gar thabs rngam/ de yang rgyan chen po
253a5 bzhi ni/rang bzhin dang rgyan du dbye'o// lhag mthong gi rang bzhin las/ lhag mthong gi rgyan ma g.yos par snang ba'i tshul dang/ zhi gnas kyi rang bzhin bzod pa las lhag mthong gis phan 'dogs pa'i tshul/
253a6 zhi gnas kyi rang bzhin ma god mi zad pa las lhag mthong gis cir yang 'byung zhing dga' ba bskyed pa'i tshul lo// mthu'i rngom bzhi la/ rU dra bcom pa'i gnas rngam/ lha chen brtul ba'i gdan rngam/ khams
253b1 gsum bsgral ba'i zhing rngam/rtog 'joms spyod pa'i brtul zhugs rngam pa dang bzhi'o// de nas yang gnas khyad par can bkra shis shing cis kyang mi tshugs pa'i tshul dang/ gdan khyad par can thams cad zil
253b2 gyis gnon pa'i tshul dang/zhing khyad par can khams gsum yongs su sgrol ba'i tshul dang/ spyod pa khyad par can srid pa'i rtog pa dus gcig tu 'joms pa'i tshul lo// de ltar rngam tshul sum cu rtsa gnyis kyis
253b3 bshad do// de la sku'i brjid chen po bzhi la/ sku che yan lag rags pas brjid che/ grangs mang rkyen dang 'tshams pas brjid che/ bkur 'os gtso bor mthong bas brjid che/ khyad zhugs yid dang ldan pas
253b4 brjid che ste bzhi'o// de yang chos kyi sku dang mnyam par 'byung ba'i sgo nas che/ thugs rje mnyam par byung ba'i sgo nas yan lag rags/ 'du byed mnyam par byung ba'i sgo nas sprul pa mang/ smon lam gyi sgo nas
253b5 rigs mthun gyi rkyen dang 'tshams/spyod lam gyi sgo nas bkur bar 'os/ rigs btsun pa'i sgo nas gtso bor snang/ rang bzhin gyis grub pa'i sgo nas khyad zhugs/ phrin las kyi sgo nas yid dang 'thad/ gsung
253b6 gi brjid bzhi la/gdangs che stong gsum gang bas brjid che/ tshig myur the tshom gcod pas brjid che/ bdag la nyi tsher ston par snang bas brjid che/ khyad zhugs yon tan mthong bas brjid che ste bzhi'o// de
254a1 yang chos skus khyad pa'i sgo nas gdangs che/sgra tha dad pa'i sgo nas stong gsum 'gengs/ skad dbyangs kyi sgo nas kun gyis go bar myur/ nye bar gyur pa'i sgo nas the tshom gcod/ byams pa'i sgo
254a2 nas bdag la gzigs/thugs rje'i sgo nas nyi tsher ston/ shes pa'i bye brag gi sgo nas khyad zhugs/ tshig gi yon tan gyi sgo nas kun 'dul/ thugs kyi brjid bzhi la/ yangs la re dogs med pas brjid che/
254a3 gsal ba mtha' gnyis spangs pas brjid che/ thugs rjes thugs dam mthar phyin pas brjid che/ ma rmongs thabs kyis 'dul bas brjid che'o// de yang gnyis su med pa'i sgo nas yangs/ blang dor mod pa'i sgo
254a4 nas re dogs med/lhag mthong gi sgo nas dbu mar gnas/ zhi gnas kyi sgo nas mi 'gyur bas mtha' spangs/ mdzad pa rgyun mi 'chad pa'i sgo nas thugs rje che/ 'khor ba ji srid du bzhugs pa'i sgo nas thugs
254a5 dam mthar phyin/shes rab kyi sgo nas ma rmongs/ ting nge 'dzin gyi sgo nas thabs kyis 'dul/ yon tan gyi brjid gzhi la/ med la zad mi shes pas brjid che/ gcig las 'dod dgur ston pas brjid che/
254a6 gnod sbyor phan par mdzad pas brjid che/ thabs mkhas skyon gyis mi gos pas brjid che/ de yang bdag tu mi 'dzin pa'i sgo nas med/ med pa'i sgo nas zad mi shes/ ye shes kyi sgo nas gcigasems kyi
254b1 bsam pa'i sgo nas 'dod dgur ston/sems can gyi sgo nas gnod par sbyor/ grub pa'i rgyu'i sgo nas phan par mdzad/ shes bya'i sgo nas thabs mkhas/ spyod pa'i sgo nas skyon gyis ma gos/ phrin las kyi brjid
254b2 bzhi la/mi dngangs nyams bag che bas brjid che/ 'khor ba yun ring mi bsnyel bas brjid che/ mgon skyabs rgyun du mdzad pas brjid che/ dgongs pa'i don rnams mdzad pas brjid che/ de yang sgyu mar mdzad
254b3 pa'i sgo nas mi brnyengs/rang bzhin gcig pa'i sgo nas nyams bag tu rol/ don mdzad pa'i sgo nas 'khor bar yun ring por gnas/ bya ba med pa'i sgo nas mi bsnyel/ mthu'i sgo nas mgon skyabs che/ dam
254b4 bcas pa'i sgo nas 'gro don rgyun du mdzad/rtse gcig pa'i sgo nas mtha' gnyis kyi don la dgongs/ nan tan gyi sgo nas bya ba grub/ brjid nyi shu ni/ sgo bzhi bcu dang/ spyir drug cu'o// de la rin po che sna bdun
254b5 ni/'khor lo rin po ches ni dbang bcus skye ba rnam bzhi la dbang bsgyur ro// btsun mo rin po ches ni yum bzhi rgyal po mnyes pa 'bul/ dmag dpon rin po ches ni tshul dgus pha rol gyi dpung 'joms
254b6 so// khyim bdag rin po ches ni tshad med pa bzhis rgyal po'i chab srid 'dzin no// glang po rin po ches ni stobs bcus bdag dang gzhan gyi don byed do// rta mchog rin po ches ni myur mgyogs kyi rdzu 'phrul gyi
255a1 rkang pa bzhis bgrod pa'i gnas su sleb par byed do// yid bzhin gyi nor bu rin po ches ni rnam pa bzhi'i sgo nas sems can gyi re 'dod skong ngo// lung rnam pa gsum ni/ mi 'da' rgyan gyi lung la
255a2 sogs pa gong du rtsis 'gos spyir sbyar ba zad do// de la 'khor lo rin po che'i dbang bcu ni/ skye bzhi skur ston skye bzhi sgrol mdzad pa// lha mi sdig sbrul skye ba bzhi ru bstan// yo byad srid pa'i 'dod yon lnga dang
255a3 ni// rtog pa gzhom phyir sman lnga dang len rol// ji ltar mos bzhin tshul dgu'i gzugs bstan pa// gang dag thabs kyi tshul dgus rol pa mdzad// rdzu 'phrul ba spu'i dbyings nas phra men 'phro// lus ni cir
255a4 brdzu sems ni cho 'phrul ston// gad rgyangs gdangs ngar sna tshogs phyogs bcur sgrogs// mche bas zil gnon tha dad chos rnams ston// shes rab thabs ldan spyan gnyis dbu ma'i ngang// dbyings nas mi g.yo
255a5 cir yang sa le mkhyen// sems kyi bye brag ting 'dzin sa ya 'phro// bsam gyis mi khyab bzhi la rol pa mdzad// rdo rje'i sder mo pags pa spu phreng brgyan// 'khor ba srid par bzhugs pa'i tshe la dbang// lta ba
255a6 rnam bzhi'i spyan zur gyis bskul bas// phra men bzhi 'phro phyogs bzhir las bzhi mdzad// smon lam dbang gis drag po'i skur ston cing// dus mtha'i bskal pa bzhin du bshol du med// de la btsun mo rin po
255b1 che'i yum bzhi ni/ma chags rdo rje'i gzugs kyi yum gyis 'khyud// zhi gnas ting 'dzin mi g.yo yum gyis sbyor// thogs med shugs 'chang don grub yum gyis bskyod// lhag mthong ye shes yum gyis gnyis med
255b2 'bebs// 'byung ba bzhi po rdo rje'i lha mo des// bde ba chen po'i sku la mchod pa 'bul// de la dmag dpon rin chen tshul dgu ni/ sgeg pas 'gro ba shes rab skyed pa'i tshul// nyam nga med pa'i mdzad spyod
255b3 dpa' bo'i tshul// gdug rtsub rngams pas brgyan pas 'jigs pa'i tshul// log pa'i blta ba zhe gcod gshe ba'i tshul// rmad du byung ba'i chos sgrogs bzhad pa'i tshul// shin tu gdul dka' khro bos snying rje'i
255b4 tshul// smon lam dbang gis mi bshol rngams pa'i tshul// nyon mongs grub pa'i sgyur mdzad ngo mtshar tshul// khro drag dbyings nas mi g.yo zhi ba'i tshul// de la khyim bdag rin po che'i tshad med pa bzhi ni/ khro
255b5 gtum tshad med byams par snang// gsod chen snying rje'i bdag nyid de// bsgral zhing stob pas dga' ba'i mchog/ yal bar mi 'dor btang snyoms so// de la glang po rin po che'i stobs bcu ni/ thugs rje'i
255b6 stobs ni dregs chen spyi nas gnon// chos nyid stobs ni mi dmigs nam mkha'i mdog/ mi 'byed spyod pa'i stobs ni glang po'i rdzas la rol// grub pa'i stobs ni bdud rtsi dngos grub rgyu// ma spangs stobs ni
256a1 rdos bcas sku la brgyan// ma g.yos stobs ni don mthun grol ba'i rgyan// smon lam stobs ni bskal bar g.yo sgrol mdzad// sprul pa'i stobs ni mgo brnyan phra men 'phro// phrag dog 'khor
256a2 bar log par gcig mi gtong// 'dod chags phrag dog yul chags spyan mdog dmar// de la rta mchog rin po che'i rdzu 'phrul gyi rkang pa bzhi ni/ chos nyid rdzu 'phrul med bzhin cir snang ba// mkha' la
256a3 'ja' tshon bzhin te rnam par bkra// ye shes rdzu 'phrul chos kyi dbyings la rol// mkha' la nyi shar 'dra ste gsal la stong// chos nyid rdzogs pa'i rdzu 'phrul bye brag ni// mkha' dang mnyam pa'i sprin phung bzhin
256a4 du gdal// sprul pa'i bye brag 'phro ba'i rdzu 'phrul ni// ro gcig char 'bab snod kyi bye brag phye// de la nor bu rin po che'i rang bzhin ni// 'gro rnams ji ltar 'dul bzhin re 'dod skong// mi zad bdag med
256a5 gter chen nam mkha'i mdzod// srid pa'i mun nag sel ba'i ye shes sgron// dus gsum rgyun mi chad par rin chen 'phreng// lung rnam pa gsum rtsis 'gos sbyar te bshad pa yin no// de ni lha'i rgyud kyi rtog pa so
256a6 sor bshad par bya'o// 'gro rnams ji ltar 'dul bzhin gshegs mdzad pa// shes rab nam mkha'i bskal pas rgas rgud stongs// gti mug tshul gyis gti mug 'joms mdzad pa// gti mug rdo rje bud+d+ha he ru
256b1 ka/ye shes rdo rjes nyon mongs 'khor ba 'joms// thabs 'dzin mtshon cha'i bskal pas dngos po 'jig/ zhe sdang tshul gyis zhe sdang 'joms mdzad pa'i// zhe sdang rdo rje badzra he ru ka/ rin chen dbyig ltar re
256b2 'dod kun tu skong// gdug med zhi gnas chu yi bskal pas 'khru// nga rgyal tshul gyis nga rgyal 'joms mdzad pa// nga rgyal rdo rje rat+na he ru ka/ 'khor ba'i 'dam du pad ltar sku 'khrungs shing// lhag mthong me chen
256b3 bskal pas thams cad bsreg/'dod chags tshul gyis 'dod chags 'joms mdzad pa// 'dod chags rdo rje pad+ma he ru ka/ phrin las rgya mtshos 'gro ba 'dren mdzad cing// shes bya thogs med bskal pa'i rlung
256b4 gis bskyod// phrag dog tshul gyis phrag dog 'joms mdzad pa// phrag dog rdo rje karma he ru ka/ sku yi longs spyod sna tshogs mi dmigs shing// shes rab mthar phyin gti mug rnam par dag/ phyag rgya gzugs kyi
256b5 mchod pas mnyes mdzad ma// chos dbyings nam mkha'i rang bzhin khro mo'i rgyal// thugs kyi longs spyod sna tshogs mi dmigs shing// brtson 'grus mthar phyin zhe sdang rnam par dag/ rtogs pa reg bya'i mchod
256b6 pas mnyes mdzad pa// sra brtan rdo rje dbang bsgyur khro mo'i rgyal// gsung gi longs spyod sna tshogs mi dmigs shing// tshul khrims mthar phyin 'dod chags rnam par dag/ gsung rab sgra yi mchod pas
257a1 mnyes mdzad ma// lhag mthong ye shes dbang sgyur khro mo'i rgyal// yon tan longs spyod sna tshogs mi dmigs shing// sbyin pa mthar phyin nga rgyal rnam par dag/ ting 'dzin bro mchog mchod pas
257a2 mnyes mdzad cing// bdag med zhig nas dbang bsgyur khro mo'i rgyal// phrin las longs spyod sna tshogs mi dmigs shing// bzod pa mthar phyin phrag dog rnam par dag/ tshul khrims dri yi mchod pas mnyes
257a3 mdzad cing// thogs med las la dbang bsgyur khro mo'i rgyal// thugs mchog rnam dag ye shes dkar mo'i tshogs// 'gugs byed ye shes lnga yi dbyug pa can// dran pas rgyud lnga sgrol mdzad zhi bar
257a4 gzigs// srid gsum 'joms mdzad dbyug thogs gau rI ma// sku yi yon tan tshogs sdud rkun mo'i tshogs// mthu 'phrog zhi gnas lhag mthong zung du 'brel// bden gnyis lta bas khro tshul 'gro la
257a5 gzigs// dam tshig dbyings mchog skul byed tsau rI ma// gsung gi thams cad zil gnon rmongs mo'i tshogs// dbang mdzad mtha' gnyis mi spong chu srin can// mi gnas rgyal mtshan 'dzin cing myos par
257a6 blta// stong gsum dbang mdzad rgyal byed pra mo hA// thal bar byed pas thal byed ma yi tshogs// kun gyi las sgrub rdo rje rtse dgu 'dzin// sa dgu'i rtog 'joms shi ba slong par gzigs// 'jig rten thal byed
257b1 rnge'u thogs pe tA lI// 'byed med shes rab mi rtog sbos mo'i tshogs// 'khor ba'i rgyud 'dzin 'ching zhing dbang 'dren las// khro gar gzigs tshul rgyun gyi thugs rjes sgrol// bde chen dbyings su 'dren mdzad
257b2 puk+ka sI// zhe sdang tshul gyis sgrol mdzad gtum mo'i tshogs// myos byed dbyings dang ye shes gnyis med las// thugs rjes dkrug cing ro za'i tshul du gzigs// snod bcud gting nas dkrugs mdzad g+hasma
257b3 rI// chags pa'i tshul gyis don mdzad sme sha can// ma ning rgyud 'phel gzung 'dzin bral ba'i rtags// mtha' gnyis ma spangs rnam par g.yengs tshul gzigs// 'bar ma stong gsum stob byed tsan+Da lI// thams
257b4 cad 'byung ba'i yum gyur ma tshogs ma// kun gyi las mdzad chos sku snying po 'dzin// kun la rol pas 'jigs tshul kun dang ldan// thugs rjes 'jig rten sgrol mdzad sma sha nI// 'joms byed rtsal mchog rdo
257b5 rje thugs kyi yum// gnyen po'i stobs kyis thams cad zil gyis gnon// shes rab thabs ldan sku gsum bdag gzhan don// sdug bsngal zhe sdang gsod byed sing+ha ma// dpa' brtul za byed ye shes thugs rje'i
257b6 las// brtson 'grus myur ba'i shugs 'chang 'gro don mdzad// thugs rje rtse gcig ye shes so sor gzigs// nga rgyal 'chi bdag 'joms mdzad byA g+h+rI ma// 'joms byed dam tshig rnam dag gsung gi
258a1 yum// thabs mkhas spyod pas bdag dang gzhan don mdzad// don gyi chos sku ting 'dzin ljags la bstar// 'dod chags dur khrod bgegs 'joms srid gA la// mi 'byed spyod pas las mchog
258a2 rigs kyi yum// g.yeng ba'i phrin las 'gro la thugs rjes bsrung// chos nyid sku la ye shes spyan gyis gzigs// phrag dog las kun 'grub byed shwa na ma// yid kyi ye shes so sor kun rtogs la// rnam shes
258a3 kyis gsod dgongs 'brel tshul khrims bsrung// 'khor ba'i rgyud 'dzin rgyun gcod spu gri 'dzin// mgyogs pas snyeg byed khrag 'thung gr-i D+ha ma// rnam shes mnyam nyid yid 'phrog mtshan ma 'joms// bsad
258a4 pa'i god rnams sbyin pa'i pha rol phyin// mtha' 'das chos skus gzung 'dzin spong tshul 'dzin// 'gro ba'i sdug bsngal tshe 'phrog kang+ka ma// bslad pas mi 'gyur bkrus pas mi 'dag pas// mi 'gyur gnyen pos
258a5 mi shigs bzod pa'i mchog/chos sku thugs su chud phyir zhal na thogs// yon tan yid bzhin bdag nyid kA ka ma// dbyings las mi rtog 'gro la thugs rjes gzigs// gnyis la mi gnas shes rab pha rol
258a6 phyin// dbyings kyi thugs rjes phrin las 'dus ma byas// mtha' gnyis spangs pa'i rngam tshul u lU kA// bcu drug zhag gis zla ba'i dkyil 'khor rdzogs// dpal chen bcu drug sa la lhun gyis grub// bsod
258b1 nams ye shes tshogs chen rdzogs pa'i sku// thog tha med cing yon tan bzlas pa med// sbyin pas rig pa'i klong du mtsho drangs ltar// 'khor ba'i rdzing nas thugs rje'i lcags kyus 'dren// dpa' bar 'gro ba'i
258b2 ting 'dzin 'gro don mdzad// thugs rje shar mdzad rta gdong lcags kyu ma// don dang mthun pas kun kyang dga' bar mdzad// byams pa'i zhags pas 'khor ba'i rgyud 'dzin cing// rin chen phyag rgyas sems
258b3 can re 'dod skong// yon tan tshogs rdzogs phag gdong zhags pa ma// gzhan gyi don du spyad pas rang gi don// shes rab sgron mas dug lnga'i mun pa sel// don gnyis mi 'da' lhun grub dga' ba'i
258b4 mchog/kun mkhyen ma rig nub mdzad nyi zla'i spyan// snyan par smras pas kun kyang bka' bzhin byed// btang snyoms thabs mkhas thugs rjes 'gro don mdzad// phan pas rnam shes thal ba'i gzugs kyang
258b5 'tsho// chos ston bag chags sbyong mdzad dril 'khrol ma// da ni rdo rje srin po'i lha rgyud bshad pa ste// bco brgyad shangs nas bco brgyad sprul pa 'phro// bco brgyad khams la bco brgyad skur ston pa// bco
258b6 brgyad thugs kyis bco brgyad 'dul thabs mnga'// bco brgyad snyan gyis bco brgyad khams gsan cing// bco brgyad ljags kyis bco brgyad gsung rab 'chad// brgya rtsa brgyad kyi dgongs pa bsam mi
259a1 khyab// sa dgu thugs rjes don mdzad dbu dgur ldan// brjid gnon zhabs brgyad phyogs brgyad lha brgyad gnon// ji ltar rol kyang spyan dgu dbyings mi g.yo// 'dul ba'i dbang du bskal pa'i
259a2 tshul ston cing// rdo rje srin pos ci 'dul yid bzhin rdzogs// rnam thar gsum las sku gsum phrin las 'byung// spyod pa rnam dag smon lam stobs kyis gshegs// ral gsig sprugs pas 'gro don rtse zhing
259a3 rol// bco brgyad stong pas mnyes mdzad dza T+wI ma// brjid pa'i stobs kyis klu rnams zil gyis gnon// phra ma'i skyon spangs ngag gi dbang phyug che// 'bad pa med pa'i brtson 'grus shugs dang ldan// chos la
259a4 dbang mdzad ha ya grI ba'i dpal// 'dzin tshul stobs kyis drang srong tshar gcod cing// log pa'i nyes spangs yang dag don dang ldan// tshul khrims mthar phyin drang srong kang bas che// skye la dbang mdzad bran tshul
259a5 mi g.yo mgon// shugs 'chang stobs kyis rlung lha gzir gnon cing// 'khyal ba'i skyon spangs ngag gi dbang phyug che// gnyen po'i smon lam mthar phyin bdud 'dul thugs rje'i rtsi// las la dbang mdzad
259a6 bdud rtsi kuN+Da li// gnon pa'i stobs kyis 'byung po tshar gcod cing// gnod sems skyon spangs thugs kyi dbang phyug che// gnyen po'i stobs kyis mi mthun gnon mdzad cing// rdzu 'phrul dbang mdzad 'jigs
259b1 byed stobs po che// brdeg pa'i stobs kyis srin po tshar gcod cing// bden dang bral ba'i rdzun dang skyon sel ba'i// mtshan ma'i thabs kyis mtshan ma kun 'dul ba// ye shes dbang mdzad dbyug pa sngon po
259b2 can// ldog pa'i stobs kyis sa bdag tshar gcod cing// brnab sems skyon spangs thugs kyi dbang phyug che// bzod pa sa gzhi lta bu'i gzhir gyur la// smon lam dbang mdzad 'dam skyes kuN+Da li// rol pa'i
259b3 stobs kyis gza' skar tshar gcod cing// 'dod chags skyon spangs sku yi dbang phyug che// ye shes mthar phyin nyi zla'i 'od bzhin gsal// skye zhing mos la dbang mdzad hUM kA ra// zlog pa'i stobs kyis lha rnams
259b4 tshar gcod cing// ma byin len pa'i skyon spangs bdag nyid che// rab tu shes pa'i shes rab mthar phyin pa// yo byad dbang mdzad gzhan gyis mi thub rgyal// 'jigs byed stobs kyis 'chi bdag zil gnon
259b5 cing// srog gcod nyes spangs sku yi dbang phyug che// gzung 'dzin skyon spangs bsam gtan ngang la gnas// tshe la dbang mdzad 'jigs byed gshin rje gshed// ye shes thugs rjes zin pas mthar mi
259b6 'ching// thugs rje ye shes zin pas srid las sgrol// gnyis la mi gnas mtha' bral dbu mar bsnyems// 'dod pa'i rgyal po mnyes mdzad lA s+ye ki/ rig pa'i sder chen chos kyi dbyings nyid 'dzin// thugs
260a1 rje'i lcags kyus 'gro ba mi gtong zhing// shes rab thabs kyi lcags kyus mtha' gnyis 'dzin// gtso bor dbyug sngon mnyes mdzad tra ti ru// ye shes mtshan ldan thugs rje'i khrod 'byung
260a2 zhing// sprul pas 'gro sgrol sku dang ye shes 'phro// shes snying ma skyes dbu ma'i rig pa skye// sh+ma sha pa tis khro rgyal gshin rje mnyes// dbyings su mtshan ma shes rab tho bas brdung// thugs rje'i phrin las sems
260a3 can mtshan ma bcom// dbu mar ye shes snying rjes mi rtog dang/ mi g.yo mgon po mnyes mdzad mu sa la// rdo rje gtum mos mtshan ma'i dngos po bcom// thugs rjes rngam tshul srin po thal bar rlog/ gnyis la
260a4 mi gnas mtha' bral dbu mar bsdigs// ha ya grI ba mnyes mdzad tsaN+Da lI// phra mor 'bigs pas ye shes dbyings su 'phen// 'bigs pa'i ye shes gnad du thugs rjes brdeg/ ma 'khyogs dbu ma chen po'i
260a5 don rtogs pas// gzhan gyis mi thub mnyes mdzad sa byA ti// mtshan ma med pa'i dbyings thos rig pa'i sgra// dbyings nyid rig shes dbyings la nyal ba'i sgra// de la bstan pa gsung gi sgra 'byin pa// bdud rtsi
260a6 'khyil ba sa byA mi tas mnyes// bdag tu rtogs pa'i mtshan ma kun bcom zhing// za byed mche bas skye shi rtsad bcad de// sku dang ye shes ma skyes mi dmigs pa// pad+ma 'khyil pa mnyes byed mA ra Na/ thugs dam
260b1 dbang gis rnam dag dbyings nas bskul// thugs rje'i shugs kyis 'gro ba gnas nas 'dren// mnyes byed mchod bskul dbu ma'i dgyes pa stobs// ma hA ba la mnyes mdzad tsun dA ma// bskyod pa'i ye shes
260b2 sa rnams dus gcig gcod// thugs rje'i shugs kyis 'gro rnams gnas nas spor// thabs dang shes rab bskyod pas mtha' gnyis spangs// dI ba ya tis khams gsum hUM mdzad mnyes// khams gsum thugs
260b3 rje'i mi bzod phrin las kyi// yal bar mi 'dor brtson 'grus shugs kyis brtul// gdod nas don mdzad 'khor ba mthar gtugs sgrol// de phyir dpa' brtul za byed byA gr-i ma/ sdang mig thugs rjes mi 'gyur
260b4 zhe la gnon// mthu rtsal rngam brjid 'gyur med bdud dpung bzlog/ tsham rngams ral gsig gdangs ngar 'jig rten 'gengs// de phyir phra men 'gyur med tsa ma ra// rtog pa'i sgra spangs dran pa'i dgon par
260b5 gnas// 'khrul skyon dri ma shes bzhin rdzis tshor spangs// 'gro don dus la bab la thugs rje 'jug/ de phyir 'jug par byed pa'i ha ri Na// chos dbyings gnas la rtog pa'i skyon sel zhing// thugs rjes sprul
260b6 pas spu ris bsam mi khyab// dug gsum 'joms mdzad sha rus khrag la rol// sel byed sprul pas don mdzad byA g+h+r-i ma// yang bag zon chags 'gro don thabs mkhas ldan// mi 'dul zin thub btang snyoms
261a1 chen por bzhugs// dus las mi 'da' brtson 'grus shugs dang ldan// de phyir mkhas brtson mdzad pa'i bi DA la/ tshig gcig chad/ ye shes dbyings la 'jug pas shes bya za// thugs rjes ye shes
261a2 phrin las 'khor ba za// de phyir za byed shwa na mu kha ma// rigs btsun gnyen por gyur pas thams cad 'dul// phrin las rtsal gyis bdud dpung ma lus 'joms// stong nyid sgra sgrogs mu stegs wa tshogs
261a3 'joms// de phyir 'joms byed rtsal mchog sing+ha ma// dbyings la ye shes nyal zhing thugs rjes rmi// mthing nag chen por drag po'i skur ston cing// thugs mchog rnam dag chos nyid dbyings su mkhyen// de phyir
261a4 rmi byed phra men r-ik+Sha ka/ye shes thugs rje'i stobs kyis mtha' gnon te// tsham rngams ral gsig sprul pas bdud dpung 'joms// las su ci mdzad brtson 'grus stobs kyis rol// de phyir stobs ldan phra
261a5 men ta rak+Shu// lhag mthong chos dbyings zhi gnas rlan gyis rgyal// 'khor ba thugs rje smon lam stobs kyis myos// rtog 'joms rdzas la gtsang sme med par rol// de phyir myos byed phra men sU ka ra// yid g.yo
261a6 las can sems par gyur pa ni// ye shes dbang gi thugs rje 'gro la g.yo// don mdzad ye shes god 'brong dbyings su mkhyen// de phyir tshul khrims chen po gri D+ha ma// bsam pa'i dngos po 'dod la 'dun par
261b1 gyur// dbyings nyid ye shes mkhyen pas shes bya za// thugs rjes 'dun pas 'khor ba'i bag chags bla// de phyir za byed dro Na kA ka ma// dmigs la sems 'dzin yid la byed par 'gyur// ye shes dbyings
261b2 rtogs drangs pas nyin mo nyal// 'gro 'ong rmongs la thugs rjes mtshan mo ldang// ye shes thugs rjes drangs pa'i u lU ka/ brtags pa'i dngos la de gcig ting 'dzin gyur// mnyam nyid thob bral dbyings las
261b3 mi g.yo ba// rtogs pa'i spyod yul byis pas mi mthong ste// de phyir phra men sbed byed bA ya sa// las 'bras bden la yid ches dad par 'gyur// mnyam nyid dbyings su thugs rje'i shugs kyis mgyogs// zhi
261b4 gnas spyan gyis lhag mthong bgrod tshegs chung// de phyir mgyogs byed phra men bag sha si/ g+hak+ShaM sI// nges pa'i dngos la 'dzin pa myos par gyur// lhag mthong ye shes dbyings nyid mnyam gyur 'dzin// zhi gnas
261b5 gces par 'dzin pas mi 'phrog ste// de phyir 'dzin pa'i phra men tsa ta ma/ paN+Di ri yang 'dug/ 'dris pa'i dngos po ma 'dres dran par gyur// dbyings dang ye shes mnyam nyid mi brjid dran// ting 'dzin 'bum phrag
261b6 lhag mthong so sor gsal// gnyis las ma rmongs zin pa'i ti tI la// chos rnams 'byed pa'i bye brag gyur pa ni// mnyam nyid ngang du log lta bsal byed cing// rig pa bskyed pas som nyi the tshom gcod// de
262a1 phyir phra men gsod byed na ku la// 'jug par rang dbang med pas gnyid gyur pas// mnyam dang mi mthun log blta myos pa ste// bstan pa'i chos bsgrags log blta mos pa yis// thabs kyis
262a2 sos byed phra men mU Shi ka/gsum 'dus gcod pa reg par gyur pa ni// phrin las bye brag mang po ci mdzad kyang// phyag rgya bzhi po ma skyes dbyings su 'bros// de phyir phra men 'bros byed ka si ka/ 'khor ba'i rdo
262a3 rje brjod pas mya ngan 'das// chos sku rdo rjes gcod pas mtha' gnyis spangs// brjod med brjod bral don gyi tshig dang bral// de phyir brjod med badzra lak+Shi NI// chos nyid rdo rje mtshan ma'i dngos po bshig/ ye
262a4 shes rdo rjes gzung 'dzin rtog pa bsreg/phyag mtshan rdo rjes gnas pa'i lha bdud bcom// de phyir 'joms byed badzra b+hi ta pa// 'chi med bdud rtsis yul sems skye 'gag med// grub pa'i bdud rtsis bsam
262a5 pa'i 'bras bu thob// thugs rjes 'gro bas bdud rtsi bla med 'grub// de phyir rtsi mchog ye shes badzra a mr-i ta// ye shes 'phrog byed yon tan rgya mtsho 'grub// thugs rjes 'phrog byed srid pa dbang du sdud// ye
262a6 shes thugs rjes gnyis med dbyings su nub// de phyir rlag byed badzra mA ra NI// nga ni pad+ma dbang chen dang// dbang phyug ma'i lha rgyud brjod par bya'o// bco lnga'i spyan gyis rgyud lnga'i mi dge bcu// ye shes lnga po
262b1 so sos ci 'dul mkhyen// snyan bcus mi dge bcu yi sdug bsngal sel// shangs lnga nas byung rigs lnga'i sprul pa 'phro// rgyud lnga'i mgon mdzad brtson ldan rta dbu lnga// dug lnga zhal du shar te rngub mdzad cing/
262b2 ljags lnga the tshom gcod cing theg lnga 'chad// skye bzhi las bzhis sgrol mdzad gshog gzhi skyod// bcu drug dmyal khams bcu drug phyag gis 'dren// phyogs brgyad 'dul phyir zhabs brgyad khro brgyad
262b3 gnon// rigs bzhi snod bcud nyi zla'i 'od dang rdzis// phyogs bzhi rtsal drug dbang phyug yang che gnon// che ba'i che ba yang che bla na med// bcu drug zhag gis zla dkyil rdzogs pa ltar// tshogs gnyis rdzogs
262b4 pa bcu drug sa la bzhugs// phyogs bzhi dbus lngar 'bar ltar rigs lnga'i dbu// mkhyen pa'i ye shes thugs rjes so sor gzigs// dbang chen yongs su 'dul ba'i dkyil 'khor dang// tshogs chen gnyis
262b5 rdzogs thugs rjes lhun grub pa// dkyil 'khor gsum gyis brjid pa'i khro rgyal sku// thugs rjes 'dam skyes spyod pas skyon ma gos// mtha' gnyis dbang mdzad pad+ma he ru ka/ rngams pa'i tshul gyis srin mo'i
262b6 gzugs 'dzin cing// thod rus gdug pa'i 'bru mar zas su za// srid pa sems can snying khrag dron mor gsol// dbang drag las mdzad ma nu rak+Sha sI// sdug bsngal mya ngan 'das ston tshangs ma'i
263a1 gzugs// tshad med bzhi rdzogs dpal gyi dbu bzhir ldan// zhal bzhis smrar 'don gling bzhir bkra shis ldan// gti mug yid bzhin rin chen brah+ma NI// thams cad mnyam pa nyid rtogs rigs
263a2 mchog ma// ma rig dug gsum 'joms mdzad dpal rtse bsnams// bud med chags tshul dbang mdzad dka' zlog ma// chags pa'i skyon bral lha chen rau tri ma// thams cad sgyu ma bzhin du rtogs mkhyen
263a3 ma// 'brel ba'i thugs rjes 'jig rten gsum la rtogs// phrin las rgya mtshos sgrol ba'i bzhad chen ma// 'khor ba'i rgyun gcod drag mo baiSh+Na bai// 'du byed mi rtag dril bu'i sgra ltar mkhyen// rtag par gzhon
263a4 tshul 'khor ba ji srid bzhugs// nyon mongs tha ba 'bigs pa'i mdung thung 'phen// gzhon tshul chags pas dbang mdzad kau ma rI// rdo rje'i las mdzad kun gyi bla na med// lha yi rgyal srid tshogs la dbang
263a5 bsgyur zhing// mchog sbyin phyag rgyas mi dmigs sku mdog dkar// gsod byed rdo rje lce 'bebs in+d+ra NI// byams ma'i thugs rjes dbang mdzad sku mdog dmar// b+han+d+ha bcud yangs snod kyi khrag mtsho
263a6 la// rngams pa'i zhal du dug gsum za byed ma// sdug bsngal dbyings su skong byed ping+ga laM// sems can thams cad 'dul thabs mchog tu mkhyen// mun sel sgron 'bar bdud rtsis nad gso mdzad// 'dam
263b1 skyes pad ltar 'khor bar sku 'khrungs kyang// chags pa'i skyon bral dbang mdzad a mr-i ta// zhi ba'i las ni bsod gsod pa'i yang 'duganams mchog tu mkhyen// zla ltar yon tan cha shas mthar phyin sku// gdung
263b2 ba'i nad sel 'jig rten sgrol mdzad cing// gdan mchog thams cad stobs mdzad so'u mya ma// dbyig pas 'tshog pa 'dra bar gzhal med mkhyen// thabs kyis ma rmongs ljang gu phrin las mdog/ nan dbang
263b3 drag shul mchog gi dbyug to rnams// dregs byed spyi nas 'joms mdzad daN+Da daM// log par blta ba 'jigs byed spyan gyis mchog/ skye ba 'phrog byed skye rgyun khrag mtsho gsol// las mdzad chags tshul gser
263b4 gyi sked chings can// drag mo rngam tshul glog phreng rak+Sha sI// phreng ba rgyan gyi nang na mchog tu mdzes// snying rje'i rgyun skud ba su'i zhags pa yis// chags med zhing du khams gsum sgrol mdzad ma// thugs rje'i rgyun
263b5 gyis sgrol mdzad b+hak+Sha sI// tshogs pa'i dbyig pas mchod pa mchog tu mkhyen// gtum pos bdug pa ma lus 'joms mdzad cing// yon tan mi zad nor gyi gter 'dzin ma// stong gsum nor gyis rgyas mdzad
263b6 ra ti ma// ra ro 'dra ba'i dpa' bo gzhan med mkhyen// chos rnams gnyis med don rtogs rtag tu myos// nyon mongs tha ba rlog pa'i gshol bsnams shing// dge ba'i log rtog skyed pa'i ru d+hi re mat+ta// brtan
264a1 pas gzhan rnams pham byed dpa' ba'i mchog/ma lus gsod byed las la 'jug byed cing// bsnyengs pa mi mnga' 'gro don gcig pur spyod// gsod byed bral mdzad e ka tsa ri NI// bud med
264a2 tshul chags 'gro ba dbang du sdud// thams cad ma lus 'gugs byed dga' ba'i mchog/ 'dod lha'i mda' 'phen srid gsum yid 'phrog cing// thugs rjes zhen pa'i ma no ha ra ma// khrag las zas gzhan med
264a3 par rtogs mkhyen cing// don rnams dbang du bsgyur nas rbod gtong can// mi zad gter ldan nor gyi bum pa 'dzin// sdug bsngal re skong mthar thug sid+d+hi kA// reg bya'i sems ma rlung gi khams te
264a4 mchog/srid gsum dbugs kyi srog 'byin tshe 'phel ma// bde gshegs las rgyud sems can sgrol mdzad cing// khams gsum gnas nas skyod mdzad bA ya bI// snyigs ma lnga ldan lnga brgya'i mtha' ma la// srid
264a5 gsum 'khor ba'i sems can gdul dka' ba// gsad pa nyi tshe'i las kyi gdul bar mdzad// sdug bsngal dbyings su gsod mdzad mA ra Na// gzi brjid can ni me yi khams te mchog/ 'bar ba mchog gis
264a6 gdug pa ma lus bsreg/za byed bskal pa dus mtha'i tshul ston pa// lhag mthong ye shes 'bar 'phro ag na ye// mche ba dag pas skye bzhi rtsad gcod zhugs// nyon mongs tha ba rlog pa phag gi dbu// log pa'i
264b1 phyogs rnams srid gsum stobs kyis spor// skye ba'i rtsad gcod za byed ba ra hI// 'chi bdag thams cad gnas nas ma smos mkhyen// thams cad gsod byed dam nyams 'chi bdag mdzad// dam tshig srung ba'i
264b2 'chi bdag bzlog mdzad cing// lung gi dur khrod dbang mdzad tsa muN+DI// 'jigs las lhag pa'i bgegs ni gzhan med mkhyen// stong phrag brgyad cu'i bgegs la dbang mdzad cing// sna chen glang sna bdud rtsi
264b3 gi haM thogs// sdug bsngal nad sos mdzad pa'i su ta na// chu las lhag pa'i zas ni gzhan med mkhyen// nor gyi tshogs rnams ma lus 'phrog mdzad cing// gdug pa 'dul phyir dug snod sbrul zhags
264b4 bsnams// zhi gnas ting 'dzin dbang sdud wa ru NI// 'gro ba'i don mdzad mi 'gyur sku mdog gnag/ srid gsum 'joms mdzad tri shUl gdengs pa bsnams// thugs rjes shugs kyis 'dren mdzad lcags kyu
264b5 bsnams// 'khor ba thugs rje shar mdzad ka lI ma// chags pa'i tshul gyis don mdzad ra mgo can// byams pa'i zhags pas 'khor ba'i rgyud 'dzin cing// gang la cis 'dul de la der ston pa'i// yon tan
264b6 tshogs rdzogs re skong tsa ka lA+e// ston pa'i bka' dang rang gi dam bcas gnyis// mi 'da' ma grub bar du brtan par bzhugs// dam tshig sgrog gis sems can sgrol mdzad cing// ma rig nub mdzad kum+b+ha kar+Na
265a1 ma// sku gsung yon tan phrin las mtha' klas pa// stong pa'i sgras bskul 'gro ba'i rgyud la 'bebs// so so'i skad du chos kyi sgra sgrogs shing// bag chags byang mdzad lam+bo da ra ma// mtshan dang
265a2 dpe byad gnyis las 'phro// mgyogs pa mgyogs ma'i pho nya ste// rngam pa gtum pa'i gzugs can ni// dra ba mo dang glog 'gyur grags// chos nyid zhags pas mtshan ma dbyings su sdud// ye shes thugs rjes
265a3 'brel pas kun la khyab// phrin las dra bas 'gro ba rlabs kyis sgrol// de phyir lha mo rin chen dra ba mo// oM badzra dzA la badzra hUM/ ye shes glog 'gyus mtshan ma dbyings su gcod// skad cig thugs rjes 'khor ba
265a4 dbye bsal med// phrin las glog 'gyus 'gro ba yid kyis sgrol// dra bas bsdus la glog 'gyu ma yis 'dren// badzra a mo ka hUM/ 'od zer dud kha 'phro ba ni// hUM dang phaT kyi sgra sgrogs shing// bskal pa'i 'brug
265a5 sgra chen po bzhin// kun kyang mgyogs pa'i rlung dang mtshungs// mig gsum po la lcags sder can// mgo gsum po la rkang gsum po// mAng sa za zhing bdud khyim 'joms// bltas pas bdud rnams 'jigs
265a6 par byed// klu yi gnas kyang nges par 'joms// 'di rnams khro bo'i pho nya ste// ha ha ru lu'i sgra sgrogs shing// gang gi rlung phyogs song ba'i tshe// khro bo thams cad nges par 'chi// na mo bi tsa ra b+h+yo/ ha ha ru lu b+h+yo/
265b1 mgo brgyad po la lag brgyad po// rkang pa brgyad la mig kyang brgyad/ lag pa brgyad ni rdo rje 'dzin// rta mgrin gnas ni nges par 'joms// rkang pa drug la mgo drug po// lag pa drug ni rgyud drug
265b2 gcod// g.yon pa drug ni gtor ma 'dzin// g.yas pa gsum ni phur bu 'dzin// gang nas gang du 'gro ba'i tshe// bdag gi rkang pa phur pa yin// rkang pa lcags phur rab tu grags// 'od zer dud khas reg pas
265b3 ni// tshangs pa'i gnas kyang nges par 'joms// lag pa g.yon pa bskyod pas ni// phra men 'khor bcas ral pa gsig/ lcags kyi dgra s+t+wa rab thogs shing// zhing chen yan lag 'dzin pa 'phro// byang gi phyogs
265b4 nas 'byung ba ni// lcags kyi khyi ste rkang gsum po// lcags kyi lus la nyi ma'i mig/ spu ni lcags kyu bsregs pa 'dra// sgra ni 'brug pas rab tu che// bang ni glog pas rab tu mgyogs// rab tu mi bsrun 'di
265b5 dag ni// phyag na rdo rje'i mthu yang 'phrog/ mgo dgu po la rkang gcig po// lus nag po la 'od phung can// ral pa gnag cing mche ba gnag/ mig kyang gnag cing ral pa gnag/ mgyogs pa rlung gis bskyod
265b6 du med// 'di dag pho nya'i mchog yin te// zhums pa med cing stobs chen 'joms// pha rol rnam shes nges par 'jig/ rkang gcig 'di dag pho nya yang// kha dog 'bar ba ci 'dra ste// gcig la gcig ni rab
266a1 tu 'khril// yang na lag pa bgrad ste 'gro// mig kyang med de cang mi smra// long ba kun gyi mchog yin te// rta babs dag gi sgor bsgoms te// lan 'ga' drag tu mngags na ni// gnyi ga song ste
266a2 der phyin nas// gang la dmigs pa len par byed// sus kyang bzlog par mi 'gyur ro// pho nya de rnams sems kyi khyad par las byung ste// skul byed mas ni gzhan 'debs shing// mgyogs pa'i lam ni phyin
266a3 par 'gro/lhag gtul ma sring bu mo chung ma bzhin// phyi khro nang tshul byams phyir phra men no// de la pho nya bzhi ste thugs dam bskul// kun tu khyab dang 'jal ba nges tshig go/ thugs dam bskul ba bsnyen pa las
266a4 bzhi po// ting 'dzin sprul pa las dang rnam shes g.yo// rtsal dang rtsal chen mi rta ci bzhin no// khyab pa kun rdzob khyab pa don dam gnyis// lus la gnyen po dkyil 'khor rang bzhin khro// lus la rang bzhin
266a5 dngos po med pa gcod// khyab pa chos nyid khyab pa za byed na// don dam mkha' la nyi shar gsal stong khyab// gsod pa'i las ni grub pa yin// so so yid 'phrog bsgrub pa yis// 'phrog ces 'byung ba de ltar
266a6 bya// phra men zhes bya'i nges tshig ni// don dam rang bzhin byin rlabs rtags dang sbrul// brtul ba yin te rnam pa drug tu bshad// don ni dbyings dang ye shes gnyis med tshul// gser dngul bsres pa'i spa
266b1 brjid ji bzhin du// byin rlabs byams dang snying rje gnyis snang ba// nyi 'od dro dang bsreg pa lta bu'i tshul// gnyis las byung phyir rang bzhin sha rus te// phyi rol gdug za nang tshul byams pa yin// rtags ni zhi
266b2 drag gnyis kyi don mdzad pa// sha za'i mgo bcad mi yi thod tu btags// sprul pa'i las dang thugs dam 'brel bas na// de 'dra'i rdzu 'phrul sgyu 'dra 'phrul la snang// nges tshig ye shes pho nyas dbyings la
266b3 'jug/so sor rang bzhin dngos po nyams don 'jal zhes bya'o// brlang po'i las mdzad khro tshul rngam pa 'di// bcom ldan dgongs pa'i mdzad spyod mi rtogs pa'i// rmongs pas dpyad na bdag gi dgra bo
266b4 zhes// don nor zher 'debs sgro skur dbye bar byed// mi'i tsam bshad log lta nyes sgribs par spangs// dgongs pa'i mdzad spyod grol bas dngos grub rgyu// lung dang rig pa gtan tshigs kun dang
266b5 'brel// bka' dang bstun te dbye gsal 'di brtsams pa// bdag 'dra dman pas dbye bar mi 'os kyang// sA lu'i 'phrod bzhin du ni sgron snang bas// rmongs pa'i mun sel 'gro ba'i don byas pas// bshes
266b6 mchog dus gsum 'gro ba ma lus rnams// skyon brjod nyes pa'i zer gyis mi 'bog cing// nyon mongs smad pa grub pa'i rgyud rtogs pas// bstan pa rgyud kyi don la 'jug gyur cig/ gnyis med 'bras bu bla
267a1 med 'grub par shog/lung thams cad kyi rgyal po/ man ngag thams cad kyi rtsa ba/ rigs 'os bshad 'thad gtan tshigs thams cad kyi tshad ma'i 'brel ba/ lha rgyud kyi rtog pa chen po rdzogs
so/

CLOSE WINDOW