208b1 / 'di mtshams byang sems gnams sa spar 'debs 'dzud// //rgya gar skad du/ bo d+hi tsit+ta b+hA ba no pa la su war+N+Na dru ta/ bod skad
208b2 du/byang chub sems sgom pa rdo la gser zhun/ bcom ldan 'das dbyings gsum rnam par dag pa'i ngang la phyag 'tshal lo// bdag med gnyis nyid bde gshegs mi rtog ye shes chos dbyings sku brnyes
208b3 pa// kun gyi rang bzhin zhi ba 'di la bsal zhing bla med lam mchog ste// mi ldog pa la sogs te dbang bcu rgyal ba kun dang gcig brnyes pas// gnas gsum mnyam nyid de la mtshan med yid kyis rab tu
208b4 dad pas mos// ston pa 'jig rten sgron mar gyur pa kun gyis mtshungs par rab bsngags pa// chos la chos kyi snying por gyur pa 'jam dpal gzhon nu'i snying po nyid// bde gshegs ma lus yum du gyur pa'i
208b5 rgyal ba kun gyi lam gcig pu// tshul khrims la sogs pha rol phyin lam spyod pa rgya mtsho'i gzhir gyur pa// rnam dag byang chub sems kyi ngang tshul bsgom dang yon tan khyad par ni// blo ldan nam zhig sems kyi
208b6 dam pa de ni mngon du gyur pas na// de la sku gsum mchog tu gyur pas chos kyi sku zhes rgyal bas gsungs// shes byed dam par gyur pas shes rab spyan zhes kyang ni de la bya// rdo rje rtse mo mchog nyid mi rtog ye
209a1 shes de yang de nyid do// ji snyed 'phags pa'i rnal grol chos su bsnyad pa de dag kyang// byang chub sems nyid rdzogs las de yi yon tan de las 'byung// 'phags pa'i rigs chen 'chi med byang
209a2 chub sems dpa' de dag thams cad kyang// de med mi 'byung de phyir de ni rnam grol mchog gi lam nyid do// de na kun tu rdo rje sems dpa' ci 'drar bsgom par bya bar 'gyur// phra zhing shes dka'i drang srong chen
209a3 po'i lam 'di mi rtog rtog las 'das// brtag par dka' zhing bstan par dka' la brjod pa'i tha snyad rnams dang bral// tshig gis mi phebs gzhan dang byis pa kun gyi spyod yul ma yin yang// ston pa nges
209a4 pa'i lung dang bla ma rnams kyi man ngag don 'dir blta// mngon sum la sogs rgyu yi dngos po 'jig cing grub pa'i mtha' dpyod pa// de nyid rtog pa'i rgyun 'brangs spyod yul tshad mar bzhag nas blo yis 'jig
209a5 byed de// rtog mtha' med phyir dpyod mtha' med de snying po med na tshad ma gang/ de phyir 'jig rten brtags pa'i tha snyad rnal 'byor lam 'dir mi dgos so// dngos po mtha' yi rgyu ni lo rgyus dag las lam
209a6 'dir brtag par bya// skye bo kun gyi sems la mngon snang phyi nang grags pa'i chos 'di ni// 'dzin pa drug gis ji ltar mthong zhing brtags pa de ltar ma yin 'khrul// rang gi rtog pas myong zhing gzung ba de
209b1 bzhin bden gyur na// de dag dngos po med rtog dgra bcom 'dra bar grol bar rigs// de dag dus dgras 'joms dang sdug bsngal nyen las nges 'khrul mngon par 'gyur// gzhan du skye mched sgo nas rig
209b2 pa de dag tshad mar gyur na ni// de dag tshad mar gyur pas 'phags pa'i lam de su la'ang dgos mi 'gyur// lam de rnam grol lam du bstan cing dbang po'i shes pas mi char te/ sdug bsngal 'ga' yang mi
209b3 'jil rnam rig shes de nyon mongs 'byung ba'i gnas// de phyir skye bos mthong ba de dag 'khrul bar mngon zhes rgyal bas gsungs// de na de la 'di dag 'khrul pa'i dbang gis ji ltar snang bar 'gyur zhe
209b4 na// kun tu rtog can yang dag ma yin kun tu rtog pas bcom mod nyams// blo gros phyin ci log tu gyur cing ma rig rkyen gyi dbang song bas// sems dang sems las byung ba de nyid lus gsum don du snang ba
209b5 yin// 'du byed sna tshogs dag gis bag chags bsags la gang goms mthu brtas tshe// sems nyid yul dang yul 'drar snang ba rus pas gang ba bzhin du snang// bag chags bsags pa'i rgyun las dmigs
209b6 skyes yid la brtags pas bdag ni med// 'du byed mthu yis bsgribs shing phra ba ma mthong de las rnam rig skye// rgyun dang bcas pa'i sems kyi mthu ni ma rtogs rtog pa'i rjes 'brangs nas// de la zag bcas
210a1 rang bzhin rtogs pas bdag dang chos rnams rgyas par byed// ldan par 'byung ba shin tu phra bar rgyu ba de ni ma mthong bas// bdag tu blta la sogs pa mu stegs lta ba sna tshogs skye zhing thar bar
210a2 rtog/sems 'di las rnams mtha' yas gnas gyur bag chags mtha' med nges pa med// bag chags brtas shing sad par byed pa'i rkyen yang rnam pa sna tshogs te// rkyen 'gas bag chags 'ga' zhig smin
210a3 nas mi yi rgyud kyi lus snang la// rkyen gzhan dag gis bag chags gzhan sad byas tshe 'gyu pa'i mthu mthong nas// dbang phyug la sogs byed par 'dod pa'i lam des mi zhi grol mi 'gyur// rnal 'byor lam
210a4 bslad the tshom rgyu yang rgyun 'di phra ba ma rtogs skye// bdag tu btags pas bsgribs te 'phags pa'i rigs dang rnam par bral// chos su btags pa'i sdug bsngal sna tshogs 'byung zhing ngan song srid par
210a5 'gyur// rnam shes de yang 'du byed rgyun las mtshan ma tha dad 'dzin pas na// las kyi khyad par dag gis brgyad du snang gis rigs la du ma med// de phyir sems kyi skad cig dang po de la lus dang chos kun
210a6 gnas// de la bsam pa zhen phyir phyi ma des 'byung de la snang// rang sems rgyun las 'phags pa skye bo'i chos ni gzhan na yod ma yin// rgyud drug rigs las de yang sna tshogs de dag rang gi ting 'dzin
210b1 to// sems rgyun de ni phyogs kyang cung zad med pas de la'ang rten med de// de la phyogs med phyir na mtha' yas zhing rnams bdag gi lus// bdag gi lus ni mtha' yas zhing dang skye bo'i lus su rab snang
210b2 yang// sems dang bag chags gcig min tha dad ma yin brtag par rab tu dka'// 'di kun rten cing 'brel 'byung tshul te skye dang 'gag par 'gyur zhes pa// tshig pa'i sa bon bzhin du med las med pa mi
210b3 'byung rgyu 'bras med// dngos por zhen cing rgyu dang 'bras bur rtog pa'i sems nyid ni// rgyu dang rkyen du snang ste de gnyis med phyir skye dang 'jig pa med// skye 'jig med phyir bdag gzhan med de 'chi 'pho med
210b4 phyir rtag chad med// des na 'khrul 'khor med cing mya ngan 'das pa'ang med pa nyid du mngon// gnas kyi skad cig nams kyang mi 'bral de tshe mnyam 'gyur de med mod// yang dag ma yin rtog pas bskyed phyir
210b5 bag chags yod pa ma yin dang// spyod yul med phyir kun gzhi med cing rnam rig de yang med pa yin// phyogs rnams med phyir dmigs dang gnas med rnam shes rig pa ji ltar skyes// de phyir sems 'di
210b6 yod med mtha' las 'das shing gcig dang du ma bral// bde gshegs byang chub med phyir de yi rdzu 'phrul sgyu 'drar 'khrul la snang// de bzhin dag pa'i ye shes de dag dge ba'i rgyu nyid dang// chos kyi dbyings nyid
211a1 la ni de dag dmigs shing skye bar brtags pa yang// rdo rje'i gnas med phyir na mnyam gnas rang bzhin 'drar 'gyur dang// chos dbyings rdo rje rtse mo de dag phyogs nyid med pas skad cig
211a2 min// dag pa'i dge rtsa gzugs brnyan med pas 'jig rten ye shes yod mi 'gyur// de phyir byang chub ma chub mtshan nyid med par gcig pas blang dor med// don de'i tshul gyis don dam rnam grangs skye 'gag
211a3 med dang mnyam nyid dang// gnyis med bsam 'das stong nyid chos dbyings brjod dang tha snyad bral la sogs// bstan pa de kun tha snyad yin te don dam med cing kun sgrib med// don dam tshul gyis lam nyid
211a4 'di 'dra zhes pa de nyid kun sgrib yin// the tshom yod med chos ni gang la'ang spangs shing gnas par mi byed do// bsgom pa dang ni chos dbyings med phyir som nyi med la dam par blta ba'ang med// de ltar dngos
211a5 po'i mtha' rnams brtags pas rang bzhin sgyu ma med 'gyur phyir// yod la ltos pa'i med pa med de med pa'ang med// mtha' rnams med phyir dbus med dbus la'ang gnas par mi byed do// gang la'ang 'jig
211a6 rten dbang phyug pad+ma kun kyang mi spong 'dra mnyam gnas// chos la 'khrul par mthong ba de nyid 'khrul ba yin par rab rtogs te// drug gis bstan pa'i bdud kyi las kyang mi 'dor ngan du mi rtog go/ shes
211b1 rab thabs kyi spyod pa la yang mi gnas phyir na bdud rtsi 'dra bar spyod// rang gi shes pa dam par byas te kun las rgyal te des bsnyems na// 'dod chags zhe sdang skyes nas rtsod 'byung gti mug yin te don mi
211b2 mthong// ji srid yid kyi g.yo ba de srid bdud kyi yul te phra ba'i lam// g.yo dang mi g.yo tha snyad mi gnas gnas la'ang gnas par mi byed de// snang med dbu ma'i lam de byang chub sems zhes bde gshegs
211b3 gsungs// gzugs dang mtshan ma smon par 'dzin pa rab tu spangs nas su// rnam thar gsum po sgom pa yang bdud kyi lam te gzugs nyid stong pa'o// 'khor ba'i lam gsum spangs shing mya ngan 'das lam
211b4 bsgom byed pa'ang bdud nyid de// de nyid rang bzhin ma zhi rang bzhin rtsal spangs gang mi gnas// 'phags pa kun gyi yul dang gnas kyang 'das sogs lam 'di gzhan na med// ldang dang mi ldang ched du mi
211b5 spong sems rten mi 'cha' mngon du min// 'jam dpal ma yin rdul tsam g.yo ba de nyid de yin der mi gnas// bsgom pa'i sa mi rnyed phyir bsgoms pas rnyed par mi 'gyur te// sems kyi spyod yul shes pa de
211b6 dag chos rnams kyi ni chos nyid yin// rnam bral gang la'ang mchog dang tha ma med par lam mchog 'di bsgom mo// 'du byed ma skyes chos kun 'byung med shin tu chos rnams mya ngan 'das// dngos med de tshe kun
212a1 kyang chos kyi dbyings shes dgra bcom rab 'byor yin// nam mkha' mi dmigs ming tsam dge dang mi dge 'byed med skye ba'ang med// rtsol ba yid la mi byed gang la'ang sems med shes dang mi
212a2 shes bral// dran dang 'byed med gang la'ang spang len dga' dang mtshungs med mi dmigs shing// mnyam gnas gnyis su brtags med brjod bral bya dang mi bya med de sogs bri med// ched du rtsol bar yid la
212a3 mi byed cis kyang mi 'khrugs mnyam shes dang// gang la'ang chags dang yul gyi myos skrag med de mi 'bral mi gnas shing// mi 'phrog mnyam shes bzhi po phyogs dang pha rol phyin rnams der shes te// sems kyi
212a4 dbyings su bsgoms pas lam gyi phugs na 'dug pa de yin gyis// gzhan du bsgoms pas 'od gsal don nyid rig par mi 'gyur ro// brda' can yang dag len pa'ang byang chub chen po yin zhes ston pas rab
212a5 gsungs phyir// de la 'di ni byang chub sems nyid bskyed cing bsgom pa'i gnas yin te// ting 'dzin gsum po brtan par byas nas rtags kyi mtshan ma phyag rgya gsum bcings nas// chos kyi phyag rgya chen
212a6 por sems nyid bskyed de snying po brjod cing bsgom pa'i gnas// rdo rje sems dpa' bsgoms pas lam kun ma nor bsgom pa yin// kun tu bzang mo'i spyod pas ma zin dge ba'i chos ni gang yang rung// kun tu
212b1 bzang po'i spyod pa'ang bdud kyi las te zad cing mthar thug 'gyur// de dang ldan pa'i las ni bdud kyi las kyang byang chub spyod par gsungs/ don 'dir mos pa de yang byang chub chen po yin zhes rgyal bas rab
212b2 tu bsngags// gnas 'dir bskyed pa tsam gyis 'jig rten gsum po bla mar bcas pa yi// mchod gnas nyan thos bdud kyi sde rnams zil gyis gnon zhes rgyal bas gsungs// thabs chen byang chub sems
212b3 dpa' gsang ba'i spyod pa'ang 'di nyid de// 'di min rgyal pa rnam par snang mdzad theg pa gsum ston mi srid do// skad cig tsam du dang pa'i shugs bskyed de yang myur du 'jam dpal gzhon nur 'gyur// dkyil
212b4 'khor gsang bar zhugs shing dam tshig mchog kyang bsrung ba yin// tshul khrims sdom pa kun kyang bsrungs shing sbyin gnas dam par rab tu bsngags// de phyir byang chub sems kyi bsod nams de la gzugs
212b5 yod na// nam mkha' bar snang 'di yang snod du chung zhes rgyal bas mtshungs par gsungs// skye bo skye ba sna tshogs dag las skyes shing skye dang skye 'gyur skye ba'i rgyun gyi dbang song bas// rtog mtha' mi shes rtog
212b6 pas bslus shing rtog pa'i rgyun 'brangs 'khrul pa'i rtog las phyir ldog med gyur pa// sgyu ma'i sgyu shes dag gis sgyu ma'i glang po 'dra bar sgyu mas rmongs pa'i sgyu ma rnams// rmi lam gyis bslad bzhin du rmi yis
213a1 bden pa'ang nyams shing rmi lam dbang du song ba'i rmi lam pa// lam 'di spangs shing mtha' dang lam gzhan lam du bltas nas ma nor lam zhes ston pa de// de dag rdo la gser bzhin thugs
213a2 rjer rung zhing thugs rje'i thugs rjes kye ma'o phrogs pa yin// shin tu ma sbyangs dus kyis mnar ba'i skye bo lnga brgya tha ma la// gsung rab dri med rtogs dka' dag la sgra bzhin spyod dang tshul bzhin min// rang
213a3 gi blo gros stobs bzhin 'jug la sogs pa lta ba sna tshogs dag/mi shes chu bos g.yeng zhing gsung gi nying khu bdud rtsi rnal 'byor bral// de phyir rgyal bas gsungs pa'i thugs kyi gsang ba dam pa 'di// kun
213a4 tu rgyal ba rnams kyi spyod yul thun mong ma yin yang/goms pa'i mthu yis mi 'gal tshul du tshad ma dag las rab bsgrubs te// 'gro ba'i don du mi gnyis lam mchog 'di ni rab bgyis pa// skye bo skye
213a5 gnas thams cad du yang skad cig tu// mi mthun phyogs kyis mi nyams rgyal ba kun gyi thugs 'dir rab rgyas shog/ byang sems sgom pa rdo la gser zhun rdzogs so// 'di mtshams byang sems mi 'gyur ba'i thig le 'dzud/ //


CLOSE WINDOW