270b4 / byang chub kyi sems bsgom pa yi ge med pa zhes pa'i skabs rdzogs so// 'di gong 'og gnyis med dang skabs grangs 'dra yang gsan yig na bzhugs rgyu gong ma 'di yin 'dra//// bod skad du/ byang chub kyi sems bsgom pa yi ge med
270b5 pa'i rgyud/dpal bde ba'i mchog la na mo/ bcom ldan 'das chos kyi dbyings rang bzhin med pa'i ting nge 'dzin la snyoms par zhugs te/ rang bzhin gyi 'khor la rang bzhin gyi ston pas rang bzhin gsung du
270b6 med pa bka' stsal pa/rang bzhin rang bzhin tsam min te// de ni rang bzhin mi bzung ba// rang bzhin gab pa bag la nyal// rang bzhin gyi skabs//// dbyings dang ye shes gnyis med de// gnyis na rim pa
271a1 can zhes bya// rim pa'i cha la mi brten par// de ka yi ge med pa'o// yi ge med pa'i skabs// rang bzhin tsam yang ma yin pa// de ni rang bzhin chen po'o// rang bzhin rang gis rtogs na
271a2 rtogs// thams cad me dang rang bzhin snang// bltar med bag la nyal ba de// 'bad pas mi rnyed btang snyoms tsam// de yang min te cir mi gnas// yi ge med pa'i skabs// 'di ltar snang ba'i khyad par
271a3 las// bdud bzhi mi 'byung rtog pa zad// nges thob sa chen khyad par 'apags// skyon bral rdzogs chen don las 'das// stong dang mi stong tshig las 'das// sangs rgyas chos dang dge 'dun med// yi ge med
271a4 pa'i skabs// man ngag gsum dang gsang ba gsum// yi ge med pas 'di mi brtag/ stong pa chen po'i rang bzhin stong// de ni kun las 'phags pa yin// mchog 'phags khyad par chen po'o// yi ge med pa'i
271a5 skabs// mi dmigs mi rtog kun bzang ngang// rang ka ma la rang bzhin yang// bag chags kun bzang lhun gyis grub// gser med bong ba med pa'i sems// dran rtog bag chags ci byung yang// de nyid rang
271a6 bzhin yig med dang// mtshon pa las 'das dpe med pa// des na sgrub pa chen po'o// yi ge med pa'i skabs// gang yang mi bsam cir mi btags// mtshan bsam nyams te chags na 'khor// byang chub sems
271b1 su gdags pa med// 'di ltar spyod pa'i khyad par la// sems dang yid du rnam mi dbye// phye bas chags pa'i mtshan ma'o// 'di zhes gang la'ang gnas mi bya// bsgom chags skyon du ting 'dzin 'gro// yi ge med
271b2 pa'i skabs// lhun gyis grub pa'i ye shes te// ye shes kun gyi thu bo yin// chos sku bde ba'i mchog yin pas// nam mkha' che'o ting 'dzin gtso// yi ge med pa'i skabs// rigs kyi bde bar gshegs pa
271b3 rnams// ting 'dzin 'bum sde'i don 'di ni// rab tu rtogs dang dpyad dka' bas// rgya chen rtsing bor rab dpyad la// phra mo bag la nyal ba dbab// gtan tshigs kyis ni ma yin no// byang chub kyi sems bsgom
271b4 pa yi ge med pa las/bsdu ba gsungs pa'i skabs rdzogs so////


CLOSE WINDOW