218b1 /// rgya gar skad du/ bo d+hi tsit+ta ma hA pa rA kra ma tan+t+ra/ bod skad du/ byang chub sems rtsal chen gyi rgyud/ dpal kun tu bzang po la phyag 'tshal lo// 'di skad
218b2 bdag gis thos pa'i dus gcig na// de bzhin gshegs pa yang dag par rdzogs pa'i sangs rgyas rtag pa chen po'i ngo bo nyid kyi bzhugs pa thams cad kyi de kho na nyid la longs spyod pa/ kun gyi rang bzhin rnam
218b3 par dag pa gcig tu lhun gyis grub pa'i bdag nyid gang yang so so ma yin tha mi dad dbyer med pa'i de bzhin te/skyid sbyin pa chen po byang chub kyis snying po gang na tha na rtag par de bzhin no// de nas longs spyod
218b4 chen po la rdzogs par spyod pa ni/nor bu rin po che'i zhal rab tu 'od gsal ba/ 'khar ba bzang po'i me long bzhin 'dzin cing spyod pa thams cad la mnga' mdzad pa'i mchog tu byung ba ni gtso bo'i khab
218b5 na// nor bu rin po che'i tshul du 'dug nas thams cad kyi bsam pa sdud par byed do// de nas bcom ldan 'das dpal rdo rje sems dpa' chen po dang pad+ma can la sogs pa rnams kyis bdug pa dang sgeg mo la
218b6 sogs pa rnams kyis mchod pas rgyas par mchod nas/shin tu snyan pa'i dbyangs kyis bstod do// de nas g.yas su lan gsum bskor nas/ bcom ldan 'das dpal kun tu bzang po spyod pa thams cad la
219a1 mnga' brnyes pa'i spyan snga'i mdun du pus mo sa la btsugs nas 'dug go// 'dug nas kyang bcom ldan 'das dpal kun tu bzang po cang mi gsung bar 'dzum pa mdzad do// de nas bcom ldan
219a2 'das dpal kun tu bzang po chen po'i spyan snga nas langs nas bcom ldan 'das chos thams cad kyi de kho na nyid rang bzhin gyis dben pa'i don zhu ba'i phyir 'di skad ces gsol to// byar med rtsal sprugs
219a3 bdag med lam gyi 'bras// ma bcos rang bzhin gsang ba'i rang bzhin nyid// gnyis med rtsal sprugs blta spyod rnam dag nyid// bcom ldan 'das kyis bshad du gsol lags so// zhes gsol to// de nas
219a4 bcom ldan 'das dpal kun tu bzang pos/rdo rje sems dpa' la sogs pa dang/ mchod pa rnams dang bcas pa nyid kyi sku la bstims so// de nas bcom ldan 'das dpal kun tu bzang pos gnyis su med
219a5 par dag pa'i ting nge 'dzin la snyoms par zhugs so// zhugs ma thag tu 'khor rnams sku las bton to// de nas de rnams dbang bskur bya ba'i phyir bcom ldan 'das kyis bka' stsal pa/ phyi dang nang med thams
219a6 cad chos kyi dbyings// rnam par dag pa'i spyod yul gnyis med la// sangs rgyas sems can yongs kyis med pa ste// bsgrub med rtsal sprugs smon pa med pa yi// ma nor dam pa'i lam chen lhun rdzogs
219b1 pa// tsit+ta'i dkyil du rab tu bstim par bya'o// de nas bcom ldan 'das dpal kun tu bzang pos zhus pa'i don thugs su chud nas bka' stsal pa// kun gyi rang bzhin bla med zhi ba'i chos// rgyal ba'i lam
219b2 mchog rje btsun dam pa nyid// gnyis med bde chen yongs kyis dag pa la// rgyal sogs lta spyod 'dzin sgom de bzhin gnas// zhes bka' stsal pa las/ bcom ldan 'das dpal rdo rje sems dpa' la sogs
219b3 pa yid rab tu mgu bar gyur nas/mchog gsum lhun gyis rdzogs pa sangs rgyas nyid de rgyal po che// rtog dpyod rnam dag gnyis med chos kyi dbyings// bstan pa'i lam chen de la gnyis med gnas// mnyam
219b4 par shes phyir phyag kyang rab tu 'tshal// de nas bcom ldan 'das kun tu bzang po nyid kyis ched du brjod par bya ba brjod pa/ sgro skur bcing grol dag pa'i chos dbyings la// blo rtog byis pa'i spyod pas ci zhig
219b5 bslu// rgyu 'bras dbyer med sangs rgyas sems can zhing// kun gyi spyod yul gzhi rtsa med pa la// 'khrul pas nor pa'i lam du brtags pa yang// bstan pa'i lam chen po las gzhan med pas// mnyam par
219b6 shes pa sangs rgyas kun gyi rje// nga dang bdag tu brtags pas rab zhi ba'i// mchog tu rmad byung phyi dang nang kun dbyings// ye nas rnam par dag pa'i spyod yul la// sems can sangs rgyas gnyis med skal can
220a1 dbang// bdag gzhan brtags pas mu stegs 'phrul pa'i lam// byis pas bslus pas chos spyod lam la btsud// phyin pa'i dus med rtogs pa'i dus med pas// gnyis med chos ni rnyed par ga
220a2 la 'gyur// byang chub sems rtsal chen sprugs pa'i rgyud las/ gleng gzhi'i le'u ste dang po'o//// de nas bcom ldan 'das dpal rdo rje sems dpas yang phyag 'tshal nas/ bcom ldan 'das dpal chen po/
220a3 bdag med gnyis med rnam par dag pa'i lam// gang la brten te bsgrub par bya// yang dag pa yi gtso bos bshad du gsol// zhes bcom ldan 'das la zhus pas/ bcom ldan 'das dpal kun tu bzang pos
220a4 don thugs su chud nas bka' stsal pa/dam pa'i dge bshes la brten te dang sems bskyed/ rgyu lam de bgrod rim zhugs 'bras rnyed tshe// gnyis med bde bar phyin phyir de bzhin no// mi g.yo'i rang bzhin
220a5 gnas pa'i chos nyid de// stong pa nyid de stong pa'i yul la gnas// brtags na mngon sum mi gnas rnyed mtha' med// lam la ltos pa'i gnas med bsam dang bral// rang bzhin nyid las yid mi 'jog pa
220a6 ni// bdag med sman chen gtong ba'i slob dpon de// dge bshes kun las 'byung ba'i rin po che// bdag dang gzhan du bral ba'i ston mkhan nyid// gzhan nas ma byung rang rig byang chub sems// dpe'am tshad
220b1 mas gzhig tu yod ma yin// ye shes 'byung 'jug zad pa'i rmugs pa nyid// dad pa'i dad pa sems bskyed yin par ni// dri med de bzhin gshegs pa rnams kyis gsungs// nyid kyis brjod pa bya ba brjod pa
220b2 yi// rgyud drug 'gro ba rnams su snang ba yang// bdag rtog pa yi 'khrul pa dag la snang// dad pa'i lam las gud na yod ma yin// mtshams med mi dge sdig sogs sna tshogs pa// kha na ma tho 'jig rten 'di
220b3 sangs te// gnyis med yongs su grub pa'i chos kyi rtsis// byang chub tshogs rdzogs chos las gzhan min no// dngos med chos kyi rang bzhin yin pas na// gzugs sgra dri ro reg bya la sogs kyang// bya byed lhun
220b4 grub snga ma de bzhin las// gud na yod pa ma yin bdag nyid che// snying po byang chub mchog ste rtag par bzhugs// byang chub sems rtsal chen sprugs pa'i rgyud las/ chos thams cad kyi de kho na nyid rtogs par bya
220b5 ba la rim gyis rtogs par bya ba dang/de nyid kyi don la cig char 'jug pa'i le'u ste gnyis pa'o//// de nas bcom ldan 'das dpal kun tu bzang pos brjod par bya ba ched du brjod pa/ bya ba don la
220b6 mi gnas gnyen pos bcos su med// ma byung mi rtog kun tu ji bzhin gnas// gzung ba'i yul med sems kyi gnas kyang med// gnyis med bde chen sangs rgyas kun spyod la// theg gsum 'khrul par
221a1 btags pas ci zhig bsnyad// ye shes gzhir gyur mi rtog ting 'dzin 'das// rnam pa cir mi rtog pas byang chub snying po la// bzhugs pas gnyis med ting 'dzin rgyal po thob// mi dmigs
221a2 dmigs pa med pas chags gnas med// mngon sum nyid du brtag med de bzhin nyid// sangs rgyas sems can gnyis med rgyu 'bras med// lam gyis bcos su 'di la ga la yod// thams cad mnyam gnas
221a3 snying po'i rang bzhin las// gza' gtad yul la drang srong bsgom yid 'jog/ sgom las ma 'khrul rang bzhin rtsal chen sprugs// byang chub sems rtsal chen sprugs pa'i rgyud las/ don la blau gzhag pa'i thabs
221a4 bstan pa'i le'u ste gsum pa'o//// de nas bcom ldan 'das dpal kun tu bzang pos brjod par bya ba'i don nyid kyis brjod pa/ bdag med ma bcos phyi nang rnam par dag/ ji bzhin mi bskyod mi skye
221a5 'gags pa med// dmigs pa'i yul bral bsngo ba'i dmigs pa dag/ sangs rgyas phyi nang med pas sangs rgyas med// sdom 'dul dam tshig chags pa'i nad yin te// 'da' dang mi 'da' dam tshig las 'das
221a6 med// bsrungs kyang bde la rgyab phyogs nyams pa ni// sa bum bam rtsag rtsar yang bcer bcug kyang mthar 'jig tshul// phyogs bcur brtse ba'i rgya chad blang dor med// mi 'gyur yangs pa'i snying pos kun la
221b1 khyab// ye khyab gnas pa'i sman chen ma byas na// mtho ris bgrod pa'i don des zin pa ni// thar pa'i dus med mchil pas nya zin 'dra// ltos pa'i chos bral bdag med gcig pu pa// mi len mi spang kun tu
221b2 rang bzhin gnas// btsal bas rnyed pa'i yul med stong pa'i snying// rtsol 'dod ri dwags smig rgyu bsnyeg pa 'dra// lhun rdzogs rang byung che ba'i yul la gnas// med pa ma yin med pa'i snying po 'byung// gnyis
221b3 med nyid kyang tshig gi mtha' dang bral// spyod pa las 'das sdom rtsol kun las 'phags/ byang chub sems rtsal chen sprugs pa'i rgyud las/ lhun gyis gnas pa dam tshig gi le'u ste bzhi pa'o//// de nas
221b4 bcom ldan 'das kun tu bzang pos/ting nge 'dzin gyi don brjod par bya ba ched du brjod pa/ bsam 'das bsam med don la bsam par bya// mdzub mos zla tshes mtshon mthong ji bzhin du// med pa'i snying po
221b5 las ni yod pa 'byung// 'du shes bcom pa snyoms pa'i mtshan nyid de// byis pa yid spyod phyag rgyar 'dzin pa las// bsam pa'i ting 'dzin bcom pa'i ting 'dzin 'phags// nyid kyis nyid la brjod par byas pa
221b6 ni// rang byung che ba'i sku nyid ji bzhin gnas// kun tu khyab pas bsnan pa'i chos med de// ye shes lhun rdzogs dbyings nyid dpag tu med// brtags kyang mthong med ye nas rnam par dag/ gtsang sme med par
222a1 bza' dang sdig sogs spyod// dug gsum dug lnga'i snying po 'bar byed pa// ltos med rtsal chen 'di yi dam tshig mchog/ mi dmigs rtsol ba las ni 'das pa yi// rang bzhin der mi bzhag ste
222a2 'dres par bya// ma 'thungs chu yis skom la mi phan bzhin// lce yi tshig de don du ma shes na// nad gang phan pa'i sman dang nad pa dag/ 'grogs kyang khong du ma btang mi 'tsho 'dra'o// byang chub sems rtsal chen
222a3 sprugs pa'i rgyud las/bsam gtan ting nge 'dzin dang rdzogs pa'i rang bzhin dang/ de shes par bya dgos pa'i le'u ste lnga pa'o//// de nas bcom ldan 'das dpal rdo rje sems dpas bcom ldan 'das
222a4 kun tu bzang po la thal mo gdong du bzung nas cang mi smra bar pus btsug tu 'dug pas/bcom ldan 'das kun tu bzang pos nyid la nyid brjod pa/ ngo bo nyid kyi gzhi rtogs ma nor lam// ci yang mi mnos pa
222a5 yi chos spyad nas// bdag gzhan med pa'i 'bras thob ste// rtag tu bdag gzhan med pa'i 'bras bu thob// bdag gzhan thams cad cir yang mi mthong ngo// du bas me mtshon bzhin du de yang bral// bden pa
222a6 bzhin du rnam shes mi g.yo zhing// sems rgyun skye ba med pa'i theg chen po// mi bden pa nyid ma skyes par shes na// mi bden rgyun bcad bden pa nyid la gnas// sems la sems med par ni shes gyur
222b1 na// sems de la ni gcad du ci'ang med// da ltar gyi ni rnam shes mi skye zhing// sems la sems med par ni shes 'gyur te// chos la chos med par yang shes pa ni// sangs rgyas thams cad dam pa de
222b2 gsum spyod// snying po 'byung bas chos sku gzhan na med// spyod med spyad las 'das pas spyod pa'i mchog/ de la snying po 'byung ste chos kyi sku'o// gzhan du don smra mu stegs 'khrul pa'i lam// skom pa chus
222b3 gdungs smig rgyu bsnyegs pa 'dra// byang chub sems rtsal chen gyi rgyud las/ spyod pa'i rnam grangs so sor bstan pa'i le'u ste drug pa'o//// de nas bcom ldan 'das kun tu bzang po nyid kyis ched du brjod
222b4 pa 'di brjod do// mi gnas mi dmigs mi 'gyur byang chub sems// mngon sum mi gnas thabs kyis de la rol// ston pas bshad pa don gnyer rung ma yin// thos par mi rigs mnyan po'i tha snyad
222b5 bral// chos dang chos min 'dres pa'i thig le 'di// lhag pa'i don yin pas na bshad du med// ji ltar grib ma bzung bar 'dod pas kyang// lcags kyus bzung ngam snod du byas nas kyang// gzugs brnyan
222b6 grib ma gzugs la dag pa bzhin// sku yi phyag rgya spro bsdu gsal 'gyur ba// ting 'dzin brtan pas ji ltar bzung gyur kyang// chos kyi dbyings la ye nas rnam par dag/ rtog dpyod by-is pa'i chos las 'dzin pa
223a1 de// 'khrul te byang chub rtog pas thob pa med// sangs rgyas ston pas chos rnams bshad pa ni// so so'i don rnams ji ltar 'dzin gyur kyang// de nyid mi 'thob don chen nyid la dag/ de phyir don
223a2 'di rnyed par ma gyur na// ston pas bshad pas 'di yi gting mi rnyed// kun tu 'od sa mi non 'tshang mi rgya// rgyu ma mkhan gyis sgyu ma sprul byas kyang// skad cig tsam yang yod ma myong pa ltar// ston gsung tshig
223a3 las sangs rgyas mi 'byung ba'i// sgyu bzhin skad cig tsam yang 'grub mi srid// byang chub don la 'khrul pa de dag ni// don med tshig bsrung chos la ye rngam za// blo 'chal tshig sgron blo la 'od 'bar bas// bde
223a4 ba chen po'i don 'di ga la spog/ye shes snying po mthong bya'i stegs tsam du'o// byang chub sems rtsal chen gyi rgyud las/ rang bzhin ngo bo de kho na nyid ma mthong na sangs rgyas par bya ba'i thabs med pa'i le'u ste
223a5 bdun pa'o//// de nas bcom ldan 'das dpal kun tu bzang pos nyid kyis nyid la ched du brjod pa// e ma ho chen po lnga rod dag pa'i chos// bdag gzhan mi 'byed rgyu 'bras yongs kyis rdzogs// tshig
223a6 gi don gser nor bu rin po che// gzhan nas btsal bas mi rnyed rang la gnas// yangs so che'o chos rnams rkyen gyi rtse// bzang ngo zhes sems nyid rnam par dag/ theg pa'i 'bras bu nyid de rtsa ba'ang
223b1 yin// snang med chos kyis ma zin gang yang med// blang dor bzang ngan mi 'byed bzang po'i mchog/ dmyal rgyu'i skyon gyis mi gos pad+ma'i sku// sdig spyad byang chub chen po'i lhun la dag/ tshogs chen gnyis rol
223b2 bsod nams rgyas pa'i skur// 'di ma mthong bar sangs rgyas 'dod pa ni// dmigs bu med par long bas don bgrod kyang// gnas su mi son grogs ga 'chi bzhin no// byang chub sems rtsal chen gyi rgyud las/
223b3 nyid kyi bshad pa'i rgyud kyi dngos po la rngams pa'i le'u ste brgyad pa'o//// de nas bcom ldan 'das dpal rdo rje kun tu bzang po nyid cang mi gsung bar bzhugs pa la// rdo rje 'dzin pas bstod pa/
223b4 bcom ldan 'das kyi snying po dpe med sku// rnam grol zag pa med pa zla gsal 'dra// mgon po mchog nyid dpa' bo don ston pa'i// dpe med don 'dzin khyod la phyag kyang 'tshal// lam med lam dang bral ba'i
223b5 snying po'i mchog/ye nas dag pa'i chos la phyag kyang 'tshal// 'di don gus pas sangs rgyas sras rnams la'ang// don 'dzin dpa' bo bzhin te phyag kyang 'tshal// chos lam de bzhin gsal ba'ang bzhin phyag
223b6 'tshal// 'chad dang 'dri dang kha ton don bsgom zhing// 'dus shing 'dzin pa la'ang bzhin phyag 'tshal// de nas dpa' bos rgyud gtad pa'i don/ bdag dang dbyer med rgyal ba kun gyi thugs// de bzhin mchog
224a1 gis sa la bzhugs pa la// snying po sangs rgyas thams cad bskyed mdzad pa'i// gsang ba'i thigs pa 'di ni bshad bya'i phyir// de bzhin mchog gi snod chen bzer par mdzod// byang chub sems
224a2 rtsal chen gyi rgyud las/rgyud kyi bdag po la bstod pa dang/ rgyud la bstod pa dang/ gtad pa'i le'u ste dgu pa'o//// byang chub sems thigs pa ltar spyod pa dam tshig dang ting nge 'dzin rtsal sprugs pa'i
rgyud rdzogs so/

CLOSE WINDOW