CLOSE WINDOW

Gpb006.006
བོད་ཡིག

/ gter srung shin tu gnyan no// 'dir man ngag snying gi dgongs pa rgyal ba'i bka' ma byung//// rgya gar skad du/ ti la ka sa ma ga Na ma hA tan+t+ra nA ma/bod skad du/ thig le kun 'dus chen po'i rgyud ces bya ba/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang chen po des/ rnam dag pad+mo'i tshal/ rin po che'i ye shes kyi gzhal med khang chen po na/ sangs rgyas rabs bdun dang/ mkha' 'gro ma rnams dang/ gzhan yang so so'i 'khor rnams dang/ thabs cig go/ de'i tshe gsang ba'i bdag pos sna drangs te/bskor ba lan dpag tu med pa byas nas/ 'di skad ces gsol to// kye kye bcom ldan rdo rje 'chang/ thams cad mkhyen pa'i ye shes kyis/ da ltar tshogs dang ma 'ongs rjes 'jug la// ma rig mun pa sel ba'i sgron me ru// tshig gi rgyud rnams thugs kyi klong nas brtol// don kyi rgyud chen ma lus mtshon pa'i sgra// shes rab rlung gis brda'// phyi nang gsang ba'i man ngag rgyud du bshad// thig le gsang ba'i yi ge gsum du bstan// de yi don gyi dgongs pa gsal bya'i phyir// thig le kun 'dus chen po gsung du gsol// zhes zhus so// de'i tshe ston pas bka' stsal pa/ kye rdo rje sems dpa' 'khor dang bcas pa rnams nges par zung zhig/ngas rgyud thams cad kyi khog don so so'i mtshan dang le'u bsdus te/ don gyi snying po gsal ba'i dgongs par bshad do// zhes gsungs so// thig le kun 'dus chen po las/gleng gzhi dang gleng slong ba'i le'u ste dang po'o//// grag ta kA ya tan+t+ra a tra ga la ngas su a/ de'i tshe bcom ldan 'das rdo rje 'chang chen po des/ 'gyur ba med pa'i chos kyi sku'i ting nge 'dzin la zhugs so// de'i tshe gsang ba'i bdag pos zhus pa/ kye bcom ldan rdo rje 'chang/ 'gyur ba med pa'i sku'i don mtshon rgyud kyi dgongs pa gsungs zhes zhus so// de'i tshe ting nge 'dzin las mi 'gyur ba'i ngang nas/sku'i rgyud bka' stsal pa/ rigs kyi bu legs par zung zhig/ gzhi 'gyur ba med pa chos kyi sku dang 'bras bu 'gag pa med pa ye shes gzugs kyi sku gnyis/ don 'du 'bral med pa lhun gyis grub pa/ de gtan la dbab pa'i ched du/ ngas pad+ma 'khyil ba'i rgyud 'di bstan no// rig pa 'dzin pa ngos zung zhig/ chos nyid chos sku dbyer med klong// dri ma dag gsal mtshan nyid lnga// ye shes 'od kyi bum pa gsal// thugs rje 'gags med snying po'i sku// dbyer med rig pa'i ngang na gnas// nang gsal phyir ma 'phros pa ste// pad+ma 'khyil zhes bshad pa yin// sku gsum nang gsal 'du 'bral med pa las// thugs rje ma 'gags sku nyid phyir shar te// pad+ma las grub sprul sku 'od gsal bas// nges pa'i 'khor tshogs nga yi yul du snang// de dus nga yi sku yi rgyud chen ni// dpag bsam shing ltar yongs su rgyas par bshad// dang po'i gnas lugs bar du 'khrul lugs dang// tha ma 'khrul pa ldog pa'i thabs// nang med nang nas phyi ru shar lugs dang// rtsal gyi snang ba mtshan ma sna tshogs rnams// rang la snang zhing rang las g.yos pa med// mtshan ma sna tshogs rang gi ngang du dag/ dri med sku dang ye shes gzhi yi ngang du thim// rang gsal 'dzin pa med par bshad// dus gsum sangs rgyas dgongs pa brgyud pa yi// sangs rgyas zhal nas gsungs par nges shes bskyed// so so'i phun sum tshogs pa rnam pa lngas// sa phyogs nges dang chos nges dang// dbang po nges dang dus nges dang// rang rig ngo bo mi 'gyur bar// ye shes zang thal snang bas khyab// thig le nyag gcig ngang du rdzogs// de ltar snod bcud rang grol bas// dang po'i 'byung gnas chen po shes// bar du rtsa la gnas pa shes// tha ma grol ba nyag gcig shes// dus/ gsum yang 'dug mnyam bdun pa rin pas snang// gnyis med ye shes zang thal bas// chos sku'i ngang las mi 'da' bar// longs sku'i ye shes spyan du snang// mtshan nyid 'od kyi bum pa 'dzin// sprul sku rigs kyi sku lngar gsal/ bum pa nang gi mar me gsal// rtog med gsal ba'i ngo bor gnas// phra dang rags pa'i bye brag las// sku gsum rim pa nga yis bshad// ja log rnam gsum dgongs pa de// sku gsum lhun grub don du bstan// de 'chad ston pa'i lo rgyus ni// nga yi gzhi dang byung tshul dang// nga yi shes pa rdzogs tshul dang// nga yi 'khrul pa'i rigs drug snang ba la// nga yi 'khrul pa log rkyen byas// de phyir skye rgyud dgongs pa yin// ston pa rdo rje sems dpa' ngas// sangs rgyas ye shes lus can dang// 'gro drug bag chags lus can gnyis// rtogs dang ma rtogs bye brag las// ye shes 'od las snang bar bstan// 'byung ba'i dngas ma rnam pa lnga// sangs rgyas sems can lus su bstan// gnyis ka ma yin 'byung ba rnam pa lnga// sha khrag lus su bstan pa yin// de la mu bzhir phye ste bshad// bag chags lus la gnas pa ni// tsit+ta rin chen gzhal yas ni// 'byung ba'i dngas ma rtsa rlung dang// rang rig ye shes gnas lugs ni// mtshon dpe rnams dang sbyar te bstan// lus kyi kun gzhi dgongs pa yin// bag chags lus la sku gsum rdzogs// gzugs su snang ba rang bzhin med// chos sku mi snang rang bzhin yod// don ni gnyis med chos kyi sku// ston pa ye shes snying po can// sku gsum bsre ba'i dgongs pa yin// gong bzhin mtshan nyid rgyas bshad pa// rig pa rin chen lta bu'i ngang nas shar// thams cad de nyid ngang du grol/ de bzhin nges par rtogs bya'i phyir// sku gsum rang la ngo sprad cing// skad cig ma las nges par bskyed// phar la ngos bzung dpe gnyis kyis// gnyis med dgongs pa'i ngang du bskyal// za ma tog gi dgongs pa yin// de yi mtshon thabs rnam pa gnyis// gdams ngag gnyis kyis gtan la phab// rtogs pa rgyud la skyes pa ste// bsgom du yod med bye brag gis// nyams blangs med pa'i nyams blangs byas// 'khor 'das ma lus rig par bskyal// rig pa 'du 'bral med par bskyal// spyi bcings don gyi dgongs pa yin// de ltar rang rig don rtogs na// dus gsum sangs rgyas thams cad dang// dgongs pa gnyis su med pas na// phyi nang snod bcud ye sangs rgyas// ye nas bdag nyid sangs rgyas pas// re dogs rtsol bsgrub rnam par dag/rang rig ye shes rang dngas las// 'du 'bral med pa lha yi don// las dang thugs rje rnam par dag/ dge sdig mi gnas byis pa'i chos/ kha 'byams dgongs pa nga yis bshad// de ltar gdams ngag rnam gnyis kyis// blo yi the tshom kun bral te// nges pa'i shes pa skyes pa ni// tshig la nem nur mi mnga' bar// don la gol 'khrul med pa ni// la chod don gyi dgongs pa yin// ngas bstan don gyi man ngag gis// sems can ma rig mun pa sel// rang rig gsal ba'i ngo yang sprad// mun pa sel don dgongs pa yin// ston pa rdo rje sems dpa' ngas// rang rig dag pa'i chos sku las// phyogs med yon tan 'byung bar bshad// de bzhin dag dang yongs rdzogs nas// dug lnga ye shes lngar grol rdzogs// 'khor rnams kun la 'chad pa ni// nor bu rin chen dgongs pa yis// dper na rin chen sgrom bu las// ci 'dod thams cad 'byung ba ltar// de bzhin dngos med rig pa las// 'khor 'das yon tan tshul du shar// rang rig ye shes chen po ste// bsgom pas gzhan nas rnyed pa med// ma bsgoms stor dang shor ba med// thugs rje 'tshams par chu bo bzhin// rin chen sgron me'i dgongs pa yin// pad+ma 'dam na gnas na yang/ kha dog mdangs dang ldan pa yin// 'dam gyi skyon gyis gos pa med// 'khrul pa rnam gsum snang mod kyang// ma 'khrul pa yi sangs rgyas su// nga yis lung bstan nges pa'i don// gser phur don gyi dgongs pa yin// de ltar nga yis gdams pa yis// rang rig ye shes bstan pa'i tshe// a nu yo ga man chad nas// mu stegs rtag chad yan chad kyi// blau yi zhe 'dod mi gnas par// rang rig ye shes gtan la phebs// blau dang dngos po'i don chod pas// spu gri lta bu'i dgongs pa yin// rang rig dag pa'i chos sku la// ye shes spyan gyi myu gu lnga/ kha dog lnga yi bdag nyid can// ma 'gags zla ba'i myu gur shar// rtogs dang ma rtogs khyad par gyis// 'khor dang mya ngan 'das par shar// sna tshogs snang bar zad mod kyang// rang gi ngo la rnam par dag/ sA lu'i ljang pa'i dgongs pa yin// chos sku'i don ma rtogs pa la// gzung 'dzin rtog pa sna chogs shar// de yi gzung 'dzin snang ba yi// de yis chos can sna tshogs shar// de la theg pa sna tshogs 'char// log par rtog pa phyogs re sel// nges pa don gyi gdams pa yin// gzhi snang chen po'i don brjod pas// gzhi yi yon tan phyogs re yis// mi mthun rtog pa phyogs re sel// blo yi mtha' las nges grol ba// rtog pa mtha' sel dgongs pa yin// ngas bstan don gyi dgongs pa las// nga nyid 'jig rten 'das pa'i tshe// log lta can rnams rtsod srid pas// yang dag don gyi mtha' thob las// dri dang lan gdab lan byung bas// seng ge rnam par 'gyings pa yis// gcan gzan phra mo zil gnon ltar// chos nyid don gyi rig pa dang// de bzhin sgrub byed gzhan sel gyis// log par blta ba sun phyung bas/ seng ge 'gyings pa'i dgongs pa yin/ de bzhin 'chad mkhan nga nyid kyang// sku gsum 'du 'bral med par gnas// de yi don chen yang dag mtshan// rtsol ba med par rang la rdzogs// 'khor rnams la yang de bzhin no// mtshan rdzogs don gyi dgongs pa yin// de yi dgongs pa yongs rdzogs pa// chos nyid klong na chos sku gnas// gnyis med zang thal stong pa nyid// de yi ngang na ye shes lnga// de yi ngang la sku lngar bzhugs// sku gsung thugs kyi rdo rje bdag/ stong mthun ma gzhi'i dgongs pa yin// de la yon tan mi 'gag pas// rin chen gter gyi 'byung gnas so// nga yis de bzhin bstan pa yis// sku dang ye shes ma rig sel// zhes gsungs so// thig le kun 'dus chen po'i rgyud las// sku'i rgyud kyi don bstan pa'i le'u ste gnyis pa'o//// ban+ha tan+t+ra sa ma ti A ta ka la pA ru na A// de nas bcom ldan 'das gsung 'gag pa med pa'i ting nge 'dzin la zhugs so// de'i tshe gsang ba'i bdag pos zhus pa/ kye bcom ldan 'das gsung gi dgongs pa gsung du gsol// zhes zhus so// ston pas bka' stsal pa// gsang ba'i bdag po nges par zung zhig/ gzhi ni 'gyur ba med pa las// ye shes 'gag pa med par 'char bar gsungs pa ni// gzhi'i mtshan nyid stong zhing bdag med la// don 'gyur ba med pas nam mkha' lta bu'i chos nyid// stong pa rdo rje'i chos can// de yang gdos pa can gyi chos min te// yon tan gyi sgo yangs pas// rang byung ye shes 'gag pa med do// de la nub pa med cing don dngos po mtshan ma 'bigs gcod la gong na gzhan med pas rtse mo'o// don thams cad 'dus pas ni// thams cad kyi gzhi rtsa dang dgongs pa zhes bya'o// gzhi mtshon pa'i thabs su gsung rgyud bstan te// bshad pa'i rgyud chen po 'dis rgyud rnams kun gyi don rdo rje lta bu 'dis gcod cing 'bigs la rgyud rnams kyi dgongs pa dang bshad thabs 'dir 'dus par ngas bstan pa ni/ rgyud rnams kyi tshig don la sbyor bas mtshan gyi don gyi dgongs pa'o// kye 'khor gyi ting nge 'dzin rnams/ 'byung bzhi rang rig ye shes ni// dang po rgyu las ma byung zhing// bar du rkyen kyis grogs ma byas// tha ma gnyen pos mi 'jug pas// rdo rje lta bu'i chos sku ste// rang gi ngo bo dag pa la// rang bzhin thugs rje mi 'gag 'byung// ye shes rang byung dgongs pa yin// ngas bshad rgyud lung thams cad la/ khungs dang lo rgyus yod pa'i phyir// ston pa gsum la bstan pa gsum// 'khor gsum gnas dang dus kyang gsum// lnga gsum bco lngas gtan la phab pa'o// nges pa'i rgyud chen rnam pa lnga// yon tan snang tshul rnam pa lngas// kun las mchog tu gsang bar gnas// che ba'i yon tan dgongs pa yin// ngas bshad pad+ma 'khyil pa'i rgyud// tshig rgyud kun gyi rtsa ba ste// de sogs rgyud kyi bshad rgyud pas// pad+ma 'khyil pa'i man ngag gis// gzhi yi ma rig mun bsal nas// rtog pa'i rdo rje rang snang bas// mun pa'i sgron me'i dgongs pa yin// gzhi dang yon tan ma 'gags pas// 'khor 'das gnyis su snang zhing 'brel// dngos po'i don la gnyis med par// byin gyi rlabs kyis snang zhing 'char// bzhugs shing 'byung bas gzhi nyid de// rin chen phreng ba'i dgongs pa yin// ngo bo spros pa las 'das shing// nyon mongs rtog pa'i zug rngu zhi// thugs rje sku gnyis mi 'gag pas// rang rig ye shes chen por 'dus// 'khor 'das spyi yi don bstan pa// 'jam dpal ye shes 'dus pa'i dgongs pa yin// kye ma rigs kyi bu legs par zung zhig/ gzhi snang chen po'i 'dug tshul las// 'khor 'das gnyis su shar ba ni/ bskal pa dang po la sangs rgyas 'od mi 'gyur ba 'khor 'das kyi chos thams cad sa bon du gnas pa'o// bar du ma 'gags pa'i ye shes 'od du shar te myu gu lta bu'o// tha ma 'bras bu mngon par snang ste// sangs rgyas sems can gnyis su snang zhing smin te// 'khrul pa gsum du snang ngo// de'i tshe de'i gnyen po rdo rje sems dpas thog ma'i sangs rgyas ngo sprad de/ 'khor ba kheng zlog gis/ mi 'gyur don gyi snying po de gdams ngag gnyis kyis bkrol te bstan// thugs kyi snying po'i dgongs pa yin// de yi dus gzhi snang ba gtan la phebs// mi 'gyur ngang la sku gsum gnas// chos nyid chos sku ye shes ni// sku dang gsung dang thugs su gsal// grub pa mthar phyin 'khrul pa med// stong mthun ma gzhi'i dgongs pa yin// rigs kyi bu don de kun gyi thun mong ma yin te// rigs gyi bu rgyud so sor zung zhig/ kun las che lngas 'phags pa ni// de yi gdams par ngas bstan to// de ltar gdams pa sgrogs su ni// bar chad sel dang tshig rdzogs las// snod bcud 'gyur med man ngag mthar phyin phyir// bla ma sangs rgyas bcas pa dang// byang sems chos skyong srung ma dang// rig 'dzin rim pa tshogs kyis mchod// rig pa 'dzin pa sa la bskul// bar chad sel 'gyur ngas lung bstan// dgu pa don gyi dgongs pa bstan// ma 'ongs rjes 'jug don mdzad pas// ma nor don gyi rgyud chen lnga// dga' rab la sogs 'khor la bshad// de bzhin shod cig rjes su gnang// 'jug pa'i dgongs pas ngas bshad do// zhes gsungs so// thig le kun 'dus chen po'i rgyud las// gsung gi rgyud bstan pa'i le'u ste gsum pa'o//// bo d+hi tsit+ta tan+t+ra ma hA sa ma ti a ta ka ma hA sa ru a/ de'i tshe ston pa rdo rje 'chang chen po de thugs 'gyur ba med pa'i dgongs pa la bzhugs so// de'i tshe gsang ba'i bdag pos zhus pa// kye kye bcom ldan rdo rje 'chang// thugs kyi rgyud chen dgongs pa gsung// zhes zhus so// de nas ston pas bka' stsal pa// lag na rdo rje legs zung zhig/ rang rig ye nas rnam dag pas// nyon mongs pa yi dri ma med// ye nas rang byung ye shes pas// rgyu rkyen med par gnyen po med// ye nas gnyis med chos sku bas// 'khrul pa'i bag chags bslad pa med// rdo rje bzhin du 'gyur ba med// gzhi la yon tan 'gag pa med// thams cad ma btsal lhun gyis grub// bya btsal 'das pa'i chos la gnas// 'du 'bral med pas sku gsum rgyan// tshig dang don gyis mtshon dgongs yin// sa gzhi lta bu'i rang rig las// rtsi shing lta bu'i 'khor 'das snang// mi 'gyur chos nyid spros dang bral// rang rig ye shes man shel bzhin// 'gyur med ye shes rgya ma chad// lhun grub ye sangs rgyas pa la// ngo bo mi 'gyur thugs rje 'gag pa med// dang po gnas lugs dgongs pa yin// kye ma rigs kyi bu legs par zung zhig/mi gnas ye shes chos kyi sku// ye shes lnga yi mtshan nyid can// rang byung ye shes 'byung ba lnga// chos nyid dag pa'i klong du shar// thig le 'od kyi kha dog lnga// mthing ga la sogs kha dog lnga// rigs lnga'i sangs rgyas ngo bor shes// sku lnga ye shes lus can rdzogs// bzhi bcu rtsa gnyis 'od du gsal// rang rang ye shes gdangs la bzhugs// gsal 'tsher lhun sdug 'od zer 'phro// ye shes lnga yi gzhal med khang// gsal dang drod dang bsil ba dang// yang dang yangs shing khyab pa'i bdag/ kun 'byung ye shes phung por 'bar// gdan gsum ngang la ma bskyed rdzogs// sbyor ba gsum gyi sprul pa 'byin// 'gro ba'i ma rig mun pa sel// thugs rje 'byung ba'i dgongs pa yin// kye ma kye ma rdo rje 'dzin// rin chen zur brgyad nyi zla'i khang pa na// sku dang ye shes bum pa'i mar me ltar// logs na mi gnas rang bzhin lhun gyis grub// rtogs pas 'du 'bral med pa'i dgongs pa yin// ye nas sangs rgyas chen po las// lus ngag yid gsum bya ba yis// sa dang lam rnams rim bgrod de// sangs rgyas ye shes btsal du med// chu yi rang bzhin dngas pa la// rnyog pas de bzhin mi gsal bzhin// chos sku'i rang bzhin sangs rgyas la// sku gnyis ma btsal lhun gyis grub// lus ngag rtsol bas bsal mi nus// nga yi ngo bo dag pa la// dge dang sdig pa gdod nas med// med pa'i chos la phan gnod med// byas pa'i chos kyis sangs mi rgya// ma bcos rang gis ngang la bzhag/ bya btsal 'das pa'i dgongs pa yin// mi gnas ye shes dngos rtog mtha' dang bral// smra bsam brjod med rang bzh-in rnam par dag/ ma btsal bzhag pas 'du 'bral yongs kyis med// rang rig zang thal chen po las// sgrib med rang snang rtse gcig gsal// blos bzhag bsgom pas grol 'dod pa// ma tshor yid kyi yul gyur pas// rin chen gser kyi sgrog bcug bzhin// gzung 'dzin rtsol bas bsdam zhing 'ching// lnga pa don gyi dgongs pa yin// zhes gsungs so// thig le kun 'dus chen po las/ thugs kyi rgyud kyi don gyi dgongs pa bstan pa'i le'u ste bzhi pa'o//// rat+na ka d+ha ma ta mA tA na a tA ka la sa tu a// de'i tshe yang ston pa rdo rje 'chang chen po de/yon tan 'gag pa med pa dang// phrin las thogs pa med pa'i dgongs pa la bzhugs so// yang de'i tshe gsang ba'i bdag pos zhus pa// yon tan phrin las dgongs pa gsung du gsol// zhes zhus so// ston pas bka' stsal pa/ rang rig chos sku dngos med dag pa las// yon tan sgo yangs snang ba so sor shar// chos nyid ngang nas ma 'dres so sor gsal// chos sku'i thugs rjes longs sku yongs su shar// de yi thugs rjes 'gro ba gnas su sgrol// rtog pa'i mtha' sel yon tan phyogs re brjod// a ti'i ngang du ma 'dres rdzogs par bskyal// yon tan 'gag med don gyi dgongs par bshad// sangs rgyas phrin las ma btsal lhun gyis grub// nam mkha' lta bu'i chos nyid dag pa las// nyi ma lta bu'i sku gsum 'du 'bral med// bya btsal med pa'i thabs chen gyis// ma rig mun pa sel bar mdzad// nam mkha' nyi ma lta bu rgyud chen dgongs pa yin// zhes gsungs so// thig le kun 'dus chen po las/ yon tan phrin las kyi rgyud bshad pa ste le'u lnga pa'o//// u pa de sha tan+t+ra ka la sa d+hu a/de'i tshe yang ston pa rdo rje 'chang chen po de/ man ngag don gyi dgongs pa chen po bzhi la bzhugs so// de'i tshe gsang ba'i bdag pos zhus pa/ man ngag rgyud chen rim pa gsung du gsol// zhes zhus so// ston pas bka' stsal pa/ lag na rdo rje legs par zung zhig/ lta ba'i ngo bo'i man ngag ni// 'byed med shes rab gsal la rtog pa med// logs na mi gnas rang rig ye shes nyid// thugs kyi klong na 'gyur med 'gag pa med// mi rtog chos sku 'gag med longs spyod sku// rnam dag dbyings la ye shes ma bsgribs gsal// thugs rje'i sprul pa ye shes zang thal yin// de las gang gyur ye shes logs na med// de nyid mchog gyur ye shes bla ma nyid// rgyu rkyen med par rang byung ye shes gsal// rang rig ye shes chos rnams kun gzhi nyid// ma nor ma bcos dbyer med rtogs pa'i mchog/ sku gsum ngo bor grol ba'i rgyud la sbyar// rtogs pa'i gang zag chos kyi mtha' las grol// de la mi gnas rnam par dag pa'i dbyings// 'gyur med klong du sku lnga rdzogs sangs rgyas// de nyid rang yin gzhan las 'byung ba med// de yi don rtogs bya btsal las 'das te// sku gsum rang chas rdzogs par grol smin te// mi 'gyur spros bral klong na zang thal ye shes gsal// bla med rgyud chen don gyi dgongs pa yin// kye kye rdo rje 'dzin pa nyon cig/bla med ye shes zang thal don chen rtogs pa yis// chos nyid rdo rje chos sku dbyer med stong pa'i klong chen du// phyi nang snod bcud bag chags mtshan ma dag/ gzung 'dzin mi gnas gnyis med chos skur gnas// stong nyid don rtogs gnyis med ye shes chos// 'dzin pa'i sems med gzung ba'i yul dang bral// gzung 'dzin rtog med ye shes mkha' la gsal// ma rig bdag snang chos nyid ngang du thim// ye shes klong na rig pa rang gsal ba// thugs rje'i 'od kyis ma rig mun pa sel// rang rig rnam dag shes rab klong du thim// mtshon pa'i thabs chen mtshon bya'i don la sbyor// smra bsam brjod las 'das pa 'bras bu thun gcig nas// sku dang phyag rgya dbyer med ngang la gsal// rang snang ye shes gzhan snang rtog dang bral// rtog pa'i shes rab rim pas zil gnon cing// 'khor ba'i chos med rig pa rang sa 'dzin// blta ba'i gnas gcod don gyi dgongs pa yin// 'khor gyi rig pa 'dzin pa nyon cig/ ngas bstan rang rig ye shes de// bsgom du yod pa ma yin te// bsgom du med pa yang ma yin// gnyis med 'du 'bral yongs kyis med// chos nyid klong na rang rig chos sku gsal// mtshan nyid 'dzin pa'i ye shes 'gag med 'od du gsal// sprul sku ma 'gags 'od zer kun tu 'phro// ma rig mun sel thugs rjes gnas su sgrol// de yi thabs su bsgom du yod med gnyis// gang zag 'bring la gzhi lam 'bras bur bstan// rang gi blo la 'tshams la 'os par mdzes// gang zag rab la bsgom du med par bstan// rang gi blo la 'tshams la 'os pas mdzes// yang dag don la yod pa ma bkag par// 'dzin pa phyogs rer zhen pa bzlog ched du// med par zhen la yod pa'i don du bstan// don dam snying po 'gyur med chos kyi sku// 'gyur med gzhi rtogs nyams blangs blo dngos 'dre// mtshan ma'i sgrib g.yogs spongs chod pa// 'khrul pa'i blo la sgrib g.yogs med par snang// ye shes rang gi ngo bo sgrib med zang thal te// blo dngos bsre tshe 'di ltar nges par zung// yul med sems med cer gyis mthong bar 'gyur// de tshe rig pa yul la shar ba yin// tshur la mi bsdu ma bskyod zang thal bzhag/ thabs gsum nyon mongs mi spong mi rtog ma g.yos ngang nyid de// rang gsal mi 'gag rang bzhin don// gnyis med bdag nyid chen por bshad// de yis rtogs pa mngon du nges par 'gyur// rnam rtog sbyangs pas mtshan ma zil gyis gnon// chos sku'i ngo bor bdag nyid mngon gyur pas// de yi yon tan 'gro la thugs rje 'char// yod par zhen la med pa'i don bstan pa// gzhi snang ye shes rang bzhin rnam par dag/ mi gnas ye shes chu bo gang gA bzhin// bsgom sgrub ma byas rang byung ye shes sku// tshogs gnyis ma bsags sgrib gnyis ma sbyangs par// gong ma'i don rtogs bdag nyid mngon sangs rgyas// ma 'ongs da ltar rjes 'jug rdzogs sangs rgyas// de ltar de bzhin nga yis lung bstan bzhin// yon tan phyogs rje sku dang ye shes gsal// che ba so so'i mchog gyur rnam par dpag/ mdzes pa'i don chen rgyud kyi dgongs pa yin// rang rig chos sku thugs rje ma 'gags par// skyob pa'i sku mchog ye shes gzugs kyi sku// shes rab bdag nyid ma 'gags mdzes pa'i sku// snang la rang bzhin med cing so sor 'phro// ngo bo rnam dag mtshan nyid ye shes lnga// de yi rang gdangs ye shes 'od du 'char// de nyid rnam dag snang la rang bzhin med// yod med gnyis med ye shes rang chas rdzogs// blo las 'das te dpag med ye shes sku// blo yi yul gyur tshad bzung mtshon pa'i rtags// thugs rje'i zhags pas rgyud chen dgongs pa yin// zhes gsungs so// thig le kun 'dus chen po las/ man ngag gi rgyud bshad pa ste le'u drug pa'o//// dz+nya na gu ru badzra rak+sha tshe ti kring kring ra dzA u ma de ba dz+nyA na ka la pra saM raM u de shan tan+t+ra tsa ri pra ta a ta ka la sa ng+hu aH/de nas bcom ldan 'das dgongs pa mi 'gyur ba'i don la bzhugs so// de'i tshe gsang ba'i bdag pos zhus pa// kye kye bcom ldan rdo rje 'chang// rgyud kyi bu bzhi spyi'i dgongs pa bshad du gsol/ zhes zhus so// ston pas bka' stsal pa// rdo rje sems dpa' legs zung zhig/ dri med dag pa'i chos sku la// yon tan snang ba mi 'gag pa// 'khor dang mya ngan 'das par snang// rang nyid ma g.yos gos pa med// de la skye 'gag 'gyur med pa// rtsa ba'i rgyud chen lnga yi don// de mtshon tshig rgyud rnam pa lnga// sku gsum rgyal po bshad lugs gsum// so so'i 'khor la gnas su gsungs// mtshon pa'i rgyud la nges shes bskyed// rgyud lnga don gyi snying po ni// sku gsum 'du 'bral med par bshad// sangs rgyas bdag nyid ston pa yis// skad cig gsum la rnam grol ba'i// so sor rtog pa'i ye shes can// sangs rgyas bdag tu 'du bar bstan// shes rab ting 'dzin dbang gyur pas// gzhi la gnas te lhag mthong med// byang sems shes bya'i sgrib pa can// sems can sde ru nga yis bshad// ye shes chen po rgyud la bshad/ bag chags lus la thogs pa ni// mtshan nyid lnga ldan gnyis med pa'i// phung po gsum pa'i gnas skabs su// bsdu ba'i rim par rnam phye ba'o// dri med rgyud kyi dgongs pa yin// kye ma kye ma rigs kyi bu// ngas bstan don gyi dgongs pa la// shar ba med la nub pa med// skye ba med la 'gag pa med// 'gro ba med la 'ong ba med// gzung 'dzin rnam rtog rgyun bcad de// 'gyur med ye shes don rtogs de// gzhi yi gnas lugs yin par bshad// de don kun tu bzang po yis// bzang ngan che chung dbye ba med// de yi gnas lugs des mthong ba// ngo sprod rnam bzhis rtogs pa bskyed// nyon mongs lnga dang don gnad lngas// ma rtogs bcings te mdud bzhin bsdams pa rtogs pas grol// de bzhin kun gyis mi rtog pas// blo dang sbyar te so sor bshad// nub med rgyal mtshan dgongs pa yin// rig pa'i sku la dbang bzhi rdzogs// rang snang 'khor la byin rlabs dbang// dang po byin gyis rlabs kyis shar// mtha' ma byin gyis rlabs kyis bskur// rang la dbang bskur rang la rang dbang thob// de nyid mchog gyur 'khor 'das kun la dbang// rdzas la ma brten shes rab stobs kyis bskur// rig pa'i rtsal dbang zhes su bstan pa yin// rang rig ye shes ngo bo ste// rang rig thugs kyi klong na bzhugs// chos sku 'gyur med nub pa med// skye shi med pa'i rdo rje'i tshe// blo yi yul las rab 'das pa// bcom ldan rdo rje tshe dpag med// gzugs sku gnyis dang thabs cig bzhugs// rdzas dang sngags dang cho ga rnams// phyir bstan de nyid rtogs pa'i thabs// de rtogs de la bsgrub tu med// rig pa'i rang gdangs bum pa lnga// yum gyi rang bzhin ye shes spyan// snying po sku la bzhugs pa'i klong// de rtogs bya phyir bum pa'i dbang// phyir bskur nang du gdams pa dbab// de ni longs sku'i ngo bo ste// de las sprul pa'i skur snang ba// tshogs drug dag la ye shes khyab// mi gsal gsal ba'i bdag nyid can// lhun grub mngon du 'gyur ba'i phyir// phyag rgya rnam drug phyir dbang bskur// nang du bskur med thob med pas// ye nas gnas pa'i thabs su bstan// de rang snang zhing rang gis shes// rang nyid ngang na 'du 'bral med// rdzas bzhi dag la brten nas rtogs pa thob// thun mong gyur dang ma gyur pas// so so'i yul dang gang zag bstan// tshig dbang don gyi dgongs pa yin// chos sku 'gyur med rdo rje gsum// longs sku srog med sku lnga gsum// de gdung sprul skus yongs bzung ste// sems can ma rig mun pa sel// de bzhin de yi rim pas bzung// de la de bzhin rim pas gnas// de ni sku gdung don gyi dgongs pa yin// zhes gsungs so// thig le kun 'dus chen po las// gdams ngag rgyud bzhi'i dgongs pa ste le'u bdun pa'o//// A su ud+d+ha tre sha sa na tsA ka hA a hA ma ti a// de'i tshe bcom ldan 'das man ngag don gyi dgongs pa la zhugs so// de nas yang gsang ba'i bdag pos zhus pa// kye kye bcom ldan rdo rje 'chang// man ngag lung gi dgongs pa gsung du gsol// zhes zhus so// ston pas bka' stsal pa// ston pa rdo rje sems dpa' ngas// rgyud dang rgyud kyi man ngag dang// man ngag lung dang bcas par bstan// man ngag don gyi dgongs pa yin// chos sku rin chen lta bu la// yon tan snang ba sku gnyis 'char// dbyer med 'du 'bral med par gnas// ngo sprod rnam bzhis grol bar byas// thugs kyi dkyil 'khor sgo phye ste// sku gsum rin chen gter mdzod brtol// mi 'gyur dgongs pa rnam bzhi rdzogs// 'gyur med gcig gi ngang la gnas// zhal chems don gyi dgongs pa yin// chos nyid 'gyur ba med pa dang// rig pa 'gag pa med pa las// snang la rang bzhin med pa'i ye shes gsal// snying po sku lnga phyag rgya ma bskyed tshul// sa bon rgyu ru bshad pa dang// rgyu nyid myu gu'i tshul du byung// rig dang ma rig bye brag gis// 'bras bu sangs rgyas sems can gnyis// chos sku gcig la tha dad pas// zla ba nyi ma ji bzhin no// chos nyid 'gyur ba med pa dang// rang rig brgyan du 'gro ba'i lus sems shar// ston pa'i rgyan du lung dang man ngag shar// de rtogs skad cig bzhis grol la// rig pa ma 'gags tshul du shar// de nyid ma 'gags yul la shar// gnyis med gnyis su med par gnas// gnyis med gzung 'dzin mtha' las 'das// gzhi ldan don gyi dgongs pa yin// kye ma kye ma rdo rje 'dzin// de ltar rtogs pa'i rnal 'byor la// skad cig gcig gis rdzogs sangs rgyas// mi 'gyur gzhi yi ngang la bzhugs// bag chags lus kyis bsgribs mod kyang// ma thub sgo nang zang thal gsal// yang zhun don gyi dgongs pa yin// de rnams ngas bstan yid ches byed// de yi dngos gzhi gong bzhin bstan// nges pa'i mtshan nyid ji bzhin shes// de dang de rnams mi 'gal bar// gang zag blo la nges shes bskyed// dbang gsum don gyi dgongs pa yin// thig le kun 'dus chen po las// man ngag gi dgongs pa bstan pa'i le'u ste brgyad pa'o//// thugs rje chos kyi 'khor lo'i skabs don kun la khyab pa'i thig le'o// a tA ka dz+nyA na tsakra tan+t+ra u pa de sha sA ta sa ma ti ma la A// bu ta satwa sarba bu ta/ tsa ka shu sing ta shi ma Na dz+nyA na A na// badzra pa ne a ta ma ti tsa ri ka la// de nas bcom ldan 'das rdo rje 'chang chen po rtogs pa'i ye shes kyi dgongs pa la zhugs so// de'i tshe gsang ba'i bdag pos zhus pa// rtogs pa'i ye shes 'khor lo gsung du gsol// zhes zhus so// ston pas bka' stsal pa nyon cig/gzhi gnas kyi ye shes la mtshan nyid 'dzin pa'i ye shes kyis bskor te// rig pa'i stong pa dang dbyer med dang thogs pa med pa dang tha dad gcod pa bzhis bskor te/ shes rab kyi srog shing la ye shes 'khor lo bzhis bskor ba na// phyogs lhung med pa'i shes rab so sor rtogs pa'i shes rab kyis gcod pa'o// rigs kyi bu de'i don ni kun gyi thun mong ma yin te/ rab tu rtogs par dka' ba'o// kye kye gsang bdag nges par zung// ston pa la sogs rnam pa lnga// gsang ba'i don chen gtan la phab// ma rtogs 'khrul par shar bar bshad// gdams ngag rnam gnyis gtsor bstan cing// rgyu rkyen rang rig gcig pu nyid// bdag rkyen rang rig chos sku la// rtags kyi ye shes ma 'gags snang// dmigs rkyen thugs kyi me long byas// mtshungs rkyen bla ma'i gdams ngag byas// ye shes 'khor los rab bcad pas// 'khrul gsum gzhi gsum ngang du dag/ rang rig ye shes bya btsal 'das// las dang thugs rje rnam par dag/ bsgoms pas gzhan nas thob pa med// ma bsgoms don dang 'bral ba med// 'du 'bral med pa'i dgongs pa ni// chu bo gang gA ji bzhin no// de ltar don ni rim par spyod// ma 'gags shar bas rang bzhin te// rtogs pas mtshan ma zil gyis gnon// mtshan ma zil gnod snang ba yang// rtogs pas yon tan rang gsal te// rang las ma gtogs gzhan snang med// de don rtogs pa'i rnal 'byor la// rang ma yin pa gzhan med cing// rang yang dngos gzhi rjais grub med// de bas de la gnyis med pas// don las mi nyams bsrung mtshams med// 'phral la byas pa ma yin te// nga yi rang bzhin ye nas de bzhin nyid// nga yi don gyi phyogs re nas// theg brgyad 'dod pa phyogs re brjod// thams cad nga yi dbang du rdzogs// nga yi don la 'da' ba med// nga yi rang bzhin rang byung ye shes pas// lhun grub gzhi yi sangs rgyas las// bya btsal 'bad rtsol rnam par dag/ nga yi don chen ma rtogs par// lus ngag 'bad rtsol ci byas kyang// byas kyin 'dzin pa chen por gyur// gsang ba don chen dgongs pa yin// dri med rnam dag rang rig chos kyi sku// yon tan 'gag med sku dang ye shes gsal// bya byed 'bad rtsol mi gnas bde chen lhun gyis grub// ma rtogs blo la phyi nang 'khrul par shar// rtogs pa'i don la mi gnas rnam par dag/ b+han d+ha 'bar ba'i gzhal med khang/ rgya mtsho chen po klong dkyil nas// snang ba chos sku'i bar na ye shes gsal// de nyid rang gi ngo bo ni// myang 'das don gyi dgongs pa yin// gnyis med chos sku dbyer med shes rab las// ma 'gags ye shes 'bras bu gzugs skur smin// chos sku'i 'od dang longs sku'i zer// 'gro ba rigs drug gnas su shar// las dang gang zag thugs rjes gnas su sgrol// kun tu bzang po bde chen ngang du sbyor// dri med rnam dag 'byed med shes rab gsal// mnyam sbyor don gyi dgongs pa yin// rang rig ye shes rang byung gnyis med pas// mtha' bzhi bdud bzhi'i gnas rnams rnam par dag/ mi gnas ye shes mtshan nyid lnga dang ldan// dam pa chos sku 'bras bu ye shes sku// bya btsal mi mnga' rang bzhin lhun gyis grub// sa lam mi bgrod 'gyur med gcig pa nyid// bya btsal mi mnga' re dogs mtha' las 'das// rang bzhin lhun grub ye sangs rgyas pa'i sku// spros bral klong na 'gyur med rig pa gsal// thugs rje 'gag med mi 'bral g.yos pa med// re dogs mi mnga' rtsol bsgrub rnam par dag/ shes rab rtsal rdzogs 'gyur med dbyings na gsal// chos rnams thams cad rang bzhin rnam dag klong// mi rtog chos sku 'gag med ye shes gsal// sku dang ye shes rol pa mdzad spyod las// phyi nang snod bcud gzung 'dzin snang ba rnams// sprul pa'i snang ba chos nyid ngang du dag/rang gi ngo bo ma bsgribs kun tu gsal// skyon dang yon tan re dogs bzang ngan rnams// gnyis med bde chen rtog pa'i mtha' las 'das// chos nyid dag pa'i me long lta bu la// chos sku dag pa me long gzugs ltar shar// gnyis med chos sku nam mkha'i bdag nyid can// rang gsal 'dzin med ma bcos bde ba'i ngang// stong de stong pa ma yin stong pa'i snying po 'byung// shes rab 'gyur med klong nas 'gag med ye shes shar// snang la rang bzhin med de rnam dag chos kyi sku// yon tan mi 'gag dngos med ngang gis 'byung// de yi ngang las mi g.yo 'gag pa med// rgyu rkyen byed pa med pas rang rig ye shes gsal// 'khor 'das la sogs cir snang 'phel 'grib med// phyi nang snod bcud snang srid 'khor 'das kun// gnyis med chos sku rnam dag klong chen na// ma 'dres yongs rdzogs gsal la rtog pa med// yon tan rang snang thig le rang sangs rgyas// sna tshogs snang la rang bzhin yongs kyis med// ting 'dzin rnam drug don gyi dgongs pa yin// mi gnas ye shes ma 'gags kun tu gsal// thugs kyi me long kun gzhi gtan la 'bebs// lung gi shar lugs gnas lugs thim lugs shes// thugs rje'i stobs kyis rigs drug gnas su shar// rtags kyi ye shes 'gyur med don dang 'phrad// sbubs dang bral bas gzung 'dzin rnam par dag/ gnyis med klong nas ye shes 'od du gsal// bdud bzhi rgyas 'debs ye shes rtse gcig gsal// rtog med shes rab 'bras bu mngon sangs rgyas// rdo rje gdan la rin chen sku ru smin// dmigs sel rnam drug don gyi dgongs pa yin// thugs ni dkyil 'khor gsal 'grib las 'das pa'i// mi 'gyur ma bslad 'gag med ye shes gsal// ma nor ma bcos dbyer med grol ba'i chos// gnas skabs chos lngas srid pa'i mtha' la bskyal// yi ge rnam drug don gyi gnas bstan pas// sgra skad 'byung dang thugs rje rang byung zhing// mi gnas mya ngan 'das dang dgongs pa rdzaugs// chos lnga don gyi dgongs pa chen po yin// dri med ngang du thams cad 'dus// de mtshon phyi nang gsang bas bsdus pa rnams// sgra dang brda' dang gnyis med don du 'dus// de yi don la rgyu rkyen rnam par dag/rang byung sku gsum 'gyur med chos kyi sku// rtogs dang ma rtogs 'khor 'das kun tu shar// sna tshogs snang yang dri med rnam par dag/ tshig gis mtshon pas tshig las 'das par rtogs// tshig gis mtshon pa blo yi bye brag gis// bsgom du yod dang med pa gnyis spang la// gnyis la yod med don la rnam par dag/ de ltar rtogs pas skad cig gsum la grol// sangs rgyas sems can thugs rje'i lcags kyus 'dzin// rang rig me tog chos las 'das// de ltar rtog pas thams cad bcings// rang rig ye shes gnyis kyi mtha' las 'das// rtogs pa'i stobs kyis ma rig rig par grol// 'khor 'das gnyis med bde chen gsal ba'i ngang// thun mong ma yin smra bsam 'das pa'i sku// de ltar rtogs pas rtsol ba'i mtha' dang bral// de yi mtshon thabs man ngag kun gyi gzhi// sku gsum lhun grub rtogs pa'i shes rab skye// don gyi bka' bzhi ma lus gtan la phebs// dgongs pa 'dus pa'i dgongs pa 'dus pa yin// gsang ba'i don chen blo yi yul las 'das// thun mong ma yin smra bsam 'das pa'i sku// thugs kyi gter mdzod dgongs pa kun gyi thugs// kun 'byung kun mkhyen ye shes dag pa'i gzhi/ rig dang ma rig sangs rgyas sems can snang// ngas bshad don gyi rnam dag dbyings kyi ngang// ye shes mi 'gag bcom ldan rdo rje 'chang// thugs kyi klong du 'gag med ye shes shar// glo ba'i nang du de yi rtsal shar ba'i// rlung dang 'phrad de de yis rtog pa 'gyus// de yi skyon gyis ma gos mtshan ma so sor 'dzin// de bzhin rim 'gro rlung dang bral nas gnas// de ni rang shar kun nas kun mkhyen 'gyur// lus kyi rnam shes kun rdzob thig le gsum// phyir shar rtsal de sprul sku 'byin par byed// sems las grol bas gzung 'dzin rnam rtog grol// rtog med ye shes nam mkha'i 'ja' ltar gsal// bdag nyid sangs rgyas thugs rjes 'gro ba skyob// 'gyur med klong du ye shes rlung gis bskyod// sku gsum nang gsal bum pa'i mar me bzhin// thugs kyi gter mdzod don gyi dgongs pa yin// yul gyi mdzod dang rig pa sems kyi mdzod// lus kyi mdzod dang rigs lnga'i mdzod// ye shes mdzod nas so so'i don bzhugs dbyer med tshul gyis 'chang// rtogs dang ma rtogs sangs rgyas sems can snang// de na gnas dang de yi ngang du grol// rtogs pa'i ye shes rig pa rang sa 'dzin// 'byed pa'i mu bzhi skyon sel yon tan bsgrub// 'khor lo lnga pa don gyi dgongs pa yin// kun gzhi ye shes me long rigs lnga'i bde gshegs gsal// ma lus rdzaugs tshe lus kyi klong na gsal// don gyi dbang bzhi ma bskur lhun gyis grub// yid kyi dbang po ma 'gags shes rab so sor mkhyen// gzigs pa'i spyan lngas gdul bya don la 'dzin// gsung gi sgo mo ljags kyi lde mig gis ni 'byed par byed// tshig dang don sbyor 'gro don ma lus rdzogs// bka' bzhin don gyi dgongs pa dam pa yin// bya btsal lhun grub rang byung ye shes la// yon tan 'gag med sku gnyis lhun gyis rdzogs// phyi nang gsang gsum man ngag rnam gsum gyis// phyi ru snang ba ye shes gdangs su gsal// gzung ba mi gnas rang bzhin rnam par dag/ nang du snang ba bde gshegs sku lngar grol// lus sems mi gnas 'dzin pa'i mtha' dang bral// gzung 'dzin gnyis med rang rig chos kyi sku// gsal la mi rtog bum pa'i mar me bzhin// mtshon bya'i tshig gi sgron mes nges mtshon nas// de ni nyams su phyi nang gsum gyis blangs// ji bzhin nyams myong mi 'gyur nges pa rnyed// snying po'i don la 'gyur ba med par gnas// 'gyur med don gyis skad cig gsum la grol// rtogs pa'i ye shes gsal la 'dzin pa med// mi ldog dngas pa'i rang sa zin par 'gyur// de yi tshe na gsal ba rnam gsum ste// chos sku phyi nang med pa ma bsgribs gsal// ye shes 'od lnga sprul sku longs sku gsal// rigs lnga longs sku nang na gsal// sku gsum ja log don gyi dgongs pa yin// de yi don du myang ngan 'das zhes bya// de ltar mi ldog gsal bar gnas pa yang// sa lam rim pas bgrod pa ma yin te// skad cig gsum gyis rang sa zin par 'gyur// rdo rje rnal 'byor lnga yi dgongs pa yin// zhes gsungs so// thig le kun 'dus chen po las/ rtogs pa ye shes 'khor lo bstan pa'i le'u ste dgu pa'o//// ye shes rang byung ba'i skabs ye shes chen po'i thig le'o// ma hA gu ya tan+t+ra u pa de sha ka ma sA hUM A// bo d+hi tsit+ta ko sha tsa mu ti a ti ka la/ de'i tshe ston pa rdo rje 'chang chen po des gsang ba don gyi dgongs pa zhugs so// de'i tshe gsang ba'i bdag pos gsol pa// kye kye bcom ldan rdo rje 'chang// gsang ba'i don gyi dgongs pa ji ltar lags// zhes zhus pas// ston pas bka' stsal pa/ kye rdo rje 'dzin pa nges zung zhig/ e ma ngo mtshar rmad kyi chos// de ni tshig la mi gnas pas// don gyi dgongs pa ma nor bshad// rang rig ye shes ma 'gags pa// 'khor dang mya ngan 'das par gnas// de la rgyu rkyen byed pa med// 'khor 'das kun las nga sngar byung// nga yi gong na gzhan ma med// thams cad rang rig klong na bzhugs// thams cad rang rig klong nas 'char// de yi ngo bo mi 'gyur bar// ye shes yon tan kun tu gsal// de la rgyu med gnyen po med// dngos med snod bcud rtsal du snang// 'byung gnas ma 'gags kun tu khyab// kun 'byung snying po 'gyur ba med// dper na yid bzhin nor bu rin chen bzhin// 'khor dang myang ngan 'das pa'i chos// dngos med byin gyis brlabs las byung// mtshan nyid don gyi dgongs pa yin// nga nyid ma 'ongs sngon rol na// ston pa kun rig chos kyi rje// pad+ma bde gsal grong khyer du// bstan pa'i snying po ye shes lnga// rang snang rtog pa'i 'khor rnams la// rtog med byin gyis rlabs las bshad// so so'i rgyud la byin gyis so sor rtogs// ston pa kun snang ye shes kyis// chos nyid gsal ba'i rang gdangs la// ye shes 'gag med dkyil 'khor bris// rang rig dbus kyi gtsor gnas te// nyid las mi gzhan ston pa bzhi// rang rang rigs kyi 'khor rnams la// gsung gis chos rnams mi 'chad par// byin rlabs rang gi ngo bo'i sgo nas bstan// bstan pa'i snying po gong ma bzhin// u dum wa ra'i me tog la// nga nyid brdzus te 'ongs pa'i tshe// nga yi thugs kyi dkyil 'khor du// rang byung thugs kyi chu bo bzhi rdzogs pas// dgongs pa'i ye shes rang dbang thob// brda' sgra nges pa'i don gsum bshad// rgyud kyi snying po sems phyogs chen po'i don// yid 'dres pa yi tshogs la bstan// de bzhin byos shig ngas lung bstan// lo rgyus don gyi dgongs pa yin// srid pa'i mdzod gyur chos nyid thig le na// rang rig mi 'gag 'gyur med chos sku bzhugs// tha dad mi gnas 'o ma mar gyi tshul// rang byung ye shes ma 'gags 'od kyi myu gu lnga// srog med snying po sku lnga bskyed cing 'du 'bral med// mi 'gyur sku yi bdag nyid che// mi gnas gsung gi bdag nyid chai// mi 'gyur thugs kyi bdag nyid che// rgyu nyid rdo rje rkyen dang 'dra/ bral yang byung// ma bskyed pas na 'jig pa med// man ngag don kyi dgongs pa yin par bstan pa'o// thun med thun chen dgongs pa gcig tu dril// chos nyid chos sku 'byed med stong pa dang// snying po sku lnga bar na ye shes gsal// chos nyid chos sku'i bar na 'od lnga gsal ba longs sku'i don// snang ba chos sku'i bar na ye shes gsal ba sprul sku'i don// dngos nyid gzhi dang sbyar ba'i dgongs pa yin// rgyu rkyen med par 'khor 'das rang las byung// yon tan ma 'gags stobs kyis shar ba yin// thugs rje ma 'gags sku nyid snang bar shar// sna tshogs shar kyang gnyis med chos sku'i ngang// de nas byung dang de nas 'jug cing thim// thams cad ma 'gags pa yi ye shes rmad byung chos// rang gi rgyud la nges pa'i shes pa skyes// don gyi sgo rnams 'byed cing gsal bar byed// sgo dang lde mig don gyi dgongs pa yin// chos sku nam mkha' lta bu ye nas tshad med stong// de yi stobs las ye shes sku ru snang// sku dang ye shes dngos po mtshan ma'i chos// dang po shar kyang rang gi stobs las shar// tha ma thim yang rang gi ngang la thim// dbyings dang ye shes gnyis med bde ba'i ngang// sku gsum dbyer med don gyi dgongs par bzhugs// nam mkha' lto sbyor don gyi dgongs pa bstan// chos nyid klong na chos sku gsal ba ni// nam mkha'i ngang na nyi ma'i snying po gnas pa bzhin// mi 'gyur yongs la khyab pa'i sku// de la ye shes snang ba 'char ba ni// sprin med nam mkhar nyi ma snang ba bzhin// rigs lnga'i sangs rgyas ma 'dres rdzogs pa ni// nam mkha'i ngang na 'ja' tshon gsal ba bzhin// thig le chen po don gyi dgongs pa yin// mi g.yo 'du 'bral med pa'i ye shes gsal// mtshon pa'i thabs kyi rim pas blo la sbyar// mi 'gyur ba gcig rtogs tshul rgyud las skyes// sbubs dang bral bas bdag nyid mngon sangs rgyas// 'gag med thugs rjes 'gro drug gnas su 'dren// mi gnas bdag med chos sku'i klong na gsal// rin chen sgron ma don gyi dgongs pa yin// ma 'gags mi g.yo ngang dngas rang bzhin no// ye shes zang thal sgrib med kun tu gsal// chos sku'i ngang la gzugs sku'i rang bzhin te// yod pa med dang med pa yod pa'i sa// sku gsum dbyer med rang rig ye shes bdag/ mig gi sgron ma don gyi dgongs pa yin// yon tan mi 'gyur rang rig ye shes te// sku gsum sbubs su de yi gnas skabs bstan// de mtshon phyi nang gsang ba 'dus par bstan// ngo mtshar thabs kyi snying po don dang mjal// 'phrul gyi yi ge don gyi dgongs pa yin// ma rig ye shes mthar thug yongs la khyab// gsang ba'i shes rab sgrib pa kun las 'das// kun las mchog gyur khyad par che bas 'phags// nam mkha' khyab pa don gyi dgongs pa yin// zhes gsungs so// thig le kun 'dus chen po las/ phyaugs 'dzin gyi dgongs pa bstan pa ste le'u bcu pa'o//// ko sha d+ha tA ma hA badzra d+ha ti tan+t+ra tsakra pa tsa u pa de sha u ta ka la pa ru a/ de'i tshe yang ston pa rdo rje 'chang chen po des/gsang ba'i snying po bla na med pa'i dgongs pa la snyoms par zhugs so// de'i tshe gsang ba'i bdag pos zhus pa/ kye kye bcom ldan rdo rje 'chang// gsang ba don gyi snying po'i dgongs pa gsung du gsol// zhes zhus so// ston pas bka' stsal pa// lag na rdo rje legs zung zhig/ chos sku yul med ye shes rang gdangs bcas// don la 'gyur med 'byed med shes rab bcas// stong nyid spros bral yongs la khyab pa'i sku// thugs rje mi 'gag sprul sku rgyun mi 'chad// mi 'gyur klong nas ye shes spyan ma 'gags// rang snang ye shes gzhan snang rtog pa med// thams cad yongs rdzogs skye 'gag 'char nub med// don gyi dbang bzhi ma bskur lhun rdzogs pas// ma bsgoms ma bsgrubs ye nyid rdzogs sangs rgyas// don gyi rdzas bzhi ma bsags lhun grub pas// rtogs pa'i shes rab rang rig khong nas 'char// bkod pa bzhi ldan don gyi dbang chen rdzogs// rang byung ye shes rgyu rkyen rnam par dag/ gnyen pos mi shigs gzhan gyi dbang gyur med// gnyis med bde chen chos sku rnam dag de// lung dang sgra yis nges par gtan la dbab// chos rnams thams cad dbyer med mnyam nyid ngang// dngos po med par rang rdzogs de bzhin nyid// rang rig chos sku ye shes rang snang la// 'byung ba nam mkha' dang po nyid nas med// rang byung ye shes don gyi 'byung ba la// mtshan ma'i 'byung ba dngos po gdod nas dag/ gnyis med chos sku ye shes zang thal la// gzung 'dzin gnas su rang gsal 'dzin pa med// dang po rgyu med rdo rje'i ngang// bar du rkyen med rang byung nyid// tha ma mi 'gyur ye shes ni// 'char nub med pa'i zang thal de// nam mkha'i mtha' bzhin thug pa med// blo yi yul las rab 'das shing// mi 'gyur rdo rje lta bu'i sku// phyi nang mdun rgyab steng 'og med// dag pa zang thal spros dang bral// cha shas bral ba'i ngang nyid de// sku gnyis mi 'gag 'od du gsal// rang la rang snang sku mi 'jig/ mi gnas 'du 'bral yongs kyis med// rdo rje mkha' 'gro'i dgongs pa yin// spros bral dbyings la 'gyur med klong// mi 'gyur khod snyoms g.yu yi maN+Dal nas// yon tan mi 'gag rang rig ye shes las// rtsal dang rol pas 'khor 'das rnam gnyis shar// 'khor 'das kun la khyab 'brel gnyis su med// thams cad de las shar cing de yi ngang du 'dus// bsgom med sangs rgyas bsgom pa ye sangs rgyas// de nyid mi 'gyur ye sangs rgyas pa'i sku// rang rig ye shes 'khor lo lnga yi bdag/ de nyid sangs rgyas bya btsal 'das pa'i sku// rang snang ye shes gzhan snang rtog dang bral// gdod nas rnam dag chos sku zang thal la// bar do skad cig skye 'gag las 'das pas// rim rtsol mi mnga' ye shes zang thal ngang// sbubs dang bral bas de nyid mthar phyin pa'o// gdams ngag don gyi nges don bsdus pa yin// zhes gsungs so// thig le kun 'dus chen po las/gsang ba don gyi snying po bstan pa ste le'u bcu gcig pa'o//// de nas yang ston pas rgyud kyi gdams pa 'di gsungs so// kye ma kye ma 'dus pa'i tshogs// rgyud lung man ngag khog gi snying// kun tu don gyi dgongs pa yin// rdo rje 'dzin pa khyod la gtad// dga' rab rdo rje khyed kyis zung// gzhan la de bzhin dgongs pas chongs// mang du gsum las ma spel cig/ nyung du gcig la ma bsnubs shig/gal te de las mangs sam nyung// mi 'gyur rak+sha karti kas// 'di ru tshe yi 'du byed byed// byang chub myu gu gtan du brlag/ de bas de bzhin dgongs pas chongs// zhes gsungs so// de nas lag na rdo rjes sna drangs nas// phyag byas bskor ba lan bdun du mdzad de/ e ma ho legs so legs so// dpal ldan rdo rje 'chang mgon po// ma byung 'byung bar mi 'gyur ba'i// thig le kun 'dus chen po'i rgyud// 'dir 'dus tshogs la bka' stsal pa// rgyud lung kun gyi snying po'i don// mi 'gyur don gyi dgongs par phyin// blo dang tshig las de yis 'das// rtsol sgrub mtha' las de yis grol// dgongs pa'i don la de yis gnas/ khong don dgongs pas mun pa bsal// rjes 'jug rnams kyang de bzhin pas// rnam mkhyen kun la phyag 'tshal 'dud// thams cad mkhyen la rjes yi rang// zhes bstod do// thig le kun 'dus chen po las/ rgyud yongs su gtad pa dang rjes su yi rang ba ste le'u bcu gnyis pa'o//// thig le kun 'dus chen po zhes bya ba le'u chen po bcu gnyis pa'o// le phran zhe bdun pa'o/

CLOSE WINDOW