CLOSE WINDOW

Gpb005.010
བོད་ཡིག

rgyud 'di'i 'grel ba ni mu tig phreng ba zhes bya ba yod do// sgron ma 'bar ba nyid la ma bu lnga//// rgya gar skad du// mrang glag ka gnyis// rgya gar skad du/ sUr+Ya tsan+d+ra ma hA sam+bu Ta gu h+ya tan+t+ra nA ma// bod skad du/ nyi ma shes rab dang zla ba thabs kha sbyor ba gnyis med chen po gsang ba'i rgyud ces bya ba/ bcom ldan 'das mngon par byang chub pa chen po la phyag 'tshal lo// 'di skad bdag gis bstan pa'i dus gcig na/thun mong ma yin pa'i gleng gzhi/ e ma/ nga ni 'jig rten 'khor ba las bsgral ba'i phyir// skye mngal skyes la sogs bzhi'i gzugs su sprul nas ni// sems thog mar can kun gyi don byas pas// sangs rgyas da lta rnams kyi snang ba thob// skye bar ma dor gnyis par du sangs rgyas pa'i// des pa'i bud+d+ha ba 'bras bu sus 'dod pa// nga yis bstan tshig don pa'i rgyud 'di tshig don nyon// rgyud 'di la ni sus gang goms pa// bsgom pa med par bar ma dor sangs rgyas 'thob// sus kyang bslab pa med par rang bzhin gyis na// bla ma'i man ngag rang snang rtsad rnams chod// de phyir 'di la rtag tu goms par gyis// de skad ces ston pas/mi gnas pa'i rang bzhin gyi gnas chen gzhi bcos pa med pa nas po nas// mi snang ba'i ston pa chen pos mi 'byed pa'i 'khor rang ka ma'i gzugs la sngar gsungs so// gsung da ltar ngo// gsung phyi dus su bar 'gyur ro// 'di skad bdag gis thos pa'i dus gcig thun mong gi gleng gzhi na// gang gis 'byed mkhan kyang ma byas pa'i yongs su bkod pa chen po'i rang snang gi pho brang gnas/ rang bzhin gyis rnam par dag pa kha 'od lnga dog dang gzugs brnyan sku lnga thig le la sogs thams cad dus gcig gsal ba/bkod pa dbyings rgya che la dkyil rigs lnga'i khyad yangs pa/ kha dog ma 'dres 'od lnga yongs su rdzogs pa/ ltem bzhin gzhan med pa pa/ mer bzhin rgya mtsho rlung gis ma bskyod pa lta bu pa/'gul bzhin ye shes kyi rlung gis pa/ 'phrigs bzhin pa/ shes pa'i khyad kyis shin tu mnyam pa chen po na/ mtho dman med pa bcom ston pa ldan 'das mngon par byang chub pa chen po sangs spros bral nyag gcig tu rgyas thams cad kyi lta ba dang/dgongs pa gnas gzhi bzhag mdzad phrin las bzhi'i don sprod mi zad pa rgyan gyi 'khor lo chen po nyid/ rig pa rdo rje lu gu rgyud dang/ ngo bo nyid rig pa khyab gdal chen po'i sku dang/de nyid dbyings la 'dres pa rig pa mngon sum du snang byed kyi sku dang/ ma de nyid kyi rtsal bkod pa'i rang bzhin gyi/ ye me long lta bu sogs shes chen po lnga dang/ chos dngos po thams cad thams cad stong pa nyid dang/ mtshan ma dmigs gtad med pa dang/ mi dmigs pa dang/ dbyings kyi don gcig pa rang gis mtshan nyid bral ba dang/ gang gi ngo bor yang ma grub pa mi gnas pa'i stong pa chos nyid zad pa chen po dang/ mi 'gyur ba rig pa chos sku'i tshul 'dzin pa dang/kun tu gsal ba longs spyod rdzogs pa'i sku'i tshul 'dzin pa dang/ mdzad pa ma lus pa sprul pa sgo lnga sku'i tshul 'dzin pa dang// rnam par 'phrul pa gzhir snang byed pa med pas ci/ yang ma yin pa'i rigs las/ rang snang de bzhin gshegs pa rang gi mtshan nyid 'dzin pa'i rigs kyi lha dang lha mo dang/ rdo rje rigs kyi mtshan nyid 'dzin pa'i thabs lha dang shes rab lha mo dang/ rin po che'i rigs kyi mtshan nyid 'dzin pa'i lha dang lha mo dang/pad+ma'i rigs kyi mtshan nyid 'dzin pa'i lha dang lha mo dang/ las kyi rigs kyi mtshan nyid 'dzin pa'i lha dang lha mo dang/ mi rang bzhin thugs kyi thugs rje las mdzad pa'i mdzad pa chen po las/rnam par snang mdzad mtshan dang dpe byad ldan pa chen po'i sku byang chub chen po mchog gis phyag rgya dang bcas pa dang/ rdo rje mi bskyod pa rdo rje'i rigs las byung ba chen po sku sa gnon phyag rgya dang bcas pa dang/ rin rin po che'i rigs las byung ba chen 'byung ldan chen po'i mchog sbyin sku phyag rgya dang bcas pa dang/snang pad+ma'i rigs las byung ba ba mtha' yas chen po'i sku mnyam gzhag phyag rgya dang bcas pa dang/ don yod las kyi rigs las byung ba grub pa'i sku phyag rgya skyabs sbyin dang bcas pa dang/sems sa'i snying po la sogs pa dpa' chen po rol pa'i lta stangs rnams dang/ sems badzra girti la sogs pa mchod pa'i lha mo rnams/ ma chen mo sgeg mo'i cha lugs rnams dang/ rang khro bo rigs lnga dang badzra he ru ka la sogs pa dang sgo ba yab yum/ byung gi he ru ka chen po lnga dang/ sku'i phung po du ma rnams dang/ nyan thos dang rang sangs rgyas la sogs pa 'jig rten las 'das pa'i theg pa chen po'i yan lag bsam gyis mi khyab pa rnams dang/'dul ba'i sde dang/ nyi khri chig stong mdo sde'i sde dang/ nyi khri stong gcig dang/ mngon po'i sde dang/ nyi khri chig stong// rang bzhin rdzogs pa chen po'i rnam grangs 'bum phrag drug cu rtsa bzhi rnams te/gsung gi chos thams cad phung po bsam gyis mi khyab pa rnams dang/ sems rnam par sbyang ba dang/ gser gyi sgrom bu lta bu'i sems dang/ rnam par gzhil ba dang/ rnam par 'phros pa lta bu'i sems pa dang/ rnam par btul ba dang/bsnyon pa lta bu rnal du rlung gis 'phen pa lta bu'i sems dang/ phab pa dang/ mi de rnams la gnas pa'i rig pa chen po la sogs pa ste/ thugs rnams dang/ nam mkha' la yod med gang du'ang ma grub pas/ dngos por dbang bsgyur ba dang/chu la sreg byed du dbang bsgyur ba dang/ ming du brtags pa ma nges pa/ me la sdud par byed par dbang bsgyur ba dang/ ma nges sa la skyod par byed pa dbang bsgyur ba dang/ ma nges pa rlung la brtan par byed pa dbang bsgyur ba rnams te phrin las rnams dang/ma gzhi smra bsam las 'das pa bzlas par rtags rnams rang byung ba dang/ ma gzhi mtshon pa las 'das pa'i phyir bsgrubs par dngos grub chen po rang byung ba dang/ ma bskur ma btsal bzhag pa'i ye nas yod pa'i don dbang rnams rang thob pa dang/ma rang byung yin pa'i gnad bslab par chos thams cad kyi don rang shes pa dang ma rigs pa rtsol bsgrub dang bral ba/ bsgoms par sangs rgyas nyid rang gis rang thob pa la sogs te/yon tan dpag tu med pa rnams dang/ mi 'byed pa rgyun gyi ting nge 'dzin la thabs cig tu snyoms par zhugs so// de nas zhu ba po mi rtog pa'i thub pa chen po zhes bya bas/ston pa drug pa rdo rje 'chang chen de la// ma chags pa'i rang bzhin gyi mchod pas ni mchod// ma bskul ba'i dbyangs kyis ni ma 'gags pa gdungs/ mi gzung 'dzin gnas pa'i bsam pas ni bzung/ ma bting ba'i stan rang bzhin rnam dag las ni langs/ma byas pa'i bla gos ni rang chas su bzar/ ma bsgrags pa'i 'bad rtsol med glu yis ni bskul/ ma dgongs pa rang la gnas pa'i gleng ba'i tshig ni zhus/ mun pa mngon du/ gsal ba'i dad pa mngon du blangs nas/ 'di skad du rdo rje'i glu'i tshig rnams kyis ston pa la rab tu zhus so// rdo rje'i glu drug 'gyur du blangs pa e ma rdo rje'i glu 'di dpe rgyun thams cad ma gcig pas slar dpe khungs dag rnyed na dpyad dgos/ ke ri ka ri mas ta/ b+ha li b+ha li/ sa mi ta su ru su ru/ kun d+ha li ma su ma su/ e brgyad 'gyur du ka ras su ti b+has ta ye/ tsa ki ra b+hu li ta lce ye/ sa mun ta/ tsar+ya su g+ha yA+e/ b+hi ting la sa na/ b+ha g+hu li ye/ sa ta ri d+hu ka ni/ma ta ri b+he ta na/ pa ra li hi d+hi sa na/ ma khar ta ke la na/ dgu 'gyur saM b+hu ra ta me ka/ tsar daM pa/ sur+ya g+ha ta ra A+e/ ba sha na/ ra na b+hi ti sa g+hu ti pa yA/ g+hu ra g+hu ra pag/ kha ra na laM/ bcu 'gyur na ra na ra/ i tha ra ba tra laM/ sirna sirna/ b+he sa b+he sa/ ras saM laM/ bud+d+ha bud+d+ha/ tshi sha sa g+he laM/ nyis 'gyur sa swa ri rI/ le khe/ i I/ ma mA/ ri rI/ la d+hA A/ A+oM AHhUM/ sma sa ta b+ha sa li/ ma si ta/ su ru su ru/ kun d+hi li ma su/ i ka ri li b+ha ta yA+e/ tsa ka b+hu li ta lca yA+e/ sa mud ta tsar+ya su g+ha ye/ b+hi ti sa na b+ha g+hu yA+e/ ke re d+ha ka ni/ d+ha ka ma ma na so ri/ ta na sa ra/ b+ha li ng+hi/ sa ni kha ra ta ka lan/ saM b+hud ra ta/ e ka tsa ra pa ti/ ta b+ha sur+ya g+ha ta A/ma na sa pa ra b+hi ho// ti g+hu ra la/ ma smin sa/ g+hu ti la/ ta ya ma g+hu ra g+hu ra/ rlang g+ha kha sa ra na laM// na ra na ra laM/ I thA ba ta laM/ i tha ra sa ta maM/ pirna b+he sa ra laM/ sa ke laM/ sa sA/ ri ri/[ u0f72 ]li l I/[ u0f72 ]A A/ ma mA/ ra rA// zhes pa'i rdo rje'i glu yis ni// ston pa'i thugs dkyil rab tu bzung/ bka' stsal pa// mi rtog thub pa chen po nyon// ma bsams bzhag pa'i ngo bo rang rig ni// rdo rje 'chang gi lung chen las// glu 'di la spyad pas dngos grub thob// ye shes rnams kyi gnas lugs las 'dug stangs la// skyes bu rnams kyi gzhi snang dran pa rnyed// phyin ci log mu stegs pa/ tu ma yin te// glu 'di mi phyed rdo rje'i gzungs yin no// gzhi las mi 'gyur rang snang chen po las/ glu la sogs pa// sgra yi phung po rdzogs par bshad// de yang rnal 'byor de dag brten nas nyams skyes pa thabs kyi gtso// grags pa med pa gsang bar bya rdo rje'i glu// sangs rgyas kun gyi yid kyang tshim/ mchod par 'gyur/ rnal 'byor pa yi dgongs pa la phebs pa nyams kyi grogs// mkha' 'gro ma yi yid rnams 'phrogs/ 'dul ba yin// rigs drug blo log nas dad pa skye 'khor ba'i zhen pa bzlog/skal dang ldan pa gzhan rnams dad 'du'i gnas// rang rig sems kyi rgyud kun rang dbang thob// rang rig bde ba'i gsal rnams 'degs/ dran pa slong// shes pa gcig pa'i yul yang byed/ gzhan dbang du ma gyur// yid can rnams kyi skyon rnams sel// lus can rnams kyi nyon mongs pa dang las kyi/ sgrib pa sbyor// dbang dang dam tshig gi skabs su blang bde ba ster// ma rig pa dag gcar la mi skye bar gnon// theg pa rnams kyi ngal gso'i gnas/bde ba thob/ lta dang sgom sems 'gyur ba/ pa 'di dag gi dus mtshams dang bying rgod kyi dus na blang 'brel pa'i tshig snying po rnams kyi 'dul ba'i zhing/ de ltar blangs pas sdig pa byang/ mi bskyod rnam par rig pa'o rang bskyod nas/rang lus/ rdo rje sems dpa'i sku yang 'dzin// de phyir sngon du zhus pa'i rdo rje'i glu blangs pa// thub pa chen po khyod legs so/ legs so byin pa/ zhes ston pa nyid kyis de skad ces gsungs so// de nas thub pa chen pos 'di skad ces gsol to// kye kye ston pa rdo rje 'chang// bdag gis smras pa'i glu tshig 'di// ston pa nyid la mchod phyir brjod/ gzhan du ma yin/ de la yon tan de tsam na// glu la dgos pa ci zhig mchis// yon tan gang tsam yod pa lags// bdag gis 'di dag ma 'tshal na// bcom ldan nyid kyis bdag la gsungs// de nas nyid kyis bka' stsal pa// nyon cig thub pa rtog pa med// rdo rje gsang ba'i glu 'di yi// dgos pa ngan song sgo dgag phyir/ sngon byung/ sangs rgyas nyid kyi mdzad spyod yin// rnal 'byor gang zhig skal ldan pa// dur khrod gnas su rgyu ba'i spyod pa byed pa'i tshe tshe// rdo rje'i glu ni skabs su rang gis yang yang blangs// mi rtog bsam gtan gnas pa'i grogs// spyod pa kun gyi sngon du 'gro// de phyir rdo rje'i glu nyid rang gis blangs// tshogs dang dbang bskur gyi dus su dkyil 'khor 'jug/ de dus glu la brtson par bya// mi rtog rgyud la brten bsgom pa'i dus su// 'di nyid skabs su blang bar bya// glu yi don ni 'di dag go/ mi rtog ye shes bde ba la sna 'dren pas// rdo rje nyid kyi glus 'dis kyang bskul// gang zhig rgod pas bsam gtan ma phebs pa/ glu/ 'dis ni rnal du 'bebs pa yin// gal te rnal 'byor sems bying ba'i dus// 'dis ni gseng na rang mal du ting 'dzin bzang// rang rig bde ba'i rgya yis 'debs/rang lus/ phyag rgya chen po nyid dang sbyor// bla ma'i man ngag lung kun 'dis 'jug/ stong pa nyid kyang rgyud la rang babs su brten// dmigs pa rnams ni rang sar rang dag tu grol// sems kyi dngos po sbyong rig pa nyid pa'o// de phyir rdo rje'i glu len cing// rtag tu rdo rje gar yang bya// glu gar rgyun du rnal 'byor pa sus brten pa// 'di ni rdo rje'i rigs su 'gyur// zhes bcom ldan 'das nyid kyis gsungs so// de nas mi rtog pa'i thub pa chen pos// ston pa rdo rje 'chang chen la 'di skad ces gsol to// kye kye ston pa thugs rje can// gsang ba'i rgyud ni rnam phye ba// sngon byung ston pa byon dus su/ rgyud/ 'di nyid ci ltar bshad pa lags// da ni ma phyis 'ongs sems can la// ci ltar rgyud nyid bshad par bgyi// 'di dag bdag gis ma 'tshal na/ thub pa/ thugs rje chen pos bdag la gsungs// bcom ldan 'das kyis bka' stsal pa// gsang ba chen po'i rgyud rnams ni// phun sum tshogs pa chos ston pa gnas dus 'khor lngar ldan pas// thun mong gi gleng gzhi nyid dang thun mong min/ pa'i/ gleng gzhi rnams kyi sa bon no/e waM mA yA/ rang rig sgrib pa kun 'das pa/ ngo bo/ gnas kyi khyad par nyid thun mongs ma yin pa'i gnas dang ston pa dang 'khor dang dus dang chos so/ du'o// de nyid phyi dang nang khyad las// tsit+ta rin chen gzhal yas gnas phun sum tshogs pa khang// rang rig ye shes sngon byung bas// shes rab rang byung ston pa che/ thun mongs yin pa'i ston pa thun mong ma yin pa'i 'khor/ sku dang ye shes thig le rnams// mi rtog rnam grangs 'khor phun sum tshogs pa 'khor du byung/thun mong ma yin pa'i bstan pa/ gdams pa nyams len bstan pa'i tshul// de nyid gom pa thun mong ma yin pa'i dus phun sum tshogs pa dus kyang yin// de ltar gnas pa'i rgyud de la/ phyi ltar nang ltar gsang ba ltar gsang ba bla na med pa yongs su rdzogs pa dang/bshad pa'i yan lag bzhi dag las// khyad par du ni 'di nang ltar bshad// rtsa ba'i don gyis mtshan ngos bzung/ dang sbyar ba/ yo ga'i don gyis 'jug sgo phyogs dang sbyar bstan// dgos ched don gyis rang sar bzhag 'bad rtsol med pa'o// tshig gi don gyis dkyus gzhung nyid sprad// sangs rgyas dang sems can gyi lo rgyus don gyis yid rnams tshim// mi rtog thub pas yang gsol pa/ de ltar sngar nas/ma bshad skyon ni ci lta bu// gtso bo nyid ston pas/ kyis bdag la gsungs// thub pa nyid ni yang nyon cig/ lo rgyus don gyis ma bshad na// gsang chen nges pa'i bka' rgyud 'di la// yid mi ches pa'i skyon du 'gyur// rtsa ba'i don gyis ma bshad na// chos rnams rig ngo bo gcig tu par ma 'dus pas// mtha' yas pa yi skyon du 'gyur// yo ga don gyis ma bshad na// theg pa che chung la sogs pa'i ru shan mi 'byed pas// che chung rim par don med 'gyur// dgos ched don gyis ma bshad na/ rdzogs chen 'bad rtsol med pa la// don med pa yi skyon du 'gyur// tshig gi don nyid ma bshad na/ rgyud rnams rim par gsal ba'i tshig/thad ka'i 'bru mi choms pa'i skyon du 'gyur// de ltar sngar gsungs pa'i skyon rnams spangs pas ni// yon tan thams cad rdzogs par 'gyur// yon tan rdzogs pa'i rgyud chen 'di// sangs rgyas kun gyis gsang chen pas/bshad lugs/ 'di la sus goms mkhas pa yin// ci ltar rang gi nyams myong rig pa'i rnal 'byor pas// rgyud kyi don re re'i nang nas man ngag rnams khong du chud// gdams yul phyis 'byung ba'i gang zag rnams la bstan// dbang po yis ni blo la nges phye nas// dmigs pa'i don du sus 'dris pa/ shing goms/ 'dis tshig don rnams ni rgyud rnams dum bur 'gyur// 'di ltar bshad na don rnams 'byung// gsang ba bla na med pa 'di kun snying po yang nas yang bsdus pa// 'bras bu nges khyad par du pa'i rgyud du'o// thub pa yis ni yang gsol pa// kye ma sangs rgyas bcom ldan 'das// rgyud kyi rgyal po 'di dag ni// bshad pa'i rim pa de ltar na// gang zag gis bsgoms na ci ltar bsgom pa lags// 'on te ma bsgoms grol ba lags// bzung ba'i yon tan ci lta bu// 'di dag bdag gis ma 'tshal to// yang dag rdzogs pas yang gsungs pa// mi rtog thub pa chen po nyon// gsang ba bla na med pa'i rgyud kyi yan lag yang nas yang bsdus pa'i// rgyud kun gyi ni rim pa la/ blo rim gyis/ la lar bsgom pa nyid du ste/ rgyud/ 'dir ni bsgom pa ma yin no// gong du goms pa'i shugs kyis ni// skye gnyis mtshams su bar dor bde ba rnyed// yang na dbang po'i bye brag gis// rab ni bar do med skye gnyis mi dgos te// 'bring la chos nyid bar do skye gnyis mtshams su'o// tha ma rnams ni rang bzhin sprul sku'i zhing du dbugs dbyungs ste// sprul pa pos ni rang rgyud grol// des na skye gnyis bar do med par yang// thog ma'i grol sa gang yin par/ ka dag las/ rnal 'byor ldan pa de nyid do// nga yi rgyud 'di sus bzung ba/ 'di yon tan/ 'jig rten phan pa'i 'dir 'bras bu dang// nges par bar dor snang ba'i sa thob ste// sku gsum 'bras bu ka dag la yang longs spyod do// rgyud 'di nyid bcangs pa tsam gyis ni// ma bsgoms 'bad rtsol med par bsam gtan 'bab pa dang// ma bslabs chos rnams rang bzhin gyis shes pa dang// ma bstan man ngag nyid skad gcig la goms dang/ bla mas/ ma bshad rgyud rnams rang shes dang// ma bskyed yi dam mthong bas lha yang mngon du snang// de yi phyir na rgyud 'di brten// rnal 'byor gang zhig skal ba dang ldan pa che bas// 'di nyid bcangs pas dngos grub thob// sangs rgyas dang mnyam mdzad spyod dang du longs// ngan song gnas rnams dong sprugs te// bde ba chen po'i mi g.yo ba'i lam du 'dzud// rang snang rang gis goms pa'i gdeng thob nas// dbyings su 'phyo ba'i rig dang 'dul 'bral med pa 'jigs med rnyed// gsang ba gsang mchog bla na med/ chos 'di rnams/ nges pa'i snying po yang gsang 'di// su la snang bar gyur pa de// dus gsum bzhugs pa'i sangs rgyas kyi dbang yang thob// rang rgyud la mi brjed 'bral med gzungs 'thob bo// zhes nyi zla kha sbyor gsang ba'i rgyud chen po las/ rgyud 'byung bar byed pa'i gleng gzhi bshad thabs dang bcas pa'i le'u ste dang po//// 'gam ma:/ de nas chos thams cad rmi lam dang sgyu ma lta bu'i don ci ltar gnas pa rang bzhin gnas pa'i bar do bstan brdas bskul te/ snang ba thams cad gtan la dbab pa 'di dag bka' stsal pa/khams rnams dang ni phung po dang// skye mched rnams dang dbang po dang// yul dang yul can shes pa rnams// ci ltar gnas pa gtan la dbab// 'di dag shes pa'i rnal 'byor pas// snang ba thams cad dbang bsgyur thob// de rnams yul rnams sus 'dzin pa// rnal 'byor ldan pa nyid kyis ni// ci ltar khams la sogs pa 'di dag shes par bya// mi rtog thub pas yang gsol pa// kye bcom ldan 'das kyis sngar gsungs pa'i/khams lnga rnams ni gang lags/ phung po zhes ni ci la bgyi/ dbang po rnams ni gang lags/ skye mched zhes pa ni ci/ yul rnams ni gang lags/ yul can zhes bgyi ba ni ci lags/ 'di dag rnams la bdag ni the tshom gyur// yid gnyis su gyur lags pas/ 'di dag gi don bdag gis ma 'tshal lags na/ bcom ldan 'das kyis bstan du gsol// de nas bcom ldan 'das kyis bka' stsal pa/kye thub pa chen po khyod nyon cig/ de dag gi don ngas bstan gyis/ khams ni gnyis te phyi yul gyis bsdus pa'i khams dang/ nang sems kyis bsdus pa'i khams gnyis yin no// mi rtog thub pas yang gsol pa// kye kye bcom ldan 'das phyi yul gyis bsdus pa'i khams gang lags/ nang sems kyi bsdus pa'i khams su gang rnams 'gro ba gang lags/ bdag la de rnams kyi don gsungs shig/ yang bka' stsal pa/thub pa chen po khyod nyon cig/ phyi yul gyi bsdus pa'i khams ni/ sa'i khams kyis lus kyi gzhi skyed par byed pas na khams so// chu'i khams kyis ming du 'dzin pa thams cad sdud pas na khams so// me yi khams kyis yul rnams smin par byed pas na khams so// rlung gi khams kyis g.yo ba'i 'jig rten thams cad brten pas na khams so// nam mkha'i khams kyis dbang po rnams 'dzin par byed pas na khams so// nang sems kyis bsdus pa'i khams la gnyis te/ sems sdud par byed pa'i snod kyi khams dang/ sems nyid las byung ba'i khams nyid do// snod kyi khams ni sems dran pa gzhi che ba las byung ba'i gzugs kyi khams dang/dran pa las byung ba'i gzugs med pa'i khams dang/ dran pa gud du 'dzin pa las byung ba'i 'dod pa'i khams so// sems nyid las byung ba'i khams ni/ shes pa rang gsal gyi cha las byung ba'i mig gi khams dang/shes pa rtse gcig pa las byung ba'i rna ba'i khams dang/ shes pa mtha' yas pa las byung ba'i sna'i khams dang/ shes pa rnams gcig tu 'dus pa las byung ba'i lce'i khams dang/shes pa kun tu 'jug pa las byung ba'i yid kyi khams dang/ shes pa rnams kyi rten byed pa las byung ba'i lus kyi khams dang/ ming dang kha dog 'dzin pas na mig gi rnam par shes pa'i khams dang/ grub pa'i las 'dzin par byed pa'i rna ba'i rnam par shes pa'i khams dang/gzhan rjes su 'dzin par byed pa'i sna'i rnam par shes pa'i khams dang/ dngos po nyams su myong bar byed pa lce'i rnam par shes pa'i khams dang/dngos po dang dngos po med pa thams cad la khyab par byed pa'i yid kyi rnam par shes pa'i khams dang/ thams cad kyi don sdud par byed pas na lus kyi rnam par shes pa'i khams dang/ dngos po rnams la log par rtog pa 'dzin cing yul bsgrub pas na mig gi 'dus te reg pa'i khams dang/snang ba'i yid 'dzin cing 'phro ba sgrub par byed pas na rna ba'i 'dus te reg pa'i khams dang// thob yas pa'i yang byung pa'i shes pa rnams dus gcig tu sdud cing gzhan gyi yid 'phrog par byed pas na/sna yi 'dus te reg pa'i khams dang/ gang gi dngos po rnams rjes su 'dzin cing nye bar len pas na/ lce'i 'dus te reg pa'i khams dang/dran pa thams cad gcig tu sdud cing yul kun la 'jug pas na/ yid kyi 'dus te reg pa'i khams dang/ rags pa du ma rnams 'dzin cing 'byung ba rnams 'dus pas na/ lus kyi 'dus te reg pa'i khams so// de'i phyir na khams de dag rnams kyang yul 'dzin par byed pa yin no// de yang 'khrul pa nyid nang du 'dzin par byed pa'i cha las byung ba'o// phung po rnams ni 'di lta ste/ rtog pas sbag pa'i phung po dang/rtog pa rnams rang bzhin gyis med pa'i phung po'o// mi rtog thub pas yang gsol pa/ kye bcom ldan 'das/ rtog pas sbag pa zhes bya ba'i phung po ni gang lags/ rtog pa med pa'i phung po ni gang lags/ ston pa nyid kyis bdag la gsungs shig/ de nas nyid kyis yang bka' stsal pa/ kye thub pa chen po rtog pa sbag pa'i phung po 'di lta ste/ dngos po thams cad gcig tu 'dus te rgyu 'bras las grub pas na gzugs kyi phung po dang/shes pa thams cad bdag tu 'dus pas ni rnam par shes pa'i phung po dang/ nyams su dran pa nyid myong ba thams cad gcig tu 'dug pas na tshor ba'i phung po dang/ mig la sogs pa'i dbang po rnams kyi 'dzin pa gcig tu 'dus pas na 'du shes kyi phung po dang/phra ba'i nyon mongs pa rnams 'dus pas na 'gro ba dang 'chag pa la sogs pa 'du byed kyi phung po'o// mi rtog pa'i phung po 'di dag ni rig pa'i rtsal 'byung ba'o/ni 'di lta ste/ bsam gtan thams cad 'dus pas ting nge 'dzin gyi phung po dang/ rig pa nyid zag pa zad pa'i phyir rnams par grol ba'i ye shes kyi phung po dang/ de nyid kyi don skye med du snang bas shes rab gyi phung po dang/dri ma rnams mngon du dag pa'i phyir tshul khrims kyi phung po dang/ rnam par rtog pa thams cad las 'das pa'i phyir rnam par grol ba'i ye shes mthong ba'i phung po'o// dbang po la gnyis te/gzugs kyi cha las byung ba'i dbang po dang/ shes rab kyi cha las byung ba'i dbang po'o// mi rtog thub pas gsol pa/ kye kye bcom ldan 'das gzugs kyi cha las byung ba'i dbang po rnams gang lags/ shes rab kyi cha las nang gi byung ba'i dbang po'i cha ni gang lags/ bcom ldan 'das kyis bdag la gsung du gsol/ bcom ldan 'das kyis bka' stsal pa/ kye mi rtog pa'i thub pa chen po khyod nyon cig/gzugs kyi cha las byung 'di dag ni dbang po cha las byung ba/ ba'i dbang po ni drug ste/ rags pa rtsa ba'i cha 'dzin pa mig gi dbang po dang/ bskyod pa rlung gi cha 'dzin pa rna ba'i dbang po dang/ sdud pa chu'i cha 'dzin pa sna'i dbang po dang/smin pa me'i cha 'dzin pa lce'i dbang po dang/ khyab pa nam mkha'i cha 'dzin pa yid kyi dbang po dang/ 'dus pa sna tshogs pa'i cha 'dzin pa lus kyi dbang po'o// shes rab kyi cha las byung nang rig pa'i cha las byung ba'i ba'i dbang po ni drug ste/sems rnam par gdung ba dad pa'i dbang po dang/ sems rnam par rno ba'i cha las byung ba'i shes rab kyi rtsal ba brtson 'grus kyi dbang po dang/ bar ma chod par tshig don bsam gtan gyi ting nge 'dzin 'dzin pa dran pa'i dbang po dang/chos nyid stong pa nyid mngon song ba nye bar rig pa dang len pa'i dbang po dang/ lta ba'i don nye don shes pa bar len pa shes rab kyi dbang po dang/mi rtog pa'i don skye bar byed pa'i sems rnam par zhi ba'i dbang rang dag tu po'o// skye mched la gnyis te/ gzung ba'i skye mched nang gis dang/ 'dzin pa'i phyi'i skye mched do// mi rtog thub pas yang gsol pa/kye kye bcom ldan 'das/ bzung ba'i skye mched ni gang lags/ 'dzin pa'i skye mched ni gang lags/ 'di dag rnams bdag gis ma 'tshal na/ bcom ldan 'das kyis bdag la gsung du gsol/ de [(]9[)] nas ston pas bka' stsal pa/thub pa chen po legs par nyon/ gzugs la 'du shes su sems pa dang/ sgra la 'du shes su sems pa dang/ dri la 'du shes su sems pa dang// ro la 'du shes su sems pa dang/chos la 'du shes su sems pa dang/ reg la 'du shes su sems pa dang/ mig gis gzung ba'i cha dang/ rna bas gzung ba'i cha dang/ snas gzung ba'i cha dang/ lces gzung ba'i cha dang/ yid kyis gzung ba'i cha dang/lus kyis gzung ba'i cha ste bcu gnyis so// 'dzin pa'i skye mched bcu gnyis te/ grangs ming rnams dang/ phung po gzugs dang// dkar dmar la sogs pa kha dog rnams dang/ dbyibs rnams dang/tshig gi tshogs 'dzin pa rnams dang/ tha snyad kyi tshogs du ma rnams dang/ brda'i tshogs snang dang mi snang ba rnams dang/ rten cing 'brel bar 'byung ba rnams dang/ bdag dang rtag pa dang chad pa'i bdag ma yin nyan thos pa rnams dang/thams cad la 'du shes su rang sangs rgyas sems pa dang/ nye bar len phung po dang mtshungs pa'i rgyu dang/ rkyen rnams dang/ 'byung ba rnams su 'du shes pa'o// yul ni gnyis te/ dngos po'i yul dang/stong nyid kyi yul lo// mi rtog thub pas yang gsol pa/ kye kye bcom ldan 'das/ dngos po'i yul gang lags/ stong pa'i yul rnams gang lags/ bdag la gsung du gsol// de nas bcom ldan 'das kyis gsungs pa/kye mi rtog thub pa yang nyon cig/ dngos po'i yul ni 'di dag go/ gzugs yul drug tu dang sgra dang dri dang ro dang chos dang reg tu snang ba dang/ 'byung ba chen po thams cad gcig tu bzhir snang ba dang/'jug pa'i rkyen tha de dag la dad du snang ba rnams so// stong pa'i yul ni stong pa nyid thams cad dang/ mthar yod med rtag chad 'dzin pa'i shes pa thams cad dang bral ba'o// yul ma yin pa ni gnyis te/mtha' las 'das pa rnams dang/ lta ba las yod med 'das pa'o// mi rtog thub pas yang gsol pa/ kye kye bcom ldan 'das mtha' las 'das pa zhes bgyi ba ni gang lags/ blta ba las 'das pa'i yul ma yin pa zhes bya ba ni gang lags/bdag la gsung du gsol/ de nas yang ston pas bka' stsal pa/ kye kye mi rtog thub pa chen po khyod nyon cig/ mtha' las 'das pa zhes bya ba ni/ dngos po la bdag tu mi 'dzin pa'o// yang gsol pa/ dngos po bdag tu mi 'dzin de gang lags/ bka' stsal pa/ chos thams cad 'dus ma byas pa'o// yang gsol pa// chos thams cad 'dus ma byas pa zhes bgyi ba de rang gang lags/bka' stsal pa/ de ni chos thams cad nyag gcig tu 'du shes par zhes bya'o// yang gsol pa/ gcig tu 'du shes pa de gang lags/ bka' stsal pa/ de ni byung tshor rnams kyi sgo 'gag pa'o// yang gsol pa/ byung tshor gyi sgo 'gag pa de gang lags/ de ni rang bzhin gyis 'od gsal ba'o// yang gsol pa// rang bzhin gyis 'od gsal ba de gang lags/ bka' stsal pa/ de ni yul thams cad rnam par dag pa'o// yang gsol pa/ yul thams cad rnam par dag pa zhes bgyi ba de gang lags/ bka' stsal pa/ de ni chos thams cad kyi zad pa'i mtshan nyid shes pa'o// yang gsol pa/ kye kye bcom ldan 'das de lta bas na/lta ba las 'das pa de gang lags/ bka' stsal pa/ lta ba las 'das pa ni brjod du med pa zhes bya'o// yang gsol pa/ de nyid gang lags/ bka' stsal pa/ de ni rkyen thams cad las 'das pa'o// yang gsol pa/ rkyen thams cad las grol ba de nyid gang lags/ bka' stsal pa/ de ni mtha' gang du yang mi 'byed pa'o// yang gsol pa/ mtha' gang du yang mi 'byed pa de gang lags/bka' stsal pa/ de ni rtsis gdab thams cad las 'das pa nyid do// bya byed 'bad rtsol las 'das pa nyid do// phyogs ris thams cad las 'das te lhun gyis rdzogs pa nyid do// de nas yang mi rtog thub pas 'di skad ces gsol to// kye kye bcom ldan 'das de lta bas na/ nyon mongs pa zhes bgyi ba rnams ni gang lags/ de dag rnams kyi don ma rtogs pa ni gang lags// log par rtogs pa rnams ni ci ltar lags/phyogs rtogs pa ni gang lags/ 'di dag rnams ni bdag gis ma 'tshal na/ bcom ldan 'das kyis gsung dang/ ston pas bka' stsal pa/ e ma ho// mi rtog pa'i thub pa chen po khyod nyon cig/nyon mongs pa ni drug ste/ ma rig pa zhes bya ba ni/ gzhi'i 'khrul rtog gi cha 'dzin pa'o// gti mug ni shes rab kyi cha las 'khrul pa'o// zhe sdang ni bskyed pa'i rim pa'i cha las 'khrul pa'o// nga rgyal ni lta ba'i cha las 'khrul pa'o// 'dod chags ni snang ba'i cha las 'khrul pa'o// phrag dog ni mi rtog pa'i cha las 'khrul pa'o// de dag la sogs te nyon mongs pa ni/ bsam pa 'dzin pa'i sems dang/ dran pa rnams 'dzin pa'i yid dang/mtshams sbyor ba'i bag chags dang/ the tshom thams cad kyi gzhir gyur pa'i rtog pa dang/ yul dang dngos por 'dzin pa'i cha la sogs te dpag tu med do// de rnams kyi don ma rtogs pa ni/so so'i skye bo nas a nu man chad do// log par rtogs pa ni mu stegs can rnams te/ mthar 'dzin pa'i yod med rtag chad kyi mthar 'dzin pa ste bdag rtog rtag pa dang chad pa blta ba dang/ bdag tu 'dzin pa'i blta ba thams cad dang/mdor nyan thos dang a ti kha cig man chad na yid dpyod du 'dzin pa'i lta ba rnams dang/ rtag chad du 'dzin pa'i lta ba rnams dang/ 'du shes can du 'dzin pa'i lta ba la sogs pa rnams so// phyogs rtogs pa ni nyan thos dang sangs rgyas la sogs te theg pa rim pa dgu'o// mi rtog thub pas yang gsol pa/ kye kye rdo rje 'chang chen po// ston pa nyid kyis gong du bstan pa de rnams spang lags sam/sbyang lags sam/ sgyur ba lags sam/ rang zhir btang ba lags sam/ de dag re re la yang gnyen po re res 'dul ba lags sam/ rang lugs su 'jog pa lags sam/ de nyid rang chos nyid lags sam/de dag rnams rang gis rang grol ba lags sam/ 'di dag rnams kyi don bdag gis ma 'tshal lags so// ston pa thugs rje chen po nyid kyis gsung bar zhu/ de nas rdo rje 'chang gis bka' stsal pa/kye ma nyon cig thub pa chen po khyod// ngas bstan pa yi tshig rnams ni// sems can kun gyi rgyud la gnas/ nyon mongs pa'i tshogs de kun/ de rnams kyis ni 'khor bar bcings// bde ba chen po nyid bsgribs pas// 'di dag rnams ni spang ba min// de bzhin nyid du ma rtogs na// rnal 'byor lus dang grib ma bzhin/ lhan cig skyes pa'i ma rig pa dang rig pa gnyis/ de las de nyid rang byung bas// spangs pas spang ba ma yin no// de bzhin gzhi de sbyangs pas kyang ni min// bsgyur bas kyang ni mi 'gyur ro// 'gyur med snying po rig pa ma rtogs pas// shel sbyang du mi btub gyi brag gam g.yu rdo bzhin// sbyang zhing zhi bar nus pa min// rang bzhin gyis ni gnas dag tu// rnal 'byor ldan pa yis ni brtags// de bzhin rang bzhin gyis min te zhi ba nyid kyang min// mngon sum lhag rig pa mthong ma shes par// ri rab ri yi rgyal po bsgyur zhing zhi bar mi nus bzhin// sus kyang gzhig par byas shing rtsol bas nus pa min// gnyen po de dag rkyen las 'das pa ma shes na yis ni grol ba min// ma btsal rang dag ma shes par// rnyog ma sangs 'dod chu rnyog snang cher 'gro bas bzhin// phyir phyir sangs pa ma yin no// de nyid rang yang nyon mongs pa chos nyid min// rang snang rig pa rang dngas su lhug pa ma shes par// tha mal blun po'i snang ba grub mthas ma bsgyur ba bzhin// mngon zhen snang ba'i zlog pa ma yin no// kye ma thub pa yang nyon cig/ 'di dag blo rim rnam gnyis te// 'bad bcas rnams nyon mongs pa de dang 'bad med do// 'bad bcas rnams ni rang sar bzhag/snang ba goms pa'i tshad rnams kyis// ye shes dag pa'i snang ba nyid// phyi nang kun la rang shar tshe// rkyen des skye ba ma yin no// ci nyon mongs pa de srid de dag skyes gyur kyang// rang bzhag rang sangs de rang nyid du grol// de phyir rnal 'byor snang ba'o// 'bad med rnams ni 'di lta ste// rang gis gnyen po med pas rang grol rang nyid la// rang ga ma rig pa nyid ma rig pa mar ni rang grol bas// lcags kyi rang gis gnyen po rang lcags rnams gshog pa dang// rdo yis rdo rnams gcog pa bzhin// rang gi gnyen por rang nyid che// rang bzhin rdzogs chen rtogs pa che// 'di ltar goms pa gang yin pas// ma btsal bzhag pas rang snang don rnams rnyed// ma bsgoms par ni bde chen rang bzhin rgyas// rang bzhin dbyings rig nyid du mngon sum rig/ 'di nyid su dang 'phrad pa de// mtshams sngar gyis bag chags kyis mi bsgrib par med sdig dang ldan pa yang/kun rdzob du blangs pas/ 'di nyid goms pas grol ba ni// the tshom nyid 'di goms byung thabs rang bzhin du med na ra kan// de nas yang mi rtog pa'i thub pa chen pos/ bcom ldan 'das la rab tu mchod cing bstod nas/'di skad ces gsol to// kye kye bcom ldan rdo rje 'chang chen po lags/ de dag ni rang bzhin gyi bar do la nyon mongs pa rnams kyis bsdus pa'i rgyu lags na/ de kun 'khor ba'i rgyu 'ba' zhig lags pas rang bzhin gyi bar ma do 'di la/mya ngan las 'das pa'i rgyu gnas pa lags sam/ 'on te gong du gsungs pa de dag dang rgyu gcig pa lags sam/ yang na gtan med pa lags/'di la the tshom mchis na bdag gi the tshom bsal du gsol// zhes zhus so// ston pas bka' stsal pa/ kye/ thub pa chen po khyod nyon cig/ rang bzhin gnas pa'i bar do'i sems can lus kyis bsdus pa thams cad la mya ngan las 'das pa'i rgyu ni dus gsum na bzhugs pa'i sangs rgyas thams cad dang/khyad par med par gnas pa yin no// de yang sku rnams kyi bdag nyid dang/ ye shes dang/ 'od dang/thig le dang/ rig pa rang gi ngo bor gnas pa yin no// de nas mi rtog pa'i thub pas yang gsol pa/ kye kye bcom ldan rdo rje 'chang chen po lags/ sku rnams kyi bdag nyid ni gang lags/ ye shes ni ci lta bu lags/'od ni gang lags// thig le ni ci lta bu zhig mchis/ rig pa zhes bgyi ba ni ci lags/ 'di kun bdag gis ma 'tshal na/ bcom ldan 'das kyis bdag la gsung bar zhu 'tshal/ zhes zhus so// de nas yang ston pas bka' stsal pa/kye mi rtog pa'i thub pa chen po khyod nyon cig/ sku ni gnyis te/ rig pa yul snang gi sku dang/ dngas ma rnams 'dus pa'i sku'o// yang gsol pa/ kye ston pa drug pa rdo rje 'chang chen po lags/rig pa yul snang gi sku gang lags/ dngas ma rnams 'dus pa'i sku ci lags/ 'di dag bdag la bstan du gsol/ yang bka' stsal pa/ kye/ thub pa chen po khyod nyon cig/ rig pa yul la snang ba'i sku ni/dbang po rnams rnam par dag pa'i sgo la lhug par sku chen po dang/ 'byung ba rnams rang dengs phung po rnams rnam par dag pa'i sku chen po dang/ khams dang/ skye mched dang/ ma rig pa rang grol/ yul dang/ yul can dang nyon mongs pa rnams rnam par dag pa'i sku chen po'o// dngas ma 'dus pa'i sku ni 'di lta ste/ rang gi mtshan nyid 'dzin pa'i sku dang/ ye ci bzhin pa'i sku'o// yang gsol pa/ kye bcom ldan 'das rang gi mtshan nyid 'dzin pa'i sku ni gang lags/ye ci bzhin pa'i sku ni ci ltar lags/ bdag la gsung du gsol/ de nas yang bka' stsal pa/ kye thub pa chen po khyod nyon cig/ rang gi mtshan nyid 'dzin pa'i sku ni 'di lta ste/rnam par mi 'byed pa'i rol pa chen po'i sku dang/ thugs rje'i go ma 'gags pa dam pa spyi phud chen po'i sku dang/ chos nyid ka dag rigs rigs lnga rjes su 'dzin pa la sogs pa rjes su 'dzin pa'i sku'o/ye ci bzhin pa'i sku ni 'di lta ste// ye gnas dang po'i sku ka dag chen po dang dang// ye thog ma rang rig pa'i cha'o/ mi 'gyur ba'i sku dang/ 'bras bu sku gsum gyi rtsal du rang rdzogs pa'i sku'o// yang gsol pa/ kye kye bcom ldan 'das/ 'bras bu rang rdzogs pa'i zhes bgyi ba'i sku ni ci lta bu lags/ 'di dag rnams phye la gsungs shig/ de nas yang bka' stsal pa/ kye thub pa chen po nyon cig/ 'bras bu rang rdzogs pa'i sku zhes bya ba ni gsum ste/chos kyi sku spros pa med pa chen po dang/ longs spyod rdzogs pa'i sku 'dzin pa med pa chen po dang/ sprul pa'i sku bdag med pa chen po'o// yang gsol pa/ kye ston pa chen po chos kyi sku spros pa med pa ni gang lags/longs spyod rdzogs pa'i sku ni gang lags/ sprul pa'i sku zhes gang lags/ bka' stsal pa/ kye thub pa chen po nyon cig/ chos kyi sku ni gsum ste/ mi 'gyur rang dag ngo bo'i sku rig pa ka dag dang/khyab gdal 'od snang ka dag chen po'i rang bzhin gyi sku dang/ kun tu ma 'gags pa mdzad spyod ka dag thugs rje'i sku'o// longs spyod rdzogs pa'i sku ni gsum ste/ sna tshogs rang grol lhun grub kyi sku dang/mtshan nyid 'dzin pa rnam snang la sogs rigs lnga'i sku dang/ rang dbyings rig pa gsal ma 'dres pa yongs su rdzogs pa'i sku'o// sprul pa'i sku ni gsum ste/ ma dag sems can la yod pa sprul pa'i sku dang/ 'gro ba 'dul thub pa drug la sogs pa pa'i sprul pa'i sku dang/ rang bzhin sprul pa'i sku'o// ye shes ni gnyis te/ gzhi gnas kyi ye shes dang/ rang gi mtshan nyid 'dzin pa'i ye shes so// yang gsol pa/ kye kye bcom ldan 'das gzhi gnas kyi ye shes la du zhig mchis/mtshan nyid 'dzin pa ni du lags/ de nas yang bka' stsal pa/ thub pa chen po khyod nyon cig/ gzhi gnas kyi ye shes ni gsum ste/ ngo bo ka dag gi ye shes mi 'gyur bas dang/rang bzhin lhun grub kyi ye shes ma nges pa dang/ thugs rje shar bas rang snang gi ye shes so// mtshan nyid 'dzin pa'i ye shes ni lnga ste/ chos kyi dbyings kyi ye shes dang/ me long lta bu'i ye shes dang/mnyam pa nyid kyi ye shes dang/ so sor rtog pa'i ye shes dang/ bya ba grub pa'i ye shes so// 'od ni gnyis te/ rang gsal kha dog 'dzin pa'i 'od dang/ mi gnas pa'i ye shes rang sar dag pa kha dog las 'das pa'i 'od do// yang gsol pa/ rang gsal snang ba kha dog 'dzin pa'i 'od ni gang lags/ mi gnas pa'i ye shes rang sar dag pa kha dog las 'das pa'i 'od ni gang lags/ bka' stsal pa/rang snang gsal ba'i kha dog 'dzin pa'i 'od ni lnga ste/ dkar po dang/ ser po dang/ dmar po dang/ ljang gu dang/ mthing ga'o// mi gnas pa'i ye shes rang sar dag pa kha dog las 'das pa'i 'od ni/ dri ma med chos nyid snang ba'i dus pa'i dkar po rang sar dag ste snang ba gang du yang mi 'byed/ma btsal bzhag pa'i ser po rang sar dag ste yul du mar mi snang/ chags pa med pa'i dmar po rang sar dag ste shes pa 'di zhes bya ba ni mi snang/bya btsal bral ba'i ljang gu rang sar dag ste bya byed thams cad las 'das/ mi 'gyur yangs pa'i mthing ga rang sar dag ste shes pa ci'i ngo bor yang ma grub par gnas so// thig le ni gsum ste/gzhi 'dzin pa'i thig le dang/ snang ba lam gyi thig le dang/ 'bras bu rang smin pa'i thig le'o// yang gsol pa/ gzhi 'dzin pa'i thig le ni gang lags/ snang ba lam gyi thig le ni gang lags/ 'bras bu rang smin pa'i thig le ni gang lags/ 'di rnams bdag la gsung bar zhu/ yang bka' stsal pa/ gzhi 'dzin pa'i thig le ni gnyis te/ rang bzhin kha dog 'dus pa'i 'od kyi thig le dang/ ma bcos pa kun tu bzang po'i thig le'o// snang ba lam gyi thig le ni gnyis te/ kun rdzob rgyu'i pha'i thig le dang/ gnas pa don dam gyi thig chos nyid le'o// yang gsol pa/ kun rdzob rgyu'i thig le gang lags/ gnas pa don dam gyi thig le gang lags/bdag la bstan du gsol/ yang bka' stsal pa/ kun rdzob rgyu'i thig le ni/ lus can mo rnams kyi g.yas rtsa/ pho rnams kyi g.yon rtsa/ kun gyi rtsa'i nang na gnas te/ pha'i rgyu dang ma'i khu ba dang dngas ma las rus pa khrag gi dngas ma las sha rkyen du snang ba'o// de yang 'byung ba'i dngas ma 'dus pa las/ ma'i thig le dmar po byung/ byang chub kyi sems thams cad kyi snyigs ma 'dus pa las/ pha'i thig le dkar po byung ngo// de'i phyir na 'byung ba 'dus pa las gzugs su smin/ byang chub kyi sems 'dus pa las dran bsam dang/ byung tshor dang/ rig pa byung ngo// de yang rdzus skyes dang/ sgong skyes dang/ drod skyes rnams la yang/'byung ba 'dus pa'i sa bon dang/ byang chub sems 'dus pa'i sa bon gnyis rang chas su 'dzom pa las skye ba nyid len pa'o// de ltar lus can thams cad la lus sdud par byed pa'i thig le dkar dmar gnyis ni rang chas su gnas pa'o// de yang skyes pa rnams kyi 'byung ba'i sa bon ni/ 'byung ba'i rang rgyas 'thums nas mngon du mi snang/ bud med rnams la byang chub kyis sa bon dkar po ni gzhi mi 'gyur bas mngon du mi 'byung/de'i phyir du bud med rnams kyis bde ba bsgom du mi rung gis/ thig le dang rlung nyid bsgoms kyang bud med kyis mi 'byongs pa'i phyir ro/ mi grol ba'i phyir ro// de ltar ci srid 'tsho ba'i bar du sa bon gnyis kyis phung po'i rten byed pas skyes bu rnams kyi tshe'i dus byed pa yang 'di gnyis kyis byed 'di gnyis 'pho nas 'chi ba yin ste/'byung ba rang rang gi dgras ni glo bur nang mi mthun pa'i tsha grang la sogs du 'du byed do// 'byung ba khad kyis stobs zad pa rnams ni/ 'di gnyis kyis gnas nas 'phos par byed pa yin no/ dkar dmar gnyis gnas pa don dam gyi thig le ni gnyis te/ rang gnas rgyu'i thig le dang/ skyes bu goms pa las byung ba'o// rang gnas rgyu'i thig le ni/ lus can rnams kyi snying na 'od kyi dngas ma 'dus pa'i thig le tshon dbyings sna lnga'i gru gu bsdogs pa lta bu 'am/ nya'i mig tshad lta bu 'am/ khra tshang na nyal ba'i mig lta bu 'am/mkha' 'gro ma yid 'gyur ma'i tshon sna lnga dngas pa mig lta bur skabs su rtsa rnams kyi nang nas rgyu ye shes kyi rlung gis zhing gnas so// skyes bu goms nyams su myong ba las pa las byung ba ni/dang po 'od kyi snam bur snang ba dang/ gnyis pa 'od kyi zer sna tshogs su thag tu gnas pa dang/ gsum pa thig le lu gu rgyud du 'brel ba mu khyud du 'char ro// 'bras bu rang smin pa'i thig le ni gsum ste/ 'od rnams smin pa'i thig le dang/ ye shes smin pa'i thig le dang/ rig pa smin pa'i thig le'o// yang gsol pa/ 'od rnams 'dus shing smin pa'i thig le gang lags/ ye shes smin pa'i thig le gang lags/ rig pa smin pa'i thig le gang lags/ bdag la gsung dang/ yang bka' stsal pa/ kye thub pa chen po khyod nyon cig/ 'od rnams smin pa'i thig le bsgrengs par gnas// shin tu gsal la gong nas gong du ma 'dres 'ja' tshon bzhin// 'di la goms na snang ba yang mthong ngo// ye shes smin pa'i thig le rtsibs la gnas/ kha dog rang gsal nyi ma'i dkyil 'khor 'dra// 'di la goms pas 'di la rang snang mthong// rig pa smin pa'i thig le mu khyud zlum por bcas// rang gsal zlum po 'di la gang goms pa// dag pa chen po'i snang ba mthong bar 'gyur// de dag rnams kyi thig le'i phyi dbyibs zlum// 'di la goms na rnal 'byor 'bras bu thob// rig pa ni gnyis te/ gzhi 'dzin pa'i rig pa dang/ mtshan nyid 'dzin pa'i rig pa'o// yang gsol pa/ gzhi 'dzin pa'i rig pa ni gang lags/ mtshan nyid 'dzin pa'i rig pa ni gang lags/ bdag la bstan du gsol/ bka' stsal pa/ gzhi 'dzin pa'i rig pa ni/ rdo rje lu gu rgyud du snang ba'i rig mngon sum du pa chen po ste/ rgyang zhags chu'i sgron ma las rig pa gcer bur rang thon pa'o// 'di ni rnal 'byor pa rnams kyi nyams brtan pa'i ye shes su snang ba'o// mtshan nyid 'dzin pa'i rig pa ni/ sems can thams cad la rang khyab tu gnas pa'o// de nas yang mi rtog thub pas 'di skad ces zhus so// kye kye bcom ldan 'das don de rnams ni bdag cag gis lam du byed na/ thabs gang gi sgo nas byed pa lags/ bdag la bstan du gsol/ de nas ston pas gsungs pa// de yi don rtogs par byed pa'i thabs ni/rang gi shes rab dang/ spyod pa'i rnam pa rnams dang/ sgom pa'i rnam pa rnams dang/ lta ba'i rnam pa rnams so// yang gsol pa/ ston pa chen po// shes rab ni gang lags/ spyod pa ni ci tsam zhig/sgom pa ni gang lta bu/ lta ba ni ci lta bu lags/ bdag la gsung dang/ bka' stsal pa/ shes rab ni gsum ste/ thos pa'i shes rab kyis phyi yi sgro 'dogs gcod pa dang/ bsam pa'i shes rab kyis nang gi sgro 'dogs gcod pa dang/ sgom pa'i shes rab kyis gsang ba'i sgro 'dogs gcod pa'o// spyod pa ni gsum ste/ 'khor 'das ru shan 'byed pa lus ngag gi spyod pa dang/ brtul zhugs lam du slong bar byed pa grangs kyi spyod pa dang/snang ba rang sar grol ba rig pa rnal du phebs pa'i spyod pa'o// yang gsol pa/ brtul zhugs lam du slong bar byed pa dbang po'i bye brag gi grangs kyi spyod pa zhes bgyi ba 'di gang lags/'di bdag la gsung dang/ ston pas bka' stsal pa/ kye kye thub pa chen po nyon cig/ ngas bstan khyod kyis legs par nyon// rnal 'byor don la sus sbyor ba// spyod pa 'di la goms par bya// bung ba lta bu'i spyod pa yis// chos rnams kun gyi ro myang bya// ri dwags lta bu'i spyod pa yis// 'khrul pa'i rkyen gyur yul rnams spang// lkugs pa lta bu'i spyod pa yis// 'khyul pa'i ngag ni spang bar bya// thi bya lta bu'i spyod pa yis// gsang ba'i sngags kyi the tshom bcad// smyon pa lta bu'i spyod pa yis// gcig tu gnas pa'i yul rnams spang// seng ge lta bu'i spyod pa yis// 'jigs pa'i sems spang dur khrod rgyu// khyi phag lta bu'i spyod pa yis// gtsang dang sme ba'i rtog pa spang// dom bu lta bu'i spyod pa yis// dran bsam thog bab nyid du spyod// bu chung lta bu'i spyod pa yis// 'khrul pa'i zhen pa rgyud rengs spang// ngang mo lta bu'i spyod pa yis// 'jig rten mthun pa'i tshig gis drang// glang chen lta bu'i spyod pa yis// 'khor ba'i g.yul rnams gting nas bzlog/ ri skegs lta bu'i spyod pa yis// bu dang dgra yi 'du shes spang// nya mo rgya yang byung lta bu'i spyod pa yis// 'dod pas chog shes dus tshod bcad// dre'u mo lta bu'i spyod pa yis// 'khor ba'i sa bon spel mi bya// bram ze lta bu'i spyod pa yis// gzhan gyi longs spyod zas rnams spang// dpa' bo lta bu'i spyod pa yis// 'khor 'das rnams kyi ru shan dbye// chu mig lta bu'i spyod pa yis// dran pa'i rten nyid rang sar bzhag/ nam mkha' mdung skor spyod pa yis// dngos po rnams la zang thal spyod// bar snang rlung 'dra'i spyod pa yis// gzung dang 'dzin pa'i rtog pa spang// bya khyung lta bu'i spyod pa yis// g.yang sa rnams ni rlabs kyis gcad// ri bo lta bu'i spyod pa yis// 'gyur med rang dag steng du spyad// theg chen lta bu'i spyod pa yis// snang ba phyir mi ldog par spyad// kye thub pa chen po yang nyon cig/ sgom pa ni gsum ste/ lha la sogs pa sems kyis bsgom pa dang/theg pa chen po'i bsam gtan dang/ dus gsum gyi sangs rgyas thams cad kyi dgongs pa nyid yin no// de nas yang gsol pa// kye kye bcom ldan 'das/ lha la sogs pa sems kyis bsgom pa ni gang lags/theg pa chen po rnams kyi sems kyi bsam gtan ni gang lags/ sangs rgyas rnams kyi dgos pa ni gang lags/ bdag la gsung dang/ de nas yang bka' stsal pa/ kye kye/ thub pa chen po yang nyon cig/yi ge a la sems gtad pas// dngos po'i zhen pa rang sar 'don// bskyed pa'i lha la sems gtad pas// lus kyi dri ma dag par byed// ngag gi rdo rje'i glu yis ni// de yi yid ni tshim par byed// yi ge hUM las sems gtad pas// de yi ngag gi dri ma dag/ raM la sems ni sus 'dzin pa// de yis dngos po thams cad sbyang// yi ge ha las su gnas pa// gti mug thams cad zad par byed// gang zhig phaT la sems gtad pa// de yis lus ngag gnod pa spangs// smin mtshams thig le gang bsgom pa// 'dis ni rlung la goms par 'gyur// bu ga dgu lu gu rgyud yang byung/ la sems 'dzin pa// des ni dbang po'i sgo rnams khegs// sna rtser yid ni sus goms pas// 'byung ba yas pa rang sar sdud// lus rten rang 'od gang bsgom pa// 'dis ni bar do'i sa la goms// nam mkhar sems ni sus 'phang ba// de ni stong pa nyid la goms// gang gis rna bar sems gzung ba// 'dis ni sgra rnams ci dgar spyod// gang gis snying gar sems 'dzin pa// 'dis ni bsam pa rang sar dag/ stong pa nyid la su gnas pa// 'dis ni dngos po'i zhen pa 'gag/stong nyid had por sus bsgom pa// dran pa rnams ni cig char stong// mi rtog sems la gang bsgom pa// 'dis ni 'khor ba'i zhen pa bzlog/ 'byung ba lnga la sems bzung na// des ni lus kyi rtags rnams 'byung// mi rtog ye shes gang bsgom pa// 'dis ni mtshan ma'i zhen pa 'gag/ gnyis 'jug bde ba sus bsgom pa// 'dis ni 'dod yon lam du byed// bar snang lam du sus byed pa// 'dis ni sems la dbang yang thob/ kye kye thub pa chen po yang nyon cig/ theg pa chen po'i bsam gtan ni// rang bzhin shugs kyi bsam gtan gyis// ma bcos lus ngag rnal 'du phebs// dmigs pa rgyud brten bsam gtan gyis// 'phral byung nyon mongs mgo rnams gnon// sa la gnas pa'i bsam gtan gyis// rang rang rgyud kyi 'tsho skyong byed// mi rtog thub pa yang nyon cig/ bder gshegs dgongs pa rnam gnyis te// ma bcos bzhag pas byung tshor 'gags// ma bsgoms bltas pas drod tshad rnyed// kye thub pa chen po lta ba ni gnyis te// phyi chos can rnams la bltas pas/ yul snang gnyis su med pa bstan pa dang/nang chos nyid la bltas pas/ rnal 'byor pa rnams kyi sems la rang dbang du 'gyur ba'o// mi rtog thub pas yang gsol pa/ kye kye bcom ldan rdo rje 'chang// chos can lta ba ci lta bu// de bzhin chos nyid lta ba gang// 'di dag bdag la bstan du gsol// rdo rje 'chang gis bka' stsal pa// mi rtog thub pa yang nyon cig/ phyi yi lta ba 'di lta ste// dmigs par snang ba'i yul rnams la// rang bzhin med par gang goms pa// 'di ni snang stong gnyis su med// tshogs drug ma 'gags lhug pa'o// nang gi lta ba 'di lta ste// dbyings dang rig mngon sum du pa sus mthong ba// 'di ni sangs rgyas sa la goms// 'di las thabs gzhan gong na med// yid dpyod rnams a ti man chad las khyad par 'phags// mi rtog thub pas yang gsol pa// kye kye bcom ldan rdo rje 'chang// de ltar lta dang sgom pa dang// de bzhin du yang spyod pa yi// don rnams rnam par bsdu ba'am// yang na de rnams 'bras bu gang// bcom ldan 'das kyis bdag la gsungs// de nas ston pas bka' stsal pa// kye ma mi rtog thub pa khyod nyon cig/ de dag rnams ni bsdus pa yis// gcig par gnas pa'i thig le mthong// de yang gang dang gang zhe na// bzhag pa rnam kyis snang ba cog bzhag la sogs pa rang rgyas thob// dgongs pa rnams kyis snang srid gzhir bzhengs la sogs pa/ dus tshod bstan// zad lugs rnams gang zag chos bor ba la sogs pa/ kyis dag pa bstan// bstan pa'i 'khor bar ltung gis dogs pa la sogs pa gdeng ni mi ldog tshad// de ltar don rnams sdus pa'o// de yi 'bras bu 'di dag yin// dbyings kyi sgron ma sus mthong ba// chos kyi dbyings la mngon du spyod// thig le'i sgron ma sus ye shes lus mthong ba// rtsol bcas rnams kyis re gnas thob// shes rab sgron ma yul rnams par dag pa sus mthong ba// spyi dang chos rang gi mtshan nyid rtogs// chu yi sgron ma sus mthong ba// dbang po rnams la dbang bsgyur mngon shes 'char thob// lu gu rgyud la sus goms pa// rig pa rnams ni tshad zin srang la thebs// de yi 'bras bu sku gsum de dag gis sa// 'di nyid rnams ni rang rig las// rang bzhin gnas pa'i bar ma dor/ 'di la/ 'di rnams goms pa'i skyes bu ni// 'byung ba thams cad rang dengs su// 'gyur bar 'di la the tshom med// ngas bstan pa yi chos rnams ni// mdo kun kyang ni 'dir 'dus so// zhes nyi zla kha sbyor gsang ba'i rgyud chen po las/ rang bzhin gnas pa'i bar do'i snang ba bstan pa'i le'u ste gnyis pa'o/// hAbAd/ thAnatharga/// de nas mi rtog thub pas yang gsol gsum pa 'chi ba'i rtags/ de'i bzlog pa'i thabs dang/ de'i gdams ngag dang gsum gyis 'chi kha'i bar do bstan/ pa// kye kye bcom ldan rdo rje 'chang// rang bzhin bar do de ltar na// 'chi kha'i bar do ci ltar lags// skyes bu rnams ni 'chi ba'i tshe// 'chi ba'i rtags ni ci lta bu// 'chi ba las ni bzlog pa yi// thabs ni ci lta bu zhig mchis// skyes bu 'byung ba'i stobs zad nas// gang zhig lam 'chi ba'i du 'jug pa'i tshe// thabs 'di rnams ni ci ltar 'chang// bdag la gsung dang bcom ldan 'das// de nas ston pas bka' stsal pa// mi rtog ye shes thub pa nyon// khyod kyis zhus pa de legs so// gang zhig lus can skyes bu rnams// tshe ni mi rtag rmi lam 'dra// rmi lam gyis ni grub pa med/ dngos po la/ tshe 'di mi rtag chu drag 'dra// 'bab chus gcig tu bsdad pa med// tshe 'di mi zin rlung dang 'dra// rlung gis skyes bu gzung ba med// tshe 'di yun thung sprul pa 'dra// sprul pa rtag yul gcig tu tu gnas pa med// tshe 'di bden med sgyu ma 'dra// sgyu mas bden pa'i don byas nas sa gzung med// tshe 'di mi sdod lam gyi mgron po 'dra// mgron po rtag tu bsdad pa med// tshe 'di ma nges char sprin 'di tsam na 'ong 'di tsam na mi 'ong med pa dang 'dra// sprin gyis dus tshod gzung ba med// de ltar skyes bu'i tshe yi tshad// 'di nam 'chi cha med ltar gcig tu ma nges te// glo bur ba dang da lta rang cig char thog babs su// dus tshod 'di 'dra gzung 'di tsam na 'chi ba mi shes ba med// 'on kyang lus kyi 'byung ba dang// 'chi bdag gi ni ldang dus kyi// 'chi kha'i nam 'chi ba'i dus blta ba bar do'i rtags 'di ltar// dben skyes bu med pa'i sa pa'i gnas sam lung stong du// 'chi ba'i dus tshod gzung ba gces// 'di dag rtags ni su la byung// lus can tshe yi 'du byed byed// yan lag sen mo'i bkrag med na// zla ba dgu na gdon mi za// skyes bu'i mig sprin yal ba tha ma'i dkar po na/ de bzhin zla ba lnga na'o// 'chi bdag gshin rje ltag khung nas skra nyag ma bdun langs na nyid langs na// zhag ni nyi shu gcig nas 'chi// de la cis kyang mi blus phan pa med// rkang pa'i long bu phyir thon na/ de bzhin zla ba gcig na'o// gal te gzhan gyi lus brtag pha rol gyi na// skyed bu nad mi de la kyis btab pa'i tshe// so yi rtsa bar dreg pa nag po chags// zhag dgu na ni de yang 'chi// de bzhin sna zhom zhag lnga nas// de bzhin du yang 'chi ba'o// yan lag yang yang rkyang skum byed// de ni nyi ma bdun 'das nas// mig ni 'bru tshugs blta ba na// zhag gsum nas ni tro ta'o/ 'chi'o/ ngag mar 'khrul tshul med na gi tshig rnams rab 'khrul na// de ni zla ba phyed na'o// 'gram pa yi ni rgyud sha stong na chad na// de bzhin zhag ni bcu dgu na// skyes bu'i tshe yi 'du byed byed// dbugs ni brtsegs mar yang rgod na// de yang zla ba drug na'o// sna yi ma si ka chad na// zhag bdun na ni 'gum par 'gyur// mig gi ba ra gyen la Na chad na// zhag lnga dag na de yang 'gum// 'gram pa g.yon gyi sha shor na// zhag gcig na ni de yang 'gum// steng 'og so ni 'tham gyur na// zhag gsum gyis ni gdon mi za// lce la nag po'i thig byung na// zhag gnyis kyis ni de yang 'gum// rna ba mgo la 'byar gyur na// de ni de nub nam phyed do// brang gi lhen sna zhom pa na// zla ba phyed na gdon mi za// gnyid snying yang log rtsa rtse'u chung gi ni med pa na// de yang zla ba phyed na'o// gal te rang gi don byed na// nam mkha'i khams kyi gzugs brnyan ni// mi rtag gyur te yan lag chad pa la sogs pa yal ba na// zla gzugs med de 'chi ba yin// yan lag bzhi chad zla bzhi'o// de steng mgo chad zla gsum na'o// stod smad bye na zla gnyis na'o// thum por dril na zla gcig na'o// de yi dus tshod shes par bya// gnam sa gnyis kyi 'brel thag ni// gal te chad par gyur pa na// zhag ni bcu dgu las mi thub// ri rab kyi ni logs dag chu'i nang gi gzugs brnyan la bltas pas nas// seng ge dkar mo mi 'babs na// bcu drug zhag gis gdon mi za// gal te ri dang thang mtshams su// dpag bsam ljon shing sked chag na// 'di dag kyang ni mkhas pas brtags// rgya mtsho chu yi spris yal na// 'di yang rim pa mkhas pas dbye// sa yi grong khyer dag tu ni// dge sbyong du ba nyid chad dri chen na// zhag ni dgu nas de bzhin 'gum// ri rab ri yi rtse mo na// mi 'gyur ba yi nyi nub na/ thig le sgron ma/ zhag ni gsum mi blus la nas de yang 'chi// cho ga rnams ni rab spangs nas// rang gi snying po'i don la brtags// ri rab dag gi khong seng nas// mkha' 'gro ma yi sgra chad rna ba'i 'ur sgra chad na na// bcu gsum nyid dam lnga na'o// gal te dpag bsam ljon shing las// 'chi bdag ltag pa'i skra gi ni bdud langs na// zhag bdun kyis mi bzlog ni mdon mi za// de ni phan par mi 'gyur mi ldog gyis// stong pa nyid la goms pa gces// stong pa gsal ba'i snying po can// gsal ba rig pa'i snying po can// rig pa 'od kyi khang pa can// sgron ma bzhi la goms pa gces// de ltar 'chi ba'i rtags de rnams// lus can rnams la rim pa bzhin// rim gyis de dag lus la 'byung// de dag su la byung ba de// gdon mi za bar 'chi ba yin// 'di ni goms shing yang yang blta ba gces// 'byung ba'i dus rnams mod la yang// su yis shes pa cho gas bzlog/ des na yang ni bltas yang bya/ mi rtog thub pa yang nyon cig/de ltar 'chi ba'i rtags byung na// 'chi ba bslu ba'i cho ga bshad// skyes bu ldog pa'i las rtsom pas// rang gi bla ma dge bdun dang// tshogs bsags zhing ni khyad sngon du tshogs bsag par bya/ par la// yon dang ston mos mnyes byas la// cho ga 'di dag brtsam par bya// 'byung ba'i dgra rnams cha mnyam phyir/ 'byung ba nyams pa gso ba'i phyir/ tA la dag gi lo ma la// 'byung ba lnga bris te lnga yi 'khor lo ni// rtsibs bzhi mu khyud re re la de dang 'dra bcas pa la// sa'i tsakra sa chu me rlung nam bzhi la sogs pa mkha' la// 'khor lo dag ni lnga byas la/ kha dog lnga ni sa ser la sogs pa 'byung bas dbye// lte ba rtsibs dang lnga rnams la// rang rang sa la laM ste lte ba dang lnga gis ni yi ge lnga// mu khyud A li'i a la sogs pa tshogs kyis bskor// de ltar 'khor lo lnga bris te// mchod dang 'khor lo de rnams la bstod dang sdig pa bshags// so sor ci 'dod gsol bdag gi 'chi ba zlog cig la sogs pa ba gdab/sa lha ser mo la sogs pa/ lte bar 'byung ba'i lha bsams la// yi ge grangs ni brjod la yi ge lo grangs la sogs pa bzla/ bstim// de nas kham phor rdza'i ga'u kha sbyor du// 'khor lo de kun bcug nas ni// tshon skud lnga yis rgya gram bcings/ kham phor/ shing sna dang chu sna dang me sna dang sa sna// rigs mi mthun pa'i kha rlangs la/ sems can rigs mi mthun pa'i kha rlangs la/ de kun bsres la shing sna la sogs pa dar zan dang// bsres la gzugs ni khru gang bya// dbang po lnga la yi mig la sogs ge ni// rgya shog la bris te khol glud la gtum bton yang gzhug/ des ni 'byung ba nyams pa gso// gal te gdon gyis bzung ba gdon bkrol ba'i bzlog pa bshad par bya/na// ngar zan skyes bu'i 'am yo ga'i lo song chad/ kha dog dkar po dmar po la sogs nyid ni bsgyur byas la// rang gi yo ga'i dri ma kha chu la sogs gos dum dang// de bzhin 'byung ba'i rdzas rnams kyang// zan dang bsres nas gzugs su'o// bal tshon dar dang sgro ltas ngan gyi rnams kyis// gzugs de rnams ni brgyan byas la// de rnams dang kha dog ni mthun pa yi// gtor ma dag kyang de gzugs de'i rtsar bzhin no// gzugs de kun gyi de'i tha ma ngar glud ni// rnal 'byor lo grangs tsam gyis bskor// byin gyis brlabs la tshig 'di brjod// khyer cig khyer cig stobs ldan rnams// sred dang chags dang zhen pa rnams// dran dang bzung dang bsam dang reg/ glod dang zhi dang grol bar mdzod// tshig ni de kun lan gsum brjod// de nas chu bo'i gzhung la bskyal// 'chi ba las ni bzlog pa la// the tshom med do na ra kan// mi rtog thub pas yang gsol pa// kye kye ston pa rdo rje sems// 'chi ba zlog pa de ltar na// skyes bu 'byung ba'i stobs zad nas// gal te 'chi ba nyid kyi tshe// ting nge 'dzin gyi bar do la// ye shes gsal ni ji ltar gdab// chos nyid dag gi bar do la// ye shes ngos ni ji ltar gzung// 'chi ka'i snang ba ci lta bu// de tshe thabs ni ci ltar gzung// 'di la bdag ni the tshom pas// ston pas don nyid 'di gsungs shig/ de nas ston pas bka' stsal pa// mi rtog thub pa yang nyon cig/ gal te tshe yi dus zad na// skyes bu shi ba zhes byar 'gyur// gzugs kyi phung po gdos pa can// thog ma 'byung bas bskyed pa'i phyir// tha ma yang ni 'byung bas nang 'thab pas 'jig/ lus kyi 'byung ba lnga yo ga'i rnams ni// nang mi mthun pa'i tsha grang 'thab pa'i rkyen gyis ni// tshe yi 'du byed gang byas pa// glo bur rkyen 'byung bas gyis shi ba'o// 'byung ba rang la rang thim nas// skyes bu rgas nas shi ba tshe yi dus tshod zad// 'chi ba'i dus la bab ces bya// de yang bstan pa 'di ltar yin// skyes bu'i lus la nad btab na// rtags 'di su la byung ba de// shi ba'i dus ni btab pa yin// sa ni sa la thim pa dang// de bzhin chu dang me dang rlung// so sor rang la thim pa ni// skyes bu'i lus la 'di ltar ro// sa ni rang la rang thim pas// lus ni lji zhing sa mi theg zas mi len yang byung/ langs dang 'gro ba'i stobs kun zad// chu ni chu la thim pa tshe/ kha chu sna chu 'dzag par byed// de bzhin me la me thim pas/ kha sna dag ni rab du bskam// lus kyi mtha' nas drod rnams 'chor// de bzhin rlung la rlung thim pas// dbugs n-i ngar ngar yan lag phra// mig kyang gyen la log par 'ong// rtags 'di su la byung ba de// 'di la mi gnas pha rol du// nges pa ru ni 'gro bas na// de tshe bla ma'i gdams ngag rnams// rang gis rgyud la 'dris par bya// don 'di rnams kyis gsal yang gdab// de tshe skyes bu skal ldan de// snang ba nyid ni rang gsal na// mi gnas shes pa rang so zhes// rlung bzhi rim gyis zhi nas kyang// rlung chen dag gis bskyod pa'i tshe// yul dang gnas la 'jug pa dang// sku dang ye shes 'jug lugs bstan// lus gnad dag la 'jug lugs ni// grong 'pho grong 'jug gdams pa ste// rnam shes rlung zhon rlung la sbyang// de yang gong du 'byongs pa gces// rig pa sdud dang 'phang ba gces// de yang h-ig gis 'phang ba'o// de nyid bla ma'i zhal la thug/sku dang ye shes 'jug lugs ni// rig pa 'di ltar gtad par bya// phung po seng ge nyal lugs g.yas 'og tu gtad la kyis// rig pa nyid ni mig la gtad// yud tsam mig dang shes pa bar snang lam du bya// dbyings dang rig pa ma 'gyur na// mi de bar do med par ni/ skad cig la ka dag tu/ sangs rgyas sa la the tshom med// shi ba'i dbugs kyang dal rang dbang med par 'gyur// gal te dbyings rig mi gsal na// chos nyid bde ba'i bar ma dor// rig pa'i snang ba gzung ba'i phyir// sngar bstan rnal 'byor pas 'od rnams yid la bya// des ni bar do la bde ba'i snang ba thob// gal te de dag yid la mi gsal na// rang gi bla ma yod na gnas sa na// gong gi gdams pa gsal yang gdab// bla ma med na rdo rje'i spun// shes pa gsal yang gdab par bya// gal te gzhan gyi pha rol don byed na// de nyid thugs rjes gzung ba'i phyir// sgo gsum kha sna dag ni sgo sprad de// dbugs ni phar 'gro tshur 'ong bstun te rngub dang 'phang// yi ge 'bru gsum oM AHhU~M gzhug pa ni// lus dang ngag yid stobs skyed phyir// dbugs dang bcas te ye shes dang rlung bsre mkhas pas bya// de ltar yang dang yang byas na// de yi snang ba 'di lta bu// gal te las kyi stobs rnyed nas/ sngar gyi/ gdams pa dag ni gdab par bya// 'on te shes pa gsal gyur na// dgongs pa nyid la mnyam goms su gzhug par bzhag/dbang po'i sgo rnams rang grung na// mig gis de nyid blta ru gzhug/ mnyam par gnas pa'i sems byung na// mi rtog ldan pa'i ting 'dzin bsgom// phyi yi snang ba 'di lta bu// gal te dod ni gyen yal nas// dbugs chen 'byin par byed pa yin// mig ni mi gsal rab rib na// ngan song gnas rnams dag tu skye// lag pa dag ni g.yas g.yob na// mi de lha yi gnas na'o/ kha na tshig ni bla col du 'chol ba na// lha min gnas su de bzhin skye// rkang pa nad pa des g.yon pa sa la brdeg/ de ni dmyal ba'i gnas su'o// lus kyi mdog ni ser bkrag med// 'di ni yi dwags gnas su'o/ kha nas sems can ba glang la sogs skad bzhin 'don// de ni byol song gnas su'o// yang na kha lkugs so 'tham na// de bzhin byol song skye nges so// tshig gsal ldan pa ma nyams na// de ni mi yi gnas su'o// phyi yi rtags ni de dag dang// nang gi rtags ni 'di dag sbyar// spyi bor drod rnams 'dus pa na// de ni lha yi gnas su'o// de bzhin rkang mthil drod 'dus na// de ni dmyal ba'i gnas su'o// mchan khung g.yas su drod 'dus na// de ni lha min gnas su'o// de bzhin khar ni drod 'dus na// mi de yi dwags gnas su skye// de bzhin mtshan mar drod 'dus na// de ni byol song skye gnas so// mig tu drod rnams 'dus pa na// mi yi gnas su skye ba yin// de ltar rtags dang su ldan na// 'di ni nges pa kho na'o// de dag rjes su gzung ba'i phyir// gnas ni rim par de dag las drang ba'i phyir// yi ge a nad pa'i snying ngam lte bar lha'i gnas nas yi sbyor ba yis// dbugs dang de yi lo grangs nyi shu rtsa gcig dbugs re re la grangs dang sbyar// gal te de yo ga 'am nad pa'i spyi bor bar ma shi na// spyi bor kha gtad dbugs kyi ni// shes pa lus kyi dkyil nad pa'i snying ngam lte bar lha'i gnas nas du yang// a ni dmigs te bsdu bar bya// de nyid shi bar gyur pa'i tshe/ ro la/ zag pa bcas pa'i phung po la// bum pa sman dang rin po che spyi bor bzhag nas ni// yi ge a yi yi ni bruM nyid dang 'bru nyid dang// ye shes chu rgyun dkar po gyis sbyangs nas// dmyal ba'i gnas rnams stongs nas ni// de yang rtag tu de bzhin no// yi dwags rtags dang ldan pa la// yi ge b+h+ya yi sbyaur ba yis/ dbugs dang bcas te grangs ni bdun/brgya yang/ lce yi steng du b+h+ya bzhag ste// shes pa'i ngo bo de yis sdud// de bzhin bum pa'i kha yi steng// ye shes chu rgyun gyis dkar po bkrus nas// yi dwags gnas rnams stongs nas ni// mi de yang ni de ltar ro// byol song rtags dang su ldan pa// yi ge rgya yi sbyor ba yis// 'dis ni gnas rnams sbyang bar bya// dbugs dang bcas te lan grangs dgu// mtshan mar rgya yis btab nas ni// shes pa rnams ni stong pa yis// yang yang rlung dang bcas te 'phang// de bzhin bum pa mtshan ma'i steng// ye shes chu rgyud gyis bkrus nas// byol song gnas rnams stongs nas ni// mi de yang ni de ltar ro// gang zhig lha yi rtags byung na// yi ge taM gyi sbyor ba yis// dbugs dang bcas te grangs ni yang// bcu gcig ldan pas shes pa sbyangs// spyi bor yi ge taM bzhag zhes bsam yang byung/ ste// shes pa zag med mig tu de'i rnam shes mig tu drangs// de bzhin bum pa spyi bo'i steng// ye shes chu rgyun gyis sbyangs na// lha yi gnas rnams stong nas ni// des ni mi yi skye gnas thob// lha min rtags dang su ldan pa// yi ge keMM gyi sbyor ba yis// dbugs dang bcas te nyi shu'i grangs// mchan khung nyid ni g.yas su yang// yi ge keM ni mkhas pas bzhag/ shes pa mnyam pa chen por spro// de bzhin bum pa mchan khung ste// ye shes chu rgyud gyis bkrus na// lha min gnas rnams stongs nas ni// de yang mi yi skye gnas thob// de ltar rjes su bzung ba yis// rim pas gnas gong nas gong du nas 'phos nas ni// rim pas tshe tshad nyung gyur nas// mi yi gnas ni bde ba rnyed/phyis nas/ de ltar cho ga ldan pa'i tshe// mi de dbugs dang ma bral na// yi ge rang gi dbugs dang bcas pa yis// the tshom med par gnas rnams sbyangs/ gong gi/ gal te dbugs dang bral ba na// phung po'i gnas rol gong ga su bum pa yi// ye shes chu rgyud gyis sbyangs na// de yang the tshom mi za'o// gal te phung po zhag mang bar lon pa med pa na// 'di nyid shi nas zhag grangs ni// nyi shu rtsa gcig bar du yang// bdun pa'i tshe na cho ga 'bad// dmigs pa'i ting 'dzin gong ltar ldan pa gces// yang na bdun phrag bdun du bya// de tshe de la sprul sku dang longs sku chos sku lam yang bstan// chos ni sna tshogs bshad par bya// de ltar cho ga su ldan pa// 'di nyid la bdun tshigs yang the tshom med// nges par 'bras bu thob pa'o// mi rtog thub pa yang nyon cig/ de ltar gong du bstan pa rnams// tha mal rnams kyi 'chi lugs te// rnal 'byor pa ni 'di ltar brtags// tha ma'i dbang po tha ma ni// srid pa bar dor 'phro mthud de// dpe na rkang chag wa bzhin no// de bzhin dbang po 'bring po rnams// ri dwags lta bu'i 'chi lugs ri 'am lung stong du shi ba ni// rnal 'byor pa yi 'chi lugs so// de bzhin seng ge gangs khrod du lta bu dang// gang zhig su'i ro yin cha med par/ sprang po lta bu dang// de bzhin bu chung ltar shi ba// rnal 'byor 'bring gi shi sa yin// gang zhig mkha' 'gro'i 'chi lugs dang// de bzhin rig 'dzin 'chi lugs dang// me dpung lta bu rang zad dang// mi snang nam mkha' khu rlangs dang/ rdza chag pas rdza'i nang gi nam mkha' gar sang med pa/'di kun 'byung ba rang zad par// mi snang mi len 'di lta bu// rnal 'byor rab kyi spyod yul te// 'di la goms pas rang shugs rnyed// shi khar gdams pa 'di dag shes pa yis// lus sems 'pho ba'i mtshan nyid shes// 'di ltar gnas pa'i rnal 'byor la// 'chi ba brtags dang mi brtag med// de bzhin 'jigs pa kun bral te// lus kyi zhen pa'i mtha' dang bral// lta ba nyid dang sgom pas kyang// rnal 'byor ldan la phan gnod bral// phan bral gnod pa'i 'bras med pas// 'di la gnas pa'i yul yang med// rgyu dang 'bras bu'i rnam smin bral// de phyir 'di la goms pa mchog/ rang shar rang grol skye med klong// dus ma 'gyur bar snang ba 'gyur// lhun grub ka dag klong du thim// re dogs gnyis kyi mtha' dang bral// rgyu 'bras gnyis kyi mtha' zad nas// dbyings rig gnyis med ka dag klong// de phyir 'di dag rtogs pas chog/byar med lhun rdzogs chen po'o// zhes nyi zla kha sbyor gsang ba'i rgyud las 'chi ka ma'i bar do bstan pa'i le'u ste gsum pa'o//// tsag+tathAgamad+ya/// de nas mi rtog thub pas yang gsol pa// kye ma ston pa rdo rje sems// 'chi ka'i bar do de ltar na// chos nyid bar do ci ltar lags// don 'di bdag la bka' stsol cig/ de nas bcom ldan 'das kyis mi snang ba rab tu 'byed pa'i ting nge 'dzin las bzhengs nas bka' stsal pa/kye ma mi rtog thub pa chen po nyon cig/ de ltar tshe'i 'du byed byas pa thams cad la chos nyid kyi bar ma do 'dir chos nyid kyi bar do dang srid pa'i bar do bstan/ zhes bya ba// 'di ltar snang ba 'di nub ste// phung po med cing zag bcas bral// snang ba thams cad bde ba'i zhing// rang snang dag pa'i sku snang ste// chos nyid zhing khams snang ba la// rang snang dag pa'i skur snang ste// 'di la the chos nyid bar do la tshom sus za ba// rgyal ba rnams kyi skur la bsgrib/ phyis mi rnyed/ ces gsungs so// yang gsos pa// kye bcom ldan 'das de lta bu'i snang ba de rang ci lta bu bdag la gsung dang/ yang bka' stsal pa/kye mi rtog thub pa chen po khyod nyon cig/ rang bzhin dag pa'i snang ba 'di lta ste// skyes bu rnams kyi rnam par shes pa 'od gsal la thim pa zhes bya ste/ dbugs phyi nang gi 'grul thag chad ma thag tu/ rang gi dbang po rnams kyi cha las dngos por snang ba ni med de/yod snyam pa'i shes pa ni rmi lam lta bu 'byung ngo// gdos bcas kyi lus ni mi sha khrag rang ga ma snang ste/ 'od kyi lus su snang ba'o// de'i tshe dbang po'i spyod yul du gyur tshad tsam 'od zer lnga'i dkyil 'khor du snang ba'o// de yang snang ba de dag ni phyi nas bltas na nang gsal ba/ nang nas bltas na phyi gsal ba/ phyi nang med pa kun tu zang thal ba/ ltem bzhin pa/ mer bzhin pa/ mnan na nem snyam pa/ bteg na 'phar ba snyam pa/ shin tu yid 'phrog pa/ kha dog gsal ba la/ so sor ma 'dres par rang gsal ba/ cha mnyam pa la gsal ba'i cha ma 'gags pa/ yang dag par bltas na shin tu phra ba dang/'gyu ba dang/ 'gul ba lta bu dang// 'phrigs pa lta bu dang/ rab tu 'tsher ba las lhun brjid pa'o// shin tu rgya che la dpag pa'am dmigs su ma tshud pa/ 'phang mtho la rtse mo yangs pa zhes bya ste/dkyil 'khor thams cad kyi 'byung gnas su bzhugs pa'o// de yang kha dog ni lnga ste/ dkar po rang sa na gsal ba la zer 'phro ba dang/ de bzhin dus ser po rang sa na gsal ba la zer 'phro ba dang/dmar po rang sa na gsal ba la zer 'phro ba dang/ ljang gi nyid rang sa na gsal ba la zer 'phro ba dang/ de bzhin du mthing ga nyid rang sa na gsal ba la zer 'phro ba ste/ de dag rig la ma 'byar par so sor kha dog rang gsal ba dang/shin tu lhun sdug par gnas so// de yang skyes bu'i 'od gsal de zung 'jug la thim pa zhes bya ste/ yang snang ba de dag sku'i rnam par rang shar te/ sku de dag kyang mi che ba/mi chung ba/ cha mnyam pa/ rgyan dang/ kha dog dang/ bzhugs tshul dang/ gdan khri dang/ phyag rgya dang bcas te/ sku de dag kyang lnga lnga'i gzugs kyis khyab pa/ lnga tshan re re la 'od kyi mu khyud dang bcas pa/yab kyi cha 'dzin pa'i rigs dang/ yum gyi cha 'dzin pa'i rigs dang/ sems dpa' dang/ sems ma dang/ dkyil 'khor thams cad gcig la rdzogs par gnas so// de'i tshe rang gi snying ga nas 'od shin tu phra ba zhig 'char te/de sku thams cad kyi thugs kar 'brel te 'char ro// de la rang gis shes pa zin te/ mi rtog pa'i bsam gtan la rang bzhin gyis gnas so// de ni rig pa 'od la 'jug pa zhes bya ste/snang ba de kun kyang rab tu 'phrigs par mngon par 'gyur te/ snying ga'i zer thag de la yang/ thig le phra mo grangs med pa 'char ro// de nas yang rang gi snying ga nas 'od kyi zer thag tshon skud bsgril ba tsam zhig 'char te/de nas sku de thams cad rang gi lus la thim pa snyam byed pa'i snang ba 'char te/ de ni 'od rig pa la chur 'jug pa zhes bya 'o// de'i tshe skyes bu rnams kyis yid ches pa ma pang du bu 'jug pa lta bu'i thabs mchog tu dran par bya'o// yang rang gi snying ga nas 'od kyi thag pa shin tu phra ba zhig 'char te/ de'i steng gi nam mkha' la gyen du zug par snang ngo// de la rang gi mig gis ma yengs par bltas pas/snang ba de dag ma 'dres par/ shin tu rgya che bar 'char te/ de yang dang po mthing ga'i snam bu'i steng du thig le zer dang ldan pa me long kha sbub pa tsam shin tu gsal la 'tsher ba/ de la yang rang bzhin gyi thig le lnga lngas brgyan pa'o// yang de'i steng du dkar po'i snam bu'i steng du thig le shin tu gsal ba gong dang 'dra ba 'char ro// ser po'i snam bu'i steng du/ yang thig le gong dang 'dra bar 'char ro// de'i steng du yang dmar po'i snam bu'i steng du/thig le gong ma ltar 'char ro// de'i steng du 'od zlum po shin tu gsal ba zhig gdugs ltar 'char ro// de dag kyang ye shes lnga'i snang ba ste/ bya ba grub pa'i ye shes kyi rtsal ma rdzogs pas mi snang ngo// de ni ye shes bzhi sbyor gyi snang ba zhes bya ste/ rdo rje sems dpa' khong seng gi lam zhes bya'o// de'i tshe mi 'gyur ba gser gyi thur ma lta bu'i thabs mchog tu dran par bya'o// de nas rang gi shes pa steng lhun grub kyi gzhi yin gi 'od la thim pas shar lugs brgyad nyams su myong ba'o// de'i tshe gong gi longs sku khro bo'i snang ba rnams kyang mthong bar 'gyur ro// shar lugs brgyad gang zhe na// thugs rje ltar shar bas 'khor 'das rgya ma chad/ 'od ltar shar bas snang ba thams cad nang na gsal/ sku ltar shar bas shes pa'i kha phyir ma shor// ye shes ltar shar bas snang ba thams cad zang thal/ gnyis med ltar shar bas rang gi shes pa rtse gcig tu gnas/ mtha' grol ltar shar bas mtha' gang la yang mi gnas/ ma dag pa 'khor ba'i sgo ltar shar bas srid pa'i byung khungs ma 'gags/ dag pa ye shes kyi sgo ltar shar bas chos nyid ma bu 'brel ba'o// de'i tshe phyir mi ldog pa dpag chen gyi mda' lta bu'i thabs mchog tu dran par bya'o// de ltar shar ba'i tshe rigs kyi bu de la mngon par shes pa drug 'char te/sngon gyi skye gnas shes pa dang/ 'chi 'pho ba dang/ skye ba shes pa dang/ pha rol gyi sems shes pa dang/ snang ba lkog tu gyur pa thams cad shes pa dang/ rigs drug gi gnas mthong zhing shes pa dang/dbang po rnam par dag pa'i mngon par shes pa dang drug 'char ro// de'i tshe rjes su dran pa drug kyang 'char te/ lha rjes su dran pas de nyid du yi dam lha'i zhal mthong ba dang/ lam rjes su dran pas bar ma do'i chos nyid la dbang bsgyur ba dang/skye gnas rjes su dran pas dbang po tha ma rnams rang bzhin sprul pa sku'i zhing khams su dbugs 'byin pa dang/ bsam gtan rjes su dran pas zhag lngar bsam gtan la gnas pa dang/bla ma'i gdams ngag rjes su dran pas rang gi snang ba rnams dang gnyis su med par spyod pa dang/ blta ba rjes su dran pas sngar 'dris pa'i mi dang phyis phrad pa tsam gyis ngo shes pa'o// de'i tshe mi brjed pa'i gzungs rnams kyang rang gi rgyud la skye ste/sngon gyi chos rnams thams cad rgyud la dus gcig tu 'char ro// de bzhin du sngar ma mthong ba'i chos rnams kyang 'char bas na chos nyid kyi bar do zhes bya'o// rgyun gyi ting nge 'dzin rgyud la rang bzhin gyis 'char bas rnam par rtog pa ngan pa ci yang mi skye'o// dbang po nyi shu rtsa gcig gi bye brag tu brtan la la ni mdog dkar po la brtan pa thob pa zhes bya ba rang shar na gsal pa thob pa yang yod do// dair rang gi shes pa ma tshud cing/ sngar bla ma'i lung med pa rnams ni/ snang ba de la bred pa dang/ sngangs pa dang/ sdug pa dang/ 'jigs pa dang/ 'du shes shor ba la sogs te/ yang 'khor ba'i nye bar len pa'i kha len te/yang dbang po nyi shu rtsa gcig gis bye brag tu 'khrul pa yang yod do// de ltar dbang po gsum ni/ rab kyis skad cig ma gsum la grol bar 'gyur ro// 'bring gis zhag lnga na brtan pa thob pa yang yod do// skad cig ma nyi shu rtsa gcig na brtan pa thob pa yang yin no// tha ma rnams ni rang bzhin sprul pa sku'i zhing khams rnams su dbugs phyung nas/ bar do med par sangs rgyas pa yin no// de nas mi rtog thub pas yang 'di skad ces gsol to// kye bcom ldan 'das de dag gi dus dang thabs ji lta bu lags/ bdag la bstan du gsol/ ston pas bka' stsal pa/ kye mi rtog thub pa khyod nyon cig/'di yi dus ni gsum ste/ 'jug pa'i dus dang/ grol ba'i dus dang/ mthar phyin pa'i dus so// 'jug pa'i dus ni gnyis yin te/ rig pa 'od la phar 'jug pa dang/ 'od rig pa la tshur 'jug pa'o// grol ba ni gsum ste/ rig pa nyid rkyen rnams dang bral bas 'byung ba las grol ba dang/ rig pa la dri ma med pas nyon mongs pa las grol ba dang/ rig pa nyid mtha' gang du yang ma lhungs pas phyi nang gi chos las grol ba'o// mthar phyin pa ni/ rig pa nyid chos thams cad kyi snang ba dus gcig la grol bar bstan pa'o// thabs ni gnyis te/ sngon rol gyi gdams pa'i gnad dang/ 'di dus kyi rig pa rno brtul gyi khyad do// mi rtog thub pas yang gsol pa// kye kye bcom ldan rdo rje 'chang// chos nyid bar do de ltar na// srid pa'i bar do ji ltar lags// 'di dag bdag la legs par gsung// chos nyid gnas pa'i bar ma dor// gang gi shes pa ma tshud na// 'khor ba'i lam ni ji lta bu// 'di kun bdag la gsung bar zhu// de nas ston pas bka' stsal pa// kye ma mi rtog thub pa nyon// ngas bstan khyod kyis legs par zung// 'di nyid lung dang mi ldan pa'i// sems can kun gyi 'jug pa'i sa/ srid pa'i bar do zhes bya ba// 'khor ba'i gnas kyi lam sgo ni// dper na zo chun bzhin du 'khor// sha khrag rang ga'i srid pa bar ma do'i ngo bo gang zhe na lus bral nas// sgyu ma yid kyi gzugs can no// rdos dang bral bas ming gnyis so// snga ma'i nges tshig shes pa'i snang ba 'gags// phyi ma nyid ni ma byung bar// rigs can gang du ma nges par// gang nub gang snang de skabs na// skad cig gnas pas bar ma do// phyis ni gang 'di'i dus kyi cha 'dzin par yang skye'i cha byad 'dzin// phyis 'byung cha byad yongs bzung nas// rigs drug so so'i snang char 'gyur// 'dod pa khams kyi phyi snod dang// bcud ni rang gis rig cing gsal// rang gar skye ba'i snod bcug kyang// de nyid dus na gsal ba'o// 'dod ldan snod bcud gsal bar snang// dbang rdzu 'phrul po'i yan lag yongs rdzogs pas// dngos po kun la thogs med cing// ri brag rnams la thogs med 'jug/ gzhan las tshe ni zhag bdun 'gyur// zhag ni bdun phrag bdun gyis ni// de yi tshe yi tshad yin no// lha dang mi de'i lus kyi ni kha dog dkar// lha ma yin dang byol song ser// yi dwags 'od ni du ba 'dra// dmyal ba sdong dum lta bu 'am// yang na bal nag g.yengs pa 'dra// byol song yang na khrag btsos 'dra// lha min kha char 'bab pa bzhin// de tshe kha ni 'di lta ste// lha dang mi ni gyen la blta// lha min byol song de bzhin 'phred// yi dwags dmyal ba thur du blta// 'di dag da gzod skye ba'i dbang// srid pa'i bar do'i las sog pa dang mi sog pa bstan las rnams ni// sog dang mi sog ltas 'di'o// rnam par smin pa'i bag chags med// bar ma'i dbang gis rgyu mthun pa'i// bag chags rnams ni 'dir sog go/de tshe shes pa'i ltas las dge sdig gi ltas gang zhe na 'di'o// gang zhig las ni dag pa yi// shes pa nyid ni gsal ba yin// de bzhin ma dag pa mi gsal// de kun dge sdig las las byung// de nyid ming du yod ce na gi rnam grangs ni// 'di dag rnams su rigs par bya// ming bzhi 'dus pa'i bdag 'byung ba'i sa bon nyid can// srid pa yi ni sha gzug dang// sgyu lus dri za nye bar 'khor// srid pa'i bar do phung mtshams sbyor// gzugs med dbang po kun ldan sha khrag rang ga ma med pas// thogs pa med par kun thams cad la blta snying 'dod la 'jug/ de ltar bar lus rnams 'di ltar 'ong ste ma'i lus kyi tshad// byis pa lo brgyad lon pa'am// lo bcu lon pa'i lus tshad du// rmi lam lta bu'i gzugs su gnas// skye bzhi las gar gtogs zhe na gnas nyid ni rnam bzhi las// brdzus nas skyes pa nyid du ste// lha dang dmyal gsum du rdzus nas skye ba bar ma do// 'di kun brdzus pa las skye'o// spyod pa nyid spyod pa'i tshul lam ni 'di lta bu// sngar zhen las la spro ba ste// de yi rjes su zhugs nas ni// de spyod yid kyi rjes su 'dzin// de nyid 'od kyi tshad las dag pa'i 'od rnams ni rnams ni// sngar zhen bag chags bag chung ba// 'di yi 'od ni dpag tshad phyed/ kha dog dkar po lhang lhang po// 'di ni lha mi'i skye gnas so// bag chags can la gsal mog mog po mi snang// gang gi las ni bzang phyi ma'i lus bzang por 'gyur mi 'gyur ngan gyis// bzang ba dge dang yid 'ong 'phrad// ngan pas sems can bag chags can// yid du mi 'ong mngal du 'jug/ phyi ma'i lus dang 'brel bar ni// rang shugs zhe lus med kyang sdang skye ba'i rgyu// de bzhin 'dod chags rkyen kyis ni// phyi ma la ni snang ba'i tshul/ khams ni rnam pa gsum dag nas// ming bzhi'i phung po ma 'gags te// phyi ma ma blangs bar ma srid// ming bzhi 'dus pa'i phung po las// sha khrag gzugs ni mi snang bas// gzugs ni med pa'i khams su'o// phyi ma'i lus dang nye phyi ma'i lus dang ji ltar 'brel zhe na ba'i tshe// lha khang ngam ni yang thog gam/ khang bu dag ni brtsegs par mthong// mgal me'am ni char pa'am// de bzhin grang ba nam rmugs pa// skye bo 'dus pa'i ca co dang// ngan song rnams ni sbyil po'am// phugs rdugs grog po stong par mthong// 'di dag mngal du tshud pa'i ltas// 'gro bar 'dod kyang rgyas 'thums te// thogs pa nyid dang bcas pa'o// dper na rtswas 'di'i dpe ci zhe na ni me 'dzin dang// de bzhin 'dam 'gro ba 'dzin gyis rdzas 'dzin dang// mkha' 'gro 'dod pa'i dbang gis ni// sa khung brus pa'i rnyis 'dzin ltar// dbang med chags 'khor bar pa'i rnyis 'dzin no// thub pa nyid kyis yang gsol pa// kye kye ston pa rdo rje sems// 'di gdams pa 'di mthong dbang po tha ma la// bar ma do nyid srid pa'i snang 'gyur ram// 'on te mi snang ba'am ci// ston pas gsungs pa srid pa de snang ste// rang nyon mongs pa gar 'dzin pa'i bag chags zad// rang bzhin sprul par dbugs shar phyogs mngon par dga' ba la sogs pa phyung ste// bar do med par sangs rgyas rnyed// 'di nyid ma mthong gdams pa 'di med pa rnams sems can ni// de nas mngal gyi sgor tshud nas// pha khu ba dang ma yi khrag rgyu rkyen las// mer mer po dang mngal du zhag bdun nur nur bdun po// ltar ltar bdun po dang gor gor bdun po// mkhrang 'gyur nyid dang nya lta bdun bu// rus sbal bdun bzhin dang sbal ba bdun bzhin// de bzhin zhag ni zhag bzhi bcu rtsa dgur gnas bdun phrag bdun// lte ba rtsa mdud las las ni lus rnams bskyed// zla dgu de bzhin mi rnams ngo bcu na// lus rdzogs ma yi mngal nas skye thon// de ltar gzugs de ltar las dga' ldan dang/ rtsod ldan dang/ cha mnyam ldan dang/ myos ldan dang/ skye ldan dang rgyud sdug ldan no byung pa chen po dang ldan pa'o/ ni tha dad du// 'khor ba nyid nas 'khor ba'o// mi 'khor ye shes 'di lta ste// nam mkha' lam du su byed pa// 'di la rnal 'byor rdzogs pa'o// zhes nyi zla kha sbyor gsang ba chen po'i rgyud las chos nyid kyi bar do dang srid pa'i bar do bstan pa'i le'u ste bzhi pa'o//// de nas 'khor de rnams thams cad kyis/skye ba med pa'i chos nyid thob ste/ rjes su yi rang ngo// nyi zla kha sbyor gsang ba chen po'i rgyud ces bya ba/ skye gnyis dag par byed pa rdzogs so//// nyi zla kha sbyor gsang ba'i rgyud chen po la 'grel pa rin chen gser phreng bya ba yod/

CLOSE WINDOW