171b4 zhu chen gyi lots+tsha ba chen po ska ba dpal brtsegs kyis gtan la phab pa'o//// rgya gar skad du/ rat+na ra sa a ti hr-i da ya A di an+ta radz+dzu ts+tshe da pra pany+tsa ts+tshe da mU la tan+t+ra/ bod
171b5 skad du/rin po che bcud kyi yang snying thog tha dras thag gcod pa spros gcod rtsa ba'i rgyud/ bcom ldan 'das dpal kun tu bzang po la phyag 'tshal lo// 'di skad bdag gis rtogs shing bshad pa'i dus gcig
171b6 na/rin po che'i gnas ye shes kyi klong/ ma bris pa'i dkyil 'khor/ mtha' dbus med pa'i gnas na/ rin po che'i 'od sna tshogs kun tu 'bar ba'i gzhal yas khang na/ ston pa'i rgyal pos bsam med brjod
172a1 'das dang// ston pa'i rgyal po mtshan 'das dmigs med dang// ston pa'i rgyal po sems nyid kun bzang gsum// 'byed pa med pa'i tshul gyis bzhugs so// 'khor gyi tshogs kyang 'di lta
172a2 ste// rtsal snang mtshan nyid lta bu'i 'khor dang/ shugs 'byung rig pa bsam mi khyab kyi 'khor dang/ yid sems rtog tshogs bsam 'das kyi 'khor dang/ de gsum rang bzhin gzhi'i 'khor ro// gzhan yang
172a3 'khor tshogs 'di lta ste/rang bzhin gyi 'khor dang/ don gyi 'khor dang/ 'dod pa sku'i 'khor ro// rgyu'i byang chub sems dpa' dang/ lam gyi byang chub sems dpa' dang/ 'bras bu'i byang chub sems dpa'
172a4 dang/de la sogs te thabs cig du bzhugs so// de nas rdo rje sems dpas sems nyid kun bzang la 'di skad ces gsol to// gsung gi sangs rgyas thams cad kyis// rgyu yi don rnams mthar phyung nas// rgyu
172a5 dang rkyen gyis ma bskyed pa'i// 'bras bu'i theg pa mi gsung bar// thugs rje'i mkhyen pa mi mnga' 'am// ngo bo'i sangs rgyas thams cad kyis// lam gyi don rnams mthar phyung nas// byar med 'bras bu mi gsung
172a6 ba// thugs rje'i mkhyen pa yal lam ci// thugs kyi sangs rgyas thams cad kyis// 'bras bu'i theg pa mthar phyung nas// rgyu 'bras 'das pa mi gsung ba// 'gag med thugs rje mi 'char ram// rin chen lta bu'i
172b1 skal ldan la// rgyu 'bras 'das pa'i gsung sgo phye// zhes gsol pa dang/ de nas sems nyid kun bzang gis// 'dus pa'i 'khor la bka' stsal pa// gsung gi sangs rgyas thams cad kyi// ye shes rang bzhin
172b2 khyod yin pas// ma 'gags rtsal snang ye shes shar// sku yi sangs rgyas thams cad kyi// ye shes 'od gsal khyod yin pas/ / chos rnams byang chub sems la snang// thugs kyi sangs rgyas thams cad kyi// ma
172b3 g.yos ye shes bde ldan pas// ye shes rin chen 'od du shar// don gcig yon tan kun gyi bdag/ rin chen 'od 'bar thabs kyi sgo// yang snying bcud kyi don ldan pas// rtsol med ye shes ngo sprod kyis// rin
172b4 chen bcud kyi yang snying la// tha snyad brjod pa'i tshig bral yang// ma rtogs pa la mtshon pa'i phyir// gsung gi brjod pa gsal ba yis// mun khungs gsal sgron lta bur bshad// rang bzhin ngo bo thugs rje
172b5 gsum// ston pa phun sum tshogs par bshad// 'das dang ma byon da lta gsum// dus ni phun sum tshogs par bshad// thams cad sdud dang khyad par 'phags// khang bzangs sprul pa bzhugs pa
172b6 gsum// gnas ni phun sum tshogs par bshad/ / rang bzhin 'brel dang don gyi gcig/ 'dod pas bsdus pa'i 'khor rnams ni/ / 'khor ni phun sum tshogs par bshad// gcig dang 'brel dang gtan la
173a1 'bebs// ma tshang med dang dgos pa tshang// rgyud ni phun sum tshogs pa'o// rin chen bcud kyi yang snying 'di// chos rnams ma lus 'di ru 'dus// sna tshogs bsam yas sems la
173a2 'dus// sems nyid smra bsam brjod 'das pas// ci yang ma yin byang chub sems// rtsis gdab blo dang bral ba ni// blta ba yin gyis spros pa chod// ye shes rgyun la bar ma chad// don las gzhan du ma bkol
173a3 ba// g.yo 'gul med pa'i dgongs pa yin// bsgom pa yid kyis spros pa chod// bya ba'i spyod pa rnam dag cing// blang bya dor rgyu med pa dang// byar med gang la'ang chags zhen med// spyod pa yin gyis spros pa
173a4 chod// ye shes dri ma med pa la// rang la yod rtogs 'du 'bral med// re dogs blo dang bral ba ni// 'bras bu yin gyis spros pa chod// ye shes gang du rgya ma chad// thams cad 'byung ba'i gzhir gyur
173a5 pas// gzhi ma yin gyis spros pa chod// thams cad kun tu ma bsgribs pa'i// ye shes rang du snang ba de// ye shes yin pas spros pa chod// rtog pa gzhan gyis g.yog tu med// snying po yin gyis spros pa
173a6 chod// rtog pa gzhan la rag ma las// bsgom med yin gyis spros pa chod// 'dod pa'i don 'byung rin po che// yon tan yin gyis spros pa chod// 'khor ba rtsad bcad mya ngan 'das// 'khor 'das med kyis
173b1 spros pa chod// rin chen bcud kyi yang snying 'di// rang snang nyi ma lta bur gsal// sgrib pa med kyis sprod pa chod// gsal byed rin chen snang ba 'di// mtha' yas sems can thams cad la// khyab par gnas
173b2 kyis spros pa chod// rin chen snang ba rang 'bar 'di// 'gro ba'i bla ma 'das gyur kyang// 'gro ba mos pa la gnas na// gting gsal mi g.yo rin po che// rtog med yin gyis spros pa chod// rin chen bcud kyi
173b3 yang snying 'di// gzhi ni ma bcos lhun gyis grub// bsam med rang bzhag bsgom med la// bsam du med kyis spros pa chod// bde chen mi rtog 'gyu ba bral// yid la mi byed snang ba dag/ rtsis gdab med kyis
173b4 spros pa chod// ye shes rin chen ma 'gags gsal// rtsal snang yin gyis spros pa chod// dbang po rab snang rgyal ba'i sems// 'gro ba kun la rang bzhin gnas// mthong ba log pa gzhan yod kyang// sangs
173b5 rgyas logs nas mi rnyed pas// rang sangs rgyas kyis spros pa chod// chos nyid sku la 'gyur ba med// rang rig bde ba chen po'i ngang// rgyu la mi gnas spros pa chod// kun gyi brjod bya sems kyi dbyings// rang
173b6 rang mos pa'i shes pas rtogs// smon par 'dod pa re zhig go// snying po'i lam la 'dod pa bral// rig pa'i rtsa ba bcad pa yis// yid la mi byed rang bzhin gnas// thams cad ci snang rang bzhin gyis// rang
174a1 snang chen por spros pa chod// yid la byar med spros pa chod// sems la bzhag med spros pa chod// zhe 'dod kun bral spros pa chod// ces gsungs so// rin po che bcud kyi yang snying rtsa ba'i rgyud
174a2 las/gleng gzhi phun sum tshogs pa'i le'u ste dang po'o//// de nas yang sems nyid ston pa kun bzang la// rdo rje sems dpas 'di skad gsol// sangs rgyas sems can gnyis kyi gzhi// thog ma'i
174a3 gnas lugs ji ltar gnas// zhes gsol pa dang/ kun tu bzang pos 'di skadagasungs// thog mtha' med pa'i bar do na// ma phyed mi phyed snying po mnyam pa nyid// rang bzhin yongs la khyab pa'i stong ra
174a4 na// ye nas yongs su bkod pa'i gzhal yas khang// ma skyes mi 'gag chos sku lhun grub dbyings// ma mtshon mi mtshon mtshon med chos sku de// smra med brjod med mtshon pa med// bstan med ston med nyan pa
174a5 med// ming med btags med dngos po med// bsgrub med rtsol med smon pa med// blang med dor med dgag bsgrub med// snang med srid med skye ba med// yul med sems med dbye ba med// bdag med
174a6 gzhan med gnyis su med// dgra med gnyen med phyogs ris med// bde med sdug med gnyis ka med// rig med 'gyu med sems pa med// dbus med mtha' med phyogs mtshams med// gsal dang mi
174b1 gsal dbye ru med// shes med rang gnas rtog pa med// 'di zhes bstan par bya ba ni// kun tu bzang pos mtshon brjod med// mchog tu gsang ba'i snying po ni// rna dbang gzhan las thos mi 'gyur// de bzhin
174b2 lce yi dbang pos kyang// de la brjod du rdul tsam med// tshogs bdun yul min snying po de// yongs la khyab pas snying po yin// chags med cir yang snang ba de// ma 'gags rtsal gyi snang ba rnams// ma bkol
174b3 chos sku'i klong du thim// yan lag snying po ngang thim pas// snying po yan lag 'phrad pa yis// gnyis med chos sku chen por 'gyur// ma rig logs nas 'gyu sangs pas// rig med chos sku rang sangs rgyas// ma
174b4 rig 'khrul sgo sangs pas ye shes rgyas// gnyis 'dzin rten med rang sangs rgyas// 'dzin med gdeng med 'gyur med rgyas// bya ba'i cha sangs byar med rgyas// shugs las thog mar ye sangs rgyas// thog ma'i
174b5 sangs rgyas zhes bya'o// zhes gsungs so// rin po che'i bcud kyi yang snying rtsa rgyud las/ thog ma gzhi'i gnas lugs dang/ kun bzang ye sangs rgyas par bstan pa'i le'u ste gnyis pa'o//// de nas
174b6 sems nyid kun bzang la// rdo rje sems dpas 'di skad gsol// rang bzhin gzhi ru mnyam pa na/ kun bzang bya btsal med sangs rgyas// khams gsum sems can ci ltar 'khrul// zhes gsol pa dang/ kun
175a1 tu bzang pos bka' stsal pa// ye nas yongs khyab kun gzhir brjod// snying po'i rang bzhin g.yo med la// snang tshul rgya chad med pa yi// rtsal snang zer rig ma 'gags pa// 'gyu las rlung g.yos
175a2 rig yod 'gyu// zer las 'od kyi tshul du shar// ldog thabs ma shes ma rig pa// gnad don ma shes don ma rig/ de phyir ma rig mun par gsungs// 'gyu ba rlung gis rgyu byas nas// sgrib g.yogs mun pas
175a3 bar bcad de// ma rig 'khrul sgo rkyen du shar// sus kyang byas pa ma yin te// ngang ngam shugs las g.yos pa yis// yid kyi 'khor lo gsum du 'khrul// ngo bo rang sa ma zin par// rig pa'i ngo bo skyes pa
175a4 yis// kun tu 'tshol ba'i yid du 'khrul// rang bzhin rang sa ma zin pas// de las yid du 'gyus pa yis// gtan la 'bebs pa'i yid du 'khrul// thugs rjes rang sa ma zin par// de las sems su
175a5 btags pa yis// nges par 'jog pa'i yid du 'khrul// 'khor lo gsum du 'khrul pa yis// rig pa'i gzugs dang 'od kyi gzugs// sha yi gzugs dang gsum du byung// rig gzugs brten pa med pa
175a6 yis// yid sems phya sangs khyer nas ni// phyogs mtshams kun tu 'gyu ba yis// ma yin pha yin chags zhen skyes// de yis mngal gyi kha sgor chud// pha rgyud zhe sdang rus su smin// ma rgyud 'dod chags khrag tu
175b1 smin// dug gsum rgyu las lus ngag yid// brgyud pa rim 'khrul 'bras bur smin// med pa glo bur 'khrul pa dang// dngos po rkyen snang gsum du 'khrul// pha mar snang ste pha mar btags// pha mar bzung la pha
175b2 mar zhen// bu tsha snang bas bu tshar btags// bu tshar bzung bas bu tshar zhen// yul dang nor snang yul nor btags// yul nor bzung bas yul nor zhen// snang btags bzung zhen 'khrul pa las// snang
175b3 srid thams cad de las 'khrul// med par yod bzung yid sems kyis// rmi lam tshul du sdug bsngal myong// khams gsum 'gro drug de yis 'khrul// skye rgas na 'chi'i sdug bsngal dang// med pa btsal gyis ma
175b4 rnyed sdug/yod pa shor gyis dogs pa'i sdug/ sdang ba'i dgra dang 'phrad kyis dogs// byams pa'i gnyen dang bral gyis dogs// lus kyi na tsha'i sdug bsngal dang// sems ni zhe 'dod sdug bsngal dang// snang
175b5 ba phyogs ris sdug bsngal dang// de sogs 'bum phrag mang po rnams// sus kyang ma nyes rang shugs yin// dper na srin gyi kha chu dang// sbur ba bal du thum pa 'dra// rang las byung nas rang nyid 'khrul// tho
175b6 yor mi min mi bzung dang// thag pa sbrul min sbrul bzung dang// smig rgyu chu sman chu bzung gsum// dpe yis bstan pa de bzhin du// med par yod bzung 'khrul pa yin// mi bden bden bzung 'khrul pa
176a1 yin// mi rtag rtag bzung 'khrul pa yin// de la sogs pa 'khrul snang sdug bsngal rnams// las dbang rang rkyen yin mod kyi// gzhi la med par spros pa chod// dper na ha la nag po'i dug/ ma
176a2 shes zos pas 'chi gyur te// dug tu ngo shes za mi srid// thabs dang sngags ldan dug ngo shes// de zos mi 'chi sman du 'gyur// de bzhin 'khrul pa'i dug lnga rnams// gzhi la med par rtsad chod pas// 'khrul
176a3 med ye shes rnam par dag/mun rub nam langs nyi shar bzhin// mun pa ma sangs 'od du gsal// ye shes rin chen nyi shar bas// ma rig 'khrul pa'i mun pa sangs// 'khrul snang ma spangs 'od gsal
176a4 shar// ma rig 'khrul snang thams cad sangs// ye shes mkha' gsal 'khrul med rgyas// 'gyur med sangs rgyas chos skur gyur// skye med dbyings su mngon sangs rgyas// 'khrul pa ma spangs rtsad nas
176a5 chod// 'gyur ba med par rgyas thob la// bsam med brjod med dbyings su sdod// 'khrul snang thams cad rtsad gcod pas// khams gsum 'khor ba phyags mas btab// mya ngan 'das pa'i zhing khams
176a6 la// thams cad sangs rgyas chos skur snang// zhes gsungs so/ rin po che bcud kyi yang snying spros gcod rtsa ba'i rgyud las/ sems can ji ltar 'khrul pa dang/ de'i rtsad gcod thabs bstan pa'i le'u ste gsum
176b1 pa'o//// de nas ston pa kun bzang la// rdo rje sems dpas 'di skad gsol// sems sde ji snyed yod pa rnams// de yi spros pa ji ltar bcad// ces gsol pa dang/ kun tu bzang pos bka' stsal
176b2 pa// sems sde spros gcod bstan pa la// ngo bo cir yang gzung med la// mtshan nyid cir yang 'char ba la// sna tshogs nges med bsam 'das te// ma bcos ma bslad ma bsam par// mthar 'dzin cir yang
176b3 sems pa med// de bzhin nyid du spros pa chod// rin chen bcud kyi yang snying spros gcod rtsa ba'i rgyud las/ sems kyi spros pa gcod pa'i le'u ste bzhi pa'o//// de nas sems nyid kun bzang la// rdo rje
176b4 sems dpas 'di skad gsol// chos sde ji snyed yod pa rnams// de yi spros pa gang du bcad// ces gsol pa dang/ kun tu bzang pos bka' stsal pa// brgyad khri bzhi stong theg pa rnams// chos kyi sde tshan thams
176b5 cad kun// mtshan nyid cir yang ma yin pas// 'di zhes bstan du med pa la// bshad du med par mang por bshad// mang po ma yin bstan du med// 'dus rgyu gcig las med pa la// bshad pa mang bas gol
176b6 bar bshad// dpe la don nyid ma shor la// don la dpe gnyis ma lus te// sems chos gnyis su dbyer med bstan// chos dang sems su 'dres tsa na// chos kyi rnam grangs ji snyed rnams// nyan bshad bsam
177a1 dang shes su med// bstan du med par spros pa chod// rin chen bcud kyi yang snying spros gcod rtsa ba'i rgyud las/ chos sde'i spros pa gcod pa'i le'u ste lnga pa'o//// de nas sems nyid kun
177a2 bzang la// rdo rje sems dpas 'di skad gsol// rgyud sde ji snyed yod pa rnams// de yi spros pa ji ltar bcad// ces gsol pa dang/ kun tu bzang po bka' stsal pa// gzhi rgyud lam rgyud 'bras bu'i rgyud// de
177a3 sogs rgyud sde ji snyid rnams// sems rgyud gnyis su med par 'brel// rgyud ces gzhan du ma bkod la// sems zhes gzhan du ma bzung bar// dbye bsal med par dbyer med rgyud// rtsis gdab med par
177a4 bsam med rgyud// dgag bsgrub med par byar med rgyud// rgyud kyi rnam grangs ji snyed rnams// yid la byar med spros pa chod// sems la bzhag med spros pa chod// blo yi ma bcos spros pa chod// rin chen
177a5 bcud kyi yang snying rtsa ba'i rgyud las/rgyud kyi spros pa gcod pa'i le'u ste drug pa'o//// de nas sems nyid kun bzang la// rdo rje sems dpas 'di skad zhus// dbang sde ji snyed yod pa rnams// de yis
177a6 spros pa ji ltar bcad// ces gsol pa dang/ kun tu bzang pos bka' stsal pa// dbang bzhi dbang ni bco brgyad dang// dbang sde ji snyed yod pa rnams// kun gyi spyi bsdus sems nyid dbang// dbang sems
177b1 gnyis su med par 'brel/gnyis med gcig tu 'dres tsa na// dbang ni chos sku skye 'jig med// bskur ni 'pho 'gyur med par bskur// thob ni 'gyur med snying po thob// dbang ni snang srid sems la
177b2 dbang// bskur ni dbye bsal med par bskur// thob ni rtsis gdab med par thob// dbang ni dngos med byang chub sems// bskur ni bsam du med par bskur// thob ni g.yo rtsol med par thob// dbang ni
177b3 lus ngag sems la dbang// bskur ni bya btsal med par bskur// thob ni sku gsum 'gyur med thob// de sogs dbang gi sde tshan rnams// yid la byar med spros pa chod// dbye ba med par spros pa
177b4 chod// bskur rgyu med par spros pa chod// rin chen bcud kyi yang snying spros gcod rtsa ba'i rgyud las/ dbang gi spros pa gcod pa'i le'u ste bdun pa'o//// de nas ston pas kun bzang la// rdo rje sems
177b5 dpas 'di skad gsol// klong sde ji snyed yod pa rnams// de yi spros pa ji ltar bcad// ces gsol pa dang/ kun tu bzang pos bka' stsal pa// klong gi sde rnams ji snyed rnams// kun gzhi mkha' klong yangs
177b6 par 'dus// 'pho 'gyur med pa'i klong chen du// skye 'gag med par thamasacad 'dus// byang chub sems kyi klong chen du// smra bsam brjod 'das skye ba med// ka dag dbyings su spros pa chod// gang yang yid la
178a1 byar med pas// blo las 'das par spros pa chod// chos nyid ma bcos klong chen du// sems la bsam med spros pa chod// kha gting med pa'i klong chen du// rtsis 'dab byar med spros pa
178a2 chod// spros gcod sde lnga zhes ni de la bya// zhes gsungs so/ rin chen bcud kyi yang snying spros pa gcod pa rtsa ba'i rgyud las/ klong sde'i spros pa gcod pa'i le'u ste brgyad pa'o//// de nas kun tu bzang
178a3 po la// rdo rje sems dpas 'di skad gsol// spros gcod sde lnga de ltar na// lta sgom spyod 'bras man ngag spros pa ji ltar gcad// ces gsol pa dang/ kun tu bzang pos bka' stsal pa// lta ba brgyad khri bzhi
178a4 stong rnams// blta yul lta mkhan med pa yis// brtags zhen med par spros pa chod// sgom pa'i rnam grangs ji snyed pa// bsgom yul sgom mkhan med pa yis// yid kyis ma bzung ma yengs par// blo yis ma
178a5 bcos ma bsam te// dmigs med rtog pa med pa yis// 'gyur med klong du sprod pa chod// spyod pa bya byed thams cad kun// gang yang bya ba btang la ni// lus ngag yid gsum bya btsal med// gang snang lus
178a6 la chags zhen med// sgo lnga cir snang sems mi 'jug/ ma chags ma zhen me tog bung ba bzhin// chags zhen rtsol bsgrub mtha' dang bral// byar med klong du spros pa chod// 'bras bu ji snyed yod pa rnams// yid
178b1 smon 'bras bu ngas ma bshad// snying po'i klong nas rtogs pa'i ye shes shar// gzhi mo'i don rtogs rang sar rang nyid thim// dbyer med gcig tu 'dres pas snying po chos skur gyur// skye med rang sa zin pas snying
178b2 po klong nas shar// 'khrul pa rtsad nas chod pas rnam rtog rang sar grol// brjod med klong du gyur pas skye med rgya yis thebs// sku gsum 'du 'bral med pa'i klong du spros pa chod// man ngag ji snyed yod pa
178b3 rnams// dran pa bzhir 'gyur ngas ma bshad// zhen 'dzin med pa'i man ngag ni// spros pa'i mtha' la mi zhen te// 'dzin sems med par spros pa chod// bdag 'dzin med par spros pa chod// gzung 'dzin med
178b4 par spros pa chod// dgag bsgrub med par spros pa chod// dbye bsal med par spros pa chod// rtsis gdab med par spros pa chod// yid la ma 'gyus spros pa chod// rig pas rig med spros pa chod// blo yis ma
178b5 bcos spros pa chod// shes pas ma phye spros pa chod// sems kyis bsam med spros pa chod// lus kyis byar med spros pa chod// ngag gis brjod med spros pa chod// yid kyis g.yo med spros pa chod// g.yo rtsol
178b6 med par spros pa chod// 'pho 'gyur med par spros pa chod// skye ba med par spros pa chod// 'gag pa med par spros pa chod// skye 'gag gnyis med spros pa chod// de sogs cir snang rtsol bsgrub kyi// mtha'
179a1 las 'das pa spros pa chod// don gyi spros gcod rnam lngar gsungs// zhes gsungs so// rin po che bcud kyi yang snying rtsa ba'i rgyud las/ don gyi spros gcod bstan pa'i le'u ste dgu
179a2 pa'o//// de nas ston pa kun bzang la// rdo rje sems dpas 'di skad gsol// rgyud kyi mtshan ni ji ltar bzung// mtshan ming btags thabs bshad du gsol// kun tu bzang pos 'di skad
179a3 gsungs// dgos 'dod ma lus 'byung ba'i phyir// rin po che yi rgyud yin no// dus gsum rgyal ba'i bcud phyung bas// sems nyid bcud kyi rgyud yin no// chos rnams kun gyi yang snying bsdus// yang snying nying
179a4 khu'i rgyud yin no// sde lnga'i rtsa ba gcod pa'i phyir// spros gcod rtsa ba'i rgyud du zung// zhes gsungs so// rin po che bcud kyi yang snying spros gcod rtsa ba'i rgyud las/ rgyud kyi mtshan btags pa'i le'u ste bcu
179a5 pa'o//// de nas ston pa kun bzang la// rdo rje sems dpas 'di skad gsol// rin chen bcud kyi yang snying mchog/ spros gcod rtsa ba'i rgyud 'di ni// gtad rgya gang zag gang la gtad// ces gsol pa
179a6 dang// kun tu bzang pos 'di skad gsungs// dper na seng ge'i 'o ma yang// snod ngan phal du blugs gyur na// snod kyang 'jig la bcud kyang 'bo// de bzhin yang snying rtsa rgyud kyang// snod ngan phal la gtad
179b1 gyur na// chos kyang 'chol la rang yang brlag/ rgyud ngan ser snas bcings pa dang// nga rgyal dregs pas khengs pa dang// mu cor smra zhing mkhas 'dod dang// man ngag bsgrub par mi sems par// lag tu thob
179b2 na zong du 'tshong// de lta bu la bstan gyur na// dur khrod ngam shod gnas nyid du// mkha' 'gro dam can bka' srung gis// ma shi ba yi sngon rol du// sha khrag rlon pa za bar byed// de bas snod ngan mi bstan
179b3 no// ngang rgyud bzang zhing dad pa che// dam tshig gzhung bsrung rnam smin 'dzem// ser sna chung la gtong phod che// rin chen snod ldan de dag la// yang snying rtsa rgyud spros gcod gtad// man ngag gsang tshig thub pa
179b4 dang// snod dang ldan pa'i skyes bu la// yang snying spros gcod rtsa rgyud gtad// rin chen la sogs 'dod pa'i yon// ma chags ser sna med la gtad// ces gsungs so// rin chen bcud kyi yang snying rtsa ba'i rgyud
179b5 las/snod ldan la gtad rgya bstan pa'i le'u ste bcu gcig pa'o//// rin po che bcud kyi yang snying spros gcod rtsa ba'i rgyud rdzogs so////


CLOSE WINDOW