CLOSE WINDOW

Gpb003.010
བོད་ཡིག

rgya gar skad du/ rgya tshig bkrol ba/ A lo ga b+ha ba sa puTA mr-i ta su ra bin+du sa sA rA d+yan+ta ts+tshe da na tan+t+ra/ bod skad du/ snang srid kha sbyor bdud rtsi chu thig 'khor ba thog mtha' gcod pa'i rgyud/ bcom ldan 'das mtshon med brjod las 'das pa'i/ sems nyid skye med kun bzang klong la phyag 'tshal lo// brtags snang kun tu bzang po la phyag 'tshal lo// 'di skad bdag gis go zhing bshad pa'i dus gcig na/'og min gyi gnas mtha' dang dbus med pa'i gzhal yas khang na/ chos nyid stong ra kun gzhi gdal khyab chen po'i dkyil 'khor der/ rin po che 'od spung pa 'od 'phro 'du dang 'phel 'grib med pa'i gnas de na/snying po don gyi sku gsum 'di ltar bzhugs// bsam brjod sngo las 'das pa'i mtshon med chos sku dang// 'gag med bsam las 'das pa'i longs spyod rdzogs sku dang/ thugs rje kun khyab dran med sprul sku gsum// ston pa phun sum tshogs pa'o// de yi drung du 'khod pa'i 'khor yang 'di lta ste/ don gyi 'khor dang/ ye nas gnas pa'i 'khor dang/ dus gsum gyi 'khor ro// don gyi 'khor ni 'di ltar te/sems nyid skye ba med pa la/ rig pa 'gag pa med pa'i 'khor dang/ chos nyid 'gyur ba med pa la/ yid 'gyu sna tshogs kyi 'khor dang/ sems nyid gnyis su med pa la/ gzung 'dzin gnyis snang rtags zhen gyi 'khor ro// ye nas gnas pa'i 'khor yang 'di lta te// sa dang chu dang me dang rlung dang nam mkha'o// dus gsum gyi 'khor yang 'di lta ste/ 'das pa'i sangs rgyas dang/ ma 'ongs pa'i sangs rgyas dang/da ltar gyi sangs rgyas so// gzhan yang 'khor gyi tshogs 'di lta ste/ rjes kyi rnal 'byor dang/ shin tu rnal 'byor dang/ rnal 'byor chen po'o// nyid kyi rang bzhin gyi dkyil 'khor dang/rang bzhin gyi lta ba'i 'khor dang/ rang bzhin gyi rtogs pa'i 'khor ro// de rnams 'khor phun sum tshogs pa'o// bstan pa'i don yang 'di lta ste/ ye nas mtshon du med pa'i bstan pa dang/ de la mtshon pa'i chos kyi sangs mi rgya pa'i bstan pa dang/mtshan ma dang mtshon byed gnyis med de tshig dang yi ge'i ming btags las grol ba'i bstan pa'o// de ni bstan pa phun sum tshogs pa'o// dus bstan pa yang 'di ltar te/'das pa'i rjes mi bcad/ ma 'ongs pa'i bdun mi bsu/ da lta'i rkyen khar ma shor te/ dus gsum dbyer med kyi dus so// sngon byung rjes 'jug gdung sob gsum ste/ dus phun sum tshogs pa'o// de nas 'khor tshogs de'i nang nas rdo rje sems dpas 'di skad zhus/kye kye kye/ ston pa'i rgyal po sems nyid kun bzang lags// phun sum tshogs pa'i don ni de lta na// thog ma gzhi yi gnas lugs dang// sangs rgyas sems can gnyis kyi sa mtshams dang// yar rgyas mar 'khrul gnyis kyi bye brag dang// cis len cis phan gnyis kyi gtan tshigs dang// de nyid rtogs par byed pa'i thabs rnams dang// rtogs nas 'bras bu thob lugs dang// mi 'gyur gdeng gis zin lugs dang/ spyi ti yo ga'i bstan lugs dang// gang zag rjes 'asngug rnams kyis rtogs pa'i thabs// de rnams ston pas bka' stsol cig/bdag cag nyan pa'i 'khor rnams la// shin tu zab par gsung du gsol// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ gleng gzhi'i le'u ste dang pa'o// [ ×ÀÃæ ]// de nas 'khor nang nas rdo rje sems dpa' stan las langs nas/ pus btsugs thal sbyar 'di skad gsol// bka' chen bshad lugs ci ltar lags// sems nyid kun bzang gsung du gsol// zhes gsol pa dang/ston pa'i rgyal po sems nyid kun bzang gis// 'dus pa'i tshogs la bstan pa'i phyir// rin chen 'od 'bar gzhal yas khang// dbyings chen chos nyid stong ra ru/ chos thams cad dbye ba med pa'i ting nge 'dzin la snyoms par zhugs so// de nas 'dus pa'i tshogs rnams drung na 'khod par gzigs nas// ting nge 'dzin las bzhengs nas/ 'di skad ces 'khor rnams la bka' g+Nal to// nga yi spyi ti yo ga 'di// 'dus pa'i 'khor la bshad bgyi yis// 'khor rnams ma yengs go bar zung// spyi ti yo ga bshad lugs 'di// theg pa gzhan las 'byung mi 'gyur// ma byung mi 'byung 'byung mi srid// bka' chen bshad lugs gsum du bshad// skye med mtshan med bshad pa dang// bla dgas tshig gis bshad lugs dang// mtshon pa'i brda grol bshad lugs so// thun mongs bshad lugs rnam gsum ni// byin gyis brlabs kyis bshad pa dang// rang gi ngo bos bshad pa dang// sdeb sbyor gyis bshad lugs dang gsum mo// spyi ti'i bshad lugs rnam gsum ni// skye med chos sku'i bshad lugs dang/'gag med longs sku'i bshad lugs dang// thugs rje sprul sku'i bshad lugs so// phyi bas sum cu dgu yin te// spyi sdom sum cur shes par bya// skye med mtshon med bshad lugs ni// mtshon pa'i chos kyis sangs mi rgya// mtshon du med pa'i chos gcig dgos// bshad pa'i chos kyis sangs mi rgya// ma bshad go ba'i chos gcig dgos// bstan du yod pas sangs mi rgya// ma bstan bstan med chos shig dgos// brtags pa'i chos kyis sangs mi rgya// brtags snang grol ba'i chos shig dgos// blos brtags chos kyis sangs mi rgya// blo las 'das pa'i chos shig dgos// byas pa'i chos kyis sangs mi rgya// ma byas byung ba'i chos shig dgos// bsgrub pa'i chos kyis sangs mi rgya// byar med spros bral chos shig dgos// de ni skye med mtshon med bshad lugs so// bla dgas tshig gi bshad lugs ni// mtshan nyid sde gsum bshad lugs dang// kri yog sde gsum bshad lugs dang// bskyed rdzogs rnam gsum bshad lugs so// yang na rgyu yis bshad lugs rnams// 'di ru brjod pas mi langs te// rang rang dkyus nas zhib par gsungs// bla dgas tshig gi bshad lugs so// mtshan pa'i brda 'grol bshad lugs so// A ho he he a la la ho/ shin tu ngo mtshar che ba'i bka'// spyi ti yo ga 'di lta bu// gzhan na med de a la la// nga yi rang bzhin 'di ltar te// yod ni ci yang med pa ste// snang ni cir yang snang ba'o// dngos po ci yang med pa ste// sna tshogs kun gyi gzhi ma byas// mtshon du rdul tsam med pa ste// mtshon pa sna tshogs rtsa ba byas// tshig gi yul du ma gyur te// tshigs tshogs rgya mtsho'i rtsa ba byas// ngos zin rtag pa med pa ste// brtags snang kun gyi rtsa ba byas// chags zhen rten sa med pa ste// chags zhen kun gyi rtsa ba byas// brjod pa'i yul du ma gyur te// ming tshig brjod bzhi kun gyi rtsa ba byas// tha snyad gang gis ma gos te// tha snyad kun gyi rtsa ba byas// skye shi kun bral skye ba ste// skye rga na 'chi'i gzhi ma byas// bskyed pa kun dang bral ba ste// thams cad bskyed pa'i gzhi ma byas// 'byung ba'i gzhi ma ma grub ste// snang srid skye 'gul 'byung ba'i yum chen byas// phyogs mtshams mtha' dbus kun dang bral ba ste// mtha' dbus phyogs mtshams kun gyis rten pa byas// de la sogs te dbye na bsam las 'das// mno bsam kun gyi rtsa ba byas// byas kyang don gyi ngo bo 'di ltar ste// tshogs brgyad yul du ma gyur snying po can// rang bzhin mi dmigs brjod pa kun dang bral// gang gis kyang ni mtshon par mi nus so// rin chen 'od 'bar rang bzhin 'di ltar ste// mtshon du ci yang med pa te// bstan ni rnam pa gnyis su bstan// byung ni brgyad khri bzhi stong byung// 'dus ni theg pa dgu ru 'dus// la ni spyi ti yo gar bzla// yin ni byang chub sems yin te// gnas ni skye med dbyings na gnas// gsal ni 'od kyi sbubs na gsal// khyab ni snang srid kun tu khyab// mthong du dngos po mtshan ma med// brjod du dmigs pa'i yul las 'das// bsam du blo yis yul las 'das// rig dang rig tshor rtsad nas bcad// dran du sems kyi gzhi ma rnyed// des na mtshon brtags kun bral lo// mtshon pa kun bral bshad lugs so// skye med don gyi bshad lugs ni// chos rnams skye med dbyings su bshad// 'gyur med chos sku'i ngo bor bstan// brjod med klong du bstim nas bzhag/longs spyod rdzogs sku'i bshad lugs ni// chos rnams 'gag pa med par bstan// gdal khyab 'gag med longs sku'o// longs spyod rdzogs sku'i bshad lugs so// thugs rjes sprul sku'i bshad lugs ni// snang srid gnyis med sprul pa'i sku// sna tshogs snang la nges bzung med// gang snang yul la chags zhen med// dran med sprul sku'i bshad lugs so// byin gyis brlabs kyis bshad lugs ni// ye thog ye gnas dbyings nas dbyer med bstan pa bshad// snying po'i klong nas kun tu bzang pos mnyan// snying po'i klong nas kun tu bzang pos bshad// phyogs med kun gzhi'i gnas nas rdo rje sems dpas mnyan// rdo rje sems dpas kun gzhi'i klong nas bshad// sems dpa' rdo rjes 'od gsal gnas nas mnyan// sems dpa' rdo rjes 'od gsal gnas nas bshad// rang gsal khye'u chung gis 'od kyi dbus nas mnyan// rang gsal khye'u chung gis 'od kyi dbus nas bshad// ngang dngas chen pos kun gsal gnas nas mnyan// ngang dngas chen pos kun gsal klong nas bshad// dga' rab rdo rjes ri rab rtse nas mnyan// dga' rab rdo rjes ri rab rtse nas bshad// 'ablam dpal bshes gnyen ri rab sked nas mnyan// bstan pas go ba ma yin te// byin gyi rlabs kyis go bar bshad// byin gyi brlabs kyis bshad lugs so// rang gi ngo bos bshad pa ni// byang chub sems kyi ye shes de// ston pa sa yi skur byung nas// tshig dang yi ger mi ston te// bdag tu mi rtogs gzhan mi rtogs// mi rtogs mnyam pa'i dgongs par ston// khams gsum sems can thams cad kyis// de rtogs sangs rgyas kun dang mnyam// rtsol ba'i bsam pas dbyings mi bskyod// byang chub sems kyi ye shes de// ston pa chu yi skur bstan nas// tshig dang yi ger mi ston te// bdag tu mi 'byed gzhan mi 'byed// mi 'byed mnyam pa'i dgongs pa ston// khams gsum sems can thams cad kyis// de rtogs sangs rgyas kun dang mnyam// rtsol ba'i bsam pas dbyings mi bskyod// byang chub sems kyi ye shes de// ston pa me yi skur byung nas// bdag tu mi 'dzin gzhan mi 'dzin// gzung 'dzin gnyis med dgongs pa ston// khams gsum sems can thams cad kyis// de rtogs sangs rgyas kun dang mnyam// rtsol ba'i bsam pas dbyings mi bskyod// byang chub sems kyi ye shes de// ston pa rlung gi skur byung nas// bdag tu mi bsgrub gzhan mi spang// dgag bsgrub gnyis med dgongs pa ston// khams gsum sems can thams cad kyis// de rtogs sangs rgyas kun dang mnyam// rtsol ba'i bsam pas dbyings mi bskyod// byang chub sems kyi ye shes de/ / ston pa nam mkha'i skur byung nas// bzang po mi bsgrub ngan mi 'dor// dbye bsal med pa'i dgongs pa ston// khams gsum sems can thams cad kyis// de rtogs sangs rgyas kun dang mnyam// rtsol ba'i bsam pas dbyings mi bskyod// de bzhin snang srid thams cad kyis// tshig dang yi ger mi ston te// rang rang sgo nas dbyer med chos ston to// rang gi ngo bos bshad lugs so// sdeb sbyor tshig gi bshad lugs ni// snyan nas snyan du brgyud nas bstan// de rnams spyi ti'i bshad lugs so// snang srid kha sbyor bdud rtsi thigs pa 'khor ba thog mtha' gcod pa'i rgyud las/ gleng bslang bshad lugs kyi le'u ste gnyis pa'o//// de nas yang sems nyid kun tu bzang po la/rdo rje sems dpas 'di skad zhus// sangs rgyas sems can ma byung ba// de yi gong nas sngi ltar gnas// 'dus pa'i 'khor la gsung du gsol// zhes gsol pa dang/ sems nyid kun tu bzang po des// rin chen 'od spungs gzhal yas nas// dbye bsal med pa'i ting nge 'dzin la bzhugs// 'dus pa'i tshogs rnams 'khod par gzigs// bzhengs nas ston pa kun bzang gis// 'dus pa'i 'khor la 'di skad gsungs// sangs rgyas sems can med pa'i sngon rol na// ci yang ma yin ci yang ma grub pa// tha snyad gang gis mtshon par mi nus so// ming 'dogs tshig gi mtha' las grol ba yin// thog ma gzhi la dbyer med pas// sangs rgyas sems can ming yang med// brda dang tha snyad 'dogs mkhan med// dpe dang don du ston mkhan med// tshig dang yi ger 'dogs mkhan med// bde sdug gnyis su myong mkhan med// rgyu 'bras gnyis su 'dogs mkhan med// bdag gzhan gnyis su 'byed mkhan med// sangs rgyas sems can gnyis med grub tsa na// cir yang ma yin ngo bor gnas// ci yang mi snang ngo bor gnas// mtshon pa bla dgas tshig las grol// bsam brjod blo yis yul las 'das pa yin// ji lta bus kyang brjod mtshan mtha' las 'das// de phyir gzhi la byer med phyir// brtags zhen kun las bral bar gsungs// mtshon pa'i mtha' las 'das par gsungs// rdo rje sems dpas 'di skad gsol// ston pa sems nyid kun bzang la// kun gzhi'i gnas lugs ji ltar lags// zhes gsol ba dang// ston pas 'khor la bka' stsal pa// bang mdzod zhing sa dar chags gsum// gzhi yi dpe ru shes par bya// sangs rgyas sems can gzhi mo yang// 'khor ba ru yang rgya ma chad// mya ngan 'das par rgya ma chad// gnyis med du yang rgya ma chad// tha dad du yang rgya ma chad// yod ma myong la med ma myong// stong ma myong la gsal ma myong// bde ma myong la sdug ma myong// snang ma myong la stong ma myong// yin ma myong la min ma myong// stor ma myong la rnyed ma myong// gang ma myong la lud ma myong// bo ma myong la zad ma myong// 'dod ma myong la rtsol ma myong// zhen ma myong la chags ma myong// ngan ma myong la spang ma myong// bzang ma myong la bsgrubs ma myong// bsgoms ma myong 'jogs ma myong// gzung ma myong la 'dzin ma myong// 'khrul ma myong la sgrib ma myong// rtogs ma myong la rgyas ma myong// gnyis su rgya chad med pa yin// gcig tu bsdu ma myong ba yin// rgyu yis ma bskyed rkyen gyis mi 'jigs par// ngo bo mi 'gyur rang bzhin mi dmigs pas// skye 'jig gang du rgya chad med pa yin// mtshon med tshig gis ston pa med// chos med ston med nyan pa med// smrar med tshig med brjod pa med// bde med sdug med skyid ba med// bzang med ngan med gnyis ka med// dbus med mtha' med phyogs mtshams med// sangs med chub med sems can med// rigs med yid med sems med btags pa med// gnas med chags med zhen med bzung ba med// ci yang mtshon du ma btub po// rtogs tshogs brtag pa'i tshig las grol// rnam pa ci yang mi 'byed sems nyid brjod med klong// kun gzhi'i gnas lugs de ltar ro// snang srid kha sbyor bdud rtsi bcud thigs// 'khor ba thog mtha' gcod pa'i rgyud las// kun gzhi'i gnas lugs bstan pa'i le'u ste gsum pa'o//// de nas ston pa'i rgyal po sems nyid kun bzang la/ sdud pa'i rdo rje sems dpa' yis// sangs rgyas sems can gnyis kyi so mtshams dang// yar rgyas ma 'khrul gnyis kyi bye brag rnams// shin tu zab par gsung du gsol// zhes gsol pa dang/ ston pa'i rgyal po sems nyid kun bzang de/ rin po che 'od kha sbyor dbyer med kyi ting nge 'dzin la bzhugs so// de nas bzhengs nas 'di skad gsungs// khyed kyis dris pa'i don rnams bshad// 'khor rnams ma yengs yid la zung// sems can sangs rgyas so mtshams ni// rig dang ma rig so mtshams dang// 'gyu dang mi 'gyu'i so mtshams dang// brtags dang ma brtags so mtshams dang// zin dang ma zin so mtshams dang// mtshon dang ma mtshon so mtshams dang// rtogs dang ma rtogs so mtshams dang// 'gyur dang mi 'gyur so mtshams dang// 'char sgo 'khrul sgo'i so mtshams dang// ldog bcas gnyis kyi so mtshams so// 'di ni sangs rgyas sems can gnyis kyi so mtshams so// yar rgyas ma 'khrul gnyis kyang 'di lta ste// sngon nas gdod ma nyid nas gnas// stong nyid yab kyi tshul du gnas/ / ye nas mtshon pa med pa de// chos nyid yum gyi tshul du gnas// skye med 'byed med sras gcig 'khrungs// 'byed med gti mug chen po de// thabs kyi rgyal po yab tu gnas// skye 'gag kun bral shes rab yum gyi tshul// rtsis gdab med pa'i sras gcig 'khrungs// thog ma med pa yab kyi tshul du gnas// mtha' ma med pa yum gyi tshul du gnas// dbye bsal med pa'i sras de thog mtha'i dras thag bcad// rang bzhin ye gnas yab kyi tshul du gnas// kun khyab ye gnas yum gyi tshul du gnas// 'od gsal chos nyid sras gcig 'khrungs// chos rnams mnyam nyid dbyings su thim// bag tsam g.yo ba yab kyi tshul// kun tu g.yo ba yum gyi tshul// 'gyu ba bu yi tshul du skyes// kun gzhi yab kyi tshul du gnas// kun khyab klong chen yum gyi tshul// rgya chad skye 'gag med pa'i sras shig 'khrungs// 'byung lnga yab kyi tshul du gnas// 'od lnga yum gyi rang bzhin no// rlung lnga rtsal gyi sras shig 'khrungs// rtsal la gdeng rnyed rtogs par shar// bu nyid yum gyi ngang du thim// ma la bu thim dbyer mi phyed// ma bu ngo 'phrad 'gyur med snying po chos skur gnas// yab yum 'gyur med dbyings su thim// snying po yab yum mkha' klong nas// rig pa'i rtsal ma 'gag pa'i bu rnams 'phyo// 'phyo sa ma rnyed snying po'i klong du thim// zer gyi shes pas yab yum ngang thim pas// yab yum sras dang dbyer med thog mar ye sangs rgyas// chos nyid gzhi la 'phrad pas thog mar ye shes rang sa zin// rnam rtog rtsad nas bcad pa'i 'khrul pa rang sar grol// 'gyur med klong du 'thim pas snying po chos skur gyur// ma rig mun khang bcom pas ye shes rgya ma chad// ye shes 'char sgo phye bas ma rig 'khrul sgo bsdams// 'khor ba yongs su spangs pas snying po chos skur rgyas// bya btsal dgag bsgrub spangs pas byar med spros bral rgyas// yar rgyas kun bzang de ltar shes par gyis// ci phan 'dri ba'i gtan tshigs de// bya btsal gang gis phan pa ma yin te// rang sar ngang nyid thim pa yin// ngang nyid ngang gis grol pa yin// rang gis rang nyid rtogs pa yin// spang len 'gag bsgrub phan pa ma yin no// rnam rtog sangs pas ye shes rgyas// sus kyang rgyas su ma bcug go// rang nyid rang gis rgyas pa yin// rang nyid rang gis rtogs pa yin// de ltar 'gyur med sangs rgyas rtogs tsam na// ma rig med de ngang dngas chen po yin// ye shes ye nas gsal ba'i ngang dngas chen po yin// rnam rtog med de ngang dngas chen po yin// chos nyid ye nas yin te ngang dngas chen po yin// dug gsum med de ngang dngas chen po yin// sku gsum ye nas yin te ngang dngas chen po yin// dug lnga med de ngang dngas chen po yin// ye shes lnga la gnas te ngang dngas chen po yin// 'khor ba med de ngang dngas chen po yin// ye nas mya ngan 'das te ngang dngas chen po yin// sems can med de ngang dngas chen po yin// ye nas sangs rgyas yin te ngang dngas chen po yin// skye ba med de ngang dngas chen po yin// 'gag pa med de ngang dngas chen po yin// na ba med de ngang dngas chen po yin// rga shi med de ngang dngas chen po yin// snang ba med de ngang dngas chen po yin// stong pa med de ngang dngas chen po yin// gnyis su med de ngang dngas chen po yin// yul sems gnyis med ngang dngas chen po yin// gzung 'dzin gnyis med ngang dngas chen po yin// dgag bsgrub gnyis med ngang dngas chen po yin// bdag gzhan gnyis med ngang dngas chen po yin// rig pa myong med ngang dngas chen po yin// spang len gnyis med ngang dngas chen po yin// blang dor gnyis med ngang dngas chen po yin// bya btsal gnyis med ngang dngas chen po yin// phyogs ris gnyis med ngang dngas chen po yin// dbye bsal gnyis med ngang dngas chen po yin// rtsis gdab gnyis med ngang dngas chen po yin// rig pa myong med ngang dngas chen po yin// yid kyi 'gyu med ngang dngas chen po yin// sems kyi ming med ngang dngas chen po yin// mtshon du med do ngang dngas chen po yin// ming tshig brjod med ngang dngas chen po yin// brtags zhen med de ngang dngas chen po yin// chags 'dzin med de ngang dngas chen po yin// brtags snang kun las grol te ngang dngas chen po yin// rtog tshogs mtshan ma grol te ngang dngas chen po yin// brjod gzhi thams cad ngang dngas chen por grol// sangs rgyas che ba'i yon tan 'di ltar ro// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ sangs rgyas sems can gnyis kyi sa mtshams dang/ sangs rgyas che ba'i yon tan dang bcas pa bstan pa'i le'u ste bzhi pa'o//// de nas rdo rje sems dpa' yis// pus btsugs thal sbyar 'di skad gsol// gzhi nyid mnyam por gnas pa na// khams gsum 'khor ba ci yis nyes// 'dus pa'i 'khor la gsung du gsol// ston pa kun tu bzang po rin po che dbye bsal med pa'i ting nge 'dzin la snyoms par zhugs so// de nas bzhengs nas 'di skad gsungs// A yi bar nas ma bar// A le A+e ma// kye ma kye ma ho/yang dag don las gol ba rnams// rnam rtog bdag tu bzung ba yis// nan gyis nam mkhar mdud pa byas// rang mgo rang gis rkang pas mnan// rang gi ske lag rang gis bcings// rang gi rin chen rang gis stor// rang gi sgron me rang gis bsad// rang gi nyi zla rang gis bsnubs// kye ma bdag tu 'dzin pa'i sems can nyon re mongs// mnyam pa'i don la phyogs ris byung// sangs rgyas sems can gnyis kyi gzhi// ngo bo spyi sa mnyam par gnas// g.yo ba'i rlung yang mnyam par gnas// 'char ba'i zer yang mnyam par gnas// skye ba'i rim pa mnyam par gnas// dper na mtsho la dar chags 'dra// 'gyu ba'i rlung dag mnyam pa la// rang sa ma zin gsum gyis lan// yar rgyas don la mi rtogs pas// g.yo dang 'gyu mi 'gyu dang ni// zer dang 'od dang shes pa dang// sang ngai sing nge rten med de// phyogs mtshams kun tu 'gyu ba'i sa// rtsal snang bu yis shes pa 'phyo sar khyer// yin snyam rig pa chags sdang skyes// chags zhen skyes pas min par 'khrul// gnas don ma shes don ma rig/ de la ma rig mun par gsungs// 'gyu ba rlung gis rgyu byas nas// sgrib g.yogs mun pa rkyen du byung// ye shes 'char sgo ma shar bar// mun pa'i 'khor sgo rkyen du byung// ma rig 'khrul sgor 'khyams pa yi// rig pas kun du 'tshol khro byas// yid ni 'gyu ba nyid dang bcas// sems ni gsal cha lnga ru shar// gsal dang mi g.yo'i rgya ma chad// mi 'gyur g.yo zhing 'gyu ba ste// sems ni snang tshul lnga ru shar// 'od gzugs rig gzugs sha gzugs so// rig pa'i gzugs la sha gzugs nyid du 'khrul// pha yin ma yin snyam byed kyi// mngal gyi sgo ru 'khyams nas ni// sha khrag pags pa'i gzugs su 'thum// pha yis zhe sdang rgyu las ni// sha khrag rus pa'i tshul du chags// ma yis 'dod chags rkyen las ni// khrag dang chu ser nyid du chags// dug gsum rgyu yis lus ngag yid gsum bsdus// 'khrul pa yis ni 'bras bu yin// dngos po rkyen snang 'di ltar 'khrul// pha ru snang ste pha ru bzung// pha ru brtags te pha ru zhen// ma ru snang te ma ru bzung// ma ru brtags te ma ru zhen// bu ru snang ste bu ru bzung// bu ru brtags te bu ru zhen// yul du snang ste yul du bzung// yul du brtags te yul du zhen// 'khrul pa thams cad brtags snang zhen gsum mo// dang po rig pa skyes pas yid ni 'gyus// sems su bsal ba'i ming du brtags// ming ni don med tshig yin no// tshig ni bla dgas brjod rtogs tshig/ kun tu 'tshol dang gtan la 'bebs// nges par brjod dang 'khor lo gsum du 'khrul// mnyam pa chen po'i chos nyid la// log par brtags pa'i shes pa sna tshogs kyis// mi mnyam pa yi ngo bor bzung// de yis 'khrul pa'i 'bras bu brtas// 'khrul dang ma 'khrul gnyis med la// zhen rtog mtshan ma brtas pa yis// min pa'i chos la yin par bzung// de yis 'khrul pa'i 'bras bur smin// skye med mtshon med 'gyur med la// rnam rtog blos brtags shes pa yis// skye rga na 'chi bde ba'i chos su bzung// de yis 'khrul pa'i 'bras bur smin// gnyis med ngang la gnyis su bzung// de yis 'khrul pa'i 'bras bur smin// bdag gzhan med la bdag tu bzung// de yi 'khrul pa'i 'bras bur smin// dbye bsal med la dbye bsal bzung// de yis 'khrul pa'i 'bras bur smin// rtsis gdab med la rtsis gdab bzung// de yis 'khrul pa'i 'bras bur smin// dgag bsgrub med la spang len byas// de yis 'khrul pa'i 'bras bur smin// bya btsal med la rtsol bsgrub byas// de yis 'khrul pa'i 'bras bur smin// de ltar med la yod bzung gis// rmi lam tshul du sdug bsngal myong// rigs drug skye 'gul de las byung// mi bden bden bzung rtog tshogs kyis// thams cad 'khrul pa'i 'bras bur smin// gzhi la med de rtog pas bzung// bzung bas zhen nas chags te 'khrul// nges 'khrul rtags gtan la phab pa'o// cis lan bya ba'i tshig de yang// cis kyang ma lan rang gis lan// rang sa ma zin gsum gyis lan// sus kyang ma lan rang gis lan// chos nyid ma dang ma 'phrad pas// rang la rang nyid yi re mug/ ye shes rang sa ma zin pas// rang la rang nyid zhe re khrel// rnam rtog rang sar ma sangs pas// rang la rang nyid skyugs re log/ snying po klong nas ma shar bas// rang gis rang 'thums mun par 'thums// 'khrul pa rang sar ma grol bas// rang gis rang mnar rang re mnar// sus kyang gnod pa ma bskyal te// chos dang sems su ma 'dres lan// dug gsum rtsa ba ma chod lan// zhen pa rang log ma byung lan// dug lnga rang grol ma byung lan// chags sdang lnga dang ma bral lan// gti mug mun pa ma sangs lan// ye shes nyi ma ma shar lan// rang gis rang nyid 'khor du bcug/ rang gis rang nyid 'khrul du bcug/ cis lan cis phan gtan tshigs de ltar ro// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ 'khrul pa gtan la phab pa'i le'u ste lnga pa'o//// de nas sems nyid kun bzang la// rdo rje sems dpas 'di skad zhus// chos sku rtogs par bya ba'i thabs// bdag cag rnams la bstan du gsol// ston pa kun tu bzang po de// rin po che'i 'od nang du zhi ba'i ting nge 'dzin la bzhugs so// de nas bzhengs nas 'khor la 'di skad gsungs// A paM ka ri ma hA A ti ta AH/theg pa'i rgyal po spyi ti yo ga 'di/ theg pa kun gyi spyi mes yin par gsungs// bka' chems man ngag bstan lugs kyis// skye med tshig med mtshon med btags med yin pa la// e ma ho// de ltar ma go'i sems can rnams// dngos po med par mtshon par 'dod// 'di yang sems can nyon re mongs// skye med don la brjod par 'dod// 'di yang sems can nyon re mongs// ye med don la dngos por 'dod// 'di yang sems can nyon re mongs// nga yi rang bzhin cir yang ma grub par// theg pa chen por kha smras 'dzugs// 'di yang sems can nyon re mongs// mthar lta mngon par zhen pa'i theg brgyad kyis// nga ma mthong bas snying re rje// gzhan lta rgyab kyis phyogs pa'i rim pa brgyad// nga yis rang bzhin ma shes nyon re mongs// ngo mtshar che ba'i kun bzang gis// drung na gnas pa'i 'khor rnams la// dbye bsal med la dbye ba'i sa// 'khor rnams kun la 'di skad gsungs// gnyis su med par gnyis su phye// 'di yang sems can nyon re mongs// sku gsum med par sku gsum bsgrub par 'dod// 'di yang sems can nyon re mongs// dus gsum med par spang bar 'dod// 'di yang sems can nyon re mongs// dug lnga med par spang bar 'dod// 'di yang sems can nyon re mongs// sku lnga med par bsgrub par 'dod// 'di yang sems can nyon re mongs// sems can med par spang bar 'dod// 'di yang sems can nyon re mongs// sangs rgyas med par bsgrub par 'dod// 'di yang sems can nyon re mongs// ma rig med par spang bar 'dod// 'di yang sems can nyon re mongs// ye shes med par bsgrub par 'dod// 'di yang sems can nyon re mongs// yul sems med par spang bar 'dod// 'di yang sems can nyon re mongs// bzung ba med par bsgrub par 'dod// 'di yang sems can nyon re mongs// de la sogs pa gnyis snang thams cad kun// sems can blo yi chos su bstan pa cha med dam// brtags pa snang ba yin par cha med dam// tshig ni bla dgas yin par cha med dam// tshig ni tha snyad yin par cha med dam// brjod gzhi tha snyad yin par cha med dam// blo dman chos su bstan pa cha med dam// thams cad bslu brid yin par cha med dam// des na gang brtags snang ba zhen dang gsum gyi chos kyis chos mi btub// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/gnyis snang chos kyi grol ba mi thob par bstan pa'i le'u ste drug pa'o//// de nas ston pa kun bzang la// rdo rje sems dpas 'di skad zhus// chos nyid mtshon du med pa'i don// bdag cag rnams la bstan du gsol// zhes gsol pa dang/ sems nyid ston pa kun bzang de/ rin po che 'od 'bar ba/ don mtshon pa med pa'i ting nge 'dzin la snyoms par bzhugs so// ting nge 'dzin las bzhengs nas ni/ 'dus pa'i 'khor la 'di skad gsol// a ta pa ta ri A thim// nga yis mtshon pa kun bral bshad// rdo rje sems dpas go bar zung// skyed med dngos med mtshon 'das dngos med yin// de la mtshon pa'i chos kyis sangs mi rgya// mtshon du med pa'i chos shig dgos// sku gsung bsgrub pas sangs mi rgya// de dang bral ba'i chos shig dgos// snang ba stong pa skye med gsum// de gsum bsgrub pas sangs mi rgya// de dang bral ba'i chos shig dgos// sems dang rig pa yid dang gsum// de gsum bsgrub pas sangs mi rgya// de dang bral ba'i chos shig dgos// sangs rgyas chos dang dge 'dun gsum// de gsum bsgrub pas sangs mi rgya// de dang bral ba'i chos shig dgos// sems dang ye shes bag chags gsum// de gsum bsgrub pas sangs mi rgya// de dang bral ba'i chos shig dgos// rig pa stong pa gnyis med gsum// de gsum bsgrub pas sangs mi rgya// de dang bral ba'i chos shig dgos// tshig dang mtshon pa btags pa gsum// de gsum bsgrub pas sangs mi rgya// de dang bral ba'i chos shig dgos// skye med dmigs med brjod med gsum// de gsum bsgrubs pas sangs mi rgya// de gsum bral ba'i chos shig dgos// blang bya 'dzin bya dor bya gsum// de gsum bsgrub pas sangs mi rgya// de dang bral ba'i chos shig dgos// rtsol bya bsgrub bya 'dod bya gsum// de gsum bsgrub pas sangs mi rgya// de gsum bral ba'i chos shig dgos// blta bya spyod bya bsgrub bya gsum// de gsum bsgrub pas sangs mi rgya// de dang bral ba'i chos shig dgos// bsrung bya thob bya bgrod bya gsum// de gsum bsgrub pas sangs mi rgya// de dang bral ba'i chos shig dgos// snang ba btags pa zhen pa gsum// de gsum bsgrub pas sangs mi rgya// de dang bral ba'i chos shig dgos// ming lta bdag lta blos btags gsum// de gsum bsgrub pas sangs mi rgya// de dang bral ba'i chos shig dgos// blo yul yid smon med bzung gsum// de gsum bsgrub pas sangs mi rgya// de dang bral ba'i chos shig dgos// rtsol bcas bcos ma chags zhen gsum// de gsum spyad pas sangs mi rgya// de dang bral ba'i chos shig dgos// bsgrubs 'dod re dogs thob rgyu gsum/de gsum bsgrub pas sangs mi rgya/ de dang bral ba'i chos shig dgos// rtog tshogs gzung 'dzin chags zhen gsum/ de gsum bsgrub pas sangs mi rgya// de dang bral ba'i chos shig dgos// dgag bsgrub spang len blang dor gsum// de gsum bsgrub pas sangs mi rgya/ de dang bral ba'i chos zhig dgos// yi ge tshig tshogs bla dgas gsum// de gsum bsgrub pas sangs mi rgya// de dang bral ba'i chos shig dgos// snang ba phyogs ris kha dog gsum// de gsum bsgrub pas sangs mi rgya// de dang bral ba'i chos shig dgos// gnyis snang rtogs zhen phyogs 'dzin gsum// de gsum bsgrub pas sangs mi rgya// de dang bral ba'i chos shig dgos// ming tshig dbye ba rtag chad gsum// bsam las 'das pa mdo tsam phye// bsgrub par 'dod pa rnams la de yis sun phyung cig/ chos gcig bya ba'i mtshan nyid ni// la chen bzla ba'i gdams ngag yin// de yang 'di ltar shes par bya// chos gcig bya ba'i ming yang med// gcig po nyid kyang gcig las 'das// 'das pa'i don la brjod du med// 'das pa'i don la mtshon du med// 'das pa'i don la bde ru med// 'das pa'i don la gzung du med// 'das pa'i don la 'dod du med// 'das pa'i don la bya ru med// 'das pa'i don la btsal du med// 'das pa'i don la dgag tu med// 'das pa'i don la bsgrub tu med// 'das pa'i don la blang bya med// 'das pa'i don la dor bya med// 'das pa'i don la spang bya med// 'das pa'i don la bsgom du med// 'das pa'i don la spyad du med// 'das pa'i don la bsrung du med// 'das pa'i don la bya btsal med// 'das pa'i don la bgrod du med// 'das pa'i don la thob tu med// med pa nyid kyang de las 'das// de la yid la bya rgyu med// de la sems kyis gzung du med// de la blo yis bcos su med// de la 'phros dang ma 'phros med// de la zin dang ma zin med// de la byung dang ma byung med// de la bzang dang ngan pa med// de la dbye dang bsal du med// de la bsal dang ma bsal med// mchog tu gsang ba'i chos nyid ni// rna dbang gzhan las thos mi 'gyur// de bzhin lce yi dbang pos kyang// de la brjod du rdul tsam med// brjod pas thog tu mi phebs te// brjod pa thams cad bla dgas yin// bla dgas tshig gis sangs mi rgya// des na bla dgas tshig las 'das// ye nas smra bsam brjod las 'das// brjod 'das rtogs pas 'gyur ba med// dran pa med pas yid la gzhag tu med// bsam du med pas blo yi yul las 'das// ye nas sangs rgyas med pas 'dod pa'i bsgrub bya med// skye med 'gyur med chos sku de// ye nas yin pas bsgrub mi dgos// chos sku ye nas 'gyur med la// skye med snyad kyi sgros mi gdags// nam mkha' 'di ni med do zhes// blun po gang zhig rtog dpyod 'jug/ mkhas pas sngon nas yod mi 'dzin// ye nas gnyis su med pa la// bden pa gnyis su 'byin pa sun phyung zhig/gnyis su med pa'i don mchog 'di// kun bzang nga yis sun dbyung ma btub po// de bas 'khor rnams kun gyis de ltar shes gyis shig/ snang srid kha sbyor bdud rtsi bcud thigs/'khor ba thog mtha' gcod pa'i rgyud las/ chos nyid mtshon 'das kyi le'u ste bdun pa'o//// de nas sems nyid kun bzang la// rdo rje sems dpas 'di skad gsol// mtshon du med pa'i don de// rtsol bsgrub bgyi ru 'dogs na mi 'gal lam// zhes gsol pa dang/ ston pa kun tu bzang po de/ rin po che 'od 'gyur ba med pa'i ting nge 'dzin la snyoms par zhugs so// de nas bzhengs nas 'di skad gsungs// nga yi spyi ti yo ga la// dgag bsgrub spang len byung na bka' dang 'gal// dug gsum spangs kyang nga spangs so// sku lnga bsgrubs kyang nga spangs so// dug lnga spangs kyang nga spangs so// ma rig spangs kyang nga spangs so// ye shes bsgrubs pas nga spangs so// rnam rtog spangs pas nga spangs so// chos nyid bsgrubs pas nga spangs so// 'khor ba spangs kyang nga spangs so// myang 'das spangs kyang nga spangs so// sems can spangs kyang nga spangs so// sangs rgyas bsgrubs kyang nga spangs so// bdag gzhan spangs kyang nga spangs so// bdag med bsgrubs kyang nga spangs so// phyogs med bsgrubs kyang nga spangs so// dgra gnyen spangs kyang nga spangs so// dgra gnyen gnyis med bsgrubs kyang nga spangs so// gsal ba bsgrubs kyang nga spangs so// lta ba bltas pas chos nyid spangs// sgom pa bsgoms pas chos nyid spangs// spyod pa spyad pas chos nyid spangs// dam tshig bsrungs pas chos nyid spangs// phrin las btsal bas chos nyid spangs// sa lam bgrod pas chos nyid spangs// 'bras bu bsgrub pas chos nyid spangs// de ci'i phyir zhe na/de dag thams cad dgag bsgrub gnyis kyi chos// de dag spang len gnyis kyi chos// de dag blta bya blta byed gnyis kyi chos// de dag bsgom bya bsgoms byed gnyis kyi chos// de dag spyad bya spyod byed gnyis kyi chos// de dag btsal bya rtsol byed chos// de dag bsrung bya srung byed gnyis kyi chos// sa lam bgrod bya'i chos dang 'bras bu thob bya'i chos// de dag thams cad bya btsal nad yin no// de la spyad pas nams kyang sangs mi rgya// gnyis snang zhen pa ma chod par// pha rol phyin pa'i sems can nyung// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ dgag bsgrub spang thob gnyis kyis grol ba med par bstan pa'i le'u ste brgyad pa'o//// de nas sems nyid kun bzang la// rdo rje sems dpas 'di skad zhus// ma 'khrul khams gsum 'khor ba'i sems can rnams// 'gyur med chos sku 'thob pa'i thabs// de yi gdams ngag gsung du gsol// zhes gsol pa dang// ston pa sems nyid kun bzang des// rin po che rtsis gdab med pa'i 'od nang na// gsal ba'i ting 'dzin la bzhugs so// de nas bzhengs nas 'di skad gsungs// chos sku 'gyur med thob thabs la// rtsol bsgrub bgyi yang mi 'tshal lo// bya ba thams cad btang la ni// ngang nyid rang sar bzhag par 'tshal// spang len chags 'dzin nad dang bral// nga yi bka' chems bstan lugs ni// gzhan las ma byung mi byung 'byung mi srid// a la la ho// nga yi bdud rts-i bcud kyi snying khu 'di yin no// nga ni snang srid kun la snang// kun la snang ste nga mi mthong// ma mthong ba yis ngang la zhog/ nga ni snod bcud kun la khyab// kun la khyab pas ngos zung med// ngos zung med pa'i ngang la zhog/ nga ni kun gyi dngos gzhi ste// dngos gzhi med pas grub pa med// grub pa med pas ngang la zhog/ nga yis thams cad phye ba ste// phye mkhan rtog pa gcig kyang med// ma phye ba yis ngang la zhog/ nga ni kun la snang ba ste// kun gyis nga ni snang mi 'gyur// mi snang ba yi ngang la zhog/ nga yis thams cad byas pa ste// nga ni sus kyang ma byas so// ma byas pa yi ngang la zhog/ nga yis thams cad btsal ba ste// nga ni sus kyang ma btsal lo// ma btsal ba yi ngang la zhog/nga yis thams cad spangs pa ste// nga ni sus kyang ma spangs so// ma spangs pa yi ngang la zhog/ nga yis thams cad bsgrub pa ste// nga ni sus kyang ma bsgrubs so// ma bsgrubs pa yi ngang la zhog/ nga yis thams cad brtags pa ste// nga ni sus kyang ma brtags so// ma brtags pa yi ngang la zhog/ nga yis thams cad mtshon pa ste// nga ni sus kyang ma mtshon no// ma mtshon pa yi ngang la zhog/ nga yi thams cad shes pa ste// nga yi rang bzhin sus kyang ma shes so// ma shes pa yi ngang la zhog/ nga yis thams cad bskyed pa ste// nga ni sus kyang ma bskyed do// ma bskyed rdzogs pa'i ngang la zhog/ nga ni kun la skye ba ste// nga yi rang bzhin kun la skye ba med// ma skyes skye ba med pa'i ngang la zhog/ nga yis thams cad rtogs pa ste// nga ni sus kyang ma rtogs so// ma rtogs pa yi ngang la zhog/ rig pa skye ba med pa yis// myang ba med pa'i ngang la zhog/yid la 'gyu ba med pa yis// g.yos pa med pa'i ngang la zhog/ sems la ming 'dobs med pa yis// chags 'dzin spros pa rtags zhen med pa'i ngang la zhog/ gnas lugs 'gyur med ngang la zhog/snang ba sor bzhag ngang la zhog/ de gnyis dbye bsal med par zhog/ gnas lugs dngos po med par zhog/ snang ba dgag bsgrub med par zhog/ de gnyis rtsis gdab med par zhog/ phyi yi dkar dmar yul rnams kun// snang la rang bzhin med par zhog/ gnas lugs sems nyid rtsal snang kun// mi snang rang bzhin med par zhog/ bar gyi gnyis snang rang bzhin kun// spros pa thag chod ngang la zhog/skye ba med pa'i ngang du zhog/ smra bsam brjod med ngang du zhog/ 'gag med chos sku'i ngang du zhog/ brtags snang rnam rtog thams cad kyang// gnyis med ngang du thams cad zhog/ zhog pa'i tshigs kyang mtshon med ngang du zhog/snang srid kha sbyor bdud rts-i bcud thigs/ 'khor ba thog mtha' gcod pa'i rgyud las/ nyams blangs ngang bzhag bdud rtsi'i nying khu'i le'u ste dgu pa'o//// de nas sems nyid kun bzang la// rdo rje sems dpas 'di skad zhus// ma bcos rnal du bzhag pa yi// de yi bzhag thabs ji ltar lags// bdag cag rnams la bstan du gsol// zhes gsol pa dang/ ston pa kun tu bzang po des// rin po che 'od 'phro 'du med pa'i ting nge 'dzin la snyoms par zhugs so// de nas ting nge 'dzin las bzhengs nas// nga yis ma bcos gnas bzhag bstan// rdo rje sems dpas go bar gyis// nga la blta bar 'dod pa rnams// blta bar ma byed de bzhin nyid du zhog/ bltas pas mthong ba'i yul med kyis// ma bltas bzhag pas lta ba nyid dang mjal// nga la bsgom par 'dod pa rnams// bsgom par ma byed g.yo med ngang la zhog/'gyu med ngang la bzhag pas sgom pa nyid dang mjal// nga la spyod par 'dod pa rnams// spyad par ma byed byar med ngang la zhog/ byar med ngang la bzhag pas spyod pa nyid dang mjal// nga la bsrung bar 'dod pa rnams// bsrung bar ma byed mi 'da'i ngang la zhog/ 'da' med ngang la bzhag pas dam tshig nyid dang mjal// nga la btsal bar 'dod pa rnams// btsal bar ma byed rtsol med ngang la zhog/rtsol med gdeng la bzhag pas phrin las nyid dang 'jal// nga la bgrod par 'dod pa rnams// bgrod par ma byed dbyar med ngang la zhog/ nga la bsgrub par 'dod pa rnams// bsgrub par ma byed bsgrub med ngang la zhog/nga la thob par 'dod pa rnams// thob rgyu med kyis rang sar rang nyid zhog/ bzhag tu med pas 'bras bu chen po thob// thob tu med pas thob pa'i don dang mjal// mjal du med pas 'gyur med ngang la zhog/snang ba thams cad sor bzhag ngang la zhog/ gnas lugs thams cad 'gyur med ngang la zhog/ spros pa thams cad thag chod ngang la zhog/ snying po chos sku'i rang bzhin ni// mi snang rang bzhin med pa'i ngang la zhog/rtog tshogs blo la snang ba'i yul snang rnams// snang la rang bzhin med pa'i ngang la zhog/ gnyis snang gzung 'dzin gnyis kyis bcings pa rnams// dbye bsal rtsis 'dab med pa'i ngang la zhog/yid dpyod sems kyi dran rig rnams// rang dngas chen po'i ngang la zhog/ rtog tshogs sems kyi cho 'phrul rnams// rang sangs chen po'i ngang la zhog/ 'gyu ba rig pa brtag pa rnams// gsal gdangs chen po'i ngang la zhog/ ngang bzhag thabs kyi dril bas gsum du 'dus// rig pa skye ba med pa'i ngang la zhog/ yid ni 'gyu ba med pa'i ngang la zhog/ sems ni ming med ngang la zhog/thams cad gcig tu dril ba'i ngang bzhag rnam gsum 'di// thob tu med pas sku gsum 'dis// srid gsum zil gnon sa gsum rang sar non// dug gsum rtsad bcad khams gsum phyags mas btab// ngo bo rang bzhin thugs rje'i snang ba'o// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ ma bcos rnal du bzhag pa'i le'u ste bcu pa'o//// de nas sems nyid kun bzang la// rdo rje sems dpas 'di skad zhus// snying po 'gyur med chos sku la// ming med ming btags ji ltar lags// sems nyid ston pa kun bzang de// rin po che 'od 'bar ba'i ting nge 'dzin la zhugs so// de nas bzhengs nas 'di skad gsungs// chos sku ming med mtshon med la// mtshon pa'i ming gis gol bar bshad// gol sgrib mtshan nyid ngas bshad kyis// rdo rje sems dpas yid la zung// sangs rgyas med pas sangs rgyas ming yang med// med par 'dod pas sangs rgyas gol// chos sku med pas chos sku'i ming yang med// med par 'dod pas chos sku gol// longs sku med pas longs sku'i ming yang med// med par 'dod pas longs sku gol// sprul sku med pas sprul sku'i ming yang med// med pas 'dod pas sprul sku gol// 'khor ba med pas 'khor ba'i ming yang med// med par 'dod pas rang gis gol// myang 'das med pas myang 'das ming yang med// med par 'dod pa rang gis gol// ma rig med pas ma rig ming yang med// med par 'dod pa rang gis 'khrul// ye shes med pas ye shes ming yang med// med par 'dod pa rang gis 'khrul// rnam rtog med pas rnam rtog ming yang med// med par 'dod pa rang gis 'khrul// chos nyid med pas chos nyid ming yang med// med par bsgrub par 'dod pa ngang gis 'khrul// phyogs ris med pas phyogs ris ming yang med// med par bsgrub par 'dod pa rang gis 'khrul// de dag thams cad gnyis med la// gnyis su bzung bas 'khrul pa yin// de dag thams cad dbyer med la// dbye ba byung bas bsgribs pa yin// de dag thams cad brjod med la// brjod pa byung bas bsgribs pa yin// de dag thams cad ming med la// ming du btags pas 'khrul pa yin// de dag thams cad mnyam pa la// phyogs su bzung bas 'khrul pa yin// de dag thams cad chags med la// chags zhen byung bas 'khrul pa yin// gnas don ma rtogs sgrib pa yin// 'gro sgo nor bas gol sa yin// sgo lngar 'khyams pas 'khrul pa yin// gol sgrib gnyis stong lnga brgya yang// dbye na bsam gyis mi khyab ste// bsdus pas gsum po de ru 'dus// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ gol sgrib 'khrul gsum bstan pa'i le'u ste bcu gcig pa'o//// de nas ston pa kun bzang la// rdo rje sems dpas 'di skad zhus// gol sgrib la bzla ji ltar lags// zhes gsol pa dang/ ston pa kun tu bzang po de/ rin po che'i 'od thig ler bsdus pa'i ting nge 'dzin la bzhugs so// bzhengs nas 'khor la 'di skad gsungs// theg pa'i gol sgrib 'khrul pa ngas mang bstan// brjod kyis mi lang bsam gyis mi khyab ste// yang na rgyud nas zhib par gsungs// rang rang nang na rgyas par bzhugs// spyi ti yo ga'i gol sgrib 'khrul pa la bzla bshad// rdo rje sems dpas go bar zung// ma rtogs blo la gol sgrib snang mod kyang// snying po'i don rtogs gol sgrib med// ming med ming btags gol ba yang// ming med brjod las 'das pas gol ba med// gzung 'dzin gnyis kyis bcings pa'i sgrib pa yang// dbye gsal rtsis gdab med pas sgrib pa med// mtshon pa rnam rtog blo yi 'khrul pa rnams// smra bsam brjod las 'das pas 'khrul du med// gol sgrib bsam gyis mi khyab kyang// bsdus pas gol sgrib 'khrul gsum ste// 'char ba'i sgo nor gol sa yang// ldog pa'i thabs shes gol du med// gnas don ma shes sgrib pa yang// snying por don shar sgrib tu med// lgo lngar 'khyams pa'i 'khrul pa yang// yid rtsad chod pa'i 'khrul du med// 'gro sgo ma nor yang dag la// nges pa'i don mthong yang dag lam// thag chod gdeng ldan re dogs bral// snying po'i don rtogs gol sgrib med// mnyam pa'i don rtogs 'khrul pa med// gnyis med don rtogs phyogs ris med// dbyer med don rtogs gzung 'dzin med// ye shes don rtogs ma rig med// sku gsum don rtogs dug gsum med// sku lnga'i don rtogs dug lnga med// sangs rgyas don rtogs sems can med// myang 'das don rtogs 'khor ba med// thag chod don rtogs yul sems med// rtogs pa klong nas shar bas ma rtogs med// ces gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ gol sgrib la bzla ba'i le'u ste bcu gnyis pa'o//// de nas ston pa kun bzang la// rdo rje sems dpas 'di skad zhus// rang la ye nas yod pa la// bya btsal rtsol bsgrub mi 'tshal lam// zhes gsol pa dang/ sems nyid kun tu bzang po de/ rin po che 'od lnga'i nang na gsal ba'i ting nge 'dzin la bzhugs so// de las bzhengs nas 'di skad gsungs// rang la ye nas yod pa la// rtsol bsgrub bya btsal mi 'tshal te// nga yis re med rang gnas bshad// rdo rje sems dpas yid la zung// ngang dngas lta ba yin shes la// khyod kyis blta ba ma lta cig/ ngang dngas sgom pa ye shes la// khyod kyi bsgom pas ma sgom shig/ ngang dngas spyod pa yin zhes la// khyod kyi spyod pa ma spyad cig/ ngang dngas 'bras bu yin shes la// khyod kyis 'bras bu ma sgrubs shig/ nga nyid sku gsum ye shes la// khyod kyis sku gsum ma sgrubs shig/ rang nyid sangs rgyas yin shes la// khyod kyis sangs rgyas ma sgrubs shig/ sems nyid chos sku yin shes la// chos sku gzhan nas ma btsal cig/ btsal bas bskal pa 'bum phrag du yang mi rnyed do// 'das pa'i sangs rgyas rnams kyis ma btsal to// phyis 'byung sangs rgyas rnams kyis mi 'tshol lo// da lta'i rgyal ba rnams kyis btsal bas mi rnyed do// btsal bas rnyed pa'i sangs rgyas sam// bsgrub pas 'grub pa'i sku gsum mam// lta sgom spyod 'bras btsal ba'i byang chub bam// de rnams brgya la rnyed kyang rnam rtog gam// skye ba'i 'jig rten rdos pa'i chos su 'gyur// de bas gong ltar shes par gyis// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ rang gnas re med bstan pa'i le'u ste bcu gsum pa'o//// de nas ston pa kun bzang la// rdo rje sems dpas 'di skad zhus// rang mdangs chen po ci ltar lags// bdag cag rnams la bstan du gsol// zhes gsol pa dang/ston pa rin po che 'od bkol ba med pa'i ting nge 'dzin la bzhugs so// bzhengs nas 'khor la 'di skad gsungs// bdud rtsi yang zhun rang mdangs bshad// 'khor rnams ma yengs gus pas nyon// A pa ra tsit+ta A sim/ sku gsum 'gyur ba med de rang mdangs chen por gda'// dug gsum spang ba med de rang dngas chen por gda'// ye shes btsal ba med de rang dngas chen por gda'// ma rig sangs pa med de rang dngas chen por gda'// chos nyid btsal ba med de rang dngas chen por gda'// rnam rtog spang ba med de rang dngas chen por gda'// sangs rgyas bsgrub pa med de rang dngas chen por gda'// sems can spang ba med de rang dngas chen por gda'// myang 'das bsgrub pa med de rang dngas chen por gda'// 'khor ba spangs pa med de rang dngas chen por gda'// phyogs ris spangs pa med de rang dngas chen por gda'// chos sku 'gyur ba med de rang dngas chen por gda'// snying po 'gyur ba med de rang dngas chen por gda'// ngang nyid 'gyur ba med de rang dngas chen por gda'// ngang dngas g.yo 'gul med de rang dngas chen por gda'// sems nyid bslad pa med de rang dngas chen por gda'// gzhi nyid 'gyur ba med de rang dngas chen por gda'// de la sogs pa brtags snang thams cad rang dngas chen por gda'// zhes gsungs so/ snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ bdud rtsi yang zhun rang dngas kyi le'u ste bcu bzhi pa'o//// de nas sems nyid kun bzang la// rdo rje sems dpas 'di skad zhus// chos nyid gting gsal chen po'i don// 'dus pa'i 'khor la bstan du gsol/ zhes gsol pa dang// sems nyid ston pa kun bzang des/rin po che 'od gting nas 'bar ba zhes bya ba'i ting nge 'dzin la bzhugs so// de nas bzhengs nas 'khor la 'di skad gsungs// a mun d+ha ri pe ta a ti/ bdud rtsi bcud kyi sgron gsal bshad// rdo rje sems dpas go bar zung// snying po 'gyur med chos sku'i klong yangs der// shes pa ma 'gags sna tshogs kun tu rgyu// gar yang 'gro sa ma rnyed snying po'i klong du thim// chos nyid ma la ma 'gags rtsal snang du thim pas// ma bu ngo 'phrad thog mar ye sangs rgyas// dbyer med ngang thim ye shes rang sa zin// 'khrul pa rang sangs rnam rtog rang sar grol// skye med don rtogs snying po'i klong nas shar// brjod med don rtogs 'gyur med ngang la gnas// de la kun kyang gang gnas pa// snang ba yid la ma byas gting gsal chen po yin// stong pa yid la ma byas gting gsal chen po yin// gnyis med yid la ma byas gting gsal chen po yin// sku gsum yid la ma byas gting gsal chen po yin// dug gsum rtsad nas gcod pa'i gting gsal chen po yin// stong pa yid la mi byed gting gsal chen po yin// bde ba yid la mi byed gting gsal chen po yin// skye med yid la mi byed gting gsal chen po yin// de la sogs pa thams cad gting gsal chen po yin// snang srid kha sbyor bdud rtsi bcud thigs/'khor ba thog mtha' gcod pa'i rgyud las bdud rtsi bcud kyi sgron gsal gyi le'u ste bco lnga pa'o//// de nas kun tu bzang po des// rin po che brda'i ting nge 'dzin la snyoms par zhugs so// de nas rdo rje sems dpa' yis// ston pa kun tu bzang po la// chos rnams brda yis ji ltar bshad// ces gsol pa dang/ sdud pa sems dpa' rdo rje la// kun tu bzang pos ting nge 'dzin las bzhengs te/de nas 'khor la 'di skad gsungs// A A 'gas ya// ma hA su kha ho// spyi ti brda yi le'u bshad// rdo rje sems dpas yid la zung// nam mkhar bro brdungs/ ri khar bsos rdeb/ gangs khar mdung tshugs/ mkhar khar dar phyor/ rgya mtshor khyim gyis/ nam mkhas yul gyis/ dbus kyi ri bos mkhar gyis/ bar snang lus la gon/ na bun mgo la gon// skar mda' sked la chings/ g.yas su nyi ma thogs/g.yon du zla ba thogs/ sprin gyi lham gyis/ 'byung ba lnga gos gyis/ snang ba zas su zo/ srid pa lto ru chug 'ja' tshon gyi rgyal mtshan gyis/ gcig sod/ gnyis spongs/ gsum rten/ gcig yul phyung/gsum snying nas drongs/ gnyis kyi ske chod/ gcig yul 'dzin du chug/ gsum gyi dgra dpung choms/ gnyis rog byed du chug/ long ba'i mig la nyi ma khob/ me chen 'bar ba chu yis sod/ mtsho chen khol ma me yis sod/kun gzhi lcags su chug yid la mdas rgyob/ phung mkhan ngos zung/ lnga po khyer// gcig po sod/ thog mtha' gnyis kyi drang thag chod// dgra dpung choms la rdzongs su zhugs// gnad mkhar bsrung la zam 'phrang sdoms// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ brda'i le'u ste bcu drug pa'o//// de nas ston pa kun bzang la// rdo rje sems dpas 'di skad zhus// theg pa gzhan la med pa'i spyi ti'i brda chos ci ltar lags// zhes gsol pa dang// de nas sems nyid kun bzang de/ rin po che 'od bkol ba med pa'i ting nge 'dzin la bzhugs so// de nas ting nge 'dzin de las bzhengs nas/ 'di skad ces gsungs so// nga yi brda chos 'di lta bu// theg pa gzhan la mi 'byung bas// brda yi chos rnams nga yis bshad// 'khor rnams ma yengs gus pas nyon// ri bsnyil me sod brag chog la// mtsho skoms mdud khrol phyags mas thob// rgan rgon sod la bu phrug sbos// cho gang sod ral gri thogs// phag sbrul bya dang khyi sod la// nam mkha'i dbyings su sbos la zhog/khyung la zhon nas seng ge khrid/ nam mkha' gos su gon/ sa gzhi stan du thing/ snang srid kha ru chug la rgya mtsho khrogs chod gyis/ mkha' la ltos la sprin la tshugs/ mtsho gting nyol la nyi zla mig tu chug/rlung pho stod la non la rmig rgyu dbyings su skyol// spre'u sod la nam mkhar sdod// rig pa'i khye'u chung nam mkhar phyin// 'gro sa ma rnyed yi mug nas// nam mkha'i dbyings su ngal cig sos// nyi zla'i dbyings su shul btod la// 'ja' tshon lnga yi lam du zhugs// rgya mtsho chen po'i gting du phyin// 'gro sa ma rnyed lcibs nas btang// mun snang gnyis su gsal ba'i sgo phye la// dgra zin gnyis kyi sa mtshams su// mi 'jigs pa yi skyel ma tshol// rno ba'i mtshon thogs sra ba'i go gon la// mgyogs pa'i rta zhon mi bslu'i grogs po tshol// 'phrang gsum nang du sgug bcug la// dgra ngos zung la dgra rnams sod// gnad gsum nang du gtsigs la dbab// rgyal po btson du zin pa dang// dgra yi bu rnams bsad pa yis// rgyal khams cham la 'bab pa yin// 'khor 'das gnyis kyi 'khrug pa zin// gtan mkhar btsan po bsrung ba la// rdzong gsum nang du nyal la bsdad// so mtshams yul srungs 'phrang gsum sdoms// nyon mongs dmag dpung chen po ni// ma bzlog pa ru gyur pa na// srid sde btsal la dmag so blta// go cha mtshon la nan tan bskyed// bsgom pa'i khrab chen lus la gon// man ngag gnad kyi ske rags bcings// byin rlabs chen po'i khrab lag bcug/ bka' lung ma nor hel slag gon// gnyis med chen po'i rkang chas bcug/ 'gyur ba med pa'i thag gus bcings// lung rigs gnyis kyi 'khor gsum btags// stong nyid gzhu mo lag tu thogs// thabs dang shes rab mchog ma la// chang zung thig le nyag gcig yin// rgyud ni 'gyur ba med pa yin// bde ba chen po'i snyug ma la// lung rigs gnyis kyi stong zhig btod// tshad med bzhi yi sgro zhig bsgron// 'gyur ba med pa'i gcas gcig dkris// shes rab rnon po'i mde'u bcug/ mda' de stong nyid dang por gsal// blta ba'i phub chung rgyab tu gon// sgom pa'i rmog gzhu mgo la gon// de ltar byas nas dmag la 'gro// dmag dpon chen po 'gyur med dang// dmag dpon chen po skye med dang// dmag dpon chen po 'gag med dang// skye 'gag gnyis med dmag dpon bzhis// dpa' bo chen po bzhi btsal te// dpa' bo chen po gros thag chod// dpa' bo chen po lam la mkhas// dpa' bo chen po mngon shes can// dpa' bo chen po mthu bo che// dpa' bo bzhi dang dmag dpon bzhi// de yis sna grangs bsam las 'das// 'khor 'das gnyis kyi 'khrug pa byed// ma rig ye shes 'khrug pa byed// sems can sangs rgyas 'khrug pa byed// kun gzhi'i stong ra chen po na// sems kyi nor bu rin chen 'bar// ma 'chams 'khrug pa chen po byung// nyon mongs 'khor ba'i dmag dpung la// rang dngas dpa' bos mda' zhig 'phen// stong nyid gzhu mo lcog gis brdungs// bde ba chen po'i mda' stong de// lung rigs gnyis la mda' stong sbyar// stong pa nyid du mdel gyis bkang// nyon mongs dmag la mda' gcig brdeg/ nga bdag gnyis la gzir gzir nas// 'gong po ngar 'dzin snying la brgyab// nga rgyal nga bdag lhan gyis shi// ngang dngas chen po'i mda' 'phangs pas// ma rig gti mug snying la brgyab// ye shes gsal ba'i klong du shi// mun pa mi gsal sgrib pa brlag/ rang dngas chen po'i mda' 'phangs pas// gzung 'dzin spang len snying la brgyab// dgag bsgrub med pa'i ngang du shi// gsal dngas chen po'i mda' 'phangs pas// nga bdag phyogs ris snying la brgyab// dbye bsal med pa'i ngang du shi// gting gsal chen po'i mda' 'phangs pas// dus lnga chos brgyad snying la brgyab// ye shes mtha' bral klong du shi// spros pa thag chod man ngag gis// nyon mongs dmag gi g.yul ngo zlog/ ma rig pa yi mkhar khang bcom// nyon mongs brgyad khri'i rtsa ba brlags// dug gsum rtsa ba gtan nas bcad// nyon mongs dmag rnams phyags mas btab// ye shes zang thal tho les btab// dmag dpung bzlog pa ngo mtshar che// bdud rtsi bcud 'thung sdong po'i rtsa ba chod// zas kyi bro ba myong zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ brda'i le'u ste bcu bdun pa'o//// de nas rdo rje sems dpa' yis// kun bzang nyid la 'di skad zhus// chos rnams brda yis ji ltar bshad// ces zhus pa dang/ de nas ston pa kun bzang des/ rin po che 'od 'gyed pa med pa'i ting nge 'dzin la snyoms par zhugs so// de las bzhengs nas 'khor la 'di skad gsungs// yul khams gcig na mi gcig bdog/ nor cig po la mi zad gter chen yod do skad// nor de thob pa bdog lags sam// thob tu mi ster 'dre gcig yod// 'dre de ngo yis shes lags sam// nor la sbas pas sa gcig bdog/ sbas sa gang yin shes lags sam// nor la phyogs med yul cig yod// yul gyi ngos ni zin lags sam// nor la bdag po mi gnyis yod// de gnyis gang lags shes lags sam// nor la thob thabs rnam gsum yod// de gsum gang lags shes lags sam// nor la thob rtags rnam bzhi yod// de bzhi gang lags shes lags sam// spyi yul chen po de na dbang yod mi gnyis la// spyi yi nor bu rin chen yod// mi sna song la mi gcig zhog/ nor de rang gis thob par gyis// mig de phye la mun pa sol// nyi zla gnyis kyi mtshams su sdod la/snang ba'i me long ltos/ sa gzhi steng du khob la/ nam mkha' gdan du thing/ na bun la zhwa gyis la/ bar snang la nyal sa chos/ snang srid ltor chug/ spre'u dang chu gnyer lag pas bzung/ rlung po rkang pas non la 'ja' tshon mgo la tshugs/ri rab mkha' ru sdod la chu rnams kha ru lug/ mun snang gnyis kyi so mtshams na// ci btab skye ba'i ldum ra yod// de na thams cad yid du 'ong ba'i me tog rgyas// 'bras bu rang 'bar ngang dngas rin po che// de la kun kyang 'dod pa skyes// yo yis 'dod kyang ma thob pas// ma 'cham sid tshan gnyis su bye// khong gnyis 'khrug pa chen po byed// khye'u chung ngang dngas snang gsal kun rig 'phrul gyi me long can khyod dgra zin gnyis kyi so mtshams spyi bar song la sgyed pu gsum gsum drug tshugs la zangs po che niganyis btsugs te/gcig tu dug chu zangs gang skol/ gcig tu bdud rtsi zangs gang skol// rgan po rgan mo bu tsha ming sring gsum// dmag dpon gsum gyis sna drangs pa'i// nyi ma nub pa'i grib so tsam 'ong gis// de rnams byung bar gyur pa la// zangs su bskol ba'i dug chu lud la// dgra dpung choms la dgra rnams sod// de ma sod na gto chos su// gangs kyi rtse mor seng ge zhon// nam mkha'i ngang du mdung bskor gyis// ri rgyal lhun po'i khar me chen spor// rgya mtsho'i nang du me chen spor// mun pa'i nang du nyi zla thogs// rlung po'i gseb tu ral gri thogs// bdud rtsi'-i bcud 'thungs spang la gser phur thob// gangs la nyi ma shar du chug/ 'on kyang zangs su bskol ba'i dug chu yis// dgra yis dpung rnams bcom gyur nas// dgra yi dpung rnams rtsad chod song// gnyen srid ma gtogs dgra ni gcig kyang med// srid sde tshogs par gyur ba la// zangs kyi bdud rtsi sman lud la// 'on tang thams cad bde ba chen por sangs rgyas so// sdug bsngal kun grol sangs rgyas chos sku thob// kun kyang dbye bsal rtsis gdab med// bdag gzhan gnyis med dbye bsal rtsis gdab med// ces gsungs so// rang sems brda ru bkod pa'i le'u ste bco brgyad pa'o//// de nas ston pa kun bzang la// rdo rje sems dpas 'di skad zhus// chos rnams dpe yis ji ltar mtshon// zhes gsol ba dang// de nas ston pa kun bzang des// rin po che gsal ba'i ting nge 'dzin la snyoms par zhugs so// de las bzhengs nas 'di skad gsungs// 'khor rnams ma g.yengs gus pas nyon// snying po don gyi gnas lugs de// mtshon pa'i yul du ma gyur kyang// re zhig dpe yi sgo nas mtshon// dar chags bang mdzod sa gzhi gsum// kun gzhi'i mtshon dper shes par bya// chu dang 'khyags pa til bru gsum// gnas lugs mtshon pa'i dpe ru gsungs// phug ron skye dang shel sgong ga bur gsum// snang tshul mtshon pa'i dpe ru gsungs// tho yor thag pa smig rgyu gsum// 'khrul pa mtshon pa'i dpe ru gsungs// nyi zer spu gri shel brgyus gsum// rtsal snang 'brel yod mtshon dper gsungs// tsan+dan gla rtsi sgog pa gsum// shugs 'byung 'gag med dpe ru gsungs// ral gri spu gri gzong dang gsum// shes rab mtshon pa'i dpe ru gsungs// byis pa zla mdzub 'o ma gsum// gdams ngag mtshon pa'i dpe ru gsungs// nam langs mig dang nyi ma gsum// rtogs pa mtshon pa'i dpe ru gsungs// sprin dang ling tog mun pa gsum// sgrib g.yog mtshon pa'i dpe ru gsungs// lam nor bya mig 'gro rjes gsum// gol sa mtshon pa'i dpe ru gsungs// tsher ma mdung rtse mdel rtse gsum// rig pa mtshon pa'i dpe ru gsungs// bya rgod nam mkha' khyung dang gsum// lta ba mtshon pa'i dpe ru gsungs// me long 'ja' tshon sgron me gsum// sgom pa mtshon pa'i dpe ru gsungs// bung ba glang chen smyon pa gsum// spyod pa mtshon pa'i dpe ru gsungs// seng ge thog dang rbab dang gsum// phrin las mtshon pa'i dpe ru gsungs// na chung chu bur snyi rdol gsum// nyams kyi dpe ru shes par bya// lha khang nang gi lha tshogs dang// bum pa nang gi mar me dang// me long nang gi gzugs brnyan gsum// sems nyid snang gsal dpe ru bstan// stag lpags gzig lpags rma bya'i mdongs// sems nyid mi gsal dpe ru bstan// shel sgong gzi rnying chu dang gsum// phyi nang gnyis med dpe ru bstan// sol nag bal nag dar nag gsum// 'gyur ba med pa'i dpe ru bstan// rlung dang sprin dang smug pa gsum// ma chags ma zhen byar med ngang// gzung 'dzin med pa'i dpe ru bstan// me tog lo tog rtswa yi zil// mi rtag pa yi dpe ru bstan// chu dang rnyog ma 'dres pa dang// chu la chu rlabs thim pa dang// 'ja' tshon mkha' la thim pa gsum// dbyer med dpe ru shes par bya// dug la sngags kyis thebs pa dang// yur chus rgya mtshor slebs pa dang// lan tshwa chu la thim pa gsum// phyir mi ldog pa'i dpe ru bstan// pad+ma rma bya dug dang gsum// dam tshig mtshon dper shes par bya// zla ba 'od dang dkar chen gsum// ye shes dpe ru shes par bya// mi rgyud chu rgyud gzhung rgyud gsum// rgyun chad med pa'i dpe ru gsungs// glog dang skar mda' mda' 'phang gsum// bar do'i rtags tshad dpe ru gsungs// gser dang ri bo rin chen gsum// 'bras bu'i dpe ru shes par bya'o// chos nyid don gyi gnas lugs la// 'dra bzhi yod pas dpe bzhis mtshon// dngos gzhi med pas dmigs su med// skye med bsam 'das 'gyur med yin// dmigs med mtshon 'das chos sku yin// mtshon du med pas dpe las 'das// re zhig mtshon nas go phyir bstan// don gyi ngo bo brjod las 'das// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ chos thams cad dper bshad pa'i le'u ste bcu dgu ba'o//// bud+d+ha bo d+hi AH ma hA su kha hoH maN+Dal/ ba ga be ma la pa ta AH de nas ston pa kun bzang la// rdo rje sems dpas 'di skad zhus// rdzogs chen spyi ti yo ga yi// ma bris dkyil 'khor chen po ji ltar lags// de nas ston pa'i rgyal po kun tu bzang po de// rin po che 'od g.yos pa med pa'i ting nge 'dzin la bzhugs so// de las bzhengs nas 'khor rnams la 'di skad ces bka' stsal to// b+ho na b+he tra d+ha na maN+Da la// nga yis ma bris rdzogs pa'i dkyil 'khor bshad// 'khor rnams ma yengs gus pas nyon// snying po'i rang bzhin 'gyur ba med pa yang// kun gzhi klong yangs gdal khyab chen po la// chos nyid byang chub sems kyi dkyil 'khor bris// dkyil 'khor chen po bzhengs lugs kyang// chos nyid gdal khyab sa gzhi la// lung rigs gnyis kyis sa brtags la// shes rab gsum gyis sa blang la// dad pa'i 'jor gyis sa bskos te// dam tshig phad tsher sa blugs nas// phyogs ris zhen chags sangs pa'i gnas phyogs su// kun gzhi chos nyid gnas dag tu// chos dbyings dag pa'i mchod khang du// dam tshig phad tshe'i sa blugs nas// gdal khyab chen por 'khod snyoms te// rnam rtog blo yi rdul bsal nas// byang chub chu yis chag chag gdab// mnyam pa nyid kyi phyil phyil byas// mi 'gyur dbyings kyi thig cig gdab// ye shes lnga po'i sa tshon bkye// snying po 'gyur ba med pa'i dbus su zlum por bya// rnam shes tshogs brgyad 'char bas pad+ma 'dab brgyad bya// ye shes lnga yi rtags su phyogs bzhi dbus dang lnga// tshad med bzhi yi rtags su gru chad bzhi// gtan tshigs bzhi yi rtags su sgo bzhir btod// rig pa bzhi yi rtags su zur bzhi'o// dkar dang ser dang dmar dang sngo// nag po yang ni rnam lnga yang// gsal dang mi g.yo rgya ma chad// mi 'gyur brtan dang lnga yi rtags// rin chen lnga yi rtsigs pa yang// yum lnga snang tshul lnga yi rtags// lha dang lha mos brgyan pa yang// ma 'gags rol pas brgyan pa'i rtags// dra ba dra phyed dar phyang brgyan pa yang// chos dang chos nyid 'dres pa'i rtags// sgo rgyan la sogs brgyan pa yang// chos nyid snang la gsal ba'i rtags// sgo bzhi 'khor lo bzhi yis brgyan pa ni// mtha' bzhi bral zhing spros pa gcod// ka ba la sogs btsugs pa yang// snying po mi 'gyur brtan pa'i rtags// nyi ma zla bas brgyan pa yang// ngang dngas gsal 'grib med pa'i rtags// sgo la gdugs ni btsugs pa ni// spyi ti'i chos 'khor bskor ba'i rtags// rdo rje rwa bas bskor ba yang// a nu man chad zil gyis gnon pa'i rtags// phyi rim nag pos bskor ba yang// spyi ti yo ga 'di rtogs na// a nu man chod dgos pa med pa'i rtags// rdo rje rwa bas bskor ba yang// mi 'gyur brtan pa thob pa'i rtags// de la me ris bskor ba yang// nan brtags blta ba bsregs pa'i rtags// yid bzung bsgom pa bsreg pa'i rtags// ched byas spyod pa bsreg pa'i rtags// re dogs 'bras bu bsreg pa'i rtags// de la shing los brgyan pa yang// theg pa 'og ma lo ma yin pa'i rtags// 'dus byas dkyil 'khor 'jigs pa la// dkyil 'khor bzhengs na sems la bzhengs// chos nyid byang chub sems kyi dkyil 'khor 'di// theg pa gzhan las 'byung mi 'gyur// zhes gsungs so// snang srid khasbyor bdud rtsi bcud thigs/ 'khor ba thog mtha' gcod pa'i rgyud las/ byang sems dkyil 'khor gyi le'u ste bcu dgu pa'o//// de nas rdo rje sems dpa' yis// stan pa kun tu bzang po la// dkyil 'khor bri thabs de ltar na// de yi nges tshig ji ltar lags// zhes zhus pa dang/ kun tu bzang pos bka' stsal pa// 'khor rnams ma yengs gus pas nyon// nges tshig rgyas par bshad pa la// kun klong mtha' dbyings rnam dag dkyil 'khor de// chos nyid byang chub sems la gnas par bshad// dkyil 'khor dkyil 'khor zhes bya ba// sku yi dkyil 'khor yang dag pa// chos nyid byang chub sems la gnas// gsung gi dkyil 'khor yang dag pa// chos nyid byang chub sems la gnas// thugs kyi dkyil 'khor yang dag pa// chos nyid byang chub sems la gnas// dkyil ni chos skur 'gyur ba med// rig pa'i rtsal ma 'gags pa'i 'khor gyis bskor// des na dkyil 'khor zhes su bshad// dkyil 'khor ma lus sems la rdzogs// rdzogs pa'i don ni 'di lta ste// dkyil ni ma nor ba lo bya// ma nor ma bcos dkyil 'khor de// sems nyid skye med ngang la rdzogs// dkyil ni snying po'i don la bya// 'khor ni snang tshul bsam mi khyab// snying po bsam mi khyab pa de// dbyer med sems nyid ngang la rdzogs// dkyil ni 'gyur ba med pa la// 'khor ni ma bcos pa yi don// 'gyur med ma bcos sems la rdzogs// dkyil ni chos nyid skye ba med// 'khor ni sems nyid 'gag pa med// skye 'gag med pa'i dkyil 'khor yin// snang srid ma bcos dkyil yin la// dbye bsal med pa'i 'khor yin no// dbyer med ma bcos dkyil 'khor yin// mi 'khor ba ni dkyil yin la// khyab gdal chen po 'khor yin no// mi 'gyur gdal khyab dkyil 'khor yin// dkyil ni gnyis med chen po ste// 'khor ni rtsis gdab med pa yin// rtsis gdab gnyis med dkyil 'khor yin// mi 'gyur dbyings kyi dkyil 'khor gyi// nges tshig chen po rgyas par bshad// ces gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/dkyil 'khor gyi nges tshig bstan pa'i le'u ste nyi shu pa'o//// de nas ston pa kun bzang la// rdo rje sems dpas 'di skad gsol// dkyil 'khor lha yi grangs dgod phyogs// 'dus pa'i tshogs la bshad du gsol// zhes gsol pa dang/ kun tu bzang po 'od yongs la khyab pa'i ting nge 'dzin la bzhugs so// bzhengs nas 'khor la 'di skad gsungs// kun gzhi mkha' dbyings ma bcos klong dkyil de// mi 'gyur chos dbyings 'pho 'gyur med// rnam dag bsam mi khyab pa'i dkyil 'khor de// rin chen 'od 'bar gdal ba'i dkyil 'khor du// snang srid thams cad ma bris dkyil 'khor der// sems nyid 'gyur ba med pa'i gtso mchog la// rig pa'i rtsal ma 'gags pa'i 'khor gyis bskor// ma bskyed yongs su rdzogs pa'i lha tshogs 'di ltar bzhugs// dbus phyogs nam mkha'i gdan stengs su// gti mug rang bzhin rnam dag pas// bsam du med cing blo yi yul las 'das// skye med chos skur dbus na bzhugs// shar phyogs nyi zla'i gdan stengs su// zhe sdang rang bzhin rnam dag pas// skye ba med cing 'gag pa med// longs sku rdzogs sku shar na bzhugs// lho phyogs khyung gi gdan stengs su// nga rgyal rang bzhin rnam dag pas// dran med yid la byar med pa'i// mnyam nyid rin chen 'byung ldan bzhugs// nub phyogs rgya mtsho'i gdan stengs su// 'dod chags rang bzhin rnam dag pas// sku gsum dbye ru med pa yi// dbyer med snang ba mtha' yas bzhugs// byang phyogs rlung gi gdan stengs su// sku bzhi bde chen klong du rdzogs// 'od gsal don yod grub pa bzhugs// bskyed nas bzhugs pa ma yin te// rtsol bsgrub 'das de rang sar bzhugs// rigs lnga cha mthun khyad par 'phags// dkyil 'khor pad+ma'i gru bzhi ru// ma bskyed lha mo'i bzhugs tshul ni// shar lho pad+ma'i 'dab ma la// 'khrul sems byang chub sems su rigs// dri yi rtog zhen rnam dag pas// de na lha mo rigs lcam bzhugs// lho nub pad+ma'i gdan stengs su// rig pa 'dzin med gsal dngas pa// me long nang gi gzugs brnyan bzhin// reg bya'i rang bzhin rnam dag pas// de la lha mo gsal lcam bzhugs// nub byang mtshams kyi pad+ma la// dran pa yid la byar med pas// sgra yi rang bzhin rnam dag pas// de na lha mo bde lcam bzhugs// byang shar mtshams kyi pad+ma la// yid la 'gyu med rang dngas pas// ro yi lha mo kun sangs ma// ro yi rang bzhin rnam dag pas// sna tshogs gnyis med stong nyid ngang// des na lha mo stong lcam bzhugs// lha mo cha mthun khyad par 'phags// ma skyes sgo ma'i bzhugs lugs ni// shar sgor sprin gyi gdan stengs su// skye ba'i cho 'phrul rtsad gcod pa'i// sgo srung skye med gting gsal bzhugs// de yis phung po'i bdud rnams btul// lho sgo 'ja' tshon gdan stengs su// na tsha'i sdug bsngal rtsad gcod pa'i// sgo srung ngang dngas chen po bzhugs// de yis nyon mongs bdud rnams btul// nub sgo smig rgyu'i gdan stengs su// rga ba'i sdug bsngal rtsad gcod pa'i// sgo srung rang sangs chen po bzhugs// lha yi bu yi bdud rnams btul// byang sgor na bun gdan stengs su// 'chi ba'i sdug bsngal rtsad gcod pa'i// sgo srung chos nyid gsal dngas bzhugs// 'chi bdag bdud rnams kun bcom nas// skye ba dang ni na ba dang// rga shi med pa'i ngang la gnas// sgo srung chen po bzhi po yis// bdud bzhi bcom nas mtha' brgyad bsgral// chags 'dzin zhen pa'i mtsho nas thon// zhe 'dod gzung 'dzin sgrog nas khrol// dgag bsgrub spang len 'dam nas thar// rig pa'i rtsal snang lha tshogs kyang// rtsol bsgrub spyan drangs ma bskyed par// thog ma nyid nas de ltar bzhugs// lha tshogs cha mthun khyad par 'phags// spyi ti yo ga 'di nyid las// theg pa gzhan nas 'byung mi 'gyur// zhes gsungs so// rin po che snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ sems nyid lha ru bkod pa'i le'u ste nyi shu rtsa gcig pa'o//// de nas rdo rje sems dpa' yis// kun bzang nyid la 'di skad zhus// mtshams bcad chen po ji ltar lags// zhes gsol pa dang/ kun tu bzang pos bka' stsal pa// mtshams gcod chen po rang sems chen po ste// mtshams kyi rgyal po mi rtog ye shes kyis// bgegs kyi rgyal po rang gi rtog pa bsal// bya ba med pa las kyi rgyal po 'dis// gzung 'dzin chags zhen nga bdag bgegs rnams bskrad// khro bo'i rgyal po ngang dngas 'gyur med kyis// 'khrul pa rnam rtog zhen chags bdud rnams bskrad// ye shes khro bo rang shar gyis// rnam par rtog pa'i bgegs bsal nas// ye shes rang shar dgongs par gnas// mnyam nyid ye shes gsal ba yis// gzung 'dzin phyogs ris bgegs bsal nas// chos rnams mnyam nyid klong na gnas// ma 'dres ye shes dbyer med kyis// dbye bsal rtsis gdabs bgegs rnams bskrad// dbyer med yongs gsal dgong par gnas// don grub rang dngas ye shes kyis// mtshan rtog 'dod pa'i bgegs bskrad nas// 'gyur med don grub dgongs par gnas// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ mtshams bcad kyi le'u ste nyi shu rtsa gnyis pa'o//// de nas rdo rje sems dpa' yis// kun bzang nyid la 'di skad zhus// 'dus byas mchod pa ma yin pa'i// mi 'gyur snying po'i lha tshogs la// sems nyid mchod pa ji ltar dbul// zhes gsol pa dang/ kun tu bzang pos bka' stsal pa// zang zing mchod pa ma yin pa'i// rang sems rdzas kyi rgyal po'i mchod pa bshad// rdo rje sems dpas yid la zung// chos nyid don la bzhugs mchod mi mnga' yang// rtsal snang chos kyi rol par bshad// snying po don gyi chos sku yang// mi dmigs dbyings nas gshegs su gsol// 'od gsal chos nyid klong chen du// skye 'gag med pa'i longs sku yang// 'og min gnas nas gshegs su gsol// snang srid mkha' klong yangs pa nas// kun khyab dran med sprul sku yang// 'gro don ma spangs gshegs su gsol// sems kyi brtags snang lha tshogs rnams// skye med bstan phyir gshegs su gsol// rnam rtog gzung 'dzin phyag nas kyang// don dam 'gyur ba med la phyag 'tshal lo// mkha' klong yangs pa'i gzhal yas su// mnyam pa nyid kyi khri stengs su// chos nyid gdan la bzhugs su gsol// snang ba yul gyi bye brag kun// dgag bsgrub med par mchod par 'bul// nang 'dzin sems kyi dran rtogs kun// dngos po med par mchod pa 'bul// phyi nang gnyis su snang ba rnams// dbye bsal med par mchod pa 'bul// yul du snang ba'i dkar dmar rnams// sor bzhag chen por mchod par 'bul// sems las byung ba'i dran rtog rnams// rtsis gdab med par mchod pa 'bul// gzung 'dzin gnyis kyis bcings pa rnams// spros pa thag chod mchod pa 'bul// phyi ru snang ba'i yul snang kun// snang la rang bzhin med par mchod par 'bul// nang la gsal ba'i sems nyid kun// mi snang rang bzhin med par mchod pa 'bul// snang zhing srid pas bsdus pa'i chos rnams kun// ma chags ser sna med par mchod par mchod// rgya nas 'degs kyis bzhes su gsol// nang 'dzin sems kyi dran rtogs kun// ngang dngas chen por mchod par 'bul// mi dmigs dbyings su bzhes su gsol// rang gi lhar ni rang mchod na// dngos grub ya mtshan chen po 'byung// mchod pa 'bul na sems la 'bul// byang chub sems kyi mchod pa 'di// theg pa gzhan du yongs ma gsungs// mchod pa cha mthun khyad par 'phags// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ mchod pa dbul ba'i le'u ste nyi shu rtsa gsum pa'o//// de nas rdo rje sems dpa' yis// dkyil 'khor lha tshogs de rnams la// bstod pa'i le'u gsung du gsol// kun bzang nyid la de skad gsol pa dang// kun tu bzang pos 'khor rnams la bka' stsal pa// don nyid dbye ru med mod kyang// dkyil 'khor lha yi bstod pa bstan// chos kyi dbyings na gcig pur bzhugs pa'i lha// gtso mchog byang chub sems la phyag 'tshal bstod// 'gyur med kun khyab nam mkha' lta bu'i sku// ma rig mun sel nyi zla lta bu'i spyan// 'dod pa kun bral yid bzhin nor bu'i thugs// longs spyod rdzogs pa'i sku la phyag 'tshal bstod// dngos med kun khyab spros pa mtha' dag gcod// thugs rje kun khyab 'gro ba yongs kyi mgon// thugs rje sprul pa'i sku la phyag 'tshal bstod// mi bskyod rin 'byung sogs chad pa yin nam brtag /dbyer med gcig tu 'dril mdzad pa// mtha' yas chos nyid ngang du sdud// sangs rgyas snang ba mtha' yas sku la phyag 'tshal bstod// rtsol bsgrub bya btsal las rnams kun// dbyer med spros bral ngang du sdud// sangs rgyas don yod grub la phyag 'tshal bstod// chags 'dzin spros pa yongs chod nas// byams pa chen pos kun la khyab// dri yi chags pa sel mdzad pa// rigs lcam sku la phyag 'tshal bstod// dgag bsgrub spang len kun bral nas// reg bya'i yul la dbye bsal med// gsal lcam sku la phyag 'tshal bstod// phyi nang gnyis med chos nyid dang// sgra yi rang bzhin spros dang bral// sgra yi las rnams yongs su rdzogs// bde lcam sku la phyag 'tshal bstod// spros pa'i mtha' brgyad kun dang bral// ro yi brtags zhen rnam par dag/ btang snyoms yongs su rdzogs par mdzad// lha mo stong lcam sku la phyag 'tshal bstod// rgyu rkyen skye 'gag yongs dang bral// rtsol bsgrub mtha' rnams rtsad nas gcod// gting gsal shar gyi sgo srungs bstod// thams cad mnyam nyid ngang du sdud// rig tshor 'gyu ba dang sangs pa'i// lho yi sgo bar phyag 'tshal bstod// 'khrul pa thams cad rang sar dengs// rang sangs nub sgor phyag 'tshal bstod// brtags zhen mtshan ma yongs dang bral// gsal gdangs byang sgor phyag 'tshal bstod// bstod pa cha mthun khyad par 'phags// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ bstod pa'i le'u ste nyi shu rtsa bzhi pa'o//// de nas rdo rje sems dpa' yis// ston pa kun tu bzang po la// gshegs su gsol na ji ltar gsol// zhes gsol pa dang/ kun tu bzang pos bka' stsal pa// brjod med bde chen klong du gshegs su gsol// bsam med 'gyur med dbyings su gshegs su gsol// rang byung chen po'i klong du gshegs su gsol// mngon med dbyings su gshegs su gsol// mtshon med brjod 'das dbyings su gshegs su gsol// rin chen 'od 'bar chos nyid klong du gshegs su gsol// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ gshegs su gsol ba'i le'u ste nyi shu rtsa lnga pa'o//// de nas rdo rje sems dpa' yis// kun bzang nyid la 'di skad zhus// rdzogs chen spyi ti yo ga yis// dbang gi sgrub thabs ci ltar lags// zhes gsol pa dang// de nas ston pa kun bzang de// rin po che 'od kyi byin rlabs nang du 'bar ba'i ting nge 'dzin la bzhugs so// de las bzhengs nas 'khor rnams la// dbang gi bskur thabs 'di ltar gsungs// 'khor rnams ma yengs gus pas zung// snying po don gyi gnas lugs la// bskur bya skur byed gnyis med kyang// re zhig ma rtogs blo can la// rig pa sems kyi rtsal dbang bskur// kun gzhi klong yangs mtsho chen la// 'dus ma byas pa'i mkha' dbyings klong dkyil du// chos nyid don dbang 'dod pa rnams// rtsol med tshul gyis 'jug par bya// dang po bum pa'i dbang nyid dang// gnyis pa gsang ba'i dbang bskur dang// gsum pa shes rab ye shes dbang// bzhi pa rin chen tshig dbang ngo// rgyal thabs spyi blugs dbang gis la bzla'o// dang po bum pa'i dbang bskur la// las dang skal bar ldan pa'i slob ma yis// snying po don gyi gdams ngag yod pa yi// bla ma dag la zhu ba dbul// bla mas gnang bar gyur pa na// rdzas dang yo byad ldan byas te// gzung 'dzin dag pa'i sa phyogs su// phyogs ris sangs pa'i dben rtsa ru// mkha' klong yangs pa'i mchod khang du// mi 'gyur dbyings kyi dkyil 'khor ni// ma bris gsal ba'i dkyil 'khor na// ma bskyed rdzogs pa'i lha tshogs bzhugs// de la slob mas dbang nod de// skal ldan rigs chen slob ma de// 'og min gnas mchog dkyil 'khor du// tshogs dang gtor ma lugs su bsham// bsgrub pa'i rdzas dang dkyil 'khor rdzas// chad pa med par bsags byas la// don dam slob ma skal ldan des// byang chub chen po'i chu rgyun gyis// sems kyi dri ma dag par bkrus// rdo rje slob dpon bzhugs pa la// pus btsugs thal sbyar 'di skad zhus// e ma ho/ ye nas bde gshegs snying po la// nyon mongs ma rig dbang gis ni// rang gi de nyid ngo ma shes// bskal par 'grogs kyang don ma rtogs// lhan cig gnas kyang zhal ma 'tshos// nyon mongs dug lnga'i bdag nyid kyis// khams gsum 'khor ba'i gnas su 'khyams// thog ma'i sangs rgyas ma dang sprod// chos nyid ma bu ngo sprad phyir// mi 'gyur chos nyid dkyil 'khor ston// 'khor ba'i nang nas gdon du gsol// slob dpon nyid kyis byin gyis rlobs// thar pa chen po'i grong mchog tu// skyabs med bdag ni 'jug tu gsol// zhes gsol pa dang/ slob dpon gyis gsungs pa// kye kye bu khyod skal ldan rigs kyi bu// mi 'gyur dkyil 'khor 'jug 'dod na// gzung 'dzin gnyis kyi sgrog khrol la// sems kyi dri ma dag par gyis// sems la zhen 'dod ma byed par// chags zhen bral bas 'jug par gyis// de nas slob dpon gyis slob mar mig dar bkab la/yol ba'i phyi rol nas nang du khrid la/ rtog tshogs kyi bgegs bskrad la/ de nas slob mas kyang rtog pa thams cad phyag pa'i phyag byas la/ ma chags ser sna med pa'i rin po che/che ba lnga yi nor kun mi phangs par 'bul lo// de nas slob ma des/ mi 'gyur dbyings kyi dkyil 'khor de// bdag cag rnams kyis mthong bya'i phyir// ma rig pa yi mig phye la// snying po don gyi lha tshogs bstan du gsol// zhes gsol pa dang/ de nas slob dpon gyis/ 'di skad gsung ngo// bu khyod skal ldan rigs can khyod// thog ma med pa'i dus nyid nas// gnas don ma shes don ma rig/ ma rig mun pas mig long bas// de ring shes rab 'od gsal gyis// ma rig pa yi mig dbye'o// mi 'gyur lha tshogs blta bar gyis// rang gi rin chen 'od gsal bstan// thog ma'i sangs rgyas ngo sprad do// zhes mig phye'o// de nas slob ma des me tog dor nas/mig phye nas lha ngo blta'o// rigs gang yin gyi gsang mtshan gdags so// de nas slob dpon gyis slob ma'i spyi bor bum pa bzhag la/ 'di skad brjod par bya'o// chos dbyings rnam dag bum pa 'di// bu khyod spyi btsugs bzhag byas nas// ye shes bum pa'i dbang bskur bas// snang srid ma bkag chos sku ru// phyogs ris bral ba'i dbang thob shog/ de nas dbu rgyan bskon byas te// rgyal ba rigs lnga'i dbang bskur bas// ye shes rnam lnga gsal ba dang// rang nyid rigs lnga'i skur gyur cig/ de nas rdo rje sbyin byas te// rdo rje 'bar ba 'di gtad pas// ma nor ma bcos byar med pa'i// mi 'gyur brtan pa'i rgyas thob cig/ de nas dril bu sbyin byas la// stong nyid dril bu 'di gtad pas// dngos med stong pa'i rang bzhin la// 'gyur ba med par rgyas thob cig/ ces bum pa'i dbang bskur ro// gnyis pa gsang ba'i dbang bskur ba ni// snang grags rtags snang thabs yin te// rang bzhin dngos med shes rab yum// gnyis med chen por sbyor ba las// dbye bsal med pa'i dbang thob shog/gsum pa shes rab ye shes ni// yul gyis ma phyes chos kyi dbyings// sems kyis ma bsams chos kyi dbyings// chos sku chos dbyings brjod med klong// shes rab ye shes dbang bskur thob// bzhi pa rin chen tshig dbang kyang// sems nyid ngang dngas rin chen de// rnam rtog mtshan ma'i tshogs las byung// chos nyid rang gsal rang dbang thob// rin chen tshig dbang bskur bas thob// ces gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ dbang bskur lugs kyi le'u ste nyi shu rtsa drug pa'o//// de nas rdo rje sems dpa' yis// ston pa kun tu bzang po la// dbang bskur thob lugs rdzogs lugs rnams// 'dus pa'i 'khor la gsung du gsol// ston pas 'khor la bka' stsal pa// snying po ming med ngang la thob dang mi thob med// de ltar ma rtogs thob dang ma thob byung// dbang thob dbang bzhi rdzogs lugs ni// chos nyid ma bcos ngang gnas pas/ gnas kyi dbang bskur thob/ 'gyur med chos sku thob pas/ sku'i dbang thob/ brjod med ngang la gnas pas gsung gi dbang thob/ g.yo med dbyings su thim pas/ thugs kyi dbang bskur thob/ ma bskur rang la rdzogs pas/ sku gsung thugs dbang thob/ de ni dbang bskur lugs thob lugs so// dbang bskur rdzogs pa'i rdzogs lugs ni// bum pa'i dbang yang sems la rdzogs// bum ni snying po 'od kyi bum// pa ni chos nyid ma 'gag pas// dbang ba skye med don la dbang// bskur ba gnyis su med par bskur// thob ni snying po'i chos sku thob// de phyir bum pa sems la rdzogs// gsang ba'i dbang gi rdzogs lugs ni// gsang ba blo yi yul ma gyur// smra bsam brjod 'das don yin no// ba ni snying po'i ye shes yin// dbang ni brjod med don la dbang// bskur ni mtshon du med par bskur// thob ni brjod bral ngo bor thob// de phyir gsang dbang sems la rdzogs// shes rab ye shes rdzogs lugs ni// shes ni gzhi yi 'od gsal shes// rab ni bum pa ngo sprad shes// ye ni thog ma med par byang// shes ni 'gyur ba med par shes// dbang ni chos kyi sku la dbang// bskur ni dmigs dang bral bar bskur// thob ni chos nyid 'gyur med thob// rdzogs ni rang sem rang la rdzogs// de phyir shes rab ye shes rdzogs// rin chen tshig dbang rdzogs lugs ni// rin ni sems nyid rin po che// che ni che ba lnga yis 'phags// tshig ni brjod du med pa'i tshig/ dbang ni chos nyid 'od gsal dbang// bskur ni mi 'gyur dbyings su bskur// thob ni sangs rgyas lnga rnams thob// de phyir rin chen tshig dbang rdzogs// dbang bzhi rdzogs pa'i le'u ste nyi shu rtsa bdun pa'o//// de nas rdo rje sems dpa' yis// dbang bzhi zil gyis gnon pa yi// rig pa rtsal dbang ji ltar lags// zhes gsol pa dang/ston pas 'khor la bka' stsal pa// rig pa spyi blugs dbang bskur ni// pa tha a tha saM ka ri zhes bya ba ste/ spyi blugs dbang gi bskur thabs ni// chos sku gcer mthong man ngag yin// snang zhing srid pas bsdus pa rnams// dgag bsgrub med par dbang bskur bas// phyogs ris med pa'i dbang chen thob// yid 'gyu dran rig rnam rtog rnams// rtsis gdab med par dbang bskur bas// ngang dngas chos nyid gsal gdangs thob// gzung 'dzin gnyis snang bden gnyis rnams// dbyer med spros pa thag chod pa'i// 'khrul snang rtsad bcad dbang bskur bas// rang sangs chen por dbang thob bo// snang srid rnam dag mkha' klong dkyil yangs su// ci spyod thams cad chos nyid rol pa'i rgyan// chos can rol pa chos nyid ma dang 'phrad// ma bu dbyer med chen por dbang thob pa// dbang bzhi zil gnon rig pa spyi yi lugs// dbang bzhi rgyas btab dbang gi rgyal po yin// snang srid sems la dbang bas dbang gi rgyal po yin// skye med rgya yi thebs pas dbang gis rgyal po yin// 'gyur med rtod la non pas dbang gi rgyal po yin// dbyer med sa la gnas pa'i dbang gi rgyal po yin// bya ba thams cad btang bas dbang gi rgyal po yin// dgag bsgrub yang dogs bral bas dbang gi rgyal po yin// sangs rgyas sems la dbang bas dbang gi rgyal po yin// chos sku sems la dbang bas dbang gi rgyal po yin// snang srid rgya nas 'debs pa'i dbang gi rgyal po yin// 'khor ba rtsad nas bcad pas dbang gi rgyal po yin// rang dbang rang gis thob pas dbang gi rgyal po yin// brjod med klong du thim pas dbang gi rgyal po yin// 'gyur med ngang la gnas pas dbang gi rgyal po yin// skye med rang sa zin pas dbang gi rgyal po yin// chos nyid byang chub sems kyi dbang bskur 'di// theg pa gzhan las 'byung mi srid// spyi ti'i dbang bskur khyad par 'phags// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/dbang bskur rgyal po'i le'u ste nyi shu rtsa brgyad pa'o//// de nas rdo rje sems dpa' yis// sems nyid ston pa kun bzang la// dkyil 'khor chos nyid lha tshogs la// bdud rtsi sman mchod ci ltar bya// zhes gsol pa dang/ ston pas 'khor la bka' stsal pa// 'khor rnams ma yengs gus pas nyon// nga yis bdud rtsi sman mchod bshad// rang byung gdod nas rnam dag pas// rtsa brgyad stong las sbyar ba'i sman// rtsa ba 'bum phrag yangs pa'i bcud// 'chi med bdud rtsi ra sa yan// thams cad 'dus pa'i snying po ste// 'gro drug sems can kun sgrol ba'i// dug lnga sel ba'i bdud rtsi mchog/mi 'gyur snying po'i lha tshogs la// sman mchod mi dmigs dbyings nyid 'bul// skye med bde chen dngos grub rtsol// snying po'i rang bzhin 'gyur med kyang// chos rnams thams cad bdud rtsi rnam dag dgongs par bstan// rang byung rgyu rkyen skye 'jig med// gzhi ma 'od gsal gdod ma nas// 'khrul snang ma rig rnam par dag/ rtsa ba byang chub sems nyid yin// brgyad ni rnam shes tshogs brgyad yin// stong ni theg pa brgyad khri stong// sbyar ni mnyam nyid klong du sbyar// sman ni nyon mongs brgyad khri'i sman// rtsa ba thig le nyag gcig yin// 'bum phrag thig le rtsal snang yin// yangs pa chos nyid rol pas yangs// bcud ni snying po 'gyur med yin// snying po chos sku skye 'chi med// bdud ni nyon mongs lnga ldan te// rtsi ni ye shes rnam lnga'o// ra ni nga bdag rnams gnyis te// sa ni bdag bcom chos nyid bstan// ya ni theg pa rim brgyad ste// thams cad rdzogs pa chen por 'dus// snying po spyi ti yo ga yin// thog mtha' gnyis kyi gdams ngag yin// 'gro drug g.yang sa gcod pa yin// dras thag chod pa'i bka' lung gis// sems can kun bsgral dbyings su bsgral// skye med chos nyid klong du bzhag/ dug lnga zhe sdang 'dod chags gzung 'dzin lnga// shes rtogs lta sgom spyod 'bras sel// bdud ni rnam rtog chos rnams yin// rin chen 'od gsal shes pa'i mchog/ bdud rnams zhen med ngang du bcom// rtsi ni rnam gnyis 'brang gsum ste// thabs ni snang srid bde chen klong// mchod ni dmigs pa med par mchod// phul ni gnyis su med par phul// dgyes ni mnyam nyid chen por dgyes// dngos ni rang sems skye ba med// grub pa rtogs pa'i ye shes so// 'gyur med sems nyid lha tshogs la// mchod 'bul dgyes pa'i dngos grub stsol/:A sang ka ra A: si ta A: zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ snang srid thams cad bdud rtsi rnam dag gi le'u ste nyi shu rtsa dgu pa'o//// de nas rdo rje sems dpa' yis// ston pa sems nyid kun bzang la// dkyil 'khor lha tshogs de rnams la// zan brul zang zing ma yin pa'i// chos nyid gtor ma ji ltar btang// zhes gsol pa dang/ de nas ston pa kun bzang des/ rin po che 'od 'phel 'grib dbye bsal med pa'i ting nge 'dzin la bzhugs so// de nas bzhengs nas 'di skad gsungs/ chos nyid sems kyis gtor ma bshad/'khor rnams ma yengs gus pas nyon// snying po'i rang bzhin 'gyur med la// rig pa rtsal snang ma 'gags gtor ma gtong// sha phrag zan brul 'dus byas rdzas min pa'i// snang srid rgyas 'debs chos skur gtor ma gtong// snod kyi 'jig rten gser dngul zangs lcags snod// nang bcud 'jig rten gtor ma'i rdzas rnams la// skye 'gro gzugs sogs sha chang zan// rang las 'byung ba'i bdud rtsi lnga// dug lnga ka dag ye shes lnga// dug gsum ka dag sku gsung thugs// rnam shes rnam lnga gtor ma'i rgyan// dbang po yul lnga gtor ma'i rten// dbang po rang dag rgyal ba'i dgongs pa'i bcud// oM AHhU~M gsum gyi byin rlabs kyis// dug gsum ka dag snang srid bdud rtsir bsgyur// dbye bsal rtsis gdabs med pa'i byin rlabs kyis// phyi nang snod bcud bsdus pa yis// khams gsum srid gsum 'gro drug rnams// mnyam nyid bdud rtsi'i rgya mtshor gyur// skye 'gag med pa'i byin rlabs kyis// snang zhing srid pas bsdus pa'i chos rnams kun// skye med dbyings su mchod par 'bul// skye shi rtsad gcod byin gyis brlabs// sangs rgyas bsam las 'das pa la// snang srid rgyas 'debs mchod par 'bul// 'pho 'gyur med par byin gyis rlobs// skye ba med par bzhes su gsol// sku gsum dkon mchog dus gsum sangs rgyas la// sems kyi brtags snang mchod par 'bul// brjod med bsam 'das bzhes su gsol// brtags snang gzung 'dzin grol par byin gyis rlobs// bla ma yi dam mkha' 'gro bye ba khrag khrig la// snang srid skye 'gro thams cad dang// nyon mongs brgyad khri bzhi stong gtor mar 'bul// sdug bsngal ka dag byin gyis rlobs// bka' srung chos skyong mkha' 'gro bsam 'das la// snang srid skye 'gro gtor ma'i rdzas// blo yis chud tshad gtor mar 'bul// chos kyi dbyings su bzhes su gsol// skye ba med par byin gyis rlobs// dkyil 'khor lha tshogs ma lus thams cad la// sems kyi dran rtog ba rtags zhen kun// 'gyur med klong du mchod par 'bul// rang sangs chen por byin gyis rlobs// snying po don gyi lha tshogs la// byung tshor thams cad gtor mar 'bul// spros pa thag chod bzhes su gsol// rtsis gdab med par byin gyis rlobs// rig lnga sku lnga yab yum la// phyi nang gnyis med gtor mar 'bul// dbye bsal med par bzhes su gsol// ma phye ma bkol byin gyis rlobs// bde lcam gsal ba'i lha mo la sogs la// rig yid dran sems gtor mar 'bul// rig med 'gyu med sems pa med par bzhes su gsol// g.yos pa med par byin gyis rlobs// shar sgo srung ba ngang dngas la// gzung 'dzin chags zhen gtor mar 'bul// chags med zhen med bzhes su gsol// shugs sgrol chen po byin gyis rlobs// lho yi sgo srung rang sangs la// yul sems gnyis ni mchod par 'bul// dgag bsgrub med par bzhes su gsol// gnyis su med par byin gyis rlobs// nub sgo'i sgo srung rang sangs la// ma rig gnyis 'dzin gtor mar 'bul// gsal ba'i klong du bzhes su gsol// ye shes rang shar byin gyis rlobs// byang sgo'i sgo srung mkha' gsal la// lta bsgom spyod 'bras mchod par 'bul// blta bya lta byed med pa yi// zhe 'dod med par bzhes su gsol// spros chod ka dag chen po byin gyis rlobs// ming 'dogs med par gtor ma 'bul// brtags snang med par byin gyis rlobs// bya btsal med par gtor ma 'bul// byar med chen por byin gyis rlobs// bzang ngan thams cad gtor mar 'bul// spang len med par byin gyis rlobs// gzhi dang rtsal snang gtor mar 'bul// gzhi dang rtsal thim bzhes su gsol// dbyer med 'pho 'gyur med par byin gyis rlobs// zang zing 'dus rdzas gtor ma min// gtang bya gtong byed med pa yi// byang chub sems kyi gtor ma khyad par 'phags// zhes gsungs so// snang srid kha sbyor bdud rtsi bcud thigs// 'khor ba thog mtha' gcod pa'i rgyud las/ rang sems gtor mar bkod pa'i le'u ste sum cu tham pa'o//// de nas rdo rje sems dpa' yis// ston pa sems nyid kun bzang la// gtor ma'i nges tshig ji ltar lags// zhes gsol pa dang/ston pas 'khor la bka' stsal pa// gtor ma'i nges tshig bshad kyis nyon// gtor mar gtor ma zhes bya ba// 'dzin chags med par gtor zhes bya// kun la khyab pas ma zhes bya// snang srid gtor mar phul bas gtor zhes bya// dbye bsal med pas ma zhes bya// 'gro drug phul bas gtor zhes bya// 'gro drug g.yang sa gcod pa'i ma zhes bya// gnyis snang phul bas gtor zhes bya// gnyis su med pas ma zhes bya// ma 'gags 'byung bas gtor zhes bya// rtsis gdab med pas ma zhes bya// rig pa rtsal snang gtor zhes bya// gzhi la rtsal thim ma zhes bya// sna tshogs snang bas gtor zhes bya// gcig tu 'dus pas ma zhes bya// brjod mtha' yas pas gtor zhes bya// brjod du med pas ma zhes bya// chos rnams gcig tu shes pas gtor zhes bya// chos rnams kun las grol bas ma zhes bya// gcig shes kun grol gtor ma'i nges tshig yin// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las// gtor ma'i nges tshig bstan pa'i le'u ste so gcig pa'o//// de nas rdo rje sems dpa' yis// kun bzang nyid la 'di skad zhus// bya btsal rtsol bsgrub mi dgos pas// chos nyid tsha tsha ji ltar lags// zhes gsol pa dang/ de nas ston pa kun tu bzang pos 'od mi 'gyur ba'i ting nge 'dzin la bzhugs so// de las bzhengs nas 'khor la 'di skad gsungs so// snying po'i rang bzhin g.yos pa med pa la// yan lag rtsal gyis sems kyi tsha tsha 'debs/ 'khor rnams ma yengs gus pas nyon// 'gyur ba med pa'i sa gzhi la// chos nyid mi 'gyur bstan pa btsugs// thogs rdugs med pa'i 'jor rnon gyis// brgyad khri bzhi stong sa brkos la// shes rab 'bar ba'i tho chen gyis// nyon mongs brgyad khri bzhi stong brdungs// skye rgas na 'chi 'dag par btang// nga bdag gzung 'dzin ru nga med par brdungs// dran rtogs brtags zhen 'dag par btang// thig le chen po gcig tu dril// mnyam pa nyid du dgongs pa gcig tu dril// 'gyur ba med par byin gyis brlab// chos nyid mkha' klong yangs pa'i brkos phor du// rig pa rnon po'i lag pa'i 'jim par bcad// thabs dang shes rab lag pa yis// thig le gcig tu 'bi 'bi byas// chos rnams chos sku gcig tu dril// chos dbyings yangs pa'i brkos phor du// rig rtsal ma 'gags pa yi 'dag pa bcug/ phyi nang snang srid gnyis su med par sbyar// thabs dang shes rab lag pa yis// khams gsum 'khor ba spyi nas gdab// mkha' dbyings rnam dag dkyil 'khor nas// rtsal snang rig pa'i mchod rten phyung// snying po yan lag 'dres pa'i chos sku de// gzhi la rtsal thim dbyer med mchod rten de// kun gzhi stong nyid gnas su bzhugs// mkha' klong yangs pa'i khri stengs su// mi 'gyur yangs pa'i gdan stengs su// 'gyur ba med par bzhugs su gsol// skye ba med par byin gyis brlab// snying po'i klong na skye med chos sku bzhugs// chos nyid byang chub sems la phyag 'tshal lo// snang srid kun gyi rtsa ba gcig 'dus pas// sems nyid gcig tu 'dus la phyag 'tshal lo// sna tshogs snang la ngos bzung med// sems nyid ngos bzung med la phyag 'tshal lo// snang srid thams cad mchod par 'bul// dbye bsal med par bzhes su gsol// dran rig thams cad mchod par 'bul// rig med dran med 'gyur med klong du bzhes su gsol// gnyis snang thams cad mchod par 'bul// spros gcod gnyis med klong du bzhes su gsol// rang blta mngon par zhen pa mthol lo bshags// gzhan blta rgyab kyis phyogs pa mthol lo bshags// bden pa gnyis bzung thams cad mthol lo bshags// khams gsum sems can thams cad la// skye ba med par byin gyis rlobs// 'gag pa med par byin gyis rlobs// rang gzhan med par byin gyis rlobs// mtha' yas sems can thams cad la// rgya chad med par bsngo bar bgyi// shugs 'byung chen por bsngo bar bgyi// thams cad mnyam pa nyid du bsngo bar bgyi// rgyal ba de dag thams cad kyang// mngon med dbyings su gshegs su gsol// mtshon med brjod 'das dbyings su gshegs su gsol// rin chen 'od 'bar chos dbyings gshegs su gsol// mchod rten sku gzugs mtshan nyid ni// dbyibs ni zlum por gnas pa ste// gang zag dbang po'i khyad par gyis// bang rim rgyu ru gnas pa'o// mchod rten tsha tsha'i rgya khyon yang// nam mkha' dang ni mnyam par gnas// mchod rten de yi sku gzugs kyang// mi snang kun gyi dngos gzhir nas// dus gsum 'pho 'gyur med par bzhugs// mtshan nyid cir yang bzung du med// rang bzhin kun la khyab par gnas// ngo bo dmigs pa'i yul las 'das// smra bsam brjod 'das sku gdung ngo// sems nyid mchod rten 'jig 'bral med// tsha tsha 'debs na sems la thob// rtsol bsgrub mi dgos ngo mtshar che// de ni sems nyid tsha tsha'o// tsha tsha cha mthun khyad par 'phags// zhes gsungs so/ snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ sems nyid tsha tshar bkod pa'i le'u ste so gnyis pa'o//[ ×ÀÃæ ]// de nas rdo rje sems dpa' yis// kun bzang nyid la 'di skad zhus// sems kyi tsha tsha bzhugs pa yi// sems nyid mchod rten ji ltar brtsigs// de nas kun tu bzang po yis// rin po che 'od sku mi 'gyur mi shigs pa'i ting nge 'dzin la bzhugs so// de las bzhengs nas 'khor la 'di skad gsungs// snying po skye med 'gyur ba med pa la// rtsal snang ma 'gags mchod rten bzhengs lugs ni// khyab gdal chen po'i sa gzhi la// mi 'gyur dbyings kyi thig btab la// 'gyur med brtan pa'i 'gram rdo gding// snang zhing srid pas bsdus pa'i mchod rten brtsigs// ma lus rgyas 'debs sku gdung bzhengs// brtson 'grus dad pa'i 'jor rnon ni// byams dang snying rjer ldan pa'i skyes bus thogs// sdug bsngal chu bo bzhi yi brkos nas// nyon mongs brgyad khri bzhi stong 'dag par bsnos// skye rgas na 'chi dngos med 'jim par btang// nyon mongs dug gsum 'og tu bcug/ nga bdag gnyis kyis nang khrol byas// khams gsum 'khor ba rmang rdor bcug/'gro ba rigs drug gdan khrir brtsigs// mtshan nyid sde gsum theg pa yang// mchod rten bang rim tha ma byas// phyi rgyud sde gsum theg pa yang// mchod rten bang rim gnyis pa byas// bskyed pa ma hA yo ga yang// mchod rten bang rim gsum pa byas// rdzogs pa a nu yo ga ni// mchod rten bang rim bzhi pa byas// rdzogs pa chen pos bum rten byas// spyi ti yo gas mchod rten bum pa byas// skye med s ems nyid mchod rten byas// snying po 'gyur med srog shing btsugs// ye shes bcu gsum 'khor lo byas// mkha' gsal klong yang nam mkha'i char khebs bya// snying po yan lag bya ru btsugs// thabs dang shes rab gnyis kyi nyi zlas brgyan// sems nyid nor bu rin chen nyi zla'i kha la bzhag/ ma 'dres yongs su rdzogs pa'i dar dpyangs btang// mtshon du brjod las 'das pa'i sil snyan btags// rig pa'i rtsal ma 'gags pa'i bye chung mang po btags// snang tshul bcu dgu'i rgyan cha mang po btags// mchod rten dbyibs ni nam mkha' lta bur gnas// snang srid kun la khyab par gnas// mchod rten che chung mtshan nyid ni// tshogs brgyad yul du ma gyur bsam mi khyab// snang ba'i yul du ma gyur dmigs dang bral// dngos po mtshan ma dag gi spyod yul min// byis pa ma rabs rtog ge'i blo yis 'di mi mthong// mtshan nyid mtha' yas rnam kun bral// cir yang gzung du med pa yi// mchod rten de yi sku mdog ni// rin chen sna tshogs 'od 'phro yang// ngos bzung ma btub mtshon las 'das// rtsis gdab dbyer med zhal zhal byas// gzung 'dzin dri mas ma gos dkar rtsi bskus// gnyis med dbye bsal med par gnas pa'o// sems nyid mchod rten du bkod pa'i le'u ste so gsum pa'o//[ ×ÀÃæ ]// de nas rdo rje sems dpa' yis// kun bzang nyid la 'di skad zhus// mchod rten nges tshig ji ltar lags// zhes gsol pa dang/ kun tu bzang pos 'di skad gsungs// snying po rang bzhin g.yos pa med na yang// yan lag rtsal gyis rig pas nges tshig bshad// mchod rten bya ba'i nges tshig ni// mchod ni sku gsum dbyer med mchod// rten ni 'du 'bral med pa yin// mchod ni bsam du med pa yin// rten ni blo yi yul las 'das// mchod ni skye ba med par mchod// rten ni 'gag pa med par rten// mchod ni dran pa med par mchod// rten ni yid la bya ru med// mchod ni snang zhing srid pa ste// rten ni rtsis gdab dbye bsal med// mchod ni sgo lnga'i rnam shes mchod// rten ni mi spyod mi 'jug go/ mchod ni phyi yul dkar dmar ste// rten ni ma chags zhen med do// mchod ni snying po'i klong yangs te// rten ni chos sku 'gyur ba med// mchod ni kun gzhi'i mkha' klong ste// rten ni rig pa'i rtsal snang ngo// mchod ni ma 'gags rtsal snang thim// rten ni gnyis med ngang du gnas// mchod ni thig le chen po yin// rten ni spros pa mtha' dag bral// mchod ni sna tshogs rdzogs pa yin// rten ni cir ma spangs pa yin// mchod ni bde ba chen po ste// rten ni sdug bsngal kun bral lo// mchod ni rtog tshogs mtshan ma spangs// rten ni mi rtog ye shes rgyas// mchod ni skye med don gyi chos// rten ni 'gyur ba med pa'i sku// mchod ni gnyis snang kun bral yin// rten ni gnyis med chen por chub// de phyir mchod rten byang chub yin// mi 'gyur dbyings kyi mchod rten 'di// theg pa gzhan las 'byung mi 'gyur// mchod rten bzhengs na sems la bzhengs// mchod brten cha mthun khyad par 'phags// skye 'jig med pa'i mchod rten yin// zhes gsungs so// snang srid kha sbyor bdud rtsi bcud thigs/'khor ba thog mtha' gcod pa'i rgyud las/ rang sems mchod rten du bkod pa'i le'u ste so bzhi pa'o//[ ×ÀÃæ ]// de nas rdo rje sems dpa' yis// ston pa sems nyid kun bzang la// sbyin sreg chen po ji ltar lags// zhes gsol pa dang/ de nas ston pa kun bzang des// rin po che 'od kyi spros pa thams cad sreg pa zhes bya ba'i ting nge 'dzin la bzhugs so// de las bzhengs nas 'khor la 'di skad gsungs// snying po ma yin rang bzhin skye med 'gyur med la// ma 'gags rtsal snang bu yis sbyin sreg byed/ skye med sems kyis sbyin sreg 'di ltar yin// phrin las rnam bzhi'i sbyin sreg ni// zhi rgyas dbang dang drag po bzhi// gdul bya bzhi la dgongs nas gsungs// dang po zhi ba'i sbyin sreg bya// gnyis pa drag po'i sbyin sreg bya// gsum pa dbang gi sbyin sreg bya// bzhi pa rgyas pa'i sbyin sreg bya// spyi ti yo ga'i sbyin sreg 'di// rdo rje sems dpas go bar gyis// de la zhi ba'i sbyin sreg ni// mkha' klong yangs pa'i thab khung zlum por bya// thams cad zhi bar bya ba'i phyir// gzung 'dzin gnyis kyis bcings pa'i sems can kun// bkug nas thab khung nang du gzhug/ shes rab chen po'i me sbar te// nga dang bdag tu bcing pa bsreg/ dbye bsal med pa'i ngang du zhi// sreg rdzas mchod pa mi dgos te// sems kyis sreg rdzas mchod bstod bgyis// zhi ba gnyis med chen por zhi// de ni zhi ba'i sbyin sreg go/ gnyis pa drag po'i sbyin sreg ni// e yi chos dbyings gru gsum thab khung du// thams cad drag pos tshar gcod phyir// bden pa gnyis la zhen pa'i sems can kun// ye shes chen po'i me sbar te// gnyis su 'dzin pa bsreg pa yin// gnyis med chen po ngang du bsgral// dngos 'dzin thams cad rtsis gdab med par bsreg/mchod rdzas sreg rdzas bstod pa yang// ma phul bsnyen pa bya mi dgos// de ni drag po'i sbyin sreg go// gsum pa dbang gi sbyin sreg ni// chos dbyings zla gam thab khung du// thams cad dbang du sdud pa yi// rkye rga na 'chis bcing pa'i sems can thams cad bkug/ spros pa thams cad gcod pa'i me sbar te// gnyis su 'dzin pa bsreg pa yin// skye shi med pa'i ngang du bsgral// dgag sgrub gnyis med don la dbang// de ni dbang gi sbyin sreg go// bzhi pa rgyas pa'i sbyin sreg ni// thams cad rgyas par bya ba yi// blta bsgom spyod dang 'bras bu bzhi la zhen pa'i sems can kun// rang dngas rin chen 'od 'bar me sbar te// blos brtags lta ba thams cad bsreg/ yid bzung bsgom pa thams cad bsreg/ ched byas spyod pa thams cad bsreg/ yid smon 'bras bu thams cad bsreg/mi lta bltar med chen por rgyas// mi bsgom bsgom med chen po rgyas// mi spyod spyod med byar med rgyas// mi bsgrub bsgrub med thob med rgyas// de ni rgyas pa'i sbyin sreg go// mchod bstod sreg rdzas mi dgos te// sems kyi mchod bstod khyad par 'phags// phrin las rnam bzhi'i sbyin sreg go// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ sems kyi dri ma rtog tshogs spros pa mtha' dag bsreg pa'i le'u ste so lnga pa'o//[ ×ÀÃæ ]// de nas ston pa kun bzang la// rdo rje sems dpas 'di skad zhus// sbyin sreg bya lugs de ltar na// sbyin sreg nges tshig ji ltar lags// zhes zhus pa dang// sbyin sreg bya ba'i nges tshig ni// sbyin ni snying po'i rang bzhin yin// skye med 'gag med ngang du sreg/ sbyin ni thugs rje sprul sku yin// dran med yid la byar med ngang du sreg/ sbyin ni snang tshul ma 'gags pa// sreg ni rgya chad med par sreg/ sbyin ni rig pa ma 'gags pa// sreg ni rig med ngang du sreg/ sbyin ni dran pa sna tshogs pa// sreg pa dran med klong du sreg/ sbyin ni sems rtog sna tshogs la// sreg ni rtog med brtags zhen med par sreg/ sbyin ni snang ba'i rang bzhin la// sreg ni spong len med par sreg/ sbyin ni sgo lnga'i rang bzhin la// ma 'drang mi 'ablug dbyings su sreg/ sbyin ni phyi yul dkar dmar la// sreg ni rtsis gdab med par sreg/ sbyin ni gling bzhi ri rab la// sreg ni dbye bsal med par sreg/ sbyin ni rgya chad med pa la// sreg ni mnyam pa nyid du sreg/ sbyin ni yul sems gnyis yin te// sreg ni gnyis su med par sreg/ sbyin ni phyi dang nang yin te// sreg ni gzung 'dzin med par sreg/ sbyin ni nga dang bdag yin te// sreg ni gnyis med ngang du sreg/ sbyin ni chos can mtshan ma ste// sreg ni chos nyid klong du sreg/ de ni sbyin sreg nges tshig go// theg pa gzhan las 'byung mi 'gyur// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ rang sems sbyin sreg tu bkod pa'i le'u ste so drug pa'o//[ ×ÀÃæ ]// de nas sems nyid ston pa kun bzang la// rdo rje sems dpas 'di skad zhus// nyon mongs dug gsum sreg pa yi// de yi thal ba ji ltar mnan// zhes gsol pa dang/ de nas ston pas 'di skad gsungs// dug lnga dug gsum gnyis 'dzin langs dogs na// snying po chos nyid ngang la 'gyur med kyang// chos can rtsal gyi rig pas mnan par byed// rdo rje sems dpas yid la zung// rdzogs pa chen po'i gnyan sa ru// 'khrul pa rtsad gcod skyes bu yis// thabs dang shes rab lag pa ru// shes rab rig pa'i 'jor rnon gyis// chos dbyings rnam dag hom khung brus// dug gsum dug lnga nyon mongs rnams// rnam dag rang grol re bar gtum// ye shes rnam lnga'i mtshon skud kyis// 'gyur med rgya gram mdud pa byas// nga bdag gnyis 'dzin thal ba rnams// gru gsum dbyings kyi hom khung nyid du bcug/ chos nyid gdeng chod g.yam pas bkab// 'gyur med ri rgyal 'og tu mnan// sku gsum rgyal ba'i pho brang btab// mi 'gyur dbyings kyi rgya yis gdab// steng du chos nyid bro yang brdung// 'di skad tshig tu brjod par bya// e ma ho// nga bdag gnyis kyis bcings pa'i sems can kun// sngar yang mi grol da rung mi grol ba// de la 'dre chen shin tu gnod// 'dre yi rtsa ba nga bdag nyid// de yis rgyab rten dug gsum yin// sdong zla nyon mongs brgyad khri bzhi stong rnams// mnan no skye ba med par mnan// skye ba'i ma rigs ma sdangs shig/ bcing ngo chos nyid dbyings su ching// yid kyi dran rtog ma 'gyu cig/ gdab po 'gyur med rgya yis gdab// sems kyi chags sdang ma skye zhig/ bcad do dug gsum rtsad nas gcod// sems dang dug lnga ma sdangs shig/ mnan ni sku gsum 'og tu dug gsum mnan// bskal pa brgyar yang ma ldangs shig/ 'di skad bya ba'i dbyangs kyang blang// lta ba phyad de phyod der thong// phyogs med 'gyur med rgya yis thob// bsgom pa me re lhan ner thong// g.yo 'gul med pa'i rgya yis thob// spyod pa rbad de rbud der thong// byar med spros bral rgya yis thob// nyams myong ban ne bun ner thong// skye 'gag med pa'i rgya yis thob// 'bras bu 'bad med 'bud med zhog/sku gsum 'du 'bral med pa'i rgya yis thob// re med rang gnas rgya yis thob// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/dug gsum dug lnga nga bdag mnan pa'i le'u ste so bdun pa'o//// de nas rdo rje sems dpa' yis// kun bzang nyid la 'di skad zhus// mnan pa'i nges tshig ji ltar lags// zhes zhus pa dang// ston pa kun tu bzang po yis// 'dus pa'i 'khor la 'di skad gsol// chos nyid gzhi mo'i don la dbyer med kyang// snang tshul zer gyi rig pas nges tshig bshad// rdo rje sems dpas yid la zung// mnan pa bya ba'i nges tshig ni// mnan ni nga bdag dug gsum mnan// pa ni sku gsum 'gyur med pa// mnan ni nyon mongs dug lnga mnan// pa ni sku lnga bde chen pa// mnan ni nyon mongs brgyad khri bzhi stong mnan// pa ni chos sgo brgyad khri pa// mnan ni khams gsum 'khor ba mnan// pa ni zhing khams rnams gsum pa// mnan ni 'khor ba ma lus mnan// pa ni mya ngan las 'das pa// mnan ni sems can thams cad sdug bsngal mnan// pa ni sangs rgyas thams cad pa// mnan ni srid pa thams cad mnan// pa ni dbye bsal med par pa// mnan ni phyi yis dkar dmar mnan// pa ni rtsis gdab med par pa// mnan ni sgo lnga'i rnam shes mnan// pa ni chags zhen med par pa// mnan ni phyi yis yul rnam mnan// pa ni blang dor med par pa// mnan ni bzang ngan med par mnan// pa ni sngags bsgrub med par pa// mnan ni chos nyid ma bu 'phrad// pa ni dbyer med rang grol pa// mnan pas 'khrul rtog rang grol sangs// pa bas snying po klong du grol// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ mnan pa'i nges tshig bstan pa'i le'u ste so brgyad pa'o//[ ×ÀÃæ ]// de nas rdo rje sems dpa' yis// kun bzang nyid la 'di skad zhus// sems kyi ser ba ji ltar dbab// zhes gsol pa dang/ de nas ston pa kun bzang de/ snying po chos nyid rin po che'i 'od kun tu 'phro zhing chos nyid klong du sdud pa'i ting nge 'dzin la bzhugs so// de las bzhengs nas ston pas 'khor la 'di skad ces bka' stsal to// snying po chos nyid ma la 'gyur med kyang// yan lag bu yis nyon mongs gnyis 'dzin la// chos nyid byang chub sems kyi ser chen 'bebs// dug gsum dug lnga'i 'dzin chags la// sku gsum sku lnga 'dzin med ser chen 'bebs// nyon mongs brgyad khri bzhi stong la// chos sgo brgyad khri bzhi stong ser chen 'bebs// khams gsum 'khor ba'i sa gzhi la// nyon mongs dug lnga'i lo thog rgyas// nga bdag gnyis 'dzin 'bras bu smin// yul sems chags zhen lo tog rgyas pa la// ma rig zhing zan sdug bsngal nga bdag la// ma rtogs ma go'i sems can rnams// rang dngas ye shes slob dpon gyis// phyi nang gnyis kyi thod pa ru// yul sems 'dzin chags gzung 'dzin bcug/ snying po rang byung sngags pa yis// zhen pa rang log rag sha bgrad// shugs 'byung rang grol drag sngags bzlas// theg chen spyi ti'i gnyan sa ru// sku gsum mi 'gyur sgyed pu btsugs// mkha' klong rnam dag zangs bu ru// blta bya bsgom bya spyod bral rnams// khrag tu bsam te bskol byas la// bltar med bsgom med byar med thab chen byas// rang byung rang sangs khros pa yis// chos nyid klong yangs nam mkha' nas// longs spyod rdzogs pa'i sprin nag gtibs// 'gag med sprul sku'i ser chen 'bebs// nyon mongs dug lnga'i lo thog bcom// nga bdag chags 'dzin gnyis ka brlag/ mtha' rnams ma rig tha bar btang// yul sems gnyis med ru ma med// dgag sgrub gnyis med skyo mar bsnur// bskal pa stong du bsags pa'i ma rig nga bdag nyid// khams gsum sems can rigs drug lo thog rgyas// skye rga na 'chi'i sdug bsngal 'bras bur smin// nyon mongs brgyad khri bzhi stong lo thog la// theg pa brgyad khri bzhi stong ser chen phab// sdug bsngal bsam gyis mi khyab spar ba la// bde chen bsam gyis mi khyab ser chen 'bebs// 'gong po nga bdag gdon gnyis la// chos sku rang mdangs ser ba phab// ma rig ling thog thibs po la// ye shes gsal ba'i ser ba phab// byang chub sems nyid ser ba yis// nyon mongs lo tog gtan nas brlag/ sems kyi ser ba chen po'o// ser ba bya ba'i nges tshig kyang// ser ni snang srid kun bzang yum// ba ni snang gsal snang rig tshor ba yab// 'bebs pa kun bzang yab yum dbyer med yin// des na ser ba kun bzang yab yum mo// ser ni sny-ing po chos nyid ma// ba ni mtshan nyid rig pa'i bu// 'bebs ni gnyis med ngang du 'bebs// des na ser ba ma bu yin// ser ni nang gi sems la bya// ba ni phyi yi yul la bya// 'bebs ni yul sems dbye bas la med// ser ba yul sems gnyis med yin// ser ni snying po chos kyi sku// ba ni rgyu rkyen skye 'gag 'pho 'gyur med// 'bebs pa rtsis gdab brjod med yin// des na ser ba chos kyi sku// ser ni ma 'gags sna tshogs pa// ba ni mi dmigs ming 'dogs med// 'bebs pa ma 'gags mi dmigs gnyis su med// ser ni sna tshogs cir yang bya// ba ni cir yang ma spangs ci yang ma bsgrubs pa// 'bebs pa rdzogs pa chen po yin// ser ni mtshan nyid ma 'gags rdzogs// pa ni mi dmigs snying rje chen po'o// ser ni ma 'gags bu gsal rdzogs// ba ni mi dmigs stong pa chen po'o// 'bebs pa ma bu dbyer med rdzogs// ma 'gags mi dmigs dbyer med spyi ti yin// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ rdzogs chen sems kyi ser ba dbab pa'i le'u ste so dgu pa'o//[ ×ÀÃæ ]// de nas rdo rje sems dpa' yis// kun bzang nyid la 'di skad zhus// dgra la sod dus ma byung bas// mthu chen gtong thabs bstan du gsol// zhes zhus pa dang/ de nas sems nyid kun bzang des/rin po che 'od zer gyis dgra kha phung du gsod pa'i ting nge 'dzin la bzhugs so// de las bzhengs nas 'khor la 'di skad gsungs// ye klong chos nyid ma la dbyer med kyang// rtsal snang yan lag bu la dgrar snang dgrar bzung bas// dgra yi rtsa ba 'gong po nga bdag yin// dgra yi ngo bo nyon mongs dug gsum yin// dgra yi sdong zla nyon mongs dug lnga yin// dgra yi rgyab brten nyon mongs brgyad khri stong// dmag dpon log min lam mkhan dang// mi bden pa yang bden 'dzin dang// mi byed lam du 'jug mi byed// de gsum mun pa'i 'khor sgo bcad// mi bsal mi 'phar mi khom 'khor ba'i yul na gnas// ma rig gnyid log gzung 'dzin thul chen gon// 'dod chags longs spyod gzung 'dzin sgrog tu bcug/ re dogs lcag brab khams gsum srid gsum 'khyams// thar pa'i dus med 'o 'dod rtag tu 'bod// thon pa'i dus med 'khor ba'i nang na gnas// thar pa'i dus med ma rig mun nag gnas// rtogs pa'i dus med ma rtogs sems can la// nga bdag ngar 'dzin dgrar langs pas// dgra tshogs de rnams bsad thabs ni// snying po chos sku'i slob dpon gyis// gcig shes kun grol man ngag btsal// rang dngas chen po'i bsgrub rogs btsal// mi 'gyur dbyings kyi phur pa thogs// rang byung rang sangs drag sngags bzlas// mkha' gsal nam mkha'i dbyings nas bzlas// rang sangs rang dngas zor 'phang pas// 'gong po nga bdag snying la brgyab// bdag med rang grol dbyings su bsgral// mi 'gyur dbyings kyi phur pa yis// ngo bo dug gsum srog rtsa bcad// sku gsum rgyal ba'i klong du bsgral// rang byung chen po'i thun brgyab pas// nyon mongs dug lnga gtan nas brlag/ dug lnga sku lnga'i klong du bsgral// rang sangs chen po'i thun brgyab pas// nyon mongs thams cad dus gcig brlags// chags 'dzin chags zhen thams cad sangs// ma spangs mi gnas bde chen klong du bsgral// dgra yi rtsa ba gcig chod pas// dgra rnams thams cad dus gcig sod// mthu bo che zhes bya ba yin// mthu ni snang srid thams cad ste// che ba ma spangs mi gnas che// mthu ni bu yi rang bzhin te// che ba snying po ma yi klong// mthu ni chos can bu yin te// che ba chos nyid ma yi che// ma 'gags mi dmigs mthu bo che// rdzogs pa chen po'i mthu chen yin// mthu chen btang na sems la mthong// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ rdzogs chen mthu ru bkod pa'i le'u ste bzhi bcu tham pa'o//[ ×ÀÃæ ]// pa sa a tha ri b+hA ta ka/ d+harma kA ya wA ka sid+d+hi AH/de nas rdo rje sems dpa' yis// kun bzang nyid la 'di skad zhus// snang srid thams cad rgyas 'debs pa'i// bde gshegs bka' yi thig pa thams cad gcig tu 'dus pa/ bdud rtsi bcud thigs rgyud/de'i bshad lugs ji ltar lags/ zhes zhus pa dang/ de nas ston pa kun tu bzang po des/ rin po che 'od rtsis gdab med pa'i ting nge 'dzin la snyoms par zhugs so// de las bzhengs nas 'khor la 'di skad gsungs/rdo rje sems dpa' yid la zung// snang srid kha sbyor bya ba ni// snang ba phyi yis yul la bya// srid pa nang gi sems la bya// kha sbyor gnyis su med pa yin// snang ba sgo lnga'i rtags yul yin// srid pa rnam shes rnam lnga yin// kha sbyor mi 'gyur rtsis gdab med// snang ba phyi yis dkar dmar yul// srid pa sems kyi dran rig go// kha sbyor dbye bsal med pa yin// snang ba sgo lnga'i rnam shes yin// srid pa 'gyu lugs rnam lnga yin// kha sbyor mi 'gyu mi 'jug brtags chags med// snang ba phyi snod gling bzhi chags tshul yul// srid pa sems can skye 'gro yid gzugs yin// kha sbyor bzang ngan dgag bsgrub med// bdud ni sems kyi rtog tshogs yin// rtsi ni ye shes chen po yin// bdud ni mun pa'i 'khor sgo yin// rtsi ni ye shes rig pa'i 'char sgo yin// bdud ni 'khrul lugs rnam gsum yin// rtsi ni ldog lugs rnam gsum yin// bdud ni khams gsum 'khrul pa ste// rtsi ni 'khrul gzhi rtsad gcod yin// bdud ni nyon mongs dug gsum yin// rtsi ni sku gsung thugs yin no// bdud ni nyon mongs dug lnga yin// rtsi ni sku lnga ye shes lnga// bdud ni nyon mongs brgyad khri stong// rtsi ni chos sgo brgyad khri stong// bdud ni khams gsum 'khor ba'i sems// rtsi ni sku gsum rgyal ba'i thugs// bdud ni 'khor ba'i sems can te// rtsi ni myang 'das sangs rgyas so// bcud ni snying po ma yi bcud// thigs ni yan lag bu yi thigs// bcud ni snying po 'gyur med bcud// thigs ni skye med byang chub sems// bcud ni snying po chos nyid klong// thigs ni snying po'i klong du thigs// bcud ni rtsal snang ma 'gag la// thigs ni snying po mi dmigs pa'o// 'khor ba chags sdang sdug bsngal yin// 'khor ba mun pa mi gsal yin// 'khor ba mi thar 'dam rdzab yin// 'khor ba sdug bsngal brgyad khri bzhi stong ngo// de la thog mtha' bcad thabs dgos// thog ma 'gyur med kun khyab yin// tha ma 'gyur ba'i chos can yin// thog ma spyi sa chen po yin// tha ma snang zhing srid pa'i chos// thog ma smra bsam brjod las 'das pa yin// tha ma blo yi spros pa yin// thog ma skye ba med pa yin// tha ma skye ba'i cho 'phrul byung// thog ma gnyis su med pa yin// tha ma gnyis snang shes pa byung// thog ma mnyam nyid chen po yin// tha ma phyogs ris sna tshogs byung// thog ma dgag bsgrub spang len med// tha ma dgag bsgrub spang len byung// thog ma 'khrul dang ma 'khrul med// tha ma 'khrul snang sna tshogs byung// thog ma dbye bsal rtsis gdab med// tha ma dbye bsal rtsis gdab byung// thog ma bstan bya ston byed med// tha ma bstan bya ston byed byung// thog ma mtshon bya mtshon byed med/tha ma mtshon bya mtshon byed byung// thog ma bya ba'i mtshan nyid ni// skye med 'gyur med dngos med yin// mtshon 'das smra bsam brjod las 'das pa yin// tha ma sems kyi dran rtogs la// 'od dang 'gyu ba zer rig las// shes pa phya sangs ban bun khyer// yin snyam min snyam ming gi rnam shes las// yin pa ma rig min pa rig/ gnad don ma shes mar ma 'phrad// rang sa ma zin 'khrul ma chod// de phyir ma rig 'khrul sgor chung// 'khrul tshul gsum du 'khrul nas ni// khams gsum 'gro drug sdug bsngal myong// gzung 'dzin brtags zhen gnyis snang dang// bden pa gnyis 'dzin dgag bsgrub dang// rtsol bsgrub gnyis 'dzin spang len rtog tshogs rnams// bsam gyis mi khyab brjod mi langs// de ni tha ma'i shes pa'o// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/'khor ba'i thog mtha' gtan la dbab pas le'u ste zhe gcig pa'o//[ ×ÀÃæ ]// de nas rdo rje sems dpa' yis// kun bzang nyid la'adi skad zhus// thog mtha' rtsad gcod sngi ltar lags// zhes zhus pa dang/ kun bzang nyid kyis 'khor la 'di skad gsungs// A tha g+hu'i sid+d+hi g+hu ya A AH gcod pa bya ba'i tshig de yis// thog ma'i dras thag gcod pa yi// gnad kyi man ngag chen por bstan// rdo rje sems dpas yid la zung// 'od chen ngang du zer rig thim// 'du 'bral med par spros pa chod// 'gyu ba ngan pa rig sems rnams// rang dngas 'gyur med dran rig sems med pas// rang sangs ye shes chen po yis// ma rig pa yis mun khang bcom// chos sku gsal gdangs klong nas shar// khams gsum srid gsum sangs rgyas pas// 'gro drug sems can khams gsum 'khrul pa rtsad nas gcod// 'char sgo ye shes zang thal gyis// mun pa'i 'khor sgo rtsad nas gcod// mya ngan 'das pa'i rgyas thebs pas// 'khor ba'i sdug bsngal ma lus phyags mas btab// kun la khyab par spros pa chod// ngos bzung med par spros pa chod// skye ba med par spros pa chod// 'gag pa med par spros pa chod// gnyis su med par spros pa chod// dmigs su med par spros pa chod// gdags su med par spros pa chod// brjod du med par spros pa chod// bsam du med par spros pa chod// dngos po med par spros pa chod// rig pa med par spros pa chod// 'gyu ba med par spros pa chod// brtags pa med par spros pa chod// dbye ba med par spros pa chod// rtsis gdab med par spros pa chod// dgag bsgrub med par spros pa chod// spang len med par spros pa chod// gzung 'dzin med par spros pa chod// bya btsal med par spros pa chod// bgrod du med par spros pa chod// bya rgyu med par spros pa chod// gzhag tu med par spros pa chod// ye grub chen por spros pa chod// rang gnas chen por spros pa chod// ngang gnas chen por spros pa chod// ye gnas chen por spros pa chod// rang gdangs chen por spros pa chod// rang sangs chen por spros pa chod// gsal gdangs chen por spros pa chod// gting gsal chen por spros pa chod// yid la byar med spros pa chod// sems la bzhag med spros pa chod// blo yis spros med spros pa chod// rtog pas ma bslad spros pa chod// ma nor ma ma bcos spros pa chod// bskyed pa med par spros pa chod// ma phye ma bkrol spros pa chod// ma bzung 'dzin med spros pa chod// 'phel ba med par spros pa chod// 'grib pa med par spros pa chod// rgyu rkyen med par spros pa chod// mi blta ltar med spros pa chod// mi bsgom bsgom med spros pa chod// mi spyod byar med spros pa chod// mi bsrung bsrung med spros pa chod// mi thob thob med spros pa chod// snang ba sor bzhag spros pa chod// gnas lugs rang gnas spros pa chod// snang sems gnyis med spros pa chod// sems kyi brtags tshad spros pa chod// dran brtags chags zhen spros pa chod// snang srid 'khor ba sna tshogs bsam yas pa// mi 'jug mi spyod rtsis gdab med// thams cad spros pa chod pa ni// lus ni 'gyur med rdo rje'i sku// skye rgas na 'chi'i sdug bsngal spangs// ye shes chen po'i spyan gyis ni// ma rig pa yi mun pa sangs// rna ba thogs med ye shes zang thal gyis// brjod pa'i rnam rtog mtha' dag sangs// sna ni 'gag med ye shes kyis// gzung 'dzin dri ma thams cad sangs// lce ni 'gyur med ye shes kyis// bden pa gnyis 'dzin ro rnams sangs// yid kyi dbang po thogs med kyis// snang srid skye med dbyings su sangs// phyag gnyis lung rig gnyis po yis// chos rnams thig le chen por rgyas// zhabs gnyis thabs dang shes rab kyis// gnyis 'dzin chags pa med par sangs// thams cad spros gcod chos sku'i klong du rgyas// phyogs ris mtha' dag gnyis med pas// 'gyur med bde chen klong du rgyas// mi gsal ma rig mun nag sangs// gsal gdangs ye shes chen por rgyas// sdug bsngal ngar 'dzin nyon mongs rgyas// bde chen 'dzin med ye shes zang thal rgyas// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ rin po che spros pa gcod pa rtsa ba'i rgyud le'u ste zhe gnyis pa'o//[ ×ÀÃæ ]// de nas rdo rje sems dpa' yis// ston pa sems nyid kun bzang la// 'bras bu thob lugs ji ltar lags// zhes gsol pa dang/ de nas sems nyid kun bzang des/ rin po'i che 'od rang la thim pa'i ting nge 'dzin la bzhugs so// de nas bzhengs nas 'khor rnams la// ston pa'i rgyal pos 'di skad gsungs// nga yi spyi ti yo ga la// 'bras bu thob dang mi thob mi mnga' yang// snying po rang bzhin g.yos pa med na yang// bdud rtsi bcud thigs 'bras bu bshad// rdo rje sems dpas go bar zung// kun gzhi mdzod chen chos sku'i klong yangs de// rgyu yis ma bskyed rkyen gyis mi 'jig pa// ngo bo mi 'gyur rang bzhin ma bcos pa// ming med brtags med brjod pa'i gzhi yang med// sgrar med brjod med mtshon pa'i dngos gzhi med// sangs med rgyas med sku yi dngos gzhi med// mtha' med dbus med phyogs mtshams yongs dang bral// bde med sdug med sdug bsngal yongs su bral// de lta bu yi rang bzhin de// chos nyid gzhi yi rang bzhin yin// snang tshul zer gyi mtshan nyid kyang// med la yod pa'i ngo bo byung// min pa'i don la yin par bzung// med pa'i chos la yod par bzung// mi rtag pa la rtag par bzung// gnyis med don la gnyis su bzung// sdug bsngal rnams la bde bar bzung// phyogs ris med la dgra gnyen bzung// de sogs med la yod bzung gis// rmi lam tshul du sdug bsngal myong// rigs drug khams gsum 'khor ba de las byung// byung yang gzhi las g.yos pa med// snang tshul zer gyis shes pa de la thim// smra brjod rtog tshogs thams cad de ru thim// brtag snang blo yul thams cad gzhi la thim// gzung 'dzin dgag bsgrub thams cad dbyings su thim// sems kyi dran rigs thams cad klong du thim// yid dpyod rtogs snang sna tshogs thams cad dbyings su thim// yan lag bu yi mtshan nyid ma la thim// zer gyi snang tshul snying po'i klong du thim// yid kyi dran sems ril po dbyings su thim// ming tshig brtags snang brjod tshad chos dbyings klong du thim// dgag bsgrub spang len chos nyid dbyings su thim// gnyis 'dzin chags zhen thams cad gzhi mo'i klong du thim// dran tshad phyed tshad brjod tshad brjod med klong du thim// gzhi la rtsal snang dbyer mi phyed// snying po yan lag thim pas dbyer mi phyed// ma la bu thim dbyer mi phyed// yid rig dran rig dbyer mi phyed// sems rig rtsal snang thim pas dbyer mi phyed// dran tshad brjod tshad thim pas dbyer mi phyed// gnyis 'dzin chags zhen mtha' dag thim pas dbyer mi phyed// bsam tshad rtags snang blo yul mtha' dag thim pas dbyer mi phyed// dper na ci dang 'dra shes na// dwa phrug ma dang 'phrad pa 'dra// lan tshwa chu la thim pa 'dra// chu la chu bur thim pa 'dra// yul chu rgya mtshor sleb pa 'dra// 'khyags pa chu ru zhu ba 'dra// char pa mtsho la 'bab pa 'dra// mkha' la 'ja' tshon thim pa 'dra// sprin rnams nam mkhar dengs pa 'dra// chu nang zla ba shar ba 'dra// 'o ma chu dang 'dres pa 'dra// snying po'i dbyings su snang tshul zer thim pas// gzhi la rtsal thim thog mar ye sangs rgyas// chos nyid ma dang 'phrad pas 'khrul pa rang sar grol// skye med rang sa zin pa'i snying po'i klong nas shar// rnam rtog rang sar grol pas 'gyur med chos skur gyur// ngo bo rang sa zin pas gsal dngas chos sku'o// rang bzhin rang sa zin pas rang dngas longs sku'o// thugs rje rang sa zin pas rang sangs sprul sku'o// sku gsum dbyer med gcig pas rang dngas chen po'o// sku lnga bde ba che bas mkha' gsal ngang nyid sku// sku lnga 'gyur med dbyings thim pas// dbyer med gting gsal ngo bo nyid kyi sku// rang sems chos sku'i 'bras bu yin// thog ma med pa'i dus mtha' nas// rang la rang chas yod rtogs pas// sku lnga rgyal ba'i zhing khams so// 'bras bu'i mchog tu rgyal bas gsungs// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/bdud rtsi bcud thigs 'bras bu bstan pa'i le'u ste zhe gsum pa'o//// de nas rdo rje sems dpa' yis// kun bzang nyid la 'di skad zhus// rang gdangs chen po ji ltar lags// zhes gsol pa dang/ sems nyid ston pa kun bzang de// rin po che 'od 'bar ba'i ting nge 'dzin la bzhugs so// de nas bzhengs nas 'di skad gsungs// snying po'i rang bzhin skye med 'gyur med la// sku gsum yid la ma byas rang gsal chen po yin// sku lnga yid la ma byas rang gsal chen po yin// snang ba yid la ma byas rang dngas chen po yin// stong pa yid la ma byas rang gdangs chen po yin// skye med yid la ma byas gsal dngas chen po yin// chos sku yid la ma byas gsal dngas chen po yin// longs sku yid la ma byas gsal dngas chen po yin// sprul sku yid la ma byas gsal dngas chen po yin// dbyer med yid la ma byas gsal dngas chen po yin// ma rig blo yis ma spangs gsal dngas chen po yin// 'gyur ba med de gsal dngas chen po yin// skye shi med de gsal dngas chen po yin// rgyu yi ma bskyed gsal dngas chen po yin// rkyen gyis mi 'jig gsal dngas chen po yin// ngo bo mi 'gyur gsal dngas chen po yin// yul la dgag bsgrub med de gsal dngas chen po yin// sems la dngos po med de gsal dngas chen po yin// yul sems dbye bsal med de gsal dngas chen po yin// yid la ma bsam gsal dngas chen po yin// sems kyis ma phyed gsal dngas chen po yin// blo yis ma bcos gsal dngas chen po yin// rtog pas ma bslad gsal dngas chen po yin// ma phye ma bkol gsal dngas chen po yin// mi len mi 'dor gsal dngas chen po yin// mi spang mi bsgrub gsal dngas chen po yin// byar med btsal med gsal dngas chen po yin// mi blta bltar med gsal dngas chen po yin// mi bsgom rtog med gsal dngas chen po yin// mi spyod byar med gsal dngas chen po yin// mi bsrung bsrung med gsal dngas chen po yin// mi rtsol btsal med gsal dngas chen po yin// mi bgrod bgrod med gsal dngas chen po yin// mi bsgrub rang bzhin gsal dngas chen po yin// brtag snang thams cad gsal dngas chen po yin// snang srid thams cad gsal dngas chen po yin// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ chos sku gsal dngas chen po bstan pa'i le'u ste zhe bzhi pa'o//// de nas rdo rje sems dpa' yis// kun bzang nyid la 'di skad zhus// rang dngas chen po ji ltar lags// zhes gsol pa dang/ sems nyid ston pa kun bzang des// rin po che'i 'od rang sangs chen po'i ting nge 'dzin la bzhugs so// bzhengs nas 'khor la 'di skad gsungs// chos sku klong yangs nam mkha'i rang bzhin las// snying po 'gyur ba med pa'i rgyas thebs pas// rnam rtog mtshan ma'i rkyen gyis ci la gos// g.yos pa med pa'i chos nyid chen po la// chos sku 'gyur med skye med rnam rtog grub pa med// 'bras bu gdeng zin 'di ltar shes par gyis// skyon can grub pa med pas rang sangs chen po yin// ma rig grub pa med pas rang sangs chen po yin// ye shes 'gyur ba med pas rang sangs chen po yin// dug gsum grub pa med pas rang sangs chen po yin// sku gsum 'pho 'gyur med pas rang sangs chen po yin// dug lnga grub pa med pas rang sangs chen po yin// ye shes lnga la 'du 'bral med pas rang sangs chen po yin// 'khor ba grub pa med pas rang sangs chen po yin// myang 'das 'gyur ba med pas rang sangs chen po yin// rnam rtog grub pa med pas rang sangs chen po yin// chos nyid 'gyur ba med de rang sangs chen po yin// gzung 'dzin grub pa med de rang sangs chen po yin// 'dzin med 'gyur ba med pas rang sangs chen po yin// gnyis 'dzin grub pa med pas rang sangs chen po yin// gnyis med 'gyur ba med pas rang sangs chen po yin// phyogs ris grub pa med pas rang sangs chen po yin// nga bdag grub pa med pas rang sangs chen po yin// bdag med 'gyur ba med de rang sangs chen po yin// chags 'dzin grub pa med de rang sangs chen po yin// chags med 'gyur ba med de rang sangs chen po yin// rtsol bsgrub grub pa med de rang sangs chen po yin// rtsol med 'gyur ba med de rang sangs chen po yin// bya ba grub pa med de rang sangs chen po yin// byar med 'gyur ba med de rang sangs chen po yin// blta bya grub pa med de rang sangs chen po yin// bltar med 'gyur ba med de rang sangs chen po yin// bsgom bya bsgrub bya med de rang sangs chen po yin// bsgom med 'gyur ba med de rang sangs chen po yin// spyod pa grub pa med de rang sangs chen po yin// spyod med 'gyur ba med de rang sangs chen po yin// thob bya grub pa med de rang sangs chen po yin// thob med re dogs med de rang sangs chen po yin// de dag kun gyi rang bzhin kyang// blo yis ma bcos yid kyis ma 'gyus so// rig pas ma phye sems kyis ma brtags so// ye ji bzhin pa'i ngang nyid do// ma bslad pa yi chos nyid yin// ma bcos pa yi sems nyid yin// gdal ba chen po'i gnas nyid na// 'gyur ba med pa'i chos sku bzhugs// ma yengs bya btang sa mA ti// kho na nyid la 'gyur ba med// dbyings kyi stong ra chen mo ru// 'pho 'gyur thams cad bral ba'i sku// smra brjod thams cad bral ba'i ngag/ yid rig sems dpyod blo yi yul las 'das// g.yo 'gul med pa'i thugs yin no// ma bcos ma bslad so ma nyid// rang dngas lhug pa de bzhin nyid// snying po'i don las ma g.yos par// tha mal rang lugs gnas pa yin// kun bzang rgyal ba'i dgongs pa'o// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ ma bcos rnal du bzhag pa'i 'bras bu gdeng zin bstan pa'i le'u ste zhe lnga pa'o//// de nas rdo rje sems dpa' yis// kun bzang nyid la 'di skad zhus// sems nyid mkha' gsal sngi ltar lags// zhes gsol pa dang/ sems nyid ston pa kun bzang de/ rin po che 'od mkha' gsal chen po'i ting nge 'dzin la bzhugs so// de las bzhengs nas 'khor la 'di skad gsungs// chos sku 'dus ma byas pas mkha' gsal chen po yin// snying po 'dus ma byas pas mkha' gsal chen po yin// kun gzhi dus ma byas pas mkha' gsal chen po yin// chos nyid 'dus ma byas pas mkha' gsal chen po yin// dbyings nyid 'dus ma byas pas mkha' gsal chen po yin// skye med 'dus ma byas pas mkha' gsal chen po yin// 'gyur med 'dus ma byas pas mkha' gsal chen po yin// ngang nyid 'dus ma byas pas mkha' gsal chen po yin// g.yo med 'dus ma byas pas mkha' gsal chen po yin// chags med zhen med mkha' gsal chen po yin// bsam brjod blo las 'das pas mkha' gsal chen po yin// ming med rtog med yul med mtshon las 'das pas mkha' gsal chen po yin// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ sems nyid mkha' gsal gyi le'u ste zhe drug pa'o//// de nas rdo rje sems dpa' yis// kun bzang nyid la 'di skad zhus// chos nyid gting gsal chen po ji ltar lags// zhes gsol pa dang/ de nas sems nyid kun bzang de// rin po che 'od 'phro 'du thams cad chos nyid kyi klong du thim pa'i ting nge 'dzin la snyoms par bzhugs so// de las bzhengs nas 'khor la 'di skad gsungs// chos nyid don gyi gnas lugs de// tshogs brgyad yul du ma gyur gting gsal chen po yin// mig g-i yul du ma gyur gting gsal chen po yin// rna ba'i yul du ma gyur gting gsal chen po yin// sna yi yul du ma gyur gting gsal chen po yin// lce yi yul du ma gyur gting gsal chen po yin// yid kyi yul du ma gyur gting gsal chen po yin// lus kyi dngos gzhi med de gting gsal chen po yin// ro yi myang rgyu med de gting gsal chen po yin// mi dmigs dmigs las 'das te gting gsal chen po yin// smra brjod yongs las 'das pas gting gsal chen po yin// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ chos nyid gting gsal chen por bstan pa'i le'u ste zhe bdun pa'o//// a tha badzra pa ta li// de nas rdo rje sems dpa' yis// kun bzang nyid la 'di skad zhus// spyi ti'i 'dod gzhung de ltar na// theg pa gzhan dang mi 'gal ba'i// ma 'dres yongs rdzogs ji ltar lags// zhes gsol pa dang// sems nyid ston pa kun bzang de// rin po che 'od sna tshogs kun tu gsal ba'i ting nge 'dzin la bzhugs so// ting nge 'dzin de las bzhengs nas// 'khor rnams la 'di skad ces bka' stsal to// nga yi spyi ti yo ga 'dir// theg pa mtha' dag 'di la rdzogs// snying po chos sku'i rang bzhin ni// dus gsum 'pho 'gyur med par gnas// mu stegs rtag lta 'di la rdzogs// dngos med dmigs pa'i yul las 'das// mu stegs chad lta 'di la rdzogs// phra rab rdul du ma grub pa// nyan thos lta ba 'di la rdzogs// rten 'brel rnam par rig byed pa// rang rgyal lta ba 'di la rdzogs// yul sems gnyis med gzung 'dzin bral// sems tsam lta ba 'di la rdzogs// mtha' bzhi bral bas bden gnyis chom// dbu ma'i lta ba 'di la rdzogs// dag gsum rigs gsum dbyer med pas// kri ya'i lta ba 'di la rdzogs// lta spyod ya 'gal ma gyur pas// u pa ya yi lta ba rdzogs// kun rdzob lha yi dkyil 'khor dang// rnam shes lnga la lhar 'dod kyang// don gyi skye 'gag gnyis med pas// de phyir yo ga'i lta ba rdzogs// thabs dang shes rab gnyis med pas// ma hA yo ga'i lta ba rdzogs// dbyings dang ye shes gnyis med pas// a nu yo ga'i lta ba rdzogs// thams cad ma 'gags rol pa'i rgyun// rdzogs chen lta ba 'di la rdzogs// nga yis spyi ti yo ga la// spros dang bral ba'i sgor zhugs pas// 'jug sgo mtha' dag 'di la rdzogs// don las mi 'da'i don bsrungs pas// dam tshig mtha' dag 'di la rdzogs// dug lnga rang rgyud ngan thul bas// 'dul khrims mtha' dag 'di la rdzogs// byar med spros bral chos nyid ngang la rdzogs// spyod pa'i bya btsal mtha' dag rdzogs// snying po'i don la 'du 'phro med// 'phro 'du ma lus de la rdzogs// skye med ngang la bskyed du med// bskyed rim ma lus 'di la rdzogs// snying po don gyi lha tshogs nyid// lha tshogs ma lus 'di la rdzogs// bskyed med 'gyur med yi dam lha// yi dam lha tshogs 'di la rdzogs// mi 'gyur gdal khyab ma 'dres gsal// dkyil 'khor ma lus 'di la rdzogs// phyi nang dbye bsal med gtor la// gtor ma ma lus 'di la rdzogs// rang gi lhar ni rang mchod pas// mchod pa ma lus 'di la rdzogs// byar med btsal med dgag bsgrub med// phrin las ma lus 'di la rdzogs// bgrod med sbyang med snying po'i klong// sa lam ma lus 'di la rdzogs// ye nas yin pas don rtogs na// thams cad ma lus 'di la rdzogs// rgyu la ma brten 'bras bu'i mchog/ tshogs lam bgrod du med par rdzogs// tshig gsum chad/ / bsgom lam bgrod du med par rdzogs// 'di zhes bya ba'i mtha' las 'das// mthong lam bgrod du med par rdzogs// dbus mtha' gnyis med de bzhin nyid// mthar phyin bgrod du med par rdzogs// bgrod du med pa'i lam lnga rdzogs// bla med spyi ti 'di nyid ni// shes pa med pas shes rab mchog/ snying rje med pa'i lam las 'das// gang yang ma btsal lhun grub pas// sa bcu theg pa rim dgu rdzogs// bla med rdzogs chen 'di nyid ni// 'dzin cing chags pa mi 'byung bas// sbyin pa'i pha rol phyin pa rdzogs// 'di la kun 'byung sdug bsngal med// tshul khrims pha rol phyin pa rdzogs// 'di la bde sdug byung tshor med// bzod pa'i pha rol phyin pa rdzogs// 'di la le lo btang snyoms med// brtson 'grus pha rol phyin pa rdzogs// 'di la 'gyur zhing ldog tu med// bsam gtan pha rol phyin pa rdzogs// 'di la ltung ba'i g.yang sa med// stobs kyi pha rol phyin pa rdzogs// 'di la nyon mongs sdug bsngal med// shes rab pha rol phyin pa rdzogs// 'di la re dogs gnyis med de// smon lam pha rol phyin pa rdzogs// 'di la 'khor zhing chags su med// thabs kyi pha rol phyin pa rdzogs// 'di la ye nas 'khrul pa med// ye shes pha rol phyin pa rdzogs// spyi ti'i nang du kun rdzogs pas// 'byung ba nam mkha'i mkha' klong du// nyi zla gza' skar yongs su rdzogs// 'byung ba chen po nam mkha' ru// 'byung chen bzhi po yongs su rdzogs// phyi yi rgya mtsho chen po ru// chu phran ma lus yongs su rdzogs// dbus kyi ri bo mchog rab la// rtsi shing nags tshal yongs su rdzogs// dkyil 'khor chen po'i nang du ni// sa tshon sna lnga yongs su rdzogs// za 'og snam bu'i nang du ni// dar sna rnam lnga yongs su rdzogs// mkha' la 'ja' tshon gsal ba'i tshe// kha dog rnam lnga yongs su rdzogs// nam mkha' phyi yis rgya mtsho ru// gling bzhi gling phran ma lus yongs su rdzogs// rin po che'i nang du rin po che sna lnga yongs su rdzogs// sa gzhi kun khyab yongs su gdal ba ru// skye 'gro rtsi shing nags tshal ma lus rdzogs// kun gzhi gdal khyab mkha' klong du// sems la 'phros skyes yongs su rdzogs// rdzogs chen spyi ti yo ga ru// theg pa ma lus mtha' dag rdzogs// gcig rdzogs gnyis rdzogs thams cad rdzogs// yod mtha' rdzogs la med mtha' rdzogs// snang ba rdzogs la stong pa rdzogs// rtag pa rdzogs la chad pa rdzogs// ma rig rdzogs la ye shes rdzogs// 'char sgo rdzogs la 'khrul sgo rdzogs// sems can rdzogs la sangs rgyas rdzogs// 'khor ba rdzogs la myang 'das rdzogs// bzang po rdzogs la ngan pa rdzogs// dgag bya rdzogs la bsgrub bya rdzogs// 'dzin chags rdzogs la 'dzin med rdzogs// gnyis 'dzin rdzogs la gnyis med rdzogs// sku lnga rdzogs la rigs drug rdzogs// bde ba rdzogs la sdug bsngal rdzogs// rdzogs dang ma rdzogs gnyis kyang rdzogs// nga yi spyi ti yo ga 'dir// brjod tshad mnos tshad nga la rdzogs// skyes tshad 'khor tshad nga la rdzogs// rtogs tshad 'khrul tshad nga la rdzogs// 'gyus tshad dran tshad nga la rdzogs// phyed tshad gnyis snang nga la rdzogs// snang tshad brtags tshad nga la rdzogs// brtags bzung zhen chags nga la rdzogs// sangs rgyas sku dang ye shes rdzogs// sems dang lus dang bag chags rdzogs// blta bya bsgom bya 'bras bu rdzogs// bltar med bsgom med spyod med rdzogs// btsal bya bgrod bya mtha' dag rdzogs// bsrung med btsal med bgrod med sbyang med rdzogs// thams cad rdzogs pa'i spyi ti yo ga ni// ci yang ma bsgrubs ci yang ma spangs pa'i// phyogs su ma lhung mtha' ru ma reg pa'o// kun dang mthun la kun la khyab pas khyad par 'phags// ci yang ma yin byang chub sems// gzhi ni ma bcos lhun gyis grub// tha mal rang lugs rang dngas pas// snying po lhun grub chos skur gnas pa'o// ci yang med la ci yang byung// byung yang sems las byung la sems la rdzogs// zhes gsungs so/ snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ sna tshogs sems la bkod nas spyi ti rdzogs lugs yongs su bkod pa'i le'u ste zhe brgyad pa'o//// de nas rdo rje sems dpa' yis// ston pa kun tu bzang po la// spyi ti'i rang bzhin ci ltar lags// zhes zhus pa dang/de nas kun tu bzang pos/ 'od rtsis gdab med pa'i ting nge 'dzin la bzhugs so// de las bzhengs nas 'khor rnams la 'di skad gsungs so// a tha pa ta ri/ kang ka/kA ya sid+d+hi AH/ nga yi spyi ti yo ga 'di// dpe don rtags dang rnam pa gsum// dpe ni nam mkha' dang 'dra ste// chos nyid thogs med gsal ba'i nam mkha' la// dngos po ye nas med pa la// dngos med nyid rang sna tshogs pa'o// brjod gzhi'i sgo nas sna tshogs mtshon// de bzhin chos nyid nam mkha' la// bstod ra btang bas bzang mi 'gyur// smad ra btang bas ngan mi 'gyur// bstod ra smad ra gnyis las grol// mtha' dbus mi mnga' kha dog med// dgag bsgrub mi mnga' spang len med// bzang ngan mi mnga' blang dor med// yul sems mi mnga' rtsis gdab med// 'khor 'das mi mnga' dbye bsal med// de bzhin sems nyid nam mkha' yang// dngos med mtshon med brjod las 'das// gzhi med rlung med 'gyu ba med// kha dog mi mnga' dbyibs las 'das// pho mo ma yin ma ning min// pho mo ma ning gnyis las grol// sems nyid ma yin rang bzhin ni// tshad med tshad du zug pa med// snang med brtag med yid rtog med// dbyibs med dbyibs su 'dzin las 'das// phyogs med phyogs su 'dzin las 'das// sgra med grangs med ming las 'das// mtshon du med pas mtshon las 'das// dpag tu med pas gzhi las 'das// 'phel ba med pas 'grib las 'das// rgyu med rkyen med gnyen po med// skye rgas na 'chi'i chu bo med// yul med yul la chags pa med// gnas med gnas la gtad 'dzin med// yid med 'gyu med sems pa med// gnyis med gnyis su brjod las 'das// a la pa'i thim/ chos kyi dgongs pa thams cad gcig tu 'ub kyis bsdus// don gyi yang snying gdam ngag ni// kun gzhi med pas kun gzhi ming las 'das// chos sku med pas chos skur bzung las 'das// dug gsum med pas sku gsum bsgrub las 'das// dug lnga med pas sku lnga ye shes lnga ni bsgrub las 'das// ma rig med pas ye shes bsgrub las 'das// 'khrul sgo med pas 'char sgo bsgrub las 'das// sems can spang du med pas myang 'das bsgrub tu med// blo yis bcos su med pas blo las 'das pa yin// yid la bya ru med pas bya ba'i yul las 'das pa yin// sems kyis bsam du med pas bsam pa'i yul las 'das pa yin/snga dgas kyi tshig gi gdags su med pas ming 'dogs brtags zhen las 'das pa yin/ ji lta bus kyang gtan la dbab tu med/ dbab pa dang phebs pa las 'das pa yin/de ci'i phyir zhe na/ 'gyu tshad/ spros tshad/ phye tshad/ brtags tshad/ bzung tshad/ brjod tshad/ bsam tshad/ dran tshad/ rig tshad/ tshor tshad/ brtags zhen gnyis snang/ chags zhen yul sems/ de dag thams cad kun rang gi sems yin no// sems ci yang ma yin pa'o// ma yin pa de rang rang sangs/ rang dngas/ rang 'gyur/ rang gdangs/ mkha' gsal/ gting gsal/ rang chub/ rang rgyas/ tha mal rang lugs ma bcos shing/rang bab lhug pa bsgrub rtsol dang bral bar gnas pa ni/ kun bzang rgyal ba'i dgongs pa'o// snying po'i nang na gnas pa'o// skye med rang gnas brjod med ngang la thim// zhes gsungs so// bdud rtsi yang zhun/ bdud rtsi thigs pa'i le'u ste/ snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ bdud rtsi yang zhun dngos bstan pa'i le'u ste zhe dgu pa'o//// de nas rdo rje sems dpa' yis// kun bzang nyid la 'di skad zhus// nges pa rnam bzhi sngi ltar lags// zhes zhus pa dang/ ston pas 'khor la 'di skad gsungs// blta ba 'gyur ba med par nges// bsgom pa g.yos pa med par nges// spyod pa chags zhen med par nges// 'bras bu re dogs med par nges// de ni nges pa rnam bzhi'o// zhes gsungs so// snang srid kha sbyor bdud rtsi bcud thigs/'khor ba thog mtha' gcod pa'i rgyud las/ nges pa rnam bzhi'i le'u ste lnga bcu tham pa'o//// de nas rdo rje sems dpa' yis// kun bzang nyid la 'di skad zhus// med pa rnam gsum ji ltar lags// zhes zhus pa dang/ de nas ston pas 'khor la 'di skad gsungs// lta ba'i phugs su gzhung med zhe 'dod med// yid la 'gyur med bsgom bya med// nyams las skye med 'gag pa med// ces gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ med pa rnam gsum bstan pa'i le'u ste nga gcig pa'o//// de nas rdo rje sems dpa' yis// kun bzang nyid la 'di skad zhus// yin pa rnam dgu sngi ltar lags// zhes zhus pa dang/ ston pas 'khor la 'di skad gsungs// lta ba yin pa med pa yin// bsgom pa yengs pa med pa yin// spyod pa nges pa med pa yin// dam tshig bsrung du med pa yin// phrin las brtsam du med pa yin// lam la bgrod du med pa yin// sa la sbyang du med pa yin// man ngag zhen 'dzin med pa yin// 'bras bu bsgrub tu med pa yin// zhes gsungs so// snang srid kha sbyor bdud rtsi bcud thigs// 'khor ba thog mtha' gcod pa'i rgyud las/ yin pa rnam pa dgu'i le'u ste nga gnyis pa'o//// de nas rdo rje sems dpa' yis// kun bzang nyid la 'di skad zhus// med pa rnam dgu ji ltar lags// zhes zhus pa dang/ sems nyid ston pa kun bzang gis// 'dus pa'i 'khor la 'di skad gsungs// rdo rje sems dpa' yid la zung// sems la ye nas dngos po med// sems la ye nas mtshon du med// sems la ye nas dmigs su med// sems la ye nas kha dog med// sems la ye nas brjod du med// sems la ye nas yi ge med// sems nyid ye nas brtags pa med// sems nyid ye nas bsam du med// sems nyid ye nas bya ru med// ces gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/med pa rnam dgu bstan pa'i le'u ste nga gsum pa'o//// de nas rdo rje sems dpa' yis// kun bzang nyid la 'di skad zhus// 'gyur med rnam drug sngi ltar lags// zhes gsol pa dang/ ston pas 'khor la bka' g+Nal pa// 'pho 'gyur med pas chos nyid 'gyur ba med// skye shi med pas chos nyid 'gyur ba med// skye 'gag med pas chos nyid 'gyur ba med// bsam las 'das pas chos nyid 'gyur ba med// dmigs las 'das pas chos nyid 'gyur ba med// blo las 'das pas chos nyid 'gyur ba med// ces gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/'gyur med drug bstan pa'i le'u ste nga bzhi pa'o//// de nas rdo rje sems dpa' yis// kun bzang nyid la 'di skad zhus// chos sku gcer mthong ji ltar lags// zhes gsol pa dang/ ston pas 'khor la bka' g+Nal pa// g.yo 'gul dran rtog kun sangs pas// dmigs med bsam med chos sku gcer gyis mthong// lus kyis cer yang byar med pas// rtsol med chos sku gcer gyis mthong// ngag gis smra brjod rgyu med pas// brjod med chos sku gcer gyis mthong// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/chos sku gcer mthong mdzub tshugs bstan pa'i le'u ste nga lnga pa'o//// de nas rdo rje sems dpa' yis// kun bzang nyid la 'di skad zhus// gdeng zin rnam dgu ji ltar lags/ 'og la bcu bzhi dang/ le'ur bco lnga byung/ zhes zhus pa dang/ ston pas 'khor la bka' g+Nal pa// lta ba tshig las 'das pas gsal gdangs gdeng gyis zin// bsgom pa bsam las 'das pas 'gyur med gdeng gyis zin// byar med rtsol bsgrub 'das pas byar med gdeng gis zin// rtogs pa'i don las mi 'da' dam tshig gdeng gis zin// btsal du ye med phrin las gdeng gis zin// spyad du ye med pa yi gdeng gis zin// bgrod du ye med lam gyi gdeng gis zin// bsgrub tu ye med bsgrub med gdeng gis zin// bzung du ye med man ngag gdeng gis zin// dbye ba med pas shes rab gdeng gis zin// thob tu med pas 'bras bu'i gdeng gis zin// 'dzin pa med pas theg pas gdeng gis zin// rang bzhin bzhag pas ting 'dzin gdeng gis zin// gzhan la mi smon spyi ti'i gdeng gis zin// zhes gsungs so// snang srid kha sbyor bdud rtsi bcud thigs/'khor ba thog mtha' gcod pa'i rgyud las/ gdeng zin bcu bzhi bstan pa'i le'u ste nga drug pa'o//// de nas rdo rje sems dpa' yis// kun bzang nyid la 'di skad zhus// bzhag pa rnam drug ji ltar lags// zhes zhus pa dang/ ston pas 'khor la bka' g+Nal pa// gnas lugs rang gnas nyid du bzhag/ snang ba rang so nyid du bzhag/ snang sems dbyer med nyid du bzhag/sgo lnga 'khrul snang yin par bzhag/ yid gnyis 'dzin pa med par bzhag/ spros chod rtsis gdab med par bzhag/ ces gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/bzhag pa rnam pa drug bstan pa'i le'u ste nga bdun pa'o//// de nas rdo rje sems dpa' yis// kun bzang nyid la 'di skad zhus// bde gshegs bka' yi dgongs 'dus ji ltar lags// zhes zhus pa dang/ de nas ston pas 'khor la 'di skad gsungs/ theg pa brgyad khri bzhi stong dgongs pa gcig tu 'dus// rdo rje sems dpas go bar zung// dus gsum rgyal ba'i dgongs 'dus pa// brjod med ngang du 'ub kyis 'dus// sangs rgyas rnams kyi dgongs 'dus pa// skye ba med par 'ub kyis 'dus// chos nyid don gyi dgongs 'dus pa// 'gyur ba med par 'ub kyis 'dus// dam chos rnams kyi dgongs 'dus pa// chags 'dzin med par 'ub kyis 'dus// man ngag rnams kyi dgongs 'dus pa// zhen 'dzin med par 'ub kyis 'dus// rnal 'byor rnams kyi dgongs 'dus pa// gzung 'dzin med par 'ub kyis 'dus// bka' brgyud rnams kyi dgongs 'dus pa// rgyud sems gnyis su med pa yi// chos dang sems 'dres ngang du 'dus// chos spyod rnams kyi dgongs 'dus pa// chos nyid klong nas snying rjer ldan// 'bad rtsol byar med ngang du 'dus// lta ba rnams ky-i dgongs 'dus pa// zhe 'dod med par 'ub kyis 'dus// sgom pa rnams kyi dgongs 'dus pa// zhen med g.yo med ngang du 'dus// spyod pa rnams kyi dgongs 'dus pa// chags med nges med byar med ngang du 'dus// 'bras bu rnams kyi dgongs 'dus pa// re med dogs med yid smon med pa'i ngang du 'dus// dgongs pa thams cad gcig tu 'dus// gcig po sems nyid ngang du 'dus// sems nyid dngos po med par 'dus// dngos med dmigs med ngang du 'dus// smra bsam brjod 'das ngang du 'dus// skye med ngang du 'ub kyis 'dus// brjod med ngang du 'ub kyis 'dus// 'gyur med ngang du yod tshad thim// thim pa gang yin chos sku yin// chos sku rang yang mtshan las 'das// 'das pa'i don la smra rgyu med// 'das pa'i don la ming 'dogs med// 'das pa'i don la 'dod rgyu med// 'dod bya gang yang ma 'gags la// 'dod rgyu ci yang mi dmigs so// ji ltar snang yang 'dod zhen med// yang dag don la yi ge med// med pa de la mtshon pa med// med pa de la brtag pa med// med pa de la dbye ba med// med pa de la gnyis su med// med pa de la 'bad pa med// med pa de la spang len med// med pa de la dgag bsgrub med// med pa de la dbye bsal med// med pa de la rtsis gdab med// ji ltar snang yang ma 'gags pa// 'dzin pa med pas mi dmigs so// yod pa rgya chad med pa yin// med pa phyogs lhung med pa yin// zhes gsungs so/snang srid kha sbyor bdud rtsi bcud thigs// 'khor ba thog mtha' gcod pa'i rgyud las/ dgong pa thams cad gcig tu 'ub kyis 'dus pa'i le'u ste nga brgyad pa'o//// de nas rdo rje sems dpa' yis// kun bzang nyid la 'di skad zhus// sangs rgyas mdzub btsugs ji ltar lags// zhes gsol pa dang/ de nas ston pas 'khor la 'di skad gsungs// sangs rgyas ye nas sems la grub// grub zin don la ma yengs na// gzhan nas sangs rgyas btsal mi dgos// chos rnams thams cad sems la 'dus// sems las ma bsams sangs rgyas yin// chos rnams thamasacad sems las grub// sems nyid 'dus ma byas pa sangs rgyas yin// chos rnams thams cad sems la 'dus// sems nyid dbyer med sangs rgyas yin// chos rnams thamasacad sems la 'dus// sems nyid g.yo med sangs rgyas yin// chos rnams thamasacad sems la 'dus// sems nyid 'gyur med sangs rgyas yin/ chos rnams thams cad sems la 'dus// sems nyid skye med sangs rgyas yin// chos rnams thams cad sems la 'dus/sems nyid brjod med sangs rgyas yin// chos rnams thams cad sems la 'dus// sems nyid bsgrub med sangs rgyas yin// g.yo rtsol dgag bsgrub bya btsal sangs// ma bcos byar med spros bral rgyas// ma bsams ma bcos ma bslad na// ye nas sangs rgyas yin par gsungs// yid spyod sems kyi dran rtog mtshon pa sangs// rig dang yid kyis sems pa med par rgyas// chags med zhen med 'dzin pa thams cad sangs// bsam med 'gyus med bde chen klong du rgyas// sems kyi 'bad rtsol blo yis bcos thabs sangs// gzhi gnas ma bcos byar med spros bral rgyas// snang srid sems la 'dus pas sangs rgyas mdzub btsugs yin// dpe ni nam mkhar gnas pa'i bya// nam mkha' mtha' dbus phyogs mtshams med// tha snyad kun la grol bar gnas// rtags ni sems nyid 'gag pa med// sna tshogs cir snang rdzogs pa la// ma spangs ma bsgrubs chen po la// don ni chos nyid skye ba med// dngos med brjod med dmigs med snying po'i klong na gnas// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ sangs rgyas mdzub btsugs gcer mthong du bstan pa'i le'u ste nga dgu pa'o//// de nas rdo rje sems dpa' yis/ kun bzang nyid la 'di skad zhus// de ltar gyur na ci byas lto mi lto// zhes zhus pa dang/ de nas ston pas 'khor la 'di skad gsungs// snying po ma la mtshan nyid bu thim pas// ma bu ngo sprad dbyer med chos sku thob// de thob brtan pas ci byas chos kyi klong// yon tan dpag med sangs rgyas te// 'gro yang mi lto chos nyid klong// 'dug kyang mi lto 'gyur med pa// za yang mi lto ting 'dzin zas// gon kyang mi lto byin rlabs gos// gdan yang mi lto mi 'gyur gdan// sngas kyang mi lto dngos med sngas// nyal yang mi lto snying po'i klong// gnyid kyang mi lto bde chen klong// nor yang mi lto sems nyid nor bu rin po che// yul yang mi lto bsam mi khyab// khyim yang mi lto mkha' klong rnam dag khyim// gnas kyang mi lto snying po 'gyur med gnas// mkhar yang mi lto ma 'gags bsam gtan mkhar// yul yang mi lto gnyis med yul// bu yang mi lto rang byung rang dngas yin// 'khor yang mi lto ma 'gags sku lnga sems kyi 'khor// yul yang mi lto kun gzhi spyi khyab yul// bstan pa'i snying po yang ti yo ga 'di// theg pa kun gyi spyi yi mes po yin par bshad// rim pa dgu yi yang rtse yin par bshad// lta mkhan rnams kyi gshed du bshad// sgom mkhan kun gyi gnyen por bshad// spyod mkhan kun gyi bdud du bshad// sgrub mkhan kun gyi phyags mar bshad// theg pa'i rgyal po spyi ti 'di// bden pa gnyis su blta bas 'di mi mthong// yul sems gnyis kyis bcings pas 'di mi mthong// gzung 'dzin gnyis su blta bas 'di mi mthong// dag pa rnam gsum spyod pas 'di mi mthong// lta spyod 'brel pa med pas 'di mi mthong// skye 'gag gnyis su blta bas 'di mi mthong// thabs dang shes rab blta bas 'di mi mthong// dbyings dang ye shes blta bas 'di mi mthong// thams cad chos sku 'dod pas 'di mi mthong// rang lta mtho sar zhen pas 'di mi mthong// gzhan lta rgyab kyis phyogs pas 'di mi mthong// gzung 'dzin gnyis kyis bcings pa'i 'di mi mthong// dgag sgrub gnyis kyis bcings pa'i 'di mi mthong// spang len gnyis kyis bcings pas 'di mi mthong// shin tu rnal 'byor mig gis mthong// mthong ba'i dus na ngos gzung med// med pa'i dus na cir yang snang// snang ba'i dus na ngo shes pas// thams cad rang sangs rang grol gyur// de la gnad kyi man ngag dgos// kun bzang nyid dang dbyer med gdams ngag 'di// rdo rje sems dpas yid la zung// yang ti yo ga'i gdams ngag 'di// bden pa gnyis su mi ston te// lhug pa chen po'i gdams ngag bshad// bden pa gnyis ni sun phyung zhig/ nam mkha'i dbyings nas gdams ngag bshad// snying po rang dngas rang byung yin shes na// yid la bya'o ma sems shig/ rang dngas rang sangs yin shes la// sems la bsam mo ma sems shig/ blo yis bcos so ma sems shig/ rang sems sangs rgyas yin shes la// rig pas ming 'dogs ma byed cig/byed byed po ru ngas ma bstan// rtsol rtsol po ru ngas ma bstan// gzo gzo po ru ngas ma bstan// 'dzin 'dzin po ru ngas ma bstan// dmigs dmigs po ru ngas ma bstan// blta blta po ru ma sems shig/bsgom bsgom po ru ma sems shig/ spyod spyod po ru ma sems shig/ bsgrub bsgrub po ru ma byed cig/ bsrung bsrung po ru ma byed cig/ spyod bya spyod byed ma sems shig/ bgrod bgrod po ru ma sems shig/bde bde po ru ma sems shig/ yin yin po ru ma sems shig/ phya phya po ru ma sems shig/ gsal gsal po ru ma sems shig/ seng seng po ru ma sems shig/ tsan tsan po ru ma sems shig/gnas gnas po ru ma sems shig/ lhan lhan po ru ma sems shig/ re re po ru ma sems shig/ dogs dogs po ru ma sems shig/ re dogs gnyis su ma 'dzin cig/ dgag bsgrub spang len gnyis 'dzin chos// kun tu bzang pos ma bshad do// chos sku longs sku sprul sku'am// sangs rgyas chos dang sku lnga'am// ji lta bu la 'dod rgyu med// yid la mi byed bya ba btang// mi bya rtsol ba'i las mi bya// bsam med ngang nas 'gyur ba med// snang byed dbyer med don gyi gnas lugs la// bcos su med pas rig pa rang gnas bzhag/ bsam du med pa'i chos nyid klong yangs la// bsgom du med pa'i dran sems rang dngas rang sar bzhag/kun tu bzang pos ma bsgoms ma bsams na// rdo rje sems dpas de la ci zhig bsgom// blta ru med pas blta ba khyad par 'phags// bsgom du med pa'i ting 'dzin chen po yin// spyad du med pas spyod pa khyad par 'phags// bsgrub tu med pas chos sku rang 'khrungs yin// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ spyi ti'i man ngag bdud rtsi nying khu bstan pa'i le'u ste drug cu tham pa'o//// de nas rdo rje sems dpa' yis// kun bzang nyid la 'di skad zhus// rang sems snga mar bkod pa yi// de yi bshad lugs sngi ltar lags// zhes zhus pa dang/ de nas ston pa kun bzang ngas/ rin po che 'gyur ba med pa'i ting nge 'dzin la snyoms par zhugs so// de las bzhengs nas 'khor la 'di skad gsungs so// snying po'i rang bzhin skye med 'gyur med kyang// yan lag rig pa'i rtsal gyis bla mar bshad// rdo rje sems dpas yid la zung// rang sems bla mar bshad pa la// de la bla ma rnam pa dgu yod de// ye thog gzhi yi bla ma dang// ye klong kun khyab gnyis med bla ma'o// theg khyab gnyis med bla ma'o// thog ma gzhi yi bla ma dang// ma 'gags rtsal snang bla ma dang// gzhi rtsal gnyis med bla ma'o// kun gzhi yong khyab bla ma dang// zer rig ma 'gags bla ma dang// kun rig gnyis med bla ma'o// ye thog gzhi yi bla ma des// tshogs brgyad yul du ma gyur pa'i// dmigs dang bral pa'i chos rnams ston// ye klong kun khyab bla ma des// tshig gcig chad/ / theg khyab gnyis med bla ma des// ma phyed ma gol chos rnams bstan// thog ma gzhi yi bla ma des// snying po 'gyur med chos rnams bstan// ma 'gags rtsal snang bla ma des// skye 'gag med pa'i chos rnams bstan// gshis rtsal gnyis med bla ma des// rtsis gdab med pa'i chos rnams bstan// kun gzhi spyi khyab bla ma des// kun gzhi 'byung gnas yul du bstan// zer rig ma 'gags bla ma des// gzhi la rgya chad phyogs lhung med pa'i chos rnams bstan// kun rig gnyis med bla ma des// gzhi la rtsal thim dbyer med thim par bstan// skye med sems kyi bla ma dgus// snying po rtsal snang gnyis med dgu// yan lag rig pa dgu ru bstan// sems nyid gzhi yi bla ma'o// snang tshul zer snang bla ma la// ma hA gu ru drug tu gsungs// yid rig 'gyur med bla ma dang// ma bcos sems nyid bla ma dang// skye med don gyi bla ma dang// gdal khyab chen po'i bla ma dang// 'bras bu sems kyi bla ma dang// brda don sprod pa'i bla ma dang// de ni bla ma rnam drug go// yid rig 'gyur med bla ma des// skye med chos sku'i ngo bo bstan// ma bcos sems nyid snga ma des// longs spyod rdzogs pa'i sku ru bstan// skye med don gyi snga ma des// smra bsam brjod las 'das pa yi// sna tshogs gnyis med sprul skur bstan// gdal khyab chen po'i bla ma des// snang srid dbye bsal med par bstan// dbyer med ngo bo nyid sku bstan// 'bras bu sems kyi snga ma des// gdal khyab 'ub kyis bsdus pa yi// mtha' dbus med pa'i klong chen du// 'bras bu thams cad gcig tu bsdus// snying po 'gyur med ngang du thim// skye shi med par rgya yis btab// 'pho 'gyur med pa'i rtod la mnan// sku bzhi dbyer med 'bras bu yang// mi bya byar med rtsol ba kun las 'das// brjod med bde chen dbyings su thim// brda don sprod pa'i bla ma yi/[/ tshig gcig chad/ / slob dpon ma hA gu ru rnam drug ni// sangs rgyas gang bas gnyan par gsungs// ci phyir zhe na bskal pa stong gi sangs rgyas kyang// gu ru dag la brten nas rgyas// de phyir ma hA gu ru rnams// snying dang mig bzhin bkur bar gyis// phyi yi gu ru brten pa yis// nang gi bla ma gsal bar 'gyur// byin rlabs dngos grub man ngag rnams// ma hA gu ru drug la gnas// de phyir slob dpon gnyan par gsungs// 'on kyang byin rlabs dngos grub 'byung// de bas gong ltar bkur bsti gyis// rang sems bla mar bkod pa'o// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ sems nyid bla mar bkod pa'i le'u ste re gcig pa'o//// de nas rdo rje sems dpa' yis// kun bzang nyid la 'di skad zhus// bla ma'i nges tshig ji ltar lags// zhes gsol pa/ ston pas 'khor la 'di skad gsungs// snying po'i rang bzhin ming med brjod med kyang// yan lag phal gyi dbang gi nges tshig bshad// bla ma bya ba'i nges tshig ni// bla ni yang dag sangs rgyas yin// ma ni skye med rgyu ru gsungs// bla ni rtsal snang bu yin te// ma ni chos nyid yul du gsungs// bla ni snying po chos sku yin// ma ni 'gyur med skye ba med// bla ni rig pa'i snang tshul te// ma ni kun gzhi spyi khyab bo// bla ni spyi yi mtshan nyid de// ma ni 'char sgo gnyis su gsungs// bla ni 'khrul lugs rnam gsum ste// ma ni gcod lugs gsum du gsungs// bla ni dug gsum nga bdag nyid// ma ni sku gsum shes rab thabs// snga ni khams gsum 'khor ba ste// ma yis de rnams sdug bsngal sgrol// bla ni sdug bsngal brgyad khri ste// ma yis de rnams bde chen skyobs// bla ni skye rgas na 'chi ste// ma yis chu bo'i gzhi rtsa chod// bla ni gnyis 'dzin thams cad de// ma yis gzung 'dzin gnyis las grol// bla yis snang srid yul sems gnyis// ma ni gnyis med dbye bsal med// bla ni phyi nang gnyis med de// ma ni bzang ngan dgag sgrub med// bla ni sgo lnga yul lnga yin// ma ni mi 'jug mi 'brid yin// bla ni dkar dmar sna tshogs te// ma ni sna tshogs mi 'dzin zhen pa med// bla ni bden pa gnyis kyi chos// ma ni bden pa gnyis med do// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/bla ma'i nges tshig bstan pa'i le'u ste re gnyis pa'o//// de nas rdo rje sems dpa' yis// kun bzang nyid la 'di skad zhus// ma hA gu ru kun bzang gis// bsdus pa'i gdams ngag ji ltar lags// zhes zhus pa dang/ de nas ston pas 'khor la 'di skad gsungs// 'dus pa rnam gsum ngas bshad kyi// 'khor rnams ma yengs yid la zung// snying po'i rang bzhin g.yo ba med pa la// yan lag rig pa rtsal gyis ming btags pas// theg pa brgyad khri bzhi stong yang// spyi ti yo ga'i ngang du 'dus// dam chos brgyad khri bzhi stong yang// chags 'dzin med pa'i ngang la 'dus// bsod nams tshogs kyi yan lag brgyad khri bzhi stong yang// phyogs mtshams med pa'i snying rje chen por 'dus/e ma ho/ 'dus pa gsum gyi man ngag 'dis// dug gsum rtsad nas gcod par nges// srid gsum zil gyis non par nges// khams gsum 'khor sa med par nges// sku gsum rang las grub par nges// sa gsum ma bgrod sangs rgyas sa// khams gsum ma spangs sku gsum zhing// 'di lta bu yi gdams ngag la// blta bas ma bltas sems nyid dbyings su thim// bsgoms pas ma bsgoms rtog med 'gyur med ngang du thim// spyod pas ma spyad chags med zhen med byar med spros bral ngang du thim// 'bras bu ma bsgrubs re med rang gnas chig chod sku gsum 'gyur med klong du thim// dus gsum thim pas gzhi yi gdams ngag 'dis// khams gsum rtsad bcad 'gro drug g.yang sa chod// rdo rje sems dpas thugs kyi dkyil du chongs// dga' rab rdo rjes phyis 'byung la// don gyi gdams ngag 'di rnams ston// gzhan la bstan pa'i dus ma yin// ci'i phyir zhe na 'khor ba'i bdud kyis bslus pa mang// gzung 'dzin gnyis kyis bcings pa mang// chags sdang gnyis la zhen pa mang// re dogs gnyis su chud pa mang// de phyir snod med chos ma yin// gang gis nyams su sngangs kyang sku gsum rang la 'char// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ rang sems bla mar bstan pa'i le'u ste re gsum pa'o//// de nas rdo rje sems dpa' yis// kun bzang nyid la 'di skad zhus// chos rnams brda' yis ji ltar bshad// ces zhus pa dang/ de nas ston pa kun bzang de// rin po che 'od dbye ba med pa'i ting nge 'dzin la bzhugs so// de las bzhengs nas 'khor la 'di skad gsungs// yul khams gcig na mi gcig bdog par gda'// de la nor gcig yod par 'da'// nor gcig po de mi zad gter yin skad// nor de thob par bdog lags sam// thob tu mi ster 'dre gcig yod// 'dre de ngo shes skad lags sam// nor la sbas pa'i sa gcig bdog/ sbas sa gang yin shes lags sam// nor la phyogs med yul zhig yod// yul de ngos shig zin lags sam// nor la bdag po mi gnyis yod// de gnyis gang yin shes lags sam// nor la thob thabs rnam gsum yod// de gsum gang lags shes lags sam// nor la thob rtags rnam bzhi yod// de bzhi gang lags shes lags sam// spyi yul chen po she na/ dbang yod mi gnyis yod// spyi yi nor bu rin chen yin// mi gcig sod la mi gcig zhog/ nor de rang gis thob par gyis// mig de phye nas mun pa sol// nyi zla'i mtshams su sdod la// snang ba'i me long ltos/ sa gzhi steng du khob/ nam mkha' gdan du thing/na bun zhwa gyis la bar snang la nyal sa chos/ snang srid ltor chug/ spre'u dang chu gnyer lag pas zung/ rlung po rkang pas non la/ 'ja' tshon 'og la chug/ ri rab rtser sdod la chu rnams kha ru lugs/mun snang gnyis kyi sa mtshams na// ci btab skye ba'i lung pa yod// de na thams cad yid 'ong me tog rgyas/ 'bras bu rang 'bar ngang dngas rin po che de la kun kyang 'dod pa skyes/ yo gas 'dod kyang ma thob pas// ma 'chams mi tshan gnyis su phyi// khong gnyis 'khrug pa chen po byed/ khye'u chung ngang dngas snang gsal kun rig 'khrul gyi me long can/ khyod rang dgra zin gnyis po'i mtshams su spyi par song la/sgyed bu gsum gsum drug tshugs la/ zangs po che yang gnyis tshugs la// gcig tu dug chu zangs gang skol// gcig tu bdud rtsi zangs gang skol// rgan po rgan mo bu tsha ming sring gsum// dmag dpon gsum gyis sna drangs pa'i// nyi ma nub pa'i grib so tsam la 'ong gis/ de rnams byung bar gyur pa na/ zangs su bskol ba'i dug lud la// dgra dpung chom la dgra rnams sod// des ma sod na lto chos su// gangs kyi rtse mor seng ge zhon// nam mkha'i ngang du mdung bskor gyis// ri rgyal chen po'i rtse mor me chen sbor// rgya mtsho'i gting du me mar thogs// mun pa'i nang du nyi zla thogs// rlung po'i gseb tu ral gri thogs// bdud rtsi'i bcud 'thung spangs la gser phur thob// gang la nyi ma shar du chug/ 'on kyang zangs su bskol ba'i dug chu yis// dgra yi dpung rnams bcom gyur nas// dgra yi dpung rnams rtsad chod song// gnyen srid ma gtogs dgra ni gcig kyang med// srid sde tshogs par gyur pa la// zangs kyi bdud rtsi sman blud la// 'on kyang thams cad bde chen sangs rgyas sa// sdug bsngal kun grol sangs rgyas chos sku thob// kun kyang dbye bsal rtsis gdab med// bdag gzhan gnyis med dbye bsal rtsis gdab med// ces gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/rang sems brda' ru bkod pa'i le'u ste re bzhi pa'o//// de nas rdo rje sems dpa' yis// kun bzang nyid la 'di skad zhus// brda' yi le'u ji ltar lags zhes zhus pa dang/ de nas kun tu bzang pos 'di skad ces bka' stsal to// snod dang skal bar ldan pa'i rdo rje sems dpa' nyon// snyan nas snyan du brgyud pa'i snyan rgyud brda' yi man ngag bshad// snying po ma yi rang bzhin g.yo med 'gyur ba med// rtsal snang yan lag ngang dngas rin chen rgyal khang brtsigs// chos nyid yangs pa'i sa gzhi la// dam tshig dag gi 'gram rdo bting// dam pa'i chos kyi rtsigs pa brtsigs// snying rje chen po 'dag pas sbyar// mtshan nyid sde gsum khang pa la// gtan tshigs sgra yi thog gcig phub// don dam bden pa'i gdung gcig btang// spros dang bral ba'i ka ba btsugs// sgra dang gtan tshigs mang po'i lcam bkod la// dngos su rjes dpag mang po'i dral ma btang// tha snyad mang po'i 'dag pas mnan pa'o// khas mi len gyi sgo btod la// tshad med bzhi yi ru bzhi btang// rab tu mi gnas sgo yi bsdams// zur bzhi tshad ma bzhi yi ka zhu bzhis// logs bzhi rab tu mi gnas bzhi// mtshan nyid sde gsum khang pa'o// bskyed rdzogs rnam gsum mkhar gcig brtsigs// zur bzhi tshad ma bzhi yi ka zhu bzhis// logs bzhir rab tu mi 'gyur rmang zhig btsugs// chos nyid brtan pa'i gor ma brtsigs// chos nyid rlan dang ma bral 'dag pas sbyar// dag pa rnam gsum thog gcig 'bubs// dag pa chen po'i gdung zhig btang// don dam mi 'gyur ka ba btsugs// sum cu rtsa lnga'i lcam gcig btang// khrus dang gtsang sbra'i dral lcam btang// dam tshig rnam lnga'i 'dag pas mnan// phyi rgyud sde gsum 'og khang la// bskyed rdzogs gnyis kyi bar khang brtsigs// thabs dang shes rab thog gcig phub// don dam 'gyur ba med pa'i gdung zhig btang// kun rdzob lha dang lha mo'i lcam rnams bkod// thabs dang shes rab gnyis med ka ba btsugs// cho ga lnga gsum bco lnga'i dral lcam btang// dam tshig sa ma ya yi 'dag pas mnan// bskyed rdzogs gnyis kyi bar khang la// rdzogs pa chen po'i steng khang brtsigs// skye ba med pa'i gdung btang la// mnyam pa nyid kyi byo le byas// rgya chad phyogs lhung med pa'i thog gcig phub// 'gyur ba med pa'i gdung zhig btang// thig le nyag gcig ka ba btsugs// ma 'dres yongs su rdzogs pa'i lcam zhig bkod// theg dman rnams kyi dral tshag btang// chos nyid 'dal ba'i 'dag pas mnan// spyi ti yo ga'i pu shu la// gtan tshigs bzhi yi bag ma btags// ye shes zang thal mda' yab btod// zur bzhi gtan tshigs chen po bzhi// longs spyod rdzogs pa'i rdzogs lugs bzhi// bskyed rdzogs rnam gsum mi 'gyur bsam gtan mkhar// mkhar khang gnyis kyi bdag po bdag mo ba// kun bzang yab yum pha ma la// bu ni ngang dngas rin chen 'od// bza' mi gsum gyi mkhar khang yin// de ltar mkhar dang khang pa brtsegs// mkhar khang bdog ste nor mi bdog/ ngang dngas khye'u chung tshong la 'gro// zong zhig dag ni khyer nas 'gro// chos nyid rta la zhon nas 'gro// ngar 'dzin zas su za zhing 'gro// sra ba'i go cha gon nas 'gro// rno ba'i mtshon cha thogs nas 'gro// mi 'jigs thub nges skyel ma tshol// chos nyid dbye thang yangs la 'gro// 'phrang chen bzhi ni brgal nas 'gro// la chen bzhi yang brgal nas 'gro/ thang chen bzhi yang brgal nas 'gro// chu chen bzhi yang brgal nas 'gro// 'phrang gsum bsdams nas lam gsum phye// rdzong chen bzhi ru zhugs nas 'gro// mal sa bzhi ru nyal gyin 'gro// langs sa bzhi ru langs nas 'gro// 'gro sa bzhi yi pha rol na// yul mun snang gnyis kyi so mtshams na// ci btab skye ba'i ldum ra na// rin chen rang sangs ngang dngas bzhugs// sems nyid rin chen ngang dngas la// mun pa sel ba'i nyi zla yod// 'khrul pa gcod pa'i spu gri yod// kun 'byung 'tsho ba'i nor bu rin chen yod// zad med gter chen de na gdog/ngang dngas rig gsal khye'u chung der phyin nas// phyogs gcig snang bar 'da'o skad// phyogs gcig mun par gda'o skad// mun snang gnyis kyi so mtshams su// sus kyang ma rnyed ma mthong ba// sus kyang ma shes ma mngon pa// sus kyang ma rtogs mi 'gyur ba// sus kyang ma thob brjod med pa// mi 'gyur nor bu rin chen de// kun 'byung mi zad gter mdzod che// sems nyid nor bu rin thang che// ngang dngas khye'u chung 'od gsal nor de nyo// bdag mo rgan mau long ma gcig las nyo// bar mir shes rab rnam gsum btang// lung rigs gnyis kyi tshong zhig byas// blos brtags blta ba rin du 'jal// yid bzung bsgom pa rin du 'jal// ched byas spyod pa rin du 'jal// yid smon 'bras bu rin du 'jal// 'dod pa ngoms med rin du 'jal// 'dzin pa'i phur pa rin du 'jal// zhen pa'i mtsho mo rin du 'jal// mun pa'i 'khar sgo rin du 'jal// rin brgyad bcal nas nor zhig thob// nor ni kun 'byung rin po che// gnyis med chen por tshong zhig zin// 'khor 'das gnyis med tshong zhig zin// sangs rgyas sems can gnyis med tshong zhig zin// ma rig ye shes gnyis med tshong zhig zin// de ru tshong zin khyim du phyin// chos nyid dbyings kyi khyim nang du// gdams ngag zab mo'i byon chang 'thungs// ting 'dzin bdud rtsi chen po zos// bde ba chen po'i gos shig gon// 'gyur ba med pa'i gdan zhig btings// chos nyid 'gyur med sngas shig bcug/ bde chen klong du khyur gyis nyal// mi bya rtsol ba'i las ma byas// bya ba thams cad btang la tha mal rang lugs bzhugs// chos nyid dbyings su mnal log go// brda yi man ngag don gyi gnad// rdo rje sems dpa'i thugs la chongs// dga' rab rdo rjes nyams su longs// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ brda' yi le'u ste re lnga pa'o//// de nas rdo rje sems dpa' yis// kun bzang nyid la 'di skad zhus// byang chub sems kyi so nam ji ltar bya// zhes zhus pa dang/ de nas ston pa kun bzang des/ rin po che'i 'od 'phel 'grib med pa'i ting nge 'dzin la snyoms par zhugs so// de las bzhengs nas 'khor la 'di skad gsungs// snying po'i rang bzhin 'gyur ba med pa las// yan lag rig pa'i mtshan nyid zhing zhig 'debs// thams cad skye 'byung kun gzhi'i zhing sa la// ma rig 'khrul sgo'i dbang gi nyon mongs tha rgod la// rig pa rang gdangs 'char sgo'i chu yis sbang// nyon mongs dug lnga'i tha rgod byang chub chu yis sbang// sems nyid ka dag sa bon btab// nyam nga med pa'i glang gnyis la// snying po ma yi gshol gug la// ye shes zang thal gshol mda' btsugs// rtsal snang ngang dngas sprul sku'i thong lcags bcug/ phyi nang gnyis med gnya' shing bkal// mi 'gyur brtan pa'i chu thag bcings// yul sems gnyis med ru thag dkris// rtsis gdab med pa'i dor thag btang// rang 'gyur rang sangs thong mkhan pas// khams gsum 'gro drug nyon mongs tha ba la// shes rab zab mo'i thod pa btsugs// sdug bsngal nyon mongs tha ba rmos// nyon mongs brgyad khri rtsad nas phyung// 'khrul pa'i sdug bsngal ram pa bton// 'gong po ngar 'dzin ru ma med// rgyu drug dug lnga dug gsum tha rgod thul// mnyam pa nyid kyi bshal bas bshal// 'gyur ba med pa'i thog btab la// ye shes zang thal gnang ma btod// thugs rje kun khyab pe'u byas// rtsis gdab med pa'i gad gcig byas// de nas byang chub myu gu skyes// 'khrul chod ye shes ljang pa skyes// bag tsam nyon mongs bag chags kyis// gzung 'dzin rnam rtog sngo yang skyes// rang rig 'phrul gyi khye'u chung gis// shes rab rnon po'i rko ma thog/ rnam rtog chags zhen sngo ru phye// 'khrul snang mang po'i sngo rnams rtsad nas bcad// spros pa thag chod yur ma zin// gsang sngags bka' yi rgya mtsho nas// theg chen bdud rtsi'i byang chub chu chen de// theg pa dgu yi yur bar drangs// snang srid 'khor 'das zhing rnams bcus// kha gting med pa chos nyid chu yis sbangs// mya ngan 'das pa'i lo tog rgyas// sku gsum sangs rgyas 'bras bu smin// sku gsum yid la mi byed rtsas ma byed// sangs rgyas yid la mi byed rtsas ma byed// sku lnga lta sgom dbyings dang ye shes sangs rgyas zhing khams rnams// ma 'gyus mi bskyod zhen 'dzin med// dbye bsal rtsis gdab med pa'i rtsas ma chod// snying po 'dus ma byas pa'i g.yul du bsdus// 'khrul snang rtsad gcod rgya zor gyis// yan lag bu yi rtog tshogs snye ma rnams// sgo lnga yul 'dzin chags zhen rtsad nas gcod// rang byung rgyal ba'i rgya brdung gis// nyon mongs snye ma thal rdul du brdungs// nyon mongs brgyad khri bzhi stong rlung la bskur// sdug bsngal brgyad khri bzhi stong gtan nas brlag/ sku gsum 'du 'bral med pa'i dkar mo nas// snying po mkha' dbyings rnam dag mdzod du blugs// ngang dngas zhen chags 'dzin pa rtsad nas gcod// snying po 'gyur med skye med rgya yis btab// byang chub sems kyi lo tog bdud rtsir 'khrungs// phug chud rgyas thebs rgyu rkyen skye 'jig med// gnyen pos mi shigs gzhan gyis phrog dbang med// ces gsungs so/ snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ so nam sems la bya ba'i le'u ste re drug pa'o//// de nas rdo rje sems dpa' yis// kun bzang nyid la 'di skad zhus// chos sku brda' yi ngo sprod ji ltar lags// zhes zhus pa dang/ de nas ston pa kun bzang de// snying po ma bu dbyer med gdeng zin gyi ting nge 'dzin la snyoms par zhugs so// de las bzhengs nas 'khor la 'di skad ces bka' stsal to// snying po ma yi rang bzhin g.yos pa med// yan lag bu yis ma rtogs sna tshogs yul la 'jug/de yi dbang gis chos sku brda' yi ngo sprod bstan// rdo rje sems dpas yid la zung// mi 'gyur ngo sprod rnam gsum la// gnas lugs mi 'gyur ngo sprod dang// snang tshul ma nges ngo sprod dang// de gnyis gnyis med ngo sprod do// gnas lugs mi 'gyur ngo sprod bstan pa la// rgyu yis ma bskyed rkyen gyis mi 'jig pa// ngo bo mi 'gyur rang bzhin gnyis su med// de yi don yang 'di lta ste// rin chen 'od 'bar gzhal yas na// gzugs med kun khyab sku gcig bzhugs// ming ni skye med brjod bral dmigs med kun gsal grags// de dang ngo sprod bstan pa ni// bla ma'i zhal las shes par bya// snang tshul ma nges ngo sprod ni// cer gyi snang ba de nyid du// chos dbyings dkyil 'khor nang de nas// sor bzhag dbyer med sku gcig bzhugs// ming ni gnyis med rang gnas 'bar// de dang ngo sprod bstan pa ni// bla ma'i zhal nas shes par bya// gnyis med ngo sprod bstan par bya// 'phro 'du med pa'i rin chen 'od khang na// ngang dngas dbyer med sku gcig bzhugs// ming ni spros bral chos skur grags// de dang ngo sprod bstan pa ni// bla ma'i zhal las shes par bya// ngo sprod rnam gsum dril bas gcig tu 'dus// snying po 'od kyi dkyil 'khor can// 'od mtha' med pa'i gzhal yas khang// snying po dmigs med brjod bral kun gyi dngos// 'od 'bar dri med chos sku bzhugs// de dang ngo sprod bstan pa ni// dpe dang don dang gtan tshigs gsum// don ni 'di bzhin shes par bya// brjod bya thams cad brjod med ngang du sprod// mtshon bya thams cad mtshon med ngang du sprod// ming 'dogs thams cad ming med ngang du sprod// 'dod zhen thams cad 'dod med ngang du sprod// bya byed gnyis 'dzin rtag zhen rnams// byar med 'dzin med rtag zhen med par sprod// dpe ni de bzhin shes par bya// rgya mtsho chu bran ngo sprod dbyer med phyed// 'o ma chur 'dres dbyer mi phyed// tshwa dang chur 'dres dbyer mi phyed// gtan tshigs 'di bzhin shes par bya// mtshan nyid snying por thim pas dbyer mi phyed// snying po yan lag thim pas dbyer mi phyed// 'od dang zer 'phrad dbyer mi phyed// chos sku longs skur thim pas dbyer mi phyed// rig pa'i snying por thim pas dbyer mi phyed// ma la bu thim dbyer mi phyed// ye shes rang sar thim pas rnam rtog rang sar grol// snying po klong nas shar bas sku gsum 'du 'bral med// chu dang me long shel sgong gsum la dpe yi ngo sprod bya// chos sku longs sku sprul sku gsum la don gyi ngo sprod bya'o// sems nyid chos nyid rig pa'i ye shes gsum la rtags kyi ngo sprod bya// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ngo sprod rnam gsum bstan pa'i le'u ste re bdun pa'o//// de nas rdo rje sems dpa' yis// kun bzang nyid la 'di skad gsol// de ltar sangs rgyas ngo sprod nas// rtsol bsgrub bcas bcos mi 'tshal lam// zhes zhus pa dang/ de nas ston pas 'khor la 'di skad gsungs// snying po ma yin rang bzhin 'gyur med la// rtsal snang yan lag mtshan nyid sna tshogs snang// snang yang sna tshogs ngang las g.yos pa med// gzhan du ma bkol snying po'i klong du thim// thim nas dbyer med skye med rtogs tsa na// ci ltar byas kyang chos nyid grogs su 'gyur// bya ba thams cad btang la ni// byar med ngang la gnas par bya// zhi gnas ma bcos lhun gyis grub// tha mal rang lugs gnas pa ni// snying po chos nyid klong na gnas// mi bya btsal ba'i las mi bya// g.yo rtsol dgag bsgrub spang len med// gnyis med rtsis gdab med pas gnas par gyis// cog ger zhog cig gnas lugs la// bzhag pa med pa'i ngo bo la// 'gro sa med pa'i snying po la// rang nyid yin gyis rang sar gnas// bsgrub rgyu med kyis ye nas grub// re sa med kyis gzhan la re// de yang rang bzo ma yin nam// ma yin gtan tshigs 'di yis shes// sems nyid dngos po med pa yin// 'khrul sems cir yang 'char ba yin// dngos med cir yang 'char ba yin// ngo bo nyid la dbye ru med// tha dad med de chos sku yin// snying po dngos po med pa dang// rig pa sna tshogs 'char ba dang// chos sku'i ngang la dbye ru med// tha dad med pas chos nyid yin// ngo bo mthong du med pa dang// mtshan nyid sna tshogs mthong ba gnyis// chos nyid ngang la dbye ru med// tha dad med de chos sku yin// gnas lugs skye ba med pa dang// yid byed sna tshogs skye ba gnyis// gnas lugs ngang la dbye ru med// dbyer ma phyed de chos kyi sku// des na 'di ltar shes par gyis// gnas lugs ye nas 'bras bu yai grub yin// sa rnams ye bgrod 'bras bu ye sbyangs yin// las kyang bzhag zin lam lnga thob pa yin// de ltar go na 'khor ba'i las rnams zin// 'dod pa'i sangs rgyas rang la rnyed// des na dngos med kun khyab sku// lus med lus te lus kyi mchog/ rdo rje g.yung drung lta bur gnas pa'o// gnas ni mkha' klong rnam dag gnas// yul ni spyi yul kun gzhi'i yul// gos med sna tshogs stong nyid gos// zas med sna tshogs ting 'dzin zas// yul ni nam mkha' khyim ni chos nyid do// pha ma kun bzang yab yum bde chen grogs// sras ni ngang dngas ye shes lnga yi 'khor// nyi zla gza' skar mja' tshon na bun chu zla'i tshogs// chos nyid rang rtsal ma 'gags rig pa'i rgyan// de tsam nyid na 'di lta ste// sangs du med pa'i ma rig mun pa sangs// shar du med pas ye shes nyi ma shar// gsal du med pa'i rang sems chos sku gsal// phyed du med pa'i rig pa'i 'char sgo phyed// zin du med pa'i rang sa zin// zin du med pa'i 'khor ba'i las rnams zin// thong du med pa'i 'khor ba'i bya ba thong// thar du med pas 'khor ba'i sgrog nas thar// thon du med pas 'khor ba'i rdzab nas thon// grub tu med pas sku gsum rang la grub// rgyas su med pas ye shes chos nyid rgyas// zin du med pas chos nyid rang sa zin// chod du med pas 'khrul pa rtsad nas chod// sangs du med pas rnam rtog chags zhen sangs// grol du med pas dug lnga rang sar grol// rtogs su med pas snying po chos sku rtogs// re ba'i sa med dogs pa'i ltung sa med// rigs drug rtsad bcad khams gsum sangs rgyas sa// skye rgas na 'chi'i sgo bcad thog mtha'i dras thag chod// srid gsum zil gnon snang srid rgya nas 'degs// dus gsum sangs rgyas rnams kyis kyang// dgongs pa'i don ni de las ma gsungs so// zhes gsungs so// snang srid kha sbyor bdud rtsi bcud thigs/'khor ba thog mtha' gcod pa'i rgyud las/ spyi ti rtogs pa'i rnal 'byor pas ci ltar spyad kyang chos nyid kyi rtsis zin na chos nyid kyi rol pa ste le'u ste re brgyad pa'o//// de nas rdo rje sems dpa' yis// kun bzang nyid la 'di skad zhus// rang sems gsal ba'i me long dgu skor ji ltar lags// zhes zhus pa dang/ de nas ston pas 'khor la 'di skad gsungs// snying po ma yi rang bzhin g.yo med 'gyur med kyang// rin chen gsal ba'i me long rnam dgu bshad// rdo rje sems dpas yid la zung// snang ba rang gnas me long dang// rig pa rang shar me long dang// kun gzhi spros bral me long ste// de rnams phyi yi me long ngo// nang gi me long bstan pa ni// snang ba brtags snang me long dang// rig pa stong pa'i me long dang// thams cad skye 'byung kun gzhi sems kyi me long ngo// gsang ba'i me long bstan pa ni// snang sems gnyis med me long dang// yid rig 'gyur med me long dang// snying po don rtogs skye med sems kyi me long ngo// zhes gsungs so// snang srid kha sbyor bdud rtsi bcud thigs 'khor ba thog mtha' gcod pa'i rgyud las/rin chen 'phrul gyi me long dgu skor bstan pa'i le'u ste re dgu pa'o//// de nas rdo rje sems dpa' yis// kun bzang nyid la 'di skad zhus// kun tu bzang po'i gdams ngag tshig gsum po// bdag cag rnams la bshad du gsol// kun tu bzang pos 'khor la 'di skad gsungs// phyi yi yul brtags snang ba thams cad 'khrul par shes par gyis// yid dpyod dran rig 'gyu ba myong ba rnams// spros pa thag chod ngang dngas rang grol 'gyur med rgya yis thob// spros pa'i mtha' brgyad chos brgyad bral ba'i sa de la// smra med brjod med 'gyur ba med pa'i don// mi 'gyur chos kyi dbyings la skye med chos sku gnas// kun bzang bdag gi gdams ngag tshig gsum 'di// rdo rje sems dpa'i thugs kyi dkyil du zhog/ ces gsungs so// snang srid kha sbyor bdud rtsi bcud thigs/'khor ba thog mtha' gcod pa'i rgyud las/ gdams ngag tshig gsum bstan pa'i le'u ste bdun cu pa'o//// de nas rdo rje sems dpa' yis// kun bzang nyid la 'di skad zhus// nges pa'i tshig bzhi ji ltar lags// zhes zhus pa dang/ kun tu bzang pos 'khor la 'di skad gsungs// lta ba'i rgyal po zhe 'dod med par nges// sgom pa'i rgyal po bsgrub bya med par nges// spyod pa'i rgyal po bya btsal med par nges// 'bras bu'i rgyal po re dogs med par nges// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ nges pa rnam bzhi bstan pa'i le'u ste don gcig pa'o//// de nas rdo rje sems dpa' yis// kun bzang nyid la 'di skad zhus// lhag mthong rnam drug ji ltar lags// lta ba ngos gzung med pas phyogs med lhag gis mthong// sgom pa 'gyur med rtog med lhag gis shar// spyod pa byar med sangs rgyas dgongs pa lhag gis mthong// dam tshig bsrung med skyon med dgongs pa lhag gis mthong// phrin las btsal med bgrod med lhag gis shar// 'bras bu bsgrub med re med dogs med lhag gis mthong// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ lhag mthong rnam drug bstan pa'i le'u ste don gnyis pa'o//// de nas rdo rje sems dpa' yis// kun bzang nyid la 'di skad zhus// 'das pa rnam bcu ji ltar lags// zhes zhus pa dang/ kun tu bzang pos 'di skad gsungs// lta ba gzhung med tshig las 'das// sgom pa bsam med blo las 'das// spyod pa byar med 'khor ba'i las las 'das// dam tshig bsrung med 'da' med bsrung las 'das// phrin las btsal med dbyer med ngang las 'das// lam rnams ma bgrod bgrod med ngang las 'das// sa rnams ma sbyangs sbyang med ngang las 'das// lung ni ma nor tshig gi lung las 'das// man ngag zhen med 'dzin med ngang las 'das// 'bras bu ye nas yod smon yid las 'das// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ 'das pa rnam bcu bstan pa'i le'u ste don gsum pa'o//// de nas rdo rje sems dpa' yis// kun bzang nyid la 'di skad zhus// gnas lugs brda' yi don bshad du gsol// zhes zhus pa dang/ de nas ston pas 'khor la 'di skad gsungs// nam mkha' stong pa dag la bsos kyang thob// nam mkha' la ni bsos btab pas// chu bo chen po rgyun mi 'chad// chu bo rgyun chad med pa yis// rgyal po'i dkor srung pa dang 'dra// dran pa mi 'byung chos nyid klong na gnas// yengs kyang chos nyid ma yengs chos kyi dbyings// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ chos nyid brdar bstan pa'i le'u ste don bzhi pa'o//// de nas rdo rje sems dpa' yis// kun bzang nyid la 'di skad zhus// dug lnga sku lnga'i brda' chos ji ltar lags// zhes zhus pa dang/ ston pas 'khor la bka' stsal pa// ma bsgrubs kun tu gsal ba'i 'od khang na// rgyal po lha gcig bzhugs pa la// blon po dbang chen mi bzhis bskor// rgyal pos blun po mi bzhi btul// mi bzhi btul nas sku bzhir bsgyur// rgyal po mi 'gyur chos kyi sku// mi bzhi ye shes rnam pa bzhi// mi gcig chos dbyings ye shes so// ma rig pa yi mun khang thib po na// ma rig long ma zhe sdang phung rgyal yod// mtho la smra mchu dma' la smod// 'phrad tshad chags las bsogs pa'i gza' mi lnga// khams gsum 'khor bar bskyur ba'i mkhan po yin// skye rgas na 'chi'i sdug bsngal las su spyod// sdug bsngal de las bzlog 'dod na// mun pa'i sgo phye gsal ba'i ye shes thob// ma rig mig phye ye shes nyi ma shar// zhe sdang rtsad gcod phung rgyal gtan nas rlogs// nga rgyal rang brlag phrag dog ming yang med// khams gsum mi gnas stong gsum sangs rgyas pa// sdug bsngal bzhi yi rtsad gcod sku bzhi ye shes bzhi// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ dug lnga ye shes lnga brdar bstan pa'i le'u ste don lnga pa'o//// de nas rdo rje sems dpa' yis// kun bzang nyid la 'di skad zhus// chos nyid byang chub sems kyi don ni ji ltar lags// de nas ston pas 'khor la 'di skad gsungs// snang ba bkag pas mi khegs 'o na khegs dang ya// sems nyid bltas pas mi mthong 'o na ltos dang ya// gnyis med bsgrubs pas mi 'grub 'o na sgrub dang ya// sangs rgyas btsal bas mi rnyed 'o na 'tshol dang ya// shes nam shes ma bsgoms na rdo rje kun tu bzang po yin// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ chos nyid gtan la dbab pa'i le'u ste don drug pa'o//// de nas rdo rje sems dpa' yis// kun bzang nyid la 'di skad zhus// snying po'i don 'di bshad du gsol// zhes zhus pa dang/ kun bzang nyid kyis 'di skad gsungs// snying po 'dus ma byas pa yin// snying po skye med 'gyur med yin// snying po skye med chos kyi sku// snying po sangs rgyas nyag gcig yin// snying po 'gyur ba med pa yin// snying po 'gyur med g.yung drung gnyug ma'i ngang// snying po 'od gsal dri ma med// snying po kun gzhi 'dus ma byas// snying po rin chen 'od srungs yin// dper na mar khal gcig la bzhu btul byas pas bre bzhir 'dus pa mar gyi snying po yin// de bzhin chos rnams thams cad kyang// thams cad gcig tu 'dus pa'i snying po chos sku yin// zhes gsungs so/ snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ snying po bshad pa bstan pa'i le'u ste don bdun pa'o//// de nas rdo rje sems dpa' yis// kun bzang nyid la 'di skad zhus// chos sku'i bshad lugs ji ltar lags// zhes zhus pa dang/ ston pas 'khor la 'di skad gsungs// chos sku dngos po med pa yin// chos sku dmigs pa'i yul las 'das// chos sku rgyu rkyen 'pho 'gyur med// chos sku rtsol bsgrub bya btsal med// chos sku brjod pa'i yul las 'das// tshig dang yi ge chos sku mtshon du med// thugs rje kun la khyab kyang ngos bzung gcig kyang med// chos sku rtsol bsgrub spang len mtha' dang bral// chos sku mi bsgrub rang sems chos kyi sku// zhes gsungs so/ snang srid kha sbyor bdud rtsi bcud thigs/'khor ba thog mtha' gcod pa'i rgyud las/ chos sku'i nges tshig bstan pa'i le'u ste don brgyad pa'o//// de nas rdo rje sems dpa' yis// kun bzang nyid la 'di skad zhus// byang chub don 'di bshad du gsol// zhes zhus pa dang// ston pas 'khor la bka' stsal pa// byang ni yul sems gnyis med byang// chub ni dbyer med chen por chub// byang ni nang gi rnam rtog byang// chub ni spros pa thad kar chub// byang ni gzung 'dzin gnyis snang byang// chub ni gzung 'dzin med par chub// byang ni mtshan ma'i rnam rtog byang// chub ni mtshan ma med par chub// byang ni brtags tshad zhen tshad 'gyu tshad byang// chub ni brjod med klong du chub// byang ni dug lnga dug gsum byang// chub ni sku lnga ye shes lnga// byang ni rtog tshogs ji snyed byang// chub ni rtog med ye shes chen por chub// ces gsungs so// snang srid kha sbyor bdud rtsi bcud thigs/'khor ba thog mtha' gcod pa'i rgyud las/ byang chub kyi nges tshig bstan pa'i le'u ste don dgu pa'o//// de nas rdo rje sems dpa' yis// kun bzang nyid la 'di skad zhus// sems dpa'i don ni bshad du gsol// zhes zhus pa dang// de nas ston pas 'khor la 'di skad gsungs so// sems ni yang dag don la sems// dpa' ni gnyis med don la dpa'// sems ni skye med don la sems// dpa' ni 'gag med don la dpa'// sems ni rgyu rkyen med par sems// dpa' ni 'pho 'gyur med par dpa'// sems ni 'khor 'das gnyis la sems// dpa' ni gnyis med chen por dpa'// sems ni 'gyur med ngang la sems// dpa' ni mi bskyed chags zhen med// sems ni yul sems med par sems// dpa' ni bzang ngan dgag sgrub med// sems ni chos nyid ma la sems// dpa' ni ma bu dbyer med dpa'// sems ni 'gyur med klong nas sems// dpa' ni brjod med bde chen klong na dpa'// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/sems dpa'i nges tshig bstan pa'i le'u ste brgyad cu tham pa'o//// de nas rdo rje sems dpa' yis// kun bzang nyid la 'di skad zhus// rang byung don tshig bshad du gsol// zhes zhus pa dang/de nas ston pas 'khor la 'di skad gsungs// rang ni thog ma'i ye yod gzhi// byung ni yid tsam yod de tsam// rang ni dngos med kun khyab gzhi// byung ni gzhi la gnas pa'i rlung// rang ni yid tsam g.yo ba'i gzhi// byung ni bag tsam 'gyur bas byung// rang ni kun gzhi spyi khyab ste// byung ni rang snang 'od lngar byung// rang ni 'od kyi dkyil 'khor ste// byung ni 'od gsal zer lngar byung// rang ni zer lnga'i rang bzhin te// byung ni shes pa'i snang tshul lnga// rang ni ye yi shes pa ste// byung ni gnas pa'i don ma rig/ ye don ma shes don ma shes// de phyir ma rig 'khrul par gsungs// rang n-i ma rig 'khrul pa'i sgo// byung ni rig yid sems yid byung// rang ni 'khrul lugs rnam gsum ste// byung ni rigs drug khams gsum 'khor ba byung// rang ni rang gi sems yin te// byung ni rtog tshogs brgyad khri bzhi stong byung// rang ni ma rtogs 'khor ba'i sems// byung ni nyon mongs brgyad khri bzhi stong byung// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ rang byung gi nges tshig ma rtogs 'khor ba byung zhing 'khyams pas le'u ste gya gcig pa'o//// de nas rdo rje sems dpa' yis/ kun bzang nyid la 'di skad zhus// kun gzhi'i don ni ji ltar lags// zhes zhus pa dang// kun tu bzang pos bka' stsal pa// kun ni snang srid 'khor 'das yin// gzhi ni byang chub sems yin no// kun ni skye 'gro gzugs bsdus yin// gzhi ni sems kyi 'byung gzhi yin// kun ni 'byung snang chos la bya// gzhi ni thog ma'i gzhi la bya// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ kun gzhi'i nges tshig bstan pa'i le'u ste gya gnyis pa'o//// de nas rdo rje sems dpa' yi// kun bzang nyid la 'di skad zhus// ma nor sangs rgyas ji ltar lags// zhes zhus pa dang// kun tu bzang pos bka' stsal pa// ma nor sangs rgyas ngo bo ni// bsgrubs pas sangs rgyas mi 'grub kyi// sems la sangs rgyas ye nas grub// grub zin don las ma g.yos na// thun mong rtsol bsgrub bya mi dgos// drang por 'dug la lhun grub ltos// bltas pas mthong ba gcig kyang med// med pa de ka mthong ba yin// ma rig 'khor ba'i mun pa sangs// ye shes rig pa'i 'char sgo rgyas// bdag 'dzin nyon mongs 'gyu mkhan sangs// 'dzin med ye shes rnam dag rgyas// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ ma nor sangs rgyas bstan pa'i le'u ste gya gsum pa'o//// de nas rdo rje sems dpa' yis// kun bzang nyid la 'di skad zhus// myang 'das ma nor ji ltar lags// zhes gsol pa dang// kun tu bzang pos bka' stsal pa// ma nor nges pa'i myang 'das ni// skye 'byung kun gzhi'i klong du 'dus// yan lag bu yi shes pa rnams// snying po ma yi klong du 'dus// mtshan nyid snang tshul rtsal snang rnams// stong nyid mkha' klong dbyings su 'dus// sems kyi snang tshul sna tshogs brtags zhen rnams// chos nyid byang chub sems su 'dus// blo la snang ba'i the tshom rnams// kun gzhi nam mkha'i klong du 'dus// ma rig dngos po rig par 'dus// snang ba'i ngo bo stong par 'dus// gnyis snang thams cad gnyis med 'dus// bdag 'dzin thams cad 'dzin med 'dus// phyogs ris thams cad zhen med 'dus// zhen chags thams cad zhen med 'dus// khams gsum 'khor ba'i sdug bsngal rnams// mya ngan 'das pa'i klong du 'dus// sems can ngan rtog bdag 'dzin rnams// sangs rgyas bde chen dbyings su 'dus// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ ma nor nges par mya ngan las 'das pa'i le'u ste gya bzhi pa'o//// de nas rdo rje sems dpa' yis// kun bzang nyid la 'di skad gsol// ma nor sems nyid ji ltar lags// kun tu bzang pos bka' stsal pa// ma nor sems nyid rang bzhin ni// bcos pa med pa'i sems nyid de// so ma rang lugs gyi nar 'du'o// bdag 'dzin bral ba'i sems nyid de// 'dzin med gsal dngas sangs rgyas so// rtags snang grol ba'i sems nyid de// ma nor rnam dag ye shes so// blos bcug yid smon sangs pa de// yid smon med pa'i sems nyid do// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ma nor sems nyid bstan pa'i le'u ste gya lnga pa'o//// de nas rdo rje sems dpa' yis// kun bzang nyid la 'di skad zhus// sems kyi snang tshul ji ltar lags// kun tu bzang pos bka' stsal pa// sems kyis snang tshul bsam yas te// 'khor 'das gnyis kyang sems kyi snang tshul yin// sangs rgyas sems can sems kyi snang tshul yin// snang srid snod bcud sems kyi snang tshul yin// skye 'gro gzugs bsdus sems kyi snang tshul yin// brgyad khri bzhi stong sems kyi snang tshul yin// theg pa rim dgu sems kyi snang tshul yin// rtogs dang ma rtogs sems kyi snang tshul yin// rig dang ma rig sems kyi snang tshul yin// thams cad gnyis med dbye bsal med pa la// ma rig 'khrul pa'i blo la gnyis su snang// shes la rtogs na rang bzhin yongs kyis mnyam// sems kyi snang tshul bsam yas kyang// mnyam par shes na sangs rgyas kun dang mnyam// zhes gsungs so// sems kyi snang tshul mdo tsam bstan pa'i le'u ste gya drug pa'o//// de nas rdo rje sems dpa' yis// kun bzang nyid la 'di skad zhus// snang tshul tshig tu ji ltar sdud// ces gsol pa dang// kun tu bzang pos bka' stsal pa// snang tshul bsam yas sems la sdud// blta bya lta byed sems su sdud// bsgom bya sgom byed sems su sdud// spyad bya spyod byed sems su sdud// bsgrub bya sgrub byed sems su sdud// bsrung bya srung byed sems su sdud// btsal bya rtsol byed sems su sdud// brgyad khri bzhi stong sems su sdud// theg pa rim dgu sems su sdud// yid rig sems kyi brtag snang sems su sdud// rtsol bas sdud pa ma yin thog ma nyid nas de ltar bsdus// dper na rgya mtshor chu bran bzhin// mtsho las byung zhing mtsho ru bsdus// byas nas bsdus pa ma yin te// ye nas de ltar bsdus pa'o// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ sems kyi snang tshul bsdus pa'i le'u ste gya bdun pa'o//// de nas rdo rje sems dpa' yis// kun bzang nyid la 'di skad zhus// ma nor nges pa'i gdams ngag gsung du gsol// zhes gsol pa dang// kun tu bzang pos bka' stsal pa// ma nor nges pa'i gdams ngag ni// mtshon du med pa'i byang chub sems// smra brjod med pa'i ngang la zhog/ bstan du med pa'i byang chub sems// blo las 'das pa'i ngang du zhog/ blta ru med pa'i byang chub sems// blta bya lta byed med pa'i ngang la zhog/ bsam du med pa'i byang chub sems// bsgom du med pa'i ngang la zhog/ spyad du med pa'i byang chub sems// bya btsal med pa'i ngang la zhog/ bsgrub tu med pa'i byang chub sems// ngang dngas rang sangs ngang la zhog/ re dogs bsgrub med ngang la zhog/ spros pa med pa'i byang chub sems// spros bral chen po'i ngang la zhog/ snang srid kha sbyor bdud rtsi bcud thigs/ 'khor ba thog mtha' gcod pa'i rgyud las/ ma nor nges pa'i gdams ngag bstan pa'i le'u ste gya brgyad pa'o//// de nas rdo rje sems dpa' yis// kun bzang nyid la 'di skad zhus// dug lnga sems su ji ltar dgrol// zhes gsol pa dang// kun tu bzang pos bka' stsal pa// dug lnga sems su dgrol ba ni// gti ni chos nyid bstan pa la// mug ni mtshan ma'i chos la mug/ de phyir sems nyid gti mug go// 'dod ni chos sku skye med 'dod// chags ni bde chen klong du chags// des na sems nyid 'dod chags yin// zhe ni chos nyid dbyings nas zhe// sdang ni 'khor ba'i chos la sdang// de phyir sems nyid zhe sdang yin// nga ni skye med byang chub sems// rgyal ni 'khor ba'i dmag las rgyal// de phyir sems nyid nga rgyal yin// phrag ni 'gyur med dbyings kyi phrag/ dog ni chags sdang lnga la dog/ de phyir sems nyid phrag dog yin// dug lnga skye med byang chub sems// zhes gsungs so// snang srid kha sbyor gyi rgyud las/ dug lnga chos nyid du 'grol ba'i le'u ste gya dgu pa'o//// de nas rdo rje sems dpa' yis// kun bzang nyid la 'di skad zhus// 'byung lnga sems su ji ltar grol// zhes zhus pa dang// kun tu bzang pos bka' stsal pa// 'byung lnga sems nyid grol ba ni// nam ni skye ba med pa'i nam// mkha' ni 'gag pa med pa'i mkha'// skye 'gag gnyis su med pa'i byang chub sems// de phyir sems nyid nam mkha' yin// sa ni kun gzhi sems kyi gzhi// sna tshogs thamasacad skye 'byung yang// chos nyid rang bzhin sra zhing brtan// des na sems nyid sa yang yin// byang chub sems kyis me chen gyis// nyon mongs dug lnga'i bud shing bsreg/ de phyir sems nyid me yang yin// chos nyid rlan dang ma bral chu// gnyis med sdud par byed pas chu yang yin// de phyir sems nyid chu ltar snang// rang byung rtsal gyi rlung chen gyis// nyon mongs brgyad khri phyags mas btab// rnam par rtog pa rlung la bskur// de phyir sems nyid rlung yang yin// 'byung lnga ma lus sems la rdzogs// zhes gsungs so// snang srid kha sbyor gyi rgyud las/ 'byung lnga sems su grol ba'i le'u ste dgu cu tham pa'o//// de nas rdo rje sems dpa' yis// kun bzang nyid la 'di skad zhus// mtha' dbus phyogs mtshams sems su ji ltar grol// zhes gsol pa dang// kun tu bzang pos bka' stsal pa// phyogs mtshams sems la grol lugs ni// chos sku mi 'gyur bstan pa ste// byang chub sems ni dbus kyang yin// snying po'i klong nas ye shes shar// byang chub sems ni shar phyogs yin// nyon mongs chags sdang 'dzin chags bton// byang chub sems ni lho phyogs yin// rnam par rtog pa'i mtshan ma ji snyed rnams// mi rtog skye ba med pa'i dbyings su nub// byang chub sems ni nub phyogs yin// nyon mongs dgag bsgrub gzung 'dzin byang// byang chub sems ni byang phyogs yin// shar lho'i mtshams ni skye ba med// lho nub mtshams ni 'gag pa med// nub byang mtshams ni gnyis su med// byang shar mtshams ni rang sar grol// steng 'og gnyis ni gnyis med dbye bsal med// steng phyogs theg dman thams cad zil gyis mnon// 'og phyogs khyab gdal 'ub chub yin// de phyir phyogs mtshams med par sems su grol// zhes gsungs so// snang srid kha sbyor gyi rgyud las/ phyogs mtshams sems su grol ba'i le'u ste go gcig pa'o//// de nas rdo rje sems dpa' yis// kun bzang nyid la 'di skad zhus// kha dog rnam lnga sems su ji ltar grol// zhes gsol pa dang/ kun tu bzang pos 'di skad gsungs// gzung 'dzin dri mas ma gos dkar po yin// yon tan ma lus kun 'byung ser po yin// snang ba dbang du 'dus pas dmar po yin// 'khor ba'i las rnams dag pas ljang khu yin// chos nyid 'gyur ba med pas nag po yin// kha dog rnam lnga byang chub sems su grol// zhes gsungs so// snang srid kha sbyor gyi rgyud las/ kha dog rnam lnga sems la rdzogs pa'i le'u ste go gnyis pa'o//// de nas rdo rje sems dpa' yis// kun bzang nyid la 'di skad zhus// skyes pa sems su ci ltar grol// kun tu bzang pos 'di skad gsungs// skyes pa sems su grol pa ni// skyes ni rang byung ye shes skyes// pa ni kun gsal chen por pa// skyes ni rang rig ngang dngas skyes// pa ni rang rlag rang sangs pa// skyes ni rtogs pa'i shes rab skyes// ma rig mun sangs shes rab pa// zhes gsungs so// snang srid kha sbyor gyi rgyud las/ skyes pa sems su grol pa'i le'u ste go gsum pa'o//// de nas rdo rje sems dpa' yis// bud med sems su ji ltar grol// zhes zhus pa dang// kun bzang 'khor la 'di skad gsungs// bud med sems su grol ba ni// bud na 'khor ba'i chos rnams bud// med ni ma rig mun nag med// de phyir bud med byang chub sems// bud ni nyon mongs brgyad khri bzhi stong bud// med ni chags sdang gnyis 'dzin dgag bsgrub med// de phyir bud med sems su grol// zhes gsungs so// snang srid kha sbyor gyi rgyud las/ bud med sems su grol ba'i le'u ste go bzhi pa'o//// de nas rdo rje sems dpa' yis// kun bzang nyid la 'di skad zhus// rnal 'byor sems la ji ltar rdzogs// zhes gsol pa dang// kun tu bzang pos bka' stsal pa// rnal 'byor sems la rdzogs lugs ni// spyir ni rnal 'byor rnam bzhi ste// lung chen thob pa'i rnal 'byor dang// rtsal chen rdzogs pa'i rnal 'byor dang// mos pa spyod pa'i rnal 'byor dang// don dam pa yi rnal 'byor bzhi// lung chen thob pa'i rnal 'byor ni// kun tu bzang po skye med klong// rdo rje sems dpa'i thugs kyi rtogs// rdo rje sems dpa'i thugs dgongs de// u rgyan dga' rab rdo rjes thob// lung chen thob pa'i rnal 'byor ro// rtsal chen rdzogs pa'i rnal 'byor ni// skye shi med pa'i rtsal rnams rdzogs// rgyal ba'i bka' yi dbang yang rdzogs// rtsal chen rdzogs pa'i rnal 'byor ro// mos pa spyod pa'i rnal 'byor ni// dam pa'i bka' phyir 'brang ba'i 'dun pa de ni rnal 'byor yin// chags sdang lnga la spyod cing chags// dam pa'i rnal 'byor yang ma yin// yang dag don gyi rnal 'byor ni// rnal ni skye med 'gyur med rnal// 'byor ni snying po'i klong du 'byor// rnal ni gzhi gnas rang bzhag pa// 'byor ni chos nyid klong du 'byor// zhes gsungs so// snang srid kha sbyor gyi rgyud las/ rnal 'byor sems la rdzogs pa'i le'u ste go lnga pa'o//// de nas rdo rje sems dpa' yis/ kun bzang nyid la 'di skad zhus// sgo lnga zang thal ji ltar lags// zhes gsol pa dang// kun tu bzang pos 'di skad gsungs// sgo lnga ye shes zang thal ni// gsal 'grib med pa'i ye shes ni// mig gi rnam shes zang thal yin// dri ma med pa'i ye shes ni// sna yi rnam shes zang thal yin// sgrib pa med pa'i ye shes ni// rna ba'i rnam shes zang thal yin// 'gyur ba med pa'i byang chub sems// lce yi rnam shes zang thal yin// skye 'jig med pa'i byang chub sems// lus kyi rnam shes zang thal yin// sgo lnga byang chub sems su rdzogs// zhes gsungs so// snang srid kha sbyor gyi rgyud las/sgo lnga zang thal gyi le'u ste go drug pa'o//// de nas rdo rje sems dpa' yis// kun bzang nyid la 'di skad zhus// 'gag med ye shes ji ltar lags// kun tu bzang pos 'khor la bka' stsal pa// snang ba ma 'gags rang snang chos kyi dbyings// rig pa ma 'gags rang byung ye shes so// phyi nang gnyis med dbyer med ye shes so// zhes gsungs so// snang srid kha sbyor gyi rgyud las/ ma 'gags rang snang ba'i le'u ste go bdun pa'o//// de nas rdo rje sems dpa' yis// kun bzang nyid la 'di skad gsol// mtshan nyid sde gsum ji ltar rdzogs// kun tu bzang pos bka' stsal pa// mtshan nyid sde gsum rdzogs lugs ni// de la nyan thos rdzogs lugs ni// nyan ni skye med don la gnas// thos ni 'gyur ba med par thos// gzung 'dzin gnyis med dbye bsal med// de phyir nyan thos sems la rdzogs// rang rgyal rdzogs pa'i rdzogs lugs ni// rang ni ngang dngas chos kyi sku// rgyal ni chags sdang gnyis las rgyal// dgag bsgrub gnyis med byang chub sems// de phyir rang rgyal sems la rdzogs// mdo sde byang sems rdzogs lugs ni// mdo ni theg pa'i spyi mdo ste// sde ni sems kyi rnam grangs te// byang ni 'ub chub klong du byang// sems ni 'gyur med don la sems// theg ni brgyad khri bzhi stong theg/ pa ni spyi ti yo gar pa// de phyir mdo sde sems la rdzogs// zhes gsungs so// snang srid kha sbyor bdud rtsi bcud thigs kyi rgyud las/ mtshan nyid sde gsum spyi tir bstan pa'i le'u ste go brgyad pa'o//// de nas rdo rje sems dpa' yis// kun bzang nyid la 'di skad zhus// gsang sngags phyi rgyud ji ltar rdzogs// zhes zhus pa dang// kun tu bzang pos bka' stsal pa// kri ya'i theg pa'i rdzogs lugs ni// kri ni snying po'i klong na 'gyur med kri// ya ni skye ba med pa'i ya// theg pa brtan zhing mi 'gyur pa'o// phyi dag nang dag gsang ba dag/ kri ya'i theg pa sems la rdzogs// u pa ya yi theg pa'i rdzogs lugs ni// u ni skye ba med pa yin// pa ni 'gag pa med pa yin// ya ni yar blta mar spyod skye 'gag med// u pa byang chub sems la rdzogs// yo ga'i theg pa'i rdzogs lugs ni// yo ni ma lus kun gzhi'i klong// ga ni snang tshul klong du thim// skye 'gag gnyis med dbye gsal med// sum bcu rtsa lnga'i lha tshogs rnams// chos nyid byang chub sems la rdzogs// phyi rgyud sde gsum sems la rdzogs// zhes gsungs so// snang srid kha sbyor gyi rgyud las/phyi rgyud sde gsum rdzogs pa'i le'u ste go dgu pa'o//// de nas rdo rje sems dpa' yis// kun bzang nyid la 'di skad zhus// nang rgyud sde gsum bstan pa yi// de yi rdzogs lugs ji ltar lags// zhes zhus so// kun tu bzang pos bka' stsal pa// ma hA yo ga'i rdzogs lugs ni// ma ni snying po don gyi ma// hA ni rtsal snang bu yin te// ma 'gags bu yi lha tshogs rnams// ma ni skye med chos nyid la// hA ni snang ba'i thabs yin no// yo gas gnyis med rtsis gdab med// bzhi bcu rtsa gnyis sems la rdzogs// zhes gsungs so// snang srid kha sbyor gyi rgyu las/ ma hA yo ga'i rdzogs lugs bstan pa'i le'u ste brgya tham pa'o//// de nas rdo rje sems dpa' yis// kun bzang nyid la 'di skad zhus// a nu yo ga ji ltar rdzogs// zhes zhus pa dang/ kun tu bzang pos bka' stsal pa// a nu yo ga'i rdzogs lugs ni// a ni skye med byang chub sems// nu ni 'gag med ye shes yin// yo ni snang srid chos dbyings la// ga ni ye shes skye med do// dbyings dang ye shes gnyis med de// chos nyid byang chub sems la rdzogs// zhes gsungs so// snang srid kha sbyor gyi rgyud las// a nu yo ga sems la rdzogs pa'i le'u ste brgya dang gcig pa'o//// de nas rdo rje sems dpa' yis// kun bzang nyid la 'di skad zhus// a ti yo ga'i theg pa ji ltar rdzogs// zhes gsol pa dang// kun tu bzang pos bka' stsal pa// a ti yo ga rdzogs lugs ni// a ni ma skyes snying po'i klong// ti ni bstan pa mi 'gyur ba// yo ni theg pa spyi bsdus yin// ga ni 'gyur med chos kyi sku// theg pa rdzogs pa chen po'o// rdzogs pa 'khor 'das snang srid rdzogs// chen po 'gran zla med pas che// rdzogs chen byang chub sems la rdzogs// zhes gsungs so// snang srid kha sbyor las/ sems la rdzogs chen rdzogs pa'i le'u ste brgya dang gnyis pa'o//// sas s+t+wa ta i la a si d+harmA a ti g+ha a// de nas rdo rje sems dpa' yis// kun bzang nyid la 'di skad zhus// spyi ti yo ga'i theg pa ru// theg pa thams cad ji ltar rdzogs// zhes gsol pa dang// de nas ston pa kun bzang des// rin po che 'od brda' sbyor dbyer med kyi ting nge 'dzin la bzhugs so// de las bzhengs nas 'khor la 'di skad gsungs// nga yi spyi ti yo ga 'dir// thams cad ma lus yongs su 'di ltar rdzogs// snying po rtsal snang brtags zhen ming tshig rdzogs// snang srid skye 'gul 'khor 'das gnyis snang rdzogs// thams cad skyes 'byung 'khor ba'i sa bon rdzogs// byas pas ma zin 'khor ba'i las rnams rdzogs// bsgrubs pas mi 'grub yid smon re dogs rdzogs// phyi nang dgag bsgrub spang len gzung 'dzin gnyis snang rdzogs// zhes gsungs so// snang srid kha sbyor gyi rgyud las/ 'khor ba'i las rnams rdzogs pa'i le'u ste brgya dang gsum pa'o//// de nas rdo rje sems dpa' yis// brgyad khri bzhi stong ji ltar rdzogs// zhes gsol pa dang/ kun tu bzang pos 'di skad gsungs// brgyad khri bzhi stong theg pa yang// nga yi spyi ti yo gar rdzogs// theg pa rim dgu'i lta ba grub mtha' rdzogs// dkyil 'khor dbang dang dam tshig grub mtha' rdzogs// sdom pa bslab pa nyan thos 'dul khrims rdzogs// sa dang lam dang pha rol phyin drug rdzogs// sa bcu smon lam yid smon re dogs rdzogs// byin rlabs dngos grub tshogs dang dbang yang rdzogs// mchod dang bstod dang 'gyod tshangs sgrib sbyangs rdzogs// snang ba dbye bsal med par rdzogs// srid pa skye ba med par rdzogs// yid gnyis gzung 'dzin med par rdzogs// rig pa ngang dngas chen por rdzogs// sems rtogs rang brlag chen por rdzogs// blos btags rang sangs chen por rdzogs// yul sems rtsis gdab med par rdzogs// phyi nang gnyis su med par rdzogs// tsha tsha bskor ba mar me sbyin gtong rdzogs// za 'chag chu gtor smon lam yid smon rdzogs// mnos tshad shes tshad ma lus rdzogs// thams cad spyi ti yo gar rdzogs// thams cad yod tshad rdzogs pa'i spyi ti yo ga yin// zhes gsungs so// snang srid kha sbyor gyi rgyud las/ thams cad spyi ti yo gar rdzogs pa'i le'u ste brgya dang bzhi pa'o//// de nas rdo rje sems dpa' yis// kun bzang nyid la 'di skad zhus// spyi t-i sems la ji ltar rdzogs// zhes gsol pa dang/ kun bzang 'khor la 'di skad gsungs// spyi ti sems la rdzogs lugs ni// spyi ni yod tshad ma lus la// ti ni snying po klong du 'gyur// spyi ni rig yin sems rtog ste// ti ni snying po klong du gyur// yo ni ma lus dbyer med rtsis gdab med// ga ni snying po chos nyid klong nas 'char// de phyir theg pa thams cad zil gyis gnon// de phyir spyi ti sems la rdzogs// zhes gsungs so// snang srid kha sbyor gyi rgyud las/ sems la spyi ti rdzogs lugs bstan pa'i le'u ste brgya dang lnga pa'o//// de nas rdo rje sems dpa' yis// kun bzang nyid la 'di skad zhus// spyi ti shes pas yo ga shes gyur ram// ston pas 'khor la 'di skad gsungs// spyi ti yo ga shes rtogs na// thams cad ma lus shes par 'gyur// spyi ti yo ga shes na theg pa mtha' dag shes// spyi ti yo ga rtogs na lta ba mtha' dag rtogs// spyi ti yo ga grub na dngos grub thams cad grub// spyi ti yo ga go na theg pa'i la shan go/ smon pa'i sangs rgyas sa la slebs// dper na 'di ltar go bar gyis// mchog rab rtse nas bltas pas ri phran ri bo thams cad mthong// rgya mtsho chen por bltas pas chu phran thams cad mthong// sdong po rtsa ba chod pas yal ga yo ga skams// 'dam bu gcig khog stong pas thams cad stong// 'byung ba nam mkha'i ngang nas 'byung ba bzhi yang gsal// skyu ru ra gcig skyur na kun kyang skyur bar go// nyi zla gnyis mthong gza' skar thams cad gsal// gser gcig ngo shes pas gser thams cad rgyu gcig go/nor bu rin chen rnyed na dgos 'dod thams cad 'byung// za 'og gcig yod dar sna sna tshogs yod// theg pa'i rgyal po spyi ti 'di 'chang na// theg pa ma lus mtha' dag 'chang bar 'gyur// tshig gcig shes na tshig kun shes par 'gyur// don gcig shes na yon tan kun gyi bdag/ ces gsungs so// snang srid kha sbyor gyi rgyud las// spyi ti yo ga rtogs pas kun shes par bstan pa'i le'u ste brgya dang drug pa'o//// de nas rdo rje sems dpa' yis// spyi ti'i 'bras bu ji ltar rdzogs// zhes gsungs pa dang// ston pas 'khor la bka' stsal pa// spyi ti yo ga'i 'bras bu la// blta ru med pas lta ba de bltas pas// mthong du med pa'i chos nyid byang sems mthong// mthong ba'i dus su dngos med rang sar dngas// bsgom du med pas sgom pa de bsgoms pas// zhi rgyu med pa'i rnam rtog gzung 'dzin zhi// spyod du med pa'i don la rang spyod pas// bya ba med pa'i las rnams thams cad 'grub// bsgrub tu med pa'i 'bras bu de bsgrubs pas// thob tu med pa'i sku gsum lhun grub thob// 'gyur du med pa'i sems nyid mngon du 'gyur// sangs du med pa'i ma rig mun pa sangs// shar du med pa'i ye shes nyi ma shar// rgyas su med pa'i snying po klong na rgyas// rtsol bsgrub med pa'i ngang dngas chos sku thob// bstan pa'i snying po klong yang bstan// mi 'gyur gdeng ldan snang srid rgya yis theb// skye med klong nas 'gyur med chos sku thob// snang gsal dngos med longs spyod rdzogs skur 'gyur// sna tshogs gnyis med thugs rje sprul sku'o// sku gsum dbyer med gcig ste ngo bo nyid kyi sku// thams cad dbyer med rdo rje lta bu'i sku// sku lnga chos nyid byang chub sems kyis thob// thob pa de yang re zhig pa'o// zhes gsungs so// snang srid kha sbyor gyi rgyud las/ spyi ti'i 'bras bu thob lugs bstan pa'i le'u ste brgya dang bdun pa'o//// de nas rdo rje sems dpa' yis// kun bzang nyid la 'di skad zhus// mtshan dang gtad rgya gang la gtad// ces gsol pa dang// ston pas 'khor la bka' stsal pa// rgyud kyi rgyal po'i mtshan dang gtad rgya ni// snang srid gnyis med klong sbyor rgyud kyi rgyal po yin// nyon mongs bdud las chos nyid rtsis btul bas// bdud rtsi nad sel rgyud kyi rgyal po yin// khams gsum 'khor ba'i nang la gdams ngag bcud thigs pas// bcud thigs sman sbyor rgyud kyi rgyal po yin// 'khor ba thog mtha' ma lus gcod mdzad pa'i// gzeng chen spu gri rgyud kyi rgyal po yin// theg pa spyi yi don rnams ston pa'i phyir// spyi ti yo ga rgyud kyi rgyal po yin// theg pa spyi yi 'phrang rnams sel ba'i phyir// 'phrang sol go 'byed rgyud kyi rgyal po yin// brgyad khri bzhi stong blta bsgom 'byed pa'i phyir// 'phrul gyi lde mig rgyud kyi rgyal po yin// dgos 'dod ma lus 'di las 'byung ba'i phyir// nor bu rin chen rgyud kyi rgyal po yin// re zhig rgyud kyi mtshan ni de ltar ro// zhes gsungs so// rgyud 'di gtad pa'i gang zag ni// phyogs ris chung la dad pa che// ser sna chung la gtong phod che// nyon mongs chung la shes rab che// chags zhen chung la dam tshig che// de la rgyud kyi rgyal po gtad// slob dpon snying la sems pa dang// gdams ngag srog bzhin 'chang ba la// rgyud kyi rgyal po bshad cing gtad// dam tshig gzhung bsrang rnam smin 'dzem// dam pa'i chos kyi don du ni// lus srog phangs pa med par gtong// rin chen gser la sogs pa 'dod pa'i don// ma chags ser sna med pas 'bul// de la rgyud kyi rgyal po bshad cing gtad// blo che blo yangs blo rno blo zab la// rgyud kyi rgyal po bshad cing gdams ngag gtad// dam tshig med la snying rje chung// shes rab med la 'dod pa che// gdung sems med la grogs mched bslu// brtson 'grus chung la chags sdang che// ma thob bar du ngo dga' kha bsags rgyu yis 'brel// lag tu thob na zong du 'tshong// dam med khrel med thabs kyis 'dod pa la// ma sbyin sdig pa'i gnas su 'gyur// de lta bu la byin gyur na// ngam shod gling gi dur khrod na// mkha' 'gro bka' srung chos skyong tshogs// de ni ma shi'i sngon rol du// sha khrag rlon par bza' bar byed// phyi mar gnyis ka dmyal bar ltung// rgya mtshor dug sbyor sdig pas char mi phod// de bas mi bstan gsang bar 'os// snod med rnams kyi chos ma yin// zhes gsungs so// snang srid kha sbyor gyi rgyud las/ mtshan dang gtad rgya snod kyi khyad par bstan pa'i le'u ste brgya dang brgyad pa'o//// de nas rdo rje sems dpa' yis// kun bzang nyid la 'di skad zhus// nam zhig dus ni phyi ma la// rgyud 'di 'byung ba'i dus ni ji ltar lags// zhes gsol pa dang// ma 'ongs dus su 'byung ba yi// de dus mngon par shes pas mkhyen// rgyud kyi rgyal po 'byung dus su// sku dang gsung gi bstan pa nub// bde gshegs bka' yi byin rlabs yal// thugs kyis bstan pa dar ba'i tshe// de tshe nga yi rgyud 'di 'byung// gnas gzhi 'thab ras bskor ba dang// che btsun sde 'khrug byed pa dang// dge slong tshong dpon byed pa dang// chos gos 'og tu gri 'dzugs dang// btsun ma bu chung 'tsho ba dang// btsun chen chung ma len pa dang// che btsun dug sbyor byed pa'i dus// de dus rgyud kyi rgyal po 'byung/ ban med skye med nag po gon pa'i dus// lham bu re bas byed pa'i dus// pho ru sa rus byed pa'i dus// gos la snum gyi thig le byugs// pha zer bu yang mi nyan te// mi rnams g.yo sgyus 'tsho ba'i dus// chags sdang lnga dang ma bral bar// lta ba kha khyer zhen pa ma log par// rnal 'byor ston pa byed pa'i dus// da lta sangs rgyas yin smra ba// chos su rdzogs chen dar ba'i dus// ston pa rnal 'byor byed pa'i dus// de dus rgyud kyi rgyal po 'byung// bde gshegs byin gyis brlab mi thub// 'byung ba sa yis gser mi thub// mkha' 'gro gtad pa'i gter mi thub// skye 'gros blo gtad gnyer mi thub// de dus rgyud kyi rgyal po 'byung// zhes gsungs so// snang srid kha sbyor bdud rtsi bcud thigs/ 'khor ba thog mtha' gcod pa'i rgyud rdzogs so//// slob dpon pad+mas bshad/

CLOSE WINDOW