CLOSE WINDOW

Gpb002.004
བོད་ཡིག

/ // rgya gar skad du/ san+ti ma hA ni yA mAr+tha sa ma dA yA' ti gar+b+ha sa man+ta b+ha dra dz+nya na A bar+t+ta tan+t+ra rat+na swar+N+NA ti shr-i ta nA ma/ bod skad du/ rdzogs pa chen po nges don 'dus pa'i yang snying/ kun tu bzang po ye shes klong gi rgyud/ rin po che gser gyi yang zhun zhes bya ba/ bcom ldan 'das mnyam pa nyid kyi rgyal po/ dpal gyi dpal kun tu bzang po la phyag 'tshal lo// 'di skad gsungs pa'i dus gcig na// kun rig chos kyi rgyal po de// 'og min chos dbyings gnas kyi mchog/ nges pa'i don la rab bzhugs te// 'khor rnams 'dus nas rab tu 'khod// de nas rdo rje sems dpa' yis// 'dus pa'i 'khor la phan gdags phyir// kun rig chos kyi rje la ni// rig pa'i yid kyis 'di skad gsol// nges don gnas lugs snying po'i don// rig 'dzin sprul pas bskul pa yi// sangs rgyas bka' rnams bgros pa'i mdo// ma rig mun pa bsal ba'i phyir// sku gsum chos rnams ji ltar gsungs// snod kyi rim pa gang la bstan// de skad ces ni gsung ma thag/ khab len la ni lcags 'du bzhin// byin rlabs dbang ched dad pas ni// 'dus pa rnam bzhi 'dus shing bskor// nyid las mi gzhan sangs rgyas dang// rdo rje 'chang gi rig 'dzin dang// rgyal sras sprul pa'i mgon po dang// dam can mkha' 'gro sde lnga dang// dad nyan lha mi las can kun// las dang thugs rjer 'dzom nas 'khod// de skad zhus pa'i don gsan nas// kun rig chos kyi rgyal po des// mnyam pa'i don la rab zhugs nas// 'dus pa'i 'khor la bka' stsal pa// nges don gnas lugs snying po ni// 'khor 'das 'byung bas ma reg phyir// mdzad dang spyod pa'i rgyud ma bskyod// rang byung gzhi yi snying po yin// de yang 'dus pa'i snying po nyon// rig 'dzin sprul pas bskul pa yi// sems dag lha dbang rig 'dzin des// rmi lam rnam gsum brda shes nas// mngon dga'i phug nas tshig gis bskul// sangs rgyas bka' rnams bgros pa'i mdo// de gzhi nges don chos drug gis// sangs rgyas kun tu bzang po byung// nga yis nga nyid bgro ba las// sangs rgyas gzhan gyis bgro mi nus// kun bzang nga yi sgron ma yi// thog ma'i byung tshul sus shes pa// ma rig mun pa rtsad nas sel// chos rnams kun gyi sgron me'i mchog/ sku gsum chos rnams gsungs pa ni// kun bzang nga yi byin rlabs kyis// sku gsung thugs kyi yon tan las// sprul pa rnam gsum byung nas ni// nges don ldem dgongs drang don bshad// de yang rdo rje sems dpa' nyon// chos sku nges don gsungs pa ni// rang byung ngo bo nyid kyi sku// tshig dang yi ge brjod las 'das// nges don ye shes thugs la gsal// drang srong mngon shes dpe bzhin du// dus gsum sangs rgyas 'khor bcas la// mnyam par bzhag pa'i yid kyi go/ nges don rtogs phyir yang sangs rgyas// de nas ston pa kun bzang gis// rgyud dag rdo rje sems dpa' la// don gyi rang byung gnas chen du// tshig tu ma bstan yid kyi go// byin gyi rlabs kyis bshad ces bya// de yang rdo rje sems dpa' nyon// longs sku rdo rje sems dpa' yis// gtsang ris lha yi gnas chen du// rig 'dzin 'khor la brtser dgongs te// rig 'dzin kun dga' lha dbang la// dbang bskur bka' drang rgyud smin byas// ldem dgongs nges don ngo bo bshad// de tshe rig 'dzin sems dag des// mos gus dad pas rtse gcig tu// phyogs bcu'i 'dus pa'i sangs rgyas la// zhu ba zhus cing the tshom bcad// de yi nges pa'i 'bras bu ni// chos sku rig pa'i don mthong la// rtogs pa mngon gyur sangs rgyas phyir// da lta nyid du thams cad mkhyen// yang ni rig 'dzin sems dag nges// sngon gyi mngon dga'i phug su phyin// nang du mnyam bzhag 'bral med bcings// don de lha yi dbang po bskul// de lan bka' yis bgro dka' ste// lha dbang bka' gnyan drin che bas// nges don rig pa'i man ngag gis// 'dzam gling mun bsal byin gyis rlobs// de tshe lha dbang thugs dgyes te// khyod kyis dad ldan 'khor rnams la// ma bcos ma nor 'chad nus na// bde gshegs 'khor bcas byin gyis rlobs// de skad zhal bzhes ngo mtshar nas// sems dag gser ldan skur sprul te// dus tshod zer la mngon byung nas// byang chub mo yi lhums zhugs te// gsum la bka' rtags dang bcas te// tsar gyis skyes te nges don sgrogs// mi rnams kyis mthong ya mtshan skyes// mngon shes drug ldan ya mtshan can// lha mi kun gyis bkur bar mthong// de ni spyan drangs gnas bzhugs nas// nang du 'bral med dgongs pa la// gnod sbyin bdud kyis brid bsdigs pas// bar du ma chod zil gyis non// bred mos gdung bton skyabs su zhus// dam btags rang srog snying po phul// chos 'di'i srung mar dam la btags// de nas shAka thub sprul pa des// bde ldan bkra shis gnas dag tu// de lta'i dus kyi deng sang na// gsang bdag sprul pa dad nyan la// sdeb sbyor legs pa'i tshig tu gsungs// de yang 'dus pa'i snying po nyon// sku gsum chos rnams gang gsungs kyang// gdul bya'i 'khor la tha dad kyang// shes rab blo yi khyad par las// don la dbyer med ngo bo gcig/ rdzogs pa chen po nges don thams cad 'dus pa'i yang snying/ kun tu bzang po ye shes klong gi rgyud/ rin po che gser gyi yang zhun las/ nges don 'byung ba'i rgyu gleng gzhi bstan pa'i le'u ste dang po'o//// de nas 'dus pa'i 'khor rnams la// kun rig sems kyi rgyal po yis// snod bcud rim pa ngas bstan gyis// 'dus pa'i 'khor rnams yid kyis nyon// de bstan snod 'dzom shin tu dka'// de phyir nges lung bcud ldan ni// u dum wa ra'i me tog bzhin// 'jig rten 'di na shin tu dkon// de yang rdo rje sems dpa' nyon// dbang gnyis rim par rdzogs pa yi// dam pa'i chos kun ma 'dres pa// kun mkhyen srid par zad med pa'i// lung ldan gdams ngag dag tu ldan// snod rtogs phyir na nor 'dod kyang// sangs rgyas dgongs pa gdeng ldan la// tshul chos med par snying rje che// 'jam zhing dul la nges don zhu// snod ldan dad pa brtson 'grus kyis// smin par byed pa'i dbang mnos nas// dam tshig ldan pa chos 'dod phyir// gsang thub spro ring gtong phod can// gzhan la mi spel phyi thag ring// spyo ba byas kyang mngan rnams theg/ khon du mi 'dzin gzhung rnams 'dzin// gdams ngag bstan pa'i snod du gsungs// gsang sngags don zab nges pa'i don// rta dang glang po rin chen bdun// kha gser kha g.yu ber chen sogs// ser sna med par 'bul nus na// tshegs med don go bstan par bya// de dag mi ldan kha gsag can// slob dpon mched kyi spyod rtsing la// ya mtshan che nas phyar kha gtong// thabs kyis smod pa sna tshogs byed// bka' rkun byas nas kun la spel// nga las lhag pa gzhan na med// bka' brku bcos shing zas nor 'tshol// de ni dmyal ba chen por ltung// 'di la ngo tsha khrel rnams shor// rang gis rang bslus snod ngan la// nam yang bstan par mi bya'o// kun tu bzang po ye shes klong gi rgyud las/ snod bcud bstan pa'i le'u ste gnyis pa'o//// de nas rdo rje sems dpa' yis// 'dus pa'i 'khor la phan gdags phyir// kun rig chos kyi rgyal po la// nges pa'i dgongs don 'di skad gsol// chos kun 'byung ba'i gzhi gsum gyi// 'khor ba'i gzhi ni gang gis bgyi// de ltar 'gro drug ji ltar 'khrul// don gyi dbye ba bshad du gsol// de skad zhus pa'i don gsan nas// kun rig rgyal pos bka' stsal pa// nges don dbye ba ngas bshad kyis// dad ldan 'khor rnams da nyon cig/ 'khor gzhi shes pa lung ma bstan// rang bzhin lus kyi rtsal snang ba// gang la mi rtog don shes zin// shes pa rang snang dri mas 'chol// ma rig rgyu ni nges med phyir// shes gzhi lung ma bstan zhes bya// de yang 'dus pa'i snying po nyon// rang bzhin ngo bo'i lus dang ni// shes gzhi lung ma bstan pa gnyis// gnas skabs 'brel yod mthar thug med// yengs dang ma yengs cha med pa'i// had de bun ne tsam du gnas// rang byung rnam shes rkyen dbang 'gyur// de phyir lung ma bstan zhes bya// gzhi ni dran dang ma dran gyi// blo mi 'jug pas don mi shes// ma rig gzhi ni lung ma bstan// de phyir 'khor ba'i gzhi zhes bya// yid byung rim 'gribs log pa'i rgyu// gya gyu tsam du dran yod kyang// don du ma shes de kho na// ma rig skye ba'i gzhi byed phyir// dang po 'khor ba de las byung// kun tu bzang po ye shes klong gi rgyud las/ 'khor ba'i shes gzhi lung ma bstan pa'i le'u ste gsum pa'o//// de nas 'dus pa'i tshogs rnams la// kun rig chos kyi rgyal po yis// 'gro drug 'khrul tshul bka' stsal pa// dang po 'khor 'das bar do la// shes gzhi lung ma bstan pa la// ma rig lhan cig rnam gsum gyi// rgyu dang de ma thag 'dzom nas// sems kyi kun gzhi smin pa byung// de las kun brtag rnam gsum gyis// dmigs pa bdag po'i rkyen gnyis kyis// bag chags lus kyi kun gzhi byung// gnyis pa bag chags lnga ru smin// de yang 'dus pa'i snying po nyon// 'khrul gzhi la sogs rnam dgu yis// de 'khrul ma bzlog nyes pa ni// g.yeng ba'i las spyad 'chi dus 'byung// de tshe 'byung ba rim thim nas// dbugs thum byed cing gnad gcad de// zhen pa'i dbang gis kha chems 'bor// 'khor ba'i sdug bsngal bsam mi khyab// kun tu bzang po ye shes klong gi rgyud las/'chi ltas bstan pa'i le'u ste bzhi pa'o//// de yang rdo rje sems dpa' nyon// de'i tshe 'chi ba'i dus byung tshe// 'di nub phyi ma mun ltar 'byung// snang ba mched dang bskyed pa yi// ma bcos don de yod gyur kyang// ma rig bsgribs par ltung ba'i phyir// gson gshin sa mtshams de la bya// de yang srid pa bar do la// gzhi gnas 'phral byung bag chags kyis// ras dkar la ni snum bzhin ltar// gzhi gnas ma rig bag chags gos// ma rig rkyen sla kha brod dang// rtsom pa rjes 'jug nyon mongs pa// snga phyi'i gol sa yin pa'i phyir// dang por shan ma phyed pas gol// de yang 'dus pa'i snying po nyon// srid pa dag gi bar do la// zhag gsum lon nas bag chags lus// sngon gyi dran pa sna tshogs 'byung// kun rdzob rgyu 'bras mi bslu zhes// yang ni yid kyi lus snang 'gyur// kun tshang thogs med sna tshogs sems// rang gi shes pas sa ma zin// de phyir yid ni lung ma bstan// yang 'gyur gnas ngan lus len phyir// khyim sogs gang rung mngal du 'jug/ rjes dran yon tan med pa'i phyir// chags sdang skyes nas 'khor bar 'khyams// kun tu bzang po ye shes klong gi rgyud las/ ma rtogs pa 'khor bar 'khyams pa bstan pa'i le'u ste lnga pa'o//// de nas rdo rje sems dpa' yis// 'dus pa'i 'khor gyi don ched du// kun rig ston pa chos rje la// nges pa'i dgos don 'di skad gsol// 'khor 'das gzhi ni gang la bgyi// de las mu stegs j-i ltar 'khrul// theg dgu'i 'khrul gzhi ji ltar byung// mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor gyi dad nyan la// zhus pa'i lan de bka' stsal pa// legs par nyon la yid la zung// 'khor 'das gnyis kyi gzhir gyur pa// gang yang med pa'i sngon rol du// sangs rgyas med phyir lung ldan med// theg dgu mya ngan 'das ma reg/ ma rig med phyir sems can med// sgrin bcos bag chags skyon ma gos// dug lnga skye ba'i gzhi med phyir// 'khor ba'i skyon gyi mthas ma reg/ zhen pa'i bag chags med pa'i phyir// phra rags bskyed pa'i yul ma grub// 'byung ba lnga la rag ma lus// gnyen po mi tshugs rang bzhin lus// de yang rdo rje sems dpa' nyon// de gsum med pa'i shes pa de// nam langs nyi ma ma shar bzhin// ye nas gnas phyir kun gyi gzhi// rang bzhin ngo bo'i lus zhes bya// 'khor 'das gnyis kyi bar do la// skye ba ma blangs 'dus na yang// rgyu rkyen ma bskyed yang dag yod// sgro skur bral dang ma bral gyis// rtogs dang 'khrul pa gnyis ma myong// rig dang ma rig shan ma phyed// yengs dang ma yengs ngos ma zin// ji zhig ltar la yengs tshul gyis// rang yid had de tsam yod kyang// gang gi 'du shes ma zhugs pa// bya ba btang ba'i mi dang 'dra// de yang 'dus pa'i snying po nyon// de phyir 'khor 'das gnyis kyi gzhi// rang bzhin ngo bo'i lus dang ni// rtogs pa'i ngo bo nyid sku gnyis// gnas skabs 'brel med mthar thug yod// de phyir lhun grub sangs rgyas yin// rdzogs pa chen po nges don thams cad 'dus pa'i yang snying/ kun tu bzang po ye shes klong gi rgyud rin po che gser gyi yang zhun las/'khor 'das gnyis kyi gzhi rang bzhin gyi lus bstan pa'i le'u ste drug pa'o//// de yang rdo rje sems dpa' nyon// mu stegs rtag pa'i 'khrul dpe ni// 'khrul sman chen po dang 'dra ste// gzhi dang 'khrul pa'i nyes pa de// sun 'don la zlo grangs bstan pa// 'khrul gzhi med pa'i 'khrul pa de// ri bong rwa bzhin yod mi srid// 'khrul gzhi las ni 'khrul pa byung// de phyir dbye ba shin tu gces// de yang 'dus pa'i snying po nyon// ngo bo mi 'gyur gzhi byas nas// kha dog dbyibs can dag tu 'khrul// log pa'i dka' thub dmyal bar ltung// rig pas brtags na bdag ma grub// de nyid don shes la zla'o// de yang 'khor gyi snying po nyon// mu stegs chad pa'i dbye ba ni// kha dog dbyibs med chad gzhi byas// snga phyi rgyu 'bras med par 'khrul// skur btab dmyal ba chen por ltung// chad du min ste rig par yod// de phyir gzhi la gol med pas// rang byung ye shes klong na gnas// kun tu bzang po ye shes klong gi rgyud las/ mu stegs 'khrul tshul bstan pa'i le'u ste bdun pa'o//// kun rig ston pas yang gsungs pa// gzhi ni me long lta bu la// gzugs brnyan theg pa rim dgu byung// phyogs tsam 'khrul tshul ngas bshad nyon// mtshan nyid theg pa rnam gsum gyi// nyan thos rang rgyal mdo sde yi// dbye ba'i rnam grangs mdor bstan pa// snang ba'i phra rags yul gyi gzhi// gang zag bdag med chos bdag yod// zhi ba phyogs gcig thar mi thob// lhag mthong med phyir skye bo rang// don rtogs yul 'di chos kyi dbyings// de yang rdo rje sems dpa' nyon// sems tsam kun gzhi rtogs pa yi// gong 'og shes pa skad cig 'dod// rig pa rang rkyang grangs can gol// rtag dang khyad med sgro 'dogs nor// chos sku rig pa 'gyur ba med// de yang rdo rje sems dpa' nyon// dbu ma pa yi 'dod gzhung de// ngo bo dngos med gzhi byas te// yul sems gzhig pas stong par 'khrul// ci yang med pa'i skye mched ltung// chad dang khyad med stong par gol// stong shes rang byung chos sku yin// de yang 'dus pa'i snying po nyon// de dag mtshan nyid theg pa gsum// phyogs tsam rtogs kyang gzhi mi shes// de phyir nges don mi mthong bas// tshig tu brten te don las gol/ kun tu bzang po ye shes klong gi rgyud las/ rgyu mtshan nyid kyi 'khrul tshul bstan pa'i le'u ste brgyad pa'o//// kun rig ston pas yang gsungs pa// phyi pa kri yog rnam gsum gyis// dbye ba'i rnam grangs ngas bshad kyis// dad ldan 'khor rnams legs par nyon// nam mkha' smig rgyu'i dpe bzhin du// dag pa chos nyid kri ya'i gzhi// bzang ngan gtsang sme dngos grub re// grub pa ma thob byol song rgyu// gtsang sbras mi grol rtog pa nyid// spyod pa ma yin gzhi dag sku// de yang rdo rje sems dpa' nyon// yo ga rnal 'byor sems dpa' yi// dbyer med chos dbyings gzhi byas te// byang chub rnam lnga mnyam par 'dod// bsgom kyang mi grol 'dod khams lha// sems tsam pa dang khyad med gol// la bzla rig pa chos skur shes// de yang rdo rje sems dpa' nyon// de dag yo ga rnam gsum kyang// gzhi nyid ma shes blos bsgyur phyir// nam mkha' dag la 'dzin pa 'dra// don la 'khrul par the tshom med/ kun tu bzang po ye shes klong gi rgyud las/ phyi'i 'khrul tshul bstan pa'i le'u ste dgu pa'o// kun rig rgyal pos yang gsungs pa// nang pa bskyed rdzogs rnam gnyis kyis// don gyi dbye ba bstan pa'i lung// nam mkha' sprin dang khu rlangs bzhin// rnal 'byor ma hA yo ga yi// bden pa dbyer med 'dod pa'i gzhi// rtog tshogs lhar bsgyur bsgom pas 'khrul// de phyir bgegs dang rU trar ltung// dbu ma dang 'dra 'bras bu gol// lam la mi brten rtogs pas chog/ de yang rdo rje sems dpa' nyon// a nu yo ga'i dbye ba ni// kun gzhi mkha' klong gzhi byas te// snang ba kun bzang rol par 'khrul// yod min med min skye mched ltung// mkha' klong dbu ma chad dang 'dra// la zlo chos kyi dbyings nyid yin// de yang 'dus pa'i snying po nyon// de dag rgyud lung rnam gnyis kyang// rang bzhin lus bzhin 'khrul pa'i phyir// nyi ma sprin gyis bsgribs dang 'dra// snang ba lhar bsgoms chos sku bsgribs// rdzogs pa chen po nges don 'dus pa'i yang snying/kun tu bzang po ye shes klong gi rgyud/ rin po che gser gyi yang zhun las/ rgyud lung 'khrul tshul bstan pa'i le'u ste bcu pa'o//// de nas rdo rje sems dpa' yis// kun rig ston pa chos rje la// bden pa'i dgongs don 'di skad gsol// rdzogs chen spyi dang kha 'byams dang// kun brtags lha dang tshig zin gyis// 'khrul pa'i dbye ba'i rim pa ni// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rdzogs chen spyi yi 'khrul pa ni// rin chen gser sprul mthong stongs bzhin// spyi dang kha 'byams kun brtags kyis// lung tshig tsam la nges 'cha' ba// de dag gol bar ngas bshad nyon// ming ni tshig tsam shes pa'i gzhis// mkhas su re nas tha snyad 'dogs// don med nam mkha'i mtha' tshol 'dra// tshig tu shes pas don mi rtogs// tshig nyid don yin zer ba 'khrul// de yang 'dus pa'i sems dpa' nyon// kha 'byams dpa' bo'i 'khrul pa de// snang ba sems sdud gzhi ru byed// 'khrul pa'i dbye ba lhun grub bcu// 'bras bu mi 'byung log par gol// gzhi dang mi mthun lung rig 'gal// gzhi nyid ma shes skye bo rang// de yang rdo rje sems dpa' nyon// kun brtags lhar ni 'khrul pa yi// phyi nang gsang sngags snang ba'i gzhi// bskyed dang rdzogs 'dod rim pa 'khrul// don ma zin pas 'bras bu med// gzhi la lha med bskyed mi dgos// ma bskyed chos sku ye nas yin// de yang 'dus pa'i snying po nyon// tshig zin lung gi 'khrul tshul de// tshig tsam lung la khungs byed pas// dgongs pa rnam gsum ma shes 'khrul// tshig tsam lung gis don mi rtogs// don med tshig gis dgos pa med// lung med don go ye sangs rgyas// de yang 'dus pa'i snying po nyon// de dag 'khrul tshul rnam bzhi yang// spyi yi mtshan nyid yin pa'i phyir// gzhi dang 'gal phyir don las gol// de phyir lung ldan gdams ngag dgos// kun tu bzang po ye shes klong gi rgyud rin po che gser gyi yang zhun las/rdzogs chen spyi'i 'khrul tshul bstan pa'i le'u ste bcu gcig pa'o//// de nas rdo rje sems dpa' yis// 'khor gyi dad ldan don du yang// kun rig ston pa chos rje la// bden pa'i dgongs don 'di skad gsol// 'khor rnams 'khrul pa ldog pa'i thabs// tshegs med rtogs thabs bshad du gsol// de skad zhus pa'i don gsan nas// 'dus pa'i 'khor la bka' stsal pa// 'og ma'i 'khrul pa ldog thabs dang// yang ti nges don ldog pa gnyis// nga yis bstan gyis legs par nyon// 'og ma'i chos kyi 'khrul ldog thabs// gnyen po dang ni ye shes kyis// kun rdzob nyon mongs sgrib sbyangs te// don dam shes bya'i sgrib sbyangs la// tshogs bsags pa yi sangs rgyas ni// las lnga sa bcu rim bgrod te// pha rol phyin bcu mthar phyin nas// sgrib dag 'khrul pa ldog pa'i dus// drang don yin phyir sangs mi rgya// de phyir nges don bka' 'di dgos// de yang 'dus pa'i snying po nyon// mtshan nyid rnam gsum chos kyis ni// 'khrul pa mi bzlog re dogs mtha'// rnam rtog rgyar chud 'khor bar 'khyams// de phyir slu brid chos 'dis phung// kun tu bzang po ye shes klong gi rgyud las/ theg pa 'og ma pa'i chos kyis 'khrul pa mi ldog par bstan pa'i le'u ste bcu gnyis pa'o//// kun rig ston pas yang gsungs pa// yang cig rdzogs chen nges don gyis// 'khrul pa zlog pa'i thabs chen ni// lung ldan gdams ngag ldan pa yi// bla ma rdo rje slob dpon de// gdams ngag mkhas la thugs rje che// dam tshig ldan pa'i slob dpon la// slob mas yon ni ma phul bar// de lta'i gdams ngag zhu mi bya// de yang rdo rje sems dpa' nyon// smin par byed pa'i dbang chen ni// thun mong ma yin khyad 'phags pa'i// ngo bo dbye ba dpe dang gnas// rdzas dang nges tshig las dang skal// rtags dang mthar thug kun rdzogs pa'i// rig pa thugs kyi dbang gsum ni// rim gyi ma yin cig car du// dad ldan gyis ni mnos gyur na// skye ba 'di yis sangs rgyas 'grub// de yi dam tshig mdor bsdus na// rtogs thabs dam tshig rnam lnga yang// rtsa ba rang sems 'di nyid las// gzhan na yod pa ma yin no// rang rig rtogs na dam tshig mchog/ de yang 'dus pa'i snying po nyon// ched du bya ba'i dam tshig drug/ rtsa ba sku gsung thugs su 'dus// de phyir brtse gdung dam tshig ste// chos rnams kun gyi rtsa ba yin// bsrung ba'i dam tshig rnam lnga yang// rtsa ba 'dod chung gdeng zin nyid// de phyir bsrung bya'i dam tshig ste// bar chad mi 'byung dngos grub thob// spang bar bya ba'i dam tshig bzhi// 'khor ba bskyed pa'i rten gzhi ste// de ma spangs par grol mi srid// de phyir ma rtogs rnams kyis spang// gnang bar bya ba'i dam tshig bzhi// lta ba gdeng ldan rnams kyis bya// tha mal kun gyis byar mi rung// de phyir rtogs ldan rnams kyis spyad// de yang rdo rje sems dpa' nyon// g.yo rgyu med pa'i skal ldan gyis// rtsed 'jo le lo rnam g.yeng spang// 'khor mkhas slob gus dad ldan la// snod ldan yin phyir 'khrul pa bzlog/ de yang 'dus pa'i snying po nyon// snod ldan las dang skal bar 'dzom// nges don rgyud chen bstan pa'i snod// phyi mar mi sdod dus 'di ru// man ngag snying po bstan par gsungs// rdzogs pa chen po nges don thams cad 'dus pa'i snying po kun tu bzang po ye shes klong gi rgyud/rin po che gser gyi yang zhun las/ yang ti rdzogs chen gyis 'khrul pa ldog pa'i thabs bstan pa'i le'u ste bcu gsum pa'o//// de nas rdo rje sems dpa' yis// snod ldan dam bcas don ched du// kun rig thams cad mkhyen pa la// nges don gdams ngag 'di skad zhus// rig 'dzin grub thob bka' rtags gang// rig pa byin gyis ji ltar brlab// de don nyams su ji ltar myong// la zlo spyod pa ji ltar spyad// nges don rgyun kyi bka' rtags gang// kun mkhyen ston pas bshad du gsol// de skad zhus pa'i don gsan nas// 'bral med chos las rang bzhengs te// ye shes rig pa'i klong brtol nas// snod ldan 'khor la bka' stsal pa// rig 'dzin grub thob bka' rtags ni// don gyis brgyud dang byin gyis brlabs// brda' yis bstan dang tshig gi mtshon// sgyur rgyal sras la srid gtod 'dra// de yang rdo rje sems dpa' nyon// don gyis khyab dang rtogs pa yi// dbye ba rnam pa gnyis bstan pa'i// til la mar gyis khyab pa bzhin// sangs rgyas sems can ma lus la// rang bzhin ngo bo'i lus kyis khyab// de phyir don gyis khyab par gsungs// de don rtogs pas brgyud pa yi// sngon gyi sangs rgyas kun bzang des// 'khrul ma myong la rtogs myong pa'i// gzhi dang ye shes dus mnyam shar// de phyir kun tu bzang po bya// de yang rdo rje sems dpa' nyon// sangs rgyas mya ngan 'das pa'i gzhi// rang byung ngo bo nyid sku de// ma mdzad ma bcos rgyus ma bskyed// nam mkha'i mthongs su nyi shar 'dra// gdod nas ma rig skyon ma gos// lung la ma brten rig cing rtogs// sangs ma rgyas pa'i rig pa la// rang byung ye shes de la bya// de yang 'dus pa'i snying po nyon// gang la yengs med yang dag yod// sgro skur med pa'i rig pa ni// dus gsum gcig pa'i chos sku la// rang la rang du chos skur shes// da lta'i rig pa 'di yin te// dus rnams kun tu 'bral ba med// sgro skur med pa'i rig pa gsal// ngo bo nyid kyi sku zhes bya// kun bzang rtogs pa nges pa'i don// ming dang dpe don mnyam kyi grangs// drug gsum chos sku gcig la rdzogs// de yang 'dus pa'i snying po nyon// de tshe 'khor 'das bar do la// rgyu dang 'bras bu lung ma bstan// sems las ma byung sangs rgyas ni// rang byung kun tu bzang po bya// kun tu bzang po ye shes klong gi rgyud las/ rtogs pa'i brgyud pa bstan pa'i le'u ste bcu bzhi pa'o//// kun rig ston pas yang gsungs pa// nges don byin rlabs brgyud pa'i don// gang phyir byin rlabs dpe dang ni// sprul pa'i dgongs pa brda' yis ni// tshig brgyud yon tan bshad kyis nyon// sems dag rig 'dzin bskul pa'i phyir// sangs rgyas bka' bgros nges pa'i don// ye shes rig pa rang gnas phyir// byin rlabs sangs rgyas kun la shar// de yi mtshon dpe bstan pa ni// nam mkha'i gza' skar shar tsam na// rgya mtsho'i nang du gzugs brnyan 'byung// de tsam nyid na tha dad med// de bzhin kun bzang byin rlabs gyis// sku gsung thugs kyi yon tan las// sprul pa rnam gsum shugs las 'byung// de nyid chos sku nyid kyi rtsal// de don dgongs pa rnam gsum gyis// bstan pa'i 'khor 'di rnam gsum la// drang don ldem dgongs nges pa'i chos// 'dus pa'i 'khor la ci rigs bshad// de yang 'dus pa'i snying po nyon// dang po chos sku'i rtsa ba ni// rang byung ngo bo nyid sku dang// sa bcu'i 'khor la dgongs pas bshad// tshegs med nges don rig pas go/ de don nges par dbye ba ni// lnga bcu bdun gyi brda' bstan phyir// tshig tu ma brjod yid la rtogs// rig 'dzin sprul pa'i spyod yul yin// de yang 'dus pa'i snying po nyon// dgongs dang rig pa rna bar brgyud// tshig gi sgron mas don go phyir// phyi rabs dad ldan rnams kyis go// de phyir sangs rgyas da lta nyid// de yang 'dus pa'i snying po nyon// skye shi gnyis kyi bar do la// kun tu bzang po'i chos drug gis// dpe don rig pa nyams ldan pas// ma rig drug bcom bden pa mthong// rtog gzhi la sogs bcu gcig gis// 'khrul gzhi la sogs dgu po yang// brlag cing stongs te 'khor ba med// de phyir gol sgrib ming med do// de yang 'khor gyi snying po nyon// lung bstan gdams ngag mngon bstan pas// de ma thag tu chos skur shes// rnam smin lus dang ma bral kyang// sangs rgyas sa la nges par 'gro// rdzogs pa chen po nges don 'dus pa'i yang snying kun tu bzang po ye shes klong gi rgyud/ rin po che gser gyi yang zhun las/ rig 'dzin grub pa thob pa'i bka' rtags bstan pa'i le'u ste bco lnga pa'o//// kun rig ston pas yang gsungs pa// nges don rig pa'i byin rlabs kyis// nges don gdams ngag bstan pa dang// mi rtog tsam du byin rlabs dang// thabs kyi bde bas byin rlabs dang// nyams kyi bdud kyis byin rlabs phyir// de don dbye ba shin tu gces// de yang 'dus pa'i snying po nyon// nges don gdams ngag rnam bzhi ste// dang po gzhi nges lta ba la// snang ba ma bcos chos kyi dbyings// gol sa spong sdud zhen pa ste// spong ba dug dang tsher ma 'dra// rang lus 'byung ba'i dug lnga la// mi rung blo yis spong byed pa// gnyen po mi rtag bdag med du// ched du sdug bsngal spong bar 'dod// nyon mongs ris su spong byed pa// rang la nyon mongs gang che ba// kha bka' gnyen pos spang bar byed// gnyen la nye ring byed pa 'dra// nyon mongs rgyu 'bras spong byed pa// dge bsgrub sdig spong 'bras bu tshol// blang dor re dogs rtsol ba byed// 'jig rten so nam byed pa 'dra// de yang 'dus pa'i snying po nyon// sdud pa'i rtog pa bstan pa ni// yul sems gnyis med 'dod pa'i chos// thams cad rang gi sems su bsdu// yul sems gcig tu 'dre mi srid// bu ram rang gis ro mi myong// sems nyid rang snang 'dod pa de// phyi nang sems kyi cho 'phrul gyis// snang ba ma nges sna tshogs pa/ chu nang zla ba ngos zin 'dra// chos kun stongs par 'dod pa de// rang gi sems kyi yul gzhig kyang// stong par song ba ci yang med// srin 'bus ri rab bsreg pa 'dra// chos nyid don ni gang rung la// smrar med brjod du med par 'dod// g.yo sgyu can ni khas mi len// tshul 'chos can gyi sems dang 'dra// de yang 'dus pa'i snying po nyon// yul la zhen pa'i rtog pa de// dang po grub mtha'i blos ma bsgyur// ma rig dbang gis 'khrul pa rgyas// 'khor 'das mi shes gti mug gis// ngo mi shes pa phrad pa 'dra// yul la yengs pa'i rtog pa ni// lha mi rnams ni shes pa bcings// kha dog dbyibs kyi 'dod yon la// rtog pa mang bas spyod pa yengs// rma byas mdangs la blta ba 'dra// chos brgyad dam par blta ba de// bstod smad la sogs chos rnams la// dam par zhen pa'i blo 'dzin pas// rang rgyud gol sa yin par nges// bu gcig pa yi pha ma 'dra// skye rga na 'chis mi 'jigs pa'i// ma rig blun po zhe sdang can// gzung 'dzin 'di yi rtog pas phung// phyi ma dmyal bas mi 'jigs pas// rgyal pos bsgo ba'i gshed ma 'dra// de yang 'dus pa'i snying po nyon// spong sdud zhen pa de dag kyang// gzhi la med par ma shes pas// 'khrul pa'i chos la bden 'dzin phyir// snang ba chos dbyings gol sar gsungs// kun tu bzang po ye shes klong gi rgyud las// chos kyi dbyings kyi gol sa bstan pa'i le'u ste bcu drug pa'o//// kun rig ston pas yang gsungs pa// snang ba ma bcos chos dbyings ni// steng 'og bar gyi dbye ba'i phyir// chos kyi dbyings ni bstan pa yin// de yang 'dus pa'i snying po nyon// steng gi chos dbyings chos skur gcig/ bar du ye shes sgyu ma'i dbyings// 'og tu snang ba 'byung ba'i dbyings// gcig la tha dad ngos zin na// 'gal ba med de kun ka'i dbyings// da lta snang ba'i chos rnams la// mi brtag mi gzung mi 'brang bar// sgo lnga mi dgag rang yin la// rig pa gang dran dbyings nas 'phyo// gang yang rung ba ci la yang// sgro skur med pa chos dbyings yin// de yang 'dus pa'i snying po nyon// rig pa dngos med chos sku yi// gnas ni nam mkha'i klong na 'phyo// yin dang min gyis ci zhig bya// chos kyi dbyings zhes de la gdags// 'khrul pa'i rtog pas gzhi mi 'gyur// btsal ba'i bsam pas dbyings mi bskyod// kun tu bzang po ye shes klong gi rgyud/ rin po che gser gyi yang zhun las/ gol med snang ba ma bcos chos kyi dbyings bstan pa'i le'u ste bcu bdun pa'o//// de nas 'dus pa'i 'khor rnams la// kun rig ston pas bka' stsal pa// rig pa ma bslad chos sku yi// rang bzhin ngo bo nyid kyi sku// rgyu rkyen ma bskyed 'gyur ba med// 'dus ma byas pa'i nam mkha' 'dra// de yi rtogs tshul ye shes te// bsgom sgrin sgro skur ma btags pa// kun bzang rang rig chos skur rtogs// ri po ta la'i nyi shar 'dra// de yis de nyid mtshon pa'i dang// mtha' dbus med pas nam mkha' 'dra// rnam rtog 'joms pas rdo rje 'dra// skye ba med pas a dang 'dra// de yi nges pa'i gtan tshigs ni// rang byung 'khor bar 'khyams ma myong// de rtogs da lta nyid du yang// mtha' bral mngon gyur bden pa mthong// de yi ldog thabs nges pa ni// mthun dang mi mthun gnyis log pas// gol sgrib skyon gyis ma gos phyir// sems las ma byung chos skur gsungs// de yi mtshan nyid nges pa ni// gang dang 'dra med yin pa med// yin ni da lta'i shes pa la// de yi don kun gnas pa'i don// de phyir 'bral ba med pa'i mchog/ la bzlas spang blang med shes pas// skyon yon thams cad med par dag/ de phyir dus 'dir 'bras bu 'grub// phyi mar sangs rgyas smos ci dgos// de yang 'dus pa'i snying po nyon// chos dbyings chos sku gcig gi ngang// rang byung rig pa'i ye shes de// nyi zla gzas zin dpe bzhin du// don kun dus gcig yon tan rdzogs// kun tu bzang po ye shes klong gi rgyud las/ rig pa ma bslad chos kyi skur bstan pa'i le'u ste bco brgyad pa'o//// kun rig ston pas yangagasungs pa// ma bsgoms 'bral med bstan pa'i don// dang po kun gzhi shan phye la// bar du chos sku ngos bzung ba// tha ma la zlos bden pa mthong// de yang 'dus pa'i snying po nyon// dang po rang rig kun gzhi ni// snga phyi rtogs dang chos sku ru// lung ldan bla mas shan phye la// tha mas brten bcas ma bsgribs pa'i// mtshan nyid bzhi ldan chos skur shes// gol sa bzhi chod gdeng dang ldan// de phyir lhag mthong nges pa rnyed// ye nas gnas pa'i rang byung de// ngo shes don dang 'bral med phyir// rgyun du gnas pas sangs rgyas sa// de yang 'dus pa'i snying po nyon// de dag bsgom pa'i dbye ba ni// gsal ba mi rtog mi g.yo ba// dbye ba rnam pa dgu dgur ni// rgyun du 'bral med gtan la 'bebs// de dag rtsa ba mdor bsdu na// sgo lnga gsal ba mar me 'dra// rig pa mi g.yo mtsho gting 'dra// mi rtog bya ba btang ba 'dra// de gsum chos nyid gcig la rdzogs// gang mthong dran pa ma 'khrul ba// chos sku ngos zin don ldan pas// de phyir thig le nyag gcig la// ma 'dus pa ni gcig kyang med// nges pa'i lung ldan don bstan na// lus ngag rtsol ba mi dgos par// bstan dang sangs rgyas dus mnyam 'byung// de phyir man ngag shes pa mchog/ da yang 'dus pa'i snying po nyon// gsung gi sprul pa shAka thub kyis// sems can skye bo las dag la// sde snod rnam pa gsum gyi chos// bskal pa grangs med rnam gsum na// 'bras bu bcu gcig sa gnan 'dod// da yang 'dus pa'i snying po nyon// dper na dpag bsam ljon shing la// bsod nams che chung rim pa yis// 'bras bu sna tshogs rab 'bring 'byung// de phyir las dang rkyen las 'byung// de bzhin drang don chos rnams kun// gang zag blo yi rim pa las// ci rigs pa yi chos bstan pas// 'bras bu lha dang mi ru skye// da yang 'dus pa'i snying po nyon// drang don chos kyis sangs mi rgya// a mra'i 'bras bu smin mi srid// ma rtogs chos kun ci spyad kyang// rnam par grol bar mi 'gyur ro// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'bras bu mthar thug bstan pa'i le'u ste nyis brgya dang gnyis pa'o//// de nas 'dus pa'i tshogs rnams la// 'gyur med don gyi dpe don ni// kun rig ston pas bka' stsal pa// chu bo chen po'i dpe bzhi yis// mi 'gyur don chen nges mtshon pa// bshad kyis 'khor rnams legs par nyon// chu gzhan skye 'bri yod mod kyang// chu bo chen po gang gA la// dbyar skye dgun 'bri med par ni// rgyun mi chad par rtag pa bzhin// rang byung skye med rnal 'byor la// dus dang rnam pa thams cad du// lta ba 'phel 'grib med par ni// ye shes chen po rgyun mi chad// da yang 'dus pa'i snying po nyon// chu gzhan mtsho rab yod mod kyang// chu bo chen po pak+Shu yi// gting la ring thung med 'bab cing// drag dal med par snyoms pa bzhin// theg gzhan res 'jog yod gyur kyang// nges don chos nyid ting 'dzin la// thun mtshams med par rgyun du gnas// de phyir 'byung 'jug med par gsal// da yang 'dus pa'i snying po nyon// chu gzhan 'gyar 'gyur yod mod kyang// chu chen nai rany+dza na la// kyag kyog med par dal 'bab cing// drang por 'gyur ba med pa bzhin// theg gzhan blang dor ched byed kyang// nges don yang ti rdzogs chen la// bzang ngan che chung med par mnyam// 'gyur med blang dor med par spyod// da yang 'khor gyi snying po nyon// chu gzhan sman dug gnyis yod kyang// si ti'i chu bo chen po la// dug med sman gyis nad kun sel// kun la sman pa'i sman mchog bzhin// nges don rtogs pa'i 'bras bu ni// gol sgrib lta spyod nges pa'i mchog/ 'gro ba kun la phan pa'i chos// phyi ma ma yin dus 'dir 'byung// da yang rdo rje sems dpa' nyon// chu bo bzhi 'dus rgya mtsho ru// chu bran mang po kun 'dus pa// rgya mtsho chen por ro gcig bzhin// chos sku thig le nyag gcig tu// blta bsgom spyod pa 'bras bur 'dus// de phyir rang rig chos sku nyid// de rtsal snang ba chos dbyings la// gang yang ma 'gags lhun gyis 'grub// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'gyur ba med pa'i dpe don mthar thug bstan pa'i le'u ste nyis brgya dang gsum pa'o// sdom du bsdus te bstan pa so dgu pa'o//// de nas rdo rje sems dpa' yis// 'dus pa'i 'khor la phan don du// kun rig chos kyi rgyal po la// nges pa'i dgos don 'di skad gsol// mtshan nyid sangs rgyas ji ltar bzhed// kri yog sangs rgyas ji ltar 'dod// bskyed rdzogs gnyis kyi sangs rgyas gang// a ti'i sangs rgyas ci ltar gang// yang ti'i sangs rgyas ji ltar gnas// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal la// nyan thos rang rgyal mdo sde ni// bskal pa grangs med gsum du ni/ tshogs ni rnam pa gnyis bsags te// lam lnga rim gyis bgrod byed de// dka' thub mthar phyin 'bras bur nges// bud med lus por pho lus thob// bden bzhi spang blang nyan thos kyi// sa rnams gnon pa'i 'bras bu ni// dgra bcom chen po sdug bsngal bral// tshangs par spyod pa'i dge slong tshogs// bde skyid ldan pa sprul sku'i tshul// bya ba byas shing ar+han pa// zag pa zad cing 'khor ba stongs// da yang rdo rje sems dpa' nyon// yang ti rdzogs chen yas bltas na// 'gro don mi byed thabs dang bral// chos sku ma rtogs shes rab bral// lung ldan nges pa'i don ma mthong// thabs med shes rab bral ba'i phyir// nyan thos rang rgyal nyid du ltung// de phyir nges pa'i sangs rgyas min// byang chub sems dpa'i 'bras bu yang// byang chub mchog tu sems bskyed nas// 'gro ba'i don du dka' spyad phyir// thabs ni pha rol phyin pa bcus// sgrib gnyis sbyangs nas tshogs gnyis rdzogs// da yang 'dus pa'i snying po nyon// kun tu 'od kyi sa la ni// mi lus med par longs sku'i tshul// mtshan dang dpe byad thams cad ldan// don dam rang bzhin med pa yi// sangs rgyas che ba'i chos kun mkhyen// gdul bya 'khor gyis longs skur mthong// da yang 'khor gyi snying po nyon// byang chub sems dpa'i sangs rgyas kyang// yang ti rdzogs chen las bltas na/ nges don snying po ma mthong phyir// gzhi na ma rig yod pas nas// rtsol ba byas pas chos sku bsgribs// de phyir yang dag sangs rgyas min// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las// rgyu mtshan nyid kyi sangs rgyas 'dod lugs bstan pa'i le'u ste nyis brgya dang bzhi pa'o//// de nas kun rig rgyal po yis// 'dus pa'i 'khor la bka' stsal pa// kri ya lha dang lha mo dang// pho mo gnyis kyi tshul du gnas// ming sring lcam dral tshul du yod// thabs dang shes rab bde ba yang// blta ba'i tshul du bltas pas tshim// mi tshe bdun du bsgrubs pa'i mthus// drang srong rig 'dzin sa thob ste// skye ba med pa'i rdo rje 'dzin// rigs gsum mgon por sangs rgyas pa// bram ze'i tshul du gtsang spyad pas// dag pa'i sangs rgyas 'ba' zhig yod// da yang 'dus pa'i snying po nyon// kun kyang longs spyod rdzogs sku la// gzugs brnyan chu zla lta bu la// 'gro don smon lam stobs kyis byed// de phyir dag pa'i sangs rgyas 'dod// da yang rdo rje sems dpa' nyon// yo ga rnal 'byor sems dpa' yis// 'bras bu phyag rgya bzhi bsgrub ste// 'bras bu stug po bkod pa'i sar// chos kyi dbyings su sangs rgyas 'dod// da yang 'dus pa'i snying po nyon// thabs dang shes rab bde spyod ni// lha dang lha mo kun kyang ni// longs spyod rdzogs pa'i cha byad can// sems dpa' sems ma mang po kun// 'jig 'bral med pa'i ye shes lha// chags pa'i tshul gyis bstan pa'i tshul// lag bcangs 'khyud pa tsam gyis kyang// bde ba chos kyi dbyings su smin// gsang sngags thabs chen 'bras bu'i mchog/ sangs rgyas sa ni gzha' tshon bzhin// rang bzhin med par skye 'chi bral// rnam par snang mdzad la sogs pa'i// sangs rgyas bde skyid kun ldan phyir// gzhal yas dkyil 'khor zhing khams rnams// bsam pa tsam gyis rang bzhin 'byung// dper na 'phrul dga'i longs spyod 'dra// da yang 'dus pa'i snying po nyon// de dag kri yog sangs rgyas kyang// yang ti rdzogs chen yas bltas na// rtse mo 'dra ste a ti slob// yang dag nges don ma shes pas// re dogs yod phyir lhun grub min// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/gsang sngags phyi rgyud kyis sangs rgyas 'dod lugs bstan pa'i le'u ste nyis brgya dang lnga pa'o//// de nas 'dus pa'i 'khor rnams la// kun rig ston pas bka' stsal pa// rnal 'byor chen po'i sangs rgyas ni// phung po khams dang skye mched sogs// ye nas sangs rgyas yin pa'i phyir// dkyil 'khor ma lus rang la rdzogs// da yang rdo rje sems dpa' nyon// de bsgrub sangs rgyas skye ba 'dir// rdo rje 'chang gi sa non tshe// thabs dang shes rab bde spyod pa// dga' 'dus pho mo'i dpe bzhin du// 'khrig pa'i sbyor ba'i thabs kyis kyang// sangs rgyas thams cad bskyed par byed// da yang 'dus pa'i snying po nyon// zhi khro'i lha tshogs rgyan dang bcas// 'dod chags 'khrig pa'i tshul du gnas// des bskyed sangs rgyas ngo bo la// ye nas lha yi dkyil 'khor nyid// bgrang gis mi lang pho mo kun// 'gro don ma lus dus gcig byed// da yang 'khor gyi snying po nyon// chos rnams snang stong dbyer med par// nam mkha' stong la gzha' tshon 'dra// skye shi med pa smos ci dgos// dus 'dir 'byung bas khyad par 'phags// de phyir thabs la bsten pa'i mis// 'bras bu byang chub chud mi 'dza'// thabs kyi nang na dam pa'i mchog/ da yang rdo rje sems dpa' nyon// rjes su rnal 'byor sangs rgyas ni// ma bskyed rdzogs pas ye shes klong// lha yis dkyil 'khor rang byung sku// da yang 'dus pa'i snying po nyon// kun bzang rol pa thabs kyi yab// kun tu bzang mo shes rab yum// bde chen gnyis med rol pa'i rtsal// gzha' tshon rig 'dra dngos med gsal// thugs ni rig pa'i ye shes can// phyi nang btsal du gang yang med// nam mkha'i dkyil du nyi shar ltar// rang la rdzogs pas bskyed mi dgos// bcal du med pas skye shi med// 'du 'bral med pa'i sangs rgyas la// kun tu bzang po'i sa zhes gdags// da yang rdo rje sems dpa' nyon// de dag rgyud lung sangs rgyas kyang// yang ti rdzogs chen yas bltas na// rang byung nges don ma shes par// ched du byas pa'i rtsol bas sgribs// re dogs phra mo yod pa'i phyir// nges lung ma shes snang bar 'chel// gzugs can sangs rgyas 'dod pa'i phyir// chos sku'i sangs rgyas don la sgribs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ thig le rgyud lung gi sangs rgyas 'dod lugs bstan pa'i le'u ste nyis brgya dang drug pa'o//// de nas 'dus pa'i 'khor rnams la// kun rig ston pas bka' stsal pa// thig le nyag gcig mngon byung nas// lung ldan nges pa'i don phyir du// rnam smin lus dang bral ma thag/ mngon shes drug dang rjes dran drug/thog mtha' med par sangs rgyas tshe// skad cig gcig la ma rig sangs// lus med rig pa'i ye shes rgyas// rang byung thugs la skye 'chi med// thams cad mkhyen pa'i ye shes ldan// nam mkha' nyi ma'i snying po 'dra// da yang 'dus pa'i snying po nyon// ye shes lus can sangs rgyas la// sems can med phyir don mi dgos// rang byung rig pa'i chos sku la// rang la yod pa nges shes phyir// ched du rtsol bas bsgrub mi dgos// rang byung rig pa'i chos sku la// dus gsum 'khrug kyang 'pho 'gyur med// stong gsum zhig kyang nyams mi srid// rang byung chos sku kha mig can// de yi gzugs brnyan gzugs sku gnyis// ma btsal rang byung chos skur ston// da yang rdo rje sems dpa' nyon// rgyud lung nyan thos yan chad la// 'bras bu gzugs sku 'byung mi srid// yid smon gyis ni sangs rgyas kyang// nges don yang ti'i sangs rgyas min// da yang 'dus pa'i snying po nyon// nges don rdzogs pa'i sangs rgyas ni// dus dang rnam pa thams cad du// 'dus ma byas pa'i sangs rgyas ni// dngos med rang byung rig pa'i sku// nges don chos skur shes pa la// drang ba'i don du gzugs skur 'byung// thabs la mi brten yon tan rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ yang dag nges don gyi sangs rgyas bstan pa'i le'u ste nyis brgya dang bdun pa'o// sdom du bsdus te bstan pa bzhi bcu pa'o//// de nas rdo rje sems dpa' yis// 'dus pa'i tshogs la phan gdags phyir// kun rig rang byung ston pa la// bden pa'i yid kyis 'di skad gsol// rig 'dzin sems dpa'i don ched du// sangs rgyas rtogs pa bshad du gsol// rgyal sras sprul pa'i don ched du// rig 'dzin rtogs pa bshad du gsol// dad ldan 'khor gyi don ched du// rgyal sras rtogs pa bshad du gsol// phyi rabs rnal 'byor don ched du// mkha' 'gro sde lnga 'khor bcas pas// rang rang rtogs pa bshad du gsol// de skad zhus pas don gsan nas// kun rig ston pas bka' stsal pa// da yang 'dus pa'i 'khor bzhi kun// phyi rabs rnal 'byor don ched du// rang sems chos skur rtogs pa'i don// rang rang thugs la mnga' ba yi// tshig tu mtshon pa 'dir brjod cig/ de skad gsungs pas don go nas// kun rig ston pa'i spyan snga ru// 'dus pa'i 'khor ni rnam bzhi yi// rang rang rtogs pa brjod pa'i phyir// nyid las mi gzhan 'khor rnams ni// phyogs bcu dag pa'i sangs rgyas ni// rdo rje gsang ba rin chen snying// dri med grags dang las rab grub// rgyal ba'i dbang po bsod nams snying// zhi ba bden dang nyi ma'i 'od// nam mkha'i snying po 'bum gzigs rnams// rig 'dzin sems dpa'i don ched du// rang rang rtogs pa'i gdeng nyams ni// go rim bzhin du rtogs brjod pa// dngos po med pa'i chos nyid la// rig pa skye 'gag med pa'i gnas// de yi ngang las ma g.yos na// lhun grub ye shes chos kyi sku// yang ni gdeng nyams 'di gsungs pa// rtog med ma brjod 'gyur ba med// ye shes chen po rgyun mi chad// de ni rang byung chen po ste// skyon gyis ma gos lhun gyis grub// yang ni gdeng nyams 'di gsungs pa// rig pa skye 'gag med pa la// snga phyi bral bas byang chub sems// 'bral ba med pas skye mi tshugs// ma btsal ma grub chos kyi sku// yang ni gdeng nyams 'di gsungs pa// phung po med phyir skye shi bral// rgyu rkyen ma bskyed rang byung sku// ma 'gags don la btsal du med// nges don dgongs pa sangs rgyas thugs// yang ni gdeng nyams 'dir gsungs pa// gdod nas 'gyur med ngo bo la// skyon med dag pas bcos mi dgos// de don rang byung rig pa la// ye shes sku la g.yos pa med// yang ni 'deng nyams 'dir gsungs pa// rgyu las ma byung chos nyid la// skyon med don la ma yengs pas// ched du ma byas rtsol ba grol// de nyid rang rig chos skur rtogs// yang ni don rtogs 'dir gsungs pa// chos sku thig le nyag gcig la// yengs med rgyun du mi 'bral bas// de nyid bsgom pas mchog tu bshad// rang la shar ba'i ye shes sku// yang ni gdeng nyams 'dir gsungs pa// yul med rig pa'i ye shes la// bltas pas thig le dngos med mthong// gzhan nas mi 'byung rang la rnyed// de la ma yengs nges don mchog/ yang ni rtogs don 'dir gsungs pa// gang la mi gnas rang byung ba// ma 'gags rig pa rang la shar// 'phel 'grib med pa nam mkha' 'dra// de nyid rtogs pas chos skur shes// yang ni rtogs don 'dir gsungs pa// dran med rig pa'i don gsal nas// de la yid ches don la gnas// ye shes rang shar bcos pa med// 'gyur med rang gsal chos kyi sku// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ nyid las mi gzhan pa'i 'khor rnams kyi rtogs pa brjod pa'i le'u ste nyis brgya dang brgyad pa'o//// de nas kun bzang spyan sngar ni// rig 'dzin rtogs pa brjod pa'i phyir// blo gros gtso dang rnam dag snying// nam mkha'i yon tan 'od rlabs can// shes rab bla ma rgyal mtshan 'dzin// rnam par grol ba'i ting 'dzin dbang// chos dbang dang ni bsod nams brtsegs// bdud bcom dang ni seng ge'i sgra// rin chen mthong dang brtse ba can// dbang phyug gtso dang yid dge dang// mthong na dga' dang bden mos dang// gsung brtsegs la sogs 'khor rnams kun// rgyal sras sprul pa'i don ched du// go rim bzhin du rtogs pa brjod// yang ni gdeng nyams 'dir gsungs pa// rtsa ba chos sku'i don btsal ba// bsam pas mi rnyed bzhag pas rnyed// dran pa rang gsal bying rgod bral// skye med mi 'gyur bya btsal bral// nyam nga med pa'i bde ba'i mchog/ yang ni gdeng nyams 'dir gsungs pa// gsal ba ma yengs chos kyi sku/ ma bsgoms 'bral med ting nge 'dzin// dmigs su med pas nam mkha' 'dra// 'du 'bral med par rgyun du gnas// yang ni gdeng nyams 'dir gsungs pa// sems la gnyen po med pas na// bsam pa'i yul las 'das pa'i phyir// gzhan nas ma 'ongs rgyun mi 'chad// de nyid rang rig chos skur rtogs// yang ni gdeng nyams 'dir gsungs pa// rang byung rig pa rang shar phyir// ma rig mun pa rtsad nas gcod// de la mnyen pos bcos su med// gdod nas rang byung sangs rgyas thugs// yang ni gdeng nyams 'dir gsungs pa// chos nyid ye nas ma bcos pa// de nyid nam mkha'i rang bzhin ltar// skye med rang gsal chos nyid la// rgyun du 'bral med byang chub klong// yang ni gdeng nyams 'dir gsungs pa// rang byung dag pa pad+ma 'dra// 'khor ba'i skyon gyis gos pa med// de phyir chos nyid ngang la ni// 'bral med byang chub sems su gsal// yang ni gdeng nyams 'dir gsungs pa// zab mo'i tshig la ji ltar kyang// dpes kyang mtshon med brjod las 'das// dmigs pa'i yul bral chos kyi sku// de las mi 'gyur mnyam pa'i mchog/yang ni gdeng nyams 'dir gsungs pa// rang byung chos sku mtha' dbus med// de la ma yengs rtsol bsgrub 'das// mtshon du med pas rkyen mi tshugs// de phyir dus gsum 'bral ba med// yang ni gdeng nyams 'dir gsungs pa// snying po chos sku'i rig 'dzin de// lhun gyis grub phyir ye shes klong// de yi ngang la 'khor ba med// de phyir sangs rgyas dgongs pa yin// yang ni gdeng nyams 'dir gsungs pa// 'byung bzhi zhig pa'i nam mkha' bzhin// chos nyid snying po rig pa ni// ye shes rang gsal 'gyur ba med// de phyir bsgom med byang chub sku// yang ni gdeng nyams 'dir gsungs pa// mtshan ma'i yul med byang chub lam// de las ma btsal rang bapazhag na// yang dag don gyi dgongs pa ste// de nyid mi 'bral bsgom pas mchog/ yang ni gdeng nyams 'dir gsungs pa// mngon gsum mi gnas chos sku la// tha dad bral ba'i ye shes shar// de las mtshon pa'i ming ma rnyed// de las ma g.yos bsgom pa yin// yang ni gdeng nyams 'dir gsungs pa// rang byung ngo bo nyid kyi sku// bsgom pas rnyed par mi 'gyur te// ma bsgoms pas kyang stor bral med// de phyir chos nyid 'bral ba med// yang ni gdeng nyams 'dir gsungs pa// rang byung chos nyid nam mkha' 'dra// de phyir ting 'dzin spros med gsal// de la gnyen pos bcos su med// de phyir 'bral med dgongs pa yin// yang ni gdeng nyams 'dir gsungs pa// yul gyi mtshan ma sna tshogs pa// de tsam nyid na rang bzhin shes// de phyir sems rtogs chos skur gsal// de la skyong du rdul tsam med// yang ni gdeng nyams 'dir gsungs pa// ma btsal pa yi chos nyid la// rtog dpyod med pa bsgom pa ste// nyams ni shes rig gsal ba la// de las ma yengs bsgom pa yin// yang ni gdeng nyams 'dir gsungs pa// gang yang ma spangs skyon ma gos// 'gro 'ong med par rgyun du gnas// bying rgod skyon gyi dbang mi 'gro// de la sgrib med sangs rgyas thugs// yang ni gdeng nyams 'dir gsungs pa// ma btsal rang las rnyed pa'i phyir// lhag mthong lta ba dran pas bzung// de dang mi 'bral sgom pa'i gdeng// ye nas yod pas stor bral med// yang ni gdeng nyams 'dir gsungs pa// sku med dmigs dang bral ba'i phyir// phyag rgya bsgyur mi dgos par nges// gsung med rig pa'i dgongs pa yin// ye shes thugs la 'gyur ba med// de yang rdo rje sems dpa' nyon// gzhan yang rig 'dzin sems dpa'i tshogs// bsam gyis mi khyab grangs las 'das// rang rang gdeng nyams mngon du gsungs// de don nges pa'i chos skur gcig/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/rig 'dzin sems dpa'i 'khor gyis rtogs pa brjod pa'i le'u ste nyis brgya dang dgu pa'o//// de nas rgyal sras sprul pa'i tshogs// tshangs pa brgya byin rgyal chen bzhi// thags bzang ris dang gang ba bzang// mkha' lding rgyal po rta mgo can// zur phud lnga pa nor srung dang// mgrin bcu dang ni klu rgyal rnams// kun rig ston pa'i spyan sngar ni// rang rang rtogs pa brjod pa'i phyir// nges don gdeng nyams 'dir gsungs pa// rtsol sgrub bral ba byang chub thugs// re dogs med pas gol sa med// de don ma bral chos nyid la// rgyun du mi 'bral ye nas gnas// yang ni rtogs don 'dir gsungs pa// snang ba chos dbyings rtogs med la// sgro skur bral bas chos kyi dbyings// de nyid dus mnyam rang gsal ba// sangs rgyas kun gyi dgongs par go// yang ni rtogs don 'dir gsungs pa// gol sa med pa'i lta ba la// bying rgod bral ba'i bsgom pa gsal// phrag dog med pa'i spyod pa bde// de nyid ye shes chos nyid klong// yang ni rtogs don 'dir gsungs pa// nor bu chu 'dangs dpe bzhin du// dran pa tsam gyis ma rig sangs// btsal du med pas ye sangs rgyas// de nyid dus nas gzugs sku 'byung// yang ni rtogs don 'dir gsungs pa// nges don lung la yid ches pas// the tshom med par rang byung gsal// rig pa ma 'gags bde chen klong// de las mi 'gyur dgongs par shes// yang ni rtogs don 'dir gsungs pa// yul gyi mtshan nyid cir snang yang// yid kyis dgag bsgrub med par ni// chos dbyings gdeng ldan nges don la// spang dang sdud pa'i zhen med bde// yang ni rtogs don 'dir gsungs pa// lung la yid ches dgongs pa bde// zab la rgya che dgongs pa gsal// de don rtogs goms 'bras bu la// sangs rgyas nges pa de la bya// yang ni rtogs don 'dir gsungs pa// tshe rab sngon nas mthu brtas pas// snga phyi zhen pa'i rtog pa la// ma yengs chos nyid rang gsal ba// de la bsgom du brdul tsam med// yang ni rtogs don 'dir gsungs pa// rang byung nges don rgyun mi chad// de la rtag tu yid brtas na// bag chags sgrib pa shugs la dag/ ye shes mtsho chen sangs rgyas yin// yang ni rtogs don 'dir gsungs pa// dus dang rnam pa thams cad du// chos sku'i don las mi 'da' phyir// yang dag ting 'dzin rgyun mi 'chad// de phyir nges don 'gyur ba med// yang ni rtogs don 'dir gsungs pa// 'khor bas ma bslad ting 'dzin la// ma bsgoms chos nyid da lta'i thugs// bsgom dang mi bsgom ci phyir 'jug/ mnyam rje med par rgyun du gnas// yang ni rtogs don 'dir gsungs pa// rang sems ma bcos rang lugs la// ma btsal ngang bzhag bsgom pa ste// brjod du med pas nyams myong gsal// de don rang byung rtogs pa yin// yang ni don rtogs 'dir gsungs pa// nges don chos nyid 'gyur med la// blo yis brtags pa thams cad med// gang yang ma spangs rang byung la/ de la bsgom du rdul tsam med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rgyal sras sprul pa'i 'khor gyis rtogs pa brjod pa'i le'u ste nyis brgya dang bcu pa'o//// dad nyan 'khor la phan don du// mkha' 'gro sde lnga 'khor bcas kyis// kun rig ston pa'i spyan sngar ni// rang rang rtogs pa brjod pa'i phyir// nges pa'i don rtogs 'dir gsungs pa// gti mug mun pa 'thib pa la// thog mtha' chod pas ma rig sangs// yul 'di ma bshigs chos kyi dbyings// de nyid rang sems rtogs pa yin// yang ni rtogs don 'dir gsungs pa// zhe sdang kha dog yul la skye// phyi yi gol sa gcod shes na// zhe sdang rang grol rgyal ba'i thugs// de dus nyid na chos kyi sku// yang ni rtogs don 'dir gsungs pa// don rtogs bde ba'i ye shes shar// nga rgyal ngo bo nyid kyi sku// de don mi 'bral chos kyi sku// de la rkyen gyis gnod mi tshugs// yang ni rtogs don 'dir gsungs pa// pho mo chags pa ci sprad kyang// gol med ye shes rgyun mi 'chad// snga phyir ma song zhen med phyir// bde chen longs spyod chen por shar// yang ni rtogs don 'dir gsungs pa// lta dman chos la phrag dog kyang// gol sa yin phyir nges med dag/ de phyir byang chub bde ba'i klong// de la skyon gyis gos mi srid// da yang 'dus pa'i snying po nyon// sangs rgyas rig 'dzin spyan lam du// 'jig rten mkha' 'gros 'di skad gsol// dam bcas don las bdag mi 'da'// bka' bzhin bgyi ba'i don ched du// nges don 'dus pa'i rgyud chen 'di// mi nub pa ru bdag gis bsrung// 'di la 'gal byed sdig can kun// myur du bsgral la gzhal du rngubs// de yang ston pa'i 'khor kun nyon// bdag cag yid kyis dam bcas pas// sangs rgyas bstan pa bsrung ba'i phyir// sdig can bsad na grol bar nges// rnam smin lus la longs spyod kyi// sangs rgyas rig 'dzin rnams kyis kyang// rang sems chos skur byin gyis brlab// de skad brjod pa'i don gsan nas// kun rig ston pa'i 'khor rnams la// rtsa ba nges pa'i don 'di gsungs// legs so dad ldan 'khor rnams nyon// shes rab blo yis khyad par las// tshig tu mtshon pa sna tshogs kyang// don la dbyer med ngo bo gcig/ de phyir 'khor rnams chos skur rtogs// sangs rgyas 'bras bu de nyid yin// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ mkha' 'gro mas rtogs pa brjod pa'i le'u ste nyis brgya dang bcu gcig pa'o// sdom du bsdus te bstan pa zhe gcig pa'o//// de nas 'dus pa'i tshogs rnams la// kun rig ston pa chos rje yis// lta ba'i snying po'i don gtad pa// chos kyi rgyal po kun rdzogs 'di// skal ldan 'dus pa'i 'khor rnams kyis// yid la brnags shing bcang bar gyis// de yang 'dus pa'i snying po nyon// nga yi bstan pa'i snying po 'di// sangs rgyas kun gyi gsang ba'i chos// rig 'dzin rnams kyis thugs la sbos// chos skyong rnams kyis gter du btsas// de don man ngag nged don 'di'i// nges don gsang ba'i rgyud gtad pas// rgyud 'di thos pa'i yon tan ni// don thos sangs rgyas lag tu thob// chos sku ye shes dus 'dir rtogs// chos rnams rtsa nas dus gcig shes// rgyud 'dzin pas ni dngos grub thob// kun tu bzang po da lta yin// gang zhig sangs rgyas dngos 'dod pa// rgyud chen 'di la blta bar gyis// sangs rgyas bstan pa nub ka ru// nga yi chos 'di dus de ru// man ngag snying po 'byung nges kyis// phyi rabs rnal 'byor don la chongs// da yang rdo rje sems dpa' nyon// lan gcig dus kyi deng sang na// 'dra min bslu chos dar ba'i tshe// 'phyar 'tshags 'tshong la 'di bstan na// 'di sdug phyi ma dmyal bar ltung// 'dus pa'i snying po yang nyon cig/ rang byung chos sku'i don ston pa'i// gdams ngag 'di ni lha mi kun// phyi nang sde snod bka' rgyud rnams// ji ltar mkhas kyang rmongs pa yis// nges don chos la 'phya skur 'debs// da yang 'dus pa'i snying po nyon// log sred zhen chags ma nges la// nam yang bstan par ma gsungs so// nyan thos la sogs lta dman la// bstan kyang go bar mi 'gyur te// mi theg khal chen bkal ba bzhin// don ma go bas ngan song ltung// da yang 'dus pa'i snying po nyon// de bas rang sems sngon sbyangs pas// rnal 'byor gang zhig dad ldan la// 'chi ka snying po'i don mtshon nas// nges don rgyud 'di gtad par gyis// de yang rdo rje sems dpa' nyon// yang dag nges don khyad par can// 'bras bu nges pa'i don chen 'di// bla mar mi gus nga rgyal can// tshul 'chos byed cing slob dpon smod// 'bul ba med par gdams ngag 'dod// bka' rkun byas pas phyi thag thung// don ma go bas chos la sdang// 'gran sems btsug pas mched dang mkhon// lta ba med pas gzung 'dzin che// bdag med ma shes rang mthong byed// nga rang mkhas zer bla ma smad// sngon nas yod zer nga rgyal che// gzhan nas rnyed zer bka' rkun byed// gdams ngag med par yod tshul ston// phyi nas 'bul zer thabs kyis 'brid// nor phongs gzhog ngoms kha gsags can// g.yo sgyu thabs kyis chos 'dod par// nges don 'dus pa'i rgyud chen 'di// nam yang bstan par ma gsungs so// de yang rdo rje sems dpa' nyon// 'gal byed kun la 'di bstan na// kun bzang nga yis bka' bcag pas// mkha' 'gro'i dmod mo dug ltar gtong// gtsang ris mgon po thog ltar brdeg/ gying chen snying la phug ltar 'debs// rgyal chen bzhi ni thog ltar brdeg/ dam can rnams ni khyi ltar zug/ mi g.yeng ba btsa' bca' gzhi nyams pa la// nad dang mu ge rtag tu 'ong// mi dge sdug bsngal sna tshogs 'byung// ma nyes mi rnams kun kyang sdang// mnos pa mi 'grub chom rkun 'ongs// 'gong 'dre chags nas bsod nams bsnub// yi mug 'dug pa'i gnas mi rnyed// da yang 'dus pa'i snying po nyon// slob dpon bslus pas 'khor mi 'du// rang che 'dod pas mched dang 'khon// bla ma spangs pas chos mi btsun// bka' rkun byas pas gdams ngag med// tshul 'chos byas pas mi rnams 'phya// 'dod pa che bas dad pa log/ rtsal bshad byas pas gzhung ma tshugs// nges don bcos pas rang rgyud bsregs// bla ma smad pas mnar med ltung// rang gis rang bslu snying re rje// da yang rdo rje sems dpa' nyon// nges don 'dus pa'i rgyud chen 'di// mar me 'chi ka'i 'od bzhin du// bstan pa 'jig ka'i dus dag tu// kun bzang thugs rje'i byin rlabs kyis// rnal 'byor skal ldan rnams la 'byung// da yang 'dus pa'i snying po nyon// lan gcig dus kyi deng sang na// gsangs sngags dar drags nub ga ru// shAka thub sprul pa yin nges shig/ byang chub myu gu skyes nas ni// bstan pa tsam gyis sangs rgya ba// dus 'dir skal ldan rnams la 'byung// de yang 'dus pa'i snying po nyon// sngags dang mtshan nyid rtsod dus su// rnam par snang mdzad sprul pa ni// shrI sid+ha zhes bya ba// rang rig mtshan nyid ston pa 'byung// de la nye 'khor dam pa ni// mi g.yo mgon gyi sprul pa ni// bi ma la mi tra bya ba// sangs rgyas dgongs pa 'dzin pa 'byung// de yis mi las skal ldan 'gar// dus der sangs rgyas mngon 'gyur byed// da yang 'dus pa'i snying po nyon// de yang nges don 'bras bu ni// gu lang gser bzhin mi nub tsam// snod ldan 'ga' la bstan pa las// snang dgu rnams kyi spyod yul yin// kun kyang nges par de ltar zhog/ da yang 'dus pa'i snying po nyon// de ltar ma rtogs lta dman gyis// lam lnga sbyangs shing tshogs bsags kyang// nges don ma shes 'bras bu med// de bas rang byung snying po 'di// lung ldan bstan la rtogs par gyis// de rtogs 'bras bu sangs rgyas 'byung// 'gro ba'i mgon pos 'di skad gsungs// da yang rdo rje sems dpa' nyon// gsang ba'i man ngag rgyud chen 'di// lan gcig dus kyi deng sang na// 'dra min bslu chos dar ba'i tshe// dam nyams kha bsags can gyis bslus// gsang bshad ma nor yod zer nas// zhi 'bol chags chung tshul 'chos te// snod dang ldan la bshad kyi zer// rang la nges pa'i gdeng med par// mkhas btsun dag la khungs phyung ste// nor zas dpag med ngas phul zer// rdzun gyi dpe chung bris nas bkram// 'byor tshad phul cig zer nas bslus// mkhas pa rnams ni bslur mi tshugs// blun pos blun bslus snying re rje// kha tsam rdzun tshig smras nas kyang// bstan rgyu med phyir phyis bstan zer// rang med gdams ngag gzhan 'tshol 'gro// ma rnyed 'phyar ka stong zhing 'phya// rnyed na bstan gyis nor phul zer// kun bslus sun bton chos dang bral// gcig bslus sems can brgya bsad pas// sdig pa shin tu che ba yin// de phyir rang 'dod chos mi bshad// da yang 'dus pa'i snying po nyon/ lan gcig dus kyi deng sang na// snod ldan kun la chos 'di gsungs// de tshe theg dman sgro skur 'debs// rang gis rang bslus 'khor bar ltung// da yang 'dus pa'i 'khor kun nyon// 'di la smon cing 'dzin pa la// sangs rgyas rnams kyi byin gyis rlobs// rig 'dzin rnams kyis thugs rje bskyed// mkha' 'gro rnams kyis bar chad bsrungs// bsod nams mi bzad gter dang 'jal// phyi ma'i 'bras bu dus 'dir smin// kun tu bzang pos de skad bshad// rdzogs pa chen po nges don thams cad 'dus pa/ lta sgom thams cad kyi snying po/ ye shes nam mkha' dang mnyam pa'i rgyud las/ tha ma rgyud gtad cing bzung ba'i le'u ste nyis brgya dang bcu gnyis so//// chos dang theg pa thams cad kyi yang rtse/lta ba thams cad kyi me long/ sgom pa thams cad kyi 'bral med/ spyod pa thams cad kyi la zlo/ dam tshig thams cad kyi bsrung mtshams/ 'bras bu thams cad kyi yang snying/ theg pa thams cad kyi zil gnon/shes rab thams cad kyi rgyang shing/ dman pa rnams ni skrag par byed pa/ ye shes nam mkha' dang mnyam pa'i spyi rgyud rdzogs so//// rgya gar gyi mkhan po bi ma la mi tra dang/ bod kyi lo tsA ba gnyags dz+nyA na ku mA ra dran pa'i ye shes kyis zhus te gtan la phab pa'o// nyang ting 'dzin bzang pos lcags sgrom nag po'i nang du bram ze'i rgyud drug gdams ngag dang bcas pa/ bse sgrom smug por bcug/ dbu ru rdo rje'i rdza gzong phug mo'i brag la/mkha' 'gro rdo rje spyan gcig ma dang/ badzra sAd+hu legs pa rtsal la gtad/ ye shes nam mkha' dang mnyam pa'i rgyud rin po che gser gyi dril shing can 'di gtad nas sbas pa 'brom ye shes snying po bton/

CLOSE WINDOW