CLOSE WINDOW

Gpb002.003
བོད་ཡིག

/// rgya gar gyi mkhan po bi ma la mi tra dang/ zhus chen gyi lots+tsha ba dran pa ye shes kyis bsgyur cing gtan la phab pa'o// // rgya gar skad du/ san+ti ma hA a ti yo ga bud+d+ha sarbo da ya tan tra/ dz+nyA na d+har+m+ma kA yAr+tha sa mudA ya bid+yA wAkra/guh+ya tsit+ta sa mA d+hi swa yaM b+hu su kha tsakrAn+ta ga ta pha lan+tan+t+ranA ma/ bod skad du/ rdzogs pa chen po shin tu rnal 'byor sangs rgyas thams cad 'byung ba'i rgyud/ ye shes chos kyi sku don 'dus rig pa'i gsung/gsang ba thugs kyi ting nge 'dzin/ rang byung bde ba 'khor lo mthar phyin 'bras bu'i rgyud ces bya ba/ bcom ldan 'das rang byung rig pa'i rgyal po dpal kun tu bzang po la phyag 'tshal lo// 'di skad gsungs pa'i dus gcig na// ngo bo nyid rtogs kun bzang de// bde gshegs 'og min gnas mchog na// rigs lnga la sogs 'khor rnams dang// 'bral med dgongs pa la bzhugs so// de tshe sems dag don ched du// ye shes lha yi rmi lam gsum// de yi brda' yi don bkrol nas// lha dbang gis ni don bskul ba// dus gsum sangs rgyas ma lus kun// gsung gi mnga' bdag khyod yin pas// rtsol bcas theg pa mthar bstan na// rtsol med theg pa mi gsung ba// thugs rje chen po yal lam ci// skal ldan gdul bya ma mchis sam// lhun grub theg pa bshad du gsol// sangs rgyas kun gyi nges pa'i don// rdo rje sems dpa' khyed yin pas// tshig gcig don kun rtogs pa'i chos// btsal med don dang phrad par ni// chos nyid gnas lugs ji lta ba// sems can blo yis rtogs pa'i thabs// nges don kun bzang chos sku yis// dus 'dir bdag la bshad du gsol// yang dag nges don rgyud chen 'di// snod ngan rnams la ngas bshad du// rdzogs chen skye med don bzang yang// ma rtogs pa la sdig mor che// de skad gsungs pa'i don go nas// 'khor rnams rab tu gus pa yis// sems kyi gdung ba bton nas ni// snod dang ldan par dam bcas nas// dang ba'i dad pa'i yid kyis 'khod// de tshe ston pa kun bzang gis// 'khor rnams la ni thugs dgongs te// yang dag gsang ba'i nges don 'di// rang byung chos skus byin brlabs bshad// rdo rje sems dpas don rig nas// gtsang ris lha yi gnas chen du// brtser dgongs dus la bab gyur nas// rig 'dzin 'khor la dbang bskur te// nges don rang gi ngo bos bshad// dus der phyogs bcu'i sangs rgyas la// sprul pa'i rig 'dzin sems dag gis// nges don the tshom bcad pa'i phyir// bden pa'i yid kyis 'di skad zhus// sems nyid mi 'gyur rdo rje la// skye zhing 'byung ba ji ltar lags// gzhi nyid mi 'gyur rdo rje la// skye shi yod pa ma yin te// rang gi rnam rtog gzung 'dzin gyis// tha mal lus la skye shi byung// chos nyid rtsol bas ma bsgrubs par// yon tan 'bras bu ji ltar 'char// tak+Sha ka yi rgyan bzhin du// ye nas gnas pa'i chos nyid las// rgyu 'bras mthar phyin gzhi nas rdzogs// nyi ma'i 'od bzhin 'bras bu 'byung// sems nyid pad+ma ltar dag la// gzung 'dzin dri mas ji ltar gos// pad+ma 'dam gyis mi gos ltar// byang chub sems kyi ngo bo la// gzung 'dzin dri ma gzhi la med// 'khrul pa'i blo la dri ma byung// btsal med sems kyi rang bzhin la// 'gro don mdzad pa ji ltar lags// rang byung chos skur rtogs gyur na// bya ba'i las rnams mi dgos te// nor bu rin chen rnyed pa bzhin// mdzad pa'i phrin las rang las byung// tshig gnyis chad// chos nyid ye nas rang chas la// thos bsam dgos pa ma yin te// ma rig mun pa bsal ba'i phyir// lung ldan rkyen gyis yid ches skyes// chos nyid ye nas 'od gsal la// bying rgod 'byung ba ji ltar lags// chos nyid ye nas 'od gsal kyang// rnam smin lus dang ma bral phyir// log gnon gdams ngag med pa las// tshogs brgyad rkyen gyis bying rgod byung// ye nas rang byung 'gyur med la// 'phel 'grib 'byung ba ji ltar lags// rang byung ye shes snying po la// 'phel 'grib yod pa ma yin te// ma rig mun pa ma sel phyir// kun gzhi'i rkyen gyis 'phel gyur te// gzhi la thog mtha' med pa la// 'khor 'das thog mtha' 'byung ba ci// gzhi nyid dus gsum mi 'gyur la// gro yis bcos su mi 'dod phyir// ye shes ma rig khyad par las// 'khor 'das gnyis kyi thog mtha' byung// gzhi la snang ba med pa las// blo bur 'khrul snang ji ltar byung// gzhi la snang med nam mkha' 'dra// ma rig rkyen byas gzung 'dzin gyis// rang gi zhen snang 'khrul pa'i phyir// bag chags snang ba sprin ltar byung// rig pa phyi nang med pa la// mnyam bzhag rjes thob 'ong ba ci// ye shes rig pa 'di nyid la// mnyam gzhag rjes thob gdod nas med// nges don 'di med bsgom chen la// sgo lnga'i yid la rjes thob 'byung// des ni rig 'dzin sems dag gis// zhu ba zhus nas the tshom chod// des rnyed mngon dga'i phug tu ni// ting nge 'dzin la snyoms par zhugs// de tshe 'gro ba'i don bskul ba// khyod ni shAka thub sprul pa ste// 'jig rten gsum na 'gran zla med// sangs rgyas chos kun thugs la rdzogs// 'dod khams 'dzam gling snod ldan la// bstan pa tsam gyis rtogs pa'i chos// sdeb sbyor legs pa'i tshig tu gsungs// nges don gsang ba'i rgyud chen 'di// rang gi sems la gsal ba las// tshig gi thog tu mi phebs phyir// bdag gis 'gro ba shin tu dka'// yang dag nges don dgongs pa de// ma rtogs pa la tshig sgo nas// mtshon nas rtogs par bya ba'i phyir// ci rigs par ni khyod kyis gsungs// lha dbang bka' gnyan drin che bas// mi yul 'dzam gling dad ldan gyi// ma rig mun pa bdag gis bsal// bde gshegs rnams kyi byin gyis rlobs// nges pa'i don ldan slob ma la// nges don gsang ba'i rgyud chen 'di// ma bslad ma bcos 'chad nus na// bde gshegs 'khor gyi bsrung zhing skyob// de skad zhus pa'i don gsan nas// rig 'dzin sems dag dgyes gyur te// skal ldan 'dul ba'i don ched du// ngang pa gser mdog skur sprul te// byang chub mo yi bur skyes nas// yon tan ya mtshan can gyur te// 'bral med rgyun gyi ting 'dzin la// bde ldan gnas su mnyam par gzhag/ dus dang log sred drags pa can// bar chad bya phyir bred bsdigs pa// des don blta bas zil mnan pas// bred cing sngangs brgyal dran nyams te// lus ngag gdung bas don gsol pa// snying rje chen pos bdag la gzigs// ma rig las kyis srin por skyes// sems can lus srog zas su zos// las ngan 'gyod pa'i yid kyis bshags// nyid kyi bstan pa bdag gis bsrung// dam nyams lus srog zas su bslang// bdag gi rang srog snying po 'di// 'bul gyis thugs rje ma chung zhig/ de skad zhus pa'i don go nas// rig 'dzin sems dpa' chen po des// rgyud 'di'i srung mar dam btags te// phyi rabs rnal 'byor don ched du// dbab bcad bzlog dang byas pa bshig/ dam nyams srog la dbab pa yi// gsang ba'i man ngag rnam bzhi byas// thugs la bcangs te yid la sbas// de nas shAka thub sprul pa des// 'dzam gling bde ldan gnas dag tu// da lta dus kyi deng sang na// gsang bdag sprul pa dad nyan la// sdeb sbyor legs pa'i tshig tu gsungs// de yang 'dus pa'i 'khor rnams nyon// kun bzang nga yi byin rlabs kyis// bshad dus de dag rnam pa gsum// gdul bya'i 'khor la tha dad kyang// dus gsum gcig ste khyad med phyir// rim par dbyer med ngo bo gcig/ de skad gsungs pa'i don go nas// skal ldan 'dus pa rnams kyis kyang// gus ldan dang bas rtse gcig tu// dad cing mos pa'i yid kyi 'khod// rdzogs pa chen po shin tu rnal 'byor sangs rgyas thams cad 'byung ba rang byung bde ba'i 'khor lo mthar phyin 'bras bu'i rgyud las/nges don 'byung ba'i rgyud kyi gleng gzhi bstan pa'i le'u ste dang po'o//// de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// bden pa'i yid kyis 'di skad gsol// nges don bshad dus gang la bab// snod bcud rim pa gang la bstan// tshig dang yi ges ji ltar mtshon// kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// legs so dad ldan 'khor rnams nyon// de don ngas bshad yid kyis zung// nges don bshad pa'i dus de yang// nyan thos rang rgyal mdo sde'i chos// sde snod gsum gyi chos dar tshe// nges don gsang ba'i rgyud bshad na// snod ngan rnams ni skrag phyir ltung// de bas man ngan nges don 'di// 'byung ba'i dus la ma bab par// rig 'dzin rnams kyis sems la chongs// de sbas yon tan sangs rgyas 'byung// de yang rdo rje sems dpa' nyon// dus kyi tha ma lnga brgya na// mna' za khrims 'chal dam nyams 'byung// mtshon dang mu ges tshe thung dus// rdzogs chen snying po dus der bshad// lan gcig dus kyi deng sang na// sangs rgyas bstan pa 'jig ka'i tshe// 'dzam gling bod kyi byang phyogs su// rgyud dang tan+t+ra mang po 'byung// lung dang sems kyi chos dar te// sde snod chos kun nub gyur nas// de tshe skal ldan 'ga' 'ga' la// bstan pa tsam gyis rtogs pa yi// 'bras bu'i sangs rgyas dus der 'byung// de yang 'khor gyi sems dpa' nyon// nges pa'i lung ldan bla ma la// bslab pa'i chos bcu rdzogs pa dang// ma nor nges pa'i man ngag rgyun// ma chad gzhung ston mkhas la zhus// de yang rdo rje sems dpa' nyon// slob ma dam med la bstan na// khyad med zer zhing sgro skur 'dogs// de phyir nges don 'di mi bstan// mi gus phyir na sku'i dam nyams// g.yo sgyu can gyi mi ngan la// man ngag ma bstan par du yang// nges don zab mo'i chos mi bshad// mi go phyir na gsung dam nyams// dad med kha gsag can la'ang// thugs 'thad yon rnams ma rdzogs par// yang dag zab mo'i rgyud mi sbyin// gzhung ngan byed phyir thugs dam nyams// de yang 'dus pa'i snying po nyon// dad ldan slob ma brtse gdung can// mngags pa'i las la gus par byed// yid 'thad rdzas la phangs med 'bul// mi spel gnyer thub rnams la bshad// de dang mi ldan snod ngan ni// gyong la khengs pa'i nga rgyal can// ser sna che la gtong phod chung// man ngag bsres te kun la ster// phyi thag thung zhing bla ma smod// zas la ngan la nor dad che// rnam smin mi blta grags pa bsgrub// phyi nang med par 'phyar kha gtong/de dag snod ngan mi rnams la// yang dag nges don 'di bstan na// mkha' 'gro rnams kyis srog bcad nas// phyi ma rdo rje dmyal bar ltung// de phyir ma brtags chos mi bshad// de yang rdo rje sems dpa' nyon// tshig dang yi ges don mtshon te// man ngag snying pos khog phub nas// don dang mi 'gal sa bcad la// tshig nyung don du rdzogs par mtshon// de ltar mi shes gang zag gis// don med tshig gis gong 'og dkrugs// rtsal bshad tho chos gzhung nyams byed// mtshams med sdig pa'i char mi+e phod// rdzogs pa chen po don 'dus rang byung bde ba 'khor lo'i rgyud las/ rkyen snod bcud bstan pa'i le'u ste gnyis pa'o//// de nas rdo rje sems dpa' yis// 'dus pa'i 'khor gyi don ched du// kun rig sems kyi rgyal po la// nges pa'i dgos don 'di skad gsol// chos sku rang chas ye gnas kyang// ma rtogs 'khor bas ji ltar 'chings// ma rig sems kyi mun gseb na// thig le nyag gcig ji ltar yod// kun gzhi'i rnams grangs dbye ba gang// theg brgyad mi grol ji ltar gol// thugs rjes gzengs bstod bshad du gsol// zhus pa'i don gsan bka' stsal pa// chos kun rtsa ba ye sangs rgyas// skyon gyi spros pa'i mtha' bral kyang// ma rig kun gzhi bag chags lus// 'khor ba 'byung ba'i rtsa bar bshad// dper na me long g.ya' bzhin du// shes pa chos sku nyag gcig la// gang gi rang blo ma zhugs pa// gti mug mun par 'thibs pa ste// sa zhag chu 'dras rnyog ma bzhin// spyad pas ma shes ma rig rgyu// kun tu brtags pa'i rtog pa rnams// rkyen gyis log par blta ba ste// phra rags tshul las kun gzhi 'byung// snga ma'i rtog pa bag tsam la// phyi ma'i nyon mongs rgyun chags pas// kun gzhi la bsags bag chags byung// de ltas dug lnga nyon mongs bskyed// rang gar spyod pas 'gro drug gi// bzang ngan bde sdug sna tshogs byung// lus ngan blangs pas thar pa med// khams gsum sdug bsngal gdos thag can// mtha' yas sems can bgrang mi lang// 'khor ba zhes ni de la bya// rdzogs pa chen po don 'dus rang 'byung bde ba'i 'khor lo'i rgyud las/ ma rtogs 'khor ba'i byung tshul bstan pa'i le'u ste gsum pa'o//// de nas ma rtogs 'ching ba yi// skyon gyi rtsa ba bka' stsal pa// 'khrul pa ma log sems can rnams// bdud rtsi'i 'tsho ba'i sman yod kyang// ma phan dug gi nad kyis gzir// sgron me'i ye shes gsal yod kyang// ma rig mun pa'i 'khor bar 'khyams// dgos dgu'i yon tan yod gyur kyang// zas nor 'tsho bas rtag tu mnar// gong du 'dren pa'i lam yod kyang// thar med 'khor ba'i dong du zhugs// ye shes bde ba'i zam yod chu bo bzhi yi mtha' la gtugs// lus ngag yid kyi las 'bad kyang// rtsol ba'i sdug bsngal zad mtha' med// gang ltar bgrod cing gar phyin yang// 'khor ba'i mtha' la zad pa med// de yang rdo rje sems dpa' nyon// ye shes ma 'khrul ma rig 'khrul// thig le ma 'khrul dngos po 'khrul// sangs rgyas ma 'khrul sems can 'khrul// rang byung ma 'khrul gzhan byung 'khrul// rig pa ma 'khrul gzung 'dzin 'khrul// snang ba ma 'khrul kun brtags 'khrul// chos nyid ma 'khrul chos can 'khrul// ma rtogs pa yi sems can la// chos sku yod kyang mi grol 'ching// rdzogs pa chen po don 'dus rang byung bde ba'i 'khor lo'i rgyud las/ma rtogs pa'i skyon gyis 'ching bar bstan pa'i le'u ste bzhi pa'o//// de nas 'dus pa'i tshogs rnams la// kun rig rgyal pos bka' stsal pa// ma rig sems kyi mun pa ni// spong sdud zhen pa'i rtog pa dang// bag chags nyon mongs 'khor ba ste// de bral thig le chos sku yin// de yang rdo rje sems dpa' nyon// spong ba'i rtog pa skyes pa'i tshe// 'du byed lnga bcu skar phran 'dra// tshogs brgyad skye 'gags zla ba 'dra// kun gzhi nam mkha'i sprin dang 'dra// de klong thig le nyag gcig yod// dper na nyi ma'i 'od bsgribs 'dra// rang las skyes pa'i sgrib pa rnams// spangs pas mi spong grib ma 'dra// de phyir spong ba'i rtog pa gol// de yang 'dus pa'i snying po nyon// sdud pa'i rtog pa skyes pa'i tshe// 'du byed mtsho kha'i ngang ngur 'dra// tshogs brgyad nya la sram sdod 'dra// kun gzhi rgya mtsho chen po 'dra// nang na thig le nyag gcig bzhugs// dpe ni u dum wa ra 'dra// kha nas mi mngon gting na gnas// de bzhin yul dang 'brel med phyir// de bsad sha la zos pa med// sems yin chos kyis sangs mi rgya// de phyir sdud pa'i rtog pa gol// de yang rdo rje sems dpa' nyon// zhen pa'i rtog pa skyes pa'i tshe// 'du byed lnga bcu nags tshal 'dra// rnam shes tshogs brgyad ri dwags 'dra// kun gzhi'i bag chags rtswa grangs 'dra// de yi gseb na chos sku bzhugs// dpe ni seng ge dkar mo 'dra// gzhan gyis mthong ba med pa bzhin// dngos po'i yul la byang chub med// de phyir zhen pa'i rtog pa gol// de yang 'dus pa'i snying po nyon// sngar gyi bag chags dran pa'i tshe// 'du byed lnga bcu chu ltar 'brub// rnam shes tshogs brgyad me ltar 'bar// kun gzhi'i bag chags sa ltar rdzings// de gseb thig le nyag gcig bzhugs// dpe ni rin chen gser dang 'dra// de nyid rnyed par dka' ba'i phyir// bag chags dge sdig bsags pa'i las// sems la 'dzin pa yod phyir gol// de yang 'khor gyi snying po nyon// phyis kyi nyon mongs skyes pa'i tshe// 'du byed lnga bcu rlung ltar 'tshubs// rnam shes tshogs brgyad dgra ltar rgod// kun gzhi'i nyon mongs mun ltar gtibs// de'i dbyings thig le chos sku yod// dper na rin chen 'dam bying 'dra// ma rig nyon mongs skyes pa'i tshe// 'khor ba'i mtha' la zad pa med// de phyir phyi ma'i rgyar chud gol// de yang 'khor gyi snying po nyon// snga phyi'i rtog pa skyes pa yis// sems dang sems byung la sogs pa// ma rig 'khrul pas rtag tu myos// de phyir kun gzhi 'khor ba'i chos// rdzogs pa chen po don 'dus rang byung bde ba'i 'khor lo'i rgyud las/ sems kyi mun gseb na thig le nyag gcig ye nas yod par bstan pa'i le'u ste lnga pa'o//// de nas kun rig rgyal po yis// 'dus pa'i 'khor la bka' stsal pa// sems can kun la gnas pa yi// kun gzhi rnam grangs dbye ba'i don// theg pa kun gyi 'dod gzhung gi// ngo bo dbye ba nges tshig las// kun gzhi'i rnam shes ngo bo ni// rang rig gsal ba'i shes pa de// shel sgong lta bur dag pa la// skad cig rgyun du rtag pa yis// kun gzhi byang chub sems kyi ngang// sus kyang ma byas rang bzhin gnas// de don yongs la khyab pa'i dbyings// gnas 'gyur me long ye shes rdzogs// yang dag a ti nges don la// ma rig log lta'i bag chags rnams// rang bzhin gnas nas kun khyab kyang// rnas dag de bzhin gshegs pa la// kun gzhi'i bag chags med phyir ro// de yang rdo rje sems dpa' nyon// de yang kun gzhi'i rnam shes la// lus kyi kun gzhir btags pas na// skyes bu'i mtshan dang dpe byad dang// 'jag ma'i srin bu yan chad kyi// lus su snang ba'i dngos po ni// kun gzhir ma byung gcig kyang med// sems ni yul la dmigs pa ste// de la ngar 'dzin phra bas byas// de med de yang mi 'byung phyir// nyon mongs sems kyi kun gzhir btags// sngar gyi bag chags ji snyed pa// de nyid rnam par rtog las byung// rtog pa yid kyi rnam shes yin// de phyir bag chags kun gzhis byas// rang bzhin dag pa'i kun gzhi ni// kun la khyab pa'i ngang nyid kyis// rang bzhin ye sangs rgyas pa ste// sus kyang ma byas btsal du med// rang byung bde chen ma rtogs shing// ma rig rtog pa'i brda' sbyor gyis// 'bras bu gang yang 'grub pa med// sna tshogs bsags pa'i kun gzhi yin// kun gzhi spang sdud brtags pa'i rkyen// sgo lnga snang ba'i yul yin kyang// de nyid yid kyis ma bcad pa// kun gzhi yin kyang rnam shes min// de yang yid kyi rnam shes kyis// bag chags sna tshogs bgos gyur kyang// bag chags brtas par mi nus pas// rnam shes yid kyang kun gzhi min// rnam lnga cir yang snang ba la// gnyis med yongs su 'dris pa dang// tshogs brgyad 'dus shing 'dzoms pa la// kun gzhi'i rnam shes yin zhes bya// de yang rdo rje dpa' nyon// phyi nang snang grag ji snyed pa// kun gyi 'byung gnas kun gzhi la// bag chags brtas pas 'byung ba'i phyir// 'khor ba mya ngan 'das pa yang// mi dge'i las dang bsod nams tshogs// dmigs pa'i stobs rdzogs mngon gyur pas// thams cad de las byung bas na// de yi phyir na kun gzhi bya// kun gzhi 'khor ba 'ba' zhig las// mya ngan 'das par ming mi grag/ ma rig brtas pas gnyid 'dres dang// ma rig ma byung 'khor med phyir// kun gzhi zhes ni de la bya// byang chub sems dpa'i sa lam kyang// bye brag rim par phye ba ni// drang ba'i don du gsungs par zad// don la byang chub sems dpa' med// mtshan dang yon tan ci brjod pa// 'gro don de bzhin gshegs pa nyid// de ltar sprul cing dngos med de// brjod pa don yod gshegs par snang// sangs rgyas kun gzhi'i ming dang bral// de yang rdo rje sems dpa' nyon// da ni kun gzhi'i rnam shes kyang// las kyi ma bsgribs lung ma bstan// ngo bo shel sgong lta bu la// dge sdig gang du'ang ma nges phyir// shes pa rang rig gsal gyur kyang// ma bsgribs bag chags ci ste 'jog/ ma bsgribs ye shes sgrib nyon yin// rten ni gang gi rten kyang byed// yin ni dge sdig gang yang min// de phyir bsgribs la lung ma bstan// rdzogs pa chen po don 'dus rang byung bde ba 'khor lo'i rgyud las// kun gzhi'i ngo bo nges tshig dbye ba bstan pa'i le'u ste drug pa'o//// de nas 'dus pa'i 'khor rnams la/kun rig rgyal pos bka' stsal pa// 'khor ba'i rtsa ba kun gzhi ni// thog ma tha ma 'gro 'ong med// da lta de las mi gzhan ste// sus kyang ma byas rang bzhin gnas// de ni thun mongs spyir bstan yin// dus gsum 'gro 'ong med 'dod pa// thog ma gang nas ma 'ongs na// tha ma de las gnas gyur te// tha ma bag chags byang gyur nas// me long ye shes gnas 'gyur tshe// kun gzhi'i ming med gtan du stongs// de phyir thog ma tha ma dang// da lta 'gro 'ong yod par nges// chos rnams thams cad mngon sangs rgyas// rang byung bdag nyid chen po la// ma rig mtshan ma sna tshogs kyis// bag chags mthu brtas kun gzhir gyur// de phyir kun gzhi 'byung ba'i gnas// dang po ma rig pa las byung// de ltar khams gsum sems can dang// nyan thos byang chub sems dpa' la// thun mong dang ni ma yin par// kun gzhi bag chags rang bzhin gnas// de yang 'khor gyi sems dpa' nyon// chos nyid dus gsum 'dus ma byas// spros pa kun bral 'gyur ba med// rtag pa chen por lhun gyis grub// rang byung chen mthar yang rang byung ye shes kyis// bag chags kun bcom shin tu stong// gtan med stong pa'i chos nyid la// mu stegs chad ltar yang dag 'gyur// chos sku yod med gnyis dang bral// gtan med stong pa chad lta yin// rdzogs pa chen po don 'dus rang byung bde ba'-i 'khor lo'i rgyud las// kun gzhi dang po da lta tha ma gang du 'gro ba bstan pa'i le'u ste bdun pa'o//// de nas 'dus pa'i tshogs rnams la// kun rig ston pas bka' stsal pa// mtshan nyid dang ni rgyu rkyen dpe// dang po kun gzhi'i mtshan nyid ni// dngos por mi 'gyur gtan med dang// dus gsum shes pa skad cig rgyun// chad pa med par gnas phyir ro// kun gzhi byang chub sems kyis ngang// spros pa kun bral chos sku la// rang bzhin lhun grub rtogs pa ste// rgyun dang skad cig yod dang bral// dus gsum 'gyur ba med pa'i dbyings// kun gzhi'i mtshan nyid 'dus byas ste// ma rig pa dang log lta gnyis// bag chags yongs su brtas pa yis// 'dus byas min na mi 'gyur zhing// dus gsum brtan par gnas 'gyur te// ye shes snying pos mdzad phyir ro// de yang rdo rje sems dpa' nyon// gzhi rtsa med pa'i kun gzhi ni// grangs kyi rgyu las byung ba med// kun gzhi'i rnam shes 'byung ba'i rgyu// srid gsum mya ngan 'das pa dang// phyi nang dus gsum bsdus pa'i chos// thams cad mnyam nyid gcig pa'i ngang// rang bzhin lhun gyis grub pa'i sku// bde ba chen pos yongs la khyab// de nyid ma rtogs kun gzhi la// ye nas gnas pas rgyu zhes bya// de yang 'dus pa'i snying po nyon// kun gzhi skye ba med pa'i dbyings// gang gis ma bskyed rang bzhin te// ma spros kun bral khyab pa'i dbyings// rkyen gyis byas pa ga la srid// gsal ba'i rgyu rkyen med pa la// kun gzhi gnyen po ye shes kyis// 'jig par 'gyur bas rkyen gyis bskyed// rkyen ni chos dbyings chos sku las// tha dad med kyang de ltar snang// chos dbyings gcig kyang kun gzhi rkyen// chos sku rtogs dang ma rtogs med// ye nas kun la khyab par gnas// chos nyid snang dang mi snang med// chos dbyings chos skur 'dus mod kyang// ma 'dus tha dad lta bur snang// de yi rkyen gyis rtog pa byung// de phyir gang yang rtog pa'i rkyen// rtog pa'i mthu brtas kun gzhir 'gyur// chos nyid chos sku'i rkyen yin pas// rgyu rkyen mi mtshungs tha dad yod// gdags shing brjod pa thams cad ni// ma skyes pa yi cho 'phrul las// rang bzhin mnyam pas gcig zer na// thams cad rang bzhin ngang gis gcig/ ye nas spros bral brjod las 'das// rtsod gzhi kun gzhi rang yang med// 'khor ba myang 'das brjod dang bral// des na mi mtshungs so sor snang// de yang rdo rje sems dpa' nyon// dngos por gzung du rdul tsam med// ma spros rang bzhin yongs la khyab// rnam shes rang bzhin de ltar te// kun gzhi'i dpe ni nam mkha' 'dra// de bzhin kun gzhi'i rnam shes la// tshogs bdun ji ltar skye 'gags kyang/ kun gzhi shes pa'i ngang nyid las// tshogs bdun skyes kyang 'gyur ba med// kun gzhi'i shes pa'i rang bzhin ni// skad cig mi sdod 'gro ba ste// chu bo bzhi yi gzhung dang 'dra// dar cig mi sdod rgyun mi 'chad// phyi nang 'khor ba mya ngan 'das// thams cad kun gzhi'i ngang gyur te// gang yang skyed par byed pa'i phyir// des na kun gzhi sa gzhi 'dra// rang gis rang la ma bkag kyang// gzhan gyi rkyen gyis mi mngon pa// nyi zla gza' skar dus gcig tu// shar ba'i 'od kyi phra rags 'dra// kun gzhi rang bzhin dag pa'i dbyings// ye nas dar dkar lta bu la// rtog pa glo bur snum gyis zhen// gnyis med 'dres par gyur pa ni// dar dkar snum gyis zhen pa 'dra// kun gzhi rnam dag chos kyi dbyings// ye nas rang byung chos kyi sku// dngas ma'i chu dang 'dra ba la// bag chags rnam rtog sa 'dres bslad// ye nas rang byung chen po yang// bdag gzhan gang la don mi nus// chu dang sa gnyis 'dres dang 'dra// ma btsal lhun gyis grub gyur kyang// rtog pas bsgribs nas med par snang// nyi ma sprin gyis bsgribs pa 'dra// dngos nyid dug dang chang 'dra bar// ye nas gsod byed gnyen po la// chang gis rkyen byas thar med bzhin// ma rig 'khor ba'i rang bzhin la// bag chags 'khor bas rkyen byas nas// khams gsum 'khor ba'i 'khor lo bskor// thar med 'khor ba'i kun gzhi byas// dpe ni dug dang chang 'dres 'dra// kun gzhi'i rnam par shes pa'i don// gzhan pa kun dang mi mthun yang// bka' rnams sun phyung skyon med cing// theg gzhan rdzun gsung mi 'gyur te// mu stegs 'gal ba sun 'byin pas// theg pa'i mtshan nyid mi shes pas// rtag chad mu bzhi la zhen pas// ma rig rmongs pa'i nga rgyal gyis// rang gi 'dod pa yang dag zer// gzhan gyi yin pa khyad du gsod// de dang a ti yo ga'i don// mtshungs par gyur pa ma yin no// theg pa mtha' dag nges brtags shing// rdzogs chen 'di la mthar gtugs shing// theg pa kun gyi spyi phud la// lam dang sa yi mthar gtugs shing// dkyil 'khor yongs kyi snying po ste// sangs rgyas ye shes lhun grub yin// rdzogs pa chen po don 'dus rang byung bde ba'i 'khor lo'i rgyud las/ mtshan nyid rgyu rkyen dpe bstan pa'i le'u ste brgyad pa'o//// de nas 'dus pa'i tshogs rnams la// kun rig ston pas bka' stsal pa// rtsal dang rang bzhin dmigs pa'i yul// dngos po kun gzhi'i nges pa'i rtsal// tshogs bdun yul drug bcas pa ni// kun gzhi'i rnam shes rtsal yin te// kun gzhi med par de dag ni// 'byung bar 'gyur ba ma yin pas// shes pa bdun dang yul drug la// gcig gi yul ni ngo bo nyid// de dag bcas pa thun mong rtsal// phyi nang chos ni ji snyed pa// gzhan med kun gzhi rnam shes la// de nyid rang bzhin spros dang bral// de ltar ma rtogs log rtogs kyis// bdag dang yul brtags zhe sdang gzhi// bde sdug rnam pa sna tshogs bsags// de yis khams gsum 'khor bar 'khyams// de dag kun stsogs log pa'i rtsal// de yang kun gzhi'i rnam shes kyis// yang dag rtsal ni phyi nang chos// sku dang ye shes zhing khams te// dngos su me long ye shes yin// kun gzhi'i rnam par shes pa la// rnam rtog bag chags mthu brtas pas// de nyid thams cad mkhyen pa'i gegs// sa bcu rim par yongs sbyangs nas// yongs su sku dang ye shes gyur// de phyir kun gzhi yang dag rtsal// de yang byang chub sems dpa' nas// dmyal ba'i 'jig tshogs yan chad du// kun la khyab cing kun 'byung bas// de ni kun gzhi thun mong rtsal// khyab pa che bas yon tan bsgribs// de dag ma rig bag chags las// byung phyir kun gzhi thun mong rtsal// de yang khams gsum sems can ni// ma rig pa dang bag chags gnyis/kun brtags lhan cig skyes pa dang// bag la nyal dang mngon rgyu bas// thams cad de las bskyed pa'i phyir// kun gzhi thun mong min pa'i rtsal// gzhan du kun gzhi rang bzhin rtsal// de las gzhan pa rang bzhin rtsal// the tshom rnam par rtog pa ste// ci phyir gcig gis yin zhe na// kun gzhi ma rig bag chags gnyis// yongs su zhen par gyur pa la// ma rig pa la the tshom ste// bag chags yin pa'i rtog pa byung// de med de yang mi 'byung phyir// the tshom rtog pa rang bzhin rtsal// de yang rdo rje sems dpa' nyon// kun gzhi'i rnam shes skad cig rgyun// mi rtag ma chad dus gsum rgyu// de yang sus kyang ma bcos shing// rang bzhin ngang gis gnas pa ste// des na ngang gi rang bzhin yin// kun gzhi'i rnam par shes pa de// skad cig rgyud gyis mi sdod 'gro// 'gro bas dang po song ba la// tha mar tha chad 'gags par 'gyur// skad cig dus gsum chas phye bas// 'gags shing shes pa'i ngo bo nyid// skad cig rgyun 'gyur mi rtag kyang// nyes pa'i skyon med rang bzhin yin/ ngo bo skad cig chas 'gags te// rigs mthun rgyu las 'gyur ba med// kun gzhi skad cig ma yi rgyun// dus gsum mi 'chad yod gyur na// 'bras bu yongs su rdzogs pa la// kun gzhi'i ming yang mi grags pa'i// mi 'gyur 'khor bar log mi srid// gcig char 'gyur na sangs rgyas dang// bsgrub pa mthar thug mi 'gyur zhing// rdzogs sangs rgyas nas mi 'gyur na// 'dus byas rgyun la 'dus ma byas// 'bras bu 'byung bas mngon brtags 'gyur// 'gyur ba'i rkyen gyis ngan 'gyur na// yongs su 'gyur ba'i mtha' ru ni// dmyal ba las kyang sdug bsngal zhing// gtan du de las thar mi srid// rkyen gyis ma yin rang 'gyur na// dge sdig las kyis 'khor ba dang// myang 'das dngos po mi 'byung ste// mu stegs bzhin du khar rjer 'gyur// don dam yin na skyon yon ci// gang ltar gnas kyang 'gal ba'i phyir// kun gzhi'i rgyun las mi 'gyur bas// rang gi log rtog 'dod gzhung yin// kun gzhi spros bral chos kun gyi// 'byung gnas dam pa kun shes pas// phyi nang chos la cir mi rtog/ ma brtags bag chags mi gsog cing// phung po sdug bsngal ma byung bas// des na kun gzhi rang bzhin yin// nyan thos 'gog par zhugs pa ni// rtog med bag chags mi gsog kyang/ kun gzhi'i mtshan nyid mi shes pas// bag la nyal gyi bag chags kyis// nyi tshe phyogs gcig lhung ba ste// theg pa 'di yi chos rnams kun// yongs su zhi ba'i ngang shes shing// bag chags rang bzhin kun byang bas// mi mtshungs shin tu khyad par che// sman gyi rgyal po dar ya kan// dngos po de nyid 'dul ba dang// blun po 'phrad na rnam rtog gis// nad dang 'chi ba de 'grub cing// sos 'gyur gzhan gyis ma byas te// de las byung phyir rang bzhin dpe// de phyir kun gzhi rang bzhin te// phyi nang 'khor ba mya ngan 'das// bsam gyis mi khyab brjod las 'das// sus kyang ma byas byed med de// kun gzhi'i ngang las shugs kyis 'byung// de yang kun gzhi'i rang bzhin yin// kun gzhi'i rang bzhin ngo bo ni// khams gsum 'khor ba 'ba' zhig ste// de yang gzhan gyis byas pa med// ma rig pa dang bag chags las// byas pa med par byung ba'i phyir// de yang kun gzhis byas pa ste// bder gshegs rnams la mi mnga' zhing// dgra bcom byang chub sems dpa' ni// re zhig brtags zad bde gshegs sprul// kun gzhi gnas pa'i gzhi med pas// de phyir 'khor ba 'ba' zhig yin// dug gi rang bzhin na zhing 'chi// de phyir kun gzhi'i rang bzhin gyis// khams gsum 'khor bar 'khyams par byed// de yang rdo rje sems dpa' nyon// kun gzhi'i rnam par shes pa ni// shes pa gzhan dang mi mtshungs shing/ kun tu skye 'gags med pas na// dmigs pa'i yul yang chos nyid la// de la dus gsum skye 'gags med// de phyir yongs su rgya ma chad// ji srid ma rig bag chags dang// ma bral bar du mi zad kyang// zad cing chad nas gting stongs pa// dmigs pa'i yul ni ma yin la// yul yang chos nyid ma yin te// re zhig de ltar 'dod pa ni// kha cig tsam gyi gzhung du zad// theg pa spyi yi kun gzhi nyid// chos nyid yin par 'dod pa ni// rang gi yul du rang gyur pas// theg pa 'og ma'i gzhung dang 'gal// rdzogs pa chen po don 'dus rang byung bde ba'i 'khor lo'i rgyud las/ kun gzhi'i rtsal dang rang bzhin dmigs pa'i yul bstan pa'i le'u ste dgu pa'o//// de nas 'dus pa'i tshogs rnams la// kun rig rgyal pos bka' stsal pa// kun gzhi shes pa'i yon tan ma shes skyon// dang po shes pa'i yon tan ni// kun gzhi'i rnam par shes pa ni// ji ltar gnas pa'i don rtogs pas// yod med gang yang mi ltung zhing// rtag chad gnyis dang bral bas na// mya ngan 'das pa'i 'bras bu yang// de yi ngang gis thob par 'gyur// de yang rdo rje sems dpa' nyon// kun gzhi'i de nyid ma shes pas// thams cad de las 'byung ba yi// don yang shes par mi 'gyur te// log par lta ba sna tshogs byung// mu stegs chad pa'i rigs rnams kyis// ci byas las kyi 'bras bu ni// smin na 'dir smin phyis mi myong de ltar ci bder spyod ces zer// rtag par lta ba'i rigs dag ni// dngos po bdag nyid brtan pa dang// ji ltar byas pa der smin cing// shes su mi 'gyur brtan par rtog/gzhan du phywa dang dbang phyug dang// gnam gyis skyob la sogs pa ltar// nyan thos phyi rol snang ba'i chos// kun gzhi'i rnam shes snang ba la// rdul las grub pa'i rang rgyud pa// ris su chad pa'i dngos por blta// de dag kun gzhi ma shes skyon// rdzogs pa chen po don 'dus rang byung bde ba chen po 'khor lo'i rgyud las/ kun gzhi shes pa'i yon tan dang/ ma shes pa'i skyon bstan pa'i le'u ste bcu pa'o//// de nas kun rig ston pa yis// 'dus pa'i 'khor la bka' stsal pa// kun gzhi 'joms par byed pa yi// gnyen po log dang ma log skyon// dang po gnyen po bstan pa ni// kun gzhi'i rnam par shes pa yang// dus gsum 'dus ma byas pa'i ngang// gnyen pos gzhom cing gzhi med zhing// bsags pa'i las dang bag chags kun// ting nge 'dzin dang shes rab kyis// yongs su 'joms pa de dag la// kun gzhi'i gnyen por btags par zad// kun gzhi'i don ni 'dus byas la// de la gnyen po med mi srid// lhag mthong rang byung ye shes kyis// kun gzhi gtan nas 'joms par byed// rdzogs chen spyi phud ye che la// nga gdod che ba ci zhig dbyung// lhag chad smra ba rmongs pa yin// bka' lung gzhan ni drang bar gsungs// bka' lung nges pa ma thob par// gsungs dang ma gsungs ci cha yod// rang bzo'i smras dang ma smras pa// rdzogs chen nges pa'i lung la nyon/ de la ma bsgribs a ti yi// spyi dang rang gi mtshan nyid yin// lhag mthong a ti yo ga la// rang byung a ti'i yang ti ste// rim gyis ma yin gzhan mi mthun// de nyid a ti yo ga yi// lhag mthong mi dmigs ting 'dzin bsgom// de yis sgrib pa 'joms byed la// a ti'i a ti yo ga la// rang byung ye shes chen po yis// ye nas bcos pas gzhom du med// bya ba ma lus yongs rdzogs pas// de phyir khyad par shin tu 'phags// de yang rdo rje sems dpa' nyon// kun gzhi kun gyi 'byung gnas la// log dang ma log med pa ste// ye shes rgyun la btags par zad// de ltar gyur pas 'khor ba stongs// ye nas yon tan rdzogs pa ni// rang gi sa las log pa'o// log pa'i yon tan dngos bstan pa// kun gzhi log pa'i yon tan ni// rdzogs pa las kyang yongs rdzogs pa// lhun grub a ti'i a ti la// ye nas gnas pa ji bzhin las// 'khor ba stongs shing yongs rdzogs pa'i// 'khor 'das rdzogs pa'i ming yang med// yang dag grub pa ga la srid// ji bzhin gnas las ma 'gyur zhes// de nyid log pa'i yon tan yin// de yang rdo rje sems dpa' nyon// de yang kun gzhi ngar 'dzin dang// bag chags yongs su ma zad pas// che ba'i yon tan mi rdzogs shing/ 'khor ba'i gnas las de mi thar// de dag kun gzhi ma log skyon// chos rnams ye nas sangs rgyas shing// btsal zhing bsgrub dang bral ba'i don// mngon sum 'gal ba'i gegs byed pas// de ni kun gzhi ma log skyon// rdzogs pa chen po don 'dus rang byung bde ba'i 'khor lo'i rgyud las/gnyen po log pa dang ma log pa'i skyon bstan pa'i le'u ste bcu gcig pa'o//// de nas 'dus pa'i 'khor rnams la// theg pa'i gol sa bka' stsal pa// mtshan nyid theg pa rnam pa gsum// zhing pa'i so nam las dang 'dra// rgyu rkyen rtsol bas ci 'bad kyang// 'bras bu 'dus byas mod la zad// de bzhin rgyu rkyen tshogs bsags kyang// 'bras bu mi 'byung re dogs mthar// lus ngag yid kyi rtsol ba des// byang chub 'grub par ngas ma bshad// kri yog theg pa rnam pa gsum/ 'jig rten rdzas kyi yo lang 'dra// 'dod pa'i yo lang mang por bcas// glu gar longs spyod sna tshogs can// de bzhin kri yog theg pa ni// rdul tshon dkyil 'khor lha dang bcas// glu gar mchod pa ci phul kyang// 'bras bu mi rtag sgyu ma 'dra// grub pa thob par ngas ma bshad// de yang rdo rje sems dpa' nyon// theg chen bskyed rdzogs rnam pa gnyis// 'jig rten bu tsha'i so nam 'dra// pha mas 'khor bskyed rdzas bsags kyang// rtag pa ma yin rim gyis brlag/ de bzhin yab yum gnyis med sbyor// 'bras bu sku dang ye shes 'dod// rgyu rkyen bskyed cing 'khor ba'i chos// de phyir lhun grub sa mi thob// de dag theg pa'i chos rnams ni// ji ltar bsgrubs shing btsal 'gyur kyang// rang sems snying po mi rtogs phyir// theg brgyad bgrod pa gol sar gsungs// rdzogs pa chen po don 'dus rang byung bde ba'i 'khor lo'i rgyud las/ theg brgyad gol sar bstan pa'i le'u ste bcu gnyis pa'o//// de nas 'dus pa'i 'khor rnams la// kun rig ston pas bka' stsal pa// 'khor ba'i sdug bsngal de dag las// thar cing grol bar byed 'dod na// ma rtogs sdug bsngal snga phyi ni// 'jig rten rdul gyi grangs bzhin du// brjod kyis mi langs bsam mi khyab// de yi rtsa ba mdor bsdu na// sems can nyon mongs bag chags ni// 'jig rten sa gzhi'i gtos dang 'dra// sa gseb thig le nyag gcig ni// rin chen snying po gser dang 'dra// sa nas gser 'tshol bya ba'i thabs// chu chags thabs kyi ngos 'dzin ltar// rgyal ba kun bzang nga yis ni// chos rnams rtsa ba mdor bsdus nas// nges don ma nor gsal ba yi// ye shes sgron me ngas 'degs kyis// 'gro drug sems can yi ma chad/ rmongs pa rnams kyang blo ma stor// dad ldan rnal 'byor nga la thud// byang chub 'dod pa'i lam sna drang// theg chen lta ba gsal zhig gdab// ma sbyangs sgrib dag nga yis bstan// ma bsgrubs sangs rgyas da lta bya// ma bsags tshogs gnyis ngas 'dir rdzogs// ma bsgoms sangs rgyas nga yi chos// ma btsal lhun gyis grub pa yin// rdzogs chen rtogs pa'i rnal 'byor pas// nyes pa byas kyang dpal du che// de don nges par ngas bshad kyi// blo dman kun kyang gzengs bstod cig/ thos bsam mi dgos bstan pas chog/ goms pa mi dgos shes pas chog/ rnam smin lus dang ma bral bar// sangs rgyas kun dang mnyam par bya// de yang rdo rje sems dpa' nyon// de shes yon tan chen po ni// nam mkha' dbyings dang 'dra ba ste// dpag cing gzhal ba'i sems las 'das// theg pa'i sgo mo brjod las 'das// sde snod chos rnams bshad mi langs// sde snod nyid kyang btags pa tsam// de ltar dbye ba bsam yas kyang// don gyi ngo bo gcig las med// de don gsal bar ngas bshad kyis// legs par nyon la yid la zungs// de skad gsungs pa'i don go nas// 'khor rnams dga' mgu yi rang ste// yang dag gus pa'i tshul gyis ni// ma nor bden pa'i chos mnyan to// rdzogs pa chen po don 'dus rang byung bde ba'i 'khor lo'i rgyud las/'khor rnams la gzengs bstod pa bstan pa'i le'u ste bcu gsum pa'o//// de nas kun rig ston pa des// nges don rtsa ba 'di gsungs pa// ngo bo gzhi yi gnas lugs dang// lta sgom spyod pa 'bras bu'i don// rtogs pa'i yon tan da lta'i dus// mngon du grub pa ngas bshad nyon// yul med ngo bo rang byung sku// 'khor 'das ma reg gdod nas byung// de don kun la ye nas gnas// 'dus ma byas pas nam mkha' 'dra// de yang 'dus pa'i snying po nyon// dper na khyung chen lding pa bzhin// nges pa'i lta ba gdeng ldan pas// 'khor 'das dngos po cir snang yang// gzung 'dzin zhen rtog gzhi la med// ma gi ta yis gang thebs bzhin// lta ba ngo bo nyid rtogs pas// ji dran ma bsgoms chos nyid gsal// bzhag langs med par rgyun du gnas// bi shas gang byas legs pa bzhin// rnal 'byor spyod lam thams cad du// ye shes rtsa ba don gyis zin// nyes pa'i skyon gyis gos pa med// yid bzhin nor bu'i yon tan bzhin// rang sems chos skur don rtogs pas// mi yi lus la sangs rgyas thugs// gdul byar gzugs sku shugs las byung// da yang rdo rje sems dpa' nyon// de dag ngo bo gcig gcig la// tshig gi mtshon pa tha dad kyang// yul med rang gsal nyid du 'dus// rdzogs pa chen po don 'dus rang byung bde ba'i 'khor lo'i rgyud las/ nges don rtsa ba gcig par bstan pa'i le'u ste bcu bzhi pa'o//// de nas rdo rje sems dpa' yis// 'dus pa'i 'khor la phan don du// yid kyis dran pas 'di skad gsol// snang med ngo bo'i gnas lugs gang// gzhi la 'pho 'gyur ji ltar med// sems can kun la ji ltar yod// kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// snang med ngo bo'i gnas lugs ni// dus gsum med pa'i sngon rol du// 'das pa bas kyang nga sngar byung// rgyu rkyen med pa'i sngon rol du// 'bras bu rang byung snying po byung// 'byung ba med pa'i sngon rol du// nga dang nam mkha' dus mnyam phyir// bstan pa med pa'i sngon rol du// sangs rgyas pas kyang nga sngar byung// theg pa med pa'i sngon rol du// lta ba'i chos su rang sems byung// skye 'chi med pa'i sngon rol du// myang 'das pas kyang ye shes snga// chos nyid med pa'i sngon rol du// stong pa nyid pas rang rig snga// bde gshegs med pa'i sngon rol du// sems can pas kyang chos sku snga// mtshon tshig med pa'i sngon rol du// tha snyad pas kyang don 'di snga// nga ni rgyu med 'bras bu ste// rang byung rig pa'i snying po yin// de phyir mi skye don mi 'gag/ skye 'chi med pa'i rdo rje 'chang// nga ni nam mkha' rang bzhin te// bag chags ma brtas sa chu u0f84med// gzugs med ye shes ngo bo las// rlung med me ni ci la 'byung// de phyir ngo bo nyid kyi sku// da yang rdo rje sems dpa' nyon// rang byung ngo bo nyid la ni// rgyu rkyen ma bskyed yang dag yod// sgro skur bral ba'i rig pa la// 'phel 'grib med par rgyun du gnas// yang dag byang chub snying po la// thob pa med cing spang ba med// 'khor 'das gnyis kyi 'dzin pa yang// tha snyad yin gyis don du med// chos kun mtshan nyid rnam par dag/ bdag med chos la skye 'chi med// ngo bo nyid la bsgom mi dgos// yod med yul gyi mtha' las 'das// de don rang bzhin 'od gsal ba// gdod nas dag pas nam mkha' 'dra// rdzogs pa chen po don 'dus rang byung bde ba'i 'khor lo'i rgyud las/ snang med don gyi gnas lugs bstan pa'i le'u ste bco lnga pa'o//// rdo rje sems dpa' yang nyon cig/ rang rig rtsa ba chos sku la// yon tan lhag ma med par rdzogs// rang byung sangs rgyas ye shes sku// ma bskyed yongs rdzogs grub pa'i lha// chos rnams kun gyi 'byung gnas te// ngo bo dmigs med brjod las 'das// yang dag lta ba mthar phyin pas// pha rol phyin par ye nas gnas// sangs rgyas kun gyi sangs rgyas la// 'gro ba yongs kyi kha lo sgyur// ma bskyed pa yi 'bras bu la// byas pa med pa'i cho 'phrul byung// thams cad 'byung ba nga yi rtsal// de yang rdo rje sems dpa' nyon// don la 'gyur med lta ba'i gzhi// yul la mi ltos rang byung sku// ye shes nam mkha'i mtha' dang mnyam// gzhi la 'gyur med byang chub sems// skyon gyis mi gos dran pa la// 'pho 'gyur med pa gdal ba'i sku// mi skyes mi 'gag rang rig klong// goms pas mi rnyed 'gyur med phyir// 'bral med da lta nga yi thugs// bskal par 'khyams kyang skye 'chi med// de rtogs rig pa kun gyi gzhi// ma bsgoms ye shes mthar phyin pa// re ba med phyir ltung mi srid// gdod nas 'gyur med ye shes sku// rdzogs pa chen po don 'dus rang byung bde ba'i 'khor lo'i rgyud las/ gzhi la 'pho 'gyur med par bstan pa'i le'u ste bcu drug pa'o//// de nas 'dus pa'i 'khor rnams nyon// rang byung ngo bo nyid kyi sku// sems can kun gyi lus nang na// rang rig rgyal po ye shes de// rang gi sems la ye nas gnas// de yang rdo rje sems dpa' nyon// yang dag nges pa'i chos sku ni// dngos por ma grub yul las 'das// rig pa rgyun chags de nyid ni// 'gro drug kun gyi sems la gnas// skye med ye shes rang byung sku// ched du ma byas rang gsal ba// de nyid rang rig tsam las ni// bcos su med pas nam mkha' 'dra/ sems can kun gzhi gzhi cha la// rang byung chos sku yin mod kyang// lung med rkyen gyis rang rig bsgribs// de phyir ye yod rtogs par bya// de yang rdo rje sems dpa' nyon// sems can lus kyi tshor ba la// rang rig ye shes rgyun mi chad// de nyid mi g.yo rang gsal ba// 'du 'bral med par ye nas gnas// de phyir nyon mongs sbubs nang na// kun bzang ye shes sems dpa' gnas// nges don lung ldan don rtogs na// de don gzhan nas bsgrub mi dgos// sems can byang chub su 'dod pa// kun gzhi'i gseb nas don tshol las// de yi ngang la gnas par gyis// de don rgyal ba'i dgongs pa yin// bder gshegs rnams kyi snying po yang// sems can kun la yod mod kyang// shes pas ma mthong tsam du zad// de mthong nges pa'i gdams pa 'di// shes pas rtag tu 'bral ba med// de yang 'dus pa'i snying po nyon// ma rig 'khrul pa yod bzhin du// 'bras bu'i sangs rgyas thugs la gnas// de phyir gzhan nas 'byung ba med// thog ma ma yin du 'di rang// de yang rang rig ye shes ni// til la mar gyis khyab pa bzhin// 'gro drug kun la rang rig khyab// skye 'gags med par rgyun du gnas// dper na sa gting nam mkha' bzhin// 'gro 'ong med par chos skur gnas// don de ma rtogs blos bslad nas// 'khor bar 'khyams kyang nyams pa med// rang byung rig pa'i ye shes de// sprin med nam mkha'i nyi ma bzhin// 'dus ma byas pa'i klong dkyil na// rang rig ye shes chos sku bzhugs// rin chen ga bur 'od thim 'dra// lus kyi nang na chos sku yod// lus zhig dran pas lus su 'jug/ de phyir 'khor ba'i rgyud la 'khor// don rtogs rang rig gnas su che// rig pa rang byung ngo bo de// sems can kun gyi yid la gnas// de phyir 'khor 'das kun gyi gzhi// rdzogs pa chen po don 'dus rang byung bde ba'i 'khor lo las/ sems can kun la gnas lugs bstan pa'i le'u ste bcu bdun pa'o//// de nas rdo rje sems dpa' yis// kun rig rje la yang zhus pa// don gyi gnas lugs rtogs pa gang// rig pa'i dbang rnams ji ltar bskur// ma bgrod lam lnga ji ltar rdzogs// sa dang pha rol yon tan gang// kun rig ston pas bshad du gsol// zhus pa'i don gsan bka' stsal pa// nges don ngas bshad yid kyis nyon// nges pa'i lung ldan bla ma la// dad pa brtson 'grus dam tshig gis// bkur sti rim gro gus byas nas// man ngag snying po gnang bar 'gyur// de yang 'dus pa'i snying po nyon// dper na bram ze glang chen bzhin// rgyal po'i bka' yi btsan phul gyis// brid bsdigs g.yo sgyus nor 'dod pa// srog snying med par phan mi thogs// de bzhin nges pa'i lung ldan gyis// gdams ngag chos sku ma bstan na// thabs dang g.yo sgyu sna tshogs kyi// bka' rkun skyon gyis chos btsal yang// rang sems mi rtogs ngan song ltung// de yang rdo rje sems dpa' nyon/ phrag dog med par bzang sems kyis// srog snying rgyal po la byin pas// bram ze gser glang 'dra gnyis 'byung// gnyis ka mnga' thang ci bsam 'grub// de bzhin bla ma lung ldan la// yid 'thad phul zhing ci gsungs nyan// shes rab rno la gsang thub la// man ngag snying po gnang ba'i phyir// slob mas rang sems rtogs par nges// de phyir bla ma bkur ba gces// nges don gnang ba'i thabs su bshad// rdzogs pa chen po don 'dus rang byung bde ba'i 'khor lo'i rgyud las/ rtogs par bya ba'i thabs bstan pa'i le'u ste bco brgyad pa'o//// de nas 'dus pa'i 'khor rnams la// dbang gi rim pa bka' stsal pa// rgyal thabs spyi blugs dbang chen ni// dang po thun mong dbang bskur ba// dad pa dang ni shes rab kyis// sta gon la ni gnas par bya// thun mong dbang rnams rdzogs par bskur// de nas nges pa'i lung ldan gyis// snod dang ldan la ngas bskur gyi// yid la ma yengs don zungs shig/ de yang 'dus pa'i 'khor rnams kyis// ting 'dzin dkyil 'khor dngos kyang rung// khyad par 'phags pa'i rdzas bdun gyis// ye shes lha yi don mtshon phyir// ras sam shing shun gro ga la// 'jug sgo lnga yi brda' bris te// dal du bzhag la byin gyis brlabs// de nas dbang bskur rim pa ni// rgyal thabs spyi blugs dbang bskur ba// mtshon pa'i brda' yi rdzas lnga las// spyi bo snying ga mgrin pa ru// sku gsung thugs kyi dbang ris bskur// lag pa g.yas dang g.yon pa ru// yon tan phrin las de bzhin no// de yang rdo rje sems dpa' nyon// rig pa rang gsal dbang bskur ba// lta bsgom spyod pa 'bras bu'i dbang// dad ldan 'khor la ngas bskur gyis// 'khor rnams ma yengs yid bsdus shig/ nges don sangs rgyas chos kyi sku// thig le rang byung 'od gsal ba// rig pa'i ye shes mngon gyur du// ye shes sku mchog bdag dbang bskur// ma rig sems kyi mun gseb tu// lung ldan thugs kyi sgron ma yis// rang rig rtog med da lta nyid// 'gyur med thugs kyi dbang gcig bskur// nges don ye shes tshangs pa'i gsungs// tshig gi don mtshon yid kyis go// de don gsal ba rig pa'i gsung// brda' mjal nges pa'i dbang thob shog/ de yang rdo rje sems dpa' nyon// dngos med rig pa'i ye shes 'di// nang gsal yengs med chos kun rdzogs// rgyal ba rnams kyi yon tan dbang// ye shes 'gyur med bdag la bskur// rang byung mdzad spyod ye shes la// rgyun du mi 'bral nges pa'i gsung// dus 'dir brjod med ye gsal 'di// mdzad spyod dbang gcig bdag la bskur// de yang dad ldan 'khor rnams nyon// rang rig chos skur blta ba yis// yid ches thag chod gdeng du ldan// de rtogs kun bzang byin rlabs kyis// rang sems rtogs pa'i dbang thob shog/ 'bral med rang gsal yengs pa med// rgyun du nyams myong zhen med pa'i// ting 'dzin rig pa lhag mthong gsal// rkyen dbang mi 'gyur dbang thob shog/ nyam nga med pa'i spyod pa yis/ blang dor dgag bsgrub la sogs med// de don rtag tu skyon mi gos// spyod pa ma bcos dbang thob shog/ 'bras bu rang rig chos nyid klong// ma bgrod sangs rgyas sar phyin pa// chos sku'i gzugs brnyan gzugs sku 'byung// 'gro don mthar phyin dbang thob shog/ de nas 'dus pa'i dad ldan la// nges don mtshon pa'i brda' yig de// snod du blugs te brim byas nas// gang bab gdams ngag bstan par bya// de yang rdo rje sems dpa' nyon// de dag dbang gi rim pa yang// don la dbyer med ngo bo gcig/ ye shes spyi blugs dbang la ni// skur byed bskur bya gdod nas med// nges don rkyen thub rnam drug gis// gdams ngag bstan pa tsam gyis chog/ rdzogs pa chen po don 'dus rang byung bde ba'i 'khor lo'i rgyud las/ dbang gi rim pa bstan pa'i le'u ste bcu dgu pa'o//// de nas kun rig ston pa yis// 'dus pa'i 'khor la bka' stsal pa// med la yod 'dzin kun brtags yul// 'khrul pa bzlog dka' 'jig tshogs ri// rang gis rang bslus zhen pa'i rgyun// de bzlog don phyir lam lnga gsungs// de yang rdo rje sems dpa' nyon// dad ldan 'gyur med las can gyis// lung ldan rdo rje slob dpon la// yid 'thad phongs med 'bul ba ni// tshogs kyi lam du bstan pa yin// bla mas gnang ba byin gyur te// yid gnyis the tshom blo spangs nas// mkha' 'gro mchod cing don zhus tshe// sbyor ba'i lam zhes de la bya// de yang 'dus pa'i snying po nyon// nges pa'i bcud ldan slob dpon gyis// yang dag gdams ngag lung bstan pas// snod ldan yid ches don rtogs phyir// mthong ba'i lam ni yin par gsungs// de don go nas rgyun du ni// nges don chos skur spaungs pa med// rang rig ye shes dbang thob phyir// bsgom pa'i lam du bstan pa yin// yang dag nges don gdams ngag 'di// rang gi thugs la don rdzogs pas// 'gyur med gdeng chud ye shes klong// mthar phyin lam du bshad pa ni// de yang 'dus pa'i snying po nyon// yang dag don gyi chos nyid la// lam gyi dbye ba med mod kyang// rnal 'byor blo yi rim pa las// theg pa'i bye brag tha dad pas// lam lngar phye ba gcig tu rdzogs// rdzogs pa chen po don 'dus rang byung bde ba'i 'khor lo'i rgyud las/ ma bgrod lam lnga rdzogs par bstan pa'i le'u ste nyi shu pa'o//// de nas 'dus pa'i tshogs rnams la// kun rig ston pas bka' stsal pa// sa yi dbye ba rten dang dpe// rtsal gyi sgo nas bzhi bzhi ru// pha rol phyin bcu sa dang sbyar// nges pa'i yon tan rdzogs par gsungs// de yang rdo rje sems dpa' nyon// sa ni dang po rab dga' la// rten ni sbyin pa'i pha rol phyin// dpe ni mi zad gter dang 'dra// rtsal ni ma rig zil gyis gnon// sa ni gnyis pa dri med la// rten ni tshul khrims pha rol phyin// dpe ni rin chen myu gu 'dra// rtsal ni rang rig ye shes gsal// de yang 'khor gyi snying po nyon// sa ni gsum pa 'od 'phro la// rten ni bzod pa'i pha rol phyin// dpe ni rgya mtsho chen po 'dra// rtsal ni nyon mongs rtsad nas brlag/ sa ni bzhi pa 'od byed la// rten ni brtson 'grus pha rol phyin// dpe ni rdo rje pha lam 'dra// rtsal ni bag chags zhen pa 'joms// sa ni lnga pa sbyang dka' la// rten ni bsam gtan pha rol phyin// dpe ni ri bo lhun po 'dra// rtsal ni bying rgod skyon dang bral// sa ni drug pa mngon gyur la// rten ni shes rab pha rol phyin// dpe ni ma ki ta yi sman bzang 'dra// rtsal ni rang rig lhag mthong rtogs// de yang rdo rje sems dpa' nyon// sa ni bdun pa ring song la// rten ni thabs kyi pha rol phyin// dpe ni dge ba'i bshes gnyen 'dra// rtsal ni dug lnga sman du bsgyur// sa ni brgyad pa mi g.yo ba// rten ni smon lam pha rol phyin// dpe ni yid bzhin nor bu 'dra// rtsal ni 'jig rten chos brgyad bral// sa ni dgu pa legs pa'i blo gros la// rten ni stobs kyi pha rol phyin// dpe ni nyi ma'i snying po 'dra// rtsal ni log lta dbyings su bsgral// sa ni bcu pa chos kyi sprin// rten ni ye shes pha rol phyin// dpe ni tshangs pa'i dbyangs dang 'dra// rtsal ni sgrib dag thams cad mkhyen// de yang 'dus pa'i snying po nyon// de dag pha rol phyin bcu yang// ngo bo thig le gcig tu 'dus// gdul bya'i rim pas bcur bstan pa// yang dag ngo bor ye shes nyid// rdzogs pa chen po don 'dus rang byung bde ba'i 'khor lo'i rgyud las/sa dang pha rol phyin pa'i yon tan bstan pa'i le'u ste nyi shu rtsa gcig pa'o//// 'dus pa'i 'khor gyis yang gsol pa// nges pa'i don gyi gdams ngag gis// ma rig mun sel lta ba la// 'khor 'das mtha' yis ma rig dang// ye shes lhun grub lta ba gang// mnyam pa'i rgyal pos bshad du gsol// de skad zhus pa'i don gsan nas// yang dag 'khor la bka' stsal pa// rang byung snying po'i lta ba ni// nyi ma shar nas mun pa sangs// nges lung bstan pas ma rig brlag/ thig le brdal khyab chos sku de// rig pa rang shar bcos pa med// de don lhun grub ye nas gsal// rang byung snying po rang gsal thugs// ye nas tha snyad kun dang bral// ji bzhin gsal la ngan rtog med// don dam spros bral lta ba'i mchog/btsal med spyod pa'i yul las 'das// yang dag klong 'gyur don la mkhas// de nyid blo la sus 'byor pa// tshogs brgyad shes pa'i yul las 'das// mngon du gyur pas thugs la bkra// kun gyis rtogs dka' byang chub de// g.yo med mi rtog chos sku'i lam// rang rig bde ba chos sku'i klong// gcig tu rdzogs pas thig le gsal// lta ba dbus dang mtha' med pas// spong len ma btsal lhun gyis grub// skye med ngang du rig pa 'phyo// rten med chags pa'i yul dang bral// sgom med lta ba ngang gis gsal// mtshon pa'i tshig gis bkri drang bral// skye med gdeng chud 'du 'bral med// snang med rig pa dngos po bral// yang dag thugs la spro bsdu med// ma spros lhun grub rig pa shar// kun khyab don 'dus mtha' ma reg/ ye shes sku mchog chos sku brdal// de yang rdo rje sems dpa' nyon// 'gro drug sems can rang byung sku// 'di ltar snang ba ma lus kun// gdod nas med pa'i don rtogs pas// ye shes gcig gi ngang du 'dus// lus ngag yid kyi bya ba rnams// byas na 'ching ba'i las yin pas// gzhi la med shes bcal mi dgos// ma bsgoms 'du 'bral med par blta// rdzogs pa chen po don 'dus rang byung bde ba'i 'khor lo'i rgyud las/ ma rig mun sel gyi lta ba bstan pa'i le'u ste nyi shu rtsa gnyis pa'o//// de yang 'dus pa'i 'khor rnams nyon// sangs rgyas sems can 'byung ba kun// glo bur byung phyir gnas lugs min// 'jig rten chos la dpe mi blang// 'khor 'das gzhi la don ma reg/ de yang rdo rje sems dpa' nyon// pha med ma med nags kyi bye'u 'dra// nam mkha'i mthongs su thon pa ltar// glo bur 'khor 'das gnyis bar nas// chos sku rtogs pas ma rig sangs// gdod ma'i rang byung 'di nyid la// lta ba shes pas chog pa'i phyir// 'khor 'das snying po gdod nas med// yul dang ma 'brel ngo bo nyid// de don rtogs pa'i don la gnas// ye rdzogs chos sku chen po yin// re dogs mtha' kun rnam par zhi// tshig tu 'dzin med ye nas bden// gcig dang du ma mtha' yi chos// de phyir 'khor 'das gnyis las 'das// 'di thos mi skrag lta ba'i mchog/ de yang 'dus pa'i snying po nyon// dngos po med phyir rtag pa bral/ kun la khyab pas chad pa bral// mtha' dbus bral bas rang byung sku// brjod med lta ba dran pa'i gzungs// de don phyin ci ma log pas// ye shes lam la gnas par bya// rang rig nges pa'i lta ba la// yengs pa med par yid kyis blta// de yang yul can ma yin te// rang la rang bltas shin tu gsal/ de goms mthar phyin ye shes thugs// chos nyid spros bral 'gyur ba med// rang byung ye shes gnyug mar gnas// de nyid mi 'bral lta ba'i mchog/ de yang rdo rje sems dpa' nyon// 'khor 'das gnyis kyi chos 'di la// ji srid bag chags yod kyi bar// 'di ltar snang ba'i chos rnams yod// ji srid bag chags dag na ni// snang ba'i yul rnams gdod nas med// thag sbrul tho yor mi bzhin no// rdzogs pa chen po don 'dus rang byung bde ba'i 'khor lo'i rgyud las/ mtha' ma reg pa'i lta ba bstan pa'i le'u ste nyi shu rtsa gsum pa'o//// rdo rje sems dpa' yang nyon cig/ rang sems chos skur blta ba ni// kun la khyab pa'i rig pa yis// 'dus ma byas pa'i don rtogs pas// mtha' bral rig pa gcig yin no// de yang 'dus pa'i snying po nyon// kun gyi mnyam nyid rgyal ba'i thugs// ma lus sems can thams cad la// chos skus khyab par brdal ba'i sku// mtha' dbus med pas nam mkha' 'dra// rig pa ma bslad gnyug mar gnas// dmigs 'dzin med par ngang gis gsal// dngos por med la shes par yod// nam mkha' nyi ma'i 'od shar 'dra// 'dus ma byas pa'i ye shes kyis// rten 'cha' med par nyon mongs sel// 'byung ba lnga la rag ma lus// mi 'gyur 'joms pa'i rdo rje 'dra// bla mas don bstan rnal 'byor pas/the tshom med par rang sems rtogs// thams cad gcig la rdzogs par shes// ma rig long ba'i mig 'byed 'dra// ye shes rig pa 'di nyid ni// yod med dbus kyi mtha' bral bas// sang nge sal le 'pho 'gyur med// ka shi'i ras kyi rin chen 'dra// de yang rdo rje sems dpa' nyon// ma bcos pa yi rang bzhin la// yul med chos skur rang byung ste// re dogs rdul tsam med pa'i phyir// lhun grub ye shes chen por rdzogs// rdzogs pa chen po don 'dus rang byung bde ba'i 'khor lo'i rgyud las/ ye shes lhun gyis grub pa'i lta ba bstan pa'i le'u ste nyi shu rtsa bzhi pa'o//// rdo rje sems dpas yang zhus pa// ma bsgoms ting 'dzin ji ltar gsal// 'bral med rgyun gyi spyod pa gang// re dogs med pa'i 'bras bu rnams// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// ma bsgoms 'bral med ting 'dzin ni// rnam smin lus kyi rten bcas pa'i// tha mal kun gzhi gzhi cha la// lung ldan rkyen gyi gdams ngag gis// rang sems chos skur ngo sprad pas// dmigs 'dzin med par ngang gis gsal// gnyug mar gnas la 'phel 'grib med// de yang rdo rje sems dpa' nyon// byang chub thugs kyi nges pa'i don// sangs rgyas kun gyi ye shes sku// rnal 'byor shes rab ye shes mig/rang byung ting 'dzin rgyun mi 'chad// chos sku rang byung ngos zin pas// rang gsal ye nas byang chub lam// de las mi 'da' rgyal ba'i thugs// de don sangs rgyas dgongs pa yin// de yang 'dus pa'i snying po nyon// sngar gyi bag chags zhes bya ba// gzung 'dzin brtas pa'i snang ba la// dam par zhen pas kun tu brtags// de phyir 'khor ba'i sa bon yin// phyis kyi nyon mongs zhes bya ba// ma rig rgyu la tur byung sems// de bltas kun gzhi smin pa'i las// des bskyed tshogs brgyad bde sdug byung// snga phyi gnyis 'dus sgo lnga'i yul// sna tshogs 'phros pas rtog pa ste// de la zhen phyir tshogs brgyad byung// de yi nyes pas 'khor bar smin// de yang rdo rje sems dpa' nyon// lung ldan rkyen gyis chos kyi sku// rang rig sems kyi mun gseb nas// ngo shes rang gi mtshan nyid ni// yul sems gnyis la spros dang bral// mtha' dbus mi dmigs dran las 'das// ye nas dag phyir bya ba med// btsal du med pas sems las 'das// kun la khyab pas btsal mi dgos// 'gag pa med la rig pa stong// ma byas phyir na 'jig pa med// rig pa gsal bas rang ngo shes// ji bzhin pa la ma skyes pa// ma bcos rkyen gyis mi 'gyur ba// rtag chad ma yin sdud pa med// so so ma yin 'dres pa med// dngos med sems kyi ting 'dzin gsal// gtang gzhag med pa'i chos sku la// bying rgod mi 'byung rgyun du gnas// ye shes don la 'char nub med// de yang 'dus pa'i snying po nyon// rang rig ye shes 'di nyid la// bsgom du med phyir yengs pa med// gzung du med la zhe la gsal// rang yid ches pas khar mi thon// snang srid gsal la zhen pa med// rang rig bya ra dngos med grol// dran pa mi brlag 'gro 'ong med// dran pa'i rig pa ci 'byung yang// de nyid dus na ngos bzung med// de yang 'dus pa'i snying po nyon// yang dag sangs rgyas nges pa'i don// sems can yid la gsal por gnas// rang byung chos sku 'gyur med phyir// de ldan blo la gol sa med// stong pa'i snying po rang rig blo// nges par rtogs pa'i shes rab kyis// yid ches 'bras bu da lta nyid// rang gi blo yi gting du shar// de yang rdo rje sems dpa' nyon// ye shes kun khyab rang gsal ba// yid la don dran 'du 'bral med// de goms klong du gyur pa'i phyir// tshig gi tha snyad mtshon mi dgos// ye yin don du rang rig pas// rgyal ba'i dgongs pa ma nor ba// ma byas ma bcos thugs kyi gdeng// da lta nyid du rang shar rtogs// chos nyid rang byung ye shes rgyun// ma bsgoms shugs la don gsal ba// sems kyis gyin 'da'i ngang du gzhag/ de las ma btsal bsgom pa'i mchog/de yang 'dus pa'i snying po nyon// nges don spyod pa'i rnal 'byor pas// bya ba'i dngos po gang la yang// ched du mi brtag 'du shes bskyung// rung dang mi rung don mi dpyad// 'jig rten yul chos dbang mi btang// de don chos nyid gdeng gis zin// rtag tu mi brjed gzungs kyis blta// de yang rdo rje sems dpa' nyon// yul la shes pa zhib gyur na// rtog pa zhugs pas chos nyid g.yengs// de phyir gang la ma brtags na// snang ba chos kyi dbyings su rdzogs// sangs rgyas chos sku nges pa'i don// sems can lus kyi bden pa mthong// rang gi rig pa lhag mthong gsal// de phyir bde ldan dam pa'i lam// de yang 'khor gyi snying po nyon// 'bras bu ye nas sangs rgyas pa// da lta nyid du nges par 'grub// de phyir rgyud dag sangs rgyas yin// sa dang lam gyis bcos su med// de yang 'dus pa'i snying po nyon// rang byung rig pa'i chos sku 'di// yid kyi yul du ma bsgoms kyang// lta ba'i don dang 'bral med phyir// rnal 'byor spyod pa ci byed kyang// de tsam nyid na 'byung 'jug med// rdzogs pa chen po don 'dus rang byung bde ba'i 'khor lo'i rgyud las/chos kyi sku'i bsgom pa ngos gzung ba bstan pa'i le'u ste nyi shu rtsa lnga pa'o//// de nas kun rig rgyal po yis// rang sems gnas thabs bka' stsal pa// snying po chos sku bsgom pa la// skyon bsal ngang la gnas thabs ni// nyams kyi 'byung lugs rim pa'i don// 'dus pa'i 'khor la ngas bshad nyon// ting 'dzin mi mthun skyon 'byung ba// bying rgod zhen 'dzin bsgom pa'i dgra// mdor na ci yang rung ba la// rang rig sems kyis myong ba 'am// zhe la 'dzin pa'i skyon yin no// de med ngang la gnas thabs ni// yul dang sems kyi chos rnams la// dang por lta bas ngos zin phyir// brtag cing dpyad du med rtogs pas// snga phyi'i dran pa rgyun bcad la// rig pa'i rang bzhin ji lta ba// gsal la mi rtog mi g.yo ba// gyi na btang snyoms ngang du gzhag/ de tshe ting 'dzin rig pa'i yul// sgo lnga'i yul la phar mi dpyad// yid kyis ting 'dzin tshur mi 'dzin// kun gzhi ma rig mun med gsal// de tshe byung tshor rang zhi nas// chos sku sang nge rig pa la// ma bcos shes pa'i ngang la gzhag/ der brtan ting 'dzin gdeng du chud// de yang rdo rje sems dpa' nyon// de tshe nyams kyi rim pa yang// yid kyi 'gyu ba rgyun chad de// zhen pa'i snang ba dang bral nas// nam langs pa yi nam mkha' bzhin// 'dzin med ye shes rang la gsal// nyin dang mtshan mo dbye ru med// res 'ga' snga phyir rgyu na yang// don dran chos skur lhan gyis 'gro// res rgyu gnyen po'i don dran pas// 'khor ba rang sar grol zhes bya// de phyir nyams kyi gdeng dang ldan// dngos po yul du rang snang yang// 'dzin cing dmigs pa med pa'i phyir// gnod rgyu nyam nga gang yang med// snang ba mi skyon thob pa'i gdeng// mdor na gang rung ci la yang// mi brtag mi gzung mi dpyad par// gzugs brnyan g.yo ba yod gyur kyang// chu la g.yo ba med bzhin no// de yang 'dus pa'i snying po nyon// da ltar las su rung ba la// bya btsal bral ba'i rnal 'byor par// rang bzhin ma bcos ngang gis gsal// de la rtag tu 'bral med par// 'od gsal chos nyid mthong zhes bya// rdzogs pa chen po don 'dus rang byung bde ba'i 'khor lo'i rgyud las/ chos sku rtogs pa'i ngang la gnas thabs bstan pa'i le'u ste nyi shu rtsa drug pa'o//// rdo rje sems dpa' yang nyon cig/ ngos zin don la gnas thabs ni// mar mes mun sel snang ba bzhin// skad cig gcig gi ting 'dzin gyis// bag chags brlag pas ma rig sangs// don nyid ye shes dran pa yin// nyon mongs las kyis gos pa med// de bas gdams ngag dran pas ni// sgyu ma sangs nas 'khrul bral bzhin// mtshan ma'i rtog bral don shes pas// spros bral ye shes snying por gnas// de yang 'dus pa'i snying po nyon// 'khor 'das gzhi shes rang byung de// bsgom dang mi bsgom sgro skur bral// de nyid nyams su blangs thabs ni// thigs pas snod chen khengs pa bzhin// ngo bo nyid kyi chos sku la// yang yang rig pas gsal thebs na// gol sa mi 'byung sangs rgyas 'grub// dper na bud med sbrum ma ni// skye ba'i dus su zas bstan bzhin// lung ldan gdams ngag yod pa'i mis// rkyen gyi rtog pa ci byung yang// de dus nges don lta dran pas// ma bsgoms don dang 'bral ba med// rgas pas nyam chung bsten pa bzhin// bla ma mkhas pa don ldan la// rtag tu bsnyen cing gus byas na// 'bras bu chos sku myur du ston// de yang rdo rje sems dpa' nyon// nges pa'i don gyi gdengs ldan yang// dus drug rkyen thub bar du ni// 'khor 'das yul gyis mi bslad phyir// ye yin don la brjed mi bya// rgyal po mi 'gro 'khor sdud bzhin// chos nyid ma bsgoms sku gsum 'byung// che ba'i yon tan lhun gyis grub// dper na sgyu ma mkhas pa yis// sprul pa'i srog ni gcod tsam na// srog med sgyu ma yin shes ltar// rang rig lta ba'i don yod pas// dug lnga spyod tshe ye shes 'char// ngo bo nyid las bsgrib med shes// de tshe nyon mongs ci spyad kyang// skyon gyis mi gos rang byung 'char// de nyid mi brjed rtogs pa'i phyir// ched du byas la bsgom mi dgos// de yang rdo rje sems dpa' nyon// rang sems rtogs pa'i bsgoms pa la// cig char bstun te 'jug nus na/ bsgom pa'i thun la ring thung med// nam 'grub snyam pa'i khar ma lus// de yang 'dus pa'i snying po nyon// sangs rgyas dgongs pa ji lta ba// da lta nyid du blang ba'i phyir// rang sems kun gzhi gzhi yi don// yang dag nyid du ngos zin pas// rang byung chos sku rgyal ba'i thugs// sems can blo yis go ba'i phyir// ma rig sangs pas gti mug bral// de phyir tshegs med rgyal ba'i bka'// de rgyud lung ldan sgron ma 'di// dad ldan blo la shar ba'i phyir// yid ches gdeng dang bral med pas// byang chub chos sku thag mi ring// ma nor sangs rgyas chos nyid du// da lta nyid du nges par shes// de phyir 'khor ba ming yang med// bla med byang chub smos ci dgos// dus gsum sangs rgyas nges pa'i don// bstan pa tsam gyis rtogs pa'i chos// dus 'dir yid ches gdeng du 'gyur// rig 'dzin kun dang da lta mnyam// de yang rdo rje sems dpa' nyon// sems can ma rig glo bur de// lung ldan rkyen gyis dus 'dir brlag/de phyir rang byung rtogs pa'i rtsal// tha mal lus la rgyal ba'i thugs// kun 'byung rin chen gter chen 'di// dad ldan sems la gsal ba'i phyir// bsgyur du mi 'dod yid ches blos// rtag tu 'bral med ye shes gsal// de phyir lung ldan dgongs pa 'di// phyi ma ma yin dus 'di rang// da lta nyid du yin shes na// rtogs pa mngon gyur sangs rgyas yin// chos sku yang dag bya ba ni// kun gzhi'i nang na rang rig gsal// de nyid yod par ngo shes phyir// dman pa'i lus la ye shes thugs// de yang 'dus pa'i snying po nyon// da lta'i shes pa 'di nyid la// ngos gzung med par rang lugs su// de nyid ma bcos rang gsal ba// kun bzang rgyal ba'i dgongs pa yin// rang rig ye gnas bsgom pa ni// ma bral ma bying shes pa la// don gsal yid la mi rtogs pas// rgyun du mi 'bral ye shes sku// yul 'di gzhi la med shes phyir// yang dag lta ba blta ru med// de phyir bsgom pa'i yul las 'das// de nyid rang byung byang chub sems// snang med rig pa'i blta ba la// brjed med ye shes rgyun mi 'chad// de phyir 'bral med spyod pa'i gzungs// 'bras bu'i chos sku da lta rtogs// de yang 'dus pa'i snying po nyon// 'gyur med ting 'dzin da lta'i sems// rang byung yin phyir rgyu rkyen med// 'dus ma byas phyir rig pa'i rgyun// dus gsum mi 'gyur rgyal ba'i thugs// rang gsal rig pa chos sku la// bcos thabs gnyen po mi dgos phyir// ched du gtad la bsgom mi dgos// de phyir 'bral med ting 'dzin mchog/yang dag chos nyid zhes bya ba// sems can rig pa'i don shes na// de nyid rgyal ba'i dgongs pa ste// de las gzhan du btsal du med// de yang rdo rje sems dpa' nyon// lan gcig dus kyi deng sang na// gdams ngag med par bsgom tshul ston// don dang mthun pa'i nyams med phyir// lung ldan rnams la sgro skur 'debs// de phyir nges don gsang ba gces// rdzogs pa chen po don 'dus rang byung bde ba'i 'khor lo'i rgyud las/'bral med rgyun gyi ting nge 'dzin bstan pa'i le'u ste nyi shu rtsa bdun pa'o//// de nas kun rig rgyal po des// 'bral med rig spyod bka' stsal pa// rang byung ye shes nam mkha' che// ma 'dres yongs rdzogs chos kyi sku// mi skyes mi 'gag rgyun du spyod// de yang rdo rje sems dpa' nyon// bsam 'das don gsal yid la gnas// gsang sngags ngo bo nyid kyi sku// sangs rgyas sems can gnyis kyi gsang// rang gsal dam pa'i snying po 'di// sangs rgyas kun gyi nges pa'i don// yang dag byang chub sems la ni/ mi dmigs pa yang spyad du med// mi gnas par yang bsam du med// de phyir bya bral nam mkha' che// de yang 'dus pa'i snying po nyon// ma bcos rang byung de bzhin nyid// spyad du med pa'i chos nyid la// ma bsgoms dmigs su med pa ste// ting nge 'dzin zhes btags pa tsam// ma rtogs par yang mi sems par/kun la khyab pa ye shes la// kun shong byar med spyod pa'i mchog/ de yang rdo rje sems dpa' nyon// rang gi ngo bo nyid rtogs phyir// yul 'di sems su mi sdud pas// spyad pa'i yul yang med par 'gyur// gang gis gang la bsam zhing dpyad// dper na nam mkha' stong pa la// dmigs par mi byed sdud mi byed// de bzhin sems kyis sems bsgom du// ngo bo 'di 'dra dmigs su med// skyon yod gang yang ma dpyad na// gol dang sgrib par ci la 'gyur// spyod pa'i mchog tu 'di nyid gsungs// de yang rdo rje sems dpa' nyon// yang dag rtogs pa'i rig spyod ni// 'gro 'chag 'dug dang nyal la sogs// rkyen thub drug gi gdams ngag gis// dus dang rnam pa thams cad du// rang byung rig pa'i ye shes spyod// da lta'i lus bcas rig pa'i rgyun// ma brjed rtag tu don dran na// bya ba med pa'i spyod pa ste// ngang ngam shugs la rgyud du spyad// de yang rdo rje sems dpa' nyon// shes rab spyod pa lta ba'i gzungs// lus ngag las kyi bya ba rnams// gang yang mi 'gal don dran phyir// dgag sgrub med shes spyod pa'i mchog/thabs kyi spyod pa mthun 'jug ste// dge bcu chos spyod lus ngag las// gzhan dag dge la gzud pa'i phyir// rtogs ldan rnams kyis ched du bya// de yang 'dus pa'i snying po nyon// shes rab thabs kyi spyod pa yang// rig spyod lta ba dran pa'i gzungs// yul med phyir na skyon dang bral// mngon rtag 'dzin med rgyun du spyad// lta bas zin pa'i chos spyod rnams// ye shes rdzogs chen chos kyi sku// rnal 'byor rig pa'i don ldan la// da lta nyid du rdzogs par gsungs// de yang 'dus pa'i snying po nyon// rgyun du mi 'bral rang rig 'di// nyams myong med par rang gsal ba// de nyid nyams kyi dam pa'i mchog/mi 'dzin mi spyod rang gsal tsam// 'bral med rgyun gyi spyod par bshad// gal te mtshan ma rgyu na yang// don dran dgag sgrub med shes pas// sangs rgyas lta sgom ngo bor gcig/ rnal 'byor spyod lam thams cad du// don dran spyod pa yin pa'i phyir// ma dran gnyid dang nyon mongs pa// rang dgar song tshe de nyid la// ngo bo nyid dran gnod mi nus// de lta nyid ni yin shes phyir// ched du byas la spyod du med// rdzogs pa chen po don 'dus rang byung bde ba'i 'khor lo'i rgyud las/ 'bral med rgyun gyi spyod pa bstan pa'i le'u ste nyi shu rtsa brgyad pa'o//// de nas 'dus pa'i 'khor rnams la// dug lnga rang grol bka' stsal pa// rang sems don rtogs spyod pa yang// 'dod chags zhe sdang gti mug dang// nga rgyal phrag dog 'khor ba de// nges pa'i gdengs ldan rnal 'byor pas// rgyu mthun bag chags mi gsog go// de yang rdo rje sems dpa' nyon// pho mo dus gsum sbyar gyur kyang// ro myags 'dam du mi skye ste// ku mA ra yi dpe bzhin du// lung ldan 'dod chags ci spyad kyang// de nyid dus na rang grol nas// 'bras bu mi 'byung mngon sangs rgyas// phyi rol mi yi zas nor la// rku 'phrog sna tshogs byas gyur kyang// yi dwags gnas su mi skye ste// 'joms byed 'phreng ba'i dpe bzhin du// nges don rkyen phrad dus de ru// mngon par byang chub 'bras bu thob// de yang 'dus pa'i snying po nyon// 'gro drug sems can ma lus pa// zhe sdang mnar sems srog bcad kyang// dmyal ba'i sdug bsngal ya mi nga// rgyal po gtum po'i dpe bzhin du// gdams ngag nges pa'i don go phyir// skye 'chi med par mngon sangs rgyas// ma rig 'khrul pa'i bag chags kyis// gti mug mun pa 'thibs pa yis// byol song gnas su mi skyes ste// chu nas bton pa'i mi ngan bzhin// las ngan rkyen gyis rang sems rtogs// gzhan gyis mthong bar mngon sangs rgyas// de yang 'dus pa'i snying po nyon// nga rgyal las ngan bskyed gyur kyang// lha mi'i sdug bsngal mi 'byung ste// rgyan po rgyal ba'i dpe bzhin du// dge slong rkyen gyis rang sems rtogs// de nyid dus su mngon sangs rgyas// gzhan la phrag dog las byas kyang// lha min 'thab brtsod las mi 'byung// dbang phyug 'khor bcas dpe bzhin du// brid bsdigs rkyen gyis rang byung ngo// de nyid dus na mngon sangs rgyas// de yang rdo rje sems dpa' nyon// sems can log rtog tshan po che// gzhan gyi rkyen gyis mi bzlog phyir// dug lnga rang la brten te bzlog/ mthun par bstan pas nges par bzlog/ nges don rtogs pa'i rnal 'byor pas// dug lnga spyad kyang rang grol ba// tha mal pa yang de 'dra na// sbyangs pa'i 'phro can smos ci dgos// rdzogs pa chen po don 'dus rang byung bde ba'i 'khor lo'i rgyud las/ dug lnga rang grol du bstan pa'i le'u ste nyi shu rtsa dgu pa'o//// de nas kun rig rgyal po yis// mthun 'jug thabs kyi spyod pa'i don// 'dus pa'i 'khor la bka' stsal pa// theg dman rnams dang sgo bstun phyir// shes rab rig pa'i spyod pa dang// snying rje thabs kyi spyod pa dang// lus ngag mthun 'jug spyod pa bya// de yang 'dus pa'i snying po nyon// de rtogs shes rab spyod pa ni// phyi nang dngos po cir mthong yang// 'khrul pa yin par yid ches pas// dam par mi blta dran pa'i gzungs// ci goms las su rung ba'i bar// rtsol ba med pa'i brtson 'grus kyis// nges pa'i don dang mthun par spyad// de yang rdo rje sems dpa' nyon// mthun 'jug thabs kyi spyod pa yang// ye shes snying rje chen po yis// ma rig log pa'i sems can la// bsam pa bzang po'i nges don gyis// rang gi ting 'dzin ma nyams par// sems can kun la phan don du// mdo rgyud smon lam rgya cher gdab// sgrib sbyong tshogs bsags sna tshogs bya// gzhan dag dge la gzud pa dang// theg dman skur pa spang pa'i phyir// dge sdig shan thang phyed par bya// dngos por mi bya lta bas gzung// mi dmigs gsang bar rgyud du spyad// de yang 'dus pa'i snying po nyon// sgo gsum rnal 'byor spyod pa yang// bde sdug na tsha sna tshogs dang// gzhan gyi nor 'phrog brdeg pa dang// gshe spyo mtshang 'bru la sogs par// gnyen po'i gdams ngag dran byas la// nyon mongs dbang du mi gtang bar// las ngan bag chags yin bsam la// chos sku dran pa brjed mi bya// de yang rdo rje sems dpa' nyon// don dam rig pa'i rnal 'byor pas// gzhan gyi skyon dang yon tan la// smad bstod mi bya btang snyoms gzhag/'jig rten bre mo'i gtam rnams la// 'du 'dzi 'phyar g.yeng ci chung 'bad// nga rgyal khengs bskyungs shes 'phang smad// dus rnams kun tu zhi bar bya// che tshig rang bstod mi bya bar// bag ma gsar pa'i tshul bzhin du// 'jam zhing zhi bar rtag tu bya// de yang rdo rje sems dpa' nyon// mdor na spyod pa de dag gis// snga phyi rtog pa brtas pa yang// je zhi je phra rang brlag nas// chos sku ye shes lhun gyis grub// nyi ma la ni zer 'byung bzhin// zhing khams yengs su dag pa la// sku gsung yon tan phrin las sogs// che ba'i yon tan ma lus 'byung// rdzogs pa chen po don 'dus rang byung bde ba'i 'khor lo'i rgyud las/mthun 'jug thabs kyi spyod pa bstan pa'i le'u ste sum cu pa'o//// de yang 'dus pa'i snying po nyon// 'bras bu rim 'byung ngas bshad kyis// legs par nyon la yid la zung// de yang 'khor rnams legs par nyon// gnas pa'i ting 'dzin don ldan pas// ye shes bag chags cha bsnyam phyir// gsal la mi rtog dus mnyam pas// 'dod khams lhar ni skye dbang yod// de tshe 'phos nas chos nyid mthong// mi g.yo ba yi ting 'dzin gyis// rnam rtog de nyid zil non pas// gtsang ma ris kyi lhar skyes nas// de nyid dus na mngon sangs rgyas// mnyam nyid ldan pa'i ting 'dzin gyis// lus bral skad cig de nyid la// 'bras bu sangs rgyas chos kyi sku// de yang dpe med kun bzang thugs// de yang 'khor gyi snying po nyon// mnyam pa'i don la ye gnas pas// 'bras bu'i rig pa da lta nyid// de don mi brjed ye dran phyir// mtshan ma'i yul la ma zhen pas// yul nyid sems su sdud byed pa// gzugs khams gnas su lhung mi 'gyur// rang sems rtogs pa mngon gyur pas// re dang dogs pa'i blo bral phyir// gang yang 'dzin med thugs la gsal// nyan thos sa ru ltung mi 'gyur// dang po blta ba bdag med phyir// mtshan ma'i yul la ma zhen pas// yul nyid sems su sdud pa med// 'dod khams gnas su ltung mi 'gyur// de yang 'dus pa'i snying po nyon// nam mkha' nyi shar mun pa med// de bzhin rang rig chos sku la// ma rig med pas ye shes shar// sangs rgyas thugs la 'char nub med// de phyir 'bras bu sangs rgyas chos// rdzogs pa chen po don 'dus rang byung bde ba'i 'khor lo'i rgyud las/ 'bras bu ltung med bstan pa'i le'u ste so gcig pa'o//// de nas 'dus pa'i 'khor rnams la// kun rig ston pas bka' stsal pa// thugs kyi gdeng chud skal ldan la// mi nub phyogs kyi gter du ni// dus gsum rgyal ba'i chos kyi sku// rang byung thugs la gsal ba'i don// mnyam nyid 'gro don byed pa'i lam// tshad ma rang gi dbang phyug gis// rjes gsob thugs kyi sras mchog la// skye 'gags 'khor ba'i spong len min// bdag dang bral ba rgyal ba'i thugs// de yang 'dus pa'i snying po nyon// 'du 'bral med pa'i ye shes lus// rig pa phyogs med byang chub 'char// so sor ma yin ye nas gcig/ de phyir yon tan bstan pa bka'// byang chub ngang du thams cad 'dus// mkha' mnyam dbang phyug chen po'i thugs// ye shes sangs rgyas kun dang mnyam// sde snod chos rnams thugs la rdzogs// de yi yon tan chen po ni// zhe 'dod rigs lngar ma grub kyang// rang gi sems la sangs rgyas tshang// de nyid 'bras bu dam par gsungs// de yang rdo rje sems dpa' nyon// sngon tshe rnam gzigs bstan pa la// bram ze dpal ldan bya ba'i bus// rang sems rtogs pa'i don med par// gzhan nas 'bras bu zhe 'dod kyis// rigs lnga'i sangs rgyas nam 'grub ces// yid la bsams shing lha bsgom pas// 'bras bu med cing 'khor bar skyes// de phyir re dogs med par bya// de yang 'dus pa'i snying po nyon// re med don ni dran byas na// chos nyid sangs rgyas sa la gnas// dogs med don la ma yengs na// sgrib pa sbyangs pa'i thabs mi dgos// de yang rdo rje sems dpa' nyon// ngo bo nyid kyi chos sku la// gang yang ma 'gags nam mkha' bzhin// 'khor 'das zhen med 'bras bu min// de nyid rang sems snying por shar// 'gro drug sems can thams cad la// chos nyid rang chas don rtogs na// bsgom zhing bsgrub pa'i nad dang bral// ye shes ngo bo da lta'i sems// re dogs med shes 'bras bu'i mchog/ dus gsum rang sems 'gyur med don// med la mi zad rang byung thugs// sangs rgyas zhes ni de la bya// rdzogs pa chen po don 'dus rang byung bde ba'i 'khor lo'i rgyud las/re dogs med pa'i 'bras bu bstan pa'i le'u ste so gnyis pa'o//// de nas 'dus pa'i tshogs rnams la// bdag don rtogs pa'i 'bras bu ni// nges par 'khor la bka' stsal pa// ye nas rang la gnas pa'i don// rang byung snying po chos sku 'di// lung ldan rkyen gyis rtogs tsam na// 'khor ba'i ming med ye shes rgyas// de yang 'dus pa'i snying po nyon// rang byung sems la dbang thob pas// ci spyod chos skur gsal ba las// zhen 'khrul rtog pa ming yang med// thams cad ye shes zang thal nyid// de ltar rtogs pa'i rnal 'byor la// ma rig med phyir 'khor ba bral// nyon mongs rtsa ba gtan nas brlag/phyi mar skye ba'i rgyu mi gsog/ de yang rdo rje sems dpa' nyon// skye ba mi len rang byung sku// de la yon tan brjod mi langs// de phyir 'bras bu dus 'dir smin// rkyen gyis mi 'jigs brlag pa med// sems rtogs shes pa 'di las ni// byang chub thob tu re ba med// sangs rgyas yon tan thams cad kyang// rtogs pa 'di yi rtsal yin phyir// re ba'i rtsol bas bsgrub mi dgos// de yang 'dus pa'i snying po nyon// sems rtogs 'khor ba med pa'i phyir// 'gro drug sems can ye nas med// de phyir 'khor ba dong sprug chos// de rtogs rang rig ye shes sku// de yi 'bras bu da lta 'byung// shin tu dad ldan rnal 'byor la// tshogs bsags sgrib sbyangs thabs mi dgos// nor bu rin chen rnyed pa la// 'jig rten so nam mi dgos bzhin// rang sems chos skur sangs rgyas nas// gzhan nas bsgrub cing bsnan mi dgos// de phyir las med spyod yul med// de yang rdo rje sems dpa' nyon// sems can lus la rgyal ba'i thugs// zab la rgya che gting zab pas// blo yi gting du nges par go// de la 'bras bu dus 'dir rtogs// de phyir rtogs pa mngon gyur pa'i// sangs rgyas zhes ni de la bya// de yis mthong snang sna tshogs te// rang rig chos sku gcig gcig la// byang chub sems dpa' las dag pas// longs spyod rdzogs pa'i sku ru mthong// nyan thos sgrib pa chung ba la// sprul sku thub pa chen por mthong// nges don rtogs pa'i rnal 'byor pas// rang rig skyon bral chos skur mthong// de phyir rang sems rtogs pa gces// de yang 'dus pa'i snying po nyon// de ltar mthong ba so so yang// rtogs pa che chung bye brag las// logs na yod pa ma yin te// nyi ma dang ni zer bzhin du// dus 'dir rtogs pas sangs rgyas te// da lta nyid du 'bras bu thob// de phyir lung ldan rtogs pa la// rang don chos sku sangs rgyas 'byung// rdzogs pa chen po don 'dus rang byung bde ba'i 'khor lo'i rgyud las/ bdag don rtogs pa'i 'bras bu bstan pa'i le'u ste so gsum pa'o//// kun rig rgyal pos yang gsungs pa// snang med blta ba'i rig pa las// ma btsal 'gyur med chos kyi sku// bag chags med pas yul dang bral// da lta nyid du rang byung sku// dngos med nam mkha'i mtha' dang mnyam// shes rig gsal bas khyad par 'phags// de la 'gran zla gang yang med// rtogs pa'i yon tan brjod mi langs// de yang rdo rje sems dpa' nyon// rang sems rig pa rang byung de// ye med don shar byang chub sku// spyi mthun nyi ma stong bas gsal// de nyid rtogs pas goms mi dgos// ye shes rig pa gsal ba des// ma rig mun pa gdod nas med// bag chags nyon mongs rtsad nas brlag/ dgongs pa sangs rgyas kun dang mnyam// de yang 'dus pa'i snying po nyon// dper na rgya mtshor rlabs su 'byung// de bzhin don rtogs rnal 'byor pas// spyod pa 'bral med ye shes klong// dus bzhir ye shes rgyun mi 'chad// don 'di rtogs pa'i spyod pa ste// tshogs bsags sgrib sbyang sa bcu pas// skad cig 'di dran khyad par 'phags// lus ngag rtsol med rig spyod bde// de yang 'khor gyi snying po nyon// rang drin 'bras bu rang la che// gzugs dang bral bas skye 'chi med// rang las byung ba'i ye shes sku// yul med rig pa mngon sangs rgyas// 'di rtogs 'bras bu lhun grub bde// bsam pa tsam gyis lhun gyis grub// mching bu rin chen khyad par ltar// skye ba mi len mngon sangs rgyas// da yang rdo rje sems dpa' nyon// de rtogs mi zad rin chen gter// de yi 'bras bu yon tan ni// gzugs med rig pa nga yi sku// tha mal rang sems nga yi thugs// stong rig dran pa nga yi gsung// rig pa yon tan gang yang 'grub// ye nas phrin las rang byung bas// rig pa spros bral chos kun rdzogs// de yang 'dus pa'i 'khor rnams nyon// 'gyur med lhun gyis grub pa'i gzhi// chos nyid bde chen klong yangs lam// skye 'chi med pas 'bras bur smin// de dag gcig phyir rgyal ba'i thugs// gser gling sa rdo med pa bzhin// sems can dus nas sangs rgyas la// yon tan mtshan dang dpe byad kyang// ye shes sku la kun kyang rdzogs// da lta tha mal lus sems kyis// sems las ma byung sangs rgyas rnyed// rgyu las ma byung 'bras bu rtogs// lung la ma brten chos rnams rnyed// theg dgu'i chos rnams gcig las med// dug lnga mya ngan 'das par dag/ thugs kyi klong rdol chos kyi sku// 'khor ba'i nang na lus yod kyang// pad+ma dang ni 'dam bzhin du// nyon mongs las kyis gos pa med// de phyir sangs rgyas kun dang mnyam// rdzogs pa chen po don 'dus rang 'byung bde ba'i 'khor lo'i rgyud las/ rtogs pa'i yon tan bstan pa'i le'u ste so bzhi pa'o//// de nas sems dpa' rdo rje yis// 'dus pa'i 'khor gyi don ched du// kun rig sems kyi rgyal po la// yang dag nges don 'di skad gsol// theg pa gzhan las ji ltar che// nges don la ni ji ltar bzla// sangs rgyas chos kun ji ltar rdzogs// de skad zhus pa'i don gsan nas// kun rig rgyal pos bka' stsal pa// rang byung rig pa chos sku ni// sems can kun la khyab pas che// nges pa'i don gyi lta ba yis// 'gro drug dbang du bsdus pas che// sangs rgyas kun gyi dgongs pa ni// kun gyi dur sa yin pas che// 'khor ba mya ngan 'das pa ni// kun gyi rten gzhi yin pas che// 'khor ba thog ma tha ma yis// kun gyi thog ma yin pas che// sde snod theg pa'i chos rnams ni// kun gyi 'byung sa yin pas che// sangs rgyas bstan pa ma lus pa// kun gyi rtsa ba yin pas che// dus gsum bder gshegs thams cad kyi// kun gyi lam mchog yin pas che// ye shes rang byung chen po ni// kun gyi sdong po yin pas che// chos rnams kun gyi rtsa ba yi// myang 'das snying po yin pas che// rang byung rig pa'i ye shes ni// lta ba ye gsal gol med che// don rtogs 'gyur med rang rig la// ye klong bsgom du med pas che// chos kun rtsa ba byang chub sems// ye grub btsal du med pas che// 'khor 'das gzhi 'khor gnyis med phyir// kun gyi srog shing yin pas che// de ltar nges pa'i don rtogs nas// gdeng du gyur pas che ba yin// dus gsum sangs rgyas thams cad pas// kun bzang dgongs pa che ba yin// theg gzhan chos kun spyad pa bas// rdzogs chen mos pa khyad par 'phags// rdzogs pa chen po don 'dus rang byung bde ba'i 'khor lo'i rgyud las/ che ba bstan pa'i le'u ste so lnga pa'o//// de nas 'dus pa'i tshogs rnams la// chos nyid la bzla bka' stsal pa// ngo bo rnam rtog skyon dang bral// rtogs pa'i yon tan dpag mi langs// ye shes don la 'phel 'grib med// rgyal ba'i sku ni bgrang mi langs// rang byung gcig dang gnyis su med// gsung gi brjod pa mtha' las 'das// yang dag don ni tshig dang bral// mkhyen pa'i ye shes dpag tu med// rtsa ba thams cad gcig gi ngang// snang ba'i mtha' la thug pa med// ngo bo rang bzhin gcig tu 'dril// rgyal ba'i zhing khams bsam mi khyab// don du thig le gcig gi rtsal// chos kyi dbyings la mu mtha' med// kun kyang chos kyi sku la 'dus// de rtogs rdzogs chen lta ba yin// de yang rdo rje sems dpa' nyon// gdal ni 'khor 'das kun tu gdal// 'dus ni thig le nyid du 'dus// snang ni khams gsum yongs la snang// 'dus ni rang bzhin snang bar 'dus// spros ni brgyad khri bzhi stong spros// 'dus ni a ti yo gar 'dus// gtan la snang stong gnyis ka phab// nyams su bde ba chen por blang// bshad ni theg pa dgu ru bshad// btsal ni rang byung ye shes btsal// spel ni sku dang ye shes spel// mngon du byang chub chos skur bya// 'dod ni rgyal ba'i zhing khams 'dod// mngon du ye shes rol pa bya// bsgrub ni sangs rgyas yon tan bsgrub// don du mi bsam mi bsgom mo// rdzogs pa chen po don 'dus rang byung bde ba'i 'khor lo'i rgyud las/ chos nyid la bzla ba'i le'u ste so drug pa'o//// de yang 'dus pa'i tshogs rnams la// chos kun rdzogs par bka' stsal pa// a ti rdzogs chen mtshan nyid ni// dper na nor bu rin chen bzhin// bdag gzhan dgos 'dod tshang ba la// ma rtogs dus na med 'dra yang// rtogs nas gzhung bzhin spyod pa las// bdag gzhan don 'grub re ba bskyung// de bzhin chos sku'i snying po la// myang 'das sa dang rgyal ba'i zhing// sku dang ye shes ji snyed pa// bdag gzhan 'bras bu mthar phyin pas// rang rig ye shes 'di la rdzogs// don 'di rnal 'byor bdag gis spyad// gtan la kun gzhi'i dngos po dbab// don du 'khor ba rtsad nas chod// rtogs pa thig le nyag gcig gsal// lta ba rang byung ye sangs rgyas// sgom pa chos nyid klong na 'phyo// spyod pa thams cad byar med spyod// rol pa cir yang thogs pa med// 'bras bu ma lus yongs su rdzogs// de ltar rtogs na rdzogs chen yin// de yang 'dus pa'i snying po nyon// steng 'og mtho dman med par rdzogs// phyogs mtshams dbye ba med par rdzogs// mtha' dbus nye ring med par rdzogs// snang stong nye ring med par rdzogs// ye shes brdal ba chen por rdzogs// sku mchog cir yang snang bar rdzogs// gsung ni bstan pa sgrog par rdzogs// thugs ni thams cad mkhyen par rdzogs// mtshan ma chos kyi dbyings su rdzogs// chos nyid dag pa'i ngang du rdzogs// dug lnga ye shes chen por rdzogs// ye shes rang byung nyid du rdzogs// 'khrul pa rang bzhin med par rdzogs// rang bzhin bde ba chen por rdzogs// gzung 'dzin mnyam pa nyid du rdzogs// snang ba 'byung ba lnga ru rdzogs// 'byung ba kun bzang rtsal du rdzogs// sems can byang chub sems su rdzogs// byang sems chos kyi sku ru rdzogs// rdzogs pa chen po don 'dus rang byung bde ba'i 'khor lo'i rgyud las/ sangs rgyas chos kun rdzogs par bstan pa'i le'u ste so bdun pa'o//// de nas 'dus pa'i sems dpa' yis// 'khor gyi the tshom bsal ba'i phyir// bden pa'i yid kyis 'di skad zhus// rang byung ye shes ngo bo la// gzhal bya mi dmigs don ci lags// snang ba'i mtshan ma 'di nyid kyi// gtan tshigs ma grub gsungs pa ci// de don gang gis rtogs pa'i thabs// blta med gsung pa ci yi phyir// gol dang ltung med bstan pa yi// mthun dpe gang gis gang la mtshon// mnyam pa'i rgyal pos bshad du gsol// de skad zhus pa'i don gsan nas// 'dus pa'i tshogs la bka' stsal pa// dngos nyid la sogs chos rnams kun// bya ba med par rang shar cing// yul med ngo bo rang shar phyir// ye nas ma bsgribs 'od gsal bas// gang yang gzhan du mi dmigs na// gzhi las ma grub ngo bor son// chos can med pas gzhal bya bral// de yang rdo rje sems dpa' nyon// snang byed chos skur gsal ba la// ji snyed pa yi rnam grangs kun// dgag bsgrub bya ba med pa'i phyir// ye nas ma grub 'od gsal bar// rang gi sa na ye nas gnas// gzhan la bdag tu ma grub phyir// phyogs gnyis bral ba'i byang chub sems// mtha' bzhi'i tha snyad bral ba la// 'jal byed gtan tshigs ci zhig dgos// de yang rdo rje sems dpa' nyon// mtshon pa'i tha snyad mi brjod do// chos rnams ma lus thams cad kun// log pa'i rjes su 'brang ba'i phyir// yul med thig ler rang shar bas// ji bzhin ma nor snying po yi// nges par gzhan du blta las grol// de yang rdo rje sems dpa' nyon// kun bzang brdal khyab rang bzhin la// thog mtha' chod phyir gol sa med// de yang ye shes rang shar bas// gol sa nyid kyang chos nyid yin// ye shes ngang du gyur pa'i phyir// dmigs zhen med pas gol med gsungs// de yang 'khor gyi snying po nyon// dper na gang gis mi nus kyang// nam mkha' nyi shar rang gsal bzhin// rang byung ye shes ngo bo yang/ rang rig ye shes bde gsal pas// snang bas phan med gnod med phyir// phyogs kyi tha snyad bshad mi dgos// rdo rje sems dpas yang gsol pa// ma bsgoms don dang 'bral med pa'i// de don rtogs thabs gang gis bgyi// ma bsgoms klong du gyur pa yi// rang gi tha snyad gang la gdags// de don bsgom du med pa'i dper// mtshan ma byung na cis mi gos// lta ba rang shar chen po la// ma bsgoms gol sar cis mi 'gyur// de skad zhus pa'i don gsan nas// 'dus pa'i 'khor la bka' stsal pa// snying po rang gi rtogs dang ni// man ngag dgongs pa'i thugs brtol nas// shes rgyud rtogs pa'i bla ma yis// ji bzhin nyid du shar ba la// snang byed chos sku nyid son pas// mtshan ma'i dngos po mi 'byung phyir// sman dang sman pa'i thabs bzhin du// sems med mi 'dod ci zhig bral// de yang 'dus pa'i snying po nyon// thig le chos skus khyab pa'i phyir// ji bzhin nyid du rang shar bas// gang yang dam par mi blta bas// thams cad ji bzhin rang sar grol// de phyir mtha' la mi gnas pas// gtang gzhag med pa'i ting nge 'dzin// ma bsgoms klong du gyur par gdags// de yang 'dus pa'i snying po nyon// bsgom du med pa'i chos nyid la// rnam rtog mtshan ma mi 'byung bas// dmigs nas bsal ba bsgrub mi bya// dper na nam mkha' 'di nyid la// sprin dang khu rlangs la sogs ni// ji snyed gzhi na med pa ltar// ji bzhin nyid du rang dran pas// dus mnyam gsal bas yang dag ste// de la gnyen pos bcos su med// tha snyad rang gsal bcos par zad// de yang 'dus pa'i snying po nyon// yul med thig ler rang shar bas// yang dag don la mi 'jug phyir// ngo bo nyid du gyur pas na// don du gnyer ba gang yang med// snga phyi gzhan du dngos med phyir// ched du bsgom du med pa ste// dmigs pa gtad pa'i don dang bral// don mi gnyer la dgra med 'dra// de nas 'dus pa'i yang zhus pa// gtang gzhag med pa'i bsgom pa la// mi 'dun mi 'byung gsungs pa ci// rnal 'byor rtsol bral ma yengs na// bya byed 'gog med gsungs pa ci// de nyid 'ching bar mi 'gyur ba'i// phyogs bral bstan pa ji ltar lags// kun rig ston pas bshad du gsol// 'dus pa'i tshogs la bka' stsal pa// dus gsum rnam pa thams cad du// skye 'chi med par ye shar bas// snang med zhen rtog thams cad kyang// gang yang chos skur gsal ba las// gtang gzhag rtsol sems ci la 'byung// gzhan du mi 'gyur klong gnas pas// mi mthun mtshan ma gang yang med// de yang rdo rje sems dpa' nyon// dbyibs dang mtshan ma thams cad kun// gzhi la ma grub don shes phyir// rang gsal yul la rtog pa med// dag dang ma dag thams cad kun// gang yang dgag bsgrub med pa'i phyir// gzhag dang blang bar ye med don// 'byung 'jug med pas bsgom mi dgos// rtsol ba med phyir spyod pa'i mchog/ de yang 'dus pa'i snying po nyon// bdag gzhan ka nas ma grub phyir// bya byed ma lus thams cad kun// 'gro drug las kyang bde gshegs mdzad// ci spyod chos skur ye shar bas// gang yang mtshan nyid dbyer med de// byed pa nyid na grol bar nges// blang dang dor ba ngang gis med// de yis 'ching bar ci la 'gyur// rdzogs pa chen po don 'dus rang byung bde ba'i 'khor lo'i rgyud las/ rdo rje sems dpa'i thugs brtol gsal ba'i le'u ste so brgyad pa'o//// de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// bden pa'i yid kyis 'di skad gsol// the tshom gegs chen bsal ba'i phyir// gdams ngag mdor ni ji ltar bsdu// bsgom pa'i don ni dbye ba gang// rtogs pa'i sems nyams ji ltar 'byung// kun rig ston pas bshad du gsol// de skad gsol pa'i don gsan nas// 'dus pa'i 'khor la bka' stsal pa// mdor bsdus gdams ngag nges pa'i don// khyod la bstan gyis yid kyis zung// yul med ma yengs spang blang med// re dogs gnyis med rnal 'byor la// da lta nyid du yid ches gdeng// sangs rgyas sa la nges par gnas// da yang 'dus pa'i snying po nyon// rang byung chos nyid gnas lugs ni// bzo bcos med pa'i shes pa la// sgro skur gang yang ma btags na// lta ba'i gzhi nyid de la bya// de yi ngang la gnas thabs ni// snga phyi med pa'i gnyug ma'i rgyun// ched du ma byas rang gsal tsam// de las ma 'das bsgom pa yin// spang blang med pa'i spyod pa ni// yin min bzang ngan la sogs pa'i// bkod pa gang yang med pa'i phyir// ris su mi byed spyod pa'i mchog/ re dogs med pa'i 'bras bu ni// lung ldan rkyen gyis rtogs pa des// lan gcig thob tu mi re ste// da lta'i rang sems chos skur rtogs// de yang 'khor gyi snying po nyon// blta bsgom spyod pa 'bras bu rnams// tshig la tha dad phye ba las// don la dbyer med ngo bo gcig/ de ltar lhun gyis grub pa yin// rdzogs pa chen po don 'dus rang byung bde ba'i 'khor lo'i rgyud las/mdor bsdus pa'i gdams ngag bstan pa'i le'u ste so dgu pa'o//// de nas 'dus pa'i 'khor rnamasal// kun rig ston pas bka' stsal pa// gsal la mi rtog mi g.yo ba'i// rig pa'i nyams kyi dbye ba'i don// yang dag nges don gdeng gi bka'// ma nor ma bcos khyod la bshad// rnal 'byor dam pa mnyam bzhag tshe// gsal la mi rtog mi g.yo ba'i// ngo bo rtsal dang dpe dang ni// tshad dang nges tshig yul dang 'bras// skyon dang gol sa sgo dgu ste// chos sku ngo sprod sdom tshig yin// de yang rdo rje sems dpa' nyon// rang byung chos sku gsal ba yi// ngo bo rang rig ye shes yin// rtsal ni sgo lnga'i rnam shes gsal// dbye ba 'dod pa'i yon tan la// dpe ni til gyi mar me 'dra// tshad ni shes pa ma bsgribs pa// nges tshig gdams ngag ma brjod gsal// yul ni snang ba chos kyi dbyings// 'bras bu longs spyod rdzogs pa'i sku// skyon ni dbang po yan drags pas// gol sa bying rmugs 'gog pa yin// de yang 'dus pa'i 'khor nyon cig/ gang la rnam par mi rtog pa'i// ngo bo snga phyi ma dran pa// rtsal ni bde la mi rtog pa// yul ni 'dzin med ma 'gags pa// dpe ni bya ba btang ba 'dra// nges tshig yul la ma yengs pa// tshad ni dran med ma bying ba'i// 'bras bu sprul sku thub drug 'byung// skyon ni goms par ma byas pa// gol sa rgod 'phro yul la zhen// de yang rdo rje sems dpa' nyon// sangs rgyas dgongs pa mi g.yo ba// ngo bo dus gsum mi 'gyur ba// rtsal ni ye shes 'phel 'grib med// yul ni shes pa mi g.yo brtan// dpe ni rgya mtsho'i gting dang 'dra// nges tshig mnyam nyid rkyen mi tshugs// gsal dang mi rtog dus mnyam tshad// 'bras bu rang byung chos skur rtogs// skyon ni the tshom yid ma ches// gol sa log rtog mi g.yo gsum// de yang 'dus pa'i snying po nyon// de dag rtsa ba mdor bsdus na// yid la chos sku wal gyis dran// de nyid ngang la cog gis zhog/ yul la 'dzin med rtogs pa sangs// rang rig yid ches gdeng du ldan// 'bras bu mngon gyur sangs rgyas yin// rdzogs pa chen po don 'dus rang byung bde ba'i 'khor lo'i rgyud las/ don gyi bsgom pa'i dbye ba bstan pa'i le'u ste bzhi bcu pa'o//// de nas kun rig rgyal po yis// dad ldan 'khor la bka' stsal pa// de ltar rtogs pa'i rnal 'byor rnams// nges pa'i don la dmigs pa'i tshe// dbang po yul gyi mtshan ma rnams// gzhi la ma grub don rtogs phyir// dngos po gyi nar rang snang yang// mtshan mar shes pas gzung du med// de phyir 'di dang 'di'o zhes// yid la gang yang mi 'gyu bas// snang ba chos kyi dbyings su rtogs// de yang rdo rje sems dpa' nyon// 'on kyang sngar gyi bag chags kyis// chu yi nang gi gzugs brnyan bzhin// kha dog dbyibs kyis bsdus pa ni// bun ne long nge 'od de tsam// snang yang 'du shes mi 'jug pas// rang gi yid kyi ngo gang la// yul med nam mkha' stong pa ltar// sang nge sal le rig pa gsal// bdag gzhan gang du mthong ba med// mi dang sems can dngos po kun// dper na sgyu ma'i gzugs brnyan bzhin// snang tsam nyid na dngos med shes// de phyir 'dzin pa'i blo mi 'byung// de yang 'khor gyi snying po nyon// langs nas spyod lam gang byas kyang// dngos por mi 'dzin rang sar grol// gal te yul la brtags pa na// blang dor med pa'i rtogs pa skye// bde sdug bzang ngan gtsang sme dang// yin min sor mthong ji snyed pa// gang la'ang 'du shes blo mi 'jug/ de phyir spang thob med par rtogs// de rtogs ngang la gnas pa la// pha rol phyin bcu chos spyod sogs// thabs kyi spyod pa ma lus kun// ma spangs kun kyang tshang zhing rdzogs// de yang 'dus pa'i snying po nyon// de shes mngon du ma gyur kyang// zla ba tshes pa nyar 'phel ltar// de rtogs khad kyis sangs rgyas kyi// yon tan ma lus mngon du 'byung// de ltar shes shing rtogs gyur kyang// nyams snang mi la mi bstan te// sgro skur bar chad dngos grub nyams// de phyir rang nyams gsang bar gsungs// de rtogs nyams dang ldan pa la// dga' brod bde ba sna tshogs 'byung// de tshe rnal 'byor sems 'phang skye// nga rgyal dbang gis bdud rnams 'byung// rdzogs pa chen po don 'dus rang byung bde ba'i 'khor lo'i rgyud las/rtogs pa'i sems nyams bstan pa'i le'u ste zhe gcig pa'o//// de nas 'khor gyi don ched du// rdo rje sems dpas don zhus pa// ting 'dzin nyams dang ldan pa la// lta sgom spyod pa nyams kyi bdud// mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// mnyam gzhag rjes thob bar do la// snang ba 'od dang grag pa sgra// 'jigs pa'i gzugs dang bslu ba'i rdzun// lta bar shes na dam pa'i lam// de yang 'dus pa'i 'khor rnams nyon// rnal 'byor dam pa mnyam bzhag tshe// mtshan mo mun nag sprin rum na// nam langs nyi shar bzhin du gsal// khams gsum sems can dge sdig las// gang yang ma lus snga phyi shes// de tshe snying rje'i bdud zhugs te// sems can snying rje'i gdung ba skye// ting 'dzin btang nas gzhan don byed// de phyir bdud kyi dbang 'gyur ltung// de yang rdo rje sems dpa' nyon// nam mkha' stong las sgra byung nas// bde gshegs chos rnams sna tshogs ston// zhing khams rgyan gyis brgyan pa dang// yid du 'ong ba'i sgra thos 'gyur// ting 'dzin btang nas glu gar byed// ngoms shing ngo mtshar mgu sems kyis// de la zhen gyur nyams dang bral// dga' ba'i bdud kyis rang bslus 'gyur// de yang 'dus pa'i snying po nyon// bsgom nyams rmi lam gang yang rung// 'jigs pa'i gzugs sogs mi dge bas// ngang la gnas par bsdig 'gyur bas// ting 'dzin btang nas mya ngan bdud// mi dga' sdug bsngal nyam thag 'byung// de tshe las la yi chad de// lceb dang gcig pur phag tu ngu// gzugs kyi bdud kyi dbang 'gyur ltung// de yang rdo rje sems dpa' nyon// nyams dang rmi lam gang du yang// yid du 'ong ba'i gzugs bstan te// dus gsum nyes legs thams cad ston// gzhan la smras pa bden par 'byung// nga 'o snyam pa'i bdud zhugs te// ting 'dzin btang nas grong kha yin// bar du phyed bden phyed mi bden// tha ma smras pa thams cad rdzun// bslu ba'i bdud kyis rang bslus ltung// de yang 'dus pa'i snying po nyon// lta ba'i bdud ni de dag kyang// yul 'di gol sar ma shes phyir// snang ba gzugs sogs zhen pa ste// yul la sems zhugs ci spyad bdud// rdzogs pa chen po don 'dus rang byung bde ba'i 'khor lo'i rgyud las/ lta ba'i bdud bstan pa'i le'u ste zhe gnyis pa'o//// de yang rdo rje sems dpa' nyon// sgo lnga bying ba gsal ba'i bdud// rkyen gyis rgod pa mi rtog bdud// 'phro ba mi g.yo'i bdud rnams 'byung// de yang 'dus pa'i snying po nyon// ting 'dzin myur du thob 'dod nas// yun ring bsgoms pas mtshan ma zin// myos pa'i bdud zhugs gsal ba bying// ma rig dbang gis gnyid du song// gsal ba bor nas bying bar song// de nyid rtsol bas ting 'dzin nyams// ma btsal rmi lam bzang ngan 'byung// de phyir bying ba'i bdud kyis bslus// de yang rdo rje sems dpa' nyon// rang rig chos sku ma zin pas// ma rig dbang gis ye shes bsgribs// dran pa med pa'i 'dud zhugs te// dad bsgom rmugs pas bde ba nyams// rang rig med pas zhi gnas bying// lhag mthong med pas don dang bral// bsgom kyang don med bdud kyis bslus// de phyir lung ldan man ngag gces// de yang 'khor gyi snying po nyon// gcig pur mi dga' 'dus la dga'// gzhan gyi rkyen byas bdud zhugs te// ting 'dzin btang nas yin min gyi// yul la zhen pa sna tshogs skye// mi rtog med par nyon mongs 'byung// spong sdud zhen pas rang sdug byed// de phyir g.yeng ba'i bdud kyis bslus// de yang rdo rje sems dpa' nyon// yang yang goms par ma byas pas// 'phro ba rkun bu'i bdud zhugs te// gang yang rung ba'i tshig re tsam// yid la byas pas mi g.yo bral// nan tan chung bas nyams med phyir// lang can rkun bu yang yang ldang// nges pa'i gdeng dang ma ldan pas// 'phro ba'i bdud kyis rang bslus ltung// de yang rdo rje sems dpa' nyon// bsgom pa'i bdud ni de dag kyang// gdams ngag med pa rnams la 'byung// lung ldan rnams la gnod mi tshugs// ma rtogs ci bsgom bdud du 'gyur// rdzogs pa chen po don 'dus rang byung bde ba'i 'khor lo'i rgyud las/ ting nge 'dzin gyi bdud bstan pa'i le'u ste zhe gsum pa'o//// de yang rdo rje sems dpa' nyon// bya ba 'du 'dzi longs spyod bdud// nyams dga' zhen pa gnas kyi bdud// bslab pa'i yon tan g.yeng ba'i bdud// sems 'khrugs 'khor ngan bdud rnams 'byung// de yang rdo rje sems dpa' nyon// dgon par gnas na dad ldan 'du// longs spyod 'du 'dzi'i bdud zhugs te// ting 'dzin btang nas gzhan sems 'dzin// de tshe don bral nor zas 'dod// 'dod blos mtshan ma'i chos la spyod// bsgom pa'i don bor g.yeng ba'i bdud// 'jig rten pa la kha lan byed// 'du 'dzi'i bdud kyis rang bslus ltung// de yang rdo rje sems dpa' nyon// rang 'thad pa yi gnas la ni// bkra shis 'dre med lha gnyan yod// rang 'dod zhen pa'i bdud zhugs te// ting 'dzin btang nas nyams dga' brtsig/ srung mas gzhan du 'gro dbang med// zer zhing bdag rtogs don dang bral// rang sems zhen pa bdud du langs// gzhan gyis bdud kyis rang bslus ltung// de yang 'dus pa'i snying po nyon// rnal 'byor mkhas pa bsgom 'dod la// g.yeng ba'i bdud ni khong zhugs te// gzhan gyis bstod pas ting 'dzin btang// chos 'chad sman dang bzo rnams byed// 'dod pa'i rdzas la zhen pa skyes// gzhan don byang chub yin zer nas// bya ba'i g.yeng ba ched du byed// don dang bral bas rang bslus ltung// de yang rdo rje sems dpa' nyon// rnal 'byor 'khor ngan gdung drags pas// sems 'khrugs bdud ni khong zhugs te// 'khor ngan chog sems med par 'dod// drin du mi gzo phyar ka gtong// de tshe dad ldog mi rnams 'phya// sgro skur 'debs la zhe sdang 'byung// 'khor ngan bdud kyis rang bslus ltung// de yang 'dus pa'i snying po nyon// spyod pa'i bdud ni de dag kyang// 'jig rten chos brgyad zhen las 'byung// de phyir g.yeng ba don du gnyer// 'khor ba dang blangs rang bslus ltung// rdzogs pa chen po don 'dus rang byung bde ba'i 'khor lo'i rgyud las/ spyod pa'i bdud bstan pa'i le'u ste zhe bzhi pa'o//// de yang 'dus pa'i snying po nyon// 'jig rten mkha' 'gro'i lung ston bdud// nyams su myong ba zhen pa'i bdud// zhe 'dod tshul 'chos bdud dang ni// brkam chags bde ba bogs 'don bdud// gdeng med bskur 'debs zhe sdang bdud// nga rgyal sgro 'dogs bdud rnams 'byung// de yang 'dus pa'i 'khor rnams nyon// rnal 'byor blta bar mnyam gzhag tshe// lha mo'i lus su mngon byung ste// phug tu ma sdod 'gro don gyis// gzhan don byas pa'i yon tan brjod// de tshe mkha' 'gro'i bdud zhugs te// ting 'dzin btang nas gzhan don brtsams// chos su ming btags ci yang byed// don dang bral phyir bdud bslus ltung// de yang 'dus pa'i 'khor rnams nyon// rnal 'byor don ldan bsgom pa la// zab cing cha phra nyams myong ba// lta ba'i don chen ma zin pas// zhi gnas zhen pa'i bdud zhugs pas// rkyen thub med phyir 'phel 'grib yod// bag la nyal ba'i ma rig pas// rang rig chos sku ma shes phyir// lta med pa la bdud bslus ltung// de yang 'dus pa'i snying po nyon// don med bsgom pa'i gang zag kun// gdeng med tshul 'chos gsod can der/ kha 'jam don 'khri'i bdud zhugs te// gzhan dag brid phyir dge la brtson// man ngag med par gsang ba skad// rang nyid bslus phyir bdud zhugs ltung// phyi mar yi dwags lto 'phyer skye// de yang 'khor gyi snying po nyon// lta med thabs kyi rnal 'byor pas// dbang gsum pa yi bde ba la// dga' ba bzhi la zhen pa yis// 'dod chags sred pa'i bdud zhugs te// byi shugs pho mo kun tshogs nas// 'dod chags spyad pas ting 'dzin 'phel// de phyir dbang la brten dgos zer// chags pa'i bdud kyis rang bslus ltung// de yang rdo rje sems dpa' nyon// nges pa'i lung ldan rnal 'byor la// mnyam du ra nas 'gran pa'i phyir// smad sems zhe sdang bdud zhugs te// rang mnyam ngan pa gzhan la rgol// gdams ngag can la skur pa 'debs// rnal 'byor pa la gnod mi tshugs// de phyir dam nyams rang nyid ltung// phyi mar tsha ba'i dmyal bar ltung// de yang 'dus pa'i snying po nyon// nges pa'i don ldan rnal 'byor pas// nges don yang dag bka' la ni// gang zag smad phyir sgro btags te// mi tshig bslad zer phyar ka gtong// nga rgyal bdud ni khong zhugs te// bka' rkun d+harma 'og brus byed// zhe la 'dod cing che chung byed// de phyir bdud bslus dmyal bar ltung// de yang 'dus pa'i snying po nyon// bdud kyi spyod pa bco brgyad kyang// so sor snang ba ma yin te// lta ba'i bdud nyid gcig pu yin// de phyir lta ba dman pa'i bdud// rdzogs pa chen po don 'dus rang byung bde ba'i 'khor lo'i rgyud las/nyams kyi bdud bstan pa'i le'u ste zhe lnga pa'o//// rdo rje sems dpas yang zhus pa// lta bsgom spyod pa nyams kyi bdud// de dag zil gyis ji ltar mnan// zil gyis non pa'i rtags ni gang// 'bras bu yon tan ji ltar 'byung// kun rig rgyal pos bshad du gsol// zhus pa'i don gsan bka' stsal pa// phyi nang chos kun rang byung sku// bdud nyid rtogs na chos nyid ngang// de phyir lung ldan bstan la zhugs// rang sems rtogs na bdud med do// de yang rdo rje sems dpa' nyon// ma nor don la bsgoms pa'i tshe// snang ba 'od kyi bdud byung na// chos sku kha dog bral ba'i phyir// gsal la mi rtog zil gyis mnan// grags pa sgra yi bdud byung na// chos nyid sgra dang bral ba'i phyir// rjes su 'brang med rang bzhin gyis// lta ba'i rig pas zil gyis mnan// 'jigs pa gzugs kyi bdud byung na// gzhi la snang ba med pa'i phyir// dngos med rtogs pa'i shes pa yis// gzugs can mtshan ma zil gyis mnan// bslu ba rdzun gyi bdud byung na// chos nyid tshig las 'das pa'i phyir// bden par 'dzin pa'i skyon bral bas// rdzun la bden med zil gyis mnan// de yang rdo rje sems dpa' nyon// gsal ba bying ba'i bdud byung na// rgyud gsum bsres pa'i gdams ngag gis// gti mug chos skur rang brlag pas// ye gnas lta ba'i zil gyi mnan// rmugs pa bde ba'i bdud byung na// 'phel 'grib med pa'i don shes phyir// rang byung rig pa'i blta ba la// mnyam nyid dran pas zil gyis mnan// rgod pa mi rtog bdud byung na// snang ba'i bag chags brtas pa las// rang rig bag chags med pa'i phyir// spong sdud zhen med zil gyis mnan// 'phro ba mi g.yo'i bdud byung na// ye nas mi 'gyur rang byung la// goms pa'i dbang gis ting 'dzin gsal// mi brjed gzungs kyi zil gyis mnan// de yang 'dus pa'i snying po nyon// lta bsgom bdud ni de dag kyang// rang byung chos sku 'di rtogs pas// gang byung zil non rang brlag pas// 'bras bu ye shes lhun gyis 'grub// rdzogs pa chen po don 'dus rang byung bde ba'i 'khor lo'i rgyud las/ lta bsgom gyi bdud zil gyis mnan pa'i le'u ste zhe drug pa'o//// de yang 'dus pa'i snying po nyon// 'du 'dzi longs spyod bdud byung na// ting 'dzin dgra ri shes pa'i phyir// 'dod chung chog shes zil gyis mnan// zhen pa gnas kyi bdud byung na// yul la nges med ma chags pas// lta ba rang rig yul med phyir// zhen pa med par zil gyis mnan// yon tan g.yeng ba'i bdud byung na// bdag don ma grub bar du yang// mi dbang mi btang don dran pas// gzhan don mi bya'i zil gyis mnan// 'khor ngan sems 'khrugs bdud byung na// mthar thug 'brel ba med pa'i phyir// gnas skabs 'brel ba ting 'dzin dgra// gdung sems bskyungs la zil gyis mnan// de yang rdo rje sems dpa' nyon// mkha' 'gro'i lung ston bdud byung na// rang rig mi 'gyur rtogs pa las// gzhan du lung ston bslu bar shes// re dogs med par zil gyis mnan// nyams myong zhen pa'i bdud byung na// snga phyi med pa'i chos sku ni// ting 'dzin rkyen gyis mi 'gyur phyir// zhen med lta ba'i zil gyis mnan// zhe 'dod tshul 'chos bdud byung na// gang yang ma bcos don dran pas// rang byung chos sku gdeng ldan phyir// rtogs pa drang po'i zil gyis mnan// bde ba bogs 'don bdud byung na// rang byung ye shes rten med phyir// dbang la mi ltos 'phel 'grib med// rgyu rkyen 'byung 'dod zil gyis mnan// bden med skur 'debs bdud byung na// chos sku sgro skur bral ba'i phyir// lung ldan rnams la gnod mi nus// lta spyod mkhan gyis zil gyis mnan// nga rgyal sgro 'dogs bdud byung na// rang byung don la skyon bral bas// de don nges pa'i gdams ngag ni// snod ngan gsang ba'i zil gyis mnan// de yang rdo rje sems dpa' nyon// zil gyis mnan thabs de dag kyang// spang len dgag bsgrub med par 'dus// de phyir don rtogs dam pa'i lam// de yang sangs rgyas dgongs pa yin// rdzogs pa chen po don 'dus rang byung bde ba'i 'khor lo'i rgyud las/ spyod pa nyams kyi bdud zil gyis mnan pa'i le'u ste zhe bdun pa'o//// de yang 'dus pa'i snying po nyon// chon kun rtsa ba byang chub sems// de rtogs bdud ni zil non rtags// kun bzang ston pa ngas bshad kyis// legs par nyon la yid kyis zung// rnal 'byor snang ba'i 'od byung na// 'ja' tshon rang bzhin med shes bzhin// dam par zhen pa'i blo mi 'byung// 'od gsal bdud ni zil non rtags// don rtogs rnal 'byor dam pa yis// sgra yi rnam pa thos pa'i tshe// sgra brnyan rtag pa med shes pas// rjes 'brangs 'dzin pa'i sems bral phyir// sgra grag bdud ni zil gnon rtags// rnal 'byor 'jigs gzugs mthong ba'i tshe// lbu ba snying po med shes ltar// gzhi la 'jigs pa'i yul med rtogs// gzugs bdud zil gyis non pa'i rtags// rnal 'byor bslu ba'i rdzun byung tshe// rmi lam bzhin du rdzun du shes// gang la bden par mi lta bas// bslu ba'i bdud ni zil non rtags// de yang rdo rje sems dpa' nyon// rnal 'byor yul dran rgod pa'i tshe// dug la sngags kyis btab pa ltar// snga phyi rjes 'brangs med shes pas// mi rtog bdud ni zil gnon rtags// rnal 'byor shes pa 'phro ba'i tshe// ba mo la ni nyi shar ltar// rang byung rang don dran pa'i phyir// mi g.yo'i bdud ni zil non rtags// rnal 'byor gsal ba bying gyur tshe// rin chen ga 'ur bcug pa ltar// chos nyid gsal ba rang thim tshe// gsal 'dod bdud ni zil non rtags// bsgom pa rmugs shing bde med tshe// dper na ri bya rtsis med ltar// rmugs pa bde ba chen por shes// bde 'dod bdud ni zil non rtags// de yang 'dus pa'i snying po nyon// lta sgom 'phel 'grib med shes pas// bdag nyid rang byung ye shes su// don rtogs sangs rgyas rtags su gsungs// rdzogs pa chen po don 'dus rang byung bde ba'i 'khor lo'i rgyud las/ lta sgom kyi bdud zil gyis non pa'i rtags bstan pa'i le'u ste zhe brgyad pa'o//// de nas 'khor la bka' stsal pa// spyod pa'i nyams bdud zil non rtags// nges don bshad kyis yid la zung// longs spyod 'du 'dzi'i bdud byung tshe// bung ba bcud len zhen med ltar// gang la chags pa med rtogs pa// longs spyod 'du 'dzi zil non rtags// rnal 'byor gnas la zhen pa'i tshe// mgron po yul slebs 'jigs med ltar// ma bkol ting 'dzin grogs su shes// zhen gnas bdud ni zil non rtags// rnal 'byor g.yeng ba'i bdud byung tshe// me la shing bsnan ji bzhin du// rnam rtog ye shes skul mar shes// g.yeng bdud zil gyis non pa'i rtags// rnal 'byor 'khor ngan bdud byung tshe// phag glang 'brel ba med shes ltar// gnyen la chags pas 'ching bar rtogs// 'khor ngan bdud ni zil non rtags// de yang rdo rje sems dpa' nyon// 'dre bkren lhar bzung lung ston pa// bden par mi 'dzin re dogs bral// bla ma'i lung la yid ches phyir// lung ston bdud ni zil non rtags// rnal 'byor nyams myong skyes pa'i tshe// bde mthong nyams la ma zhen ltar// nyams la zhen pa skyon du rtogs// zhen bdud nyams ni zil non rtags// rnal 'byor spyod pa'i tshul 'chos tshe// drang srong g.yo sgyu med pa ltar// tshul 'chos spyod pa 'khrul bar shes// zhe 'dod bdud ni zil non rtags// rnal 'byor bsgom pa bogs 'don tshe// 'dod chags bral ba'i dge slong bzhin// nges don blta bar dbang mi dgos// bde 'dod bdud ni zil non rtags// rnal 'byor zhe sdang bskur 'debs tshe// skur bral nyams myong btsun mo bzhin// dman sems med pa'i gdeng ldan pas// skur 'debs bdud ni zil non rtags// rnal 'byor nga rgyal sgro 'dogs tshe// rin chen nor la bsnyad mi dgos// de bzhin nges don gsang thub na/ nga rgyal bdud ni zil non rtags// de yang 'dus pa'i snying po nyon// de dag spyod pa nyams kyi bdud// rtogs na rang byung chos sku yin// de phyir don dran bdud med pas// zil gyis mnan pa'i thabs mi dgos// rdzogs pa chen po don 'dus rang byung bde ba'i 'khor lo'i rgyud las/ spyod pa nyams kyi bdud zil gyis non pa'i rtags bstan pa'i le'u ste zhe dgu pa'o//// de yang 'dus pa'i snying po nyon// nges don rtogs pa'i rnal 'byor pas// lan gcig skye shi'i bdud byung tshe// ye shes chos sku'i gzugs brnyan ni// longs spyod rdzogs dang sprul sku 'byung// de yang 'dus pa'i snying po nyon// 'jig rten dag par rtogs pa'i tshe// dmyal ba'i btso bsreg 'jigs pa'i sgra// ngu 'bod tser lhang la sogs pa// gsang sngags gsung gi 'khor lor shes// lcags bsreg sa gzhi me 'od kyang// rnam par dag pa'i zhing khams la// 'khor ba'i skyon med 'od zer 'gyed// de phyir 'od gsal ye shes sku// 'jigs pa'i gshin rje'i gshed po yang// thub drug gzugs skur rnam par mthong// de phyir las dag 'khor ba med// sangs rgyas sa nyid da lta non// rdzun zer lha yis bslus pa'i bdud// nges don snying po rtogs pa yis// sa bcu'i byang chub sems dpar mthong// sems can don byed rgyal ba'i bka'// de yang 'dus pa'i snying po nyon// sprul sku'i 'khor ni 'gro drug kyang// bden par 'dzin pa'i rtogs med phyir// dus gsum sangs rgyas sprul pa'i 'khor// lus med bsgom bdud 'byung mi srid// lta bsgom bdud med 'bras bu ni// me long nang gi gzugs brnyan bzhin// chos kun gzugs brnyan chos kyi dbyings// de la zhen med rgyal ba'i gnas// de yang 'khor gyi snying po nyon// spyod pa'i bdud med 'bras bu ni// rig pa rang gsal chos skur shes// de yi yon tan 'jig rten du// gzugs sku rnam gnyis 'gro don mdzad// de dus skyon med ye shes ni// pad+ma dang ni 'dam bzhin du// gos med rang rig ting 'dzin gsal// ma rig med phyir skyon mi gos// rnam smin lus kyi sgo lnga yis// 'khor ba'i gzugs bral spang sdud med// bag chags dag phyir zhen pa med// spyod pa'i bdud ni 'byung mi srid// mnyam bzhag rjes thob dbyer med pas// yin min bzang ngan bde sdug gi// nyams kyi bdud med 'bras bu ni// bsam gtan ri mo'i yon tan la// dam par blta ba med pa'i phyir// 'byung 'jug med pa'i nyams dang ldan// lus med ye shes chos skur gsal// de phyir lus bral gdams ngag gces// de yang rdo rje sems dpa' nyon// rang byung chos sku rtogs pa la// rgya mtshor nyi zla'i gzugs brnyan bzhin// rang rang mos pa so so la// gzhan don ma btsal shugs las 'byung// dper na chang gis ra ro bzhin// byang chub sems dpa' las dag la// longs spyod rdzogs pa'i skur mthong nas// ldem dgongs chos rnams sku yis ston// dad ldan nyan thos rang rgyal la// cir yang sprul pa'i skur mthong nas// gsung gi sgo nas drang don du// bkri drang thabs kyis chos rnams ston// de yang 'dus pa'i snying po nyon// 'khor 'das gzhi la med pa yi// nges don ye shes chos sku 'di// thams cad sangs rgyas dgongs pa'i chos// sems can ming med bde gshegs la// byin rlabs chos kun thugs kyis ston// de yang rdo rje sems dpa' nyon// sku gsum gsungs pa de dag kyang// gdul bya'i 'khor la phye ba las// don la dbyer med chos skur gcig/ de phyir thig le nyag gcig yin// rdzogs pa chen po don 'dus rang byung bde ba'i 'khor lo'i rgyud las/ bdud zil gyis non pa'i 'bras bu bstan pa'i le'u ste lnga bcu pa'o//// de nas kun rig ston pa la// rdo rje sems dpas yang zhus pa// kun gzhi ldog dus thabs dang ni// log pa'i 'bras bu mthar phyin gang// sangs rgyas rnam bzhi ji ltar dbye// bar dor sangs ni ji ltar rgya// sangs rgyas mdzad spyod ji ltar 'byung// kun rig ston pas bshad du gsol// de nas 'dus pa'i 'khor rnams la// zhus pa'i don gsan bka' stsal pa// ldog pa'i dus dang ldog pa'i thabs// dang po kun gzhi ldog dus ni// kun gzhi'i mtshan nyid 'gro ldog med// re shig ma rig bag chags zad// de la ldog ces btags pa ste// ldog dus rim dang yongs su dag/dang po gnyis nas dgu bar du// lhan cig skyes dang kun brtags pa'i// ma rig sgrib pa yongs sbyangs nas// rdo rje lta bu'i ting 'dzin gyis// thams cad me long g.ya' dag ltar// gyur pas ldog dus de nyid yin// de yang 'dus pa'i snying po nyon// lus ngag yid gsum ma sbyangs par// ye shes lha la mi spro ste// dngos grub bslang pa'i 'os med pas// de nyid dag par sbyangs pa ni// dngos grub bslang ba'i 'os gnas yin// bdag nyid dag pas dam tshig sems// bran dang khol tshul dngos grub bslang// ye shes sems dpa' bla ma yis// bdag la dngos grub ster tshul gyis// mtshan bcas mtshan med gnyis sgo nas// kun gzhi bag chags yongs sbyangs nas// lcang lo can gyi pho brang du// phyag na rdo rje'i skur rdzogs pas// rdo rje 'dzin pa'i sa zhes bya// de yang rdo rje sems dpa' nyon// thams cad spros bral rnam par dag// da lta'i rig pa'i ye shes 'di// rtogs pa'i mtshan nyid rnal 'byor la// chu zla lta bur bskyed pa'i gzhi// byang chub lnga yi lha tshogs gsal// mtshan ma lha yi rnal 'byor la// sbyor ba ldan pa'i sa zhes bya// dam tshig sems dpar gsal ba la// ye shes spyan drangs spun dang grogs// 'bras bu mngon du ma gyur par// mchod cing blang bas mnyam nyid pa// de ltar bsgom pas mthar phyin nas// ye shes lha dang spun grogs tshul// bsgom pas mthar phyin gyur pa'i sar// tshogs chen rnam gnyis yongs rdzogs nas// bde gshegs snang ba sprul sku nyid// sems dpa'i tshul ston 'khor bskor te// sku yi sgo nas chos ston mdzad// de dag slar yang yig 'brur gyur// bde gshegs sku la 'dus par bsgom// yi ge 'khor lo tshogs chen sa// de dag kun gzhi bzlog pa'i dus// rdzogs pa chen po don 'dus rang byung bde ba'i 'khor lo'i rgyud las/phyi pa kri yog gi kun gzhi ldog pa'i dus bstan pa'i le'u ste nga gcig pa'o//// kun rig rgyal pos bka' stsal pa// thabs dang shes rab gnyis sgo nas// gsang chen ngang la sku gsung thugs// rgyan gyi dkyil 'khor rdzogs bskyed nas// phyi nang lha dang gzhal yas khang// gsal bar rdzogs par bskyed pa ni// sbyor ba thabs kyi sa zhes bya// bdag nyid ting 'dzin gsal ba la// rang bzhin re zhig spyan drangs te// rje grogs khol spun mi blta zhing// gnyis med gcig tu gyur pa la// nyon mongs dug gsum dug lnga dang// maM sa rak+ta la sogs mchod// skyon rnams sku gsung thugs su dag/'dod pa'i yon tan ye shes rgyan// mnyam pa nyid du kun gyur pas// de nyid dbye ba med pa'i sa// mchod bstod bsnyen pa mthar phyin nas// de nyid nges par mngon gyur te// sku gsung yon tan phrin las kyis// 'gro ba ma lus rdzogs par mdzad// grogs dang gnyen po'i tshul gyis 'dul// de nyid yongs su rdzogs pa'i sa// kun gzhi ldog pa'i dus nyid yin// de yang rdo rje sems dpa' nyon// ye nas lhun gyis grub pa'i sku// gzhan nas spyan drangs med pa ste// dbyings la rig pa drang ba las// de la dbyings nyid ji bzhin par// rig pas de ltar gnyis med par// rtogs pas spyan drangs byon pa yin// de ltar nges par gyur pa ni// de nyid gnyis su med pa'i sa// phung po lha ru rdzogs pa yang// ye nas lha yi rang bzhin la// da gzod rtsol ba ma yin te// dbyings nyid skye ba med pa las// skye ba'i chos 'phrul lha yi sku// rdzogs par de nyid snang ba las// ting 'dzin rim gyis bskyed pa med// ma bskyed rang bzhin rdzogs gsal ba// de nyid bkod pa med pa'i sa// ma bskyed rdzogs par gsal ba las// bdag gzhan gnyis su med pas ni// dbyings las rim 'jug ma g.yos par// 'bras bu che ba'i yon tan rdzogs// gzhan nas byas dang btsal med pas// che ba'i yon tan rdzogs pa la// lhun gyis grub pa'i sa yin pas// de nyid kun gzhi ldog dus yin// de yang rdo rje sems dpa' nyon// thams cad chos nyid mnyam pa'i ngang// ma btsal ye nas lhun grub rdzogs// dus gsum mi 'gyur chen po yin// thams cad ye nas sangs rgyas pas// 'khor gyi tshig ni ming med te// bskyed cing rtsol bas phral mi dgos// rang rig ye shes mngon snang bas// de nyid mngon du snang gyur te// de tshe nyid na 'khor ba stongs// kun gzhi ming med ldog pa'i dus// de yang 'dus pa'i snying po nyon// don du rnam pa thams cad du// sangs rgyas nyid las ma gtogs pa// rdzogs chen a ti'i a ti la// gzhan pa gang yang med pa'i phyir// sa dang kun gzhi ldog dus gcig/ye nas sangs rgyas rang bzhin la// de las mi 'gyur rtsol dang bral// ye rdzogs nyid las ma gtogs pa// kun gzhi'i ming yang mi srid pas// 'khor ba yod pa ma yin te// rdog rgyu med phyir ldog dus gang// thams cad ye sangs rgyas pa'i phyir// rtogs ma rtogs su gang gis gdags// rang byung ye shes chen po las// ma rtogs 'khor ba ming yang med// ma rtogs 'khor bar snang zhe na// ltar snang yang dag don med de// sangs rgyas nyid la ltar snang med// thams cad chos sku brdal ba la// gang yang med phyir ci zhig 'khor// de phyir ma btsal ye rdzogs yin// rdzogs pa chen po don 'dus rang byung bde ba'i 'khor lo'i rgyud las/nang pa bskyed rdzogs gnyis kyi kun gzhi ldog pa'i dus bstan pa'i le'u ste nga gnyis pa'o//// de nas kun rig rgyal po yis// kun gzhi ldog thabs bka' stsal pa// sa dang pha rol phyin pa bcu// rim gyis yongs su sbyangs nas ni// sgrib pa yongs su byang gyur nas// sa bcu rim gyis bgrod pa ni// kun gzhi ldog pa'i thabs su bstan// de yang 'dus pa'i snying po nyon// slob dpon lung dang ldan pa yis// sems can bde gshegs snying po can// ye nas sangs rgyasas rang bzhin pas// sa dang pha rol phyin pa yis// da gzod rtsol pa ma yin te// phung po khams dang skye mched sogs// sku dang ye shes rang chas la// bla ma'i lung dad ldan pas 'grub// bskal pa'i dus la mi ltos par// myur du sangs rgyas thabs chen po// slob dpon lung dang ldan pas na// ldog thabs bla ma dam pa yin// de yang 'khor rnams yang nyon cig/ chos sku nyid las ma gtogs pa'i// kun gzhi bya ba ming med pas// ldog rgyu med phyir ldog thabs ci// ye nas med phyir ldog dang bral// rdzogs pa chen po don 'dus rang byung bde ba'i 'khor lo'i rgyud las/kun gzhi ldog pa'i thabs bstan pa'i le'u ste nga gsum pa'o//// de nas 'dus pa'i tshogs rnams la// kun rig rgyal po bka' stsal pa// kun gzhi ldog pa'i 'bras bu ni// yid gnyis gnas 'gyur mnyam nyid dang// so sor rtogs pa'i ye shes te// sku ni longs spyod rdzogs pa'i sku// sgo lnga bya ba nan tan dang// sprul pa'i skur ni gyur pa na// chos kyi sku dang longs spyod sku// me long thams cad mkhyen pa nyid// mtshan nyid dbu ma'i bye brag gis// rang bzhin sgyu mar snang ba yi// tshogs bsags smon lam gdab pa yis// mi thogs 'gro don byed par snang// rang bzhin stong pa'i ye shes yin// de yang 'dus pa'i snying po nyon// kun gzhi yongs su gnas 'gyur bas// me long ye shes gyur pa'i tshe// de nyid ngang gis kun 'gyur te// sku lnga ye shes lnga rdzogs nas// rigs lnga yab yum sems dpar bcas// zhing khams gzhal yas yongs rdzogs pa// kun gzhi log pa'i 'bras bu yin// yang ni 'khor rnams yid kyis zung// chos rnams ye nas sangs rgyas pas// da gzod rtsol zhing bsgrub pa dang// gnas 'gyur bzang ngan yongs med de// chos sku bde chen rtogs pa las// ma g.yos gnas pas sgrib pa'i tshogs// ma sbyangs rang bzhin rnam dag nas// ji ltar gnas pa mngon gyur to// rdzogs pa chen po don 'dus rang byung bde ba'i 'khor lo'i rgyud las/ kun gzhi ldog pa'i 'bras bu bstan pa'i le'u ste nga bzhi pa'o//// kun rig rgyal pos bka' stsal pa// ye shes 'bras bu mthar phyin pas// chos dang longs sku'i bdag nyid las// sprul sku ji ltar 'thad bstan te// so so'i gzhung dang mthun pa ru// 'gro don ma lus rdzogs par mdzad// slar yang chos skur mya ngan 'das// log pa'i 'bras bu mthar phyin pas// de dag re zhig bstan par zad// rim par brgyad ni drang ba'i don// 'gro don rgyas zhes gsungs mod kyang// sku dang ye shes yongs med pas// de la mthar thug 'bras bu med// theg pa brgyad kyis sangs mi rgya// de yang 'dus pa'i snying po nyon// rim pa brgyad kyis bsgrub pa'i lam// bya byed 'bad rtsol mtshan ma ste// mtshan ma sangs rgyas gegs yin pas// rim pa brgyad kyi gol sa yin// de yang rdo rje sems dpa' nyon// ye nas sangs rgyas a ti la// sangs rgyas nyid las gzhan med cing// kun gzhi rgyu 'bras gting nas med// ji ltar gnas pa'i don nyid las// mthar phyin 'bras bu brjod las 'das// log lta bral ba ji bzhin pa// blo la mngon snang mthar phyin pa'o// sangs rgyas myang 'das 'bras bu rdzogs// rdzogs pa chen po don 'dus rang byung bde ba'i 'khor lo'i rgyud las/ ye shes mthar phyin pa'i 'bras bu bstan pa'i le'u ste nga lnga pa'o//// de nas 'dus pa'i 'khor rnams la// sangs rgyas dbye ba bka' stsal pa// dang po rgyu yi sangs rgyas ni// rang byung ngo bo nyid kyi sku// sems ni kun gzhi'i mun gseb na// rang byung ma rig bsgribs te gnas// de yi gtan tshigs nges pa ni// rtag chad bral dang ngo ma shes// rang byung ngo bo rgyun du gnas// 'khor 'das gnyis ka sems la rdzogs// de yi de nyid mtshon pa'i dpe// til la mar gyis khyab pa dang// nam mkha' a dang rdo rje yis// phyogs 'ga' 'dra ba'i dpe yis mtshon// 'bras bu rang la yod pa'i phyir// rgyu rkyen gzhan la rag ma lus// de phyir rang byung kun khyab des// gzhan don byas phyir btsal mi dgos// de yang 'dus pa'i snying po nyon// rtogs pa skad cig sangs rgyas ni// ngo bo kun gzhi'i gzhi cha la// lung ldan bla mas don bstan pas// ma rig sangs pas rig pa rgyas// de yang yid ches gtan tshigs ni// 'khor 'das 'byung ba glo bur te// gzhi la med par rang yid ches// de phyir rtsol ba'i nad dang bral// de yis de nyid mtshon pa ni// mun khung sgron me btegs pa dang// nam langs nyi ma shar ba dang// long bas rin chen rnyed pa 'dra// de yi 'bras bu nges pa ni// bag chags nyon mongs zil gyis gnon// yul med rang rig chos skur bstan// de yang yid ches 'bras bu mchog/de yang rdo rje sems dpa' nyon// lam la gnas pa'i sangs rgyas de// ngo bo lta ba'i gzhir nges phyir// rgyun du 'bral med lhag mthong gsal// ye shes ngos zin yengs pa med// de phyir lam chen chos sku'i klong// de yi yid ches gtan tshigs ni// nyon mongs mi 'byung bag chags bral// spong sdud zhen pa'i rtog pa sangs// ma rig sgrib med ye shes rgyas// de yi don nyid mtshon pa'i dpe// mar me rlung gis ma bskyod dang// sprin med nyi ma rang gsal ltar// mi g.yo rgya mtsho dngas pa 'dra// 'bras bu'i ye shes de nyid yin// lta ba gdeng ldan yid ches pas// rang rig ye shes nyams shar te// 'khor bar lhung med 'bras bu mchog/de yang 'dus pa'i snying po nyon// 'bras bu mngon gyur sangs rgyas ni// rang gi ngo bo chos kyi sku// ye shes thugs kyis thams cad mkhyen// nges pa'i don la 'pho 'gyur med// yid ches nges pa'i gtan tshigs ni// lus dang bral ba'i bar do la// ma rig sgrib pa thams cad sangs// rang byung rig pa'i ye shes rgyas// de yi mthun dpe mtshon dpe ni// yid bzhin nor bu rin po che// dgos 'dod thams cad 'byung ba dang// ci bsam 'grub pa'i dpe dang 'dra// de yi 'bras bu nges pa ni// rang rig chos sku ye shes la// gzugs sku rnam gnyis dus gcig 'byung// 'gro don mdzad kyang skyon mi dgos// rdzogs pa chen po don 'dus rang byung bde ba'i 'khor lo'i rgyud las/ sangs rgyas kyi dbye ba bstan pa'i le'u ste nga drug pa'o//// kun rig ston pas yang gsungs pa// rnal 'byor rtogs pa'i gdeng ldan pas// tshe yi tha ma 'chi ka'i dus// sa chu me rlung rim thim ste// dbugs ni thum thum byed pa'i tshe// tshe 'di'i snang ba nub kha ru// phyi ma'i snang ba 'char kha ru// rnam shes snang ba skyes pa'i tshe// du ba smig rgyu lta bur mthong// 'byung ba dngos med zhig pa snyams// de tshe snang ba 'di nub nas// rang snang mched pa srin bu'i me// bag tsam gsal ba'i don mthong ste// snang ba thob pa'i dus su ni// mar me'i rtse ltar brtag par dka'// de nas ye shes brtan pa'i dus// nam langs nyi ma shar ba bzhin// rang rig chos sku wal gyis gsal// yul med rig pa rang byung thugs// sa zin nges pa'i rang byung de// sngar goms dbang gis 'gyur ba med// dper na khab len lcags bzhin du// rang rig chos sku ngos zin pas// mngon shes drug ldan rjes dran drug/ bar do yon tan lnga ldan pas// ma rig sangs nas ye shes rgyas// sangs rgyas yon tan thams cad sdud// de yang rdo rje sems dpa' nyon// rang byung rang rig ye shes ni// sang nge sal le ye shes gsal// de phyir rang byung ye shes sku// byis ni bar dor lus mi len// yul la mi 'jug chags sdang med// de phyir mngal du 'jug pa med// sangs rgyas zhes ni de la bya// rdzogs pa chen po don 'dus rang byung bde ba'i 'khor lo'i rgyud las/ sangs rgyas pa'i dus bstan pa'i le'u ste nga bdun pa'o//// 'khor la ston pas yang gsung pa// sangs rgyas chos sku'i mdzad spyod kyang// ye shes lus can chod sku ni// rnam dag rang byung ye shes thugs// thams cad mkhyen pas rig pa gsal// sangs rgyas kun gyi thugs su bshad// rang byung mig gis thams cad gzigs// ye shes spyan gcig dri ma med// mthong la mi rtog mnyam nyid phyir// chos kyi sku yi spyan zhes bya// de yang rdo rje sems dpa' nyon// mnyam nyid mi g.yo rang byung snyan// dngos med sgra thos rjes 'brang med// de dus chos nyid rang byung sku// de las 'gyur med ye shes snyan// gdangs gsal 'gyur med nyams kyi dri// rtog med tshor ba byang chub sku// ye shes sna la dri mchog thim// de la zhen med sangs rgyas shangs// da yang 'dus pa'i snying po nyon// chos sku ro mchog nyams su bstar// smra med bde gsal sangs rgyas ljags// ye shes ljags kyis rang rig myang// de don dgongs pa rang byung sku// de yang rdo rje sems dpa' nyon// dngos med rig gsal ye shes lus// ye shes sku la skye 'chi med// de don mi 'gyur yon tan rdzogs// de phyir sangs rgyas chos kyi sku// de ldan skad cig dus de ru/ gza' skar gzugs brnyan rgya mtsho bzhin// dus gcig 'dzam gling phrag brgya ru// 'gro don gzugs sku dus gcig khyab// ci rigs pa yi chos rnams ston// dpe ni nam mkha'i dkyil dang 'dra// rtags ni sangs rgyas chos kun mkhyen// de yi yon tan brjod mi langs// rdzogs pa chen po don 'dus rang byung bde ba'i 'khor lo'i rgyud las/ sangs rgyas kyi mdzad spyod bstan pa'i le'u ste nga brgyad pa'o//// de nas kun rig rgyal po la// 'dus pa'i 'khor gyi yang zhus pa/// ma rtogs 'khor bar ji ltar 'khyams// gdams ngag med pa'i skyon ni gang// de yi ltung sgo gang du ltung// kun bzang ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rgyud lung man ngag chos rnams kun// snang ba bzhi ru blos byas pas// sgro skur gnyis la zhen pa'i phyir// byas pa don med sdug bsngal snon// de yang 'dus pa'i snying po nyon// dper na bya sgro rlung khyer ltar// nges med gzhi la blo gtang nas// ma rtogs rtsol sgrub ci spyad kyang// mi rtogs dug lnga rgyas par 'gyur// dmus long byang thang 'khor ba bzhin// nges don ma rtogs ci bsgoms kyang// shes rab mig med bag chags brtas// gol sa ma chod 'khrul pa'i las// de yang rdo rje sems dpa' nyon// dper na bya rgod gshog chag ltar// blta spyod gcig tu ma shes par// res 'jog blang dor byas phyir nor// ma rtogs chos spyod las rnams 'khrul// sa bon ma btab so nam bzhin// nges don ma rtogs chos spyad kyang// 'bras bu med cing rang brlag nas// mtha' med 'khor ba'i rgya mtshor ltung// de phyir gdams ngag med pa'i chos// lus ngag las su spyad gyur kyang// sdug bsngal rgyu las phan mi nus// ma rtogs chos kun de bzhin no// rdzogs pa chen po don 'dus rang byung bde ba'i 'khor lo'i rgyud las/ ma rtogs pa'i skyon bstan pa'i le'u ste nga dgu pa'o//// kun rig ston pas yang gsungs pa// 'khor 'das gnyis kyi bar do'i rgyun// thog mtha' gcod ni ma shes na// sa mkhan med pa'i tshong pa bzhin// skye 'chi'i sdug bsngal las mi thar// skye shi gnyis kyi bar dor ni// chos sku ngo sprod ma shes na// sgron me med pa'i mun khung ltar// ma rig mun pa sangs dus med// de yang rdo rje sems dpa' nyon// mnyam gzhag rjes thob bar dor ni// rgyun du 'bral med ma shes na// chu bran than pas bskams pa bzhin// lta sgom gnyis kyis rkyen mi thub/ yul sems gnyis kyi bar dor ni// phyi yi gol sa ma chod na// bu lon 'brel thag ma chod ltar// rang sems chos skur rtogs mi srid// srid pa dag gi bar dor ni// sangs rgyas kun gyi don med na// rin chen 'dam du stor ba bzhin// 'bras bu mi 'byung mngal du 'jug/ de yang 'dus pa'i snying po nyon// theg pa gzhan dang rtsod dus su// gal mdo nges pa'i don med na// go mtshon med pa'i dpa' bo bzhin// man ngag zab mo'i khyad mi thon// de yang 'dus pa'i snying po nyon// de phyir gol sa de dag kyang// rang sems snying po ma rtogs phyir// lung ldan bka' med 'khor ba'i skyon// bskal par bgrangs kyang bde mi thob// rdzogs pa chen po don 'dus rang byung bde ba'i 'khor lo'i rgyud las/ gdams ngag med pa'i nyes pa bstan pa'i le'u ste drug bcu pa'o//// de nas kun rig rgyal po yis// dad ldan 'khor la bka' stsal pa// ma rtogs dbyig gu'i thun tshod kyis// mdo sde kha ton gdon 'gyur kyang// bdag bstod gzhan la smod pa'i phyir// ngan song sgor ni nges par ltung// gzhan gyi bsam spyod bzang po la// bar chad byed pa bdud yin te// ma rtogs ser sna byed pa ni// bdud kyi sgor ltung 'khor bar 'khyams// gzhan gyi 'khor la phrag dog pas// yon tan mang po shes gyur kyang// rang sems snying po ma rtogs na// gnod sbyin sgor ltung rtag tu 'khor// mnyam nyid ma rtogs rang rgyud du// chags sdang pho tshod spyod pa'i las// dug lnga rang gar spyad nyes pas// srin po'i sgor ltung rtag tu 'khor// rang dbang ting 'dzin ma thob par// 'khor dang ris su bcad bsams pas// bdag nyid che 'dod 'khor sdud pa// sho gam can chen dag tu ltung// de yang rdo rje sems dpa' nyon// ji bzhin ma nor ma rtogs par// lta log gzhan gyi slob dpon byed// rang gis mi shes gzhan sgrol ba// rU tra'i sgor ltung rtag tu 'khor// tshig tshogs phrin las ci mkhas kyang// ma rtogs dngos por 'dzin pa yis// rang rgyud dam rdzas mngon zhen phyir// bgegs dang bya rog sgor ltung 'khor// thabs lam dbang la khungs phyung ste// 'dod chags rang dgar rtag spyad pas// lta bas ma zin bde la zhen// lha chen sgor ltung 'khor bar 'khyams// ma rtogs nga dang bdag 'dzin pas// gsang sngags lta spyod yin zer nas// sems can kun la brtse med gsod// mu stegs rtag chad sgor ltung 'khor// de yang 'dus pa'i snying po nyon// ma rtogs dbang gis ci spyod pa// lus ngag 'di yis lan pa'i phyir// las ngan dgu po gang spyad kyang// dmyal bar nges 'gro gtan du 'khyams// rdzogs pa chen po don 'dus rang byung bde ba'i 'khor lo'i rgyud las/ma rtogs pa ltung ba'i sgo bstan pa'i le'u ste re gcig pa'o//// de nas rdo rje sems dpa' yis// dad ldan 'khor la phan don du// kun rig sems kyi rgyal po la// bden pa'i yid kyis 'di skad gsol// kun bzang rang sems ji ltar rtogs// don gyi nges don ji ltar bsdu// snga phyi log gnon gang gis bya// rang sems gsal ba ji ltar yin// de skad zhus pa'i don gsan nas// kun rig rgyal pos bka' stsal pa// nga yis rtogs pa'i don bshad kyis// gzhan du ma yengs sems la zungs// de skad ces ni gsungs pa dang// 'khor kun dad pas yid dga' nas// rtse gcig nges par don la zhugs// de tshe ston pas bka' stsal pa// 'khor 'das 'byung bas ma bslad tshe// rang byung ngo bo nyid kyi sku// 'khrul dang rtogs pa med pa'i dus// mtshon tshig spyod pa'i yul med pas// gang zhig 'dzin blo ma zhugs phyir// de nyid don du rang rig ste// sgro skur ma btags rang gsal ba// de las mi 'gyur chos skur shes// sngar ma 'khrul pas bstan mi dgos// ma bstan rig pa rang la shar// de nyid dus na ma rig sangs// bag chags med phyir ye shes rgyas// rang gis rang rig ye shes sku// de las ma g.yos lhun gyis grub// de phyir rang byung rgyu rkyen med// de las yid ches gdeng ldan pas// rkyen bzhi bskyed pas ma rig bral// de phyir 'khor bar lhung ma myong// de yang rdo rje sems dpa' nyon// sems med rang rig chos skur shes// che ba'i yon tan bsgrub mi dgos// rang don bde skyid sangs rgyas med// de phyir mya ngan 'das ma myong// kun brtags med phyir sgrib pa med// de don rang byung snying po la// spang thob med pas re dogs bral// gang gi skyon gyis ma gos la// ma bsgrubs yon tan mtha' dag rdzogs// kun tu bzang po rang la blta// rgyu rkyen snying po med pa'i phyir// dmigs med chos kyi sku zhes bya// de yang rdo rje sems dpa' nyon// sangs rgyas sems can gzhi la med// sems med rang byung kun bzang la// slob dpon med phyir rang byung sku// thos bsam ma byas rang rig rtogs// ma rig med phyir sems dang bral// ngo mtshar rig pa rgyal ba'i gsung// sems med rnam pa thams cad mkhyen// 'byung bzhi med phyir 'dus ma byas// de phyir gzugs med ye shes sku// 'khor ba med pas rnam par dag/ sangs rgyas kun gyi nges pa'i don// phyi rabs kun gyi lung du che// de rtogs nga yi byin rlabs las// dus gsum sangs rgyas gsan par mdzad// myang 'das thog ma med nas byung// 'gro don gzugs sku rnam gnyis ston// rdzogs pa chen po don 'dus rang byung bde ba'i 'khor lo'i rgyud las/ kun tu bzang po'i rtogs pa bstan pa'i le'u ste re gnyis pa'o//// de nas 'dus pa'i 'khor rnams la// kun rig ston pas bka' stsal pa// 'khor ba mya ngan 'das pa'i chos// rang rig chos sku ma yin te// yul la zhen pa'i blo zhugs pas// de phyir don gyi gnas lugs min// de yang rdo rje sems dpa' nyon// ma rig rgyu rkyen las bskyed pa'i// rang rtog 'khrul pa'i bag chags brtas// de las sdug bsngal sna tshogs byung// chu bo bzhi las thar ba med// de yang 'dus pa'i 'khor rnams nyon// mya ngan 'das pa'i bde ba yang// rgyu rkyen tshogs bsags nus mthu yis// gnas skabs bde ba'i 'bras bu 'byung// de phyir mthar thugs 'bras bu min// de yang 'khor rnams yang nyon cig/'khor 'das ma rig chos kyi sku// tha mal lus bcas shes pa yis// gzhi cha ye shes ngos zin nas// rang rig 'gyur med yid ches pas// de ldan sangs rgyas dgongs pa yin// de rtogs bsgom du rdul tsam med// de nyid rang byung snying po yin// de ldan rnal 'byor gang yang rung// lus ngag yid kyi bya ba rnams// ci spyod ye shes chen po nyid// gang yang 'gal med rig spyod yin// de phyir rang sems rtogs pa yin// de yang rdo rje sems dpa' nyon// rang rig ye shes 'gyur med de// ma byas ma bcos gdod nas dag/ de la gang gnas 'pho 'gyur med// de phyir nges pa'i gdeng ldan pas// ci byas chos sku'i snying po nyid// de ldan mi lus 'di nyid la// sangs rgyas kun dang dgongs pa gcig/ de yang rdo rje sems dpa' nyon// nges don 'di rtogs rnal 'byor la// 'byung bzhi med pas zhen pa chung// sangs rgyas med pas mchod mi dgos// sems can med pas snying rje bral// de phyir re dogs med pa'i don// gang yang med pas btsal du med// de phyir don la yengs pa med// med pa ma yin snying po 'di// rgyu rkyen med pa'i rig pa la// kun dang mi mthun ye nas gsal// de ldan chos sku 'gyur ba med// de yang 'dus pa'i snying po nyon// de don nges ldan rnal 'byor la// dge ba mi dgos sgrib pa med// sdig pa mi spyod ma rig med// chos sku ngo shes rang byung de// lung ma bstan pa'i skyon mi gos// de phyir yon tan kun ldan pas// sangs rgyas kun dang ye nas mnyam// rdzogs pa chen po don 'dus rang byung bde ba'i 'khor lo'i rgyud las/nges don snying po bsdus pa bstan pa'i le'u ste re gsum pa'o//// de nas 'dus pa'i tshogs rnams la// sems kyi log gnon bka' stsal pa// da ltar rig pa 'di nyid ni// ma bsgribs ye gsal rang byung de// dus 'dir don gyi nyams dang ldan// de yang 'dus pa'i snying po nyon// 'bras bu da lta'i shes pa la// ma rig bral ba'i rtogs pa de// rang gsal yid ches nges pa'i don// de nyid sangs rgyas ye shes gdengs// de yang rdo rje sems dpa' nyon// mtho ris ngan song med pas bde// bying rgod med phyir bsgom mi dgos// de ldan yang dag gol sa med// de phyir 'khor 'das ka nas dag/ chos sku'i ngang la gnas pa'i tshe// sngar goms bag chags dran gyur kyang// chos sku zhen med gol sa med// dug tu ngo shes mi za 'dra// de yang 'dus pa'i snying po nyon// phyis kyi nyon mongs skyes pa'i tshe// tur byung nyon mongs yin shes na// rang byung chos sku shugs la gsal// de tshe blang dor med par zhi// mdor na snga phyi gzhi nyid las// gang yang med par don go bas// de tshe chos sku gsal 'debs phyir// dran pa 'gags med rang byung sku// de yang 'dus pa'i snying po nyon// gdod nas rang byung snying po 'di// 'khor 'das ma rig chos kyi sku// rang gsal 'gyur med ye shes ni// rin po che yi 'od dang 'dra// de phyir rang gsal 'od po che// de ldan rang byung rnal 'byor pas// gang yang chos skur shes pa'i phyir// ci dran skyon med nam mkha' 'dra// de phyir bla ma'i don 'di gces// rdzogs pa chen po don 'dus rang byung bde ba'i 'khor lo'i rgyud las/nges don log gnon du bstan pa'i le'u ste re bzhi pa'o//// de nas 'khor la bka' stsal pa// sems ni 'khrul pa yin pa'i phyir// chos kun gol sems yin pas na// yang dag nyid ni sems dang bral// sems med rang byung rig pa'i sku// de yang rdo rje sems dpa' nyon// yang dag sangs rgyas lam 'di la// tshogs brgyad med phyir sems dang bral// sna tshogs yul la zhen pa'i bar// rang gi sems zhes de la bya// gang yang rung ba gcig la yang// yid dang sgo lnga yul dran pas// nges don ma yin rang gi sems// rigs drug bskyed pa'i sems yin phyir// yang dag 'khrul pa sems las byung// de phyir sems ni gol bar gsungs// de yang 'dus pa'i snying po nyon// sems ni 'khor ba'i gzhi yin pas// rang byung chos sku 'byung mi srid// rang sems rtogs na sems med phyir// dus gsum sangs rgyas kun bzang la// kun gzhi med phyir sems dang bral// de phyir sems kyis sangs mi rgya// sems ni rgyu rkyen bskyed pa'i phyir// nges don ma yin 'khrul pa'i blos// de yang 'dus pa'i snying po nyon// theg brgyad sems su 'dod pa'i phyir// nges don a ti'i gol sar bshad// de phyir 'khor ba'i chos yin te// dper na dmus long nor mi mthong// de phyir yul sems dbyer med 'dod// gang yang rung ba gcig la yang// rang sems yin zer rmongs pa rnams// 'bras bu chos nyid don dang bral// de phyir sems la sangs rgyas med// sems rtogs sems med chos skur shes// de phyir rang sems chos sku min// de yang rdo rje sems dpa' nyon// ma rig rmongs pa'i gang zag rnams// chos sku rang yang sems yin zer// de phyir tshig las don ma go// ming las nges don shes pa dkon// de phyir sems kyis sangs mi rgya// rjes las btsal ba'i glang po rnyed// sems kyi phyogs nas don btsal na// rang rig rgyal po ye shes rnyed// de rnyed sems su 'dzin pa bral// 'dzin bral sems med rang byung sku// sems las ma byung sangs rgyas rnyed// sems kyis rang rig chos sku bsgribs// de phyir ma rig zhes su gdags// ma rig med pas rang sems brlag/ sems ni ma rig rgyu las byung// kun brtags rkyen gyis bskyed pa'i phyir// 'bras bu kun gzhi 'khor ba'i sems// de phyir sangs rgyas 'byung mi srid// de yang 'dus pa'i snying po nyon// mun pa 'thibs pas snang ba bral// rang gi sems kyis ma rig 'phel// de phyir 'khor ba'i rtsa ba ni// rang sems 'khrul pa'i sems 'di yin// de phyir dug lnga rgyas par byed// 'bras bu ngan song rnams su smin// de phyir sems ni sangs rgyas min// sems las sangs rgyas 'dod pa ni// mo gsham bu dang gnyen byed 'dra// ra gan gser yin zer ba 'dra// de yang 'dus pa'i snying po nyon// sems ni glo bur skye 'gag can// rkyen dbang 'gyur bas don mi rtogs// de phyir rang sems ma rig pas// tshogs bsags sgrib pa sbyangs gyur kyang// thar pa mi thob 'khor bar ltung// rdzogs pa chen po don 'dus rang byung bde ba'i 'khor lo'i rgyud las/ sems las sangs rgyas mi 'byung bar bstan pa'i le'u ste re lnga pa'o//// de nas ston pa kun bzang gis// de na 'dus pa'i 'khor rnams la// rgyud kyi mjug bsdu la bzla 'di// nges par ched du bka' stsal pa// dus gsum sangs rgyas khyod kyis kyang// nga yi rgyud chen nges don 'dis// rtsa ba rang byung ye shes don// kun la yod kyang rtogs par dka'// de yang rdo rje sems dpa' nyon// don gyi gnas lugs ngo bo ni// da lta'i shes pa so ma la// ci yang ma bsam ma 'gags pa// de ni don gyi snying po bsdu// de don rtogs thabs lung ldan gyis// nges don ma nor bstan pas go// de phyir sangs rgyas chos dang phrad// rtogs thabs rgyal ba'i bka' ru bsdu// de yang 'dus pa'i snying po nyon// nges don gdams ngag ma nor bar// blta ba bsgom pa spyod pa dang// 'bras bu nges pa'i yon tan sogs// rtogs pas nges par chog par bsdu// de yang 'dus pa'i snying po nyon// nges don gdams ngag ma nor bar// gang byung zil gnon gdams ngag bstan// sangs rgyas dus ni bar do ste// de tshe rang rig ye shes grogs// de shes bdud med don ldan bsdu// de yang rdo rje sems dpa' nyon// the tshom za ba byung na yang// rtsa ba gol dang ltung bshags gnyis// gdeng zin re dogs phral ba ni// gang yang the tshom sel bar bsdu// sangs rgyas dus na bar do med// nges pa'i gdams ngag gdeng zin phyir// rnam smin lus dang bral ma thag/ ye shes lus can mngon sangs rgyas// sangs rgyas 'bras bu byung ba bsdu// de yang 'dus pa'i snying po nyon// de ltar ma rtogs ltung ba'i sgo// ma rtogs dbang gis las ngan spyad/ sgo dgur log par 'khyams pa yis// lam log ma rtogs skyon du bsdu// dang po rtogs tshul ma shes na// sems kyi log gnon shes mi srid// de phyir rang sems chos nyid min// sems ni 'khor ba yin par bsdu// de yang rdo rje sems dpa' nyon// de dag bsdu ba rnam brgyad kyang// rang sems snying po rtogs pa'i thabs// de phyir nges lung rtsa bar bstan// sangs rgyas nges don de las med// rdzogs pa chen po don 'dus rang byung bde ba'i 'khor lo'i rgyud las/ched du nges par bsdu ba'i le'u ste re drug pa'o//// de nas 'dus pa'i 'khor rnams la// kun rig ston pas don gtad pa// yang dag gsang ba'i rgyud chen 'di// sangs rgyas kun gyi thugs la sbas// rig 'dzin rnams kyi bdag la gtad// de phyir nges don gsang ba 'di// gang zhig rgyud la 'chang nus na// mchog gi dngos grub thob par nges// de phyir rin chen gter rnyed 'dra// de yang 'dus pa'i snying po nyon// rgyal ba'i gsang chen bla med 'di// tshig tu mi 'dod zhe la 'chang// de bcangs yon tan bsam mi khyab// kun rig rgyal pos nges pa'i don// theg pa'i rgyal po lhun rdzogs 'di// dad ldan 'khor mang khyed kyis kyang// rgyud 'di yid la bcang bar gyis// yang dag nges don rgyud chen 'di// dad med smod pa rnams la ni// 'di spel slob dpon bsgral ba'i gnas// yid du mi 'ong rkyen rnams 'byung// de yang rdo rje sems dpa' nyon// snod dang mi ldan mi ngan ni// tshul 'chos byed cing slob dpon smod// nor phongs chos 'dod thabs kyis bslu// de 'dra'i snod ngan gang la yang// ye shes blta ba'i rgyud chen 'di// nam yang bstan par ma gsungs so// de yang 'dus pa'i snying po nyon// bstan pa 'jig pa'i dus der ni// rdzogs chen yang snying bstan pa 'byung// de tshe snod ldan 'byung srid na// nges don ma nor rgyud 'di gtod// de ltar ma byas yang snying 'di// nor 'dod phyir ni 'di spel na// sangs rgyas bka' chad 'byung nges pas// mkha' 'gro chos skyong dgrar langs nas// srin mos srog bcad mnar med ltung// de yang 'khor rnams yang nyon cig/ gal te dad ldan snod rnyed na// 'jig rten zas nor phangs med pa// yid 'thad phul na nges don 'di// gzhan la mi spel mna' bor la// sbang skyil mi bya lhug par gtad// snod ldan ma phrad dus nye na// chos skyong yod pa'i lha khang ngam// lha 'dre yod pa'i brag dkyil du// smon lam btab la sbas la bzhag/ rdzogs pa chen po don 'dus rang byung bde ba'i 'khor lo'i rgyud las/tha ma rgyud gtad pa'i le'u ste drug cu rtsa bdun pa'o//// rdzogs pa chen po shin tu rnal 'byor sangs rgyas thams cad 'byung ba'i rgyud ye shes chos kyi sku/ don 'dus rig pa'i gsung gsang ba thugs kyi ting nge 'dzin rang byung bde ba'i 'khor lo mthar phyin 'bras bu'i rgyud ces bya ba/gser gyi dril shing can 'di/ rgya gar mkhan po bi ma la mi tra dang/ bod kyi lots+tsha ba A tsar+ya dran pa'i ye shes kyis bsgyur cing zhus te gtan la phab pa'o/gzugs sku mi 'gyur bka' stsal pa// da lta mngal gyi sgrib g.yogs kyis// gzugs sku ngo sprad mi 'dod de// che ba'i yon tan mi 'byung phyir// nam srod nyi ma nub pa 'dra// da yang 'dus pa'i snying po nyon// lan gcig dus kyi deng sang na// lung med rmongs pa'i nga rgyal can// dpyad bzo rig pa byed pa kun// gzugs sku da lta ngo sprod yod// kha tshabs rdzun tshig smra ba la// rmongs pa bden par 'dzin pa mang// da yang 'dus pa'i snying po nyon// ma rig rdzun de sun 'don te// da lta mngal gyi sgrib g.yogs pas// longs sku dang ni sprul pa'i sku// chu shel sgron me'i dpes mtshon kyang// da lta rang la 'byung mi srid// khyung sgong rang gis bcag mi nus// de phyir gzugs brnyan ye shes ni// ris su bris dang lugs su blugs// 'bur du bkod la sogs pa yis// gzugs sku rang la byung ba dang// dngos su sprad du mi 'dod pas// de phyir drang don ldem dgongs su// zhi khro bsgom pa lha tshogs bstan// da yang 'dus pa'i snying po nyon// sngon du gzugs sku 'byung ba yang// rang rgyud lus bcas ma yin te// rgyud dag sprul pa kha cig las// sangs rgyas byang chub sems dpa' ni// chags sdang lnga dang bcas pa yi// tha mal rang rgyud sems 'di la// gzugs sku da lta 'byung mi srid// nam mkha' dngas par nyi ma 'char// da yang rdo rje sems dpa' nyon// da lta gzugs sku sprod 'dod na// mtshan dang dpe byad ma lus kun// rang gi lus dang tshad rdzogs pa// zhing khams yon tan tshad mthong dgos// dus gsum sangs rgyas thams cad kyang// sku gsung thugs ni mnyam dgos na// de med yon tan ngo sprod min// da yang 'dus pa'i snying po nyon// mngal gyi sgrib g.yogs ma bral bar// lung ldan rkyen dang 'phrad srid na// rang sems chos skur rtogs pa la// gzugs sku mi 'byung lus kyis bsgribs// nyi ma sprin gyis bsgribs pa 'dra// da yang 'khor gyi snying po nyon/ sprul sku ngo sprod yod zer na// da lta tha mal lus 'di yis// 'dzam gling bye ba phrag brgya ru// sprul pa bye ba phrag brgya 'gyed/sangs rgyas dmyal ba yan chad du// lus phyin mig gis mthong ba dgos// rnam smin lus dang bcas dus 'dir// ji ltar gzugs skur ngo sprod kyang// mtha' 'khob chu dang 'phrad pa yang/ mi thar sdug bsngal 'byung ba'i phyir// sprul sku ngo sprod yod zer 'khrul// lha mo kun gyi smad gsad rigs// da yang rdo rje sems dpa' nyon// yid smon tsam du yod zer na// zhi khro la sogs bsgom pa yang// rgyud lung chos sku ldem dgongs bstan// de phyir gzugs sku gnas 'gyur las// dngos su 'byung bar ngas ma bshad// da yang 'dus pa'i snying po nyon// gzugs sku'i yon tan 'byung 'dod pa// de ltar rtags chen 'di 'byung tshe// seng ge khyung dang u dum bar// rin chen la stsogs dus 'dir 'byung// 'jig rten sangs rgyas 'byung ba'i rtags// de med 'jigs gzugs 'jig rten du// sems can lus dang ma bral bar// gzugs sku'i yon tan 'byung 'dod na// mu stegs ka ba ri par gol// ma rig rmongs pa snying re rje// mnar med rmongs pa snying re rje// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lus dang ma bral bar gzugs sku mi 'byung bar bstan pa'i le'u ste brgya dang bcu pa'o//// sdom du bsdus te bstan pa nyi shu rtsa bzhi pa'o//// de nas rdo rje sems dpa' yis// kun rig ston pa chos rje la// nges pa'i dgos don 'di skad gsol// rnam rtog rang sar ci ltar grol// mtha' ma rig pa'i gdams ngag dang// the tshom gegs rnams ci ltar bsal/ 'dra ba las ni gol ba gang// kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// dper na nyi ma'i snying po la// gzhan gyis ma byas rang gsal ba// thams cad ye shes chos skur gsal// ma rig mun pa gdod nas sangs// da yang rdo rje sems dpa' nyon// dper na rgyal po mthong ba'i tshe// gnyan zhing gus par blo skye bzhin// chos nyid dran par rtog pa med// rig pa rgyun chags dag tu gnas// da yang 'dus pa'i snying po nyon// dper na nam mkha' sprin med bzhin// rang byung rang rig gnod med ltar// rnam rtog rang grol 'dzin med bzhin// ye shes ngo bo chos skur gsal// da yang 'khor gyi snying po nyon// dper na dgun zla 'bring po la// spang la me mched ji bzhin du// ci dran chos sku'i don dran pas// thams cad ye shes nyid du gsal// da yang 'khor gyi snying po nyon// dper na rin chen gser gling du// sa rdo btsal gyis mi rnyed ltar// gang dran chos nyid rang gsal phyir// ting 'dzin dag la 'byung 'jug med// da yang rdo rje sems dpa' nyon// 'khor ba mya ngan 'das pa'i chos// thams cad chos nyid 'gyur med la// bsgom pa'i tha snyad bral ba'i don// rang rig ye shes nyid du gsal// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/rnam rtog thams cad rang grol du bstan pa'i le'u ste brgya dang bcu gcig pa'o//// da yang 'dus pa'i snying po nyon// sangs rgyas sems can 'byung ba kun// glo bur yin phyir gnas lugs min// 'jig rten chos la blo mi blang// 'khor 'das gzhi la don ma reg/ da yang rdo rje sems dpa' nyon// pha med ma med nags kyi bye'u// nam mkha'i mthongs su thon pa ltar// glo bur 'khor 'das gnyis ma chad// chos sku rtogs pas ma rig sangs// gdod ma'i ma rig 'di nyid la// blta bar shes pas chog pa'i phyir// 'khor 'das gnyis ka 'dod nas dag// yul dang ma 'brel ngo bo nyid// de don rtogs pas don la gnas// ye rdzogs chos sku'-i+i snying po yin// re dogs mtha' kun rnam par zhi// tshig tu 'dzin med ye nas dag/ gcig dang du ma mtha' ye chos// de phyir 'khor 'das gnyis las 'das// 'di thos mi skrag lhag pa'i chos// de yang 'dus pa'i snying po nyon// dngos po med phyir rtag pa bral// kun la khyab pas chad pa bral// mtha' dbus bral bas rang byung sku// chos sku nam mkha' lta bu la// brjed med lta ba dran pa'i gzungs// nges don phyin ci ma log pa// ye shes lam la gnas pa 'dra// rang rig nges pa'i lta ba la// yengs pa med par yid kyis blta// de yang yul can ma yin te// rang la rang ltas shin tu gsal// de goms mthar phyin ye shes thugs// chos nyid spros bral 'gyur ba med// rang byung ye shes gnyug mar gnas// de nyid mi 'bral lta ba'i mchog/ de yang rdo rje sems dpa' nyon// 'khor 'das gnyis kyi chas 'di la// ji srid bag chags yod kyi bar// 'di ltar snang ba'i chos rnams la// snang ba'i yul rnams 'dod nas med// ci srid bag chags de dag ni// thag sbrul tho yor ji bzhin no// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ mtha' ma reg pa'i rtags bstan pa'i le'u ste brgya dang bcu gnyis pa'o//// de nas 'dus pa'i tshogs rnams la// kun rig ston pa kun bzang gis// the tshom 'gag chen bka' stsal pa// rtsod pa tshig gi 'phrang chen ni// gzhi nges snang ba ma nges phyir// lung ldan gdams ngag mi 'gal ba'i// gtan tshigs chen por bstan pa yin// dper na nyi ma'i snying po la// mun snang gnyis ka mi 'gal phyir// gzhi gcig gang yang mi 'gal bar// de nyid dus na ngos bzung bral// de yang 'dus pa'i snying po nyon// chu bran rgya mtshor gcig pa bzhin// gang phrad ye shes chen po la// byis pa rnams ni tha dad gzung// de phyir blo yi snang ba yin// chos rnams sems su 'dus pa'i phyir// blos bzhag theg pa rim dgu byung// gzhi la chos sku gcig las med// da yang rdo rje sems dpa' nyon// yul nyid sems sdud sdug bsngal yin// rang sems yul na bems por 'gyur// gcig las skye shi med par rigs// 'chi 'pho yod phyir blos 'gyel yin// gnyis ka zhe na bsre mar 'gyur// thams cad ma lus sems yin na// sems tsam ka ta ri par gol// da yang 'dus pa'i snying po nyon// phar 'gyel tshur 'gyel sems pa ni// de shes ma phan 'khor ba dang// de phyir sems rtogs rtsis su che// de phyir lung ldan gdams ngag dgos// da yang 'khor gyi snying po nyon// nga yi nges don chos 'di la// bsgom du yod med mtha' yi chos// sangs rgyas sems can gzhi gcig phyir// rgyu 'bras yod med lhun gyis grub// rtogs na ma bsgom 'bral med par// chos sku rang byung de nyid la// dus gsum dag tu 'bral med pas// de phyir nges don bsgom mi dgos// da yang 'dus pa'i snying po nyon// phung po sangs rgyas lha tshogs na// bsgom pas ma phan rnal 'byor 'ching// snang ba bor nas sangs rgyas na// rtogs tshogs sangs rgyas ci la yin// da lta chos sku ma shes na// gsang sngags man ngag ci la che// de phyir bstan shas bsgom mi dgos// da yang 'dus pa'i snying po nyon// sangs rgyas sems can 'brel pa yang// ma rtogs thugs rje phan mi nus// yod na sems can ci la 'khor// gnas skabs 'brel pa med pa la// mthar thug ci yi 'brel pa yod// rgyu 'bras tshogs ni 'og ma'i chos// 'di nyid ltos pa rgyu 'bras chos/ gzhi la gcig pa snang lugs gnyis// don la gnyis ka gang yang med// de yang 'khor 'das ma rig chos// nam mkha'i chos ni dngos med phyir// 'khor ba'i rnam rtog ci la yod// ma spangs grol phyir bsgom du med// da yang 'dus pa'i snying po nyon// zhi gnas bsam gtan nyams myong phyir// yid la nyams su myong ba ni// zhi gnas yin phyir lhag mthong min// nyams myong med pa gdeng dang bral// de phyir blon po'i spyod yul min// gzhi nyid rtogs na nyams mi dgos// de phyir rtogs pa shin tu gces// gang ltar dran pa nyams kyi mchog/ de la 'di zhes smra mi nus// de phyir ma bsgoms nga yi nyams// da yang 'dus pa'i snying po nyon// 'khor 'das gnyis las nga snga phyir// sangs rgyas kun las lung 'di snga// kun tu bzang po 'di rtogs pas// sangs rgyas thams cad phyi nas rgyas// de phyir sangs rgyas ma gsungs chos// sangs rgyas sems can nga las byung// gzhi la gnyis ka med pa'i phyir// sems can tha mal lus srog la// de shes gcod spang la sogs byed// pho tshod lta ba bdud kyi las// da yang 'dus pa'i snying po nyon// rang byung ye shes rtsa ba ni// dngos po med par shes pa yod// yid snang sems kyi rang bzhin la// nges don bka' dang drang don las// ngo bo gzhi gcig mi 'gal kyang// rnam snang shAka thub zhing khams bzhin// yul gyi snang ba tha dad pa// gtan tshigs bzhi yi rang bzhin gsal// snang ba'i zhen pa gang 'gog pa// blta ba'i yul ni rnam bzhi yis// thams cad blo yi snang ba de// gang yang mi 'gal zhen pa 'gogs// de phyir nges don gdams ngag che// bde bas rang sems rtogs pa'i thabs// kun gzhi gzhi cha ngos zin na// ye shes lhun grub rdzogs ched du// rang rig rgyal po ye shes 'phyo// ma rtogs log rtogs 'gog pa'i phyir// mdo sde dang ni rgyud sde la// tshad ma bzhi yi gtan tshigs kyis// theg pa gong 'og khyad par gyi// ming dang tha snyad bsam yas ni// zhen pa log pa'i thabs su zad// rdo rje theg pa 'di las med// da yang rdo rje sems dpa' nyon// snang ba mi 'gog chos dbyings la// zhen pa med pa'i ye shes te// kun gyi rang bzhin ma bcos te// de nyid don dang gang ldan pa// mi yis lus la sangs rgyas thugs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/the tshom gyi gnas bsal ba'i le'u ste brgya dang bcu gsum pa'o//// de nas 'dus pa'i tshogs rnams la// kun rig ston pas bka' stsal pa// nges don sangs rgyas dgongs pa la// nor dang gol gyi dogs pa yi// gong 'og khyad par ngas bshad nyon// mu stegs rtag pa ther zug dang// rdzogs chen 'gyur med chos sku gnyis// 'dra dang nor bas gol te 'gro// de phyir yul dang gol sa chod// mu stegs rtag chad dngos med dang/ chos sku dbyings rig dbyer med gnyis// 'dra dang nor bas gol de 'gro// de phyir nang gi sgro 'dogs chod// so so skye bo tha mal dang// rdzogs chen kha 'byams bsgom med gnyis// 'dra dang nor bas gol de 'gro// de phyir grub mtha' blo bsgyur dgos// da yang rdo rje sems dpa' nyon// sems can rang rig rang gsal dang// chos sku'i rig pa gsal ba gnyis// 'dra dang nor bas gol te 'gro// de phyir kun gzhi shan dbye dgos// thun mong dag gi dbang gsum dang// khyad par 'phags pa'i dbang gsum nyid// 'dra dang nor bas gol te 'gro// de phyir ye rdzogs dbang gsum dgos// dbu ma spros dang bral ba dang// rdzogs chen gol sgrib med pa gnyis// 'dra dang nor bas gol te 'gro// de phyir 'khor 'das ma reg dgos// rang byung ngo bo'i lus dang ni// dang po'i shes bzhin lung ma bstan// 'dra dang nor bas gol te 'gro// de phyir thog mtha' bcad pa dgos// dang po 'khor 'das bar do dang// tha ma srid pa bar do gnyis// 'dra dang nor bas gol te 'gro// de phyir 'chi kha'i gdams ngag dgos// zhi gnas bying rgod bral ba dang// rdzogs chen snga phy-i bral ba gnyis// 'dra dang nor bas gol te 'gro// de phyir chos sku chen por dgos// bsam gtan shes bzhi dbyer med dang// rdzogs chen lhag mthong rig pa gnyis// 'dra dang nor bas gol te 'gro// de phyir rkyen thub gdams ngag dgos// snang stong dbyer med lta ba dang// rang byung snang ba chos dbyings gnyis// 'dra dang nor bas gol te 'gro// de phyir yul sems shan dbye dgos// thabs kyi ro snyoms 'bral med dang// rdzogs chen chos sku 'bral med gnyis// 'dra dang nor bas gol te 'gro// de phyir dang po gzhi shes dgos// thos chung nyams myong zhen pa dang// bdud kyi cho 'phrul bco brgyad gnyis// 'dra ba las ni nor bas gol// de phyir zil gnon man ngag gces// lhun grub sems su 'dod pa dang// sems las byung ba'i chos sku gnyis// 'dra ba las ni nor bas gol// de phyir theg pa shan dbye dgos// thabs kyis zin pa'i bde ba dang// lta ba rtogs pa'i bde ba gnyis// 'dra dang nor bas gol te 'gro// de phyir ye shes rkyen thub dgos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bsgom pa shan dbye ba bstan pa'i le'u ste brgya dang bcu bzhi pa'o// sdom du bsdus te bstan pa nyer lnga pa'o//// de nas rdo rje sems dpa' yis// rang rig chos nyid la bzla'i phyir// kun rig chos kyi rgyal po la// bden pa'i yid kyis 'di skad gsol// ma bsgoms don dang mi 'bral ba'i// ye shes rang shar gdams ngag dgos// rnam par rtog pa mi 'gog pa'i// rang shar spyod pa ji ltar sbyang// ye shes la ni ji ltar sbyang// de yis 'bras bu ji ltar sbyang// mnyam pa'i rgyal pos bshad du gsol// de skad zhus pa'i don gsan nas// ma bsgoms 'bral ba med pa yi// ye shes rang shar nges pa'i don// kun rig ston pas bka' stsal pa// dngos po ma 'khrul rig pa la// tshor ba bde sdug ci byung yang// lung ldan rin chen byin gyis ni// de nyid chos skur nyams su myong// da yang rdo rje sems dpa' nyon// yul gyi snang ba gang byung yang// ma 'khrul pa yi rig pa yi// don gyis zin pa'i ye shes te// chos nyid dag gi gnas lugs yin// de nyid lung ldan sgron ma yis// ma rig mun pa med pa'i phyir// sgro skur bral ba'i ye shes la// chos kyi sku zhes de la bya// da yang rdo rje sems dpa' nyon// las dang po yi dad ldan la// dngos po yul la brten te bstan// snang ba mi 'gog thabs yin pas// de bstan yul dang 'bral med dgos// tshor ba bde ba 'jam dang zhim// dga' ba rang nyams myong ba'i tshe// yul med nyams su myong tshad ni// man ngag lung gi chos skur shes// de phyir ye shes rang shar yin// da yang 'dus pa'i snying po nyon// tshor ba bde sdug sdug bsngal dang// na tsha mi zhim rtsub pa dang// dga' dang mi dga' ci byung yang// lung ldan rin chen rkyen gyis ni// chos skur nyams su myong ba'i phyir// lung ldan gnas skabs mthar thug gi// 'brel ba med shes nyams kyi tshad// da yang 'dus pa'i snying po nyon// yul 'di rig med 'khrul par shes// 'dus byas yin phyir chos sku min// sdug bsngal tshor ba gang byung yang// de dag rtag chad mtha' mar ltung// bying rgod blang dor skyon ma gos// de phyir chos sku bsgom mi dgos// da yang rdo rje sems dpa' nyon// yul gyi dran rtog cir snang yang// gang 'phrad chos skur nyams su myong// da yang yul drug 'brel med shes// grangs ni rnam pa dgur ni bstan// gang mthong gang dran lhag mthong la// rkyen thub drug ni don gyis rdzogs// da yang 'dus pa'i snying po nyon// mtha' ru mi 'dzin lta ba la// rig pa rgya yan chos skur gsal// yod la gdeng gis zin pa la// nyams dang ldan pas tshad ces gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes rang shar bstan pa'i le'u ste brgya dang bco lnga pa'o//// de nas kun rig chos rje yis// tha mal rnam rtog mi 'gag pa'i// la zlo'i spyod pa bka' stsal pa// gzhi shes blo dngos gcig pa dang// brtul zhugs mchog dang bgegs med pa'i// la zlo'i spyod pa dam par zung// gzhi shes rang sar spyod pa ni// lung ldan nges pa'i gdams ngag gis// yul med chos sku ngos zin pas// lus ngag bya byed rjes med pa'i// gzhan du 'dzin med rang rig sku// snga phyi ma bslad ma bcos pa'i// 'du 'bral med pa'i ye shes ni// sus kyang ma byas rang byung bde// gzhi nyid shes pas nam mkha' 'dra// da yang 'dus pa'i snying po nyon// chos sku rig pa 'gro 'ong med// rtag chad mtha' yi sgro skur bral// rang rig spyod pa gang spyod kyang// chos kyi sku las ma gtogs par// rdul tsam gzhan nas yod mi srid// de phyir shes pa rang yan la/ lhag mthong dran pa'i gdeng gis zin// yengs dang ma yengs med par ni// lta ba'i gdengs kyis 'bral med phyir// chos sku gzhir shes spyod pa yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhi shes pa'i spyod pa bstan pa'i le'u ste brgya dang bcu drug pa'o//// de nas kun rig rgyal po yis// 'dus pa'i 'khor la bka' stsal pa// blo dngos spyod pa bstan pa'i phyir// gzhi nyid de ltar rtogs pa la// snang ba nges med sems la rgyu// de rgyu tsam na chos sku nyid// de ltar thag chod nges pa yis// bsgom dang mi bsgom rang sar grol// gang yang chos skur 'gyur ba med// blo dang dngos por byed mi byed// nam mkha' 'ja' tshon ma 'dres rdzogs// blo dang snang ba dngos po'i chos// sems kyi snang ba cir snang yang// dngos med rig pa chos skur shes// bsgom dang mi bsgom tha snyad bral// de phyir blo dngos ye shes shar// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ ye shes rang shar gyi spyod pa bstan pa'i le'u ste brgya dang bcu bdun pa'o//// de nas 'dus pa'i tshogs rnams la// brtul zhugs mchog spyod bka' stsal pa// lta ba la ni bzla ba'i phyir// spyod pa rtsing po ched du dgos// de mi 'ching ba'i gdams ngag yod// de phyir rang grol rtogs pa gces// da yang 'dus pa'i snying po nyon// nges lung ldan pa'i rnal 'byor pas// ma dang sring mo kun spyad kyis// gzhan gyi bud med smos ci dgos// sems can mnar sbyangs bsad gyur cing// dge 'dun mchod rten dkor 'phrog kyang// skyon sgrib med par ye shes shar// dmyal dpon ltung ba med pa bzhin// brtul zhugs mchog gi spyod pa la// bsrung ba'i dam tshig mi 'gal te// lung rig ldan pa'i chos 'di dgos// da yang rdo rje sems dpa' nyon// deng sang dus kyi chos byed rnams// zhi 'jam rgyud ni 'bol pa de// gdams ngag med phyir byol song rgyu// de phyir rmongs pa snying re rje// zhi 'bol 'bras bu thob pa med// lha rnams 'jig rten ltung ba med// lta ba ma rtogs thams cad ltung// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ brtul zhugs mchog gi spyod pa bstan pa'i le'u ste brgya dang bco brgyad pa'o//// de nas 'dus pa'i tshogs rnams la// gzhi la 'dre med bstan pa'i phyir// kun rig ston pa chos rje yis// 'dre yod sun 'don bka' stsal pa// gzhi la lha 'dre med pa la// mu stegs skye bo bden 'dzin pas// 'dre yod sun 'don la zlo dgos// nga yis bshad kyis legs par nyon// da yang rdo rje sems dpa' nyon// yul gyi rtog pa ma zad par// gnod pa'i bgegs la zad pa med// bgegs rigs stong phrag brgyad bcu yang// gzhi la gang yang med pa yi// btsun pa khrims 'chal u li yis// mu stegs log lta'i lha bsgrubs pas// kha che bye brag smra ba yi// thol thol smra la lab lab 'bar// bdud kyi byin rlabs glo bur byung// lha med lhar 'dzin 'dre rnams gnod// 'du ba rnam bzhi'i nad dang ni// ye 'drogs sum brgya drug gis byas// de yang rdzun du smra ba la// rmongs pa'i skye bos bden snyam nas// mo chog byas pas dge ba nyams// 'dre mchod bdud du slar la che// 'byung ba bzhi la 'dre yod zer// srid pa'i skye 'gags mi la gnod// mi shi 'dre byung gnod zer te// rgyab mchod 'dre ni rtags byas pas// na tsha god kha slar la 'ong// da yang 'dus pa'i snying po nyon// srid pa spyi bgegs chen po ni// skye bo rgyang 'phen pa la yod// sangs rgyas chos la 'dre med phyir// chos dang gang zag bdag dang bral// de phyir snang ba med pa'i phyir// srid pa spyi 'dre gzhi la med// 'dre yod zer ba lta ba log/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhi la 'dre med par bstan pa'i le'u ste brgya dang bcu dgu pa'o//// de nas 'dus pa'i tshogs rnams la// kun rig chos kyi rgyal po yis// 'dre ni sun 'don bka' stsal pa// 'jig rten zhig na 'dre yang med// kun brtags ma rig yul du brtags// ma rig med na 'dre yang med// 'dre ni glo bur btags pa tsam// mi las gyur par 'dre gdon na// lus can gnod na ma shi rigs// lus med stong pas gnod mi nus// de phyir 'dre gnod rdzun po che// lha bka' mi kun rdzun gyis bslus// tha mal las kyi dus zad na// mo chog byas dang ma byas med// rkyen mi zlog ste kun ka 'chi// da yang 'dus pa'i snying po nyon// de phyir lha 'dre kun med de// 'khrul pa'i blo yis brtags pa las// rtogs pas 'dre med la bzlas na// 'khor 'das ma rig chos 'di la// lha 'dre bya ba'i ming mi shes// thams cad thig le nyag gcig sku// dug shes sman du sbyar shes ltar// 'dre nyid ye shes klong du shes// dgag bsgrub med phyir 'dre rnams stongs// rkyen gyis mi tshugs nam mkha' 'dra// da yang rdo rje sems dpa' nyon// yang dag don gyi ngo bo la// lha 'dre med pas ye shes sku// gang la rtog med rang byung la// nges don man ngag rtogs pa'i phyir// bslu brid chos kyi gol sgrib med// 'dre med ye shes la zla'o// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/'dre med sun 'don bstan pa/ ye shes rang shar gyi spyod pa bstan pa'i le'u ste brgya dang nyi shu pa'o//// de nas kun rig ston pa yis// ye shes la bzla bka' stsal pa// rgyu dang 'bras bu ro gcig phyir// rim par dbyer med ngo bo gcig/ sangs rgyas ma tshol rang la gnas// de phyir rgyu 'bras dbye ru med// da yang 'dus pa'i snying po nyon// 'khor 'das rtsa ba gcig pa'i phyir// rang bzhin lus de ngo shes pas// thar ba thob ces bstan pa'i phyir// 'khor 'das med par chos skur rtogs// phyi nang snod bcud ma lus kun// ma byung ma skyes chos dbyings la// dus gsum 'pho 'gyur med pa'i phyir// phyi nang ma bsal ye nas yin// da yang rdo rje sems dpa' nyon// ma rig las skyes sems can dang// ye shes las byung sangs rgyas gnyis// nges lung ldan pas chos skur gcig/ ma bcal la zlo chen po yi// bde dang sdug bsngal 'khor 'das chos// rtogs dang ma rtogs gnyis med phyir// yul dang 'dzin pa blo med pas// ma btsal ye shes rang gnas yin// da yang 'dus pa'i snying po nyon// gtsang sme gzhi la med pa'i phyir// blo yis byas pa thams cad 'khrul// ma byas ma bcos rang rig nyams// la bzla bzang ngan med par gyis// da yang 'dus pa'i snying po nyon// mtho dman che chung ma lus kun// man ngag can la che chung med// ye shes rang la gnas pa la// mtho dman med par rtogs par gyis// rang byung skye 'chi med pa'i phyir// dus gsum gcig la ye shes sku// grangs dang tshe tshad bgrang du med// de phyir mi 'gyur ye shes yin// da yang 'dus pa'i snying po nyon// ye shes rang shar la zlos na// gang ltar snang dran chos nyid la// ma btsal ye shes rang gnas phyir// bsgom mi dgos pa la zla'o// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ ye shes rang shar la bzla ba bstan le'u ste brgya dang nyer gcig pa'o//// de nas kun rig chos rje yis// dad ldan 'dus pa'i 'khor rnams la// rtogs pa'i 'bras bu bka' stsal pa// rtogs pa'i yon tan dus 'dir ni// lus med sgo lnga'i rig pas kyang// sngar ma mthong ba'i zhing khams su// ye shes spyan gyis dus gcig mthong// 'char nub med pa'i nyi zla shar// da yang rdo rje sems dpa' nyon// ma bsams pa yi lhag mthong la// ma brjed pa yi gzungs kyis zin// ma zos bdud rtsi'i ro mchog myong// ma bsgrubs pa yi 'bras bu thob// ma btsal pa yi don gcig grub// da yang rdo rje sems dpa' nyon// de phyir nges don 'di btsal na// dus 'dir chos nyid bden pa mthong// thun mong dngos grub ci bsam grub// rjes dran yon tan bar dor 'ongs// dus dir sangs rgyas smos ci dgos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'bras bu mngon du 'byung bar bstan pa'i le'u ste brgya dang nyer gnyis pa'o// sdom du bsdus te bstan pa nyer drug pa'o//// de nas 'dus pa'i tshogs rnams kyis// kun rig ston pa chos rje la// bden pa'i yid kyis 'di skad gsol// thig le brgyad kyi dbye ba gang// de skad zhus pa'i don gsan nas// 'dus pa'i 'khor la bka' stsal pa// phyi nang ma bcos mya ngan 'das// myang 'das don ni chos kyi sku// chos kyi dbyings ni sku yi 'od// snying po'i 'bras bu ye shes sku/ snying po kun la khyab cing 'dus// thugs kyi nying khu yin pa'i phyir// thig le 'gyur ba med pa'i don// kun bzang rdo rje'i byin brlabs kyis// tshig tu ma bkod thugs la rgyud// don gyi gting phyin bstan pa'i phyir// tshig nyung don du bgrang pa'i phyir// thig le la shan dbye ba ni// mtshan nyid brtags pa'i thig le dang// gsang sngags spyi yi thig le dang// rdzogs pa chen po'i thig le dang// yang ti thig le nyag gcig la// re re la ni bzhi bzhi ste// ngo bo dpe dang gtan tshigs kyis// 'gro sa la shan dbye ba dang// rtsal gyi sgo nas gsum bstan pa// snang ba chos kyi sku la rdzogs// da yang 'dus pa'i snying po nyon// btags pa ming gi thig le yi// mtshan nyid theg pa rnam gsum la// ngo bo rnam shes tshogs brgyad la// dpe ni dmus long g.yu rdo 'dra// gtan tshigs nges pa gang yin pa// thig ni tshogs brgyad sems su gcig le ni khams gsum yongs la khyab// 'gro sa srid pa'i yang rtse yin// gzhi yi thig le bstan pa ni// gsang sngags phyi rgyud rnam pa gsum// ngo bo kun gzhi'i rnam shes la// dpe ni sa dang chu 'dres 'dra// gtan tshigs nges pa gang yin pa// thig ni kun gyi sems ky-i gzhi// le ni 'gro drug yongs la khyab// 'gro sa 'das dang ma 'das pa// don gyi thig le bstan pa ni// rdzogs chen a ti spy-i yi gzhug/ ngo bo kun gzh-i lung ma bstan// dpe ni zho dang 'o ma 'dra// gtan tshigs nges pa gang yin pa// thig ni kun gzhi gnyug ma la// le ni thams cad sems su snang// 'gro sa gar 'gro nges pa med// da yang 'khor gyi sems dpa' nyon// de ltar thig le nyag bzhi bstan// thig pa kun dang sgo bstun phyir// shan gyis sgo nas btags pa yin// don la dbyer med ngo bo gcig/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/thig le la shan dbye ba bstan pa'i le'u ste brgya dang nyi shu gsum pa'o//// de nas 'dus pa'i tshogs rnams la// kun bzang rgyal pos bka' stsal pa// chos nyid thig le zhes bya ba// spro bsdu med par rang gsal ba// chos ni snying po mi 'gyur ba'i// sku bzang thugs kyi sgron ma yin// da yang rdo rje sems dpa' nyon// de phyir ma nor drang phyir thig/ dngos med kun khyab brdal bas le// 'khor 'das gzhi gyur rang byung sku// nyid ni spros bral 'dus ma byas// kun gyi 'byung gnas yin pa'i phyir// ma 'am rtan du gzhir gyur pa// til la mar gyis khyab pa bzhin// sangs rgyas thugs dang sems can sems// kun khyab ye nas btsal mi dgos// de phyir chos nyid spros bral ba// 'khrul rtog sems ni gzhi la med// de phyir 'khor 'das ma rig sku// dus dang rnam pa thams cad du// rtogs dang ma rtogs med par gnas// de phyir sgrib tshogs mi dgos pa// sa lam med phyir rim pa med// 'dus ma byas kyi nam mkha' 'dra// da yang 'dus pa'i snying po nyon// rang byung bya bral bde ba'i las// ye shes klong du ye gnas phyir// 'du 'bral med pa'i chos nyid la// re dogs med par mthar ma lhung// de phyir chos nyid dbye ru med// de don ngo bo kun gyi gzhi// de las ma byung gang yang med// de phyir chos nyid thig le bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos nyid kyi thig le bstan pa'i le'u ste/ brgya dang nyer bzhi pa'o//// de nas 'dus pa'i tshogs rnams la// kun rig ston pa chos rje yis// dbyings kyi thig le bka' stsal pa// rang byung ye shes thig le las// che ba'i yon tan kun 'byung phyir// ma btsal yon tan kun 'byung bas// dbyings kyi thig le de la bya// da yang 'dus pa'i snying po nyon// pha rol phyin bcu la sogs pa'i// chos rnams kun gyi gzhir gyur phyir// ji snyed bshad pa thams cad kyang// rang grol nyid du bstan pa las// bde gshegs skyed pa'i yum yin phyir// kun gyis mtshungs pa'i lam du bstan// chos nyid de med yon tan ni// gang yang mi 'byung de yin phyir// chos sku rang rig rtsal du ni// che ba'i yon tan dgos pa'i phyir/ shin tu rnal 'byor mchog gi lam// da yang rdo rje sems dpa' nyon// chu chen rgyun mi chad pa'i dpes// sangs rgyas mtshan dang dpe byad kyang// ma btsal lhun rdzogs ngang las byung// de phyir dbyings ni rig pa'i rtsal// thig ni ma bcos ye nas dag/ le ni yon tan rgyun mi chad// de phyir rang byung chos sku rgyan// phyi nang chos kyi rol pa kun// dbyings ni thig le 'di la tshang// de phyir chos nyid rang byung las// sangs rgyas che ba'i yon tan 'byung// de phyir dbyings ni rig pa'i rtsal// thig ni ma bcos ye nas gnas// le ni yon tan rgyun mi chad// de phyir rang byung chos sku rgyan// phyi nang chas kyi rol ba kun// ma btsal ye nas rang la 'char// dbyings kyi thig le de la bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las// dbyings kyi thig le bstan pa'i le'u ste/ brgya dang nyer lnga pa'o//// de nas kun rig chos rje yis// dad ldan 'dus pa'i 'khor rnams la// dbyings ni rnam par dag pa yi// thig le chen po bka' stsal pa// yul dang sems kyi bsdus pa yi// rang 'khrul zhen pa'i blo brtas pa'i// mtshan ma'i sgrib pa sbyang mi dgos// de phyir dbyings dang thig le bya// da yang 'dus pa'i snying po nyon// chos nyid phra zhing shes dka' phyir// lung ldan rkyen gyis don rtogs nas// mi gnas dmigs pa'i yul las 'das// de phyir tshig gis mi phebs phyir// dbyibs dang kha dog dbang po yis// shin tu brtags dka' spyod yul min// rang byung ye shes blo ldan na// ma rig med phyir sgrib pa med// de phyir gnyen po ci la 'tshol// de yang rang gsal rig pa la// yid ches nges pa'i don zin pas// ma rig bag chags gos pa med// da yang rdo rje sems dpa' nyon// chos nyid gzhi la dngos med pas// de phyir don shes sgrib pa med// da lta'i shes pa 'di nyid la// lung ldan nges shes gdeng ldan phyir// nyi shar mun sgrib med pa 'dra// dbyings ni rig pa'i rtsal yin phyir// don ni 'khor 'das rnam par dag/ thig ni sgrib pa sbyang du med// le ni ye shes klong du gdal// nges par rang byung dbyings su dag/ de phyir chos sku 'di shes pas// sangs rgyas thams cad dus 'dir 'grub// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ dbyings rnam par dag pa'i thig le bstan pa'i le'u ste/ brgya dang nyer drug pa'o//// de nas kun rig chos rje yis// dad ldan 'dus pa'i 'khor rnams la// ye shes thig le bka' stsal pa// chos nyid rig pa'i rnal 'byor la// ma bsgribs 'od gsal ye shes de// lung ldan don bstan ye shes pas// ye shes chen po thig le bya// da yang 'dus pa'i snying po nyon// chos sku byang chub sems su gcig/ de phyir ye nas byang chub sku// de rtogs ma rig med pa'i phyir// shes pa 'khrul pa gting nas dag/ de phyir rang bzhin 'od gsal ba// 'khor ba'i skyon med chos sku nyid// de la sgrib med rang byung thugs// dus gsum mi 'gyur nam mkha' 'dra// da yang rdo rje sems dpa' nyon// chos sku rim par rtogs par byed// de phyir rig pa chos sku'i rgyu// de shes ma bsgribs 'od gsal phyir// rig pa sang nge gdeng gis zin// ye shes chen po rgyun mi 'chad// dbang pos ma mthong rig pas mthong// de mthong ye shes chos kyi sku// thams cad mkhyen pas ye shes spyan// 'phel 'grib med par gnyug mar gnas// rab tu dga' ba'i bden mthong dang// rnal 'byor nges lung ldan pa gnyis// khyad med 'khor bar mi ldog nges// de phyir gdams ngag rtsis su che// ye ni gnas lugs ma bcos pa// shes ni don ldan yid ches 'byung// thig ni thams cad skyon dang bral// le ni nyon mongs rnam par dag/ de phyir ye shes thig le bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ye shes chen po thig le nyag gcig bstan pa'i le'u ste/ brgya dang nyer bdun pa'o//// de nas 'dus pa'i 'khor rnams la// kun rig ston pa chos rje yis// kun bzang thig le bka' stsal pa// 'khor 'das ma 'gags chos sku la// phyi nang rol pa cir snang yang// mtha' dang dbus med yangs pa la// kun tu bzang po'i thig le bya// da yang 'dus pa'i snying po nyon// ngo bo nyid kyi sku shes pas// mi len mi spang ye mnyam phyir// re dogs med pas rang byung sku// de phyir kun bzang gdal ba la// gang yang mi 'gag rol par shar// srog gcod ma byin len pa dang// mi tshangs spyod dang rdzun du smra// mtshams med la sogs sdig byas kyang// nyes par mi 'gyur dpal du che// stong gsum ma lus tshig gyur kyang// nam mkha' me chus mi tshugs 'dra// da yang rdo rje sems dpa' nyon// kun ni 'khor 'das chos rnams la// bzang ni ye shes chos sku 'char// po ni rol pa sna tshogs 'byung// thig ni rang byung kun gyi gzhi// le ni sems can sangs rgyas gzhi// de phyir kun bzang thig le bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ kun tu bzang po'i thig le bstan pa'i le'u ste/ brgya dang nyer brgyad pa'o//// de nas 'dus pa'i tshogs rnams la// kun rig ston pa chos rje yis// lhun grub thig le bka' stsal pa// ye nas gnas pa'i chos nyid la// las kyi rgyu 'bras gang rung kun// rag ma lus phyir 'dus ma byas// de phyir chos kyi snying por gnas// da yang 'dus pa'i snying po nyon// ye shes lhun grub chen po la// rgyu rkyen med phyir rang byung sku// de las kun 'byung lhun gyis grub// chos sku spros pa sna tshogs kyang// de tsam nyid na dngos po med// yod med 'bras bu yul las 'das// de don rtog med rig pa gsal// gang yang mi 'gal don shes phyir// chos sku ye nas lhun gyis grub// chos sku ci snang 'dzin ma grub// de phyir rnam pa gang la yang// zhen pa'i 'dzin pa med par gnas// de phyir lhun grub ye shes klong// da yang 'dus pa'i snying po nyon// rang byung ye shes gdal khyab la// kun kyang yin phyir gang yang med// de phyir 'khor 'das gnyis med ngang// lhun ni rtsa ba byang chub sems// grub ni sku dang ye shes 'byung// pa ni rang byung rig pa gsal// thig ni 'khor 'das gzhi la med// le ni thams cad chos kyi klong// de phyir lhun grub thig le bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lhun gyis grub pa'i thig le bstan pa'i le'u ste/ brgya dang nyer dgu pa'o//// de nas 'dus pa'i 'khor rnams la// kun rig chos kyi rgyal po yis// la bzla'i thig le bka' stsal pa// rang gi rig pa chos sku la// sgra mthun don dpag gtan tshigs kyis// don gyi ngo bo gnyis su 'dus// la bzla gcig gi ngang du rdzogs// da yang rdo rje sems dpa' nyon// brtags pa'i thig le la bzla na// ngo bo snang la rang bzhin med// dpe ni nyi ma'i 'od brdal 'dra// gtan tshigs nges pa gang yin pa// thig ni dngos po yul dang bral// le ni thams cad rgyal ba'i zhing// 'gro sa thig le spyi yi rtsal// gzhi yi thig le la bzla na// ngo bo rang bzhin chos kyi sku// dpe ni dug nyid sman gyi ngang// gtan tshigs nges pa gang yin pa// thig ni thams cad mkhyen pa'i sku// le ni 'gro drug yongs la khyab// ye shes kun gyi rtsa ba'o// spyi yi rdzogs chen la bzla na// ngo bo sku gsung thugs kyi rgyud// dpe ni nor bu rin chen 'dra// gtan tshigs nges pa gang yin pa// thig ni ma nor drang ba'i lam// le ni gdal ba chen po'i ngang// 'gro sa thig le nyag gcig rtsal// yang ti rdzogs chen la bzla na// 'khor 'das ma rig rang byung gzhi// ngo bo thig le nyag gcig nyid// dpe ni nyi ma'i snying po 'di// gtan tshigs nges pa gang yin pa// thig ni bag chags skyon dang bral// le ni nyon mongs rnam par dag/ 'gro ba kun la sangs rgyas nyid// de yang 'dus pa'i snying po nyon// phyi nang med par thig le la// 'khor 'das med par nyag ma gcig/ snang stong med par phra la zab// thams cad thig ler sangs rgyas pas// steng 'og mtha' dbus med pa dang// phyi nang 'khor 'das med pa dang// thams cad thig le chen po las// gzhan gyi chos ni rdul tsam med// de yang 'dus pa'i snying po nyon// nga la sku gsung thugs nyid tshang// ye sangs rgyas pa'i rang bzhin la// yon tan nam mkha'i mtha' dang mnyam// gzhal yas chos kyi klong dang mnyam// rdzogs ni lhag ma med par rdzogs// 'khor ni dus gsum rgyal bar ldan// thams cad kun tu bzang po yis// skad cig rtogs pas mngon sangs rgyas// rtogs thabs bzhi ni bstan par zad// de las mang du dbye ba ni// thig le ma yin 'chal tshig yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/thig le nyag gcig la bzla ba bstan pa'i le'u ste/ brgya dang sum cu pa'o//// de nas 'dus pa'i 'khor rnams la// sa lam gzhi ru rdzogs pa'i don// kun rig rgyal pos bka' stsal pa// med la yod 'dzin 'khrul pa'i blo// 'khrul pa bzlog phyir 'jig tshogs te// rang gis rang bslus zhen pa'i rgyu// de bzlog don phyir lam lnga gsungs// de nas rdo rje sems dpa' nyon// dad ldan las can 'gyur med kyi// lung ldan rdo rje slob dpon la// yid 'thad phangs med 'bul ba ni// tshogs kyi lam du bstan pa yin// lung ldan rdo rje slob dpon la// yid gnyis the tshom blo spangs nas// mkha' 'gro mchod cing don zhus na// sbyor ba'i lam zhes de la bya// da yang 'dus pa'i snying po nyon// nges pa'i bcud ldan slob dpon gyis// yang dag gdams ngag lung bstan pas// snod ldan yid ches nges par rtogs// mthong ba'i lam ni yin par gsungs// don de go na rgyun du ni// nges don chos sku yengs pa med// rang rig ye shes dbang thob phyir// bsgom pa'i lam du bstan pa yin// yang dag nges don gsang ba 'di// rang gi thugs la don go na// 'gyur med gdeng chud ye shes klong// mthar phyin lam du bshad pa yin// de yang 'dus pa'i snying po nyon// yang dag don gyi chos nyid la// lam gyi dbye ba med mod kyang// rnal 'byor blo yi rim pa las// theg pa'i bye brag tha dad pas// lam lngar phye ba gcig tu rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lam lnga rdzogs par bstan pa'i le'u ste/brgya dang so gcig pa'o//// de nas 'dus pa'i tshogs rnams la// kun rig rgyal pos bka' stsal pa// sa yi dbye ba dpe dang ni// rtsal gyi sgo nas bzhi bzhi ru// pha rol phyin bcu sa dang sbyar// nges pa'i yon tan rdzogs par gsungs// da yang rdo rje sems dpa' nyon// sa ni dang po rab dga' ba// rten ni sbyin pa'i pha rol phyin// dpe ni mi zad gter dang 'dra// rtsal ni ma rig zil gyis gnon// sa ni gnyis pa dri med pa'i// rten ni tshul khrims pha rol phyin// dpe ni rin chen myu gu 'dra// rtsal ni rang rig ye shes gsal// da yang 'dus pa'i snying po nyon// sa ni gsum pa rin chen 'phro// rten ni bzod pa'i pha rol phyin// dpe ni rgya mtsho chen po 'dra// rtsal ni nyon mongs rtsad nas dag/ sa ni bzhi pa 'od byed pa// rten ni brtson 'grus pha rol phyin// dpe ni rdo rje pha lam 'dra// rtsal ni bag chags zhen pa rdzogs// sa ni lnga pa sbyang dka' ba// rten ni bsam gtan pha rol phyin// dpe ni ri bo lhun po 'dra// rtsal ni bying rgod skyon dang bral// sa ni drug pa mngon gyur pa// rten ni shes rab pha rol phyin// dpe ni ma gi'i sman dang 'dra// rtsal ni rang rig lhag mthong rtogs// da yang rdo rje sems dpa' nyon// sa ni bdun pa ring song la// rten ni thabs kyi pha rol phyin// dpe ni dge ba'i bshes gnyen 'dra// rtsal ni dug lnga sman du sgyur// sa ni brgyad pa mi g.yo ba// rten ni smon lam pha rol phyin// dpe ni yid bzhin nor bu 'dra// rtsal ni 'jig rten chos brgyad bral// sa ni dgu pa legs pa'i sa// rten ni stobs kyi pha rol phyin// dpe ni nyi ma'i snying po 'dra// rtsal ni log lta dbyings su bsgral// sa ni bcu pa chos kyi sprin// rten ni ye shes pha rol phyin// dpe ni tshangs pa'i dbyangs dang 'dra// rtsal ni sgrib dag thams cad mkhyen// de yang 'dus pa'i snying po nyon// de dag pha rol phyin bcu la// ngo bo thig le gcig tu 'dus// gdul byar rim pa bcu bstan pa// yang dag ye shes ngo bo nyid// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ sa dang pha rol phyin pa'i yon tan bstan pa'i le'u ste/ brgya dang so gnyis pa'o// sdom du bsdus te bstan pa nyer bdun pa'o//// de nas rdo rje sems dpa' yis// 'dus pa'i 'khor la phan don du// bden pa nyid kyis 'di skad gsol// nges pa bdun gyis nyams blang ba'i// lta ba bsgom pa spyod pa dang// dam tshig phrin las 'bras bu dang// rang gzhan nyams su blang ba'i thabs// kun rig ston pas bshad du gsol// de skad zhus pa'i don gsan nas// kun rig rgyal pos bka' stsal pa// gzhi nges lta ba nyams blangs pa// sangs rgyas pa yi chos sku la// 'khor 'das med par rig pa'i klong// gzhi la 'gyur med lta ba'i gdeng// yul la mi ltos rang byung sku// ye shes nam mkha' dang mnyam pa'i// don la 'gyur med nam mkha' 'dra// skyon gyis ma gos lta ba'i gzungs// 'gyur med chos nyid gdal ba'i klong// da yang rdo rje sems dpa' nyon// mi skye mi 'gag lta ba la// bsgom pas ma rnyed rtogs pas chog/ 'bral med da ltar kun bzang thugs// dus dang rnam pa thams cad du// skye 'chi med par lta ba'i mchog/ don du ye shes mthar phyin lam// re dogs med phyir ltung mi srid// gdod nas 'gyur med snying po gzhi// de nyid rang rig chos sku la// rang rig rang bltas ngo mtshar che// de phyir chos sku sangs rgyas thugs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhi nges pa'i lta ba nyams su blang bar bstan pa'i le'u ste/ brgya dang so gsum pa'o//// de nas kun rig ston pa yis// don dang mi 'bral ting 'dzin ni// 'dus pa'i 'khor la bka' stsal pa// chos nyid mi 'gyur ye shes klong// ma bcos ye nas gnas pa yi/ rgyu rkyen ma bskyed rang byung sku// dngos med rang gsal 'bras bu la// rkyen bral gnyen pos gzhig tu med// bsam du med pa bsgom mi dgos// da yang 'dus pa'i snying po nyon// dbyings dang bral ba byang chub sems// kha dog med pas mtshon du med// sems kyi yul las 'das pa 'di// skye 'chi med pas 'gyur ba med// rtag pa med pas 'khor ba bral// mtho dman med pas kun gyi rtse// che chung med pas dmigs pa bral// kun gzhi med pas chos sku'i klong// yangs dog med pas bzang mo'i mkha'// mtha' dbus med pas kun la khyab// ye shes zang thal phyi nang med// mtshon du med pas tshad dang bral// da yang 'dus pa'i snying po nyon// snang ba med phyir chos nyid ni// ma bcos ye nas ngang gis gnas// rtsol bsgrub cis kyang btsal du med// rtogs pa dgog pa'i nyams blangs pas// ma bcos chos sku dag pa'i klong// 'bras bu sangs rgyas de nyid klong// da yang 'dus pa'i snying po nyon// gdod nas 'gyur med ting nge 'dzin// rang byung rig pa'i ye shes kyis// ma bcos rang gsal rang bzhag pas// nyams su blangs pa'i dgos pa ste// de la rnal 'byor gang gnas pa// da lta nyid du sangs rgyas thugs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ don dam 'bral med kyi dgongs pa nyams su blang bar bstan pa'i le'u ste/brgya dang so bzhi pa'o//// de nas 'dus pa'i tshogs rnams la// kun rig rgyal pos bka' stsal pa// sems can dus na gsang spyod ni// gang yang ma bcos de bzhin nyid// chos skur rtogs nas 'gro don du// cir yang snang ba sprul pa'i sku// mdzad pa bcu gnyis mthar phyin pa// thugs rje sprul pa kun 'dus kyang// ched du bya ba'i rloms sems med// da yang 'dus pa'i snying po nyon// sangs rgyas mdzad spyod gang yin pa// sems can dus na spyod pa yis// ye shes rang byung thugs gnas pa// da lta lus ngag yid blangs pas// sangs rgyas ye shes da lta'i sems// de las gzhan du spyod du med// rig pa chos skur dran pa la// ye shes lhag mthong shar zhes bya// da yang rdo rje sems dpa' nyon// chos nyid 'di las ma g.yos pas// lus ngag yid gsum ci spyod pa// sangs rgyas mdzad spyod yin par gsungs// de phyir gang du ci la yang// ma chags zhen med shugs las 'byung// rig spyod ldan pas ma brjed pa// chos rnams kun gyi rtsa bar bshad// de phyir nyams dang 'dre ldan na// ye shes spyod pa'i mchog yin no// da yang 'dus pa'i snying po nyon// bdag gzhan rtog pa med pa'i phyir// gnyis med don tshig chos kyi sku// mthun 'jug spyod pa brgya mtshor ni// spyod pa sna tshogs ci bder spyod// pad+ma skye sa 'dam yin te// de la skyon gyis gos pa med// chos nyid blang dor med par rtogs// ting 'dzin nyams pa rdul tsam med// thun mong ma yin rnal 'byor pas// 'ching grol med phyir gol sa chod// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ spyod pa blang dor med par bstan pa'i le'u ste/ brgya dang so lnga pa'o//// de nas 'dus pa'i tshogs rnams la// kun rig ston pa kun bzang gis// dam tshig bsrung nyams med pa ni// nges pa'i don du bka' stsal pa// gdeng ldan nges pa'i ye shes kyis// bsrung du med pa'i dam tshig ste// ye bsrungs chen po'i ngang du bsdam// sdom pa phyi nang dam tshig kyang// gdul bya ji ltar 'dod pa 'phrul// tha snyad tsam du gdul mod kyang// dam du bcas pa rdul tsam med// chos sku thugs kyi dam tshig ste// de yi ngang du mi 'bral na// ye bsrungs chen po'i gdeng ldan yin// dam du bca' ba'i skyon med phyir// dngos po med pas nam mkha' 'dra// da yang rdo rje sems dpa' nyon// sdom dang dam tshig rnam mang ba// sku gsung thugs kyi dam tshig ste// sku ni chos skur ma bral na// rtsa ba'i dam tshig bsrung ba yin// gsung ni rang rig ye shes te// mi brjed don la ma yengs na// rang byung rig pa'i thugs la gsal// gsung gi dam tshig bsrung ba yin// thugs ni skye 'gag med par gsal// de las mi 'da' lhag mthong la// mi 'bral gzungs kyis zin pa yis// thugs kyi dam tshig bsrung ba yin// de yang 'dus pa'i snying po nyon// de dag sku gsung thugs kyi ni// rang byung chos sku nyid du 'dus// de phyir rtsa ba byang chub sems// chos rnams kun gyi snying por bshad// de phyir dam tshig bsrung nyams med// rtogs pa'i blo la de ltar snang// da yang rdo rje sems dpa' nyon// nga yis chos nyid dam tshig ni// ma bcos mkha' la nyi shar la// mun pa med par gsal ba ni// lhan gyis rtogs la blta ba yin// rang gi shes pa gnyug ma yi// don la ma yengs ting 'dzin la// snang ba'i yul la ma zhen par// gang yang ma bkag spyod pa'i yul// nges don rtogs pa'i chos nyid las// mi 'da'i dam tshig bsrung ba ste// bsrung du yod la nyams pa med// de phyir ye shes 'bral med pa'i// dbyings dang rig pa rang la shar// sna tshogs bsags pas kun gyi gzhi// snga phyi grub pa ga la yod// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ dam tshig bsrung nyams med par bstan pa'i le'u ste/ brgya dang so drug pa'o//// de nas 'dus pa'i 'khor rnams la// kun rig ston pa kun bzang gis// phrin las rdzogs par bka' stsal pa// dper na nor bu yid bzhin las// dgos 'dod thams cad 'byung ba bzhin// ye shes rig pa'i dbang thob na// phyi nang dbang rnams de la rdzogs// phyogs bcu ye shes lhun grub pas// mi rtog ye shes gegs bsal phyir// gnod byed mtshams brtol ming yang med// phyi nang mtshams bcad de la rdzogs// rang bzhin dag pa'i ngo bo la// 'khor ba'i skyon gyis mi gos phyir// ma rig rnam rtog sgrib med pas// don gyi bshags pa de la rdzogs// ye nas rang byung chos sku la// 'khor 'das gzhi la med pa'i phyir// gnyis med don la blo gtad nas// byin chen dbab pa de la rdzogs// dug nyid sbyor shes sman gyi mchog/ dug lnga rang grol ye shes kyi// nyon mongs bdud rtsi chen po la// ye shes byin rlabs de la rdzogs// chags sdang rtog pa'i snang ba la// mos pa'i ting 'dzin gnas gyur pas// 'byung ba lnga yis kun khyab phyir// dbang rim phrin las de la rdzogs// phyogs bcu rang bzhin lhun grub pas// rin chen sna lnga las sbyangs pa'i// gzhal yas khang chen de la rdzogs// rtog tshogs lhar ni gnas bsgyur bas// 'khrul snang nges par mi gnas phyir// rig tshor don gyi lha yin pas// ye shes lha rnams de la rdzogs// 'khor 'das gzhi la med pa'i phyir// kun tu bzang po'i ngo bo la// sangs rgyas sems can dbyer med pas// spyan drangs bstim pa de la rdzogs// ye nas gnas pa'i rang byung de// rang chas yod phyir ma btsal pa'i// chos nyid blta ba mi 'gyur bas// brtan par bzhugs pa'i phrin las rdzogs// gzhi la skyon yon med pa'i phyir// rang byung phyi nang med pa la// bzang ngan blang dor med pa yis// zil gyis mnan pa'i 'bras bu rdzogs// yang dag sangs rgyas dgongs pa la// dbyer med gcig tu rtogs pa'i phyir// thams cad 'dres pa chen po ste// nan tan phyag rgya de la rdzogs// da yang 'dus pa'i snying po nyon// ye shes lha yi nga rgyal gyis// lus ngag yid kyi rtsol ba kun// bsgul bskyod thabs dang ye shes la// phyag rgya'i phrin las de la rdzogs// lta ba shes pa ngo bo la// sgom pa'i thabs kyis rol pa'i phyir// sems dang chos su don sbyor bas// sbyor sgrol phrin las de la rdzogs// da yang rdo rje sems dpa' nyon// chos sku rang byung rig pa'i gsung// gang la smon du med rtogs pas// yon tan thams cad lhun gyis grub// tshogs rnams snod bcud yod min phyir// rang byung chos sku'i don rtogs pas// ma brjod dgongs pa sbyor byas pa'i// sku gsung thugs kyi don tshang bas// bzlas brjod 'phro 'du de la rdzogs// dga' ldan nges don sbyor ldan 'di// snang srid bde chen rol rtogs pa'i// tshogs rnams thams cad ye yin phyir// tshogs kyi phrin las de la rdzogs// gtso dang 'khor du mi 'byed pa'i// rang rig bzang ngan mi 'byed phyir// bden pa gnyis med ngo bo la// lhag ma'i phrin las de la rdzogs// bya ba med pa'i las rnams ni// gang yang 'dzin med rang gsal ba'i// mi bzung ye shes chen po la// mnan pa'i phrin las de la rdzogs// 'khor ba mya ngan 'das pa'i chos// ye nas rang byung rang gsal la// thig le nyag gcig 'dus pa'i don// dkyil 'khor phrin las de la rdzogs// rang bzhin mi shigs rdo rje yis// lus ngag lhar ni don gsal bas// ye shes lhun grub go ba'i phyir// rang lus bsrung ba'i phrin las rdzogs// ma rig rkyen bzhi med pa'i phyir// gnyis med don du sangs rgyas pas/mi rtog don du nges pa'i phyir// dge rtsa bsngo ba'i phrin las rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ mdzad pa'i phrin las nyams su blang bar bstan pa'i le'u ste brgya dang so bdun pa'o//// de nas 'dus pa'i tshogs rnams la// kun rig ston pas bka' stsal pa// ngo bo rang bzhin nges pa'i don// gang yang rung ba ci la yang// dngos po med phyir rtag tu med// med pa la ni yod rtog pa// 'khrul pa rnams kyis shes pa las// dam pa kun gyis mi mkhyen no// da yang rdo rje sems dpa' nyon// nam mkha' dngos med sems dang bral// de bzhin rang byung ngo bo nyid// kha dog dbyibs med sems las 'das// de phyir rang bzhin rtogs par dka'// chos sku skye med rig pa'i sku// yid kyi lus su bsam du med// gang yang ma bsams rig pa des// gang yang kun ldan rang byung sku// de yang 'dus pa'i snying po nyon// de la las dang rkyen mi tshugs// de phyir rang bzhin ji bzhin la// bcos pa med phyir rang lus chos// 'dus ma byas pa nam mkha' 'dra// chos nyid rang bzhin dmigs pa med// de don rang byung rig pa des// sems kyi kun gzhi rtsad nas brlag/ bag chags kun gzhi sprin ltar dengs// lus kyi kun gzhi len mi srid// de phyir rang byung rtogs pas chog da yang rdo rje sems dpa' nyon// de la rtsal du med pa'i don// dus gsum 'gyur med ye shes klong// de nyid rgyun du 'bral med pa// yang dag sangs rgyas dgongs pa yin// de yang 'dus pa'i snying po nyon// rang bzhin rnam dag chos dbyings la/ spros pa med par nyams su longs// de blangs 'bras bu sangs rgyas thob// de phyir rang bzhin rtogs pa gces// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ rang bzhin lhun rdzogs nyams su blangs thabs kyi le'u ste brgya dang so brgyad pa'o//// sdom du bsdus te bstan pa nyer bdun pa'o//// de nas rdo rje sems dpa' yis// 'dus pa'i 'khor la phan gdags phyir// kun rig ston pa chos rje la// nges pa'i nyams kyi don gsol pa// nyon mongs zil gnon nyams ni gang// chos dbyings nyams su ji ltar myong// lta ba'i gdeng gis ji ltar zin// lus ngag yid kyi rtags ni gang// kun rig ston pas bshad du gsol// kun rig ston pa chos rje des// de skad zhus pas don gsan nas// yang dag dgongs nyams nges pa'i don// 'dus pa'i 'khor la bka' stsal pa// chos nyid rang rig don shes pas// dug lnga ye shes rtsis zin phyir// nyon mongs rang rgyud zil gnon nyams// ba mo la ni nyi shar 'dra// snang ba chos dbyings nyams myong ni// sgyu ma 'dra ste dngos med shes// lta ba gdeng ldan nyams myong ba// sprin dang chu bur nyams myong 'dra// nyams ldan lus ngag yid kyi rtags// bzod thob bkrag gsal chos brgyad bral// de yang 'dus pa'i snying po nyon// 'gro drug sems can thams cad la// lung ldan gdams ngag rtsi yis ni// gser 'gyur rtsi yis thebs pa bzhin// da lta dus kyi sems can gyi// ma rig rtog pa rang rgyud la// zil gnon bsgom pa bstan par bya// sgom thabs skyon dang bcos pa'i thabs// thun tshad nyams dang rnam lnga ste// nga yis bka' las gsungs pa ste// dad ldan sems la go bar gyis// dang po bsgom pa'i bcos thabs ni// lus ngag yid kyis gdams ngag gis// gzhi shes lta bas thag chod la// de yis ngang la mi 'bral ba'i// tshad ni gsal la mi g.yo ba// mi rtog rang byung nyams pa med// de la yid ches gdeng gi zin// gzhi shes pa la nyon mongs med// de yi skyon ni ngos bzung na// bying rgod gol sgrib rnam bzhi ste// ched du byas dang rkyen dang shugs// blo chung shes rab dman la 'byung// rgyu dang dbye ba gsum gsum mo// dbang po 'bring dang tha ma la// bcos la nyams su myong du gzhug/ de phyir rgyun du 'bral med la// goms pa'i dbang gis ting 'dzin gsal// mthun mtshams nyams dang sbyar byas la// 'bring dang tha ma khams dang bstun// rab la rgyun du 'bral med la// thun tshad bzung med nam mkha' 'dra// de don nyams ni mthor bsdus na// shes pa rang gsal nyams pa med// rig pa rgya yan 'dzin pa bral// ye shes zang thal bying rgod med// chos nyid tshig chugs 'gyur med shes// lta ba rang shar 'khor ba stong// gdams ngag dran pas mtha' dbus med// chos sku 'phyos pas ngang gis stong// ci dran lhag mthong phyogs ris bral// rang byung rang gsal gos pa med// phyal ba yid ches blo bde'o// bde la zhen med kun tu 'phyo// 'dzin med khyab gdal mtha' dbus med// 'khor ba rang brlag chos skur gsal// da yang 'dus pa'i snying po nyon// de lnga ldan pa'i rnal 'byor la// gzhan gyi chags sdang spyod mthong yang// rang grol chags sdang rdul tsam med// de phyir rtogs ldan nyams kyi chos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ nyon mongs rang rgyud zil gyis gnon pa'i nyams bstan pa'i le'u ste brgya dang so dgu pa'o//// de nas 'dus pa'i tshogs rnams la// kun rig ston pa chos rje yis// yul dang gol sa bcad pa'i phyir// chos dbyings gdeng rnams bka' stsal pa// bya ba btang ba'i skyes bu bzhin// snang ba'i yon tan rnam lnga dang// brtag dpyad ma byas sgo lnga gsal// snang ba chos nyid 'gyur med nyams// de yang 'dus pa'i snying po nyon// lhag mthong rig pa rang yan te// phyod de rgyang nge nyams su bde// nam mkha' dwangs pa'i klong na bde// ko re ldem me nyams su bde/ khyung chen mkhar lding nyams su bde// gsal la bsil ba nyams su bde// bco lnga'i zla gsal klong na bde// bde la mi rtog nyams re gsal// ston ka'i nyi gsal klong na bde// lung ldan rig pa 'phyo na bde// gza' gtad med pa'i klong na bde// 'dus ma byas pa'i klong dkyil na// rang byung rig pa'i ye shes bde// lhag mthong rig pa'i ye shes kyi// rnal 'byor shes pa gsal na bde// lung ldan zas nor med na bde// zhen med chos sku'i klong na bde// rnal 'byor grogs dang bral na bde// lus kyi dgon pa'i nang na bde// rig pa rang gsal klong na bde// gol sa chod pa'i chos la bde/ spros dang bral ba'i klong na bde// skur 'debs phyar ka mang na bde// dug lnga rang grol klong na bde// chos la sgro 'dogs shin tu bde// chos brgyad bral ba'i klong na bde// rang la rang yid ches pas bde// lung ldan gdams ngag klong na bde// yul med 'khyams pa'i klong na bde// snang nor dran// bdag nyid sangs rgyas yin par shes// gnas ni 'og min nam mkha' 'dra// mngal du mi 'dug dran pa'i phyir// chos sku mi 'gyur brtan pa thob// da yang 'dus pa'i snying po nyon// bar dor yon tan rnam lnga 'byung// ma rig sangs pas sgrib gnyis dag/ ye shes rgyas pas 'gyur ba med// thams cad las la mkhyen pas ni// sangs rgyas chos sku thugs la rdzogs// gzugs sku rnam gnyis dus gcig 'byung// da yang rdo rje sems dpa' nyon// de tshe ye shes snang ba las// bag chags bral bas chags sdang med// snang ba med pas zhen pa bral// rig pa gsal bas chos skur shes// pho mo med pas mngal mi 'jug/ de phyir skye ba mi len nges// nges pa'i 'bras bu sangs rgyas ni// rnam dag chos sku rang rig shes// de tsam nyid la sangs rgyas su// kun bzang nyid kyi btags pa yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bar do skye ba med pa bstan pa'i le'u ste brgya dang nga dgu pa'o// sdom du bsdus te bstan pa so gcig pa'o//// de nas rdo rje sems dpa' yis// 'dus pa'i ched du 'di skad gsol// kun bzang nges pa'i gnas lugs don// yon tan che ba ji ltar 'byung// rang gnas la ni ji ltar bzla// kun bzang ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// lta sgom spyod pa phrin las dang// dam tshig 'bras bu'i rang bzhin dang// rnam pa bdun du ngas bshad do// lta ba rtag chad mtha' bral ba'i// rang byung rig pa 'di nyid la// skye med mi 'gyur ye shes klong// kun tu bzang po'i lta ba mchog/ chos sku'i ngang las ma g.yos pa'i// gsal la rtog med mi g.yo ba// rgyun du mi 'bral rang rig de// bsgom pa kun tu bzang por gsungs// da yang rdo rje sems dpa' nyon// blang dor phyogs ris med pa la// gzung 'dzin bya ba'i yul med phyir// rig pa chags med klong du 'phyo// kun tu bzang po'i spyod pa mchog/ phyi nang las ni gang rung la// sbyor sgrol la sogs ci bder spyod// phrin las yin phyir 'gal ba med// kun bzang nga yi phrin las yin// ye shes snying po rang byung la// rtag tu mi 'da' dran pas zung// bde sdug gang byung zil gyis non// dam tshig kun tu bzang por bstan// da yang 'dus pa'i snying po nyon// nges don rig pa'i dbang thob phyir// dus gsum sangs rgyas thugs dang mnyam// de phyir ye shes chen po'i las// 'bras bu kun tu bzang por gsungs// gtsang sme bzang ngan kun kyang ni// ye nas mnyam par 'dir shes pas// chos nyid rang sar mtha' dang bral// de phyir rang bzhin kun tu bzang// da yang 'dus pa'i snying po nyon// de dag kun bzang dbye ba yang// ga la khyad yod don la med// de phyir chos sku gcig gi ngang// thams cad rang byung klong du 'dus// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ kun tu bzang po bstan pa'i le'u ste brgya dang drug cu pa'o//// da yang 'dus pa'i snying po nyon// chos sku che ba'i rtsal byung ba// sems dang chos nyid 'byung ba dang// ye shes sku dang sku gsung thugs// yon tan ngan song mtho ris lam// thabs dang shes rab skyon gyi rgyu// yon tan rgyu dang sangs rgyas che// sems can rtogs thabs ngas bshad nyon// da yang rdo rje sems dpa' nyon// sems can ma rig las skyes yin// dug lnga 'khor ba'i rtsa ba ste// 'di nyid rang bzhin med par shes// sems nyid ye nas che bar byung// chos ni 'khor 'das kun yin te// nyid ni spros pa'i dngos po dang// btsal med ye nas che bar gnas// chos nyid ye nas che ba'i mchog/chos sku'i rtsal ni 'byung ba lnga// ye nas rgyud la sangs rgyas te// de phyir snang ba chos kyi sku// 'byung ba ye shes che bar bsdu// ye ni rang byung ngo bo nyid// shes ni blo yi rtog tu go// zung du 'brel bas ye shes te// de phyir ye shes che bar gsungs// da yang 'dus pa'i snying po nyon// sku yi sku lnga lhun gyis grub// ma btsal ye nas chos skur 'dus// che ba'i yon tan thams cad rdzogs// sku ni ye nas che ba'i mchog/sku gsung thugs kyi yon tan kyang// phrin las dkyil 'khor rang gi sku// de las gzhan du bsgrub mi dgos// yon tan phrin las che bar bsdu// skyon yon gnyis ka gzhi la med// de phyir go ba sangs rgyas rgyu// rang byung ye nas dag pa'i sku// skyon yon ye nas che ba yin// sdug bsngal 'khor ba ngan song ste// dag par ye nas rtogs pa la// sdug bsngal nyid kyang bde bar 'char// de phyir 'khor ba ngan song chos// da yang 'khor gyi snying po nyon// sangs rgyas sems can rtsa ba gcig/ mtho ris ngan song gzhi la med// de phyir ye nas rang byung sku// mtho ris ngan song che bar gsungs// thabs kyis sangs rgyas sems can 'brel// de phy-ir nges don thabs las byung// lung ldan gdams ngag nges par che// thabs ni ye nas che bar nges// shes ni chos sku spros dang bral// rab ni don rnams khong du chud// ye nas dbang bskur rgyal po ste// shes rab ye nas che ba yin// skyon ni ma rig 'gyu ba ste// lung ldan rkyen gyis skyon dang bral// de phyir skyon rtogs ye shes 'byung// skyon rgyu ye nas che ba yin// da yang 'khor gyi snying po nyon// nga yi sku gsung thugs rnams ni// ma bcos ma 'gyur ma g.yos pas// nga yi rol pa thams cad la// de phyir spang len bzang ngan med// yon tan rgyu ni ye nas che// 'khor ba sangs pas chos sku rgyas// yon tan kun ldan sangs rgyas te// ma btsal 'bras bu rang gnas pa// sangs rgyas ye nas che bar bsdu// sangs rgyas rgyu ni sems can te// sems can sems rtogs chos sku yin// rtogs pas sangs rgyas da lta nyid// de phyir sems can shin tu med// nges don rtogs pas sangs rgyas 'byung// nges don rtogs pas ma rig sangs// ye nas yod pas ye shes sku// de phyir rtogs pas che ba'i thugs// da yang 'dus pa'i snying po nyon// chos sku'i rtsal du yon tan 'byung// gang yang mi 'gag rol pa yi// che ba drug cu ma 'dres rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/che ba'i yon tan rtsal 'byung bar bstan pa'i le'u ste brgya dang re gcig pa'o//// de nas 'dus pa'i 'khor rnams la// kun rig ston pa chos rje yis// dbyer med ma btsal phyi dang nang// ye shes ma rig bzang ngan las// bde sdug che chung skye 'chi dang// blang dor med pa ma btsal ba// rang gnas chen por la bzla'o// da yang 'dus pa'i snying po nyon// ye nas rgyu dang 'bras bu ni// rim par dbyer med rang gnas phyir// sangs rgyas ma tshol rang la gnas// de phyir rgyu 'bras dbyer med yin// rtsa ba 'khor 'das gcig pa'i phyir// ngo bo nyid sku ye shes gnas// thar pa thob ces bstan pa yang// 'khor 'das rtsa ba rang gnas yin// phyi nang snod bcud ma lus kun// ma byung ma skyes chos kyi dbyings// dus gsum 'pho 'gyur med pa'i gnas// phyi nang ma btsal ye gnas yin// de yang 'dus pa'i snying po nyon// ma rig las skyes sems can kun// ye shes las 'byung sangs rgyas nyid// rang byung nges don chos skur gcig/ ma btsal la bzla chen po yin// lus ngag bde sdug ma bcos phyir// rtogs dang ma rtogs gzhi la med// yul la 'dzin pa'i blo med phyir// ma btsal rang gnas la bzla'o// gtsang sme gzhi la gnyis med pas// blo yis byis pa thams cad gol// ma bcos ma byas rang rig sku// bzang ngan med par la bzla'o// che chung mtho dman la sogs pa// rtogs pa can la che chung med// ye nas ma byung ma skyes te// dus gsum gcig pas ye shes sku// rang byung ngo bo rtogs pa la// dus gsum dbyer med gcig pa'i phyir// grangs dang tshe tshad bgrang du med// mi 'gyur ye shes la bzla'o// da yang 'dus pa'i snying po nyon// rang byung ye shes kun bzang la// phyogs ris blang dor gang yang med// ye shes ma btsal rang gnas pas// chos rnams kun gyi la bzla'o// da yang rdo rje sems dpa' nyon// rang gnas chen po de dgu la// rtsa ba rang byung chos skur 'dus// de phyir ye shes zang thal la// 'du 'bral ba yi ming yang med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rang gnas chen por la bzla bar bstan pa'i le'u ste brgya dang drug cu rtsa gnyis pa'o// sdom du bsdus te bstan pa so gnyis pa'o//// de nas rdo rje sems dpa' yis// kun tu bzang por don zhus pas// sku gsum don gyi gdul bya yi// mkhyen tshad 'khor la bshad du gsol// de skad pa yis don gsan nas// 'dus pa'i 'khor la bka' stsal pa// sprul pa drang don khams gsum yang// rgyu 'bras bde sdug ma lus dang// las dang nyon mongs ma lus pa// mkhyen phyir thams cad mkhyen zhes bya// da yang rdo rje sems dpa' nyon// 'dod khams gnas rigs nyi shu yi// las dang rkyen ni gang las byung// nyes legs ma lus dus gcig tu// gang yang shes phyir mno mi dgos// chu bur mig dang sha yi mig/ lha yi mig dang chos kyi spyan// ye shes spyan dang rnam lnga ste// thams cad mkhyen pa'i tshad du gsungs/ da yang rdo rje sems dpa' nyon// chu bur mig gis dpag tshad dang// rgyang grags ring thung tshun chad mthong// sha mig gling bzhi gling phran mthong// lha yis mig gis nam mkha'i khams// khyab tshad ma lus dus gcig mthong// sprul sku'i mkhyen tshad de dang 'dra// da yang 'dus pa'i snying po nyon// dmyal khams bco brgyad sdug bsngal dang// tshe tshad ring thung rim pa yang// las ngan byas pa'i nyes pa yin// rnam smin sdug bsngal rim pa mkhyen// dus gsum gang yang dus gcig mkhyen// da yang 'khor gyi snying po nyon// phyi nang me lce mkha' la rgyu// de dag las kyi rnam smin gyis// bkres bskom sdug bsngal sna tshogs pa// yi dwags lus kyi rnam pa dag/ las ngan bsags phyir rang la smin// tshe tshad mnar med yid la byung/ de yi mnyen po gang dgos mkhyen// gang yang mkhyen pas sprul pa'i sku// da yang 'dus pa'i snying po nyon// byol song gnas rigs dag na yang// rkang gnyis dang ni rkang bzhi dang// rkang mang dang ni rkang med tshogs// glen lkugs tshe tshad sdug bsngal ni// nges med nges can grangs med kyang// de yis mnyen po gang dgos mkhyen// gling bzhi byol song gling bar dang// mun gling yod pa'i grangs bcas mkhyen// da yang rdo rje sems dpa' nyon// phyi ni snod dang bcud kyis bsdus// 'byung ba bzhi yi rnam pa yang// sa gzhi ri rab rgya mtsho dang// me rlung 'byung ba sna tshogs pa// rdul phran dag gi grangs rnams kyang// bgrang mi dgos par dus gcig mkhyen// phyi yis kha dog dbyibs dang ni// gling bzhi gling phran ma lus pa'i// dbyibs dang tshe tshad lus kyi tshad// ma lus gang yang dus gcig mkhyen// da yang 'dus pa'i snying po nyon// gzugs khams gnas rigs bcu bdun po'i// longs spyod che chung gang yang rung// dge ba'i las ni gang yang rung// 'bras bu 'byung ba'i rim pa yang// 'dir bsags phyi mar smin pa mkhyen// lha yi tshe tshad ring thung yang// 'og las gyur pa'i 'gyur rtsis te// bya ba mang nyung dus tshod mkhyen// de phyir chags 'jigs stong dang gsum// cho 'phrul mngon 'byung bstan pa'i tshe// 'jig dang mi 'jig rnam pa yang// bsam gtan ro myong zhen pa dang// bag la nyal gyis ma rig pas// bsgrib phyir tha mal ltung ba'i phyir// de yi mnyen po'i chos rnams kyang// gang la gang 'dod rim par mkhyen// longs spyod g.yengs phyir gdul bar dka'// da yang 'dus pa'i snying po nyon// gzugs med khams bzhi'i rim pa yang// zhi gnas ro la zhen pa'i phyir// blta med bsgoms pas rang nyid 'khor// de yang rang gis ma rig pas// ci yang yod min med min dang// rnam shes mtha' dang nam mkha' yi// lta log zhen phyir shin tu 'khrul// de la nges med gang 'byung ba'i// ting 'dzin gol ba'i nyams de yi// dus gsum las ni ma lus dang// las kyi 'khor ba'i rnam smin de// de yi gnyen po gang bsgom pa// gnyen po med na ltung dus dang// tshe tshad ring yang tha ma ltung// de dus skur btab dmyal bar ltung// de dag sprul sku'i mkhyen pa'i tshad// da yang 'dus pa'i snying po nyon// sprul pa de yis sprul pa 'gyed// 'dzam gling bye ba phrag brgya la// sprul pa bye ba phrag brgya 'gyed// gnyen po sgo mo brgyad khri stong// gang gis gang 'dul rig pa mkhyen// lha yi mig gis gzigs tshad du// rna ba la sogs de bzhin no// ma lus mkhyen pa sprul pa'i sku// de phyir thams cad mkhyen zhes bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/sprul pa'i sku yis thams cad mkhyen pa'i tshad bstan pa'i le'u ste brgya dang re gsum pa'o//// da yang rdo rje sems dpa' nyon// sangs rgyas chos sku las byung ba'i// longs sku'i mkhyen tshad bsam mi khyab// re zhig drang pa'i don du ni// sa bcu'i byang chub sems dpa' yis// lam lnga sa bcu sbyangs pa'i phyir// zhing khams skye ba brjod mi langs// de dag kun gyis grangs dbye ba// ma lus kun gyi rnam grangs ni// longs spyod rdzogs pas mkhyen pa'i tshad// de yang 'dus pa'i snying po nyon// dag pa'i 'jig rten mang ba'i phyir// rigs lnga la sogs sangs rgyas kyi// rin chen gzhal yas khang dang ni// dkyil 'khor lha tshogs grangs dang ni// sems dpa' sems ma brjod las 'das// rgyan dang kha dog smos thag chod// de yi yon tan ma lus pa// dus gcig tshang zhing rdzogs par mkhyen// da yang 'dus pa'i snying po nyon// chos kyi mig gis mkhyen pa'i tshad// gdul bya'i 'khor du bstan pa yang// drang pa'i don du bstan pa las// nges don longs spyod rdzogs pa yi// mkhyen tshad 'khor 'das ma lus pa// sku yi sgo nas 'dul mdzad mkhyen// ldem dgongs brda yis chos rnams ston// sa bcu'i byang chub sems dpa' yang// 'gro ba'i don du sprul pa las// sa zin byang chub sems dpa' med// de yang 'dus pa'i snying po nyon// lhag mthong rig pa'i don ldan pa// chos kyi mig dang ldan zhes gsungs// de phyir longs spyod rdzogs pa yi// mtshan dang dpe byad ma lus pa// sangs rgyas nyid kyi mdzad pa las// byang chub sems dpa' logs na med// sa dang sa yis khyad par las// sgrib byang ting 'dzin khyad par las// gong nas gong du 'gro sa med// mdzad pa yon tan ldem dgongs chos// gang yang mkhyen pas longs spyod 'khor// de phyir dag pa sangs rgyas nyid// da yang rdo rje sems dpa' nyon// 'gro don phan par bya ba'i phyir// pha rol phyin pa bstan pa yang/ byams dang snying rjes gzhir bzung nas// sems can kun la brtser dgongs te// gzhan la phan 'dags bsod nams 'phel// drang ba'i don du gsungs pa las// don la phan pa rdul tsam med// longs spyod mkhyen tshad sa bcur bshad// de yang 'dus pa'i snying po nyon// chos sku nges don bka' mdo yang// drang don bslu brid ma yin te// dbu ma shes rab pha rol phyin// rdzogs chen chos sku'i snying po ni// longs spyod rdzogs pa'i mkhyen pa'i tshad// de phyir bstan pa'i rtsal gyis rdzogs// gang phyir longs sku chos skur brten// 'khor ni byang chub sems dpa'i tshul// chos nyid dag la longs spyod pas// longs spyod rdzogs pa'i mkhyen tshad yin// da yang 'dus pa'i snying po nyon// chos sku thugs la ma 'dres mkhyen// sangs rgyas ma lus dgongs pa gcig/ dper na mar me stong dag kyang// 'od kyi ngo bo gcig pa bzhin// dus gsum sangs rgyas stong la sogs// de dag dgongs pa chos skur gcig/gdul bya 'khor ba tha dad kyang// sku gsung thugs la 'phel 'grib med// de phyir longs spyod rdzogs pa'i tshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/longs spyod rdzogs pa'i sku yi mkhyen pa bstan pa'i le'u ste brgya dang re bzhi pa'o//// de yang rdo rje sems dpa' nyon// chos sku nges zin thams cad mkhyen// dag pa'i 'jig rten med pa'i phyir// 'khor ba'i mun pa ka nas dag/ yod med mtha' dang 'dod pa bral// chos sku ye shes klong gnas pa// da lta'i shes pa 'di nyid la// chos sku ngos zin thams cad mkhyen// de phyir rang byung ngo bor gnas/ da yang rdo rje sems dpa' nyon// mtshan nyid chos sku stong pa nyid// dmigs pa med phyir 'gro don bral// stong par 'dod pa chad blta yin// de phyir nges don chos sku min// yang ti nges don chos sku ni// rig pa ngo shes gsal ba la// rtog med gdeng ldan rang byung ste// sang nge sa le gdeng gis zin// chos sku mkhyen pas rang gi thugs// sku ni chos sku ye shes lus// ye shes spyan gyis lhag mthong gsal// ye shes gzugs brnyan la sogs pa// ma 'gags gang la rtog pa med// de phyir chos sku kha mig can// rig pa chos skur gsal phyir ro// de don gdams ngag mdor bsdu na// rnam rtog mi mnga' chos sku de// ci yang rang byung sa ler mkhyen// mi g.yo gdeng ldan 'gyur ba med// de ni chos sku'i mkhyen pa'i tshad// da yang 'dus pa'i snying po nyon// lus 'di'i nang na chos sku bde// 'khor 'das med phyir btsal mi dgos// de phyir lus 'bral chos sku bde// ye shes nam mkha'i mtha' dang mnyam// thams cad mkhyen pa'i ye shes mchog/ da yang rdo rje sems dpa' nyon// sku gsum thams cad mkhyen pa yang// drang ba'i don du phye ba las// don la dbye ba rdul tsam med// ma lus mkhyen pas mkhyen ces bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos kyi sku'i thams cad mkhyen pa'i tshad bstan pa'i le'u ste brgya dang re lnga pa'o// sdom du bsdus te bstan pa'i le'u so gsum pa'o//// de nas rdo rje sems dpa' yis// 'dus pa'i tshogs la phan don du// chos kyi rje la 'di skad gsol// bsam gtan ma gol 'bras bu gang// rgyu yi theg 'og 'bras bu dang// chos rnams rdzogs pa'i 'bras bu dang// phyi nang mi gol 'bras bu rnams// kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// rtsol ba med pa'i 'bras bu ni// gol sgrib med pa'i 'bras bu la// dbye ba rnam pa bcu tshan gsum// yid la mi byed gol sgrib med// de phyir nges pa'i 'bras bu bstan// da yang 'dus pa'i snying po nyon// snga phyi zhen pa'i rtog pa yis// byung tshor rjes su ma 'brangs pas// 'jig rten phal pa'i sar ma gol// de yang nges pa'i 'bras bu yin// nga dang bdag med don rtogs phyir// yod med yul du mi bsgom pas// rtag chad mthar ni de mi gol// de yang nges pa'i 'bras bu yin// rgyal ba'i bka' dang man ngag gi// shes rab zab mo'i don zin pas// lung du ma bstan de mi gol// de yang nges pa'i 'bras bu yin// lhag mthong rig pa'i gdeng zin pas// zhi gnas ro la ma chags phyir// 'jig rten bsam gtan sar mi gol// de yang nges pa'i 'bras bu yin// snang ba'i yul rnams mthong ba'i tshe// sgo lnga'i rnam shes mi 'gog pas// 'du shes med par de mi gol// de yang nges pa'i 'bras bu yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/'jig rten pa'i gol med 'bras bur bstan pa'i le'u ste brgya dang re drug pa'o//// de nas 'dus pa'i 'khor rnams la// kun rig rgyal pos bka' stsal pa// spang ba'i rtog pa med pa'i phyir/rnam rtog ma spangs rang zhi bas// nyan thos 'gog par de mi gol// de yang nges pa'i 'bras bu yin// rten 'brel bcu gnyis yul med phyir// rtog bkag stong par ma bsgoms phyir// rang sangs rgyas su de mi gol// de yang nges pa'i 'bras bu yin// snang ba sems su mi sdud phyir// rang rig gsal bar mi bsgoms pas// sems tsam par ni der mi gol// de yang nges pa'i 'bras bu yin// bden pa gnyis su mi dbye'i phyir// mtshan ma stong par ma bsgom pa// dbu ma nyid du de mi gol// de yang nges pa'i 'bras bu yin// pho mo rtsa dang thig le yis// thabs kyi bde ba ma bsgoms pas// chags pa'i lam du de mi gol// de yang nges pa'i 'bras bu yin// tshogs gnyis rtsol ba med pa'i phyir// rgyu 'bras rkyen la mi ltos pas// 'du byas chos skur de mi gol// de yang nges pa'i 'bras bu yin// bag chags bzang ngan ming med phyir// dge sdig re dogs rtsol med pas// las kyi dbang du de mi gol// de yang nges pa'i 'bras bu yin// snang stong gzhi la med shes phyir// dbye ba bstan pa'i yul med pas// phra ba'i lam du de mi gol// de yang nges pa'i 'bras bu yin// gzhi la gong 'og med pa'i phyir// lam lnga rim gyis ma sbyangs pas// sa bcu'i nges par de mi gol// de yang nges pa'i 'bras bu yin// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ rgyu mtshan nyid du gol ba med par bstan pa'i le'u ste brgya dang re bdun pa'o//// de nas 'dus pa'i tshogs rnams la// kun rig rgyal pos bka' stsal pa// skyon med yon tan kun ldan de// phyi nang chos rnams rdzogs par ni// nga yis bshad kyi legs par nyon// lta sgom gnyis su don gnas pa'i// rnal 'byor nges pa'i skal ldan de// dad pas kun nas bslang ba'i phyir// snying rje'i rlan dang ma bral bas// sems bskyed rnams gnyis de la rdzogs// gang la mi rtog rang gsal ba'i// chos nyid ngang tshul gsal ba la// bying rgod gnyis kyis skyon bral bas// zhi gnas bde ba de la rdzogs// phyi nang chos rnams ma lus kun// so sor rtog pa'i ye shes kyis// sgyu ma lta bur shes pa'i phyir// dngos med rtogs pas lhag mthong rdzogs// da yang rdo rje sems dpa' nyon// lta ba'i ngang la mnyam bzhag tshe// ser sna 'dzin pas sems med pas// chos dang bdag tu ma mchis pas// sbyin pa'i pha rol phyin pa rdzogs// nges don rtogs pa'i rnal 'byor pas// lus ngag yid kyi spyod pa yi// mi dge nyes byas mi 'byung bas// tshul khrims pha rol phyin pa rdzogs// rang byung rig pa'i rnal 'byor pas// lta ba nges pa'i gdeng zin pas// chos kyi dbyings su kun shong phyir// bzod pa'i pha rol phyin pa rdzogs// nges pa'i lung la yid ches pas// rang byung rig pa shes pa'i phyir// lta ba'i don la ma yengs pas// brtson 'grus pha rol phyin pa rdzogs// snga phyis ma bslad gnyug ma la// gzhan du 'dzin bral rang gsal sku// chos nyid don las mi g.yo phyir// bsam gtan pha rol phyin pa rdzogs// thos pa'i shes rab blo sbyangs nas// nges pa'i don ni mthar phyin pas// chos rnams lta bas thag chod pas// shes rab pha rol phyin pa rdzogs// da yang rdo rje sems dpa' nyon// lung ldan nges pa'i gdams ngag gis// chos kyi dbyings su shes pa'i phyir// rnam pa gang yang mi 'gog pas// thabs kyis pha rol phyin pa rdzogs// sngon nas dge ba'i tshogs bsags pas// bla ma sangs rgyas kun dang phrad// mi gnas bla med don rtogs pas// smon lam pha rol phyin pa rdzogs// thog mtha' ma rig sangs pa las// lung ldan rang rig don shar bas// ma rig mun pa kun bcom phyir// stobs kyis pha rol phyin pa rdzogs// rang byung ngo bo nyid kyi sku// chos kun rtsa bar rab rtogs pas// yon tan ma lus kun 'dus phyir// ye shes pha rol phyin pa rdzogs// da yang 'dus pa'i snying po nyon// sangs rgyas kun gyi mdzad spyod la// tha mal spyod pa'i ming med pas// lus ngag dge ba mi nyams phyir// tshogs chen ma lus rnam gnyis rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos rnams lhun gyis grub pa'i 'bras bu bstan pa'i le'u ste brgya dang re brgyad pa'o//// de nas 'dus pa'i tshogs rnams la// kun rig ston pas bka' stsal pa// bdag dang ye shes gnyis med phyir// dag pa'i lhar ni ma bsgoms pas// kri ya'i theg par de mi gol// de yang nges pa'i 'bras bu yin// gong 'og gnyis su mi lta'i phyir// lta spyod ya char mi bsgom pas// u pa yar ni de mi gol// de yang nges pa'i 'bras bu yin// yang dag nges pa'i don rtogs phyir// byang chub rnam lnga ma bsgoms pas// yo ga sems dpar de mi gol// de yang nges pa'i 'bras bu yin// da yang rdo rje sems dpa' nyon// snang ba gzhi la med pa'i phyir// rnam rtog lha ru ma bsgyur bas// ma hA yo gar de mi gol// de yang nges pa'i 'bras bu yin// dbyings dang ye shes gnyis med pas// 'du 'bral mi 'jog yongs med phyir// a nu yo gar de mi gol// de yang nges pa'i 'bras bu yin// snang ba sems nyid yin pa'i phyir// chos nyid mtshon du med rtogs pas// mtshan ma'i skyon du de mi gol// de yang nges pa'i 'bras bu yin// phyi nang gsang ba'i chos kun gyi// brtul zhugs gang yang mi dgos pas// blang dor spyod par de mi gol// de yang nges pa'i 'bras bu yin// rnam rtog gzhi la med pa'i phyir// gnyis med don la mi rtog pas// phyogs can lta bar de mi gol// de yang nges pa'i 'bras bu yin// tshogs brgyad gol sar shes pa'i phyir// sems nyid don la mi rtsol bas// mnyam nyid don la mi 'gyur phyir// chos kyi sku la gol sa med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sngags phyi nang du mi gol bar bstan pa'i le'u ste brgya dang re dgu pa'o//// de nas 'dus pa'i 'khor rnams la// kun rig ston pas bka' stsal pa// sgrib pa med pa'i 'bras bu ni// nges pa'i lung ldan bla ma yis// ye shes chen por ngos zin phyir// skabs dbye'i sgrib pa de la med// de yang nges pa'i 'bras bu yin// nam langs mun sgrib med pa bzhin// ma rig bag chags med pa'i phyir// bslad pa'i sgrib pa de la med// de yang nges pa'i 'bras bu yin// gang yang dam par lta med phyir// ched du byas nas sgom med pas// phyogs lhung sgrib pa de la med// de yang nges pa'i 'bras bu yin// gang dran chos skur rab shes pa'i// lta ba nges pa'i gdeng zin pas// tshogs kyi sgrib pa de la med// de yang nges pa'i 'bras bu yin// gsang sngags mdzad spyod thams cad la// bya ba med pa'i don rtogs phyir// las bzhi'i sgrib pa de la med// de yang nges pa'i 'bras bu yin// 'khor 'das chos ni gang la yang// ma chags mi g.yo'i rtogs ldan phyir// mchod pa'i sgrib pa de la med// de yang nges pa'i 'bras bu yin// yang dag sangs rgyas rnams gsungs pa'i// nges pa'i lung la yid ches pas// the tshom sgrib pa de la med// de yang nges pa'i 'bras bu yin// da yang 'dus pa'i snying po nyon// gol sgrib med pa'i don shes na/ rgyal ba nyid dang dgongs pa mnyam// de phyir chos sku da lta nyid// sangs rgyas zhes ni de la bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sgrib pa med pa'i 'bras bu nyams su blang ba bstan pa'i le'u ste brgya dang bdun cu pa'o// sdom du bsdus te bstan pa so bzhi pa'o//// de nas rdo rje sems dpa' yis// 'dus pa'i tshogs la phan gdags phyir// kun rig ston pa chos rje la// nges pa'i dgongs don 'di skad gsol// sems las ma byung sangs rgyas dang// rgyu las ma byung 'bras bu dang// lung las ma bstan gdams ngag dang// khyad par 'phags pa'i gdams ngag rnams// kun rig ston pas bshad du gsol// de skad zhus pa'i don gsan nas// kun rig ston pas bka' stsa la pa// nges pa bzhi yi khyad 'phags pa// khyod la legs par nges bstan gyis// yid la zung la nges par chong// da yang rdo rje sems dpa' nyon// sems las ma byung sangs rgyas ni// rang byung nges pa'i chos sku ni// sangs rgyas kun gyi nges pa'i don// rnal 'byor kun gyi dam pa'i lam// thams cad mkhyen pa'i ye shes mchog/da yang rdo rje sems dpa' nyon// mtshan nyid sems su 'dod pa ni// ma rig chos ni bden gnyis su// blo yis nan brtags sems kyis bcos// tshogs bsags sgrib sbyangs kun brtags pa'i// sems bral rang byung chos kyi sku// sems las ma byung sangs rgyas 'di// theg pa kun las khyad par 'phags// phyi nang gsang sngags bskyed rdzogs ni// ting 'dzin gsum gyis lhar bsgoms nas// phrin las rnam bzhi'i las spyod kun// 'bras bu mi thob kun brtags pa'i// yid smon kun brtags dkyil 'khor kun// drang don yin phyir 'khrul pa'i sems// gsal brtan ting 'dzin goms gyur kyang// sems las ma byung sangs rgyas min// da yang 'dus pa'i snying po nyon// yang dag nges don sangs rgyas ni// yid kyis ma bsgoms ma bskyed pa'i// rtsol med rang gsal 'di nyid la// sems las ma byung sangs rgyas yin// snang med rang byung chos nyid la// yul du byas pa med pa'i phyir// lha med bsgom rgyu ga la yod// de phyir sems ni kun brtags yin// gang yang ma bsgoms chos nyid ni// sems kyi yul las 'das pa'i phyir// sems las ma byung rang byung ste// sangs rgyas kun gyi dgongs pa yin// de yang rdo rje sems dpa' nyon// sems ni ma rig mun pa yin// sangs rgyas sems bral ye shes sku// ma rig sems sangs sgrib pa dag/thams cad mkhyen pa'i ye shes rgyas// rtag chad 'dzin pa ma rig sems// de las ma byung sgro skur bral// rtags chad sems med chos kyi sku// sems las ma byung sangs rgyas yin// sangs ni 'khrul pa 'dzin pa sangs// rgyas ni chos sku mi g.yo rgyas// sangs ni sems su 'dzin pa sangs// rgyas ni rang byung ye shes rgyas// sangs ni gol sgrib sems rnams sangs// rgyas ni ye shes mi rtogs rgyas// sangs ni bying dang rmugs pa sangs// rgyas ni lhag mthong ye shes rgyas// de phyir sems las ma byung ba'i// ye shes rang sangs rgyas pa yin// da yang 'dus pa'i snying po nyon// sangs ni rgod 'phro g.yeng ba sangs/ rgyas ni rang rig ye shes rgyas// sangs ni 'khor 'das 'dzin pa sangs// rgyas ni chos sku gsal ba rgyas// sangs ni bag chags nyon mongs sangs// rgyas ni rang gi ngo bo rgyas// sangs ni bdud bzhi'i cho 'phrul sangs// rgyas ni zil gnon lta ba rgyas// de phyir rang byung rig pa 'di// sems las ma byung sangs rgyas yin// da yang 'dus pa'i snying po nyon// dus gsum sangs rgyas sems dang bral// tshogs brgyad med phyir sems kyang med// rang byung snying po chos kyi sku// sems las ma byung sangs rgyas yin// ma rig las byung sems can kun// sems su 'dzin phyir sdug bsngal 'byung// de phyir sems bral spros la med// spros med chos sku rang byung la// rang sems bral bas dmigs pa med// dmigs med chos kyi sku zhes bya// sems la dus gsum yod pa'i phyir// tshe la snga phyi da lta 'byung// sems la 'pho 'gyur yod pa'i phyir// de phyir lus la skye 'chi 'byung// na tsha bde sdug sna tshogs pa// rang sems yin phyir 'khor bar smin// de phyir sems ni sangs rgyas min// da yang rdo rje sems dpa' nyon// skye shi med phyir sems dang bral// skye med rang byung ye nas gnas// de nyid lam gyi ye shes ni// thog mtha' chod na dus gsum gcig/ chos sku gcig phyir 'pho 'gyur med// don la 'gyur med sdug bsngal bral// snga phyi med par rang byung sku// sems las ma byung sangs rgyas yin// 'pho 'gyur med pas sdug bsngal bral// brjod med rang gi ngo bo la// tshor ba bde sdug gang yang med// de phyir chos nyid bden pa'i ngang// sems las ma byung sangs rgyas yin// da yang 'dus pa'i snying po nyon// dus dang spyod lam thams cad du// nges don 'bral med ye sangs rgyas// de phyir lta ba 'gyur ba med// 'gyur med chos nyid rang byung klong// ma yengs sems med da lta nyid// sgom pa kun gyi mchog tu ni// kun bzang rgyal bas gsungs pa de// sems las ma byung sangs rgyas yin// da yang 'dus pa'i snying po nyon// nges don sangs rgyas khyad par can// kun gzhi med phyir sangs rgyas med// de phyir yul med rig pa 'di// sems las ma byung sangs rgyas yin// sems bral lhag mthong chos nyid la// de la yid ches nges pa'i gdeng// sangs rgyas dgongs pa ma nor ba// dam pa'i thugs la gsal ba ni// sems las ma byung sangs rgyas 'di// theg pa kun las khyad par 'phags// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/sems las ma byung ba'i sangs rgyas bstan pa'i le'u ste brgya dang don gcig pa'o//// de nas 'dus pa'i tshogs rnams la// rgyu las ma byung 'bras bu de// kun rig rgyal pos bka' stsal pa/ rgyu rkyen med pa'i mthun dpe ni// nor bu rin chen kun ldan bzhin// chos sku rgyu la rag ma lus// rkyen la mi ltos smos ci dgos// da yang 'dus pa'i snying po nyon// rgyu ni 'dus byas mi rtag phyir// gnyen pos 'jig phyir rkyen khar 'gro// de phyir rkyen gyis ma bskyed pa'i// rang byung chos sku 'gyur med de// chos rnams kun gyi snying po yin// phyi nang kun gyi bag chags kyi// rgyu rkyen ngan pas bskyed pa'i phyir// rang gis rang bslus 'dzin pa yis// 'khrul pa yin par the tshom med// de phyir 'khor 'das ma rig pa'i// nges don chos sku snying po ni// rgyu las ma byung rang byung sku// rkyen gyis ma bskyed 'bras bu yin// da yang 'dus pa'i snying po nyon// ma rig rgyu las ma skyes pa'i// rang byung ngo bo nyid kyi sku// kun brtags rkyen gyi ma bskyed phyir// 'byung ba bzhi la brten mi dgos// nam mkha' stong la rgyu med phyir// rig pa stong la rgyus ma bskyed// nam mkha' 'byung bzhi'i rkyen mi tshugs// de bzhin chos sku 'gyur ba med// de phyir rkyen las ma skyes pa'i// 'bras bu nges par yod ma yin// da yang 'dus pa'i snying po nyon// rgyu med 'bras bu yod ma yin// rgya mtsho'i gser la rgyu med ltar// rig pa rang grol rgyus ma bskyed// gser de g.ya' yis mi gos bzhin// chos sku rkyen gyis mi 'gyur bas// de phyir rgyu las ma byung ba'i// 'bras bu nges par yod pa yin// sems can rgyu las ma skyes pa'i// kun bzang sangs rgyas yod par nges// sngon gyi sangs rgyas rgyus ma bskyed// rkyen med rang byung yin pa'i phyir// ye nas sangs rgyas yin par bshad// da yang 'dus pa'i snying po nyon// drang don sangs rgyas rgyu rkyen ni// thabs dang shes rab yin zhes zer// ji srid thabs la brten gyi bar// chang dang dug bsres 'chi ba 'dra// de phyir rang byung thabs mi dgos// thabs ni ma rig drang ba tsam// ye shes zang thal rgyus ma bskyed// rgyu med 'bras bu shes pas chog/ da yang rdo rje sems dpa' nyon// rang byung stobs kyi 'byung ba'i dpe// lha yis pany+tsA li ka bzhin// rgyu rkyen ma bskyed rang byung sku// sus kyang ma byas byed pa med// de phyir chos nyid brdal ba'i sku// rang byung ye shes rgyus ma bskyed// rkyen med rang gsal rgyun ma chad// gnyen po'i rkyen gyis bcos su med// rgyu las ma byung sangs rgyas yin// da yang 'dus pa'i snying po nyon// skye med rang byung don rtogs pas// tshogs gnyis bsags pas khyad par 'phags// de phyir tshogs bsags rtse mo 'dra// drang don tshogs gsog g.yengs pas phung// gzugs sku tshogs gnyis las ma byung/ de phyir chos sku rtogs gyur nas// tshogs ma bsags pa'i gzugs sku byung// de phyir rgyu med 'bras bu yin// de yang 'dus pa'i snying po nyon// ngo bo gcig la tha dad med// byad dang me long gzugs brnyan bzhin// chos sku'i rtsal ni gzugs sku gnyis// tshogs ma bsags par shugs la byung// sku gsum 'gro don tha dad kyang// rgyu rkyen ma skyes ye nas gnas// de phyir chos sku'i rang rtsal ni// mthong snang sna tshogs cir yang 'char// de tsam nyid na rgyu rkyen bral// dper na nam mkha' ji bzhin no// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rgyu las ma byung ba'i 'bras bu bstan pa'i le'u ste brgya dang don gnyis pa'o//// de nas 'dus pa'i 'khor rnams la// kun rig chos kyi rgyal po yis// lung la ma brten gdams ngag ni// dad ldan 'khor la bka' stsal pa// sangs rgyas kun gyi ye shes sku// rang byung ngo bo rtogs las byung// 'dus ma byas kyi nam mkha' 'dra// gang yang med pa'i sngon rol du// rang byung ngo bo nyid kyi gzhi// lung las ma brten gdams ngag chos// rang gi rig pas rang rtogs phyir// 'khrul ma myong la rtogs ma myong// de tshe 'khor 'das 'byung ba med// gzhi shes rang byung rig pa la// gzhi nas ma rig med pa'i phyir// rkyen gyis sngon 'khrul ma myong bas// lung ldan gyis ni bstan mi dgos// de phyir lung las ma byung chos// ya mtshan rmad du byung ba'i bka'// sangs rgyas thams cad de las skyes// da yang 'dus pa'i snying po nyon// rang byung kun tu bzang po la// yul med 'dzin pa med pa'i phyir// ye nas rig pa rang la shar// dus de nyid du ma rig sangs// de phyir lung las ma byung ba'i// nges don snying po'i chos zhes bya// da yang 'dus pa'i snying po nyon// kun bzang slob dpon med pa'i phyir// phyi nang chos kun bshad lung med// de phyir gzhan la ma brten pa'i// rang gi rig pas shes pa'i phyir// lung la ma brten man ngag chos// rgyal ba rnams kyi rtogs tshul yin// da yang 'dus pa'i snying po nyon// lung la ma brten chos sku la// 'khor ba btsal gyis mi rnyed pas// sangs rgyas kun tu bzang po bya/bag chags kun gyis ma gos phyir// rtog pa med phyir ye shes rgyas// lung la ma brten gdams ngag yin// de phyir dus gsum sangs rgyas kyi// yon tan thams cad ma lus par// skyed par byed pa'i mes po yin// da yang rdo rje sems dpa' nyon// kun bzang sprul pa rnam gsum gyis// sku gsung thugs kyi sgo nas ni// theg dgu'i chos rnams bshad pa yang// lung la ma brten chos 'di yi// byin gyi brlabs kyis 'byung ba yin// thugs nas nges par brgyud pa yin// man ngag snying po 'di rtogs na// rtogs pa mngon 'gyur sangs rgyas yin// de med chos rnams ma lus kun// spre'u 'dra'i lung gi bslad pa yin// theg dgu'i chos kun rkyen gyis byas// de phyir nges don bka' ma yin// der brten sgrub thabs bstan chos sogs// byas pa'i chos kun shin tu nor// des brtsams mkhas pa'i yin zer nas// bstod ra lo rgyus mang bshad kyang// spre'u 'dra'i lung gis dam chos bslad// chu dang 'o ma 'dres pa 'dra// de phyir sprel 'dra lung ngan la// brten pas lam nor rtog pa zin// de phyir sdug bsngal sna tshogs myong// 'khor ba'i mtha' la zad pa med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lung la ma brten pa'i gdams ngag bstan pa'i le'u ste brgya dang don gsumapa'o//// kun rig ston pa chos rje yis// nges don gdams ngag 'di skad gsungs// sangs rgyas dgongs pa ma nor bar// sems can kun la gnas pa yi// rgyu rkyen ma skyes rang byung ba// lung ldan nges pa'i gdams ngag ni// 'phel 'grib med pa'i ye shes yin// da yang 'dus pa'i snying po nyon// dang po 'khor 'das bar do la// kun bzang ye shes rtogs don de// rang byung ngo bo nyug tsam byung// nges don rig pa tsam gyis shar// yid ches don la 'gyur ba med/ rtogs dang sangs rgyas dus mnyam byung// 'khor 'das thog mtha' dus gcig chod// de phyir sangs rgyas mes po yin// da yang rdo rje sems dpa' nyon// rang byung ngo bo nyid kyi sku// dad pa dang ni shes rab kyi// skye shi gnyis kyi bar do la// lung ldan bla ma dam pa yi// bstan pa'i don la rang yid ches// nor bu rin chen rnyed pa 'dra// snod dang skal ba ldan pas rtogs// nges pa'i bka' dang mi 'gal mthun// chos kyi sku dang mi 'bral bas// skye ba mi len ye shes ldan// gzugs sku rnam gnyis 'gro don byed// da yang rdo rje sems dpa' nyon// rtsol bsgrub dag las ma byung bar// rang byung lam la rag ma lus// yul las ma skyes chos sku de// lung ldan rkyen gyis rtogs pas chog/ rdo rje sems la brten pa'i phyir// da yang rdo rje sems dpa' nyon// rang la yod kyis gzhan ma blta// gang gi rtogs pa ma zhugs zhing// shes pa rang gsal 'di nyid ni// chos skur shes pas chog pa'i phyir// chos nyid ngang la thug ma gcod// lta ba'i rgyun la brjed ma nges// bsgom pa'i ngang la dran ma gsal// spyod pa'i chos la bcos ma bslad// dam tshig gzhung la tshur ma rkyen// 'bras bu'i chos la rtogs ma ring// nges pa'i lung ldan gdams ngag gi// yid ches gdeng rnyed dgongs par ldan// mtha' mal ma yin brtson 'grus kyi// 'dug tshug rkyen thub sgom chen yin// rdo rje sems dpa' khyod nyid kyang// rang byung chos kyi snying por bshad// spro bsdu med pa'i shes pa la// skye 'gag med pa'i ting 'dzin gsal// 'byung 'jug med pa'i ye shes shar// da yang rdo rje sems dpa' nyon// ye nas yin gyis gzod ma tshol// 'gro sa med kyis can ni 'dug/ yengs sa med kyi shes pa klod// gsal la rtog med chos kyi sku// yid ches nges pa'i gdeng gis zin// shes gsal rig pa sangs rgyas thugs// da yang 'dus pa'i snying po nyon// lung ldan nges don gsal ba yi// rang gsal 'di la bogs mi 'don// so thub rig pa ngang gi rtsal// de shes yengs pa med ces bya// da yang 'dus pa'i snying po nyon// 'gro drug yul la mi rtog na// 'gro drug skyes nas 'khor mi srid// de phyir rtog med rig pa la// yid ches mi g.yo rgyun du gnas// tha mal shes pa gzhi cha la// rgyal ba kun gyi dgongs pa 'dus// de don nges lung bstan pa la// sangs rgyas kun dang dgongs pa mnyam// da yang rdo rje sems dpa' nyon// khong nas ye shes rang shar ba// dpyad nas byung ba ma yin te// gdams ngag bstan pas byung ba yin// de phyir bla ma'i bka' 'di gces// rang byung snying po byang chub la// rtsol bar bya ba ming yang med// bya dgos 'khor ba lung ma bstan// sems kyis chos sku khyod la byed// da yang 'khor gyi snying po nyon// nam mkha'i cha la bgos ma byed/ brdzun gyis bden pa ma bslu bar// tshig mang bshad pas chos ma bslad// tshig tu nyung la don du 'dril// lung ldan ma nor gdams ngag gis// slob ma yid ches gdeng ldan la// gdams ngag phog ces de la bya// da yang rdo rje sems dpa' nyon// sangs rgyas yon tan sgro mi gdags// sems can skyon zhes skur mi gdab// yul la ma sbyang zhen mi bya// sgro skur zhen med chos kyi sku// rgyun du 'bral med gdams ngag gis// de phyir lung ldan bka' 'di gces// da yang 'dus pa'i snying po nyon// mkhas pa'i yon tan khyad mi gsad// 'khor ba'i chos la ngos ma 'dzin// snang ba'i yul la zhen ma che// 'jig rten chos la blo ma rno// rgyal ba'i bka' la bshed ma chung// slob dpon dag la 'gran ma 'dzugs// tshul 'chos can la bkur mi bya// gdams ngag med par chos mi bshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gdams ngag khyad par 'phags pa rdo rje sems dpa' la lung mngon du phog pa bstan pa'i le'u ste brgya dang don bzhi pa'o// sdom du bsdus te bstan pa so lnga pa'o//// de nas rdo rje sems dpa' yis// 'dus pa'i tshogs la phan gdags phyir// kun rig sems kyi rgyal po la// dgos pa'i don chen 'di skad gsol// rnal 'byor bar du gcod pa yi// bdud kyi cho 'phrul zil gnon pa'i// rtags dang 'bras bu bshad du gsol// de skad zhus pa'i don gsan nas/ kun rig rgyal pos bka' stsal pa// chos kun rtsa ba byang chub sems// de rtogs zil gyis gnon pa'i rtags// kun bzang ston pa ngas bshad kyis// legs par nyon la yid la zung// rnal 'byor snang ba'i 'od byung ba// gzha' tshon rang bzhin med shes ltar// dam par shes pa'i blo mi 'byung// 'od gsal bdud ni zil gnon rtags// don rtogs rnal 'byor dam pa yis// sgra yi rnam pa gang thos tshe// sgra brnyan rtag pa med shes pas// rjes 'brang 'dzin pa'i sems bral phyir// grags sgra bdud ni zil gnon rtags// rnal 'byor 'jigs gzugs mthong ba'i tshe// lbu ba snying po med shes ltar// gzhi la 'jigs pa'i yul med rtogs// gzugs bdud zil gyis gnon pa'i rtags// rnal 'byor bslu ba'i rdzun byung tshe// rmi lam bzhin du rdzun du shes// gang la bden par mi blta bas// bslu ba'i bdud ni zil gnon rtags// da yang rdo rje sems dpa' nyon// rnal 'byor yul dran rgod pa'itshe// dug la sngags kyis btab pa ltar// snga phyi rjes 'brang med shes pas// mi rtog bdud ni zil gnon rtags// rnal 'byor shes pa 'phro ba'i tshe// ba mo la ni nyi shar ltar// rang byung rang grol dran pa'i phyir// mi g.yo bdud ni zil gnon rtags// rnal 'byor gsal ba bying gyur tshe// rin chen ga bur bcug pa ltar// chos nyid gsal ba rang thim shes// gsal ba'i bdud ni zil gnon rtags// sgom pa rmugs shing bde med tshe// dper na ti bya rtsis med ltar// rmugs med bde ba chen por shes// bde 'dod bdud ni zil gnon rtags// da yang 'dus pa'i snying po nyon// lta sgom 'phel 'grib med shes phyir// bdud nyid rang byung ye shes su// don rtogs sangs rgyas rtags su gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/lta sgom gyi bdud zil gyis gnon pa'i rtags bstan pa'i le'u ste brgya dang don lnga pa'o//// de nas 'khor la bka' stsal pa// spyod pa nyams bdud zil gnon rtags// nges don bshad kyis yid la zung// 'du 'dzi longs spyod bdud byung tshe// bung ba bcud len zhen med ltar// gang la chags pa med rtogs phyir// longs spyod bdud ni zil gnon rtags// rnal 'byor gnas la zhen pa'i tshe// mgron po yul sleb 'jigs med ltar// ma bkol ting 'dzin grogs su che// zhen pa'i bdud ni zil gnon rtags// rnal 'byor g.yeng ba'i bdud byung tshe// me la shing bsnan ji bzhin du// rnam rtog ye shes skul mar shes// g.yengs bdud zil gyis gnon pa'i rtags// rnal 'byor 'khor ngan bdud byung tshe// phag dang glang po 'brel med ltar// gnyen la chags pas 'ching bar rtogs/ 'khor ngan bdud ni zil gnon rtags// da yang rdo rje sems dpa' nyon// 'dre bkren lhar bzung gis bstan la// bden par mi 'dzin re dogs bral// bla ma'i lung la yid ches phyir// lung ldan bdud ni zil gnon rtags// rnal 'byor nyams myong skyes pa'i tshe// bden mthong nyams la ma zhen par// nyams la zhen pa skyon du rtogs// zhen nyams bdud kyi zil gnon rtags// rnal 'byor spyod pa tshul 'chos tshe// drang srong g.yo sgyu med pa ltar// tshul 'chos spyod pa 'khrul par shas// zhe 'dod bdud ni zil gnon rtags// rnal 'byor bsgom pa bogs 'don tshe// 'dod chags bral ba'i dge slong bzhin// nges don lta bar dbang mi dgos// bde 'dod bdud ni zil gnon rtags// rnal 'byor zhe sdang skur 'debs tshe// skur bral nyams myong btsun mo bzhin// smad sems med pa'i gdeng ldan pas// skur 'debs bdud ni zil gnon rtags// rnal 'byor nga rgyal sgro 'dogs tshe// rin chen nor la bsnyad mi dgos// de bzhin nges don gsang thub na// nga rgyal 'dud ni zil gnon rtags// da yang 'dus pa'i snying po nyon// de dag spyod pa nyams kyi 'dud// rtogs na rang byung chos sku yin// de phyir don dran bdud med pas// zil gyis gnon pa'i thabs mi dgos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ spyod pa'i nyams kyi bdud zil gyis mnan pa'i le'u ste/ brgya dang don drug pa'o//// da yang 'dus pa'i snying po nyon// nges don rtogs pa'i rnal 'byor pa// lan cig skye 'chi'i bdud byung tshe// ye shes chos sku'i gzugs brnyan ni// longs spyod rdzogs dang sprul sku 'byung// da yang 'dus pa'i snying po nyon// 'jig rten dag par rtogs pa'i tshe// dmyal ba'i btso bsregs 'jigs pa'i sgra// ngu 'bod tser lhang la sogs pa// gsang sngags gsung gi 'khor lor shes// lcags bsregs sa gzhi me 'od kyang// rnam par dag pa'i zhing khams la// 'khor ba'i skyon med 'od zer 'gyed// de phyir 'od gsal ye shes sku// 'jigs pa'i gshin rje gshed po yang// thub drug gzugs skur rnam par mthong// de phyir las dag 'khor ba med// sangs rgyas sa ni da lta non// brdzun zer lha yi slu ba'i bdud// nges don snying po rtogs pa yis// sa bcu'i byang chub sems dpar mthong// sems can don byed rgyal ba'i bka'// rnal 'byor rgod pa zil gnon pas// snang ba chos dbyings don ldan phyir// 'gogs med rtags tu nges rtogs pas// rgod pa lhag mthong 'bras bur mthong// rnal 'byor 'phro ba zil gnon pas// rig pa 'phro bas thams cad gnyen// de phyir rang rig chos skur shes// de ltar rtogs pa'i 'bras bu'i mchog/ lung ldan bya ba zil gnon pas// rtog pa'i nyon mongs kun dang bral// klong thim shes pa chos skur gsal// sangs rgyas 'bras bu ye shes klong// rnal 'byor rmugs pa zil gnon pas/ mi g.yo rang byung bde ba de// ting 'dzin kun gyi mchog tu ni// rgyal ba kun gyi 'bras bur bsngags// da yang rdo rje sems dpa' nyon// sprul sku 'khor ba'i 'gro drug kyang// bden par 'dzin pa'i rtog med phyir// dus gsum sangs rgyas sprul pa'i 'khor// lus med bdud ni 'byung mi srid// bdud med nges pa'i 'bras bu ni// me long dang ni gzugs brnyan ltar// chos kun gzugs brnyan chos kyi dbyings// de las nyams zhen med kyang byung med rgyal ba'i gnas// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lta sgom gyi bdud zil gyis gnon pa'i rtags dang 'bras bu bstan pa'i le'u ste brgya dang don bdun pa'o//// de nas 'dus pa'i 'khor rnams la// kun rig ston pas bka' stsal pa// rnam smin lus kyi sgo lnga yi// 'khor ba'i sdug bsngal spang sdud med// bag chags bral phyir zhen pa med// spyod pa'i bdud ni 'byung mi srid// da yang rdo rje sems dpa' nyon// 'du 'dzi longs spyod zil gnon pas// zhen med byas pa gang byas kyang// kun bzang rol pa yin par shes// de tsam nyid na chags med grol// gnas la zhen pa zil gyis gnon// gang la 'dug pa 'og min gnas// ting nge 'dzin las ma nyams phyir// 'bras bu chos kyi dbyings su gsal// yon tan g.yeng bdud zil non na// gang byas don la ma gol bas// rnam rtog ye shes rang sar grol// ched du ma byas lhun gyis grub// 'khor ngan bdud ni zil non na// dgra gnyen med pa'i rigs spyod kyis// kun kyang ye shes lha ru shes// 'khor ba'i ming med 'bras bu yin// da yang 'dus pa'i snying po nyon// spyod pa'i bdud med 'bras bu ni// rang rig 'gyur med chos skur shes// de yi yon tan 'jig rten du// gzugs sku rnam gnyis 'gro don mdzad// de phyir skyon med ye shes ni// pad+ma dang ni 'dam bzhin du// gos med rang rig ting 'dzin gsal// ma rig med phyir skyon mi gos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/spyod pa'i bdud zil gyis non pa'i 'bras bu bstan pa'i le'u ste brgya dang don brgyad pa'o//// de nas 'dus pa'i snying po la// kun rig chos rjes bka' stsal pa// lha las zil gnon bde sdug nyams// bsam gtan ro la zhen pa med// rang byung 'jigs med nyams dang ldan// lus med ye shes chos skur gsal// da yang 'dus pa'i snying po nyon// lung bstan bdud ni zil non na// yang dag bka' la yid ches pas// lung ston rang byung rol par shes// blang dor med pa'i 'bras bu yin// nyams la zhen pa zil non na// yon tan ltar med 'bras bu ste// bden pa nges par mthong ba'i phyir// sa non sgrib pa nges par dag/ tshul 'chos bdud ni zil non pas// g.yo sgyu med pa'i nyams ldan phyir// zhe sdang bral bas re dogs med// nges pa'i gdeng ldan 'bras bu'i mchog/ bogs 'don bdud ni zil non na// bde ba zhen bral chos skur shes// dbang la mi brten rtogs pa shar// de phyir sangs rgyas mngon du grub// skur 'debs bdud ni zil gnon pas// zhe sdang rang grol cir mi rtog/ thugs rje ldan pas 'gro don 'byung// de phyir g.yo med 'bras bu yin// sgro 'dogs bdud ni zil gnon pas// nges don thugs gsal 'chang ba'i phyir// nga rgyal med phyir don nyid gsal// 'bras bu rang byung ngo bo nyid// da yang rdo rje sems dpa' nyon// rang byung chos sku rtogs pa la// rgya mtshor nyi zla'i gzugs brnyan bzhin// rang rang mos pa so so la// gzhan don ma btsal shugs las 'byung// dper na chang gi ra ro bzhin// byang chub sems dpa' las dag la// longs spyod rdzogs pa'i skur mthong nas// ldem dgongs chos rnams sku yis ston// dad ldan nyan thos rang rgyal la// ci yang sprul pa'i skur mthong nas// gsung gi sgo nas nges don du// bkri drang thabs kyi chos rnams ston// da yang 'dus pa'i snying po nyon// 'khor 'das gzhi la med pa'i phyir// nges don ye shes chos sku 'di// thams cad sangs rgyas dgongs pa'i chos// sems can ming med bde gshegs la// byin rlabs chos kun thugs kyis ston// da yang rdo rje sems dpa' nyon// sku gsum gsungs pa de dag kyang// gdul bya'i 'khor la phye ba las// don la dbyer med ngo bo gcig/ de phyir thig le nyag gcig yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ nyams kyi bdud zil gyis non pa'i 'bras bu bstan pa'i le'u ste brgya dang don dgu pa'o// sdom du bsdus te bstan pa so drug pa'o//// de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// bden pa'i yid kyis 'di skad gsol// che ba sna lnga'i dbye ba ji ltar yin// chos sku'i 'khor ni ji ltar dag/ longs sku'i 'khor gyi rol pa gang// sprul sku'i 'khor gyi brtag thabs ci// byang chub che ba ji ltar 'byung// kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// sangs rgyas rnams kyi lta ba ni// nam mkha' nyi ma rgya mtsho bzhin// ma spros ma bsdus rang snang la// chos sku gsal ba ma g.yos pa// kun la khyab pa'i rig pa gsal// de skad 'dus pa'i snying po nyon// rang rig chos sku gsal ba'i don// nges par rang rig dbang thob pas// de la brtson 'grus bya mi dgos// de phyir sangs rgyas chos kyi sku// 'bab chu mar me dug sngags bzhin// dmigs pa drag la sgo lnga gsal// rnam rtog nyid kyang ye shes te// gsal tsam nyid nas nub pa med// da yang 'dus pa'i snying po nyon// rgyal thabs spyi blugs 'chi ba yis// mtshan ma zil gyis gnon pa'i phyir// rig pa dbang gi che ba yis// 'dod khams nyi shu zil gyis non// sa gzhi chu zla gang gA bzhin// sna tshogs snang la gzung du med// che ba'i yon tan rgyun mi 'chad// med la mi zad 'byung ba'i gter// da yang 'dus pa'i snying po nyon// rig pa rang grol che ba yis// 'gro drug g.yang sa gcod pa'i phyir// rang byung chos sku ngos zin pas// gzugs khams bcu bdun de mi 'khor// khyung dang rin chen klu bdag bzhin// lung ldan nges pa'i gdams ngag gis// chos sku rang rig ngos zin phyir// kun gzhi dug gsum rtsad nas bcad// de phyir rang byung don 'di gces// da yang rdo rje sems dpa' nyon// ye shes spyi blugs che ba yis// gol sa phyi nang chod pa'i phyir// nges pa'i don la bsgom mi dgos// gzugs khams bzhir ni dai mi skye// da yang 'dus pa'i snying po nyon// rgyun du 'bral med ting 'dzin gyis// ye shes chen por la zlos pas// sa bcu rim gyis nges mi bgrod// de phyir nges don rab tu gces// da yang 'dus pa'i snying po nyon// nges pa'i dbang rnams gcig tu rtogs// de don ma bcos chos nyid kyis// bcos pa'i mtshan ma zil gyis gnon// dmigs pa med pa'i nam mkha' yis// dmigs pa'i 'byung ba zil gyis gnon// skye ba med pa'i ye shes kyis// skye ba'i phung po zil gyis gnon// da yang 'dus pa'i snying po nyon// rig pa chos kyi sku nyid du// dus gsum sangs rgyas thams cad kyi// 'byung gnas thams cad nga yi thugs// 'di las ma gtogs sangs rgyas med// rig pa'i nges don thams cad 'di// sangs rgyas kun gyi mes po yin// 'di las ma byung sangs rgyas med// de'i phyir dbang gsum rab tu gces// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ rig pa dbang gi che ba bstan pa'i le'u ste brgya dang brgyad cu pa'o//// de nas 'dus pa'i tshogs rnams la// kun rig rgyal pos bka' stsal pa// chos sku'i 'khor gyi che ba yi// bsgom pa'i skyon ni ma dag na// rang rig ye shes ngos zin phyir// chos sku rtog pa med par bshad// 'byung ba'i 'dod yon lnga spyod tshe// longs spyod rdzogs pa'i sku yi ngang// 'gro drug gnas su snang ba'i tshe// sprul sku thub pa chen po'i ngang// da yang rdo rje sems dpa' nyon// dper na zangs dang lcags rnams la// gser 'gyur rtsi yis thebs gyur nas// thams cad gser du 'gyur ba las// zangs dang lcags su mi 'gyur bzhin// ma rig rtog pa'i mtshan ma la// ye shes chos sku'i rtsis thebs na// khams gsum 'khor ba'i ming med phyir// gdod nas ma spangs ye sangs rgyas// btsal ba med pa ye nas grub// da yang 'dus pa'i snying po nyon// mi nub pa yi 'od gsal phyir// de nyid lhun grub don rtogs na// rtag kyang ye shes chen por rtag/ chad na 'khor ba rtsad nas chad// ldan na sku gsung thugs su ldan// snang na rang rig ye shes snang// yin na ye shes sangs rgyas yin// min na khams gsum 'khor ba min// dag na rnam rtog mtshan ma dag/ da yang 'dus pa'i snying po nyon// gol na chos kyi sku ru gol// 'phros na chos kyi dbyings su 'phros// bying na ye shes klong du bying// gsal na rang sems chos skur gsal// 'phyos na chos kyi klong du 'phyos// de sogs yon tan skyon rnams kun// chos skur 'dus pa'i don rtogs na// ma rtogs nyid kyang ye shes yin// da yang rdo rje sems dpa' nyon// rang byung ye shes chos sku ni// ma bsgoms ye shes chen po'i don// brjod pa med pa'i ye shes la// dmigs pa med pa'i ting 'dzin gsal// shes pa drang thad so ma la// 'du shes ma bsgoms brtul zhugs bskyed// ci yang mi bsgoms gang yang med// ye shes zang thal nyid du bzhag/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos sku'i 'khor gyi che ba'i snang ba dag par bstan pa'i le'u ste brgya dang gya gcig pa'o//// de nas 'dus pa'i 'khor rnams la// kun rig ston pas bka' stsal pa// longs sku'i 'khor gyi che ba ni// kun bzang rol par dag pa'i phyir// sdug bsngal sna tshogs bskyed pa'i phyir// ye shes chen po bde ba'i ngang// phyi nang sgra skad sna tshogs pa// gsang sngags gsung gi 'khor lo yin// rkyen gyis chags sdang skyes pa'i phyir// rang byung ye shes shar ba yin// shwa dang ser ba la sogs pa// kun bzang thugs rje'i rol pa yin// ngam grog tsher gdong g.yang sa yang// rnam par dag pa'i zhing khams yin// da yang 'dus pa'i snying po nyon// mtshan ma spangs pa'i pha rol na// bsgom pa bya ba logs na med// sdug bsngal spangs pa'i pha rol na// bde ba bya ba logs na med// ma rig spangs pa'i pha rol na// rang rig ye shes logs na med// gti mug spangs pa'i pha rol na// chos nyid ye shes logs na med// 'dod chags spangs pa'i pha rol na// bde zhing skyid pa logs na med// zhe sdang spangs pa'i pha rol na// snying rje bya ba logs na med// 'khor ba spangs pa'i pha rol na// mya ngan 'das pa logs na med// da yang 'dus pa'i snying po nyon// ma rig sangs pa'i pha rol na// sangs rgyas rtogs pa logs na med// chos can spangs pa'i pha rol na// chos dbyings rnam dag logs na med// chos dbyings ye nas bsgom med pas// sems la dmigs pa'i skyon med pas// rang gsal snying po ye shes 'di// sangs rgyas kun gyi nges pa'i don// yang dag rang byung chos kyi sku// mi dmigs par yang bsgom du med// bya bral nam mkha' ji bzhin no// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ longs sku'i 'khor gyi rol pa'i che ba bstan pa'i le'u ste brgya dang gya gnyis pa'o//// de nas 'dus pa'i 'khor rnams la// kun rig ston pas bka' stsal pa// sprul sku'i 'khor gyi che ba ni// rtog med dag pa ngas bshad kyis// legs par nyon la yid la zung// rang byung nges don thams cad 'di// lung ldan rtogs pa'i ye shes kyi// gal te mtshan ma 'gyu na yang// don dreg 'gal sgrub med pa'i phyir// rnal 'byor spyod lam thams cad du// ma dran gnyid dang dub la stsogs// gar dgar song tshe de nyid la// ngo bo nyid dran gnod mi nus// da yang rdo rje sems dpa' nyon// gdams ngag can dang 'phrad gyur na// tha mas mi rtog gdams ngag min// dbang po rab kyis btsal du med// sgyu ma'i yul la spyad par bya// dang po kun bzang thugs rjes kyang// de nyid tshig tu phyung ba'i phyir// tshig gis don ni mtshon par nus// tshig nyid don yin zer ba 'khrul// de yang 'dus pa'i snying po nyon// gang dag bkri don bden gnyis bral// yang dag snying po chos nyid la// bsgom du yod dang med pa yi// tshig tu 'dzin med ye gnas bden// snang ba'i yul la rtog med phyir// sems la gtad cing gzung du med// ji srid bar du gtad yod na// de srid bar du 'khrul ba yin// de phyir gtan nas gzung du med// de la skyon gyis gos pa med// da yang 'dus pa'i snying po nyon// rang rig chos sku'i dgongs pa 'di// sems las 'das pa'i sangs rgyas nyid// gang yang ma bsams rig pa gsal// de don sangs rgyas dgongs pa yin// sems min chos sku'i don rtogs phyir// yul nyid sems su mi bsgom phyir// sgom pa po yang med par 'gyur// gang gis gang la bsam zhing bsgom// de phyir rang sems rtogs pas chog/da yang 'dus pa'i snying po nyon// rang gsal snying po zhen med pas// rgyun du yod pa'i chos nyid la// ma yengs don la gang gnas pa// de ni rnal 'byor nges pa'i mchog/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sprul sku'i 'khor gyi rol pa che bar bstan pa'i le'u ste brgya dang gya gsum pa'o//// de nas kun rig rgyal po yis// byang chub sems dpa' che ba'i mchog/ 'dus pa'i 'khor la bka' stsal pa// ma rtogs skyon rnams dag pa yi// snying po don gyi 'bras bu chos// gang zhig snod dang ldan pa yis// shes nas de la gang gnas pa// rang rig nyid la dbang thob phyir// skye ba gzhan du mi len par// sangs rgyas rin chen 'dzin pa thob// da yang rdo rje sems dpa' nyon// rang byung chos sku de nyid ni// ji bzhin ma bcos ma bslad par// de bzhin nyid du blo bzhag pas// ye shes de nyid ma yin pa// bsgrub dang sgrub pa ga la yod// de phyir ye shes mngon 'gyur na// med la mi zad rin chen gter// khams gsum rin chen rnyed pa'i mi// ji ltar 'dod pa nyid du 'byung// de bzhin ye shes chos sku ni// rtogs pas chog phyir rang byung sku// che ba'i yon tan rgyun mi 'chad// ci yang kun 'byung chos kyi rten// de bzhin nyid du kun rig na// 'khor ba dang ni mya ngan 'das// so sor yod pa ma yin te// ji bzhin chos de rtogs nges na// de la 'khor ba'i rang bzhin med// da yang rdo rje sems dpa' nyon// byang ni bag chags nyon mongs byang// chub ni chos sku thig le chub// sems dpa' skyon gsal 'gyur ba med// che ba rang byung ye shes che// de phyir byang sems che bar gsungs// da yang 'dus pa'i snying po nyon// ma bcos pa yis gdams ngag gis// blta ba yangs pa'i nam mkha' la// 'dzin pa med pa'i ye shes gdal// gang yang ma spangs lhun gyis grub// mi g.yo mi rtog de nyid ltar// de mthong mun pa rnam par sangs// sangs rgyas kun gyi mchog tu bshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ byang chub sems kyi che ba bstan pa'i le'u ste brgya dang gya bzhi pa'o// sdom du bsdus te bstan pa so bdun pa'o/// de nas rdo rje sems dpa' yis// 'dus pa'i 'khor la bka' stsal pa// kun rig chos kyi rgyal po la// nges pa'i dgos don 'di skad gsol// rnal 'byor don la tshogs sogs phyir// ye shes rang gnas che ba dang// bdag don ye shes rang gnas dang// ye shes klong gi tshogs 'khor dang// de don 'dzin spyod phrin las dang// chos sku'i gzugs brnyan gdab pa dang// phyi yi mchod gtor gtong ba rnams// kun rig ston pas gsung du gsol// de skad zhus pa'i don gsan nas// 'dus pa'i 'khor la bka' stsal pa// rnal 'byor rang gnas che ba'i don// ngo bo dbye ba nges tshig dang// ting 'dzin lam dang 'bras bu dang// skyon dang yon tan brgyad du gsungs// da yang rdo rje sems dpa' nyon// ngo bo 'khor 'das rnam gnyis la// byang chub snying pos khyab pa'i phyir// ye shes rang byung gnas yin te/ lung ldan ye shes nges pa'i gnas// rang gnas dbye ba bdag gzhan gnyis// bar do rnam gnyis gang rung du// lung ldan nges pa'i gdams ngag gis// thun mong ma yin gnas mchog bya// nges tshig sangs rgyas bden ldan gnas// skye shi med pa rang byung sku// 'pho 'gyur med phyir ye shes gnas// de ldan 'du 'bral med pa'i chos// ting 'dzin rim gyis ma bskyed pa// rang byung chos sku dran tsam na// de yi ngang la gnas pa yin// dgongs pa de dag rgyal bas gsungs// ngang ngam rang rig rgyun du ni// ched du byar med lam gyi mchog/ de yang 'bral med bgrod mi dgos// de yi 'bras bu sangs rgyas te// de la yid ches gdeng zin pas// sgrib sbyong mi dgos rang byung sku// phyi ma ma yin da lta yin// yon tan thun mong mchog gi ni// ma btsal dngos grub chen por thob// de phyir phyogs 'dir yon tan 'byung// dus gcig rtag pas re dogs bral// skyon ni gnas ma 'byongs pa yis// ci spyod gol bas gdeng dang bral// de phyir skyon ni dug lnga rgyas// rnam smin bdag gzhan gnyis ka brlag/ da yang 'dus pa'i snying po nyon// de dag gnas kyang dbye ba ni// chos sku rtogs pa'i gnas kyi mchog/de phyir sangs rgyas dgongs pa'i don// 'bras bu dus de nyid du 'grub// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ye shes rang gnas kyi che ba bstan pa'i le'u ste brgya dang gya lnga pa'o//// de nas 'dus pa'i 'khor rnams la// kun rig ston pa chos rje yis// bdag don rang gnas mchog tu gsungs// bdag nyid 'chi ba'i dus byung nas// 'chi ltas tshang nas nyam thag tshe// mi dga' mi bsam mnyen mi chags// dgra la mi bsam don mi bsam// kha chems mi phor don la bzhag/ gal te bor na chos dang bstun// snga phyi mi bsam chos don dran// bdag don rang gnas mchog tu gsungs// da yang 'dus pa'i snying po nyon// 'di nub phyi ma ya nga'i tshe// lus mnyen rtsa drod med pa la// bkrag mdangs gsal la dri ma med// ya yo med par zung thub 'byung// de'i tshe 'chi ltas bzang po ni// smad nas drod yal snying khar 'dus// spyi bor bun gyis mthongs su yal// bar do chos sku dran pa'i rtags// da yang 'dus pa'i snying po nyon// 'chi khar bla ma'i don gsal na// rtog pa rang gi dus der ni// skad cig don dran 'khrul min gsal// de dran mi 'gyur lhag med bstan// de tshe yid ches ya nga med// nges don bstan pa de ma thag/ ye shes zang thal chos sku nyid// skad cig gcig la mngon 'gyur te// rjes dran drug gi nges rnyed nas// sangs rgyas dgongs par nges par grol// de phyir rang gnas bdag don grub// da yang 'dus pa'i snying po nyon// mdor na 'chi khar dngos med pa'i// nges don ma rnyed gzungs ldan na// rang gnas chen po rang la gnas// ye shes rang gnas chos skur dran// shi ma thag tu mngon sangs rgya// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ bdag gi ye shes man ngag rang gnas bstan pa'i le'u ste brgya dang gya drug pa'o//// de nas kun rig ston pa yis// dad ldan 'dus pa'i 'khor rnams la// gzhan don rang gnas bka' stsal pa// slob ma dad ldan gang yang rung// ye shes rang gnas bya ba'i phyir// ting 'dzin dkyil 'khor dngos kyang rung// lung ldan rnal 'byor dam pa yis// gzhung du bskyed cing bris nas kyang// gzhan don tshe 'das bar do la// lung ldan byin rlabs phan don du// gos lham gdugs dang smyug ldem la// tshe 'das sems kyis rten du bya// da yang rdo rje sems dpa' nyon// lung ldan nges pa'i rnal 'byor pas// shes pa gzugs kyis rten la bstims// dbang bskur gdams ngag nges don bstan// chos sku yod phyir rtogs nges pas// yang dang yang du btud kyin bstan/ de ltas gzugs ni ldeg pa dang// spyan gyi yid kyis mthong ba dang// bden par chos nyid nyan bsams pas// de lung bstan pas byin gyis brlabs// de nas 'di skad brjod bya ste// tshe 'das rigs kyi bu khyod nyon// sngon tshe thog ma med pa nas// da lta lus rjes phan chad du// ma rig dbang gis las ngan byas// 'khor ba'i sdug bsngal nyam thag pa// de bzlog don du rgyal ba'i bka'// dus 'di yid kyi tshur nyon cig/ci la ci bstan sems dpa' nyon// bag chags yid kyi rten byed par// gos lham me chu zas kyi rten// khyod kyi yid ni gnas par gyis// khyed kyi sems kyi mun gseb du// rang rig sgrol ma ngas 'degs kyis// snga phyir ma btang yid kyis zung// yod med mtha' bral chos kyi sku// zhen 'dzin bying rgod rkyen dang bral// rgyun du mi gtang ting 'dzin gsal// de la rtag tu gnas par gyis// de skad ces ni lan gsum brjod// da yang rdo rje sems dpa' nyon// de tshe lung ldan thugs dang ni// tshe 'das sems ni gcig tu 'gyur// de nas rang byung ngo bo la// lung ldan lhag mthong don gsal bas// rjes dran drug dang yon tan lnga// dus gcig dran pa'i ye shes te// tshe 'das sems ldan lhag mthong bshad// yon tan rdzogs pa'i chos sku la// dus gsum mi 'gyur chos sku la// gang byams pha ma la sogs dang// slob dpon mched dang gang gsungs pa// tshe 'das shi ba mi bzod tshe// mya ngan smre sngags ma 'don par// snying rje zung la dgongs pa yis// kha dog dbyibs la rten bcas par// nges don snying po chos sku bstan/ ye shes chos sku rtse gcig pa'i// yid gnyis gcig tu gyur bsam la// de lta'i gdung gi ngang bzhag na// tshe 'das lus kyi don rtogs nas// chos sku'i ngang la gnas par nges// de tshe rig pa chos skur 'gyur// nges don gcig shes gnas kyi mchog/ da yang 'dus pa'i snying po nyon// thos bsam ma byas skye bo yang// rnal 'byor pa yi byin rlabs kyis// sangs rgyas sa la nges 'gro na// sngon sbyangs 'phro can smos ci dgos// de bzhin rnal 'byor nges lung gis// nges par thugs rjes bzung gyur na// lta ba'i ngang du tshogs mchod nas// tshe 'das 'bras bu mngon sangs rgyas// de phyir tshegs med don po che// rgyal ba'i bka' las de skad gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhan gyi don byed ye shes rang gnas bstan pa'i le'u ste brgya dang gya bdun pa'o//// de nas 'dus pa'i 'khor rnams la// kun rig sems kyi rgyal po yis// ye shes klong tshogs bka' stsal pa// gzhung dang mthun pa'i gnas mchog tu// dam tshig sel med 'khor tshogs la// dbang dang gdams ngag rdzogs pa la// ye shes tshogs kyi 'khor lo bskor// da yang 'dus pa'i snying po nyon// rnal 'byor yo byad tshogs pa yi// lo dang zla ba zhag grangs la// ye shes 'khor lo bskor ba'i phyir// nang nub gung gnyis tshogs kyis mchod// de rjes mi tshig ma chod par// chos sku dran pa ma yengs par// nyams dang rtags ni 'byung ba'i phyir// rgyun du 'bral ba med par bsgom// lung ldan nges pa'i bla mas kyang// mi tshig bla 'os ma bslad par// bar bar dang ni skabs skabs su// nges don rgyud dang gdams ngag bstan// de rjes dad ldan 'khor gyis kyang// gzhan du ma yengs yang yang bsgoms// nyams dang tshad du ma gyur bar// rkyen dbang mi btang tshad du bya// da yang rdo rje sems dpa' nyon// phyi nang gsang ba rnam gsum gyi// nyams dang rtags ni rdzogs ldan na// sangs rgyas nges par 'byung ba'i phyir// rnal 'byor tshad dang ldan pa yin// de ma byung gi bar du ni// gdams ngag can gyi nan tan bya// ma byung ma bsgoms gdeng dang ldan// mi yi lus la sangs rgyas thugs// 'bras bu thams cad dus 'dir smin// da yang 'dus pa'i snying po nyon// de tshe dad ldan 'khor gyis kyang// dpyad bzo rig pa ma yin pa'i// nyams myong rtogs pa'i gdeng yang dbul// don dang mthun pa'i gdeng byung na// bkra shis tshogs ni bskor bar bya// rkyen dbang ma btang ting 'dzin ni// lo lnga bar ni ma chad na// tshe la dbang thob rig 'dzin thob// phyi ma sangs rgyas smos ci dgos// lung ldan nges pa'i rnal 'byor pas/ lo gsum bar ni ma chod par// snga phyi ma btang don gsal na// mngon shes drug 'byung bden pa mthong// chos sku dran pas nges pa'i don// zla gsum bar ni ma chad na// chos 'phrul bco brgyad zil gnon pas// dngos grub thob nas gegs mi tshugs// chos sku dran pa'i lhag mthong ni// zla gcig bar ni ma chad du// goms pa klong du 'gyur bar nges// de phyir lha yi rig 'dzin thob// gdams ngag yod pa'i rnal 'byor pas// zhag bdun bar ni ma chod par// tshig tsam ma yin nyams su myong// 'khor bar mi ltung dngos grub thob// da yang rdo rje sems dpa' nyon// ye shes mkha' dang mnyam pa las// sgrib pa ma lus cig char byung// tshogs gnyis kun rdzogs rdzogs sangs rgyas// gnod byed mu stegs byad rnams bzlog/ nyams chags thams cad 'di yis skong// zas nor dngos grub 'di yis thob// bsam pa thams cad 'di yis 'grub// 'di yis bsod nams brjod mi nus// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes kyi tshogs kyi 'khor lo bstan pa'i le'u ste brgya dang gya brgyad pa'o//// nas 'dus pa'i tshogs rnams la// kun rig rgyal pos bka' stsal pa// gang gi mdzad spyod rdzogs chen yang// phrin las rnam pa bzhi yi ni// don ldan dbang bskur dbye la sogs// tshogs mchod rim pa gang byed kyang// yid dang mthun pa'i gnas dag tu// dam tshig sel med 'khor sogs te// dkyil 'khor maN+Dal gzhung bzhin bya// ye shes tshogs chen bsags pa'i phyir// dga' ldan lha yis longs spyod dang// 'byor ldan mi yi longs spyod dang// dgos ldan 'phrul gyi longs spyod rnams// yid dang dngos grub bsags byas la// sngon du 'gro ba'i las byas te// gnas khang byin gyis brlabs pa dang// ting 'dzin zhal zas spros bskyed nas// dam can 'du bar bsgo ba dang// thugs dam bskul dang tshar bcad nas// gsang pa'i lha mos mtshams bcad de// rnal 'byor gnong bshags byas nas ni// dkyil 'khor bskyed dang dbang bskur te// don rtogs byin gyis brlabs mi dgos// ma rtogs sngags dang yig 'brus brlab// da yang 'dus pa'i snying po nyon// yid kyis mdun gyi nam mkha' la// dus gsum bzhugs pa'i sangs rgyas dang// bla med khrag 'thung rig lnga'i tshogs// rig 'dzin rje btsun bla ma rnams// mkha' 'gro 'khor bcas spyan drangs nas// ci 'byor pa yis tshogs drang ste// de nas rnal 'byor dad ldan gyis/ snang ba gzugs kyi mchod pa dang// bsgral ba srog gi mchod pa dang// thabs dang shes rab bde ba yis// ye shes lha la rdzogs par mchod// lhag ma rol dang lha gshegs nas// skye shi dus kyi smon lam btab// da yang rdo rje sems dpa' nyon// de ltar tshogs chen gnyis rdzogs kyis// stong gsum sangs rgyas sar shes kyang// grong yul gnas la phyag mi byed// ci spyod rgyal ba'i mdzad spyod kyang// 'du 'dzi g.yeng ba'i dbang mi btang// rnam smin lus dang ma bral kyang// sems la chos sku shin tu gsal// nyin dang mtshan mo dbye ru med// ci spyod rang byung ye shes la// ma chags dang du blang ba med// rtog pa skyon du dor ba med// dka' thub tshul gyis bsdam pa med// gang yang blo yi rten med kyang// 'on kyang ma dad drang ba'i phyir// re zhig tsam du dka' chos spyad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/gsang sngags tshogs dbul ba'i le'u ste brgya dang gya dgu pa'o//// de nas 'dus pa'i tshogs rnams la// kun rig chos kyi rgyal po yis// rnal 'byor rig 'dzin bsgrub bya'i phyir// chos sku'i gzugs brnyan bka' stsal pa// rten med dam ni rten can la// sku gdung ring srel gdab pa'i phyir// lta ba'i ngang du rdzogs par ni// rnal 'byor pa yis ting 'dzin gyis// lung ldan bka' dang mthun par gdab// da yang rdo rje sems dpa' nyon// ye shes stong nyid blo ldan pas// snang zhing srid pa'i chos rnams ni// gzugs sku yin sems khengs par gdab// spros bral mi dmigs lta ba'i ngang// chos sku thag chod rig pa yis// cir yang snang ba longs spyod sku// 'gro don mdzad pa sprul pa'i sku// skad cig gcig la rdzogs par gdab// da yang 'dus pa'i snying po nyon// nyi ma dang ni zer bzhin du// rang gi chos sku lhag mthong las// sangs rgyas nges par 'byung ba ni// brkos phor dang ni rgya bzhin du// ci btab sprul sku bsam mi khyab// phyi nang snod bcud ma lus pa// sprul sku thub pa drug tu gdab// de yis sprul pa sna tshogs 'gyed// 'gro don mdzad pas 'khor ba stongs// ma lus sangs rgyas nyid du 'gyur// de yang mi dmigs chos sku nyid// de yang 'dus pa'i snying po nyon// rten can 'byung lnga'i rten de yang// snang srid rdul phran grangs bzhin du// gzugs sku ring srel bsam mi khyab// de snyed sems can ma lus kun// longs sku grangs med brjod mi langs// sa bcu'i sems dpa' nyid du 'gyur// sems can ming med gzugs kyi sku// thams cad sangs rgyas nyid du brdal// ci btab bye ba stong dang 'dra// nam mkha' khengs par rang byung sku// mtshan nyid dpe byad la sogs pa// ma btsal rang bzhin lhun grub tshang// gzugs snang sku la grag pa gsung// dran rtogs thugs la ye shes klong// da yang 'dus pa'i snying po nyon// de ldan rnal 'byor dam pa ni// chos sku'i ngang la gdung rnams 'byung// gzugs sku bsgom pas ring srel 'byung// snying rje ldan pas mchod rten 'byung// bla ma mnyes na 'od sgra 'byung// snang srid ma lus sangs rgyas sku// de yi yon tan brjod mi lang// rdzogs pa chen po nges don thams cad 'dus pa/ye shes nam mkha' dang mnyam rang rgyud las/ chos sku'i ngang la tsha tsha gdab par bstan pa'i le'u ste brgya dang dgu bcu pa'o//// de nas kun rig ston pa yis// rnal 'byor tshogs ni bsags pa'i phyir// phyi yi mchod gtor bka' stsal pa// rnal 'byor lta ba rtogs pa yis// rten can dang ni rten med pa'i// bla med mchod gtor gtong ba'i tshe// dang po rten can rim pa ni// phyi yi 'jig rten snod nang du// bdud rtsi'i rgya mtsho gting zab gyur// de steng 'bru yis phye btab pas// gser gyis sa gzhi chen por gyur// me tog sna tshogs gtor ba yis// 'dzam gling bye ba phrag brgyar bsam// rin chen sna lnga brdar ba yis// rin chen ri bdun ma bskyed rdzogs// sa dang 'dra ba'i snying po lnga// 'bras bu yon tan bgrod med pa// mi brjed dran pa'i gzungs thob 'gyur// sman lnga 'bru lnga blugs pa yis// nad dang mu ge'i bskal par thar// lta ba'i ngang du byin brlabs phyir// mgron bzhir rim gyis bsngo mi dgos// bsngo ba med pa'i bsngo ba ni// bla ma mya ngan 'das pa nas// 'jig tshogs dmyal ba yan chad du// bla med mchod sbyin 'di bsngos pas// sems can bsam pa 'grub gyur nas// lhun grub sa la gnas par shog/ da yang 'dus pa'i snying po nyon// rten med mchod gtor btang ba ni// sems nyid nam mkha'i klong yangs su// bdud rtsi chur bskyil rig pa yis// sangs rgyas sems can kun mchod nas// dmigs med ye shes tshogs su bsngo// de phyir dmigs med ye shes kyis// rten med mchod gtor 'di btang bas// kun kyang rang byung ye shes su// ye nas don ni rtogs 'gyur nas// skyed med mi 'gyur thob par nges// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/phyi'i mchod gtor gtang ba'i le'u ste brgya dang go gcig pa'o// sdom du bsdus te bstan pa so brgyad pa'o//// de nas rdo rje sems dpa' yis// 'dus pa'i 'khor la phan don du// kun rig ston pa chos rje la// bden pa'i yid kyis 'di skad gsol// gnyis med gsum gyi la bzla yi// sangs rgyas sems can ji ltar gcig/ skyon yon gzhi la ji ltar med// 'khrul pa ma rig gang ltar lags// kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// la bzla ba yi nges tshig ni// dus gsum sangs rgyas thams cad la// yang pa'i ye shes ni// sems can kun la gnas pa yi// bde gshegs snying po chos skur bde// kun khyab rang byung ngo bor mthun// de phyir sems can sangs rgyas gcig/ rig dang ma rig gnyis ka ni// rang byung ngo bo nyid kyi sku// de phyir gnyis su med par ni// nges pa'i don du la bzla'o// da yang rdo rje sems dpa' nyon// rang rig ngo bo nyid kyi gzhi// sangs rgyas sems can gnyis la gnas// de phyir ngo bo gcig par ni// rgyal ba kun gyi rab tu bsngags// chos kyi snying po rang byung sku// 'khor 'das rtsa ba de yin phyir// de las sangs rgyas sems can byung// de phyir rang byung kun gyi gzhi// dper na mar me stong btang yang// 'od kyi ngo bo gcig las med// de bzhin sangs rgyas rnams mang yang// thugs ni thig le gcig tu gcig/ sems can las kyi rnam smin gyi// ma rig rkyen gyis bskyed pa'i phyir// skye 'gro gzugs stsogs mang gyur kyang// don ma shes pas sems can te// bskal par 'khyams kyang stong bral med// de phyir sangs rgyas sems can gcig/ gcig las 'khor 'das sna tshogs bskyed// de phyir rang byung ngo bo ste// rtogs par bya ba shin tu gces// da yang 'dus pa'i snying po nyon// sangs rgyas thugs dang sems can sems// so sor snang ba ma yin te// rtsa ba chos sku ro gcig pa// gnyis su med par la bzla'o// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ sangs rgyas thams cad gzhi la gcig par bstan pa'i le'u ste brgya dang go gnyis pa'o//// de nas 'dus pa'i tshogs rnams la// skyon yon gzhi la med pa'i phyir// 'khor ba dag gi sdug bsngal ni// nyon mongs brgyad khri bzhi stong dang// nad ni bzhi brgya rtsa gcig dang// ye 'drogs sum brgya drug cu yang// rkye rga na 'chi bzhi ru 'dus// sangs rgyas rnams kyi che ba yang// dpe byad bzang po brgyad cu dang// mtshan ni sum cu rtsa gnyis dang// stobs dang mi 'jigs la sogs pa// thig le chos sku rtogs par 'dus// da yang rdo rje sems dpa' nyon// bsod nams tshogs bskyed 'bras bu ni// sangs rgyas che ba'i yon tan yin// ma rig nyon mongs la sogs pa// sems can lus dang bag chags yin// dge sdig gnyis kyi 'bras bu ni// drang don chos la bden 'dzin kyang// gzhi la skyon yon gnyis med phyir// blang dor med par la bzla'o// da yang 'dus pa'i snying po nyon// dper na 'khrul pa'i snang ba ni// gtsang dang mi gtsang gnyis ka'i gzhi// lud pa la sogs gang rung la// bya khyi rnams kyi zas su mthong// mi rnams kyis ni mi gtsang mthong// de bas snang ba ma nges phyir// don la blang dor med pa yin// da yang 'dus pa'i snying po nyon// gzhi la snang ba med pa yang// rang gi rang sems 'khrul ba'i phyir// 'jig rten chos la blang dor byas// de phyir ma rig rmongs pas nor// de bas snang zhing srid pa'i chos// med la yod 'dzin bag chags blo// chos brgyad bzang ngan gtsang sme rnams// spang sdud blang dor med par ni// ma zhen dam par ltar med na// snang ba rang sar grol ba'i phyir// blang dor med par la bzla'o// da yang 'dus pa'i snying po nyon// yang dag chos sku gcig gcig la// gang yang med phyir spang blang med// de phyir nges don snying po la// bsgom du med phyir 'bral ba med// nges don sangs rgyas dgongs pa la// nyi shar mun grib med pa ltar// nges don rtogs pas skyon yon med// de phyir blang dor med pa yin// da yang rdo rje sems dpa' nyon// chos skur ye shes ngos zin na// gang yang rang byung lhun grub chos// de las gzhan pa'i chos med phyir// blang dor med par la zla'o// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ skyon yon gzhi la med par bstan pa'i le'u ste brgya dang go gsum pa'o//// de nas 'dus pa'i tshogs rnams la// kun rig rgyal pos bka' stsal pa// chos sku gzhi nges rtog pa la// ma rig med pas dug lnga grol// thams cad rang byung chos skur gsal// lung ldan rkyen gyis ma rig dag/ dug lnga byang chub lam yin phyir// sku lnga lhun grub ye nas rdzogs// 'dod chags longs spyod rdzogs pa'i sku// zhe sdang sprul sku ye sangs rgyas// gti mug chos sku ma rig sangs// nga rgyal ngo bo nyid sku dag/ phrag dog gsang ba'i sku ru rdzogs// dug lnga gcig shes byang chub sku// da yang 'dus pa'i snying po nyon// ye shes yod na ma rig sel// de phyir lung ldan nges pa'i don// bka' rgyud chos 'di sangs rgyas gsungs// ma rig sel ba'i sgron me yin// nyi zlas de la 'gran mi tshugs// ma rig med phyir sangs rgyas 'grub// ye shes shar bas thams cad mkhyen// da yang rdo rje sems dpa' nyon// thig le rtogs pas gang yang 'grub// kun gzhi brlags pas yon tan rdzogs// snang ba med pas zhing khams dag/ sems dang bral bas chos sku gsal// ma rig med pas gzhi dang phrad// rten pa med pas re ba med// gol sa med pas ltung ba med// 'khor ba med pas dogs pa bral// da yang 'khor gyi snying po nyon// bsgom du med pas yengs mi srid// skye 'gags med phyir bying rgod sangs// rang byung rig pa'i ye shes 'di// sus kyang ma byas byed pa med// de phyir chos kyi snying po yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ma rig pa gzhi la med cing dag par bstan pa'i le'u ste brgya dang go bzhi pa'o// sdom du bsdus te bstan pa so brgyad pa'o//// de nas rdo rje sems dpa' yis// 'dus pa'i 'khor la phan don du// kun rig sems kyi rgyal po la// bden pa'i yid kyis 'di skad gsol// chos rnams skye ba ji ltar med// rol pa 'gag med ji ltar 'char// mtshan nyid gnyis med gtan tshigs gang// rang blo ngo bo ji ltar grol// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rang bzhin skye med gtan tshigs ni// gzhi la snang ba med pa'i phyir// chos rnams thams cad spros dang bral// de phyir rang bzhin skye ba med// tshig tu smra brjod yul las 'das// brjod med don la yid ches phyir// rang gsal skye med chos kyi sku// de don nges par rtogs pas chog/ da yang 'dus pa'i snying po nyon// chos sku stong pa'i rang bzhin la// ngo bo nyid kyis dmigs su med// de phyir ye shes klong gi lam// rtogs pa'i smra bsam yul las 'das// dngos gzhi med phyir skye ba med// skye med don 'di sus rtogs pa// de ni rnal 'byor dam pa'i thugs// skye med don la yid ches pas// rang byung thugs la ye shes lus// kha dog dbyibs su med pa'i phyir// dngos po yul gyi mtha' las 'das// skye med chos ni de bzhin gshegs// rang gi ngo bo brjod du med// rgyu med phyir na skye ba med// rkyen med phyir na 'jig pa med// de phyir sems dang bral ba'i thugs// da yang 'dus pa'i snying po nyon// rang bzhin skye med spros dang bral// brjod du med pas rang yid ches// rgyu rkyen ma bskyed don gyi phyir// lhun gyis grub pas thag bcad do// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rang bzhin skye ba med pa'i gtan tshigs bstan pa'i le'u ste brgya dang go lnga pa'o//// de nas 'dus pa'i 'khor rnams la// kun rig ston pas bka' stsal pa// rol pa gang yang mi 'gag pas// skye med skye ba'i cho 'phrul 'byung// de phyir rol pa 'gag med pa// sangs rgyas kun gyi che bar bshad// da yang 'dus pa'i snying po nyon// phyi nang 'byung ba sna tshogs pa// snang stong dbyer med kun khyab mkha'// mtha' dbus med las thams cad 'byung// de phyir nam mkha' kun gyi gzhi// rtsi shing nags tshal thams cad bskyed// theg chen spo la kun gnas nas// byang chub dper ni bstan pa'i phyir// des na rol pa 'gag pa med// thams cad sdud par byed pa'i phyir// gzhi gnas rnam dag chu chen po// mi gtsang gol sgrib 'khrud pa'i dpe// de phyir rol pa 'gag pa med// gang yang chags pa'i rten byed phyir// shes bya thogs med ye shes rlung// ma rig rnam rtog 'thor ba'i dpe// de phyir kun bzang rol par bstan// thams cad ma lus kun bsregs phyir// lhag mthong ye shes 'od 'bar me// bying rgod mthar 'dzin 'dzoms pa'i dpe// de phyir rol pa 'gag pa med// de yang 'dus pa'i snying po nyon// chos sku ngo bo nyid kyi g+Nal// snang ba 'di ni chos kyi dbyings// de yang rang gsal chos nyid rtsal// 'byung ba ye shes lnga ru dag/ de phyir 'gag med rol pa yin// de yang rdo rje sems dpa' nyon// theg pa'i chos rnams thams cad ni// ma 'dres yongs rdzogs gsal stong gzugs// cir yang snang ba sprul pa'i sku// de phyir rol pa dgag med shar// snang srid 'byung ba'i sgra skad kun// khyab gsal rang bzhin go ba'i sgra// gsang sngags gsung gi 'khor lor shar// de phyir 'gag med rol pa yin// da yang 'dus pa'i snying po nyon// rang rig nges pa'i ye shes kyi// ngang pas tshim byed chos kyi dri// lhag mthong tshor ba rang byung sku// de yang chos nyid rol pa yin// chos sku thig le nyag gcig la// rtsal ni chos dbyings nyams su myong// myong yang don du 'dzin pa med// de yang 'gag med rol pa yin// rang byung sangs rgyas ye shes te// bde mchog don la reg pa'i chos// de rtsal don la reg pa med// de yang 'gag med rol pa yin// da yang 'dus pa'i snying po nyon// cing yang mi sems gti mug la// lhag mthong rang rig ye shes shar// de tsam nyid na bsgom mi dgos// de yang rol pa 'gag med yin// snga phyi rtog pa dngos 'dzin bral// dngos po kun bcom zhe sdang nyid// de yis don la 'gyur med phyir// 'gag med nga yi rol pa yin// nges pa'i lung ldan gdams ngag gis// gdeng nyams che ba'i don nyid la// ye shes nga rgyal don nyid che// nges pa'i don dang 'bral mi phod// sdug bsngal gang yang med pa'i phyir// bde chen rang bzhin snying rje chags// zhen pa gang yang med pa'i phyir// de yang rol pa 'gag med yin// gol dang ltung ba med pa'i phyir// chos nyid gzhan la phrag dog med// de phyir rang byung ye shes shar// de yang 'gag med rol pa yin// da yang 'dus pa'i snying po nyon// 'byung ba 'dod yon dug lnga kun// thams cad ye shes chos skur shar// kun gyi rang bzhin de shes pas// kun la dbang bskur thob pa yin// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ rol pa 'gag med kyi bstan tshigs gtan pa'i le'u ste brgya dang go drug pa'o//// de nas kun rig ston pa yis// 'dus pa'i 'khor la bka' stsal pa// mtshan nyid gnyis med gtan tshigs kyis// nges don rtsa ba chos sku la// lung ldan rkyen gyis yid ches bya// sangs rgyas sems can ngo bo la// rang byung yin phyir gnyis su med// da yang rdo rje sems dpa' nyon// de nyid rtogs pas 'khor 'das dag/ med phyir mtshan nyid gnyis su med// phyi dang nang dang snod dang bcud// mtho ris ngan song dge dang sdig/ dag dang ma dag gtsang sme dang// yin dang min dang blang dor dang// bya dang mi bya skyon yon sogs// tha snyad gnyis su 'dus pa kun// dper na ri bong rwa bzhin du// tshig tu yod kyang don la med// de phyir mtshan nyid gnyis med pa'i// gtan tshigs chen por bzhag pa yin// da yang 'dus pa'i snying po nyon// mtha' dang bral ba'i chos sku ni// med pa ma yin dran zhing tshor// chad pa ma yin rig cing gsal// rtag pa ma yin dngos po med// gnyis su ma song zla bo med// gcig tu ma nges kun la khyab// da yang rdo rje sems dpa' nyon// chos can rang gi mtshan nyid ni// gdod nas gnyis su med pa yi// chos rnams rtsa ba gcig pa'i don// gtan tshigs dag gis yid ches bya// gnyis med zhen pa'i rtag pa ni// 'dres pa'i gnyis med ma yin te// gang yang ma 'dres rang byung sku// chad nas gnyis med ma yin te// sangs rgyas snying po chos skur yod// de phyir gzhi la 'khor 'das ni// gnyis ka med phyir mthar ma reg/ rang byung chos sku nam mkha' 'dra// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ mtshan nyid gnyis su med pa'i gtan tshigs bstan pa'i le'u ste brgya dang go bdun pa'o//// de nas 'dus pa'i tshogs rnams la// kun rig rgyal pos yang gsungs pa// ngo bo nyid du blo grol ba'i// gtan tshigs nges par yid ches don// lus ngag rtsol ba med pa'i phyir// rang byung blo la 'ching grol med// de phyir ngo bo nyid du gnas// da yang rdo rje sems dpa' nyon// gzung 'dzin skyon gyis ma gos pas// rnam rtog blo ni rang sar grol// de phyir nges don ye shes klong// rgyu dang rkyen las ma byung ba'i// rang byung ngo bo nyid kyi sku// de nyid rtogs pas chos skur grol// yang dag sangs rgyas 'di las med// da yang rdo rje sems dpa' nyon// chos nyid dus gsum mi 'gyur phyir// las kyi dbang du gzhi mi 'gyur// de phyir chos nyid rtogs pas grol// de la sogs pa gang yang med// nges pa'i lung ldan yid ches pas// nges pa'i gdeng rnyed rnal 'byor de// mi yi lus ni 'di nyid las// sangs rgyas 'bras bu da lta thob// de phyir rang blo ngo bo nyid// dus 'dir grol bas btsal du med// 'dzin med gsal bas bsgom mi dgos// de phyir yang dag dgongs pa'i gdeng// de dang su ldan bsgom pa'i mchog/ da yang 'dus pa'i snying po nyon// byang chub sems ni rnam par dag/ de don rang byung don rtogs pas// sangs rgyas gzhan du bsgrub mi dgos// de phyir lung ldan gdams ngag gces// chos nyid dag tu blo grol phyir// nyon mongs sdug bsngal rang sar grol// de la skyon gyis mi gos te// rang byung lus la ye shes thugs// sems can rang blor 'dzin pa med// de phyir nyams pa rdul tsam med// da yang 'dus pa'i snying po nyon// 'jig rten khams kun ma lus pa// bsam gyis mi khyab tshig gyur kyang// nam mkha' tshig par mi 'gyur bzhin// nges don rtogs pa'i rnal 'byor la// lha srin mkha' 'gro dgrar langs kyang// gnod pas mi tshugs bka' bzhin byed// de phyir lung ldan shin tu gnyan// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/blo ngo bo nyid du grol ba'i gtan tshigs bstan pa'i le'u stebargya dang go brgyad pa'o// sdom du bsdus te bstan pa so dgu pa'o//// de nas kun rig ston pa la// 'dus pa'i 'khor gyi don ched du// rdo rje sems dpas 'di skad gsol// nges don gdul bya'i 'bras bu ni// sku gsum ston pa ji ltar 'byung// de 'khor las can gang la gsungs// 'gyur med rgyun gyi dpe don gang// mnyam pa'i rgyal pos bshad du gsol// de skad zhus pas don gsan nas// kun rig ston pas bka' stsal pa// sangs rgyas ngo bo sku gsum las// chos sku rang byung rig pa de// dus gsum dag tu skye 'gag med// 'gro 'ong med phyir ye nas gnas// da yang 'dus pa'i snying po nyon// nges don chos sku'i mthun dpe ni// 'dus ma byas kyi nam mkha' che// dngos med kun khyab dus gsum gcig/ mtha' dbus ris su dbye ru med// de don rang byung ngo bo de/ tshig tu brjod med rang rig sku// thugs la gsal phyir nges shes pas// de phyir kun bzang chos kyi sku// zhing khams chos nyid bde ba'i klong// rang bzhin 'og min byang chub thugs// de la 'gyur ba rdul tsam med// rang byung rig pa rnam par dag/ snying po chos sku'i thugs ka ni// rgyu 'bras gzhi la med pa'i don// chos nyid spros bral snying po yi// 'khor 'das ma lus lhun gyis rdzogs// chos sku ston pa kun bzang gi// dgongs pa'i nges don byin rlabs kyis// phyogs bcur nyid las mi gzhan 'khor// dus gsum sangs rgyas rnams la bshad// rdzogs pa chen po nges don thams cad 'dus pa/ye shes nam mkha' dang mnyam pa'i rgyud las/ chos kyi sku'i gdul bya bstan pa'i le'u ste brgya dang go dgu pa'o//// de nas 'dus pa'i 'khor rnams la// kun rig ston pas bka' stsal pa// sangs rgyas longs spyod rdzogs pa'i sku// de yis gdul bya nges par 'byung// de don legs par bshad kyis nyon// longs sku 'byung ba'i mthun dpe ni// nam mkha' dngos med stong pa la// gzha' tshon sna lnga ma 'dres gsal// de tsam nyid na dngos med yin// de bzhin rang gi ngo bo la// skye med chos sku nyid kyi rtsal// rig lnga sku mdog brgyan pa byung// de phyir longs sku sangs rgyas yin// kun gzhi chos sku gzhi cha la// snga phyi bag chags med par gsal// 'byung lnga rol pa sna tshogs kyang// zhen pa med pa chos kyi dbyings// yang dag nges pa'i 'bras bu rnyed// longs spyod rdzogs pa'i sku'i sgo nas// ldem dgongs phyi nang gsang ba'i don// sa bcu'i rig 'dzin sems dpa' la// gsang sngags rang gi ngo bos bstan// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ longs sku'i 'khor gyi gdul bya bstan pa'i le'u ste nyis brgya tham pa'o//// de nas 'dus pa'i 'khor rnams la// kun rig ston pas bka' stsal pa// sprul pa'i sku yi sangs rgyas ni// cir yang ston phyir sprul pa'i sku// 'gro ba'i don phyir gdul bya la// ci rigs par ni don mdzad de// da yang 'dus pa'i snying po nyon// gzhan don sprul sku'i mthun dpe ni// nges med brag cha khyung dang ni// seng ge chu zla gzugs brnyan dang// u dum wa ra'i me tog 'dra// sprul sku rang gi ngo bo ni// thub pa drug tu sku sprul te// mi yi shAkya thub par sprul// lha mi rnams kyis ston pa yin// da yang rdo rje sems dpa' nyon// zhing khams srid gsum gnas ris 'dir// 'gro drug sems can las dag la// tshogs gnyis bsags pa'ithabs bstan nas// sgrib sbyang 'bras bu rim gyis 'byung// sprul sku'i gsung gi sgo nas ni// gang la gang 'os drang don du// dge sdig rgyu 'bras gnyis kyi chos// sdeb sbyor legs pa'i tshig tu ston// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sprul pa'i sku'i gdul bya bstan pa'i le'u ste nyis brgya dang gcig pa'o//// de nas 'dus pa'i 'khor rnams la// kun rig ston pas bka' stsal pa// 'bras bu nges par mthar thug phyir// che ba'i yon tan gtan la dbab// de don legs par bshad kyis nyon// 'khor 'das gnyis kyi gzhir gyur pa// rang byung ngo bo nyid kyi sku// de las 'khor 'das thams cad bskyed// gzhi la 'khor 'das grub pa med// gzhi la mthong snang sna tshogs pas// 'khrul ngor bden kyang don la med// de phyir rang byung kun gyi gzhi// de la bskyed par nus pa med// de yang rdo rje sems dpa' nyon// dper na gser rgyu gcig pa la// dbyibs dang gzugs ni tha dad par// byas pa de dag ming rer grags// grags kyang gser gyi ngo bor gcig/ de bzhin 'khor 'das sna tshogs la// blun po rnams kyis tha dad bzung// de phyir spong sdud zhen pa byas// gzhi la ngo bo gcig las med// da yang 'dus pa'i snying po nyon// dper na nor bu rin chen la// rnyed pa yod la stor ba med// rang byung ngo bo rtogs pa la// ma btsal yon tan thams cad 'byung// de phyir chos sku nyid kyi rtsal// rtogs pa'i byin rlabs sku gsum 'byung// chos sku kun bzang nges don la// rtogs pas chog phyir ye sangs rgyas// da yang rdo rje sems dpa' nyon// sku yis sprul pa snang mdzad kyis// dag par spyod pa'i rnal 'byor la// phyi rgyud rnam gsum chos bstan te// rdo rje 'dzin pa'i sa ru btags// dper na gser sprul mig gis ni// 'dod pa'i yon tan rnam lnga yang// dus gcig nyams su myong ba dang// dar ya kan gyi sman mchog bzhin// sku dang ye shes ma lus pa'i// che ba'i yon tan 'byung 'dod pas// gzhan don smon lam mthar phyin pas// longs spyod rdzogs sku 'gro don byed// da yang 'dus pa'i snying po nyon// thugs kyi sprul pa byung ba ni// rdo rje sems dpa' nyid yin te// snod dang ldan pa'i rig 'dzin la// rgyud lung gnyis kyi nges pa'i chos// skye ba tshe gcig bsgrub gyur na// rdo rje 'chang gi sa la gtugs// de yang 'dus pa'i snying po nyon// sman mchog rgyal po chen po'i dpe// lha yis bdud rtsi ma gi tas// shi ba kun slongs sman gyi mchog/ gang la reg pas 'tsho bar ltar// yang ti thig le nyag gcig la/

CLOSE WINDOW