CLOSE WINDOW

Gpb001.016
བོད་ཡིག

/ // rgya gar skad du/ badzra satwa sha tA k+Sha ra a b+hi She ka tot+ta ma rA dza tsit+ta karma sarba sa ma ya tan+t+ra nA ma/ bod skad du/ rdo rje sems dpa' yi ge brgya pa thugs phrin las thams cad kyi dam tshig gi rgyud ces bya ba/bcom ldan 'das dpal rdo rje mchang chen po chos kyi sku la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang chen po 'og min gnas kyi dang po rdo rje dbyings na bzhugs te/de'i tshe de'i dus na/ rdo rje 'chang ba yab yum dang/ rdo rje sems dpa' la sogs te/ bud+d+ha rdo rje dang/ rin chen rdo rje dang pad+ma rdo rje dang/ karma rdo rje dang/ sangs rgyas spyan la sogs te/'byung ba'i yum lnga dang/ sa yi snying po la sogs te/ sems dpa' brgyad dang/ lA s+ya la sogs te/ sems ma brgyad dang/ rnam rgyal la sogs te/ sgo ba bzhi dang/ lcags kyu la sogs te/sgo ma bzhi dang/ brgya byin la sogs te/ thub pa drug rnams kyis rdo rje 'chang chen po ston pa la g.yon phyogs nas bskor ro// badzra khrag 'thung la sogs te/ rigs kyi khro bo lnga dang/ badzra kro d+hi la sogs kro d+hi ma lnga dang/gau rI la sogs te/ kau rI brgyad dang/ sid+ha mu kha la sogs te/ phra men brgyad dang/ lcags kyu ma la sogs te/ sgo ma bzhi dang/ srin mo smug nag la sogs te/ ye shes kyi dbang phyug ma nyi shu rtsa brgyad kyis ston pa rdo rje 'chang la g.yas rol nas bskor te bzhugs so// gzhan yang dkyil 'khor gyi lha tshogs bsam gyis mi khyab pa phur pa pad+ma bdud rtsi ma gshin la sogs pas yongs su bskor ro// tshangs pa la sogs pa'i lha dang/ klu dang/ lha ma yin dang/ khyab 'jug la sogs pas yongs su bskor ro// rdo rje drag mo la sogs pa mkha' 'gro ma bsam gyis mi khyab pas bskor te/ bskor ba dang mchod pas mchod cing gnas so// gtso 'khor de rnams thams cad kyang yin min spang blang med pa'i ting nge 'dzin rdo rje snying po rgya chad med par gnas pa la/ 'khor de dag gi nang nas rdo rje sems dpas khro bo phyag na rdo rje mngon par sprul te/ston pa rdo rje 'chang ba la g.yas phyogs su bskor ba lan gsum byas te yan lag lnga sa la gtugs nas pus mo g.yas pa'i lha nga sa la btsugs te/ thal sbyar rdo rje bzung ste/ rdo rje 'chang ba chen po la 'di skad ces gsol to// kye kye ston pa rdo rje 'chang// rdo rje'i dbyings na kun bde ste// khams gsum 'gro drug kun 'khor ba// mthong log gzung 'dzin dug lnga yis// chags sdang dge sdig las spyod nas// bde gshegs snying pos yongs la khyab// thugs rje chen pos mi gzigs sam// sngon gyi nyid kyi thugs dam ci// de bas 'khor ba thugs rjes zung// zhes zhus pas/ de nas ston pa rdo rje 'chang de ting 'dzin yin min med spang blang med pa'i nyid de las bzhengs te/glang po che'i lta stangs kyis ni gzigs/ seng ge'i sgra 'di skad ces bsgrags so// nyon cig rdo rje dbyings sogs 'khor// badzra pA Ni rtse gcig gtod// gsang sngags gsang ba'i snying po hUM// gsang ba sngags kyi spyi gzhi yin// snying po de yis kun la khyab// rgya chad phyogs lhung ka nas med// rgyu rkyen mtshungs pa 'khor 'das tshul// mya ngan 'das pa nga nyid kyis// 'khor 'das 'gro ba skal ldan la// brda rtags sgra don thugs rjes bzung// zhes zhus pa'i lan gnang ba'o// rdo rje sems dpa' yi ge brgya pa thugs phrin las thams cad dam tshig gi rgyud las/phun sum tshogs pa'i zhus lan gyi le'u ste dang po'o//// de nas phyag na rdo rje yis/ rdo rje 'chang la zhu ba med pas 'di skad ces gsol to// gsang sngags gsang ba'i snying po la// brda rtags sgra don khog phub nas// ye shes rang byung ci ltar 'char// sdig pa mtshams med mi dge bcu// tshul khrims dam tshig ji ltar lags// phrin las kha tshar ji ltar bsgrub// chos nyid la ru ji ltar bzla// zhes zhus pa dang/rdo rje 'chang gis bka' stsal pa// nyon cig badzra pA Ni khyod// snying po la yang rnam gsum ste// so so'i rigs kyi snying po dang// sku gsung thugs su thams cad 'dus// des na rang byung snying po hUM// de dag don la snying med de// tshig lam rkyen gyis ma mtshon na// rang byung snying po'i don mi rtogs// mtshon byed brda dang ngag gis mtshon// thams cad 'dus pa'i snying po hUM// snyan brgyud pra khrid gdams ngag gis// yod med gnyis kyi mjug khrid bstan// gsang sngags snang srid 'khor 'das chos// brda ru bstan pas yod med shes// dang po brda yis de mtshon pas// rang lus zag bcas rtags su rdzogs// phyi nang thams cad nang du srid// dkyil 'khor bum pa skur rdzogs rtags// ming btags rtog 'dzin srog gi gzhi// brda btags grol na srog med rtogs// gang snang ming du btags pa kun// yi ger 'dus pa tshig gi gzhi// rang byung hUM gi brda yis btags// sgra btags thams cad snying po hUM// rang la rang gsang gsang ba'i sgra// rang gsang thos nas ming med sgrol// srog snying gnyis med rang byung bas// yul med ming bral don gyi mchog/ chos min chos nyid rang byung rang// de bzhin nyid de ci yang med// lta ba mtha' chod yin pa med// sgom pa rang byung min pa med// spyod pa mnyam nyid spang blang med// 'bras bu rang chas re dogs med// don gyi mchog ces khog tu dbubs// snying po ye nas de ltar yin// gzhi dang dngos po'i don rtogs pas// kun gyi gzhi yin dngos rtsal srid// srid pa rang grol gzhi ma rang// gzhi las 'das pas phyir mi ldog/ ye shes rang byung rang grol yin// sku gsung thugs rje rang byung 'chang// sdig bcu'i bsrung bsdom bshags thabs dang// 'phrin las rim bzhi'i las kha dang// chos nyid la zla nga yi bstan// zhes gsungs so// rdo rje sems dpa' yi ge brgya pa'i rgyud las zhus len khog phub pa'i le'u ste gnyis pa'o//// de nas yang badzra pA Nis zhus pa/ kye kye ston pa rdo rje 'chang// 'khor 'das de don khyod yin na// 'gro drug khyad par dge sdig dang// nyams dang nyams pa'i 'bras bu gang// zhes gsol pa dang/ chos sku rdo rjes bka' stsal pa// nyon cig lag na rdo rje nyon// 'khor 'das gsang ba sgrol ma sgrol// gsang ba'i snying po spyi la yin// rang bzhin rang brtags mya ngan 'das// nga sogs mthar mkhyen sku gsung yin// ye shes rang byung rang rig yin// rang bzhin ma rig chags sdang bas// rgyu 'bras 'dzin chags dug lngar 'khor// mtho ris ngan song phra rags khyad// gzung 'dzin lus ngag yid kyis sdig/ mi dge bcu dang mtshams med lnga// rig drug las kyi rnam smin bsags// 'dod log ma byin srog bcad dang// mi tshangs spyod dang rdzun dang ni// phra ma ngag 'khyal log lta dang// brnabs sems gnod sems rnam pa bcus// phra rags gnas kyi khyad par las// dug lngas gtso byas mi dge bcus// 'gro drug gnas na sdug bsngal nyon mongs so// rang rang las dang tshe tshad gzugs bong ni// khams gsum sems can de bzhin no// lho phyogs 'dzam gling mi rigs la// 'gro dang ltung ba'i gling 'di yin// snying po'i don la mjal zhing rtogs nus na// rigs dang na tshod rgan gzhon med// dbul phongs yin kyang mchog tu 'gyur// sprang pos rgyal po'i srid zin 'dra// thams cad snang ba snying por 'gyur// mar me gcig gi byin rlabs kyis// bskal pa'i mun nag sel ba bzhin// snying po'i don rigs skad cig mas// bskal par bsags pa'i sgrib pa byang// nor bu rin chen bsrel ba'i mir// dbul ba'i 'jigs pa med pa ltar// mtshams med lnga dang sdig pa bcu// snying po'i don go skad cig gis ni byang// ltung gnas 'khor ba'i 'jigs pa med// snying po'i don 'dus sus mthong ba// sbyin dang tshul khrims brtson 'grus bzod// bsam gtan smon lam stobs dang thabs// shes rab ye shes rnam pa bcu// sa dang dge bcu pha rol rdzogs// don gsang snying po'i tshig tsam gyis// nyan thos la sogs dbu ma dang// phyogs lta'i theg pa zil gyis gnon// rgyud lung man ngag snying po'i chos// seng ge'i sgra grags gzhan 'bros bzhin// sdig sgrib nyon mongs byang bar nges// lus ngag bar med dang bar gsal// snying po'i don la yongs med par// lus ngag 'gyu dran rang byung bas// sdig sgrib rang grol ye shes rang// 'gro ba kun la rang bzhin gnas// de la de bstan de yang thob// ces gsungs so// yi ge brgya pa'i rgyud las snying po'i don rtogs na sdig bcu rang dag gi le'u ste gsum pa'o//// de nas yang lag na rdo rjes gsol pa/ kye kye ston pa rdo rje 'chang// gsang ba gsang ba'i snying po yis// gsang sngags dam tshig skyon yon gang// dam tshig bsrung sdom bshags thabs zhu// zhes gsol pa dang/ rdo rje 'chang gis bka' stsal pa// nyon cig badzra pA Ni sogs// gsang sngags gsang ba'i sgor 'jug na// sbrul ni smyug dong zhugs pa 'dra// gsang sngags gsang ba'i don ston la// bu dang chung ma nor gyi dbyig/ rab tu gces dang yid 'thad dbul// sku gsung thugs kyi dam tshig bsrung// lus mig srog ltar bkur bar bya// rgyud lung khong khrol slob dpon la// dam tshig lus la tshad btsugs bkur// dbang bskur srog gi slob dpon la// dam tshig dpral gyi mig ltar bsrung// man ngag blta bsgom slob dpon la// dam tshig srog ltar bsrung ba yin// yid dam lha dang mi 'bral bsgom// lcam dral phrag dog ngan sems spang// pha spun sring la dpya' mi bya// sku yi dam tshig bsrung sdom yin// sngags dang bla ma'i gsung mi bcag/ chos la mi bcos sel mi gzhug/rdzun sogs ngag gi skyon rnams spang// gsung gi dam tshig bsrung sdom yin// gsang ba'i man ngag spel mi bya// dam tshig gnod sems sems la spang// gdams pa'i don las gzhan mi brnab// thugs kyi dam tshig bsrung sdom yin// gzhan yang yan lag nyi shu lnga// shes par bya dang bsgrub par bya// thob par bya dang dang du blangs// mi spang dam tshig bsrung ba yin// yan lag stong dang rtsa brgyad kyang// de bzhin shugs las bsrung ba yin// lus ngag yid gsum sdom pa'i don// dam tshig yid bzhin rin po che// 'khor ba'i rgya mtsho sgrol ba'i gru// snying po goms 'dres rtogs pa ni// bsrung sdom med dang phyal ba yin// yul med ming dang bral phyir ro// dam tshig mi ldan gang zag ni// gsang sngags bla med bslab pa'i phyir// bka' brgyud don la mkhas gyur kyang// be sbrel g.yang du ltung ba bzhin// bdag gzhan gnyis ka na raka nas// de nyid ngan song rdo rje'i gnas// de bas dam tshig tshul bzhin bsrungs// rgyal po bram ze gsang sngags 'brel// rgyal pos phrag dog bram ze'i rngan// ltung nas 'khor ba'i sdug bsngal gyis// dam tshig skyon du gyur pa yin// de la mchog gyur thugs rjes gzigs// bka' 'gros thugs rjes drangs pa yang// don mchog dong sprugs yi ge brgya pa yin// zhes gsungs so// rdo rje sems dpa' yi ge brgya pa'i rgyud las dam tshig rtsa ba yan lag skyon yon mtshon pa'i le'u ste bzhi pa'o//// de nas yang badzra pA Ni bzhin 'dzum mul te gsol pa/ kye kye ston pa 'gro ba'i mgon// bla med gsang sngags dam nyams nas// na raka ngan song gnas ltung ba// ngan song dong nas gang gi sprugs// ces zhus pas/ nyon cig gsang bdag 'khor tshogs khyod// mtshams med rtsa ba yan lag gis// na raka ngan song rdo rje'i gnas// tsha grang nye 'khor rdo rje dmyal ba yang// don mchog dong sprug brgya pas thar// rgyu gnas rnam smin yi dags kyang// don mchog dong sprug brgya pas 'dren// rkang med rkang gnyis rkang bzhi dang// rkang mang khrag can rnag can byol song yang// don mchog dong sprug brgya pas thar// don mchog snying po 'bru gcig la// yon tan yig 'bru brgya tshan lnga// rdo rje sems dpa' lnga tshan yin// lnga gsum gcig tu bsdus rgyas yin// thig le chen po yi ge brgya// dam pa rigs brgya gsang chen lnga// rigs gsum gcig tu byas pa yin// dkyil 'khor chen po yangs pa yin// zhi ba sku yi dkyil 'khor dang// rgyas pa yon tan dkyil 'khor dang// dbang mchog gsung gi dkyil 'khor dang// karma phrin las dkyil 'khor dang// thugs mchog thugs kyi dkyil 'khor dang// lha brgya pa yi dkyil 'khor yin// sku yi lha brgya yig 'bru brgya// gsung gi lha brgya yig 'bru brgya// thugs kyi lha brgya yig 'bru brgya// yon tan lha brgya yig 'bru brgya// phrin las lha brgya yig 'bru brgya// bsdu na rdo rje rigs lngar bsdu// de nyid sku gsung don gcig 'dril// 'khor lo lnga dang dkyil 'khor sdeb// bshags pa'i rgyud lnga dug lnga nyon mongs brgya// bshags pa'i dbang po rigs lnga brgya pa'i lha// bshags byang tshangs pa'i yi ges yul ming med// don mchog snying po chos ming lta ba'i gdeng// gang snang grogs su gyur pa bsgom pa'i gdeng// mnyam nyid spang blang med pa spyod pa'i gdeng// re dogs phyi dus med pa 'bras bu'i gdeng// zhes gsungs so// thugs mchog yi ge brgya pa'i rgyud las brgya tshan rgyas bsdus bshags byang gi le'u ste lnga pa'o//// de nas badzra pA Ni yis// rdo rje 'chang la 'di skad zhus// kye kye rdo rje 'chang ba che// de ltar na rag dong nas sprug/ thugs kyi dkyil 'khor badzra y-i// lha brgya'i yig 'bru brgya pa gang// zhes gsol pas/ rdo rje 'chang gis bka' stsal pa// nyon cig badzra pA Ni sogs// thugs mchog rdo rje sems dpa' yi// thugs kyi snying po 'bru gcig las// rang byung yi ge 'phros pa brgya// rdo rje sems dpa' seng ges bsgrags// 'khor tshogs khyed kyis legs par zung// hUM hUM badzra satwa sa ma ya/ma nu pA la ya/ badzra satwa twe no pa tiSh+Tha/ dr-i D+ho me b+ha wa/ su toSh+yo me b+ha wa/ a nu rak+to me b+ha wa/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me// tsit+taM shre yaM ku ru hUM hUM/ ha ha ha ha ho/ b+ha ga bAn/ sarba ta thA ga ta/ badzra mA me muny+tsa/ badzrI b+ha ba/ mahA sa ma ya/ badzra satwa a/ kun bzang yab yum rigs lnga dang// yum lnga sems dpa' sems ma dang// sgo ba sgo ma thub drug sogs// bzhi bcu rtsa gnyis rdo rje dbyings// khrag 'thung lnga dang kro d+hi lnga// kau ri brgyad dang sid+ha brgyad// sgo ma bzhi dang dbang phyug sogs// khro bo khro mo bcu gnyis te// lnga bcu rtsa brgyad rdo rje'i lha// rdo rje rigs kyi lha brgya yin// sku mdog phyag mtshan rang rtags 'dzin// sbyor ba dngos gzhi rjes kyis bshad// dang por smon 'jug sems bskyed la// tshad med bzhi dang ting 'dzin gsum// sems dpa'i don gsal sprobasdu bya// mchod sbyangs dregs pa tshar bcad la// srog dang snying po'i don rtogs byas// ye shes rang rig rang byung gnas// yul med ming dang bral na tshang// mtshan ma med dang smon pa med// stong pa nyid dang 'khrul pa bzlog/'gyus dran 'dzin chags bar med pas// rtag chad mtha' med rang byung rang// blta bsgom dam tshig ye shes la// dpa' bo chig sgrub brgya rdzogs yin// zhes gsungs so// badzra brgya bshags kyi rgyud las rdo rje sems dpa' rigs brgya'i le'u ste drug pa'o//// rdo rje 'chang gis bka' stsal pa// nyon cig lag na rdo rje'i 'khor// rdo rje rigs kyi skur bstan pa// rnam par snang mdzad rdo rje'i sku// lha brgya srog gi snying po brgyas// ma rigs gti mug bshags pa'i chos// zhi bar byed pa'i brgya pa ni// bdag nyid smon 'jug sems bskyed la// sbyor ba'i don rdzogs 'jug pa ni// ting 'dzin gsum las sems dpa' gsum// spyi bo mgrin pa snying ga dang// lte ba gsang sngags 'khor lo ltar// 'khor lo pad+ma rdo rje dang// rin chen rgya gram zhi rgyas dang// dbang drag rdo rje snying po'i dbus// dpa' bo 'bru lnga dpa' mo g.yon// sku ltar spro ba'i brgya pa yin// 'khor lo phreng skor nyi zla'i steng// sangs rgyas rnam par snang mdzad ces// seng ge'i sgra bsgrags legs par zung/ oM bud+d+ha satwa sa ma ya/ ma nu pA la ya/ bud+d+ha satwa twe no pa tiSh+Tha/ dr-i D+ho me b+ha wa/ su toSh+yo me b+ha wa/ a nu rak+to me b+ha wa/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM hUM/ ha ha ha ha ho/ b+ha ga bAn/ sarba ta thA ga ta/ bud+d+ha mA me muny+tsa/badzrI b+ha ba/ ma hA sa ma ya/ bud+d+ha satwa aH/ oM la shAn+tiM ku ru gdags/ oM shan+tiM ku ru swA hA// 'khor lo sku ste rnam snang dbus// spyi gtsug zlum por rigs brgya'i lha// oM las 'od zer dkar po 'phros// mchod sbyangs tshar bcad sku ltar bshags// gti mug ma rig dag par nges// srog snying snang rtags rang byung gnas// yul med ming bral tshangs pa'i tshad// lus ngag yid gsum gcud la bor// srog dang snying po ar la gtad// snang ba yod med 'khrul ma 'khrul// 'khrul pa bden rdzun 'khrul pa'i chod// mtho dad thag par mi sbrul med// sgyu ma'i chos la mthong stobs med// ces gsungs so// rdo rje brgya bshags kyi rgyud las sku ltar bshags pa zhi ba'i le'u ste bdun pa'o//// rdo rje mchang gis bka' stsal pa// nyon cig lag na rdo rje 'khor bcas kun// rdo rje rigs kyi yon tan te// rin chen rdo rje rdo rje'i sku// lha brgya srog gi snying po brgyas// nga rgyal kun slong bshags pas tshangs// tshe dang bsod nams longs spyod dang// chos dang ye shes sems dang mthu// sman dang 'bru dang bu tsha dang// 'khor dang phyugs dang bsam pa kun// 'phel bar 'gyur te the tshom med// sbyor ba dngos gzhi rjes gsum bya// byams dang snying rje sngon btang la// sems dpa' gsum gyi don la 'jug/ dngos gzhi chos 'khor spro bsdu bya// mchod sbyangs dregs pa tshar bcad yin// rjes su la'ang rtogs pa'i gdeng// dmigs pa med par sgro 'dogs bcad// rin chen rin chen 'byung ldan ches// seng ge'i sgra bsgrags legs par zung// swA rat+na satwa sa ma ya/ma nu pA la ya/ rat+na satwa twe no pa tiSh+Tha/ dr-i D+ho me b+ha wa/ su toSh+yo me b+ha ba/ a nu rak+to me b+ha ba/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hU~M/ ha ha ha ha ho/ b+ha ga bAn/sarba ta thA ga ta/ rat+na mA me muny+tsa/ rat+na b+ha ba ma hA sa ma ya/ rat+na satwa a/ swA la puSh+tiM ku ru gdags/ swA puSh+tiM ku ru swa hA// sid+d+hi don gyi gdams thabs so// rin chen kun 'byung rin chen dbus// lte ba gru bzhir rigs brgya'i lha// swA las 'od zer ser po 'phros// mchod sbyangs dregs pa tshar bcad do// sid+d+hi bsdu ba'i ting 'dzin gsal// swA la brgya pa'i phreng bskor te// g.yas g.yon bskor ba pho mo'i tshul// yon tan rigs brgya'i bshags pa yin// mnyam nyid ye shes rang byung rig/ yul med ming bral tshangs pa'i dbang// yul du bden rdzun gcig la ltos// gcig la mthong snang tha dad pas// gcig tu bden pa gcig kyang med// ming du bden rdzun gcig la zung// gcig la ming du bden pa med// de la ming du ci la 'dren// bden mnyam rdzun mnyam ming med yin// snang mnyam stong mnyam yul med yin// bshags pa'i don mchog tshang ba yin// zhes gsungs so// rdo rje brgya bshags las yon tan gyi le'u ste brgyad pa'o//// de nas yang bka' stsal pa// nyon cig badzra pA Ni sogs// rdo rje rigs kyi gsung mchog ni// rdo rje pad+ma snang mtha' yas// gsung mchog sprul sku gsung gi lha// lha brgya gsung gi yi ge brgya// 'dod chags ser sna'i bshags tshangs byed// 'jig rten 'das dang 'jig rten pa// 'byung ba dgra bgegs dbang du gyur// sbyor ba dngos gzhi rjes gsum las// srog dang snying po la bzla'i tshad// sbyor ba'i don la rnam gnyis te// sems bskyed pa dang 'jug pa dang// dngos gzhi chos nyid bshad pa dang// spro bsdu ting 'dzin gsal pa ste// oM las brgya pa'i phreng bskor te// g.yas g.yon 'gal me gnyis bskor bzhin// mchod sbyangs dregs pa dbang du bsdu// rjes su shes par bya ba yin// srog snying yul med dmigs med do// snang ba mtha' yas mtha' yas chos// gsung mchog seng ge'i sgra bsgrags gsung// oM pad+ma satwa sa ma ya/ ma nu pA la ya/ pad+ma satwa twe no pa tiSh+Tha/ dr-i D+ho me b+ha wa/ su toSh+yo me b+ha ba/a nu rak+to me b+ha ba// su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM/ ha ha ha ha ho/ b+ha ga bAn/ sarba ta thA ga ta/ pad+ma mA me muny+tsa/ badzri b+ha ba/ ma hA sa ma ya/ pad+ma satwa a/oM la ba shaM ku ru gdags// hrIHba shaM ku ru swA hA/ dbang gi don du gdags pa yin// pad+ma zla gam mgrin pa'i skor// snang mtha' dbus la rigs brgya'i lha// pho mo gnyis ni g.yas g.yon no// AHlas 'od zer dmar po 'phros// a las 'od 'phros dmar po gtso// mchod sbyangs dregs pa dbang du bsdus// dbang bsdu'i ting 'dzin nga rgyal ldan// so so'i don rtogs gcig tu gyur// 'di yi don rtogs gcig kyang med// shes pas rang byung yul med rang// so sor ma rig gcig pu rang// yul med ming bral ye shes nyid// gcig ni kun gyi rang bzhin yin// ma 'dres rgya mtsho'i gza' skar 'dra// zhes gsungs so// badzra brgya pa'i rgyud las gsung gi le'u ste dgu pa'o//// de nas yang bka' stsal pa// nyon cig rdo rje rigs kyi 'khor// rdo rje karma las kyi sku// don yod grub pa drag po'i lha// mngon par byang chub bya ba grub// phrin las brgya pa ngan sngags brgya// khong khro phrag dog bshags tshangs byed// bdud dang bar gcod dgra dang bgegs// dge la bar gcod gang byed kun// bsad mnan bsreg dang bskrad dang bzlog/drag po'i las rnams thams cad 'grub// sbyor ba dngos gzhi'i rjes gsum ste// snying rjes bsgral ba'i dam tshig ni// sbyor ba'i don la zin par bya// nga rgyal khro mchog sku gsung thugs// seng ge'i yid la 'brug gi skad// khro bo'i lus la mtshon cha'i thog/ dngos gzhi don la shes pa'i gdengs// spro bsdus mchod sbyangs dregs pa 'dul// ting 'dzin glog dang 'brug ltar sbyar// rjes su yul med ming bral lo// go rim bzlog dang yig 'bru bzlog/ khog tu tshangs pa khog tu dkrugs// don yod grub pa don chen sgrub// las rnams seng ge'i sgra sgrogs zung/ badzra satwa A/ ma hA sa ma ya/badzri b+ha ba/ badzra mA me muny+tsa/ sarba ta thA ga ta/ b+ha ga bAn ho/ ha ha ha ha/ hUM hUM/ tsit+taM shre yaM ku ru/ sarba karma su tsa me/ sarba si d+d+hi m+me pra yats+tsha/ su poSh+yo me b+ha ba/ a nu rak+to me b+ha ba/ su toSh+yo me b+ha ba/ dr-i D+ho me b+ha ba/twe no pa tiSh+Tha/ badzra satwa/ ma nu pA la ya/ karma satwa sa ma ya/ hA karma satwa sa ma ya/ ma nu pA la ya/ badzra satwa twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/sarba karma su tsa me/ tsit+taM shre yaM ku ru hUM hUM/ ha ha ha ha ho/ b+ha ga bAn/ sarba ta thA ga ta/ badzra mA me muny+tsa/ badzrI b+ha ba ma hA sa ma ya/ badzra satwa a/ bsnyen pa'i las la bya'o// ma sa Ta sa ma ya/ ma nu pA la ya/dzrab saT+wa/ T+we No pa tiSh+Tha/ dr-i D+ho tsab Ta ba/ a Nu rak+to me b+ha ba/ su poSh+yo tse baT ba/ sarba sid+d+hi ts+tse pra yats+tshesarba ka tse su ma tse/ tsiT+TaM Sher yaM ku ru/ r+b+yaM r+b+yaM rba/ r+Ta r+Ta r+To r+To/ baT kha bAn sarba Ta tha kha Ta/ dzra ba tsa tse tsu rba/dzrab b+ha ba/ tsa Ta sa tsa ya sa Ta a/ 'di ni log pa'i/ 'di dag rnyed na bsdur dgos/ yi ge bcu par snang/ gsod pa'i las su shes par bya'o// ha ha tsit+taM shre yaM ku ru sarba/ ta thA ga ta hUM hUM/ b+ha ga bAn/ ma hA sa ma ya/ma nu pA la ya/ sarba karma su tsa me/ twe no pa tiSh+Tha/ badzra mA me muny+tsa/ dr-i D+ho me b+ha ba/ su toSh+yo me b+ha ba/ a nu rak+to me b+ha ba ho ho/ karma satwa sa ma ya/ sarba sid+d+hi m+me pra yats+tsha/ badzra satwa a/ hA/ sgrub pa chen po las la sbyar zhes bya// srog snying la shan phyed nas las rnams zin zhes bya// yul gyi sgro 'dogs chod na las sbyor yin// blo phugs gting nas grol na las sbyor yin// bag chags gting thag chod na las sbyor yin// rang dbang rang gi thob na las sbyor yin// rang bzhin 'gyur med ma 'gags las rtogs na// lta ba grub mtha' sa lam dge sdig med// ces gsungs so// rdo rje brgya pa'i rgyud las phrin las drag po'i le'u ste bcu pa'o//// de nas yang dag bshad bya yis// rdo rje rigs kyi lha tshogs nyon// phrin las drag po 'di yi mchong// ngan sngags brgya pa nga yis bstan// bsad mnan bsregs pa bzlog pa dang// byol song dgug dang las la sbyar// ngan sngags mtshon cha 'di ltar yin// mA ra ya/ mA ra ya rbad/ mA ra ya/ mA ra ya s+t+waM b+ha ya nan/ mA ra ya/ mA ra ya dz+wa la raM/ mA ra ya u tsa ta ya phaT phaT/ya ma nA ga bzlog rbad/ ya ma nA ga b+ho b+ho rbad/ rnal ma gdong bzlog dkrugs bzlog la/ sham bu'i sngags su gdag pa yin// gsang gnas gru gsum rgya gram gnas// hA las 'od zer ljang dmar 'phros// mchod sbyangs dregs pa bsad mnan bsreg/ rjes su phra rags mchod pa dbul// stong gsum 'jig rten rab 'byams kyi// rgyal ba rdul snyed mnyam par mchod// phrin las rigs brgya'i bshags pa yin// khong khro phrag dog la sogs te// dug lnga chags sdang byang 'dag nges// 'dod khams gzugs khams gzugs med khams// lha gnas rnam gsum dong sprug yin// thugs ltar bshags pas na raka gnas// tsha grang rdo rje dong sprug yin// gsung ltar bshags pas rgyu rnams smin// yi dwags rigs gsum dong sprug yin// sku ltar bshags pas ma nges gnas// rkang rdzogs rnag khrag dong sprug yin// yon tan ltar bshags gling bzhi'i mi// rigs bzhi mi yi dong sprug yin// bya ba'i las grub ye shes pas// gzhan med rang chas rang byung shes// byar med bya ba grub pa'i ye shes yin// don grub mngon par byang chub sku// re dog med pas las rnams zin// zhes gsungs so// rdo rje brgya pa'i rgyud las sngags bdag mchong gi le'u ste bcu gcig pa'o//// de nas yang ni bka' stsal pa// nyon cig rdo rje rigs kyi 'khor// de dag zhi rgyas dbang drag las// zhi ba'i las rnams bsgrub pa ni// nyams dga' sa dkar shar bltas par// dkar gsum 'bras bu dkar po'i shing// tsan dan me tog dkar po sogs// dung dang dngul gzhong snod nang du// dkar gtor 'bras chan brgyan pa bsham// maN+Dal zlum po hom khung zlum// ra ba bzhi yi tshes gcig brgyad// til dkar ka ra mar bsregs na// thams cad zhi 'gyur dmyal bar 'gro re kan// shAn+tiM ku ru brgya sngags gsham// rigs brgya bzhi yis bstod byas mthar// lhag chad spangs pa'i brgya pa mchog/ rgyas pa'i las la 'jug pa na// gser dngul zangs lcags rin po che// 'bru sna gtsang ma sna tshogs dang// bkra shis pa yi rdzas brgyad dam// shing ser me tog ser po dang// gser ram ser po'i snod nang du// gtor ma gru bzhi rin po che// rin chen lnga bdar chan dang sman// nyams dga' sa ser lhor bltas sar// maN+Dal gru bzhi gser mdog bya// tshes brgyad nya khar las rdzogs bya// nyung dkar til dmar bsregs byas na// rgyas pa'i las 'grub ngan 'gror mi skye'o// dbang gi las la 'jug pa'i tshe// mi rta khyi dang ba lad sha/ khrag sna rnam pa tshogs tshad dang// tsan dan dmar po seng ldeng dang// mtshal dang gur gum dar dmar ram// zangs sam dmar po'i snod nang du// dbang gi gtor ma zla gam sham// sha chen khrag chen rab brgyan la// me tog dmar pos brgyan par bya// tshil chen spos la tsan dan grogs// yid 'ongs brag ri dmar po ru// maN+Dal zla gam dmar po la// hom khung zla gam dbus su bya// thod chen la sogs thun gyi snod// nub phyogs kha bltas sa dmar bya// dmar po'i shing sogs bsreg pa'i rdzas// mar nag dag gis sbyin bsreg til dmar po// dbang gi las 'grub dbang du 'gyur// yi dwags gnas su 'gyur re kan// drag po'i las ni byed pa'i tshe// sha khrag rnam pa sna tshogs dang// dug sna sa sna sna tshogs bsog/ phur pa la sogs mtshon kun bsog/ srin po khros 'dra drag po'i ri// drag por 'jug pa'i gnas mchog tu// lcags sam nag po'i snod nang du// sha khrag dug gi gtor ma bsham// dug shing la sogs gdug pa'i shing// gu gul zhun mar til mar bsreg/e 'dra ral gri rgya gram bsnams// nyams 'jigs byang du kha bltas bar// maN+Dal nag po gru gsum bya/ rdo rje rgya gram gsum gyi dbus// hom khung gru gsum lte bar ro// dmigs pa gsal bya lid+ga bsreg/gang yin dmigs pa the tshom med// drag po'i las de 'grub par 'gyur// lha dang lha min skye mi byed// thugs mchog thugs kyi bsgrub pa ni// sbyor ba dngos gzhi gzhung bsrang ste// sems dpa' rnam gsum gsal ba yis// lus ngag yid gsum dal mi bya// 'gugs 'dren yengs med dal med bzlas// mchod sbyin las kyang ci nus bya// rjes la la bzla dgos tshad do// thugs sgrub phrin las rnam bzhi la// na raka dong sprug gdon par bya// kun kyang de ru 'dus pa yin// lha brgya sngags brgya bshags pa tshang// zhes gsungs so// rdo rje brgya pa'i rgyud las phrin las bzhi'i dgos pa'i don dang/thugs sgrub don gyi bsdu ba dang nang gi spang skong kun la gces par bstan pa'i le'u ste bcu gnyis pa'o//// de nas badzra pA Nis zhus pa/ kye kye ston pa rdo rje 'chang// thugs mchog yi ge brgya pa 'dis// mchod sbyin gtor ma gtang ba dang// sku gdung tsha tsha gdab pa dang// ro bsreg bdun tshigs byed pa yang// rmongs pas ma 'tshal bshad du gsol// zhes zhus pas/ yang bka' stsal pa/ nyon cig rdo rje rigs kyi 'khor// mchod sbyin las la 'jug 'dod na// don mchog yi ge brgya pa yis// gtor ma'i las kun rdzogs pa la// sbyor ba dngos gzhi rjes su bsdu// dang po sems bskyed rnam pa gnyis// smon pa dang ni 'jug pa'o// bdag dang sems can byang chub smon// pha rol phyin drug 'jug pa'o// sbyor ba zhes pa tshig la sbyar// ting 'dzin rnam gsum khog phub la// rgyu yi yi ge hUM de las// bdag nyid rdo rje sems dpar bskyed// zhal gcig phyag gnyis sku mdog mthing// g.yas pas rdo rje g.yon pas dril// seng ge nyi zla pad+ma'i gdan// brkyang bskum skyil krung gang gsal bskyed// de ni dam tshig sems dpa' ste// de yi thugs kar nyi zla pad// dkyil na rdo rje sems dpa' nyid// gong ma ci 'dra tshon gang bsgom// de ni ye shes sems dpa' la// de yi thugs kar nyi zla pad// gser gyi rdo rje rtse lnga ni// 'greng ldabs bum pa'i dkyil na hUM// de ni yig 'bru'i cho ga yin// sgo srog gnyis kyi spro bsdu bya// gzhi yi yi ge 'gyur med las// dang po rgyu yi spro bsdu ni// snod dang bcud ces grags pa'i don// gzhi po'i hUM las paM gcig 'phros// pad ma 'dab brgyad rin chen snod// mkha' dang mnyam par dmigs pa'o// bcud ni dpa' bo 'bru lngas bskyed// gzhi po'i 'bru ni 'grib med pas// badzra satwa ces pa brgyas// snod bcud thams cad sbyangs pa yin// swA dang brgya pas spel ba yin// oM dang brgya pas mos par bsgyur// hA sogs brgya pas mchod sbyin byed// so sor thob par bya ba yin// hUM dang brgya pas dbang du bsdus// dbang bsgyur chen po'i ting 'dzin bya// de ltar sbyangs spel mos bshags la// mgron rnams rim par spyan drangs te// hUM las dza spros 'di skad brjod// rdo rje 'chang ba 'di skad gshegs// rdo rje 'chang la phyag 'tshal lo// mi 'jigs pad+ma'i gdan la bzhugs// rdo rje 'chang la mchod pa 'bul// mya ngan mi 'da' 'gro don mdzod// gsang sngags 'khor lo bskor du gsol// phyi nang sgrib pa sbyang du gsol// yid la snying po thob par smon// yang dag snying po'i don rtogs shog/ badzra sa ma ya zhes brjod// mgron bzhis nam mkha' khengs par bsam// de nas mchod spyin bkye byas te// so sor thob par bya ba'i brgya pa la// ba ling i daM khA hi gdags// de nas rang don dbang du bya// de nas tshig bcad bsdo ba ni// hUM byin brlabs dmigs med gtor ma chen po 'di// sri zhu bla ma rgyal ba 'khor bcas dang// yon tan phyi nang chos skyong 'khor bcas dang// snying rje 'gro drug gnyon mongs sems can dang// lan chags bgegs rigs sngar chags thams cad la// 'dod yon mchod sbyin gtor ma 'di bsngos pas// mchod mnyes thugs dam skong gyur cig/rkyen bzlog sdug bsngal byang nas su// lan chags phyi nang sgrib pa dag gyur cig/ kun gyis yang dag don rtogs shog/ ces dang de nas yang ni brgya pa gdon// lha brgyar phyag 'tshal bshags pa bya// zhes gsungs so// rdo rje brgya pa'i rgyud las mchod sbyin gyi le'u ste bcu gsum pa'o//// yang ston pa bka' stsal pa// nyon cig rdo rje rigs kyi 'khor// mchod rten sku gdung gdab pa ni// sbyor ba'i don dang dngos gzhi'i don// rjes kyi las kyi don dang gsum// sbyor ba smon 'jug sems bskyed de// tshad med bzhi ldan rnal 'byor pas// bskyed rdzogs sku gdung gdab par bya// 'jug pa lha ste sems bskyed do// dngos gzhi zhes pa las rim ste// byin brlabs gdab dang ting 'dzin no// byin brlabs las rim 'byung ba lnga// 'jug pa'i las rim bya ba yin// thig dang phur pa gdab pa yin// sa rko ba dang brdung ba dang// spos chus byug dang man+t+ra gzhug/ 'bi 'bi bya dang na bza' snum// byin rlabs sngon 'gro'i rim pa ste// rnal 'byor pa yis shes par bya// gdab pa'i las rim gnyis su dbye// 'byung ba lnga dang 'jim pa dang// gang snang lam du 'debs pa'o// 'byung ba lnga las nam mkha' dag la gdab pa ni// bdag nyid sems dpa'i sku gsal bas// brkos phor byin gyis brlabs byas la// gzhi yi yi ge nyid las spros// ngag tu brgya pa 'don gyin gdab// sku gsung thugs kyi dkyil 'khor dmigs// me chu rlung yang de bzhin gdab// 'jim pa dag la gdab pa ni// 'bi 'bi brkos phor nang bcug la// yig 'bru brgya pa brjod gyin du/b+harma kA ya a zhes gdab// badzra satwa'i lha ni bzhugs// dkyil 'khor chen po'i mchod rten la// lha brgya la sogs kyis bskor bar// bskor ba mchod pa byed par bsam// de yang 'di ltar shes par gyis// gdab pa la yang gnyis yin te// gson dang gshin du shes par bya// gson po la yang gnyis yin te// byang chung don dang rkyen bzlog gnyis// byang chub don ni gong ltar te// rkyen bzlog phrin las rnam bzhir gdab// dang po zhi bar gdab pa ste// zhi ba bud+d+ha rdo rje dmigs// brkos phor b+h+rUM gyis byin brlabs la// oM bud+d+ha satwa sa ma ya nas a zhes brgya pa'i sngags brjod la// che ge mo shAn+tiM ku ru gdabs// mchod rten dkar po zlum po phyi// nang du zhi mdzad rdo rje dbyings// 'od zer dkar pos gang reg pa// zhi bar 'gyur te zhi bar byed// rgyas pa rin chen rdo rjer dmigs// brkos phor b+hUM gyis gru bzhir brlabs// swA rat+na satwa zhes pa nas// a la thugs pa'i rgyas pa nas// che ge mo puSh+tiM ku ru gdags// mchod rten gru bzhi ser po phyi// nang du rdo rje rgyas mdzad dbyings// 'od zer ser pos kun la khyab// tshe dang bsod nams dpal rnams rgyas// dbang la pad+ma rdo rjer dmigs// brkos phor zla gam byin brlabs la// AHpad+ma satwa sa ma ya nas/ a zhes yi ge brgya pa brjod// hrIHpa shang ku ru gdags// mchod rten dmar po zla gam phyi// nang du dbang bskur pad+ma dbyibs// dmar po lcags kyu'i 'od zer gyis// dbang du bya ba gang yin pa// mos shing thams cad dbang du sdud// drag po dag gi las bsgrub na// karma rdo rjer dmigs bsams la// brkos phor b+h+rUM gyis e ru brlabs// hA karma satwa zhes pa nas// a zhes brgya pa rdzogs par brjod// che ge mo mA ra ya phaT gdags// hom khung nag po gru gsum gyi// nang du las mdzad khro bo'i dbyings// 'od zer nag po me mtshon gyis// dmigs pa gang yin sgrol bar byed// thams cad sgrol te the tshom med// las ni gang bsgrub thams cad la// srog snying bris shing khong par gzhug/de ltar btab ste gang yang 'grub// ces gsungs so// rdo rje brgya pa'i rgyud las gson ltar gdab pa'i le'u ste bcu bzhi pa'o//// de nas yang bka' stsal pa// nyon cig 'khor tshogs rdo rje khyod// tshe 'das don du gdab pa ni// thar lam mkhyen pa nga yis bstan// rus pa'i phye ma zhib par bsre// don mchog yi ge brgya pa la// a nr-i su tri pre du drug btags pa'i// ngan song sbyong ba'i snying po'am// yang na 'di btags gdab pa yin// da ha da ha sarba na ra ga ka te he dun hU~M phaT/ ma tha ma sarba tIr+ya ka te he dun hU~M phaT/ pa tsa pa tsa sarba pre ta ka ga te he dun hU~M phaT/ zhes pas/ tshe 'das ngan song gnas nas drang// hU~M gis brkos phor nang bstims la// phaT/ kyis rgyal ba'i dbyings su 'phang// rgyud drug sa bon 'od bsregs la// sgrib sbyang rdo rje'i dbyings su bskyal// da ni rab gnas cho ga yang// dam tshig mchod rten ci btab grangs// ye shes mchod rten spyan drang bstim// bde gshegs snying pos snyan gsan dbab// gshegs su gsol zhes spyan drangs la// sa mA dza zhes brjod par byon// ting nge 'dzin gyis bstim par bya// 'khor ba ma stongs bar du bzhugs// rnam dag sgyu ma'i tshigs bshad brjod// a ti pu ho zhes phyag btsal la// de nas mchod pa rim par bya// phyag zhabs bsil zhing dri dang ni// me tog mar me ar+g+ha dang// zhal zas rol mo yan lag bdun// kun bzang mchod pa spyi khyab yin// de nas dgos bstod smon lam gdab// na raka dong sprugs gdon byas te// kun gyi las rnams rdzogs pa yin// zhes gsungs so// rdo rje brgya pa'i rgyud las gshin ltar gdab pa'i rab gnas mchod pa'i le'u ste bco lnga pa'o//// yang bka' stsal pa/ nyon cig rdo rje rigs kyi 'khor// ro bsreg phung po sbyang ba ni// sa gdon med pa'i sa phyogs su// maN+Dal 'dom gang mda' gang bya// shin tu cha mnyam chag chag gdab// dbus su hom khung bru bgyi ste// phrin las rnam bzhi'i hom khung kun// yang gting gru gsum de steng zla gam bya// de steng gru bzhi yang thog zlum pos bskor// sor bzhi dpangs dang rgya ru bya// de steng ka bzhi'i thog gi steng// shing brtsegs phyogs bzhir skar khung re// ro kha shar du bstan te bzhag/ ro yi snying gar pad+ma 'khor lo brgya ldan la// brgya rdzogs lha yig bris pa gdags// 'khor lo'i steng nas gzungs sngag gdags// las kyi mkhan pos de bzung la// ting 'dzin sems dpa' gsal byas nas// thugs mchog brgya pa bzlas byas la// spro bsdu bya ba shin tu gces// gtso bo dpa' bo 'bru lnga las// ye shes me dpung me lce brgya dang bcas// mchod sbyangs dregs pa tshar bcad nas// ro nyid phung po bsreg par bya// phyogs bzhi'i skar khung re nas gzungs// rigs lha brgya pa'i bzlas brjod bya// sngon 'gro sbyor ba dang po nas// dngos gzhi'i las rnams kun byed dang// rjes kyi las mtha' rdzogs pa ni// na raka dong sprug shes par bya// dang po bum chus ro bkrus nas// gshed dang bral ba dge bcu ste// khro bo bcu la phyag 'tshal yin// 'gro drug gnas nas drang ba ste// thub pa drug la phyag 'tshal bya// sa lam pha rol phyin bcu ste// khro mo bcu la phyag 'tshal yin// me lha zhi ba bzhi bcu gnyis// me lha khrag 'thung khro tshogs yin// dbang bsgyur bskur ba rang chas yin// rigs lnga gau seng sems dpa' sems ma dang// phyag 'tshal zhi khro rtsa ba'i lha// brgya tshan lnga brjod chos kyi 'khor lo yin// zhi khro'i lha la phyag 'tshal bzhi bstod sbyin bsreg yin// rtsa ba yan lag dam tshig nyams pa bshags pa yin// mjug tu smon lam gdab pa rjes kyi las mtha' yin// gzhan yang kha skong zhi khro yis// go rim byas pas skyon med gdul bya yin// de bzhin me lha spyan drang kha bskang bya// zhes gsungs so// rdo rje brgya pa'i rgyud las ro sreg gi le'u ste bcu drug pa'o//// de nas yang bka' stsal pa// nyon cig rdo rje rigs kyi 'khor// de nas tshe 'das bdun tshigs ni// phung po sha khrag dbugs dang bral ba'i tshe// zhag gsum zhag lnga zhag bdun du// ro mi bsgul bar tsen nar bzhag/ shes pa brgyal te mi rtog yod// ngu skad spangs te chos rnams bsgrags// grogs dang slob dpon slob mas chad// grogs su gyur pas las rnams bya// dang por gshed dang phral bya ba// khro bcu brgya pa drag pos dbral// thub drug a nr-i su tri pre du yis// 'gro drug gnas nas drangs pa yin// brgya pa'i zhabs su yig 'bru re// de nas lam bstan khro mo bcur// phyag 'tshal mchod pa'i rim pa bya// mchod sbyin btang zhing sku gdung gdab// yan lag bdun pa'i go rim bya// mar me smon lam de bzhin bya// zhi khro'i lha la phyag 'tshal sdig pa bshags// brgya pa bton te ming yig gdag/ de ltar tshul bzhin byas bsgrubs na// bar do'i gnas ni a cang ches// skye gnas sbubs nas nges par 'drongs// rab ni bdun tsho dang pos 'drongs// 'bring ni bdun gsum nyi shu gcig/ tha ma bzhi bcu zhe dgus 'drongs// dam tshig rtsa ba gsum dang nyi shu lnga// nyams par gyur kyang nges par 'drongs// mtshams med lnga dang rtsa ba bzhi// de bzhin nges par 'byangs par 'gyur// mi dge phal rnams smos ci dgos// zhes gsungs so// rdo rje brgya pa'i rgyud las/ bdun tshigs kyi le'u ste bcu bdun pa'o//// de nas yang bka' stsal pa/ nyon cig rdo rje'i 'khor rnams kun// lag na rdo rje legs par zung// nga yi rgyud kyi rgyal po 'dir// thams cad 'brel te rdzogs pa yin// sku gsung thugs dang yon tan las// thams cad ma lus bstan pas mang po 'dus// gtso dang 'khor du bstan pas dkyil 'khor yin// rang la rang chas bstan pas dbang yang yin// rtsa ba yan lag bstan pas dam tshig yin// dam pa rigs brgya bstan pas lha yang yin// 'bru mchog brgya pa bstan pas sngags kyang yin// rnal 'byor las su bstan pas rnal 'byor yin// brtson 'grus yengs med bstan pas bsnyen bsgrub yin// mchod bstod gnyis med bstan pas mchod pa yin// zhi rgyas dbang drag bstan pas phrin las yin// yengs med rgyun pa bstan pas bsgom pa yin// lus ngag yid gsum spyod pas spyod pa yin// yin min phyogs dang bral bas lta ba yin// 'brel dang ma tshang med pa dang// yongs su rdzogs pas 'bras bu yin// rgyud kyang yin la 'brel rdzogs mchog/nga yi lung bstan khyod kyis zung// lung yang yin la 'khyer bde mchog/ tshegs chung ba la don chen bstan// man ngag yin te gnad kyi mchog/ thabs mchog thos nas sgrub byed pa// sgrub thabs yin te gzer ka'i mchog/ces gsungs so// rdo rje brgya pa'i rgyud las rgyud 'brel gyi le'u ste bco brgyad pa'o//// de nas yang bka' stsal pa// nyon cig badzra rigs kyi 'khor// 'khor lo lnga la yig 'bru brgya// lha brgya rang bzhin gnas pa yin// snying ga chos kyi 'khor lo na// rtsa 'dab chen po brgyad du gnas// chos 'byung zlum po stong dang dgu// snying dkyil nyi zla pad+ma'i steng// ye shes sems dpa'i thugs ka na// rdo rje bslang ba 'greng ba'i tshul// rdo rje bum dbus hUM du gnas// stong pa'i nang na hUM dang badzra satwa'o// Ta dang a yang gnas pa yin// de nas nu g.yon rtsa 'dab la// sa dang ma gnyis gnas pa yin// de nas nu g.yas rtsa 'dab la// ya dang ma gnyis gnas pa yin// de nas rtsa 'dab gsum pa la// nu dang pa gnyis de bzhin nas// bzhi pa la dang ya gnas te// lnga pa badzra satwa gnyis gnas so// drug par twa dang te gnyis gnas// bdun pa no dang pa gnyis gnas// brgyad par ti dang Sh+Tha gnyis gnas// de nas mgrin par longs spyod 'khor lo na// rtsa 'dab bcu drug gnas pa la// dang po rtsa 'dab dr-i D+ho gnyis// gnyis pa la ni me dang b+ha// gsum pa la ni ba dang su// bzhi par to dang Sh+yo gnyis// lnga pa la ni me dang b+ha// drug pa la ni ba dang a// bdun pa nu dang raka gnyis yin// brgyad par to dang me gnyis gnas// dgu par b+ha dang ba gnyis gnas// bcu par su dang po gnas te// bcu gcig pa la Sh+yo dang me// bcu gnyis pa la b+ha gnyis yin// bcu gsum pa la sa dang rba// bcu bzhi pa la sid+d+hi ste// bco lnga pa la ma me gnyis// bcu drug pa la pra dang ya// sems dpa' kau rI yi ge yin// spyi bo bde chen 'khor lo la// yig 'bru sum cu rtsa gnyis po// de ltar shugs kyis gnas pa yin// rtsa nas badzra sum cu gnyis// ts+tsha/ sar/ ba/ kar/ ma/ su/ tsa/ me/ tsi/ t+ti/ shre/ yang/ ku/ ru/ hUM/ hUM/ ha/ ha/ ha/ ha/ ho/ b+ha/ ga bAn/ sar/ ba/ ta/ thA/ ga/ ta/ ba/ dzra/ lte ba sprul pa'i 'khor lo la// rtsa 'dab drug cu rtsa bzhi ste// drug po la ni yig 'bru re// thub pa drug tu gnas pa yin// mA/ me/ mu/ ny+tsa/ badzri/ b+ha/ gsang ba gsang ba'i 'khor lo ni// rtsa chen bzhi ru 'dus pa yis// sgo ba bzhi ru gnas pa yin// ba/ ma/ hA/ sa/ de nas dbang po'i sgo bzhi ste// rna ba mig dang sna lce la// sgo ma bzhi ru gnas pa yin// ma ya badzra satwa a/ snying dkyil kun bzang yab yum don// snying nas gyes nas snying du 'dril ba'o// zhi khro gnyis kyi mtshon pa yang// snying dkyil pad+ma 'dab bzhi brgyad// tshogs drug yan lag lnga po bzhi bcu gnyis// bud+d+ha zhe gnyis pad+mas mtshon// snying ni 'khor lo rtsibs chen brgyad// mgrin par gyes nas bcu drug la// spyi bor 'khor lo sum bcu gnyis// lnga bcu rtsa brgyad 'khor los mtshon// 'khor lo lnga gsum rtsa rlung las rdzogs yin// zhes gsungs so// rdo rje brgya pa'i rgyud las brgya tshan lus la rdzogs lugs kyi le'u ste bcu dgu pa'o//// de nas yang bka' stsal pa// badzra pA Ni khyod nyon cig/ zhi rgyas dbang drag mtshon pa yang// 'di ltar bcas shing bsam par bya// dang por zhi ba'i mtshon pa ni// zlum po'i dkyil du rdo rje oM// de mtha' 'khor lo rtsibs bzhi'i tshul// mtha' ni mu khyud zlum pos bskor// bum pa'i oM la bud+d+ha sa ma ya la sogs// a la gtugs pa'i phreng bskor yin// de yang zlum por ro// sham bu oM la shAn+tiM gdags// zhi ba'i lha dang mchod rten kun// 'od zer dkar po 'phro ba yis// zhi bar 'gyur te the tshom med// de nas rgyas pa'i mtshon bsam yang// rin po che yi lte ba la// rdo rje dkyil gnas bum par swA// mtha' ma gru bzhi lte ba yi// bum pa'i swA las 'phros pa ni// swA rat+na sa ma ya// A zhes phreng bas bskor du'o// gru bzhi'i gru bzhir lham pa ru// sham bu swA la puSh+ting gdags// rgyas pa'i lha dang mchod rten kun// 'od zer ser po 'phros pa yis// rgyas par 'gyur te the tshom med// de nas dbang gi mtshon bsam yang// pad+ma 'dab brgyad lte ba la// rdo rje'i bum pa'i lte bar AH/mthar ni zla gam lam pa yin// bum par aMHlas 'phros pa ni// hrIHpad+ma satwa sa ma yA// a la thug pa'i phreng bas bskor// zla gam zla gam sgor sgor ro// sham bur hrI la ba shaM gdags// dbang gi lha dang mchod rten kun// 'od zer dmar po 'phro ba yis// dbang du 'dus te the tshom med// drag po'i mtshon byed bsam pa yang// e brtsegs dbus su rgya gram la// rgya gram lte la hA gnas te// mtha' ni gru gsum drag por 'khor// bum pa'i hA las 'phro lugs bzhi// rnal mar bskor dang go rim bzlog/ yig 'bru bzlog dang 'dug sa spo// gru gsum e ru bskor ba yin// hA dang karma satwa nI// a zhes drag pos bzlas pa yi// sham bur mA ra ya rbad rbud// nan dang raM dang bzlog phaT b+h+yo// drag po'i sngags kun gdags par bya// brlag par 'gyur te the tshom med// phrin las lha dang mchod rten kun// gru gsum nag po 'phros pa yis// brlag par 'gyur te the tshom med// ces gsungs so// rdo rje brgya pa'i rgyud las phrin las bzhi'i bsam pa dang/ mtshon pa'i bri lugs kyi le'u ste nyi shu pa'o//// de nas yang bka' stsal pa/ nyon cig rdo rje 'dzin pa khyod// bstan pa dus ngan byung ba'i tshe// mu stegs nag po dgrar langs sam// sngags mkhan nang rgyal byung ba'am// sri can drag po langs pa'am// lha 'dre drag po dang 'gras na// don mchog thugs sgrub brgya pa yis// phrin las rnam bzhi mchod rten dang// bsgrub pa chen po'i mchod rten bzhengs// dang po dpang gzugs bshags sbyang phyir// zhi ba'i mchod rten zlum por bzhengs// chu gtor dkar gtor gtong zhing bshags pa ci 'gyur bya// shar gyi phyogs su bzhugs su gsol// zhi bar bya ba'i las yin pas// brgya par shan+tiM ku ru gdags// zhag bdun bar du bzlas par bya// dgra bgegs ngan sngags zhi bar byed// zhi bar bya ba'i las su bshad// dkar gsum bza' zhing khrus la 'bad// maN+Dal bum pa dkar po la// gzungs thag dkar po bum rdzas dkar// dong sprugs bklag cing khrus la 'bad// zhi bar 'gyur te the tshom med// de nas bsod nams spel ba'i phyir// rgyas pa'i mchod rten gru bzhi bzhengs// gser skyems gtong zhing gtor ma gtang// 'bru sna rin chen dar zab rdzas// mngar gsum rtsi sman sna tshogs bsog/ gser g.yu gnyis ni mgul du gdags// brgya par A yuHpuSh+tiM ku ru swA hA// sarba puN+ya puSh+tiM ku ru swA hA/ zhes gdags/ mngar gsum bza' zhing bum ser bkru// dong sprug gdon zhing sid+d+hi bsgrub// tshe dang bsod nams 'phel ba yin// mchod rten lho yi phyogs su bzhugs// rgyas par 'gyur nges the tshom med// de nas dbang du bsdu ba'i phyir// dbang gi mchod rten zla gam bzhengs// sman rag sha chen gtor ma bshams// brgya par ba shang ku ru gdags// hrI:dang yi ge shin tu gces// dgra bgegs ngan sngags dbang du sdud// nya nas nyi shu gnyis bsgrubs te// maN+Dal zla gam bum pa dmar// srog dang srog gi snying pos bsgrub// mchod rten nub phyogs bzhugs su gsol// dmigs pa gang yin dbang du 'gyur// tshar bcad rtsad nas bcad pa'i phyir// drag po'i mchod rten gru gsum bzhengs// sha khrag dug dang gtor ma bshams// mtshon cha sna tshogs lag tu blangs// bskor ba phyi log nang log bya// lid+ga nag mo'i thag pa'i gdags// dmigs rten 'brub khung rtsang gi bskor// gru gsum nag po'i nang du bsad// ming rus dmigs pa'i rten yang blangs// gsher thun skam thun mtshon gyis brab// brab brdeg dmigs pa gsal bar bya// gu gul rgya tshil tshil chen bdug/ dug dang dug chus bran dang byugs// gdug pa'i dug shing tsher ma can// hom chen bcas la bsregs pa yin// thod pa ngan pa'i nang du mnan// byang phyogs mchod rten bzhugs su gsol// dmigs pas brlag ste the tshom med// rnal bzlog dkrugs dang yig 'bru bzlog/ de sham che ge mo mA ra ya rbad// nan dang ri dang rbad la sogs pa gdags// rdzas dgu b+h+yo dang ya dang phaT// drag po'i las kyi rno ngar yin// ming rus thal pa lad+gi kun// mchod rten gru gsum nag po yi// 'og tu gru gsum dong nang mnan// mchod rten rab gnas byas pa ni// bdag nyid sgrub pa'i dkyil 'khor gyis// phyogs bzhir dkyil 'khor de ltar bzhugs// zhes gsungs so// rdo rje brgya pa'i rgyud las phrin las mchod rten bzhi'i le'u ste nyer gcig pa'o//// de nas yang ston pas bka' stsal pa// rdo rje 'dzin pa legs par zung// mchod rten chen po'i bzhengs lugs la// bsgrub gnas mthong ba'i sa blangs la// 'jim pa bzang po dag dang sbyar// gser dngul zangs lcags sman rnams blug/ dkar gsum ba yi chu yis spru// dang po bum pa'i 'jim pa bya// shar lho nub byang sa bzhi blang// kha dog bzhi bzhi'i sa dang spol// 'jim pa bzang po dag dang sbyar// phyogs bzhi mgur chu bang rim sa// ba chu spos chus sbyar bar bya// mi bsad yul bkyes phung shul sa// nag po re ba'i nang blangs la// khrag sna dug sna pod chus spru// rmang dang 'brub khung rgyu yin no// mchod rten bang rim bzhi pa bzhengs// bum pa mgur chu bre phul ldan// 'khor lo gdugs dang bya ru tog/dar phyang dril bu me long kun// shog shog dag la bya ba yin// mchod rten na bza' 'di ltar gsol// rin chen pre phul mthing gar gsol// bum pa mgur chu dkar por bya// shar phyogs bang rim de bzhin dkar// lho phyogs ser la nub phyogs dmar// byang phyogs bang rim ljang gur gsol// rmang ni gdug byed nag por gsol// 'khor lo bcu gsum rdzogs par bya// tog ni nor bu rin chen bya// gdugs gnyis thabs dang shes rab tshul// dar 'phyang thugs rje chen po yin// srog shing dpag bsam shing bla yin// mchod rten phyogs bzhir rgyag par bya// bum pa lto ba zlum por bya// ras sam gro ga shing shun nam// shog shog dag la brgya pa bri// rang gi ming rus kun kyang bri// bsten bsgrubs 'go ba'i lha yang bri// bum pa srog shing snying la gdags// snying po lnga dang sman lnga dang// 'bru lnga dri lnga rin chen lnga// dar zab ras kyis gtums la gzhug/ de nas bang rim bzhi'i nang du// lha srin sde brgyad srog snying gzugs// bris la bang rim bzhi par ro// de nas rming dang 'brub khung du// gang yin dmigs pa'i lid+ga la// nag mo nag po'i thag pas dkris// lid+ga ming dang bcas pa yang// 'bru nag sa sbyin dug khrag gzugs dang sbyar// thod pa nag po'i nang 'og tu// tshon skud sna lngas bcings la bzhag/ rgya gram 'khor los kha nas bcad// de nas sgrub po bdag nyid kyis// mchod rten rab gnas dbang bskur bya// brgya pa'i sngags dang rten 'brel sdeb// brgya phrag bdun gsum rten 'brel bcas// rab tu gnas pa rgyas par bya// brgya pa rten 'brel gnyis gsham la// kA ya d+harma oM zhes brjod// mchod rten chos kyi skur dmigs la// sku yi dbang bskur rab gnas yin// brgya pa dang ni rten 'brel sham nyid du// hrIHwAka d+harma AHzhes brjod// mchod rten chos sgra sgrogs par dmigs// gsung gi dbang bskur rab gnas yin// brgya dang rten 'brel der 'jug la// hUM tsit+ta d+harma badzra hUM zhes brjod// mchod rten ye shes lnga ldan dmigs// thugs kyi dbang bskur rab gnas yin// bde gshegs thugs dang sku gsung gnas// dbang bskur rab gnas rdzogs pa yin// kA ya wA ka tsit+ta tiSh+Tha badzra zhes brjod// 'khor ba ma stongs bar la bzhugs par bsam// mchod rten sku gzugs kun la de bzhin sbyar// yi dam nar ma ma chag par// thugs mchog yi ge brgya pa bzlas// zhi ba'i dus su zhi ba ltar// rgyas pa'i dus su rgyas pa dang// dbang gi dus su dbang ltar dang// drag po'i dus su drag po ltar du bzla'// zhi bar nam phyed chu dang sbyar// rgyas pa nyi ma'i dkyil 'khor ltar// dbang ni chu rlabs rlung 'tshub sbyar// drag po'i dus su 'brug glog thog ltar bzlas// na raka dong sprug nyid la brtson par bya'o// tsha tsha chu gtor de bzhin no// sri'u gson gtsug tor rnam bzhi sgrogs// mu stegs sngags pa nag po dang// sri dang lha 'dres tshugs re kan// zhes gsungs so// rdo rje brgya pa'i rgyud las bsgrub pa chen po mchod rten las rdzogs kyi le'u ste nyer gnyis pa'o//// de nas yang bka' stsal pa/ rdo rje 'dzin pa'i 'khor thams cad nyon cig/ de dag thams cad la zlos shig/ro dang phrol cig rang med do// zhes gsungs pas 'khor rnams phan tshun bltas te brgyal bar 'gyur te// de nas lag na rdo rje langs nas 'di skad ces gsol to// kye kye ston pa rdo rje 'chang// dngos cag gis bskyed rdzogs spros bsdu la zlos shig/ ro dang phrol cig/ rang med do// zhes gsungs pa ma rtogs so// bka' stsal thugs rjes zung zhig zhu 'tshal lo zhes zhus pa dang/ bka' stsal pa/lag na rdo rje 'khor rnams slongs shig/ gsang sngags kyi de kho na nyid ma shes na lha gnas gsum dang longs sku mthong mi srid do zhes gsungs pa dang/ de nas lag na rdo rjes/ kye kye 'khor rnams langs la shog/gdod ston pa la don zhu ba zhu yis// ma zhus par dpa' ba'i sems kyi nyon/ gus pas thud cig ces smras pas 'dus pa brgyal ba sangs pa dang/ rdo rje chos skus gsol ba/ kye kye ston pa rdo rje 'chang// gsang sngags kyi de kho na nyid gsungs 'tshal zhes zhum pas/ yang ston pas bka' stsal pa/ 'khor rnams ma skrag par nyon cig/ gsang sngags kyi de kho na nyid ni ci yang ma yin no// kye gsang ba'i rdo rje ci'i phyir ci yang ma yin zhe na/nyon cig chos gang la yang 'di yin 'di min med pa'i phyir te/ chos gcig gtan la phob dang/ yin par yang med la/ min pa yang med pa'o// de yang spang ba yang med/blang pa yang med/ re ba yang med/ dog pa yang med de med pa'o// zhes gsungs pas/ 'khor rnams ngus te 'gre ldog gin/ kyi hud kyi hud bdag cag gis bskal pa nas bskal par de ma mthong bas ston pa nyid thugs rje dang bral ba'o// zhes zhus pas/ rdo rje 'chang gis bka' stsal pa// rdo rje'i rigs kyis legs par nyon cig/ nga ni yin min med pa'i phyir// spang blang re dogs med par bshad do// khyed rnams kyis rang gis rang ma shes so// ngas kyang bskal pa nas bskal par ma shes so// de ltar du rig pas nga yang mya ngan las 'das pa yin no// rdo rje 'dzin sogs legs zungs shig/ nga yi lta ba yin pa med// phyogs lhung rgya chad med pa'i phyir// phyogs lta 'dor ba lta ba'i srog/ phyogs dang phrol cig med pa yin// bag chags ro la ci yin ltos// lta ba med do med pa yin// khyed rtogs lta ba de ltar yin// de rtogs sgom pa min pa med// gang snang grogs su ro mnyam phyir// de shar spyod pa yin min med// spang bya blang bya yul med phyir// de mthong ba la re dogs med// gzhan la ltos pa'i chos med phyir// de la lta ba'i yul mi srid// med dang gcig pu phyal ba yin// yul med ming dang bral ba'i phyir// de la bya rtsol ci la srid// rang byung yul snang med pa'i phyir// yul med srog gcod dge sde+ig med// ming med bden rdzun sgro 'dogs chod// ces gsungs so// yang bka' stsal pa/ de ni gsang sngags zhes bya gzhi zhes bya/ mnyam pa nyid ces bya/ chos kyi sku zhes bya/ rtogs pa'i lta ba zhes bya/ chos nyid ces bya/ chos rnams kyi de bzhin nyid ces bya/dgongs pa zhes bya/ spyis chos kyi dbyings zhes bya/ gsang sngags kyi de kho na nyid ces bya'o// ye shes ye shes yin no// ci'i phyir rang byung du shes pa dang/ rang rig pas kyang shes so// lhag par de kho na nyid rtogs pas ye shes zhes bya'o// gsang sngags rang gi dgongs pa ni/ yul med ming dang bral ba yin// rang byung ye shes dgongs tshad yin// rang rig ye shes dgongs tshad yin// lhag mthong ye shes dgongs tshad yin// zhes gsungs so// rdo rje brgya pa'i rgyud las la bzla de kho na nyid kyi le'u ste nyer gsum pa'o//// yang bka' stsal pa/ nyon cig rdo rje rigs kyi 'khor// srog dang snying po gsang sngags bstan// gang snang ba yi chos kun la// mtshan mar snang bas srog ces bya// ci'i phyir 'dzin pas bzung ba'i phyir// srog gi ngo bor 'dzin pa yin// nges tshig 'dus byas mi rtag pa// dbye ba dbugs can dbugs med srog/ dpe ni ra shing 'dus pas bstan// gang snang ba yi yul de la// ming btags 'bod pas snying po yin// ci phyir de la nyes 'dzugs phyir// des na btags pa med na gang la gzung// snang ba de la ming gis 'bod// des na srog rang snying po yin// srog ni gzugs te snying po ming// gzugs nas bzung la snying por phod// srog kyang med la snying po med// dper na 'byung ba chu lta bu// gcig la kun tu snang bas mtshon// des na de ltar bden pa med// des na de la med pa gang// dper na chos can bum pa la// yin min gnyis ka'i chos can med// 'o na chos can gcig po de// gzugs kyis yin nam ming gis yin// mdog gis yin nam bsam pas yin// 'dus pas yin nam 'bral bas yin// mtshon pas yin nam las kyis yin// rdo rje 'dzin pa spobs pa skyed// lag na rdo rje lan gsol pa// kun gyis yin te kun gyis min// yin pa min pas min pa med// ma spangs ma blangs mnyam pa med// rang yin re dogs med par khums// legs so legs so rdo rje 'dzin// gsang sngags bla med de bzhin nyid// kho na nyid ni de ltar ro// ye nas yin shes yi shes yin// zhes gsungs so// rdo rje brgya pa'i rgyud las chos can ro mnyam la bzla de kho na nyid kyi le'u ste nyer bzhi pa'o//// de nas lag na rdo rjes gsol pa// kye kye ston pa thugs mchog gtso// rdo rje rigs kyi brgya pa de ltar na// de bzhin gshegs dang rin chen rigs// pad+ma'i rigs dang las kyi rigs// 'bru mchog brgya ldan bstan du gsol// zhes gsol pas/ thugs mchog rdo rjes bka' stsal pa// nga yis gtso byas rdo rje'i rigs// brgya pa de ltar gong bstan pas// rdo rje rigs kyi lha bstan yin// mtshan nyid 'dzin pa dbus gnas te// re re la yang bzhi bzhis bskor// sku gsung thugs dang yon tan las// dkyil 'khor dkyil 'khor bya ba yin// nyon cig rdo rje 'dzin pas zung// rnam par snang mdzad brgya pa ni// oM bud+d+ha satwa sa ma ya/ ma nu pA la ya/ bud+d+ha satwa twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me/ kA ya shreyaMku ru hUM/ ha ha ha ha ho/ b+ha ga wAn/ sarba ta thA ga ta/ bud+d+ha mA me muny+tsa/ bud+d+ha b+ha ga ma hA sa ma ya/ bud+d+ha satwa a/ sku yi brgya pa de ltar yin// gsung ni snang ba mtha' yas yin// oM pad+ma satwa sa ma ya/ ma nu pA la ya/ wAka satwa twe no pa tiSh+Tha/dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ wAka shre/ yaM ku ru AMHha ha ha ha ho/ b+ha ga bAn/ sarba ta thA ga ta/ wAka mA me muny+tsa/ wA kab+ha ba/ma hA sa ma ya/ wAk+satwa a// gsung gi brgya pa de ltar yin// yon tan rin chen 'byung ldan yin// swA rat+na satwa sa ma ya/ ma nu pA la ya/ rat+na satwa twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/sarba sid+d+hi m+me pra yats+tsha/ sarba karma su tsa me/ rat+na shre yaM ku ru swA/ ha ha ha ha ho/ b+ha ga wAn/ sarba ta thA ga ta/ rat+na ma me muny+tsa/ rat+na b+ha ba/ ma hA sa ma ya/ rat+na satwa a/ de ni yon tan brgya pa lags// phrin las don yod grub pa che// hA karma satwa sa ma ya/ ma nu pA la ya/ karma satwa twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ karma shre yaM ku ru hUM/ ha ha ha ha ho/ b+ha ga bAn/ sarba ta thA ga ta/ karma mA me muny+tsa/ karma b+ha ba/ ma hA sa ma ya/ karma satwa A/ don yod yi ge brgya pa yin// sku yi brgya pas gti mug bshags// gsung gi brgya pas 'dod chags bshags// yon tan brgya pas nga rgyal bshags// phrin las khong khro phrag dog bshags// thugs mchog zhe sdang gtso byas bshags// zhes gsungs so// rdo rje brgya pa'i rgyud las rigs lnga brgya tshan gyi le'u ste nyer lnga pa'o//// de nas phyag na rdo rje yis// rdo rje 'chang la 'di skad gsol// kye kye ston pa rdo rje 'chang// de ltar lha brgya'i don gsungs na// nyams sgrib bshags par byed pa'i tshe// lha la mchod pa ji ltar dbul// nyams dang sdig sgrib ji ltar bshags// zhes gsol pas/ ston pa rdo rjes bka' stsal pa// nyon cig rdo rje 'dzin pa che// de ltar mchod bshags bya ba ni// nya'am stong ngam tshes brgyad la// dus bzang gza' dang rgyu skar 'dzom// pad+ma brgya ldan dkyil 'khor bzhengs// yang na maN+Dal tshom bu bya// gtor ma chen po brgya 'am lnga'am gsum mam gcig/ dpal gyi gtor ma bshags pa ni// rin chen rgya chen snod nang du// dang po dpal bshos chen po bzhugs// khams phor gtor chen brgya yis bskor// lha bshos brgya 'am mar me brgya// tshom bu brgya 'am rnam res bzhag/gong gi gtor ma chen po yang// bsgrub pa'i sman dang khrag shas brgyan// dkar gsum chan yang de bzhin no// dkar gtor gcig dang dmar gtor gcig/ chos skyong phyi nang gnyis la bsham// 'byor pa'i rdzas tshogs ci ldan bsham// spos dang me tog ar+g+ha dang// mchod pa'i rgyu ni thams cad bsags// thugs mchog brgya pa rgyun par bzlas// zhag drug dag la dus drug tu// na raka dong sprugs 'don par bya// phyag dang bskor ba ci nus bya// kha yar zhag grangs mtshams gcad bya// nyams dang mtshams med sdig pa kun// dper na sol ba dung por 'dra// zla ba yar ngo mar ngo 'dra// zhes gsungs so// rdo rje brgya pa'i rgyud las nyams bshags mchod pa'i le'u ste nyer drug pa'o//// yang bka' stsal pa/ nyon cig rdo rje 'dzin pa sogs// thugs mchog yi ge brgya pa ni// dper na nyi ma mun pa 'dra// shar bas sangs pas brgya pa yin// dper na nam mkha' lta bu yin// thams cad go yang rgya chad med// dper na nor bu rin chen 'dra// thams cad mi 'byung gang yang med// yon tan thams cad rdzogs pa yin// dper na 'dzam bu'i gser dang 'dra// gang ltar byas pa de nyid do// sgyu ma mkhan gyi dpe dang 'dra// med las thams cad sprul par snang// dper na nad dang sman lta bu// dper na dug dang bdud rtsi 'dra// dper na zangs lcags gser dang 'dra// dper na me dang rtsi shing 'dra// dper na mun pa sgron me 'dra// dper na rgya mtsho gza' skar 'dra// dper na shel dang za 'og 'dra// dper na thag pa tho yor 'dra// zhes gsungs nas/ yang bka' stsal pa/ lag na rdo rje 'khor tshogs nyon cig/ ngas bshad thugs kyi rgyud chen 'di// sangs rgyas kun gyi dgongs pa yin// dgongs pa 'dus pa'i rgyud du zung// rgyud lung zhi khro lha brgya pas// lha brgya pa yi rgyud du zung// bskyed par byed pa'i yi ge brgya// yi ge brgya pa'i rgyud du zung// rang gi nyams bshags mdzad gsol pas// bshags pa chen po'i rgyud du zung// zhi rgyas dbang drag las rdzogs pas// phrin las 'dus pa'i rgyud du zung// dbang dang dam tshig dkyil 'khor dang// lha bsgom sngags dang kun 'brel bas// 'brel pa chen po'i rgyud du zung// rtsa ba gsum dang yan lag dang// sdig sgrib thams cad 'dis bshags pas// bshags pa chen po'i rgyud du zung// ngan song thams cad dong sprugs pas// dong sprugs chen po'i rgyud du zung// rdo rje sems dpa'i thugs bstan pas// badzra brgya pa'i rgyud du zung// yang bka' stsal pa// legs par zung zhig thub par chongs// nyam par gyur na na raka gnas// rgyu gnas rnam par smin pa ni// rigs bzhi byol song lkugs pa'i gnas// mi bzad bdud mo'i grogs kyis mtshon// dbang po ma tshang dbul rmongs zhan// ma nyams rdo rje'i sku gsung thugs// 'gro la phan 'dogs skur gnas sa// longs spyod 'khor ldan lha mi'i sa// dman lus 'dzin 'chang nor bu 'chang// brag dang chu gzhung chu bo yis// dus ngan mgo mthong rgyas par gyis// zhes gsungs so// rdo rje brgya pa'i rgyud las dpe mtshon btags pa'i le'u ste nyer bdun pa'o//// de nas ston pa nyid mya ngan las 'das so// 'khor du 'dus pa'i sgyu 'phrul zhi khro'i lha tshogs rnams dang/ yang phur/ bdud rtsi/ ma gshin/ dbang dang dkyil 'khor gyi lha rnams dang/ tshangs pa dang/ brgya byin dang/ 'jog po dang/thag bzangs ris dang/ sde brgyad dang/ phyogs skyong bcu dang/ rdo rje drag mo la sogs te// mkha' 'gro ma rnams kyis lag na rdo rjer yi rang ste mngon par stod nas/ thugs rtse gcig pas badzra pA Nis bsdus te/sprul sku pad+ma byung gnas la gtad do// rdo rje sems dpa' yi ge brgya pa'i thugs phrin las thams cad dam tshig gi rgyud ces bya ba rdzogs so// sprul sku pad+ma 'byung gnas dang/ dge slong nam mkha'i snying pos bsgyur pa'o/

CLOSE WINDOW