161a3 / gter rgya/ sbas rgya/ gtad rgya// // rgya gar skad du// ga ga na gar+dz+dzi ta ra ba Na mai g+ha dz+yo t+yA be shor+m+mi sA mA dza sa mA n+ya dza ya mu drA gran+tha tan+t+ra/ bod skad du/ nam mkha' 'brug sgrogs thog babs klong
161a4 'dus spyi rgyal rgya mdud kyi rgyud// thig le kun 'dus la phyag tshal lo// 'di skad bdag gis cir yang ma thos/ cir yang ma mtshon/ tshig tu ma brjod/ dus med pa na/ skye med snying po'i klong na ka dag chos sku
161a5 bzhugs// dngos med ngang dngas 'khor la blo 'das byar med gsungs// sngon med phyis med dus gsum dbyer med dus// sdud pa po ni dngos med ngang dngas so// de ni phun sum tshogs par bstan pa'o// de
161a6 nas ngang dngas khye'u chung gis// skyai med ka dag chos sku la// phun sum tshogs don de ltar na// sangs rgyas bya ba yod dam med// sems can bya ba ci la zer// de nyid ngo bo gcig mi gcig/ gcig na 'khor
161b1 'das gnyis byung gang// mi gcig 'brel pa med lags sam// zhes ston pa la zhus pa dang/ ston pas 'khor la bka' stsal pa// sangs rgyas med pas sangs rgyas ming yang med// ka dag nyid la sangs rgyas
161b2 yod ma yin// sems can bya ba 'gyu sems sdug bsngal can// de gnyis gzhi la grub pa gang yang med// med las byung bas ngo bor gcig pa ste// ngo bo gcig la snang tshul rnam pa gnyis// 'khor dang mya ngan
161b3 'das pa gnyis byung yang// tha dad ma yin ngo bor 'brel pa yin// zhes gsungs so// phun sum tshogs pa dang gleng bslong dang gleng gzhi'i le'u ste dang po'o//// de nas ngang dngas khye'u chung gis// ka dag
161b4 nyid la 'di skad zhus// sems dang chos rnams yod dam med// sku dang ye shes gang la zer// dug lnga sku lnga yod dam med// ma rig ye shes ci la zer// 'khor ba myang 'das yod dam med// sangs rgyas sems
161b5 can ci la zer// dge sdig bya ba yod dam med// mtho ris ngan song ci la zer// chos rnams nyan bshad yod dam med// theg sgo rab 'byams ci la zer// bag chags sgrib g.yogs yod dam med// las 'phro
161b6 rnam smin ci la zer// zhes ston pa la zhus so// 'khor gyis gleng slong ba'i le'u ste gnyis pa'o//// de nas ngang dngas khye'u chung gis// chos dang sems rig yod dam med// ces zhus pa dang/ ston pas
162a1 'khor la bka' stsal pa// dngos med ka dag stong pa la// chos rnams ming yang yod ma yin// chos su snang ba 'khrul pa'i sems// chos rnams sems kyi 'khrul pa yin// byar med blo 'das chos
162a2 rnams med// sems med rig med 'dzin rtog med// sems med ka dag klong du gyur// rig med ngang dngas stong sang ngo// gsal gdangs cir yang brjod du med// ces gsungs so// sems dang chos med
162a3 par bstan pa'i le'u ste gsum pa'o//// de nas ngang dngas khye'u chung gis zhus pa/ sku dang ye shes ci la zer// zhes zhus pa dang/ ston pas 'khor la bka' stsal pa// sku dang ye shes bla dgas yin// ka
162a4 dag nyid la sku dang ye shes med// ces gsungs so// sku dang ye shes med pa bstan pa'i le'u ste bzhi pa'o//// ngang dngas khye'u chung gis zhus pa// dug lnga sku lnga yod dam med// ma rig bya ba ci la
162a5 zer// zhus pas/ ston pas bka' stsal pa/ ka dag dri med dug med pas// dug lnga sku lnga gnyis ka med// 'dod chags zhe sdang gti mug med// nga rgyal phrag dog ka nas dag/ sku gsum dbyer med sku lnga
162a6 med// ka dag stong gsal ma rig med// cang med ye gsal ye shes med// ma rig ye shes rnam gnyis kyang// ka dag ma dag rnam gnyis las// ma rig ye shes grub pa med// ces gsungs so// dug lnga ma
162b1 rig ye shes med par bstan pa'i le'u ste lnga pa'o//// ngang dngas khye'u chung gis zhus pa// 'khor ba mya ngan yod dam med// sangs rgyas sems can ci la zer// zhus pas/ ston pas bka' stsal
162b2 pa// 'khor ba mya ngan blo yi yul// chags sdang blo yul ma zad par// 'khor ba zad par mi 'gyur ro// dngos med blo 'das 'khor 'das chos// rnam rtog rang sangs ka dag rgyas// ci yang mi 'gyur 'dzin
162b3 rtogs sangs// sdug bsngal ngang dngas bde chen rgyas// sems can rtog sangs ka dag rgyas// ka dag dngos med blo 'das la// sangs rgyas sems can yod ma yin// zhes gsungs so// 'khor 'das med par
162b4 bstan pa'i le'u ste drug pa'o//// ngang dngas khye'u chung gis zhus pa// dge sdig mtho ris ngan song gang// zhes zhus pas/ ston pas 'khor la bka' stsal pa// ka dag rtogs na dge sdig med// gnyis ka byar med ma
162b5 byas pas// mtho ris ngan song skye lhung med// dngos med ka dag rnal rtog pas// dge sdig mtho ris ngan song med// sdig pa mi spyod mi dge spyod// ka dag re dogs khar mi 'chong// zhes gsungs
162b6 so// dge sdig med par bstan pa'i le'u ste bdun pa'o//// ngang dngas khye'u chung gis zhus pa/ skye med ka dag chos sku la// theg pa brgyad khri bzhi stong yod dam med// nyan bshad mtshon tshig ci la
163a1 zer// zhes zhus pas/ ston pas 'khor la bka' stsal pa// theg pa brgyad khri bzhi stong rnams// ma rtogs log rtogs drang phyir las// ka dag ngang la chos kun med// med las sna tshogs med
163a2 la thim// dbyer med gcig 'dres tha snyad med// blo 'das dngos med rtogs pa yin// mtshon pa'i tshig go rgya mtsho med// chos med bshad med nyan pa med// mtshon med dpe med zla med do// zhes gsungs
163a3 so// chos sku la nyan bshad med par bstan pa'i le'u ste brgyad pa'o//// de nas ngang dngas khye'u chung gis// skye med ka dag chos sku la// bag chags sgrib g.yogs yod dam med// las 'phro rnam smin ci la
163a4 zer// zhes zhus pas// ston pas 'khor la bka' stsal pa// stong gsal ka dag don rtogs na// bag chags sgrib g.yogs ma rig med// las 'phro rnam smin bsgrib mi srid// ka dag stong gsal dngas sang
163a5 nge// gsal dag klong na ci yang med// ci snang cir yang ma grub ste// rtsal snang rang byung nyid du dngas// dbyer med gdeng ldan sgrib g.yogs med// ci ste las kyi dbang gyur na// rang byung ye shes yod ma
163a6 yin// byar med las med rnam smin med// ces gsungs so// bag chags las kyi rnam smin med par bstan pa'i le'u ste dgu pa'o//// de nas ngang dngas khye'u chung gis zhus pa// nam mkha' 'brug
163b1 sgrogs dpe yis mtshon nas ni// gnam thog rgya mtshor babs pa ji ltar bstan// chu srin nor bu rgya mdud dpe gang mtshon// zhes zhus pa dang/ de nas ston pas 'khor la bka' stsal pa// mkha' klong phyogs
163b2 med nam mkha'i klong yangs nas// ka dag spyi rje blo u0f84'das 'brug sgrogs pas// dngos med klong nas stong gdangs 'brug stong ldir// spyi phud dgu rtse rnam dag blo 'das babs// 'khor ba'i rgya mtsho klong bcas
163b3 nyon mongs rlabs// bya rtsal zhe 'dod med par chu srin mgrin par chud// dgos 'dod kun 'byung yid bzhin nor bu 'chang// dngos med rgya las blo 'das 'phrul gyi mdud// dus gsum mi 'gyur thig le nyag
163b4 gcig rgyud// nyon mongs gtan brlag gnam thog klong bab rgyud// drag la myur bas rdug med thog babs pas// ka dag dngos med blo 'das yang gsang rgyud// nam mkha'i dpes bstan snying po chos nyid
163b5 ston// phyogs med stong gsal gsal la dngos gzhi med// 'brug sgrog dpes mtshon ma bkag rtsal zer ston// snang stong grag stong rig stong dbyings su dngas// yid rig gar yang mi 'gyu snying po ma
163b6 la thim// thogs brdug med pa'i gdams pa'i thog brgyabs pas// khams gsum 'gro drug nyon mongs dug lnga brlag/ rgya mtsho'i klong gi rus sbal nor bu mdud// dgongs pa mi 'gyur g.yo 'gul med pa'i
164a1 klong// rus sbal mkhar gzhong bcug pas gar mi brtol// ka dag dngos med rtog pa las gzhan med// med las sna tshogs cang med cir yang snang// gcig ni ma grub stong nyid las byung dngas
164a2 sang nge// ye med dngos med stong gsal ngang gis dngas// gting gsal 'od gsal cang med bya btsal med// bsam med bsam gyis mi khyab mtshon tshig med// brtag med brtag dka' btsal med bzhag na
164a3 gsal// tha snyad tsam yin smra bsam yul las 'das// zhes gsungs so// nam mkha' 'brug sgrogs thog babs klong 'dus spyi rgyal rgya mdud kyi rgyud las/ rgyud kyi mtshon dpe bstan pa'i le'u ste bcu
164a4 pa'o//// nam mkha' 'brug sgrogs thog babs klong 'dus spyi rgyal chu srin nor bu 'phrul gyi rgya mdud gyi rgyud rdzogs so//// u rgyan gyi slob dpon pad+ma 'byung gnas dang/ lots+tsha ba ska ba dpal
brtsegs kyis bsgyur nas lha sras khri srong lde btsan la gdams pa/

CLOSE WINDOW