CLOSE WINDOW

D921
བོད་ཡིག

@#/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad 'od kyi rgyal po la phyag 'tshal lo/ /de la mchod rten gcig btab na bye ba btab par 'gyur ba'i sngags dang / cho ga ni 'jim pa la sogs pa yo byad thams cad la sngags 'di lan nyi shu rtsa gcig bzlas par bya'o//o~M na mo b+ha ga ba te bai ro tsa na pra b+ha rA dzA ya/ ta thA ga tA ya/ aR+ha te saM myak+saM bud+d+hA ya/ tad+ya thA/ oM sU k+Sha me sU k+Sha me sa me sa ma ye/ shAn+te dAn+te a sa mA ro pe a nA laM pe ta ra la be/ya shwa ba ti/ ma hA te dzo ni rA ku le ni ra bA Ne/ sarba bud+d+ha ad+hiSh+ThA na/ a d+hiSh+Thi te swA hA/ tsai t+ya 'debs pa'i 'jim pa'am/ sngags bri ba'i tshe lan bdun du gdab pa'i sngags la/ na maHsa man+ta bud+d+hA nAM/ o~M badzra A yu She swA hA/'bi 'bi'i sngags la/ oM badzrod b+ha ba ya swA hA/ tsai t+ya phor bu'i nang dang / sa tsha'i nang du phye ma gdab pa'am/ 'bru mar byug pa'i sngags la/ oM a ra dze bi ra dze swA hA/ phyag rgya'am/ sngags gzhug pa'i sngags la/ o~M d+harma d+hA tu gar+b+he swA hA/tsai t+ya phor bur 'bi 'bi gzhug pa'i sngags la/ oM badzra d+hA tu gar+b+he swA hA/ tho bas rdeg cing gdab pa'i sngags la/ o~M badzra mung+ga ra A ko Ta ya hU~M phaT swA hA/ tsai t+ya phor bu nas phyir dbyung ba'i sngags la/ o~M d+harma ra te swA hA/ 'khor lo dang /dbu zhu gsol ba'i snga gsal/ oM b+h+ra ma Na ye swA hA/ tsai t+ya'i dkyil 'khor la bzhugs pa'i sngags la/ oM su pra tiSh+Tha ta badzra swA hA/ cho ga de ltar byas na tsai t+ya btab pas bye ba btab par 'gyur ro/ /thams cad du skye ba dran par 'gyur ro/ / dkyil 'khor byas pa'i lag pa 'jim pa can gyis gang na bar bskus na nad mdze'i rnam pa brgyad la sogs pa thams cad ma lus par zhi bar 'gyur ro/ /mchod rten gcig btab na bye ba btab par 'gyur ba'i gzungs rdzogs // //

CLOSE WINDOW