བོད་ཡིག |
223b6 @##/ /rgya gar skad du/ DA ki nI ag+ni dzi hwa dz+wa lA tan+t+ra/ bod skad du/ mkha' 'gro ma me lce 'bar ba'i rgyud/ srid gsum 'jigs byed
223b7 drag po rdo rje'i sku//bdag dang gzhan gyi dpal gyur snying rje can/ /bdud las rnam rgyal ye shes lnga dang ldan/ /phyag na rdo rje che la phyag 'tshal bstod/ /'di skad bdag gis thos pa dus gcig na/ ri rab ri'i rtse mo gshin rje 'bar ba'i pho brang /
224a1 gnod sbyin ut+pa la'i gdong gnas pa'i dur khrod/ srin po ma tang+ka ru tra ka'i 'chag sa/ bdud gtsug phud nag po'i khang pa/ rtsub 'gyur gyi tshal chen po/ lha dang lha ma yin g.yul 'gyed pa'i gnas/ 'byung po dge ba kha T+wA~M ga'i shing nag po ti
224a2 sha ka skyes/srin mo kang+kA la zangs kyi gshog pa me ltar 'bar ba'i zhing khams mi ro gsar rnying mang po yod pa/ nam mkha' las tri shUl dang 'khor lo dang lce 'bab pa/ sa gzhi las ral gri dang / spu gri dang mdung rtse lnga pa skyes pa/ ri bo thams cad keng
224a3 rus su snang ba/chu klung thams cad rnag khrag tu 'bab pa/ sa phyogs thams cad ni mi ro ut+pa la sngon po'i dri mnam pa/ nye 'khor na rngam pa dang / ngu ba'i nga ro rab tu 'jigs pa drag ste/ shin tu 'jigs pa rab tu skyi g.ya' ba'i gnas de na/ bcom
224a4 ldan 'das dpal 'jigs byed kyi rgyal po/rigs sngags dang gsang sngags kyi bdag po/ thabs dang shes rab kyi dbang phyug /sku dang ye shes kyi rang bzhin/ drag po chen po dpal phyag na rdo rje snying rje chen po gtum zhing khro ba/ lus bskal
224a5 pa'i me chen po ltar 'bar ba/srid pa gsum dang bdud bzhi dang / nyon mongs pa brgyad khri dang / sgrib pa rnam pa gnyis las rab tu rgyal ba/ sangs rgyas stong rtsa brgyad kyi thugs yang dag pa'i ye shes las grub pa/ lha ma srin sde brgyad
224a6 kyis mchod cing phyag byas pa/nyi ma stong gi gzi dang ldan pa/ dbu skra kham pa gyen la brdzes pa/ spyan sdang mig me ltar 'bar ba/ shangs kyi rlung sgrom nas bskal pa'i rlung 'byung ba/ zhal gyi mche ba rdo rje zla tshes su gtsigs pa/ rin
224a7 po che margat+tas dbu brgyan pa/rigs lnga'i rgyal ba mi bskyod pa bzhugs pa/ thod pa skam rlon gyi dbu rgyan dang mgur chu can/ mchog dang glang gi ko bas brgyan pa/ lag na ye shes kyi rdo rje rtse lnga pa 'dzin pa/ klu'i rgyal po gzi can gyis
224b1 thod du bcings pa/klu tak+Sha kas rked chings byas pa/ klu kun nas gdugs dang / sog ma med kyis gdan khri byas te/ khro bo chen po'i cha byad du byas nas bzhugs so/ /de'i 'khor ni tshangs pa dang / 'jug sred dang / brgya byin dang / ma hA kA li dang /
224b2 drang srong me bzhi 'jug dang / thang la gnas dang / gshin rje rtel pa nag po dang / srin po rA ma Na dang / chu'i lha dang / rlung gi lha dang / gnod sbyin chen po ku be ra dang / 'byung po dbang ldan dang / nyi ma dang / zla ba dang / skar ma dang / sa bdag
224b3 lag chen dang /ma mo nag mo ral gcig ma dang / lto 'phye rab brtan dang / grul bum dang / dri za dang / mi'am ci dang / rnam thos kyi bu dang / lha ma yin dang / nam mkha' lding dang / 'byung po pho mo dang / gcan gzan gyi tshogs ni seng ge dang /
224b4 stag dang / khwa dang / spyang gi dang / dom dang / chu srin dang / gung dang / gzig dang / ce spyang dang / sre mo dang / khyi li 'du dang / 'phar ba dang / sram dang / bya'i tshogs kyang bya rgod dang / chu klag dang / dur bya kang+ka dang / bzhad dang / khyung
224b5 dang /bya rog dang / so bya dang / 'ug pa dang / khra dang / skye ga dang / srin bya dang / shang shang te'u dang / ne tso yang yod do/ /gzhan yang glang po dang / sha sbrang dang / sbrul gdug pa can dang / rus sbal dang / rnga mo dang / bse dang / phag rgod
224b6 dang /ba men dang / khyi snya dang / sha ba dang / gla ba la sogs pas bskor te bzhugs so/ /de'i tshe 'khor 'dus pa de rnams kyi nang nas glang po che rab tu brtan pa gtsug na gser gyi dra bas brgyan pa/ mgo bo sum cu rtsa gsum yod pa'i steng na/
224b7 nye dbang sum cu rtsa gnyis kyi dbus nas/ lha rnams kyi dbang po brgya byin zhes bya ba/ spyi bo'i gtsug na yid bzhin gyi nor bu rin po che 'bar ba/ lus la gser dang / bai DUr+yas brgyan pa/ des 'khor los sgyur ba'i cha byad du byas nas/ glang po che'i stan
225a1 las langs te/dpal phyag na rdo rje la bskor ba lan gsum byas nas/ rgyal srid rin po che sna bdun gyis mchod pa byas so/ /de nas brgya byin gyis 'di skad ces gsol to/ /rdo rje 'dzin pa gsang dbang po/ /yid bzhin nor bu rab 'dra zhing / /dngos grub
225a2 tshogs la mnga' brnyes khyod//snying rje bdag po yin pas na/ /ma 'ongs sems can skal ldan gyi/ /rdo rje mkha' 'gro go 'phang mchog /nag mo me lce 'bar ba'i rgyud/ /bdag ni khyod la dri bar 'tshal/ /deng 'dir ston pas skabs 'byed zhu/ /zhes gsol pa
225a3 dang /dpal hU~M mdzad chen po des me 'bar ba'i gdan las bzhengs te/ rdo rje rnam par bsgyings pa'i ting nge 'dzin la snyoms par zhugs nas/ brgya byin la seng ge'i lta stangs kyis gzigs nas/ glang po che'i 'gying bag tu gom pa gsum bor te/ hU~M hU~M hU~M gi sngags bzlas
225a4 te/ye shes kyi phyag gis rdo rje lan gsum nam mkha' la dril te/ 'jig rten gyi khams 'di rnam pa drug tu g.yos so/ /de nas dpal phyag na rdo rjes 'di skad ces bka' stsal to/ /snying rje'i yid kyis brgya byin nyon/ /skal ldan dus mtha'i sems can rnams/ /mi nub
225a5 chos kyi rgyal mtshan dang //rdo rje mkha' 'gro me lce'i rgyud/ /bdag gzhan don la 'jigs med pa/ /ngas bshad khyod kyi yid kyis zung / zhes bka' stsal pa dang / brgya byin la sogs pa'i 'khor shin tu dga' ba dang / spro ba skyes nas/ la las ni me tog man+dA ra ba dang /
225a6 puN+Da ri ka dang / pad+ma dang / ut+pa la dang / tsam pa ka dang / bu ram dang / bdug spos dang / mar me dang / byug pa dang / kha zas dang / gdugs dang / ba dan dang / bsil yab dang / bla re dang / rgyal mtshan dang / 'phan la sogs pa phyi'i mchod pas mchod do/ /
225a7 'khor la las ni bdud rtsi rnam pa lnga dang / lcags kyu la sogs pa nang gi mchod pas mchod do/ /'khor la las lha mo dang gnod sbyin mo'i cha byad du byas nas gsang ba'i mchod pas phul lo/ /de nas dpal phyag na rdo rje la lha'i dbang po brgya byin gyis 'di skad ces
225b1 gsol to//khro chen dus mtha'i me ltar 'bar/ /drag po hU~M mdzad rdo rje 'dzin/ /da ltar 'dod pa'i khams 'di na/ /lha mo nag mo zhes bya ba/ /gtum zhing khro la lus kyang 'jigs/ /srid gsum skrag pa'i nus mthu can/ /dngos grub dam pa'i gzhir gyur 'di/ /dang po gleng
225b2 gzhi rgyu yi rgyud//slob dpon slob ma gang gi rgyud/ /don dam kun rdzob lta ba'i rgyud/ /dkyil 'khor dam pa gsum gyi rgyud/ /thang ka lha rten sku gzugs rgyud/ /dpon dang g.yog ni dam rdzas rgyud/ /bskyed dang rdzogs ni ting 'dzin rgyud/ /rje dang khol gyi sngags
225b3 kyi rgyud//bca' ba phyag rgya bcu gnyis rgyud/ /mchod pa gtor ma sbyin sreg rgyud/ /'da' bar dka' ba dam tshig rgyud/ /grub pa'i drod tshad mtshan ma'i rgyud/ /spogs dang gnad la dbab pa'i rgyud/ /mi 'bral 'grogs pa gzungs kyi rgyud/ /pra dang mtshan ma
225b4 dbab pa'i rgyud//dbang bskur gnang ba sbyin pa'i rgyud/ /so so las kyi bye brag rgyud/ /mar me dang ni bdud rtsi rgyud/ /thig le ye shes man ngag rgyud/ /lha srin sde brgyad bstod pa'i rgyud/ /'khor la yongs su gtad pa'i rgyud/ /tha ma lung du bstan pa'i rgyud/ /
225b5 dgos 'brel nyi shu rtsa gnyis gang / /ston pas bka' stsol bdag nyan 'tshal/ /de skad ces gsol pa dang / dpal phyag na rdo rjes bka' stsal pa/ brgya byin la sogs pa khyed rnams kyis/ rdo rje mkha' 'gro ma'i dngos grub 'byung ba'i rgyud
225b6 chen po zhu ba zhus pa legs so legs so//khyed kyang rab tu nyon la yid la zung shig /ngas rnam par phye ba bstan par bya'o/ /sngon 'dod pa'i khams 'di nyid na/ ri rab kyi rtse byang shar gyi mtshams/ shing yongs 'dus brtol zhes bya ba/
225b7 rtse mo na bya khyung ga ru Na gnas pa/ lo ma la 'dod pa'i yon tan lnga rang 'byung ba/ 'bras bu la rin po che sna bdun lo tog ltar smin pa/ yal ga'i rtse g.yu'i ze ba'i bar bar na/ lha dang lha mo dang / gza' dang skar ma dang / nyi ma dang zla
226a1 ba'i tshogs kyis brgyan pa/rtsa ba'i ngos la khrus kyi rdzing bu bdun la/ re re la shing rta re re/ shing rta re re la bu mo bdun bdun/ bu mo re re la g.yog mo bdun bdun/ g.yog mo re re la rma bya bdun bdun yod do/ /shing rta de'i sa phyogs
226a2 na/sman gyi rnam pa sna tshogs dang / lo tog gi rigs khri phrag bzhi rang skye ba tsan+dan dang / ga bur dang / go shiR+Sha dang / sbrul gyi snying po rdzing bu lnga brgyas bskor te/ de lta bu'i shing de thun mong gi bsod nams kyis skyes so/ /de'i dus la 'dod pa'i
226a3 shing de ni lha rnams kyis dbang byed pa'i tshe/ri rab kyi rtsa ba na 'od mi snang ba zhes bya ba'i gnas na/ lha ma yin gyi rgyal po sum brtsegs dang / thags zangs ris dang / he ran+na ke shun dang / rnam par snang byed dang / rab sim dang / sgra gcan 'dzin
226a4 la sogs pa bye ba dung phyur tsam/shin tu mi sdug pa'i cha byad du byas nas/ rab tu rngam pa'i nga ro dang / 'jigs shing skrag pa'i mtshon cha thogs nas/ ri rab kyi kha chos zhes bya bar lhags so/ /de nas ri rab kyi kha la lha ba su de ba
226a5 dang /lha ma hA de ba dang / brgya byin nyid la sogs pa/ lha bye ba dung phyur la lha ma yin rnams kyis 'di skad ces smras so/ /ri rab rtse gnas sum cu rtsa gsum lha/ /shing 'di'i lha dang lha min thun mong las/ /da lta 'dod pa'i khyed cag lha
226a6 dbang na//da ni nged cag lha min bdud la blang / /zhes smras pa dang / lha rnams kyis slar smras pa/ dpag bsam shing la 'dod yon bsam yas kyang / /bsod nams dbang gis lha la yongs su grub/ /gzhan la yod na skams shing med par
226a7 'gyur//de bas khyed la ljon shing nged mi ster/ /zhes smras pa dang / slar lha la smras pa/ thun mong las grub bde ldan ljon pa'i shing / /lha yis dbang byas nged la mi ster na/ /'jig rten sreg pa'i mtshon gyi char phab la/ /lha dang lha min g.yul
226b1 chen 'gyed ces zer//ces smras te/ slar yang song nas lha ma yin gyis dmag drangs so/ /glang po che sa srung gi mgo sum cu rtsa gnyis la gnod sbyin sum cu rtsa gnyis zhon te/ dbus kyi mgo la dbang po thags zangs ris zhon te/ glang po che'i sna
226b2 la ka ma la nag po btags te/lha ma yin gyi dmag bye ba dung phyur gyis bskor te/ rdzu 'phrul gyis nam mkha' la mtshon gyi char chen po me lce 'bar ba 'dra ba'i char 'bebs te dmag drangs so/ /de nas chos zhes bya ba'i gdan sar lha rnams
226b3 'tshogs te/'thab par brtsams pa dang / dang po lha rnams kyis khro ma shes nas rtsub 'gyur gyi khang pa na/ khro bo lang+ka nag po khros pa'i kha chu khro chu'i rdzing bu bdun pa'i 'khyil pa las 'thungs so/ /der lha rnams zhe sdang skyes te shin tu khro bar gyur nas/
226b4 bzo'i lha bi sho kar mas nub gcig la gser khrab bye ba phrag dgu 'bum rang brdungs so/ /lha ma hA kro d+ha sa nub gcig la mtshon ral gri dang / 'khor lo dang / thod pa dang / lcags kyu dang / dgra sta dang / mdung rtse gsum pa bye ba phrag dgu khri dgu
226b5 'bum rang brdungs so//dus de tsam na lha rnams go mtshon thogs te/ glang po che rab tu brtan pa'i mgo sum cu rtsa gnyis la nye dbang sum cu rtsa gnyis zhon/ dbus kyi mgo bo la lha'i dbang po brgya byin zhon/ lha dmag bye ba dung phyur gyis mtha'
226b6 brten te/glang po che'i sna la ral gri btags nas lha dang lha ma yin gnyis g.yul bkye'o/ /dus de tsam na lhas mtshon brgyab pa rnams ni/ khrag gar phog pa la bdud kyi dmag mi khri khri tsam du 'phel lo/ /lha ma yin gyis mtshon brgyab pa la ni khrag
226b7 la dmag ma 'phel bar shi'o//der lha thams cad gting 'pham ste/ lha ma yin rab tu rgyal ba'i dus su/ phyag na rdo rje nyid kyis lha rnams rgyal bar bya ba'i phyir/ dpal be'u dbus nas hU~M mthing nag 'bar ba gcig sprul te/ lha biTh+Nu rA dza'i
227a1 dpral ba'i dbyings su lcags kyi mdzer pa cig tu gyur to//mdzer pa brtol ba'i nang nas bud med sngon mo dbu skra bai DUr+ya'i chun 'phyangs can/ mig ut+pa la'i 'dab ma 'dra ba/ mtshan dang dpe byad du ldan pa cig byung ngo / /de la lha rnams kyis
227a2 ming btags pa/lha mo u ma de ba bya bar btags/ lha'i bu mo de kun gyi chung mar 'dod pa la/ nam mkha' la phyag na rdo rjes nga'i sprul pa'i tshigs bcad 'di bsgrags so/ /lha yi rgyal srid mtho zhing brtan pa dang / /ris drug sems can
227a3 dge la dgod pa dang //lha min bdud kyi g.yul chen bzlog pa'i phyir/ /dbang phyug lha la u ma chung mar byin/ /zhes bsgrags so/ /dus de'i tshe na 'dzam bu'i gling gi nub byang mtshams/ yak+Sha ka ma la 'bar ba'i dur khrod na/ lha ma hwA de ba dge
227a4 slong gi cha lugs su 'gog pa'i brtul zhugs drag po la zhugs pa'i drung du u ma de ba khrid nas zhag bdun phrag bdun drod la btsas pas/'dod pa'i 'khrig pa spyad do/ /'khrig pa spyad pa'i dbang gis bar snang la gza' dang skar ma byung ngo / /der lha mo
227a5 u ma de ba la bu tsha ming sring gnyis skyes so//ming po ni gshin rje ma hA kA la zhes grags so/ /sring mo ni lha mo dmar mo tsa muN+Di zhes bya bar grags so/ /gshin rje ming sring de gnyis chos lha'i 'dun sar khrid nas phyin to/ /de nas phyag na
227a6 rdo rje nyid kyis//gshin rje'i ming sring la/ ma hA yak+Sha bdud las rnam par rgyal ba'i dbang bskur te/ sngar bzhin du lha dang lha ma yin gnyis g.yul chen po bkye'o/ /de nas gshin rje ma hA kA las/ lag na gsal shing ri rab tsam gcig gis/
227a7 lha ma yin gyi g.yul ngor dril bas g.yul bzlog go/ /tsa muN+Di'i ral gri me lce phreng ba zhes bya bas/ lha ma yin he ra Na ke shu'i mgo bcad do/ /de nas lha dmag mang pos kyang lha ma yin la mtshon cha'i char phab nas/ khrag rnams
227b1 dmag mir sprul pa 'dra ste/lha mo tsa muN+Dis he ra Na ke shu'i thod pas/ khrag bcus shing rol pas 'phel ma nus par byed kyin mtshon gyi char phab nas/ tsa muN+Di'i lte ba la lha bye ba dung phyur rnams kyi rdzong byas pas 'thabs so/ /lha dmag dkar po rgyal
227b2 bar byas shing dpag bsam shing gi mnga' bdag tu gyur te/rnam par rgyal ba'i khang rang byung du yod do/ /lha ma yin 'pham par gyur to/ /brgya byin nyon cig /de nas lha'i bu mo tsa muN+Di des/ ri khrod chen po mdangs dga'
227b3 zhes bya bar/shing ri khrod zhes bya ba'i lo ma gyon nas/ lo bdun du 'phags pa mi pham pa'i gzungs bzlas pas/ lha mo par+N+Na sha ba ri ri khrod lo ma can zhes bya bar gyur to/ /de nas lha mo des klu dung gi mdzer ba can zhes bya ba'i byang
227b4 chub sems dpa' de bya khyung ka ru Na zhes bya bas 'tshe ba la/lha mo par+N+Na sha ba ri des bya khyung btul bas klu bskyangs te/ lha mo dkar mo dung skyong ma zhes bya bar gyur to/ /lha mo dung skyong ma de ni ri rab rtse mo rnam par rgyal ba'i khang rtsa/
227b5 byang shar gyi mtshams byang chub kyi shing drung na/ rin po che'i khang pa bdun brtsegs kyi gzhal yas kyi khang na/ rin po che'i khri stengs na/ gser dngul bai DUr+ya'i dbu rgyan dang mgur chus brgyan te/ lus 'gying bag tu bzhugs so/ /lha'i bu
227b6 dang bu mo mang pos kyang longs spyod dang /glu dang dbyangs dang / rol mo bsam gyis mi khyab pa'i mchod pa byed do/ /brgya byin nyon cig /de nas yul lang+ka pu ri ru srin po'i grong khyer bdun 'bum yod pa la/ lha rnams kyis skyon phab ste/ srin
227b7 po da sha ba dang /de'i sring mo rna la rtse gnyis lus so/ /de nas srin po da sha grI bas/ lha dang mi 'dul 'dod pa'i don ched du/ sring mo lha ma hA de ba la btsun mor phul lo/ /de nas lha dbang phyug ma hA de ba dang / sring mo rna la rtse gnyis tshogs
228a1 pa las/phas ni khye 'ur smon lam btab/ mas ni bu mor smon lam btab/ ma'i smon lam mthu btsan pas/ ya mtshan can gyi bu mo gcig byung / pha khros phas thal khung du bor ro/ /mas slar blangs nas lus kyi drod la
228a2 btsas nas/A u b+h+rU~M zhes tshe drangs gsos te/ phas ming btags pa sbas pa'i thal mdog mar ming btags/ mas ming mi pham khro gnyer ro langs mar ming btags/ gnod sbyin lag na rdo rjes dmod btsugs nas ming btags pa/
228a3 dus thams cad du nag mo re ma ti zhes bya bar grags par gyur nas/ sangs rgyas kyi bstan pa bsrung ba'i nus mthu dang ldan par gyur cig ces ming du btags pa'i tshe/ bar snang gi lha ma srin sde brgyad po yongs kyis kyang de ltar
228a4 gyur cig ces bzlas so//de nas skye ba thams cad du nag mo re ma ti zhes bya bar grags so/ /lha mo dung skyong mas ming btags pa ni/ srin mo dmar 'dab phur pa'i lha gser can zhes bya bar ming btags so/ /dus der srin po
228a5 da sha grI ba des/nga ni lceb bo lceb bo'i sgras 'jig rten du grags so/ /sring mo dang rna la rtse gnyis kyis ming po ma lceb par ci 'dod pa nga la smros shig ces gsol to/ /da sha grI bas gsol pa/ nga ni lha mo dung skyong 'dod do zhes gsol to/ /
228a6 sring mos smras pa/ nga'i bu mo phur pa'i lha 'di ni lha mo dung skyong gi khol mo byed du gsol te/ de nas gdod bslu'o zhes smras so/ /de nas rna la rtse yis bu mo khrid nas dkar mo dungaskyong gi g.yog du phul lo/ /de nas re ma tis dkar mo dung
228a7 skyong la 'di skad ces gsol to//kye che zhe chen mo rigs kyi yum/ /bdag nyid chen mo ga gar ma/ /dbu bzang rin chen thor tshugs la/ /bai DUr sngon mo 'od lam lam/ /zhal bzang pad+ma'i dkyil 'khor du/ /nyi zla phyugs gcig rgyan bkod de/ /
228b1 tshems bzang dung la ljags bzang me/ /khyod 'dra 'jig rten khams na med/ /bdag ni khyod kyi gtan 'bangs bgyi/ /khyod kyis bdag la thugs brtser dgongs/ /bdag kyang glo ba nye bar bgyi/ /ces gsol to/ /de nas lha mo'i
228b2 g.yog mo byas nas glo ba nye bar byas te lha mo'i yid la ci 'dod pa dgos pa byas so//de nas lha mo yang khol mo de la dgyes nas gces par byed de/ de'i tshe de'i dus na yul lang ka pu ri ru/ spre'u 'bal le dang mgrin
228b3 'thabs pa la lha thams cad ltad mo la 'gro bas/lha mo u mas bu mo dung skyong ma la 'di skad ces smras so/ /de ring khyod kyi gan du su 'ongs pas khyod bslu ste 'ong bas/ de la ma lta cig ces bstan tsam na/ khol
228b4 mos skabs der da sha grI ba la sbran no//der srin po da sha grI bas/ srin gyi bong bu dmar gwa la zhon nas/ lha mo'i pho brang sgor phyin te srin po kho bdag ni mi'i cha byad la shin tu gzugs bzang la mdzes pa cig tu sprul/ bong bu ni gwa dor
228b5 smug po cig tu sprul te/lha mo dung skyong ma'i spyan sngar phyin nas/ rol mo'i sil snyan dang glu dbyangs sna tshogs byas pas bslus so/ /lha mo rol mo la dga' bas 'dzum cig shor ro/ /de nas srin pos glags rnyed de/ lcags kyi lham sgrog sngon
228b6 po bkrol nas bzung ste glu 'di skad blangs so//kye yongs 'du shing gi gnas mchog na/ /rin chen mdzes pa'i pho brang nas/ /bde ldan 'phrul gyi lding khang na/ /'gying bag tshul du gar mdzad pa/ /dbang phyug sras mo ma lags sam/ /dga' byed
228b7 dung skyong ma lags sam//lha mo mang po'i tshogs dang rol/ /dbu yi snyan cha gdub 'khor ni/ /rin chen mdzes pas kun nas spras/ /spyan ni ut+pal 'dab ma 'dra/ /shangs ni bil ba'i 'bras bu 'dra/ /zhal nas ut+pal ngad kyang bro/ /sku ni 'khril
229a1 ldem gzhon tshul 'dra//gsung ni tshangs pa'i dbyangs snyan mchog /nu 'bur stod smad phyed pas 'gying / /khyod 'dra'i sku ni gzhan na dkon/ /lha yi longs spyod mdzes pas mi brel yang / /zhabs kyi chas su lcags sgrog 'di 'bul zhes/ /
229a2 ci mdzad ci sdug ci yang gsung ba snyan/ /khams gsum dag na khyod 'dra shin tu dkon/ /sems can kun gyis lta bas mi ngoms khyod/ /bdag gis dbul 'di bzhes par gnang bar mdzod/ /ces phul ba la/ lha mos lcags sgrog blangs so/ /
229a3 de nas rang gi rkang pa g.yas pa la dkris te rgyan byas so/ /de nas khol mo des/ jo mo dung skyong ma la zhus pa/ kye jo mo bde mchog dung skyong ma/ bdag zhu ba gcig mchis na gnang ngam byas pa la/ jo mo na re khyod glo ba nye bas ci zhus pa
229a4 gnang ngo zer ro//de nas lha ni ngag bden pa'i sdom pa yod pas/ ji skad smras pa ltar byed pa yin no/ /de nas khol mos gsol pa/ kye bdag gi yun gyi rjer gyur dung skyong ma/ /khyod 'dra 'jig rten gzhan na med/ /'grogs pas zla
229a5 med skar ma gcig shar 'dra//deng 'dir mchis pas lcags sgrog 'bul mkhan de/ /gtan gyi grogs zlar mdzad par zhu ba 'bul/ /bdag kyang rtag tu khyod kyi bran mo byed/ /zhes zhus pa la/ lha mo des sngar khas blangs pa des mi
229a6 bya ba'i dbang med nas/lha mo na re khyor bya'i mi de gang na 'dug /su yin byas pa la/ khol mos smras pa/ de ni bdag gi zhang po srin po da sha grI pa yin/ yul lang+ka pu ra na 'dug ces smras pa dang / de nas dung skyong ma dbang med du srin
229a7 po'i chung mar song ngo //de nas lha mo u mas bu mo dung skyong ma la dmod pa bor ba nga'i bu mo rab tu gces par byas te/ lha'i longs spyod mdzes pas mi brel yang / nga la gsangs la srin po'i chung mar song / /phyin cad bu mo khyod
229b1 kyang srin dang 'grogs/mi sha za yi mi lpags gyon par gyur/ srog gcod byed cing mi yi thod khrag thogs/ /bong bu zhon la lha yi kha dog nyams/ /srin gyi kha dog nag la 'jigs par shog /de yi khol mo re ma ti khyod kyang / /nga yi bu mo
229b2 bslus te srin la byin//khyod kyang mi sdug 'jigs pa'i gdong du gyur/ /tshe rabs kun du khyo dang ma phrad cig /ces dmod pa bcu gnyis pa bor ro/ /de nas bu mo la ma'i dmod pas bsdigs nas lha'i kha dog dkar po nyams te mthing nag tu gyur/
229b3 mi sha za mi khrag 'thung / mi lpags gyon bong bu zhon/ gcer bur bud nas 'dug go/ /bu ni srin po phru gu seng ge zla dang / me tog cod pan dang / gangs can dang / mche ba bdun la sogs pa lnga brgya skyes tsam na/ khyo srin po da sha grI ba
229b4 shi'o//de nas bu mo dung skyong ma yang yugs sa'i cha lugs byas te/ skra mdun skra lan bu gcig la blas so/ /bran mo phur pa'i lha yang dmod pas bsdigs pas/ srin gyi phag rdzi byed tsam na/ phag rdzi dun bu srin bya bas mo la dbang med
229b5 du chags pa spyad do//de nas phur pa lha yang nal bu sbrum mo/ /de nas dpon g.yog gnyis kyis srin po'i bong bu brkus pa zhon nas/ da sha grI ba'i ral gri sdig pa can brkus pa g.yas na thogs/ srin po'i nor bu rin po che brkus nas ne'u le'i
229b6 rkyal bur sbas nas/lag pa g.yon du thogs nas bros so/ /phyi nas srin po'i dmag gis bsad kyis dogs nas/ bong bu bskyod nas kha phyir bstan te/ phyi na srin po bya ra byed cing phyin no/ /tha mar dur khrod gcig tu phyin na skyes pa
229b7 g.yul du bsad pa'i ro gcig dang phrad do//de nas khong gnyis sha de bsregs nas za 'dod pa la gtsub shing med nas/ rgya mtsho'i 'gram na rdo sol gyi ri la char bab nas me 'bar ba mthong nas rdo sol me blangs nas sha bsregs nas
230a1 zos so//phyi na khyi dkar po gcig 'brang ba yang bsad nas zos so/ /pags pa la rgyal mtshan byas so/ /de nas khol mo re ma ti la nal phrug skyes so/ /khong gnyis kyis na la phrug gi sha yang zos so/ /de nas jo mos bong bu la
230a2 zhon khol mos kha khrid byas nas rgya mtsho'i khar phyin nas/gshin rje rlung gi 'khor lo can zhag bdun bsgoms pas/ rlung nag tshub ma nag po gcig drung der grub bo/ /de nas lha mo dpon g.yog gnyis kyis/ snang srid kyi lha 'dre mthu bo che
230a3 bos nas smon lam btab pa/nga yang tshe 'di 'phos ma thag tu gsang sngags kyi grub pa thob nas rgyal ba'i zhal mthong ste/ 'dod pa'i khams kyi dbang phyug mar shog shig /nga'i bran mo phur pa'i lha 'di yang dus thams cad du nga'i 'bangs ka ma
230a4 lar shog shig /nor du mi mgo la longs spyod par shog shig /zhon pa bong bu la byed la/ lag cha ral gri la byed par shog shig ces smras so/ /rgya mtsho bskor zhing rlung tshub ma la bA ya be bA ya be zhes bos tsam na/ tshub ma byung bas dpon g.yog
230a5 gnyis ka rgya mtsho'i nang du bskyur te btang ngo //de nas lha mo dung skyong ma des mi sha zos pa'i mthu dang / rang gi smon lam gyi dbang gis/ rgya mtsho'i 'gram du dur khrod chen po ro'i tshal zhes bya bar/ gshin rje'i lha mthu can gyi bu mor skyes te/ gnod sbyin ma
230a6 chen mo la kha dog mthing nag la rab tu 'jigs pa/mig rtsa dmar ba mche ba zang yag la ral pa ting za pang du 'dug pa cig tu gyur te/ gshin rje ma ru rtse dang sbyor ba byas pa la bu bdud khram nag po bya ba byung / bong bu yang dmar gwa la g.yu'i
230a7 rna ba can rlung gi gshog pa can/mig mjug mar yod pa cig tu byung nas nor skal byed do/ /de nas khol mo re ma ti ro langs ma 'di ni skye ba gang blangs zhe na/ rgya mtsho'i nang du bud med lus po phyed skams la chu srin gyi mgo can gcig tu skyes
230b1 te/ming yang klu mo gzhogs skams chu srin mgo klu mo re ma ti zhes bya bar btags nas/ zhag dgu bcu na tshe 'phos nas/ skye ba blangs pa ni yul dri za'i grong khyer gser sdings skyed mos tshal zhes bya ba na/ dug shing nag po 'gyur med kyi rtsa ba na
230b2 bdud ri ti 'gong nyag dang /dran pa dbang byed gnyis byi byas pa la zhag drug cu rtsa gcig na bu mo gcig skyes te/ phas ni srid pa gsum gyi blo 'phrog mar btags/ mas ming btags pa ni ya mtshan 'phrul gyi gshog pa can du btags/ bdud pho mo
230b3 gnyis kyis rang gi bu mo la skra nyag re la gser dang /bai DUr+ya'i chun 'phyang dang / rin po che'i dbu rgyan dang / nyi zla'i thod gdengs dang / thod pa'i mgur chu dang / sbrul gyi gdu bus brgyan te/ byi byas pa'i nal phrug yin pas/ bdud kyis rin po che sna
230b4 lnga'i khang pa'i dbus su thod pa'i gzhal yas khang byas/thod pa'i nang du yang thod 'phrul gyi lding khang grub/ de'i nang du khang pa bdun brtsegs kyi bdun tshogs kyi nang du/ mi ro 'bum gyi khri stengs su bu mo de sus ma mthong sus kyang ma tshor bar sbas te/
230b5 sgo smra bo lag dang / nam gru khrab thogs kyis bcad do/ /bdud kyi dmag gi rgyal mo dang / gling bzhi'i rgyal mo dang / sa bdag gi rgyal mo dang / de rnams kyis khang pa de rab tu srung zhing 'khod do/ /brgya byin nyon cig /de'i tshe na lha mo dung skyong
230b6 ma ni/sngon gyi khol mo re ma ti ro langs ma bdud kyi bu mor skyes pa bkug nas khol 'dod pa las/ phyag na rdo rje nga'i gsang sngags bye ba phrag brgyad bzlas pas/ gsang sngags de'i byin gyi brlabs las/ mkha' 'gro'i ting nge 'dzin
230b7 grub pa mo/lag na pad+ma he ru ka thogs pa gcig rang byung bas/ ma bdud kyi yul dang pho brang kun byin gyis brlabs pa'i tshe na/ bdud kyi rgyal po dang / blon po dang / 'khor rnams dran pa med par myos par gyur to/ /bdud kyi bu mo re ma
231a1 ti des sngon gyi jo mo lha mo dung skyong ma dran pas/yid phyogs te dung skyong ma'i spyan sngar 'gro 'dod pa'i bsam pa drag po byung nas/ bdud ri ti 'gong nyag gi mtshon bdud kyi khram bam nag po de/ bu mo re ma tis brkus nas/ lag
231a2 pa g.yas su thogs/ma'i tshon gyi gru gu sngon dmar de brkus nas lag pa g.yon na thogs nas/ nam phar phyed tshur phyed na jo mo dung skyong ma'i gan du bros te phyin nas/ lus gcer bur 'dug pa la/ khyim bdag rab sbyin gsal gyi
231a3 ba rdzi mo dmangs rigs mo bya ha mu zhes bya ba de re lde nag po gyon nas 'dug pa dang phrad/mos dmangs rigs mo bsad nas sha zos/ pags pa rked la dkris/ de'i gos re lde bshus nas bdud mo nyid gyon nas phyin tsam na/ lam khar
231a4 srin mo purna shi ba'i gsur khrag /nad kyi rdzing bu cig yod pa'i khar phyin pa las/ bdud mo re ma tis skom nas thog cig 'thungs tsam na/ kha rlangs las nad du song bas/ mo'i kha rlangs gar phog pas rims nad byung ngo / /der mo rang
231a5 yang ngo tsha skyes nas/sngar gyi dmangs rigs mo bsad pa'i rlud bu rked las bkrol te/ nang nad kyi rdzing bus bkang nas/ kha sbrul gyis bcings te/ mchan khung du sbas nas/ sems can la gdug par bya bar bsams te/ phyin tsam
231a6 na/btsan skya rdo rje zla ba dang phrad pa na re bdud mo chen mo chags pa spyad dgos/ rngan pa yang sbyin zer nas/ mo bzung nas chags pa spyad pa'i khu ba thigs pa gcig 'dzam bu'i gling du bo ba ni jong ji dkar por song / der btsan skya rdo rje
231a7 zla ba'i lag na shod rde'u dkar nag gang la bor ba phung bar byed pa bdun yod pa la/mo la byi rngan du byin pa de blangs te/ lag pa g.yon du bzung nas/ grong khyer sbrang ldan zhes bya bar phyin tsam na/ rgyal po seng ge rtsal la bsod snyoms
231b1 byas te/sbrang rtsi lhung bzed gang phul nas/ sbrang rtsi lag tu len khar phyag tshang bas hub byas nas mo la sbyin/ mos blangs tsam na/ bar snang gi lha rnams kyis bdud mo/ rgyal po'i khol mo'i lhag ma dang kha 'phro 'thung ngam/ che ba nyams
231b2 so zhes zer tsam na/bdud mo re ma ti khros pas yid 'khrugs te/ rgyal rigs la der rims nad btang ngo / /der rgyal po'i dkor zangs kyi dra ba dgu phul nas rims bcad do/ /de nas nag mo re ma ti des/ rgya mtsho'i 'gram du dur khrod chen po
231b3 ro'i tshal du sngon gyi jo mo dung skyong ma'i spyan sngar phyin to//de nas dpon g.yog gnyis 'grogs nas/ srid pa gsum gyi sems can zad cing stongs par byed pa'i dus de tsam na/ jo mo dung skyong ma'i zhon pa srin gyi bong bu dmar gwa dang /
231b4 srin mo rna la dun rtse'i rgod ma zangs kyi so can gnyis chags pa spyad pa las/ dre'u mo sngon mo rlung gi gshog pa can gcig byung ba de/ rgyu ma'i mthur la zangs kyi sga bstad nas/ lha mo dung skyong mas khol mo re ma ti la zhon par byin/
231b5 der jo mo ni bong bu dmar gwa la zhon/ khol mos dre'u sngon mo la zhon/ rje mos mi pags gon thod pa dang ral gri lag na thogs/ khol mos re lde nag po gyon/ lag na khram bam dang / shod rde'u thogs/ de nas shin tu mthu
231b6 rtsal che ste skye ba rnam bzhi'i sems can yo zad cing stongs pa tsam du zos so//'jig rten gyi mkha' 'gro ma/ dkar mo'i tshogs dang / sngon mo dang dmar mo dang / ser mo'i tshogs dang / lha mo dang / bdud
231b7 mo dang /srin mo dang / bsam gyis mi khyab pa mang po yang lha mo rje khol gyi 'bangs bgyi zer zhing bran du 'ongs so/ /brgya byin nyon cig dus de tsam na lha mo dpon g.yog gnyis/ bud med kyi rang bzhin du gyur pa nyid kyis/ rtag par 'dod
232a1 pa'i 'khrig pa spyad pa'i ched du khyo dgu dang sbyor ba byed de/jo mo la khyo lnga khol mo la khyo bzhi yod de/ rje mo'i khyo lnga ni/ gza' rA hu la/ srin po sgra ldan/ gshin rje mA ru rtse/ bdud char ka nag po/ klu kun la dang lnga/
232a2 khol mo'i khyo bzhi ni/ 'byung po dge ba dang / bgegs bI na ya ka dang / gnod sbyin yak+sha ka pa la dang / rlung bA ya be dang bzhi'o/ /de ltar dpon g.yog gnyis kyi khyo dgu ni/ nyin par ni mchan khung g.yon du bskungs shing sbed
232a3 la/mtshan mo dur khrod du bskung zhing sbyor ba byed do/ /brgya byin nyon cig de nas lha'i bu mo la sngon gyi las 'phros 'brel zhing dge ba spyad pa'i shugs kyis/ byang chub kyi shing drung na/ bcom ldan 'das bzhugs pa'i spyan sngar
232a4 phyin nas/lha mo des byang chub mchog tu sems bskyed de/ bcom ldan 'das kyi zhabs la phyag 'tshal nas rang gi snying po 'di phul lo/ /tad+ya thA/ o~M ru ru be ti sta ba do si/ ru ru ro ru be sti sta ba do si/ tsa pa la a shug+me hU~M b+h+yo dzaH/ zhes
232a5 phul lo//khol mos rang gi snying po phul ba/ tad+ya thA/ o~M ru ru be ro ru hU~M ti snga to si/ rag+mo tsit+ta kha rag+ma dun b+h+yo/ ma ma trag+Ra k+sha kha mun+t+ra ba tra rak+sha tsit+ta kha rag+ma duM hU~M b+h+yo/ ru lu sa ma ya phra ma ma hA sti phra b+h+yo zhes phul lo/ /de nas byang chub mchog
232a6 tu sems bskyed nas lha mo dpon g.yog gnyis kyis a su ra'i brag phug tu phyin pa las bram ze mchog sred sgrub pa byed pa dang phrad do//lha mos khyod 'di na ci byed byas pa la/ bram ze mchog sred kyis smras pa/ sngon khams 'di nyid
232a7 na dge slong brtan pa'i sde dang /dge slong ma dar ri sde gnyis khrims nyams te rgyal po'i chad pas bsad do/ /de skye ba 'phos pa ni/ bdud laM nga 'ge'u ri dang / ro sha kha 'dar gnyis su gyur te/ yul mi ci yod zad par zos nas/
232b1 de nas nga la za res bab pas/ nga ni bdud 'dul ba'i phyir/ yum e ka dza Ti ral gcig ma/ bsgrub bo zhes zer ro/ /dung skyong ma na re 'o na nged dpon g.yog kyang bsgrub par bya na/ yon tan de lta bu yod dam byas pa na/ bram ze na re khyed
232b2 gnyis dngos grub ci 'dod pa yin/lha mo na re nged gnyis 'dod pa'i khams kyi dbang mo cher gyur nas/ sangs rgyas kyi bstan pa bsrung ba'i grub pa 'dod byas pa la/ 'o na grub par bya'o zhes zer nas/ bram ze dang lha mo dpon g.yog
232b3 bsgrub pa byas pas yum e ka dza Ti zhal mthong nas grub pa thob bo//yum e ka dza Tis/ lha mo dung skyong ma'i ming ni/ dpal lha mo nag mo ma hA kA li zhes btags so/ /khol mo'i ming ni yak+sha re ma ti zhes bya bar btags so/ /
232b4 'dod khams 'dul ba'i dbang mo cher dbang bskur ro/ /ma hA kA lis kyang chos bskyang zhing bstan pa bsrung bar khas blangs so/ /rang gi snying po 'di phul lo/ /o~M ru ru be ti sta ba do si/ ru ru ro ru be tista ba do si/ tsa pa la a shug me b+h+yo dzaH
232b5 re ma tis kyang /o~M ru ru ro ru be tista ba do si/ rag mo tsit+ta kha rag ma hU~M b+h+yo/ ma ma trag rag+sha kha mun tra ba tra trag rag+sha/ tsit+ta kha rag me re ma ti sa ma ya phra ma ya phra ma ma hA te phra dun b+h+yo/ /dzaHdzaHru lu b+h+yo zhes phul lo/ /bdud laM
232b6 nga 'ge'u ri dang ro sha kha 'dar bsgral lo//de nas sa'i lha mo brtan mas kyang nam gru mched brgyad kyang 'bangs su phul lo/ /srin yul du dmag drangs pas/ srin po yag+sha ko re bsgral lo/ /brgya byin nyon cig /de nas 'phags
232b7 pa spyan ras gzigs kyis/dpal rta mgrin du sprul pa'i bsgrub pa byas te/ rta mgrin gyi zhal mthong zhing gsang ba'i gzungs ma byas te/ rje mo'i ming dpal lha mo nag mor btags so/ /khol mo'i ming ni rdo rje glog ma srin du
233a1 ming btags so//des phyag rgya chen po'i dbang bskur ro/ /las kyi lhar byin gyis brlabs so/ /de'i tshe na dpal lha mo nag mos/ dpal rta mgrin la snying po mdongs gsol du phul lo/ /bstan pa bsrung bar
233a2 khas blangs so//de nas sngon gyi u ma de ba dang rna la rtse gnyis kyang / sngon gyi bu mo gnyis la srin lag rtse la nu zho blugs pas bros nas/ dred mo'i ral pas g.yab mos 'bod de/ bu mo gnyis ma'i drung du phyin tsam na/
233a3 dbang bskur zhing dam bsgrags/ /bstan pa bsrung bar dbang byin to/ /'khor los sgyur ba'i rgyal pos kyang rang gi rtsa dang khrag dang khu ba'i mchod pa byas nas/ lha dang mi'i rgyal srid phul nas/ rma bya rin po che'i
233a4 gshog pa can spyi bo na nor bu rin po che yod pa/jo mo la nor skal du byin no/ /bya de mo nag mo spyi bo na nor bu rin po che yod pa cig khol mo la nor skal du byin nas/ lha mo rje khol gnyis 'khor los sgyur ba'i rgyal pos byin
233a5 pa'i rma bya dang /de mo nag mo gnyis gtan gyi nor skal byed cing chags/ de nas dpal lha mo ni gsang ba'i gnas dur khrod ro khang nag po'i dbus mA ru rtse'i sgo 'gram du/ dpal phyag na rdo rje'i he ru ka'i dngos grub sgrub
233a6 pa'i tshe/dpal phyag na rdo rje'i dngos grub grub ste/ dpal phyag na rdo rjes lha mo dpon g.yog la spyi bo gtsug tu dpal rta mgrin gsang ba'i dbang bskur/ lus ngag yid gsum la khrag 'thung he ru ka'i dbang bskur/
233a7 thugs kyi dpal be'u rigs lnga sangs rgyas kyi dbang bskur/ sku stod kyi rgyan du phra men ma bcu drug gi dbang bskur/ ljags kyi dkar dmar la lcags kyu gsang ba'i dbang bskur ro/ /gnad mdo chen drug tu tshom bu gsang ba'i
233b1 dbang bskur ro//gsang ba pad+ma la thig le ye shes shar ba'i dbang bskur/ rdo rje pho nya mo drug cu rtsa bzhi 'khor du dbang bskur/ pad+ma gar gyi dbang phyug ni sprul pa dang yang sprul du dbang bskur/ de'i tshe 'jig rten gyi khams
233b2 'di rnam pa drug tu g.yos so//de nas dpal phyag na rdo rjes jo mo'i ming ni dpal ma hA kA li zhes btags so/ /khol mo'i ming ni gnod sbyin shan pa nag mo re ma ti zhes btags so/ /sangs rgyas kyi bstan pa bsrung bar
233b3 gnyer gtad do//de nas dpal phyag na rdo rje nyid la/ dpal lha mos rang gi snying po phul te/ sangs rgyas kyi bstan pa dus rtag tu bsrung bar khas blangs so/ /de nas dpal lha mo de mthu dang rdzu 'phrul bsam gyis mi khyab
233b4 par gyur to//'dod pa'i khams kyi dbang phyug mar gyur pa'i tshe/ lha tshangs pas nyi ma'i rgyan phul/ /khyab 'jug gis zla ba'i rgyan phul/ rnam thos sras kyis seng ge'i rna cha phul/ nam mkha'i lha bran rnams kyis gser gyi dril
233b5 bu'i rgyan phul/srin po dang sha za rnams kyis thod phreng dang khrag dang zhag gi thig le phul lo/ /klu dga' bos sbrul gyi gdengs ka phul/ lha mo de srid pa gsum na 'gran pa'i zla med par gyur to/ /de nas brgya byin gyis gsol
233b6 pa/kye bcom ldan 'das gsang ba'i bdag po/ /'dod pa'i khams kyi dbang phyug ma 'di/ dang por lha'i bu mor gyur ba dang / bar du srin po'i chung mar gyur pa dang / da ltar 'dod pa'i khams kyi dbang phyug mar gyur pa 'di/
233b7 sngon gyi rkyen ci las grub pa lags zhes gsol pa dang / gsang ba'i bdag pos bka' stsal pa/ brgya byin nyon cig /da ltar lha mo nag mo 'di sngon sangs rgyas 'khor ba 'jig gi bstan pa la lha mo 'od zer can du gyur te dge ba bcu sha stag
234a1 spyad do//de nas sangs rgyas gser thub kyi bstan pa la lha mo dpa' brtan ma zhes bya bar gyur te zhe sdang rang kha mar spyad do/ /de nas sangs rgyas 'od srung gi bstan pa la lha mo many+dzu zhes bya bar gyur te/ dus de tsam na
234a2 shAkya thub pa ni dge slong dbang phyug dpa' bo zhes bya bar grags so//dge slong de la lha mo many+dzus mchod gnas byas shing smon lam gcig tu btab bo/ /brgya byin nyon cig /de da lta na ni lha mo 'di la sangs rgyas gsum
234a3 gyi ring gi rnam par smin pa shAkya thub pa'i bstan pa la dus gcig tu smin no//lha mo 'di dang por ma hA de ba'i bu mor skyes pa ni/ dang por dge ba spyad pa'i mthu'o/ /bar du srin po'i chung mar gyur nas rang lceb pa ni zhe sdang spyad pa'o/ /tha mar da ltar
234a4 'dod pa'i khams kyi dbang phyug mar gyur pa ni/sangs rgyas thams cad kyis dbang bskur nas shAkya thub pa'i bstan pa srung ba ni sngon shAkya thub pa la sdig bshags byas kyi smon lam btab bo/ /khol mo re ma ti sngags kyi bsod nams las grub
234a5 pa'o//mkha' 'gro ma me lce 'bar ba'i rgyud las gleng gzhi'i le'u ste dang po'o// //de nas lha'i dbang po brgya byin gyis/ gsang ba'i bdag po dpal phyag na rdo rje la 'di skad ces gsol to/ /kye bcom ldan mgon po gsang ba'i
234a6 bdag /ma 'ongs phyi ma'i sems can rnams/ /mkha' 'gro rnal 'byor rab bsgrub pa'i/ /slob dpon slob ma'i mtshan ma'i rgyud/ /gang yin bdag gis nyan par 'tshal/ /zhes zhus pa'i tshe/ gsang ba'i bdag pos bka' stsal pa/ /
234a7 dpal ldan lha mo rdo rje mkha' 'gro ma/ /thun mong ma yin kun gyis bya ba min/ /de yang slob dpon mtshan nyid bshad/ /slob dpon chos la rab 'dud pa/ /tshad med bzhir ldan snying rje can/ /phyi nang gsang ba'i dbang thob nas/ /
234b1 dam tshig srog bzhin 'dzin byed cing / /bden pa gnyis rtogs lta ba can/ /sngags dang phyag rgya mi spong zhing / /rtag tu phyag rgya che la gnas/ /sems can don byed man ngag ldan/ /de ni slob dpon mtshan nyid de/ /slob
234b2 ma dul la dad pa can//bla ma'i zhabs la rab 'dud cing / /dad dang gtong phod snying rje can/ /'dul dang sdom pa dam tshig 'dzin/ /lha dang slob dpon rtag tu bcang / /gsang sngags 'dzin pa'i snod ldan la/ /slob mar bya ba
234b3 nga yis bshad//dpal mkha' 'gro ma me lce 'bar ba'i rgyud las slob dpon dang slob ma'i mtshan nyid bstan pa'i le'u ste gnyis pa'o// //de nas lha'i dbang po brgya byin gyis/ dpal phyag na rdo rje la 'di skad ces
234b4 gsol to//rdo rje sems dpa' dpa' bo che/ /dus mtha'i rnal 'byor bskyang slad du/ /rdo rje gsang ba'i mkha' 'gro ma'i/ /lta ba dam pa bdag nyan 'tshal/ /zhes zhus pa'i tshe/ dpal phyag na rdo rjes bka' stsal pa/ bdag
234b5 dang rdo rje mkha' 'gro ma'i//gdod nas ma skyes gzung 'dzin yul dang bral/ /nga dang bdag 'dzin mtshan ma'i rtog pa bcom/ /don dam kun rdzob skye ba med pa'i gzhi/ /gnyis med chos kyi dbyings su dbyer med cing / /stong nyid
234b6 chos sku nam mkha' ye shes lnga//sprul pa'i phyag rgya lha dang lha mo'i mtshan mar snang / /mkha' la 'ja' 'dra rang bzhin ga la yod/ /snying rje'i dbang gis 'gro don byed pa na/ /mdor na sangs rgyas sprul pa yin pa ste/ /khol mo byang
234b7 chub sems dpa'i sprul pa'o//mtshan ma'i srin mo bdud mor blta mi bya/ /mkha' 'gro ma me lce 'bar ba'i rgyud las lta ba bstan pa'i le'u ste gsum pa'o// //de nas lha'i dbang po brgya byin gyis 'di skad ces gsol
235a1 to//gsang ba'i bdag po ye nas thugs rje can/ /rdo rje mkha' 'gro'i dngos grub bsgrub pa'i phyir/ /dkyil 'khor rnam pa gsum gyi rgyud bshad 'tshal/ /zhes zhus pa'i tshe/ phyag na rdo rjes bka' stsal pa/ brgya
235a2 byin la sogs 'khor rnams rab tu nyon//dkyil 'khor rnam gsum mtshan ma'i phyag rgya ni/ /rang bzhin dkyil 'khor byang shar ri rab rtse/ /ting 'dzin dkyil 'khor rnal 'byor sems kyi yul/ /gzugs brnyan dkyil 'khor
235a3 gnas bzhi'i sa la bya//tshon rtsi mi rus ldong ros rams dang skyegs/ /mthing nag gru bzhi'i dbus ni e gru gsum/ /dbus su gtso bo phyag na rdo rje ste/ /de yi g.yas su lha mo nag mo ste/ /g.yon du ma mo'i
235a4 ting 'dzin grub pa mo//gtso bo'i mdun du khol mo re ma ti/ /de yi phyi rim srid pa'i ma mo dang / /stag spyang bya rgod seng ge khyung gis bskor/ /phyi rim thod phreng me ri keng rus bri/ /tsa ka li 'am yig 'bru phyag mtshan
235a5 bri//mkha' 'gro ma me lce 'bar ba'i rgyud las dkyil 'khor bstan pa'i le'u ste bzhi pa'o// //de nas lha'i dbang po brgya byin gyis dpal phyag na rdo rje la 'di skad ces gsol to/ /kye 'jigs byed che mchog 'gro
235a6 kun 'dul ba'i gtso//rdo rje mkha' 'gro nag mo dam pa yi/ /dngos grub bsgrub pa'i rdzas rnams gang lags pa'i/ /gsang ba'i bdag po bdag la bshad du gsol/ /zhes zhus pa dang / phyag na rdo rjes bka'
235a7 stsal pa//rdo rje mkha' 'gro'i dngos grub 'dod pa'i mis/ /rdzas rnams med na dngos grub mi thob ste/ /rmongs pas sa bon gtsub shing gtsub stan 'dra/ /kun ka tshang na dngos grub mtshan ma ster/ /mkha' 'gro ma la rdzas
235b1 ni rnam pa bdun//bod pa'i rdzas dang ma mo bsten rdzas dang / /mchod pa'i rdzas dang dam tshig bsre ba'i rdzas/ /bskul ba'i rdzas dang mtshan ma dbab pa'i rdzas/ /tha mar gnad la 'bebs shing bzlog pa'i rdzas/ /bdun po 'di tshang grub pa'i mtshan ma
235b2 'byung //gtso bo phyag na rdo rje'i dam rdzas ni/ /go ro tsa na gtso bo bod pa'i rdzas/ /gtso bo'i rten ni seng ldeng mi rus phur/ /gsal ba lnga dang bdud rtsis gtso bo mchod/ /dam tshig bcu yis rdo rje sa ni mchod/ /gu gul nag po yungs nag
235b3 til gyis bsku//spos dang lce bog mi tshil mtshan ma 'bebs/ /gtso bo gnad la 'bebs pa a mr-i ta/ /dpal ldan lha mo nag mo'i bod rdzas ni/ /g.yab dar dang ni ha sta mi tshil dang / /cong zhun spos lngas bsregs la bod/ /lha
235b4 mo'i rten ni bu mo gtsang ma dang //rgya mtshor shi ba'i bud med thod pa gnyis/ /mkhar du brtsigs la dkyil 'khor dbus su kha sprad la/ /mi gsod mtshon gyi ral gri sor brgyad pa/ /yu ba ma bris dkyil 'khor dbus su gzugs/ /
235b5 rma bya seng ge g.yang gzhi go zung nag pa'o/ /rje mo lha mo nag mo'i dam rdzas ni/ /dge slong sha dang mi ro seng ge'i snying / /gri rgod sha dang dbang po rnam pa lnga/ /ru tra nag po'i snying dang bdud rtsi lnga/ /sman ma'i khrag dang sha khrag
235b6 sna tshogs dang //phye ma lnga yis gtong bas gur kum brdzi/ /pad+ma'i rak+tas byugs la rgyun gtor bya/ /lha mo nag mo 'di dang dam tshig bsre ba'i rdzas/ /ru hi rdo rje pad+ma mi de sngags/ /bskul rdzas mi yi tshil dang gu gul bsreg /mtshan
235b7 ma 'bebs pa bu mo gtsang ma'o//gnad la 'bebs shing bzlog pa yugs sa'i rkang / /khol mo re ma ti yi bod rdzas ni/ /dred mo'i ral pas g.yab cing srin lag bstan/ /gu gul dang ni mi tshil gsur gyis bod/ /re ma ti yi rten du lug nag gam/ /de mo nag mo dri mo'i thod pa'o/ /
236a1 khol mo re ma ti yi mchod rdzas ni/ /bum pa gang ba'i khrag dang a mr-i ta/ /nal bu'i sha dang mi sha chang phud do/ /dam tshig bsre zhing rtag tu mchod pa'i rdzas/ /ru hi rdo rje pad+ma dag gis shis/ /bskul rdzas gu gul
236a2 nag dang cong zi'o//mtshan ma 'bebs pa bu mo gtsang ma'o/ /gnad la 'bebs shing bzlog rdzas dre'u yi rkang / /'di rnams gtsang zhing ma nyams tshogs 'gyur na/ /rdo rje mkha' 'gro ma yi tshogs rnams ni/ /bung bas
236a3 u dum bA ra mthong ba ltar//dga' ba skyes nas mi la dngos grub ster/ /de bas nan tan bskyed la brtson par bya/ /mkha' 'gro ma me lce 'bar ba'i rgyud las dpon g.yog gi dam rdzas bstan pa'i le'u ste lnga pa'o// //
236a4 de nas lha'i dbang po brgya byin gyis/ dpal phyag na rdo rje la 'di skad ces gsol to/ /kye gsang bdag phyag na rdo rje 'dul ba'i gtso/ /bsgrub pa'i rten gyi rdo rje mkha' 'gro sku/ /thang ka 'dri ba'i nan tan 'dri bar 'tshal/ /zhes zhus
236a5 pa'i tshe/gsang ba'i bdag pos bka' stsal pa/ mkha' 'gro'i rten gyi sku gzugs ni/ /mis ma 'phrigs par dur khrod 'gro/ /dang po phyag na rdo rje dang / lha mo'i bsnyen pa 'bum 'bum bzlas/ /de la sbyin sreg gtor ma 'bul/ /ri mo
236a6 mkhan la dbang bskur ro//dam tshig rab tu sbyin par bya/ /de nas bud med zhabs ma dang / /ro dkris dag gi ras dag ni/ /ro bsregs mgal ba'i shing gis kyang / /bri ba'i tshon rtsi rnam pa lnga/ /dpa' bo 'bru lnga'i 'phro 'du las/ /rgyal ba
236a7 rigs lngar byin brlabs la//dbus su phyag na rdo rje bri/ /mdun du lha mo nag mo ni/ /bong zhon ral gri thogs par bri/ /g.yon du khol mo re ma ti/ /dre'u zhon khram bam thogs pa'o/ /g.yas su bram ze mchog sred ni/ /mgrin pa sma ra dkar
236b1 la ring //kr-iSh+Na'i stan la long phreng 'dzin/ /rma bya ne'u le thogs pa'o/ /de yi g.yon du bdag nyid ni/ /kriSh+Na'i stan la long phreng 'dzin/ /rma bya'i spu dang ne'u le thogs/ /de nas rang gi srin khrag gis/ /sku gzugs rnams kyi spyan
236b2 phye la//mdun du gtor ma'i sbyin sreg dbul/ /zhabs la btud de phyag byas la/ /dngos grub gang 'dod gsol ba gdab/ /dkyil 'khor dbus su bzhugs su gsol/ /lha yi sku yi thugs kar ni/ /srin lag khrag gis
236b3 zla kham bri//de yi dbus su snying po bri/ /de'i dbus rgyus chen sum sgril gdags/ /rtse mo bdag bzung bzlas pa bya/ /yang na lugs ma dag la bya/ /de ltar byas na dngos grub rgyu/ /mkha' 'gro ma me lce 'bar ba'i rgyud
236b4 las sku gzugs bstan pa'i le'u ste drug pa'o// //de nas lha'i dbang po brgya byin gyis/ gsang ba'i bdag po dpal phyag na rdo rje la 'di skad ces gsol to/ /kye gsang mdzad drag po hU~M mdzad che/ /dpal ldan
236b5 rdo rje mkha' 'gro ma'i//ting 'dzin bsgom thabs bdag la shod/ /ces gsol pa dang / phyag na rdo rjes bka' stsal pa/ lha'i dbang po brgya byin nyon cig /skye ba med pa'i ngang las sprul pa'i cho 'phrul ni/ /hU~M las
236b6 rdo rje rtse ni lnga pa ste//de nas bdag nyid phyag na rdo rje yin/ /mdog ljang sngo la khro bo'i cha byad de/ /lus 'gying bag can/ /dbu skra ral pa gyen la brdzes pa la/ rigs lnga'i dbu rgyan can/ phyag na ye shes kyi rdo rje rtse lnga pa
236b7 'bar ba/lus la glang chen gyi ko ba dang / mchog gi g.yang gzhi dang / stag gi sham thabs dang / thod pa'i phreng ba dang / sbrul gyi chun pos lus brgyan pa/ spyan mig dmar ba/ mche ba gtsigs pa/
237a1 bskal pa'i me dpung ltar 'bar ba'o/ /de'i mdun du dpal lha mo nag mo bskyed de/ ma hA kA li bA ya be s+pha ra Na yang / de ni rlung nag tshub ma'i dkyil 'khor bskyed pa'o/ /ma hA kA li dz+wa la ra~M/ de ni me'i
237a2 dkyil 'khor bskyed pa'o//de'i dbus su b+h+rU~M bi shwa bi shud+d+he ka pA la hU~M/ de ni thod pa'i gzhal yas khang ngo / /gar+b+ha pa hU~M/ de ni bong bu dmar gwa la mig mjug ma na yod pa/ rlung gi gshog pa can no/ /ti ra ba~M/ bong bu'i
237a3 thog tu zhing bsnol ba'o//ma sU r+ya maN+Da la a/ nyi zla'i gdan no/ /b+h+yo nag mo'i 'phro 'du las/ lha mo'i ting nge 'dzin/ o~M de bI shrI ma hA kA lI hU~M zhes pa la/ rang gi byang chub kyi sems la/ /lha mo nag mo ni kha dog nag
237a4 mo la/ral ba gting za pang du 'dug pa/ mig rtsa dmar ba kha gdangs pa/ mche ba gtsigs pa/ lus la sbrul dang / thod pas brgyan pa/ lag na ral gri dang / ne'u le thogs pa'o/ /thal ba dang khrag dang zhag
237a5 gis mtshon pa'o//rna rgyan dril bu dang seng ge la byas pa/ nyi ma dang zla bas lus brgyan pa'o/ /sku smad glang gi ko bas brgyan pa'o/ /rkang pa la lcags sgrog gis brgyan pa'o/ /lha mo de'i spyan sngar re ma ti khol mo bskyed de/ /ya~M bA
237a6 ya be rlung gi tshub ma'o//b+h+rU~M bi ha ra Na hU~M/ rin po che'i gzhal yas khang ngo / /de'i nang du ka pA la b+h+rU~M las thod pa'i gzhal yas khang ngo / /de'i nang rti r+hi sti bru~M las 'phrul gyi lding khang ngo / /de'i nang du khang pa bdun bskyed do/ /de'i nang du
237a7 dre'u rlung gi gshog pa can bskyed do//de'i steng du bse'i gdan no/ /de'i steng du ma nag mo'i 'phro 'du las/ /rak+sha re ma ti hU~M zhes pa las/ bdud kyi bu mo re ma ti de nag mo ral pa kham pa la/ me stag dang rin po ches brgyan pa'o/ /mig dmar
237b1 ba mche ba gtsigs pa//re lde nag po dang mi lpags gyon pa/ lag pa na khram bam dang / shod rde'u thogs pa'i sbrul gyi gdengs ka dang / nyi zla'i thod gdengs dang / nad kyi kha rlangs can/ stag gi sham bu dang / zangs kyi dra ba
237b2 dang /mtshon gyi gru gu dang ldan pa rnams bskyed do/ /b+h+yo b+h+yo b+h+yo b+h+yo zhes brjod pa las/ 'khor nag mo 'bum bskyed do/ /dpal me lce 'bar ba'i rgyud las ting nge 'dzin bstan pa'i le'u ste bdun pa'o// //de nas lta'i dbang
237b3 po brgya byin gyis/dpal phyag na rdo rje la 'di skad ces gsol to/ /mnyam nyid rdo rje'i sku bsnyems gsang ba'i lha/ /mtshan ma 'joms pa'i dpa' brtan drag shul can/ /rdo rje mkha' 'gro me lce phreng ba yi/ /srog snying bsgrub pa'i sngags rnams bshad
237b4 par zhu//zhes gsol pa dang / dpal phyag na rdo rjes bka' stsal pa/ sngags zhes bya ba mkha' 'gro'i srog rtsa yin/ /grangs kyang mang la zur yang ma chag ste/ /gug skyed tsheg drag dag kyang ma nor na/ /lha mo nag mo sngon du 'gugs pa yin/ /zhes bka' stsal
237b5 pa dang /dpal phyag na rdo rje de/ rdo rje lta bu'i ting nge 'dzin la zhugs te/ dpal phyag na rdo rjes rang gi snying po 'di thugs ka nas phyung ngo / /o~M badzra tsaN+Da ma hA ro Sha Na hU~M/ gtso bo phyag na rdo rje'i bsnyen pa 'di sngon du 'bum tsho bdun du bzlas pa byas la/ gtor
237b6 ma dang ni sbyin sreg gis mchod de//des ni phyag na rdo rje'i grub pa thob/ /lha mo bkug cing dbang du byed par nus/ /de nas gdod cig lha mo'i sngags la 'jug /sngags ni dpon mo'i snying dang g.yog mo'i srog /mngon du 'gugs
237b7 pa srog gi snying po'i sngags//gtso bo'i spyan 'dren g.yog mo 'gugs pa'i sngags/ /mi g.yo brtan pa rdo rje gdan gyi sngags/ /mnyes par bya phyir gtor ma dbul ba'i sngags/ /ging du dbang bskur dam la gdags pa'i sngags/ /
238a1 mngag zhugs phan gnod las la bskul ba'i sngags/ /mi bya dbang med gnad la 'bebs pa'i sngags/ /sku gsung thugs kyi dngos grub blang ba'i sngags/ /zhabs la 'dud pa'i slob ma dbang bskur sngags/ /lha dang bgegs kyi nyams len brtag
238a2 pa'i sngags//brda dang mchod pa rdo rje gsang ba'i sngags/ /bar chod mtshan ma ngan pa bzlog pa'i sngags/ /bcu gnyis rdo rje'i gsang sngags bstan par bya/ /dpal lha mo nag mo'i srog snying la/ /o~M ru ru be ti sta ba do si/ ru ru ro ru be tiSh+Ta ba do si/ pa tsa la a shug me
238a3 hU~M b+h+yo dzaH/khol mo re ma ti'i srog snying la/ o~M ru ru ro ru/ hu tiSh+Ta ba to si/ rag mo tsit+ta kha rag mo hU~M b+h+yo/ ma ma trag rak+Sha/ kha mun+t+ra ba tra ba trag rak+Sha tsit+ta kha rag ma/ re ma ti sam ya/ pra ma ma hA ste pra dun b+h+yo ru lu ru lu b+h+yo dzA dzA/ de ni srog las 'dren pa'i sngags yin te/
238a4 sa ya bzlas na ma mo mngon du yong / /bye ba bzlas na phyag rgya ston par byed/ /'bum phrag gis kyang dngos grub mtshan ma ster/ /khol mo'i snying po bzlas ma thog nas 'ong / /sa ma ya du ling rak+sha si/ he rak+Sha/ b+h+yo rak+Sha/ du~M rak+Sha mA rAk+Sha si/ mA mA mA mA/ ru lu ru lu/
238a5 ru lu ru lu/ b+h+yo b+h+yo b+h+yo b+h+yo/ ru ru ru ru/ de ni 'khor ma mo 'bum gyi spyi'i snying po'o/ /o~M ma hA kA li maN+Da la ma tre/ A gats+tsha ya/ A gats+tsha ya/ pra be sha ya/ pra be sha ya/ tiSh+Tha tiSh+Tha/ a ba lo ka/ a ba lo ka ye/ hU~M dzaH/ de ni spyan drang ba'i sngags so/ /o~M ma hA kA
238a6 li ma ma sa ma ya/shi ti tiSh+Tha s+t+wa~M/ ma hA kA li A be sha ya/ re ma ti sa ma ya be sa/ de ni gdan gding ba'i sngags so/ /a maN+Ta bi ma hA kA li re ma ti ba liM kha kha khA hi khA hi/ ma hA pU dza hoH/ a mr-i ta kha kha le le/ de ni gtor ma 'bul ba'i sngags so/ /ma ma sa ma
238a7 ya ma hA kA li sa ma ya/ma hA kA li kA ya sa ma ya/ ma hA kA li bA ga sa ma ya/ ma hA kA li tsit+ta sa ma ya/ ma hA mu tra ka pA la hU~M/ de ni dam tshig bstan pa'i sngags so/ /o~M badzra dzo gi ni ti bi ma hA kA li sa ma ya/ badzra kro d+ha karma rak+Sha hU~M/ de ni las la bskul ba'i
238b1 sngags so//o~M ru ru ru tsa hU~M/ a shug me ba tri ru tra kha sha la nag mo hU~M/ rak+Sha tsit+ta ma hA sa mA d+hi/ ma ru kha tsit+ta nan/ rag mo ti ki ma dzaH/ ma ma ti ti hU~M b+h+yo/ de ni dpon g.yog gnad nas bskul ba'i sngags so/ /o~M badzra DA ki ni de ba ma hA kA la re ma ti/ kA la wA ka tsid+d+hi sa ma ya
238b2 pha la A be sha ya a/de ni dngos grub blang ba'i sngags so/ /o~M ma hA kA li ye hU~M phaT/ ru ru tsa pa la a shug me hU~M ma hA kA li a b+hi Shiny+tsa/ ka bA la tri ni/ ma hA dz+nyA na/ kA ya wA ka tsit+ta sid+d+hi hU~M/ de ni dbang bskur ba'i sngags so/ /hring hring tsa miN+Di gurtse hU~M/ de ni nyams len brtag
238b3 pa'i sngags so//hU~M phaT/ ma hA de bi kA li duSh+TAn+ta ka ha na da ha pa tsa hu lu nan/ da ha pa tsa mA ra ya hU~M phaT/ de ni mtshan ma ngan pa bzlog pa'i sngags so/ /hU~M hU~M hU~M hU~M hU~M hU~M hU~M hU~M/ hring hring hring hring hring hring hring hring / ta ki ta ki ta ki ta ki ta ki ta ki ta ki ta ki/ bru~M gem bru~M gem
238b4 bru~M gem bru~M gem bru~M gem bru~M gem bru~M gem/hU~M du~M hU~M du~M hU~M du~M hU~M du~M hU~M du~M hU~M du~M hU~M du~M/ phaT ta ka phaT ta ka phaT ka phaT ka phaT ka phaT ka phaT ka/ de ni rdo rje ma hA mkha' 'gro ma'i rnga sgra'o/ /mkha' 'gro ma me lce 'bar ba'i rgyud las sngags bstan pa'i le'u ste brgyad pa'o// //de nas
238b5 lha'i dbang po brgya byin gyis/dpal phyag na rdo rje la 'di skad ces gsol to/ /bcom ldan mgon po rgyal tshab las kyi lha/ /rdo rje mkha' 'gro'i rnal 'byor ma'i/ /gsang ba'i phyag rgya bdag la bstan par 'tshal/ /zhes zhus pa dang / phyag na rdo rjes bka' stsal pa/ rnal 'byor
238b6 gsang ba'i phyag rgya dam pa ni//spang bar mi bya rtag tu bcang bar bya'o/ /dang po gtso bo rdo rje rgyal la gnas/ /rlung gis me sbar bong zhon dbang phyug ma/ /lcags kyus bzung nas gshog pas zil gyis gnon/ /bong bus gdan 'dings thod pas dbang bskur te/ /thod rlon
238b7 dam brtan gnyis med dngos grub blang //rtag tu mtshan ma ngan pa phyag rgyas bzlog /dang po gtso bo rdo rje rtse lnga ni/ /lag gnyis sor mo rgyab tu bsnol bcangs la/ /mthe bong gung mo mthe'u chung gshibs la bsgreng / /rdo rje rtse lnga phyag na rdo rje'i rgya'o/ /dang po rlung nag tshub
239a1 ma'i phyag rgya ni//lag na thal sbyar gung sprod bsgreng ba dang / /mthe chung srin lag tshigs bsnol bgrad pa dang / /de the bong gung gtad mdzub mo gnyis bsgreng rdzong / /rtse mo bkug pa rlung gi phyag rgya'o/ /me ri smug nag 'bar ba'i phyag rgya ni/ /
239a2 mdzub mo gnyis ni sor mo dgug byas te/ /mthe bong bkug ste de la gtad byas la/ /gung mo mthe'u chung bsgreng ste phyar ba'o/ /lha mo nag mo'i ral gri'i phyag rgya ni/ /lag g.yas mthe'u chung bkug ste mthe bos mnan/ /gung mdzub srin lag gshibs te bsgreng ba'o/ /
239a3 khol mo re ma ti yi phyag rgya ni/ /lag pa g.yas bkug mthe bos mnan byas te/ /lhag ma gsum brkyang bas ni khram bam phyag rgya yin/ /ma mo dgug pa lcags kyu'i phyag rgya ni/ /lag gnyis rgyab sprad mthe'u chung bsgreng nas ni/ /mdzub mo gnyis bkug gung srin mthe bos
239a4 bsdu//brkyang ste phral nas snying gar lcags kyu gnyis/ /zil gyis mnan pa khyung gshog phyag rgya ni/ /mthe bong gnyis gshibs sor mo gshog ltar brkyang / /gdan mchog bong bu dag gi phyag rgya ni/ /mthe'u chung bsnol bas srin lag mnan byas te/ /srin lag thor
239a5 to mthe bos mnan pa'o//de bzhin gung mo gnyis kyang nang du bstan/ /byin brlabs dbang bskur thod phreng phyag rgya ni/ /lag pa g.yas g.yon khu tshur bcangs pa la/ /mtheb mdzub bzhi po lcags sgrog lta bur sbrel/ /lag gnyis thod rlon dam tshig phyag rgya ni/ /mthe
239a6 bong mdzub mo bkug nas bzlum byas te/bkug nas srin lag gnyis bcug mig 'bras 'dra/ /gung mo mthe'u chung gnyis ni thod rlon kha/ /dngos grub blang ba'i bdud rtsi bum pa ni/ /lag gnyis sor bcu rtse bsdus bkug la zlum/ /mtshan ngan bzlog pa tri shUl phyag
239a7 rgya ni//lag g.yas mtheb mdzub srin lag mthil du dgug /mthe bo gung mo mthe'u chung phyar la bsgreng / /mkha' 'gro ma me lce 'bar ba'i rgyud las phyag rgya bstan pa'i le'u ste dgu pa'o// //de nas lha'i dbang po brgya byin gyis/ dpal phyag na rdo rje la 'di
239b1 skad ces gsol to//kye stobs po che la gnod sbyin grags pa can/ /rig sngags gsang sngags tshogs kyi mnga' bdag gis/ /rdo rje mkha' 'gro mnyes par bya ba'i phyir/ /mchod pa'i rim pa bdag la bshad du gsol/ /zhes zhus pa la/ gsang ba'i bdag pos bka'
239b2 stsal pa//rdo rje mkha' 'gro'i dngos grub myur bya'i phyir/ /mnyes par byas te mchod pa rtag tu 'bul/ /dang por mchod pa'i rdzas kyi gtor ma 'bul/ /gnyis pa la ni sbyin sreg dbul ba'o/ /de bzhin gsum pa gsang ba'i mchod pa dbul/ /dang por gtor ma
239b3 sha lnga bdud rtsi lnga//mchod pa'i rdzas dang dza gad rak+ta rnams/ /pad+ma mdzes pa'i snod du bkang byas nas/ /rlung gis me sbar a yis thod pa bskol/ /hU~M gi rdo rjes rab tu dkrugs nas kyang / /a dkar 'bar bas kha zas dug bcom la/ /dpa' bo 'bru lngas bdud rtsir
239b4 byin gyis brlabs//dang pos gtso bo phyag na rdo rje mchod/ /gnyis pas lha mos 'thungs par bsam/ /tha ma re ma ti yis rngubs par bsgom/ /o~M badzra pA Ni hU~M/ DA ki nI ma hA kA li/ yak+sha re ma ti/ ma ma sha tru~M a mu ka/ ma tsa me ta ba sam sa/ ru ti dzi ba~M/ prI ya beg+shi ni/
239b5 i da~M ba liM gr-ih+Na gr-ih+Na/ kha kha kha kha/ khA hi khA hi/ gsang sngags des ni rtag tu gtor ma dbul ba'o/ /de nas sbyin sreg dbul ba bstab par bya/ /sku gzugs mdun du me thab bskor byas te/ /'o ma tsher ma yod pa'i shing brtsigs la/ /bram ze khyim nas me blangs me sbar
239b6 la//bsreg rdzas mi sha mar nag sbrang rtsi chang / /khrag la sbyar la khri phrag gcig tu dbul/ /bsgom thabs me nyid me lhar skyes zhon pa la/ /phyag bzhi g.yas na dbyug pa dang ni mchod sbyin no/ /g.yon na g+hun+d+he dang ni bgrang phreng rab tu 'dzin/ /de yi snying gar phyag
239b7 na rdo rje dang //lha mo nyid dang khol mo re ma ti/ /gsal bar bskyed la sbyin sreg dbul bar bya'o/ /gnyis pa gtso bo phyag na rdo rje mchod/ /gsum pas lha mo nag mo de la dbul/ /de bzhin tha mas re ma ti la mchod/ /so so'i snying po bzlas shing dbul
240a1 bar bya'o//o~M badzra tsaN+Da ma hA ro Sha Na hU~M/ ma hA de bi kA li hU~M/ yak+Sha re ma ti hU~M/ ag+na ye ha bya ka bya/ ma hA ti ba ti ba ti bya/ sarba duSh+TA na bak+sha ni kha ra~M khA hi swA hA/ de nas thal ba dur khrod du bskyal/ /de nas gsang ba'i mchod pas rab bshad bya/ /dngos la
240a2 mkha' 'gro gsal lam ting 'dzin la//gsang ba ye shes hU~M dang a~M gnyis la/ /rdo rje pad+mas rab tu dkrugs nas kyang / /zla bas mkha' 'gro rab tu mnyes 'gyur te/ /thugs kyi thig les bdag gi gzi byin bskyed/ /thugs kyi dngos grub dam pa'i man ngag go/ /ma hA
240a3 kA li sa ma ya bo d+hi tsit+ta/ma hA pu dza gu h+ya s+t+wa~M spro ba'o/ /ma hA kA li sa ma ya/ ma hA rak+ta gu h+ya s+t+wa~M/ A pe sha a/ bsdu ba'o/ /mkha' 'gro ma me lce 'bar ba'i rgyud las mchod pa'i le'u ste bcu pa'o// //de nas lha'i dbang po brgya byin des/ /dpal phyag na rdo rje la
240a4 'di skad ces gsol to//ye shes lngar ldan dpa' brtan thugs rje can/ /dpal ldan mi bskyod rdo rje sems dpa' khyod/ /rdo rje mkha' 'gro ma yi dngos grub ni/ /srog dang 'dra ba'i dam tshig bdag nyan 'tshal/ /zhes gsol pa dang / dpal phyag na rdo rjes bka'
240a5 stsal ba/mkha' 'gro ma yi dam tshig ni/ /gsang ba'i phyag rgya 'da' dka' ba/ /mi shigs rgyal pos dbang bskur te/ /rdo rje mtshan ma 'joms pa'i rgyu/ /dam tshig de nyid rab bshad bya/ /'das na rdo rje dmyal ba'o/ /ma 'das dngos grub dam pa'i rgyu/ /gtso
240a6 bo phyag na rdo rje dang //lha mo nag mo dpon g.yog la/ /sku gsung thugs kyi dam tshig ni/ /gtso bo'i sku yi dam tshig ni/ /sku yi phyag rgya mi spong zhing / /lha dang slob dpon mnyes par bya/ /rdo rje spun la gdung ba bskyed/ /gtso bo'i gsung gi dam tshig ni/ /bzlas brjod
240a7 snying po rgyun mi gcod//mi yengs rdzun spangs gsang sngags 'dzin/ /gtso bo'i thugs kyi dam tshig ni/ /gsang ba gzhan la mi spel zhing / /stan gan 'bras bu lnga la spyod/ /de nas gtso mo'i dam tshig bshad/ /lha mo'i sku yi dam tshig ni/ /bong bu la ni byams
240b1 par bya//khal gyis mi mnan dbyug mi brdeg /rma bya'i mdongs ni rtag tu bcang / /me yi dkyil 'khor mthong ba na/ /me tog skyes ltar dga' bar bya/ /rtag tu yi dam mi 'da' ba'i/ /zhag re phyag rgya gnyis gnyis bstan/ /lha mo gsung gi dam tshig ni/ /rgyun du
240b2 bzlas pa byed pa dang //ne'u le mthong na bstod pa bya/ /phyag rgya bstan zhing dga' bar bya/ /zhing pags rdzas kyi snod du bya/ /tshub ma dag dang phrad gyur na/ /rked par mi gcod rgyab mi bstan/ /tshes grangs shis dang nam gung la/ /phyag rgya bya zhing bstod pa bya/ /lha mo'i
240b3 thugs kyi dam tshig ni//'jig rten gang dang gang dag na/ /bud med yugs sa yod pa la/ /byams par bya zhing chags pa spyad/ /rtag tu bu mo gtsang ma bsten/ /lha mo zla mtshan rgyu dus su/ /gsang ba'i mchod bas dam bsre'o/ /lha mo'i khol mo re ma ti'i/ /de yi sku
240b4 yi dam tshig ni//byis pa dag gi nal phrug la/ /gos dang kha zas mgron du sbyin/ /rtag par de la byams par bya/ /shing lo sor bzhi rked par gcad/ /phyed la ma mo'i sku bris te/ /phyed la dngos grub gsol bar bri/ /de ni rtag tu bcang ba'o/ /khol mo gsung gi dam tshig
240b5 ni//ma phebs bar du srog snying dang / /nub re gtor ma 'dar mi rung / /kha 'phro dag kyang bsre ba min/ /phreng ba la yang reg pa bsrung / /bdag gis dgra la byad byas te/ /phyis ni bcos par ma bshad do/ /khas blangs yol du ga la rung / /phud kyang nyams par bya ba
240b6 min//rdo sol chur ni bskyur mi bya/ /khol mo thugs kyi dam tshig ni/ /nal bu yod pa'i sbrum ma la/ /me tog gtor zhing byams par bya/ /kha zas sbyin zhing dang na mi bgrang / /sna khrag zla mtshan blang bar bya/ /dam tshig yod rung med rung ste/ /bdag ma yin pa'i rnal
240b7 'byor la//rang gi lha dang snying po dang / /rdzas dang phyag rgya mi bstan no/ /mtshan ma rdo sol zhu bas bsku/ /bya nag lug nag rtag tu bcang / /the tshom zar ni mi rung ngo / /dpon g.yog spyi yi dam tshig ni/ /ru hi rdo rje pad+ma'i mi/ /rtag tu bcangs la bstan cing mchod/ /
241a1 de dang bral du mi rung ngo / /rnal 'byor dngos grub thob bya'i phyir/ /sku gsung thugs kyi dam tshig bstan/ /brgya byin dag gis rab zhus pa/ /dam tshig nyams pa'i skyon ni gang / /dam tshig bsrungs pa'i yon tan gang / /'byung po'i gtso bos bshad
241a2 du gsol//phyag na rdo rjes bka' stsal pa/ /rab tu bshad kyis brgya byin nyon/ /gtso bo phyag na rdo rje yi/ /sku yi dam tshig nyams pa na/ /mtho ris go 'phang rgyud lam 'chad/ /gsung gi dam tshig nyams pa na/ /bsgrubs kyang dngos grub mi 'thob cing / /sngags la nus
241a3 mthu med par ro//thugs kyi dam tshig nyams pa na/ /mkha' 'gro'i chad pas rab bcad nas/ /nges par rdo rje dmyal bar skye/ /dngos grub med par bar chod 'byung / /dpal ldan lha mo nag mo yi/ /sku yi dam tshig nyams pa na/ /rgyal po'i chad dang sbrul gdug dang / /
241a4 me dang chu yi bar du chod/ /gsung gi dam tshig nyams pa na/ /bsgrub la g.yel zhing nus mthu med/ /bsgrub pa rtsom res bar chod 'ong / /thugs kyi dam tshig nyams pa na/ /nyams len 'ong zhing rims nad 'ong / /khol mo bdud mo re ma ti'i/ /sku yi dam tshig
241a5 nyams gyur na//'khor la rims nad smyo 'bog 'ong / /dgra rnams tshe dang bsod nams 'phel/ /gsung gi dam tshig nyams pa na/ /bu dang chung ma 'chi ba dang / /snying mi dga' zhing kha yang yo/ /nor dang longs spyod zad par 'gyur/ /thugs kyi dam tshig nyams pa
241a6 na//rang gi tshe la bar chod 'ong / /mdze dang rgyu gzer na zhing 'bog /spyi yi dam tshig nyams pa na/ /rtag par bsgrubs kyang 'grub dus med/ /rtag par dgra dang mi 'bral lo/ /yang ni lha dbang brgya byin nyon/ /dam tshig bsrung ba'i yon tan la/ /gtso bo phyag na rdo rje yi/ /
241a7 sku yi dam tshig ma nyams na/ /bla med byang chub go 'phang 'thob/ /gsung gi dam tshig ma nyams na/ /phyag na rdo rje'i zhal mthong nas/ /rdo rje'i ngag la dbang thob 'gyur/ /thugs kyi dam tshig ma nyams na/ /phrin las rnam bzhi mngon du 'grub/ /mkha' 'gro ma
241b1 rnams mngon du 'khol//mthu dang rdzu 'phrul bsams pas 'grub/ /dpal ldan lha mo nag mo yi/ /sku yi dam tshig ma nyams na/ /lha srin pho mos phyag byed de/ /'dod pa'i khams kyi rgyal srid thob/ /gsung gi dam tshig ma nyams na/ /sngags bzlas
241b2 mkha' 'gro mngon du 'ong //bar chad med par dngos grub ster/ /thugs kyi dam tshig ma nyams na/ /bdud dang dgra yis mi tshugs shing / /rtag tu rims nad mi 'byung zhing / /dgra rnams the tshom med par 'chi/ /lha mi yongs kyis bkur bar 'gyur/ /tshe
241b3 ring nor dang ldan par 'gyur//de nas nag mo re ma ti'i/ /sku yi dam tshig ma nyams na/ /'khor ni bkra shis dar zhing rgyas/ /dgra dang bgegs rnams phung bar byed/ /gsung gi dam tshig ma nyams na/ /bu dang chung ma dar ba dang / /nor dang longs spyod rgyas par
241b4 'gyur//mig rnon rkang mgyogs ro langs 'grub/ /thugs kyi dam tshig ma nyams na/ /tshe ring grags pa thob pa dang / /lus la chad kyis mi thebs shing / /sems la sdug bsngal med par 'gyur/ /mthu rtsal chen po thob par 'gyur/ /spyi yi dam
241b5 tshig ma nyams na//gtso bo phyag na rdo rje dang / /lha mo nag mo dpon g.yog kun/ /rtag tu bdag dang mi 'bral lo/ /ji ltar 'dod pa'i don de 'grub/ /gang ltar mngag pa'i las de byed/ /mkha' 'gro me lce 'bar ba'i rgyud las/ dam tshig gi
241b6 le'u ste bcu gcig pa'o// //de nas lha'i dbang po brgya byin gyis/ dpal phyag na rdo rje la 'di skad ces gsol to/ /hU~M mdzad hU~M gi rgyal po rdo rje che/ /rdo rje mkha' 'gro'i drod tshad mtshan ma shod/ /ces zhus pa dang / dpal phyag na rdo
241b7 rjes bka' stsal pa//skyes bu blo ldan man ngag rtsal can gyis/ /gsang sngags ting 'dzin phyag rgyar rab ldan na/ /rdo rje mkha' 'gro'i grub rtags 'di ltar 'byung / /grub rtags phyi nang gsang ba gsum du bshad/ /nang gi grub rtags mig
242a1 dang rna ba dang //sna dang lce dang lus dang snying la 'byung / /gal te mig gis srid pa gsum mthong na/ /gtso bo phyag na rdo rje'i mtshan ma yin/ /mig gis lha mo mthong na lha mo yin/ /mig ni 'dar zhing 'gul na re ma ti/ /rna bas srid pa gsum po thos na
242a2 rdo rje 'dzin//mkha' 'gros gtam zer thos na lha mos bstan/ /bud med 'brug sgra sgrogs na re ma ti/ /sna la ga bur dri ni rdo rje 'dzin/ /ku mu da yi dri ni lha mo nyid/ /spos sam gur gum bro na re ma ti/ /lce la dam chos 'chad na rdo rje 'dzin/ /lce la gsang sngags
242a3 zlos na lha mo yin//legs nyes mtshan ma smra na re ma ti/ /lus ni 'phro na phyag na rdo rje yin/ /lus las 'od 'byung ba ni lha mo'i rtags/ /lus po 'dar ram skyi sha bung ba dang / /sha rtsa 'gul na re ma ti yi rtags/ /glal lam skyugs shing mchi ma 'ong ba na/ /lha mo dpon
242a4 g.yog yo ga phebs pa yin//gal te snying gis skye ba dran pa na/ /phyag na rdo rje'i dngos grub mtshan ma'o/ /snying ni dga' la 'tshig na rje mo yin/ /snying 'di khri la 'tshig na khol mo yin/ /da ni gsang ba grub rtags bstan par bya/ /sngags dang ting 'dzin nus pa skyed
242a5 tsam na//rdo rje dbus kyi rtsa yi nam mkha' la/ /byang chub sems kyi dga' bde skye ba na/ /mkha' 'gro rang la shar bar bshad/ /da ni phyi yi grub rtags bstan par bya/ /phyi yi rtags ni rab 'bring tha ma gsum/ /rab ni lha mo nyid kyi sku mthong ste/ /nam mkha'i dbus
242a6 su phyag na rdo rje mthong //bud med dkar mo bzhad cing byung ba na/ /gsang ba'i ye shes dngos grub ster ba'o/ /nag mo ral pa can du byung ba na/ /'dod khams 'dus pa'i mthu rtsal dngos grub bdag la ster/ /dmar mo bse yi ral pa can du byung ba na/ /'jig rten dbang
242a7 du sdud pa'i dngos grub ster//ser mo thod pa'i phreng ba can du byung ba na/ /tshe dang longs spyod rgyas pa'i grub pa ster/ /mkha' 'gro grub rtags 'bring po ni/ /rdo rje nam mkha' las dbab gtso bo yin/ /rje mo lha mo dung skyong grub rtags la/ /rdzas lud dang ni mun pa
242b1 shin tu nag /me tog char 'bab 'brug dang rlung dmar dang / /bud med gzugs dang gzha' tshon ston pa'o/ /khol mo re ma ti yi grub rtags ni/ /'brug dang rlung dmar sgo rdung khang thog 'tsheg /thibs thibs mnan dang th+wal th+wal smra ba'o/ /grub rtags tha ma rmi lam
242b2 dag tu ston//byang chub sems dpa' rmis na gtso bo yin/ /ma dang sring mo rmis na jo mo yin/ /chung ma khol mo rmis na g.yog mo yin/ /bong bu sha ba rmis na rje mo yin/ /dre'u dang bya nag rmis na khol mo yin/ /ma mo grub nas dbang du 'dus pa na/ /bud med dag
242b3 gis bdag la phyag 'tshal na//'dzum zhing 'khrig go byed pa spyod pa yin/ /ma mo grub nas dbang du ma 'dus na/ /mi sdug gzugs su ston zhing rje mor rdzu/ /gcan gzan zar 'ong ma mo phyag sgugs so/ /dam tshig nyams nas ma mo 'khrugs gyur na/ /ma mo nang 'thabs
242b4 mtshon gyi char pa 'bab//bya nag nang 'thabs khrag gi na bun 'khrigs/ /ltas de mthong na bka' chad 'ong ba'i rtags/ /gal te lte phur nag mo la sogs pa'i/ /dam sri rnams kyis bsgrub par bar gcod na/ /grang la 'khrigs shing khyim du 'gro snying 'dod/ /kha
242b5 bla smra snying 'dod la khro zhing 'tshig /bud med rkub dang mo mtshan ston pa rmi/ /gal te gtor ma dus las yol ba na/ /mo mtshan dang ni sngon gyi dbang rtags ston/ /du ba 'khrigs nas bud med glal ba mthong / /bud med ngu ba mthong na nyams pa gnod/ /mig ni btsums
242b6 pa ting 'dzin g.yel ba'i rtags//thal mo rdeb na dam tshig ma tshang zer/ /lce rtse ston na snying bo chad pa yin/ /so sgra 'khrigs na gzhan dang 'thab mo 'ong / /rgod pa thos na dgra bgegs bsgral ba'i rtags/ /khro na bar chad 'ong ba sbron pa yin/ /sbyor bar byed na dngos grub
242b7 ster ba yin//rgyang glu len pa mthong na grub thag ring / /mchi ris ngo la yod na rims nad 'ong / /gar thabs byed cing byung na ci bsams 'grub/ /gling bu 'bud pa mthong na gtor ma 'dod pa yin/ /phreng ba bgrang ba mthong na sbyin sreg 'dod pa yin/ /kha la 'o byed
243a1 sbyor ba 'dod pa yin//bong bu zhon pa rmis na rje mo yin/ /dre'u zhon pa rmis na khol mo yin/ /snyi sbams thogs pa mthong na rang la chags/ /g.yab dar thogs pa mthong na rang la chags pa'o/ /me long thogs pa mthong na chung ma'i lus la chags/ /
243a2 stang stabs byed pa slob ma'i lus la chags/ /bya dang gcan gzan gtor ma za ba bzang / /kha rog 'dug na snying po phyag rgya nor/ /'dzum pa mthong na bdag nyid tshe ring rtags/ /gos la me rag yod na slob ma nyams/ /sha ba zhon na nor rnams 'phel ba'i rtags/ /ma mo
243a3 grub pa'i rtags rnams gang byung yang //de nas grub rtags bzang po mthong ba na/ /bdud rtsi bum pa'i phyag rgya bcas la ni/ /dngos grub blang ba'i sngags ni bzlas byas la/ /snying la ci 'dod pa yi dngos grub blang / /ma dang sring mo khol mo dam la gdags/ /mtshan ma
243a4 ngan pa dag ni mthong ba na//mtshan ma ngan pa bzlog pa'i tri shUl phyag rgya bca'/ /mtshan ma ngan pa bzlog pa sngags kyis bzlog /gal te bdag ni gzhan du don gnyer na/ /bud med lag na rdzas ni gang ba thogs/ /bya dang gcan gzan mngon du 'gro na bzang / /de tshe
243a5 gtor ma phul la don la 'gro//spyad stong thogs pa mthong na don mi gnyer/ /grub pa'i drod tshad rnal 'byor spyi la gces/ /mkha' 'gro ma me lce 'bar ba'i rgyud las drod tshad bstan pa'i le'u ste bcu gnyis pa'o// //de nas dpal phyag na rdo rje la/ lha'i
243a6 dbang po brgya byin gyis 'di skad ces gsol to//thabs dang shes rab mnga' mdzad rdo rje 'dzin/ /rdo rje mkha' 'gro bsgrubs kyang ma grub na/ /spobs shing gnad la dbab par zhu/ /zhes gsol pa dang / dpal ldan phyag na rdo rjes bka' stsal pa/ /skyes bu ting
243a7 'dzin blo ldan rtsal can gyis//rdo rje mkha' 'gro ma yi gsang sngags gtsor blangs te/ /gang 'dod dngos grub mi thob mi srid do/ /'on kyang bsgrub thag ring ba na/ /de la nyes dmigs rnam pa bzhi/ /sngon gyi las 'phros ma 'brel dang / /bsnyen pa zhag grangs nyung ba
243b1 dang //bgegs kyis bar du gcod pa dang / /rnal 'byor dam tshig nyams pa bzhi/ /bsgrub thag ring ba'i rgyu bzhi yin/ /de bzhin mtshan ma ngos bzung ste/ /sngon gyi las 'phros ma 'brel na/ /bsgrubs kyang dngos grub mtshan ma med/ /bzlas brjod bsnyen pa grangs nyung
243b2 na//grub rtags 'ong zhing las mi nyan/ /bgegs kyis bar du gcod pa na/ /snying mi dga' la 'gro zhing 'jigs/ /rnal 'byor dam tshig nyams pa na/ /bar chod rkyen dbang drag po 'byung / /'on kyang mi gzhag bskyar zhing bsgrub/ /sngon gyi las 'phros ma 'brel na/ /
243b3 dang po bsnyen pa yun la/ /de nas gnad la dbab pa ni/ /bsgrub pa'i dkyil 'khor byang shar du/ /dur khrod sa la gru gsum dkyil/ /'phang du khru gang yod pa brtsigs/ /mi yi khrag gis chag chag gdab/ /de nas zhing sogs g.yas pa la/ /lha mo nyid kyi sku bris
243b4 la//rgyus pa'i gzungs thag snying gar gdags/ /gru gsum steng du gan rkyal mnan/ /gzungs thag rtse mo sos bzung la/ /hU~M mdzad chen por gsal bsgoms la/ /ma mo gsod pa'i snying po bzlas/ /rag mo tsit+ta rak+ta sti ra ti ti mA ra ya hU~M/ dzaH/ de skad gsang
243b5 sngags bzlas nas ni//ma mo'i snying khrag rngub par bsgom/ /ma mo bong bur bcas pa rnams/ /ma trang bzhin du 'gyel bar bsam/ /de nas snying gar rdog pas mnan/ /tsit+ta dz+wa la ra~M zhes pas/ /bdag gi zhal nas me byung bas/ /ma mo thul gyis bsregs par
243b6 bsam//ma mo'i sa bon ma~M nag mo/ /bdag gi zhabs 'og rgyud pa las/ /ma ma ru lu zhes brjod pa las/ /bdag nyid dpal gyi zhabs 'og nas/ /lha mo nus pa'i thod phreng can/ /thal mo sbyar nas 'dug par bsgom/ /rta mgrin phyag rgyas dbang du bsdu/ /khyung
243b7 gshog phyag rgyas zil gyis mnan//gnad la gdab pa'i dam rdzas bsreg /de ltar lan cig bsad pa des/ /gzugs ni rdog pa'i 'og nas dbyung / /byang shar mtshams su bzhugs su gsol/ /smre bshags bya zhing gdung glu blang / /bdud rtsi rnam pa
244a1 lnga yis gso//mtshang nas bru zhing gnad nas bskul/ /de nas bsgrub pa bskyar la brtsam/ /the tshom med par 'grub par 'gyur/ /bsnyen pa zhag grangs nyung ba na/ /mi rus sam ni ru rag sha/ /lung thang dag gi phreng ba la/ /ma yengs grangs kyi bsnyen
244a2 pa ni//'bum tsho bdun du bzlas kyang rung / /yang na mtshan ma'i bzlas pa shis/ /bgegs kyis bar du gcod pa na/ /gru gsum e dong nag po brko/ /mi khyi phag gi chag chag gdab/ /kham sa rdza yi ling+ga la/ /snying gar dam sri'i ming bris la/ /rabs chad nag
244a3 po'i thod par gzhug /thod pa dong gi nang du gzhug /'bar ba'i dkyil 'khor gsal bar bsgom/ /dam sri bkug cing bstim byas la/ /mi rus sor brgyad phur pa yis/ /mi g.yo mgon por gsal bsgoms gdab/ /mtshan ma ngan pa bzlog sngags bzlas/ /de steng
244a4 rdo ba nag po la//ri rab rdo rje rgya gram bri/ /'brub khung de yi kha bcad la/ /de steng sku gdung nag po brtsig /de ni dam sri mnan par bshad/ /rnal 'byor dam tshig nyams pa la/ /mkha' 'gro ma yi chad pa 'byung / /nyams tshad che na bka' chad che/ /bsgrub pa grub rtags
244a5 med pa dang //rang nyid srog la bab pa'o/ /nyams pa 'bring gi bka' chad ni/ /'khor la rkyen dang rims nad 'byung / /nyams pa tha ma'i bka' chad ni/ /dgra dang nor la god ka 'byung / /de nas nyams pa bskang ba bstan/ /nyams pa chen po bskang ba ni/ /gtor ma
244a6 khri dang sbyin sreg khri//de bzhin ra tsa gsum gyis bskang / /des kyang skongs par mi 'gyur na/ /dang po mkha' lding gsum gyis bskang / /de nas shel nag gsum gyis bskang / /bka' chad 'bring po byung ba na/ /gtor ma stong dang sbyin sreg stong / /mkha' lding gnyis
244a7 dang spyi nag gnyis//de bzhin ra tsa gnyis kyis bskang / /mdangs kyi mar me brgyad dbul/ /bka' chad tha ma byung ba na/ /gtor ma brgya dang sbyin sreg brgya/ /mkha' lding gcig dang shel nag gcig / ra tsa gcig gis skongs par bshad/ /mkha' 'gro ma
244b1 me lce 'bar ba'i rgyud las spogs shing thugs dam skong ba'i le'u ste bcu gsum pa'o// //de nas lha'i dbang po brgya byin gyis dpal phyag na rdo rje la 'di skad ces gsol to/ /drag po dpal 'bar gnod sbyin khros pa'i gtso/ /rdo rje mkha' 'gro'i dngos grub bsgrub
244b2 'dod pas//rtag tu bsten pa rdo rje 'dzin pas shod/ /ces gsol pa dang / dpal phyag na rdo rjes bka' stsal pa/ nyon cig mkha' 'gro rtag tu bsten pa ni/ /dang po grub cing mtshan ma thob pa gces/ /de nas phyi nang gsang ba gsum du bstan/ /dpon mo'i phyi yi rten ni rma
244b3 bya'o//rma bya'i snying gar b+h+yo las lha mo bskyed/ /khol mo'i phyi yi rten ni bya nag mo/ /snying gar b+h+yo las re ma ti bskyed la/ /rma bya de mo nag gam shel nag la/ /sna la ma mo dpon g.yog legs par dbab/ /de nas phyi nang gsang ba'i dbang bskur la/ /dus su gtor
244b4 mas mchod cing rten du bzung //nang gi rten ni sku dang gsang mtshan no/ /rang gi gzugs dang gsang mtshan kha sprad la/ /bar du ru ti rdo rje pad+ma mi/ /gsang ba ga bur stsal te lus la bsrel/ /gsang ba'i rten ni lhan cig grub pa'i lha/ /gsang ba ye shes thig le ma mor
244b5 blta'o//de nas rtag tu sngags dang phyag rgya dang / /ting 'dzin rdzas dang dam tshig mi spong ngo / /rtag tu zas kyi phud kyis bsten par bshad/ /mkha' 'gro ma me lce 'bar ba'i rgyud las ma mo rtag tu bsten pa'i le'u ste bcu bzhi pa'o// //de nas dpal phyag na
244b6 rdo rje la/lha'i dbang po brgya byin gyis 'di skad ces gsol to/ /kye dpal 'bar chen mo nyi ma stong gi gzi/ /rdo rje lha mo mkha' 'gro ma dpal gyi lha mo'i/ /bra rtags dbab dang slob ma dbang bskur ba'i/ /ma mo dbab pa'i gsang sngags bdag la shod/ /ces gsol
244b7 pa dang /dpal phyag na rdo rjes bka' stsal pa/ lha mo 'bebs shing slob ma dbang bskur ba'i/ /slob dpon nyid kyis ma mo grub pa gces/ /de nas ma mo grub pa'i slob dpon des/ /dur khrod chen por zhag bdun bsnyen pa bya/ /sngags dang man ngag rdzas su ldan par bya/ /
245a1 dang po rang la ma mo phebs par dbab/ /de nas slob ma dkyil 'khor 'jug pa dang / /me tog dor dang lha ngo bstan bya dang / /dpal phyag na rdo rje'i dbang bzhi bskur/ /dang po rdo rje rtse lnga 'bar ba'i dbang / /gnyis pa shes rab dril bu dag gi dbang / /de
245a2 bzhin gsum pa la ni dbu rgyan te//bzhi pa rigs lnga ye shes lnga yi dbang / /de nas lha mo nag mo'i dbang bzhi bskur/ /dang po la ni thod pa'i dbang / /gnyis pas shes rab ral gri'i dbang bskur te/ /gsum pa la ni ne'u le'i rkyal bu'o/ /de bzhin bzhi pa dpa' bo
245a3 ha sta sbyin//de nas re ma ti yi dbang bzhi bskur/ /dang po dur khrod g.yang gzhi'i dbang / /gnyis pa rdo rje Da ma ru yi dbang / /gsum pa kha T+wAM bdud kyi khram bam dbang / /de bzhin bzhi pa chu gri 'dod pa'i dbang / /dbang ni bskur ba'i sngags kyang bzlas par bya/ /bcu gnyis
245a4 rim pa sngon du rjes pa dang //sku dang gsung gi dam tshig dpog par bya'o/ /de nas gsang ba'i dbang la 'jug par bya ste/ dbang po bram ze rgyal rigs rje'u rigs kyi/ /bu mo brgyad dang bcu drug nyi shu ma/ /mig gi dkyus sngo bsangs nu ma rgyas/ /skra bzang so
245a5 dkar ut+pal bro//de la khrus byas me tog gser gyis brgyan/ /dbang po lnga la bdud rtsi dag gis gdab/ /dpral bar phyag na rdo rje'i gsang sngags bri/ /de yi snying gar lha mo'i snying po la/ /lte bar re ma ti yi snying po bri/ /sman lnga bdud rtsi lnga yi zas byin la/ /gsang
245a6 ba'i pad+mar ru hi rdo rje stsal//de nas bsgrub pa'i dkyil 'khor nub phyogs su/ /dbang bskur stegs bu zlum po dmar po brtsig /de yi steng du bu mo de bzhag la/ /phyogs mtshams kun du tshil dang cong zi bsreg /steng 'og kun du zhing gi bla re gdan/ /mdun dang rgyab
245a7 tu gtor ma sbyin//de nas ma mo'i snying po 'bum du gdon/ /de nas rdo rje slob dpon gu ru yis/ /Da ma ru rdung ma mo drag tu bod/ /srog snying drang zhing g.yab dar g.yab/ /de nas bu mo de la sems gtad la/ /sngags 'di bzlas shing gdong du rtag tu blta/ /bu mo ma yengs
245b1 sa le bsgom du gzhug /o~M tsaN+Da ma hA ro Sha Na hU~M sa ma ya pra thA ru ru ro ru tsa pa la a shug me sa ma ya pra thA/ kha mun+t+ra pra ma ya ma tis+Ti pra yo ga sid+d+hi sa ma ya pra thA/ A be sha a/ drag tu ma mo bskul zhing dbab par bya'o/ /phebs par dka' na gnad la 'bebs rdzas
245b2 bsreg /lan gsum ma mo 'bum gyis nges par phebs/ /bzang ngan legs nyes mtshan ma th+wal th+wal smra'o/ /yang na mi smra bar yang phebs par byed/ /de nas bu mo de yi lus po la/ /spos dang me tog mar me dri chab kyis/ /dang po la ni phyi yi mchod pa bya/ /sha lnga
245b3 bdud rtsi lnga dang bza' btung gis//de nas gnyis pa nang gi mchod pa dbul/ /gsang ba'i mchod pa khu ba'i thig le des/ /dang pos gtso bo rdo rje 'dzin pa mchod/ /gnyis pas lha mo dpon g.yog mchod par bya/ /gsum pas khu ba bdag btung dngos grub blang / /
245b4 gzungs ma mkha' 'gro yin par nges bskyed la/ /gzungs ma'i lce la gzhag la dam tshig bsre/ /de nas thig le slob ma'i lce la gzhag /de nas ma mo thugs kyi dbang sbyin no/ /de nas bu mo de yi mdun du ni/ /dbang gi rtags su zla gam dmar po brtsig /de nas
245b5 slob ma stegs bu'i kha la gzhag /mkha' 'gro kun la sbyin sreg gtor ma dbul/ /de nas bu mo shes rab ma de yis/ /ma mo 'dod kyi slob ma de la dbab/ /ma mo bskul ba'i rdzas rnams bsreg par bya/ /phyi dang nang gi drod tshad mtshan ma dbab/ /mtshan ma
245b6 phebs nas thugs kyi dam tshig dbab//dam tshig bsre ba'i gsang ba'i dbang bskur ro/ /des ni mkha' 'gro mngon du 'grub par bshad/ /ma mo mkha' 'gro thugs kyi gsang rgyud 'di/ /dbang dang dam tshig med pa'i slob ma la/ /tshig gcig bstan
245b7 yang tshe yi 'du byed bskul//myur du shi nas rdo rje dmyal bar skye/ /de bas dbang bskur gnang ba thob la sbyin par bshad/ /mkha' 'gro ma me lce 'bar ba'i rgyud las dbang bskur ba'i le'u ste lnga pa'o// //de nas lha'i dbang po brgya byin des/
246a1 dpal phyag na rdo rje la 'di skad ces gsol to/ /kye ma phyag na rdo rje che/ /ngo mtshar byin brlabs rnams kyi mchog /lha mo grub pa'i rnal 'byor pa'i/ /las kyi rim pa bshad du gsol/ /ces gsol pa dang / dpal rdo rje 'dzin pas bka'
246a2 stsal pa/nyon cig lha yi dbang po brgya byin nyon/ /lha mo'i grub pa thob pa'i rnal 'byor pas/ /so so'i las la ched du ma brtsams kyang / /yid la ci 'dod bsams pa tsam gyis 'grub/ /'on kyang ched du sgrub pa rtsom pa na/ /las kyi bye brag dam pa ngas bshad
246a3 do//ma mo grub pa rnams kyis bya ba yin/ /dang po'i las can rnams kyis mi brtsam mo/ /brgya byin nyon cig /zhi ba'i las kyi khyad par ni/ /bu ram sbrang rtsi gi'u wang dang / /gu gul spos dang 'o ma dang / /mar khu til dang 'bras chan dang / /a ga ru dang
246a4 du ru ska//gang la bya ba'i ming dang bcas/ /ril bu khri tsho gcig byas la/ /zhi ba'i thab khung zlum po dang / /'o ma yod pa'i shing brtsigs la/ /mkha' 'gro ma rnams dkar po la/ /bdud rtsi'i bum pa thogs nas kyang / /gang la bya ba'i spyi bo nas/ /dbang bskur
246a5 lus po zhi bar bsgom//me sbar ril bu rim gyis bsreg /gong ma'i srog snying bzlas shing dbul/ /srog gi snying po'i gzhug rgyan du/ /shAn+tiM ku ru swA hA bzlas/ /'bum tsho bzhi ru bzlas byas la/ /bdud dang bgegs rnams zhi ba dang / /dgra dang nad yams
246a6 zhi bar byed//rgyas pa'i las su bya ba ni/ /gur gum sta rga'i rgun 'brum dang / /ut+pal mar khu gi'u wang dang / /bdud rtsi lnga dang dpag bsam shing / /gang la bya ba'i ming dang bcas/ /khri tsho gnyis kyi ril bu bya/ /rgyas pa'i thab khung gru bzhi pa/ /'bras bu
246a7 yod pa'i shing brtsigs la//gtso bo phyag na rdo rje dang / /mkha' 'gro ma kun ser po la/ /rin chen mdzod dang bum pa thogs/ /gang la bya ba'i snying ga ru/ /dbang bskur phung po rgyas par shog /me sbar ril bu rim gyis dbul/ /o~M tsaN+Da ma hA ro Sha Na hU~M/ kha
246b1 mun+t+ra ba tra ba trag rag mo puk+Ting+ku ru swA hA//'bum tsho brgyad du bzlas pa bya/ /tshe dang rigs rgyud 'phel bar byed/ /nor dang longs spyod 'phel bar 'gyur/ /dbang gi las su bya ba ni/ /sbrang rgod ra khrag chang dang chab tshan dang / /khug chos lug mig pa dang
246b2 ni//yung dang gla rtsi cong zhun dang / /nya sha mar khu rgya skyegs ni/ /ril bu khri tsho gsum byas la/ /dbang gi thab khung zla gam la/ /tsher ma can gyi shing brtsigs la/ /gtso dang 'khor gyi ma mo kun/ /mdog dmar lcags kyu thogs pa yis/ /gang la bya ba
246b3 bkug par bsgom//mi sbar ril bu rim gyis bsreg /o~M tsaN+Da ma hA ro Sha Na hU~M/ pa tsa la a shug me/ pra ma ma hA sti pra che ge mo A kaR+Sha ma nA ya hrIHdzaH/ 'bum tsho bcu drug bzlas pa na/ /'khor los sgyur ba'i rgyal po dang / /stag dang glang po nor bu dang / /'gro ba bzang
246b4 dang blon po dang //dmag mi dang ni lha mi dang / /klu dang gnod sbyin bu mo dang / /kun kyang bdag gi dbang du 'gyur/ /bskrad pa'i las su bstan pa ni/ /drag po'i me thab gru gsum du/ /dug shing tsher ma'i me bus la/ /rta dang mgrin ring sha dang tshil/ /khwa yi sgro
246b5 dang thar nu'i chang //gang la bya ba'i ming dang bcas/ /'bum tsho ru ni bzlas pa bya/ /rlung gi dkyil 'khor steng du ni/ /rlung gi rnga mo sngon mo bskyon/ /de steng gang la bya ba bskyon/ /re ma ti yis sna nas khrid/ /lha mo nag mos phyi nas ded/ /phyag na rdo rjes rgyab nas
246b6 phul//dpag tshad brgyad khrir bskrad par bsam/ /snying po bzlas shing ya stags bsreg /snying po tha ma skrod ces bskul/ /yul nas dbyung zhing 'khyams par nus/ /phaT tsa pa la a shug me/ /s+phA ra Na ma ya~M phaT phaT skrod cig /dbye ba'i las su
246b7 bstan pa ni//rta g.yag bya rog 'ug pa'i sha /btsan dug skye tshe spyang ki'i tshil/ /mdza' bo gnyis kyi ming bcas la/ /tsher ma'i shing la me bus la/ /'bum tsho gcig tu bstabs pa bya/ /srog gi snying po'i tha mar ni/ /ma ma trag rag sha ru tra mA ra
247a1 ya hU~M phaT/gats+tsha phaT zhes ni bzlas pa bya/ /the tshom med par dbye bar nus/ /bud med 'gugs pa'i sbyor ba ni/ /lan tshwa rgya skyegs rdo sol dang / /cong zi bu ram nya sha dang / /sbrang rtsi mngal khrag khu ba dang / /gang la bya ba'i ming ngam skra/ /ril
247a2 bu brgya rtsa brgyad byas la//seng ldeng me la bsreg par bya/ /du ba byung na 'dod chags langs/ /me lce 'bar nas khugs par byed/ /sngags ni mkha' 'gro'i snying pos bya/ /tha ma bud med 'di khug bya/ /des ni the tshom med par nus/ /lkugs par bya ba
247a3 bstan pa ni//kham pa'i rdzas la dgra gzugs bya/ /lug gi rkan la ming bris la/ /de yi snying gar gzhug par bya/ /kha yi nang du nya mgo gzhug /kha ni tsher mas rab tu gtur/ /gzugs ni khyi mgo'i khar gzhag la/ /khyi mgo spyang ki'i rgyus pas
247a4 dkris//gsang sngags brgya rtsa brgyad du bzlas/ /o~M badzra tsaN+Da ro Sha Na hU~M/ re ma ti che ge mo bag+sha hU~M/ sos par bya na slar la bshig /gal te ma bshig mnan na ni/ /ma shi'i bar du kha 'thams so/ /smyo ba'i las su bya ba ni/ /btsan dug ldong ros sbrul nag
247a5 go//sdig pa'i rwa dang bye'u chung ro/ /gang la bya ba'i ming dang bcas/ /de nyid kyi ni gnas su bsreg /che ge mo sha trU na nA/ sha pra ma ya hU~M phaT/ the tshom med par 'bog cing smyo/ /rengs par bya ba bstan pa ni/ /gri rgod ro bsregs rus pa dang / /a bra nag po'i
247a6 'bras bu dang //dmangs rigs khyim gyi dud pa dang / /byi la'i sha dang btsan dug dang / /phabs dang sug pa gu gul nag po dang / /phye ma dag tu rab sbyar la/ /sngags ni 'bum du bzlas pa bya/ /o~M mA Ni badzra ma hA ka li tsa pa la hU~M/ spo ta grum sngo sreng hU~M hU~M hU~M/
247a7 de rnams kyis ni phye ma de/ /gang la gtor bas rengs par nus/ /rang lus sba ba'i sbyor ba ni/ /khwa ta nag po'i tshang shing la/ /ut+pal nag po'i khu bas byug /bram ze'i go ro tsa nas bsku/ /bsgrub pa'i dkyil 'khor dbus su gzugs/ /phyag na rdo rje'i
247b1 snying po bzlas//de nas na bun bu mo bdun/ /srin bal nang du dril la gzhag /lha mo dpon g.yog snying po bzlas/ /srin bal thul po shing la gdags/ /mis ma mthong bar lus la bcang / /bdag ni sus kyang mi mthong ngo / /nyon cig lha dbang brgya
247b2 byin nyon//bstan pa gnyan po bshig pa dang / /rdo rje slob dpon brnyas pa dang / /gsad pa'i sbyor ba rab tu bshad/ /rje mos gsad pa'i las bzhi dang / /khol mo nag mo'i thun drug ni/ /ngas gsungs pa la the tshom med/ /gsad pa'i las bzhi bstan
247b3 pa ni//dang por khrag nad dbab pa dang / /gnyis pa rims nad dbab pa dang / /gsum pa tsha ba 'brum nag 'bar/ /bzhi pa snying gzer 'bar ba'o/ /nad bzhi gang 'dod 'bar bas bsad/ /khrag nad dag gis dgra gsad na/ /ro tshas ras la ling+ga
247b4 bri//tsha ba gsum gyi khu bas bsku/ /bzlas pa bya zhing gtor ma gtang / /phebs par dbab cing bskul bar bya/ /o~M badzra tsaN+Da ma hA ro Sha Na hU~M/ o~M ru ru tiSh+Ta pa to si/ ru ru be ro ru be tiSh+Ta pa to si/ tsa pa la a shug me/ che ge mo rak+ta ro ge na ga mA ra ya hU~M
247b5 phaT/khri tsho gcig tu bzlas byas la/ /ling+ga gtor mar dbul bar bya/ /khrag nad kyis ni 'chi bar 'gyur/ /da ni rims nad dbab pa bshad/ /btsan dug mda' dug rgyu gzer khrag /chang dang lo dug khrag dang bzhi/ /thod pa dum bu brgyad par stsal/ /
247b6 zhing ras dag gis kha bcad la/ /sngags 'di sum 'bum bzlas pa bya/ /o~M badzra tsaN+Da ma hA ro Sha Na hU~M/ ru ru be tiSh+Ta ba to si/ ru ru ro ru ho ruSh+Ta ba to si/ tsa ba la a shug me hU~M bya ha di ma ro ge na ga A be sha ya/ mA ra ya phaT/ rang nyid khros pa'i cha
247b7 lugs bya//dgra yi phyogs su mtshan mo gtor/ /rims nad dag gis phung bar nus/ /tsha ba'i nad kyis gsad pa ni/ /rabs chad nag po'i sha khrag dang / /bya rog 'ug pa'i sha tshil dang / /seng stag bya rgod skyung ka'i snying / /rta nag ra rog
248a1 phag gi snying //spyang mo'i snying dang rme gri'i sha /cong zhun dang ni gi'u wang sbyar/ /dug dang khrag kyang bsres byas la/ /ril bu khri tsho bzhi byas la/ /ma trang nag po'i zhal bcas la/ /ma trang de yi kha nang du/ /dug shing nag po'i hom sbar te/ /
248a2 rdo rje mkha' 'gro dpon g.yog kyang / /nag mo ral pa rngam bag can/ /lag na ral gri thogs pa yi/ /dgra sha bcad cing za bar bsgom/ /ril bu re dang dgra ming re/ /bsdebs shing bsregs pa'i las bya'o/ /ma mo bskul ba'i rdzas re bsreg /nag mo chen mo'i
248a3 dmod pa ni//o~M badzra tsaN+Da ma hA ro Sha Na hU~M/ ru ru be tiSh+Ta ba to si ru ru ro ru be tiSh+Ta pa to si/ tsa pa la a shug me/ ma ma sarba sha tru~M a mu ka shI g+h+ra~M mA ra Na/ dz+wa la ra~M tsit+ta dz+wa la dzi pa~M ru d+hi ra~M mA ra ya nA sha ya hU~M phaT/ de nas thal ba hoM khung mnan/ /tsha ba'i nad la the tshom med/ /
248a4 snying gzer 'bar bas dgra bsad na/ /lcags sam dug shing phur bu la/ /lus la bcangs la bsnyen pa dbul/ /spyi bor phyag na rdo rje bsgom/ /rked par lha mo nag mo bsgom/ /rtse mor re ma ti yang bsgom/ /logs la 'khor gyi ma mo bsgom/ /kI la ya la
248a5 bsgom pa rnams//sku stod rgyan dang lag char ldan/ /rked par zhe sdang sbrul gyis dkris/ /sku smad gdug pa'i phur bu 'bar/ /lus la bcangs la bsnyen pa dbul/ /o~M badzra tsaN+Da ma hA ro Sha Na hU~M/ ru ru be tiSh+Ta ba to si/ ru ru ro ru be tiSh+Ta ba to si/ tsa pa la a
248a6 shug me/re ma ti badzra kI li ki la ya hU~M mA ra Na hU~M phaT/ rtag tu bsnyen pa dbul byas la/ /gtor ma sbyin sreg dag gis mchod/ /de nas dgra yi gzugs byas la/ /rkang lag dag la btab pa na/ /snying la btab na 'chi bar byed/ /snying gzer 'bar ba'i cho ga'o/ /
248a7 khol mo nag mo'i thun drug ni/ /'gu li nag mo'i thod pa'i thun/ /nir ti nag mo mda' yi thun/ /rak+ta nag mo khrag gi thun/ /tsa ra~M nag mo sgo nga'i thun/ /byi sha nag mo dug gi thun/ /tsit+ta nag mo snying gi thun/ /nag mo'i thun drug rab bshad bya/ /'gu li nag mo'i
248b1 thod mda' ni//mi ro dkris pa'i dkris ma la/ /dug dang khrag gi snag tsha yis/ /dbus nas bskor la yi ge bri/ /o~M tsaN+Da ma hA ro Sha Na hU~M/ zhes bya ba dbus su bri/ /de yi phyi rim du ru ru pe tiSh+Ta ba do si/ ru ru ro ru be tiSh+Ta ba do si/ tsa pa la a shug me hU~M b+h+yo zhes bri/
248b2 de'i phyi rim du ru ru be ro ro ru hU~M tiSh+Ta ba do si/ rag mo tsit+ta kha rag ma hU~M b+h+yo/ ma ma trag rak+sha kha mun tra ba tra ba trag rag+sha tsi tra kha rag ma/ re ma ti sa ma ya ma hA pra ma sti pra dun b+h+yo dzaH dzaH/ ru lu b+h+yo b+h+yo zhes bri/ de'i phyi rim du ma nag mos bskor/ /de'i phyi rim du b+h+yos bskor/ /de
248b3 nas sngags kyi 'khor lo de//nal thod dum bu brgyad par stsal/ /thod pa de yi nang du ni/ /ba~M dang khyi rgya ra rog snying / /yugs sa mo yi mngal khrag dang / /nad gang 'dod pa'i sha rus khrag /dug sna tshogs dang khrag sna tshogs/ /chang dang sbyar la thod par blug /thod pa
248b4 g.yang gzhi'i steng du gzhag /de rag dza ti ta ba~M dang / /mkha' 'gro ma la phul nas ni/ /ske tshe yungs nag thal chen la/ /sngags 'di bzlas la thod par blug /o~M ru ru be ro ru hU~M tiSh+Ta ba to si/ hU~M hU~M/ tsa pa la a shug me karma de byi mu di rA ga ba~M hU~M hU~M tsa pa la a
248b5 shug me/mu yaM rak+Sha thum du na nan/ kha rag tsa mun ti hU~M hU~M tsa pa la a shug me/ a ka ma mA ra Na hU~M phaT/ sngags de khri tsho thon pa'i tshe/ /go ro tsa nas kha bcad la/ /dur khrod dag tu gnas dag ste/ /nam phyed thod mda' dgra la 'phang / /ma mo bskul ba'i dam rdzas
248b6 bsreg /de ni phung zhing rlag par byed/ /nir ti nag mo'i mda' thun ni/ /mda' sgro bya skyung ka yis sgron/ /dug shing nag po'i mde'u btsugs la/ /bam gyi snying khrag yugs sa'i khrag /btsan dug yungs kar skye tshe dang / /mi rigs dgu yi so sen dang / /bya dang gcan
248b7 dgu'i sder mo dang //tsher ma dgu dang mtshon dbal dgu/ /gri rgod khrag dang g.yul sprad sa/ /de rnams bsres pa'i phye ma la/ /ma mo las la bskul ba dang / /gnad la dbab pa'i sngags kyis gdab/ /de yi gting la thun gyi mthu/ /dme gri nag mo'i zor sngags
249a1 bzlas//rag mo tsit+ta mo tsa tsa mo b+h+yo/ hi li hi li ma ma b+h+yo/ badzra a li ga sri ga si hU~M b+h+yo/ badzra ma ma ti b+h+yo/ de skad sngags ni bzlas nas ni/ /rdzas dang phur thun mda' sbubs blug /mda' nyid dug dang khrag gis byug /dur khrod mgal pa'i pha zhu
249a2 bdungs la//mde'u yi rtse mo bsreg byas la/ /mda' de nam phyed dgra la 'phang / /gang la bya ba gri ru 'chi/ /rag+ta nag mo'i khrag thun ni/ /mi rta ra khyi phag khrag dang / /rims nad khrag dang gu gul dang / /tsher ma dgu dang mche sder dgu/ /klu yi chu dang btsan dug
249a3 dang //rngar gri 'bum tri nang du stsal/ /yungs kar dag la thun sngags 'di/ /bdun khri bzlas la khrag gi nang du blug /ru ru tsa dug a shug me pa ti ru tra kha shal mo/ che ge mo a mu ka rak+ta tsa ra nan/ mA ra ya mA ra ya ru ti ra~M/ A kaR+Sha ya a hU~M phaT/ de skad
249a4 khrag la sngags bzlas la//ma mo las la bskul sngags gdab/ /de nas khrag gi zor mda' de/ /ro dkris dag gi 'ur rdor stsal/ /nam phyed dgra la 'phang bar bya'o/ /des ni gang la bya ba 'chi/ /tsa ra nag mo'i sgong thun ni/ /bya mo nag mo'i sgo nga yi/ /spyi bo
249a5 brtol ba'i sgong stong du//rims kyi khrag dang btsan dug stsal/ /yungs kar thal chen mtshon dpal la/ /srog gi snying po 'bum du bzlas/ /tha mar sgong thun gdab sngags bzlas/ /kha mun tra ba tra ba trag sha rag mo te ke ma dzA dzA/ kha rag te kem b+h+yo b+h+yoH/ de
249a6 nas sgo nga kha bcad la//ha sta lag par bcug la 'phang / /mkhar la brgyab kyang 'jig par nus/ /dgra la 'phang na the tshom med/ /byi sha nag mo'i dug thun ni/ /ma he'i rwa 'am ba men ru/ /mda' dug btsan dug lo dug dang / /rims nad khrag dang
249a7 chang blugs la//rwa ru nang nyid khar bcug la/ /dang la mkha' 'gro'i snying po dang / /las la bskul sngags ming dang bcas/ /de nas dug gi dbal sngags bzlas/ /hU~M re ma ti ma ma ru lu rag Sha b+h+yo/ /re ma ti byi shi ma ya sta yak+sha kro d+ha che ge mo mA ra ya phaT/
249b1 rwa rtse phra mo bcad par ni/ /dug gi khu ba mi mgos gting / /mi mgo dug gis khengs tsam na/ /ma mo bskul ba'i rdzas bsregs la/ /khram bam phyag rgya bcas la ni/ /nam phyed khros te dgra la 'phang / /the tshom med par dgra brlag go/ /tsit+ta nag mo'i snying thun
249b2 ni//spyang ki stag dang sre mong snying / /khyi dang 'ug pa wa yi snying / /pho rog khrag dang sbrul gyi snying / /thod pa'i nang du stsal la ni/ /dang po ma mo dpon g.yog gi/ /gnad la bskul ba'i sngags bzlas shing / /ma mo bskul ba'i dam rdzas bsreg /de nas snying gi thun
249b3 sngags ni//trag rak+sha tsi ta dung ro ta ma ta sma ra ra ta b+h+yo/ /de skad bzlas pa'i snying thun des/ /grong la brgyab kyang phung bar byed/ /nag mo 'bar ba'i thun drug 'dis/ /mkhar la brgyab kyang 'jig pa la/ /g.yul ngo chen por brgyab kyang bzlog /gzhan gyi byad
249b4 dang sngags kyang bzlog /dgra dang bgegs la the tshom med/ /yang ni bshad kyis brgya byin nyon/ /bstan pa gnyan po'i sku dgra la/ /ltas ngan bya nag dbab pa ste/ /dang po bya nag bzung byas la/ /bcu gnyis dbang gi rim pa bskur/ /de nas bya la ma mo dbab/ /
249b5 bya de mig rtsa rgod pa dang / /skad 'byin gshog pa gdeng ba na/ /ma mo phebs pa'i rtags yin pas/ /phyi dang nang gi mchod pa bya/ /phyag rgya dgu ni rab bstan la/ /dbang bskur dam tshig sbyin par bya/ /de nas ma mo bskul sngags bzlas/ /las la
249b6 bskul ba'i dam rdzas bsreg /sngags 'dis bya de spar la gtang / /o~M k+Sha rag sha tsi ta kha rag ma tsit+ta tung tung dza sha yu ta ti b+h+yo/ re ma ti rAk+Sha si ru lu ru lu pra ma ma hA sti pra dung b+h+yo/ kar ma sam ya b+h+yo b+h+yo b+h+yo zhes gtang ngo / /des ni bya nag gang du smos par
249b7 'gro'o//mkha' 'gro ma me lce 'bar ba'i las kyi rgyud las las so so ma mo'i bye brag bstan pa'i le'u ste bcu drug pa'o// //de nas lha'i dbang po brgya byin des/ dpal phyag na rdo rje la 'di skad ces gsol to/ /kye rig sngags gsang sngags
250a1 bdag po gsang dbang po//phyag na rdo rje thig le bstan pa bsrung ba yi don du/ /bdud rtsi 'chang bzhin mar me gsod pa yi/ /skyes bu chen po mnga' bdag bshad du gsol/ /zhes zhus pa la/ dpal phyag na rdo rjes bka' stsal pa/ lnga brgya tha ma
250a2 me ltar 'bar ba'i tshe//nyams pa gsod pa'i sbyor ba bshad kyis nyon/ /dang po mkha' 'gro me lce bsgrub pa'i rnal 'byor pas/ /skabs su gsad pa'i las la 'jug pa ni/ /dang la mtshan ma phebs pa'i bsnyen pa bya/ /gtor ma sbyin sreg sti ras bu tsa bya/ /
250a3 kham sa rkang rjes dri chu skra shad la/ /gang la bya ba'i snying gar ming / /dug dang bdud rtsi'i gtor ma'i nang du stsal/ /de nas ma mo zhag bdun dbab cing bstab/ /bskul ba gnad la dbab pa'i dam rdzas bsreg /gnad la dbab cing las la bskul sngags
250a4 bzlas//ting 'dzin khrag 'thung bdud mo'i bar du ni/ /snying gi 'od zer dag gis drangs byas te/ /bdud rtsi drangs pa'i sbyor ba ston pa ni/ /gsal ba dngos grub spyi ste log pa yis/ /gsang sbugs bdud rtsi bdud mo'i zhal du drang / /thugs kyi dkar dmar pad+ma'i sbu
250a5 gur spro//bdag gi sbubs na thugs kyi dpal be'u rgyas/ /de nas mar me gsad pa'i ting 'dzin ni/ /bzhis bsdus dbus nas nr-i las 'od 'bar ba/ /bdag nyid bdud mo'i rang bzhin gsal ba la/ /spro ba'i rlung gis mar me gting nas sbar/ /bud pa'i rlung
250a6 gis mar me khad kyis gsad//'dren pa'i rlung gis thig le'i rtse mor drang / /dang bos bkrag shor gnyis pas sum cha nyams/ /gsum pas phyed la bzhi pas sum gnyis med/ /lnga pas mun khang ltar gyur bdag la gsal/ /mar me bdud rtsi lo grangs du
250a7 lon thub//de nas dgra gzugs 'gu ling nag por gzhug /hom khung nang du rtsang nang phur bus bskor/ /nag mo ro zan kha la me 'bar ma/ /ma bdud rgyal po lhag pa'i snying rje can/ /khrag 'thung re ma ti yi dmod pa ni/ /tra ga rag sha re ma ti'i hU~M a mu ka sri
250b1 kra ma ma ra na ya ma rag mo Ar+ya tsa tsa thi gi ma kha la b+h+yo b+h+yo//rag mo tsi ta kha rag ma b+h+yo/ rag mo ti ki ma dzaHdzaH/ kha le dun b+h+yo/ kha rag ti ki ma dza kha le dun b+h+yo/ ma rag thun ma b+h+yo/ che ge mo mA ra ya hU~M phaT/ gsang sngags de ni khri tsho gnyis su gdab/ /yungs kar thal
250b2 chen dag la sngags la gdab//'gu ling dur khrod rnying pa'i gting du mnan/ /gang la bya ba de ni zhag bdun len/ /mkha' 'gro ma me lce 'bar ba'i rgyud las mar me bstan pa'i le'u ste bcu bdun pa'o// //de nas lha'i dbang po brgya byin gyis dpal phyag na
250b3 rdo rje la 'di skad ces gsol to//kye bde ba chen po rdo rje 'chang / /'khor ba'i rgyun lam bcad pa dang / /ye shes nus pa bskyed pa'i phyir/ /thig le ye shes man ngag 'di/ /snying rje can gyis bshad du gsol/ /zhes zhus pa'i tshe/ dpal phyag na rdo rje des
250b4 gsang ba'i thugs ka nas/ye shes 'byung ba zhes bya ba'i 'od zer bkye nas 'dzum pa'i mdangs kyis 'di skad cas bka' stsal to/ /ye shes rdo rje thig le ni/ /thun mong ma yin shes par dka'/ /don dam kun rdzob gnyis su bshad/ /don dam sems kyi spyod
250b5 yul lo//kun rdzob las kyi phyag rgya dngos/ /rgyal rigs bu mo de la bsten/ /rang rig rtsal gyis rlung g.yos te/ /rlung gi thig le ye shes me/ /rdo rje gsang bas sa bon bskul/ /rtog med gsang ba'i thig le la/ /mi bskyod mnyam par sems gtad na/ /mar
250b6 me'i rtse mo lta bur brtan//gnas pa'i rtsa yi nam mkha' la/ /srog 'dren thig le bsgom pa'i tshe/ /brtan dang g.yo ba'i dngos po kun/ /bden gnyis byang chub don gsal nas/ /dang ba'i chu la gzugs brnyan bzhin/ /rgyal ba'i go 'phang rang la 'cher/ /
250b7 mkha' 'gro ma yi rang bzhin 'grub/ /lhan cig skyes pa'i lha mo'i don/ /mkha' 'gro ma me lce 'bar ba'i rgyud las ye shes kyi thig le bshad pa'i le'u ste brgyad pa'o// //de nas lha'i dbang po brgya byin des/ dpal phyag na rdo rje la 'di skad
251a1 ces gsol to//bgegs kyi gtso bo dbang phyug rje/ /'gro ba thugs rjes bskyang ba'i phyir/ /bcu drug rdo rje 'phrul gyi rgyud/ /dpa' bo chen pos bshad du gsol/ /zhes zhus pa dang / dpal phyag na rdo rjes bka' stsal pa/ ma 'ongs phyi ma'i
251a2 sems can rnams//dad dang spro ba bskyed pa'i phyir/ /rdzu 'phrul bcu drug bshad kyis nyon/ /dang po lha yi rnal 'byor la/ /drod dang mtshan ma thob par bya/ /de nas 'phrul la 'jug pa ni/ /a nu sa ti'i ril bu sbyar/ /rma bya khrung khrung ne tso sha/ /nya dang spre'u dang byi la'i sha/ /
251a3 rnga mo khwa ta ngang pa'i sha/ /ne'u le go bya mthing ril sha /de rnams skams pa'i phye ma dang / /bil ba'i shing dang a ru ra/ /shing tsha sug smel rus sbal rus/ /ka ka ru dang me khyer srin/ /mi rus dang ni phag rgod khrag /mi rgod skra dang chu klag sgro/ /de rnams bsres la ril bu
251a4 bya//sbrang rgod dag gis mgo bsdus la/ /dur khrod thod pa'i ga 'ur stsal/ /phyag na rdo rje'i snying po dang / /ma mo'i srog snying bdun 'bum bzlas/ /bar bar bram ze'i me la bsro/ /de nas sna yi ril bu la/ /'od dang me stag 'phros tsam na/ /zangs sam lcags kyi
251a5 ga 'ur stsal//de nas rdo rje mkha' 'gro la/ /dug dang khrag gi sbyin sreg dbul/ /a bu si ti'i ril bu de/ /rang gi lce la myangs pa na/ /rtag tu btsan dug 'thung bar nus/ /yang na ma mo mkha' 'gro la/ /so bya rog mo'i sbyin sreg dbul/ /a bu si ti'i ril bu de/ /rkang
251a6 pa'i mthil du bskus pa des//chu yi steng du 'gro bar byed/ /ma mo mkha' 'gro dpon g.yog la/ /chang dang bya rgod sbyin sreg dbul/ /ril bu yan lag bzhi la bsku/ /bdag ni nam mkha' dag la 'phur/ /rdo rje mkha' 'gro ma dag la/ /mi sha'i mar khu sbyin sreg
251a7 dbul//ril bu lce la myangs pa na/ /skye ba snga phyi dran par nus/ /ma mo dag dang mkha' 'gro la/ /mar dang ra khrag sbyin sreg dbul/ /a bu si ti'i ril bu de/ /bud med gang gi dpral bar bskus/ /de ni bdag gi dbang du 'gyur/ /rdo rje nag mo chen mo la/ /chang dang
251b1 sbrang rgod sbyin sreg dbul//de nas ril bu mig la bsku/ /srid pa gsum ka dus gcig mthong / /rdo rje mkha' 'gro chen mo la/ /ma ra dang khwa ta'i sbyin sreg dbul/ /ril bu rkang pa'i mthil la bsku/ /nyin gcig dpag tshad brgyad khrir phyin/ /rdo rje lha mo nag mo la/ /khrag
251b2 dang mar khu'i sbyin sreg dbul//ril bu mchan khung gnyis bskus na/ /rang lus sus kyang mi mthong ngo / /dpal ldan lha mo dpon g.yog la/ /'bras dang bu ram sbyin sreg dbul/ /ril bu khong par 'thungs pa na/ /tshe lo stong ni thub par nges/ /dpal ldan rdo rje lha mo
251b3 la//'bru dang mar khu'i sbyin sreg dbul/ /ril bu lus la bsrel ba na/ /nor gyi gter la spyod par 'gyur/ /de nas mkha' 'gro ma la ni/ /til dang mi sha'i sbyin sreg dbul/ /a bu si ti'i ril bu de/ /mi ro sar pa'i khar bcug nas/ /ma mo'i snying po 'bum bzlas
251b4 na//mi ro langs nas dngos grub ster/ /gser dang dngul du 'gyur yang rung / /yang na de la ral gri sbyin/ /ci 'dod pho nya'i mngag gzhug byed/ /phrin las rnam bzhi gang bcol 'grub/ /rdo rje dpal ldan lha mo la/ /go ro tsa na'i sbyin sreg dbul/ /ril bu nad pa'i lus
251b5 la bsku//nad pa rnams ni 'tsho bar byed/ /yang ni rdo rje lha mo la/ /chang dang gi wang sbyin sreg dbul/ /ril bu bgyis pa lte bar bsku/ /sri bu dag ni 'tsho ba'o/ /rdo rje dpal ldan nag mo la/ /til mar ske tshe'i sbyin sreg dbul/ /ril bu me ru bsregs pa na/ /dgra la
251b6 thog dang ser ba 'bebs//rdo rje lha mo nag mo la/ /mar dang mu tig sbyin sreg dbul/ /ril bu dpral ba'i dbyings su bsku/ /rgyal po'i chad pa mi 'byung zhing / /me dang chus kyang mi tshugs so/ /rdo rje mkha' 'gro ma kun la/ /me tog bu ram sbyin sreg dbul/ /
251b7 ril bu lte bar bskus pa na/ /sbrul dang btsan gyis mi tshugs so/ /byad stems kyang ni bzlogs par 'gyur/ /mkha' 'gro ma me lce 'bar ba'i rgyud las rdzu 'phrul bcu drug gi le'u ste bcu dgu pa'o// //de'i tshe 'khor 'dus pa'i nang nas/ lha'i dbang
252a1 po brgya byin stan las langs te/dpal ldan phyag na rdo rje la bstod pa/ bcom ldan mgon po rdo rje 'dzin/ /sku gsung ye shes lngar ldan lha/ /thabs dang shes rab bdag nyid can/ /rig sngags gsang sngags dngos po 'dzin/ /srid pa gsum
252a2 gyis bskur ba'i gnas//lha srin brgyad kyis mchod cing bstod/ /nyon mongs bdud las rnam par rgyal/ /phyag na rdo rje che la phyag 'tshal bstod/ /dpal lha mo la dge bcu'i sgo nas bstod pa/ brgya byin gyis bstod pa/ de nas dpal lha mo la lha ma srin sde
252a3 brgyad kyis so so nas dpal lha mo bstod pa/de nas g.yog mo re ma ti la/ bdud ri ti 'gong nyag gis/ 'dul thabs kyi dbang gi sgo nas bstod pa/ lha la dbang sgyur lha mo dpal 'bar ma/ /dbang phyug sras mo lha mo gzi ldan ma/ /sum cu rtsa gsum
252a4 gnas kyi gtso mo ste//lha mo re ma ti la phyag 'tshal bstod/ /bdud la dbang sgyur bdud mo dpal 'bar ma/ /ri ti 'gong nyag bu mo re ma ti/ /nag mo rtse dgu gnas kyi gtso mo ste/ /bdud mo re ma ti la phyag 'tshal bstod/ /klu la dbang sgyur klu mo
252a5 dpal 'bar ma//gtsug na rin chen bu mo yid 'ong ma/ /rol mtsho bdun gyi gnas kyi gtso mo ste/ /klu mo re ma ti la phyag 'tshal bstod/ /gnod sbyin dbang sgyur gnod sbyin dpal 'bar ma/ /gang ba bzang po'i bu mo shang ka na/ /nags tshal dra ba
252a6 can gyi gtso mo ste//gnod sbyin re ma ti la phyag 'tshal bstod/ /bstod pa'i le'u ste nyi shu pa'o// //de nas dpal phyag na rdo rje des/ pad+ma'i gdan las sku bzhengs te 'di skad ces bka' stsal to/ /sras mchog 'khor gyi dam pa brgya byin nyon/ /
252a7 lha dang lha min mi dang nam mkha' lding / /bgegs dang gshin rje ma mo dang / /sha za lto 'phye dri za dang / /srin po grul bum bdud dam mi/ /sngags 'chang rnal 'byor gnod sbyin dang / /nga yi 'khor rnams rab tu nyan par gyis/ /ngas ni rdo rje ting 'dzin lhun
252b1 gyis grub//ngas ni mtshan ma 'joms pa'i phyag rgya rnyed/ /ngas ni thun mong ston pa'i bdud las rgyal/ /ngas ni snying rjes 'gro kun dge la bkod/ /ngas ni thabs dang shes rab kun la byed/ /ngas ni rdo rje mkha' 'gro'i gsang rgyud 'di/ /thun mong ma yin me lce
252b2 'bar ma 'di//ngo mtshar thabs mchog dngos grub dam pa'i gzhi/ /ngas ni bshad zin khyod la rab tu gtad/ /skal ldan dad dang brtson 'grus yod la gtad/ /snying rje gzhol zhing brtul zhugs che la gtad/ /bden gnyis don rtogs yi rangs brtan
252b3 la gtad//brnag pa'i gzungs thub snod ldan yongs la gtad/ /zung shig chongs shig snod ldan rnams la shod/ /'di yi don rnams rtse gcig yid kyis nyon/ /'dis ni mi nub chos kyi rgyal mtshan chen po thob/ /'dis ni chos kyi dbang phyug go 'phang thob/ /
252b4 'dis ni yid bzhin rin chen 'bar ba thob/ /'dis ni ci 'dod thogs med dngos grub thob/ /blo dman shes chung nyan thos rnams la gsang / /log pa'i mthar 'khyams mu stegs can la gsang / /dmu rgod mi mkhas skur pa mkhan la gsang / /dad med
252b5 snying rje spangs pa rnams la gsang //ma rig rmongs pa'i le lo can la gsang / /zhes bka' stsal nas/ brgya byin gyis spyi bos blangs so/ /'khor la gtad pa'i le'u ste nyi shu rtsa gcig pa'o// //de nas lha'i dbang po brgya byin des/ /dpal phyag na rdo rje la
252b6 'di skad ces gsol to//kye bcom ldan 'das lung bstan du gsol/ bde bar gshegs pa mkha' 'gro ma lung bstan du gsol zhes zhus pa dang / dpal phyag na rdo rjes bka' stsal pa/ mkha' 'gro ma lha mo nag mo 'dis/ bskal pa mang po'i sngon
252b7 rol nas//dus gsum rgyal ba'i zhal mthong ste/ /dman pa'i zhing 'dir sprul sku yis/ /lha mo'i tshul du sku bstan nas/ /'gro ba'i don la rab tu brtson/ /nyon mongs sgrib pa rab tu spangs/ /da ltar shes bya'i sgrib pa sbyong / /de yi khol mo re ma ti/ /
253a1 smon lam dbang gis 'gro don byed/ /bsgom pa'i lam la rab gnas nas/ /da ltar nyon mongs sgrib pa sbyong / /'di nas dus 'di phyi ma'i tshe/ /mkha' 'gro lha mo nag mo 'di/ /byang shar mtshams kyi 'jig rten khams/ /pad+mo rnam par
253a2 rol pa der//yang dag rdzogs pa'i sangs rgyas su/ /pad+ma'i dpal zhes bya bar ni/ /ngas ni lha mo lung bstan to/ /de yi g.yog mo re ma ti/ /pad+ma can gyi zhing khams de/ /bde ba'i byang chub sems dpa' ni/ /blo gros bshes gnyen bya bar ni/ /de 'dir
253a3 ngas ni lung bstan no//mkha' 'gro ma me lce 'bar ba'i rgyud las yongs su lung bstan pa'i le'u ste nyi shu rtsa gnyis pa rdzogs so// //mchod na rgyal ba rigs lnga rtag tu mchod/ /srung na dam tshig nyi shu rtsa brgyad srungs/ /dgra byung lha mo
253a4 nag mo mtshon char phyung //nyes chung kha 'thab tsam la mtshon mi dbyung / /nga yi dkor khang 'jig na mtshon char phyung / /dkon mchog dbu 'phang smod na mtshon char phyung / /sangs rgyas bstan pa 'jig na mtshon char phyung / /dkon mchog sku dgra dar na mtshon char
phyung / /zhes slob dpon pad+mas slob bu glang dpal gyi seng ge la de skad ces bka' stsal zhing gdams so/
CLOSE WINDOW