བོད་ཡིག |
173a6 @#/ /rgya gar skad du/ Ar+yA ba lo ki te shwa ra s+ya nA ma aSh+Ta sha ta ka /bod skad du/ 'phags pa spyan ras gzigs dbang phyug gi mtshan brgya rtsa brgyad pa zhes bya ba/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos
173a7 pa dus gcig na/bcom ldan 'das 'phags pa spyan ras gzigs dbang phyug gi gnas/ ri gru 'dzin gyi rtse mo me tog dri zhim po sna tshogs bkram pa/ 'dzam bu chu bo'i gser kha dog bzang po ltar snang ba/ rin po che sna tshogs snang ba'i sa phyogs na bzhugs te/ lha dang /
173b1 klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa bye ba khrag khrig 'bum phrag du ma dag gis/ bcom ldan 'das la bsti stang du byas/ bla mar byas/ ri mor byas te/ mchod cing rjed nas/
173b2 yongs su bskor cing mdun gyis bltas nas chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su byang ba yang dag par rab tu ston to/ /de nas tshangs pa la
173b3 sogs pas 'phags pa spyan ras gzigs dbang phyug la bstod pa/kye bcom ldan 'das/ dgongs pa mdzad pa/ mdzad rgyu mdzad pa/ khur bor ba/ bdag gi don rjes su brnyes pa/ srid par kun tu sbyor ba yongs su bsal ba/ yang dag pa'i mkhyen pas/ thugs shin tu rnam
173b4 par grol ba/cang mkhyen pa/ glang po che chen po dang / sems can thams cad kyi dbang dam pa'i pha rol tu byon pa/ ye shes kyi tshogs yongs su rdzogs pa/ srid pa'i dgon pa las rgal ba/ gzhan la sman pa/ thugs rje dang 'brel ba'i thugs mnga' ba/ skye dgu la mchog tu mnyes
173b5 gshin pa/bde ba rab tu stsol bar mdzad pa/ byams pas zhugs pa/ sems can mtha' yas pa sgrol ba la mkhas pa/ bde bar gshegs pa'i sras po/ srid pa gsum gyi rtsa lag gcig pu/ 'dod chags mi mnga' ba/ zhe sdang mi mnga' ba/ gti mug mi mnga' ba/ dri ma
173b6 gsum spangs pa/rig pa gsum gyi pha rol du gshegs pa/ mngon par shes pa drug brnyes pa/ shing n+ya gro d+ha ltar chu zheng gab pa/ skyes bu chen po'i mtshan sum cu rtsa gnyis mnga' ba/ dpe byad bzang po brgyad cus brgyan pa/ pags pa srab cing mdog ser ba/ sku ring rgyu
173b7 bzang zhing dkar ba/sku shing gi me tog sar pa dang / dmar ring lta bu'i dbu thor tshugs mnga' ba/ lcang lo 'khyil pa mang pos dbu khebs pa/ 'od dpag med kyis 'od zer btang ba/ 'bar ba'i 'od 'dom gang gis gser gyi ri bo ltar snyan par grags pa/ gzi brjid
174a1 rgya che ba/gzugs 'char ka'i ri lta bu gtsug tor mnga' ba/ nor bu rab tu 'bar ba/ mchod phyir thogs sku la se ral du thogs pa/ sa rab tu rnam par 'byed pa/ pha rol tu phyin pa bcu'i zhabs dang ldan pa/ tshul khrims mnyams pa/ tshul khrims ma zhig pa/
174a2 seng ge ltar thong ka phel ka che ba/ sku 'jam zhing mdzes pa/ gzigs pa dang gshegs thabs khyu mchog gi dbang po 'dra ba/ mkhur ba g.yas su 'khyil pa/ dpral ba che zhing zla ba kham pa 'dra la thig le mnga' ba/ phyag pus mor slebs pa/ smin ma bar ma chad pa/ shangs
174a3 mtho ba/mgur bum pa'i mgrin pa 'dra ba/ phyag sor mo dang tshigs ring ba/ sen mo 'jam zhing zangs kyi mdog dang 'dra ba/ phyag dra bas 'brel pa/ phyag dang zhabs kyi mthil 'khor los brgyan pa/ ston ka'i pad+ma 'dra ba/ sku 'jam zhing rgyas pa/ tshangs pa ltar dbyangs
174a4 zab pa/yid du mchi ba sdug pa/ blta na sdug pa/ nyams dga' bar bgyid pa/ 'od pad+ma 'dra ba/ pad+ma las 'khrungs pa/ pad+ma las byung ba/ pad+ma'i gdan la bzhugs pa/ phyag na pad+ma mnga' ba/ phyag na ril ba spyi blugs bsnams pa/ nag po'i
174a5 pags pa mnabs pa/phyag mkhar bsnams pa/ bgrang ba'i nor bu bsnams pa/ gtsang ba stsangs pa/ gsong por gsung ba/ bdud rtsi'i char 'bebs pa/ yid bzhin gyi nor bu lta bu/ blta na sdug pa'i shing 'dra ba/ sems can
174a6 thams cad mos par mdzad pa/dga' bar mdzad pa/ sems can thams cad nye bar 'tsho ba/ sangs rgyas kyi sprul pa/ bde bar gshegs pa'i cha byad mnga' ba/ bde bar gshegs pa'i ring bsrel 'dzin pa/ spu re re skyes pa/ sems can gyi snying po/ bsod nams
174a7 mdzad pa/dge ba mdzad pa/ nges par mdzad pa/ brtson 'grus 'bar ba/ 'khor ba las shin tu 'das pa/ dam pa'i chos la rgyal tshab tu dbang bskur ba/ sgrol ma zhabs drung na gnas pa/ khro gnyer can bka' bzhin bgyid pa/ rgyal ba dang ldan pa/ tshul
174b1 dang ldan pa/dran pa dang ldan pa/ mthu rtsal che ba/ yon tan dang ldan pa/ byams pa dang ldan pa/ zhi ba dang ldan pa/ tshul khrims dang ldan pa/ skal pa dang ldan pa/ don dang ldan pa/ don rnams thugs su chud pa/ the tsom rnams gcod pa/ chos rnams
174b2 gsung ba/'jig rten rnams kyi ston pa/ zhal gyi dkyil 'khor yongs su rgyas pa/ sku rked pa'i phyogs rin po che thams cad kyis spras pa/ gser gyi mchod sdong lta bu/ sku nyi ma stong bas lhag par mdzes pa/ tshangs pa'i dbang po la sogs pas phyag bgyis pa
174b3 lags so//gang la la zhig 'phags pa spyan ras gzigs dbang phyug gi mtshan brgya rtsa brgyad pas bstod pa sgrub pa byed pa de'i mtshams med pa lnga'i las kyi sgrib pa rnam par byang bar 'gyur ro/ /dkyil 'khor thams cad du zhugs par 'gyur ro/ /de la gsang sngags
174b4 thams cad grub par 'gyur ro//bskal pa bye ba 'bum phrag du mar ngan 'gror 'gro bar mi 'gyur ro/ /mtshams med par 'jug par mi 'gyur ro/ /su zhig nang par langs nas 'don tam/ klog gam/ kha ton byed na de'i lus la mdze dang / rkang shu dang / lud pa dang /
174b5 mi bde ba mi 'byung zhing nad thams cad las thar bar 'gyur ro/ /tshe rabs so cog tu tshe rabs dran par 'gyur ro/ /lha'i bu dang 'dra bar 'gyur ro/ /'chi ba'i dus kyi tshe 'jig rten gyi khams bde ba can du skye bar 'gyur ro/ /tshe rabs so cog tu 'phags pa spyan ras
174b6 gzigs dbang phyug dang mi 'bral bar 'gyur ro//rtag tu bzlas brjod byas na yid gzhungs par 'gyur/ dpa' bar 'gyur/ skad snyan par 'gyur/ skal ba bzang por 'gyur ro/ /bstan bcos thams cad la 'jigs pa med par 'gyur/ tshig btsun par 'gyur ro/ /
174b7 bstod pa sgrub pa 'dis bstod pa byas na/ sangs rgyas bcom ldan 'das gang gA'i klung drug cu rtsa gnyis snyed kyi bye ma snyed dag la mchod pa byas par 'gyur te/ rnam par smin pa mtshungs shing bye brag med par 'gyur ro/ /'phags pa spyan ras gzigs dbang phyug gi mtshan
brgya rtsa brgyad pa rgyal ba thams cad kyi ring bsrel gyi za ma tog ces bya ba rdzogs so/
CLOSE WINDOW