CLOSE WINDOW

D666
བོད་ཡིག

@##/ /rgya gar skad du/ ma hA ga na pa ti tan+t+ra nA ma/ bod skad du/ tshogs kyi bdag po chen po'i rgyud ces bya ba/ 'jig rten dbang phyug la phyag 'tshal lo/ /de nas dpal ldan tshogs bdag che/ /phyag 'tshal dpal ldan tshogs bdag dgyes/ /gzugs brnyan maN+Dal gru bzhir bzhag /zla ba drug tu mchod par bya/ /lha yi 'khor los sgyur ba dang / /tshe 'di nyid la skal ba mnyam/ /bsod nams chen po thob par 'gyur/ /longs spyod lha dang mnyam pa dang / /tshe yang ring ba'i mchog tu 'gyur/ /mi la sogs pa dbang du 'gyur/ / lha yi bu yang bran bzhin 'gyur/ /bdag gi bsgo ba nyan par 'gyur/ /klu yang de yi bsgo ba nyan/ /bran bzhin las rnams byed par 'gyur/ /lha yi longs spyod mnga' ris las/ /'dod pa'i longs spyod 'byung bar 'gyur/ /dngos grub sgrub pa'i skal ba can/ / gdul bya'i dbang gi sku sprul pa/ /lha chen tshogs bdag chen pos bya/ /dngos grub dam pa mchog sgrub na/ /mthu stobs phun sum tshogs ldan zhing / /longs spyod yid bzhin 'phel bar byed/ /'jig rten phan mdzad lha yi lha/ /gang gis mchod pa dngos grub yin//lha chen tshogs kyi bdag po'i rgyud las dngos grub 'byung ba zhes bya ba'i le'u ste dang po'o// //de nas dben pa'i gnas su ni/ /dkyil 'khor gru bzhi dag bya ste/ /ba yi lci bas legs par byug /'jam zhing mnyen la dbus mtho ba'i/ / dbus su tshogs bdag sku gzugs bzhugs/ /me tog dkar pos de la gtor/ /bdag nyid gcer bur byung byas te/ /log 'dren gzugs kyis yang dag mchod/ /ba ra ta ka zla ba drug /nyin re bzhin du dus gsum du/ /gsang sngags brgya ni rtsa brgyad bzlas/ / yid la re ba thams cad rdzogs/ /bsam pa thams cad 'grub par 'gyur/ /oM ni bkra shis dpal dang ldan/ /gsang sngags mgo la gzhag par bya/ /yid bzhin nor bu lta bu yi/ /dngos grub ster byed yi ge yang / /de 'og gral la gzhag par bya/ /nyi ma lta bu'i yi ge yang //de yi rjes la bklag par bya/ /de bzhin gshegs pa'i mtshan dang po/ /yi ge mchog ni blang bar bya/ /gsal byed yi ge dang po yang / /de yi mjug tu brjod par bya/ /rin chen yi ge swA zhes bya/ /las kyi yi ge hA zhes bya/ /dngos grub 'dod pas gsang sngags bzlas//lha chen dngos grub sgrub pa'i rgyud las lha'i dngos grub kyi gsang sngags bstan pa'i le'u ste gnyis po'o// //de nas tshogs kyi bdag po bshad/ /tshogs kyi bdag po sku mdog dkar/ /glang po che yi mgo bo can/ / mche ba ya gcig chag pa dang / /phyag g.yas la phug bsnams pa/ byi ba'i gdan la bcibs pa/ rin po ches sku brgyan pa/ zla ba tshes pas dbu brgyan pa/ 'od gsal ba/ 'od zer 'phro ba/ mdog bzang ba/ kha dog bzang ba/ gsus pa che ba/ rgyan gyis spud pa'o//dngos grub sgrub pa'i rgyud las tshogs kyi bdag po bstan pa'i le'u ste gsum pa'o// //de nas skar ma rgyal gyi nyin par me tog dkar po blangs te/ tshogs kyi bdag po'i sku gzugs bris te/ kha dog dkar po glang po che'i dbu can/ phyag g.yas na la phug bsnams pa/g.yon na rin po che'i nor bu bsnams pa/ gsus pa che ba/ rgyan thams cad kyis brgyan pa/ zla ba dang byi ba'i khri la bzhugs pa mkhas pas bya'o/ /de la dkyil 'khor gyi dbus su bdag la zhal phyogs par bzhag la/ bdag nyid log 'dren gyi gzugs kyis yang dag par mchod do//tshogs kyi bdag po zhal gcig phyag bzhi pa sgrub pa'i le'u ste bzhi pa'o// //de nas dbang ldan gyi mtshams su tshogs kyi bdag po dkar po glang po che'i mgo can/ byi ba la zhon pa/ mig gsum pa/ zla ba phyed pa 'dzin pa/g.yas na la phug dang dgra sta 'dzin pa/ g.yon pa tri shUl dang thod pa 'dzin pa'o/ /lag pa g.yon pa khu tshur bcangs pa'i mdzub mo dang gung mo brkyang la mdzub mo bkug la gung mo'i tshigs su bzung bar bya ba ni tshogs kyi bdag po'i phyag rgya'o/ /tshogs kyi bdag po'i phyag rgya bstan pa'i le'u ste lnga pa'o// //de nas gsang sngags bstan pa ni/ /oM ni dpal ldan mgo la bzhag /de nas yid bzhin nor bu ni/ /rin po che yi yi ge bri/ /sde tshan gsal byed dang po yang / /de yi rjes su bri bar bya/ /de bzhin gshegs pa'i mtshan dang po//dbyangs yig brgyad pas mdzes par bya/ /gsal byed dang po'i yi ge yang / /blo yis blangs te yid kyis bri/ /sde tshan gsum pas gsum pa la/ /dang po'i bzhi pa sbyar bar bya/ /sde tshan bdun pa'i gsum pa la/ /gsum pa'i dang pos 'og tu sbyar//yid bzhin nor bu'i yi ge la/ /bzhi pa'i lnga pa zla la bzhag /dbyangs yig gsum pas brgyan par bya/ /bzhi pa'i gsum pas de nas brjod/ /dngos grub bsgrub pa'i yi ge ni/ /de yi rjes la bri bar bya/ /gsang sngags drag po'i yi ge yang / / kun gyi mthar ni brjod par bya/ /gsang sngags 'di yi dngos grub ni/ /'jig rten dbang phyug nyid kyis byin/ /dgos pa thams cad grub par 'gyur/ /tshogs bdag chen po'i gsang sngags bstan pa'i le'u sta drug pa'o// //de nas gzhan yang gsungs pa ni//dngos grub thams cad sgrub pa yi/ /mtshan gyi gsang sngags zhes bya ba'i/ /dngos grub bsgrub pa'i snying po ni/ /dpal dang yaM gi yi ge ste/ /oM zhes bya ba mgo la bzhag /yid bzhin nor bu'i yi ge las/ /nyi ma'i yi ge 'og tu spras/ /dbyangs yig drug pa'i 'og tu sbyar//thig le nA das brgyan par bya/ /mtshan gyi dang po'i yi ge ni/ /de yi rjes la brjod par bya/ /bzhi pa'i lnga pa de nas sbyar/ /lnga pa'i dang po bri bar bya/ /de bzhin gshegs pa'i mtshan dang po/ /'byung ba rlung gi yi ge yang / /dbyangs yig brgyad pas brgyan pa ni//de yi rjes la bri bar bya/ /zhi ba'i yig 'bru gnyis pa yang / /kun gyi mthar ni brjod par bya/ /mtshan gyi gsang sngags zhes bya ba/ /'dod pa thams cad grub byed yin/ /mtshan gyi gsang sngags bstan pa'i le'u ste bdun pa'o// //de nas gzhan yang bshad par bya/ /skar ma rgyal gyi nyin par ni/ /me tog dkar po'i rtsa ba blang / /tsan+dan dkar po dag las ni/ /tshogs kyi bdag po'i sku gzugs ni/ /mthe bong gi ni tshad tsam bya/ /gsus pa chel phyag bzhi pa/ /mkhas pas byas te legs par bya//rin po che yi snod du gzhug /dkar chen mngon par gsal ba'i tshe/ /nang gi cha ris sku khrus gsol/ /gsal zhing dang sa la yid du 'ong / /dri dang ldan pa'i bum pa yi/ /me tog dkar po'i dri yi ni/ /'dag chal ldan pas khrus bya'o//de nas de ma thag tu ni/ /dkyil 'khor dbus su spyan drangs la/ /me tog dkar po dbul bar bya/ /la phug la dur bcas pa yi/ /gtor ma chen po'ang de nas dbul/ /spos dang dri dang mar me dang / /lha bshos dag gis mchod par bya//gsang sngags 'di la phug dang / /la du dang / chu dang / dkar gsum gyi gtor mas tshogs kyi bdag po la phul te/ spos dang me tog rnams kyang dbul/ de ltar byas na phyis bgegs byed par mi nus so/ /tshogs kyi bdag po mchod pa'i le'u ste brgyad pa'o// //de nas la phug ces bya ba/ /ro brgyad ldan pa'i yungs ma ste/ /zas rnams kun gyi mchog kyang yin/ /ro mchog brgyad dang ldan pa yin/ /kha dang skyur dang bska ba dang / /mngar dang tsha dang lan tshwa'i ro/ /bzhun dang bro mchog che ba yin/ /nad sna brgyad kyi gnyen po yin//mkhris pa bad kan 'dus pa dang / /khrag dang chu ser ma zhu ba/ /rlung dang rims nad kun la phan/ /'di 'dra byung ba'i kha zas med/ /lha rnams kun gyi mchu yang 'gul/ /dngos grub 'grub pa'i zhal zas yin/ /tshogs kyi bdag po mchod par bya//la du zhes bya'i zhal zas ni/ /mngar gsum 'bras bu gsum pa ni/ /de bzhin zhim pa'i spos kyis bran/ /bag zan gyi ni ril bu bya/ /'o ma mar du btsos byas la/ /tshogs pa'i gtor ma chen po bya/ /mar dang khur ba mngar gsum dang //mthun pa'i zhal zas sna tshogs kyis/ /tshogs bdag chen po mchod par bya/ /de ltar tshogs kyi bdag po la'o/ /tshogs kyi bdag po'i sku gzugs lag pa g.yas pa'i mthil du bzhugs la/ sems gzhan du ma yengs par bzlas brjod 'bum byas la/la phug la sngags kyis btab ste tshogs kyi bdag po mchod na tshe 'di nyid la 'khor los sgyur ba'i rgyal po dang bsod nams mnyam par 'gyur ro/ /me tog dkar pos mchod na rgyal po la sogs pas pham par mi 'gyur ro/ /rgyal po la sogs pa sgrub par 'gyur ro/ / rgyal po dang blon po la sogs pa bdag gi dbang du 'dus par 'gyur ro/ /dngos grub sgrub pa'i zhal zas bstan pa'i le'u ste dgu pa'o// //de nas cho ga bshad par bya/ /dngul zhes bya ba'i rin chen la/ /tshogs bdag chen po'i gzugs byas te/ /yid bzhin nor bu lag na thogs//dkyil 'khor chen po khru gang tshad/ /rin chen me tog dkar po dgram/ /gsang sngags 'bum du bzlas byas pas/ /nad dang sdug bsngal zhi bar 'gyur/ /shel dang dung las chogs bdag sku/ /mkhas pas ji ltar 'byor par bya/ /sdug bsngal thams cad sel bar 'gyur//rin chen shel las tshogs bdag sku/ /mthe bong gi ni tshad tsam bya/ /se na pra zhes bya ba'i sngags/ /rig pa 'bum du bzlas byas te/ /shel gyi sku de khrus byas nas/ /skar ma rgyal gyi nyin par ni/ /bdag nyid shar du kha bltas nas//gos dkar gyon te khrus byas la/ /thal sbyar yid kyis gsol ba gdab/ /bdag la gnod pa'i bgegs gang yin/ /shel gyi sku de me long steng / /mi g.yo mi 'gul rab tu bzhugs/ /bdag nyid khrus byas shar du blta/ /dza ra pa dang rkun ma ni/ /gang yin me long nang du 'byung //de tshe de yi ngos zin 'gyur/ /tshogs bdag shel gyi sku de ni/ /mchod pa rab gsal legs byas la/ /nA ga ku ru zhes bya ba'i/ /rig pa 'bum du bzlas byas na/ /nad dang sdug bsngal gyis nyen la/ /sku de bstan pa tsam gyis ni//nad rnams thams cad sos par 'gyur/ /sdug bsngal las kyang thar bar 'gyur/ /zhi ba chen po'i cho ga yin/ /rin chen gser zhes bya ba la/ /tshogs bdag chen po'i sku byas te/ /rgyal gyi nyin par mig phye nas/ /mchod pa rab tu gnas pa bya/ /ba ra zhes bya'i gsang sngags ni//'bum phrag gcig tu bzlas pa yis/ /sku gzugs bzhugs pa'i khyim der ni/ /nor rnams thams cad 'phel bar 'gyur/ /gser gyi tshogs bdag mthong ba yis/ /bgegs rnams thams cad nor 'bul 'gyur//bgegs kyis gnod pa mi nus te/ /rgyal po bzhin du mchod par 'gyur/ /gser gyi tshogs bdag gnas pa yi/ /sa phyogs rin chen char pa 'bebs/ /gser gyi tshogs kyi bdag po la/ /bgegs kyi rgyal po thams cad kyis/ /nor rnams thams cad 'bul ba yin//bdag nyid phun sum tshogs par 'gyur/ /tshogs kyi bdag po'i sku gzugs mchog /byas pa'i yon tan rnams la ni/ /gnod sbyin rnams kyis gter kha 'byed/ /skye ba 'di dang phyi ma la/ /rtag tu yo byad 'phel bar 'gyur/ / nor gyi bdag po rnam thos bus/ /rgyal po bzhin du bsnyen bkur byed/ /de nas dpal ldan tshogs bdag gi/ /sku gzugs dkyil 'khor gru bzhir gzhag /b+ha ga zhes bya'i gsang sngags ni/ /bzlas pa 'bum du byas pa yis/ /tshe de nyid la dngos grub ni//ci 'dod pa ni sbyin par mdzad/ /lha yi rgyal po'i mnga' thang ni/ /sgrub pa po la stsol bar mdzad/ /shin tu thugs rje'i bdag nyid pas/ /dpal ldan tshogs bdag thugs rje can/ /thugs rje'i phung pos dbul ba skyob/ /nor lha chen po'i bdag nyid 'di//dar ram ras la legs bris te/ /rgyal gyi nyin par spyan phye nas/ /gang gi khyim du bzhugs pa de'i/ /sa phyogs de ni bkra shis 'gyur/ /zangs la tshogs bdag chen po'i sku/ /mkhas pas legs par bzo byas te/ /tsan+dan dmar pos byugs pa'i sar//maN+Dal steng du legs par bzhag /ban+du ka yi me tog dang / /pad+ma rA ga rin chen dang / /me tog dmar po kun gyis mchod/ /braM zhes bya ba'i rig sngags bzlas/ /rgyal po'i bu mo dbang du 'gyur/ /lha yi bu mo klu mo dang / /mi'am ci yi bu mo dang / / bram ze'i bu mo mtshan ldan mo/ /mchog tu gzugs bzang gus par 'gyur/ /bran mo bzhin du bsgo ba nyan/ /de la sogs pa mtha' yas mchog /sku gzugs dag la brten te 'grub/ /mchod pa tsam gyis 'byung ba yin/ /gzhan yang tshogs bdag chen po'i sku//rin po che yi rgyu las byas/ /dkyil 'khor steng du bzhugs byas te/ /rat+na sid+d+hi zhes bya ba'i/ /rig pa 'bum du bzlas par bya/ /sa 'og gter rnams ston par 'gyur/ /ci dga' bar yang spyod par 'gyur/ /tshogs bdag chen po'i rgyud las rgyal po la sogs pa sgrub pa'i le'u ste bcu pa'o// //de nas dpal ldan tshogs bdag che/ /drag po chen po drag shul can/ /sangs rgyas thugs la byol song dbu/ /glang chen gzhon nus zhal brgyan pa/ /spyan gsum mche ba bzhi dang ldan/ /phyag bzhi zhabs bzhi klu chen ldan//dang po mche ba dkar po 'dzin/ /de 'og zhags pa g.yon pa na/ /dgra sta kha T+wAM rtse gsum 'dzin/ /mthing ga gsus pa che ba'o/ /de lta bu yi tshogs bdag sku/ /khar ba khro chu dag la bya/ /rgyal gyi nyin par rab tu gnas/ /de nas bsgom zhing bsgrub pa ni//dkyil 'khor bya ba'i sa brtag pa/ /le'u tshe dgu pa'i dkyil 'khor bri/ /sgo dang sgo khyud ldan par bya/ /dbus su pad+ma 'dab brgyad la/ /tshogs bdag chen pos bsgrub bya mnan/ /zla ba'i gdan la yum dang ni/ /gnyis su med pa dgod par bya/ / de'i ming artsi ka ri ste/ /rdo rje phag gdong ma zhes bya/ /dgra sta ban+da lag na thogs/ /khrag gis bkang ba gtso la stobs/ /shar gyi le'u tshe ser po la/ khams gsum gyi bdag po la phug dang gri 'dzin pa'o/ /lho phyogs kyi le'u tshe sngon po la/ gnod sbyin chen po rdo rje mchu/ma he de ba'i gdong can dbyug to dang tho ba 'dzin pa nag po'o/ /nub phyogs kyi le'u tshe dmar po la/ gnod sbyin gyi rgyal po sprin gyi bdag ces bya ba dmar po chus gang ba'i sprin phung dang zhags pa 'dzin pa'o/ /byang phyogs kyi le'u tshe ljang gu la gnod sbyin gyi bdag po nor gnas zhes bya ba ljang gu dbyug tho dang rin po che'i kha T+wA~M ga thogs pa'o//byang shar gyi le'u tshe dkar po la bgegs kyi rgyal po byi na ya ka glang po'i gdong mdung rtse gsum pa dang la phug thogs pa nag po'o/ /shar lho'i le'u tshe dmar po la kyi bdag po drag po zhes bya ba dgra sta dang /thod pa'i ril po thogs pa nag po'o/ /lho nub kyi le'u tshe nag po la sprin gyi sgron ma zhes bya ba sprin phung dang glog gi 'od du bcas pa lag gnyis kyis thogs pa'o/ /byang nub kyi le'u tshe nag po la bgegs kyi rgyal po log 'dren sna yon zhes bya ba glang po che'i sna tsan rtse gsum dang thod pa skam po'i nang du la phug dang shas bkang ba thogs pa'o//lha rnams la klu'i rgyal po brgyad bka' nyan pa ni klu'i rgyal po a ba la dang / ba ru Na dang / dung skyong dang / 'jog po dang / rigs ldan dang / mtha' yas dang / pad+ma dang / pad+ma chen po rnams so/ /shar gyi sgor rgyal po chen po yul 'khor srung / lho sgor 'phags skyes po/ /nub sgor spyan mi bzang / byang sgor rnam thos sras rnams sku mdog dkar ba dang / sngo ba dang / dmar ba dang /ljang gur shes par bya'o/ /lag na nor bu rin po che re re ral gri re re'o/ /'di rnams kyi chung ma ni mi bri'o/ /'di ltar bris pa'i byang shar du gsad pa'i dkyil 'khor gru gsum la/ de'i nang du dgra bo'i gzugs sbra tshil las byas pa rid pa/ gnag pa/ skra zeng ba/ til mar gyis byugs te/ snying gar ming rus bris la gzhug go/ /de'i sker ro skra las byas pa'i thag pa gdags so/ /de ltar byas nas gnod sbyin chen po brgyad la/ la du dang / la phug dang bcas pa'i gtor ma dang / gnod sbyin chen po brgyad la nya sha dang sgog btsong du sbyar ba'i dmar gyi gtor ma re re bsham/klu chen po brgyad la gtor ma che ba gcig dang / rgyal po chen po bzhi la re re bya/ gal te ma 'byor na che ba gcig bya/ lha bshos re re dbul bar bya'o/ /gzhan yang drag po'i rdzas spyang ki'i thod pa dang /zi ra nag po dang / ske tshe dang / yungs kar dang / yungs nag gzhag par bya'o/ /tshogs bdag chen po'i dkyil 'khor gyi le'u ste bcu gcig pa'o// //de nas gzhan yang bshad par bya/ /bsgom pa'i rim pa 'di lta bu/ /ma byung 'byung bar mi 'gyur bas//shin tu gsang ste bsgrub par bya/ /ya yi rang bzhin stong pa las/ /snang ba rang bzhin hU~M dang ni/ /ya tshogs brgyad pa'i sa bon 'byung / /ming gi sngags las rab tu bskyed/ /khro bo'i sprul pas stong gsum bkang / / 'od bsdus thog ma'i hUM la 'dus/ /tshogs kyi bdag po chen po de/ /'gro ba'i don du bzhengs pa ni/ /khro bo chen po 'jigs pa'i gzugs/ /yum dang 'khor yang rdzogs par bskyed/ /phuHbrgyad klu brgyad sems dpa'i tshul/ /rgyal po de bzhin khro bo'i tshul//yi ge b+hai dang ming las bskyed/ /'od zer tshul gyis spyan drangs la/ /dzaHdang dzaHyi 'phro 'du dang / /hU~M dang hUM gi gsang sngags dang / /lcags kyu'i phyag rgyas spyan drangs la/ /nus pa'i mthu dang ldan par bya/ /mchod dang gtor ma bstab par bya//ba liM gr-ih+Na kha yi sngags/ /snying po dag dang spel bar bya/ /bsgom pa'i rim pa'i le'u ste bcu gnyis pa'o// //de nas gsang sngags rgyal po ni/ /dbyangs yig gsal byed dag la btu/ /dang po bzhi pa de rjes bri/ /bzhi pa'i lnga pa gral la bzhag /yid bzhin nor bu yi ge dang / de yi rjes su bsam par bya/ /de bzhin gshegs pa'i mtshan dang po/ /de yi rjes su brjod par bya/ /de la dbyangs yig brgyad pas brgyan/ /dgug pa'i yi ge dag dang ni/ /'byung ba rlung gi yi ge la/ / dbyangs yig gnyis pa sbyar ba yis/ /rgyal ba'i rgyal po zhes bya'o/ /yid bzhin nor bu'i yi ge la/ /dbyangs yig gnyis pa sbyar bar bya/ /nyi ma yi ni yi ge dang / /bzhi pa'i lnga pa de nas bri/ /de la dbyangs yig brgyad pas brgyan/ /gnyis pa'i bzhi pa'i yi ge la//dbyangs yig bzhi pas brgyan par bya/ /lnga pa'i bzhi pa'i yi ge la/ /gsum pa'i lnga pa sbyar bar bya/ /bzhi pa'i dang po'i yi ge las/ /dbyangs yig bzhi pas brgyan par bya/ /'byung ba rlung gi yi ge la/ /de yi 'og tu sbyar bar bya//rin po che yi yi ge dang / /las kyi yi ge mtha' mar brjod/ /tshogs bdag chen po'i rtsa ba'i sngags/ /'dod pa thams cad sgrub byed yin/ /gnod sbyin brgyad kyis gsang sngags ni/ /ya zhes bya ba la sogs pa/ /ya ya zhes bya la sogs dang //ba~M zhes bya ba la sogs dang / /bi na ya ka zhes bya ba la sogs pa dang / b+hai ra zhes bya ba la sogs pa dang / /hU~M zhes bya ba dang / tri zhes bya ba ste brgyad la hUM dang phaT kyis mtha' brten pas srog gi snying po'o/ /klu yi sngags ni ming las bskyed/ /o~M dang hU~M phaT ldan par bya//rgyal po chen po'i gsang sngags ni/ /b+hai zhes bya ba dang / b+hi zhes bya ba dang / b+ha zhes bya ba'i sngags su 'gyur ro/ /gnod sbyin chen po rnams kyi gsang sngags 'byung ba'i le'u ste bcu gsum pa'o// //bsgrub bya dgug pa'i sngags ni//ya dang k+Sha dang ka dang la/ /ma dang hA dang b+hai ra b+he/ /tri dang rA dang tsa dag gis/ /sha trU~M nr-i dza ni dza zhes/ /lan grangs mang du bzlas par bya'o/ /gnod sbyin brgyad kyi gsang sngags kyis/ /dgra bo'i bla rdo blang bar bya/ /de nas bla rdo bsreg par bya/ /de nas bla rdo mnan par bya//sbad pa'i gsang sngags rgyal po ni/ /ya dang k+Sha dang ka dang la/ /ma dang hA dang b+he ra b+he/ /de ba yak+Sha ya ma dang / nA ga nA ga thum ril yang / /che ge dgra bo thum ril ya/ /ya ya zhes kyang bskul bar bya/ /de nas bsad pa'i gsang sngags ni/ /ma dang hA dang b+he ra b+he//yak+Sha la sogs gong dang mthun/ /de rjes 'di skad brjod par bya/ /nA sha ya na lan gnyis so/ /sha ya tsUr na tsU ra ya/ /nA ga ya ka tra mA ra ya/ /ha na tsa kra rim pa gnyis/ /bi na ya ga dza b+hin+d+hi/ /tan+ta ka ra de nas brjod/ /che ge mo mA ra ya zhes pa//hU~M hU~M phaT phaT/ drag pos bsad pa sngags kyi le'u ste bcu bzhi pa'o// //de nas yang ni drag po'i sngags/ /oM b+hi g+hA b+hi ba b+h+yi sarba bid+yA bi sha ya hr-i da mi ta ya/ hU~M tsi tu ba tu/ tra~M pra ma ru tA ya/ ha na ha na/ gr-ih+Na gr-ih+Na/ pa tsa pa tsa/ b+h+rah+ma b+h+rah+ma/ b+h+rah+ma ya b+h+rah+ma ya/ hU~M hU~M phaT phaT/ khar pa'am yang na zangs dag la/ /log 'dren chen po'i gzugs byas la/ /de la rab gnas mchod pa bya/ /dgra bo'i gzugs brnyan 'og tu gzhug /tshogs kyi bdag po'i stan du bya/ /dgra de 'chi bar the tshom med/ /yang ni sbyor ba'i las rnams ni//dgos pa chen po 'di gsungs so/ /tshogs kyi bdag po'i sku tsan+dan nam rin po che las byas te/ rab gnas byas la mchod pa phul te/ /ser ba gcod par 'dod na ser ba'i bdag po rlung lha dang chu lha'i gzugs byas te/ sprin gyi gzugs dang /'brug gi gzugs byas la tshogs kyi bdag po'i gdan du mnan par bya'o/ /bdag nyid kyis kyang mnan par bsams te/ hi ka tsan+d+ra zhes bya ba la sogs pa'i sngags bzlas na ser ba chod par 'gyur ro/ /yungs kar yang phyogs su gtor bar bya'o//ser ba 'bebs par 'dod na/ chu dang sprin gyi maN+Dal mngon par bris te/ tshogs bdag chen po 'brug la zhon par bsgoms te/ bdag gi bka' nyan par bsam/ gsang ba'i rdzas su bya ba la/ lcags phye gser phye zangs phye rnams/ gnam chu 'bras kyi phye sbrus te/ ser ba ci tsam 'dod pa'i dbyibs che chung byas la khrag gis byugs la bdun dang bdun phrag mang du byas te/ ka ka ki ku'i thod pa'i nang du blugs te/ sprin gyis dgab par bya'o/ /ka ka'i thod pa la sngags bri bar bya'o/ /rim pa gsum mo//rten gyi rdzas kyang gzhag par bya'o/ /bru~M bru~M b+ha ri sha ya zhes bya ba la sogs pa'i sngags 'bum phrag gcig bzlas pa dang / ka ka'i thod pa'i nang du ser ba dngos su gsum mam bdun nam brgyad byung ba dang / dgra'i yul du bskyal te sngags bzlog nas bzlas pas 'bab bo//gal te ma babs na tshogs kyi bdag po'i sku dbu thur la bstan/ zhabs gyen la bstan pa dgra bo'i yul gyi dbus su sba'o/ /mod la ser ba 'bab ste/ bya ka lan+da ka'i sgo nga tsam dang / dbyibs dmar po sha ba'i rlig 'bras tsam pa yun ring por 'bab bo//lo tog 'joms pa'i sngags ni bru~M zhes pas bya'o/ /de gcod par 'dod na ni sku dang ka ki ma phyung ba la nyi ma re rer 'bab pas dbyung bar bya'o/ /tshogs kyi bdag po'i sku la mchod pa 'bul bar bya'o/ / gsang sngags kyang dbu zhabs ma nor bar rin po che'i phreng ba brgya rtsa brgyad bzlas par bya'o/ /sku khrus gsol ba bdag gi dkyil 'khor gyi dbus su bzhugs su gsol lo/ /de la sogs pa mtha' yas mchog /tshogs kyi bdag pos byed pa yin/ / phyag 'tshal dpal ldan tshogs bdag dgyes/ /phyag 'tshal dpal ldan tshogs bdag che/ /phyag 'tshal dpal ldan zhi khro che/ /dngos grub 'byung ba'i rgyud las tshogs kyi bdag po la bstod pa'i le'u ste lnga pa'o// //tshogs kyi bdag po'i rgyud dngos grub 'byung ba zhes bya ba rdzogs so// //rgya gar gyi mkhan po dI paM ka ra shrIdz+nyA nas/ 'jig rten dngos grub ched du ni/ /rgya gar yul nas bsnams nas byon/ /rgyal ba'i 'byung gnas gtad pa yin/ /rgyud 'di bsam pa 'grub pa yin// //

CLOSE WINDOW