CLOSE WINDOW

D663
བོད་ཡིག

//de nas bcom ldan 'das nor rgyun ma'i rtog pa bshad par bya ste/ dang po re zhig dpyid zla tha dkar po'i phyogs kyi tshes gcig la rgya mtshor 'bab pa'i chu bor song ste/de nas nu ma'i bar chu'i nang du nub par byas te 'dug la nyi ma la mngon du phyogs par yongs su brtags la ji snyed gnas kyi bar du bzlas pa bya'o/ /bza' ba thams cad spangs te/nyon mongs shing smra bcad byas te/ nub bdun du bzlas pa bya'o/ /de nas bcom ldan 'das ma'i thang sku yang dbu skra ma gtogs pa gur gum dang / tsan+dan gyis byug par bya ba ni nub mo snga bar langs te/ chur khru bdun zheng du khru gsum ste/ khru bcu dang bcas pa la tshon sna ma lus pa gso sbyong dang ldan pa'i lha bzos bcom ldan 'das ma mdog ljang ser sna tshogs pa'i rgyan gyis brgyan pa/phyag g.yas pa na 'bras bu chen po bsnams pa/ phyag g.yon pa na sgrub pa po rnams la ster ba'i rin po che'i za ma tog mu tig dang /rdo rje pha lam dang / bai DUr+ya'i 'bras bu can bsnams pa'i phyag dang ldan pa bya'o/ /steng du lha'i bu rin po che'i char mngon du 'bebs bzhin pa bya'o/ /g.yas logs su dpal chen mo pad+ma'i phyag can sgrub pa po la nye bar dgongs pa la gnas bzhin pa bya'o/ /g.yon logs su pad+ma'i dpal rin po che yis snyim pa gang ba bya'o//'og tu sgrub pa po pad+ma'i lag pa can bya'o/ /de nas thang sku sku gdung dang bcas pa'i mchod rten gyi drung du nub phyogs su kha bstan la bkram ste/ de nas nye bar spyod pa'i gtor ma ma gtogs pa mdzod kyi bzhes pa yang dbul zhing dri zhim po'i me tog gis mchod pa chen po byas la tsan+dan dang a ga ru'i bdug pas bsreg par bya'o//zhun mar gyi mar me brgya dbul bar bya'o/ /de nas stan gcig la gnas te bcom ldan 'das ma'i zhal la dmigs la nub mo mtshan bzlas pa byas na/ de nas skya rengs shar ba'i dus su skyes bu chen po tsam gyi nor rin po che thams cad kyi rgyun 'bab cing khang pa gang bar 'gyur ro//yang na mtshan mo phyed na chu'i nang du zhu gsal brgyad brgya bzlas par bya'o/ /zla ba gcig tu gcig gi sbyor bas nor gyi rgyun 'bab par 'gyur te/ mi shes par kha cig 'phel bar 'gyur ro//yang na rgyal po'i dkor mngon par 'dod na nyin mo chu'i nang du bzlas pa bya zhing mtshan mo'i phyed na til gyi sbyin sreg brgyad brgya byas na rgyal rigs las rnyed pa chen po thob bo/ /yungs kar mar las bsres nas sbyin sreg byas na rgyal po dbang du byed do//kun du ra'i sbyin sreg byas na rgyal po'i blon po dbang du byed do/ /kha cig gis sbyor ba gang gis mtshan mo bcom ldan 'das pad+ma'i gdan can dran par byas na sbyin bdag chen por 'gyur ro/ /yang na sgrub thabs chen po bshad par bya ste/ cho 'phrul gyi dkar po'i phyogs kyi tshes gcig nas brtsams te/zas ci srid du bcad nas gdung dang bcas pa'i mchod rten gyi drung du thang ka nub phyogs su bstan la dgram zhing / nyin mo shes rab kyi pha rol tu phyin pa bklag cing mtshan mo stan gcig la gnas pas nub yal gyis bzlas pa byas na nor gyi phung po chen po rnyed de/'thor gnod byas kyang 'dzad par mi 'gyur te/ lha khang chen po bya'o/ /cho ga 'di'i cho 'phrul gyi dkar po'i phyogs la bzlas pa byas na 'khor los sgyur ba thob cing / bcom ldan 'das ma nor rgyun ma dngos su mthong zhing phyir mi ldog pa'i byang chub sems dpar 'gyur ro//ci ltar de ltar tshangs spyod bya zhing kha na ma tho ba'i zas chang dang / nya sha la sogs pa spang zhing mtshan mo bzlas pa byas na dbul por mi 'gyur ro/ /de nas bcom ldan 'das la 'phags pa kun dga' bo dang / zla ba bzang po yongs su dga' nas khyim bdag zla ba bzang po'i don du gsungs pa la mngon par bstod do/ / //bcom ldan 'das ma nor rgyun ma'i rtog pa rdzogs so/

CLOSE WINDOW