བོད་ཡིག |
180b5 @#/ /rgya gar skad du/ Ar+yA gra ha mA tr-i kA nA ma d+hA ra NI/ bod skad du/ 'phags ma gza' rnams kyi yum zhes bya ba'i gzungs/ 'phags ma bcom ldan 'das ma gza' rnams kyi yum la phyag 'tshal lo/ /'di skad bdag gis thos pa dus gcig na/ bcom
180b6 ldan 'das 'brog gnas kyi grong khyer chen po na/lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / bdud dang / gshin rje dang / nyi ma dang / zla ba dang / mig dmar dang / gza' lhag
180b7 dang /phur bu dang / pa ba sangs dang / spen pa dang / sgra gcan dang / mjug dang / rgyu skar nyi shu rtsa brgyad la sogs pa du mas bstod cing / rdo rje chen po dam tshig gi rgyan gyis byin gyis brlabs pa'i seng ge'i khri la bzhugs te byang chub sems dpa' du ma dang thabs
181a1 cig pa la 'di lta ste/byang chub sems dpa' sems dpa' chen po phyag na rdo rje dang / byang chub sems dpa' sems dpa' chen po rdo rje gtum po dang / byang chub sems dpa' sems dpa' chen po rdo rje sde dang / byang chub sems dpa' sems dpa' chen po
181a2 rdo rje gzhu dang /byang chub sems dpa' sems dpa' chen po rdo rje'i bdag po dang / byang chub sems dpa' sems dpa' chen po rdo rje rgyan dang / byang chub sems dpa' sems dpa' chen po rdo rje 'od dang / byang chub sems dpa' sems dpa' chen po 'phags pa spyan
181a3 ras gzigs dang /byang chub sems dpa' sems dpa' chen po kun du gzigs dang / byang chub sems dpa' sems dpa' chen po 'jig rten dpal dang / byang chub sems dpa' sems dpa' chen po pad+ma'i tog dang / byang chub sems dpa' sems dpa' chen po
181a4 zhal ras rgyas pa dang /byang chub sems dpa' sems dpa' chen po pad+ma'i snying po dang / byang chub sems dpa' sems dpa' chen po pad+ma'i spyan dang / byang chub sems dpa' sems dpa' chen po 'jam dpal dang / byang chub sems dpa' sems dpa' chen po
181a5 byams pa la sogs pa'i byang chub sems dpa'i dge 'dun brgya phrag du ma rnams kyis yongs su bskor zhing mdun du bdar la chos ston te/bkod pa chen po'i rgyan yid bzhin gyi nor bu zhes bya ba/ thog mar dge ba/ bar du dge ba/ tha mar dge ba/ don bzang po/ tshig
181a6 'bru bzang po/ma 'dres pa/ yongs su dag pa/ yongs su byang ba'i chos ston par mdzad do/ /de nas sangs rgyas kyi byin gyis brlabs kyis lag na rdo rjes 'khor de rnams la bltas nas langs te/ bdag gi rdzu 'phrul gyi byin gyis brlabs kyis bcom ldan
181a7 'das la lan stong phrag du ma bskor ba byas te/phyag 'tshal nas spyan sngar 'dug ste/ snyems pa dang bcas pas skyil mo krung legs par bcas pas 'khor de rnams la bltas te/ rdo rje thal mo rang gi snying gar sbyar nas bcom ldan 'das la 'di skad ces gsol to/ /bcom
181b1 ldan 'das gza' rnams ni gtum zhing gtum pa'i gzugs can/drag cing drag pa'i gzugs can/ khro zhing khro ba'i sems kyi sems can rnams la rnam par 'tshe zhing gnod par bgyid la mdangs 'phrog par bgyid de/ kha cig ni nor rdzas 'phrog par bgyid/ kha cig ni
181b2 srog 'phrog par bgyid/sems can tshe ring po kha cig ni tshe thung bar bgyid/ de ltar sems can rnams la gnod pas 'tshe bar bgyid pas na/ de'i phyir bcom ldan 'das kyis chos kyi rnam grangs gang gis sems can rnams la bsrung bar 'gyur ba bshad du gsol/
181b3 bcom ldan 'das kyis bka' stsal pa/ lag na rdo rje gang khyod kyis sems can rnams la phan par bya ba'i don du snying rje bskyed nas/ gsang ba chen po shin du gsang ba de bzhin gshegs pa la zhu bar byed pa legs so legs so/ /de dag ngas bshad kyis nyon la
181b4 legs par rab tu zungs la yid la gyis shig /gza' rnams gtum pa'i gzugs la shin tu khro zhing 'jigs pa rnams la mchod pa bzang po mchod yon dang bzlas brjod bzang po gsang ba las ches gsang ba ngas bshad par bya'o/ /de dag mchod pas
181b5 mchod 'gyur zhing //gnod pa byas na gnod byed pa/ /gza' de kun gyi kha dog dang / /ji ltar dga' bar 'gyur ba dang / /lha rnams dang ni lha min dang / /mi'am ci dang klu dag dang / /gnod sbyin rnams dang srin po dang / /srul po dang ni mi rnams dang / /drag
181b6 po gzi brjid chen po dag /khros pa zhi bar byed pa yi/ /gsang sngags rnams dang mchod pa dag /rim pa bzhin du bshad par bya/ /de nas bcom ldan 'das shAkya thub pa nyid kyi thugs ka nas snying rje rnam par rol pa zhes bya ba'i 'od zer 'bar ba phyung nas/ gza'
181b7 rnams kyi spyi bor zhugs par gyur to//de nas de nyid kyi skad cig nyid la nyi ma la sogs pa'i gza' rnams langs nas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis bdag cag
182a1 rnams la sman yon btags par gyur te/bcom ldan 'das kyis chos kyi rnam grangs bstan du gsol/ bcom ldan 'das gang gis bdag cag rnams 'tshogs nas yo byad du gyur par byed pa'i chos smra ba rnams la bsrung ba dang / yongs su bskyab pa
182a2 dang /zhi ba dang / bde legs su 'gyur ba dang rim gro dang chad pa bzlog pa dang / mtshon cha spang ba dang / dug gzhil ba dang / dug gsad pa dang / mtshams bcad pa dang / sa bcing bar 'gyur ba rnams bshad du gsol/ de nas bcom ldan 'das de bzhin
182a3 gshegs pa dgra bcom pa yang dag par rdzogs pa'i sangs rgyas shAkya thub pas gza' rnams kyi mchod pa dang gsang sngags bka' stsal pa/ji lta ba'i rim pa'i kha dog gi dbye bas phyogs rnams su dri'i dkyil 'khor byas la pad+ma sor bcu gnyis kyi tshad du
182a4 byas pa'i 'dab ma bris te/lte ba yang sor bcu gnyis pa la sgo bzhis mdzes pa rim bzhin du byas pa la pad+ma rgyas pa'i steng du lha nyi ma bsam par bya ba ni lus gzi brjid kyi phung po li khri nye bar 'bar ba lta bu nyi ma stong dang mtshungs pa'i 'od zer can no/ /oM mai g+ho lkA ya
182a5 swA hA/shar du zla ba dkar po/ o~M shi tA~M sha be swA hA/ me'i mtshams su mig dmar po/ oM rak+tA~M ga ku mA rA ya swA hA/ gshin rje'i phyogs su rgyal rigs gza' lhag mdog ser po/ o~M bud+hA ya swA hA/ bden bral du phur bu dmar ser/ oM pr-i ha spa ta ye
182a6 swA hA/nub kyi phyogs su pa ba sangs dkar po/ oM a su rot+ta mA ya swA hA/ rlung du spen pa mig sman ltar shin tu gnag pa/ oM kr-iSh+Na war+N+Na ya swA hA/ lus ngan po'i phyogs su sgra gcan dmar nag /oM a mr-i ta pri yA ya swA hA/ dbang ldan gyi mtshams su dud
182a7 sprin gyi mdog lta bu'i mjug rengs/oM dz+yo ti ke ta be swA hA/ shar gyi sgor rje btsun sangs rgyas/ lho sgor phyag na rdo rje/ nub sgor 'jig rten mgon po/ byang gi sgor 'jam dpal lo/ /dkyil 'khor gyi phyi rol gyi byang shar du gza' thams cad do/ /shar lho'i
182b1 mtshams su khyim rnams dang rgyu skar rnams so//lho nub du gnod pa thams cad do/ /nub byang du rje btsun rigs pa chen mo'o/ /dkyil 'khor gyi sgo'i phyi rol gyi shar du yul 'khor srung / lhor 'phags skyes po/ nub tu mig mi bzang / byang du lus ngan po'o/
182b2 nyi ma'i 'o thug dang / zla ba'i zho zan dang / mig dmar gyi sran ma ma sha'i bza' ba dang / lhag pa'i mar gyi khur ba dang / phur bu'i 'o ma dang / pa ba sangs kyi khur ba dang / spen pa'i sran ma ma sha dang / mud ga bsres pa dang / sgra gcan gyi til gyi
182b3 thug pa dang /mjug til kyi thug pa dang / bu ram gyi tshod ma'o/ /gnod sbyin gyi gtor ma ni yul 'khor srung gi zho zan no/ /'phags skyes po'i zho dang sran ma ma sha'i bza' ba'o/ /mig mi bzang gi 'o thug gi bza' ba'o/ /lus ngan po'i zho dang sran
182b4 ma ma sha'i bza' ba dang bu ram chang dang sbyar ba'o//ji lta ba'i rim pa'i kha dog gi me tog dbul lo/ /ji lta ba'i rim pa'i kha dog gi bdug spos dbul lo/ /ji lta ba'i rim pa'i kha dog gi ba dan dbul lo/ /so so la mar me dbul lo/ /ji lta ba'i rim pa'i mchod pa bya'o/ /
182b5 mar dang sbrang rtsis dung phor bkang ste/ rin chen sna lnga bcug la mchod yon dbul zhing gdong la yang dar bcing bar bya'o/ /lag na rdo rje gza' 'di rnams kyi snying po'i sngags bklags pas 'grub pa rnams yin te/ ji lta ba'i rim pa'i kha dog dang mthun pa'i spos kyi dkyil
182b6 'khor sor bcu gnyis pa byas pa'i dbus su mchod par bya'o//kham pa'am zangs la sogs pa'am/ gser dngul gyi snod du mchod yon phul nas/ re re la yang bzlas brjod lan brgya rtsa brgyad rtsa brgyad bya'o/ /lag na rdo rje de nas yang de'i 'og tu gza' rnams kyi yum
182b7 zhes bya ba'i gzungs kyi sngags kyi tshig rnams lan bdun brjod par bya'o//de nas gza' nyi ma la sogs pa'i gza' thams cad kyis srung bar byed par 'gyur ro/ /dbul ba'i gdon las grol bar byed do/ /tshe zad pa rnams tshe ring bar 'gyur ro/ /lag na rdo rje yang gang zhig dge
183a1 slong dang /dge slong ma dang / dge bsnyen dang / dge bsnyen ma rnams sam/ sems can gzhan sems can gyi skye bar gtogs pa gang dag gi rna lam du thos na/ de dag kyang dus ma yin par 'chi ba'i dus byed par mi 'gyur ro/ /lag na rdo rje yang gang
183a2 zhig gza' rnams kyi dkyil 'khor gyi dbus su mchod cing /nyin gcig bzhin du klog par byed pa'i chos smra bar byed pa de la gza' rnams thams cad kyis rnam pa thams cad du bdag nyid kyis bsam pa thams cad yongs su rdzogs par byed do/ /de'i rigs rgyud kyi
183a3 dbul ba yang nyams par byed do//de nas bcom ldan 'das de bzhin gshegs pa shAkya thub pas gza' rnams kyi yum zhes bya ba'i gzungs bka' stsal pa/ na mo bud+d+hA ya/ na mo badzra d+ha rA ya/ na mo pad+ma d+ha rA ya/ na mo ku mA rA ya/ na mo gra hA NAM/ sarbA sha pa ri pU
183a4 ra kA nA~M/na mo na k+Sha trA NA~M/ na mo dwA da sha rA shi nA~M/ tad+ya thA/ o~M bud+d+he bud+d+he/ badzre badzre/ pad+me pad+me/ sa ra sa ra/ pra sa ra pra sa ra/ sma ra sma ra/ krI Da ya krI Da ya/ mA ra ya mA ra ya/ mAr+d+ha ya mAr+d+ha ya/ g+hA Ta ya g+hA Ta ya/ sarba big+h+nA~M/ ku ru ku ru/ ma ma kAr+yAM/ ts+tshin+d+ha ts+tshin+d+ha/
183a5 sarba duSh+TAM/ k+ShA pa ya k+ShA pa ya/ shAn+te shAn+te/ dAn+te dAn+te/ dA ma ya dA ma ya swA hA/ dru tAn dar+sha ya/ At+ma naM/ rak+Sha rak+Sha mA~M/ sarba satwAMsh+tsa/ sarba gra hA na k+Sha tra/ bi d+h+waM sa ni bar+t+ta ya/ b+ha ga ba ti ma hA mA ye/ pra sA da ya/ sarba duSh+TaM/ sho d+ha ya sarba pA pa~M tsaN+De tsaN+De/ tu ru
183a6 tu ru/tsaN+De ni tsaN+De ni/ mu yu mu yu/ mu tsu mu tsu/ ba ha ba ha/ u gre u gra ta me/ pU ra ya me/ ma nor thaM pa ri pU ra ya/ sarba ta thA ga ta/ a d+hiSh+Thi te sa ma ye swA hA/ oM swA hA/ hU~M swA hA/ hr-i swA hA/ d+h+ru~M swA hA/ d+h+riM swA hA/ pad+ma d+ha rA ya swA hA/ A di t+yA ya swA hA/ sau mA ya swA hA/
183a7 d+hA ra NI su tA ya swA hA/ bu d+hA ya swA hA/ pr-i haspa ta ye swA hA/ shu krA ya swA hA/ kr-iSh+Na war+N+NA ya swA hA/ rA ha be swA hA/ ke ta be swA hA/ bur+d+hAya swA hA/ badzra d+ha rA ya swA hA/ pad+ma d+ha rA ya swA hA/ ku mA rA ya swA hA/ sarba gra he b+h+yaHswA hA/ sarba nak+Sha tre b+h+yaHswA hA/ sarba dA da sha rA shi ni b+h+yaHswA hA/ sarba u
183b1 pa dra be b+h+yaHswA hA/oM sarba pid+ye hU~M hU~M phaT phaT swA hA/ lag na rdo rje gza' rnams kyi yum zhes bya ba'i gzungs kyi sngags kyi tshig 'di dag ston zla tha smin drug gi zla ba'i yar ngo'i tshes bdun nas brtsams te/ gso sbyong blangs nas tshes bcu bzhi'i bar du nyin gcig bzhin
183b2 du mchod cing brjod par byas nas de nas nya la nyin mtshan thog thag bklags na de la lo dgu bcu rtsa dgu'i bar du 'chi ba'i 'jigs pa 'byung bar mi 'gyur ro//skar mda' ltung ba dang / gza' dang rgyu skar gyis gdungs pa'i 'jigs pa 'byung bar mi 'gyur ro/ /skye ba dran
183b3 par 'gyur ro//gza' thams cad kyis mchod par 'gyur ro/ /gza' rnams kyis de la ci 'dod pa'i mchog ster bar 'gyur ro/ /de nas gza' de rnams kyis bcom ldan 'das la legs so zhes gsol nas mi snang bar gyur to/ /'phags ma gza' rnams kyi yum
183b4 zhes bya ba'i gzungs rdzogs so// //rgyal blon byang chub sems dpa' rnams kyi sku ring la bsgyur ba las/ dus phyis dge bsnyen grags pa rgyal mtshan gyis dpal ldan sa skya'i dben gnas su rgya dpe la gtugs nas shin tu dag par byas pa'o// //
CLOSE WINDOW