CLOSE WINDOW

D544
བོད་ཡིག

@#/ /rgyud 'bum pa bzhugs so/ / @##/ /rgya gar skad du/ sid+d+ha e ka bI ra ma hA tan+t+ra rA dza nA ma/ bod skad du/ dpa' bo gcig pu grub pa zhes bya ba'i rgyud kyi rgyal po chen po/ bcom ldan 'das 'jam dpal gzhon nur gyur pa la phyag 'tshal lo//dpa' bo gcig grub dpa' bo'i gtso/ /rab mchog smra ba rnams kyi mchog /'gro ba'i bla ma 'jam rdo rjes/ /'jig rten don du rgyud rab gsungs//lha nyid gsang sngags tshul gyis ni/ /dngos grub thams cad stsol mdzad pa/ /sngags pas de nyid bsgoms nas ni/ /de grub na ni 'grub 'gyur te/ /sngags pa lus ni rnam dag dang //gang tshe dngos grub phra mo 'grub/ /snod du gyur pa'i lus la ni/ /dngos grub chen po rab tu skye/ /rim pa 'di yis 'di la ni/ /sa la sogs pa 'thob pa skye//sngags pas yid bzhin nor bu ltar/ /rtag tu sems can don byed do/ /de ltar mkhyen nas thugs brtses non/ /rdo rje 'chang sogs kyis zhus tshe/ /grub pa'i gsang sngags bsdus pa ni//'gro ba'i don du gsungs pa yin/ /oM kA lu me lu kA lu me stam+b+ha ya s+shi lA baR+ShaM tuShA ra ny+tsa luts+tsha i luts+tsha i swA hA/ gsang sngags kyi rgyal po 'di ni legs par bzlas na ser ba gcod par byed do/ /dran pa nyid dang thal ba la mngon par bzlas pas ser ba 'bab pa'am kha ba 'bab pa gcod par 'gyur zhing gang du 'dod pa der 'gro'o//de bzhin du glog dang rlung dang rdo rje dang thog 'bab pa la sogs pa med par byed do/ /oM ga ru Da haM sa he/ tsa la tsa la swA hA/ sngags kyi rgyal po 'di dran pa nyid ni ser ba 'bab pa zlog par byed do//rdo rgyus kyis rnga pa Ta ha la bris shing / rnga lcag la mngon par bzlas pa'i rnga pa Ta ha'i sgras ser ba 'bab pa zlog par byed do/ /de bzhin du dung la sogs pa'i sgras kyang bya'o/ /oM he he/ tiSh+Tha tiSh+Tha/ ban+d+ha ban+d+ha/ d+hA ra ya d+hA ra ya/ ni run+d+ha ni run+d+ha/ che ge mo ur+N+Na ma Ni swA hA/ gsang sngags kyi rgyal po 'di sngon du bsnyen pa'i tshogs 'bum phrag gcig yongs su bzlas na 'grub par 'gyur ro/ /glog dang rlung dang rdo rje dang thog 'bab pa'am kha ba la sogs pa dran pa tsam nyid kyis zlog par byed do//thal ba dang yungs kar la mngon par bzlas na/ char ches pa gcod pa dang byi ba dang sbrang ma la sogs pa'i mchu 'ching bar byed do/ /skyed mos tshal dang zhing la bya dang 'bu srin dang byi ba rnams kyis nye bar 'tshe ba zlog par byed do/ / dur khrod kyi ras la ming dang bcas pa'i sngags bris la spra tshil gyis gtums te/ dur khrod kyi bum par bcug nas kha bcad de/ de nyid du sbas pas mngal rengs par 'gyur ro/ /phyung nas 'o ma dang chus bkrus te chu la bor pas zhi bar 'gyur ro/ /yung ba'am/ ba blas gro ga'am gos sam lo ma la mngon par bris te/ spra tshil gyi nang du gtums pa'i sngags 'di grog mkhar gyi sa las 'jigs byed kyi gzugs su byas pa de'i snying gar bcug ste de'i kha thal bas bkang nas sbas na/ rgol pa dang phyir rgol ba'i kha rengs par byed do/ / rtsod sbyong byed pa na gzugs de nyid kyi lce la lan bdun mngon par bsngags pa'i tsher ma bdun gyis btsugs na kha 'ching bar byed par 'gyur ro/ /rdo rgyus kyis kham phor la bris te thal bas bkang la/ kha sbyar te sbas na mi snyan pa brjod pa kha rengs par byed do/ /rdza mkhan kyi lag pa phyis pa'i 'jim pa las/lug gi gzugs su byas pa'i snying gar spra tshil gyis gtums pa'i sngags bcug na khros pa'i kha rengs par byed do/ /ske'am dpung pa la sngags btags na g.yul ngogs kyi mtshon cha'i dbal zhi bar byed do/ /grog mkhar gyi 'jim pa las byas pa'i tshogs kyi bdag po'i rkang pa'i mthil du sngags kyi rgyal po 'di bcug ste/bzhi mdor sbas na 'gro ba dang 'ong ba thams cad rengs par byed cing rtag par byed pa thams cad rengs par byed do/ /gro ga'am gos la sngags kyi rgyal po 'di bris la spra tshil gyis btums te de nyid kyi khong par bcug la/bum pa sar pa chus bkang ba'i nang du bcug na yongs su brtag pa rengs par byed do/ /bla gos kyi mtha' ma la sngags rjes su dran zhing mdud pa bcings pas lam du rkun po la sogs pa rengs par byed cing / nags kyi ba men la sogs pa rwa can dang mche ba can rnams rengs par byed do//bong pa la lan bdun sngags te chur bcug na/ chu na rgyu ba'i kha 'ching bar byed do/ /dur khrod kyi ras la pha rol gyi dpung gi tshogs kyi skyes bu'i gtso bo'i ming smos pa'i sngags sna tshogs rdo rje'i dbus su bris la/ sna tshogs rdo rje'i phyi rol du yi ge la~M brgyad bris shing phyi rol dbang chen gyi dkyil 'khor dang ldan par bris te/phyogs rdo rjes brgyan pa'i spra tshil las byas pa'i tshogs kyi bdag po'i khong par bcug pa'i sngags/ pha rol gyi dpung gi tshogs kyi sa mtshams kyi bar du bcug na dpung gi tshogs rengs par byed do/ / sngags oM gnyis kyi kha sbyor du bcug la yi ge Tha zung gis yongs su bskor ba/ phyi rol du yi ge la~M brgyad kyis bskor ba dbang chen gyi dkyil 'khor gyis non pa sna tshogs rdo rjes nye bar mdzes par byas pa/ grog mkhar gyi 'jim pa las byas pa'i tshogs kyi bdag po'i khong par bcug la/dur khrod kyi bum pa'i nang du bcug nas dur khrod du sbas pa'am/ phub ma'i sbyin sreg gis pha rol gyi dpung gi tshogs rengs par byed do/ /grong khyer tshig pa'i me la mngon du phyogs shing sngags 'dis mngon par bsngags pa'i chu snyim pa bdun rab tu gtor na khyim gang bsrung bar 'dod pa'i khyim de srung bar byed do//thal bas mgul pa bcings pas skyugs pa zlog par byed do/ /mthe'u chung gi rtse dam du btsir la sngags brjod pas skyigs bu med par byed do/ /thal ba la mngon par bsngags pas mig rengs pa sos par byed do//'brum bu la sogs pa rnam par 'tshe ba la ras kyi dum bu la bris te/ khyim gang gi sgor btags pa'i khyim der 'brum bu la sogs pa rnam par 'tshe ba zlog par byed do/ /nya dang sha dang chang dang 'bras chan la sogs pa sbyin par 'gyur ba las grong gi phyi rol gyi char gtor ma chen po gtang bar bya ba dang yam shing lnga dang 'bru lnga'i bye brag mar la btags pas grong gi dbus su zhi ba'i thab khung byas la sbyin sreg byas na bdud dang rnam par 'tshe ba thams cad rengs par byed do//gang 'ga' zhig la grong la sogs pa 'byin par 'gyur ba la bzlas pa tsam gyis zlog par byed do//rtag tu bzlas na lha dang lha ma yin dang lto 'phye chen po rnams kyis mi mthong bar 'gyur ro/ /dpal rje btsun sangs rgyas bcom ldan 'das mngon par byang chub pa'i dus su/ bdud bzhi las rgyal bar bya ba'i don du sngags kyi rgyal po 'di mdzod spu las rnam par phyung ba'i phyir mdzod spu'i nor bu zhes bya bar grags pa yin no//gseg ma la mngon par bsngags te gtor bas sbrul dag 'byer bar byed do/ /khyim gyi rtsig ngos la rdo rgyus la mngon par bsngags pas bris na sbrul gyis zil gyis non par mi 'gyur ro/ /yang na rdo leb la sngags gzong bus brkos te bris pa sbas na dang sbrul gdug pa rnams khyim mam grong ngam grong khyer du sbas na ci srid 'dod pa'i bar du mche ba 'ching bar byed do//phyung bas grol bar 'gyur ro/ /sngags 'di ma bsgrubs su zin kyang las thams cad byed par 'gyur ro/ /gseg ma la sogs pa la yongs su bzlas te gtor na mche ba can thams cad kyi mche ba 'ching bar byed do//dbang chen gyi dkyil 'khor gyis khyab pa'i sna tshogs rdo rje'i dbus su bsgrub par bya ba'i ming dang bcas pa'i sngags thams cad bri bar bya'o/ /dur khrod kyi ro bsregs pa'i shing gi phur bu la lan bdun mngon par bsngags pa sgo'i steng du sbas na/skyed kyis 'tsho ba thams cad kyi skyed med par byed do/ /phyung bas grol bar 'gyur ro/ /oM ni hi ni ts+tsha le a b+ha ya b+ha yaM ka ri/ e lu be lu tsu le lu/ shi lA ya Da i dza ha ye/ paT+Ta i dzaT+Ta/ e pe lu A ga sa pa the ke ra te/i a tu mud+d+hA ri ma d+ha ri khi n+ni khi l+la mo ha ni thi b+hi dza kA raM dza hi thA kA ro Ni hi ThaHThaHswA hA/ sngags kyi rgyal po 'di sngar ma smos pa'i las thams cad ma bsgrubs su zin kyang byed par 'gyur ro/ /de las gzhan yang mngon par 'dod pa'i las de dag thams cad byed par the tshom med do//lan tshwa dang ske tshe mnyam pa'i sbyin sreg gam phub ma'i sbyin sreg gis pha rol gyi dpung gi tshogs rnams 'byer bar byed do/ /oM am+sha sim+sha ka s+yA su dzo me phe Da e du s+yA su swA hA/ zhes byung ngo / /oM am bA shim b+hA kap+pa su dzo me phi du p+bA su/ sngags kyi rgyal po 'di ma bsgrubs su zin kyang rtag tu bzlas na 'jigs pa thams cad zlog par byed do//rdo rje'i chu'i thig les dgra bo thams cad rmongs par byed cing khros pas rab tu dang bar byed do/ /bcings pa la bzlas na bcings pa grol bar byed do/ /phongs par gyur pas bzlas na rnyed pa 'grub par 'gyur ro//e Shon thi to/ hu lu hu dz+wa la dzi twe/ oM Shot+thi to hu lu hu lu/ dzA lA dzi hwa twe hu lu ru trai ba pra ti rAts+tsha tu hu lu swA hA/ hu lu hu lu ya trai bo t+thi to hu lu ta trai ba pra ti gats+tshan+tu hu lu hu lu swA hA/ sngags kyi rgyal po 'dis 'thab pa dang 'thab mo dang rnam par rtsod pa thams cad la bzlas pa byas pas zhi bar byed do//phub ma'i sbyin sreg gis kyang thams cad du zhi bar 'gyur ro/ /ji ltar rnyed pa'i me tog la sngags rjod de/ chu la bskur na thams cad du zhi bar 'gyur zhing rnam par rgyal ba thob par the tshom med do/ /grong khyer tshig pa'i me la mngon du phyogs pas 'dug ste/mngon par bsngags pa'i chu snyim pa bdun gtor na/ khyim gang bsrung bar 'dod pa'i khyim de srung bar byed cing mes tshig pa'i me'i kha las thar bar byed do/ /rkang gnyis dang rkang bzhi'i mche ba la phub ma'i sbyin sreg gis zhi bar byed do/ /oM pad+me pad+mA k+Shi pad+ma su b+ha ge phuH/ pad+me pad+ma/ ak+She pad+ma/ su b+ha ge phuHswA hA/ sngags 'di thal ba la bzlas te bskus pas mig rgya btab pa rengs pa sos par byed do/ /byabs pas mig rengs pa sos par byed do/ /lan bdun mngon par bsngags pas mig gis khros pa mthong ma thag tu rab tu dad par byed do/ / lan bdun mngon par bsngags pa'i chus gdong bkrus na skye bo thams cad dga' bar byed do/ /rtsig pa la ming smos pa'i sngags rdo rgyus kyis bris na mig nad thams cad 'joms par byed do/ /dben par 'dug ste sems rtse gcig pas skyes bu'i mig gnyis la mngon par bsngags pa byas na/gang gi tshe g.yon pa 'gul bar gyur pa de'i tshe/ bsams pa'i dgos pa 'grub par ston pa yin no/ /g.yas pa 'gul bar byed na mi dge ba'i dgos pa ston par byed do/ /oM mo tsa ni mo tsa ya/ mo k+Sha ni mo k+Sha ya/ dzI baM bar de swA hA/ 'dis mngon par bsngags pa'i til mar gyis skye ba'i sgo la bskus na/sbrum ma bde bar btsa' bar byed do/ /bcings pa la mngon du phyogs par byed pas/ lan bdun mngon par bsngags pa'i chu snyim pa bdun mngon par gtor ba dus gsum du byas pas bcings pa rnams grol bar byed do/ / gur gum mam gi wang gis gro ga la mngon par bris te/ bcings pa'i mgo bo la btags na bcings pa las grol bar byed do/ /rtag tu bzlas na bcings pa grol bar byed do/ /oM ha ri marka Ta nA ma/ sa hA sra bA huH/ de ba da ta taM/ ban d+ha nAn mok+ShA ya swA hA/ rdo rgyus la mngon par bsngags pas sa'i steng du yang dang yang du bris te/lugs las bzlog pas phyis na bcings pa las grol bar byed do/ /lo ma la ming dang sngags su bcas pa mngon par bris te/ mgo bo la btags na bcings pa thams cad grol bar 'gyur ro/ /oM tA ri Ni tA ra ya/ mo tsa ni mo tsa ya/ mo k+Sha ni mo k+Sha ya/ dzI ba~M ba ra de swA hA/ sngags kyi rgyal po 'di legs par bzlas na las thams cad byed par 'gyur zhing / lan bdun mngon par bsngags pa'i til mar gyis skye ba'i sgo la bskus na sbrum ma bde bar btsa' bar 'gyur ro/ /lan bdun mngon par bsngags pa'i chu 'thungs na/mngal 'khyim pa bde bar btsa' bar byed do/ /rtag tu bzlas pas bdag dang gzhan 'ching ba las thar bar 'gyur ro/ /ske'am dpung pa la bsrung ba btags pas 'jigs pa thams cad las srung bar byed do/ /oM tA re tut+t+wa re tu re mok+Sha ya dzI baM swA hA/ sngags kyi rgyal po 'di sngar smos pa'i bya ba byed par 'gyur ro/ /gur gum gyis gro ga la gang gi ming smos pa'i sngags mngon par bris la spra tshil du gtums te/ dri zhim po'i chus bkang ba'i bum pa gsar pa'i nang du bcug ste/ me tog dri zhim po la sogs pas dus gsum du mchod pa byas na 'thab pa dang 'thab mo dang rtsod pa thams cad las rnam par rgyal bar 'gyur ro//gur gum gyi gro ga la gang gis ming smos pa/ oM e raN+Da s+ya ba ne kA ko /rang gA tI ra mu ya s+thi taHyi ba tu dU ta/ yA nI yam+pi shal+yA b+ha ba tu gurbi NI/ oM e raN+Da ba ne kA gaHgang+gA tI ra mu ba s+thi taHpi ba tu dU taHsA nI yam+bi shal+yA b+ha ba tu gur+b+bi swA hA/lan bdun mngon par bsngags pa'i chu khyor ba gsum pho nyar 'ongs pas 'thungs na/ sbrum ma bde bar btsa' bar byed do/ /oM a ma ra Ni dzI ban ti ye swA hA/ sngags kyi rgyal po 'di legs par bzlas na las thams cad byed par 'gyur ro/ /mngon par bsngags pa'i chu 'thungs na 'brum bu 'ong bar mi 'gyur ro//lus las skyes pa'i dug mi bzad pa dang spre'u dug dang sbrul dug la sogs pa'i rma la yung ba dang a ru ra dang ru rta la sogs pa la yongs su bzlas te bskus na rang bzhin du gnas par 'gyur ro/ /nad dang rnam par 'tshe ba thams cad la sngags mdud bcings na zhi bar byed do//rtag tu bzlas na tshe zad pa yang tshe lo brgya thub par 'gyur ro/ /mar dang til gyi sbyin sreg gis thams cad zhi bar byed do/ /mngon par bsngags pa'i sman gyi btungs pas nad thams cad las yongs su thar bar byed do//lan brgya bkrus pa'i mar la mngon par bsngags pas na ba'i yan lag la bskus na rang bzhin du gnas par 'gyur ro/ /mgo'i nad la til mar la bsngags te bskus pas rang bzhin du gnas par 'gyur ro/ /gdug pa'i rma la chu la bsngags nas gtor bas sos par 'gyur ro//spri ha'i nad la be dang la sogs pa'i mtshon gyis gtubs na spri ha bcad par 'gyur ro/ /ni rgun d+hi dang nim pa'i rtsa ba rma bya'i mjug sgro dang bcas pa gcig tu sbyar la/ brgya rtsa brgyad mngon par bsngags pa'i bdug pas bdugs na/ rims nyin gcig pa dang /nyin gnyis pa dang / nyin gsum pa dang / nyin bzhi pa la sogs pa sel bar byed cing / 'byung po dang / sha za dang / tshangs pa dang / srin po la sogs pa sel bar 'gyur ro/ /bud med bu shi bas lan brgya rtsa brgyad mngon par bsngags pa'i bum pas khrus byas na bu gson po dang ldan par 'gyur ro//gro ga la bris pa'i sngags rked pa'am dpung pa la btags pas mngal srung bar 'gyur ro/ /sngags rjes su dran pas g.yul ngogs su 'jug na rgyal ba rnyed par 'gyur zhing byabs pas nad thams cad sel bar byed do/ /oM pA da tsA la ne swA hA/sngags kyi rgyal po 'di sngon du bsnyen pa'i cho gas legs par bsgrubs na las thams cad byed do/ /phol mig gi 'jigs pa la mngon par bsngags pa'i chu 'thungs na phol mig med par 'gyur ro/ /gro ga'am shog gu la bris te sgo la btags pas phol mig med par 'gyur ro//'di ni 'tshe ba thams cad la mar la btags pa'i til gyi sbyin sreg gis srung ba chen po yin no/ /khwa'i sgro lag pas bzung ste bzlas pa khri byas la gang gi khang pa'i steng gi logs su sbas pas de 'byer bar byed do/ /oM pi shA tsi par+N+Na sha wa ri sarbo pa dra ba nA sha ni swA hA/rig pa chen mo 'di ma bsgrubs su zin kyang rkang gnyis pa dang rkang bzhi pa thams cad kyi rnam par 'tshe ba sel bar byed cing / las thams cad byed par 'gyur ro/ /sbyin sreg gam bzlas pa'am khrus sam sngags mdud dam mngon par bsngags pa'i chu 'thungs pa'am byabs pas nad thams cad sel bar byed do//gro ga la gur gum gyis bris pa'i sngags ske'am dpung pa la btags na rtsod sbyong la rgyal ba thob par 'gyur zhing / rims nyin bzhi pa la sogs pa mi bzad pa las rnam par grol bar 'gyur ro/ /srin po la sogs pa'i 'jigs pa sel bar byed cing /'thab pa dang 'khrug pa dang rtsod pa dag las rgyal ba sgrub par byed do/ /stag dang chu srin dang lto 'phye chen po dang rkun po la sogs pas mi mthong zhing rtag tu bzlas na skye bo thams cad dga' bar 'gyur ro/ /oM Ar+ya tr-i tI yA/ a mu ka s+ya tsak+Shu stam+b+ha ya ti ThaHThaHswA hA/ tshes gang la mig na bar gyur pa de la rtsig pa'am spang leb la rdo rgyus kyis tshes bris la yi ge e kha sbyar gsum du bya'o/ /oM tsaN+Da ma hA ro Sha Na hUM phaT/ sngags kyi rgyal po 'di lan cig bzlas pas sdig pa thams cad nges par sreg par byed do//'byung po la sogs pa'i gdon gyis zin pa la yungs kar la sogs pas brdegs pas gdon thams cad 'byer bar byed do/ /kham phor la rdo rgyus kyis bris te sgo la btags pas gsar du btsas pa'i byis pa srung bar byed do/ /spra tshil gyis gzugs sor bzhi pa byas pa de'i snying gar bsgrub bya'i ming dang bcas pa'i sngags mngon par bris te bcug la de'i kha la tsher ma btsugs na phyir rgol ba'i kha phur bus btab par 'gyur ro//rkang pa la btsugs na 'gro ba dang 'ong ba rengs par byed do/ /snying ga la btsugs na khro ba 'joms par byed do/mi'i rje ngar gyi rus pa'i phur bu'am/ lcags kyi phur bus gdab par bya'o/ /ming nas bzung zhing yan lag gang dang gang la phur bus gdab pa de dang de 'jig par 'gyur ro/ /dgra bo'i sgo'i 'og tu sbas na 'byer bar byed do/ /dur khrod kyi thal ba la mngon par bsngags pas sgo'i ya them la gtor na 'byer ro//ral gri la mngon par bsngags la g.yul du 'jug na rgyal ba sgrub par byed do/ /bya ba gang la 'jug pa na gtor ma nye bar bstabs na de dang de 'grub par 'gyur ro/ /sngags pa dge ba'am mi dge ba'i las gang 'dod pa bzlas pa tsam gyis byed do//oM ka s+ye span+da span+da twaM/ sU n+ya be sh+ma ni ma ma twa thA span+da ya s+tha/ span+da si ba dza Ni swA hA/ oM kA shi span+da ka she span+da twaM n+ye shU n+ya be sh+ma ni a sma kar+N+Na ta thA span+da ya thA span+da si ba dza Na swA hA/ mig 'gul bar gyur na byabs pas zhi bar byed do//oM dzaM b+he mo hi hri da ya mA brtA ni hUM phaT swA hA/ /sngags kyi rgyal po 'di tho rangs bya rog sgra mi grag pa'i dus su/ lan bdun mngon par bsngags pa'i chus gdong bkrus na skye bo thams cad dga' bar 'gyur ro/ /rgyal la ba mar dang pad+ma dkar po'i skud pa'i sdong pos du ba blangs la/brgya rtsa brgyad mngon par bsngags pa byas pa des mig la bskus pas bud med thams cad yid 'phrog par byed do/ /rgyal la kha thur du bltas pa'i me tog gi rtsa ba dang shi ri khaN+Da dag sbyar la/ brgya rtsa brgyad mngon par bsngags pa des thig ler byas na rje bo khros pa de rab tu sad par byed do//ku co dang 'thab pa dang rtsod pa dag las rgyal bar 'gyur ro/ /cho ga bzhin rtag tu bzlas pas grong khyer bskyod pa skyed par byed do/ /oM staM b+ha ni/ staM b+ha ya/ dzaM b+ha ni/ dzaM b+ha ya/ mo ha ni/ mo ha ya/ rak+Sha ni Ni/ rak+Sha ya mAM/ bar di sid+d+ha lo tsa ni swA hA/ sangs rgyas spyan gyi snying po 'dis 'jigs pa thams cad sel bar byed do/ /dpa' bo gcig pu grub pa rgyud kyi rgyal po chen po las le'u dang po rdzogs so// //rab sad legs par sangs rgyas pa'i/ /slob ma yon tan gzhi yin pa/ / bla ma la gus mkhas pa la/ /rgyud kyi rgyal po bshad par bya/ /oM na mo bi ma la tsan+d+rA ya/ de ba pu trA ya/ sa t+ye na d+h+ri ya ti lo kaHsa t+ye na pa ri gr-i h+ya te sa t+ye na d+harmaHs+thi to lo kaHsa t+ye brah+ma sa tAn naM/ sa t+yaM bud+d+hash+tsa d+harma sh+tsa saM g+hash+tsa gu Na sA ga raHa ne nas t+yaM bA kye na k+Shi pra mA bi sha darba Ne/ tad+ya thA/ oM sa ra sa ra/ si ri si ri/ su ru su ru/ me ru man+da ra pra ti kA sa A bi sa A bi sha/ kai lA sa kU Ta pu trA ya na maHswA hA/ yan ma yA tsin ti taM kAr+yaM ta ta sarba bru hi ta twA ta/ At+mA N+bAMbA pa rA bA shu b+ham+bA ya/ di bA shu b+haM/ nang par gtsang ba'i sa phyogs su dkyil 'khor byas shing bum pa bzhag la/lha'i bu dri ma med pa'i zla ba la mchod pa rgya che ba byas nas me long la mngon par bsngags te/ khye'u 'am bu mo legs par khrus byas la gos legs par bkrus pa bskon cing / tsan+dan dkar po'i lde gus yan lag byugs la me tog dri zhim po'i phreng ba mgul du btags pa/grong ba'i chos kyis rab tu ma nyams pa la bstan na ji ltar bsams pa'i dgos pa phyin ci ma log par ston par 'gyur ro/ /dgongs sngas drung du dkyil 'khor nye bar byugs la/ bcom ldan 'das dang lha'i bu dri ma med pa'i zla ba la mchod pa rgya chen po byas la/brgya rtsa brgyad bzlas nas cang mi smra bar nyal na dge ba dang mi dge ba ji ltar bsams pa bzhin ston par 'gyur ro/ /rtag tu bzlas na 'jig rten gsum gyi spyod pa ston par 'gyur ro/ /oM shra ba Na pi shA tsi ni muN+De swA hA/ ba ru ra'i shing ngam n+ya gro d+ha'i shing gi rtsa bar 'dug la/ cang mi smra bar 'bum phrag gcig bzlas na grub par 'gyur te 'jig rten gsum gyi spyod pa yang ston par 'gyur ro//yang na legs par khrus byas la gos gtsang ma bgos te dben par 'dug la khri bzlas pas grub par 'gyur ro/ /dgongs nyal kar ru rta la brgya rtsa brgyad mngon par bzlas nas gdong dang rkang pa gnyis bkrus na/rmi lam du dge ba dang mi dge ba rnam par ston par 'gyur ro/ /oM na maHsap+tA nAM/ samyak+saM bud+d+ha/ ko TI nAM/ tad+ya thA/ oM tsa le tsu le/ tsun+da swA hA/ bIr+ya sa t+ya pA di ni ba ra de ka thA ya swA hA/ gong du bshad pa'i cho gas me long ngam ral gri'am mar me'am chu snod la ston par byed do//lan brgya rtsa brgyad mngon par bsngags pa'i chus gdong bkrus la mi smra bar nyal na rmi lam du dge ba dang mi dge ba ston par 'gyur ro/ /oM mu tsi li swA hA/ mo ha ni swA hA/ dan ti li swA hA/ gsang sngags 'di khri bzlas na 'grub par 'gyur ro//bcom ldan 'das 'phags pa spyan ras gzigs dbang phyug la mchod pa rgya chen po byas nas lan brgya rtsa brgyad mngon par bsngags pa'i chus gdong bkrus te/ dgos pa yid la byed pa'i bzlas pas mi smra bar nyal na bcom ldan 'das rang gi gzugs su mthong bar 'gyur zhing dge ba dang mi dge ba rmi lam du dmigs par 'gyur ro//oM pra dz+wA la hUM phaT/ bcom ldan 'das 'jig rten mgon po'i snying po 'di lan 'bum phrag bcu bzlas na 'grub par 'gyur ro/ /gong du smos pa'i cho gas dge ba dang mi dge ba rmi lam du ston par 'gyur ro//oM namaHsa man+ta bud+d+hA nAM/ a pra ti ha ta shA sa nA nAM/ tad+ya thA/ ku mA ra rU pi NaM dar+sha ya/ At+mA nAM/ bi b+hU Shi ta me da par be b+hU tiM Shi ta sa mud b+hA ba ya/ swa pa nAM ni be da ya/ ya thA b+hU taM hUM hUM phaT phaT swA hA/ rje btsun 'jam dpal gzhon nu'i bris sku'am lugs ma'i mdun nam sku gdung dang bcas pa'i mchod rten la ci 'byor pa'i mchod pa byas te/brgya phrag bdun bzlas pa byas na rmi lam du bdag nyid dmigs shing gzhan dag gis kyang mthong bar 'gyur ro/ /oM kar+N+Na bi shA tsi kar+N+Na me ka thA ya hu~M phaT/ sha za'i shing gi drung gi rtsa bar khams gsum rnam par rgyal ba'i ting nge 'dzin la gnas shing /de nyid du mi smra bar 'dug ste/ sha dang nya sha dang mi sha dang 'dzam bu ti ka la mngon par bsngags pa'i gtor ma nye bar bstabs la dus gsum du sngags bzlas na/ zhag dang po la mtshan ma nye bar ston par byed cing phyis 'ong ba 'grub par 'gyur zhing /de la sogs ba srid pa gsum gyi spyod pa rnam par ston par byed do/ /zhag nyi shu rtsa gcig la tshangs pa gsod pa yang 'grub par 'gyur ro/ /oM tsa tur+b+hu dza tsa turmu kha ShaT mu kha/ bi kri tA nan kar+N+Na pi shA tsi ma a kAR+Sha ya hu~M phaT/ dur khrod du gshin rje mthar byed kyi bris sku'i mdun du bzlas pa byas na zhag bdun nas sha za rna sgrogs 'grub par 'gyur ro//oM bud+d+ha tsu ru mA tsu ru ke swA hA/ sku gdung dang bcas pa'i mchod rten nam rje btsun sangs rgyas kyi spyan sngar bsnyen pa cho ga khri bzlas la/ de'i 'og tu ci 'byor pa'i mchod pa byas nas nyal ba'i dus su brgya rtsa brgyad bzlas te/bdag gang nas skyes par gyur gang du skye bar 'gyur zhes yid la bsams shing nyal na 'das pa dang ma 'ongs pa'i skye ba dmigs par 'gyur bar the tshom med do/ /gal te zla ba drug gi nang rol tu 'chi bar 'gyur na de'i tshe rmi lam du bdag gam gzhan gyi mgo bo mi mthong bar 'gyur ro//de bzhin du mngon par bsngags pa'i me long bltas pa na khye'u 'am bu mo gang gi mgo bo mthong bar ma gyur pa de'i zla ba drug gi nang du 'chi bar 'gyur ro/ /rdo lig bu mig dang shing a gas ti dkar po'i rtsa ba reng bur byas te/ brgya rtsa brgyad mngon par bsngags pas mig la byugs na/gang dag zla ba drug gi nang du 'chi bar 'gyur ba'i rkang gnyis dang rkang bzhi de dag thams cad kyi mgo bo med pa mngon sum du mthong bar 'gyur ro/ /oM swap+na bi lo ki ni sid d+ha lo tsa ni swap+naM/ me ka thA ya swA hA/ sngags kyi rgyal po 'di gong nas smos pa'i cho gas las thams cad byed par 'gyur ro//oM a di ti de ba data taM/ me de hi da dA ba ya swA hA/ chu'i nang du zhugs te bu mo gang gang gi ched du bzlas pa byed pa de de nyid la ster bar byed do/ /yi ge 'bum bzlas pa byas pa pri yang ku'i me tog gam pa la sha'i me tog gi sbyin sreg 'bum gyis dpal chen po grub par byed do//mtshan mo 'o ma can gyi yam shing gis sbyin sreg byas nas/ grong gang gi ched du sbyin sreg bzlas pa byed pa de rnyed par 'gyur ro/ /pad+ma rnams sam bil pa rnams kyi 'bras bu'i sbyin sreg 'bum gyis rgyal rigs su skyes pa rgyal srid rnyed par 'gyur zhing gzhan dag gis dpal chen po thob par byed do//ji lta ba bzhin du rnyed pa'i me tog rnams kyi sbyin sreg 'bum phrag bdun gyis 'byor pa mi zad par 'gyur ro/ /oM dza ye/ bi dza ye/ a dzi te/ a pa rA dzi te swA hA/ sring mo bzhi'i snying po'i sngags kyi rgyal po 'di gong du bshad pa'i cho gas 'bum phrag bzhi bzlas na/ gong du bshad pa'i cho gas las thams cad byed par 'gyur ro/ /oM me g+holkA ya swA hA/ pa la sha'i me tog gam yam shing gis sbyin sreg 'bum phrag gcig byas na gser srang 'bum rnyed par 'gyur zhing bu mo don du gnyer bas kyang gang mngon par 'dod pa'i bu mo rnyed par 'gyur ro//oM ka ma la bA si ni/ ka ma le ma hA lak+Sh+mi ra dz+ya~M me de hi bar de swA hA/ gsang sngags 'di ni dpal chen po'i snying po'o/ /rtag tu bzlas pa byas na phun sum tshogs pa'i mchog ster bar 'gyur ro//ji lta ba bzhin du rnyed pa'i me tog gi sbyin sreg gis dpal chen por 'gyur zhing mngon par 'dod pa'i bu mo 'grub par 'gyur ro/ /ras bal gyi sa bon gyi tshad tsam gu gul gyi ri lu mngar gsum la btags pa'i sbyin sreg 'bum mam pad+ma'i sbyin sreg 'bum gyis rgyal srid sgrub par byed do//oM nan tu nar ni ba ra ded ni bar de/ gi ni ki Ni khi Ni/ la la khi Ni la khi Ni/ shri yaM me da da bau Sha Ta swA hA/ dga' byed ma'i sngags kyi rgyal po 'di ni gong du bshad pa'i las thams cad 'grub par 'gyur ro/ /oM dzam b+he mo he swA hA/rje btsun ma sgrol ma la ka ra bI ra'i me tog gis mngon par mchod de/ sngags kyi rgyal po yi ge 'bum bzlas na yid la re ba thams cad rdzogs par byed do/ /oM ba su d+hA ri Ni swA hA/ oM shrI ba su swA hA/ oM ba su shrI ye swA hA/ oM shrI ba su mu khI swA hA/ oM shrI ba su ma ti shrI ye swA hA/bdag nyid dzam+b+ha la'i gzugs su bsgom la/ rang gi snying ga'i zla ba'i dkyil 'khor gyi dbus su ba su d+hA ra gser gyi mdog can phyag gnyis pa rgyan thams cad kyis brgyan pa/ shar phyogs la sogs pa'i phyogs na lha mo bzhis bskor ba g.yas kyis mchog sbyin pa/g.yon gyis 'bras kyi snye ma bsnams pa bsgoms la yid la re ba rdzogs par byed do/ /ba'i lci bas dkyil 'khor gru bzhi khru do pa'i tshad du byas la/ dus gsum du me tog dri zhim pos mchod de stong phrag bzhi bzlas pa byas na zla ba drug gis yid la re ba thams cad rdzogs par byed do//ji lta ba bzhin du rnyed pa'i me tog gi sbyin sreg 'bum phrag bzhi byas na dpal chen por 'gyur zhing / yi ge 'bum bzlas na dpal chen po 'grub par byed do/ /gu gul gyi ri lu'i sbyin sreg 'bum byas na/ yid la re ba yongs su rdzogs par byed do/ /oM ba su d+hA ri Ni a mu ke ka n+yAM me de hi/dA pa ya swA hA/ sngags 'di chu'i nang du zhugs nas khrus byas te 'bum phrag bzhi nges par bzlas pa byas na/ mngon par 'dod pa'i bu mo thob par 'gyur ro/ /mtshan mo 'o ma can gyi yam shing gis grong gi ming nas smos nas sbyin sreg 'bum byas na grong rnyed par 'gyur ro//oM ba su d+ha ri Ni swA hA/ oM tsan+d+ra kAn t+yai swA hA/ oM dat+t+wa yai swA hA/ oM ba su dat+t+wa yai swA hA/ oM A r+yA yai swA hA/ oM su b+ha drA yai swA hA/ oM gup+tA yai swA hA/ oM de byai swA hA/ oM swa ra swa t+yai swA hA/ gser gyi byang bu'am dngul gyi byang bu'am zangs ma'i byang bu'i me tog la 'dab ma brgyad pa'i dbus su ba su d+hA ra/shar la sogs pa'i 'dab ma la tsan+d+ra kA n+t+yA la sogs pa gnod sbyin mo rnams mngon par bris pa'i byang bu gnyis kha sbyar du byas pa'i nang du mar dang sbrang rtsi dang ka ra bcug ste/ gong du bshad pa'i cho gas sngar smos pa'i las rnams byed par 'gyur ro//dbus su ni oM dzam+b+ha la dza len+du ya swA hA/ phyogs su ni oM ma Ni b+ha drA ya swA hA/ oM pUr+N+Na b+ha drA ya swA hA/ oM d+ha na dA ya swA hA/ oM bai shra ba NA ya swA hA/ mtshams su ni oM ki li mA li swA hA/ oM tsi bi kuN+Da li ni swA hA/ oM mu khen+du ya swA hA/ oM tsa ran+du ya swA hA/ gnod sbyin gyi rgyal po chen po brgyad kyis yongs su bskor ba'o/ /bcom ldan 'das ni ba su d+hA ri dang bcas pa gser gyi mdog can/ ne'u le dang bI dza pU ra sa bon gyis bkang ba phyag na bsnams pa/ gsus pa 'phyang ba/ rgyan thams cad kyis brgyan pa/ gong du bshad pa'i gnod sbyin mo dang / gnod sbyin gyi dbang po dang bcas pa la/ dus gsum du mchod pa byas nas/ bsgoms shing bzlas pa byas na bcom ldan 'das kyis 'jig rten gsum gyi rgyal srid stsol bar mdzad do/ /tho rangs chu khyor ba brgya rtsa brgyad sbyin pa dang bya rog gi skad mi grag par chu'i nang du zhugs te/bzlas pa byas pa de'i gter mi zad cing 'phel bar 'gyur ro/ /yang na gser la sogs pa'i byang bu la ba su d+hA ra gnod sbyin mo dang bcas pa dang / byang bu gnyis pa la bcom ldan 'das dzam+b+ha la gnod sbyin gyis bskor ba yang dag par bris la/kha sbyar du byas te mnyes par byas na dngos grub chen po brgyad kyang ster bar mdzad na/ grub pa gzhan lta smos kyang ci dgos/ dpa' bo gcig pu grub pa'i rgyud kyi rgyal po chen po las le'u gnyis pa rdzogs so// //oM badzra tIk+Sh+Na/duHkhats+tshe da pra dz+nyA dz+nyA na mUrta ye/ dz+nyA na kA ya bA gI shwa ra a ra pa tsa nA ya te namaH/ bcom ldan 'das 'jam pa'i rdo rje dpa' bo gcig pu grub pa/ ston ka'i zla ba'i 'od ltar dkar ba/ phyag g.yon na ut+pa la sngon po bsnams pa/ g.yas kyis mchog sbyin par bdag nyid bsams la/oM A d+ya nud pan na pra kr-i te/ pra b+hA swa raM/ su bi shud+d+ha/ d+harma d+hA tu/ tri sap+tA hA ta swa ra swa ti pA Ni mu pa la b+ha te/ zhag nyi shu rtsa gcig gis dbyangs can gyi ngag thob par 'gyur zhing / zla ba drug gis ngag gi dbang phyug 'grub par byed do/ /bcom ldan 'das ngag gi dbang phyug mngon sum du mthong zhing thos pa 'dzin pa yang thob par 'gyur ro//shu dag zho phyed kyi tshad la lan brgya rtsa brgyad mngon par bsngags pa/ tho rangs 'o ma'am mar ram til mar dang lhan cig zla ba gcig 'thungs na glen pa dang dig pa med par byed do/ /khu byug dar ma'i skad dang 'dra bar dbyangs snyan cing tshig gsal bar 'gyur ro//zla ba drug goms par byas na ma thos pa'i bstan bcos mngon du 'gyur zhing / thos pa nam yang brjed par mi 'gyur te thos pa 'dzin par 'gyur ro/ /oM bA kye daM namaH/ rje btsun gsung gi dbang phyug gi snying po 'di gong ma bzhin ting nge 'dzin la gnas pas goms par byas na gong du bshad pa'i las thams cad byed par 'gyur ro//rgya mtshor 'gro ba'i chu bo la ske ba tsam gyis chu la rgal la dzA ti'i me tog gi phun pa 'bum phrag gcig blangs nas sngags brjod cing / /phun pa re re rgyun phyogs su 'bab par 'gyur ba las/phun pa gcig rgyun las bzlog par 'ong ba de so la ma reg par mid na thos pa 'dzin pa la sogs stsol bar mdzad do/ /ji lta ba bzhin rnyed pa me tog gi sbyin sreg 'bum phrag bzhi byas na ngag gi dbang phyug dang mtshungs par 'gyur ro//sman b+h+ra ma'i phye ma zho bzhi tsam la lan brgya rtsa brgyad bzlas la tho rangs dkyil 'khor byas te/ ci 'byor pas bcom ldan 'das 'jam pa'i rdo rje la yang dag par mchod de/ mar ram rang skyur dang sbyar nas 'thungs na zla ba drug gis thos pa 'dzin par 'gyur ro/ / tshig gi bdag po'i dbyangs snyan par yang skye bar 'gyur ro/ /sngon du bsnyen pa'i cho gas yi ge 'bum bzlas na sngags kyi rgyal po 'grub par 'gyur ro/ /phyis zla ba gzas zin pa dang nyi ma gzas zin pa na lcags las byas pa'i ral gri rang gi lag pas blangs te/ zla ba mi snang ba ji srid grol bar gyur pa de srid bzlas pa byas na ral gri'i rig pa 'dzin par 'gyur ro//de bzhin du 'khor lo dang / rdo rje dang / rtse gsum pa dang / mda' dang / tho ba dang / zhags pa la sogs pa bsgrub par bya zhing / rig pa la sogs pa dang bcud kyis len la sogs pa 'dus byas pa bsgrub par bya'o//yang na mig sman nam thig le'am rkang pa bsku ba'am dbang du byas pa'i rdzas bsdus te bsgrub par bya'o/ /'o thug gam zho dang zan nam mar dang bcas pa khar dang bcas pas snod bkang ste/ lag pas bkab nas bzlas pa byas te 'thungs na lo lnga brgyar 'tsho bar 'gyur ro//mA shA khar bcug nas bzlas pa byas te mid na sdeb sbyor dang thos pa 'dzin pa dang smra mkhas pa dang yid gzhungs par 'gyur ro/ /pad+ma'i sbyin sreg 'bum gyis bcom ldan 'das mngon sum du 'gyur ro/ /bil ba'i sbyin sreg 'bum gyis 'jig rten gsum gyi rgyal srid 'grub par byed do//ji lta ba bzhin du rnyed pa'i me tog gi sbyin sreg gis ngag gi dngos grub thob par 'gyur ro/ /mar la btags pa'i 'bru lnga'i sbyin sreg 'bum phrag bzhi byas pa tsam gyis gnod sbyin mo dang klu'i bu mo la sogs pa 'gugs par byed do//de bzhin du yam shing lngas kyang bya'o/ /rtag tu goms par byas na tshe 'di nyid la sangs rgyas nyid kyang bsgrub par byed par 'gyur ro/ /oM hrIHhUM/ sngags kyi rgyal po 'di 'bras bu mnyam por ster bar byed do/ /oM hrIHma hA mA yAng ge ma hA sA ra swa t+yai namaH/ rje btsun 'phags ma sgrol ma'i snying po 'dis las thams cad byed par 'gyur ro//oM pra kr-i ti pa ri shud+d+hAH/ sarba d+harmAHpra krI t+yA/ pa ri shud+d+hou0f85ha~M/ sa bA h+yA b+h+yan ta ra na ma i ti/ zhes bya bas phyi dang nang du rgyu ba dang mi rgyu ba dang bcas pa'i sna tshogs pa dang bdag nyid rang b zhin gyis yongs su dag par bsam la/pad+ma dkar po khru bdun pa'i tshad dang de'i steng du zla ba'i dkyil 'khor/ de'i steng du phyag gnyis pa pad+ma dang mchog sbyin gyis rnam par mdzes pa/ bcom ldan 'das ma thugs rje chen po'i rang bzhin gyi sku can/ gcig tu gzhan la phan 'dogs pas bzhugs pa/sgrub pa po rnams la mngon par 'dod pa'i dngos grub stsol ba la dgyes pa/ ston ka'i zla ba ltar dkar ba tsan+dan dkar po'i lde gus byugs shing me tog gis mdzes par brgyan pa/ na bza' dkar po dang mu tig gi phreng bas thugs ka mdzes par byas pa/ sku rin po che sna tshogs kyis brgyan pa'i sku las yongs su spros pa'i 'od zer stong gis mtha' yas shing dpag tu med pa'i 'jig rten gyi khams snang bar byed pa/ lo bcu gnyis kyi na tshod du 'khrungs pa'i sku can/ ngag gi dbang phyug ma chen mor bdag nyid rnam par bsam mo/ /mdun du shes rab ma dang g.yas su yid gzhungs ma dang /rgyab tu blo ma dang / g.yon du dran pa ma gong du smos pa'i yon tan thams cad kyis mdzes par lha mo rnam par bsam par bya'o/ /de'i 'og tu lte ba'i phyogs su zla ba'i dkyil 'khor gyi dbus su yi ge oM mdog dkar po rnam par bsams la de las byung ba'i ngag gi dbang phyug gi rang bzhin ma lus pa'i phreng ba rgyun mi 'chad pa'i 'byung bar rnam par bsam zhing /gcig pu der phyogs pa'i yid can gyi sngags pas nges par bdag nyid kyi lte ba'i dbus na gnas pa mi smra bas bzlas pa byas na/ zla ba gcig gis dbyangs can gyi ngag rab tu 'thob par 'gyur zhing zla ba gsum gyis tshangs pa gsod pa yang 'grub par 'gyur ro//zla ba drug gis dbyangs can dang ngag mnyam par 'gyur ro/ /ra yi 'o ma a ru tsha ba gsum/ /pa tha shu dag se gru sen d+ha pa/ /lan bdun sngags pa'i mar dag ni/ /'thungs na dbyangs can 'grub par 'gyur//ra yi 'o ma bre bzhi dang / /sman rnams srang gcig tsam gyi tshad/ /mar bre gang dang mkhas pa yis/ /rim gyis me chung la bskol bya/ /zla gcig tsam zhig rab sbyar na/ /bla med tshig ni thob 'gyur zhing / /zla drug nye bar longs spyod pas//ngag gi dbang phyug mngon sum 'gyur/ /shu dag shing mngar sen d+ha pa/ /a ru bca' lga la la phud/ /ru rta pi pi zi rar bcas/ /rnam btags ngag ni dag par byed/ /lha la me tog dri gas/ /nang par yang dag mchod nas ni/ /lan bdun sngags byas zos nas ni//zla ba drug gis thos 'dzin byed/ /zla ba gsum gyis tshig bdag 'gyur/ /zla ba gcig gis blo ldan zhing / /khu byug gzhon nu'i skad bzhin du/ /dbyangs snyan pa ni skye bar 'gyur/ /gangs can skyes pa'i a ru'am/ /gangs can skyes pa'i shu dag la//tho rangs lan bdun mngon bsngags nas/ /zla gcig zos nas zla de la/ /tshig bdag po dang yid gzhungs dang / /dbyangs snyan shes rab ldan pa yang / /skye bar 'gyur zhing zla drug gis/ /thos pa 'dzin par yang 'gyur ro/ /oM bAg+dA di ni/ bA tsarma ni yats+tsha sa ra swa tI ma hA shwe te swA hA/ pad+ma las skyes pa'i dkar mo chen mo'i snying po 'di ni/ gong du bshad pa'i las thams cad byed par 'gyur ro/ /oM arka mA li ni/ ki Ni ki Ni khi Ni khi Ni swA hA/ bcom ldan 'das dpa' bo gcig pu grub pa gsung gi rang bzhin ma lus pa'i po ti bsnams pa/phyag g.yas kyis shes rab kyi ral gri phyar ba/ gzhon nu'i gzugs can 'jam pa'i rdo rjer bdag nyid bsams la/ mdun du nyi ma'i phreng ba dbyangs can chen po dang rgyab tu dpal chen mo dang g.yas su skra can ma dang g.yon du nye ba'i skra can ma rnam par bsam par bya ste/ston ka'i zla ba ltar dkar ba bsgom par bya'o/ /de ltar bsgoms pa la gnas shing nges par gnas pas ci 'byor pa'i mchod pa byas te/ sngon du bstan pa'i cho gas sngags 'di gong du smos pa'i rim pas/ 'bum phrag bzhi bzlas la/ de nas dbyangs can gyi mar ram/ brah+ma'i mar srang gcig tsam la yongs su bzlas te/ bdag nyid la dbyangs can gyi phyag gis rab tu stsol bar yongs su rtog cing / ting nge 'dzin la gnas pas btung bar bya'o/ /de la brah+ma'i mar 'di ni/ /brah+ma yi khu ba 'o ma dang / /mar srang sum cu rtsa gnyis dang / / yung ba dang ni ma la ti/ /dur byid a ru rar bcas pa/ /de dag cha ni srang re dang / /pi pi ling dang byi dang ka/ /sen d+ha bi dang kha rar bcas/ /de dag srang gi bzhi char shes/ /sman rnams dag ni btags nas kyang / /de la 'di dag blugs byas la/ /de dag thams cad cha mnyam pa//me chung ngu la de bskol bya/ /de nas 'thungs pa tsam gyis ni/ /bla med ngag ni dag 'gyur dang / /mtshan bdun nye bar longs spyod pas/ /mi'am ci dang skad mtshungs 'gyur/ /zla gsum nye bar longs spyod pas/ /mi ni shes rab gnas su 'gyur/ /zla gsum rab tu sbyor ba yis//thos pa mchog ni 'dzin par 'gyur/ /zla ba drug gis mngon sum du/ /mi ni ngag dbang mtshungs par gyur/ /mdze nad brgyad dag dang ni/ /za byed chen po bdun 'joms byed/ /oM a nan ta dz+nyA na shrI ye/ many+dzu shrI ye namaH/ gong du smos pa'i lha mo bzhis bskor ba'i ngag gi dbang phyug tu bdag nyid bsams la/sngar bshad pa'i rim pas sngags bzlas pa byas na/ gong du smos pa'i las thams cad byed par 'gyur ro/ /oM a ra pa tsa na d+hIHswA hA/ dben par dkyil 'khor byas te/ bcom ldan 'das ngag gi dbang phyug dang bla ma rje btsun yang dag par mchod de/bde ba'i stan la 'dug nas byang chub tu sems bskyed par bya'o/ /de nas oM swa b+hA ba shuHsarba d+harma swa b+hA ba shud d+hou0f85haM/ zhes bya ba'i sngags lan gsum gyi bar du brjod de/ bdag dang 'jig rten rang bzhin gyis r nam par dag par bsams la stong pa nyid mngon du byas nas/pad+ma dkar po'i steng gi zla ba'i dkyil 'khor gyi steng na bzhugs pa/ sku mdog dkar po ral gri dang po ti bsnams par bdag nyid yud tsam gyis yongs su grub par rnam par bsams la/ ngag gi dbang phyug bdag nyid kyi g.yas su skra can dang g.yon du nye ba'i skra can ma rin po che'i pad+ma bsnams pa sku mdog dkar mo rnam par bsam mo//mdun du nyi ma'i 'od mdog dkar po nyi ma'i dkyil 'khor la bzhugs pa ut+pa la bsnams pa dang / rgyab tu zla ba'i 'od zla ba'i dkyil 'khor la bzhugs pa ut+pa la bsnams pa rnam par bsam par bya'o//de nas rang gi snying ga la 'bar ba'i phreng ba'i tshogs yongs su 'phro ba'i yi ge a yongs su bsams la/ de yongs su gyur pa'i 'khor lo rtsibs brgyad pa ngag gi rang bzhin ma lus pas rnam par spras pa/yongs su gsal bar byed pa myur du 'khor bar bsam par bya'o/ /de ltar goms par byas pa las zla ba drug gis sngon ma thos pa'i bstan bcos thams cad kyang don dang gzhung gi sgo nas mngon sum du 'gyur zhing / lo gcig gis ngag gi dbang phyug dang mtshungs par 'gyur ro//a ra pa tsa na'i 'khor lo'i cho ga'o/ /oM bA gI shwa ri muM/ sngags 'di snga ma bzhin du bzlas pas/ gong du smos pa'i 'bras bu rnams 'byin par 'gyur te/ 'khor lo'i dbus su yi ge muHdmar po 'bar ba'i phreng ba'i tshogs can blta bar bya'o/ /shes rab kyi 'khor lo'i cho ga'o//oM d+harma d+hA tu/ bA gI shwa ri muM swA hA/ sngar bshad pa'i rim pas lnga po'i bdag nyid du bsams la/ yi ge muM gyi snying po can gyi 'khor lo rtsibs bcu drug pa rnam par bsam par bya'o/ /de ltar rnam par bsams na sngar bshad pa'i 'bras bu rnams skyed par 'gyur ro//oM badzra tIk+Sh+Na ba ra da muHswA hA/ bdag nyid yi ge muHyongs su gyur pa las me'i phung po lta bus phyogs kyi dkyil 'khor snang bar byed pa/ ngag gi dbang phyug dpa' bo gcig pu grub par yud tsam rnam par bsams la/ rang gi snying gar yi ge oM las yongs su gyur pa'i nyi ma'i dkyil 'khor 'od zer brgya stong gis rnam par spras pas/'jig rten gyi khams ma lus pa snang bar byed pa rnam par bsams par byas nas/ zla ba drug tsam gyis ngag gi dbang phyug dang mtshungs par skye zhing / sngar smos pa'i 'bras bu rnams 'dis skyed par 'gyur ro/ / dpa' bo gcig pu grub pa'i rgyud kyi rgyal po chen po las le'u gsum pa rdzogs so// //la bA NAM b+ha so shi tIk+Sh+No si u da gro si b+ha yaM ka raH/ a mu ka s+ya/ da hA gA trA Ni/ da ha mA sa~M/ da ha twa tsaM na khA n+ya bi da ha s+thi ni a s+thi ni b+h+yo madz+dza kaM da ha/ la bA NaM/ ts+tshin+da ti/ la bA NaM/ b+hin de ti/ la ba Na~M pa tsa ti/ sho Ni taM la ba Ne hri ya mA ne ku to ni da ku do ra tiHya di ba sa ti yo dza na sha te/ na dI nAM tsa sha tAn ta re nag re lo ha prA kA re kr-ISh+Na sar+d+da kr-I tA ku le ta tre pa ba sa mA ni hi la ba Na ban d+ha pu ra skr-i taH/ oM tsi tsi tsi ci bi klo li bi klo li a mu kaM sA d+ha na pa ri pA raM me ba sa mA na ya swA hA/sngon du bsnyen pa'i cho ga khri byas la de'i 'og tu bsgrub pa brtsam par bya ste/ me tog dang ldan pa'i shing mya ngan med pa'i rtsa bar bzhugs pa'i rje btsun 'phags pa spyan ras gzigs sku mdog dmar po phreng ba dang na bza' dmar po'i rgyan gyis rjes su byugs pa phyag bzhis zhags pa dang lcags kyu dang gzhu dang mda' bsnams pa sgeg pa'i cha lugs can/g.yas dang g.yon gyi phyogs na sgrol ma dang khro gnyer can gnyis dang bcas par bdag nyid rnam par bsams la dus gsum du tshwa'i sbyin sreg brgya rtsa brgyad byas na/ nyi ma bdun gyis skyes pa'am bud med dbang du 'gyur ro//zhag nyi shu rtsa gcig gis skyes bu chen po dbang du 'gyur ro/ /tshwa dang btsas pa'i spra tshil gyis bsgrub par bya ba'i gzugs sor bzhi pa'i tshad du byas la/ seng ldeng gi me mdag du ba med pa la dus gsum du sngags brjod pas bsros na gang gi ming nas bzung ba de dbang du 'gyur ro//rdo rje chu la sbangs pa'i tshwa la lan brgya rtsa brgyad bzlas pa sbyin par bya zhing zos pa tsam gyis dbang du 'gyur ro/ /oM la ba NAM b+ho si tI k+Sh+no si u da gro si hr-i da yaM ga ma a mu ka s+ya hr-i da yaM/ pi taM nA sti/ lo ki tsi ki ha sa kaHoM tsi Ti tsi Ti/ bi klo li/ bi klo li/ ma hA bi klo li/ ma hA bi klo li/ a mu kaM me ba sa mA na ya swA hA/ sngon du bsnyen pa'i cho ga snga ma bzhin du byas la/ dus gsum du tshwa chu khyor gang gi ming dang 'thungs na de dbang du 'gyur ro/ /tshwa dang ske tshe cha mnyam por byas pa gang gi ming dang bcas de sbyin sreg byas na de dbang du 'gyur ro//oM ku ru kul+le swa ha/ rje btsun 'phags ma sgrol ma'i snying po srid pa gsum dbang du bya ba'i las rnams thogs pa med par 'gugs par grags pa sngar smos pa'i ting nge 'dzin la gnas te/ yi ge 'bum bzlas pa byas la phyis me tog dang bdug pa dang byug pa dang phye ma dang so rtsi la sogs pa gang la byin pa de dbang du 'gyur ro//spos dri zhim pos bdag nyid bdugs na skye bo thams cad dga' bar 'gyur ro/ /me tog dmar po'i sbyin sreg gang gi ming dang byas pa de dbang du 'gyur ro/ /bza' ba dang btung ba la mngon par bsngags te gang la byin pa de dbang du 'gyur ro//skyes bu chen po dbang du byed pa la yungs kar dkar po'i sbyin sreg bya'o/ /phyis tshes grangs dang rgyu skar dang zhag bzang po la bcom ldan 'das la mchod pa byas te/ gro ga'am gos la gur gum mam gi wang ngam ga pur la sogs pa ut+pa la'i 'dab ma lta bu'i rtsibs bcu drug pa'i 'khor lo bris la/'khor lo'i dbus su sgrub pa po dang bsgrub bya'i ming dang bcas pa'i sngags bri bar bya'o/ /'dab ma rnams la ku ru kul+le zhes bya ba'i yi ge bzhis brten pa'i dbus su bsgrub bya gcig pu'i ming bri bar bya'o/ /phyi rol nas yi ge oM rim pa gsum du byas pa'i 'khor lo la skud pa dmar pos bcings nas/spra tshil gyi rang bzhin can gyi gzugs kyi snying ga'i dbus su bcug la/ seng ldeng gi me mdag la dus gsum du bsros na rkang pas 'gugs par byed do/ /skyes pa'am bud med dbang du byed na/ zangs ma'i khab kyis rkang pa phug la bsros pas dbang du 'gyur ro//yi ge ya~M las yongs su gyur pa'i rlung gi dkyil 'khor yongs su bsams la/ de'i steng du yongs su gnas pa'i bsgrub par bya ba skra ma bcings shing gcer bu mgrin pa zhags pas bcings pa snying ga la lcags kyu bsnun pa/rlung gi shugs can gyi rig sngags kyis thams cad drangs te sgrub pa po'i rkang pa'i drung du lhung zhing bya ba thams cad rnam par bsam par bya'o/ /goms par byas pas nam mkha' la 'dren par yang bsgoms pa tsam gyis 'gyur ro/ /mar dang sbrang rtsi ka ra lhung bzed kyi nang du bcug ste/ dus gsum du me tog dri zhim po la sogs pas mngon par mchod cing sngags bzlas na gang 'dod pa de dbang du 'gyur ro/ /pad+ma dkar po'i skud pa'i sdong bu byas la ba ser skya'i mar gyis so ma btang ba'i kham phor la du ba chags pa la brgya rtsa brgyad mngon par bsngags pas mig la bskus na skye bo thams cad dga' bar 'gyur ro//dur khrod du ka pA chen po la pad+ma dkar po'i skud pa'i sdong bu dang snum chen pos mar ngo'i tshes brgyad dam bcu bzhi'i nub mo du ba bsgrub par byas la/ des mig la bskus na thams cad dga' bar 'gyur ro//a ma le/ bi ma le/ ku ma ku me/ sa ma ye na/ bad d+ho si/ bin dwa na/ bin dwa na/ its+tsha/ its+tsha/ yA de bo bar+Sha ti/ bing+h+yo ta ya ti/ gar+dz+dza ti/ gar+dz+dza ti/ bisma ya ma hA rA dza/ sa mA d+hi bar+d+ha ta yan/ de be b+h+yo/ ma nu She b+h+yo/ gan d+ha ra be b+h+yo/ shi khi gra hA de ba/A nan+da s+ya/ gra hA NI yA/ a ga ma nA ya kra ma NI yA dzu ho mi ha swA hA/ sngags kyi rgyal po 'dis bsnyen pa'i cho ga byas la/ khang pa'i mdun gyi dbus su ba lci byugs la gru bzhir bres te/ dUr ba'i gcal bkram nas me sbar la/ ar ka'i me tog brgya rtsa brgyad blangs nas/ sngags bzla zhing me tog re re me la sbyin sreg byas na/ 'dod pa'i skyes pa'am bud med 'gugs par 'grub par 'gyur zhes mkhas pas de ltar shes par byas la gus par bya'o/ /dpa' bo gcig pu grub pa'i rgyud kyi rgyal po las le'u bzhi pa rdzogs so// //rgya gar gyi mkhan po chen po dI paM ka ra shrIdz+nyA na dang / lots+tsha ba dge slong dge ba'i blo gros kyis bsgyur/ dge slong tshul khrims rgyal bas gtan la phab pa/

CLOSE WINDOW