CLOSE WINDOW

D524
བོད་ཡིག

@#/ /bod skad du/ 'phags pa gdon mi za ba zhes bya ba'i gzungs/ 'di skad bdag gis thos pa'i dus gcig na/ bcom ldan 'das be sha le'i spre'u rdzing gi 'gram gyi khang bu brtsegs pa na bzhugs te/ de'i tshe brgya byin lha'i dbang pos bcom ldan 'das la 'di skad ces gsol to/ /bcom ldan 'das bdag lha ma yin rnams kyis rgol zhing gtses te/bdag dang lha ma yin dus yun ring por mi mdza' zhing dgrar gyur na/ bcom ldan 'das kyis bdag la ci nas kyang yun ring por phan pa dang / bde bar 'gyur ba'i phyir de lta bu'i chos bdag la bshad du gsol/ de skad ces gsol pa dang /bcom ldan 'das kyis brgya byin lha'i dbang po la 'di skad ces bka' stsal to/ /de'i phyir kau shi ka khyod kyis nga'i snying po gdon mi za ba zhes bya ba'i rig sngags 'di long shig /tad+ya thA/ urba pa/ nirbi sirbi/ ur+pu r+pu re/ hU le hU le/ de khu me/ pra t+yaM ga ma A gats+tsha ma hA ma yA ri nA ma/bdag 'jigs pa thams cad dang / 'tshe ba thams cad dang / 'khor thams cad dang bcas pa la srungs shig /srungs shig /sarba kA ya bA ka ma nash+tsa ri te swA hA/ bcom ldan 'das dgyes shing de skad ces bka' stsal pa dang / brgya byin lha'i dbang po yid dga' ste/ bcom ldan 'das kyis bka' stsal pa la rjes su yi rangs nas/ bcom ldan 'das kyi zhabs la mgo bos phyag 'tshal nas de nyid du mi snang bar gyur to// rdzogs so/

CLOSE WINDOW