བོད་ཡིག |
1a1 @#/
1a1 /rgyud 'bum cha ba bzhugs so/ /
1b1 @##/ /rgya gar skad du/ shrI dz+nyA na badzra sa muts+tsa ya/ bod skad du/ dpal ye shes rdo rje kun las bsdus pa/ dpal 'jam pa'i rdo rje la phyag 'tshal lo/ /'di skad
1b2 bdag gis thos pa yi//dus gcig tshe na bcom ldan 'das/ /de bzhin gshegs pa thams cad kyi/ /gsang ba'i dbyings su bdag nyid kyis/ /ye shes ngo bor bzhugs gyur pas/ /
1b3 sangs rgyas kun gyi sku gsung thugs/ /ro mnyam dam tshig rdo rje nyid/ /mi phyed ting 'dzin snyoms zhugs so/ /de nas byang chub sems dpa' ni/ /sems dpa' chen po byams pa
1b4 sogs//rnams kyis zhus shing gsol btab ni/ /de nas bcom ldan 'das la zhus/ /ma rig pa dang sems byung dang / /sems zhes bgyi ba ji ltar lags/ /de skad ces ni
1b5 gsol pa dang //bcom ldan de bzhin gshegs kun gyi/ /sku gsung thugs nyid rdo rje yi/ /bdag nyid can gyis bka' stsal pa/ /rigs kyi bu rnams legs nyon cig /ye shes
2a1 gsum ni rdo rje las//byang sems rdo rje de bzhin nyid/ /yang dag 'byung pa de yi phyir/ /ye shes rdo rje'i rang bzhin ni/ /de yi don ni 'di lta ste/ /ye shes gsum ni dag pa'i sems snang ba gsum gyi 'byung gnas rdo rje las mi phyed pa
2a2 rlung rig tha mi dad du gnas pa nyid de/byang chub sems ni kun rdzob don dam dbyer med pa ste/ rdo rje de bzhin nyid ni gdod ma nas lhun gyis grub pa'i chos nyid las yang dag par 'byung ba ni/ chos thams cad kyi ngo bo bde chen/ sangs rgyas kyi sku gsung thugs rdo
2a3 rje las 'byung zhing 'jug la gnas pa de'i phyir na/'khor 'das kyi chos thams cad ye shes rdo rje rlung sems dbyer med thogs pa med pas khyab cing dbang byed pa nyid do/ /de bzhin gshegs pa kun gyi dgongs pa ni/ /dbyings dang ye shes gnyis su med pa
2a4 nyid//mngon bar byang chub nyid las rab 'byung ba/ /rlung rig dbyer med pa las dus kun tu/ /snang ba gsum du shar ba 'gag pa med/ /de nyid lhan cig skyes par rab rtogs bya/ /yang dag don ni zab pa ste/ /rdo rje'i ngo bor yang dag bshad kyi don la ni/ /
2a5 gsang ba yang dag byang chub sems/ /rlung sems dbyer med chos nyid las/ /zab pa mi 'gyur rang rig ni/ /spros med 'gag pa med cing zhi/ /skye med mnyam nyid ngang las ni/ /rtogs pa med kyang rgyu rkyen las/ /shes pa ma rig de nyid ni/ /'byung gnas
2a6 thog ma mtha' ma med//de las lhan skyes ma rig pa/ /nye bar thob pa dngos med pa/ /bdag med thams cad snying po las/ /snang med pa las ma 'gags pas/ /rim pa ma yin 'char ba yang / /zab pa stong chen por 'byung ba'i/ /ma rig pa las
2b1 rkyen snang ba//snang ba thob pa mi rtog pa/ /de las rang bzhin sems las byung / /de las snang ba mched pa ste/ /shin tu gsal zhing stong pa che/ /sems las 'byung ba'i rgyan dag ni/ /rgyu dang mig yul dbang po dang / /mtshungs pa'i de ma thag pa las/ /sems
2b2 zhes bya ba 'byung ba ste//de ni snang ba'i don dang ni/ /stong pa nyid du gsungs pa yin/ /sems ni don la gnas pa ste/ /sems byung bye brag rnam par ston/ /ma rig de nyid chos nyid de/ /chos nyid bdag nyid mi gnas pas/ /snang dang stong pa de dag ni/ /gsum gsum
2b3 spros pa med 'byung ba//'od gsal ngang las 'byung ba ste/ /gsal bde stong pa dbyer med pas/ /rdo rje byang sems ngo bor bstan/ /ces pas bstan te/ de nas byams pa la sogs pa byang chub sems dpa' de dag de'i dus la shin tu ngo mtshar can du ngo mtshar skyes
2b4 te cang mi smra bar gyur to//de nas bcom ldan 'das de bzhin gshegs pa thams cad kyi/ sku dang gsung dang thugs rdo rje'i bdag nyid can gyi/ byang chub sems dpa' de rnams cang mi smra bar gyur pa gzigs nas bka' stsal pa ci'i phyir cang mi smra bar 'dug /de
2b5 nas byang chub sems dpa' chen po rnams kyis/bcom ldan 'das kyi zhabs gnyis la phyag 'tshal te/ mgo bos gtugs te gzhan yang zhus pa/ e ma ho ston pa rdo rje 'dzin/ /rtogs par dka' ba'i rnam shes ni/ /gsum gyi dbye ba mchog zab pa/ /bcom ldan
2b6 'das kyis bshad du gsol//bde bar gshegs pas gsung du gsol/ /de skad ces ni zhus pa dang / /bcom ldan 'das kyis bka' stsal pa/ /gang dag 'od gsal las byung de nyid ni/ /sems dang yid dang rnam par shes pa zhes/ /chos rnams kun gyi rtsa bar
2b7 gyur pa ste//kun nyon mongs dang rnam par byang ba yi/ /bdag nyid de las rtogs pa gnyis rig byed/ /rnam shes de yi bzhon pa rlung yin te/ /rlung las me dang me las chu 'byung zhing / /chu las sa yang rab tu 'byung bar bshad/ /de rnams 'dus las phung po lnga
3a1 nyid dang //skye mched drug dang yul ldar snang ba gang / /de dag rten cing 'brel bar 'byung ba ste/ /rlung dang rnam shes nye bar 'dres pa'o/ /de nas rnam par shes pa gsum gyis ni/ /rang bzhin gyi ni snang bar rab gsal bar/ /spyod pa rjes su myong bar byed
3a2 ba'o//snang ba'i rgyu 'bras kyis ni rang bzhin rnams/ /yang dag par yang rab tu 'byung ba dang / /rmi lam sgyu ma ltar ni snang ba'o/ /de yang 'od gsal gnas pa med pa dang / /'gag pa dang ni skye ba med pa ste/ /don dam bden pa yang dag pa yi mtha'/ /de las 'byung
3a3 ba mun pa'i snang ba ni//'gog pa ma rig pa zhes bya bar bstan/ /de yi rang bzhin snang ba dang / /'khrul dang rnam par g.yeng ba dang / /dran pa med dang le lo dang / /mi smra ba dang mi gsal ba'o/ /ma rig pa yang sems las byung ba ste/ /ngo bo chos nyid rnam par mi
3a4 rtog pa//mar me ltar 'bar snang ba nyer thob las/ /rlung gi khams nyid phra bar 'jug pas ni/ /ma ning ltar ni shes dang mi gsal ba'o/ /nyi ma'i snang ba lta bur bstan pa dang / /shin tu gsal ba'i smig rgyu lta bu ste/ /de yi rang bzhin chags dang dga' ba dang / /mchog
3a5 tu dga' dang drag po la sogs pa'o//kun rdzob tu ni mngon sum gyis bstan dang / /skyes pa'i gzugs dang yab lha'i tshogs dag dang / /mtshan ma rdo rje zhes ni rang brtags pa'o/ /sems las sems zhes bshad pa yin/ /zla ba'i snang dang shin tu gsal ba ste/ /chu yi
3a6 zla ba lta bur bstan pa'o//rang bzhin ni 'dod chags dang bral ba la sogs pa'o/ /kun rdzob tu gsal ba las/ bud med dang / b+ha ga dang / pad+ma dang lha mo'i tshogs kyi brda'o/ /'dir chos thams cad kyi gnas lugs bstan par bya ba'i phyir/ gang dag 'od gsal las byung
3a7 de nyid ni chos nyid rang bzhin gyis rnam par dag pa 'od gsal dbyings las/rig pa rtog med kyi shes pa phra ba'i rlung dang lhan cig tu 'byung bas na/ sems ni kun gzhi'o/ /yid kyi rnam par shes pa ni spro ba dang sdud par byed pa'o/ /rnam par shes pa ni tshogs brgyad dang ldan
3b1 pa'o//chos rnams kun gyi rtsa bar gyur pa ni/ byang chub kyi sems mi 'gyur ba rdo rje nam mkha' mnyam pa nyid do/ /sa bon ma dag pa las 'gro ba 'khrul pa kun nas nyon mongs par snang la/ bag chags dag las 'khrul pa las log pa/ rnam par byang ba nyid du yang
3b2 dag par snang ba'o//phyi rol pas brtags pa'i tha snyad sna tshogs pa bdag tu brtags pa de las/ rtog pa gnyis su gyur pa ste/ gzung 'dzin du 'byung ba'o/ /bdag dang gzhan ni bdag dang bdag gi bar 'dzin pa gnyis su brtags pas/ dngos po dang mtshan mar 'dzin pa/
3b3 sems su rig par byed pa nyid do/ /de las rnam par shes pa nyid du snang / de nyid du chos nyid kyi rlung las/ 'od snang rang byung gi snang bar shar ba'o/ /der las rlung las kun du g.yo bas/ chags pa las me byung / bsrub pa las zhe sdang gi chu snang / drod gsher las gti mug
3b4 gi sa'i khams bskyed cing /der 'byung ba lnga lhan cig tu tshogs shing 'dus pa las/ rtsa kun gzhi'i rig pa snying ga tsam du brten te/ de las gzung 'dzin du 'khrul pa las/ de rnams 'dus pa las phung po lnga dang ni skye mched drug dang yul lngar snang ba ste/ de nyid rlung dang rnam
3b5 shes tha dad med par nye bar 'dres pas/'gag pa med pa kun du snang brten cing 'brel par 'byung ba nyid du'o/ /chos nyid rtog med kyi ngang las/ rlung dang lhan cig tu 'byung bas/ srid pa bar dor yul la spyod tshul ni/ de nas rnam par shes pa gsum gyi ni/ rkyen las 'char
3b6 ba'i snang ba dang /snang ba mched pa dang / snang ba mched pa dang / snang ba thob pa ste/ rgyu'i rkyen dang / dmigs pa dang / dbang po bdag po dang / mtshungs pa de ma thag pa las/ mngon par 'byung ba/ rtog pa dang ldan pa'i rang bzhin gyi snang ba/ rang bzhin sum cu rtsa gsum dang / mtshan nyid bzhi bcu
3b7 dang ma rig pa'i skad cig ma bdun du rab tu gsal bar nyin dang mtshan du spyod pas/rjes su nyams su myong bar byed pa ma dag pa'i dus so/ /yang rlung dal zhing rig pa cung zad gnas pa'i tshe/ snang ba gsum gyi rgyu 'bras thams cad sgyu ma lta bur gyur pas/ rang bzhin rnam pa thams
4a1 cad ye shes kyi ngang du rang dag rang zhi rang sar grol bas/yang dag par rab tu 'byung ba/ de bzhin nyid du bde ba/ gsal ba/ stong zhing bdag med pa'i rnam par mi rtog pa'i ye shes 'char bas/ bag chags rnam par dag pa'i bar dor rmi lam gyi bar dor
4a2 lus ngag sgyu ma ltar kun du snang ba'o//sgyu lus kyi snang ba de nyid kun rdzob kyi spyod pa dag par byed pa'i phyir/ de yang 'od gsal ba la rab tu 'jug pas ril por 'dzin pa dang / rjes su gzhig pa'i bsam gtan gyis lhan cig skyes pa'i dri ma rnam par dag pa'i tshe/ gang la yang
4a3 gnas pa med pa dang /chos rnams kun la 'gag pa med pa dang / gnas pa med cing / skye ba med pa ste/ spros med don dam pa'i bden pa rab tu mi gnas pa'i don/ yang dag pa'i mtha' snang ba med pa zhes bya'o/ /de nyid las ni lugs las bzlog gyur pa'i/ /mun
4a4 pa lta bu'i snang ba phra rlung las//'gog pa ma rig pa zhes bya bar bstan/ /de yi rang bzhin snang ba 'byung ba dang / /'khrul dang rnam g.yeng the tshom dang / brjed ngas ba dang le lo dang / /mi smra gyur dang skyo gyur pa'o/ /ma rig pa yang sems las byung ba ste/ /snang ba nyer thob
4a5 mar me ltar 'bar las//ngo bo chos nyid rnam par mi rtog pa/ /rlung gi khams nyid phra bar 'jug pas ni/ /ma ning ltar ni shes pa ma g.yos pa'o/ /pad+ma 'dab brgyad lte bar ldan pa la/ /stong pa bzhi bcas ma ning yi ge gnas/ hrIHni thig le ldan pa dbus su dmigs/ /
4a6 snang ba thob pa nyid kyi don 'di'o/ /snang ba mched pa nyi ma lta bur bstan/ /shin tu gsal ba smig rgyu lta bu ste/ /de yi rang bzhin 'dod chags dga' ba dang / /mchog tu dga' ba drag po la sogs pa'o/ /kun rdzob tu ni mngon sum gyis bstan dang / /skyes pa'i gzugs dang
4a7 lha yi tshogs dag dang //mtshan ma rdo rje zhes ni rang brtags pa'o/ /pad+ma de nyid lte bar nyi ma'i dal/ /dbus su rdo rje thig le ldan pa la/ kA li gsal byed yi ge sum cu bdun/ /snang ba mched pa de nyid gsal ba'o/ /sems las byung ba la ni sems zhes bshad/ /zla ba'i snang ba
4b1 rab tu gsal ba ste//chu yi zla ba lta bur bstan pa'o/ /rang bzhin chags pa dang bral la sogs pa'o/ /kun rdzob gsal ba las ni bud med dang / /b+ha ga pad+ma lha mo'i tshogs kyi brda'o/ /snga ma ltar las zla dbus pad+mar bcas/ /dbyangs yig phyogs su brkyang ba 'od
4b2 'bar ba//mtshams su zung bcas bcu gnyis rim par dgod/ /gsang sngags 'khor lo rim pa kun rdzogs byed/ /dmigs bcas bzlas pa sems gsum sgyu mar 'char/ /'od gsal ye shes ngang las zung 'jug pa'o/ /snang ba mched pa bde ba ste/ /gzung
4b3 du med pas chags zhen bral//nyi ma ltar gsal ngang gis bde/ /'gro 'ong gnas nyid skad cig ma/ /mtshan ma bral ba'i ting nge 'dzin/ /go 'byed mun pa 'joms pa'o/ /snang ba thob pa'i ye shes sems/ /rnam par mi rtog bdag nyid can/ /ma rig de nyid rnam
4b4 dag pa//mun pa med cing snang ba bral/ /sgron me ltar 'char lhun grub pa/ /g.yo med mi g.yo rnam dag pa'o/ /gnas med chos nyid ngang du dag /stong dang stong pa chen po dang / /shin tu stong pa dngos med pa/ /thams cad stong pa zag pa med/ /nye bar thob pa snang med pa/ /
4b5 mkha' ltar dag pa 'od gsal ba/ /mnyam med gnyis med phyag rgya che/ /lhan cig skyes pa chos kyi dbyings/ /lhag mthong dmigs pa kun las 'das/ /kun khyab zhi ba spros med pa/ /stong nyid ngang las rtog pa dang / /mi rtog mtha' las 'das pa ste/ /chos nyid zab dang
4b6 rgya che ba'i//rgya mtsho chen po rang dngos la/ /rtswa shing g.yo bcas sna tshogs pa/ /steng du lhung zhing 'gro 'ong nyid/ /du mas khebs shing bskyod gyur kyang / /rtog med rang bzhin gnas med pas/ /ro gcig 'gyur med mkha' ltar ro/ /dpal ye shes rdo rje kun las bsdus pa
4b7 las rab tu byed pa dang po'o//rnal 'byor lus nyid sgyu ma rmi lam ltar/ /gnas lus nges par 'gyur ba de nyid las/ /rdo rje pad+ma yang dag par sbyor ba shes rab kyi ye shes rab tu 'byung ba las rang gi rdo rje sbyor ba las me'o/ /me las chu/ chu las nur
5a1 nur po rnams dang /de nas mer mer po rnams dang / nar nar po dang / gor gor po dag go/ /de nas 'dod chags dang bral ba'i snang ba las te/ khrag gi gong bu las mkhrang 'gyur rnams so/ /khyab 'jug rus sbal gyi rnam pa can de dag pha ma'i khu khrag
5a2 dag gis bskyed pa'o//de nas dbang po gnyis mnyam par sbyor ba'i chags pa las/ 'dod chags dang bral ba dang / 'dod chags dang bral ba bar ma'i cha las shes par bya ste/ de las rtsa rnams lus la mngon par 'byung ba/ stong phrag bdun cu rtsa gnyis la sogs
5a3 pa/kun 'dar ma dang / ro ma dang / dang / lte ba dang / snying ga dang / mgrin pa dang / spyi bo dang / gsang ba dang / mdzod spu'i 'khor lo dag dang / yang na sum cu gnyis dang / rtsa kha gsum pa dang / rtsa lu gu rgyud dang / rtsa ba'i mig lta bu dang / rtsa
5a4 bar ta ka rin po che'i pho brang dang /rtsa rig pa'i gnas dang / gzhu chen gyi dbyibs dang / bde skyong nor bu'i 'khor lo ste/ dbyibs tha dad du ma las yi ge'i rnam pa sogs srog tu gyur pa snying por gnas pa las/ khams gsum pa'i 'gro ba'i rgyud dpag tu med pa
5a5 las skyon dang yon tan mtha' dag gi rten can te/de'i phyir lus dang lus las 'byung ba'i dkyil 'khor du 'char ba la sogs pa'i phyag rgya dang / gsung gi bzlas pa'i phyir phyag rgya dang / bsgom pa'i phyag rgya gsum du gyur pa dang / A li kA li las yang dag par 'byung ba'i
5a6 sngags dang sems kyi thabs su gyur pa shes rab dang /mi phyed pas bde ba chen po ltar dmigs pa'o/ /yab yum bsrubs pa'i bde ba de nyid las/ /gnas skabs dag las rigs kyi cha thob pa/ /mngon par byang chub ye shes lngar 'byung las/ /lus rdzogs 'byung
5a7 bas bya ba byed 'gyur ba'o//chos rnams kun ni bdag tu bsgrub pa dang / /bdag ni lhar bsgrub lha nyid ye shes so/ /gzugs la sogs pa'i yul dbang po gnyis thabs su gyur pa'o/ /rdo rje dang pad+ma yang dag par sbyor ba ni/ sems dang sems las 'byung ba
5b1 dag gi thabs su gyur pa'o//sems las byung ba mnyam par sbyor ba'i bde ba chen po'i ting nge 'dzin gyis thabs shes rab ro mnyam par gyur pa'o/ /de sgyu ma lta bu'i dpe nye bar mtshon te/ de nas de bzhin gshegs pa gang+ga'i bye ma snyed kyi zhing khams rnams/ sgyu
5b2 ma lta bu dang /chu zla dang / mig yor dang / smig rgyu dang / rmi lam dang / sgra brnyan dang / dri za'i grong khyer dang / mig 'phrul dang / dbang po'i gzhu dang / glog dang / chu bur dang / me long nang gi gzugs brnyan lta bu ste/ sgyu ma'i dpe bcu gnyis kyis/ bde
5b3 ba chen po'i ting nge 'dzin nye bar mtshon pa'i tshul lo//rdo rje lus kyi rtsa dang rlung / /yi ge thig le gnas pa dag /dbyangs dang gsal byed tshogs rnams las/ /thabs dang shes rab ro mnyam 'char/ /gsal dang bde ba brten pa nyid/ /mi rtog chos nyid dang
5b4 las ni//rlung dang shes pa mnyam du yang / /'byung 'jug gnas pa nyid yin no/ /chos nyid snang ba kun gzhi ste/ /rnam shes ma bcos rang gsal ba/ /sgrib med rang byung kun tu ni/ /g.yo bcas 'gyur med kun tu ni/ /de nyid gnas pa rten gyur pa'o/ /rnam
5b5 pa sems byung 'char ba yang //du ma nyid ni dang / /med pa'i rang bzhin rnams/ /rtog pa'i 'du 'phro rkyen gyis bsgyur/ /chags bral gsum du 'byung ba nyid/ /yid la byed pa 'gro 'ong dang / /rig pa rgod par byed dang yid 'byung ba'o/ /mya ngam
5b6 gsum ni ma dad pa//zhe sdang med pas zhi bar gnas/ /kun tu rtog pa khong khro ba/ /'jigs pa tsam mo 'tshig pa ste/ /reg pa khre bo'i spyod pa dang / /'khon du 'dzin nyid 'jigs chen po/ /sred pa che 'bring gsum 'byung ba/ /nyer len bzhi ste 'chab pa can/ /mi dge
5b7 bkres skom gdung ba po//rig 'dzin yid la byed pa bzhi/ /rig pa po ste gnas pa las/ /tshom par byed pa tshor ba ni/ /rnam pa gsum ste sems pa'o/ /gnyid dang 'gyod pa rtog dpyod pa/ /ngo tsha shes dang bag yod pa/ /rnam par mi 'tshe snying rje dang / /brtse ba byams
6a1 pa gsum gsum dang //dogs dang bsags pa ser sna dang / /phrag dog rtog pa rang bzhin te/ /snang ba'i ngang du spro zhing sdud/ /chags pa zhen dang dga' ba dang / /dga' zhing shin tu dga' ba ste/ /'dod chags rtogs par 'byung ba'o/ /bde
6a2 bas yi rangs gti mug med//rab tu mgu ba shes rab dang / /ngo mtshar dgod par byed dang tshim/ /'khyud pa kha sprod 'jib pa dang / /rten pa de nyid ting 'dzin te/ /brtson 'grus byed dang rgyal ba dang / /bya dang 'phrog pa las gyur yin/ /stobs ngom rgyags pa dregs byed do/ /
6a3 mos pas spro bar gyur pa ste/ /lhan cig skyes bdag btang snyoms so/ /tha dad med pa shin tu'o/ /drug po rnam sgeg zhe 'gras byed/ /bag yod pa yi dge ba ste/ /tshig gsal bden smra dad pa dang / /g.yo med dran pa ldan pa can/ /mi bden pa dang de bzhin nges/ /
6a4 shes bzhin ma yin ma nges pa/ /nye bar mi len ma chags sems/ /sbyin byed bskul ba mdun pa nyid/ /de bzhin des dang ngo tsha med/ /dpa' bas rnam par 'tshe byed pa/ /bag med pa dang khrel med pa/ /shes bzhin bral ba ma yin pa/ /g.yo sgyu ston pas mi
6a5 bsrun dang //gya gyur byed pa rgod bag can/ /'di dag rtog pa 'byung ba ste/ /snang ba mched pa'i shes pa las/ /kun tu rgyu zhing 'jug par byed/ /mtshan nyid 'di dag bstan pa'o/ /chags pa bar ma'i skad cig ma/ /ma rig pa nyid min pa ltar/ /'thibs shing
6a6 snang ba med pa'o//brjed ngas pa dang rmugs pa'o/ /'khrul chen log par lta ba can/ /brjod med 'gog pas 'jug pa zad/ /skyo zhing le lo snyom las byed/ /the tshom gyur pa yid dpyod pa/ /ma ning 'byung ba phra ba dang / /rags pa skye 'gag gnas pa las/ /bag
6a7 chags dri ma'i rtog pa kun//snang ba thob pa'i de nyid du/ /stong nyid spros pa bral gyur pas/ /rnam par dag pa 'od gsal ba'o/ /nang gi rnam par shes pa de nyid ni/ /lhan cig skyes pa'i chos nyid rtog med pa/ /'od gsal ngo bo stong zhing bdag med pa/ /rlung gis bskyod pas
6b1 mtshan ma'i rnam par byung //de yi skad cig rang bzhin 'byung 'jug pa/ /mtshan ma snang ba gsum du mngon par 'byung / /de bas na 'di dag nges par rtogs pas ji ltar 'o ma dang / til dag gis yang dag pa'i mngon par 'du bya ba med pa dang / til mar gyi 'byung ba de bzhin du
6b2 sngags dang phyag rgya mngon par 'du bya ba'i rdo rje dang pad+ma mnyam par sbyor ba med par rnam par shes pa gsum nye bar brtag par mi nus so//gang du rlung med na kun gzhi rten pa med pa'o/ /gang du kun gzhi'i rten pa med na rnam par shes par mi 'gyur ro/ /rnam par shes pa nyid med
6b3 na gang b+ha ga dang ling+ga yang dag par sbyor bar nus pa med de/des ni bde ba chen po'i ting nge 'dzin mi rnyed do/ /ji ltar 'o ma bsrubs pa las mar dang / ji ltar til mar te/ de bzhin du rdo rje thabs kyi ye shes nye bar brtag pa'i phyir dang / pad+ma shes rab kyi ye shes nye bar brtag
6b4 pa'i phyir ro//yul 'jug pa med cing / de la sems pa med pas/ rnam par shes pa'i bzhon pa rlung med do/ /de med pas phyi rol 'byung ba chen po bzhi dang / nang khams dang skye mched med par 'gyur te/ snang ba gsum du dmigs pa yang mi 'byung bas/ yang dag pa'i
6b5 mtha' la rab tu 'jug pa med pa na/zung du 'jug par mi 'gyur ro/ /byang chub sems kyi ngo bo nyid/ /bla ma rdo rje 'dzin pa la/ /mos gus mthar phyin gyur pas ni/ /lam gyi rim pa kun rdzogs pa/ /sgrib dag yon tan thob pa ste/ /dbang gi rgyal ba rnyed pa bzhin/ /las
6b6 dang dngos grub ma lus pa//ye shes mi zad gnas thob bo/ /gang rnal 'byor lam gyi rim pa thams cad cig car du rdzogs pa bde ba chen po'i ting nge 'dzin gyis lhag par mos pa tsam gyis/ las dang po pa la gnas par 'gyur te phyir mi ldog pa la yang gnas par 'gyur ro/ /
6b7 dpal ye shes rdo rje kun las bsdus pa las rab tu byed pa gnyis pa'o/ /spyi don mdo ltar ston pa bdag med pa/ /e ni chos te ba~M ni gang zag gis/ /stong pa zhi ba dngos po med pa nyid/ /phung po khams dang skye mched thams cad kun/ /rang bzhin med pa'i chos
7a1 rnams thams cad bral//blang dor med pa'i ye shes mnyam pa nyid/ /e ni stong nyid spros dang bral ba las/ baM ni thabs mchog snying rje chen por bstan/ /gnyis med mnyam pa byang sems ro gcig pa'o/ /rnam thar sgo gsum pha rol phyin pa drug /
7a2 tshad med bzhi dang bsdu ba'i dngos po bzhi/ /byang chub phyogs chos sum cu rtsa bdun te/ /so so yang dag rig dang ma 'dres chos/ /stobs bcu mi 'jigs bzhi dang bsrung ba med/ /mkhyen pa rgyas pa de nyid kun khyab mdzad/ /e ba~M brtan g.yo snang dang stong pa las/ /phung
7a3 po khams dang skye mched thams cad ni//lha yi bdag nyid dkyil 'khor dag tu'o/ /yig don sgra dang tha snyad du ma rnams/ /brtags pa med de sna tshogs rkyen gyur las/ /rgyu 'bras rab byed sgyu mar snang ba kun/ /'jig rten rigs byed mtshon byed sgra ldan pa'o/ /'dod chags
7a4 chos kyi sbas pa zhes bya ba//rnal 'byor thabs dang shes rab mnyam sbyor las/ /sna tshogs dga' ba dang po rjes chags dang / /rnam par smin pa mchog tu bde ba nyid/ /mtshan nyid bral ba skad cig lhan cig skyes/ /bde ba mi 'gyur ye shes phyag rgya che/ /rnam par nyid pa dga' bral
7a5 rjes la'o//de nyid snying po bla med byang chub sems/ /bde stong dbyer med byang chub chen po'o/ /kun da byang sems ye shes mes sbyangs pas/ /zag med bde bas lus sems rnam dag pa'o/ /'jig rten kun du brtan pa sna tshogs pa/ /de rten 'byung ba 'dus pa'i ri rab dang / /
7a6 gzhal med khang sogs dngos po 'khrul las snang / /brten pa 'gro brgyud khams gsum sems can kun/ /sgyu ma lta bur skye zhing 'gag par 'gyur/ /'khor ba yul dang dbang po rtog par byung / /de bzhin gshegs pa byin gyis brlabs pa las/ /zlog byed yang dag
7a7 kun rdzob lam bstan pas//dngos po mtshan mar 'dzin pa las log nas/ /rang bzhin bden don rtogs pas byang chub thob/ /'od gsal ba yi de nyid ni/ /shes pa spyi yi khyad par las/ /de las sems ni ma bcos pa/ /gnas lugs phyogs su ma lhung bas/ /de yang rtog
7b1 med chos nyid kyi//snang ba gsum du mngon par 'byung / /yul dang yul can gnas skabs las/ /rgya mtsho rab tu dngas pa las/ /de las rlung gis bskyod gyur pas/ /rba rlabs 'byung ba ji bzhin du/ /rang bzhin sems byung rtog tshogs byung / /gnas rgyu dus dang rkyen
7b2 dbang gis/gnas na 'od gsal stong nyid las/ /rgyu ni rlung sems dbyer med pas/ /dus gsum dus med skad cig mar/ /ngo bo stong pa rlung gis bskyod/ /rkyen las mtshan ma'i chos su snang / /gnas sgrub bye brag tha dad pas/ /rnam shes de nyid 'bul ba dang / /ma 'khrul
7b3 pa las khyad par du//dge dang mi dge sna tshogs las/ /bde sdug nyams su myong gyur pas/ /las dang nyon mongs bag chags las/ /lus ngag yid kyis spyod par snang / /ma dag dag byed bla ma yi/ /gdams pas kun las grol bar 'gyur/ /bsod nams bsod nams
7b4 ma yin las//rgyu 'bras sna tshogs snang ba yang / /nam mkha' lta bu'i ngang las ni/ /nam mkha' lta bu'i cho 'phrul byung / /de nyid skye med rang bzhin las/ /'gag pa med par gnas pa'o/ /rten cing 'brel par 'byung ba ste/ /de nyid bdag med chos nyid las/ /spros med
7b5 dngos dang dngos med kyi//ma 'dres yongs rdzogs gnas med pa'o/ /rgyar ni bzhin du gnas pa la/ /sdud byed 'chol ba 'khor lo brtan/ /dam tshig kun ldan phyag rgya snying po nyid/ /kun dor 'byung lnga lha mo rdo rje dbyings/ /bde chen rdo rje gsang ba phun sum tshogs/ /
7b6 de nyid mi 'gyur 'byung gnas thim gyur gang / /skad cig rgyan rdzogs bum pa gang ba ltar/ /bdud rtsi gtsug tor ye shes rgyal bar gyur/ /rjod byed 'bru gsum brjod bya badzra d+h+r-ika /bya ba rdzogs pa'i rnam par skye ba ste/ /snang ba thob pa lhan cig tu gnas pas yul ldan pa snang ba mched pa/
7b7 rtog cing ba'i bye brag la rig pa 'jug pas brad pa snang ba'o/ /byams pas gsol ba/ sbas pa'i don gang lags/ bcom ldan 'das kyis bka' stsal pa/ kun rdzob bden pas sbas pa ni gang du snod bcud ma lus pa snang ba sgyu ma lta bur bdag byin gyis brlab pa rang bzhin gyis bden
8a1 pa rnam par dag pa'o//sems snang ba gsum gyis sbas pa ni gang chos nyid las yang dag par 'byung ba/ thob pa dang / mched pa dang / snang ba ni sems ye shes kun tu rnam par rtog pa med pa bzhin du rang bzhin dang bcas par 'byung ba'o/ /chos kyis spas pa ni bde
8a2 ba'i don gang rdo rje dang pad+ma mnyam par sbyar ba'i bde bas/rang bzhin rnam par dag pa'i snang ba gsum nye bar mtshon par byed pa de ni/ bde ba chen po'i go 'phang rab tu gnas par 'gyur ro/ /'di ni sbas pa'i bshad pa'o/ /byang chub sems dpa' sems dpa' chen po byams pas
8a3 gsol ba/bcom ldan 'das spyi'i don ci lags/ bcom ldan 'das kyis bka' stsal pa/ nyan thos la sogs pa 'dod chags dang bral pa'i chos la spyod pa/ rnam par rtog pa'i bag chags las ma grol ba/ rnal 'byor chen po'i rgyud mtha' dag tu/ rdo rje btsun mo'i b+ha ga la
8a4 bzhugs zhes bya ba la sogs pa'i 'dod chags kyi chos gsal bar byed pa ngo mtshar gyi rdo rje'i tshig thos nas smod par byed pa de rnams las mi 'gal ba'i sgo nas bshad pa de ni spyi'i don du gsungs pa'o//byams pas gsol pa/ yi ge'i don gang lags/ bcom ldan 'das kyis bka'
8a5 stsal pa/gang yang A li kA li sgra'i don la brten nas rjod par byed pa/ brjod pa'i mtha'i byed pa/ mtha' dang brjod pa rkyen rnams las rnam par 'byung ba/ rab tu byed pa dang bcas pa tha snyad sna tshogs pa la brten nas cha shas tsam du bstan pa'o/ /byams pas gsol pa/ thun
8a6 mong ma yin pa bla na med pa 'di ltar mthar thug par bshad pa ji ltar bshad pa lags/de nas bcom ldan 'das kyis bka' stsal pa/ byang chub sems dpa' sems dpa' chen po rnams la legs so zhes bya ba byin nas/ legs so legs so/ /byang chub sems dpa' snying rje
8a7 mchog dang ldan pa nyon cig /mtha' ni mu ste/ 'od gsal ba yang dag pa'i tshul zhes bya ba mthar thug pa'o/ /mtha' ldan mtha' bcas grol ba yang dag mtha'/ /mtha' nyid bzlog bral grub mtha' las 'das pa'o/ /byang chub sems dpa' chen pos gsol pa/
8b1 bcom ldan 'das thabs gang gis mthar thug thob pa lags/ bcom ldan 'das kyis bka' stsal pa/ phung po dang khams dang skye mched la sogs pa'i mtha' snang ba gsum las stong pa gsum mo/ /dmigs pa med pa sgyu ma lta bu las stong pa gsum gyi mtha' bde stong 'od
8b2 gsal ba'o//byang chub sems dpa' chen pos gsol pa/ stong pa gsum 'od gsal ba'i mthar ji ltar 'gyur ba lags/ bcom ldan 'das kyis bka' stsal pa/ ji ltar mes shing bsregs pa ste 'bar bar byed pa de bzhin du 'od gsal bar shes rab kyi snang ba ye shes yun
8b3 ring pos rnam par spyod par byed do//ji ltar ta la'i lo ma yang 'bar bar byed pa de bzhin du ste 'od gsal bar byed pa de bzhin du thabs kyis ye shes la mched pa rnam par sbyong bar byed do/ /ji ltar ras bal gyi 'dab ma bsregs pa de bzhin du snang ba thob pa'i ye shes mchog tu gyur
8b4 pas rnam par sbyong bar byed do//de'i phyir shing ta la'i lo ma dang ras bal gyi 'dab ma bsregs pas 'bar zhing thal bar gyur pa de bzhin du stong pa dang / stong pa chen po dang / shin tu stong pa dang / thams cad stong pa rnams snang ba nye bar thob pa 'od gsal bar 'gyur ro/ /'od gsal
8b5 don dam bden pa nyid//mnyam nyid ye shes rtogs pas ni/ /dbyings kyi dang du rtog pa'i tshogs/ /ma dag gnyen po'i byed pa dang / /rgyu rkyen yul spyod dngos po kun/ /rtog med rang 'byung me 'bar bas/ /shing gi bye brag sna tshogs dang / /ras bal phung po du ma yang / /tshig
8b6 cing dngos med byed pa ltar//de bzhin gzugs 'dzin ma lus pa/ /chos kyi dbyings kyi gnas nyid du/ /bsregs shing thim gyur mi gnas pa'o/ /rdo rje lta bu'i ting 'dzin gyis/ /kun rtog ma lus bcom gyur pa'i/ /rnam par dag pa'i ye shes kyi/ /mkhyen pa byang chub
8b7 sems kyi rgyun//mi 'gag phrin las rgyun mi 'chad/ /mi 'gyur stong nyid bde chen po/ /zung 'jug rab tu mi gnas pa/ /thob tu med las kun du 'byung / /lhun grub de bzhin nyid gnas pa'o/ /de kho na nyid las rtog pa dang mi rtog pa rnam par dag par gyur pas/ rang bzhin
9a1 slob pa dang mi slob pa'i bye brag gis rab tu mi gnas pa'i ngo bor 'gyur ro//'di ni mthar thug pa'i bshad pa gsungs pa'o/ /dpal ye shes rdo rje kun las bsdus pa las rab tu byed pa gsum pa'o/ /byams pas gsol pa/ bcom ldan 'das/
9a2 rnal 'byor gyi rgyud du de bzhin gshegs pa thams cad kyis mtha' drug gis bshad pa ji ltar lags/ /bcom ldan 'das kyis bka' stsal pa dgongs pas bshad pa dang dgongs pa ma yin pas bshad pa dang / drang ba'i don dang / nges pa'i don dang / sgra ji bzhin pa dang / sgra ji
9a3 bzhin ma yin pa rnams so//byams pas gsol pa/ thugs brtse ba nye bar gzhag cing / bcom ldan 'das tshig re re'i dbye ba bstan du gsol/ bcom ldan 'das kyis bka' stsal pa/ mthar thug pas bshad pa de nyid dgongs pas 'jig rten gyi spyod pa dang 'gal ba rmad du
9a4 byung ba bshad pa ni 'di lta ste/'dod chags ma yin pa dang / 'dod chags dang bral ba yang ma yin pa dang / bar ma dbu ma nye bar mi dmigs pa zhes bya ba la sogs pa rdo rje'i tshig rnams ni dgongs pas bshad pa'o/ /bde ba zag bcas ma yin te/ /zag pa med pa'i bde ba nyid/ /
9a5 bde ba spangs shing 'bras med pas/ /sgyu ma lta bur byung ba ste/ /de nyid bde ba'i ye shes ni/ /dbu ma tsam du'ang mi dmigs so/ /gang zag dbang po dman pa rnams/ /skrag byed 'gal ba ltar snang ngo / /dbang po mchog rnams chos la ni/ /sngon chad ma byung chos thos pas/ /ngo
9a6 mtshar nges shes skyes pa yis//rmad du gyur pa'i ting 'dzin thob/ /rnam par grol thob mtshan nyid do/ /phyi rol gsang bar smra la sogs/ /ma dag dag par 'dod pa dang / /ma grol grol 'dod dgag pa dang / /rang gar 'jug pa dgag pa'i phyir/ /cung zad 'jig rten brtags
9a7 pa las//bzlog phyir ye shes zab mo'i don/ /gnas lugs 'khrul pa rnam dag ste/ /de nyid snying po dgongs te bshad/ /lus dang ngag dang yid med pa dang / bdag med pa dang / thams cad stong pa dang / dag pa dang / 'od gsal ba zhes bya ba la sogs pa'i rdo rje'i tshig ni
9b1 dgongs pa ma yin pas bshad pa'o//chos thams cad la dngos po dang mtshan mar 'dzin pa dang / bdag tu 'dzin pa la dgongs pa ma yin pa'i phyir dgongs pa min te/ chos thams cad bdag med par ston cing spros med de bzhin nyid las stong pa nyid du sten pa dang / chos
9b2 thams cad ni rang bzhin gyis rnam par dag pa dang /lus med pa ste phung po dang khams dang skye mched mi dmigs pa dang / brjod pa las 'das pas bdag med pa dang / ngo bo nyid kyis stong pa'i phyir yid med pa ni dgongs min du bshad pa'o/ /ga pur dang / khrag chen po dang / tsan+dan
9b3 dmar po dang rdo rje dang /pad+ma dang / yi ge dang / phyag rgya zhes bya ba la sogs pa rdo rje'i tshig rnams ni drang ba'i don te/ ga pur ni khu ba dang / khrag chen po ni zla mtshan gyi khrag dang / tsan+dan dmar po'i khu ba dang bsres pa ni tsan+dan dmar po'i khu ba'o/ /rdo rje dang mtshan ma dang / thabs
9b4 dang /pad+ma b+ha ga dang / shes rab dang / yi ge dang / phyag rgya dang / btsun mo rnams dang zhes bya ba la sogs pa rdo rje'i tshig rnams nges pa'i don no/ /ga pur ni dkyil 'khor yig 'bru dang / khrag chen po nyi ma'i dkyil 'khor yig 'bru dang / tsan+dan dmar po ni pad+ma dmar po 'dab
9b5 brgyad yig 'bru gsum dang bcas pa dang //rdo rje'i rgyud mtshan ma yab dang / /pad+ma mtshan ma ste yum dang / yi ge ni sngags te sa bon dang / phyag rgya ni phyag mtshan te sku yongs su grub pa phyag rgya bzhi ldan no/ /lha'i sku yongs su rdzogs pa yongs su brtags pa'i lha rnams 'khrul pa bzlog pa tha
9b6 mal pa las nus pa cung zad ldan pa ste thun mong pa'o//yang rang bzhin tha mi dad pa'i don las ga pur ni khu ba ka pur shu ki ste rnam pa kun 'dar las rgyu ba dang / khrag chen po ni rang 'byung gi khrag ste sih+la rak+ta rtsa ro ma nas rgyu ba dang / tsan+dan dmar po'i khu ba ni chos 'byung nang du 'dres pa las
9b7 yum gyi pad+ma'i khongs su yongs su 'dres la dbyer med pa las 'gro ba'i lus mngon par byang chub pa'i tshul du yongs su rdzogs pa nyid do//pad+ma b+ha ga ste shes rab kyi cha dang / rdo rje ling+ga ste thabs kyi cha dang / zla nyi nub pa'i ldog pa cha mnyam par gyur pa las yi ge ste sa bon yon tan
10a1 grub byed/phyag rgya bzhi ldan gyi yab yum rdo rje btsun mo rnams chos 'byung las mngon par bde ba'i don ye shes yang dag par bstan pa thun mong ma yin pa'o/ /byams pas gsol ba/ de dag gi drang ba'i don gang lags/ bcom ldan 'das kyis
10a2 bka' stsal pa/gang yang A li dang kA li'i yi ge sna tshogs sgra'i don gyi sgo nas rjod par byed pa'i mtha' dang / brjod par bya ba'i thun mong gi chos dang / thun mong ma yin pa'i gsang ba byang chub sems dpa' chen po rnams la bla na med pa gsang ba chen po'i gzungs sngags dang
10a3 rig sngags 'di sgra'i de kho na nyid la brten nas rab tu rtogs par bya ba dang /yang gang zag rtog ge par gyur pa rnams la bstan gyi rjod byed thun mong du gyur pa mi phyed rdo rje'i yi ge srog tu gyur pa chos kyi phung po du ma yang de nyid las byung zhing de nyid du thim pa ni drang ba'i don du bstan pa'o/ /
10a4 de dag la yang phung po lnga dang / rigs lnga dang / 'byung ba lnga dang ye shes lnga rnam par dag pa/ tshul khrims dang / ting nge 'dzin dang / shes rab dang rnam par grol ba dang rnam par grol ba'i ye shes mthong ba'i phung po dag go/ /thug pa phyogs bcas 'gyur ba nyid/ /nyi zla
10a5 lus kyis gnas las skyes//dbang gi dkyil 'khor g.yo ldan pa/ /gnas bzhi pa las phyogs gyur pa/ /chu bos brgyad cu rtsa bzhi ste/ /stong dang brgyad cu d+h+r-i 'od can/ /de dag chos kyi sgor gyur pa/ /phung po bla na med par 'gyur/ /gnyis ka dang bya ba'i rgyud la sogs
10a6 pa rnams su don gsal bar gsungs pa ni sgra ji bzhin pa ste/'di lta ste dkyil 'khor dang mchod sbyin dang / gtor ma dang / sman dang / zhi ba la sogs pa'i las kyi tshogs rnams dang / de bzhin du 'jig rten pa'i dngos grub chen po brgyad gsungs pa rnams ni sgra ji bzhin pa ste
10a7 yi ge'i don gyis bshad pa'o//dkyil 'khor rtog pa'i cho ga sogs/ /spyod pa bsnyen bsgrub 'bras ldan pa/ /yan lag don rgyas rnam bshad pa//ji bzhin sgra zhes bstan pa yin/ /ko Ta k+Sha/ ko Ta b+ha Na/ ko Ta we/ ko Ta b+ha shwa pa/ ka tir ka /ko la khya/ ko la ba/
10b1 ko la b+hash+tha/ ko la sta thA/ ko la b+ha b+hi/ 'dis dbang po dang yul gsungs te/ de lta bu la sogs pa rdo rje'i tshig ni sgra ji bzhin ma yin pa'i sgo nas sbas pa'i bshad pa'o/ /de bzhin gshegs pa'i brda'i gsang ba gang / /ko Ta k+Sha sogs mkha' 'gros bstan pa dang / /
10b2 brda spyod gsang ba 'jig rten ma grags pas/ /ji bzhin ma yin sgrar bstan pa'o/ /byang chub sems nyid spros med las/ /mtha' bral rnam par mi rtog pas/ /dmigs med phyag rgya chen po ste/ /mi gnas zung 'jug bla na med/ /rdo rje rang 'byung ting nge 'dzin/ /de bzhin gshegs
10b3 pa'i ngo bo nyid//rgyal bas nges pa'i don du gsungs/ /mtha' drug rnam par dbye ba gtan la phab pa'o/ /dpal ye shes rdo rje kun las bsdus pa las rab tu byed pa bzhi pa'o/ /byang chub sems dpa' chen pos gsol pa/ bcom ldan 'das rdo rje theg
10b4 pa chen po'i rgyud sde gang lags/bcom ldan 'das kyis bka' stsal pa/ rgyud sde ni 'di lta ste/ rnal 'byor bla na med pa'i rgyud dang / gnyis ka'i rgyud dang / spyod pa'i rgyud dang / bya ba'i rgyud dang / rtog ba'i rgyud do/ /byams pas gsol pa/ rgyud de rnams kyi tshad ji ltar
10b5 lags/bcom ldan 'das kyis bka' stsal pa/ rnal 'byor bla na med pa'i rgyud ni stong phrag bcu gnyis te rgyas par phye na grangs med do/ /rnal 'byor gyi rgyud la stong phrag drug go/ /spyod pa'i rgyud la stong phrag brgyad do/ /bya ba'i rgyud la stong phrag bzhi'o/ /rtog pa dang phra
10b6 mo'i rgyud la stong phrag bzhi'o//de dag stong phrag sum cu rtsa bzhi ste rgyud dang rtog pa'i ming gi mtha' ma'i yi ge ji snyed pa ni/ ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba ng+ha ma/ ya ra la wa/ sha Sha sa ha k+ShaH/ a A i I u U/ r-i r-I l-i l-I e ai
10b7 o au a~M aH 'di dag ni ming gi yi ge'i tshogs rnams so//byang chub sems dpa' chen pos gsol ba/ bcom ldan 'das de rnams kyi byed pa'i cho ga dang sgrub pa de gang lags/ bcom ldan 'das kyis bka' stsal pa/ don dam pa'i bden pa las rang byin gyis
11a1 brlab pa'i rim gyis langs te 'dod chags las byung ba'i byang chub kyi gnas rab tu bstan pa'i phyir btsun mo'i 'khor gyi dbus su 'khor los sgyur ba'i gzugs kyis bde ba chen po'i ting nge 'dzin gyis rdo rje btsun mo'i b+ha ga la yang dag par bzhugs
11a2 te/'jig rten gyi spyod pa dang 'gal ba rmad du byung ba rdo rje'i tshig gi mtha' drug dang tshul bzhi'i sgo nas rab tu spyod de bsgrub par bya'o/ /zhes rnal 'byor chen po'i rgyud du gnas so/ /rig ma dang lha mo dang lhan cig tu dkyil 'khor gyi 'khor la dgod par bya'o/ /de nas
11a3 las byed pa'i sgrub pa la sogs pa de kho na nyid rnam pa bcu rab tu spyod de sgrub par byed pa rnal 'byor gyi rgyud la bzhugs so//las kyi bya ba sna tshogs rgya chen po bya ba'i rgyud phyag rgya dmigs pa'i mtshan nyid rab tu spyad pa sgrub par byed pa ni spyod pa'i rgyud la bzhugs so/ /'khor
11a4 ba la shin tu 'jigs par dmigs shing shin tu gtsang sbra byed pa dang /ye shes sems dpa'i bde ba med pa dang / bdag nyid lha'i bsnyems pa med pa dang / rmad du byung ba'i spyod yul rang rkyen gyis rgyu'i bar spyod pa sgrub par byed pa ni bya ba'i rgyud la bzhugs so/ /sngags
11a5 dang sman dang /sbyin sreg dang mig sman dang rkang mgyogs la sogs pa dngos grub chen po brgyad rab tu spyad pa sgrub par byed pa phra mo dang rtog pa'i rgyud la bzhugs so/ /gsang chen rgyud kyi ngo bo dang / /nges tshig sgra 'jug rgyu mtshan dang / /khyad par dbye thabs dang ldan pa/ /
11a6 gzhung tshad dang ni ldang tshad dang / brjod bya rjod byed ston tshul lo/ /sems bskyed sngon 'gro mtshungs ldan pas/ /khyad par smin lam byin rlabs lam/ /rjes snang 'brel pa thun mong min/ /bde ba lam myur mthong chos 'gyur/ /de nyid thabs zab bla na med/ /dpal
11a7 ldan rdo rje 'chang chen gyi//sku gsung thugs las mi phyed pa/ /bde chen mchog gi snying po nyid/ /ngo bo ye shes dri med pa'o/ /tan+t+ra zhes pa rgyud yin te/ /ten+ta shes pa dngos la rgyun/ /tra ya dus gsum thog med pas/ /'dren pa rtog tshogs 'joms byed pa'o/ /rgyun
11b1 chags 'brel pa ma tshang med//rgyas byed sems can khams las ni/ /byang chub sems dpa' rnal 'byor pa/ /sangs rgyas mdzad pa mtha' yas pa/ /bar mi bcad cing ye shes rgyun/ /phrin las mi zad 'khor lo ste/ /rgyud ces sgrar btags de nyid do/ /gleng
11b2 gzhi gleng slong gsang chen la//rgyas bsdus ngo bo mi 'gyur ba/ /'jug gnas mthar phyin bla na med/ /rdo rje theg pa'i ldang tshad do/ /sngon rgyu gdung ba shas che la/ /spong bar mi nus 'jug phyir na/ /dbang phyug chen po lta bu'o/ /lam la gnas pa rim gnyis chos/ /
11b3 ngo bo mi 'gyur mchog gsang ba/ /sa lam bgrod pa mthar phyin pas/ /bla ma'i lam ni gtsor gyur pa/ /bla na med pa tshe 'dis thob/ /rgyu dang thabs lam 'bras bu ste/ /grub byed gsang ba rtsa ba'i rgyud/ /snying po mchog las rab 'byam spyod/ /gsal byed phyi ma
11b4 bde blag 'gyur//dka' ba spyod dang kha skong byed/ /the tshom sel nges ster ba dang / /dus rtags blo la sbyar ba ste/ /snod rig skal ba'i khyad par bstan/ /gsang ba chen po spyi dang bye brag thams cad du/ /tha dad pa dang gcig tu gnas pa ting 'dzin dang / /mthar
11b5 thug rim pa dam tshig sku gsung thugs dang ni//sdom pa'i de nyid kun tu khyab pa byang chub sems/ /yang dag bde ba chen po phyag rgyas rgyas btab pa/ /ye shes tshad med rgya chad phyogs su lhung ba med/ /mnyam nyid spros pa med pa dag pa chen po ste/ /sgra dang sgra min las
11b6 'das rgyud ni bla med pa'o//dpal ye shes rdo rje kun las bsdus pa las rab tu byed pa lnga pa'o/ /byams pas gsol pa/ bcom ldan 'das sbyor ba dang po'i mdzad pa gang lags/ bcom ldan 'das kyis bka' stsal pa/ dpal bde
11b7 ba chen po mi 'gyur ba 'og min chos kyi dbyings dkyil 'khor chen po yongs su dag pa tshad med pa'i pho brang du/de bzhin gshegs pa byang chub kyi sems rdo rjes de bzhin gshegs pa thams cad kyi 'khor gyis yongs su bskor ba'i dbus su bzhugs te/ byang
12a1 chub sems dpa' sems dpa' chen po dpag tu med pa dang /de bzhin gshegs pa 'dus pa'i gsang ba bla na med par dbang bskur ba/ sku gsung thugs rdo rje'i snying po gsang ba chen po yongs su dag cing ye shes yongs su dag pa thob pa ni/
12a2 dkyil 'khor ma lus pa'i yon tan phrin las mi zad pa rgyan gyi 'byung gnas su gyur pa/ spro ba dang bsdu bar mdzad pa/ spros pa med cing snang ba rnam par dag pa de nyid la gnas pa ni sbyor ba dang po zhes bya'o/ /byams pas gsol pa/ dkyil 'khor rgyal po
12a3 mchog ji ltar du ston par 'gyur ba lags/bcom ldan 'das kyis bka' stsal pa/ /'di nyid tshad med dkyil 'khor du/ /de bzhin gshegs pa'i sku gsung thugs/ /rdo rje bla na med pa'i mchog /rten dang brten par bcas pa yi/ /bde gshegs pho brang snying
12a4 po ni//'dod pa khams kyi 'gro ba rnams/ /ri rab chen po'i steng du ni/ /khang bu brtsegs pa ga la bar/ /dbang po brgya byin 'khor bcas pa/ /nye dbang sum cu rtsa gnyis sogs/ /rin chen rang byung mchod sprin ldan/ /dbang bskur rim pa ston par mdzad/ /
12a5 dbang phyug u mar bcas pa dang / /tshangs pa khyab 'jug gdong drug sogs/ /'dul phyir yul dang dbang po ni/ /gnyis med mnyam par sbyor ba las/ /longs spyod bde ba'i spyod pa yis/ /rnam par dag pa bya ba'i phyir/ /dkyil 'khor du ni 'jug par mdzad/ /
12a6 de nas dag khams de nyid du/ /de bzhin nyid kyi ngang las 'das pa yi/ /byang chub sems mchog rdo rje bla med pa/ /zil gnon rdo rje ting nge 'dzin la zhugs/ /dbyings dang ye shes dbyer med mnyam nyid dang / /rnal 'byor bde chen mngon par byang chub pa/ /nyi zla pad+ma A
12a7 li kA li bcas//thugs gsung sku yi rdo rje de nyid las/ /'od spros 'jig rten khams su khyab gyur pas/ /brtan g.yor bcas pa yongs su dag par gyur/ /byin gyis brlabs kyi snang ba'i rgyud sbyangs pas/ /'gro ba rdo rje sems dpa'i go 'phang bkod/ /bde
12b1 ba dang ni yid bde thob gyur te//rjes su rnal 'byor ye shes rgya mtsho las/ /mi phyed dbang phyug byang chub sems kyi sku/ /ye shes 'byung ba rdo rje'i ting 'dzin las/ /byin gyis brlabs pa'i cho 'phrul bstan pa dang / /sngags kyi byin gyis brlabs pa de nyid
12b2 mchog /dbang bskur ba yi cho 'phrul bla na med/ /gsang ba lhun grub snying po'i ngang la ste/ /oM AHhU~M dang swA hA 'od 'phro ba/ /'od zer gyis ni phyogs bcur khyab par mdzad/ lAM mAM pAM tAM AM las 'byung ba bzhi/ meM b+hAhA+eM oM oM oM hU~M oM saM las/ /rnam
12b3 shes brgyad kyi rang bzhin sems dpa' che//rU sha ga ra spa ste 'dod yon nyid/ dzaHhU~M baM hoHhU~M drug 'od 'bar las/ /mthar byed khro bo'i rgyal po yum bcas bcu/ /yan lag tshogs gnas phyogs kyi gdon 'joms pa'o/ /shin tu rnal 'byor rdzu 'phrul cho
12b4 'phrul ston//de nas de bzhin gshegs pa thams cad kyi byang chub sems kyi rdo rje 'chang de nyid/ zhal gsum phyag drug rgyan bcas gzigs par gyur/ /mtshan dpe rdzogs pa phyag rgya ldan par snang / /de nyid chos dbyings rdo rje yum bcas bzhi/ /chos
12b5 'byung nas byon thugs ka'i dbus ma nas//de bzhin gshegs pa du ma spros pa las/ /ched du brjod pa gsang ba de nyid gsungs/ /kun rdzob cho 'phrul mi zad 'khor lo bstan/ /de rjes 'dod pa khams pa gdul don du/ /rdo rje sems dpa'i gzugs kyis
12b6 dang ba'i tshul//rnam snang mdzad pa rdo rje 'dzin sku las/ /sku yi cha zhu lha mo'i tshul bstan pa/ /spro dang bsdu ba ye shes mngon rol pa'i/ /spyod pa bde chen dgyes par bstan pa'o/ /dpal ldan mi bskyod rdo rje'i dkyil 'khor mchog /rdul med pa nyid gru bzhir byin
12b7 brlabs pa//de nas de bzhin gshegs pa'i tshogs dpag med/ /phyogs dus kun nas khyab cing yongs su bskor/ /byang chub sems nyid rdo rje dbus bzhugs so/ /bcom ldan rnam snang mdzad pa rin chen 'byung / /'od dpag med pa gdon mi zab nyid/ /
13a1 bder gshegs dpag med rnams dang lhan cig tu/ /rang snang ye shes yum dang gnyis med pa/ /shin tu rnal 'byor rim pa yang dag pa'o/ /sku gsung thugs kyi rdo rjes byin rlabs pa/ /dam tshig pa dang ye shes sems dpa' che/ /
13a2 nus pa brtan dang dbang bskur rgyas gdab pa'o/ /ting 'dzin sems dpa' thugs kar nges gnas pa/ /rnal 'byor chen po yi ni mgon po mchog /rig pa chen po'i skyes bu de bzhin gshegs/ /thabs dang shes rab gnyis med bzhugs pa'o/ /de
13a3 bzhin gshegs pa dpag med 'dus pa'i dus//'khor gyi dkyil 'khor dpag med brjod mi mi lang / /rdo rje rin chen pad+ma sprin phreng ba'i/ /mchod pa'i tshogs kyis bar snang gang bas mchod/ /rdo rje 'chang chen de bzhin gshegs pa la/ /de bzhin gshegs dang
13a4 sems dpa' thams cad kyis//thun mong du ni gsol ba btab gyur pa/ /de bzhin gshegs pa thams cad kyi/ /'dus pa gsang ba las byung ba/ /rdo rje snying pos bsdus pa yi/ /bcom ldan snying po bshad du gsol/ /zhes zhus shing gsol ba btab par gyur
13a5 la/de tshe rdo rje 'chang gis bka' stsal pa/ /'dir ni legs ces gsang ba nges pa la/ /spro bas zhus pa gsang chen bla med la/ /de bzhin gshegs pa mchog gyur thams cad kyang / /the tshom skye bar gyur pa yin pas na/ /sems dpa' khyed rnams kun gyis
13a6 ji ltar rtogs//byang chub sems dpa' kun gyis gsol ba ni/ /rdo rje dam tshig 'byung ba'i tshig gis ni/ /shin tu rtogs par dka' bar gyur pa la/ /de bzhin gshegs pa nyid kyi mthu stobs kyis/ /skal bar ldan pa rjes su 'dzin par ni/ /nus pa mchog ldan
13a7 phun sum tshogs pa yi//shin tu rab tu rtogs par byin rlabs shing / /dbang bskur mdzad pas mngon par rtogs mdzad gsol/ /rmad du byung ba'i ye shes cho 'phrul kun/ /da lta nyid du gsal bar bstan mdzad gsol/ /sbyor ba dang po'i rim pa'o/ /dpal ldan
13b1 rdo rje 'dzin pa yis//mngon rdzogs byang chub rdo rje yi/ /ting nge 'dzin la bzhugs nas ni/ /dang po'i mgon po nyid kyis ni/ /rig pa chen po'i skyes bu ste/ /chos dbyings rdo rje ma gnyis med/ /dkyil 'khor spro dang sdud par mdzad/ /dpal ldan mi bskyod
13b2 rdo rjes ni//ye shes sgron ma rdo rje yi/ /ting nge 'dzin la snyoms zhugs pas/ /badzra d+h+r-ika las phyung gyur ni/ /zhal gsum phyag ni drug pa ste/ /in+d+ra nI la kun+da ltar/ /rA ga 'bar ba'i zhal mnga' ba/ /g.yas g.yon rdo rje dril bu 'dzin/ /pad+ma 'khor lo
13b3 nor bu dang //pad+ma ral gri g.yon du ste/ /rdo rje skyil krung rgyan spras pa/ /de nyid sku las 'od zer tshogs/ /spros nas kun tu bder gshegs kyis/ /phyogs bcu'i zhing khams khyab mdzad nas/ /'gro sbyangs dag par gyur nas ni/ /smin bar nas zhugs
13b4 thugs kar thim//de ni de ma thag tu yang / /bcom ldan zhe sdang rdo rjer gyur/ /rin chen sna tshogs seng ge'i khri/ /zla ba nyi ma'i steng du bzhugs/ /dkyil 'khor chen po'i dbus gnas pa'o/ /dkyil 'khor gtso bo mngon par 'byung ba'i ting nge 'dzin to/ /dpal
13b5 ye shes rdo rje kun las bsdus pa las rab tu byed pa drug pa'o//dpal ldan rnam par snang mdzad kyis/ /mngon par rtogs pa rdo rje yi/ /ting nge 'dzin la snyoms zhugs te/ /zhal gsum phyag drug kun+da'i mdog /'khor lo dril bu yum dang rol/ /rdo rje
13b6 nor bu g.yas pa la//g.yon pa pad+ma ral gri 'dzin/ /sngo dang dmar dang g.yas dang g.yon/ /glang chen khri steng pad zla'i steng / /rgyan bcas skyil krung bzhugs pa'o/ /bde gshegs rin chen 'byung gnas kyis/ /bdag med rdo rje la bzhugs te/ rah+nad+h+r-ika phyung
13b7 gser gyi mdog /yid bzhin nor bu dril bu dang / /'khor lo pad+ma ral gri can/ /dung dang ut+pal mtshungs pa ni/ /rin chen rgyan spras rta mchog ste/ /yum bcas skyil krung bzhugs pa'o/ /dpal ldan tshe dpag med pa ni/ /'od zer 'bar ba rdo rjer bzhugs/ /
14a1 a ro lika ces rA ga'i 'od/ /sngo dkar pad+ma dril bu dang / /rdo rje 'khor lo ral gri bcas/ /yum bcas rma bya'i khri la bzhugs/ /rin chen rgyan ldan 'od 'phro bas/ /mnyam pa'i skyil krung gis bzhugs pa'o/ /bcom ldan gdon mi za ba'i sku/ /
14a2 zil gnon rdo rje la bzhugs te/ pradz+nyA d+h+r-ika las markata mdog /dkar dmar ral gri dril bus 'khyud/ /rdo rje 'khor lo nor bu dang / /pad+ma rin chen rgyan ldan nyid/ /yum bcas shang shang khrir bzhugs pa/ /rdo rje skyil krung gis bzhugs pa'o/ /de bzhin
14a3 gshegs pa'i rigs kyi 'khor lo mngon par 'byung ba'i ting nge 'dzin to//dpal ye shes rdo rje kun las bsdus pa las rab tu byed pa bdun pa'o/ /de bzhin gshegs pa thams cad kyi/ /rdo rje btsun mo spyan ma yis/ /rdo rje 'dzin pa thams
14a4 cad kun//mnyam byed dam tshig la bzhugs te/ /mo hA ra ti las byung ba/ /dung mdog sngo dang dmar ba'i zhal/ /sku yi rdo rje dang mtshungs pa/ /pad+ma zla nyi shar lhor bzhugs/ /rdo rje btsun mo mA ma kIs/ /sangs rgyas rjes su mnyes byed pa'i/ /ting nge 'dzin
14a5 la snyoms zhugs nas//dwe Sha ra ti las byon pa/ /thugs kyi rdo rje mtshungs pa nyid/ bai DUr dung dang rA ga'i zhal/ /rin chen sna tshogs rgyan spras 'gying / /pad zlar lho nub grwar bzhugs so/ /rdo rje btsun mo gos dkar gyis/ /rjes su chags pa rdo rje yi/ /ting
14a6 nge 'dzin la snyoms zhugs te/rA ga ra ti las byon pa/ /gsung gi rdo rje mtshungs pa nyid/ /ban+du ri ga sngo dang dkar/ /sgeg cing rin chen rgyan spras pa/ /pad zlar nub byang grwar bzhugs pa'o/ /rdo rje btsun mo sgrol ma yi/ /glu ma rdo rje zhes bya ba'i/ /ting nge 'dzin la snyoms
14a7 zhugs te//badzra ra ti las byung sgeg /markata dung dang b+han+du ka /phrin las rdo rje dang mtshungs pa/ /rin chen rgyan gyis legs spras pa/ /pad zlar byang shar grwar bzhugs pa'o/ /lus kyi gnas su lte ba dang / /snying ga mgrin pa gsang ba dang / lA~M mA~M pA~M tA~M sa
14b1 bon nyid//'byung ba la ni lhan cig spyod pa yi/ /lha mo ye shes bde bar rol/ /de nyid mnyam pa phyag rgya che/ /ye shes mnyam par sbyor ba lha mo'i ting nge 'dzin to/ /dpal ye shes rdo rje kun las bsdus pa las rab tu byed pa brgyad pa'o/ /lha mo
14b2 gzugs kyi rdo rje mas//dam tshig mchog gi mchod pa yi/ /ting nge 'dzin la snyoms zhugs te/ /badzra rU pe zhes sngags las/ /sku mchog dkar mo me long 'dzin/ /rdo rje spyan ma dang mtshungs pa/ /rin chen rgyan rnams kyis mdzes spras/ /me yi phyogs kyi
14b3 grwar bzhugs pa'o//lha mo sgra yi rdo rje las/ /nam mkha'i 'od kyi sprin rdo rje/ /tshim byed ting 'dzin la bzhugs te/ /badzra shab+de las byon pa/ /rdo rje mA ma kI dang mtshungs/ /a gau rgyud sbreng mdzad glu/ /dbyangs kyis kun tu mchod byed pa/ /bden bral
14b4 phyogs kyi grar bzhugs so//lha mo dri byug rdo rje mas/ /mngon par byang chub bdun ston pa/ /de nyid rdo rje'i ting 'dzin bzhugs/ /badzra gan+d+he las phyung ba/ /gos dkar yum dang mtshungs pa ste/ /dung chos lha rdzas mchog 'dzin pa/ /rin chen rgyan spras 'gying bag
14b5 ldan//rig 'dzin phyogs kyi grwar bzhugs pa'o/ /rdo rje ro mchog lha mo ni/ /dam tshig chen po'i mchod pa ni/ /kun mchod ting 'dzin la bzhugs te/ /badzra rA s+ya las byung ba/ /rin chen pad snod bdud rtsi ni/ /ro mchog bcud ldan 'dzin mdzad pa/ /sgrol ma dang
14b6 ni mtshungs pa ste//dbang ldan phyogs kyi grwar bzhugs so/ /rig ma mchod lha rnams kyis ni/ /mchod sprin rgya mtshos mchod gyur pa'o/ /dpal ye shes rdo rje kun las bsdus pa las rab tu byed pa dgu pa'o/ /byang chub sems dpa' sa'i snying ni/ /
14b7 zhi ba'i dam tshig mchog gnas las/ /k+Shi ti gar+b+ha'i sngags las byung / /mdog dkar 'khor lo rtsibs bcu 'dzin/ /thor tshugs cod pan rgyan gyis spras/ /shar khyams skyil krung dag gis bzhugs/ /sems dpa' rdo rje 'dzin pa ni/ /dngos dang dngos
15a1 med dam tshig ste//ro mnyam ting 'dzin la bzhugs pa/ /badzra pA Ni aM zhes las/ /gser mdog rdo rje 'bar ba 'dzin/ /lho phyogs khyams la skyil krung bzhugs/ /byang chub nam mkha'i snying po ni/ /dam tshig mchog la gzigs
15a2 pa yi//ting nge 'dzin la snyoms zhugs te/ /A kA sha gar+b+ha'i sngags las byung / /gser mdog marka ta 'dzin pa/ /'gying bcas lho phyogs khyams la bzhugs/ /sems dpa' 'jig rten dbang phyug gis/ /gsung mchog rdo rje ye shes kyi/ /ting nge
15a3 'dzin la snyoms zhugs te//lo ke shwa ra badzra las/ /byon pa pad+ma rA ga'i 'od/ /g.yon pa'i pad+ma g.yas pa yis/ /'byed mdzad nub kyi lha khyams bzhugs/ /byang sems mgon po 'jam dbyangs kyis/ /nam mkha'i rdo rje tshul gcig pa'i/ /ting nge
15a4 'dzin la snyoms zhugs te//g+ho Sha nA tha las byung ba'i/ /dmar ser rin chen rgyan spras pa'i/ /ut+pal dmar po 'dzin mdzad pa/ /g.yas pas 'byed par mdzad pa ni/ /skyil krung nub kyi khyams la bzhugs/ /byang sems sgrib pa kun sel gyis/ /
15a5 chos rnams kun la 'jug pa'i sgo/ /rdo rje zhes pa'i ting 'dzin bzhugs/ /ni wa ra ni las byung ba'i/ /markata 'od 'phro ral gri can/ /rgyan ldan byang gi khyams la bzhugs/ /dpal ldan byams pa'i mgon pos ni/ /rdo rje spros pa'i sngags bkod kyi/ /
15a6 ting nge 'dzin la snyoms zhugs te/ mai tri nA tha las byung ba/ /dung mdog klu shing spyi blugs can/ /rin chen rgyan gyis spras pa ste/ /shar gyi khyams la bzhugs mdzad pa'o/ /sems dpa' kun tu bzang po ni/ /zhing khams kun khyab mchod sprin gyi/ /ting nge 'dzin
15a7 la snyoms zhugs te//sa man+ta b+ha dra las phyung ba/ /ljang mdog sna tshogs rdo rje can/ /rin chen sna tshogs rgyan spras pa/ /byang phyogs khyams la skyil krung bzhugs/ /pad+ma nyi ma'i gdan la ni/ /'gying bcas thor tshugs rgyan spras pa/ /kun kyang zhal gsum
15b1 phyag drug ste//gtso la bsnol ma'i tshul gyis gzigs/ meM th+l-iM oM oM oM dang ni/ hU~M oM sa~M nyid rnam shes brgyad/ /rnam par dag pa sems dpa'o/ /dpal ye shes rdo rje kun las bsdus pa las rab tu byed pa bcu pa'o/ /tshogs slob gang
15b2 zag sgra don ston//bden pa gnyis su yongs bsdus pa/ /khyad par rnam par nges 'gyur ro/ /de nas dkyil 'khor sgo bzhi dang / /phyogs rnams kun tu khro bo bcu/ /'jigs pa'i gzugs can bgegs 'joms mdzad/ /zhal gsum phyag drug ldan
15b3 pa'o//khro bo chen po gshin rje'i gshed/ /rdo rje 'khor lo 'bar ba yi/ /ting nge 'dzin la snyoms zhugs te/ /ya mAn+ta kr-ita las phyung ba/ /mthing nag g.yas dkar g.yon dmar zhing / /rdo rje tho ba 'khor lo dang / /ral gri nor bu sdigs mdzub can/ /
15b4 shar sgor dri za'i steng bzhugs pa'o/ /khro rgyal shes rab mthar byed kyis/ /mngon par byang chub rdo rje yi/ /ting nge 'dzin la snyoms zhugs te/ pradz+nyAn+ta kr-ita sngags las phyung / /dung mdog sngo dang dmar ba'i zhal/ /be con dgra sta 'khor lo dang / /
15b5 ral gri nor bu pad+ma 'dzin/ /lho sgor grul bu ma gnon mdzad pa'o/ /khro bo'i rgyal po rta mchog gis/ /rdo rje chags med pad+ma ni/ /ye shes 'byung ba'i ting 'dzin las/ /pad+ma d+h+r-ika las phyung ba ni/ /b+han+du ri ka'i mdog 'dra ba/ /g.yas mthing g.yon dkar 'jigs
15b6 par byed//pad+ma rdo rje tho ba dang / /ral gri 'khor lo dgra sta can/ /nub sgor klu dbang steng bzhugs pa'o/ /khro rgyal bdud rtsi 'khyil pa yis/ /rdo rje byin rlabs snying po'i tshul/ /rdo rje ting 'dzin la zhugs te/ big+h+na n+ta kr-ita las byung ba/ /markata dkar
15b7 dang dmar ba'i zhal//rgya gram 'khor lo ral gri dang / /gtun shing dgra sta sdigs mdzub can/ /byang sgor gnod sbyin steng bzhugs so/ /khro rgyal mi g.yo mgon po yis/ /chos dbyings mi zad rdo rje yi/ /ting nge 'dzin la snyoms zhugs te/ Ar+ya a
16a1 tsa las phyung nyid/bai DUr dkar dang dmar ba'i zhal/ /ral gri 'khor lo dgra sta dang / /pad+ma nor bu sdigs mdzub bo/ /me phyogs drang srong gnon mdzad pa'o/ /khro bo 'dod pa'i rgyal po yis/ /bsam gtan thogs med rdo rje yi/ /
16a2 ting nge 'dzin la snyoms zhugs te/ /Tak+ki rA dza'i sngags las phyung / /in+d+ra nI la kun+da dmar/ /phyag rgya bsnol ba'i sdigs mdzub can/ /lcags kyu ral gri ut+pal/ /sdigs mdzub zhags pa 'dzin pa ste/ /bden bral steng du bzhugs pa'o/ /khro bo rdo rje
16a3 be con can//'jigs mdzad snying rje'i ting nge 'dzin/ nI la daN+Da las byung ba/ /char sprin mdog 'dra dkar dmar zhal/ /dbyug pa ral gri nor bu dang / /'khor lo pad+ma sdigs mdzub mdzad/ /gtum po mi bzad me dpung klong / /rlung lha'i gdan la
16a4 bzhugs pa'o//rdo rje khro bo stobs po che/ /sku gsum mi phyed rdo rje yi/ /ting nge 'dzin la snyoms zhugs te/ /ma hA ba la'i sngags las phyung / /ut+pal sprin dkar byi ru'i zhal/ /rtse gsum rnga yab ral gri dang / /'khor lo nor bu sdigs mdzub can/ /'byung
16a5 po'i gdan steng bzhugs mdzad pa'o//khro rgyal rdo rje gtsug tor can/ /rig pa'i stobs mchog rdo rje yi/ /ting nge 'dzin la snyoms zhugs te/ /uSh+NI Sha bi dza'i sngags las phyung / /nam mkha'i mdog can gtsug tor gyi/ /phyag rgya spyi bor bcings pa ste/ /rdo rje ral
16a6 gri pad+ma dang //sdigs mdzub zhags pa 'khor lo 'dzin/ /rnam 'tshe 'joms mdzad sa bdag gnon/ /lha rgyal tshangs pa gnon mdzad pa'o/ /rdo rje gnod mdzes khros pa'i sku/ /rab tu 'byung gnas ye shes kyi/ /rdo rje'i ting 'dzin la zhugs nas/ /brtan g.yo
16a7 gdug pa dug can gyi//drag po 'joms mdzad mthing nag nyid/ /sum b+ha rA dza'i sngags las byung / /rdo rje 'khor lo ral gri dang / /nor bu pad+ma sdigs mdzub mdzad/ /rnam 'tshe zhi mdzad sa bdag gnon/ /lus kyi gnas su khro bo rnams/ /sa bon phyag
16b1 mtshan rtsa gnas la//g.yas mthing thod dbyug g.yon par ni/ /be con mgrin par pad+ma can/ /gsang bar sna tshogs rdo rje 'khyil/ /dzaHhU~M baM hoHsgo bzhi bsrung / /drug ldan hU~M gis brgyan pa ni/ /lcags kyu dpung g.yas rtse gsum g.yon/ /lha ngar
16b2 dbyug pa tri shu la//long bur rdo rje spyi gtsug tu/ /'khor lo gye'u 'phags gyur pa'o/ /khro rgyal thams cad yum dang ldan/ /rin chen klu dbang rgyan gyis spras/ /dbu skra gyen brjes me dpung dbus/ /yan lag rags shing bajidapa'i sku/ /ha ha hUM hUM sgra
16b3 sgrogs pas//srid gsum g.yo bar mdzad pa po/ /dngos po mtshan mar 'dzin pa'i gdon/ /log lta can rnams 'dul mdzad pa/ /yab yum gnyis med sbyor ba dgyes/ /gsang ba bde ba chen po yi/ /dkyil 'khor ye shes snying po bstan/ /lha tshogs
16b4 mngon par 'byung ba'i 'khor lo'i ting nge 'dzin to//dpal ye shes rdo rje kun las bsdus pa las rab tu byed pa bcu gcig pa'o/ /zab pa'i rgyan la rnam par dbye ba gang / /mtha' ldan dang ni bshad tshul dbye ba yis/ /nus pa khyad par gyur pa
16b5 rgyan dang ldan//sa yi dbang phyug gsang ba'i rgyan bstan pa'o/ /rgya che'i rgyan la spyi dang bye brag can/ /rgya che la ni mtshon don ston pa dang / /rigs can lngas ni nges par 'jug gyur pa/ /gang zag dang ni dngos grub sgrub pa'i gnas/ /lnga tshad gzugs khams tshad
16b6 med ldan//tshul ldan ston pa'i mtshan nyid dang / /rgyud dang gleng gzhi nges pa'i tshig /rgyu yis mthar 'byin spyod pa'o/ /chos kyi tha dad pa yi rgyan/ /tshogs slob gnyis dang bden gnyis so/ /de nas byang chub sems dpa' chen po byams pas gsol pa/ don
16b7 dam pa'i bden pa la gnas pa'i rnal 'byor chen po las kyi rgyal po mchog gi ting nge 'dzin la brten nas sems can gyi don ji ltar rab tu spyad par bgyi/bcom ldan 'das kyis bka' stsal ba/ ji srid du zhi ba la sogs pa'i las kyi sems can gyi don mi byed pa de
17a1 srid du yang dag pa'i mtha' la rab tu gnas par 'gyur ro//gang du sems can thams cad kyi don bya bar mthong ba de'i tshe yang dag pa'i mtha' las langs te sems can gyi don byas nas yang dag pa'i mtha' nyid du 'jug cing mi gnas pa'i
17a2 mya ngan las 'das pa mngon du byed do//gang du 'gro ba'i don 'byung ba/ /dus la bab pa de yi tshe/ /rdo rje'i spyan gyis gzigs pa'i tshe/ /thogs pa med par phrin las kun/ /gdul bya'i bsam pa ji lta bar/ /nges pa nyid du 'byung 'gyur ba'o/ /sa rlung
17a3 brtan po thob pa dang //rlung gis rnam par 'degs byed pa/ /thabs dang shes rab srog rtsol la/ /brten pas rdo rje rkang mgyogs 'grub/ /tha mal lus ngag yid dag la/ /lha sngags rlung sems rtse gcig las/ /bsam gtan ya rlung ma rlung gis/ /kun tu
17a4 bsgyur bas gser 'gyur thob//lha byed sgyu ma'i rnam shes las/ /ting 'dzin chu rlung gsal snang gis/ /lkog tu gyur pa'i rdzas mthong ba/ /de nyid mig sman ril bu 'grub/ /rlung gi dmigs pa rnon po yi/ /rnal 'byor pa yi mtshon cha mchog /gar
17a5 bsgyur gcod par byed pa yi//thogs med ral gri'i dngos grub bo/ /rtog med tha mal dbugs bral la/ /zhing skyong cho 'phrul yum gzhan bzhugs/ /pho nya sngags kyi nus pa las/ /grub ster ro langs grub pa 'byung / /bdud rtsi rang lus gnas pa las/ /
17a6 stobs gyur 'byung ba ro snyoms pas/ /sman mchog zil ldan rnyed pa ltar/ /bcud len yon tan khyad par 'grub/ /nam mkha'i rlung las rtsa gnas der/ /rlung sgrom dag byed sbed shes pas/ /grib ma mi 'byung bde thob pa/ /mi snang bar snang byed pa
17a7 nyid//gsang sgo rtsa yi bu ga las/ /'dus pa sgron mes khams dgu yi/ /dngas snyigs byed pas lha min gyi/ /bug rnyed la ni sa 'og 'grub/ /dbang dang dgug dang bskrad pa dang / /mnan dang rengs byed mngon spyod dang / /zhi dang rgyas pa klus las byed/ /
17b1 brjod bya dang ni rjod byed dang / /dpe dang mngon gyur stobs dang ni/ /chos don khyad par gyur pa'i phyir/ /nus ldan gsang ba'i rgyan yin no/ /gnas pa dang ni gsal rdzu 'phrul/ /yon tan phrin las rgyan rim bzhin/ /de ni rjod byed rtag par brgyan/ /don gyur
17b2 dgos pa bla na med//don gnas byed dang ye shes kyi/ /gsang chen don mthong snying po ste/ /rgyan pas dbye bsdu bstan pa'o/ /dug zhi ba dang bsrung ba dang / /rgol ba'i nus 'joms phrin las te/ /rab 'byam las tshogs du ma bstan/ /dpal ye shes rdo rje kun
17b3 las bsdus pa las rab tu byed pa bcu gnyis pa'o//byang chub sems dpa' chen po byams pas gsol pa/ bcom ldan 'das rgyan rnam pa bdun ji ltar lags/ bcom ldan 'das kyis bka' stsal pa/ gleng bslang ba rnam pa lnga dang / rigs
17b4 pa rnam pa bzhi dang /mtha' drug gis bshad pa dang / bshad tshul rnam pa bzhi dang / dbye ba rnam pa gnyis dang / gang zag rnam pa lnga'i sgo nas slob ma brtag pa dang / bden pa gnyis kyi dgongs pa'o/ /gleng bslang ba rnam pa lnga ni 'di lta ste/ mtshan dang / gang
17b5 zag dang /byed pa po dang / tshad dang / dgos pa rnams so/ /dang po gleng gzhi gleng slong bstan pa las/ /phun sum tshogs pa lnga dang ldan bsdus pa/ /gser gyi 'khor lo rin chen chos mthun pa/ /spyi bo'i gnas su e ba~M rdo rje bzhugs/ /ston pa chags can
17b6 'khor dang de bzhin chos//ye shes dus ldan tshad las dgos pa bsgrub/ /byang sems rdo rje cho ga dbang bskur ba/ /rnam grangs le'u gnas tshul lnga ldan pa/ /rim gnyis rgyud gsum don gyis phye ba nyid/ /byang chub phyogs las dum bu dbye bar gyur/ /rnal
17b7 'byor bsnyen bsgrub yan lag mchog dang ni//rdo rje rnam bzhi yan lag rim pas bsdus/ /dgos pa'i khyad par las dang dngos grub las/ /grub pa brgyad dang mchog ldan yang dag pa'o/ /bde chen 'khor lor thig le gtsor gyur ba'i/ /dgu brgya phrag
18a1 gcig ye shes rlung gyur pa//bcu gcig bzhi cha phrag lnga'i rtsa gnas so/ /lnga bcu phrag gnyis A li kA li ste/ /rtsibs stong ldan pa sbas pa'i 'khor lo'o/ /spyod pa rim ldan rjes su gsang ba ste/ /rmad byung dkyil 'khor snying po bskul ba dang /
18a2 sngags dang ye shes sku bskyed phrin las dag /rab 'byams rigs 'dzin yan lag 'bras bu bstan/ /sngags dang nad la mchog gzhol rnal 'byor grub/ /las tshegs tshar gcod rjes 'dzin rmi lam chos/ /rnam dag dkyil 'khor las kyi phrin las tshogs/ /
18a3 dam tshig sdom pa rab rdzogs gzhung bsdus bstan/ dpal ye shes rdo rje kun las bsdus pa las rab tu byed pa bcu gsum pa'o/ /snying ga chos kyi 'khor lo de nyid du/ /lhan cig skyes pa'i snying po gsang ba gang / /rgyal chen shAkya'i rigs rgyud dus ldan
18a4 mchog /don gyi pho brang du 'khrungs dbugs 'byin pa/ /byang chub gleng gzhi a khaM bIr hU~M las/ /'jug pa chu sgo yang dag thar pa'i rten/ gzigs las rlung yul las 'das kun 'dar mthong / /gshegs pa ye shes sa bon drug tu ni/ /nges 'byung rang
18a5 'byung gnyis su med pa'i rten//sdom zhing 'gog pas nges pa snying por bskul/ /rdo rje 'dzin pa mngon byed shes spyod pa/ /'khor lo bskor bstan snying po mchog thob pas/ /thams cad mkhyen pa bla na med par gyur/ /de ni rgyud ces mngon par byang chub lnga/ /
18a6 phung po dag pa khams gsang rigs gcig nyid/ /gleng gzhi nges pa dbang sogs lam rdo rje/ /rgyu ni spyod pa zhi drag khro tshogs 'dren/ /gleng gzhi dbye ba tshul gnyis rtogs par bya/ /yid bzhin nor bu ngo bo nyid ldan sku/ /dpal ye shes rdo rje kun las bsdus pa
18a7 las rab tu byed ba bcu bzhi pa'o//mgrin pa longs spyod 'khor lor gsung rdo rje/ /mtha' ldan drug ni glang chen stobs ldan pa/ /brjod bya ming tshig rab byed sgra tshogs las/ /zung gyur ro drug longs spyod don ldan brjod/ /'gro drug gnas
18b1 don nges pa rgyan du gyur/'jig rten gnas dang 'jig rten 'das las grol/ /yangs thob rnal 'byor rgyu 'bras rmi lam dang / /mtshungs pa sgyu mar ston pa drang ba'i don/ /grub mtha' rim ldan gzungs las yon tan tshogs/ /ngo bo nyid kyis grol ba stong pa
18b2 nyid//rnam par mi rtog skye med dngos rnam dag /spros bral de bzhin nyid las kun du ston/ /ye shes yongs su dag pa nges pa'i don/ /dngos po mtshan mar 'dzin pa'i blo bzlog byed/ /yang dag gnyis med ye shes lam ston cing / /dman pa zil gnon
18b3 mchog don rmad gyur pa//dgongs bshad gsang chen 'byung gnas don kun bsgrub/ /chos rnams 'byung ba rgya mtsho chen po las/ /thugs rje'i zhags pas 'dren pa blo gros mchog /tshig don spro bsdus byang chub gnas thob byed/ yon tan dgongs pa min pa zhes
18b4 brjod do//rtsa rlung byang sems yi ge gnas dag pa/ /ro rkyang srog rtsol drang nges khyad par gsang / /snying gar 'bru lnga rtsa ba 'bru lnga lhung ba dag /dgongs bshad drug lnga shes byed lam sbyang ba'o/ /dgongs min A li gsung dbyangs yan lag gnas/ /de
18b5 nyid chos rnams bdag med sgra sgrogs pa/A li kA li drug ldan mtshan dpe ni/ /ji bzhin sgra las rgyan spras bla na med/ /ji bzhin min sgra bcu gnas rdo rje'i dbyings/ /gsang ba snying po bsdus pa brdas bshad nyid/ /thog ma bar dang mtha' mar dge ba'i chos/ /
18b6 bla med mi zad rnam pa thams cad du/ /rab 'byam don bsgrub rtog pa phrin las tshogs/ /grub steng gnas las ji bzhin sgrar 'byung ston/ /phyir mi bzlog pa bral dang mtha' las 'das/ /khyad par brda las zab pa snying po'i don/ /rgyal ba'i spyod yul tha snyad las
18b7 grol ba//ji bzhin ma yin sgra zhes rnam par bsgrags/ /dus gzhan la dgongs pa ni drang ba'i don to/ /gang zag gzhan la dgongs pa ni drang ba'i don to/ /mnyam pa nyid la dgongs pa ni nges pa'i don to/ /don gzhan la dgongs pa ni nges pa'i don to/ /gang zag
19a1 gi bsam pa la dgongs pa ni dgongs bshad do//bsgyur ba la ldem por dgongs pa ni dgongs bshad do/ /gnyen po la ldem por dgongs pa ni dgongs bshad do/ /gzhung la ldem por dgongs pa ni sgra ji bzhin ma yin pa'o/ /mtshan nyid
19a2 la ldem por dgongs pa ni sgra ji bzhin ma yin pa'o//dpal ye shes rdo rje kun las bsdus pa las rab tu byed pa lnga pa'o/ /lte ba sprul pa'i 'khor lor gnas pa ni/ /rnam par bshad pa tshul bzhin ldan pa ni/ /ma nor phyin ci ma log ston pa
19a3 ste//'di ni rdo rje btsun mo'i chos tshul mtshungs/ /lte ba'i 'khor lo sgra ldan yig 'bru brgyad/ /mdo las e ba~M ma yA gsang ba nyid/ /rgyud spyi brda dbyibs sgra dang rgyas 'debs te/ /kun rdzob rang gzhan bdag byin brlabs pa las/ /rmi lam sgyu lus mtshon pa
19a4 bar do sbyang //sems gsum stong nyid ye shes sbas pa nyid/ /snang ba gsum las drang bzhin dag 'od gsal/ /bde ba las ni gtum mo 'bar 'dzag las/ /phyi rol gnyis med gsang ba'i snyoms 'jug pa/ /sgyu ma'i rol pa btsun mo lta bur bstan/ /
19a5 dang po yi ge'i don te spyi ming tsam/ /smos pas A li kA lis rkyen sbyar nas/ /rnam pa du ma'i byed pa sgrar bcas pa/ /las rnams lus dang yan lag 'brel pas mtshon/ /spyi don gnyis las mod don nyan rang dang / /byang chub sems dpa'i lam mchog la
19a6 dbang ste//'jug pa rnam thar la sogs drug ldan pa/ /chos rnams yongs rdzogs mkhyen bcas 'dir ston byed/ /rdo rje theg pa spyi don rgyud kun gyi/ /dgongs pa blta ba'i rnal 'byor gsang ston pa/ /rig sngags gzungs bcas gsang sngags de nyid kyi/ /
19a7 'dus par 'jug pa'i rim pa lam gyur pa'o/ /sbas pa'i don las snying po gsang ba mchog /bla na med pa'i 'byung gnas btsun mo dang / /phyogs mtshungs phyi ltar rin chen rgyan spras bzhin/ /spyi don gnyis kyis na bza' gos rim na/ /sbas don gsang ba
19b1 btsun mo'i lus ngag yid//lus ni sgyu ma kun rdzob rmi lam ltar/ /ngag ni rlung sngags gnyis med sbyor ba las/ /rnam shes sems nyid snang ba gsum sbas pa/ /bde ba'i lam gyis sbas pa dga' ba bzhi/ /ye shes chen po rol pa'i gsang ba mchog /snying
19b2 po bde chen lhan cig skyes pa'o//ye shes 'byung gnas nyid ni skad cig bzhi/ /mthar thug de kho na nyid 'od gsal ba/ /de la brten pas lam myur bgrod pa ste/ /rang 'byung zhi gnas lhag mthong ro mnyam pa/ /zung 'jug mi 'gyur byang chub sems rdo rje/ /lam
19b3 mthar phyin pa lhun grub ngo bo nyid//brjod 'das rgya chen po yang de nyid do/ /e ba~M las ni phun tshogs lnga ldan pa/ /dpe don gyur pa sgra dang rtags las shes/ /yi ge bzhi bcu gsang ba gleng gzhi las/ e ba~M gsang ba gleng bslang mdo rgyas pa/ /'dzam gling gnas
19b4 su dkyil 'khor snang ba bstan//gsang sngags dbyibs dang brda sngags don sbyar ba/ /thun mong gyur pa the tshom sel ba'o/ /dpal ye shes rdo rje kun las bsdus pa las rab tu byed pa bcu drug pa'o/ /smin mtshams mdzod spu'i 'khor lo mu khyud
19b5 las//rtsa yi byed pa ro rkyang thabs shes las/ /srog rtsol 'byung 'jug byang sems spro bsdu dang / /sgro 'dogs gcod pa phyi dang gsang ba'i tshul/ /rdo rje'i lus kyi gnas lugs khyad par las/ /dmag dpon ral gri thogs pa lta bu ste/ /tshogs slob
19b6 gnyis la spyi dang rang mtshan nyid//spros dang spyod pa de nyid snang ba lam/ /rnam shes ye shes dbang po sgo 'byed pa/ /chos la rab tu dbye ba'i sgo nas bstan/ /gang zag rigs pa dbye ba gnyis su shes/ /dbang gis phye ba khyad par chos la yang / /phyi las
19b7 gzhol dang gsang ba nang gnas byed//de nyid khyad par dbye ba de ni mtshon par bya/ /'jig rten pa rnams khams gsum bsam gtan phyir ldog lam/ /'jig rten las 'das phyir mi ldog pa yang dag ston/ /ye shes las ni bla ma'i lam rten 'don rdzogs thob/ /
20a1 byin rlabs chu rgyun gyis ni bde chen bla med don/ /rab grub bde ba dpe med ma rtogs log rtog the tshom sel/ /sgro 'dogs skur 'debs bral ba dri med gsang ba grub pa can/ /mthar thug snying po rdzogs sangs 'bras bu lam gyur spyod pa'o/ /dpal
20a2 ye shes rdo rje kun las bsdus pa las rab tu byed pa bcu bdun pa'o//gsang ba'i 'khor lo la brten rigs las ni/ /'gro ba blo rigs lnga ldan dbang po ni/ /rab dang yang rab dman pa 'bring rnams te/ /yan lag rlung sgo dbang po lnga spyod yul/ /bdud
20a3 rtsi lnga ldan de nyid blon po ste//byang sems thig le bde ba'i 'byung gnas so/ /gsang ba bde skyong 'khor lo de nyid ni/ /skal can blo ldan 'gro ba'i rgyud kyis bsdus/ /gang zag blo rigs dpe dang sbyar ba ste/ /snod kyi bye brag chos mthun mtshungs pa ste/ /rgyud la
20a4 'jug pa'i dbang po'i rim pa ni//tha dad chos can blon por chos mthun pa/ /tsan+dan lta bu dbang po dman pa'o/ /ut+pal lta bu tha mar gyur pa dang / /pad dkar skal ldan 'brid gyur cung zad dag /pad dmar dbang po rab 'gyur brtson pa che/ yang rab rin chen
20a5 lta bu bla na med//rtsa dang byang sems yi ge rlung dag pa/ /nges pa can dang ma nges par 'byung la/ /sbyangs pa can dang thog ma med nas kyi/ /rang bzhin yon tan gus pa thob gyur pa'o/ /tsan+dan lta bu ni nyan thos kyi rigs can/ /ut+pal lta bu ni rang rgyal ba'o/ /pad+ma
20a6 dkar po ni byang chub sems dpa' rnams so//pad dmar lta bu ni gsang sngags la 'jug pa'o/ /rin chen lta bu yon tan dang ldan pa ni/ dpal rdo rje 'chang gi rigs so/ /dpal ye shes rdo rje kun las bsdus pa las rab tu byed pa brgyad pa'o/ /kun
20a7 rdzob kyi bden pa ni chu zla la sogs pa'o//don dam pa'i bden pa ni stong pa nyid brgyad do/ /de'i don ni rgya mtshor gza' skar shar ba ltar skad cig la 'char ba'o/ /gtsug tor gnas las yon tan kun mthar phyin/ /rdo rje gsum gyi snying po sku gsum rdzogs/ /
20b1 kun 'dar byang chub sems kyis brtan gyur pa/ /sgro 'dogs gcod byed dmag dpon ral gri 'dzin pa'o/ /don dam kun rdzob dbyer med rta mchog ste/ /dbu ma zung 'jug rab tu mi gnas pa/ /sku bzhi lhun grub ye shes rdzogs sangs rgyas/ /sbyang gzhi sbyong byed
20b2 ldan par rim pa nyid//rdo rje lus kyi rtsa gnas thams cad ni/ /dbu ma la brten cha shas phra rags gang / /mtshungs gyur rdo rje gsang chen gyur pa gang / /lam gyur bden pa gnyis kyi de nyid ni/ /thams cad sdud byed rim pa rab rdzogs la/ /rdo rje lta bu'i ting
20b3 'dzin byang chub bas/thog ma bar dang mtha' ma kun du yang / /dus dang rnam pa thams cad rten byed pa/ /khyab cing gnas med gnas ni bsam mi khyab/ /rgyu 'bras 'gag med rten cing 'brel 'byung gi/ /sku sogs dbang phyug yon tan tshad med pa/ /nam
20b4 mkha' khyab pa yang dag zhing khams nyid//zung 'jug gang du thim pa gnas gar 'jug /rang gi ngo bo byang sems 'gyur med pa/ /gnyis med ro mnyam gyur pa lam dang ni/ /lta la spyod pa kun du zung 'jug pa/ /thogs pa med par 'byung ba'i dpal dang
20b5 ldan//ye shes bla med dbang phyug bcu gsum sa/ /mthar phyin skad cig byang chub dbyings ye shes/ /dbyer med byang chub chen po mgon po nyid/ /bde chen mnyam nyid rang 'byung chen po'o/ /dpal ye shes rdo rje kun las bsdus pa las rab tu byed pa bcu dgu
20b6 pa'o// //nang stong ba nyid dang / phyi stong pa nyid dang / phyi nang stong pa nyid dang / stong pa nyid stong pa nyid ni ting nge 'dzin gyis bsdus so/ /chen po stong pa nyid dang / don dam pa dang / 'dus byas dang / 'dus ma byas ni brtson 'grus kyis so/ /mtha' las 'das
20b7 pa dang /thog ma dang tha ma med pa dang / dor ba med pa ni dga' ba yang dag pas so/ /rang bzhin stong pa nyid dang / chos thams cad stong pa nyid ni shin tu sbyangs pas so/ /rang gi mtshan nyid dang / mi dmigs pa ni/ chos rab tu rnam par 'byed pa yang dag
21a1 byang chub kyi yan lag gis so//dngos po med pa stong pa nyid dang / ngo bo nyid stong pa nyid ni dran pa yang dag pas so/ /dngos po med pa'i ngo bo nyid stong pa nyid ni/ btang snyoms yang dag pa byang chub kyi yan lag dang ldan pas so/ /skad cig
21a2 ma ste chos nyid bden pa'i don to//de nas byang chub sems dpa' nam mkha'i snying pos gsol pa/ mgon po byams pa la cung zad cig bzhengs la bzod par gsol nas/ bcom ldan 'das la zhus pa/ bdag zab don cung zad cig zhu bas/ skabs
21a3 dbye bar gsol zhes zhus pa dang /bcom ldan 'das kyis bka' stsal pa/ de'i dus la bab par shes na ci rigs par zhus shig /ngas legs par bstan par bya'o zhes gsungs so/ /de nas byang chub sems dpa' nam mkha'i snying pos gsol pa/
21a4 gsang ba chen po'i rgyud 'di yi/ /dgongs pa zab cing rgya che bas/ /gting dpag dka' bar gyur pas na/ /zab don snying po gsung du gsol/ /zhes zhus pa dang / bcom ldan 'das kyis bka' stsal pa/ /nam mkha'i snying po shin tu legs/ /gsang chen de
21a5 nyid gong 'og tu//snga phyi'i rim pa'i khyad par kun/ /bshad kyis gus pas legs par zung / /gsang ba'i de nyid bla na med/ /rgyu 'bras zab cing rgya che ba/ /thabs dang shes rab 'dus pa'i rgyud/ /zung 'jug bde chen bstan par bya/ /thog ma bar dang
21a6 mtha' dge ba//byang chub sems mchog bstan pa nyid/ /gzhi dang dngos po'i khyad par dang / /lam byed nus pa phrin la sogs/ /'byung gnas ye shes bstan pa la/ smon ba dang ni 'jug sems bskyed/ don dam bstan pa'i byang chub sems/ yang dag don
21a7 gyi sems bskyed pa/kun tu bzang po'i ting 'dzin las/ /spyi bor pad+ma zla nyi la/ /'khor lo oM dkar 'od 'phro ba/ /mgrin par pad dmar AH'od 'bar/ /thugs kar zla ba rdo rje ni/ /dkar po rtse lnga 'od 'phro ba/ /dngul chu'i mdog 'dra'i hU~M ye shes/ /kun rdzob
21b1 don dam byang chub sems//de nyid ting 'dzin gnas par bya/ /dpral bar rin chen sa yig gser/ /lte bar ral gri ha ljang ba/ /'od 'phro ye shes lnga bdag nyid/ /'od 'gyed 'gro ba sbyangs pa las/ /slar 'dus rigs kyi bdag po ni/ /rdo rje bai DUr+ya yi 'od/ /
21b2 thugs kar rdo rje la thim pas/ /khro bo'i rdo rje kha gyes pas/ /'dus pa rdo rje 'chang ngo bo/ /byang chub sems kyi rdo rje nyid/ /gnyis med bde ba chen por gnas/ /rtogs pa brjod pas bstan par 'gyur/ /rnal 'byor ting 'dzin gnas pa ni/ 'jig rten lam
21b3 la gnas pa ste/phyi la mchog tu gzhol bas ni/ /'jig rten chos brgyad rtog pa 'dab/ /ma spangs lha yi dmigs pa las/ /phra mo rlung la bslab pa dang / /rags pa thig le bsgom pas ni/ /las chen thun mong dngos grub la/ /dmigs phyir gnas
21b4 skabs 'bras bu thob//rim gnyis ldan pa'i ting 'dzin las/ /spro bsdu rigs kyi rnal 'byor lam/ /sa bon thig le'i de nyid las/ /ngo bo ye shes bde chen 'grub/ /mchog gyur nang don mngon du bya/ /rnam par bkod pa'i dkyil 'khor dang / /byang chub
21b5 sems dang lus gnas pa'i/dkyil 'khor bde chen 'byung gnas nyid/ sems kyi dkyil 'khor mchog gyur pa/ /bum pa gsang ba shes rab dang / /de nyid snying po'i dkyil 'khor te/ /ye shes mchog tu dbang bskur ba'o/ /gsang ba'i de kho na nyid ye shes
21b6 kyi dkyil 'khor chen por bde ba chen po lhun gyis grub pa lhan cig skyes pa/skal ba dang ldan pa rnams las/ tshad med pa'i don dam pa'i ye shes kyi dbang rdo rjes thogs pa med par kun tu dbang bskur ba'o/ /dpal ye shes rdo rje kun las bsdus pa las rab tu byed
21b7 pa nyi shu pa'o//de bzhin gshegs pa'i mdzad pa yi/ /chos don de nyid bla na med/ /spyod pa'i gsang ba mngon du byung / /khyad par snod ldan rtogs gyur pa'o/ /dag pa'i gnas dang 'khor 'dus la/ /ci phyir tshig ni 'di lta bu/ /rigs pa ma yin ces pa'i
22a1 don//the tshom gnas su gyur pa las/ /phyi rol gyur dang thun mong dang / /ji bzhin sgra dang ma yin dang / /bstan la rang dgar 'jug pa can/ /yin nam snyam du rtog pa la/ /bzlog pa de bzhin gshegs rnams kyis/ /phyin ci log tu gyur
22a2 las bzlog /lan gsungs sgro 'dogs bcad pa'o/ /sems la dmigs pa bdag med pa/ /rnam par dben don bstan pa las/ /gsang ba byang chub rim gyis dang / /cig car rim pa nyer bstan pa/ /de nyid lam du mngon par 'byung / /spyod dang grol ba
22a3 bla med pa//sna tshogs thabs kyis gdul don du/ /sgyu ma lta bu'i spyod pa spyod/ /rnal 'byor brtul zhugs mchog 'dzin pa'i/ /kun 'gro kun la dbang bskur ba/ /mi 'jigs dgra las rgyal ba ste/ /rig pa brtul zhugs spyod bya ba/ /kun bzang mgon po kun
22a4 spyod do//spros pa'i spyod pas mnyam gzhag dang / /rjes thob gnyis med lam du blang / /phyogs las rnam rgyal spyod thob nas/ /ye shes chen po'i spyad bya ba/ /zung 'jug bde chen ro mnyam las/ /mthar thug spang blang med par grol/ /a ba d+hA tI'i spyod pa
22a5 las//spros bcas spros med dag dang ni/ /shin tu spros med spyod pa spyod/ /dpal ye shes rdo rje kun las bsdus pa las rab tu byed pa nyi shu rtsa gcig pa'o/ /sangs rgyas kun gyi bla med pa/ /gsang ba byang chub sems dbang bskur/ /dbang po rab dang yang rab dang / /
22a6 'bring gyur mos pa'i dbang byas pas/ /thams cad mos spyod lam mtshan pa/ /gsang chen mchog gi don las ni/ /ye shes lam bstan de nyid do/ /dkyil 'khor chen po'i tshad gyur ba/ /ye shes tshad med ri rab ste/ /spyod yul bla med 'dir bstan pa/ /mchod pa'i
22a7 rol pa lha mo ste//pad+ma sna tshogs bde bas mchod/ /phyogs bcu dus gsum rgyal ba kun/ /gsang chen theg pa la brten nas/ /rdo rje ye shes ting 'dzin brnyes/ /rdo rje 'chang gi ngo bor ni/ /bde chen mnyam pa nyid gyur pas/ /mi phyed ye shes mngon sangs rgyas/ /
22b1 rigs ldan mchod pa bla na med pa ste/ /dran pa gcig pa nas ni lus dben par/ /rags pa'i ting 'dzin slob dus mnyam rjes las/ /yul lnga gzugs kyi rdo rje ma la sogs/ /sa yi snying po la sogs dbang po lnga/ /yab yum lhar brten slob pa spyod pa ste/ /
22b2 gzung 'dzin ma spangs spros pa ldan pa'i phyir/ /spros bcas spyod pa zhes ni grags pa'o/ /mchod yul rigs lnga rnam snang la sogs pa/ /mchod rdzas yul lnga lha dang lha mor snang / /mchod byed spros bcas spyod pa la gnas pa/ /mchod thabs so sor rigs kyis
22b3 mchod pa'o//rten slob spros med dag dben sems dben ldan/ /bdag byin brlabs pas ting 'dzin phra bas/ /slob ma mnyam rjes thabs dang shes rab dag /gnyis med rten pa'i lus sems brten slob pa/ /mchod bya rigs kyi bdag po lnga sogs so/ /mchod
22b4 dngos rnam gsum khyad par dag tu'o//mchod byed rnal 'byor gyis ni thabs bcas mchod/ /rten slob shin tu spros med 'od gsal nas/ /sgyu lus dag pa'i bar du ting 'dzin ni/ /shin tu phra ba slob pa mnyam rjes la/ /bsams pas thabs dang shes rab dbang
22b5 po dang //yul lnga gnyis med rang bzhin med par bslab/ /spros pa rnam par byed pa de yi phyir/ /shin tu spros med de la bye brag tu/ /mchod bya'i yul ni ye shes sku 'byung ba/ /mchod byed gang zag sgyu mar gnas pas so/ /don ni snang gsum sgyu mar ldan pa las/ /
22b6 mchod dngos sgyu ma'i 'dod yon nyid yin no/ /mchod pa'i thabs ni bsam gtan gnyis kyis ni/ /'od gsal ngang du thim pa de nyid do/ /dpal ye shes rdo rje kun las bsdus pa las rab tu byed pa nyi shu rtsa gnyis pa'o/ /rjes su mdor bstan drug gis ni/ /
22b7 dben pa gsum dang sgyu lus dang / /'od gsal sngon 'gro rgyu dag las/ /ting 'dzin las spyod des spyod pa'i/ /snyoms 'jug rim pa gnyis ldan las/ /dag pa'i sgyu lus rdzogs rim gyi/ /rigs lnga'i gsang ba'i spyod pa las/ /slob bzhin zung 'jug ye shes
23a1 'thob//bskyed rim pas ni mkha' gsang dag /byin brlabs snyoms zhugs spyod pa'o/ /rjes su dran pa bcu drug gis/ /lam dang spyod pa bstan pa las/ /dag pa'i sgyu ma la gnas nas/ /mtshan ma med pa'i ting nge 'dzin/ /rigs lnga'i dang po'i
23a2 sbyor ba bstan//sangs rgyas rjes dran la sogs lngas/ /sgyu dag 'od gsal lugs bzlog las/ /rdzogs pa'i rim pa bstan pa'o/ /snang gsum ngang las longs sku ni/ /rdo rje 'chang du gnas pa las/ /yab yum bde ba'i ngang las ni/ /rnam snang mdzad kyi spro bsdu yis/ /
23a3 sprul sku'i spros nas bsdu bar bya/ /rjes dran drug pas lce chung gi/ /bdud rtsi 'bab byed bcud len bstan/ /bdun pas bdag nyid yab yum ldan/ /mtshan ma med la gnas pa yis/ /dkyil 'khor rgyal po mchog gnas pa/ /brgyad pa dgu ba bcu pa las/ /sku
23a4 gsung thugs rnams byin brlab pa//lha yi rnal 'byor bstan pa'o/ /bcu gcig pa dang bcu gnyis pas/ /rgyu dag lha yi sku gsung thugs/ /byin rlabs bzhi yi bsdus pa la/ /thams cad ye shes dbyings 'jug pa/ /phyi mar mchog thob bstan pa'o/ /
23a5 bcu gsum pa ni bar ma dor/ /sangs rgyas lam ni ston pa'o/ /bcu bzhi pa dang bco lnga pas/ /phyag rgya chen po grub pa ste/ /tshe 'dir 'tshang rgya'i lam ston byed/ /de ltar rjes dran bco lnga pas/ /ting nge 'dzin ni bstan pa'o/ /spyod pa rjes dran bcu drug pas/ /
23a6 dkyil 'khor ting 'dzin bsdus nas ni/ /spyod pa lha mo dgu'am lnga/ /spyod pa mthar phyin byed pa'o/ /rjes dran bcu drug gis ni 'dir/ /myur bar skyob pa'i khyad par yang / /zab dang rgya che bstan pa'o/ /dpal ye shes rdo rje kun las bsdus pa las rab tu byed pa
23a7 nyi shu rtsa gsum pa'o//'jig rten 'jig rten 'das pa yi/ /bder gshegs byang chub sems dpar bcas/ /the tshom gcod mdzad rdo rje'i tshig /yang dag don ni ston par mdzad/ /gsang ba ye shes smin grol gyis/ /ting 'dzin ye shes chos bstan to/ /
23b1 dgongs te gsungs pa gang la gang / /sngon byung rjes 'jug ldem dgongs nyid/ /gsal ba gzhan las khyad par gyur/ /dkyil 'khor dbus dbyung rigs bsdus pa'i/ /de nyid rgyal ba bslang bar mdzad/ /gcod byed rdo rje bzlas pa ste/ /ma byin len pa
23b2 sems dmigs kyis//mi tshangs spyod pa'i 'od gsal ba/ /sgyu mas du smra ba nyid/ /zung 'jug rab tu mi gnas pas/ /tshig rtsub dngos 'dzin zlog par byed pa'o/ /las rlung cung zad dul bar gyur pa yis/ ye shes rlung gi nus pa rnyed gyur nas/ /
23b3 ting 'dzin gsal zhing phra rab 'jug pa nyid/ /kun 'dar du ni srog rtsol rab sim gyur/ /dbu mar gnas pas 'byung 'jug g.yo mi 'gyur/ /de las ye shes 'od zer glog lta bu/ /kun nas 'byung ba de nyid thig le'i
23b4 dbus//dkar dmar gong bu 'dres pa'i byang chub sems/ /'byung ba'i sgo dang 'jug pa'i sgo nyid ni/ /mi 'pho ri bong 'dzin pa zla rgyas pas/ /sna yi bu ga g.yas g.yon rnal 'byor pa'i/ /gcig nas 'byung zhing gcig tu 'jug pa ni/ /tshim byed bde gnas snying
23b5 gi lte bar ni//gnas pa rdo rje 'dzin pa'i snying po ni/ /bskul bar gyur pa'i bde gshegs thams cad la/ /phyogs bcur mchod nas dgyes par gyur pa las/ /bdud rtsi spyan gyi mdzod spu nas phyung ste/ /'jug pa rnal 'byor spyi gtsug 'khor lor zhugs/ /mgrin
23b6 par longs spyod thugs kar thim gyur pas//byang chub chen po a ba d+hU tI ra gnas/ /de nyid spros med bdud rtsi rab rgyas pas/ /gnas bcur khyab pa kun 'dar mi ldog gyur/ /bde ba chen po'i snying po bskul ba ni/ /sku gsung thugs kyi rdo rje ro mnyam pas/ /byang sems
23b7 rdo rje nyid du mchog mngon 'gyur//rgyal sras thams cad rab tu dgyes gyur pas/ /ye shes snying po nus pa brtan byed 'gyur/ /'di ni ye shes pho nya mchog gis ni/ /skad cig nyid la byang chub mngon du byed/ /dpal ye shes rdo rje kun las bsdus pa las rab tu byed pa nyi shu rtsa bzhi
24a1 pa'o//ye shes mngon par 'byung ba las/ /sngags kyis lha yi sku bskyed pa/ /mngon par byang chub rnam lnga las/ /rdo rje 'chang nyid grub byed pa'i/ /bden gnyis rnam dag rgyu 'bras te/ /yongs su dag pa'i skur rdzogs byed/ /rigs kyi lha yi rnal
24a2 'byor pa//rim pa ji bzhin rdzogs byed pa/ /sngags kyis bskyed pa'i rnal 'byor ro/ /ye shes kyis ni sku bskyed pa/ /rdo rje 'chang nyid rnal 'byor pa/ /sgyu ma stong nyid 'jug pa ste/ /dngos pos mthong bar mi 'gyur ro/ /khams gsum brtan g.yo bdag
24a3 nyid bcas//ril 'dzin rjes gzhig ting 'dzin gyis/ /thams cad 'od gsal gnas 'jug pa/ /ye shes zung 'jug thob 'gyur ba'o/ /byang chub sems dpa'i ting 'dzin gyis/ /mngon shes sgrub byed sa bon bcas/ /de las yang dag rab grub 'gyur/ /
24a4 de bzhin gshegs pa thams cad kyi/ /sku gsung thugs kyi phrin las stobs/ /mtshungs med yon tan rgya mtsho ste/ /mi zad rgyan gyi 'khor lo mchog /A li bcu gnyis dbyangs ldan pa/ /'byung ba lnga yi rlung gis ni/ /lha mo lnga ru gyur pa la/ /dbyangs kyi yan
24a5 lag drug cur brjod/kA li gsal byed yi ge ni/ /Da D+ha da d+ha ya la ta/ /sum cu rtsa bzhi de snyed las/ /drug bcas bzhi bcu nyis 'gyur las/ /dpe byad bzang po brgyad cur 'gyur/ /rang bzhin dag pas gnas 'gyur ba'o/ /yang na dbyangs yig nyis 'gyur
24a6 bcas//mtshan mchog sum cu rtsa gnyis po/ /'grub 'gyur rgyu rkyen nyer len las/ /rgyu 'bras mngon du gsal bar 'byung / /rdzogs sangs rgyas kun yon tan ni/ /'khor los sgyur las khyad 'phags pa/ /mdzod spu smin mtshams 'od 'bar ba/ /gsang ba
24a7 sbubs su nub pa dang //gtsug tor lta bas mi mngon pa/ /'od zer dkyil 'khor khyab byed pa/ /dbang gi nus pa brtan gyur pas/ /gzugs sku'i yon tan rgyu 'bras kyi/ byed las stobs ldan 'byung 'gyur nyid/ /gsang sngags zab dang rgya che ba/ myur ba nyid
24b1 du byin brlabs shing //bde ba lam byed tshe 'di dang / /bar dor ye shes mngon du byed/ /bla ma las ni grol spyod 'thob/ /mngon sum rten 'brel khyad par ro/ /dpal ye shes rdo rje kun las bsdus pa las rab tu byed pa nyi shu rtsa lnga pa'o/ /de nas rang bzhin rtog
24b2 pa ni//dper na rgya mtsho chen po la/ /bya yi tshogs rnams rgyu ba kun/ /'gro 'ong du ma byed gyur kyang / /rgya mtsho g.yo ba med pa bzhin/ /snang ba gsum gyi ye shes la/ /gos pa med cing rtog pa med/ /rtsa rnams rnam par dag pas ni/ /gtum mo ye shes me 'bar ba'o/ /
24b3 rlung ni srog rtsol dag pa na/ /sgyu ma smig rgyu chu zlar 'char/ /thig le dag par gyur pa na/ /'od gsal bde ba chen por 'char/ /bag chags rtog pa dag pa las/ /rmi lam sangs rgyas zhing khams mthong / /yi ge dag cing khams dngas pas/ /mkhyen
24b4 pa brkyang bas rnam grol 'thob//sems gsum zhig nas cha dang ni/ /sems gsum lhag mthong gang yin pa/ /rnal 'byor pa la nges par 'char/ /rtog pa'i rba rlabs ngang gis zhi/ /snang ba skye ba med pa ste/ /snang ba thob pa 'gag pa med/ /snang ba mched
24b5 pa mi gnas shing //gnas pa med pas mi rtag pa/ /nyer thob stong nyid don gnas pa'o/ /'od gsal chos nyid de bzhin nyid/ /mkha' ltar dag pa bde ba che/ /ma 'gags dri ma med zhi ba/ /don dam phyag rgya chen po nyid/ /sa lam nus pa kun rdzogs pa/ /
24b6 slob pa'i zung 'jug snying po nyid/ /rdo rje sgo gsum rnam dag pas/ /mi slob zung 'jug mngon du gyur/ /de nyid mthar phyin bla med pa'o/ /dpal ye shes rdo rje kun las bsdus pa las rab tu byed pa nyi shu rtsa drug pa'o/ /de nas dpal ldan rdo rje 'chang / /'jam pa'i
24b7 rdo rje'i ting 'dzin gyis//bsam gtan gnyis kyis ye shes 'jug /de yi khyad par bcas pa bstan/ /rig pa 'dzin pa lnga grub pa/ /rnal 'byor dngos grub thob 'gyur bshad/ /'bru gsum bdud rtsi ril bu yi/ /yon tan nus pa myur grub byed/ rdo rje dgug pa'i phrin las
25a1 dbang //dam tshig sha lnga'i yon tan tshul/ /de las dngos grub dbang phyug 'thob/ /mngon gyur 'bras bu phrin las 'grub/ /da ni bsnyen bsgrub yan lag bzhi/ /rdo rje rnam bzhi lha yi sku/ /lus dben rdo rje bzlas pa dang / /snang gsum sgyu lus 'od
25a2 gsal ba//so sor bsdus pa bsam gtan lam/ /srog rtsol 'dzin pa de bzhin nyid/ /rjes dran yan lag ting 'dzin stobs/ /zung 'jug rim pa bstan pa las/ /rigs kyi cha las de nyid gnas/ /rgyu rkyen lam dang nus 'bral gang / /mngon 'gyur lta stangs
25a3 spyod yul kun//rim gyis 'char dang cig car ba/ /de nyid thod rgal rim rtogs bya/ /tshe 'dir sangs rgyas lam dang ni/ /bar dor dngos grub 'byung lam dang / /sgo gsum byin brlabs rdo rje yi/ /smon lam phyi dus 'grub par gyur/ /bsam gtan gnas
25a4 pa dbang po thabs//yul nyid shes rab ting nge 'dzin/ /dbyer med sbyor ba gsang gnas te/ /dus gsum las 'das rtog pa'o/ /rnam shes de nyid gsal ba las/ /ma 'gags yul rjes mi 'brang zhing / /mi g.yo nyon mongs las dag pa/ /rnam par spyod
25a5 pa bye brag gsal//rnam par mi rtog dmigs med pa/ /mi 'khrul lus sems tha mi dad/ /tshor ba las 'das dga' ba nyid/ /'phro ba med pas sems gnas pa'o/ /zug rngu'i rdul mang rnam 'tshe dag /sgo gsum ngang du dul zhing zhi/ /bde ba zag med chos nyid
25a6 gnas//'du 'bral med par gyur pas so/ /rab tu dul ba rnam shes tshogs/ /dag gyur shes bya chos kyi khams/ /zad cing gzung 'dzin rnam dag pas/ /stong nyid ye shes rtse gcig pa/ /rnam pa kun du mi ldog pas/ /mtshan ma med pa byang chub pa'o/ /snang ba
25a7 thob pa stong pa nyid/mchod pa stong chen gyur pa ste/ /snang tsam thams cad stong pa dang / /nyer thob thams cad stong pa nyid/ /dag pa rab gsal mchog gyur pas/ /ro gcig gyur pa lugs 'byung dang / /lugs bzlog rtog tshogs zhi ba ste/ /sangs rgyas kun dngos
25b1 'jig rten lam//de nyid mchog tu bstan pa yin/ /de bzhin gshegs kun bdag nyid las/ /rkyen las 'byung ba lam gyur/ /rnal 'byor gsal dang mi rtog pa/ /bde ba'i byed pa lta stangs las/ /ka ra Na bcings nus pas ni/ /srid pa gsum po g.yo mi
25b2 'gyur//bid+hu kun dor gnang sdom las/ /mi 'gyur brtan byed yon tan thob/ /lus gnas rtsa yi pho brang las/ /g.yas pa'i nyi ma rtsol ba ste/ /g.yon pa zla ba srog bcing ba/ /'byung 'jug gnas pa lam bstan pa'o/ /dbu mar byang sems rten byed pa/ /kun
25b3 'dar nges gnas 'pho med bzung //mtshan mar mi 'gyur mchog gi rtsa/ /las kyi rlung sgom bye brag pa/ /'gog pas mun pa sgra gcan 'dzin/ /gsang ba'i sna rtse'i steng 'og tu/ /'byung ba rkyen rlung snang ba grogs/ /sgo lnga bzlog las gnas par bya/ /ye shes sgron
25b4 me snang ba skye//rnal 'byor gang zhig mngon gyur pas/ /rlung sems rnam dag rtags 'char pa/ /yang na 'pho tshe lam 'thob 'gyur/ /de las rang bzhin dag pa'i tshe/ /'od gsal ngang las spro bsdu nyid/ /dbu ma'i lam nas 'jug par 'gyur/ /bde ba'i thig
25b5 le thabs dang ni//ye shes me ni shes rab che/ /gnyis med d+hU tI'i nang zhugs pas/ /bdud rtsi mi 'pho gsang lam gnas/ /de nyid du ni srog brten cing / /'dzin pa ye shes lam gyur pa'o/ /de las gtum mo 'bar gyur zhing / /las rlung gyen log lte bar phyin/ /
25b6 ho las bdud rtsi 'bar 'dzag gyur/ /mgrin par dga' ba snying gar ni/ /mchog dga' lte bar khyad par can/ /gsang bar mi ldog lhan cig skyes/ /mchog tu mi 'gyur 'thob pa'o/ /de nyid ye shes rjes dran gces/ lus ngag yid dang ye shes zhi/ /phyag rgya'i de nyid
25b7 mngon gyur pa'o//shes pa dag ni rnam dag pa/ /lte bar 'dod chags rtog pa dag /snying gar gnyid kyi rtog bzhi/ mgrin par rmi lam shes pa dag /dpral bar sad pa'i shes pa spangs/ /las rlung rtsa yi 'khor lo yi/ /thig ler gnas pa rten dang ni/ /brten pa
26a1 byang sems mi 'gyur thob//las kyi phung po log gyur cing / /mnyam pa'i bden pa la 'jug pa/ /gtsug tor sgo ni phye gyur pas/ /'bigs byed brtan pa'i don thob pas/ /yon tan dpag med mngon du gyur/ /thabs dang shes rab dbyer med
26a2 pa//dpal ldan rdo rje 'chang du gyur/ /de nyid yon tan phrin las tshogs/ /rtog med ngang las kun du 'byung / /skad cig mngon rdzogs zung 'jug pa/ /ting nge 'dzin zhes brjod pa ste/ /gsang chen gnas 'thob mngon sangs rgyas/ /dpal ye shes rdo rje kun las
26a3 bsdus pa las rab tu byed pa nyi shu rtsa bdun pa'o// //de nas ye shes kun mkhyen pa'i/ /gsang ba rab 'byam grub pa ste/ 'jig rten 'jig rten 'das pa yi/ /yang dag sbyor ba'i don gyis ni/ /thogs med nus pa ldan gyur pa/ /bden pa gnyis
26a4 bsres don bstan pa'o//phrin las bzhi yi byed pa las/ /grub tshul de nyid bstan pa'o/ /bzlas thabs bcu yis grub pa'i don/ /sngags rnams kun gyi de nyid kyis/ /lam rdzogs sa rnams mngon gyur pas/ /bdag byin brlab par gyur pa'o/ /tshe 'di nyid
26a5 dang bar dor ni//ye shes dngos grub thob par bshad/ /gong du 'pho ba'i don grub byed/ /bcu bdun lha yi 'khor lo las/ /grub pa rab gsal bde thob pa'o/ /mtshon bya'i 'bras bu mngon grub na/ /mtshon byed nus pa thogs med 'byung / /gsal bya gsal
26a6 byed rgyu 'bras dang //bskyed bya skyed byed rgyu 'bras so/ /ngo bo nyid kyi rgyu 'bras las/ /rgyus ni 'bras bu skyed byed pas/ /'bras bu rgyu las 'byung bas na/ /phan tshun ltos pa'i rgyu 'bras so/ /ngo bo gcig par grub 'gyur te/ /rgyu 'bras rnam pa tha dad kyang / /rigs
26a7 mthun gnas nyid mtshungs 'bral bas//grub sde gcig par grub pa'o/ /rgyu 'bras ma lus rten 'brel te/ /de nyid nam mkha'i ngo bo nyid/ /stong nyid dngos po sna tshogs par/ /gnas kyang ro mnyam 'gag pa med/ /chos rnams snang ba ma lus la/ /nam mkha'i rang
26b1 bzhin ngang las 'byung //sgrib phyogs dang ni snang phyogs dag /skye 'gag de nyid dngos med pas/ /bden gnyis tha dad gyur pa na/ /ye shes lam ni don med 'gyur/ /gsal stong gnyis ni tha dad na/ /rtag chad mthar ni ltung bar 'gyur/ /dngos po'i gnas lugs
26b2 la brten nas//dngos med ye shes 'od gsal ba/ /zab dang rgya che gnyis med pa/ /rgyu rkyen ma lus dag byed pas/ bsam gtan ting 'dzin mthar thug ni/ /rdo rje lta bu'i ngo bo nyid/ /dngos po thams cad zlog byed pa/ /shing gi tshogs la me 'bar bas/ /bsregs te
26b3 dngos med 'gyur ba ltar//mthar ni thams cad stong nyid du/ /ye shes mes ni rnam par sbyangs/ /nam mkha' lta bu'i dbyings las ni/ /ye shes phrin las 'gag med 'byung / /dpal ye shes rdo rje kun las bsdus pa las rab tu byed pa nyi shu rtsa brgyad pa'o/ /de nas
26b4 rgyal po rdo rje 'dzin//dpal ldan lus kyi rnam shes dang / /ye shes sgyu 'phrul la sogs bstan/ /lha mo bzhi dang khro bo bcu/ /sna tshogs phrin las du ma mchog /'gro ba 'dul ba'i don du'o/ /sku gsung thugs kyi rdo rje las/ /phyi nang dbye ba rim pa yis/ /ma grub
26b5 spogs pa'i cho ga ni//phur gdab de nyid bstan pa'o/ /'dod pa'i khams na 'gro ba kun/ /rnam rtog rlung gi ra bar tshud/ /bdag 'dzin mdud pas bsdams pa la/ /smin grol ye shes lam rtogs pa/ /bla ma'i zhal las shes par bya/ /pad+ma 'dab brgyad bkod pa la/ /
26b6 so bdun yi ge la dmigs pa/ /bcu drug cha dang ldan pa'o/ /drod ni snang ba rtog bral sems/ /spangs thob yon tan 'byung ba'i gzhi/ /rtse mo mchod pa nus pa rnyed/ /'jigs pa las grol brtan par 'gyur/ /bzod pa snang ba thob pa nyid/ /rtog pa kun las rnam
26b7 par grol//chos mchog snang ba nyer thob nyid/ /ye shes de ma thag pa che/ /zil gnon rten 'brel phyogs cha 'char/ /rigs pa mngon gyur rtog pa 'dag /de nyid 'khor 'das yon tan thob/ /gzung 'dzin cha 'das lam du gyur/ /rgyal ba'i dgongs pa rtogs
27a1 par bya//dpal ye shes rdo rje kun las bsdus pa las rab tu byed pa nyi shu rtsa dgu pa'o/ /spros pa med pa'i spyod pa ye shes kyi grub pa'i don bstan pa'i phyir/ dben gnas dben pa yon tan kun dang ldan pa/ lus gnas sems kyi
27a2 dur khrod rab tu sgrub pa nyid du bya ba ste/dngos 'dzin rnam par dag pa nyid kyis so/ /sme sha can ni rtog med ma'i sha la rol pa nyid de/ khyad par du ye shes yang dag pa bsgrub pa ste/ dus rtag tu ye shes kyi ngang las mi 'da' bar bsgrub pa'o/ /rig ma shes rab
27a3 ye shes las skyes ma/rnam pa nyi shus byang chub pa ste bcu phrag gnyis ma nyid do/ /rdo rje'i dkyil 'khor bsgom pa ni/ ye shes kyi sku bskyed pa/ 'od gsal las byung ba'i lus rten dang brten par bcas pa'i dkyil 'khor rdo rje 'dzin pa chen po'i pho brang dang ldan pa'o/ /
27a4 de nyid phung po dang khams dang skye mched rnam par dag pa/ dpal rdo rje 'chang chen po'i dkyil 'khor du dmigs pa'o/ /bshang gci'i dam tshig ni yul dang dbang po gnyis med du sbyar ba'o/ /la sogs ni bde ba stong pa nyams su myong ba'i zas kyis khyad par yul la spyod pa'o/ /
27a5 de ru cho ga bzhin du zhes pa rdo rje 'dzin pa yab yum rol pa bde chen mi 'gyur pa yongs su grub pa'o/ /de'i dkyil 'khor rten gzhal yas khang chos 'byung dang / 'byung ba rim brtsegs dang bcas pa rten dang brten pa'i lha tshogs thams cad ye shes las skyes pa/ ye shes
27a6 las byung ba'i mtshan nyid bde stong ro mnyam du 'byung ba'i ngo bo nyid yongs su rdzogs pa'o//rab tu bzang bas na 'od gsal ba'i ye shes las skyes pa/ bzhin rab tu mdzes pa ye shes kyi dbang po dang stobs las byung ba nyid do/ /rgyan rnams ni bral ba dang rnam par smin
27a7 pa'i cha las 'phags pa'i nor las yan lag bdun ldan ye shes kyi che bas yongs su rdzogs pa'o//dkyil 'khor gyi dbus su bzhag pa ni/ rdo rje 'dzin pa nyid dang / reg bya rdo rje ma chos kyi dbyings kyi rdo rje mar gyur pa rnam par bsgom zhes pa'o/ /dkyil 'khor lnga'i
27b1 'khor lo ni/de bzhin gshegs pa lnga'i dkyil 'khor/ dpral ba mgrin pa thugs ka lte ba gsang ba dang bcas par sangs rgyas kyi sku'i mtshan dpe dang / sku mdog phyag mtshan rgyan dang ldan pa/ ye shes las 'byung ba skad cig gis so/ /der rnal 'byor gyi
27b2 dbang phyug gsang sngags kyi rnam par bsam pa'i 'khor lo can gyi gsang ba ye shes kyi bsgrub pa ste/bde stong gnyis su med pa'i phyag rgya chen por ngo bo nyid mi 'gyur ba'i mchod pa'i gnas/ tshad med pas yang dag par mchod pa/ dmigs pa rnam par gyur ba'i
27b3 nyams kyi ting nge 'dzin gyis so//dpal ye shes rdo rje kun las bsdus pa las rab tu byed pa sum cu pa'o/ /de nyid las gsang ba bla na med pa'i bsgrub pa bstan pa'i phyir/ sku gsung thugs kyi rdo rje can zhes pa ste/ sku rdo rje mi 'gyur ba gsung rdo rje 'gag
27b4 ba med pa/thugs rdo rje rnam par mi rtog pa'i ye shes la/ de nyid dbyer mi phyed pa'i dkyil 'khor/ de bzhin gshegs pa thams cad dang / byang chub sems dpa' thams cad la kun tu rnam par snang bar mdzad pa/ rdo rje 'chang chen po/ sku'i 'od kyi snang ba
27b5 las spro ba dang bsdu bar mdzad pa'i phyir 'od zer chen po dang rab tu chen po//spro ba dang bsdu ba bsam gyis mi khyab pa'i ye shes kyi rol pa ston pa'o/ /yang de nyid du rig ma'i rigs dag pas/ ye shes bsgrub pa phun sum tshogs pa bstan pa'i phyir/ bram ze ma la sogs pa
27b6 ste/rdo rje rigs kyi sme sha can lta bu'o/ /de bzhin gshegs pa'i rigs la ni/ btso blag mkhan te dngos po thams cad ye shes su sgyur bar byed pa'o/ /yang na bram ze zhes pa ste/ sdig pa'i dri mas ma gos pa'o/ /rgyal rigs ni rin po che'i rigs la ste/ ye
27b7 shes 'bar ba'i che ba dang ldan pa'o//rje'u rigs ni pad+ma can la ste chags pa med pa'o/ /rdo rje chos kyi rigs chags pa med pa pad+ma'i 'dam las thon pa lta bur bsgrub pa nyid do/ /yang na gar mkhan gyi rigs kyis kun tu sgyur bar byed pas/ 'di ni ye shes bde chen gsang
28a1 ba ye shes myur du thob par byed pa nyid do//yang na pad+ma'i rigs kyi rig ma lta bu'am/ gtum pa ma rnam rtog rtsad nas gcod pa dag gam/ khyad par du rdo rje sems dpa'i sbyor ba yis/ zhe sdang rdo rje'i 'khor lo dang ldan pas/ snying ga'i gnas su
28a2 stong pa dang snying rje tha mi dad pa/byang chub rdo rje'i sbyor ba dang ldan pas/ rig ma ut+pal mthing ga'i mdog 'dra ba/ sems dpa' ut+pal la chu'i dri mas ma gos pa dang mtshungs pa/ btso blag mkhan thams cad ye shes su sgyur bar byed pa nyid de/ sangs rgyas kyi ye
28a3 shes dang mtshungs pa dag ni/brten bsgrub pa mnyam rjes gnyis su med pas rab tu grub pa'i dbang phyug 'thob pa'o/ /dpal ye shes rdo rje kun las bsdus pa las rab tu byed pa sum cu so gcig pa'o/ /yang shin tu spros pa med pa'i rnal 'byor bstan pa las ni/
28a4 dam pa gnyis kyi sbyor ba ni/ thabs rlung gi sbyor ba dang / shes rab rig pa stong nyid spros med lhan cig skyes pa rang 'byung ro mnyam bde ba chen po'i sbyor bas ye shes la rol pa gar gyi nyams kyi spyod pa thams cad 'od gsal ba'i ngang las/ zung 'jug bde ba chen por phrin
28a5 las thams cad brtsam par bya ba'o//'di ni de bzhin gshegs pa thams cad kyi byang chub sems 'da' bar mi bya bas 'da' bar dka' ba ste da phan yon ni sku gsung thugs gsang ba gsum gyi ye shes dang ldan pa de ni skad cig de ma thag tu yang / dpal rdo rje 'chang
28a6 byang chub sems rdo rje dang phrin las tha mi dad pa 'thob par 'gyur ba'i mtshan nyid kyi tha tshig go//rdo rje nyi ma nub pa rdo rje ni/ sgyu lus dag pa thabs mi phyed pa/ nyi ma ni snang ba dang snang ba mched pa'i cha las nub pa snang ba thob pa las/ khyad par du rang bzhin gyi rtog pa thams
28a7 cad rtsa ro rkyang gnyis rlung dang shes pa dbyer med du bsdus nas/rtsa dbu ma ye shes kyi ngang du/ spang blang med par nub pa chen po nyid de/ de nyid du nam mkha' rnam par dag pa lta bu'i bde stong dbyer med 'od gsal chen po rab tu mi gnas pa'i ngang du gnas par 'gyur
28b1 ba'o//de las slob pa'i zung 'jug tu ldang bas/ skya rengs shar ba lta bu ste/ mkhyen pa'i ye shes dus gsum phyogs bcur khyab pa'i skad cig ma'i khyad par la/ rnam pa thams cad mkhyen pa nyid du gyur pa'o/ /khyad par sgyu lus rnam par dag pa ye shes kyi
28b2 rab tu byed pa bstan pa'i phyir/rgyal po sems dpa' ste/ chos rnams kun dang mtshungs par ldan pa rgyal po 'khor los sgyur ba ni/ rin po che bdun dang ldan pa ste/ gnas skabs su 'phags pa'i nor bdun gyi rgyan gyis spras pa na/ rgyud gsang chen la rgyan bdun
28b3 gyis spras par gyur pas/sku gsum yan lag bdun ldan du grub pa 'dod dang thar pa rab tu grub pa ste/ dbang phyug brgyad ldan zung 'jug bla na med pa rab tu grub pa nyid do/ /dngos po dang mtshan mar 'dzin pa thams cad rnam par 'dzin pa/ rnam par dag par sgyu ma
28b4 rab tu mi gnas par bstan pa'i don du/de ni rdo rje chos kyi bdag ces tshad med pa'i byang chub sems las byung ba'i chos kyi dbang phyug chen po/ phyir mi ldog pa'i gnas thob pa/ dag pa'i sa la gnas par 'gyur ba ni/ sa bcu la ni gnas par 'gyur ba ste/ snang ba
28b5 gsum po rang bzhin dang bcas pa/thams cad dag pas bdag byin gyis brlab pa'i rim pa thob pas/ lus kyi gnas dang nye ba'i gnas la sogs par bgrodapas/ rten dang brten pa rang byin gyis brlabs par 'gyur ba'i phyir/ rgyal po dpung gi dam tshig 'dzin na
28b6 thogs pa med pa'i ye shes kyis phrin las yon tan mi zad pa stobs dang mi 'jigs pa la sogs pa'i dbang phyug dam pa brgyad la sogs pa ma 'dres pa'i chos spobs la dbang sgyur ba/kun gyi mchog tshad med mngon du gyur pa'o/ /mngon par byang chub rnam gnyis las/ /phyi
28b7 nang gnyis su dgos pas bshad//nang gi dus te cho 'phrul bstan/ /bdud las rnam par rgyal ba ste/ /rdo rje sgo gsum so sor dag /slob ba'i phyi yi mngon byang chub/ /tho rangs mi slob zung 'jug ste/ /sku bzhi gcig tu 'dus pa ste/ /skad cig ye shes rnam grol ba'o/ /dpal
29a1 ye shes rdo rje kun las bsdus pa las rab tu byed pa sum cu so gnyis pa'o//de las mngon par byang chub pa bde ba chen po'i dbang phyug bstan pa'i phyir/ rdo rje rnal 'byor pas rdo rje lus kyi khyad par la bstan nas/ rig ma mngon par
29a2 'du bya ba las/mkha' gsang byin rlabs dang ldan pas/ thabs dang thabs las 'byung ba'i rdo rje chos 'byung pad+mar nub pas/ shes rab ze 'bru rgyas par zla ba dang nyi ma ngo mnyam par gyur pas/ snang ba dang snang ba mched pa dang snang ba thob pa dang / nye bar thob
29a3 pa nub pa can gyi ye shes kyi bsgrub pa kun tu brtsam pa'o//'od gsal ba'i ye shes thog ma dang mthar 'byung ba nyid kyis rang bzhin rnams kun 'dar du nub cing rnam par dag pa'o/ /skya rengs 'char ba'i cha ni mkha' snang dag pa'i ngang du ye shes 'jug pa dang bzlog
29a4 par gyur pas/stong pa bzhi las 'das pa'i ting nge 'dzin mchog ste/ rgyu kun tu byang chub sems 'phel ba las/ rkyen rig ma'i stobs kyis/ rtsa gnas thams cad du thig le 'phel zhing rgyas pa las/ dga' ba'i dus su rnam pa sna tshogs pa'i skad cig ma
29a5 dang /mchog dga'i dus su rnam par smin pa'i khyad par gyi dga' ba'i dus su rnam par nyed pa nyid do/ /skad cig ma gsum las 'das pa'i dus de ma thag pa las/ lhan cig skyes pa'i dga' ba las mtshan nyid bral ba'i skad cig ma mngon du gyur pa/ bde stong
29a6 ro mnyam gyi ye shes phyag rgya chen po rab tu mi gnas pa'i don zung 'jug chen po thob par gyur pa'o//de nyid yongs su dag pa bla na med pa'i che ba bstan pa la/ rgyan rnams don gyi rgyan ye shes kyi che ba bsam gyis mi khyab tu 'char la/ rnam grangs yon tan gyi che ba tshad med
29a7 par 'chor ba'o//rnam pa thams cad du rim dang cig car du kun tu snang ba'o/ /me tog ni gzugs rdo rje spos ni dri rdo rje ma la sogs kyis sgra rdo rje/ ro rdo rje dang / reg bya rdo rje ma'i rnam par snang ba'o/ /rdo rje sems dpa' ste/ byang chub sems rdo rje'i phrin las/ phung po
29b1 khams dang skye mched thams cad rten dang brten par gyur pa/spyi gtsug nas rkang mthil gyi bar du bde ba tshad med pa skyes pas/ snang srid thams cad bde ba tshad med par gyur pa/ sa gsum kun tu sgyu ma'i rol pas mi zad pa'i cho 'phrul dpag tu med pa
29b2 skad cig gcig la 'char bar 'gyur ba'o//de'i tshe bstan pa sku gsum mchog ni/ bde ba longs sku/ gsal ba sprul sku/ mi rtog pa chos kyi sku ste/ dbyer med ngo bo nyid lhun grub de la/ phrin las thogs pa med par 'char bas rab tu bsgom pa'o/ /
29b3 dpag tshad brgya'i ni/ de bzhin gshegs pa'i zhing khams tshad med pa'i snang ba chen pos kun tu byas pa spro bsdu'i mdzad pa ston pa'o/ /de las dbang po gnyis kyi sbyor ba ni/ thabs snying rje chen po bla na med pa ni shes rab rnam pa thams cad kyi mchog dang ldan pa'i
29b4 stong nyid kyi ting nge 'dzin dbyings dang ye shes dbyer med du gyur pa'o//sangs rgyas ni slob pa las 'das pa mi slob pa'i zung 'jug ste/ byang chub ni yang dag pa'i ye shes thugs su chud pa'o/ /gnas zhi ba ste mtha' thams cad dang bral ba gnyis med zung 'jug
29b5 chen po mngon du gyur pas sa bcu gsum pa'i dbang phyug dam pa'o//nye bar bsdu ba la gdams pa ste/ rdo rje can ni dag pa'i sgyu lus la gnas pa ste/ mi slob pa'i zung 'jug lam thams cad mthar phyin pas srod dus su bdud bcom ste/ byang chub sems dpa' rdo rje
29b6 snying po'i nus pa thob pa/thob pas ye shes chen po gsang ba'i gnas grub pa'o/ /tho rangs shin tu rnam par dag pa'i grub pa/ ye shes rab tu mi gnas pa/ gtsug tor chen po rab tu rdzogs pa bde ba chen po mi shigs pa bla na med pa thob pa'o/ /bshang gci'i
29b7 dam tshig bza' ba ni/dbyings kyi ngang du ye shes ro mnyam du thim pas dngos grub ma zad pa ye shes rgya mtsho rnam par dag pa/ rdo rje sku gsung thugs kyi gsang ba byang chub chen po rab tu rtogs pa'i skad cig gcig rdo rje 'chang de bzhin gshegs pa mngon du gyur
30a1 pa'o//yang dag par gsungs pa phyi'i mngon par byang chub pa ste/ dgongs pas bshad pa'o/ /dpal ye shes rdo rje kun las bsdus pa las/ rab tu byed pa sum cu so gsum pa'o/ /de la 'dir chos thams cad ni sgyu ma dang mtshungs
30a2 pa/sgyu ma lta bur spyod cing 'jug pa nyid/ /sgyu ma de dag byin gyis rlabs pa'i rim pa las/ /ma dag pa las rnam dag lha yi sku/ /lus ngag yid gsum sgyu mar lam du 'chang / /phung po khams dang skye mched 'byung sogs rnams/ /shes pa gnyis la de nyid yongs bsdus nas/ /
30a3 gang zhig stong chen gnyid log gyur pa ste/ /rlung gi byed pas rmi lam mthong bar 'gyur/ /rmi lam yul las bye brag 'khrug par snang / /kun du rtog pa'i rgyu 'bras rmi lam rtog /gang gis mtshan dang nyin du gnyid 'jug pas/ /gnyid log sad pa tha dad gyur pa min/ /sa
30a4 mthug bsgribs pas rab tu ring gnyid log /sngar byas 'bras bu ma smin las rnams kun/ /de nas rlung gis las rnams 'byung 'jug 'gyur/ /sngon las smin par gyur na rlung sems dag /'jig rten 'pho ba gnas gzhan dag tu 'gro/ /ji ltar phyogs bcur bzhugs
30a5 pa'i rgyal ba rnams//de yi sku la rkang rus sha khrag med/ /sems can don du khams la 'jug par mdzad/ /sprul pa sgyu mas 'gro don mdzad pa bzhin/ /de bzhin gnyid log sad gyur rim pas sems/ /rnam rtog dra bas bcings pas tha dad can/ /chos rnams las
30a6 ni yongs su ma 'das phyir/bden dang pa gcig dang du mar min/ /phyi rol don du gyur pa ci yang med/ /de phyir rang sems stong nyid cho 'phrul yin/ /sgyu mar snang ba 'khrul ba las bzlog bya/ /cir snang med bdag rtogs par bya/ /rmi lam de nyid rtog med rang gsal
30a7 ba//'byung ba'i gnas la khams 'dus snang ba gang / /sas brtan chus sdud mes rno ngar chags pa/ /rlung gis yang zhing g.yo byed mi brtan pa'o/ /nam mkha' la 'dus lus bde nyams bzang ba/ /bdud rtsi dag las nus pa 'byung ba ste/ /gla rtsis zhe sdang bzhi
30b1 mnyam gti mug nyid//ga bur chags byed si h+las nga rgyal bskyed/ /sna tshogs las kyis phrag dog 'du 'phro byed/ /lam gyur dmigs pas yon tan pa rnam 'char/ /sngar phyung ba las phyis 'byung rtags su 'char/ /yul dus mtshan ma nges pa dran pa'i blo/ /
30b2 nyams snang blo las ma bcos sgyu mar snang / /de nyid ros zin ye shes grogs yin no/ /rang srog snying por gyur pa sems nyid las/ /chos nyid sems lus khams gsum snang ba la/ /gzhan pa med cing rlung las khams gsum sprul/ /sgyu lus rmi lam rmis pa
30b3 bzhin du mthong //khams gsum rlung rig bdag nyid de bzhin nyid/ /rjes su rtogs pa 'bring gis chos rnams kun/ /sgyu ma rmi lam lta bur 'char ba dang / /rab kyi nam mkha' lta bur rtogs pa ni/ /'od gsal ba la bsam gtan ting 'dzin ldan/ /rjes su rtogs
30b4 pa shin tu rab gyur pas/yid bzhin nor bu lta bur rtogs pa nyid/ /zung 'jug mngon du gyur pa'i don nyid de/ /ngo bo nyid las 'bad med gzhan don du/ /rtog med mi g.yo lhun grub gyur pa'o/ /dpal ye shes rdo rje kun las bsdus pa las/ rab tu byed pa sum
30b5 cu so bzhi pa'o//de bzhin gshegs pa thams cad kyi/ dkyil 'khor thams cad bsdus pa yi/ 'khor lo 'byung ba bla med pa/ gsang chen dkyil 'khor bstan pa'o/ /sku gsung thugs kyi rdo rje yis/ /yab yum rol pa gsang ba yi/ /
30b6 'og min gnas nas 'dir gshegs pa/ /byin rlabs ye shes dbab par byed/ /'di ni rdo rje chen po yi/ /dbang bskur ye shes gsang ba ste/ /rnal 'byor lus kyi gnas rnams su/ /spyi bo lte ba dpral ba dang / /mgrin pa snying ga gsang bar ni/ /bder gshegs
30b7 rdo rje chen po yi//yab yum phyi nang gsang ba la/ /gnyis med rol pas dbang bskur ba/ /bde chen ye shes mi 'gyur ba'i/ /gsang chen dbang ni dri med pa'o/ /gsang ba rdo rje theg pa yi/ /sdom pa gsang ba rgyas gdab pa/ /rig pa 'dzin pa'i snying po ni/ /
31a1 yang dag sdom pa bstan pa'o/ /rlung sems 'gyur ldog dus gnad 'gyur ba nyid/ /rlung sems gcig tu gnas sam tha dad 'gyur/ /gal te rlung sems gcig tu mtshungs ldan na/ /thog mar sngon du 'gro ba gang
31a2 yin pa//'gro 'ong rim pa bzhin du byed 'gyur na/ /sngon du 'gro ba gang yin de rjes su/ /'brangs las gang gang byed pa gang de snyed/ /so sor byed dam gcig tu mnyam par byed/ /so sor byed na gcig pa'i khyad par nyams/ /gcig tu
31a3 byed na snga phyi med par 'gyur//rlung 'gags na ni rtog pa 'gag mi 'gag /gal te rtog pa bzlog par gyur pa na/ /rlung gis las ni ji ltar byed par gyur/ /'byung ba rlung dang rang bzhin rtog pa dag /mnyam du 'byung 'jug byed dam mi
31a4 byed brtag /srog ste rlung dang rnam shes gang yin pa/ /phyi rol 'byung ba'i rlung ni 'gags pa na/ /lus can rnams kyi srog kyang 'gag par 'gyur/ /phyi yi rlung dang nang gi rlung dag las/ /gcig 'gags pas na phyi ma 'gag 'gyur ram/ /
31a5 gcig ni log na thams cad log 'gyur grang / /gcig ni log kyang gsum po mi ldog 'gyur/ /'di yi dbye ba khyad par rtogs par bya/ /rlung sems 'gro ldog gi gnas lugs bstan pa'o/ /rtag tu ma byin len pa ni/ /yon tan ye
31a6 shes phrin las kun//dus med par ni nus pas blang / /rnam rtog ltung byed ma lus pa/ /rang bzhin shes pas rtsa ba bcad/ /chos rnams sgyu ma rmi lam ltar/ /gsang ba bde chen grub pa la/ /rmad byung bde chen 'dod chags
31a7 nyid//shes pas rang bzhin med par smra/ /rdo rje 'dzin par gnas par spyad/ /bzlog pa sman nyid ye shes che/ /log par ltung bar mi 'gyur ro/ /sdom pa thabs dang shes rab dag /gnyis med phyag rgya chen por na/ dus kun du
31b1 ni de nyid sdom//sdom pa thams cad kyi gsang ba zil gnon rdo rje zhes bya ba'i ting nge 'dzin spyod pa'i brtul zhugs so/ /rdo rje'i bdag nyid gsum 'dus nas/ /rdo rje rnal 'byor pa thim 'gyur/ /de gnyis sku gsung thugs rdo rje/ /rtog pa'i dpa'
31b2 rlabs rab zhi ba//nyer dpyad ye shes sgyu ma dag pa las/ /yongs dag rnal 'byor spros bcas dang / spros med las 'das stong pa nyid/ 'od gsal shin tu spros med las/ phyag rgya chen po zung 'jug thob/ /dpal ye shes rdo rje kun las
31b3 bsdus pa las/rab tu byed pa sum cu so lnga pa'o/ /'di ni sngags rnams thams cad kyi/ /de nyid gsang chen tshul mchog ste/ /rdo rje gsum las 'khor lo 'byung / /byang chub sangs rgyas gnas 'jug pa'o/ /de kho na nyid
31b4 las mngon rtogs//bsam gyis mi khyab rgyan gyur pa'o/ /brjod bya dang ni rjod byed dang / /dpa' dang mngon gyur stobs dang ni/ /chos don khyab par gyur pa'i phyir/ /stobs ldan khyad par rgyan yin no/ /gnas pa dang ni gsal rdzu 'phrul/ /
31b5 yon tan phrin las rgyan rim bzhin/ /de ni rjod byed rtag tu rgyan/ /don gyur dgos pa bla na med/ /don gnas byed pa ye shes kyi/ /gsang chen bde mthong khyad par te/ /rgyan las dbye bsdu bstan pa'o/ /de nas bder gshegs rdo rje 'dzin/ /
31b6 'dus pa'i tshogs la rjes brtse bas/ /rdo rje gsang ba gsung dag pa/ /ye shes rdo rjes 'dir gsungs pa/ /e ma'o sangs rgyas ma lus pa'i/ /chos kyi dbyings ni ye shes che/ /'od gsal rang bzhin yongs su dag /dri med nam mkha'i
31b7 dbyings bzhin no//ye shes ngo bo nyid 'byung ba/ /khams gsum dag na byang chub spyod/ /'gro ba kun la bde 'byung ba'i/ /dge ba yongs su dag gyur byos/ /dag pa'i lus ni rnam thar gyi/ /sgo gsum grub pa sku rdo rje/ /ngag ni dag pa chos kyi
32a1 tshul//so sor yang dag rig pa che/ /gsung gi dbyangs ni mi phyed 'gyur/ /rnam shes dus gsum dus med du/ /ye shes byang chub chen por 'byung / /dbyer med bde chen mi gnas pa'o/ /de nas sgrib pa thams cad rnam
32a2 par sel ba la sogs pa byang chub sems dpa' sems dpa' chen po rnams ngo mtshar du gyur rmad du gyur te/bcom ldan 'das de bzhin gshegs pa thams cad kyi bdag po 'di ci'i slad du de bzhin gshegs pa rnams kyi 'khor gyi nang du/
32a3 'di lta bu'i tshig ngan pa gsung zhes gsol to/ /de nas de bzhin gshegs pa thams cad kyis/ byang chub sems dpa' de dag la 'di skad ces bka' stsal to/ /rigs kyi bu rnams thong / de skad ces ma zer cig ces pa nas/ 'jigs
32a4 skrag dngangs nas brgyal bar gyur to zhes pa dang /de dag la slar gsol zhes pa'i bar gyi dpal rdo rje 'chang gi bar gyis gsungs pa ni/ bzhugs pa la ldem por dgongs pa'i the tshom sel ba bstan pa'o/ /srog chags gsod la dga' ba zhes pa
32a5 nas/'di ni sangs rgyas 'grub par 'gyur gyi bar gyis gsungs pa ni/ 'od kyis reg pa tsam gyis/ de dag rang rang gi stan la gnas par gyur to zhes pas bstan no/ /'di lta bu yang dag pa ma yin pa'i tshig gi lam/ rdo rje'i tshig ci'i slad du
32a6 gsung zhes dris pa dang /de bzhin gshegs pa rnams kyis bka' stsal pa/ rigs kyi bu rnams 'du shes ngan pa dang / dman pa'i 'du shes de lta bu ma skyed cig ci'i phyir zhe na/ rigs kyi bu 'di lta ste/ sngags kyi spyod pa'i mchog go/ /
32a7 'di lta ste sngags kyi spyod pa ni de bzhin gshegs pa'i spyod pa'o zhes pa nas/ dam tshig de dag rjes su rig par bya'o zhes pas/ bsgyur ba la ldem por dgongs pa'i the tshom sel ba'o/ /sku mi 'gyur ba mi gnas pa ma skyes pa zhes pa la sogs pa nas/
32b1 yang de nas 'phags pa 'jam dpal la sogs pas de bzhin gshegs pa rnams la zhus pa dang / de bzhin gshegs pa thams cad kyis bka' stsal pa/ khyed rnams lta ci smos te/ nged sgo gsum rdo rje'i gsang ba mi 'gyur ba rnyed pa yang sku dang gsung dang
32b2 thugs rdo rje'i byang chub mi shis so zhes pa dang /de ci'i phyir zhe na/ skye ba med pa'i rdo rje mngon par byang chub pa'i ngo bo nyid med pa mi 'gyur ba las byung ba'o/ /zhes ngo bo nyid chos kyi mtshan nyid la ldem por dgongs pa'i the tshom sel ba'o/ /dgongs pa sgyid
32b3 lug pa spang ba'i phyir/rigs kyi bu sems can chen po'i zhes pa nas/ rdo rje'i ye shes thob pa'o zhes pas bstan pa'o/ /bcom ldan 'das mar me mdzad ces pa nas skal ba med pa'i phyir gyi bar gyis gsang sngags rdo rje theg pa 'byung ba dkon pa la gdams
32b4 pa'o//yang lam ma lus pa yongs su rdzogs shing tshe gcig lus gcig gis sangs rgyas pa bstan pa ni 'on kyang zhes pa nas/ sangs rgyas zhes bya ba'i grangs su 'gro'o zhes gsungs so/ /de nas byang chub sems dpa' de dag gis gsung rdo rje'i yi ge'i
32b5 tshig 'di thos nas rab tu ngus so//de nas de bzhin gshegs pa thams cad kyis byang chub sems dpa' de dag la 'di skad ces bka' stsal to/ /byang chub sems dpa' khyed rnams ma ngu cig /sdug bsngal gsum bsgom par ma byed cig /byang chub sems dpa'
32b6 thams cad kyis gsol pa/bcom ldan 'das gsang ba'i yi ge'i ming tsam thos pa'i skal ba yang ma mchis na ji ltar mi ngu bar bgyi/ de bzhin gshegs pa thams cad kyis bka' stsal pa/ de skad ces ma zer cig /gnyen po la ldem por dgongs pas
32b7 na sgyid lug pa spang ba'i phyir yi ge ni thun mong ste/rigs kyi bu khyed rnams kyis ji ltar mi shes pa dang ma thos pa de bzhin du nged de bzhin gshegs pa thams cad dang byang chub sems dpa' thams cad kyis kyang / rigs kyi bu gsang ba'i yi ge 'di dag ma mthong ma thob
33a1 cing mngon par rdzogs par sangs ma rgyas so//de ci'i phyir zhe na/ gsang ba gsum gyi yi ge rnam par dag pa'i phyir ro zhes the tshom bsal ba'o/ /sngags kyi sems dpa' mi bya ste/ byas na byang chub rnyed par dka' zhes pa la zhen pa dang ma bral
33a2 na 'ching bar 'gyur zhes pa gang zag gzhan la dgongs pa'o//mdor na phung po lnga rnams ni sangs rgyas lngar ni rab tu bsgrags zhes pa la sogs pa don gzhan la dgongs pa'o/ /chos thams cad la mnyam pa nyid mthong ngam zhes pa mnyam pa nyid la dgongs
33a3 pa'o//chos kyi rnam grangs 'di la skal ba yod pa'i phyir ro zhes gsungs pas ni dus gzhan la dgongs pa'o/ /dgongs pa nyid ni phyir mi ldog pa'i don la dgongs pa ni ldem por dgongs pa dag go/ /dgongs pa spyi ni yang dag par dgongs pa'o/ /de
33a4 bzhin gshegs pa thams cad kyi dgongs pa'i khyad par bstan pa zhes bya ba'i ting nge 'dzin to//dpal ye shes rdo rje kun las bsdus pa las rab tu byed pa sum cu so drug pa'o/ /byang chub sems kyi ngo bo nyid/ /bla ma rdo rje 'dzin pa la/ /mos gus
33a5 mthar phyin gyur pas ni//lam gyi rim pa kun rdzogs pas/ /sgrib dag yon tan thob pa ste/ /dbang gi rgyal po rnyed pa bzhin/ /las dang dngos grub ma lus pa/ /ye shes mi zad gnas 'thob pa'o/ /dam tshig dag gi 'khor lor ni/ /dga' ba chen pos rol pa ni/ /
33a6 lus kyi gnas su rtsa gnas pa/ /'khor lo drug gi rnam pa la/ /thig le yi ge rlung dag pa/ /bde gsang stong nyid ye shes las/ /dbang phyug mdzod spu gtsug tor du/ /gnyis med mnyam pa bde chen du/ /rab tu thim pas rnam grol nyid/ /rten 'brel thams cad mkhyen
33a7 par 'gyur//las rgyal mchog gi phrin las ni/ /don dam stong nyid ngang las ni/ /rdo rje sems dpa'i skur gyur las/ /rnam par snang mdzad skur bsgyur ba/ /zla ba'i gdan la gnas pa yi/ /spyan dang gnyis med sbyor ba las/ /zhi bar 'dod rnams thams cad kyi/ /der
33b1 gnas gnod pa zhi bar byed//rgyas la rin chen 'byung gnas dpal/ mA ma kI dang gnyis med pas/ /spro bsdus rin chen char dbab bya/ /dbang la 'od dpag med pa nyid/ /gos dkar yum dang gnyis med pas/ spros pas dbang du bsdu bar bya/ /mngon
33b2 spyod gdon mi za ba nyid//pad+ma nyi ma la gnas pas/ /sgrol ma dang ni gnyis su med/ /spro bsdus khro bos las la sbyar/ /de dag las tshogs thams cad kun/ /sgyu ma rmi lam ltar gsal bas/ /bdag byin brlab pa nyid du lta/ /sgyu ma'i dpe bcu
33b3 gnyis kyis bde ba chen po'i ting nge 'dzin nye bar mtshon par 'gyur ba yin te/de ltar phyogs bcu'i 'jig rten gyi khams na gnas pa'i de bzhin gshegs pa ma lus shing lus pa med pa kun 'khor ba'i rgya mtsho ji srid gnas pa'i bar du chos thams cad la
33b4 dbang sgyur ba/zab pa dang rgya che ba bla na med pa sgyu ma lta bu'i ting nge 'dzin gyis bzhugs nas/ 'dod pa'i yon tan du ma rnams kyis rol par mdzad cing rab tu dga' bar mdzad pas/ thams cad mkhyen pa'i yon tan gsang ba bsam gyis mi khyab
33b5 pa dang ldan pas/bdag ji ltar bzhed pa tsam gyis sangs rgyas kyi zhing nas/ sangs rgyas kyi zhing khams dpag tu med par mi zad pa rgyan gyi 'khor los phrin las thogs pa med par rab tu mngon par 'byung ba'o/ /dpal ye shes rdo rje kun las
33b6 bsdus pa las/rab tu byed pa sum cu so bdun pa'o// //e ma'o rdo rje ni snang ba/ e ma'o rdo rje ni mched pa/ e ma'o rdo rje yin par bshad pa ni snang ba thob pa'i ye shes so/ /sgyu rlung sems sgyu ma tsam las 'byung ba'i gang du zhes 'od
33b7 gsal ba'i ngang du'o//der ni sgyu ma rmi lam lta bu'i lus med snang tsam/ ngag med grag tsam sems med rtog med stong pa nyid do/ /der stong nyid 'od gsal ba'i ngang las/ lus ni rnam par bsgom pa sgyu lus rnam par dag pa'i skad cig gis
34a1 'byung ba'i zung 'jug gi sku thob par gyur pa'o//zung 'jug slob bzhin pa la gnas pas ni/ lhun gyis grub pa'i dbyings kyi don nam mkha' 'od gsal las byung ba'i ye shes kyi lha mo rig ma dang / yang de nyid du thabs snying rje chen po dang ldan
34a2 pa'i thabs shes rab gnyis med du sbyor bas mnyes par gyur pa'i ngo bo nyid do//bdud 'dul bar mdzad pas rig ma ni rnam pa sgyu ma lta bu las skyes bu rnal 'byor pa dga' ba chen po'i rol pa ye shes mi 'gyur ba'i rdo rje ste/ shes rab pad+ma chos kyi 'byung
34a3 gnas dang mnyam par sbyor bas ni gang zhig 'di dag sgom pa zhes sku rdo rje dag pa dga' ba'i skad cig /gsung rdo rje mchog dga'i skad cig /thugs rdo rje dag pa dga' bral gyi skad cig dang gsum las rdo rje sku gsum gyis mtshan pa ni skad cig bzhi la lhan cig
34a4 skyes pa ro mnyam bde ba chen po ngo bo nyid kyi sku mngon du byed pa ste/khyu mchog byang chub sems rdo rje de ni mnyes par gyur pa/ zung 'jug slob bzhin pa'i byang chub sems dpa' grags chen sa bcu pa'i ting nge 'dzin thob pa dang mnyam par 'gyur te/ dus dag pa ye
34a5 shes skad cig bdun pa la gzi brjid che ba ni/ye shes dbang phyug nus pa rdzogs pa thob par yan lag bdun dang ldan pa'i sku gsum mngon du gyur pas longs spyod rdzogs sku ye shes kha sbyor du gyur pa bde ba chen po dang / snying rje chen pos 'gro don mngon par 'byung ba/
34a6 'gog pa med pa'i ye shes rgyun mi 'chad pa'i phyag rgya chen po rang bzhin gyis rnam par dag pa dbyings dang ye shes dbyer med 'thob pa'o/ /sab+ha zhes bdun pa'i sgra ste des yan lag dang ldan par brjod pa'o/ /de nyid kun du 'ong zhes dang / /ye shes mtshon pa'i
34a7 sa thob pa//rdo rje 'dzin pa'i sa la gnas pas mngon par byang chub chen po nyid/ bdag gi lus ngag sems rdo rje/ /mnyam rjes gnyis su med par ni/ /'gyur ba med don rab rtags dang / /phyag rgya chen po mngon grub pa'i/ /gsang ba dbang phyug cho ga ni/ /byang chub
34b1 ye shes rdo rje yi//skur gyur sgom pa sgrib bral ba'i/ /zung 'jug bla na med pa ni/ /mkhyen pa rgyas pas rab mi gnas/ /rtog med snang ba med pa yi/ /skad cig nyid la yon tan rdzogs/ /de bzhin gshegs par gyur pa yis/ /thams cad mkhyen pa
34b2 nyid du gnas//dpal ye shes rdo rje kun las bsdus pa las/ rab tu byed pa sum cu so brgyad pa'o/ /de nas nam mkha'i dbyings 'di thams cad ni/ /de bzhin gshegs pa kun gyi sku gsung thugs/ /dam tshig chen po rdo rje ye shes kyi/ /byang chub
34b3 sems kyi bde ba'i rang bzhin gyis//dkyil 'khor ma lus kun du snang bar mdzad/ /sa gsum kun du khyab cing yongs gang ba/ /bum pa rdo rje mi 'gyur chus gang ltar/ /yongs su dag pas byin gyis brlabs pa'o/ /de nas rdo rje nam mkha'i dbyings 'di
34b4 thams cad kyi//gang du 'gro ba sku gsum las byung ba/ /de dag rnams la rdo rje'i 'od zer gyi/ /dpal gyis reg nas dbang bskur gyur thob pas/ /'gro kun bde bar gshegs pa dgra bcom pa/ /rdo rje gsum gyi ye shes ro mnyam thob/ /dbyer med zung
34b5 'jug bla na med par gyur//yang dag par ni mngon par sangs rgyas pa'o/ /chos kun snying po lam las 'das pas na/ /mthar phyin gyur pas 'bad rtsol las las grol/ /lhan cig skyes pa'i ye shes rnam dag pa/ /zung 'jug rab tu mi gnas gyur pa'o/ /
34b6 dngos dang dngos med spangs thob bral ba'i phyir/ /mtshan ma'i chos las rgyu rkyen bral ba'o/ /mkhyen pa'i ye shes bdag med mnyam pa nyid/ /dmigs med ngang 'byung 'od gsal de nyid las/ /rang dag dbyings dang dbyer med rang grol ba/ /phrin las yongs
34b7 su dag pa bla na med//yul dang yul can byang chub thob med pa/ /rnam par mi rtog mtha' bral brjod du med/ /de bzhin nyid dag bde chen lhun grub pa'o/ /dpal ye shes rdo rje kun las bsdus pa las/ rab tu byed pa sum cu so dgu pa'o/ /de bzhin
35a1 gshegs pa dus gsum dang //phyogs bcu kun du zhing khams rab 'byam dang / /kun du gzigs shing kun mkhyen pa/ /ma lus yongs dag ting nge 'dzin/ /thams cad mkhyen pas skad cig las/ /nam mkha' ltar
35a2 ni rtog med pas//gdul bya dus la bab pa la/ /'bad med par ni sku gsung thugs/ /rgyun mi 'chad cing thogs med don/ /snang med ngang las 'byung 'gyur ba'o/ /rgyud kyis bsdus dang ma bsdus las/ /rdo rje ngo bo nyid ston 'gyur/ /de las
35a3 mngon par byang chub pa bla na med pa ye shes kyi sku de bzhin gshegs pa 'jug pa dang /gnas pa dang / 'byung bar 'gyur ba mnyam pa ni chos nyid de bzhin nyid las byang chub pa ste/ rang bzhin gyis spros pa med pa lhun grub stong pa nyid do/ /khyab
35a4 cing gsal ba'i ngo bo mngon par byang chub pa ni/dngos po med pa'i gsal bar gyur pa'i khyab bdag rdo rje'o/ /mi zad pa snang ba'i ye shes mngon par byang chub pa ni/ mi mtshungs pa med pa'i snang ba 'od gsal ba'i mtshan nyid rtag tu mi 'gyur ba'i
35a5 de bzhin nyid do//sgyu 'phrul dra ba mngon par byang chub pa ni/ kun tu 'byung ba thogs pa med pa'i dus dang / rnam pa thams cad du 'gag pa med pa'o/ /yongs su dag pa chos kyi dbyings mngon par byang chub pa ni/ tha dad par dmigs pa
35a6 med pa'i ye shes kyi sku/sangs rgyas thams cad kyi byang chub kyi sems dus gsum thog mtha' kun du dkyil 'khor chen po/ /gsang ba'i bde ba chen po sku gsung thugs rdo rje dam tshig gi 'khor los zhi ba dang / khro bo'i sku sna tshogs su snang ba'o/ /
35a7 longs spyod rdzogs pa mtshan dpe ldan/ /yab yum bde chen ngo bo nyid/ /snying rje chen po tshad med pas/ /rgyun mi 'chad par bsam pa dang / /mthun par 'jug pas zhi mi 'gyur/ /rang bzhin med pas mi 'gyur ba'o/ /dpal ye shes rdo rje
35b1 kun las bsdus pa las/rab tu byed pa bzhi bcu pa'o// //de nas de bzhin gshegs pa'i tshogs/ /dpag med 'dus pa thams cad kyi/ /rtag tu dga' ba'i gzugs can mchog /bcom ldan rdo rje 'chang chen gyi/ /gsung dbyangs rdo rje sgra sgrogs pa/ /
35b2 nye ba nyid du thos pa yis/ /bde ba dang ni yid bde thob/ /de nyid du ni skad cig la/ /yang dag ting 'dzin sgo thob cing / /rmad byung ye shes dbyangs kyis bstod/ /chos kyi dbyings las ma g.yos kyang / /thugs rje tshad med 'gro skyob mdzad/ /byang chub
35b3 ye shes gtso chen po//bde chen dpe bral phyag 'tshal lo/ /rdo rje gsang ba mi 'gyur ba/ /mchog tu gyur pa bde chen po/ /thabs dang shes rab gnyis med pa'i/ /gar gyi bdag po phyag 'tshal lo/ /drag po ma rungs thams cad kun/ /gsung gi nga
35b4 ros zil gnon cing //'jigs byed bdud 'dul chen po nyid/ /rgyal ba rgya mtsho la phyag 'tshal/ /chos rnams mi zad mdzod thob pas/ /'gro ba kun la gter sbyin mdzad/ /dbang phyug bla med phyag rgya che/ cod pan gtsug tor phyag 'tshal lo/ /
35b5 'jig rten dbang sgyur sa gsum pa/ /dri med nor bu chen po ste/ /mtshungs med sgyu 'phrul rgyal po che/ /byang chub snying po phyag 'tshal lo/ /zhes de bzhin gshegs pa thams cad kyis/ dpal rdo rje 'chang chen po la yang dag par bstod pa'o/ /de nas
35b6 byang chub sems dpa' sems dpa' chen po byams pa la sogs pa dang /byang chub sems dpa' nam mkha'i snying po la sogs pa dpag tu med pa dga' mgu yi rangs te/ chos thams cad mnyam pa nyid du rtogs pas ci yang mi smra bar gyur to/ /dpal ye shes rdo rje
35b7 kun las bsdus pa las rab tu byed pa bzhi bcu rtsa gcig pa'o//slob dpon chen po zla ba grags pa las rim par brgyud pa/ dpal nA ro ba'i slob ma kha che'i baN+Dita A ka ra sid+d+hi dang / lo tsA ba dge slong tshul khrims kyis zhus shing gtan la phab pa/
CLOSE WINDOW