CLOSE WINDOW

D449
བོད་ཡིག

@#/ /rgya gar skad du/ sa mA dza pa ra mA tha sarba karmod ya ut+ta ratan+t+ra rA dza/ bod skad du/ phrin las thams cad 'byung ba 'dus pa don dam pa las phyi ma'i rgyud kyi rgyal po/ sgrol ma la phyag 'tshal lo/ /de nas bcom ldan 'das chen mo/ de bzhin gshegs pa thams cad kyi btsun mo'i mchog /dam tshig sgrol ma zhes bya ba/ de bzhin gshegs pa dang / rdo rje dang / rin po che dang / pad+ma dang / las kyi rigs thams cad kyi bdag po/ rgyu ba dang mi rgyu ba'i byed pa po/ brtan pa dang g.yo ba'i rang bzhin/gsang ba bas ches shin tu gsang ba/ gsang ba chen pos dbang phyug mas/ bdag nyid kyi rdo rje'i ming 'di rnams/ nyid kyi sku dang gsung dang thugs rdo rje las phyung ngo / /bcom ldan 'das na sgrol ma/ rdo rje ma/ dam tshig sgrol ma/ rdo rje rnal 'byor ma chen mo/ye shes lngas brgyan pa ma/ sangs rgyas thams cad kyis dbang bskur ma/ ye shes kyi dkyil 'khor/ zla ba'i bde ma/ ngo mtshar bde ma/ sku dang gsung dang thugs kyi 'dod ma/ phung po'o bdag mo/ skye mched kyi bdag mor grur ba/ 'byung ba rnams rab tu thob pa/yul dang bral ba'i rang bzhin/ rgyud kun gyi dbang phyug ma/ ye shes rnam pa lngas byang chub pa/ rdul dang bral ba/ dri ma med pa/ gsang sngags chen po/ shin tu phra ba/ mtshan dang dpe byad rnams kyis spras pa/ dag byed/ dag byed chen mo/ las thams cad 'grub par byed pa/ 'dod pa thams cad rab tu sbyin pa/ yi ge bcu'i sgra sgrog pa/ sgra sgrog dgyes ma/ gdung ma/ myur ma/ rnam par shes pa yongs su dag pa/ sra zhing bde ba/ ye shes snying po/ bde ba chen mo'o/ de la 'di ni rnal 'byor ma rnams kyi dam tshig gi gnas so//de skad kyang bka' bstsal to/ /de nas he ru ka'i dkyil 'khor/ /'dod pa thams cad rab tu sgrub/ /dkyil 'khor rnams kyi mchog gyur gsungs/ /ma mo 'dus pa nyams dga'i gnas/ /A li zla ba kA li nyi/ / hU~M gi ye shes rdo rje sems/ /phyogs bcu'i dkyil 'khor rnams spro ba/ /sngags 'di'i mgon po bskul bar bya'o/ /oM badzra swA tA dzaHhU~M waM hoHsu ra ta staM dri sh+ya hoH rdo rje zhe sdang bdag nyid ni/ /nag po hU~M sgrog sin+tU'i mig/ rdo rje thod pas lag brel ba//rtse gsum srin po'i mgrin pa btsir/ /khro mo'i dbang phyug sku la 'khyud/ /mi lpags rlon pa'i na bza' bcas/ /skra ser gyen du 'khyil ba'o/ /go rI tso rI rab rmongs dang / /ro langs spos mo za nus ma/ /dur khrod ma dang gtum mo rnams/ / sngo dang ser mo btsod kyi mdog /gnag dang dmar ser ljang gu dang / /sngo sangs de bzhin ser skya'o/ /gau rI kang rus dbyug pa dang / /thod pa g.yas dang g.yon pa bsnams/ /tsau rI mda' gzhu 'geng byed ma/ /rab rmongs rgyal mtshan thod pa 'dzin/ / rdo rje dang ni byis pa'i ro/ /ro langs ma yi g.yas g.yon na'o/ /sbos mos rgyu ma 'dren par byed//za nus rdo rje thod pa'o/ /snying dang snying gis bkang ba yi/ /thod pas brel ba dur khrod ma/ /mgo dang lus 'dzin gtum mo'o/ /oM dz+wa la dz+wa la b+h+yoHhU~M hU~M hU~M snying po'o//oM e h+ye hi ru lu ru lu dzaHhU~M ba~M hoH oM badzra DA ki nI b+h+yoH A kar+Sha ya/ pra be sha ya/ pra be sha ya/ ban+d+ha ya/ ban+d+ha ya/ to ShA ya/ to ShA ya/ mo ha na/ mo ha na/ sarba badzra DA ki nI naM hr-i da ya hU~M phaT/dzaHdzaHhU~M baM hoH Tak+ki hU~M dzaH dgugs pa'i sngags so/ /oM shrI he ru ka ma hA badzra sarba duShAn+sa ma ya mu tra pra b+hany+dzaka hU~M phaT/ zil gyi gnon pa'i sngags so/ /oM pa Da pa A kar+Sha ya/ pra be sha ya pra be sha ya/ ban+d+ha ya ban+d+ha ya/ toMShA ya/ to ShA ya/ sarba badzra DA ki nI naM hr-i da yaM/ ho ha hi hi oM AHhU~M/ dbang du sdud pa'o/ /sha chen mas ba lang sha/ /khrag bcas he ru ka mchod na/ /he ru ka dgyes dngos grub mchog /dur khrod chen por stsol bar mdzad/ /yang gsungs pa/ khru ni nyi shu'i tshad ldan pa/ /sku yi dkyil 'khor bri bar bya/ /dbus su gzugs brnyan dgod par bya/ /zhal bzhi gser gyi mdog lta bu/ /rdo rje zhags pa bdung dang mda'/ /lcags kyu ut+pal dang gzhu/ /de bzhin gdug la sdigs mdzub mdzad/ /pad+ma zla ba'i gdan la bzhugs//yi ge bcu ba'i gdan las skyes/ /me tog ma dkar de bzhin du/ /spos ma gnag cing mar me ma/ /ser mo dri ma kha dog dmar/ /gnod mdzes ma dang rnal rgyal ma/ /sgo bzhir lcags kyu la sogs dgod/ /yang gsungs pa/ hU~M gi ye shes hU~M 'don ma/ /rdo rje phag mo rnam par bsgom/ /rab khros phag gi gdong ldan ma/ /rdo rje thod pa lag na thogs/ /gar gyi rol ldan bsgoms byas na/ /yi ge hU~M gi sbyor bzlas pas/ /'od gsal bar ni byed pa dang / /bgegs dang nad rnams 'joms pa'o//de la 'di ni dkyil 'khor ro/ /chos rnams rang bzhin 'gyur ba med/ /'di yi ye shes rdo rje rtag /gzod nas zhi ba gnyis su med/ /nam mkhar nam mkha' ji lta ba'o/ /dpa' bo chen po 'khor lo'i rig pas de skad ces bka' stsal to//zab dang rgya che'i rang bzhin no/ /chos rnams thams cad ma skyes pa/ /gzungs dang 'dzin pa rnam spangs pa/ /gang rnams sgyu ma'i rang bzhin can/ /dpa' bo chen po rdo rje 'dzin pas de skad ces bka' stsal to/ /chos rnams thams cad mnyam pa nyid//rang bzhin med cing gnas pa med/ /dbyer med brjod pa dang bral ba/ /sems can dag pa snying rje can/ /dpa' bo chen po rdo rje nyams de skad ces bka' stsal to/ /'di ni bde chen dam pa ste/ /'phel dang bri ba yod ma yin/ /rgyu dang 'bras bu rnam 'phrul ba//thams cad rten cing 'byung ba'o/ /dpa' po chen po 'jig rten dbang phyug gis de skad ces bka' stsal to/ /bden pa ma yin rdzun ma dngos/ /'gro 'dir rang bzhin yang dag pa/ /ji ltar chu dang chu rlabs bzhin/ /mchog tu dga' ba bdag med pa'o//dpa' bo chen po ral gri'i dam tshig gis de skad ces bka' stsal to/ /de nas rdo rje snying po sogs/ /sngags rnams bzhengs shing phyag 'tshal te/ /dam tshig chen mo rnal 'byor ma/ /gtso mo che la 'di skad zhus/ /e ma'i ngo mtshar las byung ba/ /nam mkha' nam mkha'i rang bzhin las//sna tshogs chos kun 'byung ba ni/ /rdo rje rgyal mo ci zhig lags/ /nyon cig rdo rje'i ji bzhin nyon/ /bdag tu lta ba bzlog pa'i phyir/ /rgyal ba rnams kyis stong pa bstan/ /stong pa ma yin mi stong min/ /thogs med bsags pa'i bag chags kyis//sna tshogs bzhi dang dbang po dang / /gzugs dang sgra dang ro ldan pa/ /dri dang reg bya dang ldan lus/ /phyi dang nang du rnam gnas pa/ /thams cad sems kyi rnam sprul lo/ /'byung ba rnams dang yul med de/ /sems nyid kyi rol snang ba'o//kun rdzob tu ni 'jig rten yod/ /dam pa'i don du gzhan dag med/ /nang gi bde ba rang rig pa/ /gsal ba'i dngos po 'di kho na/ /srid med mya ngan 'das pa med/ /khams med rnam par shes pa med/ /dngos po med cing sgom pa med//rgya mtsho lta bu de bzhin nyid/ /sdig dang bsod nams bya las 'das/ /gcig dang du ma'i dngos kyang min/ /thams cad dngos po gcig gyur pa/ /ye shes gcig nyid rnam par spro/ /sdig bsngal bde ba yul rnams shes//kun las 'das pa'i bde chen po/ /bya ba med cing byed po med/ /ma dkrugs rang bzhin dag pa'o/ /'dod chags med cing chags bral med/ /dbu mar dmigs par mi 'gyur ro/ /'dod chags chen po'i ye shes 'dis/ /chags ldan rnams la byang chub ster//'khor ba sems nyid phyi rol dngos po med/ /sems las gzhan du byang chub yong ma yin/ /srid dang zhi ba ro bral snying po med/ /rang sems snying rje'i bdag nyid mgon 'dir yod/ /de nas de bzhin gshegs pa thams cad kyi sngags dang rgyud 'byung ba rdo rje zhes bya ba'i ting nge 'dzin la snyoms par zhugs te/'di skad ces bka' stsal to/ /oM ma Ni pad+me hU~M phaT swA hA/ oM sarba bud+ng+haDA ki nI ye war+Na nI ye hU~M hU~M phaT swA hA/ na mo b+ha ga wa te me ru shi khar k+kuT pra b+ha rA dzA ya/ ta thA ga thA ya/ ar+ha te samya s+so bud+d+hA ya/ta r+ya thA/ oM me ru me ru ma hA me ru ye swA hA/ oM AHmai tri ye hU~M swA hA/ oM badzra tIk+Sh+Na d+d+hIH oM pi tsi pi tsi pra dz+nyA wad+d+ha ni/ dz+wa la dz+wa la me d+ha war+d+d+ha ni/ d+hi ri d+hi ri bud+d+hi war+d+d+ha ni swA hA/ oM dzam+b+hi mo he swA hA/ oM tA re tu t+tA re tu re/ ma d+ha naM/ de hi de hi swA hA/ oM tA re tu t+tA re ture san+da rA Ni hrIHswA hA/ oM ku ru ku l+le hrIHswA hA/ oM badzra tsaN+Da sarba duSh+tAn+tA ka ha na da ha pa tsa hU~M phaT/ oM ni lam+bar d+ha ra badzra pA Ni rA dz+nyA pa ya ti hU~M phaT/ oM dzi d+hi ka tha ma no ha ra sarba d+ha na paT+Tarat+no hU~M dzuM hU~M hU~M hU~M phaT swA hA/ oM ma no ha ra ha ra/ oM ang+ku sha ang+ku sha hriHhriHhriHhU~M hU~M hU~M phaT swA hA/ oM ha ya grwi ba hrIH a haM a haM/ aM aM hU~M hU~M swA hA/ oM ma hA kA la ha naha na badzre Na kar+yaM ku ru ku ru swA hA/ na mo rat+na tra yA ya/ na mo ma Ni b+ha drA ya/ ma hA yak+Sha se nA pa ta le/ oM hrI ta~M k+Sha~M dzaM hU~M ha/ di bya rat+nau ba/ ba ri sha na/ ar pa ka da pa ya sha/ sa ma ya/ ma nu sma ra ya hrIHhU~M phaT/ oM ma~M di ri di ri tsaN+Da hU~M hU~M phaT phaT swA hA/ oM kaM ga na ba ti ma marat+na sid+d+ha ga ga ga ga ga ga ga ga ga na ba ti swA hA/ oM ga ga na baM ho yaM dzaHga nA baM hrIHyaM dzaH nyi ma'i gdan la yang dag gnas//bgrang phreng pad+ma dmar po bsnams/ /gos dkar mo yis mgul nas 'khyud/ /'jig rten dbang phyug bsgoms par bya/ /gri gug thod pa lag na thogs/ /phag mo rab khros khaT+waM bsnams/ /mdzes ma ya ba'i me tog mtshungs//dkar mo phyugs bdag zhabs kyis mnan/ /gser mdog mtshan rnams kun rdzogs shing / /bdud 'dul phyag rgyas zil gnon pa/ /gau taM byang chub chen por bsgom/ /mgo bregs rtul zhugs chen po'o/ /byung chub mchod rten spyi bor 'dzin//klu shing dang ni mchog stsol phyag /dong ka'i me tog ltar mdzes pa/ /sangs rgyas rig ma bcas te brtag /mdog dkar 'jam pa'i rdo rje ni/ /ral gri glegs bam phyag na bsnams/ /lte bar rang sngags 'khor lo bcas/ /gzhon nu'i tshul can bsgom par bya//zla ba ltar dkar mchog sbyin dang / /po tis mtshan pa'i chu skyes bcas/ /bsgoms nas shu dag dang bcas pa'i/ /skyur po 'thung bas blo gros steng / /rin chen bum pa snye ma bcas/ /gang gi lag na nyer gnas pa/ / gser can sgrol ma bsam byas nas/ /yid bzhin nor bu'i sprin du 'gyur/ /dpag bsam shing rten yal ga dang / /nor bu'i 'bras bu 'dzin pa ni/ /gser gyi phug la gnas par bsam/ /nyi ma 'char ka sar ba'i mdog /lcags kyu ut+pal dmar po bsnams//sgeg 'chang du mas rnam brgyan pa/ /dbang du byed ma bsam par bya/ /dmar po phyag ni bzhi pa ste/ /mda' dang gzhu ni 'dzin pa'i mchog /lcags kyu u t+pal phyag na bsnams/ /ku ru kul+le bsam par bya/ /rdo rje 'chang ba gdan gnod pa/ / sngo sangs yid tsam khro ba ste/ /sgrub pos mdun du bzhag nas ni/ /mtshan brgyad po ni brjod par bya/ /nag po mi sdug rdo rje can/ /brla gnyis bar du mkha' lding ni/ /dug can e dzag ga ra 'joms/ /sdigs byed lag na rdo rje bsgom//mdog bzang kA ma d+he nu'i ba/ /pi cu ra 'bras snye ma 'dzin/ /bum pa la gnas gnon sbyin mo/ /ma rka Ta bcas bsam par bya/ /pad+ma rA ga'i 'od dang mnyam/ /kyo ba ne'u le'i rkyal ba can/ /nor rgyun ma ni rnam par bsgoms/ /nges par dbang du byed pa yin/ / khro bo'i rgyal po rta mgrin ni/ /khyi gdong rdo rje lha mo bzhi/ /bsgoms na gdug pa kun 'dul ba'i/ /gzi brjid rta mchog mtshungs par 'gyur/ /yang na nag po dmar dang dkar/ /rdo rje dbyug to bcas ral gri/ /thod pa zhags pa thal mor bcas/ / mkha' lding rgyal po rnam par spro/ /phyag g.yon dbyig tho 'dzin byas nas/ /nor rgyas tshangs pa bcas gzir ba/ /bsgoms na dug rnams skyod pa dang / /sna tshogs las rnams 'grub par 'gyur/ /mun pa'i sku lus khrag 'dzag zhal/ /gra gri thod bcas sha za ba//kha T+wAM mgo bo'i phreng bas brgyan/ /dug shing las byas mchod par bya/ /dzaM b+ha la ni nor sgrub pa/ /ser po bi dza pu ra 'dzin/ /ne'u le g.yon bsnams bsgoms byas nas/ /chu sbyin dbang po bsgrub par bya/ /rab dmar thod po'i gdan la gnas//cang te'u thod pa shas gang 'dzin/ /ral ba can la bsgoms byas nas/ /sha za mo rnams mngag gzhug 'gyur/ /glang po spre'u rgyal byi ba'i gzugs/ /dgra sta la phug phyag na bsnams/ /lcags kyu chang snod bsnams pa yi//phyag drug zhabs ni bzhi ba la/ /chung mar g.yog mo bcas bsgom nas/ /bgegs kyi rgyal po mchod par bya/ /rab dmar mche ba gtsigs pa ni/ /zhags pa lcags kyu'i rab sbyor ba/ /'di yis bgegs rnams 'joms pa dang / / blo dang dbang du byed pa yin/ /hrIH/ ba~M/ hU~M/ mai~M/ d+d+hI/ a/ tA~M/ tA~M/ tA~M/ hrIH hU~M/ hU~M ba~M/ hrIH/ ha~M/ hU~M/ dzaM/ hrIH/ ba~M/ ba~M/ bdag nyid he ru ka'i sbyor bas/ /gnod gnas dbang po dmar po g.yas brkyangs pas bzhugs pa/ gnod sbyin mo la 'jug pa bsam nas/oM dzam+b+ha la dza len+d+ra ye d+ha naM mi de DA ki nI dzA la saM b+ha ra swA hA/ zhes pa 'dis chu sbyin na khams gsum gyi dbang phyug tu 'gyur ro/ /tA~M yig ye shes las skyes pa/ /zhal bzhi ba la sha yi mdog /phyag gnyis ut+pal phyag rgya can//phreng ba mda' chen 'khor lo dang / /rgyal mtshan gzhu dang bum pa 'dzin/ /lha mo sgrol ma bsam par bya/ /'jigs pa brgyad las bsrung bar 'gyur/ /sngags 'dis bza' bca' ror bcas 'bul/ /na maHsarba bud+d+ha bo d+hi swa twA nAM/ a pra ti ha ta shA sanA m+tA/he he b+ha ga ba te ma hA sa twa sarba bud+d+ha a ba lo ki te/ mA bi la mA mA bi la mA/ i daM ba li grih+na pa ya hU~M hU~M hU~M sarba baM sany+tsa re swA hA/ zla ba nyi ma sman dang dri/ /mar khu sgrol ma lha bcas pa/ /rnal 'byor ldan pas bza' ba dang / /ljo ri de bzhin gtor ma bya//sgrol ma'i gzugs kyis bum pa la bzlas te nad pa la bkrus na nad las thar bar 'gyur ro//thag gu la mdud pa byas shing / shing bu la bsngags la a zhes bzlas pas chom po bsrung bar 'gyur ro/ /phag mo'i sngags 'bum bzlas te dkyil 'khor sin+d+hu ras byugs pa byas la/oM a badzra na ra ka hrI khaM hU~M phaT/ ces pa zhag bdun gyis rmi lam du zhal ston par 'gyur ro/ /sgrol ma dmar mo'i rnal 'byor la gnas pas skar ma rgyal la mchod rten dmar po byas la/ tshes brgyad la ut+pal gyi 'khor lo kha sbyor byas la bum par bcug nas bskul ba dang bcas bzlas pas gang dbang du bya ba de 'ong bar 'gyur ro//byams pa'i sngags kyis bzlas pa'i chus 'khrud pa dang sa dkar la bzlas te ri lu byas pa dang srung skud byas pa de dag ni nad gdon las thar ba dang /mtshams med pa byas pa'ang ngan 'gro las thar bar 'gyur ro/ /ku ru kulpe'i rnal 'byor la gnas pas gtsang bo'i chu zangs ma'i snod du blangs te de la gnod sbyin mo rin po che dang lcags kyu 'dzin pa bsams nas/oM uSh+Ni Sha ya d+ha ra d+ha ra d+hi ri d+hi ri swA hA/ oM dzam+b+he mo he hr-i da yaM war+d+ha ni hU~M hU~M phaT/ nangs par sum brgya bzlas nas khrus byas na thams cad dbang du 'gyur ro/ /lha mo ba ta lI ser mo lcags kyu dang zhags pa 'dzin pa bsams nas/ oM ba ta lI pu tra sid+d+hi hU~M phaT/ces bzlas pas rigs rgyud 'phel bar 'gyur ro/ /sarba dza ya dngul chur bcas pa rna bar bzhag na mtshon gyis chod par mi 'gyur ro/ /rang nyid gdugs dkar mo can du bsgoms nas/ tad+ya tha/ oM a na le/ a na le/ kha sa me/ kha sa me/ ba rab ra/ sau me sau me/ sarba bud+d+ha d+hiSh+Tha nA d+hiSh+Thi te sarba ta thA ga ta uSh+Ti Sha si tA ta pa tre hU~M phaT/ hU~M ma ma hU~M ni swA hA/ zhes bzlas pas bar du gcod pa thams cad bzlog par 'gyur ro/ /lag na rdo rje dang gnod mdzes kyi rig sngags grub pas dkyil 'khor gyi dbus su rdo ba'i rdo rje'am gnam lcags kyi rdo rje byas la ba ta la sid+d+hi hU~M phaT/bzlas pas 'bar bar gyur nas sa 'og gi dngos grub thob par 'gyur te srad bu la sogs pa'i 'khrul 'khor bcom nas dpal gyi sgo'am/ bug sgo rnams su 'jug ste stobs can dang gzhan len la sogs pas mchod par byed de/ji ltar sa 'og gi rtog pa las bshad pa de bzhin no/ /dpa' bo gshin rje gshed po ni/ /nag po dbyug pa zhags pa bsnams/ /ma he la gnas bsgom par bya/ /oM ya mAn+ta ka hU~M bzlas/ /re mig dgu pa khang pa lnga/ / khang pa bcu gnyis dag dang bcas/ /hrIHSh+T+rIM la sogs dag gis bskor/ /'di yis drag shul spyod kun sgrub/ /ya k+The ma me da dza sa do ru/ Na yo nI rA yats+tsha ni ra/ gzhan yang gnod sbyin mo la sogs pa sgrub bo// //oM yo yak+Shi NI bI ra dze swA hA/ shing leb la gos 'dzin pa mo bris la skye gnas su gzir bas bzlas na 'ong bar 'gyur ro//'ongs nas kyang ci bgyi byed par 'gyur ro/ /oM b+ha ga wA te swA hA/ byang chub kyi shing la sogs par gzugs brnyan bya'o/ /gnod sbyin mo nor can gyi'o/ /na mo ba shra ma Na/ta ya na Da ku ba rA ya/ dI bya pi mA na tsi ra tA ya/ he ma mA la kuN+DA la/ sha ri ha ya/ yak+Sha sa/ ban+d+ha yat+tAM b+ha ga wAn/ A brta yi Sh+ya mi/ tad+ya thA/ oM ma Ni ma Ni/ kuT+Ta kuT+Ta/ ku ku ku ku/ pa ra pa ra/ pu ra pu ra/ ku pa ra ku pa ra/ na Da ku pa ra/ dbya man kuN+Da li ku bi ku pi swA hA/ na Da mo yi 'o/ /oM na De bi na De d+ha ra Ni swA hA/ na Da pho yi'o/ /yak+Sha ke li ki lo na mo sat+ta pa di triT+Ta pra taH ta sha t+yaH piN+Da dad mi/ se ma kA mA na pra yats+tsha tu swA hA/ ki li ki li'i'o/ /phuHhaM phuH klu mo mtha' yas ma'i'o//oM hrIHdza/ gzhan gyis mi thub ma'i'o/ /na mo b+ha ga ba te bi lu pa lA ya/ pi shA tse/ saSh+pa b+hung+ga te/ sa me ka ma na/ pra yats+tsha tu/ tad+ya tha/ hu lu hu lu/ pi shA tsa/ bar ba ra/ bar da bar da/ tsu lu tsu lu/ tsu Tu tsu Tu namaHswa ha/ sha za pi lu pa'i 'o//na mo b+ha ga ba te pi shA tsA ya aM ka ka na ka pi shA tsa d+ha ra ma Ni swA hA/ sha za nor bu 'dzin pa'i 'o/ /oM kriSh+Na pi shA tsA ya pa ra pa ra sarba ar+tha na me sA d+ha ya swA hA/ sha za nag mo'i'o/ /a lu ke bo le ke gr-ih+Na piN+Da pi shA tsi ni swA hA/ a lu ki'i'o/ / oM kha ra mu kha pi sha tse nI hi hi dad pa ya swA hA/ bong gdong ma'i'o/ /oM ta ti le ta ti le kriSh+Na mu khe ma hA pi shA tsi de hi de dA hi swA hA/ dus kyi gdong gi'o/ /tshe ring bcud len ri lu sogs/ /bgro ba pho mo 'gugs pa dang / /lkog gyur shes pa ston la sogs//de bzhin gser gyi 'dod pa ster/ /de nas bcom ldan 'das shAkya thub pa khros pa rdo rje gtum po spros pa ni/ hU~M/ ral gri zhags pa bsnams pa'i mchog /skra ser mkhrang la grims pa'i lus/ /ma rungs gtum po cher 'khrugs pa/ / mdog nag mig yon spro ba che/ /oM tsaN+Da ma hA ro Sha Na hU~M phaT/ /me yis bgegs rnams skrod pa dang / /sngags bzlas chu yis srung ba'am/ /'phar ma gnyis pa'i 'khor lo bris/ /'di yi bris sku byas nas ni/ /khro rgyal rtag tu gtor mas mchod//yungs kar chu dang pu ta lis/ /bgegs rnams nyams par byed pa dang / /dpung rnams gnon dang dbye ba dang / /gsad pa la sogs rab bya ste/ /gtum po khros dang gtum po yi/ /dam tshig 'byung ba la sogs par/ /mi g.yo rgyal po nyid kyis gsungs//sngon tshe lha mo bde ldan dang / /sangs rgyas mi 'khrugs 'dus pa las/ /bdag dang ming po mi g.yo bcas/ /dgra bcom rnams kyis chos bstan pa/ /bdud dang lha min gyis nyams byas/ /lha dang lha min g.yul 'gyed tshe//mi g.yo mgon gyis lha min dbang / /khrag khrig bcu gnyis rab gtubs nas/ /de de'i chung ma kun 'dod byas/ /mi dang dri za mi'am ci/ /gnod sbyin klu rnams srog bcom ste/ /thams cad mi 'khrugs zhing du 'phangs/ /kun gyi ming yang mi 'khrugs rgyal//mi g.yo chags chen gyur pa yis/ /sring mo bdag dang ma yang brten/ /bde ba'i bde ba mchog de yis/ /sangs rgyas mi g.yo mgon por gyur/ /mi g.yos dgra bcom rnams la smras/ /bud med spangs pa'i sdig pa las//shes rab spangs shing bde spangs pas/ /snying rje shin tu dman par byas/ /shes rab snying rje gang spangs na/ /'dis ni sangs rgyas dam chos dang / /dge 'dun yang ni rnam spangs pas/ /dge slong bud med smod byed pa/ /sdom pas dman cing sdig dang bcas//bud med sbyor las sdom brtson nyid/ /gzhan ni tshangs spyod med pa'i phyir/ /mgo breg sgyu mas 'jig rten slu/ /khyed cag sring mo'i dam tshig gis/ /de tshe gling bzhi'i dge slong gtso/ /bud med dam tshig bde ba yis/ /bla med byang chub thob par gyur//rnam snang la sogs rab tu grags/ /dus 'dir ming po gau taM de/ /go pA sring mo sgrol ma bdag /bud med brgyad khri'i bde ba yis/ /longs spyod khyim du sa bcu thob/ /de nas zhing du kun 'dar gyi/ /spyod pa yongs su spyod pa na/'jig rten kun tu rgyu zhes rtog /dga' mo dang ni dga' stobs ma/ /zas bcas snyoms 'jug bde ba yis/ /dbang bskur rdzogs sangs rgyas pa nyid/ /mi g.yo khros pas bdud bcom nas/ /bdud kyi bu mo rab bkram rnams/ /'dod chen spyad pas rjes su bzung //drag shul spyod dang 'khrig sbyor las/ /byang chub lam gzhan yod min yang / /blo chen chags bral byams pa la/ /mos phyir rgyal bas sgyu ma mdzad/ /bud med bdag sgrub de yis ni/ /ming po la sogs mnyes par bya/ / mi g.yo rgyal po'i dam tshig gis/ /rnal 'byor pa gang sring mo dang / /bu mo ma yang mchod par bya/ /yug sa mo kun bde ba yis/ /dga' bar byas na mi g.yo mnyes/ /mi gang nga la mchod byed pa/ /khro bo gtum pos byin gyis zlo ba/ /mi g.yo ba'i dbugs dbyung ba'o//oM ta re tut+tA re tu re/ sarba b+ha ya sha ma ni sarba durga ti tA ra ni tu re swa hA/ seng ge la sogs srung ba'i'o/ /oM dI rad/ ba da ni e ka daMSh+T+ri ma hA na se lam+bo d+ha ri kar+d+ha kar+d+ha tra sa ya tra sa ya/ sho Sha ya sho Sha ya tA re tut+tA re tu re swA hA/ glang po che la sogs srung ba'i'o//oM shi khI ba da ne ma hA u la kA mu khI/ dz+wa la mA li ni sa p+ta dzi hwI/ sa p+ta mu khI bi shwa na ri tA re tut+ta re tu re swa hA/ me'i 'jigs pa srung ba'i'o/ /oM pha n+wi ma hA pha ni kriSh+Na ne tre e ka da na dzi hwi ka re Na/ tsa lA ya tsa lA ya ma hA bi Sha bak+Shi ni tA re tut+tA re tu re swa ha/sbrul la sogs pa srung ba'i'o/ /oM khang+ga hasti b+h+r-i ku Ti mu khI ud+d+ha ke sha ma hA na di kriSh+Na any+dza na b+har+Na tshin+d+ha tshin+d+ha b+hin+d+ha b+hin+d+ha u ta ra ya ta re tut+tA re tu re swA hA/ chom rkun sogs pa srung ba'i'o/ /oM rak+ta bar+Ne bA shang+ku ru sha hasti ma hA ra wi/ ma hA ba la sa ra sa ra bi sa ra/gr-in gr-ih+ta A kad+d+ha A kad+d+ha mahA durga na mu tsA la tA re tut+tA re tu re swA hA/ lcags sgrog las skyob pa'i 'o/ /oM dza le dza le ma hU dza le tA ra ya tA ra ya u ta rA ya u ta rA ya/ shrirla la has+t+ri ma hA dza we a ka wI ri ma hA kA ru Na tA re tut+tA re tu re swA hA/chu las skyob ma'i'o/ /oM ma hA gam+b+hi r+yai ma hA kA ru Ni ke b+ha ga wAM bA le bar da a b+ha ya ha sti tA re tut+ta re tu re swA hA/ sha za las srung ba'i'o/ /'khor lo ljang gu rtsibs brgyad pa/ /dbus su bsgrub bya dgod par bya/ /rtsibs brgyad la ni yi ge brgyad//sngags kyi grong khyer ba dag pos bskor/ /ljang gu sa srung bar 'gyur ba ste/ /'chi ba slu byed dkar po'o/ /nad dang btson las thar ba dang / /tshe dang longs spyod brtson 'grus dang / /dbang phyug dang ni blo gros 'phel/ /tshwa la gi hang dri chu dang //sa dang tsi tra ka dpa' bo/ /gla rtsi ro tshan ri lu yis/ /dug rnams srung bar byed pa ste/ /bzlas dang bsgom pa'i rnal 'byor bya/ /piN+Da ta kar rtsa ba dang / /be'u'i lci bas dug rengs byed/ /rim gsum rtsibs ni bcu drug pa/ / ku ru ku l+le'i sngags bris te/ /kha sbyor gzugs brnyan sbyor ba bya/ /zangs ma'i khab kyis gsang gnas phug /tshar bcas gcin gyis kha bkang nas/ /rgya shug me la gdung bar bar bya/ /me tog bsnun dang zas dang spos/ /mig sman sbyor bas dbang du bya//sgrol ma dkar mor bsams byas nas/ /mi smra bar ni 'bum bzlas so/ /sangs rgyas rtag pa'i sbyor las byung / /yid gzhungs ma sogs bzhi dang ldan/ /has+t+ya li dong ra zi ra/ /grogs sman ru rta la la phud/ /ra yi 'o ma mar bcas btung //shu dag hal+t+ya'i bzlas zos na/ /'dis ni blo gros 'phel bar 'gyur/ /maN+Dal mchod nas mi 'jigs rgya/ /spyi bor reg pas chom rkun srung / /gu gul dA li'i 'dab ma dang / /ru rta gla rtsi dpa' bo sbyar/ /shu dag shing khun sbyar ba las//ril bu 'bum bzlas bza' bar bya/ /dri chu bla bas gnas lngar bsrungs/ /mdze nad gso bar byed pa'i mchog /me tog b+h+ring+ga ra dzar bcas/ /sna yis rngubs na rgas pa sel/ /lo gsum bud med sbyor ba yis//khu ba bkag pas gzhon nur byed/ /rna bar du ga dang na le shaM/ /lo gcig lon pas 'on pa sel/ /rgya mtsho'i wu ba rgya mtsho'i 'bras/ /ra gcin sbyar bas mig nad 'joms/ /oM sum+b+hi ro b+ha na ye swa ha/ koSh+Ta'i rus pa bya rog mig /gser gyi phur mas bag nad srung / /dkyil 'khor lcags kyu ldan pa bya/ /mchod na btson las thar bar 'gyur/ /halti gi haM kas+thu ri/ /rtsa sngags bum par gdags byas la/ /nam gung sbrum ma bkru bar bya/ / nad med bde bas btsa' bar 'gyur/ /su to tsi 'bras mar dang bsres/ /bzlas nas bud med la sbyin te/ /khrus byas mo gsham gzugs 'chang ba'ang / /nges par bu dang bcas par 'gyur/ /srung ba'i 'khor lo gdags byas la/ / maN+Dal mchod dang bzlas pa dang / /khrus ni nyin re nyin re bya/ /byis pa 'tsho ba'i dam pa yin/ /yang gsungs pa/ lte bar hrIHbrgyad bung ba'i gzugs/ /spro zhing de yi bcud gzhib bya/ /dzaHho hU~M a pa~M hi/ a kaR+Sha ya ang+ku sha dzaH dpral bar thig le byas na ni//bud med thams cad dbang du byed/ /yang gsungs pa/ nam mkha'i dbyings kyi dbus gnas par/ /dpag tshad bye ba'i dkyil 'khor bsam/ /cho ga shes pas der dbang bskur/ /sangs rgyas rnams ni thams cad kyi/ / rdo rje gsang ba gsum las byung / /khams gsum kun gyis phyag byas pa'i/ /gnas kyi dbang bskur sbyin par bya/ /skyes pa de bzhin gshegs ye shes/ /bud med rig pa'i lha mor bya/ /bu mo bcu drug lo lon 'khyud/ /bde ba sgom pa slob dpon no//gsang 'di su la'ang brjod mi bgyi/ /gal te smras na de yi tshe/ /shin tu rno ba'i shU la ni/ /rnal 'byor ma yi phyag na gnas/ /gang gi dam tshig 'jig byed pa/ /de la 'di yis mchog tu 'bigs/ /b+ha ga 'jibs bcas tsA ru bza'//gsang ba'i dbang ste gnyis pa'o/ /ston pas bu la gtang byas nas/ /snyoms par 'jug pas ro mnyam bsgom/ /sa bcu'i bde ba thob pa na/ shes rab ye shes zhes brjod do/ /chags dang chags bral las 'das pa//dbu mar mi dmigs 'od gsal ba/ /mi 'gyur rtag pa mchog tu phra/ /bzhi pa'i ye shes 'gro 'ong med/ /gnyis sbyor brtul zhugs chen po pa/ /bde ba che grub slob dpon te/ /chags ldan g.yo sgyus bud med smod/ /lhung bzed 'gengs byed slob dpon min//sa chog slob dpon bya ba dang / /dbang bskur dam tshig sbyin sreg dang / /rab gnas mchod yon cho ga dang / /rdo rje dril bu bgrang phreng dang / /dgang blugs de bzhin phyag rgya drug /sku gzugs tshad dang tha ma'i chog /phyir zlog srung ba bzlas pa dang / /nad dang gdon dang rims 'joms dang / /tshe dang longs spyod rigs 'phel dang / /dbang du byed dang gsad dang skrod/ /dbye dang mnan pa lha khang gi /cho ga 'di rnams slob dpon las/ /de bzhin bcud len rig 'dzin dang //sna tshogs las dang dngos grub dang / /sman gyi sbyor ba rnam mang po/ /rgyud dang rgyud du mngon par brjod/ /kha sbyor rdo rje mkha' 'gro dang / /gdan bzhi de bzhin rdo rje gur/ /'byung dang zla gsang thig le dang / /mi g.yo gshin rje gshed dmar po//sna tshogs sgrol ma'i rgyud chen dang / /ku ru ku l+le ral gcig ma/ /bcu gcig rnal 'byor ma yi rgyud/ /kun gyi sbyor ba rgyas pa'o/ /gzhan rnams gang rnams de dag ni/ /sna tshogs rgyud dang rgyud du shes/ /rtsod ldan dus su gang bstan pa//de dag thams cad bsdus pa'o/ /'on kyang gzhan rnams su sbas pa/ /'dir ni gang dag mngon gsungs pa'i/ /mi shes byis pa rnams la yang / /rtag tu gnas pa'i bde chen po/ /bzhi pa'i ye shes 'gyur ba med/ / rang byung chos kyi sku zhes brjod/ /rkyen las byung dang mi rtag phyir/ /shes rab ye shes bzhi pa min/ /las dang ye shes phyag rgya ni/ /dam pa'i don du don ma yin/ /don dam btags pa kun dang bral/ /de phyir smra bar nus ma yin/ /'jig rten 'dod pas rab g.yeng dang //chags bral rnams kyi dben pa dang / /zhal phyag rnam pa'i yid bde dang / /thig le phra mo bde sgrub dang / /lte ba'i re ga sgom 'bad bcas/ /stong nyid mthong bas rab dga' dang / /rlung rnams thim pa'i sems med bad bde/ / 'gro don byed 'gyur rab dga' dang / /bud med sbyor ba'i rab bde dang / /yid dang gzugs brnyan bde ba de/ /'di dag rkyen dang bcas pa yin/ /rang bzhin bde chen gzhan pa nyid/ /lus dang ngag yid dpe dang bcas/ /chags dang chags pa bar ma dang //chags bral ces pa'ang yi ger bcas/ /dga' ba dang ni mchog tu dga'/ /dga' bral g.yo bcas mi brtan pa/ /bde dang sdug bsngal rig pa po/ /gsal dang mi gsal brda tsam ste/ /de dag de la snying po med/ / chags pa la ni chags dngos med/ /chags bral la yang chags bral med/ /dbu ma las kyang dbu ma med/ /thams cad rkyen las byung bcom/ /dngos dang dngos po kun bral ba/ /dngos po kun gyi bdag nyid dngos/ /'di yi rang bzhin mi 'gyur bde//dpe med yi ge med pa dang / /g.yo ba med dang 'gyur ba med/ /bde chen rang bzhin gyis/ /mya ngan 'das pa gcig pu bden/ /kun byed 'di la byed po med/ /bdag dang sems can srog ces dang / /gtso bo dbang phyug rdul phran sogs//ye shes 'di la rnam par brtags/ /rdo rje sems dpa' lhag pa'i lha/ /'gog dang lam bden chen po pa/ /dri ma sngon nas zad pa dang / /chos kun gdod nas sangs rgyas pa/ /bden gnyis dbyer med tshul 'di bstan//ji ltar me mar khang par bus/ /skar khung lnga las phyir snang ba/ /de bzhin kun gzhi'i me mar 'od/ /dbang shes lnga zhes rnam par sprul/ /me mar lnga zhes yid kyis rtog /'od dang me gzhan yin no zhes/ /yid gzhan blun pos ngar 'dzin byed//chu las chu rlabs ji bzhin ltos/ /rdzogs sangs rgyas chos gang gang de/ /sems can khams la re rer gnas/ /dbye ba med cing mthong med pa/ /gser khams rdo la gnas pa bzhin/ /lus ngag sems la 'khrig pa ste//rdo rje rnam bzhi mngon gyur pa/ /gzugs brnyan brag cha nam mkha'i dngos/ /bde ba chen po'i sku zhes bya/ /lte ba mgrin pa snying pad+ma/ /yang ni mgo bor rab brjod pa/ /sems can srid gsum 'byung ba dang / /'di nyid du ni thim pa'o//dbang bskur ba rdo rje ye shes kyis de skad ces gsungs so/ /de nas rdo rje phag mo la sogs pa rnams dang / ma mo rnams dang / dbang phyug ma rnams dang / lha dang mi dang klu dang dri za dang / gnod sbyin dang srin po dang / mi'am ci la sogs pa'i bud med ri rab grangs med pa sum cu rtsa gnyis kyi rdul snyed rnams the tshom du gyur/yid gnyis su gyur nas bcom ldan 'das rdo rje sems dpa' la 'di skad ces gsol to/ /sangs rgyas rdo rje 'dzin pa yi/ /dbugs dbyung ba ni ji ltar bstan/ /dus 'dir nyung ngu gsungs pa ci//chags chen nges par gsungs pa gang / /rig sngags bzlas pa byed rnams kyis/ /ji ltar lha la bsnyen par bgyid/ /rlung gi sbyor bas lus dag pa/ /de bzhin dga' ba la sogs ci/ /mchog gyur bud med dam tshig dang //ngan zos ngan spyod thams cad kyis/ /grol ba'i bdag nyid gang yin pa/ /lha lags mgon pos bshad du gsol/ /'di la rig pa'i brtul zhugs ci/ /btsan thabs sbyor ba'ang ji ltar 'gyur/ /bud med dang ni skyes pa dag /mngon par 'grub pa'ang bshad du gsol/ /nyon cig ji bzhin rdo rje nyon/ /dbugs dbyung rnam pa gnyis bstan to/ /'di la dang po rdo rje sems/ /phyi nas de bzhin gshegs pa'o/ /'das pa'i dus na sngon byung ba/ /rdo rje sems dpa' lhag pa'i lha//sangs rgyas bdag nyid rnams bsdus nas/ /rig ma btsun mor rnam par ro la/ /chos 'byung nam mkha'i khams gnas pa/ /ye shes rgya mtshos rnal rol pa/ /sangs rgyas byang chub sems dpa' ni/ /ma lus lus pa med par skyed/ / bdag nyid bde ba che rang bzhin/ /sems can khams la rjes zhugs pas/ /thams cad bde chen byang chub thob/ /bde bas mngon par zhen rnams la/ /sangs rgyas rnams kyis stong nyid bstan/ /de des grangs med mngon byang chub/ /phyi nas stong par mngon zhen rnams//thams cad dmyal bar ltung gyur pas/ /rgyal ba rtag pa rnam sprul te/ /dbu ma la ni rnam par gzhag /rang dang gzhan don cher bsgrubs pas/ /dpag yas mchog tu grol bar byas/ /kun rdzob rjes zhugs ngar 'dzin can//rnam rtog du mas rnam dkrugs pa/ /de dag gzhan gyi bsam pa kun/ /rdzogs byed bya ba mchog la bskul/ /rin chen nyi ma rnam sprul pas/ /de dag bla med byang chub la/ /mchog tu dga' bas gzhol bar 'gyur/ /gzhan las rjes su chags ldan pa//de tshe 'dod chags kyis bcings pas/ /pad+ma gar dbang rnam sprul te/ /'dod chags bde ba'i lam gyis ni/ /brjod med 'gro ba mngon byang chub/ /phyi nas bde la chags ldan rnams/ /le los mngon par nyams gyur nas/ / blo ngan 'jig rten rnam par 'khrugs/ /rta mchog rgyal po rang sprul te/ /sems can brtson 'grus gnas la bzhag /byi bo rkun po dgra la sogs/ /rang rang tshul gyis mngon sprul pas/ /thams cad rdo rje'i gnas la bzhag /brtson ldan spyod pa sna tshogs pas//shin tu khro gtum gdug pa na/ rab khros he ru kar sprul pa/ /drag shul gsod la dgyes par gyur/ /srin po gnod sbyin 'byung po gdon/ /ma mo bcom byas rig sngags dang / /rdzas dang mtshon cha 'khrul 'khor dang / /sman gyis kyang ni thams cad bcom//zhe sdang gdug gnon zhi ba'i phyir/ /slar yang bde chen mgon po la/ /ma 'ongs dus na rab 'jug ste/ /dbugs dbyung dkyil 'khor dam pa'o/ /'dir ni don dam kun rdzob ste/ /longs spyod rdzogs dang sprul pa zhes/ /gzhan ni rgyu dang 'bras bu ste//dbugs dbyung gnyis su bstan pa'o/ /'dir yang don dam rnam pa gnyis/ /bde ba che dang de nyid do/ /kun rdzob gnyis kyang 'jig rten dang / /dkyil 'khor zhes ni re zhig bzhag /tshe thung brtson 'grus zhen pa dang / /srog chags gsod la dga' ba dang //'dod la spyod pas g.yengs gyur pas/ /da lta rgyud rnams nyung ngur gsungs/ /bskal pa grangs med sum cu gnyis/ /'bad kyang da rung byang chub med/ /bde bas tshe 'dir 'grub 'gyur ba/ /de phyir 'dod chags chen por bstan/ / bde bas bde ba thob 'gyur te/ /sangs rgyas bde ba bde chen po/ /'bras bu dang mtshungs rgyu sgrub pa/ /ma tshang stong pas mya ngan 'da'/ /sdig pa med dang dad pa dang / /byang chub mchog tu sems bskyed dang / /ser sna dregs dang nga rgyal med/ / 'dis ni nges par 'grub par 'gyur/ /mtshams med lnga dag byas pa yang / /'di yi sgrub pa por 'gyur na/ /gzhan lta smos kyang ci zhig dgos/ /bgegs 'joms bdud rtsi 'khyil pa ni/ /dang por 'bum phrag bzlas byas nas/ / mchod rten la sogs byed pa dang / /mchod dang bskor ba la sogs bya/ /yan lag mchog dang dad ldan pa'i/ /bud med yid 'ong yang na gzhan/ /sngags spyod snying rje blo ldan pa/ /snying stobs ldan pa grogs zhes bya/ /bram ze mu stegs nyan thos med//dang po'i las can der gnas bya/ /bris sku mchod pa dang bcas shing / /dang por rigs kyi lha nyid bsgom/ /bye ba bye bar bar bzlas la brtson/ /phyi nas dkyil 'khor rnam bsgoms nas/ /bzlas pa 'bum du bya ba yin/ /sbyin sreg mchod la mngon par brtson//dkyil 'khor mdzes pa bris nas ni/ /zla ba drug tu mchod par bya/ /sngags pa sngags dang de bzhin grogs/ /phyogs dus rdzas dang brtson 'grus dang / /lha ni bdun par gsungs pa yin/ /da ma tshig brtson 'grus bzod pa dang //dad dang snying rje sngags mnyams/ /le lo med na myur thob 'gyur/ /lha dang rig sngags mthu ldan zhing / /sems stobs ldan dang mtshan ma thob/ /'di yis dngos grub bsgrub bya yi/ /gzhan du na ni nyon mongs 'gyur/ /g.yon nas lta bas dgang ba dang //g.yas kyis dgug pa de bzhin no/ /dpral ba'i lta ba re tsa ka /sna rtser bum pa can yin no/ /lte ba las ni rlung skyed pa/ /me nyid dang ni rlung nyid dang / /de bzhin chu dang dbang chen te/ /'khor lor sems kyi kun spyod pas//steng logs thad ka 'og tu gnas/ /srog nyid dang ni thur sel dang / /gyen rgyu khyab byed me mnyam gnas/ /'khor lo kun tu 'gro spyod pa/ /klu dang rus sbal sogs de bzhin/ /snye ma la sogs rnam bde gnas/ / mig dang rna ba dang ni sna/ /lce dang lus la byang chub sems/ /de bzhin sgo ni dgu na yang / /grong bzhi dang ni sgo bzhi pa/ /sgo ni dam pa gnyis nyid dang / /dman pa'i sgo ni rnam pa gnyis/ /byed pa bcing bas sgo phye zhing / /yur ba las ni chu 'bab ltar/ / de bzhin rlung gi sbyor ba yis/ /lus ni dag par byed pa yin/ /sgrub po'i dbang po gang zhig dge bsnyen nam/ dge tshul lam/ dge slong yang rung ste/ shin tu dben pa'i ri bo'am/ nags tshal lam/ skyed mos tshal lam/khyim du gnas pas/ lang tsho ldan pa gzhon nu ma'am/ dar babs ma blangs te/ gzugs bzang mig mdzes skra bzang ba/ /lam 'dir blo brtan rnyed nas nas ni/ /mchog tu dga' ba rab tu brtsam/ /'dod pa'i longs spyod ma chags shing //bde la mngon par rjes chags pa/ /rnal 'byor ldan pa mthong dga' ba/ /de las sbyor ba'i dngos grub thob/ /lus ni rab tu rtas ldan pa/ /dga' ba'i tshig 'jam rol mo dang / /'khyud dang tsum pa ta nu 'drud/ /ze'u 'bru 'dab ldan bskul ba yis//g.yo dang brtan nyams dga' bar / /mig zum 'gyur ba bdag nyid la/ /las mang 'bras bu bde chung bas/ /cha shas bde ba dga' dang po/ /steng dang 'og tu rnam bltas nas/ /rlan bcas pa d+ma rab rgyas par/ / rdo rje rgyas pa rab bcug pas/ /'dar dang 'gyur dang sita kyi sgra/ /u yig drod bcas sgra nyams pa/ /bu mos ye shes thob 'gyur te/ /rtsol bral khyab pa'i bde ba ni/ /mchog tu dga' bar yang dag brjod/ /rab bskyod gnyis kyis bskyod pa las//ngu ba'am rgod pa'am byis pa'i tshul/ /'dod pas mi bzod dran nyams pa/ /bdag gis ye shes bde gsal ba/ /rang bzhin bral 'di lhan skyes dga'/ /nyams dang bral ba'i dga' spangs nas/ /ye shes mchog gis dgag par bya//yang na btsan thabs sbyor bas so/ /rdo rje 'khums dang chu skyes zum/ /bde ba rjes dran dga' ba'i dga'/ /mchog tu bcing ba rnam pa bdun/ /phrag par rkang pa zung ster dang / /steng dang logs dang thad ka rgyab/ /shin tu rkyong dang bsnol ba'o//rdzas kyis thig le'i rim gror bya/ /skye gnas dam pa tsha ba yi/ /sbyor ba thams cad bya bar bya/ /'di yis ye shes rgyas par 'gyur/ /zhing na gnas pa'i bud med rnams/ /'dod chen sbyor bas mnan bya yi/ /me tog sogs kyis mchod mi dges//sbyor ba gang gis rdo rje dang / /pad+ma sad pa de bsten bya/ /chu skyes dbus su sems phyung la/ /de yi ye shes mtshon byas nas/ /me tog bcas pa ling+gas btung / /rA sa ya Na'i bde ba'o/ /rab tu dga' sogs gnas byas nas//'gyur ba med kyang 'gyur bar ston/ /khu ba phyed kyis shes rab ma'i/ /'khor lor 'gro 'ong zad par byed/ /gzugs mdzes bltas dang dga' ba'i sgra/ /dri mnams ma mchu'i sbrang rtsi btung / /reg dang gnyis gnyis sprod pa dang //rdo rje bslangs pa b+ha ga yis/ /'tshir dang zil bas gsher ba dang / /drod dang g.yo ba rnam shes gsum/ /rab dga' la sogs sar brjod pa/ /phung po rin chen snod du sbas/ /dang po'i las can rnams la ni/ /bud med spangs pa'i ye shes med//dang po tha mar gnyis sbyor bas/ /sangs rgyas bde ba rab tu 'grub/ /nus bral slob dpon dbang bskur ba/ /pad+mar sems ni mngon dbab pas/ /bde gshegs mchod par bya ba nyid/ /gzhan du phyung na dngos grub ring / / bud med dag kyang 'dis grol te/ /sor mo shing dang pags pa yi/ /'khrul 'khor dag gis rtsa sad bya/ /'dod chen bud med rab grol phyir/ /rnal 'byor ma rgyud rgyas par phye/ /bde bskyed byed bdun cu gnyis/ /bud med rnams kyi lhag pa'i rtsa/ / bud med myur du byang chub pa/ /skyes bu de bzhin min pa nyid/ /'du shes gzhan dang ma rdzogs dang / /mi dmigs 'di las ltung med de/ /'dod bcas sad dang rmi lam la/ /'dzag byed de dag nyes dang bcas/ /dus bzhir bzang mo la 'dod spyod/ / dam tshig rnams kyi gtso bo'i gtso/ /zla re'am lo ni re re ru/ /pad+ma mchod par mi byed na/ /de tshe dam tshig nyams pa yis/ /tsha ba chen por rnam par ltung / /dngos grub 'dod pas bud med kun/ /mchod cing gus pas phyag bya'o/ /dud 'gro mo la'ang gus bya na//mi mo ci'i phyir gus mi byed/ /shes rab bud med mi mo'i gzugs/ /ma dang sring mo bu mo dang / /lha dang bla ma grogs gyur pa/ /rab tu byams ldan mnyen gshin la/ /mi shes bya ba mi gzo bas/ /skye gnas dman ces rnam smod pa//nad dang rims nad tshe thung dang / /dmyal bar nges par 'tshed par 'gyur/ /mi shes sngags pa bud med la/ /snun byed dam tshig kun nyams pas/ /skad cig de la mnar med ltung / /sdug pa'i spun gyi dgrar gyur na/ /spun zla mchod kyang dgar mi 'gyur//bud med smod la lha mo rnams/ /mi dges de yi mchod mi len/ /skal med bye ba grangs med par/ /bzang por spyod pa kho nas kyang / /byang chub rin chen ma thob pa/ /phyag rgya'i sbyor ba 'di yis ni/ /tshe 'di nyid kyis thob par 'gyur//rang bzhin mnyam pa nyid sgom zhing / /phyag rgya'i bde ba rab sgrub pa/ /bud med sbyor las phyag rgya che/ /mngon du mtshon par byed na de/ /khrus dang gtsang sbra mi dgos shing / /dka' spyad sdom pa med pa yang / /bde ba nyid dang dga' bas 'grub//de bas ci ltar 'dod spyod cing / /kun za de bzhin thams cad spyod/ /g.yo bdag kyang ci dgar byed/ /ji lta bus kyang rnam grol 'gyur/ /gzugs brnyan lugs ma la sogs las/ /rnal 'byor skye bar mi 'gyur gyi/ / byang chub sems la rab brtson na/ /de las rnal 'byor lhar 'gyur ro/ /g.yo dang smra ba spyod pa kun/ /phyag rgya sngags dang cho gar 'gyur/ /mar me legs par blangs nas ni/ /mun pa'i khrod gnas nor bu len/ /sgrib pa'i mun par chos kyi dbyings//bud med bde bas tshol bar bya/ /shin tu nye bar gnas pa rnams/ /de de'i chos la mi gus pa/ /mkhyen nas rgyal bas chags bral bstan/ /dam pa'i don du de nyid min/ /yang gsungs pa/ dang por mtshan dus gsang ste spyad/ / gal te der sems mi brtan na/ /bsdus nas tha mal tshul du rol/ /gzhan du smyon pa'i brtul zhugs kyis/ /sha za bzhin du kun tu 'khyam/ /rdzu 'phrul mngon shes lnga grub pas/ /'jig rten mngon du yang dag spyad/ /gal te 'phags pa'i sa thob na//des ni phyogs las rnam rgyal spyod/ /zhing rnams kun tu rgyu ba'am/ /yang na bas mtha' ma rang gi khyim/ /sbas pa'i spyod pas grol bar 'gyur/ /yang na tshogs kyi dkyil 'khor te/ /bud med bcu gnyis rnam rol ba/ /rgyan dang gdong sogs rnam par brgyan//shar gyi bud med dbus 'ongs shing / /gcig shos shar du dges rol sogs/ /sna tshogs du mas rnam rol ba/ /skyed mos tshal la sogs par bsgrub/ /glu dang zlos gar kun byas te/ /dbang bskur ba dang las kun bya//yang gsungs pa/ rdo rje'i sgo ni dbye ba dang / /de bzhin pad+ma rgyas par dbye/ /shing ngam sa yi 'khrul 'khor gyis/ /bshang ba'i lam du rtse bar bya/ /srog dang de bzhin thur sel ba/ /bkag cing gong bu gcig tu bya/ /dga' bas rol pa la zhugs nas//dal bu dal bus rab sbyor te/ /sgo dbye ba dang sor mos gnon/ /bu mo'i rtsa yi thur ma yis/ /d+hu tI rnam par 'byed par 'gyur/ /de yi gnas su rlung rgyas te/ /rtsa yi 'khor lo kun sad pa/ /gtum mo 'bar bcas zhu zhing 'dzag /btsan thabs sbyor bas me 'bar ba/ /ra sanA las rnam par rgyu/ /'dzag pa'ang la la nA las te/ /khu ba 'dres gyur kun 'dar du/ /'bar byed 'khor lo 'khor lo la/ /lan mang bzlog cing yang 'bar nas/ /tshangs pa'i sgo nga 'bigs par byed//de las rnam par ltung ba yis/ /chos kyi phyag rgya rab tu 'grub/ /mngon par byang chub rab bshad pa/ /'byung ba'i bde ba lha mor brtag /gdol ma bram ze'i bu mo dang / /tshong mo glu mkhan mda' mkhan mo//gar mkhan mo sogs rigs can gzung / /yang na lha mo mi'am ci/ /klu mo dri za mo sogs brtag /thig le zhu ba zla ba'i gzugs/ /me tog dang bcas nyi ma gsol/ /thabs dang shes rab gcig gyur pa/ /khu ba khrag dang rlung bcas pa'i//tshogs pa 'dir ni rnam par zhig /lus dang sems zhes bya ba 'das/ /kun gzhi rnam par gyur pa nyid/ /'di las longs spyod rdzogs par 'gyur/ /yang na don grub sgyu ma bzhin/ /mA ma kI sogs rab sbyor ba'o/ /sangs rgyas rang nyid gzugs can ni//lha mo dang sbyor 'dod chags che/ /'on kyang mos pa tha dad phyir/ /sprul pa mig 'phrul rnam par 'phrul/ /yang gsungs pa/ oM karti ka sarba mA ra NaM maM sa karta ya karta ya hU~M phaT/ oM badzra kA pA la sarba sha trUMrak+ta d+hA ra ya d+hA ra ya hU~M phaT/oM ha na ha na mA ra ya mA ra ya sarba sha trU+i tri shU la hU~M phaT/ brtul zhugs so/ /gzugs brnyan yi ge mtshan ma dag /dkyil 'khor gsum du nges byas pa/ /snying ga nas byung snying gar gzhug /mtshon cha phyag rgya phyis bkod nas//las dang dngos grub bkas gnang ba/ /bu mo dag la 'khyud pa dang / /nu ma nyed las bde thob pa/ /slob dpon dbang bskur sbyin pa'o/ /zhi ba la sogs pa'i sgrol ma ni dkar ba dang / ser ba dang / dmar ba dang / nag mo'o/ /chu dang / dbang chen dang / me dang / rlung la gnas pa/ ngang pa'i rgyal po dang / glang po che dang / rta dang / ma he la zhon pa'o/ /zhi ba'i lha mo ni mi 'jigs pa dang ut+pal dkar po 'dzin pa'o/ /rgyas pa mo ni mchog sbyin dang bum pa dang snye ma 'dzin pa'o//dbang byed ma ni lcags kyu dang zhags pa'o/ /gsod byed ma ni ral gri dang dus kyi zhags pa'o/ /phyogs kyi lha mo'o/ /grwa bzhir 'khod pa ni/ sangs rgyas rin chen chos dang ni/ /rdo rje sgrol ma bsam bya ba/ /dkar dang ser po dmar po dang //dkar min phyag kyang bzhi pa ste/ /mchog stsol ba dang ut+pa la/ /cang te'u de bzhin rtse gsum bsnams/ /zhal drug phyag drug tho ba dang / /zhags pa bsnams pa zhabs drug pa/ /tshangs pa 'joms pa gshin rje gshed/ / ral gri thod pas lag brel ba/ /mig yon dbang po dbang ldan gnon/ /dbyug to dang ni pad+ma dang / /'khor lo zhags pa 'dzin pa'i mchog /khro bo'i rgyal po pad mthar byed/ /bskal pa'i me ltar gzi brjid 'bar/ /klu dang gshin rje zhabs kyis mnan//'khyil pa rdo rje phur bu yis/ /sna tshogs rdo rje tho bar bcas/ /dril bu phur bu bsnams nas ni/ /log 'dren bdud bcas la 'debs brtson/ /dpa' bo 'di gsum sprin gyi mdog /gzhan rnams gang rnams pho nya mo/ / rang rang las dang mtshungs par bya/ /gsang ba thams cad pa'i le'u ste bzhi pa'o// //de nas 'khor rnams kyis bstod pa/ /dbang po gnyis kyi sbyor ba gang / /rang bzhin med pa'i bdag nyid de/ /ye shes mtshon cha rnams 'chang ba/ / mngon spyod sna tshogs gcod pa po/ /ma mo'i tshogs kyis bskor ba'i sngags can ma/ /dbang po'i drwa ba 'od zer 'phro zhing 'khrug /lhan cig skyes pa'i mdzes ma dang gcugs mdzad/ /blo gros chen pos bdag la dbang bskur stsol/ /ces gsol ba btab par gyur pa la/dpal rdo rje sems dpa' dam tshig sgrol ma dang mnyam par sbyor bas de bzhin gshegs pa thams cad nyid kyi sku la yongs su zhugs te byang chub kyi sems rnam par dbab pa rdo rjes nam mkha'i khams thams cad yongs su gang bas sems can thams cad mchog tu bde ba grub par gyur to//rab tu dben pa'i gnas dag tu/ /hU~M gi yi ges bdud rnams gzhom/ /oM AHA li kA li ste/ /rtsa gnyis zla ba nyi ma dag /de dag me long ye shes te/ /sa bon mtshan mar gyur pa ni//so sor rtog par ngas bshad do/ /gcig gyur mnyam pa nyid yin te/ /'gro don byed pa bya nan tan/ /gzugs brnyan rdzogs pa chos dbyings so/ /dbang po gnyis sbyor rdo rje gsum/ /rab rdzogs sngags rnams kun gyi lha//gsang dang gsang chen shin tu gsang / /rnal 'byor rnal 'byor chen po dang / /rjes dang shin tu rnal 'byor dang / /stong pa'i ye shes rnam gsum po/ /rgyud kun gyi ni gtso bo'i gtso/ /mi shigs pa dang sngags dang rdzas/ /thig le gsum du ngas bshad de//byin gyis brlabs dang yongs brtags dang / /yongs su rdzogs pa'i rnal 'byor gsum/ /mi gsal ba dang ye shes chung / /ye shes ye shes chen po ste/ /gang zag rnam pa bzhi ru brjod/ /gzugs med tshor ba 'du shes dang / /'du byed dang ni rnam shes bral//dbang po yul dang rnam shes med/ /nyon mongs med cing byang chub med/ /dngos po med cing sgom pa med/ /'phel ba med cing bri ba med/ /rtag min mi rtag ma yin pa/ /yod dang med dang yod med 'das/ /'di la bdag med gzhan yang med//bden min rdzun pa ma yin pa/ /rkyen gyis stong min rang bzhin nyid/ /shes rab pha rol phyin par brjod/ /dmigs dang dmigs med las 'das nas/ /bya ba ci dgar spyod byed pa/ /rig sngags grub pa gang yin pa'i//byang chub sems dpa' spyod la gnas/ /sgyu mas sgyu ma bcom pa dang / /sgyu mas sgyu ma mchod byed ltar/ /thabs mkhas spyod pa 'di dag gis/ /rmi lam bzhin du sngags spyod pa'o/ /ji ltar me yi sreg pa ltar/ /ngo bo nyid kyis bud med las/ / shes rab pha rol phyin pa skye/ /g.yo ba thim dang bde ba dang / /rnam rtog ngo bo nyid kyis gcod/ /de phyir de la de rab sgrub/ /mtha' med dbus kyang med rig pa/ /don dam rdo rje'i dkyil 'khor ro/ /rtog pas rtog pa rnam spong ste/ /de phyir bskyed pa'i rim pa bsgom//'dod chags zhe sdang gti mug rnams/ /'od gsal mchog tu nyer 'gro ba/ /bde dang sgyu ma'i rang bzhin dang / /rnam par mi rtog rnam par sbyang / /mos pas spyod pa'i sa bcu gnyis/ /pho nya mo sbyor de nyid dang / /rtsa dang khams dag g.yo ba yi//'gro 'ong 'gags pa'i ye shes so/ /de nas de la ye shes sku/ /'di la rtsa med khams kyang med/ /rlung gi bgrod pa'ang yod ma yin/ /'on kyang sems kyi rnam 'phrul te/ /de de 'gags las sa bcu gnyis/ /pho nya mo rnams sbyor grub las/ /sprul pa'i gzugs kyi bde ba 'di//rig 'dzin rnams kyi sa zhes brjod/ /las dang po dang rnal 'byor pa dang sgrub pa po/ /grub pa mchog dang grub pa dang ni sems dpa' che/ /rdo rje sems dpa' zhes bya sngags spyod bdun du gsungs/ /bla ma'i drin gyis skye ba gcig rdzogs mngon gyur pa'o//stong pa ma yin mi stong min/ /zag med sems 'di de bzhin nyid/ /nam mkha' snod kyis dbye ba ltar/ /gnas skabs bdun du 'jig rten rtog /rdo rje rang bzhin 'gyur med pa/ /gnas skabs theg pa thug med kyis/ /de ni mi 'jigs g.yo ba med//nam mkha' lta bur gos pa med/ /ji ltar rab rib can dag gis/ /nam mkha' la ni skra shad mthong / /de bzhin 'khor ba rnam par rtog /'khor ba med cing gang zag med/ /de phyir bcos ma kun spangs nas/ /zung 'jug rang bzhin bsgom bya ste/ / de bzhin gshegs pa'i gsung lam la/ /sngags rig rnam rtog ma byed cig /rnal 'byor dbang pos skye bo ni/ /gang la'ang brnyas par mi bya ste/ /nyan thos nang du mi gnas shing / /chags bral lam la blo mi gus/ /bud med rin chen spang mi bya/ /nyan thos spyod pa spangs byas nas//'dod chags chen po snying rje bcas/ /'dul ba'i thabs tshul kun rig pas/ /gnyis sbyor brtul zhugs la gnas pa'o/ /sdom dang sdom min kun las log /bza' dang bza' min mi brtag ste/ /gtsang dang mi gtsang dpyad mi bya//rang bzhin de nyid mnyam par shes/ /mgo zlum brtul zhugs gzi brjid can/ /mnyam nyid dmigs su med pa la/ /sdig dang bsod nams kun yod min/ /kun kyang byang chub spyod pa can/ /bud med sbyor las sems brtan pa/ /tshangs spyod mnyams dge slong ste//dbang phyug kun gyi bla mar gyur/ /rdo rje byin gyis rlob pa'i ye shes kyi le'u ste lnga pa'o// //phrin las thams cad 'byung ba sgrol ma 'dus pa don dam pa zhes bya ba/ rnal 'byor ma'i rgyud kyi rgyal po las rtog pa phyi ma gsang ba nges par bstan pa ji snyed pa rdzogs te/sgrol ma 'byung ba'i rtog pa ji snyed pa rdzogs so// //rgya gar lho phyogs ras+m+wi shwa ra 'i ljongs su sku 'khrungs pa rdo rje theg pa la mkhas shing grub pa brnyes pa'i rje btsun bud+d+ha gup+ta la rgyud 'di zhib mor nyan cing sgyur bar bla ba rnams tho re long nge ba bsgyur zhing /dka' gnas rnams la reg zig gi rim pa mang du byas nas brtag dpyad mang du bgyis pa las/ slad nas rgya gar gyi mkhan po ni rbA Na shrI'i zhabs dang / yang slad kyis paN+Di ta pUr+Na badzra'i spyan sngar 'grel pa so so dang zhib tu sbyar te rgyal khams pa tA ra na thas bsgyur ba'o// // dka' gnas rnams la reg zig gi rim pa mang du byas nas brtag dpyad mang du bgyis pa las/ slad nas rgya gar gyi mkhan po ni rbA Na shrI'i zhabs dang / yang slad kyis paN+Di ta pUr+Na badzra'i spyan sngar 'grel pa so so dang zhib tu sbyar te rgyal khams pa tA ra na thas bsgyur ba'o

CLOSE WINDOW