CLOSE WINDOW

D448
བོད་ཡིག

/rgya gar skad du/ sa mA dza pa ra mA r+tha sarba ka rmod ya nA ma tA rA yo gi nI tan+t+ra rA dza/ bod skad du/ phrin las thams cad 'byung ba'i sgrol mang 'dus pa don dam pa zhes bya ba rnal 'byor ma'i rgyud kyi rgyal po/ sgrol ma la phyag 'tshal lo/ /de nas dngos grub thams cad ni//rab tu sgrub byed bshad par bya/ /bud med bye ba phrag brgya yang / /bdag la dad pas 'dud par byed/ /lha dang lha min rig 'dzin dang / /mi yi gtso bo dbang du byed/ /nyi ma zla ba dang mtshungs shing / /mkha' lding rgyal pos rnam par 'dud/ /klu rnams sdigs par byed pa dang //mid nga mi min gang gi yang / /bu mo thams cad 'dzag byed pa/ /skyes pa gcig gis 'dod chen gyis/ /mi yi bu mo khri phrag dang / /nyin re lha dang lha min mo/ /bud med 'bum phrag zil gnon pa/ /khu bar rengs ba'i byed pa las/ /gcig gis thams cad 'dod spyod pa//rdo rjer byed pa rab tu bshad/ /'jigs pa kun las thar pa dang / /bskal ba chen por tshe yang gnas/ /mkha' la 'gro dang mi snang dang / /ri lu la sogs rig 'dzin dang / /bcud kyi len dang gnon sbyin mo/ /rab tu sgrub byed sngags chen po/ / khag khrig bcu gnyis mkha' 'gro ma/ /'byung po bye ba mthu chen dang / /grong 'khyer gsum 'dzoms tshangs sogs lha/ /mngag gzhug nyid du byed par 'gyur/ /'das pa'i dus na rdo rje can/ /sangs rgyas dbugs dbyung dkyil 'khor sprul/ /bde mchog bde mchog dgos rdo rje//yid bde thigs le la sogs bstan/ /'bum phrag brgya ba sgrol ma yi/ /sngags kyi rgyal po sngon bshad pa/ /rdzogs ldan dus su mi rnams spyod/ /de nas 'bum phrag drug pa bshad/ /de yang nub nas khri gnyis spyod/ /phyi ma'i dus su bshad pa yin//de yi snying po rtsod dus 'dir/ /g.yon pas spyod pas rnams spyod pas/ /nges brjod 'bum gyi rjes 'brang ba/ /slar yang rgyud 'di snang ba 'gyur/ /nges pa 'dod chags chags chen 'dis/ /'dod ldan rnams la byang chub ster/ /sangs rgyas phrin las thams cad 'byung //dam tshig sgrol ma zhes bya'i sngags/ /mkha' 'gro ma kun 'dus pa las/ /dam pa'i don yang 'grub pa'o/ /de nas bcom ldan 'das ma dam tshig sgron mas rig sngags kyi rgyal mo 'di gsungs so/ /oM tA re tut+tA re tu re swA hA/'di ni dngos grub thams cad byed pa'o/ /oM ku ru kul+le hrIHswAhA/ ku ru ku l+le'o/ /oM tA re tut+tA re tu re hU~M phaT/ snying po'o/ /oM tA re swA hA/ gsung skul ba pa'o/ /oM AHta~M hU~M/ thugs sprul ba byed pa'o/ /na mo rat+na tra yA ya/ na mo A rla A ba lo ki te shra ru ya/po d+hi sarbA ya/ ma hA swA twa ya/ ma hA ka ru NI kA ya/ ta ng+ya thA/ oM tA re tut+tA re tu re sarba duSh+TaM/ pra duSh+TaM/ ma ma kr-i te/ dzam+b+ha ya/ staM b+ha ya/ mo hA ya/ ban+d+ha ya/ hU~M hU~M h+ya~M/ phaT phaTaphaT/ sarba duSh+TaM staM b+ha ni tA re swA hA/ 'di ni las thams cad byed pa'o//ma~M ma~M pa~M ta~M hU~M/ lha mo lnga'i'o/ /oM A ra l+l-i b+h+yo b+h+yo ha ha ha ha si si si si/ zhes pa ni he ru ka'i sngags so/ /oM A ral+l-ir gi pheM pheM pheM b+h+yo swA hA/ zhes pa ni sngags gnyis pa'o/ /oM badzra pA rA hI A be sha ya sarba dz+wa ra Na hrIHswA hA/ rdo rje phag mo'o/ / oM ma ri ts+ye ma swA hA/ 'od zer can ma'i'o/ /oM hriM trIM hU~M phaT/ ral pa gcig ma'i'o/ /oM swA hA/ zhi bar byed pa'o/ /oM oM/ rgyas par byed pa'o/ /oM bA Sha Ta ho/ dbang du byed pa'o/ /oM phaT/ gsod pa byed pa'o/ /swA hA/ la~M/ la~M/ la~M/ hrIH dzaH phaT/phaT/ ces pa ni las brgyad byed pa'o/ dzaHhU~M ba~M hoH/ 'gugs pa byed pa'o/ /oM badzra rak+Sha rak+Sha hU~M hU~M hU~M phaT swA hA/ srung ba'i'o/ /spa ra Na phaT/ spro ba'i'o// oM a krod+hai ka ya mAn+tA ka hU~M/ gshin rje gshin kyi'o/ /oM na mo a tsa la kA na tseT+TA tseT+TA tseT+TA tse T+TA tuT+Ta tuT+Ta g+ha g+ha g+hA ta ya hU~M phaT/gtam po'i'o// oM pad+mAn+da kr-ita badzra kro d+ha b+ha ha ya grI ba hU~M hu lu hu lu hU~M phaT/ rta mgrin gyi'o// na maHsaman+ta bud+d+he b+ho/ na mo mA hA badzra krod+hA ya/ ma hA b+h+ro tA Ta b+hai ra dA bA ya/ badzra san+do tad ng+ha ya/ oM a mr-i ta kuN+Da li hU~M phaT/ bdud rtsi 'khyil pa'i 'o// oM hU~M shri ya de bI kA lI kA lI mA hA kA lI hU~M b+h+yo/ oM mA hA kA lI ka ra lI bikran+da kA la rA tI can+Da ru piNI hU~M phaT/ lha mo nag mo'i sngags so/ /oM badzra kI li kI lA ya sarba big+hAnA m+ta hU~M phaT/ phur bus gdab pa'i 'o/ /sngags kyi le'u ste dang po'o// //de nas bcom ldan 'das ma'i thugs ka nas zhags pa dang lcags dkyu'i tshogs spros te/ na maHsan+ta kA ya pA k+tsiT+Ta badzrANAM oM Tak+ki hU~M dzaH zhes pa'i sngags 'di phyung ngo / /gdug pa thams cad bkug nas kyang / /nam mkha'i dbyings su skyel nas ni//rdo rje phur ba'i tshogs spros nas/ /gnas lnga dag tu phur bus btab/ /bdud rtsi 'khyil ba khro bo che/ /rdo rje phur bu skul bar mdzod/ /stong gsum dag gi khor yug la/ /bgegs rnams thams cad 'ching bar mdzad/ /oM laM s+t+wa m+b+ha ya laM/ grog mkhar sa la gzigs byas nas/ /rkang pa g.yas pas mnan byas la/ /mi rus las skyes phur bu yis/ /btab na de yi mod la 'chi/ /sbrul dang seng+ge glang po dang / /rkun po'i yan lag dag la gdab/ /'di yi gdug cing sdang sems ldan/ /log 'dren dag la gdab par bya//ye shes pad+ma kha phye nas/ /rdo rje phur bu'i kha sbyor bas/ /rang rang rigs kyi mgo bo bcas/ /rdo rje sems sogs sngags la gdab/ /'di yis rdo rje 'grub par 'gyur/ /rdo rje phur bus btab pa na/ /phung po rab tu 'jig pa dang / / rdo rje gnas kyang thob par 'gyur/ /zhes gsungs so/ /de la 'di ni rnal 'byor chen po'i dam tshig go/ /zla ba nyi ma'i rlung gi dbus/ /rang sngags sa bon bsgom par bya/ /lha yi de nyid dmigs gyur na/ /bcu drug pa la de 'grub 'gyur/ /sems ni nam mkha' gyur pa la//zla ba nyi ma nub pa dang / /min pa'i ye shes thim pa na/ /rdo rje lha ni 'grub par 'gyur/ /yang na rdo rje'i rtul zhugs kyis/ /lus kyi dri ma rab sbyangs nas/ /ye shes chen po rang sngags lha/ /zla ba nya la 'grub par 'gyur/ /rang sngags sa bon 'od zer gyis//rdo rje gur sogs brtag par bya/ /'jigs pa brgyad las bsrung pa dang / /lus med rnams kyis kyang mi mthong / /spu las nad rnams spre'u 'am/ /khyi dang 'dra bar rab tu dbyung / /ye shes sems dpa'i dam tshig 'dis//rdo rjes mtshon chas bsnun par bya/ /nam mkha'i dbyings kyi dbus su ni/ /ye shes me dpung dkar po bsam/ /sems can khams ni ma lus pa'i/ /gnas las me ni 'bar ba bsgrubs/ /mtshams med lnga dag byed pa yang / /gtsang ma'i gnas su 'gropa bar bya//sdig pa rdo rje'i ye shes 'dis/ /skad cig gis ni dpal ldan 'gyur/ /lte ba'i dbus su reg pa sam/ /a ni mchog tu phra ba ste/ /mi 'gyur nyams dga' bde ba'i gnas/ /mi shigs tshangs pa 'grub pa'i 'gyur/ /rang sngags hU~M dang yi ge oM//rdo rje AHyig bsam par bya/ /rlung gi de nyid rab grub nas/ /mi 'gro drag po'i ngag tu 'gyur/ /'od zer rnam lnga snying gar gnas/ /pad+mas rdo rjer byed pa ste/ /ye shes khyab 'jug rgyal por 'gyur/ /de nas rdo rje snying po la sogs pa rnal 'byor gyi dbang phyug rnams kyis gsol ba/bcom ldan 'das ma 'di ci zhig lags/ lte ba las ni rlung khams 'byung / /ci phyir lus kyi chos su 'gyur/ /bdud las 'das pa'i lam bsgoms pas/ /ji ltar tshangs pa la sogs 'gyur/ / pad+mas rdo rje 'byed byed ci/ /'di dag ci phyir 'gal mi 'gyur/ /dam tshig de nyid mkhyen pas gsungs/ /nyon cig rdo rje ji bzhin nyon/ /lus ni gzhan dag yod ma yin/ /sems kyi rang bzhin rnam g.yo ba/ /de las 'khrul ba'i lus po 'byung / /lte ba spu zhes bshad pa ste/ /de dag de las byung ba yin//bram ze mo la 'dod spyod pa/ /rdo rje sku ru 'gyur ba'o/ /rlung gis smra bar byed pa'i phyir/ /rdo rje ngag ste de nyid brjod/ /dbyangs mkhan bu mos dam tshig gis/ /rdo rje'i gsungs du 'gyur ba yin/ /'khrul pas gnyis su rtog pa'i sems/ /thig le 'di las 'gyur ba'i phyir/ / mig mdzes g.yung mo'i dam tshig gis/ /rdo rje thugs su 'gyur pa'o/ /nga ni 'gro bas mi shes te/ /tshangs pa khyab 'jug dbang phyug che/ /'phrul ldan lha zhes 'jig rten rtog /sku dang gsung thugs rdo rje ste/ /thams cad nga yi rnam par 'phrul/ /sku yi rdo rje tshangs par 'gyur//gsung gi rdo rje dbang phyug che/ /'jug sel thugs kyi rdo rje'o/ /'di ni yang dag rdzogs sangs rgyas/ /sems can khams la dbyer med de/ /de dag rnams kyi lus ngag yid/ /mnyam gyur tshangs la sogs par snang / /lus ni sprul ba'i 'khor lo gnas//mgrin pa de bzhin rmi lam mo/ /gnyid kyi rnal 'byor snying gar dgod/ /bde bar spyi bor mngon par brjod/ /gzhan yang rtsa lhug brjod pa dang / /ri bong stag sogs chu bo dang / /nyin mtshan la sogs dngos kun tu/ /sangs rgyas gar mkhan zlos dar mdzad//gnyid la rdo rjes rnam sgom pa/ /tshangs pa'i dam tshig gti mug spor/ /gzhan gyis gnyid dag spong bar dka'/ /bud med bral la sdom brtson med/ /'dod ldan tshangs spyod chen po ni/ /zhi ba'i dam tshig 'dod chags spong //zhe sdang rdo rjer rnam sgom na/ /rmongs sel khyab 'jug dam tshig go/ /gzhan la byams pas spong bar dka'/ /rnam pa 'di gsum gsang chen po/ /lha yi bde ba ser snar bcas/ /brtson 'grus phrag dog dam tshig ste/ /g.yo sgyus bdud rnams 'dul byed pa//dam tshig shin tu 'da' bar dka'/ /pad+ma'i snying po bde ba can/ /ji srid ma rnyed 'bras bu med/ /rdor dbyings dbang phyug rtsa 'di yis/ /rdo rje gnyis spang 'byed par byed/ /shes rab rtogs pa byed pa thabs/ /shes rab med la thabs mkhas med//rdo rjes pad+ma rgyas byed kyi/ /pad+mas rdo rje 'byed par byed/ /sprul pa bde chen 'khor los kyang / /chos dang longs spyod rnam par 'byed/ /de ltas 'di ni gsang chen ste/ /rgyud gzhan du ni 'bad pas sbas/ /de la 'di ni sku gsum rdo rje'i gsang ba'o//sems med gnas dang 'khrul skyed dang / /sngon gnas rnam par gsal ba yi/ /'jig rten 'di la sku gsum gnas/ /chos dang longs spyod rdzogs sprul pa'o/ /rang byung ngo bo brjod med pa/ /chos kun rang bzhin zhi ba brnyes//rkyen ni rnam par bkra ba mkhyen/ /rdo rje can gyi chos sku'o/ /me long gzugs brnyan ltar sems 'di/ /phra zhing lus ni rngul med pa/ /skad kyang sgra brnyan lta bu ste/ /dag pa'i dkyil 'khor snang ba'o/ /sems can bsam pa ji bzhin du/ / sprul pa tha dad sna tshogs 'jug /longs spyod rdzogs dang sprul pa ste/ /gcig gyur 'dren pa bde ba che/ /rtsa yi dra ba lha mo ste/ /de bzhin khams dang nyer bcas pa'i/ /bud med rnal 'byor ma'i dkyil 'khor/ /spangs nas ri mo su zhig len/ /de la 'di ni rjes su rnal 'byor gyi dam tshig go//dri mas sems ni mngon bsgos pas/ /rnam shes ye shes bdag mi 'gyur/ /theg pa mchog gi bgrod pa'i gnas/ /ye shes dbang mo nyan par ma 'tshal/ /nyon cig ji bzhin rdo rje nyon/ /dngos po bden rdzun rnam dpyad na//rdzun pa'i rdo rje yang dag mthong / /rang bzhin dag pa'i de kho na/ /a zhes bya ba ni ma skyes pa'i gzungs kyi sgo'o/ /hU~M zhes bya ba ni ye shes dang ldan pa'i gzungs kyi sgo'o/ /phaT kyi bya ba ni gdags par byed pa'i gzungs kyi sgo'o/ /tra~M zhes bya ba ni nyi ma'i gzungs kyi sgo'o//AHzhes bya ba ni smra ba thams cad kyi gzungs kyi sgo'o/ /ha zhes bya ba ni 'chi ba med pa'i gzungs kyi sgo'o/ /hrU+i zhes bya ba ni rjes su chags pa'i gzungs kyi sgo'o/ /oM zhes bya ba ni 'jigs par byed pa'i gzungs kyi sgo'o/ /khaM zhes bya ba ni nam mkha' lta bu'i gzungs kyi sgo'o//oM zhes bya ba ni bde ba chen po'i gzungs kyi sgo'o/ /k+Sha zhes bya ba ni rab tu mi gnas pa'i gzungs kyi sgo'o/ /aHzhes bya ba ni gnyis su med pa'i gzungs kyi sgo'o/ /ya zhes bya ba ni rdi rje rlung ste gzungs kyi sgo'o/ / ra zhes bya ba ni rdo rje me ste gzungs kyi sgo'o/ /wa zhes bya ba ni rdo rje chu ste gzungs kyi sgo'o/ /la zhes bya ba ni rdo rje sa ste gzungs kyi sgo'o/ /taM zhes bya ba ni rdo rje sems ste gzungs kyi sgo'o/ /iM zhes bya ba ni rdo rje dpa' bo rnams te gzungs kyi sgo'o/ /bi zhes bya ba ni nam mkha'i khams su byed pa ste gzungs kyi sgo'o//a zhes bya ba ni chos thams cad kyi gzungs kyi sgo'o/ /rnam shes ye shes rnal 'byor te/ /de dag rdo rje rab sbyor bas/ /rnal 'byor la ni rnal 'byor bsgom/ /rjes kyi rnal 'byor zhes bya'o/ / de la 'di ni shin tu rnal 'byor gyi dam tshig go/ /spre'u dang glog ltar mi gnas pa/ /rab tu gzungs par dka' ba'i sems/ /'dod pa'i rdo rje rnam dpyad pa/ /ye shes dbang mo mnyan par 'tshal/ /nyon cig ji bzhin rdo rje nyon/ /gser khams rdo la snum gnas pa//mngon par zhi ba yod ma yin/ /sreg dang dbye ba'i thabs kyi ni/ /nyi ma bzhin du rnam par gsal/ /lcags bzhin me la rnam bzod na/ /gzhan dag ci phyir mi bzod byed/ /de phyir ye shes rnam shes dag /cha gnyis rnam par rtog mi bya//cha gnyis las ni sdig pa 'byung / /sdig pas bsod nams zad par 'gyur/ /sdug bsngal sdig pa zhes brjod de/ /bla med bde ba bsod nams so/ /bde dang sdug bsngal mnyam gyur ba/ /bsod nams sdig med rnam par thar/ /sdug bsngal gyis ni sems g.yengs te//dge dang sdig pa rnam par 'byed/ /bu mo'i longs spyod bde ba yis/ /rnam par mi rtog gnyis med 'grub/ /ri bo nyams ni dga' ba dang / /nags tshal dben pa'i sa phyogs su/ /mig bzang brtan pa'o blo ldan bzung //dang po 'dus par byas nas ni/ /rdo rje cho ga rab tu bsgrub/ /de bzhin gshegs pa'i btsun mo'o mchog /dam tshig chen po byin gyis brlab/ /khyogs dang brla zhes bya ba dang / /de bzhin shin tu rgyong ba dang / /khab dang gru mo'i mtshan nyid bya/ / bung ba lta bur i yi sgra/ /nges par blo dang ldan pas bskul/ /sgeg chos stabs kyis 'khrud nas ni/ /mgo yi skra bzung lkog ma gzir/ /ma mchu'i sbrang rtsi gzhib par bya/ /rdo rje 'khyud pas 'khyud pa dang / /rdo rje 'o yis 'o gdab cing //so dang sen mos bsnun par bya/ /rdo rje pad+mar rab 'jug cing / /swi ta kyi sgra rnams byed pa dang / /nu ma 'tshir dang skyes pa'i tshul/ /sbyor ba thams cad bya bar bya/ /nu ma sor mo rke dang ma mchu dang / /rna ba mig dang spyi bo b+ha gar yang //'o bya rna ba mchan khung rke dang rtags/ /sen mos gdab byu nu ma mchan khung dang / /mkhur tshos 'gram dang rkang lag mthil dag tu/ /nyed par bya zhing 'khyud pa'i stabs brgyad bya/ /sor mo ling ga lce dang lces bskyod nas/ /pad+ma bskul zhing rtsa mchog sad par bya//zab che ba dang / shin tu chung ba dang / lhod pa dang / rtsub pa dang / rtag tu 'dzag pa dang / drod dang gsher dang bral ba'i b+ha ga ni spang ngo / /dpangs mtho ba dang / 'jam pa dang / steng mnyam pa dang / brgyas shing dam pa dang / khrag dang khu bar ldan pa dang /spu nyung ba dang / dus ma yin par mi 'dzag pa dang / ring zhing snying po zlum pa ni skal ba bzang mo'o/ /de yongs su bskul bas ji srid du khong nas sIta kyi sgra 'byung ba de srid du'o/ /haHzhes bya bas mchog tu dga' ba'i tshe bcing bar bya'o/ /yang na/hU~M zhes bya ba snying ga la gnas pa'i sgra yis so/ /yang na hriM ha zhes bya ba mgrin pa la gnas pa'i sgra yis so/ /hU~M dang phaTaHkyi bya ba dang / mda' bo che'i sbyong ba byas la khu ba bcing bar bya'o/ /gzhan yang cha bzhi ba'i phyed kyi mtshams su lhan cig skyes pa bsgoms par bya ste/gal te b+ha ga'i ze'u 'bru la gnas pa'i thig le yang rdo rje'i khas btung bar bya'o/ /skor ba la sogs pa'i sbyar ba dang / rlung gis sbyor bas mnyam par bya'o/ /'di la dgang ba dang / gzhil ba dang / rengs pa dang / bum pa can gyi sbyor bas dag par byas nas/mi mo rnams kyi sbyor ba la 'jug ste// lus 'di nyid kyi dngos grub thob par bya'o/ /de las dga' ba bzhi'i dbye bas sgrub pa po la rengs pa dang / rngul ba dang / ba spu ldang ba dang / dbugs 'gyur ba dang / 'dar ba dang / kha dog log pa dang / mchi ma 'byung ba dang / thim pa zhes bya ba snying stobs brgyad 'byung ngo / /bu mos ye shes thob pa ni/ /snying ni 'gul zhing thob pa dang / /'dar dang dran pa nyams pa dang / /skra grol gcer bu gsher bas khyab/ /mdog dmar rab tu phra ba'i mig /ye shes lnga yi rnam par 'phrul//bud med shes bar ye shes te/ /de las ye shes lnga thob 'gyur/ /rdo rje chu skyes sbyor ldan pa/ /sku yi rdo rje snyan par brjod/ /rlung ni mnyam par gyur ba dang / /sIta kyi sgra dang skad 'gyur pa/ /gsung ni nye bar sgrub pa po/ /skyob pa las ni rab zhu ba//nor bu bcu drug cha babs te/ /yid kyi bde bas gnyis 'gag pas/ /thugs kyi de nyid sgrub par mdzod/ /gzhu yi gzugs can rab sbyor bas/ /dung dang kun+da ltar thig le/ /sdom brtson bde bas gzung bar bya/ /rang gi rig pa'i ye shes mchog /grub pa chen po de nyid de/ /rnam shes ye shes dag par byed/ /'di yis rdo rje bdag nyid che/ /sku gsum mi phyed las byung ba'i/ /ye shes rgya mtsho 'grub par 'gyur/ /ye shes chen po rab sbyor bas/ /shin tu rnal 'byor mkhas pas bstod//bud med sgyu ma'i phyag rgya 'di/ /dam tshig rnams kyi mchog gi mchog /ngan zos ngan spyad thams cad kyis/ /sgrib pa dag tu yongs mi 'gyur/ /de skad ces gsungs so/ /de la 'di ni rnal 'byor dang po'i dam tshig go/ u t+pal mi 'jigs phyag rgya can//phyag gnyis rnal 'byor bsgoms byas la/ /nam mkha'i dbyings kyi dbus gnas par/ /dkyil 'khor gru bzhi sgo bzhi ba/ /dbus su kun nas zlum po ste/ /las kyi snam bu lnga dang ldan/ /ut+pal dmar po sil mar dgram/ /zla ba nyi ma'i sbyor ba las//dam tshig sgrol ma bsam par bya/ /ljang sngon 'od zer dmar po 'khyil/ /mche ba gtsigs pa me stag 'bar/ /mchod sbyin gri gug Da ma ru/ /mda' dang ut+pal sdong po dang / /thod pa khrag can rtsa gsum dang / /bzhi ba me tog gzhu 'dzin pa'o//dur khrod rgyan dang ut+pal rgyan/ /g.yas brkyang rol ba'i skyil krung can/ /rang rang sngags las lha mo'o tshogs/ /snying ga'i dbus nas spro bar bya/ /oM tA re swA hA/ mig la'o/ /oM tut+tA re swA hA/ rna ba la'o/ /oM tu swA hA/ lce la'o/ /oM re swA hA/ snying ga la'o/ /oM tA re Ni swA hA/ spyi bo la'o//sngags kyi bdag pos byin rlabs dang / /ye shes dam tshig mnyam par bya/ /dbang gi don ni bsgoms byas la/ /rang lhar sems ni brtan bya'o/ /rnal 'byor chen po'i le'u ste gnyis pa'o// //de nas sgrol mas bka' stsal pa/ /oM lA~M mA~M pA~M tA~M/ hU~M badzra a b+hi Shiny+tsa hU~M/ rat+na mu ku Ta a b+hi Shiny+tsa hU~M/ oM hu~M badzra a b+hi Shiny+tsa hU~M/ oM hU~M tA~M hU~M badzra a ng+hi ba ti stAM a b+hi Shiny+tsa hU~M/ oM dzaHhU~M bo hoH badzra sa twa staM badzra nA ma a b+hi Shiny+tsa hU~M/dbang bskur ba'i sngags so/ /rdo rje'i dkyil 'khor bri bar bya/ /ka ba brgyad kyi nye bar mdzes/ /thig bzhi dang ni yang dag ldan/ /phyi rol rwa ba me rir bcas/ /dur khrod dag kyang bri bar bya/ /dbus su u t+pal mthing ga dgod//shar tu zhi ba'i u t+pal dang / /byang du bum pa bri bar bya/ /nub tu lcags kyu 'bar ba ste/ /ral gri lho ru dgod par bya/ zhi dang rgyas dang dbang dang ni/ /gsod byed rnams kyi mtshan ma'o/ /grwa bzhir rigs kyi lha mo ste/ /ut+pal mdzes pa re re bri//lcags kyu la sogs sgo ru dgod/ /stobs chen pha rol gnod pa yi/ khro bo rnams kyang grwar dgod do/ /las rnams byed pa'i lha mo'i tshogs/ /phyi rol dag tu bri bar bya/ /dbus su bdag nyid gnas byas nas/ /rdo rje mtshan ma'i tshogs spros pas//sems can khams rnams sbyang bar bya/ /mchod pa'i sprin gyis nam mkha'i khams/ /mchog tu gang ba spro bar bya/ /me tog gang du ma nyams pa/ /b+ha ga mchog las yang dag blangs/ /rnal 'byor ma yi 'khor lo mchod/ / yang gsungs pa/ sgo dgu nges pa bkag byas nas/ /rgyas par lnga yi mchod rten las/ /srog gi rtse mor rang gi sems/ /mda' gzhi'i sbyor bas 'pho bar bya/ /mtshams med lnga po byed pa yang / /'di yis grol 'gyur the tshom med/ /rig pa'i brtul zhugs spyad bya ste//mi lpags ras rnying bgo ba'am/ /gcer bu'i brtul zhugs byas nas ni/ /dogs pa'i sems ni kun spangs nas/ /ji lta bur na snang ba 'di/ /'dod spyod bde ba la bsdus nas/ /ngan zos ngan spyod thams cad kyis/ /bla med byang chub bsgrub par bya//de la 'di ni dam tshig rdo rje'o/ /gang las slob dpon dbang bskur ba/ /slob dpon gcig tu gyur ba yi/ /sring mo sgrol ma dang mnyam brtag /rdo rje slob dpon de bzhin du/ /rig ma'am bdag gi rig ma yang / /slob dpon mchog tu yongs su brjod//bla ma sangs rgyas kun mnyam pas/ /de yi grib ma'ang 'gong mi bya/ /'on kyang dga' ma dges dbang mo/ /gnyis kyi sgo dgu las byung ba/ /mi rtog snod gcig bza' ba dang / /gtsang sbra'i sems kyis tsum+ha dbul/ /lhan cig mal bstan longs bstan nas//lag gis rdo rje bzung gsor te/ /yo nir sor bya dam 'khyud nas/ /tshig dang yi ges dges bskul bas/ /so dang sen ris 'drud pa dang / /'jib dang sgo yis zas 'bul ba/ /gus dang chags bcas bag rkyong bas/ /'gong ba 'di la nyes med de//slob dpon dges las dngos grub kun/ /bzang mo de yi rtag tu thob/ /yu dza gus pas gzhib pa dang / /phyag rgya gal te sems lhungs gyur/ /'dab ldan las phyung bza' bar bya/ /yo nis tsA ru dbul ba dang / 'khrig thabs 'phrul 'khor nyes med de//gang des de nyid mnyes byed pa'o/ /de nas las sna tshogs pa rnam pa gsungs pa/ phyogs bzhi dang grwa bzhir ut+pala'i gzugs bya/ re re yang tA~M gsum gyi mtshan pa/ lte ba kun nas zlum po la/ oM pra san+na tA re amr-ita mu khI ta lo tsa nA+e sarba ar+tha swang+ha ni sarba ar+thasA ng+ha ni sarba sa twa bA shaM ka ri/sI bA pu ru Sho sA rwa ni bA ba sh+yi ku ru tA~M swA hwa/ zhes pa lte bar bkod la/ 'khor lo rtsibs bcu bar pad+ma la yi ge bcu ba'o/ /hriHgnyis kyi nang du ming chud par byas na dbang du byed do/ /yang na rtsibs brgyad pa yi ge yang brgyad pa ste dbus su zla ba la tA~M yig go//'khor lo kha sbyor du byas na/ nyi ma bdun na nges pa dbang du 'gyur ro/ /yang na rtsibs drug na yi ge drug pa'o/ /dbus su hrIHbA shaM ku ru hrIHswA hA/ go ro tsa na dang / tsan+danA dmar po dang /rgya skyegs dang / khrag gis b+ho dza pa tra la bri bar bya ste/ srid pa gsum yang dbang du byed do/ /gur kum la sogs 'khor lo ni/ /rtsibs brgyad mar dang sbrang rtsir bcas/ /kha sbyor sbyor bas dbang du byed/ /oM sarba ma hA ni tA re tu t+tA res duSh+TAM mo hA ya b+ha ga ba ti sarba duSh+TA nAM ban+ng+ha ban+ng+ha hU~M hU~M hU~M phaT phaT phaT swA hA/gos kyi mtha' ni 'dud byas nas/ /chom rkun 'ching bar byed pa'i mchog /ut+pal la mngon bsngags pas/ /gang la sbyin pa de dbang gyur/ /ut+pal las mtshan 'khor lo'o/ /chu dbus sna tshogs rdo rje'i lter//thod les ming mthar hrIHbris la/ /kham phor dbus su bzhag na rengs/ /'dab brgyad pad+mar ga yi nang / /chud cing lte bar ga brgyad bris/ /yungs bas rdo leb dag la ste/ /kha phub bzhag na shin tu rengs/ /'khor lo de ni dug dang bral//ske tshe mi rus btags pa'i chus/ /thod par hU~M phaT mtshan pa bri/ /'di yis nges par gsod par byed/ /gro gar gur gum gyis bris la/ /oM bcas me tog ser pos mchod/ /yang na swA hAr chud pa bris/ /rgyas dang srung ba byed pa'i mchog / rtsibs gsum a yig nang chud pa/ /tsan+dan chus bri bam phor bcas/ /me tog dri bzang gis mchod na/ /shin tu zhi ba'i las la mchog /b+ha ga ling+ga hrIHyig gis/ /bskor ba ming dang skul sngags bcas/ /'di yis bsgrub bya 'gugs par 'gyur/ /pad+ma 'dab ma nyi shu bzhir//re khA gsum bskor oM hrIM k+Sh+liM/ /rgyal la bris nas reg byas na/ /bran pho bran mo ltar las byed/ /'khrul 'khor gru bzhi sgo bzhi pa/ /sna tshogs rdo rje stegs bus brgyan/ /tho bar dbyug to pad+ma dang / /ral gri sgo dang ut+pal/ /thod bcas lcags kyu mtshams su'o//de dbus pad+ma bcu ba bri/ /oM pra san+na tA re a mr-i ta mu khI a mr-i ta lo tsa ne sarba ar+tha swa ng+ha ni swA hA/ dbang du byed pi sngags so/ /de nas bka' bstsal ba/ oM sarba mo hA ni tA re tu t+tA re sarba duSh+TA ni mo hA ya b+ha ga ba tI sarba duSh+TA ni ban+d+ha ban+d+ha hU~M hU~M phaT phaT swA hA/de dbus zla ba tA~M yig bcas/ /dbus rtsibs drug la ku ri kul+le/ /sngags ni hrI gnyis dbus chud pa'i/ /ming dang skul bas las kun byed/ /'bum phrag bzlas pas sa g.yo zhing / /rgya mtsho bdun snyom dug zhir byed/ / gyo mo'i sbyor bas 'byung po kun/ /bcings nas klu dang mkha' 'gro ma'i/ /sbyor ba 'phrog cing char 'bebs dang / /mtshon chas mi gnon lus su 'gyur/ /dpyid zla ra bar bu mo mdzes/ /rdul ldan gyis ni ras btags la/ /zla mtshan gyis ni bsgos de la ni/ / ri mor dam tshig ldan pas bris/ /sgrol ma 'od zer can ma dang / /phag mo'i gzugs mngon mchod na/ /gang gang 'dod pa'i las thams cad/ /thogs pa med par 'grub par 'gyur/ /gzhan yang rtsa ba'i gzungs kyi mthu gsungs pa/ gos mtha' skra la mngon bsngags bcings//'brog dgon dag tu 'jigs med 'gyur/ /ut+pal sbyin sreg brgya rtsa yis/ /nges par dbang du byed pa yin/ /oM tA re tut+tA re tu re a mu kaM me bA sha man ye swA hA/ bya rog gshog pa bsngags nas ni/ /dgra bo'i khyim du sbas na skrod//oM tA re tut+tA re tu re tsa la sra tsa la shI hU~M ga mi ni/ de ba dat+ta u TA ya hU~M phaT/ bo so cha dang yungs kar dang / /thang phrom a sho ka'i me tog /'dab bcas sbyin sreg byed pa'am/ /yang na mngar gsum bsregs byas nas/ /nyin bdun bu mo mchog thob 'gyur//oM tA re tut+tA re tu re a mu kA b+hi d+ha nAM/ ku mA ri/ ma he mud+da te na ta s+yaH pI ta pra ya ts+tsha tu swA hA/ zla mtshan ras la sgrol ma ni/ /ut+pal zhags pa bsnams pa bri/ /mchod cing sngags stong bzlas nas ni/ /zhags pa lcags kyu'i sbyor sbyor bas spyad//oM tA re tut+tA re tu re a mu kI ma me bsi taM/ srap+na karna ka thA ya hU~M phaT/ rag phrug tsher ma zla mtshan bcas/ /sreg blugs stong phrag gcig gis ni/ /mi bdag bu mo mchog kyang 'gugs/ /oM tA re tut+tA re tu re a mu kA b+hi d+ha nAM swa s+th+wa nA dA kar+Sha ya ma mAn+ti ke dzaH zla ba gzas bzung 'jig rten dbang //dung dang btags te 'dod mar sbyin/ /yang na sprul mgo gnyis pa'i sha/ /a rka'i bal la dril byas la/ /pad ma mar khus mig sman bya/ /rdo rje chos dang nyi ma dang / /rta rgyal mchog gi spos bdug nas//bltas pas pad+ma gar dbang 'bab/ /ha la ha la'i mjug ma dang / /'jam 'bras rtsang pa'i mjug ma dang / /mgron bur ngor bcas khu ba 'dzin/ /sdig pa'am sbal ba zhag gis sam/ /'o ma rnam gsum sbyar ba dang / /a phu mtshar dang sbyar ba ni/ / gu gul bcas pa'i ri lus kyang / /rtag tu khu ba rengs par 'gyur/ /oM tA re tut+tA re tu re san+tA ra Ni hrIHde ba dat+ta wA shaM ku ru hoH pad+ma lcags kyur bcas pa yi/ /sU t+ta ling+gas dgug par bya/ /zhags pa lcags kyu bsnams pa yi/ /lha mos 'gugs par byed pa yin//oM tsa tu r+g+hudza/ ShaT+Tu kha bi kri tA na na kar+Na pi shA tsi hU~M phaT/ gshin rje gshed kyi bris sku'i mdun du zhag bdun bzlas na/ rna bar sgrog pa sgrub po/ /oM bud+d+ha tsu ru mA tsu ru ke swA hA/ /mchod rten gyi drung du gtsang sbra dang bcas pas bzlas na/ bdag nyid gang du skye par 'gyur pa dang /tshe zad pa dang / ring du 'tsho ba yang shes bar 'gyur ro/ /sbrul gyis sbal ba bzung ba na/ /de dag dud med thal par bya/ /sbrang rtsi sbyar ba mchan khung du/ /thig le byas na 'gugs par 'gyur/ /mi tshil mi yi thod par bzhag /na rma'i bal gyis sdong bur byas//gzugs 'tsho thod pa dag las ni/ /snag tsha blangs te bu mo la/ /thig le byas na 'gugs par 'gyur/ /oM badzra tIk+Sh+Na ya hU~M swA hA/ 'o ma la lan bdun mngon par bsngags nas bkrus na mig gi rab rib sel bar 'gyur ro/ /mi'i rting ba'i sha dang /byi la nag mo'i mchin pa'i bdug pas gnas dang rdzas kyi 'byung po skrod par 'gyur ro/ /ni rguDa dang muN+DI dang b+hang+gang nag po dang / b+hang+ga dang ni nim+ba rnams grib ma la skam pa dang / bai la wa dang dza d+li ha ri ta ki rnams pu ram la sbyar nas dang po lnga dang / phyi nas chu tshod gcig nas lhag ma yang sor mo gsum gyi tshad du zos na zla ba drug nas rgan po yang gzhon nur byed pa la the tshom med do/ /na mo bi ga ta rA ga me tri ya si ha lo tsa ni swA hA/ zhes pas kyang rab rib sel bar byed do/ /zlum po mtshams su rdo rjes brgyan/ /hU~M bzhis rdo rjes legs par brgyan//oM pad kra ma sI/ par kra ma sI/ ud ya ma sI/ ni rma ma sI/ a rka na sI/ marga ma sI/ u t+ma ma sI/ ba na ma sI/ gul+ma ma sI/ tsI ba ra ma sI/ ma hA tsI bar ma sI/ an+ta ng+han ma sI swA hA/ lte bar bri ste oM ni thams cad du'o//dbus su rdo rje'i g.yas g.yon du/ /oM bat+tA lI oM pA rA ha mu khI/ zhes bri'o/ /mtshams su yang / oM ma ri ts+yai/ zhes bri'o/ /dbus su/ oM bA rA lI/ oM bA tA lI/ oM bA rA ha mu khI sarba duSh+NA pra duSh+NAM kA ya mA wA k+tsit+ta mu khaM dzam+b+ha ya/s+t+waM b+ha ya/ zhes so/ /dbus su maM yig go/ /de'i nang du de bdat+ta rak+Sha rak+Sha'o/ /'di ni grogs la gur gum gyis bris na thams cad du srung ba ste/ 'od zer can ma'i 'khor lo'o/ /yang gsungs pa/ dbus su lha mo gser mtshungs pa/ / gser gyi rna cha g.yo ba can/ /zhal bzhi phyag brgyad 'dod pa'i gzugs/ /rdo rje 'dzin ma'i dkyil 'khor bsgom/ /rnal 'byor ma ni bcu dang bcas/ /grwa bzhir 'byung ba bzhi yang dgod/ /dkyil 'khor 'chog 'di sku yi ni/ /gsang ba'i ye shes bla med pa'o//de nas gsung gi dkyil 'khor ni/ /b+ha ga'i dbus su zla ba bsgom/ /dmar po bcu gnyis lo yi tshul/ /phyag rgya lnga dang thod pas brgyan/ /zhabs bzhi g.yas brkyang rol bar mdzad/ /bdud bzhi mnyam par gnon pa'o/ /spyi bor ut+pal phreng ba bcings//g.yas pa ser po nag po dang / /sna tshogs 'bar bas rnam par 'phro/ /dkar po ljang gu sngon po ni/ /g.yon gyi zhal la rim pas so/ /steng zhal dud ka bung bus gzugs/ /ral gri ut+pal mda' bo che/ /rdo rje thod pa dbyug pa dang //zangs gri mi 'jigs phyag rgya'o/ /thod pa sdig mdzub 'di las gzhan/ /gzhu dang kha T+waM zhags pa dang / /mgo bo nor bu bum par bcas/ /mche gtsigs 'dod pa'i gzugs can ma/ /he ru ka yi sgrol ma'o/ /tA~M las ljang gu zhal gcig ma/ / mchog sbyin ut+pal bsnams pa yi/ /'dod pa thams cad sbyin par bya/ /mi 'jigs sbyin pa'i phyag rgya can/ /'jigs pa brgyad las skyob pa ste/ /yi ge brgyad bzlas nges 'grub 'gyur/ /rdo rje gdong ldan phyag gnyis dmar/ /he ru ka dpal yum gyur pa'am//'khor lo bde chen rim pa las/ /yang na he ru ka sbyor bas/ /gang la dga' ba de 'grub 'gyur/ /thod pa rdo rje khrag 'thung dang / /gri gug phag mos bsnam pa'o/ /bdud bzhi po ni rnam par mnan/ /thal ba 'tsho byed T+wAM bcas//b+ha ga ling+ga ldog par bya/ /rdo rjes bsnun nas khrag 'thungs pas/ /skad cig gcig gis gsod par byed/ /zhags pa lcags kyu'i sbyor ba yis/ /bu mo thams cad 'gugs par 'gyur/ /khu ba khrag dang chang dang ni/ /gor gu la sogs dgug par bya//oM sum+b+ha ni sum+b+ha ni hU~M/ gr-ih+Na gr-ih+Na hU~M/ gr-ih+Na bA ya gr-ih+Na bA ya hU~M/ A na ya ho b+ha ga wA ts+tshing+yarA dza hU~M phaT/ hU~M gi yi ge las byung ba/ /rdo rje sum+b+ha rab tu gnas/ /rdo rje 'bar ba dung dmar dag /gtun shing sprul gyi zhags pa bsnams//khro bo'i rgyal bo rta mgrin ni/ /bskal ba'i me bzhin gzi brjid 'bar/ /mda' gzhu dbyug to 'dzin pa'i mchog /rdo rje zhags pa sdigs mdzub can/ /spyan gsum g.yon brkyang stabs bsgom bya/ /las rnams thams cad byed pa yi//lha yi rgyal po 'di dag go/ /lha mo nag mo rnam par bsgom/ /ral gri dang ni thod pa'i las/ /lha min 'joms pa dgra bo yi/ /mgo gcod tri shU la 'chang ma/ /bya rgod ce spyang tsI la spro/ /rgyu ma mi mgo'i me tog can/ /ma mo brgyad kyis yongs su bskor//ro la zhon pa rnam par bsgom/ /yang na stag mo la gnas pa/ /drag shul spyod pas bsgom par bya/ /khu ba rdo rjer byas pa las/ /rang gi sems ni rdo rjer 'gyur/ /rnam rtog med cing spros dang bral/ /mkha' ltar rang bzhin gos pa med/ / rang rigs bde ba chen po ste/ /dbang bskur mchog ni 'di dag go/ /me long gzugs brnyan 'dra sems gyis/ /thig le rdo rjer dpyad par 'gyur/ /srog dang thur sel sgo dbye bas/ /btsan thabs sbyar bas dbugs bkag na/ /khu ba mi 'gyur thob pa ste/ / thig le nor bur bkag te bsgom/ /lha mo'i gzugs brnyan bsgyur ba bya/ /sgrol ma sgrol ma can 'grub 'gyur/ /yang na thog med gzugs can te/ /skyes pa bud med nges 'grub 'gyur/ /las rab 'byams kyi le'u ste gsum pa'o/ / de nas de bzhin gshegs pa thams cad kyis/ /dam tshig mchod pa'i sprin phung rab 'byams dang / /bstod dbyangs rgya mtsho'i mngon par bstod byas nas/ /lag na rdo rje 'chang la rgyud 'di gtad/ /phrin las thams cad 'byung ba'i sgrol ma 'dus pa don dam pa zhes bya ba rnal 'byor ma'i rgyud kyi rgyal po las ji snyed pa rtsa ba'i rtog pa rdzogs so// //rgya gar lho phyogs su sku 'khrungs pa grub chen bud+d+ha nA tha'i zhabs nas mnos nas/ slar rgya gar gyi mkhan po ni rgA Na shrI'i zhal snga nas dang / rgyal khams pa tA ra nA thas phyis byung ba'i paN+Dita mi'i nyi ma'i bka' 'grel dang bstun te g.yar khral du bsgyur ba'o/ /yang slad kyis b+hang ga lar 'khrungs pa'i paN+Di ta pUr+Na badzra'i drung du/ slob dpon chen pos mar me mdzad pa la ye shes kyis mdzad pa'i rgyas 'grel chen po dang bstun nas cung zad bcos shing /thams cad du grub chen zhi ba'i zhabs kyi zhal lung gi reg zig so so rnams dang khyad par gu ru lho phyogs pa chen po'i man ngag dang bstun nas legs par bcos te dag par bgyis pa'o// //

CLOSE WINDOW