CLOSE WINDOW

D4458
བོད་ཡིག

/bskal pa dgu khrir gling bzhi la dbang ba'i 'khor los sgyur bar 'gyur ro/ /nad thams cad dang rnam par grol ba'i gzugs dang ldan par 'gyur ro/ /'phags pa skye ba dran pa'i gzungs rdzogs so// //rgya dpe gser gyis bris pa las d+harmA b+ha dras bsgyur ba'o// //[]#/ /tsan+d+ra pa'i yi ge'i mdo'i 'grel ba gsar 'gyur ba zhugs//@##/ /rgya gar skad du/ tsan+d+ra byA ka ra Na baN+Di sU tra Ni br-itrIH/ bod skad du/ lung ston pa tsan+d+ra pa'i yi ge'i mdo'i 'grel pa/ thams cad mkhyen pa la phyag 'tshal lo/ /shin tu rgyal dka' bdud kyi stobs bcom ste/ /rnyed dka'i go 'phang nyams pa med brnyes pa/ /gzhan don legs mdzad rgud pa mi mnga' ba'i//mi mchog kun mkhyen de la phyag 'tshal nas/ /sgra yi bstan bcos mngon par mi shes shing / /rang gi don ni tshol bar 'dod pa la/ /yi ge'i mdo yi rnam par 'grel pa ni/ /bdag gis mdor bsdus pa yis brjod par bya/ /bdud kyis nyer sgyur skye bo ngan/ /yid ni phrag dog gis bcom phyir//yon tan skyon dag mi shes pas/ /skyon med pa yang rtag tu skyon/ /skye bo dam pa ring nas bcom na yang / /da ltar gzhan kyi skyon dag rgyas mi byed/ /skye dgu rnams la nam yang mi brnyas pa'i/ /yon tan phyogs su lhung ba der phyag 'tshal/ /de la re zhig dang por sgra'i mtshan nyid nye bar brjod par bya ba ni//nam mkha' rlung las byung dang lus las dang / /brjod dang kha dang nye ba nA da ste/ gnas gzhan rnams su dbye bar byed pa yis/ /yi ge nyid du 'byung gang sgra yin no/ /nam mkha' dang rlung dang zhes pa ni nam mkha' dang rlung dag las de dag 'byung ba'i rgyu gang yin pa de nam mkha' 'gyur rnyed zhig na/nam mkha' rlung las rab tu byung zhing lus las ni/ /yang dga'i ma pas gyen bskyod kha nang sgra ring 'di/ /gnas rnams de ma thag par rab tu rnam rtsol ldan/ /yi ge nyid du kun du 'gro ba gang de'i sgra/ /zhes pa snang ste 'gyur mi bde/ dang rlung las byung ba'o//yang na nam mkha' dang rlung las 'byung ba ni skye ba ste skye'o zhes pa'i don to/ /lus las zhes pa ni lus kyi phyogs gcig lte ba'i phyogs las so/ /brjod pa zhes pa ni yang dag par steng nas phyir 'byung ba'i bar du 'gro'o zhes pa'o/ /kha dang nye ba ni 'ong ba ste thob po zhes pa'i don no//ci yis de ni nA da'i sgrar 'gyur zhe na mi gsol ba'i sgra zhes pa'o/ /gnas gzhan rnams ni brgyad de/ khog pa/ mgrin pa/ spyi bo/ lce rtsa/ so/ sna/ mchu/ rkan rnams te/ de skad du'ang / yi ge'i gnas ni brgyad yin te/ /khog pa mgrin pa spyi bo dang //de bzhin lce rtse so dang sna/ /mchu dag dang ni rkan rnams so/ /de rnams kyang gang la ma ltos pa'i gnas gzhan du brjod pa'o/ /khog pa'i gnas ni mgrin pa la ma ltos pa'i gnas te gnas gzhan mgrin pa'i gnas las mi brjod pas khog par blta'o//gnas gzhan rnams kyang gzhan kho nar blta bar bya'o/ /des na de nyid gnas gzhan rnams su dbye bar byed pas so sor bya ba yin no/ /gang yi ge a yig la sogs pa rnams kyi gzugs su 'byung ba de ni sgra zhes gsal bar rtogs par bya'o/ /sgra gang gi mtshan nyid nye bar brjod pa de ni spyi'i bdag nyid do//ci ste yi ge de rnams ci las skye bar 'gyur zhe na smras pa/ gnas dang byed pa dang rtsol ba rnams las yi ge rnams skye'o zhes pa ste/ gnas ni sngar bshad pa'i khog pa dang mgrin pa la sogs pa'o/ /byed pa ni lce'i rtsa ba la sogs pa'o//rtsol ba ni 'phrad pa la sogs pa'o/ /gnas dang byed pa dang rtsol ba ni/ gnas dang byed pa dang rtsol ba rnams so/ /de rnams las yi ge a yig la sogs pa rnams skye ba ste mngon par 'byung ba'o/ /de rnams kyi nang nas yi ge rnams ci/gnas ni ci/ rtsol ba ni ci/ rnam par gzhag pa ci zhe na/ smras pa/ de la zhes pa ni nges gzung la bdun pa ste/ re zhig gnas rnam par bshad pa'ang 'di'o zhes bsams pa'o/ /a ku ha rnam par bcad pa rnams kyi mgrin pa'o/ /mgrin pa las byung ba ni mgrin pa'i gnas te mgrin pa'i gnas nas brjod pa'o//de dag ci zhe na/ a ku ha rnam par bcad pa rnams so/ /a ni a yig go/ /ku ni ka sde'o/ /ha ni ha yig go/ /rnam par bcad pa'i yang a sbyar ba ni brjod pa'i rten no/ /de rnams mgrin pa'i gnas las 'byung bar shes par bya'o//ita eta ai ta rnams kyi mgrin pa dang rkan no/ /rkan las gyur pa ni rkan can no/ /mgrin pa dang rkan dang zhes pa ni mgrin rkan gyi gnas so/ /ci rnams kyi zhe na ita ni i yin no/ /eta ni e yin no/ /ita ni i yin no/ /ita eta aita de rnams so/ /ta pha rol tu byed pa ni brjod bde ba'i don du'o//uta ota auta rnams kyi mgrin mchu'o/ /mgrin pa dang mchu ni mgrin mchu'i gnas so/ /uta ni ci zhe na u yig go/ /ota ni i yig go/ /auta ni au yig go/ /uta auta ste de rnams so/ /ta pha rol tu byed pa tsam kyang snga ma bzhin no//ri Tu ra Sha rnams kyi spyi bo'o/ /r-i ni r-i yin no/ /Tu ni Ta sde'o/ /ra ni re pa'o/ /Sha ni Sha yig gi don no/ /r-i Tu ra Sha rnams kyi gnas ni spyi bo'o/ /'dir sngon med pa bsam par bya ba ni 'di yin te zhes re pha 'di ra yig gi dang po'am 'on te dbus sam mthar gnas/de la gal te re zhig dang por dam 'cha' na/ ag+gir/ r-i ta dr-i Sh+ye zhes pa 'di la r-i yig de/ gang ni dang por zhes pa 'di'i phyir/ asniH ste r-i ta ces pa 'di la/ ra'i ra la zhes pa 'dis dbye bar 'gyur ro/ /de ltar yang yang na ra dbyi bas ring bor thal lo//de'i phyir dang bor mi spyor te/ 'on te/ mthar nges par gzung ba de ltar yod na/ ho tri ra than+ta ri zhes pa 'dir/ ra'i ra la dbyi bar 'gyur ba'i phyir de yang ma yin no/ /de nas nges par bya ba ni de bzhin du/ nr-i NAM zhes pa 'dir mtshon bya ra Sha las na'i Na'o zhes pa 'dir mtshon bya ra Sha las na'i Na'o zhes pa'i sbyor ba 'dis Na nyid du mi 'gyur ro zhes so //bar du mi thob pa kho na yod pa 'di ni ma nges pa'i gnas kyi bya ba'i dbang las kyang rnam par shes so/ /des na ji ltar bya ba rnams bsgrub pa'i skyon rnams kyang spang bar bya'o//dper na bya rog lta ba bzhin du 'di khas blang bar bya ste/ bya rog lta bar byed pa de ni nang dgang gi logs lta bar byed pa de dang de nyid du 'di'i dbang po 'gro'o/ /de skad du'ang / dang por am+biHr-i ti mthong / /de nas ho tri ra than bzhag / bar du rw-i NAM gzhag par bya/ /de phyir bya rog lta bzhin brjod/ /ces so/ /so no l-i tu la sa rnams kyi'o/ /l-i ni l-i yin no/ tu ni ta sde'o/ /la ni la yig go/ /sa ni sa yig go/ /l-i tu la sa rnams so/ /'di rnams kyi gnas ni so yin par rtogs par bya'o//sna ni rjes su nga ro'i 'o/ /i zhes pa rjes su nga ro ste zla ba phyed pa can no/ /de'i gnas ni sna'o/ /nga nya Na na ma rnams ni rang gi gnas dang rjes su sna ldan no/ /rang gi zhes pa ni mgrin pa rkan/ spyi so/ mchu dag go/ / gnas kyi mtshan nyid ni gang dag sna dang rjes su 'brel ba'i mtha' can nam/ rang gi gnas dang rjes su sna ldan pa'o/ /nga yig gi rang gi gnas ni mgrin pa ste/ ka sde yin pa'i phyir ro/ /nya yig gi rang gnas ni rkan te/ tsa sde yin pa'i phyir ro/ /Na yig gi rang gi gnas ni spyi bo ste Ta sde yin pa'i phyir ro//na yig gi rang gi gnas ni so ste/ ta sde yin pa'i phyir ro/ /ma yig gi rang gi gnas ni mchu dag ste/ pa sde yin pa'i phyir ro/ /de skad du bshad par 'gyur ba ni/ da yig la sogs pa re re 'ang /mgrin pa la sogs pa re re'i gnas nye bar mtshon pas na/ gnas zhes pa'o/ /i tsu ya sha rnams kyi rkan no/ /i ta ni i yig go/ /tsu ni tsa sde'o/ /ya ni ya yig go/ /sha ni sha yig go/ /de rnams i tsu ya sha rnams so/ /de rnams kyi gnas ni rkan no//mchu dag ni u dang pu dang mchu dang nye ba can rnams kyi'o/ /u ni u yig go/ /pu ni pa sde'o/ /mchu dang nye bar can ni pa yig dang pha yig gi steng du bzhag pa'i yi ge glang po che'i bum pa'i rnam pa can no/ /'di ni mchu dang nye ba can te mchu las 'byung bar blta bar bya'o/ / so dang mchu ni wa yig gi'o/ /so dang mchu ste wa yig gi gnas su rtogs par bya'o/ /de ltar yi ge'i rim pa ji lta bas gnas kyi spros pa mngon par brjod de/ byed pa nas brtsams nas smras pa/ byed pa ni lce'i rtsa ba can gyi lce'i rtsa ba'o zhes pa la sogs pa'o//ka yig dang kha yig dag gi steng du bzhag pa'i rdo rje'i rnam pa'i yi ge'o/ /lce'i rtsa ba can de'i byed pa ni lce'i rtsa bas byed do/ /'dis ni 'di'i byed pa dang gnas kyang 'di nyid du rtogs par bya'o/ /lce dbus rnams kyi ni rkan gyi gnas las byung ba sngar bshad pa rnams kyi lce'i dbus byed par gzung ngo //lce'i rtse mo dang nye ba ni/ /spyi bo las byung ba rnams kyi'o/ /spyi bo'i gnas nas byung ba rnams kyi ni/ lce'i rtse mo dang nye ba goms pa ste/ rtse mo dang nye ba ni byed par rtogs par bya'o/ /so las byung ba rnams kyi ni lce'i rtse mo'o//lce rtse'i mtha' thug pa ni so'i gnas las byung ba rnams kyi byed par blta bar bya'o/ /lhag ma rnams ni rang gi gnas kyi byed pa can no/ /gang lhag ma rnams kyi byed pa ni rang gi gnas kho na byed pa ste rang gi gnas byed pa yin pa 'dis ni byed pa bzhi mngon par sgrub pa gzhan ma bshad pa'i gnas las byung ba rnams rang gi gnas kho na las rtogs par bya'o//de ltar byed pa mngon par brjod nas rtsol ba nye bar bstan pa'i phyir smras pa/ rtsol ba rnam pa gnyis te zhes pa la sogs pa ste/ ches rab tu 'bad pas na rtsol ba ste byed pa rnams kyi nang du gtogs pa'i yon tan gyi khyad par las nges par byung ba'i rang bzhin te/nam du'ang 'di'i rang bzhin mtha' dag par nges par mi nus so/ /des na 'dir yang de bzhin kho nar rnam par bshad pa brtsam par bya zhes pa'o/ /de yang rnam pa gnyis te/ ji ltar zhe na/ nang dang phyi rol gyi rab tu byed pa gnyis so//nang ni nang du 'jug pa'i byed pa'i nang du son par ro/ /de las bzlog pa ni phyi rol lo/ /de la'i sgra ni 'dir nges gzung la 'jug go/ /nang ni ji srid ma nor ba brjod do zhes pa de srid du'o/ /nang gi rtsol ba 'di la'ang btsums pa dang phye ba dang phrad pa dang cung zad phrad pa'i dbye bas phye ba rnam pa bzhir 'gyur ro//btsums pa ni a yig gi'o/ /mgrin pa phye ba ma yin pas brjod pa ni btsums pa ste/ a yig gi yin par bzhag go/ /de las phye ba ni dbyangs rnams dang dro ba rnams kyi'o/ /phye ba zhes pa ni mgrin pa ma bsdams pas brjod pa'i yi ge A yig dang e yig dang o yig ste/dbyangs yig rnams dang sde pa'i gnyis pa dang bzhi pa dang sha Sha sa ha rnams te dro ba rnams so/ /de rnams las phye ba nyid ni eta aita dag gi'o/ /de rnams las kyang lhag par phye ba ni/ e yig dang ai yig dag gi'o//de dag las ota auta dag gi'o/ /e yig dang i yig de rnams las kyang ches cher phye ba ni/ o yig dang au yig dag go/ /de dag las kyang A yig gi'o/ /o yig dang au yig de dag las kyang lhag par phye ba yin pa A yig gi'o//phrad pa ni reg pa rnams kyi'o/ /phrad pa ni gnas gang du yi ge de rnams mthon por brjod pa rtsol ba chen pos btsir nas 'phrad pa de rnams te/ ka sde dang / tsa sde dang / Ta sde dang / ta sde dang / pa sde rnams su bshad pa ni phrad pa mngon par brjod do//cung zad phrad pa ni mthar gnas kyi'o/ /bshad ma thag pa las bzlog pa/ mthar gnas te/ ya ra la wa rnams nang du cung zad phrad pa mngon par brjod do/ /phyi rol ni sde pa rnams kyi dang po dang gnyis pa rnams dang sha dang Sha dang sa dang rnam par bcad pa dang lce rtsa can dang mchu dang nye ba'ang phyi rol du byung ba ni phyi'i rtsol ba'o//ci rnams kyi zhe na/ sde pa lnga po rnams kyi dang po dang gnyis pa rnams te/ ka kha tsa tsha Ta Tha ta tha pa pha zhes bya ba de rnams dang / gang yang sha yig dang / Sha yig dang sa yig dang rnam par bcad pa dang lce rtsa can dang mchu dang nye ba can rnams kyang ste/khyad par ci zhe na/ mgrin pa phye bas sgra rjes su rtogs pa ni sgra med pa rnams yin la/ phye ba ni mgrin pa'i bu ga ma bsdams pas brjod pa gang dag mgrin pa phye bas sgra rjes su ste/ phyi nas grag pa gang yin pa de rnams ni sgra rjes su rtogs pa'o//sgra zhes bya ba'i yon tan gang la med pa de rnams sgra med rnams so/ /dang po dang gsum pa rnams dang / lnga pa rnams dang mthar gnas rnams srog chung ba'o/ /gang sde pa rnams kyi dang po dang gsum pa dang lnga pa rnams te/ ka ga nga tsa dza Ta Da Na ta da na pa ba ma zhes bya ba rnams so//gang yang mthar gnas ya ra la wa 'di rnams thams cad srog chung ba rnams nyid do/ /ci'i phyir zhe na/ srog ces bya ba'i rlung 'di rnams la chung zhing phra bas so/ /cig shos rnams srog che ba'o/ /cig shos ni sngar ma brjod pa'i sde pa lnga'i gnyis pa rnams dang bzhi pa rnams te/kha g+ha tsha p+ta Tha d+ha pha b+ha zhes bya ba rnams so/ /sha Sha sa ha 'di rnams kyang brjod ma thag pa las bzlog pa sa nges par gzung ngo / /gsum pa dang bzhi pa dang lnga pa rjes su nga ro dang bcas pa rnams dang mthar gnas dang ha yig rnams so//sde pa lnga'i gsum pa rnams dang bzhi pa rnams dang lnga pa rnams te/ ga g+ha nga dza dz+ha nya Da D+ha Na da d+ha na ba b+ha ma zhes bya ba rnams rjes su nga ror bcas pas rjes su nga ro dang bcas pa'i ya yig dang re pha dang la yig dang wa yig dang ha yig rnams kyang ste/mgrin pa btsums pas sgra rjes su rtogs pa 'di dag ni sgra dang ldan pa'o/ /btsums pa ni phye ba ma yin pa la sogs pa sngar bzhin yin la/ sgra'i yon tan dang ldan pa'i phyir sgra ldan no/ /gnyis pa dang bzhi pa dang sha Sha sa rnams dro ba'o/ /gang dag sde pa lnga'i gnyis pa dang bzhi pa ste/gnyis pa dang bzhi pa rnams ni kha g+ha tsha dz+ha Tha zwa tha d+ha pha b+ha rnams su mngon par brjod pa rnams dang sha Sha sa ha rnams kyang ste/ 'di dag thams cad dro ba nyid kyi yon tan dang ldan pas dro ba rnams kyi ming can du 'gyur ro zhes pa 'di ni phyi'i rtsol ba'o//de ltar bar ma chad du brjod pa de rnams ni phyi'i rtsol bar rig par bya'o/ /'dir yang a yig ni thung ngu dang ring po dang shin tu ring po zhes pa rnam pa gsum du dbye'o/ /'dir zhes pa yi ge'i rab tu byed pa 'di la ste/ a yig ni a'i yi ge'o/ /de yang thung ngu dang ring po dang shin tu ring po'i rab tu byed pas gsum mo//dbye ba ni/ eta dang ita tu 'gyur ro/ /bar+Na smos pas gnas skabs thams cad du ldan pa nyid de/ a'i rigs 'dzin zhing / de ltar gzhan du'ang ngo / /te te la u dAt+ta dang / a nu dAt+ta dang swa ri tas phye ba dang rjes su sna ldan dang bcas pas rjes su sna ldan med pa'i dbye bas rnam pa bco brgyad du 'gyur ro//te te ba ste/ thung ngu la sogs pa re re la u dAt+ta dang a nu dAt+ta dang swa ri tas phye bas rnam pa gsum du dbye bar 'gyur ro/ /thung ngu la sogs pa re re po de nyid slar yang rjes su sna ldan dang bcas pa dang rjes su sna ldan med pa nyid kyis nyams su phye bas de ltar gsum po rnams so sor rnam pa drug tu 'gyur ro//rnam pa drug po ni bco brgyad du 'gyur ro/ /de ltar i'i yi ge dang u'i yi ge dang r-i'i yi ge'ang ngo / /ji ltar a yig la thung ngu la sogs pa'i rab tu byed pa phye bas rnam pa bco brgyad du 'gyur ba de ltar e yig la sogs pa'i yi ge'ang dbye bar 'gyur ro//lo'i yi ge la ring po yod pa ma yin te/ de nas rnam pa bcu gnyis su 'gyur ro/ /l-i yig thung ngu dang shin tu ring por phye bas bcu gnyis kho na yin te/ring por dbye ba'i rab tu byed pa drug pa med pa'i phyir ro/ /mtshams sbyor gyi yi ge rnams la thung ngu yod pa ma yin te/ de na de rnams kyang rnam pa bcu gnyis rnams su 'gyur ro/ /e yig la sogs pa yi ge bzhi rnams ni mtshams sbyor yi ge rnams te/de la'ang thung ngu drug rnams med pas ring po dang shin tu ring po rgyas par bya bas re re la bcu gnyis kho na'o/ /yi ge gnyis rnams kyang ngo / /kyang gi sgra ni mtshams sbyor yi ge rnams su mngon par 'brel lo/ /de rnams kyang yi ge re re ba nyid du 'gyur ro//ci a yig dag dang r-i yig dang lo yig rnams kyi ches gzhan pa tshogs pa la e yig tu 'gyur ba de bzhin du e yig dag kyang i yig ste 'di dag kyang u yig dang U yig rnams kyi ches gzhan pa tshogs pa la o yig tu 'gyur ba yod pa de bzhin du o yig kun tu brjod pa la'ang au yig go//'di dag i yig dang A+e yig dang / U yig dang / u yig rnams kyi cig shos phrad pa la'ang e yig dang o yig dag 'byung ba yod pa ma yin nam zhe na/ yod pa bden te/ de rnams e yig dang o yig smos pas gzung ba'i phyir 'di dag so sor brjod do//phyi mo gcig pa thung ngu'o/ /thung ngu'i yi ge ni phyi mo gcig can du bstan to/ /phyi mo gnyis pa ring po'o/ /ring po ni phyi mo gnyis pa can du brjod do/ /phyi mo gsum pa d+lu ta'o/ /phyi mo gnyis pa'i rigs pas p+lu ta mngon par brjod par 'gyur ro/ /mthon po rnams kyis u dAt+ta'o/ /gang dag nga ro mthon pos mngon par brjod pa'i yi ge de ni u dAt+ta'o//dma' ba rnams kyis a nu dAt+ta'o/ /yi ge gang gi nga ro dma' bas brjod par bya ba de ni a nu dAt+ta'o/ /de dag par ma swa ri ta'o/ /u dAt+ta dang / a nu dAt+ta de dag las/ bar ma'am bsdus pa dang ro mnyam pa ni swa ri tar 'gyur ba nyid de/de'i tshe 'dis mngon par brjod pa las mtho ba dang dma' ba'i nga ro ma gtogs pa'i nga ros yi ge gang mngon par brjod par byed pa de ni swa ri tar brjod do/ /rang gi gnas dang rjes su sna ldan dang rjes su sna ldan ma yin pa'o/ / rang gi ni bdag nyid kyi gnas dang / sna dang ldan pa'i gnas ni yi ge gang / /rang gi gnas kyi rjes su sna dang ldan pa dang / rjes su sna ldan ma yin pa ni sna'i gnas dang bral ba'o/ /mthar gnas ni rab tu dbye ba gnyis pa'o/ /rab tu dbye ba gnyis kyis rtogs pa/ya ra la wa rnams so/ /ci ltar zhe na/ rjes su sna ldan dang bcas pa dang / rjes su sna ldan ma yin pa rnams kyang ste sngar smos pa bzhin no/ /phrag dog ser snas rig pa yi/ /rjes su legs par 'brang ba dag /yang dag lta ba'i dngos po yi/ /mtshan nyid mi ldan dor bar bya//gang phyir gzhan gyi don tshol ba'i/ /bla ma'i mkhyen pa las thob pa/ /mkhas pa bdag nyid kyis byas pa'i/ /dge ba blang bya nyid yin no/ /gang 'dir yi ge'i mdo ni 'grel byas pa'i/ /dge ba cung zad bsags pa de dag gis/ /'khor ba'i rgya mtsho chen por 'phyan gyur pa'i//skye bo'i sdug bsngal sbyor ba zhi gyur cig /lung ston pa tsan+d+ra pa'i yi ge'i mdo'i 'grel pa rdzogs so// //'di ni 'dzam bu'i gling mtha' dag snyan grags kyi gdugs dkar po dri ma med pa gcig gis khebs pa dngos grub mchog brnyes pa'i slob dpon chen bo tsan+d+ra go mi'i zhal snga nas mdzad pa ste/sngon bod du ma 'gyur snang bas/ gangs can gyi skye bo kun gyi mig gcig pu thams cad mkhyen pa zha lu lo tsA ba chen po d+har+m+ma pA la b+ha dra'i bka' drin las rnam dpyod kyi skal ba'i cha shas thob pa skyogs ston lo tsA'i ming tsam 'chad pa ngag dbang rin chen bkra shis dpal bzang pos 'dzin byed ces bya ba me pho phyi ba'i rgyal can gyi nya la dpal gra thang gi gzims khang du bla ma dam pa nyid kyis bsgyur cig ces bka' stsal pa bzhin dpang lo chen po'i phyag dpe rgya dpe las bsgyur cing ma rtogs pa dang log par rtogs pa thams cad rje lo tsA ba chen po'i gsung la gtugs nas dag par byas pa'o//slar yang kha ra zhes bya ba lcags mo yos kyi dbo'i zla ba'i dkar phyogs kyi rgyal ba gnyis pa la nyang po'i yul gyi ljongs phrag zur du gdong gi dpal kar+m+ma pa'i chos kyi sde chen po 'jam dbyangs dgyes pa'i gtsug lag khang gi 'dabs su rgya dpe la gtugs te bsgyur ba po nyid kyis cung zad zhus shing gtan la phab pa'i yi ge pa ni sgra rig smra ba A nan+da badzra zhes bya ba'o//'dis kyang rgyal ba'i bstan pa dang lus can dpag tu med pa la phan par gyur cig /