བོད་ཡིག |
148a6 @##/ /rgyud phyi ma/ /de nas byams pa la sogs pa byang chub sems dpa' sems dpa' chen po rnams de bzhin gshegs pa thams cad kyi dbang bskur ba dang sku dang gsung
148a7 dang thugs kyi gsang ba bstan pa la dngos po thams cad kyis ji lta ba dang /dus ji lta ba bzhin du mthong zhing thos la khong du chud nas chos gzigs pa dang ldan pa'i de bzhin gshegs pa de dag thams cad la 'di skad ces gsol to/ /e ma'o kun du bzang po yi/ /sku gsung thugs kyi nges par
148b1 dag /rdo rje gsum gyis kun du ni/ /rdo rje gsum la kun du bzhugs/ /sems can thams cad dus gsum gyi/ /rdo rje'i ngo bor yang dag byung / /sangs rgyas rdo rje rdzu 'phrul che/ /byang chub rdo rje'i gnas thob pa'o/ /e ma'o 'di rab ngo mtshar che/ /e ma'o zhi ba dbang po 'das/ /e
148b2 ma'o 'khor bdag gi rgyun//e ma'o mchog tu mya ngan 'das/ /de nas de bzhin gshegs pa de dag thams cad kyis byang chub sems dpa' sems dpa' chen po de rnams la 'di skad ces bka' stsal to/ /byang chub sems dpa' de de bzhin no/ /sems dpa' chen po de de bzhin no/ /
148b3 de nas byang chub sems dpa' sems dpa' chen po de dag thams cad yang 'dus par gyur nas/ /de bzhin gshegs pa de dag thams cad la gsang ba dang / phyi'i mchod pa rnams kyis yang dag par mchod nas phyag byas te mgrin gcig tu 'di skad ces gsol to/ /e ma'o shin tu
148b4 rnyed dga' ba//byang chub sgrub pa'i thabs 'di yin/ /rgyud kyi mchog gi mchog gyur pa/ /gsang ba 'dus pa zhes bya'i rgyud/ /sbas pa de ni rtogs phyir dang / /sems can rnams la phan 'dod pas/ /yang dag gsung bas gang bshad pa/ /mgon po khyed la gsol bar
148b5 'tshal//de nas de bzhin gshegs pa de dag thams cad kyis byang chub sems dpa' de rnams la 'di skad ces bka' stsal to/ /gang zhig sbas pa'i rgyud tshig de/ /de dag thams cad 'dri 'dod pa/ /sems dpa' chen po legs so legs/ /yon tan 'byung gnas legs so
148b6 legs//de nas byang chub sems dpa' kun/ /rab tu dga' bas mig gdangs te/ /yang dang yang du phyag 'tshal nas/ /'di yi som nyi zhus par gyur/ /gsang ba zhes 'di gang la bgyi/ /'dus pa zhes ni gang la brjod/ /rgyud kyi 'brel pa ji lta bu/ /rnal 'byor
148b7 rgyud 'dir ci la bgyi//de nyid rnam pa du ru bshad/ /de bzhin gsang ba rnam pa du/ /gsang chen zhes ni gang la bgyi/ /dam pa rnam pa du zhig mchis/ /byang chub sems zhes gang la bgyi/ /de bzhin rig pa'i skyes bu ci/ /badzra d+h+r-ika ces ci la bgyi/ /de bzhin dzi na
149a1 dzi ka ni gang //de la rad+na d+h+r-ika ni gang / /de bzhin A ro li ka ni ci/ /pradz+nyA d+h+ri ka ces gang la bgyi/ /rigs 'dir de bzhin gang zhig lags/ /mo ha zhes ni gang la bgyi/ /dwe Sha zhes bya 'dir gang lags/ /rA ga zhes ni ci la bgyi/ /badzra sngags ni gang la bgyi/ /ra ti
149a2 zhes 'dir gang la bgyi//phun sum tshogs pa gang zhig lags/ /ya mAn+t+wa kr-i ta don ni gang / /de bzhin pradz+nyAn+ta kr-i ta ci/ /pad mAn+ta kr-i ta ming ci lta/ /de bzhin big+h+nAt+na kr-i ta ci/ /kun du spyod pa gang ci lags/ /de bzhin sngags kyi spyod pa gang / /'dir ni bzlas pa gang zhig lags/
149a3 rgyas btab pa zhes gang la bgyi/ /chos 'byung ba ni ji ltar bsgom/ /de bzhin sdom pa ji lta bu/ /zhe sdang gti mug 'dod chags chos/ /sems can don mdzad ji lta bu/ /dkyil 'khor zhes ni gang la bgyi/ /phyag rgya'i dgod pa ji ltar lags/ /'dir ni me tog ci zhig lags/
149a4 mchod rten zhes ni gang la bshad/ /ye shes 'khor lo ji ltar zhes/ /'dir ni gnas shes gang la bshad/ /mgon po bskul ba ji lta bu/ /gtong ba dag kyang ji lta bu/ /ji ltar de rnams spyan drang bgyi/ /bcing ba 'dir ni ji lta bu/ /dbang bskur ba ni ji ltar stsal/ /de bzhin
149a5 rig pa'i brtul zhugs gang //bdud rtsi lnga rnams ci ltar bza'/ /de bzhin dpa' bo lnga gang lags/ /dngos grub tha mal ji lta bu/ /de bzhin mchog kyang ji lta bu/ /de la thabs ni rnam pa du/ /de bzhin thabs byung ji lta bu/ /rnal 'byor rdo rje can kun gyi/ /bka' ni ji ltar
149a6 bsgo bar bgyi//las kyi mchog gi tshogs rnams ni/ /sna tshogs ji ltar byed par 'gyur/ /de nas de bzhin gshegs pa de dag thams cad byang chub sems dpa' sems dpa' chen po de rnams kyis zhus pa'i tshig nye bar gsan nas/ byang chub sems dpa' chen po rdo rje 'dzin pa la
149a7 dmigs par mdzad nas skad cig cang mi gsung bar gyur to//de nas byang chub sems dpa' che/ /snying rje'i bdag nyid rab dga' nas/ /rdzogs pa'i sangs rgyas bde bar gshegs/ /mgon la yang dang yang rab bskul/ /de nas de bzhin gshegs pa de dag thams cad kyis byang
149b1 chub sems dpa' de rnams la 'di skad ces bka' stsal to//sku gsung thugs kyi rdo rje yis/ /sku gsung thugs ni rdo rje la/ /bzhag nas byang chub sems dbang po/ /zhus pa rgya chen mnyan par gyis/ /de nas byang chub sems dpa' sems dpa' chen po de dag thams cad de bzhin gshegs pa
149b2 de dag thams cad kyis rjes su gsungs pa'i bka' spyi bos rab tu mnos te/bcom ldan 'das legs so legs so/ /bde bar gshegs pa legs so legs so zhes gsol nas/ rang rang gi lus dang ngag dang yid rdo rjes byang chub sems dpa' chen po rdo rje 'dzin pa chen po'i sku dang gsung
149b3 dang thugs rdo rje la dmigs te cang mi smra bar gyur to//de nas de bzhin gshegs pa de dag thams cad rang rang gi thugs rdo rje chen po la dmigs par byin gyis brlabs nas byang chub sems dpa' chen po de dag rnams la zhus pa de dag gsung gcig gis bka' stsal pa/ sku gsung thugs ni
149b4 rnam pa gsum//gsang ba zhes ni bstan pa yin/ /sangs rgyas thams cad ces bya ba/ /tshogs pa 'dus pa yin par bshad/ /lnga pa dang ni dgu pa dang / /bcu bdun pa dang bcu gsum pa/ /sangs rgyas byang chub sems rnams kyis/ /bstan pa dag ni sgrub chen yin/ /bzhi pa dang ni bcu
149b5 drug pa//brgyad pa de bzhin bcu gnyis pa/ /slob dpon spyi yi las dang ni/ /dngos grub brtul zhugs sdom pa yin/ /drug pa dang ni gnyis pa dang / /bcu pa dang ni bcu bzhi pa/ /drag spyod rjes su chags pa dang / /nye bar sgrub pa'i sdom pa'o/ /bdun pa dang ni gsum pa dang / /bcu gcig pa dang
149b6 bco lnga pa//dngos grub zhing dang mtshan ma ni/ /bsnyen pa sgrub pa'i sdom pa'o/ /de bzhin gshegs pa kun gyi las/ /tshar gcod phan 'dogs spyod pa dag /dul dang gdul dka' zhi ba yi/ /sems can rnams kyi 'jug pa'o/ /bskyed pa'i rim dang 'brel pa yi/ /bsnyen pa rdo rje'i
149b7 cho ga bzhi//thun mong dngos grub 'brel pa yin/ /mchog tu gyur pa'i gzhung nyid do/ /dkyil 'khor brtul zhugs 'brel pa yi/ /gzhung ni slob dpon phun tshogs pa'o/ /bla mas sngags kyi lam gyis ni/ /slob ma yongs su smin bya ba/ /brtul zhugs bzang dang dbang bskur ba/ /rang gi
150a1 slob ma bdag nyid che//sangs rgyas byang chub sems rnams kyis/ /ston pas yongs su grol ba yin/ /thabs dang shes rab snyoms 'jug pa/ /rnal 'byor zhes ni bshad pa yin/ /gang zhig dngos med shes rab ste/ /thabs ni dngos po'i mtshan nyid do/ /rgyud ni rgyun zhes
150a2 bya bar grags//rgyun de rnam pa gsum 'gyur te/ /gzhi dang de bzhin rang bzhin dang / /mi 'phrog pa yis rab phye ba/ /rnam pa rang bzhin rgyu yin te/ /de bzhin mi 'phrogs 'bras bu'o/ /gzhi ni thabs shes bya ba ste/ /gsum gyis rgyud kyi don bsdus
150a3 ba'o//rigs ni lnga dang gsum dag dang / /ngo bo nyid gcig rigs brgya'o/ /byang chub rdo rje bcas gsungs pa/ /de ni phyi ma'i rgyud du 'dod/ /de nyid rnam pa lnga ru bshad/ /gsang ba rnam pa gsum du bshad/ /lhag ma'i lha ni gsang chen te/ /dam
150a4 pa'i rigs ni rnam pa brgya//thog ma tha ma med zhi ba/ /dngos dang dngos med zad pa'i gtso/ /stong nyid snying rje mi phyed pa/ /byang chub sems zhes bya ba yin/ /sku gsung thugs kyi rdo rje yis/ /mi phyed dbye ba'i ngo bo nyid/ /rigs dang lhan cig
150a5 ldan pas na//rig pa'i skyes bu zhes brjod do/ /rgyu lnga dang ni 'bras bu lnga/ /rdo rje zhes ni bshad pa yin/ /'chang ba 'dzin pa zhes grags te/ /rnam shes rdo rje 'dzin du 'dod/ /badzra d+h+r-ika ni rnam shes yin/ /yod dang med dang dbus las 'das/ /
150a6 'byung dang 'byung las gyur las byung / /sems can kun gyi lus yin te/ /skye las rgyal ba dzi ni dzi ka /don rnams thams cad 'byung bas na/ /sems ni rin po che zhes bya/ /tshor ba po yis nges tshor bas/ /tshor ba rat+na d+h+r-ika tu 'dod/ /mtshan gzhi
150a7 mtshan nyid dngos po yis//kun la kun gyis thams cad du/ /dga' ba'i mtshan nyid mtshan gzhi ni/ /A ro li ka ces bshad pa yin/ /rnam shes rab mthar phyin byed pa/ /gang yin de ni shes rab ste/ /'du byed sems pa 'dzin pas na/ /pradz+nyA d+h+r-ika ces bya
150b1 bar bshad//rigs ni rgyud ces bya bar bshad/ /rgyud ni thog ma zhes brjod de/ /mi 'jigs skye ba med gang yin/ /mgon po de ni yin par bshad/ /rgyu 'bras gnyis la sdang bas na/ /rnam shes zhe sdang yin par bshad/ /bems po bcings pa'i rang bzhin
150b2 pas//gzugs ni gti mug ces byar bshad/ /bdag tu rlom pa'i ngo bo bas/ /tshor ba dregs pa yin par bshad/ /dngos la chags pa'i mtshan nyid can/ /'du shes yang dag chags bdag nyid/ /rgyan gyis drang ba'i bdag nyid can/ /'du byed
150b3 rtag tu phrag dog yin//byang chub sems kyi ngo bo nyid/ /srid pa kun 'byung thams cad du/ /'dod chags zhe sdang rmongs ldan pa'i/ /sems ni 'dod pa zhes byar bshad/ /dam tshig sna tshogs 'dra ba yin/ /mngon phyogs las las skyes 'bras bu/ /
150b4 gnyis med ye shes chos rnams la/ /nga rgyal byed pa rmongs zhes bshad/ /de la phan tshun 'dzer ba ni/ /zhe sdang zhes ni bya bar bshad/ /mtshan nyid 'dod chags zhen pa yin/ /ye shes thabs ni rdo rjer bshad/ /dga' ba rdzogs pa'i longs spyod mchog /bud
150b5 med bde mchog phun sum tshogs//gti mug zhe sdang 'dod chags dang / /rdo rje la dga' rtag par gnas/ /des na sangs rgyas rnams kyi thabs/ /rdo rje theg pa zhes bshad do/ /mi 'jig bdag nyid chos rnams ni/ /ma skyes pa yi ngo bo nyid/ /dngos po
150b6 kun gyi dam tshig ste//de nyid gshin rje mthar byed do/ /rnam shes min bdag chos rnams ni/ /don dam mi 'gyur dag gyur te/ /sems kun gyi ni dam tshig ste/ /da nas rgyal ba shes mthar byed/ /brjod med bdag nyid chos rnams ni/ /ming dang gzugs blo
150b7 dngos po med//chos rnams kun gyi dam tshig ste/ /des na khyab bdag pad mthar byed/ /mi rtog bdag nyid chos rnams ni/ /rang bzhin gyis ni zhi ba'i dngos/ /rdo rje kun gyi dam tshig ste/ /des na gtso bo bgegs mthar byed/ /mi 'jig rnam par mi shes pa/
151a1 brjod du med dang rtog bral ba/ /sangs rgyas byang chub ye shes 'di/ /shes na bde ba thob par 'gyur/ /gti mug gti mug longs spyod pas/ /gti mug zad phyir gshin rje gshed/ /des na lus mthar byed pa ste/ /des na shes bya mthar byed 'gyur/ /
151a2 nyes pa nyes pa longs spyod pas/ /nyes pa zad phyir shes mthar byed/ /des na sems ni mthar byed de/ /des na nyon mongs mthar byed 'gyur/ /'dod chags 'dod chags longs spyod pas/ /'dod chags zad pas pad mthar byed/ /des na chags pa mthar byed
151a3 de//de bzhin snyoms 'jug mthar byed 'gyur/ /nyon mongs kun zad gang yin dang / /de bzhin las ni thams cad zad/ /sgrib pa kun zad ye shes ni/ /bgegs mthar byed ces bya bar bshad/ /nyon mongs rdo rje'i sgrib dag na/ /las rnams thams cad rnam
151a4 par dag /las rnams thams cad rnam dag pas/ /las skyes 'bras bu rnam dag 'gyur/ /gzung dang chags pa nyid dang ni/ /rnam pa de bzhin mi g.yo dang / /rgyu nyid 'bras bu nyid dag ste/ /drug las thugs ni kun du 'byung / /'dod pa'i rgyal po la sogs drug /
151a5 khro bo'i dbang por rnam par grags/ /dam tshig rdo rje la sogs drug /sa la sogs pa rnam pa lnga/ /'byung dang 'byung las gyur par grags/ /rig pa'i rgyal por zhes bshad do/ /gzugs kyi rdo rje la sogs drug /rdo rje'i bdag po zhes bshad do/ /
151a6 sku gsung thugs kyi rdo rje las/ /bdag nyid chen po kun du 'byung / /thabs dang shes rab las byang ba'i/ /phung po khams dang skye mched gzugs/ /rdzogs pa'i rim pa'i sbyor ba yis/ /sngags pas sbyor ba nges byas la/ /thams cad dag par mos pa
151a7 yis//'jigs pa thams cad spangs nas su/ /dogs pa med pa'i sems kyis ni/ /sngags pas seng ge bzhin du spyod/ /'di la mi bya ci yang med/ /de bzhin mi bza'ang yod ma yin/ /smra bar mi bya cung zad med/ /rtag tu mi
151b1 bsam ci yang med//mnyam par ma bzhag sbyor ba yis/ /rtag pa nyid du mnyam par 'jog /gang gis sems kun la spyod pa/ /kun du spyod pa zhes bshad do/ /dbang po dang ni yul rnams kyi/ /rkyen gyis gang dang gang byung yid/ /yid de man zhes bya bar bshad/ /
151b2 tra ni skyob par byed pa'i don/ /'jig rten spyod las rnam grol bar/ /gang bshad dam tshig sdom pa ste/ /rdo rje kun gyis bsrungs pa ni/ /sngags kyi spyod pa zhes bshad do/ /rang rang gi ni ngo bo nyid/ /snying po yid kyis rnam bsams te/ /gsang sngags
151b3 zlos pa'i dbye ba yis//zlos par byed cing spro zhing bsdu/ /sangs rgyas sna tshogs rdo rje'i bdag /ye shes sa bon dag gis bsdu/ /byang chub bdag med sa bon gyis/ /brtul zhugs can gyis bdag med gzung / /sna tshogs bzhin du sna tshogs spro/ /dus
151b4 gsum sa bon dag gis bzla//bzlas pa smra bar grags bas na/ /ngag kun bzlas pa zhes bshad la/ /sngags kun 'bod pa zhes bshad de/ /de nyid bskul bar smra ba'o/ /ji ltar thugs sogs byin rlob pa/ /ting nge 'dzin kyang de bzhin no/ /de rnams
151b5 spyi bor dbang bskur dang //de bzhin kun du mchod pa'o/ /rdo rje 'chang ba gang yin pa'i/ /rig pa yod pa'i sbyor ba dang / /bdag byin brlab sogs de bzhin te/ /de yi longs spyod bzhir shes bya/ /dpa' bo rdo rje gcig pu yi/ /spyi bor dbang bskur re re
151b6 ste//snying po phyag rgya sngags tsam dang / nga rigs rim gyis rgyas gdab pa'o/ /'bras bus rgyu ni rgyas gdab cing / /rgyu yis 'bras bu rgyas gdab par/ /bsgom gyi gzhan du dngos grub ni/ /bskal pa bye bar 'byung mi 'gyur/ /longs spyod bzhi dang yang
151b7 dag ldan//rig pa'i skyes bu rdo rje can/ /sku gsung thugs kyi dbye ba yis/ /gru gsum du ni rnam par bsgom/ /kun nas ser ba'i 'khor lo ni/ /rtsibs bcu de dbus rnam par bsgom/ /rtsibs kun la ni khro bo bcu/ /ye shes bdag nyid bcu las byung / /
152a1 'gog pa'i rdo rjes bsgom bya zhing / /mchog tu mdzes pas bsgrub par bya/ /rdo rje 'bar ba'i sprin spros pas/ /mi g.yo ba dang mtshungs par 'khor/ /de ltar chos 'byung ye shes ni/ /rang bzhin dri ma med zhi ba/ /bsgoms pas skad cig
152a2 nyid kyis ni//sangs rgyas spyan ni rab tu 'byung / /rdo rje can gyis chos bstan pa/ /rim pa gnyis la yang dag brten/ /bskyed pa yi ni rim nyid dang / /de bzhin rdzogs pa'i rim pa'o/ /sgrub pa dang ni nan tan dang / /dam tshig de bzhin sdom pa rnams/ /
152a3 sngar ni de kun rgyas par ni/ /rim pa'i dbye bas phye ba yin/ /gzugs dang sgra sogs 'dod pa ni/ /bde sdug gnyi ga'i bdag nyid can/ /'dod chags zhe sdang gti mug sogs/ /rtag tu snying la skye bar 'gyur/ /chags la 'dod chags rdo rje can/ /
152a4 rdo rje 'dra bar rin chen 'byung / /rin chen bzhin du dam tshig shes/ /'dod pa de rnams dam tshig mtshungs/ /rnam bcas dang ni rnam pa med/ /kun 'gro yi ge gsum bdag nyid/ /bya ba dang ni dbrog pa dang / /spro dang rang gi bzlas pa bya'o/ /
152a5 de ltar zhe sdang gti mug dag /sa gsum du ni bskyed par bya/ /gsang ba'i bdag pos rgyas btab cing / /rdo rje can gyi don byed do/ /zhe sdang sbyor ba'i rnal 'byor pas/ /zhe sdang 'khor lo bskyed nas su/ /rdo rje drag pos bcom nas ni/ /
152a6 ye shes rdo rje can gyis bsdu/ /de ni spro bas rtogs byas la/ /de bzhin spar yang bsdu bar bya'o/ /'di lta'i sbyor ba goms byas na/ /zhe sdang rdo rjer bdag nyid 'gyur/ /khams gsum po ni ma lus pa/ /bsad dang de bzhin gso ba dang / /skad cig tsam gyis
152a7 byed par ni//mngon du nus par the tshom med/ /gti mug sbyor ba'i rnal 'byor pas/ /gti mug 'khor lo bskyed nas ni/ /rgyan la sogs pa gang ci'ang rung / /de dag thams cad rtag tu brku/ /gti mug sems kyi rgya mtsho bsgom/ /rin chen
152b1 kun gyis rab tu dgang //gti mug 'khor lo can kun gyis/ /sbyin pa'i char ni rab tu 'bebs/ /rdzas rnams thams cad ma lus par/ /rab tu sbyin dang dbrog pa nyid/ /sems kyi rdo rje brtan po yis/ /skad cig tsam gyis dbye bar 'gyur/ /'dod chags
152b2 sbyor ba'i rnal 'byor pas//'dod chags 'khor lo bskyed nas ni/ /lha mo thams cad phrogs nas su/ /'dod pa'i sbyor bas 'dod pa spyod/ /dga' sdug bde bas rangs pa yis/ /'dod pa'i rtsed mos rnam par 'phrul/ /de nas 'khor lo can kun la/ /
152b3 lha mo rab tu dbul bar bya/ /khams gsum dag tu byung ba yi/ /lha dang lha min chung ma yang / /skad cig tsam gyis 'dod spyod na/ /mi yi bud med smos ci dgos/ /dkyil 'khor dang ni dbang bskur dang / /las mchog gi ni tshogs rnams dag /nyams su
152b4 len cing byin rlob pa//grub pa'i bgrod pa gzhan yin no/ /b+ha ga'i dkyil 'khor zhes grags dang / /byang chub sems kyi dkyil 'khor dang / /lus kyi dkyil 'khor zhes bshad pa/ /gsum po dkyil 'khor yin par gsungs/ /phung po skye mched khams
152b5 rnams ni//sangs rgyas thams cad rgyas btab pa'o/ /des ni rtag par rgya dgod pa/ /dkyil 'khor zhes ni bstan pa yin/ /lcags kyu dbyig to rtse gsum dang / /ral gri mtshams su rnam par dgod/ /'dod rgyal dbyig sngon stobs mi g.yo/ /steng du
152b6 'khor lo 'og gnod mdzes//rig rgyal rdo rje can rnams kyi/ /'khor los sgyur ba drug gi rgya/ /sa la sogs pa sems dpa' yi/ /phyag rgya rang gi dkyil 'khor ba/ /me long pi wang dung dang ni/ /de bzhin snod dang sna tshogs ras/ /chos 'byung ba yi
152b7 phyag rgya drug /rdo rje'i bdag po rdo rje can/ /sangs rgyas byang chub sems dpa' dang / /khro rgyal rnams kyis rgyas gdab bo/ /de nas gzhan yang dpa' bo gcig /rigs ni kha dog dag gis brtag /lha mo dgu dang nam mkha'i khams/ /me tog ces ni
153a1 bshad pa yin//sku gsung thugs kyi dbye ba yis/ /rigs kyi rim gyis dgod par bya/ /mchod rten sangs rgyas thams cad kyi/ /bzhugs gnas pho brang yin par bshad/ /ye shes sems dpas gang reg pa/ /ye shes 'khor lo zhes
153a2 bshad do//mi 'gyur rdo rje gsum yi ge/ /sa bon yi ge gnas zhes bshad/ /sku gsung thugs kyi de nyid ni/ /sad par byas pas bskul bar bshad/ /phyogs bcu'i 'jig rten khams rnams su/ /'od zer 'gyed pa gtong ba'o/ /rdo rje can
153a3 kun spyan 'dren pas//rdo rje can kun spyan drang ba'o/ /rdo rje can gyi gnas de yi/ /'od zer gyis ni rdo rje kun/ /bsdus nas gong bu'i tshul gyis su/ /bcings pa bcing ba yin par bshad/ /sku gsung thugs kyi rdo rje yis/ /sku gsung thugs kyi dkyil
153a4 'khor du//sku gsung thugs ni rgyas btab ste/ /ri mo'i dkyil 'khor brtag par bya/ /dbang bskur dbye ba rnam gsum du/ /rgyud 'di la ni rab tu brtag /bum pa'i dbang bskur dang po ste/ /gnyis pa gsang ba'i dbang bskur ba/ /shes rab ye shes gsum pa ste/
153a5 bzhi pa de yang de bzhin no/ /mig yangs sngags kyi snod du rung / /me tog bcas shing sa bon byung / /blangs nas gsang ba'i dbang bskur ba/ /sngags pas slob ma dag la sbyin/ /nam mkha'i dbyings kyi dbus gnas par/ /dri chu rkang dang yang dag ldan/ /rdo rje pad+ma'i
153a6 sbyor ba yis//rdo rje can kun yang dag bsdu/ /sku gsung thugs kyi rdo rje yis/ /de dag thams cad snying gang bsdu/ /rdo rje'i lam nas byung nas su/ /slob ma'i khar ni dbab par bya/ /'di ni gsang sngags de kun gyi/ /dbang bskur ba yi go 'phang mchog /las
153a7 mchog gi ni tshogs rnams dang //gsang sngags thams cad 'grub par 'gyur/ /mchog tu dad cing shes rab che/ /gzugs bzang sgrub pa po la dga'/ /sbyor ba gcig gis bya ba goms/ /dam tshig dag gi dam tshig can/ /bla ma la ni slob ma yis/ /yon rnams
153b1 rab tu phul nas ni//bla mas de ni byin brlabs te/ /sgrub pa po la sbyin par bya/ /rmongs pas gti mug bdag nyid sbyor/ /gti mug dga' dang yang dag ldan/ /gti mug rgyun gyis dbang bskur na/ /gti mug rdo rjer bdag nyid 'gyur/ /zhe sdang sdang ba'i bdag nyid
153b2 sbyor//zhe sdang dga' dang yang dag ldan/ /zhe sdang rgyun gyis dbang bskur na/ /zhe sdang rdo rjer bdag nyid 'gyur/ /chags pas 'dod chags bdag nyid sbyor/ /'dod chags dga' dang yang dag ldan/ /'dod chags rgyun gyis dbang bskur na/ /'dod chags rdo rjer
153b3 bdag nyid 'gyur//shes rab ye shes bdag nyid sbyor/ /rdo rje dga' ba yang dag ldan/ /ye shes rgyun gyis dbang bskur na/ /shes rab ye shes bdag nyid 'gyur/ /rig pa'i lha mo de nyid ni/ /rdo rje can gyi slob mas blang / /lag par lag pa bzhag nas ni/ /
153b4 de bzhin gshegs rnams dbang byas la/ /slob ma'i mgo bor lag bzhag ste/ /bla ma rdo rje can gyis bsgo/ /thabs gzhan gyis ni 'tshang mi rgya/ /de bas rig pa 'di mchog yin/ /chos kun gnyis su med pa la/ /dngos po gnyis su btags pa yin/ /de bas
153b5 'khor ba rnam bral bar//rtag tu khyod kyis mi bya'o/ /'di ni sangs rgyas thams cad kyi/ /rig pa'i brtul zhugs bla med pa'o/ /rmongs pa gang zhig 'das gyur na/ /de yi dngos grub mchog mi 'gyur/ /tha mal lus kyi chos la ni/ /dri ma lnga rnams snang ba
153b6 ni//ye shes lnga yis byin brlabs pas/ /bdud rtsi lnga zhes bya bar bshad/ /sbar dang de bzhin sreg pa dang / /snang bar byed dang gzugs snang ba/ /sngags kyi lus su rab sbyor bas/ /bdud rtsi lnga ni bza' bar bya/ /rdo rje hU~M las byung ba ni/ /bar snang la
153b7 gnas bsam par bya//AHlas byung ba'i pad+ma ni/ /de yi 'og tu bsgom par bya/ /oM gyis mtshan pa'i bdud rtsi ni/ /de yi dbus su gzhag par bya/ /rdo rje'i pad+ma mnyam sbyor ba/ /'bar bas rnal 'byor tshim par bya/ /shel dang mtshungs par snang gyur
154a1 cing //ye shes nyi ma gnyis par gyur/ /phyogs bcu'i 'jig rten khams rnams kyi/ /mtshon cha mchog gis drangs nas ni/ /bdud rtsi de ru phab nas kyang / /bza' ba'i sbyor bas bza' bar bya/ /bsgrub bya'i dngos grub cho ga yis/ /de bzhin dpa'
154a2 bo lnga rnams bza'//yig gsum sa bon las bskyed bya/ /gzhan du de ni 'grub mi 'gyur/ /mi snang la sogs dngos grub ni/ /tha mal pa zhes bshad pa yin/ /sangs rgyas nyid bsgrub sangs rgyas kyis/ /dngos grub mchog ces gsungs pa yin/ /thabs
154a3 ni rnam pa bzhi po dag /byang chub rdo rje can gyis gsungs/ /rnal 'byor rgyud ni thams cad du/ /rnal 'byor pa yis rtag par bsngags/ /bsnyen pa'i cho ga dang po ste/ /nye bar sgrub pa gnyis pa yin/ /sgrub pa yang ni gsum pa ste/ /sgrub pa chen po bzhi pa'o/ /
154a4 thun mong mchog gi bye brag gis/ /bsnyen pa rnam pa gnyis su 'gyur/ /rdo rje bzhi po thun mong ste/ /ye shes bdud rtsi mchog yin no/ /dang po stong nyid byang chub ste/ /gnyis pa sa bon bsdu ba yin/ /gsum pa gzugs ni rdzogs pa ste/ /bzhi pa yi ge dgod
154a5 pa'o//rdo rje rnam bzhi 'di dag gis/ /tha mal sgrub la bsnyen pa bya/ /mchog gi ye shes bdud rtsi nyid/ /sbyor ba drug gi bya ba yi/ /bsnyen pa yan lag drug gis ni/ /byas pas sgrub pa mchog tu 'gyur/ /gzhan du bsgrubs par gyur na ni/ /dngos grub mchog
154a6 ni 'byung mi 'gyur//so sor sdud dang bsam gtan dang / /srog rtsol de bzhin 'dzin pa dang / /rjes su dran dang ting 'dzin te/ /sbyor ba'i yan lag drug tu bshad/ /dbang po bcu po rnams kyi yang / /rang gi 'jug gnas thams cad du/ /'dod pa so sor sdud pas na/ /so
154a7 sor sdud pa zhes bshad do//'dod pa lnga ni mdor bsdus nas/ /sangs rgyas lnga ru sbyor ba yis/ /brtag pa bsam gtan zhes bshad de/ /bsam gtan de ni rnam lngar 'gyur/ /rtog dang dpyod dang dga' ba dang / /de bzhin bde ba nyid dang yang / /sems kyi rtse
154b1 gcig nyid dag ste//lnga po der ni bsam gtan bsdu/ /gsang ba'i rgyud ni thams cad du/ /rnam pa du mar yongs bshad pa/ /gsang ba gsum 'byung rtog pa ste/ /de yi longs spyod byed pa'o/ /dga' dang 'dra ba gsum pa ste/ /bde ba bsdus pa bzhi pa'o/ /shes
154b2 dang shes bya byung zad pa'i//rang sems lnga par shes par bya/ /sangs rgyas kun dngos zhi ba ni/ /'dod pa kun la rab tu gnas/ /ye shes lnga yi rang bzhin dbugs/ /'byung ba lnga yi ngo bo nyid/ /gong bu'i gzugs kyi phyung nas ni/ /sna yi rtse mor rab tu brtag /rin chen
154b3 kha dog sna lnga pa//srog dang rtsol ba zhes byar bshad/ /rang sngags snying gar bsams nas ni/ /srog ni thig ler gyur par bzhag /rang dbang rin chen dag pa yin/ /gzung ba 'dzin pa yin par bshad/ /sems ni 'gog pa'i rdo rjer gyur/ /mtshan mar nyer 'dzin 'byung
154b4 bar 'gyur//mtshan ma'i khams ni rnam pa lngar/ /byang chub rdo rjes gsungs pa yin/ /smig rgyu 'dra ba dang po ste/ /du ba lta bu gnyis pa yin/ /mkha' snang 'dra ba gsum pa ste/ /mar me ltar 'bar bzhi pa'o/ /sprin med nam mkha' lta bur ni/ /rtag tu snang
154b5 ba lnga pa'o//brtan gyur rdo rje'i lam nas ni/ /nam mkha'i khams su spro bar bya/ /rjes dran gang zhig rnam bsgom pa/ /de dang 'dra bar spro bar bya/ /rjes su dran pa zhes bshad de/ /so sor snang ba de la skye/ /thabs dang shes rab snyoms 'jug pas/ /dngos po
154b6 thams cad mdor bsdus pa//gong bu'i tshul gyis bsdus nas ni/ /dbus su gzugs ni rnam par bsgom/ /yud kyis ye shes rdzogs byed pa/ /ting nge 'dzin ces bya bar gnas/ /so sor sdud la snyoms 'jug na/ /sngags rnams thams cad byin gyis rlob/ /bsam
154b7 gtan ye shes snyoms 'jug na//mngon shes lnga po 'thob par 'gyur/ /srog dang rtsol bas nges par ni/ /byang chub sems dpa' rnams kyis gzigs/ /rtag tu 'dzin pa'i stobs kyis ni/ /rdo rje sems dpa' yang dag 'byung / /rjes dran mnyam par sbyor ba yis/ /
155a1 'od kyi dkyil 'khor 'byung bar 'gyur/ /ting 'dzin dbang gyur tsam gyis ni/ /sgrib pa rnams dang bral bar 'gyur/ /snying po de ni thugs ka ru/ /zla ba rdo rje'i sbyor bas blta/ /mtshon cha mchog gis drangs nas ni/ /sems ni sngags kyi dngos byas te/ /sngags kyi gzugs
155a2 kyi tshul gyis ni//byang chub tshigs bcad brjod par bya/ /cho ga yang dag sbyor bsgom pas/ /rang gi dkyil 'khor la gnas te/ /sems de ye shes gzugs kyis ni/ /bsgom pa nye bar bsgrub pa'o/ /ji srid mthong ba de srid du/ /rnam gnyis zla ba drug tu bsgom/ /'dod
155a3 pa kun la longs spyod pas//thams cad du ni rtag tu bya/ /gal te zla ba drug gis ni/ /ji skad gsungs pa ma mthong na/ /ji skad bshad pa'i cho ga dang / /sdom pa lan gsum brtsam par bya/ /de ltar byas kyang sgrub pa pos/ /mthong ba 'byung bar ma gyur cing / /gang tshe bya ba ma
155a4 grub na//drag shul sbyor bas bsgrub par bya/ /de tshe de yi ye shes ni/ /'grub pa nges par nye bar 'byung / /rigs kyi dbye ba'i sbyor bas ni/ /rdo rje phur bus phur bu gdab/ /de nas dbang du bya ba dang / /srung ba'i sbyor ba dag kyang bya/ /'dod chags chen po'i tshul nyid kyis/ /ye
155a5 shes 'khor lo can rnams bsdu//lha mo dgu ni spros nas su/ /bsgrub par bya ba'i lus la dgod/ /yongs su gyur las phyag rgya bzhi/ /dkyil 'khor der ni brtag par bya/ /bdag nyid dbus su gnas byas la/ /'khor lo can kun bsdu bar bya/ /thams cad rdo rje'i dngos
155a6 byas la//de 'og byang chub bsgom par bya/ /bskul ba'i glu dbyangs bzhi yis ni/ /lha mos snying po bskul ba yis/ /dus gsum rdo rje'i rang bzhin sems/ /ye shes lta bur lus sgom mo/ /dregs pas kha dog rnam par dbye/ /de bzhin nyams kyi snying po ste/ /dbang bskur bas ni rang gi rgyu/ /
155a7 gzhi yis 'bras bu phye ba yin/ /sngags kyis chos ni byed 'gyur la/ /rig pa'ang chos kyi phyag rgyas so/ /'khor los sgyur ba'i rgyal po drug /gtsug tor zhes ni rnam par grags/ /rdzu 'phrul chen pos longs spyod bzhi/ /rig pa'i rgyal mo zhes byar grags/ /de bzhin rdo rje'i bdag po
155b1 rnams//'dod pa thams cad ces byar bshad/ /bsam gtan rdo rje thams cad la/ /dbang bskur ba ni rab tu bsngags/ /cho ga'i sbyor ba 'di yis ni/ /ye shes lus dang lhan cig tu/ /sku gsung thugs kyi rdo rje yis/ /gnyis su med par byed sgrub pa/ /sngar bshad pa yi rim gyis ni/ /rig pa'i
155b2 skyes bu rdo rje can//bdag dang 'dra bar dkyil 'khor bskyed/ /sgrub pa chen po zhes bshad do/ /bsnyen pa'i dus su gtsug tor che/ /sbyor ba nyid kyis gzugs su dmigs/ /nye bar sgrub pa'i dus su ni/ /bdud rtsi 'khyil pa'i gzugs kyi bar/ /sngags pa cho ga shes pa yis/ /sgrub pa rang lha'i
155b3 sbyor bas bya//sgrub pa chen po'i dus su ni/ /gtso bo sangs rgyas bdag po'i sku/ /'di ni rdo rje can kun dang / /rnal 'byor mchog gi gsang ba che/ /de lta'i rnam phyes shes byas nas/ /dngos grub mchog ni bsgrub par bya/ /gzhan du bskal pa bye bas ni/ /sangs rgyas skyob pa rnams kyis
155b4 kyang //dngos grub mchog ni zhi ba dag /nges par 'byung bar mi 'gyur ro/ /bsgrub bya bsgrub par yang dag sbyor/ /gang yin de ni bsnyen par bshad/ /rdo rje pad+ma mnyam sbyor ba/ /nye bar sgrub pa zhes bshad do/ /yi ge hU~M dang phaT ldan pa/ /bskyed pa sgrub pa zhes bshad pa/ /ngo bo nyid ni zhi bde ba/ /
155b5 sgrub pa chen po zhes bshad do/ /dpal ldan sangs rgyas kun gyi bdag /rdo rje 'chang ba chen po'i gnas/ /sangs rgyas kun gyi thabs las byung / /de nyid chos rnams chos nyid do/ /las dang rjes mthun gang gang gis/ /rnal 'byor pa yis sbyor ba dmigs/ /dkyil 'khor de dang de
155b6 bskyed nas//dam tshig mi zad bsgom par bya/ /sku gsung thugs kyi rdo rje yi/ /dam tshig dang po bsrung bar bya/ /de nas gtsug tor dam tshig ni/ /cho ga ji skad gsungs las byung / /las dang gang gang rjes mthun pas/ /rang gi 'khor la bka' yang bsgo/ /bsgrub bya'i lus gang
155b7 yin pa la'ang //dkyil 'khor rnam par bsgoms nas su/ /de yi lus gnas 'khor lo la/ /de yi nyes pa bsgrag par bya/ /de nas de rnams des bcom nas/ /byung bar gyur pa rnam par bsgom/ /dngos po kun gyis rnam bsgoms nas/ /dngos po kun gyis drangs nas ni/ /
156a1 de ni rang gi 'khor lor gzhug /ji skad gsungs pa'i rdzas rnams kyis/ /de yi gzugs brnyan byas nas ni/ /khro bas khyab pa'i sems kyis ni/ /rkang pas mtshan ma mnan par bya/ /de nas bka' mnos khro bo ni/ /sna tshogs tshogs kyis bskor ba rnams/ /sgrub pa rdo rje
156a2 can gyis ni//bsgrub bya gsang phyir gtang bar bya/ /khro bo'i rgyal po des bskor nas/ /de ni bcing zhing brdeg pa dang / /de nas gdungs shing skrag gyur pa/ /sgrub pa pos ni dgug par bya/ /rdo rje gsum gyi sngags kyis ni/ /de yi gzugs brnyan la phab nas/ /sngags pas rdo rje
156a3 dag gis ni//spyi bo mgrin pa snying ga ru/ /phur bu'i sngags kyis phur bu gdab/ /yams dang nye bar 'tshe ba kun/ /sna tshogs yul las byung ba rnams/ /gzugs de la ni phab nas su/ /de rnams kyis ni phur bus gdab/ /de nas sbyor ba thams cad kyis/ /cho ga ji skad gsungs pa
156a4 bzhin//'khrul 'khor sngags kyi sbyor la sogs/ /las kyi dbye bas sbyar bar bya/ /mtshan ma mnan nas bzlas pa'am/ /khro bo'i dkyil 'khor sbyin sreg gam/ /bsgom pas gdug pa'i sems can ni/ /zos par gyur par rab tu brtag /zhi la zhi ba'i sems kyis bya/ /rgyas la
156a5 dga' ba'i yid kyis te//dbang la chags pa'i yid du bya/ /khro la gtum pas rab tu bsgrub/ /ces pa'o/ /de nas bcom ldan 'das de bzhin gshegs pa de dag thams cad kyis byang chub sems dpa' sems dpa' chen po de rnams kyi the tshom thams cad bcad par mdzad nas/ the tshom thams
156a6 cad gcod par mdzad pa sku dang gsung dang thugs rdo rje rang gi sku dang gsung dang thugs rdo rje la zhugs te/rang gi sku dang gsung dang thugs kyis dmigs nas cang mi gsung bar bzhugs par gyur te/ /de nas byang chub sems dpa' sems dpa' chen po de dag thams cad kyis de bzhin gshegs pa
156a7 de dag thams cad la bstod pa'i rgyal po 'dis bstod do//thams cad sku khyod phyag 'tshal lo/ /thams cad gsung la phyag 'tshal 'dud/ /thams cad thugs khyod phyag 'tshal lo/ /thams cad mdzad la phyag 'tshal 'dud/ /sku gsung thugs ni rdo rje yi/ /sku gsung thugs ni
156b1 thob 'gyur bas//sems can sangs rgyas mi mnyam mnyam/ /bsgrub bya su yin sgrub po gang / /sgrub pa'i dbang po bdag nyid che/ /sangs rgyas thams cad gsod pa yis/ /ji ltar sdig pas gos mi 'gyur/ /gal te gos 'gyur 'bras bu gang / /de nas de bzhin gshegs pa de
156b2 dag thams cad kyis byang chub sems dpa' sems dpa' chen po de rnams la legs so legs so zhes bya ba byin te/sems dpa' chen po legs so legs/ /bdag nyid chen po legs so legs/ /gsung dbyangs chen po legs so legs/ /mchod pa chen po legs so legs/ /slob dpon
156b3 byang chub rdo rje can//dpal ldan sangs rgyas kun gyi bdag /dngos rnams thams cad sgyu ma bzhin/ /skyed dang sdud par mdzad pa po/ /des na de yi sdig mi 'gyur/ /bsod nams dag kyang de bzhin no/ /gang la sdig dang bsod nams med/ /de ni byang chub yin par gsungs/ /mgon po de
156b4 yi slu ba yis//lus can thams cad 'jig mdzad cing / /ngan 'gror skye bar mi 'gyur zhing / /byang chub kyang ni rnyed mi dka'/ /sngon ni mi bzad las byas pas/ /gal te dmyal ba rnams su ni/ /skye bo skye 'gyur de rnams kyi/ /dmyal ba rnams kyi 'bras bu che/ /byang chub rdo rjes bsgrub
156b5 bya 'di//ye shes kyis ni rgyas btab pas/ /sems can rnams la sbyor ba des/ /mchog tu phan btags shes par bya/ /tshar gcod pa dang rjes bzung las/ /bdag nyid chen po de yis bya/ /sgrub pa chen po'i mthar thug par/ /byas nas las rnams brtsam par bya/ /de nas byang chub sems
156b6 dpa' sems dpa' chen po de rnams rdo rje can thams cad kyi thugs rje chen po'i tshul gyis chos thos pas dga' zhing rab tu dga' la mgu ba'i yid kyis legs so zhes bya ba gsol te/mgon po chen po legs so legs/ /thub pa chen po legs so legs/ /chos rnams chen po legs so legs/ /thugs
156b7 rje chen po legs so legs//e ma'o kun du bzang po yi/ /thugs rje chen po dri ma med/ /gdug pa'i mi bzad las kyis kyang / /sangs rgyas nyid kyi 'bras bu stsol/ /de nas de bzhin gshegs pa de dag thams cad kyis byang chub sems dpa' sems dpa' chen po de rnams la 'di skad
157a1 ces bka' stsal to//rigs kyi bu de lta bas na de bzhin gshegs pa thams cad kyis dbang bskur ba'i gsang ba 'dus par dbang bskur ba'i sngags pas 'jigs par mi bya zhing / skrag par mi bya/ dngang bar mi bya'o/ /de ci'i phyir zhe na/ /byang chub rdo rje las
157a2 byung ba//zhe sdang rdo rje che la sogs/ /sngags kyi rgyun ni bsdus pa dag /yongs su spang bar mi bya'o/ /de nas byang chub sems dpa' sems dpa' chen po de dag thams cad kyis/ de bzhin gshegs pa de dag thams cad la mgrin gcig tu tshigs su bcad pa 'dis
157a3 mngon par bstod do//dus gsum rdo rje'i thugs yin srid dang thar gyur gang / /zhi zhing sgrib med nam mkha' dag pa'i ngo bo nyid/ /sangs rgyas rnam rgyas byang chub dbang phyug rdo rje can/ /de la lus ngag yid kyis rtag tu phyag 'tshal lo/ /gang zhig gzugs
157a4 dang tshor ba 'du shes 'du byed dang //rnam par shes dang skye mched drug dang dbang po drug /sa chu me dang rlung dang nam mkha' thams cad ni/ /byang chub sems 'dra rgya chen de la phyag 'tshal lo/ /gti mug nyes pa 'dod chags rdo rje chos bcas gang / /
157a5 rig pa'i sbyor ba las byung rtag tu rab 'brel bar/ /rnam pa sna tshogs dga' bas myos pa'i dngos gyur ba/ /byang chub sems 'dra rgya chen de la phyag 'tshal lo/ /spro dang dga' dang rnam pa de bzhin mi 'gyur dang / /rgyu dang 'bras bu'i rang bzhin sems
157a6 su rjes gtogs chos//rmongs dang zhe sdang 'dod chags sgrib pa rdo rje ste/ /byang chub sems 'dra rgya chen de la phyag 'tshal lo/ /gang zhig thog med dngos po rnam dag 'di sgom pa/ /thabs dang shes rab las byung spros dang rnam par bral/ /
157a7 gsang ba'i dbang bskur brtul zhugs dam tshig sbyor ba brtag /byang chub rdo rje 'drar blta de la rtag phyag 'tshal/ /gang zhig dngos grub mchog gi thabs ni 'di sgom zhing / /bsnyen pa'i cho ga nye bar sgrub dang sgrub pa dang / /sgrub pa chen pos blo mi 'gyur
157b1 ba'i sgrub dbang po//byang chub rdo rje 'drar blta de la rtag phyag 'tshal/ /gang zhig thun bzhi'i rdo rje dag ni sgrub byed pa/ /mi snang la sogs sna tshogs mchog dang dman grub cing / /bla ma'i drin gyis 'di na ma nor lam rtogs pa/ /byang chub rdo rje 'drar blta de la
157b2 rtag phyag 'tshal//gang zhig rab gsang 'dus pa'i rgyud 'di nyan pa dang / /'don par byed dang klog pa dang ni sems pa dang / /mchod par byed pa dang ni 'dri 'am 'drir 'jug pa/ /byang chub rdo rje 'drar blta de la rtag phyag 'tshal/ /gang du zhi sogs las tshogs shin tu
157b3 brtags pa yis//'khrul 'khor sngags kyi cho ga de bzhin rgyas 'debs pa'i/ /bsgrub bya 'di dang ldan pa'i sgrub pa'i dbang po ni/ /byang chub rdo rje 'drar blta de la rtag phyag 'tshal/ /gang gis gtso bo sgrub pa po mthong reg pa dang / /legs par dran dang ming tsam
157b4 nges par thos pa dang //dad par byed cing phyogs gcig tsam zhig 'dzin pa dag /byang chub rdo rje 'drar blta de la rtag phyag 'tshal/ /bstod pa'i tshig ni zhi ba 'dis/ /'dren pa kun la bstod pa dang / /byang chub sems dpa' mchod chen la/ /mgon po de dag rjes yi rang / /'dus pa gsang ba
157b5 las byung ba//de bzhin gshegs pa kun gyi gsang / /rgyud kun bdag po'i dbang po yis/ /rgyud 'di legs par gsungs pa yin/ /de nas de bzhin gshegs pa de dag thams cad dang / byang chub sems dpa' de dag thams cad kyis de skad ces gsungs nas nyid kyi sku dang gsung dang thugs rdo rje
157b6 la bzhugs te/sku dang gsung dang thugs rdo rje'i sku dang gsung dang thugs rang gi sku dang gsung dang thugs rdo rje la dmigs te cang mi gsung bar gyur to/ /de bzhin gshegs pa thams cad kyi sku dang gsung dang thugs kyi gsang ba chen po gsang ba 'dus pa las gsang ba thams cad ston pa rdo rje'i ye
157b7 shes kyis byin gyis rlob pa zhes bya ba'i le'u ste brgyad pa rdzogs // //rgya gar gyi mkhan po A tsAr+ya shrad d+hA ka ra war+m+ma dang / zhu chen gyi lo tsA ba dge slong rin chen bzang pos bsgyur cing bcos te gtan la phab pa// //
CLOSE WINDOW