CLOSE WINDOW

D4411
བོད་ཡིག

/rgya gar kyi mkhan po dzi na mi tra dang / zhu chen gyi lo tsA ba ban+de ye shes sdes bsgyur cing zhus te gtan la phab pa//[ ]@##/ /rgya gar skad du/ /mang+ga la gA thA/ /bod skad du/ bkra shis kyi tshigs su bcad pa/ /dkon mchog gsum la phyag 'tshal lo//rmi ngan 'jigs dang sdig pa thams cad 'jig byed pa/ /tshe dang 'byor dang stobs dang bde ba rnam 'phel byed/ /khyed kyi bkra shis thams cad sgrub par byed 'di dag /rab tu brjod kyis de phyir mi rnams bsgrims te nyon/ /sangs rgyas pad+ma rgyas pa'i 'dab 'dra'i spyan mnga' ba//gser gyi mdog can 'gro ba'i rtsa lag gcig pu dang / /chos dang dge 'dun lha dang lha min gyis bstod pa/ /bkra shis rnam par 'phel phyir rtag tu dran par byed/ /bdud stobs rab tu 'joms pa'i bkra shis gang yin pa/ /rnam snang mdzad dang thams cad skyob dang rnam par gzigs//kun du mchog sbyin rgyas par 'gyur ba gzi brjid mchog /bkra shis rnam par spel phyir rtag tu dran par byed/ /pad+ma spyan dang shAkya thub chen dang / /ye shes dbang phyug spyan legs pa dang zla zhal dang / /'brug gi sgra dang rnga sgra lta bur dbyangs snyan pa/ /bkra shis rnam par spel phyir rtag tu dran par byed//'od zer rgyal mtshan dang ni gser thub 'od srungs dang / /mar me mdzad pa shin tu brjid par gshegs pa dang / /'dren pa gtsug tor can dang 'od tog dpag med 'od/ /bkra shis rnam par spel phyir rtag tu dran par byed/ /pad+ma mdzes dang ye shes stobs dang zla 'od dang //nyi ma'i zhal dang dgra las rgyal dang rgyal bltams dang / /yon tan 'byung gnas dpal gyi gzi brjid 'jig rten gtso/ /bkra shis rnam par spel phyir rtag tu dran par byed/ /mi 'khrugs pa ni rdo rje'i gdan la bzhugs pa dang / /'dren pa mchog sbyin rin chen tog tu bcas pa dang //rnam par spel dang lag na rin chen rgyal mtshan mchog /bkra shis rnam par spel phyir rtag tu dran par byed/ /'jig rten dbang phyug rtag tu rgyal dbang gtsug tor can/ /ston zla dri med lta bur zhal ras mdzes pa dang / /nam mkha'i snying po dang ni sa yi snying po dag bkra shis rnam par spel phyir rtag tu dran par byed//'jam dpal gtsug phud shin tu mdzes pas rab brgyan cing / /gzhon nu'i gzugs ni gser mdog 'od dang ldan pa dang / /rtag tu rgyal bar dka' ba lag na rdo rje dpal/ /bkra shis rnam par spel phyir rtag tu dran par byed/ /byams pa shin tu rmad du byung ba'i gzugs mnga' ba/lcang lo'i 'khril mnga' mchod rten gtsug tor gnas pa dang / /kun du bzang dang nor bzang dang ni sgra gcan 'dzin/ /bkra shis rnam par spel phyir rtag tu dran par byed/ /skul byed ma dang sgrol ma khro gnyer 'gro phan dang / /de bzhin shes rab la sogs pha rol phyin drug dang //rma bya dang ni 'phags ma gzhan gyis mi thub bcas/ /bkra shis rnam par spel phyir rtag tu dran par byed/ /gtsug tor las byung gsang sngags rjes 'dzin bcas pa dang / /phyir ldog ma dang bsil ba'i tshal na rgyal las 'khrungs/ /lha mo ri khrod lo ma can dang bcas pa rnams//bkra shis rnam par spel phyir rtag tu dran par byed/ /don yon grub dang stong chen rab tu 'joms pa dang / /grong khyer bA rA Na sI zhes byar grags pa dang / /bad sa'i snying po gcig dang ku sha'i gyad ldan pa/ /bkra shis rnam par spel phyir rtag tu dran par byed/ / rdo rje lcags kyu dang ni gtsug 'phyang 'od po che/ /de bzhin bgegs 'joms 'phags pa bdud rtsi thab sbyor dang / /zla 'od de yang gzhon nu'i gzugs dang ldan pa ni/ /bkra shis rnam par spel phyir rtag tu dran par byed/ /gshin rje gshed po 'jigs kun rab tu 'joms mdzad dang / /pad+ma mthar byed gnod mdzes de bzhin 'khor lo can//gzhal gyis thub dbyug sngon bsnams par mdzad pa dag /bkra shis rnam par spel phyir rtag tu dran par byed/ /'phags pa mi g.yo bgegs rigs rab tu 'joms pa dang / /phun sum tshogs byed rmugs 'dzin u t+pal mdog cad dang / / glang chen ko rlon stag lpags dag gis brgyan gyur pa/ /bkra shis rnam par spel phyir rtag tu dran par byed/ /'phags pa shA ri'i bu dang mo+od gal 'od srungs dang / /nor bu 'dzin dang ma 'gags nye ba 'khor dang bcas/ /rab 'byor dang ni lus 'phags ri bo kun dga' bo/ /bkra shis rnam par spel phyir rtag tu dran par byed//stobs chen 'gegs kyi rigs ni rab tu 'joms pa dang / /'od zer ldan dang cha byed rab tu mdzes pa dang / /dug sel spel gdug rgyags pa rab tu 'jigs byed pa/ /bkra shis rnam par spel phyir rtag tu dran par byed /'phrog ma rna cha rnam pa sna tshogs g.yo 'gul ba/ / bu pho lnga brgya dag gis brgyan par gyur pa dang / /gnod sbyin bdag po lngas rtsen dang ni pad+ma'i mig /bkra shis rnam par spel phyir rtag tu dran par byed /ha la ha la sems can kun la phan mdzad dang / /rin chen sgron mar grags dang nor gyi rgyun mchog dang / /gnod sbyin bdag po rnam thos sras po dpal thob ba//bkra shis rnam par spel phyir rtag tu dran par byed /thams cad sgrol ba sbyin phod dam pa gzi chen dang / /byams pa'i stobs ni gtong ba'i stobs chen ldan pa dang / /sprin gyi mdog dang ldan pa'i bu ni gang yin pa/ /bkra shis rnam par spel phyir rtag tu dran par byed//rab tu dga' ba la sogs sa bcu de dag dang / /dpa' bas byin ba de dang gtsug na nor bu dang / /rgyal po dam pa zas gtsang dang ni ka pi ni/ /bkra shis rnam par spel phyir rtag tu dran par byed/ /lum+bi'i tshal na bung ba mang po 'phur lding dang / /me tog 'bras bu rnam pa sna tshogs rnams kyis brgyan//rma bya dang ni khu byug pho mo sgra 'byin pa/ /bkra shes rnam par sprel phyir rtag tu dran par byed/ /btsun mo sgyu 'phrul dang ni de bzhin go+o ta mi/ /shAkya'i bu mo rdzu 'phrul chen mo grags 'dzin dang / /ne+e rany+dza na bsod nams ldan pa'i 'bab chur bcas/ /bkra shis rnam par spel phyir rtag tu dran par byed//'jig rten dbang phyug pad+ma bung ba khyus lding dang / /'jam dpal u t+pal sngon po yid du 'ong ba dang / /mgon po byams pa yi ni klu shing me tog rnams/ /bkra shis rnam par spel phyir rtag tu dran par byed/ /rnam snang mdzad pa zla 'od lta bu'i 'khor lo dang / / dpal thob rin chen nor bu 'od dang ldan pa dang / /mgon po 'od dpal med pa'i pad+ma dam pa mchog /bkra shis rnam par spel phyir rtag tu dran par byed/ /don yon grub pas legs bsnams ral gri mchog dang ni/ /mi bskyod rdo rje nyid dang gzhan yang ni/ /skyob pa thams cad kyi ni phyag mtshal ma lus pa//bkra shis rnam par spel phyir rtag tu dran par byed/ /yid bzhin nor bu 'dod 'jo'i ba dang bcas pa dang / /dpag bsam kyi ni shing dang bum pa bzang po dang / /rgyal ba kun gyis nges par bsten pa'i byang chub shing / /bkra shis rnam par spel phyir rtag tu dran par byed/ /lam 'jug dus dang nor dang 'bru rnams sdud pa dang //nang par dus sam yang na zhi ba'i las tshe'am/ /dga' ston kun na 'dug dang dgos pa sgrub pa na/ /ming mtshan 'di dag mi yis rab tu bsgrims te gdon/ /rgyal ba dag dang rgyal ba'i sras kyi mtshan ni ma lus pa/ /lha la gus bzhin nyin gcig bzhin du nang par sus brjod pa//de dag sems can dmyal ba'i dogs dang bral zhing bde ba dang / /dpal dang ldan zhing nad kun 'joms la nor dang ldan par 'gyur/ /bkra shis kyi tshigs su bcad pa slob dpon 'phags pa klu sgrub kyis mdzad pa rdzogs so// //rgya gar gyi mkhan po dzi na mi tra dang /