CLOSE WINDOW

D4410
བོད་ཡིག

sangs rgyas thams cad rdzu 'phrul che/ /dgra bcom thams cad zag pa zad/ /bden pa'i tshig 'dis kun du bde legs su gyur cig /rig sngags kyi rgyal mo rma bya chen mo las gsungs pa'i smon lam dang bden tshig rdzogs so//[ ]@##/ /rgya gar skad du/ /mang u0f92 la gA thA/bod skad du/ bkra shis kyi tshigs su bcad pa/ dkon mchog gsum la phyag 'tshal lo/ /phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas ba'i 'dab 'dra'i spyan mnga' ba/ /bkra shis des ni skye dgu zhi byed dang po'o//de yis nye bar bstan pa'i mchog rab mi g.yo ba/ /'jig rten gsum na grags shing lha dang mis mchod pa/ /chis kyi dam pa skye dgu rnams zhi byed pa/ /de ni 'jig rten dge ba'i bkra shis gnyis pa'o/ /dge 'dun dam pa'i chos ldan thos pa'i bkra shis phyug /mi dang lha dang lha ma yin gyis mchod pa'i gnas//tshogs kyi mchog rab ngo tsha shes dang dpal gyi gzhi/ /de ni 'jig rten dge ba'i bkra shis gsum pa'o/ /sems can kun la phan phyir byang chub mnga' ba'o/ /don rnams thams cad 'grub par brtul ba yongs ldan pa/ /tshogs kyi lam gyes thub pa'i bkra shis gang byung ba//bkra shis des ni skye dgu rnams la zhi byed shog/ /'gro la phan phyir de bzhin gshegs pa dga' ldan lha'i/ /gzhal med khang gi snying po nas ni 'dir gshegs te/ /dbang bcas lha yis bskor ba'i bkra shis gang byung ba/ /bkra shis des ni skye dgu rnams la zhi byed shog /lo ma me tog 'od 'bar nyams dga' lum+bi'i tshal/ /lha mang dag gis bsten par mgon po bltams pa na/ /srid pa'i mthar phyin pa yi bkra shis gang byung ba/ /bkra shis des ni skye dgu rnams la zhi byed shog /grong khyer ser skye'i gnas nas rgyal po'i pho brang du//lhums nas bltams pa ston pa bde gshegs zas gtsang sras/ /myur bskrun bdud rtsi'i chus gtor ba yi bkra shis gang / /bkra shis des ni skye dgu rnams la zhi byed shog /grong khyer dam pa ser skye'i gnas zhes bya bar ni/ /rmad du grags pa che ba'i lha yis mngon bston pa bsam yas dge sgrub bsod nams phung po'i bkra shis gang //bkra shis des ni skye dgu rnams la zhi byed shog /dgyes shing nam phyed grong khyer mchog nas mngon byung ste/ /dka' thub tshal du mngon par gshegs shing tshangs la sogs/ /lha yi tshogs kyis yongs su bskor ba'i bkra shis gang //bkra shis des ni skye dgu rnams la zhi byed shog /rab tu 'od 'bar gser dang 'dra ba'i sku mnga' zhing / /be+e DA r+ya ltar sngo ba'i rtswa bting steng bzhugs te/ /skyid mo krung bcas mi g.yo mchog gi bkra shis gang / /bkra shis des ni skye dgu rnams la zhi byed shog /chu bo'i 'gram na tsa sha'i phreng gis yongs bskor ba//shin tu rmad du byung ba'i sred pa sel mdzad pa/ /klu yi rgyal pos phyag byas pa yi bkra shis gang / /bkra shis des ni skye dgu rnams la zhi byed shog /shing rgyal drung gshegs byams pa'i stobs kyis bdud kyi phyogs/ /mang po btul te sa steng dang ni nam mkha' la//bcom ldan bkra shis rnam pa gang byung ba/ /bkra shis des ni skye dgu rnams la zhi byed shog /sdug bsngal mtha' dag gzhig phyir rdo rje'i gdan bzhugs te/ /nams kyi tho rangs bdud bzhi po dag rnam gtul ba/ /ston pa bde bar gshegs pa'i bkra shis gang yin pa//bkra shis des ni skye dgu rnams la zhi byed shog /grong khyer bA rA Na sIr drang srong mchog bzhugs nas/ /chos kyi 'khor lo mchog bstan pa yi bkra shis gang / /lha yul ding 'dir shin tu rmad du byung gyur pa/ /bkra shis des ni skye dgu rnams la zhi byed shog /bkra shis gang zhig phan byed dam pa dag byed pa//bsod nams dag byed 'phags pa'i skye bos mngon bstod pa/ /bcom ldan shAkya thub pa'i seng ges gang gsungs pa/ /bkra shis des ni skye dgu rnams la zhi byed shog /mu stegs byed pa rnams kyis nga rgyal gzhom pa dang / /'gro la bde ba bskyed phyir cho 'phrul dam pa dag /nye bar ston pa rgyal ba'i bkra shis gang yin pa/ /bkra shis des ni skye dgu rnams la zhi byed shog /'gro la phan phyir mtho ris nas ni 'dir gshegs te/ /tshangs pa la sogs lha tshogs lag na rnga yab gdugs/ /sna tshogs thogs pas yongs su bskor ba'i bkra shis gang / /bkra shis des ni skye dgu rnams la zhi byed shog /de bzhin gshegs pa zhi ba mchog tu nyer gshegs pa/ /man+dA ra ba'i me tog mang pos mngon mchod pa/ /lha mchog rnams kyis mngon par stod pa'i bkra shis gang / /bkra shis des ni skye dgu rnams la zhi byed shog /lha dbang klu dang mi yi dbang pos phyag byas pa//mkha' lding gnod sbyin dri zi'i dbang pos mchog gyur pa/ /de bzhin gshegs pa'i stobs bcu ldan pa'i bkra shis gang / /bkra shis des ni skye dgu rnams la zhi byed shog /dkon mchog gsum dang mdzad pa bcu gnyis kyi bkra shis kyi tshigs su bcad pa slob dpon 'phags pa klu sgrub kyis mdzad pa rdzogs so/